عماد: (قاديت لكورسي وجلست مقابل معاه) على سلامتك بعدا منين جيت وجاوبتي
يونس: (بلغوات) عماااااااااد ممساليش لهادشي
عماد: (شفتو معصب بزاف مبغيتش نزيد نختابر صبرو كتر حيت حالتو متسمحش ونصدقو فشي حاجة اخرى عاودتلو على لبارح)
يونس: ومقالتش شكون؟ وشكون قالك باغي يخنقها وماشي حاجة اخرى
عماد: (شفت فرقية لقيتها حلات فمها) شي حاجة باينة انها طراس دصباع (وبركت على كلمة طراس دصباع )
يونس: 😬
عماد: هي قالت ان واحد بغا يخنقها و غير شي وحدة للي عتقاتها ومنبن بقات كتغوت هو هرب
يونس: (كان وصل لقمة الغضب وسنانو كيتحاكو وعينيه حمارو رجع دخل عندها وبقا واقف كيشوف فيها حتى بدات كتفيق بقوة صداع للي كاين فالدار وغوات يونس شافتو وهو مزال مخنزر ويبدو مجموعين بحال باغي يدابز ولكن فنفس الوقت كيموت بتأنيب الضمير من لداخل كيلوم راسو الف مرة حيت وكان جاوبها فالتيليفون ومكبرش دماغو وكان كان معاها وميخليش برهوش كما كان يقيس ولو شعرة فيها ولكن قتلاتو وسلات معاه فين دورات وجهها لجيهة الاخرى وغمضات عينيها مبغاتش تشفو مستحملش وخرج من تماك وصدرو كيطلع ويهبط بكترة الغضب واللوم مكرهش يعرفو يمشي يقتلو يطحنو وعمرو يبرد)
عماد: يوووووونس (تبعتو لباب ولكن كان اسرع وهبط رديت لباب ودخلت شفت عائشة خارجة كتجر رجليها ولابسة بينوار كبير وشعرها مخربق غير عادتها ديما كتكون انيقة ولكن هي فهاد الحالة اكيد مغتسوقش تشوف راسها فلمرايا بلخلعة دلبارح) كبقيتي اعويشة؟
رقية: احم عادي اصاحبتي نتي غير عقلي على وجهو ونشدو مو فشي قنت وارا برع
عائشة: (خنزرت فيها حتى سكتات من الضحك بقيت كناكل وانا عقلي مع يونس واش نقولو شكون دارلي هادشي ولا هو اصلا ماشي شغلو مسوقليش اصلا يعني وكان مت علم الله واش يسقلي شي واحد لخبار وعاد زايد مخنزر ناااري الا قلتلو شكون غيدير من الحبة قبة وعاد الا تاهمني اللهم نسكت وهداك خينة غنحلها معاه بالهداوة حتى يبعد مني قطع صوت افكاري)
عماد: واش كان بغا يكريسيك ونتي مبغيتيش تعطيه ساكك؟
عائشة: (بتوتر) يمكن معرفتش انا حتى حسيت بيه جرني مع الدخلة دلعمارة اه بالصح غيكون بغا يكريسيني
عماد: (شفت فيها مزيان معرفتش علاش حسيتها مخبعة شي حاجة شفت فروكا شفتها حتى هي كتشووف باستغراب غمزتها باش تسكت) باقا عاقلة عليه
عائشة: اممم لا كان ظلام وهو كان داير كاسكيطة ومشفتوش مزيان (كنت كنهضر وانا كنعراق شوفاتو بحال متأكد 100 ف100 انني غير كنكذب محسيت حتى قفزت بواحد الصوت)
يونس: علاش كتكذبي؟؟
عائشة: (درنا كاملين كان واقف وشوفاتو فية كيخلعو معرفتش علاش درت هاكا ولكن محسيت حتى رجلي دمراو وسبقوني نضت من الطبلة كنجري وجا تابعني ولكن سبقتو وسديت لباب وضورت الساروت معرفاش واش خوف ولا شنو للي خلاني ندير هاكا بقا كيدق فلباب وكيحل فلبوانيي حتى بغات طير من بلاصتها)
عماد: واش متأكد لبنت راه كانت حالتها لبارح بلخوف والخلعة وزيد مواكلة والو لحد الان
رقية: (عرفت يونس يبس راسو وغيتسنانا نخويو انا وعماد دخلت لبيتي) انا منتعطلش اعماد خويا يونس عفاك مديرش شي حاجة للي تخليها تخاف لبارح راه كانت فحالة خايبة
يونس: (حركت راسي ومشفت حتى فواحد وقيت واقف حدا لباب كنتسناهم يخرجو بعد ربع ساعة خرجو سديت موراهم لباب ورجعت لبيت عند عائشة للي من قبيلة وهي كتعيط عماد ورقية باش ميخرجوش زدت تأكدت انها مخبعة شي حاجة وخايفة مني هاد لبنت كلها اسرار حرت معاها حاولت نبرد معاها ونسمع منها كولشي عارف راسي غالط ولكن هي شنو كتزيد تخبي) عائشة حلي لباب
عائشة: لا مغنحلش سير فين كنتي انا اخر همك
يونس: عائشة حلي لباب ولا غنهرسو
عائشة: الا هرستيه غنن (بقيت كندور راسي فلبيت) غنلوح راسي من هاد السرجم (سمعتو سكت واقلة خاف نطبق كلامي عاد رجع فية اللون وتنهدت)
يونس: (بقيت ساكت حتى بعدت من لباب ودخلت فيه بكل جهدي حتى تفتح كانت مربعة رجليها وجالسة على الارض حلات فمها ووساعو عينيها شهقت ودارت يدها على فمها) قلت ليك حلي لباب
عائشة: (نضت من تماك بغيت نهرب للدوش ولكن هو سبقني ليه بقا واقف رجعت باللور وجلست فالنموسية وحنيت راسي) تمنيتك وكان جاوبتيني فالتيليفون لبارح....
عائشة: تمنيت وكان جاوبتيني فالتيليفون لبارح
يونس: (معبس) شكون دارلك هاد الحالة
عائشة: (هزيت عيني فيه لقيتو واقف بشموخ وباينة فيه معصب بزاف ولكن هو الغالط هاد خينا عندو قضية ضربني وبكى سبقني وشكى رجعت حنيت راسي هاربة من عينيه للي كيخلعوني) علاش مجاوبتينيش فالتيليفون شنو حاسب فراسك كاع (شفت فعينيه) انا عاودت ليك كولشي وتفارقنا مزيان علاش مبقيتيش جاوبتيني؟؟ واش مريض فدماغك؟
يونس: (ببرود كيشوف فيها وكيهضر بشوية) اخر مرة غنسولك شكون دار فيك هاكا
عائشة: (كنغوت بكل جهدي حيت ستفزني انا فين وهو فين باش يحس بتأنيب الضمير ويقول وكان جاوبتها وكان ممكن ميتعرض ليها حد ) واش مكتشوفش بسبااابك نتا والاهمال ديالك وقعلي هاكا طاااالع لسما شكون يحسابليك رااااااسك (وقفت كنبغي ندفعو ولكن بحال كندفع حيط مكيتحركش بلعكس انا للي كنضرب فيه وكنتبومبة) اسيدي انا للي تبعتك نهار اللول ودابا انا للي غنسالي هاد زبل كامل حيت حب من طرف واحد معمرو ينجح ولا غينجح يد وحدة مكتصفقش
يونس: (ببرود) ولكن كتصرفق من هاد الزعت كامل شكون هاد الز*** لي دارلك هاكا
عائشة: اويلي وييييلي واش باغي تحمقني اسيدي حتى واحد مدارلي شي حاجة
عماد: هههه زيدي زيدي علامن معول ولكن باينة غترضيني مراهق فهاد السينما غير الله يسلك الدعوة على خير
رقية: شنو احبيبة؟
عماد: والو احبيبة ياله باش نحضرو على لبدية ديالو (مشينا قطعنا تيكي ديالنا دخلنا خدينا فشار وكولا كانت خاوية شوية جلسنا على ميبدا الفيلم كان فلم زوين (the loft كتعني الغرفة السرية للي عيتشاركو فيها 5 ديال صحاب مزوجين باش يخونو زوجاتهم على خاطرهم ولكن غتوقع شي حاجة للي غتخليهم كولهم يكونو متهمين رئيسيين فجريمة قتل وقعات فالدار للي كاريين تفرجو فيه متندموش) ...)
~~~~~~~~~~~~~~~~~~~~~
عائشة: (بتحدي) كنت مع صاحبي وعاجبني الحال وبلا منفقهك كفاش جاو هاد العلامات راك مدوز هادشي وعارف (قلبت وجهي ولكن طرف عيني عليه شفتو جاي جيهتي وهو مقندش وانا نطلع فوق النموسية وبقيت كنغوت) وااااااااااااااااع وبعدني
يونس: (طلعت حتى انا فوق النموسية وشديتلها فمها بيدي واليد التاتية شديتلها يديها) صاحبك الكلبة
عائشة: (غير دارلي هاد الحركة تفكرت الكلب ديال فهد بقيت كنتركل باش يطلقني حتى تخنقت ومبقيت عاقلة على والو)
يونس: منين شفت عينيها تسدو غير بشوية حيدت يدي غير بشوية كانت غطيح شديتها هبطتها على النموسية وحطيتها تماك تخلعت عليها بزااف عارف مكاين لا صاحبها لا والو ولكن هي ستافزاتتي ولاش بغات توصل عاود بقيت كنفيقها حتى فاقت مخلوعة) شششششت متخافيش احبيبتي (بقيت كنبوسلها يديها ونطبطب على شعرها) موقع والو احبيبة غير تهدني دابا ومتخافي من والو
يونس: ششششت صافي احبيبة انا تايق فيك غير مستحملتش تدوي مع شي واحد اخر واكترية داك الكلب احبيبة دابا نتي غير رتاحي ماشي وقت الهضرة المهم نتي احبيبة تكوني مزيانة.....
يونس: ...(شديتلها راسها بيدي بجوج وقربت لعندها وعيني على عينيها وجبهتي على جبهتها) دابا غير رتاحي ماشي وقت الهضرة المهم نتي احبيبة تكوني مزيانة وترجعي حسن مكنتي واخا حبيبة
عائشة: يونس انا مقلقة منك وبزااااف
يونس: (بست جبهتها) عارف احياتي سمحيلي، تاكلي شي حاجة
عائشة: (حركت راسي بآه) ولكن انا مزالة مقلقة منك
يونس: تقلقي من حبيبك؟
عائشة: لا رد وقلبت وجهي دغيا هاد زمر كنترغبلو اوووف الله يعطي لهاد النفس للي عندي شي تفركيعة ونهز حتى انا مناخري لسما
يونس: (خرجت من لبيت مشيت عمرت ليها بلاطو من داك الطابلة للي كانت مزالة محطوطة من لفطور عمرتلها فلبلاطو وجيت عندها كانت مربعة يديها ومغوبشة شفت يديها ولاو فيهم الالوان بركت على راسي وكبت داك الغضب للي فية دابا تحطيت فموقف مصالحليش فيه نسول حتى شكون مول هاد الفعلة حطيت لبلاطو فوق رجليها وبقيت كنحا ل نوكلها وهي كتقلب وجهها) عفاك احبيبة كولي
عائشة: لا واش انا ديما ندوزهالك
يونس: كولي وبلاتي ديري فئة للي بغيتي بقيت كنوكلها كان فيها الجوع كليت معاها حتى انا) هاد اليوماين للي مجاوبتكش فيها كنت خدام بزاف وقعات عملية ارهابية وخرج كولشي عن السيطرة ماتو ناس وتأذاو وانا كنت كنقلب شكون مول لفعلة
عائشة: (بقيت كنشوف فيه وهو كيعاود)
يونس: منين عرفنا الارهابي كنت يوماين منعستش مشيت للدار شربت كينة دنعاس حيت كنت عيان بزاف منين صباح لقيت لي زابيل ديالكم جيت عندكم كنجري
عائشة: مكنظنش غتخسر شي حاجة الا جاوبتيني 5 الثواني
يونس: انا مقلتشلك مغالطش
عائشة: وعلاش عماد مكيغيبش بزاف على رقية
يونس: حبيبة رآه انا الشاف ديال عماد يعني وقتي كولو مشغول ماشي بحالو عندو غير الليل للي كيخدمو ويرجع للدار
يونس: (بخوف) عويشة مالكي كيضرك راسك نمشيو لطبيب؟؟ (كنقيس فجبهتها تكيتها فبلاصتها وهزيت لبلاطو رديتو فوق الطبلة ورجعت عندها لقيتها كما هي عطيتها كينا شرباتها وتكات دخلت معاها لفراش وجريتها لعندي وحطيت راسها على صدري وبقيت كنلعب ليها فشعرها حتى بقيت كنحس بيها كترخى وتنعس.. كانت صعيبة علية نشوف عويشتي بهاد الحالة وانا مقادر ندير والو علاش مبغاتش تفهمني) بغيت غير نعرف هاد شماتة اعيشة والله حتى نسيه حليب مو فين رضعو نقتلو وميبقاش كيتنفس نجيبو حتى لبين رجليك نتي غير وريهلي متخافي من والو احبيبة كنواعدك عمرني نخليك لشي شماتة يقيس فيك ولو بالشوفة غير قوليلي شنو وقع معاك (كنشوف فعنقها وكنزيد غير نتعصب) كلب بالله منرحمو (بقيت معاها حتى حسيت بعيني عيتغمضو زدت عنقتها بيدي ونعسنا فاحلى نومة كنحس بحظنها هو الملجأ ديالي لحنوونة ديالي وانا من خاصني نحافظ على هاد الجنة قبل مضيع مني...)
~~~~~~~~~~~~~~~~~~~~~
ناريمان: نور واش مزال معرفتي والو نوووووور نوووور
نور: (سكتات السيشزوار وضارت عندها) نعام
ناريمان: اوووف مقدرتش نساه
نور: (بتأفااف) اوديي خلي داك جمل ناعس
ناريمان: هداك الشارف ديال باه مشديت من عندو لا حق ولا باطل عييت نتمسكن عليه ووالو كيبانلي غندور بخوه اشرف هو مبهلل ماشي بحال يونس دغيا عايق وفايق وكيقرها فسما
نور: (بتنهيدة) من نهار عرفتهم كنت كنموت على عماد وكنت كنتسناه غير امتى يرجع من مييكان كنت مهووسة باخبارو وغير كنتبعو شنو كيدير وحيت عارفاه وعارفة عقلو مزيان كنت مكنونغش راسي به ونحلم شي حاجة مغتوقعش وعارفاه عمرو يشوفة فية من غير انني كصديقة ليه كيعاود ليها شحال من وحدة عاجباه وشحال من وحدة خلاها تبكي عليه وهو ممسوقش هو كولشي ديالو وللي مشافتوش عينو عندو فيها النص
ناريمان: (حطات لعكر وشافت فلمرايا) يونس كان كيبغيني
نور: ونتتي للي ضيعتيه من يديك
ناريمان: بغيت غير نعرف شكون للي قالو علية وبدل الشوفة حطني حطة وحدة اصاحبتي مقالش حتى علاش وكان ماشي نتي للي قلتيلي يووونس للي كان كيحماق علية!!
نور: (بتوتر) ممممعرفتش
ناريمان: مهم سربي راسك تعطلنا على الحفلة ومزال خاص نشدو طريق
نور: اوكي (لبسو حوايجهم ومشاو فسيارة ناريمان لكازا فين كاين ديفيلي للي مشاركة فيه ناريمان بحكم هي ولات عارضة ازياء ووصلات لداكشي للي بغات ولكن خسرات فيه رجل حياتها..)
~~~~~~~~~~~~~~~~
رقية: (بهمس وكنضرب يدو للي غير كتسارا فية) عماااد غتهدا ولا نعيط ليك لسيكيورتي يجي يخرجك
عماد: ههه وماشي حشومة عليك تخليني فهاد الحالة
رقية: (ضرت نهضر معاه وهو يطيح على شنايفي حتى بقيت كنبعدو بيدي وقلتلو بهمس) عماااد سمعني
عماد: (كنبوس عنقها) شنو احبيبة
رقية: انا خايفة يونس يتهور ويدير شي حاجة لختي خليناه بحال شي ثور وكانت هي مسكينة خايفة منو
عماد: ههه بغيتي يريب ديك العمارة كاملة على راسها!!! (وصلنا لحدا العمارة طلعنا للدار من بعد محلات روكا الباب اول حاجة طيرتها فالشوفة هو الباب دبيت عيشة للي باينة مفروع حيت لوانيي خارجة من بلاصتها مشيت غير بشوية حيت كنسمع غير صقير وخفت على مشاعيري من شي مقطع خلييييع وروكا قاطعة علية لما وضو ونيت براسي انا مقتانع منقيسهاش قبل العرس طليت فالبيت لقيت العشاق ناعسين ومعانقين شيرت لرقية تجي تشوف) شوفي لالاك
رقية: (عوجت فمي اودي اودي للي قلت غيكون سلخها و قلتلها ولا قتلاتو شفت فيه ورجعت فين كنت) المهم هو تصالحو ومبقاوش مدابزين
عماد: (جريتها لحدا بيت ديالها) وأجي صالحيني حتى انا راني مقلق منك
رقية: غيييير تقلق احبيبي وتفش بوحدك
عماد: ياك المسمومة (صونا تيليفوني جبدتو كان ابو لجهل محملتش نجاوبو ولكن كان ضروري) احم وي
يونس: (فقت على صوت داك لبغل شفت عويشتي محشية فية وشاابعة جخير جريت يدي غير بشوية ونضت غطيتها مزيان خرجت عندو وجريت لباب واخا مبغاش يتسدلي غير رديتو)
عماد: (شفت فرقية درتلها إشارة دخل لبيتها فهمات راسها ودخلات باش نهضر على خاطري) داك الز... بغا يجي عندي للدار
يونس: اممم (حك لحيتو) اذا خاصك تمشي
عماد: ونتا
يونس: حتى انا خاصني نمشي
عماد: ولبنات؟
يونس: اكييد مغنخليهمش غنديهم عندي للدار على متكمل علم رقية توجد راسها باش نوصلو قبل منو (مشيت عند عويشتي بقيت كنفيقها فاقت مخلوعة) حبيبة نوضي باش تمشي معايا للدار
يونس: غير تبعيني (نوضتها ولبستها مونطو واحد لبوط ديال بيجامتها وجمعتلها شعرها واخا خربقتو مهم كيبان مجموع) قادرة تمشاي احبيبة
عائشة: اه غير قولي علاش وفين رقية
يونس: راه كيتسناونا اعويشتي فين تيليفونك
عائشة: (خنزرت فيه) شخشختو
يونس: اممم نجيبلك واحد حسن منو احويشتي (شديتها من ذراعها وبقيت كنمشيها غير بشوية حيت فايقة دايخة مع لكينة للي كانت عاد شربات مزال مفعولها هبطتها دروج ركبتها حدايا باش يضربها لبرد ومتنعسش قاديت ليها الصمطة ومشيت ركبت انا و رقية ركبات اللور وعماد مشا بوحدو بقيت طريق كامل كنهضر مع عويشتي باش متنعسش بعدا على الاقل حتى توصل للدار وصلنا دغيا حيت المسافة مبعيداش بزاف زربت على لبنات وطلعنا للدار قبل ميجي داك خينا
رقية: خويا غير سير نتا الا بغيتي انا نقابل عيشة
يونس: لا ختي انا غنبقى معاكم (مشيت شديت عيشة) عويشة اجي احبيبة ترتاحي (كانت بحال الزومبي فينما جريتها تمشي معاك دخلتها لبيتي ونعستها فوق النموسية) رقية انا غندخل لبيت هنا اي حاجة بغيتوها راه كاينة فلكوزينة شوية ونجي عندكم عويشتي رتاحي منتعطلش عليك
عائشة: (عيني تقال علية كنشوف غير شنايف كيتحركو ومكنفهم حتى كلمة غير عطاني بظهرو جبدت عليها بنعسة...)
عائشة: .... غير عطاني بظهرو جبدت عليها بنعسة وحسيت بواحد الراحة غير طبيعية ولكن شكون خلاك تهنى محسيت بقرصة طلعات معايا ففخدي حتى شففت الضو بين عيني حليت عيني كانت رقية
رقية: اويلي بنيتك غتنعسي
عائشة: والله كتبقا فيك ارقية
رقية: الهبيلة رآه خاص نعرفو كفاش عماد لتحت وهو قال خدمة ياك ويونس للي الشاف ديالو جالس فلبيت
عائشة: وانا مالي باركة علية غير هاد تمارة للي شفت
رقية: اجي واش حتى انا متقوليليش شكون مول هاد الفعلة
عائشة: لا وزايدون قلت مكنعرفوش خليني نعس
رقية: لا مغتنعسيش رآه رزقنا للي برا وخاصنا نحضيوه...
ابو لقيصر: اشنو نتا من نهار صبيطار مبنتي
عماد: (سديت لباب) كنت مشغول شوية
ابو لقيصر: وشحال قلبت اصاحبي على دوك المغربيات طيرتيهم هههه زعما راحنا صحاب دير غير قسما
عماد: (بابتسامة صفرة) معنديش مع الحاحة المشروكة هوما ديالي
ابو لقيصر: بجوج؟ صدقتي مساهلش مع راسك
عماد: وشنو سهلتيني
ابو لقيصر: لا مسهلتكش حتى انا مكرهتش نجمع جوج ون** دقة وحد
عماد: جرب غتعجبك
ابو لقيصر: هي إلا عطيتيني دوك المغربيات *** مقيم غير عليهم هاد الساعة
عماد: (كنصبر راسي غير بالسيف) راني قلتلك مكتعجبنيش الحاجة المشروكة
ابو لقيصر: حتى تكمل ودوزلي دوك الق*** انا نعنى بيهم
ابو لقيصر: هاحنا (صونا ليث وجاوبو) راحنا فالدار غير طلع. ها هو ليث غيطلع
عماد: اه اوكي (شوية سمعت لباب مشيت حليت كان نيت فهد دخلتو لداخل من بعد مسلم علينا كنت معصب بزااف) انا نوجد ليكم شي حاجة خودو راحتكم
ابو لقيصر: ليث عرفتي شي حاجة
فهد: انا ياله جيت من حدود بلونيا للي كان فيها خالد مكاين حتى شي اثر تماك واصلا صعيب لقاوه تماك غيكون زطم وزاد فحالو
ابولقيصر: معندو حتى مصلحة باش يهرب لبلونيا أو بلاصة غيرها
فهد: يقدر يكون تراجع مثلا
ابو لقيصر: نتا عارف خالد كداير يموت ويدير شي عملية وزايدون لفلوس للي كيشد هنا عمرو يحلم يلقاهم فقنت اخر وزيد بسبورو ووراقو كولشي عندي واحتمال يكون هرب من المستحيل هو عارف شي حوايج للي يخليه كل نهار متعلق بهاد المنظمة
فهد: اممم اذا بقالي نراقب المخبزة للي كان خدام فيها والناس للي عارف تمالك بقيت كندير معاهم معرفة
ابولقيصر: مزيان وبغيتك دير كتر من جهدك
عماد: (دخلت حطيتلهم ضيافة وجلست حداهم مبقاوش هضرو فداك الموضوع الي اصلا كنت كنتصنت عليهم ولاو كيهضرو عادي حتى مشا فهد فحالو ورجعت جلست ) اوا
ابو لقيصر: هاد لخلاص مغيوصلكش للعيشة للي نتا باغي لفيلات الطموبيلات على شكال شنو بان ليك تخدم واحد لبركول صغييييير وفيه مدخول كبير للي تخليك عايش ملك
عماد: شي كنز هدا
ابو لقيصر: هههه وي بحال داكشي
عماد: بحالاش؟
ابو لقيصر: (بقا كيشوف فيه وتحولات الشوفة للجدية)
عماد: (فهم الموضوع ولكن فضل يبقى مكلخ باش تزاد الادلة على ابو الجهل) قولي شنو هاد الكنز للي غيخليني بوكو حبة
ابو لقيصر: واش متأكد باغي تعرف
عماد: ضروري نعرف باش نقول اه ولا نقول لا
ابو لقيصر: (تراجع فكلامو حيت مباغيش جو يمشي فهاد طريق للي هو براسو غيهرب منها من بعد مينفد اخر عملية) مممعرفتش صافي بلاش مهم شنو فكرتي فالاستقرار للي قلتلك فاسبانيا؟
عماد: امممم مزال صراحة مفكرت عطيني وقت نمخمخها مزيان
ابو لقيصر: اوكي سيدي عندك شي حاجة نشربوها
عماد: كولشي موجود (نضت مشيت جبت بيرة كنت خليتها على حسابو وويسكي وكوكا وحطيت القطعة شيبس تقاوت بيسطاش كاجو حطيت كولشي بقا كيكب ويشرب ويتمتم تحت سنانو وغير كيتحلف) يوسف شنو للي خلاك تمشي فهاد طريق؟...
عماد: يوسف شنو للي خلاك تمشي فهاد طريق؟
ابو لقيصر: (حط لكارو ونزل على كاس دلويسكي دقة وحدة وحطو فالطبلة حتى كان غيتهرس شاف فية وبتاسم) كنت فالمغرب طايش بزاف أو مراهق فسن 18 عام درت حوايج خايبين ولكن كنعتابرو غير طيش المراهقة واخا مندمتش على احسن حاجة عشتها فديك المراهقة عائلتي مرحمونيش طردوني وتبراو مني من بعد كملت جريمتي الجميلة بالسرقة خديت شي بركة من عند الوالدة كانتقام من تماك قطعت اي صلة كتصيلني بديك العائلة يعني عتابرتهم ميتين بالنسبة لية ركبت فالكار ودعت فاس ومشيت لطنجة اقرب نقطة لاي حراك وحالم باوروبا كنت مع شي دراري تافقنا ومشينا عند واحد السيد هو تكلف بنا حركت لاسبانيا بقيت من خدمة لخدمة سهير وتمارة الجوع قلة نعاس للي جا كيمسح فيك رجلو كرهت الغربة لوراق مبغاوش يتقادولي المحامي كلالي فلوسي حتى قلت ذنوب البنت خرجو فية
عماد: اشمن بنت؟؟
ابو لقيصر: (كمل لمعاودة ديالو ممسوقش لسؤال عماد) واحد نهار كنت فالخدمة وحيت الجو كان ماشي مزيان قالي لباطرون سد المخبزة وهو مشا، ياله غنسد حتى كنسمع لغوات وصوت سيارة الاسعاف والبوليس مفهمت والو كنشوف غير الناس غير كتجري تبعتهم حتى انا نشوف شنو كاين حتى كنتساطح مع واحد الشخص للي معرفت واش ندم حيت تلاقيتو ولا نفرح
عماد: شكون هادا
ابو لقيصر: (كيكمي ويشرب لكاس دقة وحدة ويصوط داك الدخان وكيتنغم فيه) منقذي من الفقر
عماد: مفهمتش
ابو لقيصر: تساطحت معاه كان كيرجف بقا فية ولكن كنت كاره شي حاجة سميتها الاجانب وحاقد عليهم حيت هوما سباب باش تمرمردت شد فية وانا ندفعو قلتلو *بعد مني* مكنتش كنعرف اللغة مزيان حتى صدمني وقالي *ساعدني * عرفتو عربي وحيت الدم ولد لحرام كيحن قلت حتى هو كيطردو عليه البوليس وباغيين يردوه لبلادو حيت معندوش لوراق دخلتو للمخبزة وسديت الباب بقيت كنشوف فيه لونو مخطوف وعينيه غير كيدورو بلاصتهم مرة يبتاسم مرة لا مرة كيضحك بصوت عالي كان بحال شي حمق مجنون دخلت جبت ليه كاس دلما عطيتو شدو هبط عليه هبطا وحدة وقالي *متشكر يا ابن العم* عرفتو ماشي مغربي
عماد: الاغلب سوري ولا لبناني
ابو لقيصر: سوري حسابلي هربتو من لبوليس حيت معندوش لوراق ساعة هربتو من اكبر عملية تفجير ارهابي وكان المنفذ هو ابو لحفص للي نجح فيها بامتياز ومخلا حتى اثر ليه
عماد: كمل (شفت عينيه مشقلبين وبحرا كيهز الكاس غير بالسيف) واش هو قالك شنو دار بالظبط
ابو لقيصر: (بتتاقل حيت كتر من شراب هاد المرة) اه قالي كولشي قالي على اكبر سر فحياتو وأمن علية حيت نقذتو أو شاف فية كما شفت فيك انا
عماد: (بقا كينقص فالصوت حتى غيب فمرة تعصبت كان غيقول كولشي بغيت نفيقو حتى وصلني مساج من عند يونس كان قالي نسكت ومنفيقوش هزيتو وحطيتو فلفتوي وانا كنخبط فيه مغيفيق حتى يلقى لحمو زرق جبت ازار وغطيتو...)
يونس: (صيفطت نسخة من تسجيل لكاميرا للشاف ديالي فالمغرب وطلبت تقرير مفصل على اسم هاد *ابو لحفص* فسجل الوحدة الارهابية بقيت متبع الكاميرا شفت عماد معرف ميدير وغير كيخبط فابو الجهل ويهزو فوق لفتوي ويعاود يلوحو صيفطت ليه مساج قلتلو خلي الكلب ناعس ورخيه جاي يوقعلو شي حاجة وطلع عندي. هضرت مع فهد باش نتبتو) فهد نتا سير لديك الدار وحل عينيك مزيان
فهد: احم وي راني فيها نيت
يونس: اوكي اي حاجة علمني بها
فهد: واش عرفتو نتوما شي جديد
يونس: ماشي شي حاجة مهم تهلا دابا (صونيت على ممدوح) ممدوح فين داكشي للي وصيتك عليه
ممدوح: راه كولشي واجد غير مع هاد الايام تلهينا ونسيت مجبتلكش الضوسي
يونس: معليش دوزو عندي للدار دابا
ممدوح: واخا خاي يونس
يونس: (قطعت معاه ونضت نمشي نشوف عويشتي كبقات مع الحلة دلباب سمعت جرا لبيتي طليت بانتلي رقية وعائشة مشاو كيجريو لبيتي بحال كانو كيتصنتو وسدو لباب وهو يدخل عماد)
عماد: (عاقد حواجبو) مالك!!
يونس: ههه والو (درتلو اشارة لبيت فين جالسين لبنات انهم كانو كيتصنتو علية فلبيت دخلت عندهم لقيتهم ناعسين بجوج فوق النموسية ومغمضين عينيهم ولكن للي حنزز فيهم مزيان كيلقاهم كيرمشو عينيهم طفيت الضو وخرجت بانلي عماد معصب) معندك علاش تعصب
عماد: كان غيقول كولشي
يونس: هههه بلا مدير فيها بوليسي ومتنساهش هو مكبوت
عماد: شماتة لديل مو وواخا هكاك كان غيقول شي حاجة
يونس: داكشي للي باغيين نعرفوه مغيقولوش بسهولة كون هاني حيت اصلا هو مزال معارف كولشي
عماد: باش عرفتيها
يونس: باينة حيت مزال كيخططو شنو غيدورو والا فغيكونو نفذو الهجوم شحال هادي
عماد: (كنجر تريكو وكنشمو) ريحتي غير شراب (شوية خرجات رقية وكانت كتجبد)
رقية: عماد جيتي؟
عماد: (شيرتلها باش تجي تجلس حدايا) نعستي شوية اروكا
رقية: ششوية
عماد: كبقات عائشة
رقية: راه مزالة ناعسة
يونس: اااه بالصح انا ندخل نشوف واش فيها شي حرارة. بزاف تنعس هاد الوقت كامل
رقية: (تكيت على صدر عماد حتى بقيت كنشمشم) فيك ريحت لالكول
عماد: شنو هو؟
رقية: شراب
عماد: هههه لالكول لا غير كيتهيأ ليك احبيبتي انا مبقيتش كنشرب من شحااال هادي
عماد: روكا بليييز نتي مبقات كتجمعك حتى حاجة ذكرى او علاقة بداك الماضي يعني هاديك مرحلة ودزتي منها ونسااايها فمرة واخا حبيبو متعاوديش تفكري فيها أو تجبديها على طرف لسانك
رقية: اممم واخا
عماد: (قرستها فحنكها) يخليك لية الكتكوتة ديالي (سمعت لباب كيدق دخلت رقية كتجري لغرفة التانية وخرجت حليت كان ممدوح) ممدوح
ممدوح: اهلا خاي عماد لباس عليك
عماد: الحمد لله اخويا نتا مزيان كيف غادي مع الخدمة
عائشة: (شعلت الموسيقى حتى دق شي واحد الزاج غير شفت شكون وانا نتصدم منين شفت داك المسخ وشماتة ديال فهد واقف مخنزر مكيشوفش فية قالب وجهو ياله بغيت نطلع الزاج وهو يزرب علية وشدني من شعري حتى حسيت به غينترو من جذورو شديت فيدو وكنحاول نحيد يدو) طلق الحمار الله يحرق جد باباك الكلب اشماتة
فهد: (كيزيد يلوي شعري على يدو) مكتهدايش الق*** ريحي غير داك الك** عندك شوية
عائشة: ديها فراسك غير نتا الحمار وقيلني عليك (منين شفت يدو مبغاتش ترخي من شعري ويونس الا شاف هاد المنظر غيقتلو وهو واقف حليت باب الطموبيل بالجهد ودفعتو عليه حتى بغا يطيح ولكن كان جار شعري معاه الكلب حتى غوتت بحر لحريق طلقني من شعري هو كان غيطيح غير شد راسو رجعت سديت لباب وطلعت الزاج وبقيت كنقاد شعري قبل ميجي يونس مبغيتوش يتورط مع هاد الكلب وخفت يقولو شي كلمة علية ويتيقو عيني ليمنية غير كتدمع بكترت لحريق فاش نتفني طليت على الكلب لقيتو مكاينش مشا ركب فالتاكسي للي قدام الطموبيل مفهمتش علاش كيتبعني شنو بغا مني شماتة شوية شفت يونس نازل من دروج وجاي كيدندن طلع للطموبيل)
يونس: سمحيلي تعطلت عليك اعويشتي
عائشة: هانية يويو ديالي موقع والو (درت راسي بحال كنقاد الصمطة على ميبردو عيني)
يونس: (ديمايت وشعلت لموسيقى لعويشتي ودرتها على الجهد باش علله تنسى شوية وبقينا مساريين فوسط لمدينة مشينا لواحد لبلاصة خارجة شوية على لمدينة فين كيتعلمو. الناس الصوكان شفت فعويشة) حويشتي شنو بان ليك؟
عائشة: مممفهمتش
يونس: عارفك اجدك كتموتي على الصوكان وانا غناخد هاد الشرف للحاج وانا للي غنعلم حبيبتي (درت يدي مور راسي) واصلا نتي ديالي وأي حاجة كتخصك نديرها لحبيبتي وانا فرحان ونكون اول واحد
عائشة: اممم اغراء زويين وياله هبط خليني نصوك
يونس: (هبطت من بلاصتي ياله غندور نمشي باش نفتحلها لباب وتهبط لجيهتي بقات كتكلاكسوني دغيا تحولات لبلاصتي ركبت بلاصتها عطيتها ديماري الطموبيل هي اللولة وعاد بقيت معاها بالخطوات اللولة بقات كتحرك بالطموبيل بشوية)
عائشة: ندير دوزيام
يونس: لا ماشي دابا خاص تكون عينيك على لمراية باش تعرفي شكون موراك
عائشة: واخا، ندير دوزيام
يونس: لا صبري شوية حتى طلقي يديك ياله دوري فهاد رومبوان
عائشة: واخا (بقيت كنصوك حتى حسيت بيدي خفيفة دارلي دوزيام واخيرا وكسيريت واحد شوية عجبني الحال بزااف ولكن منين بدات شتا كطيح وقف الطموبيل ) علاااش ايويو ديالي
يونس: عائشة هاد يويو كتعصبني متعاوديش تقوليها
عائشة: واخا وخليني نصووك
يونس: الا الالة شتا دابا حتى من بعد يوماين ونجيو ونعلمك حتى تطلقي مزيان فالصوكان ونديك تصوكي فلمدينة
عائشة: ياااي (عنقتو وهو بحال كان كيتسناها وواقف عليها عنقني حتى حسيت بعظامي كيديرو طراق طراق طرطلاق....)
عائشة: (عنقتو وهو بحال كان كيتسناها وواقف عليها عمقني حتى حسيت بعظامي كيديرو طراق طراق طرطلاق) يونس غتهرسني
يونس: توحشتك بزااااف
عائشة: (زدت عنقتو حتى انا) حتى انا يونس توحشتك بزاف هاد اليوماين بلا بيك دازت جحيم عفاك متعاودش تقلق مني كنحس براسي غنهبل
يونس: (طلقت منها وحيدت لحزام وشديتلها وجهها بين يدي) حبيبتي غير قوليلي شكون هاد لحمار متخلينيش هاكا
عائشة: (لا رد وحنيت عيني)
يونس: والله مغيهنالي بال حتى نعرفو احبيبة غير جاوبيني واش شي واحد كتعرفيه ولا لا وشنو بغا منك عيشة الله يرحم ليك الواليدين متخلينيش هاكا
عائشة: (نقول ولا لا نقول ولا لا تفكرت قبيلة داك الكلب كفاش دارلي خفت مرة اخرى يدير فية شراع يديه الا شدني وكنت بوحدي بقيت غير كنشوف فيونس وقلتها بصوت مبحوح) مكنعرفوش
يونس: (كرغبها بعيني) متأكدة احبيبة
عائشة: يونس نتا جيتي هنا باش تخدم الا وقعت شي حاجة غتجبد لراسك الشبهات ونتا وضعك حساس شوية مخاصش تعرف
يونس: (كنحاول نشد راسي) نتي غير وريهلي اعائشة وكوني هانية مغنديرش شي حاجة للي غضرني وانا ممفكرش فيها
عائشة: غير كتقول انا متأكدة غير تعرفو غتنسى هاد الهضرة للي قلتي
يونس: (دمي غير كيزيد يفور) كنعرفو انا بزاف لهاد الدرجة هضري شكون هو
عائشة: (حركت راسي يمين وشمال) لا انا براسي مكنعرفوش
يونس: (كنزيد نبرد راسي معاها ونسايس باش تقول) عويشة هاد لمرة دارلك هاكا وحفظك الله وكانت ديك السيدة للي قلتي بقات كتغوت اوا ومرة اخرى الا مكنتش معاك انا
عائشة: لا رد
يونس: شفتها مبغات تقول والو خليتها على راحتها وخا انا كنتحرق خفت نزبلها عاود بحال صباح صاوبت ليها الصمطة ومشينا) حبيبتي فية الجوع
عائشة: حتى انا اممم ناكلو بيتزا؟
يونس: (كنحك راسي) علاش مغندوقش شي حاجة من يديك!! انا مرتي نبغيها تكون كطيب مزيان
عائشة: (كنفرح منين كيقولي مرتي كنحس بانه ناوي المعقول معايا واخا مزال مقالهالي بطريقة جدية) نهار جيتي تعشيتي عدنا كنا انا وختي للي مطيبين عمرني نسا داك نهار شحال فرحت منين عرفتك نتا هو ولد عمي الحاج
يونس: اهاااه قولي الزين ولطاي ولحداكة وقراية غير لعقل الله يجيييب
عائشة: يووونس انا عندي العقل راه غير معاك كنتعامل بعفوية وصافي
عماد: بقيت متبعو حتى حسيت به كيتحرك هبطت كنجري من بعد معلمت يونس دخلت للدار ياله كيتكسل جلست بحال كنشرب وهو يفيق كان مقلوب بقا كيمسح وجهو بيدو وجلس شاف فية وعينيه حومر
ابو لقيصر: نعست بزاف
عماد: لا
ابو لقيصر: انا ندخل ندوش باش نصحصح خاصني نمشي للدار
عماد: هانتا جالس حتى صباح وسير ريح ونعس
ابو لقيصر: (شفت فالساعة كنت داير مع مرتي نمشي عندها واكيد غتبقى تسناني) لا خاصني نمشي (وراني فين ندوش دخلت غسلت راسي بلما بارد باش نفيق مزيان ودعتو ومشيت لدار هي اللولة عاد نمشي عندها )
~~~~~~~~~~~~~~~~
فهد: دخلت لبيتي شفت نيفي فلمرايا مبقاش الدم بزاف ولكن كان حمر بزاف وعاطيني لحريق وتحت عيني منفوخ خفت يكون تهرس بنت الق.. غفلاتني منين دفعات لباب كنتعارف انها جريئة وبزاف ولكن انا درتها فبالي نجيبها نجيبها بالسيف ولا بالخاطر وغنرض ليها الصاع صاعين حسابلها محمية بداك شماتة ديال يونس للي غيدوز بيها. وقيتة ويلوحها ولا تلوحو مزال عليها غتعرف فهد علاش قاد
ابو لقيصر: احم ليث شنو واقع معاك
فهد: (يخخ بقالي غير هاد النم) راك عارف حنا المسلمن التعامل للي كلقاوه هنا
ابو لقيصر: واش شي واحد تعدا عليك؟
فهد: اه مبغاش يخلصوني كانو 3 اوا راك عارف بحرا هربت منهم (بقا كيقيسلي جيهة نيفي حتى هربت وجهي)
عماد: واخا (بقيت جالس فسيارتي كنقاد لمرايا وانا نقشع واحد بنادم واقف حدا التاكسي ديالو فالجهة المقابلة للشارع بقيت كنشوف مزيان انا متاكد هو فهد ولكن علاش هو هنا ولا كيدخلي الشك هاد النم ثالت مرة كلقاه هنا حدا المعهد للي كيقراو فيه لبنات وعاد ديك لمرات فاش لقيتو واقف مع لبنات سيف وهوما محاملينوش اذا كيعرفهم مزيان ويقدر كاع كيعرفوه منين كانو كيقراو فرباط حيت هو كان خدام تماك بين رباط والمحمدية ولا عاد باغي يتعرف معرفتش هاد تخربيق بانلي يونس وقف بسياتو وخا هكاك بقيت اتا متبع فهد من لمرايا حتى شفتو ديمارا ومشا ولا كيدخل الشك هادا حتى شاف يونس عاد تحرك اذا عائشة هي المقصودة ماشي رقية او هو مستهدف يونس بالاخص فاللول ناريمان ودابا عائشة
يونس: (خرجت ومشيت وقفت حدا المعهد حتى بانتلي عويشتي خارجة هي وختها جريتها من يديها عنقتها بيد وديتها لطوموبيل) احح شحال كنتوحشك القطيطة ديالي
يونس: (ديماريت الطموبيل) هي اللولة احويشتي ولكن قبل حلي داك لمجر وجبدي بواطة (صيفطت ميساج يسبقني لريسطو للي موالفين كنمشيو ليه)
عائشة: هي اللولة (حليت وجبدت بواطة كان باين تيليفون فتحت جبدتو كان رائع من نوع MI ريدمي اغجونتي اخر مخرج فالسوق حسن من شي ايفون ولا سامسونغ وهو اصلا جامع بين هاد الجوج فلوبسيون للي فيه كنت غنحماق ونشريه كان مشعول فيه تصويرتنا انا ويويو ديالي فين كنا ففرنسا عنقتو بالجهد وبستو بوسة كبييرة فحنكو) شكرا بزاااااااااف حبيبي كيحمقني هاد النوع
يونس: على اساس شنو درت ليك احبيبتي بصحتك نمرتي والنمرة دختك وعماد والحاج والحاجة فيه منبغش شي نمرة اخرى تزاد تماك
عائشة: يخليلي لمغيار ديالي
يونس: مزال مشفتي والو من غيرتي
عائشة: كفاش
يونس: والو احبيبة (مشينا تغدينا مجموعين ورجعتها تقرا بقينا على هاد الحال لمدة سيمانة كنديها ونجيبها ومكنخليهاش تمشا لوحدها فمرة حتى كنديها تنعس ولا كنجلس معاها حتى تبغي تنعس وتخلي الخط مشعول مبانليش شي واحد كيتبعها او كيقرب ليها حرت بزاف هي مبغاتش تهضر وديما جملة ففمها نتا جاي تخدم ماشي جاي دير الشبهات وتدابز) عماد رقية مقالت ليك والو
يونس: انا غتحمقني ديك لبنت كتقولي غير نتا جاي تخدم ماشي دابز بحال خايفة على شي حاجة ولكن معرفتش غتهبلني
عماد: هو عندي واحد تخربيقة فراسي ولكن مزال كنمخمها
يونس: شنو هي
عماد: حتى نتأكد ونرد عليك متخافش عيني حتى انا راه حاضية
يونس: (بحيرة) معرفتش مهم انا غنمشي نشوف فهد هضرت معاه قبيلة هادي 10 ايام وهو غابر وقالي كان عيان شوية ونيت نعرف فين وصل فديك الدار
عماد: اه مصلحليش اما نمشي معاك حتى انا بغيت نشوفو (وبركت عليها) اجي شتكم كتصرفو عادي بحال موقع والو
يونس: (كيلبس جاكيط ديالو) اوديي قلتلك هو داك الز*** فات الوقاحة لهيه ولكن مزال حسابي معاه حسابلك نسيت عمري غنسى حتى نرجعو للمغرب حيت هنا ماشي وقت باش نحاسب الكلب
عماد: مفهمتش هاد خينة كان صاحبك مزيااان
يونس: اودي مبقات صحبة والا غير ناريمان هناني منها مزيان منين بانت على حقيقتها من اللول واخا 3 سنين كنت راجل معاها وكنت قريب نتزرف ونتزوجها ماعلينا نتا غتبدا الخدمة بكري هاد نهار
عماد: اه
يونس: حاول حتى هاد المرة تجبدلو لسانو باش يكملك على هاد ابو لحفص وكفاش غبر ليه الحس
عماد: اوكي غنمشي واحد الساعة عند روكا عاد نمشي للخدمة
يونس: اه حتى انا غير نشوف داك خينا فين وصل ونمشي عندهم للدار (خرجت مشيت نيشان خديت تاكسي للي هو فهد بقيت كنشوف الالوان للي فنيفو وتحت عينو حتى وقف فواحد لبلاصة) اش تما
فهد: احم (حكيت جهة نيفي) والو غير شي حاجة
يونس: (هز حاجبو) كفاش شي حاجة؟ واش تهرستي من نيفك؟ طايفتي مع شي واحد ولا شنو؟
فهد: (كنتغدد وكنقولها) غير شي شماكرية فالليل كنت بوحدي
يونس:(كنقوس عيني فيه معرفتش علاش متيقت حتى كلمة منو فهد شحال وحنا صحاب من نهار تخرجنا من لاكديمي 11 عام هادي فنظرو غدوز علية هاد لكذبة ولكن علاش غيكذب من الاصل) واش شي حاجة مرتابطة بالقضية؟
فهد: لا
يونس: متأكد؟
فهد: راه هضرنا اصاحبي قلتلك غير شي شماكرية وصافي علاش غنكدب
يونس: اممم واخا. دابا نتا هداك خينا كلفك بشي حاجة للي مكيناش نتا من الاحسن تبعد من الاماكن المشبوهة باش ميوقعلكش بحال هاكا مزال محتاجينك فديك الدار
يونس: (قطعت معاه دخلت عند عويشة) حبيبة نوضي نوصلك للدار
عائشة: علاش احبيبة حنا عاد جينا
يونس: اشرف خويا جا وخاصني نمشي للمطار نجيبو
عائشة: (بعدم تصديق) نمشي معاك؟
يونس: عائشة نوضي نوصلك راني تعطلت عليه قالك تمشي معايا لا نيت
عائشة: وعلاش تقلقت انا غير قلت
يونس: ممقلقش غير خاصني نوصلك عاد نمشي نجيبو
عائشة: (نضت هزيت صاكي) بلا متعدب راسك انا نمشي بوحدي سير نتا عند خوك ياك خوك بعدا للي كيتسناك فالمطار
يونس: (بقيت كنخنزر فيها علم الله فين مشا بالها خلصت القهوى للي مزال مجات ولحقت على عائشة للي مشات وهي كتخبط فالارض برجليها وتنكر ركبت وانا طالعلي الدم غير من حاجة وحدة للي هي مغنبقاش نشوفها على خاطري وعلم الله شحال غيجلس هنا) ركبي
عائشة: بلا منصدعك معايا نمشي غير بوحدي (وقفت مربعة يدي وكنعوج فوجهي)
يونس: (بلغوات) غطلعي ولا غنهبط نهرس لمك دوك الرجلين
عائشة: (طلعت وانا منفخة مكاين لا خوه لا والو هدا باينة شي وحدة للي زعزعاتو علاه تبدل هاكا وكان كان خوه كان غيفرح ويديني معاه بااااين العربون حطيت راسي على الزاج وانا كنتفقس بوحدي وهو مقالي حتى كلمة باش يرغبني)
يونس: (شفتها صاقرة ) ماشي من طبعك هاد سكات
عائشة: غير مبغيتش نعييك بلهضرة وعلم الله شحال تابعك هضرة وحركات
يونس: (باستغراب) حركات!
عائشة: (قلبت وجهي فالجهة التانية) لا رد
يونس: عويشة راه اشرف كيتسنى حشومة نخليه فلمطار
عائشة: امممم مزيان سير جيب خوك
يونس: امال مك منفخة واش نخلي السيد منشور فالمطار 😡 باش نبقاو كنتقهواو
عائشة: (وصلنا حدا الدار وقف الطموبيل نزلت ياله غيشدني بيدو نترتها بزعاف وهربتلو مشيت كنجري للدار وخليتو كيعرعر من مورايا...)
يونس: (مشيت للمطار وانا غير كنتحلف عليها بغيت غير نفهم علاش تنفخات مدرت والو انا متأكد مدرت والو ماشي من طبعها دير هاكا حتى قلت دارت عقلها ورجعات لتبرهيش من بعد ساعة كنت فالمطار كان اشرف على برا وقفت كلاكسونيت عليه وجا عندي هبطت عندو تعانقنا وسلمت عليه وطلعنا ركبنا) كفاش هاد لمجية اصاحبي لا حس لا خبار
اشرف: غير شي وراق للشركة حيت هوما تعاقدو مع المكتب للي هنا ولبارح عييت منصوني مبغاش يشدلي
يونس: اه مزيان منين كنكون فالخدمة لداخل مكيكونش الريزو مزيان على سلامتك اخويا وكان غير علمتيني قبل بشي يوماين متكرفسش بعدا
اشرف: معليش ديني غير نعس دابا (كيتجبد) عييت فين واحد عماد
يونس: مرة مرة وصافي احم وصلنا (هبطت خرجت شنطة صغيرة ديالو وطلعنا فدروج دغيا طلعتو للدار) دخل اخاي مرحبا
اشرف: شكرا اخويا انا بغيت غير نعس خوك مدكدك
يونس: دخل لبيت (سبقتو قاديت لبيت حيت آخر مرة كان فيه عماد وهو والنظام لا علاقة) نعس هنا انا نمشي نجيبلك شي حاجة تغدا بها
اشرف: واخا خويا انا ندوش باش نصلي متعطلش
يونس: (خرجت صونيت على عماد كان مع رقية فشي قهوة قلتلو على اشرف وللي اكدت عليه هو انه ميذكرش حس لبنات أو أنه شافهم مشيت جبت غدا صونيت على عائشة لقيت تيليفونها مشغول صونيت بريفي على الحاج كان حتى هو تيليفونو مشغول عاد رتاحيت دخلت لغدا معايا لقيتو ياله خرج من الدوش وكيهضر مع مريم وجدتلو كولشي فوق الطبلة وتسنيتو يجي بقيت جالس كنفكر فعويشة كنبغي نصوني وكنتراجع خاصها تعلم تفهمني منين نقولها انا مشغول خرج اشرف تغدينا بجوج وبقينا كنهضرو على احوال الواليد والشركة حتى عيا ودخل باش نعس...)
عائشة: (كنمسح دموعي وكنتحسر) اكييد مع شي وحدة معرفتش علاش متأكدة ميمكنش قلب المراة عمرو يكذب هو مصدرنيش غير هاكاك وزايدون كيقولو لمراة منين كتحس بالخيانة بالصح كتكون وانا هاكا باش حاسا يااااااا ربي مينوضلوش ويجيه الفشل والعجز زعما غير مع هاديك للي بغا يخوني معاها اما انا لا يكون مزيان ويكون عود اوووف زبلة فاش كنفكر هزيت التيليفون والله مصونا علية اكييد ممساليش لية السيد زاهي وانا قاتلة راسي بالفقصة نضت لبست حوايجي ميمكتش نبقا فدار غفلون والله حتى نريب عليه ديك الدار حسابلو انا شي دمدومة للي غنبقى غير حانية الراس والما كيدوز من تحتي لبست شميز فلبو مارين سروال جينز كحل طاي هوت بحال كولون وميني بوط كحل جمعت نص شعري كوب شفال والنص التاني خليتو مطلوق مدرتش مكياج بزاف من غير كلوص وفارجو درت نظاظر نخبع عيني للي شبعو بكا من خيانة الحبيب عاد حسيت بلبنات للي كيخونوهم صحابهم عمرني نسمحلو هزيت سورات لفلوس وتيليفوني وخرجت مع الدخلة دلعمارة بانتلي رقية وعماد فالطموبيل خرجت بالزربة قبل ميشوفوني ويوقفوني حيت مكيخليونيش نتحرك بوحدي زدت شوية عاد خديت تاكسي ولكن مركبت حتى تأكدت انه ماشي داك الكلب هاد لمرة الا شافني ولا شدني يهتكني بلواقفية ركبت ومشيت نيشان عند يونس وغير كنوجد شنو نقول وشنو ندير وكفاش نتعامل مع حالة الخيانة صعيييبة بزاااف...
~~~~~~~~~~~~~~~~~~~
عماد: (كلعب فشعرها وفوجها) حبيبتي مكنسخاش بك
رقية: حتى انا حبيبو
عماد: (شديتها من ذقنها برقة) شنو بانلك نخطبك من عند الحاج فالتيليفون ونتزوجو هنا حتى نهبطو ونديرو احسن عرس وسبوع
رقية: ههههه وعلاش سبوع
عماد: وشنو عاد نتسناو
رقية: ونااري نتا مكتقضاش انا الا مخطبتينيش من عند عمي الحاج ومزغرتاتش علية عزيزة ودردكات علية خالتي سمية المسمومة للي غتقتلها فقصة منتزوجش
ابو لقيصر: (كنقرب ليها وكنحاول نهدأها ولكن كنحس بها بدات كتعيا من الاسباب والاعذار الخاوية للي كل نهار كنقولها عذر حتى مبقاتش كتلح علية بزاف) حبيبتي منقدرش نخليكم فمدريد نتي وبنتي داكشي علاش جبتك هنا تبقاي قريبة
.....: قرييبة!! ههه كضحك معايا ياك
أبو أبو لقيصر: لا
....: يوسف انا كنطلب منك فقط تجي لعندنا ونرجعو اسرة كيف كنا كنتوحشك مكلقاكش حدايا مكلقاش شكون يحن علية ويواسيني وبالمعنى بغيتك تكمل معايا ليلي طويل والممل
ابو لقيصر: كنواعدك غنعوض ليك كولشي احياتي غير صبري مبقا قد مفات صبرتي 4 سنين بقات ف4 شهور او قل
.....: لا مبقاش صبر عندي
ابو لقيصر: كفاش مفهمتش علاش مبقاش
....: عييت ايوسف منك ومن معاملتك الباردة حتى انا انسانة وعندي مشاعر ونتا بغيتي تدفني والحياة زوينة منستاهلش هاد التعامل المميت للي كيقتلني دقيقة من بعد دقيقة بغيت للي يحس بية ويعاملني كامراة عندها كيان واحاسيس ماشي وحدة منسية
ابو لقيصر: (شديتها من ذراعها) شنو بغيتي تقصدي
.....: (نترات يديها ) يوسف نتا فاهم قصدي
ابو لقيصر: (كيبرد معاها) حبيبة انا كنطلب منك فقط صبر
....: (هزات بنتها للي ناعسة) يوسف حتى انا كنطلب منك غير تعطيني شوية من وقتك (دخلات لبيت وعندها امل كبير باش يتبعها وميخرجش من الدار يحس غير شوية بتأنيب الضمير ويراجع راسو غطات بنتها وخرجات عندو ولكن مالقاتوش قلبات فلفيلا كاملة سيارتو مكايناش فلكراج اذا مشا نهارت كتبكي حدا باب الدار كان عندها امل كبير من بعد المحاضرة للي عطاتو يتراجع ويجلس معاها هو مصوقلهاش ومصوقش لمشاعرها زاد وخلاها واخا عارفها كانت معصبة ومقلقة منو بزاف دخلات لبيتها لبسات حوايجها وقدات مكياج كيخفي مشاعر الحزن للي طاغية على ملامحها المثيرة وخرجات يضرب فيها لهواء بقات ماشية وهي كتفكر ايامها مع يوسف منين كان كيقرا فمعهد الطب وهي كانت كتعاونو فقرايتو حيت كانت المعيدة ديالو فالكلية حيت قبل كان غير خباز ولكن كفاش بخطوة كبيرة دخل يقرا فكلية الطب كفاش دخل سبب مجهول وهي مبحثاتش فيه مهم كانت كتبغيه ونهار تزوجو كان احسن نهار فحياتها ولكن كلشي تبدل نهار جاو لالمانيا ولات كتشوفو مرة فشهر او شهرين علاش تبدل معرفتش...)
~~~~~~~~~~~~~~~~
عائشة: (تنفست الصعداء بقيت حدا لباب ويدي مطاوعاتنيش باش ندق خفت لقى شي حاجة للي غتقتلني غنموووت فيها الا بالصح كانت شي وحدة معاه جمعت قوتي ودقيت بالجهد باش نخلعهم ويتففاو واخا انا للي رجلي مبقاتش هزاتي وقلبي وصل لسليبي عاود دقيت بالجهد حتى تفتح لباب فوجهي...)
عائشة: (.. عاود دقيت بالجهد حتى تفتح لباب فوجهي طلعت فيه وهبطت كان لابس غير ديباردور صميطات فلكحل شعرو كان مخربق وعينيه بحرا كيحلهم بحال كان فشي بلاصة فيها ظلام وخرج للضو واخا لبرد كان لابس حوايج خفاف زاد كملي للي خاص هو بقا بحال مصدوم وفنفس الوقت معجبوش وجودي حسيت بيها دفعتو ودخلت شدني من يدي)
يونس: عيشة علاش جيتي😡
عائشة: (حيدت نظاظري وشفت فيه بنظرة استهزاء شفت فيه ودخلت للدار بانتلي الطبلة فيها 2 طباسل و2 كيسان يعني بالصح معاه شي وحدة بقيت كرجف غير بوحدي ضرت شفت فيه شوفة ديال ياك الخائن الغدار دخلت لبيتو مكان حتى وحدة قلبت فالدوش وسط لماريو تحت النموسية مور لباب فوق لماريو شفتو وقف وكان معصب) فين مخبيها فيين؟
يونس: (مشيت حداها شديتها من ذراعها وقربت ليها وكنهضر بشوية باش ميفيقش اشرف ومزال ممستوعب هاد الحركة للي دارت هضرت تحت سناني) علاش جيتي؟ قلتلك منين نسالي غنجي عندك ويليتي تخرجي بوحدك ومحاسبة حساب لية وليتي ديري شراع يديك البرهوشة
عائشة: نتا للي محاسبلي حساب (كنغوت) علاش كتهضر بشوية خايف منها اااااا واخييرا سي يونس خاف من وحدة (نترت يدي ومشيت كنقلب الدار كاملة بقالي غير لبيت للي كينعس فيه عماد شفت يونس جاي جيهتي بجرا اذا هي هنا دفعت لباب بجهدي ودخلت حتى كنتصدم منين شفت خو يونس ناعس اذا بالصح خوه للي معاه مزال كنعقل عليه اشرف بقيت مصدمة ودايرة يدي على فمي حتى شفتو كيتقلب خفتو يفيق من صداع والهرج للي درت محسيت حتى يد جراتني وخرجتني من لبيت هزيت عيني فيه كان بحال شي بركان عينيه بحال بحر ديال الدم مخصر فكمارتو مهضر موالو جرني لحدا لباب فلت يدي منو ومشيت كنجري خرجت وهبطت مع دروج وهو كان تابعني كنحاول ما امكن نسبقو خفتو يشدني يشنظلني هاد نهار ) هئ هئ عفاك مضربنييش (معرفتش شحال من دروج زكلت غير كنوطى باش نهرب هو مكيهضرش غير كيطرد علية ونازل بدوك لحوايج)
عائشة: (بانلي عماد داخل الدخلة ديال العمارة كيصفر وكيدندن جاني بحال الفرج عمرني فرحت بشوفتو قد هاد نهار بعدا غينقذني من الهرمكة للي حطيت راسي فيها الدودة للي فية مهناتنيش غير وصلتلو تخبعت من مور ظهرو) هئ هئ يونس عفااك سمحلي حسابلي معاك شي وحدة
عماد: (كنحاول نزيد نخبي عائشة للي كانت كتبكي ومخلوعة من يونس للي غير كيصوط وباينة فيه معصب بزاف) دابا غير شنو وقع فهموني نتي كنتي فالدار كدرتي وصلتي هنا
عماد: (فااااااك كرهت هاد الصوت درت كنشوف لقيت ابو لمرض جا اش جابو كل مكتكون معايا وحدة من لبنات كيبان ومخاصش نبان كنعرف يونس بفففف جاوبتو بتوتر) وعليكم السلام....
عماد: (ضرت كنشوف لقيت ابو لمرض جا اش جابو جاوبتو بتوتر) وعليكم السلام
ابو لقيصر: كاين شي مشكل؟
عماد: احم لا
يونس: (كنحمر فعائشة خطيت خطوة جريتها من ظهر عماد للي مبغاتش تطلق منو نزلت حدا ودنها وزيرت على يديها وهضرت تحت سناني بصوت غير مسموع) غتزيدي ولا ميعجبك مك حال تحركي
عماد: غير بغات تخبع يمكن ومجاتش نحيدها مهم ياله حنا نطلعو لدار وخليهم يعيشو بحرهم
يونس: (جريتها وخرجتها لبرا وهي كتغوت حيدت يدي وهي مزال كتعيط بعماد محسيت حتى هزيت يدي حتى لسما وعطيتها طرشة حتى طارو دموعها من عينيها وحنكها حمار فلبلاصة غير باش تسكت بقاات شادة حنكها بيدها) غتزيدي تخرجي حرف واحد من فمك البرهوشة مغنعقلش على دين مك
عائشة: (بقيت شادة فحنكي محسيتش به بحال تبنجلي ولكن معجبنيش الحال يقولي البرهوشة اما الطرشة خلاص بقيت غير كنقلب بعيني على شي تاكسي غير شفت وحدة واقفة مشيت كنجري وهو تابعني شدني قبل منوصل لتاكسي خفت منو بزاف دابا كفاش غيفهم انني غير غرت تكون عندو شي وحدة جرني لحدا الطموبيل ديالو وانا كنحاول نتر يدي ممو هو ضرب يدو طموبيلتو) علاش جيتي علاش واش بغيتي تحمقي اصل مي
يونس: (طلقت من يديها وانا فقمة الغضب وعطيتها بظهر باش نرجع للدار حتى بانتلي فرووس خارجة من العمارة كتجري ووجها صفر مشافتنيش حيت كانت كتمسح دموع من عينيها ضرت شفت فعائشة لقيتها كتبكي وكتشهق عاد فهمتها شنو كانت كتقصد ولكن انا مدرتش معا فيروس تجي واصلا مبقيتش كنهضر معاها مدة هادي وهي مكانتش عندي فالدار ياله بغيت ندخل حتى بانلي ابو للجهل خارج بالزربة بقيت بين نارين مفهمت والو واش نطلع لفوق نعرف شنو واقع مع هدا وعماد ولا نبقى حاضي عائشة للي مبغاتش تمشي او غير تجي هنا متبقاش فالشارع شفت حتى عماد هابط) شنو وقع
عماد: مفهمتش ياله غندخلو للدار حتى شفتو هبط من دروج كيجري، شنو درتي مع عائشة مالها. واققفة كتبكي فوسط الشارع
يونس: سير خودها عفاك راه الا زدت دقيقة معاها غنقتلها بالله حتى ندير فيها شي حاجة
عائشة: (شفت عماد هبط ومشيت حداه على الله يدخل بيناتنا اوييلي على سالينا بغاني نموت يونس هو كولشي وبالساهل بغاني نساه)
يونس: (شفت فيها كتبحلس بعينيها) سيري معاه يوصلك للدار
عائشة: لا
يونس: (بغيت نمشي عندها وهو يشدني عماد) واش غتحركي من هنا ولا لا! صافي انا وياك هضرنا
عائشة: (اح ديك تخنزيرة حسيت بقلبي كيتقطع فيها تخنقت منقدرش نتفارق مع يونس يخخ اشداني نجي كنت بعزي وكان دايرلي بحال لما لخفيف....)
عائشة: (اح ديك تخنزيرة خلات قلبي كيتقطع تخنقت منقدرش نتفارق مع يونس يخخ اشداني نجي كنت بعزي وكان دايرلي بحال لما لخفيف وانا فية لقفوزية ولكن راه بالصح جات لعندو يخخ مكنتيقش فيه وعمرني نقدر نتيق فيه واخا كيعاملني مزيان علاش ديما كنحس بيه غيخليني شفت فعماد حتى هو كان مغوبش شوية سلمت امري منقدرش نتبع يونس وهو فهاد الحالة وعاد زيد خوه تماك والا شافني يقدر يقولها لعمي الحاج مشيت ركبت مع عماد وانا كنمسح دموعي وخنايني وغير كنصوط تخنقت وقلبي وجعني تفكرت غير هاد صباح كنا ما احلانا ودابا مفارقين لا ميمكنش يكون عناها يااا ربي اش هاد الوحلة عاود)
عماد: عائشة مكانش عليك تجي
عائشة: (حركت راسي باه حيت مقداش نهضر غنفاجر الا دويت)
عماد: هداك السيد للي كنتي غتقولي سميتي قدامو هو المطلوب ومول الليلة كاملة وكنتي غضيعي شحال من حاجة
عائشة: (شفت فيه بصدمة) اويلي لا متقولهاش الإرهابي!!
عماد: لا نتي غير خليه يبرد انا معرفتش شنو وقع ولكن حاولي متجهليهش هاد الايام راه ولد عمي وكنعرفو
عائشة: اوووووف اعماد هو قالي صافي سالينا ومبغا يزيد حتى كلمة معايا
عماد: متخافيش غير معصب ولكن اعويشة راك صعرتيه وعاد مدارلك والو راه وكان كان خوه أو انا والله ميحن فينا اما نتي رآه شد راسو اكترية كنتي غضيعي خدمة عماين و وهو كيخدم فيها (شفتها زادت تأزمات وبدأت تشهق) مهم نتي مديري فبالك والو راه غير يبرد غيجي عندك وهاد الايام منين كاين اشرف مبغاش يبينك فالصورة راكي عارفة حتى رقية نفس الهضرة قلتهالها
عماد: كوني هانية مرة مرة نجي نطلل عليكم ونقولك شنو
عائشة: واخا خويا بسلامة (طلعت للدار وانا كرجف وغير كنجر رجلي حسيت بصحتي طاحت علية وحسيت بقلبي تغرزو فيه لماس كنت هانية حتى جبدت على راسي نحل قالك قلب المراة ميكذبش زمر لواه طلعت للدار ودخلت لبيتي نيشان وطرقت علية لباب)
عماد: رجعت للدار وكنتفكر شنو وقع للي خلا يوسف يدير داك التصرف بقيت كنتفكر
~~~~~~~~~~~~~~~~~~~~~~~~
#فلاش #باك
ابو لقيصر: قولي هاد لمغربية للي كانت مع هاد صاحبك
عماد: ماشي صاحبي
ابو لقيصر: اممم مهم هي من هادوك جوج للي كانو دوك الليلة فصبيطار؟
عماد: ممعقلتش
ابو لقيصر: امممم اذا هادوك جو زعما حنا مبيناتناش الاسرار ونتا قلتيلي بجوج ديالك وصدقتي عاطيها للجيران ومخلي صاحبك مقيم عليهم من نهار شفتهم
عماد: هههه (كنضحك وانا مفقوص) اكيد ماشي للي فبالك (وقفت كنحل لباب حتى سمعنا شي واحد طالع فدروج درنا شفنا كانت بنت مكولتش الشوفة حيت مهتميتش حتى سمعتها هبطات بجرا دخلت للدار وحطيت سوارت) دخل اصاحبي (سمعت زطيم خرجت راسي شفتو هبط بجرا مفهمت والو تبعتو مالقيتوش..)
يونس: (طلعت للدار وحاولت نبرد راسي طليت فلبيت لقيت اشرف مزال ناعس الحمدالله منين مفاقش مع هاد صداع جلست وانا فقمة الغضب وكان تبعاتني نعصرها بيدي اخر حاجة بغيتها هو يشوفها داك النم وعاد كانت بغات تفرش كولشي قدام داك الكلب علاش جات علاااش لهاد الدرجة مكتيقش فيا فااااك عييشة كرهت تصرفاتها صونيت على عماد قطع علية اذا راه قريب خفتو غير ميوصلهاش وتعاود ترجع تسينيتو جا دخل وقفت وانا على اعصابي) شنو
عماد: معرفتش علاش مشا ولكن مزيان منين جريتها قبل متقول سميتي كان كولشي غيضيع ويبدأ يشك
يونس: هاديك مزال عليها
عماد: صافي لبنت مزالة صغيرة ونتا عارف عيشة
يونس: اممم حتى انا تلاتلي مع برهوشة مهم خلينا منها شنو وقعلو باش خرج ديك الخرجة معرفتيش مقالش شي حاجة حيت بيزاغ ديك لخرجة
عماد: معرفتش انا منين شفت واحد الزعرة طلعات وشافها هو تفافا هي رجعات وتبعها
عماد: انا ان شاء الله غير نهبط المغرب ندير شي عراسية نايضة
اشرف: وااايلي هي نوجدو ريوسنا وشكون لعروس شي كاورية من صغرك كتقول باغيها كاورية
عماد: الله يهديك لكور غير ديال زهو انا غنتزوجها مغربية ابا عن جد بميكتها وبشونتها
اشرف: هههه عقليتك هي عقليتك عمرك تبدل (غمزو وغوت باش يسمعو يونس) ونتا ايونس نقلبو حنا ولا نتا للي تجيبها
يونس: (خارج من لبيت وكنسد صدايف) جاي سخون اصاحبي على زواج ياك تزوجتي وولدتي وديها فمرتك انا باغي نعيش هاكا صولو غير ديال راسي
اشرف: امممم عليينا ناريمان كل سيمانة كتجي تقلب عليك...
اشرف: امممم علينا! ناريمان كل سيمانة كتجي تقلب عليك مزال مفقدات الامل فيك ولبنت زوينة ونتوما 3 سنين والعالم عارفكم بجوج حتى با عارف وباغاك بزاف علاش هاد الغرور
يونس: (مفيه ميسمع هاد الهضرة حيت مكتهزو بوالو وناريمان صفحة وتقلبات) نوض اشرف خويا بدل نخرجو وخلينا من سوق لعيالات
عماد: انا غنهبط لبس حوايجي نتلقاو لتحت
يونس: (دخل اشرف كيلبس حوايجو وانا كنعاود نصوني على فروس ولكن عقلي واخداهلي غير البرهوشة وداك تبرهيش ديالها مقلت دارت عقلها ولكن اليوم جهلاتني بلمزيان يا ريت وكان مجاتش كنت غنمشي عندها واخا نخطف 5 دقايق واخا نعرف نمشي حتى 4 صباح مهم نشوفها ولكن دابا الا شفتها قدامي نخلطها منصبرش واكترية منين قالي عماد ان ابو زب* سول عليها مبغيتهاش تبان فالصورة وقف علية اشرف
اشرف: غنعاود نسولك واش كولشي مزيان
يونس: (بابتسامة عريضة) خويا بلا متفكر رآه غير مشطون بلخدمة راك عارف
اشرف: اممم اوكي
يونس: ( هبطنا عند عماد للي لقيناه كيتسنى لتحت مشينا كنتسراو فبرلين وعاد دزنا لنايت كلوب نكملو السهرة واخا مكنتش فمودي الا مبغيتش نبين قدام اشرف حشومة هو جاي يفوج وانا نغوبش فوجهو بقينا مريحين حطينا غير ريدبول ولعشا حيت عماد مبقاش كيشرب ناض اشرف لطواليط)
عماد: (ضيفطاتلو عائشة ميساج باش يرغب يونس) يونس مهضرتيش مع عائشة
يونس: عماد قلب على هاد السيرة يرحم ليك الوالدين
عماد: يونس لبنت مزالة صغيرة ومفاهمة والو
يونس: عماد مراهاش كترضع صبعها قلت لملتها تجلس فالدار متجيش هي متجيش ماشي جاية منوضة روينة حقا عندك شي وحدة فالدار وللي زاد كملي هو منين قلتلها تمشي للدار حتى نجي عندها جلست كتجبد فالشارع
عماد: معليش كبر دماغك معاها شوية بشوية غادي تفهم
يونس: (غوبش بلمزيان بحال حط يدو على الجرح) لا صافي ساليت منها احم اشرف جاي متجبدش قدامو سيرة لبنات (بقينا جالسين نهضرو ونضحكو واشرف كيعاودلنا على فين وصلو فالشركة والافتتاح كان لبارح بيناتهم وباقي الافتتاح لكبير للي غيكون حتى يكونو لبنات بقينا معطلين تعشينا ومشينا للدار..)
عماد: احم قلها تكون هانية غير شي يامات وها هو معاك
رقية: قالك كوني هانية شي يامات وها هو معاك
عائشة: قولو شكرا (دخلت لبيتي وانا غير تالفة عاد لبارح نعست وانا فرحانة وشابعة غراميات يييخ قلب لمرا يا ودي يا ودي علامن عولت بقيت الليل كامل نتسنى حتى عييت وانا قارقة على التيليفون ونعست...)
...اصبحنا واصبح الملك لله...
يونس: فقت مخربق لقيت اشرف خرج صباح بكري يقضي شغلو دوشت توضيت صليت ونزلت عند عماد دخلت لبيتو لقيتو مزال ناعس) عماااااد فييق
يونس: امممم مزيان، انا نمشي للسونتر ومن بعد غنتلقا اشرف
عماد: اه بالصح نسيتو رآه هنا انا نشوف روكا غير شي 5 دقايق ونجي عندكم
يونس: اوكي (مشيت طلعت للدار بدلت حوايجي مشيت للسونتر دوزت صباح كولو تماك هي مبانتش مكانتش كتخوي من السونتر فمرة لدرجة كنت كنقولها واش معندكش شي شغل من غير السونتر صونا علية اشرف مشيت عندو والطامة الكبرى بغا يمشي يشوف بنات الحاج احمد يعني عويشة ورقية بقيت غير كنضور عيني) شكون؟
اشرف: بنات الحاح احمد والحاجة عزيزة اصاحبي وصاني عليهم السيد وقالي نمشي نشوف واش خاصهم شي حاجة
يونس: خليها مرة اخرى
اشرف: الا اصاحبي نحيدهم علية راه غدا غرجع فالليل
يونس: فالليل علاش مالك مزروب
اشرف: عندي الخدمة بزاف وخاصني لحق عليها نحيدها ولبنات خاص نقولهم يجيبو شي وراق باش غير يهبطو المغرب يبداو خدمتهم وفاش يبقالهم شب شهر ويساليو خصهم يمشيو للشركة للي هنا يدوزو واحد سطاج عاد يبداو الخدمة معايا فالمغرب
يونس: اممم مزيان
اشرف: وياله نمشيو عندهم عندك نمرتهم ياك حيت قالي الحاج رآه عندك وكتمشي مرة مرة طل عليهم
يونس: اممم اه مرة فشحال
اشرف: ا كي قبل نمشيو لسوبير ماركت نتقداو ليهم شي حاجة
يونس: (صراحة مزال مقاد نشوف فعيشة معصب منها بزاف واخا هكاك خاص نمشي مع اشرف عييت منهرب ومبغاش يتفك صونيت على عماد للي كان معاهم منين كان اشرف مشغول كيتقدا لبنات قلتلو يهضر معاهم يعلمهم اننا غنجيو لعندهم ولكن ميبينوش قدام اشرف حيت كيطيرها من سما واكدت عليه هو بالخصوص خرج اشرف ومشينا عندهم مباشرة) خاي اشرف مقدي باش يكملو العام كامل (كنخرج من لكوفر)
اشرف: هههه يستاهلو مساكن صغيرات والغربة ومكيعرفو حد هنا و الحاجة غتحماق وتشوفهم
عماد: اوكي (صونينا عليهم يحلو لباب واستقبلتنا عائشة للي عينيها غير على يونس حتى حنحنت عليها...)
عائشة: احم (فتحت لباب مزيان حيت كانو يديهم عامرين يونس مهزش عينو فية دخل خوه سلمت عليه باليد كيشبه ليونس غير هو قصير شوية وبيض عليه دخلو سلمت على عماد بحال ياله كنشوفو اول مرة ولكن للي حرقني هو يونس للي سلم على رقية ومسلمش علية جمعت يدي لعندي بغيت نمووووت كمدتها فقلبي وسكتت بقيت كندخل لميكات لكوزينا مع رقية وعماد دخلت لكوزينة وانا مرفوعة من تصرف يونس هزيت بلاطو فيه العصير والكيسان والكعك وشي تخربيق حطيتو فوق الطبلة شفت رقية لبسات بيجامة طويلة شوية على للي كانت لابسة يونس غير مخنزر فية مقديتش نكمل الشوفة فيه ابتسمت فوجه اشرف) مرحبا خويا
اشرف: شكرا ختي امم عائشة ياك
عائشة: (بابتسامة) اه
اشرف: ماشين مع لقراية مزيان؟
رقية: الحمد لله اخويا
عائشة: كدايرين مريم ونزار وعمي الحاج وخالتي زهرة لباس عليهم؟
اشرف: الحمد الله اختي كولهم تيسلمو عليك نتي ورقية
بجوج: يسلم عليهم الخير
اشرف: وخصوصا الحاج احمد ولالة عزيزة وادم
عائشة: مكرهتش نشوف لخوينز
اشرف: كبر تبارك الله
يونس: احم انا غنوض عندي شي غراض نقضيه
اشرف: اه واخا نمشيو كاملين غير نكمل مع لبنات
بونس: لا غير خليك نتا وعماد انا عندي شغل الا ساليت بكري ندوز عندكم ونمشيو
عائشة: انا غير كنتحرق لداخل ديالي مظنيتش يونس غيعاملني بهاد الجفاء كنشوف عماد وورقية كيخطو النظرات وانا غير مخنزر هدا الا شاف فية قلبو قساح ولكن مسخيتش بيه ينوض ويمشي مكرهتش يبقى بعدا غير حدايا ولكن عارفاه عنييد ناض وخرج وصلت معاه لباب خسر علية جملة
يونس: (بجفاء) غير خليك اختي انا نمشي بوحدي
عائشة: (قلتها بشوية) انا ماشي ختك
يونس: (درت خنزرت فيها ها للي قلت وكان زدت شوية كانت غتفرشنا قدام اشرف خرجت مع لباب موليتش درت نشوف فيها باش مكملاها لابسة بيجامة عزلالها صدرها وترمتها وديجا قلتلها هاد لحوايج خاص تبدا تنقص منهم حشومة قدام الناس للي فراسها فراسها انا مكان عندي لا شغل لا والو غير مبغيتش نجلس وعارف تصرفات عائشة المبرهشة غتخلي اشرف يعرف كولشي بقيت لتحت حتى صونيت على فهد نتلقاه نشوف كبقى وفين وصل مع ديك الدار غير قالي فين هو مشيت عندو كان قريب مشيت غير على رجلي دخلت عندو القهوة للي مقابلة تقريبا للعمارة للي ساكنين فيها لبنات) هانتا هنا
فهد: وي، جا اشرف؟
يونس: (شفت فيه باستغراب) شنو تالفتلك مع الارهابي وحاط العين علية انا ولا شنو
يونس: صاافي هادشي للي بغيت حتى انا. ومزيان منين دير راسك فيك زهيمر ومعارف والو وتنساهم
فهد: لا رد
يونس: مهم برالك داك النيف
فهد: (كنكره شي واحد يفرض علية كلمتو واكترية الا كانت مع اكتر واحد كنكرهو للي هو يونس انا فهمت قصدو مزيان وعلاش داوي وكان بالصح عائشة عاوداتلو على لعصى للي كلات مغتكونش ردة فعل ديالو هاكا بحال مواقع والو حيت باينة دارت بلاصتها بتمثيلها عليه بغيتها فيه الدمدومة) مزيان الحمدالله اشنو مزتل مفاق خالد؟
يونس: (كناكل حلوة كان حاطها) لا
فهد: وو ابو لقيصر مزال معرفتو شي حاجة عليه للي تغرقو نيت
يونس: حاليا لا نتا مقالك والو
فهد: لا قالي قبل ميديرو شي حاجة غيعلمني ماشي بحال هاد لمرة للي قالونا داكشي قبل بدقيقة
يونس: حاول تجبد منو لكلام
فهد: وي داكشي للي كندير
يونس: مزيان (جاني مساج من عند عويشة قالتي فيه *#سمحلي* قريت لمساج ورديت التيليفون فالجيب شفت فهد لقيتو كيشوف جهة العمارة هاد النم غيحمقني الانسانة للي حطيت عليها العين كيتبعني فيها ولكن هاد المرة غندمو خبطت فالطبلة) ياله نخليك
فهد: سلم على اشرف
يونس: (باستهزاء) دوز موراه كما العادة مهم الألو بيناتنا (مشيت رجعت للعمارة صونيت على عماد باش يهبط تسنيتهم بانتلي عويشة كطل من سرجم بيتها بقيت كنشوف فيها تبادلنا النظرات واخا كل واحد فينا شنو كان كيقول وكيعبر الا بقينا كنتشاوفو حتى سمعت عماد واشرف جايين وضحكم واصل لعندي حيدت عيني وركبت فالطموبيل كنتسناهم غير ركبو ديماريت شفت فالسرجم لقيتها مزال كتشوف فية كملت السوكان ودماغي ماشي معايا مقدرتش نسامحها مكتسمعش كلامي عنيدة ومبرهشة)
اشرف: يونس معندكش مع لبنات؟
عماد: (جاتني الضحكة)
يونس: (بتوتر ) امم علاش؟ شنو للي خلاك تسول
اشرف: منين مشيتي ونتا بحال جالس على الشوك
يونس: لا غير كنت مشغول وتابعاني شي خدمة ومبربز بيها بزاف أما لبنات بيني وبينهم غير الخير والاحسان
اشرف: صراحة بناتو مبريات وضريفات وزوينات
يونس: اممم
اشرف: مبغاو يشدو حتى ريال مني هوما كيحلفو وانا كنحلف حتى حسيت بيهم حشمو بزاف خليتلهم لفلوس فوق الطبلة
يونس: اه حتى انا مكيبغيوش يشدو مني حتى ريال ولكن مرة مرة كنتقدى ليهم
عماد: حتى انا
يونس: (شفنا فيه انا واشرف حيت زعما قلنا لاشرف اول مرة عماد كيتلقاهم خنزرت فيه من لمراية وبقيت كنبركم وهو دغيا قلبها ضحك مع اشرف مشينا تعشينا برا عماد مشا يخدم وانا بقيت مع اشرف كنهضرو على الشركة) دابا لبنات غير ياخدو الديبلوم يخدمو
اشرف: اه الديبلوم ديالهم زوين وغيعاونونا منين يجيو اللجنة ديال الشركة للي هنا
يونس: اممم مزيان وغيخدمو بزاف زعما الساعات للي يخدمو فيها
اشرف: لا ماشي بزاف حتى الحاج احمد مبغاهمش يتعذبو بزاف
اشرف: اممم اوا الله يتبتك بعقلك اخويا وغير بدأ تقلب
يونس: اميين اخويا أن شاء شاء (كملنا سهرتنا دخل اشرف ينعس شوية على موصلات 5 دصباح بقيت فايق ملهي بالخدمة و80% تفكيري فللي محناني حتى فاق وخديتو للمطار على مركب رجعت بحالي دزت من حدا العمارة للي ساكنة فيها عويشة بقيت شحال واقف فطموبيلتي جبدت تيليفوني بقيت كنشوف فتصويرة عويشتي كان قرار غالط 100% منقدرش نتفارق معاها ماشي حيت غلطات غنتخلى عليها انا كنبغيها وبزااف كتر من راسي وكتر من اي واحد وهي كذالك كتبغيتي لدرجة شي نهاريا غتهبلني يا غنهبلها تكيت راسي اللور خاصني نعلمها باش متبقاش تعاود بحال داك تبرهيش وزيد عاد مزال كتخبع علية شحال من حاجة وانا مغنسا وخا بينتلها راني ناسي شكون ضربها بقيت شحال مبانليش الضو تشعل فبيتها كسيريت ومشيت لداري نعس...)
~~~~~~~~~~~~~~~~~~
...اصبحنا واصبح الملك لله...
رقية: عيشة واش منعستيش؟؟
عائشة: (بارهاق مربعة رجلي فوق نموسيتي) لا
رقية: اوييلي على الحمقة راه يتقلق منك شوية ويجي يصالحك
عائشة: قالي انا وياك سالينا وهو قصدها بالصح مشفتيش البارح كعاملني حتى الشوفة مطلعهاش فية
رقية: موحال اعويشة يونس كيبغيك (شفت فالساعة كانت 7:45) مغتقدي تبعي حتى وزة ونتي منعساش
عائشة: انا غنعس دابا عفاك ظلمي الدنيا مزيان قبل متمشي (جريت الكاشة وغطيت حتى وجهي سمعت رقية طرقات لباب بالساروت مديت يدي لكوافوز وجبدت تيليفوني درت واحد لفيديو كنت مصورة فيه انا ويونس كيعلمني فيه الصوكان وطالقين الشعبي ومحيحين بقيت نبكي ونويل على زهري...)
سيدتي الجزء الثامن
محتوى القصة
التنقل بين الأجزاء