يونس: انا مكندافعش عليه انا باغي نفهم شنو كتحاولي دييري
ممدوح: مفكرتش فهادي
يونس: شنو قلتي للسكرتيرة ديالو فاش دخلتي
نور: (وجهها حمار) قلتلها بغيت نشوف موسيو عماد
يونس: يعني نتي كتعرفييه معرفة شخصية ماشي كما قلتي هنا اول مرة تشوفيه
نور: حيت قريت سميتو فاللافتة
يونس: (صغر عينيه) كتفلاي!! عاد قلتي منتابهتيش ليها
نور: احم لا قريت غير سمية والتخصص ديالو
يونس: انتابهي معايا انسة مراوغتك غتخليني نستاضفك معايا هنا وجنسبتك مكتهمنيش مداام نتي هنا فالمغرب القانون غيمشي عليك كما غيمشي على كولشي
نور: (دخلها الصهد) بغيت نمشي كنحس براسي مريضة
يونس: (سكت شحاال) مرحبا شهادة الطبية للي جبتي مزاال عندك فيها 15 اليوم (جات تهضر وقمعها) شششت موسيو عماد نتا غتبقى هنا..
عماد: (خنزر فنور) شنو غتستافدي
يونس: معندكش الحق تهضر معاها دابا.. انسة نور غدا خاصك تجيو باش نشوفو شنو غنديرو
نور: مغنتنازلش
يونس: مسولك حتى واحد على رأيك (اشارة بيديه لباب)
عماد: اجي نتي قلتي مكتعرفينيش وماشية تباتي فداري
يونس: جاوبي
نور: لا انا كارية عند واحد السيدة
عماد: متقوليش غتنكري حتى فاطمة
نور: احم شكون فاطمة
يونس: هههه سيري ابنتي شربي دوااك وتغطااي مزيان الا بقينا معااك مغتسالايش (خرجات ووقف حتى هو) انا غنمشي
عماد: واش بالصح غنبات هنا
يونس: عرفتي ازعيرة الا هبطتك لتحت عند هاادوك *** مغيلقاو ميجمعو فيه صبااح
عماد: (خنزر فيه) ياكما الاخ بانتلك ز***
يونس: هه لا ولكن غيحسابوك غير باربي بهاد لعينين الزورق وزعورية وروييحة ياكلووك بلا خبز
عماد: كتعصبني ايونس
يونس: (لبس جاكيطتو) مع 12 سير لداارك غدا 8 نلقااك هنا
عماد: تسناوني لعشا خالتي زهور موجدة لينا الزردة
يونس: ياا ربي مغنتهنااش من هاد عائلة النحس (خرج مخلي دراري مجمعين ومشا نيشان لعند اشرف للي مبغاش يطلع) افيين
اشرف: مغطلعش!!
يونس: اشرف واش مضروب بحجرة
اشرف: راه بااك هداتك ماشي كفر غلط وبزااف ولكن راه مرييض وفلسانو غير سميتك غطلع تشوفو وسير فحاالك
يونس: اش..
اشرف: راه هضرت معاك (سبقو وتبعو يونس محاملش راسو ولكن الواجب اهم طلع للدار دخل نيشان للصالة كان بااه كيذكر ويسبح مشا باسلو راسو ولكن وجهو كان باارد)
يونس: كبقيت
اب يونس: (فرحان) فرحان بشوفتك اولدي
يونس: اممم ياله بسلامة
اشرف: مطردين عليك اخااي
يونس: قلتيلي اجي شوف باك جيت اشرف قلب علية هاد الساعة
اب يونس: اشرف خليه اولدي على خااطرو المهم راه جا الله يرضي علييك للي درتو فيه هو ومراتو ماشي قليل (كمل تسببح ديالو وفرحان بشوفة يونس واخا مطولش ولكن جا هاد الشوفة كان كيقول مستحيل حتى يجي يطلل عليه.. داز عند الحاج طل على عزيزة بالخف وجاب حوايج عيشة للي وصاتو عليهم عاد مشا للدار مع الدخلة كيسمع الهضرة بزاف وغوات لبز)
يونس: اجي هنا العفرييتة (عنقها وشلقها بوسة ديال العدااو) غير ديال ربع خبز
عائشة: (كتمسح فمها) كولشي عندك فيه الهمااج
يونس: حيت كتصعري مي ابطوزة ديالي.. (عنقها بيد وداخل) كبقيتي؟؟
عائشة: الحمد الله قالتلي رقية عناد دخل الحبس
رقية: (لوات شنايفها منين لقات غير يونس) فييين زعييرة ديااالي
يونس: حتى لبلاتي ويجي خالتي بيخير
زهرة: لباس اولدي ونتا
يونس: الحمد الله ياكما قنطتي
زهرة: لا ولدي بحال راني فداري
يونس: عويشة كاس دلما الله يحفظك (ناضت كتميل ببيجامتها جديدة للي عاصرة طايتها وشعرها للي مقاداه) راه مشيت عند با راه بيخير
زهرة: الحمد الله على سلامتو اولدي (جابت عيشة صينية) بنتي حطي لراجلك كاس كروط
يونس: (دار يدو على كرشو) لا اخالتي راه عاد وااكل انا ندخل ندوش (غمز عيشة) اجي جبديلي لحواايج
رقية: ضاااع شعر للي من صباح ونتي فرحانة بييه
زهرة: ههه الله يفظحكم تلاتلي مع لبراهش...
عبد الله: (وقف الطموبيل فلخلا وكان وقت الغرووب) شنوو
فاطمة: شنو نتا؟؟ علاش وااقف فهاد لخلا
عبد الله: باش نقتلك حتى واحد ميجيباي لخبار
فاطمة: (ببرود) قتل اصلا تهني البشرية مني عاارفة كزلشي كيتسنى مووتي
عبد الله: عاارفة رااسك وليتي قبييحة مع كوولشي
فاطمة: وللي متقبلنيش معندي منديير بييه
عبد الله: كاااع حتى من خويا مبقيتيش تحتارمييه
فاطمة: هو للي قلب علية داك نهار مخلا محط فظاك الحاج وعزيزة وبنتهم وبغا ولدو يطلقها ودابا كيقولي كنتي ولخرا لكحل هو مناافق
عبد الله: ويمكن ندم ولا مكيناش هاد الاحتمالية
فاطمة: عبد الله نهار قلتولي راه عماد بغا يخطب بنتهم ويتزوجها شنو قلت
عبد الله: لا
فاطمة: اذااا حتى واااحد ميتحااسب معااياا
عبد الله: وعلاش اناا مسوقتش للرأي دياالك حيت هاديك حيااة عماد من حقو يختاار شرييكة حيااتو كما ختاريتك نتي
فاطمة: وانا موووو موو علاش حتى واحد مفهمها
عبد الله: بلاتي واش حيت نتي مو غتحكمي فيه راه حتى انا بااه
فاطمة: اممم بااه بااه للي كان كيقبل يتبع نسا ومخليني
عبد الله: عاودي شنو قلتي؟
فاطمة: كيسمعت
عبد الله: هه راه بسباابك درت هادشي كان خااص نتزوج من شحاال هادي حيت مكان عند حتى عذر باش تحرميتي من لفرااش (جات تهضر وقاطعها) المرض مرضتيه من بعد 10 سنيين واش عرفتي شحال وانا محرووم سنييين كنت بحال لمرااهق ك****
فاطمة: (قلبت وجهها) نتا مفهمتينيش كنت مريضة مكتأبة
عبد الله: كنتي تعاالجي كنت افاطمة موفرة ليك كوولشي حتى حاجة مخصصتك منها ولا عمرني نقصت منك ولكن نتي بهدلتيني وطيحتي مني
فاطمة: فاش طيحت
عبد الله: داك تخلويض للي كديري وداك تبرهييش شنو تسميييه
فاطمة: انا حرة
عبد االله: باغا تكوني حرة؟؟
فاطمة: شنو زعما غطلقني؟؟
عبد الله: الا زدتي كتر من هاكا فتصرفاتك غنطلقك ونسا كولشي دوزنااه الا ولدي غيترحم من هاد الخبث للي فييك نطلقك
فاطمة: (تبسمت) باش منى ترجع مرتك الرسمية حيت ميمكنش فقانون امريكا يكونو عندك جووج
عبد الله: ندير ربعة افاطمة ومن غداا ولكن بغيبتك نتي تفيقي برااسك قبل ميفوتك الحاال وتلا بيك فدار العجزة مرمية لا حنين لا رحييم
فاطمة: يااك
عبد الله: ونوور مغترحمكش منين مغتلقى متصور من عمااد كما قبل منين خيراتو بيني وبينها غتمشي تقلب على راسها فبلاصة اخرى
فاطمة: كفااش!!!
عبد الله: علاش هي معوداتش ليك لوقيتة للي كنتي حرماني كنت كنقلب نتزوج وشحال تبعتها حتى عرفت هي خطيبت ولدك للي طلع رااجل ومأصل ونهى الخطوبة ديالو معاها من بعد مقالتلو انا ولا بااك
فاطمة: ههه عمركم تكرهوني فييها واخا تكذبو عليها مسكينة حتى تشبعو
عبد الله: وااخا (زاد مكسيري لجهة غير معلوومة...)
نور: (غير خرجات مشات نيشان لوطيل فين حطاتلها فاطمة حوايجها باش تنجح الخطة ديالهم هزت تيليفونها تصوني عليها لقاتو طاافي) بففف علاش طافيااه تفوو تفوو تفوووووو (تجننات على موقف لي دارولها) انا يدورووني هكاك انا يردووني ظحكة علااش مقدرتش نجااوب علاش ونتا اعمااد باش توقف فصفي زدتي معاااهم وداااك شمااتة ديال يوونس الله يااخد فيه الحق شمااتة وممربيييش وماشي راااجل الله يلكييها لييه فهااد نهاار ياا ربي فرجني فييه ياا ربي يعطييه مصيييبة ياا ربي يترزاا فصحتو وفولادو كلب لحمااار (بقات تعااير وتسب ومبغاتش تبرد ليها) والله اعماااد يا بية يااا بييك اما داك لحماار للي مزوج بديك لملقطة الله سرووو الخبيثون للخبيثاات.. (بقات على ديك الحالة متهناات حتى شربت كينة ترخييها كلات شوية وجبدات عليها بنعسة تحااول تنااسا الشووهة للي وقعات ليها اليووم)
يونس: (غير مصدوم حتى زعزعو اشرف) واش مماتش ياا باا حي
اشرف: وبااك حي غير هاد لمصييبة سبقت جناازة اجي هز معاايا (شاف يونس طلع كيجري) خلي مك تمااك كولشي خلعتيه وتحلفي ليهم راه ميت طبييب ومتيقتيهش (شاف فرملية مأنتكة قاد راسو) زيين اجي هزي معايا هاد لمرا لقيتها طايحة هنا
....: (جاية كتفرنس) شكوون هاادي
اشرف: اااح هادي لمداام للي حمقااتنا هاد نهار السيد غير نسا وشرب دوا جوج مرات ورداتو ميت
....: هههه خاافت مسكيينة تسنا نعيط باش يجيو يهزوها
اشرف: (جلس حداها فاخر درجة كيشوف فيها وهضر فنفسو.. عاارف مك فاايقة مزاال الحال علييك هادي مبغاتش تفيقك انا عاارف كنديرلك باش تووبي من تسبيق الاحدااث..) (انا ظريفة مبغيتش نبكييكم اما كنت غندير اجزاء درامية دااامية ولكن مزاال الخير نيااهاهاهاا)
يونس: (دخل عند بااه لي كان كيفطر ومعاهم الحاج وعزيزة للي ماتو بلخلعة وبكااو ومنين شافوه حي عاد حيااو لثاهم كيظحكو) ديك مرت ولدك غير ديال شي صبيطاار
اب يونس: (فرح منين شاف ولدو) تخلعتي اولدي
يونس: (باسلو يديه وراسو) راك نتا هو عماارة الداار الله يطول فعمرك
الحاج: ههه عزيزة كانت غتعاود تشلااال وكان مشافتووش
عزيزة: زعما مريم ههه والمشكل مزاال كتبكي
اب يونس: الله يرضي عليها مسكيينة تخلعات علية راه انا باباها.. ولدي فين عيشة
يونس: دابا تجي قولي شنو وقعلك نتا (سمعو لغوات)
زهرة: الحاااااااج لمن خليتيييني
عزيزة: ها نواااحة جااية هههه ربي الا منعس الحاج نديروها بييها
يونس: وعلى افكار عندك اعزوز وانا نقول ديك المجنونة لمن شاابهة (زاد لغوات وصلات عندهم زهرة مخلوعة ببيجانة ومن كل جهة شاد عماد وعيشة لطييح شافت الحاج كيفطر ومتكي)
زهرة: (سكتت كظور عينيها) حييحاااه ممتييش؟؟؟!!
اشرف: (كيشوف فمريم وقلبو تهز الا بااصح اليوم كان وقع للاب ديالو سكتة قلبية وماات شنو كان غيديير!!) استغفر الله
يونس: مكنفرضش عليك المجنونة ولكن حااولي تسامحيلو حااولي وصاافي
عائشة: وااخا نحااول ولكن دابا بغيت نمشي فحالي نتا بقا معااه هو محتاجك نتا
يونس: نوصلك ونرجع ولكن فكري فكلامي (هزت راسها باه ياله جاو خارجين وهو يشوف صحاابو داخلين باللبسة ديالهم وباينة غيجيو يهزو شي واحد غير شافووه برك بيد عيشة باش توقف وهو مسا عندهم) سعيييد ياك لبااس
سعيد: هاديك لميريكانية جابت محامي ودفعو شكاية للقنصلية USA وتم قرار باش عماد يتحبس
يونس: اممم صبر انا نعيطلو بلا مدخل ونصدقو بالصح فشي جناازة ولا عرفتي سير سبق هو غيجي
سعيد: القضية كبرات الشااف عنداك ميجييش وحتى الصحاافة مبعدناهم غير بلكشيفة
يونس: اهااه الصحافة كااع
سعيد: وزيد دايرة فيها موتة حماار وسخفت وهي كتبكي ونتا عارف الا سخفت ميريكانية
يونس: صافي غير سيير ايييه نتا فيين كتشوف (داك لبوليسي حنا عينو من شوفة عيشة) بناادم غير مطرطق عيينو.. سير هانا جااي (رجع سعيد وهو دخل عيط على عماد خرج وفهمو شنو وااقع كعى بلمزيان يونس مشا لدارو يوصل عيشة للي مسكتاتش من الاسئلة وعماد مشا لدارو هز شي وحاجة ونيشان للكوميسارية..)
عزيزة: وهاادي وحدة لاش ميقولووش شنو كااين
زهرة: صلي على نبي اعزييزة لبنت راه تهليت فيها من كولشي ولبارح مشات لطبيب كان كولشي عندها مقااد زييد عليها والله يسمحلنا كانت غتكون قااسحة علييها هاد لحباالة
رقية: (شددات تاكسي نيشان للكوميسارية كانو ناس قلال ولكن مكستميين وشي صحاافة جوج او تلاتة ظادت قربات لقات نور كتهضر وتبكي كحاالت الدنيا فعينيها ياله جات ماشية تبرد فيها الحر وهي تفكر الا ضرباتها قدام كولشي غير يكريو بجوج شي زنزاانة يتبردو مع بعضياتهم ويخليو صفاء وصفوان مايوحين لا أب ولا أم تراجعاات وشافت فيها شوفة ديال نشدك فشي زنقة مكتخرجش نعوقك دخلات لتمااك نيشان لبرو ديال يونس) سلام بغيت ندخل عند يونس انا من العائلة
....: هو ممساليش اختي داابا
رقية: عفااك اخويا اما مرات عمااد للي كاين لداخل
....: عماد راه لتحت الا بغيتي شي زياارة انا ندخل نسول الشااف (حركت راسها باه وبقات واقفة على اعصابها حتى خرج عندها يونس وجرها لاخر الكولوار)
رقية: راه مغنمشيش حتى نشووفو
يونس: علاش جيتي الا كانت شي حاجة انا غنجي نجييبك اشدااك لشي كوميسارية الالة
رقية: (جاتها لبكية) وحتى هو مدار واالو
يونس: بففف رقية انا غنقول لممدوح يوصلك متجيش هنا راه كلمة صغييرة تزيد تكبت داكشي وديك لحمارة راه كتيتافز تلقاك غتقولك شي كلمة للي متصبريلهااش ونصدقو فشي حوايج اخرى انا براسي مصبر راسي بالسييف
يونس: (هز حاجبو) زيدي أ إكس شمكاار خرجو عليك الافلام (عيط على ممدوح وصلها وهو دخل كان محامي ديال عماد عاد وصل باش يبدااو المحضر بيناتهم...)
يونس: (كيسمع لمحامي نور للي كيغرق لعماد شقف حتى وصل لمحامي انها من جنسية امريكية ووممنحقوش يقيسها.. دخل بشكل لابق) واش كاين فرق انها ماشي من جتسية مغربية
محاامي نور: اه هي جاية كسائحة وللأسف دكتور عمااد خرب مفهوم السياحة
يونس: (جبد يونس باسبور عماد للي وصاه يجيبو قبل ميجي) د.عماد حتى هو مجنس
محامي نور: كفاش هو ماشي مغربي
يونس: ميريكاني قبل من مغربي ممكن تقلب فالسجل المدني ديالو راه خدمتك هادي
محامي عماد: (عجبو الحال) يعني هادي باش باركين علينا مكيناش بجوج مجنسيين
محامي: اوا والضرب حتى كانت غتمووت والتحرش
يونس: اشمن تحرش هو كان ديجا خاطبها ومبغاش يكمل معاها تزوج وهي جات هجماات عليه وكأي رااجل دمو سخوون متحملش استفزازها وضربها
محامي نور: كتشجع التعنيف ضد المرأة اسي يونس
يونس: شنو بااغي دور عندي انا
محامي عماد: احم خليونا فالمعنيين
محامي نور: ولكن مخاصش يكون تحيز للمجرم (يونس كيغزز فشنايفو ويبرد على راسو) اليوم الجمعة والمحكمة عندهم نهار الاثنين
محامي عماد: (هز المحضر ديالو وديالها) هادشي ممنطابقش زييد كولشي وقع فالعيادة أي غيكونو شهود وكمرات المراقبة
محامي: نور وي وكاينة حتى شهادة موكلتي للي تعرضات فعنكم لعنف لفظي
محامي نور: كمية العنف لليكح كاينة هنا خطيرة (دخل ممدوح على هاد الجملة)
يونس: هبط هدا لتحت
ممموح: (شدو من ذرااعو) من صبااح مباغبش تهبط كواريك اصااحبي
محامي نور: ممنحقكش نتا منحااز لولد عمك
يونس: ديه علية (شاف فمحامي عماد) نتا شااهد
محامي عماد: سي ممنحقكش تهضر مع ظابط بحال هااكا ولكن لسي يونس معليش تسامح باش ميبقاش مصدعنا
محامي نور: حتى نتا متقااري معاهم
محامي عماد: لا صافي غير هبطو (كتب بيه محضر ديال اهانة موظف وخلاه ساعة كيغوت تماك عاد خرجووه دخلوه عند يونس سنا انه خرج)
يونس: شوية داابا!!
محامي نور: (مغوبش مباغيش يهضر)
يونس: بوون المحكمة غتأجل حتى نسمعو اقوال شهود وغدا جيب لميريكانية واجي وياا وييلك تعاود تهز علية مرة اخرى...
عبد الله: (وصل للكوميسارية ولكن معطل كانت مشات هي والمحامي ديالها دخل نيشان لداخل على متعطالو الاذن عاد دخل عند يونس) ولدي فين عماد
يونس: انا صيفطت دري يجييبو فين مرت عمي تجي تشهد
عبد الله: كفاش تشهد واش هادشي خطيير لهاد الدرجة
يونس: منكدبش عليك اعمي احتمالية يدخل الحبس كبيييرة غير شحال منعرف
عبد الله: الحبس!!! لا لا ولدي غرجعو معايا
يونس: واش اعمي هو حلوة تدخلو تخرجو كبغييت هو ضرب وحدة ومبغاتش تنازلو وممعتارفااش حتى انها كتعرفو
عبد الله: وفاطمة لاش بغيتوها
يونس: باش تشهد على المأمرة للي دارولو باش يطيحووه هي راه قالت مكتعرفو لا هو لا فاطمة ودايرة فيها ميريكانية مكتعرفش حتى تهضر كلمة بالعربية يعني رافعة دعوة ديال الضرب والتحرش وحتى من جهة السيااحة الدولية
يونس: قولعا اعمي راه كنتي خاط لعين على ديك خيتنا وهي غتنفرها
عبد الله: وعلاش هي تااقت!! بحاال لاحسة ليها لعقل
يونس: مهم عماد هاد اليوماين غيبات هنا حيت الصخاافة رادة لبال معانا والا خرج هو يدخل لحبس وانا نحط لكراد
عبد الله: متغامرووش اولدي طبق خدمتك انا غنديرلو محامي
يونس: كاين المحامي وصاحبنا وكاينة حااجة للي تخفف على عماد هي جنسيتو للي بحالها ولكن خااصها تنازل باش ميدخلش الحبس.. قلت فالليل منين يخوا السيكتور نمشيو عندها انا ويااك ونهضرو معاها
عبد الله: واخا اولدي.. دابا واش غيبقا لتحت؟؟
يونس: هههه حتى يكون مرجل ويقدر يبقى تمااك شوية تلقااه طاالع
عبد الله: ههه ابعد على ولد عمك ولدي رااجل ويقد على مياات حبس
يونس: ههه هاحنا غنشووفو.. لواليد راه عيان شوية راه مشا للدار
عبد الله: كنت ناوي نهضر معاك فهادشي اولدي بااك راه ندم على شن..
يونس: (قاطعو) عمي با راه غلط وماشي دري صغيير للي معاارفش وبسبابو لبنت كانت غتموتلي بين يدي بلا منهضرو على لولد للي مات هداك قدر الله وقضااءه ولكن حرقتو انه هو سبااب مكتنساليش وانا مغنبزز على بنت النااس واالو.. يكفي منين سمعاتو مريض وكيمووت مشات كتجري لعندو تشوفو اما باش نقولها سمحيلو لا داكشي ديالها هي
عبد الله: الله يرضي عليها مسكيينة مقالت للحاج والو
يونس: لا
عبد الله: ونعمة الزوجة
يونس: ومغنحبسهاش الا بغات تقولو حيت با ومرتك تعداو حدودهم داك نخار قالو شي كلام وكان مكانوش كيجيوني ن... معرفت
عبد الله: قولي حتى فاطمة مشاركة
يونس: الله يهديها وصاافي
عبد الله: انا نمشي عند باك منين تبغي تمشي عند ديك لمسخوطة عيطلي... (ناض مشا خرج ومكملاش ربع ساعة دخل عماد وجلس شافو يونس وبقا كيظحك) صاافي فين الجعرة ديال قبيلة وهبطوني وطيروني وزمرووني وداير فيها خضييرة
عماد: كيعصبووني
يونس: (وقف) هانتا هنا غيجي فهد بربي اعماد وتعتب لباب وتخرج حتى نخرج على ***
عماد: وسيير **** كااع
يونس: وهانا هضرت..
عماد: وحتى فالليل!!
يونس: (شاف فيه شوفة ديال لا حولة وخرج وصى عليه باش ميخرجش ومشا نيشان لداارو....)
زينب: (خارجين من لمطاار وغوات ديال بزهم) واييت نحشم نجي من هاد لمطاار مكنخرجو منو حتى كيندمو على نهار لي دخلو فيه لهاد الخدمة
ندى: (جالسة فبيتها مكنوكطية حتى كيجيها ميسااج فلواتس طلعلها تصويرة من رقم ممسجلاهش لقاات تصويرة ديال فهد مع وحدة باينة فشي كباري فوضع خاايب خنزرت وصغرت عينيها كتزوومي فييه حتى لبنت مبيناش كانت مشغوولة فكوجااك بقات كتقاارن تمااك كان ملط مفيه حتى زغبة فوجهو عكس دابا للي دار لموسطاج ولكن واخا هكااك شعلات لعافية فيها فلبلاصة صونات على نمرة لقاتها طاافية معرفت مديير رجعات صونات والو لقاتها طاافية ورجع جاها ميساج عرفاتها نمرة غير ديال لوااتس)
....: كجااك حبيب لقلب وهو كيخوون
ندى: (كتميق) جاني ح*** نتي للي كجااك واش وصلك ولا وصل لاش بفا ولاحك بحال شي جفاف
....: ههه لاا حبيبة وصلت ما مرة ما جوووج شوفي نتي واش كيشيطلك معاه شي حااجة
ندى: (زادت صعراات مجوبااتش رجعات للتصويرة كتزومي فيها واش هي نفسها ليلى سااعة ليلى شعرها كحل وقصير وهادي شعرها طوييل وباينة دايرة لميش)
....: وعلاش نبكي عليه وهو معايا (لاحت تصويرة ديال فهد مقربة شوية وكان لابس نيت باش خرج)
ندى: مصورااه من لبعد امسكيينة كااع هادشي كبت فييك
....: هههه الصدمة كتكوون قوية مرة مرة خلي نتعرااو وندير ابيل فيديو
ندى: (خرجت عينها وتفكرت هو مشا للخدمة قبل ب 3 سواايع على وقتو الاسااسي هزت تيليفونها صونات علييه ولكن مهضراتش حتى تجس نبض فين هو سمعات هضرة عمااد) فيينك
يونس: زصاافي اعويشة متبقايش بووحدك وكولشي مجموع تمااك انا غنهضر معااه غير ياله نوصلك
عائشة: وااخ... (داها لدارهم للي كان كولشي مجموع تمااك مخلاتوش يهضر مع بااه بحكم حشوومة وهي للي متقربش حدااه باش ميتهاضرووش مشا هو وعمو مرتاح شوية من جيهتها عارف قلبها بيض وكبيير وغتساامح ولكن مستحييل هو يرغبها ولا يبزز عليها شي حاجة من فوق طااقتها بقاو واقفي فباب لوطيل فين جالسة نور)
عبد الله: شهادة ديال مو مغتنفعوش؟
يونس: لا حيت دابا هي جالسة فديك المصحة ممقبولاش شهادتها
عبد الله: مكاانش خاصني نديها فداك لوقت
يونس: حسن ديتيها حيت كامت غتزيد تغبرلو شقف راه هضر قبل معاها عماد قالتلو غنشهد معااها راه مطيبينها بجووج
عبد الله: هادشي كاامل طلع منها
يونس: اودييييي....
عبد الله: تعطيني انا نهضر معاها تهبط؟؟؟
يونس: لا حيت ممكن متبغيش تنزل ولكن الا قلتلها جااي على قضيتك بصفتي بوليسي ماشي ولد عمو غتهبط سييف علييها عندي الصلاحياات نهضر معااها
عبد الله: (بتنهييدة) وااخا اولدي.. (دخلو لريسطو هضر معاها واخا محملاش تنزل عندو طلبو قهوة وشوية وهي دااخلة كحلت بلعمى من شوفتهم بجووج مشات عندهم وجلسات لا سلام لا كلام)
يونس: (بطنز) الاخت راه كااورية اعمي هضر معاها غير بلونكلي
عبد الله: لا حولة.. عااجبك لحاال لهادشي فين وصلتي ولدي
يونس: (كيشوف فسرااجم كيلهي رااسو ميتعصبش ولكن استفزاازها فووق طااقتو زييد كيكرها وزادت كملااات كلامها مع عمو زااد فوتييرة خاايبة للي ينوض يسخسخ مها دار عندها) هضري ابناادم شنو خااصك باش تنازلي
نور: (هزت حاجبها) الا متنازلتش صمعتو فالخدمة باااح زييد الحبس وعلى نقاالي المحامي ديال راه من عام ل5 سنين ولجنة ديال الاطباء غيحيدولو شرف الكفااءة
يونس: شنو باغا
نور: (وقفت) لحل عندو بغاني نتناازل غنتزوجو بجوج مبغااش معندي منقوولكم حتى للمحكمة ونشوفكم.. (مشات من حدااهم وخلاتهم كيتشااوفو متسنااوش منها هاد الطلب كانو متوقعيين منها فلووس او عقاار ولكن يتزوجها مجااتش على لباال...)
يونس: سمعتي هاد ****
عبد الله: (شاف فيونس للي مموالفش يسمع منو تخصار الهضرة ولكن مستقبل ولدو وااكلو) ياك هي هادشي للي كانت باغا نهار اللول
يونس: ايييه ولكن هادشي كامل ومزال باغا تزوجو واش كيحسابلها صافي الا تزوجاتو راه غتوصلو وغيعييشو الحيااة بففف عقل عندها مخمج
يونس: (مكره) مغنقوولكش لا كولشي بسباابها وعمااد غيخسر كوولشي بسباابها (وقف جبد كن بزطامو فلوس خلاهم تماك وخرجو وهو وعمو مشاو للكوميساريا وصل للمكتب ديالو) فهد فين عماد
فهد: هبط لتحت الصحاافة والمحاميين وشي مندوبين صبفطوهم من القنصلية باش يعرفو شنو الاوضااع وخداو حتى اقوال عماد مهم رويينة كاانت
يونس: (شاف فعمو) منكدبش عليك اعمي كولشي هرب من يدي
عبد الله: (تزير) لا حولة ولا قوة الا بالله العظييم
فهد: كنتي معاها
يونس: اممم
عبد الله: ولدي وكان بعدا غير سجلناها باش يعرفو راه هي للي كتستافزو يتزوجها
فهد: لااا
يونس: لا مصااحلش اعمي انا راه بوليسي ماشي خدمتي نتجسس ونسجلها بلا متعرف راه جريمة خرا وهي خااص غير منين تشد الوااحد وزيد مشينا نترونجااو نكوون انحياازي لواحد الطرف للي هو المجرم فعينيهم
فهد: وغيبدا فسين وجييم واستغلال المنصب و...
يونس: هنيينا افهد عمي حسن اجي معايا لتحت بلا منطلعوه فهاد الوقت للي الزيارة كتكون ممنوع فيها (هبطو لتحت كان فأول زنزاانة للي ضارب فيها شوية الضو كان جاالس مفرق رجليه وشابك صباعو وحاني راسو قاس بسوارتو قضبان لحديد) عمااد!!
عائشة: يونس جيتي (دخلات جلساات حدا ختها مبعدة من اب يونس للي جالس حداه يونس) ماالكي؟
رقية: عماد صافي غيدخل الحبس
يونس: كاين حل باش ميتحبسش وهدا فيدكم بجووج
رقية: شنوو
يونس: هي شرطات باش تنازل يتزوجو
رقية: (طرطقت عينيها) كفاااش
عائشة: بالرب الا كنت عاارفاها
يونس: (خنزر فعيشة على ديك كلمة الرب للي بحال شماكري ورجع شاف فرقية) انا نسهلها عليك هو الا داز فالمحكمة كاين شهود ضدو للي قالو شنو سمعو غواتها زييد لكميرا لي عندو فالمكتب ديالو ومن سوء حظو كانت كاميرا باا صووت حيت خدمتو كتخليه يديرها بلا صوت على حساب مصداقية خدمتو يعني كيبان انه تعصب وكيطردها ولكن فعل الضرب كاابن وهدا تاني دليل ضدو زيد السكرتيرة ديالو واخا شهدات معااه الا فاش سولوها على الضرب معرفات كدير هوما للي كيهمهم مواطنة امريكية جات سيااحة وتضرباات من واحد خدام مع الدولة عندو شي امتيازات ولكن قلييلة قداام ادلة ديالها زيد هي كبراات الموضووع ومشات للقنصلية مخلتهاش غير فيدنا حنا الا دارو معااه مزيااان عندو 5 سنيين (كولشي شهق) خدمتو غير يسلم علييها حيت الا فات 3 شهوور لجنة الاطباء غتحايدلو الكفاءة ديالو للي 10 سنين وهو كيخدم باش دار بلاصتو فيها زيد العيادة ديالو غتسد مستحيل شي صبيطار يخدمو حيت السجل ديالو ماشي نظييف الدومين كاامل غيتشمع بالنسبة ليه
عبد الله: اذا بقالو غير زوااج
الحاج: هكا كظغطو على بنتي بزااف انها تقبل مرا خرا دخل على داارها وتحطم داكشي للي بناتو هادي 5 سنين...
يونس: مكنظغطوش عليها الحااج انا حطيتها امام امر الواقع
الحاج: الوااقع هو يتفرض عليها تكون عليها ضرة؟؟!!
رقية: لا انا مقبلااش الا هو غيخرج من لحبس باش يتزوجها ويتهنى انا غندخل ليه وغنتسطى
الحاج: (شاف فيونس للي غوت على بنتو وشاف انه عندو الصح) بنتي حنا مكنتمازحووش داابا
اب يونس: بشوية عليبها ونتوما خرجتو عيينكم فييها
عائشة: (مدتهاش فيه وسكتات كتشوف فختها)
رقية: يوونس نتا تقدر دير بعيشة هااكا
عائشة: مستحييل نقبل
يونس: نوضي اعيشة شوفي ولاادك (شافت فباها حتى هو خنزر فيها ناضت خرجات كتأفأف..) رقية هو براسو مباغيش
رقية: اه انا عارفااه مغيقبلش يحني رااسو ليها
يونس: وحتى واحد فينا مبااغي نتي راه ختي ونتي عاارفة مكاانتك عندي ولكن..
الحاج: عماد حتى هو بحال ولدي وعا..
رقية: كااينة لفييرمة صافي يخدم غير فلفيرمة وزايدون انا خداامة براكة هو يحضي لولاد وانا نخدم انا ويااه وااحد
الحاج: وغتبقااي تخدمي عليه حيااتك كااملة انا قرييتك ماشي باش تخدمي على وااحد قرييتك باش توصلي للمكانة للي كتستحقييها
يونس: الحاج عمااد.رااجل وغيقوم بيها وبولادو ولكن المستوى المعيشي غينزل ولفيرمة اختي راه مزاال مكربحو منها والو كولشي كيمشي للخداامة وشرا مزال فيها حتى هي شي مشاكل
رقية: (كتحااول ما أمكن تلقى شي حل) يمشي يهرب لامريكا ونتبعو انا وولادي
يونس: وعلاش تماك مغيتشدش
رقية: يهرب للفيرمة ويتخبا
يونس: (بقا كيشوف فيها شحال بقات فيه) لهرووب ماشي حل اختي راه ماشي انا للي غنقلب عليه راه ناس اخرين
رقية: اووف لا مبمكنش يتزوجها غنمووت الا تزوجها
الحاج: (معجبوش الحال) نعلي الشيطان ابنتي حنا هنا كنقلبو على حل
رقية: شنو الحل كولشي كيقولو فيه ميمكنش مبغيتوش يتحبس راه 5 سنيين الا غبر هاد المدة منين يخرج صفاء مغتعقلش حتى عليه وغيخرج لا خدمة لا مستقبل انا قاابلة علييه واها ميكون فراس مالو حتى رياال ولكن هو نفسيتو كغتكوون والا تزوج نفسيتي انا غطييح وبحال والو انا للي ندخل الحبس ب شي 30 عام منين نقتلهم بجووج
الحاج: اش هاد الافكاار
يونس: هادو افكار تويماات متستغربش.. رقية راه حتى الا تزوجها مغيقربلهااش مغتكمل حتى سيمانة ويطلقها
رقية: هو مغيبغييش
يونس: نقنعووه
رقية: باش نقتلو
الحاج: (بتنهيدة) لا حولة ولا قوة الا بالله العلي العظييم
عبد الله: كولشي منخا الله ياخد فيها الحق
رقية: اه الله ياخد فيها الحق غير هي حياتها ضيعاتها بيدها انا بغاات ضيعني عمرني نسمحلها
الحاج: رقية
رقية: شنوو رقية عييت سااكتة لييها
الحاج: الخطأ اسي عبد الله من عمااد هو مدارش حدوود من اللول هاديك مو وهادي مرتو ونتا حضرتي على بزااف دلحوايج للي وكان عرفت اصغرها مكنتش نخلي بنتي معااكم حكراتها وراجلها معاها وصبراات حيت مربية وعمرها عاودات اسرار دارها ضرباتها وبقات صاابرة وعماد فيينو علاش موقفشهادشي علاش سكنتو كاملين معاها للعلم نهار اللول قلتو هوما غيستاقلو بوحدهم وانا شفت العكس!!
عبد الله: (تحرج)
يونس: اه رقية كانت صباارة وبعقلها ومرت عمي غاالطة وبزاف وعماد تحط بين نارين لدرجة كانت محمقاه بين السخط ورضى
عائشة: (طرطقت عينها فييه) يخخ (زطمت معوداتش دارت من موراها وشافت للي غياكلها بعينييه كولشي كيصبرلو الا هي.. دخل جلس مع رجاال ونفس الموضوع على عماد غير وجد لعشا كلا معاهم وناض خدا ليه حقو..)
~~~~~~~~~~~~~~~~
نور: (جالسة كتفكر فين غطساات فاطمة وعلاش مكاينش حس ليها واش مخلوهااش تلاقااعا كانت كتعطييها الطااقة وتحميها كتر وداابا للي محتاجاها كتر صونات على المحاامي ديالو تعرف شنو اخر الاخباار واش عمااد خرج)
يونس: (حط لعشا وبقاو كياكلو دراري فصمت وعماد غير كينقب.. شافو هكااك معجبووش الحال من شحال وهو كيحس برااسو مسؤوول علييه من نهار عيطلو عمو)
#فلاش_بااك
عبد الله: يونس ولد عمك كيضييع هنا
يونس: (كان كيكمي جوان مضخم) ماالو اعمي عاد لبارح هضرت معاه كان مزياان
عبد الله: ممزيان واالو انا مكيهضرش معايا وحتى مو مكيجاوبهاش فالتيليفون خااوي الداار ديما فلبيران اخر مرة كان جاالس مع شي جمااعة ديال عبدة الشيطاان ولا معرفت
يونس: عمااد اعمي راه عاارف شنو كيدير الا جلس معااهم غير كيبغي يعرف وصاافي
عبد الله: يونس ولدي عماد هنا راه كيضييع وانا كنتيق فييك نتا للي غتعاونو وتنقدو من هادشي للي كيغرق رااسو فييه
يونس: (كيتبوق) انا نعاونو؟؟
عبد الله: اه نتا غتعاونو هو راه خووك وهنا غيمشي مني اللهم يرجع للمغرب يكون حدااكم وراني شفتلو واحد العياادة غيفتحها ولكن راني درت كونفوسيو (ارتباط) مع صحاب الصمطة باش يتزير
يونس: (دوز لكارو لناريمان باش تطفيه ووقف خاارج يضربو لبرد يصحصح) مفهمتش واش هو غيجي هنا
عبد الله: اه غيجي تماك ونتا للي غتكلف بييه عاارف اخلاقك بغيبتو يكون بحاالك ويجمع راسو وعلاش لا يتزوج تمااك ويدير وليداتو هنا معندو مستقبل
يونس: هو باغي يكون طبيب تماك اعمي
عبد الله: لا الا بقا هنا معرفتش كغيرجع انا هضرت مع خويا هو غيقنعو يمشي لتمااك ونتا اولدي غتحضييه وترد ليه لبال انا تاايق فيك اولدي وعندي امل فيك باش متخليش عماد يضيييع
يونس: (حس بمسؤولية كبييرة وهو كيتسنى عماد يجي دازت شهرين وعماد جااي ومحااملش رااسو اول حااجة دارها يونس حيد جوانات وسهيير لكتيير ولبنات بقا شااد مع ناريماان ووفر جو زوين لعماد ظحك نشااط ولكن ماشي اووفر وقف معاه حتى ولف خدمتو جديدة كانو بحال توام ولكن مقدرش يحايدلو شرااب حتى لنهار حيدو باقتنااع وهو مع رقية.. ومينكرش ان بسبابو حس بمسؤوولية باش يرد لبال لعماد وحيد شحال من حاجة خاايبة كانت فييه باش عماد ميلقاش كفس من المحيط للي كان فييه وهادشي ربا فييه يكون نسؤول على اي واحد كيعرفو..
#بااك
بقا كيشوف ولد عمو وهو مأزم بقا فييه شاف فممدوح للي كياكل بحال شي واحد عمرو كلا غمزو يخرج دار راسو مكيشوفووش)
يونس: شكون اصلا قالك اتوصل لاش بغاات انا هاد الليلة غنهليك تفكر حيت غدا خااصك تخرج منهنا قبل متوصل للمحكمة للي الحكم بااين
عماد: لا (هز كتفو غير مبالي) للي بغا يوقع يوقع.. شفتي رقية؟؟
يونس: اه
عماد: نتا عاارف من حقها طلق الا كملت عاام فلحبس هي غير طلبها من لمحكمة وغطلقها اوطوماتيك
يونس: شنو باغي تقول
عماد: منكدبش علييك انا صاافي ضعت يمكن هدا شي ذنب قدييم ولا ذنب رقية نييت على شنو كنت دوزت علييها كنتحااسب علييها
يونس: ريحني وقولي حتى عوييشة غتحااسب
عماد: اش بغييتي فلبنت
يونس: محمقااني اخوويا ديك لبنت ولكن للي دوزاات علية عمرني قلت نفرط فيها ولا نسمح فية واخا هي تبغي وتمل انا غنشدها سييف عليها ومنسمحش فيها
عماد: (صغر عينيه فيه) شنو نشدها بالسيف علييها رااها مزاالة صغيرة ودخلتها لسوق الهم وزيد غنخرج لا خدمة لا واالو واش سااهلة علية كنت طبييب بقيمتي ونبقى شموور مجرم خرييج حبوساات
يونس: الحال فيديك أجمي تزوجها زوااج مزور ولكن ورييها خييزو ومحلااه...
من بعد ليلة دازت خاايبة على كولشي بسباب عماد للي مستقبلو ضااع يونس بقا خدام الليل مجمع مع عماد ومبغاش يخليه بوحدو عيشة ورقية باتو فدار مع مهم كيواسيوها ويفكرو معاها فالحل.. اما عبد الله شد طريق لكازا ومكره من مرتو للي رجع كيكرها بتصرفااتها مع وصل لتمااك علمووه..
طبيب: سي عبد الله تبعني لبيرو نخبرك بشي حاجة على مداام فاطمة..
عبد الله: انا غير جيت نعلم مبقيتش نجي نطل عليها ولكن مصاريف العلاج غيتخلصو وانا للي مكلف بييهم
طبيب: اممم السيدة عندها ورم خبييث فالرااس فالمرحلة التانية
عبد الله: (بقا واقف مشوكي)
طبيب: غنخضعوعا للعلاج للكميائي فأقرب وقت ومن بعد غنشوفو واش نديرو العملية ولا وضعها غيكون حسااس للي متستحملش العملية
عبد الله: واش هي غتمووت؟؟
طبيب: الاعمار بيد الله
عبد الله: (فلبلاصة جاو غير الذكريات زوينين معااها اه جا باش يعلمهم غيسمح فيها وميبقاش يشووفها ولكن هاد الخبر حيد داك الكره دخل لشومبر ديالها شافها نااعسة تبعو طبيب) علاش ناعسة
طبيب: (استغرب من سؤالو) حيت راها 4 صبااح طبيعي تكون ناعسة
عبد الله: (خرج) وقعو بزاف دلحوايج خايبين بسبابها معرفت هادشي واش غندو علاقة ولكن راه خلات مستقبل ولدها مدمر
طبيب: (ملقى ميقول حيت لا علاقة للمرض بالخبث شاف عبد الله جلس ولاينة فيه مدمر خلاه فراحتو ومشا فحاالو...)
~~~~~~~~~~~~~~~
اصبحنا واصبح الملك لله
رقية: (مكانتش نااعسة وغير مغوبشة بحال كتفكر فشي حاجة مهيااش غير سمعت حس باها خرج للفجر ناضت للكوزينة كتعجن وتبرد غدايدها وجدات لفطور ولغدا حتى فاق ادم وصفوان باش واحد غيمشي لمدرسة واحد للروض عزيزة ملقات متقول لبنتها غير وصلات 9) ماما انا غلبس باش نمشي نشوف عمااد
عزيزة: صبري يجي باباك
رقية: تعطل بززاااف اماما نسبقو على ميجي
عزيزة: سيري لبسي نتي وانا نصوني عليه ابنتي راه غيكون غير لتحت (مشات لبسات حوايجها جمعات شعرها وخرجات لحدا لباب لقات باها كاين.. طلات عليها من لبالكو) طلعو غير تفطرو بعدا
رقية: لا تعطلنا
الحاج: (شاف فعزيزة باش تدخل درع بنتو بيد ومشاو ركبو فطموبيلتو وزاادو للكوميساريا ) بنتي بقاي نتي هنا انا ندخل نشوف شنو كااين ونقوولك
رقية: ولكن بغيت نشوفو ابابا
الحاج: بنتي سمعي كلامي انا غندخل نشوف شنو كاين ونقولك واخا (دخل لتمااك كانو شي نااس وباين من وجههم انهم كور بقا تمااك حتى يبانلو شي واحد باش يسول حتى شافو عماد مطلعينو وكتافو طايحين ووقف وتبسم معاه)
عماد: (غير كيشوفو كيرتاح) الحااج كرفسااك معانا
الحاج: الله يفك صرااحك اولدي
عماد: (بتنهيدة) اميين رقية لباس عليها
الحاج: راها براا كتس..
عماد: عفااك الحااج متخليهاش دخل لهنا منبغيش نشوفها فهاد لبلاصة
الحاج: وااخا ولدي واش نتا بيخيير
عماد: (حرك راسو بحال وها هو بيخير باش فيدااه) بيخيير
الحاج: متقنطش اولدي من رحمة الله
عماد: مقانطش الحاج من رحمتو قد مقنطت من رحمة للي كانت كانت خاصها تكوون معايا وفجنبي
الحاج: لا حولة ولا قوة الا بالله العلي العظيبم.. (دخل المكتب وبقا هو برا كيتحسر على حاالة رااجل بنتو للي ديما كيشوف منو غير الخير والاحتراام...)
رقية: (جالسة فالطموبيل على اعصابها حتى كتقشع نور كتسطاسيوني الطموبيل خرجت بالزربة سدات لباب ومشات ركبات فطموبيلتها قبل لوخرا متهبط)
رقية: (مكرهاتش تقتلها ولكن مخااصش تخدم طيشها داابا) شنوو بااغا من عمااد
نور: نزلي فحااالك
رقية: لا مغنزلش وغتقوليلي شنو بااغا منو
نور: (كتسكانيها واش كتسجبها ولا شنو فهماتها رقية بقات كتحايد فوقاني ديال لكيطمة وكتوريها جيااب وحتى من تيليفونها شعلاتو كتوريها انه مكاينس تسجييل) وااخ انا غنتيق فييك وحتى وكان تسجلييني غنرف دعوة علييك
رقية: (طلعاتها وهبطاتها بحقد عندها بزااف متقول ولكن خاافت على عمااد خرجت من تمااك كتاكل فرااسها ومشات لطموبيلة ديال باها بغاات تبكي) الله ينعل هاد لقلب للي دايرلي هاد الحاالة تفووووو (شافتها داخلة وابتسامة ديال الانتصاار فوجهها شعلات فيها العاافية) والله متبقى فييييك...
عماد: (جالس كيسمع للشهود والمحامي ديالو وديالها كيكتبو وهو فير سااهي فهاد 5 سنين دلحبس كغدووز وهمو الوحيد نهار يخرج شنو غيديير حتى دخلات هي مشافش جيهتها حتى كملو المحضر خرج المحامي ديالو وديالها وشهود بقا غير عماد وهي ويونس والشاف ديال يونس وممدوح)
نور: (كتشوف فعماد وباينة فيه ماشي على برجو وحتى من وجهو صفر) احم انا غنتناازل
يونس: ((شاف فعماد) عمااد شنو قررتي
نور: قبل متهضر رقية هضرت معايا وكانت مواافقة
الشاف ديونس: واش غيترونجااو
يونس: (باستهزاء) كانت كدير هاكا غير باش يشووف من حالها ويتزوجها راك عارف لكور كيحمااقو على ** العربي
نور: (تحرجات ومعرفت فين تغرق ولكن كما العادة دايرة راسها مكتفهم والو)
الشاف ديونس: ولاش مضيعة لينا وقتنا تفو على بشاار خااي عمااد صبر ودوز على مها الدكااكة (خرج معصب وتبعو ممدوح)
ريتاج: عاادي غير مع الوقت غيرجع ككان (سمعو صوت الحااج غير شافت رقية خرجت من الصاالون وعنقااتها وتبعوها لبنات كيعنقو فييها وكيواسيوها دخلو للصالون وداروها فلوسط)
عائشة: رقية شنو داارو واش عماد غدا عندو المحكمة
رقية: ((بجموود) لا غيخرج
زينب: وعلاش مفرحاناش
ريتاج: شنوو وااقع ماالكي
عائشة: متقوليش غيتزوجها
رقية: (حركت راسها باه وشافت فيهم ودمووع محجرين فعينيها) ملقينااش شي حل اخر (طرطقت كتبكي وبكاات كولشي معاها حتى لحقت بيها عزيزة ووقفاتها عنقااتها كتواسيها وتفهمها هاد زواج غيكوون غير على ورق)
يونس: (تمشا عندها بشوية قرد شااف فيها وجمع مهاها بتصرفيقة للي خلات حنكها يتجرح بيدو جرها من فكها مقاربة ليه) عرفتي علاش جبتك هنا باش تبقاي تحت عييني باش منقتلكش ونخرج على رااسي بسبااب كلبة
رقية: معرفتش مهم مكنتش غنحس هااكا واكييد حتى وحدة مغتفهمني حيت متحطيتووش فهاد الموقف رااه رااجلي اليوم غيتزوج بالسبف او بالخااطر نفس الفعلة (قطعاتها) غ..ي..ت..ز..و..ج
زينب: (جلسات فوق كرسي) انا وكان كنت بلاصتك كنت غنقربل الدنيا ولكن علييها
عائشة: حتى انا مكنتش غنصبر ولكن نفكر فمستقبلنا كتر راك شفتي نهار خطب ناريمان بالسييف علييه
رقية: اه عااقلة وعاقلة مزياان كدخلتي فيه بطموبيلتك
عائشة: وشكوون منعك نتي فرصة وجاات لبين يدييك عندك شي حسااب قديم معااه نتااقمي
رقية: اه مبغيتوش يدخل الحبس وانا برجلي مشيت عندو قلتلو قبل تزوجها ولكن منين قال اه محملتووش
عزيزة: (سكتات شحاال) اوا الا بقيتي هاكا مكتحملييهش هي غتوصل لاش بغااات
رقية: توصل اصلا مو بغااتها هي الا بغا يمشي عندها مغنشدووش
عزيزة: واش داارلك شي حااجة غير قوليلي ابنتي
رقية: مداارش ولكن حسيت برااسي برردت من جيهتو
عزيزة: اوا وكان خليتيه يتحبس حسن
رقية: وولادي يبقااو بلا أب انا هااكا فكرت اماما
عزيزة: زعما نتي كنتي تصبري بلا بيه 5 سنين ابنتي
رقية: انا حسييت بالشمتة اماما
عزيزة: واش غنقوولك ابنتي مقلتي حتى حااجة عييب هادشي من حقك
رقية: ياااك!!
عزيزة: ااه ابنتي راه صعييبة ولكن انا للي بغيت نفكرك هو راه مغيتزوجهاش بالصح هو بغا غير باش ميدخلش الحبس وكولنا وقفنا معاه فهاد الخطوة
رقية: ومااما راه انا للي زدت قنعتو مقلتش بغيتو يدخل الحبس انا غير كنحس بالشمتة منو ومن مو ومن ديك **** من الدنيا كااملة كوولشي كحاال فعييني هاد السااعة
عزيزة: لا بنتي خلي ايمانك قوي هدا امتحاان من عند الله
رقية: (بتنهييدة) ونعم بالله ولكن حتى حااجة مبغاات تبردلي هاد الناار للي شااعلة فية
عزيزة: (بقات فيها بنتها مكان عمدها حتى كلمة تقولهاالها من غير امشي تحضنها وطبطب على ظهرها وتلمس فشعرها) نوضي تغدااي
رقية: مفيااش
عزيزة: حشوومة صحابااتك كيتسنااوك على الاقل بدلي الجو معااهم
رقية: بفففف ماشي وقت كااع باش يجيبو
عزيزة: حشوومة ابنتي
رقية: انا نغسل وجهي ونخرج عندهم...
عبد الله: هادشي للي كااين
اب يونس: (معرف ميقوول كما كان الحاال راه دوز عشرة طوييلة مع مرت خووه وبقاات فيه) الله يجييب الشفااء من عندو
يونس: باقي 5 دقايق خرجي تسنااي برا (حنات راسها وخرجاات هز تيليفونو صونا على المحامي ديالها وديال عماد والشااف لكبير ديالو.. ربع سااعة كولشي جا دخلو المكتب كيهضر معاهم ممدوح على التناازل وخرج يونس عندها) غتنازلي عاد غنمشيو تكاتبو
نور: هاا لا انا قلت مكنتييقش فييك نتزوجو عاد نتناازل
يونس: (حمر عينو فييها) الالة مكلعبووش هنا راه كولشي كيتسنى لدااخل كلمة قلناها غتنازلي عاد غتمشي تكااتبي ولا نهنييو هاد لخرا وخليه يدخل الحبس ونتي **** فحااالك
نور: عفااك بدل اسلووبك معااياا فالهضرة
يونس: عييشة نتي باش نبدلها رااه مزاال مخرجت فييك ولكن عندك زهر مطحتييش فيدي.. دخلي تناازلي
نور: راه غنتنازل ولكن الا ساعة متزو..
يونس: تفووو الدل وكان كان بناادم هو نتي (دخل وخلاها من 7مورااه دخلات حانية رااسها)
محامي نور: معرفت هي غير صباح كانت بكلام ودابا تراجعاات
محامي عماد: (شاف فيونس) ممكن ترفع علييه قضية اهاانة موظف
الشاف: هنييونا وخلينا نكملو هادشي.. نور ميرا كوونر واش غتناازل على قضيتك للي رافعها على د. عماد الادريسي بتهمة الضرب
نور: (شافت فيونس وشافت فالمحامي) اه
الشاف: (مدلها ورقة للي ديجا موجدينها) وقعي هنا (سنات وكولشي وقف بقات هي تمااك خرج كولشي واولهم المحامي ديالها للي خااف على رااسو)
نور: انا درت بكلمتي
يونس: جبتي داك خينا معااك
نور: اه هو برا كما قلت مزال عندي الحق نرجع نرفع الدعوة سولت على رااسي مزياان (خرج وخلاها تبعاه مشاو لبرا) فين غنمشييو قلنا غندييرو كولشي هنا باش متلعبووش علية
يونس: بنيتك!!! بغيتي نجيبو لعدوول للكوميسارية لا ونجيبو شي نامووسية باش ***** هلى خااطرك
عماد: (بلا كلمة لا جوج ناض مشا فحاالو سنا يونس وعمران للي من شهوود وهي توقف وابتسامة النصر على وجهها للي استفزاتهم كااملين وقفو وضار عندها يوونس من بعد مشاف لعدول عطاها ورقة من العقد)
سيدتي الجزء 41
محتوى القصة
التنقل بين الأجزاء