عماد: (خرج وهو مكره مشا نيشان عند يونس نوضو من نعاسو ومشاو يدورو يشوفو شنو ناقص)
يونس: صافي الدار كولشي واجد فيها
عماد: تقريبا ماشي كولشي ولكن لحوايج الضرورية كاينين
يونس: عجبتني لبلاصة نقية ومكاينينش الجيران بزاف كتبانلي ناخد حتى انا شي دار فنفس المجمع
عماد: ان شاء الله.. دوك الفلوس امتى تخرجهم
يونس: ماشي دابا حتى دوز وقيتة
عماد: مصخووط نتا.. قتا غير فهد للي كياخد لفلوس ساعة نتا كتغوت عليه وتسمعو المحاضرات وحقا اي سنتيم خديتي من المنظمة خاصك دوزو لكونت نيشان ساعة كنتي كدوزو لكونت ديالك هه
يونس: هه اوا مكنتش اناني معاك راه قسمنا النص بالنص
عماد: غيير رشيتني باش نسكت
~~~~~~~~~~~
عزيزة جمعات الجيران والناس للي كتعرف يحضرو لحنة ديال رقية قادو كولشي لعروسة جات من عند لكوافورة هي وختها باللبسة الخضرا ديال الحنة النقاشة كاينة دخلات رقية بالزغاريت وصلا وسلام كولشي فرحان جلسات رقية فبلاصتها وبدات النقاشة فخدمتها وللي كيشطح وللي فرحان وعزيزة غير كطير من هنا وهنا تراعي لطياب والناس وكيتسناو اهل لعريس يجيو باش حتى عماد يديرولو دويرة ديال حنة فيدو فضلو كولشي يديروه بجوج كملات مراسيم النقش وكولشي داز بيخير كملو بكري باش كولشي يرتاح ويوجدو لنهار الكبير..
رقية: ااااه شحال عييت (هازة يديها وهازة رجليها فوق وسادة)
عائشة: (كتشوف فختها) سعداتك اختي حسدتك
رقية: 👋 خمسة وخميس كما شفتيني تخليني.. تشوفي عينيك في كفاك
عائشة: صراحة حاجة وحدة للي غنستافد منها هو غنتهنى من خليقتك ويبقى لبيت لية بوحدي
رقية: وي هادي احسن حاجة اللهم نعس في حظن حبيبي ولا نعس على شخيرك وحزاقك
عائشة: واش مكتحسيش شحال بكينا انا وماما وكولشي عليك ونتي كتحني ونتي ولا هنا الظحكة واصلة لودنيك
يونس: عجباتني فكرة دير العقد فالجامع واخا كولشي جاتو غريبة ولكن انا فهمتك بغيتي تبدا حياتك هاكا برافو عليك
عماد: اول واحد فهمني فيهم (مشينا للجامع للي فلحي بقاو كيهضرو مع العدول كان كولشي واجد بقات غير سيني ديال لعرسان شوية وهي تبانلو طموبيلة ديال الحاج بقا كيشوف متشوق يشوفها غير نزلات كانت لابسة جلابة فلبيج وشال كانت غزيولة لا مكياج لا والو طبيعية وعاد جاية من الحمام ولحنيكات حومر نزلات حتى عيشة ومها تسالمو.. دخلو رجال كانو القدام كيهضرو عطاو لعماد سنا هو اللول وعيشة غير كتسنى يونس يضور مهما لا جامع لاوالو الدودة للي فيها ممهناياها شوية شافو الحاج احمد جاي وهاز معاه لكتاب وشي وراق لرقية حطو حداها وسولها مقدراتش تجاوب ولكن هزات ستيلو وسنات بقاو كيباركو لبعضياتهم وخرجو من الجامع عماد جر رقية من ذراعها وحتى واحد مهضر اصلا صافي ولات ديالو شرعا وقانونا سبقوه وخلاوهم على خاطرهم) مبروك علينا احبيبة
رقية: (بابتسامة☺) مبروك علينا احبيبي
عماد: انا بغيت نعقدو فالجامع باش كولشي يكون صافي بيناتنا فهمتي
رقية: نتا كتعرف كولشي علية وانا كنعرف عليك كولشي
عماد: (بتنهيدة) يعني مكاينة حتى حاجة مخبعة بيناتنا؟
رقية: لا حتى حاجة مكاينة
عماد: واخا حبيبتي خاصك تعرفي انا كنتيق فيك كتر من راسي (باسلها راسها) وكنبغيك لدرجة كبييرة وعمرني كنت فرحان لهاد الدرجة الا معاك نتي..
عماد: .. وكنبغيك لدرجة كبييرة وعمرني كنت فرحان لهاد الدرجة الا معاك نتي احياتي (كيلعب فحنوكها) شحال غزيولة هاد نهار نتي ديما زوينة ولكن دابا اححح (عض فشنايفو)
رقية: (حشمات) حتى نتا ومزال اليوم تشوفني (بتوتر) عمااد
عماد: نعام احبيبة
رقية: لا والو خاصني نمشي بحرا نوجد راسي
عماد: صافي بلاش علينا شي عرس ياله نقضيو الغراض ونوصلك حتى القاعة وردة مقادة هي هاديك
رقية: هههه ياله وصلني احبيبة راني تعطلت (ركبنا وانا فرحانة بزااف لدرجة غنموت بلخلعة ومتوترة وكولشي فية خليت كولشي على الله وركزت فالفرحة ديالنا وصلت للدار واخا مسخيتش كيقتلني بالظحك هاد لحمق طلعت للدار وهو بقا كيتسنا الشانطات ديالي هبطهم ليه عمي وخليت غير للي غنحتاج منين نسافرو لشمال.. غير دخلت بقاو كيزغرتو لعيالات للي تماك بتاسمت ليهم ودخلت نيشان لبيتي حيدت الجلابة كانت عيشة كتسناني تغدينا عاد دانا عمي للصالون حيت غنبداو بكري على حساب باه ومو للي عندهم الطيارة وبغاهم يحضرو فكولشي واكيد من حقو وانا معندي حتى مشكل قاديت حالتي من صباع رجلي لشعري واكيد للي درتو كديرو عيشة لهبيلة معايا بقينا حتى ضربات السبعة لعشية كملنا ولبست التكشيطة لبيضا للي كخل بيها اي عروس وعويشة لبسات قفطان حكل مشبك من ليدين وكولو منبت من صدر وجاية صاية من تحت لحزام بقات غير مقابلة لمرايا وتصور بقيت غير كنفكر صراحة كنت كنقول هادشي ساهل ولكن صعيييييييب وبزاف وكنتفكر كلام عماد ونظراتو منين قالي صباح الا عندك شي حاجة قوليهالي معرفتش شنو كان كيقصد حيت مكيناش شي حاجة مخبعاها عليه من غير داك تبرهيش للي دوزت مع سامي وداكشي ماضي وقلبتها شحال هادي (بتنهيدة شفت لباب لقيت ماما داخلة هي ومريم وفرحانين وكيقراو القران جات باستني ماما) واش جا عماد؟
عزيزة: لا مجاش حنا ممقنعينكش
رقية: لااا غير حسابلي كيجي لعريس ياخدني من هنا
عزيزة: لا غنمشيو لدارنا وعريسك غيجي يهزك من دار باك ولكن بغيت نقولك شي حاجة ونتي ولبكرة ديال ختك
مريم: (فهمات راسها وبغات تخلي الام مع بنتها تقريها شنو دير فليلة عرسها) امم خالتي انا نخرج نقولهم لعروسة واجدة.. حبيبتي روقية جيتي غزالة بزاف ما شاء الله عليك والله يكمل عليك بالف خير
رقية: (بابتسامة) ربي يخليك اختي مريم.. شنو اماما
عزيزة: عيشة اجي هنا.. (جات كتعوج وغير تشوف فاي مرايا كانت قدامها) بناتي نتوما دابا كبرتو رقية تزوجات اليوم ونتي غتزوجي غدا
عائشة: (حسابلها يونس قال شي حاجة بلفرحة) حلفي اماما😍
عزيزة: (عوجت سيفتها فبنتها) لا حولة مهم ماضيكم فين كنتي وكعشتو مخصش راجلكم يعرفو واخا يكون كيموت على تراب رجليكم رجال كما كانو وغير لقليييل للي مكيعايرش لمرا بماضيها اما الاغلبية يعاير يعاير مرة يقصد مرة ميقصدش حبت هوما ماشي بحالنا للي جات فمهم يكوروها ويعطيونا عكسنا حنا للي نحسبو الف حساب عاد نهضرو
لبنات غير كيضورو عينيهم 🙄 جات نصيحتها معطلة يونس وعماد هادي شحال وهوما عارفين كولشي ولكن الثقة للي دايرين لبنات فيهم كبيييرة باش يتخيلو شي نهار يتعايرو بماضيهم للي معندهم فيه حتى ذنب كملات عزيزة المحاضرة وبحال كتكب غير لما فالرملة وهوما غير كينعمولها دارو لفوال على لعروسة وخرجو بزغاريت وركبو فالطموبيل ومشاو نيشار لدار الحاج للي كانت كولها ضواوو ملونين..
يونس: بففف اش كديري هنا
ناريمان: (شادة فذراعو وكتشوف القدام وباليد التانية شادة قفطانها للي لفتحة واصلة لفخاضها وفتحة فصدرها ودايرة كيلو مكياج ولكن لايق عليها كانت سكسي بهاد لمعنى والقفطان لاسق جات بحال شي حوتة وشعر مسبسب) حبيبي ماشي وقت لكلام دابا خاصنا نفرحو لعماد
ناريمان: (شافت باه جاي وطلقات ضحكة ورجعات شدات فيه وهو يوقف عليهم اب يونس ستغلات الموقف وباست يدو) الحاج لباس عليك مبروك مدرتو لعماد
اب يونس: (غير كيشوف فيونس وفيها عقل عليها هي للي كانت كتجي تقلب على يونس ليامات للي كان غابر فيهم) الله يبارك فيك ابنتي (معجبوش الحال يجيبها وهوما مبيناتهم حتى علاقة رسمية)
يونس: احم (حيد يديها) ختي شكرا على لمجية ديالك عقبالك حتى نتي بغيتي تجلسي قلبي على شي طبلة وجلسي
ناريمان: (وكان لقات الارض تصرطها ولا هاد الفرشة بقات غير كضور عينيها ووجها كيدوز فيه شحال من لون شافتو زاد وخلاها وحتى باه مشا جلسات فاقرب كرسي والفقصة كتاكلها بقات غير متبعاه وهو كيهضر مع عماد وكتسنى شي فرصة للي تقرب منو)
عزيزة: عيشة بنتي فين كنتي من صباح وانا كنقلب عليك
عائشة: من قبيلة وانا جالسة اماما فالقاعة واش بغيتي شي حاجة
عائشة: واخا اماما انا تلقايني غير حدا رقية (مشيت عندها كان يونس كيهضر مع عماد غير وقفت ضربني بغمزة تلفني حتى شفت رقية بتكشيكة فلحمر ويلي كاع هاكا غبنا بقيت كنهضر مع رقية حتى كتبانلي واحد القرطاسة جات ووقفات سلمات على عماد انا ورقية تشاوفنا ورجعنا كنشوفو فيها تفكرت هادي للي عنقات يونس داك نهار بقيت حاضية يونس للي كان معصب)
ناريمان: خويا عماد مبروك عليك بالرفاء والبنين (سلمات عليه باليد ومشات عند رقية مدات يديها) مبروك احبيبة تهلاي فعماد راك خديتي زين رجال
رقية: راني عارفاه زين رجال داكشي علاش خديتو
ناريمان: امم احم (ضارت عند يونس) حبيبي بغيت نتكلم معاك فشي حاجة كتخصنا
عائشة: حبيبي!! (شفت فيونس كان باينة عليه معصب خاصني نسكت راه عرس ختي هدا هو للي خاصو يوقفها عند حدها)
يونس: (زاد قدامها ولقا احمد قدامو وقفات ناريمان حداه حتى هي بقيت كنهضر معاه وهي واقفة كانت لسقة بمعنى الكلمة دارتلي هاد نهار علاش نعقل مزيان وعاد كتزيد حتى هي تهضر وتشد فيدي حتى تعصبت خرجت لبرا وهي تبعني وقفت حدا الطموبيل ضرت عندها جمعت معاها بتصرفيقة حتى شعرها تشتت فوجهها) غتزيدي تقربي مني غتشوفي وجه للي عمرك تمناي تشوفيه
ناريمان: هئ هئ نتا عارفني كنبغيك
يونس: 😡 وانا لا وبعدي مني وخوي ساحتي عليك ناريمان لقاك مرة اخرى كتلسقي فية غنتفاهم معاك راني مزال معاك ولد الناس وداير حساب العشرة للي كانت ومبقاتش.. اه ودخلي لهاد لعرس نحش لمك ركابي ياله تكركبي طريق للي جابتك ترجعك (ضرت لقيت عويشة حدا لباب غير شافتني جاي دخلات بقيت برا كنكمي وانا مغلغل كولشي ضرباتولي فالزيرو هاد نهار...)
اشرف: (بابتسامة على جنب) كولشي.. دابا دخل ونسا عليك راحنا فعرس اصاحبي (دخلو ويونس كيشوف فاشرف بنص عين غير دخل كان عماد لابس جابادور وكيشطح مع رقية للي كانت باللبسة ديال الشلحة وجات غزاالة بالجهد اما مولاي السلطان للي مهداش من التعناق ومهامو حتى حاجة ولا شي واحد والضحكة واصلة لودنيه غير شاف يونس جرو معاه كيشطحو هنا تشمكرونسا راسو عريس وبقا كيشطح من نيتو الحال مايشاور انا رقية غير كتصفق وظحك عكس رقية للي مرسومة فووجهها ابتسامة باهتة يونس غير كيقلب بعويناتو عليها حتى لقاها بقى كريجع باللور حتى وصل حداها الناس تخلطات وكولشي كيشطح عماد ورقية رجعو جلسو فالكوشة ويونس بقا واقف حدا عيشة حتى بحركة خفيفة شد فيديها وبرك عليها وهضر بشوية) حبيبة متقلقيش
عائشة: (لا رد) مرة اخرى نشوفها قربات لعندك مغنشدش راسي
يونس: مغتكونش مرة اخرى احبيبة غير ضحكي
عائشة: (دارت باتسامة عريضة فوجهها حتى شافت مها قاصداها بعات خطوات من يونس وبقات كتهضر مع مها كان لعشا غيتحط قريب بقاو الناس كيقادو الجلسة عائشة جلسات مع طابلة العرسان الخاصة وهو يجي يونس وجلس حداها باغي يرضيها باي ثمن المهم متبقاش مقلقة واخا ماشي بيدو ولكن عندو اهم يشوفها ضاحكة جلس احمد وعبد الله وفاطمة وعزيزة ولالة زهرة بداو السرباية كيسربيو ويحطو لعشا الطبق اللول والثاني والثالث عاد الديسير كملو وغسلو يديهم مشات لعروسة تبدل وتبعاتها عيشة حتى هي تلبس معاها..
اب يونس:ولدي هاديك لبنت هي..
يونس: 😠 هاديك واحد الصديقة كنت كنعرفها وصافي مبيناتنا والو جات تبارك لعماد ومشات بحالها
اب يونس: وعلاش معصب
يونس: وشكون قال انا معصب واش غتبقاو غير ديرولي لونكيط عليها صافي وحدة وصافي جات على حساب عماد ماشي على حسابي انا (ناض من حدا باه ومشا كيقلب على اشرف يفهم منو هاد كولشي للي شافو شنو هو..)
من بعد ربع ساعة خرجات رقية بلاغوب لبيضا كانت طوييلة من اللور ومنفوخة من لتحت وجاية من لفوق مشبكة باا يدين غير صميطات كانت رائعة وجاية قتلا معاها ودارت معاها تاج كبير فضوري ومشيطة خفيفة كان شعرها شبه مطلوق ومموج ميكاب خفييف وبحالو دارت عائشة وجاو كيتشابهو وطبق عليهم انهن بالصح توام.. لبسات كسيوة فلبيج ودارت مشطة خفيفة مع خيط الريح وخرجات رقية بالنكافة ودراري صغار منهم ادم وولد اشرف نزار للي لابسين كوستيمات وشادين فيديها طفا الضو وتشعل ضو للي ملون والورد كيتلاح عليها عماد كان كيتسناها حدا الكوشة كانت بحال شي ملاك وكولشي كيصفق مع الاغنية الهادئة وصلات حدا عماد ووقفات شد راسها بيديه وباسها فجبهتها جاو تريتورا وجارين لطارط من 6 طبقات ولفلامات شاعلين قطعو ووكلو بعضياتهم تشعل الضو ولبسو لخواتم دزواج ولبسها شي لاخر شربو لحليب وتمر معمر كانت غطير بالفرحة وكتشوف فعينيه حب كبييير وكل مرة كيزيد يبنلها شحال ملهوف وحامق عليها بقاو كيشطحو على اغنية titanic وعيشة ويونس غير كيتبادلو النظرات والقلوبة خارجة من عينيهم مكرهوش وكان كانو فموطعهم رجعو العرسان بلاصتهم والناس ضايرة بيهم رقية كدير ليهم باي باي حتى تصدمات...)
رقية: شافت فعماد كان كيهضر مع مو وباين داخلين فنقاش قلبات بعينها على عيشة مكيناش بلعات ريقها وشافت فسامي للي لابس كوستيم فلكحل وشوميز فلبيض وكرافطا ممقداش كان واقف من لبيعيد ومخنزر..
سامي: جيت معطل معطل بزاااف (عينيه كانو حومر ومغرغرين بدموع كان فقمة الغضب من راسو ومنها ومن الوقت للي خدة عاد باش جا يقلب عليها كان عارفها على علاقة ولكن فهد كان قال علاقة ماشي جدية غير دايزة وصافي غضب من راسو حيت معرفش راسو كيبغيها لهاد الدرجة وخلاها كضيع بين يدو وكان معاها اكبر شماتة بقا واقف كيتفرج وعينيه فعينيها للي كيحاولو يهربو منو كان فاخر احداث العرس يعني غيكونو سناو العقد وولات مرتو..)
نور:هو الا بغا يتزوج غيتزوج مغيتسناكش ديريها فراسك وزايدون منين غبر عشتي حياتك وتصاحبتي ونعستي مع شحال من واحد فيقي نتي مكنتيش كتسنايه ومخلصة ليه على الاقل كوني صريحة غير مع راسك
ناريمان: (كتبكي وتشهق) ندمت انور والله حتى ندمت متخيلتش راسي منين شفتو ولا رجعلي داكشي كامل وداك الاحساس 😭 بففففف متخيلتوش يضربني
ناريمان: انا وياه فنفس لمدينة كغندير نساه هو من اللول كان ديالي
نور: نتي عارفة يونس غير.. من المستحيل تحكمي فيه كما موالفة صافي نسايه واصلا ميمكنش تعيشو بجوج عندكم عقليتكم مبدلة واحد كيشرق ولاخركيغرب ونتي الوحيدة للي غتعذبي
ناريمان: (بتنهيدة) ندمت علاش مشيت قلت منين يشوفني هاكا غيتبدل وقلبو يحن شوية عاد بلعكس زاد جعر حسيت بيه وكان لقا يقتلني مكانش غيتعطل تانية
نور: هو كرهك ونساك
ناريمان: (شافت فيها بغضب) علاش كديريمعايا هاكا انا جيت باش تواسينيومتي مكتزيدي علية
نور: نتي صاحبتي مغنافقكش هو مبقاش يونس للي كتعرفي من الاحسن طوي صفحتو كما كنتي دايرة هاد 4 سنين ونوضي نقلبو دابا على المعقول حتى لامتى غنجلسو غير ديال راسنا..
عماد: صافي الوالدة حسبي العرس سالا ومزال الوقت باش تمشيو
فاطمة: وبغيت غير نشبع منك اولدي عاد نمشي
رقية: (غير كنبلع ريقي وكنشوف فسامي للي مزال واقف ياربي يمشي يا ربي ميشوفو حتى واحد.. شفت فعماد وقف حدايا وكيهضر مع يونس وعمو الحمد الله بعدا هو مكيعرفوش)
عائشة: (همست لختها) مالي بحال ضاربك كاميو
رقية: عيشة شوفي شكون للي حدا لباب (ياله ضرت نشوف ونوريها دارلي حركة بيديه انه غنوليو نتشاوفو كان ديما كيديرلي هاد لحركة منين كنا بجوج مصاحبين.. عطا بظهر وخرج عاد تنفست شفت عيشة كانت مخرجة عينها بركات فيدي باش منديرش شي حاجة للي نعيق بيها ولكن بالصح خفت شفت فعماد كان كيهضر مع مو اول مرة نحس راسي بغيت نبوسها حيت لهات ولدها.. بفففف صافي الناس بقاو كيمشيو كنت عييت بزااف جلست وجلسات حدايا عيشة)
عائشة: واجدة؟
رقية: (هنا قلبي طلع 180 درجة) لاش زعما فاش غنوجد
عائشة: (هزات حاجبها) علية يانا يا العاقسة احح سعداتك انا من دابا شداتني الدودة
رقية: سكتي اعيشة دابا يسمع عماد
عائشة: (كتعيبها) وهو عارف والعالم هنا عارف مور العرس شنو غيوقع يعني بلا نتبوهلي علية وغتعاوديلي كولشي
رقية: اممم (دارت عند عماد ياله جات تهضر معاه وهو يوقف كيسلم على الناس بقاو كيتسالمو معاها حتى بقات العائلة بوحدها)
عماد: حبيبة اجي نسلمو على با والواليدة غبمشيو دابا
عائشة: (دارت رجل على رجل وشقلبات عينيها) اوا شي يتزوج وشي يتفرج
هنا جات لحظة الوداع وتسالمو مع العروسة ركبات رقية اللور وركبات فاطمة وحداها عماد وعيشة حدا رقية يونس هو الشيفور وركب حداه عمو عبد الله مشاو طريق كاملة وفاطمة كتوصي ولها يحضي راسو وعيشة غير كتعوجها اما رقية كانت فعالم اخر كتفكر غير فسامي وعلاش جا.. كتفكر ديك اللحظة وكان شافوه واكترية عمها كان غيقتلو وعارفاه عمرو ينساه وصلو للمطار سلمات عليهم رقية غير قالطموبيل حيت مصلاحلهاش هي وعيشة ينزلو بحوايج دلعرس عماد ويونس نزلو من بعد مسورت الطموبيل
عائشة: اوييييييلي على نعاس وجدي راسك اكبيدة اليوم طرطق البشونة
رقية: بففف (جاو دراري حليت عيني وشفت فعماد) مشاو
عماد: مشااو ولكن مغيطولوش بزاف هاد لمرة
رقية: مزيان الله يديهم على خير (بقينا كنهضرو حتى داني نعاس بقاو غير عيشة ويونس للي مكيسكتوش من الهضرة وصلنا يونس حط عيشة للي كان عمي كيتسنا حدا الدار كانت 6 دصباح سلمت عليها حيت غنرتاحو فالدار وغنمشيو نيشان للشمال وصلنا يونس ومشا دخلنا للدار بقيت كنضور عيني الدار كانت كولها ورد ونفافخ فسما) واااااو عماد حبيبي نتا للي درتيلي هادشي
رقية: (بابتسامة) عفااااك احبيبو مزال الوقت قدامنا ودير للي بغيت ونكون حتى انا مصحصحة معاك وحتى نتا باين فيك نعاس
عماد: اممم (هزها بين يدو ودخلها لبيت نعاس للي كان كولو ورد حمر حطها فوق النموسية) نتي باغا تنعسي وهدا شكون ينعسو؟
رقية: (حشمات ووجها كان غيطرطق) عمااااااد عفااك والله ما موجودة غدا والله منمنعك
عماد: حبيبة راه هادشي طبيعي.. (بتنهيدة) واخا حبيبتي غنخليك ترتاحي وبلاتي نشدو طريق للشمال
رقية: واخا حياتي (دخلت للدوش لبست بيجامة عادية وفضلت تكون ممعرياش باش منجبدش على راسي نحل.. خرجت مالقيتوش كنت غنموت بنعاس طحت نعست حسيت بيه دخل وجا من مورايا عنقني وبقا كيهضر حتى نعست فاحلى نومة..)
~~~~~~~~~~~~~~
سامي: (شد طريق للشمال كانت مرتو ومو جاو من اسبانيا وتعرضلهم كانت لبكية غتخرجلو حت الامل باش تكون معاه رقية تهرس منظر ديالها بلغوب كان كيقتلو الف مرة وهي كتشطح مع عريسها كان خاصو من اللول يدير حل منين شافها فالمانيا معاه.. قرر يخلها للوقت ربما تلاقيهم الظروف مرة اخرى هو مستعد يكون معاها واخا يكون عندها لولاد...)
رقية: غنتوحشك الكلبة
عائشة: حتى انا البغلة
عزيزة: بنتي تهلاي فراسك وكوني لالة ومولاتي وتهلاي فراجلك راه ولد الناس ومغتخصك معاه والو
رقية: ان شاء الله اماما.. ياله نخليكم تعطلت على عماد
عائشة: ماما خليني نمشي معاهم
عزيزة: جلسي الله تجلسي على الشوك ادم ومقالهاش.. سيري ابنتي راجلك من قببلة وهو كيتسناك غير توصلي علميني ومتبقايش حاضية التيليفون ديها فراجلك دابا ومتنسايش ديري شنو قلتلك فرشي لخرقة لبيضا عاد.. باش يبقا عندك صباحك
رقية: احم واخا ماما
عائشة: (جاها ميساج من عند يونس قالها تنزى عندو) انا نهبط معاها اماما غير خليك نتي (هبطت ولكن مكملاتش حيت كان عمي معاهم سلمت عليه عادي وبقيت واقفة حداهم حتى ركبو ومشاو وطلعت انا حيت بانلي عمي ويونس مزال كيهضرو)
~~~~~~~~~~~·~~~~~
رقية: عماد حبيبي كتبانلي متعاسش مزيان
عماد: والله مكدبتي احبيبة انا غنسوق غير بشوية ولكن بقاي كتهضري معايا باش متدينيش عيني
رقية: وكان غير رجعنا احبيبة حتى تكون مزيان ومصحصح عاد نشدو طريق اعماد
عماد: واش كل شوية غنبقاو نأجلو راه بقاتلي غير 15 اليوم وغرجع للخدمة
رقية: اوكي حبيبي (بفيت كنهضر معاه ونعاود وهو مركز فطريق غير كنسكت كيقولي هضري متسكتيش بقيت غير كنهضر فللي جا فبالي حتى دخلنا للشمال) فين غنمشيو بالظبط احبيبة
رقية: (غير قال ناخد راحتي ظربت الطم وصلات لحظة الحسم بقيت غير كنقرا القران ونفسي ضاقت علية وصلنا كان شالي بعيد على لاخر كنشوفو غير كيبتاسم هز لباليز دخلنا كان شالي زوين سيجور صغير بيت نعاس كبير وكوزينة مجهزة ودوش دخلت سد لباب) انا غندخل ندوش هنا نتي دخلي دوشي فبيت نعاس
رقية: احم واخا حبيبة (دخلت وانا كرجف ولكن حب عماد لية غيخليني نسا هاد الخلعة هو كيبغيني وبزاف وهادشي كافي خديت دوش خفيف وبقيت كندهن لحمي لبست دوبياس فلكرونة كان سرينك وسوتيان مشبك وفلوسط كيتحزم بجوج حزامات نازلين حدا السرة كان هدا تحت طلب وإلحاح مولاي السلطانخليت شعري مطلوق ومدرتش ميكاب من غير عكر كرونة ماط ولبست خلخال كنت خايفة مخلوعة بزااف ومقدراش نخرج ولكن شحال قدني نبقى هنا خرجت وقفت حدا لباب شفتو كان ناعس على كرشو وعينو مفيكسية فية وترني كتر من لقياس بقيت مجمدة فبلاصتي وفنفس الوقت حشمانة منو..)
عماد: اجي احبيبة حدايا
رقية: (بلعت ريقي وتحركت خطوة وحدة ووقفت)
عماد: اووو حبيبتي حشمانة
رقية: (بابتسامة هزيت راسي بمعنى اه راني ماشي غير حشمانة كنموووت بالحشمة والخلعة)
عماد: (هز حاجبو.. وكيهضر بشوية ولكن عينيه كانو قرطاس) رقية بنت لخيرية السلكوطة حشمانة!!!!
عماد: رقية بنت الخيرية السلكوطة حشمانة!! ماشي متناقضة شوية
رقية: (بقات واقفة وعينيها محجرين وفمها محلول كانت اكبر صدمة فحياتها ودنيها غير كيصفرو دارت يديها حدا قلبها وكتسنى منو يقول غير كنضحك مقدرتش توقف رجليها كيرجفو كلات راسها غير مع الحيط) كفاش
عماد: (ببرود) ردة فعل ديالي كانت كتر من هاكا منين عرفتك على حقيقتك (بابتسامة استهزاء) بففف برهوشة ديال لخلا ضحكات علية ولكن منكرش (كيصفق) تمثيلك كان واو مجبتيهاش من شي بلاصة راك بنت لخيرية ومعروف شنو طينتك
رقية: (دمووعي شلال ولكن قلبي كيبكي الدم لحمي تشعر علية وغير كرجف قلتها بصوت كيرجف) 😭 حتارم راسك
رقية: (محسيتش براسي حتى صرفقتو واخا متحركش الا حركت فيه غضب وحقد كبيير من جيهتي كان قدامي واحد مكنعرفوش ماشي عماد للي كنبغيه للي كيبغيني شكون هدا شاف فية دار يديه فعنقي وبرك علية كنت كنتخنق لدرجة طلعني لمستواه ورجلي مهزوزين من الارض)
عماد: غندمك الق** مزيان غير وجدي راسك (شاف عينيها كيغيبو وهي غير كتفركل طلقها وهبطات على طولتها شافها مغيبة رجع للنموسة وجلس كيتنفس بالجهد.. تفكر من نهار قلبها ومالقاهاش بنت وهو محروق مقدرش يتفارق معاها عطاها الف فرصة تهضر تعاود المهم يسمع من عندها فكر 100 مرة وقال غنكمل الوعد ديالي ونتزوجها ونحاول نسا مبقاش كيشوف فتصاور غبرهم من تيليفونو وكيكمل معاها عادي وكيداوي راسو براسو جا الوفت خطبها تسناها 10 ايام تهضر ولكن كان معلبالهاش قال غتحشم وتخاف تعاود مور زواج ومنين تفضح ماشي بنت غتشرح غيغضب يضربها اي حاجة ولكن يبقى معاها وزاد نهار ختار يعقدو فالجامع وسولها مباشرة نكرات بدا يتيق ان تصاور يمكن غير شي مؤامرة من عند فهد ولكن للي ذبحو وخلا نار الغيرة الحقد الكراهية تنوض فيه وتخليه يقتلها وميحنش فيها هو منين جا العاشق ديالها للعرس وبقا بعيييد هو هو تأكد اصلا كفاش ينسى داك لوجه للي كان مع حبيبتو عريانة وفوضعيات كتار كان غيدير شي فضيحة ولكن كالما راسو بزااف واخا حس بموس تغرس فيه وتأكد منين شافها كتشوف فيه بدوك النظرات حس برقية ماشي ديالو كما كان كيتخيل ويتهيأ مشا للشانطة ديالو جبد قرعة فودكا صغيرة ورجع جلس مقابل معاها وهي مغيبة وكيشرب.. كيشرب باش ينسى شنو دارت فيه كان مستاعد يسمعها ولكن متجيبش لكلب للعرس وتودعو بعينيها وعلم الله شنو مخبيين...
يونس: (جالس فسطح كيلعب مع نزار وفنفس الوقت كيتميساجا مع عويشة حتى خلط عليه اشرف شاف فيه عرفو باغي يهضر) نزار سير عند ماما مريم قولها عمو يونس وبابا اشرف بغاو اتاي
يونس: (ياله جيت نقولو على عويشة حتى طلع الواليد وسكت) الواليد
الحاج محمد: (جلس فالوسط بيناتهم) يونس ولدي الا كنتي ناوي المعقول مع لبنت دخل الدار من بابها
يونس: (تصدم مكانش عارف باه حتى هو عرف يمكن اشرف قالهالو حتى..)
الحاج محمد: لبنت شحال ونتا معاها وكان تزوجتو وكان عندكم ولد قرب يدخل يقرا
يونس: علامن كتهضر ابا
الحاج محمد: على لبنت للي كانت معاك فالعرس علاش نتا حاط عينيك على شي وحدة اخرى حيت كولشي شافكم بجوج وكفاش مفرقاتكش وغير شادة فيك
يونس: (تعصب) الله يهديك الواليد انا قلتلك جات على قبل عماد وصافي (ناض من حداهم) انا غنمشي لصال حتى الليل ونجي غير تعشاو غنكون مع صحابي هاد نهار
الحاج محمد: (مبغاش يظغط عليه حيت هو دغيا كيتعصب) واخا ولدي حنا اليوم غنكونو معروضين فدار الحاج احمد
يونس: (شاف فيه وكيتسنا يقولو يجي حتى بانلو اشرف حنا راسو وكيضحك) اه واخا الا لقيت شي وقت ونجي ندوز عندكم
الحاج محمد: غير خليك اولدي مع صحابك بلا منجيبك
يونس: (بففف هبط فدروج صونيت على عيشة مكتجاوبش خليتلها ميساج خديت حوايجي ومشيت لاصال طريق كاملة وانا كلعن راسي علاش قالت منجيش وعاد كان عندي كيف نقول لا انا بغيت بنت الحاج هاد عصبيتي غير مكتخرج علية... )
عماد: (كمل قرعتو وهي مزالة مليوحة كيشوف فيها بعينين تقال كفاش مليوحة وعريانة ودوك جوج خيوطة للي لابسة غير ميزيدو يغريوه ويشعلو فيه العافية كفاش هاد الجسم لعب فيه شي واحد قبل منو جبد تيليفونو كيشوف فتصاو ويزيد يتفركع شافها كتحرك وكتكح بالجهد حاولات تنوض وفشلات كانو عينيها حوومر بحال نقطة ديال الدم فبلاصة لبيوضية بكترة مخنقها وزيد صدمة عمرها شافت فيه كان مزال كيشوف فيها) ساليتي؟
رقية: (صرطت خيبة امل كبيرة فيه وبقات غير كتحاول تنوض وتوقف بردات بقات كتزحف دخل للدوش حتى ناض وجبدها من شعرها ووقفها سيف عليها بقات غير كتبكي وشادة فيدو باش يحيدها)
عماد: (بكل قوتو لاحها من النموسية حتى تفرعات فظهرها ومع سكران كان كيهضر وهو متأثر) دابا عاد كتقوليلي فيق فين كنتي من قبل علاااااش مقلتيليش كنتي مسرحة متقوبة علاااش مقلتيليش ماشي نتا الوحيد للي عرفت كاين ماقبل منك
رقية: (مصدومة من لكلام للي قال)
عماد: علاش ضحكتي علية ارقية نتي عارفة شحال كنت معاك بنيتي وعمرني خسرت ليك الخاطر وبغيتك نيشان لحلال ونتي باش جازيتيني بهادشي من حقي نعرف كولشي عليك
رقية: (بقات غير مصدومة وجمعات رجليها عندها ودموعها شلال.. زادت تصدمات كتر منين شافت دموعو وغير كيتلاوح)
عماد: عطيتك فرص بزااااف وديما كنت كنقول بغيت نتزوجك حيت نتي صفحة بيضا قوليلي ديك الساعة انا ماشي بنت انا متقوبة ومتخلينيش فدار غفلون
عماد: علاش كتبكي علاش انا للي خاص للي يتيري فدين مي اما نتي ربحتيني ولعبتي علية وبدل منتزوج بنت تزوجت وحدة مسرحة وغيري لعب فيها كبغى وانا خديت شياطة
رقية: (كتشهق) مقدرتش نقولك اعماد😭 انا براسي ديما كنت خايفة حتى واحد مفخبارو هادشي وانا كنت كنكذب راسي ان حتى حاجة مدازت وكنسى.. والله ما بيدي هئ هئ عففاك اعماد متزيدش تعذبني مقدرتش نقول (كتشهق) كانت صعييييبة علية بزااف...
عائشة: هاد لبغلة غير وصلات طفات تيليفون هي وبوراس ديالها
عزيزة: (كتوجد لعشا) هو من اللول قال بغاو يبقاو بوحدهم ومىة مرة يهضرو يقولنا راهم لباس غير منين وصلو لطنجة على خير مزيان
عائشة: (كتقاد شلاظة ومالة مقدرتش تجلس بلا رقية عمرهم بعدو على بعضياتهم) بالسيف راها كتاكل الحلوة
عزيزة: اشمن حلوة
عائشة: صافي اماما مغتفهميش راني عيييت عاد لول لبارح كان العرس وسهرنا حتى لصباح
يونس: (مشا غير بلحس سد لباب بالساروت ورجع لعندها) بزاف نرجع فين كنت راني عييت احياتي
عائشة: (زادت تجننات) يووووووونس
يونس: (دار يدو على فمها) عيوون يونس.. توحشتك امجنونتي
عائشة: (حيدات يديه بنتير) لا 😡 باينة من 4 لعشية وانا كنصوني ونصيفط فليميساج ونتا ممسوقش حتى لعشا للي تلقى فيه فرصة باش تجي تشوفني مجيتيش
يونس: (رجع باسها حتى تلفها) حبيبة كنت فلخدمة مكانش كيف ندير نجاوبك.. ياله وصلت لاصال وهوما يعيطولي مشيت حتى لرباط وغير ساليت جيت باش نشوفك تسنيت ينعسو وتسلت عندك بحال شفار
رقية: (قلبها كيضرب فل100 مقدراتش تجاوب على سؤالو) عماد انا عمرني درت شي حاجة
عماد: (بلغوات) واش نتي كتقولي ماشي بيديك وكان بالسيف عليك ودابا كتقولي انا معمرني درت شي حاجة قولي غير شنو ماااين ابنادم متخليش دين اصل مي نحماااق بوحدي
رقية: (تخلعات من نبرة صوتو وزادت تكمشت فالركنة ولسانها تعقد)
عماد: (كيغوت حتى ودنيه قلشو وعينيه وساعو وكشاكشو خارجين) هضريييييييي ازبل قولي شنو عندك علاش كتسكتي قولي لااا مكاين والو وانا غير ظالمك وفاهم كولشي غلاط 😡قولي داك الزاا** للي جا العرس ماشي صاحبك للي وقفتي نتي وختك كترعدو (قرب حداها وبقا كيطرشها وهي مكالية غير بيديها وكتشهق) هضري قولي انا بنت وعمر شي واحد قاسني ونتا بوحدك للي عرفت ياك هادي هضرتك من نهار عرفتك كتقولي عمرني عرفت شي واحد ولا درت شي حاجة كنت غير كنبوسك كتسخفي وتبقاي ترجفي وفالتالي تقولي اه بالصح انا ماشي بنت..
عماد: ... كنت غير كنبوسك كتسخفي وتبقاي ترجفي وفالتالي تقولي اه بالصح انا ماشي بنت
رققة: (كتشهق بلبكى) ياك قلتي قلبتيني..
عماد: اه قلبتك ولكن شكيت فراسي وفعيني وقلت لا هي غتكذب هادشي ماشي تأكدو.. نتي حمارة ولي كان ركب فوقك واكبر كلبة انا ضحكي علية الموسخة
رقية: (كتبكي وتشهق وكلامو كيزيد غير يجرحها) ع..مااد غير سمعن..ي
عماد: (كان صافي معصب وكتبانلو غير يقتلها ويتهنى من هاد العار شاف فيها بنظرات كره) كرهتك وكرهت نهار للي فكرت نبغيك فيه
رقية: (سكتات من لبكى وبقات كتشوف فيه كانت كتمنى غير دوز الليلة بيخير) انا مدرتش شي حاجة للي تخليك تكرهني اه انا ماشي بنت (شافتو زير على سنانو منين كتقول هاكا) ولكن ماشي مشيت كندير شي حاجة خايبة..
رقية: علاش قلبتيني؟ ومنين عرفتيني ماشي بنت لاش مزوجني؟ وجالس كتمثل علية الحب والغرام
عماد: (كانت النقطة التي أفاضت الكأس وخلاتو يصعر عليها مشا بحال الثور قاصدها باش تحني الراس مزال كتزيد تعنتت معاه هز يدو وجمع معاها بطرشة حتى لسقها مع الحيط عاود جبدها من شعرها وهبطها من فوق النموسية بالجهد حتى تزدح ظهرها مع الارض وحماتها غوات بلحريق شد راسها وزدحو مع الارض هنا صوتها مشا وتقطع كانت ضربة خايبة نسا انها انثى ماشي راجل باش يدافع على راسو منين سكتات وغمضات عينيها دار وجا اونفاص معاها وبقا كيشوف فيها بقا متكي فالحيط وغير كيشوف فيها مكرهش تفيق ويعاود يسلخها عمرها تنسالو..)
...اصبحنا واصبح الملك لله...
رقية: (كانت بحرا كتحل عينيها لقات راسها مغطية وفوق النموسية.. راسها كان بحال شي بيضة مسلوقة كيضرها بزاف وزيد الجوع ولكن الحزن الخوف الرعب الصدمة القلق التوتر..هادشي للي غالب على اي حاجة قلبات بعينيها على عماد مكانش بقات كتفكر شنو وقع فالليل وكتبكي بدموع على للي ضاع من يديها عندو الصح كولشي كان قدامي كان خاصني نقولو على كولشي للي وقع قبل وللي وقع مع سامي للي جا لعرسي وخلى عماد متصرطاتلوش نظراتو وهو كيقولها غدارة وق** كانت كذبحها الف مرة شوية سمعات خرج من الدوش وقبل متعاود تغمض عينيها تلقاو بنظراتهم.. كانت شوفاتو قرطاس وعينيه حومر باين مناعسش فمرة كان شعرو فازك ولاوي فوطة على عنقو مقدراتش على دوك الشوفات وقلبات عينيها لحيط)
عماد: (ضحك باستهزاء للي كيخليها غير كتزيد تبكي وتفقص)
رقية: راه زواجنا مميعنيناش غير بجوج راه عائلات تعارفو وولاو عائلة وحدة.. نهار اللول قولي شنو كاين ومريضنا معندو باس
عماد: (جلس اونفاص معاها ودار رجل على رجل) عندك تقولي هدا تزوجني باش ينتاقم لا ابنت الناس انا تزوجتك حيت بغيتك واخا عرفت حقيقتك قلت مع الوقت كولشي يدوز نتخاصمة شهر شهرين على منبرد ويرجع كولشي كما كان فكرت بزاف قلت يمكن غلطات يمكن شحال من حاجة لمهم من نهار عرفتها هي معايا انا وزيد واليديك للي ناس الله يعمرهم سلعة واخا نتي فير غتمرمدي وجهم فتراب.. قلت غتكوني نعمة الزوجة وشحال من حاجة وحتى قضية تكوني ماشي بنت قلت ممكن نتغاضا حبي ليك كان كبر وبزااف وكنت فرحان وفنفس الوقت كنتسنا غير امتى تعاوديلي ونهار عقدنا فالجامع عقدت عليك ابنت الناس بنية تكوني مرتي حلالي ماشي نجيبك نبين عليك الرجولة واخا كنت حاس بالشمتة وبالطريقة باش عرفتها..الماضي ديالك معندي علاش نتدخل ونحاسبك فيه.. (هنا جعر وزادت نبرة ديال الصوت) ولكن باش تجيبيه حتى لعرسنا وتجلسو تمعشقو قدامي وتوادعو وانا حميدة حداك لاااااا (وقف ومشا قرب حداها وهي دارت يديها على وجهها تحسبا لاي هجوم) نقتل دين مك الكلبة فهمتي فهمتي ابا باش كنحس (صرط الفقسة وبقات واحلالو فحلقو) طعنتيني ومزال مباغا حتى تهضري
رقية: (مخبية وجهها وكتبكي وتهضر بصوت متقطع ومخنوق) والله معرضت شي واحد اعماد
عماد: وشكون جابو وعلاش منين شفتيه وقفتي متخشعة
رقية: هئ هئ معرفتش غيجي صدمني هو دمرلي شحال من حاجة وزاد جا من مورايا العرس
عماد: (كتزيد غير تشعلو واخا هو باغي يعرف ولكن من لداخل رافض يتقبل فكرة ان رقية للي كانت ملاك فعينيه كانت لرجال اخرين من قبلو مشا عندها وشدها بين كتافها) شنو ضيع شنووو😡؟؟؟
عماد: (شاف فعينيها وهو ممتيقش) يعني الحاج ومك كانو عارفين؟؟ كانو عارفين كنتي معاه؟ (جمع معاها بطرشة حتى تنفضت.. غوت) واش كانو عارفين😡😡..
رقية: (شادة فحنكها وكتبكي وترجف من الخوف والعطش والجوع والسخفة فيها) لا والله مكانو عارفين هئ هئ 😭 هوما مكيعرفو والو قسما بالله
عماد: لا 😠انا غنعيط لهاد الحاج هو غيفهمني كولشي نتي من لبارح ونتي كدخلي وتخرجي فلهضرة جملة مفهمتهاش منك وزيد هوما عارفينك كدايرة وكيفتاخرو بيك..
رقية: (وقفات بصعوبة حيت واكلاها فظهرها وراسها للي كيديها ويجيبها نزلات من النموسية ووقفات حداها منظرها كان كيبكي مزالة بنفس دو بياس للي طلب منها تلبسو باش يفتتاتحو زواجهم كأي عرسان.. شدات فيدو وكانت كترجف) هئ هئ عفاك اعماد متعيطلوش😭 الا عمي هو معارف والو عفاااك متحطوش فهاد الموقف ندير للي بغيتي الا عمي وماما الا عرفات هادشي غتقتل راسها (كان كيشوف فيها وواقف بحال شي جماد حنات على ركابيها ودايرة يديها مور ظهرها وحنات راسها حتى قربات توصل لرجلو) 😭 هوما معارفين والو حتى واحد معارف شي حاجة
عماد: (نزل على ركاببه وهز راسها كانو عينيها ذابلين بلبكى وباينة فيها السخفة ووجها صفر وشنايفها بياضو بحال راشة عليهم تراب بقا كيشوف فعينيها ووهو معاجباهش حالتها هاكا حركات قلبو وبقات فيه) شكون عارف ارقية قولي غير شنو وقع
رقية: (رجعات كتبكي بصوت مسموع)
عماد: (شد رتسها بين يدو وعينيه كيترجاوها تهضر تقول شي حاجة هو بفمو قالها يتخاصمو شهر شهرين كاع ولكن من بعد كولشي بتصلح ولكن يعرف كولشي) رقية قولي عفاااك علاش هاد الاسرار
رقية: (لا رد غير كتبكي بغات طبق نصيحة ديال مها تخلي اسرارها عندها ولكن تعطلات وبزااف الوقت للي خاص تشرح فيه هي سكتات علاش وشنو مخبعة خلاتو لراسها غمضات عينيها وهو كيزعزع راسها مبغاتش تحل وفضلات ترجع تنعس لمهم يطلقها دابا وميسولها حتى على شي حاجة حسات براسها مهزوزة بين يدو ورجعات لانموسية بقا كيقيسها فحنوكها باش تحل عينبها وتفيق ولكن والو صافي قررات تسكت هاد الوقت عيااات بزاااف حتى دماغها سكت ومعرفتش شنو تقول حتى حسات بيه ناض من حداها...)
~~~~~~~~~~~~~~~
عزيزة: (مخنزرة) ويلي هادا خدا لبنت وزاد
احمد: هههه ماشي مرتو من حقهم يطفيفو تيليفوناتهم
عزيزة: لواه اسيدي احمد ميطفيهش يخلينا غير نطمنو على لبنت
احمد: والسيد هضر معايا لبارح فالليل وقال وصلو فامان الله وعياو دابا راهم عرسان مغيبقاوش حاضيين التيليفونات.. مهم انا غنخرج دابا نمشي نقضي شي غراض على ميوجد لغدا وتجي حتى عيشة
عزيزة: علاه اليوم غتخرج بكري
احمد: اه غتجي مع 1 باش نتغداو مجموعين..
عائشة: (مع الخرجة صيفطلها ميساج يونس كان فالدورة ديال الشركة كيتساناها..)
اشرف: عائشة (كيعيطلها وهو حالس فطموبيلتو) عائشة
عائشة: (طلات عليه من الزاج) سلام خويا اشرف
اشرف: طلعي نوصلك راني ماشي حتى انا لعند الواليد
عائشة: (بففف جاوبتو وانا كنتمنى ميلحش علية) لا ماشي مشكل اخويا انا عيطت لتاكسي بلا منعذبك
اشرف: طلعي وبراكة من لهضرة طريقنا وحدة ووقت لغدا هدا
عائشة: (بابتسامة صفرا.. ركبت معاه وتيليفوني غيطرطق بصونيط يونس درت الصمطة ووهو يتحرك اشرف دزنا من حدا طموبيل يونس شافو اشرف ودار ليها باي باي وبقا كيضحك.. ايييه ظحك نتا وحنا فقصنا وصلني لدار ياله غنصوني على يونس نفهمو حتى خرج عمي من المحال)
احمد: (من بعد مباستلو يدو) الله رضي عليك ابنتي شكون وصلك
عائشة: وصلني اشرف قالي حتى هو غيكون هنا عند عمي محمد
احمد: اه مزيان تبقاي تجي معاه مرة مرة.. خاصك تاخدي شي وحدة ابنتي وبداي ديري بيرمي راه مصعيبش وانا نبقا معاك حتى تعلمي وتبقاي تمشي بوحدك لخدمتك
عائشة: ان شاء الله اعمي حتى انا فكرت فيها (اودي يونس راه علمني بقا خاص غير لبرويطة)
احمد: بزاااف ولكن اولدي براكة مبقا فين تولي تمشي بقا هنا حدا باك وعائلتك
يونس: داكشي للي كاين الحاج صافي هادي والله يجعل لبراكة
عزيزة: وفيين غيتحبس فكازا ولا يديوه لفاس
يونس: (هز حاجبو واستغرب حتى عيشة من اللول عرفاتو من فاس وانا مقلتش كاع هو فاسي) لا الارهاب كيتحبسو فسلا حبس الزاكي
احمد: ااااه فاسي حتى هو!!
عزيزة: عيشة نوضي ابنتي جيبي لعصير راني نسيتو
عائشة: (كنت بحال الامانة صوتي مكيتسمعش ومرة مرة كنهز عيني فيونس كلقاه شاد لحديث مع عمي قلبي كيضرب ف180 يمكن اليوم يونس غيقولو علية ويخطبني مقدرتش ناكل غير كنقب وصافي كملنا بينت حداكتي ونضت كنجمع الطبلة وباش نبينها قدام عريسي المستقبلي درت حاحة عمرني درتها عمرت الشلال ومشيت كنشلل ليهم يديهم ماما كانت كتغسل لماعن مكرهتش كاع نسيق غير مصلاحش حطيتلهم صينية ديال اتاي وجلست فطرف السداري باش نتصنت حتى جا لبحغوط)
ادم: عيسة فيا نعاس
عائشة: سير عند ماما (وكنقرصو)
ادم: لا نمسيو نعسو هنا (كيشير لبيتي شفت عمي قالي غير ديه ينعس خديتو على سعدي وعدي ومشيت لبيت شبعت فيه قريص ولكن شفني عنقتو وبديت كنعسو وانا بالي غير مع يونس حتى سمعت باب الدار تحل طليت بانلي عمي دخل لبيتو يعني يونس مشا دخلت وتسنيتو يعيط ووالو..)
~~~~~~~~~~~~~~~~~~
رقية: (ضرباتني الفيقة كان جا الليل وانا مزالة فلفراش نضت وهو يبانلي عماد جالس قدامي والطبلة عامرة بلماكلة غير شافني ناض وخرج كان لابس حوايج ديال لخروج.. سمعتو كيدور الساروت نضت دخلت لطواليط لبست بينوار ومشيت جلست كناكل ونشرب بقيت كناكل حتى حسيت بالردان وقفت شوية رتاح عاد كملت كان فية لموت ديال الجوع من بعد مكملت دخلت مسحت وجهي وغسلت فمي معرفت مندير حاسة براسي غضبانة غضبانة بزاااف من راسي من عماد من كولشي رجعت هزيت داكشي خديتو لكوزينة قلبت على التيليفونات مالقيتهمش بغيت غير نصوني على عيشة.. جلست فلفوتوي شعلت التلفازة وهي ديرلي طاااان فالراس هو باش عرف عماد وعلاش قلبني وباينة قلبني منين كنا فالمانيا على حساب كلامو كدار عرفو وكيهضر وهو متأكد واش سامي للي مشا عندو ولا شنو حرت حرت بزاااف بفيت جالسة ضربات الوحدة دالليل وعماد مزال مبان قلبي كيتقطع عمرها جات فبالي نعاني من داكشي للي وقع يا ريييت نهار اللول قلتلو ماشي حتى نعيش فوق سما ونخبط فالارض زدت كنتسناه حتى ضربات 3 ومزال مجا قلبي غيسكت بلخلعة فين غيكون هو غير شافني فقت مزادش كلمة ناض وخرج.. 5 ونص دصباح تكمشت فبلاصتي سمعت لباب كيتحل وقفت وهو يدخل شافني رجع كيسد لباب وجا عندي كانت ريحة يال شراب كتقلب وواقف عادي بحال مشارب موالو ولكن عينيه حووومر وحتى ديك لخضورية للي فعينيه مكتبانش زاد قربت وانا نبعد وجهي من ريحة دشراب)
عماد: كتعرفي تبوزاي مع ز** وانا كديري معايا بنت الناس؟
🔞🔞
رقية: (كندفعو من صدرو) عمااااااد نتا سكرا غدا ونهضرو
عماد: (كيحايد حوايجو) مبقيتش باغي نهضر
رقية: (بلعت ريقي) عماد نتا سكران خلي غدا ونهضرو دخل دوش دابا باش تفيق
عماد: مبغيتش نفيييق (دار يدو فلخيط ددوبياس وجبدو تحل حتى بانت فرقة ديال صدرها هي بالزربة رجعات لبينوار وجمعات يديها شاف فيها بنظرة كتعني تعاوديها طيرلك يديك حيدت يديها غير بشوية) شنو ممنحقيش داير عرس ومنوض القيامة وتقولبت وفالتالي من***
عماد: نتي مرتي ماشي صاحبتي وانا تزوجت ماشي باش غير نهضر ولا عندك شي مانع (نتر سليب من عليها حتى تشرك وتقطع من فوق لحمها اصلا كان غير مشبك ومساتر والو هو غير شاف خيرو جبدها من عنقها وقربها ليه بزاف ونزل على شنايفها للي فازكين بدموع وبقا كيبوسها بكل جهالة وهي غير كدفعو بيديها.. شاف فيها) شحال من مرة وصلنا هاكا (باسها بشوية حدا ودنيها وهمس) حتى وكان كنت عارفك ماشي بنت مكنت غنقيسك حتى نتزوجو شفتي الفرق وعرفتي شحال بغيتك
رقية: (سكتات من لبكا ورجع كيبوسها واخا كتعدم مدفعاتوش هاد لمرة خلاتو كيبوسها وبيديه كيلعب فاي بلاصة كان متعطش يقيسها فيها خلاها حتى هي كتعيش معاه بجوج كانو باغيين ولكن عماد صبرو تقادا وفاق من المتعة وبغا يعرف.. جبد 🍌 وفغفلة من رقية هز رجليها وحطهم فوق كتافو ودخل دخلة حتى غوتات حط يدو على فمها كانو دموعها شلال بقا كيحفر النفق للي حس بيه مسدود حس بنشوة كبييرة حيد يدو من على فمها وشدها من ليهونش وتمركز نيشان مع ... وزادت الوتيرة كان كينهج وخلاها تاخد راحتها فلغوات وخدا هو راحتو عاجبو الحال وحس ب🍌 هو للي كيفتح طريق.. زاد برك بيديه وزادت الوتيرة كتر رجع حمر ونهج اخر نهجة فين نزل كاع نشوتو هادشي كان فدقيقة او حوج للي دازت عذااب على رقية بقا كيشوف فيها وهي كتعصر وشادة ليزار بيديها جبدو وبقا كيشوف فيها وبحرا كيرجع نفسو شاف فليزار لبيض ورجع شاف فيها!!!...)
احمد: (جلس على طرف النموسية وكيشوفها كتمشط فشعرها وباين عليها التوتر خلاها حتى كملات ومشات وجمعات شعرها) كتعرفيه اعزيزة؟
عزيزة: (قلبتها ظحك) ههه شكون الحاج؟ علاومن كدوي
احمد: عزيزة انا كنعرفك مزيان واش هداك للي كان كيهضر عليه يونس فطابلة دلغدا كتعرفيه
عزيزة: (بتوتر) مممعقلتش الحاج نتا عارفي مشطونة غير مع بنتي رقية للي يوماين مسمعت صوتها وعرفت عليها شي حاجة ونتا كتقولي شنو قال يونس
عزيزة: واخا سيدي احمد انا نرتاح شوية ونوض ياك غتعطل شوية
احمد: لا مغنتعطلش غير لبسو حوايجكم (خرج ونسا الموضوع هي عمرها كذبات عليه اذا مكاين والو)
عزيزة: غير خرج من لباب بقات كتبكي بشوية وكتحاول مطلعش صوت معرفتش واش كتبكي حيت تفتح شحال من جرح للي عمرو ميتنسى غير كتناساه مع الوقت ولا كتبكي حيت خبات على رفيق دربها للي كيتيق فيها وضحى بعائلتو على قبلها وتقبلها بجوج بنات ووقف معاهم وبغاهم وحماهم كتر مكان غيبغي بناتو لحقيقيين قلبها غيطرطق يا ريييت متجبداتش هاد الهضرة يا رييييت متذكراتش سميتو قدامها وللي زاد قتلها هو اللقب مسحات دموعها ومشات عند بنتها لبيت غير دخلات قفزات عائشة... بنتي لبسي حوايجك نخرجو
عائشة: (بتوتر) واش هداك يونس علاش جا قبيلة
عزيزة: جا وصافي راكي عارفة هو وعمك كدايرين ومرحبا ببه
عائشة: اااه.. و مقال لعمي والو؟
عزيزة: (مكانتش فمودها اما كانت غتشك من كلام بنتها) معرفتش وشنو عندو ميقول.. لبسي حوايجك وفيقي خوك لبسيه ابنتي
عائشة: (عوجات فمها) واخا اماما
عزيزة: (خرجات وعاودات دخلات) بنتي نتي كنتي فديك لبلاد مشفتيش داك الارهابي للي كان كيهضر عليه يونس فلغدا
يونس: (خرج معصب وهو باقي كيصوني حتى كتبانلو ركبات مع الحاج ومها وادم ركب بالزربة فطموبيلتو ومشا من موراهم حتى وصلو #لبارك #سندباد مكانش كيفكر دخل من موراهم باغي غير يوصل لعويشة خلاهم حتى بلاصاو وخرجو عاد حط الطموبيل وبقا متبعهم شافهم دخلو للقهوة بقا كيصوني على عيشة تهز التيليفون ووالو كتشوف لابيل ديالو وترجعو لجيبها دخل للقهوة وجلس اونفاص معاها رجع كيصوني هو كان عارف انها كانت كتظن انه جا باش يهضر على موضوعهم ويطلبها من عمها ولكن مكانش الوقت المناسب قال على الاقل يزيد شوية ويفاتح باه هو اللول ويخليه يتكفل بكولشي مع صاحبو.. بغاها غير تشوفو حتى نزلات عليه الصاعقة حيد التيليفون من ودنيه)
ناريمان: يونس خاصك تسمعني هاد لمرة
يونس: بففف شنو اناريمان شنو بغيتي
ناريمان: انا تبعتك حتى لكازا ايونس وعرفتك غتلاقا بشي وحدة بغيت نعرف شكون هي شكوون هادي للي خطفاتك مني
يونس: (بعدم الصبر) الله يرحم ليك الواليدين قلبي على ساحتي اه جيت نتلاقا بصاحبتي نتي بلاصتك ماشي معايا سيري قلبي على راسك
ناريمان: دابا عاد رجعت ماشي ديالك فين كانت هاد الهضرة منين كنتي معايا وكاحلف عمرك تخليني
يونس: ههه ناريمان انا مخليتكش راه نتي للي مشيتي كتهزي رجليك لشمايت شنو بغيتي نتزوج وحدة بحالك موسخة
ناريمان: (سالو دموعها) كفاش
يونس: كسمعتي صافي كنا وكنتو والا زدتي دقيقة غنقولك كلام الي تندمي حيت جلستي معايا خلي شوية ديال الكرامة والنفس فيك وقلبي علية
ناريمان: (مسحت دموعها) واخا نمشي ولكن شكون قالك انا خنتك
يونس: شفت
ناريمان: شنو شفتي
يونس: شفتك مع صاحبي اناريمان (هز حاجبو) كنتفكر تصاورك للي جاوني ونتي معاه ومكنتهزش هادي مكافياش باش تعنيلك انكي مبقيتي والو فحياتي بعني بحالك بحال اي واحد هنا مكنعرفوش
يونس: (بغضب جا يكحلها عماها قو** بهاد لمعنى) اه عقلت كنت مكنعرفش نربي ودابا ناريمان تباني فطريفي مرة اخرى غنكبتها مع دي***مك (خرج من تماك وهو مكيشوفش قدامو ندم كاع علاش تبعها كان خلا حتى يجيها فالليل لبيتها ولا يتسناها ترجع للدار وكانت غتجاوبو بغا يبين ليها انه مهتم بيها وبزاف ساعة غير مكفسها معاها وشكون يفهم انه مكانش مع ناريمان هي للي تبعاتو.. صونا على عماد للي يقدر يعاونو ووالو مزال تيليفونو مطفي خرج بحال لهبيل كيقلب بين الالعاب وكان زحام مع لويكاند...)
رقية: (كانت مزالة فبلاصتها وكتشوف فسقف عينيها نشفو من دموع كتفكر غير كلامو منين قال {وكان غير عاودتيلي كولشي قبل حتى ونعرف ماشي بنت مكنت غنقيسك حتى نتزوحو ومكانت غتبدل والو ندابزو شهر شهرين ومغنتفارقوش} ندمات بزااف وكان بالصح هاوداتلو وكان الامور تمشي مزيان وتكون اسعد وحدة كان حسابلها غيغتاصبها ساعة تعامل معاها بكل رفية واخا فالتالي جهل وتعدمات الا عذراتو حيت هاكا الامور كتمشي ضورات وجهها لباب كان محلول وباينلها ناعس فوق الكنبة الا ملاميحو مغوبشة حاولات توقف على رجليها وطلات على ليزار للي مكانت فيه حتى نقطة ديال الدم.. للحظة تمنات بالصح ينزل منها الدم دخلات لطواليط وهي كتعرج وفارقة رجليها تفكرت هاد اللحظة كانت دازت عليها غير قبل كان دم ودابا لا.. دخلات قضات غراضها لبسات بيجامة وخرجات هزات غطا ومشات غطات بيه عماد للي كان مكمش ومشات هي فوق النموسية حطات راسها وهي كتفكر...
عماد: (كيشوف فليزار ورجع شاف ف🍌 كان كيقلب غير على الدم والو مكاينش جمع داكشي ديالو وجلس اونفاص معاها وقلبو كيزدح واخا هكاك فكر كاينين بنات تولدو بلا بكارة كاين للي مكينزلش منها دم حمر كيكون بيض ولكن غير تهضر هي خلاتو كيفصل ويخيط بوحدو) رقية!
رقية: (كتبكي) هئ هئ صافي تأكدتي دابا 😭
عماد: (بانكسار من بعد مكان دوز 3 دقايق فرحان رجع للواقع ) غير هضري
رقية: (بقات غير كتبكي وهي حشمانة من راسها شنو غتقول وهو دار كولشي بيديه كفاش غتفسر باش تبدا)
عماد: (بتنهيدة) حمااار حتى انا كنتسنا منك تجاوبيني تريحيني وناسي راسي انني شفت كولشي بعيني وزيد معيطالو فلعرس باش تودعيه.. عمرني نسمحلك ارقية (ناض وخرج من لبيت) عمرني غنسمحلك..
رقية: اااااااه وشحال فيها من اااه كلامو غير كيذبحني قلبت وجهي وحاولت نعس ونتهنا من هاد العذاب..
~~~~~~~~~~~~~~
عائشة: كانت باغا غير تبكي ومصالحش ليها عاد عرفات علاش مكانش كيجاوب كلب حمار هو قال مبقاش معاها ربي بغاني ووراني حقيقتو وانا بحال لهبيلة كنتسناه يخطبني بززو علية نركب مع ادم ركبت وانا معنديش الكانة كملنا ديك 5 دقايق ياله غنزل حتى بانلي يونس من لبعيد واقف وكيشوف فية ناضو فية جنون مكرهتش نوصلو ونبقى غير نضرب فيه نزلت كان ضروري نفهم منو واخا كولشي باين.. ماما انا نمشي للقهوة نتسناكم
عزيزة: لا خليك معانا حتى نمشيو كاملين
احمد: خلي لبنت تمشي راه عيات ومن صباح وهي فايقة سيري ابنتي للقهوة حنا منعطلوش
عائشة: واخا عمي.. مشيت لديك لقهوة وهو يتبعني يونس شدني من ذراعي ونترتها.. اش بغيتي ازبل
يونس: مال جدك من صباح وانا كنصوني عليك علاش مكتجاوبيش
يونس: (قرسها فحنكها) انا تبعتك بالصح لهنا وكنت بوحدي مجيتش مع هاد بنادما هاني قدامها كنقولك هي مكتعنيلي والو
نريمان: (لقطة متمنهاش لعدوك موقف لا يحسد عليه كانت كتنمى الارض تشق وتبلعها ولا تسمع هاد لكلام وتشوف حبيبها كيضيع من بين يديها وكيراضي انسانة اخرى نساحبات بشوية وهي كتفرج على هاد المنظر بقات بعيد حتى ديك لبنت دخلت جلست فلكافي ويونس مشا على للي فهمات هو جا غير باش يشوفها مشات ركبات فطموبيلتها وتبعاتو وهو راجع..)
عائشة: قد مكانت غضبانة منو قد مفرحت منين دار داك لجيست قدام ديك زويزووة وفراها معاها بقات جالسة حتى خلطو لبقية وعاد تحلات لعيشة النفس باش تلعب..
~~~~~~~~~~~~~~~~~
عماد: (فاق من نعاسو وهو مقلوب جلس وشد راسو بين يديه وكيزير باش يمشي داك لحريق.. تفكر كاع للي وقع لبارح وفاش نعس مع رقية اول مرة كانت كانت حلوة ولكن ماشي بحلاوتها كما كان باغي ولكن حاجة غتحمقو ماشي اول مرة غينعس ممع شي وحدة ورقية كانت مزيرة هو حس براسو هو للي كيفتحها (بتنهيييييييدة) يا ريت غير تهضر وتقولو شنو عندها فداك دماغ.. شاف فالساعة كانت 2 دنهار وقف دخل لبيت كانت ناعسة ومبدلة حوايجها دخل دوش خرج لبس حوايجو وتسناها تفيق غير حلات عينيها) نوضي لبسي حوايجك غنخرجو.. (وقف وجا خارج) غنتسناك فطموبيلتي برا متعطليش..
رقية: (ناضت بانكسار مقاداش تخرج بغات غير تنعس مكرهتش تهرب وميلقاها حتى واحد ناضت لبسات حوايج لخروج ودارت مكياج يخبع وجهها للي ولا بحال شي شبح خرجت من الدار لقاتو فالطموبيل كان كيهضر فالتيليفون ركبات حداه)
عماد: هاكي هضري مع مك (مد ليها التيليفون شافها كتهضر وكتمتل انها فرحانة وكتمسح دموعها للي شلال كانت مقهوورة خلاتو غير يزيد يتعصب ونادم على كلمة وحدة قالها وتمنى وكان فكر الف مرة وميقولهاش ندم منين قالها بنت الخيرية كما كان الحال مشكلتو معاها ماشي هادشي المشكل هو علاش خبات وكذبات كسيرة وصلو لبلاصة للي خاوية شوية ويقدرو يهضرو فيها ويساليو هادشي وصلو #لكاب_سبارطيل ومشاو لابعد زاوية خاوية جلسو ورقية غير كضور عينيها فهاد لبلاصة للي اقل ما يقال عنها رائعة قهوة جاية فوق راس جبل)
رقية: مكنتجبدش غير الا تزوجتيني باش تنتاقم كان عليك تفكر بدماغك ومتخسر لا عرس لا والو ونتاقم ديك الساعة كبغيت
عماد: 😡 بنتلك واحد قطاطعي نشدك فالزنقة ونجرك نغتاصبك
رقية: اه حيت الواحد لي غتهمو جلدة وينسى كاع داك الحب الكبير كيتسمى قطاطعي
عماد: (كيضور عينيه ومكرهش يقجها) على الاقل كنت صريح قبل منك ماشي دوري ودردري على خاطرك وفالتالي يجي حميدة ياخد الليلة كاملة.. واخر وحدة تهضر على الحب هو نتي شنو هادشي كاع للي مخبعة وخايفاه يتعرف الالة من حقي نعرف اي حاجة وخلينا من دراما لخاوية شكووون للي تقبك
عماد: كفاش شنو باااغي😡 واش شي واحد مسلطك علية قولي للي عندك فين عرفتيه وعلاش مقلتيلي والو من اللول (رجعات لسكوت للي غيحمقني وكيخليني نفكر ندير شي حوايج خايبين بغيت نكون حضاري معاها ولكن هي كتخلني نكون همجي معاها..)
رقية: (بتنهيييدة.. قلبت وجهي شفت عائلة صغيرة جالسة ضاحكين تمنيت وكان حتى انا وعماد هاكا ونستمتعو بشهر العسل .. حاسة بيه معذب ولكن معنديش الجرأة نعاود.. محسيت حتى شدنني من يدي)
عماد: شنو تاكلي؟
رقية: مبغيتش ناكل
عماد: كفاش متاكليش ونتي من لبارح مواكلة شي حاجة خلي كولشي جنب وكولي
رقية: لا رد حنيت راسي هو فية جوع ولكن حنا فمشكل كبيير
عماد: بفففف انا غناخدلك (قلت للسرباي شنو يجيب رجعت شديت فيديها) رقية نتي غير صارحيني انا كنعرف كولشي محتاج غير نسمع من عندك نتي لبارح واخا مشفتش الدم الا حسيت براسي انا للي كنت اللول
رقية: (سالت دمعة حزينة من عينيها) حيت نتا اللول اعماد
عماد: يعني انا مغالطش منين قلت كاين نوع يكون بحالك معندهمش بكرة وتزادو بلا بيها
عماد: كولي عاد غنهضرو (بقينا كناكلو فجو سكات وانا غير حاضيها عارفها جيعانة ولكن مقادراش تاكل فخاطرها خليتها على خاطرها باش تاكل نضت من حداها وخليتها تاكل مرتاحة خرجت برا لقهوة وبقيت كنطل على لبحر من شرفة كبييرة بانيينها وكنفكر فرقية الا بالصح تولدات بلا بيها شنو قصة تصاور وتصويرة ديال داك الز** للي وراني فهد هو للي جا العرس غنحمااق قلبت الدورة باش نرجع وهو يبانلي بفففف ذكر الكلب يبان.. 😡 شفتو كان واقف كيكمي هاد الوجه للي حياتي كاملة منساهش...)
عماد: بقيت حاضيه وهو مزال واقف كيكمي كان تيليفون رقية مزال عندي اذا ماشي هي للي عيطاتلو جبدت التصويرة ديالو للي فتيليفوني كان هو بقيت كنشوف فجيهة دلبحر.. منكرش كانو فيسات دماغي خرجو كفاش شاد راسي ولكلب للي كنتمنى نقتلو حدايا للي لعب بشرافي حدايا وانا واقف ولكن خاصني على الاقل نتبعو ونشوف شنو غيدير بقيت واقف دازت 5 دقايق وهو يدخل دخلت من موراه ولكن خليت مسافة شفت رقية كانت قالبة وجهها دخلت شفتو جلس مع وحدة اخرى و3 ديال دراري صغار 7حرت واش رقية كانت مع واحد مزوج شنو غتوصل بيها الحقارة حتى لهاكا منساش منين قال فهد تخلصات من عندو بمليون ونص وهاد المبلغ يتعطى فحالة وحدة يا ديفيرجاها ولا كانت حاملة ودارت كورطاج بففففففف على دوامة فين وليت كنخيط ونفصل بوحدي مشيت جلست حداها كانت كلات مزيان
يونس: (شدلها فيديها وجلسها فوق النموسية) حبيبتي خوي راسك من ديك ابنادمة انا غندمها على هادشي
عائشة: مبغيتش نشوفها معاك ايونس مرة اخرى
يونس: والله احبيبة كنكون طرونكيل حتى كلقاها لاسقة فية صافي نساي واش مكيبانلكش شحال راني موحشك
عائشة: لا كيبانلي غير شحال كتعذبني
يونس: عويشة صافي راني هضرت معاك ناريمان صفحة ومبقاتش كاينة غير نتي احبيبة
عائشة: ممرتاحاش ايونس
يونس: ممرتاحاش معايا؟
عائشة: لا ماشي نتا غير هاد لبعد وكنتشاوفو بتخبية مممكتعجبنيش
يونس: كولشي غيتبدل احياتي نتي غير صبري براسي كنتعذب كتر منك نهار كامل مكنعرف مندير كيخصني غير نشوفك خلي بعدا رقية وعماد يرجعو من شهر العسل نزيدو ايام عاد نجي نتكلم مع الحاج اما دابا الا هضرت غتكون مفروشة اكترية الحاج صباح سولني واش كنت كنشوفكم بزاف انا وعماد واش فهمتي احبيبة
عائشة: (حركت راسها باه)
يونس: وصافي ضحكي ولا غنجمع مع مك من صباح وانا كنرغبك ونتي معفرة طيحلي لمك لكواري شوية
عائشة: (بابتسامة باستو فحنكو) غنجاوبك اشفيفير ديالي غير سير (مهم متفاكش حتى خدا بوستو خرج من السرجم كما العادة مكملاش دقيقة وها هو كيصوني بقينا كنهضرو حتى نعست وخليتو...)
رقية: عماد براكة عليك ياله نمشيو للدار
عماد: (غير كيخنزر فيها) علاش مقديتيش تشوفي حبيب القلب مع العائلة الكريمة
رقية: عماد عفاك ياله نمشيو
عماد: كفاش عطاك خاطرك تمشي مع واحد مزوج؟ وعلاش عطاك مليون ونص واش كنتي حاملة منو وعلاش بالظبط الاستاد ديالك (كيعيبها) جيت لالمانيا حيت لقرايا هنا حسن من المغرب
رقية:(تصدمت باش عرف قضية هادشي كامل) عماد شنو كتقول؟ للي وصلك الهضرة وصلك كولشي مخربق انا غنهاودلك كولشي
عماد: اممم وعطيني نتي صحيح ولا عرفتي قلتلك سالات وقت الهضرة تهزي تق** نتحركو من هنا قبل منقتل شي واحد هاد الليلة تفو جاي ندوز اكفس ايامي معاك معىفت اش درت باش ربي بلاني بيك (خلصت السرباي ونضت جريتها من يديها حتى كنت غنهرسهالها خرجنا ركبت فالطموبيل) ركبي
رقية: هئ هئ لا مغركبش نتا سكران ومغتعرفش شنو كدير
عماد: لا حبيبة غيرر ركبي راني صاحي وصاحي مزيان كنت سكران قبل دابا ففت وفقتلك مزيان (شفتها مبغاتش تركب خرجت من الطموبيل وفتحت ليها لباب) ركبي ارقية (بلغوات) راكي غير كتعصبي اصل دين مي
رقية: (تعكسات) عفاااك اعماد منمشيوش دابا خليك غير تصحا شوية
عماد: الالة واش كنبانلك سكران بلا مديريها حجة غتركبي ولا نلوح مم فهاد لبحر
رقية: ياله جات تهضر وهي تسمع
سامي: (جاي جيهتهم مكانش عارفها رقية حتى قرب) اييه شنو واقع هنا
عماد: (غير شافو جايمشا بدا بيه هو اللول ضربو فركبتو حتى لاخر عواج وركع عاود عطاه كروشية لوجهو حتى جابو مليوح فالارض بقا عليه بتخصار الهضرة وركل حتى الناس جات تفاك وحيدو عماد كان بحال شي كلب مصعور وكان قريب بوسط دلبوليس دغيا جاو كيشوفو شنو كاين)
رقية: (بقيت غير مصدومة والناس كتفاك انا كنقلب غير فين نهرب هو بينلي غير الشونتيو الله يا ربي واش عيشة للي عودات لعماد ولا عودات ليونس ويونس عاودلو شنو درتي اعيشة فضحتيني اختي وفتحتي علية بواب جهنم ونتي بقيتي فالنعيم.. بقيت واقفة حدا الطموبيل كنبكي وكنشوف مرت سامي وولادو كيبكيو وكيهضرو باسبليونية معرفت مندير بقيت غير واقفة شي وحدين وقفو سامي مع الجوقة مبانليش مزيان جابولو غير كرسي وقرعة ديال لما بقيت كنشوف ودموع فعيني محجرين حتى بانلي عماد جاي قاصدني تكمشت وكنضور عيني حتى زعزعني ودخلني للطموبيل بالنترة)
عماد: 😡 بربي وتخرجي من هنا حتى نشرك مك هاد الليلة (زدح الطموبيل وسدها اوتماتيك ومشا وقف مع دوك لبوليس كيوريهم لوراق ولا معرفت بقيت غير كرجف وكنتسنى شنو غيوقعلي...)
سامي: (داير الثلج حدا عينو وكيشوف جيهة الطموبيل فين كاينة رقية.. حتى رجع عماد و2 من لبوليس رجع شاف فيه بحقد واخا شافو 2 دلمرات الا معقلش عليه اما عماد للي شافو غير فتصويرة طيرو وعرفو)
بوليس: الا كنتو غادي تراضاو بيناتكم يخلص دواك اما الا بغيتي القضية تكبر نفتحو محضر
عماد: (عينيه بحال صقر كيشوف فيه ومكرهش يرجع يسلخو) لا غير فتح محضر
سامي: (بحرا وقف على رجليه وجات مرتو كتجري وسانداتو) مبغيت والو اشاف بغيت غير نمشي فحالي من هنا مبغيت صداع جاي ندوز غير كونجي ديالي ورجع (مشا كيعرج وركب فطموبيلتو بقا كيرتاح شوية واخا اصرت عليه مرتو هي تصوك مبغاش بقا حاضي لمرايا حتى عماد مشا ركب فطموبيلتو وزاد)
عماد: (دمو كيفور بقا غير دخان يخرج من ودنيه) بغيتي شي شوهة مرحبا وغنبداها من دين ربك هاد نهار
رقية: (غير مصدومة وكتبكي عرفات راسها الا هضرات غيديرلها شي حاجة خلاتو غير كيهضر وسايك بجهالة واكترية ديك طريق قاسحة شوية (غيعرفوها للي ماشي لطنجة) بقا غير ماشي ومنتابهش لسامي للي تابعهم واخا لحريق فرجلو وفذاتو كامل الا مغيزكلش هاد لفرصة للحظة بتاسم معرفش واش القدر واقف فصفو لهاد الدرجة للي بجوج يكونو فطنجة كان غيآمن بالصح انه خسرها وعمرو يولي يشوفها... وصلو لحبان فين كارين خرج سامي خنزر فرقية وهي تهبط كانت فموقف بحال شيواحد لابس لبسة دالاعدام وواخدينو باش يشنقوه تبعاتو بخطوات صغار بحال كتمشى على لبيض فتح لباب وزدحو بيدو دخلات من تحت يدو ومشات كتجري لبيت نعاس وسداتو عليها سد لباب ودخل.. هنا سامي عرف فين جالسين خلا مرتو تكمل السوكان بحجة وقف حيت مقدرش يكمل هي بكل غباء هبطات وكملات للوطيل فين نازلين..)
رقية: (جامدة حدا لباب وكتقلب على صوتو كتسمعو غير كيتنهد ويغمغم بكلام ممفهومش بقات هكاك حتى قالت صافي مغيجيش ناحيتها حتى يبرد.. ياله غتحيد ودنيها من حدا لباب حتى كتسمع لباب زداااف كان كيفرعو بكتفو باش يدخل هربات للدوش وسدات عليها جلسات فالارض وهي كترجف وكتخيل ضنو غيوقعلها ندمات على اي فرصة عطاها باش تهضر ومقالت والو ياما قالت ليها عيشة قوليلو على سامي ولكن مظناتش ختها طعنها وتقول هي كولشي.. سمعات لبلب تفرح وهو دخل غمضات عينيها وهي كتسمعو كيعيط عليها شافت لبوانيي كتحرك وباغي يدخل عليها للدوش زادت جمعات رجليها لعندها وكتفكر شنو دير ناضت كتقلب حتى لقات موس دلحسانة شداتو ودارتو فيديها وكتسناه يدخل حيت باب الدوش ساهل باش يدخل واحد جوج ثلاتة ها هو دخل كان وجهو حمر وعينيه كتر حتى ديك لخضورية للي كانت فيه رجعات فلون اخر كانت كيتنفس بصعوبة شافها دايرة موس فيديها وكترجف) 😭 الا قربتي مني هئ هئ غنقتل راسي
عماد: ديريها ديريها وهنيني منك😡
رقية: (كتزيد تبكي وتشهق) عمااااد غنعاودلك كولشي والله كولشي وصلك غالط غير سمعني
عماد: (خلاها كتهضر وغفلها بطرشة حتى جات مزوحة مع الحيط وطير من يديها داك الموس ولكن شاف فيه قطرة ديال الدم رجع شدها من شعرها حتى وقفات شاف فيديها كانت جرحة ولكن ماشي كبيرة رجع جمع معاها بطرشة حتى رجع وجهها حمر بالطرش للي كانو عندو خباطات ماشي يدين طرشة تخليك مهزوزة فسما وكتشوفي نجوم ضايرين بيك.. بقا غير كيغوت وهي كالعادة ختارت تغيب ولكن بالصح هاد لمرة مبقاتش حسات بللي ضاير بيها..)
سيدتي الجزء 13
محتوى القصة
التنقل بين الأجزاء