الحاج: الله يعز بيك اخويا... باسم الله (دخلو جلسو فالصالون ووسيم دخل تقدية للي جابو للكوزينا خرجت عزيزة للي فينما كان عندها شي ذهب لبساتو باش طرطق لفاطمة مرارتها ولبسات احسن بيجامة ودارت دريرة خرجات سلمات على رجال وعاد دخلات لعند لعيالات اول حاجة شافت ففاطمة شنو لابسة وسكانتها عاد طلقات ضحكة صفرة فوجهها وسلمات عليها وسلمات على زهرة وبقاو لجموع او بقاو عاطيينها لفشور وزهرة وسط منهم حاضية غير تنوض شي قتيلة كما ديما كيختموها بحشيان الهضرة بقات لخدامة كتحط الضيافة..)
عبد الله: احم خويا
الحاج: اوا شنو نقولك الحاج نهار كبير هدا للي نجيو نهضرو فبنتي رقية لولدنا عماد
الحاج احمد:مرحبا مرحبا الدار لكبيرة
الحاج: كما كتعرف عماد مزال فلخمة غير يجي بغا لخطوبة ونيشان مور سيمانة يكون العرس وضريب صداق
عبد الله: سيمانة كافية الحاج فين يتعارفو ان شاء الله هو مبغاش يمشي عندها لتماك قال بغا كولشي يكون داخل فلمعقول ونهار يشوفها يجي لدار باها نيشان
الحاج احمد: هكا ولاد الناس كيديرو انا ماعليا غير نفرح الله يكمل كولشي بلخير
الكل: امييين (كملو لعشية تماك وكل واحد مشا بحالو...)
~~~~~~~~~~~~~~~
يونس: حبيبة انا كنتسناك لتحت متعطليش (صونيت على عماد لقيتو معصب وكيخصر لهضر عاد جاوبني) معامن راك
عماد: والو والو مشيتي نتا عند لبنات
يونس: تا مالك اصاحبي شنو واقع معاك ومعامن راك مطايف
عماد: غير مع واحد الز** مهم خود رقية معاك انا لحق عليكم نتغداو جميع (قطع وهو شاعل ضار عند فهد) نسا عليك النم ديك لبنت وقلب عليها واش حمار معند بوك نفس غير لقتلة دلعصى للي عطاك تكفيك اشماتة
فهد: كتعدى حدودك معايا بزاف اعماد
عماد: وسير تق** نعاود لقاك فهاد لعمارةقدام دار لبنات لوح مك من هاد السرجم (دفعتو جيهت لسانسور)
فهد: (شفت فيه ابتسمت) خسارة غيطلع معاك قالب مق** (دخلت فلسونسور ونزلت اذا هوما مزالين هنا ولكن غيبقاو حضييني خاصني نهني شوية لوقت حتى نبرا بعدا ولكن عماد غنخلي هاد الثقة للي داير تبخر وتكون بودنين...)
عماد: (هبطت مع دروج ومشيت ركبت فطموبيلتي وصلات به الوقاحة يجي حتى لدارهم من بعد لعصا للي كلا يعني حتى حاجة مغتوقفو وكان ماشي رقية طلبات مني نجيبلها شي حاجة سخونة تلبسها وكان منعيقوش بيه كيتسلت هنا وكفاش هاد القالب للي غيطلع معايا كلب شي نهار غنقتلو مو مشيت نيشان عندهم مع الدخلة ديال سناك بانولي مجمعين وضاحكين درت ابتسامة فوجهي سلمت عليهم وجلست طلبنا مجموعين شنو ناكلو مبغيتش نقول يونس على فهد حيت هاد لمرة غيقتلو نيشان ويضيع حياتو على شماتة معند مو نفس... صونا علية لواليد خرجت برا هضرت معاه بعدا خبر زوين هاد نهار منين عرفت صافي كولشي تحدد والعرس غيكون سيمانة من مور الخطوبة عطاو لكلمة وكيتسناو دابا غير انا ورقية نحضرو دخلت عندهم فرحتهم وكملنا ماكلتنا وخرجنا) يونس واحد دقيقة
يونس: (خليت لبنات ومشيت معاه بعيد عليهم بشوية) ياك لباس اولد عمي مراكش فمود ديالك هاد نهار
عماد: لا غير بغيت نقولك رقية انا مغنخليهاش ساكنة فديك الدار
يونس: ههه راك ياله غتخطبو ماشي غتزوجتو فرٌق شوية
عماد: لبنات غيسكنو عندك نتا فدارك ماشي عندي
يونس: (شافو جدي بزاف وحرك راسو بلا) لا منقدرش تكون معايا عيشة فنفس الدار ونتا فاهم مزيان
عماد: يونس مبقا والو ونتا عارف داك الكلب شحال تابعها ونقولو بغا ينتاقم منك وصيفطلهم شي وحدين يتهجمو عليهم فدارهم فنصاصات الليل وانا وياك مكناش ولا مشغولين
يونس: كنقسم ليك بالله متوقع شي حاجة انا ضد نحيداك سروالك قبل زواج غير تهناي
عائشة: ونتا فين غتنعس
يونس: انا نعس فالسيجور احبيبة
عائشة: (برفض) لا غتعذب
يونس: (شاف فيها بابتسامة) غير تكوني فالدار معايا غنكون مرتاح متعمريش راسك بية لمهم نتي تكوني مرتاحة (وصلو للدار طلعو ياخدو حوايج عائشة للي غيقدوها هاد الايام للي بقات شافت بيت ختها لقاتها جمعات حوايجها هز يونس لباليزا وهبطها لتحت تبعاتو ركبو ومشاو نيشان للدار كانت رقية فدار عماد غير سمعوهم جاو طلعو عندهم كل وحدة دخلات لبيت تحط حوايجها وتبدل)
عماد: مزيان منين يجلسو هنا بعدا رتاحو شوية
يونس: بنتيلي معصب هاد نهار لا!!
عماد: وشنو راه منين خرج داك الز*** وانا راد منو لبال شفتو مو معندو ميخسر يعني يبغي يرد ليك الصرف يردو وغتجي غير فلبنات مساكن
يونس: اوكي (بابتسامة) عندي اخبار زوينة (جلسنا وعاودتلو على خالد للي رجعات الذاكرة وفاي وقت غيعاونا)
عماد: هههه اذا العرس قرب
يونس: ياااااخ كتفكر غير فز** اصاحبي
عماد: عماين اصاحبي عماين بالسيف منفكر فيه مهم نمشي نجيب شي عشا باش لحق نتلاح لخدمة
يونس: اوكي...
ابو لقيصر: كتحس براسك مزيان؟ تقدر تشد سلاح وتركز
فهد: اه كون هاني ولكن الدار مافيها حتى سلاح منين غنجيبوه
ابو لقيصر: (اكيد مغنعاودش نتيق ونقولو كولشي بحال كما عاودت لخالد وخانا وهرب ولحد الان حنا مزال كنحسو بخطر علينا من جيهتو) كولشي كاين وغيكون من دابا سيمانة كاع الا كترت يكون سلاح واجد اما مهمة دايلنا من دابا 15 اليوم
فهد: ووولبلاصة فين لمطار ولا لبرلمان ولا شي قهوة ولا ملعب!!
ابو لقيصر: ههه شنو غنستافدو والا دمرنا المطار مناش حنا غنهربو وحتى لبرلمان ولا لملعب ولات الحراسة عليه كبيرة يعني واخا نفجروها غنتشدو يا حيين يا ميتين.. لبلاصة غتكون فوسط لمدينة
فهد: بالظبط!!
ابو لقيصر: براسي حتى لنهار للي غنطبقوها فيه عاد غنعرف نتا علم دراري برا انا غنخرج نمشي للخدمة...
فهد: (بقيت مكره كفاش غنعلم داك الكلب منقدرش نهضر معاه ولكن معنديش شي بديل واكترية منين عيطلي الشاف دلمغرب وبهدلني مزيان من بعد داك التقرير للي زرفني بيه ولد ل*** شماتة ولكن متنسالوش واخا تفوت 100 عام صونيت المرة اللولة حتى قرب يقطع عاد جاوب وهو كيتأنضر)
يونس: (مكره)😡 وي
فهد: (قلتلو داكشي بالمختصر المفيد شنو كاين)
يونس: قلب الدار كاملة يمكن غتلقى سلاح تماك ولا شي مخطط على هادشي
فهد: ميمكنش الدار عامرة ودراري مكيخرجوش كيضلو يتفرجو غير فالانترنت كفاش يقادو لقنابل وداك تخربيق
يونس: ضروري غتلقى تماك شي حاجة وكون ديما معاه وحل عينيك مزيان فاي حاجة جاتك فشكل فديك الدار (قطعت عليه ودخلت للدار شفت صقير كفاش هاد فوسط لمدينة كنت كنشك يكون مطار شنو كاين فوسط لمدينة ديجا نفذو فبارك قريب جبدت الخريطة وبقيت كنقلب شنو كاين فوسط لمدينة ميمكنش يستهدفو المأثر حيت اصلا مكيكونوش عامرين بزاف شنو غيستافدو تماك الا مكانتش عملية اغتيال كبيرة هوما شحال كيوجدولها.. حرت صيفطت للشاف ديالي شنو قال فهد كملت معاه وحطيت لبسي فوق الطببة ودرت يدي بجوج على راسي وكنشوف فلبيت للي ناعسة فيه عويشة ااااه شحال مكرهتش ندخل تماك مبغيت والو من غير نعنقها ونعس حكيت شعري وبقيت كنقلب غير على السبة للي ندخل عندها صونيت على عماد هو للي كيعرف هادشي) افين اولد عمي
عماد: ههه بعد غير من بيت رقية المكبوت (قطعت معاه وهو يبانلي ابو زمر كيتسلت لغرفة العمليات عرفتو ماشي يقضي غراض فكرت مشيت كنصورو من السرجم صغير حتى هدا ممكن يكون دليل عليه...)
يونس: (كيدق فبيت عائشة للي كانت مسورتة لباب بقا مدة محلاتلوش شاف مكاينش امل يشوفها هاد الليلة بغا يرجع ينعس تفكر بالصح مخداش باش يتغطى وكان لبرد عاود رجع كيدق عليها وحيت عارف نعاسها تقيل مشا لكوزينة جاب موس وبدا كيحل لباب فتحو دخل كيتسلت كانت ناعسة نعسة عيا يحلل فيها ملقالها حتى شكل خاف غير تكون مسكونة صورها هز مانطة خفيفة وخرج من لبيت ومشا تكا غبلاصتو بقا كيضحك على راسو للحظة كان بغا يدخل ويجرها وينعسها فحظنو ساعة لقاها محتاكرة على النموسية بوحدها كل يد ورجل فين مليوحة بقا كيزومي فالتصويرة ويضحك عليها حتى بداو عينيه كيتغمضو..)
~~~~~~~~~~~~~
عماد: يوسف سمعت قبيلة انك مبقيتيش باغي تمشي وسحبتي طلب نقلك من هاد صبيطار
ابو لقيصر: (باستهزاء) أو دغيا طلقوها!!
عماد: ياك كنتي كتقول بغيتي تمشي لاسبانيا شنو للي بدل رأيك بهاد الزربة كنت غدا غنمشي نخط حتى انا الملف ديالي ونقلب على شكون يتبادل معايا
ابو لقيصر: (وصلو لميساج ان سلاح دخل حط يدو على كتف عماد) جو فاقرب فرصة حط الضوسي ديالك
عماد: (باستغرب شافو كيحط الطابلية) فين ماشي؟
ابو لقيصر: غير نقضي شي شغل ونرجع (خرج عيط على ليث جا عندو بالتاكسي ومشاو حتى الحدود ديال بلونيا باش يجيبو سلاح) ليث هادشي خليه فالتاكسي ومن اليوم متحركهاش
ليث: اوكي كفاش ترجع لصبيطار
ابو لقيصر: وصلني غير للدار معاك غنبقى هاد اليوماين تماك
ليث: اه اوكي (مالقاش كفاش يصوني على يونس صيفطلو غير ميساج ووراه منين جابو سلاح وفين كاين وفين خلاو التاكسي ورجع ينعس باش ميتيرش الشكوك عليه.. )
رقية: وي حتى انا فهمت.. شكون دور هاد نهار يجي يدينا فية نعاس بزاف وكنتسنى غير امتى نعس
عائشة: محال يونس واش يجي حيت قالي اليوم عندو مهم بزاف
رقية: شنو المهم مقالكش
عائشة: لا يمكن الخدمة لي جاو على حسابها
رقية: بحال والو وحتى من كلام عماد كل شوية كيقولي بحال والو تسبقيني غير بشي سمانة ولا 10 ايام ولحق عليك...
عائشة: مصااب والله هازة لهم يونس يبقى كتر من شهر وعاد لفضيحة الا كانت كتر ومشات لعام اخر
عماد: (كلاكسونة على لبنات للي عاطيينها لجموع ومشافوهش واقف كيتسناهم)
رقية: ها عماد جا (طلعت ركبت حداه بستو كما العادة وخدانا للدار طلعنا كل وحدة دخلات نعسات فلبيتها.. حتى كنشوف دخل عندي عماد حيد تيشورت وتلاح فوق النموسية) عماد
عماد: مسخسخ احبيبة مسخسخ (عطيتها بظهر وكنتسنى غير تجي تنعس)
رقية: (بقيت كنشوف فيه تقلب ونعس معرفت واش نخرج نمشي نعس حدا عيشة والا جا يونس هو حمق كتر من هدا ينوضني ويجيبني هنا شفت فظهرو كان مكيتحركش يمكن نعست وانا عيني كيتغمضو نعست فطرف الناموسية وغطيت راسي كنتسنى اي هجوم محسيت حتى غمضت ونعست...)
~~~~~~~~~~~~~~~
يونس: شفت ميساج داك الكلب خليت ممدوح وشي وحدين يبقاو حاضين التاكسي ويشوفو فين غياخدوها باش نعرفو فين كيتقادو لقنابل ومشيت للمركز دخلت للشاف للي تماك عطيتو المعطيات جداد وبقينا كنشوفو المعالم للي كتمتاز بيها لمدينة للي جاية فوسط لمدينة على الاقل نديرواحتياطات فكولشي وميغفلوناش بحال اللول وكانت الشركة للي كيسطاجيو فيها لبنات جاية فوسط لمدينة قريبة لصبيطار للي خدام فيها ابو زبل بحال والو يقصد ديك المنطقة حيت فالتسجيل قال انه كيدرس لبلاصة وحنا ديما متبعينو مكيمشيش لبلايص معينة من غير الدار صبيكار ولفيلا ديالو ولقهوة هنا دخلنب الشك بزاف واول حاجة جاتني فبالي هي اشرف خرجت برا صونيت عليه
يونس: اشرف وكان مكانتش شي حاجة خايبة مغنقولكش تتا متبينلهمش باش ميخافوش ونتا عارف علاش انا هنا وديك لبلاصة داخل دائرة الخطر فاي لحظة مبغيتش نزيد نهضر كتر من هاكا فالتيليفون دير نتا للي قلتلك
اشرف: اممم ونتا وعماد تهلاو فراسكم
يونس: حنا بعاد على هادشي فمرة كون هاني مهم دير نتا للي قلتلك ومتخلعهمش بسلامة...
يونس: رجعت للمركز للداخل مساخيش بيها ولكن نفضل تكون فامان على تكون هنا وخايف عليها بقيت كنتسنى طبيب يعطيني اذن باش ندخل عند خالد ولكن هاد نهار مكاين والو مزال مسالة معاه طبيب النفساتي... بففف المرض حتى الارهابيين عندهم هاد الحق تكرهت كان عندي امل اليوم نفك هاد لمنامة ضربات 6 دلعشية مبقالي مندير هنا الحد الان مزال مسيطرين على كولشي مشيت للدار موصلت حتى ل 7 مع الدخلة كتبانلي جنازة فالدار عيشة كتبكي فبيتها وعماد ورقية فبيت كيتسمع بكاها عرفت اشرف نزل عليهم بالخبر بحال الصاعقة مشيت لكوزينة هزيت كاس لما ودخلت عند عويشتي للي من بعد معرفت الطيارة عندهم غدا فالليل غير شافت لباب تحل جات كتجري عنقاتني حتى طاح لكاس وتهرق) ششششت صافي احبيبة مبقا والو ونوليو نتلقاو وقريييب كاع نتزوجو
عائشة: (كتشهق بلبكى) انا ولفتك ديما حدايا ولفت نعيش معاك هنا مبغيتش نمشي عفاك خليني معاك والله منتحرك من هاد الدار
يونس: (بقلة حيلة) مكرهتش احبيبتي ولكن خاصكم تمشيو (جلسها على حجرو كيمسح دموعها ويسكتها) حبيبة شوفي فية
عائشة: (كتحرك راسها بلا وكشهق) نتا باغي غير امتى تهنى مني
يونس: انا حبيبة نسخى بيك! وكان تعرفي باش كنحس متقوليش هاد لهضرة صعيييبة علية وكتر منك ولكن عندي نتي اهم
عائشة: عفاك خليني غير فالدار منخرج موالو حتى الشركة منمشيلهاش
يونس: عويشة واش خايفة نتبدل عليك؟ مزال مكتيقي فية
عائشة: كنتيق فيك ولكن مكنتيقش فالدنيا
يونس: عويشة انا كنبغيك وكنمووت عليك وهادي دخليها لراسك وحتى حاجة مغتبدلني عليك
عائشة: (شفت فيه كان كيهضر بطريقة فشكل بينلي بالصح مساخيش بية جات سفرة مزروبة كانت مزالة 12 يوم عنقتو وهو زير علية ووقفت من لبكى) غنتوحشك بزاف
يونس: وانا كتر ولكن ديري فبالك بحال راني معاك
عائشة: كون هاني احبيبة والله متبقى حتى حاجة فية معجباكش
يونس: كولشي احبيبة فيك عاجبني متحتاجيش تبدلي (بعدت وشديت وجهها بين يدي) تخرجي نمشيو نشيريو شي حاجة لعائلتك
عائشة: (بابتسامة بحال قرا افكاري) اه اه
يونس: (نزلت على شنايفها ببوسة طويلة حتى سمعت الدقان فتحت لباب كان عماد) وي
عماد: (بقيت كنشوف فتصاور كنغمض عيني ونعاود نحلهم لا ميمكنش تكيت على الطموبيل حيت مقدرتش نوقف على رجلي كنزومي مزيان فلملامح هي هي رقية عروقي نشفو وقلبي فل180 درجة كنشوف فهد كيشوف والابتسامة دالشمتة على شنايفو عاودت بقيت كنشوف فتصاور ونقلب كانو بزاف مرة فالطموبيل مرة فبيت نعاس ولكن للي جامع تصاور انها كانت عريانة كاملة حتى سليب ملبساهش 😮 الله يا ربي ميمكنش تكون دترتها.. شكون هدا للي معاها!! هي قالتلي عمرها عرفات شي واحد ميمكنش رقية تكون ق** مستحيييل انا كنعرفها مزيان كتر منعرف راسي وهي للي ختاريتها... ضرت عندو) شنو هاد تخربيق
فهد: راه باين شنو وكان مكنتش عارفهم هاكا..
عماد: اش كتزبل هادو بياينين فوتوشوب (حسيت بقلبي تطعن تغدرت اييه كنبرد على راسي ونقول فتوشوب على مراتي المستقبلية الي تقت فيها كتر من راسي حبيتها وعشقتها وتمنيت نكون تراب تحت رجليها..)
فهد: (خديت التيليفون من يدو وعاود خطفولي من يدي وهزولي) نجيبلك السيد ويبين ليك واش فوتوشوب ولا لا وهو يورقهالك راه مليون نص للي خدات طاحت عليه بالثمن اولدي
عماد: (بقيت مصدووم وكنشوف فتصاور وانا ممتيقش علاش ارقية علاش كنتي املي الوحيد فالدنيا نتي للي بدلتيني ونتي للي غترجعني كفس منين كنت كنبلع ريقي ونحاول نتحكم فاعصابي ومنخليش شماتة يتشفى فية صيفطت تصاور عندي ومسحتهم من عندو وحاولت نكون قوي قدامو نكره للي يتشفى فية على قبل بنت) اخر مرة نعاود لقاك كتقول على رقية هاكا جمع راسك ابنادم وترجل شوية وخرج سوق لعيالات
فهد: (كان متوقع ردة فعل اخرى كفاش هو بارد هاكا)
عماد: وجلس كتبرق فية دوك لعينين حمار واش نتا من ديما تبقى مكلخ تصاور باين عليهم فوتوشوب
فهد: (بغا يصوني على سامي) انا نصوني على السيد
عماد: (بابتسامة فوق طاقتو) ابنادم انا مغنتيقش هاد تخربيق كامل لبنت كتخصني خليك من سوق لعيالات اصاحبي وسير قابل شغلك وقيل عليك لبنات دير للي دير غتبقى غير شماتة فعيني
فهد: (باستفزاز) شماتة حيت حليتلك عينك
عماد: واش تمشي تق** ولا نجي نكبتها مع مك
فهد: (شاف فيه بظحكة مستفزة وركب التاكسي بكل هدوء وخلا بركان موراه غير مشا فحالو عماد مشا ركب فطموبيلتو وبلهفة جبد تيليفونو يتاكد من للي ممتيقو لا قلبو لا عقلو كفاش استغفلاتو واستحمراتو هاد لعماين كاملة ورسمات عليه البراءة كان بامكانها نهار اللول تصارحو وتماك يعرف واش يكملو ولا لا بقا كيزومي على تصاور للي فطموبيل كانت جالسة على شي واحد وكانت عريانة كيزومي ويشوف واش وجهها ولا لا ممتيقش حتى عينيه وكيقول كاينة إن فالموضوع عاود شاف تصويرة فبيت كانت معنقاه وعاطية بظهر وهو باين.. بفففف ( عينيه حمارو عروق عنقو ووجهو ويديه غيطرطقو عقلو غيخرج من بلاصتو...)
عائشة: تصبحي على خير ارقية
رقية: (غمزتها) شفت يونس مزال مخرج
عائشة: هههه هداك بوحاطي كتر مني
رقية: ههه سيري سيري ولا اليوم يبقى مسكين فالدوش كيتسنى
عائشة: هه اوكي (سديت عليها لباب وانا فرحانة من تصرفات يونس معرفت علاش ديما كنقول هو مكيبغينيش ولكن ديما كيبيلي العكس ومن هاد نهار عمرني نعاود نشك فيه دخلت لبيت وسديتو 2 تواني خرج لاوي عليه فوطة فعنقو ولابس شورط وتيشورت)
يونس: فين كتتي الالة
عائشة: ياله كملنا جميع لحوايج وخلينا غير باش نمشيو غدا (لوات شنايفها ورلعات فوق النموسية) حبيبي مافيهاش نمشي غدا!! خليني معاك ونتخبع فالدوش
يونس: (بتنهيدة كيلعب فشعرها) انا للي خاصني يبقى فية الحال
عائشة: علاش
يونس: حيت غنتوحش هاد لوجه...
~~~~~~~~~~~~~~
عماد: (باقي فنفس الحالة مصدووم يمكن كانت اكبر صدمة حياتو هي رقية طلع ق** حيت معندهاش شي مصطلح يا غتكون ملاك بنت الناس يا غتكون مسخة ق** كل مرة كيرجع لتصاور كيندم علاش جا كاع لصبيطار كان مرتاح من نظرتو لرقية مكانش غا يعرف هادشي حس بشمتة كبييرة منها بقا حاط راسو على لفولون شنو يدير بقا حل واحد يعرف واش مزالة بنت ولا لا خبع تصاور باش ميبانوش وكسيرا ولكن تفكر حاجة وحدة غتنفعو باش يدير كولشي فسرية رجع لصبيطار مشا نيشان لفرمسان للداخل وجبد ابرة كترخي خداها ورجع لطموبيلتو كان معمي مكيشوف حتى واحد حداه ركب فكموبيلتو شاف فالساعة كانت 2 ونص تمناها تكون ناعسة ميقدرش يشوف فيها كولشي فيه تهرس حبو ليها منقصش ولكن زاد نغزة ديالاش بالظبط منعرف مع الوقت كولشي غيبان... وصل حدا العمارة بقا تماك مزال عندو امل ان هادشي كامل كذوب وان رقية اشرف وحدة فهاد الدنيا.. ميمكنش دير فية هاكا ميمكنش ديرها بية غنقتلها...)
عماد: ميمكنش دير فية هاكا خليتها ميمكنش ديرها بية غنقتلها الحاجة للي عمرني فكرت هي للي كدور فبالي غنقتلها.. وصلات 3 عاد خرجت من الطموبيل كانت كتبانلي نمشي لاقرب بار (بابتسامة سخرية) للي نساتني فشراب وكرهاتني فيه بسبابها بغيت نرجعلو مغلموهاش حتى نتأكد براسي حيت غتنكر الا سولتها خاص نتأكد براسي.. ياريت زمان يرجع بية شوية ومنكونش مشيت لصبيطار ومشفتش داك شماتة وخا تكون دوزات للي دوزات انا بغيت غير ديك الصورة للي ددرتها فيها نهار اللول كنبغيها بزااف ومبغيتش نخسرها...... شييييت كفاش منتابهش لتوترها منين كيتذكر سميت فهد كفاش دازت علية لهاد الدرجة كنت كانبو وحمار فين عرفهم فهد وكفاش وصلو تصاورها عندو وشحال من واحد نعسات معاه حيت دوك تصاور مكيتصوروش بالزز من الواحد وكفاش خدات فلوسها.. السيد كان كيهضر وواثق من كلامو طلعت فدروج وانا كلعن الشيطان غير باش منقتلهاش حسيت برجولتي تمسات تقاصت تخورات بهاد المعنى مسحت تصاور من عند فهد ولكن شحال من واحد خاصني نمسحها من عندو كفاش غنتزوج وحدة ق*** كفااش غنكمل معاها وانا عارفها مسخة كذاااابة ممثلة من الطراز الأول كفاش دازت علية.. وصلت للدار لقيت صقيير يونس منعاسش فبلاصتو كما العادة يعني غيكون مع عائشة فلبيت دخلت لبيت لقيت رقية ناعسة علاش مزال فاش كنشوفها كتبانلي بريئة كولشي غيبان دابا دخلت وسديت لباب بالساروت قلبت على قطن ومششيت بشوية دقيت ليها ابرة فيديها كانت غتفيق ولكن دغيا غمضات عينيها وهي كتقول سميتي للي قلبي تهز منين سمعت صوتها.. دغيا غيبات بقيت كنحركها فوجها وكتافها كانت مغيبة معنديش صبر كانت لابسة شورط حيدتولها بقيت كنشوف فيها مدة هي للي مخلاتليش شي حل اخر مبغيتش هادشي مبغيتش نعريها ولكن فنفس الوقت بغيت نعرف للحظة كنت غنتراجع ولكن غير كيجيو فبالي دوك تصاور كنبغي نتصطا حيدت ليها سليب واخا مكنتش باغي نوصل لهاد لمرحلة بقيت كنشوف فيها كانت ناعسة كرهت راسي درت مخدة تحت ظهرها كنحاول منشوفلهاش ولكن كفاش منشوفهاش وهي غلطت معايا ومزال الا تبتات عليها وعاد زيد السيدة متعودة غير انا كنت كانبو.. حليت عيني وانا كنحاول منتاثرش واخا صعيبة علية شحال تسنيت هاد اللحظة ولكن تكون فلحلال وهي صاحية واعية ونستمتعو بجوج ماشي نكون هاكا وقفت وعطيت بظهري انا بنادم مقدرتش منتاترتش راه رقية لبنت للي كنتجوانطا عليها هزيت تيليفوني رجعت كنشوف فتصاور ونحقق واش هي ولا غير قبيلة غلطت كنتأزم كتر منين كلقاها هي رجعت كما كنت هزيت رجليها مزيان وفرقتهم و وبقيت داير وجهي قدام *** قستها بيدي وانا كنهج يدي بداو كيترعدو انا طبيب ولكن هاد التخصص بعيد علية كل البعد وبيني وبينو غير الخير والاحسان.. بقيت كنقلبها وكنقلب فين هي الجلدة فين هي لبكرة مباين والو دخلت ربع من صبعي صغير مكانش بغا يدخل بسهولة اكترية كانت ناشفة حيدت وعاودت قلبت واش تبان شي جلدة يدي كيترعدو مكاين والو ومغيبانش دغيا عماين منعست مع شي واحد غتكون رجعات تزيرات مكتبان حتى جلدة... بقيت شاد ففخادها وكنشوف فوجهها ونفسي غتهرب مني وقفت وانا عيني مكيشوفوش قدامي... شنو ندير اربي لبنت للي بغيت وتمنيتها لزواج رداتني حميدة ياريت صارحاتني انا بغيتها لصراحتها عشقتها... محسيت حتى جمعت معاها بطرشة واكيد هي فعالم اخر للي مكرهتش ندخل فيه ومنفيقش بقيت جالس قدامها وانا كنشوفها نعلت الشيطان اكيد مغنعسش معاها ونتاقم مغنديرش بحالها ونطعنها فظهرها نضت لبستها سليبها وشورطها وبقيت جالس كنفكر ونفكر حتى قررت....
..اصبحنا واصبح الملك لله..
عماد: ( كان متكي وكيلعب فشعر رقية حتى فاقت شافت فيه.. بابتسامة) صباح لخير حبيبتي
عماد: ههه لا مصعيباش غير مهم نتي بليز متقوليليش حقا مك وكدا اي حاجة مسحيها فية
رقية: ههه كون هاني من هاد الناحية
عماد: عااارفكم بجوج غتلقاو غير الله يستر وصافي (سمعو اخر نداء والناس تقريبا كولشي كيمشي للطيارة) حبيبة حاولي تنعسي حتى توصلي وراكي عارفة غير توصلي علميني متخلينيش خايف عليك واخا حبيبة
رقية: واخا حبيبة كون هاني (بابتسامة حتى بانو غمازاتها مشات حدا ختها وهو بقا كيشوف فغمازتها بحال اول مرة كيطيح فغرامهم) بسلامة حبيبي كنبغيك
عماد: (بتنهيدة) كنبغيك بزااف ختي عيشة تهلاي فيها وطريق سلامة
يونس: غير توصلي صوني علية متخليش ديلمي كنحماق هنا
عائشة: واخا الشاف...
يونس: اوكي ردو لبال..(قطعت وشفت عماد كان ساهي باين كيفكر فحنونتو) ارجوع الله اولد عمي
عماد: سلاح فطموبيلة ديال يوسف وباقي تماك محداهش اذا للي طلع فالشانطة وكان تقيل قنبولة
يونس: (خرج عينو) وي بحال والو كفاش مفكرتش ولكن مغتكونش قنبولة حيت معندوش منين يجيبها بداك الحجم هنا ودراري تابعيتو غيكون باش غيقادوها حيت ديجا قال لفهد نجيبو سلاح عاد نبداو نقادو لقنابل
عماد: اه عندي فالدار غير ياله... (طلعو لدار عماد خدا داكشي فبلاستيكة يونس دخل يدوش وعماد بقا غير كيكب ويشرب بلا ميهرس شراب ويزيدو مع كوكا ولا شي حاجة حتى لقطعة محطهاش غير كيشرب ويشرب وسميت رقية ففمو وكتر فقلبو استغل غياب يونس وبقا غير كيشرب حتى كمل قرعة دلويسكي وبيرات محطوطين تماك هو بغا يشرب باش ميبقاش حاس.. حتى وصل لكاو ودخل لبيت للي كانت كتنعس فيه حبيبة قلبو وتلاح معنق وسادتها...)
~~~~~~~~~~~~
عائشة: (بتنهيدة فرح منين سمعات المضيفة كتقول ديرو جزام السلامة حيت الطيارة غتنزل للمغرب الدار البيضاء مطار محمد الخامس الدولي) رقية رقية نوضي
عائشة: اه وصلنا تقريبا حنا فوق المغرب (بعد مدة هبطات الطيارة ووقفات ناضو الناس وحتى هوما وقفو ونزلو كان قرب يصبح الحال دخلو للمطار من بعد الاجراءات خداو جوج نماري كيعطيوهم ليهم تماك ركبوهم فالتيليفون وكل وحدة بقات كتصوني على الفارس المغوار ديالها ) الو يونس
يونس: حبيبة الا مبانليكش الحاج برا بقاي لداخل حتى يوصل عندك
عائشة: اه واخا حبيبو غير سير تنعس نتا
يونس: لا حبيبتي انا فايق عندي شي شغل هاد صباح
عائشة: اه واخا حبيبة عنداك تخرج بلا فطور
يونس: فطوري كان هو نصبح على وجهك زوين احويشتي دابا مبقات عندي كانة حتى لحاجة عرفتي الدار بلا بيك دايرة بحال شي بير خاوي غير الله يستر كفاش نكمل هاد الايام
عائشة: (بتنهيدة) من دابا كنتوحشك حتى انا ايونس عاود كتاب علينا نكونو بعاد
يونس: عمرنا نكونو بعاد غير هي كونجي باش منبقاش نغوت عليك ونريحك مني
عائشة: هههه وي عندك الصح
يونس: يااااك القطيطة ديالي
عائشة: هههه غير كنضحك معاك نتا للي ستغل هاد الوقت باش منين تجي وانا معصباك ومخرجالك عقلك
يونس: اودي مخرجاهلي وانا بعيد مغنسلمش منك فكل الاحوال
عائشة: ياااك ياله باي انا نخرج
يونس: قبل متخرجي شوفي الحاج واش برا ومنين تمشي للدار رتاحي مزيان وغير تفيقي صوني علية انا نهضر معاك
عائشة: واخا حبيبة كنبغيييي (تقطع الخط) ييخ تفو شفت فرقية لقيتها مزالة كتصوني على عماد يمكن مزال مجاوبها عاود تيليفوني صونا كان يونس) اووبس تقادالي الصولد
عائشة: عاادي اصاحبتي عادي من دابا خاصك تعودي على هاد لهضرة وزايدون راه غير يجي عماد غتزوجو فسيمانة ونتبعك انا مع يويو ديالي احح امتى يجي داك نهار
رقية: هههه انا غنعس تلاحي..
عائشة: بدلت حوايجي شفت تيليفوني كيصوني سورت لباب غير بشوية خفت ماما دخل ومشيت للسرجم للي كيطل على الجردة وبقيت كنهضر مع يويو ديالي كان خدام قطعت معاه ودخلت لبلاصتي نعس حيت كنت عيانة بزاف...
~~~~~~~~~~~~~~~~~~~
يونس: خالد واش مزال مبغيت تعيق
خالد: يونس نتا كنتي صاحبي ولكن منين كتخدم مع القوى القمعية مبقات بيناتنا هضرة
يونس: ميمكنش واحد مثقف بحالك يقول هاد تخربيق ونزيد هوما باعوك قبل ميعرفو حتى بلاصتك
خالد: (بغيض) كدااب هاد الطريقة مغتخليني نقولك والو كون هاني مغطلعش كراد على ظهري
يونس: خالد انا باغي نعاونك معندي غراض فشي زبل وهوما عينو واحد باش يقتلك ويتهناو منك
خالد: منين جبتي هاد لكلام
يونس: (جبدت تيليفون وسمعتلو التسجيل للي كان مسجل فهد وخليتو كيسمع) كنظن صوت ابو لقيصر او يوسف معروف عندك...
يونس: كنظن صوت ابو لقيصر او يوسف معروف عندك ومغتنساهش هاك سمع ونتا حكم...
خالد: (من بعد مسمع التسجيل للي كان فيه ابو لقيصر باغي يقتل خالد باي طريقة حيت عارف بزاف دلحوايج للي تخليهم يمشيو فخبر كان تصدم الف مرة حيت متوقعش الخيانة منهم شاف فيونس) منين حبتي هادشي
يونس: حنا غنشدوهم غنشدوهم قبل ميفجرو شي بلاصة ولكن الا عاونتيني بداكشي للي كتعرف غتقلل على راسك العقوبة اما هوما مصيرهم معروف يا الموت يا المؤبد وعلى راسهم داك ابو لقيصر للي ضوسيه غارق
خالد: (بقا غير مصدوم حتى جا طبيب ومخلاش يونس يكمل معاه الاستجواب)
يونس: دابا كولشي فيديك نتا يا تعاونا يا تزيد تغرق راسك مزيان (خرجت من تماك وانا معصب من هاد لحمار للي مزال مبغا ينطق حتى بكلمة) دكتور انا غدا غرجع عندو ولكن غنجلس كتر من نص ساعة ديرها فبالك (خرجت من تماك صونيت على عماد لقيتو بغا يمشي لصبيطار يحط الاستقالة ديالو صونيت على ممدوح لقيتو مزال شاد لعسا على ابو لقيصر ومزال سلاح متحيد من طموبيلتو مفهمتش علاش مزال مغامر ومخليه تماك قطعت ورجعت فحالي)
ابو لقيصر: 4 اياك اوكي ولكن الا زدتي نهار واحد غنصيفط مرتي وبنتي حيت نهار الخامس غيولي من الايام المعدودة
عماد: اوكي واخا مزال مبغيت تقولي والو
ابو لقيصر: الا قلتلك غتجلس علية بالمواعض وانا مباغيش للي ينوضلي هاد الضمير للي قتلو من زمان ياله نخليك دابا نبقاو على اتصال عندي شغل نقضيه دابا (غير مشا من حدايا قطعت الخط لبي كنت طالقو ليونس وبقيت كنتقهوى ونتسنى يونس)
ابو لقيصر:(خرجت من لقهوة ولقيت ليث كيتسناني حدا طموبيلتي ركبتو معايا وزدنا) فالليل غتحط سلاح فالتاكسي ولكن خاول ميشوفك حتى واحد حيت هاد سلاح كولشي فبالو عندي
فهد: واخا واش كاين غير سلاح حيت حسابلي عملية تفجيرية ماشي غير سلاح
فهد: اه واخا (حطني حدا الدار وهو مشا صونيت على عماد مجاوبنيش وليت صونيت على ممدوح للي ولا خيط وصل بيني وبين يونس قلتلو على الجديد وقلتلو انني مالقيتش الشانطة لكحلة فالدار قطعت معاه مشيت حدا دار لبنات بقيت شحال كنتسنى بالتاكسي )
فهد: كفاش ديما كانت كتقولي انا ماشي من داك النوع وانا كنت كنصمم. .. بالصح وكان كانت مادية منين قلتلها نعطيك للي بغيتي مبغاتش وبقات مصرة انها باغاني غير نبعد كنكره نحكر على شي وحدة وكفاش وقعلي هاكا مع عائشة واش حيت رفضاتني ومتحملتش ولا بالصح دخلاتلي لخاطري فاش كنت كنفكر منين خطفتها كنت غنخرج على خدمتي وحياتي غير هكاك غير .. بففف غير غنوصل للمغرب معرفت شنو غيدير معايا الشاف واش نبقى فرباط ولا يلوحوني فشي جايحة وهو ديما كان كيقولي بعد منها وانا للي فراسي كنديرو ومنين كملت من اللولة عطيت تصاور فوتوشوب لعماد هو صدق بعدا راجل ومبغاش يتيق كفاش كنت حمار وتيقت سامي واخا ماشي هو الغالط انا لغلطان للي كنت بالصح باغي نتيق داكشي شفت حتى واحد مبان وظلام الحال وسامي كان قالي رجعو للمغرب كنتسنى غير فلخوا...
~~~~~~~~~~~~~
يونس: (كيضحك على عائشة للي غير دخلات مها لاحت التيليفون وخلات لفيديو مزال مطلوق... كيتسمع غير مهم كتسخسخهم حيت مجلسوش حداها غير سمع لباب تسد هزاتو وبقات كتشوف فيه كيضحك)
عائشة: ناااري على بونت كانو غيعيقو بية
يونس: ههه ياله حبيبتي حتى الليل ونهضر معاك سيري جلسي حدا ماماك شوية
عائشة: واخا حبيبو كنبغيييك (قطعت معاه ودارت عند ختها للي كانت كما عادتها كتهضر فوسط لماريو خرجت من لبيت ومشات عند ماماها للصالة بقات كتلعب مع ادم حتى سولاتها عزيزة)
عائشة: يهديك الله اماما عماد ماشي من داك النوع (عاد طلعات معاها وهي تشوف مها كانت مقوسة عينها وكتسنى غير نغزة باش تهجم عليها) زعما هو مبغا يخطبها الا شاف فيها معقولة وكان شي ولد لحرام وعينو زايغة وكان ضحك عليها لهيه كاع ميوصل يخطبها
عائشة: رقية الا قلتي لماما على يونس والله حتى يتفارق معايا هو شحال وهو كيوصي ونتي ماشي بحالي نتي عماد خطبك من عند بابا
رقية: بابا؟؟!!!
عائشة: معرفت خرجت عفوية ومالو رآه حسن من بابا مهم وغدا غيجيو عائلتو يتلقاو معاك ويشوفوك يعني الامور رسمية اما انا لا واش فهمتي وماما من حقها تشوف راجل بنتها
رقية: بففففف غنحشم والله (بقات كتقلب فالتيليفون جبدات وحدة كان غير بوحدو) ولكن غنقولها عرفتو غير هاد الايام منين خدمنا فالشركة
عائشة: صافي واخا حسن هاكا ياله نخرجو محد موبيك فالدار صافي مبيك حسن
رقية: ههه هاكا ولفنا (غير خرجو مشاو للصالة لقاو الحاج باقي تماك جمعو معاه شوية)
الحاج: بنتي غدا غيجيو الناس يشوفوك
رقية: احم واخا عمي
الحاج: واش ابنتي باغا تزوجي
عائشة: (نقدات الموقف) ويينو على رقووش كتحشم وااا عزيزة رواحي تشوفي بنتك حتى هي كتحشم بحال لبنات
عزيزة: يعزيو فيك لكلاب لاه مالها بنتي متحشمش (ناض الحاج خرج وهو كيضحك..)
عزيزة: يعزيو فيك لكلاب لاه مالها بنتي متحشمش (ناض الحاج خرج وهو كيضحك مافيه للي يفاك غير شافتو عزيزة خرج وهي ضور عند بنتها) ولكن ابنيتي رقوش للي يحشم ميمشيش يتصاحب
رقية: انا متصاحبتش معاه حنا فعلاقة رسمية يعني بغينا غير نتعرفو حيت هو جا قالي بغيت نتزوجك وراني باغي نهضر مع عائلتك وكدا وانا ضروري كان خاصني نعرف عليه واخا غير شوية
عزيزة: (كتقوس عينها وتعوج سيفتها) اوا وشنو عرفتي عليه
عزيزة: (كتمعن فالتصويرة وكتشوف بنتها للي قريبة تولي بحال شي خرقة) هههه (كظربها فظهرها) لواه ابنتي لواه متحليهاش بزااف كاع فاللول كان زينهم كيهبلنا.. اوا الولد غزاال تبارك الله وقالي عمك بقالو غير يرغبو باش يتزوجك ولكن منبغيش الحاج يعرفك كنتي كتعرفيه راه مكيحملش لكذوب ومكيحملش للي يهضر معاكم من ورا ضهرو انا عارفاه والله حتى يوقف فطريقكم
عائشة: (هنا فهمات يونس منين كان كيقولها الا مشا حتى عرف انا معاك الحاج للي كتشوفيه ضريف معايا غادي يتقلب علية)
رقية: لا مغنقولو والو
عزيزة: غادا غادي تجي ديك لمطيرة ديال فاطنة
رقية: شكون هاد فاطنة
عزيزة: فاطنة عدوزتك واحد لبعكاكة ولمشياكة قدها مكاين نيفها مكيتحطش للارض وسي عبد الله غير دايرلها فخاطرها
رقية: اممم صعيبة لهاد الدرجة؟؟
عزيزة: ايييه ابنتي حضي راسك معاها ومتقولي لكلمة حتى تعبريها فمك اما باه الله يعمرها دار وحتى هي بنت الناس غير دافعة النفخة هي اللولة
عائشة: (شادة ادم كتلعب معاه) كاع متخافي على بنتك تخرجلها غير واحد كيلو ونص من رقية لقديمة وتشوفي الا مواطاتهاش (شيرات عليها مها بانطوفة) اححح وراه غير كنظحك
عزيزة: لعساك ابنتي رضاة عدوزتك من رضاة مك ويلا شفتيها غير صاعرة ديك الساعة خليني مني ليها
رقية: اوكي حبيبي (قطعت معاه وخرجت عند ماما تقريني كندير نهضر مع لعقروشة ديال ماين عماد باينة من لمعاودة ديال ماما وعماد مساهلاش منكونش انا رقوش الا مطلعتلهاش السكريات والمملحات...)
~~~~~~~~~~~~~
يونس: عرفتي شكون غيعرف ااشانطة فين!
عماد: شكون؟
يونس: خالد هو عارف كولشي على ديك وبحال والو كاين شي مخبأ تماك كيخبعو فيه شلا حوايج غير فهد قالك لباسبورات مكاينينش فالدار كاملة قلبها كاملة وعاد الشانطة للي شفناها قدها قداش ومكيناش كاينة شي حاجة تماك
عماد: وي كاينة ولكن مزال مقلتيلي انا شنو ندير
يونس: باينة فروس محتاجينها غتمشيو للمطار ومن بعد غتجي طموبيل غتديكم لدار لبنات لقديمة مزال الساروت عندي وتماك غتخباو حتى نعرف شنو كاين وحيت مغتبقاوش تجاوبوه فالتيليفون غيتوتر ومغيخليش كولشي محبوك كما مخطط ليه (دار يديه مور راسو ودار رجل على رجل) ونيت انا مزال باغي فروس
عماد: (شاف فيه باستغراب) فاش باغيها مثلا؟
يونس: (باستهزاء) انتقام من العدو ههه
عماد: لا يونس بعد عليها مخاصك والو بشي زبل
يونس: هضر على راسك انا باغيها هاد الساعة ونتا قربتي تزوج وانا مزال معارف فوقاش بغيتني نتفركع
عماد: غير كتخربق اخاي يونس صدرتي لبنت من هنا وباغي تجيب وحدة من هنا
يونس: مالي ضارب بيها لاكط ومزال اصلا معارف واش نتزوجها ولا لا
يونس: قلتها لبنات باش ميبكيوش اما شحال باقي منعرف (صيفطلي الشاف اميل ان الفرقة هاد الليلة غتشد طريق) مزيااان غدا لخوت غيجيو
عماد: الصراحة متحمس بغيت نعرف فين غيطرطقو داكشي
يونس: يكون خير.. ياله نخرجو شوية نبدلو هاد الجو (خرجو بقاو غير كيدورو رجعو معطلين كل واحد دخل ينعس..)
...اصبحنا واصبح الملك لله...
عزيزة: (من بعد مداز صباح كامل فالتوجاد لناس للي جايين يتعشاو ويشوفو رقية) مرحبا مرحبا بالناس لعزاز دخلو الدار داركم
فاطمة: (كتعوج سيفتها) ربي يخليك احبيبة هادي دارك انا عندي الدار فامريكا شهوا منها فين يبانو هاد ديور الساروت
عزيزة: (كيتسالمو بالوجه) دابا نشوفوك يا لحبيبة منين ترجعو لهنا نشوفو الدار للي ديري يمكن تحل غير بالبصمة ولا بقنانفك
الحاج احمد: مرحبا بيكم اخوتي (كالعادة رجال مشاو لصالون ولعيالات دخلو لصالة ولكن وحدة كطل على وحدة)
عائشة: ياله ارقية نخرجو نسلمو على الناس
عماد: (للي كان داير فيديو معاها) حبيبة بلا مدهشري راه عادي غير سلمي وجلسي حدا ختك سولوك جاوبي حدو قدو
رقية: بفففف على ستريس والله مقديت نخرج
عائشة: وزيدي نخرجو اصاحبتي قبل مدخل عدنا عزيزة
عماد: غير تكملو نتسناك تصوني علية الكتكوتة...
عائشة: (شدات فيد ختها وجاو خارجين رقية كانت لابسة قفيطين خفيف ديال جوهرة بالصومو مخيط بالراندة وحتى ختها نفس القفطان غير كانت لابساه بزرق ملكي ابتسمات عائشة مع الناس ونغزات ختها تهز راسها) السلام عليكم
الكل: عليكم السلام
عبد الله(اب عماد): تبارك الله على بناتي
عزيزة: (بفخر دارت بلاصة لبناتها باش تجلس بينها وبين ام عماد) لهلا يخطيك اسي عبد الله (بقاو كيهضرو مع رقية وعائشة ويسولوهم على احوالهم الا ام عماد للي ضربات الطم وغير صاقرة ومرة مرة تكمكم شي كلام ممفهومش)
عزيزة: اوا لالة فاطمة ها هي كنتك الا كتاب وكمل كولشي بالخير هضري معاها منين دخلات ونتي ساكتة
فاطمة: (هزات عينها فعبد الله كان غيقتلها بدوك الشوفات دارت ابتسامة عريضة منافقة ودارت عند رقية كتقيسلها فشعرها وظهرها) تبارك الله على بنتي وعلى مرات ولدي الله يحفظك ويحجبك من العين كخليتي ولدي عماد فألمانيا لباس عليه؟؟
عزيزة: فاطنة (كتكره للي يقولها فاطمة) الله يهديك لبنت راه حتى بقاتلها سيمانة عاد ولدك طلب ورغب سيد الحاج يد بنتي.. هي باش غتعرفو كبقا ولا حتى تعرف عليه شي حاحة وزكي معانا شفتك ماشي هي هاديك وكدخلي وتخرجي فالهضرة
فاطمة: (كتبعكك) لا انا غير سولت
عبد الله: (قاطعها) احم بنتي رقية حنا اليوم جينا نشوفوك وبغينا نعرفو واش قابلة على ولدنا
رقية: (مزال حانية راسها كتحس براسها غتموت بلحشمة وزاد كملها دابا باه وناااري على اسئلة كيحطو الواحد بوجهو ولكن هاد شعشبونة غييير صبري علية انا نوريك للي تبغي ديريلي الصابونة وتحطيني قدام كولشي وتحشميني.. عليها ولدك شهر وهو يقولي متديش على مي عارفك خضرة هبيلة اوا مرحبا بيك مطلبتي غير الموجود احماتي لعزيزة..)
الحاج احمد: براكة متحشمولي بنتي.. بنتي عائشة خودي ختك ودخلو لبيتكم (ناضو لبنات وعينهم بجوج على ام عماد كيتحلفو فيها غير بالفن)
رقية: شفتي بنت الكلبة (كتعيبها) كخليتي ولدي عماد
عائشة: ويييه ومنين دخلتي كولشي فرح بيك وعاجبو الحال الا هي للي طيحات الراس مولاتش هزاتو بنت اللدينة
رقية: عصصباتني عصباتني والله ولكن ماشي انا للي ديرني تحت صباطها غير تسنا علية نضرب الكحل فلبيض وحتى ماما مساهلالهاش
عائشة: عرفتي باين عماد خنزر فيها واحد تخنزيرة خلاها حالة فمها بحال لهبيلة ههه
رقية: هههه باينة هو حاكمها وطالقة هبالها غير على الناس... اري داك المشقوف نصوني على عماد (دارت فيديو معاه وهو ملهوف بحال جالس على جمر يعرف شنو دارو غير صونات جاوب فلبلاصة)
عماد:(بارتياح) الحمد الله احبيبة شكون يشوفك وميحماقش على الزين ديالي
عائشة: (كتكتب لها فالصبورة للي مقابلة معاها فيها لبنات كانو كيراجعو فايام الثانوي والاعدادي)
رقية: ربي يخليك احبيبة حتى خالتي فاطمة طارت بية بلفرحة الله يخليها بلخلة (قالتها غير بشوية)
عماد: اوا الحمد الله احبيبة راهم مزالين عندكم
رقية: اه غيتعشاو عاد غيمشيو عمي للي دخلنا حيت شافني حشمت منين عمي عبد الله سولني واش انا قابلة بيك
عماد: اممم وعلاش مجاوبتيش قولهم راه كنحماق عليه
رقية: هههه مغيتيقونيش حيت هوما عارفيني مكنعرفكش
عماد: وشكون يتييق الملاك عاطية وقتها لشي واحد اخر
عائشة: احم احم هادي نفختيها فيها كتر من لقياس انسيبي لعزيز
عماد: هههه وي حسيت بيها حتى انا (شفت يونس دخل جا حتى هو بقينا كنهضرو ونضحكو حتى جا وقت لبنات يخرجو يتعشاو) واش جات ديك الفرقة
يونس: اه جات من غدا غيبداو خدمتهم وكل واحد فين غيكون
عماد: مزيان.. غيكونو حتى فالمطار
يونس: ضروري عماد تصرف عادي بحال مواقع والو نتوما غير غدوزو بلاصة الاجراءات غيدخلوكم لواحد لبيت حتى نشوفو ابو لقيصر مشا من المطار عاد نخرجوكم
عماد: واخا.. فهد مصوناش عليك
يونس: صونا ولكن مالقاش الشانطة غدا غادي نمشي لعند خالد باش الا مقالش شي حاجة غيترحل لبلادو ويمشي يضرب الحبس 30 عام ولد لحرام عندو مايقول وغيخفف على راسو شحال من حاجة ولكن راساو قاسح
عماد: سمعت لحباس فالجزائر خايبين
يونس: وفين عمرك تسمع بشي حبس زوين كولشي خايب غير الله يبعدهم علينا اما الا المانيا مبغاتش طلقو والله حتى يكلبوه عاد هوما عندهم اتفاقية مع ميريكان يصيفطوه لكوانتنامو نيشان والا خرج منها ها وجهي ديما الداخل فيها مفقود
عماد: اوا قولو هاكا وخلعو
يونس: قلتهالو قلتلو نوقف معاك وغتعاونا ولكن مبغاش يهضر
عماد: اودي دماغو مغسول معنك متدي منو
يونس: مهم نوض تنعس حيت من غدا غيبدا العد العكسي (كل واحد دخل نعس فبيتو وكيتسناو غدا شنو غيوقع على حساب كلام ابو لقيصر من غدا غيبان كولشي وللي محير يونس هو لقنابل للي عليهم العمدو مزال مكيتصاوبو والشانطة الكحلة للي فهد عيا ميقلب مالقاهاش خاف هاد 3 سنين كولها تضرب فالزيرو ويصدق موجد شي حاجة اخرى..)
عزيزة: (جالسة مجمعة مع الحاج) هاديك فاطنة مبغاتش دير عقلها وااالو غير خبز الله فطبقو..
الحاج: (حتى هو معجبوش الحال منين سولات رقية داك السؤال وجاه بحال نقصات منها) حتى دابا الالة عزيزة مزال مدرنا فالطاجين ميتحرق راحة بنتنا اولى من شي قرابة.. بغيتي نهضر مع الحاج ونقولو قول لخوك مجابش الله وولدك يقلب فقنت اخر نقولهالو
عزيزة: لا انا مقلتش هاكا غير هو حشومة تحشم لبنت هاكا
الحاج: راه حتى عبد الله حشم وعتاذرلي مسكين هو والحاج أما كنت غنوقفها على حدها الا ولادي للي يوصلهم غنخرج على طوعي
عزيزة: لهلا يخطييك اسيدي احمد.. وهادشي للي يخليك حاير الراجل وحتى الولد كيبانو بعقلهم والله يعمرها دار غير ديك فاطنة هبيلة وقالولها زغرتي الخاريج مبدل فيها والو (شافت رقية خارجة من لكوزينة وكتحلف فمها للحظة خافت كولشي يضيع وبدات كتفكر كاع كدير تهرب الا وقفو فطريقهم بسباب شعشبونة ديال مو..) بنتي اجي جلسي حدايا (غمزتها)
رقية: والله مقديت اماما حتى لغدا ونجلسو.. راسي كيضرني بغيت غير نعس
الحاج: بنتي جاوبيني بعدا كجاوك ناسك!
رقية: (بابتسامة مصطنعة) مزيانين وضريفين
الحاج: متأكدة غترتاحي معاهم
رقية: كولشي مع الوقت اعمي
احمد: اوا الحمد الله ابنتي سيري دخلي تنعسي تصبحي على خير..
ابو لقيصر: (حاول يتكالما) فروس مغتكونيش بوحدك كنواعدك.. (وصل للمطار) حبيبة نتي غتكوني مع واحد السيد هو للي غيوصل معاك حتى لحدا الدار هداك صاحبي غير تيقي فيه منين توصلي طرقي بابك متخلي حتى نجي انا وللي بغيتيها غير قوليها لصاحبي سميتو جو هو يجيبهالك متواصليش حتى مع عائلتك خلي حتى نجي انا اوكي
ابو لقيصر: (بقا كيقيصلها فحنكها) سمحيلي افروس اخر مرة نمد يدي عليك متديش علية هاد الايام معصب ومبربز و..
فروس: نتمنى تبقى فكلامك وتحاول ترجعني ليك حيت هاد الساعة انا مقداش حتى نفتح معاك شي نقاش ولا نكون معاك (نترات يديها خرجات وخرجات بنتها للي كانت ناعسة فيقاتها باش تمشا على رجليها هو جبد شنطات وبقا كيقلب بعينيه على جو) اجي ها هو صاحبي متعطيهش وجه بزااف واخا صاحبي الا غتجمعكم طريق منين توصلي سدي بابك ومتعيطيلو الا اذا حتاجيتي شي حاجة... (وصلو عندو) جو كنقدم ليك فروس مرتي.. دكتور جو صاحبي
فروس: (سلمات عليه عادي حيت معقلاتش عليه أو بينات انها معقلاتش عليه)
عماد: متشرفين مدام.. يوسف الطيارة وقتها هو هدا
ابو لقيصر: اه اوكي.. احم جر معاك حوايج فروس
عماد: (فهم راسو وعطاه وقتو يمكن يكون اخر وقت عندو معاها يودعها على خاطرو.. عماد كان مرتابك بزااف حيت معارفش شنو غيوقع وكفاش غيسالي هادشي كامل كان النداء الاخير تفكر منين جاب رقية لهنا وودعها كان كيفكر ميعاودش يهضر معاها كان كيقول غير يسالي هادشي يمشي لميريكان وحتى واحد ميعرفلو طريق ولكن مقدرش... سمع يوسف كيعيطلو مشا حداه خدا باسبور ديال مرتو ومشاو كاملين يكملو الاجراءات بقا متبعهم يوسف حتى مشاو شاف ففروس لقاها باردة من جيهتو ماشي ديك الحميمية انها غتفارق مع راجلها قبل ميهبطو من دروج) احم مدام فروس!!
يونس: (عطاها ورقة انه كيخول ليه يوقفها بطريقة قانونية حيت كتعتابر دليل ضد ابو لقيصر قرات الورقة وحطاتها بشوية وهي كتشوف فيونس حتى بقات كتبكي قرب حداها وشد ليها يديها) ششششت كولشي غيكون مزيان.. فرووس شوفي فية نتي كتعرفيني مزيان تيقي فية
فروس: (هادشي علاش كان عاجبها فاللول حيت لقات فيه الحنان للي مالقاتش فابو لقيصر من نهار قرر ينتاقل لالمانيا) منقدرش نطعنو كما كان الحال هو كيبقا راجلي وحب حياتي
يونس: ولكن افروس غيدير حوايج خايبين خاصكي تعرفي انه إراهبي قتاااال وناوي يقتل شحال من روح بريئة حطي بنتك فداك الموقف وبدل ميتقتل من عند لبوليس يتحبس وتبقاي تشوفيه
فروس: (غير كتبكي مبغاتش تسمع هاد لكلام للي كانت دايرة عين ميكة وكتقول مستحيل واخا كولشي كان قدام عينيها باين وواضح وضوح الشمس جاه ميساج من عند ممدوح يوسف مشا..) فروس غتمشي معانا على منكملو وغنطلقوك غيكون اكتر امان ليك نتي ولبنتك
فروس: (شافت فيه بعينين دامعين) بغيتي تستاغلني باش تبرك على يوسف؟؟
يونس: نمشيو للدار ونهضرو حسن من هنا وحتى بنتك خافت
يونس: (بتأسف) مبروك (بقا كيتسناها حتى قداات تمشي خرجو من بلاصة للي كيخرجو منها غير البوليس مشاو نيشان لدار لبنات طلعو فهدوء دخلو للدار بقا معاها غير يونس وعماد اما الفرقة كل واحد فين توزع) فروس (وراها بلاصة عائشة فين تجلس حيت عماد حلف حتى باخد بلاصة رقية ) هنا غتاخدي راحتك غيبقا معاك عماد
يونس: (بابتسامة شفت فعماد وغمزتو وخرجت هضرت مع ممدوح قالي يوسف راه فالدار وقالو فهد غيطفيو تيليفوناتهم مشيت للمركز نيشان حيت اليوم بالليل غيرحلو خالد للحبس على ميدوز فالمحكمة كسيريت حتى وصلت خديت الاذن ودخلت عندو كان يديه مربوطين وحتى رجليه غيتكرفس مزيان معاهم ومزال ايام التعذيب جايا...)
سيدتي الجزء 11
محتوى القصة
التنقل بين الأجزاء