البعد على محبووبتوو خلاااه يتهووور .. من عرفها وااش مشااات مع اليازيد بخاااطرها و هو حاالو ماااهو حاااال و لي زاااد كفروو هو انه هو السبب ف انها تمشي هو لي عطاها كلاااق قاااصح و صعييب اي وحدة تحملوو ..
عاارف راسو غلط و عارف رااسو مزالو تيغلط حيت هي طلباات السماااح ولكن ما اهتمش ليهااا .. كان تيقوول مع راسو غاتستحمل ..و ماعندها فين تمشي..نسااا واش دار بااها مفتوووح ليها في اي وقت و عاارف رااسو لا مشاااا تا خلااها ولا طلقها خير منو غايديييها و على اثر هذه الافكاار شرب و سكر و ماخلاا ما داار نهار و ليل و هو يضرب الطااسة ولاات غدااااه و عشااااه تا جااب الكااااو ..
فاش حرك سيااارتوو كاااع غاادي لعندهااا باااغي يردهااا يدييبها بالسييف علييها هي ديييالو تا وااحد ميقييسها ميقرب ليهااا مكاانها هو دااارو و حضنووو هادشي لكن هيهااات هيهااات تجري الريااح بماا لا تشتهي السفن بسبب السكر ديالو كثرة الشرااب تا جااب الربحة قلب الطونوبيل فالمنحدر و ديك الطرييق كاانت كااملة منحدرات وصلها تال تم و قلبهااا ...
فديك اللحظة المهديي ماعرفش ااشنو وقع غير انه بزز قدر يخرج من السياارة و هي مقلوووبة خرج زااحف على يدييه و. الدمايات تيشرشروو منوووو ....من كثرة الالم ماكانش حاس بحتى حاااجة فجسموو صحييحة ..و بعد احظة قصيرة من خروووجو من تحت ديم السيااارة ل يكانت معجوونه و كقلوووبة على وجهها لقى رااسووو ماقاادرش يحس برجلييه .. و ماقادرش يوقف نهائياا كمية الالم لي فضهرووو خلاتو يستلقي على الارض... و ما هي الا دقاائق و جااات الشرطة مع الهلال الاحمر و نقلووووه للمستشفى لكن فالطرييق اغمي علييه من كمية العياااء لي كان تيحسسس بيييه ....
يمكن تكوون جزااء من الله على العذاااب لي دوز على حلييمةمع انو تيموت عليها؟؟ ولااا على تلاعبو بزهرة و برائتها ؟؟ ربي وحدو لي عااالم ....
بعد ما صلى الصبح ديالو لانه فوت علبه الفجر بسبب حلييمة .. حيت مانعسش تا رجع طمأن عليها واش نعسااات عاد قدر ينعس ...ماارس روتينو الصبااحي و رجع للدار مشا ديريكت عند حليمة بعد ما دوش .. طمأن عليها و شااف حالتها كبف ولااات واااخة الحزن مخيم على قلبها ولكن كاانت احسن شوية من الباارح ..
توجه لغرفة ديالو دوش و بدل حوايجو .. لبس سروال اسود و شوميز فالابيض خشااها فالسروال و لبس معاهم موكاسان فالاسود... ..دوز على شعرو بيصبااعو ورش باارفااانو .. توجه للبلاكار جبد ساعتو دارها فيديه و هز الفيست تاعو يالله كان غايخرج و هي دق عليه نوال .. خذا تيليفونو و خرج لعنها ..
اليزيد ..« هز فيها حجبانو » .. وايلي الواليدة صافي .. بلا حلوف واخة غاندير لي بغيتي واخة فووووق الخاطر ..
نوال ..« صغرات فبه عبنيها» .. احياني علة فوق الخاطر .. يالله سير الله يرضي على كبيدتي .. ههههه ..
فوووق الخاااطر ... هههه هلديكلمة مااشي فمحلها بالمقاارنة مه صدروو لي طلق رييح سخوونه خرجااات من نيييفووو تتحرق كي تذكراات زهرة ..كي خرج من الدار خذا تيليفونو و اتصل بزهرة. .
قطع الاتصااال و ماقبل يسمع منها تااا كراام ديالا الاعذاار..
.......
كأي عرسااان خصهم يتعاارفو على بعض قبل الزواااج ..هادي هي هضرة نوال لولدها ..هو ماعدووش مع هاد الجووو ديال العلاااقااات و التخربييق ديال البنااات ..لكن مابغاااش يخصر لن
ميمتوو و في نفس الوقت بغااا زهرة تتعود علييه و على طبااعوو .. و هو صيتو عااالي غير من الشوووفة تعرفووو شخصييتو قوية طبعوو قااسي و صلب ... و صعيييب اي واااحد يعرف كيفااش يتعااامل معاااه ...
وقف سيارتو قداام الباب ديال دارها كيتسنااا فيها تخرج .. غير كلاكصوونا مشاات تتجري لبسات صنيدلى صميطاات فالاحمر .. حيت كانت لبساات كسيوة طويييلة تال التحت سامبل و مغطية حط الكووع .. شوية مفتوحة من الصدر لكن قفلاتها ببرووش هادشي لي لقاتو مليوح قدامهااا. .. اصلا هي غير صونا عليها و زربها ماخلاش ليها الوقت فين تقلب ما تلبس داكشي لي جا قدامها لبساتو و مشات تتجري .. لقااتو موقف الاوطو قداام الباب مبااشرة و و خارج متكي على الكوف مكروازي رجليه و تيكمي .. .. توجهات لعندو وقفات قدامو .. مدات يدها تصافحو ..
زهرة .. سلام ..
اليزيد ..« حرك راسو و هز حجبانو و حطهم بمعنى السلام و صااافحهااا» .. دخلي غاتجيك ريحت الدخان . .. نكملو و نجي .
حركات ليه راسها بالايجاااب و مشاات ديريكت ركبااات فالسيااارة نطر ااخر نطرة و رماه عفس علييه برجلييه و توجه لمكاان القياادة .. دخل و ديماارا فييسااع للمكااان لي غايديها يتغداو فيه....
الطريق كاملة تا حد فيهم ما هضر .. ملي صوونا علييها و قاال ليها غانجي نديك نتغدااو فشي بلااصة و قطع ماعاود حل فمو .. تا وصلو للمكان لي كااان بعيييد على المديينة .. مقهى صغيير مطل على البحر .. مبني من الخشب و مبني على الضفة منو للبحر .. حتى الطرييق لييه اغلبها بيست ماموصلاااش لي الشاانطي .. قلالين الناااس لي تيعرفوووه داكشي علاش دييما فييه عدد قلييييييل تاع الكليااان .. او بالاحرى .. تيجيو لييه غير عشااااق الاسمااك المشوية و لي دايقيين و عارفيين بنة الحوووت ديال موول المطعم و طبعااا مكاان بحال هذاا ماغايخفاااش على اليزييد كااان عاارفوو من صغرووو و عارف موولااه ..
خرج من السياارة دار نضاراتو الشمسية و مشى لجهة زهرة لي حلات الباب مد لهيا يدو بلا ميشووف فيها .. شدات فيه و نزلات ..بغات تحيد يديها لكن زييير عليها و بقى شااد لها فيدها تا فااتو الحجر لي كان تيعكل خصوصا انها لابسة صنداالة ماشي سبادري .. نواال وصاااتو يغديييها و كان عند باالها غايديها لشي مطعم انييق و هو جايبها لمطعم شعبي ..المهم مكان صالح للاكل و بس ...
مع انه مطعم شعبي و قدييييم الا ان منظرو زوين بوااف .. شير ليها تجلس فالكرسي واحد خشبي طوييل و جلس حداها ..
اليزيد .. « تلفت ليها» .. يدك باردة !/..
زهرة ..« فركات يدها لي كانت مگلاصيااا و مع داالك عرقاانة .. مسحااتها بالكسوة ديالها» .. احم .. ااه . تتبرد ليا ..
اليزيد .. « تيشووف غير فالبحر ..»مناش متوثرة؟
زهرة .. متوثراش ..« بتلعثم» .. غير .. احم ..
ضار تيشوووف فوجهها وتقااسييمو بملامح غير واااضحة على وجهوو بتاتا . بقى موووودة تيشوووف فيها و تيقرا حركااتها و عينيها كي تيرمشوو و يمشيو لللجنب كل شوية و هو تيتنفس على وجهها مباشرة حيت كان قريب منها بلا ميدوي ميتكلم ..
بغاات تسوولو و انا اشنو غاندير ؟؟ فين غانبقى و ماقدرااتش ..حركااات فقط راسها بالايجاب و شافت جهة البحر بما انه ماقاالش ليها هي شنو غادير فااش يمشي و اصلا ماتوقعاتش منو يقووول ليها اماا هووو لي كاان فباالو فدييك اللحظة و لي تسناها تقوولو هو وااش غانمشي معااتك و لا .. لكن ماسولاااتووش ..تا هو شاااف جهة البحر بلا ميقوول لبها تا حرف ....
بعد مدة من التأمل و كل وااحد فيهم تيتسنا لاخر يدوي .. واخة فالحقيقة غير هي لي تتسنااه يدوي اما هو جنتو ه ي السكاات ... مااشي فحالها هي عزيزة علبها الهضرة و هادشي لي كان عاجبها فالمهدي ..كاان دائما مهتم بادق التفااصيل و يبقى مجمع معاااها عكس هااد الشخص لي بارك معاها دابا !! الى ماتنهض فيها ميدويش فحال حنيين فحال النااس ..
بقااو مريحيين تا تحط ليهم الغداااء قدامهم ..حيد الفيست ديالو و كفض على الشوميز ديالو ...
جبد الحووت من الطبسيل الكبير و حطو ليها فطبسيلها عاد حط ليه هو .. بداا كياااكل بنهم و تيتلدد و يصدر همهمااات تثبث ان ديييك المااكلة لااا يعلى عليييهااا .. جاابو ليهم السلطااات و بدااا تيخلط شي فووق شيي و يااكل بلا ميشوووف فدييك الزهرة الرقيييقة لي حدااااه لي تتشوووف فهااد الدب القطبي لي قدااامهل تياااكل بحاال شي مفترس و هي حراام وااش مداات يدهااا ..
اليزييد عندوو كوووولشي بالقيااس الا الحوووت .. هو وياااه عشق لا ينتهي خصووووصااا انه مااكلااهش من لي جا لتركيااا ..
اليزيد ..« شاف فيها بدون سابق انذار» كوليييي!!
زهرة ..«قفزات» هاا .. اه كناكل « خذات السلطة» ...
اليزيد ..« حرك راسو و ميل فموو للجنب ..خذا الحووتة ديالها من طبسيلها قشرها و حبط ليها الشوووك ..خذا منها شوية بيدوو و مدووو لجهة فمها ..» .. حليي فمك. .
زهرة ..«😯😯 حلات فمها بلا هوااهااا»
…في المغرب_تحديدا مدينة أگادير .. في حي معروووف انه شعبي.. مسمى ب « الخيام ».. هاد المكان اغلبية النااس لي ساكنين فيه صحرااوااا ولكن فييه نسبة من الشلووح تا هوووما....
جالت مگفضة البيجامة ديالها و خاشياها من الجناب فالكيلوط ديالها و كريشتها بااينة منها بحكم انها فشهرها الخامس ( هادي حركة متيعرفوهااااش بنات الفشوش😂 ) ..
بعد ما ضرباتها بتجفيفة للدار و سالاات شغااالها كاامليين.. حطات الصينية فوق الطبلة قدام رجلها وجلسات حداه .. جرات الصينية لعندها و بدات تخلف فأتاااي قلبااات و شقلباتت مزيااان عاااد خوااات ليه كااسوو ..
عز الدين ..« خبط الكاس من الطبلة» .. و نتي الالة اااش دااك تشوووفي فييه و لا فطونوبيلتو؟؟؟ هاااا ؟؟؟
ليلى ..« تكمشات فبلاصتها» .. واراه غير مشيت نتسخر و شفتو و كانت قالت ليا خالتي علييهم و صااافي. .
عز الدين ..« خزر فيها » .. اوا الله يعميييها لييك ااه....
جميلة .. الله يهديييكن باراكا من نگيير ..وليدي بغيت ندوي معاك ..
عز الدين. . ياك لباس امي ؟؟
جميلة .. ختك زهرة.... جاها عريس ..
عز الدين ..«/حط داكشي لي فيدو» .. اشنو هو؟؟
جميلة... كيفاش اشنو هو ..؟ .. وا كنقةل ليك ختك واحد الرااجل طلبها لزواج ..
عز الدين. . و فين شافها و هي فااخر دنيا؟؟
جميلة .. راه هو الرجل لي خدامة عندو .. مغربي و عايش تما..
عز الدين .. كيفااش « تغوبش اش هاد البلان تااني.
جميلة ..انا عاارفة داك دماااغ ااش تيدووور فيييه..شوووفي ختك انا تنتييق فيها .. و هي قالت ليا مابينها و بينو والو طلبها ديريكت لزوااج غير هو ماغايقدرش ينزل لمغرب .. قالك خصنا نمشيو عند زهرة باش يخطبها منا. .
عز الدين ..« خبط يدو على الطبلة»/. هادي جديدة تاني .. منييين امي منيييين غاندييب فلووس المشيااااا ..
جميلة ..لا راهىقالت ليا هو غايقطع لينا الي و روتور .. غير تهنا ..باااين الرااجل شاااريها ..و هادشي لي بغيينا ..
ليلى .. الله يسهل علييها تستااااهل.
جميلة. ... بغيناا نفرحوو شوية الله يرضيي على وليدي لما واافق. .
عز الدين .. « ناض وقف» .. خصني تا ندوي معاها عاد نفهم البلان مقاد .. نووضي نتي بغيتك .. الوليدة خليت ليك الراحة هاد الياعة غانرتاح شوية قبل مانخرج تاني نترزق .
جميلة .. سييير اولييديي الله يرضي علييك ..
وجودها معااه تيخليها مدهشرة خايفة حشماانة ..تتحترمو بوااااف تيجييها كبيير و رزييين .. واااعي و عااقل و ماصرف فيها غير الخير لحد الااان دار معااها المزيااان شحال من خطرة و من اول مرة تقاابلو فيها ... لكن قسوتوو ظلاام عيوونو .. صووتو لغليييض لي تيركب فيها الرعدة هادشي كلو تبخليها ماتقربش منو .. مدة و هب دايرة مقارنة بيينو و بين المهدي .. طرييقة كلااامو .. طريييقة .. حتى ضحكتو تتشوووف يها غير ابتسامة بسيطة... لكن بمجرد ما تتفكر داكشي لي دار معاها المهدي و الجرح لي خلى فقلبهاااااا تتلقى بليي مكينش مجااال للمقاارنة .. اليزييد عاونها شحال من خطرة ... تتشووف فيه من شخصية عز الدين خووها بزااف .. يمكن حيت تا هو من صغرهم كان تيحكر عليهم يلبسو لبس محترم و متيقبلش ليهم انهم يتعرااو ولا يتزييرو ..
شاافت فبييه داااك خووها لي توحشاااتو فووق القيااس و اليزيد كان فيه شي حااجة منو دااكشي علاش كااان عندها فضوول انها تكتشف سر غمووضوو و هااد القصووحية لي فييه .. لكن وااش غاتقدر تستحمل طبعو الغيوور الاناااني ؟
... كي كملو المااكلة مشاا يغسل يديه و خلاااها مريحة .. مشا تيقلب على طواليط للعيالات ملقاااش لقى وحدة تيشركوها و هو يمشي خذا من عند مول الريسطو قرعة تالما داها لبها وقف قدامها ..
خذاتها من عندو و مشاات للسياارة امااا هو مشا خلص و شكرهم عاد رجع عندهاا دييماراااا ..
اليازيد ..احم ..ياكما بغيتي تمشي لشي بلاصة؟؟
زهرة ..«/حركات راسها بنفي ..» ..لا ..
اليزيد ..بالنسبة لواليديك ..بما انك دويتي معاهم خصني شي معلومات باش نقطع ليهم
زهرة.. ااا غير ماما لي غاتجي و خويا .. و مرتو ..
اليزيد ..« باستغراب» .. باك ماغايجيش ..
زهرة .. لا ماغايجيش ..و عافاك متسولنيش علاش على الاقل دابا ..
اليزيد ..« احترم رغبتها حيت حس انه كاين بينها و بينو شي مشكل و ها ادرى بدووك المشااكل ..تنحنح و نضف حلقو»/.. واخة ..« مد ليها تيليفونو» .. سجلي ليا نمرة خوك هنا ..
زهرة ..« برقات عبنيها ..» .. ها خوويا .. علاه ..
اليزيد ..« شاف فيها باستغراب» .. باش ناخد منو المعلومات لي خصوني ..
زهرة ..« خذات التيليفون ..» .. واخ.
سجلات ليه نمرة خوهاا و حطات التيليفون فبلاصتووو ..
اليزيد .. المهم الى جاو داركم غانحدد اقرب موعد باش نجي ندوي معاهم ..احم ..الخطوبة ماغاتكونش عندها تا مدة .. غانكتب عليك ديريكت .. ماعندنا ما نديرو بالتعطال ..
زهرة ..« تكلمااات بعفوية » .. علاش زربااااااان.
اليزيد ..« ساايق بيدو من التحت ديال الفولون و اليد الثانية مخرجها من السرجم .. ميل فمو لجنب» .. كون كنتي مرتي دابا نقدر نقول ليك علاش زربان ..
زهرة ...« تضوور في عينيها» ..
اليزيد .. انا مااشي برهووش صغير قداامو الحباة عاد تيبني فيها ... انا رجل مستقر .. قاد نقوم بيك قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير" اذا مكين لاش نتسناو .. مدام كاينة المواافقة ..
كانت تتشوووف فيه كيفاش تيدوي بثقة و تباث. .بااينة الطييبة عليييه لاكن مغطية علييها ديك القسوة و العصبية لي تيصدر للبااشااار و داك الوجه الخشب اكييد عندوو اسباايييو و هي داباا عاد جاها الحمااس تستكشف السر ...
زهرة ...« تتلعب بيديها بتوثر» ّّ.تا يجيو و يحن الله
اليزيد ..« حرك رااسو » .. انشااء الله ..
قطعوو الحححس ..الطريييق كاامله تا واحد فييهم مع الاخر حتى وصلها للدار غير وقف السيااارة شكرااتو يالله كانت غاتنزل و هو يشد فيدها ..
زهرة ..نعام؟؟
اليزيد ..« دوز صبعو على نيفو و شاف فعينيها» .. حلي المجر و جبدي واحد البواطة تم ..
زهرة ..« مزالة غا تضووور في عينيها ..« حلاااتالبوااطة لقاات فيها ست خوااتم ..كل وااحد تيتميز بحاااجة .. شافت فبه و شافت فالبوااطة ..» .. شنو هادشي .
اليزيد ..« طلع فيها حواجبو» .. ياك داخلين على الزواج ؟ واقلة تيلبسو الخواتم..
بقاات تتشووووووف فالخوااتم ممصدقااش اش هادشي تيطرا ليهااا مع هاد الشخص بالضبط؟؟ و شمن سرعة هااادي بااش ارتبطاات بييه و. هي ماعارفة عليه والوووو ماعارفااه تا ايمتا جاب الخوااتم ولا شكون رما عليه الفكرة .....
كل خااتم تأملاااتو على حدى لكن مالفتها غبر خاااتم واحد او ما يسمى ب " الدبلة " خاتم عاااادي ذهبي ماتايتميز بحتى زواااق او جواهر .. فقط مدور .. هزااتو و مداتو ليه .. هذاا ..
اليزيد ..« ماتوقعهااش غاتختار ارخص واحد ..» .. متأكدة !!.
زهرة .. « حركات راسها بابتسامة » .. اه ..
اليزيد .. اري يدك ..
زهرة ..« مدات ليه يدها بتوثر ..» .احم ..
اليزيد ..« شد ليها فيدها و لبسو ليها جاها كبير شوييي .. رجع شااف فيييها و مبااشرة فعينيها» .. غانبدلو بواحد اصغر .. نبغيه نهار يتحط فهاد الصبع مايخرجش مفهوم ؟؟
حطات بقية الخوااتم فبلاصتهم ابتسماات ليه و مشات ديريكت طلعات للاقاامه .. امااا اليزييد بمجرد ما اختفت عن انظاارو دييماارا السيااارة في اتجاااه الذهاايبي ديال العائلة او بالاحرى صديق الاب ديالو و من عندو تتقضاا سواااا نواال سوااا حلييمة ..
الطرييق كاامله و هو تيفكر بشي طرييقة يخلي زهرة تفك معااه لانه حااسها مكتفة و حااس برااسو تيخلعها واااخةكااام بااااااار الاعصااب لاقصى درجة و ميقدرش يكون كثر من هكذاااّ.!! ..
اختياار زهرة لداااك الخاتم لي كانت عندو اقل قييمة بين الخوااتم الثاانيين لي كااانووو عامريين مجروهرااتىو مختاالفين بزااف علييه خلااه يحس بالبساااطة لي فشخصيتها .. ماهمهااش جماال الخااتم و لا قيمتو المادية .. فقط اختارت ابسط وااحد ..
ميل فمو للجنب و حط يدييه بزوووج تحت راسوو تكى على المووساان ساايق غيير برجليييه لان الطرييق كاانت مسرحو و خاااوية ... حتى سمع تيلييفووونو تيصووني هزووو لقى شرييكو فالمطعم هو لي متصل بييه ..
اليزيد ..«خدم البلوتوت قنطي تما ولا شنو ..»..
ابراهام .. صااحبيي ..توحشنااك ..مزال ماناويش ترجع ..
اليزيد .. باقي شوية ..
ابراهام ..وا بناادم كاع تيسول عليك هنا ..
اليزيد ..مابقى قد ما فاات ..
ابراهام ..عاااارفك ماغاديش تعطيني رااس الخييط هههه المهم رااه خصك ترجع .. راك عارفني متنقدرش بوحدي نسير الخدمة ..
اليزيد ..«تافف » .. راه دوينا معاك ..نسالي واحد الغرض و هاني تم
ابراهام ..صاافي صاافي بلا مطلع تااني ..
اليزيد...يالله تهلاا ..
قطع معااه و وثف الاوطو قداام المحل ديال الذهايبي لي جا فحي شوية شعبي .. نزل عندو ..
اليزيد .. سلام عليكم ..
...... عليكم السلام .. اهلا ولدي
اليزيد ..« ابتسم ليه شبه ابتساامه و مد لبك الخواتك » ... كي دايرة صحتك؟؟
.....الحمد لله اولدي الحمد لله ..
اليزيد .. « جبد الخاتم لي ختارت و مدو ليه» .. بغينا هذا بمقاس اصغر ..و بغيت خووه ديال الفضة...
.... « ابتسم ليه. .» .. نويتي الزواج الف مبروك ..
اليزيد ..« حرك راسو» الله يبارك فيك ..
....« جبد ليه الخاتم ديال النقرة لي طلب تا هو نفس ديال زهرة عريض غير شوية و مافيه تا حااجة ..» .. شوف واش غايجي قدك ..
اليزيد ..« حربو فيديه» .. احم هو هذااك .... بغيت نسولك .. هاد الخوااتم تقدر تكتب عليهم
...... بطبيعة الحال ..
اليزيد ..واخة ..« خذا ديال زهرة » ..هزا كتب عليه دينيز ..« مد ليه ديالو» .. هذا كتب علي ..احم .. تشيشيك ..
..... « ابتسم ليه » ..ههه واااخة ..
اليزيد....« تيدوز يدو على لحيتو» .. ايمتا غايكونو واجدين؟؟
..... الى مكان عندك والو تسناهم يوجدو فحدود ساعه بالكثير .. و اذا كنتي زربان رجع ليهم غدا انشاء الله ..
اليزيد ..« هز تيليفونو خشاه فجيبو ..» .. انشاء الله غدا ندوز موراهم .. الله المعين ..
... يالله كان غايدير دوميتووور و يخرج .. و هي تباان ليه قلادة ذهبية .. رجع مصغر عينيه تيحقق فييهااا ... شااف فالباائع و رجع شااف فيها ..
اليزيد ..« ضرب على الزاج جهتها»/اراا ليا هادي !! ..
عطاها ليييه .. دارها فيدوو تيحقق فيها.. عجبااتو و تخايلها ديرييكت فعنق زهرة .. كانت عباارة عن سنسلة ذهبية رقيقة عياار 18 ..فيها حوورية بحر مزوقة بورييدااات ..ميل فمو للجنب و مدها ليه ..
اليزيد .. جمعها ليا ..!!..
غرفة بيضاااء .. أجهزة طبية .. صوت مزعج «تيت تيت تيت».. تململ بثقل .. حس براسو فحال لا محطةطة عليه برييكة .. بدا تيحل فعينيه بشووووويش و يشاابك فرموشوو تا من عبنبه كانو ثقااالين علييه لدرجة تيجااهد بااش يحلهم و توضاااح ليه الرؤيا ..
و كيف قدر يحلهم بقى غير تيضوور فييهم و يشووف فيين رااهو باان لييه غيير البييااااض في البيااااض .. دور راسو شوية للجنب بااانو ليه الاجهزة وهز يدو بانت ليه فيها الصيروووم عاااد بدااات الذااكرة تترجع ..
بغا ينووض ولكن مقدررررش الالم جد فظييييع و هو يرجع مد يدوو لجهة رااسو لبوطونة ضغط عليها و في ساااع جااات الممرضة غير لقااتو فاايق و هي تطيير عند الطبيبة المشرفة علييه كي قالتها ليها جات عندو تتجري تتسد فالطابلية و تتصاايب فالسمااعات فوق عنقهاا ..
وقفات حدا رااسو و جبدات من جيبها المنضار الخاص بي العين جبدات عينو للتحت و دارت فيها الضوو .. و جبدات العين الثاانية .. تا هي .. حطاتو فديبها و جابت ليها الممرضة مقياس الضغط الالكتروني بااش تقييس لييه قيمة الضغط الانبساااطي و الضغط الانقباضي ديال القلب ....
بعد ما خرجااات الطبيييبة من عندو تفكر حليمة اول وحدة .. لكن مابغاااش تشووفو و هو طاايح عارفها بلي غاتحمااق لا عرفااتو وقعات ليه شي حااجة داكشي علاش ديرييكت اتصل بأقرب اصدقاائو لي هو بااريش زوج شيلاء..
باريش ..الو وي شكون معايا؟؟
المهدي .. وي صاحبي .. انا مهدي ..
باريش .. فيين نتا اصااحبي فينك؟؟ من البارح و انا تنتصل بيك؟؟؟
باريش .. كيفاااش اش طراا ليك .. فين وقع هااديشي و اييمتاا؟؟؟
المهدي ..دير لي قلت ليك اصاحبي مافيا لي يدوي ..
قطع عليه و حط رااسو فوق المخدة بالم من جهد الكلااام .. بلع رييقو تيحس بطعم الصداااا ففمووو .. قلبوو عامر و رااسو غاينفجر .. بعد المرااات تنطييحو فشي مشااكل ماااعرفناااها بييير و لا زوووبيااا .. المهدي حس برااسو بحال لا تيخلص ذنب دووك زوج بناات لي عذبهم .. وحدة كيبغيييها و بااغي يربييها على مدارت معااه .. و وحدة كان معتبرها ختووو لكن هي معتبرااه كثاار من خووها ... غمض عينيييه و بقى تيفكااار تاا سمع صووت البااب تحل .. دور راايو باان ليه باريش داخل ..
مهدي ..« شاف فيه و تكلم بجدية ..» ..شوف عنداااك مرتك تعرف شي حااجة على هاادشي مفهوووم؟؟
باريش .. كيفاش؟؟
مهدي ..« تيدوي بزز» .. شوف اصاحبي انا ماغانقدرش نتحرك شهر و الزياادة .. يعني شهرين عاااد غانقدر نتمشا و نرجع لطبيعتي .. و مابغييتش حليمة تشووفني فهاد الحاالهىنهائياا .. ماابغيتهاش تعرف ..
باريش ..غاتغبر عليها شهرين؟؟
مهدي .. « ميل فمو» .. مانقدرش .. خبارها نتا غاتوصلهم ليا من مرتك .. ولكن ماعندي مندير .. مانتقبلهااش تشووفني عااجز بهاد الطريقة ..
باريش .. مرتك خصها تكوون بجنبك .. و توقف معااك خصكم تصالحو باراااكا من العناااد ...
مهدي .. هاد الشهرين نيت كل زاحد فينا يفكر مزياان. . واش بااغي يكمل ولا لا ..
باريش ..« ابتسم » .. نتا بالذااات متقدرش تعيش بلا حليمة .. نقوولها ليك انا عااارفك كثر من رااسك و الى ماان رااسك ضااحك علييك انا منضحكش علييك. ..
مهدي .. « ابتسم ..» .. الله يصااوب .. المهم عندي هي ماتعرفش .. الى عرفااات بربي تا نخسر معاك ..
باريش .. « تنهد و حرك راسو بقلة حيلة» .. وااخة لي بغييتي ..
حط يديه تحت راسو و طلع عينيه للفوووق تيشووف فالسقف و يتخاايل حليمة دياللو تتضحك. لييه اااااه على هاد الشهرين كيف غايدوووزو و هي غاايبة مايقدر لا يشووف فعينيها ولا يلمس يديييها .. ولا يقبل شفايفها ...اااه من هاد الشهرين لي غايعدووه على محبوبتو و يخلييوه تيتشواا بناار فرااقها...
«عجبا لحنين لا تنهكه مسافات »
على كف القدر نمشي و لا ندري عن المكتوب ... ربي لي تيخار لينا مع من نكوونو و كيف تيقووولو اننا مزوجين فالسمااا .. وااخة تكوني بااغا شي وااااحد و توصلوو تال ااااخر نقطة واخة توثلو عند العدووول لو ربي ماراادوش لييك كوني اكييدة انك عمرك تدييه و غاتدي غير لي مقسم ليك سيدي ربي .. هادي هي القنااعة لي كانت عند زهرة .. و بهااد القناااعة تخطااات الازمة لي دار فيها المهدي .. يمكن جااتها صعييبة ااه ولكن تخطااتها و قررات تعيش التجربة مع انساان ااخر و عمرها مزاال فكراات فالمهدي ولو مرة وحدة لانها صاافي فااش حساات رااسها تأونگاجات مع اليزيد مابقااتش بغات تا تفكرو ولا تفكر شنو داار معاها ...
مر اسبوووع و هاااد الاسبووع كلوو كان كااالم بلا صدااع بلا غوااات بينىاليزييد و زهرة بالعكس كان نوع من التقاارب يناتهم كل ليلة كانت تتسناااه يتصل بييهااا وااخة مايقوولهاش لييها ولكن هي عاارفة وقييتتو و ولاات تتسنااها دائما .. كل مرة تتكتشف فيه شي حااجة جديدة و تتستنتج منها شخصيتوو كيف عااملة بلا ميدوييي و يحكي و يتكلم .. فهاج الاسبوووع بدات تتولف علييه و تتيقن انه هذا هو الرجل لي غايوقف بجنبها و يسندها وقت تمييل ... حيت مابقااات لا فصغر ولا فزيين و لا فماال بقاات فالموااقف لي تيدييرهم الانسااان معااك .. فاش تيبين ليك بلي راهو شااريك .. و فااش تيقييس ديييك البلاااصة الحساااسة فقلبك .. و لي هي واليديك .. فاش يبغي يتهلا فييهم و يدير اي حااجة باش يشووفك سعييدة بدووم ميحسسك .. ولكن هي كاانت حااسة و عاارفة ااش كااين. . و عارفاااه تيديير هادشي كلو على قبلها وااخة بطرييقة قجرة شوية و نااشفة ولكن زهرة تا هي خبييرة فالموااقف و عاارفة ااش تيديير وااخة مينطقش ..
🌸«اصبحنا و اصبح الملك لله»🌸
صباااح جديد. صباح محاط ببررووودة الندى يكتسي بثوب من الأمل لتدفأ القلوب عندما يقال وبك أصبحنا يا الله...
كي فااقت فالصباااح نااضت تتجمع فالداار هي و امنية .. كاع الشهيوات لي تيعرفوو ليهم وجدووهم كيف لااا و نبع الحنااان جاااية عندهم و شحاال توحشووها خصوووصا زهرة لي مشالفتها من شحال هادي تدووور و عينيها مدمعيين تتسناا غييير ايييمتا يوصلوو ..
في مكان اااخر اليزييد كان وااقف تيتسنى يجمعو ليه الحلويااات لي شراا .. خذااا كل ما لذ و طااب من الحلويييااات و المملحاات كذلك .. بعد ما كمل داز للسوبرماركت خذاا منو مجمووعة من العصائر ماعارفش تا شنو يدي لكن كاان بااغي يديير جييست زويين اقترحااتو علييه نواال دار التقضية فالسياارة و دييماارارفي اتجاااه البيت ديال زهرة .. حط يدو على السرجم و اليد الاخرى حل بييها المجر جبد منو البوااطة لي فيها السنسلة .. فتحها و جبدها منها .. جمعها فيدووو و بقى تيشووووف فيها مووودة ..
.. رجع بيييه عقلوو لقبل اسبووع ...
كان جاالس فبييتو تيخربق فتيليفوونو بعد ما طل على حلييمة و جلس معاها شوية تيخفف عليها ..تفكر بلي زهرة عطااتو نمرة خووها و هو مزاالو ما تصلش بييه .. قلب على نمرتو تا لقاااها و هو يضور ليه ..
اليزيد ..سي عز دين معايا؟؟
عز الدين .. يه اسيدي شكون نتا؟؟
اليزيد .. احم .. انا اليزيد بالبشير .. خذيت الرقم ديالك من زهرة ختك باش ندوي معاك ..
عز الدين ..« عقد حواجبو» .. يه .. عرفتك .. ياك لباس ؟؟
اليزيد ...المهم .. بنتكم جيتها نيشان باغيها الحلال مادخلتها بتا سكة .. عارفك شااك و مامرتااحش هادشي طبيعي حيت تا انا عندي ختي و نهار زوجتها مكنتش مرتاح .. ولكن لي غانقول ليك انا ولد بلادها و شاريها .. و نتوما مؤكد انكم باغيين تطمأنو على بنتكم .. راك عارف الدنيا خيابت و هي مريحة هنا بوحدها ...
عز الدين ..« فاش جااه دغري حس بيه شارب عقلو تا من كلااامو رزيين و دوا معااه بالسياااسة ».. ايه اسي اليزيد ..و لكن راه خصنا نتعرفو عليك و على العائلة حيت هذا زواج ماشي لعب ..
اليزيد ..داكشي علاش تصلت بيك ..لانه ماغانقدرش نجي انا و العائلة للمغرب .. الواليد مريض و عندي شي خدمة هنا مزيرة ..داكشي علااش بغيت نقطع ليكم تجيو نتوما لعند ختك و ديك الساع نجيو عندكم و لي طلبتوها مرحبا..
عز الدين .. ايمتا غايكون هادشي ؟؟
اليزيد .. انشاء الله مكرهتش في اقرب وقت .. الى كانو باسبوراتكم واجدين ..
عز الدين ..واخة غانشوفو هاد البلان كي داير و نشووف شي حد يقابل ليا الخدمة
اليزيد .. وا عليه ..
..
زير على القلادة و ميل فمو للجنب .. ماعرفش منين جاااتو ديك الهضرة بالسيااسة داااك النهار ولكن المكاالمة كااملة ووهو مزير على رااسو حييت عارف شنو هي معنية انك تكوون الاخ الاكبر... تتكون بمتاابة الاب ..
وصل قداام دار زهرة كي وقف السيارة نزل جبد التقضية و طلع عندها تيدق .. غير فتحات ليه مد ليها داكشي من الباب ..
.زهرة ..« شافت فيه باستغراب» .. شنو هادشي؟؟
اليزيد ..ماشي مهم هادشي غير شي تقضية خفيفة غاتحتاجيها فاش يوصلو داركم ..
زهرة ..« ابتسماات ليه و هي تتشووف فعينيه مازاكيينش تيهربو خطرة خطرة حيت توثرو اعصابو مموالفش يكون ضريف ولكن فعاايل نواال لي بززاات عليه اش يدير خرجاات ليه على اخلاقو😅» شكرا بزاف مكانش عليك تمحن راسك ..
/فالاول مكانش راد البال لشنو لابسة ولكن فاش نزل عبنيه بانت ليه لابسة كسيوة ديال بيجامة فيها تويتي من القداام فوق الركبة مبينة شي شبر من فووقها مزال .. و باينين رجيلاتها مطيبزين و بوويض ... تا كاان غايسهااا و هو ينعل الشيطااان و شااف فيها مخنزر ..
اليزيد .. نسيتي مالبستي السروال؟؟
زهرة ..« نزلات عينيها شافت فرجليها» .. لا هادي بيجاماا.
اليزيد ..« جر الباب باش ماتبانش» ولاااش حاالة ليااا بيها الباااااب لاااش .. دابا كووون كااان شي واااحد ااخر؟؟؟ و دااركم يجيييو يلقااوك لاااابسة هاد الزبل لااااش. . حيديييهم و تهنااااي ..
زهرة ..« اندهشااات من هاد التغيير المفاجئ لي صاابو بقاات غا تتبرق فعينيها» .. اويلي واش تسووووطيتي ..
اليزيد لا غانسوووطيك الى بااااقي نشوووفك بهاد الزبل ...
زهرة .. اوا حاااشااك ..اصلا مكغايجي تا حد غرييب ..غير ماما و خوويااا و مرتوو و هادشي تنلبس كثر منوو قداامهم. .
اليزيد .. « شعلوو عبنيييييه و خرجهم فيها» .. شنوو هووو لا الالة انا معنديش دااكشي ..«مد يديه زير على يدها» ّّ تا حد مااايشووووف لحمك و نهار نكتب علييك ابنت النااااس دووري ديك الساااعة فداارك عرياانه نتي كااع مكين لي يقوول شحال فالساعة وللكن داباا تااااا خوووك ماعندووش الحق يشووووف طرف منك سمعتييي ..« زاد زير عليها» .. فهمتيييي ..؟؟
زهرة ..« بااغية تحااول تبرد باش يطلق منها و زيد عليها ديك الهضرة لي قاال زنكااتها» .. وااخة ثاافي واااخة هادشي لي تتقوول غير عقلااني.
اليزيد ..« غوت تا زعزعها و جات امنية تطلل » ّ. عن جد طااسلة بووه متعقلن. . و نشووفك مرة اخرى بهاد الحاالة رجليك نگرضهم سمعتيييي
زهرة ..«تتحاول تسكتو و هي خاايفة منو ليتصرف شي تصرف » . وا صااافي هالعااار غير اجي دخل غانتشووهو فالعمارة .. راه ماطرا والو لهادشي كلوو ..
تنفس بالجهد و نفسوو سخوووونه .. قرب ليها و حدوو وقفو وسط الباب و جرها من يديها لعندووتا كانت غاتلسق عليه .. نزل راسو شوية لعندها و نطق بصوووت فحال الفحييح ..
اليزيد ... مزاال مابيني وبيينك لي يخليني ندخل ابنت النااس... غانمشي نجيب داركم الوقت هادي .. سيري بدلي عليك هادشي الله يرضي عليك المحيرانيي .. ..
بعد المراات وااخة يكوون القلب صخرة و الروووح قااصحة وااخة يكوون عازف عن الحب و ماعندوووش مع الجنس اللطييف تتجي وحدة بدوون سابق انذار تتخربق ليه احساسو و كاااااع داكشي لي رباا علييه رااسو من سنيييين و سنين و كاااع المقتنعااات ديالو تضربهم فالزييرو ..
و شحااااال صعييييب هاد النوع من البشر فااش تيعووود يبغي شي وحدة .. تيولي يشوفها غير هي .. و يبغييها تكووون غييير لييه و مكيبغي يشوووف فيها تا حد من غييرة تيبغي يخبيييها على كوولشي باااش تبقى غيير بين يديييه و ديييالو فقط ..
هادشي لي طراا ليييازيد صاااام على الحب و على النساااء عامتااا ماعمر يدو تحطااات على شي جنس امرأة .. و هااااهو الاااان قلبوو دق واااخة مابغااش لا يبيين ولا يعترف تااا لرااسو ولكن الهيجااان لي فداااخلوووو مخلييه بعد الخطراات يبيين داك الحب لي بدا يحس بييع واااخة غير بكلييمة.. خصوووصا من نهار فكر فزهرة كزوجة ولا باااغي يخزنها و ميشوووفها تا حد من غيييرة .. و تيتسنى غيير نهاار يحط عليييها صكوووك ملكييته ...
اليزيد ... مزاال مابيني وبيينك لي يخليني ندخل ابنت النااس... غانمشي نجيب داركم الوقت هادي .. سيري بدلي عليك هادشي الله يرضي عليك المحيرانيي .. ..
زهرة ..« برقلت فيه عينيها على هاد الكلمة لي رما ليها» . اا .. احم .. واخة ..
يالله كاانت بااغية تسد الباب و هو يحبسو بيديه .. جبد السنسلة ديالها لي شرا ليها من جيب الفيست و مدها ليها تا من البواطة ديالها رماها لطونوبيل😂 جابها مكمشها فيديه بحال لا شافرها...
اليزيد .. هاك ..
زهرة ..«/مدات يدها و حطها ليها بين يدها» واااو .. ديالي؟؟
اليزيد ..« حرك راسو بالايجاب» ..
زهرة .. زوينه بزااااااف😍😍 شكرا عدبتي راسك ..
اليزيد ..« « غاباشتووو هي غووباشتووو »/.. بالصحة ..هادشي لي قال و نزل مع الدروووج اما زهرة نسااات الجكاارة لي شد معاااها و مشات تتنقز بديك السنسلة لبيتها لبسااتها و بدلات حوايجها كيف قااال ليها لبسات بيجامة حريرية بسروالها واسعة فالاسود و جلسات تتامل فالسنسلة من المراية تا دخلات عليها امنية ..
امنية .. مال داك خيينا تيغوت علييك ..؟؟
زهرة ..«ضارت عندها»شوفي ااش جاب لياااا ..
امنية .. اوووها .. غزااااااله😍 حبييتها ..بصحتك ..
زهرة .. الله يعطيك الصحة ههههه
امنية .. و علاش تيغوت؟؟
زهرة ..« ابتسمات » ..مااشي كيغوت هو طبعو قاصح شوية و هضرتو قجرة ..
امنية ..« كيلافمها للتحت» .. امممممم .. اوا يا لالة ولييينا تندافعو على خطيبنا ..تقدم ملحوووووض هذا !
زهرة ..« تقادات فالجلسة » .. تطنزي عليا ياك؟؟ اوا الالة انا تنشووف بعيني و تنفرز .. اليزيد واااخة تيباان خاايب و قااصح رااه من الداااخل زوين .. و تيبغي يدير اي حاااجة بااش يقربني ليه وااخة مااشي بطرييقة مباشرة .. ولكن انا تنفهم و تميز ..
امنية .. امممممم .. اوا رااه قلت ليك ديك النهااار حبيييتو حبييتو حسن من داك الشمااتة ديال المهيدي ..
زهرة ..« خزرات فيها» ..
امنية ..« حطات يدها على فمها» .. سكتنااااااا .. غير هو ردي باللك تاااني و ماتعطييش قلبك كاامل الى المرة الاولى دازت طريفة ماتغلطيش مرة اخرى .. ديما ضربي و قيسيي. .
زهرة ..« حلات فيها فمها» .. اختي قوولي ليا غا منين خرجتي وا من نفس الكرش لي خرجت منها؟؟
زهرة .. هيهي وجدي رااسك تااكلي عزاااك لا عرف عز الدين ااش تديريي هناااا
امنية .. « عينيها وسااعو» .. ناااري ياك ما ناوية تقوولي ليه فتش خداامة ناااري نتخاسرو انا ويااك .. والله تا يقتلني.
زهرة .. ههههههههههه تخافي ماتحشمي ...
كيقووول ليك فاش تتولي تخلق اعذار لشخص ما يعني انك بدييتي تنجذب ليه و هادشي لي طرا لزهرة .. ولات تتعطي اسباااب و اعذااار على صوووتو العااالي و على كلااامو القجر ...
كيف غايكوون قلبك و نتااا تتسنا اعز النااس لي مشفتييهمش اكثر من عامين ؟؟ كيف غايكووون حاالك و نتا كل دقيقة تتقووول هاااهوما غايدقوو هاااهوما غايدخلو مع الباب ... الفرااق صعييب خصووصا فرااق الواليديين فااش تتكووونةنتا بعيييد عليييهم عااد تتحس بالغربة و الوحدة و تحس بلي رااك غريييب فبلداان النااس ..
تتكون لحظة ترسم أحداثها في لوحة ربيع العمر ...اكييد تفرح القلوب...تتناثر فيها أجمل الكلمات و ترسم البسمة على الوجوووه .. كي سمعااات البااب تيدق ماعرفااتش كييفاش تا طااارت ليييه .. و غير حلاااتو غوتاااات غوتة يمكن وصلات لراس الشاارع و صمكاات ودنييين لي كاانو تمااا .
زهرة... « طارت على الام ديالها لي دمعوو عينيها قبل كااع ما توصل لدار بنتها» ماماااااااااا حبيييييبتيييييي ..« عينيها بداو يدوزو بالدموووع» .. توحشششششتك امااامااااااااا توحشتتتتااااااااك هء ..« تتبوووس و تشم ريييحتها ...» .. توحششششتك
جميلة ...« زادت عنقاااتها و زيرات عليها كثر» .. الله على كبييييدتيي الله .. الله على بنتيي ..« حاوطات وجه زهرة بيديها تتبووس فيييها و تبعدها شوييية و تهاود تشوووف فيها و تعبرها كاااملة من الفووق للتحت » علاش رقاقيتي اكبييدتي علاااش .. ماتاتاااكلييش .. الله يا ربي شحااال نوحشت هاااتد ريييحة المسسسسك «شافت فعز الدين لي كان تيبتسم ليهم» .. البطيبييطة المعسلة دياااالي كبرااات هههههه ..
السعادة لي كانت عايشاها زهرة لاااا توصف ..كيف لا و عائلتها الماااس لي تتبغيييهم و لي توحشااتهم بزاااف هاهوما جااااو عندها و بسبب الشخص الي وااقف فالبعد مكروازي رجليه على الحديدات ديال الدرووج و مربع يديه مرااقب ديك الفرحة لي ناابعة من القلب و لي ضاااهرة على وجه زهرة بزاااف .. عبرها من الفووق تال التحت و عجبو الحاال بحيت ماعانداتوووش و ماشداتش الزكيير معاااه و بدلات حوايجها ولبسات بيجاما مستورة .. قربات ليه شوةي و عبنيها على خوووها حيت عارفاه ماغايعجبوش الحال لا شافها وقفات معاه ..
زهرة ..« حاضية هنا و هنا ..» ..شكرا بزااف والله فرحتيني.
اليزيد ..« عينيه مشات ديريكت للسنسلة لي فعنقها و عجبو الحال فاش لبساتها » ....ماشي مشكل ..
زهرة ...«تتفرك فيديها» ..اجي دخل دابا كاين خويا ..!!
اليزيد .. « قرب ليها كثر » .. غايجي الوقت لي ندخل و نفوتو لهيه .. غانخليهم يرتاحو .. بعد غدا هاحنا عندكم ..
زهرة ..« حنات راسها بخجل » .. مرحبا بيكم ...!
اليزيد .. « ميل فمو للجنب ..» ..
عز الدين ..« جا مور زهرة مطلع حجبانو للفووق جرها من دراعها باش دخل» .. دخلي ..
اليزيد .. « تفهمووو حييت تا هو فبلاصتو غايدير نفس الشيء . » .. الله يعاونكم ..
عز الدين .. فين زربان اصاحبي دخل تريح معانا شوية مزال متعرفناش عليك؟؟
اليزيد .. انشاء الله قريب .. دابا خليكم ترتاحو ..
عز الدين ..« باستفهام» .. ايمتا نتسناو زيارتكم؟؟
اليزيد..... بعد غدا انشاء الله ..
عز الدين ..« حرك راسو الايجاب » ..انشاء الله .. احم .. الاه يحفظاك شكرا على كولشي ..
اليزيد ...« ضحك بالجنب و ضرب ليه على كتفو» ..غانوليو عائلة مكين لاش الشكر ..
عز الدين ...« حرك راسو مبتسم » ..
كي مشا اليزيد دخل عز الدين للدار و سد الباب توجه لعندهم للصاالة ريح حدا كهرا و كي العادة ضروووري ميضحك معاها دااك الضحك الباسل .. جمع ليها شعرها بيدو و جرها لعندو ..
عز الدين .. هي البطبوطة صافي موات تزوج .. بشاااخ ..
عز الدين ..« تيضحك علبها» دابا نتي هي لي غاتزوجي ..بفف .. ههههههههههه
زهرة .. وا صافي خليني علييك ..
جميلة .. رضا على ختك اعز دين .. اويلي ..
عز الدين .. هاهو .. « شاف فزهرة » .. نتي باغي منك تقرير على هاد الاخ..
زهرة ..« ماقداتش تشوف فيه .. تتفرك يديها » .. اشمن تقرير راه قلت ليك كولشي فالتيليفون .. داكشي لي كابن لي قلت ..
امنية ..« عرفاتها حشمانه منو بغات تعتقها» .. انا غانقووول ليك البلان باختصااار اخي العزيز .. دابا هاد اليزيد .. واحد النهار كانت زهرة واقفة عند البلاكة ديال البيس . جاو شي براهش بغاو يضصروو عليها و كان هو دايز مشااا عطاهم علاش يقلبوو و دافع عليها ..
جميلة .. الله يرضي عليه بااينة عليه معقوول و رزيت .. بعقلوو
امنية .. وا تسنااي نكمل .. اوا يا لالة فاش مشات الخدمة اكتشفات انه هو لي غايولي المدير الجديد ديالها ... صافي واحد النهار جا عندها و قال ليها باغي نخطبك من واليديك ... و صاافي هادشي لي طرا ...
عز الدين .. « متكي على الفوتوي حاط رجل على رجل و يد مدورها على ليلى من كتفها و يد تيحك بيها لحيتو » .. هو باينة فيه بنادم لي ماشي ديال تفلية ولكن مكبيرش عليك؟؟؟
امنية ... ويييلي نتا بغيتي ليها برهووووش؟؟؟؟
عز الدين ..« صيفط ليها مخدة للوجه» .. زمي نتيااا شكوون سولك غاا تطيري الله يحفض مالك اودي ..
امنية ..ياااااااه على ويييل. .
عز الدين ..« خزر فيها» غانوض لبوك ..
ليلى .. « تدخلات شدات لو فدراعو» .. لا بصح الى كان انساااان مزيااان و الله يعمرها دااار لاش حنا غانشووفو السن راه طبيعي يكون كبر منها بالعكس هنا غاتحس عليها بالاماان كثر .. و هو السيد باين عليه شاريها و كون ماعجباتو بزينها و اخلاقها و كولشي كاع ما يدير هادشي لي داار .. شكووون هذا لي غايتكلف بزبالة تالفلووس يخلها على و واليديها باش يجيو يخطبها منهم شفتي بنت خاال بابا انا راجلها دوا مع باها غير فالتيليفون خطبها فالسكايب هههه ..
عز الدين... تبارك الله .. حنا ماعندنا داكشي ..
ليلى ..اوا غيير بااش نقووول ليك بلي السيد راه مزياان و ناوي المعقوول و زيدون راااك نتا كبر مني بسبعطاااش عااام ولا نسيتي .. راك تزوجتي بياا قاصر ععهههههع
عز الدين .. هههه نتي لي فيك الصعرة نهار جيت نخطبك رضني بااك قال ليا صغيرة و نتي بغيتي تنتحري
بعد جلسة الجمااااعة لي ضااارت بين العائلة .. نااضتىزهرة و امنية حطوو الطبلة و كل ما لذ و طاااب موجوود فيها حطوو كولشي و فرحوو بعائلتهم .. تجمعوو على المااكلة في جوو عاائلي توحشاااتو زهرة لي بقاات غير تضحك بالفرحة ..
.......
بعد ما وصل عائلة زهرة لعندها هاد النهار قرر يااخدوو رووبووو و ميمشيش للخدمة و منها نييت يدوي مع واليديه تا هو و يخبرهم بالنهار لي هامشيو يخطبو فيه زهرة .. كي دخل للدار لقى يحيى مريح هو و حاييمة فالجريدة .. مشا عندهم باش ليها راسها بحنان و خربق ليها شعرها ..
اليزيد .. لباس شوية؟؟
حليمة ..« ابتسمات ليه » الحمد لله احبيبي ..
اليزيد ..« حرك راسو و شاف جهة يحيى لي ملهي فالتيليفون» .. اش كابن شفتك ولفتي الجلسة هنا قالو ليا مكنتيش تتعمر
يحيى ...« طفى تيليفونو و حطو فوق الطبلة ..» .. اوا العائلة الكريمة مجموعة و منكونش حاضر .. مجاااتش ..
اليزيد .. « طلع فبه حجبانو» ... مزيان ...
يحيى .. اوا كي دايرة زهرة ايمتا ناوي تخطب ؟؟
اليزيد ..« خزر فيه » ... شغلك كي دايرة؟؟
حليمة ..« باستفهام » .. شكون زهرة؟؟؟
يحيى .. عروسة خوك راه ناوي يتزوج .. طاح فالشبكة تصيد ههههه
حليمة .. « دارت ليها طييين فرااسها من سمعاات اسم زهرة » واااا شكووون زهرة ؟؟؟
اليزيد ...« طلع فيها حواجبو» .. مالك تاغوتي ياك لباس؟؟
يحيى .. اش واقع ؟؟ «باستفهام» .
حليمة .. « شافت فاليزيد» .. مااشي هي ياك .؟؟ شي وحدة اخرى؟؟
اليزيد.. « طلع حواجبو و حطهم بلا مبالات»/. هي ..
حليمة.. « بحال لا طرشتيها» ..كييفااااش هي كييفااااش؟؟؟ هاااااااااه .. كيفاش هي.. اليزيد ماتفلاس عليا واش تسطيتي. باااغي تزوج وحدة فايتة لااعبة على راجليييييي ..واش حمااقيتيييييي ...
يحيى .. كيفاااش؟؟😯😯
اليزيد .. « جمع قبضة يدوو و زير علييها كيف ما زير على سنااانو بعصبية مفرضة تا حس بيهم تحااكو من الجدوورة...» شووف احليمة .. بلا مانووضو الريگاااطااا زهرة ماعندها تا علاقة مع راجلك .. لا من قريب ولا من بعيد تفاهمنا؟؟ ..
حليمة ..« ضحكات بعصبية ..» .. ههههههههههههه بصااااااااح ..؟؟ دبا مابقاااات عندها تا علاااقة ياااك نهااار جرجرتيييني من دااااار راااجلي و حلفتيييييي ليياااا و ممشيييت معاااكومابااقيييش دوي معايااااااااا ديك السااعة كانت عندها علاقة بييييه اليزييييد وااش بااافي تحمقنيييي ..
اليزيد ...«/شدها و زير على يدها» .. زوج كلماات عندي غانقووولهم دابا زهرة غاتولي مرتي .. مانبغيي تا تقليل منها و الا نتي احليمة لي ماغايعجبك حال انا عارفها .. درية درويشة و ماغاتجبد معاك تا صدااع بالحق نهار تفكري تشعلي السلوووكاا نشعل فيك ..
حليمة ..« شاافت فيه مووسعة عينيها ..» .. هادشي على ود هديك ال..
اليزيد ..« زاد زير على يديييها كثر و كثر » .. زمممممي قبل ما تخرجي شي كلمة تاكلي عليها عزاك ..
حليمة ..«تتجر فيديها» .. قوووول لياااا غييير اااش دايرة لييييكم واااش ساااحرة لييييكم ولا شنوووو صاافي ساالااات من مهدي و داااازت ليك نتااااا وااش بعقلك .. اليزيد ..« دات يدها حطاتها على حنكو» .. اليزيد خويا حبيبي . قكر فيها بعقلك!! ..وااش مني نيتك ؟؟ وااش هادي لي دمراات حياااتي باااغي ديرها فسمييتيك ..
اليزيد ..« تنهد و شاااف فيها بحصرة .. عارف وااش مقهوورة ماهيكوونش سهل عليها تتقبل ولكن مع الوقت غاتولف» .. شوفي احليمة...زهرة مكانتش عارفاه مزوج ..و مكانت بيناتهم تا علاقة غير هني بالك .. مااشي هي لي خربات حياتك .. هي غير جات فالطريق و طاحت عليها اللومة .. كون داك الشمااته ديال راجلك كيفكر بعقلو و صارحها من اللول ماكناش غانطيحو فهادشي..واكن شووف اش كان تيقول ليه مخو ..
يحيى فديك اللحظة كان تيسمع و يشووف و يربط الاحذاااث ببعضها و عرف بلييي زهرة هي لي كلا المهدي العصاا على ودها من اليزيد ..
اما ليزيد كاان تيدييير جهدوووووووو بااش يفهمها بلا ميتعصب و لكن واالو مابغاااتش تقبلها .. زهرة بالنسبة لحلبيمة شخصية سودااااوية فحال الغرااب لي حط على داارها و غيم علييها الدنيااا بنحسووو ...
ناض هز تيليفونو و خرج فحاالو اما اليزيد طلع ديريكت لبييتو صدرووو تيطلللللللع و ينزل بالعصاااب مابغاااش تا كلمة تتقال على محبوبتو!! .. نعم محبوبته ..احبها في وقت قصير و تمناااها حلالوو في وقت اقصر .. 😲
مابغاااش تا كلمة تتقال على محبوبتو!! .. نعم محبوبته ..احبها في وقت قصير و تمناااها حلالو في وقت اقصر .. دخل ديرييكت للدوش نصل دووك الحواايج لي لاابس بعصبية لدرجة شحال من زر فالشوميز ديالو قطعوو غير بالتجنان ديالو ..
دخل للحمام و شعل الرشاشة .. طلع رااسو للفوووق و حط يديه على الزااج ديال الدوووش مخلي المااء تينزل علييه بارد تيبرد اعصاابو و دمووو لي فااار من كلام حليمة على زهرة ..
ماعرفش راسو شنو هو هادشي لي ولا تيوقع ليه لهاد الدرجة مابقااش حاامل يسمع عليها تا كلمة خايرة .. تفكر كام حليمة ...« واش ساحرة ليكم » ... كانه سحراات لو فعلا ؟؟ بين ليلة و ضحاااها و كي عرفها مكانتش على علااقة بالمهدي بغاااها تكوون ليه . فدييك اللحظة قرر يتزوج بيها ماشي على ود ختووو على ودووو هووو لي بغاااها و هو لي لقاا رااسو ماكرهش يحطها فجييبو و يسد علييها .. غسل حالتو و كمل التدوااش ديالووو شوية حس برااسو برد ..
لوى علييه الفوووطة و خرج المااا سااايل على على جسموو فحال قطراات الندى و مرة مرة تيضور راسو لليمين و الشكاال بعنف باش يسوووس الماا من وجهوو ..توجه للبلاكار ديالو جبد منو بوكسر لمسو لبس عليه شورط قصير فالبلومارين مع صوفيطماا بيضاا و مشا لبلاصتو تلاح عليها و جلس تيخمم فهضرة ختو لي كاخلات ليه تا الخااطر لي يمشي يدوي بيه مع اسماعيل و نوال ميعااد النهار لي غايمشيو يدويو فزهرة .. .بقى مدة حاط يدو تحت راسو تيخمم فزهرة و حركاتها فرحتها فاش وصلوو عائلتها .. عينيها كانو تيبرييو بدمووع الفرحة تا نظرتها لييه لي كاانت كووولها امتناااان حيت كان هو السبب انها تشووفهم كوووووول حااجة فيها رد ليها البال .. و عينيه فالاخيير استقرووو على ديك القلادة لي ماااشي هي زيناات عنقها عنقها لي زينها .. و لي استفزوو انه تيقوول ليها لبسي و تستري و كل ما تستراات و لبسات الطوييل تتجييه زياانت اكثر و اكثر ...
مد يدو للكومودينو خذا منو تيليفووونو .. اتصل بييها فاش شااف الساعة كان المووعد فاش تيتصل بييها فيهي طيييلة هاد الايااااام وااخة تيقوولو زوج كلمااات و ينهيو الاتصاال لكن هاد اتصالو في هذه السااعة بالظبط ولااات طقووص ضرووورية ولا بد منها.... حتى صووتها ولف يسمعو قبل ما ينعس
زهرة ..« علات عبنيها بصدمة ..يجيييد احباااطها في كل مرة ... يالله كان مزياان هاهو تااني قلب للموضووووع لي تينرفزها و تيعصبها و تيخليها باااغية تجااوبوو باقسى جواااب واخة متتعرفش و متتقدش» .. اااش هاد الهضرة تاني؟؟؟ واش هاد السوجي ماغانساليوش منو؟؟ فين عمري تقزبت اصلا راني قلت ليك علاش كنت تنتقزب على ود الخدمة « مغووبشة و تدوي بغيض» ..
اليزيد ... «صوتو تبدل تاني» ّتتغوتي؟؟؟
زهرة ....«لطفات صوتها» ..لا انا تنقول ليك لي كاين. .
اليزيد ..« تيدوي بصوت ثقيييل و رزين ..،اممم .. اوا الالة هضرتي مانعاودهاش .. السترة مزيانة .. و مانبغي حد يشووف الحرمة ديال داري ..
زهرة .. شوف انا مزالة فداري ..
اليزيد .. « بنفاذ صبر .. مابقى والو و تكووني فداري .. كلامي راني دوييت و قلتوو .. السترة ثم السترة... و على الله نشوووفك لابسة المقزززب و المزيير .. ماتلومي غير راسك .. يالله ...سيري تنعسي ..
زهرة .. « جوباتو بغيض» ...وااااخة تصبح على خير ..
قطع عليها الخط و خلاها تتبحلق و ضور فعويناتها .. هاد الم ضوووع ديال الحواااج ترسخ ليه فعقلو على انها تتفزب و تزير .. مع انها ديما لابسة محترم الا الىىكانت شي حاااجة لي نيت تفرض عليها داك اللباس .. دخلات من اللالكوون و دوزات البابا بشوووويييية سداتو و مشات تخشات حدا امنية لي عكات بيتها للام ديالها
بقااات الليلة كااملة و هيت تتفكر فالنهار ديال الخطبة كيفاش غايدووز ... اكيد بالنسبة لوحدة عمرها طاحت فهاد الموقف غاتحشم و تدهشر .. اول تجربة دائما تتكون صعيبة تتكون الحشمة و التوثر ..داكشي لي خلا زهرة ماتنعسش تا يقرب يصبح الحااال و هي تتفكر و تلعب بالسنسلة ديالها....
صباح جديد فاقت جميلة مع الفجر و مشات للكوزينا تتوجد لبنياتها الفطوووور لي غايكونو بلا شك توحشوووه ماخلاات مسيمنات وماخلات بغيريرات صاوبات ليهم كولشي و حطاتو فوق الطبلة مجاو فين يفيييقوو تا وجدات كووولشي .. تا بداو كيفيقو و تجمعو على مائدة الطعااام لي كانت مغربية مئة يالمئة. .
عز الدين ..« صاوب بغريرة بالزبدة و العسل و دار راسو غايمدها ليهاو و يقلبها لمرتو» .. هاك..
ليلى....« شداتها و هي تضحك على امنية لي تتغبن و تهرنن» يخليك ليلي ازماااني ..
عز الدين ..« تحنا عندها باسها فالفك و همس عند وذنها» راك عارفة هاد زماني فين تنبغيك تقوليها غانوض نتكي مك فو الطبلة ..
ليلى ..«حمااارت و صفاارت» . اويلي سكت كون تحشم ..
دفعاتاتو و هي تتشوووف فييهم تيتهااامسو و يضحكوو عليهم ملقاااتىغير ديك البغريرة خشاتها كاملة فمها و نزلات راسها على الطبسيل ...
متفك عليها الحصااار تا نطقات زهرة تدوي مع عز الدين ..
زهرة .. عزو .. اليزيد صونا عليا البارح ..
عز الدين ..« طلع فيها راسو» .. اش بغا ؟
زهرة .. قالك غايدوز عليك يديك تقهواو بزوج ..
عز الدين ..« حرك راسو بالايجاب» .. و عليه ..
ما هي الا لحظات باش تجمعات الطبلة و مشا عز الدين بدل عليه حوايج النعاااس و هاهو اليزيد تيصوني على زهرة .. هزات تيليفونها و مداتو لعز الدين .. مابغاتش ترد علبه هب لسببين .. الاول مقلقة و غضبانه من كلامو و الثااني خوها لي محاصرها في كل مكااان ...
بعد ما انهى الاتصال مد لهبا التيليفون و نزل ديك الساعة لقى اليزيد قدام الموبل .. ركب معاااه و كسييرا...
اليزيد ... تتعرف تصيد؟؟
عز الدين .. الصيد فيه اوفيه .. اشكم نوع تتقصد ..
اليزيد ..« ضحك بالجنب» .. صيد الحوووت ..
عز الدين .. تا الحوت فيه و فيه و انا راجل مزوج و عندي وليدات ..
عز الدين ..الى كان هكاك متفقين .. واخة منيش صياااد بروفيصيونيل تنسلك راسي.
اليزيد .. مزيان .. نمشيو لبحر .. عاد نتقهواو
عز الدين .. مشات اسيدي ..
توجه اليزيد للبحر كيف قااال وقف فالجهة ديال الصخر لي خاااصة بالصيد و نزل هز من الكوف الماتيريال ديالو ..
داز نهارهم كلو و هووو ايتعرف على اليزيد و يسوولو على راسو .. لقى منو طبعا ايجابات على الاسئلة ديالو كاملين واااخة مافيهش قوة البلا بلا ولكن كان مضطر لانه لو كان بلاصة عز الدين غايبغي يطمئن على ختوو و يعرفها مع من غاتزوج و هادشي لي خلاه يقدر و يصبر على ديك المحاذثة الطوييييييلة وااااخه كانت ثقيلة عليه ...
كي وصل عز الدين للدار توجه هو لبيت العائلة .. هاد الطرييق قهرااتو كيل ساااعة لانها طوييلة بزااف و هادشييي كووولو على ود زهرة فقط
غير وصل و هو يمشي سول على بااه قاالو ليه فغرفته .. طلع عندوو ديرييكت و دخل بعد ما دق الباب ...
اليزيد .. ئ« نضف حلقو» الواليد فايق ..؟؟
اسماعيل ..« طلع فيه راسو و سد الكتاب لي كان بين يديه» .. فايق اش كاين؟؟
اليزيد ... باغي ندوي معاك
اسماعيل .. تفضل ..
اليزيد .. جر كرسي و ريج عليه بالمقلوب مفرق رجليه وةحاط يديه فوق ضهر الكرسي» ..جيت نعلمك بلي غدا غانمشيو نخطبو الدرية لي بااغي ..
اسماعيل ..« بحال لا سلقتيه.. تململ من مكانو بعنف .. كيفااااااش؟؟
اسماعيل ..اكييد مرااكش جااي بااش تقوول لي نمشي معاكم؟؟
اليزيد ..« ميل فمو» .. علىىباالك انا عارفك ماغاتمشيش .. غير جيتىنعلمك .. حيت عارفك الحاجة لي نختارها تنا عندك نتا متسواش ولكن شوووف هاادوو..« جر زغيبات من راسو» .. بياااضوو شفتيهم راني متنرضعش صبعي الواليد .. لي قالها ليا راسي هي لي غاتكون .. و ديك ينت الناس هي لي غاندي ..
نوال ..« الفرحة نساتها راجلها لي تيخرج العافيااا من فمو و الدخاخن من وذنيه» .. بصااااااااح .. يوويوييووووووووووييس ..« ضرباتها بتزغرييتة ديال القلب » .. النهااااااتر الكبيييير هذاااااك اولدي اكبيييدتي .
اسماعيل ..يااك اسيدي .. مزيااااان تباارك الله تنا ولييت غير زاايد ناااقص فهاد الدار وليييت ماسااااوييش هنااااااا. .
نوال .. اويليي ..« مشات تتجري عندو» .. كيفاش ما ساااويش .. نتا الخيير و البااراااكا نتااا مووول الداااار و نتاااا باااه ..
خزر فيها و بعد عليييه يدها بنطرة خلااا اليزييد يزير على يديه من هاد التصرف خصووصا انه شاااف الاحراج فعينيها» ..
اسماعيل .. « شاف فاليزيد مخنزززززر» .. و هااااد خيييتي هادي بنت من بااها شكووون ..؟؟
اليزيد ..بنت النااس .. دروييشة بنت دراوش الوااليد هني باالك و سووس دمااغك حيت داكشي لي فيييه عمروو غايكووون.......
ناض دفع داك الكرسي علاش كان مريح تا كان غايطييح و خرج درب البااااب خلاااه اسماااعيييل يستشييط من الغيض مكرهش ينتف رااسو فدييك اللحظة لانه مواااعد مااالك انه يزوجووو بنتووو هز الداااك الكتاااب و خبط بيه الحييط بعصبية تا قفزاات نوال غير شااف فيها و هي طيير من قداامو تبعات ولدها ... مجاات فيين تلحق عليه تا لقاتو طار مشا لبييتو و سدها مابغاتش تزعجو حيت عارفاه غير تيتعصب تيبغي يخوي علييه الماااا باش يتكالماا شوية ...
.......
مر اليوم سريعاا و جاااء يوم مقاابلة العائلتين مع بعض فاااقت جمييلة و البنااات على النبووري تيجمعوو فالدااار و يصااوبو فيها.. .. و دخلاات هي للكوزينا تطيييب و تقووول ما طيبت كاااع لي جاها فبالها طيباتو الفلووس لي جابت من المغرب گاع غاضيعهم فهاد العزومة ولكن هذه هي الام المغربية تتبغي تكبر ببناتها و تبغي تبينهم كبار قدام عائلة الرااجل لي جاي يخطب فييهم و ماتايهموهاش الفلوس ..
بعد ما كملات شغاالها و دوشااات دخلات لبيتها و تبعااتها ليلى و امنية .. حلات البلاكار و وقفات قدااامو تتشوووف فيه و تهرنن ..
زهرة ..اااااش غانلبس اعبااد الله هننن😢اببففف
امنية ..انا الى جيتي عليا تلبسي من عندي ..عندي ديك الرووب الغوووز بيبي ديك القصيرة تتجيك خطييييرة عقلتي عليها ديك لي جربتي ديك النهار .. جاتك مزييرة و مبينة الفورمة ..
زهرة .. ههههههههههه ... اوعدييي ايماا الحبيبة ..هو انا قبل ما نخرج الناس غايشتف عليا عز دين و فاش نخرج عندهم يكمل ليا اليزيد لي بقى .. هههه عرفتي هاديك قداش تتجبني قد هناا ..« وراتها البلااصة ففخضها»/..
ليلى ..هههههه هاي هاااي على الناس ديال الحكام .. هذا بحال عز دين ههههههه كيقول ليا كون ما خديتك دايرة الحجاب كون كوغطتك فيه بزز على والديك ههههه
امنية .. « طلعات و نزلات فيهم» ..ياااه على معقديين اناااا نخلي شي واحد يتحكم فيا اطز على عينيكم و عينيه ..
ليلى ..شتي نتي بالذااااات ربي غايطييحك مع شي كرفي لي يمشيك على عجين ماتلخبطيهوووش ..
زهرة ....والله الى .. ههههههههه
امنية .. بزاف عليكم😛
زهرة .. واههعععععع ماعندي مانلبس عبااد الله😟 بحالي مخصووو لا يتخطب ولا يتزوج يييخ ..
ليلى .. شووفي دييك الجلابة لي صيفطت ليك مع امنية يا ختي عندي واحد الفالانتينو بلون العماارة ديالها لبستو خطرة وحدة و مع الحمل مبقيتش قربت ليه .. جبتو ليك معايا لبسيها و لبسيييه معاها غاتجي غزاااله ..
مشاات ليلى جابت ليها السبيبييط لقاتها ديجا جبداتها و لبساتها .. جات معاها غزاالة خصوصا انها مبطبطة شوية البلدي تيجي معاها وااخة تلبس فيه خنشة .. كانت جلابة واسعة خياطة جبلية فالموف و مخيطة بالاصفر فيها شويشات من القداام و من الكتاااف .. لبسات معاها السبيبيط لي عطااتها ليلة و جابت ليها معاها تا حلقات فااك اللون .. لبساتها و وقفات قداام المراية تتشووف فراسها ..
سلمااات امرها للله و سلمااات وجهها ل ليلى دير فييه ما بغااات و كيف وااعداااتها كان مكيااااج خفيييف .. و الوااان نيوود بااردة سوااء في ضلال العيووون او تا فالرووج و البلاش ..لكن فااش كملات ليها الميك ااب كانت بدر في تمام اكتماالو .. نزل علييها السر و جات غزيوووولة ..
......
في هاد الوقيييتة كاان اليزيد كمل شغاالو ولبس علييه شوميز بيضااء مع سروال كحل و موكاسان كحل .. رش بارفاانو و تخللو اصاابعو خصلاات شعروو كيف عااادتو في تسريحتو العااادية .. مشط لحيتو بيدييه و شعيراااتو البيضااء باارزيين و باينين عااديينو وقااار وحشمة ... هز تيليفونو و خرج لقى نوال بجليلبتها ديال الحضوور جالسة مع يحيى لي عواااال يصدم دانينو بوجووودو ..
توجهات العائلة لبيت زهرة .. نوال كان غالب عليها الشعوور بالسعااادة و استبشراات خير فهااد الزواااج واااخة مزاال ما شاافت العرووسة لكن بما انها من اختياار اليزيد فاكانت مطمئنة انه ماغايجيبش شي وحدة لي ماغاتكونش محترمة و بنت الناس.
جميلة ..« شيرات ليهم للصالون باش يريحو فين ..» .. تفضلوو مرحبا.ّ... » .. شافت فاليزيد لي حط داكشي لي جابو معاهم فوق الطبلة ..» ..عز الدين خرج يجيب شي حاجة هاهو دابا يجي..
جلسات جميلة جنب نواال و جات امنية تتجري فاش عيطات عليها ماماها .. وقفات عند البيت صاوبات حالتها و هي دخل ماغاتجي عينيها غير على يحيى لي مريح حدا اليزيد غا شاافها و هب توساااع ابتسااامتو بانتصااار و غمزها تا قفزت من بلاصتها ..
امنية .. وااهيا الخفييض الله ...
جميلة .. « مكرهاتش تشير عليها» .. تي مالك شفتي جن ..
امنية ..لالا .. هاء هاني هاني ..
تا الهضرة تلفااات ليها حيت وجوووود يحيى و عز الدين فنفس المكان سيولد الانفجااار ... حدرات راسها و مشات سلمات على نوال و جلسات حدا جميييلة و يحيى غا تيطل عليها و يغمز ميت بالضحك عليهاا و كي كانت تتخبي وجهااا فكتف ماماها ...
فهادد الوقيييتة كان اليزيد كيف لوووح الجليييد جاامد لا يبتسم .. تيدوووز يدييه على لحييتو و تيتسناا هادشي يمتااا يفوووت بااغي فديك اللحظة غير يشوووف زهرة و تيتحلف فخااطرو يااا ويييل ويلها اذا ماتسترااتش قدام خوووه و حتى خوووها....
جميلة بعد ما تعرفات على مناال عجباتها بزاااف خصووصا انه متواضعة و لبقة فكلاامها و كذل باينة فيها انساانه رااقية مااشي من دووك الحموااات الخايبين خلاتها تطمئن على بنتها و النااس لي غاتكوون معااهم ...
جميلة .. مرحبا بيكم تشرفت بمعرفتكم ..
نوال ..« ردات عليها في سااع بابتسامه ودودة » ..ربيي يخلييك الحبيييبة متصوورييييشاااي تا انا قلبي تفتح من شفتك نتي و البنية .. و متشووقة نشووف تا عرووسة ولدي .. ههه
عز الدين ...«/دخل عليهم » .. السلام عليكم ..
جميلة .. هااااهو خوها جااا. ههه ..
سلم على نواال هي الولى عااد مشا عند دراري تعرف على يحيى و ريح حدا اليزيد تيدوي هو ويااه و يرحب بيهم
نوال ..« بحماس » .. اواىجييبو لنا العرووسة خلااص ولا حشماانه هههه ..
اليزيد ..« شاف فيها»/.. الوليدة غير بالمهل ..
نوال .. هههههه اوا خلاااص علياا تا نتاا انا بغيت نشووف العروسة و ربي كبير ..
جميلة .. ابتسماات و مشات لباب غرفة زهرة دقاات عليها» .. زهرة .. خرجي احبيبتي الناس تيسولو عليك ..
كاانت زهرة حشمااانه بزااف كثر من القيااس .. داكشي علااش ماقدااتش تخرج بزز تا خلاات ليلى تفتح الباب و خرجاااتها حسماانة مزنگةةةةة عينيها فالارض ماقداااتش تطلع راايها تشوووف فيهم توجهووو لعندهم و عينيهم تيشووفو فييها باعجااب و هي تتفرك فديك الجلاابة و مزيرة عليها بيديها ..
توقف قلبو للحظة و هو تيشووف ديك التحفة الفنية لي دااخلة علييهم بنت مغربية بلدية قحة لابسى جلااابة وااسعة و محتشمة ووكيف طلب منها ماتزيرات ماتعرااات ..بقى متبعها بعينيه و تيحك فلحيييتو و هي تتسلم على الكل .. شاف جهة نواال لي ابتسمااات ليه بقبووول و عااجبها الحااال كانها تتهنئو على اختيااارو هاد الكثلة من الجمااال الخلاب ..
نوال .. تبارك الله ماشاء الله و الصلاة على النبي محمد قمر يااا خووتي قمر .. الله يحمييك ..
زهرة ..« حنات راسها بخجل ..
نوال .. شحال عندك من عام الزيينى ..؟
زهرة ..« بالسيييف قدرااات تلقى الكليمااات بااش تقدر تركب جملة مفييدة» . عندي ثلاثة و عشرين ..
نوال .. ماشااء الله زينه و صغيرة .. الله يحفضك ..و تتقراي ولا شنو تديري؟؟
نوال ..« شافت فاليزيد لي مزاالو على نفس الجلسة و منزلش عيينو من عليييها» ..ّامم تبارك الله جمال و ادب و عقل ..
انغمسات فالحذيث مع نواال لب عجبااتها و خلااتها بشوية بشوية تفففككك معاها فالهضرة و ماتبقاااش غا حانبة راسها و حشماانه .. كانت مجمعة معاتها و تتحااول ترضي تساؤلاتها و حماسها الشديد الي بااين على وجهها ..
بعد تقدييم الحلوياات و المقبلات منهم لي جاااب عز الدين و منهم لي مصااوبة جمييلة و لي شهداات ليييهم نواال بأنهم اهل الكرم و الجوود على استقباالهم الزويين و كيبتهم لي بااينة من وجووهم ..تكلمات نوال و هي شادة فيد زهرة
نوال ..صرااحة بعد ما شفت بنتكم و هضرت معاها يستحييل نزوج ولدي لشي وحدة اخرى واااخة تكوون مانعرف كيف داايرة دخلااااات ليااااا زهرة لقلبي بحاال اااش .. داكشي علاااش الالة جميييلة انا جااية نقووول لبك لي نطولوووه نقصرووووه بدووون مقديييمات و قوة الهضووور ..انا بااغية بنتك زهرة لولدي اليزيد .. اش قلتي ..
جميلة .. تاا انا صرااحة تالله دخلتو لي لقلبي و ولدي اليزيد الله يحفضوو باينة علييه رااجل من ضهر راجل .. و انا الى جااات عليارنعطييها ليك بعيني مغمضين حيت غانطمئن عليها .. ماتصوورييش قدااش تنخاااف علبيهم ووهوما غا بنيات بووحدهم هناايا .. ماغاديش نلقى الامااان لبنتي و نقوول لا .. ولكن .. الري و شواار شوار خووها .. هو هنا مداام مكينش بووها...
نوال .. اه حقاا باش غانعرفو موافاقة الاب ديالها؟؟
عز الدين ..« تكلم و باينة الحدة من جوابو»ّّ انا هنا هو باها و ولي امرها ..
اليزيد ..« تدخل» .. اذا نقولو بسم الله و نقراو الفاتحة ..
نوال ... ههههههه زربان .. بلاتي نشوفو بعدااا العرووسة وااش قاابلة بييك ولا لا ...
اليزيد .. ايه ... المهم .. انا بااش نجيكم ديريكت .. بناكم بغيتها لداري .. مرتي و موت ولادي .. ماغايخصها معايا تا خير لي بغاتها قبل ماتقولها توجد صداقها شحال ما طلبات فيه نحطوو ليها و ماباغيها غير ب باليزة حوايجها ..
فتحت ثغرها مبتسمة بفرحة .. كلامووو قد ما كيجرحها شي مرااات قد ما كيفرحها كثر .. كيكبر بيها و يدير منها حااجة كبييرة و هادي اكثر حاااجة عجباتها فيهىانه واااخة قاااصح فنفس الوقت تيحاول يكون معتدل وااخة مااشي طبعووو ..
ديك الابتسااامة ماشااافها حد من غيييرو و شحاااال فرحاااتو واااخة تا هو مابينش .. المهم انها حسااات بكلامو و عرفااتو نابع من داخلووو ..
عز الدين ..« حط يدو فيد اليزيد ..» .. تا انا تنقوول ليك اسيدي عاطينك بنتنا ولكن نهار تدير معاها شي بلانةماهوااش تلقااني وااقف عند راسك وااخة تكون فالهند
اليزيد ..« ميل فمو للجنب »واخة اسيدي .. نقراو الفاتحة؟؟
عز الدين... نقرااوها ههههه
كولهم هزو كفووفهم و قرااو الفااتحة .. فاتحة العلاقة لي بداات بالحلال .. فاتحة الحب لي ممكن ينشب من هاد العلاقة .. فاتحة الرابطة لي غاتكون بين العائلتين ..
طووول الجلسة و يحيى حاضي مع امنية و باغي يتفرگع بالضحك من تصرفاتها كانت تتخبي وجهها منو مسكينة فينما تدور تتلقاااه تيحنزز فيها تا حرم عليها التبركيك فزهرة و اليزيد ..
اما زهرة .. حولاتها نوال لجنبها الثاني .. حدا اليزيد مباشرة .. و جبدات الخواتم لي كان جاب عطاها اليزيد فالسيارة تحطهم عندها..
جميلة .. ههه الله يعطييكم الصحة .. جايبين معاكم تا الخواتم ..
اليزيد .. « ععينيه مافارقووش وجهها المطييبز و هوو حميييمر بااغي يطرطق بالحشمة ..» ّّخذا الخاتم ديالها من عند نوال..» . اري يدك ..
مدات ليه يدها حس بييها تترجف و يدها مبوورشة .. ضحك بالجنب و زير عليها شوية تا شافت فيه .. غيير شااف عينيها كانت دايرة لي لووونتي دااااخ .. بقاا مدة و هو تيرمش فدوووك العويينات لي تبدلووو عليه .. بلع ريقو و نزل رااسو خذا يدها خشا لها في الصبع الخاتم و مد ليها يدو تا هي لبساتو الخاتم ديالو .. ما حسوووو غييير بواااحد مووولات تزغرييييتة من عند نوال تطيح الزرزور من فوق الصووور ..
اليزيد هاد الجلسة ضااغط بييها على رااسو حيت تيكره العرااضات ولكن ماعندو ميدير غير يزير رااسو تا يمشي .. بقى تيدوووز كل شوية على راسو تا نااضو من فووق الطبلة وةرجعو للصاالون .. هنا تقدمااات القهوة مع بعض الانواع ديال الكيك...
زهرة ..«شافت فاليزيد بخجل و تردد ممزووجين بشوية ديال التوثر و الخلعة😂» .احم . اتاي ولا قهوة ..
اليزيد ..« تيدوز على جبهتو» قهوة كحلة بلا سكر ..
نوال .. ويييلي على هاد الولد وااش كااين لي كيشرب قهوة كحلة بلا سكاار نهار الخطبة ديالو؟؟ شرب السكر بااش تكون اياامك الجاية كولها سكر .. ههههه
اليزيد ..راسي ضرني الواليدة ..
زهرة ..« مدات ليه قهوتو دار يدو باش يشدها من عندها و غير بالغلط حط يدو على يدها و هي طلق الفنجان جاه فوق فخاضو » .. ههييييييييييييئ ..
اليزيد ..«ناض وقف تيسوووس بلا كلمه بلا زوج مكرهش يمرمقها معاها فديك اللحضة كوولشي شد فمووو و تيبرررق فعوينااتو. ..
جميلة .. اللله يا بنتي الله فيين عينيك .. دي راجلك وريه الدوش...
بزز فاقت من الغيبووبة هههه هات جلابتها و سبقااتو خلاتو تبعها من اللور غير وصلو للكولواار و شعلات الضوو ديال الدوش هزها من خصرعا و لاسقها مع الباب ديال الدوش و قرب ليها مزياااااااان تال وجهها
اليزيد ..« مخنزر فيها» .. اش هادشي درتي ..
زهرة ..« غمضات عينيها و تدوي بشوية» .. و اللهما قصدت بي الله ...
جرها من يدها و خرجها من الدوش بانت ليه مراية طويلة وقفها قدامها و وقف وراها و حط يدو فكتافها» ..
اليزيد ..ها علاش تنقول ليك السترة مزيانه ؟؟ زينك غاتبينيه فالحشمة ديالك ابنت الناس ..ماغايبان لا بالعرا ولا بالتزيار .. غايبان فالعفة ديالك ربي اامر بالستر ..و دييري في بالك ان مكارم الاخلاق اساسها العفة و الحياء .. قال رسول الله صلى الله عليه و سلم «الحياء من الإيمان ..» .. « ضةرها لعندو و قبل جبهتها» ..الله يرضي عليك ..
ثوران دينيز الجزء الثامن
محتوى القصة
التنقل بين الأجزاء