ندى: خاصك تنسى افهد الماضي دياالك باش حنا نزييدو للقداام
فهد: هادشي للي كندير احبيبة
ندى: ليلى منين عرفات دارنا؟
فهد: (كيحاول يقنعها) معرفتش والله معرفت عمرني جبتها بدليل هي معرفاش حتى واش تزوجت
ندى: لا هادشي مداخليش لراسي
فهد: علاش اندى متعقديش الأمور عارف فاش كتفكري وداكشي ماشي صحييح واللله احبيبة مصحيح انا باغيك نتي وليلى عمرها عنات لية شي حاتجة داكشي كان بيناتنا مصاالح خوود وهاات ومسألة لفلوس انا لغاالط كان خاصني نقوولك فاللول انا الغاالط اعتبريها اخر مرة احبيبة وااخا
ندى: (تنهدت وشافت فبنت داخلة) احم فهد نهضرو فهادشي فالدار
فهد: (شافها مقسحة راسها ولكن مقاادرش يبعد عليها ولا يدفع كبير عليها) وااخ انا نتسنااك برة
ندى: امم (بابتسامة صفرا ودعاتو وكتشوف فيه نظراات الندم وكان هي للي دارت هاكا متأكدة كان غيدفع كبير ويتقلق وشحاال فبالها) هاكا خااص لمكم تجرجيير جنس كاااموني حتى كتحكو عاد كتعطى ريحتكم (خرج وكملات خدمتها مع لكلياانة مع خرجات لقاتو كيتسنااها وناعس فوسط طموبيلتو حيت كان بايت خداام) اممم غي حيت مزاالة جديدة ااح عليك اندى (فكرات تمشي وتخليه بلاكة ولكن ترجعاات باش متعبقش دقات عليه فالزااج) واش نااعس
يونس: (تجنن ضرب طبلة حتى تكردات وغوت) دييييها ففف فرااسك وخرجتي **** من حداايا ولا انا لييي غنتحرك من هنا (هنا عيشة غير سمعاتو غيخرج هبطات كتجري ودموع فعينيها كتجري لداارهم) على متحاايد هاد السووسة من عندك
فاطمة: يااك اولدي
يونس: الالة انا مولد حد برااكة غير داك لولد للي عندك غتهبلييه وتخرجييلو عقلو بلا وقت تفوو الا للامهات بحاالك موتهم حسن من حيااتهم (خرج من تمااك ماشي مقلق كااعي ومجنن وكولشي مجموع فيه وصل للجردة وبقا كيكمي وشاف زهرة داخلة كتلهت شافها باستغراب وباشارة من راسو زعما ماالك)
فاطمة: (باحتقار) اييه نتي اشمن بنت عرفي دوي مع سيااادك
زهرة: (كملات كلامها مع الحاج) بغيتي غير تقطع علاقتك معاهم هانتا اليووم قطعتييها ودعي لبنت متوقعلهاش شي حااجة
اب يونس: اشمن بنت اهاديك لمرا راه مشفت حد
فاطمة: بففف على هجييج
زهرة: عيشة بنتي جات تشوفك وسمعاتك شو شنو كنتو كتقولو ذنووبك على ولادك حتى كبرتي عاد جبدتيلهم المشااكل واش مكتراعيش وجه الله فييهم يونس باغي تحمقو اشرف عيا يرطب معااك انا حرمتيني منهم فيين بااغي توصل فيين كتقلب على الاصل مهمكش اصل بااهم للي ربااهم عمرك شفتي شي حاجة من عزيزة عمرها قللات منك الاحتراام والحااج للي طول عمرو دايرك خوه وصاحبو وعمرو بخل عليك بشي حااجة ضربتي كولشي فالزيرو وديتيها غير فتخربييق كتعايرهم بداك للي لاحهم ومقلتيش مساكن شحال تكرفسو فصغرهم مكفاكش زمان للي ضربهم ومنين ضحكلهم بغيتي نتا تهجروولهم
فاطمة: (ضحكت باستهزاء) خياار ولينا نسمعو لكلام من لكسالات
فاطمة: (ضارت عندها) عندك جووج حوايج تبعدي طريقي ولا غنوريك الكساالة علاش قاادة ونزييد نقوولك اليوم بينتيلي الوعي مجايش بلقرايا ولا ميريكاان عاني انا تربيت غير فلكاريان وكنت كساالة ولكن وااعية علييك ومستواايا مغيخلينييش نبقى نتعاير معااك ولكن الا زدتي كترتي غنهبط لمستوى ديالك نخلي جد داار بوك ونطلع لمستوى ديالي (دارت يدها فخصرها) ونسميك مرا زيدي معايا شي كلمة
فاطمة: (خافت ولكن دافعة الجبهة) ااه اه ضربي والله حتى ندييك فين تربااي
فاطمة: (جات هادة عليها ولوخرا حماتها غواات ووقفت كتشوف فيها باحتقاار وبزقات عليها) يخخ تفو على جنس مكتحشم مكترمش بحاالك خااص مهم نجمعهم فسخوون ولهرااوة ونعصييك حتى تبقاي طلبي سلة بلا عنب (ضارت عند الحاج) ونتا سمع لهاد السووسة الي خرجات على حياتها وهبلات خووك ومتبعالو ولدها وباغا دور بيونس وبييك فييق قبل متلقى حتى حد يترحم علييك الا بقيتي متبع هادي غادي غير تمشي فخسراان أهلبك وحباابك راها مساالية وملقاات راجل للي يجمعها ويهنينا من شرها (دازت فيها بكتفها ولقات نور واقفة تماك) تحركي علية نتي من دااري مساالية قبك حتى نتي
نور: (خافت) خاالتووو خاالتو
فاطمة: اتحركي ولا نجمع مع مك نوريك خالتو بشحال كتقاام تفووو ترييكت صبابط مخلطة فلعتبة ياااله لباااب ولا نكركبك ليبه والهااجم يمووت شرع
مريم: هههه الله يعطيك الصحة فييهم ولكن بغيتك ضربي ديك لعقروشة ديال فاطمة
زهرة: اودي داازت على وجه عمااد اما نحر مها نحيير جمل بقاي ابنتي مع عمك انا نمشي نشوف عزيزة
مريم: واخا امي زعرة
زهرة: وزهرة زهرة
مريم: هههه زهووور ولااالة زهرة...
يونس: (مع الدخلة لقى الحاج كيستقبل خوتو للي جاو يشوفو عزيزة بغا يسلت وهو يشدو الحاج لما جمدلو فركابي.. بقى وااقف كيتسنااه يكمل وعينو غير كيدوورو واحتمال عيشة شكات لباها ولو بجوج كلماات غتخلي الحااج ينفييهم من حياتو وحياة بنااتو وهنا شيطانو كرهو فبااااه طلعو الناس للدار ودار احمد عند يونس)
الحاج: كنتي عند باك؟؟
يونس: امم اه
الحاج: اذا فااق
يونس: (بتوتر) اه هاد فااق داك دوا كيرخيه بزااف
الحاج: صاافي انا غنكلفك تبقى مع ضياافي نمشي نشوفو مجاياش كاملين نخويو الدار راك نتا الرااجل من موراياا
يونس: (بارتبااك) الله يطول فعمرك الحااج (رتاح نسبيا شاف الحاج مشا وطلع للدار بجرا مع الدخلة شاف كولشي مزال كيسلم حتى دارو عندو كيسلمو عليه وهو مصاالحش كيدير يهرب حتى شاف رقية داخلة بصينية وقف قدامها) فين عيشة
رقية: مشات تشوف عمي كبقى حقا كنتسناو غير الدار تخوا ونجيو ع..
يونس: اه واخا (مشا نيشان لبيتها للي مسدود دخل يشوف واش تماك لقاها مكينااش مشا كيقلب فلبيوت حمام كوزينا ووالو مع جا خاارج)
عم عيشة: سي يوونس اجي ريح معانا
يونس: (مررررررض.. بابتسامة صفرا مشا جلس حدااهم وهو يتم داخل نبيل قلب عينو لجهة اخرى مع دخل عماد ناض بالزربة) حمار مخلي النااس وخارج كدوور
عماد: (باستغراب مجا فين يستفسر حتى لقاه خرج) لا حولة (مشا جلس حداهم كيجمع.. هو معطيلو جميع ماشي بحال يونس للي مجا فبالو غير سطح كان مظلام الحاال كيسمع غير صوت بكى وماشي اي بكى صووت حبييبتو للي مطيراالو عقلو عرف غتكون سمعات كولشي مشا لبيت التصبين شعل الضو لقاها جالسة فالرض وخاشية راسها بين ركابيها مشا جلس حدااها كيطبطب فظهرها هزات عينيها شافت فييه)
عائشة: علاااش بااك كيكرهني؟؟
يونس: (معرف باش يجاوبها جرها كيعنقها وهي كتنتر بااغا تهضر ماشي تسكت)
عائشة: (بهستييرية ديال لبكى) لاا قوولي علااش كاان وااقف فزوااجنا من اللول هو هو للي خلا بابا ميبغييكش تزوج بيا يااك
يونس: هاحنا مزوجين احبيبة وعندنا وليداات
عائشة: متعاملنييش بحال شي وحدة كترضع صبعها قولي علاش كرهني واش نتا للي قلتيلو انا بنت لحرام
يونس: علاش كتقولي على راسك هاكا
عائشة: هئ هئ حييت هو للي قالها قاال انا بنت لحراام علاش عمي كيكرهني هو كيعرفني وانا كنت صغييرة وطنت ديما كنحتارمو علاش هااكا علاش النااس خاايبة وكتحكم عليك من شي حااجة ماشي بيدي الا انا ولدني دااك لقتاال راه احمد الحااااج للي ربااني
يونس: (متأثر معاها) عفااك احبيبة متقلقييش رااسك من هاادشي نسااي
عائشة: نسى!!! (تخنقات بلكى) نسى وكان يمعتها من شي واحد مكيهمنييش ماشي وااحد للي كان فمقاام بابا
يونس: للي مهم هو انا بااغيك وشااريك ومكيهمني حتى وااحد انا غنعوضك على كولشي احبيبة غير سكتي من لبكى عفااك اعوييشتي دمووعك حرقووني
عائشة: (دارت يدها على وجهها كتبكي كلامهم مقدراش تنساااه) مكنحملهمش
يونس: (معنقها) معندنا مندييرو بييهم
عائشة: نتا راه بابااك
يونس: كولشي كنعطييه حقو مهم عوييشتي متبقااش مقلقة
عائشة: غنقولها لبابا
يونس: اممم نتي تعرفي احبيبة
عائشة: (شافتو مقال والو ولا عتاارض تكات فحضنو تبكي وتسكت تسهى وترجع تبكي مقدرااش تيق ان هادشي جا من اب يوونس للي كان عندها فمثاابة بااها فهماات شحال من حاجة كانت كتلوم فيها يوونس من اياام لمصااحبة حقداات عليه ولكن الألم كان كتر بقا يونس غير كيطبطب على ظهرها وفشعرها حتى سمع انينها دور وجهها لعندو.. بخوف) عيشة ماالك
يونس: (شادلها يدها للي كترجف وجبهتها كلها عرق وعينيها كيتقلبو بلحريق.. دخل معاه الصهد مزياان ملقى حتى حل من غير هزها وهي كتعصر وكتشد فكرشها معرف بلش يربط هاد لحرييق هبط فدروج غير بشوية مشافتو غير ندى وفهد للي طالعين فدروج)
فهد: (سبق بالزربة هز سوارت من جيبو حل باب طموبيلتو طلعها يونس فاللور وركب حداها ندى كتقيسلها فشعرها) انا نسووك
يونس: لا انا عاارف فين نمشي وبحرا نزرب (طلع فهد معاه ديمارا وشد لفولون كتبانلو نقاطي ديال الدم فقبيتو لبوسييل طرطق عينو وشاف اللور عند عيشة لي كتعصر بلحريق) ندى شوفي واش كيسيل منها الدم
ندى: لا واش فوجهها فيين (شافت عينو فين مركزة كانت فسروالها لكحل) واش حاملة؟؟
يونس: (بألم) مصااب تكون باقا حااملة (كسيراا وصقييل فالطموبيل من غير أنين عيشة للي بقات فيهم وصلو للعيادة للي قريب يسنيو معاها أبونمو مسا طار فهد جاب بياص وتبعوه فرمليات حطو عيشة فيها وتبعها يونس للي بلا عقل وندى وفهد من موراها ساكتين)
فهد: لا اليوم كولشي تحل وهو للي داافع كبير عليهم ومباغيش يرجع يخدم
ندى: بفف الله يكون معااهم عمرني حملت ولكن باش يمووتلك فكرشك بففف تبوورييشة
فهد: وياله نيت قلبي راسك واش حااملة
ندى: هااء مزال مكملنا حتى شهر افهد خلينا دابا من هاد الهضرة ونتسناو الناس شوف يونس مسكيين نمشي عندو
فهد: لا خلييه راه باين معصب ويقدر يدوور فيك..
يونس: (جالس مقرد وداير يدو على راسو وافكاار فرااسو خاايبة من جهة لبيبي واكترية منين سولوه واش حاملة وشاف تعابير وجههم وافكاار حقوودة اتجااه بااه اما فاتطمة الكره الاعمى لييها وخوف كبيييييير على عيشة للي غتأثر نفسيا وصحيا بقات نص ساعة لداخل وخرجات فرملية وهازة ملف وقف هو بالزربة) مرتي كبقات مرتي!!
فرملية: سيدي معندي منقوولك الجنين كان فالاسابيع الاولى خسرناه حيت جات والنبض متوقف عندو خاصك تسني هنا باش نكملو ليها لكورطااج
يونس: (بقى مصدووم عاد لبارح عرفها حاملة ودابا ياااه على كلمة شحال صعيبة النبض موقفلو تخيلو كبير وقلبو وااقف عينيه تضببو بلع الفقصة وتفاحة ادم كطلع وتهبط) ومرتي؟؟
الفرملية: خااص نزربو نديرو ليها لكورطااج باش نحيدو الضرر عليها كان ممكن نعطيوها غير دوا يطيح ولكن فقدات وعيها واضطرينا نديرو كورطاج
يونس: كفاش نسني انا باش تحايدولي ولدي والا كان باقي حي بفيتيني نقتل ولدي!!!
الفرملية: (كتوقعاتش منو هاد لكلام) احم انا غنعيط ليك لطبيب ولكن خاص نزربو اسيدي (دخلات علمات طبيب وخرج عندو وباينة فيه ماشي هو هدااك عاود شرحلو وأكدلو ان الجنين توقف النبض ديالو ولكن كتهنى حتى دخلوه ودارو ليكو لقلبو ومتسمع والو كان نظرو موجه غير لعيشة بنتأنيب الضمير والالم خرجوه وهو حاني راسو جلس فشلتن فاول كرسي كان تمااك وبقا سااهي)
ندى: يونس خويا كبقات عيشة
يونس: (رمش عينو بتقاالة وشاف فيها وحرك راسو بلا لساانو تقاال باش يهضر وللي زااد الطيب بلة هو السبب من مور هادشي الانساان للي من مور هادشي تكى راسو على الحيط وغمض عيينو مكيفكرش كيدعي غير مرتو تخرج على خير وترجع لحيويتها ككانت للحيوية للي كان باغيها تبدل وترزن دابا لا بغاها ترجع ككانت..)
فاطمة: (خرجات زهرة وهي مقدراش تجااوب حيت عارفة غتاكلها فجنابها واكترية منين سمعات نور تطردات مزعماتش تعقب ولا توقف فوجهها غير هبطات فدروج ضارت خنزرت فاب يونس) مزيااان تبارك الله كنتطرد ونتا كتشووف هادي هي الرجلة
اب يونس: (شاد فقلبو للي حاسو تخنق) سسييري افاااطمة
فغطمة: بااك حتى نتا كطردني وليني لفااالطة ماشي فييك فبة انا للي جااية ضاربة الطرقان باش نشووفك يااك يااك الحااج انا هي للي كنت عزيزة عندك ومتخسرليش خااطري بسبااب كساالة دلحماام كتجري علية وبلا ولدك للي ضربني ونتا كتشوووف
اب يونس: (كيلهت) نعلي الشيطاان وسييري راه العاافية شعلااات ونتي سبابها
فاطمة: انا شعلت للي لعافية ولا لقيتها شااعلة بففف انا صافي هاد العائلة رجعات اللور خااص نفووسخها (بقات كتغوت) الراااجل زاد خلفى ودا معااه صووبيصا وهلاني تاابعة ولد مكيعرفني حتى فين انا وولدك ضربني ونتا كطردني من الدار بزااف يا ربي هااد..
عماد: شوفي داك خينا نبيل راه هنا ونتي عارفة يونس معندوش معااه باش يتفادى صدااع هزها ومشاو يبدلو الجو شوية
رقية: بالصح حسن متزيد تفقس ماما يخ داك نبيل مكنحمل حتى الشوفة فييه
عماد: وعلاه مال مك كتشوفي فيه بعدا
رقية: ورااه قلتلك مكنحملوش
عماد: وشكون هو باش حتى تخسري عليه احساس الكره ديري برااسك مكتعرفيهش كن الاصل عرفتي شنو تباني هنا فصالة درجال نهرس ليك دوك الرجلين انا للي غنتسخر عليهم صافي
رقية: (عوجت فمها) ملقيت متغير غير من هاد لخوشبيش
عماد: سيري لبنتي سيري براكة من لبسالة.. (جبد تيليفونو للي كان كيصوني تأفاف عاد جاوب) وي
فهد: (كان كيكمي وشاف يونس دارلو اشارة باش يعطيه كارو جبد واحد وداه لعندو) اجي كمي فالسرجم حسن
يونس: (وقف وكتافو طايحين عكس كيكون كل مرة خداه من عندو وبقا كيكميه وعينيه مصغرهم فسما للي مغيمة ولونها كولو اكتئاااب حتى سمع باب تحل ضار وشاف طبيب خارج بلبستو الخضرة لاح لكارو فالارض غير فهد للي هزو ولاحو ومشا لعندو) كبقاات واش ندخل عندها
طبيب: غينقلوها لعرفة اخرى للي ترتاح فيها ومغتفيقش داابا حتى لغدا وحالتها مزياان غير نفسيتها للي غتكون مأزمة
يونس: ولبيبي؟؟
طبيب: ولدك فالاسابيع الاولى كان غير دم نتوما مزال صغاار ولعمر قداامكم ولكن حاولو ميكونش لحمل فهاد 6 شهوور حتى الوالدة تبرا مزيان
يونس: (حرك راسو باه مشا طبيب من مخرجو عيشة بابيااس ووجها صفر وشنايفها بويض ماشي ككانت صباح تأسف لحالتها وتبعهم فشلان ومينكرش ان حزنو لكبير على بااه للي كان سباب فهادشي واها هو اكتر واحد كيأمن بقضاء الله وقدره ولكن بااه بااه هو للي سمعها كلام قااسح.. بقا جالس حداها كيشوفها شاف فندى وفهد) سيرو نتوما ومتقولو واالو لشي واحد
فهد: مناعسش احبيبة من لباارح فصبااح (هز يدها وحطها فوق جبهتو) فيا سخاانة يااكي؟؟
ندى: لا مفييكش
فهد: (عاود حطها) وشوفي مزياان راه فية
ندى: اه بالصح صاافي نمشيو نوجدلك شي عشييوة
فهد: (فرنس) ونعوضوو للي فاات
ندى: فهد واش بنيتك عند لكاانة وحنا عشنا هاد نهار هادشي
فهد: وحبيبة راه بغيت حتى انا وليداات براكة غير يوماين مدرنا واالو وزايدون انا بقااو فية ولكن موحشك كتر
ندى: غير ياله بعدا...
~~~~~~~~~~~
عزيزة: (شافت الحاج جاب اب يونس وداخلين للدار ومريم معاونااه فيه وقفاات بالزز) على سلامتك الحاج خلعتينا علييك
اب يونس: (شافها فديك الحالة) كبقيتي؟؟
عزيزة: (تبسمت) بشووفة لحباب دايرين بييك تخليك تبرا من كوولشي
اب يونس: (فنفسو تبسم باستهزاء على راسو) كااينة
عزيزة: دخل ترتااح رقية جيبي ماانطة لعمك
اب يونس: لا مكاين علاش
عزيزة: وتبقى فلبرد الحاج لا
الحاج: اجي دخل الشاارف بااغي تهرب وتخليني بوحدي
عزيزة: الله يطول فعمركم ويخليكم ليينا
زهرة: (محملاش اب يونس ومكتشوفش فيه.. دخلو رجال لداخل وبقاو لعبالات كيضحكو كما مواالفين ورقية ولبنات كيتسخرو ولبز قالب الدنيا بلغوات ولعبهم زهرة غير كتشوف ماشي كما عوايدها بنويطاتها وضحكها والحاج صااقل كولشي قال بسباب مرضو ولكن تأنيب الضمير كيقطع فييه وبااغي غير يشوف ولدو ويقوولو راه ضباابة وتعمييت بييها واكيد غبساامحو حيت عاارف يونس قد مقااصح قد مقلبو حنين عليه وكيبغييه...)
نور: نو حتى نفطرو بجوج بينا وغنمشي عند عماد لخدمتو
فاطمة: اممم قوليلي هاد الزااز على ولدي الله يعطييه لعمى مخلي اليااقوت وشاد فالجاالوق
نور: هههه كتقتليني بالظحك بهاد لكلام اخالتو
فاطمة: الله يخليك ديما ظاحكة احبيبتي انا جاية عندك (خرجت نور ناضت فاطمة فرحانة بنور للي حساتها معاها ومغتخليهاش ومشات قضات غراضها توضات صلات ولحقات عليها للطبلة لقاتها مشكلة كما ديما صونا تيليفونخا كان عبد الله قطعات عليه كما ديما وبقات كتفطر وتجمع مع نور حتى كملو) شنو تبغي حبيبتي للغدا
نور: كوني هانية اخالتو دعي معااية (خرجت نيشان لخدمتو شدات رونديفو من عند سيكرتيرة ديالو حتى جات نوبتها عاد دخلات مع هو كان حاني راسو مهزوش حتى سمع صوتها) السلام عليكم
عماد: (هز راسو بالزربة) شنو كديري نتي هنا
نور: عماد تكالما غنقولك شي حاجة وغنمشي حتى انا مباغيا صدااع
عماد: (غوت) خرجي ت*** من هناااا
نور: (غوتات) حتى نتا غتسمع انا جااية على قبل مك للي نتا رااميها ومخليها بووحدها عاجبااك لوحدانية للي هي فييها
عماد: (جرها من ذراعها بالسيف وهي مباغاش تحركلو حتى طاحت فالارض) واش بااغاني نرتااكب جرييمة والسلاام وبعدوو مني البشااار
نور: علاش انا شنو درت لييك انا جيت هنا بغييت غير نفكرك بمك مك للي لبارح تضربات وتهاانت فداك عمك مكااينش للي محطش يدو فيبها مك للي تكرفسات عليك ولداتك رباتك باش تولي رااجل وفالتالي تضرب من عند ولد عمك يونس للي دايرو بحال خووك ويزيدها حتى عمك ومرتو
عماد: (ممتيق حتى كلمة منها) مزال مبغيت نوسخ يدي فيك سيري تااقااي شري متشوفينش هاكا وتقولي هاد دغيا نلعبو علليه
نور: مبااغاش لعب اعمااد ونتا كتعرفني مزياان
عماد: اش كنعرفك *** عرفتك 4 شهوور من تما مشفتك وكان خليتيني نمووت على هاد اللسقة للي درتيلي
نور: انا اعمااد انا لسقة
عماد: بففف (تجنن وغوت) سيري فحاالك (محس حتى ضار عندها وركلها بكل قوتو حتى خرجت عينها وشدت فكرشها) سيري فحاالك شووفتك كتعصبني سييري فحاالك واش مي مصيفطااك باش ندخل الحبس ونيتم ولاادي (كشاكشو خرجو) سيري فحاااالك😡
نور: (كتعر بلحريق فكرشها ودموعها هواادين) علاش كضربني انا بغييتك غير تعرف خالتي شنو وقعلها عيطااتلك باش تاخد حقها وتشكي عليك ومبغيتيش تجااوبها
عماد: (كيحاول يبرد راسو) هادي بلاصة الخدمة ديالي سيري فحاالك رجعي منين جيتي سيري برجلييك قبل متمشي فصندوق راه اكتر حاجة كنكرها فحياتي هي شووفتك انا عمرني مغنكوون ليك ولا تكون مرا فدااري واخا معرفت شنو يوقع الا نتي ولا حتى غيييرك
نور: (كتبكي حيت ضرها بكلامو) علااش ياك ختاريتني فاللول شنو وقع داابا انا معنديش مشكل تخلي حتى هاديك على رقبتك
نور: (شادة فكرشها ومقاداش ت قف بلحريق) مغنمشي حتى تسمع (طراااااخ.. نزل عليها بالطرش وتخصار الهضرة كااع داك ضرافات للي كانت فييه تقلباات فثانية مفكوها غير الناس للي كيدقو وكيسمعو غوااتها كاين للي عيط على لبوليس وكاين للي عيط على الاسعااف حيت باين الدق للي كلات غيصيفطها كووومة.. شوية وقف منين مبقاتش كتحرك وجها مغطي بالدم للي نازل من نيفها للي من فمها جريحات فحنكها بكترة الطرش من دوك الخباطاات وقف وجمع تنخيمة وبزقها على وجهها) الله ينعل***** ****** تفوووو على **** (جرها من رجلها بحال شي كلب كيحايدو من طريقو باش يدوز وحل لباب لقا بزااف دالناس تمااك شاف فيهم) غندي السينمااا هنا ياااله تحركوو سدييينا...
يونس: (واقف مع طبيب بعيد على عيشة للي معاها 2 فرمليات كيعبرو ليها دقات القلب وللي كتحيد ليها السيروم) بالنسبة لرضاعة واش ترجع ترضع
طبيب: من الاحسن تعصر صدرها من لحليب للي تخلط مع البنج كل نهار مرة صباح مرة عشية لمدة 4 اياام على ميصفى حليبها الا بقا فيها ترضعهم الا مبقااش صافي تفطمهم
يونس: ووو كولشي غندها مزياان
طبيب: كون هاني اسيدي عاد درت ليها ليكو ومن هنا سيمانة عندها رونديفو وتبقى كدير كشف باش تكونو هانييين
يونس: (حرك راسو باه هبط خلص طبيب وفراسو حاجة وحدة هو مرتو تكون بيخيير وكيحااول جهدو كاامل مبفكرش فبااه اما فااطمة ولات دم سناانو نسا اي قراابة كتجمعو بييها وجوج شفعوولها هو عمو وعماااد اما يرجع يبرد فيها جنونو مزيااان دخل عند عيشة لقاهم كيعاونوها تلبس حوايجها خرج خلاهم يكملو معاها غير خرجو دخل هو) تووتة
عائشة: (كانت صفرا) منيين تووتة كظحك علية
يونس: غي بغييت نرفع لحووبي لمعنوياات اما هاد لفرملياات للي داازو (عض فشنايفو حتى هزات وساادة جات فرجلو هزها وهو كيظحك) اكتر حاجة كتعجبني فيك هو مكترضاايش
عائشة: انا نرجع لصحتي وتشووف والله حتى نخلليك كتبوس رجلي ومتعفر علييك
يونس: الا خليتيني نبوس رجليك غير خليني نكمل شغلي
عائشة: بففف ميمكنش ليك تحزن شوية حتى نتا بحاالي
يونس: (رد لوسادة بلاصتها وجر عيشة بشوية محاول عليها جلسها فوق رجلو ودور يدو على كرشها) لعمر قصيير معندنااش الوقت فين نحزنو نفرحو وشي نهار للي ملقاو منديرو فيه نحزنو
عائشة: يااه على منطق ولكن مغتحسش بية انا للي وااكلة الدقة
يونس: تء باغا تأزميها علينا بالسييف الدقة واكلينها بجووج احوييشة غيير خليها على الله
عائشة: ولكن انا للي كيكرهوني
يونس: ونتي شكون باغاه للي بغيك ويموت على ملتك
عائشة: اممم نتا
يونس: وشنو بانلك فية
عائشة: (معفرة) كتبووس ترااب لي كنمشي علييه
يونس: (تبسم) اوا اش بااغا كتر
عائشة: اممم اوا واخا هادي منحزنوش عليها واخا ديك مرت عمك نحصل مها فشي زنقة مكتخرجش نريش مها.. وولدنا ولا بنتنا للي مات لبلرح مسكين اشنو ذنبو
اشرف: مدرتيش اخالتي نتي راه با للي الله يهدييه بففف جابها فصحة لبنت وحكرها
زهرة: مسيكين مصوني علية صبااح باش نطيبلها شنو كيداار وبرغيب باش مخليتوش يتقدا شووهة ولا بحال لغريب فدار بااه خليه يمشي باش يفكر مزياان عندو زهر الحاج مزال مفخبارو والو
اب يونس: (هابط فدروج) شنو للي مفخباروش
زهرة: غاا حشمت انا ندحها ليك فوجهك مهم انا غنمشي
اب يونس: فين ماشا اهاد لمرا
زهرة: نغضب (طلعات هزات صاكها وهبطت لابسة جلابتها هزات الصاك للي طيبات فيه تشيشة سخونة دجاج بلدي بلمسااخن وصوطات شوية ديال الكبدة والكفتة جا اشرف بغا يهز معاها منعاتو وهضرات بلهمس معاه فالجردة) عنداك اولدي تنسالو دوا راه بيه كينغس عارفة الزغبي دارها قد راسو ولكن راه ندماان ومتقولولوش على عيشة طيحاات طبيب ماانع عليه شي خلعة اخرى قولولو مشات غير تقابلها باش يرتاح
اشرف: (باس ليها راسها وهزلها الصيكان) انا غير نوصل معااك راني عارفو مباغي يشوف حد.. (غير وصل معاها رجع للدار دقيقة وصل عندها يونس لقا 2 صيكان مفهم والو)
يونس: هادشي كامل طياب اخالتي زهرة
زهرة: لا اوليدي انا جاية غضبانة عندك الا قبلتي علية
يونس: (شاف حتى شاف وطرطق كيظحك) بالرب الا هاد العائلة طاير ليها الفرخ طلعي اختي طلعي ههه... والله مكتعبري عليه غير نتي ههه...
زهرة: (ركبات)الله يهديه وصاافي
يونس: (مجاوبش ركب ومشاو فطريق كيعاودلعا بالتفصيل شنو وقع معاهم غير كتجبد حالة بااه مكيجاويش وكيغووبش فضلات تسكت حااليا.. وصلو دخل هو داكشي وهي بقات كتسنااه حتى بقا كيعيط) عويشااااا حويييشتي (عاد طبعات معااه دار عند زهرة) غتولفي معاانا اخاالتي نقول عيشة حاافية تقولي مقلق مني ولا غضباان
زهرة: هههه لا اوليدي خود رااحتك حتى هي مسكينة خاص تشد ليها الخااطر
عائشة: (خارجة لابسة بيجامة سخونة ببينوار ولاوية فوطة على راسها غير شافت زهرة خافت يكون حتى باه جا وقفات مشوكية شافت يونس داير اشارة باش تجي عندو) خ خالتي؟؟
زهرة: مبقيتش مي زهرة؟؟
عائشة: لا ماشي هكاك اخالتي غير.. مرحبا بييك
زهرة: (جات كتعنق فيها وجلساتها فوق السداري) كبقيتي الحبيبة
عائشة: (شافت فيونس حرك راسو باه زعما قلتلها) لباس غير باقي فية شوية ديال لحريق وراسي ضارني بزااف
زهرة: دابا يفوتك الحال ابنتي انا نوض نحط ليك تاكلي وسيري لبيتك نعسي وسخني علييه (ناضت وراها يونس لبيت فين تنعس بدلات حوايجها ومشات للكوزينة دايزة على عصافير الحب فوسط الدار معنقها بيد وكيهضرو بشوية)
يونس: وصاافي احبيبتي حايدي هاد تغووبيشة بغيت نبقى مقابلك غير انا ولكن شي حوايج مكيفهمو ليهم غير نسا لكباار وهي راه جاية غضباانة
عائشة: ههه واش حسابلك انا مقلقة على مي زهرة انا غير عياانة احبيبي وصافي
يونس: امي على هاد حبيبي (عضها فحنكها بشوية) غير ديال شي نص خبز ونااكلك
زهرة: نووض خلي لبنت علييك
يونس: هههه ها حضر التجواال غيبدا
عائشة: (شافت خير ربي محطوط حداها) بزااف اخالتي هادشي
زهرة: كوولي ابنتي وردي الدم للي ضااع منك (جلست كتوكلها حتى مقدات فين تزيد كلا حتى يونس معاها وقدام زهرة هزها دخخلها لبيتهم غسلها يدها ونعسها بلاصتها كيدلع ويبوس فيها باش غير ظحكلو حتى نعساتلو عاد خرج لقا كولشي مجموع) خالتي الدار داارك انا غنمشي نقضي شي غرااض فلفيرمة ونجي...
زهرة: واخا اولدي الله يرضي علييك....
اب يونس: (مغووبش وجالس فوق السداري ومريم واشرف كيرغبوه ينوض يمشي معااهم) على تاالي ياامي نخوي داري
اشرف: الاه يهديك ابا راك غتمشي عند ولدك والدار راه داارك ولا نفكرك نتا للي شاريهالي
اب يونس: اسيدي ربح بيها انا بااغي نبقى هنا فداري مشا لولد وتبعااتو حتى لمرا
عماد: صافي خليني نلحق عليك بوحدي بلاصة خدمتي هادي وبرااكة غير هادشي للي وقع فيها
....: (فكر شحااال) واخا سي عماد ولكن خاصك تجي
عماد: (بامتنان) الله يحفظك اخوويا كوون هاني غنجي غير مبغيتش نركب فصطافيط قدام خدمتي (عطاه لاخر سلام ومشا جلس عماد مفقووس من جهة ندم على التسرع للي داار ومن جهة وكان بقات حدااه يكمل عليها وميحنش هز تيليفونو صونا على يونس مجاوبش) بففف السيد عاد مات ليهم ولدهم والمشاكيل ونزيدهم حتى انا.. (ناض خرج لقا السكرتيرة تماك) سيري هاد السيمانة عيطي على كاع لكليان قوليلهم حتى السيمانة الجاية
السكرتيرة: احم واخا سي عماد الا حتاجيتيني فشي حاجة عيطلي
عماد: (باستغراب) بحالاش
السكرتيرة: صوتكم كان مسمووع وعرفت هي للي مبغاتش تقييلك
عماد: (حرك راسو باه وخرج صونا على ممدوح عاودلو على كولشي ودار معاه غيمشي دابا عندو للكوميسرية مع قطع طلعات لابيل ديال مو فتح الخط معاها مغدد) سمعي من هاد نهاار من هااد نهار مبقا عندك ولد سمييتو عماد (قطع وحتى هي معودااتش صونات كتصوني فقط على نوور تفهم شنو وقع ومن ردة فعل ديالو اذا مزاال مبغى يليين قلبو ويتزوجها...)
يونس: (مع وصل للفرمة كلاكسونة خرج عساس جديد حلو لباب) با عسووول مزياان؟؟؟
العساس: الحمد الله الحبيب ونتا بيخيير
يونس: نحمدوووه قولي كفاش دايرة الدعوة لدااخل
العساس: الزيتون سقطوه كاامل عاد غيبداو يطحنووه والشاري مجوود ولكن حتى تجلس معاهم نتا وعاد غيبداو فداكشي للي قلتيلهم يديرو وشياه لبارح تباعو 50 رااس
يونس: اممم مزيان ندخل نفضي داك لبلان واجي نتجمعو على شي دكة وقولي على كولشي
يونس: احم باش تعرف انا ومك تناقشنا لبارح من بعد غنعطيك ديطاي
عماد: (غوبش) واش بالصح ضربتيها
يونس: منكذبش علييك بسباب شنو دارت كنت غنكفر عليها ولكن شديت راسي
عماد: (شدو من لكول ديالو) واش ضربتييها؟!!!!
يونس: (مهدن) مضربتهااش حيدتها من طرييقي دفعتها باش تسكت بسباابها لبارح وبسباب كلامهم هي وبا على عيشة ماات لولد
عماد: كفاش
يونس: كسمعتي دخلت للدار لفيتها قالتلو على شنو كانت كتصنت عليك منين عيشة دوك الايام كانت كتعطيني داك *** من كينة وقالتلو لولاد ماشي ولادي حيت هي بنت غير شرعية دوك لولاد ماشي ديالي وبزااف ديال لكلام للي صعراتني ولكن مضربتهااش كما كان الحاال درت بحساابك نتا وعمي
يونس: سمحلي اصااحبي غلطت ولكن هي كتجهل للي ميجهل راه بسبابها عيشة طيحات وكانت غتموت
عماد: الله يعوضكم خير ويشافيها.. (خرج يونس من بعد موضح لعماد شنو وااقع حسن يسمعو من عندو قبل ميبقا يتألف فهاد شي وعو عماد عندو عزييييز.. ركب مع دراري للي غيستجوبو نور ومشاو لصبيطار دخل يونس عندها)
نور: نتا عاااود
يونس: متهنيتي حتى جبتيها فعظاامك
نور: مغنتنازلش
يونس: (باستهزاء) وكااع لا يدوز 15 اليوم مفيكة فلحبس ويخرج.. رااجل وقاد بلحبس شووف على للي معندهاش ذرة كراامة ولاسقة فيه
نور: 15 اليوم!!! (تكلمت بالانجليزية) الا نتا الي غتكتب المحضر انا سميتي نور كرنشو أمريكية الجنسية تعدا علية طبيب منين مشيت ندير كشف وحاول يغتاضبني ومنين متشديتلووش ضربي وبزااف نفسيتي تدمراات وبزااف ممكن ندخل فاكتئاب حااد
يونس: (هز حاجبو فيها ولعب بلسانو فوسط فمو) اممم دونك غتبتزييه بهاد لبعاابع للي قلتي
نور: انا قلت للي عندي وعفاك سد لباب معاك بغيت نرتاح (دارت لجهة اخرى وغمضت عينيها شاف فيها باستحقار وخرج معصب من تمااك نيشان لعند عماد الي عاودلو كوولشي وزاد حقد غير على مو للي صيفطاتلو ميساج كتصبطو على شمو دار لنور بلوكاها وسكت.. حتى عطاه يونس ورقة)
يونس: بسبابك الحماار رجعت لهاد الخدمة دلويل بلا رغييب ولا اعتذاار
عائشة: لا منين مسدتيهالي مبقات ضراتني مرة مرة للي كيشدني حريق خفيف.. (من بعد موصى على لمرا للي كتعاون جاب فطور منوع وصا زهرة على لمرا للي غتجي واخا معجبهاش الحال عي كاينة ويجيبو مرا تشقى قنعوها باش ترتاح هوما خرجو يتقداو وهي بقات فالدار كطيب لغدا ورادة لبال لولادهم...)
يونس: (جار الشاريو من مور عيشة للي غير كتعمر وهو كيقلب غير فالاثمنة ومدة الصلاحية) هاد العام الماكلة ديال المحمدية علينا!!
عائشة: هاد نكير مكيكونش فاش كتلقى شهيواات منوعيين
يونس: صافي قضي الغراض
عائشة: نتا كولشي عندك قضي الغراض
يونس: (بابتسامة عريضة) حتى انا كنفكر فدااكشي
عائشة: هاااء سير ايونس جيب الزيت
يونس: معرفت شنو كيعجبك هنا لهري حسن منو واقتصاادي
عائشة: (مشات جهة ديال شكلاط كتهز شنو بغاتحتى وقف عليها واحد مشافتش جرات الشاريو ورجع وقف هزات عينها) يخخخ على كمارة صبحنا على الله
معاد: يااك هاد لكمارة كانت عاجبااك واحد لوقيتة
عائشة: شكون كذب علييك هضرت معاك دقيقة ندمتينا
معاد: دقيقة!! نسيتي لوطيل ولبوسة
عائشة: (بطنز) للي كانت بالسيف علية وعطاك عليها رااجلي حبيبي قتلة ديال لكلااب ااه عقلت
معاد: (شاف يونس جايب معاه زيت ولاخر غير شافو جاي زربان مكرهش يدوشلو بداك الزيت حطهم ولا زدحهم فوق الشاريو وعيشة ضاربة الطم وكدور فعينيها) كنت دايز وشفت المداام نسلم عليها
يونس: مالو خلاها ليك بااك باش جاي تسلم عليها دور ت*** واخر مرة لقاك ماشي معاها ولا مشارك معاها طريق
معاد: هاد راجلك قوييسح
يونس: (دفعو بيدو وجا قدام عيشة) العضرة معايا الحمار هادي متعاودش حتى تشوف فيها
يونس: هاد الحيوان غيخلي داار بووك الا عاودتيها الز*** تفوو كتبكي بحال مرا ترجل شوية اشماااتة (حيد يدو من باب لكوفر بزق عليه وزاد مخليه كيتوجع من يدو للي طبعو والدم دايز منو.. عينيه غرغرو بدموع وبقا متبع يونس للي ماشي بكل ثقة فالنفس بحال مداير والو كمل تقدرية مع مرتو وقلبها لجو الكوميديا كما بدا صباحو معاها...)
عماد: (فاق على خاطرو ملقاش رقية حداه تكسل كان عريان كولو ولكن لبيت سخون وقف عريان ومشا للدوش غسل جنابتو توضى خرج لبس عليه مزيان وصلا صلاتو لقا رقية مضاربة مع لولاد) صباح النوور كتاكييت ديااالي
رقية: واااااااع هبلووني انا غنطج شي نهاار من هاد الدار
صفوان: هههه بابا مامي غطج
رقية: دابا نوض نهجرو لييك
عماد: (عنقها من اللور وباسها فعنقها) مال الزين ديالي كااعي
رقية: مبغااوش يهدااو غير كيغوتو وكولشي درتو ليهم
عماد: اجي نديوهم عند ختك ونمشيو شي يومين لشي مديينة
عماد: (كيشوف فراسو وكيلعن شيطاانو باش ميباسيش حدودو ويتفكر انها مو مو للي ربااتو وسهرات على ودو مسمع حتى كلمة منها كيسمع غير غواتها ويدها كيشاليو حتى كتبانلو دخلات تبعها بعنين محس براسو زرب غير شادلها يدعا باش مضربش رقية) ياك لبااس!!
فاطمة: خليني نضرب هاد لملقطة لحرايمية السحاارة
رقية: (كتخيل وكان ماشي عماد للي معاهم دابا وكان راه لاحتها من سطح مشنوقة مفصلة)
عماد: ملقطة!! والله مكااين للي ملقط غيري هي عندها عائلتها باغيين ليها الخير اما انا ام نسات منعى الامومة شنو هو وكتجري على خرااب داري واب عايش حياتو ومخليك باغا تحمقييني براافو التلة خدمتي للي داامر عليها وخليت على قبلها شحال من حاجة جيتي نتي بأفكاارك البلييدة محيتي كوولشي علاش باش نتزوج ديك لخرا الااالة انا الا بغيت نتزوج غنقلب عليها لرااسي
رقية: ياك اعماد
عماد: رقية الله يحفظك ه ي لولاد ودخلي لبيتك!! (كمل مع مو) انا باغي هاد خيتي وانا غنكمل معاها حتى تدفني ولا ندفنها وليبتي دايرة لينا الرعب على حسااب مسخة
فاطمة: ديك لموسخة هي خلاتك تعيش
عماد: وراه بسباابك نتي كنت غنموت خارج نقلب عليك مع صبوحاات ونت
فاطمة: (بعدات بخطوات اللور خايفة يطير ليها لفاصمة كما دار يونس) سمع ديك لبنت غنوقف معاها حتى تاخد حقها منك اولدي
عماد: متقوليش ولدي
فاطمة: غنقولها حتى يتسالا هاد سحور للي شاادك وديك لبنت بغيتي ولا كرهتي غتزوجها
عماد: هه حتى نكون باقي داك لبيبي للي كيسمع منك عاد زوجيهالي
فاطمة: هاحنا غنشوفو اولدي
عماد: ها حنا غنشوفو امداام فاطمة
فاطمة: مبقيتش مك؟
عماد: منين تباانلك قولها تلعن الشيطان وتهدا من تبرهبش لي كدير راه خسراات بزااف
فاطمة: (خنزرات فيه وخرجات كتنكر.. زدح لباب ودخل معصب خرجات رقية كملو لفطور ساكتين حتى نطقات)
رقية: ياك اعماد انا خييتي
عماد: ههه ااااح كترة الهم كظحك
رقية: انا خيتي!!
عماد: نتي روكا ديالي ولعمييرة عير كملي نخرجو نبدلو شوية الجو راه تخنقت هنا (ناض تبعاتو بدلو حوايجهم وخرجو....)
ندى: (كانت فطواليط جالسة فوق لشاص شادة تيست ديال الحمل وكتشوف فيه وسااااهية) فهد: (حط ودنو على لباب) ندى!! حبيبة شنو تعطلتي
فهد: هه ندىىىى (خطفلها التيست من يدها هزو وظحك) حاملة!!
ندى: مبانلكش غير شرطة وحدة تمااك
فهد: اه ياك منين كتكون شرطة كتكوني حااملة
ندى: وماالك قاري فزحاام لا محملاااش (زادت وخلاتو واقف مشات نيشان لكوزينة مخبعة دموعها شحال كانت كتسنى هاد اللحظة وتفرحو حتى هو ولكن مجاابش الله وقف حداها وشافت الاستغراب فوجهو) كنتي عوااال؟
ندى: (ملقات متقول مدتهاش فيه بقات كتقاد فطور وهو كينكر ومكره من التخويرة للي دارولو لبنات مبغاش يسكت حتى صدعها) ابنااااادم متعااودليش سكتي صدعتيني رااك تخورت غير نووض شلل عظاامك
فهد: كتشفااي!!
ندى: فهد زدتي فيه نسى هاد الموضووع
فهد: احح على نسا مكنحملش نتخور وكانو كيهددوني بخدمتي لا لا هادو باينة كانو كيعرفو بعضياتهم
ندى: اوووووف هانا ناايضة
فهد: اصاافي العودة ديالي جلسي غدا ناخد رووبو نهبطو لايفران
ندى: بعدني مكتشوفنيش معندي كاانة
فهد: علاش احبيبة!!
ندى: كنت عوالة نحمل
فهد: وداابا نحمل الصااطة ديالي
ندى: سكت سكت فين كنتي هاد شهر
فهد: ندى ياله شهر باش مزوجين ناس راه جلسو سنين ومقنطوش انقولك حاجة زوينة منبقاوش نتسناو حتى تجي من عند الله باش متبقايش مديرونجيا وانا راد لبال.. ياله كولي
ندى: بففف معندي خااطر
فهد: وصااافي اصاحبتي متكعاايش
ندى: صافي غير فطر نتا انا نمشي نبدل حوايجي معاش خارج اليوم
فهد: جلسي تفطري!!!! (شافتو خنزر جلسات كتاكل عاد ناضت لبسات وقدات عاد خرجو بجوج وصلها لقات رزان تماك كملو شغلهم وهي طايراالها..)
فهد: مكاين لا صحبة لا خرا تهز تلاح من حداايا ممياليش لتبرهييشك
معاد: يااااك اسي فهد
فهد: وتعاود تباان هنا انا للي غنديكلاري بيك على التصويرة للي مزالة كدور عندك سيير شوفلك شي شغل ياك تزوجتي حضي مرتك وقلب على عيالات رجاال
معاد: هادا كلااامك
فهد: سيير امعاد راه مزاال داير بحسااب لياام الكحلة للي دوزنا.. (بقا ملهي فشغلو حتى خرج معاد محاملش رااسو الشمتة للي كيديرلو يونس كل مرة مكتصرطلووش ولكن ملقالو جهد...)
~~~~~~~~~~~~~~~
عبد الله: (بقا كيصوني على عماد والو مكيجاوبوش) حتى هو مكيجاوبش
منى: (هازة اميمة) يمكن مسمعووش
عبد الله: منى هانا من دابا كنقولهاالك فاطمة هي اللولة عليك عليها بالاحتراام والوقاار وكما نتي مراتي راه حتى مرااتي
منى: عبد الله مبنتش ليك تبدلت
عبد الله: اه تبدلتي ولكن كنوصييك رقية مرت ولدي راه هاديك عيني داكشي ديال اخر مرة بسبابو الا عاودتييه غنخليك هنا ورجع مع بنتي
منى: بغيتني نتقلق منك اعبد الله علاش كتعاملني هاكا
عبد الله: صافي امنى انا غير وصييت (مشاو لباركينغ فين كيخلي طموبيلتو ركبو ونيسان لدار خووه يديرلهم مفاجئة عيا يصوني الدار خاوية مشاو عند الحاج طلع لقى لباب محلول ولكن دق حتى جا عندو ادم) ولدي لباس عليك
ادم: لباس اعمو
عبد الله: فين الحاج كاين لداخل
ادم: لا مشا مع ماما لطبيب
عبد الله: اممم (هز تيليفونو صونا على خوه) محمد واش مكاين حد فالدار
اب يونس: علاش جيت؟؟
عبد الله: اه جيت هاد صباح ولكن ملقيت حد وحتى عماد مكيجاوبش جيت لدار الحاج ملقيتهمش
اب يونس: اجي راني فدار ولدي اشرف
عبد الله: واااخ.. قول لباباك عمو] عبد الله جا وملقاكش حتى ندوز عندو بلعشية واخا بابا!!
ادم: واخا عموو...
~~~~~~~~~
يونس: (جالسين كبتغداو فجو الظحك وناسيين الهم من موراهم) ولادنا قربو يكملو عام
اب يونس: (عرفو مغيدي ويجيب معاه فلكلام واالو) نخليك اولدي على رااحتك انا فدار خوك
يونس: نن (بتردد) ننتا مزيان؟
اب يونس: (فرح لسؤالو) الحمد الله اولدي كنحمدو وكنشكرو
يونس: مزياان بسلامة (قطع عليه وهو سااهي معرف شنو يديير غلط بااه كبيير ولكن كلمة بااه كاافية باش تمحي اي حااجة.. خرج عندهم لقاهم كيلعبو مع توام هز قمر وحطها فوق كرشو كيهرها ويلعب معاها)
زهرة: ولدي واش باك لبااس
يونس: اممم
زهرة: الله يهدييه وصاافي راه واخا هكااك قلبو كبيير وكيبغييكم
مريم: وااخا اجي اختي (بقات من موراها كتوريها وتحنزز فيها من راسها لرجليها وصلو لبيت) درتي لفولار
منى: (حطات اميمة وغطاتها وضارت عند مريم) انا عارفة غلطت معاكم كاملين ودرت شي حوايج مبرهشة من الول مبغيتش نوصل لهاكا ولكن فاطمة كتخليني نخرج على طوعي عاد عطاتني بزاف دلمعلومات غالطين خصوصا على عائلة الحاج احمد
مريم: اودي هااديك الله يهديها
منى: مكاينش للي يحن علية كن غير عبد الله غنحني الرااس ومنجاوبهاش
مريم: عمي عبد الله حقااني وكان ماشي شي واحد حقاني مبخليكش فعنقو كان غيطلقك هو مكتحكمش فيه خالتي فاطمة كوني هانية
منى: خااايفة يطلقني من بعد مولفت حياة زوينة ولا هي تنكدها علية
مريم: نجيك للصراحة هي منكداها هنا على كولشي وصابرين ليها غير على وجه ولدها عماد وعمي عبد الله
منى: علاش ماالها
مريم: (خصها غير معامن تقرقب النااب) شوفي الا معياناش بزااف اجي معايا للكوزينة ونعاودلك ولكن متقولي لحد انا للي قلتلك ولا نحرش عليك فاطمة ههه
منى: لا ختي حجارها يشدووها انا بغيت غير نفهم شنو وقع للي خلانا نجيو هاكا واخا اميمة هرسات قرايتها...
~~~~~~~~~~~~~~
عماد: (كيلعب مع صفاء وصفوان وناسي همو حتى كيبانلو شي واحد كيتزلل على رقية وهي عاطياها للظحك فالتيليفون وباينة دايرة لكييت كاهضر ابيل فيديو.. هز صفاء وشد فيد صفوان ومشا مقصد هداك للي جالس من مور ظهرها حط بزو وسمعو كيبسبس) شي حاااجة الاخ
.....: نتا للي جاي ياك لباس
رقية: (ضارت كتشوف مخلية عيشة كتعاود ليها حتى سكتات من صوت عماد) شنو وااقع
عماد: كمل لاش حاابس
....: بففف صبااح **** يااك لباااس انا كندوي مع هاد التيتيزة للي معطيانيش وقت نتا شد النووبة
رقية: (بلخلعة شداتها الظحكة) هااء
عماد: (تبسم) اهااه ياله جرب حظك
عائشة: يووونس اجي تفرج فيلم اكشن ولاااايف (جا جلس حداها)
.....: (بغا يدفعو وهو شدو عماد شنق علييه) طلقق النم ولا غنن..
رقية: (شداتو من ذراعو) اويلي اعماد غيخاافو لولاد
عماد: بعدي لهيييه.. هادي راه مرتي **** للي جاالس كتزلل عليها
يونس: دوري الكاميرا العياانة عمااد عطيييي لمو علاش كيقلب
عائشة: هههه رقياااااا قلبي لكاميرا
رقية: الله يعطيكم اللقوا (قلبات لكميرا كيتفرجو وهي عااجبها الحاال وكتشوف الغيرة فوجهو شحال هادي موقع هادشي..)
.....: الا مرتك عاودها رااسك
يونس: وييلي وكان كنت انا وقالي هااكا
عماد: (حتى هو معطلوش دخل فيه برااسو ودغيا الناس جاو كيشدو عماد) هانا عاودتها رااسي والا سميت مك رااجل نوض وقف واجي نتواجهو (هداك كيقيس فنيفو للي كيسيل منو الدم) كترتوو مكيبانو لييكم غير عياالات رجاال الله يعطي لمكم لغضاااب.. (شاف فرقية كتبسم) تحركي نتي من تمااك ونتي جالسة كتفركي
رقية: ومالي انا راه للي ضير علية
عماد: على اسااس سمعتيه داك الظحك خليه فداارك ماشي فزناقي
يونس: واش صاافي مغيزيدش يضرب
عائشة: اش غيزيد واش باغيها فييه
يونس: بن لحماار لاااهر وغيير يضرب وانا نمشي نكمل على دااك شمااتة ونوريه يهاود يضسر على شي وحدة من بعد
عائشة: اه اه روومبو نتا
يونس: وحسن منو كااع
عائشة: (لوات شنايفها) معرفت بااش
يونس: اهيا علاش كتقلبي بالظبط
عائشة: ضرووري العنف
يونس: حيت داك لسان سليط خاصو غير لهرمااكة باش يتقااد
عائشة: بنت لحرام قطعاات
يونس: (هز تيليفونو داير فيها مقلق حتى شاف فيها كتبحلس عليه وتحكك) سيري قلبيلك على رونبو
عائشة: وشكون هاد روونبو قداام يويو ديالي
يونس: (هز حاجبو) عاود يويو!
عائشة: حوييينااااتييييي
يونس: (عنقها بيد حتى بغا يخنقها) غير ديال تمرمييق (رخف عليها شوية وصونا على عماد) افيين اسي السيد
عماد: (صايك ومعصب) حتى نوصل ايونس ونصوني عليك
يونس: وقولي بعدا شنو درتي مع داك الزلال
عماد: (زاد غوبش) كفاش
يونس: هداك للي عاد ضربتي دابا واخا ماشييي شي ضرب
عماد: (شاف فرقية) باش عرفتي
يونس: شي واحد.صورك ولاحك فلفاايس راك.داير حاالة
عماد: (صعر) زييييييييد شووهة على شووهة
يونس: حتى نتا مطلعاااش مطلعاااش اللهم خوود حقك بيديك (سمع طيط طييط) قطع عليية ولد الطيييط ههه
عبد الله: شحال من مرة كنت كنقولك ديك لمرا قد ما بقات غتهرب واااه بزااف بحال شي خدامة فالدار وللي جات كتلوح سمها عليها راه كولشي كان واضح غير نتا الله يهديك..
اب يونس: بفففف ولبنت حااملة داابا مقدرت حتى نفرح معاهم
عبد الله: منصحكش تمشي قلتي هي جوباتك ومنين سمعات صوتك عطاتو لودك اذا مزالة مقلقة
اب يونس: مقلقة وسكت غتكون كرهاتني غير للي مزال مفهمتش مقالو والو للحاج
عبد الله: باش تعرفها بنت النااس اجي وفاطمة!!
اب يونس: فاطمة هي سباب لبلا بقات كتعمرني عليهم وانا الدنيا كتحاالي من جيهتها حتى تفركعت عليه من تماك معاودت شفتو وعاد مدوزات على ولدك غتهبلو بغاتو يتزوج ديك لبنت صحا
عبد الله: اممم انا للي غلطت سمعت منها وخليتها من مورايا
اب يونس: ودابا زعما غتسمع ليك وتمشي معاك
عبد الله: الا مبغاتش تمشي غيبقالي حل واحد هو لفرااق
اب يونس: وهانتا طلقتيها غترد لحر كاامل فعماد للي شي نهار غتلقاوه شانق راسو فشي جاايحة ماشي حل هدااك
عبد الله: اوا وشنو ندير معاها
اب يونس: معرفت انا كنفكر غير لداك لولد
عبد الله: يكون خيير (عاود صونا عليها وجوبات) فين حاطة داك التيليفون
فاطمة: مغيكره والو غنحايدلو غير سحوور للي داروهلو دوك عدووين الله ويرجع معانا كاع لميريكان هو وولادو ونعيشو عائلة مع بعضياتنا واكييد غنزوجو نور
عبد الله: (بقا غير كيشوف فيها كتهضر بحال شي وحدة حمقة كسيرا بيها نيشان لدار اشرف ومعاودش معاها شي جملة حين كلامها كولو مستفز وفنفس الوقت كيبقى مستغرب من هاد حالة الحقد للي هي فييها ماشي طبييعية...)
عماد: (خنزر فيها) تبرهيش (ناض كاعي من تمااك حتى صوناو عليه شي كليان كيتأكدو من الشوهة للي وقعات وهو كينفي هادشي محاافظ على هدوءو وابتسامتو رجع صونالو باه وجاوب) وييي
عبد الله: ولدي مباغيش تشوفني حتى انا
عماد: لا الوالييد غير عياان شوية امتى جييت
عبد الله: هاد صباح
عماد: اممم على سلامتكم اهم حاااجة جبتي اميمة؟؟
عبد الله: جبتها اسييدي خااص غير خوها يجي
عماد: نجي فيينكم نتوما؟
عبد الله: انا عند اشرف عمك جا يريح شوية
عماد: وعلاش مجيتش عندي؟؟
عبد الله: جيت نشوف عمك كان مريض اممم اجي الا معندك ميداار
عماد: معندي ميدار انا نقولها لرقية ونجيو
عبد الله: (بتردد) ولدي مك راه هنا
عماد: صافي مغنجييش بلاتي نتلقاو فشي قهوة
عبد الله: علاش متجييش؟
عماد: الواليد راسي مطبووخ مباغيش نغلط فشي حاجة..
عبد الله: وااخ اولدي اليوم غنجيو نباتو عندك
عماد: مرتك متجيش لدااري حيت هاد لمرة مغنشدش رقية عليها
عبد الله: ههه فالليل غنجيو والا دارت شي حاجة براتها غدا تكون عندها علاش انا شحال عندي من كنة!!!
فهد: يعني احبيبو خاص نصبرو وغير هاد العيشة معاك انا كفيااني
ندى: ولكن انا باغا ولااد باغا نحمل ديما كنتشهى نحمل ويكون عندي بنوتة ونتهلى فيها ولبسها حويجات نمشطلها (بتنهيدة) كولشي للي كنعرف حمل وولد وانا غير كنقول مبرووك حتى انا بغيت نحمل ونتعذب
فهد: حمقة والله حتى انا باغي ولاد ولكن كنقول ربي شنو مكتبلي
ندى: ويلا صدقت مكنولدش
فهد: غنقول الحمد الله على لطااي للي غتبقالي بوومبة ههه
ندى: كولشي عندك ظحك
فهد: (بجدية) دوزت ايام خايبة بزااف اندى نتي راه لقيتي مك خوتاتك عائاتك حدااك انا مكنت كلقى حتى واحد والبخبث للي فية كنعطي لواحد فظهرو وعمري حمد الله حيت كنت كنقول انا محكوور وكدا ولكن لبارح مات واحد السيد كان من اطيب خلق الله وبصدفة عرفتو كان مريض بالسرطان وليه ماات عمرو تشكى ولا تذمر كان ديما ظاحك وحامد الله وشحال عيا ينصحني وانا واالو ضارب الدنيا بركلة
نور: (جبدات باسبور ازرق وحطاتو) انا ميرا نور كونر امريكية كنت تعرضت للاعتداء وقدمت شكوى ولكن حتى واحد معربرني واش خاصني نلتااجأ لجمعيات ولا السفاارة ديالنا ولا شنو
سعيد: لا هنا حتا فخدمة الموااطن كما كانت الجنسية ديالو تفضلي معايا (شاف فلاخر) تا را وكان زدتي ضيعتي معاها شي كلمة تصبفطنا كاملين فين نتبردو راه ميريكاان هادي (زاد معاها لحتى مكتب ممدوح) ممكن تسناي دقيقة
نور: اوكي
سعيد: (دخل عند ممدوح) الشاف كاينة واحد لميريكانية برا باغا دخل ولكن راها واكلة هرمااكة شي ولد**** باغي يشريهالنا مع لميريكان وقالت عي بغات تمشي للسفارة ودير بلباالة
ممدوح: دخلها نشوف (مشا خرج دخلها مع شافها ممدوح قوس عينو ودار لاخر اشارة بيدو باش يمشي وبقا كيشوف فيها) جلسي
نور: (عاد جلسات جبدات باسبور ديالها) كنت قدمت شكاية هادي يوماين ولكن حتى واحد معيطلي باش ياخد اقوال ديالي مفهمتش واش هدا استهثاار ولا خاص نمشي نقدم الشكاية فالسفاارة ونشوف محامي
ممدوح: لا غي (ياله جا يطنز عليها وشاف فساكها للي معنقااه دماغو نيشان مشا انها تكون كتصور ولا كتسجل) سعيييييد سعيييييد (دخل عندو) جيبلي المحاضر ديال 23 من مكتب يونس (مشا يجيبلو وهو بقا كيشوف فنور للي وترها بشوفااو جابلو المحضر وخرج بقى كيشوف فيه) اممم هنا مكتوب انك مشيتي تهجمتي على موسيو عماد العمراني فخدمتو ومحكمش فأعصابو ووقع ضرب
نور: انا تهجمت ههه كفاش زعما تهجمت
ممدوح: تحرش نتي مشيتي تحرشتي برااجل للي هو مسلم كنظن واخا نتي امريكية يمكن معتانقة الاسلام
عائشة: اييه دابا انا مثلا يونس ممخلياهش يشوف غيري حيت جامعة كولشي فية مرة نكون مطييبعة حتى كيبغي يطلع فوق ظهري ونتقلب واخا ميكون داير واالو مرة نكون سكوتية مرة مجنونة مرة رومانسية مرة مرجلة المهم كل نهار ونهاارو
زهرة: هداك تاليييتو صبيطار لحمااق ولا الحبس راه مريووح وكيضرب هاانا قلتلك
سيدتي الجزء 40
محتوى القصة
التنقل بين الأجزاء