زينب .. كنحس بداكشي فازگ عليا من لتحت يمكن خرج داكشي لي كتقولي ماما ..
نصر .. بلاتي بلاتي ( جبدها هزها لعندو وهي شادا فسدرو العاري وكتشوف فيه حنيكاتها حومر وعاضا على شفايفها شافها هاكاك وهو يضحك مع غميرة ) اش كاين تما
زينب .. احم والو
نصر .. دخل لحمام وسد الباب برجلو ) ايوا الالة زينب راه رمضان قريب
زينب .. اييه الله ادخلو على خير
ضحك من نيتو وشاف فيها وحطها على لاشاص
نصر .. راه احبيبة كنقوليك هاكاك ( غمزها ) باش نبداو الخدمة على مشروعنا قبل مايدخل علينا سي رمضان
زينب .. ( دارت ابتسامة جانبية وشاف فيه ) حبيبي ههه واش فخبارك بلي غاخسك تسنا ربعين يوم ..
ضحك .. دخلنا عليك ببالله ..
دارتلو براسها اه ببرائة .. تاكاتشوف و كيقرب وهي تحل عينيها .. اويلي شكادير ههه
نصر .. نصومو لتحت ولكن الفوق منقدرش تحنا لعندها وجبدها من شفايفها كيلتاهم فيهوم وشحال توحشها وتوحش ريحتها ..
دوش معاونها وكمل موراها عاد خرجو نعسات ديك الليلة فراحة وطمأنينة وهي بين يدو ..
دوزات داك السيمانة كلها دلع جاو عائلتها طلو عليها، وهي الفشوش وتختار لي بغات وحاسا بالدنيا ماقاداها زايدة على الفشوش لي مفششها هو ومامخليها ناقصة من والو السيمانة الجا غايدخل رمضان، تجمعو عندها سارة وبسمة ومها ونجلاء كيصايبو الشباكية، كلها كاتصايب لراسها وزينب معاوناهوم بالتشباك صايبات لراسها تاهية واحد النص كيلو، وناضو قلاوها وقادرها فالبواطات ماتفرقو حتا ليل، ومشات تكات ناعسة، تادخل هو دخل لعندها ..
نصر .. حبيبة نعستي ..
زينب .. ( جاوباتو ناعسة ) مم عييت ..
قرب منها باسها فحنكها وخلاها ومشا دخل لدوش لقاه كيفما خلاه البارح تنهد عارفها مريضة خمسطاشاليوم دابا وهو كيجيب الماكلة من الزنقة حيت ماكاطيبش زائد الحوايج لي خاسهوم اتصبنو ولا هو يديرهوم ولاكانت شي حاجها خاسها تجمع هو يجمعها، دخل دوش وخرج لقاها شمخات ونعسات، ومشا تكا حداها كيشوف فيها شحال حتا نعس .. ناضت مع نصاصات الليل كيف العادة كتبكي الكوابيس مابغاوش احيدو من بالها تاناض نصر جايبليها كاس دالما ..
جرات الغطا ديالها والوسااادة وخرجات برا وزدحات عليه الباب تاترضخ، ومشات لصالون كتفرش وتبكي وتعاير وتلاحت باغا تنتس، بقا هو مزير على يدو ضرب ضو تاطفا ورجع خرج للبالكون كيطل على الشاريع والنجوم فالسما وكيتنهد وكيحاول ابرد على راسو ويدعي الله باش اشافيها
دازت 3 ايام وهوما مدابزين حد ماكيهضر مع لاخور وحتا مين كيشوفها ويبغي اتصالح كتقلب وجها، علنو بلي غدا غايكون رمضان ناضت غابزز دخلات للكوزينة ماحاملاش راسها باغا غير تنعس، طلات فالبيت لقاتو خرج حيت كتفيق معطلة جمعات البيت تاكاتسمع تيليفونها كيصوني شافت شكون تالقاتو هو، تنهدات وهي تجاوب ..
زينب .. وي
نصر .. طلي من البالكون دالبيت ..
زينب .. ( وهي غادا ) علاش !! ( تاكاطل كتلقاه متكي على سياط فالبيض وملوي عليها بابيون فالاحمر من القدام عينيها خرجو والتيليفون كان غايطيح من يديها ) ..
نصر .. يالاه هبطي احبيبتي وريني حنت يديك فالصوگان ههه
عضات على شفايفها وهي ماتبتاسملو من البالكون دخلات بسرعة لبسات العبايا ولاحت شال فوق شعرها فالاسود، ومشات هابطة تاوصلات لتحت قطعات الشاريع ومشات لعندو كتشوف فالطوموبيل غاطير بالفرحة، مامتيقااش اش كتشوووف ..
ومشا دار ملس وهي بسرعة دخلات كلسات كان نقاها وبدليها الجلذ وصيغها بحالي خرجات من لاميزون جديدة، فرحانة دارت السمطة وهو كيشوف فيها وكيدور راسو كيضحك ركب السمطة وشاف فيها ..
نصر .. لا كنضحكو غير غاضربي دويرك وغاتعطيني السوارت نرجعها لمالينها ..
زينب .. ممم كذااب هههه
بركات على لومبرياج وعاد قلعات غادا بشوية خايفة عليها وهو يوريها ويقوليها تكسيري شوية تارجعات حفضاتها وبدات غادا بيها عادي ومرة مرة ضحك طلبات منو يطلقليها الموسيقى وطبعا تناااااديييييك، ومشاو على انغامها مساريين فمرااكش وهو كيوريها الطرقان حيت باقا ماحفضاش المدينة، تاداها للبلاصة فين كان داها اول مرة عرفها ووقفات الطوموبيل كتشوف فيه ..
زينب .. ههه جبتيني لهنا
نصر .. عقلتي بعدا ..
دورات راسها باه .. طبعا عقلت على داك النهار
نصر .. ( جرليها يديها ) حبيبتي انا من داك النهار وانا مقرر تكوني ديالي واخا يطرا لي طرا ..
زينب .. ( ابتاسمات ) واخا ختاروليك خولة
نصر .. انا ازينب ماكانعرف تاشي واحد كنعرفك نتيي زينب ومن اول نهار شفتك ختاريتك نتي وماشفت حتاشي وحدة من غيرك ( جرها لعند سدرو معنقها ) حبيبتي اي حاجة وقعات خاس نحاولو نتجاوزوها ماشي نستسلمو ليها ..
دورات يديها على ضهرو وعينيها مغرغرين
رجعو بفرحة وداها تغداو برا داك النهار ودوزو العشية كاملة مسارية وهو كيحاول يخرجها من داك الجو الكئيب لي فيه غير باش ماتبقاش بنفس نفسيتها، تاسلاو مع الليل ومشاو راجعين للدار يالاه اتتسحرو ..
نصر .. شاف فيها ورجع مكمل مع الطريق ) زينب علاش ماترجعيش تكملي القرايا ..؟؟
زينب .. القراياااا ؟؟؟ هههه نوو فيناهو العقل ..
نصر .. علاش مزيان انا عندي ماعاريف فلافاك ديال مراكش دفعي للماستر ديالك وديك الساعة تشوفي شي وضيفة ..
زينب .. ( شافت فيه ) علااش نتاا بااغينيي نخدم ؟؟؟
نصر .. ههه احبيبتي انا لي بغيتيه راني معاك ولكن حاولي تخرجي ديري شي هدف باش ماتبقاايش بحال هاكا ..
زينب .. دابا مافهمتتش انصر كتكون نزيان تاكاتبقا تحبد ليا شي حاجة لاعلااقة كنحسك بحالي مابقييتش عاجاباك ولا كيفاش ..
نصر .. زييينب اش دخخخل شيي فشيي ازيينب مالكي رجعتي كتعصبي على والو ( وقف الطوموبيل حدا الدار )
زينب .. اسيدي انا وليييت حمقة سمعتي كنتعصب على والو هادشي لي بغيتي تقول ولا كنت تقلت عليك قولهالي .. خرجات وزدحات الباب تبعها تاهو زدح الباب وطلعو لددار قالبين وجهومً هاد المرا مابغاش لا يهضرها ولا يزيد معاها ..
داز عليهوم شهر رمضان كيف الما كيدوز دغيا، دوزوه كيزفت نهاو ومطااال كيدابزو قليل الليالي لي كانو كيدوزوهوم كيالسمن على العسل زينب بحالي تهزات وتحطات ونصر كيبقا صابر تاكيغوت فوجها وكترجع ترجعو هو السباب وهو لي كيجبد الصداااع، وتخليه باغي يطرطق ..
جا شهر ستة وبدا الحال كيسخن وزينب كتفكر فين غايدوزو الصيف بدات كتهدن شوية مور اخر ماوقعاليها وحتا المدابزات مع نصر بداو اقلالو بعد ماكانو كل نهار،،، ناضت اليوم سمعات الرشاش ضحكات متبسة على الليلة لي دوزوها حمراء، تاكاتسمع تيليفونو كيصوني جات تهز ونو يقطع يالاه غاتشوف تاكيطلع ليها ميساج قرات السمية .. jowayriya قلبها تخطف ويديها بداو كيترعدو
~ بقات كترعد، ماعرفات مادير من غير أن عينيها كيحمارو، حطات صبعها على البصمة مابغاش يخدم، هي آصلا عمرها حكرات علىٰ آساس أنه كيخبي عليها تيليفونو، عمرها قالتلو عطيني الكود ولا آري نشوف لا عادي، ولكن دابا هي قرات إسم " جُوّيْرِيّة " إسم إمرآة، غيرها هي، مصونياليه على الصباح او مسيفطاليه ميساج عاد، كلاوها يديها خسها تعرف شنو فداخل الميساج، قلبها كتحسبيه كيضرب كغير العادة ديالو دقات متسارعة وخوف متملك من أنه يكون الزوج ديالها، راجلها وحبيبها وروحها، بدلها، بدلها بأنثى غيرها، سمعات الرشاش تطفا، ومعاه بسرعة رجعات التيليفون لبلاصتو، ورجعات تكات عاطية بضهرها، عينيها بداو كيعمرو بالدموع، شنو وقع ..؟ هذا السؤال لي كيتراود فالذهن ديالها، يا ترى آشنو وقع تاخلاه يبدلها، والسؤال الأكبر ! شكون هادي ؟ وفين عرفها ؟ وكيدايرا ؟ .. راسها غايطرطق وحالة رعب لا مثيل لها، ردت فعلها كبحاتها فالداخل ديالها بأسئلة متكررة وماعندهومش جواب، سمعاتو خارج ماقدراتش تشوف فيه، خايفة تشوف فيه، وتفقد إحساس قلبها لي كيقولها نصر عمرو يخونك أزينب نصر كيبغيك نتي، ماقدراتش دور، سمعاتو هز التيليفون فيدو غمضات عينيها بحرقة، وضقات قلبها كيتسمعو لدرجة كتقول دابا وهو وقف، واحد الإحساس صعيب إتوصف، رجع حط التيليفون، ومشا للماريو كيبدل حوايجو، زادت سدات عينيها من الأحسن ماتبينش ليه راه فايقة، حيت فالداخل ديالها واحد الموجة وكأنه هدوء قبل العاصفة، أكيد أي مرأة وهي على نهاية من علاقة حميمية كتشوف متصلة أخرى كتعيط لراجلها وفصياح كيف هذا راه غاتبغي طرطق غاتبغي تنفاجر، بقات مدة صامتة، مابغاتش تقول حتاشي كلمة شافتو لبس حوايج الخروج وتعطر كيف عادتو وهز تيليفونو ومشا خرج، غير سمعات باب الدار تسد وهي تحل عينيها نازلة دمعة باردة منهوم ناضت كالسة جابدا الغطا على سدرها، ومور دمعة طاحو جوج وثلاثة تارجعو شهقاتها كيتسمعو، طلعات يديها شادا على راسها، وكتفكر آخر ايامهوم وهاد الشهراين لي دازت مور الفقدان ديال ولدهوم، مور فقدانها لجنينها لي متعطاهش الحق باش اعيش فهاد الدنيا باش تسمعو كيعيط بسميتها، حيدات عليها الغطا وناضت كتمايل تاشدات على الماريو ودموعها شلال منهار، تادخلات لحمام وهي توقف حدا المرايا، وشافت وجها فيناهي زينب لي كانت تقريبا هادي قبل عام فدارهوم، كلها نشاط وحيوية، شافت كيفاش رجعو هالات سوداء تحت عينيها، وشعرها لي مابقاش كيف كان متجعد وغير كيتستقط وتمشطو من الدوش للدوش، فمها لي غير كيتقشر وناشف، شافت فالكرش لي ولات عندها والغلاضة لي بدات كتحس بيها، كولشي تغير فيها كولشي، اه هادي لي كانت كتقول انا ماغانتبدلش مور زواجي، انا غانبقى كيف كنت، اه هادي لي كانت تضحك على اي وحدة تزوجات ورجعات غليضة ومهملة ومكتهتمش براسها، ولكن شنو واش ماكانتش دايزا من نفس تجريبتهوم ؟ ....
دخلات فوسط الرشاش والماء هواد عليها سراب، كتفكر غير فالايام الاخيرة وكتفكر كيفاش تبدل التعامل ديال نصر معاها وكيف رجعو الغواتات والمدابزات كل نهار، زعما تكون هي غالطة فحقو، تكون هملات راسها مور الإجهاض دولدها، تكون خلاتو يقلب على أنثى أخرى باش تملئ النقصان لي خلاتو هي، ولكن علاش ؟ علاااش الخياانة علااااش ... عرفتي علاش ماكانتش قادرة تسولو حيت زادت خافت كانت خايفة يأكدليها داكشي لي فراسها، وقد ماكاتعرف نصر صريح قد ماكاتعرفو يديرها، رجعو طاحو دموعها بغزارة، علاش كيوقع معاها هاكا علاش ؟ واش ماشي من حقها تعيش واش ماكنحقهاش تحس براسها عندها حياة سعيدة، علاش تاحد ماحس بيها، علاش ماقدروش افهمو هي باش دازت، ماجات تخرج من مارثة تاطاحت بماكفس ومن عند اقرب الناس لقلب حبيبها، وفكل مرة كتشوف فانها هي السباب فسخطو على مو كتزييد تألللم، علاااش ماكيحسووش بهااادشي علااش، هي ماقادرااش تقول مشاعرها، ماكاتقدرش تفصح عليهوم ومن صغرها وهي هاكا، ماعمرها قالت اشنو كيضرها فقلبها ولا اشنو باغا ولا شنو محتاجة، كتسكت وديما كتسكت حتا كتجيبها فراسها، ليسات البينوار وبقات كالسة فالناموسية وشعرها راداه جنب، كتشوف وتفكر، وكأن الزمن متوقف عندها، مايمكنش تبقا هاكا، مايمكنش تفرج فراجلها كيخونها، خايفة تسولو ويكون سؤالها النقطة لي تفيض الكاس، ناضت باقا بالبينوار مشات ليتيليفونها هزاتو وعيطات لبسمة .. غير جاوبتها شافت حالتها وهي تسولها ..
هزات الفلوس والساك وهبطات مشات على رجليها كسكنو غير فالسونطر، دخلات لواحد القيسرية، كتشوف الحوايج تاكيوصلها الميساج ديالو فتحات التيليفون كاتقراه .. حبيبتي خودي راحتك، كيصبحتي بعدا مزيان ؟ .. بقات كتشوف فالميساج وتسرط ريقها عضات على شفايفها دايرا ابتسامة جانبية .. واحبيبي كيفاش بغيتيني صباحي يكون مزيان وانا ماشفتكش فيه ... سدات التليفون وحطاتو وهزات فيديها واحد الكسوة فالأسود قصيرة كتجي حد الفخاض سوماتها وشراتها تاكيوصلها ميساج هزاتو مبتاسمة لقاتو هو طبعا مجاوبها .. خفت نكد عليك .. عوجات شفايفها ورجعات ثاني جاوبات .. حشووووومة احبيبي تقول هاكا دابا بصح قلقتيني .. وسدات التيليفون وحطاتو فالساك باش ماتزيدش تجاوب، تاكاتسمعو كيصوني خلاتو هاكاك وكملات التقدية ديالها على خاطرها شرات كسيوات طوال والدرور ديالهوم وعبايات وسنيدلات مع هاد الصيف، تادازت لواحد الحانوت ديال الملابس الداخلية شرات لي دوبياس ولي شوميز دونوي على الجهد، عاد خرجات للشاريع وهزات تيليفونها كيصوني ثاني عاد جاوباتو بعد ماخلاتو 3 ديال ليزابيل ..
نصر .. فينك ..
زينب .. ( بابتسامة ) انا غير فالسونطر احياتي الشاريع الكبير غاتجي لعندي ؟
نصر .. وي بقاي تما سانك مينيت نكون عندك ..
تبسمات فرحانة ... وبقات واقفة كاتسناه، تاوصل بطوموبيلتو كتشووف فيه بابتسامة وقف كيشوووف فيها وهي تمشي بهدوء ركبات حداه ودارت السمطة عاد شافت فيه وهي تحني عندو سلمات عليه بوجهة حاطا يديها جيهت عنقو ومع جات بعدات عاوداتلو بوسة جيهة فمو ..
زينب .. صاڤا احبيبي كيدوزتي صباحك مزيان ..
نصر .. ( كيشوف فيها بنص عين وداير ابتسامة خفيفة جاتو فشكل ) هه لاباس ولله الحمد ( قلع غادي ومرة مرة يشوف فيها ) ونتي ( غمزها ) اش كاين تما ..
زينب .. ( كترمش عينيها بشوية ) اانا ماالي ؟؟؟
نصر .. ( تنهد وهزليها يديها بسها ) مزيان غير مين شفتك ضاحكة ..
سطاسيونا الطوموبيل حدا الغيسطو وشدليها يديها .. حبيبتي نتي غير تكوني مزيانة وفراحتك كولشي غايكون مزيانة بقايليا غير ضاحكة وماتعبسيش ( ضربها لنيفها بشوية ) ماكاتجيش معاك التغوبيشة، ديري لي بغيتي ومين تخرجي ضربي المحال على حساب راجلك ..
عنقاتو طايرا بالفرحة وهو دور يديها على ضهرها الحمد لله غير مين شفها ضاحكة، وهي كذلك معنقاه والعرام دالافكار كيدورو فبالها
دخلو للغيسطوغون شادا فيدو لسو ودومونداو .. وهي ماتعاودلو على الميكاب ارتيست وكيفاش كيخدمو والى كانت مشهورة وهو كيسمع ليها ولا انه حس بالملال بلعكس كيشوف فيها بابتسام وهي مع كل تعبير ضحك، ومرة تبتاسم وتسد عينيها وتعبر، بقا شادليها على يديها، وكيشوف الحلاوة ديالو كضحك هادي هي الدنيا ومافيها، تحطليهوم الغدا، كتاكل وتبنن عليه وهو كيضحك ومرة توكلو زعما، وهو كذلك دوزو وقت زوين، تاسلاو وناضو هزها، مشا داها لواحد المول، غادا شادا فيه، زاد كيشرليها الحوايج، ودخلو عند مالين اليتليفونات شراليها تيليفون جديد بحال ديالو، وهي فرحااانة ماقاداها فرحة، ركبليها تم نيت مول التيليفونات الرقم ديالها وصايبوليها وخبعات القديم فالساك، وشداتليها فيديه خاشية صبيعاتها فالصبعين ديالو ووقفاتو حدا ديكاطلون دخلات شرات الحوايج دالسبور وعلماتو بلي غادخل دير السبور فرح وعجبو هي متهز ودور تشاور معاه وهو داير يديه فجيبو وكيعطيها رأيو بصراحة هادي تجيك مع هادي ولوخرا لا، شرا حتا شي تويشيات لراسو عاد خلص خرجاتلو ب 2500 الدرهم وهي بقات زامتا على فمها زعما ببرائة بقا فيها ناري شحال خصر عليها غير فهاد الخرجة وشوية شاف فيها غمزها بابتسامة شد من عندو الساشي وجا شاف فيها ..
نصر .. مال حبيبتي مم ..
زينب .. ( بصوت رقيق كضحك ) كترت عليك ياك ..
نصر .. ( دور يدو على كتيفاتها كيضحك ) حبيبتي كتفكر فيا اا
زينب .. هه وشنو نورمال راه نتا لي عندي
نصر .. يخليك ليا اكبيدة لي بغيتيه قوليه انا كلي ديالك ..
بسمة .. الظروف وصافي راك شفتي اصلا انا يالاه عرفت هادي شي طخوا سومين ..
زينب .. ( متفاجأة ) ومجاك لا وحم لا والو
سارة .. ( ضحكات ) وماحساات بوالو كون ماشافت ليغيكل تعطلات كتر من القياص ..
زينب .. ( بابتسامة ) سعدااتك ( بحالي بقا فيها الحال ) ماقلهاش ليا حتا مهدي
بسمة .. ( جراتها غادين لمحل ديال الالعاب ) وصاحبتنا راه قتليك والله مع داك الظروف لي وقعو وحنا عارفين جرحك باقي جديد مابغيناا نقولوليك والو هادا مكان ..
زينب .. ماشي موشكيل المهيم هو تكون صحتك مزيان وصحت البيبي مزيانة
سارة .. ( هزات واحد اللبسة صغيرة فالغوز ) ويينو شووفو شحال زويينة ..
بسمة .. ياااي ياختي فيا واحد الحماس نشري هادشي كامل ..
نساحبات زينب بهدوء من حداهوم غادا لعند نصر وقلبها مزير، حطات يديها على كرشها كتفكر كون كان دابا باقي كون راه كتوجد للسبوع لي غاديرلو تاوصلات لعند نصر شافت فيه عينيها مدمعين كان عاطيها بالضهر وهاز افنان كيوريها فالمونيكات ويعطيها طاحت دمعة ماقدراتش تحبسها كل مرة كتشوفو كيلعب مع افنان كتقول كيفاش كان غايكون لو كان عندو بصح ولدو ولا بنتو لي فيدو وهي عارفاه كيفاش كيلعب مع الدراري الصغاار وكيفاش كيديرليهوم الخاطر سدات عينيها داعية فخاطرها باش ربي يرزقهوم وتعوضو فأقرب وقت
جا الصيف وقررو يسافرو للشمال فيه غايدوزو الكونجي، جمعات الدار على حقها وطريقها وجمعات حوايجها وحوايجو، والغدليه ناضو فالصباح بكري سافرو داو معاهوم تا افنان وسارة تاهوما يفوجو، وصلو لتطوان عاد شدوها لواد لاو تما فين قرر نصر اكري واحد الدار من عند واحد صاحبو كان كيمشيليها ايام كان زوفري مع صحابو، زينب عجباتها الدار متولة ومقادة وعاد جات كطل على البحر، ونيت كبيرة بحيت غايدوزو سمانة وفالويكاند غايجيو حتا عائلتها، داك النهار غير وصلو طاحو دغيا عيانين انعسو بحكم الطريق طوييييلة، تالغدليه حلات زينب عينيها دارت شافت حبيبها ناعس على كرشو غير بالشورط والفوق عريان، بتاسمات وباستو من عنقو وناضت لبسات بيجامة بتيشورت وسروال بحكم كانت ناعسة بدوبياس، وخرجات للكوزينة جابو معاهوم كولشي بدات توجد الفطور تاسمعات خطيوات صغيورين دارت لقاتها افنان معنكشة كتمسع فعينيها بالبيجامة ضحكات وهزاتها لعندها داتها لطواليط غسلات ليها وجها ومشطات ليها شعرها وداتها لصالون شعلات ليها التلفازة كتقلب ليها على شي قناة دالروسوم، ورجعات للكوزينة تاكيدخل عليها نصر شعرو هابط على جبهتو وباقي عريان من الفوق غير بالشورط صوتو مبحبح مع داك الصباح ..
مداتولو هي كالسة تحت الباراصول وفنفس الوقت عينيها مع البنات لي حداها قهروها وتقول واش بغاو احيدو عينيهوم على نص، ماكرهاتش تنوض تقلعايهوم عينيهىم ..
بقات هاكاك ونصر مرة مرة يلعب مع افنان، تاكتشوف ديك الزوينة فيهوم نايضة والكرة فيديها ونايضة معاها وحدة اخرى تاهية والشعورات مطلوقين والنضاضر فالعين، واللحم داهنيلو لومبر كيشعل مع الشمس، مشاو تالقدام نصر قبالتو وبداو كيلعبو بالكرة، زينب بدات ضرب بفمها كتقول غاتنوض تريش شي وحدة ومع نصر داير نضاضر ماعرفاتو واش كيشوف فيهوم ولا مع سارة لي كتعوم .. ناضت شااعلة شافت فيه ..
زينب .. حبيبي يالاه نعومو
نصر .. بلاتي تاتخرج سارة باش تبقا مع افنان ..
زينب .. وراهي جاية ..
دار شاف لقا بصح سارة خارجة من الما كتطر .. وهو يوقف ..
نصر .. ( كيحيد النضاضر ) يالاه ..
حيدات عليها الكاب بقات ببوركيني فالاسود كولون مزير مع الكسوة ديالو مكتوبة فيها النايك وشعرها مجموع تحت بوني كيبان غير عنقها البيض كيشعل، ومع عامرين فيها غير الجناااب والسدر ولي عونش عاطيينها جاها البوركيني خطير مع فرمتها غير مين لعبات شهر لاصال نقصات الكرش، وطبعا مور الزواج شحال من حاجة تقادات فيها، شافتو تقدم شوية عليها وهي يالاه غاتشد فيه تاكتشوف الكرة جات فرجلو طلع عينو فديك الزوينة وهي تهضر بالداخلية بشوية دالفرنسية ..
البنت .. باغدون هههه ..
يالاه غايهضر وهي تجي زينب كتجري ضربات الكرة برجليها تاطيراتها فالسما نيشان للما وهي ضور شافت فيهوم ..
نصر .. ( زيرها العندو ) عرفتي اشنو قصتي دابا عاد وشنو كنتي غاديري ولا ماعرفتييش اكامونتي ..
زينب .. ( كتشوف فيه وفمها كيترعد مع الما بارد ) كيفااش كاموننتيي تااني ( لي فيها مامكفيها )
نصر .. حيت دايرا بحال الكامونيين تخافي ماتحشمي ..
عوجات فمها .. ايوا بازز
نصر .. دابا شنو بغيتيني نطلقك ثاني
زينب .. انهز حوايجي ماتعرفني فين مشيت
نصر .. ( ضحك مثقل ) ودابا نتي اكبيدة راك بين يدي ومزال فيك الهضرة ..
زينب .. دابا شنو بغيتي باش طلقني نمشي ..
نصر .. اوو هادا عرض محدود ولا كيفاش ؟ ( غمزها )
زينب .. ( حركات كتيفاتها باقا متكية يديها على كتافو ) لي بانليك
نصر .. ( قربليها همس ليعا فودنيها ) اش بانليك فشي ليلة تفكريني بيها فايامنا اللولة ( وبعد كيشوف فيها بابتسامة جانبية )
زنيب .. ( حمارو خذوذها عرفاتو كيمعني على الليلة لي زعمات عليه هي نيت ) احم دا دًدابا دابا ..
نصر .. A O I ) زيرها لعندو ) غابشوية عليك احبيبة ( غمزها بشوية ) راه خمسطاشر يوم ماداق حلوتك ماتحنيش فيه زعما ..
زينب .. ( هبطات راسها عاضة على شفايفها ) ن ا نخرجو راه بردت ..
نصر .. شوفي فيا .. ( طلعات عويناتها وشفيراتها طايح منهوم الما كيقطر حمقاتو بالمنضر ديالها ) واش لي عندو بحال هادي يشوف فشي وحدة اخرى ( قرب باسها من حنكها حيت حشومة يبوسها من فمها كيبقاو فالبحر ) أنا راه من نهار شخشختيليا الطوموبيل ديتي معاه حتا القلب ..
زينب .. ( بابتسامة خجولة زيرات على ضهرو ) ههه ..
نصر .. كضحكي دابا الفارة ههه ( بدا كيزيدها خارج بيها ) حاولي علينا راه قليب واحد لي عندنا ..
صافي زمتها ماقدراتها مازال تهضر حتا وقفات كضحك غابوحدها غادا وهو كيشوف فيها طلع يدو كيدوز شعرو اللور والما هابط مع سدرو، شافت فيه احح اش هاد الخير عندها ماكرهاتش تاكلو تم نييت حسات براسها سخنات ، بعدات شوية زايدا قدامو، وهو يشوفها، كيفاش البوركيني مزير عليها وكيبين كااع المناطق ديالها، صغر عينيه ومشا بخطوات مسرعة حتا دور يديه على كتفها زايد موراها مغطيها بجسمو هي مافهمات والو ..
زينب .. ههه ماااللك ؟!!
نصر .. حاضي مراتي عندك شي مانع
زينب .. ( ضحكات ) لا ..
بقا حاضنها تاوصلها للباراسول كيضحكو مع البنات وكلسو وهي كتشوف فداك البنات لي باقين حاطين العين، رجعاتلهيا الفقصة ثاني ،، وبقات كتشوووف فيهوم .. تانوضات نصر ..
ناض هز الفلوس ولبس تيشورت ومشا، وهي دور عند سارة ..
زينب .. سارة لهيليا افنان
سارة .. فيين غادا ؟
زينب .. ( واقفة ) عايني ..
مشات زينب حتا وقفات على ديك الزعرة وهي طلع عينيها كتهبط وطلع فيها ..
زينب .. ( طلعات ونزلات فيها ) شوفي احبيبة غانقوليك جوج كلمات وغانمشي داك الراجل لي من صباح ونتي تحلوني عليه ومابغيتيش تهبطي عينيك راه ديال مالينو سمعتي وراه ماغايشوفش فيك واخا تموتي غير تهناي ودابا خليت ليك الخير ..
مداتوليها وهي تلقا ثاني اسم جويرية هاد الاخت لي ماسوللاتش عليها ولا جبدات الموضوع لنصر بحكم مارجعش تعاود وهاهي كتشوفو دابا ثاني
بقات كتشوف فالتيليفون ويديها مترددة نجاوب ولا لا، شاف فيها سارة بحال هاكاك وهي تهضر .. زينب مالكي ؟
زينب .. ( شافتف فيها ) الا والو ... ( قطع فيديها التيليفون )
سارة .. شكون صونا ؟
زينب .. ماعرفتش يمكن شي صاحبو ..
حركاتليها غير راسها وضارت كادير الصناطات اما زينب العافية شاعلة معاها شكوووووون هادشي مدام عيطاتلو تادابا اذن كاينة شي حاجة دورات راسها شافتو جاي وساشي فيديه حطات التيليفون بعيد عليها ورجعات كتشوف فافنان وهي مزيرة على اليد دالكرسي تاوصل ليهوم ..
نصر .. ( مدليها الساشي ) هاكي ..
شداتو من عندو بالنفخة هو طول فيها الشوفة كيشوف ورجع شاف تيليفونو هزو وهي بقات متبعة معاه العين، تاكتشوفو كيبعد وفنفس الوقت كيخربق فيه تادارو على ودنو مبعاااد غايهضر .. قلبها كيطلع وي هوط العيرة دارت فيها نار كتتتحررررق، أكيد غايكون كيهضر معاها علاش ابعد بحال هاكا شداتها البكية وحبساتها بزز دارت فعينيها النضاضر ديال الشمس وفنفس الوقت كتكب الموناضة لافنان، وتفكر وتعاود هاد المرة لا مستحيل دوزهالً حيت هادشي فات على الحد ديالو مستحيل، شافت فسارة شنو غادير وهي معاهوم فدار وحدة، تحشم وتجبد الصداع كولشي غايسيق ليها الخبار وهدا امر ماشي ساهل وموضوع خطير، جا كلس غالكرسي ديالو بقات كتشوف فيه، واش زعما بصح يقدر اخونها اقدر تكون عندو شي وحدة اخرى، اقدر اشوف فشي وحدة اخرى، كتفكر معاملتو ليها وتقول مستحيل وتعاود تفكر السمية وترعد وتشدها السخفة، تقدر اي وحدة تقول عادي مالكي ماتسوليييهش ماالكي ماتصاارحيهش ولكن رااه صعييب خااايفة تصدم خااايفة يتهرس قلبها وعاد دابا وقدام البراني خايفة تشوه، دار شاف فيها كيهضر معاها وهي عقلها غايب رجعات كتجاوبو ببرودة وبكلمات قلال، دوزو شوية وناضو جمعو مشاو للدار ودخلات زينب هي اللولة للدوش مدخلة فيديها افنان، عقلها مابقاش وكاع الفرحة والحماس لي كان فيها تهجر، اصعب حاجة هي تشكي فراجلك لي شاركة معاه الفراش انه كيخونك، كترلي خايفة ومتررددة وكتحسي بحالي كاديري لراسك الموت البطيييييئ .....
رجعو تصرفاتها باردييين، كيهضر معاها تجاوبو على قد سؤال وحتا ضحك ماكاتضحكش، تاكيبقا يسولها على مالها، وهي ماعارفاش راسها بيديها فسمن دوامة، كينعسو فليل كتبقا تشوفو شحال مكونيكطي وعاطيها بالضهر، كيطيحو دمعات خفاف من عينيها وكتحاول تصبر راسها كيفما كان الحال غير ارجعو غاتفرتك كولشي، وهاكا ايام داك السيمانة دوزاتهوم كيالزفت وهو مرض باغي اعرف مالها وهي والو، كيجي اقسها تبعد منو وتقولو راسي كيضرني ولا تاقالو شي حاجة، وكل نهار كتزيد دير كره ليه فقلبها، مامرا ماجوج حصلات لي زابيل ديالها، وكتصبر وكتقول مابقا قد مافات، لتاحقو واليديها فالويكاند وبسمة ومهدي، الدار عمرات، وبدات كاتحاول ضحك مع الاخرين وهو كاتجاهلو، وهو بيدو صبرليها وباغي اعرف مالها بحالي تهزات زينب وتحطات ...
كملات الضحك مع واليديها ودوزو داك اليوماين فالنشاط مع خوتها والبحر والخروج فليل وعاد السهارات لي كيدارو كتحاول تقنع راسها بلي عادي ولكن الجرح تطمر على قلبها، وواخا يكون لي كان صعيب تمسحو ..
اليوم ناض كولشي كيجمع حوايجو حيت صافي غايرجعو بحالهوم، كان هو كيجمع فالبيت وهي فالحوايج ..
نصر .. زينب ماشفتيش واحد ساعتي
زينب .. ( ببردة وهي كطوي كسوتها ) شوف فين حطيتيها
نصر .. ( تعصب صافي عيا صابرليعا دار جوج خطوات بزربة وشدها من يديها دورها تاحسات براسها تقسحات وكيدوي كيحاول مايعليش صوتو باش مايسمعوهش مالين الدار ) مااااالكيييي كدوييييي هااااكااا مااالكي اش خسسسك سيميااانة ونتييي مقلوووبة كنقوول يمكن داراها شي حاجة ماابغاتش تهضر ولا مقلقة من شي حاااجة عييناا صاابرييين اش وااقع بساالاامة ممم دوييييييي
زينب .. ( دوات كتبرك على كل حرف ) حي د ي د يييك عليااااا سمعتي ومااتقرببش ليااا اهووون سيري شوف راسك اش داااير عاااد اجي هضر ..
جرات يديها ورجعات كتجمع هو يالاه غايجعر تاكيسمعو الدقان شاف فيها شوفات كون كانو يلقاو اختارقوها حيت وصلات بيه للسطاج للخر، جايبها ودايرليها الخاطر وصبرليها لهاد البرودة سيمانة ماحطش يدو عليها وكيقول مناش واي واقع ليها ولكن صافي وصلاتًو للسطاج اللخر ..
كان باها كيسولو على الساروت رجع هز باليزتو بالخبطة عليها وحوايجو ومشا خرج وهي تعايرو من اللور كترعد وعينيها مغرغرين كاتحاول تحبسهوم مايطيحوش اش هاد الكونجي ديال الزبل واش ماعليهاش حق تفرح حتا شوية زعما
رجعو للديار ديالهو، الديار لي هي عارفة بلي تابعو الكثير ثمّ الكثير، على طول الطريق والهضرة بيناتهوم منقاطعة، من غير سارة لي كتهضر، ومرة أفنان، ولكن بيناتهوم والو، هي شاكة فحبيبها وعقلها غايطرطق وقلبها مشدود على داكشي لي شافت، وهو ماعرف شنو يدير باش اعرف مالها معاه وهي ماكاتعطيه تاراس الخيط، وصلو للدار دخلات حتا سارة وأفنان معاهوم بحكم ولاو كيقضيو معاهوم أعضم الأوقات، غير دخلات للبيت تلاحت على الناموسية كتحس براسها دايخ، العيا والطريق زائد العرامل النفسية، كتحس بمعداتها مقلوبة ومروعة، دخل هو مدخل فيدو واحد الڤاليز، وجا قرب لراسها كيشوف فيها هي حاطة يديها ومتكية، برونشا التيليفون فالشارج وبقا واقف كيشوف فيها ..
نصر .. مالكي ؟
بقات ياكتة ماجاوباتوش قرب وكلس فالناموسية جرليها يديها يالاه غايبوسهاليها وهي تخطفها وتقلبات عطاتو بالضهر ونطقات بهدوء
زينب .. باغا نعس .. ( سكتات شوية وكملات ) عييت ..
زير على القبضة ديال يدو وناض بدل حوايجو ومشا خرج عند البنات لقا افنان نعسات وسارة حداها كتلعب بالتيليفون
نصر .. تاكلو شي حاجة نضومونضيلكوم شي حاجك ؟
سارة . لا اعمي مافيا لي ياكل غانعس ..
نصر .. ( ابتاسم ليها ) تصبحي على خير ..
رد عليهوم الباب بشوية ومشا للكوزينة شرب كاس دالما وبقا شحال شادو فيدو وكيدورو وكيفكر فهاد السيدة لي مابقا عارف فين يرد الراس معاها، عيا وهو باغي يعرف شنو يدير ووالو ماكاينش الحل .. دخل للبيت جو الغطا من حداها هز تيليفونو ومشا خرج سد عليها الباب طلات هي عليه وعينيها دمعو، صافي مابقاش باغي ينعس معاها، ناضت واقفة حيدات دوك الحرايج والدموع كيقطرو ولبسات بيجامة صيفية وخرجات للبالكون كتشوف شوارع مراكش عامرة بناس وضواو على الكثرة علات عينيها فالسما عامرة نجوم، ابتاسمات فعز بكاها وبقات كترطب على قلبها بلي كولشي غايكون بيخير هي متأكدة، دخلات ومشات تلاحت فالفراش كتشوف جيهتو ورجعات غمضات عينيها كتبكي ديال بصح، صافي تأكدات اكيد كاينة شي وحدة فحياتو، والا عمرو يخليها ويمشي مايمكنش تكون منو هو البادرة لي ماينعسش حداها، سوايع وهي تخمم وتقلب ومابغا يجيها نعاس وناضت خرجات من البيت طلات يمين شمال وبقات كتشوف فالصالون وهي يمدوها رجليها لتم حتا كتلقا بلاصتو خاوية، قلبها طاح من باصلاتو، مشات ليه والو كاتلقا غير الغطا والشارج دالتيليفون محطوط بلا بيه، كلسات فديك البلاصة مصدومة، فين غايكون مشا فهاد نصاصات الليل الوحدة دابا فين غايكون طلات من الشرجم دالصالة على الشاريع، دنيا باقا مروجة طبعا راه مراكش فشهر سبعة، والو مالقاتش طوموبيلتو رجعات طاحت كالسة، وهي ضرب على قلبها ضربات متتتالية، ومعاهوم كيطيحو الدموع بصدمة، مشات للبيتها كترعد رجليها خواو بيها، وكلسات حدا الباب راسها كيدور ورجعات تبكي بشهقاة متتالية، تاحسات بالترويعة وناضت كتقيا فالطواليط طبيعي الطريق والبكا والنفسية المحطة والشهية لي مابقاتش، كتحس براسها كتذبل وتنشف شوية بشوية، غسلات وجها ورجعات لناموسيتها فالضلام بقاات كتسناه تاسمعات السوارت كيتقرقبو وهي تنوض بزربة طلات من بيتها كتشوفو داخل، وفنفس الوقت متصرط ريقها واش هادا راجلها، واش عادا حبيبها نصر، معامن كان، وفين كان فهاد الوقت، شافتو تاجه نيشان للصالون وهي تسد الباب بخيبة آمل، كتحس بحالي شي حاجة ضاعت من يديها بحال طفلة ضيعات الحلوة ديالها
حركاتليها راسها وهي كتفكر تاكلسات افنان وناضت كتوجد الفطور مع سارة وكلسو مجموعين كيفطرو ومجمعين، وناضت زينب كتجمع الدار وضرباتليها تجفيفة وتاسارة كتعاونها بحكم دابا تاهية غاتكلس معاهوم حيتاش سليمان مشا للفيرمة ماعندهوم فين يكسلو وهادا هو الم مايكونوش واليديك واخا مرة مرة كيمشيو عند جداتهوم الاخرى ولكن عزيز عليهوم نصر وولفوه بحال باهوم ونيت سافرو معاه فغادي يبقاو معاه، خرجو بثلاثة مشاو لكارفور بطوكوبيل دزينب سايگة تقداو لي غايديرو للغدا وتمو راجعين طالقة ليهوم الموسيقى كتنسا الالم لي مجتاحها، ورجعو ثاني وبدات تصايب فالغدا وسارة مجمعة معاها وكيتعاودو وافنان كتلعب منهنا وهنا مافكراتش تعيطلو وولا هو عيطليها، طيباتو ومشاو كلسو حدا التلفازة كيتسناوه تاجا، عاد ناضت كتحط وكلسو ثاني واحد ماكيشوف فالاخر، غير سالا الغدا ناضت سارة غاتمشي عند جداتها وطلبات من زينب تمشي معاها لابغات ورفضات بحجة العيا وصافي مشا داهوم نصر وبقات العشية كاملة بوحدها فالدار كلسات فالصالون طالقة الكليمة وشاعلة التلفازة كتفرج، بقات هاكاك تاوصلات الحداش دليل ومزال ماجا وسارة عيطات قاتليها غاتبات هي وافنان تما، بقات كدور كيشي حمقة، وكالسة وهي كتفكر تاطاحت عليها فكرة انها تبعو، خاس تبعو وتعرف فين كيمشي، ناضت تعشات بوحدها ومشات للبيت وبقات كتخربق فالتيليفون كتقلب فليزامي ديالو من الفايسبوك على سميت جويرية ومالقات والو، تاسمعات الباب ددار كيتفتح، بقات طالقة ودنيها تاجا دخل البيت وهي دير راسها ناعسة، حسات بيه قرب وبقا واااقف كيشووووف فيها وشوية بعد مشا هز حوايجو ومشا خرج، بقا قلبها كيترعد كرهات معاملتو ليها ولكن ماشي موشكيل كولشي غاتأكد منو راسها وديك الساعة ميلوم غاراصو، نعسات داك الليلة بزز ودارت لالاغام باش افيقها بكري خاس تخرج معاه نيشان ...
صونا التيليفون وهي تنوض بالزربة خسلات وجها وخرجات قربات العبايا والشال باش غير اخرج تبعو ورجعات تكات حيت دارت التيليفون قبل بنص ساعة من الفياق ديالو، وبقات متربصة حتا فاق دخل للبيت جبد حوايجو وخرج بقات كتصنت غير هي سمعاات الباب ددار تسد وهي تنوض كيف البرق لبسات العبايا والشال من الفوق، وهزات التيليفون والسوارت دطوموبيلتها ومشات هابطة ديمارات طوموبيلتها وغادا لجيهت لوكاسيون ديالو ..
زينب .. هاحنا غانشوفو اسي نصر واش نتا فخدمتك ولا فين كتمشي ..
قلبها كيترعد باقي عندها امل انها يكون هادشي كامل كذبة، ومامنو والو، عينيها دمعو وكتمسح دموع بكمام يديها وكتسوك تاوصلات للوكاسيون وسطاسيونات بعيييد من واحد الدورة دواحد الشاريع مخرجة غير راس دالطوموبيل لقدام باش ابنليها كتشوف طوموبيلتو كاينة حدا البيرو، تنفسات شوية وبقات حاضية معاه تادازت شي جوج سوايع وهي تشوفو تاني خارج شدات على الڤولون مزيرة وكتشوفو ديمارا تابعد وهي تبعو بشوية من اللور مفاوتين بجوج طوموبيلات باش مايعرفش واش موراه شي حد، تاكتشوفو بلاصة حدا واحد القهوة، تم نيت فرانات وهي دخل فواحد البلاصة مورا واحد الكونگو وبسرعة حيدات السمطة وخرجات من الطوموبيل كتشوفو غادي داخل للكافي، قلبها كيترعد وعقل كيقوليها ماديريهاش ازينب حيت لامشا تاحصلك وماكان والو ماتلومي غير راسك وواحد الراس كيقوليها زيدي ازينب هادا راجلك وخسك تخلصي من هاد الشك لي تابعاك سدات عينيها مزيرة على يديها وهي تقدم بخطوات غادا للكافي
دخلات بخطوات ومع كل خطوة كتحس بركابيها غايتهرسو، دورات عينيها فالطبقة الاولى مالقات والو وهي تميل بعينيها للدروج للطبقة الثانية، مشات ومزال بعض الافكار فعقلها كيشدوها وكيقولوليها زينب رجعي عقلك فبلاصتو، طلعات درجة بدرجة، وفخاطرها كتقول يا ربي ماقادا على صدمات، لوهلة شداتها الدوخة وشدات على الباصامون مزيان لاتمشي طيح، وبقات غادا بشوية، تاوصلات للفوق وقربات شوية من جهة واحد الحيط، عينيها غرغرو قبل ماتطل، واحد الخوف فقلبها رهيب، وحطات يديها كيترعدو على الحيط وميلان راسها شوية مخرجة غير عين وحدة، ومع طلة مع كترخاليها اليد وكاطيح الدمعة، وقفات مصدومة دون تعبير دون والو، رجعات بيها ذكرتها للور، اول نهار غمزها وطير قلبها، وموراها نهار الحنة لي طاحت بين يديها تافتحات عينيها فيه، وثاني نهار شافتو وطيحات البلاطو دالثمر، وشوية بشوية كيطيحو عيليها الذكريات شلال ومعاهوم تادموعها، الخطوبة .. الخرجة ... باش عرفات راه مزوج ... العرس .. ليلتهوم اللولة ... دارهوم ... مشاكيلها لي دوزات مع مو ... السفر لي مشات لأكاذير ... الحمل ديالها ... الوحم ... الاجهاااض .. وموراها اخر لقطة طاحت بين عينيها ديالهوم فالبحر .. كتشوفو كيضحك ومعاها زادو طاحو الدموع شلال .. وكتشوف فالانثى لي حداه .. شنو لي خلاه يشوف فيها .. واش حيتاش زوينة اه ماتكذبش على رراسها زوينك بزاف .. كيفاش بيضة وعينيها زورق كيلمعو كبار .. ورقيقة وباينة من يديها لي مشبكاهوم تحت دقنها وكتهضر بثقالة .. رجعات مورا الحيط متكيا راسها عليه وغمضات عينيها ودموع هابطين باردين، داتها كتنغل ولكن جسمها فركود تام كتمنى تكون ولو دقيقة غير كتحلم، وافيق وتلقا فراسها فاحد ايامها باقا غاتنوض تمشي للتكوين ولا للافاك، مشات بخطوات مثقلة، كترعد والدنيا دايرا بيها .. حطات يديها على البصامون كترعد بواحد الطريقة مجهدة بزاف .. وغادا هابطة ودموع ماوقفوش وحدة مور الاخرى، هابطة مع الدروج ومرة مرة تعكل، حتا كيكون غايشدها شي واحد طالع وكتبعد وكيبقاو غير كيشوفو، غادا خارجة من الكافي وكتمنى ولو للحظة ويقوليها داكشي كامل لي شفتي خطأ ولكن وصلات لطوموبيلتها وهي ترخا وهبطات مقردة كتبكي بالجهد كتبكي وتقول مابكات كتبكي والشهقات كيطلعو بصوت عالي، كيوقفو الناس كيبقاو غير اشوفو ويديزو يخليوها، الوجع لي فقلبها كبير باغا تحيدو وتقلعو وتحيدو، اعبااااااد اللله راااااجلهاااا شاافتو بعينيها مع مرا وحداخراااا، اش هاد العذاب كتحس بيه اربي، وقفات وكتشوف فالشاريع ضباب فعينيها وكتحس بالدنيا كدور وكأنها واقفة فواحد الدوامة ماعندهاش مخرج حلات الطوموبيل وديمارات .. وخرجات للشاريع وهي تكسيري تاتسمعات فالشاريع غادا بالجهد ماكاتشوفش حداها كل ماكاتفكر بلي صافي نصر خلاها بدلها بانثى غيرها، وهدا اخيي شعور كتحسي بلي نتي مابقيتي كانسواي تاشي حاجة ولقا عندها لي مايلقاهش عندك
أكتشفت بأني غير صالح للعلاقات التي تحتاج سؤال وأهتمام وما إلى ذلك، انا لا اعرف غير ان أحُب الأشخاص من بعيد.💚☁️
تناديك رغبة عشقي إليك
طلعات لددار فتحات الباب ودخلات سدات موراها الباب وبقات متغوت وتبكي، صاافي مابقاااتش قااداا صاافي طلعات عينيها كدورها فدااارها، ااااااه علاااش انصر علاااااش دير فيا هاد الحااالة علااااااش .. هادشي باش كانت تغوت وتبكي وصلات لبيتها تاكاتسمع تيليفونها كيصوني هزاتو لقاتو سارة، مسحات دموعها وحاولات توقف تنخصيصها وهي تجاوب بالو ..
سارة .. اهلا ختي زينب شوفي غانجيبليك افنان تبقا معاك واحد الدقيقة عافاك غانمشي نطلاقا صاحبتي واخا ..
قطعات عليه كتشهق طلعات عينيها وهي تشوف افنان كطل عليها عويناتها مغرغرين عضات على شفتيفها ومشات حنات عندها
زينب .. ماتبكييش احبيبة ماتبكيش اهئ
افنان .. اهئ طاتي مالكي اهئ
زينب .. ( عنقاتها ) ششش يالاه نخرجو يالاه ..
ناضت بسرعة كتمسح دموعها .. يالاه انخرجك ..
جبدات تيليفونها نصر كيصوني دارتليه الصيلونص وهزات الفلوس ودارت الشال ومشات هزاتها، وخرجو من الدار هي ماعندها تاذنب باش اجي نصر ويدابزو حداها اللهم تخرج ..
بقات كتشوف فيه جات تمشي ورجع دوا .. ابنتي كولشي كيفوت ولابقيتي تبكي راه ماغاتلقاي غير صحتك لي مشات ..
رجعات كتشوف فيه .. شنو كتبيع ..
الراجل .. ( بتاسم وعطاها عقد ) هانتي عطيني السمية لي بغيتي فهادا ونحتليك عليه ..
هزات يديها باش كتشوف العقد وطلقات من يد افنان لي كانت شدا فالعبايا ديالها تاواحد الشوية كاطيح ليها النفاخة وهي طلق منها مشات تابعاها وكاين لي كيدوز كيضربها برجليه وكتزيد تابعاه والطفلة تابعاها خسها نفاختها ..
قطع عليها وهي بقات كتبكي معارفاش شنو دييير واش ترجع واش تبقا وفين غاتقلب، وفين غاتلقاااهاا فييين، ندماااات علاش خرجااات ندماااات علااش خرجاتها معاااها بالاخص، بقات متكية راسها على الطموبيل حتا كيعاود اعيط ليها جاوباتو كتنعت ليه فين راها بالضبط حتا وقف عليها بالطوموبيل هبط كتشوفو جاي عمرها شافت نصر بحال هاكا عمرها شافتو معصب لهاد الدرجة وقف عليها كتقول دابا غايجيب فيها شي دقة ماشي هي هاديك ..
نصر .. فشن بلاصة كنتو ..
زينب .. ( بدات تبكي ) ا انا و وال ..
على سدو تاعلاها وكان عايضربليها الوجه .. سكتييييييي سكتييييييييي سوووولتتتتك جاااوبييييي قدد جوااااااابك سمعتيييي
زينب .. ( شفايفها بداو اترعدو وكاين لي دايز غير كيشوف فيهوم ) كًك كنت ت تمااا ..
نصر .. ياالاااه ورييينيي فييين ..
زادت قداموًوهوًموراها كيعيط للبوليس وينعتليهوم على البلاصة ورجع كيعيط على مهدي وهي غير كتبكي وتقول يا ربي غير دور وتشوفها ولا تلقااهاا .. وصلاتو حتا للبلاصة ليي وقفها فييه داك النحات وكتشرحلو كتبكي، وهو معصب مشا مع ديك القيسرية رجعو تراسوها كاملة ووالو تقول البنت تهزات ..
خرج للبرا وهي غير تابعاه من اللور وخايفة لا يدور اعطيها شي دقة ماتعرفعا مين جات نسات الخيانة ومسات كولشي وبالها غير مع افنان باش القاوها قلبها غايوقف ..
طلاقا مع البوليسي كيشرحولو ..
الشاف .. غادي نشوفو نطلقو شي دراري من نهنا يقلبو ويسولو سينو غانعلنو انها حالة خطف ..
زينب غير سمعات حالة خطف شهقات عينيها سايلين بالدموع ونصر كيتجاوب ويههضر معاه تاقالو شاف اجي معاه وهو يدور عندها ..
نصر .. سيري نتي بحالك لللدار تانجي ..
زينب .. وًونتاااا !!!
نصر .. ( تعصب مخرج فيها عنو ) وتقلعييييي بحاااالك لدااااااررك ودييهاا فسوووق رااااسك تاانجييييي سمعتي ونلقاااك مشيتي لشي بلاصة خراا اقسسسم بالللله ومااكيحلفوو بيه الرجاااال ياا زييينب الى لي غادي تشوفيه من عندي عمرك عمرك غادي تحلميه سمعتييي يالاه سيري دابا ..
مشا تبع الشاف ماعاودش معاها هي دموعها طاحو ومشات غادا لطوموبيلتها وكدور يمين شمال على الله تشوفها اش غاتشوفي ازينب الله اهديك البينا باقا صغييرة ونتي طالقاليها من يديها فين كان عقلك فييين ..
قطعات ورمات تسليفون زادحاه كتبكي، تاحسات براسها تروعات وناضت كتجري بقات كتقياا، شداتها الدوخة تاشدات فاللاڤابو، وغسلات وجها وخرجات تكات تاني كتبكي، تاسمعات الباب تزدح وهي تنوض تم نيت كالسة دخل ماكيشووفش فييها ووهضر ..
نصر .. نوضي جمعي حواايجك غاتمشي لداركوم
كيجي بعد المرات كيكونو بزاف ديال الكلمات فراسنا ولكن حنا كنحاولو نختاصروهوم يمكن بوجع نخبيوه فقلبنا ولا بنضرة من عينينا، أول بتصرف مننا، وكنبغيو بشدة الطرف الآخر أنه يفهمنا دون مانحكيو ونخرجو كلمات جارحة فقلوبنا لي غير ماغادي تزيد يمكن تفتح جرحنا ولا جرح الطرف الآخر، ولكن كيجي وقت وندمو فيه، وكيتنادم معانا الحال أو بزاف، وكنقولو يا ريت لو يرجع بينا الزمن ولو لبرهة يمكن مكانش إوقع هادشي كامل ...
نصر بنضرة جامدة دون مايشوف فيها كيف دخل للبيت ماعطاهاش فرصة باش غاتهضر .. نوضي جمعي حوايجك غاتمشي لداركوم ..
قال هاد الكلمة بحالي نار وكب عليها مازوط قفزات من بلاصتها بعينيها حومر وقفات كتشوف فيه .. نمشييي لداااارناااا ؟؟؟؟ نمشيي لداارنا قلتييي ؟؟؟ دابا نتا غاتولي تقوولي سيريي لدااركوووم، رجعتي تجري علياا من داري ومن قلب فراشي ..
دار شاف فيها بحال شي بركان وكيكبح الغضب ديالو .. زينب خليني لحد الآن مزال كندوي مكااااالميي ومرررزن وماباغيش ندير شي تصرف اقسم بالللللله العضيم ماغايعجب شي حد فينا
دارت ضحكة استهزاء بفمها دون مايرمش ليها جفن كتشوف فيه بحالي منيتك كتدوي .. علاش مزال غايعجبني شي حال كثر من لي درتيه ؟ هههه لا وجاي كتغوت عليا وباغي تجري عليا من الفوق ..
ضار لعندها بسرعة وجبدها من يديها حتا تخبطات بسدرو ضرها من يديها حسات بيدو تطراسات فيهوم وغوت فوجها .. اشنو درت بالسلامة هااااااا دوييييي اشنو درت واااش معااملتييي لي كل نهار نقوول دابا تصبر وديير عقلها درتك اميرة فوق قلبي وداري اشنو درت حيت عطيتك كاااع لي كاتمناي ومايمكنش تقوولي شي حاجة وماتجييكششش، صبرنا على الوحم وقلنا هاداك ولدنا جهضتي وهجرتي الفراش وقلنا هداك ذنبنا وحنا السبااااااب تكوني مزيانة سمن على عسل تاتقلبي لله فوجهي، اش غاندييرليييك ابنت النااااس دوييي وانا كلمة وحدا ماقاادراااش تسمعييها منييي كلسييي ازيينب تانجييي ندوييي معاااك كلسييي ..
خطفات يديها بجهد من يدو مامخليااهش اكمل ورفعات صبعها فوجهو .. اياااك ايااااك تحملنييي اغلااااطك واغلاااط وااليدييييك سمعتييييي ( جعرات فيه ) الخاااااااااين، كووون كنتيي رااجل بصح اجي قولهالي فوجهيي وماتمشيش عند وحدا خراااااا الخاااا ( مع قالتها حسات بتسرفيقة طرطقات فحنكها حتا قلباتليها وجها وهي تحل فمها بصدمة بسرعة شادا على حنكها )
ضغط على سنانو وورك على كل حرف .. تبدلتي ازينب ونتي ابدااااا ابدااا ماشي هي البنت لي عرفت اول نهار عمرييييي حطييت يدي على شي بنت المراااا تاحطيتهوم دابا علييك ( هز يدو وراهوم فيها ) وشتي هاد اليد لي ضرباتك نتمنا تقطع مليون مرا ولا تحط عليك ( جرها من يديها تاتزدحات بيه وهي باقا مصدومة وكيهضر ببرودة كيشلل ليها الركابي ) ولكن مين وليتي تشكي فراجلك ورجعتيه ماشي راجل من بعد كاع لي درت على ودك، مابقا مايتقال ..
دفعاتو بصدمة وطلعات عينيها حوووومر فيه وشافت فيه وعينيها كيدمعو دمعة مور دمعة دون مترمش .. شتي بهاد الطرشة لي طرشتيني اسي نصر عمرك ولا عمرك غاتحلم بوجهي سمعتي ..
شاف فيها بنفس الشوفة .. ومزال غاتعاودي نفس الهضرة غانعاودليك نفس الضربة ازييينب ( جا خارج ورجع هضر ) عندك الحق هادي دارك وانا ماغانخرجكش منها ولكن انا غانخرج ( سكت كيشوف فيها وهي لي كتشوف فعينيه نيشان ) وإن بعض الضن إثم
تناديك رغبة عشقي إليك الجزء السادس
محتوى القصة
التنقل بين الأجزاء