سيدتي الجزء 39

من تأليف Hajar Ribika
2020

محتوى القصة

رواية سيدتي

يونس: (واقف هو وعماد كيتفرجو) تنااااكت
عماد: بالعكس تقبلوها عاادي واصلا عيشة عندها الحق باهم لحقيقي هو الحااج 
يونس: مممعرفتش كما كان الحاال هاد الشوهة مكانش عندها حتى شي ضروورة ولبنات بقاو فيا وللي بقات فية كتر هي عزيزة (شاف فباه جاي جيهتو) ها حنا غنبدااو
عماد: عمي لباس؟؟
اب يونس: لباس لبااس تبعني ايونس للدار
يونس: شي حاجة الواليد
اب يونس: (عطاه بظهر وتم غادي) تبعني وصافي
يونس: (مسا باه وشاف فديك العمة قدات شالها وزادت خلفة مع طريق وصلات حداه) لاش هاد الشووهة
العمة: (شافت فيونس وعقلاتو) قتلتو ولدي وبعدو علية حفيداتي وتهنييتو عمرني نسمحلكم
يونس: (تبسم باستهزاء) مبغييتش نصدمك الحااجة ولكن راه ولدك كان كيقتل فعباد الله بدم باارد ولمصيبة خرج من لحبس فعوط وااحد للي يستاهلو بعكس ولدك للي متابش وخرج وهو فنيتو يزييد يقتل وينصب كما كان كيديير سيري تركني فشي قنت ودعيلو بالرحمة والمغفرة ونساي عليك عزيزة وبناتها راه واخا نقولو ولدك كان عايش وهو للي كبر لبنات مكانش غيعاملهم كما عاملهم الحاج وبغاهم ياك نتي باغا غير تشوفيهم فرحانين راهم فرحانين ومرتاحين بلا بيك نتي وولدك
العمة: نتا اخر واحد تهضر
يونس: عندك الحق اخر واحد يهضر حيت من اللول كان علية نتيري فشماتة ديال ولدك ونهنييو الوقت ولكن ربي يمهل ولا يهمل مات مووتة ديال لكلاب
العمة: الله ياخد فييك الحق قتلتيييه وكتشفى (مشا وخلاها تبكي وتغوت حتى لقات الناس كيدورو بيها بدات تغوت عليهم بحال لمجنونة اما لفووق فالدار كان الحاج دخل عزيزة للي كتبكي ومرضاتش بهاد الشوهة للي وقعاات ومبغاتش بناتها يتعقدو واخا هي عارفة ومتأكدة من حبهم للحااج اما فلكوزينة كاينة عيشة ورقية واقفين بوحدهم مخليين زهرة للي عارفة الحقيقة شادة لوليدات وكتحسر على هاد الشووهة)
رقية: نااري صدق الارهابي هو للي تكرفس عليها
عائشة: بففف مكرهتش وكان نتفت مها زغبة بزغبة ولكن كنت مكتفة من كان بابا وااقف قاالك حقا ترحمو على ولدي يييخ عرفتي باقا عااقاة عليه فالمانيا منين ضسر علية منسااش يا ختي داك نهاار
رقية: تفوووو يا رييت وكان معرفتوش كنت كرهااه دابا كنمقتووو 
عائشة: (سكتو شحااال وهي يضربها الضو منين تفكركت واحد لكلمة) يونس غيكون عااارفو 
رقية: لا لا موحاال 
عائشة: لا اصااحبتي نهاار زبلتها معااه قالي كتشبهي لبااك فالاجراام ديالو واكييد مكيقصدش بابا
رقية: زعما!! وحتى ويكون عرف ميقدرش يجرحك بيها انا عماد الا كان عارف نعذرو حيت ماشي شي حاجة للي تفرح ولا حتى تبكي
عائشة: ااه حتى انا معندييش مشكل ولكن وكان قالهالي حسن هو معندووش مع لكدووب وكيلومني على كدوبي
رقية: لا لا نتي كدووبك فشكل وهدا ماشي كدب هدا مبغااش يجرحك فكري فيها هااكا
عائشة: نااري يوونس شحال كان عارف علية شحال من حاجة خاايبة ومزاال كيبغييني
رقية: لولولولولوووي صبااح لخيير
عائشة: ههه اودي كترة الهم كظحك هههه قالك نترحمو علييه 
رقية: انا بقات فية ماما
عائشة: حتى انا والله اروكا ختى مكرهتش نقتل ديك لكلبة ولكن غنزييد نبين اننا من نفس طيينتها 
رقية: اودييييييي نمشيو مدقو عليها
عائشة: لا خليها مع بابا حتى تبرد وتخرج ياله نمشيو عند مي زهرة مسكينة شحاال بكااات...

فاطمة: (دخلات لبيت نور لقاتها كتجمع باليزتها وباينة فيها مزرووبة) ياااء ابنتي علااه باغا تمشي داابا
نور: جاتني سفرة مزرووبة اخالتي صروووري نمشي
فاطمة: (بحزن) فيين واش لميريكاان؟
نور: لا اخالتي غير لمرااكش على حساب الخدمة ياله تمشي معايا ونيت نفوجو واحد اليوماين 
فاطمة: واخا ولكن ندوزو قبل على ولدي نعلمو
نور: (بابتسامة) وعلاه نمشيو بلا خبارو
فاطمة: هههه ااح عليك الجنيونة الله يهدييه 
نور: (بتنهيدة) امييييييين
فاطمة: (مشات جابت تيليفونها من لبيت وجلست حداها دوزت نمرة عماد للي شحال عاد باش جاوبها) اولو ولدي حبيبي
عماد: (معندو خاطر) وي الوالدة
فاطمة: لباس علييك احبيبي
عماد: الحمد الله ونتي كبقيتي؟
فاطمة: لباس اولدي نقصني غير نتا ونكون بيخير (مجوبهاش) ولدي اجي دوز عندي بغيتك فشي حاجة
عماد: بففف معاك ديك لمرض
فاطمة: احم لا 
عماد: (متيقهاش) بغيتيني فشي لعبة؟
فاطمة: وعلاه اولدي حتى نبغي شي حااجة راه رجعت وحييدة اولدي
عماد: نتي للي بغيتي دابا انا ممساليش واش بغيتي فلوس
فاطمة: لفلووس انا للي درتك باش دييرهم وانا للي كنت نعطيهم لييك
عماد: الوالدة من لخر
فاطمة: اجي عندي نشووفك ولا نهز حوايجي متوليش تشوفني مرة اخرى
عماد: اجي نتي عندي انا فدار عمي اما ديك الدار مجاايش لييها
فاطمة: ياك اولدي
عماد: هاني فدار عمي اجي الا بغيتي ياله بسلامة راني مشغوول (قطع ودخل لدار عمو معاجبووش الحال لشنو كيسمع من اب يونس)
اب يونس: قلتهااااالك نخار اللول ولا لا
يونس: (جالس مفرق رجلييه وحاني راسو مباغيش ينفاجر على بااه حيت مريض بالقلب)
اب يونس: انا بغيت غيير نعرف واش نتا كنتي عارف ولا لا (شافو مكيجاوبش) كنتي عاارف ومخبي علية تحديتينا كاملين وتزوجتيها بالسيف حتى على بااها ولا نصحح ونقول رااجل مها
يونس: (هز وجهو بنظرات باردة) بااها هدااك وماشي نتا الواليد للي تحكم واش باها هداك ولا لا
عماد: عمي حشوومة عليك للي كتهضر عليها مرت ولدك
اب يونس: راك حتى نتا كنتي فداار غفلوون كنتي عارفهم بنات الارهاابي؟؟ علاش خبعو علينا؟؟ واش ماشي من حقنا نعرفو وللي صااحبي يا حسرة وسنيين وحنا معاشريين خلع علية
يونس: (فاض صبرو) ويكوونو حتى بنات الشيطان ديك لبنت منها منخلاق
عماد: حتى انا ماشي شغلي فشكون بااها يكفي ان الحاج هو للي ربااهم
يونس: لا هو مكيشوف حتى حاجة زويينة كيقلب على ابسط واتفه الاغلاط للي ماشي بيدهم ويشد فييهم.. شووف ابا عيشة هي مرتي ومت ولادي احب من احب وكره من كره وهي بنت الحااج احمد ولاالة عزييزة للي ربااتهم وعرفات تربييهم وانا مفتااخر بمرتي ومكنتسنااش شي وااحد يخصر صورتها حيت انا عااارف شكون هي مزياان (خرج زاادح لباب برجلو حتى تحل وخرج معصب كينكر)
اب يونس: (شاف فعماد) شفتي شفتي ككيديرلي غيقتلني
عماد: ولكن اعمي راه قال غير الصح واش نتا بغيتيه يطلقها فشي حاحة معندعاش دخل فيها
اب يونس: انا كنقول علاش خبعو عليينا ياك تناسبنا من حقنا نعرفو معااامن ماشي حتى نتفرجو فالشوهة مع عباد الله (دخل يونس عليهم خاالعهم وشاد لكارو بيد)
يونس: 😡 اشمن تناسبتي ياك نتا وقفتيلي فهاد زواج من اللول عاام وانا نرغبك ونتا هااز شووكتك على لبنت
اب يونس: حيت شكيييت ان الاصل مكااينش
يونس: (رفع صووت معصب) متهضرش على مرتي هكااااك 😡😡😡 
عماد: نعلو الشييطان عمي متكبرش الموضووع 
يونس: اصلا ماااشي شغلك فهاادشي نكوون جايبها من زنااقي مدخلش 
اب يونس: (حمر عينو فيه) هضر باحترااام مع بااك 
يونس: (جاوبة فلبااصة) حتاارم مرتي 
اب يونس: خرج علية من دااري المسخووط نتا ممعاك هضرة
يونس: هاا هو خاارج ولكن ديك بنت الحااج للي مكديرش بوجهو ولو شوية قيييلها هاديك مراي وكتخصني غير انا واخا تكوون شيطاان باغيها كما هي (ملقا حتى حاجة قدامو يخرج فيها اعصابو يهرسها مشا حتى للجردة وضرب برجلو واحد لفااز ديال لورد حتى شتتو برملتو عاد خرج صااعر كان كيقول با ربي سلاك غير مع خدمتو ها هو بلان اخر زااد شدها طرييق برجلو حتى لقبوور فين ميتفاجا ويهضر ويقول كااع باش كيحس جلس على حجرة وبقا كيشووف فسمية مووو تنهد بعمق وقاس رخامة) الله يرحمك امييمتي والله مكرهت وكان كنت ميت حدااك ونرتااح من هاد الدنيا للي من نهار مشيتي وهي معكسة معايا (بقا كيقرا شوية ديال القران والدعااء وبقا ساااكت من لداخل ديالو كيغوت ويعرعر ويعاااودلها بحال راها حدااه وكتجاوبو ومن برا كيبان انسان هااادئ وسااهي من غير حواجبو للي مقرونين... استغفر الله وناض منين بدات شتا كطيح حنا على قبرها وقاس رخامتها باشتيااق كبير وتم ماشي ركب فطموبيلتو ومسح على وجهو وراسو سنع تيليفونو صونا هزو كان اشرف خوه جاوب) وي
اشرف: فيين اصاحبي من ثباح وحنا كنصونيو ليك
يونس: كنت فلقبور مهزيتوش معايا
اشرف: (ياله غيبدا يلومو ومنين قالو لقبور رجع فكلامو حيت عارفو الا مشا فهاد الوقت كتكون واصلة ليه للعظم) اممم وكان قلتيهالي نمشي معاك حتى انا من الجمعة ممشيت
يونس: اممم
اشرف: دوز للدار انا تماك
يونس: دابا والله ممسالي غنمشي عند الحاج ونهز مرتي وولادي نديهم للدار 
اشرف: اجيو وباتو هنا نتجمعو شوية
يونس: لا خويا غير بصحتك مرة اخرى
اشرف: وصافي متديش على لواليد
يونس: اوديييي دابا باغي نمشي غير نعس
اشرف: وغير اجي نشوفك شوية وسييير
يونس: حتى ندوز بعدا على الحاج ونصوني عليك
اشرف: واخا اسييدي....

عائشة: (من بعد مرضعات ولادها وبدلاتلهم خلاتهم كيلعبو حدا رجليها وهي ساهية كما كان الحال بقات صدمة ليهم منين عرفو بديك الطرييقة وخا مبينووش ووحدة خبات على لوخرا احساسها فديك اللحظة وتقبلوها غير بالظحك ولكن للي زاد حرقها فاش طلات على ختها معنقها عماد كيواسيها ويرغبها مديرش فبالها بقا فيها الحال وتمناات حضن من يوونس سمعات الحاج كيعيط ليها نشات على عينيها لمغرغرين وخرجات عندو) بابا عيطتيلي
الحاج: اه ابنتي انا نخرج نجيب شي دوا ردي لبال على ماماك
عائشة: (بحزن) واش مزاالة سخفاانة زعما ناعسة
الحاج: كترتاح شوية ابنتي مهم انا غنمشي باقي عماد هنا
عائشة: اه بااقي انا نيت نرد لعشا يمكن يونس يجي راه غارق خدمة اما يجي زعما ميمكنش يعرف شنو وقع وميجيش ياك ابابا
الحاج: (حس بيها) انا نصوني عليه (تبسمت مودعاه يخرج ودخلات للصالون على عماد للي كيبوس فرقية غير شافها بقا مدرعها بيد)
عماد: زيونااات مالك نافخة حنووكك
عائشة: فيين يونس علاش مجاااش ياك حتى هو فخباارو هئ هئ (كتمسح فدموعها) حشوومة علييه 
عماد: راه الخدمة اختي زيراتو
عائشة: (ناضت من حداهم كتهرنط بغات تمشي لبيت حتى كتلقااه ياله داخل وكيمسح كويرتو من شتا غير شافتو ومع لبكى كانت كيووت بدوك شوفات للي دارت ديال عقل فييها)
يونس: (حيد كويرتو وجاي قاصدها حتى لقاها مشات لبيتها تبعها وحل لباب ورجع سدو لقاها فوق النموسية كتبكي مشا جلس حداها وكيطبطب على ظهرها وكيتبسم مع رضوان للي مزال كيلعب بوحدو اما لوخرين نعسو وهي كتسناه يهضر معاها ويواسيها حتى هزات راسها لقاتو سااهي) حبيبة
عائشة: علاش عاد دابا جاي
يونس: (شاف فرضوان) نخليو رضوان مع رقية ونخرجو
عائشة: (دموع فعينيها) دابا؟!!
يونس: اه دابا (شدها من يديها وقفها وحنا هز رضوان وخرجو من لبيت مشا عند رقية للصالون حطو حداهم وخرجو.. عيشة غير شافت شتا رجعات اللور)
عائشة: لبس شي مونطو
يونس: (هز كويرتو واخا لابسها وخشا عيشة فيه مغطيها وخرجها وهي كتشمشم فريحتو وتفرنس من لدااخل حتى دخلها للطموبيل ومشا ركب هو شاف فيها) صافا
عائشة: (حنات راسها بحزن وحركت راسها بلا هز ذقنها باش تشوف فيه) ماما مسكينة جاتها كرييز قبييلة حتى جا طبيب ودك ليها ابرة عاد تهدناات
يونس: (لمس على شعرها) وقييتة وغدووز
عائشة: كنتي عارف ومقلتيلي والو
يونس: (بقا ساكت شحاال وكسيرا موقف غير فبلاصتهم للي من ديما كانو كيكونو فيها باش يبقاو بوحدهم حيد الصمطة ودار عندها وهي كتشوف قدامها وتسمع صوت لبحر) عوييشة شوفي فية (مشافتش فيه.. شد ليها يديها وزير عليهم والو مشافتش فيه حيد ليها الصمطة وهزها حطها فوق حجرو شافت فيه) شنو كنت غنقوولك احبيبة حطي رااسك بلاصتي
عائشة: (بصوت مخنوق) عادي وحتى وكان قاتيهالي مغنتأزم كوالو حيت من الاصل مكنتش كنقلب عليه ولا كنتسنااه 
يونس: اذا خوي رااسك من هادشي وفكري فماماك محدها كتشوفكم هاكا غتلوم راسها
عائشة: (حركت راسها باه) امتى عرفتيها نتا؟
يونس: اممممم من نهار جينا من المانيا
عائشة: (شهقت) حراام عليك مقلتيلي والو
يونس: حبيبتي نسااي هادشي قوليلي نتي واش بيخيير من داكشي للي وقع صبااح
عائشة: انا لبااس ولكن توحشتك
يونس: باينة (غمزها) من حقوقي الشرعية راه باين لبلان
عائشة: (تزنكات) ولاا زعما بغييتك نتا شحال مجلسنا وهضرنا
يونس: وااخا الالة ضنو باغا تقوليلي
عائشة: (زادت تكات على حضنو ووجها قريب لوجهو) بغيت نقولك كبرتي فعييني بزااف وزدت كنبغييك كتر وكتر تقبلتيني كما انا واخا كنطيير مع طيوور وكنتبرعش وبزاف لحوايج خايبيين
يونس: الصراحة قبل زواج كنتي مرزنة وكان عرفتك هاكا كنت غربييك عاد نتزوجك
عائشة: (غوبشت وضرباتو فصدرو وربعات يدها مبعدة منو) زمر للي معاك شي رومانسية منقوولكش ياله
يونس: هههه (جبدها معنقها ولا نقولو خانقها) غتسطييني ابنت عزييزة
عائشة: (زادت عنقاتو) مرتاح معايا
يونس: (باسها فعنقها) لا 
عائشة: غنرجع ككنت والله كنعاود نتبرهش
يونس: كوني كبغيتي انا منك منخلااق...

عماد: (تيليفونو مصدعو وهو كيقطع حتى بلا ميعرف شكون) رووكا حني فية شوية
رقية: باش نعلمك تخبع علية
عماد: والله لقساام متعااود انا خبييت حيت مبغيندتكش تفقصي
رقية: (ميقت فيه) نتفقص لهلا يحييها باش نتفقص عليها اوا صااااافي انا للي بقا فية هو الرااجل للي تايقة فييه خبا علية وجوود الاكس ديالو بيناتنا والمشكل عي نااوية لغدر
عماد: عفااك ارووكا نسااي 
رقية: انا ناسيااها ومخرجاااها من باالي شووف نتا واش مك مخليااك على خاطرك
عماد: (بقا كيشوف فيها) صرااحة مشيتلها واحد نهار ولقيتها معاها
رقية: هااه شتي للي قلتلك مك نااوية على خزييت اعمااد ونتا مبغيتيش توقف هاد الطغيان للي دايرة ضدي مك بغاتك تبقى تحت جناحها الري رايها والشوور شورتها وانا نكون غيير خديديمة ليك وليها ولديك الكلبة للي بغاتك تزوجها
عماد: كنباااانلك شمااتة قد هاكا
رقية: لا مقلتش هاكا ولكن اعماد انا عييت نتا ملزوم بمك ولكن انا مملزوماش بيها لا شرعا لا قانونااا لا حتى انسانيا
عماد: انا راه منعاودش نفرضها عليك ارقية صااقي داك العهد بااح انا كنت بغيتها تبقى معانا وتبغييك كما بغيتك غلطت مرة جوج تلاتة وتعداات الحدوود 
رقية: اوا وعلاش كتقولي رجعي
عماد: (غوت) وعلاش انا غندييك عندها (شافها خنزرات بغات تنوض وهو يشدها ورجع لنبرة التحزاار ورغييب) متقلقييش ارووكا راك حمقتيني انا كنقولك رجعو لدارنا ونتي كتقوليلي مك
رقية: واش ظمنلي هي متجيش وتعاود نفس ليسطواار
عماد: انا انا هو للي غنظمن ارقية احبيييبة راه شرحتلك فاللول علاش وراك شفتي رجعات زوينة شي يامات غير مفهمتش لاش تقلبات
رقية: (عوجت فمها) كانت غير كتمهد وصاافي
عماد: (بقا سااكت شحال وهو يهضر) شنو قلتي دابا احبيبة
رقية: حتى تبرا ماما راك شفتي حالتها
عماد: اه متافق معااك ولكن كلمة رجاال تبرا نمشيو
رقية: (هزت حاجبها) كلمة لعياالات اما حتى رجال ولاو يرجعو فكلمتهم
عماد: (غوبش) واش انا!!
رقية: لا لا نتا اكبيييدة رااجل وسييد رجاال بقالي غير فكلمتك وانا نرجع ونرجعو اياامنا ككانت وكما بغيتيها
عماد: (فرنس) يخلييك ليلي اامشييشتي
رقية: (شافت عينو كتزييغ) هااء وييليي ويليي نسييت لعشا ها هو رضواان حداك ولا نووض ديه حدا خووتو الا فااق نتا للي تنعسو (هربات بجرا وخلاتو حال فمو من الزربة للي دارتلو لقات لاها داخل وكينفض جاكيطتو من شتا باستلو يدوه وهزات ميكة من عندو ومشات للكوزينة كاقاد فلعشا وتفكر بلمهل فكلام عمااد ووعدها ليه قدات سووب خفيفة دارتها فجبانية مع طريف الحامض فالجنب معلقة ومشات لبيت مها لقات الحاج جالس حداها دخلات وشافت فمها) عزيييزة فقتي ولا مزاال
عزيزة: (بصوت عيااان) دخلي ابنتي ويعزييو فييك لكلااب
الحاج: هههه بعدي من بنتي ولا نطلقها علييك وفالتالي اجي تشكااي
رقية: هانتا تشووف ابابا فييها غير دوي والشفااوي
عزيزة: (بدات تاكل) مطيبها برجلييك فين الملحة
الحاج: طبيب للي منعها حتى لغدا ديري التحاليل ونشوفو شنو عندك
عزيزة: اممم انا بيخيير
رقية: وهي نوضي كملي لعشا وخليني نجلس حدا جوجي
عزيزة: (دارت راسها كتقلب على صندالة) سيري الله يقلل حيااك ابنت الهم
رقية: هااا هي (خرجات لقات عماد خارج من لبيت ومخنزر)
عماد: شي خرج يديفولا وشي جالس خاصيلو بزووو
رقية: شدسررك وكان خطفتيني ككيدير يونس وكان راحنا الراس فالراس
عماد: (سولها) نخطفك؟؟
رقية: لا خلي حتى ينعس كولشي بففف علاش هدا سؤاال كيتسول اجي قااد معايا لعشا 
عماد: اه زييدي اختي وعطيني شي فواطة وشي فولار 
رقية: ههه اهااه مطلبتي غير لموجود مداتلو فواطة وبقاو كيقادو فجاردينيي كبيرة وقلبوها ظحك ولعب...

يونس: (كيسمعلها كلامها ويد كيلمس ظهرها والاخرى كيلمس برفق بين ذقنها وحنوكها ساااهي فيها حتى قال) نتي زويينة ولكن كذاابة
عائشة: (صدمها عاد كانت كتعاودلو على احساسها منين عرفات شكون للي تعدى على مها وشنو وقع صباح) انا
يونس: (غمض عينو وحرك راسو باه وحلهم وهوما نايميين) علاش كتكذبي احبيبة؟؟
عائشة: (بلعت ريقها) يمكن كنخاف منك
يونس: (باقي فنفس لمساتو) علاش غتخافي مني
عائشة: (توترات) ماشي منك.. انا كنخااف نخسرك منقدرش نعيش حياتي بلا بييك
يونس: اصلا منقدرش نخلييك وانا كنفضل الصراحة على لكدووب الصراحة عندها بزاف الحلول اهمهم نجلسو وناقشو ونخرجو بشي حل يرضينا بجوج اما حبل لكدووب قصيير والمشاكيل فيه كتييبرة ومكتسالاش
عائشة: (حنات راسها) انا رجعت كنتفكر زعما عاد رجعت زعما هادي مدة قصييرة وصاافي تفكرت كوولشي (بلعت ريقها) تفكرت من نهار لكسييدة ولكن والله حتى بالصح مكنتش مفكرة عاد ماشي اليوم ولكن قبل والله ماشي بزااف اوووف مبغيتش نخبي حيت بغيت نخبي خبييت زعما حيت كنت مزاالة متأثرة على لكلام للي قلتيلي اخر مرة (شافت علامة الاستغراب على وجهو) لكلام للي قلتيلي زعما انا جبت دوك لولاد من شي بباصة ونتا مكتولدش
يونس: (بهدوء) وشكون مخلانيش نولد
عائشة: قضاء وقدر
يونس: (هز حاجبو) بنيتك!!
عائشة: تااء زعما غلطت والله مكنتش ناوية ناذييك قلت غير يامات على م... 
يونس: (كملها) على مديري العرس اجي درتي هاد العرس شنو ربحتي منو شنو دارلك 
عائشة: دوزت ليلة ولا الف ليلة كان من صغري احلى حلم وعشتو الحمد الله مع للي كنبغي ووسط عائلتي للي كتبغيني وكنبغيها
يونس: اممم وهاد العرس كان اهم من صحتي 
عائشة: (دمعو عينيها) مقصدتش والله ولكن حتى نتا عاقبتيني عقااب خاايب دوزت 7 شهور وانا كنمووت نهار بعد نهار معرفت واش نفرح بالحمل ولا نحزن لفرااقك للي جاني صعييب (بقات كتبكي) دوزت اخيب الاحاسيس ايام الخيرية لا اب لا ام ايام خطبتي وخليتيني
يونس: مخطبتش اعيشة لدابا مزال كنقولهالك انا مخطبتش ديك لوقيتة
عائشة: باك كان قالهالنا
يونس: (لعب بلسانو فوسط فمو) اممم 
عائشة: حتى نهار بابا سخط علية ونهار بغيتي طلقني ومنين غبتي ديك المدة كاملة ولكن اصعب احساس هو منين تاهمتيني فشرفي
يونس: (تقاد فالجلسة من بعد مكان متكي ومتكيها عليه شدها باش مطيحش وشاف فيها بجدية) شرفك هو شرفي اعييشة منقصتش ولا شكيت فيه هاديك كانت ردة فعل خااطئة لتبرهييش ديالك 100 مرة كنقولك اموري الشخصية انا وياك تبقى عندنا حتى انا حسي بية راه على قبلك نتي كنسى اي مخلووق على هاد الارض وفالتالي كلقى منك افعاال للي مديريهومش مع عدووك
عائشة: انا غير هضرت بالفرحة وصافي مكنحسبش كلامي قبل منطقو اما انا كنبغييك كما كتبغييني وكنبغي حتى انا نقرب لييك وكنشهااك كما حتى نتا
يونس: (اول مرة كتقولهالو) كتشهايني؟؟
عائشة: (بجرئة) اه وبزااف وخصوصا هاد الاياام للي نتا هاارب مني 
يونس: (تبسم وباس عنقها حتى خلا عضيضة صغيرة فيه) اممم كيطربني نسمع هادشي
عائشة: (دارت يدها فعنقها وعاد طلعات معاها لحشمة) وراه كنحشم
يونس: ياااك المرضية وتحشمي من بعلك
عائشة: ههههه يونس ممقلقش مني جيتني بحال عاارف كولشي
يونس: كنت كنتسناك غير نتي تقوليها اما كولشي فخباري
عائشة: وايلي وعلاش مقلتيليش
يونس: هههه بنيتك اعيشة كتسناي انا للي نقولك
عائشة: سامحتيني؟؟
يونس: الا سامحك الله على هادشي للي كديري فية نساامحك ههههه
عائشة: حشوومة علييك
يونس: (طلع الزااج ديال الطموبيل وهبط لكوسان بالخف حتى جات مزدووحة عليه شاف فعينيها بنظرة للي حرمااه) بروموسيوون ديال الحقوق الشرعية مزاال مطلووق؟!!

يونس: برموسيون ديال الحقوق الشرعية مزاال مطلووق؟!!
عائشة: (زادت تكات على صدرو) ههههه سي دومااااج
يونس: (كيحايدلها شعر على وجهها) وعلاش
عائشة: مشرباش لكينة؟؟
يونس: اممم هاانية متوحشتييش تحملي نديرو شي 3 اوخرييين
عائشة: (تقادات فالجلسة فوقو وناسية راه مهيجة السيد للي على سبة) حنق راه تعذبت بزااف ومزال حتى مكبرو ولادنا
يونس: يكبر كولشي دقة وحدة
عائشة: هاهاها نتا سااهلة عندك ماشي بحاالي للي كنبغي نموت فيها
يونس: (رجع تكاها على صدرو) اخر مرة تكذبي
عائشة: (غمضت عين وعين لا) اممم نحااول ههه
يونس: غنفرع مك هاد المرة الا عاودتي كذبتي
عائشة: وديير حتى نتا عيين مييكة مرة مرة
يونس: انا عمييت عيييني معااك ونتي مزاالة زايدة فييه ولكن اعيشة ب(نزلات كتبوس فيه بشوية قمعااه يسكت من التهديد للي جايها فطريق حتى شدها شدة لعمى فالظلمة وشلقهما حتى تلفات منين تنفس بعدات بالجهد عليه وهو مزال كيشوف فيها وعينيه نايميين وهضر) شنووو منويااش تحملي 
عائشة: (بغات تنوض من عليه وشدها من فخاضها) يووونس ياله نمشيو راه كيتسناونا 
يونس: (خلاها تنوض وجلسات بلاصتها وهو قاد بلاصتو وشاف جهة حجرو) لااا حولة بحال مزوج بحال لا بانلي غنوض نتزوج شي وحدة اخرى باش نخلي لكبيدة على رااحتها
عائشة: (خرجت عينيها) باش نحرك من لودن لودن
يونس: اوا وانا نبقى ضااايع غنصوم حياتي كااملة
عائشة: (ربعت يدها وشقلبت عينها) باش نورييك باش حسييت
يونس: (ديمارا بطريقة مظحكة) واجي نتصالحو
عائشة: هههه الااااااءءءءح
يونس: اححح علليك نتي (رجع تيليفونو كيصوني وتفكر داك لكادوات للي شرالها خرج من الطموبيل جبد ساشية كبيرة من لكووفر ورجع ركب وحطولها فيدييها) ها علاش تعطلت
عائشة: (خرجت عينها بالفرحة) كادو؟؟؟
يونس: شي شوية وصاافي حتى للدار وحليها
عائشة: (شداتو من حنوكو وباستو حتى وركاات وضراتو) نتا وااااعر
يونس: (كيحك فحنكو) بصحتك أطميمييعة ديالي
عائشة: زعما نتا لوولوو الطمااع عاد كنتي باغي تغتاصبني
يونس: حقي الشرعي هداااك قالااك راه غي خليتك على خاطرك اما منين نهز (خبطها ففخاضها) هادو متبقايش تحججي علية
عائشة: (كتعيبو) هننهننننن 
يونس: كتسالي معايا بتخراج لعينين اشنو نديرو شي فشي ولا نمشي نتكمش حدا بااك ونبقى نذكر حدااه ونستغفر الله
عائشة: ههه ياله تمشي تستغفر حسن لييك اشدااك لشي مسخ فهاد الليل
يونس: اممم عقلي عليها حتى نخرجها منك (ديمارا رجع وهي كظحك وناشطة وهو كيسمعلها حتى وصلو كان اشرف حدا لباب مع عماد شاف فعيشة) زين طلعي للدار من لبرد انا نهضر مع دراري ونتبعك نشوف ماماك
عائشة: اوكي (هزات الساشية ديالها وخرجات من الطموبيل ودازت حدا دراري سلمات على اشرف) سلام خويا اشرف صاافا
اشرف: الحمد الله اختي نتي مزياان مزاال مناوية ترجعي للخدمة
عائشة: ههه قري
يونس: (لنظرات حاادة) طلعي اعيشة من لبرد
عائشة: اا اه واخاا (طلعات كتجري ومخلية دراري كيشوفو فيوونس للي رجع لوجه ديال التكشيييرة حيت عاارف غيتجبد موضووع ديال صبااح...)

اشرف: ياله نمشيو نجيبو الواليد
يونس: واش باغي صداع ينوض صاحا اخااي اشرف 
اشرف: كفاش صدااع صافي لحظة غضب ومتفهامتوش فيها 
يونس: وعلاش باغيني انا نجيبو
عماد: يونس الحاج من صباح وهو كيتسناه وكيصوني مكيجاوبوش صيفطني انا نجيبو ومبغاااش
يونس: (تبسم باستهزاء وضار عند اشرف) وباغيني نمشي نجيبو
اشرف: اوا وشنو نتحاشمو مع السيد؟ 
يونس: (واقف معصب وداير يديه على جنابو حتى تمشى جهة الدار وتبعوه دراري حاشمين من الحاج وخايفين يسمع شي كلمة عارفين نفسو حاارة ومن جهة بناتو مغيبغي حتى نص كلمة ضدهم اعسااك من صااحبو ونسييبو وصلو للدار دخل يونس مدرم لقى غير زهرة كتبكي باستغرااب جلس حداها) خالتي ماالكي
عماد: مي زهرة ماالك
زهرة: (بالزربة كتمسح دموعها) لا لا واالو اولادي واالو
اشرف: كفاش واللو حتى قبيلة جيت لقييتك كتبكي وقلتيلي غير البصلة 
يونس: واش با للي قلقك
اب يونس: (جاي من الصالون بسلهامو وطربوشو وكيجمع الصلاية) اش كااين تم
زهرة: (كتهمس ليونس) عفااك اوليدي متنوضش صدااع
يونس: (وقف بنظرات بااردة) الحاج باغييك 
اب يونس: اهااه نمشي عندو تحت دارو ونقولو شي كليماات حتى انا
يونس: (تعصب) اش غتقولو؟؟
اب يونس: (بحزم) غنتشاور معااك شنو غنقول لصااحبي
يونس: صاااحبك؟؟ منين كتعرف شي صحبة نتا وكان كنتي نيييت كتعتاارفو صااحبك وعشييرك مكنتيش غتهضر فييه هاكا وفبنااتو
فاطمة: (داخلة كتزرب وتابعاها نور منين سمعو صدااع مجهد غير وصلو كلمة بناتو ضارت فاطمة ودارت اشارة لنور تسكت ووقفو حدا لباب)
اشرف: الواليد هادشي للي كدير ممزيانش ونتا عاارف دةك لبنات شحال مربياات وداكشي ديال صبااح معندهم يد فييه 
يونس: كما كان الحاال حتى وااحد مكيختاار باااه
اب يونس: (تعصب وهز يدو حتى لسما بغا يطرشو وهو يجمعها) مزيااان مزييييان
يونس: متفهمش غلااط انا قصدت على لبناات 
اب يونس: (مشافش فيه) لا صاافي انا فهمت
يونس: (رجع كيرغب) الوااليد واش انا هبيل غنقصدك نتا انا قصدت لبنات ماشي بيدهم الاب البيولوجي ديالهم كيكون ارهاابي راه باهم بحقيقي هو الحاااج راه منين كانو صغاار وهو كيربي فييهم منين عقلو على راسهم وحلو عينيهم لقاو الحااج 
اب يونس: اوا وعلاش ميقولهاااليش زةجنا رقية ومقالوهاش وتزوجتي نتا ومقالوهاش واش ماشي من حقنا نعرفو كوولشب عليهم
يونس: لا ممتحقنااش للي هاص نعرفووه راه عرفنااه
اب يونس: (حرك راسو بلا) الاصوول اولدي كتقوول نعرفو
يونس: ابااا راه لبنات ومكانوش عارفيين
اب يونس: ونتا كنتي عاارف واش ماشي من حقك تعرف 
يونس: كنت عاارف ابا راه خدمتي هادييك واخا هكااك بغيت لبنت حيت هي للي كتهمني وانا منعتاارف بحاجة وحدة هو الحاج بااهم
عماد: حتى انا رقية كنت عاارف وعاارف كولشي عليها ومهتميتش فهاد تخربييق حيت الحاج فنظري هو الاب دياالي
فاطمة: (مطرطقة عينيها ونور كتسجل فدماغها الهضرة للي تقاالت حتى ضارت عندها فاطمة ودارتلها اشارة باش يخرجو مسلتين حتى وصلو حدا لباب) اوا مزاالة كتقوولي هي متسحرلووش
نور: لا تسحرلو وتفووت لهيه بففف هادو تحت راسهم اسراار كتيرة ونتي ناعسة فدار غفلون اخالتو
فاطمة: خاالتو تخوراات ابنتي ااااانا انا للي درت يدي فيد ولدي ومشيت نخطبهالو قلبي من نهار اللول محملها مقبلها ابنتي ولكن بززوها علية
نور: ياله اخالتو نمشيو بحرا نشدو طرييق
فاطمة: و هاد لفضييحة؟؟
نور: منزربووش نخممو ليها مزياان وعاد نعرفو شنو نديرو
فاطمة: (بتنهيدة حزينة) وااخ اييييه اولدي لييك الله تلات بييك تزوج بنت ارهاابي قتاال ههه (ركبات كظحك بفقصة) اويلي اوليي على غدايدي رقية بنت الارهاابي ودافعة علية كبيير بنت لمكجفة.. تفووو الله يلعنها هي وعائلتها سحرو لوليدات وخلاوهم مكيعرفو حتى يفرقو ببن الصح والغلااااط....

عائشة: (حلات الساشية وطايرة بلفرحة لقات بواطة فيها نظيظرات مستيليين وسبرديلة من النووع للي كانت بااغة طاارت بلفرحة كتر وهي كتوري لرقية وظحكها كيتسمع فالدار كاملة عاد جبدات لبواطة لكبيرة حلاتها كانت عامرة ورد حمر حشات يدها لقات داكشي بزااف كل مرة كتجبد نوع من الشكلاط وطونيكات حتى جبداب بطاقة لبيض مكتوب فيها) *قسمي بالنص مع رقية ابطووزتي* (بدات رقية كتقسم وعيشة واقفة حداها كلعسكري وفنفس الوقت كتقيس سبرديلة) واااو جاتني كتحمق
رقية: (كتمسكن) سلفيهاللي
عائشة: (قلزاتلها) والله لا شميتيها ولا جات فرجليك الخانزين
رقية: (كتجمع رزقها لتمشي عيشة دور فكلامها) الخانزة هي مك
عائشة: والله حتى نمشي نوضها لمك (بقات كتمشي وتجي بيها) احح على اكبيييدة ديالي وانا للي كنت ظالمااه
رقية: اودي هو للي ظلم رااسو من نهار حط العيين علييك
عائشة: (ميقت فيها) ينعل حسك.. (حطات سبرديلة فلبواطة ديالها وجمعات نظاظر وحلات كيتكات) اجي مي زهرة ماشي ديالها هاد لغييلة وعاد ماما مريضة فشكل لا!!
رقية: وييه ومن قبييلة وهي كتسول عليها قالتلي عيطي عليها صونيت ومجاوبني حد لا فتيليفونها لا فلفيكس قلت يمكن خرجو
عائشة: وحتى عمي محمد مجااش (صغرت عينيها) وكااان فديك الشوهة للي دارتنا ديك لقزمة
رقية: لاا مكانش
عائشة: والله حتى كاان شتو فاش بغيت نطلع للدار انا عااقلة والله
رقية: معرفت اختي (سمعو غوات لبز) هااء ةيلي هادو عاد نعسو ودغيا فااقو
عائشة: سيري نتي عندهم نجمع انا هاد رويينة بحال والو يدخلو داابا (جمعو وعيشة فدماغها غير زهرة للي مجاتش حتى نسات ومشات لوليداتخا ترضعهم شوية على ميتجمعو على لعشا..)
~~~~~~~~~~~~~~~
فهد: (كيجمع فلحوايج وندى كتصبغ ظفار رجلييها) دغبا سلاو هاد الايااام
ندى: (بتنهيدة) تركيا زوييينة ولكن شياااط غالية بزااااف
فهد: حتى حاجة متغلا علييك الحبييبة غير هو ممعمرش بزااف لكونجي كنت عاد خديتو ومبغاوش يعطيومي كتر
ندى: (صيفطاتلو بوسة فلهوا) يخليييك ليلي المسيميييم دياالي
فهد: تي نوضي شكون لمسموم انا ولا نتي 
ندى: (كتقليلو السم) نتا 
فهد: نجي نحسنهم لمك
ندى: باش نطيرلك انا داك الزنطيييط
فهد: داك الزنطييط هو للي خلاك عاد قبييلة باغا تسخفي
ندى: (مرضاتش وقلبت وجهها) سير تخرا وهااا وجهي الا عاود هزيبت هاد الرجلين
فهد: كوني هاانية الحووب لا هزاتن خوك قاضي الغرااض (عض فشنايفو) اححح مزاال شلا بلاناات مخبعلك
ندى: (هزت حاجبها) ايخااان الا عاودت درت معاك شي حاجة
فهد: دابا نشووفو (كملو جميع لحوايج لبسو حوايجهم وشدو طريق للمطار وهي مزالة هازة خنافرها عليه بكترة مشااد فيها حتى جلسو) اجي نجربو شي حااجة
ندى: واش نتا مرييض فرااسك حتارمني راني مرتك
فهد: مال عقلك فيه غير دتكشي اما عاد جايك فلكلام انا بغيت نقوولك تكبري المشرووع 
ندى: (مرضاتش) مبغييبتش
فهد: ههه (تكى على كتفها) عجبني تفكييرك ازوييينة منجربوهاش خووك راه وااقف على واحد جووج
ندى: (حابسة الظحكة) سير فحاالك
فهد: (كيقرسها ففهضها وذراعها) تي نووضي راه حااس بييك حتى نتي 
ندى: سكت خلينا فالمشرووع
فهد: تفووو صدقتي طمااعة وباغاني غير على فلوسي
ندى: اوا لفلوس للي مضويينك شوية اما نتا نمشي معاك فطرييق غير لاش تحتيدلي العين
فهد: ههههه نااري كيجيبهالي غير فمي
ندى: (تكات على كتفو) مرة اخرى فكر قبل متحل فمك ودابا سكت خليني نعس راه من نهار تزوجت كنعس 3 سواليع فنهار
فهد: اش بغينا بشي نعااس خلينا نعييشو الحيااة (نغزها) نوضي نمشيو لطواليط 
ندى: (مغمضة عينيها) فهد هنينا اصااحبي
فهد: هانا سااكت غير نخلي مك تنعسي نوض نقلب على شي مضييفة تكون قرطااسة نقضيو الغرااض 
ندى: (قرساتو فذراعو حتى غوت والناس دارو كيشوفو فيه) حتى نوصلو ونتحاسب معااك اما دابا (بصوت تقيل) فية نعااااس
فهد: (زاد.دور ذراعو عليها ونعسها فصدرو كيلمس فشعرها) نتي رااه الحووب غير ظااحك معااك اعمييرتي...

يونس: شنو دابا تمشي ولا لا
اب يونس: ديك الدار للي منعاودش ندخلها لا انا لا نتا
يونس: هضر على راسك انا مدارولي واالو باش غنقطع معااهم
اشرف: با نعل الشيطان صاافي نسيت دغيا لعشرا
اب يونس: هوما ضحكو علينا ومداروش بحساب هاد العشرة 
يونس: اوا وصااحبك صافي راه الا سااق خبار هاد سكوندال للي راك داير غيضرب على نمرتك هو راه ماشي ولدك لي غيهز هبالك
اب يونس: حتى نسالو انا هاد الشمتة
يونس: (تجنن) اشمن شمتة الدرية انا للي مشيت تزوجتها سيف على كولشي وحتى على راسها على اشمن شمتة هااضر
اب يونس: هي ضحكااات علييك
يونس: (مزال شادلو الخاطر) مرانيش كرضع صبعي راه خدمتي هاديك الواليد راه جبظت مصارنها من نخار اللول عرفتهم 
اب يونس: (باستهزاء) انا كنت عاارف عااارف من نخار اللول كتهضر معااك بتخبية من قبل زواج ولكن راه بحالها بحال..
يونس: (ببروود) صافي بلا متكمل (ضار خرج مزادش معاه الهضرة قبل ميوصل للباب ضرب يدو مع لمرايا للي حدا لباب حتى تشتتات وزاد مخلي نقاطي ديال الدم تابعيينو باه تخلع علييه وخااف من سكووتو حيت عيا شااد لسانو باش ميقولش هاد الجملة وقالها شاف فاشرف لقاه كيخنزر)
اشرف: واش واعي ابا شنو كتقوول
زهرة: (كتبكي) عييت معااه اولدي هئ هئ
اب يونس: نتي سكتي
اشرف: متغوتش علييها هي راه قراات بالعشرة للي دوزت مع هاد الناس ونتا فدقييقة مبقيتي عااقل على حد مااال قلبك رجع هاكا
اب يونس: (طلع فدروج كيتمتم وهو يدور عندهم) لحقو بخووكم
زهرة: وانا نمشي عند السيدة ها لعاار متخليش حتى فوقيتة دبال الحزة وتمنعني عليييها
اب يونس: ضبر راسكم ديرو للي ملاه عليكم راسكم كلمتي نزلات من شحاال هادي ومبقات عندها قيمة
اشرف: الواليد راه نتا للي مبقيتي كتراعي لحد يونس شنو دارلك باش تحطو بين نارين هاكا لوقيتة للي يكون فدار نساابو وفجنب مرتو للي حتى هي واكلة الدق ونتا برااسك تكون معاهم ها هو كيرغبك نتا باش مضيعش علاقتك مع الحاج
اب يونس: (مشا وخلاهم كيكمكم ومعاجبو حاال من كولشي للي ردو هو الغاالط...)
عماد: انا غنمشي لحق بيه وطلع نتا عندو
زهرة: غير سيرو نتوما اولادي انا غنبقى مع بااكم
اشرف: غير سيري لدار الحاج اخالتي 
زهرة: لا اوليدي محدو رضى بخاطرو نمشي منمشيش وعزيزة مسكيينة الله يكون معاها وبناتها تبارك الله راه وقفو معااها وفصفها ااااح على بنيااتي مسااكن ماويينخا فقلبهم وساكتيين
عماد: لا راهم بيخيير
زهرة: علاه اولدي للي يعرف باه لحقيقي كان قتاال وماات وبديك الشوهة يكون بيخيير راه واخا كيعتارفو باهم لحقيقي هو الحااج راه يحسو بشي حاجة خاايبة فلداخل ديالهم مراهمش حجر اوليدي 
عماد: (لي ظن صافي رقية راه عادي ظاحكة ممسوقاش وكضااتو زهرة خرج واشرف طلع لبيت بااه خاايف من شي كرييز حيت بانلو ماشي هو هدااك اما زهرة للي متحسرة على صاحبتها وعلى لبنات وبكترة على يونس ناضت لكوزينة ودموعها فخدها كتقاد شوربة خفيفة لراجلها للي حلف ميتفهم الامر وخلاها معلقة انه تشمت وكان هااص الصراحة تكون من نهار الاول.. موالفة ندى كتكون حداها ملقاات حد وفنفس الوقت مبغاتش تعيط عليها وضيع عليها فرحتها بهاد المشاكل الا الحاج او عزيزة ساقو لخباار غيتشتت هاد المجمع وعمرو يتصلح ولا يرجع ككااان....)

الحاج: (رجع هز تيليفونو وصونا فلفيكس ديال صااحبو للي مكرهش يجلس معاه غير يهضر باش يرتااح حتى جااوب) افييينك نتا
زهرة: (حشمانة) سلام الحاج لباس عليك
احمد: سلام لالة زهرة فين سي محمد شتكم مزال مجيتو
زهرة: (تحرجات) كشتي الحااج سي محمد مريض مسكين
احمد: مرييض صافي انا جاي!!
زهرة: هاا راه شرب داك دوا ونعس متلاش عااقل على حتى حااجة وانا كشتي منجمش نجي ونخلييه بوحدو
احمد: اه بالصح انا غدا صباح نجي درتري راه مزال تماك؟
زهرة: (كتمسح دموع القهرة للي راها فيها) لا راه خرجو قبييلة كانو مجمعين حدا راس باهم مبغاوش يخلعوك وصاافي غير سمحلنا الحاج والله بغييت نجي نواسي ختي عزييزة
الحاج: مبيناتناش الالة زهرة راحنا عائلة وحدة انا صباح نجي نشوف سي محمد خليتلك الراحة
زهرة: الله يهنيك وسلملي على ختي عزيزة
الحاج: مرحبا (قطع وتنهد ضار مشا لكوزينة عند بناتو للي كيوجدو ويظحكو تردد يجبد معاهم لكلام ولكن موضوع خاصو يتسد هاد نهار) رقية بنتي عيشة اجيبو تبعوني للصالون (شافو فبعضياتهم وتبعوه جلس وكل وحدة مشات جلسات حداه من جيييه دور يدو عليهم) قبل منبدا انا فخوور بزااف بتربيتكم وخاصكم تعرفو نهار الاول للي قالتلي ماماكم راه عندي جووج بنات قبل منشوفكم عاهدتها قداام الله غنديركم فعييني ونتمنى نكون قد وعدي 
عائشة: (دمعو عينيها) بابا علاش كتقول هاكا
الحاج: خاصنا نهضرو ابنتي باش نسدو هاد الموضوع
رقية: ولكن ابابا عمرنا تشكينا راه للي غاالط حنا فاش جينا نهار الللول وكونا طايشيين معاك نتا وماما
الحاج: لا ابنتي نتوما كنتو طبيعيين بلعكس براافو عليكم دغيا تأقلمتو مع جو لقرايا قريتو ورفعتولي رااسي تزوجتو درتو وليداتكم وكتربيوهم احسن تربية شنو بغييت كتر
رقية: (هزات يدو باستها) بابا غتبكينا هااكا
الحاج: بنتي خاص نكون محاايد فهاد الموضوع نتوما عرفتو بطريقة غاالطة شكون هو الاب لبيولوجي ديالكم
عائشة: عمرنا غنعتابروه باانا
الحاج: كيبقى الاب البيولوجي ديالكم مهما كان الحاال باقي طلب صغير منكم طلب ماشي أمر سمحوولو حيت هو فدار الاخرة الله يغفر ليه ويغفر لينا كاملين
عائشة: كفاش نمشيو لقبرو زعما
الحاج: اه
رقية: بابا داك السيد راه هو للي تكرفس على ماما وبسبابو حنا تلاحينا فلخيرية وزيد كان ارهابي وشحاال 
الحاج: حاولو ابناتي تسامحو معااه وربحو هاد الاجر 
عائشة: صعيييب ابابا بزااف
رقية: انا مستحيل نسامحو
الحاج: حااولو انا مكرهتكمش تسامحو وطوييو هاد الصفحة
عائشة: انا معلباليش بييه والله وكان ماشي ديك لكلبة للي جات صباح كتنبح منقلب عليه لا شكون هو ولا فين كاين كاااع
رقية: حتى انا وزايدوون هو للي كان خاصو يقلب علينا
الحاج: بقى فيك الحال ابنتي حيت مقلبش عليك
رقية: لا ولكن بقا فية الحال من مو للي جات قالتها هكاك كان ممكن ندخلوها للدار وتكون هي بعييدة على الحقد للي حقدنا على ولدها
عائشة: علاه نتي كنتي غتقبليها حنااك
الحاج: علاش لا ابنتي
عائشة: بابا واش مشفتيش حالة ماما كولات بسبابها
رقية: انا وكان شفتها نتف مها كتر منتفاتها ماما
عائشة: شفتي وكان مبابا للي وقع والله لا زكلتها
الحاج: (كيتفرج فيهم وهوما كيتحلفو فيها) احم بناتي فكرو فشنو قلتلكم
عائشة: وااخ ابابا ولكن من جهتي انا منواعدكش حيت صعيييب
رقية: حتى انا ابابا
الحاج: (باس كل وحدة فجبهتها) سيرو ابناتي كملو راه رجلاتكم شوية ويجيو
عائشة: وعمي محمد ومي زهرة (يونس للي كان كيتصنت على كلامهم تشنج من سؤالها)
الحاج: عمك راه مريض شوية غدا ونمشيو نشوفوه
عائشة: مسكيبن نمشي نشوفو انا دابا غير يجي يونس يديني عندو
الحاج: بكون خير ابنتي...

يونس: (خرج من لبال مع هبط من دروج لقى خوه وعماد داخلين تخطاهم وزااد تبعو اشرف كيعيط هو عماد) راه بغيت نمشي غير لفرمسيان نشوف هاد النم
اشرف: (شاف فيدو لقاها دايرة فجيب جاكيطتو) شحال كتسرع
يونس: اشرف قييلني عليك سيرو عند الناس راه كيتسنااو (مشا خرج على رجلييه للفرمسيان للي شادة لكاارد نقاولو الجرح مكانش خطييير عقموهلو ودورولو لفاصمة ورجع للدار مبرداتلوش فاش باه هضر على مرتو بلخاايب طلع للدار راسم على وجهو باتسامة بلهااء منين شاف مرتو جات لعندو وقفات على ريوس صباعها وباستو فحنكو تبسم وقرصها فحنكها) بيطييييزة دياالي
عائشة: (عنقات لبلاطو) تعطلتي علية
يونس: كنت احبيبة فلخدمة مبغيتش نمشي ولكن حيت نوبتي دالخدمة فالليل كان خاص نضرب دوييرة عند دراري 
عائشة: اممم (همست) توحشتك مبقييت كنشووفك (بغمزة) علاش زعما
يونس: (تبسم وتكا على الحيط بجنبو) معرفت علاش
عائشة: نسولك نتا للي داافع علية كبييير وجاايب رااسك علية
يونس: هههه وهو غير رااس وااحد
عائشة: ههههمقصدتش داك الرااس يااه دغيا كتقلب الهضرة
يونس: عاودي قوليلي شنو قلتي صبااح
عائشة: لا
يونس: عفااك
عائشة: الاااااءءءءءح
يونس: وصاافي متيبسييش رااسك
عائشة: (كتعوج بصينيتها) بغيت حقوقي الشرعية ودااابا (شافتو ضور وجهو وشاد الضحكة ضارت بالزربة منين حسات بخيال فلبلاصة رجعاات بحال شي مطييشة شافت فيونس وهربت لاكوزيينة وتمناات الارض وتبلعها)
يونس: (دخل من مور الحاج للي شادين ظحكتهم ونساو كتى يسلمو على بعضهم وجلسو فالصالون) احم كبقات خالتي عزيزة؟؟
الحاج: الحمد الله راه نعساات كان دق ليها قبيلة عماد ابرة وكبقى بااك قالتلي زهرة راه مريض
اشرف: اه شوية بقا لبارح فالشمش وشداات فيه
الحاج: حتى هو مكيحاولش على راسو من صغرو غير كتخرج الشمش فشتا كيبقى فيها حتى كتمشي هههه كيقوولك كيتنفع منها حيت عظامو رشااو 40 عام ومزال كيقول نفس كلامو
يونس: حتى هو كيبقى شاد فكلامو ومكيهموش واش غالك ولا لا المهم عندو كيشوف راسو صحييح
الحاج: (استغرب من كلامو) بحالاش
اشرف: زعما على الشمش ياك ايونس
يونس: تنمشي تشوف ولادي 3 ايام مشفتهمش 
الحاج: سير لولدي راهم فلبيت (مشا يونس باش يتلف كلامو على باه اما عيشة راه كتندب فلكوزينة ورقية ميتة بالظحك عليها حتى دخل يونس عليها لقاها مكرهة غير شافها بقا كيظحك وشداتو فو دغييغ ديتل الظحك واش بالفقسة ديال باه ولا معرفت ولكن مقدرش حتى يوقف بكترة الظحك ورجعو كيظحكو معاه وصدااهم واصل للدار كاملة)
عائشة: زمر ظحك غيير نتا
يونس: (جرها بذراعو مدرعها وكيمسح دموع من عينيه) شفتي سخوونية الرااس فين كتوصل
عائشة: (خنزرت فيه) معرفت شكون للي سخوون الراس ولا (شافت باها دخل وكيشوف فيها بالتلفة هضرت) نسخنو لعشا ابابا
الحاج: (شاف فيها شوفة ديال لا حولة) اه (خرج وخلا يونس ورقية ميتين لالظحك عليها وهي غير كتويل حتى بغات تبكي محطو وكملو داك لعشا ويونس ورقية شادين فيها حتى بغات تمووت كملو وكولها مشا ينعس)
عائشة: (مخنزرة) مال يدييك
يونس: بكترة الت*** تنفخاتلي حيت مرتي المصوونة حرماني من حقوقي الشرعية هههه
عائشة: (لاحتلو لملاية للي جيبالو ومشات لبيت مخلياه كيظحك حتى جا عماد بقات هضرتهم على باه وعلى خدمتهم للي موال معيطو ليهم قالولهم شنو كاين... حتى كولها نعس وتسالا هاد نهار طويييل...)

فروس: (صونات على حميد للي جا عندها طااير للبار للي دارت معاه فيه.. طلبات كاس وبقات جالسة ساااهية وعقلها كولوو مع يونس للي حساات بيه مأزم بزاااف من خصوص خدمتو للي الا تبتات عليه انه فقط عاارف غتمشيلو فرمشة عين وهي متأكدة ان خدمتو جزء من حياتو للي ميقدرش يستغنى علييه ..هزات لكاس ونزلات عليه دقة وحدة وبإشارة طلبات من لبار مان يعمرلها الكاس التاني شعلات تيليفونها واول مطلعلها هو صورة يونس من عرسو وهو لابس لبلدي وجاي همة وقااامة كولشي كتبغيه فيه طولتو ضحكتو للي كتخلي عينيه غابريين سمريتو للي كتجذبها ليه شوفة ديال عينيه عصبيتو بروودو فرحتو كولشي.. كتكره غير حبو لكبير لعيشة للي كتشوف متستاحقش حبو وهي فقط للي تستاحقو حيت بغااتو ونسات ابو لقيصر للي تحدات عائلتها على ودو يعني هو ممكن دير اي حاجة ولكن صعيييب صعييب تخليه لييها توحشاات ممارستو معاها فالاول كانت مرتاحة معااه يا رييت بقاو غير هكاك وميوقفش علاقتهم لغرييبة... فيقها من سهااتها وتفكيرها وجه بشع كتكرهو وكتكره حتى الشوفة فيه بتهابير فوجهها ديال الاشمئزاز تكلمات بالفرنسية اللغة للي كتواصل معاه بيها) شحاال باغي وتبعدني علييك
حميد: (بنظرة كتبري) باغيك نتي ومنها نرد لولاد خويا لبال
فروس: كتمازح معايا؟؟
حميد: دم واحد كيشركني مع رااجلك فقط لوجه للي مبدل وحتى الا بغيتي نرد وجهي بحالو نردو على قبلك ازين
فروس: (ظحكات حتى دمعو عينيها) وجه خووك اكتر واحد كتكرهو بفففف معرفتش شنو للي كان مصبرني عليه قتاال وخااائن 
حميد: وانا غيير
فروس: (قوست عينيها فيها) وشنو للي ظمن لي؟؟
حميد: نمشي معاك لاسبانيا ونعيش معاك ونكون خااتم بين يدييك غنكوون وفي
فروس: متهضرش على الوفااء ونتا مقدمتيهش حتى لخووك
حميد: عمرني عتابرتو خوويا فقط بنك متنقل
فروس: (تبسمت) طلمع ففلوسي؟
حميد: بغيتك نتي نيشان ندير للي بغيتي
فروس: بسبابك نتا ناضلي صدااع وانا هابطة طالعة فلكوميسريا على اشمن حب كتهضر
حميد: (كيشوفها كتشرب كاس من مور كاس فرح قال هادي هي لوجيبة طلب حتى هو كاس) انا شكييت فداك لبوليسي عو للي قتلو
فروس: وكان بغا يقتلو يقتلو لالمانيا
حميد: مكانش عارفو انه هو اب مراتو ومنين عرف بغا يتهنى منو باش يربح فلوس منو
فروس: (تصدمات) كفاش؟!
حميد: (بسخرية) يعني نتي ازين كنتي مرت أب بنات خويا يعني نسييبة لبوليسي
فروس: (بقاات مصدومة فيه معرفت متقول من غير) علاش كدير هادشي؟
حميد: مدرت والو لدابا مزال كنهضر معاك هداك مكيهمنيش شكون قتلو ولا واش حي ولا ميت للي كيهمني هو نتي تقبلي بية ونهربو من هاد لبلاد لكحلة
فروس: مستحيل
حميد: علاش مستحيل فكري قلت غنكون خااتم فصبعك
فروس: نو نتا اخر واحد ممكن نفكر نرتابط بيه
حميد: علاش شنو ناقصني
فروس: (بدات تسكر) ناقصك تكون يوونس الا كنتي نتا يونس انا للي نكون خااتم فصبعك
حميد: (خنزر فيها) واش نتي حمقة مبانلك غير هدااك 
فروس: علاش كااين من غيرو
حميد: (بسخرية) ضيعتي عليك فرصة وجبدتي على راسك صدااع محدك ميبسة راسك معايا غنغرقك نتي ويااه
فروس: (تبسمت حتى قلباتها ظحك بصوت عاالي شربات جغمة وخبطات لكاس فوق الطبلة وشافت فيه) راك نتا للي غاارق (وقفات بصعوبة هزات بوشيط ديالها) ههه يونس للي متقدرش طيح للي قلبو صاافي وبعييد على الخبث مكيطييحش
حميد: (بقا متبعها وكيشوف فجسمها حتى غبرت مسوقش قلب على شي صااطة يكمل معاها صبااحو وهي خبعات تسجيل للي سجلات ومشات لبيتها كتبكي على شوفها وحبها ليونس للي كيحرقها بووحدها...)

عائشة: (فاقت على صوت يونس للي كيفيقها بشوية) اممم
يونس: (بصوت باح غالب عليه نعاس) حبيبة رتاحيتي؟؟
عائشة: (بقات كتشوف فيه شحال مهضر معاها هاكا) درت شي حاجة؟؟
يونس: (تبسمو عينيه) تبغي نخرجو نفطرو حدا لبحر
عائشة: (ناضت من بلاصتها كتشوف فيه ممأكداش منو) انا والله مدرت شي حاجة.. لا بلاتي (غمضت عين كتفكر) لا بالصح مدرت واالو والله
يونس: ههه انا نتسنااك لتحت لبسي مزيان شتا كطيح (باسها فيدها خرج وخلاها مصدومة وممتيقاش انه عاملها مويان غير هكاك صحصحات مزيان وناضت شافت فبلاصو ختها كانت كتشوف فيها بنص عين) انا متأكدة مدرت والو
رقية: (لوات شنايفها) معرفتلك اهاد لمصيبة غير كديريها قد راسك وكتليها مزااوكة
عائشة: لا والله حتى متأكدة من راسي هاد لمرة مدرت والو بففف ها بزي معااك نمشي نشوف شنو كااين
رقية: سيري ابنتي سيري ورزني شوية 
عائشة: (هزت تيليفونها كانت 8 صباح خرجت عينها) احييي ماال هادا كان كيحلم بية!! (تكرهت وهي مشبعاش نعاس لبست كيطمة سبرديلة من للي جابلها لبسات مونطو دارت فولار على حساب شعرها للي خاصها تغسلو وقدات ايلينر وعكر خفيف رشات برفانها وخرجات وهي كتفوه وكتموت بنعاس كان فطموبيل باينة كيكمي شافت الدنيا الشمش مزال مشرقات مزيان ومع مغيمة زادت حسات باكتئااب من قلة نعاس حرات رجليها حتى لفين كاين حلات باب الطموبيل ركبات وشافت فيه بتذمر) خرجنا بكري بزاااف
يونس: (بقا كيشوف فيها باعجاب وقاس لفولار بيدو) غزيييولة بزااف
عائشة: (تبسمت) كدااب كنجي حاالتي بيه كنشرف 10 سنين بيه
يونس: (بقا كيسوك) وكيعجبك شعرك
عائشة: بزااااااف
يونس: حتى انا كيعجبني بزااف وكنبغي نشوفو غير انا 
عائشة: (ضربت الطم وسكتات حيت عارفة الموضوع فين غيوصل اللهم تسكت ولا يقلب بيها الطموبيل..) احم غنمشيو للقهوة للي كنا كنمشيو ليها
يونس: شنو حباات حبيبتي محدك لابسة لفولار طلب للي تبغي
عائشة: (تبسمت) امممم بغييت نمشي لكافي *****
يونس: (غوبش) مباااانلك غير هدااك
عائشة: كنت عارفك مغتبغييش 
يونس: نبغي علاش منبغييش غير هو هاد لمرة الا ضسر عليك شي واحد مغنوضلوش هو غنخلط مك نتي نييت
عائشة: منين انا دايرة هاد العكفة حتى واحد مغيبسل علية
يونس: (شاف فيها بحدة) يااك عارفة راسك كتزيري على داك **** و **** وتخرجي مبندرة وشعوور بحال راك فبيت نعااس 😡
عائشة: (سكتت وعينيها تغرغرو ليها حتى وقف الطموبيل هبطات هبط هو ومشا عندها جرها من يدها شاد فيها نيشان لاتيراس ولكن مدرق على حسااب الجو وبقات كتشوف فلبحر وهو كيشوف فيها)
يونس: مكنبغيش للي يشووف فيك اعوييشة نتي ديالي ومن حقي غير انا
عائشة: (شافت فيه معارفة متقول)
يونس: (وقف مقرب كرسيه لعندها وشد فيدها) هضري ابناادم ماالك سااكتة واش طلب تاابعك علييه مقدرتيش ديريه
عائشة: واش هادشي علاش مخرجني
يونس: اه على هادشي بفمك قلتي مكيضسروش عليك ونتي محتارمة هكا دوونك كيضسرو عليك منين مكتكونيش لابسة الزيف
عائشة: داكشي كيكون عن اقتناع
يونس: عقلك للي خااصو يقتاانع انك نتي وحدة مسلمة مزوجة وفعنق رااجل للي رجوولتو مكتسمحش تهز ولا يمسها شي **** انا الاخواان راه فرض عليك كما صلاتك للي كتصليها بلا متقطعيها وصياامك
عائشة: (وجهها رجع حمر) نتا كتخلعني الا درتو غي حيت كنخااف نخسرك وصاافي
يونس: (رجع كيشوف فلبحر شحال ودار عندها) شنو للي يخليك ديريه؟؟
عائشة: (بلعت ريقها) احم مكيجينيش زوين وكنخاف منبقاش نعجبك
يونس: واش حمقة انا للي كنطلبك اعييييشة اححوييينااتيي انا راه كنتسطى علييك وباالزييف غتريحييني داك شعر راه انا للي من حقي نشووفو نشمو ونبووسو نقطع موو كااع هدا ديالي انا خلييه لية بووحدي!
عائشة: (عجبها الحال وتبسمت) نفكر
يونس: (دار يدو على جبهتو) اربي على هاد لبنت غتقتل العرق للي شاد هاد دمااغ مع الجمجمة
عائشة: ههههه هاد الاياام تفاااجئك
يونس: وانا علية احسن كاادو لحبيبتي
عائشة: (بدلع) وجيييييب لفطوور
يونس: اححح نجييب للي بغييتي غير هاد ضحييكة تبقى على هاد شنيفاات وتجي حتى لمووت الا بغااات

عائشة: (زاد نفخفها بكلامو) الله يطول فعمرك احبيبي
يونس: ااا ميي على هاد حبيبيي نشد مك نديرك فنص خبز نااكل مك
عائشة: هههه
يونس: اهااا اش هاد الظحكة جمعي رااسك
عائشة: (شافتو دغيا جمع الضحكة حركت راسها بلا حولة حتى شافت السرباي جا جاب فطووور شماالي كما طلب يونس بيصارة جبن زيتون بيض عسل وهي فطور معتاد بيض بلخليع كرواصة عصير شافتو كيدير الزيت فزلافة وكيغمس ويتبنن) يععععع 
يونس: اشمن يعع هدا هو لفطوور خلينا من ديك كروااصة ديال مصارن لبلاستييك
عائشة: (بقات كتاكل بشوية وحاضيااه كياكل وسااكت وقاعدتو قليل فين كيهضر فوسط الماكلة حتى شبعو مشاو يغسلو يديهم عاد طلب قهوة كحلة وجلسو) اللله على هوااا توحشتو شحال مخرجنا
يونس: نعوضها لحبيبتي
عائشة: (تبسمت) دغيا سمحتيلي واخا كدبت عليك
يونس: عيشة قوليلي غير الصرااحة ومتخافي من والو اه انا دغيا كنتعصب ولطن كنقدر الوااحد ميخبييش علية ويكون صرييح راه بالصرااحة الاضرار كتكون قل
عائشة: انا كذبت عليكغي بغيتك تعرف شنو داز علية فلحمل
يونس: حتى وكان عاودتيلي قبل احبيبة كنت غنتييقك وانا عاارف دازت عليك ولكن انا عندي عذر وعذر كبيير وقوي او لا؟
عائشة: احم كنحشم من داكشي للي كنت درنلك
يونس: هي درتي عقلك!!
عائشة: على حساب الا عصبتيني متعرف شنو ندييرلك
يونس: هههه هاد لمرة انا للي غربط مك فشي كواان فوقما دزت حداك نعصي مك
عائشة: امم متفكرنيش فلعصى
يونس: وهي الا سديتي هاد موضوع زلل للي مكنحملش نعاود نتفكر مو بففف غير فكرة ضربتك ونتي حااملة كتخنقني ومكنكرهش نعاود نعصي مك
عائشة: هااء تعصيني وانا مدايرة والو
يونس: نيبقها حيت عارفك غديريها ديريها اللهم نبرد حتى انا شوية على راسي (شافها قلبات وجهها شرب جغيمة من قهوتو وجبد كارو شعلو ونترو بتقاالة وعلى خاطرو صاط الدخان وشاف فيها مقوس عينو) شنو عجبك فية نهار اللول
عائشة: (بغات تردهالو) علاه نتا بعدا عجبتيني!!!
يونس: ههه بامارة كنتي كنقلبي علية من كوميسارية لكوميسارية ونهار لبحر ونهار شفتيني فالمانيا نزيييد
عائشة: (تحرجت) سن المراهقة وصاافي
يونس: اممم المرااهقة هي بالصح كنبانلك كحلوش
عائشة: كحلوش!!
يونس: شنو زعما معجبتكش؟؟ 
عائشة: شييي شويييش وصاافي عجبتيني عادي زعما بحال خويا
يونس: هههههه يااااك اختشي
عائشة: واااه على اسئلة ايونس نتا عاارف شحال كنتي عاجبني علاش باغي تحرجني
يونس: وعلاش هادشي فيه الاحرااج انا برااسي سطيتي اصل مي.. قوليلي شنو عجبك فية واش حيت بوليسي
عائشة: اه 
يونس: والا مبقيتش بوليسي مغتبقايش تبغيني؟
عائشة: وعلاش مغتبقاش بوليسي؟؟
يونس: كنسولك!!
عائشة: وشنو تخدم؟
يونس: بغياانك متعلق بخدمتي؟
عائشة: لاااا ولكن علاش هاد السؤال ايونس خلعتيني
يونس: عويشة غنهضرو بلعقل شوية انا عندي مشاكل فخدمتي ومعرفت يمكن نبقى فيها يمكن لا
عائشة: (بصدمة) كفاااش
يونس: (طفى الكارو فالطفاية وبعينيه للي بحال صقر كيقرا معاالم صدمتها للي مينكرش خلا جاانب لخووف يتحرك فقلبو) تقلقتي؟؟
عائشة: (تلفت) معرفتش انا مفهمتش واش غيطردوك
يونس: انا وقعلي مشكل مغتفهميش ومبغيتش ندخلك فهاد تخربيق 
عائشة: لا فهمني ايونس 
يونس: (رجع تكا على لكرسي وجبد كارو اخر وبدات كطلعلو القردة) واخا نفهمك انا عندي مشاكل فلخدمة للي غتوصل نحط لاديميسيون ديالي 
عائشة: اويييلي
يونس: (خرج عينو فيها) عيشا!!
عائشة: (شداتها لبكية) يونس واش كتفلى
يونس: لهاد الدرجة كتهمك غير الخدمة واش نخسرها راني رااجل ابنت النااس نجيبها من فم سبع وميخصك خير لا نتي لا ولادي وغتعيشو كما كنتو عاشيين وحسن كاااع
عائشة: حشومة عليك تفهمني هاكا ايونس
يونس: وشنو نفهم اعيييشة 
عائشة: انا عارفة خدمتك شنو كتعني لييك ومكيهمنيش لفلوس بقد مكيهمني نتا بشنو كتحس 
يونس: (سطل وتكب على ناار كانت كتشعل فييه.. طفا لكارو قبل ميكمييه وبقا كيشوف فعينيها للي بان الحزن فيهم) تقلقتي؟
عائشة: كتسولني انا؟؟ انا لي خاص نسولك 
يونس: (بتنهيدة) عاادي الا كانت ربي مكتبلي نوقف فديك الخدمة متقبلها المهم نتي وولادي وعائلتي بصحة مزيانة شنو خااصني كتر
عائشة: (تبسمت) شنو وقع ايونس؟ شنو هاد لمشاكل
يونس: (سكت شحاال وهضر) حلفت منعاود نخبع للي وقع ازوينة ديالي هو انا شاكين فية عندي يد فموت يوسف الادريسي
عائشة: (طرطقت عينها بصدمة) كفااش وعلاش 
يونس: (ببرود) سيري نتي قوليلهم علاش
عائشة: لا ولكن علاش غيشكو فيك 
يونس: حيت شماتة ديال خووه ومو ناضو كيشكيو انا للي قتلتو على حساب لورث باش نتوما تاخدو حقكم وانا حيت راجلك ناخد حقي وللي زاد خربق كولشي هو فروس للي كانت فديك لوقيتة فلمغرب ولوقيتة للي مات او تقتل فيها هي صونات علية فهمتي
عائشة: (تجننت) وهلاش نتا مزال كتهضر معاها كااع
يونس: مترفعيش صووتك
عائشة: رفع حيت هادشي كيعصب بسباب **** خدمتك للي نتا مرتاح فيها غطيير جااتك سااهلة
يونس: (سكت ودار كيشوف فلبحر) 
عائشة: من اللول قلتلك بعد منها ايونس خير فهاد زمان كيرجع علييك بحال والو نيت هي للي قتلاتو 
يونس: صاافي هنيينا 
عائشة: تفوو ممهني حد فحياتو لا فموتو
يونس: اجي نتحركو شوية (خلص وناضو كيتمشاو ساكتين حتى شدات فيدو وزير عليها ومكيشوفش فيها) 
عائشة: متخممش نحلك كوميسارية اسيدي غير طلق ضحيكة
يونس: هه كوميسارية كااع (ذرعها بيدو) علاه للي عندو بحال هاد لمجنونة يكعى كولشي ضااربلو لحسااب ابنتي نتي غير كوني معايا مرا ونص 
عائشة: (غوبشت) متقوليش مرا
يونس: ههه لااالة لبناات 
عائشة: متعاودش تقولي مرا.. قولي شنو غدير داابا
يونس: دابا غنمشيو لدارنا (بغمزة) نرتاحو شوية ونراجعو شي حقوق شرعية دايرة حاالة فينا هاد الايااام
عائشة: هههه لا نتا بزااف

رقية: اويييلي ماالها مالها ابابا
الحاج: (تالف) معرفت جلسي نتي حداها نمشي نجيب طبيب
رقية: (مخلوعة) نوض عمااد راه مزال ناعس (مشات كتجري بلحفا لبيت مها من بعد مخلعها باها ان عزيزة مفاقتلوش دخلات لقاتها فحاالة عمرها تمناات تشوفها هكااك فمها وصل لودنيها شماال دموعها ساالو فلبلاصة وبشوية جلسات حدا مها وحطات صبع حدا نيفها وبيدها شادة فمها كاتمة شهقاتها وخايفة متلقاهاش كتنفس صبعها كيرجف تحط تحت نيف عزيزة وكان النفس سخوون خلا رقية زادت كتبكي وبااينة ان عزييزة لفقصة مبرداتلهاااش دخل الحاج وعماد لقاو عزيزة فديك الحالة الحاج تصمر فبلاصتو ماشي هكا خلاها اما عماد مشا كيعبر ليها الطونسيو والسكر ودقات لقلب وقف) خاص نديوها لصبيطار دابا (خرج كيجري يصوني على لومبيلونص)
رقية: (بقات كتبكي) هئ هئ الله ياااخد فيهم الحق قتلوها
عماد: (مشا عند رقية كيطبطب فكتافها) ششت غتكون بيخيير خاصها غير ترتااح
رقية: (كتبكي ونيفها مخنوق) وفمها للي عوااج😭 ديير شي حاجة ياك نتا طبييب
عماد: (معرف ميدير حدو غير وااقف وفكرة فبالو مباغيش عزيزة توصل ليها رجع الحاج ووجهو صفر بقا حدا راس عزيزة كيقادلها لفولار خرج عماد ورقية جابت عباية هزاتها فيديها كتبكي على حالة مها شوية سمعو الدقان دخل عماد ومعاه للي هزوها خرجوها ورقية ماحيلتها تمشي معاهم ولا تبقى مع لولاد عيات تصوني على عيشة وواالو مكتجاوبش صونات على يونس حتى هو مكيجاوبش وهنا تخلعات عليهم حتى هوما...)
~~~~~~~~~~~~~
زهرة: الحااج الحااااج شي حاجة وااقعة فدار الحاج احمد وجات لومبيلونص
اب يونس: (تخلع على صاحبو) شنووو 
زهرة: (تلفت) معرفت سمعت غير الصوت وطليت من سطح بانلي غير عماد كيجري لطموبيلتو ركب وتبعها (مجات تكمل حتى شافتو شد جهة قلبو وبقا كيرجف) اويييلي الحاااج مااالك (مشات حدااه تشدو حتى سبقها تفرش فالارض وجا على رااسو خبطت ففخاضها كتغوت ومكاااين حتى وااحد معاها للي يجي يعاونها فييه مبانلها غير اشرف تصوني علييه غير قالتلو شنو كااين قطعت ومشات عند الحاج كتحاول تفيقو وتبكي) الله اربي شنوو هاد نهااار (بقات حدااه ومعاارفة مدير حتى دخل اشرف ومريم كيجريو سولوها عوداتلهم عياو يفيقوه والو اشرف نوضو وعاونوه لعيالات خرجووه لطموبيل ونيشان للمصحة للي كيتبع فيها ديال القلب.. الحاج وعماد واقفين فباب الغرفة للي دخلات ليها عزيزة كيتسنااو بكل خوف من بعد مكانت حاالتها ماشية للاسوء وخايفين من شي حاجة سميتها #الشلل.. واشرف ومريم وزهرة واقفين فباب الحاج وخايفين من شي حاجة سميتها #المووت من بعد مخرج من أزمات قلبية غير بلكشاايف.. رقية غتهبل كتصوني على عيشة واشرف مخلوع على حاالة يونس للي خرج فيها البارح وعاارفو منين كيتعصب مكدووزش بلخيير.. اما العشااق كانو فبيتهم الزوجي الغش للي دوزو فيه احسن واكفس الايااام الدار للي شحال خلمو يتجمعو فيها وحتى كتجي شي عاصفة للي تشتت شملهم كيرجعو يتجمعو بحب كبير وقوي على للي كاان ... ناسيين العاالم الخارجي ومتلاحميين فجسد وااحد طااير فساابع سمااا)

فهد: (مع طالع فدروج كيدندن وفيدو فطور ليهم كيلقى ليلى حدا باب الدار باغا دق زرب وصل ليها وشد ليها يديها) اش كديري هنا
ليلى: (تبسمات جات تسلم عليه بلوجه وبعد وجهو) ماالك
فهد: اش جااية كديري الخرا هنا
ليلى: جيت غير نبارك ليك الدار وصاافي تزوجتي ولا مزال
فهد: هبطي **** فحاالك واخر مرة لقاك كدووري هنا
ليلى: اوييلي ماالك 
فهد: ومزاال واقفة كتق*** علية (ياله شدلها يدها يدفعها مع دروج وهي تحل ندى لباب مع شافتهم هكاك طرطقات عينييها.. فهد طلق من ليلى) سيري فحاالك
ندى: شنو وااقع
ليلى: اممم قولي جبتييها للدار ههه مسخووط كديير برووفا ديال زواااج
فهد: (جرها من شعرها وجمع معاها بطرشة جابها مزدووحة مع الحييط) تمشبدي برجلييك ولا لووح مك من هنا
ندى: (ببرود) اش جاب هادي لهنا افهد
فهد: وانا عرفت لجد مها لكلب دوووري **** فحاالك واخر مرة لقااك هنا ومرة اخرى غير تفكري تقولي شي كلمة على مرتي ندبح مك
ليلى: (وقفات بالزز كتشوف فيهم بكره) ياااك افهد هدا هو جزاائي
ندى: علاش مكانش كيخلصك مني كان كيقضي غرااضو معااك فهد حشوومة تااكل وحدها فعرق خنزها
ليلى: بزاااف علييك الق***
ندى: (بغا يضربها فهد وعي تشدو ندى) رجع اللور هادشي ديال انا (مشات عندها واقفة اونفاص معاهم) جيتي لدااري برجلييك شنو المطلوووب
ليلى: سيري بعدي مني حسن لييك ولا حكرتوني
ندى: محكرك حد نتي للي رخصتي راسك منين جيتي لهنا برجليييك ومن لفوق كتعايري لااالاك سيري ضبري ليك على شي فكتييم وقلبي على هاد الدار
ليلى: (شافت ففهد) قبل منمشي انراات الرااجل للي نسيتي المااضي وظايرة فيها الشرييفة العفيفة (ندى بكل لرود ربعت يدها كتصنت ليها) هادا للي تايقة فييه مخبع عليك فلوس صحييحة والمسرحية للي دارلك فلبانكا من اخراجما بجوج وبحال والو حتى لعدوول للي زوجكم يكوون من اخراجو هو ردي باالك ابنتي راك طحتي مع اكبر ولد **** (هزت يدها وجمعةت معاها بتصرفيقة جات تنتفها ليلى وشدها فهد) الا كملتي السر العظيييم للي جاية تقوليلي سيري 
فهد: (كان معصب كتبانلو فيها غير يقتلها كان هاني مخاصو صدااع وداابا العاللم الله شنو غيوقع واخا شافها مبردة الا بحال هادشي مكيتسكتش لييه دفع ليلى للي عيات تشد الاستقرار فدروج باش مطيخش خانتها الدرجة التاالية وجابت الربحة بقات كتغوت تنخم عليها فهد وجر ندى ودخلو سدو لباب وهلاو ليلى كتغوت برجليها وندماات علاش جات عندو وبالصح مكانتش عارفااه تزوج ولكن تحنسراات وبغات ضبر على شي صريف وعارفااه تدويرتو صحيييحة...)

يونس: (باسها فوق صدرها وهي بحرا كتجمع نفسها) عييتي احبيبتي
عائشة: (بحرا كتنفس حركت غير راسها وغمضات بعينيها بمعنى مبقيتش قاادة)
يونس: وانا مزااال بااغي (رجع باسها فعنقها وهمس فودنيها) كل مرة كتزيدي تحلااي العسييلة ديالي
عائشة: (تبسمت) حتى الليل ايوونس والله حتى تحردت
يونس: اممم دابا نشووفو (وقف من عليها وهزها وهي عريانة ودخلو للدوش كيتسمع صوت ضحكها حتى شوية شدها تمااك مطلقها حتى سخسخها خرج لاوي فوطة على نصو وفوطة كيمسح بيها شعرو جبد حوايجو للي غيلبس وهو كيسمع صوت لفيبرور قلب كان السروال طايح حدا لباب مشا جاابو جبد تيليفونو للي لقاه 56 ابيل قلب كان اشرف وعماد ورقية دوز لخوه فلبلاصة لي شدو) وييي اشرف
اشرف: فييينك من صبااح وانا كنصوني متعرف للي يمووت ولا يبقى حي
يونس: ماالك اصااحبي شنو وااقع
اشرف: لا موااقع والو بقى فير متهرب وخلي بااك يموت 
يونس: (جمدلو لما فركابي) كفااش شنو وااقع ابناادم هضر معااوط شنو كااين
اشرف: جي للمصحة **** راه بااك مليووح فيها (قطع عليه حيت عصبو ديما كيهرب ومكيجااوب حد فالتيليفون اه فعلا باه ظلمو وبزااف ولكن ماشي يغضب على العالم كاامل ويقلب عليهم اما لاخر لبس سروالو بلا بوكسر عاد رجع حطو ولبس مقااد دخل عند عيشة للدوش للي كانت كتغسل فشعرها)
يونس: (مخلوع) عيشة سربي رااسك با راه فصبيطار (خرج خلاها كتزرب ومفاهمة والو دغيا شلالات وخرجات لبسات لقاتو كيهضر فالتيليفون مع ممدوح للي دغيا خرج منين شافها لبسات وهي كتسائل شنو وقع وفنفس الوقت كدعي مع باين يوونس حيت عندها عزييز بزااف دارت شال غليض باش ميضربهاش لبرد.. خرجات عندو لقاتو مغووبش تنهدات لحاالتو للي يظحك دقيقة ويهجرو اياام لامت راسها شحااال.. متكلماتش وسولاتو على مكالمتو مع ممدوح باش متحطش راسها فموقف للي تسمع منو شي كلمة فلحظة غضب خرجو نيشان للطموبيل صايك وكيصوني على اشرف وباينة مميجاوبوش ويونس كيسب ويعرعر خاايف على بااه حتى رجعات مريم صوناتلو) مااال داك زمر مكيجاوبش
مريم: راه مع طبيب داكشي علاش مكيجاوبش فييينك نتا من صباح وحنا كنصونيو علييك
يونس: هاني جااي 
مريم: واش مشيت تشوف خالتي عزيزة
يونس: لا ممشيتش للدار كنت انا وعيشة خارجين
مريم: خارجيين واش عيشة مفخبارهاش ماماها راها فصبيطار
يونس: (شاف فعيشة بطرف عينو ورجع شاف فطريقو) كفاش 
مريم: يمكن مفخباركمش راه خالتي عزيزة مسكينة تشدات هاد صباح طلعلها الطونسيو بزااف حتى تعوجاات وراهم خايفين تكون تشللات
يونس: (وجهو رجع حمر) اممم وبا؟؟
مريم: طبيب طمنا عليه وراه داوه لشومبر يرتاح شوسة قالنا خاص نردو ليه لبال على حساب ضرباتو قلبو باش ميقلالوش وزادلو شي دوا
يونس: بففف صافي انا جاي صيفطيلي فميساج فين ناعسة
مريم: راه غير فالمصحة للي فظهر الدار قريبة لينا (قطع وشاف فعيشة لي كانت مزنكة بالدوش وبدوك لعوينات لواسعين كتشوف فيه بكل براءة)
عائشة: كبقى عمي؟
يونس: شوية (رجع كيشوف فطريق ومرة مرة يشوف فيها وهي كتشوف قدامها حتى شدها من يدها وزير عليها كيدوز كترياام مطلقها حتى وقفو خرجات وتبعها شادها وصلو للاستقبال)
يونس: احم بغيت نشوف مداام عزيزة الادريسي
عائشة: (نغزاتو) ولا راه بااك مالك تالف
....: كاينة فالطابق الاول ولكن راه مزال مخرجها طبيب
عائشة: (طرطقت عينها) اوييييلي ماال ماما يوونس ماال ماما ولاش هي هنا يااك جينا تشووفو عمي
يونس: (جرها بشوية) عوييشة ماماك صباح طلعلها الطونسيو وجابوها هنا
عائشة: اوييلي عاد لبارح كانت مزياانة (مشات كتجري فدروج وهو تابعها وصلو لقاو الحاج مشات عيشة كتجري عندو كتبكي) ماال ماما
احمد: والو ابنتي متخلعييش شوية وندخلو عندها
عائشة: وعلاش شنو وكفااش حتى وصلات حالتها لطبيب
يونس: كبقاات خالتي عزيزة
الحاج: الحمد الله اولدي سير عند بااك وطمني عليه راه مصالحليش نمشي نشوووفو
يونس: (لمس على ظهر عيشة للي معنقة الحاج) انا ننشي نشوف با ورجع عندك متخلعييش راه غتكوون بيخير
عائشة: حتى نتا متخافش على عمي راه غيكون بيخيير
يونس: (غمض عينو بمعنة انشاء الله وخرج مزروب يمشي يشووف بااه للي حس بتأنيب الضميير انه هو سبااب فحالة بااه....)

عائشة: (بعدات من حضن باها من بعد مخرج طبيب) كبقات ماما
طبيب: كنت لبارح الحاج قلتلك حالتها معجبانيش واليوم وقع لا حولة ولا قوة الا بالله العلي العظيم
عائشة: اويلي ماال ماما ياك جات غير دك ابرة
طبيب: احم هي مع المدة ومع الترويض غترجع ككانت
الحاج: (بتنهيدة) الحمد الله
طبيب: مغتفيق حتى لغدا وحاولو تستاشرو مع طبيب نفساني 
عائشة: (مفاهمة والو دخلات لشومبر فين كاينة ماماها وجاو تابعينهاحتى كتصدم بمها فمها عوج بقات كتشوف فيها وبعوينات غير كيرمشو ورجعات 20 عام اللور منين كانت فلخييرية وشحال دعات على مها وباها للي سمحو فييهم شحاال بكاات منين كانو كيعايروهم المعلمين والمشرفين وحتى الطباخات الا من رحم ربي بولاد لحرام ولا لملقطيين.. تفكرات نهار جات عندهم كتعنقهم وهوما نافريينها تفكرت نهار قالتهم احمد ماشي باكم ولكن غيكون احسن اب مهتمووش للي همهم هو يخرجو من داك المستنقع قلبها كيضرب بالجهد تفكرت كولشي بحال ياله ليوم خرجت من لخيرية وفيهم طبايع زورق ديال الضرب وشي جروح.. تخيلت مها ماتت بهاد لفقسة وهادي هي التالية ليها باها كيهضر معاها وكيحركها وهي عينيها جامدة غير فعزيزة محسات حتى الدنيا كدور بيها وطاحت فالارض بغفلة منهم جرا عماد والحاج لعندها وطبيب خرج عيط لفرمليات يجيبو بيااص للي دغيا لبااو النداء وهزوها لشومبر اخرى )
الحاج: لا اله الا الله
عماد: محمد رسول الله مسكيينة غتكون تصدمات ماشي سااهلة عليهم حتى رقية راها غتحمااق
احمد: (فقط حرك راسو باه مبقالوش جهد باش يهضر عقاو مقسووم مرتو توأم رووحو بنتو للي هي عينيه وصااحبو وعشييرو جلس بهدوء فكرسي سااهي كيتسنى بنتو تفيق...)
~~~~~~~~~~~~~~
يونس: (وصل لفين كينعس ديما لقا كولشي تمااك ممشاش عندهم دخل نيشان لبيت فين ناعس باه شافو فديك الحالة للي سبقلو شايفو فيها بنظرة حزن كبييير شافو بحال شي كميشة ناعس وضايرين بيه الالات للي مكيحملهمش.. جلس تمااك جبد تيليفونو وبقا كيقرا القراان صورة يس للي ديما بااه كيقولو منين نمرض قراها علية والا مت كل جمعة صدقها علية.. دخل اشرف عليه)
اشرف: (بهمس) يونس اجي
يونس: (وقف مشا باس راس باه وخرج وقف وتسند بظهرو على الحيط ومربع يديه حتى وقف حداه خووه) عاارف تنا سباب
اشرف: علاش نتا سباب واش جاابك لمرض لواليد
يونس: اممم
اشرف: يونس انا كعييت عليك على قضية التيليفوون تبقى تجااوب اخوويا راه شي نهار نكون فشي موقف خاايب ولا معرفت شنو تجيب لوقت غنحتاجك نتا 
يونس: مشفتوش 
اشرف: الله يهديك اصاحبي نتا طبيعتك مكتجاوبش
يونس: تااء راه وكان شفتو غنجااوب كان بعيد علية
اشرف: فين كان بعيد وهو ديما فجيبك
يونس: وكنت مع مرتي كان بعييد.. بففف ممتهنااو حتى كتعصبو ديلمي (اشرف صقر)
شنو قالكم طبيب
اشرف: راه مزيااان
يونس: ومنين مزيان علاش راه مليوح هنا
اشرف: شافو لومبيلونص خارجة من دار الحاج حسابلو الحاج ونتا عارفو منين كيتخلع كتشدو هاد لكرييز
يونس: (بتنهيدة) اممم (هز تيليفونو كيصوني على عيشة مكتجاوبش عرفها غتكون نساتو فالدار صونا على الحاج مكيجاوبش صونا على عماد) اش فيها
عماد: شوو بلا متخلع عيشة راها سخفات وعاد دخلوها لشومبر ترتاح
يونس: (طرطق عينو) كفاش سخفات عاد كانت هي هاديك (كيهضر وكيورب خاارج مدهااش فتعياط اشرف حتى وقفو) انا نمشي نشوف عيشة راها سخفات بففف نهار ديال ***...

فهد: (جالس فوق السداري وكيدور فعينيه وكيتسنى الاستنطااق محملش هاد الوضع وقف شاف فندى للي هازة حاجبها كتسنى منو يبرر) هاديك راه غير ****
ندى: فهد!!!
فهد: والله احبيبة عمري جبتها لهاد الدار نتي اللولة كدشنيها
ندى: علاه مزاال شي حد من مورايا
فهد: (بغا يشد فيها) انتي وشطاارتك
ندى: امم مبقاتش فشطارتي بقاات واش غيبقى فيك شي جهد 
فهد: (قاد لوقفة وغوبش) اهيااا
ندى: اهيا هي نتا اش جااب ديك زمر لهنا
فهد: معرفتش واش مكتيقيش فية
ندى: اوا ولفلوس
فهد: انا مقلت ليك والو فاللول حيت معرفتش علاقتها واش غتكمل
ندى: واش شفتني كرضع صبعي نتا مقلتي والو حيت خايفني نكون طامعة فيك
فهد: لا والله مكانت هاديك نيتي انا كنت غنقول غير خفت متبغيش تزوجيني على هاد سباب
ندى: اهيا نااري اشمن سبااب ياكما خااونهم
فهد: واش بانلك وجهي ديال شي واحد شفاار
ندى: كتر وجهك حشومة دخل بيه حتى لجهنم
فهد: (بغا يدير فيها كاعي) الله يسمح لييك كظلميني
ندى: بانلي غنمشي فحاالي حتى تكون باغي تهضر و (شدها من يديها) طلق افهد
فهد: واش باغا تخليني اندى ونتي معارفة واالو
ندى: هي الا دويتي 
فهد: هادو فلوس كنت جبتهم معايا من المانيا فديك المهمة للي كنت عاودتلك عليها غير هوما ماشي قانوني خاصني نحطهم فالصندووق حطيت 20 % وخليت داكشي لاخر لية وماشي غير انا حتى يونس عماد وممدوح خداو فلوس
ندى: هادشي عارفااه واحد بوليسي مغتكونش عندو فيرمة قد لهلا وزيد وزييد انا مزالة كنتسنى اشمن مسرحية فهد مكنبغييش نكون غبية
فهد: لفلوس مخاصش يبانو وكان ضروري ندير داكشي
ندى: مكتيقش فية افهد
فهد: (تبسم) اكتر وحدة كنتيق فيها بدليل نتي الوحيدة للي ختاريتك لزواج وبغيت منها ولاد وبنات بزااف
ندى: (حركت راسها بلا) باينة مكتيقش افهد بدليل وكان مجاتش ديك خييتي منكنتش غنعرف (مشات لبيتها)
فهد: ندى ندى (زدحات لباب مكملاش تانية خرجت ودار ابتسامة عريضة حتى شافها هزت لفطور ودخلت كتنكر) وانا منفطرش معاك الحووب 
ندى: تاكل فيه السم يطحن ليك القلب ويوحلك فلمعدة ويوقف ليك فركاابي
فهد: هه يبعد غير *** ويجي فينما بغا
ندى: (دخلت تفطر والغيرة كطحن فيها واخا مبغاتش تبين علاش ليلى عارفة عليه بزااف وهي لا عيا يدق عليها ووالو ظلمات الدنيا وجبدات عليها بنعسة ومخليااه بحال الحنش للي مقطوعلو راسو...)

رقية: شكرا اختي لهلا يخطييك
نور: مبيناتناش اختي وكان علمتيني من قبيلة بففف بقات فية خالتي عزيزة وعمي محمد بجوج دقة وحدة
رقية: (كتلبس بالزربة) وييه اختي هانتي ولاد عيشة راهم عاد بدلتلهم وحتى صفاء
نور: لبسي لبسي دغيا كتوصيتي بحال ماشي ولادي حتى انا 
رقية: عارفة اختي 
نور: انا ندخل نطيب ليهم مياكلو صفوان واش ناعس
رقية: لا راه كيتفرج مع نزار ولد مريم حتى هوما راه مكلاوش مسااكن (لبست لبيوط دغيا) انا نهبط عماد كيتستى باشما غنجااوبك
نور: واخا احبيبة الله يسمعكم خبار الخير
رقية: امين.. (هبطات بجرا عند عماد الي كيتسناها لتحت وكان كيهضر مع مو)
فاطمة: اممم هادوك غير ذنووب ديالي بففف الله يديرلك اولدي شي تاويل ديال الخير مع دوك الناس
عماد: كفاش شنو متخربقي واشمن ذنوب
فاطمة: (مبغاتش تقولو راه عرفات) مهم سير ننا للدار ترتاح راه تابعاك خدمتك
عماد: (عصباتو) بسلامة (قطع عليها وشاف فرقية) مالك احبيبة
رقية: كبقات ماما وعيشة
عماد: انا من هنا نشرحلك باش متخلعيش بحال ختك ماماك داكشي دلبارح متقبلاتوش خلا الطونسيو طلع ليها حتى كانت غتشلل ولكن حفظ الله هادوك كيبقاو بحال شي تشنجات مع الترويض ديال 4 دالحصص الا كترات غترجع ككانت ولكن ضروري من طبيب وعيشة شافتها هكاك داخت خليت معاها طبيب
رقية: (بتنهييدة) خاصها تنسى وديك عمتها ديني نديكلاري بيعا هي اللولة
عماد: نسااي معندك مديري بشي صداع
رقية: يا نديكلاري يا ندير شراع يدي اعماد
عماد: نعلي الشيطان اروكا اشمن شراع يدييك وياله تمشي تشوفي مك وختك 
رقية: بالرب ونهاود نشوفها حتى نقتل مها الله ينعل ***** دمها
عماد: (حمر فيها) رقية
رقية: (معصبة) مرقياااش كتشوف بسبابها كولشي طايح فصبيطار
عماد: (جرها عندو فوق صدرو) قولي الحمد الله مخرجاتش بطريفة خاايبة والا شتناها انا ويااك مرة اخرى انا نكتفهالك ونخليك تعصيها على خااطرك
رقية: ههه كترة الهم كظحك فين مك؟
عماد: هاديك مغتهنى حتى تخرجلي دمااغي من بلاصتو الله يهديها وصاافي
رقية: امين... خاصها طبيب اعماد هادشي للي كدير ماشي طبيعي مكنقولش مك هبيلة ولكن بزااف على هاد الكره للي كتكرهتي
عماد: الله يهديها وصاافي 
رقية: اميين....
~~~~~~~~~~~~~~
يونس: (دخل مزروب مكره كولشي كيجيه دقة وحدة معندوش الملل فحيااتو كل شوية خارجة شي حاجة من الجنب خدمتو للي غيخسرها بااه للي قلبو رجع ضعيييف مكيتحملش الصدماات وغير خلعة خفيفة على صااحبو طااح وهو للي فكر ان بااه كره الحااج ولكن علاش داك الحقد على الاصل من جهة اخرى عزيزة للي عندو عزيزةبزااف وعاد مرتو للي كولشي فكفة وهي فكفة بوحدها طلع بالزربة لطابق لي كاينين فيه شاف الحااج واقف كيهضر مع طبيب كيحاول يقرا تعابير وجهو للي باين فيهم الحزن.. بلهفة) فين عيشة
الحاج: اجي اولدي راه دخلات عندها طبيبة كبقى باك
يونس: لباس (شاف فطبيب) شنو وقعلها كانت مزياانة قبييلة واش تخلعاات ولا شنو وقع قالي عماد على حالة خالتي عزيزة 
الحاج: شوية خاافت على مها وطبيب ياله كيقولي عيشة عياات
يونس: كفاش عياات ممولفاش ليها كتسخف
طبيب: احم نتا هو الزوج ديال مدام عيشة
يونس: اه 
طبيب: واخا هاد الظرووف نقدر نقولك مبروك لمدام حاملة...

فاطمة: بنت لملقطة لوخرا كتقول لولدي خاصني طبيب نفساني بنت لحراام رداتني انا للي هبيلة وهوما للي بعقلهم
نور: وكان غير قطعتي اخاالتو غتزيدي تسمعي غير للي يفقسك
فاطمة: (دايرة تيليفون فودنها كتسمع ولدها كيتغزل فمرتو ويصبرها على مرض مها وهي كتزيد تمووت بالغيض) سحاارة ميمكنش غتكون سحراالو خاصني نحااربها بسلاحها
نور: (وقفات من الصوكان هزاتلها التيليفون من حدا ودنيها ودارت كاتم الصوت) شششت خالتي متسمعيهش شي كلمة ضدك 
فاطمة: راك مسنعتيش شنو كيتقال
نور: كولشي بااين اخالتي داكشي باش خاصك تكوني ذكية
فاطمة: (سكتتات بلفقصو وهي دور فنور) علاش تفارقتو قوليلي غير علاش تفاارقتو وكان راه ولتدكم انا للي كنديهم ليكوول وكيقرااو
نور: (وجهها رجع حمر) عماد كان كيغير لدرجة خاايبة
فاطمة: علاش شنو شااف
نور: كان كيتبعني واحد بزااف وكان كيعرفو ومرضااش وانا قلتلو بعد.منو نتي عارفة عماد كان طااايش ومبغاش وانا خيرتو شفتو كيصمم انا للي غالطة حيت كنت خدامة وقرر نتفارقو قلت ايام ودووز حتى سمعت مشا للمغرب صافي وانا بغيت واحد اخر تزوجتو ومتفاهمناش لقيت عليه الخيانة وطلقتو 
فاطمة: معندك زهر بحال حتى انا لقيت عمك عبد الله كيخوني وتزوجها حيت حملات منو
نور: انا من الالول كنت ضد عمو
فاطمة: (بتنهيدة) رجااال كاملين ابنتي مفيهم ثقة ولكن وليدي حبيبي كان حنين علية من نهار تزوج هاد لعقروشة وهو كيفضلها علية
نور: ولكن معرفتش عماد كان كيبغي شي وحدة تكون محتارمة
فاطمة: واا بنتي ومها ولادهم فلحراام شنو كنتي غتسناي منهم
نور: اعووذ بالله غيبقاو ولاد زنا حتى يمووتو صراحة عماد مخاصوش يبقى معاها وصمة عاار ليه وليكم وحتى لولادو مخااصش يبقاو معاها 
فاطمة: فكرة ابنتي خاص ندعيها
نور: ولكن بتهمة اش
فاطمة: بتهمة الدعاارة انا غنورييك اش غندير وغتحرم من ولادها ومن كولشي....
~~~~~~~~~~~~~~
اشرف: (طبطب على كتف مريم) حبيبة سيري للدار نتي ومي زهرة ترتاحو انا غنبات معاه
مريم: ونخليك بوحدك؟؟
اشرف: وتخلي ولادنا بوحدهم سيري جيبي سارة من عند نسيبة ونزار من عند رقية وباتي فالدار 
مريم: ونتا نجيبلك لعشا
اشرف: مكرهتش امرياامة ديالي شي طاكووس جيبهلي راني ميت بالجوع من فطور ديال صباح
مريم: ههه واخا اسيدي ويبقى التيليفون بيناتنا (مدات يدها) سواارت
اشرف: (عطاها سوارت الطموييل) ايييه على مريم للي كانت مغمضة عينها ولات تسووك وكل مرة معحناهالي من بلاصة سير ليوونس وعيشة الله يعطيبكم الجووع للي فيقووك
مريم: هههه ارا ارا (سلمات عليه ونوضو زهرة بالزز باش تمشي مشات جابتلو لعشا ونيشان لفين ناعسة عزيزة يطلو عليها كبقات تصادفو مع رقية طالعة هي وعماد ومشاو نيشان لعندها...)

طبيب: واخا هاد الظروووف نقدر نقوولك مبرووك لمدام حاملة
يونس: (تصدم ورمش عينو جوج مرات وبقا حالهم على وسعهم) حاملة!!
الحاج: الحمد الله اربي مبرووك عليكم اولاادي
طبيب: عيطت على طبيبة نسائسية باش تقلبها ودير ليها ايكو
يونس: (احساس مخربق معرف واش يظحك ولا يبكي واش يفرح ولا يحزن) واش متأكد؟!! (نسا الحاج راه واقف معاهم) راه كنا كندير احتيااط ديالنا (سل الحاج راسو بشوية)
طبيب: واخا الاحتياط ربي من كيبغي الحاجة راه كتوقع
يونس: ااه ونعمة بالله ولكن 
طبيب: شحاال من وااحد تمنى هاد الذرية وملقاهاش
يونس: مقلتش مبغيتش ولكن لمدام ياله ولدات وبلفتيح غيكون شي ضرر عليها
طبيب: اممم بشحال باش ولدات
يونس: 10 شهور وشي ايام (تحل باب وخرجات طبيبة مشا زربان عندها) كبقات مراتي
طبيب: مزيان هي ولبيبي اممم مزيان درت ليها ليكوو ولكن مزاال شااكة فشي حاجة
يونس: شنو واش عيشة مزياان متقووليش حاملة بتلاتة عااود بزااف عليها مسكينة
طبيبة: (كولشي شداتو الظحكة وحتى هي غير حبساها مقدرتش تهضر ولا غتفرش وتصدق فشي طاب ومطاب وخصوصا باينة فيه معصب ومتأثر)
يونس: وهضري شنو وااقع (تخطاها ودخل لقا لفرملية كتقاد ليها لفراش وعينيها فسقف شاف فيديها كانت بحال كترد فيهم لفقسة بالزربة شدهم ليها وشافت فيه غير لقاتو هو طرطقت كتبكي مشا جلس حداها وعنقها وهي غير كتبكي دخل الحاج غير شافهم هكاك خرج) شششت احبيبتي 
عائشة: بعد مني ازمر مكنحملكش
يونس: وعلاش
عائشة: (شافت فيه مطرطثة عينيها لمدمعين ونيفها لمخنخن) علاش محملني علااش 
يونس: ممم مكنتش باغي نحملك ولكن جاات من عند الله
عائشة: مدخلش الله فهادشي نتا للي عاجبك *** وكل مرة جااي مسخسحني 
يونس: اهااه مبقيتش انا للي كنقلب على برقوقي الشرعية 
عائشة: هئ هئ مقلبتش نتا للي على سبة تفوووو
يونس: (داير ليها الخاطر) واخا انا للي كنقلب عليك حيت كنبغييك وكنبغي غير نكوون معااك (حط يدو على كرشها) شحال قالتلك طبيبة
عائشة: (منفخة) شهر (غير كتفكر انها خاملة رجعات كتبكي وتندب وهو غير كيسكت فيها وبراسو خاايف على صحتها بغا يمشي غير عند طبيبة للي مكملاتش كلتمها ولكن عيشة للي كتسبو وتبكي) والله ويكونو تلاتة حتى ندخل عليك الحبس
يونس: دابا بيناتنا كنتي كتشربي الكينة
عائشة: (بانفعال) اااه 
يونس: اممم منسيتيها حتى نهار
عائشة: هئ والله منسيتها حتى نهاار انا متأكدة
يونس: (تبسم) اح علية مجهد واخا لكينات
عائشة: من داابا نتا للي غتشربها
يونس: وااخا احبيبة غير متقلقييش رااسك
عائشة: خاايفة يكونو تلاتة راه غنمووت هاد لمرة نتا معاارف واالو شنو دااز علية اهئ وولادنا مزال صغاار وكيرضعو اوييلي شنو غنديير
يونس: حبيبة هدا مكتااب الله
عائشة: متدخليش الله نتا سبااب نتا 
رقية: (دخلات عليهم) امااالكي كتغوتي واش ماما وقعاتلها شي حاجة
يونس: (وقف باغي يخرج يخليها ترتاح حيت راها غير كتعصب) هانتا اختي رقية بقاي معاها
عائشة: هئ هئ انا للي لقيت راسي حاملة
رقية: (بقات مصدومة ويونس خرج يمشي يقلب على طبيبة يكمل معاها لهضرة) لا نتي هاد يونس خاصك معاك لكينة ولحساب واللولب وحتى لبريزيرفاتييف وياله ياله
عائشة: هو خااص للي يقطعلو داك *** باش عاد يتهنى (الحاج للي دخل من بعد مخرج يونس مجا فودنو غير هاد لكلام رجع خرج ومعرف يظحك ولا يبكي مشا خرج من تماك نيشان للمصحة فين ناعس صاحبو باغي يطمن عليه ويشووفو ومخلي المراهقين على خاطرهم وفقلبو كيدعي لتوأم روحو ترجع ككانت لحيويتها ونشااطها وروتينها وتنسى عليها المااضي..)

يونس: (خرج من عند لبنات قلب على ديك طبيبة لقاها خرجات لقا عماد تماك وهبطو ساكتين صونا عليهم اشرف جا باش يشوف مرت خوه وعزيزة لقاهم تماك خداو قهوة يونس بقا كيكمي وكيشربها وعماد كيشربها وكيفكر فمو للي مفهمش علاش كدير هادشي واشرف خايف الحاج للي مشا عند بااه يقولو شي كلمة للي تخلي علاقتهم تسالا حتى شاف فيونس لقا ابتسامة بلهااء فوجهو)
اشرف: فرحنا معااك اداك لبغل
يونس: عويشة حاملة
عماد: واايلي
اشرف: مبروووك اسيدي
يونس: الله يبارك فيك (عاد طلعات معاه الظحكة) باانلي غنخرج من ديك تابوليسيت ونقلبها مدرب ديال فرقتي هههه ااح شي 3 اخرين ونلعب بيهم لباسكيط ههه
عماد: هههه مبرووك اسيدي
اشرف: برهوش جيتي من مورايا وباغي تزرب تكبر العائلة
يونس: (نفخ صدرو) وااا عو نتوما ماشيين برومين اما خوكم شوية نيفو طاالع من اللول غادي طروازييم وعقبال سيزياام
اشرف: هههه مزياان بعدا شي خبار كتفرح
عماد: ولكن راه كاين خطورة على صحتها
يونس: (جمع الضحكة) حلف
عماد: مكاملش حتى لعام باش فتحات والا بالصح كانو توينز غتكون فخطر واحد ونقولوو كاين احتمالات هاك وهااك والا رتاحت وتبعت كلام طبيب بلحرف متاذاااش ولكن توينز غير الله يستر اصاحبي
يونس: اواااه متقولهاض اوا انا صحتها عندي هي المهمة
اشرف: حتى نتا ماالك زربان ولادك مزال صغار
يونس: داكشي جا بووحدو راه ديجا قلتلك خووك مجهد
اشرف: هههه فرعتينا بهاد مجهد وها لبنت غتقتلها
يونس: اشمن قتيلة اداك النم (ضار عند عماد) كانت قالتلي طبيبة راه كاين شي حاجة ولكن مكملاتش قلبت عليها ملقيتهاش
عماد: خاص حتى تكمل شهرين عاد يبان شحال من بيبي عندها
يونس: بفففف خلعتيني بلفري والا كانو كتر من واحد شنو دير لكورطااج 
عماد: معرفت اخويا طبيب للي غيقرر
يونس: لا منقدرش نقتل ولادي ومنقدرش نغامر بيها بفففف (مسح وجهو بعصبية) معرفت كنا دايرين حسابنا 
اشرف: تكاالما اصااحبي راه كولشي بمشيئة الله
يونس: نتمنى يكون غير واحد خاص غدا رجع عند طبيبة للي كانت متبعة عندها هي كتبانلي حسن
عماد: اه هي مزياانة 
اشرف: واخا هكاك فرح خلي كولشي لله 
يونس: (حرك راسو باه وبقاو ساكتين) خليت با بوحدو؟؟
اشرف: اودي فيها كنفكر راه مشا عندو الحاج كنتمنى ميفييقش حتى لصباح
يونس: مراهش دري صغيير هادي شحال وانا كنبهو الا بغا يخسر صااحبو يقولو داكشي
عماد: غير باك مع عيشة وانا الوالدة مع رقية كيبانلي نعيط للواليد يجي يديها معااه 
يونس: صرااحة ديك الرفقة مع نور متمااش اجي ماشي كان سميتها مييرا
عماد: بجووج مها كانت امريكية سماتها ميرا وباها سماها نور وبقات بجوج سمياات والاغلبية كنعيطو ليها نور
يونس: اممم ومك عاارفة علاش نتا تفارقت معاها
عماد: محااال
يونس: اوا قولهالها يمكن تقلب عليها مك كولشي تساامح فيه الا شي حد يقرب لعمي
عماد: كااانت اما دابا همها غير رقية تبعد مني والسلام وكان همها الواليد وكان مشات معاه لامريكا مع أميمة سااعة خلاتو لمنى وبقات هنا حاضيااني ومنكداها علية حرت معرفت منديير
اشرف: اودي منين كتجي فلواليدين مكتعرف مديير 
يونس: كتكتتتف ولكن صبر عندو حدوود وكل واحد خااص يااخد حقو 
عماد: داكشي نييت للي غنديير...

عائشة: (من بعد متهدنات شوية بقات كتشوف غير فسقف خاايفة بزااف الكاابوس لي داز عليها وهي حااملة بتلاتة مبغااش تعاودو واخا هو معاها داابا ولكن صحتها كانت الور اللور حطت يدها على كرشها وكتفكر غير امتى وقع الحمل وهي كل نهار كانت كتشرب لكيينة متأكدة مزكلاتها حتى نهار شافت فختها لقاتها كتشوف فيها) شفتي ماما
رقية: (بتنهيدة) الحمد الله بعدا متشللاتش 
عائشة: ولكن فمها عوااج وحتى يدها
رقية: 4 دلمرات ديال الترويض وترجع ان شاؤ الله حسن من لي كانت غير هو خاص حتى حنا نعاونوها
عائشة: حنا اصلا مكنديرو والو عمرنا لمناها ولا شي حاجة من هاكا واخا هي كانت خاصها تقولنا شكون هو للي تعدا عليها
رقية: اوديييي 
عائشة: الله يشافيها انا صباح خاص نمشي نشوف عمي محمد 
رقية: حتى انا نمشي معااك قالي عماد راه بيخيير دابا
عائشة: مسكين خااف على ماما داك السيد كيبغيينا بحال بناتو مسكين (سمعو كلام رجال سكتو ودخلو دراري غير شافت فيونس قلبات وجهها)
اشرف: عوييشة كبقيتي
عائشة: لبلس بعد علية غير خووك ونكون بيخير (كولشي طرطق كيظحك منهم يونس للي مشا جلس حداها وبقا كيكحزها حتى تقاد فلجلسة شدلها يدها واخا عيات متعاافر)
يونس: تووت دياالي كبقيتي؟؟ (لا رد منها) لخووت شفتوها وشاافتكم ياله شافكم طبيب وسدو لباب من موراكم
رقية: سبحان الله كنت كنتسنى هاد الجملة منك
عماد: (درعها بيد) هيا يا جمييلتي لنبحث لنا عن ملجأ يحتويينا هذه الليلة
رقية: (ضرباتو بكوعها فكرشو) حشم ادااك لبشاار
اشرف: اييييه صيفطت مرتي وجيت حدا لبرااهش 
يونس: ياله تهزو لمداام ديالي بغاات ترتااح
عائشة: هي الا خرجي نتا نييت
يونس: ابدا واش نخلي عوييشتي بوحدها (دارلهم اشارة باش يخرجو) ياله تزلعووو (خرجو وبقاو غير هوما) مقلقة مني؟؟
عائشة: اه وبزااف
يونس: وشنو ندير باش تسمحيلي
عائشة: (نعست وغطات راسها وحيدلها لغطا من على وجهها) بعدني
يونس: علاش احبيبة
عائشة: حااسة براسي غنمووت 
يونس: (غوبش) علاش كتقولي هاكا
عائشة: خايفة بزااف من هاد لحمل نتا معارفش شنو دااز علية 
يونس: هاد لمرة انا معااك نفديبك برووحي ومنخليش شي حاجة تآذييك
عائشة: (تبسمت) والله مزكلش شي نهار كنت كتشرب بيلوول فوقتها دقيقة مكنتش كنتعطل فيهاا
يونس: (باسها فجبهتها) عارف احبيبتي ربي بغااك تحملي مغنعارضووش امر الله وانا غنتهلى فحبيبتي كتر وكتر
عائشة: اممم كتر وكتر عقل على هاد لكلمة
يونس: انا نخار لكبير هو نخدم زين ديالي وهي حااملة مني اااح علية وصاافي مجهد
عائشة: (كتعيبو) هنهنهنهعع نوض نوض راه انا التي لا تقااوم
يونس: هههه كااينة اعمييرتي قوليلي شنو كتشهااي
عائشة: اممم والو
يونس: وياله نديك للدار باش ترتاحي كتر
عائشة: هااء ونخليو ماما بوحدها راه رقية مشات
يونس: بابك هو للي صونا علية وقالي ندييك هو غيبات معاها راه حتى انا غنمشي معاك ونبات معااك اشرف هو للي غيبات مع با
عائشة: (حركت راسها باه) شوو على صدفة 
يونس: الحمد الله تبقاي تقولي الحمد الله على كولشي
عائشة: الحمد الله (نوضها لبسها لمونطو وعاونها فشالها تسناو الحاج جا عندهم غير شافتو عنقاتو) كبقى عمي؟؟
الحاج: راه ناعس ابنتي.. (هزلها راسها) كبقيتي نتي؟؟
عائشة: لبااس خاصك شي حاجة نجيبلهالك
الحاج: جابتلي رقية للي خااصني سيري ورتاحي وغدا متجيو حتى نصوني عليكم واخا بابا
عائشة: (باستلو يدو) واخا ابابا تصبح على خير
الحاج: (تبسم) تصبحو على خير يوونس تهلا فيها
يونس: (عنقها بيد) فعييني (مشاو فحالهم والحاج دخل حدا عزيزة ونعس فلبياس للي خاوي حداها وبقا كيشوف فيها واش تحرك حتى غفا ونعس من بعد تعب وستريس كبييييير...)

للإشارة

واخا كنت هضرت على (ميرا) نور فاللول..
عماد كان هو للي كيتبعها حيت وراتهالو مو ومدحاتهالو وفعلا كان باغي فيها كاع داكشي للي كان بااغي بحكم تزعزعات صورة الاسلام فلداخل ديالو بكترة معااشر الامريكيين ونور هي بقات كتوضح ليه بزاف ديال الاموور باه مكانش مواافق يعرف شي وحدة تمااك كان باغيه يرجع للمغرب ويستاقر تمااك.. عماد خطب نور وباه مشفعاش حيت من اللول راافض عاد العلاقة ولكن للي معرفش منين شافعا وبقى كيتبعها انها خطيبة ولدو لدرجة شحال من مرة وقفها وعرض عليها زوااج وهي كانت كتبغي عماد حتى شاءت الاقدار عماد ونور كانو خارجين تلقاو بباه وعرفو عليها وهنا كانت المفاجئة وتفضح كولشي نور خيراتو بينها وبين بااه وباه خيرو بيه بيرجع للمغرب واا ينسااه وطبيعي ختار بااه واخا عيا يرغب نور تنسا منبن بقات كتسب فباه وفاخلاقو هو خلاها ورجع للمغرب ولدابا مقلهاش لمو حيت بااه للي مبغاهاش تعرف باش متكرهوش...
~~~~~~~~~~~~~~~~~
الحاج: (من بعد مصلا الفجر بقا جالس كيشوف فعزيزة وشاد تسبيحو وميذكر الله حتى حس بيها كتزعزع حط تسبيحو ومسا عندها حنا حدا راسها) عزييييزة
عزيزة: (فمها مزال عوج شوية) امممم
الحاج: صبااح الخيير بااش كتحسي خلعتييني علييك بزااف باش كتحسي حلي عييينيييك 
عزيزة: (كتحل عينيها غير بشوية) ب.. بيي.. بيييخير
الحاج: (تبسم) الحمد الله الحمد الله امن بااغا تخليني اهااد الحمقة
عزيزة: (تبسمت ومن بعد بدات تبكي) سمحلي سمحلي احمد على الشووهة للي درت لييك مكنتش باغاها هئ هئ مكنتش بااغا حتى وااحد يعرف
الحاج: شششت هادةك بناتي تفاهمنا
عزيزة: (حركت راسها باه وقاست فمها للي كيصعب عليها لكلام) وعندك فيهم الحق كتر معندي انا للي ولدتهم
الحاج: لا حتى نتي عندك الحق فيهم نتي ماماهم وانا بالاهم بحالهم بحال ادم
عزيزة: مال فمي؟؟
الحاج: (حيدلها يدها) شوية وتبرااي
عزيزة: (بغات دير يدها ليمنية جاتها صعييبة فالهزة) مال يدي
الحاج: (رجع شدها) حيت كخبي هنا (دار صبعو فوق قلبها) بزااف خلاك فهاد الحاالة عزييزة نسااي المااضي للي مغينفغك لا نتي لا انا لا ولادنا 
عزيزة: هي للي جاات عندي 
الحاج: ومنين جات سمعتي الرد من عند لبنات علاش كتبقاي تفكري فهادشي
عزيزة: والشوهة الحاج وكلام النااس علينا
الحاج: هه لا ماشي عزيزة هادي للي عرفت.. كلام الناس!! من امتى حنا سوقنا لشي نااس
عزيزة: حيت دابا حنا بنسابنا
الحاج: ومن بعد الا هاد نساب غيخنقونا معندنا منديرو بييهم 
عزيزة: وبناتنا؟؟
الحاج: (بتهديد) للي يقيس بناتي بكلمة وحدة على شي حاجة معندهم دخل فيها مغنخليهش معاها واخا نعرف تكوووت بلبكى حدايا ومرجعهالوش وانا عاارف بناتي مزوجين برجاال ماشي رعوانيين للي غيقيسهم بهاد لكلام
عزيزة: (بتنهيدة) فين بنااتي 
الحاج: باش نفرحك الالة غتولي جدة لساادس مرة عويشة حااملة
عزيزة: هه يا حليلي عااود حااملة من صغرها ديك لبنت كتطيير
الحاج: ههه نوضي عزييزة راه شوفتك فهاد لفرااش كتخلي قلبي يتقطع 
عزيزة: (حركت راسها باه) بغيت نشرب (عطاها تشرب) فمي عوااج
الحاج: غتبراااي ولكن خااص متجمعيش فداك لقلب وتعيشي لرااسك ولية ولولادنا.. انا نمشي نعيط لطبيب ونجي...

يونس: (من بعد معيطولو صباح لخدمتو ناض بالخف لبس حوايجو فيق عماد ومشاو للكوميسارية) اش فييها
فهد: راه مزال فاجتمااع لدااخل علاش معلمتيني بواالو 
يونس: كتعرف حميد؟؟
فهد: عاد كنت عطيت لمو ملخة ديال لعصى وخليتو مرمي فلخلا
يونس: (باستغراب) علاش
فهد: مكنتش بغيت ندخلك فهادشي ولكن كان مهبل ندى فواحد شهر كان شاد عليها شي حاجة خااصة مع الاكس ديالها وهددها وضربها وتمادا نشر فيديو صغير ليها فلبوضرنو (مواقع اباحية) 
يونس: وعلاش انا مفخباري والو
فهد: اودي حشماات وصافي انا غير بكترة مكنت كنتبعها دوك الايام عرفت اوا راك عارف خووك منين حطيتو فراااسي
يونس: ولد **** باينة دار هادشي على لفلوس
عماد: (مخلوع) بااز عندك لخااطر تصنت لهادشي وممخلوعش شنو كيوقع لداخل
يونس: تاا مالهم غيخلعوني نضرب على مهم لحبي ونخرج من هاد الخدمة للي طيحات علية الدل 
عماد: اسيدي انا مساخيش بخدمتي انا راه عندي ولاد كنخدم عليهم
يونس: على انا عندي بقر حتى انا عندي ربعة 
فهد: غير تلاتة مالك.داايخ
عماد: علاه هو غيرسيها غير فتلاتة السيد.خداام على راسو وانا كل ليلة كتشدني سريرة بالخلعة
يونس: هههه وعلاش غنخااف انا مقلق كااعي ولكن مخاايفش اعشيري
فهد: وي عندو الصح يتقلق حيت عطا بزااف لهاد الخدمة والا تقااست كرامتو بسباب ارهاابي غيحس بشي حاجة تهرسات فيه
يونس: نيشاان
عماد: الا اسيدي انا خاايف من لحبس
يونس: الحبس لرجاال متخاافش انا نطاكي علييك
فهد: ههه بعد من السيد راه صفاار
ممدوح: (خرج من الاجتماع كيظحك) الحمد الله على سلامتكم
يونس: (ببرود) شنو وقع
ممدوح: صافي تسدات القضية عرفو نتا وعماد معندكم حتى شي دخل فهاد لحريرة وحتى فرووس عطاوها تصريح تغاادر المغرب
يونس: اممم ومنين جابو هاد الاستنتاج
ممدوح: فروس كانت سجلات حميد كيهضر بطبيعة الحال خدات ترخيص من هنا وعتابروه كدليل وهو راه روشيرشي ولكن حيت سدو الملف غيقلبو عليه شي سيمانة ويوقفو
عماد: (بلفرحة) yeeeeeeeees
يونس: واخا ممدوح غتكمل خييرك وغتلقى لا ديميسيون ديالي فلبيرو عندي تحت الملف الازرق عطيه ليهم وشوف شنو الاجراءات للي غيديرو معايا باش نديرها 
ممدوح: كفااش واش تصوطييت
يونس: لبلاصة للي ملقاش فيها احترام لخدمتي وشنو درت معندي مندير بيها
عماد: واش كتهضر بالصح
فهد: عندو الصح خااص اعتذاار ماشي نتا قتال وحقا صافي نتا ماشي قتاال
ممدوح: هنينا ماشي تشجعو
يونس: ياله تهلاو (خرج وهو مرتاااح حتى كيتفاجأ بفروس واقفة حدا طموبيلتي) ياااه على صبااح عااود (بغا يطلع وهي تجي لعندو ياله غتقيس يدو وهو يبعدها وحمر عينو فيها)
فروس: بلييز يوونس
يونس: ***** هدا ماشي يونس اااخر مرة لقااك فوجهي
فروس: عفااك متعاقبنييش 
يونس: (تبسم باستهزاء) نعاقبك!!! علاش غنعاقبك شكوون ناي راك مكتعنيلي واالو درت فيك خير مرة جوج مطلعيش فوق رااسي نساااي شي واحد سمييتو يونس صاافي سالينا
فروس: (كتموت بلبكى) يوونس عفااك كتحايدنيش من حيااتك
يونس: (ركب عيات دق عليه فالزاج كسيرا مخليها طااحت كتبكي فالارض.. اما عماد واقف كيفيلمي فهادشي)
عماد: (خبعو فتيليفونو) هادي خدمة نقية
ممدوح: هههه مزياان نوريه يديميسيووني علاه انا دوزلي الخدمة بلا بيه
عماد: ههه عيشة غتقجو (مشاو لقهوة يفطرو فرحانين حيت تبرأو وفنفس الوقت قرار يونس دوخهم...)

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.