يونس: اه واخا الحاج.. ماشي مشكل... مع السلامة (غمضت عيني وتنفست داك الغضب للي جامع كنكره سميت ختك فاااااك هي ماشي ختي علاش كينسبوها لية بهاد الطريقة كيسد علية البيبان )
يونس:... هي ماشي ختي علاش كينسبوها لية بهاد الطريقة كيسد علية لبيبان بقيت كنفكر وداير يدي على اللحية حتى دخلات عائشة بقيت كنخرب ليها فشعرها) انا خوووك اختي
عائشة: هههه غير ضحكت معاك متخيلش شحال كنت خايفة من ردة فعلهم انقذتني
يونس: ههه كيخافو عليكم بزاف
عائشة: ضروري عمرنا تحركنا بلا بيهم
يونس: مزيان (بقيت كنكسل وكنتفوه) عيييييييت
عائشة: (بقيت حتى انا كنتجبد) حتى انا
يونس: (شديتها عنقتها ودرت يدي فشوكولا كما علماتني وللي هي المؤخرة وبقيت كنشدها بيدي) وخورتها حتى غوتات وقفزت
عائشة: يووووونس
يونس: (بابتسامة خبيثة) وهربات لبيتها مشيت هزيت شانطة ديالها للي كانت مزالة حدا لباب مالقيتش حتى عماد ورقية يمكن دخلو لبيت هزيتها ودخلتها لبيتها مالقيتهاش وبفيت كنعيط) حوييشتي
عائشة: (كلحنها) انا فطواليط
يونس: (تلاحييت على نموسيتها هزيت تيليفونها) تيليفونك غيطرطق بلزابيل ابطوزتي (بقيت كنخرب فيه كان الحاج والحاجة ونماري ديال لفيكس الدار ونمرة ديال الخدمة دلحاج واحد النمرة معرفتهاش كانت مصونية بزاف دخلاتلي الشك ومافيهاش سمية طابتها عندي حتى نعرف شكون درتها وصونيت والمصيبة كانت طلعات النمرة بسمية ديال فهد نضت من بلاصتي وانا الشيطان كيلعب فراسي وقلبي غيسكت عروقي حسيت بيهم غيطرطقو لقيتو مصوني تقريبا كل نهار ومصيفط ميساجات دخلت كنقرا)
يونس: (شديتها من شعرها حتى بقات كتغوت بلحريق وقربت التيليفون لحدا عينيها باش تقراه)
عائشة: بقيت كنتهجا وانا شعري كنحس بيه غيتقلع *تفكري غير نهار د ايفران وتعقلي علية* (خرجت عيني شفت النمرة دابا عاد عرفت فين شفتو هو كفاش معقلتش عليه مزيان نطقتها بشوية) فهد!!!
عائشة: (خرجت عيني دابا عاد عرفت فين شفتو كفاش معقلتش عليه مزيان نطقتها غير بشوية) فهد!!
يونس: 😬😬 ومزال كتعاودي سميتو (شديتها من عنقها بيد وحدة حتى وقفتها على رجليها)
عائشة: (كنحاول نفك يدو للي كانت بحال شي حديدة على عنقي هو مكيرمش عينو حومر مفيكسييهم فيا)
يونس: فين كتعرفيه البرهوشة؟
عائشة: (بصوت مخنوق) مكنعرفووش، يونس خنقتيني
يونس: (حيدت يدي من عنقها ودفعتها على الحيط) كتفلاي بنتلك انا حميدا هنا مكتعرفيهش وعارفة سميتو وعندك نمرتو وتفكرتو ايامكم فايفران هادشي كامل وانا حمااار هنا وزايدة كتستحمريني
عائشة: (بخوف) حبيبي غير برد ونقولك كولشي
يونس: 😡 فييين كتعرفي هاد الز...
عائشة: (صوتي بقا كيرجف بلخلعة) مكنعرفوش
يونس: اهاه حتى انا متبقايش تعرفيني
عائشة: 😭 هئ هئ يونس غير سمعني
يونس: (دفعتها تخطيتها وخرجت من تمااك مبغيتش نمد يدي عليها كتر ونعوقها وداك لحمار كل مرة غيبقا يخرجلي من الجنب اذا ماشي صدفة انه كيتبعها هو كيعرفها مزيان ومع هي طايشة ومبرهشة علم الله شنو دارت معاه نقتلها الا كان مسها ندبحها ندبحها لكلبة مشيت لطموبلتي ركبت وبقيت غير كنضور فوسط لمدينة باش نبرد مبغيتش نرجع ندكدكها)
عائشة: (هزيت التيليفون بقيت كنقرا شنو كتبلي شماتة لديل مو مالقيت غير هو للي نتلقاه وباينة يونس كيعرفو اوييييييلي قفارت علية شنو ندير سديت لباب وبديت نخبط ونبكي تفووووو على زهر غير نبغي نفرح يجي للي ينكدها علية ) الله يعطيك اسامي مصيبة من نهار عرفناك وحنا اللور اللور (بقيت كنصوني على يونس كيقطع علية مبغاش يجاوبني صيفطتلو ميساجات والو مجاوبش شوية سمعت باب بيت رقية تفتح ضربت الطم ودرت يدي على فمي سمعت ضحكهم من بعد ممشا عماد خرجت كنجري عند رقية) رقيا رقياااا قفااارت علية
رقية: اويلي مالكي
عائشة: يووونس
رقية: مالو
عائشة: دابزنا
رقية: ياكما قلتيلو على الخيرية حتى انا قلتها لعماد لبارح
عماد: يووونس يوونس لا حول ولا قوه الا بالله العلي العظيم حسن عوان عويشة معاك غير مكنوي كل مرة على حال (سديت لباب وكملت طريقي للمستشفى)
عائشة: دخلت لبيتي وانا حضيا غير تيليفوني يصوني ولا يجاوبني مكرهتوش يغوت علية يضربني غير ميمشيش ويخليني كفاش عطاه خاطرو يقولي حتى انا متبقاش تعرفيني واش صافي سالا كولشي وبهاد السهولة وكان غير سمعني انا اصلا معطيتش فرصة لهداك الكلب حتى يقرب لية محسيت حتى بقيت كنكتب فواحد الورقة نحط فيها كاع هاد الغضب والخوف والخلعة كولشي مخلط عندي
حاولت أن أغمض جفناي المرهقين .. على أمل أن أراكِ .. في أحلامي .. لكنك ِ لم تأتي .. وبعدما استيقظت تجدد أملي .. بأن أحظى بكِ في يقظتي .. فعسى أن يكون اللقاءٌ قريبُ حبيبي ... أتسائل هل برحيلك يرحل الفرح عن عمري .. هل ستكون ابتسامتي باهته لا قيمة لها ..
بالأمس لم انم بعد سماع صوتك فبعد أن أغلقت سماعة الهاتف .. ظلت نغمات صوتك تتراقص على أوتار مسامعي .. وفي غفلة مني .. تسللت إلى أطراف قلبي .. لتعلن اشتياقي إليكِ .. وبعدما تربعت صورتك في خيالي .. حاولت أن أغمض جفناي المرهقين .. على أمل أن أراكِ .. في أحلامي .. لكنك ِ لم تأتي .. وبعدما استيقظت تجدد أملي .. بأن أحظى بكِ في يقظتي .. فعسى أن يكون اللقاءٌ قريبُ حبيبي ... أتسائل هل برحيلك يرحل الفرح عن عمري .. هل ستكون ابتسامتي باهته لا قيمة لها .. أم أنني سأعيش حياتي كما عشتها وأنا معك .. لا أدري لِم أسأل نفسي رغم أني أعرف الإجابة على تساؤلاتي .. أحس أن الحياة بعدك ستفقد أجمل وأمتع مافيها .. فذكرى الأيام التي عشناها ستبقى تخفق في قلبي .. ورسمك الجميل سيبقى يتراءى أمام عيناي .. حبيبي ... حبيبي ... للأبد
أمنية حياتي أن أغوص في أعماقك أن أقلب خفاياكِ .. لأعرف كيف تفكرين بي ومتى يتملك حبي حناياكِ .. لأعرف مقدار شوقك .. و عشقك .. لأكشف سر السحر .. في عيناكِ
يونس: طلعت لداري دخلت لحت الساروت وجاكيط ديالي وبقيت جالس فظلام وكنكمي كنفكر بكل هداوة شنو ندير عائشة مستحيييل نفرط فيها ناريمان شفتها بعيني كتخوني اما عائشة لا ماشي مساج غيخليني ندمر العلاقة زوينة للي كانت بيناتنا عارف وحاس ومتأكد بحبها البريء وحتى انا كنبغيها بالجهد علاش نخليها ليه على طبق من فضة هي غتكون اكبر تحدي وبالصح وكان دارت معاه شي حاجة فالمغرب مغيلحش عليها لهاد الدرجة هو يمكن مزال معرفها معايا غندمو لكلب الا عاود قرب ليها ناااار الغيرة غتحرقني مكرهتش نقتلها وفنفس الوقت نعنقها ونخبعها ميشوفها حتى واحد من غيري نضت وانا مقرر نسمع منها ولكن حسابها مغيدوزش هكاك لبست جاكيط هزيت سوارت وخرجت نيشان لدارها باقصى سرعة فين خليت راسي وكل مكنملك عويشة هي حياتي لقيت راسي فيها منقدرش نكون بلا بيها مشيت بكل سرعة لدارها طلعت دروج واخا منين كنتفكر غنشوفها كنحس بقوة كبيييرة باش نعاقبها دقيت حتى فتحتلي رقية كانت مزال فايقة واخا مشا الحال
رقية: (بتوتر) خويا يونس
يونس: (بابتسامة صفرا) روقية فيييين ع...
رقية: فبيتها
يونس: (دخلت لبيتها لقيتها ناعسة فوق المكتب فين كتقرا بقيت واقف حدا لباب قربت منها غير بشوية كانت مزالة بنفس لحوايج للي كانت بيهم صباح كانت ناعسة على يد ويد مغطية بيها عينيها وصلت حداها حيدت واحد الخصلة كانت على وجهها شعرها مزال مشنتف منين نتفتها شفت واحد لورقة حداها هزيتها كانت فازكة شوية نقاطي كبار يمكن كانو دموع بقيت كنشوف فيها مزيان فملامحها للي معرفت واش ملامح حزن ولا غضب ولا خوف!! قريت الورقة *حاولت ان اغمض....* كان كلام كولو احساس وموجه لية كفاش قلتلها تنساني كفاش نخسر وحدة بهاد الرقة والحنان كتبغيني كتر من راسها وكتر مكنبغي انا راسي ابتسمت على هاد لكلام للي كتباتلي طويت لورقة ودرتها فجيبي حسيت بهاد الورقة طفاتلي جزء من النار للي شاعلة فية ولكن مغنساش انها دوات مع اكتر حيوان كنكرهو فهد!! جلست فوق مكتبها وقستها فشعرها كانت معذبة فنعستها مكرهتش نهزها بلاصتها دخلات رقية)
رقية: يونس خويا تشرب قهوة؟
يونس: ششت (درت ليها حركة باش تسكت ومتغوتش ولكن شفت عويشة كتفيق)
عائشة: (غير سمعت سمية يونس حسيت بقلبي تهز فقت لقيت يونس جالس فوق من راسي شفت رقية فقت مدوخة رجعت شفت فيونس وقف من تماك ورقية خرجات من لبيت نضت عندو تبعتو) يوونس
يونس: اممم
عائشة: انا والله معندي معاه شي علاقة وعمرها كانت هو للي لسقة وباغي يدوي معايا بالسيف وصحة
يونس: (رجعت شفت فيها) منين جاب نمرتك
عائشة: انا معقلتش عليه حسابلي غير ولد لبلاد كيسوق تاكسي ومرة مرة منين كنتعطل كنصوني عليه باش يوصلني للدار ولا السونتر
يونس: عائشة واش كنابن ليك واحد كيرض صبعو
عائشة: والله مكنكذب عليك قسما بالله والله والله (بقيت كنبكي)
عائشة: (زعزعني منين غوت هاكا) انا عمرني تصاحبت معاه هو غير كيكذب
يونس: (كنهضر تحت سناني باش نقص من عصبيتي عليها) عائشة انا جيت برجلي عندك باش نفهم شنو كاين مزال متشبت بيك وباغي نعرف الا خرجت من هاد لباب (كنشير بصبعي) ونتي ممفسرا لية والو غير نسايني كولشي نتحملو الا لكدوب وبرهوشة تلعب بيا....
يونس: عائشة انا جيت برجلي عندك باش نفهم شنو كاين مزال متشبت بيك وباغي نعرف الا خرجت من هاد لباب ونتي منفسرا لية والو غير نسايني كولشي نتحملو الا لكدوب وبرهوشة تلعب بيا
يونس: (بلغوات) 😡قلتلك الف مرة متعاوديش تستحمريني كفاش صدفة شنو كتخربقي
عائشة: هئ هئ والله مكنت مصااحبة معاه هو للي لاسق فية😭
يونس: (غمضت عيني وتنفست ورجعت شفت فيها) اخر مرة غنسولك عائشة فين عرفتي داك للل... مرض ديال فهد
عائشة: ايفران
يونس: كفاش عرفتيه
عائشة: لا رد
يونس: (عصباتني بزااف شنو هاد السر العظيم للي مخبعاه خرجت من بيتها فتحت لباب بالجهد حتى تزدح هي بقات غير كتبكي شفت رقية واقفة حدا باب الدار كتبكي بقيت كنشوف فيها باستغراب)
رقية: عييشة غير قولي ليونس فين عرفنا هاد الكلب
يونس: (هزيت حاجبي باستغراب) رقية نتي معندك حتى دخل فهادشي هي للي برهوشة والغلط راكبها من راسها لرجليها وحتى دابا مبقيتش باغي نعرف (حليت باب وهي تجي عائشة كتجري)
عائشة: (بصوت مخنوق) يووونس غير تسنا
يونس: (حليت لباب وخرجت بقات تابعاني فدروج وهي كتعيط ركبت فسيارتي ومنكرش انني ديماريتها وفنفس الوقت تسنيتها حتى ركبات عاد كسيريت مشيت نيشان للبلاصة للي موالف كنمشيو ليها انا وياها وقفت تماك سكتت السيارة وبقيت جالس كنتسناها تهضر هي غير ساكتة وكتشوف لقدام) كنتسناك
عائشة: (بنبرة عالية) من اللول قلتلك مكنعرفوش مكنعرفوش شفتو مرة وحدة كرهني فحياتي علاش خرجت داك نهار كاااع
يونس: متغوتيش
عائشة: نغوت ونغوت نتا زدتي فيه بغيتي متبقاش تعرفني وتسالي معايا (خرجت من السيرة زدحتلو لباب وطليت عليه من السرجم) غير نساني لواحد للي ميتيقش فية معندي مندير بيه حتى انا (بقيت واقفة وعطيت بظهر لطوموبيل وانا كنتسنى ردة فعلو يا ربي ميضربش ناااااري الضربة غتجيني من الرأس طليت كنت قريبة للحافة ديال جبل يا ربي ميدرهاش قد فمي ويمشي ويخليني يييخ على صنطيحة فية تفو ولكن كفاش نفلت من هادي الا رقية منقدرش نغرقها بقيت مدة حتى سمعتو خرج من السيارة بقيت واقفة وانا كرجف من لبرد ومن الخلعة اكتر كنسمع خطواتو قربو بقيت مغمضة عيني واتا خايفة من ردة فعل ديالو....)
يونس: (مشيت حداها وبقيت واقف قلتلها بكل هداوة حيت شفتها تعصبات وانا خاصني نعرف الحقيقة قبل متسمعها من عندو )وكفاش حتى عرفتيه
عائشة: غير كنضور عيني
يونس: ختاري نسمع منك ولا من عندو هو
عائشة: (بتنهيدة حسيت بناقوس الخطر) كنا مشينا رحلة لايفران فشهر 1 مع واحد الصديق وبصدفة فهد كان صاحبو لقيناه فايفران وبقا لاسقني باش ندوي معاه ومبغيتش صافي هاكا تعارفنا من غير سميتو مكنعرف والو عليه
يونس: (واقف مفرق رجليه ومربع يديه ومغوبش) شكون هاد الصديق للي مشيتو معاه لايفران؟ وعلى أساس شنو مشيتو معاه؟
عائشة: (كنضور عيني) داابا انا كنحاسبك على الماضي ديالك
يونس: (ضربتها راسها بشوية حتى تزعزعات شديتها غير انا) الهضرة دافلام تواركة كوليها شكون هاد النم للي مشيتو معاه لايفران
عائشة: (كلحنها) صصصصصديق
يونس: (غير ضرت عندها دارت يدها على وجهها) كتخافي مكتحشمي
يونس: من التالي شكون هدا للي كان صاحبك كنعرف فهد مزيان وكنعرف صحابو كاملين
عائشة: نتا كتعرف فهد؟
يونس: (ضربتها بطرشة ولكن خفيفة) مذكرييش سميتو ومتزيديش تعصبيييي جدي فهاد الليلة كتر من هاكا ولا غنخلط ملتك وندفنك فين واقفة شكون هاد صاحبو سميتو وشنو كتغرفي عليه وفين عرفتيه
عائشة: (بقيت شادة حنكي وكنعصر عويناتي ساعة حرام واش بغاو يطيحو شي دموع ناري لحمي مات على لعصا) مضربنيش ومتحكرش علية
يونس: 😡 (بلغوات) متجهليييييش ديل مي جاااااااوبي
عائشة: (بخوف) سميتو سامي هو كان استاذ ديال واحد لماتيير ساكن فاسبانيا كان استاذ بديل فالمعهد للي كنت كنقرا فيه فرباط وتماك تعرفنا عليه وكان غير صديق ماشي صاحبي
يونس: (بقيت كندور سميت هاد سامي فراسي) معرفتوش وهو كان صاحبك هدا هو الحب وكنتي كتبانلي فوجه اي واحد
عائشة: (هنا بديت كنبكي) والله عمرني بغيت شي واحد بحالك وهو كان ايونس صديق صافي والله والله مكنكذب عليك
عائشة: لا لا عمر شي واحد قاسني والله حتى واحد ممد يدو علية من غيرك نتا مستحييييييييييييسسل نخليه يقيسني
يونس: عائشة بالرب ونعرفك كذبتي فشي حاجة حتى نذبحك وندمك على نهار عرفتيني
عائشة: (بخوف مشيت وشديت يدو للي كانت غطرطق بسخونية وهزيت راسي فيه) يونس عمر شي واحد مقاسني من غيرك وهداك عمرني تصاحبت معاه ولا عطيتو فرصة من الأصل تيق بيا والله مكنكذب عليك
يونس: تبرهيش ديالك فين كيوصلك اعيشة
عائشة: ماشي غير انا حتى رقية
يونس: (نعلت الشيطان غتخرجلي عقلي رخيت يدي منها و مشيت ركبت فاللوطو لقيتها مزالة واقفة وكتهضر بوحدها بحال شي حمقة) غطلعي ولا نجي لوح مك من تماك ونتهنا فمرة
يونس: (قربت لشنايفها غمضت عينيها وحلات شنايفها على وضعية لبوس بقيت كنشوف فيها مدة حتى حلات عينيها باستغراب قرستها فحنكها) مزال منسيت قصة داك الكلب ياله دوري بالخف طلعي للدار نتسناك طلي علية من السرجم
عائشة: (ولد لحرام خلاني بلاكة والله مندوزها ليه ابتسمت وقلبت الدورة وطلعت للدار لقيت رقية نعسات مشيت للسرجم درتلو باي باي شاف فية مردهاش ومشا ركب) مال هدا عندو اعاقة فالمشاعر عاد كان مزيان خلاني بلاكة هااااااهي الا بقات فيك منتسماش عيشة لفرشة (بتنهيدة) لمهم هم ونزاح رتاحيت بزاف منين خرجت من هاد المشكل صونا علية داك زبل بلفقسة شديتو قبل ميقول الو قلتلو *وبعد منيييي ابنادم مكتفهمش مالك لسقة* وقطعت عليه دخلت للحمام دوشت وخرجت صونيت على يونس والو مكيجاوبش عرفتو يبس راسو نعست حيت عييت هاد نهار....
~~~~~~~~~~~~~~~~
عماد: (بقيت واقف مصدوم من للي كنشوف بعينيه كولشي كيدافع دمايات مغرقة طبيطار الاطبة والممرضين كيتسابقو بحال شي مراطون ولكن عيني على للي واقف فمكتبو جالس وكيتفرج وعلى وجهو فرحة وكيخبع الابتسامة دارت لجهة الاخرى للي كيبكي للي داخل مصدوم للي كيقلب على ولدو ولا ختو او مرتو او باه او مو او جيرانو او صديقو جمييع القرابات شنو وقع؟؟؟ حتى)
....: (ببكاء) بليييز ولدي ولدي صغيير واش جابوه هنا كنت مشيت نشريلو غير كلاص وخليتو كيلعب ومع الحادثة مفهمتش شنو وقع قلبت عليه ومالقيتوش واش هو هنا جابوه هنا بلييييز عاوني قولي واش كاين هنا
عماد: (مشيت كنقلب معاها فجميع المرضى للي دخلو ولكن للاسف مالقيناعش)
....: فين يكون
عماد: (قلتها بكل تحسر) ربما يكون مع الوفيات
....: بصدمة تبعاتو كيقلبو وكما متوقع لقاوه تماك خليتها كتبكي مقدرتش نبقى تماك مشيت عند ابو لقيصر للمكتب ديالو وكنت فقمة الغضب ولحسن حظي مالقتوش نعلت الشيطان مخاصنيش نزرب ونضيع كولشي مشيت كنعاون للي يتعاون و كل فكري شنو وقع تسلت ومشيت لطموبيلتي صونيت على يونس نستفسر شنو وقع لقيتو مفخبارو والو وبراسو دايخ زربو علينا رجعت للمستعجلات كنعاون الناس على ميقلب يونس ويفهم شنو وقع...
يونس: (متعصب وجالس كنصوني على فهد ولكن طافي حتى صونا عليه وشديتو) 😬فهد شنو واقع؟؟
فهد: (حتى هو معصب) حيدولي التيليفون ومالقيتش كفاش نعلمكم
يونس: يعني!!
فهد: دابا مقادرش نهضر غدا نجي عندك لدارك ولا دار عماد متخرجش حيت معارفش بالظبط فوقاش نجي (قطع)
ممدوح: عملية دهس وقبيلة داعش تبنات هاد الحدث الارهابي وفهد للي معاهم تيليفونو مطفي المشكل لكبير اشاف هو مكيعلموش حتى كيطبقو نيشان ربما شاكين انهم متبوعين حيت غير صباح كان كلشي عادي وفالليل وجدو شاحنة من نوع lk ودازو فشاريع loughin المشتبه به مزال متعرف ولكن حاليا كيطاردوه حيت الدار منقدروش ندخلو ليها
يونس: فهد معطا حتى معطى على سميتو
ممدوح: لا فقط قالي هنا تقلبو وقطع
يونس: مصييييييبة (غمزو) وهوما شنو قالو
ممدوح: حتى حاجة حيت حتى هوما تفاجئو حيت متبعين معانا خطوة بخطوة..
~~~~~~~~~~~~~
عماد: (كنت كنخيط الجرح لواحد الرجل حتى كيبانلي ابو لقيصر داير لكمامة ولابس جيلي ديال العمليات دخل للغرفة للي فهمت انه كاينة شي وحدة تمااك ولللي كيزيد يمرض مخاصش شي واحد يعيق بيه وخاصني نصرف عليه الانتباه حتى يكمل الكبث ديالو للي قرب من ديك الغرفة كنتلفو حتى السيد كمل وجا خارج شافني زول لكمامة ودار ابتسامة عريضة وحتى انا بالمقابل بادلتو الابتسامة بحال مكاين والو غمزني ومشا حتى غبر فتحت لباب بانلي بنادم مغطي ممشيتش نشوف حيت حسيت بتأنيب ضميييير كان بامكاني نقذ رووح ولكن وكان نقدتها كان غيتفرش وغيهرب من جرم الارهاب جاني مساج من عندو ومشيت لقيتو فالمكتب ديالو دخلت وجلست) افييين
ابو لقيصر: مال وجهك مخطوف
عماد: معمرني شفت شي حادثة بحال هادي قالو شي شاحنة كبيرة دخلات فيهم واش كان شي حمق ولا معرفت
ابو لقيصر: (باستهزاء) وعلاش حمق؟
عماد: مكتشوفش شنو واقع
ابو لقيصر: ليهود عمرك تيق فيهم يستاهلو كتر وكان حنا للي طحنا فيديهم كانو غيديرو كتر وميرحموناش اللهم حنا نسبقوهم وناخدو اجر فيهم وهدا للي دار هادشي ماشي هبيل ولا حمق هو عااارف اش كيدير وتحية مني ليه وكان ماشي هو للي دارها اكيد كاين للي يديرها
ابو لقيصر: هه فضولك غيجيبها فيك (صونا تيليفونو كان منفذ الهجوم مشا كيتسلت للمكتب ديالو) احم جو شوية ونجي جاني اتصال مهم سمع شنو غيديرولو وقولي
عماد: (غير شفتو كيتسلت وقال مكالمة شكيت فيه تكون شي مكالمة مهمة للي غتنفعنا فشي حاجة فمهمتنا مشيت كنجري لغرفة المراقبة بكل طاقتي دخلت لقيت للي كيحضي الكامرات كاين تماك تكرهت كان علية نتبعو نيشان ونتسمع عليه جلست حداه كان شيء لم يقع بحال كما كنجلس معاه منين كنكون كنتسمع على أبو لقيصر بحال كل مرة هزيت لكاسك وبقيت كنهضر معا داك السيكيروتي ونقشب وانا كنطلب باش يكون مزال كيهضر فالتيليفون وانا مجمع مع داك خينا درت نيشان غرفة ديال ابو لقيصر وطلقت كنتصنت مبغيتش ندير الصورة باش منتيرش الانتباه بقيت كنتصنت كان كيهضر باللغة العربية كنسمع غير (حاضر) و (نعم) بقيت كنتصنت شحال حتى قطع مقال حتى جملة للي غتفيدني ياله جيت نحط لكاسك حتى سمعت كيقول الو هاد المرة الحوار بالألمانية
ابو قيصر: (معصب) فينك دابا واش فتي الحدود ولا مزال
عماد: راه الروح عزيزة عند الله ونتا بعينيك شفتي 31 للي مات اغلبيتهم دراري صغاار ورجال كبار وهادشي بلا للي حالتهم حرجة
ابو لقيصر: اوا وداكشي للي كيموت فلسطين علاش مكديرش هاد الحالة عليه
عماد: (سكت وقلبت وجهي لعندو) ومنين نتوما دولة حق اسرائيل اولى بهاد المجازر وتكونو ربحتو دنيتكم واخرتكم
ابو لقيصر: اسرائيل شعب الله المختار ميمكنش نديرو شي حاجة ربي للي غينتاقم منهم
عماد: (ابتسامة استهزاء) بربي الا راك غير كتركع ايوسف
ابو لقيصر: احم راك معارف والو نتا مهم هانا هنا رد البال معاك.. (نضت من حداه حيت عارف كلامو مولو صحيح ولكن الضمير للي فية مااااات وعمرو يحيى شفت الساعة كانت 4 مشيت كنقلب على شي وحدة نبرد فيها ولكن فنفس الوقت خاصني نرد لبال..)
~~~~~~~~~~~~~~~~~~
يونس: (وصلنا للعنوان للي عطاني عماد وفهد كانو نيت نفس العنوان شوية بانتلي سيارة واقفة تماك بقيت كنقلب على فهد واش يبانلي ) هنا هنا 'ستيش' انا مغنقدرش نخرج تسلتو غير بشوية عندو وانا غنبقى تابعكم بالسيارة (بقيت متبعهم وطافي ضو السيارة وهوما ماشيين شوية بشوية حتى وصلو عندو عرفتهم خافو تكون السيارة مفخخة سبقو للي مختصين كيقلبو السيارة غير بشوية ولكن كفاش هداك متحرك مدار حتى ردة فعل فشكل بقاو كيقربولو شهرو سلاح عليه بقاو كيغوتو عليه باش يخرج ووالو مخرجش...)
يونس: منين مخرجش جاتني غريبة ومع الهدوء سمعت شي سيارة بغات تحرك ولكن مزالة واقفة ضرت كنشوف يمكن فهد بقيت كنصوني والو مجاوبنيش شفت فالسيارة اللولة هداك مزال مخرج حتى كنشوف ستيش خرجو كان بحال مغمى عليه كولشي هز سلاحو كلاكسونيت عليه باش نفهم
الحوار باللغة الالمانية
يونس: (باستغراب) شنو واقع
ستيش: المشتبه به مقتول
يونس: (خرجت عيني بصدمة) كفاااش
ستيش: 3 طلقات نارية وحدة على مستوى الراس للي غتكون ادات الا الوفاة مباشرة وجوج على مستوى الصدر
يونس: 😡 (ياله جيت نخرج حتى نفس السيارة للي كانت بعيدة كسيرات بالجهد معرفتش علاش تارت انتباهي ركبت وكسيريت موراها بقيت من موراه كيزيد السرعة كنزيدها حتى انا يعني فيه دغل ماشي وقف بلعكس كيحاول يهرب بقيت متبعو حتى هرب جيهت الغابة واخا هكاك بقيت متبعو عمرني كنت فشي مطاردة بوليسية ولكن هادا خلا الشك فيه اكترية منين بقا واقف حتى جبدنا المشتبه به بقيت كنكلاكسوني عليه يوقف والو زدت السرعة كتر حتى وليت معاه فنفس الخط ياله غنقولو وقف حتى هربات به السيارة ودخل فشجرة) فااااااااك (وقفت السيارة وخرجت منها ومشيت كنجري لعندو كانت كلها دخان ومقيوسة من لقدام بزاف فتحت لباب شفتو للحظة شكيت ففهد باع القضية طللت عليه كان عامر دمايات خرجتو من تماك وقلبتلو نبض عنقو واش باقي حي ولحسن الحظ كان مزال حي بقيت كنشوف فيه صونيت على ستيش علمني انه خداو الجثة وقلتلو يصيفطلي اسعاف من بعد مصيفطت ليه البلاصة لي فيها انا عبر GPS بقيت شي 15 دقيقة حاولت نديرليه اسعافات اولية كانت الضربة على مستوى الراس ويمكن شي كسور جات الاسعاف خداوه خليت فرقة البحث القضائي تقلب السيارة على اي حاجة وراقو وكولشي ومشيت تبعتهم للمركز تماك كاين غرفة العناية للي مشتبه به كنت عيان بزاف ولكن خوفي الاكبر يكون هاد الشخص ميكون عندو حتى ذنب وغير من الخوف هرب بقيت حتى خرج الدكتور ) دكتور
دكتور: نتوما للي جبتو هاد السيد
يونس: اه قولي كيف كبقى
دكتور: جبتوه فالوقت المناسب عندو بعض الكسور فرجلو اليمنى وحتى على مستوى الجمجمة وحالتو حتى يفيق عاد يبان
يونس: فوقاش غيفيق
دكتور: (شاف فالساعة) شي 8 دسوايع عاد يفيق
على ميزول مفعول الإبرة
يونس: اه اوكي شكرا دكتور (درت حراسة على المشتبه به ودخلت عندو بقيت كنشوف فيه صورتو باش نحيد الشك خليت معاه الحراسة مشيت نيشان للدار بدلت حوايجي صونيت على فهد لقيت تيليفونو مشعول) فهد يصلاحليك نتلقاو دابا
فهد: يونس راه مصالحش نجي عندك هنا راه غير حيت الدنيا مزالة خاوية برا
يونس: وي عارف ولكن شي حاجة مستعجلة خاصني نعرف شنو كاين ونتا الوحيد للي وسطهم
فهد: (تفوه وتجبد) لبارح كنا كنصليو حيت كان عدنا قيام الليل ولا معرفت حتى دخل ابو لقيصر مزروب وقفنا من صلاة واول حاجة خداو لينا الهواتف ديالنا وشعل لاب توب كانو مصيفطلوهم فيديو باش تنفد اول هجوم معرفت مندير وكفاش نتاصل بيكم بقيت غير كنطلب الله منكونش ان هو منفذ الهجوم والي يوقع يوقع حتى نطق ابو لقيصر وقال اسم شخص اخر شوية نزلات الصاعقة منين قالو نوع الهجوم وهي عملية الدهس
يونس: كمل
فهد: بقا فية الحال ولكن حمدت الله حيت ماشي انا هو المنفذ صافي مقددرت ندير والو عطاو المهمة لواحد فينا من بعد مفهموه انه غيهرب لبولنيا مباشرة وغرقوه فلوس عييت نحاول نهز التيليفون ولكن والو منين عرفناه تفذ العملية جا امر باش شي واحد يمشي يهربو وانا تنصت على أبو لقيصر منين هضر مع خالد واحد الدري باش يمشي يغبرو ويقتلو حيت هاد خالد عندو يد كبيرة مع ابو لقيصر وعارف شلا حوايج غير خليتهم غفلو علية صيفطت ليك العنوان وهادشي للي عارف
يونس: (جبدت تيليفوني) هدا للي قتلو؟
فهد: (باستغراب) ااه هو هدا خالد فين شفتيه وكفاش ومالو؟؟؟
يونس: (عودت ليه كولشي) وهو دابا فالمركز شوية ونمشي عندو على ميفيق
فهد: والمعمول
يونس: (بابتسامة) وجد راسك وجمع حوايجك بقالنا غير ايام ونرجعو للمغرب
فهد: يعني هدا للي غيجبد كولشي ويجبد ابو لقيصر
يونس: اه اكيد غيعتارف على كولشي ونتا قلتي عندو يد معاه وبهدا نكونو كملنا المهمة للي جينا على حسابها
فهد: مزيان وانا للي عارف مزال مشكو فغياب هاد خينة
يونس: ومقالوش واش كاينة شي عملية اخرى
فهد: كولشي كيهضر على العملية لكبيرة ولكن مزال معرفناها فوقاش وفين
يونس: خاصك تزيد تقرب من هاد ابو لجهل كتر
فهد: (وقف) كندير مجهودي معاه
يونس: دير كتر بغينا نساليو هاد لحريرة رجعو فحالنا
فهد: صافي سخيتي
يونس: وشنو غيشدني هنا (غمزة) كولشي ديالي
فهد: اممم مزيان ياله اي جديد نعرفو نعلمك به، نتا اتمشي دابا
يونس: (وقفت وصلتو لباب ومشيت لبيتي نبدل علية باش نمشي رجع للمركز رتاحيت نسبيا حيت طرف لخيط شديناه باقي غير اعتراف من عندو صونيت على الشاف فالمغرب وعطيتو التقرير المفصل وخليتو حتى يجاوبني دخلت دوشت وبدلت حوايجي سمعت تيليفوني كيصوني كانت عويشتي اليوم غتبدا لقرايا مجاوبتهاش حيت مزال معصب منها وخاصها تعلم متعطيش وقت لكلب بحال فهد...)
عائشة: (بتافاف) مال هاد ايخان مكيجاوبش الا محمقنيش هو عمري نحماق رجعت كنصوني عليه والو مكيجاوبش ياك غير لبارح تفاهمنا شنو كاين وعاودتلو كولشي وحتى على فين كبرت دغيا كيقلب لفيستا
رقية: زعما ميقول لعماد والو؟
عائشة: مكنظنش حيت هو قالي انا موضوعنا هو للي كيهمو يعني كتبقى حريتك بغيتي تعاوديلو نتي ولا لا يونس مغيقول والو وزايدون مقلتلو والو كولشي نسبتو لية
رقية: مممصاب واخا انا حااااسة شي حاجة مق.. غتوقع
عائشة: مغيوقع والو وزايدون حنا وداك الز.. للي عارفين شنو كاين والحمدالله تهنينا منو هو فين وحنا فين وزيد هو معارفش حتى فين حنا
رقية: ولكن فهد عارفنا هنا يقدر يقولهالو
عائشة: وهو يترجل يجي عدنا هو وكان يشوفنا يدبحنا على شنو درنالو تلقايه معاقلش علينا وراه مضبرلو فشي بريكولات اخرين
رقية: يخخ فوقاش رجعو للمغرب باش نتجوج ونتهنا من هاد المشاكيل
يونس: فااااااااك😡 فااك كفاش هاد فقدان الذاكرة واش مغيبقىا عاقل على والو؟؟!
دكتور: حاليا معاقلش حتى على سميتو وشكون هو
يونس: 😡 فااااااااك وفوقاش غترجعلو الذاكرة؟
دكتور: معرفتش يقدر اليوم غدا سيمانة شهر على حساب
يونس: (بتأفأف خرجت من المركز وانا معصب وكناكل جنابي كنت متفائل بزاف يتسد هاد الملف ونكملو هاد النم من مهمة ورجع لحياتي الطبيعية خفتها تفوت كتر من عماين وها هي ماشية كتر رجعت للمركز من بعد مكميت باكية تاصلت بالشاف وخبرتو بالجديد باش نعرفو شنو الاوامر للي غنتبعوهم وشنو نديرو... رجعت عند المريض دخلت لقيتو مبحلق فسما وكيشوف وقفت حداه شافني وابتسم وحيت عارفو من اصول جزائرية غيفهم لوغتي) كيف بقيت
....: واخيرا لكيت واحد نفهمو واشتا يلغي
يونس: احم معاقل على والو
.....: لا طبيب كالي حنا فلالمان
يونس: نتا جزائري
....: واه ولكن واشتا جابني لهن مانيش نفهم عملت اكسيدون هادشي للي عارف وكالي طبيب
يونس: مع الوقت كولشي غتعرفو رتاح دابا
....: غترجع الخوا
يونس: اه ديما غنكون هنا (خرجت من تماك هدا الا عرف راسو ارهابي كفاش غيتقبلها)
~~~~~~~~~~~~~~~~~~~
عائشة: لا غير سيري ارقية نمشي للدار بحال والو يونس يكمل شغلو ويجي وزايدون الا السيد بغاك تكونو بوحدكم علاش انا نجي نكون بيناتكم و نديرلكم زحام
رقية: خفت يكون يونس قالو شي حاجة
عائشة: لا منظنش هو كبير على هاد تبرهيش (عاودت صونيت عليه والو مكيجاوبش) ياله ارقية انا مشيت منين توصلي صيفطيلي مساج
رقية: واخا ختي باي (ركبت فتاكسي ومشيت لدار عماد)
عائشة: (شيرت لتاكسي وركبت وانا بالي غير مع يونس للي عاود غبر ومكاينش حتى فدارو اوووووف منو شي نهار غيحمقني ويسكتلي قلبي بقيت كنصوني طريق كاملة والو مجاوبش مرضني وعصبني!! وصلت للدار مع الدخلة دالعمارة حسيت بيد جبداتني بالجهد ودارت اليد التانية فمي بقيت كنتركل حتى هزيت عيني تصدمت هو !! اش بغا من!! بقيت كنتركل باش يطلقني مقدرتش نتنفس خنقني....)
رقية: (دقيت على عماد وحلي لباب كان باين فوجو لعيا سلمت عليه دخلت حيدت لمونطو علقتو مع الدخلة ديال لباب وحيدت لبوط وتبعتو وانا عقلي غير كيتخبط فافكارو وخايفة يونس يكون قال لعماد هو حاسبني صفحة بيضاء ) عماد واش كولشي بيخير؟
عماد: (بتنهيدة وتلاحيت على لكنبة) عيييت احبيبتي
رقية: (جلست حداه) مناش احبيبة
عماد: (نعست على رجليها وبقيت كنشوف فيها) من الخدمة وستريس وكنشوف بنادم محتاج المساعدة ديالي ومقادرش نديرلو شي حاجة
رقية: (بقيت كلعبلو فشعرو) بيبي هادي هي خدمتك نتا كدير للي عليك وللي مكتبالو شي حاجة راه كتوقعلو
عماد: ولكن اروكا انا عارف انه كيدير حوايج خايبين بالناس ومقادرش نمنعو حيت كولشي غيتضرب فالزيرو
رقية: يعني هاد الشخص الا فضحتيه كاع للي كنتو كتخدموه هاد العماين أو كتر غضيع
عماد: (حركت راسي باه)
رقية: يعني كضحي بواحد باش تنقذ 100، ماشي نتا الملام احبيبة نتا كدير للي عليك زيد عليها نتا طبيب فمهة بوليسية بلعكس احبيبة خاصك تفتاخر براسك حيت انا متاكدة كدير كتر من جهدك
عماد: (حسيت بالراحة من كلامها) نتي ديما زوينة هاكا
رقية: هههه ديما
عماد: (قرست غمازتها) بغيييت ناكلك (جريت راسها لعندي غير بشوية وخطفت من شنايفها بوسة للي مقديتش نفلتهم حلوة حلوة بزااف نضت لعندها وشديت وجهها بيدي بجوج حسيت بروحي جهلت مقديتش نرخيها حسيت بلساني كيجبد لسانها وهي غير كتأوه معرفت كدرت هزيتها ويديها على عنقي كيزيدو يخليوني مكنفكر فوالو ودخلتها لبيت نعاس حطيتها فوق النموسية وحيدت تريكو ونزلت لعنقها ويدي كتحيد ليها الشميز بالزربة درت رجلي بين رجليها وبقيت كنحك ركبتي فل.. رجعت لشنايفها روحي غتنفاجر بغيت نحشيه فيها ولكن.. عنقتها بالجهد وقلبتها فوقي وبقيت كنبوس فيها مرة مرة وقلتلها فودنها) حبيبة مكرهتش نكملو
رقية: (غير كنتنفس بالجهد مقداش نجاوبو)
عماد: فاقرب وقت خاصني نهبط نخطبك من عند الحاج احمد هادشي بزااف احبيبة
رقية: ههههه
عماد: غير وجدي راسك اروكا غير نهبطو للمغرب غنتزوحو مقادش تكوني بعيدة علية كتر (غير كنشوفها بتاسمات كرجع لعندها)...
~~~~~~~~~~~~~~~~~
عائشة: (بقا شادلي يدي بيدو وداير يديه على فمي زدحني مع الحيط مبقيت كنعرف القبلة فين جات وعاود زدحني حتى تزعزعلي راسي حسيت بدموعي كينزلو)
فهد: ق.. لمك كتجبدي علية
عائشة: كنحاول غير نفك راسي ومن زهري حتى واحد منزل او طلع لدارو صقييير
فهد: (كنقرب لوجهها كنت معصب منها بزااف وكفاش جاوبات لبارح ) زكلتك فإيفران هنا بالرب منزكلك
عائشة: وقفت من الحركة وبقيت كنشوف فيه اويييييلي علاش ناوي هدا يدي كنحس بيهم غيتهرسو بكترت مكيزير عليهم
فهد: ماشي علية هاد البراءة الخاوية من اللول قلتلك بشحال تمشي معايا وكان كنتي كتجاوبي على تيليفونك بحال الناس منوصلوش لهادشي كضبري من هنا ومن هنا حسابلك عماد ويونس غيحميوك مني غير يشبعو منك نتي والق.. دختك غيلحوكم ولكن ماشي من عادتي شياطة انا للي حتى نشبع منك ولوحك (قربت لوجهها كتر) وحاس براسي مغنشبعش منك اعويشة...
فهد: ..انا للي حتى نشبع منك وغلوحك واخا حاس براسي مغنشبعش منك اعويشة كنا غنستمتعو مزيان فايفران وكان ماشي قصوحية راسكم ولكن ربي كبييير جابلك لية حتى لهنا
عائشة: (هنا بديت كنخاف بزااف ونضور عيني و كنبلع ريقي كنطلب الله غير يجي شي واحد يعتقني حسيت بيدو ترخفات على فمي وحيدها ولكن نفسو قريبة لية بزااف بقا حاط نيفو على عنقي ومزير على يدي بزاف خفت حتى دموعي دارو كريقهم كرهت راسي من هاد الحركة لي دارلي وعيفني)
فهد: عويشة خليك معايا هاد الايام غنبرعك ح.. وفلوس كدوات للي بغيتي والي حليتي فمك عليها انا من شحال هادي تشهييتك وكل مرة كنشوفك كنزيد نتشهاك كتر
عائشة: (وقفت غير بلكشيفة) لا لا شكرا ( تميت طالعة فدروج وانا كلهت وغير كنبكي حكرني ولد لحرام وصلت للدار حليت لباب وانا رجلي مقادينش يهزوني جبدت تيليفوني بقيت كنصوني على يونس مرة وجوج وتلاتة 10 وهو مكيحاوبنيش لحت التيليفون مع الحيط حتى تشتت) جاااااوب منيين غنصوني جاوب هئ هئ تفووو على زمر (مشيت دخلت لحمام دبيتي بقيت كنشوف فلمرايا لقيت صباع يدو مطراسيين فعنقي اما يدي كنحس بيهم مفدوعين مكنقدرش نلويهم وراسي قتلني بلحريق بقوة مخبطو مع الحيط بقيت كنحيد حوايجي وانا كنبكي بلحريق والخوف يونس وكان جاوبني كاع ميوقعلي هاكا حطيت حوايجي ولبست بيجاما خفيفة وجمعت شعري حيت كنحس بسخونية فصحتي تكيت فبلاصتي انا مقهورة غير كنبكي تخيلت وكان دارلي شي حاجة كلامو مكيبشرش بالخير بقيت كنبكي حتى نعست...)
~~~~~~~~~~~~~~~~~~~
يونس: (فتحت باب دار عماد بانلي صقير ولكن كاين حوايج) عماااااد عمااد
عماد: (بتوتر وارتباك) احم يونس انا جاي (جريت سديت باب لبيت) حبيبة بلا متخافي موقع والو
رقية: كنسد صدايف ديال الشميز ناري عندك يكون شافنا
عماد: (كلبس حوايجي) لا ميمكنش يدخل هنا بلا مدهشي احبيبة غير لبسي على خاطرك انا نخرج عندو (بستلها راسها حيت عرفتها غتكون حشمات بزاف خرجت وسديت لباب من مورايا)
يونس: اه سمحلي مكنتش عارف معاك ... انا نطلع لدار
عماد: غير جلس اصاحبي غير مرت خوك المستقبلية كنت كنقولها شي حاجة
يونس: شووو لبنت غتكون حشمانة غير خليني نمشي حتى الليل ونجي لعندك واصلا مرانيش ناعس نمشي نعس شوية
عماد: ممشيتيش عند عويشة
يونس: لا مساليتش الليل كامل وانا برا ومن تماك للمركز وهانا عاد جيت ودابا راني دايخ بنعاس يوماين بلا نعاس
يونس: لا غير سيرو انا غنعس باش نرجع للمركز صباح بكري..
عماد: اه حقا شنو درتو فداكشي
يونس: (غمزتو يسكت باش متسمعش رقية ) من بعد
عماد: اه اوكي ياله تلاح سد لباب من موراك
يونس: هههه حمار (خرجت جبدت تيليفوني عويشة شي ساعة مصوناتش علية غير كنتفكرها عطات وقت لهادك شماتة كنفوور اللهم نبقا بعيد حتى نبرد باش منديرو شي حاجة فيها مالقات غير فهد وعاد كتقولي مكان كيبانلي حتى واحد من غيرك طلعت لداري ودخلت نيشان لبيت نعاس شربت كينة دنعاس و نعست يوماين وانا فتمارة...)
رقية: (بهمس) مشا
عماد: هههه يونس عندو شي اوقات ديما غالطين
رقية: هههه حمق ياله نمشيو الا بقيت معاك هنا غنديرو شي فضيحة
رقية: (بتوتر) احم (بعدت من عندو) عماد شارب شي حاجة من غير لما كفاش نطولو ونقصرو!! (خرجت من لبيت وانا كنتنفس بالزز)
عماد: (تبعتها وعنقتها من اللور) حبيبة تقلقتي مني
رقية: لا عماد غير جعت واحد شوية
عماد: (كنبوسها فعنقها) انا بعدا جعت بزاف
رقية: هههه (ضرت عندو) عماااد لبس ياله نمشيو ناكلو (شفت فالساعة) 8 هادي ومن لغدا مكليت احبيبة والله
عماد: امممم كتهربي واجي غير لبسيني بعدا (بقيت مطرد عليها حتى هربات ودخلات للحمام) واخا فيك ها هية عندك (مشيت لبست حوايجي وخرجنا بجوج) لقطيطة ديالي شنو مشهية؟
رقية: للي كان مهم غير ناكل (مشينا تعشينا وبقينا كنضورو حتى بدات كطيح شتا بالجهد) حبيبي انا بردت
عماد: رجعو لداري عندي واحد شوميني غتسخنك مزيان
رقية: (قوست عيني فيه) غتزيد ولا نحيد صباطي نعطيهلك للكمارة
عماد: ايهاي هاي صعابيتي ابنت الحاج
رقية: قالك نمشيو للدار زيد ديني لديواني شحال وليت باسل (مشينا فجو ديال الضحك والنشاط وصلنا هزيت حق عيشة من الطموبيل تشدينا اليدين وبقينا كنصحكو غير وصلنا لدارنا لقيت لباب محلول استغربنا بجوج دخل عماد هو اللول)
عماد: عائشة!!!! عائشة
رقية: عييشاااا فين هادي اويلي
عماد: مموالفاش تخليو لباب محلول هاكا
رقية: لا مفهمتش من قبيلة دخلات ميمكنش تخلي لباب محلول غير الا كانت فشي بلاصة وعاد دخلات (دخلت لبيتها شفتها) عييييييشاااا !!!!
عماد: (دخلت كنجري لبيت عائشة منين غوتات روكا..)
عماد: (دخلت كنجري لبيت عائشة منين غوتات روكا كانت ناعسة قربت لعندها وحيدت رقيية كانت صفرا ولكن عنقها كولو طبايع دخلني تشاش شفت رقية كتقلب فيها ولبنت مكتحركش شفت فيديها طراس خفت يكون شي واحد تعدا عليها) رقية حيدي متقيسيهاش (بقيت كنحل عينيها كنقيس نبض القلب كانت فيها سخانة مجهدة وصفرا فوجهها هزيتها بين يدي حتى كلقا نقاط صغار ديال الدم هنا جمدلي لما فركابي مبغيتش نخلع رقية) رقية سبقي فتحي باب الطوموبيل وهزي المونطو ديالها (مع الخرجة كيبانلي تيليفون مشخشخ دخلني الشك بزاف ان شي واحد دخل يشفرها او يتعدى عليها هبطت بيها ودخلتها للسيارة شفت رقية كتبكي بستها فجبهتها) حبيبة متخافيش غيكون غير ستريس (ركبات حدا ختها ودارت راسها على رجليها طلعت ركبت وانا حاضيهم من لمرايا بقيت كنصوني على يونس والو مكيجاوبش عرفتو دارو صيلونص ونعس مشيت لصبيطار للي خدام فيه انا دخلت من جهة المستعجلات خرجتها من اللوطو وحطيتها فوق لبياص للي كيتعرضو بيه ودخلوها وحيت كيعرفوني دخلوها نيشان كيشوفو شنو عندها بقيت معنق رقية بيد واليد للتانية كنصوني على يونس) حبيبة دخلي جلسي لهيه انا غنجي
رقية: هئ هئ شنو غيكون وقعلها شي واحد ضربها ولا شنو
عماد: هاحنا غنعرفو احبيبة غير متخافيش راها مزيانة نتي بقاي هنا ندخل نشوفها واخا بيبي (دخلت لقيت واحد طبيبة كنعرفها ابتسمت معاها)
ناسي: (بابتسامة) dein freund (صديقتك؟)
عماد: (من العائلة) mein verwandter
ناسي: (اه هي دابا مزيان ولكن شي واحد معدي عليها
عماد: (بصدمة) كفاش!! (was)
ناسي: متخافش مكاينش اعتداء جنسي أو اغتصاب
عندها ضربة خفيفة فالراس عقمنا الجرح كنظنها محاولة القتل حيت طبايع للي فعنقها بحال شي واحد بغا يخنقها) ist derzeit Hab keine Angst, es gibt keine Vergewaltigung gesun, aber da sind wer schlage si, ich vermute. Es ist ein versuch
عماد: الحمدلله منين مكاينش اغتصاب ربما دوك البقع ديال الدم من الخلعة أو تلعادة (باستغراب) محاولة قتل؟؟؟ versuche zu töten?
رقية: .. عييشة ختي شنو وقع ليك فيقي وقولي شكون هاد الكلب نضورو بدينمو لكلب بن لكلب لاخر
عماد: وعلاش انا فين مشيت اخاي ابوجمعة
رقية: (ضرت شفت فيه وعاودت شفت فعيشة) شكون هاد لكلب للي دار لختي هاد الحالة اعماد (بقيت حدا راسها كنشوف فيها كانت صفرا بلا طبايع للي فيها شفت عماد مقابل غير التيليفون يمكن كيصوني على يونس) عماد واش مكيجاوبش
عماد: لا راك سمعتيه قبيلة قال غينعس و100% دار تيليفون صلونص
رقية: (بتنهيدة) صافي غير خليه احبيبة واصلا قال كان عيان، مقالتش ليك ديك طبيبة امتى تفيق عيشة؟
عماد: (مشيت حدا عائشة بقيت كنحرك فيدها ووجهها حتى بقات كتحل عينها شوية بشوية لحرارة مبقاتش فيها بزاف ولكن مزالة فيها) عائشة ختي شوية؟؟
رقية: (بلهفة) ختي ختي كبقيتي خلعتينا عليك شنو وقع ليك
ناسي: (جات حدايا ودخلات بيني وبين لبياص فين ناعسة عائشة للي فالاصل كانت مساحة صغيرة وحنات كتشوف فعينيهن عائشة حسيت بمؤخرتها قاست رجلي يعني حركة مغرية مفهمتش علاش دارتها شفت فرقية لقيتها طرطقات عينها وحلات فمها عرفتها طيراتها فسما بعدت خطوة على ناسي للي من بعد ونتفاهم معاها شفت رقية وقفات مشيت عندها بالخف ياله كانت غتعاير درت يدي فمها واخا هكاك حيداتها)
رقية: (جهلاتني منين شفتها دارت ديك الحركة وهو بقا ساكت نسيت واش ختي مريضة وناعسة ياله غنهضر دار يدو فمي حيدتها وطلعت فوق لبياص باش نوصلها دغيا ووطيت على يد عيشة) والله يا لكلبة بيا ولا بيك هاد نهار كتحكي عليه يا (دار يدو فمي وجرني لعندو)
ناسي: (ببرود) جو هادي شنو كتقول ومالها بحال هاكا!! سوفاج
رقية: (غير مكتزيد تجهلني كنعاير وهو ساد فمي)
عائشة: (بتتاقل) عطي لمها علاش كتقلب
عماد: الله الله على للي مقادا تحرك اجي نتي لهنا (جريت رقية غير بالسيف وخرجتها وهي كتحلف على طبيبة خرجتها حتى لبرا دارت الشوهة فالمستعجلات للي معرفنيش كاين عرفني داك نهار) رقية شنو هادشي؟
رقية: (بجهالة) شنو هادشي؟ كتسولني انا شنو هادشي نتا هي كتحك عليك ونتا عاجبك الحال هادشي غير للي شفت قدام عيني
عماد: رقية نعلي الشيطان
رقية: لا سيدي منعلوش واش انا شفت كولشي بعيني كفاش كتشوف فيك وتهضر معاك...
رقية: علاش مغوتيش عليها منين دارت ديك الحركة قبيلة
عماد: (باستغباء) اشمن حركة
رقية: 😡 عمااااااااااااد
عماد: (حطيت هداك الكاس بالنتير ونضت عندها شفتها دارت حركة بيدها حسابلها غنضربها وقفت وانا كنشوف فيها) سمعي ارقية ديك السيدة مبيني وبينها والو واطول حوار كان معاها هو هاد نهار هي معانا فالفريق الطبي هادشي للي كنعرف عليها اما ديك الحركة للي دارت انا معندي فيها حتى دخل ولكن مغنفوتهالهاش
عماد: اه واخا نعسي رتاحي حتى لغدا ونهضرو تصبحي على خير (جريت ختها للي كانت متأثرة بيها وخرجنا باش نخليوها تنعس وترتاح ماشي ساهل داكشي للي دازت منو هاد نهار ولكن شنو وقع وشكون!!!)
عائشة: تصبحو على خير (من بعد مخرجو عنقت النونوس للي كان جابلي يونس فعيد ميلادي علاش هاد القسوة كاملة من انا عاوتلو كولشي تقريبا مهم عاوتلو على كفاش تلاقيتو وعاوتلو حتى على الخيرية وهو قالي صافي سامحتك و منين دابا حتاجيتو مالقيتوش حدايا لقيت غير عماد تفكرت تيليفوني نشوف واش صونا علية ساعة تفكرت هرستو قبيلة بالفقصة وزايدون علاش نصوني عليه وهو مكلفش راسو حتى يجي يشوفني واخا عماد قالي عيان ولا معرفت مالو الا علاش ميجيش ها عماد مكدوزش ساعة بلا ميشوف رقية (بتنهيدة) علاش ايونس هاد القسوة كاملة منستهلهاش منك عارفني كنبغييييك وكتر حتى من راسي ونتا غير كتعذبني (مسحت دموعي وتفكرت قبيلة) شنو بغا مني هاد فهد و علاش ديما تابعني وكيحسابلو انا شي وحدة ق... مقطرة ومكنتش حتى مصاحبة معاه انا لفلوس سرقتهم لسامي ماشي ليه ياكما صيفطو هداك لعدنا باش ينتاقم مني نااااري وكان ماشي ديك لمرا علم الله شنو كان غيديرلي...)
~~~~~~~~~~~~~~~~~~~~~~~
فهد: (من بعد مخرجت من عندها ركبت فالتاكسي وكسيريت هزيت بابي وبقيت كنمسح وجهي انا تبزق علية ق*** شنو بغات كتر قلتلها فلوس تاخد للي عمرها حلمات به تشبع كدوات للي بغات شنو كان يسحابها غنبغيها ونتزوج بيها هاد عزت النفس للي كتمثل علية بها ديرها مع لحمار ديونس ماشي انا وباينة نيت دايرها على داك الدمدومة، وباينة مغرقها كادوات بقيت كنشوف فلمارايا وجهي للي عامر قميش نااااري بالرب هاد المرة منزكلها مشيت للدار واخا فكرت نرجع عندها ولكن غتكون جوقا عليها بنت لق.. كتعرف تلعب الدور ولكن معرفاتش منين فهد كيدير شي حاحة فراسو كينفذها صيفت ليها مساج كنتوعد ليها بلقاء قريب ولكن موصلهاش صونيت عليها لقيتو طافي باينة الكلبة طفاتو.. دخلت للدار كتبانلي روينة استغربت لقيت تماك ابو لقيصر مشيت عندو للبيت للي كيجلس فيه وكندخل عندو غير انا والجزايري وقفت حداه لقيتو كيهضر فلاب توب مع الجماعة دلكلاب تستيتو حتى كمل للي فهمت كيقلبو على للي صيفطوه يقتل ومزال مرجع)
ابو لقيصر: (من بعد مكملت ضرت لقيت ليث حدايا) ليث معندكش شي خبار على خالد
فهد: هداك الجزايري؟
ابو لقيصر: اه للي كنا صيفطنا باش يكمل المهمة ويهرب هداك لبلونيا
فهد: اه مالو مزال موصلو؟
ابو لقيصر: لا هداك للي نفد المهمة اللولة لقيناه مقتول فطوموبيل والتاني مباين ليه الاثر
ابو لقيصر: (سهى) اه ويمكن نفذ مهمتو ودابا غير مخبع
فهد: (بذكاء) شكون خالد!!
ابو لقيصر: احم ليث غير يجي هنا علمني انا نمشي لصبيطار نقضي شي غراض مهم ورجع....
...اصبحنا واصبح الملك لله....
يونس: ( فقت صباح وانا شااابع نعاس مزيان شحال هادي منعست هاد المدة كاملة من قبل صطاج شفت فالساعة لقيتها 8 دصباح ولكن مالقيت حتى ميساج او ابيل من عند عويشة استغربت بزااف درت يدي مور راسي شفت اخر مرة صوناتلي فيها كانت لبارح مع 3 مولاتش صوناتلي ولكن عماد مصونيلي 48 مرة ملل هادا لبست حوايجي بالزربة دخلت غسلت وجهي وسناني توضيت صليت صونيت عليه مجاوبنيش هبطت عندو للدار حيت عارفو مخدامش يقدر لبنات معاه داكشي علاش صونالي لبارح فالليل دخلت للدار مالقيت حتى واحد وليت صونيت عليه مجاوبنيش طلعت خديت سوارت الدار ومشيت نيشان للمركز اكيد كاين شي مستجدات فالقضية...)
~~~~~~~~~~~~~~~~~
ليث: انا فالقهوة المعهودة.... (شفتو شيرت ليه) كاين شي جديد
ابو لقيصر: نو مزال مبان
ليث: مشكلة
ابو لقيصر: ليث نتا كنتي خدمتيني ونقذتيني عندي ليك واحد لبلان الا جبتي راس هاد لحمار غنخليك تكون بعيد على التفجيرات الانتحارية او شي مهمة للي تخلي حياتك توقف
ليث: المعنى!
ابو لقيصر: شو انا عارفك بغيت تجاهد وتمشي للجنة فاقرب وقت ولكن حتى منين تجيب راس الخاين للي هرب حيت تأكد الا مشا وشى بينا كولنا غنمشيو فخبر كان
ليث: يعني نقلب عليه
ابو لقيصر: اه قلب عليه ومعندي غراض الا مات
ليث: نقتلو؟
ابو لقيصر: جاهد فيه وحتى الا مقديتيش نتا شدو وعيطلي انا نتكلف به
ليث: والعملية لكبيرة للي كنا جينا ليها
ابو لقيصر: غنبعدك عليها
ليث: (بتوتر) يعني مغنعرف عليها والو
ابو لقيصر: اكيد غتعرف كولشي
ليث: اممم مزيان
ابو لقيصر: (شدو فكتافو) كون هاني بحلاوتك
ليث: (بابتسامة) واخا انا غنبدا البحث عليه
ابو لقيصر: حاول متخلي حتى واحد يعيق بك يعني لوقيتة للي موالف كدخل فيها لدار دخل اما الوقت لاخر قلب عليه والاغلبية سير للحدود سول عليه كتر فين كيكون فين كيعمر وقتو سير للمخبزة للي كان خدام فيها سول عليه ولكن ماشي بطريقة ملفتة منوصيكش متخليش الشكوك عليك
ليث: اه فهمت
ابو لقيصر: اه وأي جديد غتقولولي باش نكون على علم بكولشي
فهد: مفهوم، امم بغيتي نوصلك لشي بلاصة
ابو لقيصر: لا انا مزال باقي هنا غي سير نتا فين وصيتك
فهد: واخا، (تحركت من حداه وانا الابتسامة العريضة على وجهي وصلت حدا التاكسي ضرت نشوف فيه مالقيتوش او فين كيغبر هاد خينا اكيد هرب باش منعرفش فين زاد صونيت على يونس نقلقلو واش قالتلو ديك الق.. شي حاجة) الو
يونس: وي
فهد: واش فاق هداك
يونس: لا واش عرفتي شي جديد
فهد: (قلتلو على المهمة للي كلفني بها ابو لقيصر)
يونس: اه دابا هو خائن فنظرهم مزيان مهم من بعد ونعلمك شنو غدير دابا خاصك تزيد طرطق ودنيك كتر منبغيوش بحال الهفوة للي وقعات لول لبارح تعاود
فهد: اوكي (قطعت ومشيت لبلاصة فين ساكنة عائشة ولكن بانتلي طموبيل ديال عماد تماك رجعت بحالي حتى نشوفها فشي بلاصة بوحدها صونيت على سامي مجاوبنيش خليتو حتى يولي يصوني علية...)
~~~~~~~~~~~~~~~~~
يونس: مالقيت حتى جديد فالمركز من غير الكارثة للي كانت وقعاات رجعت صونيت على عماد ___ افين الجحش
عماد: على سلامتك منين تواضعتي وهضرتي
يونس:(باستغراب) مانا على هاد صباح
عماد: شوف نتا للي مكنتيش كتجاوب
يونس: مشيت لدارك صباح مكنتيش فيها ونتا عارف لبارح طحت نعست موليتش هزيت الراس
عماد: اجي دابا عندي راني عند لبنات
يونس: (بقلق) واقعة شي حاجة؟
عماد: وي وشي حاجة كغاف، حتى تجي متعطلش
يونس: (قطعت وانا بالي مشغول صونيت على عويشتي لقيت تيليفونها طافي زدت فالسرعة حيت كنت برا لمدينة وعلى الاقل خاصني ساعة باش نكون عندها..)
~~~~~~~~~~~~~~~~~~~
عماد: (منين كملت مكالمتي حطيت التيليفون ونضت كنتسلت لبيت رقية كانت مزالة ناعسة جبت واحد ستيلو على راسو ريشة كبييرة وبقيت كنقيسها فنيفها حتى بدات كتفيق ولكن فايقة خاسرة )
رقية: عمااااااد خليني نعس (رجعت لغطا على وجهي وولا حيدولي وحيدلي لوسادة هدا عندو زفاط لحمير كتر من عيشة على صباح)
عماد: نوضي ولا نخوي على مك سطل دلما
رقية: (بنتير) ها هي نايضة (دخلت لدوش وانا كنتعتر غير فجلايلي كنكره للي يفيقني على صباح هاكا وهو عارف كنكره للي يفيقني من نعاس كيعجبني نفيق على خاطري غسلت وجهي وسناني وخرجت لقيتو كيصلي فالصالة مشيت نطل على عيشة لقيتها مزال ناعسة مشيت ظلمت عليها كما كتبغي وسديت لباب نخليها تكمل نعاسها منتحرموش بجوج من نعاس...)
عماد: (طليت عليها كانت فلكوزينة كتقاد لفطور) حبيبة انا غنمشي نجيب شي حاجة خاصك شي حاجة؟
رقية: لا غير متعطلش فيني جووووع
عماد: واخا كبيدتي راه شوية ويجي يونس
رقية: اه اوكي دابا ندير بحسابو حتى هو (بقيت كنقاد حليب وقهوة لفطور المفضل عند عماد وحطيت زيتون فرماج جبن عسل كعك لقيت واحد لكومير قديم ديال لبارح قطعتو وغمستو فلبيض ولحليب وقليتو فالزيت وجدت كولشي فالطابلة حتى سمعت الدقان مشيت حليت لباب لقيت يونس)
يونس: (بتوتر كنت كنتسناها هي تحلي لباب وتشوف فية بدوك النظرات للي كيدوبوني وكيبينولي انني شخص مهم بزااف فهاد الدنيا وانني كولشي فحياتها بابتسامة صفرا) روكا صباح الخير (كنقلب بعيني عليها)
رقية: صباح النور
يونس: (دخلت) احم فين عماد وعائشة
رقية: عماد مشا يجيب شي حاجة ووو عيشة مزال ناعسة
يونس: ناعسة؟ اه مقاريينش هاد نهار
رقية: لا، دخل جلس ها هو عماد شوية يجي ونفطرو مجموعين
رقية: (بلعت ريقي) معرفت هاكا لقيناها لبارح ولكن كانت سخفانة وخديناها لصبيطار جلسنا حتى مشات ليها سخانة وعاد جبناها لبارح عماد كان كيصوني عليك بزاف ولكن نتا مكتجاوبش
يونس: (صدرو كيطلع ويهبط والغضب تجمعلو فعينو كيشوف فحالة عائشة وممصدقش انها وقع ليها هاكا) لقيتو لباب محلول؟؟
رقية: اه
يونس: وهي فين كانت سخفانة!؟؟؟
رقية: هنا فبيتها
يونس: (سمعنا لباب كيتحل خرجات رقية حيت كان عماد وانا حنيت على ركابي وبقيت كنشوف فعويشة شفت عنقها مزيان كانو طبايع زورق فااااااااااك ياريت ميكونش للي فبالي هاد طبايع بحال شي واحد بغا يغتاصبها وكان غير جاوبت على التيليفون اكييد كانت كتصونيلي باش نجي لعندها لا ميمكنش هادشي يوقع لعائشة غنحي مو هاد الز*** للي دار هادشي خرجت عند عماد وانا فقمة الغضب...)
سيدتي الجزء السابع
محتوى القصة
التنقل بين الأجزاء