المهدي ..« بدون ما يتحرك نطق » ..خايف نواعدك مانوفيش خايف نقول لك غانسا و نتي كلامك مايتنساش...
حليمة ..«قفزها حيت كان على بالها ناعس بقات غير تتشوف فيه تا حل عينيه و شاف فيها..» ..
المهدي ..« ناض تكعد شوية و قاس ليها راسها » .. كي بقيتي شوية؟؟
حليمة ..« عقدات حواجبها شوية » .. الى كنتي تتسول على الحرارة راهي نزلات اما لا كنتي تتسول عليا جوابي راك عارفو .. قلبي كسنزف و عيني كيدمعو .. هذا تلخيص لداكشي باش تنحس ..
المهدي .. « اكتفى بالتحديق في عينيها لمدة .. عاد ناض و رمى الليزار » غانصايب ليك شي حاجة تفطري بيها خليك مرتاحة ..
مهدي ..« رجع عندها مخنزر و فمو تيترررعد كاارز عليه .. عينيه فعينيها و نيفو قرب يقيس نيفها» .. ماخلينيش نتهور عليك احليمة .. انا ماااعندي علاش نندم .. عرفتي علااش ..حيت انا لااااخر لحظة كنت تنحارب على ود هاد العلاقة و لاااخر لحظة كنت تنبغيك و متقي فيك الله .. و لاااخر احظة كنت تنحااول نكوون الزوج المثالي ..
« تنفس بعصبية .. مكانش باغي يتعصب عليها و هي مريييضة ولكن تا هي ضغطات عليه.. حطات على الجرح ملح و هو جرحو مزاال فتي .. استغفر ربو و نعل الشيطان و رجع تكلم بصوت هادئ ..
المهدي ..رتاحي قلت لك ..راك مزال عيانة. .
حليمة .. « رجعات تكاات و عطاتو بالضهر .. غطات راسها و بقات تتبكي فصمت .. بقات فيه و ماعرف شنو يدير ليها ... زاد قرب ليها و تكى حداها .. و عنقها من اللور .. حط يدو على يديها جمعهم بزوج و زير عليهم .. و حط وجهو على كتفها تيبوس فيه بوساات مفرقة و يدوووز لعنقهاا تا هو تيبوس فيه كانو كيخبرها انووو غايحااول ينسى على ودها .....
كي صبح الحال فاك كيتكسل دخل للدوش ضربها بتدويشة .. توضى و خرج صبى الصبح عاد مشا صايب ليه فطور خفيف كيف موالفو .. شرب كاسو تالقهوة و ولبس مبابسو الرياضية لي كانو كاملين فالاسود.. هز سيارتو و توجه ديريكت لطرابزون .. الطريق كاملة و هو تيخمم فداك اللقاء مع الاب ديالو ولكن هاد الخطرة الجلسة غاطول شوية ميمكنش ليه ميشوفهمش خصوصا الام ديالو لي كل مرة تتشكي من اشتياقها ليه ...
قرر انه مايقول ليها والو و وصى يحيى تا هو انو ميخبرهاش باش ملتوجد حتى حاجة و تعدب راسها حيت فينما تتعرفو غايجي كتبدا توجد و تحط من كلشي ..
تواجد عائلة بالبشير في تركيا لم يكن صدفة او الاب كافح و جا لهاد البلاد .. و انما هو تزاد فيها ... لانه الاب ديالو من اختارها كوجهة عملية ليه .. و كذلك الكازينو ورثو على الاب ديالو ...
اختارو منطقة طرابزون اش يعيشو فيها بسبب الهدوء لي كان فيها نضرا لأنها كاينة في شمال شرق تركيا على ساحل البحر الأسود هذا غير الدار الكبيرة لي كانت على شكل فيلا او رياض كبييير كانت فديك الوقيتة معروضة للبيع بتمن رخيص لضروف معينة .. داكشي علاش الجد بالبشير قرر ان هاديك هي يلي غاتكون دار العائلة طول ما هوما متواجدين فتركيا و مجال عملهم طبعا غايكون هو الكازينو و هادشي لي وصى عليه ولدو...
الدقة ديال دينيز على الباب كانت معروووفة غير تيحط يدو على الخميسة لي فالباب تتحس بيه لالة نوال ...
كي حلات ليه الخداامة كانت نواال مورااهااا مبااشرة تتأكد من احساسها لي تمناااتو ميكوونش كيكذب عليها ... و فعلا غير تلاقات عينيها بعينيه طارت لعندو تتعنق و تبووس فييه و تتفرررغ شووق هاد السنييين لي مشاافتوووش فيهم و ما شبعاتش فيهم من ولدها ..
مت ديما كانت هازة فخاطرها على راجلها و تتقوول لو انه هو السبب فبعد ضو عينيها كيف تتنعتووو ... صعيب على الام تبعد ولدها عليها فسن مبكرة و ماتبقااش تشووفو غير فين و فين و تا لا شافتوو ماتاشبعش منووو .. و هادشي خلق فحوة كبيييييرة بينها و بين اسماعيل بالبشير الزوج ديالها ليومنا هذاا ..
نوال ..« تتبووس و تشم فيه» ... اللله علىى ضووو عويييناااتي الله على الكبيييدة راك حلم ولا علم .. راك قدااامي ولا راني نتخاايل فيييك ...
اليزيد ..« عاود باش ليها راسها و تكلم بجموود و على محياه شبه ابتسامة ..» .. كاتكبري و نزياني انوال
نوال ... هههههه الله على ولدي حبيبي نتا لي كبرتي ولازمك تفرحناا ..
اليزيد ..« عرفها اش تتقصد» .. الى غاتخلينا هنا فالباب نرجع بحالي حسن ليا ..
نوال ..«جراتو» .. اويييلي على ترجع.. زيد زييد راني غانشد فيك شدة العمى فالظلمة ..
توجهلت هي و وياااه للصالون طاالت بييهم الجمااااعة سولاااتو على حوااالو و خباارو كانت موحشااه فووق الخيااال و كيبقى فيها الحااال لانو تا لا جا مكيبقاش معاهم بزاف الى بقى تيبقى نهار او يومين وتا فاش تيبقى كلامو قليل مع الكل مكيبغيش الهضرة الكثيرة .. سلام لباس الله يعاون ماعندوش مع الجمايع ماشي بحال يحيى فاش ما بغيتيه تلقاه .. الجنايع المخاصمات النقاشات عندو مع الهضرة .. اما اليزيد كلمة زوج تيشعل يقلب لي قدامو و يزيد خلفة مع الطريق ..
كانت تتبغي غير تريح معاااه و تدوي معاه يجمعو و مايخليو فاش يدويو ولكن الغربة قساتو و البعد علمو الوحدانية ولا تيرتاح غير بووحدو تا لي سولو تيجاوبو على قد السؤال و يسد الموضوع ...
المكان الوحيد لي تيبغي يجلس فيه فطرابزون هو جهة البحر الاسود .. تما كيلقى راحتو وفاش تيجي تيقضي فيه اغلب وقتووو باش يكون بعيد على الكل .. سواء العائلة ولا حتى الناس لي ضايرين بيهم. .
بعد مدة ليست بكثرة عاد نزل الحااج فاش مشات خبراو الخادمة ان ولدو وصل .. تا هو بدوروو ماكانش متيق ... و ماعرفش واش يفرح ولا يتشطن .. ولكن قرر انه يضرب الحديد ماحدو سخوون بما انو جااا برجليه..
دخل عليهم للصالون القى السلام و نااض اليزيد قبل يدو و عاونو تا جلس .. مع انو هاز منو ولكن جامي يفوتوو....
اسماعيل .. الله يرضي عليك ..
اليزيد .. صحتك شوية؟؟
اسماعيل ..الحمد لله على كل حال .... من ايمتا و نتا هنا. و انا معندي خبر؟؟ بحال الى معندك بو تسول عليه ..
اليزيد ..« جالس و مفرق رجليه بطريقة رجولية»/.. كنت طالع عندك ..
اسماعيل .. امم .. مزيان .. شفتك ماعلمتي حد بهاد المجية .. ولا ناوي تاني تطل علينا و طير ..
اليزيد .. « عض فكو من الداخل و زير على رجلو .. عارفو علاش تيدوي» ..تنعلو في كل وقت و حين ..
اسماعيل .. تتخدم معايا التبوهيل؟ كون اكيد ماغايسلككش ..
اليزيد .. هاد الهضرة قلتيها لليزيد لي كانت عندو ش
سطاش عام .. و ماجابتش معاه نتيجة .. فنظرك غاتجيبها مع اليزيد ديال تسعة و ثلاثين ؟؟
اسماعيل .. كنقوول يمكن كبرتي و درتي عقلك ..
اليزيد ..« حط يديه على ركابيه و كلع فيه راسو» .. عرفتي شنو هي مشكلتي الواليد؟؟ مشكلتي اني درتىعقلي قبل الوقت .. و لدابا باقي عند كلامي ..
نوال .« كسرات كلامهم» .. الله يا ربي هنيوني .. بغيت شي نهاار تباقااو و ماتنااكرووش بحااال شطاحات المولد .. قهرتوووني صافي تهضروو فهادشي من بعد...
اسماعيل .. سيري شوفي هادوك لي فالكوزينا و قولي ليهم اش يطيبو للغدا .. ديري داكشي لي تيبغي ولدك .. خلينا ندويو شوية ..
نوال ..« تنهدات» .. شفتي اسماعلي و الله و يخرج قبل لا ياكل ولا نجي مانلقاااهش مااانسمحش ليك ليوم الديين .. ماشي كلىمرى غاطفشوو ليا ..
ناضت خلااتو وةهو مادااهاش فيها ولا تسووق ليها .. شاف فدينيز و كمل على كلامو ...
اسماعيل .. كوونةغير نعرف لمن طالع فهاد قصوحية الرااس ..
اليزيد .. يمكن ليك ؟
اسماعيل .. عندب ليك فكرة .. الى قدرتي ديرها .. وعد مني .. عمري نقول ليك رجع ولا قابل الكازينو ..
اليازيد ..« كيسايرو ..» .. قول لي عندك ..
اسماعيل... تقابل الكازينو
اليزيد ..« ماخلاهش يكمل ناض وقف و قاطع كلامو» .. الله يهنيك الواليد كنت جاي نشوفكم و نسلم عليكم
اسماعيل .. رييييح ماكملتش كلامي .. سمعني للاخر ..
اليزيد .. « زير على يديه بعصبية و استغفر ربو فسرو» . الواليد .. الله يحفظك مارانيش مزياان .. عقلي ماهواااش فبلاصتو .. عندي حوااايج شاغليني خصني نفكهم .. بللاااا ماتزيدني بهضرة كل مرة .. حفضناها و شربناااها و جواابي ديماا لااااا..
اسماعيل .. غير ريح .. ريح الله يهديك ..
اليزيد ..« جلس و حط يديه على ركابيه تيتسناه اش غايقول » .. هاهو جلس .. اش تما ..
اسماعيل .. شوف .. انا راني حاط عليك العين و عارفك فمدى قليلة قل من عام قدرتي توقف مطعم مكانش اصلا .. يعني جديد .. وقفتيه و جبتي الكلياان و راك غادي بيخير .. يعني كازينو لي عندو اصلا سميتوو و نااسو ماغايحتاجش منك مجهوود كبيييير ..غيير شهر .. شهر فك ليا الوحلة لي فيه و نضموو و ديك الساااع عمريك تسمع مني هاد الهضرة. .
اليزيد ..« عض على حنطو من الداخل و نظراتو تابثة فبااه .. تيضوورها فرااسو و بالو فيه غير حليمة و المهدي .. و بنا انه المهدي فداك الكازينو ختو ماغاترتاحش ...» ..صافي .. وعليه .. مشات الوليد .. ولكن كنحلف ليك بالرب العلي العظيييم الى سمعت منك مرة اخرى حس هاد الكازينو تا غانخسر عليييه محظر واحد نسدو ليك بالشمع الحمر ..
اسماعيل. .« ضحك و حرك رايو يمين و شمال .. عمرك غانبدل اولدي .. هذا هو ولدي ..
فاش دخلات علبهم نوال و لقات وجه اسماعيل مبشوور و اليزيد مزالو جالس طاح عليها العجب حيت عمرهم تلاقاو كثر من نص ساعة بلا مينوضووها .. لكن دابا جالسين و ما احلاهم .. ماعلقاتش ولا حلات فمها لا يقلبوها سبااط و هي ماتيقات غاي يمتا جلسو على طبلة وحدة .. دازت ديك العشية بيخير .. تغداا معاهم فطبلة بعدها مشا دوز بعض الوقت قدام البحر علد رجع خبر الام ديالو انو غايرجع لاسطنبول .. و فعلا رجع و كانت فنيتو ديك الليلة غايمشي يشوف الجواء فهاد الكازينو لي كان سبب فهاد الروينة لي عاش فحياتو.. الحاااج على بالو انو قدر يأثر عليه بكلامو .. لكن هوو كانت فباالو حبيبتو و ختو حليمة لي تتعاني الامرين و لي وااحد من الاسبااب ديال معاناتها هاد الكازينو ...
.....
زهرة .. « تتنفض فحوايجها» .. ناااري يا ختي ملقيتي فااين تحطي الحلوة غير فالكرسي ديالي اةووووف .. العصااب ..
كنزة .. « شادة كليميكس و تتمسح ليها » .. ناااري يا ختي غير سمحي ليا .. هههه نااري والله مقصدت تا نتي تتجلسي فينما جاب الله بلا ماتشووفي ..
زهرة .. صافي سيري اختي راني ماعندي تا منلبس .. حوايج الخدمة لبستهم من الدار ..
كنزة .. صافي غير تهناي ..
مشات كنزة تتجري تخبر السيد لي مكلف اما زهرة خذات تيليفونها تتصوني على المهدي لعله يجي يفك ليها هاد الخريرة و يوصلها بدل ماتشوه فالطوبيسات بهاد الكريمة لي مطبعة ليها فاللور و باينة كي شي ضرااپو .. لكن لا مجيييب .. تيليفوونو طااافي و حتى الخدمة ماجاش ليها هادشي خلاها تشطن عليه .. لكن ديك الحالة لي كانت فيها كانت طاغية عليها .. مالقااتش تا حل غير انها تحيد ديك الشوميزة لي لابسة و تبقى غير بالضووني وااخة كان معري النص فسدرها حاولت انها طلعو ما امكن .. عقدات الشوميز على خصرهاا غطى ليها ديك الكريمة لي كانت مطلية بيها و جمعات صااكها .. بقاات وااقفة تتسنى فكنزة تا جات خبراتها انو وافق تخرج بكري هادشي غير حيت المهدي موصي عليها اما تما كانت تبقىىى .. خرجات ديرييكت في اتجااه المكااان لي كاتاخد منو البيس .. مع ديك اللبسة جات عرياانة بزااف لي داز من حداااهاا لازم يقوول شي كلمة .. كي وقفات قدام البلاكة ديال الطوبيس كانت مخربقة و مامرتاحاش بهاد اللبسة خصوصا ان لبسها هي ماشي هكذا فالعادة يعني تا ديك الصاية القصيرة تتلبسها غير فالخدمة اما فالعادة لباسها محترم بقات وااقفة تا جاو حداها بعض الشباب تيداحسوو معااها نزلو من سياارة فاخرة ..كلها يقوول كلمة من جيه كانو بااينة عليهم شاربيييين و جاايين من شي باار ولا نايت كلووب .. خاافت ديال بصح و ولات كووولها حمرة بالاعصااب اعدى حااجة عندها هي هاد النكااان ديال البراهش و خصووصا بحال هادو لي كيكونو شبعاانين و تيصحاب ليييهم كاع البنات يتسنااو غير اشارة منهم ... بحال هادو دائما تتعتمد معاهم مبدأ النخااال .. حتى يعيااو و يمشيو بوحدهم
زهرة ..«وجهات كلامها لواحد منهم لي كان غايحط يديه على كتفها و حمرات فيه عينيها وااخة كانت ميتة بالخووف» Bana yaklaşma )متقربش ليااا) حيواناااات كلاااب تفووو ..
فهاد الاثنااء كان هو فسيارتو و بما ان اشارة المروور كاينة بجنب البلاكة ديال الطوبيس كان حاضي اش كيطراا .. غير شاافهم تمااداااو معااها و هو ينزل و خلاااص كي سمعها تكلمات بالمغربية جهل و حما الدم فعرووقوو .. توجه لعندهم دغيااا شد واحد من قرفادتو و حمر فبه عينيه ..
اليزيد ..« تكلم بالتركية »اش منا اااش بغييتو ؟؟
الشاب .. و نتا ماالك ماشي شغلك بعد من هنا. ...
اليازيد ..« شم فيه الشراب عرف باللمطوط شاارب» معرگها حرام و باغي باش تزها يا ولد العبد ..« عطاه بروصيا رجهو زوج ميترو للور تخبط على صاحبو و خزر فيهم ..شي كلب فيكم يوصلها نحسب ربي ماخلقوش .. يالله تكركبو ..
الشاب 2 .. سمح لينا اصاحبي ماعرفناهاش تبعك..
اليازيد ... و ياللله تصب عليا من هنا ...
عاونو صااحبهم تا داوه بقى حاضيهم تا تحركو و رجع شاف فزهرة .. طلع و نزل فيها و حجبانو طالعين للفوق اما هي مسكينة كانت في صدمة عجبها الجيست لي دار معاها. .. يالله بغات تحل فمها تشكرو و هو ينطق بالدارجة صدمها. ..
اليزيد ... ملي نتي ماباغاش لي يضصر عليك اش تديري هنا فهاد الوقت ..« طلع و نزل فيها» .. و بهاد اللباس ؟؟ .. الديفو ماشي منهم منك نتي. .
زهرة ..« تسرطات ليها الهضرة » ..
اليازيد .. « ضحك بالجنب» .. ولا هاد الطريقة تتشدو بيها الكليان التقيل 😉 ياكما خصرت عليك البيعة. ..
ضار قبل ما تجاوبو .. دخل لسيارتو ضرب بالباب و خلا موراه غا العجاااجة و زهرة مغددة تتاكل فجنابها ....
دخلات للدار تستشيييط من الغيض على عينهيا ضبااابة دموووع كيفاش لوااحد متيعرفهااش يحكم عليها من اول نظرة انها رخيصة ؟؟ كيفاش لواحد مامعاشرهاش يطلق احكام مسبقة هي لي من ديما محافضة على راسها و باغا تحمييي شرفها باي طريقة بالرغم من كاع الاغرائات لي قدامها من نهار حطات رجلها فتركيا .. لو كانت اتخذات الطريق الساهلة مكانش غايكون هذااك هو حالها .. مكانتش غادي تحنسر دابا ..
ضربات بالباب و توجهات نيشان لغرفتها .. نصلات دوك الحوايج و لبسات بيجامتها بقات امنية غير تتشوف فيها ..
امنية .. ياااا الشريفة ياك لباس؟؟ مالنا
زهرة .. خليني علييييك امنية ماناقصاااكش تا نتي ..
امنية ..« طلعات فيها حجبانها و مشات ريحات حداها »/.. يا و الله تا تعاودي لختك اش عندك مال الزين مكشر ؟؟
زهرة ..« بلعات ريقها»/ .. غير واحد خينااا طلع ليا الزمر ..
امنية .. الخدمة ياااااااك.. انا كنت عااارفة هاد الزمر ماغايجيش منوو الخييير ..
زهرة.... ماشي فالخدمة جنب بلاكة الطوبيس .. دابا انا توسخو لي الحوايج .. داكشي باش جيت بكري ... و وقفو عليا شي براهش تيضسروو عليا جا هو جرا عليهم و قال ليا هضرة بقاااات فيا و لي بقى فيا اكثر انه مغربييي ..
امنية .. اوا هادشي راه مزياان ولد البلاااد و وقف مع بنا ببادو فالحزة ؟؟ شنو لي ماعجبكش نتي ؟؟؟
زهرة .. لي معجبنيش الالة امنية .. هو كلاام هاد ولد البلاد ؟؟ عرفتي ااش قاال ليا ؟؟ قال ليا ملي نتي ماباغاش لي يتبسل عليك؟؟ علااش لابسة داك اللباس و علاش زاقفة هنا فهاد الوقت قال ليا ولا هادي طريقتكم باش تجدبو الكلياان .. متصوووريييش شحال بقى فيا الحال ..
امنية .. « برقات فيها عينيها» .. ولي ولييي على الز** لااخر .. اوا ااش قلتي ليه نتي؟؟
زهرة .. كيفاش اش قلت ليه؟؟ اش بقى عندي مانقوول هو غير رمى عليا دوك زوج كلماات و مشا فحاالو خلاني تنااكل في راسي .. تعصبببت والله ..
امنية .. يااا بنت القحبااااا متي علاااااش لي ماتجاوبيش الكلب حق مولااانا كوون كنت منك يا تا الحجرة ولا الزبلة لي جات قدامي نعطيها لمو. . هاكااوااا .. قالك ساكتة ليييه غاتبقااي هااكة طوول عمرك غشيييمة و حانية الراس خرجي ليا عينيك شوية فالبشري راه يليق لبووهم غا تخراج العينيين ديك السااعة شووفي كيفاش غايوليو كي القطوط ..
زهرة .. اااه ليك الحق تقووولي هاد الهضرة حيت ماشفتيييهش هيلك العجيب قدو قد السخط يد وحدة منو تجيبني مكورة سيمانة .. اما عينيه خلاص لو كانو قرطااس كان الله يتولاني برحمته. ..
امنية .. ياه على خواافة .. ولكن غزااا فيك من اييمتا و نتي تتلبسي المينياات من الدار .. ياك ديما تتهزييها تال الخدمة و تبدلي .. و زايداها جاية عريانة من الفوق راه بزازلك كاع طلو على الشعب الى مافخباركش ؟؟
زهرة .. تفووو راه طلعاات ليا الصااية من الووور .. ماشفتيهااش كي كاانت كاملة مطلصة بالكريم و الشكلاط ..
امنبة .. اوا خليه يبان كيتسالك شي حد شي حاااجة؟؟ علاه هاد خونا كون شاافك لابسة عادي و شاف الصاية كوسحة غاتكون ردة فعلووو هي هااديك لي شفتي اكيد لا .. و زيدون حاولي تخدمي بالنهار حسن ليك اختي .. و الله الى تنبقى مشطوونة معااك فاش تتخرجي ..
زهرة ..« تنهدات و تكات على ضهرها» .. خليها على الله دابا غانقلب على خدمة بالنهار و غانخدم تا بالليل ..
كي خرجات امنية هزات تيليفوونها من جديد تتصل بالمهدي ولاكن الحاالة هي الحاالة الرقم غير متاااح حالياا .. ماعرفااتش شنوو بيييه تشطناات عليه بزاف لانه اول مرة يغيب عليها هاد الغيبة .. تقريبا كانو كل ساعة متوااصليين لا فالواتس ولا مكالماات .. فاش غبر جاابتها عجب حيت مااشي ديالو خصووصا انه مجاااش للخدمة داااك النهار ..
بقى بالها مشغووول عليه .. ماعرفااتش علاش لكن كانت تتقنع راسها انه غير حيت عزيز عليها .. ااه اكيد انها تمنااتو وواكيد انه تيعجبها .. لكن لي هي تتاكدو لرااسها هي انها مستحييل توصل معاااه لدرجة انها تبغيه ووهي ماشاافتش منوو حتى تلمييح .. لانه الحب من طرف وتااحد هو اصصصصعب انوااع الحب .. و مستحييل انها طييح فيه و هو بنفسو اعترف ليها انه تيبغي وحدة اخرى .. بغات تنسييه فييها و بغااتو يبغيها هيي و يعترف ليها بحبو .. عاد ديك السااعة تعطيه قلبها اما دابا .. خصها تا تاكد من مشاعرو تجاهها .. بقات تتفكر فيييه و تخمم فشوو لي خلاااه ما يتصلش ولا يسول عليها .. و شنو لي خلااه غاايب اليوم تا على الخدمة لكن فالاخير غفااات من فرط التعب و العصبية لي خذاات منها طااقة بزااف ...
وقف سيارتو قدام الكازينو بقى تيشووف فارجاء المكان و داك الجو لي لطاالما كرهو و ماحنلش يعييش فيه ولا يخدم فه
يه ..واحد غير غايكون فرحان بهادشي و غايكون عاجبو الحال ان باه ختارو هو باش يشد الخدمة. موراااه لكن هو شحااال كات تيكره هاد الاجوااء من صغروو ..و حمد الله ان يحيى تا هو طلع ليه و اختار طريقة بيديه ماتسناااش تا يحدد ليه باه مصيييروو..
الكازينوهات غالباً تتكون بجانب أو مدمجة مع الفنادق و المنتجعات أو المطاعم أو سفن الرحلات البحرية أو أية أماكن أخرى جاذبة للسياح و كازينو بالبشير كان موقعو بين المطاعم و الفنادق و النايت كلوبات .. يعني موقع استراتيجي جيد لفحال هاد المشروع .. و بما انه قديم اذا معروووف و النااس لي تيترددو عليه كلياان قدام ...
لكن بما انه غارق فالديون حتى لي كليوون مااكاتزادش شي حااجة جديدة يعني غييير النااس القدام و لي ولفو المحل هوما لي تيترددو عليه داكشي علاش جا يعاين المكان باش يدرس المشروع و شنو خصو باش ينجحو .. دخل ديريكت لصالة القمااار ... اول حااجة لاحضها هي ان الرائحة ديال الجو كولها دخاان و خمر .. مكيناش شي ريحة زوينة لي تجر الزبون .. مع الدخلة جاو شي بنات تيضورو عليه ضناا منهم انه غايلعب و هذا مااشي اسلوب كازينوها .. المفروض الزبون هو لي يشاور على البنت لي بغا تكون معاه طيلة رحلة القمار ديالو ..
بقى تيضور فالارجا، و يعاين فالمكان محملش يدخل لهاد المكان ولكن ماعندو ميدير .. اهم حاجة هي يتفك من بااه و ميبقاااش يبرزطو و الاهم تاني هو يتعرف على هادي لي تلامات على راجل ختو ..
بعد ما ضار مزيان فالمكان رجع خرج من جديد و خلى انظار الفتيات متوجهين ليه .. لانهم اول مرة يشوفوه و الطريقة باش دخل و خرج بدون ميكلم حد ولا يلعب ولا تا حااجة لفتات انتباههم .. توجه للستقبال وةلي كانت فيه كنزة .. وجه ليها كلامو بلا ميشووف فيه و هي غا شافت قفزات حيت تحط عليها بدون لا حس ولا خبر ..
اليزيد .. بغيت لي مقابل هاد المكان ..
كنزة .. « بلباقة و الابتسامة على وجهها» .. علاش اسيدي كاين شي مشكل نعاونك فشي حاجة ..
اليزيد .. لي مقابل المكاااان ..« قالها بشكل متقطع » ..
كنزة ..« قفزات واخة تسنى دقيقة ..» .. شيرات للكارد »/.. اجي.. كلم مستر اركان « المسؤول على الكازينو فغياب المهدي » ...
تبع الكارد بودون ميتسنى .. مشا لجهة المكتب و لي منعو الكاارد يدخل ليه .. لكن جبد من بزطامو لتكترت ناصيوتال لي كان مكتوب فيه الاسم ..بدووون ميتكلم ... شير لبه بصبااعو باش يرجع لخدممتو و هو دخل للمكتب بدون استأذان ..
اركان .. شكون نتا يا سيد؟؟
اليزيد ..« مد ليه لاكارت بدون ما يتكلم ..» ..
ركان ..« ناض وقف. ..»/.. مستر يازيد .. تفضل ..
اليازيد ..«اشر ليه بييديه» .. غير جلس انا جيت غير باش نعاين المكان .. فين المهدي؟؟
ركان .. مستر المهدي ماحضرش اليوم ..
اليازيد ...« هض جنب فمو و هو تيشووف فالمكتب و تيتفحصو و رجع وجه لهي الكلام».. غدا نبغي كاع الموضفين يديو بكري .. مع 5 يكونو عنا .. غايكون عندنا هنا اجتماع .. مفهوم ؟؟
ركان ..« اشر براسو» .. مفهوم ..
خرج اليازيد بدوون ما يزيد كلمة .. اصلا مابطى عليه غير ايمتاش يخرج من تما مكانش حامل يزيد يريح فيه .. واااخة عارف رااسو بااقي تابعو شهر كااامل ولكن وااعد باااه و ماعندو كيف يدير مايوفيييش .. خصووصا انه عندو خدمة اخرى فداك الكازينو غير انو يقاابلو ..
بعد ما دار المعاينة ديالو عرف اش خاص و شنو كااين .. توجه ديريكت لداارو كان ديجا الوقت متاخر .. ديريكت شد فرااشو بعد ما صلى و تعشى لانه الغد لهي تابغااه الخدمة على داك الكاازينووو ..
كل واحد كيف دازت عندو ديك الليلة .. بدايتا بزهرة لي نعساات مفقوووصة و باااقة فيها حرقة انها مجاوباتش اليازيييد و مشطوونه على المهدي ... و اليازييد لي مجيتو لتركياا فووق الخااطر ديالو هذا غير داكشي لي ترغم عليه و هادششي كامل بااش يرضي و يسعد الاخت ديالو لي كيعتبرها قطعة من روحوو و قلبوو .. اما المهدي فادوز مع حليمة النهار كامل بدون ميزيد على لي بيها .. قرر انه يهدي معاها اللعب شوية لان هادشي لي تيدير تياثر عليها و على صحتها سلبا....
🌪اصبحنا اصبح الملك لله 🌪
صباح يكسوهه طقس الشتاء و رائحة المطر و لفحات الهواء البارد التي تجدد الانفس و تنعش الارواح ..صباح الهدوء والاجواء الجميله والامنيات الصغيره المتطايره نحو السماء مع روعة برد الشتاء ..
...
فاقت زهرة على صوت رسالة فتيليفونها. . توگضات لانها كانت دايرة فبالها انها غادي تفيق بكري باش تمشي تشوزف وكالات عقارية و تشووف شي خدمة لي هاتخدمها بالنهار تا هي ... حلات الرسالة لقاتها من الكازينو تيخبروها باش تجي ابكر على وقت عملها على حسب اجتمااع مع الخمسة .. طفات تيلفونها و ناضت خرجات للحمام قضات حاجتها و توضات خرجات صلات صلاتها و لبسات سروال جينز مع تريكو صوفية فالاسود لاسقة عليها و بالكول .. لبسات معاها لي بوط فالاسود قصار .. و طلقات شعرها .. دارت طقية على حساب الشتاااء و خرجات من البيت مشات ديريكت للكوزينا لقات خالتها تتقاد فالفطور .. كانت مزالها طايرة ليها منها ولكن ماشي فحال الاول حسات بلي قساتةعليها و تا هي من حقها تعيش حياتها و ماملزوماش بيها هي و ختها غير لي بقى فيها انها معلملتهاش على تيساه ..
زهرة .. « جرات الكرسي و ريحات» .. صباح الخير ..
زكية .. « ضارت ابتسمات ليها» .. صبااح الزين .. ويلي عاش من شافك اختي
زهرة .. اوا هاني مع الخدمة و الجرا....
زكية .. امم .. ماغاتفكريش و تعيدي النظر فديك الخدمة ديالك ازهرة .. راني خايفة عليك ..
زهرة ..«« حطات لي فيديها» .. شوفي ازكية .. الخدمة لي لقيت هي هاديك .. الخوف ماعندك لاش تخافي عليا .. علاش لو كان بقيت و مسمعتش انط غاتبيعي الدار كون راه غانترماو انا و ختي لزنقة .. و ديك الساعة ماغاتخافبش علينا؟؟
زكية ..« بقى فيهاالحال » .. و عند باالك انا غانخليكم ترماو للزنقة .. انا راني احسن ليا منتزوجش ولا نشوفكم مرميات فالشارع .. انا كنت غانقلب ليكم على الدااار انزهة قبل مانقولها ليكم ..
زهرة ..ماعندك لاش تقلبي لينا على الدار .. انا خارجة دابا نقلب على دار و على خدمة باش نخدم تا فالصبااح .. يالله نقدر نوفر فلوس الكرا ..
زهرة ..« نحات يديها» .. لا ازكية نتي عارفاني ماغانقبلش كنت قابلة نسكن معاك هنا حيت متتخلصيش الكرا اما كون راني تنخلصو معااك .. كيقوول ليك يعيا لي يعطي و ميعياش لي يشد .. و نتي طال الزمان ولا قصار غاتعياي و انا اصلا ماغانقبلش انك تهزيني لا انا لا ختي .. الله يكتر خيرك درتي فينا خير كبير لحد الااان و فيا انا بالخصووص .. نتي ماعليك والو من حقك الدار دارك وةنتي حرة فيها و انا غانلقى دار و الله يرزقني نشري داري تا يانا ..
ابتسمات ليها و خرجات متجهة لعند الصماصرية لي كانت قلبات عليهم فالانترنت ولقات نماريهم و عناوينهم ...
فاق المهدي على صوت التيليفون ديال الفيكس تيصووني .. مد يدو للكومود خداه و رد عليه و عينيه بااقيين معسلين بالنعااس ..
المهدي ...« مدوخ بالنعااس ..»-وييي ..
اركان ..باقي ناعس .. اعتذر فيقتك ..
المهدي ..ياك اودي لباس ..« تيحك فعينيه» ...
اركان ..مستر اليازيد بالبشير جا البارح للكازينو و طلب مني ننظم ليه اجتماع مع الخمسة تالعشية .. و اتصلت باش نهلمك اذا بغيتي تحضر ..
المهدي .. بففففف ... واخة ..
طفى التيليفون و رجع ضار على جنبو ..كان عاطيها يديه ناعسة عليها .. شحال كان موحش داااك الحضن .. شحال كان موحش يشوفها بين يديه .. واخة كانت غير ناعسة النهار و مطاال ولكن المهم هو قربو منها .. مد يدو نحى ليها خصلة من القصة ديالها زااد قرب منها و انفاسه اختلطات بأنفاسها .. حط فمو على فمها بقى تااابث مدة قبل ما يطبع عليه قبلات مفرقة .. و يديه طلعو لرقبتها تيتحسسها .. و نزل عليها بالبوسان من شفايفها لعنقها هادشي كلوو و هي محاسااش بالعاالم ... حط راسو على صدرها و وجهو مخشي فعنقها كيستنشق عبير عطرها لي كيخطف انفاسو و يديه مزال على عنقها تيتحسس فيه بلطف بقى على ديك الحال تا حس بيها غاتحرك .. رجع طلع باس شفايفها بوسات مفرقة و حيد يدوو بشوية بلا ماتحس و ناض من حداهاا دخل للدوش ضربها بتدويشة خفيفة و خرج يلبس .....
حيد يدوو بشوية بلا ماتحس و ناض من حداهاا دخل للدوش ضربها بتدويشة خفيفة و خرج يلبس .....
صوت حركتو فيقها من نعاسها .. فتحات عينيها بشوييية و هي تتكسل لقات المهدي واقف قدام المراية لابس سروالك كلاسيكي و شوميز بيضاء بدون ما يلبس معاها ربطة عنق كيف موالف ..ناضت جلسات شوي و دارت المخدة تحت ضهرها تتشووف فيه ..
حليمة .. صباح الخير ..
المهدي ..« ضار عندها تيشوف فيها بجمود .. قرب ليها مزيان تحنى تا قاسها فجبينها بضهر يدو » . شوية دابا؟؟
خرج و خلاها موراه ناغخة شفافهاا على حاالوو لي كل شوية مبدل .. مسكييينة ماعارفاااش وااش مغرقها حب و غرااام و هي في سابع نومة ..
كي هرج كيف قال ليها عيط لباريش الزوج ديال شيماااء و لي كاان هو و يااه تيوجدو لمشروووع مع شريك ااخر ..طلب منو انه يقوول ليها تمشي عند حليمة لانها مريضة باش تبقى معاها تا يرجع بما انه عندو اجتماع صباحي على ود مشوروعو و اجتماع مساائي فالكازينو ... و داكشي لي كان .. غير خرج هو بشوية جات شيلاء ولي كانت قريبة منها بحكم انها جابت بنتها من المدرسة...
فهاد الوقت كانت حليمة يالله ناضت جمعات حوابج المهدي لي خلى موراه طواتهم و مشات للحمام غسلات وجهها و قضات حاجتها كانت بااقة حااسة بروحها مدگدگة .. مشات للكوزينا و هي تلقى فطوور من مجاميعو محطوط ليها فوق الطبلة .. بالحليب و العصير و كاع داكشي باش تتفطر .. جلسات فوق الطبلة تتفكر و تفكر فمهدي لي تعاملو معاها من البارح لليوم تغير نوعا ما وااخة حسات بيه غايرجع تاني لقصوحيتو من نبرة صووتو باس خاطبها الصبااح لكن ديك الليلة لي باتتهت فحظنو كانت كفيييلة انها تخليها طاايرة بلا جنحين ..
بقات تتفكر تا سمعات الدقااان و صوت ايتين بنت شيلااء .. حلااات ليهم الباب و دخلاتهم للصالة ..
شيلاء .. يا لبااس غير قال ليا باريش راك مريضة هزيت البعلوكة و زيت تنجري ..
حليمة .. والو غير السخانة طلعات ليا ..
شيلاء .. ميكون عندك بااس احبيبتي .. و منااش ضربك البرد ولا شنو ..
حليمة .. شمن برد .. ضربووني الاعصااب اختي .. خويا و مهدي ضااربو .. كنت غانحماق البارح ..
شيلاء ..« باستغراب» .. يحيى يحيى ؟؟ علاش اختي غايضاارب مع مهدي بالسلامة ... ياك هوما من تزوجتو و هوما سمن على عسل ؟؟
حليمة .. لو كان جات فيحيى لباااس . وا الياازيد ..
شيلاء .. دينيز😳😳
حليمة .. ايييه ..
شيلاء .. ويلييي حي و ايمتا جا وعلاش ضااربو وعلااش جااا ..
حليمة ..« تتفرك يديها» .. هو بصراااحة .. انا لي قلت لو اجي راه مهدي تيخوني .. و فاش جا محملشاي يشووفني معاااه و كاااان باغي يدييين لو ما تشبتت بالمهدي ..
شيلااء ..«ضربات فخاضها»/.. اوييييلي على فقايصس انا و لمن غانعطيهم .. واش من نيتك .. واش داك بنااادم يقولو ليه النااس هادشي .. حمدي الله لي مقتلوش ليك ... تنعقل كانةغايقربلها فالعرس ديالك مع واحد خونا الرجال كاع يجرو فيه و هو كي الثور الهايج ..
حليمة .. اوا اختي اش غاندير .. فلحظة الغظب تتعمى البصيرة .. المهم انا راني حلفتو بحيااتي ميقول ليه و ميقوولش ليه بلي عرفتو تيمشي مع شي وحدة .. و قلت لو يتصرف ليا فهادشي دعي معايا غير يقدر يفك ليا المشكل ...
حليمة ..«/حمارو خدودها على استحياء ..»بصراحة هو لي قابلني من البارح و هو معايااا .. و نعسني فبيتوو .. تصووري الليل كلوو و هو معنقني .. متيقتش رااسي فينما تتضربني الفيييقة تنقوول واش انا تنحلم ولا بصح هادشي ...
شيلاء ..« شيرات على بنتها لي تتبقشش فالتلفازة» .. ريحي يحرق اصل بوووك بحالك بحاالو غا تتنبشوو .. «رجهات شافت فحليمة» .. راني عارفاااه تيموت عليك غير خاصااه وقيتة يتهدن .. غير غويينة و خرجات فيكم ..
شيلاء .. شوفي احبيبة نتي غلطتي و الله غفووور رحيم .. شكوون هو ميسمحش بالسلامة ..؟؟؟
حليمة .. زعما تظني يجي شي نهار و ينسى ..
شيلاء .. هو الرااجل غايسااامح بالحق صعييب ينسى .. ولكن نتي غاتخليه ينسى بالطريقة ديال التعااامل ديالك غاتخليييه ينسى و يكوون ليك ..
حليمة ..« تنهدات» .. مكرهههتش مكرهههتش..
بقات شيلاء مع حليمة ديك العشية كاملة .. هي و بنتها .. سلاوها ماخلاوهاش تقنط خصووصا بفعايل ايتين لي تيقتلو بالضحك بحكم السن ديالها كاع الوليداات تيكونو فيهم فعايل تيضحكو .. ولكن هي تلاقات بام اهبل منها ما كاين خالقين السفااادة بزووجهم الشيء لي خلى حليييمة غير تتشووف فيهم باعجااب بدسك العلاقة لي بيناتهم فحال صحابات مااشي ام و بنتها .. ايتين تتخلي الام ديالها ترجع فسنها .. تتخليها تولي وحدة اخرى ماشي شيلاء لي تيعرفوها كاع الناس .. لحظااتها هي وبنتها تيردو منها طفلة صغيييرة و هادشي خلااها تتمنى لو كانت ولدااات شحال هادب و ماقصحااتش رااسها ..
دخل للكازيينو وااثق الخطى يمشي ملكاا. .هاز كتااافو و خنافروو للسماا .. عينييه ما استقراات على تا وحدة من دووك لي كانو ملهيين بيييه تيشووفو فيه و يتغامزو عليييه ..
كان لاابس لبااس رسمي ماشي اول مرة يلبسوو و انما هادي من المرااات القلييييلة لي لبسوو فيهم لان اغلب لبااسو كاجول او شورطات ..
توجه ديريكت للمكتب و طلب من المساعد ديالو انه يجمع ليه كاااع الموضفين عندو بعد نصف ساعة ..
و داكشي لي كان جلس تكيف و شرب قهوة كحلة كيف عادتو ..و مشا ريح فمقدمة مائدة الاجتماعات لي كانت طوييلة بزااف .. حط رجل على رجل بطريقة رجولية و طلق يديه فوق الكرسي باهمال تيتسنى فيهم تا دخلوو وااحد مووور الثااني كولهم تصاافو فبلايصهم و جلسو بعد ما سمح ليهم بالجلوس حتى المهدي حضر ولي خذا الكرسي لي فجنبو هو المساعد .. بقاو تيتسنااو ااخر واحد يدخل عاد يبداو الاجتماع ..
كرسي واااحد لي كان خااوي هو ديال زهرة لي تعطلات فالفيستير حيت كانت تتلبس ...
اليزيد .. «ضرب بصباعو فوق الطبلة » .. اول حاجة خصكم تعرفوها هنا هي التاخير ممنوع .. و كانضن انني علمتكم قبل باش تجيو بكري ..
كنزة .. راه غير تتلبس .. د..
مزاال ما كملات هضرتها تا دقاات زهرة فالباب و دخلات تتجري حانية رااسها ..
زهرة .. سمحو لي على التأخير .. « جلسات حدا كنزة .. و تكلمات بهمس» .. ناري جاتني خالتي بنت الحرام هي لي عطلاتني جاب الله دايرة بحسابها ..
اليازيد ..« صغر عينيه و حقق فيها مزياااان اكيييد غايعرفها تبسم بالجنب و يا محااسن الصدف .. تكلم معاها بالدارجة مباشرة ....» . الاانسة .. هادي اخر مرة تتاخر ي.. المرة الجاية ماتوصليش المكتب ضربي دوميتور و شدي طريق داركم ..
زهرة .. « طلعات فيه راسها و ياااا صدمتااااه بقات غا تترمش و تبلع ريقها. .» .
زهرة ... « قفزات من بلاصتها و حركات راسها بالايجاب هادي هي لي تيقولو عليها صدمة العمر .. لي قمعها البارح و خلااها بايتة تتغدد هو نفسو لي جالس على كرسي الباطريون » .
اليازيد .. مزيان .. اول حاجة غانعرفكم براسي.. اليازيد بالبشير .. مديركم الجديد و ابن اسماعيل بالبشير ..نتمنى يكون دماغكم خفيف معايا باش نهزو هاد الكازينو مابااغيش الاغلاط نهائيا. . مفهوووم ..« ضور عينيه لجهة زهرة لي في ساع حدرات راسها »..ماغانبداش نعاود ليكم فالمشاكل ديال الكازينو.. كيف ما تتشوفو ولا غارق فالديون بسبب المساهلات لي ولاو فيه .. الى بغيتي تخدم فالكازينو هنا خص قلبك يكون قاصح.. مانبغيش شي واحد يتهاون فخدمتو طول ما انا هنا .. كيبان ليا مكينش هنا لي عندو افكار تزيد بيه للقدام ..
المهدي .. الكازينو ولا احسن من الاول .. و تفكو عليه بعض الديون .. نهار جيت لقيتو غارق و مابقى ليه والو للفاييت.
اليزيد ..« ضور رايو و طول فبه الشوفة .. انا مالغيتوش حسن من الاول!! .. انا مابغيت يبقى عليهتا سانتيم الحمر... و خاصين كليان جداااد يدخلو .. سواء كاانو اجانب او اتراك .. المهم بغيت الجديد يدخل ..
اركان..كانت عندي واحد الفكرة .. عرضتها على مستر المهدي و كنا فصدد تنفيذها .. قلنا علاش منديروش اضواء حمرين فالكازينو بحال الشكل الكلاسيكي القديم و لي معروف على الضوء الاحمر انه تيعطي نوع من الاسترخاء ..
المهدي ..الاضواء شرينلهم مزال ليهم غير يتركبو ..
اليزيد .. مزيان .. بالنسبة للرائحة تا هي بان لي الداخل غير ريحة الشراب و الدخان فقط ..
اركان .. تمام غانشتغلو على هاد الموضوع تا هو ..
اليازيد ..اه نبغيك تشوف ليا البانويات ديال الاشهارات لي تيكونو فالطريق شكون مسؤول عليهم ..
اركان .. واخة غدا يكون عندك ..
اليازيد ..تمام .. دابا بغيت نعرف كل واحد شنو خدمتو هنا ..
اركان.. انا مساعد الاخ مهدي .. لانو كان مسؤول على الكازينو فغياب الاب ديال حضرتكم ..
اليازيد ..«/عينيه مشات مباشرة لزهرة لي بان علهيا التوثر ..» .. نتي ؟؟
زهرة ..« بلعااات ريقها فاش نغزااتها كنزة عرفات الهضرة علبها طلعات راسها لقاتو تيشوووف فيها بطريقة مستفزة ضغطات على يدها و جاوباتو» ..انا مع كنزة .. مسؤولة على الاستقبال ..
اليازيد ..« حرك راسو و ضار ..»/..شكون مسؤول على الروليت...
كمل تعرفو على الموضفين .. و وصى كل واااحد على شنو يدير .. حط قائمة جديدة بااش يمشيو عليها بلان يقدر بيه انه يزيد يجيب كلياان جديد للكازينو و يفك عليه الديوون .. امازهرة طوووول ديييك الجلسة و هي مريحة على الشوووك .. هذا غير الوجع لي بداا تيشد فيها و زااد كااع كرزها من الخلعة من هاد بنادم لي مكااانتش متوقعة انها تشوووف مرة اخرى .. اما هو داارت فراسو طيين 😅 وعرفها علاش كانت واقفة فالشاارع فدييك الوقت و بدااك اللبااس كيف لا و هي خدامة فالكازينو .؟؟ لي تيعتبرو هو مكان نجس !!! .. طول الجلسة و هو ضاربها فيها بتخنزيرة .. ماعندوش مع بحال هاد البنااات لي تيخدمو فالليل .. خصووصا فهاد الامااكن .. مع انو تربى خارج المغرب و عاش مع النصاارة و وسطهم الا انه رجل متزمت بطبعو ماعندوش مع الانفتاح و بالنسبة ليه دووك البناتت لي تيخدمو فالليل كةلهم مايسواوش .. حس بخاطروو ضروو فاش شاف بناات من بلااادووو خدامين فمكان فحال هدا .. مزال كنزة خبراتو انها غاتخلي الخدمة من بعد ايام بسبب الزواج ديالها .. بقات زهرة و لي كان تيرمقها برصاص الموووت تا هي فضلااات انها ماتشووفش فزجهو نهاائيااا .. تا كملو الاجتمااه و سمخ ليهم بالخرووووج.. لكن شكوون خلااك ..
اليازيد ..«شير ليها» .. نتي جلسي
زهرة ..«/عقدات حوااجبها و تكلماات فخاطرها»/.. واااش الخدمة لي مشيييت لهيا غايخرج ليا شي معقد يا سيدي ؤبي علاااااش🙏
مهدي ..اليازيد باغي ندوي معاك فواحد الموضوع ..
اليازيد .. « رفع حواجبو باستفهام» ..
مهدي .. بغيت نخرج من الخدمة هنا ..مابقاتش عندي وقت ليه ..
اليازيد ..« بكل بساااطة» .. خيااارت قرار جا فوقتو ..
زهرة طاااحت علييه هضرتووو كيف السم ..؟؟ كيفاااش يمشي و يخليها تا ولفات معاه الخدمة .. ماحسات بؤاسها تا تبعااتو ةلكن وقفها اليزيد بهضرتوو.
اليازيد ...«ضرب فالبيرو تا نقزات من بلاصتها و مهدي تا هو ضار عندو»/.. رااااني دويييت و قللللت نتي ريحييي ...
المهدي ..«معجبوش الحال»/.. علاش تتغوت ؟؟ ..
اليازيد .. نتا كمل طريقك ..
امهدي طلع و نزل فيه و خرج خلا زهرة مكمشة فبلاصتها و تتسناه يجري عليهاااا وهو بشوووية بشوووية قرب ليها ..
اليزيد ..اش سماك الله؟
زهرة ... «طلعات راسها و بلعات ريقها» .. زهرة ..
اليزيد ..« حط بصبعو لحيتو» .. امم .. سمعني ازهرة .. هضرتي ديريها فودنيك كول مانتي حدامة هنا .. الوقت هي الوقت .. داك التهاون نسايه .. و فاش نقول شي كلمة مانحبش نثنيها.. حيت لا تنيتها غاتقلقي .. مفهووم؟؟
كلامي نبغييه يتقاال ليه واااخة و نعاام .. كلمة اخرى تصرفي مغايعجبكش ..
زهرة ..« بغات تجاوب ولكن حمررر فيها عبنيه و هي ضرب الطم ..» .. نقدر نمشي دابا؟؟
شير ليها بيديه و عطاها بالضهر ..كون ما حشمات كون عطاتو لقفاااه .. خرجات و سدات موراها الباب مشااات للمكاااان ديالها و الدخااان تيخرج ليها من الودنيييين ..لقاات غير المهدي واقف تيتسناااها تما ..
المهدي « شافها معصبة عرف اليزيد عصبها» .. اش قال ليك داك الهمجي؟؟؟
زهرة ..« طلعات فيه راسها و جاوبااتو بانفعااال ..» .. فين كنتي البارح كاااملوو؟؟ عييت نصيفط لي ميساااج عييت نصووني تيليفووونك طاافي فييين غااابر بالسلااامة
المهدي ..« طلع حجبانو باستغراب من لافاصون باش دوات» كان عندي غرض تنقضيه ..
زهرة ..« انفاعلات اكثر» .. على اساااس مااكانعرف علييك واالو ؟؟ ياك تتقوول لياا كوولشي ؟؟ كنتي دييما وااضح معايااا لحد الااان تجي تعبر يومين .. يومين و انا تنسووول عليك ووماعارفة منين نجيب خبااارك باللبل بزز نعست و انا ماعارفااش تا اااش بييك اذا كنتي تتهرب مني غير قوولها
المهدي ..زهراااا؟؟؟ اااايه كاالم طواا؟؟ لااش تدوي معااي بهااد الطرييقة بالسلامة؟؟ ااش درت تيليفوني كان طافي ؟؟ معنديش الحق نطفييه:؟ مكين والو من هااد الهضرة لي تتقوولي غير تهدني انا عارفك معصبة غير سمحي لياا ..
المهدي..« ضار لعندها و مد ليها يديه جرها عندو شوية عنقها» .. تهدني مالك قولي لي ااش بيك؟؟؟
زهرة .. « ارتاحت شوية فصدرووو» ...عييت كولشي مخربق .. و جا هاد الزممممر تا هو كمل عليا بدوون سبب تيضوور فيا مالي انا من دووم الكل بانت ليه فيا ..
مهدي .. « بعدها عليه شوية و هو عند باالو هذاااك حضن اخوي كيف ما هو عندووو» .. ماتديش عليه هذااك ديري خدمتك و ماتديهاش فيه وااخة ..« مسح ليها دمعة طاحت من عينيها» .. منبغيييش نشووفك تتبكي ..
زهرة ..« ابتسماات ليييه ..المهدي بالنسبة ليها هو البلسم لي تيداوي الجرووح تنهدااات و هي تتمنا ايييمتااا يقوولها خلااص و يعترف باعجااابو بييها بااش تقدر تخلي لقلبها فرصة يبغييه » ّ.. ماتبقااش تطفي تيليفونك ..« بخجل » .. تتخلعني عليك ...
المهدي ..« تنهد ..هو عارفها اكبيد انها تتكن ليه مشااعر ووهادشي تيباان من كثرة الاهتماااام ديالها هادشي لي تيخلييه يخبي عليها زواااجو » .. واخة .« عنكش ليها شعرها» .. تا نتي ماتبقايش تقلقي على والوو ..تافقنا؟؟؟
زهرة ..« ابتسمات ليه » اتفقنا ..
هادشي كلووو كان مرااقبو و تيشووووووف فيه .. بقى ملااااهي معاااهم صووت و صوورة لان المكان كان خاااوي و الكاميرات قراب .. كووولشي دااز على عينيه هنا عرف بلي صاااحبة دعوة ختوووو هي زهرة .. هو اصلا من الاول خدا عليها نضرة خاايبة زااتد دابااا عاااد كملااات البااهية معااااااهاااا .. ناااض من بلاصتو و خرج متجه لعندهم
وقف عليهم مطلع حواجبو .. تيشووف فيها شوية. . و يعاود يشووف فالمهدي .. حط يدو على كتفو و ميل فمو للجنب ..
اليزيد .. عندك شي حاجة هنا ملي مزال مامشيتيش اشريف؟؟المهدي ..« ضار عندو» .. هاهو غادي ..
اليازيد ..« شاف فزهرة لي غير بان ليها كحلات بالعما » ..نتيااا ماغانمرضش بيك مخي .. داك التصلگيط لي تديري على برا مايدارش عندي هنا...؟؟ مفهووم ..
زهرة .. كيفاااش؟؟؟
المهدي ..« ضرب فيه تخنزيرة » .. اسيييي جمع فمك و عرف رااسك ااش تتخرج ..
اليزيد ..« ربع يديه و طلع فيه حواجبو ..» .. سفتك ضربك علبها النفس .. ياك لبااس ؟؟
المهدي .. بديتي كاتزييد فيييه نتا بزاااف ..
اليازيد ..« طلع حجباتو مزيااان و قوسهم حايش راسو عليه غا بززززز و دوز لسانو على شفتو بعصبية » كانزيد فيه .. تبعني ..
خرج اليزيد بعد ما ضرب فيهم تخنزيييرة عاااالمية ... غادي و تيتوعد فيييهم ..
اليزيد ..« تيجبد كاارو من البكية بعصبية» بربي تا ندوز على الز** بوكم الصراط المستقيم ..
غير خرج تبعو المهدي تا هو معصب .. اما زهرة المسكينة طاحت فوق الكرس يديالها جلسات و عينيها بغاو يدمعوو حسات بالاهانة ..ماعرفااتوش تا علااش تايعاملها كي الجفاااف و هو متيعرفهاااش اصلااا .. ماكرهااتش لو داارت كبف داارت مع عمر .. ولكن هاااد المرة محتاااجة تبقى ميمكنش ليها تتصرف بتهور مع ان انفعالاااتها كانو تيطلعو ليها للمخ ديالها .. و ضهر هادشي بوضوووح على وجهها ..كان تنفسهاا سريييع بكثرة الغضب مكرغاتش كوون تقدر تغووت بألى صوت بدووون ما يسمعها تا واااحد لكن ااش غاديير حكن القويي على الضعييف .. توجهات ديريكت للحمام بااش تغسل وجهها ووتبرد عنقها لي شعلات فبه العافية بالعصااب ..
اما المهدي مشا ديريكت لعند اليزيد لقاه واقف حدا الجيب ديالو كيتكيف مع راسو و هو طالع لييه الدم من هاد التصرف لي تصرف قدام زهرة حرجو و حرجها ..
المهدي .. اش بغيتي ؟؟
اليزيد ..«رمى الكارو و عفط عليه برجليه» طلع. . « توجه للمكان الخاص ببه و انتبه ان المهدي مزالو واقف تيشوف فيه بغيض »/..يا غاطلع يا تشوه هنا؟؟
المهدي .. سير غانتبعك بطونوبيلتي ..
زفر بعصبية و طلع فسياارتة .. كسييرا و تم غااادي فطرييق تتدي لخاارج المدييينة .. يعني بلااصة خاااوية و مهدي تاابعوو يشووف فين غايوصل بييه
وقف السيارة فمكاان خااااوي الدباانه فيه تزنزن تسمع صداها...
نزل من سيارتو حيد ديك الفيست رماها فسيارتو و تبعها الكرافاط لي كانت شاانقاااه و توجه ديريكت لعندو غير خرج المهدي و هو يشنق علييه و لسقو مع السياارة ...
المهدي ..«بغا يدافع على راسو بالحق غفلو و عطااع برووصية قصح من الصغر ..» ّّ
اليازيد «جرو من الشوميز و ضربو على شجرة باجهد تا حس بضهرو تقسم» .. عندك يصوور ليييك هاااد الرااااس اني ماعارف وااالو .. رااااه خنزك وصلني لهيييييه .. و على ودك جاااي .. انا يااااا الكلب لي خليييت ليييك امااانة تصووونها صدقتي تتخوونها؟؟؟
المهدي ..« شنق عليه تا هو» ..ااااش تتقووول نتااا اااش تتقووول ..
اليازيد .. شوووف هووما زوووج كلماااات .. يااا غاتگووود و تشد الطرييق معاها يا غاتق***د و تشد طيااارة للمغرب مانعاااودش نشوووف زا**ل بوووك كدوور بساااحتها
المهدي ..«ضربو لصدرو بيدو دفعو شوية » .. قلت ليييك المرة لي فاااتت ماتدخلش .. ماتدخلش ليا فحياااااااتي الباااشااااار... نخووونها ولا نعرف وحدة اخرى نتااااا مااالك ..واش عمري جييت دقيييت قليييك قلت لييك افلااان علاش تدير هااادي ولا علاش تدييير ديييك .. لاااا اذاا كوولها يدخل سوووق راااسو .. و مراااتك ولات تحت طوووعي مرتييي حلالي.. يعني خرجااات من تحت جناااح بالبشييير واااخة تكووون ختك سمعتيييينييي ..
ديك النظرة لي كانت فعينيه كانت تتعلن على شي كااارثة طبيييعيية غاتوقع يا تسووونااامي يا اعصااار .. كيفاش يتجرأ يدوي معاااه بهاد الطريييقة .. تيقوول ليييه هو مااشي سووقك بعد ما كااان هو الملاااك الحاارس لختووو طيلة دووك السنيين واااخة بعيد علييها كانت عيينو ديما معاها؟؟ هو لي مارتااح تا تزوجاااات و قااال اخيرا غايجي لي يتحمل مسؤوليتها و يصووونها؟؟ .. و فالاخير شنو دار خاانها ز بتخرااج العينين مزاالل .. اصعب حاااجة ممكن يحس بيها اليزيد هي انوو يشووف ختووو تتعذب قدااامو و قلبها ضارها .. من انساان لي هي تتعبرو الحياااة بالنسبة ليها و هو ماعلا بااالوووش بيييها؟؟
تجمع الدم فعرووقووو و حمااا كثر حس بالغضب فضييع اجتااح كيانو .. اعدى حاااجة عندو هي شي حد يرد عليه فالهضرة و يتناقش معاااه .. و هادا مااشي غير تيتناقش معااه هذا راه تيتنهض فيييه و هو من الاشخااص الحامببن لي متيتقبلووش الهضرة و الكلاام الزااايد. ..؟؟
ضةر رايو يمين و شمال تا تسمع صوت من عنقووو لي طرطقووو ... كان المهدي تيصاايب فالكووول ديال الشوووميز ديال بسرعة البرق مشا شنق عليه من جدييييد و ضربو برووصية هاد المرة اقوى بعشر مرااات من المرة لي قبل .. هاد المرة جاابو مليوووح للارض .. عبنيه تشقلبو ولا تيشوووف غير ضباااب جلالة غمات على عينيه فديك اللحظة ضن انه غايفقد البصر ...
نزل عندو و حط لي ركبتو فوووق عنقوو و جر شعرووو بااش يتقاابل معاااه وجهوو مزيااان وااخة كان تيشووفو مضبب ..
اليازيد ... بربيييي و تزييدي شي كلمة اخرىىىى تا حياااتك غاتسااالي على يدي ... « جروو من شعرووو مزيااان و خبطوو مع الارض ... كان كارز على سناااانو و عينيه معررررقييين و حووومر بالعصاااب لي طلع ليه للرااس » .. انا ختييي از*** كااان يصحااابلي مخليييها لراااجل .. ساااعااا صدقت مخليييها لشمااااتة .. ماقاادرش يحاافض علييها بلاااصة ما يصووونها كبخووونها ..« هز يدو كمشها تا كمشهااا مزياااان و قصح الضقة جاابها ليه فحنكو خاااه يرعف الدم .. ماقنعش ابدااا واش يقنننع .. زير عليه بركبتو مزيااان تا قجووو
اليازيد ..« « شدو من شعرووو مرة اخرى و خبط لييه راااسو مع الضصصصص. . » .. بربيييي و مزاااال تسمع و لااا نشوووف على الكلب لييي قاااالها ليييك شي حااااجة مانعقل على طاسلة جد بوووك .. من يدي للاااخرة
..نطرو و ناض ساااس فيديه .. و رجع دوميتووور لسيااارتو كسيييرا بيييها خلااا مووووراااه العجااااجة تتصفگ و المهدي طااايح دماياات فوجهووو و يالله تيرجع شوية تالنفس ..
بنفس العنف رجع للكازييينو .. الطرييق نووض فيها اعصااار بالغبرة .. عفطة وحدة لي عفط و كيضووفل فالسيااارااات و يسب لي جاا جيييهتو اما الكلاااكصووون لعلك ترضى .. مكيقدرش يسيطر على اعصاابو خصووووصا فهاد الموضووع لي سبب ليه شحال من حاااجة اولهم مجيييتو و داااك الكاازييينو لي ولا مرغم تنه يقاابلو و يتواااجد فييه في كل وقت و حييين ..
من طبعو ماكيبغيش لي يفرض عليه شي حاااجة ..وصل لهااد السن و تا واحد ما قدر يقول ليه ااش دير و ااش ما دبيير بقى تااا ناااض الشيب فنوااضروو عاااد ولااات يدووو تلوى .. ولكن كوولشي تيدووز غير فوجه حليييمة .. وقف السيااارة قدام الكاازينو و جبد تيليفوونو ضووور لحليييمة ..
اليزيد ..« تيحاول يدوي مكالمي ..» .. ماعندي والو .. غير بغيت نسول فيك واش كولشي هو هذاك؟
حليمة .. لاااا كوولشي مزيااان احبيبي غير تهناا ..
اليازيد .. خياارت .. نخليك ..
حليمة .. تهلاا فرااسك اخوويا ..
قطع معااها و حط تيليفوونو فجيبوو .. ودخل من الباااب كاانو ديييجا القماارااا كيف تيسميهم مااشي الكليان تيحضرووو مع الدخلة وجهو فوجه زهرة لي اجتااحتها رعشة و عقدااات فبه حواجبها .. عض حنكو من الدااخل بعصبية ..
من نهااار شاافها فموقف البااس بديك اللبااس كاان فقرااارة نفسووو كيقوول انها درية نقية بالرغم من لباسها و فاااش قااال ليها ديك الهضرة كانت ناابعة غييير من واااحد شااف فيها بسطحية .. بغا غيير يورييها كيفااش تيشووفوها النااس بالرغم من انهىخذا نضرة خايبة نوعا ما الا انه كان متأكد انها ماااشي من دووك الدريااات لي تيوقفوو يصييدو ..لانها لو كاانت بااغية داكشي كانت غاتتجاوب مع دوك اللي وقفو عليها خصووصا تن سياارتهم تتبيين على مستوااهم المااادي .. ولكن هو كان بااغي يغير منها بطرييقتو و ماتصدمش فاش شاافها و عرفها خدااامة فالكاازينو عندهم ديك السااعة عاد عرفها علااياااش كانت فدااك الوقت المتأخر فديك البلاصة .. ولكن الصااعقة لي حطاات على رااسو هي فااش شاافها مع المهدب .. و سمع كلامهم .. و شاافو و هو تيعنق فيها و يعااملها بحميمية .. هنااا حماااات فيييه و ديك الاقتناااع ديالو بانها درية نقية بالرغم من داااكشي لي شااف بعينيه تحول مءة ستيين درجة ..و دااكشي لي مكانش ضاانو فبييها هو لي خداااه عليها حااليااا ..
قرب ليها دااير يديه فجيااابو و على وجهوو نظرة يااربي تلطف ..مال شوية لجهة الكونطوااار و تكلم بجموووود و حدة ..
اليازيد .. نتيي .. تبعيني للبييرو ..
مشاا و خلاااها مبلووكيااا لا هي ولا كنزة لي برقات فيه عينيها ..
كنزة ... الحمد لله يا ربي مابقى ليا والو هنا يا ربي السلامة يا ربي السلامة .. « نغزات زهرة » .. تي ااش درتي ليه؟؟
و فييينها زهرة .. ماقدرات تا تجاوبها تقووول ليها غا فيين تنعرفووو تنا اصلااا باش ندير ليه شي حااجة .. فديك اللحظة حسااات بزلزااال داخلها بكثرة ما تترجف .. ديك الشووفة لي دااار فيها غا ديال القتيييلة لحد الااان مزال ما عرفااات مالو معاااها و علااااش حااك نحاااسها .. زعما راهو ولد بلاادها خصوو يعااملها كيف المهدي .. لكن ماااشي الكل بحال المهدي .. هي غا من شاافت اليازييد زااااتد كبر المهدي فعينيها على التعاامل و اللطاافة و الحنااان ديالووو معااها ..
هزات تيليفونها خشاتو فحزام الجيبة ديالها و مشات تتجري للمكتب ديالو حلاتو و دخلاات كاان وااقف و تيسد الصداافب ديال شووميز ديالو ..
اليازيد ..جيبي ليا قهوة كحلة بلا سكر و قولي ليهم الداخل يوجدو ليا الميكرو ..
زهرة ..ولكن ..
حبسها بيدييه و شير ليها بااش تخرج .. ماخلاااهاش تا تكمل لبه بغاات غير تقووول ليه انا ماعمري دخلت للداخل و مابغيتش ندخل لدااك الجو بارااكا عليا لي تنشووف فبراا مي ماعطاهااااش فرصة تتكلمة .. حنااات رااسها و خرجات مغددة و تتكال فشفايفها .. المكااان الوحيييد لي مكانش عندها فضوول انها دخل ليه و هو عااام ااه دخلات شافتو فاش كاان خااوي مزال تا كلياان ما وصل لكن هاد المرة غادخل ليه و هو عااام بفجوول الليل .. طيلة هاد الشهر و هي خداامة بعيييدة علييهم حدها حد الباب تستقبل لي جا و تودع لي مشاا و هوهي دابااا مرغمة انهااا تولي تدخل ليه ببز عليها ..
بالفعل دارت لي قال لها توجهااات ديرييكت للكوزيناا حطات الكبسوولة فالماكينة و تسناااتها تا وجدااات و داتها ليه قبل ما دخل دقاات الباب مرتين و تمت داخلة تتقرقب بالطاالون مع كااان السقييييييل حط يدو على جبهتوو و عصرها كااان حاااس بصداااع رهييييب .. غير حطات ليييه القهوة طلع فيها راااسو ..
اليازيد .. « « ارتشف من قهوتوو و طلع فيها راسو» ..سبااط متحت و هنينا من صداع الرااس .. سيري قابلي خدمتك ..
وجهها حمااار ولااتي كي مطييشة من كثرة ما تعصبااااات..تنهدات و خرجات كضرب برجلييها باااش يزييد الطاالون يدييير الصوووت اكثر .. هذااا هو حدهااا فردة الفعل ديالها مالقااتىكي ديير تجاوبوو ..
خرجااات لعند كنزة تتغدد بالفقصة وقفات حداها و عضات فشفتها و صبااطها تيضرب فالارض بغضب ..
كنزة...... ياكما ضبرتي عليها ..
زهرة ..اوووف راه هي لي ضبرات عليا يخ .. يخخ .. ماالو معااياا الله و اعلم ..
كنزة .. شنوو بغاا منك؟؟
زهرة .. قال ليك الالة انا من اليووم المسااعدة ديالو و اي حاااجة نبغيييها نتي تلبيها ليولييي . .
كنزة .. هههههههههه و شكوون بحااالك اختي هاناي غاتقاابلي مع تيتيز ..
زهرة ..« عوجات فيها» .. اييه و غانولي ندخل و نخرج من عند القمااارااااا ..
خلات كنزة واقفة تضحك عليها حيت كانت معصبة بطريقة طفوولية و تتاكل فجناابها .. توجهااات ديريكت لصاالة القماار .. كي حلات الباب و شافت عااالم ثاااني ..
حياة القمااار .. و شاافت النااس لي متينعسوووش بالليل..تيباتوو مبرقييين و تيغاامروو ..مكيهمهمش الفلووس .. المهم يا ربحة يا ذبحة ..شااافت دووك الفلووس لي راهي في امس الحااجة ليهم فهااد اللحضة و هاااهو ما غا تيضييعو حد مامسووق ليهم ..
«هاد العاادة ديال القمر .. انتشراات في العصر الجاهلي و هي طبعا عادة سيئة تتعتمد على الحظ و النصيب و بعيييدة كل البعد عن الجهد داكشي علاش تحرماات شرعاا .. »
توجها للجهم ديال الفرقة الموسيقية لي تيعزفو و لي منهم غاتاااخد الميكروو .. ردات الباال للسيدة لي كانت تتوجد انها تغني .. حققات فوجهها حيت كانت عاطيااها بالضهر .. لقاتها ميري .. تخطااتها و مشات لعند واحد من لي سيرفور لي كيااخدو الطلبات..
مشات قربااات ليها وااخة ماكانتش بااغة تدوي معاها .. من اول نهار محملاتهاش و بااااقي نفس الشعووور .. تتنفر منها لانها تتباان شخصية متكبرة و عااااجبها راسها كيف لا و هي بنت واحد من اكبر رجال الاعمال في تركيا .. ولي بغاتها ديالها بلا ماتحل عليها فمها ..هذا غييير الرجاال لي تابعينها و هي مامعبرااهمش ..فاش تتنيش تتنيش على لي يدخل دمااغهاا وااخة يكوون ميكسااب عشاااه المهم تتسمى حصلات عليه و فالاخير فاش تقنع غرووورها تتخليه كانه عمرو كان فحياتها ..
زهرة ..« قربات ليها» .. لييدي الله يخلييك عطيني المايك
على صووتها العااالي تلفت اليازيد لي كااان يالله دخل للصاالة غير سمع الغوتة ضااار عندها مصغغغر عبنيه و تقدم لعندهم كانت زهرة ياللله غاتمشي و شراارااات الغضب تتطااير من عينييها و هي تزدح فيه .. طلعات راسها بان ليها هو و جدو ليها لركاابي ..
زهرة .. احم ..سمح ليا ..
اليازيد .. «وقفها ليدو » اشنو واقه هنا؟؟؟ ..
زهرة ..جيت ناخد منها الميكرو و بدات تتغووت علياا ..
دارها وراه و تقدم لعند ميري لي كي شافتو طلعات حواجبها .. كانت هادي اول مرة تتشووف شخص فحالو بوقفتو و هيبتو و وساامتو .. حلى فعينيها من الدقة اللولة .. عضات على شفتها و هي تتطلع و تنزل فبيه تتعبروو مزيان ..
اليازيد .. « مد ليها يدو .. » ..
ميري ..« على بالها مد يدو يسل معلبها مدات ليه يدها و ضحكات باغراء ..» .. ميري ..
اليازيد ..« نطر يدو و عاود مدها و مطلع فيها حواجبو ..» .. المايك ..
ثوران دينيز الجزء الثالث
محتوى القصة
التنقل بين الأجزاء