يونس: اممم شنو قلنا هاد الاسئلة مع الوقت غتعرفي جوابهم
عائشة: واخا سيدي
يونس: (مديت يدي وناضت شدات فيها) نمشيو دابا!!
عائشة: (شديتلو يدو ومكرهتش منطلقهاش كنت بحال شي بنت صغيرة ياله غيحل لباب حتى صونا تيليفونو وللي عجبني بقا شادلي يدي وجاوب كان جو على للي فهمت من كلامو كانو كيقلبو علية انا للحظة نسيت راه كاينة ختي هنا وكتسناني)
يونس: (بقيت شاد ليها فيدها كملت لاتصال وهبطنا للسيارة ) غنمشيو عند جو ورقية
عائشة: وجو عارفك يونس ولا عارفك نزار
يونس: (بابتسامة) شكون يونس؟
عائشة:(بشهقة) نوووو نعاودو من اللول!! دابا قدام الناس شنو نقولك
يونس: عائشة هاد سمية غتبقى بيني وبينك وحتى جو عارفها وختك اكيد غتقوليها ليها
عائشة: اممم فهمت نتا بولييسي سري هنا
يونس: (كسيريت بالجهد فصطوب وشفت فيها)
عائشة: بلا متستغرب من ذكائي الخارق نتا هنا فشي مهمة مبدل شوية من راسك من سميتك حتى من خدمتك ولكن علاش وشنو هي هاد المهمة مممعرفتش
يونس: (مفيكسي عيني فطريق)
عائشة: عليها منين قلتلك يونس بوليسي شقفتيني كون هاني مغنفرشكش مرة اخرى
يونس: اممم كتفرجي فالافلام الهندية بزااف
عائشة: نو بلعكس ماما مكتخليناش نتفرجو بزااف وهدا غير من ذكائي الخارق كما قلتلك
يونس: يخليلي الذكاء الخارق عويشة اي كلمة قلناها غتبقى بيناتنا واخا
عائشة: اكيييد واصلا لمن غنقولها عندي غير ختي فهاد الدنيا
يونس: الله يخليها ليك هاحنا وصلنا (هبطنا من السيارة ودخلنا للمطعم) السلام
رقية: (كنخنزر فعيشة غير جلست حدايا طلعت معاها قرصة حتى تبدل لون وجهها وقلباتها ابتسامة تعشينا فسكات كل واحد كيهضر غير بعينو كان عشاء ممل كنتسناو غير نكملو باش نركب مع جو ولكن شنو قضية عيشة ونزار او يونس وكفاش كانو نهار كامل بجوج غير كملنا)
عماد: (شافف فالساعة) شنو نديرو دابا
يونس: والو كل واحد يمشي لدارو ونتا راك خدام او لا
عماد: وي شي ساعة
يونس: (خلصت لعشا ولكن كما درت كلقا عائشة تابعاني بعينيها بحال كتحاول تفهم شيحاجة اعجابها بية بااين وواضح من هضرتها قبيلة مذكراتش قضية ديال سطح يمكن معرفاتنيش انا نضنا مشينا للدار غير برجل حيت كان قريب لفين ساكنين)
عائشة: (درت يدي مور ضهري وكنتسنى ينطق بشي كلمة)
يونس: امم (خديتلها صاكها وهزيت تيليفونها وكتبت نمرتي وصونيت على راسي) تصبحي على خير
عائشة: (بابتسامة) تصبح على خير (طلعت للدار وانا كنقز بالفرحة حتى سمعت زديح لباب)
رقية: كلبة فين كنتي؟
عائشة: (كنشقلب عيني) فين كنتي نتي كنت انا
رقية: (كتقوس عينيها) يعني
عائشة: واخيرا عتارف انه يونس (عاودتلها شنو قال وشنو وقع مقلتش غير ضربة دلموس)
رقية: يعني كان واخد نظرة خايبة عليك
عائشة: وي داكشي للي كاين
يونس: (وصلت قبل عماد للدار دخلت دغيا بدلت شوميز حيت قست باب السيارة وانا جاي بالزربة وحسيت بحريق فالجرحة ياله حليت شوميز حتى سمعت لباب كيتحل لبست تريكو كان قدامي وخرجت عندو) نتا حط داك الساروت مكتعرفش دق لباب
عماد: (شفت قطرات ديال الدم من تريكو للي لابس) اش داكشي اصاحبي
يونس: شنو (شفت كتفي عامر دم وحتى الجرحة ضراني وعماد مغيخلينيش حتى يعرف حيدت تريكو بصعوبة لفاصمة عمرات دم)
عماد: (بخوف) شنو واقع واش شي واحد تعدى عليك
يونس: اه تعداو علية وخداو شرفي بربي اعماد وكان متسكت
عماد: ههه ولكن شنو وقع ليك انا نهبط نجيب شانطة ديالي (هبطت لداري جبت الاسعافات الاولية وطلعت عندو كانت حرارتو مرتفعة شوية خيطت ليه الجرح كان جرح خفيف شوية غير 6 دلغرزات عقمتلو الجرح وعطيتو مسكن يشربو) مغتقوليش شكون غرزك
يونس: (بابتسامة) عمرها طيح ليك على لبال
عماد: قول اصاحبي
يونس: تصبح على خير
عماد: الااااا قولي غير شكون ولا قولي شنو بينك وبين عائشة
يونس: خليتو كيهضر ومشيت لبيتي كنت كنحس براسي ماشي هو هداك هزيت تيليفون كنت متردد واش نصوني عليها ولا لا برهوشة قلباتلي حياتي سفاها على علاها صيفطت ليها مسج *نعستي المجرمة*
عائشة: *هههه مزال كنت كنتسناك كبقيتي*
يونس: *مزيان الحمد الله قبيلة جو خيطلي الجرح*
عائشة: (بشهقة) *اوييييييلي لهاد الدرجة*
يونس: *ههه راه موس ابنتي ماشي بلاستيك*
عائشة: *اممم انا ماشي بنتك وغير كلمة ختي وشنو درت فيك مرة اخرى تقولي بنتك...*
عائشة: *غير كنضحك معاك واش مقسح بزااف* دازت 5 دقايق ومجاوبش اوييلي مال هادا واش تقلق (ضربت فمي) هااااك افمي وليت صيفطت ميسج *يونس متقلقش مني كنت غير ضاحكة معاك* بقيت كنتسنى شحال مجاوتش بدات كرشي كتوجعني اووووف مقلت رطااب الله يصبرني مع هاد كحل العفطة زهري معوج وانا عارفاه مشيت كنتسلت لبيت رقية تقولي شنو ندير لقيتها شادة لحديث مع موبيك ديالها مكاينة غير bb وحبيبة كتشاير فسما واااع وانا يا ختي يا بنتي يا بطوزة وزاد المجرمة....
...اصبحنا واصبح الملك لله...
ابو لقيصر: (فالتاكسي) ليث كنشكرك بزااف على الموقف للي درتي معايا موصلات حتى شكوى لا لبوليس ولا المستشفى
فهد: متقولش هكاك نتا الامير ديالنا هنا وكولشي فدااك
ابو لقيصر: (بابتسامة) وصلاتك الامانة؟
فهد: اه شكرا بزااف
ابو لقيصر: ليث كما كان الاتفاق ديالنا هاد المعروف للي درتيلي يبقى بيني وبينك
فهد: وجو؟
ابو لقيصر: جو صديقي متخافش
فهد: اه مزيان
ابو لقيصر: الاسبوع الجاي غيجي واحد عندكم للدار باش 2 من دراري غيمشيو معاه داك نهار متكونش فالدار باش متمشيش معاهم لسوريا خليك هنا حسن ليك
فهد: علاش غيمشيو لسوريا
ابو لقيصر: كيفضلو يجندوهم تماك باش ميخويوش بيهم
فهد: نتا كنتي تماك؟
ابو لقيصر: لا، مهم انا قلت ليك اليث حاول متمشيش للدار وانا غنضبر ليك فين تمشي ونعلمك
فهد: نشوف شي اوطيل من الاحسن (بغمزة) راني مليونير دابا
ابو لقيصر: ههههه داكشي غير لقليل نتوما غير خدمو الدولة الاسلامية وصلحو هاد الارض راه كترو المفسدين، من الاحسن تغبر من لمدينة فمرة حيت غيسولو عليك
فهد: وفاش ميلقاونيش؟
ابو لقيصر: انا غندورها فبالي او باغي تمشي لسوريا؟
فهد:(كيتفتف ومعرفش باش يجاوب)
ابو لقيصر: اوكي حيت درتي حوايج ميقد حتى واحد يديرهم على قبلي غنهنيك كون هاني
فهد: خييرك عمرني نساه ابو لقيصر
ابو لقيصر: مبيناتناش مهم تهلا دابا.... (نزلت من التاكسي وخديت تاكسي اخرى ومشيت لداري عند لمرا للي كنبغي وبنتي لي من لحمي ودمي لمرا للي مخبيها على العالم كولو للي كنتسنى غير امتى نرجعو لاسبانيا ونعيشو فسلام وبعيييد على هاد العالم دخلت مالقيتهاش لقيت غير المربية وبنتي لعبت مع بنتي شوية على متجي حبيبتي...)
~~~~~~~~~~~~~~~~~~~~~~~~
فهد: يونس سمعتي هاد ابو جهل شنو قال
يونس: ههههه فلتي من سوريا غير بلعبة مني
فهد: اوا نتا الشاف خاص تحامي علينا
يونس: اممم مزيان فين وصلتيه
فهد: حطيتو حدا واحد القهوى
يونس: القهوى ديال ديما؟
فهد: اه
يونس: اوكي راقبو حتى يخرج من تماك
فهد: اوكي
يونس: اه دوك لفلوس متنس.. (قطع قبل ميخليني نكمل هو اكيد عارف شنو غيدير نضت خديت دوش خفيف واخا كتفي مزال شوية ضارني، فوقما كنتفكر هاد الجرحة كنظحك كفاش مكنتش راض ليها لبال من قبل كملت هزيت تيليفون لقيت فيه 5 ميساجات من عندها قريتهم كان يسحاب ليها تقلقت منها صونيت عليها)
عائشة: (غير شفت سميتو نضت بالزربة جاوبت) الو
يونس:صباااح لخير
عائشة: صباح النور كبقيتي؟
يونس: الحمدالله فقتي ولا مزال؟
عائشة: فقت
يونس: اممم نص ساعة ونجي عندك لقاك حدا لباب
عائشة: نص ساعة؟؟ نو نو مغتكفينيش
يونس: واخا بطوزة انا نتسناك غير بغيت باش نفطرو بكري شوية
عائشة: اوكي غير نكمل نصوني عليك (قطعت عليه وانا تالفة كتت ناوية نمشي لكوافورة زربت دخلت دوشت خفيف ونشفت شعري) رقيااا رقيااااا (جات لعندي وهي دايخة بنعاس) قاديلي شعري دغيا وسرحييه مزيان من جذور
عائشة: (لبست كانت كسيوة صيفية غير خويطات فلكتف فلكحل وفيها وريدات بالالوان وفيها خويط من تحت صدر رقيق ومن تماك لكسوة واسعة كانت طويلة لبست صنيديلة فلكحل صبغت ضفاري فلكحل ورشيت ريحتي درت كلوص وخليت شعري مطلوق ودرت سنسلة طويلة) كجييت
رقية: (بتصفيرة) مووووووز
عائشة: موااح😘 (جبدت تيليفوني صونيت على يونس قالي كيتسناني لحت من قبيلة)
رقية: اوااااا السيد عندو صبر
عائشة: ياله تلاحي نهبط (هبطت شفتو كان فالطونوبيل غير شافني حط شي حاجة كانت فيدو هبط وجا عندي كان لابس تريكو كحل مطركق على ديك لفراكة للي عندو وسروال جينز وداير نظاظر شمس مربعين بقيت غير حالة فمي فيه واش هاد النم غير مكيزيد يتبوكص ولا شنو وصل عندي حيد نظاظر وطلع فية وهبط مدلي يديه وشديت فيه)
يونس: فييين كانو عيني نهار اللول
عائشة: هههه كبقيتي؟
يونس: (وعينية مفيكسين فيها كانت آية فالجمال) احسن مرة كنت فيها (شديتها وركبنا فالسيارة وعيني غير فيها) لبارح نعست داكشي علاش مجاوبتكش
عائشة: اه خفت تكون تقلقتي مني
يونس: جو كان عطاني مسكن ومحسيت حتى نعست
عائشة: (بابتسامة تلفاتلي الهضرة معرفت منقول وتعمدت هضرتي تكون قليلة باش ميبقاش يقول علية كنطير من المقلة شفتو مزال كيصوك) فين غاديين؟
يونس: مفااااااجئة
عائشة: هههه اوكي
يونس: عويشة علاش مكملتوش لقرايا فرباط؟؟
عائشة: (توترات) مكتابش وصافي
يونس: (عرفتها مبغاتش تقول السبب اذا كاينة شي حاجة) اهم حاجة اكتاب باش نشوفك
عائشة: عرفتي منين جا قرار نكملو قرايتنا هنا محملتش واخا اغلبية الناس كيتمناو يكملو لقرايا برا وغنقراو غير عماين ماشي هي 5 سنين ولكن بلا بيك كولشي كان كيبانلي كحل (اووف علاش كنتسرع ونقولو مشاعيري غيقول غير كرمي راسي عليه)
يونس: (شديتلها فيديها) منين كنت كنشوفك كنت كنبغي نكرهك ونحقد عليك كنقول كفاش بنت بحال الملاك كدير هادشي وزيد نتي بنت واحد الشخص للي كنظن واخا يكون باك باقي حي مغيعاملكش هاكا
عائشة: (تصدمت منين قالي هاكا) شكون قالك ميت؟
يونس: اووبس باقي عايش سمحييلي
عائشة: (اكتر سيرة كنكره نهضر فيها ضورت وجهي لمرايا شدلي يدي مبغيتش ندور نشوفو حتى وقف السيارة)
يونس: انا الالة منين كنت صغير كنت بغيت نمشي لاوروبا والواليد كان معارض منين ماتت الواليدة محملتش نبقى تماك ولكن الحاج احمد دخل وخلاني نبقى هنا كملت قرايتي وبفضل الله وهو دخلت لهاد الضومين ديال لبوليس واخا كنت كنكره شي حاجة سميتها الصمطة مع الوقت ولفت خدمتي وحمدت الله حيت ممشيتش برا كنت غنخلي الواليد بوحدو واكترية مولفني بزااف مسكين
عائشة: بالصح حسن بقيتي مع باك انا كنت كنعرفو ولكن نتا عمرني شفتك او عرفتك
يونس: صراحة كنت كنسمع بالحاج عندو جوج بنات عمرني شفتكم حتى نهار قاديت ليكم كارت نسيونال ها حنا وصلنا (خلصنا فالدخلة ديال النادي ودخلنا كنت ديما كتمنى نجي لهاد لبلاصة وكتاب نجي انا والبرهوشة باركينا السيارة ونزلنا)
يونس: (جلسنا فطرنا فطور خفيف غير قهوة وبتي بان وخرجنا للمكان المقصود) هادا سميتو نادي فراري على اسم الشركة ديال سيارات فراري اخر مخرج فالشركة كيركبو الناس طنوبيلات ويبقاو يسوكو فالميدان ديال السباق على حساب المدة للي كتختاريها
عائشة: اه ولكن مزال مكنعرف نسووك
يونس: وهنا كتكون حلاوتها حيت مكتعرفيش تسوكي السيارة فيها جوج ديال فلون يعني بجوج غنتحكمو فيها بحال لي كتكون فسيارة التعليم، اليوم الالة سوكي كبغيتي
عائشة: (بخوف) لا لا نخاف نتقلبو
يونس: هههه متخافيش (دخلنا خلصنا لمدة نصف ساعة لبسنا الخوذة وشي لعيبات كيحميو ركابي وليدين) عويشة واجدة
عائشة: اممم شوييييية وصافي (ركبنا فالسيارة للي كانت خيالية فاللون الاحمر وراني يونس منين نشعل المحرك وفين نكسيري وفين نزيد السرعة وفين نبرك باش نوقف مهم كبداية مشيت عجبني الحال ومع غير بطونات بقيت كنزيد فالسرعة شوية بشوية وانا ممتخيلاش انني كنسوك فراري وخا نحلم بيها بالاوان متحققش مرة مرة يونس كياخد سلفيات وداير بالو مع السوكان وليت كنجهد السرعة ونشطنا ديك النص ساعة مسخيتهاش تكمل كنت بحال فشي مضمار ديال السباق فكرني فيلم هندي ta ra rom tom من بعد كملنا حيدنا علينا دوك لحوايج ومشينا جلسنا فربييع كنتستراح) واااو ممتيقاش انا عاد سكت وشنو فرااااااري بشاااااااخ
عائشة: ههههه (بقا كيصوني تيليفوني شفت لقيتو هداك مول التاكسي المغربي معقلتش على سميتو قطعت عليه ورجعتو فوق الطبلة وبقيت كنكمل ماكلتي)
يونس: (قتلني لفضول نعرف شكون صونا وخلاها ساكتة هاكا كملنا غدانا حتى ولا صونا ليها تيليفونها) احم غير جاوبي
عائشة: (بتوتر) لا ماشي مهم
يونس: اممم مزيان (عود رجع كيصوني عليها نضت من الطبلة مبغيتش ندير شي حاجة واخا بغيت نعرف شكون هدا للي كيصوني عليها)
عائشة: (يخخ على لصقة هزيت التيليفون وقطعت عليه تبعت يونس كان دخل يخلص بقيت كنتسناه حتى شفت خارج وداير لكارو فمو وصل حدايا تخطاني وشعل كارو تبعتو)
يونس: (بقيت كنكمي وكنفكر مخاصش تبقى العلاقة بيني وبينها هاكا خاص شي حل منين جاات حدايا لحت لكارو)
يونس: (بقيت كنكمي وكنفكر مخاصش تبقى العلاقة بيني وبينها هاكا خاص شي حل منين جات حدايا لحت لكارو وشفت فيها) ياله نمشيو!!
عائشة: (اووف دابا شكون نقوليه صونا يخ معندي زهر منين قرر غنمشيو الا كولشي للي خططت ليه غيمشي هو عمرو غيشوف فوحدة بحالي واخا ديما كان كيطيح فسوء تفاهم كاع لي ضحكتو قبيلة غيتقلب علية فرحتي ممكتاباش تكمل تبعتو وانا غير كنجر فرجلي ركبت معاه كسيرة اللوطو مكرهتش ميكملش الوقت وانا معاه شفتو غادي بالسيارة فنفس الاتجاه ديال ديك لمرات للي كان واعدني فيها تدوز سيمانة ونهضرو وقفها وكنتسنى منو الكلمات للي اكيييد غتخليني مضمرة) عويشة بالصح منقدرش نعتابرك ختي كما كنت كنقول او كما كنت كنقنع راسي كنحس بحوايج كتر واخا كنت معارض وقامع هاد الاحساس لبزاف ديال الاسباب واهمهم
عائشة: اه اه عارفة علاش حيت كنتي شغتيني شحال من مرة و.. (حط صبعو على فمي وانا لبكية غير كنصرط فيها ونخرج عيني باش ينشفو ومتفرشنيش الدمعة)
يونس: كنبغييك!!
عائشة: (شفت فيه وانا ممتيقاش ودني او غير كانو كيصوطو يمكن ولا كيتهيألي هادا شفت فيه لقيتو بالصح قالها وعاود ولكن هاد لمرة بنظرة كلها جدية عينيه مفيكسيين فعينية حيد حزام السلامة وضار لعندي)
يونس: عويشة سمعتيني (شديتلها يديها) كنبغيييك ومنقدرش نزيد نبعد عليك كتر ربما بغيتك نهار فاش شفتك فلبحر او موراه معقلتش مهم حبييتك وكنت غير كنتناسا هاد المدة كاملة موقفتش تفكيري فيك بغيتك تكوني ديالي ديالي بوحدي بغيت ن.. (ياله غنكمل حتى كنتصدم 😳 واش سخفاااات هادي؟!!!) عوييشة عائشة عائشة !!(بقيت كنطرش فيها بشوية خرجت من بلاصتي ومشيت عندها فتحت لباب وحيدتلها لحزام بقيت كنقيس ليها يديها ونحاول نفيقها 5 دقايق بقات كتصحصح شافت فية وهي مستغربة)
عائشة: (ابتسمت معاه كانت ابتسامتو حليلوة بزااااف) كتبغيني؟
يونس: (كلعب ليها فخصلات شعرها) وعمرني نسمح فيك
عائشة: لا رد
يونس: عائشة انا فاش قلت ليك كانو بزاف اسباب واهمهم ماشي حيت كنت كنشوفك مع شي واحد نو داكشي انا كنتابرو غير تبرهيش طيش مراهقة وداكشي كان قبل اما دابا نتي ديالي ومغيبقاش داكشي السبب للي كان مممخليني متراجع هو الخووف
عائشة: (باستغراب) لخوووف!!
يونس: لخووف من ردة فعل الحاج احمد
عائشة: عمي مستحيييل يرفضك اكترية نتا عزييز عليه بزاف
يونس: اه عزيز عليه ولكن
عائشة: (بقلق كبيييير) ولكن شنو ؟!!!
يونس: (شفتها تقلقات وانا نقلبها ضحك) ههه والو للي مهم هو كنبغييك
عائشة: (محسيت حتى عنقتو بالجهد) حتى انا يونس كنبغيييك بزااف كتر مكتخيل وكتر مكنبغي راسي كنت ديما كنتبعك وكنقلب عليك كنت كنشوفك فوجه اي واحد داز من حدايا
عائشة: اووكي (معرفتش واخا مكنفهمش مزيان شنو كيقصد الا كنتيق فيه فاي كلمة قال كملنا عشانا ومشا يوصلني للدار) احسن نهار داز عندي فحياتي
يونس:(بستها فخدها حدا شنافتها) تصبحي على خير احبيبتي
عائشة: (بفرحة) تصبح على خيير
يونس: (بقيت واقف حدا دروج حتى سدات لباب مشيت تكيت حدا سيارتي وصونيت ليها حتى دخلات للدار خليتها ترتاح شوية وعاد مشيت للدار عمرني درت هاد الحركات حتى مع ناريمان غير وصلت للدار بانلي ابو لجهل (ابو لقيصر) واقف تماك شفت تيليفوني ملقيتش عماد مصوني ستغربت بقيت واقف تماك حتى طلع فدروج حطيت السيارة وطلعت من موراه سمعتو كيدق على عماد ولكن مكاينش للي حلو لباب فقد الامل وهبط بقيت كنصوني على عماد والو مكيجاوبش صونيت على عائشة حتى هي قالتلي كتصوني على رقية ومكتجاوبش اذا راهم بجوج دخلت دوشت وبقيت كنهضر مع عائشة فإلايمو حتى سمعت باب الدار كيتحل قطعت معاها وخرجت)
افيين نتا؟؟
عماد: هانا عاد دخلتي لقيت لي ابيل ديالك
يونس: جا عندك ابو لقيصر حتى لهنا كيقلب عليك ومالقاكش
عماد: اه لقيت حتى هو اتصالاتو علم الله شنو بغا
يونس: معرفتش عاود صوني عليه دابا...
~~~~~~~~~~~~~~~~~~~~~
فهد: شنو مغتكونش عقلات علية لهاد الدرجة مكانتش مسوقالي
سامي: دوك لبنات متعرفش شنو تحت راسهم، رقية كتشوفها
فهد: اه كنشوفها مع ختها اجي كليتي الحلوة كولها ولا مزال؟
سامي: شنو عارف على صاحبط يزكل شي حاجة !!وراك شفتي تصاور بعينيك
عائشة: حقا مقلتلككش عقلتي على داك المغربي للي كيصوك التاكسي للي وصلنا داك نهار
رقية: مالو
عائشة: كتعرفيه؟
رقية: بحاال كنعرفو فين شايفاه معقلتش
عائشة: ياااك بعدا وحتى هو كيعرفني الالة ولكن مبغاش يقولي فين ومنين كيعرفني ومع صونيت ليه ديك لمرات بقات نمرتي عندو ودابا راه مصدعني قبيلة يونس تعصب وعاد معرفوش هو لي كيصونيلي
يونس: صافي بلاتي ونصوني عليك (قطعت عليه وبقيت متبع ديك الدار انا ودراري للي ساكن فيها فهد ودوك لبيادق، كل واحد وفين جالس ابو لجهل مجاش تماك هادي سيمانة وحنا عاسيين على الدار صباح وعشيا وكنعسو 2 سوايع فنهار بالتناوب حتى عويشتي شحال ممشيت شفتها، عماد للي مفطح فينا من لخدمة للدار شوية جاني ميساج من عند عويشة *حبيبي بغيت نخرج نتسراو انا ورقية ها لعشية* شفت التيليفون خرجت عيني جاوبتها فلبلاصة *تعتبي باب الدار نذبحك* معاوداتش صيفطاتلي ميساج من بعد بقيت جالس حتى 2 دالليل عاد بان ابو لجهل هو وعماد كفاش لحمار مخبرنيش انه جاي معاه وباش كملها بحال كان كيقلب علية اودي باش محزما المغرب كان طبيب اش داه للبوليس تخبعت قبل ميفضحنا)
عماد: يوسف شنو كنديرو هنا؟
ابو لقيصر: صاحبي متقولش سميتي هنا واش نسيتي هاد لبلاصة راه جينا قبل
عماد: اه وحنا مالنا ياك درنا نقصرو وحنا غير سالتين هاد 2 سوايع واش غنقصرو هنا
ابو لقيصر: هصصص اصاحبي نتا غير سكت ومتجبدش حس لقصارة
عماد: اوكي غطلع واش غنتسناك هنا ولا شنو واخا مفاهم والو فيك
ابو لقيصر: من بعد جو ونفهمك كولشي
عماد: (بقيت واقف معاه حدا باب العمارة وكنقلب بعيني على يونس حتى جاني ميساج من عندو *راك كتفرشنا الكلب متقلبش علية راني شايفك انا* بقيت واقف وكنتسنى هاد ابو جهل شنو غيدير)
يونس: .. شوية شفت جوج دراري خارجين ركبو فتاكسي تبعتهم كانو ماشيين لجيهة الحدود عرفت هاد جوج للي تختارو ودوك الناس مغيجيوش عندهم لتماك وانما غيتعرضو ليهم اتاصلت مع ظابط جهاز المخابرات الالمانية للي كنا متعاقدين معاهم هاد المهمة كانو كيتسناو اشارة منا فمدة قليلة لحقو علينا واكيد انا مبنتش فالصورة تسناوهم حتى ركبو فالسيارة ديال المهربين للي غيحركوهم وهوما يعتاقلو زبل كامل تسنيت حتى خداوهم علمت دراري باش كل واحد يمشي يرتاح فدارو.. وصلت مع 5 دصباح للدار كنت بحال زومبي بلعيا تلاحيت على النموسية بصباطي محسيتش براسي..
~~~~~~~~~~~~~~~~~~~~
عائشة: (بضجر) علااااش مكيجاوبنيييش علاااش
رقية: انا جو راه ناعس حيت الليل كامل كان خدام ولكن يونس ماشي طبيب غير استاذ كيقري فصباح وفالليل كيكون فري free وزيد مكيجي يشولك ومخلاكش تخرجي ومكيجاوبكش
يونس: حيت كنتي كتقول الامانيات وكدا وكنتي بو بنات من درجة عقيد وشفتك دابا كتعمر غير مع رقية!
عماد: ومتنساش قلتلك غيجي نهار للي غنبغي نتزوج فيه ونتقب
يونس: هههه جا داك نهار؟
عماد: رقية واخا صغيرة الا وكرتاح معاها بزااف ومنكرش ان حيت عرفتها بنت الحاج زدت رتاحيت يعني غتكون نعمة الزوجة بالنسبة لية ووووو كنبغيها عاجباني فكولشي اخلاقها قلبها كبير براءتها نقية صفحة بيضة وانا اول واحد واخر واحد غيكتب فهاد الورقة
يونس: اممم عينيبة من درجة كاتب
عماد: اوا ونتا فين وصلتي مع عائشة
يونس: مزيان
عماد: مزيان!! صافي غير مزيان
يونس: عائشة كانت عاجباني منين كنا فالمغرب داكشي علاش مكنتش كنبغيك تهضر عليها وزيد حيت بنت صاحب الواليد وانا عارف دماغو حيت هو عارفني كداير مغيتيقش فيا فهمتي وحتى عائشة كانو المشاعر متبادلة وح... (صونا علية ممدوح وجاوبتو) وي ممدوح اه اوكي اشمن طريق.. اوكي انا جاي
عماد: شنو غتبعوه
يونس: نو غير نعرف فين بغا يمشي
عماد: واخا تعرف مغينفع بوالو
يونس: غينفع الجحش مغتسبقناش المانيا (مشيت عند ممدوح بقينا متبعينو نص نهار وهو كيطوفنا حتى وصل لاخر محطة للي هو المطار ومكان عندنا حتى خيار اخر....)
~~~~~~~~~~~~~~~~~~~~~~~~
عائشة: (كنت جالسة كنتفرج من السرجم على الناس ماشيا جاية ولكن مكاينش من بينهم يونس علااش غبر وفين مشا وحتى التيليفون مبقاش كيجاوبني عارف عندي امتحانات مكلفش راسو حتى يقولي كدوزتيهم عكس جو للي حتى نعاس كيسمح فيه ويجي باش يشوف رقية كنسمع ضحكهم ورومانسيتهم وانا كنموووت هنا بلفقسة)
عائشة: جوو بليز قولي فين مشى يونس واش هو بيخير كل مرة كنسولك عليه كتقولي يا مشغول يا مشفتوش (حتى بقيت كنبكي) الا بغا يتفارق معايا يقولهالي ماشي يعاملني هاكا غير نعرف بعدا
جو: ششششت (نضت عندها كنطبطب فكتفها وكنمسح دمعتها معرفتش شنو نقولها واكترية فهاد الوقت للي خاص تكون فيه فرحانة نجحو العام الاول بنقطة زوينة خاص تكون ناشطة وكتحتافل) عائشة عفااك متبكيش كولشي غيتحل
عائشة: (كنمسح بكف يدي) شنو غيتحل اجو عفاك قولي واش مشا المغرب ومبغاش يصدمني ولا تزوج ولا شنو
جو: (غير كنطبطب عليها محسيتها حتى دخلات ليتها وسدات عليها لباب ملقيت مندير خرجت من الدار وصونيت عليه نعرف فين وصل....)
يونس: (بقيت متبع ابو لقيصر قطع لبيي ديالو لمدريد قطعت حتى فنفس الطيارة وبقيت مراقبو من بعيد هضرت مع واحد الصديق من اسبانيا باش يتعرضلي للمطار ويجيب سيارة معاه طلعنا للطيارة جلست قريب ليه حاضيه وفنفس الوقت كنفكر فعويشتي كنت ناوي نديرلها شي مفاجئة زوينة ولكن هاد لكلب ملقى فوقاش يخوي غير هاد نهار من بعد مدة ها حنا فاسبانيا نزلنا ركب فتاكسي بقيت متبعو حتى عرفت فين غيجلس حجزت حتى انا فنفس الفندق وطلبت شومبر قريب ليه بقيت متبعو يوميا مكيدير حتى حاحة للي ماشي طبيعية عادي كيمارس حياتو بشكل طبيعي دازت سيمانة وانا ديما متبعو لحق علية ممدوح وعلمتو فين كيمشي وفين كيجي وخديت اول طيارة ماشية لالمانيا..)
عائشة: لا ختي والله مافيا للي يخرج بلا متصدعو راسكم ونشطو... هانية والله حتى هانية... اوكي الا بغيت نخرج غنصوني عليك... باي...
(قطعت مع رقيا التيليفون نضت جبت شيبس وكولا وبسكويت حطيتو فوق الطبلة طفيت الضو وشعلت تلفازة وبقيت كنتفرج فلم ديال {fifty shades grey الجزء الاول كنت عاد تلشارجيتو هاد الفلم القصة ديالو على واحد البطلة للي سميتها (انستازيا) للي كانت طالبة عادية تعرفات على اكبر رجل اعمال سميتو (كراي) عجباتو وبقا كيتقرب منها ولكن صارحها بانه مهووس بالجنس السادي للي كيكون عنيف بزاف لدرجة الضرب بالسوط وقالعا الا بغينا نبقاو بجوج توقع على اتفاقية كفاش تكون العلاقة بيناتهم هي مخداتهاش بجدية حيت كانت كتبغيه بزاف منين بدات العلاقة بيناتهم وبقا كيمارس عليها بعنف مستحملاتش الضرب ووقفات العلاقة وهنا هو غيكتاشف بانه كيبغيها هنا تسالا الجزء الاول...} عجبني لفيلم للي فيه واخا كولو باقشطاق جات واحد اللقطة +21 وقفت الفلم حيت سمعت الدقان ستغربت حيت رقية عندها الساروت مشيت حليت لباب حتى كلقى...)
~~~~~~~~~~~~~~~~~~~~~
رقية: (باعجااب) جو واش بالصح!!
عماد: (بابتسامة) تستاهلي دوزي ايام زوينة من بعد لعيا ديال لقرايا
رقية: (محسيت حتى عنقتو بقا شادلي ظهري بيد واليد التانية كيسوك بيها حتى وقف السيارة حيد الصمطة وعنقني مزيان حسيت بالامان عجبني الحال جو حنيين بزااف ولكن حركات يدو وكفاش خشاني فيه بحركة رجعت انا للمقعد ديالي وهو للي معنقني باسلي عنقي بواحد الطريقة حسيت بشعري وقف وعيني حوالو دخل صباع يديه فرقبتي وبقا كيدخلهم فشعري حتى انتاقل لشنايفي محسيت حتى داز فلاش بين عيني وبقيت كندفعو )
عماد: (شفت فعينيعا خوف كبيير) حبيبة سمحيلي محسيتش براسي والله
عماد: (قرستها من غمازتها) كندييير نشد راسي اكبر عذاااب فحياتي هو هدا
رقية: هههه حمق (ضورت وجهي وانا كنصطانع الضحكة والابتسامة وهو طريق كاملة كيحاول يضحك فية)
عماد: (فاااك علاش كنتسرع بحال هاكا واخا حاجة عادية عندي الا هي ممولفاش هادشي معرفتش شنو ندير كفاش نرجع ابتاسمتها وقفت حدا واحد المحل)
رقية: حبيبة علاش وقفنا هنا؟
عماد: لقطيطة ديالي خاصها كادو ديال النجاح
رقية: (بابتسامة) كادو؟؟ ولكن قلتيلي غنسافرو
عماد: سفر بوحدو ولكادو. بوحدو ولا بغيتي تولفيني منبقاش نجيبلك كدوات ماشي من شبم المراة المغربية
رقية: هههه اوكي (دخلنا لواحد لبوتيك كبيير فيه لحوايج بقيت غير حالا فمي) جو انا مكنعرفش لبس هاد لحوايج
عماد: هههه انا غنختار ليك على ذوقي (مشيت جبت واحد لغوب فلكحل مع داكشي ديالها بمساعدة المرافقة للي كتكون فلبوتيك وعطيتولها دخل تقيسها)
رقية: وفيينك اعزييزة تجي تشوفي بنتك (كانت غوب فلكحل طويلة فيها فتحة كبيرة كانت لاسقة علية مبينة صدري شوية فيها صميطات بسنسلة رقيقة ظهر عريان النص فيه لبست صباط كحل السوميلة من لتحت فلحمر درت شعري جنب وخرجت عندو درت يديفخصري ووقفت بحال شي عارضة...)
عماد: (مسحت جبهتي من لعرق ولكن نستاهل انا للي عطيتها تلبسها وتخليني بحال شي مراهق صغير عندو 15 عام لساني تعقد معرفت منقول كانت غاية فالجمال اميرة ووصف قليل فحقها نضت عندها شديتها من يدها وضورتها كان صوت ضحكتها كتخلي ضربات قلبي كتجهاد واخا كانت معرية شوية الا كانت روعة )
ابو لقيصر: الو الو.. فاااك لحت التيليفون من بعد مقطعات علية منبغيييش نخسر حب حياتي ومنبغيش نخسر حتى بنتي للي عمرني حضرت ليها كفاش عايشة واو خطواتها كلشي بسباب ابو حفص ياريييت داك نهار محاولتش نقذو واخا بالاصح نقذني من الفقر...
عائشة: ... سمعت الدقان فلباب استغربت حيت رقية عندها الساروت مشيت حليت لباب حتى كلقى كرطونة كبييرة بحال كادو مغلفة خرجت راسي مالقيت حتى واحد شفت فديك الكرطونة للي كانت كبيرة جريتها وبقيت كندفعها باش دخلتها وسديت لباب) عنداك تكون شي قنبولة ولكن شكون غيستهدفني انا بالظبط وعلاش ولا تكون عامرة لفاعي (مشيت جبت حديدة وبقت كنضرب فيها ونحط ودني نسمع واش كاين شي حد مسمعت والو زعمت وبقيت كنحل حيدت داك الشريط لحمر هو اللول وعاد فتحت الكرطونة لقيت الورد لبيض مقطع حيدتو باش نعرف شنو تحتو لقيت كرطونة صغيرة على اللولة مشيت جبت موس وقطعت الكرطونة اللولة باش نحل التانية فتحت التانية لقيت الورد ولكن فلحمر ولكن نفس الشيء كاينة كرطونة فوسط كرطونة.. تبرهيييييش هدا بقيت كل مرة كنفتح كلقى ورد مبدل ضياعة لفلوس وصافي.. اخر كرطونة صغيرة حليتها لقيت بواطة فلحمر حليتها كانت فيها براسلي فيه بزاف ديال الحروف بلفرونسي قلبت لقيت طابع ديال ذهب اممم بعدا المجهود للي درت ممشاش خاوي ولكن شكون للي جابلي هاد لكادو شفت فديك الكرطونة لقيت برية على شكل قلب فتحتها وجبدت لورقية للي فيها بقيت كنقرا:
اليك #سيدتي
اشتقت اليكي
ولم احس بنبض قلبي الا معكي ..
انا لم اعرف الحب الا بقربك
ولا استطيع ان اتقن لغة الحب الا معك
.. حبيبتي ..اشتقت اليك واعتذر عن غيابي المفاجئ
اعتذر لاني تركتك وانا لا اريد.
حبيبتي
نار الشوق تحرقني
ولهيب لوعتي يوأرقني
فكم عانيت من بعدك وما اقسى بعدك
..فكان اشبه بمن يستل سيفه ويقتلني
حبيبتي ..
انتي العشق الابدي احبك
اشتقت اليك .. والشوق يعذبني
اتدري حبيبتي ؟؟؟؟؟ كم اشتقت اليك ؟؟؟؟
اشتقت اليك بحجم ليس له حجما ..
اشتقت اليك يااملي وعمري ..
احبك بجنون ..
احبك بعنفوان طفله
احبك
ايها الساكن بقلبي
احبك #سيدتي
عائشة: (بفرحة) 😍 غيكون يووونس يونس للي كتبلي هادشي (غوت بلا منحس) يوونس رجع!! عاودت قريت الرسالة وشفت لبراسلي مزيان لقيت مكتوب فيه °°°A°I°C°H°A°Y°O°U°°° سميتي واول حروف من سميت يونس نضت كنجري للباب باش نشوف واش باقي لتحت حتى كلقاه واقف حدا باب الدار متكي طرت عليه عنقتو دخل وهو شادني بيد دفع باب الدار وهزني دار رجلي على خصرو ورجلي مربوطين فظهرو كانت لحظة صامتة محسيتش براسي وانا معلقة فحضنو ويدوو شداني بكل قوة وحاشية راسي فعنقو وحتى هو كنحس بنفسو حرقاتلي عنقي حسيت بيدو كترخى حيدت يدي ونزلني غير بشوية وتفكرت انني مقلقة منو يييخ وكان غير شديت راسي كنعيا نقري فراسي ولكن هاد المفاجئة للي دارلي عجباتني زائد الشعر للي كتبلي
عائشة: اووووووف منك ارقية زدتي فيه (ياله غندخل بانتلي بيتزا فالطبلة هزيتها ودخلت طرقت علية لباب بديت كناكل بلفقسة وكنسمع ضحك رقية شفت تيليفوني مازعماش نصوني على يوونس اوييييييييلي على شوهتي هاد نهار وحتى جو شافني وهدا مشا بلا ميقولهالي... )
~~~~~~~~~~~~~~~~~~~
يونس: وصلت للدار وانا منظرها متحايدليش من بالي واي واحد فلاصة جو ورقية كان غيفهم غلاط غتحمقتي عاد الطفلة شنو ندير معاها دخلت حيدت ديك الشوميز كانت كرشي كتلسق بداك لكريم دخلت للدوش وانا منظرها مغابش على عيني وحتى مكنتش غنعس كفاش لبسات دوك لحوايج واش بغات مني اغتصاب رسمي انا تصدمت كتر من الاغراء للي كانت فيه خرجت من الدوش لبست شورط ودرت فوكة على عنقي وخرجت كلقى عماد جالس غير شافني برا كيطنز..
عماد: بصحتك امولاي السلطان
يونس: (مديتهاش فيه دخلت لكوزينة شربت لما)
عماد: عجباتني فكرة لكريم
يونس: حمار ولا شنو
عماد: اوكي بلا متكعى نسا
يونس: اه نساه ومسحو من بالك حيت حتى حاحة من داكشي لي فالزا.. دمخك مكاينة ومرة اخرى دقو لباب عاد دخلو
عماد: هههه كفاش
يونس: يعني هي مكانت كدير والو غير مقلب منها ونتوما دخلتو فوقت غلط مسح للي شفتيه من بالك وعنداك تعاود تجبدو
عماد: اه واخا ههه مهم على سلامتك اولد عمي
يونس: عماد سير فحالك بغيت نعس
عماد: هههه ها هو ماشي حتى لغدا ونكملو دابا غتكون عيان ومسخسخ (خليتو بركان ومشيت قبل مينفاجر حاولت بشتى الطرق نسى شنو شفت واها هاد المخ عندي مكيصدق يشوف السفالة ولكن لبنت حشومة غتكوون حشمات بزاااف ههههه علااااااام)
يونس: (مشا عماد ورجعت كنفكر فعائشة وبكترة مكنت عيان مقديتش نبقى سهران ونعيط ليها حتى يصبح ويفتح...)
رقية: شعليها ابنت لحرام علية (شفت فتيليفوني كانت 1 او شنو وقع مع جو مصونا مصيفط مساج نضت غسلت وجهي وجمعت شعري ونشيت حدا لبسي بقيت كنتناكر مع ماما كما العادة )
عائشة: ههههه شوفي والله حتى داوية بالصح مدرنا والو (عاوتلها كولشي ووريتها لبراسلي)
رقية: اوااااا زوييين والله ومعرفتيش فين كان غابر
عائشة: نو ومسولتوش مهم رجع ولكن ها هو غبر، مهم ياله نوضي باش نخرجو
رقية: اوكي
عائشة: (كل وحدة فينا ناضت لبيتها دخلت دوشت دوش خفيف ونشفت شعري صوبتو غير من جذور مزيان وكملت بلباليز باش يجي مكريبي ومع ليميش جا ياسلام اول مرة ندير شعري بحال هاكا درت ميكاب زويين وخا مكنعرفش نديرو بزاااف الا درت داكشي للي كنعرف لبست سروال جينز قصير فيه تقطعات خفاف وشميز فلحمر غير صمكات قصيرة من لقدام ومدخلة جيهة فالسروال وجهة لا وطويلة من اللور وبالغين فلحمر وصاك حكل صغير فالجنب شفت راسي عجبتني بزااف جاب الله مواكلة والو كرشي مفشوشة طليت على رقية بقيت كنضحك لبسنا انا وياها نفس ستيل كما كانت كتلبسنا ماما نهار عيد ميلادنا غير شوميزتها فلغوز بارد كانت مزالة كتسرح شعرها شعرها بقينا كنضحكو رجعت لبيتي نرشح ريحتي وبقيت كنتسانها تكمل باش نتافقو فين نمشيو واخا هكاك بقيت حاطة على تيليفوني واش يصوني سبع البرمبة اااو 8 ومزال مصونا)
عائشة: رقيااااا وسربي اصاحبتي راه مشا الحال
رقية: لا رد
عائشة: وااااااا رقيا وا لخطية ابنت لحراام سربي راسك (شفتها مكتجاوبش ياله غنفتح لباب وحتى كلقاه مسدود بقيت كنحاول نحلو والو معمرو تعكس بحال هاكا عصبني هاد النم بقيت كنحاول والو هادو من قوالب رقية هي للي كتسد علية لباب حيت سوارت ديما كنساهم على برا مشيت لتيليفوني كنصوني على رقية والو مكتجاوبنيش تعصبت مشيت كنفتح لباب ووالو حتى بقيت كنسبها) رقيااااا حلي خلينا من لعب ديال زمر مشيت كنطل من السرجم بانتلي خارجة كضحك هي وجو صدماتني فيها من صباح وانا كنقريها وفالتالي باعتني ولكن علاش سدات لباب علية بنت لحرام بغيت نسبها من هنا ولكن عندها زهر لكلبة جينا فبلادات الناس مماينش لاش يشوفو تصبينا المسخ بقيت كنغلي بنت لحرام عندها زهر جا وداها وانا عيد ميلادي ندوزو بوحدي بقيت كنصوني عليها والو كتقطع علية صيفطتلها ميساجات غير من الصمطة لتحت ومحسيت حتى ركبت نمرة ديال يونس وبقيت كنصوني ولكن مجاوبنييش بقيت كندعي عليه بالجهد الله يعطييك غبارة كتر ما نتا غاابر
يونس: (متكي على لباب) احم متاكدة بغيتي نزيد نغيب
عائشة: (تصدمت بدلت نبرة صوتي) يونس!!
يونس: (كنعيبها) يوونس وفين كان المعطي للي مان شاعل قبيلة
عائشة: (ضحكني) حل لباب ايونس راني تخنقت هنا بلييييز
يونس: هههه اممم (كانت دايرة يديها على عينها وانا مركز غير فدوك شنيفات لمطبزين وزادو تنفخو بستها بوسة خفيفة وهي تحل عينيها)
عائشة: 😍 وااااااو (كان حاط حداه دبدوووب كبيير فلغوز ولبيض وجبد بواطة كانت فيها ساعة عجباتني بزااااف سميكات فلكحل رقاق وفلبزيم فيه واحد سنسلة صغيرة خديتهم من عندو وعنقتو ) شكرا بزااااااااف حبيبي
يونس: (بابتسامة) نتمنى يعجبوك احبيبة ديالي
عائشة: بزاااف والله وحتى المفاجئة كانت غزاالة (شفت دبدوب صغير) وحتى هدا ديالي
يونس: لا ديال رقية
عائشة: اممم لهلا يخطيييك احبيبي (بستو فحنكو)
يونس: (هزيت حاجبي) صافي؟؟
عائشة: القناعة كنز الاقوياء...
~~~~~~~~~~~~~~~~~~~~
عماد:دخلي احبيبتي مرحبا
رقية: (بابتسامة كنشوف فالدار) دارك زويينة جو
عماد: عويناتك احبيبة للي زوينة دخلي مغنعضكش
رقية: ههه اوكي فين لكادو
عماد: خايفة مني احبيبة؟
رقية: بلعكس الرجل الوحيييد للي عرفت وحسيت بالامان معاه بحال عمي احمد
يونس: (هزيت نونوس صغير وعطيتو لرقية) عيد ميلاد سعيد ختي
0رقية: (خديتو من عندو) وااو شكرا خويا يونس زوين بزاف
عماد: (جبدت بواطة صغيرة وعطيتها لعائشة) happy birthday نسيبتي
عائشة: هههه شكرا خويا (حليتها كانت اكسسوار ديال اليد فلكحل وفيها واحد لعيبة فلوسط بحال النقرة جاية زويينة كملنا سهرتنا مع 3 دصباح وصلنا يونس للدار كنت ميتة بنعاس حيت اصلا منعستش مزيان لبارح وصلنا لحدا الدار فجو صقيير من غير عصافير الحب لي كيتيوتيو اللور نزلنا من السيارة بقيت كنتكسل هز يونس لكادوات وسبقنا انا وياه ولحقو علينا جو ورقية توادعو معانا ودخلنا طحنا طيحة وحدة)
~~~~~~~~~~~~~~~~~~~~~~
يونس: عماد واش بالصح داكشي
عماد: مالنا دراري صغار باش نضحك على لبنت ونتا عارفني اصلا باغي نتزوج فنظرك غلقى شي وحدة حسن من روكا
يونس: لا ونتمنالكم الخير اولد عمي عجبني الحال والله
عماد: (بابتسامة) عارف حتى نتا عقبالك
يونس: ان شاء الله.. (كل واحد مشا لدارو وها هي تاني مرة عماد كيتجرأ علية ويدير شي حااجة بغاها ومقتانع بيها انا كنبغي عائشة ولكن حتى نعرف ردة فعل الحاج حيت عماد ماشي بحالتي كيعرفو الحاج معرفة سطحية ماشي بحالي انا دازت شهر على هاد الحال كنتلقاو يوميا وعلاقتنا كتزييد توطد حتى اتافقنا نسافرو ب4 بينا لسفاري لمدة 20 يوم باش لبنات يبداو موسم دراسي مزيان ومع ابو لقيصر مكاينش الامور فصالحنا نسافرو...)
~~~~~~~~~~~~~~~
فهد: انا للي كنعرف هدا هو العنوان ديالهم وهي مكتجاوبش على تيليفوناتي
سامي: انا للي مستغرب ليه هو نتا هنا وهوما هنا كفاش
فهد: هههه صدفة وصافي
سامي: مزيان هادي 4 مرة كنجيو هنا ومكلقاوهمش
فهد: يمكن رجعو للمغرب
سامي: لا المعهد للي كيقراو فيه عندهم عماين باش عاد يكملو انا غرجع لاسبانيا وحتى يبانولك وقولهالي
يونس: هادي غير خدمة ماشي سر كما قلتي انا فمهمة وصافي يعني مكنتقاتل موالو غير كنتسناو شي شخص للي نرجعو بيه المغرب انا ماشي تخصصي سلاح والمغامرات
عائشة: احسن حاجة
يونس: اصلا عمرني حلمت نكون بوليسي ديما كنت باغي نجي لاوروبا ونكمل قرايا هنا ولكن تجري الرياح بما لا تشتهي السفن اوا وكتاب هاد الضومين واحسن حاجة معنديش اللبسة يعني سيفيل كنخدم غير فالادارة وهاد المهمة تختاريت فيها وجبت ولحسن الحظ جيتي حتى نتا
عائشة: ولكن جاي معاك بوليسي
يونس: ههه والحمدالله منين واحد فينا عاجباه اما الاسرار كنظن نتي للي مزال عندك اسرار
عائشة: (توترت) اااانا لااا ههه اشمن اسرار
يونس: (هبطت لعند مستوى وجهها) حبيبة وقتي كولو ديالك فاي وقت غنسمع ليك
عائشة: (بستو فحنكو وطلعت ركبت شفت فيه ابتاسم وجلس حدايا عاد طلعو جو ورقية ورجعنا لبرلين من بعد جولة كبيرة لكسبورغ=> بلجيكا=> بركسيل=> باي باس=> امستردام=> همبورغ => برلين والعطلة ديال الدورة الاولى اتافقنا نمشيو لفرنسا وايطاليا دوزنا 20 يووم طووب وصلنا للدار هبطنا هبطو دراري الشانطات للي رجعو مضوبلين طلعنا كاملين للدار دخلنا يونس وجو كانو عيانين بطريق)
يونس: (كنتكسل) انا نمشي نعس
عائشة: يونس جلس ترتاح هنا
يونس: (شفت فيها شوفة ديال زعما واش بنيتك واخا كنا 20 يوم برا الا عمرنا نعسنا انا وياها معنديش الثقة فراسي للي غنعس حداها عادي) جو مشينا!!
عماد: اوكي حبيبة غير نفيق نجي عندك
رقية: غير رتاح اكبيدة فوقما جيتي حيت غدا غتبدا الخدمة غير رتاح
عماد: واخا حبيبة مهم خاصك شي حاجة؟
رقية: لا bb (مشاو دراري دخلت لبيتي لبست بيجامة ومشيت عند عيشة) عييييشة واا عيشة
عائشة:نعام
رقية: وصافي بلا متقلقي
عائشة: رقية خاصك تفهمي ماما كانت فعمر 16 عام وولداتنا وكانت مطرودة من الدار يعني كفاش كانت غتعيشنا وزايدون هي ندمات وعوضاتنا على بزااف ومتنكريش هادشي وحتى راجلها عاملنا كتر مكان غيعاملنا بانا
رقية: وحتى حنى معندنا حتى شي ذنب
عائشة: الحياة تجاارب ارقيا وخاصنا نرضاو بللي قسمو الله
رقية:(بحزن) نرضاو
عائشة: اه نرضاو وحنا عاد كنا محضوضين خرجنا فداك السن تخيلي وكان مجاتش قلبات علينا وبقينا تماك ومن مور 18 عام طردونا وخرجنا للزنقة نيشان
يونس: عاد جينا من سفر وحنا عيانين حتى نتلقاو فالسونتر بااي (خليناها واقفة مصومة ودخلت مع عماد لدارو وطرقنا لباب )
عماد: صاحبي انا كنفمر فزواج ونتا رديتني ز..
يونس: هههه احسن حيلة مع هاد اللسقة عرفتي شحال طردتها من مرة ومبغاتش ترتاح وللمشكلة عارفاني مكنبغيهاش وهي عارفة راسها مكتبغينيش كتجي باش دوز وقت زوين وتمشي
عماد: شفتي علاش قلتلك نتزوجها مغربية
يونس: عرفتي شكون كاحت فبالي دابا
عماد: شكون
يونس: نور
عماد: انا عمرني واعدتها بشي حاجة قلتلها لمكاب وصافي وزايدون انا كنبغي روكا دابا مبقات عندها حتى فرصة
يونس: امم تلااح دابا اعمي الرومانسي ندخل نعس
~~~~~~~~~~~~~~~~~~~~
#بعد_أسبوع
عائشة: اساتذة زوبنين هاد العام
رقية: صراحة حتى العام اللول كانو زوينين عيشة انا خايفة من جو قالي بغيت نهضر معاك فشي موضوع مهم اليوم وخفت يقولي سالينا حيت هو اصلا خدمتو هنا وانا مستقبلي لهيه
عائشة: الاااا وكان هاكا مغيقولكش من الاول بغيت زواج
رقية: معرفتش مهم ياله ندخلو للحصة ديالنا....
يونس: (بغضب😡) واش نتا حمق دوك لفلوس مخاصكش تصرف فيهم او تمسهم
عماد: (كنفاك) نعلو الشيطان اصاحبي زعما راحنا اكيب فريق واحد ونتا افهد راك غالط
فهد: شنو فيها الا بروفطينا شوية
يونس: اسيدي انا ماشي شغلك نهار تكون كتحاسب بيناتكم لمهم منين نصوني عليك لقاه مشعول بحالك بحال لخووت ممدوح شهرين وكتر وهو حاضي واحد دراري كل واحد وفين شاد نتا بوحدك من غير جماعة حسيتي براسك محكور جمع ك.. وتقاد ولا غنوريك علاش قاد ومتنساش انا الشاف هنا فهمتي
عماد: يونس تكالما
يونس: (موجهلو صبعي) جمع راسك معايا فهمتي (خرجت من دار عماد ومشيت لسونتر حيت الا بقيت دقيقة معاه منعرف شنو ندير)
عماد: صاحبي واش بنيتك
فهد: (جلس على كرسي وكيرجع شهرو اللور) وحتى هاد يونس مريض
عماد: ولكن من اللول قالو لينا اي فلوس تحطو لينا من قبل المنظمة نتحفظو عليهم حتى نحطوهم فالمغرب فالمركز
عماد: نتا تعرف اصديقي (شاف فالساعة) ياله نخليك غنخرج نتلاقا ابو لقيصر راه وصل هاد نهار (خرجت من الدار مهتميتش لفهد شغلو هداك هو عارف الضومين كتر مني انا جيت لهنا غي حيت المهنة ديالي قريبة لمهنة المشتبه به مشيت لعندو للقهوة للي كنجلسو فيها جا جلس حدايا) عاااش من شافك
ابو لقيصر: مافيها باس شوية ديال الراحة
عماد: عييييش وربي الرييش
ابو لقيصر: اوا كاين شي جديد
عماد: والو هاد الساعة غير لخدمة للدار كنت خديت كونجي ريحت شوية صافي ونتا
ابولقيصر: عادي منين كنرجع لاسبانيا كرجع لحياتي الطبيعية فخبارك من المطار نيشان لهنا عندك
عماد: ديك السيمانة قلتلي غتجي
ابولقيصر: اه غير بقيت شي ايام على مقديت شي شغل جوشنو بان ليك تمشي تخدم معايا فاسبانيا!!
عماد: اسبانيا!!
ابولقيصر: اه نقدر نزيد شي شهور هنا ونطلب نمشي لتماك
سيدتي الجزء الخامس
محتوى القصة
التنقل بين الأجزاء