زوجوني فقيه الجامع الجزء الثاني

نعيمة :واش كتهضري بصح ؟؟؟

فاطمة : واش هادشي فيه لكدوب أنعيمة ..مهم انا غنتسناك تصيفطي ليا فواتساب تصاور رجاء نوريهم ل أدم كتاب لينا نتناسبو غدا أنا عندك نشربو كويس د أتاي ..

نعيمة : صافي .. نوصل نصيفطهم لك نيشان ..

عيطات بجهد على رجاااء لي كانت ف السخون كتحك ..

جات رجاء وقفات أونفاص مع مهاا ..

رجاء : نعام أمي ..

نعيمة همسات لها : دوزي حكي لخالتك نعيمة ضهرها تباني حرشة و قادة بشغل ..

رجاء تقندشات : حكيت لراسي باقي نحك لنااس وأنا كتافي طاحو ويالاه سلكت راسي ..

نعيمة قرساتها من فخاضها : والله بانك ومتمشي تحكي وديري صواب رجليك نحشهم لك ..

أما فاطمة كانت ملاهية مع وحدة من جيرانهم جات تسلم عليها ..

مفيهاا لي تتقابح مع مهاا و تنگر و تفرج فيها عباد الله .. مشات عند فاطمة تبسمات لها ونطقات ..

رجاء : خالتي نحك ليك ضهرك ..

تبسمات لها فاطمة هي الأخرى وردات عليهاا ..

فاطمة : ايه ابنتي مفيها بااس يرضي عليك ..

تبسمات لها رجاء ضحكة صفرة وبدات تفرك ليها تحك لها ضهرها وهي كتنهج غتسخف ..

فاطمة : إضافي ابنتي (هزات الماء كتغسل ليها يديها ) يرضي عليك ..

دازت ساعة كانو خارجين من الحمام مجموعين الحنوك مزنكين ب الحمام ..

فاطمة : اوا نعيمة كنتسنا داكشي لي تافقنا عليه ..

نعيمة : كوني هانية ..

لبنات تبادلو نوامر وكل واحد تاجه لدارو بعد ماتسالمو ..

غير دخلات نعيمة كلسات فوق سداري غوتات ..

نعيمة : رجاااء وا رجاااء

رجاء : نعام أمي ..

نعيمة : صيفطي ليا تصاورك لتلفوني ..

رجاء : لاش أمي

نعيمة : وليتي تحاسبي معايا طيري صيفطي تصاور وشي وحدين بعقلهم ..

رجاء تنهدات بطول وهزات تلفون بقات تختار و تعزل صيفطات ليها جوج ..وكلسات جنبها من بعد ما جابت براد د أتاي مع العدس و الخبز ..

نعيمة :اوا هادو تصااور كيف ناس .. كانو صور عادين باينة فيهم بعقلها متبتة ..

نيشان نعيمة صيفطاتهم لفاطمة ف واتساب ..

الحال ضلام وكل واحد فين مجبد فسداري لا نعيمة لا رجاء ..

{ فالحي لي جنبهم }

فمنزل راقي .. جالسة فاطمة و جنبها حنان شادة ثوب متخبط راندة ..

دخل شاب ف أواخر الثلاثينات 33 عام ..شخص من وجهو باين إنسان خلوق و واعي و كيخاف من لي خلقو ..

توجه لعند الأم دياله باس ليها راسها و يديها ونطق ..

أدم : الوليدة تحممتي مزيان ..

فاطمة : الله أوليدي تحميمة دايزها لكلام ..

أدم : سخنتي عضامتك بعدا أ لوليدة ..

فاطمة : إيه اوليدي دابا نتا كبرتي و أنا باغا نشوف ولادك وتسخن جنابك بولادك و مراتك

أدم : لوليدة صافي شوفي نتي .. تكون عارفة بينها وبين لله ..

فاطمة : اجي اولدي تشوف هادي بنت جارتنا نعيمة كبوات لحداكة و الصواب (وراتو صور ) شوف ..

ادم : مزيانة لوليدة ..

فاطمة : هي نمشيو نخطبو أولدي ..

ادم تنهد : لي بغيتي أمي .. انا طالع نعس راه مع لفجر خاص نوض لجامع نوذن ..

فاطمة : ابيه ومتعشاش ..

ادم : شبعان ..

طلع ادم لبيتو لي فطبقة الثانية .. ينعس

أما فاطمة لي فرحات هي و حنان ونيشان صيفطات أوديو لنعيمة ..

فاطمة : غدا نجي ندير كاسكروط عندك أ نعيمة

ردات عليها نعيمة : الله ياودي بلفرحات علياا ..

سبعة د الصباح نعيمة واقفة كيف لعساس على رجاء لي كتعجن ف البطبوط دايرة شال على راسها وطابلية ..

نعيمة : وادلكي ونتي غير كتنهدي بحال لفعى ..

رجاء : هااني أمْا هاني ..

عجنات لبطبوط وخلاتو يخمر يالاه غادة تجلس على لكورسي ترتاح وقفات ليها نعيمة ثاني نوضي تعجني لمسمن ..

وديري شي شكيلات د الكاطو..

رجاء : وااامي راه غا فاطمة جاية تشرب أتاي مالكي على هاد لحالة ..

نعيمة :كوني حرشة و مرا د الزمان و صبارة ..ماشي يردوك ليا فنهارك ..

.زيدي الزيت ..

تعاشات لعشية رجاء ضهرها تقسم على جوج بقوة الوقوف ..

نعيمة : دخلي قادي راسك راه العصر وذن دابا وهي دخل ..

الصبر لي طاح عليها هاد النهار عجييب ..

دوشات و لبسات عليها بيجامة بسروالها مشطات شعرها ودارت كلوس .. وخرجات ثاني .. كتشوف اش ناقص ف صالون و تلف من هادي لهادي ..

تاسمعات دقان .. مشات تابعة نعيمة تفتح لباب دخلات فاطمة هي وحنان .. فاطمة كانت لابسة جلابة غوز بيبي ب الراندة و حنان سروال و جاكيط طويلة ..

رحبات بيهم نعيمة و رجاء و كبرو بيهم ..

دخلو لصالون جلسات معاهم رجاء شوية وتهزات لكوزينة طبعا تعليمات لآلة نعيمة ..

دقائق ولحقات عليها حنان ضاحكين وكتوجد معاها ..

عند نعيمة ~فاطمة ..

نعيمة : فاطمة .. مقلتيش ليا فاش خدام ادم ..

فاطمة : ايوا مرة مرة كيمشي يوذن ف الجامع و وزير الشؤون الإسلامية ..

نعيمة : تبارك الله

فاطمة : .. لبنت عجباني دوي مع سي دريس من غدا نجيو مجموعين نخطبو ونحدو موعد العقد .. والعرس ماكنضنش ولدي يبغيه

نعيمة : حتى حنا عندنا لبنت تزوج تمشي لدارها معندنا مع تعراس ولا تزوااق ..

ف الكوزينة جالسة حنان و رجاء لي حاضية مع أتاي ..

حنان :مزالة عاقلة على ادم ..

رجاء : ماشي بزاف ..فاش خدام دابا

حنان : فقيه يالله جات تكمل هضرتها تسمعات ضحكت رجاااء بجهد

حناان : أويلي ماالك كضحكي

رجاء: يااا ويلي تااعت فقيه هههههه غا تفكير فيها كتجيب ليا دوخة

حنان :علاش مالها فقيه مزوينااش

رجاء: هههه معرفتش غاا جااتني فشكاال و صافي

حنان : هو راه ماشي فقيه فقبه راه حتى وزير الشؤون الإسلامية

رجاء : تلقى كيبقااا علييكم طفيو تلفاازة حراام طفيو ضو حراام يشعل مدخلوش لطوااليط لا يجوز متشطحوش لا يجوز

حنان :اويلي من نيتك زدتي فيه خويا راه غا ولا كيودن لناس لله في سبيل الله حيتاش لفقيه لقديم مرض و مبقاش قادر

رجاء:لمهم خلينا من هاد لهضرة دبا يلاه تاكلي عرفتي من صباح و انا فالكوزينة تا ولاو رجلي كيهروني بالوقيف

دخلو لبنااات عندهم و جلسو تا بدات نعيمة

نعيمة : رجاء كوبي لحنان اتاي تشرب

رجاء شافت فيها زعما من نيتك و لبراد قدامك

رجاء: راه صينية قدامك أمي

هنا طرطقاات فيها نعيمة لعينين تا ناضت رجاء بلا هواها تكب اتاي و ماتقداتش ليها ليد جات تهز لبراد صدقاات مدفقاه

فاطمة: ارسول الله ارسول الله ارسول الله

حنان هنا مشاات تجري لكوزينة تا جابت فوطة

فاطمة : لحمد الله موقع والو فلتنا

نعيمة:بغيتك غا شينهار تقادي شي حاجة بعقلها ابنتي

هنا رجااء طرطقات عبنيها دخلات ليها هضرتها بحال سم

رجااء و دموع فعينيها :سمحي ليا حيث مخرجتش كيما بغيتيني

ومشات كتجري لكوزينة كتبكي و تعاود تعمر اتاي

تا تبعاتها حنان

فالبيت

فاطمة: مكانش عليك تهضري معاها هكاك

نعيمة :خليها تعرف راسها اشكدير

حنان : ويلي على الهبيلة كتبكي من نيتك

رجاء:هئ هئ نتي معرفتي واالو احنان ولات دايمن كتعايرني

حنان:الا كتعاايرك رااه غا على مصلاحتك مبغاتكش دفقي اتاي مرة اخرى

رجاء:اصلا هي لي منها ديفو

حنان:واا شنو دبا نمشيو نضربوها

رجاء:هههه متبقايش تشوفي فيا هكاك كتجيبي ليا ضحك

حنان:هههه صاافي انا

رجاء:ههههه

حنان : رااه اتااي طااب يالاه نرجعو

رجعو لبناات لصالون لي غاا وصلو

كبات رجاء كاس لفااطمة و كاس لحنان و مشات كلسات حدا حنان

فاطمة غا دااقت اتاي تكلماات :ليعطيك صحة ابنتي و هااد اتاي صرعتيه العفريتة

رجاء: شكرا اخالتي بصحة

رجاء فودن حنان : الوصفة شوية الفقصة و استمتعي بالمذاق

حنان : ههههه

فاطمة : هههه احياني عليكم العفريتات اشكتقولو

حنان: غا كنضحكو

فاطمة : اواا خاصنا نقولو لرجاء الموضوع علاش جينا

قاطعاتها نعيمة لي هضرات ليها فودنها : يااك هضرت انا وياك فهادشي و تافقنا غداا يجي ولدك ونهضرو خلينا منزربوش

فاطمة بصوت مرتفع : تاا هذا نضاار اوا نخليوكم دبا انمشيو نتلاقاو غدا

نعيمة :اوا كلسو باقي لحال

فاطمة :احنا غداا راجعين انشاء الله

نعيمة : اوا تهلاو فراسكم سلمي ليا على ولدي أدم

وصلو معاهم تال لباب مشاو فحالهم و دخلو

رجاء: ماما اينا موضوع علاش كيهضرو

نعيمة: شغل لكبار هدااك اشبغيتي فيه

رجاء:قولي ليا

نعيمة دغيا قلبات لموضوع : تي ملقيتي انتا دفقي اتاي اصكعة ليام

رجاء:و نتي لي بغيتيني نكب و صينية قدامك

نعيمة: قهرتيني بهاد لهضرة

رجاء: و مجاوبتينيش علاش سولتك

نعيمة: بعدي مني شحاال وليتي فضولية يالاه نخرجو لبسي حوايجك باقي تابعنا شلا ميدار جاب الله حيدنا علينا لحلوى قديناها ياد

رجاء: و الله مبقيت كنفهمك ؟؟؟!!!!!

خرجااات رجااء مع مهااا ليي غاااا خرجو تلاقااو مع دريس لي شااف فرجاء و خنزر و تكلم مع نعيمة

دريس: فين بسلامة

نعيمة :لدااكشي لي قلت ليك لبارح نسيتي

دريس و هو كيخنزر فرجاء: متخليهاش تفااوت من حداااك

نعيمة: كون هااني ها هي معايا

مشا دريس لدار و هو كملو المسار ديالهم ساكتين تا تكلمات رجاء

رجاء: ماما

نعيمة: نعام

رجاء: زعما باا يسمح ليا شي نهار

نعيمة : الا مبقيتيش كديري دااكشي لي مبغاش فخاطرو غيسمح ليك

رجاء: غيسمح ليا إنشاء الله

وصلو لقصارية ديال الحواايج و نعيمة قلبات القصارية سفاها على علاها

شراات لرجاء قفطاان خفيف بالغوز باارد مع توب ديال جلابة و بليغة بالبيض فيها زواقة خفيفة بذهبي و رجاء غاا دور دور و تسولها علاش هادشي كاامل و نعيمة كيف عادتها تقلب ليها لهضرة

تا رجعو لدار

دخلات رجاء لبيتها كتقيص دااكشي لي جابت ليها مها و كتفكر شنو سباب هاادشي كاامل

لا لا خاصها ضروري تعرف اشواقع كاينة إن فالقضية

يالاه خرجات من بيتها سمعات لهضرة ليتمنات كون مسمعاتهاش

نعيمة : سي دريس شنو بان ليك فداكشي لي قلت ليك لبارح ؟

دريس:أنا غا تعطيني تيساع كون جاها سعاي كون عطيتها ليه عندها زهر لي جاها رااجل كاامل مكمول وولد ناس

دريس:أنا غا تعطيني تيساع كون جاها

سعاي كون عطيتها ليه عندها زهر لي جاها رااجل كاامل مكمول وولد ناس..

رجااء هاد لجملة بدات حطماتها بجهد .. دخلات نيشان عليهم لصالون ..وعينيها مدمعين

رجاء : بابا اش كتقول ؟

دور وجهو مكيشوفش فيهاا .. ونطق بصوت حاد و صارم ..

دريس : كيف سمعتي غتزوجي ! معنديش بنات لي يتفلسو وإلا كانت بحالك غير تمشي تستر راسها ودير دارها ..

ودار خارج من الصالون .. انهارت ندمات و الندم مكينفعش هي فعلا غلطات و بزاف خونات تقتهم فيها .. وبزاف د الحاجات نطقات بصوت فيه بحة البكاء

رجاء : ماما واش بصح باغيني نتزوج ..

ردات عليها نعيمة هي الأخيرة بوجه صاارم

نعيمة : كييف سمعتي و غتزوجي بولد فاطمة

و انسحب هي الأخيرة .. جاتها هستيرية ديال الضحك و البكا و الصدمة كلشي مخلط عينيها من كثرة البكاء رجعو حومر شدات على شعرها كتنتفو و كتردد كلمات وكضحك : هههه أهئ اهئ شكون كاان كيقول رجااء غتزوج فقيه هه اهئ اهئ

ركبات عليها نعيمة كتشوف ف حالتها احساس لأمومة تحرك ..ولكن قناع الصرامة ظهر من جديد ..

نعيمة : نوضي جمعي عليا خناينك وجدي راسك لغدا ..

توجهات رجاء لبيتها مبغاتش تزيد تفكر أكثر طاحت نعسات نيشان من قوة البكاء و تعب الشغل و الدوران ..

يوم جديد .. إستيقضت رجاء والشميشة ضاربة فعيونها ..

يوم جديد .. إستيقضت رجاء والشميشة ضاربة فعيونها .. ناضت كتعكز عيونها متورمين بسبب البكاء وراسها عاطيها لحريق بزاف ..

دارت روتينها الصباحي وتوجهات لكوزينة تفطر ومنها نيت تشوف مها اش كدير ..

دخلات كانت نعيمة محزمةراسها بزيف حياتي وطابلية د الكوزينة وجالسة ف الأرض كتقاد الدجاج .. تنهدات ونطقات ..

رجاء : صباح الخير ..

نعيمة : الخير باين من صباحو شحال ساعة دابا ..

رجاء :العشرة أمْا..

نعيمة : مزال الحال غنديرو الدجاج و السفة و لحم ..

رجاء: لمن ؟

نعيمة:والناس غيجيبو يهضرو فيك..

تنهدات رجاء مرة أخرى بقلة حيلة وسكتات كتفطر قهوة وزيت بلدية..

تعاشات العشية كانت دار نعيمة كتعطعط بروايح الطياب وكذلك سنكروا .. رجاء هبطات على الدار كاملة بتسياق من الدروج إلى أخره أما نعيمة تكلفات بطيات ..

العشاء أذن كانو يالاه نعيمة ورجاء كيرتاحو لطول النهار رجاء كتسمع غير لهضرتها باش متسمعش نكيرها وهضرتها لي كدخل لقلبها بحال السم ..

نطقات نعيمة بعد ماشافت رجاء رتحات ..

نعيمة : نوضي وجدي راسك دابا وهوما تلقايهم دخلو ..

سلمات أمرها لله .. مدام هي خونات تقتهم وكانو كيديرو على ودها أي حاجة حتى دابا خاصها تمشي على كلامهم و كتفات بكلمة وحدة هوما يعرفو مصلاحتي !!

توجهات لبيتها تقاد راسها مشات لساشي لي خدات لبارح وقبل دخلات دوشات بلخف تحيد عليها ريحة العرق ..

لبسات دوبياس ونشفات شعرها .. ولبسات لقميص .. وتوجهات لمراية دارت كريم لوجه عادية ومشطات حواجبها .. ودارت كلوس مرطب الشفاه فقط

قادات لجوانب لأولى د الشعر ب البلاك حيت غتخلي لكرة باينة شوية من الشال ..خفيف

سمعات صوت الترحيب و أصوات كثيرة دقائق قليلة حتى كان الباب تفتح و دخلات حنان ب إبتسامتها الدائمة ..

حنان : لآلة العروسة لباس عليك ياختي على تيتيز

رجاء تبسمات ليها فوق خاطرها : حنان لباس عليك

حنان : فوق بيخير ..

لبسات لبلغة ف رجليها .. لي شاف منظر رجااء دابا يحلف عليها ما هي لي كانت كطير كتبان كبيرة على عمرها شوية و مرزنة .. خدودها حومر و البشرة خالية من أي حاجة .. و الشال زادها جمال .. ورزانة أكثر

شوية وسمعو صوت نعيمة كيعيط زفرات بإرتجاف التوثر غالب عليها ..

شجعاتها حنان وخرجو تمشاو .. جهة الصالون وعيونها ف الأرض .. ف الصالون كانت جالسة فاطمة دائما ب أناقتها جلابة بلوسيال عصرية و جنبها أدم لابس قميجة كري وسروال أسود حاط يديه على ركابيه داير الساعة الوسامة ظاهرة !!

فجأة دخلو و عيونها تلاقاو هي و أدم ..

جااات عينيها فعينين ادم غاااا شاافت فيه تبلوكااات واااش هذااا هو لفقيه لي قالو ليها ؟؟ لا لا هي مااشي هكااا تخيلااتو نهااائيا تخيلاتو ايكووون مربي لحية تال صرة و لابس شي جلابة و بلغاا و كرشو ساابقاااه و هذا من مضهرو تحلف عليه تاا خارج من فيلم تركي من نيتهم يقولو ليها بحال هذا فقيه

حققات فملاميحو شوية هو لي غا جاات عينيه فعينيها نزلهم بكل احترام ووقار عكسها هي لي طولات فيه شوفة قبل متحدر عينيها ملااميحو زوينة بزاااف لحيتو كحلة مطرااسية نيفو طويل و رقيق و عينيه كحلين و مشفرين شوية فيهم واحد نظرة ديال الوقاار و الأحتراام الحجباان كحلين و مرتبين و الشعر داير ليه تشويكة خفيفة راقت ليه سنينات بيضين مساتفين هكا و الفيم صغيور و لونو وردي عادي بحكم معمرو حط شي مخدر فيه

بقات رجااء غا كتفكر افكار تديها و افكار تجيبها "زوين و ليني شوف كيداير باين حاس براسو مرضاا تيكمل فيا شوفة و انا لي شافني كيتبلوكا الحمار لاخر اصلا انتزوج بيك غا بزز عليا باش يسمح ليا با اما كون جات عليا منتزوج تا نبور ندوز بعدا حياتي كيف بغيت... ببف و ليني عينيه ... اشمن عينين شوف داايرين كي موكة منقدرش نعيش مع بحال هدا لا لا مستحيل نوافق "

بقات وااقفة مبلوكية تماك تاا تكلمات نعيمة

نعيمة بضحكة صفراء : رجاء كلشي ابنتي متبقاوش وااقفين دخلو كلسو

مشاو كلسو وولا كولشي مجموع على مائدة الطعاام لي فيها اشهى المؤكولات بحكم وقيت لغدا طانت محطوطة البسطيلة بالدجاج و الدجاج معمر بالسفة اللحم بالبرقوق و الشلايظ هكا بشكاال و نواع شمل ينسيك فلاخر عاد العصاائر

الحصول نعيمة و سي دريس مخلاوش من جهدهم كولشي قاادوه و صاوبوه على حقو و طريقو

بعدماا تغدااو ناضت رجاء و حنان كتعاونها تا جمعو طبلة و طلبات نعيمة من رجاء تعطيهم يغسلو

مشات جاابت الغساال و الفوطة و صابون و كترعد تقول معرت شنو بغاات دير كااع ديك صنطيحة تلاشاات فهااد لقطة

مشات دايرة عليهم كتعطيهم يغسلو و الغسال غادي و كيتقاال و هي يديها كيرجفو تا بقا ليها غا أدم تعطيه يغسل لاحظ يديه لي كيرجفو و بتااسم صدقات حشومية هاكا بغاها نيت يلاه ماطا يديه باش يغسل تا كيحس بالغساال تقلب عليه و شنو دير رااه تقل عليها الغسال و زايداها بالخلعة تا هي

رجاء : سمح ليا سمح ليا ناري ناري و الله مقصدت

شداات رجاء الفوطة و كتمسح ليه زعماا فحوايجو لي وسخاتهم و هو كيحنحن باش تبعد عليه زعما ينوض

ادم :احم احم

رجاء: ويلي و الله الا سمح ليا بزااف مقصدتش

ادم :صافي اختي مكاين باس

فاطمة:هاادشي كيوقع مخلوعة مسكينة هادشي جديد عليها

دريس : اجي معايا اولدي نعطيك من حوايجي لبسهم

ناض دريس داا عريس الغفلة يعطيه حوايج اخرين يلبسهم و مولات زبايل مشات جابت منديل من الكوزينة تمسح روينة لي داارت

رجاء:قاليك ختي يخوي ليك الركابي العوج غااا بلاتي الا موريتك رجاء علاش قادة راني منتسمااش

ناضت عندها تا حنان لي غاا شافتها واقفة فالكوزينة و مغوبشة مقدرااتش تصبر دارت كراااخ بضحك

حنان: هاههاهههاهههاههاهههاهههها

رجاء: مضحكيش المرض

حنان:ههههه سمحي ليا سمحي لسا و لكن والله حتى كتقتلي بضحك على فضيحة يا ربي

رجاء :احنا انشوفو نتي شنو غديري فاش تخطبي

حنان : اححح شي واحد بحال خويا يا ربي

رجاء و هي مغوبشة :مزينتك نتيا وياه هكاك دايرين

حنان : صافي صافي حنا خايبين غاا زيدي

بعض دقائق عاودو تجمعو فصالون و هاد المرة حاطين اتاي و المكسرات يشدو بيه الحديث

تا دخل عليهم عريس الغفلة و هااد المرة رجاء عينيها ماشي غاا وسااعو قربو يخرجو

كان لابس تريكو بالأسود ديال باها مع سرواال كلاص بالأسود ايضا كان مطلع التريكو شوية من الكمام و مع فورمتو رياضية بمتياز و عندو تساع الكتفين مقارنة مع سي دريس جااه تريكو مزير عليه شوية باارز عضلااتو

كانت حنان لي كاالسة حدا رجاء كتقرص فيهاا باش تنزل عينيها حيث عيقات و هي بدون وعي غوتات و شدات فيديها بألم

رجاء: أاااي علاش قرصتيني ؟؟

حنان شافت فالكل كيشوف فيها و هي تبتاسم و قررات تعتق الموقف صدقات عوض متكحلها عماتها

حنان :هيهي غا كيقولو بلي مزيان تقرصي لعروسة باش يكون سعدك زين فحالها و انا بغيت شي طولة و تجريدة بحال خويا

اوا هناا ادم خرج عينيه فختو تاال الحد كيقول اشكتقول هادي قدام ناس تا ضحك دريس

دريس :هههه و لاهيلا هاد بنتك قشابتها واسعة

غا سمعوه ضحك ضحكو كاملين

و دبا معولين ايدخلو لموضوع

فاطمة : سي دريس راك عاارف لاش جينا هنا حنا جينا طاالبين راغبين فيد بنتكم الا قبلتو بينا نكونو عائلة كبيرة و متكاملة

دريس : اوا اشغنقول ليكم مرحبا مرحبا

هنا بضبط حسات رجاء بغصة فقلبها كفاش عطاه خاطرو يبيعها برخيص بلاما يشاورها حتى واش لهاد درجة متقلة على باها ؟؟

نقزات نعيمة : و حناا منلقااوش محسن منك و محسن من ولدك لبنتنا وراه حنا عشرة د زمان زعما

أدم : و لكن خااصنا ناخدو الرأي ديال البنت بعدا اولا ؟!

دريس : هيهي معلوم معلوم شنو قلتي نتي ابنتي ؟

رجااء بقاات غاا كتشوف و حدراات راشها مقدرااتش تكمل شي دقيقة اخرى هنا حشات براسها اتبكي قدامهم و قررات تنساحب

دريس : ههه البنت عندي كتحشم اواا ياا سياادي السكوت من علامات الرضا نقراو الفاتحة

رفع الكل يديه من بعد مقراو الفاتحة تافقو العرس

يديروه فسيمانة جاية بحكم ايديرو غا صدقة يعرضو فيها على جيران و العائلة صافي و الأمر نفسه بنسبة لعائلة العريس

داااازت سيماانة فلمح البصر بين توجااااد و كوولشي و ليوم عرس رجاء لي دازت عليها غاا نكد و هي كتفكر بلي عاائلتها كاانت باغا غا تهنا منها و صافي

كانت 12 ديال صباح و لعروسة لي عرسها ليوم باقا ببيجامتها و سادة عليها لباب مبااغيا تشوف حد ولا تهضر مع حد كل مرة كلنت كدق عليها نعسمة كتقول ليها غا شوية و تنعس و مبغااتش تحل ليها لباب

تااا مشات نعيمة كتقلب على دوبل د سوارت قلبات عليهم الدار كاملة و حلات لبابا غا حلاتو بداات بالمعيور

نعيمة :غااا قولي ليا نتيا وااش بااغا تخرجي لسا لعقل ولا ماالك نااش قربو يجيو و العروسة باقا

نااعسة ليا و الله متنوضي دوشي عليك و تقادي حالتك تااا ليوم تشوفي وجهي لاخر

بدون كلام ناضت رجاء مباشرة لدوش دخلات دوشات عليها بالخف و خرجات لقات مها حاطة ليها كسيوة بالبيض وااعرة مع زيف ديالها قالت اتكون كراتها ليها مها مشات نشفات شعرها بشيشوار و سرحاتو

و لبسات دوك الحوايج و قادات شدة بزيف جاات مسرارة و زوينة هادشي غا مدارتش المكياج

عاودات دخلات عندها مها لقاتها لابسة لكسوة د عرسها و هي تكلم و دموع حابطين من عينيها و كتبتاسم

نعيمة :تبارك الله تبارك الله على بنتي جات غزاالة تبارك الله

غا حققات فوجهها مبانش ليها فيه المكياج قندشاات

نعيمة :وااش باغا ضحكي فيا جيران ولا شنو لعريس قريب يجي و نتي مماكياش دبا اتقادي مكياجك

رجاء :ماما مفياش هاكا حسن

نعيمة :قلت دبا العدول راه جا و حتى لعريس دبا كنتسناوك غاا نتي و غطي ليا دوك العينين اشكيبانو منفوخين كيلا قارسك فيهم نحل

رجاء و دموع شقو طريقهم : ماما هئ هئ انا مبغيتش نتزوج قوليها لبابا عفاك

نعيمة : اويلي أبنت لحراام واس طار لك لفريخ لكلمة تعطاات .. واش باغا تشوهي بباك مكفاتكش داك شوهة لي درتي ليه ف الدرب نوضي قادي حالتك ولا نعيط ليه هو يجي يقادك ..

خرجات و خلات رجاء غير كتشوف تحلل وتناقش سمعات الباب تحل كانت دخلات بنت ف العشرينيات بنت عمها الهام ..

العام : اويلي العروسة مزال متقادات اجي اجي ..

قادات ليها ميكاب بلخف غطا على صفورية .. ميكاب خفيف و سامبل

و لبساتها قفطان ف الأبيض و كذلك الشال ابيض وقادات ليها خصلات شعرها لي باين شوية ..

رجاء جالسة جسم بدون روح هي تحركها و هي تكلسها ..

عيطات بنت عمها الهام على نعيمة لي دخلات معاها لعيالات غير العائلة المقربة و حنان و فاطمة لي فرحانة بعروستها و رجاء كطلق الضحكة الصفراء ..

وصلوها حتى لصالون بالصلاة على النبي واقفة جنبها حنان و نعيمة و فاطمة ..

جلسوها حدى ادم و لعدول واقف .. ودريس جالس جنب رجااء

بدا العدول ب أسئلة روتينية كيف العادة ..

العدول : شديتي ابنتي صداقك

بقات غا كترمش حتى حط عم ادم الكبير الصداق

العم : ها 2 د لمليون ..

العدول : ادم اليعقوبي قابل ب رجاء عزيز زوجة لك ف السراء و الضراء ..

ادم : قابل

العدوى : رجاء قابلة ب ادم كزوج لك

حملت على كف يديها بتوثر معرفت تقول لا ولا اه

حتى حسات بصباط باها نغزها بالجهد ..

رجاء : اه

شافت فباها لقاتو عاقد غوبشاتو ..

عطاهم لعدول يسنيو .. والآن أصبحت رجاء زوجة ادم

تسمعات الزغرتات و الصلاة على النبي .. لعيالات كيرشو ماء الزهر .. خرجو الرجال خلاو لعيالات فرحانين برجاء ..

تعاشات العشية العشاء ريحتو عاطية دايرين صدقة غير بين العائلة جوج فقهاء ف الصالون د الرجال كيقراو القرأن ..

أما رجاء جالسة وسط بنات عمامها و خالاتها لي مزوجات كينصحوها ..

كيف تعامل مع راجلها و مع عكوزتها وتجنب الصداع ..

تحط العشاء الدجاج و لحم تعشاو الضياف

متافقين قبل صداقة بين العائلة ويدي عروستو فيدو

و جا الوداع سادة نعيمة عليها ف الكوزينة كتبي و فاطمة كدق عليها تفتح ..

خرجات عندها عينيها حمروين ..

نعيمة : ختي فاطمة أنا عطيتك عوينتي ديريها ف عينيك راكي عارفاها طايشة و خفيفة ..

فاطمة : كوني هانية رجاء بنتي ديما معاكم ..

رجاء عينيها دمعو كتبكي .. طارت عنقات مها وباها كتبوس ليهم على رأسهم ..

واقفين حدا الباب من العادة قبل تمشي لعروسة تشرب راجلها لحليب و هو لعكس ..

جابو ليهم صينية .. شاداها بنت عمها ادم تزير ممولفش بهادشي .. باشر هو الأول هز ثمرة عامرة ب لكركاع .. شافت فيه رجاء لي عينيها عامرين دموع كتشوف فيه وهو أيضا ..فتحات فمها شوية وعضات .. وعطاها لحليب .. وبدات هي كذلك ..

هاهيا الان خارجة من دارهم لي كبرات و تربات فيها ودوزات فيها احسن أيامها و اكفس أيامها ..

ركباتها فاطمة هي و حنان لي شادة ف رجاء بعد ماخرجو ليها حوايجها ..

و نعيمة كتبوس فيها قلب الأم وكتوصيها على راسها و دارها ..

تحطات الطنوبيل أمام المنزل .. نازلة و حنان كتحاول ضحكها كضحك ليها فوق خاطرها .. داخلا لدار جديدة .. وناس جداد .. حياة زوجية جديدة ..

كل شيء جديد

قلبها مزير و خوف من المستقبل .. فين داك رجاء ضحك و ناشطة ضاربة دنيا بركلة جملتها دائما الله ينعل بو العالم ..

هاهي الأن عينيها ناشفين من الدموع .. بحال شي آلة ..

دخلو لدار كان .. منزل راقي الصالون التقليدي و أخر عصري ..

وقفات جنبها حنان كضحك معاها وكذلك فاطمة .. حتى نطقات حنان الجملة لي مضرباتش ليها لحساب گاع ..

حنان : اوا ليوم صافي غتولي مرأة غدا تصبحي عروسة ..

الخوف بدا ينهش داخلها ابداا مفكراتش بهاد لموضوع ..

فاطمة : يالاه ابنتي حنان طلعيها لبيتها ..

حنان : واخا اماما ..

تبسمات فاطمة ل رجاء وقالت ..

فاطمة : الدار دارك ابنتي .. راكي بحالك بحال حنان متحشميش الله يرضي عليك ..

بسيف باش قدرات رجاء تبسم لها ابتسامة صفراء

جراتها حنان كتنوضها وهي ترجع تكلس

حنان : وتي نوضي طلعي لبيتك

رجاء : نعس معااك عفاااك

حنان : وااش مزوجة بيا انا ولا تي زيدي طلعي راه راجلك غيكون كيتسنا فيك

رجاء : غا هاد نهار لله يحفظك

جرتها .. طالعة كتجر فيها ف إتجاه بيت ادم ..

كان ادم ف الدوش .. دفعتها جهة البيت و سدات الباب و هبطات ..

بقات كتشوف ف البيت كان راقي و زوين .. توجهات لجهة السرير وتكمشات .. باقة بحوايجها باش جات ..

دقائق قليلة ودخل ادم كيتبسم ف وجهها ..

تزيرات ..يديها حمارو من كثرة العضان عليهم

حط يديه على ذراعها بلطف ..خطفتا يديها بسرعة .. وغوتات بصوت مرتفع ..

رجاء : متقسنيييش

ادم حذف يديه وحنحن ..

ادم : احم .. الا ممستعداش دابا ماشي مشكل غا تهدني ..

رجاء : ممستعدا لا دابا لا من بعد .. صافي

ود عليها بكل هدوء ..

ادم : انا فاهمك دابا رتاحي و نعسي ..انا خارج بدلي حوايجك .. غنعس فوق لفوطي ..

خرج .. بقات جالسة كتفرك فيديها .. تفكرات كون تزوجات ب ايمن ولا أمثاله كون دابا جمعها معاها ولا وصلو لشي مواصيل اخرى ..

تنهدات بضيق .. شافت لبليزات فين محطوطين توجهات لجهتهم تبدل حوايجها ..حيدات لقميص ولبسات بيجامة سروال و تيشورط دياله ..

هزات تلفونها لي كان مطفي و توجهات نيشان لسرير ..

تجبدات وهزات تلفون باقي عندها لفيس و باقي فيهم تصاورها .. نيشان دخلات مسحاتهم كلهم و بلوكات الدراري مفيها متسمع المشاكل مرة أخرى ..

حطات الهاتف و غفات ..

صباح جديد .. أشعة الشمس جاو على عينيها .. تكسلات براحة النعسة .. يمينها ويسارها مبان لها حد بان غير لفوطي ليزار مطوي ..

توجهات لحمام لي كان ف البيت .. دارت روتينها اليومي مشطات شعرها دارت ضفيرة وبغات بنفس لبيجامة

وخرجات هابطة لتحت ..

دخلات لصالون باقا عاقلة من لبارح كانت مرأة كبيرة جالسة كتسبح ..شافت فيها لمرأة و نطقات ..

المرأة : شكون نتينا ابنيتي !!

تلعثمات ف الهضرة تقول لها انا مرأة ادم .. يالاه جات ترد عليها حتى كانت دخلات فاطمة بوجه بشوش ..

فاطمة : عروستي لاش هبطتي ( سلمات عليها ) كونت مطلعة ليك لفطور ..

تبسمات لها رجاء وردات عليها ب إبتسامة ..

رجاء : لهلا يخطيك عليا ا خالتي ..

شافت فيهم المرأة ( الحاجة سميرة) وخنزرات ..

الحاجة سميرة : أتي شكون هادي ؟

فاطمة : وا خالتي هادي مرأة أدم ياك قلت لك يالاه و ادم تزوج

سميرة : ايه هادي هي .. تبارك الله

فاطمة : هادي الحاجة سميرة حماتي لي هي جدات ادم مريضة مسكينة ب الزهيمر ..

رجاء تنفسات بضيق : الله يشافيها ..

سميرة خنزرات ف فاطمة : وراكي نتي لي مريضة أما انا راه جاوني لخطاب فخبارك (عوجات فمها ) غدا وجدي لقهوة

تنهدات فاطمة بلا حول ولا قوة أما رجاء شدات ضحكة بسيف ..

فاطمة : حبسي ابنتي انا نحط لفطور ..

رجاء : انا نوض نعاونك

فاطمة : والله لا حطيتي يديك سيري ترتاحي ..

جلسات رجاء حدا الحاجة سميرة زعمات وسولاتها ..

رجاء : الحاجة شحال فعمرك !

هزات فيها راسها وشافت فيها : راني قدي قدك 22 عام متگوليش ليا لحاجة ازين

شدات رجاء مرة أخرى ضحكة ..

رجاء : ولاش شادة تسبيح ؟

سميرة : اوا نحيد عليا ذنوب

حطات فاطمة لفطور منوع و مشكل ..

جالسين على طبلة كيفطرو و سميرة جالسة بعيد .. معلية زنافرها لفوق

كالسة غا رجاء و فاطمة لي تهز من هنا و هنا وتحط قدامها ..

فاطمة : كولي ابنتي يرضي عليك ..

همسات رجاء ل فاطمة ..

رجاء : قولي ليها تجي تفطر ..

فاطمة : راه قلت ليها اجي تشربي أتاي مبغاتش ..

رجاء : خالتي اجي تاكلي لحرشة

سميرة (كتشوف جنب ف فاطمة ) : الناس لي كتعرف لصواب انا جاية ..

فاطمة : ياك اخالتي قلت لك اجي تشربي أتاي ..

سميرة : گلتي ليا غا أتاي و مگلتيش ليا لحرشة

وقفات فاطمة ديما لا حول ولا قوة ..

دخلات حنان شادة ريزو بشعرها طالع لسما ..

حنان : صباح الخير صباح النور عروستنا كيف صبحتي

رجاء : صباح الخير و الإشراق ..

حنان كتفرنس حطات يديها على لملوي ..

سميرة : تي يديك معرفناهم فين كانو محشين واش مغسولين ولا من عام الفيل ..

رجاء : هههههههههههههه عطاتك ويلي هههه اصاحبتي شعرك تقولي ممشطاهش على عماين ..

حنان ولفات هضرتها .. هزات لحرشة كتاكل شافت جهة رجاء

حنان: حتى نتي تديها فهضرتها راه هي ريزو هارب ليها مرة مرة

رجاء : فوجات علياا ههههههه

ساعات دازو .. وقت الغداء جمعات رجاء طبلة الفطور واخا مخلاتهاش فاطمة وجلسات معاهم ف الكوزينة كيهضرو مخلين سميرة مرة مرة تعيط

سمعو صوت ادم داخل .. جلس ف الصالون مع سميرة شاد ليها لخاطر

كيف سمعات صوته توثرات بجهد ..جراتها حنان .. لي هازة براد أتاي مع كاطو

مشافتش جهته كاع جلسات بين حنان و فاطمة ..

حتى نطقات سميرة ..

سميرة : وا وليدي ديتي زين بنية .. حلو

يالاه جات تكمل هضرتها عتقات حنان الموقف عارفة اش تقول ..

حنان : سميرة شوفي (كتشير لها جهة التلفازة) هذا حاكم لبلاد

سميرة : اش سميتو وكيفاش حاكم لبلاد هي كيحكمني؟

شافت فاطمة حتى عيات و ناضت حطات الغداء دجاج محمر .. و شلايض على حقهم و طريقهم ..

سالاو لغداء ناض ادم طالع لبيته ..

ادم : نخليكم غنطلع ندوش ..

ناضت رجاء تجمع الطبلة حتى حبساتها حنان ..

حنان : تي حطي من يديك داكشي وسيري تبعي راجلك وجدي ليه دوش وجمعي ليه حوايجو ..

فاطمة : نيشان ابنتي طلعي شوفي راجلك اش خاصو

تبسمات لهم ابتسامة صفرة وطلعات متوثرة

دخلات البيت حانية راسها .. تبسم لها ادم دخلات لحمام وجداتو ليه الرجفة و التوثر غالبين عليها ..

رجاء : مم .. مزال خاصك حاجة اخرى ..

قرب ليها متبسم وفرصها فحناكها بطريقة عفوية ..

ادم : يخلي ليا لي كيحشم ..

شداتها بجرية نيشان لباب حشمانة .. يالاه اتبغي تفتح الباب بزربة .. وبزربة خبطات راسها مع لباب ..

ادم : عندااك اتحل الباب

يالاه جا يكمل جملته حتى كانت تسمعات زدحة بجهد .. طاحت مدردبة ف الدروج ..

رجاء : اي ..

يتبع...

زوجوني فقيه الجامع الجزء الثاني

محتوى القصة

التنقل بين الأجزاء