ناريمان: (واقفة بطموبيلتها حدا لكوميساريا غير بان ليها فهد وهي تخرج) فهد!
فهد: (ضار باستغراب) اهلا مرات صاحبي (كيقولها وكيطنز عليها ويطلعها من رجليها لراسها)
ناريمان: فهد عفاك للي داز بيناتنا بلا متقولو ليونس
فهد: منحتاجش هو عارف كولشي بغيت غير نفهم واش هو معاك نتي ولا مع عائشة
ناريمان: (وجهها رجع حمر) مكاينة حتى وحدة سميتها عيشة ولا زبل هو خطيبي وقريب غنديرو لاكط
فهد: سي كاينة وبنت قرطاسة بالجهد وشحال وهوما بجوج (حك عنقو) ولكن بانتلي الساحة خوات اممم وانا نفهم علاش قلب علية فمرة قولي نتي سباب
ناريمان: كفاش كانو بجوج عندك شي تصاور شي حاجة تأكد وكفاش انا سباب باش قلب عليك
فهد: (زاد قرب حداها وهضر بشوية) شوفي انا خدام دابا ومشغول بغيتي تعرفي كولشي مرحبا نتي غير سولي وانا نجاوبك ولكن خليها لشي جليسة (بغمزة)
ناريمان: (جمعت شنايفها وكتكرز على سنانها وعارفاه لاش باغي يوصل) فهد راني قلتلك انا خطيبتة صاحبي
فهد: من حسن حظي مبقيناش صحاب اذا بلا ميظرك خاطرك ولا ضميرك نديرو بحال ديك الليلة كأننا عمرنا تشاوفنا ولا تعارفنا
ناريمان: صافي مبغيت نعرف والو
فهد: (هز كتافو ببرود) على خاطرك (عطاها بظهر ودخل للخدمة بقات هي واقفة خاصها تعرف بلاصة يونس للي غبر وبغات تعرف كتر واش تقضات شي لعبة من داكشي للي دارت وحطات فيهم فلوس صحييييحة بقا حل واحد تجربو دخلات لطموبيلتها طابات نمرتو ولكن لقاتها طافية رجعات صونات على ديك الشوافة للي قداتلها شغل وقالتلها مزال مبان والو ولكن طمأناتها منين قالتلها ماغيبانش فساعة خاص ليلة ونهار قطعات معاها ومشات لخدمتها للي فكازا)
~~~~~~~~~~~~~~
عماد: (كان كيتسناها وفديك اللحظة محاملش يشوف فيها بهاد المعنى تجاوزات جميع الحدود والخطوط الحمرة غير ركبات كسيرات عضر وهو منفخ) غتمشي للدار ولا لخدمة
رقية: تنا قلت لعيشة منجيش حيت دخت بزاف
عماد: (مجاوبهاش ومشا نيشان لدار عمو شافت فطريق كانت متسنياه يديها تفطر وحتى منين قالتلو دايخة مسوقش وصلو حدا دار عمو نزل وهي بقات كضور عينيها شافها مغتنزلش ورجع عندهة فتح لباب) كتسناي شي حاجة
رقية: قلتلك دايخة ومقلتيليش حتى ندير تفطري
عماد: شوفي كلمة متزيديهاش خطيني عليك هاد الساعة ها دار عمي دخلي وفطري خرجي بغيت نسد الطموبيل
رقية: (تصدمات فيه)
عماد: (بعنين كيغليو وبنبرة حادة) ياله خرجي
رقية: (بلعات الفقصة وخرجات غير جات تهضر لقاتو زرب ودخل تبعاتو وكانت مها تماك مسلماتش على رجال مشات نيشان حدا مها)
رقية: غير الجوع يمكن مع كنا عند طبيب ودرت شي تحاليل مفطرتش صباح وجينا من تماك نيشان لهنا
فاطمة: شنو بغيتي تقولي ولدي ممهليش فيك وكيخليك بالجوع حتى تجي عند الناس عاد تاكلي شنو يحسابلك ولدي كيسعى عليك
رقية: لااا م..
عزيزة: يهديك الله البنت قالت من طبيب نيشان لدار لا حولة ولا قوة الا بالله العلي العظيم بنتي شنو تشربي وشنو قالك طبيب (بقات فاطمة كتبركم)
رقية: والو غير شافو راه مزيان
فاطمة: انا بغيت ولد (شافت فعزيزة وشقلبات عينها) حنا معدناش فالعائلة الوحدة تولد بنت هي اللولة كنسميوها عايبة لبنات معندنا منديرو بيهم
عزيزة: عااارفة عندكم عيب
فاطمة: اوا هكاك
عزيزة: غير الله يهديك ودخلي الاسلام وتعرفي داكشي راه بمشيئة الله وبحال الولد بحال لبنت وربي للي مكتبلهم شنو غيولدو الله يهديك الله يهديك قراي شوية على الدين متجيش تقولي انا مسلمة ومتبعة طريق الله غير هاكاك (خلاتها حالة فمها ومالقات باش تجاوبها سرها وجوابها هداك)
رقية: (غير ساكتة ما عينها لعماد للي كعا عليها ولا لهاد شعشبونة للي من نهار اللول محملاهاش بقات كتاكل فصمت حتى دخل للصالة عليهم عماد وباه والحاج والابتسامة فوجههم هزات رقية عينيها فعماد ولكن لقات الصد مكيشوفش فيها)
عبد الله: بنتي الحمد الله على سلامتك
فاطمة: علاه مالها كانت مريضة كلع حنلنا ووقفنا على رجلينا
عبد الله: لواه افاطمة نتي خناتك بوحدك مولدتي عماد حتى شيبتيني
اشرف: غير سولتك وصافي قلت يمكن منين كنتي حتى نتي بايتة عند ختك تعرفي
عائشة: (بلعات ريقها) لا معرفتش ياكما شي حاجة كغاف زعما حيت سولتي
اشرف: (وقف وشاف فالساعة) لا مديريش فبالك (خرج ومشا المكتب ديالو وخلا عيشة فحيرة اكبر عمر اشرف مسول عيشة على يونس وهاد لمرة للي غبر هاكا وغير يوماين سول شافت فساعتها كانت 3 هزات صاكها وجات خارجة وقفات برا بغات تمشي للدار ولكن الطموبيل مزال كتقاد عيطات على تاكسي وبقات كتسنى حتى حسات بصباع فوق كتافها ضارت) اااه معاد صافا
معاد: علاش مكتجاوبيش على تيليفونك
عائشة: امممسمعتوش كبقات الوالدة صونات عليه صباح وهضرنا
معاد: وعلاش هي تتجاوبيها وانا لا
عائشة: (بابتسامة) حيت نتا نتا وهي هي امم كملتي خدمتك
معاد: لا مزال غير شفتك خارجة وتبعتك معلبالكش خليتيني بلا عقل محاسة بوالو اعائشة
عائشة: علاش ايونس خليتك بلا عقل
معاد: (بقا كيشوف فيها مدة وهز حاجبو) معاد اعائشة ماشي يونس كيبانلي كل واحد وهمو وكل واحد وشكون مطيرلو عقلو!! (دار يدو فجيبو) واخا صعيب تحطي شي واحد فبالك وهو ماشي ديالك
عائشة: اولا ماشي شغلك فين نتعلق ولا نتفلق وتانيا هداك غير ولد الجيران لا غير وتالتا منسمحلكش تقولي انا كنبلاني على شي واحد وهو خاطب (مقدراتش تكمل حيت حاسة بدموعها غينزلو ومبغاتوش يشوفها هكاك حيت قاس الوتر الحساس ديالها مشات بخطوات كبار تبعها تنترات من بين يديه حيت صافي دموعها دارو طريق جرا وجا قدامها ووقف فطريقها لقاها كتشهق)
معاد: عائشة مقصدتش نجرحك سمحيلي (بغات غير تمشي وكيوقفها شدها من كتافها) عفاك سمحيلي اناغير حيت كتعجبيني وبزاف
معاد: ديريني خوك صاحبك ولد جيرانكم للي بغيتي مهم انا مغنخليكش هاكا وغنوصلك (جرها من يديها واخا كتنتر ركبها فطموبيلتو ودار الصمطة هي كتفكر غير فكلامو اااه هي معولة ودايرة لغر على واحد خاطب وقريب يتزوج وباه مخيرو يا يتزوج يا يسخط عليه.. هو كيسوك وكيشوف فيها مرة مرة حتى) عائشة سمحيلي مبغيتش نقولك شي حاجة تجرحك
عائشة: (قلبات وجهها لزاج)
معاد: انا عارف كانت بيناتكم شي حاجة يمكن واعدك بزواج وتخلى عليك ومشا عند اخرى ولكن انا مغنخليكش
عائشة: حتى واحد مواعدني بزواج امعاد وانا وياك غير اصدقاء ولكن مرة اخرى متعداش حدود الصداقة ومتقولش كلام ماشي صحيح
معاد: اذا ما بينك وبينو والو
عائشة: شكون
معاد: يونس العماري
عائشة: (بعنين ذابلين) راك قلتي هو خاطب ومعرفتي بيه ولد صاحب بابا
معاد: غنتيق فكلامك
عائشة: كيبقى رأيك تيق ولا لا حيت انا مكندخلكش فحياتك
معاد: انا بغيتك دخلي فحياتي
عائشة: عفاك حطني غير هنا
معاد: (غير بغات تنزل شدلها فيديها) عائشة سمحيلي على قبيلة مبغيتش نبكيك ولا نقلقك تأكدي اخر واحد يبغي ياذيك هو انا
عائشة: (ابتاسمات وحركات راسها باه ومشات بقا متبعها حتى دخلات للسيكتور.. بقات كتفكر فكلام معاد وقلبها مقهور هزات تيليفون وبقات كتصوني على يونس والو كما العادة طافي تفكرات اخر مرة منين ضررب يدو فالزاج وكان صاعر من تماك معاود بان وعاد زيد كلام معاد للي حسسها انها رخيسة وكتبغي واحد ماشي ديالها.. دخلات لدارهم لقات غير جداها للي من نهار جات وهي بحال الامانة فينما تحطات تجلس باستلها يديها وراسها) فين ماما اجدة
ام عزيزة: راها فدار عمك ابنتي انا عاد جيت دابا وختك راها فبيتها ناعسة بغيت نرتاح شوية نسخنلك ابنتي تغداي
عائشة: لا غير خليك اجدة انا نسخنو.. ياك لباس علاش كنتو تماك
ام عزيزة: معرفت ابنتي كان كولشي مجموع ومشينا
عائشة: اااه وجا داك ولدو للي طردو داك نهار
ام عزيزة: لا ابنتي على مسمعت كيصونيو عليه ومكيجاوبهمش حتى سولو فلخدمة
عائشة: (بلهفة) اوا
ام عزيزة: اوا قالولهم راه فشي خدمة الله يهديه ابنتي حتى هو دارها قد راسو وهرب
عائشة: (بتنهيدة) اممم مزيان (مشات سخنات لغدا كلات ودخلات فيقات ختها تعطيها الرابور صحيح على شنو واقع..)
ممدوح: صاحبي راك عيقتي على صحتك كل مرة لاوي فاصمة على يديك سمعتي طبيب قالك المرة جاية تخسر يدك
يونس: (بلا مبالاة) واش داك صاحبنا هضر ولا مزال
ممدوح: بغيتي فيوماين يقول ولونكيط مزال فيه 10 ايام
يونس: بففف انا غدا نخرج من هنا نطلب شي ساعة خاصني نشعل تيليفوني ضروري
ممدوح: موحاااال الشاف براسو واحل وباغي يخرج يشعل تيليفونو ومخلاوهش رغب على 5 دقايق ووالو
يونس: وبزاااف قالو غير عشية صدقنا فكتر (جبد باكية دلكارو بغا يشعل بيدو للي مضروبة كانت كترجف شد بليمنية وبقا كيكمي واحد مور واحد باغي يهضر غير مع اشرف خوه يقولو راه كولشي بيخير وميتقلقوش عليه ويعرف باه كبقا اما عيشة راه مكره منها وعلى السم للي لسعاتو بيه..)
عبد الله: لا اولدي الله يرضي عليك غير سيرو وحنا صباح نجيو عندكم
عماد: با والله هاد الليلة حتى تباتوها فداري بغيت نحس حتى انا عندي والدية قرابين لية وماشي غير هاد الليلة غتبقاو حتى تمشيو 10 ايام جايبينها غتجلسوها معانا ويلا بغيتو نسافرو لشي بلاصة وندورو شوية غتكون احسن حاجة
فاطمة: اااه اولدي صراحة مكرهتش نمشي للشمال
عماد: (كاره الشمال من داكشي للي وقع فشهر العسل ولكن منين شاف اسرار مو وباغا تمشي مالقا ميقول غير تبسم) انا نمشي نجيب رقية ونمشيو للدار
عبد الله: واخا ولدي وشاورها بعدا على قضية سفر (غير جات تهضر فاطمة خنزرفيها وهي تسكت)
عماد: (دخل للدار لقا الحاج احمد جالس وساهي سلم عليه وجلس حداه بقا كيهضر معاه حتى خرجات عيشة وجلسات حداهم وباغا غير تعرف اخبار يونس ولكن والو حتى واحد مبردها ليها) احم اوا نخليكم ختي عيشة فيقي رقية نمشيو
احمد: كفاش تمشيو جلسو تعشاو ومن بعد سيرو لداركم
عماد: لا مصالحش الحاج راه معايا الواليد والوالدة
احمد: ومالنا حنا كرهناهم انا غنعيط لعبد الله سير نتا دخل عند مرتك انا نمشي نجيبهم عيشة دخلي ابنتي علمي ماماك
عماد: (عرف الحاج كلمتو مغتنزلش للارض خلاه على خاطرو ودخل عند رقية لقاها مزال ناعسة مبغاش يفيقها وهو اصلا كيتفادى يهضر معاها جلس كيشوف فيها وكيفكر غير فكلام للي قالت صباح حتى كيصوني تيليفونو كانت نمرة ماتريكيل اسبانيا وقف ومشا حدا السرجم كان دماغو كيفكر نيشان فكر فصاحب دعوتو) الو
فروس: (باللغة الالمانية حيت عماد مكيفهمش الاسبانية) هاي عماد سمحلي صدعتك ولكن بغيت نسول على يونس
عماد: اه فروس لباس عليك
فروس: بيخير ونتا لباس لمدام لباس عليها
عماد: لباس كنتي بغيتي تسولي على
فروس: اه بغيت نسول عليه حيت بغيت نجي للمغرب نشوف يوسف طلب مني نجي لعندو
عماد: اممم صراحة هو فشي خدمة ولكن غير اجي انا نتعرض ليك فالمطار
فروس: مبغيتش نصدعك
عماد: لا لا مكاين حتى شي مشكل غير صيفطيلي امتى تجي ونجي عندك
فروس: شكرا شكرا عماد بزاف
عماد: العفو ومرحبا بيك انا غنتكلف بكولشي (قطع وخرج حيت سمع حس باه جا.. غير سمعات لباب تسد حلات عينيها والقردة كتلعب فراسها معامن هضر وشكون هادي للي غيتعرضلها فلمطار كتغلي مبغاتش تنوض من بلاصتها بغات غير توصل لتيليفونو بقات كتعيط لادم حتى جا وصيفطاتو يجيب تيليفون عماد حتى رجع وصدمها منين قالها راه طافي زاد خلاها كطاطي فدماغها )
عماد: سلاو لعشا وكولشي كان مجمع الا رقية للي غير كضور عينيها ومتصرطاتش ليها انه مبغاش يعطيها تيليفونو وزاد دخلها الشك واكترية منين هضر بالالمانية تيقنات انها شي وحدة كان كيعرفها تماك ومنين بيناتهم هاد لمشاكيل قلب فجهة اخرى..
مشاو للدار كانت راكبة وكتسمعهم كيهضرو على شي سفر وهي غير كضور عينها متقدرش تهضر قدام باه كتحشم منو حتى وصلو للدار قداتلهم هي وعماد فين ينعسو دخلو يرتاحو وكدير عين ميكة على كلام العدوزة دخلات لبيتها وبقات ماشية جاية حتى دخل عماد محشاهاش ليها سدات لبيت ودوراتو من ذراعو
رقية: اشمن سفر ولا زبل كنتو كتهضرو عليه
عماد: (ببرود) كسمعتي والدية بغاو يتسراو شوية ونيت حتى انا قنطان ومااال ومخنووق هنا باغي نبدل الجو
رقية: (بلعات ريقها) مخنووق معايا
عماد: اه معاك شنو يحسابلك عايش فالنعيم معاك ديما صداع والمشاكيل حوايجي انا نصبنهم ناكل برا وغيير الا جات ختك ولا مك هوما للي كيطيبو مكتعرفيني مرضت ولا لا وعلاش حيت نتي بكذوبك وتخرويض ديالك خليتيني ندير فيك داك نهار هكاك طلبت منك سماحة الف مرة يوميا ووالو وزايداها باغا طيحي ولدي وصابرلك على هبالك وزيد بزااااف من نهار تزوجتك مفرحت معاك ولا حسيت عندي دار بحال اي واحد مزوج (قرب لوجهها ودار عينو فعينها) هنا تقادا صبري معاك
رقية: (دمعو عينيها وبقات غير جامدة من لبركان للي تطلق على وجهها واخا هكاك مزال محافظ على اعصابو وكيهضر غير بشوية)
عماد: ودابا ومحد مزال ممطلقين مبغيتش نخرج برا لق** ولا نمشي عند شي وحدة من للي كنت كنعرف قبل منعرفك غتمشي تبدلي حوايجك وتلبسي شي غوب للي معمركي ملبستيهم وتجي عندي
رقية: (ياله بغات تهضر وهو يحط صبعو فوق شنايفها وطلع معاها اكبر تخنزيرة)
عماد: مغتناقشينيش فهادشي خليني مكالمي حيت (لا لفيست ديالو) مبقاش كيهمني شنو نخسر وانا كنطالب غير بشي حاجة للي ديالي (بعد من حداها وجا داخل للدوش قبل ميسد لباب) نخرج لقاك مقادة ومكرهتش تبقاي بعقلك (بغمزة خفيفة) مكيعجبنيش نشدك سيف عليك
رقية: (طرطقات عينيها خلاها واقفة زاد الخل على لخليع مزال متفاهمات على قضية سفر وعلى المكالمة دقبيلة زادها بغا ينعس معاها واخا حاسة بيه بارد معاها وحيت نقطة ضعفها تجبد صداع حدا باه مشات لماريو وجبدات غوب فلغوز بقات كتلبسها شعلات الشوفاج فلبيت وجلسات قدام لمرايا محملاش راسها حسات براسها بغا غير يفرغ فيها كبتو وبقا فيها لكلام للي قال انه مخنوق حداه ومكتشوفش راسها غالطة حيت هو للي تعدا عليها وشكو وغيرتو من سامي غير مبررة وممنحقوش يعرف شي حاجة هو مكانش فيها...)
معاد: الوو كنت خايف متبغيش تجاوبيني ولا تبلوكيني كاع
عائشة: لا نجاوبك علاش حتى نبلوكيك
معاد: مقدرتش على دموعك
عائشة: (غير قال هاد لكلمة فكرها بيونس منين كان كيقولها كيذبحوني دموعك وطرطقات كتبكي قطعات عليه وبقات كتشهق توحشات يونس ولكن كلام معاد صحيح هو خاطب خاطب غيرها وباه مغيخليه حتى يتزوج ناريمان وعلاقتهم مستحيلة حيت كولشي وقف ضدو ومعتابرو مغتصب وتعدا على بنت وهرب من مسؤوليتها مسحات دموعها دغيا ومشات حدا السرجم وجاوبات معاد) الو
معاد: علاش مكتجاوبش
عائشة: غير جات ماما لبيت وقطعت راك عارف
معاد: اممم تبغي علاقتنا تكون رسمية وتهضري قدام اي واحد كما كان
عائشة: مفهمتش
معاد: والو حتى نتلقاو ونهضر معاك مباشرة حيت موضوع حساس ماشي ديال التيليفون
عماد: مكنمنعكش لبارح قدامك هضرت مع اشرف وقلتلو مغتتمشيش سيمانة ولفطور غتقاديه وبراكة من داك تبرهيش ديالك راك مزوجة الالة وعندك مسؤوليات ترباي شوية وكوني مصوابة غير شوية راه حتى واليدية فمقام واليديك هضرتي مغنعاودهاش مرة اخرى.. (خرج معصب من لبيت وغير كيكمكم بامكانو يسالي هاد لعذاب والجحيم للي ولا عايش فيه ولكن... هز طموبيلتو ومشا طيران لكازا خاصو يرجع دغيا باش يمشي لخدمتو يسني كونجي ديالو..)
رقية: يخخ على جنس تفووووو مبقيتش حاملاه الله يعطيه مصيبة الله يعطيه كسيدة هو يخرج يز** على خاطرو وانا نخدم جفاف على دارهم (ناضت وهي كتشنتر دوشات دوش خفيف سمعات صونيت دارت عليها بينوار ولوات باندة لشعرها وخرجات لقات عبد سلام جايب تقدية)
فاطمة: لا مزيان اجي ضربيني كاع ولكن مجبايهاش من برة بحالك بحال مك وديك لمسخوكة ديتل ختك معرفت ولدي اشمن ذنب دار فحياتو باش تبلى بيك
رقية: (بقات غير كتشوف فيها حيت هي مغندهاش مع لمعايرة بزاف عندها نيشان مع التطبيقي وزيد هي معصبة على عماد للي معرفاتوش شكون هادي للي مشا عندها وكتكمل عليها هاد شعشبونة)
فاطمة: وطرطقي فية دوك لعنين الا مخرجتكش من عين الابرة منتسماش فاطمة (طلعاتها وهبطاتها) قادي لفطور وحطيه يجيو يلقاوه واجد عيالات اخر الزمن تجيب كولشي واجد من الزنقة ولكن مزال عليك (خرجات ومشات جلسات فالصالة ودارت رجل على رجل اما رقية كانت على اعصابها مكرهاتش تنتفها على لكلام للي خرجات ولكن مبيدها والو تسنى حتى يجي عماد وتشكالو بقات كتسخن وتحط وتزوق كما كان الحال باه عزيز عليها بزاف وكان كان هنا ديك شعشبونة متقدرش تقولها حتى كلمة ناقصة حطات كولشي ولوخرا غير كتكمكم وحتى حاجة معجباها سمعات لباب مشات حلات كان اب عماد باستلو يدو دخل وفمو غير الكلمة الطيبة ليها وباينة من حالتو كان كيجري ويدير sport الصباحي دخل دوش وهي دخلات لبيت دغيا نشفات شعرها ولواتو كعكة خرجات ومشات تعمر اتاي على ميخرج عبد الله من الدوش...)
عائشة: (كتفطر حتى جا الحاج وجلس حداها فلكوزينا وكانت عزيزة خرجات لبيت ادم تلبسو حوايجو)
الحاج: بنتي اممم كتعرفي شي واحد
عائشة: (وحلاتلها) كح كح بابا شنو كتقول
الحاج: عادي ابنتي انا وياك موالفين مكنخبعو والو على بعضياتنا وبغيت نعرف كولشي من عندك نتي
عائشة: علاش شي واحد قالك شي حاجة علية نتا عارفني انا كلبس للي بغيت و..
عائشة: (فمها كان كياكلها وباغا تقولو اه عندي يونس باغا يونس جيبولي يونس هو راه ديالي من نهار حليت عينيا وانا باغاه غير هو ولكن فين الجرأة بقات ساكتة حتى حركات راسها بلا) علاش ابابا كتسولني
الحاج: علاش ممنحقيش نعرف كولشي على بنتي
عائشة: (بصوت منخفض وحاسة انه شي واحد قالو شي حاجة وياريت يكون يونس) من حقك. (وقفات) انا غنمشي
عائشة: (بقات غير كتفكر هزات تيليفونها رجعات صونات على يونس والو تيليفونو مطفي واليوم الخامس غتهبل وباغا تعرف اخبارو نزل الحاج ركبات معاه بقاو كيهضرو حتى وصلها للشركة نزلات بقا واقف منين شاف معاد تابعها وقفات سلمات عليه ودخلو عاد ديمارا ومشا فحالو)
~~~~~~~~~~~~~
فروس: شكرا عماد حيت استقبلتيني
عماد: ياك قلنا شكرا بلاش نتي بحال ختي صغيرة واخا فكرة تولدي هنا مدخلاتليش لدماغي خاطرتي براسك بزاف جيتي فهاد لوقيتة حساسة
فروس: كانت رغبة يوسف ومقدرتش نرفضها نتا عارفني شحال كنبغيه
عماد: مفقدتيش الامل؟ واكترية هو فالحبس واش يخرج ولا لا
فروس: عارفاه كان غالط وماشي فطريق غالط بزاف ودار حوايج مكيتغفروش ولكن مقدرتش نبعد عليه
عماد: (وصلها للفندق فين غيجيو عائلة يوسف باش يديوها للدار فاس) عاودي فكري مزيان افروس حيت هادي راه حياة طويلة وولادك غيكبرو ويبغيو يعرفو شكون هو الاب ديالهم
فروس: كنواعدك نفكر فكلامك (نزلات) حتى نتلقاو شكرا بزاف عماد وسلم على روكا...
عماد: (غير وصل للدار لقاهم كاملين مجموعين على طبلة لفطور خبرهم انه غيمشيو اليوم مور لفطور يشدو طريق شاف فرقية لقاها مطرطقة عينيها وففمها كلام ولكن مقدراش تنطق بيه وهدا افونطاج ليه عارفها كتحشم من واليديه وغير لسانها للي سليط وسابقها منين كيكونو الراس فالراس كملو لفطور وكلها دخل يجمع حوايجو باش يمشيو للشمال) جمعيلي حوايجي معاك
عماد: شنو كتسناي نجي ناقش معاك فين كاين حبيب القلب باش نشدو الوجهة براكة غير تبعتك ديك لمرات ودوزتيها علية
رقية: (بقات مبلوكية من ملامو ودمعتها على طرف عينها دخلات كتجري للحمام وصوت شهيقها كيتسمعلو متوقعاتوش فمرة يقولها هاكا وهو عارف مزيان مكان عندها حتى علاقة بالامر ولكن هدا هو حال اي راجل تجبدي معاه العيب يحطلك الضوسي لقديم واها يعرفك مظلومة او ظالمة المهم يدافع على راسو ورجولتو باي حاجة للي تخليك طيحي الراس... مشا لماريو كيجمع حوايجو وحيت عارف راسها قاسح جمعلها حوايجها واي حاجة تحتاج وحطلها اللبسة للي تلبس وخرج لبليزا لبرا مبغاش يبقى فلبيت باش ميتشادوش بقا مع باه فالصالة ميشوفو باش يبداو وشنو يسبقو وتافقو على 5 ايام للي يجلسوها ومن بعد نيشان يمشيو واليديه حتى لسبوع ويجيو شاف فرقية خارجة من لبيت ولابسة حاجة اخرى على للي حط كانت روعة فعينيه شحال هادي مشافها لابسة هاكا لباس شتوي بحال للي كانت كتلبس فالمانيا معاه خرجات والابتسامة فوجهها ولكن هو عارف عينيها ولبكى للي دازو منو كولشي وجد وركبو فطموبيلة باه حيت كبيرة وغتهزهم كما العادة اب عماد وعماد لقدام ولعيالات اللور غير طلعو دارت رقية ليكيت فودنيها وبقات كتخرب فتيليفونها وممسوقاش لعماد للي منين بدا يسوك وهو عين على طريق وعين عليها باغيها غير تهز عويناتها فيه ووالو النخااااال حتى باه ممسوقلوش لشنو كيقول محس حتى هز تيليفونو وبقا بيد كيصوك ويد كتكتب ليها ميساج) #حيدي_لزيات_من_ودنيك_وشاركينا_طريق
عماد: (خبط لفولون غير بيد حتى تهز باه ومو اما هي مجهظة لموسيقى على لخر وكتشاطي مع عيشة)
عبد الله: ولدي ياك لباس
عماد: 😡لا والو غير تفكرت مسنيتش شي وراق فلخدمة
فاطمة: ولدي الا كانو مهمين نرجعو حتى تكمل شغلك محد مبعدناش بزاف
عماد: لا لا ماشي مشكل انا غنهضر مع صاحبي هو يتكلف (بقا كيصوك وعينو غير عليها وصلو لقصر لكبير ونزلو يتغداو غير سبق باه ومو مشا عندها ونتر ليها تيليفون)
رقية: عطيني تيليفوني ابنادم
عماد: (خبطو مع الارض وزاد وطا عليه بصباطو قبل ميدور باه هزو ورقية غير مصدومة كان مشخشخ كولو) بلا متقلقي راسك نوصلو وناخدلك واحد
فاطمة: (كتشقلب عينيها) لا حولة حتى تيليفون مقادة تهزو
عبد الله: فاطمة دراري بيناتهم وبنتي روكا انا للي نشريلها تيليفون للي بغاات ياله اجي تجلسي ابنتي وختاري شنو تبغي تاكلي (شافت فعدوزتها بمعنى موتي فسمك اما عماد باقا غير منخلاه وهو مكرهش يشعل تيليفونها يعرف غير شنو كانت كتقول ياله بغا يلوحو)
رقية: قبل متلوحو اعماد جبد النمرة حيت محتاجها وفيها نوامر مهمين بزاف (بابتسامة صفرا ودارت تكمل مع عبد الله لكلام اما عماد ومو غير كيكلو روحوهم وكل واحد ممرهش يشدها يوريها هاد الاعصاب للي معيشاهم فيها دابا وكتكملها بضحكتها كان شيئا لم يقع غير تغداو كملو طريقهم حتى وصلو لطنجة وهاد لمرة عماد مشا لدار اخرى كبيرة شوية وبعيدة على داك السيكتور للي كانو فيه فشهر العسل...)
عائشة: (جالسة حاطة يدها على خدها وكتفكر فكلام الحاج حتى جا معاد بقات كتشوف فيه ومكرهاتش تقولو سيييييير فحالك مباغاش نشوفك وكلامو للي كان قال مبغاش يتصرطلها)
معاد: صافا؟
عائشة: الحمد الله
معاد: نخرجو نتغداو؟ زعما الا قديتي الا مفيك متخرجي نمشي نجيب لغدا ونهبطو لتحت نتغداو
عائشة: لا غير كملت لخدمة ديالي وزعما الا مكانتش شي حاجة اخرى بغيت نمشي
اشرف: لا مكاين والو هاد نهار تبغي نوصلك ولا جبتي طموبيلتك
عائشة: لا غير خليك صونيت على تاكسي
اشرف: واخا (خرجات هبطات مع دروج مشافت لا يمين لا يسار مباغاش تشوف فمعاد بقات كتسنى تاكسي متعطلاتش علبها ومشات نيشان للدار للي كان كتبلها يونس خلات التاكسي كتسناها وفتحات لباب وقلبها كيضرب شحال تمنات يكون تماك قلبات الدار كاملة ووالو حتى شي حاجة مكدل انه كان هنا خرجات ركبات فالتاكسي وفطريقها مبانلها دوز غير من حدا لكوميساريا) صافي اخويا غير هنا (خلصاتو ونزلات بقات فبلاصتها واقفة مزعماتش دخل وتسول عليه حتى وقف عليها فهد للي معندو شغل فهاد الدنيا ومقابل غير لبنات وكيطيح غير فللي كتسول على يونس)
فهد: عائشة!! شنو كديري هنا؟ دخلي اجي للمكتب ديالي
عائشة: (كتخنزر فيه وطلع وتهبط) لا داكشي للي بقا غير ندخل عندك واش نتا لباس كتعرفني باش توقف علية
عائشة: (زاد شعلها مزيان ياله بغات تمشي وتخليه) غتحيد يديك ولا غنخليك فراجة هنا
فهد: (بابتسامة) هاي هاي على لقطيطة خرجو ليها نياب
عائشة: بففف على حامض بغيت غير نفهم نتا مناش مصنوع للي جا كيمسح فيك رجليه ومزال باقي عند لوجه (خلاتو واقف وزادت وعرفات منين شدها هنا وبقا واقف وواخد راحتو الا يونس مكاينش ولا كاين ومبقاش مسوقلها طلع ولا تهبط غتجنن وتعرف فبن كاين وفين غبر عليها شدات تاكسي ومشات لدارهم وهي مجننة دخلات لبيتها وجبدات عليها بنعسة باش تنسى شنو واقع)
المحامي: كاينة ثغرة وحدة فالقانون للي تخليه يخرج من الحبس ولكن غيدخل فمتاهة كبر
حميد(اخ ابو لقيصر وهو طبيب امراض عقلية ف*** كبير على يوسف ب2 عمايان): اه يعني خاصو يكون هبيل
اخ يوسف: (باستهزاء) وهاد لفلوس مبانلكش تصيفط منهم قبل متحبس ولا حتى طحتي فالحفرة عاد بانتلك عائلتك تعاونك
يوسف: حمييد ماشي وقت هاد لهضرة وحتى دابا نغرقك فلوس خاص غير نخرج من هنا
المحامي: مهم الا بغيتي هاد الخطة خاصك تبدا تاخد دوا
يوسف: دوا اشمن دوا ياك غير نمثل؟
المحامي: لا ضروري مغيكشفو عليك ونتا دخلت لحبس صحا سلام ميمكنش بين ليلة ونهار وليتي هبيل ضروري متبقا تعاطى شي مخدر باش يبان فتحاليل الدم ان دمك ملوث
يوسف: (بتنهيدة) ولكن
المحامي: نتا غتبقى تخدر يوميا وبدوز كبيرة باش دغيا يبان فيك ووومن بعد غتعالج المهم هو يبان عليك علامات التعاطي للي يوصل تهبل
حميد: فكرة مزيانة ونتا عارف راسك مباغيش تبلى غتكون ساهلة تقطع دروك.. كاين للي كل ليلة غيبقى يجيبلك لهروين وشيرا ونتا متزكل والو ومن بعد نشوفو شكون يبقى يدك ليك شواك
يوسف: وهادشي مغيكونش عندو شي تأثير على صحتي؟
حميد: ضروري غيكون شي تاثير نتا منين يجيبوك للمصحة عندي انا غنعرف كفاش نداويك ماشي نزيد نكفسها عليك كما كيديرو مع باقي المتعاطيين (تسالا موعد الزيارة) مهم متنساش غتبدا من هاد الليلة
يوسف: واخ واش فروس وصلات عندكم
حميد: اه غير كون هاني..
~~~~~~~~~~~~~~~~
رقية: (من بعد مكل واحد شد بيت ليه دخلات وحيدات لمونطو ولبوط وهي كدندن غير باش متبينش لعماد للي واقف على راسها بحال عزرائيل انها غتموت بلفقصة على شنو كيدير فيها بدا بديك خيتي للي تلاقا بيها وكملها منين شخشخ ليها تيليفونها.. كملات هزات فوطة من باليزتها وجات خارجة برا تمشي للحمام حتى شدها من ذراعها)
عماد: معامن كنتي كتهضري قبيلة
رقية: ماشي شغلك سولتك انا معامن كنت صباح
عماد: انا للي كنسول هنا رخفتلك كتر من لقياس حتى طلعتي لسما
رقية: (حيدات يديها وشافت فيه بتحدي) حتى واحد مضربك على يديك (طرطقات عينيها فيه) انا باغا نطلق منك
عماد: (جمع معاها بتصرفيقة حتى تزدح وجهها من الحيط.. بقات شادة فحنكها وشعرها تخربق فوجهها) وهدا جوابي (فتح لباب بكل غضب وهو يلقى مو واقفة حدا لباب شدها كتصنت عليهم شاف فمو وسد لباب على رقية) شنو واقفة كديري الولدة؟؟؟؟
عماد: شنو واقفة كديري الولدة؟؟؟ كتصنتي علينا؟
فاطمة: (كتفافا) ككفاش كنتصنت انا سمعت غواتكم جاب الله باه مكانش هنا واش هاد لمخلوقة باغا طلاق
عماد: غنفهمك حاجة واخر مرة نقولهالك اولا انا متزوجتك حتى كنت عييت من داك العالم ومنين فكرت نتزوج لحت كولشي من مور ظهري كما قلتلك قبل حتى منبغيك كنت كنقلب على بنت الناس حيت اولا باغي نتنقى من عالم الفساد ونتقرب من الله وعااد حيت كنبغيها يعني فكرة الخيانة ونخرج نفسد فبلاصة اخرى مغنديرهاش ماشي غير حيت كنبغيك لا حيت كنبغي حتى راسي ومبغيتش هاد طريق
رقية: وفين الرومانسية فهاد لهضرة؟
عماد: كاينة احبيبة ولكن قبل عطيني فرصة نكونو مزيانين
رقية: مكنتيقش فيك دابا تقولي هضرة ومن بعد كتحول وتسيف ونتا كدير هادشي غير باش ت..
عماد: شنو باش شنو
رقية: نتا فاهم
عماد: (بتنهيدة) عاودي جربيني
رقية: بحال نسيتي عاد قبيلة صرفقتيني
عماد: (غوبش) اه وعاودي جبدي طلاق على فمك غنقتلك حيت ديك الكلمة بعيدة علينا ومبغيتهاش تبقا فمك عادة
رقية: بفففف نتا هو نتا (جات نايضة وهو يشدها وقرب منهاا) عماد خاصنا نخرجو وانا جعت بزاف
عماد: (حيد رجلو) صافي نعتابرك وافقتي تعطيني فرصة جديدة
رقية: (وقفات وهزات كتافها) منعرف (هزات فوطة وخرجات من لبيت وخلاتو فحيرة واش اه ولا لا...)
يونس: (جالس على اعصابو وكيحسب الساعات غير باش يطلقوهم يمشيو) بففففف ندمت حتى قبلت نجي
يونس: اودي هي سبابي باش جيت هنا (حيت كيتيق فيه ودري جونتي بزاف عندو نيشان نيشان كان كيشوفو شحال من مرة معاها وشي مرات كيوصل ليها شي حاجة من يونس فاش كان مميصلاحلوش يتلاقا بيعا فالمانيا)
يونس: (شاف فيه بنص عين ونتر لكارو) وصلاك شي تنقنيقة حتى نتا
ممدوح: وصراحة اخاي نتا عارف معزك عندي وووو زعما نتا معارفهاش كتزيكزلكي انا مكرني باطل على حد ولكن شفت بعيني
يونس: اش شفتي
ممدوح: نتا قلتي هي لعباتها صح وقالت لباك نتا غتاصبتيها سيف عليها منين كنتي معاها ومبقاتش بنت وبسبابك حتى واحد مبغى يتزوجها وللي جا كيهرب بسباب هاد النقطة وهي باغا تزوج وتستر راسها على الاقل للي سولها يقول كانت مزوجة ومطلقة
يونس: اااايه ولكن نتا شنو عارف
ممدوح: معندي منخبي عليك فهد ديجا طايح معاها وكنعرف ناس كانت معاهم ولمصلاحتها كدير اي حاجة
يونس: (وجهو حمار وكان غيطرطق جاه احساس فشكل راسو كان غيطرطق عليه)
ممدوح: باينة كنتي عارف هاد لقضية.. يونس انا مكنكدبش عليك كنت معاه ونتا عارفني مكنبغيش ندوي على لبنات
يونس: (لاح راسو على لكرسي وربع يديه) راني قلتلك كولشي اممدوح براسي مظلوم والواليد الله يهديه مبغاش يحل عينيه ولكن كولشي بلمكتاب
ممدوح: كاينة كولشي بلمكتاب وشوف ربي شنو داير ليكم وحتى الا كنتي سباب باش غتستر ديك لبنت م...
يونس: (شاف فيه بتخنزيرة وناض من حداه دخل لشومبر للي كينعس فيها...)
عماد: (الوقت كامل كيحاول غير يراضي رقية دازو 4ايام وهي كتشوف شنو كيدير عليها ورجع كيديرلها بحال لما لقليل نفس تعامل للي كان فالمانيا وحسن بدوبل جا نهار التالي سمع مو كتهضر مع باه بقا واقف حدا الصالة كيتصنت حيت الموضوع عليه هو ورقية)
فاطمة: (مرضاتش) بسبابك نتي دخلي لعائلتي باش تشتتيها
عبد الله: (بلغوات) فااااااطمة غتزيدي كلمة وحدة (دخل عماد بجرا منين سمع لغوات حيت مكانش بعيد)
عماد: شنو واقع الواليد علاش كتغوت (كان عارف علاش ولكن واش رقية سمعات داكشي ولا لا حيت مبغاش يرجع داك الشك للي كان واحد نهار غيقتلها بيه واكترية دابا منين بغا يصلح الامور)
عبد الله: والو جمعو حوايجكم باش نرجعو
عماد: الوالدة شنو كاين ياك تافقنا نزيدو يوماين
عبد الله: ولدي براكة نتوما الا بغبتو تجلسو خليكم انا ومك غنمشيو براكة علينا ومتنساش كخلينا عمك مريض
رقية: غتخرج دابا باش نجمع حوايجي وسير نتا كالمي الجو ياله سير (خرجاتو من لبيت عاد وقفات مفقوسة من كلام مو للي بحال السم كل مرة كتزيد تاخد موقف من عندها معرفتش علاش كتكرها ولكن الشعور رجع متبادل.. كملو جميع لحوايج وشدو طريق لمدينتهم....)
رقية: الو ماما وي.. اه حنا جايين.. عماد مععش نكونو تماك ان شاء الله
عبد الله: (كيلعن الشيطان) واخا بنتي نوصلو ونمشيو لداركم
رقية: (تمسكنات حيت الا جاوباتها غتعطيها شنو بغات وفاطمة بغات تبينها خايبة بأي ثمن ولكن ماشي مع بنت عزيزة) سمحولي مقلتهالكمش هئ هئ والله منويت شي حاجة خايبة انا غير ماما قالتلي تجيو عيانين من سفر وهي وبابا بغاوكم تجيو ترتاحو
عماد: (وقف الطموبيل وغوبش وحتى عبد الله ضاار كيسكت رقية انا فاطمة غير كضور عينيها.. خرح عماد وفتح باب الطموبيل ومد يدو لرقية خرجها وسد لباب) حبيبتي متبكيش الوالدة راه مقصداتش ت..
رقية: انا مبغيتهمش يفهمو غلاط ماما قالتلي وانا قلت ونتا كتعرفهم فوقما سافرنا ولا مرض شي واحد لعشا كيكون عندهم
عماد: عارف هارف اخياتي المهم نتي ماقلقيش روحك متديش عليها ومسحيها فية راك شفتي قبيلة هي والوابيد تناقشو وبقات معصبة راكي عارفة الوالدة وعاودتلك عليها
رقية: لا انا كاع مبقى فية الحال عليها انا غير منبغيهاش تكرهني ويحسابلها كنتحكم فيها
عماد: (كيمسحلها دموع من عينيها) انا كنعتادر منك احبيبة نتي غير متقلقيش راسك وحيدي هاد الافمار من دماغك
رقية: (حركت راسها باه)
عماد: نكملو؟
رقية: اه واخا معليش نتكى شوية حيت راسي ضرني
عماد: اه احبيبة خودي راحتك (ركبها ودارلها حزام السلامة ومشا هو ركب فبلاصتو حيد لموسيقى وكمل سوكانو ومولاش هضر مع مو للي ضربات الطم علم الله شنو قالها عبد الله..
وصلو مع 8 لقاو الحاج كيتسناهم وكانو معيطين حتى على اشرف ومرتو واب يونس وزهرة دخلات رقية نيشان لبيتها لقديم ولحقات عليها ختها)
عائشة: امدرا كدازت هاد لمشية درتي عقلك ولا مزال
رقية: هانا قلت ولدي ميترباش بعيد على باه
عائشة: (كتعيبها) اشمن فلم تعلمتي منو هاد لهضرة تي جمعي راسك وقابلي راجلك ودارك ولا غتوقع شي حاجة للي تندمي عليها حياتك كاملة
رقية: هادشي الا خلاتنا مو نكملوها يا ختي غير كتلوح علية فالباطل ومكتحملنيش
ام يوسف: (بفرحة) اه اولدي ولدات مسكينة واخا تعذبات
يوسف: ياكما معاملوهاش مزيان
ام يوسف: لا ولدي كما وصيتي خديناها لاحسن عيادة وولدات وليد غزيييول يتربى فعزك ان شاء الله اولدي
يوسف: (بتنهيدة) ان شاء الله ان شاء الله واش فرووس حداك
ام يوسف: لا ولدي مشيت للدار نجيبلها ماكلة تقوت بها خليت معاها مرت خوك حميد
يوسف: ( صونا باش يقطع) متنسايش الوالدة سميوه قيصر
ام يوسف: واخ... الو الو ولدي
يوسف: جلس وهو مبتاسم واخيرا ولد ولد كما كان كيتمنى وغيسميه قيصر هاد الاسم للي كان كود بينو وبين عزيزة هو ماشي كيبغيها وميت فهيامها الا هي كتبقى ذكرى زوينة ليه واول حب ففترة المراهقة
#فلاش_باك 24 عام اللور
يوسف: (كانو فسطح مخبيين فلقفص للي كيديرو فيه دجاج وبيبي جالسة على حجرو وهو معنقها بيد ويد كيلعب فحنوكها) عرفتي اعزيزة فاش نتزوجو بغيتك تولدي بزااف ديال دراري
عزيزة: لا انا غير باغا بنيتة وولد لبنت نسميها ريم والولد نسميه قيصر
ام يوسف: اش غنسكت اولد لحرام كنت عارفة بيناتكم الويل شي حاجة
اب عزيزة: اش واقع (شاف بنتو للي مخبية حدا دجاج وكتبكي تصدم وبحال تكب عليه سطل ديال لما...)
يوسف: (منين شاف كولشي طلع للسطح وروينة ناضت خاف على راسو واكترية منين شافهم كيضربو فعزيزة بغا يهرب ساعة كان عمو سابقو وشدو من عنقو كيضرب فيه حتى حاسروهم فقنت)
عزيزة: هئ هئ والله ابا مدرنا شي حاجة حنا غنتزوجو ها هو سول كاع يوسف راه كان باغي غير يكمل قرايتو ويخطبني
يوسف: عرف راسو غيتزرف بقا غير كيبلاني وممسوقش لبكى عزيزة وتاوهاتها ولكن للي مدارش فبالو هو بقاو عاسين عليهم باش يديو عزيزة لطبيب نزلوهم للدار ويقاو بحال المجريمين والعصى للي كتامل عزيزة مكيكلهاش يوسف للي غير كيضور عينيه...
غير ضربات 8 دصباح هزو عزيزة لطبيب وااصدمة هي منين لقاوها حاملة (طاحت سخفات فلبلاصة اما عمتها بقات عليعا غير بالطرش هزهم حميد فطموبيلتو وداوها للدار كانت عزيزة مصفوعة ولكن املها الوحيد هو يوسف للي غيدافع عليها ويتزوجها ويديرو العرس..
غير وصلو شافو روينة شنو وقع يوسف هرب وهز معاه اي فرنك ولا ذهب جا قدامو هنا عزيزة كاحت ليها النقطة عرفاتو خوا بيها وبالمعنى حشالها قضا غراضو وعلق كولشي ساق لخبار انها حاملة مفاقت من الصدمة حتى لقات راسها مليوحة فالزنقة لا حنين لا رحيم عرفات انها بقات فالشاريع بوحدها هي وللي فكرشها..
يوسف منين هرب مكانش فخبارو خلا عزيزة حاملة بقات فيه ولكن هو كان طموحو كبر ميتزوج بنت عمو ويتبع خدمة جدودو بقا ذكرى عزيزة فقلبو وعقلو ولكن عمرو ندم انه خلاها وسطهم واش يقتلوها ولا يخليوها خية للي كان عارفو الوقت كافي يمحي وينسي كولشي)
#عدنا
يوسف: قيصر ههه مزال معرفت حتى شنو كتعني ولكن من نهار قلتي هاد سمية وهي فبالي وحلفت حتى نسمي ولدي بهاد سمية براكة غير لقب ابو لقيصر خلاتني ملياردير بين ليلة ونهار (شاف فالسرجم بين القطبان ديال لحديد سما ورجع لاح يدو بين لملاية ولحديد وجبد 2 حبات ديال لقرقوبي ولكن من النوع لمجهد دارهم فمو وهز قرعة دلما شرب ومسح فمو) غنخرج من هنا وفالقريييب...
~~~~~~~~~~~~~~
عماد: الواليد صافي غير رخف عليها
عبد الله: معرفتش اولدي شنو كيوقعلها لهيه مكلقا معاها حتى مشكل وراك شفتي منين كتجي هنا
عماد: عادي الواليد راه هي الكل فالكل وعفاك متبقاش تغوت عليها قدامنا راه كتزيد تعصب وصافي
عبد الله: لا اله الا الله اولدي مهم نتا سير دي مرتك حنا غنبقاو فدار عمك راك شفتيه كولات حالتو مغنخليهش هاكا ونيت من الاحسن حتى لغظا ونجيو نباتو
عماد: واخا الواليد تهلا فراسك وفالوالدة بلا متعصب عليها (هز رقية ومشاو لدارهم..)
عزيزة: (جالسين على طبلة دلفطور ماملين وكيفطرو وعزيزة غير كتغمز الحاح وكظحك حتى دخلات الشك لبنتها للي منين بظات مها تحط لفطور وهي حاضياها)
عائشة: ماما فرحينا معاك ياكما جاي فطريق شي اخ ولا اخت جديدة
عزيزة: (خرجات عينها فبنتها حيت حشمات من مها) الله يمسخك هادي هضرة تقال
عائشة: ومالي شنو قلت ماشي شي حاحة خايبة والله مكرهنا شي بجغوط ولا بجغوطة
الحاج: (شاف فنسيبتو) كولي الحاجة بلا متردي لبال مع هاد جوجات غادي غير يحمقوك ويخليوك بلا ماكلة
عائشة: اممم انا بعدا مكرهتش والله
عزيزة: حتى حنا ابنتي مكرهناش ولكن بغيناه منك ننتي
عائشة: (بابتسامة استهزاء) منين
عزيزة: اواااا ابنتي جاو فيك الخطاب والراجل تبارك الله ما فيه ميتعاب وشحال وهو ماشي جاي عليك
عائشة: كح كح واش انا بالصح داوية (تزنكات) وشكون (قلبها ميضرب احساس قوي انه يونس)
الحاج: راك كتعرفيه ابنتي وكتعرفيه مزيان
عائشة: (بابتسامة كتحاول تخبيها ووالو مقدراتش ولكن مبغاتش دير بحال ديك لمرات وتسبق الفرح بليلة وفالتالي تخرك عليها دمموع دم) شششكون ابابا
الحاج: واحد السيد خدام معاك فنفس الشركة سميتو معاد كتعرفيه
عائشة: (تبدلو ملامح وجهها) معاد!!!
عزيزة: لبارح منين خرجنا انا وباك جا وقف علينا عاود وقالك واش فكرتو وفاتحناك فالمموضوع حيت واخا خدام معاك مبغا يقولك والو وفكر يدخل الدار من بابها.. انا بعدا عجبني ابنتي الله يكمل عليك بالخير
عائشة: (رجعات تصدمات عاود نفس الديكور كيتعاود يونس غابر ديك لمرات كان هو خطب وظابا هي كتخكب وهو فييييين من هادشي كامل قضية انه خدام وطافي تيليفونو مدخلاتلهاشش يمكن بالصح راه معاها وهي كتشوى بوحدها.. ناضت من فوق الطبلة ودخلات لبيتها خلات مها كتعيطلها وفهمو انها غير حشمانة.. لبسات عويشة حوايجها وهي غير كتبكي بقات ماشية جاية فلبيت حتى بردات شوية رجعات قدات وجهها كتخبي اثار حزنها وبكاها هزات تيليفونها بيدين كيرجفو وخرجات متسلتة من الدار بلا ميشوفها شي واحد...)
عماد: (شاف الحاج جالس حدا لمحال ديالو مشا حداه وسلم عليه) الحاج هانتا هنا
اشرف: قليل منين كنتجمعو فشي اجتماع ولا منين كيكون شي غيينيو كبير
الحاج: اه (شاف يونس ناض من بلاصتو) يونس فين غادي؟
يونس: عيطولي فلخدمة انا جيت غير نشوفكم ونرجع فين كنت عمي عبد الله حتى نتشاوفو عماد التيليفون بيناتنا (خرج وتبعو الحاج وبقاو كيتمشاو) شفتي الحاج ككيديرلي
الحاج: مالك فيديك بعدا عاود رجعتي كضرب للي جات قدامك
يونس: (شاف فيدو) اودي مكيخليك حتى واحد على خاطرك (بتنهيدة) كدايرة خالتي عزيزة وادم ووعيشة
الحاج: كولشي بيخير هاد الساعة باك متديش عليه راك عارف هو مبغاش هادشي ولكن ايونس كان عليك تفكر نهار اللول
يونس: فاش غنفكر صافي غلطنا بجوج وكولها شد تيقارو واش انا غنتزوج وحدو صحابي كاملين دايرين يديهم فيها
الحاج: اوا منين عارفها هاكا كون بعدتي عليها من اللول ونتا مكتنكرش انك اللول
يونس: بففف اللول ولا التالي فاش كيهم
الحاج: لواه اولدي لبنات ماشي لعبة لعبو بيهم كبغينا دابا تولدهم وتعرف وباك هدا المقصود ديالو غلطتي صحح غلاطك ومن بعد تفاهمو ولا طلقو
يونس: الحاج راني قلتلك رسيت مع بنت الناس وكولشي ضاع ودابا كتقولي نتزوج هادي
الحاج: وهاد لبنت مغيسولوش عليك راه الا عرفوك ضيعتي بنت قبل مغيقبلوش فكر ايونس
يونس: (تعصب بلمزيان) سمحلي الحاج كلامك ديما على صواب الا هاد لمرة هاد ناريمان فين كانت هاد 7 سنين كاملة عاد بانلها انا ضيعتها وبغات تستر. (شاف راسو غيتعصب فلهضرة معاه براكة غير لكلام للي سمعو منو) مهم نخليك دابا انا نمشي نقضي شي غراض فلخدمة حتى ندوز عندك (مشا وهو كينكر حتى كيسمع خوه كيعيطلو)
اشرف: مالك زربان وقف غير عطينا صوابنا راك 10 ايام ونتا غابر
يونس: اشرف خويا راسي غيتفركع بغيت نمشي نرتاح
اشرف: وعلاه مالها دار باك مترتاح فيها صافي نسا داكشي
يونس: اش غنسى واش حتى سلام مبغا يسلم مالي شنو داير قاتل روح ق** ومغنتزوجهاش وسالينا
اشرف: اممم ياله رجع لدار
يونس: خاي اشرف خليني عليك هاد الساعة (كيهضر ومرة مرة كيشوف جيهة دار الحاج)
اشرف: واش مزال حاط العين على عيشة بنت الحاج
يونس: اودي هاد الساعة باغي غير ارتاح
اشرف: اه اوا منين هاكا خليها تزوج حتى هي ودير وليداتها وخليك نتا ترتاح
يونس: (شاف فيه بنص عين) كفاش تزوج واش تخطبات ولا شنو
اشرف: عاد زعما فالقريب باقي غير الحاج كيقلب على اخبارو ووصاني حتى انا عليه مهم ما علينا سير عندي للدار ورتاح
يونس: (راسو داخ كتر) بلاتي واش داوي بالصح عيشة غتخطب ولا شنو وكفاش وصاك الحاج
شوفي فية اعيشة (شافت فيه) باغيك تكوني مرتي (قرب من حداها كتر بخفة حد يدو على حنكها) بغيتك منين عرفتك مزيان رتاحيت ليك بزاف
عائشة: (بغات تهرب منو ولكن كان سباق وباسها حدا شنايفها حيت كانت كتبعد وجهها ولكن لسوء الحظ ديالهم يونس كان دايز من تماك وقشعهم فالطموبيل للي خلا البراكين ديال الدنيا متبانش قدام البركان للي غينفاجر دابا واكترية منين شافهم مقربين.. محس حتى حل باب الطموبيل وجبد معاد من بلاصتو كيضرب ويقول مضرب والو واخا لاخر كان كيدافع على راسو الا يونس كان جهدو كتر حيت داكشي باش كيحس يونس غيخليه ياكلو حي عائشة غير مصدومة وكضور عينيها فكرات تهرب حيت عارفة شنو تابعها واكترية من تخصار الهضرة للي كتسمع وتهديدات يونس حلات باب الطموبيل وتسلتات حتى عطات رجليها الريح وكتجري بكل قوتها ولكن معامن مع للي حس بالغدر تبعها وفرمشة عين لحقها وخلا معاد مليوح حدا طموبيلتو جرها من كتافها)
عائشة: (غمضات عينيها بكل خوف) عفاك مضربش مدرت والو (محسات حتى جمع معاها بطرشة للي خلات عظام وجهها كيتحركو من بلاصتهم وعينيها حوالو حسات بيدو جاراها ركبها فالطموبيل وركب وهو غير كيسب ويهدد شافت فمعاد كيوقف بالزز ومتبعهم)
يونس: (بعصبية كبيرة هز يدو لوجه عيشة) ومزال لديل مك حالة فمك فيه اليوم غنوريك مزيان هاد ضسارة ديالك.. اليوم نقتل مك (حيد يدو من وجهها وغير كيسب وكيهدد واعصابو ممحكمش فيهم...)
معاد: (بحرا جلس فكرسيه وكيمسح الدم من فمو اما نيفو كان شلال شاف فلمرايا كان وجهو كولو حمر بالبونيات للي نزلو عليه وحدة مور وحدة حس بلحديد للي كان كيلطخو ماشي يد بنادم اما صحتو مكيحس حتى ببلاصة بقات صحيحة فيه دار يديه فلفولون وشاف وجهو فلمرايا تبسم واخا مقادتش) جامي قلت ندير هادشي على وحدة ولكن عيشة ولات عندي تحدي كتر مبغيتها تكون مرتي (رجع مسح الدم من سنانو) اليوم بستها قدامك غدا غنتزوجها ونتا كتشوف بعينيك
(فكر واش يمشي عند الحاج ويعاودلو لافير كاملة ويونس للي تابع بنت حومتو من قنت لقنت وبالدليل دابا هي معاه وسيف عليها ولا شنو يدير ديمارا طموبيلتو وزاد..)
~~~~~~~~~~~~~~~~~
رقية: (ناضت من فراشها كتجبد وقفات ومشات حدا لمرايا شافت دوك طبايع فعنقها تفكرات ليلة لبارح كدازت وشنو دارو هي وعماد عمر كانت علاقتهم هاكا اول مرة تحس بحلاوة نعاس حتى من عماد كان معاها سخي وخلاها طايرة فسما كتر مكان هو سمعات تيليفونها كيصوني كان نمرة يونس طرطقات عينيها وجاوبات دغية) الو يونس
يونس: (داير يديه ففم عيشة وممخليهاش حتى طلع التنفس) روكا سافا؟ مبانتش عيشة اليوم عندك
رقية: الحمد الله اخويا لا مجاتش غتكون غير فالدار واش مصونيتيش عليها
يونس: كلقى تيليفونها طافي (عائشة غير كتفركل حيت بالصح مقدراتش تنفس هو كان غراضو يسد ليها غير فمها ساعة يدو غطات وجهها كامل ومبقالها منين تنفس)
رقية: انا نصوني على تيليفون الدار
يونس: لا صافي بلاش انا بلاتي ونعاود نصوني عليها وايلا بانت عندك قوليهالي
رقية: واخا خويا وعلى سلام (كتسمع طين طين قطع عليها قبل متكمل كلامها معاه..
وهي بلا عكز فلبلاصة صونات على مها للي كانت خارجة ومعطاتهاش جوابها ووقت حيت فهاد اللحظة عزيزة ولالة زهرة ماشين لشي وحدة للي تفكلهم السحر للي دار ليونس خايفين يشوفهم شي واحد وفنفس الوقت باغيين يفكو داكشي حيت عند بالهم ناريمان دارت داكشي باش تفرق الاب على ولدو وخصوصا منين اليوم محمد الشوفة هي التالية مكيطلعهاش فولدو...)
عائشة: (حاطة يديها على صدرها وبحرا كتنفس وكتهضر) هو هو للي زعم وبغا ي.. (طراااق لفم بظهر يدو خلا فمها كيجري بالدم)
يونس: هاد شنايف باش فرحانة غنقطعهم ليك (سااخط على الوضعية وغير كيسب فالناس للي جاية قدامو مكيشوفش قدامو غير ضبابة وباغي يوصل دغيا باش ينفارد بيها مزيان جامي تخيل عيشة تكون مع واحد اخر من غيرو اه غلط ولكن ماشي قد الغلاط للي دارت هي كولشي دوزولها لوطيل للي لحد الان مفهمش كفاش باتو بجوج وهضرتهم والاتصالات غمض عينو وقال عيشة ديالي وغرجعها لية باي تمن ولكن باش يشوفها قدامو كتباس لا ركبو الف عفريت هو للي راجل وكابت راسو على حسابها ومباغي حتى وحدة من غيرها وفالتالي تبدلو!!!)
عائشة: (حسات بخوف رهييييب واكترية من الطريقة باش كيسوك شافت غروقو غيطرطقو لدرجة وجهو باين فيهم عروق راسو مطبعين بقات كتلعن راسها علاش تخرج وتمشي عند معاد للي منواتش فمرة يزعم عليها هكاك ومن زهرها متجي هاد اللقطة غير قدام يونس بقات كتشوف فطريق وخايفة بزااف ومفهماتش لاش عيط لرقية وسول فيها شنو معول وشنو داير فبالو هضرات بصوت كيرجف) فييين دايني
يونس: دايك فين تشهدي على روحك انا الكلبة ديريها بية (كيغوت حتى كيطير دفالو وعينيها كيزيدو يوساعو) تخلي ز*** يقيسك بالرب اليوم متعاودي تشوفي الضو...
يونس: تخلي ز*** يقيسك بالرب اليوم متعاودي تشوفي الضو
يونس: (كيزير على فكو) ومزال زايدة فيه غير نغبر على جدك ديري الزلال الدودة للي فيك اليوم نهنيك منها (وصلو لدار للي شرا)
عائشة: علاش جايبني لداري
يونس: جايبك لهنا باش متوليش تخرجي (بغات تهرب خرج بالزربة شدها من يديها وجرها منين مبغاتش تزيد هزها فوق كتفو وحل لباب بصعوبة حيت مبغاتش تهدا من تفركيل غير حل لباب حطها ودفعها على الارض حتى غوتات ربي للي خلقها رجع سد لباب ودار عندها لقاها متوجع وتبكي بقا كيقرب وهي كترجع اللور بيديها حتى وصلها شدها من عنقها حتى وقفها على رجليها) نتي للي جنيتي على راسك من شحال خادي قلتلك تقاي شري
عائشة: مدرت والو ايونس هو للي (قبل متكملها جرها حتى دخلها لبيت للي مفرشو وكان كينعس فيه لاحها فوق النموسية) يونس و..
يونس: 😡 سكتييييييي من هاد نهار متهضري حتى نقولك انا هضري مظحكي حتى نقولك انا ظحكي متوقفي حتى نقولك انا وقفي حتى التفكييير متفكريش الا معطيتكش انا الاذن (كيقرب حتى لعندها وكيدير حركات بيديه انه باغي يقجها وكيولي يوقف وهي غير كتخبع وجهها) ويلي ويلي ويلي انا ديرها بية برهوشة من نهار شفتك عرفت اخرتي غتكون غير على يديك ولكن انا نستاهل درت عقلي فيك من نهار اللول
يونس: (قرب عندها ووقف على ركابيه هزلها راسها بالجهد) مغنخليكش حتى تودي هاد لعمر للي ضيعتو معاك
عائشة: (بخوف كبير فعينيها وصوت كيرجف) باغي تكرفس علية؟!!!
عزيزة: (بتوتر) عفاك اولدي خف يديك
تاكسي: هانا اشريفة غير رتاحي دغيا نوصلو لمحمدية
زهرة: نااااري اختي عنداك غير نديرلك شي مشكل مع الحاج
عزيزة: اله يهديك ازهرة يونس راه ولدي حتى انا منبغيلش الضر غير هاد خيتي للي مشينالها معجباتنيش وجاتني كدخل وتخرج فلهضرة معطاتناش راس الخيط ولا شي حاجة
زهرة: وييه اختي حتى انا معجباتنيش حنا قلنالها فكينا الا عندو شي يحر وهي كتقولك يجي هو
عزيزة: (رجع الحاج كيصوني عليها عاود وردات التيليفون لبزطامها)
زهرة: جاوبيه قولو انا فشي بلاصة وقريب نجي للدار
عزيزة: لا غنقولو خليت التيليفون فالدار وراني جبت معايا جلابتي جديدة غنقولو كنت عند الخياطة
زهرة: والله الا دماغ نتي اختي عزيزة (وصلو للمدينة وزهرة شافت ناريمان حدا طموبيلتها وكتهضر فالتيليفون) ها هي ها هي ديك بنت لحرام
عزيزة: (كتقوس عينيها فيها) شوفيلك سليكيطة بنت اللدينة طوفاتنا بنت لحرام على شحال من جيه شكون قال هادي تبع طريق الشوافات ولمجامر
زهرة: اودي دوز على الواد لهرهوري لا دوزي على لواد السكوتي (وصلو للحومة ونزلو قبل ميشوفهم شي واحد طلعو للدار لبسو بيجاماتهم وجلسو عادي طلع الحاج) اوا نخليك اختي وبصحتك
احمد: عزيزة عزيييييرة فين كنتي
عزيزة: (خارجة كتمسح فواطتها) هانا اسيدي احمد مالك
احمد: طلعت قبيلة للدار مالقيتكش واش كنتي فسطح
عزيزة: لا سيدي احمد سمحلي مقلتلكش مشيت بالزربة جبت جلابتي جديدة ياكما كاين باس
احمد: لا لاااا غير تخلعت عليك مموالفكش تخرجي وانا معارفش وزيد شحال صونيت عليك
عزيزة: عارفة اسيدي احمد غير سمحلي مشيت بالزربة وحتى تيليفوني مديتوش متعاودش اسيدي احمد (بقات عليه بلكلام المعسول ولحلو حتى نساتو انه كان مشطون عليها)
~~~~~~~~~~~~~
ناريمان: الالة ماشي عطيتك دوك لفلوس كاملين باش فالتالي يطلع كلامك كولك خاوي... اوا وشنو ندير انا.. اه اه سمعت جا ونبقاش بعيد.. كفاش نعاود من اللول؟.. بفففف (كتشقلب عينيها) واخا واخا ولكن خاصك حتى نتي تحركي.. راني قلتلك للي حليتي عليه فمك نتي غير قضيلي الغراض.. واخ بسلامة...
عائشة: (بخوف كبير فعينيها وصوت كيرجف) باغي تكرفس علية ايونس؟!!! (شنايفها كيرجفو) باغي تكرفس على حبيبتك
يونس: (كيشوف فيها بكل غل مستحيل يتسرطلو داك لجيست للي شاف اصلا ممتيقش عينيه)
عائشة: (كل دمعة كطيح من عينيها كيبقا متبعها حتى كتمشي لعنقها) صافي هدا هو الحب للي كنتي كتقولي فالتالي باغي تكرفس علية وتغتاصبني
يونس: (باستهزاء) مكنحطش يدي فحاجة تحطو فيها ليدين
عائشة: (بصدمة طرطقات عينيها خلاها فثانية كتغلي) وديك لق*** للي خاطب ماشي المغرب كامل حاط يدو فيه ولا نتا فاهم الرجولة غلاط
يونس: (شدها من شعرها) اه فاهم غلاط حيت بالصح وكان كنت راجل مغنبقاش تابعك من قنت لقنت ونتي معفرة مكنتش غنخوي الدار على مسبتك ونقاطع با للي رباني وكان كنت فاهم الرجولة من نهار وليت تابعك نقولك غير شنو واقع ونتي كتهربي ومرة ضربيني بطموبيل مرة لقاك مع واحد مرة تخليني ليالي مجنون كنقلب غير فين نلقاك وفالتالي نعرفك مع داك شماتة فاوطيل اه عندك الحق تحسبيني ز** كاع
سيدتي الجزء 18
محتوى القصة
التنقل بين الأجزاء