ابو لقيصر: نو هاد الليلة خدام حتى غدا عاد نجي ان شاء الله (خرجت من التاكسي ودخلت كما العادة لواحد القهوة للي فلباركينغ ديالها كاينة سيارتي ركبت فيها ومشيت لعند حب حياتي للي توحشتها وهي مقلقة مني اليوم قررت نبات معاها )
فهد: (غير نزل قررت هاد لمرة نتبعو نعرفو فين كايمشي وعلاش هاد القهوة وشكون كيتلاقا فيها، دخلت من موراه بلا حس شفتو خرج من لباب التاني مشا نيشان لباركينغ شفت سيارتو تماك مشيت خرجت دغيا لتاكسي وبقيت كنتسناه يخرج غير خرج تبعتو بقيت مورا حتى خرج فواحد لفيلات دخل بسيارتو وبقيت انا حدا لفيلا كنتسنى تماك هنا غنتصالح مع داك النم باش ميشكيش بية للشاف صونيت على يونس قلتلو هاد لمعلومة جا هو وعماد لعندي)
يونس: (محاملش نشوف فيه) هنا دخل؟
فهد: اه
عماد: اذا هنا عندو عائلتو كنت سمعتو فالتيليفون قال بنتي
يونس: اممم مزيان كتعرف مرتو ولا شي واحد فعائلتو
فهد: لا صراحة مكيهضرش على خصوصياتو قدامنا هو تاق فية غير حيت قضيتلو داك الغرض الخيالي
يونس: اوكي هو دخل وكما قلتي معندوش خدمة اليوم يعني غيبات هنا ومكاينش لاش نراقبوه ونتا مخاصكش تبان هنا باش ميحطش عليك العين انا نصيفط للي يجي هنا باش يعرف المعلومات على كل واحد ساكن معاه (رجعنا بحالنا عماد كان مقلق حيت كان على موعد ما رقية ولكن تعطل) صافي قولها تخرج عندك وسيرو لشي بلاصة وللي عندو شي حاجة يقولها
عماد: يونس واش لبنات مخبيين شي حاجة
يونس: نو
عماد: اوكي كتظن مغتقلقش
يونس: مكنظنش حيت ماشيشي مسألة لي مضرة فعلاقتكم او مسألة ثقة غير جات هكاك نتا غير عرف كفاش توصلها الفكرة وصافي
عماد: انا غنكون صرييح وصافي (وصلنا لتحت الدار صيفطت ميساج لرقية باش تنزل عندي ولكن مبغاتش تنزل) مبغاتش
رقية: ما فيا للي يتصدم اعيشة صافي بغا يتفارق بلا ميقولي اسباب او نسمع شي حاجة بغا يمشي الله يعاونو
عائشة: وشكون قالك هو بغا يتفارق معاك الهبيلة
رقية: وشنو فرأيك الموضوع للي بغا يهضر معايا فيه وزيد مجاش عندي وكان مكانتش شي حاجة غيجي يطلع ماشي يصيفط ميساج ويبقى لتحت ومنين قلتلو مغنهبطش مولاش سوق باينة لعمى
عائشة: معرفتش الناس كيفكرو بعقلهم ونتي كتفكري بز..
رقية: شفتك كتقادي
عائشة: خارجة مع يويو ديالي كيتك نتي ياله تلاحي نهبط عندو قبل متعديني بالاحباط ديالك (هبطت عند يونس لقيت معاه جو بابتسامة) جو
عماد: عويشة لباس عليك وبالمناسبة سميتي عماد ماشي جو (خرجت من اللوطو وخليتها حالة فمها وطلعت عند روكا يونس غيتكلف بعويشة )
عائشة: (جلست ودرت الصمطة) كفاش عماد؟
يونس: (عاقد حواجبي) فين لبوسة ديالي
عائشة: غيير بالدهشة (بستو فحنكو) عماد ولد عمك؟؟
يونس: (انا للي صدماتني) باش عرفتيها؟
عائشة: قول واش هو للي جا وتعشا معاكم ديك الليلة؟؟
يونس: لهاد الدرجة عند الذاكرة
عائشة: هههه دابا غير جاوب واش هو ولا لا حيت مكنتش شفتو سمعت غير بسميتو من عند ماما
يونس: اه هو
عائشة: وكفاش قضيتو علاش خبا سميتو (شهقت ودرت يدي على فمي) متقوليش حتى هو بوليسي
يونس: هههه معرفتك واش برهوشة ولا نابغة
عائشة: (جمعت الضحكة وتغوبشت)
يونس: (درت يدي ففخضها وبحال كنحك) متقلقيش احبيبتي
عائشة: نتا كل مرة كتقولي برهوشة
يونس: صافي احويشتي متقلقيش ولا نخلي راسك ضارك ومنقولك والو
عائشة: صافي ياله قولي (وصلنا لبلاصة للي موالفين كنجلسو فيها ولكن بقينا فالسيارة هاد لمرة حيت كان بارد الحال شوية طلق الشوفاج كما العادة كيجيبلي تقاووت هزيت شيبس باش نتبع معاه) ياله بدا
يونس: هههه اوكي لالة عماد ولد عمي هو فالاصل طبيب كان فامريكا دخل للمغرب تحت إسرار الاب ديالو حيت بغاوه يجمع راسو خافو يولي ميريكاني وينسى اصلو وفصلو ودينو ما علينا جابوه للمغرب دفع للشرطة ولكن على اساس طبيب ويبقى فتخصصو تقبل دوز سطاج ديالو وخدم فعيادة ديالو للي مختصة غير بلبوليس وحيت هو جديد جات هاد المهمة والمشتبه للي عدنا به الغرض خدام فهاد الضومين رشح راسو حيت انا غادي وجينا هنا فاللول مكانش عارفكم بنات الحاج حتى قلتهالو انا بقات سميتو جو عندكم وشحال من مرة بغا يصارح رقية ومجاتش الفرصة واليوم بغا يقولها كولشي سي تو
عائشة: امممم هادشي مشوق مكرهتش نتفرج فيها وهو كيقولها على سميتو جديدة
يونس: صافي هدا مكان
عائشة: وشنو المهمة ديالكم
يونس: كما قلت ليك واحد المشتبه به تبت عليه التهمة يتشد ونديوه المغرب حيت هو مغربي صافي وحنا بدلنا اسمنا غير على حساب هاد المهمة
عائشة: اممم مزيان اذا عماد من العائلة واخا ولفتو بجو حسن
يونس: ايييه من العائلة الالة غنبقاو نهضرو غير فعماد!!
عائشة: اوكي قلتي مشتبه ومهمة وكدا ديالاش مخدرات ولا تهريب اسلحة ولا ارهاب
يونس: ههههه حويشتي قلتلك حوايج مخاصكش تعرفيهم براكة غير تعرفي مشتبه فافعال غير مشروعة منبغيش نخلعك احياتي وفنفس الوقت خوي راسك من هادشي حيت قريب غرجع لحياتي العادية ماشي حيت بغيت نخبع عليك ولكن بلا متعرفي هادشي
عماد: هههه اه وهدو يدي وهدا قلبي (شديت يديها) وهدا حتى هو (بغيت نحطها فحجري وهي تهرب يديها)
رقية: جووو
عماد: عماد
رقية: ههه (عنقتو حيت كنت خايفة غير يتفارق معايا اما التفاصيل لوخرا ممهتماش بيها بزااف) الحمد الله سميتك عماد ماشي جمال
عماد: هههه كنت كنتسنى شي ردة فعل درامية
رقية: داكشي فالافلام احبيبو حنا بعقلنا احياتي وهاد الامور لبساط مغتخليش شي عائق يكون بيناتنا (لاول مرة تجرأت وبستو ولكن كنت فرحانة بلكلام للي قالي خلاني مرتاحة بزااف فهاد العلاقة للي زادتني نضوج فعقلي بقينا كنهضرو وجو لا عماد ولفتو بجو.. عماد بقا كيعاودلي على عائلتو ويونس وبزااف ديال لحوايج نضنا قادينا لعشا درنا سباكيتي بصوص بيشاميل ولفرماج صدق كيعرف يطيب عاودلي على بزااف ديال لحوايج هو انسان كوميدي رومانسي حنيين ولكن بانلي كيتعصب وفلبلاصة كيبرد منين قلتلو نساليو كانت ردة فعل فشكل للي عجباتني بزااف والحمدالله ليغير سميتو للي مبدلة..)
عائشة: غير كملت الحصة ديالي مشيت كنجري للقسم عند يويو ديالي ولكن لقيت ديك لبنت ديال ديما بففففف
فروس: نزار انا ممتيقاش شنو شفت هداك نهار
يونس: (ببرود) شنو شفتي؟
فروس: نتا ماشي شاذ؟؟ ميمكنش شحال مرة وقعات بيناتنا علاقة!!
يونس: (قشعت عائشة داخلة وحيت عارفها متهورة) فروس ماشي وقت الهضرة عندي شي شغل من بعد ونهضر معاه
فروس: اه اوكي
عائشة: (بقيت واقفة حدا باب لكلاس ومخنزرة ياله جات خارجة عرضت ليها برجلي مع الزطمة جابت الربحة ومع شتا والدنيا مرونة) مرة اخرى نشوفك مقربة ليه غنتفاهم معاك
يونس: (مشيت كنجري اول حاجة درت عائشة من مورايا وبقيت كنوقف فروس)
فروس: واش نتي حمقة
يونس: دخلي نتي للقسم قلنا هاد تبرهيش تنسايه
فروس: واش هاد العاهرة فينما كنت انا تكون فوجهي
يونس: عاوديها مرة اخرى نسا نتي بنت ياله تحركي من هنا
فروس: (بصدمة) نزار!!
يونس: (دخلت لعند عائشة لقيتها كتغلي غير وقفت حداها خرجات لبرا وبقيت تابعها) عويششة تسناي (كانت شتا كطيح شديتها من يديها وديتها حدا اللوطو كانت حتى رقية كتسنى تماك حليتلهم لباب وطلعات عائشة وجلسات اللور ركبت وزدت بقيت كنشوف فيها من لمرايا كانت غير عاقدة حواجبها وشعرها ووجها فازك شوية كانت زويييييينة بزااف جات معاها تغوبيشة)
رقية: خويا يونس بغيت نمشي عند عماد قالي عيان شوية
يونس: واخا ختي
عائشة: انا بغيت نمشي للدار
يونس: نوصل رقية ونوصلك نتي للدار
عائشة: اووووف (يااا ربي ميديرهاش بالصح يخخخ كاع مكيخليني نتقلق فخاطري ونتفشش عليه ديما كيديرها على قد فمي شتا غير مكتجهاد بقيت كنتفرج من السرجم حتى وصلنا درت فيها عزت نفسي مبغيتش نزل هبطات رقية ومشات كتجري باش تخبى تحت الدخلة ديال العمارة وكتشيرلي بيديها باش نهبط مرتاحيت حتى سكت اللوطو فتحلي لباب)
يونس: خرجي
عائشة: لا خودني للدار ولا عرفتي شنو غيجيك حسن غنخرج ناخد تاكسي
يونس: واخا غير هبطي وخودي تاكسي
عائشة: هبطت وكنتسناه يوقفني حتى شدني من يدي وجرني وحتى انا مقاومتش جرني ودخلني وانا مرة مرة كنتنتر زعما باش يرخي مني
رقية: مريضة نتي راه غتمرضي بهاد شتا راكي على سبة كتمرضي طلعي طلعي (وصلنا فين ساكن عماد بقيت كندق شفت يونس جار عيشة يطلعها لفوق لدارو بالسيف وهي غير مكتعاند ياله غنتبعهم حتى تفتح لباب مجيت فين انطق حتى شفت عماد خارج غير بسروال بيجامة وملابس والو لفوق شعرو مرون بقيت حالة فمي فدوك العضلات وفعينيه للي كيحمقوني) ااانا راهم طلعو لفوق
عماد: (مديت يدي شديتها من يديها ودخلتها سديت لباب وعنقتها كانت باردة بزاااف) توحشتك
فهد: (بدهشة) شنو غتكون علاقة عائشة وختها بيونس؟؟ ومنين كيعرفوه ميمكنش!! منين خرجت من السونتر وانا تابعهم شفت رقية كانت تابعاهم وهو شاد عائشة من يديها فوقاش تعرفو ببعضياتهم؟ وفين وكفاش؟ بقيت جالس فالقهوى لتحت لمدة 2 سوايع مولاوش خرجو خديت البادرة وطلعت انا نيت نعرف شنو كاين!! ميمكنش ميكونش عندي حق فعائشة حتى انا...
فهد: ...طلعت انا نيت نعرف شنو كاين ميمكنش ميكونش حتى انا عندي حق فعائشة طلعت فدروج دزت عند عماد هو اللول بقيت كندق عليه شحال
~~~~~~~~~~~~~~~~
عماد: (كنفتح عيني غير بالزز كلقى روكا بين ذراعي نعسين فلفتوي ومعنقها من اللور يد شادها ويد حاطها فوق خصرها مسخيتش بيها تنوض شكون هاد بوزبال للي كيدق بقيت مدة زعما يحشمو ويمشيو ونيت اميرتي متفيقش حتى عاود دق مرة اخرى ولكن بالجهد حتى بقات كتفيييق) حبيبة متخلعيش غير يونس وعويشة كيدقو غير خليك نتي مرتاحة
عماد: (فتحت لباب حتى كلقا داك لمريييض ديال فهد ماشي وقتو فمرة دفعت لباب شوية ورديتو ودرت يدي على لبلاصة للي بقات مفتوحة فيها الباب باش ميبانلو والو) صاحبي اش فيها
فهد: (شفتو خارج عريان من لفوق وبحال كاعي ضيعت عليه الحلوة) والو كنت مال وقلت نجي نقصرو (باستهزاء كنحاول نلوح عيني مزيان واخا طرق لباب مزيان) ولكن باينة بديتي لقصارة بكري
عماد: (بابتسامة صفرا) بحال داكشي
فهد: اوووكي بلا منخليك فلباب ويضربك لبرد حتى نوليو نتلقاو
عماد: اوكي تهلا (سديت لباب يخ على نمس دخلت عند رقية لقيتها دخلات لبيت نعاس) حبيبة
رقية: شكوون
عماد: علاش تخبعتي؟
رقية: منين درتي لباب هكاك عرفت شي واحد غير مرغوب فيه داكشي علاش جيت هنا
عماد: اه هدا واحد خدام معانا وكما قلتي معنديش معاه بزااف
رقية: (قست جبهتو) الحمد الله مبقااتش سخانة بزاف
عماد: (عاود رديت يديها لجبهتي) لا باقا
رقية: هههه والله حتى نقسات
عماد: الااا الالة باقا انا للي حاس بيها
رقية: عمااااااد
عماد: هههه اوكي اوكي صراحة فيا الجوع بزااف وهاد الجو نيت غير ديال الماكلة
عماد: هي اللولة احبيبة ولكن خاصك تصبري كنعرف واحد المطعم ديال لمغاربة هنا نمشي نوصي على كسكسو الأميرة ديالي
رقية: لا حبيبي بلا منعذبك
عماد: ااح غير عذبيني احبيبة باغي مت العذاب معاك نتي طلعي لفوق عند ختك حتى نرجع باغا شي حاجة اخرى احبيبة
رقية: لا حبيبة (دخلت معاه لبيت كنعاونو يلبس واخا هو شحال باسل مكيرصاش)
~~~~~~~~~~~~~~~~~~~~
فهد: (هبطت لتحت وبقيت حدا التاكسي) اممم كل واحد واخد وحدة معاه (جبدت التيليفون وصونيت) افيين العشير
سامي: فالدار مريح كاين شي اخبار
فهد: اه شفتهم هاد نهار
سامي: (بلمعة فعينو) مزيان اذا رجعو باش يقراو
فهد: اه ولكن ماشي شفتهم فالمعهد ولا فدارهم
سامي: وفين
فهد: شفتهم عند واحد جوج صحابي مقصرين بيهم
سامي: (بغضب) وايلي!
فهد: والله معرفت نوبتي فوقاش توصل ههه
سامي: شكون هاد صحابك واش متاكد😡
فهد: وراه تبعتهم حتى دخلو عندهم مع 5 ودابا 8 ومزال عندهم وباش نتأكد مشيت عند صحابي وراك عارف هالي خرجلي عريان ولي مبغاش يفتح لباب
سامي: اممم مزيان نخليك دابا شوية ونصوني عليك
فهد: اوكي (خاصني نضيع ليهم الجو بقيت كنفكر حتى طاحت علية فكرة)
~~~~~~~~~~~~~~~~~~~~
سامي: (رميت التيليفون حتى تشخشخ) لا رقية كنعرفها مزيان هي ماشي ديال هادشي انا شخصيا حاولت معاها بجميع الطرق مصاحبة زواج اغراء بوسة هي التالية مخديتهاش منها ميمكنش كنت كنشوف اعجابها لية فعينيها ومكانتش مقتانعة بهادشي ميمكنش (تجننت للي كان حدايا فالمكتب لحتو) والله الق.. مغتبقى فيك شنو ناقصني انا باش ترفضيني ....
عائشة: هاهاها غير بقا كتحلم بيها خرج ايونس من لبيت ولا منخرجش
يونس: وا راسك قاسح انا خرجت
عائشة: مزاااالة كنسمعك كاين
يونس: ههه (خرجت وسديت لباب كان بامكاني نبقا ولكن مزااال الحال على هادشب مشيت كبيتلها قهوة سخونة تدفا بيها)
عائشة: (خرجت راسي من الدوش ملقيتوش عاد خرجت لاوية علية غير فوطة صغيرة لقيتو حاط سروال بيجامة ديالو وتيشورت لبستهم واخا جيت هداوية بيهم الا كان عاجبني الحال وريحتو فيهم يا سلاااام درت فوطة على شعري وخرجت من لبيت لقيتو كيتفرج مشيت حداه ودخلت فحضنو وبقيت كنشرب قهوة)
يونس: (بقيت شاد راسي غير بزز ريحتها خلاتني سكرااان فيها عمري تحطيت فهاد الوضعية ديما كان كولشي قدامي ندير مبغيت ولكن عويشة حالة خاصة حسيت بلحمي كيتشوط وعروقي غيطرطقو جالس بحال شي جمااد ولمق.. هو جبل للي بقا كيتنفخ من تحت سروالي هي غير كتفرج مدات مجابت جبدت يدي) احم حبيبة تسناي نمشي نجيب شي حاجة
عائشة: اوكي bb
يونس: (مشيت لبيت قاديو باش ميبانش وهزيت ملحف صغير زعما راه دخلت غير نجيبلك باش تغطي رجلك حتى سمعت الدقان غطيتها مزيان وحليت لباب كانت رقية الحمدالله منين كاين معانا شي واحد قبل مندير شي كارثة) دخلي اختي فين عماد
رقية: عماد مشا يجيب لينا كسكسو (دخلت لقيت عائشة مبدلة حوايجها ودايرة فوكة على شعرها بقيت كنشوف فيها باستفهام)
يونس: احسن حاجة دار هي هادي الجو النيت غير ديال كسكسو (شوية تيليفوني صونا كان فهد دخلت لكوزينا) وي فهد
فهد: انا لتحت غنجي عندك
يونس: احم لا راه معايا شي حد
فهد: واايلي نتا وعماد هاد نهار تافقتو كولشي مشغول انا اصاحبي جاي على الخدمة ونتوما عاطيينها لزهو
يونس: وصافي النم انا غنهبط لدار عماد
فهد: انا حدا لباب صوني عليه باش يخبي شكون عندو على منكملو شغلنا ويرجع لداكشي ديالو
يونس: بفف مكاين حتى واحد فالدار غير تسنا انا جاي (قطعت وخرجت عند عويش) حبيبة انا شوية ونجي
عائشة: واخا حوبي
رقية: وصلنا سطاج ديال الدوش
عائشة: يخ دماغك كولو زبالة راه غير مع شتا دوشت وصافي
رقية: اممم مسكيييينة تقتك انا
عائشة: كاع لا تيقي
~~~~~~~~~~~~~~~
فهد: (كفاش الدار خاوية وانا كنت برا مشفت حتى وحدة فيهم خرجات ولا يكما طلعو لفوق عند يونس منين جيت انا ولكن بفففف) فين عماد
يونس: (هابط مع دروج) خرج علاش
فهد: غير سولت (خلنا عاودت ليه شنو قالي ابو لقيصر وعلى العملية للي قربات شي ربع ساعة هضرنا فيها واخا اصلا كان بامكاني نقولها غير فالتيليفون حسيت بيه كيزرب علية باش نخوي بالمعنى كيكركبني نضت مشيت بحالي للدار حيت اليوم غيجي ابو لقيصر معندي حق هاد نهار فعائشة..)
ابو لقيصر: السلاااام عليكم
الكل: عليكم السلام
ابو لقيصر: جلسو (كولشي شد كورسيه بقيت كنشوف فعينيهم كولشي كيتساءل شنو من بعد عام وهوما هنا) بلا شك كتساءلو علاش نتوما هنا؟؟
شخص2: حنا كنا غير محضوضين ومامشيناش مع خوتنا لسوريا بغينا نديرو شي حاجة هنا نتاقمو من هاد الكفار للي كيلزمو علينا شحال من حاجة ونيت بغينا للي نظمنوا بيها اخرتنا ونفوزو بالجنة ان شاء الله
ابو لقيصر: (عرفت مغيكونش فخبارهم ان دوك جوج للي مشاو تشدو) كولشي قرييب الإخوان
فهد: الا ممكن تقولنا فوقاش وفين
ابو لقيصر: اخ ليث نهار غنعرفو وتقرب المهمة غنقولها ليكم
فهد: احم اوكي
ابو لقيصر: شكون كيعرف يشد السلاح؟
الكل: لا رد
ابو لقيصر: يعني حتى واحد
الكل: (بقاو كيتشاوفو بياناتهم)
ابو لقيصر: (عرفت حتى واحد عمرو حط يدو على سلاح ياله غنجي نشرح ليهم شنو حتى جاني اتصال من عند الاخوان فسوريا مشيت فتحت لاب توب درت سكايب تقادو كما العادة وبقينا كنسمعو لفتوة ديال واحد الشيخ مهم جلس كيهيت عليهم بقيت كنشوف فيهم كيسمعو من نيتهم بقيت متبعهم وكنتسنى غير امتى يكمل هاد الوقت...)
~~~~~~~~~~~~~~~~~~
رقية: امممم توحشت كسكسو بزاااف
عائشة: الله يعطيهم الصحة والله اخويا عماد احسن حاجة درتيها
عماد: الجو غير ديال كسكسو
يونس: (قلتها بشوية وغمزت عويشة) وباقشطاق
رقية: (وحلاتلي واحد اللقمة درتها فمي) كح كح (صدمني يونس منين قالها علنيا شفت فعيشة لقيتها حمارت وغير كضور عينها)
يونس: (بتحذير وكنمسح يدي) الا بقيتي غنفدي فيك القديم وجديد (حطيت لفوطة بلاصتها وحاصرتها فالحيط بيدي) شنو تختاري تمشي ولا تبقاي
عائشة: (هربت من تحت يدو وخرجت لساني) الا شديتني ديرلي
يونس: ههههه (مشيت تبعتها لقيتها حدا ختها من بعد مكملو وجمعوا الدنيا مشيت وصلتهم حيت عماد بقا كيقاد راسو باش يمشي للمناوبة فصبيطار....)
يونس: (من بعد موصلتهم نزلات رقية) إيييي نتي (موجه لكلام لعويشة) بغيت حوايجي دابا
عائشة: دابا!!
يونس: ولا نطلع معاك للدار ونمشي معاك لبيتك حيديهم وعطيهملي
عائشة: (بدلع) الااااا هادو ولاو ديالي
يونس: وحتى للي لابساهم ديالي
عائشة: اممم نفكر
يونس: خرجي تحركي منهنا نتي راه طلعات ليك سخانة وبرب متكوني لية مغتكوني حتى لشي واحد
عائشة: (بستو فحنكو) تصبح على خيير حبيبو (هبطت وطلعت للدار طليت عليه من السرجم عاد مشا تكيت فبلاصتي بحوايجو مسخيتش نحيدهم جبدت عليها بنعسة حيت كنت مسخسخة)
~~~~~~~~~~~~~~~~
...أصبحنا واصبح الملك لله...
رقية: عيشاا مزال ملبستي راه مشا الحال اصاحبتي
عائشة: 😰 مقدااااش (كنهضر من نيفي حيت ضربني لبرد وتخنقت)
رقية: (قست جبهتها) ناري فيك سخانة؟؟
عائشة: اه غير سيري نتي انا نشرب دوا ونرجع نعس
رقية: نجلس معاك؟
عائشة: لا غير سيري خاص تجيبيلي الدروس وتفهمني شنو دازني متنسايش راه قربو الامتحانات
رقية: اوكي (مشيت لكوزينا فيضت ليها حليب مع اسكنجبير وحطيتلها قرعة ديال لما حداها غطيتها مزيان ومشيت لقيت عماد كيتسناني باش يوصلني وصلت عندو بستو فحنكو) صباح الخير
عماد: صباح النور حبيبتي فين عويشة
رقية: صبحات مريضة
عماد: ياك لباس
رقية: رواح
عماد: اه لباس عليها (وصلت روكا للمعهد ومشيت للدار نعس حيت من صبيطار نيشان لعندها وعاد خاصني نرجع مع 3 نخدم ياله غنفتح لباب حتى كيصوني عندي ابو ز... وعلمني راه جاي وناااري هدا مكيتقضاش مكيلقى ميدير كنبالو انا بقيت كنتسناه علمت يونس باش ينوض يشغل لكامريات شوية ووصل عندي) دخل ايوسف
ابو لقيصر: ياكما باغي تنعس؟؟
عماد: لا لا ماعليش غير خليك لبارح صونيت عليك مجاوبتيش ومجيتيش للخدمة
ابو لقيصر: كان عندي شي شغل
عماد: اممم مزيان
ابو لقيصر : غنطلعو لواحد الرحلة تمشي معانا؟
عماد: فين ونتا من ماشي؟
ابو لقيصر: انا وشي صحابي
عماد: والخدمة؟
ابو لقيصر: خود كونجي شي سيمانة
عماد: لا منقدرش انا معمر لكونجي شهر 1 ومبقالو والو مبغيتش نكاسيه ونصدق لا كونجي لا والو
ابو لقيصر: اه وكتنساش لاحتنا مهم بلا مندخلك فهاد الهضرة حيت كتعصبني بزااف
عماد: (درت رجل على رجل) قلتيلي بغيتي تمشي لاسبانيا
ابو لقيصر: اه ان شاء الله
عماد: واش عندك العائلة تماك ولا شنو؟؟
ابو لقيصر: انا معنديش العائلة مهنننني اسبانيا كنت جيت ليها حارك بقيت من خدمة من هادي لهادي حتى تعرفت بواحد السيد هو سبابي فاش راني دابا
عماد: بديتي القصة وزربتي فالنهاية
ابو لقيصر: هههه كولشي مع الوقت يبان ياله نخليك دابا
عماد: شنو يبان
ابو لقيصر: تبان وسط القصة ياله مع السلامة
عماد: غتجي مع 3 ياك؟؟
ابو لقيصر: لا موحال (شاف فساعتو) دابا غنسافر
عماد: فين؟
ابو لقيصر: هههه نمشي نصيد قلتلك ياله ومبغيتش
عماد: راك عارف محتاج لكونجي
ابو لقيصر: اوكي سيدي ياله بيناتنا الالو (خرجت صونيت على ليث ودراري كما تافقنا لبارح كل واحد جا بوحدو لواحد المكان للي فالخرجة دلمدينة باش ندربو على سلاح وصلنا لتماك رتاحينا فصباح جاو شي ناس متخصصين فسلاح كيدربونا على سلاح وفالليل كنقيمو صلاة قمة النفاق واش كولشي بحالي هنا باع راسو على قبل لفلووس ولا غير انا!! ميمكنش حتى واحد مغيقد يبين النية ديالو وكولشي متلهف غير كتختالف الرغبة للي متلهب باش يتعلم وللي متلهف باش يشد داك المبلغ المالي
انا ابو لقيصر يوسف الفاسي القائد ديالهم حيت انا للي استقطبتهم وضحكت عليهم بجوج كلمات وبزاف دلفلوس وجبتهم لهنا كما ضحكو علية!! لا انا مضحك علية حتى واحد بنفسي اختاريت هاد طريق للي دارتلي حساب مهم فالبنك وسيارات فيلات ومهنة خلاتني محترم ولكن المقابل للي كيطلبوه كبيير ربيت فنفسي وحش مكيهمو حتى واحد ومكيحنش وعلى قبل لفلوس غندير اي حاجة طلبوها مني...)
يونس: (بقيت كنشوف مزيان فالتسجيل الحد الان مزال مقال شي حاجة للي مهمة وتنفعنا من غير انه قرر يستقر فاسبانيا هنا دخل الشك فين غيطبق الهجوم واش هنا ولا اسبانيا شفت عماد دخل ينعس لبست حوايجي بقيت كنصوني على عويشتي مكتاجوبش يعني غتكون كتقرا دابا خليتلها ميساج ومشيت للمركز للأبحاث القضائية الالمانية اكييد مكنخبرهمش فين ماشيا القضية حيت هي سرية من درجة رابعة {سرية من درجة رابعة: هي كتكون مهمة ولكن خيوط القضية كتبقى غير بين العملاء للي خدامين فيها حتى كيكملوها او كيلقاو خيوطها عاد كيقولها للشاف للي مكلف معاهم بالمهمة} جبدت واحد الملف ديال فاش كان عايش فاسبانيا كنت خدمت عليه 15 اليوم منين مشيت حتى انا لأسبانيا اتاصلت بممدوح) عشيري كنتي كتراقب دار المشتبه به أبو القيصر شنو عرفتي
ممدوح: هو مكيعمرش فيها قليييل بزاف فاش كيجي اممم عمرني شفتو خارج مع شي واحد سولت حارس المنطقة مفادني بوالو حيت حتى هو مكيعرف عليه والو بقيت متبع مزيان شفت غير بنت فعمر العشرينيات وشي مرات كنشوف معاها بنت صغيرة للي كنظن انها بنتها من حيث التشابه وكنظن هاديك غتكون الزوجة ديالو أو صاحبتو
يونس: اممم مخليهم بعيد على الانظار
ممدوح: وي حيت فهاد المدة للي راقبتهم معمرو خرج معاهم
يونس: مقدرتيش تجيب لينا اسم لبنت أو شي حاجة عليها
ممدوح: الاسم مزال كنبحث عليه معندهاش شي علاقات يعني كتخرج بوحدها وترجع بوحدها مرات كتمشي بتاكسي مرات بسيارتها
يونس: كتشك انها مخبعة شي حاجة؟؟
ممدوح: ممكن
يونس: محجبة؟
ممدوح: نو بلعكس اوبن ويمكن اوروبية حيت مظهرها ماشي عربي
يونس: اوكي بقا متبعها وجيبلي لبلايص فين كتكون
ممدوح: واخا
يونس: نبغي كولشي يكون فتقرير
ممدوح: واخا الشاف
يونس: (من بعد مقطعت مع ممدوح) مشيت للمعهد نتسنى عويشة حيت كانت شتا بزااف وعماد مغيتسناهمش ونيت توحشتها من لبارح مسمعت صوتها نعسات وخلاتني بقيت كنتسنى برا حتى بانتلي رقية كلاكسونيت عليها وستغربت حيت ممعاهاش عويشة فلحظة دخلني الصهد وبدا الشك جات كتجري عندي وركبات فلقدام
رقية: خويا يونس جابك الله (كنمسح وجهي و لمونطو من قطرات شتا)
يونس: (هزيت حاجبي) فين عائشة؟؟
رقية: مجاتش هاد صباح تقرا
يونس: وعلاش
رقية: صبحات مريضة
يونس: (بقلق) واايلي ياك لباس وشنو بيها؟
رقية: رواااح راك شفتي لبارح بقات فديك شتا
يونس: مكتسمعش حتى هي الهضرة (كسيريت دزنا خدينا غدا ودزت لفرمسيان خديت دوا عاد مشينا للدار غير فتحات رقية لباب مشيت بسرعة لبيتها مالقيتهاش فبلاصتها بقيت كندور عيني)
رقية: فين مشات هادي؟
رقية: فين مشات هادي؟؟ (حتى سمعنا باب لحمام تحل كانت خارجة منو ووجها صفر ونيفها حمر شافتنا)
عائشة: (بصوت مخنوق) جيتو؟
يونس: (إن بعض الظن إثم زعما مكنحشمش عارفها كتموت علية ومزال كنشك! مشيت عندها قستلها جبهتها للي كانت نار) حبيبة كبقيتي؟؟ علاش مقلتيليش راك مريضة نجي عندك من قبيلة ماشي حتى لدابا
يونس: (شفت ردة فعلها اذا بالصح كاين بزااف مخبيين من عادتي مكنبغيتش نبش فلماضي ولكن حبييتي بغيت نعرف عليها كولشي من نهار تولدت لحتى نهار للي عرفتها بقيت كنشير لرقية) صافي ابنتي دخلي تنعسي بنتيلي غتنعسي ونتي واقفة
رقية :(بابتسامة صفرا) فففاس
يونس: (باستغراب) فاس؟؟
رقية: اه
يونس: اممم مزيان حياتي كاملة وانا كنتمنى نتزوجها فاسية (بقينا كنهضرو انا ورقية حتى سمعنا باب بيت عائشة تحل ياله جات خارجة شافتني خرجات عينها وهي تزدح لباب مكملاش جوج دقايق خارجة جامعة شعرها للي كان شاد الردار من كل جهة ودايرة عكر) هههه حبيبتي زويينة بلا متحتاج تقاد
يونس: (ضربت يدي فيد روكا على كلمة حويشتي بقينا كنهضرو ونضحكو ناضت رقية دير لينا سباكيتي وبقيت مع حبيبتي حتى رجع عماد تعشينا مع بعض ومشينا للدار بقينا مدة اسبوع وحنا كنمشيو عند لبنات وكنخرجو مرة مرة على حساب قراية ديال لبنات مزيرة شوية)
~~~~~~~~~~~~~~~~~~~
فالمستشفى
ابولقيصر: (فتحت باب المكتب ديال جو) جو
عماد: اهلااان دكتور عاش من شافك
ابو لقيصر: هانا اسيدي
عماد: فين غاطس اصديقي معوالش تخدم على ولاك من لكونجي شي 3 شهور تقريبا وزيد هاد السمانة باقي شي جولة اخرى
ابو لقيصر: هههه على حساب
عماد: نتا للي صدقات ليك
أبو لقيصر: كاين شي كسيدة هاد نهار شي زلزال شي حاجة نفرغو فيها
ابو لقيصر: جو انا بقاتلي مدة ونخوي هنا ولكن قبل منخوي غنخلي دينمها هاد المانيا ونرونها مزيان عاد نعلق
عماد: ههه (بغباء) كفاش
ابو لقيصر: داكشي باش قلت ليك تخوي معايا
عماد: (بجدية) يوسف فهمني شنو كاين!!!
ابو لقيصر: (شاف من موراه مالقا حتى واحد) صاحبي شنو قلنا هاد سمية خليها منين نكونو برا بوحدنا
عماد: واخا ولكن كفاش غترونها
ابو لقيصر: (بهمس) كلامنا ماشي هنا ياله نمشيو لخدمتنا (كل واحد مشا للمكتب ديالو درت رجل على رجل وحطيتها فوق المكتب وبقيت كنفكر فشحال من حاجة وفكرت فالخطة ديااي كفاش نهرب ونخوي من هنا ونرجع لحياتي الطبيعية يوسف يوسف للي كان خدام فمخبزة قبل ميكون طبيب ولباس عليه تفكرت داك نهار معرفت واش مشؤوم ولا كان فرج لية...)
عائشة: (كنهضر فالتيليفون) ويي حبيبي
يونس: صباح الفل والياسميين حبيبتي توحشتك
عائشة: (بهيام) حتى انا توحشتك بزااااف
يونس: غير سمحيلي احبيبتي مجيتش ناخدك هاد 3 ايام والله مشغول و..
عائشة: هانية حبيبي عارفاك مع لخدمة وحتى عماد كيجي ياخدنا مسكين كل صباح ويرجعنا
يونس: اليوم لخر ياك؟؟
عائشة: اه احبيبي غير دعي معايا اصعب مادة بقات لينا هي هادي وانا خايفة منجيبش شي نوط
يونس: ان شاء الله غير تكملي امتحان ديالك عندي مفاجئة ليك
عائشة: هههه عااارفة
يونس: ياك المشيشة ديالي
عائشة: اه ياله بيبي نخليك عماد وصل بيزوووووو (قطعت معاه وانا متفائلة يونس كيعطيني واحد الطاقة للي غريبة هزيت ساكدو ديالي ونزلت لحقت برقية وصلنا عماد للمعهد ومشا فحالو وحنا دخلنا بكل حماس نكملو اخر نهار فالامتحان ديال الدوة الاولى من العام التاني فهاد المعهد..)
~~~~~~~~~~~~~~~~~~
فهد: (بقيت متبعهم حتى حطهم عماد حدا المعهد هزيت التيليفون صونيت على سامي ولكن مجاوبش شوية صونا علية يونس للي هادي شي سيمانة مكنجاوبوش خفتو يكون حاط علية من شي بلاصة جاوبت هاد لمرة) افيين اعشيري
يونس: 😡 بالله المرة الجاية حتى نكتب بيك تقرير شنو كيساب الز.. ديال مخك باش متجاوبش مقادش تخدم من اللول متجيش
فهد: (كنبعد التيليفون من على ودني) كان خاسر التيليفون اصاحبي واش انا غنتهرب باش منجاوبكش
يونس: سمع 2 حوايج لفلوس دابا يكونو عندي وتانيا الا معاودتيش جاوبتي على تيليفوناتي او تيليفون لكيب غنكتب بيك تقرير فهمتي
فهد: لا رد
يونس: (بلغوات) فهمتييييي
فهد: واخا الشاف
يونس: وبراكة من دوك لوطيلات لغاليين مرهاش سايبة وكولشي غتحااسب عليه دير عقلك وعتابرو اخر انذار عندك (قطعت عليه صونيت على ممدوح باش يمشي يتلقاه ويعرف شنو دارو فداك الاسبوع وشكون تلقاو ومنين جاهم سلاح وشحال من حاجة)
فهد: مرض هدا غيبقى خانقني مقلت تهنيت منو فالمحمدية وخدمت فرباط ووليت تجمعت معاه هنا جا عندي ممدوح لهنا عاودتلو على كولشي عطيتو لكود ديال لكونت للي كيدوز فيه لفلوس باش ياخدوهم ويتحفظو عليهم سلاح كان تماك مدفون تحت الارض وريتهم الموقع فين مشى فهد ودوك الجماعة باش الفرقة تمشي..
يونس: ألو ممدوح مشيتي عند داك لبغل
ممدوح: اه وراه عطاني كولشي من معلومات وحتى دوك لفلوس انا شوية ونجي للمركز
يونس: (شفت الساعة لقيتها 12 كنت بغيت نمشي نشوف عائشة) واش مزال معطل
ممدوح: اه حيت هو كان حدا واحد المعهد ومشيت عندو حتى لتماك كان بعيد ومبغاش يجي عندي راك عارفو معكس
يونس: (هنا ضربني الضو) اشمن معهد؟
ممدوح: امم ديال التجارة فوسط لمدينة
يونس: احم اوكي مهم نتا راك جاي دابا غتلقا لوك هنا عطيه فين كانت لبلاصة وداكشي للي شرح ليك وكولشي اما لفلوس
عائشة: (ياله غنجاوب حتى كسيرات طموبيلة دعماد شفتو خرج منها وجاي قاصدنا ومن وجهو الف سؤال رقية بقات غير كترعد شفت فداك وجه لكلب لقيتو كيشوف فعماد وهو مبغوبش بحال كيعرفو قلتلو غير بشوية وبنظرة تحدي) سمع نتا حسابي معاك مسالاش
عماد: (من بعد منضت لقيت يونس كيصوني قالي سير جيب لبنات من بعد ونشرح ليك تزعزت خفت تكون وقعات شي حاجة ليهم لبست دغيا ومشيت بجرا لعندهم حتى كلقاهم واقفين مع فهد اش جابو ليهم) رقية عائشة!!
رقية: (كنبلع ريقي) عماد
عماد: (شفت فهد كنستفسر شنو واقف كيدير مع لبنات)
فهد: خاي عماد
عماد: (هضرت مع رقية وعائشة) سيرو ركبو انا جاي (من بعد ممشاو لبنات) فهد شنو كدير مع هاد لبنات كتعرفهم؟
فهد: لا علاش
عماد: بعدهم
فهد: كفاش
عماد: كسمعتي هاد لبنات كيخصوني بجوووج
فهد: بجوج كاع!
عماد: اه بجوج ونتا سير تكلم للشاف
فهد: احم اوكي ياله نخليك دابا
عماد: الله يعاونك (مشيت اللوطو ركبت شفت فلمرايا بانتلي عائشة مقلقة بزااف شفت فرقية حتى هي قالبة وجهها) قالكم شي حاجة للي قلقاتكم؟؟
عائشة: راك عارف اخويا عماد غير بغا يتعرف علية ولكن راه سمعناه للي خاصو يسمعو
عماد: (شديت يد رقية) حبيبة!! (كيتسائل بعنيه)
رقية: (رديت عليه غير بابتسامة)
عماد: (قاديت لمرايا وشفت فعائشة) مرة اخرى متعاودوش توقفو مع شي واحد وتعطيوه وقت من اللازم
عائشة: كتعرفو نتا اعماد؟
عماد: امم اه
رقية: حقا ياك كنتي غتنعس علاش جيتي كان خاصك ترتاح
عماد: توحشتك، ياء منتوحشش حبيبتي!!
رقية: هههه خود راحتك
عماد: كدوزتو الامتحان
رقية: الحمد الله احبيبي واخيييرا تهنينا
عائشة: (بقيت غير كنسمع لرقية وعماد عصافير الحب وانا ديك الهضرة كتاكل فية كفاش لكلب بن لكلب لاخر يقولي هاد الهضرة شماتة خلا فيا جنوون كتاكل لحمار لبغل الز.. الحيوان ناري كفاش شديت راسي ومدافعتش على راسي محسيت حتى وقفنا فواحد لبلاصة منين هزيت راسي نطل كيبانلي يونس واقف حدا سيارتو مربع يدو وماكس عليها بلا منحس نزلت من تماك ومشيت كنجري عندو وعنقتو)
يونس: ههه حميمقة (بقيت كلعب ليها فشعرها)
عائشة: (هزيت عيني فيه ) توحشتك بزااااااف ايويو ديالي
عائشة: مكاين حتى شي سر احبيبة علاش كتقول ديما هاكا انا ممخبعة والو عليك تيق بية
يونس: (كلعب فشعرها) غير احساس وصافي
عائشة: لا رد غير كنشوف فيه
يونس: نمشيو نتغداو عاد تجمعي حوايجك ولا تجمعي حوايجك عاد تغداي (كنهضر غير بشوية ومفيكسي عيني فشنايفها وكنقرب ليها شوية بشوية وحتى هي عينيها فشنايفي خلاتني زربت ونقضييت على شفايفها كنت موحشها بزااف وحتى هي حسيت بيها كتجاوب معايا محسيت حتى حيدتلها الصمطة هزيتها من بلاصتها وجلستها على حجري وفرقت رجليها بقيت كنقيس فظهرها وهي كتلعب فعنقي زادت جهلاتني اول مرة نوصلو لهاكا دماغي كان مشلول مكنت كنفكر فوالو من غير هاد اللحظة حتى سمعت لكلاكسون تخلعات عائشة حيت قاستو ورجعناها ضحك عنقاتني بالجهد قلتلها فودنها) كنبغيييك
عائشة: حتى انا بزااااف بزااف بزااااف (نضت من فوق جبل للي منكرش ستحليت الجلسة فيه واخا درت راسي عبيطة مفاهمة والو وبقيت كنقاد شعري ووجهي للي عمر كولو عكر شفت يونس خرج برا حشمت غير شوية ماشي بزاااف ههه حيت بديت نزعم عليه ولكن عارفة فنفسي ومتاكدة معمرني نعطيه كتر من هاكا حتى نتزوجو ونغتاصبو ديك ااساعة....)
عائشة: بقيت كنتسناه يدخل وانا فرحانة من شحال هادي كنت ضد هادشي قبل زواج ولكن الحب خلاني نكون فرحانة وانا كنبوس الانسان للي كنحماق عليه وحتى هو كنحس به كيبغيني
يونس: (طليت عليها من السرجم) ماشي حشومة عليك تخلي حبيبك فهاد الحالة؟
عائشة: هههه (ببراءة) مدرت والو انا
يونس: احححح عليك احويشتي (عضيت شنافتي طلعت للسيارة من بعد مبردت شوية درت ليها عضيضة صغيرة فعنقها ومشينا تغدينا مقدرتش نزل عيني من عليها معرفتش واش حبي ليها غير مكيزيد ولا حيت خلاتني فحالة للي فقدت تركيزي وصلتها للدار باش تجمع حوايجها ومشيت باش نجمع حتى انا مشيت لداري من بعد مجمعت هبطت عند عماد) الصاط واش متاكد ابو الجهل مغيدير والو خفت نمشيو وينفذ الهجوم ديالو
عماد: اوا شنو منفعت هداك لبغل الا محضاش معانا شوية، وهداك خينا راه فمؤتمر طبي
يونس: امم مزيان اجي منين شفتيهم واش كان شاد عائشة ولا شنو
عماد: لا ولكن علاش هوما للي يوقف معاهم وعلاش قلتيلي راه واقف معاهم واش كيعرفهم ولا شنو
يونس: كنت شفتو واحد نهار ضسر على عائشة
عماد: هذا قاصدك نيشان من ناريمان لعائشة
يونس: ناريمان مشات برجليها لعندو وراك شفتي تصاور اما عائشة بالله حتى ندفنو حي الا مس شعرة وحدة منها مهم غتمشي ولا تلحق
عماد: لا نمشي بحرا لحقو الطيارة كلب خسرلي مزاجي
~~~~~~~~~~~~~~~~~~
رقية: (بقيت كنجمع حوايجي شوية هي دخل عيشة مشات لبيتها نيشان مشيت لحقتها لقيتها حطات بليزتها صغيرة وبدات تجمع) عيشة شنو درتي مع يونس
عائشة: فاش؟
رقية: على داك مول التاكسي للي كان واقف علينا
عائشة: اكيد مغنقولو والو انا للي عطيت لداك لكلب مساحة باش يضسر هاكا لكلب بن لكلب لاخر خليناهم فالمغرب وجيت وحلت فيه هنا
عائشة: والا حتى وحدة فينا سبقات التانية فلمعاودة تقول لوخرا شنو قالت باش تكون هضرتنا مطابقة ومنبانوش كذابات راه ولاد العم وغيكونو حتى هوما كيتعاودو صافي
رقية: صافي
عائشة: ياله زيدي نمشيو راني هزيت باسبور ديالك معايا متعطليش انا سبقتك لتحت (هبطت لتحت ركبت وبقينا كنتسناو رقية معرفتش كفاش نقول ليونس واخا صراحة مبغيت نقولو والو حيت كيبقاو اسرار ماما وحتى واحد معندو الحق يعرفهم او يدخل فيهم ولكن الحاح يونس غيخليني نقولو على جزء من الماضي ديالي باش نزيد نعرف حبو لية قداش)
يونس: حبيبة فين ساهية؟؟
عائشة: والو غير تفكرت دابا عام وحنا هنا عام ونص وانا كنبغييك او كتر يمكن
يونس: (شديتلها يديها) وان شاء الله نبقاو حياتنا كاملة مع بعض
عائشة: ان شاء الله احبيبي تعطلات رقية
يونس: اوا لحق عليها عماد بغيتيهم يهبطو دغيا
عائشة: هههه ماسخ
يونس: (قربت لعندها) قبيلة تلفتيني بتذكري من ورايا ولا إيييييه يا شييخة
عائشة: هههه غير لبغو هداك (ياله بغا يجاوب ركب عماد ورقية اتجاهنا للمطار ووالوجهة كانت هاد المرة باريس عاصمة الانوار عاصمة الحب والرومانسية عمرني حتى حلمت بيها او تمنيت نجي ليها من بعد الاجراءات ديال المطار ها حنا قدام الطيارة تاني مرة غركب فيها ولكن هاد المرة مع حبيبي شديت فيديه شاف فيا وابتاسملي الابتسامة للي كتخليني طايرة من لفرحة طلعنا للطيارة جلسنا وماهي الا مدة ووصلنا نزلنا كملنا الاجراءات خدينا تاكسي لواحد الاوطيل للي كنا دايرين فيه الحجز هو مابيهش وماشي غااااالي مهم زوين وصلنا شديت فيد يونس ضار عندي وشاف فية بقيت مفيكسيا عيني فيه)
يونس: (هزيت حاجب ومستغرب من هاد النظرة)
عائشة: (حركت راسي باه وابتاسمت)
يونس: (ابتسمت وفهمت انها واخيرا بغات طريق كاملة وانا كنرغبها باش نبقاو فغرفة وحدة وهي بقات غير ساكتة وفهمت سكوتها هو رفضها حجزت غرفة لينا بجوج ضرت عند عماد غمزتو هزيت شانطة ديال عويشة وطلعنا للفندق للي كان عادي ماشي 5 نجوم كان مريح وقريب من سونطر)
عماد: احم جات من عندهم اكبيدة
رقية: ولكن
عماد: حبيبة انا ماشي واحد مراهق راه واخا تبغي نتي انا مغندير والو فقط بغيت نكون معاك ومنين نديرو عرسنا تماك معندك فين تعتارضي اصلا نتي غتولي تحماقي عليه
رقية: (ضربتو فكتفو) عمااااد
عماد: واخا لالة انا للي غنولي نحمااق عليها وبديت كنموت عليها من زماااان الله يعيني وصافي
رقية: لا لا نتا صافي
عماد: (خديت الساروت وطلعت لشونبر) باش تعرفي انني صاابر وواصلالي للعظم انا عماد للي مكنتش كنطول على سيمانة دابا شحال وانا صابر مقادش نحسب باش مندخلش فاكتئاب حاد
رقية: ههههه (كنقيسلو فوجهو) صافي صافي
عماد: اااح فوقاش توصل ديك الساعة للي تكوني تحتي وفوقي وفجنابي (حليت لباب دخلت لحوايج ورجعت عندها هزيتها بقات كتفركل برجليها وانا كنضور بيها حطيتها فوق الناموسية وتكيت حداها وبقيت كلعب بصباعها فوق كرشها) حبيبة
رقية: اممم
عماد: كتبغيني؟؟
رقية: كتر متخيل
عماد: معمرك تخليني؟؟
رقية: (بابتسامة) علاش نخليك انا مقلت لقيت انسان حنين علية وكيبغيني والاهم انا منقدرش نعيش بلا بيك كفاش غنخليك
عماد: غير نهبطو للمغرب نتزوجو مبغيتش نجلسو بزااف مور الخطبة وانا غير نهبط غنقاد الامور والدار للي نسكنو فيها كولشي دغيا يوجد
رقية: حبيبو انا عارفة عمي احمد غيبغي وقت فين يوجد للعرس وشحال من حاجة
عماد: هضرت رجال نتي خرجي سوقها
رقية: اممم واخا بيبي ...
رقية: واخا بيبي ولكن غير قلتلك وانا ديالك بكل الاحوال منزربوش
عائشة: (قلتها غير بشوية) يونس راه حتى سليب ملبساهش كفاش بغيتيني نوض ونتا واقف حدايا؟
يونس: (بقيت كنشوف فبرائتها مشيت حداها نزلت على ركابي وبستها فجبهتها هي زادت جمعت رجليها ودارت يديها بجوج على صدرها كتحاول تخبي للي يتخبا واخا معارفاش ان بهاد الحركة كتخليني نزيد نتلهف عليها ونعطش مزيااان معرفتش مالي ولكن بغيتها هاكا وقفت تحت انظارها خرجت من الدوش بهدوء وانا متحسر على الحالة للي وصلت ليها هادشي للي كندير فيه غلاط ولكن بنادم ماشي ديما كيدير الصواب بقيت ماشي جاي حتى كنبغي رجع لعندها وكلعن الشيطان خرجت من لبيت ومشيت كنهضر مع ممدوح وكنسي راسي)
يونس: (غير دخلت بانلي داك الديكور ) لا انا زهري بغاني هاد نهار او ميمكنش هادشي كامل صدف
عائشة: (ويييلي على حشمة) يووووونس
يونس: (بقيت واقف كنشوفها كانت عندها طاي كتحمق ولحيمتها كتشهي) عادي احبيبة نعاونك تسديهم (ياله غتهرب للدوش حتى مشيت بالزربة مور ظهرها وليت فكرت مزيان وجيتها من لقدام شفت فيها مزيان طلعتها من صبعها صغير حتى لشعرها الفازك كانت سكسي درت يدي فخصرها بحال معنقها وجريتها لعندي حطيت وجهي فعنقها كنشم ريحتها للي كتحمقني حسيت بلحمها وقف منين بقيت كنشم عنقها سديتهم ليها من بعد بقيت كنتلمس فظهرها كامل هي واقفة لا حركة تقابلت مع وجهها هزيت ذقنها ونزلت لشنايفها بكل شراهة لعبت بلسانها الحلو مصيتو عضيت شنيفاتها وحتى فكل حركة كتبعني وكتعلم قست ليها كرشها بصباع يدي بقات كترجف نعستها على النموسية وطلعت فوقها حيدت لكويرة وتريكو بسرعة خيالية رجعت كنبوسها وحتى هي كتجاوب معايا حتى درت يدي على صدرها من فوق السوتيان للحظة تكهربت شحال وشحااااال كنت متشوق وقفت وشفت ردة فعل ديالها حلات عينيها وبحال قالتلي لا رجعت كنبوسها ويدي مزالة تماك نزلت لعنقها بقيت كنبوس وكنهج بحال كنت كنجري فشي مرطون، واخا كندير كتر من مجهودب باش منح... درت يدي فكرشها كانت رطييطبة وبقيت كنجمع جنابها ولمس فيهم حسيت بيها ترخات بزااف شفت فيها كانت مغمضة عينيها وعاضة على شنافتها وحنيكاتها لي كانو حومر حسيت برغبة جامحة وقاتلة ولكن يدي كانو مربوطين وياريت مكانو مربوطين عنقتها بكل جهدي ونضت ودخلت للدوش...)
عائشة: حليت عيني غير بشوية من بعد مسمعت لباب تسد نضت بالزربة لبست حوايجي واخا لبرد كنحس بالحرارة جلست وانا كنشف شعري وكنتفكر شنو وقع وكفاش داك الاحساس للي اول مرة كنعيشو وكفاش محبستوش وكنت باغا نكمل معاه ومفكرت لوالو شوية شفتو خارج من الدوش لاوي فوطة على خصرو بتاسملي ومشا كيجبد حوايجو بقيت حالة فمي فيه يخخخخ على احساس لدابا باغاه يكمل هنا عرفت راسي سااقطة بامتياز مندمت مأنبني ضميري بقيت متبعاه رجع للدوش ورجعت كنشوف فلمرايا ونتفكر شنو وقع قبيلة! محسيت حتى وقف من مورايا كانو عينيه حومر نزل لحدا وجهي وبقا كيشوف فية من لمرايا وكيهضر
يونس: عارفاك غتكوني مقلقة مني ديما كنحاول نسيطر على راسي ولكن هاد نهار كانت المسافة بيناتتا قرييبة بزاف وقعو شي حوايج للي خلاو الرغبة فية غير كتجهاد واخا تكون حركة بسيطة منك او صوتك كيخليني كنغلي سمحيلي حبيبة بزااف
عائشة: حركت راسي بااه ومهضرتش حاطة غير على شنايفو وكفاش تعاليم وجهو كتهضر نظراتو القاتلة واااااع يا لهوييييي
يونس: (خربقت ليها شعرها) حبيبة على متوجدي راسك نخرج نتسناك باش نمشيو نتعشاو
عائشة: (حركت راسي بالموافقة وشفتو خرج بقيت كنشف شعري صاوبت لفخونش وخليتو مكريبي شوية حيت عاد دايرالو كراتين لبست كسوة قطنية فلكحل بليدين فوق الركبة لبست ليبة كحلة وميني بوط فلخزي وشال كبير فلخزي ودرت ميكاب خفيف وبقيت كنتفكر شنو وقع حتى دق لباب مشيت حليت كانت رقية وعماد هبطت معاهم وتلاقيت يونس جاني احساس بحال اول مرة نشوفو شدلي يدي شفت فيه غمزني ومع باب الجاج دوخني حتى دخلت فيه)
عائشة: احم نعام لا لا (قصت جبهتي) لا لا غير منكنتش رادة لبال وصافي
يونس: ردي لبال اعويشة
عائشة: (بقا فيها شي بال ولا عقل خرجنا خدينا تاكسي ومشينا لواحد الشاريع يا سلام كولو ضواو سميتو شارع الشانزليريه وهو من اشهر الشوارع الفرنسية وارقى وافخم فيه غير لمحالات ديال لمارك واحسن المطاعم الفاخرة وبين الازقة ديالو كاينين مطاعن عادية اقل تكلفة ورخاص شوية بقيت غير حالة فمي واكيد السيلفي وتصاور ميخفواش وواخا كان لبرد ديك لبلاصة دافية يمكن حيت عامر بالناس دخلنا للمطهم ديال بيتزا كلينا رقية وعماد واخدين راحتهم ولكن انا ويونس كنا غير كنتشاوفو بالعينين معرفتش شنو هاد الحالة للي كنا فيها...)
يونس: (شديتلها يديها حسيت بدماغها طاير كاينة ومكايناش معانا شافت فية وسولتها بعيني زعما تكون مزال كتفكر فشنو وقع قبيلة دارتلي براسها ان مكاين والو واخا هكاك بقيت حاضيها) عمااد حتى تلحقو نتوما
عماد: صافي مشيتو؟؟
يونس: (مديت يدي لعائشة ناضت شديتها من خصرها) تصبحو على خييير (جريتها وخرجنا) حبيبة من قبيلة ونتي غير ساهية؟
يونس: (بقينا كنتسركلو تماك حتى بدات شتا كطيح ورجعنا لوطيل ) حبيبة غير طلعي انا شوية ونجي
عائشة: علاش
يونس: عويشة غير طلعي منتعطلش
عائشة: واخا حبيبي (طلعت بدلت حوايجي لبست كولون مطرطق وتيشورت مكنتش جايبة حوايج طوال حيت مظنيتش غنكونو انا ويونس فشومبر وحدة شعلت الشوفاج وتخشيت فالنموسية وكنحاول ندير نعسة نبان فيها زويينة وبعقلي وكندعي باش منحزقش ولا ندير شي تصرف حيواني كما موالفة كل مرة كنجرب نعسة فشكل حتى داتني عيني)
يونس: (بقيت شحاال لتحت كنتسنى باش عائشة تنعس دازت ساعة عييت عاد طلعت والحمد الله لقيتها نعسات كانت بحال شي وحدة مليوحة من 14 لطابق دايرة حركة بحال لمنكوليان يد فجيه ورجل فجيه ووراسها معوج كضحاتني قاديتلها وجهها على لوسادة بستها فجبهتها وسديت ليها فمها خديت وسادة وغطا من لبلكار ومشيت للكنبة واخا كانت معذبة الا حسن منمشي نعس حدا لعافيا ومستحيل نضمن روحي معاها بقيت كنشوف فيها وهي ناعسة حتى نعست)
...اصبحنا واصبح الملك لله...
رقية: (ضرباتني لفيقة كلقا عماد ناعس حدايا كان وجهو زويين بحال شي بيبي بوكوص بالجهد تفكرت لبارح شنو وقع مبقيتش كنحشم شبعنا بوسات اول مرة نعرف شنو هي البوسة الحقيقة... )
رقية: (ضرباتني لفيقة كلقا عماد ناعس حدايا كان وجهو زوييين بحال شي بيبي كبييير بوكوص بالجهد تفكرت شنو وقع لبارح مبقيتش كنحشم شبعنا بوسات اول مرة نعرف معنى البوسة كدايرة وشفت حتى عماد وهو مستمتع معايا واخا غير احضان وبيز ومتعريتش كاملة بقيت بيجامة خفيفة كانت ليلة زوينة شديت خصلة من شعري وبقيت كنهرو فنيفو حتى فيقتو غير حل عينيه جرني لعندو بالجهد حتى حسيت بعظامي غيتهرسو) عماااد غتهرسني
عماد: (رخفت منها) صباااح النور حبيبة
رقية: صباح النوور
عماد: وكتقولي نزيد نصبر من نهار عقلت على راسي هدا هو اجمل صباح فقت فيه هو على وجهك الفنيكيشة ديالي
رقية: (بابتسامة عريضة)
عماد: (غير بانو غمزاتها محسيت حتى بغيت نعضهم بقيت كنبوسهم ودزت مباشرة لشنايفها) احححح فوقاش يجي نهااار للي تكوني حلالي وندير فيك ما بغيت...
~~~~~~~~~~~~~~~~~~~
يونس: (واخا محاملوش ولكن كتبقا المهمة للي جينا عليها هي المرتبة الاولى ومغنساش اش وقفو مع لبنات) وي فهد
فهد: هداك خينة راه بانلي ماشي هو هداك ولبارح جاو شي جماعة حطو شي صندوق بقاو كيهضرو دخلنا لواحد لبيت بقاو علينا بديك الهضرة ديالهم
يونس: شنو فالصندوق؟
فهد: معرفتش لحقاش غير خرجنا لفين كان محطوط مولاش بان وانا مصلاحليش نقلب عليه كنتسنى غير تخوى الدار من دراري ورجع نقلب عليه
يونس: ويلا كانو دايرين كامرات؟
فهد: نو غندير راسي كنقلب على شي حاجة
يونس: وشنو قالولكم
فهد: ماشي شي حاجة مهمة ولكن للي فهمت قربو ينفذو الهجوم ديالهم
يونس: (شفتها هكاك خربقت ليها شعرها باش تفيق) نمشيو نفطرو هو اللول
عائشة: (بتنهيدة) واخا نفطرو هو اللول (بابتسامة صفرا شفتو غير مكيحاول يهضرني ويضحكني يا ريتو مجبدش هاد الموضوع على صباح مبغيتش يقول هادي مخبعة علية شي حاجة وعلاش هاد السؤال بالظبط كملنا لفطور فجو سكات وحتى هو خلاني على خاطري بحال كيقرا افكاري انني كنرتب شنو نقولو ولكن اليوم غنصارح يونس بكولشي مغنبقى مخبعة عليه والو)
يونس: (شديتلها يديها) حبيبة شنو عندك
عائشة: يونس انا بغيت نقولك شي حاجة
يونس: لا ماشي هنا ودابا خاصنا نمشيو باش نلحقو نهار كامل
عائشة: لا يونس خاصني نقولك
يونس: (حمرت فيها باش تسكت) عااائشة!!! باقي الليل ونهضرو دابا تبعيني (سبقتها خلصت وتبعاتني خدينا تاكسي لبرج ايفل فتحت لباب ليها ونزلتها بقات كتشوف فلبرج)
عائشة: ممتيقاش انا ففرنسا؟
يونس: (عنقتها من اللور) فشهر العسل غندي حبيبتي لاحسن بلاصة وحسن من باريس
يونس: (عضيت شنايفي بابتسامة عارفة هاد الحركة للي كدير كتحمقني فيها وكنتسطى قرستها فحنكها) كنتوفى على جدك هاكا هاااااااكا بقاي عنداك تبدلي بغيتك امييرة دياااالي نخدمك عليك حيااتي كاملة غير بقاي هاكا
عائشة: (بابتسامة عريضة شديت فيدو وطلعنا للبرج عالام بوحدو كان كيسحابلي غير هيكل دلحديد ساعة هو بالطوابق ولقهاوي ومحلات كيبيعو فيهم باروك ديال باريس خديت شي حاجة لماما وعمي ولادومة ووللدار تلاقينا رقية وعماد وكملنا نهار كامل كنتسعسكو تماك ومغنساوش اللقطة للي كنت كنتمنى من نهار قالي غنمشيو لباريس كنا متليين انا والحوب ديالي مور رقية وعماد شدني يونس وباسني قبلة فرنسية عاد تمينا غاديين نكملو لمساريا ديالنا حتى تعشينا عاد رجعنا لوطيل كملنا السهرة تماك حدا لبسين بقيت كنفيفري بلبرد..) حبيبة بردت
يونس: انا نطلع نجيب ليك شي حاجة
عائشة: انا نطلع معاك احبيبة بغيت نن
يونس: اممم فهمت ولكن انا وياك منتجمعوش فبيت واحد منظمنش روحي ونتي مقزبة هاكا دخلي نتي اللولة وعاد.انا موراك
عائشة: خفتي على راسك
يونس: هو الصراحة خفت عليك نتي
عائشة: (خرجت عيني فيه وسبقتو هادي هي عيني فيه ويخ منو كنجبدو بلهضرة وندير فيها مفاهمة والو سبقتو كما قال خرجت عاد دخل هو ههه...)
~~~~~~~~~~~~
رقية: عماااد من قبيلة ونتا ساهي
عماد: لا حبيبة غير قبيلة نتي وختك كنتو خايفين واش باغيين تهضرو مع الحاج هضري من تيليفوني هو معندوش نمرتي
رقية: لا منقدرش حيت غير نهضرو معاه غيقولينا ديرو فيديو ونتا عارف عمي زيد هو كيخاف علينا كتر مكنخافو حنت على ريوسنا
عماد: اممم انا كنخاف عليك كتر
رقية: ههه اه نتا هو لعمر
عماد: امم وكفاش منين جابكم عندكم 11 العام وهو كيخاف عليكم؟
رقية: (بقيت كنضور فعيني) مفهمتش
عماد: سمعتكم هاكا قلتو
رقية: لا مقلناش (ضربتها بنكرة وضورت وجهي وانا كننحلف على عيشة غيبقى هاكا حتى يكررني بكولشي والا عرف الحقيقة المرة ديالي انا بالظبط غيتفارق معايا)
عماد: اه اوكي حبيبة
رقية: بقينا ساكتين حتى جاو يونس وعيشة كانت غصة كبييرة فحلقي معرفتش علاش حسيت انني باغا غير نبكي وممرتحاش فجلستي غيكرهني الا عرف حقيقتي ومغنقدرش نصبر الا تفارق معايا شكون غيقبل ببنت كبرات فالخيرية وزيد وزيــــــد شفت فعيشة كانت لفرحة مطرطقة فعينيها واش قالت ليونس ولا لا شفت فعيماد لقيتو كيشوف فية بحال كيحاول يعرف فاش كنفكر واخا شفت فيه مبدلش شوفتو ومبتسمش كما العادة حنيت راسي بقيت غير كنتننهد محسيت حتى وقف علية وجرني من يدي ووقفني
عماد: حبيبتي باغي نعرف كولشي على مراتي المستقبلية انا عمرني كنت جاد فشي موضوع الا هدا باغي نعرف عليك صغيرة ولكبيرة مهتم بحياتك بزااف كتر ممهتم براسي ولا اي واحد فهميني احبيبة عفاااك
عماد: (بصدمة بقيت كنشوف فيها حتى جريتها لصدري وعنقتها بالجهد وكنمسح على شعرها وظهرها وهي غير مكتزيد تبكي بكات بزاااف هادشي كامل كان فقلبها وهي ساكتة والمشكل لكبير مزال صغيرة باش تكبت هادشي فقلبها بقيت مزير عليها وفعقلي ألف سؤال ولكن المعنى واضح زاد حترامي للحاج احمد كفاش كيعامل لبنات وشحال من حاجة منين نقصات بكاها شافت فية وعويناتها غارقين دموع وقالت بصوت مخنوق)
رقية: ماما منين حملات بينا كانت عندها 17 عام ومعرفاتش تربينا بوحدها بلا معيل بلا فلوس حطاتنا فالخيرية حتى درنا 11 عام ورجعات خداتنا الذنب لكبير ديال لكلب ولحمار للي غتاصبها ورماها حاشا واش نعتابرو بابا والذنب الاعظم ديال واليديها للي متفهموهاش ولاحوها وحنا كنا الضحية لي طفولتنا ضاعت لينا بسبابو وبسباب المجتمع دزبل هادشي مكنبغيش نهضر فيه حيت ماما مسكينة قاسات وهادشي غيجرحها الا عرف شي واحد هاد القصة وحيت نتا كتهمني بزااف قلتها ليك وحتى الا مبغيتيش تكمل معايا بليز نسا هادشي للي قلت كرامة ماما عندي اهم من اي حاجة
عماد: شششششت كتعرفي شنو هي كلمة كنبغييك كتفهميها! وهادشي اصلا شنو علاقتو بحبنا وعلاقتنا
رقية: (كنمسح دموعي)
عماد: (حيدتلها يديها وعنقتها) حبيبتي هاد لكلام غير زاد خلاني نبغيك كتر وهادشي غير جزء من الطفولة معندك فيه لا يد لا دخل وهادشي كيبقى من الماضي المهم الحاج احمد وماماك مهتمين بيك نتي وختك ورباوكم على اخلاق كيتضرب بيكم المثل وعوضوكم على 11 لعام للي كنتو فيها بعاد على ماماك واهم حاجة ان ماماك عمر نظرتي ليها متبدل حيت اصلا معنديش الحق شكون انا للي غنحاسب واحد كان ضحية فهمتي
رقية: غير كنشوف فيه
عماد: حبيبتي نساي هادشي وسمحيلي بزاااف حيت خليك فهاد الحالة
رقية: تواعدني تنسى هاد الهضرة
عماد: (غمضت عيني وحليتهم) نسيت
رقية: هههه مزيان الله يرضي عليك
عماد: اميين احبيبة
رقية: وكاينة عاود واحد الحاجة بغ.. (حط صبعو على شنايفي)
عماد: روكا ديالي ياله نطلعو راه برد لحال ( طلعنا لشومبر بقيت معاها حتى نعسات كانت عيانا بزااف بكات بزاااف بقيت غير كنشوف فيها عرفتها كتبغيني بزااف واكترية منين خافت انني نخليها على سبب بحال هاكا رتاحيت حيت عرفت ماضيها للي كان محيرني وحزنت لداكشي للي دازت منو واعدت نفسي غتعيش معايا ملكة ونسيها هادشي للي فات عليها والايام او الجحيم للي داز فالخيرية...)
...اصبحنا واصبح الملك لله...
يونس: (نضت حتى هاد نهار مدكدك بهاد الكنبة للي كنعس عليها شفت فعائشة والنعسة للي دايرة غير ديال التخوار ونيشان صبعي الله يرضي عليه مشا صبعي حتى قفزات من بلاصتها كانت غتجي بونية فية وكان محنبتش) ههههه جون سينا ومفخباريش؟؟
عائشة: 😬 يووووونس
يونس: صباااح النور وليت نخاف منك اعشيري
عائشة: اه غير شبع تخوار فية وقولي كتخاف على راسك انا للي نخااف تقتاصبني
يونس: هههه نقتاصبك؟ امممم فكرة زوينة (جيت مطرد عليها حتى دخلات كتجري للدوش) حويشة انا لتحت نخلص ونرجع تكوني وجدتي راسك
عائشة: واخا (غسلت وجهي وسناني لبست حوايجي وجمعت شاطة ديالي وجمعت حتى حوايج يونس طلع عندي خدا لحوايج وهبطنا لقينا عماد ورقية فطرنا ومشينا مباشرة للمطار باش رجعو لبرلين...)
سيدتي الجزء السادس
محتوى القصة
التنقل بين الأجزاء