عائشة: (كانت جالسة ساكتة وكظحك غير بلقياس حيت بالها غير مع يونس للي كانت كتسنى منو سلخة دلعصى على مدارت فيه ساعة لعكس غير شافها عنقها وبقا كيبوس فيها حارت واش هدا هو حب ولا شنو)
ام معاد: ههه وخليني بعدا نقنعها بية ونتا جي على غفلة (كولشي بقا كيظحك وباااين لعمى مو بغاتها وعجباتها وغير كتهضر وتعاودلها)
عائشة: (كانت جالسة وخايفة غير من جنابها وفنفسها كتسائل منين جابت هاد الشجاعة كاملة للي تلاقا بيها بواحد اخر وهي عارفة مزيااان معاد عينو فيها)
معاد: (شاف فعيشة كفاش منساجمة مع مو وحتى هو عاجباه بزااف واخا شاك عندها شي علاقة مع واح اخر او بالاصح للي دابز معاه داك نهار بقاو شادينها ومو كتعاود على ايام المرحوم حتى ظلم الحال) غنديكم بلاصة زوينة فين تعشاو
عائشة: لا غير سمحولي انا غنمشي
ام معاد: هانتي معانا ابنتي غير تعشاي ونوصلوك للدار
عائشة: غير سمحيلي اخالاي مقلتهاش لماما وغتبقى رادة لبال معايا نخليوها مرة اخرى
معاد: 10 دقايق مغنتعطلوش
عائشة: (شافت فمعاد) بحال 5 دقايق ديال قبيلة
معاد: هه طلباتك الواليدة حشومة ترفضي طلبها
عائشة: (حشمها معرفات متقول وافقات ولكن بقاو فنفس لبلاصة طلبو عشا وغير نقبات عيشة ووقفات واخا اصرارهم مشات وخلات نمرتها لام معاد بغا يوصلها ولكن كانت جايبة طموبيلتها معاها ركبات ومشات للدار غير طلعات فدروج وهو يشدها يونس)
عائشة: كنت مع للي ستاهلي للي باغي يشوفني فالضو ماشي يبقى يتسلت خايف من باه وخطبتو ويشوفني فظلام
يونس: (شد ليها فكها وكيهضر وهو كاز على سنانو) كفااش عاوديها
عائشة: (كتهضر وهي مقسحة) كما سمعتي دير للي دير فية مزال غيجي وقت للي نخليك بحال لحمق كما خليتني كنقلب عليك بحال لحمقة
يونس: (طلق منها وقرب وجهو لعندها حتى تخلطات انفاسهم) ندبحك قبل متفكري ديريها
عائشة: غير عول عليها قريب غتسمع عرسي وغنديرو قبل منك الحمدالله مافيكش الخير داكسي علاش ربي كيبعدك علية (جبدات الساروت وحلات لباب وقالت باستهزاء) سير قبل ميشوفك شي واحد
يونس: (زدحها مع لباب قبل مدور الساروت وبقا واقف مع ظهرها وقرب لودنها) اخر مرة تهضري معايا هاكا كنبغيك وشي حاجة كتر ولكن باش تعاودي تستافزيني هاكا غتلقاي واحد معاجبكش
عائشة: (كتهضر بصعوبة) اصلا دابا كاين واحد معاجبنيش نهار بغيتك بغيتك لشخصيتك لقوية ماشي بغيت واحد مقادرش حتى يقول انا كنبغي فلانة 😭 وخطبت غيري كبغيتن نعاملك نتسناك بالاحضان
عائشة: (كتبكي) مبغييتش نعرف وحتى وكان ودوك تصاور بعدني ايونس بعدني براكة هادشي للي انا فيه
يونس: (طلق منها ودورها عندو) قبل منعرفك اعيشة راني كنت كنعرفها ودوزت معاها 3 سنين وكولشي كان عارفني معاها وهادشي استغلاتو وقالت لبا...
عائشة: (غوتات وهي كتبكي) وانا لاش جاي كتعاودلي زبلك
يونس: (عروقو نفاجرو) متغوتييش لحد الان مزال باغيك واخا هاد لخصايل دلخرا طلعووولي فراسي الف مرة كنبغي نشرحلك ونتي مكتخلينيش باينة لعور مقادرش نخليك ونتي غير كتبعدي فهمي حاجة كنبغيييك اه ولكن ديريني كلبك لا (نزل من دروج وهو كيعرج وكيسب فخاطرو وخلاها واقفة زيد لمرض ورجلو لل ضراه ساك حتى للدار كيقلب وخايف عليها وفالتالي تقولو كنت عند سيدك... هي سكتات من لبكى ولكن مزالة باغا تعرف علاش خطب هاديك حلات لباب مكان حتى واحد بقات جالسو بوحدها حتى صونا معاد مجاوباتش ومعرفاتش تفكر حتى صيفطلها ميساج باش تجاوبو ضروري رجعات صونات عليه)
معاد: عائشة واش وصلتي للدار بيخير؟
عائشة: اه الحمد الله ونتوما!
معاد: حنا مزالين جالسين فين خليتينا مسخيناش بيك
عائشة: وي دوزنا وقت زوين سلملي على خالتي بزاف
معاد: خالتك كتسناك غدا تغداي معاها
عائشة: موحال امعاد غدا مشغولة بزاف
معاد:واخا لالة حتى لغدا ونتلقاو بلاتي ونصوني عليك
عائشة: بسلامة.. قطعت معاه وكتفكر فيونس حتى جاها ميساج من عند رقية علماتها راهم كولهم مجموعين فدار اب يونس وقالتلها تجي ضروووري ناضت بلا عكز مشات دخلات سلمات على لعيلات جلسات حتى كتلقى راسها مقابلة مع يونس للي شافها وبقا كيخنزر وقلب وجهو ومرة مرة كيشوف فيها..
اشرف: كيشوف خوه للي معصب وفنفس الوقت عينيه ذابلين من المرض منين خرج من صبيطار مرتاح... يونس نوض سير لبيتك ترتاح
يونس: (كيهضر وهو عابس) راني مرتاح هنا
اب يونس: فين مشات خطيبتك اولدي
يونس: علاه انا من امتى خاطب
عائشة: (بقات مركزة مع الحديث ومكرطقة ودنيها واخا دايرة راسها معلبلهاش)
الحاج: الحاج نعل الشيطان صفحة ودازت
اب يونس: راني حلفت باش كيحلفو رجال حتى يعقد عليها
يونس: (بابتسامة وباين مفقوس ومعصب) سمع ديك السيدة هي للي مغنتزوجش وباركة متردني واحد برهوش راني راجل وعارف شنو كندير حبس هادشي ديالك راك زدتي فيه نتا با اه على راسي وعيني ولكن هادشي مدخلش فيه
اب يونس: لا مزياااان اول
يونس: (بقلة صبر) انا عييت من هادشي الواليد باش تبزز علية وحدة بحال هاديك لا بغيتني نخويلك الدار (حرك راسو باه) من دابا الا بغيت ولكن باش نتزوج ناريمان وانا عارف ونتااااا عارف لا
اشرف: يونس ماشي وقت هاد لهضرة
يونس: وفوقاش الا هو فضل موسخة نسترها انا باش فالتالي نبان شماتة انا ديما كنطيعو ومكنزلو حتى كلمة وفالتالي منين ن..
اب يونس: (مخلاهش يكمل وقف وهو عينو كلها غضب وشرار) سسسسسكت
الكل: بقا كيشوف فالصالون وفيونس للي غيطرطق اما عيشة باغا غير تعرف علاش يونس منين مبغاش يتزوجها باه لاش مصر هاد الاصرار كامل على ناريمان واش حتى هو شاف دوك تصاور للي وراتني رقية ولا شنو الموضوع (بتنهيدة غير كنتفكر تصاور قلبي كيتقطع حيت للي فهمت ماشي قدام جداد يعني خاني ومستحييل نسامحو)
يونس: واخا شحال قدني غنسكت
اب يونس: خرج علية من داري
الكل: (تصدم من كلام يونس شافو فيونس للي وقف مكملاتش جوج تواني خرج من الصالون معصب عيشة غير كتشوف فيه بقا فيها وباين عليه معصب بزاف خرج من الدار وهو كيعرج ولكن خطواتو طواال.. بقات متبعاه حتى كتشوف عماد واشرف خرجو كيجريو مكرهاتش تنوض تبعهم ولكن مجاياش)
اب يونس: (جلس وهو كيسمع عتاب الحاج صاحبو وباغي يفهم علاش كيظغط عليه هاكا وشنو هاد السر للي حتى واحد معارفو...)
عماد: صبر اصاحبي كفاش كتصوك ونتا هاكا
يونس: (جميع الاخساسي السلبية مجموعة فيه وممكن يقتل فهاد الحالة) عمااد قلب علية الله يرحم باك
اشرف: يونس نعال الشيطان ياله معايا لداري حتى تبرد
يونس: (زدح باب الطموبيل وخلاهم واقفين وكسيرا بكل جهدو واخا رجلو عاطياه لحريق كيزيد يورك عليها مزيان وخلا من موراه غير لعجاج..)
عزيزة: نوضو ابنتي نمشيو للدار لالة زهرة خلينا ليك الراحة (غمزاتها زعما تمشي للدتر وتهضر معاها تعرف شنو واقع) با مي ياله نمشيو حتى يلحق علينا سيدي احمد
عائشة: (ناضت وهي كتفكر غير فين يكون مشا)
رقية: عيشة تسناي اصاحبتي
عائشة: (معصبة من رقية حيت وراتلها دوك تصاور) شنو بغيتي نتي غتمشي مع راجلك حتى لغدا ونتلقاو
رقية: اممم واخا (شافتها ماشية وهي بقات كتسنى عماد حتى عيطلها وقالها تمشي ركبات معاه وكتشوف فعماد للي حتى هو باين معصب) احم علاش كيبزز عليه يتزوجها واش بالصح هي حاملة منو؟
عماد: شكون قالك حاملة؟
رقية: باينة شنو غيكون زعما ولا شنو؟؟
عماد: (مجاوبهاش حيت براسو معارفش علاش هادشي)
رقية: (رفعات صوتها) منين نهضر معاك جاوبني
عماد: رقيااااااا مالنا على هاد لغوات كون عرفت نجاوبك
رقية: (صقرات ومظناتش يغوت عليها حيت مؤخرا غير مفششة عليه غير وصلو نزلات من الطموبيل وزدحات لباب حتى تهزات هو بقا كينكر وهي دخلات كما العادة لبيت نعاس وهو بقا برا كيحاول يتاصل بيونس..)
~~~~~~~~~~~~~
عائشة: (ربعات رجليها فوق ناموستها وهي كتشوف فتيليفونها وراس كيقولها تاصلي بيه وراس كيقول لا حتى صونا وبالخفة هزات وبركات على ok) الو
معاد: اووو دوماج مكنعرفش نزغرت ماشي من عوايدك تجاوبيني من اول ابيل ومن اول صونيط
عائشة: (بفف شقلبات عينها وهي محملاهش) لا غير كنت كنشوف شي حاجة فتيليفوني وبركت بلغلاط
عائشة: (وجهها رجع حمر ولكن حاتها هضرة باسلة وتقيلة على القلب حيت مجاياش من حبيب القلب.. شوية سمعات زديح فالسرجم شافت كان يونس بقات غير كتشوف فيه وتيليفونها فودنها)
معاد: عائشة!!
عائشة: معاد حتى لغدا ونهضر معاك فية نعاس
معاد: تقلقتي؟
عائشة: لا (يونس للي صاعر برا وباغي يدخل) غير فية نعاس تصبح على خير (قطعات)
عائشة: لا غير فية نعاس (كتشوف يونس للي صاعر برا وباغي يدخل عندها) تصبح على خير (قطعات وقلبها كيضرب فل100 وكتشوفو كفاش باغي يحل السرجم للي مطرق.. هزات التيليفون لقاتو كيصوني هو عليها وكيخبط فالسرجم باش تجاوبو كان غيحماق ويعرف شنو تحت راسها ومعامن كانت كتهضر وفين كانت لعشية كاملة ولا كيدخلو الشك من بعد مقال مستحيييل عيشة تشوف راجل من غيرو.. كان راسها قاسح مبغاتش تجاوب حيت حاسة براسها دايرة شي حاجة وعارفاه معصب وزاااد.. منين حبس الصونيط بقا كيشوف فيها حتى نزل من السلوم تبعات كتشوف لقاتو ماشي وجار رجليه بالسيف ووحدة كيعرج بيها.. باين عليه لعيا والمرض بقا فيها واكترية منين شافتو بصعوبة كيطلع السور حتى نزل ونزلو دموعها مكرهتش وكان كانت معاه وهي ادرى مزيان بعلاقة يونس بباه وباش يطردو قدام كولشي غيكون فحالة خايبة..
ولكن حتى هو خلاها وهي غتحماق وهادشي للي زاد قهرها وعاد تصاور للي كيقتلوها كل دقيقة رجعات بلاصتها وكتشوف فالتيليفون وتقلب على تصاورو ولفيديوهات للي كانو بجوج فيهم..)
~~~~~~~~~~~~~~~
عماد: فينك اصاجبي علاش مكتجاوبش
يونس: والو اعماد بغيت غير رتاح شوية
عماد: واش رجعتي للدلر
يونس: لا
عماد: اجي عندي انا كنتسناك
يونس: حتى لغدا اعماد دابا انا غنعس
عماد: فينك واش فاوطيل
يونس: اه.. (قطع معاه وهو مكره شعل كاروه بقا كيكمي وميرجع شعرو اللور مفهمش علاش باه باغيه يعذبو ماشي برامة غير ردو شماتة فعينين عيشة وغيردو كتر الا تزوج وحدة داز عليها شحال من واحد واحقرهم فهد علاش عيا كيشرحلو هادشي ومبغاش يفهم.. مولاش صونا على عيشة وبقا غير كيفكر حتى غفا ونعس على الاريكة للي فدارو)
...اصبحنا واصبح الملك لله...
عائشة: ناضت من نعاس تقادات مزيان حيت كاين اجتماع مهم للي الشركة الالمانية غتعقد معاهم صفقة لبسات كسوة فالارونج ومونطو فلبيج كانت باغا تكون كلاس على الايام للي دازو اكترية هي ورقية للي غيكونو محور الاجتناع وغهضرو على شحال من حاجة قدات مكياج تقييل شوية خرجات من بيتها ومشات سلمات على ماماها وجدودها للي غير صاقرين مكيهضرو موالو وفرحانين بيهم مكانت حتى ضغينة من جيهتهم حيت مداو جاو حتى لعندهم الا ندمو على شنو دارو..
مبغاتش تفطر خلات حتى يدوز الاجتماع حيت خايفة شوية نزلات فدروج وعودات دارت عكر مزيان خرجات باغا تمشي لباركينغ للي قدام الدار حتى وقف عليها يونس فوسط طريق غير هزات عينها فيه تهزات من دوك الشوفات وباينة فيه مخيخ من جيهتها...
عائشة: يوونس!!
يونس: (طلعها من رجليها لراسها) اش هاد لفضيحة دايرة فراسك
عائشة: ااحم اشمن فضيحة (كتشوف جنابها واش شي واحد كيشوف فهم واكترية شدها تحت الدار وفوسط طريق ومحال الحاج حداهم)
يونس: (بهداوة جبد موشوار من جيبو وهو يحطو على وجهها فاللول خافت حسابلها غيضربها حتى بقا كيمسح ليها لعكر وهو غير مخنزر ودازلها لحنوك كولشي جخلطو ليها وهي كتفركل بيديها حيد شاف فلموشوار للي عامر الوان) معروضة لعرس على صباح ولا بدلتي الحرفة وقلبتيها شيخة!!
عائشة: (طرطقات عينيها) واش حماقيتي راه شي واحد غيشوفنا
يونس: او من بعد معامن كنتي كتهضري لبارح وفين كنتي لعشية كاملة!!
عائشة: (جمعت نفسها) كنت غير كنضور وفالليل كنت كنهضر مع رقية
يونس: (بنظرات قاتلة) معامن كنتي كتهضري لبارح
عائشة: رلني قلتلك مع ختي وزايدون نتا شنو دخلك انا كنسولك فين بتي لبارح ولا شنو كدير ماشي غير ولد جيرانا غيحسابلك عندك الحق فية
يونس: (عض فشنافتو وهدا دليل ان صبرو بدا ينقص)
عائشة: هي غير شافتو دار ديك الحركة.. مهم انا مشغولة تابعاني خدمتي
يونس: معامن كنتي كتهضري وفين كنتي لبارح
عائشة: اااوف نعاودها كنت مع واحد واااااحد صافي (خلفت بالزربة قبل ميتبعها ركبات فطموبيلتها وكتشوفو من لمرايا باقي كيشوف فيها بلخلعة معرفاتش حتى ديماري مشا عندها بخطوات هادئين ووقف عليها وهزل لمستوى السرجم)
يونس: 😠 شكون هاد لواحد للي كنتي معاه
عائشة: واش مكتفهمش واحد مفخباريش نتا مقدم د.. (قبل متكمل دخل يدو وجبدها من عنقها حتى خرجو عينيها)
يونس: عاودي غير فكري فيها غنقتلك وهاد لمرة غتكون جنازتك حقيفية وحتى الا متي تكوني بالصح دايرة علاش هدا غير الا فكرتي متزيديش تحدايني كتر من هاكا حيت هنا صبري سالا ونتي كتعرفيني مزيان اعيشة م*** فرايي متزيديش على شنو كديري فية كتر من هاكا.. (طلقها ووقف ومشا فحالو هي بقات غير جامدة شافت راسها فلمرايا لقات وججها تخربق زادت تصقات رجعات بحال لكلون بقا كاويل وتمسح قدات راسها شوية ياله جبدات لعكر حتى لقاتو خطف لعكر من يديها وخبطو فالارض حتى تهرس ووطا برجلو)
يونس: منوياش دوزي عاد صباح على خير؟
عائشة: (غير مصدومة)
يونس: تحركي لخدمتك وياويييلك مرة اخرى لقاك بحال الشيخة مكاينش للي يفكك مني واخا يكون للي يكون...
يونس: تحركي لخدمتك وياويييلك مرة اخرى لقاك بحال الشيخة مكاينش للي يفكك مني واخا يكون للي يكون (وقف ومزال بنفس النظرات ديال انا مكنظحكش وكيتسنى غير دير هاك ولا هاك وباينة مبقا هامو حتى حاجة ديمارات وزادت قدامو وهو رجع خدا تاكسي ومشا لخدمتو للي كيرتاح فيها ويدفن راسو تماك حتى جاه اتصال ان المجرم للي جاب من المانيا فصبيطار خطار حيت خدا جرعة زايدة من المخدرات واول حاجة جاتو فبالو هو الافلام للي كيظل يتفرج فبهم طريقة اي واحد باش يهرب هو ياخد مخدرات ولا شي حاجة للي توصلو لصبيطار تخليه يهرب ولا شي واحد يعاونو.. ركب فطموبيلتو ومشا نيشان للمستشفى العسكري للي كانت مسافة طويلة وصل لتماك وكيتسنى يسمع انه هرب ولا حاول يهرب..) شنو واقع
فهد: يمكن بغا يقتل راسو
يونس: ولا يهرب؟
فهد: بحال والو غدخل عندو نتا ولا ندخل انا
يونس: لا ندخل انا نفهم منو شنو بغا يدير وشنو الخطة ديالو نيت شحال معشنا الاكشن (دخل عندو كان لاخر حال عينيه غير شاف يونس تكره) من ارهابي تحولتي لحشايشي مسلكاتكش الحرفة اللولة؟؟
ابو لقيصر: (غوبش) لوفيان اش دخل لوفيان فشي حاجة والله وتقربلها ولا دير ل..
يونس: هه (كيظحك باستهزاء ووقف) يووسف فنظرك انا شي واحد مغتصب لهاد الدرجة كنبانلك واحد بحالك
ابو لقيصر: كفاش
يونس: اه بكترة مغتاصبتي فالناس مراض ولا ميتين ولا معطوبين (غمزو) ولا من عائلتك مبقيتيش كتفرز ان هاد لكلمة جريمة
ابو لقيصر: (بقا غير ساكت وكيشوف فيه)
يونس: باغي تهرب؟ فين باغي تمشي؟ لفاس ولا ضبر على راسك تمشي لاسبانيا؟ ولاااا فرووس غتعاونك.. غير كنعرف الناس دفاس موحال واش يستقبلوك حيت ولدهم من بعد مدار فضيحة وهرب ورجع لبلادو وهو اكبر ارهابي مغفرحوش بيك
ابو لقيصر: جايب اخباري كولهم؟
يونس: اممم كولشي للي عارفو نتا وللي معارفوش ضوسيك كامل عندي علاش غير جيت وشديتك
ابو لقيصر: كتعرف حتى عزيزة؟
يونس: (باستغراب واستعباط) شكون عزيزة؟
ابو لقيصر: اممم دابا تعاوني ولا لا انا بغيت نخرج من هنا
يونس: (خرج من بعد متأكد من داكشي للي عرف مشا كيقلب على فهد باش يدخل يدير لونكيت معاه نزل لتحت مشا حتى لباركينغ حتى كيبانلو واقف مع ناريمان اش جابها هنا واش هادي كانت تابعاني ولا شنو مشيت جيهتهم)
ناريمان: (من بعد ما فهد فكرها فراسو حيت نساتو كانت علاقة مدة يوماين ودازت.. غير شافت يونس تلون وجهها) احم يونس جاي عفاك سير
فهد: (ضار شاف لقا يونس جاي وشاف فيها) ومن بعد كتعرفيه
ناريمان: اه هو خطيبي وقريب نتزوجو
فهد: (طرطق عينو فيها والشمتة مرسومة على وجهو مكانش عارف يونس عندو علاقة معاها) من امتى!!
ناريمان: عفااك سير غتخلقلي مشكل
فهد: مغنتحرك من هنا حتى تقولي من امتى كتعرفيه
ناريمان: 7 سنين صافي سييير ومتجبدليش شي مشمل عفاك
فهد: (خلا فوجهو ابتسامة شمتة واااضحة عاد فهم علاش يونس قلب عليه)
#فلاش_باك
ناريمان: حبيبي ضروووري خاصني نتقبل
يونس: ناريمان وكان تبعتي كلامي تنساي عليك هاد زبل وهاد العالم كولو ومتنسايش راه غير غنتزوجو غتخرجي منو اللهم تنسايه من دابا
ناريمان: كفاش نساه وشحال وانا كنحلم بهاد نهار
يونس: (بهداوة) ناريمان مغتربيليش ولادي ونتي خدامة هاد لخدمة اختاري اي مجال كاين بزاف ميدار قراي رجعي لقرايتك فلفاك للي سمحتي فيها وتبعتي هاد تق***
يونس: (وقف وخلاها فلكافي) كلمتي قلتها بغيتك لزواج ابنت الناس والا بقيتي تابعة هادشي غير نسايني
ناريمان: مصوقاتلوش حيت عارفة يوماين ويتصالحو ولكن خاصها طبق على الخطة للي دارت فبالها والا كان غير تنعس من لفوق باش توصل لمبتغاها علاش لا..
مشات لوطيل فين كانو كاع لبنات للي بحالها وبغاو يوصلو وكان نيت فهد جالس مع واحد من لجنة الحكم وناريمان عرفات ان باش دوز لهداك خاص صاحبو يدوزها ليه تعرفات على فهد بتحلوين ديالها وفهم انها بغات غير يكون قنطرة لصاحبو للي كيبان صعيب وكان شرطو هو تمشي معاه للدار فطريقها عاودات لنور كولشي ووللي هي استغلات هاد النقطة وصورات ناريمان وورات كولشي ليونس باش تبان بطلة وانها كتبغي مصلحة يونس ويتعجب بيها عماد ساعة مصورات والو وناريمان للي كانت عوالة غير على شي حاجة سطحية طاحت فواحد للي مغيزكلهاش ومع كانت مسرحة دوز معاها الليل بصباحو وقدالها الغراض وهنا تعرف فهد مع ناريمان وهادي قصة لقائهم...
فهد: (بابتسامة ممتيقش حيت عارف ان يونس على علاقة مع عائشة وغير على قبلها كان غيخرجو من خدمتو ويقتلو داك نهار كفاش حتى تلات بيه ويتزوج وحدة بحال ناريمان اه هي زوينة ولكن هههه) والله ممتيق واش متأكدة ثونس خاطبك نتي؟
ناريمان: احم شنو كتقصد
فهد: (وصل يونس حداهم) اوكي ختي شكرا
يونس: (مسولش شنو ضاير بيناتهم حيت مسوقوش اصلا وباينة غير منين قال شكرا ان كان بيناتهم كلام بعيد على الاخوة) راني كملت معاه سير دير شغلك نتا وعارف صغيرة ولكبيرة
ناريمان: جيتي نتا ولا جيت انا لمهم مخطوبين وقريب نديرو العقد يونس: واش معند مك نفس مكعندكش كرامة مكتحسبش شحال كارهك ومحامل حتى نشوف فكمارتك مشبعتيش كل مرة نسلخك غير باش تبعدي مني كنت كنعرفك بكرامتك شحال هادي ولا صافي عييتي من هزان الرجلين وكتقلبي على حميدة للي يسترك
ناريمان: نتا عارف رجلي حليتهم غير ليك
يونس: ومالي انا راجلك حليتهم لية ولا لغيري كتبقاي ق**
ناريمان: صححها وقول لق** ديالك ديالك غير نتا
يونس: (كيعيا يجرحها ووالو كولشي ميت فيها بقا كيشوف فيها وفوقاحتها)
ناريمان: عفاك ايونس عطي فرصة لينا ويلا متفاهمناش كل واحد يشد طريقو.. واش صافي نسيتي داكشي للي داز بيناتنا 3 سنين راه مدة كبيرة دوزناها بحلوها ومرها وعشنا فيها لحظات زوينة ومتنكرش شحال كنتي كتبغيني ومرتاح معايا علاش غتعقدها دابا
يونس: (ركب فطموبيلتو وحل الزاج) الذنب ماشي ديالك اناريمان لو كان بالصح كنتي صالحة لزواج كنت غنتزوج بيك ولكن نتي براسك ماشي ديال راسك وعلاش انا نجي حتى لتالي وتحشالي ومن هادشي كااامل نتي عارفاني اليوم ولا غدا ولا قريب غنتزوج عويشة لبنت للي ختاريتها ونمووت ومنخليهاش (كسيرة وخلاها واقفة كتاكل فراسها وباغا تعرف غير شنو شاد عليها..)
اب يونس: مكاين والو احمد انا غير بغيت يونس ميهربش من المسؤولية غلط يصحح غلاطو
احمد: اممم واش لبنت حاملة منو؟
اب يونس: (زاد تزير) معرفت
احمد: باينة يونس ماشي من النوع للي غيشدها سيف عليها واش غلطو بجوج
اب يونس: هو للي غلط منين مباغيش يتزوجها لاش يمشي معاها ونتا شفتي من نهار رجع من لالمان وديما معاها حتى فعرس ولد عمو جابها
احمد: واخا غلط وهانتا كتبزز عليه هادشي يخلك طردو من الدار؟ وقدامنا كاملين ونتا عارف نفس يونس خايبة!
اب يونس: يتفركع انا للي يهمني غلط يصحح غلاطو ولا سي احمد نشوف ولدي ماشي فغلاط ومنوقفوش
احمد: من هاد الناحية عندك الحق ولكن يونس ماشي من داك النوع للي كيتفلى على بنات الناس
اب يونس: ومال لبنت غطيح عليه الباطل جات عندي قالتلي ولدك تفلى علية وانا باغا نتزوج وحتى واحد مغيقبل يتزوج بوحدة ماشي عزبة وولدك هو سباب وانا ونتا كنا عارفينو من زمان وهو معاها اوا لاش يهرب حتى لتالي
احمد: اممم وهو شنو قال
اب يونس: مقال اه مقال لا بقا غير كيسب فيها وانا احمد وكان كانو عندي بنات منبغبش للي يتفلى عليهم وحتى ومعنديش بنات عندي مرات ولدي والا ولدات لبنات منبغيش نتقلد فيهم.. هي قالت تكرفس علية صافي خاصو يعقد عليها وبيناتهم
احمد: معرفت منقولك الحاج نتا معصب وماباغيش تناقش فهادشي
اب يونس: حيت اصاحبي الواضع مغندرقوهش اه ولدي ومكنبغيش نشوفو هاكا ولكن غلط ومن واجبي نعلمو الصح من الغلط قبل مول الامانة ميدي امانتو
احمد: بطولت العمر
اب يونس: الاعمار بيد الله.. كاع كنا صغار وطايشين ودوزنا لعجب ولكن منتفلاوش على بنات الناس ونهربو
احمد: (تفكر عندو جوج بنات وحتى هو ميبغيش للي تفلى عليهم ولكن الامور بين يونس وباه كتر من هادشي وهاد النقطة دناريمان غير جات طريق بقا ساكت) كان قالي يونس منين جا بغا يتزوج
اب يونس: بشكون؟
احمد: قالي من بعد ونقولك زعما كان كيهضر على ناريمان
اب يونس: معلووم عليها غير معرفت مالو فالتالي مبغاهاش
اب يونس: اوا دابا هضرتي.. مبانلكش هاد صباح وفين بات وكبقا حيت لبارح خرج مريض
احمد: بات فلوطيل وصباح بكري هضرت معاه كان فلخدمة وقالي راه مزيان وكان مشغول
اب يونس: (حرك راسو باه) عارفو من دابا غيدفن راسو فديك الخدمة...
عائشة: (غير دخلات للشركة مشات كتجري عند ختها تعتقها الا جايبة شي مكياج لقات عندها شي حاجة قليلة عتقات الموقف ودارت عكر خفيف حيت واخا يونس مكاينش كاينين عنيه دارو الاجتماع للي سيمانة وهوما كيوجدوليه وكان بامتياز حيت هادي هي خدمتهم وبافي الايام كيكونو غير جالسين ولا كيصيفطو اميل للشركة الاجنبية خرجو وهبطو لكافي لي لتحت حيت كان بوفي كبير على حساب ضياف غير وقفات عائشة كتهز شي مقبلات كديرهم فطبسيل وهو ينطق معاد للي كان لاسق فجنبها)
معاد: متكتريش الوالدة دايرة شهيوة للي كتبغي
عائشة: (ضارت كتشوف فيه) اه معاد صافا
معاد: الحمد الله هاد نهار شي حاجة فيك متغيرة خلاتك جمال على جمال
عائشة: (بابتسامة) شكرا
معاد: فوقاش نمشيو؟؟ (شاف فساعتو) الوالدة كتسنانا
عائشة: اممم منقدرش نمشي معاك امعاد غير عذرني منقدرش
معاد: علاش الا بغيتي منكونش انا معنديش مشكل باش تاخدي راحتك
عائشة: لا ماشي عليك نتا غير مغرتاحش نمشي معاك براكة غير لعشا لبارح وووغير اعتاذرلي من الوالدة ديالك
عائشة: (حست باحراج كبير وانه بغا يحطها امام امر الواقع) صافي بلا متقولها لها انا غنمشي .. منبغيهاش تقلق
معاد: (بابتسامة على جنب شنايفو) نمشيو دابا؟
عائشة: لا غير سبق نتا انا مزال منجي حتى يمشيو الناس
معاد: علاش نتسناك حتى تكملي
عائشة: احم مغنمشيش معاك امعاد غلحق عليك بطموبيلتي (بابتسامة) مستر اشرف كيعيطلي نشوف شنو بغا (مشيت عندو من بعد معبرلي شحال مفتاخر بية انا ورقية وزاد شجعني كتر هاد السيد علام كيجيني بحال خويا لكبير للي معنديش عكس خوه الهمجي والمتوحش حتى صدمني مني قال)
اشرف: مهضرش معاك يونس؟
عائشة: (تلفت) شكون يونس
اشرف: خويا زعما حيت نتوما اصدقاء وصافي وشفتي لبارح شنو وقع معاه هو والواليد
عائشة: لا مكنتش البارح عندكم
اشرف: اااه اوكي حيت كلنا كنا مجموعين.. (باغي يسول وفنفس الوقت كيكبح راسو حتى طلقها) ياكما سي معاد كييي
عائشة: لا لا بلعكس انسان خلووق ومثقف
اشرف: اممم (بابتسامة) تهلاي فراسك نمشي نشوف سي لعالمي
عائشة: (حسيت بديك كلمة تهلاي فراسك بحال كيقولي وجدي راسك مع خوه وغير صباح بينلي شنوتيو كان غيضربي حدا باب دارنا مسوق لا لعمي لا لماما يخرجو يشوفوه.. بقيت مع الناس وفينما ضرت كلقا معاد كيشوف فية وكنقلب عيني حتى مشاو الناس جا عماد خدا رقية حيت خاصها تمشي لطبيب علاش مقالتليش وانا بقيت فلمكتب ديتلي حتى كيجيني ميساج من عند معاد باش نمشيو تنفست بعمق محملاش نمشي وفنفس الوقت شفت فديك المرا عندها كبييير وب5اتني واخا مدة قليل فاش شافتني مبغيتش نخسر ليها خاطرها ومن جيهة منكدبش خفت من يونس واخا خاصني نقتل هاد الاحساس حيت هو مكانش كيخاف يتلاقا ديك المزعرة يعني حتى انا لاش نخاااف اووف غير دابا وكنترعد نضت خرجت كان هو ركب فطموبيلتو ومع اصراري لحقت بيه بطموبيلتي زعما مطورة ميعرفني حد معاه حتى وصل لدارهم ولمصييييبة العظمى اونفاس مع لكومسيريا فين خدام يونس بفففف صافي هادي اللخرة جمعت شجاعتي مزيان نزلت كانت ام مهاد خارجة حدا لباب دزت من حدا طموبيلت معاد حتى كنسمعو كسيرا ومشا معرفت فبن ولكن ارتاحيت نسبيا حيت مغيكونش سلمت عليها ودخلاتني لدار وسدات لباب....)
ناريمان: (كتبكي) دابا شنو ندير اعمي ولدك راجل اي وحدة يشاور عليها يتزوجها وانا مكيقبل بية حد حيت هو سبابي هئ هئ ندمت حيت تقت فيه
اب يونس: (طالعلو الدم) راني هضرت معاك ابنتي هو غيتزوجك مدام غلطتي معاه غيصحح غلاطو
ناريمان: 😭 امتى اعمي الوقت كيدوز وانا باغا ندير ولادي
اب يونس: سمعي ابنتي كما ولدي غلط حتى نتي غلطتي انا اندير للي علية نخليه يعقد عليك شي حاجة اخرى متسنيهاش مني براكة غير ولدي للي كنخسرو غير باش نصحح شي حاجة للي درتوها نتوما بجوج فلحرام
ناريمان: (شافت فتيليفونها على اساس صيفطلها ميساج تجي عندو ووقفات) صافي انا نطلع عندو نشوف شنو بغاني (طلعات لبيتو للي كانت معتادة تجيلو فاش كان كيدخلها فغياب باه من زمان فاش كانو مصاحبين...)
~~~~~~~~~~~~~
عائشة: خالتي علاش كلفتي راسك
ام معاد: لا بنتي نتي غالية عندي وخا غير شفتك لبارح دخلتي لقلبي (مسحات دمعتها)
عائشة: (باستغراب كتشوف فيها كتبكي) خالتي!!
ام معاد: (بابتسامة كتنشف دموعها من عينيها) الحمد الله معاد مكاينش معانا دابا اما كون حيح علية ولكن غير الشوفة فيك ابنتي كتفكرني فبنتي الله يرحمها للي ترزات صغيرة فشبابها (بتنهيدة) ماشي خسارة في الله مشات فسبيل الله
عائشة: (بتأسف) الله يرحمها اخالتي
ام معاد: ممشا معاك باس ابنتي (ناضت من بلاصتها وجابت تصويرة ديال بنتها للي كانت فوق طابلة وبقات طتشوف فيها وشافت فعيشة بابتسامة) الله يرحمها كانت كتشبه ليك فكولشي حتى فلعمر سبحان الله تقول تويمات
عائشة: (شافت فالتصويرة بالصح كاين شبه غير بنتها عينيها فرمادي بحال عينين معاد) بالصح كاين الشبه
ام معاد: حتى هي كانت هادئة بحالك
عائشة: (هادئة!! احم الحمد الله مكتعرفنيش على حقيقتي بقينا مجمعين وعرفت اهتمامها لية كان كيفكرها انها كدلع بنتها وخليتها تاخد راحتها.. غير بدات كتحط لعدا سمعت لباب كيتحل ودخل معاد جلسنا فالطبلة كانت منوعة للي ياكل فبها 20واحد وحتى انا كولشي نحشم فيه الا لماكلة.. )
زهرة: (دقات فلباب) يوونس
ناريمان: (بالزربة خرجات وشافت فيها) اه مشا راه مشا مزروب عيطولو على لخدمة وحتى انا خاصني نمشي حتى نولي نرجع
زهرة: كفاش فين يونس انا كنت واقفة كنتسناه فدروج
ناريمان: اه بالصح واش مسلمش عليك؟
زهرة: لا مشفتوش خرج كاع
ناريمان: ااااه يمكن منين مشا كيجري ولا دخل من لكوزينة مهم اخالتي راني مزروبة شوية حتى نولي نجي عندك فلعشية (سلمات عليها بالزربة وهبطات مع دروج وخرجات من لباب وعلى وجهها ابتسامة خبييثة ركبات فطموبيلتها وشدات طرييق لبلاصة بعيدة...)
~~~~~~~~~~~~~~
عائشة: (شافت فالساعة) انا غنمشي اخالتي
معاد: هانتي جالسة معانا
عائشة: لا منقدرش درت مع ماما باش نمشيو عند ختي.. خالتي الله يخلف عليك والله يعطيك الصحة كولشي كان بنين
ام عماد: مزال ابنتي نشبعك من شهيواتي وحتى نتي تشبعيني من شهيواتك
عائشة: (ببتسامة صفرا ناضت سلمات عليها وفضلات متقولش ان شاء الله) مرحبا بيك اخالتي فدارنا
ام معاد: ربي خليك احبيبتي انا غدا نمشي لداري حتى نجي لمرة الجاية ونشوفك
عائشة: ان شاء الله اخالتي حتى نصوني عليك بسلامة
ام معاد: بسلامة احبيبتي والله يرضي عليك
عائشة: عاود شكرها لية بزااف امعاد
معاد: (خرجات وتبعها معاد) نورتينا هاد نهار عمر حسيت بداري زوينة ومتحمس نجي نتغدا فيها بحال هاد نهار
عائشة: (بابتسامة) شكرا على لعراضة معاد
معاد: (قرب حداها) عائشة
عائشة: ااانا خاصني نمشي حتى نتلقاو نهار الاثنين
معاد: الاثنين بزااف هاد لويكاند منشوفكش
عائشة: لا معنديش الوقت
معاد: (بابتسامة) اكتر حاجة معجب بيها فيك هي صنطيحتك ههه غير جامليني وقولي مصالحش كدا
عائشة: الله يديكم على خير بسلامة وشكرا (مشيت وخليتو واقف ركبت فطموبيلتي وانا لخلعة فية الحمد الله منين دازت سلامات ومشافنيش يونس ياله غنديماري شفت فلمرايا لقيت معاد ددخل لدارو ياله غنكسيري حتى شفت يونس جاي لجيهتي وقاطع الشانطي عيني وساعو بالصدمة محسيت حتى كسيريت بكل جهدي كنت غندخل فلبوطو وكان محضرش الله السلامة ويونس غوت بسميتي حتى وقفت قلبي كيزدح وركابية فاشلين جا حل لباب وانا مزالة مخلوعة حيدلي الصمطة وشدني من يدي وخرجني من الطموبيل بكل جهدو...)
يونس: (كيكز على سنانو وكيزيد يقرب منها) نتي مغتموتي حتى نقتلك انا فين كنتي وشكةن داك الشحط للي كنتي واقفة معاه واش مبغيتيش ديري عقلك
عائشة: حتى واحد سولني على الساعة
يونس: (من حسن حظها مشافهاش خارجة هي وياه ومحققش فيه مزيان ولكن للي حيرو هو هضر معاها وبقا واقف حتى دخل للدار للي كانت حداه) كفاش سولك على الساعة وهو دخل هنا واش بنتلك حمار!!!
عائشة: (بتلفة) ككفاش وانا مالي سولني وجاوبتو
يونس: (كيقوس عينو فيها للي خارجين منهم شرارات الغيرة زاد تكاها على طموبيلتها) شكون داك لكلب واش نتي غير باغا تحمقي اصل د...مي وصافي واش كنتي معاه فالدار! (كيقولها ويزيد يتجنن) هضري ابنادم ولا ندفن مك فبلاصتك
عائشة: واش حماقيتي بنتلك انا وحدة كدخل لديور
يونس: نفكرك بلوطيل للي يوماين ونتي غابرة (زير على ذراعها) كولشي غتحاسبي عليه
عائشة: وشكون نتا باش تحاسبني
يونس: انا غنعرفك براسي مزيان شكون انا
عائشة: يونس الناس كيشوفو فينا وهاد الوقف...
يونس: هضري شكون هداك للي (ضورت عيني وهي تبانلي مرا ماشي كبيرة بزاف خارجة من ديك الدار وتابعها واحد عاطي بظهر وهاز شانطة صغيرة بقيت كنشوف حتى كيبانلي وجهو وجات العين على العين هنا تصعقت عقلت عليه مزيان هادا معاد للي كانت خارجة معاه داك نهار هي من الشركة واسمو للي سمعتها كتعيط بيها فاش كانت فلوطيل ودازتلي لابيل شفت فيها وانا كنعرفها منين كتكون كتكدب ومقفراها بعد من عليها شوية) ااااه قولي كنتي معاه عاود
عائشة: لا لا والله مكنت قلتلك كنت دايز (شفتو مشا لعندو هنا تخلعت معرفت مندير ومقديت ندير والو مبغيتش نشوف هاد لمنظر واكترية منين شفت معاد ركب مو دغيا وجاي جيهة يونس بففف موقف لا يحسد عليه ركبت فطموبيلتي كسيريت وخليتهم يتقاتلو حيت الا بقيت حدا يونس غيكمل منو ويتبعني ليه..)
يونس: (ياله غيهضر ضربتو بونية حتى رجع باللور.. عادت شديتو من كول قاميجتو ومو خارجة مخلوعة) تزيد الز** تقربلها ولا حتى تشوف فيها غندفن مك حي
ام معاد: (مخلوعة) معاااااد ولدي طبق منو نتا اش بغيتي عند ولدي
معاد: دخلي الوالدة انا جاي
يونس: (طلق منو حيت بقات فيه لمرا للي كترغب ولكن مكرهش يفتل هداك للي بغا يشركو فعويشة) بعد منها والا قسما بالله حتى معاد: (كيقاد فمو حس بسنانو تزعزعو) هادي تاني مرة كضربني وانا مكنعرفكش
يونس: هانتا كتعرفني عيشة ديالي بعد عليها
معاد: هي كتنكر انها كتعرفك وبالدليل ها هي عاد خرجات من داري
يونس: (زاد شعل ولكن مبغاش يبينلو حيت لاخر غير بلبرود كيعرف يزيد يشعلو وهو اصلا قابل الاشتعال فاي لحظة.. زاد لاخر ركب فطموبيلتو تحت اسئلة مو شكون هداك وشنو بغا وهو غير ساكت تأكد 100% هو للي شاغل تفكير عيشة ومخليها ديما كتصدو اذا كاينة مشكل بيناتهم للي هو غيستاغلها...)
عماد: (حل لباب للي كانت غتهرسو عيشة بالدقان دخلات وسدات لباب ووجها صفر) تابعك شي واحد
عائشة: اه داك لمجنون ديال ولد عمك
عماد: اش درتي عاود؟
عائشة: انا للي درت ياك اعماد زعما معارفش شنو واقع هو للي مصدقش ومشا بدلني بخانزة
عماد: عيشة الله يهديك راك سمعتي داك نهار هو ماباغيهاش غير باه للي الله يهديه وصافي
عائشة: فين رقية
عماد: (قالها وهو مكره) راها لداخل
عائشة: واش مزالة مقلقة منك؟
عماد: (ياله غيهضر حتى كيسمع دقان فلباب شاف عيشة دخلات كتجري لداخل حل كان الحاج وعزيزة وباها ومها وادم) مرحبااااا
عائشة: وداك الولد ولا لبنت للي فكرشك علاش يبقى ضايع بيناتكم وكان غير عماد شي واحد للي ميستاهلش عرفناه غلط مرة وحتى نتي غلطتي والسيد شحال وهو كيرغبط ويطلبك ونتي غير زايدة فيه
عائشة: (غير كتخنزر فرقية حتى كتسمع صوت يونس للي زعزعها من بلاصتها)
رقية: شكون قالهالكم عماد؟
عزيزة: ومالكي كتقوليها ومحملاش خاصك تفرحي الهبيلة هانتي حملتي وغيتزاد عندك وليد ولا بنيتة للي يعمرو عليك الدار
رقية: غير ساكتة وكتفكر منين قالها طبيب راك حاملة فشهرين كفاش مكانتش منتابهة لغيكل للي مجاتهاش شهرين واكتر حاجة كتمرضها وتخليها تكره للي فكرشها ان هاد لبيبي نتيجة اغتصاب وكره وحقد.. خرجاتها مها لبرة وكولشي كيبارك وفرحان وعاجبو لحالوعيطو لاب وام عماد فرحوهم بهاد لخبر للي غيخليهم يجيو فأقرب وقت هزات عينها شافت فيونس للي كان حاضر على كولشي لقاتو غير مخنزر وكيطلع شوفات قاسحين فعيشة اما عماد غير ساهي وفوجهو غير ابتسامة صفرا (بتنهيدة) حتى واحد مالقاها كبغاها كل واحد وشنو ضارو فخاطرو كل واحد حاسب راسو هو المظلوم ومكيشوفش فلاخر واش ظالم ولا لا كلها كيلغي بلغاه..
من بعد متعشاو مجموعين ناضو يمشيو بحالهم
عائشة: انا غنبات اماما حيت صابحة مخداماش وبغيت نبقى مع ولد ولا بنت ختي
عزيزة: ياله جات تهضر وترفض
عماد: احسن حاجة درتي اختي حيت انا غدا عندي شي خدمة صباح بكري ومبغيتش نخليها بوحدها
عزيزة: (هنا مبقالها متقول ولكن عينيها كيتحلفو فعيشة حيت مكتبغيهاش تبات عند ختها كتكون حشومة العائلة تبات عند نسيب واخا هو بلفرحات عليه) اه واخا
احمد: ياله خلينالكم راحة الله تصبحو على خير (ناضو مشاو وبقات عيشة جالسة هي وختها للي غير كتشقلب عينيها اما عماد ناض من حداهم ودخل لبيت نعاس حيت معصب من كلام رقية وحلوفها انها غطيح للي فكرشها باش متربطها والو بعماد)
عائشة: (كتشوف فختها) مزال منعلتي الشيطان
رقية: نتي مغتحسيش بية حيت مداز عليك والو من هادشي للي دزت فيه انا
عائشة: فمك وفهماتك الناقصة للي دوزاتها عليك زعما السيد مالقا ميدير قال اجي نتزوج هاد لبنت ونتكرفس عليها
رقية: براكة من داك الطنز الخاوي ديالك
عائشة: والله حتى هبيلة جابلك الله راجل كيحمق من كاع الجوانب ونتي جالسة كتهزي
عماد: وبزاف شوف وشحال انا داير ليها الخاطر وهي غير كتمرمد فية حتى من الولد للي كنت نحماق ويجيني ها هي كتقول تقتلو بدم بارد غلطت معاها اااه ولكن باش تقتل روح غير انتقاما فية لا هدا سميتو تبرهييش ماشي لخنات
رقية: (بحال خوا عليها سطل دلما بارد كانت مولفة لفشوش ومقالتش يجي نهار يعيى ويمل حيت فنظرها غلط وغلطو ميتغفرش)
يونس: (مكيشوفش فعيشة فمرة ومن لبعد كتعطي منو ريحة دلكارو مخلطة بلباغفان ديالو وعينيه حومر) عماد ماشي وقت هاد لهضرة نتا معصب وهي معصبة مغتوصلو لحتى شي حل ياله نبدلو ساعة باخرى.. ختي رقية رتاحي نتي دابا
عائشة: (محملاتش تجاهلو) رقية نعلي الشيطان كيف ما كان الحال عماد طلع راجل ووفا بكلمتو تزوجتو واي كوبل كيكونو المشاكل بيناتهم وكيتحلو غير بلعقل (غير قالت هاد الجملة شافت فيونس للي ضار شاف فيها متوكضات حتى شافت عماد كيوقف يونس ميجيهش جيهتها قلبها كان بحال طبل كيضرب بالجهد خافت ولكن مبينات والو بقات كتشوف فيه بلا متمرمش معرفش انها ماشي كتحداه ولكن غير لخوف للي كوانساها..)
يونس: 😡 انا غنوريك رجال كدايرين
عماد: (شدو من جاكيط ديالو وجرو خرجو برا وسد لباب) متديهاش فيها راك عارف شنو كاين وماشي كل مرة كتجيو توسطولي كتقلبوها مطايفة بيناتكم....
عماد: متديهاش فيها راك عارف شنو كاين وماشي كل مرة كتجيو توسطولي كتقلبوها مطايفة بيناتكم
يونس: (مشا ركب فطموبيلتو وهو مفور ماشي غير معصب باش تحس بالغلط للي دايرة مزال زايدة فيه ولكن هنا غيوريها وجهو وكفاش تجرأت هاد الايام كتر من لقياس وتعدات حدودها.. مشا نيشان لدارو.. كان بغا يهدأ عماد ساعة هاد الساعة خاص للي يهدأو هو ويبردو وحتى عماد مكانتش راشقالو يرجع للدار ويسمع ديسك المسموم من عند رقية كلها شد قنت وبقا جالس عماد داه نعاس اما يونس جالس قابط تيليفونو وكيحفر ويقلب على جدود جذور اصل معاد شكون هو ولاش ديما معاها..)
نور: عيييت اصاحبتي 5 دسوايع باش خرجنا ومزال موصلنا!!
ناريمان: مكنتيش مقابلة الشركات ونوضتك من فوق مكتبك راه معندك ميدار
نور: ماشي على الشركات ابنادم ولكن والله ممرتاحة او على تالي ايامنا نشدو طريق ل*** ونقلبوها شوافات شكون قال نتي تفكري فهادشي للي كان شحال هادي غير تخربيق عندك
ناريمان: اوا وكان لقيت حل اخر وكان درتو يونس مبغاش يتشدلي فمرة كاع داك زلالة للي كانت فيه تقلبات
نور: التسليم منك جامي قلت ناريمان تبع طريق سحور مهم نشوفو الا صدقات ليك راني مبلانية على واحد خينا
نور: التسليم منك جامي قلت ناريمان تبع طرق سحور.. مهم نشوفو الا صدقات ليك راني مبلانية على واحد خينا واخا انا مكنتيقش فهاد الخزعبلات
ناريمان: الله يهديك اشمن خزعبلات شحال من حمار راه مجرور وحال فمو غير بهادشي (وقفات طموبلتها) وهادشي راه فالعالم كولو وجي نتي وقولي خزبلات
نور: علاش وقفتي؟
ناريمان: (دارت نظاظرها وفولار تقادات فلمريا وبقات كتصوك غير بشوية غير بانتلها مراة فمقتبل العمر نزلات قدات جليليبتها ومشات مقصداها كتسول على مورادها شافتها نور جبدات من بزطامها فلوس وعطاتها لمرا وجاو بجوج ركبات اللور) ياك من هنا اشريفة
...: اه سيري نيشان ابنتي عندك زهر للي لقيتيه اليوم (بقاو ماشين على نعت ديك لمرا حتى خرجو من داك الدوار حطو) صافي هنا
ناريمان: (باستغراب) فين هنا
نور: اويلي هنا كاينة مقبرة متقوليس كيسحرو بعظام الميتين
ناريمان: شششت واش متأكدة اشريفة هنا؟
...: اه ابنتي حطي طموبيلتك هنا راه عليها الامان (نزلات وتبعوها لبنات والرعب بدا يركبهم كيشوفو غير لخلا ومكاين لا دار لاوالو موراهم مقبرة وقدامها لكحط)
نور: (بخوف كبير) اليوم غنموتو موتة لكلاب يااا ربي سمحلي انا والله ممقتانعة بهادشي والله مبغيت نجي غير تبزز علية ياا ربي سمحلي على كولشي درت فحياتي
ابو لقيصر: كان جالس كيفكر فهاد الزيارة للي فتحات احاسيس وعلاقات ماتت 23 عام تفكيرو مشا نيشان لعزيزة للي تجبدات سيرتها من نهار جا المغرب وخصوصا من لبوليسي للي كان سبابو يونس شنو علاقتو مع ماضي يوسف وعزيزة وكفاش بحالك بحال بنتك!! اسئلة كتيرة خلاتو فدوامة كبييرة..
جا النداء باسميتو ناض حك فلحيتو للي كبرات فهاد اللحظة كان يوسف للي خارج خايف،
يوسف للي كانت عندو 24 عام نهار تطرد من دارهم،
يوسف للي دار مصيبة وخايف من واليديه، يوسف للي كان كيكون تقريبا كل ليلة حتى ينعس كولشي ويطلع يتلاقا مع بنت عمو فسطح، يوسف للي كان عايش مراهقتو مع عزيزة بجميع محرماتها يوسف للي معارفش ان من مور هروبو تطردات عزيزة وهي هازة فكرشها 2 رواح... خرج وراسو وعينيه للارض عيا يرفض هاد الزيارة ولكن فالتالي تبزز عليه كره راسو ولكن جامي كره شنو دار لا فمراهقتو لا فمرحلة كان خاص يكون بعقلو جلس فلبيت ديال الزيارة تحل عليه لباب ودخلات مو هز عينو فيها كانت كتشوف فيه ودموعها كافيين باش يقولو شنو عندها عيا كيحجر فقلبو ولكن هاد اللحظة قتلاتو بدموعها تسنى يدخل معاها شي واحد ولكن تسد لباب اذا غير هي للي جات تشوفو وقف جيهتها معرفش واش يمشي لعندها ولا شنو يدير حتى شافها كتجري وعنقاتو تبكي وتليد على كبدتها للي 24 عام تشوات فيها هو واقف جامد وهي مكرهاتش دخل لين ظلوعو قلبو غينفاجر مكيبغيش للي يحن فيه باش ميحنش حتى هو بغا يبقى قاسح قوي قلبو حجر ميتأثرش لا بدموع لا باحاسيس مخلي جميع مشاعيرو لفروس وبنتو فقط... دار يدو فظهر مو وبقا كيسكتها جلسها فلكرسي وجلس مقابل معاها
ابو لقيصر: مدارت والو هي بعيدة علية وانا من نهار خرجت من ديك الدار مبفيت عرفت عليها والو
الام: (بقات ساكتة حتى نطقات) ولدي علاش نتا مشدود انا متقتش دير داكشي للي قالولي (غير بغا يهضر وهو يتفتح لباب كان مدير السجن**** والمدة للي عطاهم سالات ناضت بلبكى اما يوسف غير كيشوف حتى تحدددات مرة اخرى فين تجي حيت هي معرفة والمدير من العائلة مشات هي فحالها وهو رجل للزنزانة ديالو...)
عزيزة: ايه اختي زهرة حتى واحد مبغا ويونس راه بمثابة ولدي وشحال من حاجة ولكن باش يغلط ويتكرفس على وحدة ويخليها لا منقبلوهاش عدنا بناتنا ومنبغيوهاش ليهم الحق حق اختي...
~~~~~~~~~~~~~~
عائشة: (كتشرب لقهوة وكتنغم عليها وتشوف فتيليفونها للي كيصوني)
رقية: جاوبي
عائشة: (حركت راسها بلا) صوني على راجلك وشوفي فين بات
رقية: ممسوقا لا فين بات لا فين مشا
عائشة: باااز اختي انا وبقا بالي مشطون عليك ولكن مزال مجربتي الحر يكون مع غيرك باش تشواي مزيان
رقية: (هزت كتافها غير مبالية) يدير حتى عشرة
عائشة: (وقفات) انا غنمشي نضرب دويرة حيت مقدا نسمع منك حتى كلمة
رقية: تسناي لبس نجي معاك
عائشة: وبعدي مني ازبل وديري عقلك ونعرف مك عتبتي باب الدار نريشك نتي زدتي فيه كاع مبقا حد كيحكم فيك (خرجت معصبة من الدار وبالها غير واش يونس وعماد مشاو للدار ولا فين زادو حيت بجوج خرجو من الدار معصبين متهنات حتى مشات للحي شافت تماك طموبيلت يونس عاد تهنات...)
يونس: (الليل كامل منعسش كيفكر نيت واش عيشة بالصح لبنوتة ديالو لقطيطة للي مغمضة عويناتها وحااهم غير على مولاها كانت فدار داك خينا لوطيل ومزال مبردااتلو كفاش غيتقبل لبنت للي بغاها بزااف مع واحد اخر عيا يقنعها انه كيبغيها وهاديك المصيبة غير لسقات فيه ووالو مبغاتش تعطيه حتى نص فرصة يفهمها علاش الاب ديالو مصر يزوجو بناريمان.. فهاد اللحظة ندم حيت مقبلش بلخدمة للي تعطاتلو فاسبانيا على الاقل ميبقاش فهاد الدوامة بين باه ولبنت للي بغا وقريب تخرجلو عقلو ضاف فعماد كيفيق من نعاسو)
عماد: (كيتفوه ولكن باين من ملامح وجهو مرشقالوش) منعستش؟
يونس: (وقف) انا خدام دابا مهم سوارت عندك برد ورجع عند مرتك
عماد: (مكره) اليوم غيجي الواليد والوالدة (بتنهيدة) ونتا كتسمعها مصرة على طلاق وانا مغنبززش راسي عليها
يونس: شنو حتى نتا كتفكر فطلاق؟
عماد: اوا خويا شنو ندير صافي هي للي بغات 3 شهور وانا كرغبها واش ماشي بزاف اه غلطت ولكن عندها يد فهداكشي للي درت
يونس: (رجع جلس حدا عماد) زيد عطيها وقت اعماد طبيب قال فهاد الفترة تقدر متقبلكش كاع
يونس: واخا (دار نظاظرو خرج ركب فطموبيلتو ومشا نيشان للمجمع فين ساكن عماد بقا واقف بطموبيلتو حتى بانتلو عيشة خارجة بطموبيلتها تبعها من لبعيد ووقفات فلبلاصة للي كانت ديما كتلاقا بيونس فيها.. حط طموبيلتو بعيد وبقا متبع واش غتلاقا شي واحد ولا شنو..
دازت نص ساعة وهي تماك تيليفون دلخدمة غيطرطق بليزابيل ووالو مكيجاوبش باغي يعرف علاش جات هنا من بعد هاد المدة كاملة للي كانو مفارقين فيها كسيرة ومشا لحداها نزل من طموبيلتو غير شافتو تفافات وبقات كتمسح دموعها بغا يحل لباب كان مسدود دق عليها من الزاج بيدين كيرجفو حلات وشافت فيه بانكسار كبيير)
يونس: (شاف عويناتها ذابلين نسا داك لغوات للي جاي يهلل عليها ولعصى للي حالف شي نهار حتى يفصلها عظامها.. زاد قرب وبكفو مسح خدها وهي عاد مزادت كتبكي) شششت متبكيش..
عائشة: باش بالفم فين كانت هاد لهضرة منين كنتي كتخطب (كتبكي وتشهق) تفو تفو ندمت على نهار للي خليتك تقيسني
يونس: (بغا يشدها فيديها ونترات) عيشة انا مستاعد وباااغي نتزوجك اليوم قبل غدا حتى با صافي كنواعدك (كيهضر بكل جدية) مبقاش كيهمني وغنتزوجك سيف على اي واحد
عائشة: (تداركات الموقف وطلعات الزاج ياله بغات تكسيري وهو يجمع كل قوتو ببونية وعطا للزاج اللوراني ديال طموبيلتها حتى تشخشخ كامل غوتات وبقات كتشوف فيه)
يونس: (بعد من حداها ورجع بخطوة اللور) تحركي من هنا
عائشة: (كتشوف غير يدو للي عامرة دم وشلال نازل مع الارض موالفة هي كتهرب ماشي بحال دابا كيقولها بفمو سيري..)
يونس: (بلغوات ووجهو حمر) تحركي من هنااااااا😡 (شافها كسيرات وبعدات كان مغلغل من جيهتها الضرب مبغاش يضربها براكة غير الدنيا للي ضرباها من وهي صغيرة واخا كتعصبو الا كيحن فيها منين كيعرف ان ابو لقيصر باها.. اما باش طيح من رجولتو كل مرة لا وصلات لواحد سطاج للي مرة اخرى مغيضربش يدو باش ميضربهاش غيدير ما كفس..
شاف فيدو كانت واكلاها والمشكل الشاف ديالو ديما كيحذرو من هاد لعاصاب للي فيه مشا ركب فطموبيلتو وكيبرد فراسو مشا لفرماسيان باش يداوي الجرح للي فيدو ومن سوء حظو خاصو يغرز كان حل واحد ساك لرباط فين عندو الخدمة داز دوا جرحتو فالعيادة باش يتفادا كفاش ولاش وشكون وعاد مشا لخدمتو وهو مكره😡)
عماد: (عيا كيصوني على يونس والو مكيجاوبوش وخاصو يمشي لكازا باش يجيب باه ومو من المطار رجع صونا على اشرف ومشاو بجوج.. كان تفكيرو غير فرقية للي طلاق على فمها وباش كملاتها وعماتها مزيان منين باغا طيح الولد للي عماد شحال وهو يحلم بيه باغي يفرح واليديه ويفرحهم ولكن...)
اشرف: خرج عليك زواج
عماد: (بابتسامة) ماشي كولشي كيوالمو
اشرف: شنو درتي مع مرتك
عماد: (بتنهيدة) باقي الحال كما هو
اشرف: معليش الوقت هو للي كيصلح كولشي نتا غير دير لما منين يدوز
عماد: اودييي قريب رجع بحر بكترة مكندير لما منين يدوز رقية مبغاتش تنازل وانا عييت
اشرف: وهو نتا الغلط وغتحمل داكشي للي درتي
عماد: اه تحملتو ومزال نتحملو ولكن هي مصعباها وانا باغي نعيش بييس تزوجت باش نستاقر نفسيا ماشي نفكر نخرج نقلب على روحي ونتا فاهم مزيان
اشرف: هدا مشكل هاد الجيل كيغلط ومقادرش يخلص غلطو وكلمة جوج نخرج نفسد زوحاج ماشي غير نعاس
عماد: اه عارف ماشي غير نعاس ولكن راه جزء من زواج واش انا اصاحبي حالة مزوج جديد وكنستحلم (مكره) بزاااف الا غلطت منين ضربتها راه بسباب كدوبها للي مكتساليش
اشرف: دخل طرف ثالت
عماد: والو مكتسمعش
اشرف: اذا بقاو لكبار
عماد: مبغيتش اموري توصل لديك الدرجة دابا.. ولمشكل هو واليدية للي جايين فرحانين منين غيوصلو للدار غيلقاو الجو مكهرب وحتى منين قلتلها راه جايين مسوقاتش
اشرف: (معرف ميقول بقا غير كيتصنتلو وباينة عليه المعاناة حتى جا الوقت للي نزلات الطيارة وخرجو واليديه استقبلهم عماد وهو متوتر مشا للدار برغبة من الاب ديالو وهو مكرهش يديهم لدار عمو اشرف غير كيصبرو بالنظرات ان كولشي غيدوز مزيان... وصلو للدار نزلو وهو غارق بلحشمة والاعصاب ميبغي رقية ولكن كيبغي حتى عائلتو ومكرهش شي استقبال يليق بالفرحة للي خلاتهم غير يسمعو خبر ان ولدهم غيترزق بولد جاو من بلاد بعيدة ولكن وجهو دغية تقلب لدهشة منين حل لباب ولقا ريحة العود عاطية من الدار للي كتشعل ورقية للي جات خارجة بقفطان جوهرة فلكرونة وشريبيل فللبيج وشعرها مجموع كعكة ومقادة مكياج خفيف والابتسامة فوجهها بقا غير كيبرق فعينيه وممتيقش عاد لحق عليها الحاج وعزيزة...)
عماد: (بقا غير حال فمو فرقية لي كانت فابهى حلة والابتسامة للي مفارقاتش شنايفها.. جامي ينسى هاد الابتسامة للي جابتلو تمام والغمازة للي كيدووب فيها خلاتو فلبلاصة يتشهاها كتر وكتر بالسيف السيد منين عرفها وهو كابت راسو دخل لباليزاات لبيت الدخلاني شاف فالصالون انواع شهاوي محطوطين مفهم والو ياله كان خلاها لبارح كتغوت شاف فعيشة للي كانت غير ساهة ولونها مخطوف جلس حداها حيت هوما منين كيجلسو بجوج وهوما تيو تيوحتى كولشي ولفهم ) اشمن زبلة دراي عاود
عائشة: (شافت فيه مغوبشة) قول لداك ولد عمك يبعدني
عماد: اممم عاد لول لبارح كتقوليلي كنبغيه
عائشة: عماد غنحماق قبيلة (سكتات)
عماد: اه اذا نتي سباب باش مجانيش غير قولي شنو درتي
عائشة: انا مدرت والو هو للي دار كان تابعني ومنين وقفت فواحد لبلاصة جا لعندي مهم هضرنا حتى ضرب يدو مع سرجم طموبيلتي وهرسو
عماد: اممم مشكلة
عائشة: ااه مشكلة حيت هرسلي الزاج ودابا خليتها عند تيكنسيان عماد: 😒 بيك الزاج ولا يونس
عائشة: شششت دابا يسمعونا (ناضت من تماك وطلعات لسطح شادة التيليفون باغا تصوني وخايفة من ردة فعل ديالو خصوصا منين غوت عليها وقالها تحيد من وجهو.. غمضات عينيها منين طابات النمرة ديالو ودوزات لابيل كيصوني والو ميجاوبش حتى كتقطع عاودات مرة اخرى والو قلبها غير زاد تزير هبطات منين مها عيطاتلها ودخلو لكوزينة يكملو لعشا وروينة للي من صباح وهوما كيوجدو) ماما واش غينعسو هنا
عزيزة: معرفت ابنتي حنا نوجدولهم باتو هنا راه دار ولدهم مباتوش للي بغاو
عائشة: مصاب يمشيو لدارهم غيديولي بلاصتي
عزيزة: ومالكي شارياها عليهم خدمي على راسك وديري دارك ونتي ماندتك كتمشي غير فتخربيق
عزيزة: (شادة مغرف) سكتي نتي ونتي وهاد لمسوفجة غتخلي العلامة فوجهك ال ابقيتي هنا سيري راه ممساليالكش دابا ولكن كلامنا مزال مسالا (هدات عليها وهي تمشي) ونتي يا بنت لكلاب باش تسكتي كتزيدي تشعليني واش باغا نخرجو على ختك
عائشة: اودي هاديك راه خاصها لعصى
عزيزة: علاه ياكما كدابز مع راجلها
عائشة: معرفت بيناتهم واش نمشي نعطيهم يغسلو امم كان داك ولد عمو بغا يجي منتسناوهش
عزيزة: يونس؟ واش غيجي
عائشة: معرفت يمكن
عزيزة: لا لا هداك ميجيش
عائشة: (بتنهيدة) حشومة على عمي الحاج يطردو داك نهار
عزيزة: اوا ابنتي للي دار الذنب يستاهل لعقوبة وعمك رتا على بنت الناس للي ضيعها يونس وبغا يصلح غلاط ديالو
عائشة: (قلبها كيزيد يتزير) لا متفلاش عليها باينة كانو مصاحبين وعلى مسمعت هي للي مشات معاه برجليها
عزيزة: رجليها ولا يديها حنا مشغلناش بيناتهم وتاليتهم غيتزوجو
عماد: لا غير ملهوف عليك احياتي وكتر متخيلي شنو قلتي تحيديه نتي ولا نوض انا
🔞🔞
عماد: لا غير ملهوف عليك احياتي وكتر متخيلي شنو قلتي تحيديه نتي ولا نوض انا نيت (ياله جا يوقف وهي تبعد حدا الحيط)
رقية: بعد مني واش معندكش نفس مكنحملكش
عماد: (كيقرب عندها بخطوات بطيئة) هاد الساعة عندي غير ** باغيك (وصل حداها دار يدو على الحيط وحنات راسها هافت يضربها هزات راسها فيه شد ذقنها بشوية) توحشت نقيسك
رقية: (بارتباك) انا مكنحملكش تقيسني
عماد: مع الوقت غتبغي وكتر مني انا (قرب وجهو ياله جات تهز يديها زرب عليها وشدهم وكمل طريقو لشنايفها وريقها يروي عطشو للي طول كتر وكتر بقا غير كيجبد فشنايفها وحلف حتى خلاها كتجاوب معاه طلق من يديها غير بشوية وبركبة درجلو بقا كيطلع لقفطان للي لابسة حتى شدو بيدو وحيدولها بطريقة للي مفهماتش وفاقت لقات راسها غير بكولون وتريكو شافت فيه زاد قرب لعندها ولوا يدو على خصرها ويد كيطلق شعرها)
رقية: (بارتباك كبير) عماد عفاك بعد مني
عماد: (مكيهضرش حيت عيا من لكلام دابا مكيفكرش.. هزها بين يديه وحطها فوق النموسية غير بشوية كانت كترجف واكترية منين حيدلها حوايجها بياسة ببياسة حتى بقات عريانة كاملة دارت يدها على وجهها حشمات بزاف اكترية مدة طويلة مشافها هاكا ولا وقعاات بيناتهم شي علاقة..
طفا الضو وشعل شمعة كبيرة فوق لكوافوز ورجع عندها بالزربة وحيد كاع حوايجو شافت حسو غبر ياله بغات تحل عينيها حتى كتحس بنفسو حدا رجليها عرفاات مكاين هروب وزيد غير نفسو للي كتصوط فيها خلات العافية شاعلة فقلبها بقا هكاك كيبوس اي بلاصة فيها حتى وصل ل*** هنا سالا معاها وخلاها كتغوت بلا خاطر لدرجة صدرها كيتهز وقلبها 180 درجة طلع لكرشها للي منفوخة غير شوية باسها وعاد كمل مسيرتو للي كلها شهوة ومتعة لرقية خلاها هي كترغبو ميوقفش)
رقية: (بلهفة ونفسها ميتقطع وعقلها غاايب على الواقع وعايش فعالم اخر للي وصلها ليه هو) ممممتوقفش
عماد: (بابتسامة جانبية واستمتاع كتر مكرههاشديما تكون هاكا ديما باغياه كما كان كيشوف فعينيها قبل ميوقع للي وقع ويدخل الشك بيناتهم..
فتح رجليها غير بشوية و🍌 كيلعب فلمرمى ديالو حتى هو وهي وصلو لمرحلة لي فاض بيهم كاس صبر وبغاو بجوج يكون واحد جسم واحد قلب واحد كينبض.. دخلو فيها بكل سلاسة حيت بعد هاد لغياب كامل غتكون تسدات ليها الجرحة وفعلا تعامل معاها حتى رجع الامر طبيعي وتقبلات الجسم الصلب للي دخل فشباكها بلعكس كانت اول مرة تحس بهاد المتعة والنشوة وفمدة قصيرة وصلو للحقيييقة وعماد فمو كلمة كنبغيك اروكا وعنقها بكل جهدو...
بقات هي محشية تحتو وكطلع معاها سخانة ولحشومة على شنو دارت بقات تحتو وهو معنقها غير حسات بيه غينوض غمضات عويناتها على اساس ناعسة باسها فجبهتها ناض غطاها وهو راضي واخا بغا ماكتر دخل دار دوش خفيف وخرج لقاها كما خلاها قلب فحوايجها ولبسها شي حاجة دافية ودخل فلفراش جبدها لعندو وغمض عينيه...)
عائشة: (مكتجابش مها للي كتهضر معاها ومعصبة كانت باغا تبات مع ختها ماشي حبا فيها لا باغا غير باش تشوف يونس كبقا حيت عارفاه غيجي لعماد)
عزيزة: صمك ابنت لحرام واش نتي هبيلة ختك باينة هي وراجلها مناقشين خليهم غير يتفاهمو بعدا مشتيش الشوهة للي كانت غدير مع ناسها وكان ماشي الطرش للي شبعت فيها تلبس وتستقبلهم
عائشة: (نافخة حنوكها) وبغيت غير نبقى الا كان شي خيط بيض ندخل بيناتهم
عزيزة: هاي هاي على خيط بيض نتي خيط بيض ماشي قبيلة بغيتي تشعلي لعافية بيني وبين ديك لعتوكة ديال فاطمة
عزيزة: باينة لحمك كياكلك هاد الليلة ياكما يحساب لمك كبرتي عليها محرت حتى فختك للي مزوجة وحاملة ولا حتى نطحن مك الكلبة ومتقادي
عائشة: (باستهزاء) مكدباتش منين قالتك مسوفجة (هربات لبيتها وطرقاتو وخلات مها كتغلي.. حلات السرجم وكتمنى يجي عندها معرفت علاش هاد الاحساس ولكن حسات بيه مقلق منها وهي زادت فيه واخا داكشي للي دارلها وداك العذاب الا حاسة بيه معذب وكان بالصح مباغيهاش لاش يبقى تابعها من بلاصة لبلاصة وكل مرة كتجرحو وتمرمدو عاد زيد عليها شحال مرة بغات تقتلو كاع واخا هكاك بقا تابعها وفالاخير خلا باه يطردو من الدار.. ندمات حيت مسمعاتش علاش باه خطبلو ناريمان.. قطع حبل افكارها صونيت مشات كتجري ولكن طارت ملامح الفرح كان معاد لاحت التيليفون وعاود صونا عليها) الو
معاد: ناعسة؟
عائشة: عاد كنت غنعس اليوم كنا معروضين عند ختي
معاد: اه مزيان مقلتيلي والو
عائشة: شنو نقولك؟
معاد: اممم غادي تخرجي وتمشي لعند ختك زعما قلت انا نعرف اي حاجة عليك ونتي تبغي تعرفي اي حاجة علية
عائشة: اممم معاد جاني نعاس وانا عييت هاد نهار
معاد: كما ديما خاصك غير تهربي مني
عائشة: لا غير عييت وراك عارف غدا الخدمة و.. (شافت التيليفون كان دايز دوبل ابيل وكان يونس) والله فية نعاس غدا نهضرو واخا
معاد: ماكل مطرد عليك شي واحد
عائشة: بففف معاد فية نعاس والله تصبح على خير (قطعات ياله بغات تشد يونس وهو يقطع عاودات صونات لقات تيليفون مطفي رجعات صونات كتر من 10 دلمرات تكرهات تخشات فبلاصتها وخلات السرجم محلول واخا كان لبرد حتى غفات..)
...اصبحنا واصبح الملك لله...
رقية: (حلات عينيها غير بشوية وحاسة براسها خانت راسها منين خلاتو يدير فيها مابغا لبارح كتشوف يدو مدورة على كريشتها وراسو حاشيه فعنقها مقدراتش تحرك من بلاصتها بقات هكاك كدابز بين عقلها وقلبها واحد عاجبو الحال ولاول مرة كتفهم معنى زواج وتعرف حلاوتو ولاخر كيلومها علاش درتي هاكا وكفاش نسيتي شنو دار فيك وللي يشك فيك مرة يشك فيك الف وعاد الضرب ولا الجلد للي دارلها داك نهار المشؤوم والسبان والتجريح محسات حتى باسها فعنقها)
عماد: صباح لخير حبيبة
رقية: (غير رخف يدو ناضت من حداه وبقات عاطياه بظهر)
عماد: (عرفها فاش كتفكر) خاصنا نمشيو لطبيب اليوم
رقية: اه فكرتيني اليوم غنطيح هادشي للي جامع بيناتنا
عماد: واخا لبسي حوايجك انا نتسناك ونيت بلا متفطري حيت خاصك ديري التحاليل قبل مديري العملية ومن بعد نديك لخدمتك (خرج من لبيت ومشا كيدندن فلكوزينة وكيوجد قهيوة حتى صونا عليه باه) صباح لخير الواليد رتاحيت شوية
عبد الله(اب عماد): الحمد الله اولدي كدايرة بنتي رقية كبقات ياكما عيات لبارح
عماد: لا راها بيخير نتسناها توجد ونمشيو لطبيب
عبد الله: ياك لباس اولدي؟ علاش تديها لطبيب
فاطمة(ام عماد): (كتشقلب عينيها) لخنات الخاوي هداك
عبد الله: (خنزر فيها وحتى ولدو مجاوبش) عماد قولي لاش طبيب
عماد: عادي غير كونترول عادي الواليد
عبد الله: اه اوا مزيان اولدي انا دابا ماشي لدار عمك محمد منين تكملو اجيو عندنا
عماد: اه واخا الواليد (قطع.. واخا هو ورقية فالمشاكيل الا مميبغيش مو تهضر عليها هاكا كمل قهوتو هضر مع لمساعد ديالو فالعيادة هو يفتح اليوم وصونا على يونس لقا تيليفون مطفي صونا على واحد خدام معاه عرفو راه فشي مهمة..
دخل لبيت لقا رقية خارجة من الدوش ومغوبشة ممتيقاش ان عماد غيدير داكشي للي قاتلو ويطيحو لبيبي هز حوايجو بلا ميهضر معاها وخرج من لبيت وبقات هي كتلبس وتقاد كملات خرجو واحد مكيهضر مع لاخر ركبو فطموبيل وزادو لطبيب نيشان..)
احمد: (شاف طموبيلة ديال عبد الله دايزة وشيرلو باش يطلع) غير سير انا غنجي
عبد الله: الله يرحم ليك الواليدين متعطلش نشوفو هاد لحريرة
احمد: (وقف عليه واحد السيد) كون هاني غير سير.. (شاف فيه باستغراب) السلام
...: وعليكم السلام نتا الحاج احمد
احمد: اه هو انا مممعرفتكش
معاد: (مد يدو) انا معاد الطاوسي مسبقلناش تعارفنا من قبل ولكن الا سمحتي وعطيتيني شوية من وقتك بغيت نقدم ليك راسي
رقية: (غير فينما داتها مساعدة طبيب كتمشي معاها وتشوف فعماد للي جالس وشاد تيليفونو ممصوقش وكيخرب فيه دخلات لغرفة التحليلات جبدات الدم ودير راديو قلبها تفافا تأكدات بالصح عماد غيديرلها خاطرها ودير عملية ومبقاش باغيها لا هي لا للي فكرشها..
جلسات فلكرسي كتسنى طبيب يدخل ودايرة يديها على كرشها مسخاتش تحايدو هي غير كتهضر متقدرش تقتل روح بريئة معندها حتى ذنب من غير واحد انه خلاها تزيد علاقتها تقوى مع عماد.. دخل طبيب)
طبيب: مدام رقية كتحسي بشي دوخة
رقية: (حركت راسها باه) اه
طبيب: سي نورمال حيت كاين للي مكيقدش على التحاليل.. ممكن تنعسي على ظهرك نشوفو لبيبي
رقية: (حركت راسها بلا) لا
طبيب: علاش
رقية: مبغيتش نشوفو (هنا دخل عماد وشافها مباغاش دير بكلام طبيب.. شافت فيه) مبغيتش
عماد: اه وبغيت نعرف صحتو كدايرة هو و(شاف فرقية) هو ومو
طبيب: عندكم وليد ان شاء الله والجنين بصحة مزيانة (بقا كيشرحلو على وزد وكول لعظام واي حاجة باينة وعماد على وجهو ابتسامة عريضة فرحان ومقداه فرحة واكترية منين سمع دقات قلبو شاف فرقية لقاها غير كضور عينيها معرفها واش باغية ولا مزالة مصرة على كلامها ولكن هو مغيسوقش ليها واخا يعرف يوصل معاها لمواصل خايبين لمهم الولد يبقى ويتولد وديك الساعة الا بغات لفراق تختار تبقى مع ولدها ولا تمشي وتخليهم بجوج يضبرو راسهم... خرج طبيب وخلاهم)
رقية: لا نتا نهار كنتي كتغتاصبني كنتي باغي تقتلني وحتى دابا اعتابرني ميتة
عماد: حبيبة كنت معصب وندمت صافي براكة من لخصام وخلينا نعيشو شوية حياتنا ضيعنا بزاف دالوقت
رقية: لا هدا ولدي انا وغنسميه (مكاحت فبالها حتى سمية من غير) غغغنسميه سامي
عماد: (هز حاجبو فيها وقف وبقا كيشوف) ديك لمرات نجاك مني يونس هاد لمرة غنقتلك وندفنك بيدي ولا نخلي ولدي معاك (لاح داك لمنديل للي كان كيمسحلها بيه فوق كرشها) سربي راسك انا برا كنتسناك
رقية: (حتى خرج) بخ على زبل ضاربني ومزال زايد فيه والله حتى نسميه انا غير صبر علية
~~~~~~~~~~~~~~~
احمد: (كيسلم عليه والابتسامة الصفرا فوجهو) يكون خير اولدي معاد: ان شاء الله الحاج نمرتي عندك وغنتسنى اتصالك بفارغ الصبر فاي وقت بغيتي وتكون هادي معرفة بيناتنا
احمد: ان شاء الله اولدي مع السلامة (مشا لدار صاحبو وفطريقو كيفكر فهاد معاد ولكلام للي قالو ليه وصل لقا لهايلالا عاود دخل وجلس حداهم يدخل بخيط بيض حيت عبد الله كيحماق على يونس ومبغاش هادشي للي دار فيه خوه اما لاهر راكب راسو نووون يتزوجها ولا عمرو يعرفو ويسخط عليه ليوم الدين...
اما عزيزة واقفة على نار كتسنى زهرة وتغطي غيابها واكترية منين محمد هاد الايام عصبي كتر من لقياس وكيدابز مع ذبان وجهو.. غير بانتلها تعرضات ليها وتخبعات فالجردة وحيدات جلابتها ودخلات من باب لكوزينة)
عزيزة: ياك لباس شنو درتي
زهرة: (وجهها مخطوف) غير سكتي يا ختي بستة وستين كشيفة باش تسلت بحال الشفارة ولكن الزغبي بقا فية
عزيزة: هاااااااه هي كلامنا خرج صحيح دارتلو شي حاجة
زهرة: هي قراتلي غير لكارتة راكي عارفاها ماكتحيد مكدير غير قالتلي راه كاينة شي حاجة للي مطيرالو نعاس (قادات فولار ديالها) نخرج نسلم على الناس ونجي
عزيزة: وبلا متديها فديك الويلة الا قالت شي كلمة نخليها واجي عاوديلي مزيان...
سيدتي الجزء 17
محتوى القصة
التنقل بين الأجزاء