فنادي ليلي صوت موسيقى غربية مجهدة اشكال وانواع ديال الناس كل واحد شنو كيدير وكل واحد علاش جاي...فجيهة معزولة شوية كالس بقامتو العريضة قدامو طبلة عامرة بأنواع المشروبات الفاخرة...كيشوف فكاس لي بين يديه بحدة وجامع حجبانو مخنزر ملامح رجولية 100% رغم انه مكيضحكش ولكن وسيم لدرجة كبيرة عيون البنات غياكلوه ولكن معندهمش القدرة يمشيو عندو حيت لي مشات كترجع باكية بسباب الكلان الجارح لي تلقات منو فكتولي ضحكة مبين صديقاتها....
شرب لي بقا فكاسو وهو يحطو..سرح يديه معا جناب الفوطوي وتكا راسو لوور عضلات صدرو كيبانو مطراسين من القميجة اللي مزيرة عليه شوية وطرطق عروق عنفو منفوخين بطريقة جدابة...مغمض عينيه وكيتفكر حبيبتو لي معارفهاش فين كاينة وشنو غيكون واقع ليها!!باقي فأفكارو حتا كيحس بشي حاجة تحطات على كتفو وكتمشي جيهت عنقو بشوية وترجع لكتفو..جمع حواجبو كثر من لول وطلق تنهيدة حل عينيه بشوية وهو كيحاول يتحكم فأعصابو عارف هاد الحركات مزيان...حل عينيه وباقي على وضعيتو...
أزار:نوضي
كانتبنت زوينة بزاااف شعرها اسود بشرتها بيضاء لابسة كسيوة قصيييرة كلها كتبري فالاحمر نص صدرها خارج دايرة ميكاب صااارخ حاطة عليه يدها وكتمشيها من كتفو لعنقو بإغراء وكتطلع وتنزل فيه بإعجاب وشهوة كتبدا شوفة من ملامح وجهو لي حمقوها حتا كتنزل لصدرو لي بايت مطراسي مع ليزابدو...سمعات ديك نوضي وهيا تبسم بجنب وتاضت بشوية عليها وكلسات فوق فخاضو حتا زادت طلعات ليها الكسوة...دارت بتسامة مغرية وكتسبل فعينيها لي كيشوفو فمو...مدات يدها حطاتها على عنقو وهادسي كامل مدار هو حتا ردت فعل...شافتو مدار والو زادت زعمات خصوصا حيت جايبة لخبار بلي لي مشات عندو كيصدرها تبسمات بغرور وتقة فنفس حاسبة راسها وصلات لمرادها وهكا غتكون اول وحدة فدوك بنات لي مترفضاتش...مدات يدها لصدايف القميجة كتحلهم وحدة وحدة وكتقييس ليه صدرو بطرف صباعها وكتحاول تحاك معاه من التحت...زادت زعمات ملي مدار والو..هبطات براسها ياله غتحط شفايفها على عنقو حتا تنطرات تطرة وحدة من شعرها جات مزدوحة فالارض وحالة فمها بصدمة...
أزار "ساس يديه مزيان وعيا كتشوف فيه مزال كالس كيبان مبرد "عطاها إشارة بيدو باش تقرب عندو...
وحتا هيا ماشي من العاكزبن تبسمات وعضات على قنوفتها رجعات شعرها لور وزادت كتحبو لعندو وكتمايل بخصرها وصدرها كلو ولا خارج...وصلات حتا لقدامو وهو مراقبها ببرود...حطات يدها على فخاضو وعينيها فعينيه ونطقات بصوت رقيق محلون ...:كنموت فالعنف أنا كلي ليك ديرفيا لي بغيتي...
أزار:على برودتو حرك صبعو ليها باش تزيد تقرب وهويحدر عينو لصدايف القميجة وشاف فيها..
تبسمات ليه وزادت تخشات بين رجليه مدات يدعا لقميجة كتسد صدايف وكتشوف فيه وهو هز سيكار ديالو شعلو...نطر منو هبط عينو ليها وساط ليها على وجها...
طلقات ضحكة عالية ياله غتعاود تبوسو من عنقو...وهو يقجها من عنقها هز ليها راسها لفوق وهيا كتخنق مقدراش تهدر حدها كتركل وعينيها دمعو....
هو مراقبها بهدوء نطر عوتاني من سيكار وساط لبعيد وعو يرجع عينو ليها ...كيشوف كيف لونها تبدل..بتاسم جنب وشد سيكار حطو ليها نييييشان على فمها حتا طفاه فقنانفها وطلقها طاحت فالأرض كتغوت وتبكي كتنهج متسوقش ليها ناض هز لافيسيالو وسوارتو تمشا بشوية حتا لحداها هبط عينو ليها كيف طتلوا فالارض وتبكي ويديها مسرحة فالارض..هز رجلو وحطها على يدها وهو يدور بجهد حتا طلقات غوتا مجهدة وعيا مطلعة راسها فيه وكترجااه وتبكي وكلشي كيشوف وميقدرو يديرو والو هذاك راه أزار سلطان تا حد مغيوصلو...باقي يدها تحت صباطو وهيا كطلب فيه...حنحن بصوتو ونزل حتا لعندها ونطق...
أزار:نتمنا يكون عجبك العنف وتكوني عرفتي بلي انا خط احمر "حط يدو على جيهت قلبو"وحدة لي كاينة هنا...لا غير وهيا لي عندها حق اللمس ...عاود طور يدو بالجهد وتحرك من تما بهدوء خلاها كتغوت حتا تجمعو عليها صحاباتها....
داخلة نور مع درب ديك لوقيتة كلشي خارج ...غادة كأن حتا حاجة مطرات ممسوقة لحد..كلشي كيشوف فيها ويهدر على نتفا لي عطات لحياة فالصباح...مشات نيشان لدار سارة تدق وتعاود حتا حلات ليها الباب...
سارة "متكية على الباب"على سلامة فين كنتي من الصباح؟؟
سارة:وا دوي فين مشيتي شحال عيطت ليك ملي كنتي غادة مجاوبتينيش وديك حياة راه خصرتي ليها وجها ههه ولا كلو مخطط معرفت واش عندك ضفار ولا موس فيدك
نور"مغمضة عينيها"ياكمة تبغي تجربي!!
سارة:حجارك يشدوك "وقولي فين كنتي؟
نور:"تفكرات تيتيز وهيا تنهد وو سعات تبسيمة:اااه وفين كنت وعندمن كنت وااااحد طولة وتجريدة والحروشية ولبيوضة والجمال والحروف الكحلين زييين زييين ياختي غير هو حاس براسو ومعفر بلا قياس😏
سارة:😲😲اويلي خرجتي ليها طاي طاي😲
نور"ناضت كلسات"تي اشمن طاي طاي ولا زمر راه من بعد منتفت ديك الخرية مشيت تالحدا لكورنيش وسخفت تما ملي فقت لقيت راسي في فيلا ديال واحد خينا هو لي هزني لدارو تا فقت
سارة:اناراني ولفت خصني كل ليلة ندير عصيرونشربو ودبا جابك الله تبقاي تشربيه معايا كل ليلة 😊
نور:ههه صافي مشاات الحب.."حطات الكاس خاوي "ياله تلاحي غنمشي نعس غدا غنفيق بكري نقلب على خدمة على الله لقا شي حاجة ...شافت فيها سارة ببتسامة صفرة ومشات نور تنعس...بقات سارة متبعة ليها العين حتا مشات ودارت هزات تلفون بسرعة وسيفطات ميساج ورجعات حطاتو وهيا ضاحكة...
عند أسيل لي ملي رجعات لبيتها مخرجات منو حتا لماكلة رفضاتها يكفي صدمة لي تصدمات ناعسة على كرشها فوق سرير خاشية راسيها بين لمخاد كتفكر فهادشي كلو لي طراةهاد النهار لقات بلي فهاد الوقت صعيب تيق فشي حد كيفما كان..رضوان لي تعاطفات معاه ودافعات عليه وبكات على قبلو ملي تضرب صدق هو ىاس الحربة هو المجهول لي تابعها فصغيرةولكبيرة!!ضحكات على هاد الوضع لي هيا فيه.."تقلبت ونعسات على ظهرها كتشوف نيشان فالسقف "
صافي من اليوم قررات ترجع اسيل لقديمة اسيل لي مكتبكيش اسيل لي شخصيتها قوية لبكا معندو باش يفيدها مغاديش تخرج من هنا بجوج دميعات..هيا كتعامل مع شخص مريض بيها لدرجة كبيرة وماشي غبي باش تقدر تفك منو بسهولة خصها تكون فداكائو الى بغات تخرج وتنعم بالحرية وترجع ختها خصها تحارب غير بالبارد هيا كتأمن بلي حتا حاجة ماشي مستحيلة كلشي ممكن كيف دخلات وسط عائلة سلطان بسهولة غتقدر تخرج من حجر الشيطان المهووس لي هيا معاه دبا....
فطريق جنب الغابة مجموعين بثلاتة دايرين دائرة بسيارتهم ضوء السيارات هو اللي ضارب فيهم كل واحد جامع يدو عندو ومركزين معا بعضهم....
عصام:احم أزار واحد الحاجة مقلتهاش ليك ...اسيل مكانتش كتبغي اسد هيا فقط دارتو طريق باش دخل وسط منكم كانت ناويا تسالي كلشي وتنهي علاقتها معاه ولكن كلشي مشا بالمقلوب
ازار"بتاسم شبه ابتيسامة من هدشي لي سمع حس بشوية راحة حيت فكرة انها كانت خطيبتة اسد غتقتلو:امم مزيان خاصك متنسا حتا حاجة حيت تقدر تكون بسيطة ولكن تنفعنا باش لقاو لبنات!!
فؤاد:دبا هاد المجهول انا متأكد بلي مخرجش من المغرب حيتاش معندو كيدير يخرج لبنات بجوج بسهولة!!وحنا راه شفناه لبارح دخل لقصر ولكن سؤال واش هو لي دخل او غير بغا يضللنا بشي حد.اخر واكيد الى كان داخل المغرب فراه غيكون حاطهم فبلاصة ممتوقعينهاش حنا!!!
ازار:عيصام نور قلتي كانت فاسفي!!
عصام:اممم شنو كتقصد زعما يرجعها منين جات
ازار:كلشي ممكن
فؤاد:ميمكنش حيت هيا عارفة بلي هيا بنت عائلة سلطان ومستحيل يرجعها اش غيستافد حيت الى رجعها غتعاود ترجع لهنا!
عصام:هو معندوش غراض بنور هو باغي اسيل فقط
ازار"ساط بالجهد :اوووف معرفتش فين ممكن يكون 😠😠ولكن لي عارف خصنا نراقبو اسد وياسين هاد جوج مخصهومش يغفلو علينا بمرة حيت انا مبقيتش نتيق فشي حد عمي وشنو خرج منو عاد نتيق فيهم هوما بجوج!!!
كالس فغرفة ديالو السرية لي كانت كلها عامرة بأجهزة المراقبة لي شادة قصر سلطان كاامل وفيلا فين كاينة اسيل مراقب الأوضاع مزيان كيبان ليه كلشي عادي كيف بغا... شوية كيلمح من الكاميرة أزار لي جاي جيهتو... ناض بالزربة خرج من ديك الغرفة سدها ومشا جلس فكرسيه المتحرك... بعد ثواني قليلة تسمعو طرقات خفيفة فالباب... نطق بصوت هادئ
رضوان:صراحة معرفت منقول"بستغراب" كنشوفكم نتا وفؤاد وعصام اللي دايرين كل ما فجهدكم باش تلقاو لبنات ولكن أسد علاش كنشوفو ممسوقش بحال إلى ماشي خطيبتو لي مختفية؟؟؟
أزار:😏هذاك مكنعتبروش كان خطيبها اصلا...شي نهار موتو غيكون على يدي😡😡
؟؟ رضوان:🤔🤔علاش
أزار:حلم مكتبغيهش هيا فقط دارتو طريق باش تدخل وسط منا "نطق بغضب"اصلا لو كانت علاقتهم حقيقية مستحيل نخليها ليه😡
أزار:"عاد حس على راسو:امم لا والو ولكن هيا متستاهلوش هو ماشي قد المسؤلية" سكت شوية"رضوان إلى كنتي نتا هو ذاك المجهول فين كنتي غتخبي لبنات!!!
رضوان راسم ابتسامة خفيفة كتبان فيه البرائة ولكن هو شيطان بصيفة انسان السؤال لي تطرح عليه مغير فيه والو هو متأكد انه بعيييد كل البعد على الناس المشكوك فيهم كيفاش غيشكو فيه وهو مقعد!!! مكطيحش على البال دارس خططو مزيااان.... جاوبو بكل أريحية::اممم كنت غنديهم لأخر الدنيا أكيد مغنخليهمش فنفس البلد حيت غيقدرو يلقاوني بسهولة...
أزار:اممم ولكن انا حاس بلي هو باقي فنفس لمدينة وأكيد ف
أزار:"ناض وقف وحط يدو على كتف رضوان" متقولش هكا اصاحبي هادشي مكتاب يكفي انك كتسول فين وصلنا وهاز الهم معانا وسمحلي إلى طولت الغيبة عليك محدث مالقيتش لبنات مغنرتاحش
رضوان" هانية اصاحبي عارف لي كاين😊
أزار" شاف فيه وودعو براسو وخرج من الغرفة....
رضوان بقا كيشوف جيهت البيت والابتسامة على فمو بقا هكاك حتا بدات ضحكتو الشيطانية كتعالى وصدا ديالها كيتردد فالغرفة....
حبس من ضحك وهز الهاتف ديالو دوز نمرة خاصة بقا بعض ثواني كيتسنا الرد حتا نطق جوج كلمات....... وصل الوقت.... وقطع ومكيبان فوجهو حتا تعبير بدا كيردد كلمات"صعيب بل مستحيييل تلقاوني😏
فمدينة أسفي 🌺🌺
نور واقفة فالدرب كتبان عاطية كضرب على الشعا... دايرة يدها فجنابها واقفة هيا وسارة كيقرقبو ناب
سارة:ياختي نتي غادة تقلبي على خدمة ولا غادة تقولي ليهم أنا قح***؟؟شوفي الكسوة قصصيييرة شوية وطرطق😏
نور:هزات حواجبها كتقليلها سم"" "غا قولي غرتي مني وصافي" زادت دارت وقفة ديال باطرونات"اوا ازين إلى مفراسكش إلى مكنتيش مقادة مزيااان وتضربي حطة مقودة راه ميخدمك حد... وهدشي كلو من خيرك أصحبتي اما انا منكساب حتا كارصون هو لخر هههه
سارة:اوا الحمد لله لي عتارفتي بخيري😏
نور" دفعتها شوية بيدها" حييدي من قدامي نمشي نضبر على خديمة ونتي باركة تنفخي وتفشي عليا هنا...تخطاتها نور وزادت مع طريق ممسوقة لحد لي بغا يهدر العام طويييل... بقات سارة تخنزر فيها ودخلات لدار خبطاب بالباب وهيا تسب وتعاير...
عند أزار لي فالمكتب ديالو فقصر سلطان حداه فؤاد فالكرسي المقابل ليه الصمت سيد المكان تا حد مكيتكلم كل واحد كيبان معصب كثر من الثاني وتخنزير عندهم فالدم وخصوصا دبا... كسر الصمت صوت دقات خفاف فالباب... تكلم أزار بصوت باين فيه الغضب.. "دخل" تحل الباب كانت خادمة ديال القصر داخلة حادرة راسها وهازة بين يدها ملف أزرق تمشات بخطوات تابتة كتحاول مديرش الصوت باش ما تزعجهم تقدمات حتا لبيرو حطات فوق منو الملف.. "ميسو أزار هاد الملف جا بسميتك؛.. خشات يدها فجيبها جبدات جوا على شكل رسالة حطاتها فوق الملف... وحتا هادي اميسو وصلات مع الملف
أزار حرك ليها غير بدو باش تنصارف... عطاتهم بالظهر ومشات
فؤاد كيشوف فالملف ويشوف فأزار لي رجع راسو لور غير مبالي بشي ملف :واش مغتشوفش الملف؟؟؟
أزار بنفس الوضعية:لا مفيا لي يشوف شي خدمة دبا
فؤاد:اووك غنشوفو أنا
حرك ليه أزار يدو بمعنا لي عجبك
فؤاد مد يدو حيد رسالة حطها على جنب وهز ملف بين يديه حلو وبدا كيقرا فيه محدو تيقرا وملامح الصدمة على وجهو تقاد فالكلسة وأعصاب ودمو بدا كيفوور بقا حتا كمل قراية ولاح الملف بالجهد فوق المكتب حتا تسمع صوت الخبطة.. خلا أزار يفيق من سهوتو وعلا وجهو ملامح تسائل...
هز فؤاد الرسالة حلها بلهفة وهو مصبر راسو وبدا كيقرا....
نتمنا هاد الملف يكون عجبكم ههه اممم متقولوش بلي أنا شخص شرير أنا عزيييز عليا نعاون الناس ودليل قدامكم ههه اه نسيت هذا الملف الأصلي يعني مكاينش حتا وثيقة من غيرو تقدرو تنقدو الموقف من فاعل خير المجهول"مهووس حلم...
ناض فؤد ضرب الكرسي برجليه حتا طاح لحين أزار هز الملف كيقرا وعلامات الصدمة فوجهو ناض حتا هو عروقو تنفخو شوي ويطرطقو كمل قرايا وهز رسالة قراها حتا سالة وكمشها بين يدو ودارها فجيبو شاف فخوه شوفة مكتبشرش بالخير وتقدم جيهت الباب بخطوات كبيييرة تبعو فؤاد لي ماشي قل منو وخرجو من القصر بحال البرق ركبو فسيارة وحدة أزار لي سايق نطالق بسرعة كبيييرة حتا خلا بلاصت روايض محكوكين...
واقفة فشاريع هازا سيفي ديالها مدربة بيه على الشمس ولي داز يلوح ليها شي كليمات وهيا طالعة ليها القردة بلاصة لي مشات ليها تدفع يقولو ليها مبقيناش نقبلو... تحركات من تما شوية تشوف واحد الشريكة على الله يشوفو معاها.. بقات تعوج بديك كسيوة وطالون طق طق والعنوقة عواااجو معاها... ياله غدخل تابان ليها واحد كيوسك توجهات لعندو تاخد قريعة ديال الماء لقاتو مولاه كيحيد شي جورنال قدااام وقفات تسنا تما منها نيت ترتاح كلسات فواحد الكرسي وتنش بداك الملف..
سمع حسها مول المحال وتلفت ليها طلعها وهبطها مزيااان وهو يرجع بزربة لذاك جورنال تيقلب فيه بسرعة ويعاود يشوف فيها ويرجع يقلب وهيا مادات ماجابت مرتاحة مع راسها... راجل ناض هاز جورنال بين يدو وعلى فمو ضحكة كيشوف فصورة لي فيه ويشوف نور تيقول مع راسو هادي هيا لي مودرة لعائلتها جاي قاصدها يزيد يتآكد من واش هيا بنت عائلة سلطان ولا لا محس غير بواحد قدو قداش هاجم عليه عطاه كروشي وحدة لوجه خلاه منشور تما وخدا ليه جورنال من يدو وطار من تما بحال إلى عمرو كان...
وصلات كتنهج شداتو من دراعو وهو ياله داخل مع باب الشركة...
تلفت عندها بسرعة وتغوبيشة مع الحروف الكحلين تيهبلو طلعها ونزلها مزيان زاد جمع حواجبو فيها وهيا مطرقة فيه عينيها وموسعة ضحكة وكتخطط فدماغها هذا لي غيضبر ليا على الخدمة مدام داخل لهاد الشركة إلى ويكون خدام فيها ولا عندو لمعارف... هادشي كلو خممات فيه فهاد اللحظة..
.... نتي!! شكديري هنا؟؟؟
نور:تقادات فالوقفة:اممم سلام "مدات ليه يدها"
هبط عينو ليدها ومد تاهو يدو سلم عليها...
نور:امم انا صراحة كنت داخلة لهاد الشريكة ندفع السيفي ديالي فيها باش نخدم ونتا شكدير؟؟
فهد:مكنضنش غتلقي خدمة هنا😏
نور:عوجات سيفتها:وعلااااش😒
فهد:جرها من يدها وداها جيهت واحد الافتة كاتبين بلي حبسو قبول نوضفين جداد.... قرأتها وهيا تضرب برجلها للأرض بكل أنوثة وتأفأفات :اوووف معند دين مي زهر تفووو
فهد:واش ضروري بغا تخدمي؟؟
نور:اه باغة نخدم معندي لي يصرف عليا 😔
فهد:حك لحيتو كيفكر :عندي فكرة شنو بأن ليك تخدمي معايا؟؟
اشوووووف ااااش سماااك الله لاشوفنيش هكا لابسة وقتليك معندي لي يصرف عليا ويحساب ليك أنا طريق دايزة وقلتي دوز حتا نتا ااااه حدك تما انا راني قنطرة مسدووودة ومطرقة مزياااان
فهد بقا غير كيشوف فهاد المخلوقة كيف تسيفات دور راسو يمين وشمال بقلة صبر وهو ينزل شوية حتا جمعها بين يدو بحال الكميشة مقارنة معاه خلاها تضرب وتفوت معرفات باش تبلات مخلات جد ولا عم كلشي دازت فيه عايراتو مزيان وناس كتفرج سحابلهم غا مخاصم مع صاحبتو... دخلها لوطو ديالو من نوع رونج روفر سد عليها وداز يركب بلاصتو ممسوقش ليها ولغواتها...
نزلو من سيارة بسرعة قدام مبنى كبيييير وعاااالي كانت شركة سلطان... دخلو مع الباب لكبير الكل كيعطيهم التحية شريكة عامرة بالموضفين الكل دايها فخدمتو.. توجهو نيشان للمصعد الخاص بيهم ركبو... تاجهو لطبق الثاني حتا حد مدوا مع لآخر فقط كيفركو يديهم بعصبية... وقف بيهم المصعد ونطالقو بسرعة لأول مكتب على ليمن حلو لباب بلا إذن...
دورو عينيهن فالمكتب حتا كيلمحوه كااالس فوق الفوطوي وصوت ضحكو مسموع والكاتبة كالسة ليه بين رجليه وكتحاك معاه وكضحك بصوت مقحبن وهو كيبوسها فعنقها...
أزار زاد شعل من شنو شاف وتوجه لعندو بسرعةبلا كلمة بلا جوج نطر ديك خيتي من عندو حتا جات مزدوحة مع الأرض غير هيا شافت شكون دفعها البولة غتخرج ليها ناضت كطيح وتنوض هربانة من تما
أسد مفهم والو نزلات عليه دقة من حيت لا يحتسب طاح مجبد على الفوطوي... طلع فوق منو أزار بلا حتا كلمة كيهز يدو حتا لسما وينزل عليه لوجه مكيخليهش حتا يرد النفس وهو كيتركل تحت منو...
جا فؤاد جر أزار من فوقو ياله أسد حمد الله جا لي عتقو حتا طاح عليه فؤاد بالدق كيتسمع غير غوات أسد خلاوه بحال شرويطة وجهو كلو دم عينيه تسدو بنفوخية مبقا قادر يهز لا رجل لا يد...
مشا لعندو أزار جرو من شعرو وهو مقادرش يقاوم قادو فالكلسة وهو يوقف مقابل معاه كيدوي وكيحرك يدو...
أزار:شنو دبا نسميوك نتا اممم!! طلعتي نصااب مع راسك دخلناك وسط منا صدقتي باغي تجمع حب وتبن!!!
فؤاد:هانتا طحتي بين يدينا نصب لي درتي على لي رباك ولي للأسف بحالك بحالو الفرق انك ماشي ولدو ولكن بجوج شياطين "هز رجلو وركلو لكرشو" صدقتي طماع وخا كلشي عندك حتا من ولادو الحقايق باغي تسوط ليهم فأملاكهم!!
أسد 'غير كيسمع معندو جهد منفوخ على الخوا..
أزار:من ليوم نتا مطرود من شركة والقصر وحتا حسابات البنك كلشي غيمشي ليك متحلم لحتا حاجة
ايد:دوا بصوت ضعيف:متقدروووش
فؤاد:هههه ومزال كدوي!! ملف الملكية الأصلي بين يدينا مبقيتي كتسال والو ههه
أزار :نزل شد أسد من حوايجو مجرجرو مع الأرض وخرجو من المكتب نيشان للمصعد حتا نزلو لشريكة التحت وكلشي على وجهو علامات الدهشة.... لاحو أزار فالارض والكل كيتفرج عيط على السكيريتي :هذا منبغيش نشوفو مرا خرا هنا سوارت طموببل جيبوهم ليا.... نفدو ليه الأوامر
شاف فواحد السكرتيرة عطاها آمر يحضر المحامي الخاص لعائلة سلطان دبا لمكتب لفوق ونساحب هو وخوه خلاو الوشوشة موراهم
وقفات سيارة ديال فهد قدام ملهى ليلي ونور مزال كتنكر دار عندها كيشوف فيها حتا تسالي على خاطرها...
شافتو وقف وكالس يشوف فيها وهيا دور راسها كتشوف فين كاينة بقات تبركك حتا كتلمح الملهى وهيا دور عندو....
نور:واش من نيتك!!
فهد:شنو لي من نيتي؟؟
نور:ياكمة باغي تردني قحب***راه انا ماشي من داك نوووع اشرييف😒
فهد:حط صبعو على رأسها؛ مال عقلك مسخ نتي باغا تخدمي!!! حركات ليه نور راسها:اوا هبطي بلا صداع شوفي قتراح ديالي من بعد دوي... هبط من سيارة ودار جيهتها كيتسناها تنزل وهيا مزال كتشاور مع راسها واش تهبط ولا لا.. زفر فهد بضيق وحل الباب بجهالة كان غيطيرو....
وهو غا متابعها شكدير تا شافها زكات وهو يشدها من يدها وجرها معاه كيدير خطوات كبااار وهيا مجرورة بحال إلى كتجري....
نور:وااا بشوية اويلي غطيحني واااا لمرض
مدارش عندها حدو نقص من خطواتو عاد رتاحت... وصلو قدام المدخل كانو جوج ليكاردكور صحاااح شافوه حذرو رأسهم وحلو ليهم الباب حتا دخلو وهيا مزال مجرورة وكدور عينيها على المكان...
كان ملهى كبييير فيه 3 طاج كل طاج شنو فيه وكان خاوي من زبناء بحكم ياله صباح هذا والخدامة لي تم رجال ونساء كيرتبو وينضفو.... تا حد من الخدم مهز فيهم الراس كيخافو من مول شي لي هو فهد مشا بيها جيهت المصعد دخلو تاجه نيشاه لطاج لول وهيا واقفة عادي كتشوف فيه من راسو
لرجليه...
فهد :ياكمة نعطيك صورتي؟؟؟
نور:امم وخا صافي عطيها ليا😍
هز فيها فهد حاجبو زعما من نيتك!
تحل المصعد وخرج فهد هو لول تبعاتو نور... مشا نيشان لواحد المكتب دخل دخلات موراه كدور عينيها على المكتب بإعجاب كان كبيير واحد الجزء فيه كلو زاج كيبين ليعى برا كامل ولي على برا ميقدرش يشوفك
نور:وااو هادشي واااعر😍😍
فهد مشا لواحد ميني بار تما هز قرعة شراب خفيف خوا جوج كيسان مشا متاجه عندها. مد ليها الكأس شداتو..
فهد :هبط عينو لكأس لي بين يدها ونطق ببرود:شراب علاش؟؟
نور:😱😱ويلي ستغفرت الله على الشراب "مدات ليه الكأس بزربة" شد شد هاد لحرام اويلي راني مكنشربش عمري حطيتو فمي ونتا جايبو ليا حتا لبين يدي😡
فهد :مالك على هاد الهدرة كلها!! قولي مكنشربش صافي... رجع حط الكأس وتاجه لكرسي ديالو وعطاها إشارة تقرب باش تكلس...
جغم فهد من كاسو وحطو وشاف فيها :احم غندخل فصلب الموضوع لقائنا اللول والثاني صدفة ونتي كنتي تقلبي على خدمة وانا خاصني شي حد هنا فبغيتك تكوني مسؤولة هنا وبعيدة كل البعد على على شنو فبالك شنو قلتي؟؟
نور:كترمش فعينيها"امم وشنو زعما كتقصد بمسؤلة؟؟
فهد:هيا نتي لي غتولي رغدا لبال لهنا وتوقفي على كلشي تردي وكوني أكيدة مغيقرب ليك حتا حد
نور:اياه إلى انا وليت ندير هادشي نتا شغتكون دير؟؟
فهد:انا معاك ولكن مكنكونش ديما حيت ماعنديش غير هاد الملهى عندي مشارع اخرين ولكن هاد ساعة انا غنبقا هنا بيما تعلمتي كلشي هادشي طبعا إلى وافقتي... اه ونسيت بنسبة لطريق كاين شيفور غيولي خاص بيك وخلاصك غيكون جد مرضي 😊كنتسنا جوابك
نور كتسمع لكل كلمة قال ودورها فدماغها.. لقاتها مزيانة شيفور ومافيها ثمارة وديما زهو ونشاط وثمن مزيان اوا شنو اخليها ترفض!! وسعات بتسامتها ومدات ليه يديها :صافي انا موااافقة😁
فهد بتاسم ليها :مرحبا بيك معايا😊... هز واحد الميكرو عيط لجميع لخدم وليكارد يطلعو عندو يعرفهم على المسؤولة جديدة.... سيفط معاها واحد الكارد يعرفها على الملهى كامل وكل طاج اشنو فيه....
عند اسيل لي خرجات من بيتها لي بحال الحبس وكالسة مع حسناء فالكوزينة كدوز الوقت...
حسناء:عرفتي آنسة سيدي ملي شافك مضروبة كان غيحماق ولا غير تيغوت ولي لقاها قدامو تيهرسها كان غيقتل طبيب كون وقعات ليك شي حاجة
اسيل:بلا مبالات"اممم مسكيين قلبو حنين
حسناء:بزااااف
اسيل:اجي واش نتي كتبقاي غير هنا ولا كتخرجي؟؟
حسناء:لا كتوصل 8 دليل كنخرج
اسيل:اممم واش نتي لي كتحلي احم زعمة عندك سوارت دخلي وتخرجي وقت لي بغيتي؟؟
حسناء:لااا كيجي الكارد يحل ليا إلى بغيت ندخل وحتا إلى بغيت نخرج
سمعو صوت الخطوات جاي لجيهة الكوزينة حسناء طارت تكمل شغلها بقات اسيل غير كتشوف فيها وفهاد الخوف لي بأن عليها...
دخل رضوان لكوزينة عينو جات نيشان على اسيل شاف فيها بحب مع بتسامة خفيفة وتقدم عندها.. هيا سمعاتو وتعمدات تبقا دايرة لجيهة لوخرا..حسات بيدو تحطات فوق كتفها مدارت حتا ردت فعل شوية حيد يدو من تما ودورهم على كرشها وهبط براسو حتا لعنقها ونفسو سخوونة كضرب فيها... كيشم فعنقها وكيطبع قبلات خفاااف وهيا حدها دورات فيه راسها بشوية وحطات يدها على يدو وزادت عطاتو عنقها....
رضوان ستغرب من هاد الحركة لي دارت وهو يبعد شوية ودورها لعندو.... هزات فيه عينيها الزرقين بشوية كتبان هااادئة وشوفتها مسااالمة عكس البارح كانت عنيفة... مفهمش هاد التغير لي طرا جاه فشكل كان متوقع ردة فلها تكون بحال البارح... شدها من يدها وجرها معاه بلا حتا كلمة
دخلها لغرفة ديالو مشا كليها فوق فوطو وكلس حداها:اسيل بخير؟؟
اسيل:اه بخير علاش؟؟
رضوان:معرفتش جيتيني مبدلة؟؟!
اسيل:بتاسمات كتهضر بتباات :رضوان غندخل فصلب الموضوع انا صافي تقبلت الأمر الواقع شوف شحال وانا هنا ومخرجتش وحتا حد مقدر يوصل ليا ومغنقدر ندير والو يعني انا بين يديك فمكاين لاش نبقاو فصراع ولبكا.. صافي غنديرو هدنا ومدام انا فحياتي مكاين فيها حتا حد يعني مكنبغي حتا واحد ونتا كتبغيني بل كتنوت فيا فعلاش لا نجرب ربما يكون بيناتنا توافق ونكملو علاقتنا عادي😊
رضوان:مصدوووم ولكن ممبينش متبع معاها كلمة بكلمة وكيشوف ملامحها ويديها واش كترجف ولكن محصل فيها والو كانت طبيييعية "تنهد براحة وابتسامة سااحرة على محياه :هذا احسن قرار تاخديه فحياتك مزيان لي فكرتي وحاولتي تعطي لراسك فرصة حيت انا سوا بزر سوا بالخاطر كنتي غتكوني ديالي ومن بعد هاد الكلام انا عبد مأمور ليك طلبي عيني يحضرو ليك ولكن غلط بسيييييط" كيعبر بصباعو"غييير قد هاكة ونلقا هادشي كااامل لي قلتي غير تمثيل فكوني أكيدة غتشوفي لييي ميعجبكش
اسيل:تسناتو حتا كمل كلامو وبتاسمات بجنب مع نظرة مغرية..شدات ليه فيديه بجوج وقربات حتا لعند وجهو وعينها فعينيه وحطات شفايفها على شفايفو بدون حركة بكثرة الصدمة والمشاعر الهايجة والأفكار الملخبطة بقا جامد بلاصتو كيحاول يصدق هادشي
نطقات ليه فمو:ماالك
غير سمعها وبسرعة خشا يدو مور عنقها وباشر فتقبيلها بكل احترافية وحتا هيا ماشي قل منو...
بقاو هكاك دقائق قليلة وفصلات هيا القبلة وكتنهج وحتا هو كينهج ولا كولو حمر
اسيل باقا عند وجهو وكتدوي بإغراااء :انا ماشي غير دويت أنا طبقت كنضن كون مبغيتش نزيد خطوة لقدام كنت غادي نجي ونتقرب منك!!! اكيد لا فعتابر هدشي تأكيد على كلامي....
بقا كيشوف فيها ونطق... عشقي... اسيل
🌺🌺🌺بعد مرور شهر🌺🌺🌺
واقفة وكتشطح برجلها فيها دودة باغا تنوض تحيح ولكن شكون خلاك فهد كيتحلف فيها تديها فخدمتها وتفوت عليها شطيح وهيا رآها شييييخة مستحيل تشدها الحالة ومتمشيش دير شوية الحركات... دخلات وسط ناس بغفلة منو المكان كان غيطرطق ببنادم كانو غير الناس لي لباس عليهم مكيخرجو
تكيحطو لملاين... دخلات كتلوا بإحتراافية وسط واحد نص توووب كتلعب بخصرها وشعرها طويل وضحك هنا وهنا والكل باغي يتقرب منها ولكن تا حد مكيزعم عرفوها مسؤلة هنا وصديقة فهد السليماني اللي معروووف... بقات تشطح وتعاود وفهد كيشوف فيها وكيتحلف عليها....
فهد بابتسامة واااسعة:اوووه صاااحبييي شهاااد الغيبة؟؟؟
.... اهلا فهد غا مع هموم الدنيا ونتا فين شادها؟؟
فهد:هاني غير فالخدمة مقصر شوية جي اصحبي نسا الهم شوية
.... لا مناقصنيش مرا خرا
فهد:هانتا شوف الأجواء وديك الساعة غتجي بلا هواك.. دور ليه فهد الكاميرة كيوريه الأحوال كيدايرة متجي الكاميرة غييير على المصونة بنت الأصل والنسب طاالقة ضحكتها لسما وتلعب بجسمها بسهولة...
رجع فهد الكاميرة لقدام :اوا اسي فؤاد كيف جاك هادشي؟؟
فين هو فؤاد راه مزال كيستوعب شنو شافو عينيه... غوت من التلفون.. رجع رجع لكاميرة فين كانت دباااا سربييي
فهد حتا هو رجعها ليه فنفس الاتجاه...
بقا فؤاد كيشوف ويعاود ويحاول يتأكد واش هاديك نور ولا تشابهت ليه ولكن قلبو وعقلو حاسين بلي هيا وخا مواضحاش مزيان...
رجع فهد دور الكاميرة عندو.. اوا شنو قلتي واش تجي تزورنا؟؟
فؤاد:من غدا أنا عندك
فهد:صافي احسن حاجة تهلا...
ياله قطع فهد معاه جات نور كضحك
فهد:ياك وصيتك متمشيش تشطحي راكي كتقلبي عليا
نور:واش دبا نتا لي درتها غتبقا تهددني بديك صورة
فهد:هههه ديك صورة إلى نشرتها غتخليك تبتي واحد شوية واش عاجبك يبقاو يتزللو عليك هنا؟؟؟
نور:فهوودي لميمة مسح ديك الصورة اويلي راه شوهة حتا نتا ملقيتي أيمتا تصورني غير ديك نهار 😡
فهد:حل تلفون جبد صورة لنور لأول مرة تلقا بيها سخفانة وهزها داها لدارو كان كااالس فدارو كيشوف فيها حتا ناض حداها ياله غيرجع بلاصتو بانت ليه كدير شي حركات بوجها وهيا مغيبة ستاغل الفرصة وصورها معرفش علاش مهم فيما يجبد ديك صورة يبقا يضحك بوحدو وهادي هيا صورة لي شاف فتلفون نهار خرجات من دارو...
هاد شهر دوزاتو نور زوين باقا ساكنة مع سارة وعجباتها الخدمة زادت تعرفات على فهد كثر ولا عزيز عليها ومتفاهمين ديما ناشطين... ولكن هيا ديما فريفرة كتجبد ليه صداع... متفكرات حتا حاجة حتا دوك الأحلام مبقاوش كيراوضوها بمرة...
عند اسيل لي كالسة وحدها فصالون كتعشا رضوان هاد الوقت مكيكونش معاها تيكون فالقصر...
كالسة وساهية فأحدات هاد الشهر لي داز... علاقتها برضوان مزيانة قدرات تخليه يتيق فيها قدرات تلعب عليه نسا بلي هيا محترفة فهادشي كيف كانت دير لأسد دارت ليه هو خلاتو يزيد يغرق فيها علاقتهم محدودة فالقبل فقط كيجي يدوز وقت زوين معاها ويرجع...
لحد ساعة مشك فيه حد قدرات تقنعو يلغي لحراسة على ختها ويخليها تكمل حياتها عاادي بدون ميراقبها وحتا هو مرفضش عارف بلي مكتشكل عليه حتا خطر مدام فاقدة الذاكرة زائد عندو ورقة بين يديه لي هيا سارة لي شراها بالفلوس مقابل تعطي دوا لنور لي غيخلي ذاكرتها ناااعسة مترجع حتا ذكرى من داكشي لي ناسية... ولكن تذهب الرياح بما لا تشتهي السفن...
فقصر عصام مجموع كل من أزار وفؤاد وعصام
فؤاد:انا متأكد بلي شفت نور ياك هيا اصلا كانت ساكنة تما!!
عصام:ولكن هادشي مكيعنيش تكون هيا كيفاش هاذا لي خطفها غيديها لمدينتها وهيا حرة؟؟؟
فؤاد:مغنخسر والو غنمشي لتما عند صاحبي ونتأكد
آزار:حتا انا متافق معاك سير شوف كنتمنا تكون نيت هيا وخا جاتني شبه مستحيل تكون هيا وهادشي غرييب
فؤاد:غدا صباح غنمشي لاسفي وزور السفر ديالي لشي دولة باش هكا نكونو دايرين حتياط ديالنا
أزار:كون هاني...
فالملهى مزال الزدحة خدامة ونور كتسارة على طبالي من هنا لهنا وضحك مع هذا ومع هاذي ومنشطة راسها ورادا البال لخدمة كلشي هو هذاك هاد الشهر تعلمات فيه كلشي... كملات دوران ومشات عند فهد لي شاد واخد الكروات ومكونسنطري مع كويس ديالو ومراقب حتا هو الوضع...
نور جات كلسات حذاه رجل فوق رجل والكسوة زادت طلعات:نشاااط افهودي مكنسخاااش
فهد:ههه شوصلنا لداكشي إلى بغيناه ماشي نتي لي غتجيبيهم نتي تكلفي ليا غير بمشربات وكليسة مقادة...
هزات ليه نور راسها وكليات تشوف ودندن مع الموسيقى....
دازت ساعة وصل لوقت لي خصها تمشي فيه لدار سارة ركبات مع شيفور وصلها لدرب... جبدات سوارت وحلات الباب صوت تلفازة مجهد دخلات لصالون لقات سارة مزال فايقة... كتهدر وتحيد صباطها..
سارة تبسمات بغل حيت وصلات شنو بغات مهامها لا صحبة لا حب همها الأول والأخير هو فلوس لي كيوصلوها لا غير...
سارة:نتي راكي ختي لي معنديش عمرتي عليا الدار انور "عنقاتها وكتخسر ملامحها مور ظهرها عكس نور اللي مبتسمة من قلبها ومعنقاها بفرح...
كل الذين كنت أعتقد أنهم طوق نجاة ..
كانوا هم الغرق ذاته !!🖤😔
تفرقو كل وحدة مشا٠ت لبيتها دخلات نور بدلات حوايجها وتخشات ففراشها كتقلب فيه مبغاش يديها نعاس بسهولة رغم نشاط ووقتها عامر ولكن ملي كتنفارد بنفسها كترجع تفكر انها وحيدة لا عائلة لوالو حتا فكرة انها تمشي عند عايئلتها الحقيقة رافضاها كتقول فييين غيعقلو عليا ولا غيصدقوني... بقات فكرة ذيها لوخرة حتا نعسات....
عند أزار لي راكبرفسيارتو معرفش فين غيمشي غير كيدور بيها وصافي وتيفكر فهاد لبحت لي دارو فهاد المشهورة نوصلهم لوالو حاس براسو غيجهل حيت بحال إلى كيقلبو على برة مكاينش ليهم الأثر بقات زنقة تديه لوخرة.... حتا حبس فواحد الحي راقي بقا كيشوف فيه وبالظبط فواحد الفيلا عقلو رجعو لسينييييين لور وهو كيشوف فيها شحال جا ليها ودوز فيها وقت زوين مع محبوبتو... عمرو بقا وصلها من نهار انتاشر خبر موتها مع والديها... تنهد بضيق ديمارة سيارة باش يمشي من تما حس براسو تزير وهو تما...... ياله تحرك شوية ورجع دور راسو اخر مرة حتا كيلمح مجموعة من ليكارد واقفين تما مع كلاب ستغرب من هاد الحراسة المشددة هو عارف بلي دار تباعت مور موتهم... مفكرش فالآمر بزاف وزاد كمل طريقو...
نيشان لقصر سلطان... هبط من سيارتو داز بحال البرق نيشان لبيتو... مردش لبال لرضوان لي كان خارج كيتسلت عندو زهر أزار مشافوش خرج رضوان من جيهت باب الكوزينة نيشان لمور القصر كان تما مفيهش الحراسة تحرك لجيهت واحد الشجرة كانت قريبة من الحيط تسلقها ونقز الحيط بزربة وهبط يقاد فحوايجو مشا نيشان جيهت واحد سيارة كحلة ركب فيها وزاد والغرفة ديالو مخرج حتا سورتها باش لي جا يشوفو يلقاها مسدودة ويرجع..
دخل أزار لغرفتو حيد حوايجو كلهم بقا بالبوكسر وصدرو عاري والوشم كيبان واااضح اسم حلم موشوم بطريقة رائعة شادة جبهت صدرو الأيسر كامل... مشا جيهت ميني بار عندو هز قرعة نبيذ الأحمر ومشا لفوطوي كيشرب من القرعة كلها والداخل ديالو كيغلي نار شاعلة فيه مراضيش على الوضع مراضيش على راسو لي تحط بين يدين واحد مريض قدر يلعب بيهم كلهم خايف يكون الوقت كيضيع وحلم تكون وقعات ليها شي حاجة... قبل كان محروم من نعاس بليل ولكن كيستاغل ساعة ساعتين يغمض فيهم ولكن دبا والو زاد مرض الأرق كثر من الأول عقلو ولا كلو عند حلم مبقاش مركز فوالو لا خدمة لا عائلة لا والو نهارو كيدوزو فقط فتقلاب على حلم...
أَرجو أن يَكون النُعاس أثقَلُ مِن التَفكير هذهِ الليلة ..
فلقد هُلكت 🥀🖤😔
عند اسيل لي كالسة مزال فصالون لابسة كسيوة قصيرة ودايوة ميكاب صارخ مركزة على شفايفها.. وشاعلة تلفازة كتحاول تبان عااادي رادة البال مع خطواتها كلهم حتا ملي كتكون كتخطط مكيتسمعش صوتها كتفكر فنفسها فقط حيت عارفاه مزال داير كاميرات
سمعات خطوات جاين جيهتها بقات على وضعيتها...
جا رضوان وقف قدامها مع ابتسامة كيشوف فيها بحب.. هزات فيه عينيها مبتاسمة ليه
اسيل:بقا معايا نهار كلو ولا يلله نمشو من هاد لمدينة باش نعيشو فراحتنا😊
رضوان:كدوي بالصح نتي باغا هادشي
اسيل:بابتسامة اه احبيبي انا بغيت هادشي
رضوان "كلس وكلسها فوق رجليه" وخا نقاد شي أمور وغنخويو المغرب كامل
بقات اسيل تشوف فيه وعنقاتو وحتا هو بادلها العناق...حولات عينيها لقميججة البيضة لي لابس تحت لافيست وهيا طبع فيها قبلة بلا ميحس حتا تطراسة عكر حمر فيها وهيا تبعد شوية وهيا على أمل ان هاد الخطوة تجيب نتيجة ويلاحظ شي حد احمر الشفاه فحوايجو واكيد غيطيح ليهم العجب كيفاش وصل ليه لعكر لتما وهو مقعد!!!
🌺🌺أصبحنا أصبح الملك لله🌺🌺
نور لي فاقت بكرى مشات لخدمة كدور عليهم وتأمر باش كلشي يكون هو هذاك وكلشي ساق اخبار بلي صديق المدير جاي وبلي مهم عندو..
مشات طلعات عند فهد بلا دقان بلا والو دخلات مدرمة
فهد:مناوياش تحيدي منك هاد القاعدة؟؟
نور"هزات كرسي وداتو حداه وكلسات" طلقها شوية ونتا غا على سبة مالك هكا
فهد:وجهك قاسح واش كملتي؟
نور:كملت.. اجي كوليا هد صحيبك واش بوكوس بحالك😍
فهد:ساحتو فوتيها معندوش مع لخفة
نور:تفو كيشتيني انا غير مسوقة شكون بغا يكون فملك الله اصلا حتا نوريه وجهي ميشوفني منشوفو انا وجدت ليك كلشي غتجي معايا سارة يعني نساني بليل متعيطش ليا وهو معاك اووك
فهد:صافي غير سكتي
داز نهار وصل ليل دنيا عمرات وصوتك متسمعوش بالصداع ديال الموسيقى ونور كالسة فواحد لكوان بعدما بدلات حوايجها لبسات واحد الشوهة عريانة كلها من الظهر حتا قربات المؤخرة وقصيرة تكوز يبان سترينغ جامعة شعرها الفوق وهنا بانت الوشمة لي دارت مؤخرا فجنب عنقها على شكل أفعى مخرجة لسانها كانت شادة من جنب عنقها حتا لكتفها جاتها خطيييرة...
وكالسة بجنبها سارة لي لابسة كسوه ايفازي من لفوق وعريضة من التحت حيت مكتكسابش ترمة لي تزيرها.. والحق هامي عينيها ملي شافت نور شنو لابسة وكيف جات بديك لبسة شي حاجة صدااع وأعين كيشوفو غير فتور تا حد ممسوق لسارة...
عند فهد لي وصلو تصال من فؤاد بلي كاين قدام الملهى.. خرج عندو فهد لقاه واقف حدا سيارتو وقفة رجولي وتخنزيرة على وجهو..
فهد:اوووه عشيري "حل يدو تعانقو عناق رجولي"
فؤاد:شخبارك
فهد:الحمد لله هانية ونتا لي غبتي مدة لا تلفون لا زيارة..
فؤاد:غير الوقت وصافي...
فهد:ياله ندخلو.. دخلو بجوج وفؤاد كيدور عينو فالمكان... وفهاد اللحظة بالضبط كانت نور فالحمام... فؤاد كيفكر كيفاش غيعرف واش نور هاديك وكيفاش اصلا غيلقاها.. بقا كيفكر وهو غادي مع فهد حتا طاحت فبالو كميرات المراقبة هوما لي غينفعوه...
توجهو لبلاصة الخاصة بيهم كانت فالطابق التاني كولها زاج صوت الموسيقى فيها خفيف كلسو فجيهة كتبين لي لتحت كامل... طبلة عامرة بأجود انواع المشروبات
كلسو كيتبادلو أطراف الحديث بهدوء وفؤاد مرة مرة يدور عينو يشوف لتحت ربما تبان ليه
فاتحت نور بدات تزعزع باغا تشطح شدات فيد سارة ونضاتها كتهضر بالغوات باش تسمعها
نور:ساااارة ياااااله نشطحووو نوووضي
سارة:صاااافي يااااه اووووه نشاااط اصحبتي.. تحركو حتا تخلطو مع لي كيشطحو ونور بزربة نساجمات كتشطح ممسوقة لحد عايشة الحياة وسارة تشطح وتحاول تلفت الأنظار ولكن كولشي عينو على نور لدرجة لكل رجع لوور مبهور برقص ديالها لي فتنهم سارة نار الغيرة شغلات فيها رجعات حتا هيا لور بقات نور بوحدها لي محيحة لي شافها يقول ضاربة قرعة ديال شراب ولكن هيا شاربة غير الماء هيا من نوع إلى سمعو الموسيقى كينساو رأسهم...
فهد مجمع مع فؤاد حتا دور عينو لزاج كيبان ليه بنادم مفرق عقد غباشتو عقلو مشا نيشان لنور عرفها عوتاني تسريحات مع تلواز ناض واقف ستأدن من فؤاد بزربة وهبط فؤاد بقا متبع ليه لعين مفهمش مالو ناض وقف وكأس شراب فيدو تقابل مع الزج كيشوف شنو واقع لتحت...
بقا كيشوف فنور عاطية بالظهر وكتلوا بحال الأفعى زاد قوس حواجبو ودقات قلبو كيتسارعو وهو متبع كل بلاصة فجسمها للحظة شك انها نور ولكن نتابه للوشم لي فعنقها وتأفأف بأسف حيت هو عااقل مزيان بلي نور مدايراش وشم.. ياله غيرجع بلاصتو تكيبان ليه فهد مشا قاصدها شدها من خصرها
فاتحت فهد مشا عند نور دور يدو على خصرها وهو معصب كيحاول ميبينش بدا كيتمايل معاها بشوية وهو وجهو حدا عنقها كيهدر كيورك على الكلمات وراسم بتسامة حيت كلشي كيشوف فيهم...
نور كتسمع ليه و ضحكة على فمها بلا متجاوب وقفات ودارت تقابلت معاه نيشان دورات يدها على عنقو كيبانو قراب من بعضياتهم...وسعات بتاسامتها... كتشوف فيه وكتهز ليه حجبانها كتفقصو...
فطابق تاني واقف فمو محلول بصدمة حجبانو طلقو.. كأس لي بين يديه طاح للارض تشخشخ دقااات قلبو تسارعو وهو كيشوف فيها عاجز على الحركة...
كيشوف مزيان عينيه متابتينش غير فبلاصة وحدة كيشوف فوجها كيف ضاكحة ويشوف كيف مدورة يدها على عنق صاحبو... مكرهش لوكان ينقز من داك زاج لي فاصل بينو وبينها مقدرش حتا أنو يهبط يشوف خااايف بزاااف لتكون ماشي نور وفنفس الوقت خايفه تكون هيا حيت اكيد غيقتل مها على هادشي لي كدير فيه...حاول يستجمع طاقتو ويتبت راسو ودار بسرعة نازل من تما بحال البرق...
نور مزال كتمايل مع فهد بطريقة مثيرة.. كلها لاسقة معاه فهد مبقاش قادر يهدر بهاد الوضع لي هوما فيه عمرو كان قريب ليها بحال هكا وعمرو جاه شي إحساس من جيهتها كان معتبرها صديقة بيناتهم عمل فقط لا غير ولكن دبا كيسول راسو شنو هادشي باش حاس فشكااال مبغاش تسالي هاد اللحظة بغا يبقا قرييب منها.. شافت فيه فعينيه وكتدوي بدلع ونفسها كضرب فيه...
نور:فهووودي عجباتك الرقصة!! امم
فهد نزل عينو لشفايفها كيف كتحركهم بشوية سرط ريقو غمض عينيه بقوة باغي يطرد دوك افكار مسخة لي راوضوه... حيد ليها يدها بلباقة حط يدو على خصرها باش يدفعها شوية حتا وقف عليهم فؤاد جامع يدو عندو ومزير على صباعو كيشوف فيهم وعينو مفيكسية بالظبط مع نور لي مزااال منتابهات ليه...
رضوان شاف فيه ياله غيهضر حتا كتشدو نور من حناكو وكتطبع قبلة طوييييييلة وغمضات عويناتها حتا باستو على خاطرها وهو مبلوووكي بهاد لبلان لي دارت ليه..
واحد فؤاد صافي تعمات ليه البصيرة بقا لو شوي ويسوط فزبل كامل جنب ناظرو ولا يتحرك وحدو وجهو ولا حمر ياله دار خطوة ناوي يجرها حتا تكلم فهد...
فهد: فؤاد سمح ليا مشيت وخليتك"شاف فنور" هادي نور خدامة معايا هيا المسؤولة هنا....
فؤاد غير سمع نور هنا زاد تأكد بلي هيا مكاين لا شبه لا والو هيا بلحمها ودمها..
نور ياله هزات عينيها القتالين نيشان فعينيه فؤاد غير شافت فيه مع بتيسامتها الساحرة ضربو الضو تزعزع شوية فالوقفة سرح فعينيها مقدش بنزلهم توحشهم توحش كل حاجة فيها
نور مبتسمة ومدات يدها:س سلام ميسو فؤاد آنا نور😊
فؤاد سمع هاد الكلام تصعق كيفاش ميسيو فؤاد كيفاش كتقدم ليه راسها عادي وزايداها كضحك بقات مادا يديها وهو مكاينش هنا عينيه فيها وعقلو غيطرطق مفهمش لبلان كيدارت ليه
فهد:احم احم فؤاد
فؤاد وعا على راسو وهو ينزل عينو ليدها ستجمع افكارو تبت راسو ومد ليها يدو الضخمة حتا تلامسو
الأيادي لمسة كانت بالنسبة ليه كتسوا بزااف لحمو قشعر عليه من هاد الملمس بقا شاد فيها وعينو محيداتش من عينيها وهيا مستغربة من هادشي كتشوف فيه عادي كتجر يدها والو واش بغا يطلقها.... دورات راسها لفهد لي مفهمش مال صاحبو وهيا تنطق بشوية...
نور:مال هاد خينا ياكما زمل عليه راسو ومشا غالط فيا اااه يا غيطلق من يدي ياندير ليه شوهة هنا ياله ختار!!
فهد خرج فيها عينيه عارفها بلي قد كلامها مشا شد لصاحبو من دراعو وتكلم فودنو:اصاحبي طلق من درية شوهتينا.. طلق منها فؤاد وشاف فيها بتخنزيرة ونطق بصوت معصب :سمحي ليا آنسة يمكن سهيت فشي حاجة
فؤاد متبع ليها العين مزيان حول عينو لواحد جيهة كيلقا عيون رجال مترقبينها جمع قبضة يدو بعصبية شاف جيهت فهد ونطق. : أنا نمشي لحمام
فهد:وخا سير راهو من ديك جييهة وتلقاني لفوق...
مشا فؤاد لحمام تقابل مع لمرايا وجهو حمر حاس براسو خصو يتهدن مزيااان شحال هادي كان كيفقد اعصابو بسببها وهاهو عوتاني كتعاود نفس شي غتخليه يفقد اعصابو ويجندخ مها
بقا يشوف ويفكر فردة فعلها ملي شافتو. كانت عادية مادهشات موالو هو كان متوقع العكس...
حس بلي شي حاجة غريبة فهدشي كيفاش وحدة اخر مرة كانت مخطوفة مدة هادي ويجي دبا يلقاها خدااامة وناشطة عادي!!! هادشي مدخلش ليه لراس خصو يعرف اش واقع...
غسل وجهو بالما يتهدن شوية وخا مضامنش هادشي ولكن غيضغط على راااسو مزيااان ويمشي معاها شوية بشوية حتا يفهم اش واااقع شوية طاح ليه فبالو ياكمة تكون ماشي نور غير شبيهتها غمض عينو نافي هاد الفكرة حيت هو حاااس ومتاكد بلي هيا نور...
خرج من تما كيدور عينيه فالمكان تكيقشع نور كالسة مع سارة وضحكتها واصلة لفين وفين وكتهدر وكلها كتزعزع غزز سنانو... وقلب عينو و مشا لطابق الثاني...
دخل على فهد لي كالس كيتنشوي مع كويس ديالو.. هز فيه فهد راسو.. كيبان ليه ماشي هو هذاك
فهد:مالك اصاحبي عندك شي مشكيل؟؟
فؤاد كلس وفرق رجليه وشابك يديه كيشوف ف فهد ومنضضر ديالو وهو مقرب من نوور مبغاااش يمشي من قدام عينو... :لا ماليش علاش؟؟
فهد هز كأس ويسكي ومدو لفؤاد... لي
خدا الكأس وعينو على فهد معرفش تفسير داكشي لي شاف ومبغاش يتسرع حتا يفهم... يمكن ولا كيحاول يتبت راسو ويفكر من نهار صارحاتو نور ومتيقهاش....
فؤواد:نور قلتي خدامة معاك؟؟
فهد :امم خدامة معايا
فؤاد:واش قديمة معاك فالخدمة ولا جديدة؟؟
فهد:لا مزال ياله شهر باش خدمات... علاش كتسول!!
فؤواد:شبهات ليا لوحدة كنعرفها... اوا هيا نتوما على علاقة اصاحبي"كمل كلامو وغمزو وهو من الداخل غينفاجر"
فهد حك لحيتو وشبه بتسامة على فمو:اامم لحد الأن مزال معرفت ولكن غتكون علاقة 😉...
فؤاد غمض عينو وزير على الكأس لي بين يدو بالجهد حتا تهرس بين يدو بلا ميحس. فهاد اللحظة دخلات نور جات عينيها نيشان فيد فؤاد لي دايزة بالدم... شهقات ومشات كتجري لعندو شدات ليه من يدو ومخلوعة...
نور:😱😱اويييلي دمممم
نور'😱😱اويييلي ددممم "شدات ليه فيدو وكتقلب باش تحبس ليه الدم وهو مراقبها متبع كل حركة كدير كيف ملامحها باين فيهم الخوف... محاسش هو كاع بيدو لي دخل فيها الزاج يكفيه خوفها عليه ويدها لي محتاضنة يدو ودمو لي لي تطبع فيدها مكرهش هاد اللحظة يوقف الزمن... ااااه شحال توحشها وتوحش خفتها هبط عينو لشفايفها لي كتحركهم ولكن مسامعش هو شنو كتقول.. رجعات بيه ذاكرتو لأول قبلة وأخر قبلة لي كانت بيناتهم...
فاق من سهوتو بعدما حس بيدها طلقات من يدو وناضت
مشات بزربة كتقلب على علبة الإسعافات....
فهد :مالك اصاحبي شنو وقع حتا تهرس الكاااس؟؟
فؤاد:ناض وقف "معرفتش ماشي شي حاجة غير جرح بسيط غنمشي نغسل ونجي..
ياله دار خطوة حتا دخلات نور بين يدها علبة الاسعافات....
نور:اويلي رجع رجع كلس نعقم ليك جرح
فؤاد مجاوبش حدو مشا كلس ومخليها هيا كلسات فجنبو كتعقم ليه فيدو وهو ساهي فيها..
نور دارت عند فهد :فهوودي خصني نمشي دبا راه سارة لعوجة مشات وخلاتني.. وانا حاسة براسي عيااانة
فهد:صافي غير سيري حتا لغدا😉
نور سيفطات ليه قبلة فالهواء وناضت كتمايل بلا متسوق لفؤاد...
غير مشات من حداهم ناض فؤاد..
.... أنا غنمشي غدا نتلاقاو
فهد:كلس اصاحبي شوية
فؤاد:لا عيان راني ملي وصلت جيت عندك نيشان ياله تهلا.. نزل من تما بلا ميتسنا جواب فهد هابط مع دروج بسرعة خرج نيشان لبرا كيقلب عليها... حتا كتبان ليه واقفة هازا تلفون فودنها...
مشا عندها بزربة:نوور نوصلك؟؟
نور"هزات فيه عينيها وتلفون مزال فودنها سيدة عاد ردات ليه البال شحال بوكوس كتبركك وعقلها سافل كيتزلل عليه... فؤاد نتابه لشرودها وتبسم بجنب...وهو يعاود طرح عليها السؤال..
نور:ءءء لا بلاش متوصلني منوصلك اخويا حجارك يشدوك عندي شيفور لي كيوصلني" كحزات شوية وشافت موراه"هاهو جاااا ياله تهلا..
زادت وخلاتو غير كيشوف بزاااف عليه هادشي كامل.. دار لقاها طلعات وتحرك شيفور...
ومشا هو بزربة لسيارتو ركب فيها وزاد تابعها...
فقصر سلطان داخل كيتسلت متاجه لبيتو غادي فممر حتا كيلمح غرفة آزار شاعل فييها ضوء وكان الباب ممسدودش غير مردود مشا بشوية وكيزرب فخطواتو باش يدوز بسرعة... فات غرفة أزار وهو يوقف فجآة من الكلمة لي سمع... رجع بخطوات بطيئة لور.. كيستارق السمع...
آزار فكرسيه وقراعي شراب ملاوحين حداه وهاز صورة اسيل بين يدو كيشوف فيها بهيااام وكيهدر...
حلم ازااار حنا من صغرنا وحنا متعاهدين بلي حلم لازار وأزار لحم ومهما يوقع غنطبقو هاد العهد نتي ديااالي وغتبقاي ديالي خصني غير لقاك وعمري مزال نطلق من يدك...
رضوان سمع كل حرف من كلامو لي تيدخل لمسامع ديالو بحال السم بدا كيحك فشعرو بطريقة غريبة ونساحب من تما بسرعة لغرفة ديالو... غير دخل وهو يبدأ يمشي ويجي وكيهدر بعصبية وبجنووون
مستحيل مستحيييل هدشي كيفاااش هو كيبغي حلللم هيااا ديااالي بوحدي بوووحدي مغتكون لتا شيحد "بدا كيضحك وكيشوف فلمرايا" ااه ااه هيا كتبغيني انا وبغاتنا نبعدو من هنا فمرة مستحيل تفكر تغدرني هيا ليا هو غير تيحلم مستحيل يوصل ليها... حول ملامح وجهو لشر بزربة تبدل كيدوي بصوت فحيح الأفعى :نقتتتلك مخصكش تعيش نتا ماشي هو أسد نتا خطر عليااا ولكن انا سابقك بخطوات موتك على يدي...
مشا من تما جبهت الفيست ديالو وجبد تلفون دوز نمرة كيتسنا الجواب بعد شوية تكلم بأمر..
رضوان:أزار سلطان يموت بأي طريقة المهم يموت عندك أسبوع نسمع خبارو مشااا من هاد الحياااة😈😈
وصلو الرد بالإيجاب وقطع وهو راضي على قرارو بداات ضحكتو كتعالى فالغرفة بطريقة مرعبة كتبين على أنه حمق شيطان تعلب...
نور كالسة فبيتها بعدما بدلات حوايجها وكتشوف فكاس العصير لي جابت ليها سارة باش تشربو شافت فيه حتا عيات وفلخر خلاتو مافيها لي يشربو باغا غير تنعس...
فمنتصف الليل ناعسة كلها عرقانة كتقلب يمين وشمال عينيها مغمضين أحلامها مواضحاش كتشوف وجوه معارفاهومش من بينهم وجه فؤاد هو آخر وجه شافت فحلمها وناضت كالسة كتنهج بسرعة والعرق نازل معاها وقلبها كيضرب بالجهد كتمسح على وجها....
نور:اااه ياربي اش هدشي شكون هادو لي شفت فالحلم اناري لاش حلمت بصاحب فهد اووووف.. دورات عينيها لكوافوز حداها شافت داك كأس عصير مزال تما وهيا تهزو شرباتو كااامل...
فسيارة سوداء واقفة قريبة من دار نور ليل كلو وهو تما مقابلها يتسنا أيمتا يصبح الحال ويشوفها ليل كلو وهو فااايق لدرجة فكر يمشي ويدخل عليها لدار ولي ليها ليها... ولكن تحكم فراسو وتراجع على افكارو...
تحل باب الدار خرجات سارة وهيا كتزرب فمشيتها وتلفون فودنها مركزة فكلامها هادشي كلو تحت عينين فؤاد لي خاب ضنو سحاب ليه نور لي خرجات بقا كيشوف فيها حتا دازت من حداه من جيهة لي راكب فيها وهو مهبط الزاج مرداتش ليه البال فمرة غادة وكتهضر...
هاد الكلام جا فودن فؤاد لي مور هاد لكلام لي سمع حس بشي حاجة غريبة مفهمش اشنو قصدها وعلامن داوية تبع ليها العين كيشوف فيها من مرايا حتا غبرات شك بلي هاذي هيا سارة لي دكراتها نور البارح... حاول ينسا لكلام لي سمع ومقدرش
مبقاش كيتواصل
بخوه وعصام حيت يقدرو يكونو هواتفهم مراقبين من طرف المجهول.. زاد كيتسنا ساعة أخرى حتا جاه الفرج نور ياله خارجة من دار دايرة كيف الوردة وشحال وتاها سبور لابسة سيرفيت كحلة وفيها لكري جاتها مطرطقة مع صبادري جامعة شعرها لفوق مدايراش ميكاب وهازة فيدها ساشية..
بقا مراقبها وهيا غادة وتسلم هنا ولهيه وضحك مع هذا ومع هادي دوزات نص ساعة غا فالهدرة والتبركيك...
سالات جماعة ودارت باش تمشي حتا كتشوف قدامها خوها احمد ضربات فيه تخنزييييرة كطلع وتنزل فيه وهيا تجمع دفلة حتا جمعتها وهيا تدفلها حدا رجليه..
أحمد كيشوف فيها وهو يضحك جنب :بنت الزنقة نتي وصغيرة جمعناك حنا من زنقة وحتا ملي كبرتي جامعاك صحبتك من زنقة 😏"كمل كلامو وزاد كيضحك
هيا بقات واقفة وعينها تكونو فيهم طبقة من دمووع كلامو جرحها بزاااف تحركات من تمة بزربة ودموه على خدودها دازت من حدا فؤاد منتابهاتش ليه... هو مراقبها شاف كلشي ولكن مسمعش شنو قالو... ديمارة سيارة وتبعها بشوية... حتا خرجات لشاريع شدات طاكسي نطالق بيها نيشان لبحر...
تبعها حتا وصلات لبحر وهبط تابعها بشوية حتا مشات لجيهة خاوية وهادئة.... فيها الصخر بزااف مشات تما وكلسات مقابلة مع البحر وهو موراها.... وهنا دموعها نزلو بغزاارة تبكي وتعاود....
هئ هئ هئ علاش اربي هادشي هو بصاح مكدبش عليا هوما لي جمعوني من زنقة وحتا دبا صاحبتي لي جمعتني من زنقة معندي لا حنين لا رحيم عائلتي معارفينيش كاع واش كاااينة😭😭😭صااافي انا عييييت من هادشي انا عااارفة راسي وحيدة ونهار نموت مكاينش لي سول فيها هئ هئ...
ياربي كون غير ديك لكسيدة خلاتني نفقد ذاكرة كلها ماشي غير ربع شهوور هئ هئ
فؤاد واقف موراها سمع كلشي كيحاول يفهم ويربط الاحدات حتا لجملتها آخرة لي قالت هيا لي خلاتو يفهم كولشي فهم بلي سبب لي خلاها متعرفوش ومتتفاجأش ملي شافتو انها فاقدة الذاكرة هنا توضح ليه شنو واقع ولكن مزاال خصو يزيد يفهم...
فؤاد:نتي ماشي بوحدك كاين أنا وكاينين بزااف...
نور تلفتات بسرعة وهيا تفاجأ وناضت وقفات كتشوف فيه بستغراب وكتمسح دموعها...
فؤاد كيشوف فيها عينيها حمرين ونيفها حمر فمها منفوخ .. زاد قرب ليها وهيا علامات الاستغراب على وجها.
عادت لتنتقم الجزء التاسع
محتوى القصة
التنقل بين الأجزاء