ام معاد: خير مختاريتي اولدي ديك لبنت من نهار شفتها دخلاتلي لخاطري وتمنيتها ليك
معاد: ياك نتي عاجباك
ام معاد: وعلاه نتا معاجباكش اولدي؟
معاد: وكان مكانتش عاجباني منتقاتلش عليها، امم (ضار عند مو من بعد اخر لمسات فلكرفاطة) صاافي كولشي واجد
ام معاد: كولشي واجد اولدي تبارك الله عليك والله يحفظك من كل عينة شينة وكان غير خليتي نديو خوتك وخالتك وخوالك وعماتك
معاد: لا نعيطو حتى على الجيران للي فرباط حسن ياك!! حتى الخطوبة لكبيرة ونديوهم دابا انا دايك نتي تشوفي عائلتها والواليد وجماعة حتى للرسمي نيت على ميجي هو
ام معاد: باك غيطير بلفرحة مسكين قالي وكان كنت عارف ميمشيش عند ختك لفرنسا
معاد: صحتو هي اللولة يشوف بعدا شنو غيديرو معاه على قبل العملية ومن بعد نمشيو كاملين ياله زيد الوالدة دابا (هز الورد للي شرا والشكلاط وطارط ركب هو ومو ومشاو مع صلاة المغرب)
\~~~~~~~~~~~~~~~~~~
ممدوح: فيك قاعدة خايبة اصاحبي كتخلي داركم غيحماقو بالصونيط ومكتجاوب حد
يونس: (حط لكارو فالطفاية) راك عارفني منين كنكون معصب مكنبغي نجاوب حد مهم دفعتي داك الدوسي للي عطيتك
ممدوح: يونس بقالك حل واحد تهضر مع المدير العام نيشان ياك تلاقيتيه شخصيا منين رجعنا من المانيا وعطاك نمرتو الشخصية هو للي يفيدك دابا
يونس: بغيت نخليه حل اخر دابا نشوف واش يقبلو هاد لبحث
ممدوح: وتالت مرة غيرفضوه كون هاني راه باها لحقيقي ارهابي والسلطات شحال وهي تقلب عليه وفالتالي يوافقولك مكنظنش
يونس: (بقا ساكت ورجع راسو اللور من بعد معصباتو ناريمان وباه هاد صباح كملات منين جاه الرفض للمرة التانية انه مقبلوش عائشة تكون زوجة ليه كان كيدير هادشي بلا خبار حتى واحد كان كيتمنى غير يخرجلو البحث بالقبول فلبلاصة يمشي يخطبها من عند مها والحاج وكيدير كتر من جهدو ويتاصل بهدا وهدا ولكن والو مزال متقبل)
ممدوح: يوونس خوك كيصوني جاوبو
يونس: (هز تيليفونو) ويي اشرف
اشرف: واش نتا باغي تحمقني والسلام ميات مرة نقولك فاش نصوني جاوب مغنكون كنصوني الا واقعة شي ق**
يونس: (بلا مبالاة) هضر شنو كاين
اشرف: (مجنن) اجي للدار راه ناريمان بغات تلوح راسها من سطح
اشرف: تلوحو فقنت اخر ماشي هنا للي غنبقاو سيم وجيم وباك صحتو على قد الحال اجي اخويا عتق راه دارت لينا الشوهة
يونس: هانا جاي (قطع ووقف الاعصاب كانت باينة على وجهو خرج بلا ميودع ممدوح ومشا نيشان للحي)
رقية: (من بعد مكملات مكالمتها مع عماد وقالها عيا يصوني على يونس ومجاوبش باش بعلمو عويشة جاينها لخطاب رجعات عند ختها لبيت لقاتها ناعسة ومغطية وجهها حيدات عليها لغطى لقاتها كتبكي بدون صوت عينيها ونيفها حومر) دابا مالكي دايرة هاد لحالة ياك سمعتيه كيسبها
رقية: (دارت يديها فخصرها وتعوجات) حتى انا كان بيتي
عائشة: كان كااان
رقية: كان وباقي مهم شنو غديري فحريرتك دابا السيد دابا شوية غيجي هو ومو
عائشة: (بلا مبالاة هزت كتافها وناضت من فوق النموسية) متعرفي يكون فيه الخير (حيدات تريكو بغات تبدل حوايجها وهي تفرشخ رقية بالظحك ضارت شافت فيها وهزت حاجب) الله يستر
رقية: هه الناس دوزو ليلة حمرة لبارح (ودارت صبعها فعنق عيشة للي مطبع.. شافت عيشة فلمرايا وبقات كتولول بقات كطلي وجهها وعنقها بلمكياج حتى غبراتها خرجات رقية وهي كظحك بقات عيشة كتشوف راسها فلمرايا زادت حيدات ديباردور وهي تثدم منين لقات حدا صدرها وذرعانها مطبعين)
عائشة: (بصدمة) اويييلي شنو وقت لبارح (هزت تيليفون بغات تصوني على يونس ساعة رجعات حطاتو اولا كفاش غيعقد اليوم وتانيا كان معاها وتالتا واهم منين تفارقو صباح مولا صونا عليها نادت بلغداد لبسات بيجامة وخرجات غير تلقات مها وبغات تبعد عينها عليها)
عزيزة: مزال نوريك تشقليب لعينين ولات عندي السيبة تهزي راسك وتباتي برا ولا باغا حتى تجيبيلي كرش من الزنقة
عائشة: نتي لباس راه لبرد وزايدون انا مزال كنفكر وغير حيت شفتو لاسق داكشي علاش قلت اه يجي
عزيزة: اسمعي اديك لبرهوشة داك خينا للي نتي ضلي تبكي عليه وكان بغاك وكان جا نيشان يخطب وانا مغنخليكش بايرة عندي نتساه حتى ترشقلو عاد يجي هظا دخل الدار من بابها وهو للي غتزوجيه فهمتي ودخليها فداك المخ عندك
عائشة: (بقات كتشوف فيها حتى غرغرو عينيها مرضاتش تبكي قدامها وتأكدلها ان كلامها صحيح مشات لبيتها وتبعاتها رقية كتواسيها وتبغي ضحكها ولبسات جبادور لفوقي قصير شوية ومطراسي عليها وسروالها مهم القفطان ملبساتوش صوبات شعرها وجمعاتو كعكة وبقات ساهية فتيليفونها حتى سمعو لغوات ومهم كتعيط بالحااااااج...)
يونس: (ياله دخل للحي وقرب حدا دار عيشة شاف معاد خارج من الطموبيل ديالو للي واقفة فباب ديال دارها بقا مطرطق عينيه حتى وصل حداه وشاف حتى مرا كبيرة خارجة وكيضحكو وصل حداهم وحبس الطموبيل جا خارج وكملات لباهية منين شاف خرج بوكي دلورد فالحمر هنا فهم راه جاي يخطب مشا بخطوات مزروبين ياله لاخر بغا يسد باب الطموبيل وهو يشنق عليه يونس كيهضر وعروقو خارجين وعينيه مطرطقين) اش جاي دير هنا اشماتة
ام معاد: ولدي شكون هدا بعد منو نتا لاش شانق عليه (كضور عينيها تعيط على شي واحد يعتق)
يونس: 😡مال مك لسقة من دون لبنات كاملين بانتلك غير عيشة معاد: (ببرود) اه غير عيشة للي معمرالي عيني وكما كتشوف جاي نخطبها من واليديها
ام معاد: (فهمات كيدابزو على عيشة وبقات كترغب يونس يبعد من ولدها)
يونس: (حيد يدو عليه وكيحاول يشد اعصابو حيت بفات فيه مو علا صبعو) غتهز مك وغتمشي ترجع لدارك حسن ليك
معاد: (باستفزاز) انا وعيشة مفاهمين وهاد لخطبة راه بموافقتها
ام معاد: اش واقع امعاد وشكون هاد لولد (يونس بقا واقف وكيقوس عينو فيه)
معاد: والو الوالدة واحد الموهبة ديالو هو يتلسق على خلق الله سير قضيلك غراض اولدي
يونس: (زاد خطوة لحداه حتى قرب يلسق ليه) دابا شنو حيت حتارمتك مك كتعفر عارف شنو قادر نديرلك اشماتة (شد داك لورد من يدو وبقا كيخبطو مع باب الطموبيل حتى تشتت وعينيه منزلهمش من عينيه بكل تحدي ضربو بجوج صباع لكتفو) تحرك من هنا
معاد: (شاف الحاج جاي من جيهتهم) مي سبقيني لداك لباب.. سمع اسي رومبو
يونس: ضيعت وقت بزاف معاك غتحرك ولا..
معاد: ولا شنو (بتهكم) عيشة غنتزوجها اه ومكيهمنيش واش كانت صاحبتك ولا لا حيت نهار لاحتك ختارت تبقى معايا انا فنفس لوطيل ومنوصفلكش كداز داك نهار ح..
يونس: (قبل ميكمل كلامو دخل فيه براس خلا لاخر عبنيه كيدورو فبلاتهم ودماياتو مطوشين فوجهو وموقفش غير هنا شنق عليه وبدا فلونيات وتخصار لهضرة ضربة من هنا وحتى لاخر كيحاول يدافع على راسو تجمعو الناس وحمى لغوات
اماالحاج واقف بعيد عليهم شوية ومربع يديه وكيشوف فيهم بكل حكمة ورزانة شاف عزيزة خرجات لبالكو وكتعيط بسميتو طلع عينو فيهم لقا لبنات خرجو خنزر تخنزيرة فيهم دخلو ولكن فضول عزيزة مهناها حنات على ركابيها ومشات لبالكون كطل بين شقيقات لحديد للي تماك وتشوف عريس بنتها كيتبهدل من عند يونس مفهمات والو شوية شافت عماد واشرف كيجبدو يونس للي غوت وقال)
يونس: 😡 عيشة والله لا تزوجتيها 😡
رزان: (مربعة يديها هي وندى وهابلين بالضحك وهوما كيشوفو ناريمان واقفة على حرف الحيط وكتقولهم الل مازوجهاش يونس اليوم غتقتل راسها) نوور نوور اجي هنا
نور: (بخوف) نااري عنداك تلوح راسها
رزان: ونتي مال مك الا لاحت راسها ولا تشقلبات اش مشا ليك خلاهاليك باك ولا مك
نور: اويلي اختي شنو كتقولي راها روح
ندى: بففف الكلاخ وكان كان بنادم هو نتي هبطي جيبيلي كاس دلما راني عطشت بالظحك ههه
نور: لا نتوما بوحدكم (رجعات حدا ناريمان وحدا زهرة واب يونس وعمو ومريم للي كيسايسو معاها دير عقلها)
فاطمة: هاد لبنت عندك فلتات ليك اخديجة قلبها هشيش كتر من لقياس بقالها غير تبوسلها رجليها
خديجة: ههه خليها ماشي كاع بنات خديجة يطلعو قافزات ضروري وحدة تكون بهيمة...
~~~~~~~~~~~~~
يونس: 😡 عيشة والله لا تزوجتيها اشماتة 😡 (قالها وهو كيغوت وعروقو خارجين ودراري شادينو اما معاد مليوح فالارض ومو كتحاول توقفو هو ووسيم للي خدام عند لحاج وشي ناس كانو دايزين)
اشرف: ( محايدش عينيه على الحاج وكيشوف النظرات الغريبة للي ممفهوماش شد خوه وبقا كيبعدو حتى زدحو مع واحد الحيط) يوونس واش وليتي قطاطعي
عماد: وكان ماشي رقية علماتتي وكان راه شرشم السيد يونس كولشي يتحل بلعقل
يونس: (حمر عينو فيهم) بلعقل !! 😡 علاش انا بقالي شي عقل؟ باك خلالي لعقل ها هي لبنت غطير من بين يدي نبقى انا شماتة جالس ومربع يدي
اشرف: دابا تكالما وياله للدار
يونس: بالرب منتحرك من هنا حتى ي*** داك خينا من هنا (شاف الحاج من بعيد واقف بلا حتى حركة عرف راه كولشي تورق بين عينو ونيت هو بغى كولشي يتفضح واخا العلاقة بين صاحبو غدمر حيت رافض هاد زواج واكيد الحاج مغيعجبوش الحال انه يعرف صاحبو للي دايرو كتر من خوه كيعاير بنتو ومباغيش نسوبية معاه)
الحاج: (موجه لكلام لمعاد) طلعو للدار قاد حالتك
يونس: (غير شاف معاد باغي يطلع للدار دفع خوه ومشا بخطى كبار لتماك حتى سمعو غوات جاي من جيهت دارهم كولشي لفتو هاد الصوت والحاجة الوحيدة للي جات فبالو باه وقعاتلو شي حاجة شاف فمعاد للي جراه مو وباغيين يدخلو وشاف فلحاج للي نظراتو ممفهومين وشاف اشرف وعماد مشاو كيجريو معرف ميدير حتى لقا راسو) متزوجهاش الحاج
احمد: علاش اولدي قولي بعد شنو المشكل للي عندك مع هاد السيد حيت هو ضيف عندي وباغي نعرف شنو رون معاك لعصى للي عطيتيه كتبين راه ضارك بزااف
يونس: (كيلهت خايف توقع شي حاجة لباه وخايف طير من بين يدو عيشة) اه ضارني ونتا عارفني مكلوحش لباطل ولا نضر شي واحد غير الا وصلني بلخايب (كيهضر ورجلو كتحرضو يجري يشوف شنو وقع وعينيه كترجى الحاج ميديرهاش) ميستاهلهاش (كتر لغوات مالقا راسو غير ركب بالزربة فطموبيلتو ومشا للدار لقا جوقة تماك خرج من طموبيلتو حتى بلا ميسدها مع دخل بصعوبة حيت الناس واقفين تماك مع تصدم وهو كيشوف ناريمان مليوحة فالارض بدماياتها عينيه خرجو شاف عماد كيقيس النبض واخا هادشي للي دارت ولكن مباغيلهاش الموت وبطريقة انتحارية..)
عزيزة: غير شافت ديك روينة دخلات عند بنتها للي واقفة ودايرة يديها على قلبها
عائشة: ششنو شنو واقع برا
عزيزة: (جمعات معاها بطرشة حتى دارت) شنو بينك وببن ولد الجيران
عائشة: (دايرة يديها على حنكها وصوتها كيرجف) وواالو 😢
عزيزة: والو وعلاش سلخ السيد للي باغي يخطبك وكيغوت قدام الناس باش ميتزوجكش
عزيزة: (ياله بغات ضربها حتى كتسمع ام معاد قربات لباب دخل وكتهضر مع الحاج.. بصرامة ) دخلي لبيتك (دخلات ام معاد سلمات على عزيزة وعاد دخل ولدها ونيفو كيقطر بالدم وجهو الوسيم مبقاش وسيم رجع مشرمل دخل للدوش نيشان غسل كمارتو واخا هكاك بقا فيه لحريق جلسو فالصالون مجموعين)
ام معاد: لا حولة ولا قوة الا بالله معمر ولدي تخاصم ولا كانو عندو مشاكل مع الناس معرفت منين تصلط عليه هدا الله ياخد فيه الحق
عزيزة: صراحة الولد كنعرفوه مموالفالوش عمرو اذى شي واحد غير هاد لمرة مفهمتوش حتى انا
معاد: (جالس مكره من شكلو للي ولا حالتو) انا كنت كنعرفو كانت بيناتنا شي حاجة ومدة متلاقيناش ومنين شافني دابا يمكن متحكمش فرايو حيت انا ديما سابقو وحسن منو
الحاج: احم فاش.. المشكل شنو هو المشكل للي بيناتكم
معاد: (داير زيف على نيفو) شي حاجة قدييييمة
الحاج: اه اذا كنتو صحاب
معاد: وي (مقصح حايد الزيف والدم مبغاش يحبس)
الحاج: خاصك تمشي لطبيب يمكن نيفك تهرس (وقف) ياله نوصلك لشي طبيب قريب من هنا
معاد: غير خليك الحاج انا نمشي بوحدي مي ياله نوصلك للدار
ام معاد: انا نمشي معاك اولدي اوا اسيادي مكتابش حتى يبرا ولدي ونجيو ان شاء الله (حساب بدغل وشي حاجة مخبعة)
الحاج: (ياله جات تهضر عزيزة وهو يسبقها الحاج وبرك على هضرتو قبل مدوي) ميكون معاك باس اولدي وانا غنولي نصوني عليك سمحلي منقدرش نمشي معاك خاصني نمشي نشوف صاحبي شنو واقع معاه فالدار حيت سمعت لغوات جاي من دارو (ودعهم بابتسامة صفرا غير ركب مشا هو مشا عند دار صاحبو غير وصل بانتلو الاسعاف تماك تخلع بزاف زاد فخطواتو حتى كيبانلو صاحبو خارج من تماك ووقف مع خوه عبد الله عاد تنفس ورتاح..)
يونس: مزيان منين مماتش كنت غنحس بالذنب حياتي كاملة (كيهضر مع عماد وراسو غيطرطق) بففف بزااف هادشي فنهار واحد ممقادة حتى من بلاصة
عماد: معرفتش علاش دارت هاكا لهاد الدرجة مزال كتبغيك مفهمتش الواحد علاش كيصعبها ويعقدها منين كتبغيك لاش مشات من اللول مع فهد وشحال من واحد
يونس: عارف الحاج وانا باغي نهضر معاك انا غير نجي من لخدمة عيطولي وقالولي ضروري لحضور ديالي
الحاج: واخ انا نتسناك ونيت نمشيو نشوفو ديك الطفلة (ركب يونس فالطموبيل وحس براحة نسبية ان الحاج متعصبش ومدارش ردة فعل خايبة ساك نيشان للمكتب ديالو حتى لقا ممدوح حدا لباب كيكمي نزل من طموبيلتو ومشا عندو)
ممدوح: يونس هضرت معاك مرة وجوج وعشرين تحكم فاعصابك شوية بزاف كل مرة يجي يديكلاري بيك
يونس: (هز حاجبو) جا داك الق** لهنا
ممدوح: دوماج ديكلارا ومن زهرك لم** كان الشاف لكبير
يونس: (هنا تشنج وعرف القضية حماضت ومغدوزش بسلامات كموالف كيدوزها هو وممدوح دخل لداخل كان هو باقي تماك دخل نيشان عند الشاف لقاه كاعي واخا يونس عزيز عليه الا عيق)
عائشة: شنو دابا انا بنت صغيرة تمنعيني نخرج
عزيزة: (باقا مفقوسة على الراجل للي طار وزادت الشوهة للي وقعات وللي زاد رعب فقلب عزيزة خافت بنتها تعاود نفس القصة ديالها وتغر وتيق فشي واحد واكترية يونس للي شاكة تكون بيناتهم شي حاجة) لا ماشي بنت صغيرة كبرتي وخرجو رجليك شواري
عائشة: بفففف بزاف هادشي انا كيبانلي حسن نخرج نسكن بوحدي ولا نبقى هنا فهاد الحبس
عزيزة: (جات كتجري لقات بنتها هكاك قلبات بنتها عرفاتها قربات تولد صونات على الحاج وعيشة صونات على عماد جاو بالزربة خداوها)
عماد: (واقف على اعصابو كيمشي ويجي ويدعي الله تخرج رقية وولدو سلامات اما عيشة كتفكر فختها وكتفكر فيونس شنو كيدير دابا واش ناريمان باقا حية ولا ميتة مبغاتش تصونيلو حيت مقلقة منو حيت هضر معاها وهو للي واعدها عمرو يعطيها وقت وفنفس لوقت ندمات حيت قالت لمعاد اه فلحظة غضب وبسباب هادشي وقعات ديك الشوهة شافت فالحثاج لقاتو مكول الشوفة فيها بعدات عينها وجبدات تيليفونها صبفطات ميساج لنور هي للي مسالية دابا وتعطيها اخبار يونس..)
~~~~~~~~~~~~~~~~~~
الشاف: (بنبرة حادة) من نهار جيتي من ألمانيا واعصابك ماشي ديالك ديما زايدين نغزة!! (حط ستيلو وشاف فيه) جلس ايونس.. شنو بينك وبين داك خينا وعلى ماقال ماشي اول مرة كيديكلاري
يونس: شي حاجة شخصية
الشاف: شي حاجة شخصية كتحل بيناتكم ماشي تخربقلو ملامح وجهو وماشي اول مرة كما موالفين كضمسوها بيناتكم
يونس: وحتى دابا تضمس
الشاف: ميمكنش غتحل عليك باب للي مافيك مدخل منو لا نتا لا انا لا ممدوح جايب شهود معاه للي بغاو يشهدو معاه فاي بلاصة مشالها
يونس: ميمكنش تسمعولو غير هو حتى انا عندي شهود
الشاف: (هز حاجبو فيه) شهود علاياش ايونس ووجهك خبشة وحدة ما فيهاش شوو نتا عزيز علية وباش كنجمعو الموضوع ونطويوه غدوز مجلس تأديبي وغتسني محضر معمرك تحط يديك عليه
يونس: (كيضحك فقسة كبيرة)
الشاف: عندك 6 شهور غتعاود فيها التدريب فلكاديمي
يونس: (كحالت الدنيا فعينيه) حتى هو تعدا علية
الشاف: (حط ستيلو ومشا جلس مقابل معاه وتكلم بنبرة ناقصة) يونس نتا عارف مزيان الا القضية صلات للمحكة بوليسي تعدا على مواطن هرسلو نيفو وصباع يدو ودارلو ارتجاج فالمخ بلا متكون بيناتهم حتى عداوة حيت هو نكر انه كيعرفك من غير باغي يمشي يخطب ونتا شديتيه وسلختيه غتكبر وبزاف وبدل متمشي دوز التأديبي غتصدق ضارب الحبس وخرجتي على خدمتك للي شحال ونتا كدير بلاصتك فيها
يونس: لا رد مقادر يقول حتى كلمة بكترة ممعصب اكتفى بكارو جبدو كيكميه بشراهة
الشاف: واش فهمتي علاش
يونس: المحضر مغنسنيهش (وقف بكل شموخ انا غدا صباح غنجي باش نمشي)
الشاف: (مبغاش يبزز عليه المحضر حيت مبغاش ضوسيه يتوسخ خرج يونس معصب قشع معاد جالس وحدا مو مهضرش معاه دخل معاد عند الشاف وعلمو ان يونس تعاقب لمدة 6شهور وبقا كيخربق عليه ان جاو شهور شهدو حتى فمعاد انه جبدو وخلاه يسني التزام بعدم التعرض)
عائشة: (بغات تزيد تعصبو) وعلاش نقولو لا هو شحال وهو لاسقني لزواج ونتا مزال مبغيت دير شي حل لراسك مغنتسناكش حياتي كاملة (قطعت عليه بقا كيصوني حتى جهلاتو محس حتى زدح التليفون مع الارض وهو كيسب ويلعن عاد طلعات معاه التيليفون دنور ماشي ديالو دار عندها لقاها مصدومة)
يونس: بففف مرض سمحيلي اختي نور مااااا
نور: ماشي مشكل اخويا
يونس: (تنفس بغيض شاف فمحمود وهو كيسكاني نور بعينيه) انا نديك تشري شي واحد دابا
نور: (باحراج وفنفس الوقت محتاجة تيليفونها) لا لا
يونس: صافي انور انا غناخدو ليك (صونا تيليفونو كان باه قالو دابا يحضر باش يوصلو لطبيب حيت اشرف مكاينش) ممدوح خويا خود نور (جبد فلوس لقاهم مكاملينش)
ممدوح: صافي انا غنتكلف
يونس: نور ممدوح غيديك تاخدي تيليفون ويجيبك للدار خاي ممدوح من بعد ونكملو (ركب فالطموبيل ومشا يدي باه ونيت يلقى الحاج ويكمل معاه لهضرة اما حسابو مع عيشة ولكلام للي قالتلو من بعد وغيتفاهم معاها ومغيدوزهالهاش هاد لمرة)
~~~~~~~~~~~~~~
ممدوح: (من بعد مهزو الننرة من الارض وكارت ميموار ركبو وبقا صايك وكيشوف مرة مرة فنور بنص عين) نتي بنت خالت يونس ياك؟
نور: (حشمانة) اه
ممدوح: اممم مزيان شحال فعمرك؟
نور: 26 عام
ممدوح: كتخدمي ولا كتقراي؟
نور: حتى حاجة غير جالسة فالدار مكملتش قرايتي ففرنسا ومعندي حتى ديبلوم ولكن ولد خالتي اشرف كتعرفو (حرك راسو باه) قالي غيشوفلي خدمة فالشركة وحيت مكنعرف ندير والو قالي يخدمني نبقى نطبع لوراق وهو غيعلمني كفاش ندير اوا منبقاش غير جالسة فالدار ونتا كتعرف صاحبتي عيشة هاديك للي..
ممدوح: (بابتسامة) اه كتعرفها
نور: غنتجمعو حتى فالشركة انا خوتاتي مكيديوني معاهم ومكيشاركونيش فلهضرة وعيشة عكسهم كنتفاهمو انا وياها... (بقات كتعاودلو قصة حياتها كاملة ومن هنا شخصية نور باينة وواضحة اما ممدوح عجباتو الجلسة معاها وتصنت ليها مزيان بقد ممانت ترتارة بقد مبغاهاش تسكت وحاول ما امكن موصلهاش للدار دغية لدرجة عرض عليها لعشا ومع هي موحشة غير تهضر وافقات وحتى هو عاودلها شوية على راسو....)
نور: (قالتها بشوية) واخا (هزات راسها فيه كان زويين عجبها بلاطفتو معاها عندو ابتسامة زوينة بريئة ويلا ظحك كيغبرو عينيه ويتقوسو سنيناتو مستفين وبويض لدرجة الا ظحك حداها كتبتاسم تلقائيا).. شكرا على كولشي (نزلات سدات لباب وودعاتو بابتسامة بقا كيشوف فيها من راسها لرجليها حتى غبرات صاك ومشا لدارو..)
~~~~~~~~~~~~~~
عماد: (بفرحة كبيرة واقف على راس رقية للي باينة فيها مسخسخة وهاز ولدو بين يديه مدو للعزيزة ومشا عند رقية مسح يدو على راسها وباسها فجبهتها) حبيبة ديالي شوية؟
رقية: (حركت راسها باه وشافت فمو للي متسعة بعيد بقا فيها الحال لهاد الدرجة مستخسرا هاد لفرحة زعما راه ولد ولدها وخاصها تكون فرحانة بيه شافها عماد للي كيتالم كتر منها هز يديها وباسها وممسوقش للحضور للي كاين.. كولشي فرحان ولبيبي من يد ليد ومضاربين غير على سمية وشكون يسميه حتى صونا اب يونء باش يجي اشرف الا كان معاهم يجي يديه حيت يونس مزال مجاه)
عماد: والو عييت كنصوني على يونس مكيجاوبش
اشرف: منين مشا للخدمة مولاش جاوب فتيليفونو عنداك غير يوقعلو شي مشكل على حساب ناريمان
عماد: ضروري مغيكون لونكيط حقا شنو دارت
اشرف: تهرسات من يدها وعنقها مهم باقا حية على الله تبعد منو
عزيزة: ياك كانو غيعقدو اليوم شنو وقع
اشرف: لا مكاين لا عقيد لا والو
عماد: كغيدير يعقد عليها ومدفع لا لبحث لا والو لا خالتي يونس من اللول مبغاهاش
عائشة: (مرة تفرح مرة لا ولكن للي منغص عليها هي نظرات مها ولات كتكره تلاقا عينها معاها كدير تفهمها شحال كتبغي يونس وحتى يونس كيبغيها تنساو خاد الموضوع ورجعو للموضوع الرئيسي للي هو رقية جا الحاج وندى ووخديجة ونور جلسو معاهم شوية ورجع كل واحد لدارو عيشة كانت بغات تبات مع ختها ساعة عزيزة عكسات وبقات هي ووصات الحاج يحضيها مزيان... من بعد نور ممشات لدارهم طلبات مها تمشي تبات عند عيشة وبغاتلها) وعلاش مجاش للعيادة
نور: معرفتش يمكن منين عصبتيه مشا لشي بلاصة
عائشة: اااه هو يتعصب ويزيد فحالو وانا لهلا يقلب يخ كيفكر غير فراسو.. مهم كمليلي على هاد ممدوح
نور: يا ختي فن فن فن (بقا كيصوني وكان هو) ناااري كيصوني شنو ندير
ناريمان: (فتحات عينها لقات غير نور صاحبتها ومها للي حداها.. هضرات بصعوبة) مجاش يونس
نور: ناريمان صافي نسايه اصاحبتي ما هو ليك ما نتي ليه شوفي الحالة فين وصلك كنتي غتموتي وكان معتقوكش فلوقت
ام ناريمان: بنتي الله يهديك نتي زوينة وبخدمتك والف واحد يتمناك لاش لاسقة فبوليسي ميسوى والو قدامك
ناريمان: هئ هئ بغيتو اماما غير هو
نور: وهو مبغاكش ضربك هانك طردك ونتي والو لاسقة فيه
ام ناريمان: نور عندها الحق اش جابو لمقامك حتى تبعيه كنت ماشية معاك فهبالك ولكن دابا سطوب شوفي حياتك ومتبقايش تشوفي اللور
ناريمان: والله لا خليتو يتهنى فحياتو.. واش مجاش كاع عندي يممن مفخباروش ومقالوهالوش
ام ناريمان: اووف اووف منك اناريمان (خرجات من لبيت حيت عصباتها بنتها ودارات شي اتصالات باش بنتها تخرج من هاد القضية حيت الانتحار كيعاقب عليه القانون)
نور: فخبارو ومسوقش ليك منين نتي كنتي كتسنايه يجي يشدك من يديك ويقولك متلوحيش راسك احبيبة وانا غنتزوجك وداك الهيت للي كتحلمي بيه هو كان مع ديك لبرهوشة عايش لامور
ناريمان: (بخيبة امل) عيشة
نور: اه زفت ديال عيشة كان معاها ولدابا باقي معاها صافي انارو ديري يونس مات مبقاش باااح ماشي غير هو للي راجل فهاد الدنيا
ناريمان: من بعد هاد الشمتة غنديرو فبالي مزياان واكتر كفاش هنت عليه وهانو ديك سنين للي دوزنا وكيعاملني بحال شي بلاكة عمرو عرفها
نورر: (مبغاتش تزيد ظغط عليها خلاتها ترتاح وجلسات حدا ام ناريمان ميتناقشو حالة ناريمان للي فكرات تنتاحر وهاد لمرة خرجت سلامات وخا تشخشخات لمرة جاية مغتخرجش منها..)
يونس: (جاهل وكشاكشو خارجين وكيسب فخالتو 😡وويلعن نهار للي حطات رجليها هي وبناتها فيه.. اما هي غير مصدومة) رجعي منين جيتي الالة وقلبي علية واش صافي تسالاو لبلانات بقالك غير هاد تق وهو يسكت(شاف فلبيت للي فيه رزان وتحرك خطوة لجيهتها وهو يوقف باه بيناتهم شاف فيه يونس وقالها بحزن) مي الله يرحمها وكان كانت مكنتش غنتعدب فحياتي هاكا
اب يونس: مك وكان بقات حية وشافت زبايلك كانت غتلوحك للزنقة
يونس: حتى دابا هاد لوجه مغتبقاش تشوفو وانا راجل وقاد براسي ماشي دري صغير للي كتعطيه مصروفو وتقولو لوحك للزنقة
اب يونس: (بقا ساكت حيت ال ازاد ستافز يونس غيديرها حيت سبق ودارها)
يونس: (مشا لبيتو وهو مكيشوفش قدامو عيا بزااااف هز اكو وعمروو بللي كان من حوايجو لبس حوايجو خرج لقا كولشي حدا لباب كما خلاهم ياله جا يهضر باه زاد وخلاه بقا كيعيطلو والو مجاوبوش خرج برا دار يدو فجيبو نسا سوارت طموبيل مرضاش يعاود يطلع زاد على رجليه وقف حدا دار عيشة هز تيليفونو لقا مزال الحال باش يمشي صونا على الحاج وخرجلو من المحال كان مغوبش)
الحاج: السلام عليكم
يونس: (بصوت رجولي معندوش مع تزواق لهضرة دخل نيشان فلهضرة) سلام لبارح كنت بغيت نكمل معاك ولكن
الحاج: حتى انا باغي نعرف شنو كاين ومبغيت ناخد منك حتى موقف منك حتى نسمع ونفهم
يونس: باغي نتزوج عيشة بنتك
الحاج: (بقا كيشوف فيه باستغراب كان كيتسنى بزاف دالاعذار منو اخر واحد كان كيفكرو يبغي يتزوج من بناتو) متأكد؟
يونس: اه متأكد هي باينة انا مبغيتش داك لحمار يجي يخطبها ولا حتى واحد
الحاج: (حس انه ماشي غي حيت شافها بغاها حس بيناتهم شي حاجة) باش عرفتيه غيجي يخطبها
يونس: كنت دايز شفت ورد حمر وكرطونة باينة جاي يخطب الحاج بنتك غنديرها فعين وولي حلات فمها عليه غيحضر ليها ونتا عارفني راجل وقاد بكلمتي
(شاف لحاج كيشوف فجيهة اخرى دور عينو لقا باه جاي وهو مقندش)
اب يونس: صافي عاز صاكد وطاج مل مرة دير شي كارثة نتا تهرب وانا نبقى واحل فيها
يونس: با الله يرحم ليك الواليدين خليني عليك
اب يونس: مقلتش توصل كاع للعائلة المكبوت
يونس: (خنزر فباه تخنزيرة حارة عرفو بغا يخربقلو صورتو قدام الحاج شنو يضربو باش يسكتلو فمو هو راه باه يغوت عليه بسبو؟؟ مستحييل ولكن علاش يدير فيه هاكا)
الحاج: (باستغراب وعينيه بين يونس وباه) ياك لباس شنو واقع
يونس: بااا راك مفاهم حتى وزة
اب يونس: اشنو للي مفاهمش وانا بعيني شفت كولشي
الحاج: بردو وقولولي شنو واقع
يونس: انا غنمشي الحاج حتى نولي نصوني عليك ونهضر معاك
اب يونس: اجلس هنا حتى تصلح غلاطك مع بنت خالتك
(هنا الصدمة بانت فوجه الحاج وشاف فيونس للي كان كيضحك بلفقسة)
يونس: (كان فطريق حاط راسو على الزاجة دالسرجم وساهي كيشوف فابعد نقطة مل من كولشي مل من هاد لمدينة وهاد الناس للي ضايرين بيه مل من راسو وهو كيبرر للناس ان حتى حاجة مابيدو مل حتى من الحب للي خليه مجلجل وبحال شي حمق يضرب فالناس ويتبعها من قنت لقنت رجع راسو اللور وجمع نفس كبير باقي عاقل قبل 5 سنين نهار جات عندو لكمسيرايا تقاد كارت ناسيونال هي وختها ونهار لبحر ونهار صبيطار كولشي عاقل عليه ولكن نهار للي حركات فيه شي حاجة نهار شافها فالمانيا وتلحليحها عليه وهبالها انه هو يونس ماشي نزار (الشخصية للي كان متنكر بيها) بزاف دلحوايج خلاوه يميل ليها ولكن تمنى وكان كيحسبها غير برهوشة هو يتحكم فالامور ويعرف كفاش يسير كولشي دازت ساعة ونص ووصل للاكاديمية فتح لباب) ممدوح متنساش كاع الاخبار لقاهم منين نشعل تيليفوني
ممدوح: كون هاني نور بكترة لهضرة للي فيها كتعاودلي كولشي (عظ لسانو حتى جاتو ضربة فقرفادتو)
يونس: (معندو كانة يجمع معاه ولا يعرف شنو واقع) تهلا
ممدوح: تجي وش حتى عماد ولد عمك مخاصوش يعرف فين نتا
يونس: بلاش اممدوح عماد غيعرف غيقولها لرقية رقية غتقولها لمها مها تقولها لزهرة زهرة تقولها لبا وهي ماشية وانا مخاص حد يعرف فين انا
ممدوح: اممم اوكي
يونس: (خرج يونس هز ساكادوه طفا تيليفونو وحطو مع الدخلة حيت التيليفون ممنوع فالتأديب سنا على الدخول ديالو مشا عند الكوتش سجل سميتو وراوه فين الشومبر دخل وهو مكره كيعاود شنو وقع هاد صباح ولهضرة للي تقالت قدام الحاج احمد اكيد غتخليه يفكر الف مرة يعطي بنتو ليه...)
الحاج: واخا طلع للدار الهضرة ماشي هنا لااا حولة ولا قوة الا بالله العلي العظيم (باقي عقلو خدام من طلب يونس.. وصلو للدار جلسو فالصالة كانت غير عزيزة للي جات بكري من عند بنتها وكتوجد شنو تدي ليها ووجدات لبيت فين تجلس اما عشة ونور مشاو لصبيطار على متجي عزيزة والعائلة) شنو واقع مع ولدك
محمد: غيجلطني داك الولد كل مرة داير كارثة ومنين بغيت نزوجو رديتوني انا للي ممزيانش
الحاج: واخا سيدي نتا مزيان واش بغيتي نتفلاو عليك نتا عارف هو مبغاش لبنت وبززتيها عليه
محمد: حيت وكان كانت عندي بنت منبغيش للي يتفلى عليها (كيدق على الحاج)
محمد: رزان بنت خت لمرحومة (جات مع ودن عزيزة نيشان خرجات عندهم وهو بغا يسمعها حتى ليها) نقولو ناريمان مبغاش يتزوجها ولكن بنت خالتو مدام عينو فيها يتزوجها ودابا معندو حتى عذر
الحاج: (بقا غير ساكت كفاش عينو فبنت خالتو وباه كيقول لقاه معاها وراه باينة شنو المعنى وهو جاي خطب عيشة ويمنع الخطاب عليها مفهم والو)
محمد: وفالتالي هز راسو وزاد نتا حكم وقولي شنو ندير
ممدوح: ياله لبسي حوايجك نص ساعة غنكون فراس الدرب (قطع مشا للدار للي قريبة من لخدمة بدل حوايجو ومشا تسنا نور بقا 5 دقايق كتسنى حتى قشعها جاية من بعيد وكتلفت من مور ظهرها شغل مراهقة بقا كيتبسم حتى وصلات عندو وطلات جاع تكون غالطة فالطموبيل لقاتو هو ميل راسو) هاااي
نور: (بابتسامة) سلاااام
ممدوح: (ديمارا الطموبيل) مشينا؟
نور: اه واخا ولكن مخاصش نتعطل (ركبات ياله بغا يمد وجهو يسلم عليه وخلاتو بلاكة ودارت كتقاد الصمطة.. كحز وجهو وصاك مشاو لقهوة على لبحر) اللله على هوا هنا واخا شوية دلبرد
ممدوح: نجيبك كل نهار وباقي بلايص زوينين هنا الا بغيتي كل نهار نمشيو لشي بلاصة
نور: اممم واخا
ممدوح: مغترجعيش لفرنسا؟
نور: لا ماما قالتلنا صافي غنستاقرو هنا فالمغرب فصراحة مكنش بغيت نجي هنا ولفت تماك الجو المعيشة كانو عندي صحاباتي منين جينا هنا حسابلي غنمشيو لدارنا حتى جابتنا ماما لدار خالتي وعمي محمد (بتنهيدة) ماشي بحال تكون فداركم واخا عمي عاطينا الضو لخضر نتصرفو فالدار بحال دارنا الا ماشي بحال
ممدوح: وي ماشي بحال ولكن حتى هي داركم
نور: حتى من يونس طج من الدار مبقاش كيبات فيها بسبابنا
ممدوح: بلعكس هو بغاكم تاخدو راحتكم ونيت كان مونسني شي يامات
نور: فخبارك هو مبانش هاد نهار كاع العائلة كانت مجموعة الا هو للي مكاينش
ممدوح: اممم يمكن مشغول مع الخدمة
نور: (لوات شنايفها) يمكن
ممدوح: نساو موضوع يونس انا باغي نعرفك نتي انور
نور: واخا شنو باغي تعرف علية
ممدوح: اممم اهم سؤال عندي عندك شي واحد فحياتك
نور: (مقدراتش تقولو اه باقا على علاقة مع واحد ففرنسا حيت بغات تعرف ممدوح كتر وباين سؤال حاسم يا لا وغيكمل معاها يا اه ويوقفو حد هنا) لا
ممدوح: طولتي باش باش جاوبتي؟
نور: حيت زعما باينة مكتعرفش شي واحد وكان كتت على علاقة منخرجش معاك
ممدوح: اممم نقطة!! واخا مسولتينيش انا لا ولكن كنت مزوج وطلقت هادي 5 سنين زواج دلمراهقة كنت مصاحب مع وحدة ووقعو بيناتنا حوايح كان خاص نتزوجو (شاف فيها على انها مفهماتش) يعني كنا كنعسو مع بعضنا كأي مزوجين
نور: اممم فهمت
ممدوح: تزوجنا داز شهر مزيان من بعد ولينا شدلي نقطع ليك كل نهار غوات صداع وليت كنضربها هي كتخرج مكتباتش فالدار منين نكون خدام الليل وحتى انا كنت كنخرج نتصاحب كونت كنخوننها بكل اريحية يعني داكشي للي كان خاصو يكون مور زواج ولفرحة والراحة والاستقرار كان فلمصاحبة فزواج كان غير الجحيم حتى جات عندي وطلبات طلاق معطلتهاش تطلقنا وحمدت الله حيت مكانش عدنا ولاد دازت 3 اشهر تزوجات بصيقها للي كانت كتقولي الشاف ديالها عرفت واخا كنا مزوجين كانت بيناتهم شي حاجة وهنا ضميري مانبنيش على داكشي للي داز ولاا على زواج للي فشل صافي بقيت كنخدم نتصاحب جاتنا خدمة على برا دوزنا كتر من 3 سنين ولحد الان مزال كنشوفها مرة مرة مع ولادها فرحتلها حيت لقات فين ترتاح وحتى انا رتاحت منين طلقتها
نور: بعني مكنتوش لايقين لبعضياتكم من اللول
ممدوح: ضروري الواحد كيدوز بامتحانات باش يعرف شنو للي فيه الخير ليه وللي فيه الضر
نور: (بابتسامة) راك قلتيها قبيلة العلاقات فاللول كايكونو زوينين قبل ميتعمقو
ممدوح: ههه لا لا كنسحب هضرتي
نور: ممم هو نتا غيا كدور فلكلمة
ممدوح: جربيني وتعرفيني ولش غنكون قد كلمتي ولا لا (ركبو فالطموبيل بقاو كيضحكو حتى وصلها حدا دار الحاج وكان عندها زهر حتى واحد مكيدور تماك نزلات بلا متسلم عليه ياله قالتلو باي وزادت مع طريق) نوووور (رجعات عندو) بغيت نشوفك غدا
نور: (هزت كتفها ابتسامة) نشووف بااي (طلعات للدار دغيا لقات كولشي مزال مجموع رجال بوحدهم لعيالات بوحدهم قلبات بعينها على عيشة لقاتها حدا ختها فلبيت دخلات جلسات حداهم هاكا دوزو الايام حتى داز سبوع عائشة دوزت اكفس ايامها قلبها ديما هارب عليها وخايفة من غياب يونس للي معرفات حتى خبار عليه وحتى كولشي معارفينش فين زاد وتيليفونو مطفي وحيت مولفينو كيغبر هاكا ما حكروش بزاف هي للي بقات كتشوا من جيه غيابو ومن جيه رزان ومها للي كيلمحو ان باه طلب يد بنتها مقالت تهنات من ناريمان بانت رزان بغات تعرف غير شنو وقع لدرجة شحال من مرة مشات لدارهم بجوج تسناتو بسوايع والو معندو حتى اثر حتى واحد مقال خبار مقاد فين راه حتى لواحد نهار كانو مجموعين فدار باين يونس.. وقفات عيشة على عماد وخرجاتو لبرا)
عائشة: انا عارفاك عارف فين يونس وعارفة مباغيش نعرف فين كاين واخا انا مغلطتش معاه عكس هو ل..
عماد: عيشة كنحلف ليك بالله هاد لمرة معارفش فين زاد ومع تبرزيط ديال سبوع صفوان مسولتش فيه قلت راه مخاصم مع باه كما العادة وشد شي قنت هانتي شتي اهم مناسبة عندي محضرش فيها
عائشة: (عينيها دامعين) هاكا كيبيلي باش نساه ونقلب على راسي وندير ولادي حتى انا
نور: (جات دايزة مهم هازة الصينية) ماما هضري مع بنتك تبعدني
ندى: (دارت عند مها) بنتك كبرات الالة ولات تجيب صاحبها للدار يوصلها ويهزها ويميزي عليها (شافت فختها) اشنو هادشي بلمقابل ولا غير شفقة عليك
خديجة: دخلو برامة من ديك لهضرة نور اجي هنا (مشاو عندها لبنات) اشنو ماين فدوك لميكات (خطفاتهم نور كانو 6 بدات تجبد كانو 2 بيجامات زوينين بزاف و2 لبيبسات وغوب طويلة بالاكسسوارات ديالها وميكة عامرة ميكاب من ماك يعني صرف صحيح بقات ختها غير حالة فمها) هاي هاي على الانسة نور صدقت انا للي دمدومة مكدبوش ناس زمان العود للي تحكرو يعميك
نور: ماماااا هضري مع بنتك كتشوفيها كتحكرني حداك ونتي غير ساكتة واش بنتك حتى انا
خديجة: شكون هادا للي كيصرف عليك وعلاش كيصرف عليك
نور: هدا غير صديق ووصافي تعرفت عليه وحيت اليوم عيد ميلادي للي اكيد نتوما معاقلينش عليه عطاني هاد لكادوات
رزان: (داخلة وكتشوف فلحوايج وسمعات نص لهضرة) هدا جهاج ماشي كادو (شافت فنور) شفتي للي كيعرفو يضبرو ماشي بحالنا انا وياك شادين فالريح واحد حتى كان غيطيح فالشبكة ولاخر زاد خلفة مولاش دار من موراه (جمعات نور داكشي بلخطيف وهوما كيضحكو ويطنزو عليها وطلعات لبيت فين كينعسو دارتو فلبلاكار ديالها وهي دخل ختها)
عائشة: (خرجات عينها) اويلي على 6 شهور لا لا بزااف هاد لمدة كاملة بغبرها وميهضر معايا وميقولي والو وديك لعجاج للي خلالي كفاش ندير فيها حطن انا بوجهي وهو غبر ونتا شفتي ماما ككديرلي وغير هربت عندكم
عماد: (شاف فساعتو) مهم انا غنخليك دابا حتى نولي نجي كاين شي غدا
عائشة: سير اعماد بدل ساعة باخرى اللهزيرحم باك
عماد: وا لمهم بعدا عرفتيه فين كاين ممشاش بخاطرو والاهم مكاينش مع شي وحدة هههه
عائشة: (خنزرات فيعا ورداتها للتجفاف بلفقسة وتفكر 6 شهور كاملة مشا بلا ميقولها حتى كلمة واخا مكانتش تجاوبو يصيفطلها ميساج يعلمها تنهدات وقلباتها بكا...)
فالليل ممدوح كان كيتسنى نور تخرج عندو كما العادة يتسناها فراس الدرب حيت مجاتش تخرج مع واحد وراجل خالتها كاين فالدار وصلات للطموبيل ركبات وقلبها كيزدحز موالفة فهاد لوقيتة كتكون دخلات للدار ماشي عاد غتلقاه طلعها من راسها لرجليها كانت لابسة مونطو خفيف كلاس فلمارو فوق الركبة وكولون كحل مطرطق عليها وميني بوط فلمارو بطالون شال خفيف كحل على عنقها صاك صغير بين لمارو ولحكل وشعر سرحاتو سامبل مع مكياج خفيف ايلينر ماسكارا وفونديشن وجلوص حمر مع رشيشة ديال الريحة خلاتو يطلق تصفيرة طويلة
ممدوح: واخا معبرتكش جبت قياسك هو هداك
نور: (مفهماتش) امم كفاش؟
ممدوح: شحال من مرة نعلمك منين نتلقاو اول حاجة سلمي علية
ممدوح: (عنكش فشعرو) احح سميتي كتخرج من فمك بحال لعسل (غمزها.. هاكا كنلو السهرة اي لقطة كيحشمها حتى طلقات معاه تعشاو وخرجو وصلها حيت جاتو خدمة دخلات للدار لقات ختها ندى كتسناها تعرف شنو داز ونور بحال لهبيلة علودات ليها ووراتها شنو شرالها غير كملات مع صونات على عيشة وعاوداتلها على لخريجة..)
عزيزة: (جالسين كيشربو اتاي ويقرقبو الناب هي وزهرة) ربي لا ما قوليلي غير كفاش الحاج محمد كان لاسق فناريمان فاللول وغير لاحت راسها من سطحكم بانتلو فرزان بخطبها ليونس
زهرة: علاه مقالكش الحاج على الشوهة للي وقعات داك نهار
عزيزة: لا مفخباري والو
زهرة: اوا يا لالة نهار ولدات بنتك رقية كلنا جينا لصبيطار الا يونس ورزان وحنى على نيتنا جاسين نتسناوه يجيبنا عندكم وهو كان فلبيت هي وياه اوا التكملة من عندك
عزيزة: (خرجات عينيها) ااو حصلتوها فبيتو
زهرة: لا هو للي حصلناه فبيتها ناعسين فالنموسية وعريانين منين غوت عليه باه حتى هو بدا كيغوت وهز حوايجو وزاد
عزيزة: هكااااااك تبدل يونس بزاف 18 عام وانا ساكنة هنا عمري سمعت عليه شي حاجة حتى لهاد لعماين توالا
زهرة: الله يهديه وصافي واخا مدخلاتليش لراسي نهار جاو بنات خالتو خوالهم الدار باش يبقاو على خاطرهم وفالتالي يحصل معا وحدة فيهم وحتى هي كان عاجبها الحال
عزيزة: معرفت والله
زهرة: مهم هادي معندو فين يهرب منها غير يجي باه غيزوجو ليها
عزيزة: اممم مزيان.. مهم نتي ردي بالك من ديك خديجة بانتلي بغات دور بالحاج
زهرة: منكدبش عليك ماشي انا لهاد لعمر للي ندابز على راجل بغاها الله يعرضلو السلامة
عزيزة: اويلي على الله يعرضلو السلامة كوني حارة وتقاديلهم
زهرة: انا مخاصني مدابزة باغا غير راحة لبال وهو الا دارها فبالو نعيا نتحارب معاها يديها يديها
عزيزة: يا ختي على برودة دم عندك كتفقسيني شي مرات..
عائشة: (كانت طالقة ودنيها وكتصنت ليهم وقلبها كيزدح قرب يخرج من بلاصتو تحركات ببطئ وكولشي كيضرها فصحتها عينيها نشفو من دموع مالقات قدامها غير تلبس حوايجها وخرجات بوجه شاحب)
عزيزة: عيشة غين ماشية
عائشة: (هزات سوارت طموبيلتها وبورطابلها) شي غراض خاص نقضيه...
عائشة: (دارت شافت الكميساريا فين خدام يونس جاية قدام دار معاد ولكن الا دخلات عاد تزيد تكفاس) لا لبس حوابجك ونهضرو بلاصة اخرى
معاد: اممم واخا باش غنتنازل على المحضر خاصني مقابل من عندك حيت مغتوقفش لقضية غير فمجلس تأديبي انا اندمو على نهار للي دخل فيه لبوليس عندي شواهد طبية كتار وجمعت شهود مزيانين غندفع القضية للمحكة ونديرلو اشهار مزيان والجمعيات وشحال من حاجة غتوقف معايا
معاد: شوفي نتي علاش جيت نخطبك صافي لاش هو يدخل فكل مرة كنتلقاك ولا نهضر معاك عاجبينو عظلاتو وخليهم ينفعوه دابا
عائشة: (بعنين دامعين😢) عفاك امعاد متيبسش راسك
معاد: نتي للي متقصحيش راسك بغيتي نتنازل دابا ننشيو نعقدو فأقرب عدول ومن موراها نمشيو لكوميساريا نتنازل وديك الساعة نتي ديالي وهو يخرج بلا صداع بلا مشاكل ولكن غينساك ولا غرجع نلعب معاه لعب تبرهيش ونرجع فهضرتي
عائشة: (كتفت بابتسامة ناضت وهي كتشوف كفاش هو كيتيق فيها وكتشوف فمها للي مسمعاها لهضرة فلخرجة والدخلة وكما العادة دخلات لبيتها لقات مها تماك) شنو كديري هنا؟
عزيزة: لا اجي صوطيني حسن مال مك على هاد تخراج لعنين كنقلب شنو تلبسي
عائشة: اممم غير خلي عليك انا لبس غير كيطمة
عزيزة: علاه ماشا تسبكي ولا تجري راه مناسبة هادي وكولشي غيكون لابس لبلدي (حطاتلها قفطان زرق باش حضرات فعرس ختها) قادي راسك مزيان وكاز كطاوعيني وكانزراك حتى نتي مخطوبة دابا وتقربي ديري عرسك وولادك
عائشة: اممم نهار يكتاب غيكتاب
عزيزة: كان غيكتاب وكان مصيفطتيش للي يدكدكو قدام باب الدار
عائشة: ماماااا الف مرة غنقولك انا مصيفطت حد وزايدون من اللول مبغيتش داك شماتة دمعاد
عزيزة: وشكون بغيتي مبانلك غير داك تقاب لعيالات يدوز فيك حتى نتي ويهز راسو ويخليك
عائشة: (تعصبات) ااه اه (كدمع ووجها رجع حمر بالاعصاب) مكرهتوش وكان داز فية شحال هادي على الاقل كنا غنكونو مزوجين دابا ولكن هو طلع معايا راجل مبغاش يقيسني ولا يحاديني
عزيزة: (هنا تاكدات داكشي للي فبالها عيشة ويونس شحال وهوما مع بعضياتهم محسات حتى شداتها من شعرها) غير ديريها ابنت كرشي الحبس للي عمري فكرت ندخلو غندخلو على حسابك
عائشة: (كتبكي وشادة يد مها باش ترخف على شعرها) بعدي مني هئ هئ
عزيزة: وكان غير كنتي بحال لالاك رقية من الدقة اللولة جابتو للدار خرجات بعزها وكرامتها حط علها دم جوفو وباقي كيديرلها بحال لما لقليل ونتي اقليلة لحيا جالسة دمعي على واحد كل نهار مع وحدة
عائشة: (قلبها كيزيد يتعصر ويتحرق وكان عرفات الحب للي بينها وبين يونس متقولش هاد لهضرة وكان عرفات شنو كتعني عيشة ليونس كانت غتفرح ولكن للي كيبان هو للي محكووم عليه مهضراتش بفات غير كتبكي حتى طلقاتها مها وجلسات فالارض جامعة رجليها ومغطية وجهها بيديها وشعرها مشنتف وكتبكي)
عزيزة: نص ساعة لقاك لابسة حوايجك ومقادة ولا للي نديرولك اعيشة هاد نهار متخيليهش ياله تهزي من بلاصتك
عائشة: (دازت من حداها وشافت فيها ببرود مدات يدها لادم ونزلو ركب كولشي ومشاو لدار رقية...)
عائشة: (جالسات فبيت ختها للي عاد دخلات من عند لكوافورة شافت الفرحة للي فعينيها وشنايفها ووجها حركاتها كاملة وبعماد للي مميتحركش من حداها وديما هاز ولدو فرحاتلها على الاقل وحدة فيهم مبقاش تبعها النحس ورتاحت فحياتها)
عزيزة: سيري غبري من قدامي هاد نهار بقيتيلي غير نتي (كانت طالعلها الدم من عيشة للي معطاتش الوقت لام معاد وخلاتها كتسول بوحدها)
ندى: (بقات مطرطقة عينها) لا هادي نيت بغاتني ندورلها بداك رويجل للي مطلع ليها الشان
رزان: (كتخنزر فعيشة للي جالسن هي ونور دايرين لكيت كيشوفو فالتيليفون ويضحكو) تهجريه يييخ شحال كنكره الشوفة فيها
ندى: تبتي ومتبينيش ليها راك غايرة منها
رزان: انا غايرة منها بزااف عليها ولهلا يحييها
ندى: اه ارزان غايرة منها وبالدليل ممسروطالكش ان يونس كيحماق عليها نتي بفمك قلتي منين نعس معاك كان كيقول سميتها
رزان: (لوات شنايفها) انا للي متفهمليش كفاش مبردة هاكا انا كنت كنتسناها تنتاحر منين تسمع هادشي عليها ناريمان لاحت راسها واخا عيات مطير مخدات منها لا حق لا باطل
ندى: تقدر تكون مطورة ومكتعطيش للواحد راس الخيط ديالها مهم مشفتيش راسك واش حاملة ولا لا جاتك لغيكل حبت قلتيلي مزال مجاتك
ندى: (خرجت عينها فختها وقمعاتها) ششششت هاد لهضرة ماشي هنا سكتي دابا ميسمعك حد.. بففف ضيعتي فرصة كانت غتجيبو لك تحت رجليك كلبة علامن كنعول (ناضت من حداها وخرجات برا..)
رزان: (كتفكر شنو كان وقع #فلاش_باك )
يونس: (داخل للدار كيهضر فالتيليفون) وي صافي انا غندوز نجيب با ونشوف عماد (قطع مع خوه دخل للصالة لقا خديجة وزهرة وجالسين كيشربو اتاي
خديجة: غير جلس انا بغيت غير نهضر معاك على ناريمان وديك لفضيحة للي دارت راني هضرت مع باك وقلتلو داكشي للي شحال ونتا باغي تقولولو ووافق عليه
يونس: (جلس باستغراب كيتسنى شنو غتقول)
خديجة: (مداتلو كاس اتاي وهو شدو كيشرب وكيتصنت ليها وتمنى كلامها يكون بالصح) انا قلتلو بعد الولد خليه يتزوج للي حاط عينو عليها
يونس: اهاه وهو شنو قال
خديجة: ارا نزيدك اتاي بعدا (وهاد الحركة منين كديرها لشي واحد بلا شعور كيهز يشرب جغمة)
يونس: لا باقي عندي كملي شنو قالم
خديحة: بقيت عليه راك كظلمو وشحال فالتالي قال صافي يدير شنو بغا قلتلو لا نتا بيديك تخطبها ليه وغير نتا للي بقيتلو وميمشيش بوحدو وخاص تكون راضي عليه اوا حتى قنعتو وقالي انا بغيتو غير يصحح غلاطو ولكن الا مبغاش وبغا ديك لبنت منزيدو غير لخير
طلع لبيت باه للي اونفاس لبيت للي كتنعس فيه رزان ومها وبيت اخر كتنعس فيه ندى ونور ياله بغا يدق باب باه وهي تخرج رزان)
رزان: يونس خويا عفاك اجي محتجاك ضروري
يونس: شنو باغا
رزان: وغي اجي وكان ماشي شي حاجة ضرورية منعيطلكش غير بيتي كنت كنشارجي تيليفوني وهو يطرق لبريز...
يونس: وشنو بنت ليك تريسيان
رزان: عفاك اخويا عارفاك مشغول غير دخلي لبريز وسير كنخاف يضربني الضو (دخل يونس هز تيليفونو شعل لبيل وبقا كيقاد لبريز وعقلو بين شنو قالتلو خالتو وبين راسو للي كيتقال عليه عينيه بقاو كيتغمضو محس براسو حتى وقف وكانت هي قريبة ليه وشداتو فخصرو) يونس مالك شنو واقع
يونس: (كيبعد يديها وشاد فراسو) والو (ياله بغا يمشي وهي بدات تجرو باش يرتاح حتى جلس على نموسيتها محس حتى تكا على راسو وهاديك هي النعسة المشربو مع اتاي دقة بطلة بقات كتحركو فراسو عرفاتو نعس خرجات من بيتها وسدات لبيت وهبطات لتحت شافت باه رجع من برا كان مشا يشري شنو يديو مع لصبيطار بقات زهرة كتسول على يونس قالتلها خديجة جاه تيليفون وخرج صافي جا عبد الله وداهم وبقات رزان بوحدها بحجة مريضة مقاداش تمشي طلعات لبيتها حيدات حوايجها كاملين بقات غير بدوبياس حيدات ليونس حوايجو خلاتو غير بلبوكسر وتكاتو بمشقة الانفس حطات راسها على صدرو العريان وبقات كتحلم وتخطط غير يفيق غيلقاها حداها هاكا غيزعم فاخر الامر هو راجل وعندو غريزة محست حتى نعست ندى بقاات قارقة حدا لباب حتى سمعت حس يونس كيغوت على رزان وشنو كيدير تماك زاد غواتو شافت فباب باه غيتحل زربات ندى وحلات عليهم لباب كان يونس كيلبس سروالو ورزان فوق النموسية ملوية عليها لكاشة شافهم باه ولحق كولشي على صوت لغوات يونس طلع معاه لقالب وبقا كيغوت وصعر عليهم كاملين ومحملش الديكو فين تحط... غير خرج يونس دخلات ندى عند ختها وسدات لباب)
ندى: (بفرحة) اممم امدرا وعلاش كان كيغت واش غير سالا شغلو تفكر انه نتي ماشي عيشة ههههه
رزان؛ (بابتسامة) لا قلتلو خاص نتزوحو وهو قالي لا وكدا ونتي كنتي باغا وانا مضربتكش على يديك
ندى: اممم اوا هزي رجليك مع الحيط باش تحملي دغيا نمشي نشوف الصعرة للي راه منوض
#عدنا _للواقع
رزان: تمنات بالصح وكان وقع شي حاجة هو منين ناض ولقاها حداه عريانة وهو عريان جمع معاها بطرشة حتى ضارت وفهم شنو وقع بقا كيسبها هي ومها وختها ويخصر الهضرة كعا بلمزيان (تنهدات وشافت فعيشة بحقد حيت الليل كامل كان كيعيط بسميتها كملو ديك المناسبة وكلها تفرق لدارو
ندى: علاش مدرتو والو
رزان: هو مبغاش عرضت راسي عليه عريانة درت حركات والو متحرك فيه والو بلعكس غير تعصب ومكرهش يقتلني ويدوزلك نتي وماما
ندى: اممم مهم نتي بقاي على رايك درتو شي حاجة وهو كينكر فهمتي متبدليش هضرتك واخا يوقع للي يوقع...
عمة عزيزة: (عنقاتو) لولولولولوووووي مرحبا مرحبا بوليدي فدارك (بعين دامعين) الحمد الله منين شفتك اولدي قبل منموووت 26 عام وانا نتسنا هاد الدخلة اوليدي (شدات صينية فيها تمر ولحليب ومداتهالو)
يوسف: (هز تمرة بابتسامة) الله يخليك لينا الوالدة انا رجعت ومنعاودش نغيب عليك (على اساس عندو فين يمشي وهو حياتو كاملة ميمكنلوش يخرج برا المغرب وداك العفو للي شدو الا حتى خرج برا غيتلغى وغيتقدم للسلطات الالمانية وحميد ضمس القضية وكلق اشاعة ان يوسف خدا العفو حيت لقاوه بريئ... باس يد مو بدا التعشاق وزغارت شوية كيتسمع دقايقية وعيساوة والناس تجمهرو كتر والخاضر يعلم الغايب يوسف رجع وتبتات البرائة ديالو وللي خلاه فرحان وطاير ماشي لقاء بعائلتو لل عندو زايين ناقصين الفرحة الكبيرة هي منين شاف فيروس بقفطان مغربي احمر ملكي مع بياضها جات حورية شادة بنتها فيدها (نسيت شنو سميتها هههه) وهازة قيصر للي كمل عماين مشا لعندهم وتخطا خوتو وعمامو والطاسيلة كاملة منين شاف حب حياتو للي مخلاتوش فأسوء ظروفو واخا عرفاتو ارهابي قتال داعيشي بغاتو عنقها تعنيقة حارة للي معنقعاش لمو للي ولداتو)
ابو لقيصر(بالالمانية): توحشتك توحشتك توحشتك
فروس: حتى انا حبيبي كتر متخيل وفرحانة بزاف حيت خرجتي من الحبس وغنعيشو كما تمنينا اسرة وحدة
ابو لقيصر: (شاف فوجها مكرهش يطير عليها بوسة يعبر على شغفو بيها ولو شوية ولكن العالم داير كيتفرج فيهم بحال دايرين حلقة شاف فلوسيان (انا عقلت ههه) هزها وعنقها) حبيبة ديال باباها توحشاك بزااااف
لوسيان: (شافت فماماها حيت هي معلمة غير الاسبانية ولكن واخا هكاك عنقات باباها حيت فروس عمرها نساتها فيه وكانت كتقولها مسافر على قبل الخدمة.. حط بنتو واخيييرا حلمو تحقق كأي رجل مغربي معقد واها شحال وهو بعيد على هاد التعقيدات هز ولدو ذكر بين يدو باسو فراسو)
يوسف: الحمد الله للي جا هاد نهار وهزيت ولدي بين يدي
ام يوسف: (طبطبات على ظهرو) ولدي سلم على باك
يوسف: (بقا هاز ولدو وكيهضر معاه حتى قالهالو مخو عاد مشا كيسلم على العائلة وعلى باه كيبين ليهم الضحكة الصفرا حيت مزال حاقد عليهم من نهار وقعات الحادثة مع بنت عمو دخل للدار لكبيرة للي كانت عبارة عن رياض كبير حيت العائلة كاملة تقريبا ساكنة تماك بقا جالس مع مرتو وولادو وكيشبع عينو فيهم حتى نطق منين جلسات مو حداهم) الوالدة بغيت ندير سبوع لولدي قيصر يكون مضخم وتكون العائلة كاملة هنا ومتهزيش هم للفلوس بغيت كولشي ياكل ويشرب ويمشي ناشط
يوسف: غير سيري انا غنمشي انا وفروس (ناض هاز ولدو ويلعب معاه وشاد لوسيان فيدو دخلو لبيتهم للي كان كبير ومقاد واخيرا تجمع مع عائلتو الصغيرة للي كان ملهوف عليها دخل دوش خرج لقا فروس نعسات قيصر ولوسيان خرجات تلعب مع بز ديال الدار كما والفات خارج بينوار دلحمام وكيمسح وجهو وفوطة صغيرة) فين لوسيان؟
فروس: (كانت لابسة غوب دونوي فلكحل طويل مع بينوار ديالو فالستان كان سامبل وانييق) خرجات تلعب
يوسف: (محملش بنتو تلعب مع ولاد هاد العائلة خاف عليها يتعاد شي سيناريو من ليي كان كيديرو) تبقاي تردي ليها البال. مزيان
يوسف: (وصلات وقيتة ديال لغدا خرجو هو وفروس وتجمعو مع العائلة وحيت فرحان بزاف نسا شوية حقدو عليهم وللي خلاه يتفش شوية هو لفشر ديالو وتفاخرو بالغنى والفلوس) احم الوالدة بغيت العائلة كاملة تحضر
يوسف: حتى هي عرضيها تحضر بغينا لخواطر يصفاو تجي هي وعائلتها
ام عزيزة: (كتفات بابتسامة وهزات راسها باه واخا للي يوقع عمرها تسمحلو هو للي كان السبب ان بنتها تطرد من الدار وهي حاملة وبسبابو لبنات تكرفسو وشحااال من حاجة ولكن حيت الدار لكبيرة جامعاهم معندها مدير بحالها بحال الخوت مغلوب على امرها وراجلها بزز عليها تحضر واخا عتارضات ان بسبابو فرقو بنتهم لسنييين ومنييين الا كان جوابو بجوجهم غلطو وهو مغتاصبهاش كانت معاه بخاطرها فالعشة ديال دجاج...)
~~~~~~~~~~~~~
كانت عيشة فلخدمة كتدمر كما كتقول حيت كولشي تجمع عليها كتحاول تخفي شوقها ليونس للي شهرين وهو غابر لا حس لا خبر جات عندها نور كتسليها كما العادة اما رقية نسات ختها وبقات حيياتها بين راجلها وصفوان وعيشة مخداتش ضغينة من عند ختها بلعكس تفهماتها ان المسؤولية كبرات عليها وخلاتها حتى توازن راسها وديك الساعة يرجعو ككانو بقاو هي ونوركيهضرو حتى خلط ممدوح عليهم
نور: (شهقت حيت متوقعاتوش يجي) ممدوح!!
ممدوح: (من بعد مسلم عليهم جلس مقابل مع نور) علاش مكتجاوبنيش ككنتي كتخسري علية ميساج!!
نور: (كان هدا اقتراح عيشة باش يرجع يهتم بيها كما اللول) لا مكاين والو
ممدوح: اممم نخرجو نتغداو توحشتك انور وبغيت نبقى معاك شوية ولا حتى هادي تقولي عليها لا
ممدوح: اممم الحد الان حطها هنا علاش عندك شي مشكل مزال غتخلصي الحق على عاد الايام للي خليتيني غنحماق من برودك معايا
نور: هههه حمق (كتقلب على ختها للي قالتلها غتعرفها بممدوح مالقاتهاش فنفس لبلاصة للي خلاتها قالت يمكن عندها شي شغل مهتماتشوزادت مع ممدوح)
عائشة: (رجع عقلها منين قالها معاد على العرض ديالو)
#فلاش_باك
معاد: شنو قلتي غير تسني احبيبة على لوراق وتكوني ديالي نمشي نتنازل على المحضر
عائشة: (بقوة الاعصاب للي ركبو فيها والضغوطات بقالها غير هدا يلوي ذراعها ويطلب شي حاجة من سابع المستحيلات)
معاد: ياله سربي الا بغيتي داك شماتة يخرج خاص نقضيو الغراض دغيا
عائشة: (بعدت حدا لباب وفينما كانت شي حجرة بدات ترميها عليه وتغوت مخلات حتى حجرة تماك هو سد لباب واخا هكاك مهداتش حتى ردماتلو لباب بلحجر وبكترة مكتسمع دف دف الناس تجوقو ومن بينهم ممدوح شاف عيشة هماك مشا جرها لعندو)
ممدوح: مالك كضربي لباب بلحجر واش داك شماتة دارلك شي حاجة (قبل متنطق حيت كانت كتبكي وهو بهضر بالجهد باش يسمعو الناس) ااا كفااش كان كيتبسل عليك لا لا نتي خاصك ديكلاري بيه (هزت عيشة وججها فيه جرها من يديها ودخلعا لكونبساريا كيقري فيها ديكلارات بيه انه ديما كيتعرض ليها وكيتحرش بيها خرج ممدوح بلا عكز جاب جوج شهود كانو مسالين قبهم شهدو معاها وهنا ممدوح بدا يلعب لعبة معاد خرجو من لكوميساريا) شوفي غير يهضر معاك ديري الشوهة وجمعي عليه الناس منهافش عليك راك عيشورية مع راسك.. من تماك معاد مهضر معاها منين جاتو الاستدعاء من لبوليس
#عدنا
عائشة: (ضحكها موقفو وكفاش هو عفوي وحمق كتر من لقياس كملات شغلها خدات اذن من عند اشرف وخرجات قبل متوصل الساعة للي كيخرجو فيها ومها تبدا بالصونيت ولونكيط استغلات هاد لوقت ومشات حدا لبحر كتنفس شوية من هواه للي كينسيها شوية دلمشاكيل.. صونات ليها نمرة بريفي مجاوباتش ورجعات صونات ليها قطعات ورحعات للمرى التالتة صونات خافت تكون واقعة شي حاجة) وييي
يونس: عويشتي!!!
عائشة: (وقفت باا متحس ووساعو عينيها وودنيها طراشو ممتيقاش راسها صوتو هو للي صونا عليها من بعد غياب ديال شهرين قالتها بصوت خااافت وكيرجف) يوونس!!
يونس: (زاد تعصب كان فرحان وهو غيهضر معاها حسابلو الحاج غيقبل بيه) ششت حبيبتي متبكييش عفااك (بتنهيدة) عويشة حبيبة واش اذاوك عفاك جاوبيني
عائشة: 😢 علاش عاد دابا مصونيلي
يونس: والله والله عاد عطاوني نهضر ممنوع ابهضرة هنا وغير باش يقبلو رغبت شحال من واحد وشحال من واحد خدمتلو خدمة ديالو باش يخليوني نهضر حتى من التيليفون معنديش حبيبة متقوليش ناسيك ولا خليتك بوحدك راه سيف علية هادشي للي كندوز
عائشة: وحتى ديك لفضيحة للي درتي بالسف عليك (هي حاسة ان كاينة شي لعبة فالموضوع)
يونس: (بتنهيدة) داروها بية لق***ت ولكن بالرب منساها فيهم
عائشة: واش كل مرة تخوني فيها دير دور المظلوم
يونس: علاش ندير دور المظلوم وكفاش كنخونك
عائشة: كما سمعت
يونس: عيشة معطاونيش الوقت بزاف باش نهضر ولكن هضرة وحدة غنقولك نتي الوحيدة للي من حقك تغيري علية ولكن ماشي تشكي فية عارفة راسك من غيرك معنديش وعليك مغنتخلاش من نهار حبيتك مشفتش من مورايا ولا قدامي كتبانيلي غير نتي نتي هي لحبيبة ديالي وقلبي درتلو بووز ورجعت هبيل غير عليك وعطيتك شحال من مرة العهد من غيرك مكاينش ونتي ديالي طوال زمان ولا قصار غير تيقي فية احياتي هادشي كامل كيدار باش تكرهيني
عائشة: (قلبها كيزدح كيزدح حتى بغا يخرج فرحااان بهاد لكلام لدرجة دموعها محبسوش نسات كولشي وبقات غير كتصنت)
يونس: وأمانة عليك اعويشة متسمعيش لشي كلام مشفتيهش بعينيك هوما بغاو يكرهوك فية حيت شافوني طايح فيك امممور متسمعي حتى لواحد وانا قريب غنخرج احبيبة مغنكملش 6 شهور وغنجي وكاع نقاط غيتحطو فوق الحروف (دقو عليه باش يسالي) حبيبة عفاك بولي غير كلمة تخليني مرتاح شوية
ام عزيزة: الله يهديك ابنتي هو مو ومدايهاش فيها جالس مقابل غير مرتو لكاورية وولادو مكيعمرش مع العائلة بزاف وباك بغاك تحضري نتي وراجلك باش ميقولوش هو دار حياتو ونتي لا
عزيزة: (بتنهيدة ووحسرة) منقدرش نولي نشوف كمارتو امي دم سناني داك السيد لا هو لا عمتي لا ديك الطاسيلة لكحلة
ام عزيزة: غير شوفي ابنتي كديري اجي نتي ولبنات
عزيزة: (طرطقت عينيها) لا لا نتي حماقيتي والله لا شافهم داك شماتة دابا عاد عرفت لاش عرضك عرف ياك ياك امي امنتك علية وخرجتي سري
ام عزيزة: بلعمى ابنتي واش خرجات شي كلمة من فمي باك هو التالي مفخبارو والو وكيقولو لبنات بنات الحاج راجلك
عزيزة: مي بنتي راها فالدار خاصها تاكل من بعد ونهضر معاك (قطعات وجلسات كتبكي بصوت خافت عيشة بقات فيها معا بزاف ومفهماتش شكون هدا للي كتكره مها ومبغاتش تمشي لعندهم تسلتات لبيت بشوية بدلات حوايجها وهي كتفكر فمها وحاسة بيها مخبعة شي حاجة للي معذباها لبسات بيجامتها وخرجات حدا مها)
عزيزة: ابنتي راه شدوه معاها فلفراش عريانين وكولشي شافهم اما ناريمان راه منين كنتي كتقراي وهو معاها يمشي ويجي واش عاد توريني فيه
عائشة: لا هوما دارولو شي قالب ميمكنش
عزيزة: الله يهديك ابنتي ونقولو هو باغيك نتي لاش مجاش يخطبك من عند الحاج
عائشة: نهار بغا يخطبني وقعو هاد لمشاكيل كاملين. ماما انا والله منخلي شي واحد يظحك علية ويونس راني كنت قدامو الوقت كامل عمرو اذاني ولا فكر منكدبش عليك فاش كنت فالمانيا كنت كنهضر معاه وديما بجوج...
عائشة: نهار بغا يخطبني وقعو هاد لمشاكيل كاملين. ماما انا والله منخلي شي واحد يظحك علية ويونس راني كنت قدامو الوقت كامل عمرو اذاني ولا فكر منكدبش عليك فاش كنت فالمانيا كنت كنهضر معاه وديما بجوج مكناش كنتافرقو (شافت فيها مها مخنزرة) الا فوقت نعاس هو كيمشي لدارو وانا كنمشي لداري لوقيتة للي كنا مكنتلقاوش فيها هو منين كان كيقلب على داك زمر ديال الارهابي
عزيزة: ضربات الطم
عائشة: ماما يونس كيبغيني وبزاف وانا منشوفش راسي مزوجة شي راجل اخر بلا يونس ومعمرني نتزوج شي حد من غير يونس
عزيزة: اممم وهو عارفك كنتي فلخرية عارف الحاج ماشي باك لحقيقي؟
عائشة: انا بعدا مقلتلو والو ومنرضاش نقولهالو والله وكان تشوفي ككيتعامل معايا اماما حتى يعجبك
عزيزة: معرفت لهادشي ديالك انا كنعرف للي يبغيك هو للي يجي يخطبك هادشي الا بغا الحاج
عائشة: وعلاش ميبغيش منظنش بابا غيوقف فطريقي
عزيزة: دابا خلينا من هاد لهضرة
عائشة: لا قوليلي علاش ميبغيش هو شحال هادي كان باغي يخطبني غي حيت كترو دوك المشاكل وباه كان مخيرو بين السخط ورضاونتي كنتي تسمعي وشحال من مرة كنتي كتقولي هاد باه زاد فيه وكاع انا عارفة ناريمان فاش كانت بغات تسحرلو ونتوما مشيتو بطلتو داكشي نتي وخالتي زهرة
عزيزة: (عوتت عليها) هاد لهضرة متخرج حتى لواحد وخصوصا نور عائشة: واخا ماما ولكن علاش بابا مغيبغيش
عزيزة: عيشة صافي ماشي وقت هاد لهضرة انا للي نعرف فاش يخرج يجي لداركم ومتبقايش تلقايه واخا هاد تقاب لعيالات كتر عليه نسا
عائشة: (فنفسها كتقول وكان غير خليتو يزيدني للائحة ديك الساعة حتى واحد مغيمنعني نتزوجو وباه كان غيزوجو لية مسكينة معارفاش للي باه يفضل يزوحو اي وحدة الا عيشة للي ماشي بنت الحاج هبطو للشوايات وخلط عليهم الحاج بتاكسي عيشة رتاحت منين عاودات لمها بقاو ناشطين تعشاو ورجعو بحالهم)
~~~~~~~~~~~~~
ابو لقيصر: مي اجي معايا بغيت ندوي معاك
ام يوسف: هانا وليدي
ابو لقيصر: (مد ليها جوا فيه فلووس كتيرة بزاف) هادو الا مكفاوش قوليلي نزيدك
ام يوسف: (تحلو عينيها) الله يخلف عليك اولدي يوسف هادشي كتير تبارك الله
ابو لقيصر: (جبد من جيبو كمشة ديال ذهب فيها سرتلة وحلاقات ونبالة) هادو ذهبك للي هزيتلك منين بغيت نحرك باش متبقايش حاسباهم علية
ام يوسف: عينها برقو وعطاو لمعان ديال لفرحة شداتهم وجلسات تبوس فيه وتعنق حتى نزل عليها بسؤال
ابو لقيصر: منين هربت من هنا واش عزيزة بنت عمي كانت حاملة؟
ام يوسف: (كتفتف) امم لا لااااولدي اصلا حتى هي هربات ومعرفنا عليها خبار حتى لواحد لعام جات لهنا تشوف واليديها الله يلكيها ليها هي سبابك فعذابك اولدي وفراقك معانا
ابو لقيصر: (بتكبر) لا معذاب موالو بلعكس رجعت طبيب ووليت لباس علية وهدا هو المهم
ام يوسف: واخا ولدي تشويت فيك سنين هادي ومكنت عارفة عليك خبار واش حي ولا ميت هانتا درتهم اولدي وتعرف حرهم
ابو لقيصر: (باس يدها) نهار جات عندك كان معاها ولادها شي واحد يكون كبير زعما ديك 25 عام
ام يوسف: لا كان معاها وليد عندو ديك عماين ولا 3 سنين وحتى هي ولات همة وشان ومزوجة شي واحد لباس عليه
ابو لقيصر: متأكدة محملاتش مني؟
ام يوسف: لا لا وكان حملات وكان قالتها لينا
ابو لقيصر: حيت حميد قالي لقيتوها حاملة وتماك فين طردها عمي من الدار
ام يوسف: (كتدعي فحميد) انا مسمعتش كاع قالو حاملة يمكن باها بغا يبرد على قلبو وقال ديك حاملة باش يطردها لكلبة كانت بغات تخرج على مستقبلك...
عائشة: راني جبت معايا لفطور من الدار نتي غير قادي اتاي ولقهوة.. نسيبي حتى نتا نسيتني حتى واحد مبقا كيسول فية
عماد: (سلم على عيشة) وانا نقدر نساك غير هاد لفنكوش راه محمقنا
عائشة: اممم عذركم اقبح من ذنبكم كاع ماشي حجة باش تقلبو علية ولكن غير خلي نهار نتزوج منعاودش حتى نكمل الشوفة فيكم
عماد: هههه ياك اعويشة ديريها. اوا كاين شي خبار على يونس وفين وصلات حريرتو فديك الدار
عائشة: مكنمشيش تماك
عماد: عرفتي شحال هادي ممشيت من واهلي كنكره حتى شوفة فدوك لموسخات
عائشة: حسن كيجيوني ميكروب من غير نور خصوصا ديك ندى حاطة عينيها على كولشي حتى بابا شي مرات كدير فيه شي شوفات غير الله يستر تعيق بيها عزيزة والله متخلي فيها شي طرف صحيح
رقية: (كتحط لفطور وسمعات الدقان فلباب) عماد نوض حل لباب
عماد:(جبد رجلو ودار يديه مور راسو) عييت
رقية: ونااااري على عكز ولا فيك الشارف شنو مني انا كولشي
عائشة: باقي فيك هاد التحراميات لعفووو منك صافي انا نحل غير بلا مدابزو ونصدق جالسة كنفاك (حلات لباب مالقات حد ولقات بواطة صغيرة هزاتها ومكتوب عليها مبروك لفضول للي فيها متسناتش تدخل فتحاتها لقاتها تيست فيه جوج شراطي حومر وورقة تحت تيست مكتوب فيها مبروك عليك غتولي اب مرة اخرى غير الام للي غتكون مبدلة عيشة جنارت تزنكات وبلعات الصدمة خدات لبواطة وخباتها مور بلاكار صبابط للي فالدخلة )
رقية: شكوون؟
عائشة: حتى واحد عييت نطل مالقيت حد
عماد: اممم شي حمار هدا على صباح
عائشة: (شافت فعماد وهزت حاجب) ولا حمارة
عماد: (ستغرب من جوابها حطو لفطور مبقاش داك الظحك والتقشاب وعيشة غير كتخنزر وتصوط دخلات رقية لبيت عند ولدها وناضت عيشة بالزربة جابت لبواطة وحطاتها فيد عماد)
عائشة: متقوليش درتيها اعماد
عماد: (باستغراب حل لبواطة ولقا داكشي عينيه خرجو ومع هو بيض رجع مطبع بلحمورية وكيقلب لبواطة يعرف منين جا هادشي وشكون للي صيفطاتو حتى سمعو الدقان مجهد هاد لمرة...)
عماد: (بصدمة وحال فمو شاف فعيشة وهو مخرج عينو) هاد لخرا راه ماشي ديالي
عائشة: (كيهضرو بشوية) وديالمن شوف شنو مكتوب قالك مبروك عليك غتولي اب مرة اخرى
عماد: عيشة متحمقينيش الله يرحم باك فهاد صباح
عائشة: كفاش منحمقكش كظحك على ختي ومعيشها الحب والحنان حتى نساتنا حنا للي عائلتها انا للي ختها وكبرنا فلحلوة والمرة نساتني وبنات حياتها غير معاك نتا وولدك وفالتالي تخونها وتزيد تحمل شي مسخة
عماد: عييشة هادشي مدرتو حتى منين كنت مصاحب معاها غنديرو دابا وانا مزوج وأب!! (رجعو سمعو الدقان بالجهد هاد لمرة حتى خرجات رقية كتجري..)
~~~~~~~~~~~~
ممدوح: (جالس فلقهوة كيكمي وحاط حداه قهوة كحلة ومكونيكطي مع نور حتى وقفات عليه المعجبة السرية للي مبقاش كيجاوبها الا اذا قالت سميتها وبينات وجهها)
#فلاش_باك
...: فيك لفضول بزااف ولا عجبتك لدرجة باغي تشوفني
ممدوح: (ببرود) نو معحبتينيش انا كنحكم على الوجه لوجه للي كيهمني اما الصوت اممم عادي
...: اممم وشنو المطلوب
ممدوح: مكنعرفكش ومكنعرف حتى اسمك ونتي كتعرفي علية شي حوايج للي شخصية كلمة وحدة شكون نتي ولا غنبلوكيك
ممدوح: شوفي لوقيتة للي تصلاح ليك وعلميني نلقى ميساج من عندك صباح غنعس دابا تصبحي على خير
...: تصبح على خير (تعجبات من الصرامة للي ولات فيه 5 دقايق تحول من انسان مرح لواحد جدي بلا قياس)
#عدنا
ممدوح: (هز راسو وحياد نظاظر ووقف) اممم نتي هي
...: (مدات يدها وهي فقمة الانوثة كانت متفجرة وكلها مغرية من صباع رجليها لشعرها كلها على بعضها كتفتن هضرا بصوت مغري) اه انا هي المعجبة السرية (مد يدو وبقا كيسكانيها مزيان)
يونس: (جلس وطبطب على بااصة قريبة ليه باش تجي عيشة تجلس حداه مشات كتجري وضحك على الموقف فاش تحط عماد هي براسها تاقت عماد دارها بقا كيضحكو عليه جابت رقية صفوان شدو يونس وهو عاجبو الحال حط حدا راسو مبلغ مالي ومدو لرقية حيت كان كيبكي) حبيبة ديالي كاس ديال لما راني من لكاديمي نيشان هنا
عائشة: انا نقاد ليك فطور
عماد: خلينا من هاد تبرهيش ايونس كنتي غتنوض علية روينة
يونس: (بجدية) راه غير بغيت نقذ الموقف
عماد: (شاف فيه عماد باستغراب) شنو ماشي نتا للي حطيتيه
يونس: (حرك راسو بلا) ولكن تبعت شكون للي حطو
عماد: (بلهفة) شكون
يونس: العشيقة السرية
عماد: اشمن عشيقة ولا *** هضر اصاحبي شكون هاد ل***
يونس: وشكون قال ديالك هادشي
عماد: يونس كتلعبلي اصاحبي على اعصابي
يونس: ديال عمي عبد الله باك ومن هضرتها وحدة مثقفة وواعية وزوييينة وحيت باك رجع لامريكا وقطع اتصالو بيها تجنتات وصيفطاتلو هاد لكادو باش تشوفو نتا وتفضح الدنيا
عماد: الواليد!!!
يونس: ايييه نعماالس عارف فوقاش غيرجع؟
عماد: بالرب وتسمعها الوالدة تمشي فيها (هنا رقية للي طالقة ودنيها مور لباب دارت ابتسامة عريضة طويلة كاع للي دوزاتو عليها غتفديه فيها) اااو الواليد مدارهاش حتى فصغرو
يونس: والمهم دابا غتسمح فخوك للي مزال حتى متزاد
عماد: (ناض من حداه) شفتها طالعالك علية هاد صباح بلا منفكرك فشنو تابعك (دخل لبيتو معصب وهي تجي عيشة ببلاطو فيه فطور شافها يونس باغي ياكلها بعينيه وغمزها)
عائشة: اممم وليتي شاعر لحبس بدلك هه وشنو تعلمتي اخر
يونس: (وقف وشافت فيه باستغراب) اجي نوريك شنو علمني
عائشة: هههه لا لااا متحلمش
يونس: (رجع جلس) اصلا مبقا والو
عائشة: مبقا والو لاش
يونس: دابا تعرفي.. عطيني نفطر راه بايلي حتى بوسة مغناخدهاش منك (باستو فشنايفو بلخطف وشاف فيها) شنو هادي بالظبط!! اجي نوريك لبوسان كداير (شدها بيد فشعرها ونزلها لمستوى وجهو حط شنايفو على شنايفها وبداها بوسة حنينة حتى تحولات لاكتر من بوسة بريئة لدرجة تخنقات كتبغي تبعد وهو كيجر بالسيف السيد وصل لدرجة الكبث حتى شافها كضرب فصدرو عاد طلق منها بقا كيشوف فعينيها) هادي سميتها بوسة
عائشة: (بحرا كتنفس) ييخ على متوحش
يونس: هادي غير لبداية اكبيدة فوقما شديت مك مغراطيكش غير ولفي عليها تقادا جهدي احبيبة
عائشة: (خرجات عينها فيه) اممم عاد تسالا جهدك انا من شحال هادي مقادي (غمزاتو وخلاتو كيظحك ناض وهو كيتحلف عليها حتى خرج عماد وباقي معصب عيشة دخلات عند ختها كيضحكو على فاطمة للي مشات فيها كفتة وغتولي عليها الضرة فاخر يامها اما يونس جلس كيفطر وكيكالمي شنو خلات عيشة هااايج...)
ندى: (كتشوف فممدوح شحال زوين ومبوكص يلمعنى جايب راسو وباين عليه مريش ولباس عليه دارت مقارنة حسن من اشرف للي مربوط مع مراة اخرى وبولادو زيد على لطاي هدا جسمو رياضي واخا ضعيف الا لحم مطراسي عكس لاخر للي خارجة لكرش شوية ومنفوخ)
ندى: (جلسات ولكن عصبها ماشي هاكا كانت متوقعة اي واحد كان كيشوفها كيحماق على جمالها هي مباغاش تزوج كيعجبها غير تبروفيطي فلواحد وهدا كل مرة كيعطيها العصير ومحسسها انها قل شان منين هي للي جات منها المبادرة ومعفر عليها بقاو مدة ساكتين حتى نطق)
ممدوح: كتعرفي نور؟
ندى: (هنا بحال كب عليها سطل ديال لما بارد) شكون نور
ممدوح: بنت سميتها نور (ظن نور مصيفطا ندى باش تختابرو وهو معندوش مع هاد تبرهيش)
ندى: وعلاش غنعرف بنت سميتها نور
ممدوح: متأكدة!!
ندى: (كتهضر ببرود) وي مهم انا غنمشي
ممدوح: اه اوكي نوصلك
ندى: لا ميحتاجش دايرة نتلقى مع صحباتي (مسمعات منو حتى كلمة عجبتيني ولا ولا..) باي (مشات من قدامو وضارت شافت فيه لقاتو داير تيليفون فونو وكيظحك تفقسات بزاااف هي حسن من نور بالف الف درجة من ناحية لعقل والزين ولطاي حلاوة لسان فينما جيتيها علاش ختار المبهللة عليها تفقسات بلمزيان شدات تاكسي ومشات نيشان للدار..)
~~~~~~~~
عزيزة: (مسحات يديها من لما ومشات بالزربة تجاوب على تيليفونها لقات نمرة ديال لفيكس نتاع مها) وييي مي.. الو الوووو وجاوبي اااامي راني مشغولة
ابو لقيصر: وي بنت عمي
عزيزة: (تسعقاات من صوتو عرفاتو هو يوووسف مقدراتش تجاوب وبقات صحتها كولها كترجف)
ابو لقيصر: شنو حتى السلام بغيتي تقطعيها علية ابنت عمي ولا راجلك حالف ليك علية!!!
سيدتي الجزء 21
محتوى القصة
التنقل بين الأجزاء