يونس: لبكى مغيعاونكش قول شكون للي عاونك باش تمشي وعلاش جاي لهنا وحمد الله حيت طحتي بين يدين الشرطة فترة ديال الحبس دايزة وكان درتي داكشي علاش جاي واذيتي الناس تصدق لا دنيا لا اخرة
....: ولكن هوما قالو غيديونا لبلاصة للي فيها الاسلام وغنحاربو الفساد باش نضمنو الجنة
....: كنت كندخل نتفرج فسيبير حتى دخلت الصفحة ديالهم بقيت كنشوف أنهم كيعيشو فسلام فدولة مافيهاش الفساد وكانو كيوريونا تصاور على الحياة النقية واننا غنخدمو ويكون عدنا فلوس فاش مشيت انا وصحابي
يونس: شكون خداك؟؟
....: .... مشينا حاركين من تركيا لسوريا فاش وصلنا لقينا واقع غير ديك الصورة للي كانت رسموها لينا ولينا كنديرو شي حوايج الي منافية لا للدين ولا الإنسانية يعني الا مدرتيهاش غتموت
يونس: شنو هوما هاد لحوايج؟؟
....: حنا راسو وسكت
يونس: اوكي كمل
....: جينا لهنا وانا و3 دراري غير وصلنا هنا نتوما تشدونا
يونس: شنو الهدف ديالكم من هنا؟
....: عمل تفجيري ولكن مقالوش لينا بالظبط حتى يصونيو علينا
يونس: (شاف فيه بنظرة شفقة) اوكي (هضر مع البوليسي الالماني وقالو كولشي) غدا غتمشي للمغرب
.....: وهادوك للي جاو معايا؟
يونس: كل واحد غيمشي لبلادو
.....: وشحال غنتحبس؟
يونس: مزال حتى يكملو معاك التحقيق فالمغرب ودوز المحكة ولدي شنو حسن تحبس وتكفر على ذنبك ولا تكون قتلتي ابرياء وتخسر اخرتك
....: نكفر على ذنبي، مغيعدبونيش؟
يونس: لا كنواعدك مكاين لا تعذيب لا والو الله يهديك مع السلامة
.....: شكرا
يونس: (بابتسامة ومشا عطا التقرير ديالو مخرج حتى 12 دالليل بقا فيه بزاااف وعيا من 8 دصباح وهو فالمركز جبد تيليفونو شعلو وصونا على عماد باش يعرفو واش كاين فالدار ومشا نيشان للدار دخل لقا عماد كيتفرج) الصاط
عماد: تعطلتي اصاحبي نهار كامل
يونس: (حط سوارت وجاكيط) تسخسخت مخرجتيش؟
عماد: لا
يونس: (باستغراب) شفت جالس وداير عقلك مجبتي حتى وحدة؟؟
عماد: هههه لا روبو مزال مكره من داك الز..
يونس: نسا عليك والا غتمرض راسك ندخل ندوش نوض جيب اصاحبي شي حاجة ناكلها
عماد: راني جبت لعشا على مدوش نسخنو...
سامي: (بابتسامة وهو حاط التيليفون حدا فمو) امممم اذا هي فألمانيا كنت حاس بالذنب من جيهتك ارُقٙية ولكن منين مشيتي لالمانيا تقراي رآه درت معاك مت بيخير وتهنيتي من داك الحبس للي كنتي عايشة فيه ااااااه شحال توحشتك وتوحشت ديك ضحيكة ديالك غير يكملو الامتحانات وانا ليك (دخل كمل الحصة وهو فرحان)
~~~~~~~~~~~~~~
عائشة: (كٙتْأٙفْأٙفْ ومعصبة) سيمانة مبان
رقية: نتي حتى عارفة فين ساكن وفين خدام انا معارفة عليه والو زيد عندو نمرتي ومعمرو صونا علية
عائشة: اجي نمشيو لسونتر نقلبو عليه إلا بان هاد نهار
رقية: واش نتي حمقة حتى نشوفو النتائج بعدا للي شحال وحنا نحفضو ليهم
عائشة: (بتذمر واخا جلسو حتى شافو النتائج كانت مرضية بالنسبة ليهم واخا ماشي من الاوائل كما ولفو ولكن قرااب عجبهم الحال عيطو على الحاج احمد وماماهم خبروهم بالنتائج وفرحو معاهم)
رقية: ياله نبدلو حوايجنا عاد نمشيو لسونتر
عائشة: لا رقية مغيكفيناش الوقت
رقية: منمشيش انا بهاد تبهديلة
عائشة: رآها 1 ونص اصاحبتي مغلحقوش نمشيو حتى لدار ورجعو غيكون بدا الحصة هدا الا كان جا
رقية: الا انا متمشيش هاكا
عائشة: انعن ديل موك زيدي تحركي البغلة (خدينا تاكسي ومشينا للدار كل وحدة دخلات لبيتها كتقاد راسها)
رقية: عيشاااااا فية الجووع
عائشة: حتى لبلاتي دبا خاصنا نمشيو
رقية: الاااااا فية الجوع من لبارح مكلينا والو الزبلة
عائشة: مسكييينة هههه (خدينا تاكسي ومشينا لوسط لمدينة بقينا كنتسركلو ونقلبو على المحالات للي دايرين الصولد بقينا لعشية كاملة كنضورو ونضحكو مزعمناش نزيدو نتسراو حيت مزال معرفنا لمدينة مزيان بقينا غير فنفس الشارع كلينا سناك خفيف وشربنا عصير. منين بغا يظلام الحال خدينا تاكسي ورجعنا للدار حيت 8 خاصنا نهضرو مع ماما وادم لفنيكيشة ياله وصلنا للدار وقف علينا واحد بسيارتو فرانا بالجهد كانت بحال ديال يونس بقيت كنتسنى نشوف شكون حتى كان نيت هو بغيت نطير بلفرحة بقالي غير نزغرت)
خرج من سيارتو زدح لباب وقطع الشارع لعندهم
يونس: (هاد صباح نضت وانا البرهوشة مبغاتش تغيب من بالي حشومة الحاج وصاني عليهم وانا مكنسولش حتى فيهم او ربما كنت كرضي غروري بهاد الجملة شفت الساعة لقيتها 8 هاد الايام كنت مبربز مع المركز فطرت ومشيت حدا المعهد عرفت ان كان عندهم امتحان جاني شي شغل خفيف مشيت قضيتو واخا تعطلت مالقيتهمش مشيت لسونتر مقدرتش نكمل الحصة اعتذرت ومشيت لعندهم للدار مالقيتهمش عاود بقيت كنتسنى لتحت بزااف والو مبانوش نهار كامل مدخلوش للدار معارف عليهم والو فين كيمشيو فين كيجيو رجعت للمعهد والو رجعت بقيت كنقلب فلنتراج ديال دارهم حتى شفت تاكسي حدا باب العمارة شفتهم خارجين وانا نمشي عندهم بقيت خارج وانا كنلعن الشطان كما كان الحال ماشي شغلي ماشي شغلي ولكن البرهوشة جاية محملة علم الله شكون برفطات مكنحملش هاد الفكرة فمرة وقفت عليهم) احم السلام
عائشة: لا غير بقاو (مال هادا عاود جمع غباشتو عاد كان صحة سلام بقينا كناكلو فسكات حتى مرضت كناكل غير بالقياس حيت صوت لمضيغ كيتسمع بمترت سكات كليت غير شوية أو غير نقبت)
يونس: بقا كيشوف فعينها ندم على كلامو ولكن 2 دراري ياله شهر باش كاعرفهم وباغاهم يقسرو معاها ووو.. حنيت عيني وسبقت عماد على ميجي مشيت للسيارة عينيها وهوما مدمعين مبغاوش يتنساولي بقيت حتى جا عماد
عماد: مالك على هاد الزربة
يونس: زعما راك كنتي عيان
عماد: وشنو فيها الا جلسنا سهرنا غير شوية، اجي مقلتيليش شنو بينك وبين عائشة
يونس: اوكي تهلا انا غنمشي غير هنا ونرجع (من بعد عماد مامشى لدارو بقيت كندور باللوطو مدة ندمت علاش بكيتها اصلا ماشي شغلي فيها دير للي بغات رجعت لداري نعست...)
عماد: (شفتها توترات بزااف مبغيتش نضغط عليها كتر واخا سؤال عادي واتا عارف باباها الحاج احمد نعمة الرجل )اهاااه واخيرا جالفطوور...
رقية: (بقيت كناكل وكنقول فنفسي معرفتش غيجي واحد نهار وشي واحد يكون قريب لية يسولني على شماتة ديال با شنو غنقول مكنعرفوش حتى انا كنت غير نتيجة ديال خطأ مراهقين كنت بنت غير شرعية شنو غنقول حتى زعزع افكاري جو)
عماد: روكا متقلقيش انا غير بغيت نعرف بزااف عليك
رقية: (بابتسامة) حتى انا بغيا نعرف
عماد: الشرف لية بدلي شنو باغا تغرفي علية
رقية: شنو اسمك
عماد: هههه جو ولكن اسمي لحقيقي جمال
رقية: اممم جو حسن ههه
عماد: هههه وي داكشي علاش كنفضل اسم جو كنت فلندن قريت تماك وجيت لالمانيا نخدم والدية عايشين فالمغرب
رقية: مزيان انا عايشة مع ماما وراجلها
عماد: (بصدمة) راجلها؟
رقية: احسن اب فالدنيا واخا ماشي بناتو الا معاملتو احسن واحسن وكاين خويا صغير ادم فعمرو 6 شهوور
عماد: (بابتسامة) مزيان الله يخليه ليكم (مبغيتش نسولها على الاب ديالها حتى تبغي هي تهضر) مشينا؟؟
رقية: واخا
~~~~~~~~~~~~~~~~~~~~
عائشة: نضت صاوبت قهوة جبدت واحد لكتاب بقيت كنقرا وفنفس الوقت مفقوسة مقدرش حتى يطلع يقولي ياله تمشي معانا هو ممسوقليش وانا دايرة عزو عليه كلب بغل كاع ميستاهل دوزت داك صباح فداك لكتاب حتى حسيت بالجوع لبست حوايجي باش نمشي نتقدى نيت شنو بغيت ياله غنفتح لباب حتى كلقى يونس فوجهي تصدمت معرفت منقول واش جابو هنا
يونس:(مقدرت ندير والو هاد صباح واكترية منين قالي عماد ممشاتش معاهم حيت كنت بغيت لحق بيهم وقالي مريضة عرفتها باقا مقلقة من الهضرة للي قلت ليها لبارح محسيت حتى لقيت رجلي واخديني لدارهم قبل مندق فتحات لباب) احم لباس؟
عائشة: الحمدالله ممشيتيش معاهم؟
يونس: نو عرفتك مغتجيج ومبغيتش نمشي
عائشة: حلف
يونس: ههههه فين كنتي ماشية؟
عائشة: بغيت نمشي لسوبرماركت تتقدى شي حاحة
يونس: اوكي ياله نمشيو
عائشة: (بفرحة) اوكي واخا غتحمقني معرفتش كفاش نشد لمزاج ديالك كل دقيقة على حال
يونس: هههه اوكي مقبولة منك (خرجنا من الدار وتوجهنا لسوبرماركت مشينا نتغداو بعدا عاد نتقداو) علاش مبغيتيش تخرجي معاهم؟
عائشة: مكانتش راشقة لية
يونس: مزيان
عائشة: (قشعات الوشم للي حدا صدرو) عندك وشم؟؟
يونس: اه
عائشة: سعداتك حتى انا مكرهتش شي وشم
يونس: معندك مديري بيه نتي هاكا طبيعية غزالة
عائشة: (بابتسامة) واش عاد درتيه ولا منين كنتي فالمغرب
يونس: نو كان عندي منين كنت فاسبانيا
عائشة: واش جيتي هنا كخدمة حيت مرت عمي الحاح سمعتها كتقول غتخدم عماين فشي بلاصة عاد ترجع
يونس:اشمن خدمة وشمون مرت عمك الحاج؟؟
عائشة: (كتقوس عينيها فيه) نتا يونس
يونس: ههههه قوليلي شكون هاد يونس للي واخد ليك تفكيرك واش غير انا للي كتشبهيني بيه ولا للي شفتيه
عائشة: مفهمتش علاش كتنكر راسك نتا يونس ولكن عللش نتا هنا الله واعلم
عائشة: (بقينا كنتقداو وحنا فجو ساكت قليل فين كنهضرو كملت تقدية حلف حتى يخلصها واخا مبغيتش ولكن سبقني وخلص بالبطاقة البنكية ديالو هز لميكات وخداهم للسيارة وانا تابعاه) شكرا
يونس: العفو (بقيت كنصوك حتى خرجنا من لمدينة بغيت نعرف منها بزااف دلحوايج) هاد لبلاصة كنجي ليها تقريبا كل ليلة كنرتاح فيها
عائشة: (اويلي جايبني لهنا بغا يغتاصبني ولا شنو بعت راسي رخيسة غير تقدالي بغا يستاغلني بقيت كنشوف فهاد لبلاصة للي وقفنا فيها كانت رائعة كلها خضورية ومع ربيع كانت واعرة منظر زوين شلال بعيد ولكن المنظر ديالو مبهر) زوينة هاد لبلاصة
عائشة: ماشي بالضرورة تكون عارف واصلا كنتي كتغبر بزااف كنت كنتعذب بزااف منين مكنتش كنشوفك وكل مرة كنشوفك كلقاك مع بنت فشكل اكيد مغتحس بوالو حيت اصلا مكنتيش كتعرفني
يونس: عائشة تمنيت وكان كنت هاد يونس للي كتعرفي
عائشة: (بصدمة هزات عينها فيه حتى نزلات دمعة) نتا ماشي يونس؟
يونس: لا
عائشة: (ركبت فاللوطو كانت خيبة امل كبيرة كنت فقمة غضبي علاش كيخبع واخا عتارفت ليه مكانش ساهل باش نعتارف وهو مزال كينكر)
يونس: (شفتها طلعات للوطو بقيت على برا معرفتش علاش عجباتني ديك كولشي ولكن منقدرش نقولها شي حاجة اخرى هي بنت الحاج احمد للي مستحيييل يبغي وغيكرهني وزيد هاد المهمة دزبل للي تزرفت فيها بسباب ناريمان كان اغبى اختيار درت وزيد وزيد هي صغيرة بزااف حسيت بيها مجروحة مني شفت فيها لقيتها معاندة مع دموعها كتمسحهم بحال كتنهرههم باش يوقفو مينزلوش حسيت بيدي مربوطين علاش محسيتش بيها فالمغرب منكرش انها كانت عاجباني واخا دوك التصرفات الا كنت نربيهم عليها كنت غندير شي حل اما دابا السيد موصيني على بناتو وانا نتصاحب مع وحدة فيهم وفنفس الوقت منقدرش نخليها مقلقة مني بقيت برا لمدة حتى رجعت طليت عليها لقيتها ناعسة مقدرش ندخل حتى ندير شي حل)
~~~~~~~~~~~~~~~~~~~~~~~
عماد: مسخيتش بيك أروكا والله
رقية: حتى انا
عماد: (طفا هداك المنبه ديال المستشفى) ولكن خاص نمشي دابا الا خرجت بكري نمشيو نتعشاو؟؟
رقية: امممم اوكي انا نبقى فالدار نتسناك الا جيتي بكري
عماد: (بتذمر) صوري روكا كنت ناوي نكملو هاد نهار بجوج
رقية: (بخحل حنيت راسي هزيت عيني فيه) باااي جو (عطيتو بظهر وطلعت للدار سديت باب العمارة بالعرض البطيء من بعد مبتسمت ليه سديتو وبقيت كنشطرح وكنقز بالفرحة بقيت كنصوني على عيشة والو مكتجاوبش وليت كنصوني منين قربت للدار سمعت الصونيت يمكن تكون جات دخلت كنعيط والو مكتجاوبش وتيليفونها فالدار اذا مزال مجات مشيت لمرايا وبقيت كنعاود اي كلمة واي هضرة قلتهالو باش نعرف كفاش كنت نهبل نهبل هههه)
عماد: من بعد مسدات لباب ركبت فاللوطو ومشيت كتسالي معايا ابتسامتها كولها حليلوة مع الدخلة ديال المستشفى كيبانلي داك زبل
ابو لقيصر: جو تعطلتي اصاحبي
عماد: (كنسد باب السيارة) اليوم روبو علاش عيطو لينا
ابو لقيصر: معرفتش (باعجاب) ماكنتك مع راسك شي موعد هدا
عماد: ههه بحال داكشي
ابو لقيصر: اليوم كاين شي اجتماع
عماد: اه اوكي ياله ندخلو..
~~~~~~~~~~~~~~~~~~~~~~
يونس: بقيت مدة برا كنرجع السيناريو منين كنت كنشوفها كانت صحيح كترتابك ولكن عادي دري ممتغرفوش و اصلا كنت ديما معتابرها برهوشة ودابا منمرش انها عاجباني!! مستحيييييل الحاج مغيبغيش وغيكرهني منبغيش نخسر داك السيد هو كوصيني على بناتو وانا نقولو مصاحب مع وحدة فيهم يا ريت وكان عرفت هادشي منين كنا فالمغرب كانت شحال من حاجة غتبدل بغض النظر داكشي للي كانت كدير كان ممكن نربيها مزالة صغيرة وداكشي يتسمى طيش المراهقة *كولشي* هاد لكلمة شنو عنات بيها وكفاش منتبهتش عليها مشيت حليت باب السيارة فين كانت ناعسة حيدت ليها شي خصلات من شعرها كانت نازلة على وجهها كانت باينة عليها معصبة حتى حسيت بيها بدات كتفيق حيدت يدي شافت فية وقلبات وجهها
رقية: كلبة (بقيت كنحيد حوايجي) اححح على هاد نهار دااز كتر من غزاال
عائشة: اهااه عاودي الخرية من اللول
رقية: (بقيت كنعاود ليها كولشي حتى منين جا من الخدمة ومشينا تعشينا منين رجعنا بقينا كنهضرو حتى بقينا على ديك الوقفة وكان تعطلو شوية كنت غنتباس ولكن زعري معوج )
عائشة: واش قالك كيبغيك
رقية: كيزمرني لواه مزال الحال اصاحبتي ارا نكون بعدا غير كنعجبو عاد نقلب على لبغو
عائشة: مزيان الالة انا مزال مبغى يعتارف انه يونس
رقية: صدفة غريبة انهم يكونو صحاب ويعجبونا
عائشة: والصدفة الاغرب هو يكون هنا وانا شحال وانا كنقلب عليه فالمغرب
يونس: (كيقوس عينيه) سير الجحش انا تابعك هادشي عاد موصيك
عماد: هههه اوكي (غير وصلت لقيتو واقف حدا باب الدار ولكن المفاجئة كان ابو الزبل تماك صيفطت ميساج ليونس باش ينتابه وعاد نزلت شفت يونس تسلت وطلع للدار خرجت من سيارتي) سي يوسف!!
ابو لقيصر: تعطلتي اصاحبي
عماد: معلمتينيش راك جاي
ابو لقيصر: ماشي مدة باش جيت شنو بن ليك فداك الاجتماع
عماد: لقيتني غنكمل ونصوني عليك، طلع للدار ونهضرو حسن
ابو لقيصر: اوكي
عماد: (سمعت لباب تسد عرفت يونس مشيت لداري حليت لباب دخلت ودخل ابو لقيصر حط شي ساشي كانت فيدو جلستو فالصالون قدام كاميرا لي مركب يونس باش يتفرج مزيان) شنو تشرب
ابو لقيصر: فودكا مع سفن اب
عماد: (تصدمت ولكن مبينتش اودي على الملتزم بقالو غير يجيب الشيخات) اممم للاسف معنديش
ابو لقيصر: راه فالساشي للي جبت داير حسابي (شغلت لكارو وبقيت كنخمم فهاد لحريرة عام عمر شي واحد سول مور الجثث علاش دابا سولو شنو غندير وشكون هدا للي غيجيب ليهم هاد الادلة انا ديما كنمسح من كمرات المراقبة جاب عماد كولشي وحكو فوق الطبلة طفيت داك الكارو وهبكت على الكاس اللول والتاني) شنو الحل؟؟
عماد: (كنشرب لما وكنداعي انني كنشرب معاه) صراحة تلفت منين قال مدير المستشفى ان اهل البنت طلبو باش يعاودو يفحصو الجثة ويحللوها هوما غير شاكين ان سبب الوفاة كان اغتصاب
ابو لقيصر: مدام شاكين الا وكاين شي دليل
عماد: شاك فشي واحد
ابو لقيصر: نو حرت والله كب كب كاس اخر
عماد: تنداك تسكر
ابو لقيصر: متخافش كنسيطر على راسي...
ابو لقيصر: متخافش كنسيطر على راسي خاصني نعرف مفاش نفلت منها والا كولشي للي بنيتو غيضيع
عماد: شنو بنيتي
ابو لقيصر: اممم صمعتي وشحال من حاجة
عماد: معرفت منقولك يوسف كنتمنى نعاونك
ابو لقيصر: دابا معندكش ولكن مستقبلا وي
عماد: فاي وقت يوسف (هز كاسو) بصحتك
ابو لقيصر: بقا كيشرب وياكل القطعة وغير كيتحلف على للي بغا يصيدو ويطيحو فالفخ...
~~~~~~~~~~~~~~~~~~~~~
يونس: كنتفرج فلبيسي فأبو العرييف اودي على للي كيدغي اللسلام وينشرو النفاق بعينيه بحالو للي خرجو على اللف للشباب ولوثو ليهم دماغهم ولكن حافظ صواريه مبغاش يعتارف لاش كيخطط طيح طيح اولدي بقيت كنتفرج فيهم وفنفس الوقت كنسخ هاد المقاطع فسيدي واخا مقالش شي حاجة للي تنفع اتاصلت لفهد ورسيت معاه
~~~~~~~~~~~~~~~~~~~~
عماد: دوك دراري ميعاونوكش للي ساكنين فديك الدار
ابو لقيصر: اش غيعاونوتي دوك المكلخين احسن واحد فيهم ميسوق تاكسي
عماد: وعلاش متوصيش داك للي عندو تاكسي يراقب ليك اهل البنت للي تشكاو باش ميعيقو بوالو ميمكنش لبنت داز على وفاتها شحال وهوما بين ليلة ونهار قررو يعاودو يحللو الجثة
ابو لقيصر: (بقا كيدورها فراسو) عندك الحق هادي مكاحتليش على راسي تسنى نعيطلو معليش يجي عندك هنا
عماد: خود راحتك
ابو لقيصر: السلام عليكم .... ليث بغيتك فهاد العنوان داابا تكون هنا... مع السلامة (قكع معاه) غنعذبك شوية
عماد: اه فهمت (نضت جمعت داكشي لي فوق الطبلة وجلست)
رقية: (تقلبت على كرشي ونعست) قالي ابتسامتك مكتخليتيش نركز
عائشة: صراحة جيتو مواتيين مع بعضكم
رقية: ااااه مصاب فرق كبيير بينو وبين داك شماتة ديال سامي
عائشة: اش جاب لجاب اصاحبتي باش ديري مقارنة بحال هادي هو كان باين شنو باغي منك
رقية: حتى جو مزال مبان شنو باغي مني
عائشة: نووو مكنظتش مهم تلاحي لبيتك غدا غنفيقو بكري بونوي
رقية: بونوي....
`]~~~~~~~~~~~~~~~~~~~~~~
ابو لقيصر: ..وصلتي حنا فالطابق اللول الدار رقم 4... ها هو جاي (دق لباب ومشا تماد حلو)
عماد: (مديت يدي وانا جامع الضحكة شحال هادي مشفت فهد) السلام اسمي جو
فهد: (غيفرشنا هاد الحمق) وعليكم السلام اسمي ليث
عماد: تفضل خويا ليث ابو لقيصر لداخل كيتسناك
ابو لقيصر: اخ ليث تفضل السلام عليكم
ليث: وعليكم السلام
ابو لقيصر: ليث محتاج مساعدة منك
ليث: مرحبا خويا ابو لقيصر...
ليث: مرحبا خويا ابو لقيصر مساعظتك شرف لية
ابو لقيصر: (قالو يتبع شي ناس للي دايرين ليه لبلبلة وشادين عليه شي حاجة وهي غير ملفقة ليه)
عماد: اخ ليث انا نشرح ليك كتر نتا كتعرف اخلاق الاخ ابو لقيصر كاين شي ناس بغاو يشوهو صورتو ويزعزعوها ونتا عارف المسلم فهاد لبلاد كفاش كيتعامل حنا بغينا منك تبع هاد الناس انا غنعطيك العنوان غدا ديالهم الا كان ممكن تراقبهم 24 ساعة على 24 ساعة وتعرف عللش ناويين
ابو لقيصر: اه اه كما قالك جو
ليث: ولكن بحالاش شنو هاد الحاحة للي كيشوهوك بيها
عماد: نتا بقا على اتصال معايا
ليث: (خدا نمرة ديال جو) اوكي خويا
ابو لقيصر: شكرا اخ ليث
ليث: (وقف) مع السلامة جو ماشرف بمعرفتك وكما تافقنا غير تصيفطلي العنوان غنبدى المراقبة (مشا فحالو)
ابو لقيصر: علاش ناوي جو
عماد: ياك اهل لبنات تشكاو لادارة المستشفى ولكن مزال مبداو الاجراءات القانونية
ابو لقيصر: اه
عماد: حنا مغنخليوهمش يوصلو للبوليس
ابو لقيصر: كفاش
عماد: نتا خليني نفكر فيها مزيان
ابو لقيصر: ولكن الادارة غتقلب
عماد: نتا عارف الاجراءات نغتقلب حتى يكون طلب من البوليس وكنظن هاد ليث غينفعك بزااف
ابو لقيصر: كنتمنى غنبرعو مزيان
عماد: نتا متخافش كولشي غيكون مزيان ياكما ترتاح؟
ابو لقيصر: لا نمشي لداري تهلا وشكرا بزااف
عماد: فاي وقت خويا يوسف كون هاني غنهنيك نن هاد لبريكول
ابو لقيصر: (بابتسامة) مجيتش ودرتك صاحبي من فراغ
عماد: هههه فاي وقت تهلا (من بعد ممشى ابو لقيصر جلست فبيتي شوية عاد سمعت لباب كيتحل عرفتو غيكون يونس)
يونس: افين اسكايري
عماد: ههه شفتي لحيتي سر سعادتي
يونس: ههه اوديي تعيا تشوف وترمش مهم هاد العائلة الخيالية مكيناش فقط جبنا شي وحدين للي مشاو تشكاو فادارة المستشفى نتا غتعطي هاد العنوان لفهد للي اصلا مغيمشيش يتبع هم من بعد غيدير عملية بطولية انه غيقتل هاد الاب ومرتو باش ميوصلش للبوليس وطبعا مكاين والو من هادشي وراني فهمت كولشي لفهد
عماد: اه اوكي، دغيا كتخطط وتقاد
يونس: ههه وشنو حسابلك راني حالس على الخاوي
عماد: لاااا راني شفتك خدام هنا وهنا
يونس: اجي بعدا الجحش هضرنا على لبنات
عماد: اه هوما بحال خوتي صغار ههه
يونس: وصافي انمي هضر شفتك عاصر على لبنت فاىدهلة ديال الدار
عماد: فصراحة فاللول عجباتني عائشة
يونس: (خنزرت فيه)
عماد: هههه ولكن روكا فيها شي حوايج خلاوني كنفكر فيها بزاف وهادشي عمرو وقعلي مبغيتش نزرب ونسمي هاد العلاقة ولكن كنحس براسي باغي نشوفها يوميا كنفرح منين كنشوفها
يونس: عماد كنعررفك مزيان
عماد: وحيت كتعرفني اخر وحدة غنتفلى عليها هي روكا
يونس: معرفتش للي كنعرف للي هو هادشي مخاصوش يوصل للحاج احمد
عماد: ونتا شنو درتي مع عائشة
يونس: مزال صراحة مقلتلها شكون انا واخا هي متأكدة 100%
عماد: واش كانت كتعرفك مزيان فالمغرب
يونس: معرفتش معرفتش مهم انا نطلع نعس
عماد: فوقما جبدت نوضوع عائشة كتقلب الهضرة
يونس: حيت ماشي وقتها دابا (طلعت لداري مبغيتش نعاودلو انتي فوقما شفتها كنشوفها مع شي واحد والنظرة للي واخد عليها حتى العطلة ديال نهاية الاسبوع ويبان كولشي....)
~~~~~~~~~~~~~~~~~~~~~~~
...اصبحنا واصبح الملك لله....
(الحوار بالالمانية)
فروس: نزاار نزاار
يونس: (يخخ على لصقة اش بغات هادي على صباح درت عندها)
يونس: مزيان هادي طريقتهم باش تبعوهم وديرو اي حاجة قالوها ليكم
فهد: اودي سعداتكم مرخوفة الدعوة ليكم انا جالس مع دوك دمادمة فالدار كاع المسلمين معرفوة عندهم 5 صلوات الا عندهم للي كاين كتر من 20 صلاة وعاد زيد صيام ديما وقيام الليل
يونس: وهادشي مزيان ينفعك فاخرتك
فهد: بلا مدير فيها سي لفقيه ينفعني الا كنت كنديرو من قلبي الخالص ماشي كنفاق منين كنوقفو حدا بعضياتنا فصلاة حتى واحد مكيقرا القران المهم خاص نبانو اننا كنصليو قدامهم
يونس: مزال كيصوروكم
فهد: اه صراحة منين سمعت فاللول المانيا قلت تفاطح ساعة انا واقلة ومحمود للي ضعنا نتوما عايشين الحياة
يونس: الله يهديك شنو عايشين انا هاصني نراقبك نتا وكل واحد فيكم والمركز وعاد الخدمة مكنجلسش وزايدون ها هو عام قرب يطير غير يبان علاش ناوي ونشدو عليه الدليل غرتاحو
فهد: اممم ياله نخليك دابا يبقى الألو بيناتنا
يونس: تهلا (بقيت جالس كنصيفط اميل للمركز فالمغرب ونخبر الشاف بجميع الخطوات للي كندير كملت حتى العشية شفت فالساعة لقيتها 6 كنت بغيت نمشي نشوف عائشة ولكن مبقاش الحال والمعهد غيكون سد مشيت للدار نرتاح شوية بقيت جالس حتى جاني اتصال من عند الحاج احمد معرفتش علاش مقديتش نجاوبو) احم السلام عليكم
الحاج احمد: اهلا ولدي لبلس عليك
يونس: الحمدالله الحاج ونتا؟ والحاجة وادم؟
الحاج احمد: جمع كولشي وقول الحمدالله، امدرا كتشوف لبنات
يونس: الحاج لبنات متخافش عليهم
الحاج احمد: راني عارف اولدي بحال انا لي كاين تماك هاك الواليد ديالك بغى يهضر معاك
اب يونس: السلام عليكم ولدي لباس عليك
يونس: الحمدالله الواليد كبقيت؟
اب يونس: الحمدالله اولدي
يونس:اشرف مريم والكتكوت لالة زهرة؟
اب يونس:كولشي بيخير اولدي كيسلمو عليك خليتي بلاصتك اولدي (نطق الحاج وقال)
الحاح احمد: راه خلا الخليفة ديالو هههه
يونس:(باستغراب فهم المعنى)
اب يونس: هههه ولدي غير تجي نزوجك
يونس: هههه هي ضبرتيلي على لعروسة
اب يونس: لعروسة كاينة خليتيها من موراك مرهونة
يونس: (عرفتو كيهضر على ناريمان) اممم مزيان اوا رجعتي لطبيب؟
يونس: اه واخا ياله مع السلامة راني مشغول شوية بسلامة
اب يونس: الله يرضي عليك اولدي بسلامة
يونس: (لحت التيليفون بنتير) مقالهاش حتى باهم الواليد ونتا كتقولي خوتاتك (شوية تحل باب الدار كان عماد) افين
عماد: عاد دخلتي حتى نتا؟
يونس: اه ماشي بزااف كنت مع فهد
عماد: مزيان حتى ابو بوزبال من صباح وهو جالس على اعصابو كيتسنى شنو غيوقع اكترية غدا نورمال اهل الضحية خاصهم يتشكاو
يونس:كيخاف ميحشم المكبوت
عماد: وي، اجي مقلتيليش ان الحاج ماشي هو الاب الحقيقي ديال روكا وعائشة
يونس: شفتيهم هاد نهار؟
عماد: اه شفت غير روكا لبارح قالتهالي
يونس: شنو قالت ليك؟
عماد: قالتي ان الحاج غير راجل مهم ولكن مهلي فيهم بزااف ولكن مذكراتش شب حاجة على الاب ديالها
يونس: حتى انا هادشي للي عارف عليهم انا باهم لحقيقي معارفو حد وعمرهم حبدو سيرتو وحتى الحاج كيقول بناتو نهار سكنو حدانا كانو صغار معارفش القصة ديالهم بالظبط
عماد: حتى روكا مبغيتش نظغط عليها خليتها على خاطرها
يونس: وي من الاحسن عاد قكع معايا الحاج احمد
عماد: بالصح وشنو قلتيلو
يونس: عادي مماين والو غير الواليد قالي مزالة ناريمان كتسول
عماد: اه تطور كتر من شهرين وهوما هنا واول موعد غيكون هو هاد نهار فين التطور
يونس: اممم موعد اذا نتوما على علاقة دابا
عماد: حتى توافق صاحبة الحسن والجمال مزال مقلت ليها والو
يونس: مزيان غير دير هاك ولا هاك نسا راك ولد عمي
عماد: تهديد مباشر هدا
يونس: اعتابرو تبشيييير
عماد:هههه واخا سيدي ياله تلاح ننشي نحلق على الحالة
يونس: بسلامة (من بعد ممشا عماد تعجبت من الجرأة ديالو عجباتو بغا يصارحها وانا عائشة عارفها كتحس بشي حاجة من جيهتي واعتارفات وباقي معاند معرفتش علاش كنحس كنخون ثقة الحاج دخلت ندوش...)
~~~~~~~~~~~~~~~~~~~~~~~~~
عائشة: هو شنو قالك بالظبط
رقية: قالي اليوم نخرجو فالعشية
عائشة: واش قالك تصاحبي معايا
رقية: زبل لواه حسابلك عبد المنعم هدا للي ساكن حدا مول الزريعة للي اونفاص مع القهوى لي حدا مول لبيصارة غيقولي بغيت نتصاحب معاك
عائشة: (باستغراب) شكون عبد الننعم وشنو هاد الخريطة للي قلتيلي
عائشة: وخاصك تسربي هو داير معاك مع 7 ودابا راها 5 ونص بحرا تقادي فخاطرك (لبسنا حوايجنا ومشينا لكوافورة كانت بغات دير خصلات بحال ديالي ولكن مكفاش الوقت قات شعرها متموج جاها غزال قدات ميكاب زوييين ركزات على عينيها كتر ومشينا للدار لبسات ديك الكسوة جاتها طوووب مجموعة صميطات فالعنق ولكتاف كيباو عريانين ومعرية منظهر شوية مزرية على صدرها وخصرها وجاية فلهونش فيها صميطة فلبيج ومن لتحت منفوخة فوق الركبة لبسات معاها صندالة عالية فلبيج شوية وهزات بوشيط فلبيج فيه بورطابل وجلوص وسوارت ديال الدار )
عائشة: جيتي قرطاااسة الصاطة ولكن معرية
رقية: ايييه شكون قال رقية بنت لخيرية تلبس هادشي
عائشة:وصاف ازبل متزيديش فيه
رقية: ههه كان اقصى طنوحنا هو نخدمو فشي قهوة
عائشة: 😡 رقية سكتيتا ولا نتف حناك دابا (بتنهيدة) خليني نصورك (بقيت كناخد ليها تصاور وكنحاول نسا داك النوضوع دزبل حتى صونا تيليفونها كان جو قالتلو راها واجدة )هاكي هاد الريبيكا هي لي كلاس شوية ومنين توصلو حيديها
رقية: اوكي (لبستها وهبطت لتحت حتى كلقى جو كيتسناني فالسيارة غير شلفني خرج كان حتى هو زويين لابس شميز فلبلو مارين ومدخلها فالسروال جا عندي سلم علية بلبيز وقالي حدا ودني)
عماد: روكا نتي سبابي الا حماقيت
رقية: هههه (شدلي فيدي ووصلني حتى للسيارة فتحلي طلعت وعاد مشا فتح لراسو وطلع جبد بوكي دلورد كان اللور)
عماد: واخا هاد الورد مكيبانش قدامك
رقية: (درت بحال الافلام زعما شميتو ساعة طلعت معايا ريحا مجهدة حتى قلبتها عطييس)
عماد: ياكما عندك حساسية من الورد
رقية: معرفتش اول مرة شي واحد يعطيني ورد
عماد: (عجبني الحال) لية الشرف روكا نمشيو؟
رقية: واخا (مشينا لواحد لاوطيل دخلنا للمطعم فيه كانو ناس قلال جلست وجلس قدامي جو بقيت كنضور عيني هادشي لكلاس شحال ممل ومتصنع الا بغيت نهضر خاص نهضر غير بشوية والضحكة بلكرام ممل ممل حيدت ديك ربيكا وبقيت غير بلكسوة)
رقية: (تزنكت حشمت من هاد الموقف ياك هو كاوري وعايش للحياة ولكن فيه عرق مغربي)
عماد: (شديتلها يديها) روكا متقلقيش ولكن منقدرش نشوف شي واحد كيتمنظر فيك على خاطرو باراكا غير ركابي للي عرياتين
رقية: احم انا قلت ن..
عماد: ناي غزااالة هاكا شنو تشربي
رقية: معرفتش مموالفاش كنجي لهاد لبلايص
عماد: اوكي خليلي راسك (طلبت ليها كوكتيل وانا قهوة) احم روكا الحركة لي درت ليك قبيلة كتعني انتي كنغير عليك ومنبغيش شي واحد يشوف فيك شوفة من غير عادية
روكا: ولكن جو حنا فالمانيا والناس مكتصوقش
عماد: ولو روكا فينها كنا الحاجة زوينة ديما خليها ليك تخصك غير نتي
روكا: مفهمتش
عماد: واخا مع الوقت نفهمك كولشي، امم دابا حنا هنا بجوج
روكا: اه
عماد: ههه (كنحك فراسي) عمرني توترت فاش كنجي نهضر مع شي بنت
روكا: هههه
عماد: (سهيت فضحكتها) فخبارك ضحكتك كتحمقني
روكا: اممم اه
عماد: نتي كولك على بعضك، رقية بغيت علاقتنا تزيد تطور كتر من صديق لصديقتو
روكا: (غير كنتسناه يطلقها)
عماد: بغيتك تكون حبيبتي فهاد الشهرين لي شفتك وعرفتك فيها لمست فيك شي حوايج للي كنت محتاج ليهم واها صغيرة الا فيك كاع للي باغي عارفك مغتفهميش شنو بغيت نقصد ولكن للي بغيتك تعرفيه وتاكدي منو ان تفكيري فيك ولا 100% وليتي شاغلة بالي فاي وقت الخدمة الدار ناعس فايق فاي وقت فالاول حاولت تكون غير معرفة عادية مايجوج ولاد لبلاد تلقاو فبلد اجنبي ونخليها غير صداقة لدرجة مكنبغيش نصوني عليك او نجي عندك ولكن غلبتيني
رقية: (ابتسمت وحنيت راسي كان كلامو كيدوخ)
عماد: روكا تبغي تكوني حبيبتي؟
رقية: لا رد معرفت منقول معرفتش كفاش نقولو اه بغييتك فقط حركت راسي بإيحاب
عائشة: (خرجت من عندها زدحت لباب ومشيت لكوزينا نقاد لفطور وكنتسنى غير تعاودلي شنو دارت لبلرح هي وجو كملت لفطور جات فطرات وهي كتكسل علية منطقت بنت لحرام حتى بكلمة كل وحدة رجعت كتكمل لباسها وخرجنا من الدار ركبنا فتاكسي)
رقية: هههه عارفة راسك ضرك
عائشة: وهي الا هضرتي ابنت لحرام
رقية: خلينا نزلو من التاكسي ونعاودلك
فهد: عادي غير هضرو ندير راسي مسمعت والو
رقية وعائشة: (مصدومين)
فهد: (مبغيتش ندور عندهم نزلت لكسكيطة على وجهي باش ميشوفونيش وانا مبهدل سبحان الله على صدفة تاني مرة كنتلقى عائشة واخا كنت كنقول مستحيل نولي نشوفها مرة اخرى شفت فلمرايا لقيتهم مصدومات وصلتهم للمعهد فين كيقراو)
عائشة: احم مغريبي؟
فهد: اممم
عائشة: متشرفين خويا (عطاتو لفلوس)
فهد: لا حشومة ناخد من بنات بلادي
عائشة: نو بليز غير خود
فهد: مرة اخرى (عطيتهم نمرتي) هاهي نمرتي الا احتاجيتوني شي نهار
رقية: (خديتها) شكرا خويا باي( هبطنا من التاكسي ) ناري يا ختي لبارح كان ولا في الاحلام
عائشة: دابا نتوما مصاحبين
رقية: نو حنا على علاقة جدية
عائشة: يعني مصاحبين
رقية: لا حنا ناس واعيين ناس بعقلهم فهمتي
عائشة: اه فمهت نتوما على علاقة جدية بزواق ومصاحبين بلا زواق
يونس: (بقيت كنشوف فيها مدة) اممم منين نبغيك نصوني عليك
فروس: وعد!
يونس: (نضت من حداها كتخنق كنكره لبنت تبقى تابعة الواحد مشيت حدا باب القسم للي كنقري فيه وبالصدفة كان فهد من تلاميذي دخلت درت الحصة ديالي منين كملتها جا عندي فهد )
فهد: استاد نزار معمرني فهمت اللغة الالمانية حتى لعندك
ابو لقيصر: ليث فين نتا من لبارح وانا كنصوني عليك وتيليفونك مطفي حتى الدار مكنتيش بايت فيها!!
فهد: قولي فين نتلقاك
ابو لقيصر: عقلتي على دار جو
فهد: اه اه عقلت انا بعيد شوية شي 30 دقيقة نكون عندكم
ابو لقيصر: اوكي نتسناك (بقالي غير هاد المشكل حتى هو ميمكنش داكشي لي خدمتلو شحال غيضيع بسبب تافه وها هي ماتت هنيتها من هاد الدنيا وزايون متعتها قبل متمووت فين الغلط للي درت اتاصلت بجو لقيتو ناعس درت معاه ومشيت عندو)
~~~~~~~~~~~~~~~~~~
جو: (من بعد مكملت مكالمتي مع داك ابو زبال نضت وانا مكره مشابعش نعاس اتاصلت بيونس باش يجي لدارو يراقبو نضت خديت دوش خفيف وبقيت كنصوني على روكا ولكن مجاوباتنيش اكيد غتكون فوسط الحصة دابا...)
يونس: (شفت فساعتي) بقات نص ساعة وتجي هاد لمرض ملقا فوقاش يجي من صباح وانا كنتسنى ( ركبت فسيارتي ومشيت للدار شغلت كاميرات المراقبة للي ركبت فشقة عماد وبقيت كنتفرج فيهم )
~~~~~~~~~~~~~~~~~~
ابو لقيصر: تعطل هاد لحمار
عماد: صبر شوية ويكون فطريق والسيد داير فيك خير وكتقول عليه هاكا
ابو لقيصر: اشمن خير ولا ... راه كل سيمانة كيشدو فلوس صحيحة
عماد: كفاش؟؟
ابو لقيصر: احم والو والو (سمعت دقان لباب) ها هو واقلة فتحلو الله يحفظك... افين اخويا غابر
فهد: وراني قلتلك لبارح غنقادلك امورك
ابو لقيصر: (واقف على اعصابو) واش انا كنقولك بقات ساعة ودوك الناس غيمشيو يقدمو شكوة بية ونتا مبرد
فهد: والا قلتلك مغيمشيوش
ابو لقيصر: ككفاش شنو كتقصد جو!!
عماد: سمعو بعدا شنو بغا يقصد
فهد: جلس ورتاح انا غنفهمك كولشي
عماد: (ضحكني المنظر ديالو وهو غيحماق بقا تيليفوني كيصوني كانت روكا مصلاحليش نجاوبها)
ابو لقيصر: اوكي هضر
فهد: قلتلك غنهنيك من هادشي وانا هنيتك منهم
ابو لقيصر: يعني!!
فهد: لبارح كانو خارجين من دارهم قبل ميوصلو للشارع الرئيسي ولباركينك فين حاطين سيارتهم دهست عليهم بسيارة كنت كريتها
ابو لقيصر: (بصدمة) كفااش!!!
فهد: قتلتهم
ابو لقيصر: (ناض وشد فراسو بقوة الصدمة) قتلتيهم يعني غيبدى تحقيق اخر على اللول وغادي نزيد نغرق
فهد: نو سمعني نكمل من بعد هزيتهم دخلتهم للسيارة للي كنت كاري حتى خوات الدنيا مشيت جبت سيارتهم وركبتهم فيها حتى وصلت حدا الغابة ركبت الراجل لقدام وحداه مرتو شغلت محرك السيارة وطلقت لفران وخليت السيارة ماشية بوحدها حتى زلقات من طريق وطاحت من لفوق واكييد حتى واحد مغيعرف شكون هوما او انها كانت جريمة قتل
ابو لقيصر: (باستغراب وصدمة) هادشي كامل درتيه بوحدك، قتلتيهم؟؟؟؟
فهد: اه
عماد: (ببرود) وهادا هو الحل الوحيد باش كنتي غتهنى منهم
ابو لقيصر: (شاف ففهد) ليث متخيلتش غدير هادشي
فهد: حتى واحد ميقدر يخسر ليك صمعتك وانا رهن الاشارة فأي وقت
عماد:(منين شفت يونس كسيرا بالجهد ومشا دورت وجهي بانتلي حوبي جايا ااااه على بنت صغيرة وشنو دارت فية نزلت من سيارتي وصلات حدايا سلمت عليها بلبييز) توحشتك
رقية: احم لباس عليك
عائشة: لا باينة فيك الحشمة، (مديت يدي وسلمت عليها) جو
عماد: (عنقتها بيد) متحشميش روكا اعائشة
عائشة: هههه عطيها 3 ايام وغتوحش هاد الحشمة
عماد: (شفت فيها كان وجهها حمر وكتحلف فختها) مكرهتش الحشمة طير ومتبقاش
عائشة: مهم نخليكم اممم نزار لباس عليه (كنت مترددة مكرهتش يعطيني نمرتو)
عماد: الحمد الله
عائشة: سلم عليه، ياله باي
عماد: فين ماشيا
عائشة: للدار
عماد: وركبي نوصلك
عائشة: بلا منضيع ليكم لبروكرام
عماد: طلعي طلعي براكة من دوك الرسميات الخاوية (فتحت ليهم لباب وصلت عائشة للدار)
عائشة: شكرا جو، رقية متنسايش
رقية: اه اوكي
عماد: شنو متنسايش احبيبة
رقية: خاص رجع مع 8 باش نهضرو مع ماما
عماد: (قوس عينيه) 8!!
رقية: اه 8 علاش
عماد: اوكي لالة
~~~~~~~~~~~~~~~~~~~~~
يونس: (غير مشا عماد ترددت واش نمشي عندها للدار ولا لا بقات 2 يوماين باش نشوفها صافي خليت حتى لوقتها باش نهضرو مزيان مشيت لداري ياله غنطلع حتى كتبانلي فروس تماك جالسة فدروج حدا باب داري) شنو كديري هنا
فروس: اوكي نتا لي خاسر فاااشل ( دفعاتني وخرجات زدحات لباب بقيت جالس تماك هضرت مع اشرف شوية قنطت مكرهتش نمشي عندها ولكن انا للي قلتلها حتى نهاية الاسبوع انا لي كنقمعها او ربما غير حيت مليت بفففف مصاريحش حتى مع راسي)
رقية: جو مقلتيليش من اينا مدينا نتا
عماد: كازا ونتي
رقية: انا كبرت فل.. انا من المحمدية
عماد: (قوس عينيه فيها) روكا انا كنقرا الواحد قبل مينطق بالكلمة
رقية: امم مزيان هي بلا منبقى نهضر نتسناك نتا تقراها نيشاان
عماد: اوووووو واحد لزيرو عطيتيني فهادي ها هي عندك الالة
رقية: ههههه اوكي
عماد: راها 7 ونص
رقية: وي مخصنيش نتعطل على 8
عماد: اممم دغيا سخيتي بيا
رقية: مسخيتش بيك والله
عماد: حتى انا احبيبة ولكن قلتي بغيتي تهضري مع ماماك
رقية: اه
عماد: فين
رقية: كفاش فين
عماد: فين غتهضري مع ماماك
رقية: لواتس كنهضرو معاها فيديو
عماد: ديما ولا غير مرة مرة
رقية: نو ماشي ديما مرة كنديرو فيديو مرة لا على حساب عمي واش غيكون معاها
عماد:ااه وعلاش هاد نهار بغات تهضر معاكم
رقية:اممم حيت قلت ليك منين كيكون عمي كنهضرو
عماد: وشحال من ساعة كتهضرو
رقية:مكملاش ساعة
عماد:اوكي وانا ديك الساعة شنو غندير فيها
رقية: اممم ياله معانا ولكن متبانش لماما وعمي
عماد: نو حشومة باش تهضرو على خاطركم (شفتها مأصراتش علية وانا باغي غير امتى تعرضني باش نشوف نيت واش بالصح داكشي للي كتقول) اوكي بلا متقلقي انا نمشي معاك
رقية: اممم (بقيت كنجبد لبيجامة تحت ركابية) هادي غير بيجامة عادي وصافي وزايدون نتا ماشي غريب علية
عماد: وشنو انا؟
رقية: (شفت فعينيه) mi amor
عماد: بلعربية
رقية: مزاال موصل حبي ليك لدرجة باش نعبر بلعربية
عماد: ههههه اممم واخة حبيبة نتسنى
عائشة: انا غنحط لعشا
عماد: اممم فية جووع روكا كتعرفي طيبي ولا والو
رقية: ماشي شي حاجة، عائشة قبل متحطي نصلي لمغرب ولعشا
عائشة: واخا
عماد: (بقيت متبع روكا حتى دخلات لبيتها صراحة محسابليش كتصلي عجبني الحال كنت ديما كنتمنى نكمل حياتي مع شي وحدة ملتزمة بحال ميرا ولكن متكونش ملتازما غير من برا تكون حتى من لداخل ديالها نقية وماشي حقوددة بحالها صيفطلي يونس ميساج قلتلو راني عند لبنات مولاش جاوبني جات روكا تعشينا ورجعت للدار)
فهد: (كنت كنظن غتعقل علية ) وصلنا للسونتر (نزلت من التاكسي حيت حتى انا غندخل نقرا ودرتها غير حجة)
عائشة: (منين شفتو نزل نزلت وعكيتو لفلوس)
فهد: (ربعت يدي) لا قلت ليك مغناخدش لفلوس منكم
عائشة: لا مخديتيش ديك المرة دابة تاخد
فهد: عائشة خليها مرة اخرى
عائشة: وقولي غير فين كتعرفني
فهد: حتى انا كنقرا فالسونتر
عائشة: اااه بالصح مزيان ولكن حاسة كنعرفك قبل
فهد: (بابتسامة) اذا تفكري
عائشة: (بقيت كنشوف فيه مزيان ملامحو مغريباش ولكن معقلتش عليه جبدت فلوس من جيبي وشديتلو فيدو) حتى تقولي شكون نتا ومنخلصكش
فهد: هههه ديما عنيدة
عائشة: هههه بااي ليث
فهد: (بقيت واقف كنشوف فيها معرفتش واش زادت زيانت ولا انا مكنتش شايفها مزيان وجهها ملائكي ماشي ديال داكشي للي كدير هي وختها واها عاودلي سامي عليهم شحال من حاجة بلا تصاور للي كانو دارو بووم فالفايسبوك ديالو)
~~~~~~~~~~~~~~~~~~~~~~~
يونس: (بقيت جالس فالقسم ديالي اليوم عائشة عندها حصة واخيرا غنشوفها بقيت جالس حتى كتبانلي داخلة من الباب ولكن ماشي بوحدها كان معاها ليث ميمكنش اش عرفها بليث وعلاش استفربت هي كتعرف بزااف واكيد مغيزكلهاش هاد ليث برهوشة وعمرها تكبر وزادت عصباتني منين شداتلو يدو وعطاتو نمرتها ضحكها كيتسمع من بعيد شنو بيناتهم واش هادي كولشي لي كنعني ليها دخلت وانا معصب محملتش نزيد نشوفها)
~~~~~~~~~~~~~~~~~~~~~~~
عائشة: الو رقية واش مغاديش تجي
رقية: لا راني بعيدة
عائشة الله يحرق جد باباك لكلب (قطعت عليها او من نهار تصاحبات مع جو مبقات عقلات علية مشيت للحصة ديالي قريت غير حد ساعة وخرجت نقلب على يونس واش جا هاد نهار مشيت لبراكينك كانت سيارتو تماك بقيت واقفة حداها على ميجي حتى جاني ميساج...
عائشة: (غير مكيصدمني بتصرفاتو حيدت من تماك حتى كتبانلي ديك الزعرة عاود راكبات معاه بقيت غير كنشوف فيه هو مبرد ديمارا وخلا موراه غير لعجاج بقيت واقفة مفاهمة والو وشنو بغا يوصلي عصبني بزاااااف محسيت حتى خرجت خديت تاكسي وعطيتو العنوان..)
~~~~~~~~~~~~~~~~~~~~~
عماد: روكا ديما كتعاويلي غير على الام ديالك ووووالاب!!
رقية: (ضورت وجهي لمرايا) مكنعرفوش
عماد: (شفت فيها لقيتها ضورات وجهها مكانش خاصني نسولها ديما كنت كنقول خليها حتى تجبد الهضرة ولكن كنت باغي نعرف عليها كولشي وهاد مكنعرفوش حتى هي ممفهوماش شديتلها فيديها هزيتها وبستها دارت عندي وابتاسمات) حبيبتي متقلقيش انا غير فية لفضول نعرف عليك كولشي
عماد: احم الا رجعتي للجملة غتسمعي كنت خاطب ماشي حتى كنت مزوج
رقية: ودابا
عماد: هههه دابا هاني معاك، هاد الخطوبة كانت فخبار غير با ومي صافي
رقية: وعلاش خبيتيها
عماد: ماشي خبيناها غير كنا عايشين برا ومجاتش لوقيتة للي نقولها حيت درنا خطوبة صغيرة واصلا مكملاتش حتى شهرين
رقية: لمكاتيب
عماد: كنت شفتها اول مرة عجباتتي كانت ملتزمة محجبة بقيت حاط عليها العين حتى تعرفت عليها واحد نهار كنت خارج نتلاقاها حتى كلقى واحد كيتبسل عليها ياله غنوقف عليه لقيتو با
رقية: (شهقت) وشنو درتي؟
عماد: مدرت والو وشنو كان عندي مندير
رقية: كمل
عماد: لقيتو حتى هو كان حاط عليها لعين واخا مزوج تخاصمت معاه وفضلت نخليها بينااتنا، هو طلب من ميرا سماحة ورفضات مرة جوج وتلاتة احترمت قرارها جبت الوالدين خطبوها ولكن ديما كانت كتنقص من الواليد قلت مع المدة دير عقلها وانا سبب ختياري ليها حيت ملتازمة وشفت فيها غتكون زوجة صالحة ولكن مع للوقت بانلي العكس حقودة غير متسامحة وصلات بيها تحتاقر الاب ديالي وتسبو فسخت خطوبتي معاها من تماك مهضرت معاها
رقية: مممباقيش كتبغيها؟
عماد: ابدا نهار بان عيبها حطيتها حطة وحدة هادي هي للي كانت علاقة جدية فحياتي ومنكدبش عليك انا كنت بوبنات قسما بالله روكا منين شفتك لدابا مدخلات شي وحدة عندي او شفت فشي وحدة
رقية:(بابتسامة) علاش
عماد: امممم مبغيت حتى وحدة من غيرك، ونتي؟
رقية: حتى انا
عماد: حتى نتي شنو
رقية: بغتك غير نتا
عماد: (بستلها يديها وبقينا كنهضرو عادي ونكتاشفو طباعنا صراحة مرتاح معاها بزاااف وزدت رتاحيت منين مكانش عندها شي علاقة واصلا مستحييل تكون عندها باينة تربية الحاج كدايرة....)
عائشة: بقيت فالتاكسي على اعصابي كنتسنى غير امتى نوصل..
~~~~~~~~~~~~~~~~~~~~
يونس: (حيدتلها يديها من كتافي)فرووس بليييز
فروس: نزاار علاش هاد لبرود
يونس: انا بغيت غير نعتاذر منك على اخر هضرة قلتلك
فروس: (كتشم عنقو) قبلت اعتذارك
يونس:(جريتها من يديها وجلستها قبالتي) فرووس سمعيني علاقتنا هنا غتسالي
فروس: علااش
يونس: حنا قلنا من الاول ان مغتكون والو بيناتنا
فروس: اه وحتى انا مكنبغيكش ولكن مرتاحة معاك
يونس: عارف ولكن (شديتها من يديها ووقفتها) علاقتنا هنا وتوقف تحتاجي شي حاجة مرحبا كصديق لا اقل ولا اكتر
فروس: اممم اوكي نزار ولكن غيجي وقت ونتا غطلبني
يونس: باي فروس (سمعت زدييح فلباب ونضت بالزربة نشوف شكون حتى كلقى عائشة دفعاتني ودخلات) شنو كديري هنا
يونس: (درت صباعي حدا فمي وبقيت مفيكسي فيهم مفهمتش عاش كنحس بكلامها كولو صحيح ولكن عقلي ممتيق حتى كلمة من عندها) واخا انا معمرني هضرت معاك او حتى الا هضرنا دقيقة مكتفوتش علاش منين جيتي ونتي يونس يونس
عائشة: اه تاكدت دابا
يونس: ومن بعد
عائشة: (بلعت ريقي معرفت منقول)
يونس: نهار كنت جيت عندكم للدار طلعتي لسطح كتهضري فالتيليفون وهضرتي مع شي خليجي
عائشة: انا عمرني هضرت مع شي خليجي فحياتي والله
يونس: وسيم؟
عائشة: وسيم غير تبرهيش وصافي
يونس: اممم تبرهيش كنظن نتي لي اكبر برهوشة كتهضري مع واحد خدام عند الراجل للي رباك ودايرك كتر من بنتو ونتي كتطعنيه فظهرو
عائشة: انا مدرت حتى حاجة غالطة معمرني خليت شي واحد يقيسني واخا دازت علية شحاال من حاجة خايبة
يونس: عائشة انا غ.هادشي غر للي شفت يعني كوني متاكدة شحال من واحد شافك
عائشة: مكيهمنيش حيت مدرتششي حاجة مكدارش
يونس: مزالة مبغيتيش تحشمي
عائشة: يونس انا عمرني تصاحبت او خرجت مع شي واحد منكرش داك الشارف الهارف كنا جالسين انا وختي جا كيتبسل عليتا حنا سرقناه ويستاهل شي حاجة اخرى لا واصلا مكناش كنخرجو من الدار حتى فالصيف عمرنا سافرنا
يونس: (كنحك فلحيتي حيت منكرش انني تقتها فاي كلمة قالت) واخا وهداك ديال صباح الطريقة باش كنتي كضحكي معاه وكفاش شديتيه
عائشة: هو مبغاش يتخلص مني لتاني مرة وهداكشي علاش بقيت لاسقة فيه يتخلص وحيت ولد لبلاد وقالي انا كنعرفك و
يونس: (غتحمقني هادي) 😡 وغير ولد بلادك تشديه دابا نتي فينما بان ليك شي مغريبي تمشي تعنقيه وتشديه!!
عائشة: (خنزرت فيه كان قريب بزااف لية بقيت كنشوف مرة فشنايفو ومرة فعينيه) انا ماشي ختك وعمرني نكون ختك رقية ختك انا لا
يونس: (عرقاتني بدوك الشوفات للي كدير كانت قريبة بزاف وتراتني زدت قربت حتى تخلطات انفاسنا وكانت بيناتنا سنتيم) وشكون نتي
عائشة: ( تشوكيت مبقيت عارفة مندير او شنو نقول كان قريب بزااف ريحتو شنايفو صدرو عريان عيني حسيت بيهم مرصاوش غير كيدورو حتى حسيت بيدو حدا كرشي وشدني فجنبي اليد التانية كيلعب فشعري ويدير شي خصلات مور ودني مقدرت ندير حتى ردة فعل وهو مزال يدو كتحرك فجنبي ضهري كرشي بكترة التوتر عضيت على شنايفي حيد اليد للي كانت كتلعب فشعري وقاسلي شنايفي)
يونس: (منين دارت ديك الحركة جابتلي تمام متحكمتش فراسي عييت كنسيطر قست شنايفها بشنايفي حسيت باحساس غرييب حتى بقيت كنتنفس غير بصعوبة بعدت منها غير بشوية كانت مغمضة عينيها وحنيكاتها حومر كانت حليلوة) احم
عائشة: (فتحت عيني وانا غارقة فالحشمة ولكن كانت بوسة زوييينة)
~~~~~~~~~~~~~~~~~~~~
عماد: متاكدة مقالتلكش فين غتمشي
رقية: هي قالتلي غترجع للدار ناااري فين مشات هاد الصكعة
عماد: (كنطبطب ليها فكتافها) صافي حبيبة متقلقيش عاوي صوني عليها ربما تكون خرجات لشي بلاصة او كتسارا
رقية: (بقيت كنصوني عليها فتيليفوتها والو) ماشي من عادتها متجاوبش على تيليفونها جو انا خفت عليها
عماد: ياله نمشيو حدا السونتر نشوفو واش باقا تماك
رقية: اوكي
~~~~~~~~~~~~~~~~~~~~~~~~
عائشة: (فتحت عيني وانا غارقة فالحشمة ولكن كانت بوسة زوينة هزيت عيني نسرق شوفات فيه لقيت ابتسامة كتهبل وعاد فاش هز عينو فية الحفيييظ الله عقلي اليوم يفرفر ابتسمت)
يونس: (درت صبعي تحت شنايفها) بالصح نتي عمركي تكوني ختي
عائشة: (خفت نسولو شكون يقولي بنتي ونبداو عاود ازيرو مغنهني مخي حتى نخرج فيدي ولد ولا بنت) تعدمتي؟
يونس: هههه متفكرينيش غادي تبقى متورخا نتي عويشة ضربيني بموس
عائشة: والله منويت بغيت غير نخلعك
يونس: اه هادي بغيتي غير تخلعيني ونهار تعولي علية
عائشة: وانا نقد (زعمت وقستلو فكتفو قلبت الجرحة ملقيتهاش مغرقة) صوري ولكن انا ماشي برهوشة و داكشي للي قلتي
يونس: عائشة نهار شفتك فلكموميسارا محملتكش
عائشة: علاش
يونس: كنتي مبرهشة ممرزناش كطيري من المقلة، موراها شفتك مع داك الراجل للي قلتي الاستاذ ديالك كرهتك حيت معجبنيش داك الديكور لدرجة وقفت عليك بغيت نبدا نسب وانا نلعن الشيطان تالت مرة فداركم سمعتك كتهضري مع شي واحد رابع مرة مع وسيم واها دكدكتو باش ميقربش ليكم عاودها حسابي نعاه ها لمرة حتى نهبط هاشي كامل و.
عائشة: (بشهقة) نتي للي ضربتي وسيم!!
يونس: 😡 اه انا لي ضربتو وكان كنتي حدايا نورييك
عائشة: وراك فدعتيني فرجلي خرجت نن صبيكار كنعرج
يونس: تعاوديها مرة اخرى مغتهرجيش من صبيطار
عائشة: (بابتسامة) اممم وعلاش
يونس: (بابتسامة ولكن تحولات من تفكرت واحد الحاجة) اجي كتقولي عمر شي واحد قاسك نهار جينا تعشينا عندكم كاننت واحد الطبعة فعنقك ديال شي واحد ماصك فيها!
عائشة: اه عادي وكان تشوف لعصى للي كناكلو مكياكلهاش الطبل
يونس: و علاش غضربكم
عائشة: شوية دلبسالة فالدار هههه
يونس: هههه كتعتارفي الحاجة عزيزة الله يعمرها دار
عائشة: (بتنهيدة) ماما ديما كتبغي تشوفنا انا وختي لفوق وللي طلبناها تحضر الا سفر او لخروج كانت كتخاف علينا بزاف اما عمي احمد خيرو عمرنا نساوه واها مشيبينو معانا تخيل عمرو خسر لينا خاطرنا كيبغيينا كتحس بيه كيبغيييك من نيتو ماشي زعما غير بنات مرتو لا ميبغينا كتر
سيدتي الجزء الرابع
محتوى القصة
التنقل بين الأجزاء