عبد الله: (شاف فيها باينة معرفاتوش) دار الحاج محمد هادي ياك نتي لالة زهرة؟
زهرة: اييه انا هي شكون نتا اسيدي
عبد الله: انا خو الحاج
زهرة: (حشمات حيت معرفاتوش ولكن كانت كتسمع بيه وكتسناه يجيو اليوم) مرحبا مرحبا بسي عبدالله سمحلي معرفتكش وخليتك فالباب
عبد الله: الله اودي الالة زهرة الحاج لداخل
زهرة: اه راه لداخل كيتسناك دخل فين هي لمدام لباس عليها جات معاك ولا جيت غير بوحدك
عبد الله: هي مشات ترتاح شوية فالدار وانا من لمطار نيشان لهنا
زهرة: ااه على سلامتكم نهار كبير هدا
عبد الله: الله يسلمك الالة زهرة (دخل للصالة لقا الحاج كيذكر وكيسبح دخل سلم عليه تعانقو وفرحو بجوج من بعد غياب لمدة 3 سنوات) توحشتك اخويا محمد لباس عليك كبقيت من ركابيك
الحاج: الحمد الله اخويا ونتا غبرتي علينا بزاف مزال مبغيت تسالي من ديك ميريكان ودخل فحالك
عبد الله: اوا راك عارف اخويا كاع شغالي تماك
الحاج: صيفطتي الولد لهنا ونتا بقيتي تماك كمل داكشي وجي فحالك منها تبقا فبلادك منها تخدم ولاد عباد الله معاك ودير خير
عبد الله: ان شاء الله اخويا اش خبار دراري الا عيطو
الحاج: (باشتياق كبير) الحمد الله اخويا خايف بعمري يكمل قبل منشوف يونس وعماد
عبد الله: الله يطول فعمرك اخويا متقولش هكا
الحاج: الاعمار بيد الله، فين فاطنة مجاتش ولا عاود مشات نيشان للدار
عبد الله: هههه عرفتي تسمعك قلتي فاطنة طيحنا بعظامها عاود
الحاج :ههه مزالة هكاك
عبد الله: مزال اخويا راك عارف شنو داز عليها مسكينة داكشي باش كنخليها على خاطرها
الحاج: كاااينة وحتى هي صدقات معاك مرة ونص
عبد الله: اوا يصاوب الله اخويا
الحاج: لالة زهرة ديري بحساب خويا ومرتو
عبد الله: بلا منصدعوكم اخويا
الحاج: (خنزر فيه) دار باك هادي ولا نسيتي ارا داك التيليفون نهضر مع فاطنة اودي فاطمة
عبد الله: عارف اخويا نتا للي ربيتني وخيرك عمرني نساه (عطاه التيليفون وهضر مع فاطمة للي كتسمع صوت الحاج كتزعزع واخا مخنتها عبد الله كتر من لقياس الا كتخاف وكتحتارم بزاف الحاج محمد... )
عبد الله: (دخلات زهرة للصالة وجايبة اتاي وكيكة ولحلوى مسمن خلات الطبلة مزوقة منوعة وخرجات خلات لخوت بوحدهم) يونس مزال باغي يبقى عزري وغير ديال راسو؟
الحاج: (كيكب اتاي) هانتا تشوف اخويا حنا منين كنا صغار كنتسناو غير امتى نتزوجو وهو مزال ممسوق يدير شي مرا ولا شي ولاد (مدلو كاس اتاي)
عبد الله: اوا للي كنا ملهوفين عليه فزواج ولا موجود اخويا دابا وللي كان غالي ولا رخيص كتر من بطاطا فالسوق
الحاج: داكشي لهيه اولد ما اما هنا مزال ولاد الناس وبنات الناس باغيين الحلال
عبد الله: والله اخويا وكان تشوف شي مناظر تماك حتى تحشم تهز عينيك ماشاء الله وخلاص
عبد الله: هههه فاطمة بقات مصدومة منو وانا كتر الولد تبدل 180 درجة فييييييين هو عماد للي شوية كان غينسى حتى على دينو ولا بنادم وحد اخر زعما اخويا معندي منسالك برضتيه منين جلس معاك هنا
الحاج: هههه وشكون هاد نساب ولا هاد الطفلة؟ واش كنعرفوهم؟
عبد الله: مبغاش يقول عييت معاه واش من لفاميلا ولا شي معرفة مبغا يقول والو
الحاج: امعندك متعرف ولاد اليوم كيكونو مرصيين عاد يصيفطو العائلة تخطب الله يكمل عليه بالخير عقبال لداك الولد عندي راسو قاسح كتر مني
عبد الله: دابا يجي عندك حتى نتا ويطلبك غير تسنى عليه...
~~~~~~~~~~~~~~~~~~~
...اصبحنا وأصبح الملك لله...
عائشة: (فقت وانا راسي مزلع عيني مقدراش نحلها بكترة شقيقة للي كنحس بيها حسيت بمصاريني كيتقطعو بالجوع ومعدتي كتوزوز جلست رديت شعري اللور كان تشعكك حيت نعست بيه فازك شفت لقيو نعست بلبنوار ديال يونس دلحمام محسيتش براسي امتى نعست غيكون يونس حيح وزاد شخظ بلمزيان كفاش خلاني نعس وهو كان بحال شي ثور كيتسنى غير امتى نبان قدامو باش يصرف فية داك الغضب للي كان جامع فيه واخا كيبغيني بزاف الا عارفة ومتاكدة مغيسامحنيش بسهولة حيت كذبت عليه ودابا غيتسنى مني نعاودلو كولشي بففففففف كفاش نقدر نخوي بختي رقية مبغيتش نعاودلو اسرار ختي ومبغيتش نخسرو ولكن وكان مكانش هو لبارح ونقدني من داك الكلب علم الله شنو كان غيوقعلي وفين غتوصل حريرتي معاه قطع حبل افكاري منين جا داخل يونس...)
يونس: غير ضرباتني لفيقة فقت مخلوع معرفتش علاش قلبي تهز وخفت ندخل لبيت وملقهاش عاود حليت لباب لقيتها جالسة وكضور عينيها عاد تنفست على خاطري لبارح بقيت حتى 6 دصباح عاد نعست وبكترة الشمتة للي تشمت لبارح من داك الكلب بقيت كنحلم غير كنسلخو عصى... سديت لباب وقربت عند عائشة للي كان الخوف كيتسارا فوجهها حتى نطقت) 😬 علاش خبيتي علية
عائشة: (حنيت راسي والبكية خنقاني) خفت عليك
يونس: (باستهزاء) عاودي شنو قلتي يمكن سمعت غلاط
عائشة: (شفت فيه وانا كنبكي) حسابلك ساهلة علية انا براسي كنت كنموت بالخوف كل دقيقة وحيت خفت على مستقبلك وعرفتك مغترحموش قررت نخبع حتى تفوت المهمة للي جيتي على قبلها عاد نقولك
يونس: وو عرفتي شنو كان غيوقعلك لبارح وكان مشفتكش وتبعتكم
عائشة: (حنيت راسي وحركتو باه)
يونس: بغيت نسمع منك شنو كان غيوقعلك
عائشة: (بصوت كيرجف وبشوية وحشمانة) كان يمكن غيغتاصبني
يونس: (كزيت على سناني منين سمعت هاد لكلمة وجمعة قبضت يدي قبل مندير شي كارثة فيها) ونتي شنو كان عاجبك الحال؟
يونس: شنو دارلك داك نهار للي تعرضلك وتنقصي حرف واحد نذبحك
عائشة: (بصوت مخنوق وكيرجف) كنت داخلة للعمارة حيت رقية وعماد خرجو يتغداو وكنت بوحدي وهو يمكن كان تابعني غير دخلت وهو يشدني وبقا كيغوت حيت انا نسيتو فوجهو ومعطيتوش وقت فكل مرة كيبغي يهضر معايا ومنين غوت عليه وبزقت عليه خنقني وبقا كيزدحلي راسي (دارت يدها على راسها) مع الحيط وكان ماشي واحد السيدة بقات كتغوت وكان قتلني.. وووو لمرة التانية كنت راكبة فطموبيلتك ونسيتي شي حاجة مجبتيهاش من الدار غير نتا طلعتي وهو يدخل يدو من السرجم ونتفني محسيت حتى حليت باب الطموبيل وعطيتو لوجهو وعوتاني تعرضلي فالكلية كان بغا يديني صحة ومخليتلوش بالسبان وهربت (قلتها بشوية) وهاد المرة نتا فاش شفتيني (شفتو جاي جيهتي ووقفت) والله ايونس حتى خفت غير عليك (شدني من شعري ومع كنت دوشت وممشطوتش نترلي كاع شعري) هئ هئ كتعدمني (كنحيدلو يدو من شعري)
يونس: (جبدت يدي حيت اعدا حاجة عندي هي نضربها أو نمد يدي عليها) معرفتش حرت فيك حتى كنقول غتقادي وتبرهيش للي فيك ممهنيك (شديتها من وجهها وزيرت على الفك ديالها) شنو كتعتابريني انا؟ شنووو😬
عائشة: (كنبكي وشادة فيديو) كولشي
يونس: (بلغوات) متعاوديش تقولي كولشي
عائشة: هئ هئ والله حتى كولشي ايونس انا غير خفت
يونس: (دفعت وجهها) وكان كنتي كتعتابريني كولشي مغتكدبيش وتخلي حمار يدير فيك هادشي كامل رديتيني ز** خليتي شماتة يقيس فيك كبغى ويهددك ويضربك وانا اخر من يعلم وكنقول الامور مزيان منظغطش عليها يمكن غير شفار المهم خرجات سلمات وانا كل ليلة كنموت بالفقسة باغي نعرف شكون هو هدا للي تجرا وقاسك (غير كنبغي نهد عليها كتخبع وجهها وتغوت بلبكى ونرجع) 😡 غتحمقييييني بهاد لخرا ديالك
عائشة: (بصوت مخنوق) غير خفت عليك
يونس: 😡 تخافي علية انا زبيدة!! ماشي شغلك الالة غير قوليلي وانا نتفاهم معاه بطريقتي ميات مرة كنقولك سوق رجال بعدي عليه نتي غير شيري بيدك ونساي متخليهش يقيسك الكلبة برهووووووشة وغتبقاي ديما برهوشة
عائشة: (شفت فيه) برهوشة حيت فكرت فيك قبل منفكر فراسي؟؟
عائشة: (شفت فيه ودموع معمرين عيني كنكره سميت برهوشة) اه برهوشة حيت فكرت فيك قبل مكنفكر فراسي
يونس: (تجنن وكيدير حركات بيديه حدا وجهها بحال باغي يشدها يقتلها ولكن يديه مربطين) الالة متفكريش فية غير متخليش شي واحد يقيسك دابا عجبك الحال منين كان معنقك لبارح وانا عارف دماغ داك الكلب مزيان قولي شنو دارلك اخر ولا والله حتى نقتلك
عائشة: هئ هئ من غير هادشي للي عاودت ليك والله مقاسني اصلا منين كيشوفني وهو كيضربني حيت كنقولو يونس حسن منك
عائشة: (شفتو جعر عاود نضت عندو عنقتو فاللول دفعني واخا هكاك رجعت عندو وشديت فيه مزيان بقا واقف ولكن صدرو كيطلع ويهبط وقلبو غيطير من بلاصتو بكترة مكيضرب ونفسو بحال الريح بقيت غارسة راسي فصدرو ونسيت راسي انني غير بلبنوار دلحنام وملابسة من تحتو والو كان هدفي غير يتهدن حيت كان صاعر بزااف مقلت حتى كلمة كتفيت غير معنقاه وهو واقف شامخ لا حركة حتى هزيت يدو غير بشوية ودرتها مور ظهري باش تكمل التعنيقة بقينا مدة هكاك حتى حسيت بيه بدا يتكالما شوية حيدت يدي بشوية باش نبعد عليه وهو يزدحني على صدرو ورجعت للوضعية للي كنت فيها وهو زاد عنقني كتر وحط ذقنو فوق شعري) مزال مهداك الله اعيشة تعاوديلي الحقيقة بلا لف ودوران وزواق بغيت غير الحقيقة
عائشة: (غمضت عيني وتنهدت) غنقولك كولشي اليوم
يونس: (هزيت وجهها وشفت فعينيها ) كولشي ولا غتختارعي شي قصة جديدة عاود
عائشة: يونس انا والله مكدبت عليك منين قلتلك فين تلاقيت فهد (شفتو كز على سنانو منين قلت سميتو ورجعت قلت) زعما داك الكلب حاجة وحدة فين كدبت وكنت باغا نخبع هو ختي رقية كانت مع سامي الاستاذ للي بسبابو جراو علينا من الكلية واخا كنا من الاوائل
يونس: (شفت فيها باستغراب وجلستها فطرف النموسية وجلست انا مقابل معاها جبدت كارو وبقيت كنكمي وانا كنتصنط ليها)
عائشة: مهم هو رسم على رقية الحب والاهتمام فاللول وانا مكنتش مرتاحة ليه حيت كيدير شي حركات فشكل كيخليو الواحد يشك نبهتها وبدات حتى هي تاخد لطونسيون منو ووقبل كنت ديما كنخرج معاهم حتى عرض علينا نمشيو لافران وكما عاودتلك كولشي من داك نهار منين فهمنا غراضو هداك مبين حتى نية ولكن باين مخططين ليها بجوج حنا مبغيناش نجلسو ويمكن حسو بالشمتة منين كان رفض قاطع ومن تماك رفية مبقاتش كتجاوبو فالتيليفون حتى واحد نهار دخلنا نقراو وهو يشدها فوسط القسم منين خرجو الطلاب قالها نتزوجو ولكن سر حتى تكمل قرايتها ويعلنو زواجهم وبطبيعة الحال رفضات وهو معجبوش الحال ترفضو رقية حيت كان كاع لبنات كيتبعوه الا هي للي عاطياه نخال.. ناض دار شي تصاور درقية كان مصورهم بتخبية دارلهم فوتوشوب وبقا كيهددها بيهم منين منيط والو ومنفعش تهديدو جا تهجم علينا للدار ولكن مالقاناش ساهلين عطيناه علاش كيقلب وكتفناه حتى جا عمي على غفلة ولقا هداك مكتف مفهم والو بقا كيغوت عليه وعلينا حنا فهمناه وخرج بغا يجيبلو لبوليس وداك الاستاد الله يلكيها ليه كحلة زحلة بقا كيرغب عمي وكيقولو حتى بناتك غيتشوهو وطلقو مشا والغد ليه نتاقم منا ولد لحرام ونشر تصاور رقية للي داير ليهم فوتوشوب فلفايس ديالو للي كان عند الطلاب كاملين تقريبا اوا وصل داكشي لادارة الكلية وطردونا..
يونس: متاكدة تصاور فوتوشوب ولا عاود مطلعاها علية
عائشة: والله حتى فوتوشوب وعلاش غنكذب وزايدون نتا عارف رقية ماشي شي وحدة مسخة للي غتمشي دير معاه شي حاجة (كنعوج سيفتي)
يونس: (طفيت لكارو) متقولينيش شي حاجة مخرجاتش من فمي
عائشة: مهم انا مكنكذبش
يونس: (شفت فيها زعما بنيتك)
عائشة: وعما هاد المرة والله مكنكذب وانا شحال باغا نعاودلك الحقيقة ولكن حيت هادشي كيهم رقية مبغيتش نعاود حيت خفتك تمشي تقولها لعماد
يونس: وحتى عماد معارفش هادشي
عائشة: نتا عارف عقل عماد وكفاش كيفكر ايونس
يونس: ومال عقلو زويين واي راجل كيفكر بحالو ولا بغيتيه يكون كيليميني ديوثي وعندو هادشي عادي
عائشة: انا مقلتش يكون كيليميني غير حتى واحد ممنحقو يلوم رقية حيت براسها غير تظلمات من داك الاستاذ
يونس: (جلست تنهدت ودرت يدي بين عيني ووليت هزيت عيني فيها) جمعي راسك وهبطي داك لبينوار على فخاضك
عائشة: احم احم (هبطتو حتى نزل تحت الركبة وزيرتو على صدري) رآه كيزلق
يونس: اوا لالة متخليهش يزلق ممعاكش زبيدة فلبيت
عائشة: لا رد
يونس: عيشة واش نتي ديما غتبقاي هاكا؟
عائشة: (مشيت جلست حداه) كفاش هاكا زعما واش غنبقى كنبغيك كتر من راسي وكنخاف عليك كتر مكنخاف على راسي؟؟ الا قصدتي هاكا، اه هاكا غنبقى وكل مرة غنزيد نبغيك
يونس: كنهضر على الاسرار للي مكتسالاش وبلا متعرضي علية دوك الافلام الي خرجو عليك
عائشة: احم يونس مبقى حتى سر عندي كولشي عاودتو ليك
يونس: هاكا قلتي حتى ديك لمرات
عائشة: (بتنهيدة حركت راسي بلا) عمرني نعاود نكذب عليك ولا نخبي شي حاجة كما كانت والله غير تيق بية
يونس: واش ستوعبتي شنو كان غيوقعلك وكان مشفتكش كتخيلي ولا لا واش مكتحسيش بيا
عائشة: (طاحو جوج دمعات مني. مسحتهم بكف يدي) عارفة وهادشي مناش كنت كنخاف ولكن فهمني حتى نتا قلت نتا هما خدام ومبغيتش نجبد ليك المشاكل فالخدمة ديالك
يونس: يا جدك نتي عندي اهم من شي خدمة ولا زبل واش مبغيتيش تفهميها الهبيلة مزال معرفتي قيمتك عندي
عائشة: (بابتسامة ساحرة) يخليك ليلي احويناتي
يونس: شنو هي؟؟
عائشة: (بدلع) والو والو
يونس: (متهنات حتى خلاتني مبتاسم جمعتها وشفت فيها بجدية) وياااك ثم ويااك وهدا ااخر اخر انذار عندك اعيشة ومحد عاطيك وقت الا باقا مخبعة شي حاجة قوليها من دابا حيت بالرب منعاود نعرفك مرة اخرى
يونس: (شديت دوك لحوايج وانا كارههم بيهم داك الكلب مد يدو عليها ومزال زايدة لبساهم) خرجي تفطري على منجي (خرجت وسديت لباب عليها بالساروت هزيت دوك شراوط درتهم فبلاستيكة ونزلت حطيتهم فكوفر طموبيلتي وفطريق للي ماشي فيها لدار لبنات لحتهم فاقرب زبالة دخلت للدار مشيت نيشان لبيتها قلبت فبلاكار دحوايجها هزيت ليها لبيسة قلبت فالملابس الداخلية بقيت كنخرب فيهم عجبوني وتخيلتها بيهم كاملين فاااك ماشي وقت هاد تخربيق هزيت الحوايج وديتهم لعندها دخلت مبانتليش فالبيت شفت فلبلاطو لقيتها لحساتو عرفتها كانت جعانة بزاف) عويشة
عائشة: انا فالدوش
يونس: انا حطيت ليك لحوايج هنا لبسي وخرجي(خرجت للصالة بقيت جالس حتى جاني مساج من عند عماد كيسول واش يطلع عندي قلتلو غير اجي طلع فلبلاصة عندي حيت كان ياله جاي من لخدمة) ا فين اسي طبيب
عماد؛ (كيتفوه) هانا عاد جيت من لخدمة كبقات عويشة
يونس: مزيان (غمزو زعما شنو خبار الكلب)
عماد: هداك الكلب مزال مفاق شبعت على مو ضحك راه ملوي فلفاصمة بحال شي مومياء كلا سلخة ميكلهاش الكلب وعاد وكان ماشي عيشة للي سخفات وكان راه مدفون فشي جايحة
عماد: انا معاك فاي حاجة درتيها وشاهد هه وحتى ممدوح كارهو
يونس: (بابتسامة) عارف اخاي
عماد: حقا للواليد راه فالمغرب هو والواليدة
يونس: قالهالي الواليد
عماد: قتلتو غير نهبط للمغرب غنتزوج
يونس: مزيان اسيدي وقلتيلو بشكون؟
عماد: لا مزال قلت حتى نقولها لباك نتا ويقولها للحاج احمد ونشوف الدوسي واش يتقبل ولا لا
يونس: ههه راك مقبوول غير توكل على الله
عماد: ههه ان شاء الله نخليك نمشي نعس دوزت ليلة مكفسة لبارح مع داك المكبوت كنت كنتسناه غير يدوز لفهد ساعة عند مو زهر
يونس: هههه كان غيهنينا منو ياله سير نتا نعس شي ساعتاين باش نخرجو نتغداو جميع
عماد: اوكي...
عزيزة: بنتي عيشة الا مصونيتش عليكم متصونيوش دابا تكبرو تزوجو وتولدو وينساوكم وديك الساعة تجربو هادشي للي كديرو فية
عائشة: والله اماما الا من الامتحان للدار نعسنا بزااف و مع شحال وحنا كنبرباريو عيييينا بزاف
عزيزة: معليش كدوزتو كولشي مزيان؟
عائشة: الحمد الله اماما نهار الاثنين يعلقو لينا ان شاء الله
عزيزة: وفوقاش تجيو؟
عائشة: شي شهر غير على مندوزو سطاج فالشركة للي هنا فالمانيا
عزيزة: غنقطعكم من جنابي ابنتي توحشتكم بزاف
عائشة: حتى حنا اماما والله مبقا والو ونجيو ان شاء الله شنو خبار ادومة وعمي؟
عزيزة: لباس الحمد الله فين رقوش
عائشة: راها كتخشي فوجهها (ضرت كنشوف رقية كتاكل وهي تجي عيني فيونس للي لقيتو مفيكسي عينو فية ويدو كلتلعب بلحيتو معرفتش ديك الشوفة للي بورشاتني واخا شفت فيه مزولش عينو حتى بقيت كندخل ونخرج فالهضرة معرفت مندير حتى عطيتو بظهر باش نكمل الهضرة مع ماما على خاطري... كملت معاها ومشيت نكمل غدايا تحت انظار يونس للي وتراتني هبط لودني وقال بكل همس)
يونس: صافي غتمشي وتخليني؟؟؟
عائشة: (شفت فيه ودموع عمرو فعيني ووقفات لماكلة فحلقي وشنايفي تجمعو شدلي فيدي تحت الطبلة وزير عليها وقاسلي باليد التانية فحنكي ودار شعري مور ودني وقرب حدايا حسيت براسي غير انا وياه للي كاينين فديك لبلاصة نفيت وجود حتى رقية وعماد للي جالسين معانا فنفس الطبلة وفالاصل عايشين وممسوقين لحد زاد قرب كرسيه حدايا وشاف فعيني مدة طويلة وقال بكل همس وبحرا حتى انا كنسمعو...)
يونس: كم سأشتاق لكي...
كم سأشتاق لنظرات عينيك...
كم سأشتاق للمسات يديك...
كم سأشتاق لحنان كلماتك...
كم سأشتاق لدفء مشاعرك...
سأشتاق لك...
كيف أعبر لكي عن مدى شوقي وحنيني...
مهما قلت...
أو لم أقل...
الكلمات لا تستطيع أن تعبر عن المشاعر...
وأن هذه الكلمات مهما كانت جميله...
لن تعبر عن مشاعري أبداً...
أحبك ولن تجفل عيني عنك لحظات
أحبك ولن أقدر أن أستريح وأنتي بعيدة كل المسافات
أحبك وأرتاح لوجودك في جانبي ساعات وايام واعوام
أحبك وأعشقك وأهواك ولن أتركك لأحد مهما كلف الامر
أحبك وسأضحي بأي شيء لأعيش معك ولو للحظات
أحبك ولن أنساكي مهما أنت تناسيتي
أحبك ولن أنساكي ولو للحظات
أحبك وسأنتظرك لسنوات
أحبك ولن أنساك..
عائشة: غير كمل محسيت حتى عنقتو بكل جهدي وغرست راسي فحضنو وفعنقو مهمني حتى واحد فديك اللحظة حسيت بطاقة ايجابية كبييرة ان يونس كيبغيييني وصادق فحبو لية وعمرو غيسمح فية وللي كنت خايفة منو وانني نمشي للمغرب ويتبدل علية تلاشى كفاش كنت غبية وفكرت فهادشي حسيت بيديه ترخفو شفت فيه مسح دموعي بيديه وقرسني فحنكي ابتسمت ابتسامة عرييضة من اعماق قلبي غير كلمات خلاوني فرحانة لدرجة مكرهتش نغوت ونشارك كولشي فرحتي..
يونس: شحال من مرة قلتلك متبقايش تعنقيني هاكا فالزنقة شنو كتسناي مني ندير
عائشة:(انه المغربي يا سادة في عز اللحظات الرومانسية) مقدرتش نشد راسي نتا للي كتخليني نعنقك ونبوسك كاع
يونس: باش نقطع لمك دوك شنايف رجعي كملي ماكلتك وحيدي داك تخربيق من راسك نتي ديالي وعمر شي ولد الكلبة ميديك واخا تنطابق سما مع الارض
عائشة: (بابتسامة حنيت كناكل) جحش (قلتها بشوية ومقصدتهاش حرفيا زعما قصدت مكيترومانساش حتى ضربني فراسي جا وجهي فالطبسيل جاب الله مكنتش طالبة شي حاجة مرقة هزيت راسي لقيتو كياكل فطبسيلو عادي بحال موقع والو هز عينو فية وقالها ببرود)
يونس: عاوديها مرة اخرى متعرفي وجهك فيت يتخشا ومسحي داك لمايونيز من وجهك الناس كياكلو من فمهم ماشي بحنوكهم
عائشة: بقيت كنمسح وجهي وكنسبو بلا منسمع الصوت غير شنايفي للي كيتحركو للي شافو دابا ميقولش هو للي كان كيشعر علية قبيلة كملت مكلتي ياله بغيت ندوي مع رقية لقيت بلاصتهم خوات) فين مشاو رقية وعماد
يونس: (مسح فمو ويديه) على سلامتك من قبيلة مشاو وخلاونا على خاطرنا حيت لالة عويشة كيحسابها راها جالسة بوحدها بيت نعاس ماشي فالزنقة والناس ماشيين جايين
عائشة: اممم مزيان (مكيفلت حتى تعقيب مكيقولوش) كنت بغيت نسولك
يونس: مزال اعويشتي معرفت ولكن قريب ان شاء الله
عائشة: مكنتخيلش نجلس بلا بيك فالمغرب براكة غير. داكشي للي كنتي كتغبر فيه كنت كنبغي نهبل
يونس: (مديت يدي شدات فيها وهي مترددة ركبنا فالطموبيل وقبل صيفطت ميساج لعماد واش كاين فالدار باش الا كان تماك يخوي عندي غراض فالدار تكون خاوية نشوفو فهامات لالة عيشة ولحسن الحظ كان خارج هو ورقية مشينا للدار ديالهم كنشوفها مفاهمة والو ومقاداش تسول فتحت ليها باب الطموبيل شديتها وطلعتها دروج كانت غير كضور عينيها فتحت الباب ودخلنا) دخلي الدار دارك احبيبة
عائشة: علاش جينا هنا ايونس ياك قلتيلي ندوزو نهار كامل على برا وغتساريني
عائشة: اااحم اه اوكي حتى هدا حل مزيان (دخلت لبيت بقيت كنشوف فشنو لبس باش نقنعو ان حوايجي محتارمين غير المشكل معنديش شي حاجة كلاس ومعنديش مع لكلاس) يونس خاصني لبس كلاس ياك؟
يونس: لا لبسي تكشيطة باش تجي مع دا مكياج للي كضلي طلي لكمارتك
عائشة: مسمعتكش
يونس: (جالس على الكنبة وطالق رجلي فالطبلة ومكونيكطي مع ممدوح) اه احبيبة ضروري غتمشي لبيرو الاجتماعات ماشي لتيران
عائشة: امم اوكي (بقيت كنقلب فحوايجي حتى بانتلي نلبس سروال جينز طاي باس سامبل جاي لاسق مع ليهونش لسبت دوني كحل ودخلتو فالسروال لبست فيست فلبيج وكانت كتجمع فالخصر ولبست طالون فلبيج وسوميلتو فلحمر هادشي للي لقيت قدامي وبانلي فيه كلاس شوية طلقت شعري درتو جنب درت عكر اورونج ماط وفارجو ماسكارا ودرت حلاقات كان جابهوملي يويو ديالي رشيت بارفان وبقيت كنتبوزا فلمرايا كفاش نوقف حداه وكفاش نبتاسم باينة غنعجبو خخخخ خرجت عند يونس درت يدي على خصري شفتو كيطلع ويهبط فية حط تيليفونو فوق الطبلة وربع يديه كنشوف عينو مفيكسية غير بين صدري وففخاضي) ااااحم يونس!!
يونس: لارد غير كيشوف حتى وقف ومشا عندها
عائشة: (عضيت شنافتي وكنتسنى من عندو التعاليق للي باينة فعينيه وقف قريب مني بزاف) ااااحم حبيبة مقلتيليش كيف جيت
يونس: (حطيت صبعي ففمي ورجعت بخطوة اللور) اممم لبيسة زوينة (درت حركة بيدي باش دور) دوري (دارت ولاحت شعرها على ظهرها) اممم (عاودت رديتو فين كان جنب) كان جاك حسن هاكا وبحرا تبان ترمة حبيبتي مزيان لرجال (قست ترمتها بيدي بجوج وهي دور عندي) واش هاد اللبسة ديال بيت نعاس ولا شنو؟
يونس: انا عندي اذا بزاف عندهم هاد الفكرة (هزيت وجهها لعندي) انا بغيت نبين ليك اعويشة انه كاين بزاف ديال ذيابة للي مغيرحموكش وانا مزال مغنكون حداك للي غنحميك من اي ز*** (شفتها حنات منين خصر الهضرة) شوفي فية انا كنبغي نوصلك كلامي هاد لباس ميليقش بوحدة بحالك احبيبتي مغنقولكش عمل لفولار ولبس جلالب لا انا ماشي من داك النوع انا فقط غندخل فحوايجك الا كانو معيقين اما لفولار نهار غنكوني عائشة العماري غتعمليها واخا حبيبو وغنفرح منين ديريها منك لراسك
عائشة: (بابتسامة) كنواعدك لبسي غيكون كما كتبغي
يونس: ماشي ككنبغي بغيت هاد (شديتلها فكتافها) الجسم يتغطا حيت حتى واحد ممنحقو يشوفو نتي شفتي حالتي كفاش ولات بهاد اللبسة
عائشة: (مزعمتش نلوح عيني لتحت بقيت غير كنشوف فيه وانا مزنكة)
يونس: واخا من نهار عرفتك وفوقما شفتك وهو مقيم عليك مغيتهنى حتى ي(دارت يديها على فمي) هههه باقشطاق
عائشة: ههه باقشطاق ارحم انا ندخل نبدل حوايجي
يونس: (حركت راسي باه وخليتها تمشي لبيتها من بعد مبدلات خرجنا كما واعدتها بقينا على هاد الحال سيمانة كل نهار كنخرجو وكتبات عندي فالدار وفنفس الوقت متبع داك الكلب واخباو كان خاصنا ضرري يبرا باش يمشي لدار ابو زبل باش يجيبنا الاخبار حيت لبارح صيفطتلو عماد ومشا عندو)
~~~~~~~~~~~
عماد: (باستهزاء كنشوف فيه كيشوف غير فسقف وحالتو تشف) يونس واقفلك فحلقك
فهد: (كيشوف فسقف ومكيجاوبش)
عماد: خاصك تنوض باش تمشي لدار داك النم متنساش علاش جيت هنا بقات فتستقوى على بنات الناس
فهد: (باستهزاء ضحك) وي بنات الناس
عماد: من هاد لخوا الخاوي ديالك راك مزيان دابا واخا كليت عصى ميكلهاش الكلب بقيت حي وزيد فتبين خالد هو مول لفعلة
فهد: (جمع الضحكة وضار بصعوبة شاف فعماد كان عنقو فيه واحد لعيبة كدار للعنق للي مهرس) يونس غلط معايا بزااف
عماد: ساهلة كون راجل ووقف فوجهو وصفي لحساب وخود حقك من راجل لراجل ماشي تمشي عند الدرية ديالو وترجل عليها
عماد: بلا منوصيك تقرب جيهت لبنات وبالخصوص عائشة غنخرج فيك انا ومتشوفنيش هاكا والله حتى نتقب لمك مصارينك وراني طبيب وعارف شغلي ياله تحرك تق**
فهد: ضرت شفت فيه ابتسمت على القالب للي مزال غيطلع معاه وكملت طريقي وكان ماشي ابولقيصرللي كيتسناني برا نمشي نيشان عند سامي هو للي غادي يحلي المنامة ركبت مع هاد زبل ومشينا نشان للدار
ابولقيصر: ليث نتا رتاح واحد السمانة وممنوع عليك تخرج
فهد: لا منقدرش نبقى هاكا
ابو لقيصر: ليث انا محتاجك ضروري وبغيتك بصحتك نتا كل مرة كتجيني مفرشخ
فهد: متخافش علية غنحاول منكونش فبلاصة خاوية غير نتحرك هنا وصافي
ابو لقيصر: معرفتش علاش مصر
فهد: مكنقدرش نبقى فلفراش اممم مقلتيليش شنو لبلاصة للي مستهدفة المطار ولا بنك ولا كنيسة؟
ابو لقيصر: بلاصة للي مغطيحلكش على بالك ونتا وتجد باش تمشي لسوريا
فهد: سوريا؟
ابو لقيصر: معلوم نهار للي كنت كنفهمك منين كنت فالمفرب قلتلك غتكملو المهمة للي فالمانيا ومن بعد غتمشيو لسوريا
فهد: اه اه عقلت ولكن للي مفهمتش نتا مغتمشيش؟
ابو لقيصر: (بتوتر) اكييد وشكون القائد ديالكم مهم نتا رتاح دابا منين تولي مزيان غنبداو حيت الخطة وصلات ووافقو عليها بقات شهرين وغيحقق الحلم
فهد: (بحماس زائف) متحمس بزااف لهداك نهار وكنتسناه بفارغ الصبر (بقينا كنهضرو حتى خرج نسنيت ربع ساعة وخرجت خديت تاكسي ومشيت لوطيل *** للي درت مع سامي نتلقاه فيه..)
~~~~~~~~~~~~~~~
عائشة: (معنقة رقية وكيغوتو ويضحكو بقالهم غير تزغريت واخا حتى واحد من الطلاب مجا يهنئهم حيت خالقين العداوة مع كولشي وهوما ممسوقين لحد كملو فرحتهم) ميمكنش انا جيت التالتة ممتيقااااش
عائشة: لا ولكن انا راه التالتة ونتي العاشرة بيناتنا كورسة ديال تاكسي احببة اذا نتي وانا خاصنا نفرحو لية
رقية: اممم منطقية مهم انا فرحت لراسي منقدرش نافقك هههه
عائشة: هههه حتى انا فرحت لراسي (صونا تيليفوني كان يويو بلفرحة مشيت كنجري لبرات المعهد شفتو واقف حدا طموبيلو ومتكي عليها تلاحيت عليه بتعنيقةواخا هو ضد التعناق فالزنقة) جيت التالتة ايونس
عائشة: ههههه انا صداقي هو كلمة منك انك غتبقى ديما معايا (خديت لبولطة للي كان فيها طقم يمكن ذهب الابيض كاينة فيها سنسلة وكورميط وحلقات) 😍 غزااااال هادشي احبيبي (عنقتو بالجهد) بخليك لية احبيبي
يونس: تستاهلي احبيبة
عائشة: عجبتني بزاااف احبببي غلبسهم فعرسي ان شاء الله احم ياك ذهب زعما غير باش منظحكش عليك الناس ويقولو مرات يونس العماري دايرة النقرة
عائشة: هههه وييينو صدعنا الشاف ديالنا (درت يد على يد) عفاك مديرليش المينوط غتقسحني (نسيت وقلتها باغراء وكنزيد لعب بشنايفي ولساني هز حاجلو وبقا مركز بين السوكان وفية من ديما كيقولي كتقتليني بهاد الحركات جمعت يدي وبقيت كنخرب فتيليفوني)
رقية: راه عماد سبقنا للدار (شفتهم مكيهضروش وحتى واحد مرد علية كملت الشات مع حبيبي وصلنا للدار طلعت على ميلحقو)
عائشة: اممم انا نمشي نبدل حوايجي غتجي
يونس: (شفت فيها) عاودي داكشي للي كنتي درتي قبيلة
عائشة: (بدلع) توتو
يونس: (تنهيدة خرجات سخوونة) مكتشوفيش صعيبة علية نتحمل هاد الوقت كامل (بتأسف) المشكل نتي حدايا وديالي ولكن مقادرش حتى نبوسك عيشة فهميني عمرني صبرت هاد المة كاملة حسيت براسي وليت فورجن
عائشة: هههه فرجن؟؟
يونس: وي انا وياك دابا بحال بحال عماين وااو (شاف فيها بنظرة غير مطمئنة) نهار تكوني بين يدي نساي هاد ضرافات وهاد للوجه للي عاطيك
عائشة: (حيدات الصمطة وهي مبتاسمة بحال عاجبها هاد التهديد) we well see honey (دابا نشوفو احبيبة)
يونس: (بابتسامة) كتحدايني
عائشة: (فتحات لباب وخرجات وطلات عليه من السرجم) لا غير حتى انا كنتسنى نشوف الوجه التاني ديال حبيبي (غمزاتو وطلعات فدروج بقا فالطموبيل والابتسامة على وجهو كيعجبو الحال تجاوبو هاكا كان متوقع تخاف او ترغبو يكون حنين معاها وداك كلام لبنات طلع من موراها بمدة كانت فبيتها لقا عماد جالس كيتفرج جلس حداه) افين عاد خرجتي
عماد: لا خرجت قبيلة ولكن كنت (شاف فبيت عيشة وهضر بشوية) تابع داك الز***
يونس: (غمزو) فينو دابا
عماد: فاوطيل***
يونس: معرفتيش معامن كان ولا شنو مشا يدير تما
عماد: لا حدي عرفتو ماين تماك وضورا مع واحد للسرباي يقولي الا خرج او شافو دار شي حاجة عرفتي انا خفتو غير يبيعنا لابو لقيصر ويقولهم هادوك بوليس حيت شوفاتو صباح بحال شي واحد غيغدر بينا
يونس: من هاد الناحية غير تهنى فهد ماشي مكلخ يمشي لجهنم برجليه وعارف الا شكيت فيه او شميت فيه ريحة دلغذر عندي الحق نقتلو فلبلاصة
عائشة: بالصح (بابتسامة عنقتو حتى كنحس بيدو دخلها تحت فخاضي رجعت راسي اللور وحيدت يدو وشفت فيه باستغراب)
يونس: شنو؟
عائشة: شنو نتا
يونس: بغيت غير نشوف واش لابسة ليبة ولا لحمك
عائشة: (نضت من فوق حجرو) لابسة لابسة ايونس (كنجبد الليبة) انا نشوف رقية تسربي راسها
يونس: وغي اجي ريحي حدايا
عائشة: لا نتا وليتي باسل كتر من لقياس ايونس
يونس: (ياله غنهضر حتى شفتها دخلات لبيت ختها وسدات لباب خرجت من الدار نشوف شنو دار عماد مع الواليد..)
~~~~~~~~~~~~~
عماد: (بتوتر) وي عمي كولشي الحمد الله
الحاج: الحمد الله على سلامتكم اولدي يونس لباس عليه
عماد: الحمد الله اعمي راه خدام دابا
الحاج: الله يعاونكم اولدي حتى باك كان عندي وخرج مشا مع اشرف للشركة اوا مولاي السلطان مزال متقولنا شكون هي لعروسة
عماد: جبتيها نيشان اعمي حتى انا بغيت نيت ندوي معاك فهاد الموضوع وكنقلب غير كندير ندخلك فلهضرة
الحاج: ههه مرحبا اولدي ياكما لعروسة كنعرفوها
عماد: اه وبزاف وبغيتك نتا تكلف تقولها لواليديها
الحاج: (باستغراب) شكون اولدي
عماد: (بتردد حيت خافو يعرف انه كيتلقاها هنا) اممم بنت الحاج احمد شفتها هنا ولبنت مربية وعجباتني ومبغيت ندير والو ومنهضرش معاها حتى نقولك كولشي
الحاج: (بعد صمت طويل طلق ضحكة) هههه نهار كبيير اولدي وشكون رقية ولا عائشة
عماد: احم رقية
الحاج: وزين مادرتي ولا عرفتي شنو نعطيك باين لعروسة نيشان
عماد: (باحراج كبير شاف يونس دخل فالطموبيل سولو غير بعينو) احم سي الحاج
الحاج احمد: (بصرامة) اهلان عماد لباس عليك
عماد: (بقا كيفش الاحراج فسوارت وغير كيخربق فالطموبيل باش ميتلفش ويهضر بتقة كبيرة) الحمد الله الحاج نتا مزيان العائلة مزيان؟
الحاج احمد: الحمد الله اولدي..
عماد: اممم (معرفش شنو يقول حيت مكانش عوال يهضر مع اب رقية حطو عمو امام امر الواقع)
الحاج احمد: نعام اولدي كنسمعك
الحاج محمد: وصافي احمد راه كتحشم الولد حسابلك هدا يونس للي مقزدر ويقولك كولشي دقة وحدة صافي السيد بغا يتزوج البنت وقالي شنو بانلك واش نهضر مع باها ولا حتى نجي وراه ديجا عالم باه غير مقالوش شكون سعيدة الحظ
عماد: (كره الوضع فاش كان) اه هادشي للي بغيت نقول الحاج احمد انا شفت بنتك رقية هنا عجباتني وحيت هي بنتك وعارف تربيتك نتا ولالة عزيزة بغيت زعما الا وافقتي ووفقات هي وقبلتو علية بغيت نتزوجها على سنة الله ورسوله
يونس: (ميت بالظحك على عماد وكفاش حمار وغير كيدخل ويخرج فالهضرة)
الحاج احمد: رقية كتعرفك؟ يعني عارفاك باغيها لزواج
عماد: لا معارفة والو ومعمري هضرت معاها انا قصدت رجال نيشان و
الحاج احمد: (عجبو كلام عماد ولكن مجاوب لا باه لا بوالو) ان شاء الله يكون خير اولدي
عماد: يعني موافق الحاج
الحاج احمد: مغلقاوش راجل حسن منك اولدي وولكن القرار اللول والاخير لبنتنا رقية وانا معليا غير دعوة الله يكمل بالخير ولكن ساين نتشاو مع مها ومها تشاور مع لبنت
عماد: (بفرحة حيت ضمنها ليه) الحاج للي درتيه انا معاك انا للي كيهمني نعرف بنتك المصونة تبقى ديالي حتى نكمل خدمتي هنا ونهبطو نديرو العرس
الحاج احمد: (باستغراب) امزروب اولدي
عماد: (بابتسامة ومستغرب من راسو للي بقا غير يرغبو يقولو رقية ديالي وغنتزوجها غنتزوجها) الحمد الله الحاج الراجل هو للي يكون مزروب على لحلال
الحاج احمد: (تبسم) مرحبا بيك اولدي انا ان شاء شاء الله نعطيك البنت نهار تجي للمغرب نكملو هاد الفرحة مع السلامة
عماد: (بفرحة كبيرة) مع السلامة (قطع وهو ممتيقش هم وتحيد عليه كان خايف من رفض الحاج واكترية عماد عندو ضوسي مق** وموحال واش هادشي عارفو الحاج ضار عند يونس للي لقاه كيشوف فيه مدلو التيليفون) نعطيك تجرب حظك محدو ناشط
يونس: هههه مبروك اولد عمي حتى تكمل عرسك وتجي نوبتي
عماد: مناش خايف ايونس
يونس: (ببرود) مخايفش علاش غنخاف
عماد: زعما تكون ممقتانعش بعويشة
يونس: مكلخ لا!!! غير قلت حتى تكمل نتا حريرتك وعاد تجي نوبتي اما الا دوينا دابا بجوج غتجي معيقة وتفرش اننا بجوج مع لبنات وراني شفتك غير كتعراق منين كنتي كتهضر معاه هو مدوزش عليه دغيا
عماد: (كيمسح لعرق من جبهتو) ويييه اخاي معرفت منقول وهضرتو مكتعرف واش اه ولا لا واحد لوقيتة سول بواحد الكريقة واش كنعرف رقية حسيت بيه غيخرج من التيليفون متهنى حتى قلت لا مكنعرفهاش
عماد: اوا هادو هوما رجال مجيتش وختاريت رقة غير هكاك (شاف رقية هابطة كانت فابهى حلتها بكسيوة فلمارو طويلة ونازلة بشريشفات من لكتاف شعر مبوكلي ومركزو على عينيها وكلوص خفيف فشنايفها تبسم ليها ومع الفرحة للي فيه) برجولة ايونس تلاح انا غنسبقك ولا نتا سبق مهم خويلي الطموبيل حتى نتلقاو فلبلاصة
يونس: ههه واخا مقبولة منك (خرج من الطموبيل لقا عيشة كتسناه حدا الطموبيل ديالو حلها لباب وركبو فجو ديال سكات وهو كيفكر غير فالحاج احمد للي متأكد أنه نهار يطلب عويشة غيشك فبزاف دلحوايج)
عائشة: يونس مالك منين خرجنا ونتا ساكت غير فالدار كنتي ناشط
يونس: والو اعويشة غير كنفكر
عائشة: (بفضول) فاش كتفكر
يونس: (شفت فيها) نطلب منك طلب اعيشة ولا امر مهم حسبيه كبغيتي
عائشة: اممم شنو كاين
يونس: (وقف الطموبيل ودار عندها) متخليش شي واحد يديك مني كيف ما كان وتحت اي ظرف
عائشة: امم نورمال نتا للي خاصك متخلي حتى واحد يديني منك
عائشة: يونس واش نتا لباس متبقاش تهضر معايا هاكا منين ممحتحاش نقولك شنو دير علاش كتقولها لي من الاصل
يونس: (شاف فيها وعض شنايفو بغيض هو من الاصل معصب و خايف من رفض الحاج ليه شنو للي خلاه متاكد مهم حاس وصافي.. حيت زبايل يونس كولها عند الحاج للي هو صندوق اسرار يونس) نقول للي بغيت فوقما بغيت وكما بغيت ونتي غتقولي اه وتحني الراس
عائشة: (تنفست وحاولات تبرد) لا يونس مغنحنيش الراس وعلاش غنحنيه كنبغيك اه ولكن ممنحقكش تعاملني هاكا وتستاغل حبي ليك بحال شي وحدة عبدة عندك
يونس: (حس بانه زاد فيه وخصو يبرد الطرح وهي اصلا مدايرة والو زاد كسيرة الطموبيل حتى سمع)
عائشة: ردني للدار مبقيتش باغا نخرج
يونس: لا
عائشة: يونس انا مبقيتش باغا نخرج واش بالسيف
يونس: عارف راسي زدت فيه انا كنت كنت غير..
عائشة: مكيهمنيش شنو كنتي
يونس: (وقف الطموبيل حدا نايت كلوب للي كانو واعدو لبنات يجيبوهم منين ينجحو وكان هدا وطلبهم الوحيد وعام وهو كيرغبو باش يشوفو نايت كلوب.. وعلى العموم مستحيل يمشيو ليه فالمغرب) كيهمك اعيشة شنو فيها الا سايرتيني وقلتي اه ماشي تفلسفي
عائشة: بسلامة ماما (قطعت وضرت عند عماد للي كيحاول يحيد لحشومة من عند رقية) وليتي تغفل انسيبي لعزيز
عماد: هههه رقية فرحانة
عائشة: غير الا مبغاتش وكان كنت فبلاصتها نبقى نزغرت بلفرحة
عائشة: غير الا مبغاتش وكان كنت فبلاصتها نبقى نزغرت بلفرحة (شافت فيونس للي مزال ساهي خرجات من الطموبيل مشات عندو وشداتو فذراعو شاف فيها) عماد قال لعمي على رقية وهطبها منو وكانت ماما كتهضر معاها باش يشوفو واش تبغي
يونس: وي كنت معاه منين قالها ليه الله يكمل عليهم بالخير يستاهلو كل خير
عائشة: امين احم
يونس: (شدها من يدها ودارها بين ذراعو وتمو داخلين لنايت وعرفها فاش كتفكر) غير يكملو عرسهم غنجي نخطبك مع عند الحاج مبغيتش دحاس فعرسنا
يونس: (شدلها فيديها) انا وكان بيدي دابا نتزوجك احبيبة ولكن انا كيهمني تخرجي من داركم بعزك وواليديك راضيبن عليك وفنفس الوقت مبغيتش نخلق شي مشكل مع الحاج احمد
عائشة: وي كاينة احبيبة صافي حتى يكملو فرحتهم عاد يجي دورنا حنا وعندك نيت الحق غادي يعيق بينا
يونس: (ياله غنهضر حتى شفت عماد ورقية داخلين) نتي غير تيقي فية احبيبة، اوا العرسان فوقاش العرس بالظبط
عماد: انا هضرت مع الواليد غدا يمشي لعند الحاج ويتفاهمو
يونس: مزيان ياله ندخلو بنات تعشاو هنا ولا حتى ندخلو لداخل
رقية: (شافت فالساعة) فية الجوع بزاف ومزال مكلينا من لفطور حتى حاجة
عماد: وعلاش مقلتيهاليش دابا نجيب لماكلة احبيبتي
عائشة: (دايرة يديها على خدها وكتفرج فعصافير الحب حتى نغزها يونس) امم شنو
فهد: فينما مشاو بالرب العالي منزكلها مصيرها نتبعها حتى المغرب
سامي: لهاد الدرجة
فهد: انا يدوروني فالوسط لا لق*** لا داك شماتة غير مزال عليهم
سامي: (ببرود) حسن نسا عليك
فهد: بغيت نطلبك اخاي سامي
سامي: مرحبا اخاي
فهد: بغيت لفيديو
سامي: (بتوتر) اشمن فيديو
فهد: فيديو اصاحبي للي قلتيلي صورتيه نتا مع رقية
سامي: دابا نتا باغي تنتاقم من رقية ولا من عائشة للي مبغاتكش حيت لفيديو مغينفعك بوالو معا ختها
فهد: غينفعني الا هددتها بيه ودابا واش تعطيهلي ولا لا
سامي: صراحة بقا عندي فليوسبي فاسبانيا راك عارف مصالحش نديرو فتيليفوني وبغيتك نيت تنسا قضية رقية كانت لحضة غضب وصافي ولبنت مزال باغيها وكتهمني ومبغييش للي يقلل منها أما ختتها دبر لراسك معاها
فهد: اهاه اوكي
سامي: ياله نخرجو من هاد لوطيل نمشيو لشي قنت اخر ونسا مكيناش غير عائشة نتا غير حل عينيك منهم عدااااد..
فهد: (حس بالشمتة من سامي كان بغا لفيديو ولكن هو باينة طايح فرقية بلمزيان ناضو من تماك وبقاو كيضورو فلمدينة ...)
~~~~~~~~~~~~~~~
يونس: سمعو ادوك شنيولات رآه غير حيت رغبتونا ولكن عرفو اخر مرة فهمتو
عماد: صراحة انا ضد هاد لفكرة ومباغيش هادشي
رقية: عفااك احبيبو عام وانا كرغبك
يونس: ساااعة ساعة وحدة
عائشة: اه غير نشوفو هادشي كداير ونمشيو كاع منكملو الليل كامل
يونس: شنو هو!!
عائشة : زعما منكملوش الساعة
يونس: (مد دراعو شدات فيه عائشة وتموو نازلين فدروج للي غير كيقربو الموسيقى كتزيد وضواو كيمشيو...)
يونس: (مد دراعو شدات فيه عائشة وتموو نازلين فدروج للي غير كيقربو والموسيقى كتجهاد والضواو كيكترو وفنفس الوقت كيكونو هادئين حطو رجليهم تماك. لبنات عينيهم تفتحو مزيان وغير كيضورو فبلاصتهم وفمهم تفتح 3 سنتم بشهقة غير مسموعة شافها يونس وسد ليها فمها) تزيدي ولا نمشيو فحالنا حسن
عائشة: لا يونس عفاك عاد جينا وزادون نتا غتخلينا ساعة كما قلتي (شفت رقية وعماد دخلو وقفو على طابلة جرني يونس وحتى حنا وقفنا على واحد الطابلة بعيدة شوية عليهم كانت الموسيقى مجهدة بزاف ولكن المنظر هنا علاااام غير لعرا لعرا ولبيز حدث ولا حرج بقيت غير كنتفرج حتى وقفات علينا السرباية بفففف كانت من غير هدوم لابسة ميني فلبيض يمكن مبين ستيرنك للي لابسة وشميز محلول تقريبا للسرة وسوتيان مدرق غير لحلمة فلغوز ودايرة بونضو فيه داكشي ديال الارنبات وقفات بكل اغراء وابتسامة عريضة انا ودخت فيها كانت غزاالة سمرة لون برازيلي وميكاب سكسي بالالمانية)
عائشة: يونس وجينا جينا خلينا نشطو غير شوية شوف عماد ورقيةغير كيتمعشقو ونتا غير كتنكر
يونس: اوا شوفيها مزيان وديري بحال ختك مكتهزش الراس ونتي غير مبلقة عينيك ولا خصني حتى نفركع لشي واحد راسو عاد تكوني هي هادي وزايداها بالتقزاب نتي ميخليكش الواحد تبقاي على خاطرك
عائشة: (خبطت رجلي) اووووف (جات ديك السرباية شفت فيونس لقيتو ممسوقليهاش ولكن انا هبلني التيتيز للي هنا قلبي الصغير لا يحتمل دراري واحد كينسيك فلاخر شربت داك العصير شفت يونس كيشرب ريدبول وبديت نتمسكن) احم حبيبة عطيني شوية
يونس: (هزيت حاجبي وشفت فيها حتى جمعت الضحكة) كنبغيك الالة
عائشة: (بابتسامة ساحرة) كنموت عليك حتى انا (قرب لعندي ودار يدو بين خصري وجبدني لعندو بقينا كنهضرو ونخممو على كفاش نتلقاو فالمغرب وفين نتشاوفو ونتافقو امتى نهضرو باش حتى واحد ميعيق بينا وخصوصا عمي الحاج...)
~~~~~~~~~~~~~
عماد: حبيبتي هانتي هنا 5 التواني نجيب غير شوية داللوز ورجع عندك خلي عينيك علية انا انا وبس
رقية: ههه اوكي بيبي (بقا ماشي وكيشوف فية ويدير حركات كضحكني حتى وصل لداك لبوطاجي ولا معرفت شنو سميتو وطلب داكشي للي بغا بقيت متبعاه حتى تصدمت بللي شفت ووقف فظهر عماد وقدامي نيشان...)
رقية: ... حتى تصدمت بللي شفت قدامي اخر واحد توقعت نشوفو دازت عام والصرف حتى قلت نسيت ملامحو ومبقاش فبالي فمرة اش جاب هاد بوزبال هنا وللي زاد خلعني كتر هو منين هز الكاس باينة ديال شراب ودايرلي بحال قضية الافلام *عندما يرفع النخب* حدرت عيني وغمضتها ووليت هزيتها وكنتمنى نكون غير كنتوهم وكنحلم وميكونش سامي هو لي جاي من جيه وعماد للي جاي من جيه وكيفرنس وياكل اللوز وكيضحكني بقات غير ابتسامة باهتة فشنايفي وانا عيني عليهم بجوج جايين عندي كنت فموقف اقل ما يقال عليه انه مق*** فهاد اللحظة مبقيت كنسمع لا اغاني مكنشوفش الناس للي ضايرين بيا جسيت بالوقت وقف حلمي للي كنت عايشة فيه قبيلة بقاتلو جوج تواني ويسالي يدمر علاش حيت درت علاقة مع كلب كان ناوي غير يقضي حاجتو فية ومنين معرفش يشدني لفق لية تهمة للي بعيدة علية قلبي بقا كيضرب ف 180ددرجة ودني كيصفرو بحرا كنتنفس رجلي تنملو علية يممن الموت للي بغات ترحمني من العذاب للي تابعني محسيت حتى سبق عماد وجا عندي وقف قدامي
عماد: (بقلق قاسلها فشعرها وحنوكها) حبيبتي مزيان؟
رقية: (شفت فيه وابتسمت حركت راسي باه وليت لحت عيني على الكلب دسامي للي كان مور عماد ب5 سنتم وكيشوف فية معرفت مندير توترت بزاف لدرجة بغيت نبكي حيت شفت نهايتي على يد هاد لحمار للي مفهمتش علاش بان بالظبط فاسعد اوقاتي)
عماد: روكا بيبي واش بيك
رقية: احم والو اعماد غير دخت مع هاد الاجواء راك عارف صداع
عماد: صافي ياله نمشيو من هنا حسن حتى انا مغيتش نبقى
رقية: (بصوت كيرجف) اه واخا نقولوها حتى ليونس وعيشة (الكلب باقي واقف وكيتصنت على خاطرو شنو بغا يدير ضرت نشوف فبلاصة عيشة)
عماد: مشاو احبيبتي قبيلة (مد يدو شدات فيه تحت انظار سامي للي كان غيطرطق وداك الكاس كان غيتشقق ليه فيدو خرجو من نايت كلوب تحت انظارو للي كلهم حقد وغل.. هي للي بغا يطلق مرتو للي صوفاتو فايام الحزقة وبغا رقية للي ممعبراهش حتى فين كاين بغاها من كل قلبو واخا عرف هادشي حتى كرهها فيه خرج تبعهم...)
سامي: ... بغاها من كل قلبو واخا عرف هادشي حتى كرهها فيه مزيان ومخلا مدار فيها وعاد تخاصم مع أي واحد كيقربها الا تفكيرو ديما كان عند رفية.. خرج تبعهم لقاهم فالتيراس عائشة ورقية وصحابهم مبغاش يبان بقا حضيهم وهو مزال فدروج حتى شاف كل واحد خدا وحدة فيدو ومشاو ركبو تبعهم غير بالخف حدا باب دخول لقا كل واحد زاد بطموبيلتو... نعل راسو الف مرة حيت خلا رقية طير من بين يديه وخدم معاها فعايل ولاد لق*** ميمكنش يتبعها دابا وخصوصا منين شافها قبيلة وشاف نظراتها ليه للي كانت كتمنى متشوفوش زادت عجباتو كتر وكتر حسن بانوثتها زادت تفجرات رجع لكلوب وبقا غير كيشرب...
رقية: (عاد تنفست قلبي كام غيسكت بلخلعة واكترية منين شفتو تبعنا كنت غنسبق وانا للي نقول لعماد هدا هو للي خرج على قرايتنا فرباط هدا للي تاهمني فشرفي ولكن بسبابو تلاقيتك.. شفت فعماد كان فقمة السعادة وغير مبتاسم وكيعاود فاش هضر مع عمي احمد وكفاش حشم.. شفت فطريق وحاولت نغمض عيني نسا للي شفت قبيلة حيت مزالة مصدومة من شوفت سامي مزال ممتيقا انه رجع وكفاش هاد القدر مرة عيشة مع فهد ودابا جات نوبتي معرفت واش نقول لعماد ونخسرو انا ولا حتى هو يكرهني نيشان!! علاش بان دابا وعلاش دوك الشوفات ياك هو ختار يفضحني علاش دابا بان او يمكن باغي ينتاقم منا انا وختي سمعت عماد كيعيط باسمي مبغيتش نحل عيني وفضلت ندير راسي ناعسة براكة غير هاد الدوامة للي انا فيها غير قبيلة كنت فوق سما بلفرحة ودابا انا خايفة وعارفة الى مشا عماد عرف قضية سامي عمرني نحلم بيه حيت ديما كيقولي احسن حاجة فحياتي معاك هو انا اول واحد فحياتك وانا مغنكرش انني كنت معجبة بسامي فاللول ولكن تمرني بغيتو بحال كبغيت عماد وقفات الطموبيل حسيت بيديها كيحيدو شعري ويرجعوه اللور من بعد حيدها سمعت حل لباب ديالو وجا حل لباب ديالي حيدلي الصمطة بكل هدوء بااش منفيقش وهزني بكل رقة..)
عائشة: واش نعسات؟
عماد: (حرك راسو ودار اشارة ليونس باش يسبقو يحل لباب وطلع من موراه وصلو للدار دخل لبيت رقية نيشان حطها فوق نموسيتها حيد ليها صباط غطاها وباسها بوسة حلوة فشنايفها طفا الضو وخرج) عيات مسكينة مهم نخليكم تصبحو على خير خاصني نمشي لحق نبدل حوايجي باش نمشي نخدم
يونس: انا عارف غتكوني معذبة ولا مبغيتيش تنعسي معايا
عائشة: لا
يونس: لا؟
عائشة: (حنيت راسي) يونس واش نتا كتقصد باقشطاق ولا نعاس نعاس حيت حتى وحدة منقدر نديرها فهاد جوج نتا بفمك قلتيلي كنحاول نبقى بعيد عليك غير باش منطيحش فشي حاجة للي منقدرش نتحكم فراسي عليها ووو
عائشة: (بشهقة مسموعة اخر حاجة توقعاتها منو هي هاد الصراحة او الوقاحة دخلت لبيتي بزعاف وهو يشدني من ذراعي)
يونس: فين غادا
عائشة: (معصبة) طلقني ايونس
يونس: ياك قلتي انا مكنقدرش نتحكم فراسي جيتك من التالي شنو باغي
عائشة: لا ممنحقكش تخصر لية لهضرة
يونس: انا وياك فتنا داك سطاج اعويشة انا قلتلك باش كنحس مقلتلكش دابا غير كل نهار كنزيد نتشهاك واكيد نتي عارفة هادشي مزيان ومغريبش عليك
عائشة: كتخلعني بكلامك واش كتبغيني ولا
يونس: واش جاب لبغو لكلامنا ياكما يحسابلك كيقيم لاي وحدة كيشوفها راه من غيرك مكيناش للي تحلالي (دار صبعو فراسها) دخليها لدماغك وكنعاودها فرقي بين مكرهتش وبين غنديرها دابا وماشي كل مرة قوليلي (كيعيبها) واش كتبغيني لراسي ولا لجسمي.. خرجو عليك الافلام
عائشة: (كنتفتف معرفت وش نفرح ولا نتقلق) اييه ولكن متخصرليش لهضرة مكنبغيش نسمعها
يونس: واخا حبيبة i wanna fuck you مزيان هاكا
عائشة: شوية بعدا
يونس: هههههه (طلقها من ذراعها وهو ميت بالظحك عنقها وهي غير كضور عينيها) هدا هو كلامي معاك احبيبة تعلمي تقبليه ومكنقولش هاكا انني كنمعني نخصر لهضرة ليك لا حيت انا وياك واحد ومغنبقاش نزوق فكلامي معاك نتي قولي باقشطاق وانا نقول ل** نيشان
عائشة: (دفعاتو) فاك يو يونس
يونس: (هز حاجبو فيها) شنا هو؟
عائشة: هي تبا لك احبيبة وبلغة أخرى للي ديالك معرفتهاش وحنا احياتي مبيناتناش زواق وتقبلها بكل روح رياضية حيت معنيتش انني خصرتلك لهضرة لا حنا فتنا داك سطاج (كترضلو الصرف)
يونس: لعفووو منك حرت معاك والله حتى حرت مكتسلايش... (هبط لجيهة شنايفها التحتانية باسها بوسة خفيفة) عاوديها نطبقها لحبيبة ديالي بهاداك المفهوم للي على بالي وبالك (غمزها وقرسها فحنكها) دخلي نعسي غدا غنجي نديك للشركة مع 9
عائشة: (بدلع) اجي قبل
يونس: قلتلك نعس معاك مبغيتيش
عائشة: ههه لا اجي قبل نفطرو
يونس: هي الا قاديتيلي فطوري هنا
عائشة: اه نقادلك للي بغيتي
يونس: واخا حويشتي ياله دخلي نعسي انا نمشي تصبحي على خير
عائشة: تصبح على خير بيبي
يونس: (خرج من الدار من بعد مسورتها ومشا نيشان لدارو...)
...اصبحنا واصبح الملك لله...
عائشة: (فيقني التيليفون نضت مزعزعة لقيت نمرة ديال المغرب كتصوني جلست ربعت رجلي كنسترجع الذاكرة شكون انا وفين خرجت عيني مزيان حتى تأكدت انا النمرة نيت ديال المغرب جاوبت حيت حسابلي عمي الحاج) الو!!
اشرف: السلام عليكم معاك اشرف العماري
عائشة: اه (اوا على لوسي لعزيز) سلام خويا
اشرف: ياك راكم فصباح
عائشة: هههه اه اخويا
اشرف: هههه مزيان بعدا منكونش فيقتك بكري،
عائشة: هه لا لا اصلا خاصني نفيق
اشرف: اوكي ختي مهم انا كان خاصني نعلمك منين تمشي للشركة نتي ورقية (بقا كيشرحلي شنو نقول وكفاش نتعامل معاهم هضرنا شي نص ساعة تقريبا قطعت معاه كان ظريف وظحوكي سبحان الله عكس داك بوراس ديال يونس شفت فالساعة لقيتها 8 نضت غسلت وجهي وسناني ومشيت لكوزينا سلقت بطاطا باش ندير ليونس طورطيا للي كيبغي يفطر بيها قاديت قهوة وحليب وحطيت كولشي فالطبلة دخلت لبيت نصوني على يونس حتى سمعت لباب كيتحل كان يونس وعماد داخلين ضاحكين صدموني.. هادو حاسبين هادي دار باهم لقديمة يدخلو بلا احم ولا دستور بقيت واقفة حتى لقيتهم كيشوفو فية)
عماد: (ضرت عطيت بظهر) صباح لخير
يونس: احم دخلي لبسي حوايجك (دخلت وتبعتها سديت عليها لباب) اممم الله على فطور جلس جلس اخاي عماد
يونس: ياا اخي كتردني زبالة قدام عائشة بتصرفاتكم بجوج نتا ورقية حرش شوية راه معنديش مع هادشي بزاف
عماد: هههه حسابلك انا للي كان عندي معاه، ولكن رقية حاجة اخرى هي برنسيسة على اي زبلة عرفتها فحياتي يونس لبنت للي غتكون كتبغي وحاس انك معاها مستاقر وهي كتعطيك بلا مطلب غير عاملها بحال لما لخفيف حيت صعيب تلقى انسانة فيها هاد المواصفات
يونس: اممم نكذب!!
عماد: ههه علاش تكذب ديرها بحال شي بنيتة صغيرة تخاف عليها تبكي ولا تقلق منك.. نتا كتبغي عائشة
يونس؛ نتا عارف
عماد: وهي كتموت عليك وهادشي باين لعما شنو غتستخسر الا عامليتها مزيان واكترية هاد الايام للي باقالكم هنا حيت منين تمشيو المغرب بزاااف دلحوايج غينقصو وغيتبدلو شنو غتخسر الا كنتي شوية رومانسية
يونس: المشكل للي عندي هو عائشة كت.... (شاف موراه جاع تكون خارجة وكتصنت) كتطغى اما رقية راها مرزنة على عائشة
عماد: عادي اي واحد فيه حوايج خايب كما فيه حوايج زوينين
عماد: كنت دايرها ليك مفاجئة كما قلتي (ضار وغمز يونس جاع يفرشو...)
عماد: كنت دايرها ليك مفاجئة كما قلتي (ضار وغمز يونس جاع يفرشو حيت عاد صباح يونس جا نوض عماد ومبغاش يجي حيت مشابعش نعاس فهم يونس المغزى باش تكسب للي كتبغي سير على هواهم ودير داكشي للي باغيين هوما وخرج من باب واسع يعني لغوات والضرب مكتنفعش ديما ناض مشا عند عائشة للي تعطلات دخل لبيتها لقاها جالسة وقالبة وجهها ودخل عندها وسد لباب ) حبيبة مالك جالسة وانا كنتسناك برا نفطرو جميع
عائشة: (خنزرت فيه وعاودات قلبات وجهها) علاش غوت علية قبيلة راك نتوما للي داخلين علية ماشي لقيتني برا بديك لبيجامة انا فايقة على النبوري كنقاد ليك لفطور ونتا غير شفتيني غوتي
يونس: مزيان ياله سربي نفطرو (خرجو كلاو فجو ديال الظحك دخلو لبنات يلبسو تحت اذواق يونس وعماد ومشاو معاهم للشركة وصلوهم وكل واحد مشا لحالو..)
~~~~~~~~~~~~~~~
سامي: (كان جالس فسويت فلوطيل الليل كامل منعسش يمكن بالفقسة ولا الشمتة كفاش طارت بين يدو شاف نظاراتها لداك للي كان معاها بحال ككانت كتشوف فيه منين كانو فالمغرب وكانو بجوج فالايام الاولى.. ابتسامتها غمازتها للي كتجيبلو تمام كان كيقول صدمتها منو متخليهاش تيق فواحد اخر ولكن بان العكس هي حبات ونسات الاستاذ للي علمها درس انه مكيناش التقة فرجال غير هي يمكن مزال مفهمات الدرس مزيان وكيفكر يعاود يشرحولها بطريقة اخرى.. صونا على فهد مجاوبوش ناض لبس حوايجو ومشا نيشان للمطار مقدرش على هاد المنظر وباقي عندو التزمات وهو عارفها مصيرها غترجع المغرب غدا او بعدو وغتكون بوحدها وغيصفالو الجو وديك الساعة غيكون معاها سامي ماشي الذيب للي كان باغي يضحك عليها لا غيكون سامي للي كيبغيها ومستاعد فأي لحظة يتزوجو.....)
ممدوح: هههه واخا سيدي طبيب قالي خالد رجعاتلو 90% من الذاكرة يعني فاي وقت دابا يوعى بكولشي وغنجبدو منو المعلومات للي بغينا
يونس: امممم مزيان دخلتي عندو نتا؟
ممدوح: لا كيسول عليك غير نتا حيت بانلي طالع ليه الدم بزااف كان معصب يمكن معرفش راسو اش كيدير بين لبوليس ووو عاد زيد منين غيعرفك نتا بوليسي مغيتقبلش الأمور اكترية حنا هوما القوى القمعية ديالهم
يونس: اممظ اوكي انا غندخل عندو نتا غير سجل كلامنا (دخلت لعندو كان ناعس فلبياص يد مطلوقة ودايرها فوق جبهتو ويد فيها لمينوط مربوط مع حديدة دلبياص شافني بحال شاف شي واحد غيرحمو هاد النظرة عمرني نساها اكترية منين عرفت شخصيتو مزيان ومستواه الثقافي ولد مأذب ميستاهلش هادشي للي غيوقعلو) السلام عليكم
خالد: يونس واش حتى نتا بوليسي؟
يونس:(جبدت كورسي قلبتو وجلست عليه وتكيت على ظهر لكورسي) دابا منين عقلت على كولشي اخالد غتعاودلي من اللول شكون جابك لالمانيا وتعاودلي ادق التفاصيل ديال ابو لقيصر وشنو عارف عليه وفين غطبقو الكارثة للي عوالين عليها
خالد: (بشمتة) ضنيتك صاحبي ايونس
يونس: مزال صاحبك وحيت مبغيتكش تاذى كتر من هاكا قولي كولشي 30 عام دلحبس ماشي هي 10 سنين انا غنتكفل بيك تاخد قل كاع ولكن حتى نعرفك نمدت وباغي تعاون معانا رآه الإرهاب هدا
خالد: علاش غندم بالظبط؟؟ حاجة وحدة للي بقات فية هي مكملتش داكشي علاش جيت اما الموت حنا رجالة مغتخوفناش شي حاجة للي منها غدير لينا طريق وغنمشيو للجنة
يونس: عارفك ممآمن حتى بوزة من داك الخرافات للي كيظلو يهترو بيه، مفهمتش كفاش واحد قاري بزاف مثقف ووصلات بيه لهادشي كان غراضك لفلوس ياك!!
خالد: (بانفعال) وشنو نخلي با وما وخوتي يموتو بالجوع انا لكبير فخوتي وقريت حتى حلبت جياب با مزيان ومخليتش لخوتي حقهم باش يقراو وفالتالي نشد الماستر ونخرج كنبيع الليمون و هادشي كيرضي الله
يونس: ونتا بانلك غير تفركيع فالناس اوا وهانتا صوفيتي عائلتك ودارو مزيان ونتا مصيرك الموت مفكرتيش يجي واحد بنفس عقليتك ويفجر باك ومك للي بعتي دينك واخرتك عليهم
خالد: (باستهزتء) شكون غيفكر يبغي يمشي يفجر الجزائر شنو فيها باش يستهدفوها
يونس: نفس للي فكر يفجر المانيا، خالد معندكش امل انا فكرت نتكفل بيك ونخفف عليك الحكم عاوني ومتيبسش راسك
خالد: (شاف حتى شاف هو منين دخل بين يدين لبوليس عارف فين غيمشي للحبس والا تمرد غتكون قرطاسة للي غتنهي حياتو ويمشي للقبر بلا ميدير علاش) ميمكنش نموت دابا
خالد: (شاف فيه وحس بان يونس وضحلو كولشي للي كان كيتعاما عليه من نهار عرف ان ابو لقيصر سكايري ومعندو غراض لا فالدين لا فوالو وعرف بزاف دلحوايج واهمهم هو غير غيتنفذ الانفجار ابو لقيصر وخالد غيقتلو الاخوان للي باقيين ويقصمو لحصيصة وعاد يمشيو لسوريا هادشي الا مغدروش ابو لقيصر وقتلو حتى هو تنهد حيت مبقالو حتى حل من غير يمشي للحبس يكفر على ذنوب للي غرق فيها ولكن واش دايزالو ربي غيسامحو على رواح للي مشاو بابشع الطرق؟؟؟!!... )
يونس: (دخل طبيب ويونس بغا يخلي خالد يقتانع باش يعاودلو كولشي وبلا ميقنعو ) خالد انا غنمشي دابا وغرجع عندك غدا نتمنى تكون قتانعتي وتعطيني معلومات للي نقدر نشد بيها ابو لقيصر وتخدم فصالحك نتا
خالد: (لا رد عقلو مقسوم واحد كيقول نقول كولشي منمشيش فيها غير انا ولاخر باغي يقلب على شي طريقة يتواصل بيها مع ابو لقيصر ربما يجي ينقدو من هنا بشي طريقة ويخليه يكمل للي كان باديه بقا فهاد الدوامة من بعد مودعو يونس ومشا..)
يونس: شكرا دكتور على مجهودك انا غدا رجع
طبيب: غدا لا مكيناش الزيارة خاص بزاف دلفحوصات نديرهالو يعني السيمانة جاية ورجع
يونس: سيمانة!!
طبيب: اه حيت خاص عناية بيه وانا غنعلمك باي حاجه جديد عليه
يونس: اممم اوكي (ضار عند لبوليس للي كيحرسوه وقالهم بامر) نبغي عينكم عليه ودخلو جوج عندو حضيوه وواخا حنا فالطبقة الرابعة الا نبغي حراسة تحت السرجم منبغيهش يبقى بوحدو حتى فطواليط هو حاليا يا غيفكر يقول كولشي يا غيفكر يهرب باي وسيلة (مشا من تماك وعطى هاد الاوامر لي تماك باش يراقبوه حتى بلكامرات دخل للمكتب ديالو كتب تقرير مفصل على حالة خالد وشنو ضار بيناتهم واحد خلاه تماك وصيفط حتى التسجيل للي سجلوا ممدوح تقرير صيفطو للمغرب وواحد عطاه للشاف للي تماك وكان كيتسنى غير يكمل باش يمشي عند عائشة...)
~~~~~~~~~~~~~~~
عائشة: بشااخ على التيتيز للي برا كنفكر نكمل الخدمة هنا ومنمشيش للمغرب
رقية: امم انا عندي تيتيز واحد كافيني اما هادو والله مهزوني
عائشة: اييه عرفنا عماد متيتز بزايد ولكن ضروري من الشوفة اللولة خلاوها سيادنا الشوف ميبرد الجوف
فاطمة: كفاش انا ولدي يتزوج بنت احمد وبنت هاديك عزيزة للي معارفة عليها والو
عبدالله: انا كنعرفهم ولبنت بنت ناس وعائلة وصمعة الحاج احمد سابقاه وهي انسانة مثقفة وكتكمل قرايتها فالمانيا وغتجي تخدم فشركة باها
فاطمة: اوا وديك عزيزة
عبد للله: (بنفاذ صبرو) شكون غيتزوج نتي ولا ولدك مالك على هاد الحالة افاطمة
فاطمة: فاطمة الزهرة الله يخليك
عبد الله: صافي سكتي براكة من دوك التفاهات ديالك وهانا كنقولك مدخليش فحياة الولد وانا عندي الشرف ناسب الحاج احمد ومرتو واحسن حاحة دارها ولدي عماد هي غيتزوج ولا نفكرك نهار جا كيسول على الالحاد وشنو عطاه الاسلام
فاطمة: (باشمئزاز) ومالقا غير وحدة سميتها رقية يتزوج ختها توأم شنو سميتها هي بعدا
عبد الله: (متبعها فهبالها يشوف فين توصل) سميتها عائشة
فاطمة: oh! My God حتى سمية مكتفرح فيهم
عبد الله: من احسن الاسامي الاسلامية وزيد عليهم حتى فاطمة الزهراء، سمعي الا بقيتي هاكا نقسم ليك بالله منخليك تخضري لا لخطوبة لا لعرس حتى تقادي
فاطمة:(منين شافتو حلف عرفات مبقاش ضريف وهازليها هبالها شافتو دخل يلبس تبعاتو تحلون عليه ولبسات احسن جلابة ودارت ذهوبات باش تبان على عزيزة للي مكتصرطلهاش ومشاو دازو على خوه محمد اب يونس باش يمشيو لدار الحاج احمد يهضرو معاهم ويتفاهمو بما انا الولد غيهبل ويتزوج رقية ورقية معرضاتش الفكرة...)
سيدتي الجزء العاشر
محتوى القصة
التنقل بين الأجزاء