عماد: (ركبات رقية وشاف فيها باستغراب) حبيبو فين ختك
رقية: منعساتش الليل كامل مسكينة (ضارت عندو) واش بالصح هي ويونس تفارقو؟
عماد: مستحيل يونس كيحماق على عويشة غير هو ممعصب قلتلها على ميبرد وصافي غير بغات تقلق راسها وتعصب على لخوى
رقية: اوا الحب صعيييب اكبيدة
عماد: اممم غتبقى بوحدها
رقية: اه علاش؟ شكون غيبقى معاها عندها غير انا
عماد: غير سولتك احبيبة نوصلك باش نمشي نعس شوية
رقية: واخا حبيبة
عماد: وصلت رقية للمعهد خليتها حتى دخلات بقيت شحال كنتسنى واش يبان!! رجعت لحدا العمارة فين ساكنين لبنات تاكدت شكوكي منين بانتلي التاكسي ديالو واقفة تماك بقيت فطموبلتي حتى بانلي نيت فهد خارج منها هنا طلعلي الدم بلمزيان بقيت فالطموبيل كنشوف واش غيطلع ولا لا وعلاش متبع عائشة هاكا شنو بغا منها بقا غير واقف حتى شفتو ضار وقشعني كنشوف فيه حافظ صواريه ولد لحرام شير بيدو بقيت فطموبيلتي كنبرد اعصابي حتى جا قاصدني نزلت الزاج) افين نتا
فهد: هانتا هنا مكتنعسش!
عماد: لا
يونس: قلتيلي لبارح خدمتي الليل كامل
عماد: لا
فهد: (عرفو غير مرغوب فيه) اممم ياله نخليك عندي واحد لكليانة كنتسناها تنزل
عماد: امممم مزيان (طلعت الزاج ومشيت من تماك دخلت من واحد دريب وخرجت كنطل حتى شفت وحدة خرجات من العمارة وركبات للحظة شكيت انها تكون عائشة وتهبط عندو نفضت عقلي شفت فالساعة كانت 9 ونص صونيت على يونس لقيتو مشا للمركز حيت عيطولو قلتلو غير تكمل يجي عندي نيشان مشيت للدار وانا خاطري ممهنينيش باش نمشي ونخليها بوحدها دخلت دوشت صونيت على رقية سولتها على عائشة قالتلي راها فطريق غتقرا الساعتاين للي باقا عاد رتاحيت وتنفست انا كنت غرجع لعندها نعست حققت الساعة على 12 باش نمشي نتعرض ليهم...)
~~~~~~~~~~~~~~`
رقية: مزيان منين جيتي اختي
عائشة: راكي عارفة لقرايا للي منفرطش فيها وهاد المادة مهمة بزااف فالامتحان (دخلنا نقراو واخا عقلي غير مع يونس ولكن كنحاول نركز حيت معامل هاد المادة طالع على المواد لوخرين المستقبل بوحدو والحب بوحدو هادشي للي تعلمت من عند يونس كملنا الحصص ديالنا خرجنا لقينا عماد كيتسنانا برا ركبت معاهم من بعد مشادة انني ناخد تاكسي ورجع بوحدي وصلنا للدار كلينا شي حاجة خفيفة وعاود رجعنا للمعهد ومشا دوزت نهار مكفس بكل ماتحمله الكلمة من معنى كفاش قدر يسالي كولشي بهاد السهولة عمرني نسمحلو...)
يونس: (شكون قال انا نحب.. ونبات معذب.. سهران نتقلب على وحد وحدة.... شكون قال انا نغيير وللي صار فية يصير نعل الحب مايدير راه هدني هدا... جابني مجيبة حالتي صعيبة مكنت انا نظن للحب ضريبة...
نزوق فكلامي على خر يامي.... غارق فهيامي مجايب خبار... كنت غير نتفلى على الحب ولا... علية يتفلى راه حكم فيا ودار...) صونا تيليفوني ونقست من الاغنية للي كنت طالق على الجهد بلاتني عويشة بالجهد عشت معاها بحال كتعبر على حالتي جاوبت كان عماد) وييي
عماد: فينك اصاحبي
يونس: راجع من المركز
عماد: اشنو واش برا داك خينا
يونس: كانو عيطولي على انه رجع ذاكرتو ولكن منين مشيت كان ياله كيتفكر شي حاجة مهم عدنا امل على انه يرجع ذاكرتو فالقريب
عماد: مصااب بغيت ندير العرس اخويا
يونس: هههه غادي ديرو وتفوتو لهيه غير صبر اخاي
عماد: بانلي المود ديالك ناشط!!
يونس: (بتاسمت تلقائيا) فينك نتا دابا عند لبنات
عماد: اه، غتجي؟
يونس: لا
عماد: عاد كنتي ضاحك حشومة خليتي لبنت مقطوعة
يونس: اممم (بقلق) ياكما مريضة
عماد: (كنهضر معاه وانا فالسرجم حتى كيبانلي تاكسي ديال فهد وليت حافض الماتريكيل ديالها سيف علية داز غير بشوية قدام باب العمارة غير وصل حدا طموبيلتي وهو يكسيري بالجهد)
يونس: (منين مجاوبنيش عرفتها غتكون مريضة ولا وقعاتلها شي حاجة تعصبت من سكاتو) عماااااااااد
رقية: (كتقاد طبتسل فوق الطبلة) عمااااااااد اجي تاكل هاديك راه راسها قاسح عييت معاها فلكوزينا وهي بحال الحيط اجي محدو سخون
عائشة: هههههه (ضحكنا بجوج على كلمة محدو سخون) غير سير اخويا بصحتكم
عماد: راسك قاسح نتي ويونس تلاقيتو بحال بحال خلاوها المصريين طنجرة ولقات غطاها (مشيت عند روكا لقيتها كتحط وجلست حداها) شنو هو للي محدو سخون احبيبة باش ناكلو قبل ميبرد وتحشالي
رقية: هاهاها كول احبيبة كول راه دوخك الجوع...
~~~~~~~~~~~~~~~~~~
ابو لقيصر: شحال قدك غتبقاي مخبية
فروس: نفضل نموت هنا ومنخرجش عند واحد مكيتيقش فية
ايو لقيصر: فروس لوفيان بنتك محتاجة ليك 3 ايام ونتي هاملاها وزيد مشربتي لا ما ومكليتي والو
فروس: (دارت راسها بين رجليها كانت فاشلة بلخلعة وقلة لما كان عندها الحظ منين ملقاهاش نزار ووقفها او هضر معاها كانت غتكون فخبر كان وحتى دابا خايفة منو ومزال معرفات ردة فعلو واخا عيات كتحلف انها كانت باغا تمشي تشوف طبيب نفساني كان فنفس فالعمارة ولكن سكوتو وكفاش كيبغي يفرع عليها لباب مع 4 دصباح ولا فالليل كل مرة كيبغي يفرعو بحال كتهدو شي حاجة مكيغوت موالو ومرة مرة كتسمع شي كاس كيتسخشخ ولبنت كتبقا كتبكي يعني وكان ماشي لوفيان علم الله شنو غيدير ندمات علاش فكرات انها تمشي عند نزار واخا ديما كان كيطردها وبشتى الطرق ولكن كانت محتاجة تمشي غير تفضفض عند شي واحد تلف الوقت تخوي قلبها مهم متبقاش فغبينتها حتى طرطق بلفقسة ومن برودو اتجاهها خافت يقتلها وتخلي بنتها بوحدها وهنا مكاين للي يسيق ليها لخبار عائلتها كلها بقات فاسبانيا ومعارفينش حتى فين مشات بالظبط تحت طلب ابو لقيصر خلات كولشي وجات معاه لالمانيا ندمات حيت حباتو كان كيبان ليها شخص مختلف ولكن للي بقات كتستكشف عليه فالمانيا لا علاقة لانسان للي حبات وتمنات تموت بحبو)
ابو لقيصر: فرووس حلي لباب
فروس: يوسف كنحلف ليك الا كنت بغيت نمشي لعند طبيب طبييب ايوسف
ابو لقيصر: اهاه وعلاش معلمتينيش ولا انا حمار قنطرة دوزي عليها ومتسوقيش لية
فروس: (كتشهق بلبكى) كنت مخنوقة نتا سباب كولشي نتا للي وصلتيني لمرحلة نمشي لعند طبيب باش منفكرش ننتاحر
ابو لقيصر: (ببرود) اوكي دابا غير حلي لباب
فروس: (زاد جعرها من برودو بحال ممتيق حتى كلمة خرجات ليها من فمها بقات كتغوت وتبكي بالجهد) لااا مغنحلش
ابو لقيصر: غنحسب حد 3 صبري هنا سالا حلي لباب وخلي الامور طبيعية منبغيش لوفيان تتأثر بشي حاجة... فروووس كتسمعي حد 3... 1... 2...
فروس: (كتنفس بصعوبة ووقفات حدا لباب دورات الساروت ويديها كيرجفو وعقلها وقلبها مموافقينش على هاد الخطوة للي دارت ولكن حسات براسها غتمشي فيها هو غيدخل غيدخل اللهم تستغل وجود لوفيان باش تحمي راسها منو دورات الساروت وحطات يدها على لبوانيي باش تحل لباب حتى سبقها حلو وجر لباب حتى تنفضات شافت فيه بعينين ذابلين ووجه صفر ورجليها ياله قادين يهزوها شافت فيه كان ملامحو مكتفسرش وباين عليه الغضب ديال الدنيا والدين قبل متنطق بكلمة جمع معاها بتصرفيقة حتى طاحت للارض مجبدة تصرفيقة جابتلها تمام مع الدوخة والخلعة وكولشي فقدات الوعي ديالها حسابلو غير كتفلى وكتمثل عليه جمع معاها بزقلة فجنابها حتى تهزات وتخبطات مع رجل النموسية وهي مهياش فهاد العالم عرف بالصح انها بالصح سخفات وغيبات هنا تأثر قلبو كان غيسكت هزها بين يديه وحطها فوق النموسية ودار معاها الاسعافات الاولية لسق ليها السيروم حيت كولشي كان موجود عندو فالدار غير بدات كتفيق هزلها راسها غير بشوية و شربها لما وعاود حطلها راسها غير بشوية وبقا كيشوف فيها وهي مغمضة عينيها ومقاداش تشوف فيه بقا كيلمس ليها فشعرها وهي ممتيقاش هاد المعاملة يمكن حن فيها بقات افكارها غير كتضارب ولكن مزعماتش تحل عينيها حيت للحظة حسات بتانيب الضمير واخا كتشك فيه انه كيخونها ولكن هي متأكدة من راسها انها كانت كتخونو ماشي مرة ماشي جوج ماشي تلاتة...)
فروس: اناني حيت كتبغيني حب مرتاح فيه غير نتا اما انا غير معذبة معاك اي حاجة دوزناها زوينة كرهتيني فيها
ابو لقيصر: لهاد الدرجة
فروس: اه واكتر مكتقدش تلوم راسك انك معذبني ووصلتيني لحالة نقلب فيها على طبيب نفساني
ابو لقيصر: نجيك من التالي دوك الخزعبلات ديال اكتئاب مكنتيقش فيهم انا كنعرف الانسانة منين كتبغي راه كتنازل باش يعيش راجلها مزيان ومرتاح (ها العقلية المغربية)
فروس: اوكي متافقة معاك ولكن قبل فين هاد الراجل للي غنعيشو مرتاح علاش انا كنشوفو؟
ابو لقيصر: من نهار جيت لالمانيا قلتلك مغتبقايش تشوفيني
ابو لقيصر: حتى واحد احبيبة غير حتياطات وتاكدي هادشي لمصلحتك نتي وبنتي لوفيان ومزال الوقت وقرب بزااف باش غرجعو لحياتنا الطبيعية واحسن كنواعدك احياتي
فروس: (بتنهيدة وفرحة فنفس الوقت حيت نسيتو موضوع انني خرجت بلا علمو ومن زهري تلاقيت بيه) واخا ولكن قلتي غتبقا تجي بزاف وعد!!
ابو لقيصر: وعد.....
~~~~~~~~~~~~~~~~~
عماد: (شفت فالساعة) حبيبة خاصني نمشي واخا مكرهتش نعس هنا
رقية: مسخيتش بيك والله
عماد: حتى انا ولكن احبيبة بقات غير ساعة وخاصني نبدل حوايجي باش نمشي نخدم
رقية: (كنتفوه) اوكي حبيبي حتى انا غندخل نعس (ناض لبس جاكيط ديالو وصلتو لباب بستو ودخلت شفت عيشة لقيتها مكمشة غير شعلت الضو دارت راسها نعسات وغمضات عينيها مبغيتش نحكر عليها ولكن يوماين مكلات شي حاجة مالقيت مندير عرفت راسها قاسح وغدير غير للي فبالها طفيت الضو ومشيت لبيتي نعست)
عائشة: غير مشات حليت عيني وبقيت كنقلب تيليفوني واش صونا ولا لا غنحمااق قلبي غيسكت حشومة عليه عارفني كنموت عليه يااااه غلطت وعارفة راسي غلطت ولكن يكون قلبو كيسامح غير شوية بقيت شادة التيليفون وكنعاود نقرا ميساجاتو وكنقلب فلفايس فوقما لقيت شي جملة رومانسية كنصيفطهالو على وعسى تنفع معاه وترطب قلبو يخخخ على زبل تفو..
~~~~~~~~~~~~~~~~~~~
يونس: (صونيت على عماد لقيتو فالدار ونزلت لعندو وانا كنقرا ميساجات للي مهبلاني دخلت للدار لقيتو كيبدل حوايجو جلست فوق الكرسي وجبدت كارو كنكمي) افيين
عماد: فين نتا والله حتى عيقتي اصاحبي راه ديجا وقعات لي حتى انا مع روكا وكان ابو زبل وعجباتو وشحال من حاجة ولكن مدرتلهاش هاكا حيت عارفها
يونس: ولاش كتعاودهالي
عماد: (بقيت واقف كنشوف فيه مدة كان بارد ممسوقش حتى لكلمة أو غير كيدعي) حالتك صعيبة اولد العم باغي تمشيلها وكتموووت عليها ووخا هكاك داير النفس الخاوية
يونس: عمااااااد متزيدش فيه وديها فراسك
عماد: مهم لبنت راها حالتها وكتبقى فية حيت طاحت فواحد بحالك (هزيت جاكيد وشانطا ديالي وسوارت الطموبيل) تواضع شوية اصاحبي لبنت مشديتهاش مع واحد راه مزالة صغيرة راه 10 سنين بيناتكم دلفرق فكر فهادي حتى هي
يونس: كندير راسي ممسوقش ولكن كنسمعو مزيان انا للي هامني نعرف غير حالتها واش مزيانة ولا لا اما باش نمشي عندها مستحيل (شفتو خارج) واش مريضة؟
عماد: اه مريضة مريضة بيك نتا نيت (خرجت وخليتو تماك معرفت علاش معفر شنو فيها الا غارت عليه حلاوت الحب فالغيرة ماشي فكولشي بعقلو مشيت ركبت فطموبيلتي ونيشان لصبيكار...)
يونس: (كيتسلت فدروج مع 3) فاااك فااااك اش كندير.. ولكن مقديتش نجلس منين حبسات ومبقاتش كنصيفط لميساجات حليت لباب غير بشوية كان ظلام وصقير عاودت سديتو ومشيت كنتسلت نيشان لبيت عويشة غير بشوية دخلت ورجعت سديت لباب مبغيتش نشعل الضو حيدت صباطي ولحت جاكيط وميشت تكيت فنموسيتها شفتها قفزات من بلاصتها شديتلها فمها بيدي) ششششت (هزات عينيها فية بقات كتشوف فية مدة وانا مشابعش منها وغير كنسقي عويناتي فيها توحشت هاد الكارثة للي بلاني بيها الله محسيت حتى بدات كتبكي دخلتها فية مزيان وهي كتبكي بالصوت بحال شي بنيتة صغيرة وانا كنمسح على ظهرها ووشعرها هزيتلها راسها وبستها بوسة طويييلة وحنييينة) ششششششت (كنمسح دموعها)
عائشة: لا نيت نمشيو ناكلو حسن لي ( نوضني هو دخل للحمام وانا شعلت الضو ولبست سيرفيت ومونطو خرج ومشينا غير بشوية طليت على رقية لقيتتها فسابع نومة ومشينا انا ويونس وكنعاودلو على المعانات للي دزت منها وعلى لقرايا مسكتش بقينا كنضورو وحتى هو كيعاودلي على أشرف وكفاش كان كاره راسو بعيد علية حتى لقينا فين ناكلو بقيت غير كنحشي فوجهي حتى شبعت نضنا كانت 4 دصباح رجعني للدار مبغاش يبقى معايا واخا كنت موحشاه بزاف الا الوضع خطير وهو قال ميعاودش يقيسني تقتو مسكين ههه رجعت وانا كنشطح لبيتي طحت ففراشي مبغاش يجيني نعاس بكترة الفرحة وغير كنتشقلب وكنتفكرو ههه قالك باغي يباقشطاقي حمق كاين شي باقشطاق بلا عرس!!...)
~~~~~~~~~~~~~~~~~~
عماد: افين اصاحبي غبرتي من داك نهار غبرة وحدة
ابو لقيصر: غير مع شي مشاغل
عماد: ياك لباس بعدا
ابو لقيصر: نو كولشي مزيان
عماد: حيت الطريقة باش مشيتي قلت رآه شي حاجة كغاف للي ووقعاتلك
عماد: اممم منتابهتش ولكن كاين شي طبيب لفوق حيت كنشوف ناس داخلين خارجين ولكن ديالمن معرفتش. علاش
ابو لقيصر: غير سولتك وصافي
عماد: شفتك دخلتي لعند المدير قبيلة
ابو لقيصر: اه دخلت سولتو واش كاين شي واحد يجي بلاصتي
عماد: كفاش
ابو لقيصر: راني قلت ليك واش تمشي معايا اسبانيا
عماد: (هنا عرفت الضربة لكبيرة قربات) وايلي مقلتش راك جدي لهاد الدرجة وشنو لقيتي
ابو لقيصر: لا ياله قلتهالهم وسير شحال الاجراءات وطلع وهبط مهم تبقى فبالهم حيت حتى الا ملقيتش نديميسيوني (نقدم استقالة) ونفتح عيادة لية كما كنت باغي من شحال هادي
عماد: امم حتى انا كيبانلي نجرب حظي معاك ونديرو عيادة وحدة
ابو لقيصر: والله حتى ديرها زوينة اعشيري
عماد: قريب ونرد عليك شفتك كتلبس
ابو لقيصر: وي طلبت اذن غنخرج بكري
عماد: علاش
ابو لقيصر: (غمزو) الدنيا خاوية وانا...
عماد: هنا
ابو لقيصر: لا نمشي لداري
عماد: امم نوصلك؟
ابو لقيصر: لا غير خليك ولا عرفتي (فكر)صافي صافي بلا منعذبك
عماد: اهانية اصاحبي غير زيد فين كتخلي طموبيلتك حيت مشفتكش جيت بيها هاد نهار
ابو لقيصر: فواحد لقهوة ياله زيد (بقا كيوريه العنوان)
عماد: واش هاد القهوة للي حاطها فيها راه سادة 5 دصباح هادي قوولي فين نوصلك. اصاحبي حتى تاكسي فين تلقاها دابا فهاد لبلاصة
ابو لقيصر: (فكرت فيها مزيان شفت ان جو معندو فين غيضرني الا عرف فين ساكن عطيتو العنوان وصلني ورجع بحالو وهو ممهتمش اصلا دخلت عند فروس كما واعدتها هاد الايام نشوفها بزااف باش منين تقرب المهمة نغبر شوية استعدادا باش نخوي وكنتمنى حتى جو يمشي معايا ....)
يونس: بقيت تماك شحال عاد تحركت كنت داير بروكرام نبقاو انا وعويشتي ولكن قرايتها اهم حاليا وللي زاد مرضني هو المدة للي بقاتلها باش تمشي للمغرب دغيا طار الوقت معرفت واش انا غنمشي معاها ولا مزال غنبقى هنا وشحال باقي بالظبط خفت غير تزيد أتطوال المدة وغير فكرة غتكون لوحدها و بلا بية كتقتلني كفاش غنجلس فخاطري وهي بعيدة علية شكون غيجيبلي خبارها بالظبط ميمكنش وهاد زبل يا فجر يا يق.. سوايع مع ك.. مشيت رجعت للدار حتى كيبانلي عماد باقي حدا العمارة وجالس فطموبيلتو خرجت ومشيت حداه) هانتا باقي هنا
عماد: (بقيت ساكت وغير كنفكر) غترجع تنعس؟
يونس: (شفت فالساعة حيت كنت داير مع طبيب خالد نتلقاه تماك) لا غنمشي للمركز حتى لعشية عاد رجع
عماد: وفهد
يونس: مال جد بو هاد الكلب عاود اش فكرك فيه
عماد: فين وصل فداكشي وامتى غنتفكو من هاد شي
يونس: (جبدت تيليفوني) معرفتش نصوني عليه نيت دابا. نتا مغتنعسش؟
عماد: لا نعست فالخدمة شوية وبغيت نمشي نشوف روكا بلاتي
عماد: ولا الق**ي فهم انا هنا حاس بالخطر عليهم مبغيتهمش يبقاو كتر ديما مهول عليهم وراك عارف شنو
يونس: (بتنهيدة) والو مبغاتش تقول شكون ضربها داك نهار وانا غير مكنزيد نسايس معاها
عماد: وهادشي للي زاد خالعني كتر بعدا تماك الحاج حاميهم وشحال من حاجة اما هنا غير الله يستر وعاد هاد زبل الا حتى مشا فجر فشي قنت وحنا معارفينش فين وفوقاش وهوما داك شهر غيتحركو فوسط لمدينة فهمتي شحال قدك تبقى حاضي على جوج جوايه اما تماك دارهم وتحت جناح مهم والحاج
يونس: وي عندك الحق عرفتي بانلي فهد كيحوم على لبنات كتر من لقياس
عماد: بزااااااف
يونس: (نقزت من بلاصتي) حتى نتا شفتيه؟
عماد: وي حتى انا كنشك فيه ووليت مراقبو اجي واش هاد لحمار كيعرفهم زعما كان كيعرفهم قبل مفهمتش علاش لاسقهم هاكا (مبغيتش نحدد عائشة بالظبط باش ميكونش حساسيات بيني وبين يونس عارف ميرضاش انا وكان كنت فبلاصتو ميعجبنيش الديكور ولكن رقية خاطيها هادشي)
يونس: (مبغيتش نقول تحت وصاية عائشة على حساب رقية) معرفتش واش متأكد هضر مع عائشة شي نهار هنا زعما؟
عماد: لا عمرني شفتو وقف معاهم من غير داك نهار للي قلتيلي سير عندهم رآه موقفهم بجوج (سمعو اادقان) ها هو كيدق بدل الموضوع حتى نتأكد بطريقتي (مشيت حليت كان نين هو دخل)
فهد: واخييرا ساليتولي وتجمعنا مفهمتش بنادم جاي يخدم ولا يفوج
يونس: علاش شنو كنا كندير مثلا كيف ما نتا خدام حتى حنا مدامين وعاد عماد كل ليلة خدام تقريبا ممدوح مكيجلسش انا كذالك
فهد: امم انا غير قلت مهم سمعت ابو لقيصر كيهضر فالتيليفون مع دوك الناس للي فسوريا شوية طلب منا نخرجو حيت كانت باينة بغا يهضر فشي حاجة سرية خليت هاد التيليفون (جبدتو وريتولهم وخداه من عندي يونس) كيسجل كلامهم خبعتو مزيان وخرجنا كل واحد يقضي غراضو من بعد مرجعت جبدت التيليفون و هانتا سمع شنو كاز كيقولو
يونس: (طلقت كنسمع شنو قال الحوار بالالمانية)
#ابو_لقيصر: الحد الان مزال مبان ودرت واحد كيقلب عليه... لا معرفتش فين غبر.. اه هو للي قتلو ولكن فين مشا من بعد مقتل معرفتش وميمكنش يهرب اصلا حيت كان مستافد بلمزيان وباغي غير امتى يكون التفجير... لا غير هو بوحدو للي عارف فين كاين كولشي وحتى لبلايص السرية عارفهم... ضروري غير نكملو المهمة كولشي غيلتاحق لسوريا بطريقتو ميمكنش نجيو دقة وحدة... اممم هادشي الا خالد مدارش شي حاجة للي تخرج علينا كاملين... وي درست لبلاصة مزيان وعارف كولشي عليها بقات غير اشارة منكم باش نبداو بتوجاد القنابل اليدوية وكل ميحتاج التفجير وخاص تجيبولنا سلاح... مزيان اذا المدة تبدلات وولات قريبة ... اه اوكي... غنبدا نهيأ فيهم دراري... كولشي هنا مستاعد باش يضحي براسو... داير كتر من جهدي باش لقاه ومكلف شي ناس تايق فيهم باش نلقاوه واخا نعرف نقتلو وميبقاش خطر علينا... ياله مع السلامة اي جديد نخبرك به..
يونس: (بنظرة لامعة) اذا مبقى والو كما قال (اول مرة كيجيب خبار زوين)
عماد: تسجيل مهم وغيخدم فضدو مزيان، جمعنا بزاف عليه باقي نتسناو غير هاد خالد يرجع ذاكرتو حيت بايلي عندو بزاف ميتقال
يونس: وي الا لحقنا قبل ميبداو غنتهناو من بزاف ياا ريت وكان عرفنا غير لبلاصة فين
فهد: وي خاصنا نعرفو
يونس: هو قال دارس لبلاصة يعني خاص نراقبوه فين كيجلس بزاف
فهد: اه ولكن ماشي انا للي نراقبو
يونس وعماد: (قالوها دقة وحدة) علاش
فهد: ههه كالما كالما غي حيت كيعرفني وميمكنش نخاطرو او لا يشوفني كنراقبو غيشك أو غيتأكد نيت انني بوليسي
عماد: اممم حتى انا كيعرفني وديجا شاف يونس واحد نهار
فهد:: (نضت مكره من هاد الاوامر دلخرا ديالو وخرجت ولكن اكيد ممشيتش للدار)
يونس: (من بعد ممشا داك لكيدار نضنا انا وعماد لكوزينة كنقادو لفطور وفرحانين بهاد المكالمة للي عطاتني امل أنه قربنا بزاف نشدو ابو لقيصر ويطيح فالشبكة وفنفس الوقت ضاحكين على فهد وكفاش عاملناه يستاهل لكلب ومزال نعرف واش باقي كيفكر يقرب لعائشة حطينا لفطور كلينا بقيت كنتفرج فماتش حتى شفت عماد نعس فوق الكرسي جمعت ديك روينة وخرجت مشيت للمركز نشوف واش هداك خينا فاق ونهضر مع طبيب للي شادو)
~~~~~~~~~~~~~~~
عائشة: واش غير عماد للي جا؟
رقية: (كنقاد لعكر) اه غير بوحدو
عائشة: (كنعوج فمي شحال تمنيت يونس يجي خرجت مع رقية لباب المعهد سلمت على عماد ودخلت من بعد الاصرار ديال عماد منبقاش تماك غير مشا خرجت كنطل واش يونس غيجي ولا لا بقيت حدا لباب جاو واحد لبنات كنعرفهم من القسم سمعتهم كيهضرو على واحد المادة عندي مفهمتهاش مزيان حشيت راسي واخا محملونيش نوقف معاهم طليت على راسي زبلة وبقيت متبعة معاهم معاهم حتى حسيت بشي واحد واقف مور ظهري بلفرحة عرفتو يونس مع الضورة مع شدني فيدي وجرني من حدا لبنات) طلق مني الحمار
عائشة: (جريت يدي ودفعتو) مشي تق*** الا لقيتي فين وبلا منقولك الا قلت لسيدك يونس عليك غينحرك من الودن حتى لودن وراك على بال شكون هو وشكون نتا (شفت فيه باستهزاء وانا كرجف من لخلعة وبقيت كنزرب فلمشية موصلت للباب حتى بغيت نحماق بلخوف والحمدالله ملحقش علية تفو اشداني نخرج كاع صونيت ليونس مجاوبنيش مشيت لكافتريا وجلست نتسنى رقية مصالحليش نعاودلها حيت متأكدة غتقولها لعماد وعماد يقولها ليونس ويونس يمشي يدابز معاه وهو جاي يخدم ماشي جاي يدابز فاااك على زهر شحال معوج عندي...)
يونس: دكتور واش مزال مغيبرا خالد؟
دكتور: راه فتحسن مع الراحة هنا بدات كترجعلو ذاكرتو عارف سميتو منين هو فين قرا غير مع الوقت غيتفكر كولشي
يونس: مزيان نتمنى فالقريب
دكتور: غير حاول متقولو والو حتى يتفكر هو كولشي
يونس: وي عارف
دكتور: نخليك دابا مدة الزيارة نص ساعة كما المعتاد
يونس: اوكي (دخلت عند خالد للي ولفني تعاودنا شوية على فين قرا وكفاش كان عايش ولكن للي معاقلش اش جابو لالمانيا وشنو كيدير هنا بقيت معاه مدة وخرجت منظر مؤلم صراحة، انسان واعي كفاش كيهضر على بلادو وحبو لوالديه شنو خلاه يمشي فهاد طريق للي لا دنيا لا اخرة وسخ يديه بالدم والعار خرجت مديبريمي اثر فية بزاف حالة خالد عطيت التقرير ديالي تماك وصيفطتو للشاف ديالي فالمغرب وخرجت صيفطت ميساج لعويشتي *عويشتي متخرجيش من المعهد حتى نقولهاليك* صيفطتوليها وشديت طريق وانا كنفكر كفاش غتكمل هاد المهمة لي هاد اللحظة حسيت براسي ماشي قدها وماشي ديالي انا براكة علية غير لكارت ناسيونال بقيت مدة عاد وصلت حيت هاد الوقت طريق كتكون عامرة وصلت للمعهد وصونيت على عويشتي بقيت فالسيارة مدة عاد بانتلي خارجة هي ورقية كلاكسونيت عليها وجات عندي ركبات فبلاصتها باستني فحنكي ) حويشتي!
عائشة: توحشتك
يونس: (بستلها كفها) رقية طلعي اختي نوصلك
رقية: صونالي عماد قالي تسنايني مع يونس
يونس: اه واخا (ياله غنصوني ليه نعرف فين وصل حتى كان وصل ركبات رقية معاه وأنا كسيريت مشيت نيشان لبلاصة للي كنمشي ليها مع عويشتي وقفت الطموبيل حيدت الصمطة ودرت عند عويشة باستغراب لحالتها) حبيبة مالك ساكتة مخدمتي اغاني موالو ماشي من عادتك
عائشة: خايفة
يونس: (بقلق) مناش خايفة
عائشة: (شفت فيه وانا مقدراش نقولو على شنو كيوقعلي فغيابو) خايفة نمشي للمغرب وتجلس نتا هنا بزاف من دابا هازا داك الهم
يونس: (بتنهيدة) مغنتعطلش عليك ولكن اعيشة ديري هاك ولا هاك غندمك
عائشة: (بعدم اهتمام للتهديد) خسارة مزال كتشك فية
يونس: مكنشكش وتايق فيك ولكن منبغيش حتى تقولي السلام لشي قمقوم ولا شي كلب حتى الشوفة متهزيش عينيك فشي واحد
عائشة: حبيبة انا غنخدم فشركة ماشي فوزارة الاوقاف والشؤون الاسلامية يعني غيكون اجتماعات وشحال من حاجة
يونس: باغا تحمقيني ياك
عائشة: لا ولكن نتا انسان واعي ايونس وعارف انني غنخدم فشركة غتكون مخلطة ماشي غير ديال لعيالات
يونس: (غتهبلني هاد الطفلة جالسة كتناقش معايا بنيتها) عيشة واخا غنكون باقي هنا عيني عليك وهاد تفلسيف الخاوي زيديه فراسك وياويلك نعرفك جمعتي مع شي كلب ديك الساعة وجدي هاد تفلسيف وطلبي ربك ينفعك معايا بالرب حتى نشد على مك طيارة حتى لعندك ومتعرفي راسك باش تبليتي
عائشة: (كنضور عيني) مفهمتش
يونس: بالعربية والتعرابت متهضري مع حد 3 الناس للي غتكون عندهم معاك كلام الحاج والواليد الا مشا للشركة والمدير ديالك للي هو خويا اشرف فهمتي دابا
عائشة: (بغيت نقشب معاه ونقلب هاد الجو الكئيب) والسيكيريتي حتى هو ممحسوبش مع 3! خخخخ
عائشة: هههه تصدق نتا للي حاكني (شهقت وعرفت راسي غير كنبزكل فالهضرة ويلي ويلي مبقيتش كنحشم شفتو مزال مبلق عينيه هربت ودخلت لكوزينا والله حتى كنقلب على شي اغتصاب هاد نهار سمعتو دخل لبيتو عاد خرجت بقيت كنجمع الدار كانت مرونة بالجهد جمعت الماعن وحوايجو دخلتهم لمكينة دالصابون ومشيت كنقاد واحد الكومة دلوراق ونستفهم حتى كلقا واحد لغلاف حليتو هزيت لوراق مفهمت حتى وزة ولكن باينة شي cv ولا تقرير على وحدة سميتها فروس وليت جبدت تصويرة وهنا الصدمة كانت تصويرة ديك الزعرة للي ديما كتكون مع يونس..)
عائشة: وهنا الصدمة كانت تصويرة ديك الزعرة للي ديما كتكون مع يونس بالفقسة هزيت ديك التصويرة ودخلت بعجاجتي عند يونس نسيت انه دخل يدوش المهم شديت عليه الدليل دفعت لباب كان هو ياله خارج من الدوش ولاوي عليه فوطة بقا غير واقف كيشوف فيه هزيت ديك التصويرة ودرت صبعي على التصويرة) ها خيتي اش كدير هنا
عائشة: (كنتعوج) هاد السؤال نتا للي خاصك تحاوبني عليه
يونس: (غوت حتى قفزات) فين لقيايها
عائشة: (بلخلعة جاوبتو) برا فواحد جوا بيض
يونس: (خرجت من لبيت مشيت للمكتب هزيت داك جوا كان تقرير ديال ممدوح كفاش نسيتو وخرجلي من بالي وكفاش محسيتش ان فروس مزوجة وبشكون بالمتهم الرئيسي للي باغي غير امتى نشدو صدفة غريييبة اخر وحدة توقعتها تكون مرتو هي فروس عاد فهمت علاش تبعها هداك نهار يعني وكان عرفها كتجي عندي وكان وليت كارت محروق ودغيا يكشفني ويدير احتياطو او يكون قتلها ماشي بعيد مشكلة كبيرة.. رجعت لبيت لقيت عيشة مزالة واقفة) خرجي نبدل حوايجي
عائشة: مخارجاش حتى تقولي اش جاب ديك البنت لعندك
يونس: واخا جلسي تفرجي فية (جربتها من يديها وجلستها فوق النموسية جبدت لمينوط من لكوافوز وشديتلها يديها مع لحديدة ديال النموسية) وتفرجي دابا (ياله درا راسي كنحيد الفوطة حتى غوتات وقلبت وجهها دخلت للدوش لبست حوايجي وخرجت لقيتها مزالة قالبة وجهها خرجت من لبيت وصونيت على عماد كان غير فالدار لتحت نزلت عندو ولد لحرام بقا فالباب) صدقات فروس هي مرت يوسف
عماد: وايلي اذا تقدر تعطيك اسرارو مدام كتخونو الا كرهاه
يونس: انا عارفها مكانتش كتبغيني كانت غير كتعمر الوقت وحتى السونتر للي كان كيجمعنا مبقاش خدام هاد الوقت
عماد: كان سولني يوسف واش كاين شي طبيب نفسي فالعمارة قلتلو اه يمكن هي قالتلو كاين
يونس: تقدر تكون بررات موقفها هاكا انا نخرج نشري نمرة جديدة باش نصوني ليها
عماد: اه اوكي (سديت لباب ورجعت عند حبيبة قلبي...)
فهد: بقيت جالس فالتاكسي والنار كتغلي فية لداخل كفاش تجرأت بنت الق*** وهدداتتي انا فهد للي اي وحدة كتجري من مورايا بحال الكلبة ونظل لعب بهادي وهادي وكيتمناو اشارة مني باش نرضى عليهم ونجيبهم لداري وهوما طايرين بلفرحة وهادي لقيت معاها مشكل حتى كلمة مكتخرج من فمها غير معفرة ودايرة فيها بنت الناس شفت يونس خارج بوحدو بلا عماد بعني هو مزال معاهم صونيت على سامي كان فوسط الحصة مصلاحليش نهضر معاه فخاطري بقيت تماك مدة كنت مخبع فدروبة هي تحداتني بيونس وانا غناخدها من بين يديه وهو النيت بيديه غيعطيهالي منين يكمل منها..
~~~~~~~~~~~~~~~~~~~
اشرف: ختي ناريمان منقدر نفيدك بوالو
ناريمان: ولكن اشرف قولي غير فين هو
اشرف: براسي معارفش هز راسو مولاش بان ونتي عارفة يونس مكيشارط حتى واحد اسرارو والي فراسو كيديرو
ناريمان: (بتنهيدة عارفة انه كيخببع ويونس للي مبغاش يشوفها ومبغاش تعرف بلاصتو) عماين ونص وهو غابر ونتا خوه معارفش فينو
اشرف: كما قلتلك معندي فين نفيدك حلو مشاكلكم بوحدكم سمحيلي اختي عندي خدمة (دخل للشركة وخلاها فحيرة كفاش للي كانت حاسباه خاتم فصباعها بين ليلة ونهار سد عليها جميع لبيبان ومعطاها حتى فرصة فين تشرح او تبرر موقفها بغات غير تعرف منين جاب هاد خانتو وشنو شاف عليها بالظبط للي خلاه يهجرها وبحطها سطل بلا تقرقيب ركبات طموبيلتها ومشات لدارها وهي فقمة غضبها بغات توصلو باي طريقة مقدراتش تنساه ومقدراش تخليه لشي وحدة يونس لناريمان وناريمان ليونس...)
~~~~~~~~~~~~~~~~~~~
عائشة: (غير كنحرك يدي ونجرها لمينوط كيدياق ويزير علية بقيت كنعيطلو والو منين ضرني بزاف قلبتها تنخنيخ ودموع ولد لحرام عندو تصويرتها فالدار وانا تصويرتي حرام واش كدور عندو وزيد رابطني بحال شي معزة وزاد غير يبان نحيح على جدو تفووو على حيوان كيخوني وعاد كيزيد يخرج عينيه بقيت على ديك الحالة علاين ساعة عاد سمعت لباب كيتحل غير جا عندي رجعت كندمع ونكر) هئ هئ كنت حاسبك جايبني فموعد غرامي وتكون موحشني ساعة نتا مينطتني وخرجتي علم الله فين كنتي انا للي كلبة مزالة كنتيق فيك وحمارة حيت باقا مع واحد بحالك
يونس: (واقف وكنقوس عيني فيها) مغديريش عقلك اعيشة
عائشة: منين كنكون معاك ابنادم مكنخدمش بعقلي كنخدم غير بقلبي داكشي علاش ديما كتشوفني برهوشة حيت من اول نهار بغيتك من كل قلبي وبنية بريئة ولكن نتا مغتفهمش هادشي حيت ولفتي كتخرج مع بنات كيعرفو يهضرو ويجلسو وكولشي بلعبار والاتكيت فرق كبير ايونس من للي يبغيك نتا لشخصك ويعشق روحك وبين للي تصطانع وتبروفيطي فيك انا من النوع اللول ايونس حبيتك وكل نهار غنزيد نبغيك وتصرفاتي الصبيانية للي معاجباكش هداك غير من غيرتي عليك ربما كنبالغ فردة الفعل ولكن انا هاكا كنبغي نكون معاك صريحة وماشي متصنعة...
يونس: (حسيت براسي انا للي صغير قدام هاد الدرس للي عطاتني واخا هكاك مغنبينش ليها انها على صواب وهي بالصح غتهبلني بتصرفاتها شي نهار) واخا هكاك كتبقاي برهوشة
عائشة: وااااااع انا كنقول غتحرك فيك شي حاجة ونتا مزال زايد فيه وبزااف (ضرني لمينوط منين جبدت يدي) اي!! جيد علية هاد زبل
يونس: (بصوت جدي) عويشة الخدمة كتبقى خدمة بقاي بعيدة عليها فهميها مزيان رآه الا منجحتش رآه علم الله شنو غيوقع وكفاش غنتعاقب فهمتي مغنزيدش نشرحهالك كل مرة ونتي فاهمة وضعي كفاش داير مزيان حيت قلتلك كولشي واخا خاصو يكون سيري بزاف كبري اعيشة الحب بوحدو والخدمة بوحدها مكنقولش هي فلمركز اللول لا نتي هي عندي اهم حاجة ولكن شي حاجة حساسة ومعلومات سرية خليها سرية مكنبغيش نخلعك ولكن هادشي رآه خطير باش تعرفيه وتبقاي منوغشة بيه !!
ابو لقيصر: ليث مزال مبان والو دازت 20 يوم وهو غابر
فهد: والو عصبني حتى انا او تقول الارض بلعاتو خالد كان باغي يجلس معانا وكان كيتسنى غير امتى تكمل المهمة ونمشيو لسوريا
ابو لقيصر: (بحيرة) مفهمتش حتى انا، زعما يكون مات؟ او قتلو شي واحد؟ زعما لبوليس يكونو قتلوه أو عتاقلوه!!!
فهد: بحال والو حيت هو كان ضد فكرة لهروب وهو مول فكرة انه يقتل اي واحد عندو فكرة الهروب
ابو لقيصر: معرفتش حرت بزاف
فهد: اممم مزالة ديك المهمة بعيدة
ابو لقيصر: (بقيت كنفكر مزيان واكترية فهاد الجزائري للي حسو غبر) لا
فهد: (بفرحة) اذا قربنا
ابو لقيصر: الاسبوع الجاي غنبداو فالتدريبات وكنظن بلاصة خالد غتعمرها نتا واخا كنت واعدتك مغدخلش لهاد المهمة ولكن عدنا خصاص ونتا تبارك الله كتيري جميع انواع سلاح بحال ككان خالد
فهد: (حسيت بعروقي نشفو ميمكنش نشارك معاهم ونقتل ناس وخصوصا الا قالولي دير شي عملية بوحدك واخا هكاك مبينتش) اكييييد بكل فرح وسرور
ابو لقيصر: عارف شنو كاين مهم نتا زيد هاد السيمانة قلب مزيان ومن هنا لتماك ميعدنا نخليك دابا (نزلت حدا القهوة وركبت فطموبيلتي ومشيت لفروس وبنتي كما واعدتهم..)
رقية: امممم واخا غير متعطليش شوية وتلقاي عماد هنا وجيبيلي معاك حتى انا جيبي ديال الشكلاط
عائشة: (قطعت طريق ومشيت خديت بيمو باش نطفي شوية ديال الجوع ياله جيت قاطعة حتى وقفات علية تاكسي كانت غضهس فية وكان مهربتش رجلي بلخلعة بقيت جامدة فبلاصتي وهو يخرج كان الكلب ديال فهد داير كاسكيط و مهبطها على وجهو مزيان ياله غنتحرك نهرب من بين الناس للي غير مزروبين حتى جا قاصدني شدني فيدي وجمع معايا بطرشة حتى جيت مزدوحة على باب التاكسي بغيت نغوت وهو يسبقني حل باب اللوراني ودفعني وسدو اوطوماتيك سمعت رقية كتغوت وتعيط بسميتي ومفاهمة والو حيت باينة مشافتش الطرشة شافتني غير فالتاكسي وكتسول بيديها فين ماشية استغل الوضع كأنه كولشي عادي وهو فالحقيقة راه خاطفني قدام الناس بغيت نحل لباب مبغاش هو كان اسرع دغيا ركب وزاد انا بقيت كنضرب فالزاج وكنشوف رقية تابعة مسكينة التاكسي وكتغوت عييت كنغوت ونقمش فيه يوقف التاكسي والو جبد شي حاجة من لقجر وضار رش علية شي حاجة ودفعني من تماك معرفت شنو وقعلي انا حالة عيني ولكن مقداش نتحرك بحال مشللة فقط كنسمعو كيسب ويخصر الهضرة ويهدد انه غيخرج علية هاد نهار ويفدي فية لقديم وجديد....)
رقية: (بقيت واقفة مصدومة غيكون فهد اه هو للي عندو التاكسي قلبي وصل لفمي بغى يوقف علاش خداها بقيت جامدة فبلاصتي وغيركنبكي معرفتش واش نغوت ولا لحق عليها كنشوف حتى واحد ممسوق ما هي جوج دقايق حتى جا عماد ووقف بطموبيلتو حدا رجلي جا عندي كيجري شفت فيه كانو عينيه خارجين ومعصب)
عماد: (جبدت تيليفوني كنصوني على يونس واخا عارفو راه بعيد وكاين فالمركز حيت صباح عيطولو يمشي ومنين كيكون تماك كيدير تيليفون صيلونص كنصوني ومكيجاوبش كما عادتو عاودت كنصوني وكنسمع رقية كتشهق محيلتي ليونس للي مكيجاوبش محيلتي لرقية للي ميتة بلبكا ولا عائشة للي معرفت فين زاد بيها داك الكلب وداها بقيت كندور غير فالفراغ غيكون شماتة سلت لشي قنت يا ويييييلو هاد نهار عاودت صونيت على يونس ووالو مجاوبنيش بقيت كنضور وكنقلب فينما بانتلي شي تاكسي كنقلب واش هو...)
~~~~~~~~~~~~~~~~~
فهد: بغيتي تلعبي علية دور بنت الناس انا غنوريك ولاد الق** شنو كيسواو غندمك اايوم العطاية
عائشة: (غير كنضور عيني وكنبكي ومقاداش نهضر ولا نتحرك السرعة للي كان ماشي بيها خيالية بقيت غير كنشهد وخايفة من للي كيتسناني معاه ياريت نتقلبو فشي بلاصة قبل ميقيسني)
فهد: جالسة تبوزاي علية ولاعبة دور ماشي قدك قلتلك مشي معايا مشي غتربحي يا بنت الق** ونتي راسك مجلج ولكن اليوم مغيفكني معاك حد (شفتها فلمراية كتبكي) واخا تبكي الدم الموسخة والله مكاين للي يشدني عليك وجيبي داك ميخي ديال يونس يفكك ياك هو باش جاية كتهددي ونافخة ريشك بيه وجيبيه والله اليوم حتى نخليك كتزحفي ونتقب لمك الوالدة ولمصارن غير وجدي راسك مبغيتيش بالخاطر غيعجبك بالسيف الغزالة (بقيت كنكسيري باش نخرج من المدينة هادي شحال وانا قارق باش نشدها ولكن كل مرة كتفلت يا كتكون مع عماد يا مع داك لكلب ولكن اليوم كان عندي زهر مكان حتى واحد بفيت كنشوفها من لمرايا مزالة مقادرة تحرك ولكن غير كتبكي حيدت عيني عليها وبقيت مركز فطريق من بعد مطفيت تيليفوني باش ميصدعني حتى واحد....)
سامي: رقية واخا كتبغي لفلوس الا انا عارفها مزيان ماشي من داك النوع وعارف فهد ديما كيزيد فيخرات من عندو وكيحساب راسو يطيرها من سما شفت الوالدة جاية عندي خرجت من الطموبيل سلمت عليها
الام: دخل اولدي راه حشومة هادشي للي كدير فيه
سامي: الوالدة بلا مطلعيلي القردة لراسي حتى نتي
الام: اولدي ليلى كتبغيك وهي ام ولادك وبنت خالتك وهازاك
الام: لا ولدي طلاق لا كولشي كيتحل بالمفاهمة بقا هاد الايام بوحدك حتى تبرد واخا مسيكينة مدارتش شي حاجة مكدارش
سامي: شنا هو وداك الشوهة للي دارتلي فالكلية
الام: وولاد لحرام للي قالولها نتا ماشي طالبة ديالك وهي بغيرتها وشعلات فيها النار مشات بلا متفكر وحتى دابا ندمات وطلبات سماخة منك ماشي مرة ماشي عشرة كون سميح اولدي ونعل الشيطان
سامي: نجيك من لخر الوالدة انا كنبلاني نتزوج
الام: (بشهقة) اويييلي على تزوج ومرتك وبناتك والولد للي فطريق مدرتي حساب حتى لحاجة
سامي: مكتعرفيش شرع عطاني كتر من وحدة وزيد انا راجل وقاد على جوج عيالات هي راها مقابلة ولادها بغات تجلس مرحبا مبغاتش نطلقها اما انا غنتزوج بغات او كرهات
الام: حيت انا مك وعارفة فين كاينة مصلاحتك وللي نقولك اولدي رضى مع ليلى والسخط مع للي تزيدها عليها ونعل الشيطان اولدي وفكر مزيان فهادشي للي كتقول وكتفكر فيه
سامي: (بقيت واقف مشات دخلات للفيلا ودخلت لطوموبيل بقيت كنفكر مزيان وكنفكر فرقية للي خداتلي عقلي وكان عرفت راسي غنطيح فيها هاكا نهار اللول منرسمش عليها لغدر وندخل الدار من بابها ماشي نق** مع عمها وهي والعالم ولكن ماشي انا للي منعرفش نردها لية كما بغاتني نهار اللول تبغيني دابا... )
عماد: غنحماق فين غيكون خداها فيييييين وشنو كتعرفو على الكلب ديال فهد باش حاطها فدماغو هاكا
رقية: (مسحت دموع من عيني وانا مصدومة كدار عرفو فهد بلعت ريقي ودرت راسي بحال مسمعتوش شنو قال حتى زعزعني بصوتو)
عماد: رقيييية قولي علاش كيتبعها
رقية: (هضرت بلا منفكر) حيت مبغاتش تعطيه وقت وتهضر معاه وشد معاها الضد
عماد: (ضربت فلفلون وانا غنتسطى كندور فلخوا منين نعرف فين هي وفين داها عاودت صونيت على زبل ديال يونس مع الصونيط اللول مع جاوبني) امالك از*ي مكتجاوبش
يونس: (معصب) عماد انا ممساليش
رقية: (غرقت بلحشمة منين خسر الهضرة اول مرة كنسمو كيقول هاد الالفاظ)
عماد: كفاش ممساليش ابنادم مغنصوني عليك هاكا غير الا كانت شي حاجة مق*** واقعة
يونس: 😡😡 عماااااد قلتلك ممساليش
عماد: (شعلني) والنم عيشة هزها داك الكلب دفهد من قدام المعهد وداها سيف عليها
يونس: (ضرب فلفلون😡) وراني تابع هاد القو** حتى نعرف فين غيوصل بالله اليوم حتى ندبحو
عماد:(بصدمة) كفاش (تلف) وايلي بالصح
يونس: (بلغوات) واش بنت ليك انا فموقف نبقى نحلف ليك
عماد: وفينكم دابا انا كنقلب فلخوا هنا غنتسطى من قبيلة
يونس: شماتة خرج على لمدينة اجي من طريق شركة فراري ولكن قبل حط رقية فالدار شري كوردة مزيانة عاد اجي
عماد: واخا (قطعت معاه رتاحيت نسبيا ولا بزاف منين عرفت يونس تبعو كفاش تبعو معرفت حتى نمشي نشوف ولكن كلامو مكيبشرش غير الله يستر درت شفت رقية لقيتها مصدومة تفكرت منين خصرت الهضرة حداها نسيييييييتها ولكن كنت معصب قرستها فحنكاها) حبيبة يونس راه تابع داك الكلب انا نحطك فالدار ونمشي نتبعو
رقية: عفاك ديني معاك
عماد: رقية مماشيش نتسارا راه يونس الا شد فهد مغيتهنى حتى يقتلو
رقية: (تفكرت الا شافني فهد يقدر يقول شي حاجة على سامي وسكت) الحمد الله منين يونس شافهم علم الله حالت ختي مسكينة هئ هئ باينة غيكون ضربها
عماد: زعما يكون هو للي تعدا عليها داك نهار منين لقيناها فلبيت سخفانة؟؟
رقية: (شفت فيه) وكان كان هو غتقولهالي معرفتش معرفتش هي مبغاتش تقول إذا هو وهي كتقول خافت على خدمت يونس وفهد خدام معاكم بحال والو هو حمار ماشي راجل
عماد: (وصلتها حدا الدار وطلعت معاها) حبيبتي خلي تيليفونك مشعول غير نصوني جاوبيني متعطليش علية واي حاجة وقعات اي حاجة صوني علية لباب طرقيه مزيان حتى نجي متفتحي حتى لواحد واش كتسمعي شنو كنقول
رقية: (حركت راسي باه)
عماد: (هبطت بستها فشنايفها حتى عضيتها وتهزات) متحلي حتى لواحد شكون ما بغا يكون حنا مغنتعطلوش (خرجت طرقت لباب بالساروت ومشيت شديت طريق كما قالي يونس وشريت كوردا صونيت عليه لقيتو مزال كيصوك) واش مزال موقف ولا حس بيك تابعو
يونس: لا محسش طريق عامرة وانا بعيد عليه نتا مزال بعيد؟
عماد: اه مزال شوية يونس متهورش خلي حتى نجي
يونس: (قطعت عليه وانا فقمة غضبي قالك منتهوش شنو كيتسنى مني نتعرضلو بلبوس والاخضان حيت خطف البنت للي كنبغي زدت السرعة شوية باش نشوف غير واش تبانلي عويشة كيبانلي غير راسو بحال غير بوحدو للي راكب بقيت تابعو مور الطموبيلات حتى وصلنا لواحد لوطيل كيكون غير فطريق اغلبية للي مقطوعة بيه للي كيمشي لتماك وقف التاكسي وخرج وقفت انا الطموبيل بعيد وبقيت حاضيه بقا كيشوف يمين ويسار تجبد فتح باب التاكسي كنشوف كيهضر وكيضحك زدت جعرت مزيان الا شافني غيهرب بقيت متبت عاود صونا علية عماد قلتلو فين انا باقيلو شي نص ساعة عاد يلحق علية...)
فهد: بقيت واقف كنتجبد حدا التاكسي وكنشوف فجنابي كاين غير طريق ولخضورية وشجر قلت حتى تخوا الدنيا شوية ونخرجها شفت فيها كانت بحال شي وحدة مشللة وغير كتضور عينها خاص نقيسها بلما عاد تحرك جبدت جوج قراعي دلما كانو عندي موجدهم وبقيت كلوح عليها لما وانا كنتفرج بقيت كنشوف فيها مدة شعرها عمر بلما وجا نازل عليها ولحوايج لسقو عليها بينو كاع المعالم شفت فيها وانا غير كنتشهاها) منحتاجش لبسك شي حاجة غير هاكا وقيمتيهلي
عائشة: (غير كنبلع ريقي حسيت براسي قادرة نحرك يدي ورجلي
فهد: غير نكمل غنطلقك كوني هانية زعما الا قدرتي مزال توقفي على رجليك
عائشة: (كنحرك راسي بلا) لا عفاك خليني نمشي
فهد: ششششت (عنقتها بيد) نسمع حسك احبيبة او تبوهلتي وبديتي دمعي قدام السيد ندبحك معندي منخسر
عائشة: (بقيت كنشهق ونمسح دموعي كانت الدنيا خوات غير صوت الطموبيلات للي كنسمع كيجريو خفت بزاف) عف..
فهد: نسمع صوتك ندبحك والله حتى ندبحك
عائشة: (كنحاول نبعد عليه حتى حيدت يدو هربت من تحت يدو وشديتها جرية وحدة ميمكنش نسلمو راسي بهاد السهولة واخا يقتلني تايوم المهم منخليهش يقيسني وانا حانية راسي ومذلولة وديك الساعة الا بغا يقتلني غير يقتلني المهم نهرب بقيت كنجري وهو تابعني ضرت نشوف واش قربلي لقيتو واقف واخا هكاك تشجعت و زدت الوتيرة حتى ضربت فشي واحد وجيت راجعة باللور هزيت عيني بكل خوف تصدمت كان واقف بحال شي حيط عينيه كانو حومر ووجهو غيطرطق جرني بيد للي كانت بحال لقاط وجابني موراه مع الدوخة للي فية طحت بلا منحس هزيت عيني كيبانلي يونس شاد فهد ونازل عليه بلبونيات ومع الدنيا خاوية مكاين للي يجي يفاك جمعت رجلي لعندي و بقيت غير مصدومة وكنتسائل منين تسلط علية يونس كان ملاك الرحمة بالنسبة لية فهاد الوقت بقيت كنتفرج فلمدابزة وانا كنتخيل وكان مكانش يونس كفاش جا واش كان تابعنا وباش عرف فهد خطفني وكان مجاش شنو كان غيديرلي ومن تهديدو مكانش غينفرد بية بوحدو شفت يونس ضربو فكرشو حتى تكوانسا داك الكلب كنسمع غير تخصار الهضرة مسوقيش المهم نشوفو كياكل العصى يمووت ومنحنش غيه..)
يونس: (شديتو من لكول دعنقو وطلعتو لمستوى وجهي) غتبقى ديما تحتي الكلب وطامع فالحاجة للي تكون عندي وديالي
فهد: (شاد فكرشو وكيمسح الدم من نيفو) الحاجة للي مسميها ديالك هي للي ديما تابعاني وانا ديما غنبقى طوب عليك فهمتي
يونس: كتهضر بحال شي مرا الزا** ترجل شوية ولا رجع اللور صفق على رجال ومتبقاش محسوب علينا اشماتة على الخاوي حذرتك مرة وجوج بعد عليها (كنشير بصبعي ليها) ولكن مسمعتيش كلامي واليوم مغتلوم غير راسك (عطاه بونية حتى بقا كيدور) غنقتلك حيت فكرتي فيها (عطاه بونية اخرى) وحيت قستيها الكلب (كيهضر ولكشاكش خارجة منو)
يونس: (قبل ميكملها جريتو لعندي وبديت عليه بلبونيات حتى تكيتو منتابهت غير على صوت الطموبيل للي وقفات حدانا وعلى راسو، نزل عماد شفتو مشا عند عويشة نيشان وبقا كيهضر معاها وانا نفسي كنحس بيها غتوقف بغيت نقتلو نشوفو ميت ومتبدليش الفعلة للي دار هاد نهار تجاوز جميع الحدود الحمراء)
عائشة: (شفت فيونس كان مصعور وكيتسنى غير جوابي خفت منو بزاف يقتلو ويخرج على حياتو حركت راسي بلا) لا لا ماشي هو
فهد: هههه (حط راسو على الارض) حبيبة ديالي كتخاف علية
يونس: (بلغوات) هضريييي واش هو!!!
عائشة: (تزعزعت) هئ هئ اه هو (جمعت رجلي لعندي وخشيت وجهي بينهم وبقيت غير كنبكي وفنفس الوقت مقديتش نشوف فيونس للي كنسمع غير تخصار الهضرة والضرب وكنسمع ضحك فهد للي كيزيد يستافزو...)
يونس: (غير سمعت هو للي كان ضربها كنت غنتسطى لكلب كفاش تجرأ هاد لمدة كاملة وانا ناعس فدار غفلون مشيت جبت عصى من كوفر طموبيلت عماد ولقيت حتى لكوردة للي كنت وصيتو عليها جبدتها ولحتها حدا راسو غير كيجي يهضر ولا ينطق بشي حرف كنعطيه بلعصى حتى صحتو كتتهز وكيتنفض بقيت عليه بلعصى وزقل كنت بغيت نشوف روحو كتخرج باش عاد الا بردت هو مبقاش كيبان بكترة دمايات ومكيتحركش)
عماد: يونس الدري غيموت بين يديك
يونس: بغيتو يموت الز*** وقليلة فحقو
عماد: (مشيت حداه بغيت نزولو العصى) يونس نعل الشيطان غتخرج على راسك على ود بغل
يونس: (بلغوات) عمااد بالرب وتقرب حتى نزيدك معاه (جريت شماتة من رجليه وهزيت كوردا ربطت رجليه مزيا ياله غنربطو مع لحديدة للي خارجة من الطموبيل حتى لقيت عويشة شادة فية وكتبكي)
عماد: (انا واقف غير كنتفرج حيت حاس بيونس والنار للي شاعلة فيه وكان شي واحد يدير مع رقية هاكا منظمنش روحي نخليه حي ونقتلو بابشع الطرق ومنحنش فيه)
يونس: (بلغوات ودفعتها حتى طاحت) عييشة تحركي من حدايا قبل منشركك حتى نتي معاه وصبري على دورك
عائشة: ( خفت بزاف عاود وقفت منين شفتو بغا يركب فالطموبيل وشفت ففهد مغيب وكولو دمايات راسو كيقطر بالدم عرفت يونس شنو كان غيدير كان بغا يسلخو مع الأرض منين طاحت عليه هاد الفكرة مشيت عندو شديتو فيدو
عائشة: 😥 عفاك ايونس طلقو
يونس: محدها كترغب باش نطلقو محد كنبغي نخنقها كفاش دافع عليه دفعتها وبغيت نركب فالطموبيل
عائشة: منين طحت فالارض درت راسي سخفانة هدا هو الحل الوحيد باش يونس يتلهى فية حيت باينة شنو باغي يدير هو باغي يقتلو مافيهاش الشك وغيخرج على حياتنا بجوج بقيت مدة 5 الثواتي حتى كنحس براسي مهزوزة فسما ويدين يونس مزيرين علية)
يونس: (بقلق وضرب راس فهد) بالرب الكلب وتوقعلها شي حاجة حتى نرجع نقتلك وفينما كنتي نجبدك نجبدك... (ديتها لطموبيل للي خليتها مدرقة بين شجر وشفت عماد كيفك داك الكلب من رجليه وجرو دخلو للطموبيل عرفتو غيديه يتداوا محيليتي لداك شماتة نبرد فيه غير 1% من هاد الغضب للي فية محيلتي لعويشة للي طالعة معاها لموت عييت كنفيق فيها ولكن والو مكتفيقش يعني ضروري خاصني نديها من هنا دخلتها مزيان ومشيت ركبت مسحت يدي من دم داك الكلب وكسيريت نيشان لصبيطار...)
~~~~~~~~~~~~~~~~~
عماد: من بعد مركبتو كان فاقد وعيو ديتو لباب صبيطار ومع الليل كانت الدنيا خاوية حطيتو تماك قريب للباب وكسيريت غير مهتم لشنو غيوقعلو حيت اصلا محنيتش فيه مجرد كنتفكر شنو دوز على عائشة كنبغي نفور علاش هي وشنو دارتلو مجرد رفض منها يخليه يتمادا معرفتش علاش حاس انه كاينة شي لغز مفقود اما الا مكان حتى سبب غيكون مرييض وكتر من حيوان...
عائشة: منين سمعت الهرج حليت عيني شفت ضوايات عرفت وصلنا لوسط لمدينة ضار يونس لعندي يمكن طريق كاملة وهو كيقلب واش فقت.. منين شافني حليت عيني وقف الطموبيل حتى كنت غنطيح شديت راسي وشهقت حسابلي غي شي اكسيدون
يونس: واش نتي بيخير؟
عائشة: (غير سولني هاكا جلست وبديت كنشهق بلبكى خرج وجا عندي حل لباب غير وصل عندي سبقتو وعنقتو بكل جهدي وبديت النوح بحال شي وحدة ميت ليها راجلها هو كيلمس فظهري وشعري وكيطبطب علية بقيت كنقس فالوتيرة دلبكى بعد من حضني مسحلي دموعي ونيفي وانا غير كنشهق بلا بكى هزيت عيني فيه لقيت نظراتو مخنزرة وبحال كيلوم راسو ولا كيتحلف فية معرفتش شنو ردة الفعل ديالو بالظبط المهم مخنزر ولكن منين شفت لهرماكة للي عطى لداك الكلب خفت منو يدوزلي حتى انا شفتو هبط وطلع كسيرا بقيت ساكتة وكرتب الجمل شنو نقولو وكفاش نفهمو انني غير خفت عليه وعلى حياتو واكترية على خدمتو وقف الطموبيل حتى لقيت راسي قدام باب العمارة فين ساكن هو حلي لباب ونزلت حانية راسي سبقني وبقيت تابعاه مكرهتش نهرب لبلاصة ميلقانيش فيها خفت منو بزاف سكوتو غير مبشر بالخير طلعنا فدروج كنسمع فغير نفسو للي كتصوط بحال الريح ياله غنقربو نوصلو ليطاج ديالو فين ساكن حتى خلفت وهبطت دروج كنجري هاربة من للي كيتسناني كنحسو جبدني غير من كول عنقي من اللور مكلفش راسو حتى يهبط من دروج غير مد يدو)
يونس: (باستغراب) فين ماشية بالسلامة ولا لقيتيها عادة!!! (جريتها حتى وصلات حدايا)
عائشة: هئ هئ والله ماكنت ماشية معاه هو للي رش علية شي حاجة وكنت بحال مشللة مكنتحركش وضربني انا مبغيتش نمشي والله مبغيت قسما بالله ايونس والله مبغيت..
يونس: ششششت (شيرت بصبعي لدروج) طلعي للدار
عائشة: والله ايونس ممشيت معاه بخاطري و..
يونس: (غوت عليها حتى تزعزعات) طلعي وبراكة من الهضرة
عائشة: معاودتش معاه لهضرة طلعت سبقتو وانا قلبي غيسكت هاد نهار الا مطحتش كومة بهاد الخوف عمرني نطيح وصلت حل لباب دخلت ودخل حتى هو سد لباب
يونس: اه دوشي شنو للي جاك عجب ولا مكتسمعيش (بقيت كنصوط بكترة ممعصب وبقلة صبر) شوفي يا سيري دوشي بوحدك ولا انا للي غدخلك بيدي للدوش (قوس عينو فيها مزيان وطلعها ونزلها) وياريت تخليلي الحل التاني
عائشة: (مشيت كنجري لبيتو وسورتو حتى كنسمع بلغوات)
يونس: 😡 خلي لباب محلوووول
عائشة: حليتو ومشيت كنجري للدوش بقيت جالسة تماك وانا الدوخة قاتلاني وزيد الجوع ولكن الخوف هو سيد الاحساس للي متملكيني علاش بغاني ندوش (شميت تحت بيطاني) يا ويلي يكون باغي يغتاصبني مالقيت حتى حل خفت نخرج وانا ممدوشاش شعلت الرشاش سخون حتى لحمام ولا كولو بخار نقست من سخون حيدت حوايجي ودخلت تحت الرشاش...
رقية: اممم واخا نهز شي حاجة ديالي ونجي (جمعت ديك روينة ومشينا لدار عماد هز داكشي ديالو ومشا للخدمة لبست بيجامتي وشعلت التلفازة وفنفس الوقت بفيت كنهضر مع عماد فالتيليفون حتى نعست...)
~~~~~~~~~~~~~~~~~
يونس: (دخلت لبيت لاخر دوشت بقيت متكي على الحيط والرشاش خدام عقلي كان مكوانسي تفكيري غير فعويشة لماء كان كينزل علية بارد ولكن مكنحسش بيه حتى حاجة مبغات تبردني وطفي هاد النار للي غير مكتزيد تحرقني منظر ديالو منين قاسها وشدها فكتفها غيقتلني مكرهتش ندخل عندها دابا نفركها نسلخ جلدها على عظمها وميبقاوش بصماتو فيها ونقتلها عصى واخا عارف ممشاتش معاه بخاطرها ولكن المعنى واحد كانت معاه منقدرش نشوفها ومنديرلها والو مبغيتش نضرلها ماشي انا للي كنحكر على نسا ونضربهم ولكن هي حالة خاصة خاصها الجلد على رأس كل ساعة وغترجع تمادا... علاش مقالتهاليش علاش كتخبع وتزيد دافع عليه هو ضربها وعلم الله كفاش شدها وشنو دارلها داك نهار حيت هي مقالت والو وغتكون مخبعة بزاف (ضرب يدو) مجرد كنتفكر داك كنموت الف مرة علاش مقالتهاليش كون قتلتو قبل ميفكر الف مرة يعاود يمشي عندها او حتى يفكر حتى يقرب جيهتها غلطت غلطت وبزاااف ونفس الغلط كتعاودو مرارا وتكرارا وديما مخبية الحقيقة وعلاش هي بالظبط للي حاطها فدماغو هاكا نهار اللول قلتلها تكون صريحة معايا وهي فضلات تخلي اسرار بيناتنا للي ضراتها وضراتني كتر وكان مشفتهاش منين كنت ماشي نديرلها مفاجئة شنو كان غيديرلها وفين كانت غتوصل معاه عااارف فهد وكفاش كيتعامل حماار وحيوان فكولشي مرييض نفساني ميمكنش ندوزهالو هكاك يا ريت قتلتو ومنخليهش كيتنفس قاسني فاعز مكنملك واخا هي براسها خاصها لعصى... خرجت من الدوش وانا فقمة غضبي ميمكنش نمشي عندو ولكن نقدر نتاقم منو بشي حاجة اخرى مشيت للمكتب ديالي كتبت تقرير بفهد وكتبت انه #غير_متعاون وانه كيعرقل المهمة تحت اسباب طائشة ومبرهشة غرقت ليه التقرير مزيان وصيفطتو للشاف ديالي للي فالاصل كنا كاملين فنفس لبرومو وكيعرف فهد كداير بقيت جالس كنتسنى عائشة تجي ساعة ساعتاين ومزال مجات حتى فاض الكاس ودخلت عليها لبيت بلا دقان بلا احم.. )
يونس: ... ومزال مجات حتى فاض الكاس ودخلت عليها لبيت بلا دقان بلا احم حتى كلقاها ناعسة غير بلبنوار ديالي لحمام ومكمشة مشيت حداها بخطى ثابتة جلست فوق النموسية كان شعرها مزال فازك نازل على وجهها حيدتو ورجعتو اللور مسحت شي قطرات دلما على وجهها كانت صفرا فوجهها معرفت واش نفيقها ولا نخليها ناعسة محاسش براسي هو هداك باغي نعرف شحال من حاجة هي مخبعاها مقادش نتقلق منها بامكاني نعلمها درس عمرها تنساه فحياتها وممكن تكره نهار للي فكرات تعرفني فيه وديجا قلتلها غتشوفي وجهي التاني الا حصلت عليك كذبتي فشي حاجة ظنيتها تعلمات وخافت ووعات ان هاد العلاقة جدية ماشي غير دايزة ولكن خاطري مطوعنيش هاد المرة شنو عندي مندير وكما كيقولو اش عند الميت يدير قدام غسالو الا براسي نيت انا مساخيش بيها مقادرش نشوفها مقلقة او كتبكي يا ريت تفهم عصبيتي راه جاية من حبي لكبير ليها وغيرتي عليها علاش معطاتنيش الحق انني نكون ظهر للي كيحميها علاش عطات فرصة لكلب يقيسها ويضربها ويفكر فحوايج شيطانية يديرهم معاها كان عليها غير تقولي شنو وقع وكونت غنهنيها منو كلب حمار مزال غنتاقم منو مزيان جبت كاشة سخونة وغطيتها بيها طفيت الضو عليها وخرجت درت فلم نسا شوية وبقيت مريح مبرداتلييييييش فمرة...
~~~~~~~~~~~~~~
ابو لقيصر: ليث!!!
عماد: اه هدا هو داك الولد للي كيسوق التاكسي!!
ابو لقيصر: (باستغراب) اه هو ميمكنش منعرفوش ولكن شنو للي وقعلو وشكون دار فيه هاد الحالة عاد صباح كان صحا سلام
عماد: لا حولة ولا قوة الا بالله العلي العظيم (كنقرا فالتقرير ديالو) الحمد الله معندوش شي اصابات خايبة
ابو لقيصر: (باستغراب) جو خاصك نظاظر يمكن السيد كولو مدغدغ قدامك
عماد: اه مدغدغ ولكن باقي حي
ابو لقيصر: عاد قبل كان وقعلو شي مشكيل تعرضولو شي وحدين وهرسولو نيفو ودابا هاكا ياكما عندو شي اعداء ولا كيتعاطى
عماد: معرفتش حيت مكنعرفوش بزاف
ابو لقيصر: (قالها بشوية) مشكلة ليث ولا عضو اساسي فالمهمة
عماد: نعام!!
ابو لقيصر: والو غير تلفت معرفت هدا اشمن ظعوة خارجة فيه (خرج وهو تالف)
عماد: بقيت كنشوف فحالة فهد كان كولو فاصمات عندو زهر ديك لعصى كاملة وباقي حي وكان ماشي عويشة للي سخفات وكان راه مليوح فشي قنت كيتكلوه ذياب ومع هاد لبلاد كيعناو شهر ونص غيكون واقف على رجليه ولكن محد يونس معاه معمرو يهز الراس....
سيدتي الجزء التاسع
محتوى القصة
التنقل بين الأجزاء