يونس: خالد الوقت مشا يوسف وجماعتو يا اليوم غيفجرو لمدينة يا غدا مبقاش الوقت
خالد: (بخوف.. ارتباك.. توتر) عندي منقولك ايونس نتا واعدتيني قلتيلي الا وريتك شي حوايج غتسهل علية شحال من حاجة
يونس: شنو بقالك دابا غتقولي شهر وانا معاك اخالد حتى نهار للي غيوقع فيه كولشي.. وكان هضرتي قبل منوصلوش لهادشي
خالد: (بارتباك) انا عارف لبلاصة للي كيقادو فيها لقنابل وفين كاين شحال من دليل ان يوسف منتامي لجماعة ارهابية صوت وصورة وعارف يوسف شنو كيخطط وفين غيتنفذ كولشي...
~~~~~~~~~~~~~~
ابو لقيصر: (كيحاول يتاصل مرة..جوج ...10 والو مكاينش للي كيجاوبو لا تيليفون جو لا تيليفون فروس تخلع بزااف تيليفوناتهم بجوج مطفيين والكيارة ساعة باش وصلات معرف ميدير بقا حاير ومعندوش كيف يدير يلحق عليهم ولا يعيط لشي واحد يقلب على فروس بقا جالس وداير يديه على راسو حتى طاحت فبالو فكرة للي كان مستبعدها ربما لبوليس تابعو وهو محضي حيت واخا كينجحو العمليات كيغبرو للي نفذوها😳.. لا لا ميمكنش وشنو غيتسناو باش يشدوني الا نيت مراقبيني ولا فروس هربات حيت اصلا هادشي شهر وانا كنطحن فيها بلعصى صباح وعشية ولكن جو جو صاحبي علاش مكيقولي والو وعلاش تيليفوني مطفي على الاقل يقولي فين مشات غنتسطى مزال عندي امل يشعلو تيليفوناتهم ويكونو غير نساو.. )
عزيزة: روقية حبيبتي اجي هنا
رقية: (باستغراب) اويلي مال هادي كتهضر معايا هاكا
عائشة: مشيتي فيها يا الزغبية ياكما درتي شي زبلة نوضي نوضي تكلمي
رقية: (رجعات كتهضر مع عماد) حبيبي ماما كتعيطلي نخرج نشوف شنو بغات ورجع لعندك.. خرجت عند ماما حتى كتبانلي شعشعبونة هي وخالتي زهرة درت ابتسامة على وجهي وجلست سلمت عليهم
رقية: بسلامة خالتي فاطنة (بقات كتشوف فيها ككتشوف فيها فاطمة خرجو عاد تنفسات رقية.. وعاد خرجات عائشة من لبيت) بففف قالك جاية تشوفني وهي محاملانيش
عائشة: حتى نتي متديهاش فيها المهم الولد كيحماق عليك.. (جلسات) يا ختي يونس مكيجاوبش من صباح
رقية: راه قالي عماد حتى هو قليل فين كيشوفو..
عائشة: توحشتو بزااف مقدرتش نخرج نتسارا وهو مكاينش هنا...
~~~~~~~~~~~~
فروس: (ناعسة وكتفكر فهادشي للي وقع وكتحسس فكرشها.. عرفاات نهايتها مع يوسف هي هادي صعيييبة بزاف وكان مات تعرف راه مات ومتبقاش تشوفو ولكن باش يتحبس ويبقاو بعاد على بعض طول العمر.. فكرة كتقتلها الف مرة ومعرفاش شنو دير ياا رييت مدخلش لهادشي يا ريت صارحها نهار اللول هي تختار ومتعيش هاد لعذاب ومزال للي جاي منين يتزاد لببي جديد بلا اب وعاود هي غتكون الاب والام.. مسخاتش بيه كفاش تقول لنزار شنو عارفا عشرة عشر سنين مهانتش عليها.. سمعات لباب كيدق ناضت حيت ظنات نزار) عماد
عماد: مدام فروس
فروس: (كتهضر وهي سخفانة) مقدرتش علاش دار هادشي كامل كنا عايشين مرتاحين فاسبانيا
عماد: (بتأسف) الحب ماشي ديما كيخلينا نكونو مرتاحين يقدر يعذبنا كتر ميفرحنا
فروس: (كتمسح دموعها) ولكن يوسف مكانش هاكا نهار عرفت متقتش للي شافوه عينية
كنت كنهرب ليه ونهار عرفت بدا علاقة حقيقية وستغنا علية تلفت معرفت مندير وخصوصا نهار حصلني فالعمارة ديالكم كان غيقتلني وحيت كيبغيني قرر يتيقني.. نهار قتل دوك الناس انا كنت عارفة ولكن مكنت متيقة من لداخل ديالي واخا هكاك تعايشت مع الوضع وختاريت حتى انا نتيق ان يوسف بعيد على هادشي..
عماد: (بغا يواسيها) يوسف كان كل نهار كيقتل فصبيطار وحدة كيغتاصبها حتى كيقتلها وفالتالي يخرج بتقرير انها توفات
فروس: (غير مزادت كتبكي) ميمكنش يكون كيخوني
عماد: هو مرض كتر ميتسمى خيانة (جبد تيليفونو ووراها اخر قديو صورو وهو كيمارس مع مريضة حتى ماتت لاحت التيليفون وهي كترجف وتبكي دخلات لبيتها وعماد بقا جالس ضيفط ميساج ليونس قالو انه دار شنو قالو وهو يصوني عليه)
يونس: قالت شي حاجة
عماد: لا ولكن كانت عارفاه شكون هو.. خالد قالك شي حاجة
يونس: قال بزاااف مهم متخرجش من الدار واخا يكون اي سبب ومتشعلش تيليفونك لاخر حيت ممدوح راه مراقب يوسف للي رجع للمطار كيسول عليكم
عماد: اوكي كون هاني تهلا فراسك اولد عمي
يونس: يتهلا الله...
يونس: ممدوح شنو وقع واش مزال ممشا للدار
ممدوح: مزال والفرقة راها فالموقع كيتسناو غير مولاي السلكان يدخل
يونس: مشكل خاصو ضروري يكون هو للي فلبلاصة، فهد مزال مشعل التيليفون؟
ممدوح: لا مزال مشعل ومكنظنش غيشعل
يونس: (طلعلو دوزيام ابيل) ممدوح قطع بلاتي ونهضر معاك (جاوبت فيصل) وي خاي فيصل كاين شي جديد
فيصل: فهد لاح ورقة من السرجم منين حليتها كانت الخريطة ومدور على شارع 11 بماغكوغ
يونس: (بقا كيقلب على شارع 11 كان نفس الشاريع للي كان ابو لقيصر وزع دراري باش يدرسوه) صافي عرفت الشارع بقاو تماك واي جديد عيطلي (صونيت على جيم ظابط المخابرات الالماني عطيتو العنوان للي مقصود وهو خدا فرقة ديالو ومشاو تمركزو تماك مشيت عند ممدوح كان كيتسنى ابو لقيصر للي مزال فالمطار بقيت حتى انا فالطموبيل حتى شفتو خارج وداير التيليفون فودنو تبعناه انا وممدوح مشا نيشان لفيلا فين كان ميسكن اتاصلت بالشاف ديالي حيت المعلومات للي عطاني خالد نافعانا بقى غير يوسف يتسد متلبس (بتنهيدة فرح) واخييرا غنخرجو سلمات من هاد القضية ورجع لبلادي بقينا كنتسناوه يخرج حتى جاني اتصال من عند فيصل) وي خاي فيصل
فيصل: (بتوتر) فهد لاح ورقة وكتبت ان جوج خرجو ومعاهم 4 دلقنابل
فيصل: حنا حاضيين الدار للي قلتو لينا فيها المشتبهين
بونس: (صعر) كفاش حاضيين الدار انا قلت المنطقة كاملة وحتى سطح اش هاد لخرا مصيفطلي الشاف من لبارح وانا كنقريكم هوما كياخدو احتياط من كولشي بفففف (قطعت وانا حاير فين غيكونو خداو لقنابل والا تسنينا كتر غيهربو واحد واحد من الدار الغلط ديالي انا للي تسنيت حتى تجيني الاوامر للي خدمتو انا وراري هادي 3 سنين غيضيع فنهار.. خليت ممدوح هو يراقب يوسف ولكن من بعيد هضرت مع الشاف وخديت الاذن انني غنقتاحم دابا ديك الدار)
~~~~~~~~~~~~~~~
ابو لقيصر: (بقا كيطل من السرجم حتى مشات طموبيل من نوع جيب (ديال يونس) عرف راسو مراقب حيت ديما كان كيشوف ديك الطموبيل فالعمارة للي كان ساكن فيها جو ولكن للي حمقو هو علاش جو مكيجاوبش بغا يلحق بيهم ولكن لفلوس مغيكونو فحسابو حتى تفجر شي بلاصة فالمانيا.. )
يونس: (كيعطي اشارة لدراري 1..2..3 طركق الصاقطة بقرطاسة حتى تفرع دخلو دراري قبل منو عاد دخل هو لقاهم جالسين عاديين بحال مكاين والو دور عينيه لقا فهد جالس)
يونس: (حس بيهم بحال كانو متوقعين مداهمة فاي وقت دور عينو مكان والو مشبوه عكى اشارة لدراري يقلبو الدار.. فهد غير جالس حيت واحد كان يدو على الفردي واي حركة كان يتيري فيه حيت عرفو كاين خاين بيناتهم)
...: ممكن تقولنا شنو كديرو هنا
يونس: (كيقلب فلفيترينا ويجبد لكتوبة للي تماك) والو غير مالقينا منديرو قلنا نجيبو دورة عندكم كاين شي مانع
...: (بتوتر منين شاف الفرقة داخلة يالهوغيهضر حتى دار يونس الفردي فجبهتو)
يونس: فين حاطن سلاح؟؟
...: (هز يدو) اشمن سلاح مكاين هنا والو ونتوما قلتبتو الدار كاملة
يونس: (حيد سلاح) اه هوما قلبو وانا مزال مقلبت (مشا حدا لفيترينا وحيد كتوبا من تماك دراري دارو ردة فعل وناضو لبوليس كولشي جبد سلاح كمل يونس وحيد لكتوبة لقا بوانيي دورها وحل لفيترينا للي كانت على شكل باب متخفي فتحتو كما قالي خالد حتى كيبانلي بيت كبير دخلت غير بشوية خايف من شي قنبولة تفركع شعلت الضو وعاد باين شنو وصفلي خالد.. لقيت رايات ديال داعش وسلاح ومواد باش يصنعو لقنابل وكوكوطات ومسامر صغار وقرطاس.. بقيت غير كنقلب حتى بانتلي الشانطة لكحلو للي دوخاتنا هاد الايام دخلو فرقة تفكيك المتفجرات يفككو داكشي للي صنعو خرجت عندهم) فين مشاو صحابكم؟
...: (غير مخنزر وكيشوف ف4 للي باقيين ومنهم فهد وكيقلب شكون هاد الخائن للي ضيع عليهم كولشي) معرفتش علاش كتهضر
يونس: 😡 كنهضر على للي خرجو وهازين لقنابل معاهم
...: (عرف مكاين حتى مخرج من هادشي وميقدرش على الحبس.. اللهم يدير اخر خاجة ليه جبد سلاح من من جيبو وبغا يتيري فيونس حتى سبقات قرطاسة ديال فيصل فركعات ليه الراس 💥 يونس خرج عينو يمكن تصدم واخا بوليسي الا عمرو شاف راس مفركع 2 لوخرين بقاو غير مصدومين)
فهد: معرفناش فين مشاو خاصنا نتحركو قبل ميديرو شي حاجة
يونس: (عطا الاوامر باش يمشيو دوك جوج للمركز وفرقة تمشي للشارع) فهد هبط لبس واقي الرصاص
فهد: واخا ولكن نتا شنو غدير
يونس: (صونا التيليفون) وي ممدوح واش تحرك من دارو
ممدوح: لا متحركش ومخرجاتش طموبيلتو كننشك فيه هرب خرج من بلاصة اخرى
يونس: 😡 اوكي سير حتى نتا لشارع 11 وبقا تماك حنا شدينا للي كانو معاه (قطعت) فيصل نتا غتبقى هنا حتى تاخدو الادلة وبقاو هنا فهد غنمشيو انا وياك (هبطنا ركبنا ) معرفت حرت فين غنمشيو
فهد: نمشيو للشارع حتى حنا حيت هو مركز بزااف تماك وديما كيجلس فالقهوى للي تماك
يونس: كان قالك غيقولك كولشي
فهد: من بعد مدار الثقة فخالد وطج فنظرو مغيوليش يتيق فشي واحد اخر
يونس وحتى مرتو مفادتنا بوالو وقلت غيفقد التركيز ساعة عاد مزاد غبر وممدوح للي مسكين منين جا وهو مراقبو هاد نهار غبر عليه (صونيت على عماد) وي عماد دوزلي فروس
عماد: شنو درتو بعدا
يونس: 😡 عمااااد دوزلي السيدة (بقيت كنتسنى دقيقة على مفاقت) فرووس بلييز انا محتاج منك نعرف يوسف فين مخطط يفجر
فهد: كتعرفها؟
يونس: (دارلو اشارة باش يسكت) فروس هو ناوي يفجر دابا الا مبغيتيهش يموت قولي فين نعتبو قبل الوقت
فروس: (كتبكي)
يونس: مبقاش بزااف دلوقت افروس قولي فين كاين.. هو عارفك موصلتيش ومكلفش خاطرو يمشي يقلب من موراك نتي وبنتك فضل يقتل الناس
فروس: 😭 عارفة هو عندو هادشي اهم مني
يونس: منين عارفة قوليلي فين
فروس:اوكي..
يونس: (بصدمة) اوكي اوكي فروس شكرا بزااف (قطع معاها وكسيرا اخر بلاصة توقع يكون فيها التفجير)
فهد: واش كنتي كتعرفها من قبل؟
يونس: وي كانت صاحبتي
فهد: ههه يونس كالعادة ميزكل حتى وحدة واخا تكون مرت الارهابي
يونس: (خنز فيه) انا وياك ماشي صحاب باش نجلسو كنتعاودو.. ركز فعلاش جاي هنا (صونيت على دراري وعلمتهم فين كاين يوسف وكولشي غيتجمع تماك ولكن انا غنسبق حيت قريب) عاد فهمت علاش قال لعماد قدم الاستقالة ديالك حيت غيفجر صبيطار للي هادي 5 سنين وهو كيدرس فيه ومهانش عليه صاحبو يقتلو حتى هو.. وهاد نهار مثل انه غيكون خدام ومنين غيكون التفجير غيكون هو تماك على اساس ضحية ويموت بحال لوخرين وغيهرب من بعد ميبدل الهوية ديالو وشكلو..
فهد: صراحة عندو دماغ وفكر فعماد
يونس: حيت صاحبو افهد والصاحب مكيتغدرش
فهد: (فلب وجهو وهو نادم على شنو دار مع عائشة ماشي حبت صاحبت يونس للي كان صاحبو 8 سنين لا حيت نهار اللول عجباتو وفالتالي تكرفس عليها وهي متستاهلش ) يونس ديك لبنت انا غلطت فحقها..
يونس: سد فمك افهد وخلينا نركزو علاش جينا (وصلنا وهبطنا نيشان لباركينغ تماك هو دار قنابل فالطموبيل باش غير تفجر صبيطار كامل كان غينزل لتحت ومكاينش للي يمنع ولا يبقا حي غير للي عندو زهر )
فهد: ها هو واحد
يونس: (بقينا بحال كنقلبو على لبلاصة وحنا كنقلبو على يوسف واش باقي كان مزال تماك منكرش انني بقيت كرجف خفت اه خفت بزاف شفت فهد من لمرايا كان اللور عطاني لكابوس للي دار فيه كاتم الصوت وقفت فبلاصة قريبة ليهم وحاكمهم عطاني لفردي بقيت كنقرا القران عاد فتحت السرجم شوية وبقيت كنتيري فدوك 4 بالزربة حيت كانو مسلحين يوسف بقا غير كيدور فبلاصتو من بعد مشفتهم مليوحين فالارض خرجت من الطموبيل ووقفت كنشوف فيه بتحدي وهو بحال الفار) ضرتي حتى عييتي وحصلتي فالتالي
يونس: لا غنستافزك وغنقولك ميمكنش تفجر ونعطيك اسباب معاهم اولا وللي مهم عندك ميمكنش تقتل راسك ونتا كتسنا زبالة فلوس دخل لكونت ديالك وتانيا ميمكنش تفجر حيت خاصك ترجع لاسبانيا تلحق بفروس ولوفيان ولبيبي جديد للي اصلا انا خاطفهم
ابو لقيصر: (بصدمة)
يونس: نزيدك اسباب اخرى ايوسف الادريسي ولا براكة عليك
ابو لقيصر: 😨فين هي فروس
يونس: (جبدت سلاح ودرتو حدا فمي) منعرف بغيتي تعرفها غتنزل الارض وتحيد داك التيليفون من يديك ونجيبها حتى لعندك لحبس شنو متوحشتيش ترجع للمغرب وتشوف عائلتك غيكونو سامحوك واخا درتي فضيحة وسرقتي لفلوس كنظن غيسامحوك
ابو لقيصر: (مصدوم حيت هادشي عارفو عليه 3 دالناس ابو حفص فروس ووو لا ميمكنش جو) شكون قالك هادشي
يونس: يمكن ابو حفص
ابو لقيصر: (بسخرية) ابو لحفص قتلتو من نهار دخلني لهادشي
يونس: يمكن جو للي سميتو عماد وحتى هو بوليسي (كان كيدي و يجيب معاه فلكلام على متوصل الفرقة)
ابو لقيصر: (بصدمة اكبر وتنفسو بدا يصعاب والعرق بدا يجهاد سمعو الصوت ديال لبوليس كيقرب بزاف دارو بجوج كيشوفو.. قدامو فرصة وحدة هز فردي صغير كان فالطوموبيل)
فهد: غير شافو دار يدو فالطموبيل خرج كيجري عند يونس ودفعو حتى تسمع 2 قرطاسات طرااااخ💥
يونس: (بصدمة ضرت شفت فهد مليوح وابو الجهل حال فمو فهد ضربتو برجلي ليدو حتى كاح التيليفون ودرت لكابوس فجبهتو والفرقة وصلات) بالرب يا الكلب حتى نديك فين تربا (بداو لبوليس كيدخلو ويتفرقو خداوه من عندي من بعد مقلبوه مزيان وجروه جات حتى الاسعاف شفتهم كيهزو فهد للي مغيب.. قرطاسة جاتو فكتفو ليمن يمكن ووحدة فيدو.. داكشي كامل للي دوزو على عويشة الا بقا فية ماشي حيت لقرطاسات كانت غتجي فية لا حيت قبل مدوزناش قليل جات الفرقة المتخصصة فتفكيك المتفجرات فككو داكشي ركبت فطموبيلتي وانا مصدوم مقدرتش نبقى مع فهد الا مات غنحس بذنب كبير تبعت ابو لقيصر وهوما دايينو للمركز ولكن قبل طلبو مني نزل ونهضر مع الصحافة معطيت حتى كلمة ولا شي معطى كملت طريقي حتى وصلناه للمركز دخلناه نيشان لغرفة الاستنطاق دخلت انا اللول من بعد معلمت الشاف ديالي بكولشي بقيت كنسولو وهو كيجاوب ولكن ماشي هلى كولشي وممنحقيش نضربو كملت معاه بالزربة حيت عارف عليه كولشي وخلبت معاه الظابط الالماني جيم خرجت من تماك صونيت على عماد)
عماد: صاحبي حشوومة عليك خليتني كنتشوا هنا بففف
يونس: صافي راه وقفناه وجبناه للمركز
عماد: (بابتسامة) يعني صافي غرجعو بحالنا!!
يونس: ماشي بهاد السهولة مزال حتى يطلقوه لينا هنا
عماد: وايلي شحال دلوقت والله حتى بزاف انا بعدا غرجع
يونس: ولد لحرام ضرب فهد
عماد: كفاش ضربو
يونس: كان غيقتلني انا وكان ماشي فهد للي دفعني وجاو فيه جوج قرطاسات
عماد: (بصدمة) ومات؟
يونس: (بتنهيدة) معرفتش عاد نمشي دابا لصبيطار ونشوف
رقية: مااااماااااا شدي علية زبلك
عزيزة: تشدك هيشة يا بنت احرام دابا نشوفك نهار اولديهم اجي اولدي ادم متعاودش تهضر مع ديك لهبيلة
رقية: (كشاكشها خارحة يد هازة بيها لقفطان ويد شادة ادم من عنق تريكوه وكيتركل مسكين باش طلقو وكيبكي) ولالة منين مقاداش تربي لاش والداه (وحطاتو فوق الطبلة)
ادم: هئ هئ خايبة😭 بفو.. (عنق مو)
عزيزة: الله يعطيك لقطع الكلبة مزيان تبارك الله تجي توريني شنو ندير (كطبطب على ظهرو)
رقية: 😡 شوفي شنو دار لقفطااان (كان كيلعب بصباغة المائية ودخل لبيتها قاسو من لتحت بصباغة فلحمر)
ابو لقيصر: جالس فالزنزانة يديه ورجليه مربوطين جالس على الارض وشاد راسو بيديه وخاشيهم بين رجليه حاس بشمتة قااااتلة كفاش حتى تاق فجو للي مان كيقول عليه بهل ومعارف والو !!
كفاش جامي شك فيه بوليسي وجاي متقصدو !!
كفاش كان غبي ومحسش بالاسئلة للي ديما كان كيطرحها عليه!!
كفاش كان مكلخ منين كان كيعاودلو كولشي على حياتو وعلى خطواتو!!
كفاش كان حمار منين منين سلمو مرتو وبنتو وتاق فيه لدرجة عميا وعاد زيد التاني ليث للي كان وسط منهم لعبو عليه وداروه فالوسط للي معرفو جو كيعرفو ليث صبرو هاد المدة كاملة باش حتى لاخر المطاف يشدوني عمرها طاحتلي حتى على لبال نتشد كنت دارس كولشي وداير حسابي ولكن جاو للي طيحوني فالشبكة.. بقيت كنتسنى شنو غيديرو معايا وكلت محامي وانا عارف قضيتي خاسرة اللهم المغرب مكيطبقش فيه الاعدام وغير الحبس.. بقيت جالس هزيت راسي منين شفت داك الكلب للي شدني دايز هو وواحد تصدمت وقفت بغيت نتحرك ولكن كان صعيييب محسيت حتى
ابو لقيصر: (كان شكو فمحلو من نهار غبر عرفو هو للي باع بيهم ولكن للي متأكد منو حتى هو مصيرو بحال ابو لقيصر اكترية منين يعتارف انه شريكو) متفرحش بزااف اولد ** كلنا فالهوا سوا
يونس: خالد هو الشاهد الملك يعني غنوقف معاه حتى يخرج منها باقل الخسائر ونهار كنتي كتقلب تقتلو انا للي كنت خازنو مكانش فوعيو نهار فاق ورجع ذاكرتو سمعتو شنو كنتي كتقول عليه وهو يفضل يورينا كولشي عليك
خالد: ماشي حشومة عليك قبل منجيو وريتينا وجه عرفتي تلعب علينا حيت كلشي كان محتاج للمادة
ابو لقيصر: نتا الوحيد للي كنتي عارف انك ارهابي مديرش فيها مظلوم وبريئ
خالد: لا مغنديرش ولكن تقلب عليك كولشي ااا ابو لقيصر (شدني يونس من يدي وخداني من حداه نكملو اجراءات باش غنترحل لاسبانيا باش عاد يمكن نطلب اللجوء للمغرب ونتحكم تماك معمرني نسا خير يونس وممدوح للي وقفو معايا وقلبو على اي ثغرة فالقانون باش نمشي للمغرب منبغيش نكون فالجزائر مبغيتش عائلتي تشوفني محبوس براكة غير صوفيتهم شوية.. نتمنى ينساوني ويعتابروني مت ولا يعرفوني ارهابي وقتال...)
فروس: عماد مزال ميمكنلي نشوف يوسف
عماد: (ياله غنهضر حتى دخل يونس) هو يجاوبك حسن مني
فروس: (غير شفتو دخل مشيت كنعنقو)
عماد: (فلبلاصة جبد تيليفونو وصور يونس على ديك الوضعية وبقا كيستافزو هو معرف ميدير خلاها على خاطرها وكيتحلف فعماد)
يونس: احم فرووس براكة من لبكى مزيان منين مكملش شنو كان غيدير غير يمشي للمغرب غتجي وتشوفيه فاي وقت
فروس: ولكن انا كاينة فاسبانيا شحال قدني كل مرة نمشي للمغرب
يونس: صوري فروس ولكن ضروري خاص يتحاكم فالمغرب
فروس: عندي حل واحد غنفكر فيه هو ندير شي مشروع فالمغرب ونبقى تماك منقدرش نبع على يوسف وحتى بنتو ولبيبي للي جاي منقدرش نبعدهم عليه
يونس:حتى تفكري مزيان افروس متخليش مشاعرك دابا هي تفكر باش تمشي من اسبانيا للمغرب خاص تفكري مزيااااان
يونس: (باستغراب) انا عارفك واخد فكرة عليه وماشي ساهل داكشي للي دار ولكن اعماد راه بين الحياة والموت وعاد زيد وكان ماشي هو وكان انا للي فبلاصتو عاد كانت غتفركعلي راسي
عماد: كل واحد كياخد للي قسملو الله اولد عمي هو غير سبب وصافي انا نتسناك هنا فالطموبيل
يونس: اوكي على خاطرك (دخلت لداخل مشيت نيشان فين كاين وعندي امل لقاه فايق على الاقل نعرفو غيعيش حيت كنحس بتانيب الضمير حيت منتباهتش ليه وهو ملابسش الواقي واخا متأكد انني قلتهالو كالعادة ممنوع الدخول باقي كومة بقيت غير كنشوف فيه من الزاج هضرت مع طبيب معندو حتى شي توقعات خرجت وصونيت على الشاف عطاني اذن باش نرجعو ونخليو فهد حتى يتعالج ميمكنش ناخدوه هاكا)
عماد: (راد راسو اللور ومخنزر وكيتفكر الليلة لي فهد قال لعماد على رقية كرهو واخا هو غير ق**د الا وصلو داكشي غالط او صحيح مهم قلل منها وماشي شغلو فيها..)
~~~~~~~~~~~~~~~~
جيم(ظابط المخابرات الالمانية): مستر يونس غنحتاجو ضروري لاقوال زوجة المتهم
يونس: جيم انا درت معاها بحث وهي معارفة والو ومفادتني بحتى حاجة.. كان كولشي مخبعو عليها وعاد من طريقة البحث ديالنا مكانش كيتجمع بيها مرة فشهرين او اكتر وزيد حالتها الصحية والنفسية مكتستحملش
جيم: ولكن ضروري كتبقى هي من المقربين و..
يونس: جيم مع كل احترامي مدام فروس الادريسي مغتكونش طرف من القضية للي اصلا غنسدها دابا حيت هاد الايام غرجعو للمغرب كما كان فالاتفاقية
جيم: حنا مزال محتاجين..
يونس: معرفتش ولكن كنحس كتهرسلي اي قرار خديت اجيم
جيم: لا لا بلعكس غنلتازم بالاتفاقية (وقف سلم عليه) شكرا ليك والفرقة ديالك
يونس: (بابتسامة) واجب ديالنا.. بفيت كنتسنا حتى دخلو عندي ابو لقيصر للي فظرف سيمانة رجع مجرتل مثال لاي ارهابي
ابولقيصر: بغيت نشوف فروس
يونس: هدا امر ولا طلب؟
ابولقيصر: عفاك بغيت نشوف مرتي
يونس: ممنوع عليك تشوف شي واحد ولكن منين نمشيو للمغرب غنوفر ليك اول زيارة وغتكون مرتك
ابولقيصر: (حنا راسو) نعطيك للي بغيتي وخرجني من هنا
عماد: وي مشات وصلات وصونات علية وقالت على ميكملو الاجراءات فالمغرب وتجي تشوف يوسف
يونس: بقات فية عاد فهمتها علاش كانت كتخونو
عماد: علاش الخيانة عندها مبرر!!
يونس: اممم لا ولكن باش متكونش من الاولويات ديالو ويفضل لقتيلة على مرتو وبنتو شوية قاصحة
عماد: معرفتش ولكن كتبقا خانتو.. مهم ماعالينا غدا امتى غنقلعو
يونس: غنمشيو مع 6 دصباح فطيارة خاصة حنا ويوسف والفرقة ديالنا
عماد: هي خاصني دابا نجمع حوايجي بففف واااااا شحال هادي مفرحت هاكا (مشاو لديورهم كل واحد كيجمع حوايجو وفرحان من بعد ازيد من 3 سنوات نعسو جوج سواي..ع وصل وقت لمشيان جابو يوسف مينط طلعوه ركبنا حنا وبقيت انا اونفاص معاه) يوسف
ابو لقيصر: (باستهزاء) جو كجاتك اسبانيا
عماد: مرتاحيتش فيها قلت نمشي للمغرب حسن
ابو لقيصر: ههه كفاش نتا ضحك علية
عماد: معرفتش حتى انا دخلني لعجب كفاش واحد ذكي ضحك عليه واحد بحالي
ابو لقيصر: عتابرتك صاحبي
عماد: يوسف انا واخا نكون بولسي او طبيب او نجار او استاذ او او او.. ارهابي عمرو مغيكون صاحبي
ابولقيصر: (دور وجهو وهو كيفكر غير فمرتو وبنتو وكفاش غيكمل حياتو كاملة فلحبس ويبعد عليهم.. ياريت دار هاد المهمة من قبل دار شاف فيونس) باش عرفتوني غندير شي حاجة سمعت نتوما 3 سنين ونتوما حاضييني علاش انا بالظبط
يونس: نعيى نشرحلك مغتفهمش
ابو لقيصر: بغيت غير نعرف علاش انا
يونس: بغينا نديرو فيك خير ونجيبوك لمغرب اما مك كنت غتكلب عندهم.. ومنين مبقاش كيبان هاد ابو لحفص للي قتلتي بقاو كيقلبو ويبحثو حتى جابوك نتا اوا هاد الفرقة ماشي اول وحدة بحثات فيك راه كاين قبل منا (دار كاسك وعطاه النخال بقا متكي حتى وصلو لسلا للمطار العسكري كانت الفرحة باينة على وجههم كاملين من غير ابو لقيصر للي مغمضش عينو وبقا غير كيفكر ويخمم شنو يدير فهاد لمصيبة.. نزلو كاملين دارو زيف كحل على وجهو ونزلوه ضربات فيه شمش قوية منين خرج من باب الطيارة نزل غير بشوية جرو ممدوح ركبو فطموبيل بقا كيتسنى على اعصابو وكيسمع غير على سلامتك.. وتبارك الله عليكم.. بقا مدة ساعة عاد سمع كولشي كيركب دارو شي ساعة عاد حبسات الطموبيل وخرجوه دخلوه وهبط دروج عاد حيدولو زيف لكحل لقا فطور فالزنزانة ودخل باش يرتاح.. عاد يبدا تحقيق من جديد غيحلبوه حتى يقول على كولشي وشكون كيعرف...)
الشاف: (بقا كيهنأ دراري على هاد المجهود للي دارو ووفر لكل واحد طرونسبور حيت ماشي كاملن فنفس لمدينة واكيد تأسفو بزااف لحالة فهد وكيتسناو غير يفيق بالسلامة..)
عماد: يونس شنو بانلك نمشيو تيشان عند الحاج احمد
يونس: ههه (شاف فيه وبقاو كيضحكو بجوج جمع ضحكتو) لا
عماد: علاااااش لا اصاحبي
يونس: عماد نعل الشيطان اصاحبي مجاياش تمشي على الاقل يكون معك عمي ولا با وهوما شحال هادي مشافوك وغير توصل تمشي خلي بعدا حتى لعشية وسير ارتاح شوية ونمشيو كاملين
عماد: ولاش نتا
يونس: (هز حاجبو وشاف فيه) بنيتك
عماد: غير ضاحك معاك اصاحبي وكان غير خليتني نعلم الواليد يتجمعو فداركم
رقية: وا ماما راك شفتيها الا تقولي خقا جلسي من لخدمة وكدا راه خاصها تعرف حدودها
عائشة: اي اي راه شعر هدا حاولي شوية (نتفاتها ورداتلها شعرها لقدام)
عزيزة: اوا مشطي مزيان.. نمشي نشوف لبنت مسكينة واش كملات راه من قبيلة وحنا نوجدو.. الناس تولد لبنات تعاونهم وانا والدة لخلا
عائشة: ولواه اماما عاد شوية باش دخلنا راه كنا خدامين
عزيزة: شلا كتمشيو تحرفرولي على ذهب راه منين كتمشيو ونتوما عاطينها لنميمة
رقية: (كتشقلب عينيها) قلب القدرة على فمها طلع لبنت لمها
عزيزة: ياله جات طير عليها حتى سمعات الحاج داخل خرجات وهي كتحلف ودير بالاشارات بيديها.. سيدي احمد راحنا وجدنا
الحاج احمد: زيادة الخير خيرين الالة عزيزة وهاد لمرة غيجي حتى اشرف ومريم
عزيزة: اااه مرحبا بيهم واش غيتعشاو نوجدو لعشا
الحاج احمد: لا هوما قالو غير كاس كروط ويلا بغاو يجلسو حتى حاجة مصعيبة نوصيو كولشي يجي طايب
عزيزة: واخا سيدي احمد.. (شافت فالساعة كانت 5) عفاك متنساش ادم سير جيبو
الحاج احمد: واخا انا نمشي نجيبو دابا (غير خرج عطرات الدار وجدو كولشي فوق الطبلة حتى سمعات الهرج مشات لبيتها دغيا دارت فولار ديالها ولبست ذهبها كما العادة سمعات الحاج داخل كيضحك خرجات حتى شافت يونس وعريس بنتها للي كل مرة كتشوف تصويرتو فتيليفون بنتها رحبات بيهم وسلمات على كولشي ودخلات لبيت بناتها) صافي وجتو راسكم
عزيزة: رقية نوضي تخرجي راه جا حتى عريسك واش معلمكش بنت لحرام غير قوليها نوجدو شي حاجة حسن
رقية: (تصدمت😳) كككفاش
عائشة: (وقفت من بلاصتها) شكون جا كاع
عزيزة: جات العائلة كولها ياله ارقية ومنوصيكش دابا ولدها هنا متقولي والو خليه يشوفك نتي هي المزيانة
عائشة: (بلهفة) ماما ركزي معايا شكون جا بالظبط
عزيزة: ونتي مال مك جلسي هنا نخرج ختك
رقية: (مع الصدمة بقات غير واقفة )
عائشة: ويلي علاه نخلي ختي تخرج بوحدها (مشات حا ختها وخرجو وخلاو مهم غير كتبلق فعينيها حتى لحقات بيهم)
رقية: (راسها تقال من الفرحة توحشاااتو نفسها كتقطع بغات تهز راسها تشوفو حتى جلسات وهي حانية راسها هزات عينيها حتى كتشوف عماد جالس اونفاص معاها بتسمات لا اراديا حتى نغزاتها ختها للي جلسات بعيد همسات ليها بالالمانية) رقية واش مبانلكش يونس عييت كنقلب مالقيتوش..
عائشة: رقية واش مبانلكش يونس عييت كنقلب مالقيتوش
رقية: (حنات راسها حتى توردو حنيكاتها من نظرات عماد ولكن شكون خلاها تعيش الدور من نغيز عيشة) احم مشفتوش اعيشة هداي راك كتعيقي
عائشة: مصلاحلها مدير كانت جالسة بعيد وجلست غير كتلعب فظفارها ودماغها غيتشتت بغات تعرف واش جا لا ميمكنش ميجيش وعلاش ميقولهالهاش بفففف كتشوف ختها دايرة بحال شي عروس كلشي كيهضر صدااع وودنيها كيقلبو غير على صوت واحد يووونس مسمعاتوش..
عماد: (غمز يونس للي كان بعيد عليه وشاد جموع مع عمو)
الحاح احمد: اوا ولدي رتاحيتو شوية
عماد: الحمد الله اعمي (بقاو كيهضرو ورقية حاضياه وفاطمة حاضية رقية وحاضية دوك النظرات زادت تأكدات ان كانت بيناتهم شي حاجة)
عائشة: (ناضت عيشة من حداهم ودخلات لكوزينة بقات كتقلب لقات طبسيل عمراتو حلوة وهي خارجة)
عزيزة: بسم الله عليك فين غادا بداك الطبسيل
عائشة: (كتقفقف) عمي للي قالي جيبيه (سلتات)
عزيزة: بنت لحرام ختك للي قالتلك دخلي عاارفة خداميكم يا بنات لحرام بحالكم بحال مكم سلعة وحدة (ورجعت جلسات كتخلف فرقية غير بلعينين للي ممسوقاش كاع وغير كتسرق الشوفة فحبيب القلب للي دار احسن مفاجئة وجا لعندها قلبها غيطير بلفرحة واكترية منين كتخليه موتر كيهضر ويرجع يشوف فيها وبالسيف باش كيقلب عينو من عليها وميعيقكش ولكن كانت بحال لمغناطيس يعيا يتجاهل ولقا راسو غارق فيها..)
عائشة: (دخلت عندهم للصالون قلت السلام غير بشوية نااااري على حشمة حسات كاع العينين عليها معرفتش فين تحط طبسيل الحلوة والطبلة مطرطقة مماين حتى بلاصة خاوية هزات عينيها دوراتها على الصالون حتى بانلها الزين الصافي ابتاسم وغمزها غمزة خفيفة خلاها تالفة ورجعات بطبسيلها محبسات حتى لكوزينة بلفرحة وممتيقاش عينيها واخييييرا جا تنهدت تنهيدة طوييلة وهي لفرحة غتخرج من ودنيها ومن شنايفها رجعات جلسات فبلاصتها حتى شافت فمها كتخنزر فيها لقات راسها مزالة هازة كبسيل الحلوة ومعنقاه حيداتو كولشي عمر ها الشكلاط ها سكر كلاصي وفتات الحلوة خلات مها غارقة وغير كترمش فعينيها وتعض شنايفها بقات كتنفض راسها وحطات الطبسيل تحت لكرسي حيت حتى تماك الطبلة عامرة معوداتش شافت فمها وكتفكر غير غمزة ديال يونس وابتسامتو الرجولية وعينيها قربو يخرجو قلوبة منهم 😍...
صافي تافقو غدا غتكون خطوبة رسمية والعرس حتى لغدا عاد يتافقو امتى عياو معاهم يتعشاو مبغاوش تستفو لبنات بحال لحلاقن حدا لباب وتسناو الحبان يبانو ولكن شكون خلاهم جراتهم مهم وطرداتهم يدخلو لبيتهم.. بقاو حالين لباب حتى خرج كولشي غير شافو مهم جاية طرقو لباب وخلاوها كتجدب بوحدها...)
عائشة: (شادة جيهت قلبها والضحكة مفارقاتهاش اما رقية غير جالسة مصدومة شافتها ختها) رجوع الله ابنتي
رقية: يا ختي مكيعلمووش ممشاو حتى داروها تصدمت والله اكترية منين شفتو قدامي (بتنهيدة طوييلة) عرفتي على احساس كداير منين الراحل للي كتبغي تقايه فداركم كيخطب ليك ونتي مفراسك والو وزيد تكوني موحشاه
عائشة: صراحة احسن مفاجئة (كتبدل حوايجها)
رقية: اجي قبيلة شفتك غير كدوري بطبسيلك دلحلوة هههه
عائشة: ويلي ويلي هه غير سكتي على شوهة مشيت غيرر باش نشوف واش يونس جا منين لقيتو مالقيتش فين نحط الطبسيل وبالتلفة بقيت هازاه ريا كانت غتقتلني بعينيها غير ستر الله ههه
رقية: راه خليناها صاعرة الليلة ليلتنا.. شفتك كتبدلي
عائشة: ومالي عاد نبقى هنا نخرج نشوف الحوب ديالي
رقية: والله لاااا خلاتك تعتبي باب الدار اصلا الا خرجتي غتهجم عليك
فاطمة: (خرجات من الحي ووقفات حدا واحد الوسعة حيت متقدرش تسوق فوسط لمدينة.. وضارت عندو) كنتي كتعرفها؟
عماد: (باستغراب) شكون
فاطمة: (كتعوج سيفتها) ديك لي باغي تزوج رقيا
عماد: امم مي جي من اللخر
فاطمة: معجباتنيش اولدي فولكيغ متوحشة ماشي من سهمك ولا من مقامنا وزيد سميتها وديك مها مكنحملهاش وفيها لعياقة بزاف وانا عارفة هي للي جرات من موراك باش تخليك تزوجها وعلم الله شنو واقع باش مزروبين على هاد زواج هي وعائلتها
عماد: صافي متزوجيهاش امي الا كنتي مغترتاحيش معاها
فاطمة: عماااااد شنو هاد لقباحات عداتك ولا شنو؟ اش هاد فاصون باش كدوي مع ماماك بيها..
عماد: (كيضحك بلفقصة) واااالوالدة نعلي الشيطان رقية انا للي غنحمااق ونتزوجها و ااه كنت كنعرفها داكشي علاش خطبتها من عند باها ماشي حلمت بيها ونضت صباح نخطبها وهي ضريفة زوينة ومن هادشي كااامل انا كنبغيييييها.. مبغيتش نقولك شي حاجة للي تقلقك مني الوالدة واكترية جيت موحشك نتي وبا وعائلتي ودوزت اوقات خايبة لهيه ولبلاصة للي كنت فيها هي فاش كنت غنموت ونتي كتقولي هادشي واخا خليتلكم وقت باش تعرفيهم با طاير بلفرحة كولشي عاجباه هاد العلاقة والعرس بقالو سيمانة ونتي باش توقفي معايا امي وتفرحيلي كتقوليلي سميتها ومها معاجباكش!! فين لوجيك الوالدة فكلامك
فاطمة: (عرفت راسها معندها حتى سبب مقنع رجعاتها دموع) اه اولدي انا للي خايفة عليك وكنقلب على مصلاحتك وبغيتلك ما حسن
عماد: (بتنهيدة) وعلاه كاين للي كينسا مو من بعد ميتزوج
فاطمة: هاديك غتخليك تنساني انا عارفة
عماد: وعلاش والدة ميخي راني راجل الوالدة ماشي انا للي تخليني مرا اخرى تنسيني فللي ولداتني.. مظلميش لبنت وعائلتها كتر من هاكا مجيتش وختاريتها هاكاك وانا مسؤوول على اختياري كما كان خايب ولا زوين.. (خرج من الطموبيل وهو مكره كان حاس بيها مغيعجبها حتى حاجة غير خرج ديمارات خاف عليها متهنا حتى تبعها وشافها من لبعد حطات الطموبيل حدا دار عمو عاد تحرك..)
عبد الله: راه كولشي وجداتو ختك مريم ولالة زهرة بقا خواتم خرج صباح وسير شريهم وخود شي كادوات للبنت
عماد: واخا لواليد الا جا يونس انا فسطح (طلعت ركبت النمرة جديدة وصونيت على روكا) حبيبتي
رقية: حشومة عليك من صباح وانا كنتسناك
عماد: راكي عارفة احبيبة غير مع المشاغيل وكنت ملهي فامور الخطبة.. توحشتك قبيلة مسخيتش بيك
رقية: (بابتسامة وتكات على وسادتها) حتى انا كانت احسن مفاجئة ليا هاد نهار.. (بقاو كيتحابو فالتيليفون وعائشة غير كتفقص على عينها وعلى يونس للي كلات عليه بونية ومزال مصونا عليها.. وعاد زيد مها للي غير كتنكر حيت مبغاوش لبنات يعاونوها ومقاتلة هي ولبنت وكيوجو هاد الليلة متنعسش..)
~~~~~~~~~~~~~
نور: (تبعات عماد بالتاكسي حتى عرفاتو مشا لدار يونس ومن تماك مشات لدار ناريمان) نارو نارو عندي ليك خبر جدييييد باقي بميكتو
ناريمان: (كتسبغ ظفرانها) خبار الخير
نور: متخيليش شكون تلاقيت هاد نهار وشنو عرفت
ناريمان: (حطات ثباغة ودارت عندها) نور هضري اصاحبتي نيشان
نور: كنت جالسة فلقهوى المعلومة ديالنا مع داك صاحبنا وهو يبانلي عماد جالس
ناريمان: يونس ميقدرش ينساني ومستحيل غنفرط فيه دابا منين رجع ومصاب يكون بالصح رجع.. عرفتي شنو ياله نتأكدو واش جا
نور: نارو الا مشينا لحدا دارهم غير غنتحشمو انا كنقول حتى تشوفيه فشي بلاصة بوحدو..
ناريمان: غرجعو لية اليوم ولا غدا
نور: متعرفيه يكون تزوج راه غبر بزاف كتر من 3 سنين
ناريمان: نور انا غنمشي نعرف بعدا واش جا بغيتي تمشي معايا ياله مبغيتيش هانتي هنا (خرجات ركبات فطموبيلتها حتى لحقات عليها نور مشاو للحي حيت مبعيدش وبقاو حدا الدار بالطموبيل كيشوفو غير الداخل والخارج حتى بانلهم يونس شاد ولد كبيبر شوية وداخلين لدار عاد تهنات عرفات الولد غيكون ولد خوه حيت الا تزوج من موراها على الاقل ولدو يكون عندو عماين تحركو من تماك وناريمان ممتيقاش عينيها لدرجة بغات تبكي بالفرحة جربات بزاف دالعلاقات مور يونس ولكن داك الحب لحقيقي للي كان معاه عمرها ولات حسات بيه مع لوخرين واخا كانو كيصرفو عليها مزيان...)
...اصبحنا واصبح الملك لله...
عماد: (فاق البطل ديالنا غسل وجهو لبس حوايجو وهو يمشي كيزعزع يونس من نعاسو) يونس يووووونس
يونس: 😠 اش بغيتي ابنادم
عماد: نوض تمشي معايا لكازا بغيت ناخد شي حاجة وعاد ندوزو للحلاق عدنا شلا مبقدا اصاحبي
يونس: ونتا غتخطب وانا مالي.. قلب علية اعماد الله يرحم باك هاد الساعة
عماد: عمييييييييييي واااااااا عميييييييي محمد (هبط لتحت عند عمو شكا ليه وجلس كيفطر مع باه ومو للي غير قالبة وجهها غمز باه) الواليدة صباح لخير
فاطمة: (ضربها عبد الله من تحت الطابلة ضربة خفيفة برجلو.. بتاسمات) صباح لخير ولدي نعستي مزيان
عماد: الحمد الله الواليدة تخرجي معايا نشري الخاتم؟
فاطمة: لا ولدي انا غنقاد مع زهرة شنو خاص راه مزال تابعنا بزاف منديرو
عماد: (بفرحة ناض باسلها يديها حيت كتكرهو يبوسلها راسها ويشرفها.. وباس جبهت باه.. شاف يونس لابس ونازل مخنزر وغير كينكر جلس كيفطر عاد ناضو تحركو دازو من حدا دار لبنات هز راسو كيشوف)
يونس: 😠 شوف قدامك ابنادم وزرب راه باقي نجيبو الطموبيل من ديباناج (بحرا كيصحصح بالسيف هو حتى 5 عاد نعس وهو كيهضر مع عويشة فالتيليفون خداو تاكسي ومشاو جابو طموبيلة يونس كيتسنى دوزلو المكافئة عاد يبدل لحديدة ويشري شي عقار وللي بقا يبلوكيه.. شدو طريق لكازا) عارف شنو غتشري
عماد: لا شفت لبارح شي حاجة فكازا وبغيت نشريها، تلاقيت نور وسولات عليك
يونس: مزيان
عماد: صافي غير مزيان راه غتكون وصلاتها لناريمان
يونس: ومن بعد
عماد: عندك الحق شنو فجهها كاع دير، نتا نسيتي ديك خيتنا وطويتي صفحتها وحتى نور قمعتها لبارح
يونس: بغيتي رأيي انا دوك لبنات بجوج مكيهمونيش يعني ولاو بحالهم بحال اي واحد مكنعرفوش وليت كنشوف بعيد باغي نخدم نجمع لفلوس ندير علاش نتزوج نستاقر ندير ولاد صافي شفت راسي مبرت على ايام لمصاحبة وداك تروهيق...
من بعد متقداو ورجعو للدار كان كولشي واجد تغداو مجموعين وبقاو مجمعين شوية .. ومن بعد مشاو دراري للحلاق حلقو على الحالة وجاب عماد شنو يلبس رجعو كانو لكبار كيلبسو حوايجهم ويتقادو تسناو حتى جا اشرف مور العصر باش يمشيو مجموعين.. طلع عماد ويونس لبسو.. (عماد لبس كوستيم فلكحل سبور سليم جاه مطراسي مع طايتو دار ساعتو وبقا كيقاد فلرافاطا.. اما يونس لبس شوميز فلبيض لاسقة عليه وهز لكمام ديالو وسروال سيليو فلكحل وساعتو المعتادة تعطرو ونزلو لتحت كان كولشي واجد والساهلة ان الدار كانت فنفس الحي..
عبد الله: ياله اسيادي الناس كيتسناو (تفرقو فالطموبيلات وهزو كدوات لعروسة فطيافر كولشي مقاد دغيا وصلو اصلا يمكن غير ديماراو الطموبيلات وصلو)
محمد(اب يونس): اشرف قول لدراري يبداو (بداو دقايقية للي كانو حدا دار لبنات وهنا بدات الحيحة وللي خرج يتفرج والنشاط خرجو وخرج مولاي السلطان مكانش متوقع يجيبو دقايقية مكرهش يشطح ولكن مو عاصرة عليه وشاداه من ذراعو بحال غيهرب يونس غير كيضحك ويصفق ويشطح مع ولد اشرف ولحق حتى ادم بكوستيم كيجري ودخل كيشطح خرج الحاج لابس جلابة فلبيج عطاتو واحد النور زويين.. رحب بالناس ودخلو ودقايقية موراهم شاخضين فالجردة اما لبنات لفوق كيشطحو وعزيزة غير كتويل وتندب)
عزيزة: اويييييلي على بنت لحرام (شدات رقية من ذراعها) دابا تعرقي ابنت لكلاب
رقية: (بفرحة كبيرة كانت غطيير متوقعاتش خطوبة كبيرة بحال هادي.. لبسات قفطان محجر فلبيج مزير عليها من صدر وجاي صاية فالخصر صميطة رقية فالذهبي واكسسوارات فلبيج وضوري دارت مشيطة خفييفة وخيط الريح رقيق فجبهتها اما لمكياج فكان عادي بين غير ملامحها مزيان خلات كولشي لعرس.. اما عيشة للي كتحير بشعرها كانت لابسة قفطان فلبلو مارين سامبل غير هو مزير ومبين كاع مفاتينها وطالقة شعرها ومبوكلاه ودايرة مكياج عادي ضرق الضربة للي فالعين مركزة غير على شنايف دايرة عكر حمر ماط.. منين سمعات صلى وسلام.. وزغارت كتقرب وقفات ولكن داخت مشات كتجري لطواليط ردات لغدا كولو.. دخلو الناس واولهم مولاي السلطان للي هاز بوكي كبير دلورد جلس فالصالون وجلسو الناس مشاو دقايقية عاد طلقو موسيقى ممجهداش ديال الطرب الاندلسي بقاو كيرحبو ببعضياتهم وكولشي فرحان)
عبد الله: (حنا عند مرتو) فاطمة لحبيبة ديالي طلقي من الدري خليه يتحرك على خاطرو
فاطمة: عاد طلقات ودارت ابتسامة فوجهها هي خاصها غير لكلام لحلو وترجع زوينة...
ادم: لا عمو شرالي انا لوعاب (خدا واحد لواطة ومشا كيجري عماد خرجو عينيه لحقات بيه عزيزة كتجر وادم كيجر ويبكي متهنا حتى فتح وتجبد المستخبي كان عبارة عند دوبياس ولكن غير خيوطة فلحمر كان من محل فكتوريا 👙 عماد رجع حمر فوجهو وحمد الله حيت وكان يشوفو شي لاخر يعيطولو لبوليس الاداب يهزوه.. ضرباتو عزيزة ليديه ومشا كيبكي ويغوت لوعابتي جمعات دوك لخيوطة ورداتهم.. مشات من حداهم ودخلات لبيت لبنااات تكمل على ادم)
عزيزة: فين داك ولد لحرام
عائشة: واش غنباتو هنا مزال منخرجو.. هي جات معاها واناولاش بغيت نمشي نجلس حدا الناس
عزيزة: صافي ياله تخرجو دابا راه كولشي كيسول عليكم
رقية: نااااري انا خايفة بزااف
عزيزة: (كتقادلها لقفطان) متخافي مدهشي ابنتي كولشي غيكون مزيان ان شاء الله راه مخلاو مجابو ولعريس تبارك الله عليه ويحفظو غزاال (خرجو وفوسطهم رقية للي حانية راسها وصلو للصالون وبداو تعشاق على نبي وزغاريت خلاوها زادت غرقات فحوابجها بالحشمة جلسوها حدا لعريس)
عماد: (مقدرش يصبر) اححح عليك هادشي كامل مخبعاه
رقية: (بابتسامة مقداتش تهز العين فيه وكتسمع غير المدح من كولشي كتقلب على عيشة لقاتها جالسة حدا مريم للي كان يونس تماك هادي للي من صباح وهي كتوصيها متخليهاش بوحدها دازت وقت وبقاو رجال كيهضرو برسمية انهم بغاو لبنت لولدهم وسولو رقية وهنا صقيير كيتسناوها تجاوب موقف لا يحسد عليه غير عيشة فالقنت للي كظحك حتى قال الحاج احمد بارك الله لهما حطو خواتهم وداكشي للي جابلها عماد وطورطا كبيرة مكتوب فيها خطوبة عماد ورقيةجا يلبسها لخاتم لقاها مزالة لابسة لخاتم للي عطاها منين كانو فالمانيا بتاسم وقالها) غير خليه لبسك هدا فوق منو انا باينلي غنبقى غير نخطب فيك
رقية: هههه (تبادلو لخواتم لبسها نبالة وسنسلة كرافاج وزغاريت حاضرة كملو طقوس الخطوبة.. واخيرا جا الوقت وتسمح ليهم يجلسو فالصالة بوحدهم بتنهيدة وهزات عينيها فيه) ممتيقاش هاد نهار جا
عماد: لا كبيدة نتي للي غتشرفي وتهزي من بلاصتك وتقلبي ستة تسعود وتخليني مع لحبيبة ديالي الراس فالراس وعاد ديريها زوينة لاهي علينا الشعب راه كولشي حاط عينو علينا
عائشة: (قوسات عينها فيه) يخخ مفيديكش (ناضت من حداهم ودخلات لكوزينة وكتفكر كفاش تهضر مع يونس حتى بانلها غادي لحمام هزت جلايلها غير سد لباب بغات تبعو وتحل لباب)
عزيزة: عيشة راه لحمام عامر دخلي لبيتي
يونس: (بابتسامة عرفها كانت غتبعو وهو ناض غير على حسابها باش يشوفها..)
عائشة: (كضور عينيها) لا معامرش
عماد: لا ختي راه عامر (ومالي شي يبوس وشي يتخيل)
عائشة: (خنزرت فيه شفت فماما كتبرق فية بعينيها دخلت لكوزينا وتبعاتني) ماما واش مزال محددو العرس فوقاش
عزيزة: (كتشوف لصلاد ولعشا) معرفت ابنتي يمكن حتى امور لعسا عاد يهضرو فداكشي
عائشة: (بانلي يونس خارج تبعتو شفت حط درهم لعماد)
يونس: جات معاك تبقا تحضي طواليط (شاف الحاج خارج من الصالون) عماد ياله دخل
عماد: (ناض وهو كيبتاسم مع الحاج وكيتحلف فيونس.، كانت الحرب الرباعية بيناتهم واحد كيحشيها لاخر بقاو مجمعين ومريم نضمات لبنات وبقات معاهم كيتعاودو ويضحكو حتى جا وقت لعشا وتفرقو رجال بقاو فالصالون ولعيالات مشاو للصالة حطو لعشا للي كان فاااخر كملو عشاهم وحطو اتاي عاد رجال ناضو كيهضرو فالعرس اما تباقي بين العريس والعروسة كانت ضريب صداق والعرس فنهار واحد ومن شرط عماد لعقد يكون فالجامع كولشي استغرب حيت زعما عارفينو عقلية اوروبية ولكن هو بين العكس كولشي بغاه بتقاليدو وعوايدو والعرس من هنا 10 ايام واخا تكره عماد للي بغاه من هنا سيمانة او اقل ولكن كلمة لكبار بقات هي اللولة.. قراو الفاتحة وعاد كملو جموع بيناتهم دازت خطوبة خفيفة ظريفة كولشي فرح ضربات 12 ناضو مشاو فحالهم...)
نور: (بصدمة دايرة يديها على وجهها ودايخة من هاد لخبر زعزعاتها ناريمان) هداااي
ناريمان: نوور صافي اصاحبتي غتجيبيها غير فصحتك
نور: ياااك ونتي الا يونس سمعتي بخطوبتو هاكا تكون ردة الفعل ديالك عادي بغيتيني نبرد ونضحك
ناريمان: نووور انا غير ونتي غير متنسايش انا ويونس كنا كنتبغاو و3 سنين وانا وياه ودازو بزاف حوايج زوينين بيناتنا.. وكان ماشي قلب علية وانا مزالة معارفة حتى علاش وكان راحنا مزوجين هادي 3 سنين عمرك تقارني معايا عماد عمرو وعادك وخلف عكسي انا للي واعدني وخلاني وشوفي شحال غبر وعمرني نسيتو
نور: (مسحات دموعها) هو للي قالي عمرو يفكر بتزوج ونهار يبغي يتمنى نكون انا
ناريمان: نتي عارفة مزيان عماد كفاش داير وهو يمكن خطب ديك لبنت غي حيت باهم صاحب باين يونس وباه هو.. انا عمرني تخيلتو يتزوج
نور: وها هو تزوج (بتنهيدة) بففف منقدرش نشوفو مع شي كلبة
عائشة: (حيدات نظاظر وشافت فيها) عادي واحد بغا يشوف خطيبتو ويهضرو على المستقبل للي تابعهم
رقية: تي نوضي الله يجيبك على خير عماد متوحش يبوس ويشلقم
عائشة: زعما نتي مموحشاش كلاب لبارح حرمتوها علية (ضربات 3 دلعشية صونيت على يونس كان مزال فلخدمة وبعيد مزال مخرج من رباط ولا تمارة خرجنا كان عماد كيتسنى رقية قدام الشركة ثلمنا عليه)
عماد: طلعي نوصلك
عائشة: قالك توصلتي راه غنبقى معاكم حتى يجي يويو ديالي
عماد: (عوج سيفتو فيها وهي كتشقلب فعينيها تقليلو السم مشاو يتغداو حدا لبحر واكيد فخبار عزيزة ان بنتها غتلاقا بخطيبها وصيفطات معاها عيشة.. عماد خلا عيشة فطبلة ومشا جلس هو ورقية بوحدهم غير كيضحكو ويكركرو وتفكرو لبارح ويتافقو على العرس وعيشة غير كتخنزر فيهم حيت مخلوهاش تجلس معاهم دازت شي نص ساعة وهو يبان يونس داخل مع باب ريسطو ياله وقفات عيشة باش تشيرلو يجي حتى كتبانلها وحدة طارت عليه وعنقاتو هو بقا غير واقف لا حركة حيد نظاظرو وبعدات منو.. كانت غطرطق كتسنى فيه شنو غيدير وشكون هاد حيزبونة للي عنقاتو باينة شي كاورية شافت فرقية لقاتها حتى هي حالة فمها وكيتقراو بلعنين على هادي للي بانت اما عماد حاشي وجهو فالكبسل وباينة كيعرفها..)
يونس: (كيشوف فيها باستغراب ودماغو رجع ل4 سنين اللور) ناريمان!
ناريمان: (بفرحة) توحشتك بزااف ايونس
يونس: ششنو هادشي
ناريمان: (تحول وجهها من فرح لحزن وعلاين تبكي.. كانت شاكة يونس يجي وتبع صاحبو وبقات كتسنى ونيت داكشي للي بغات بان يونس ومقدراتش تكابر على لقات راسها معنقاه) مقدرتش ننساك ايونس عيييت ونتا بعيد علية كل نهار كنتفكر ونقلب عليك بحال لهبيلة مفقدتش الامل وبقيت كنتسناك كل نهار تبان
يونس: it's too late (فات الاوان) هاد لكلام مبقا نافع بوالو اناريمان كنا وكنتي
ناريمان: علاش السبب للي فراسك انني خنتك كاع مكاينش علاش مسمعتيش مني ولا كنتي على سبة
يونس: (بدا كيتعصب وهو كيشوف فيها كفاش كتكذب) ناريمان انا فاش كنت قصرت معاك باش تمشي لعند صاحبي
ناربمان: (كتبكي) والله مكاين هاد لهضرة (حسابلها عماد) عمري حتى نفكر فيها😭
يونس: شششت ناريمان انا والله مغضبان منك حيت اصلا مبقيتي كتعنيلي والو.. كنتي حبيبتي ودابا مكنحس بوالو معاك غير نسايني ابنت الناس
يونس: كنتي حبيبتي ودابا مكنحس بوالو معاك غير نسايني ابنت الناس وشوفي طريقك للي ختاريتيها
ناريمان: (كتزيد تبكي شفق عليها وجلسها فكرسي وكيعطيها باش تمسح دموعها) كولشي ضربتيه فالزيرو 3 سنين بحال عمرنا كنا بجوج
يونس: عطيتك فرصة نهار بغينا نتلقاو فلوطيل وخليايلي ورقة داك نهار كنت باغي نسمع من عندك ولكن كما العادة معمرك عطيتيني وقت للي نفهمك فيه
ناربمان: داك نهار خفت
يونس: مديرش متخافش ياك كلامك عقلتي وانا عارف ديك الليلة كانت عندك عرض ماشي خفتي فنظرك انا وحدة الازياء هو حياتها غتنفعني بعقليتي للي كتجيك معقدة تكون مرا دبال الدار وتولد ويكون عندها مسؤولية
ناريمان: اه عندك الصح هاكا كنت كنفكر اما دابا لا مستاعدة نوازن
يونس: (بابتسامة) توازني؟
ناريمان: اه
يونس: ناريمان انا وياك منصلاحوش مبغيتش نقول شي حاجة اخرى للي ضرك خلينا خوت..حتاجيتي شي حاجة شي نهار غتلقايني (وقفت وهي تشدلي يدي)
ناريمان: عفاك ايونس مزالة كنبغيك
عائشة: وصافي اعما غير طلق والله منمشي لعندهم (تغرغرو عينيها) وعفاك مبغيتش نشوف هاد زبل من ديكور (خلص عماد وخرجو دازو من حدا يونس اما عيشة شادها عماد من ذراعها باش مظيرش شي شوهة حيت عارف ناريمان من الماضي عكس عويشة للي هي مستقبل وحاضر يونس للي كيحماق عليها مشاو للطموبيل وعيشة بحال العافية غير كتصوط..)
ناريمان: غير سمعني (مشا وخلاها كتعيط باسمو وكتبكي اول مرة مكيهمهاش صورتها قدام الناس.. للي بغا يشوف يشوف للي بغا يضحك للي بغا يتشفى للي بغا يشفق عليها حتى واحد مهمها فشلات وجلسات مربعة يديها ووحاطة راسها علي يديها)
يونس: (بالصح محسيت بوالو هادي هي للي كنت كنبغي نقتل عليها بنادم الا شاف فيها نص شوفة!! وصل لباركينغ كيسما غواا عيشة من لبعد تبسم وعرف راسو من دابا وهو يرغب مشيت حليت لباب لعيشة) نزلي اجي معايا
عائشة: (كتشقلب عينيها وتبرك على الحروف) خويا عماد وصلني لدارنا
يونس: عماد نزل نتا سير مع خطيبتك جلسو على خاطركم
عائشة: خويا عماد وصلني لدارنا ورجع معاها
يونس: عيشة صافي نزلي نمشيو نجلسو انا وياك ونهضرو علاش نحرمو عليهم حتى هوما يجلسو بجوج
عائشة: لا غير خليك مع ديك لكاورية ديالك للي جاية تابعاك علم الله شحال كنا بينا
يونس: هاديك ماشي كاورية اعيشة هاديك السيدة كنت كنعرفها قبل حتى منعرفك (غمزت عماد خرج وطلعت حلست حداها واها كانت بغات تنزل شديتها من ذراعها حتى قالت *اي*) هاديك هي للي قلتلك كنت معاها ومكملاتش بيناتنا وكل واحد مشا فطريقو
عائشة: لا رد
يونس: (كيقيسلها شعرها) عويشتي نتي حبيبتي وحياتي اخر حاجة تفكري فيها هو تكون عندي شي وحدة فحياتي من غيرك
عائشة: (لوات شنايفها) وعلاش خليتها تعنقك
يونس: نتي شفتي بعينيك هي للي رمات راسها علية ومرة اخرى الا عاوداتها غنتفاهم معاها انا غير درت بحساب العشرة
عائشة: متعاودش دير بحساب شي عشرة ولا زبل
يونس: (بابتسامة) واخا لالة غير كوني نتي على خاطرك.. توحشتك المجنونة ديالي
عائشة: (بابتسامة) وانا كتر ايويو ديالي
يونس: لبارح كنتي بغيتي تبعيني للحمام وكان ماشي للي خاضيها وكان دخلتي عندي... علااش
عائشة: (بدلع) كنت موحشاك وبغيت نهضر معاك توحشت وجهك توحشت اي حاجة فيك..
يونس: (نزل لشنايفها قبل متكمل اصلا غير هااد لكلمات وخلات الشوق يفيييض عليهم بجوج حلف ميطلق مرة شنايفو كيكونو حلوين ومرة كيجهل عليها ومباغيش يرخيها عضها مصها لسانو لعب بلسانها ومبغاش يبرد توحشها بزااف.. حتى بقات كدفعو بالجهد عاد حيد خلاها كتلقط نفسها وترد الروح ليها جبدها عندو عنقها وكيشم فشعرها ويبوسها حتى بردو بجوج.. رجعات بجوج خطوات وكتقاد شعرها وحوايجها وتمسح شنايفها وهو غير كيتبسم ويشوف فيها حتى بقا كيقاد معاها) ولا صعيب علية نخليك ونمشي (بتأسف) مبقاش كيجيني نعاس بكترة التفكير (بتنهيدة) فراقك غير كيزيد يعذبني
عائشة: ولكن حنا كنتسناو غير يفوت العرس بشي ايام ون..
يونس: ولو مبفيتش قاد نصبر وصلت لصطاج للتالي بغيتك تكوني معايا ديما لقاك قدامي
عائشة: (ياله جيت نهضر حتى جاو الحبان غير طلعو نزلنا ومشينا لطموبيلة ديال يونس وركبنا تعانقنا وبقينا ساكتين معرفش علاش كان زعفان خليتو على خاطرو.. يمكن حيت كيشوف عماد قرب يتزوج وهو لا.. اويلي ياكما باقي كيبغي ديك الزعرة حيدت من حداه وشفت فيه) ياكما كالع ليك الدم حيت مزال باغي ديك خيتي
يونس: نوضي سيري تمشي انا للي داير فيك راسي
عائشة: وعلاش طالع ليك الدم
يونس: راني قلت ليك موحشك وباغيك ديما تكوني معايا ساعة جدك مكتعرفيش لهادشي خاصك غير لمقاتلة
يونس: هههه حبيبة راه ظلام الحال سيري وانا تابعكم غير ندخل للدار غنصوني عليك
عائشة: (بستو فحنكو وعاود حرني وباسني فشنايفي عاد مشيت من حداه طلعت ركبت ومشينا فجو ديال شطيح ولموسيقى كيسمعوها للي واقفين فصطوب.. وصلنا للدار طلعنا ومشيت كنجري لبالكون شفت يونس لحوب ديالي كيسوك غير بشوية قدام الدار ومرة مرة كيهز عينو فية حتى وصل لدارهم ومبقاش كيبان حيت جاية فالدورة)
عزيزة: (كتقرا فجورنال وتعاود تصويرة مبيناش بزاف اخر حاجة توقعاتها من قيصر هو يدير هادشي ولا غير حيت كانت مزالة صغيرة ومعارفة والو على الناس.. دخل احمد حطات داك الجرنال للي خرجات كتقلب عليه وتأكد ولكن مزال مالقات تصويرتو مغتهنا حتى تشوف بعينيها.. شافت راجلها غير كيدخل فتقديا ومخلا مجاب ناضت استغفرات الله دخلات لعند بيت لبنات كتشوف كولشي هو هداك دهاز مقاد كامل وفلبلزات جلسات كانت مهدودة نفسيا كتر معيات هاد الايام وهي كتوجد لعرس بنتها من نهار قالولها بناتها على الخبر وهي اللور اللور محسات حتى دخل عليها احمد وقفات مخلوعة)
احمد: (دارلها اشارة باش تجلس) عزيزة حبيبة مالك
عزيزة: والو غير راك عارف مع التوجاد بغيت كولشي يكون هو هداك ولبنت ميخصها والو قبل متمشي
احمد: وحتى وكان تمشي غتبقا بنتنا ومحسوبة علينا يعني راه غير غتبدل السكنى وتكون مع راجلها.. وبلا متهولي عليها عماد راجل تبارك الله مخلق وولد الناس
عزيزة: (بقات غير ساكتى وحسات بذنب عظيم شوف هي فين كتفكر وشوف راجل غريب جاب بناتي من لخيرية وعاملهم حسن بالف مرة ككنعاملهم جا عندي عنقني باسلي يدي وجبهتي متهنى حتى ضحكني عاد خرجنا من بيت لبنات وكلها مشا يكمل شغالو حتى جاو لبنات من الصالون دخلو يرتاحو وكنفكر فحاجة ولكن معرفت واش احمد يوافقني عليها ولا لا) احم سيدي احمد
احمد: نعام الالة عزيزة
عزيزة: (بحزن وتوتر كبير) حنا غدا غنبداو هاد الفرحة وكما كتعرف الفرحة متكمل غير مع حبابنا
احمد: (وقف ومشا عندها) عزيزة نتي وبناتي وولدي وصحابي هوما عائلتي وهنا سدينا الهضرة (خرج مكره ماشي من عزيزة لا مكره من عائلتو للي نكروه حيت تزوج بهجالة وعاد منين عرفو عندها جوج بنات كملات كل مرة كيديرولها الشوهة فلحومة ويعيطولها السحارة وشحال من حاجة وهادشي كامل عزيزة عمرها فتحات فمها او تشكات الجيران للي كانو كيعاودولي صبرتلهم مرة جوج 3 منين ماتت الام ديالي صافي مبقيت مندير مع الخوت خديت رزقي وحقي من الورث ورحلت لمدينة اخرى.. فاللول كانت مضايقات ولكن مع الوقت نساوني ونسيتهم..)
سيدتي الجزء 12
محتوى القصة
التنقل بين الأجزاء