رقية: مصااب قالك نتزوجو سري دابا وحتى يشبع باقشطاق عاد يجي لدارنا بنتلو كرضع صبعي (سمعو لكلاكسون ضارو بجوج لقاوه هو ركبو فلباص وزادو غير وصل بيهم للحي لقاو سيارتو تماك دارو راسهم مشافوهش ودخلو كيتسابقو للدار....)
~~~~~~~~~~~~~~~~
....: Ebene, von Madrid nach Berlin fliegt, wird nach 20 Minuten verlassen الطائرة، المتجهة من مدينة مدريد الى برلين، ستغادر بعد 20 دقيقة)
موظف المطار: Sir Nizar, lieber Ihren Pass (سيدي تفضل جواز سفرك)
نزار: Danke (شكرا)
مشا بخطوات متتاقلة كان لابس تيشورت كحل عنقو واسع مبين جزء من الوشم للي فصدرو سنسلة فعنقو متوسطها جمجمة 💀 مشا باتجاه الطائرة بعد مدة وصلات لمطار برلين بعد عدة إجراءات خرج خدا تاكسي ومشا لدارو...
رقية: شنو نديرو بهاد التسجيل
عائشة: معرفت مهم خاص يبقى عندي
رقية: عيشة وكان يونس طلب منك هاد الطلب شنو ديري
عائشة: عاد نتسناه يطلب انا وكان لقيتو نطلبولو انا هههه
رقية: هههه كذابة غير كتقولي
عائشة: مستحيل يطلبها حيت اصلا معلبالوش بيا وهو قريب يتزوج
رقية: وغير مثلا مثلا
عائشة: نقبل هههه
رقية: زعما
عائشة: وغير داوية وصافي يمشي يزمر
رقية: كان كيعجبني سامي فاللول
عائشة: بالصح؟
رقية: (بخيبة) ولكن هو كيفكر فية غير على قبل لكلام
عائشة: مكانتش باينة عليه فاللول هاكا
رقية: هو ضيعها معايا منين قالي نتزوجو فالسر
عائشة: وحتى يبغي يتزوجك ريا مغتبغيش هي بغاتنا نقراو ونوصلو
رقية: وحتى انا بغيت نخدم وندير اللوطو ونكون مستقلة
عائشة: حتى انا ولكن منقدرش نعيش بلا دراري هههه شي حاجة مهمة عندي...
~~~~~~~~~~~~~~~
سامي: (كيهضر بوحدو) اش هاد الحالة وصلت ليها واش بالصح وليت كنميل ليها ولا حيت معفرة علية وموصلتهاش دغيا كفاش تنهي علاقتي بيها موالف انا لي كنعذب بنات وحسن منها ونلوحهم ولكن رقية غير مرة كتبان اكبر غبية مرة مكنعرفش شنو تحت راسها وكترضني غبي حمار هزيت التيليفون كنصوني عليها ووالو مكتجاوبش ماشي انا سامي للي غديريها بيا نتي ديالي بغيتي او كرهتي غتكوني ديالي....
~~~~~~~~~~~~~~~
الحوار بالألمانية
نزار: انا وصلت للشقة ديالي
....: مرحبا بيك اختاريتي الافضل
نزار: شكرا
....: غدا خاصك تستالم المهنة ديالك تابعك بزااف
نزار: اوكي
حط حوايجو دخل دوش وخرج وقف حدا لمرايا مدور الفوطة على خصرو مسح بيديه البخار للي فيها بقا كيشوف مدة فيها رجع شعرو اللور تفكر ايامو فاسبانيا للي دوزها...
عائشة: بدلي نمرتك وتهناي
رقية: وي داكشي للي غندير غدا (بقات كتخرب فتيليفونها حتى جاها ميساج كان صدمة حياتها حلات فمها وبقات غير كتشهق )
رقية: (كتغوت) دوووز عليك دكاكة يا ولد لحرااام حسابلك غتهددني بهاد جوح تصاور باينة فيهم فوتوشوب
سامي: مكنهددكش انا غير فكرت بحبنا اكبيدة غدا وجدي راسك
رقية: عمرك تحلم بية (قطعات وهي كترجف) اوييلي هاد ولد لحرام اش غيدير
عائشة: (بخوف) معرفتش ولكن مناويش الخير وكان غير بردتي معاه
رقية: محسيت حتى قطعت عليه انا نعاود نصوني (بقات كتصوني) والو ولد الكلبة مبغاش يجاوب
عائشة: بغا يلعبها علينا شماتة
بقاو لبنات لليل كامل منعسوهش غير كيفكرو صبح صباح مشاو للمعهد قراو الحصص ولسوء حظهم مكاينش خرجو رجعو للدار غير فتحوا لباب دخلو ياله جات تسدو عائشة حتى دفع عائشة حتى طاحت دخل وسد لباب
رقية: (كتحاول تفك راسها) بعد مني انا مبغيتكش واش بالسيف
سامي: (كيقربها عندو بالغصب) غتولي تبغيني مكايناش شي وحدة رفضاتني
رقية: انا مبغيتكش دخلها لراسك
سامي: شكون نتي لي مغتبغينيش (دفعها للي غيدور هرسات عليه عائشة فااز بقا شاد فراسو حتى فقد وعيو وغيب
عائشة: باش نوريك الز.. تمد يديك علية
سامي: خرج من تماك وهو غير جار رجليه كان داخل يتمتع ساعة لعبوها عليه برهوشات ماشي وكيتحلف يشدهم بذبحهم بجوج ولكن تصاور بقا ماشي وشاد راسو لي عاطيه لحريق مشا نيشان لسيارتو بقا كيمسح لميكاب ومشا المستعجلات باش يشوف داك الجرح كان معصب بزااف ومعرف شنو يدير مشا للدار فلحظة غضب وبلا ميفكر لاح تصاور فافايس ديالو للي فيه كاع طلاب المعهد وحيت مباينش وجهو كتب #هناك_طلاب_لا_يستحقون_كلمة_طالب_في_معهد_التجارة
رقية: حتى انا (نعسو لبنات وخلاو الحاج غير كيخمم حتى صبح صباح لقاوه فايق وكيتسناهم ناضو وهوما حانيين الراس بلا ميفطرو مشا وصلهم للمعهد خوفا يتلاقا ليهم او يدير ليهم شي حاجة خايبة وصلهم وبقا مدة كيتسنى الاستاذ)
سامي: انا ماشي شغلي فهاد تخربيق كامل انا جيت فقط كأستاذ بديل وغرجع الجامعة ديالي
الكل: (تصدم عرفوه أنه ممسوقش لهادشي)
الحاج احمد: دخل الحمام بحال خروجو
سامي: وشنو فجهدك مدير
الحاج احمد: غرفع عليك دعوة بالتشهير
سامي: هههه باغي تزيد تجرجر بناتك وتشوههم
لبنات: غير مصدومين من قرار المدير بالطرد هوما مداروش شي حاجة خايبة وسامي سل راسو حيت اصلا كان غير استاذ بديل بقاو غير مصدومين
الحاج احمد: علاش هوما يطردو نتا سمعتي كولشي وشفتي
المدير: للاسف المعهد كامل عارف واخا كانو من الاوائل منقدرش نخليهم عاجلا ام اجلا غيطردو
الحاج احمد: اوا وهادي الكلب
سامي: حتارم راسك
الحاج احمد: انا مزال محتارم راسي منين مدفنتكش بلاصتك
سامي: هدا نسميه تهديد
الحاج: لا تبشير
المدير: الاستاذ سامي الإجراءات القانونية اللازمة هو انك عمرك تعاود تقري هنا
سامي: (شاف فساعتو) مزيان اصلا عندي طيارة من هنا ساعة
رقية: كفاش حنا طردنا وهو
سامي: صافي واش نمشي انا معنديش الوقت لهاد التفاهات
الحاج احمد: (فهم أن الوضع مغيتبدلش ولبنات ضاع ليهم مستقبلهم فهاد المعهد بتنهيدة) مكاينش شي حل آخر من غير الطرد؟
المدير: لا للاسف
لبنات بقاو كيبكيو ناض سامي جا خارج
سامي: اه واي تعدي علية راني ديكلاريت الا وقعتلي شي حاجة غتكون نتوما سباب
الحاج احمد: سير تمشي اشماتة نتا رآه حلال يدخل عليك الواحد للحبس، لبنات تبعوني ونتا ارالي دوسيات ديال لبنات (خدا ضواسا وخرج من تماك وهو مكره ولبنات تابعينو وهوما كيبكيو ندمو بزااف حيت عطاوه مساحة باش يخرب عليهم مستقبلهم)
الحاج احمد: (كان معصب بزاف ويديه مربوطين مبغاش لبنات يضيع ليهم مستقبلهم اول حاجة مشا لبوليس عند صاحبو وعاودلو على المشكل وفعلا رفع دعوة على سامي وعلى دوك تصاور دلبنات للي دارلهم التشهير والتشويه هوما غير كيبكيو وممتيقينش ان مسيرتهم الدراسية وقفات ومستقبلهم ضاع وصلو للدار شاف فيهم بقاو فيه بزاف) صافي ابناتي باركة من لبكى للي عطا الله رآه عطاه
عائشة: والله اعمي عمرنا درنا شي حاجة خايبة معاه
رقية: (كتشهق) معمرنا حتى خرجنا معاه هو للي تهجم علينا الكلب
الحاج احمد: صافي دابا جمعو حوايجكم
عائشة: (بصدمة) علاش؟
الحاج احمد: مبقى عندكم ماديرو هنا
رقية: ومستقبلنا؟
الحاج احمد: (بحزن) المدير مبغاش يرجعكم (بتنهيدة) ضاعلكم هاد العام
زاد صوت بكاهم وشهيقهم هو مقدش على منظرهم ويديه مربوطين خرج وسد عليهم باب الدار...
ابو لقيصر: هنا غتجلس مع اخوانك كما كتشوف معدناش الحرية باش نكونو على خاطرنا ولكن كولشي مع الوقت
ليث: شنو غنكون خدام هنا؟ حيت الاخ قالي غتخدم هنا باش تبعد على الشبهات
أبو لقيصر: اكيد خدمتك كاينة يوماين وتبداها دابا ارتاح وتعرف على باقي الإخوان واللغة للي كنهضرو بيها هنا هي الألمانية بحكم كل واحد منكم بجنسية مختالفة. مع السلامة
ليث: مع السلامة..
الحوار بالألمانية
جُووْ: دكتور حالة هاديك المريضة فالحضيض
ابو لقيصر: (بالدرجة بشوية) خليها تمووت
جوو: نعام!!
أبو لقيصر: (باستغراب) عربي؟
جوو: Nicht viel (ماشي بزاف)
ابو لقيصر: مزيان سميتك جوو عاد جديد هنا
جوو: شي 15 اليوم باش بديت هنا
ابو لقيصر: فاي بلد عربي فاش كنتي
جوو: كنت فلندن
أبو لقيصر: مزيان خليك معا الفرقة المساعدة ديالي
جوو: واخا شكرا
ابو لقيصر: دخلو المريضة لبلوك انا غنجي
جوو: اوكي دكتور
~~~~~~~~~~~~~~
نزار: السلام... الحمدلله ونتا... (بصدمة) كفاااش.... اه.. اه...واخا... واخا... مع السلامة... قطع وبقا كيفكر مدة فهاد المشكل لبس حوايجو وخرج نيشان للخدمة ديالو دخل للفصل الدراسي هو استاذ اللغة الألمانية...
~~~~~~~~~~~~~~~
عائشة: (بخيبة أمل كبيرة جارا بليزتها ومطلعاها مع دروج لقات لباب محلول دخلات بقات كتقلب بعينيها على مها بانت ليها فالصالة كترضع ادم وعاقدة فولار على راسها قالت بصوت مخنوق) السلام
عائشة: خرج منها بكل برود وحنا للي جات فينا، شنو غنديرو؟
رقية: معرفتش مزال ممتيقاش ان هاد العام ضاع لينا (شوية تزدح لباب ودخلات مهم)
عزيزة: (بلغوات) صاافي مكملتوش حتى العام وجايين
عائشة: (حنا ريوسهم ومجاوبوش)
عزيزة: قلتلكم قرايتكم متفرطوش فيها لاش ماشيين دابزو مع لبنت لاش؟؟؟
عائشة: بقاو كيتشاوفو ومفاهمين والو إذا الحاج مقالهاش السبب لحقيقي
عزيزة: زهركم بحاال مكم قلت نحقق فيكم داكشي للي موصلتش علاش دابزتو علاش؟ مالقيتو غير بنت المدير
رقية: وراه هي لي جبداتنا وقالتلنا بنات الخيرية وبقات كتخسر الهضرة
عزيزة: (خبطات فخاضها) اويلي وشكون قالهالها بنت الهم
عائشة: معرفتش وحنا مرضيناش ولكن حكرو علينا
عزيزة: الله يلكيها ليها ضيعاتكم
عائشة: منين جينا لوالة محملوناش وبقاو شادين فينا
عزيزة: الله ياخد فيهم فهاد نهار الله يضيعها كما ضيعاتكم
لجوج: اميييييييييييين
خرجات مهم وهي كتدعي فلبنت مسكينة للي معندها حتى دخل ولكن لقاوها متنفس باش يهربو من التعذيب للي كان غيطبق عليهم
عائشة: ياختي موبيك رجوولة والله
رقية: ويييه يستاهل شابو (بتنهيدة) ولكن باقيين ضايعين
عائشة: دابا شنو حنا نضيعو وهو لا
رقية: ديك مليون ونص غتبقى تحفر فيه حياتو كاملة
عائشة: لدينمو قليلة فحقو، الدنيا صغيرة مزال نتلقاوه
رقية: والله لا بقات فيه ولد الكلبة...
دازو ايام كانت الصدمة خفافت شوية كانو كيتغداو مجموعين حتى
الحاج احمد: انا قررت واحد القرار
عزيزة: الله يسمعنا خبار الخير اسيدي احمد
الحاج احمد: بخصوص لبنات
بجوج: غير كيتشاوفو وكيتسناوه يهضر
بقاو غير كيتشاوفو وكيتسناوه يهضر
الحاج احمد: احم انا مبغيتش نشوفكم جالسات فالدار من بعد الجهد للي درتو هادي اعوام لذا فكرت باش مضيعوش وتكملو قرايتكم
رقية: واش نوليو ندفعو لشي معهد العام الجاي
الحاج احمد: للاسف كولشي ولا كيطلب باك جديد
عائشة: (بدهشة) بالصح؟؟
الحاج احمد: نتوما تبارك الله جيتو من الاوائل فصونطر ديال المانيا قررت نصيفطكم تكملو قرايتكم تماك
فتحو كاملين عينيهم
عزيزة: المانيا؟؟ يمشيو للغربة؟
الحاج احمد: هوما عندهم اللغة تبارك الله غيكملو هاد سوميستر ويقراو العام الجاي ويجيو يخدمو فشركتهم والمدير ديال الصونتر هو للي وصى عليهم وقلبلهم فمدرسة التجارة والتسيير تماك
عائشة: ولكن فاتت الدورة اللولة
الحاج احمد: غيعطيوهالكم دوزوها راطرباج فالتالي ديال العام رآه مسكين داك المدير تكلف بكولشي تماك حيت نتوما كنتو عزازات عليه وانا راني بديت كنقادلكم وراقكم
عزيزة: لا لا سيدي احمد منقدش نصيفط بناتي للغربة
رقية: اوا منين منمشيش جوجيني
عزيزة: ياك ابنت لحرام تسخاي تمشي لبلادات الناس
رقية: من دابا نمشي
عائشة: (بقات غير ساكتة وساهية)
الحاج احمد: اشنو بان ليك اعيشة
عائشة: (بلعت ريقها) للي بان ليك اعمي
الحاج احمد: من دابا سيمانة تمشيو
عزيزة: سيمانة!!! (وبدأت كتبكي واخا هي قاسحة معاهم الا مسخاتش بيهم رقية كتسكتها وبقات كضحكها وعائشة غير صاقرة وكضور عينيها ناضو كيجمعو حوايجهم وشنو يخصهم وعائشة كل مرة كتمشي حدا دار يونس لا على وعسى يبان حتى نهار التالي فقدات الامل وعرفات انها مبقاتش غتشوفو مشاو لكازا ودعوهم بلبكى وكولشي)
عزيزة: تهلاو تهلاو تهلاو فبعضياتكم
رقية: ضروري اماما
الحاج احمد: راني درت ليكم كونط تماك فيه فلوسكم
عائشة: اه حتى لفلوس لي كانو عدنا هنا راني حولتهم لبارح
الحاج احمد: انا كل شهر ان شاء الله نصيفطلكم براكة غير غتوصلو غتلقاو واحد السيد هو لي غيوصلكم حتى لواحد الدار
عائشة: ديالمن الدار؟
الحاج احمد: واحد الصديق كراهالي بتمن مناسب كنت كنعرفو منين كان تماك
رقية: اه كنتي عاودتي لينا عليه
الحاج احمد: هو للي طلبتوها منو غيقادهالكم وغيعاونكم فالاول حتى توالفو وحتى المدرسة مبعيداش عليكم
عائشة: مزيان عمي بغيت نشكرك بزاااف
الحاج احمد: المقابل هو تقراو وتجيو ابناتي هازين ريوسكم وستافدو من الاخطاء للي كنتو كديرو
رقية: ان شاء الله اعمي
بقا كيقريهم ويفهمهم شحال من حاجة حتى جا موعد ديال طيارتهم تفارقو غير بدموع حتى الحاج للي عمرو بكا بكا داك اللحظة ركبو لبنات فالطيارة وهوما مخلوعين ولكن دافعين السنطيحة...
من بعد عدة ساعات وصلو لمطار برلين على مكملو الإجراءات خرجو ولقاو واحد الراجل كما وصفو ليهم الحاج يكون فالسيتينيات هاز بلاكة مكتوبة فيهم اسمهم مشاو لعندو كان حتى هو مغربي مشاو ركبو معاه وخداهم لبلاصة للي غيسكنو فيها كانت عمارة فالسونطر طلعو فدروج كانت فالطابق التالت فتح ليهم لباب كانت شقة عبارة عن جوج بيوت كل واحد بالحمام ديالو ومراح وكوزينة كانت مجهزة صغيرة ومتولة شكروه بزااف كان جايب ليهم لماكلة ومعمر ليهم التلاجة خلالهم النمرة ديال التيليفون ومشا بحالو....
رقية: خرا مالك غير عاقداهم كاين شي واحد يجي حتى لالمان ويبقى هاكا.
عائشة: رآه غير لعيى الزبلة (مشات كتبقشش شنو كاين فلميكات جبدات وبقات كتسخن كلاو حتى شبعو دارو العود على لبيوت وطاحو طيحة وحدة..)
~~~~~~~~~~~~~~~
اصبحنا وأصبح الملك لله الواحد
فاقو على صوت المنبه غسلو وجههم صلاو فطرو وتسناو الراجل يجي لعندهم
محمد: سلام بناتي كصبحتو
عائشة: الحمدلله اعمي
رقية: الحمدلله
محمد: اليوم غادي نوريكم الاماكن للي غتحتاجوها المدرسة قريبة من هنا يعني ممكن تمشيلها على رجل او ممكن تاخدو تاكسي المسافة قريبة
رقية: وبالنسبة للسونطر
محمد: انا نقلب على شي واحد قريب ونعلمكم، اجيو معايا باش تمشيو تقيدو فالمدرسة
رقية: واخا عمي
فعلا مشاو للمدرسة تسجلو وكما كان الشرط بعد نهاية السنة غيعاودو ليهم راترباج الامتحان الاول ولكن الا كانو قادرين بحكم نتائجهم المبهرة يدوزو الرطرباج من بعد شهر لبنات عجبهم لحال بغاو يحيدوه عليهم باش يتفرغو الامتحان التاني.. ومن غدا لبنات غيتابعو دراستهم وراهم منين يتقداو وفين لبانك وشي لاخر غيكتاشفوه مع الوقت
رقية: (تلاحت على الأريكة) عييييييييت
عائشة: (غير ساهية وكتشوف من السرجم) معمرني حلمت نجي لاوروبا
رقية: حيت اصلا عمرنا حلمنا نفوتو 40 كيلومتر
عائشة: ههه ممتيقاش برلين دقة وحدة
رقية: امممم فاش كتفكري؟
عائشة: والو للي كنفكر فيه دابا هو هاد الامتحان للي من بعد شهر
رقية: انا مرتاحة من جيهتو نسبيا حيت تقريبا نفس المواد غير اللغة للي مختالفة وحنا 4 سنين وحنا فسونطر ولينا شادينها مزيان
عائشة: ولكن هنا اللغة مزروبة بزااف خاصنا نتعلمو لدرجة ديالهم
رقية: كولشي مع الوقت دابا نعسي باش غدا نتأنتكو ونخضرو عويناتنا فالتيتيز الالماني
سامي: جالس فسياتو يد شاد بيها بيرة 🍺 ويد كيقلب فتيليفونو وكيشوف فتصاور رقية معرفش واش توحشها ولا مزالة كتحفر فيه ديك الشمتة المهم مبغاتش تمحالو من ذاكرتو واخا دازت 20 يوم من نهار الواقعة الا كل نهار كتزيد تستحوذ على افكارو لدرجة شحال من مرة غلط وعيط لبنتو صغيرة باسمها معرفلهاش فين شدات طريق وشنو دارت من بعد متطردو من المعهد قلّب رباط كامل لبلايص للي موالفة كتمشيلهم الحي فين كانو ساكنين والو سول فالمحمدية مالقاش ليها الآثار ومزعمش يقرب من العنوان ديالهم حيت خاف من الحاج للي كان مغدد عليه، شوية صونا ليه التيليفون كانت مرتو قطع عليها وبقا كيلعن على نهار لي فكر أنه يشرب فيه لدرجة فقد سيطرتو وتهجم على بنت عمو للي كانت موجدة راسها ليه كانت خطة مدروسة بينها وبين الام ديالو وعرفو يشدوه تزوجها عن غصب بعد متكتاشف أنها حاملة منو ولدات توام كان كيتهلى فيهم بزااف ولكن مكانش كيسوق لمرتو كيشوف فيها غير لفراش وفلوسها للي مغرقاه بيه وهي عمرها حلمات يعطيها شي ريال او كادو واخا هكاك مستسلماتش وبقات كتحاول تخليه يبغيها...
~~~~~~~~~~~~~~~~~
الحاج احمد: بنتي خاصكم شي حاجة؟
عائشة: لا عمي كولشي مزيان
الحاج احمد: السي محمد وراكم كولشي
عائشة: اه كولشي وراه لينا
الحاج احمد: الله يكتر خيرو الا احتاجيتو شي حاجة اتاصلو بيا انا نهبط لمحال هاكو ماماكم تهضر معاكم...
من بعد مهضرو مع مهم وشافوها فالايمو كملو وناضو كيحفضو...
~~~~~~~~~~~~~~~~
جو: دكتور عدنا واحد الحالة عاد جات
ابو لقيصر: (دار الليكات ديالو ودخل لعند الحالة)
جو: (تابعو) عرضات نفسها لسيارة ولكن سعفوها شي ناس وجابوها نضفت ليها الجرح
أبو لقيصر: (جبد يديها وبقا كيشوف الوشم وشاف واحد فعنقها) قرطاسة
أبو لقيصر: اه ولكن فهاد العالم للي كيمشي فطريق الله كيقولو عليه ارهابي
جو: ماشي بالضرورة وانا مكنشوفكش ارهابي غير الخطاب للي قلتي قبيلة مفهمتوش ديال الخوف و..
أبو لقيصر: كما قلتلك مدام حنا مسلمين غنطبقو شرع الله
جو: اوكي
ابو لقيصر: الايام جاية وغتفهم كولشي
جو: واها نخليك دابا نمشي نرتاح شكرا على هاد السهرة
ابو لقيصر: الشكر ليك..
عائشة: رقية انا خايفة بزااااف
رقية: حتى انا والله ياله ندخلو
الاستاذ: (بابتسامة) هاي بنات واجدين؟
عائشة: اه واجدين شحال مدة الامتحان
الاستاذ: 4 ساعات مبين كل ساعة غتكون استراحة لمدة 15 دقيقة اوكي
رقية:اوكي
وزع عليهم أوراق الامتحان وبقاو كيخدمو...
~~~~~~~~~~~~~~
جو: يوسف مالك معصب؟
ابو لقيصر: (بتعصب) متبقاش تقولي يوسف قدام الناس (زاد وخلاه) الو ليث فين مشيتو؟
ليث: كل واحد كاين فخدمتو
أبو لقيصر: وكراها الامور؟
ليث: عادي حيت مبينا والو وغادي رجعو لشقتنا كأن شيئاً لم يقع هو غير تفتيش عادي كيكون مرة مرة
ابو لقيصر: اه عارف ولكن علاش عندكم بالظبط
ليث: نو عند بزااف ماشي غير حنا راك عارف ولاو كيخافو من المسلمين
ابو لقيصر: مزال الخوف يجي من بعد (قطع وجلس فمكتب ديالو كيتفكر نهار جا لالمانيا وتلاقا بأبو حفص للي كان هارب من لبوليس وخباه عندو فالدار على اساس غير لاجئ وهارب ساعة كان هارب من انفجار دارو فمقهى معروف ومن تماك بدا المشوار قاطعو صوت جو داخل يعلمو باش يهيأ راسو لعملية جراحية)
جو: دكتور عندك عملية
أبو لقيصر: جو بلا متقلق كنت معصب قبيلة
جو: نو هانية غير استعجل ادكتور الحالة عاجلة
أبو لقيصر: (بابتسامة خبيثة) بنت ولا دري؟
جو: هههه راجل مسن
أبو لقيصر: ههه اوكي اجي معايا
من بعد انتهاء العملية
جو: هالو.. اوكي.. اوكي... باي
أبو لقيصر: معامن كنتي كتهضر؟
جو: مع صاحبي
أبو لقيصر: اممم مزيان كاين هنا (كيغسل يديه)؟
جو: (عطاه فوطة) اه هو استاذ
أبو لقيصر: مغربي حتى هو
جو: بحالي نص نص مغربي اسباني كنا كنقراو بجوج فلندن
أبو لقيصر: مزيان (نخليك انا عندي ميدار)
جو: اه اوكي
اصبحنا وأصبح الملك لله
عائشة: (كتجبد) امم اللللله على نعيسة (صونات على ختها حتى نوضاتها دخلات الحمام خدات دوش خفيف توضات صلات وخرجات لقات ختها كتلبس فبيتها) حرت شنو لبس!!
رقية: لبسي لكسوة لي شريتي جديدة
عائشة: جاتك لبيسة زوينة
رقية: (كانت لابسة جينز فلكري سليم وديباردور فلبيض نازل شريشفات على كتافها وصنديلة فلبيض سامبل) عارفة
عائشة: مسكينة تيقتي راسك (مشات لبيتها جبدات كسوة فلكناري لبساتها كانت فوق الركبة شوية و مبينة واحد من كتافها وصنديلة كحلة سامبل ودارت ساك جنب هزو لفلوس ومشاو عند كوافورة عائشة قدات خصلات من شعرها فلمارو وصفر قطعات تقطيعة ديكرادي ولكن خلاتو على طولتو وموجاتو دارت ميكاب خفيف جات سوو كيوت طلبات ودارت وشم اصطناعي حدا عنقها ورقية قدات شعرها سامبل وركزات على عينيها فلميكاب حتى هي جات قرطاسة خلصو وخرجو هاد نهار كانو دايرين بروكرام أنهم بتسراو مزيان من نهار جاو وهوما محبوسين مبين الدار والمدرسة والامتحان اول حاجة مشاو فطرو)
عائشة: كنحس براسي مبدلة
رقية: ههه بزااف جا معاك اللون مكرهتش حتى انا نبدل شكلي
عائشة: حتى لمرة اخرى الا كملتي ياله نوضو (ركبو فترام من بعد مدارو بحت قبل فين يمشيو وشنو يركبو وفين اتاجهو، مشاو لمتحف pergamon museum متحف بيرغامون من أهم المتاحف العامة المانيا واحد اشهر معالم السياحة في برلين حيث يضم آثار تاريخية، وفنون، من عدّة حضارات يعود أقدمها إلى ما يقرب من أربعة آلاف سنة قبل الميلاد.. بقاو كياخدو تصيورات جاهم داكشي ممل حيت معندهمش مع التاريخ خداو ترام ومشاو فجولة سياحية بقاو عاطينها لتصار والضحك حتى جاعو مشاو مشاو hardee's داير بحال ماكدونالدز غير هو حسن طلبو سندويتشات كبار وكولا وفريت بقاو كيتسناو مدة 30 دقيقة عاد جا الطلب بقاو كياكلو ويدابزو على لفريت حتى دابزو مع واحد لكليميني قالتهم يسكتون من غواتهم ناضو حيحو عليها مزيان ومشاو حتى كيسمعو شي ناس كتغوت فتظاهرة....
نزار: فين نتا؟
جو: صافي شفتك غير قطع (قطع معاه ومشا عندو تعانقو حيت مدة هادي متشاوفو..)
~~~~~~~~~~~~~~
في المظاهرة
الصحراء غربية!
والمغرب .... أنتم في وأنزعو بالحرب أسباب الفتن وأرفضوها لا خضوع لا خنوع لا عميل لا دخيل لا عميل لا دخيل...
الموت لكلاب المغرب وكل التقدير لأبناء الصحراء الغربية عاش لبليزاريو وعاشت الجزائر... كانو كينددو بشعارات ديال لبوليزاريو كانت لغتهم ممفهوماش بزاف هازين رايات ديالهم ورايات كينددو بتدخل المانيا لتحرر الصحراء الغربية من المستعمر المغربي...
عائشة: تي ورقي هادو شنو كيهيتو
رقية: ويييه (كتشوف فالارض ملقات حتى حجرة باش تبدا تضرب كان عددهم قليل وكانو شي عيالات بشراوطهم باين على حالتهم مجرتلين بقات عائشة ورقية كيقولو) الصحراء مغربية ونتوما الكلاب الرجعية وبقاو كيتسابو بيناتهم حتى خرجو شي دراري من حيث لا يعلم جايين قاصدين لبنات محسو حتى جراتهم يد ودخلاتهم بين دروب معرفوش شكون غير جارهم ومزال كيتعايرو مع دوك الطيابات حتى دخلهم لواحد المحل عاد ضارو عندو هداك للي جرهم مالقاوهش بقاو كيقلبو جنابهم مالقاو حتى واحد قررو يرجعو عند هادوك لحمير ياله قربو يوصلو حتى وقف عليهم واحد كيهضر بديك اللغة مفهمو والو من غير الصحراء غربية وكلاب المغرب ياله غيتعايرو معاه وهو يتجمعو عليهم شي وحدين كانو فديك التظاهرة هنا طاح ليهم لما فركابي كانو بين دروب ومكاينش للي ينقدهم بقاو ساكتين ولوخرين كيضحكو عليهم ويسبوهم ولبنات غير كيبلقو فعينيهم واحد مد يدو وضرب مؤخرة عائشة غير دفعاتو جا واحد شدها من اللور بغات تفك منو وبقاو كيقربو لرقية وكيتلمسو فيهم شوية داك للي كان شاد عائشة من الور تدفع وجا طايح هو وياها فلرض ياله جاو يضورو حتى ناض تشنضيل عائشة حبات لعند ختها وقفو ومشاو كيجريو
عائشة: يخخخ على هماج
رقية: يا ختي شكون هادوك للي جاو نقذونا
عائشة: جاو فوقتهم والله شمايت جايين برباعتهم ناري قلبي غيسكت
رقية: وكان تشوفي انا اللهم سامي لي يغتاصبني ولا هادو
عائشة: خرية نتي فين كتفكري
رقية: اويلي يغتاصبني واحد خايب نمشي فيها كفتة مصهدة
عائشة: (غير كتقوس عينها فيه ميمكنش هو أو هاد الشبه كااامل!!!) اوكي ناخدو تاكسي ونمشيو
جو: حنا نوصلوكم الا معندكمش مانع
رقية: اوكي
سبق نزار يجيب اللوطو وبقا جو معاهم
جو: عائشة شنو كديري هنا؟
عائشة: اممم كنقراو Berufsschule (مدرسه التجاره)
جو: مزيان مع عائلتكم؟
عائشة: نو غير انا وختي
جو: (باستغراب وشاف فرقية) رقية ختك؟
رقية: اه التوأم
جو: (استغرب بزاف وبقا كيشوف فوحدة ويشوف فالتانية حتى تلف)
رقية: هههههه نتا فعار الله توأم غير حقيقي مكنتشابهوش
جو: ههههه ولكن غزالات بجوج بيكم
رقية: شكرا
نزار: (وقف عليهم بسيارتو jeb جو مشا فتح ليهم لباب ركبو وهو ركب حدا نزاار طلق الموسيقى على الجهد رقية وجو ناشطين اما عائشة مراقبة نزار غير من لمرايا هو صايك كانهو ماشي فهاد العالم حتى وصلهم للدار)
عائشة: (باستغراب كبييير) ممممقلتش ليك هنا كنسكنو؟
نزار: انا اصلا معرفتش انكم كتسكنو هنا غير وقفت فصطوب
عائشة: (بارتباك) احم شكرا جو freut mich (تشرفت بمعرفتكم)
جو؛ ممكن تخليولي رقمكم
نزار: (بابتسامة صفرة) مع السلامة (وكسيرة)
جو: مالك اصاحبي منين وقفنا عليهم محملتيهمش حتى النمرة مخليتنيش ناخدها
نزار: اش عندك مدير بيها رآه باينين غير براهش
جو: نو بلعكس قرطاسااات ولا عائشة للي دايرة داك الوشم
نزار: (يد كيصوك بيها ويد حدا فمو مرة كيحط لحيتو مرة كيعض صباعو) مديتهاش فيهم....
يونس: ياك فاهم كولشي غتمشي نيشان لهاد العنوان ونتا على اساس متدرب جاي من لندن وسميتك جو
عماد: اه اه كولشي مزيان استاد نزار هههه
يونس: ههه ياله تهلا (طلع للطيارة وماهي الا ساعات قليلة كان فإسبانيا وصل مشا نيشان للمركز باش يتلقاو المعطيات مع الشرطة الإسبانية وبعض الزملاء جلس واحد المدة فاسبانيا بدل شوية من الشكل ديالو عاد مشا لبرلين فالمانيا)
يونس: انا وصلت للشقة ديالي
واحد من العملاء للي مكلف بالمهمة: مرحبا غدا خاصك تستالم المهنة ديالك
يونس: اوكي انا صباح غنكون عندك مع السلامة... اتاصلت لعماد (جو) باش نعرف شنو دار وفين وصل دازت ايام بقيت كنتأقلم مع هاد المهمة وكنفكر غير امتى تسالي ياله كملت الحصة حتى صونا تيليفوني كان رقم دالمغرب هاد الرقم عاطيه الواليد وخويا والحاج كان الحاج جاوبتو
يونس: اهلا اهلا بالحاج
الحاج: السلام عليكم ولدي لباس عليك
يونس: الحمدلله الحاج ونتا البطل ديالنا كبر؟
الحاج احمد: الحمدلله ولدي عارف مخاصنيش نهضر معاك بزاف ولكن وقفت عليك
يونس: خلعتيني الحاج
الحاج احمد: لبنات وقع معاهم مشكلة وتطردو من المعهد
الحاج احمد: ههه برد برد راني فهمت باك كولشي مهم دابا انا نصيفطلك وراقهم وراه حتى مدير ديال السونطر فاش كانو كيقراو غيتعاون نخليك دابا....
يونس: (بقيت شي سيمانة كنجري فوراقهم للحظة نسيت حتى المهمة علاش جاي كنقاد وانا فرحان ولا معرفت مالي حتى قالي الحاج رآه جاو مشيت للمطار بقيت متبعهم حتى وصلهم صديق الحاج للدار بقيت ديما متبعهم لمدة شهر حتى جا الوقت للي نتلاقا فيه عماد من المغرب مشفتو درنا نتلقاو فقهيوة حتى كنشوفو شي تظاهرة ديال دوك المجرتلين بقيت كنشوف حتى كيبانلي شي جوج بنات كيدابزو وحيت انا كنعرف هادوك مزيان يطيرولهم راسهم وميحيروش بلا منقول لعماد شي حاجة مشيت حتى بانلي عائشة وختها للي منوضين ديك روينة محسيت حتى جريتهم من تماك وديتهم لواحد لمحل قبل مينتابهو غبرت ولكن هوما راسهم قاسح قبل ميوصلو للشارع خرجولهم دوك لكلاب لحسن حظهم شفناهم انا وعماد ومشينا عندهم منين كملنا من دوك المسخين بقيت كنشوف فعائشة وفداك اللبس للي لابسة وزادتها بتاتواج هاد لبنت غير شوية ديال الحرية منعرف شنو دير علم الله علاش معولة هنا شفت عماد(جو) عينيه زاغو زربت عليهم حيت عارفو ميزكلهمش وعارفها داسرة كتر)
يونس: ..عارفو ميزكلهمش وعارفها داسرة كتر مخليتش عماد ياخد النمرة حطيتهم حدا دارهم واخا جات مفروشة نقذني غير صطوب وصلت عماد المستشفى ومشيت لفين ساكنين لبنات حاضي ليخرجو غلطت منين قلت هاد شهر دارو عقلهم ساعة عائشة غير مكتزيد فيه بقيت حتى شفت ضواو مطفيين فالشقة ديالهم عاد مشيت لداري
اصبحنا وأصبح الملك لله الواحد
مشيت للسونطر وانا عارف لبنات غيجيو بقيت كنتسنى ولكن تعطلو دخلت للحصة ديالي بعد مكملت خرجت حتى لحقات علية فِرُوسْ ياله غنكسيري بانتلي عائشة ورقية خداو تاكسي تبعوني حتى للدار درتي راسي منتبهتش بقيت كنطل عليهم من السرجم نفهم غير شنو بغاو حتى شفت عماد واقف معاهم هبطت عندهم واقتارحت نمشيو نتغداو حتى فاجاتتي عائشة منين قالتلي "يونس" عرفتها شاكة فيا وبغات تأكد ولكن علاش!! وفاش كنهمها باش تأكد!! كملنا غدانا وصلتهم لمدرستهم ومشيت لداري مع الدخلة حليت لباب حتى دفعاتتي والشرارة خارجة من عينيها
فيروس(firous): كيف تجرأ (Wie es wagen )
يونس: بقيت كنشوف فيها نسيت واش جبتها معايا للدار اعتاذرت منها ووصلتها لدارهم أو بالمعنى سيقتها بقيت جالس كنتواصل مع دراري دالمهمة ودماغي غير فعائشة دخلاتلي الشك طريقة باش كتشوف فية وحتى فالمغرب قطع صوت افكاري صونيط ديال الدار مشيت حليت كان عماد دخل وهو مدرم
عماد: بناااات الحاج؟
يونس: (بابتسامة) رجوع الله اولدي مالك
عماد: جاتني غرييبة بزاف شنو كيديرو هنا ياك كيقراو تماك
يونس: كان وقع ليهم شي مشكل وجاو يقراو هنا
عماد: (دار يدو مور عنقو ورجل على رجل وتكا فلفتوي) انا غنهبط نخطب عائشة من عند الحاج
يونس: (تسيف عليه) براكة من تبرهيش ديالك
عماد: اشمن تبرهيش انا قلت نتزوج ماشي نتصاحب
يونس: اممم قولي شنو درتي مع داك لخوانجي
عماد: ابو لقيصر سميتو يوسف طبيب ملتزم ولكن مكبوت من درجة عقيد تخيل اصاحبي كي... المرضى حتى كيموتو
يونس: (باشمىزاز) وايلي
عماد: والله
يونس: معرفتيش شي حاجة على دارو
عماد: دارو لا ولكن مشينا لواحد الدار فيها شي 6 ديال دراري راني كنت عاودت ليك الحوار للي ضار
يونس: امممم انا كنت صيفطت لبوليس لديك الدار ولكن ملقاو والو
يونس: (بنفاذ الصبر) وااااايلي اصاحبي زدتي فيه خلينا من تبرهيش حنا فين ونتا فين
عماد: (ببرود) عجباتك عائشة!!!!
يونس: اوو استكشاف خطيييير
عماد: هههه غير قول
يونس: عماد دوك لبنات بحال خوتي صغار
عماد: امممم تيقتك، اوكي ندخل نعس غدا خدام بكري
يونس: اوكي (بقا جالس وكيفكر فكلام عماد وكيهضر مع راسو.. أو زعما باينة عجباتني؟ انا من المغرب كانت تارت انتباهي بتصرفاتها ونهار سطح!! نو مكتعجبنبش ميمكنش هي مبرهشة وقويفزة وتابعة لفلوس وعلم الله شنو كدير كل مرة كنشوفها مع شكل نو نو مكتعجبنبش هي ماشي انسانة صافية وفعيني غير برهوشة وصافي طردت هاد الافكار ودخلت نعس)
~~~~~~~~~~~~~~~~
رقية: زربتي اصاحبتي منين قلتيلو يونس
عائشة: (مكرهة) هو يونس ميمكنش
رقية: هاااء والسيد كيقولك ماشي انا ونتي كتقولي هو بالسيف
عائشة: رقية سيري لبيتك بغيت نعس
رقية: كطرديني السفلية؟
عائشة: لباااب!!
رقية: واخا ديريها فين تجيك الآلة
مشات رقية وخلات عائشة فأكبر حيرة هي متأكدة هو وهو نفى بقات كتفكر حتى جبدات عليها بنعسة
~~~~~~~~~~~~~~~
اصبحنا وأصبح الملك لله الواحد
عائشة: (معصبة وكتهضر فتيليفون) واخا لكلبة والله متبقا فيك
مشاو دخلو للحصة فسونطر وعائشة دماغها غير هارب ليها كتسنى غير امتى تخرج دازت ساعة ونص عليها بحال عام خرجات هي اللولة وتبعاتها ختها كيقلبو على الزين الصافي
عائشة: واش مكاينش اليوم؟؟
رقية: خخخخ مشا زواق هباءا منثورا
عائشة: تهجربه الكلبة (بقات كتقلب عليه والو مكاينش شوية كيبان ليهم واقف ومعاه نفس ديك الزعرة مشات عائشة عندو كتجري)
يونس: من بعد مرجعني فهد مشيت للسونتر حتى وقفات علية فِرُوس
يونس: (تعصب حتى طرطقو لعروق فيدو شدها من يديها وجرها)
عائشة: نتا يونس لبولييييسي (محست حتى دخل بيها براس معوداتش عرفات راسها فين واقفة ولا غدفين هي ولا شكون هي سخفات هزها شافتعا ختها وجات كتجري)
رقية: شنو درتي أولد لحرام
يونس: (خنزر فيها حتى جمعات فمها) كملي قرايتك جو غادي يجي ياخدك منين تكملي
رقية: (سمعت القضية فيها جو وهي تبتاسم) اوكي
يونس: (هزها وداها للي تلقاه كيقولو فقدات وعيها كانت جبهتها حمراا بكترة ريوسية للي دخل فيها حطها اللور وركب ياله جا يديماري وهي توقف)
فيروس: نزار شكون هادي
يونس: (بلغوات) حيدييييي من هنا (حيدات وهو يكسيري داها نيشان للشقة ديالو هزها وطلعها حطها فوق النموسية ديالو وبقا كيشوف فيها الطبعة باينة فجبهتها بقا ماشي جاي ماشي جاي جاب كاس ديال لما وبقا كيرش عليها حتى بدات كتفيق هزات يديها كتلمس لبوقالة للي عندها فراسها)
عائشة: اححح
يونس: (واقف متكي فلحيط وكيخنزر فيها)
عائشة: (ناضت شافتو قدامها وبقات كضور راسها باش تعرف فين هي) فين انا؟ وعلاش ضربتيني؟
يونس: (غير كيصوط وكان بقا يطحنها اكترية الا تعرف بوليسي وسمعوها شي وحدين)
عائشة: (حاولات تنوض واخا فيها الدوخة وقفات جلسات على طرف النموسية)
يونس: علاش كتبعيني
عائشة: (توترات) حيت نتا يونس
يونس: (غوت) ويلا كنت يونس علاااش كتبغيني
عائشة: (عضات شنافتها ومعرفت شنو تقولو)
يونس: (صاط بالجهد ومشا كيهضر فالتيليفون مع عماد باش يجيب رقية جاب ميكة ديال الثلج ومشا عندها لقاها جالسة وكتبكي شاف فيها باستغراب) علاش كتبكي
عائشة: (مسحات دموعها دغيا) نو
يونس: (جلس حداها وقرب لعندها هز الثلج حطو فجبهتها وهنا اول مرة كيتقربو بزاف عينيها فعينيه بقا مفيكسي فيها وهي مرة كتهربهم مرة كترجعهم ارتبكات بزااف لهاد القرب هو مكيرمش غير كيشوف فيها نظرات جدية حتى نطقات)
عائشة: نتا يونس؟
يونس: (بابتسامة) مجوبهاش وحتى هي بقات كتبتاسم
عائشة: (وعاود سولات) نتا يونس ولد عمي الحاج، يونس لبوليسي
يونس: (ياله غيجاوب حتى سمعو باب الدار كيتحل هزلها يديها وحطها فجبهتها باش تبقى شادة الثلج وخرج من لبيت...)
رقية: (بقات واقفة قدام السونتر حتى بان ليها جو عضات فشنايفها بكترة معاجبها)
جو: روكا لباس
رقية: (ابتسمات حتى بانت غمازتها اول مرة شي واحد يعيطلها بروكا) الحمدلله ونتا؟
جو: (بقا كيشوف فيها) الحمدلله (مد يدو) مشينا؟؟
رقية: (حركات راسها وشدات فيه فتحلها باب السيارة ومشا ركب رقية نسات ختها لي كلات تشقيفة قبيلة وبقات كتهضر غير بتقالة والإبتسامة فوجهها)
جو: (كيسوق ومرة مرة كيخطف فيها الشوفة) روكا اممم تغديتي؟
عائشة: ههه اوكي (حطات داكشي فطباسل صوبات عصير وجلسات هو بقا كياكل وهي غير كتشوف فيه ممتيقاش انه قدامها واخا رافض يعترف أنه يونس ولكن هي متيقنة 💯 أنه هو)
يونس: متاكليش؟؟
عائشة: (هزات فرشيط وبقات كتاكل وكتسنى غير يكمل باش تبدأ تسولو)
يونس: (جاه مساج من عند بوليسي الماني كيتعاون معاهم وخبرو بالحضور ديالو الضروري فهاد الوقت رجع التيليفون لجيبو شرب كاس دلعصير) عائشة خاصني نمشي دابا شكرا على لغدا (ناض وهو مزروب) متنسايش دوا (فتح لباب قبل متفتح فمها) باي (خرج ومشا مزروب...)
عماد: روكا شنو تاكلي؟
رقية: اممم (كتشوف فلموني) طبق 7
عماد: (قلب على الطبق) اه حتى انا
خدا النادل الطلبية ومشا
عماد: شحال ونتوما هنا فألمانيا
رقية: ماشي بزااف شي شهر ونص
عماد: اه يعني مبديتوش لقرايا من اول العام
رقية: (تبدل لون وجهها) لا
عماد: مزيان لقرايا هنا حسن
رقية: نتا طبيب ديال!!
عماد: polyvalent
رقية: اممم جميع الاختصاصات
عماد: وطبيب ديال نسا يعني اي تساؤل مرحبا
رقية: ههههه (ضحكات حتى بانو غمزاتها كتر)
عماد: (باعجاب) dein Lächeln ist schön (باتسامتك زويينة)
رقية: (بخجل) Danke شكرا
عماد: اممم واخيرا جات الماكلة
~~~~~~~~~~~~~~~~~
عائشة: ولد لحرام زرب علية يخ يقولي غير انا يونس وااااااع واش هو للي كان كياكل حدايا ممتيقاش راسي لهاد الدرجة عندي زهر (مشيت لمرايا كنشوف راسي تخلعت بلبوقالة للي فراسي ولكن بسبابها تقربت منو طلقت موسيقى وبقيت كنشطح بلفرحة حتى تهديت جمعت ديك روينة واخا مسخيتش نغسل الطبسيل فين كلا ولا الكاس فين شرب العصير مشيت دهنت ديك لبوقالة وجبدت كتوبي على متلحق رقية..)
~~~~~~~~~~~~~~~
يونس: (خرج مزروب ركب فسيارتو وكسيرة مرة كيضحك منين كيتفكر الموقف ديال هاد نهار مرة كيخنزر منين كيتفكر خصايلها فالمغرب وصل للمركز دخل كانو شدو شي دري عندو شي 19 عام ياله جاي من سوريا حارك وكان مغربي من المشتبه فيهم دار معاه يونس بحث علاش وفين وفوقاش وكفاش مشا وشكون عاونو باش مشا لسوريا شنو الهدف ديالك وبزااف ديال الأسئلة.. ماشي ساهل باش غيعتارف بقا معاه يونس حتى رفض يهضر واكيد مزال مغيتحولو للتعذيب حيت ماشي من مسؤوليتو هو خاصو غير يعتارف باش يصيفطوه للمغرب خرج من تماك مشا نيشان لدارو لقا عماد تمااك...
عماد: على سلامة من قبيلة وانا كنصوني عليك
يونس: (عاودلو كولشي)
عماد: اممم دراري صغار كيضيعو راسهم على والو
يونس: بزاااف شفتك كتلبس
عماد: بيرمانونس هاد الليلة مع ابو لقيصر
يونس: ياك خدمتي صباح
عماد: وي ولكن كاينة شي حاجة للي طارئة يمكن شي كسيدة ولا شي حاجة
يونس: اه الله معاك
عماد: اوا ماقلتيليش
يونس: شنو
عماد: علية الذييب (كيعيبو) بحال خوتي صغار
يونس: نتا لي مقلتيليش فين خديتي لبنت سمع لبنات رآه أمانة عندي الحاج شحال وهو كيوصي عليهم
عماد: يااك الجحش ومتقوليش رآهم جايين
يونس: وعلاش نقولهالك ونتا مكتعرفهمش اصلا مهم الا شي حاجة فبالك غير حيدها
عماد: واش غنخلي الالمانيات ونمشي عند بنات الحاج (ياله تهلا انا طلقت لكرا فديك الدار وغنسكن لتحت منك في حالة بغا يجي ابو لقيصر)
يونس: اوكي انا غنقاد لكامرات تهلا....
~~~~~~~~~~~~~~~~
ابو لقيصر: جو تعطلتي؟
عماد: غير مع طريق عامرة شنو وقع
ابو لقيصر: (بابتسامة) شي كار تقلب
عماد: لا حول ولا قوه الا بالله العلي العظيم (باستغراب) وعلاش نتا فرحان
ابو لقيصر: والو والو
عماد: نو قولي
أبو لقيصر: (بهمس) التيتيز للي دخل وحدة تنسيك فوحدة خلي الدنيا تخوا ونتبرعو انا وياك
عماد: نو نو انا خاطيني كيعجبني بنادم يتحرك تحتي ولا فوقي معنديش مع نعاس الموتى
أبو لقيصر: هههه جرب وعاد حكم (لبس طابليتو وسبقو تبعو عماد لقاعة المستعجلات يشووفو شنو ينقذو ولي يداوا....)
سيدتي الجزء الثالث
محتوى القصة
التنقل بين الأجزاء