عائشة: (غوبشات واخا دابا كتكرهو الا كلشي الا يونس خط حمر) اه داكشي للي بغيت الامور توضح
معاد: معليش نخلي نمرتك عندي
عائشة: (معرفات متقول وحشمات تقولو لا) اه اه علاش لا
معاد: اووكي نتلقاو غدا
عائشة: (قطعت معاه وانا معاجبني حال هو ظريف ولكن كنت مرتاحة نهضر معاه غير فلخدمة ماشي التيليفون للي هو من الامور الشخصية حطيت تيليفون وخرجت نعاون ماما شوية ونخرج من ديك القوقعة ديال الحزن ونديب..)
~~~~~~~~~~~~~~
عماد: (كيرجع شعرو بكل خوف وتوتر) فين غتكون مشات وبديك الحالة (بقا كيقلب فداك الحي كامل والو لعساس مشاف حتى وحدة خارجة مسح جيهة نيفو لقا الدم من لعصى ديال يونس فكر تكون طلعات لسطح مشا كيجري كيقلب ووالو مكيناش نزل ولقا يونس فالدار ضار كيشوف فعماد بنظرات ديال لقتيلية) مالك كتنخنزر فية بسبابك هي خرجات
عماد: مالك كتنخنزر فية بسبابك هي خرجات
يونس: عرفتي الا مالقيناهاش غنقتل ديلمك جالس كترجل على وحدة وداير فيها ديك الحالة
عماد: (وجهلو صبعو) دخل سوق *** داكشي بيني وبين مرتي
يونس: (شدو من كول شميزتو ودفعو على الحيط) تصاور فتوشوب الحمار وداك الاستاذ غير باغي يطيحها فالشبكة
عماد: (مفهمش كفاش عرف هادشي كامل دفعو وهو يصعر) فوتوشوب!! شكون ظحك عليك من نهار العرس وهو تابعها حتى منين مشينا للشمال وهنا اي بلاصة درت كلقاه قدامي وضاير بيها يونس: وهادشي يخليك ديرلها هكاك
عماد: اه ونقتل مها منين لقا سوارت داري عندو وكل نهار كلقا بريزيرفاتيف (عازل) عامر بزبلو وكارو فالدار واخا انا مكندير حتى حاجة من هادو غنقتلها
يونس: عرف يلعبها معاك مزيان انا للي ماشي مرتي ولكن المدة للي دوزناها عرفتها مغدير والو
عماد: منين لقا هادشي كامل فقلب داري وزيد حوايج انا راجلها وعارفهم عليها مغنبقاش نخمم واش هي ديرها ولا لا
يونس: عرفتي منين كنت باغي نتلقاك فهد
عماد: (بقلة صبر) خاصني نخرج نقلب عليها
يونس: (رجع وقف حدا لباب)
عماد: يووونس مرتي خرجات عريانة
يونس: ومتعدي عليها وكولها دمايات وطبايع متنساش حاى هاد لمعلومة
عماد: 😡 داكشي بيناتنا انا وياها حيد ايونس من حدا لباب وخليني نخرج نقلب على مرتي لللي معرفت فين زادت بديك الحالة
يونس: (بقا كيكلع ويهبط فيه عرفو واصل سطاج لخر ديال صبر ومبغاش الامور تزيد تعقد على الاقل بينو وبين ولد عمو) على الله تكون سكتات من لغوات
يونس: (سبقو لبرا) حسب اخر نهار عندك الا مشات لتماك حيت الحاج ماشي رقية للي متقدرش دافع على راسها نهار اللول قالك غتاخد لبنت من عند راجل ماشي شماتة للي يخلي بنتو فديك الحالة واخا تكون قتلات روح كان عليك تمشي لعندو
عماد: (بلهفة) فين هي؟
يونس: (جبد كارو) جيبلها شي حاجة من حوايجها انا نتسناك فطموبيلتي
عماد: (دخل لبيت نعاس لقاها موجدة طبلة فيها ورد وشمع ممشعولش وجوج طباسل وكيسان للي شراو ودارو فيهم تصاورهم بجوج داخ معرف باش تبلا.. هز حوايجها وهو غارق فالتفكير.. تشويش.. كفاش يونس عارف شنو كاين وقصة تصاور وكولشي.. تخربق فدماغو خرج عند يونس ركب معاه عيا كيسول ويونس ممينطق بوالو حتى عرف الاتجاه ماشيين لدار واليدين عماد..)
اشرف: (بقا كيعيط ليونس يتسنا ويتنااقش معاه على للي دار مع معاد حدا الشركة متصنتش ليه هز طموبيلتو وزاد.. خاف على خوه المتهور يدير شي حاجة خايبة تبعو كان ماشي لدار عماد تبعو وكيكلاكسوني على داك الصوكان باش كان غادي وصل. من موراه شاف طموبيلت عماد كفاش واقفة مفهم والو ياله بغا يخرج من الطموبيل حتى قشع رقية خارجة تقريبا عريانة كتغوت وكتبكي بحال الحمقة مشا لكوفر هز غطا ومشا لعندها قبل متخرج وقف عليها كانت كتقول غير *غيقتلني وانا مدرت والو* دخلها بالزربة لطموبيلتو وهو مصدوم من حالتها وزاد بيها معرف فين يديها صبيطار ولا لدارهم صونا على يونس ووالو مكيجاوبش حتى صيفطلو ميساج قالو *رقية معايا* فلبلاصة صونا عليه وقالو يديها لدار عمو للي هي دار واليدين عماد...
بقا كيتسناهم يجيو ومعارف ميدير فرقية للي حالتها كتبكي ملوية غطا عليها وكتهضر بحال لحمقة بكلمات ممفهومينش غير سمع دقان فلباب مشا حل لباب واول واحد بانلو عماد جمع معاه اشرف بونية خلاه فقد التوازن يونس خلاه فلباب ودخل.. لعصا للي كلا عماد ومزال كياكل غتندمو على اي لحظة يقدر يضرب فيها رقية.. سبو اشرف خلاه عماد فلباب ودخل كيقلب غير هزات رقية راسها فعماد غوتات ومشات كتجري وكتبكي كانت الضربة للي عطاها فالراس زعزعاتها وكيبانلها غير غيقتلها مشا من موراها عماد)
يونس: خليها عليك دابا واش نديوها لطبيب ولا نعيطو لشي واحد
اشرف: لا ضروري تشوف طبيب
يونس: (مشا تبع عماد للي كان باغي غير يهضر معاها وهي لاسقة فلحيط ومكرهاتش تحفرو وتخبع من هاد الوحش للي دوز عليها العذاب شافت يونس)
رقية: هى هئ عفاك اخويا ديني معاك هو غيقتلني وانا مدرت والو شووف شنو دارلي هئ هئ بغا يقتلني بلموس (بغات توريه شنو دارلها حتى طار عماد ورجع لغطا عليها وهي كتغوت مشا يوونس عنقها وبقا كيطبطب عليها ولاخر غير شاعل)
دخل اشرف لعندهم وهضر مع عماد الا كيعرف شي حد تقة يديوها عندو
عماد: بلاش انا طبيب وغنداويها
اشرف: يا غتقلب نتا يا غنخرجها انا نديها لاي واحد
عماد: علااااش انا طبيب وعارف شنو غندير
يونس: عمااااد لبنت خاصها طبيب راه كولها دم (بلغوات حتى تهزات رقية) راه ايموراجي ابنادم
عماد: فهم شنو بغا يقصد وزاد توتر كتر وعرااق..هز تيليفونو تحت انظار يونس واشرف للي باغيين يقتلوه على شنو دار هضر مع واحد صاحبو مزال فلعيادة ديالو حيت مكيعرف حتى طبيبة وهدا كان الحل هزوها ركبات مع اشرف ويونس وخلاو عماد يلحق عليهم وصلو للعنوان دخلوها من بعد متسناو الدنيا تخوا دخلاتها المساعدة ديال طبيب عندو وهوما بقاو برا عماد بقا على اعصابو ومشا عند يونس لبرا
عماد: شنو قالك فهد
يونس: عماد هداك الاستاد كان كيدور برقية لغاها وهي مبغاتش معجبوش الحال وهو خااانز فلوس ناض هز تصاورها ودارهم فوتوشوب وشوهها الادارة طرداتهم ب3 هي وختها والاستاد للي اصلا كان غير استاد بديل فديك الكلية هو رجع اسبانيا ولبنات جاو لالمانيا اوا فهد دوز على عويشة داك شي على اساس تصاور حقيقيين ولبنات خارجين طريق وحتى هو بغا يجرب حظو ومنين كنا قبيلة فلقهوة قالي صاحبو سامي م*** فرايو يعني بغا رقية وبغاها باي وسيلة ويمكن بقا كيخلوض باش تساليو وهو يخلالو الجو وهادشي مزال منين يفيق تسمعو منو دابا لمشكل فللي راها لداخل.. شنو وقعلك اعماد باش ديرلها هكاك
عماد: (تخربق فدماغو) نتا معارف والو ايونس
يونس: اه متافق معاك كاين حوايج بينك وبينها مغنعرفهاش ولكن
عماد: وكان كنتي فبلاصتي وهي كتهبع كتكدب عمرها قالتلي الصراحة حتى هادشي كنسمعو منك علاشمتجيش وتقولولي انا ديما كنسولها عليه جا العرس وخبات تلاقيتو فشهر العسل كيدور حدا الشالي ديالنا كان كيقولي كلام للي نقتل اي واحد
يونس: وفين كنت انا كنا غلقاو حل
عماد: اشمن حل درت معاها جميع الحلول قطعت الهضرة ضربتها رغبتها اي حاجة ووالو رقية ديما كتخبع علية حتى سوارت كانت غير تقولي تجلاو ولا شفروهم ليها اي حاجة ماشي تسكت وطبع سوارت اخرين وانا لقا سوارتي عندو
عماد: (تنهد شاف اشرف خارج هضر مع يونس يمشي يقضي شي غراض ويجي مشافش حانى فعماد نخلو وزاد.. دخل لداخل يشوف شنو واقع لاح يونس كاروه ودخل تبعو حتى شاف طبيب خارج) د.احمد شنو كاين
د.احمد: الا عندك شي حوايج عطيهم للمساعدة ديالي تلبسهم ليها قبل متغيب
يونس: واش هي بيخير
د.احمد: عماد واش نتا للي درتي هاد لفضيحة فمرتك
عماد: احمد الله يرحم الواليدين قولي بعدا هي كبقات
د.احمد: (شاف فيونس يخرج من المكتب ولكن هو بينلو مغيخرجش وعماد دارلو اشارة بعينيه انه غيبقى) واش عاد قريب باش تزوجتو
عماد: اه تقريبا
د.احمد: كان عليك تديها لطبيب مختص ماشي نتا للي ديرلها هكاك السيدة كانت عندها بكرة من نوع خاص للي ضروري طبيب هو للي يقوم بالخطوة الاولى عاد نتا.. مهم نتا عارف هادشي
عماد: (بصدمة) بكرة!!!!
عماد: (بصدمة) بكارة!! كفاش مفهمتش (بقا كيشوف يونس فيه بدهشة قرر ينساحب حيت طبيب غيهضر فأمور للي شخصية بزاف حتى كيسمع)
د.احمد: وحتى نسبة باش الجنين يبقى حي وتابت 10 % صعييب يبقا عايش
يونس: (شفت فعماد بصدمة للي كان مصدوم كتر وكتر نضت من لكرسي بشوية وخرجت بقيت واقف كنتسنى عماد وكندعي الله رقية تكون بيخير)
عماد: علاش هي كانت حاملة؟
د.احمد: اه بب ف ديال السيمانات ولكن كما قلتلك صعيب يعيش وفاي لحظة غيكون اجهاض هادشي الا مزادش اثر عليها ونحايدوه
عماد: (هنا دارت بيه الدنيا وداخ معرف باش تبلا) اش هاد لمصيبة
د.احمد: (زول نظاظرو) عماد صراحة واخا نتا صاحبي خاصك لحبس كاين شي واحد كيدير هاد الحالة كما بفات تكون مشاكلك معاها
عماد: احمد انا مكنتش عارفها فييرج هي قالتلي تغتاصبات وانها ماشي بنت وعاد زيد خديتها طبيبة وزادت اكداتلي انها ماشي فييرج
د.احمد: عماد الجرح جديد اليوم عاد كان تغتاصبات
عماد: (بتنهيدة بقا كيشوف فيه)
د.احمد: هادي ما طبيبة موالو للي تقولك هاد لهضرة انا كناكد ليك ودخل تشوف بعينيك حيت بانلي هاد الشك هو للي ديما خارج على رجال ونسا ديما هوما الضحايا
عماد: (مقدرش يدخل عندها هو اصلا مزال منايق راسو شنو دار على شوية كان غيقتلها وكان مصر ساعة كان غيقتل جوج رواح) لا بلاش انا بغيت غير نفهم هي قالت ديجا تغتاصبات فسن 7 سنين يعني غيكون باقي..
د.احمد: اه بالصح تقدر تكون تغتاصبات ولكن ماشي الايلاج الكامل للي يخلي فكارتها تفتض ديجا قلتلك عندها بكرة من نوع مطاطي للي نورمال خاص شي مختص للي بجرحها ونتا تكمل ماشي دير كولشي بيديك وتوصلها لهاد الحالة
عماد: والله مفهمت هي قالت سال ليها الدم وووو حتى انا فاش كنكون معاها فعلاقة كيسيل منها مرة مرة
د.احمد: فحالة العنف؟
عماد: احم انا قلتلك عند بالي مسرحة
د.احمد: عندها جرحة فالجدار ولكن واش قديمة ولا جديدة معرفتش
عماد: ديك طبيبة كانت عطاتها بومادة....
د.احمد: اه هاديك ديال جروح هي عارفاها كانت مجروحة و100% كانت عارفاها مزالة فييرج ونوع البكارة
عماد: (دار يدو على راسو حيت كان غينفاجر كولشي عندو غالط مفهم والو وحتى حاجة مبغات دخلو لراسو)
د.احمد: (ناض من كرسيه) خاصك دخل اعماد تشوفها بلا منقولك على حالتها النفسية للي 0 زيرو
عماد: (غير وقف سمع تيليفونو كيصوني هزو كان الحاج احمد فلبلاصة عراق كره راسو والموقف فين محطوط.. عرف اشرف وصلها ليه ومعندو حتى مهرب جاوب وبقا حاط ودنو يتصنت لشنو غيتقال...)
الحاج: الوو!! الو السلام عليكم
عماد: عليكم السلام
الحاج: ولدي راه جاتنا مسافرة مزروبة شوية انا وعزيزة وغنديو حتى ادم الا عندكم وقت اجيو دابا نتعشاو مجوعين
عماد: (معرفش علاش فرح ولقاها من الجنة والناس هو كان كيتسنا وابل من السبان والشتم ساعة مفراسو والو) انا ورقية راحنا شادين طريق مسافرين
الحاج: اااااه مكنتش عارف بصحتكم اولدي
عماد: لهلا يخطيك الحاج.. امتى غتسافرو
الحاج: صباح بكري اولدي نمشيو
عماد: حنا حتى لعشية عاد نجيو.. مهم الا عويشة تبقة بوحدها فالدار من لاحسن تجي تجلس معانا هاد الايام (نسا راه دايز زبلة للي عيشة تشوهو)
عزيزة: محدهم ديال راسهم خليهم يسافرو حتى يقنعو نهار يديرو لبز مغيبقاوش كما دابا
عائشة: مزيان.. حتى نتي جاتك هاد تسافيرة مزروبة
عزيزة: وكان غير بغيتي ابنتي تمشي معانا (كتصر عليها حيت عارفاها مغتمشيش حيت الغراض للب ماشينلو هو الاتصال للي جا لاحمد ان عائلة عزيزة غيفتحو ليها لباب وغيسمعوها)
عائشة: لا ماما مفياش وزايدون لبرد وانا خدامة انا نبقى مع رقية حتى تجيو
عزيزة: واخا بنتي ولكن تهلاي فراسك وفختك
عائشة: واااا ماما نتي غتسافري غير سيمانة ماشي مغتوليش ترجعي
عزيزة: اححححياااني ابنتي والله مبقيت كنقد منشوفكمش كل نهار.. واها نتي باغا غير تزوجي وتخوي
عائشة: مبقيتش اماما باغا نتزوج انا غنجلس غير معاكم
عزيزة: لا ابنتي الله يسهل عليك فشي ولد الناس
عائشة: هاد الساعة كاينين غير ولاد لق*** (خرجات من لبيت ومحساتش كفاش حتى نطقاتها مشات لبيتها خلات مها غير حالة فمها فعيشة للي من نهار جابتها من لخيرية وهي كتدعي غير فوقاش تزوج واكترية هاد 4 سنين كتقول غير نتزوج نتخطب.. ودابا ولات كتكره هاد السيرة اشمن زواج للي ميكونش فيه يونس هو العايل دالرواية يكون هو البطل.. الفارس المغوار..)
~~~~~~~~~~~~~~~
يونس: (كيهضر مع اشرف فالتيليفون وقالو على ان كولشي مزيان .. شاف فعماد جاي عندو وهو مضمر جلس حداه وبقا ساااهي قطع صوت يونس) كبقات؟
عماد: مزاال مفاقت.. (شاف فيه) مشكلة ايونس كغندير حتى نحلها عمرني قلت نتحط فهاد الموقف
يونس: عماد اول حاجة خاصك تمشي للكوميسارية تعطي اقوالك بلا متخليهم يجيو يديوك
عماد: يديوني؟ راه مرتي بسبابو كنت غنقتلها
يونس: هو مقالكش قتلهاا والقانون لا يحمل المغفلين نتا على سبا والشك عمالك عينيك انا مكندافعش عليه حقك غردوه غردوه غير مكانش عليك ضربو قدام الناس ودير عليك شهود
عماد: بفففف (بقا ساكت وكيتفكر غير فاش كان كيضربها وزيد كانت بنت علاش طبيبة كدبات عليه زعما لهاد الدرجة مبانتلهاش الجلدة كنت حمار قلباتها قدام عيني كان علية انا نشوف كولشي بعيني.. تفكررقية كترغبو وتزاوكو هي مدارت والو وهو كان كيبانلو غير يكرفسها ويقتلها)
يونس: (بقا متردد) هي حاملة دابا
عماد: (بتألم) نسبة قليلة باش يعيش
يونس: ان شاء الله غيتربا فعزك اصاحبي نتا غير
عماد: غير شنو اخويا فاش تفيق غتكون كرهاتني وبحال والو طلب طلاق مشفتيهاش غير كنبانلها كتخاف.. شنو معنى زواج الا مكانتش كتحس معايا بالامان
يونس: كولشي غيتصلح مع الوقت...
عماد: خرج من لكميساريا مكره من بعد مدارو معاه لونكيط علاش ضربتي ودوك الاسئلة الاعتيادية خلاو المحضر مفتوح حتى يفيق سامي ويدلي باقوالو حتى هو.. مشا للدار حس بقلبو مزير دخل لبيت نعاس نيشان شعل الضو لقاها مزال ناعسة مشا بخطى هادئة لدحداها جلس كيتلمس فشعرها وهو ناااااادم وممتيقش شنو دار غير ديك الجرحة للي فجبهتها بلا فحمها كولو للي مسلوخ ومخبع تحت لغطا قاس كريشتها بلا ميحس وفقلو غصة كبييرة كفاش رجع وحش مع اقرب انسانة لقلبو الا مكانش المصطلح صحيح هي قلبو كيتفكر كفاش كانت كترغبو بدموعها غيموووت الا وقعات ليها شي حاجة واملو كبير يبقى لبيبي عايش باش متزيدش تحقد عليه كتر وكتر.. ندم ندم كبيير كبير فعينيه وفكل جوارحو تأنيب الضمير للي مخلاهش ينعس ولا حتى يتنفس....
سامحيني حبيبتي….. عذبتك
ربما تظني عواطفي خالية…
ربما تظني عديم الإحساس…
و لكنني و رب العزة يشهد…أحببتك بكل جوارحي
ظننت قلبي فقط من يهواكي…
و لكن وجدت كل كلي يعشقك …. و يذوب في عشقك
شهد الزمان…
أنني لم أعرف يوما معنى الإشتياق…إلا معكي
دائما أشتاق لهمسك…
دائما أشتاق لصمتك…أشتاق لضحكتك…
تلك الضحكة….ترن في أذني
فأحس أن العالم بأسره
قد أضاءت أنوار فرحه
صبحت زفراتي تخرج كلهيب…
من حمى عشقك
و دموع عيني……………
ماذا عساي أقول عنها؟؟؟؟؟؟
أصبحت تسبقني……..
كأنها تنتظر اللحظة التي..
يفيض فيها قلبي ولعاً بكي..
و لحظة تفيض روحي شوقا إليكي...
رجوكي لا تسيئي فهمي
إبتعدت عنكي ….لأنني “أحبك”
ربما يوما ما ستفهمي هذا المنطق
عذبتك ……أرجوك سامحيني...
سمع دقان فلباب خرج بالزربة من عندها طفى الضو ومشا حل لباب كان فهد غير شافو عماد بغا يتلاح عليه حتى جا يونس فالنص وفارقو عليه
يونس: انا جبتو لعندك غير باش يقولك شنو كان باغي يقول قبل ميوقعلو داكشي فألمانيا
عماد: (زاد صعر وغير يونس للي كيفاك اما عماد مبقاش عارف راسو شنو كيقول كيهضر غير من الصمطة لتحت حتى مشا فهد فحالو ويونس دخلو للدار)
عائشة: مع الدخلة ديال الشركة بان معاد قدامها بكل اناقتو وريحتو للي كدوخ من لبعد شافتو عائشة ورسمات ابتسامة فوجهها.. صباح لخييير
معاد: صباح النور (شاف فساعتو كانت 11 دنهار) الناس كيخدمو مع 8 ونص
عائشة: ههه صافي بدلت لبوسط وبقيتي كونطرول على الموظفين
معاد: ماشي كاع الموظفين كيهموني وكنتابه ليهم فوقاش يدخلو وفوقاش يخرجو ونعرضهم حتى لغدا كتعويض على اخر مرة
عائشة: امممم (شافت اشرف داخل وبغات تصيفط ميساج ليونس او بالاحرى بغات تعرف شكون للي كيعطي جميع اخبارها ليه) اووكي 1 نتغداو ولكن غير هنا حيت عندي شي غراض
عائشة: (جلسات فكرسيها) لا بلعكس صديق عزيز علية علاش كتسول واش زعما حيت حتى يونس خوك حسابلو هكا
اشرف: نو غير سولت حيت فينما درت كلقاه موقفك ولا عندك هنا
عائشة: معنديش مشكل يكون معايا
اشرف: اه اوكي (بابتسامة) مع السلامة
عائشة: (غير خرج اشرف تنفسات معرفت كدارت هضرات معاه بحال هاكا معجبهاش الحال هو كتحتارمو ماشي بالضرورة تكرهو راه داك الطارو للي غدر ماشي هو كملات خدمتها غير وصلات 1 بقا كيصوني عليها معاد ندمات علاش قالتلو اوكي مكاينة حتى استفادة هزات صاكها خرجات سبقاتو للصناك وهو لحق عليها تغداو زربات عليه مخلاتوش حتى يهضر جوج كلمات معاوطين مشات ركبات فطموبيلتها ونيشان شدات طريق لدار ختها بقات كتصوني عليها جاوبها عماد وصلات ياله غدق حتى فتحلها يونس لباب بقات حامدةفبلاصتها كتعيا تقوي وتشجع راسها تكرهو متبقاش تحاشيها ليه وغير كيبانلها كتحس بهبة اخرى..)
يونس: (كيشوف فيها بعنين قاتلين منساش لجيست للي دارت لبارح ومنساش المكالمة للي سمعها منين كانت فلوطيل مع داك خينا)
عائشة: (زعمات عليه بصوت كيرجف وبعدات عينيها من عليه) يخ صبحنا على مولانا نتا فينما ضرت كلقاك حيد حيد خليني ندخل
يونس: (باقي كيشوف فيها بدوك النظرات للي غيديرولها إبادة) هداك هو للي كنتي معاه فلوطيل (هبط درجة وحنا لعندها وشدها فدراعها) بايت يوماين فشتا كنقلب عليك بحال لحمق ونتي م
عائشة: (كتبعد يديها عليه) انا مقلتلك قلب علية ديها غير فديك الزعرة ولا لمزعرة ديالك ياك نتا ختاريتها هي وانا بعد مني
يونس: شكون هو وفوقاش عرفتيه 😡
عائشة: عرفتو وعجبني
يونس: (زاد برك عليها وزيد على سنانو) اخر مرة نسمعك خرجتي معاه ولا حتى هضرتي معاه
عائشة: (قمشاتو من يدو باش يحايدها) من دابا غتسمع وتشوف ووو غنتزوجو كاع صافي
عائشة: (حيدات يديها بالزربة ودخلات سلمات على عماد وكتعيط لختها اما يونس خلاتو واقف فبلاصتو هو عارف مغيوقع والو من ديك لهضرة لي قالت وعارفها كتمووت عليه ولكن باش توصل تخرج تغدا معاه هاد نهار لا ومزال مفهم ليسطوار ديال لوطيل) رقيااا رقية
عائشة: اوووف مكتشوفش حنا هنا عائلة بيناتنا نتا علاش كدخل راسك معانا سير عند كلبتك حسن لك
يونس: (جرها من ذراعها) متعيقييش بزاف
عماد: نعلو الشيطان بجوج (دار اشارة بعينيه ليونس باش يدخل عند رقية وعماد جلس هو وعيشة غير جات تهضر وتفتح تحقيق معاه) ختي زعما الاجات على خاطرك وجدي لينا شي حاجة ناكلوها
عائشة: اااه هي اللولة اخويا نتا شنو بغيتي
عماد:معرفتش انا كنمووت بالجوع وحتى ختك كنت مقابلها ونصلاحليش نهخرج نجيب شي حاجة اممم توحشت شي طويجين من ديالك
عائشة: هي اللولة اخويا غير واش رقية لباس عليها
عماد: اه لباس غير يونس دخل بيناتنا بخيط بيض حيت مزالة مقلقة مني بلاتي ونعاودلك
يونس: (جر كرسي وجلس حداها) رقية انا معاك فاي حاجة عطييه فرصة واخا لكلب ميستاهلش طلاق مساهلش
رقية: (باصرار) مستحييييل مستحيييل نبقى معاه
يونس: راني قلتلك انا معاك وللي بغيتي نديرولو ولكن خليك غير تبراي بعدا وفكري مزيان
رقية: (رجعات كتبكي) نتا معارفش شنو دارلي وكان مجيتيش فداك الوقت كان كبعذبني ويخنقني
يونس: (حشمان من هاد لموقف فاش حطو عماد ولكن..) عارف عاارف اختي كولشي ووحتى داك لكلب مغتبقاش فيه
رقية: (مسحات دموعها) والله اخويا مكنهضر معاه هو للي معرفش شنو بغا وصل ولكن عماد كتر منو وانا غدا غادي نمشي نطلب طلاق وحتى الا مبغاش عندي شهادة طبية للي تخليه نطلقو بالسيف عليه
يونس: شوفي خلي غير تبراي وتوقفي على رجليك ونديرو شنوما بغيتي
رقية: لا
يونس: على ضمانتي مغيبقاش يقرب ليك
رقية: (بقات كتشوف فيه)
يونس: كلمة وحدة نتي غير براي.. للي كيهم دابا هو نتي تكوني بيخير وختك وانا غنبقاو معاك
رقية: وهو غيبقا معانا
يونس: حسبيه مكاينش ولكن حنا قلنا لختك تناقشتي مع عماد لسبب بغيتو تخليوه بيناتكم غير نتوما وووطحتي من دروج و.. الحاج وماماك بلا ميسمعو هادشي للي نتي عارفة موراها شنو غيوقع انا مكندافعش عليه ولكن مبغيتش الامور تكبر
رقية: فهمت ايونس ولكن نتا واعدتيني غير نوقف على رجلي غتمشي معايا نطلقو
يونس: وعد شرف نوقف معاك وغتلقايني كتر من خوك.. ختك عيشة غدخل عندك بلا مت
يونس: (جرها من لفك ديالها ونزل بوجهو لعندها) عاوديها هاد لمرة مغنفكرش مرة وجوج فرمشة عين غنحييك (شاف فعينيها توتر كبير نزل لشنايفها بقبلة حارة ولعب بلسانو كبغى.. وهي غير كدفعو حتى بعد منها بغات تهز يديها طرشو وهو يشدهم)
عائشة: جرب وشوف نقتل راسي قبل متقيسني.. طلق من يدي المسخ متعاودش تحاديني مكتفهمش متقيسنييييش
يونس: (رجع شدها من اليد التانية) سمعي جوج كلمات نتي ديالي وغتبقاي ديالي سوا بغيتي ولا كرهتي هانية عندي بالسيف ولا بالخاطر
عائشة: كان زمااان احبيبة عمر هاد لقلب ميرجع يحن ليك
يونس: (ياله جا يهضر وهو يدخل عماد لكوزينة لقاتها سبة وفلتات من يونس ومشات كطير من قدامهم) نتا متعرفش تبقا فلبيت لاش جاي
عماد: (بموود للي مكيسمحلوش يظحك ولا يقشب كما العادة) شنو درتي مع رقية
يونس: صافي راني دويت معاها كما تافقنا كنتو مناقشين وطاحت من دروج ومبغيتو تقولوها حتى لواحد
عماد: وهي بغات زعما..
يونس: منكدبش عليك اولد عمي هي كتهضر غير على طلاق
عماد: ونتا شنو قلتيلها
يونس: عماد مغنافقكش داك الديكور مزال فعيني منين جاية هاربة لعندي ولحمها كولو مسلوخ مدرتيش فيها خدايم رجال بهاد لمعنى شنو كاع هاد لحاجة للي تخليك دير فيها هكاك
عماد: صافي ايونس متمرضنيش حتى نتا (خرج وهو مكره ومشا جلس فلبيت حتى لحق عليه يونس)
سامي: حل عينيه لقا وحدة كتقادلو السيروم عرف راسو كلا قتلة دلكلاب وصلاتو لصبيطار هضر مع لفرملية قالتلو شنو عندو مكانتش شي حاجة للي كغاف من غير عنقو للي واكلها وداير ديك لعيبة للي كتقاد العنق.. بقا نهار كامل وهو تماك عارف كان غيوقع هاكا وكان معول على هاد لمطايفة الضربة للي تخلي دوك جوج ميبقاوش مع بعضياتهم وتكتب النهاية فحكايتهم شوية دق عليه شي واحد وفتح لباب
فهد: على سلامة اسي سامي
سامي: (بقا كيشوف فيه ومقال حتى كلمة حيت معجب كفاش عرفو هنا)
فهد: (جر كرسي وجلس حداه) اشنو متسول على صاحبك موالو 4شهور وانا غابر لا برية لا تيليفون مدوزاش لقليل.. وصلت حتى لموت ونتا لا خبر جي غير طل علية
فهد: حتى انا مكندخلش غير مفهمتش لاش باغي توصل كانت قدامك وديالك ومنين رجعات لراجل اخر بغيتي تخرج عليها
سامي: شكرا اخاي فهد على الزيارة
فهد: (عرف راسو تطرد ناض وخرج ركب فتاكسي حيت مزال ممنوع عليه يسوك دخل لقهوة وبقا مريح تماك حتى بانتلو صاطة قديمة وهو قنطان وفيه ميهضر ويجمع شافها بوحدها مشا جلس معاها وهي بقات غير كتشوف) زين معقلتيش علية!
ناريمان: (بتعجب) لا
فهد: وايلي
ناريمان: خويا انا مخطوبة وممسالياش لهاد لهضرة للي غتبدا تخطب علية فيها (ناضت من حداه وخرجات فهد بقا ميت على راسو بالظحك هاد الايام حتى واحد مخاملو للي جا كيطردو ويسمعو لهضرة...)
~~~~~~~~~~~~~
عماد: (بقا جالس هو ويونس اما عيشة عند ختها.. بغا يجبد شي حاجة من جيبو حتى كيحس بالجيب الدخلاني فيه شي حاجة جبد لقا تيليفون مشخشخ معرفش ديالمن)
يونس: اش داكشي
عماد: معرفتش بحالي بحالك (بقا كيتفكر حتى عقل) ااه هدا تيليفون عيشة كنت لقيتو فبيتها نهار فاش تعدا عليها داك فهد للي رجعتو نتا وياه صحبة
يونس: (زير على سنانو ودارلو اشارة باش يعطيه التيليفون ياله غيمدولو حتى خرجات عيشة بعجاجتها مكشكشة)
عائشة: عمااااد وصلات بيك الدرجة ضرب مرتك؟؟؟؟
عائشة: عمااااد وصلات بيك الدرجة ضرب مرتك؟؟ ديرلها هاد لحالة؟😠
يونس: عيشة خ
عائشة: (خرجات عينها فيه) نتا سكت مكنهضرش معاك
يونس: (ناض وقف وهو صاعر عليها هاد لمرة بيناتهم اه ولكن ميرضاش قدام ولد عمو.. هي عرفات راسها قمعاتو قمعة خايبة وضارت عندو كتمسكن بعويناتها وكذبلهم)
عائشة: يونس عفاك انا معصبة شوف حالة ختي كدايرة علاش غيضربها (شافت فعماد) ونتا شنو كاع دارتلك للي ديرلها هكاك والله محشمت حتى ننن...نجيبلك حقوق المرأة هنا
يونس: (جاتو الضحكة عارفها باغا تسبو وفنفس الوقت كتراجع وتقول منخرجش للعيب دابا.. جرها وهي صاعرة وجملة وحدة مقالتهاش حتى)
عائشة: اش غنفهم لبنت حتى تزوجات عاد رجعات تاكل لعصى مالنا حنا فأشمن قرن عايشين.. دير للي دير معاك طرشة تحل الامور وتبردك ردها اسيدي لدار باها تعاقب ماشي ترد لحمها كولو مسلوخ نتا واخد بنت دارهم ماشي قردة من الحديقة باش تجرب عليها فنون القتال حكرتيها حيت حسابلك مظهرها حتى واحد
يونس: عيشة هوما بجوج غيحلو الامور بيناتهم
عائشة: اشمن امور.. عماد (تلفت معرفت متقول) انا والله حتى تصدمت فيك قلت ختي اخيرا ظحكات ليها الدنيا وتزوجات امير سعداتها بيه ووفى بأي وعد عطاهلها
يونس: كفاش سعداتها و ووعد وهاد لخرا للي كتقولي
عائشة: اه سعداتها بغاو بعضياتهم وتزوجو مخلاهاش بحال لهبيلة ومقال حتى كلمة كان معاها راجل ونص مغدرهاش وطعنها فظهرها
يونس: (كيهضر تحت سنانو) من ديما كنت معاك راجل وقعو شي حوايج للي..
عائشة: (بلغوات) مكيهني حتى حاجة غتقولها كلامك قولو من شحال هادي اما دابا للي فات مات والماضي كيبقى غير ذكرايات للي غيجي واحد وينسيني فيهم
يونس: (زاد شعل منين كتقولو هاكا شدها من ذراعها) بالرب نتي حتى ندبحك بالرب اعيييشة...
عماد: (ناض عماد بجرا وبدا كيفارق يونس للي كعا مزيان متهنا حتى خرج يونس لبرا وهو غير كيتحلف فعيشة غير وصلو لبرا تبعاتهم وخبطات لباب من موراهم وطرقاتو بالفرخة..) عيشة فتحي لباب
عائشة: مغنفتحش حتى نعرف علاش وهداك المصعورللي حداك قولو عيشة مبقاتش كما كانت ومبقاتش كتخاف منك..
عائشة: (دخلات لعند ختها وهي كترجف مزالة كتخاف منو مزالة كتبغيه وكتموووت عليه مشا عنقات ختها ) علاش ضربك ارقية عماد ماشي من هاد النوع للي يضربك غي حيت حرقتي لعشا
رقية: (رجعات تكات فبلاصتها ومهضراتش بقات كتشوف فيها ختها وممتيقاش داك السبب التافه)
عائشة: (عراتها من لفراش وبقات كتشوف جروح) باش ضربك داك المسخوط الله يعطيه ضربة
رقية: يدو وشي مرات بالصمطة
عائشة: رقية اشمن زبلة درتي
رقية: مدرت والو اختي
عائشة: (رجعات غطاتها مشات طلات على الطاجين لقاتو طاب هزاتو جابت لخبز وحطاتو فوق الطبلة وقرباتو للنموسية جلسو كول كول.. كملوه عيشة جمعات الدنيا وخلات ختها ترتاح فبيتها للي ناضت كداوي راسها من لتحت)
~~~~~~~~~~~~~~~
عماد: (يونس كان معصب من كلامها ركب فطموبيلتو وزاد مع طريق مخلي عماد جالس فالجردة مكسور مهماتوش كلام عيشة حيت ردة فعلها عادية هو بغا غير يهضر مع رقية ويعتاذر على للي دارلها رجع كيدق عليهم ووالو مبغاتش تحلو لباب عيا كيرغب فيها ووالو.. معرف ميدير هز طموبيلتو ومشا لدار عمو مع الدخلة لقا اشرف للي زدحو بكتفو وخرج مبغاش يتبعو عماد حيت عارف غيسمعو خل ودنيه وهو معارف والو.. دخل جلس مع عمو للي غير كيتشكى من يونس شوية وهو يخرج رجع للدار حل لباب لقاه محلول دخل لقا عيشة جالسة فالصالة كتفرج جلس حداها)
عماد: مقالتلك رقية والو!!
عائشة: لا رد
عماد: (ناض دخل لبيت نعاس وهي تبعو عيشة)
عائشة: خلي لبنت ترتاح
عماد: (سد لباب عليها ودخل عند رقية للي كانت فايقة قلبات وجهها وهو كيشوف فيها) رقية ممممكنتش فوعيي منين درت هكاك
رقية: شنو للي درت باش ضربني هكاك متنكرش كنتي باغي تقتلني ونتا مكنتي شارب ولا والو كنتي بوعيك اعماد
عماد: رقية كدووبك للي كيوصلنا هنا تجلاولك سوارت قوليهالي
عماد: بففف عيشة واش بنيتك غنضربها علىىلماكلة الله ينعن جد بوها هاد لماكلة كاع ختك كدااابة وغير كتخبع زبلة بزبلة وكان كانت صريحة معايا مرة وحدة مكناش غنكونو هاكا
عائشة: كدابة ردها لدار باها متعذبهاش نهار اللول قالك بابا انا غنعطيك طرف مني للي خاصك تخافظ عليه نهار يجيك حملها تقيل ردها لعندي بكل فرح
عائشة: (طرطقو عينيها فيه ومعرفات باش تجاوب بحال ضربها بطرشة حيت ديما كانت كتسول ختها كتقولها لا معاودات ليه والو)
عماد: اذا كتعرفيه من نهار تزوجت ختك ولا قبل ديما كيحوم هنا ومؤخرا عرفتي شنو لقيت.. لقيت سوارتها عندو وهادي غير شوية من بزاااااف راه خربقني فدماغي
عائشة: مفهمتش اش جابو ليكم هو..
عماد: ختك واحد صباح مالقيتهاش فالدار نضت بحال لهبيل كنقلب عليها حيت كنا مناقشين 2 سوايع عاد جات كانت حالتها بشتا والرملة دلبحر دازت مسولتهاش علاش وكفاش تصالحنا كل نهار كتمشي معاك حيت معندهاش الساروت وانا معايق بوالو دازت ايام بان ساروتها ولكن بلا بورتكلي مديت مجبت حتى كنت جالس فلقهوة وهو يبانلي داك شماتة داير راسو كيهضر مع رقية فشي حوليج للي اكسX وكيلعب بسوارتها
عائشة: ونتا جيتي ضربتيها!!
عماد: اه ضربتها وندمت وهادشي مغتفهميهش نتي
عائشة: شنو نفهم اعماد نتا قلتي كان كيحوم عليكم يعني عارفو باغيها وهي لا باينة غيدير شي حاجة للي يخليكم تفارقو
عماد: (ياله غيجاوبها حتى صونا عليه يونس) وي خاي يونس
يونس: اجي لكوميساريا راه داك لكلب هنا
عماد: واخا (قطع) ماشي كاع الامور كتشاف هاكا (ناض من تماك خرج من بعد مسورت لباب ومشا للكوميساريا)
~~~~~~~~~~
عزيزة: كفاش علاش انا للي رديتو ارهابي؟
اب عزيزة: ومزالة زايدة مخرجة عينيك
عزيزة: اه نخرجهمم الا كنتو غتعيطولي غير باش ذلو راجلي وانا على قبل هداك الارهابي غير رجع فحالي حسن
عمة عزيزة: بزاااف عليك المسخوطة ولدي تشد غير ظلم وبهتان ودابا الحقيقة تبان اما نتي يا لموسخة هبارك سابقينك وحتى داك الولد
اب عزيزة: نعيييييمة
عزيزة: با هو تعدا علية وانا طردتوني بجوج بنات فكرشي تبهدلت 😭 وتبهدلو معايا بناتي للي كبرو غير فلخيرية منقولكش حالتي ككانت بلا بيك نتا ومي وبلا بناتي للي عارفاهم مكرفسين وكان ماشي راجلي للي هزني من الزنقة وهز بناتي من ديك لخيرية قراهم فاحسن المدارس وصيفطهم يكملو قرايتهم برا ووظفهم فشركتو وحدة زوجها لخير شباب ووحدة عايشةاحسن عيشة وهدا (شافت فعمتها بحقد) وهدا ولدي للي جامعنا انا وياه
اب عزيزة: علاش مجبتيش لبنات
عزيزة: (حركات لبنات) بناتي بعاااد على هادشي ابا انا باغا نديكم لداري تجلسو معايا وتعرفو عليهم
ام عزيزة: (غير كتبكي منين سمعات قصة بنتها للي تكرفسات)
عزيزة: نتوما للي كتقولولي موسخة وشحال من حاجة راجلي كيعيطلي غير لالة واخا عارف كولشي مشينا حجينا انا وياه وخلاني انسانة اخرى.. ودابا كتقولولي دنوب ولد عمك على رقبتك شكون ابا للي دنوب لاخر على رقبتو انا ولا هو
عمة عزيزة: الله ياخد فيك الحق بسبابك نتي ولدي تطرد
اب عزيزة: (مقادش يغوت على ختو وفنفس الوقت عزات عليه بنتو جلس بين نارين وهو كيشوف عزيزة وختو نعيمة للي كيتغاوتو)
عزيزة: سيري ديري خير فراسك هزي قفة وديها لداك شماتة دولدك للي كان كيقتل فالناس ولكن محابش قلة التربة من هكاك راك فيك الكفاية تخليه يحرق الناس وهوما حيين (ناضت من حداهم خرجات وهي كتبكي لمنظر مها للي كتبكي لقات راجلها وولدها كيتسناوها فالطموبيل ركبات وهي كتبكي مهضرات مع حتى واحد خلاها احمد على خاطرها ومشاو كيضورو بالطموبيل حتى بردات تعشاو برا عاد دخلو لوطيل...)
عائشة: (كتنقي لخضرة فالكوزينا وتفكيرها فيونس للي كل نهار كطردو من عندها دازت سيمانة مبانش معرفتش فين غابر.. رقية برات من جروح وحتى هي مكتهضرش مع عماد فمرة للي كان بين لكوميساريا والدار حيت مبغاش يتنازلو سامي على المحضر ويلا بقا على هاد الحال العيادة غتسدلو ويخسر خدمتو.. شافت ختها داخلة مهمومة ردات لغدا وبقات كتشوف فيها) رقية دابا غنهضرو
يونس: وي مشيت ديتها لعند داك لكلب خليتها كتسارا وجيت راه ترونجينا مع سامي
عماد: مفهمتش هو للي منوض هاد روينة كاملة وفالتالي انا للي نخلص الحق
يونس: غير صبر نفكو هادشي ونفرجك فيه (جبد التيليفون من جيبو) هاكو راني قاديتو ليك معرفتش علاش بغيتيه
عماد: كنت كنتصنت على عيشة وسمعتها قالت وكان ماشي التيليفون للي ضاع نخرجو على سامي
يونس: وايلي (بقا كيقلب فيه ويبحث حتى دخل لضوسي فيه اوديو طلقو بقاو كيسمعو بجوج منين قال سامي لرقية نتزوجو سري ومنين قال هو للي دار فوتوشوب باش يشوهها وبزاف دلهضرة عماد غير كيزيد يمرض فراسو حيت واخيرا سمع الدليل للي برأها فمرة.. يونس ستاغل هادشي ومشا للدار جاب رقية لكوميساريا ودارت حتى هي محضر ان سامي مكيخليهاش فخاطرها عماد غير كيشوف فيها)
رقية: (منين كملات شافت فعماد) شي حاجة اخرى مطلوبة مني؟
عائشة: (سمعات لباب كيتحل ومشات كتجري للحمام كتكمل بكاها توحشاتو بزاف ولكن مقدراش تبقى معاه.. كملات وخرجات من تماك سمعات صوت عماد وهي دخلات لبيت ختها قدات وجهها وهي تسمع تيليفون كيصوني جاوبات كانت مها كتوصعم يجيو دغيا قطعات كلمات رقية خرجو وتافقو باش الحاج وعزيزة ميسيقوش خبار مشاكل عماد ورقية.. مشا كولشي الا يونس للي مشا لدارهم)
عائشة: (بقات مكرهة من داكشي للي وقع بينها وبين يونس شوية كانت غتسلم راسها ليه وكولشي يرجع كما كان بيناتهم ولكن مستحيييل تنسى شنو دار دخلو للدار كانت عامرة فيها راجل ومرا كبار فلعمر سلمو على الحاج ومهم وادم) ماما شكون هادو؟
عزيزة: (بابتسامة) هدا جدك وهادي جداتك
رقية: هااااء من امتى حنا عدنا عائلة
عزيزة: رقياااا حشومة بوسي يدين باك سيدك ولالاك
رقية: من نهار شفتك ونتي كتقولي هدا سيدك وكدا سيدي وسيدك رسول الله وهاد جوج انا مكنعرفهمش حيت بسبابهم انا وختي تعذبنا وبلا منفكرك
اب عزيزة: (بحزن) معذووورة ابنتي معذووورة خليها على خاطرها
عزيزة: عارفة ابا وكما قلتلك راجلها معارف والو وحتى بناتي معرفينش شكون باهم ومنقدرش نقولهم باهم هو سيدي احمد (شافت عيشة خارجة من لبيت) بنتي عيشة اجي سلمي عليهم (سلمات عليهم عيشة وجلسات هوما كيسولوها وهي كتجاوب على قد السؤال عاد فهمات مها فين كانت غابرة.. كانت كطلب سماحة من واليديها فدك اللحظة محسات بوالو حت تأثير تعنيقة يونس مزالة مأثرة عليها وصراع كبير فلداخل ديالها جزء كبييير منها باغيي يونس ومن غيرو متحلا حتى حاجة وجزء كارهو حيت تخلا عليها..)
عماد: (غمض عينو ورجع حلهم) حبيبة عارف باش كتحسي وحتى انا مكرهتش نمووت ومنبقاش عايش هاكا عارف حكرتك وشحال من حاجة
رقية: هئ هئ بزاااف الوحيد للي كنت كنحس بالامان معاه
عماد: (عنقها) عاارف احبيبة سمحيلي وعطيني فرصة وحدة
رقية: (كتحرك راسها بلا)
عماد: (رجع كيمسح دموع من عينيها) غتعطيني فرصة وغنكون كما بغيتي نتي.. دابا خرجي وسلمي على جدودك
رقية: مبغييييتش
عماد: خاصك تخرجي ومن بعد فهمي من عند ماماك متحطيهاش فهاد الموقف الخايب راه حتى هي دوزات حوايج خايبين بزاف (من بعد مقنعها خرجات سلمات عليهم وجلسو هي وعيشة غير ساكتين مكيهضروش حتى كملو وناضو نعسو)
عائشة: ماما واش تصالحتي مع واليديك
رقية:(بغل) صافي نسيتي شنو دارولك ودارو فينا
عزيزة: (كضور عينيها حتى خرج الحاج وعماد من تماك) بناتي هوما مكانوش فخبارهم كنت حاملة وبلا متزيدو تحرجوني قدام عماد
عائشة: شحال قدك متشرحلي شحال تفوووو على نهار للي عرفتك فيه اشماتة
يونس: عيييييييشة داك تصاور ممنهمش
عائشة: نتا للي ممنكش ديما كتقولي برهوشة ااااه برهوشة حيت تبعت واحد بحالك وتقت فيك (رجاهات كضربو) من اللول قولي مبغيتكش ومنبقاش معلقة روحي فيك سير الله ياخد حقي منك راسم علية الحب ومخليني كنحلم ونتا مكتخلي المسخ معامن تمشي (خرجات كانت شتا خيط من سما مشات كتجري لطموبيلتها)
يونس: عييييييييشا!! (خرج كيجري عندها عيا يفتح لباب كانت مبلوكياه كيشوفها وهي حانية على لفولون كتبكي وتشهق بالصوت بقا كيدق فالزاج ووالو مبغاتش تحل وفنفس الوقت مبغاهاش تسوك فهاد الحالة) عيييشة حلييي هاد لباب حلييي😡 غير نفهمك (كيغوت) حلييييي هاد لباب
عائشة: غنحرق قلبك كما حرقتيني... (ديمارات غير شافها حركات الطموبيل بقا كيدق بالجهد والو مبغاتش تحل بقات كتزيد هو كيجري وقف قدامها باش تحبس ساعة كان عندو زهر حيت كانت مكسيراتش بالجهد دخلات فيه حتى لاحتو فالجنب وتسمعات الضربة.. هنا تخلعات وقلبها بغا يسكت وقفاتها ياله بغات تزل تشوف شنو هاد لمصيبة للي دارت حتى كيبانلها كيوقف بالزز وجاي لجيهتها رجعات بالزربة دخلات وكسيرات للدار وهي كتبكي وفنفس الوقت خايفة على يونس للي ضرباتو ولكن مجرد مكتفكر تصاور مكرهاتش تعاود ترجع عندو وتبقى ماشيا جاية عليه بالطموبيل حتى يرجع كفتة وموحال واش تبرد هاد النار للي شاعلة فقلبها وصلات للدار ومشات لبيتها كتجري واخا عياو ميعيطولها قلبها تحطم بزااف وممتيقاش شنو واقع يونس تخطب قالت شي إن فالموضوع حيت إصرار غير باش تسمعو خلاها مرتاحة شوية نسبيا ولكن باش ينعس معاها اذا هضرة درقية بصح وغيتزوجو فالقريب وغياب يونس هو غياب الحياة عليها...)
~~~~~~~~~~~~~~
يونس: ناض بالزز قلب رجلو واش تهرسات كانت ممهرساش ولكن كاين لحريق وقف مشا لطموبيلتو بجري حاول يلحق على عيشة لقاها كتجري بقا موراها حتى وصلو للحي شافها داخلة تبعها لدروج ولكن زربات وطلعات دغيا نزل وفيه الدوخة مشا للدار وحتى هو طلع لبيتو مكيهضر مع حتى واحد شاف فلمرايا كان الدم نازل على جبهتو مسحو وهو كاره هاد الحالة للي وصلها مع عيشة وحالتها بالخصوص عارف باش غتكون كتحسكره راسو وكره حتى باه للي حطو فهاد الموقف وكره كولشي.. جبد التيليفون بقا كيصوني عليها ووالو مكتجاوبوش حتى طفاتو عليه كان غيحماق ولكن لمرض بداه مزيان تلاح فبلاصتو بحوايجو للي فازكين وعامرين ما.. بقا كيفكر غير فيها وكفاش كيقاد الامور حتى حس براسو غمض عينيه.. (سمع لغوات مجهد ناض مفافي وهو حاس براسو دايخ ناض من بلاصتو خاف على باه وقف وكان كيتحرك بصعوبة برجلو للي عاطياه لحريق واخا هكاك نزل لتحت للي لغوات مزال كيجهاد شاف مرات باه كتبكي وكتخبط ففخاضها وخارجة برا قلب على باه والو مكاينش مشا خرج تبعها وهو كيعرج وكيعيطلها حتى شافها دخلات لدار الحاج قال فراسو ياكما باين عزيزة ولا مها وقعات ليهم شي حاجة.. مشا حتى هو كيجري دخل للدار للي كانت مرونة وعزيزة كتغوت وتعيط *بنتييييييي* وكتبكي هنا زاد قلبو تقبط عليه دخل لبيت لبنات ورجليه ممطاوعينوش يدخل اكفس منظر فحياتو.. كيشوف عيشة حبيبتو وحياتو ولبرهوشة للي قلباتلو حياتو معلقة فسقف بكوردة وتريا مليوحة فالارض متيقش عينو بقوة الصدمة غمض عينو وعاود حلهم يتأكد طرش راسو بحال الحمق والو المنظر هو هو قدام عينيه كيشوف حبيبتو معلقة وشعرها نازل على وجهها وكرسي طايح ومها شادة رجيلاتها وكتبكي وتبوسهم أما الحاج فلقت كيبكي بحال شي دري صغير هو وباه ممتيقش هاد المنظر دخل شوية بشوية ورجليه كيرجفو وصحتو كاملة كترجف قاس رجليها لباردين بصبعو باش يتأكد ودمعة حاااارة نازلة على خدو شاف فلمرايا للي قدامو مكتوب بخط عريض بعكر حمر "من الحب ما قتل"...)
عماد: صافي دابا رتاحي فبلاصتك الا كانت شي حاجة نجي نقولهالك.. بقا جالس كيتفرج مبغاش يجيه نعاس.. ناض قاد بلاصتو طل على رقية لقاها ناعسة دخل قادلها لغطا ولوسادة وخرج لبلاصتو ياله غيتكى صونا تيليفونو كان فكس ديال الدار استغرب بزاف من هاد لابيل مع 2 دالليل غير هز التيليفون سمع لغوات ولبكى تفافا قفز من بلاصتو حتى كيسمع الحاج كيبكي وكيقولو اجي نتا ورقية راه عيشة ماتت.. عماد متيقش ودنيه بقا كيقول الو الو قطع دخل عند رقية معرف واش يفيقها ولا لا رجع كيصوني ووالو مكاين للي كيجاوبو كيصوني على يونس ووالو مكيجاوبش دخل عند رقية وكيفيقها بشوية.. رقية حبيبة رقية!!
رقية: اممم عماااد خليني نعس عفاك
عماد: حبيبة فيقي ضروري واقع شي حاجة لا حولة ولا قوة الا بالله العلي العظيم (براسو فشل وممتيقش نزل على ركابيه شاف رقية ناضت تقدات معاه وكتشوف فيه باستغراب)
عماد: (عنقها بالجهد وهي متغوت وتبكي وقفها على رجليها هزها وحطها فالتيليفون وهي كتبكي بكل حرقة وكيدعيو الله يكون الخبر غير كدوب ومشاو بجري للدار الحاج...)
يونس: (كيسمع لغوات وعينيه كيشوفو غير رجليها للي مدليين مشا بجرا لعندها شدها من رجيلاتها لباردينهز راسو كانو عينيها خارجين طلع فكها واخا مخلاوهش ولكن مكيسمع والو من عندهم نزلها وحطها فنموسيتها وممتيقش حبيبتو للي كانت قبيلة قدام عينو مشات بقا كيحيد شعر من وجهها وكيشوف لطراس ديال لكوردة فعنقها بقا كيشوف نبضات قلبها فعنقها يديها قلبها والو مكيسمع والو كان بحال شي حمق كيدير راسو فوق صدرها ويعيط بشوية *عيشة عيشة* حتى كولشي بقا كيشوف فيه)
الحاج: (صدمة فوق صدمة اخر حاجة توقعها هو عيشة تنتاحر بنتو على ود يونس)
يونس: (مكيسمع والو غير كيقلب على نبض قلبها ومكرهش يرجعولها عينيه عامرين دمووع تمنى يمووت قبل ميشوفها ميتة قدامو.. وهدا كان الموت التاني وهو عايش المرة اللولة الام ديالو ودابا عيشة البرهوشة ديالو كيهضر تحت سنانو وحتى واحد مكيسمع شنو كيقول حتى دخلات رقية مع لباب وغير شافت منظر ختها معقلاتش على راسها حتى جات مزدوحة ولحسن حظها عماد كان موراها مباشرة هزها وحطها فوق السداري)
عزيزة: (غير كتبكي وتليد وتنووح ما حيلتها للي ميتة ولا للي سخفانة جات لومبيلونص ودخلو باش يهزوها عزيزة كتجر ويونس كيدابز معاهم كانت حالتهم كتشف هزو عيشة من بعد ما الحاج غمض ليها عويناتها وباسها فجبهتها كولشي دار هاكا فالدار من غير رقية للي سخفانة ويونس للي مصدوم تبعهم وركب معاها واخا ممنوع ولكن شكون يوقفو مشا معاها لصبيطار كتبو التقرير وهو كيتسنا وكل امالو يقولو راها حية ساعة نزلات عليه الساعقة بحال سطل ديال لما بارد منين سناو تمشي تبات فلفريكو وغدا يكون التشريح)
يونس: (بصدمة) تشريح!!
دكتور: واش كتشكو فشي واحد للي دارلها هاكا ولا هي نيت انتاحرات
يونس: (تحجرو دموع فعينيه وكتسائل بينو وبين نفسو واش صافي كولشي سالا!!! قصة يونس وعيشة دارت ليها نهاية!! وماشي اي نهاية نهاية حزيينة شاف العائلة جاية وكولشي حالتو وكيبكي ومهامو والو حيت عند بالو حتى واحد ممكوي فقلبو بحالو ممتيقش عينيه كيقيس فراسو ويطرش باش يتأكد واش بالصح هادشي وواش بالصح عيشة ماتت!! حتى جات عندو رقية وشداتو فكول تريكوه)
يونس: (حيد يديها غير بشوية ودنوع نازلين على وجهو) عيشة قتلاتني حتى انا (مشا وهو كيعرج وكيسمع الحاج كيقول مبغاش التشريح وغدا غادي تدفن وبتصلى عليها صلاة الظهر هادشي غير كيقتلو ويذبحو مكرهش تجيه لمووت دابا قبل متدفن عيشة....)
معاد: (جالس فالقهوة داير رجل على رجل وكيصوني على عيشة ومكتجاوبش)
ناريمان: تصاور مزال مجا وقتهم يعيى يكذب ويقول مدرت والو ولكن شكون تيقو
نور: انا وتيقت تصاور خطيييرة مكرهتش نديرها مع عماد بغيت غير نشتت شملو
ناريمان: صعييب هو دابا مزوج مهم ياله نمشيو لصبيطار مبغيتش نتعطل على والو ونحضر لكولشي (بابتسامة) خبر زوييين...
عزيزة: (شادة فراسها بيديها بجوج حانية راسها وكتبكي بهدووء حيت مشالها الصوت للي الليل كامل وهي كتغوت بانتلها رقية داخلة لبيت وهي كتجر رجليها وغير مطرطقة عينيها مصدومة من للي وقع جلسات فنموسية ختها وكتهز عينيها فسقف باقي فين علقات راسها وممتيقاش عيشة دارتها وقتلاتهم كاملين قبل متقتل راسها)
رقية: (ساهية فسقف ودموعها صيلونص) كان خاصها يونس يونس هو للي حرقهها وهي حية وها هي غتمشي تحرق فاخرتها وهو عايش حياتو كبغى
عزيزة: (بتنهيدة وكتمسح دموعها) هو مقالهاش شنقي راسك ابنتي ما عليه لومة راه رجع بحال لحمق
رقية: (بحقد وكره) انا بغيتلو موتة ميلقاو ميهزو فيه
يونس: من بعد مسمع كلامهم زاد تازم براسو كيلوم روحو على موت عيشة مشا تحرك من الدار ودخل لدارهم وحالتو حالة ممتيقش ياريت شدها لبارح ومخلاهاش تمشي ياريت قتلاتو بالطموبيل وميعيش هادشي وتبرد ومتقتلش راسها حط راسو على لمخدة وطلع تنهيدة طوييييلة حتى سمع سميتو
يووونس.. يوووونس..
يونس: حل عينيه غير بشوية كتبانلو عيشة كطل عليه من الزاج صورتها كانت مضببة ولكن وحشو ليها بقا كيحاول حتى تقادات الشوفة ويتأكد واش هي متيقش عينيه وشنو كيشوف قدامو
دكتور: يوونس كتسمعني؟؟ (دار اشارة قدام عينين يونس كيحرك صباعو وعينيه غير على السرجم) يووونس واش كتسمعني؟؟ الا كتسمع حرك راسو ولا يديك
يونس: (هز عينو فطبيب) شنو واقع وفين انا
دكتور: اه يعني كتسمعني وكتشوفني مزيان؟
يونس: (بغا يوقف مخلاهش طبيب ولكن مداهاش فيه) صافي انا مزيان شكون جابني هنا
دكتور: عائلتك تقريبا كولشي كيتسنى برا
يونس: من امتى وانا هنا؟ (شاف فالزاج مبانتلوش عيشة)
دكتور: من لبارح مع 4 دصباح
يونس: كفاش لبارح وانا عاد نعست هاد صباح (وقف يخرج وهو راسو غيتفركع دار يديها بانلتلو لفاصمة فراسو ناض مداهاش فطبيب فتح لباب وهو يبانلو باه ومرت باه واشرف والحاج وعينيه كيقلبو)
اب يونس: ولدي كبقيت شنو وقعلك؟
يونس: (شافها كطل طرطق عينو مزيان دغيا غبرات وجهها تخطاهم وهوما كيعيطولو تبعها واخا غير كيعرج برجلو حتى لحقها وشدها من ذراعها ودورها عندو) عييشة!!
عائشة: (كتشوف فيه كانت خايفة توقعلو شي حاجة من الضربة للي عطاتو فالليل)
عائشة: تموت نتا ان شاء الله انا غير جيت نشوف واش باقي حي المرة الجاية غنقتلك عاد نتحرك
يونس: (بابتسامة فرح واحساسو مخربق ولكن فرحاان.. محس حتى نزل باسها من شنايفها وهي كتنتر ممتيقش انها بين يدو تنترات منو وهي كدعي عليه وتمسح شنايفها وهو غير كيبتاسم ان داكشي للي عاشو كان غير اسوأ كابوس فحياتو)
عائشة: (كتشوف فيه كيظحك مفهمتاتش هي كانت كتخاف من ردة فعلو وعلى للي دارتلو لبارح ساعة لقات حمق وعاجبو الحال بقات غير كتشوف فيه)
يونس: (فلبلاصة دفعها ولكن كانت عيشة كتبعد وكتشوف فيه بنظراات كلها حقد بقا تابعها حتى شدها) مزال كنتسناك تجاوبيني
ناريمان: يووونس
عائشة: سير عند خطيبتك (كتبعد من نظراتو للي كلاوها وللي عارفة الا طولات 5 الثواني فالشوفة فيه غدوووب)
يونس: (عض فشنافتو ومقادرش يخبع الابتسامة واخا عارفها مجروحة منو غير المهم تكون حية)
ناريمان: راك سمعتيها هي مكتعنيلك والو راه انا للي خطيبتك وقريب نكون مرتك
يونس: (ياله ضار عندها باش يسمعهمليها حتى كيلقا باه فاخر لكولوار كيشوف شاف فعيشة لقاها هربات دخل لداخل وكما العادة ناريمان تابعاه حتى وقفو باه)
اب يونس: ولدي فين خليتنا وجيتي هنا
ناريمان: غير عرفني هنا الحاج وجا عندي حيت انا كنحشم وهو حلفلي حتى ندخل
يونس: ربي شكون جابك لعندي واش مغتبعديش مني
اب يونس: يوووووونس حشومة تكلم خ..
يونس: (هز يدو كيتنتر وكنكر ويسب فهاطرو خلاهم واقفين بجوج ودخل لداخل كيعرج مشا هضر مع طبيب وخدا دوا عرف راسو شداتو سخانة خايبة للي خلاتو يفقد الوعي ديالو وديك الضربة للي كانت فوق حاجبو بدل حوايجو وغير خرج بدا عليه باه بمحاضرة) الواليد انا غنمشي
احمد: صبر اولدي نمشيو جميع الحاج محمد ماشي وقت هاد لهضرة وحنا مخاصناش ندخلو بيناتهم
ناريمان: والله اعمي عييت كنقول للحاج راه مكاين والو وهو حسابلو انا ويونس مخاصمين
اب يونس: (زاد قدامهم وهو كينكر حيت هو كيهضر مع يونس فجيه وهي ديما مدخلة راسها فكولشي.. تبعو كولشي وهي بحال لكلبة غير لاسقة فمرت باه حيت هي ضريفة وللي متقدرش تجري عليها ومشاو جميع لدارهم)
عائشة: كانت يكة وغير كتفكر فكلام يونس وكفاش كان كيهضر توحشاتو بزااف وتفكرات كاع لحوايج زوينين للي دوزو وحتى منين كانت فاللول كتبغيه وهو معارفش شافت تيليفونها كان معاد للي من 4 وهو كيصوني ولكن مكانش عندها لكانة وحبيب لقلب للي معرفوش شنو بيه.. كانت مرات باه (لالة زهرة) دايزة من حدا بيتو وكتسمع انين دقات والو مكيجوبهاش فتحات لباب ودخلات شعلات الضو وزادت حدا يونس كانت وسادتو عامرة دم وكولو عرقات وفجبهتو دم مكلل مشات كتجري عيطات لباه وعيطو لاشرف حا لعندهم ياله غينوضوه كيلقاو حوايجو فازكين وعامرين تراب هزوه وداوه لصبيطار وبقا هكاك حتى جا لخبار للحاج ولحقو يشوفوه اما عيشة كانت كتمشي تخبية من صباح حتى فاق خافت بزاف ديك الزدحة للي دارلو تقتلو واكترية سخانة للي معروف عليها كتقتل... وصلات للقهوة للي دار معاها معاد قدات راسها فلمرايا ونزلات...
يونس: راني كنهضر معاك ابنادم تحركي خرجي من هنا شنو يحسابلك راسك غلبتيني منين تخبعتي تحت جناحو
اب يونس: يوووونس خليها عليك
يونس: غنخليها ولكن عرف يا انا يا هي فهاد الدار (جرها من شوميزتها حتى وقفات) راه كنهضر معاك تحركي من هنا
اب يونس: (وقف بصرامة) ملمة وحدة قلتهالك غطيح عليها العقد بغيتي ولا كرهتي
يونس: 😡 راه عندي 31 عام الواليد ماشي واحد عندو 14 عام
اب يونس: هادشي فكر فيه قبل مت... (سكت وهو كيشوف كولشي كيتسنى يقول السبب للي مخلي باه مبزز عليه هاد زواج)
يونس: (جا خارج ومخرجها بيدو وباه غير كيعرعر خرجها لبرا وهي كتنتر وقف جمع معاها بطرشة للي خلطلها وجهها فيه وشير بصبعو) لهنا وسطوب نعاود نشوفك حاطة رجليك هنا غن..
ناريمان: (شادة فحنكها) تعيا طردني غنبقى نجي ونجي حتى نتزوجو هادي غير ديرها فبالك
يونس: (شدها من عنقها ودفعها لبرا الجردة) حتى نكون ز** باش نتزوج ق** بحالك
ناريمان: الا مكنتيش لية مغتكونش حتى لبنت الحاج
يونس: (ضحك بسخرية على تهديدها محس براسو حتى ركلها بكل قوتو برجلو للي صحيحة غوتات غوتة وحدة بجنبها ووجها رجع حمر) جبديها مرة اخرى ومزال منسيت تصاور والله حتى ندمك مبغيتش نخرج معاك لعيب ولكن دابا غير تسناي (ضار ورجع كيشوف فيها كتقطع) نلقاك قدامي مرة اخرى غنوري مك شكون هو يونس ياله تحركي من هنا
ناريمان: (ناضت بكل صعوبة غير كتوقف كطيح زاد غوت وقفات ومشات كتعرج وتوجع بجنبها ياله دار يدخل حتى كتبانلو رقية دخلات كتجري دخل وطلع لبيتو وحط راسو على لمخدة مزال عيااان بزاف ولكن كيحمد الله على الحلمة للي مصدقاتش حقيقية...)
سيدتي الجزء 16
محتوى القصة
التنقل بين الأجزاء