شدى بسخرية : قلتي ليا مبيناتكم والو ياك .. علاش كدبتي اصلا مكاين حتى عذر باش تكدب .. مكيهمنيش تكون بيناتكم شي حاجة ولا لا باش تألف قصة مكيناش
رياض هز حاجبو : شكاتخربقيي
شدى : داك النهار دقيت فالباب حلات عليا نفس لبنت لي كانت معاك فوق السكوتر .. و فاش سداتو قالت ليك حبيبي انوجد لفطور .. هادشي كيعني حاجة وحدة هو نتوما على علاقة .. عرفتيي طلق مني باغا نمشي نتا حر فحياتك دير لي بغيتي .. غا كنخربق نسا دير مسمعتي والو و دابا طلق حيت راك ناسي راسك معامن متخلينيش نتعامل معاك بوجهي لخايب
قاطعها رياض بقبلة حارة على شفايفها حتى وسعات عينيها مرفوعة مجات فين تقبل الصدمة حتى حسات بيه زدحها على الطموبيل كيعصر فيها بعصبية و شوق و حنين .. عيات التنتر و لكن قوة منها مطلق شفايفها حتى حسات بالنفس تقطعات فيها عاد بعد كينهج و هي كتر منو
رياض مسح على راسو : و علاااش مجيتيش عندي انا نفهمككك ؟؟؟ علااش من رااسك مشيتي
شدى بعصبية : شكوون عطااك لحق تبوسني ؟؟؟
رياض كينهج : شدى داك ختنا ما بيني و بينها والو .. حق الرب و أصلا هاد لجملة ديال حبيبي و لا لخراا مسمعتهااش
رياض تنهد : فراسك انا هاد النهار بالضبط معاقلش عليه بالمرة .. و لكن لي عارف هو أنه اتكون شي حاجة مهمة لي خليتها تكون عندي فالدار .. معقلتش شنو كان و لكن برب اشدى مبيني و بينها شي حاجة
شدى بميوعة : و باش انتيق دابا
رياض : راه حلفت ليك بلاما تصعريني دابا كين شي حاجة كتر من لحلوف
شدى : صافي ساليتي دابا ؟
خرج عينيه فيها : من نيتك اشدى
شدى تنهدات : مفيا ميهدر دابا .. نخليك
زربات عليه و ركبات طموبيلتها مجا فين استوعب حتى لقاها طارت من قدامو مخليا لعجاج موراها .. بقا غا كيشوف و ايدو على راسو كيمسح عليه و اسوط
لحاج حط قدامها تيليفون جديد : هاهو باش تخدمي .. نتي هرسي و انا نشري
شافت فيه ثلوج كتضحك : الله اسمح ليا منك
دازو يوماين ..
كسيرات بوليداتها لمدراسة بعدما كانت فداك الدوامة لي غارقة فيها .. حطاتهم قدامها و بقات معاهم حتى دخلو عاد رجعات بخطواتها لطموبيل .. غا هزات عينيها قشعاتو واقف كيمسح على راسو تنهدات و مشات لعندو : عصام
عصام : اش خبارك .. بغيت نسول عليك و ملقيت باش حتى ليوم بقيت عاس عليك تجيبي التوينز لليكول .. سمحي ليا ولكن مكانش عندي حل آخر
ثلوج تنهدات : عصام خاصني لوقت نفكر حاليا أفكاري مشوشة
عصام وسع عينيه : ياك قلتي قابلة !
ثلوج : اش بان ليك نمشيو لشي كافي نهدرو على راحتنا
هز راسو باه : فكرة زوينة .. نمشيو فطموبيلتك ولا ديالي
ثلوج : بحال بحال
ركبات طموبيلتها عاد ركب و كسيرات نيشان لكافي قريبة لليكول
فالجيهة لخرى ..
يله داخل بخطواتو لمستشفى لعند ياقوت اتطمأن على حالتها حتى كيجيه اتصال جاوب فالحين عاقد حواجبو و هو كيسمع ليه فالأخير نطق بهدوء : تضبر راسها تشوف شكون بغات .. آخر مرة تجيبلي معلوماتها
و قطع عليه كيسوط عاد رجع التليفون لجيبو و كمل طريقو عادي .. وصل لعند لباب بغا يحلو حتى كيزفر محسش على راسو فاش خرج لقبضة لي كان مزير عليها فالحيط لي قدامو حتى مشا و جا فبلاصتو .. بملامح جهنمية قلب الدورة خارج من لمستشفى لبرة كينهج .. و عقلو مرفوع فكرة أنها جالسة هي و عصام على نفس الطبلة كتهيجو و كتخليه اخرج على طوعو
ثلوج كترشف من لعصير لي خدات : عصام إلا قبلتي بالشروط ديالي انا موافقة نبداو حياة جديدة
عصام حط فنجان لقهوة لي هاز : تفضلي كنسمع ليك
ثلوج : متبززش عليا شي حاجة مباغاهاش و متفرضش عليا الآوامر تحت مصطلح الزواج .. هانتا كتشوفني كيف أنا بغيتك تقبل عليا كيفما دابا متقلبش من بعد
بتاسم عصام.. شوية بدا كيضحك عاد سكت و هدر بتبات : راه داكشي علاش نتي كتجيني فشكل فيك شي حاجة معند حتى وحدة .. ديما كنصادف الزين فحياتي و لكن لجادبية لي فيك غير
ثلوج بتاسمات : شكرا لرفع لمعنويات هه
عصام : كنقول لحقيقة و بالنسبة لشروط انا قابل كنتسنا غا لموافقة ديالك باش نجيب واليديا .. حيت الطيارة ديالهم من بعد يومين
ثلوج بتحدي : صافي جيبهم باش نتعرف عليهم
عصام وسع عينيه : يعني قابلة ؟
هزات راسها باه كتنهد و خايفة تكون ظلمات راسها : فرصة جديدة و حياة جديدة بغيت نجربها
عصام : مممم اش بان ليك نهار التعارف نخصصو لينا لوقت و نجلسو مع بعضياتنا ؟
ثلوج : اوكاي .. انشالله
عصام تبسم و جمع لوقفة ودعها بلطافة مباغيش ازعم عليها حتى تصدق نافرة منو و هو حاس بيها تالفة و تقدر ترفض فأي لحظة
ثلوج بقات متبعة ليه لعين حتى غبر على نضرها عاد تنهدات و رجعات كتشوف فكاس دلعصير .. يله بغات تهز تشربو حسات بخبطة تلاتية الأبعاد على الطبلة و لكاس تزلع فالأرض مدفق قدام عينيها .. تخلعات كترعد عاد شافت لعند لخيال لي فوق راسها حتى كتجي عينيها فعينيه مخنزر و عاقدهم على الآخر شوية و اطرطق فيه شي عرق
جمعات لوقفة داك الساعة مخرجة عينيها فيه و كتدور فراسها على الناس لي كيشوفو فيهم : شهاادشيي ؟؟؟
خنزرات فيه مزادتش معاه دقيقة من غير أنها هزات ساكها و خرجات بخطوات سريعة معصبة و لقرودة كيلعبو فوق راسها .. يله بغات تركب حسات بيه نترها من دراعها بعصبية : علااااش كنتيي جااالسة معااه
تنترات منو بحقد .. بسرعة هزات ايدها و نزلات عليه بتصرفيقة كتجنن و كلها كترعد : سوووووقككككك
أمجاد شدها من دراعها مزير عليه : شنو كتحاولي ديري هااا ؟؟؟
ثلوج كتنهج دفعاتو غادي تحماق باغي اسطيها : شكوون نتا ؟؟ علااااش مباغيش تعطيني التيقار .. سير عند مراااتك و ولدو بب آخر شكاتسناا .. عطيني شبر دالتيسااااع بلاما نخليك تندم لحد الآن و انا ساكتة ليك .. حتى تعماو عينيك .. من ليوم قلب عليا مكتعرفني مكنعرفك .. من بعد يومين انتخطب مبغيتش تجبد ليا الصداع مع راجلي
طول فيها الشوفة مخنزر شوية ضحك بسخرية : شكون كدب عليك و قاليك اتزوجي
عاودت صرفقاتو بجنون : وااحد بحالك ميستاهلش نخسر عليه هدرتي
أمجاد شدها بالسيف عليها زدحها مع صدرو لعريض حتى أنفاسهم تخالطات مع بعضياتها .. تبسم بمكر و هبط لعندها مطول الشوفة حاس بيها كترجف و كلها كترعد .. تنهد بعمق عاد نطق : نتي معرفاش شنو ممكن ندير مبقا عندي منخسر .. جربي تزوجي و شوفي شغاندير
ثلوج موسعة عينيها فعينيه كيفاش كيهدر هاكة و شكون هو باش كيهدر بهاد التسلط .. كرهات حياتها و شنو عايشة بسبابو
أمجاد بتحدي : يلله سيري دابا لدارك متلافتي لا هنا لا هنا .. انشوف واش اتحدايني و تفكري مزيان إلا تزوجتي اجي دفلي عليا .. تقدر تمشي دابا
ثلوج رجعات خطوة باللور موسعة عينيها و مصدومة .. عقلها مبقاش كيفهم بغات تفسير لهاد لحماق ديالو ملقات ليه حتى جواب .. طلعات و هبطات فيه بإشمئزاز عاد ركبات طموبيلتها و زادت كتضحك بسخرية عارفة راسها متحتاجش تضيع وقتها و تخسر طاقتها فالهدرة معاه كيف كيقولو مخاصش دير راسك فحمق و مقطع لوراق
تنهدات مركزة مع الطريق : من نيتو سحابلو انخاف منو .. انورييك ثلوج الناجي علاش قادة اسي آل عمران كيبانلي نسيتي راسك معامن .. شماتة و ايبقا حياتو كلها شماتة
وصلات لفيلة بحماس عاد عجباتها فكرة دالزواج و تشبتات بيها كتر .. قررات متبقاش تحمق راسها و تخلي قلبها كيتقطع و بعد لمرات كتوصل بيها لإيدها لي كتعواج بالأعصاب .. هادشي كامل قررات تعالجو بهدوءها و بإدخال لفرحة لحياتها .. أول حاجة دارتها من مخططاتها هي أنه قنعات واليديها بزواجها من عصام واخة مكيعرفوهش مزيان و لكن فرحو على الأقل بنتهم اتولي مستقلة و تعيش حياتها حتى هي .. مبقاو باغين والو من دنيا غا يشوفو ضحكتها و يحميوها من الشخص لي دمر حياتها .. هاكة كيفكرو مع بعضياتهم
داز لوقت فالتوجاد بمساعدة سناء لي راسمة الإبتسامة لمصطنعة على محياها و معندها متقول أصلا ميمكنش تجبر شي واحد اتزوج بيها إلا كان هو أصلا محسبهاش كاينة فهاد الدنيا .. خصصات هاد ليومين غا فالتوجاد ناسية راسها بيمن اتزوج ولا شنو كاين لي عارفة هو مستعدة تخطي خطوة لقدام .. حياة زوينة و بداية زوينة مافيها لا ماضيها مع أمجاد ولا حاضرها .. فيها فقط مستقبلها لي كيبان ليها مشرق فاش كتسهى فيه
دازو هاد ليومين بسرعة خيالية محساتش بيهم خصوصا أنها عمرات وقتها باش تنسا جرحها لي كتحاول تعالج فيه شوية بشوية ..
بتاسمات ليها عاد خرجات تحت نضرها خلاتها تالفة خايفة تكون ضلمات بنت عمها و داك الشاب لي كتعاود ليها عليه مؤخرا غا كدوب و ممنو والو
تنهدات فاش بقات كتفكر عاد مشات لعند مها لي طايرة من لفرحة كتوجد و تعاود مقادها والو
لتحت لحاج و حفصة واقفين عند لباب كيستقبلو واليدين عصام بفرحة كبيرة .. دخلوهم بالإبتسامة و التاويل حتى لصالون عاد جلسو مجموعين دايرين الصواب و عصام عينيه كيدورو باغي اشوفها
حفصة فرحانة بنسابها الجداد و لي زاد عجبها هو تواضع واليدين عصام و الأدب فكلامهم و رزانتهم مبيناش فيهم كانو عايشين فأمريكا لي شافهم كيقول متواضعين و ناس محبوبين ... بقاو جالسين معاهم حتى دخلو لخدم كيقدمو الضيافة و قايمين بالواجب على أكمل وجه .. جابهم لحاج باش ميتحنسروش فهاد لمناسبة و هما بالفرحات عليهم اشوفو بنتهم فرحانة و عايشة بيخير
الأم بابتسامة : بغينا نشوفو عروستنا إلا كتاب .. قالينا ولدنا مشالله كتحمق و حنى بالفرحات علينا ادير دارو و استاقر حتى هو
حفصة جمعات لوقفة : انمشي نشوفها .. مغاديش نتعطل
خرجات من الصالون كتويل حتى لعندها عاد بدات كتدق فالباب : ثلوج خرجي الناس جاو و بغاو اشوفوك .. تعطلتي ابنتي
ثلوج مقابلة مع لمرايا كتشوف فاللبيسة كيف جاتها : هاني جاية اماما مغاديش نتعطل
حفصة : هاني مشيت متعطليش
ثلوج هزات راسها باه بحاليلا كتشوفها عاد رجعات ركزات مع لمرايا كتقاد مكياجها و شعرها لي طوال مسرحاه على راحتو مغطي ضهرها كامل .. مجرد معلات عينيها بعدما كانت كتقاد الإسوارة على ايدها .. بلعات ريقها مصدومة و فحالة دهشة .. زادت خرجات عينيها ملي حسات بيه جاي كيقرب لعندها و على ملامحو إبتسامة ماكرة .. مجات فين تستوعب لموقف حتى طاحت مغمى عليها بين ايديه فاش دوخها بالكلينيكس لي حط على نيفها
لتحت ..
رجعات جلسات حداهم حفصة كتدور فعينيها ملقات حتى كلمة تقولها من غير : كولو مرحبا بيكم نورتونا
الأم فرحانة : لهلا يخطيك .. انا شبعانة باغا غا نشوف شكون هادي لي سرقات قلب ولدي .. أمنيتي نشوفو داير دارو و مستاقر .. فاش سمعناه ناوي اتزوج متخايليش على فرحة فرحنا
وسكتات كتشوف فولدها مفتاخرة بيه
تبسمات ليهم و خرجات تحت أنضار عصام لي بدا كيدخلو لوسواس .. شوية جمع لوقفة حتى هو و خرج داير السبة بالحمام .. غا قرب لدروج بانت ليه حفصة هابطة و وجها مخطوف منو اللون
فهاد الأثناء جاه ميساج فتيليفونو جبدو و دخل كيقرا فيه
🗨️" آخر مرة تحاول تحط ايدك على شي حاجة ماشي ديالك .. متخلينيش نسا معرفتك الز*** ثلوج ديالي فرقها عليك حسن منتسيف و راك عارفني "
تنهد كيقرا و اعاود حتى سمع شي صوت كيقرب لعندهم تلافت بعفوية : مالكم واقفين هنا
حفصة : ثلوج معرت فين مشات
سناء هزات حاجبها : مايمكنش اتكون غا فالحمام امكن
عصام تنهد عاد شاف فيها جرها غادي بيها لصالون : اجي متلي معايا دابا مخطوبين
سناء بلعات ريقها : كك ... كيفاش !!؟
فالجيهة لخرة ..
مكسيري على حد السرعة و عينو عليها من لمرايا . .. طول الشوفة مزيان عاد نطق : من نيتك باغا تزوجي
جرها موراه نيشان لصالون و هي تبعاه مفاهمة والو .. متسوقش لصاكها لي هازة على كتفها و لا لشعرها لي تشعكك بسباب لبرد لي على برى .. خصوصا كانت مبوكلياه و مع لبرد زاد وقف و تنفخ
سناء : فين غادي بيا .. هييه راه كنهدر معاك
موقف بيها عصام حتى لقدام واليديه عاد حيد ليها الساك لاحو على لكنباي و رجع شاف فيهم : هاهيا مرات ولدكم
سناء علات عينيها فعصام و رجعات شافت فمو لي جراتها معاها و جلساتها حداها بينها و بين راجلها غادي اياكلوها بعينيهم
عصام مسح على راسو ... شاف حتى عيا عاد مشا جلس كيتنهد كان فخطبة دبصح صدق فخطبة بلعاني .. محاملش راسو و لكن معندوش حل آخر خصوصاً شاف لفرحة فعينين واليديه مبغاش اخسر ليهم خاطرهم
فهاد الأثناء دخلات حفصة بإبتسامة كتدور فعينيها و تشوف فالحاج لي مصمر بحال شي ديكور مفاهم والو .. تنهدات كتغمز فيه عاد مشات جلسات حداه كتويل فخاطرها
لحاج بخفوت : ياك قلتي جايين اشوفو ثلوج ! و دابا سناء واش مبقيتوش كتفهمو و تطيحو فالباطل
حفصة تنهدات : راه فعلا كانو جايين اشوفو بنتنا ساعة لآلة ثلوج قلبت عليها فالفيلة مكاينش حسها بالمرة .. معرفتش فين زادت و فديك اللحظة جات سناء و لولد مبغاش اتحشم مع واليديه امكن ايخطب سناء .. فيها خير لي شاطني هو بنتك فين زادت
لحاج خرج عينيه : ميكونوش لولاد وقعات ليهم شي حاجة فليكول ؟
حفصة تخطف منها اللون : زعما ؟ بغيتي تقول سمعت شي حاجة ماشي حتى لهيه و مشات ؟
لحاج : معرفتش .. حتى يسالي هادشي و نقلبو فين غبرات ملي مباغاش تزوج لاش مخلياه اجيب واليديه تأ.. ففف
الأب : لبنت عجباتنا اسي لحاج .. و هي لي تليق لولدنا بنت حشومية و زوينة
عصام بسخرية كيسوط : حشومية !
الأب : قلتي شي حاجة اولدي ؟
عصام تنهد : لا والو الواليد
سناء كانت حادرة راسها حشمانة زعما غا سمعاتو هزات عينيها فعينيه كتخنزر شوية قلبوها كيهدرو بعينيهم هي كتستافز فيه و هو كيترجاها تسكت غا بينما مشاو
الأم خاطبت حفصة : بنتك تبركالله باينة فيها مربية مزيان
حفصة بمجاملة : سناء وحدة من بناتي حتى هي .. معزتها معزت حنان و ثلوج و غادي نبغي ليها غا لخير
الأم باستغراب : ماشي بنتك ؟
حفصة : انا مرات عمها و لحاج عمها .. واليديها حاليا مكينينش هنا .. بما أنكم جيتو مبغيناش نخسرو ليكم و قلنا نقومو بالواجب فبلاصة واليديها
الأب : اهاه مافيها عيب .. تبركالله عليكم اسي لحاج هادشي كيدل على حب لعائلة و التضامن ديالها
حول نضرو لسناء : شنو كتقراي ابنتي ؟
سناء بإرتباك : أحم التمريض .. و حاليا يله بديت لخدمة فواحد لوبيطال
عصام ضحك : غا غلطو فاش عطاوك داك الشهادة
عاق على راسو كيشوفو فيه و هو يتبسم ليهم : تبركالله كتعرف تضرب لبرة .. ياك اسناء
سناء بميوعة : مشفتي والو
الأم : بما أنكم فمرتبة واليديها اش بان ليكم نحددو موعد لخطبة ؟
لحاج بجدية : نهدر مع باها فالموضوع و راه سناء اتعلم ولدكم بالنهار لي اتدار فيه خطبتهم
عصام كيمسح على راسو : حتى هادا نضر
كملو كلامهم فجو زوين و واليدين عصام فرحانين و كلا شوية اشوفو فسناء لي كتبادل نضرات جهنمية مع عصام .. كلاما يشوف فيها تقلب عينيها بميوعة كتفشش عليه
داز لوقت ..
جمعو لوقفة كيتسالمو بعدما شبعوهم ضيافة داكشي بالتاويل و الصواب .. كلشي كان على حقو و كبرو بيهم على أكمل وجه
عصام ودع لحاج و حفصة بتبات عاد خرج مع واليديه حتى لبرة : غا ركبو الطموبيل ... انهدر مع سناء و نرجع
الأم و الأب شافو فبعضياتهم كيضحكو عاد نفدو شقال ليهم
عصام ساط من مناخرو و قلب الدورة يله ايدخل لفيلة قشعها واقفة كتطلع و تهبط فيه و ايديها على خصرها بحاليلا باغا تضارب
سناء : فاش توصل فهم واليديك هادشي ممنو والو
عصام مخنزر مراضيش كيهدر و هو عاقدهم : اش بان ليك فتفاق ؟
سناء بميوعة : لا مبقيتش باغا ندير معاك شي تفاق .. أصلا أنا انتخطب ديال بصح من الشخص لي كيستاهلني .. نتا سير متل مع شي وحدة اخرى
عصام مسح على راسو : شوفي اسناء .. صبري معايا هاد الأيام نهدر مع الدار و داك الساعة تخطبي لهادا لي باغا
سناء بلعات ريقها حابسة لبكية : اوكي بقيتي فيا
شافت فيه بميوعة عاد دخلات لفيلة سادة لباب فوجهو
فالجيهة لخرى ..
وقف قدام وحدة من لعمارات لي كاينة فداك الإقامة .. باينة التجزئة جديدة و عاد الناس كتسكن من جديد .. حل لباب دالطموبيل عاد دار للور حل عليها لباب و هزها بين ايديه عاد رجع سدو و دخل مع لباب لتحتاني دلعمارة
لكونسياج غا شافو جمع لوقفة : سي آل عمران .. لبرطمة رآه نقية مولات لميناج دارت خدمتها كون هاني
أمجاد هز راسو باه : مزيان .. حلاوتك اتجيك
تبسم لكونسياج فرحان .. شكون بحالو اتعامل مع واحد فلوسو غا كتشتت من هنا و هنا
طلع بيها فالمصعد لطابق لي فيه لبرطمة .. ماشي بزاف حتى حل لباب عاد سدو برجلو و تقدم بخطواتو نيشان لكنباي لي مقابل معاه حطها كيسوط و لعروق فجبينو كتوضاح شوية بشوية .. طول فيها الشوفة كيغزز فسنانو عاد دخل لبيت كيقلب على شي حاجة تلبسها .. حيت لبقا كيشوف فيها بهاد اللبسة لي كانت ناوية تجمع بيها مع عصام و واليديه كيجيب ليه الله ايشد شي وقيضة ازفها عليها حتى تشوط هي و ياها
دازو ساعات ..
كمشات عينيها بإنزعاج من الصداع لي نايض فراسها .. شوية بشوية بدات كتحل فعينيها و الضبابة مقابلة معاها حتى وضاحت ليها الصورة .. كيبان ليها طلاء لحيط بالأبيض و لمرايا كبيرة مقابلة معاها .. منقوشة من الجناب بالحجر كيبري .. وسعات عينيها متفاجأة
كمشات عينيها من الصداع لي كيراودها شوية بشوية بدات كتستعقل و عينيها كيوساعو مصدومة .. محساتش على راسها امتى جمعات لوقفة كترعد و شعرها كتقرع فيه بكترت لمسيح .. بقات هاكاك كتدور فعينيها على لبيت و وجها كيصفار و إخضار حتى كتجي عينيها على لمرايا .. رجعات خطوة باللور كتشوف فلباسها .. عريانة بدون ملابس داخلية من غير قاميجتو لي كبيرة عليها هي لي فوق لحمها و الصدافي ممعقودينش مزيان .. و شعرها مخبل بحاليلا كانت فحرب و حس لميكاب مكيدورش فوجها .. هبطات عينيها كتطلع و تهبط فيها فحالة من الدهول حتى كتعقدهم معصبة و لعافية شاعلة فيها اتطج ..
داك الساعة خرجات من لبيت كترعد : فييينك البشااار .. شكووون عطااك لحق تخرجني من داري المجرم الله اعطيك لهرس فدااك ليدين ياربيي
تجننات كتدور فعينيها على لبرطمة مكينش حس شي واحد حتى كتسمع لباب تحل مشات بجرية لعندو .. كتشوفو داخل و فإيديه الساشيات واخد راحتو و مقدي
ثلوج كترجف : علااااش جبتيينييي هنااا ؟؟؟
سد لباب عاقدهم عاد مشا حط الساشيات فوق الطبلة لي بكراساها : ولادنا راه وصيت عليهم أزار اخرجهم من ليكول
أمجاد هز حاجبو كيشوف فيها و لگارو فإيدو كيشعل فيه : وجدي ليا راسك .. نطفا شوية و نجي نتفاهمو
رمقها بنضرة حادة عاد قلب الدورة قاصد بيت آخر من غير لي فيه هي .. باينة باغي اكمي تماك باش متشمش الريحة
بقات غادة جاية كتسوط و جسمها كامل كيترعد مخلوعة و معرفاش شنو واقع فدارها .. كتفكر فواليديها ايكونو مخلوعين عليها و بالهم مشوش بزاف
مسحات على شعرها من جديد كترجف : شهااد لموصيبة
تلافتت لعند لباب بجنون ناوية تحلو و معندهاش الساروت .. دورات عينيها فجميع الإتجاهات ملقات والو بغات تحماق .. عرفاه ماشي مكلخ باش احبسها و احط السوارت قدامها
قفزات من سهوتها على صوتو لحرش : اجيي نتفاهموو
يله بغات تلافت لعندو لقاتو شدها من دراعها بالسيف عليها للبيت لي كانت فيه .. محبس حتى خبطها على الناموسية عاد رجع للور كيخنزر و حجبانو معقودين
ثلوج تأوهات من حر الطيحة لي طيحها بحقد علات عينيها كتشوف فيه : الله اعطيك لعذااب بغيت ليك لموت يلله
و جلسات كتبكي و تنخصص كتشوف فيه مشا جلس مقابل معاها فوق لكنباي كيسوط
أمجاد جبد تيليفونو كيشوف فيه مخنزر : أول حاجة انبدا بيها هي نحلو هاد الأنسطا عندك نشوفو شنو فييه .. تشوقت نعرف علاش لآلة ثلوج دايرة حالة
غا هز عينو بسخرية قشعها مغطية بليزار مخبية فيه لحمها لي كيبان .. قلب عينيه مع ابتسامة استهزاء : قدامي كتغطي فلحمك و قدام الزو*** كتعري ليهم ترمتك ! لعجب هادشي فشكااال عندك
عض فمو من لداخل كياكل فيه مبرد أعصابو قبل مينوض اخلطها : تبركالله تبركالله على لعراا .. علاش كتعدبي رااسك و تلبسي لحوايج كترهقي نفسك على والو
ثلوج بكره : عطيني حوايجيي لي كنت لابسة .. خاص نمشي تعطلت على ولادي
هز واحد الديكور كان حداه شير بيه عليها مخرج عينيه : فااااااش نكووون كنهدر فشييي خريةةة متنقزييش ليااا لحااجة خرااا .. كتفهميي ولا نووض نفهمككك ؟؟؟
ثلوج دورات وجها كتنخصص فصمت و فمها مكمش كتدعي فيه بعصبية : الله اعطيك الجيفة ياربي
أمجاد خنزر فيها : الله اعميها لييك
و هبط عينو كيشوف فالأنسطا ديالها لأول مرة بعد خمس سنوات ... هز حاجبو كيشوف فتشكيلة التصاور لي حاطة ها وحدة بكسيوة حد لفخاد موردة بالورد ها تصويرة بشعرها بوكلي و بدوبياس فالبحر مع ولادها
خسر سيفتو مصدوم و رجع شاف فيها : كتلبسي دوبياس قدام ولادك ؟ و قدام لعلام ياك ؟ و انا مغمضة قدامي خايفة نغتاصب مككك هناا !! .. سولتك جاوبي ؟
ثلوج بتحدي :ااااه نلبس لي بغييت دخل سوووق راااسك سير شوف مراتك اتكون حاملة بواحد اخر دابا
و دورات راسها بميوعة حتى كتحس بيه جلس حداها يله اتلافت لعندو عطاها لفم مدلقمها بعصبية كيسوط
أمجاد : هادي ديال دوبياس قدام الزوا*** و قدام ولادك
خلاها ملاهية مع فمها كتبكي بجنون و هو كيكمل فالتصاور جامع ايدو غا بالسيف باش ميضربهاش .. كلما داز لشي تصويرة كيوسع عينيه ها تصويرة بلكريشة باينة و شورط قصير ها تصويرة مع التوينز فخرجة كيضحكو .. لغرق ديال التصاور و لفيديوات و داكشي غا لمستور تبركالله و كلا مرة مصورة مع أحمد ولا مراد فشي مطعم
تلافت لعندها شدها من شعرها حتى تأوهات بصوت مسموع : شعرك طوال حتى ولاو اشدو فيه الزوا*** سوو خاص اتقطع من الجدر حشومة ابقا
جمع لوقفة تحت نضراتها مخلوعة : تسنااي هانا جايب لمقص
جمعات لوقفة بالخف كترعد : شنوو ناااوييي دييير ؟؟؟
غا تلافت لعندها جرها من دراعها بعنف زدحها مع صدرو لي كيطلع و اهبط بعصبية .. مقدرش اتحكم فراسو باغي ابرد جنونو فيها و فينما بغات توصل توصل .. جرها من ضهرها لصقها معاه بجنون و هبط لشفايفها كياكل فيهم أكل .. فتانية طيبهم من لعضان و لجر لي كيجر شفايفها و هي كتنتر بالجهد و تبكي بحقد حتى عصباتو و خرجاتو على طوعو عاد خبطها على الناموسية و جا فوقها كيقطع فالقاميجة على لحمها و عروقو بارزين
ثلوج كتدفع فيه بجنون بحال لحمقة مخلوعة و مرعودة و هو فوقها خاشي راسو فعنقها كيفتارس فيها بعنف و شراسة .. بالسيف باش ستجمعات قوتها و دفعاتو من فوقها كتلهت و عنقها حمر كيوزوز
ثلوج بقات مفيكسية نضرها عليه بحقد و ملامحها جامدين ممتيقاش راسها بأنها تعلقات بواحد بحال هادا .. مريض ماشي طبيعي .. داك الساعة جمعات لوقفة كترجف و ايديها كيخبيو فلحمها لي بان من تحت لقاميجة فاش بدا كيقطع ليها فيها
أمجاد هز حاجبو و جمع لوقفة كيسوط : علااااش كتعصبيني علاااش ؟؟؟؟
قطعاتو بتصرفيقة تلاتية الأبعاد مخنزرة فيه : وااااش عاااجبككك لحاااال تستقوة على بنت معندها صحةةة ؟؟؟ وااش عند باالك هادي هي الرجولة ؟؟ و شكوون نتا أصلا باااش تحاسبنيي واااش كنعرفك ؟؟واااش بيناتنا شي عققدد ؟؟
أمجاد بعصبية بقا غا كيشوف معندو ميقول حتى كيحس بيها كتضرب فصدرو بجهالة و حقد كتلهت : رجعنييي منين جبتينيي .. يللله رجعنيي و سيير عند مراااتك ديها فيهااا و عطيني تيقار انا و ولادي .. كتفهممم ؟؟؟
شد ايديها بعصبية : ثلوج هداااي بلاما نضربك
ثلوج كتبكي : يلله ضرب شكااتسناا .. هادشي فاش حادگ شي حاجة خرا لا ... حلللل لياااا لباااب باغااا نمشييي
أمجاد عاد على سنانو : لااا مغادي تمشييي حتى لشيي بلاصة ... هاااد لفكرة غاا نساايها و غدا انمشيو نتزوجو
طولات فيه الشوفة موسعة عينيها : كك كيفاش ..!! من نيتك ؟ هههه لا وااش بصح كتهدر زعما
أمجاد عاقد حواجبو : لا كنعنييها اثلوج .. مغاديش نخلييك تزوجيي كاااين أناا فقط شي حاجة خرااا نساايهاا حسسن لييك
رجعات خطوة باللور مصدومة معرفاش واش تخسر طاقتها فالمجاوبة معاه و لا تخليه كيحماق غا بوحدو .. صبرات و صبرات فالأخير هزات لفاز لي حداها شيرات بيه عليه نيشان كتنهج : هااااهي لي اتزوج بيييك ... من نيتك كتهدر .. مستحييل تحلممم بهاادشيي كتفهممم مستحييل نكون على سيمتككك .. نسيييتككك من بالييي بقيتي من لمااضيي و لحااضر فييه غا انا بوحدي كتسسسمع غاا انا بوحدييي
أمجاد شاد راسو كيحاول اتكالما فالأخير قصدها غبرة شدها متحكم فيها و هي كتنتر : دابا اتجلسيي نهدرو بالعقل ولا لا ؟؟ .. كونيي تسمعيي وااش كتمشي غا بالعصاا؟؟؟ كنت حنين معاك موصيبة جعرت علييك موصيبة أخرى ... ديري عقلك اثلوج
خرجات عينيها فيه بجنون : و كتكدب ؟؟؟ زااايدها بالكدوووب حتى همااا ؟؟؟ وااش معيتييش !
أمجاد كمش عينيه كيسوط : دابا اتجلسيي نهدرو ولا لا ؟؟
جرها بالسيف عليها جلسها فوق الناموسية عاد جلس مقابل معاها كيتنهد : ياقوت ماشي مراتيي
بلعات ريقها كتشوف فيه مفاهمة والو : علاش كتكدب ؟؟ داك لمرة بفمك قلتي مراتي و دابا كتقول ماشي مراتي كيف درتي ليها .. اصلا انا مكيهمنيش تكون مراتك ولا ختك انا مسوقيش هاديك حيااتك دير لي بغيتي و نتا حر فيهاا .. كيف عشتيها حتى انا بغيت نعيشها مع لي...
قاطعها بجنون فاش شدها من شعرها مقربها لعندو حتى تخالطات أنفاسهم لحارة .. كانت مكمشة عينيها و ايدها على ايدو باش متقصحش كتر
أمجاد عاض على سنانو : اخر مرة تخرجي هاد لهدرة من فمككك .. حيااتك اتعيشيها معايا انا و صافيي .. كاين انا بوحدي و هادشي دخليه لدماغك مزياان و فهمييه حيت هو لي ايكون من هنا لقدام سوا بالخاطر سوا بالسيف مبقاش كيهمني الطريقة لمهم عندي هو النتيجة
ثلوج مكمشة عينيها كتأوه بألم : طللق من شعريي الله اعطيك لهرس
أمجاد كيترعد : بصح كنتي كتخليهم اقيسو شعرك ؟
ثلوج بنفاد صبر : لا مكنتش كنخليهم يلله طلق
خلاتو ارخف عليها غا بالسياسة عاد رجعات لوضعيتها كتسوط معرفات راسها كتحاور مع واحد بعقلو ولا مع ولد صغير
أمجاد عقد حواجبو : علاش كنتي كتصوري و تلوحي داكشي هاكاك
ثلوج غادي اركب فيها لفقصة : واااش سوووقككك ابناادم .. ديهااا فراسك و فعائلتككك أناا مكنعرفكش
أمجاد : لا انا كنعرفكك .. مكيهمش تعرفيني نتي
ثلوج بميوعة دورات عينيها لجيهة لخرى كتفقص غا بوحدها و لبكية خنقاها سكتات شحال عاد نطقات مرضياش : مجوبتينيش علاش كتكدب فاش الأمر كيتعلق بزواجك .. مرة مزوج مرة ممزوجش تالف غا بوحدك
أمجاد ضحك على صوتها لغيور عاد جرها لعندو و هي كتنتر بالسيف عليها جلسها بينات رجليه حاكمها و نيفو على شعرها كيشم فيه بحنان : و الله ممزوج مكتيقيش بالله ؟
ثلوج كتسوط : يلله طللق منيي الكدااب .. طللق و هدر بعيد عليا متقيسني منقيسك
أمجاد داير معاها لخاطر : ياقوت مرات صاحبي فالخدمة .. مات و خلا ليا عائلتو أمانة هادشي لي كاين
ثلوج كتقلب فعينيها بميوعة : واخة مكيهمنيش نسمع قصتك و نتا كامل مكتهمنيش ولكن هاد لكدبة لي قلتي دابا مقنعاتنيش .. شووف شي وحدة أخرى ولا عرفتيي شنوو طللق منيي نمشي بحاليي طلللق وااخة تبقاا تهدر حتى لصباح مغاديش نتيق بكدوبك
عصرها وسط ايديه كيبوس فعنقها و هي كتفركل بدون جدوى : كنحلف ليك حتى مرات صاحبيي .. و سمير ولدو و حتى لولد لي حاملة بيه ولدو و أصلا حنا ممزوجينش ميمكنش وحدة يله ميت راجلها و مكملاتش لعدة نتزوج بيها .. لوجيك اتفهميي
ثلوج خرجات عينيها و تلافتت لعندو محاساش على وجهم لي قريب من بعضياتهم و أنفاسهم مخالطة : كك كيفاش !! .... يعنيي نتا فااش قلتيي لمرة لولا مراتيي كنتي كتكدب
أمجاد زير عليها بإيديه كيخطف قبلات من هنا و هنا و خصوصا حنيكاتها أما فمها شادة معاه الزكير كتطير ليه مقدرش احكمها مزيان : علاش غرتي ؟؟ هممم
ثلوج طولات فيه الشوفة : كنت عرفاك مسطي ولكن مكانش كيسحاب ليا مبرهش
أمجاد حمر فيها حتى جمعات راسها كتسوط عاد نطق بجدية : سمعيي سمعي نقولييك .. فااش عرفت بموت جدي كان ضروري خاص نجي لمغرب و ميمكنش نخلي لمرا بوحدها هي و ولدها داكشي علاش جبتها معايا على أساس مراتي و سمير ولدي هادشي لي كاين
ثلوج بسخرية : كلامك مقنعنيش و مدخلش لراسي و عمرو ايدخل لراسي .. ممكن تطلق مني تعطلت خااص نمشي
ثلوج بعصبية : مبيني و بينك واالو بااش تهز صوتك علياا .. و هاد لهدرة كاملة لي قلتيها واخة معرفتش واش صحيحة ولا لا و فكلتا لحالتين مكتهمنيش مغاديش نتيق بيك و عمري نسمح لييك على اشنو دااز علياا .. إلا كنتي نتا فرحان و ناسي ولادك و كدير لخير فالناس و عائلتك ممسوقش ليها .. هاد لهدرة خليها عندك معندها باش تفيدك معايا .. و بلييز إلا ساليتي محاضرتك رخف عليا و عطيني حوايجي نلبسهم
أمجاد زيرها لعندو كتر و جبينو على جبينها : و الله ممزوج بييها راني قلت لييك شنو كااين .. داك صاحبي كان عندي عزيز مقدرتش نخسر لييه .. كان ضروري نحافظ على أمانتو
ثلوج بسخرية كتحاول تفك ايديه من عليها : عرفتي شنو قالت ليا حبيبتك لمصونة ياقوت ؟؟
أمجاد باستغراب : شنو قالت ؟؟
ثلوج طولات فيه الشوفة عاد نطقات : مزال لدابا حافظة هدرتها حرف بحرف قالت ليا
" بلييز بعدي علييه و عطينا الثيقاار ... فالليل فبلاصة ميقول سميتي كيقول سميتك .. سوو بلييز وقرينا علييك و متدمريش ليا زواجي و متنكديهش عليا "
ثلوج هبطات راسها كتنخصص : ياك قلتي ليا كتبغيني و بكيتي على قبلي .. داك التصرف لي درتي بينتي ليا غا كدبتي فمشاعرك و كلشي كان كدوب من لول
أمجاد تنهد بعمق عاد نطق : سولتك جاوبيني باش نعرف نجاوبك حتى انا
ثلوج مرضياش : ااه كنت باغا الطلاق و فرحت فاش تطلقنا
عقد حواجبو عاد هبط لفمها عضها فيه بلذة كيتبنن .. طول فالحركة عاد رجع لوضعيتو : مالك فييك لكذووب هممم ؟؟؟ شكوون كان كيغيير فااش كيشوفني مع ياقوت
ثلوج بميوعة : قلتي مقصت حتى وحدة من غيرك .. علاش كتكدب حتى نتا ؟؟؟ دااك لمرة بعيني شفتك معنق ياقوت و هي مخشيا فييك و النهار الأول شبكتي ايدك مع ايدها ؟؟؟ اوكي مزيان حتى انا فاش انرجع لداري و نتزوج نشبك ايدي و ناخد راحتي
عقد حواجبو كيترعد : كتموتي فالعصا يااك ؟؟ بغيتي نعصييك جيني نيشان لاش كتبقااي تعوجي عليا من هنا و هنا
ثلوج بميوعة : رخف مني خاص نمشي و هاد لهدرة لي قلتي ممتيقاهاش و مدخلاش لراسي يلله رخف
أمجاد طول الشوفة كيتنهد : النهار اللول فاش شديت فإيدها و شبكت صباعي معاها بغيت نبين لييك رااه عايش حياتيي و أنا بيخير .. و لمرة الأخرى كانت ياقوت كتبكيي فاش تفكرات لمأسات لي عاشت و عنقاتني ملقيت مندير مجاتش ندفعها
خرجات عينيها كتسوط داك الساعة دفعاتو و جمعات لوقفة كترعد : ااه مسكيين بقيتي فياا حنين .. مجااتش ندفعها !!!
أمجاد حابس الضحكة : ميمشيش بالك بعيد و الله مكينا شي حاجة
ثلوج كتفور : تكون ولا متكونش حياااتك هااديكك ديير لي بغيتي مسوقيش فييك
جمع لوقفة كيمسح على راسو : يلله اجيي نكملو هدرتنا .. اجي بلاما نجرك
خنزرات فيه و خرجات من لبيت كترجف : قالك مجاتش ندفعها من نيتو كيهدر
أمجاد شدها من دراعها متحكم فيها : فيين غادة مزال مسالينا
جرها لصالون جلسها بالسيف عليها بحال لمش مع لفار هي كتنتر و تفرعن و هو حاكمها و شاد لخاطر باش ميهزش عليها ايدو بحال ديما
شد ايديها زير عليهم عاد بدا كيهدر بهدوء : فالأول فاش تطلقنا كنت كنشوف فعينيك غا لكره و لكن ملي رجعت تلاقيتك شفت شي حاجة مبدلة فعينيك ماشي نفس الشوفة لي كنتي كتشوفيني بيها .. و لي زاد أكد ليا شكوكي هو فاش لاحظت لغيرة لي كنتي كتحسي بيها ملي كنكون حدا ياقوت
جرها معنقها كيمسح على شعرها : و الله مبيني و بينها شي حاجة .. لواليد فراسو كلشي كنت عاودت لييه على لبلان فاش شفتك نتي و داك الزا*** فاللوبيطال .. فهاد النهار و ضحت لواليد بلان زواجي داكشي علاش رجع باللور و خوا ليا الطريق
ثلوج بعصبية دفعاتو و جمعات لوقفة : وااش من نيتك كتهدر هااكة ؟؟؟ فرااسك هادشي كاامل لي قلتي مكيبرر ولو شوية من داكشي لي عشت
أمجاد عرف راسو خاصو اشرح بزاف و كان موجد راسو لهاد الليلة داكشي علاش جمع لوقفة كيشوف فيها و هي كتهدر بدموعها و صوتها لمخنوق
ثلوج : وااش عاارف شنوو دااز علياا ملي مشيتي و عطيتيني بالضهر ؟!! اااه انا كنت باغا الطلاق و لكن هادشي مكيعنيش خااص ديير رااسك فياا و تطلق يااك كنتي كتقول عمرني نحلم بالطلاق شوية قلتي كتبغيني و فلحظة صافي طلقتيني بحاليلا عمرك عرفتيني ولا جيت فطريقك
أمجاد بإنفعال : شنووو منتاااضرة منيي نديير اثلوج ؟! واااش كتقولي لياا كنكرهككك و فعاايلك حتى وحدة مكتغفر لييك و فااش حملتي بولادنا و بثمرة زواجنا مبغيتيهمش و فوق هادشي كاامل قلتي لطبيبة تجهضي و تخبي عليا متقول والو .. شنووو كتسنااي منيي نركع عند رجلييك و نبوسهم بااش تقبلي بييهم و تبقااي معايا ؟؟؟ راااه كيما كنت كنبغييك متنسااايش عندي كراامة و كرامتي دعست عليها بزااف حتى صافي مبقا عندي فين نزيد
ثلوج موسعة عينيها من هدرتو كاملة شدات غا كلمة وحدة : كنننت كنبغييك !! يعني صافي مبقيتيش كتبغيني ؟ اذن علااااش خاااطفنيي من خطبتيي هدر ؟؟؟
ثلوج بعصبية تلافتت باغا تمشي : حل علياا لباب نتا مكتبغينيش و انا مكنبغيكش و مكنحملكش .. مزياان ملي قلتيها بمفكك بااش نعرف لحقيقة حسن من لكدوب
أمجاد شد راسو حابس الضحكة كتبان ليه كترعد و لهدرة داخلة خارجة فيها و نفسها شوية و اتقطع .. شافها غادة قصدها معنقها و هي كتنتر : كنبغييك الحمقة .. والله حتى كنبغييك
ثلوج كتبكي بهستيرية : متهدرش معايا ... انا مكنبغيكش أصلا لي كيبغي كااع مكيعذب الطرف لآخر و كاع مكيضربو و اشبع فييه عصاا
أمجاد كيبوس فراسها : خاصي لعصا انا لي خاصي لعصاا
ثلوج بجنون : سيير عند يااقوت ولا زمرد عنقها حشومة تقمعها و سير عند ولادها ربييهم .. نتا ربي ولاد الناس كاملين و ولادك دير رااسك مكتعرفهمش .. طللق هاديك كنبغيك زيدها فيك بعد مني انا مكنحملكش يلله سير
حبسات كلامها كتنخصص مقدراش تحكم فدموعها شوية رجعات كتهدر بصوت مخنوق بالبكا : عرفتيي فااش مشيتي شنو وقع لياا ؟؟؟ مورااك بست شهوور و انا فلوبيطاال عاايشة غا بالدوايات و السيرومات ... عرفتي على نوبات الأعصاب لي كانت كتجيني ؟!! واااش عرفتيي شحال من لتر ديال الدموع لي كنت كنبكي فالنهار !! .. تخلطاات عليا من كااع الجواايه وحم و هم و زيد و زيد ..
انا لدابا مزال مصدومة و معرفااش راسي كيفاش حتى مزاال حية و طبيعية بحالي بحال الناس حتى كنتعصب عاد كيعواجو صباعي شي نهاار اتقطع ايدي بسبابك .. إلا مفرقتينيش علييك نتا لي اتكون السبب فإيدي لي اتشلل ... جاااي من بعد هااد السنين كاملة خاسر عليا كلمة مزوج و هي غا كدووب علااش ؟؟؟ باااش تغيرني زعما ! ااااه كنت كنموووت بالغييرة و لقهرةةة و كنت كنحسس براسيي أكبر مدلولة على وجه الأرض .. نتا عشتي حيااتك بطولها و عرضها و انا بحال لحمقة كندوز نهاري مع ولادي و فالليل كنفزگ لمخدة بالدموع .. وااش عرفتي شحال عانيت ولا لا !! و فالأخير خاصر عليا لا راه كنبغيك واش بالنسبة ليك هادا هو لحب ؟ إلا كان هادا هو لحب فأنا كنكرهووو من أعمااااق قلبييي
أمجاد مسح على راسو كيسمع لكلامها : ثلوج
قطعاتو بإنفعال و وجها كامل حمر كيقطر بالدموع : متقووولش ليااا ثلوووج قووول آنسة نتاا بنفسك رجعتيني آنسة بعدما كنت مداام .. داباا معندكش لحق تعيط بسميتيي كتفهممم لي كيبغيي مكيعطيكش بالضهر و امشي بلاما اتلافت مورااه لي كيبغيك مغاديش اجرحك نهار ولادتك أنه مكيعرفكش و مكيعرفش ولادك ..
شنوو جااي تقولي دابا بأشمن وجه جاااي لعندي .. اااه فعلا انا درت شي حواايج خايبين بزااف و مكنتش عارفة بحق زواجنا و آذيتك ولكن هادشي مكيعنيش أنك تنتاقم مني فاش تعطيني بالضهر .. نتاا معارفش شنو عشت و باش حسيت قلبي كان كيضرني بزااف نتا دمرتيني دعيتك الله .. فالأول كنت عايشة بيخير حتى صدقت معاك تحت سقف واحد شوية بشوية لقيت راسي مزوجة بييك .. سلمتك رااسي و شرفني معرفتش أصلا امتى تعلقت بييك و بغيتك
هبطات راسها كتبكي بحرقة و قلبها كيتقطع : عرفتي انا راه بغيتك بزااف حتى لآخر عرق .. هاد لحب لمدلول رااه دمرني فاش مشيتي و فالأخير دارت ليك فالخوا جااي لعندي ااه حگا كنبغيك و زواجي مكين منو والو
أمجاد جلس فبلاصتو كيشوف فنقطة وحدة شاد راسو كيسوط و مكمش عينيه
ثلوج كتبكي : ولادك كانو محتاجين لييك بزااف .. عرفتي شنو كانو كيقولو ليا ؟؟ كيقولو بابا و ماما فنفس لوقت .. انا لي خاص نلعب دور الأم صدقت لعباهم بجوج .. متخايلش شحال تعدبت و بالسيف باش تسجمعت قوتي و وصلت لهادشي لي أنا فييه
أمجاد زير على راسو مهزش فيها لعين عكسها هي لي بقات كتهدر .. و أخيرا جاتها لفرصة تخرج كاع داكشي لي فقلبها بقاات كتعبر على شنو داز عليها و شنو هما لمآسي لي واجهتهم .. و كيفاش حتى تغلبات عليهم و شنو عانات بالضبط
بقات كتهدر و تهدر حتى تهدات عاد مشات جلسات مقابلة معاه فاشلة .. كتحس براسها رتاحت فاش خوات قلبها و شنو كانت مخبية فالداخل ديالو .. اخيب شعور هو تسد على أحاسيسك بينك وبين نفسك و لكن فاش كتفرغ دوك لمشاعر على برة كتحيد جبل كبير كنتي هازو و مخبيه على الناس تحت جدار لقوة و التصنع
طال السكات بيناتهم حتى واحد مهدر بقاو جالسين فبلاصيهم قاطعين لحس
أمجاد علا عينو لعندها : عند بالك انا كنت فرحان ؟؟ إلا كنتي نتي حالتك حالة انا راه كنت كفس منكك .. مكنتش كنعس بالليل إلا مشربتش حتى جبت لكااو .. فطريقك وليت كنكمي باش نطفا و نتحاور معاك .. حتى بنتي فحياتي عاد لتجأت لشراب باش نسي بييه لجرح لي خليتي فياا .. واش عند بالك غا نتي لي قاصيتي ؟! ملي كنتي اتعيشي هادشي كامل فاش نمشي علاش مقلتيش ليا مباغاش نطلق حيت باغاك تكمل معايا حياتك ؟ ولا كبريااءك مكيسمحش ليك .... غا نتي لي عندك كرامة و كبريااء و سي أمجاد اسطح راسو مع لحيط .. نسمعك باغا تطيحي ولادي و نسكت بحاليلا مواقع والو ..واش عارفة بااش كنت كنحس بفعايلك إلا نتي تعذبتي غا هاد خمس سنوات أنا رآه من نهار شفتك و انا كنتعذب .. واش باغا تقارني السنوات لي تعذبت فيهم مقارنة معاك ! لا مجال للمقارنة ا ثلوج .. غا بالعقل اتلقاي كيفما قاصيتي حتى انا قاصيت .. بجوجنا تعذبنا
ثلوج مدورة وجها كتسوط : واش انا لي كنت خطفتك و حملتك بلا خبارك ؟؟ و خشيتك فالحبس و زيد و زيد ؟؟ واش من نيتك كتقارن هاد لعذاب مع لعذاب ديالك !!
أمجاد بسخرية : معمرك اتنسااي لماضي هادشي لي كنشوف .. ياك هدرنا فهادشي قبل منطلقو و وضحنا وجهة نضرنا أولا !
ثلوج ميلات شفايفها مطولا فيه الشوفة : علااش كنتي كتسمعني كنقول ليك لمجرم و كتسكت !! علاش مقلتيش ليا خدام فالمخابرات ؟ علاش كنتي كتخبي عليا فزواجنا ؟ وااش حتى لهاد الدرجة مكنتيش كثيق فيا ؟
أمجاد تنهد كيمسح على راسو : هادي هي خدمتي خااص حتى واحد ميعرف .. لي كيعرفو حاليا هو خويا و شدى حيت نفس الدومين و ياقوت حيت راجلها أصلا كان معايا
ثلوج هزات حاجبها : ياقوت عارفة داكشي لي أنا مكنتش عارفة !
مسح على كيسوط : ثلوج اهديك الله
ثلوج بنبرة حادة : و علاش كنتي كتقتل ؟؟
أمجاد : هادشي بعييد علييك غا ولفيي خدمتي و أسرارها .. لي خاص تعرفي هما هادوك كاملين لي قتلت ولا لي خليتهم انتاحرو كين اسباب موراهم
ثلوج هزات حاجبها : علاش مخاصش نعرفهم ؟
أمجاد : دابا اجي لوقت و نفهمكك
جمع لوقفة : نوضي تعشااي
ثلوج بإنفعال : لا اسيدي خااص نمشي لداري ولادي ايكونو خايفيين .. داك لولاد لي نتا ممعتارفش بيهم انا مسؤولة عليهم كتفهممم
طول فيها الشوفة كيعض على فمو شوية جرها بعجرفة و هي كتنتر حتى لبيت .. موقف بيها حتى لقدام الطبلة لي فوقها لبيسي .. حلو مزير على دراعها و هي كتسوط
أمجاد : شوفي هناا
تلافت لعندها لقاها كتشوف فالجيهة لخرى تنهد و شد فكها بزز منها دورها لجيهة لبيسي تشوف فييه .. غا جات عينيها على التصاور تدهشرات
ثلوج : كك كيفاش !! ... شنو هادشي
أمجاد : هادو فاش كانت عندهم عامين
حلات فمها مصدومة كتشوف فالتصاور مدهشرة .. وليداتها فوق الناموسية ديالهم ناعسين و هو جنبهم مصور معاهم .. بقا كيدوز ليها التصاور وحدة مور وحدة و ملامح الصدمة كتوضاح على وجها .. كلا صورة لوليداتها معاه فسن معين .. مرة فاش كانو يلله كملو عامين مرة فاش يلله كملو عامين و نص و زيد و زيد .. جميع الصور بالليل فاش كيكونو ناعسين و مجايبين خبار
ثلوج مزال تحت تأثير الصدمة : كنتي كتدخل لفيلة فالليل ؟؟
بغا اطفي لبيسي زلقات ليه ايدو حتى دازو التصاور لاخرين .. وسعات عينيها من جديد كتشوف فيهم عاد فهمات علاش داك الليلة لي بات فيها صبحات عريانة مجردة من حوايجها
رجعات كتشوف فالتصاور فحالة من الدهول لي شافهم ايقول كانو ناعسين بجوج على فراش واحد .. حطات ايدها على فمها بكره محملاش راسها
أمجاد سد لبيسي كيسوط : كنت داير ليهم بلانهم ساعة دابا ممحتاجهمش
غا كمل كلامو نزلات عليه بتصرفيقة تلاتية الأبعاد كترعد : شكووون نتااا باااش تحيد ليااا حوايجييي و تااخد هاد التصاور بلا موافقتيي ؟؟؟
بقا كيشوف فيها مطول و ايدو جامعها على شكل قبضة خايف افوت فيها شي دقة .. زفر بعصبية و خرج من لبيت كااع خلاها بوحدها كتنفخ و تغوت حتى فرعات ليه راسو مجوبهاش حيت عارف راسو إلا جاوبها ايضربها و اصدق عاطبها من شي قنت
ثلوج شدات راسها بجنون غادي تحماق خصوصاا ملقاتش التجاوب معاه .. خرجات من لبيت كتسوط و وقفات عليه كيحط فالماكلة على الطبلة
أمجاد ببرودة : جلسي تاكليي
بقات كتشوف فالماكلة بتكبر شوية تفكرات راسها ميتة بالجوع مقدراتش تقاوم و هي تجلس كتنقب دايرة فيها عزتي نفسي .. حتى نسات راسها و دخلات طول و عرض فالماكلة تاكل بعدا و من بعد احن الله
أمجاد غا كينقب و عينو عليها كيف كتاكل بحاليلا طيحة من شي جبل مهزاتش راسها حتى شبعات عاد حسات على نضراتو لي اياكلوها . .. شافت فيه مخنزرة عاد ناضت لكوزينة كتغسل فإيديها يله جات التلافت خرجات فيه
ثلوج : ااي حييد من قداميي .. حيييد يللله
حاوط خصرها بعنف حتى تأوهات عاد هبط لشفايفها لي حضاهم ملي كانت كتاكل مبقاش قادر اصبر مزال .. حس بيها كتركل بعصبية حكمها مزيان عاد خدا راحتو فشفايفها كياكل فيهم بحنين و شوق ديال سنين .. غطس فيهم ناسي راسو كيمص و اجر بعنف و مرة بحنية و هي كتدور فراسها يمين شمال باش متخليهش اشدها ساعة معامن مكيتحركش بحال شي صخرة جامدة .. شوية حسات بيه هزها بين ايديه حاكمها مزيان و هي كتفركل و غواتها كاسر الدنيا
موقف بيها حتى لعند لبيت سطحها على الناموسية و جا فوقها كيحل فالقاميجة حتى زولها ليها تحت أصوات بكاها باغا تجهل و هو مرفوع كتبان ليه غا هي خاص اشبع منها ناسي لعلام كاامل كل همو ثلوج فقط
ثلوج كتنتر : نوووض من فوقيي الحيواان نوووض إلا قستيني انقتل راسي كنحلف لييك اندير شي حاجة فراسيي
أمجاد بعصبية فيضات كاسو حتى هبط كيلتاهم فعنقها و شفايفها ممصوقش لبكاها و تنخصيصها أولا تفركيلها باش انوض من فوق منها .. هادشي كامل مبقاش هامو .. بقا واخد راحتو حاكمها و فمو كيدوز على وجها كامل طبعو بالقبل الشرسة و عنقها تورم من كترت لعضان و لمصان بجنون .. شوية هبط لصدرها كيعطيه حقو حتى حس بيها ترخات كتأوه ناسية التفركيل لي كانت مصرة عليه .. بتاسم بإنتصار عاد رجع لفمها كيبوس فيه حتى نسات راسها و تجاوبات معاه بلاما تعيق .. كيف كان كياخد حقو منهم حتى هي مقصراتش من جيهتها .. شوية هبط بقبلاتو مرورا بعنقها لجداب و صدرها لمنفوخ عاد كرشها لمنحوتة حتى لفخادها كيفرق عليهم فالقبلات و هي مرفوعة كتأوه و دموعها دايزين مخلطين عليها الأحاسيس باغا ترفض و فنفس لوقت مقدراش .. كتأوه كلاما جهلها مبقاتش قادرة حتى حسات بيه كيلعب فمنطقتها لحساسة واخد راحتو .. كمشات عينيها كترجف ملقات غا ليزار زيرات عليه كتبرد فيه الجنون من بداية لعلاقة لحميمية حتى لنهايتها
أمجاد عرفها مزيرة داكشي علاش دار معاها لخاطر بالشوية بالشوية عليها حتى ترخات و مشات معاه فالخط أثناء لممارسة .. كتبان ليه مستسلمة كليا و معقلاش على اشنو داير بيها حتى جابو فيها عاد خرجو و تلاح حداها كيلهت هو الآخر .. حس براسو فدا فيها الجديد و لقديم باللوحة لفنية لي رسم فجسمها كامل و تحتها لي طاب بحاليلا خدا حقوق خمس سنوات فليلة وحدة .. تنهد ملي بانت ليه مغمضة عينيها و ناعسة مجايبة لدنيا خبار
بقا كيشوف فيها بحب حتى جرها خاشيها فيه كيبوس فيها مزال مشبع منها : اشنو درتي فيا
رجع باسها بعنف فعنقها عاد بعد : كنبغييك
تبسم متكي حداها حتى داه النعاس مستسلم ليه هو الآخر
صبح الصباح بنهار جديد ..
ضرياتها لفيقة حتى ناضت قافزة شوية تأوهات من حر الألم لي نايض تحتها .. حتى كتخرج عينيها لي غرغرو فلحضتهم داك الساعة تلافتت جيهتو لقاتو ناعس حداها على كرشو غا بالبوكسور .. بقات كتشوف فييه و دموعها كيطيحو شوية جمعات لوقفة ملوية عليها ليزار و شعرها مخبل و جسمها كامل كيرجف .. بتدمر خرجات من لبيت كترجف مقدراتش تزيد مزال و هي تجلس على الأرض مخرجة عينيها و فمها كيفيبري
نطقات بسهوة : سملتو راسي !! بلا حتى عقد سلمتو راسي ؟؟ شنووو درت انا ؟؟؟ اويليي شنو درت
هبطات راسها كتبكي عاضة ايديها بعنف حشمانة من راسها و حشمانة من واليديها ... كتلوم فعقلها و تعاود و تأنيب الضمير كياكل فيها كيفاش حتى خلاتو انعس معاها و اياخد لي بغا .. مكرهاتش تموت فهاد اللحظة بأشمن وجه اتقابل الله و واليديها .. واخة عندها ذنوب كتيرة و لكن لممارسة خارج إطار الزواج معندهاش فقاموسها بالمرة و بالنسبة ليها لعنة خايبة
دازت ربع ساعة..
حل عينيه كيتكسل و وجهو مبشور فرحان .. تلافت لجيهتها مكيناش ستغرب عاد جمع لوقفة و خرج من لبيت كيقلب عليها بعينيه .. قصد لكوزينة قال مع راسو ربما تكون تماك غا دخل مبانتش ليه .. يله ايخرج بان ليه الشرجم مسدود مشا لعندو ناوي افوهو حتى كيخرج عينيه من الزاج و قلبو كيضرب فالمية .. عينو نيشان مشات لسطح لعمارة و هي واقفة لفوق على لحافة بليزار و شعرها مشكك ناوية تلوح راسها
مخلاش ليه لفرصة فين اتقبل الصدمة داك الساعة طار لبيت لبس عليه شورط و لبس فرجلو بسرعة عاد خرج كيجري بحال لحماق مخلي لباب مفروع ..قصد لمصعد كيلهت لقاه عامر سخط كيفور و معندوش لوقت افكر .. خاصو اطلع فالدروج هادا هو لحل و داكشي لي كان تم طالع عليه كينقز جوج درجات حتى لتلاتة .. الضبابة معمية ليه عينيه كتبان ليه غا صورتها من فوق السطح .. بقا هاكاك كيلهت و نفسو علاين اتقطع و هو طالع كيجري حتى دخل لسطح كينهج و صدرو كيطلع و اهبط
مسح على راسو و لعرق كيهبط منو بغزارة : علااايااااش ناااوية اثلووووج واااش حماقيتيي ؟؟؟ هبطييي من تماااك بلا تسطية
ثلوج واقفة على لحافة كتبكي و ايديها مزيرين على ليزار : بعدد منيي مغاديش نخلييك تعتقني هاد لمرة .. مبقاش عندي لوجه لي نشوف بييه كلشيي بسبابك
أمجاد موسع عينيه فقلة حيلة مفاهم والو من كلامها كل همو تنزل من تماك حيت كتبان ليه كتمشي و تجي شوية و تلوح راسها : ثلوووج هبطيي من تمااك و اجيي نهدرووو .. كلششيي لييه لحل الإنتحاار ماشيي حل اثلوج
قطعاتو بإنفعال : متبقاش تقولي ثلوج متذكرش سميتي على فمككك ... هاد الليلة وسخاتني و ممعترفااش بيها علاااش قصتيني و حنا مبيناتنا والو وااش بنت لييك عااهرة و بنت الزنقة ؟؟! علااااش بغييت نفهممم علاااش
أمجاد مسح على راسو كينهج : ثلوج هبطي من تماك عاد نهدرو .. الناس اتجمع علينا هبطي و فكري فزياد و يزيد وااش مديراش ليهم إعتبار و واليديك فين خليتيهم و باش اتقابلي الله عند بالك الإنتحار حل
عاق بيها كترطاب ستغل لفرصة أنها حادرة راسها و ساهية كتبكي .. بدا كيقرب لعندها خطوة بخطوة قاطع لحس حتى تلاح عليها شدها حكمها بين درعاتو و هبطها كتنتر وسط ليزار و شعرها مخبل
ثلوج بجنون : ااااعععع طلللق طللللق .. باااش انشوف فواليديا دابا قووول خمس سنوات و انا محافظة على شرفي بااش تجي نتا مبيني و بينك والو تستاغل ضعفي و تخليني النعس معااك .. ببعععددد متقرببش متخلينيش نعيف راسيي كتر من هااكة
رخف منها مصدوم و هدرتها بحال لموس كتختارق قلبو : مبيناتنا والو !! هادشي كامل و مبيناتنا والو
تلافتت لعندو كترعد : اه حنا مبيناتنا والو و عمر اتكون بيناتنا شي حاجة .. كيف قلتي قبل خمس سنوات حنا ممفاهمينش و عمرنا انتفاهمو سوو فهم هادشي و دخلو لراسك
أمجاد جمع ايدو على شكل قبضة بقا كيشوف فيها شحال عاد نطق : هادشي علاش بغيتي تلوحي راسك ؟ يلله سيري لوحي راسك و يتمي ولادك و خلي واليديك احماقو موراك شكاتسنااي ديري اش باغا مغاديش نمنعك حيت كيف قلتي حنا مبيناتنا والو
قطعها كيسوط : غادي نقيدهم على سميتي مناخدهم ليك متاخديهم ليا .. و انوضعو بروگرام زوين باش نبقا نشوفهم و نرجعهم ليك و لا حتى كمارتي مبقيتيش اتشوفيها ايكون بيناتنا الشيفور .. ياك هادشي لي باغا نتي ؟
بقات مهبطة راسها كتكمش فليزار على لحمها
أمجاد تنهد ببرودة : سولتك جاوبي؟ .. باش منبقاوش غا كنخربقو مزيان نوضعو النقط على لحروف
ثلوج نطقات بصوت منغنغ بالبكا : بغيت نمشي لداري
طول فيها الشوفة عاد نطق : واخة .. يله نهبطو لبسي حوايجك باش نوصلك و آخر مرة نقرب ليك
سبقها هو اللول جامع ايدو على شكل قبضة كيبرد فيها سمو و عينيه حمرين بحاليلا مغرغرين بالدموع .. باين من ملامحو تصرفها و إهانتها لرجولتو جرحوه بزااف زيد عليها طالعة لسطح بليزار ممسوقة لحتى واحد أنه ممكن اشوفها هاكة
فالجيهة لخرى ..
على طبلة دلفطور كانت جالسة كلثوم ساهية فالكرسي لي كان كيجلس فيه راجلها .. بملامح حزينة هبطات راسها كتبكي غا سمعات لحس موراها مسحات دموعها بسرعة كتمتل لقوة و الصبر .. علات عينيها لقات عيالات ولادها آريا و رهاف جلسو كيسولو على صحتها و حالها و أحوالها
كلثوم : مرات ولدك مزال مخرجات من لمستشفى ؟ هدري مع أمجاد سوليه على حالتها
آريا تنهدات ساهية عاد نطقات : أمجاد و باه دايرين حالة و مخبيين عليا ولاو بيناتهم الأسرار
كلثوم بإستغراب : ياك لباس !
آريا : ياقوت داك لولد لي كانت حاملة بيه و جهداتو ماشي ولد أمجاد و إنما ولد راجلها السابق يلله مات بتلات أشهر .. و راجلها كان صديق قريب لأمجاد و للأسف مات و وصى على عائلتو باش ولدي احميهم و داكشي لي كان أمجاد قالي تزوجتها باش نحميها هي وسمير
كلثوم : ميمكنش اكون مزوج بيها .. الدين الإسلامي كيقول حتى تسالا لعدة ديال لمرأة لحامل عاد ممكن تزوج .. قرصي ولدك شي حاجة فكلامو ناقصة
آريا خرجات عينيها : بغيتي تقولي ممزوجش بيها كاع ؟
كلثوم : حيت ميمكنش اتزوجو راه لحماق هادا هو شنو قال ليك بالضبط
آريا كتحلف على أمجاد فخاطرها : قالي مزوجين على لوراق
كلثوم : مكاين لا وراق لا والو حيت ميمكنش .. رآه داك لمرة شرحت ليك هادشي على الدين الإسلامي غا نسيتي
آريا كتفكر : ااه معرفتش كيفاش مشات من بالي هاد لقضية ..واخة عليه والله متبقا فييه ولا كيكدب عليا عاين باين .. حتى تبان ليا اسي أمجاد
فالبرطمة ..
خرج من لبيت كيلبس فجاكيطو غا هز عينو لقاها لابسة السورفيط لي كان شاريها ليها و داير بحساب هاد النهار .. بانت ليه واقفة متلبكة كارزة على صاكها و كتعض فشفايفها بحاليلا كتزيد تأكد ليها ندمها على ليلتهم.. تنهد كيسوط عاد هز لكاشكول و قصدها بلا كلمة بلا جوج لواه ليها على عنقها باش اتخباو طبعات لملكية لي خلا فيها ليلة لبارح
تلافت هز السوارت : جمعي شعرك
دورات وجها مرضياش شوية بلاما تحس جمعات شعرها كعكة مهملة كيف طلب منها عاد نطقات بصوت جاف : تعطلت خاص نمشي دابا
هز راسو باه عاد خرج سابقها هو اللول و هي تبعاه من للور شاداها لبكية من ليلة لبارح و تأنيب الضمير كينهش فيها .. محساتش بالطريق و هي كتفكر حتى لعند الطموبيل عاد وعات على راسها فاش فتح ليها لباب ركبات عاد دار لجيهة لخرى ركب حتى هو و كسيرا بلا كلمة بلا جوج
طول الطريق و السكات بيناتهم حتى واحد مكيهدر
أمجاد عيا ساكت كيعض على سنانو و صدرو كيطلع و اهبط محسش على راسو حتى نطق بعصبية كيخبط على الديريكسون : كيفاااش خرجتييي من الدااار و انا ساد لباااب
ثلوج كتشوف فالزاج مقدراش تشوف فيه : لقيت السوارت
أمجاد زفر و رجع كيشوف قدامو سكت عوتاني شحال عاد نطق بنفاد صبر مقادرش اخبي داكشي فالداخل ديالو : ملي باااغااا تنتاااحريي لبسيي شيي حاااجة لي تسترككك مااااشي طااالعة ليااا لسمااا بشروييطة ايطيرهااا لبرد فأي لحظة .. اااه نسييت نتي مولفا بلعرا منتصدمش
و رجع كيشوف قدامو و صدرو كيطلع و اهبط مزال لدابا هدرتها لمسمومة كتضرو فقلبو .. كيعيا امتل لبرود حتى كينفذ صبرو و انطق بشي كلمة مقفزاها من بلاصتها
وقف بيها قدام لفيلة كيتسناها تنزل بلا كلمة بلا جوج
ثلوج حلات لباب باغا تنزل حتى كتسمع صوتو : فالعشية ايجي الشيفور اجيب ليا الدراري
بقات ساكتة شحال عاد نطقات : على حساب واش ايشدو لعطلة ليوم
أمجاد : اتلقايهم فالدار لبارح شدو لعطلة
هزات راسها باه بلاما تلافت لعندو و هبطات داخلة مع لباب لخرجاني حتى لباب دلفيلة دقات فالباب كتنهج حابسة لبكية حتى حسات بيه تحل تلافتت لقاتها سناء
دخلات ثلوج بلا كلمة بلا جوج .. تفادات تلاقا واليديها ولا ولادها موقفات بخطواتها حتى لعند بيتها عاد دخلات و سدات عليها مخربقة و كتحس براسها تالفة و الدنيا كدور بيها و تأنيب الضمير كيقتل فيها .. حتى هي كتبقا انثى و مقدراتش تقاوم رغبتها خصوصاً أنه هو الشخص لي كيعرف ليها و لكن خارج إطار الزواج ! هادي متقبلتهاش حساتو خدا منها اش بغا بحال شي عاهرة .. بعد سنين طويلة رجعها عجينة بين ايديه و ففراش واحد بلا زواج بلا حتى شي عقد .. حيت هاد لمسألة عندها قطعية خصوصا أنه تزادت فالقرية و الشرف عندهم شي حاجة كبيرة و بقيمتها أما فاش نعسات معاه حسات براسها تذلات و مرضاتش تحط فداك لموقف .. تمنات كون قوماتو و مخلاتوش و لكن لي عطا الله عطاه
داز لوقت..
خرجات من لحمام مدوشة و مخشية فبينوار حتى كتحس بالباب تحل و دخلات سناء : ولادك شدو لعطلة لبارح
ثلوج جلسات على طرف دالناموسية كتبكي : وليت عاهرة و ليت مسخة اسنااء خدا مني كلشي و انا بحال لحمارة مقدراش نقاومو
سناء جلسات حداها بهدوء مستغربة : واش أمجاد ؟
ثلوج : و شكون من غيرو
سناء تنهدات : و لكن حيت كتبغيه داكشي علاش مقدرتيش تقاومييه .. متبقايش غا كتبكي عطي لراسك فرصة
ثلوج : هو حتاقرني علاش اقيصني و حنا مبيناتنا حتى عقد و زيد عليها انا عمري نسمح ليه على شنو داز عليا كلما كنتفكر كنحس براسي داكشي عشتو غا لبارح ماشي بهاد لغباء انسمح ليه .. لحب فجييه و لعقل فجييه انا وليت باغا غانعيش هانية فراسي و مرتاحة هادشي لي باغا
تنهدات سناء و بقات ساكتة ملقات متقول و معندها متقول أصلا .. علاقتهم من الأول فشكل و ديما هاكة هو كيغرب و هي كتشرق مكين حتى جديد كيفاش حتى بغاو بعضياتهم و هما خطان متوازيان عمرهم ايتلاقاو كتبقا من لمعجزات
فالمستشفى ..
تحل لباب و دخل شاد فإيدو سمير كيشوف فيها واش حالة عينيها
ياقوت تقادت فالجلسة فاش شافتهم مع ابتسامة : ولدي حبيبي .. اجي عند ماماك
بتاسمات فاش مشا حداها سمير و هي كتضحك معاه
أمجاد تنهد كيسوط : ياقوت خاصنا نهدرو
ياقوت بلعات ريقها : ممم هدر
أمجاد شاف فسمير و رجع شاف فيها : ماشي قدام لولد
ياقوت كتشوف فسمير ملاهي كيلعب : غا هدر راه ملاهي
أمجاد مسح على راسو : شنو داكشي قلتي لثلوج !؟؟ .. انسولك و جاوبيني حيت لا كدبتي انقلعها طيرة فالسماا .. ياقوت واش كتحسي بشي حاجة من جهتي قبل ميموت راجلك ؟
خرجات عينيها من سؤالو : كك .. كيفاش !
أمجاد حنحن بجدية : جاوبي بلا كيفاش ولا علاش
ياقوت هبطات راسها حشمانة : معرفتش
بتاسم بسخرية مدور وجهو لجيهة لخرى فاش تأكد من جواب السؤال لي دار فراسو علاش تصرفات بداك التعجرف مع ثلوج : شوية اتجي لممرضة تعاونك تبدلي ليوم اتخرجي على سلامتك
و خرج كيسوط بلاما اسمع لنداءاتها موقف حتى لعند الطبيب اتطمأن على حالتها و احيد اللومة عليه .. كيف ما كان لحال كتبقا أمانة عندو و خاص اقوم بالواجب غا هو هاد لمرة قرر مع راسو ايخليها بعيدة عليه تجنبا لهادشي لي وقع .. مكانش كيظن اتعلق بيه فالأول كان عند بالو غا لباقة و صواب و لكن مع ملاحظة تصرفاتها استنتج و فهم حاجة أخرى و هادشي لي مباغيش .. بالنسبة ليه أمانة فقط
جالس فالشرفة خدام على لبيسي ديالو و فمو مكمش باينة فيه معصب و صاعر باغي غا معامن .. من آخر حوار دار بيناتهم مبقا شافها ملي سول لقاها سافرت لأمريكا عند ختها ندى بلاما تشوف موراها أولا تحضر لربعينية ديال موت جدها .. تنهد كيسوط مرجع راسو للور شوية جمع لوقفة كيطل من الشرفة و عقلو سارح لبعيد حتى كيسمع لهدرة فالحديقة و بالضبط قدام لقصر .. هبط عينو هاز حاجبو كتبان ليه جارة لفاليز ديالها بعدما هبطها ليها الشيفور من لكوفر .. باينة فيها فرحانة و كتضحك و هي كتعنق فمها و تعاود
ميل شفايفو مغوبش ناوي ليوم افاريها معاها يا بيه يا بيها وفينما بغات توصل توصل .. دار داك الساعة لبس فرجليه و خرج كيجر فيهم حتى كيقشعها غادة لبيتها جارة لفاليز حتى دخلات و سدات لباب .. بقا واقف شوية ولا غادي جاي تالف معارفش واش امشي لعندها ولا بلاش حتى تستاراح من السفر و الإرهاق .. يله قرر أنه امشي لعندها بانت ليه خارجة من بيتها كتهدر فالتيليفون .. خرج عينيه و تخبا مراضيش تشوفو مراقبها
و قطعات كتنفس بهدوء عاد ركبات لمصعد و هبطات تحت نضراتو واقف جامد كيسمع لكلامها مصدوم ..واش هادي نفسها تغريد داك لبنت لبريئة و الزوينة و لي بغاها و ولا كيحماق عليها واش بصح نفسها تغريد ولا غا ولا كيتخايل !!.. بغا يحماق مفاهم والو و عقلو كيمشي و يجي بالأفكار حتى نفد صبرو و هبط تابعها ناوي اوضع حد لهادشي واخة بانت ليه نسياه اصلا و مديراش بحسابو بحاليلا مكاينش فحياتها بالمرة و عمرها عرفاتو
هبط لتحت بسرعة حتى لبرة شافها ركبات طموبيلتها و قلعات .. عقد حواجبو معصب و ركب حتى هو عاد تبعها ممعيقش باش متحسش عليه .. بقا هاكاك حتى بانت ليه وقفات قدام وحدة من لعمارات لي كينين وسط لمدينة شوية نزلات و دخلات ليها .. سطاسيونا حتى هو ساهي قدامو واش اتبعها ولا لا .. بقا هاكاك جامع ايدو على شكل قبضة و مكمش عينيه كيتنفس بصعوبة حتى نزل بنفاد صبر داخل لعمارة كيقلب بعينيه و معارفش فين ممكن تكون مشات و انا دار بالضبط دخلات ليها
بقا غادي جاي حتى كيسمع صوت الضحك تلافت بعفوية كيشوف كيبانولو بنات بلباس قصير و الدراري شادين فيهم كيضحكو و كلا واحد زاعم على وحدة و مرة مرة كيقيص ليها صدرها و هي كتضحك دايخة .. بقا مراقبهم بقرف حتى بانولو دخلو لمصعد شوية طلعات ليه اشمن طبقة طلعو .. هز حاجبو خايف من داكشي لي فبالو و باش اتأكد طلع فالدروج كيجري و الهت حتى وصل قد قد مع لولاد و لبنات لي شاف قدام عينيه من شوية عاد
جمع ايدو على شكل قبضة كيشوف فيهم و متبعهم حتى دخلو لواحد لبرطمة لي كاسرة الدنيا بصوت لموسيقى و الغوات و لحيحة .. هبط راسو كينهج و صدرو كيطلع و اهبط خايف ادخل ليها و اشوف شي حاجة مغاديش تعجبو .. خايف اتصدم صدمة عمرو و لكن معندوش حل و باش احيد هاد الشك خاص ضروري ادخل لهاد لبرطمة و داكشي لي كان قرب حتى لعند لباب دق لمرة لولا لمرة التانية .. التالتة تفتح لباب كيشوف فواحد بشورط قصير و صدرو عريان و لكارو فإيدو
_ واقيلة غالط فالعنوان العشير
بدرالدين طول فيه الشوفة كيغلي مقدرش اصبر داكشي علاش دفعو بعجرفة و دخل لداخل كيغوت : تغرييد تغرييييد فييينككك
دور عينيه كيشوف غا لمناكر و شي كيبوس فشي و لكارو و الشيشة فكاع لبلايص و شي هابط ليه سروالو شي جايب لكاو .. جاه لغثيان من لمشهد .. حس بالأرض دارت ييه و هو كيدور فعينيه عليها .. مكينش حسها و باش اقطع الشك دفع داك الشاب لي فتح ليه لباب بعجرفة من جديد و كمل لبحث ديالو كيفتح فالبيبان و اقلب و على فمو سميتها كيغوت بيها صاعر .. حتى فتح آخر باب و تصدم من لمشهد مخرج عينيه .. داك الساعة تلاح على لولد لي جالس كيحيد فحوايجو و هي مرخية فوق الناموسية مجايبة لدنيا خبار .. نزل عليه بالضرب و الركيل كينهج و صدرو كيطلع و اهبط لحرقة شاعلة فيه ولاو فيه عشرة كاع فكك الدري هرسو و مضغو ليه بالكروشيات أما الدمايات لي هبطو منو لي شايفو ايقول غايموت دابا .. حتى شبع شوية من غليلو عاد زدحو مع لحيط كيسب غا بالهدرة لخاسرة و سيفتو عاقدها ناوي على لقتيلة
رجع دور عينو لعند تغريد لي مرخية غوت بأعلى صوتو كيترعد بالأعصاب عاد تحنى لعندها هزها بين ايديه مرخية و خرج بخطوات سريعة و مبعثرة حتى كان باغي يخرج و هو يرجع لعند الشاب لي فتح ليه لباب مكشكش .. داك الساعة ضربها ليه بركلة كينهج بحال شي ثور و وجهو حمر بالأعصاب : بربيييي حتتتى غااادي نددمممم طواااسلككك الزا*** لبوليييس دااابا ايجيو يقلعو مككك من هنااا .. خلييوكم كملو تقح****
دفل عليه و رجع خرج كينهج مصدوم بحاليلا خويتي عليه شي سطل دلما .. معرفش راسو امتى هبط لتحت و حطها فالطموبيل عاد كسيرا .. بكترة ماترفع معرفش كيفاش حتى داز هادشي .. طول الطريق و عينو عليها من لمرايا كيشوف فإنعكاسها مرخية و ناعسة
كان غادي لقصر شوية قلب لوجهة لدار لي عندو .. خاص حتى تفيق من هادشي لي مدوخها عاد ارجعها لدارهم .. موقف حتى لعند الدار لي عندو حدا لبحر .. نزل كيترعد حل عليها لباب و هزها داخل بيها لدارو كيسوط و عقلو غا مع ديك اللحظة لي كان اينعس معاها الدري و هي كااو
قصد الصالون حطها عايفها و رجع خطوة باللور كيشوف فيها بإشمزاز ناوي غا تحل عينيها ايتفرگع عليها و اقلب الصفحة بحاليلا عمرها دخلت لعقلو
عيا واقف كيشوف فيها فالأخير مشا لكوزينة كيوجد ليها فقهوة قاصحة تفيقها .. ماشي بزاف حتى كانت واجدة عاد رجع لعندها كيضرب على حنكها مرة بعنف مرة بشوية باش تحل عينيها .. كيحس براسو شاد ايدو غا بزز باش ميمرمقهاش معاها .. حتى بانت ليه كترمش بتتاقل عاد گعدها كيشرب فيها و اسب شوية بانت ليه باغا تستفرغ زفر و هزها طير لحمام مخليها محنية على لشاس كتستفرغ و تكحب و كلها كترعد
بدرالدين واقف عليها : اخر أيامك وليتي قح** برافو اتغرييد مزيان
و خرج كيسوط معصب على الآخر حتى كتبان ليه خارجة كتجر فرجليها شادة كرشها و كتبكي
و سكتات كتبكي حتى زفر و هزها مرجعها فوق لكنباي عاد وقف عليها كينهج و ايدو مجموعة على شكل قبضة : حتى لهااد الدرجة مبقااتش كتهمككك تيقة واليديك لي دايرينها فيك ؟؟؟ حتى لهاد الدرجة ! هما عاطينك حريتك و مخلينك على راحتك بااش فالأخير تولي بحال لمسخات لي كنلقا فالزنقة
تغريد كتسمع لهدرة بزاف و لغوات و ممفرزا والو حتى غفات مغمضة عينيها من جديد و مخلياه كيكشكش حداها حتى عيا عاد سكت مربوط مقادر ادير والو
دازو ساعات ..
دوزات اغلب النهار فبيتها سادة عليها مبغات تشوف حتى واحد حتى سمعات الدقان فالباب : ثلوج نزلي ديري كسكروط
عضات على شفايفها فاش سمعات صوت مها. . داك الساعة جمعات لوقفة حشمانة تشوف فيهم تنهدات شحال عاد لبسات فرجلها و هبطات لعندهم غا شافوها ولادها جاو كيتجاراو لعندها كيعنقو و اعاودو
زياد : مامي فين كنتي توحسنااك
يزيد : توحستك اماميي
باستهم كتعنق فيهم مع ابتسامة شاحبة : شديتو لعطلة ؟ مبروك هه
زياد : جدي قال انمسيو لقرية
هزات ثلوج حاجبها عاد شدات فيهم حتى لعند الطبلة كتشوف فواليديها قالبين وجهم و غا سناء لي كتدور فعينيها
ثلوج : السلام عليكم
لحاج بعصبية : شنو كنتي كديري مع داك ل...
سكت كينعل الشيطان عاد رجع نطق : شفتك فاش هبطتي من طموبيلتو
حفصة تنهدات : ششش متهدرش قدام لولاد
سكت لحاج مكشكش و نافر مكرهش اتفرگع و معندو جهد : جلسيي اتبقااي واقفة
جلسات حداهم مهبطة راسها حتى سمعات باها نطق بجدية : غدا انمشيو لقرية .. لعطلة كاملة ديال الدراري ندوزوها تماك
ثلوج بإستغراب : و خدمتي ؟
لحاج بعصبية : خدمتك كون كنتي مركزة فيها مغاديش تمشي مع داك ولد لحرام .. واش نسيتي شنو داز عليه و السهير لي سهرنا معاك فالسبيطارات و لعداب لي دوزنا معاك كل ليلة سخفانة ليناا
نغزاتو حفصة كتويل : دراري اويليي
زياد عقد حواجبو : علامن كتهدر اجدي
لحاج : والو اولدي كول باش نمشيو و نوريك لعودان لي عندي و نركبك عليهم يلله كول
ثلوج مهبطة راسها حابسة لبكية خلات داكشي فخاطرها منطقات بوالو حتى يبرد باها عاد تشوف شنو تدير فخدمتها ولا تاخد كونجي هادشي فاش بدات كتفكر
طال السكات بيناتهم حتى سالاو لماكلة عاد جمعات لوقفة كتهز لماعن هي و مها نيشان لكوزينة بلاما تنطق بشي حرف
حفصة شافتها خارجة من لكوزينة : اجي لهنا
تلافتت لعندها : نعام
حفصة معصبة : يكما ناوية تسمحي ليه ؟
ثلوج بنفاد صبر : رانيي بعقلي اماما و كنفكر و انا عاارفة شنو دوزت و داز عليا متحتاجيش تهدري معايا بهاد الطريقة .. كنفرز لي صحيح ولي غاالط و لبارح هدر معايا غا على ولادو معنديش لحق نحرم يزيد و زياد منو .. قبل منتصرف بأنانية خاص نفكر لمصلحة ولادي
قاطعها لحاج بعجاجتو : من لبارح ليوم فالصباح و نتوما كتهدرو غا على ولادكم !! فشكل هادشي سبحان الله أول مرة كنسمع بييه .. شوفي نقولييك إلا فعلا خليتيه كلا ليك عقلك ما أنا بااك مانتي بنتيي يا سخط يا رضا ختاري
لحاج بسخرية : بايتة معاه و ظلمناها ؟؟ كنتمنى داكشي لي فراسي ميكونش أما نقتلها هي و يااه غا صبري عليا
يله بغات تطلع فالدروج سمعات الصونيط فالباب مسحات دموعها بسرعة و مشات لعندو حلاتو كتشوف فالعساس : وي عمي
لعساس : واحد الشيفور ابنتي قالك جا يدي الدراري
ثلوج هزات راسها باه : واخة تسناا
و تلافتت كتعيط لولادها : زياااد يزييد اجييو اماما
خرجو من الصالون نيشان لعندها كيتجاراو : وي ماميي
تحنات لعندهم كتبوس فيهم و تعاود : من ديما كتقولو ليا كون كان بابانا معانا كون ديما نخرجو معاه و ندورو ياك ؟
هزو راسهم بحماس عاجبهم لحال : ااااه اااه
ثلوج تنهدات : ايعجبكم لحال تشوفوه و تلعبو معاه ؟
عاودو هزو راسهم عاد نطقات : و لكن عنداكم متبقاوش تبغيوني و تنساوني نموت بلا بييكم هادشي انديرو على مصلاحتكم فقط .. حيت من حقكم مخاصش نحرمكم نتوما بعاد على هادشي
بقاو كيشوفو فيها مفاهمين والو حتى ضحكات على راسها : والو نسااو .. تسنااو نجيب ليكم تجاكيطاتكم اوكي ؟
عاودت باستهم بحنان عاد طلعات جابت ليهم أغراضهم و لبساتهم كتبوس فيهم و تعاود مسخياش بيهم و الأفكار الشيطانية كتدور فراسها خايفة ميبقاوش ولادها متعلقين بيها و اتعلقو بباهم .. خرجات معاهم حتى لعند الشيفور و ركباتهم كتودع و توصي فيهم و تعاود
ثلوج : مديروش لبسالة و ستمتعو مزيان اوكي ؟
هزو راسهم فرحانين
زياد : يلله معانا اماما
ثلوج : لا احبيبي مرة أخرى اوكي غا سيرو نتوما و خودو راحتكم غا متنساونيش
و دعاتهم بزز و عينيها مغرغرين خايفة تخسرهم عاد رجعات دخلات لداخل لقات باها واقف مستغرب تنفسات كتسوط : غادي يسجلهم على سميتو .. هادشي على قبل لولاد ماشي عليا
لحاج بميوعة : ميستاهلهمش
بقات ساكتة لي فيها يكفيها مقداش تبقا تناقش .. لي فبالها هو سعادة ولادها بعيدا على علاقتهم لي نتهات و عمرها اترجع كيف راسمة فبالها
داز لوقت و جا الليل ..
غادة جاية فبلاصتها مقابلة مع لباب كتخلع غا بوحدها و خايفة اكون دا ليها ولادها .. شوية بدات كتبكي مرعودة
لحاج جالس فالدروج كيشوف فيها : كوراه سفرهم لبرا و نتي بقاي تبكيي
حفصة غادي تاكل جنابها : وااش لبنت مخلوعة و نتا مقابل معاها بحال لعگوزة ؟؟ نوض ستغفر مولاك نووض
لحاج بميوعة دور وجهو كيسوط : قلت ليك داك ولد لحرام متيقيش بيه ولكن مكتسمعيش مني
لحاج خرج عينيه : كنبح ؟؟ انا كنبح ! وليت كلب .. صافي غا تلاقاك و عمر ليك راسك و ليتي دوري فواليديك و تقولي كلب
شدات ثلوج راسها كترجف غادي اطرطقو فيها شي عرق شوية و تطيح ليهم تماك جاب الله سمعات الصونيط فالباب مشات بجرية حلاتو كتشوف فيهم واقفين محملين بالكادوات .. تحنات لعندهم كتعنق و تبوس ملهوفة و فرحانة بالسيف باش طلقات منهم و دخلاتهم كتفرنس و عينيها مغرغرين
يزيد : ماما ماما .. عرفتي قال لينا بابانا مبقاتش كنيتنا ناجي
لحاج هز حاجبو كيسوط : و شنو قال ؟؟
زياد بتكبر : قال لينا ولات كنيتكم آل عمران
لحاج بميوعة : شلاا
حفصة جراتو : زيد زيد نتا تسوطيتي مافيهاش
ثلوج بحنان كتشوف فيهم : اجيو نطلعو لبيت اجيو .. ناري شحال توحشتكمم اوليداتي .. غادي ندوش لييكم تدويشة زوينة كيف كنت كندير ليكم فاش كنتو صغيورين هههه
زياد : قال لينا بابا ايدينا لبيسين اماما
ثلوج عقدات حواجبها : لا انمشيو لقرية مكاين لا بيسين لا والو
زياد و يزيد : ولكن حنا باغين نمسيو لبيسين
ثلوج شداتها لبكية : شنو ايولي هو لي عزيز عليكم ولا شنو ؟؟ صافي نسيتو ماماكم بهاد السهولة
زياد وسع عينيه : هااا .. نو مامي نووو نتي مامانا مغاديس نسااوك و لكن عزيز علينا بابانا
يزيد هبط راسو بإحباط : واس هو ديما اتبقا عندو لخدمة اماما
شدات فيهم طلعاتهم لبيتهم عاد حيدات ليهم حوايجهم خلاتهم غا بالكالسو و هما كينقزو عاجبهم لحال .. بتاسمات كتحط ليهم لحوايج لي ايلبسو بعدما تدوش ليهم حتى قادتهم عاد هزات راسها لعندهم بعفوية شوية عقدات حواجبها كتشوف فداكشي
جمعات لوقفة كترجف : باغي اخرج على ولادي ايعلمهم لمسخ
داك الساعة قصدات تيليفونها كتقلب على النمرة لي كانت كتصوني ليها شحال هادي و ممقيداهاش فالكونطاك .. دخلات ليه كتصوني متأكدة غيكون غا هو .. بقا شحال كيصوني حتى جاوب بهدوء و تبات : وي شكون معايا
هزات حاجبها شوية تفرگعات : اخوووياااا انااا درت فيييك التيقة و عطييتك الدراري باااش منكونش اناانية و كنفكر لمصلاحتهم أما نتا متستاهلش و لكن باش اخويااا اجيو عندك الشيخات اسلمو عليك و اطليو ولادي عكككر هااديي منقبلهاااش و عمري نقبلها ... باغيي الزهو زها بعييد على ولادي كتفهممم ؟؟؟
حبك جهنم ثلوج الجزء 17
محتوى القصة
عيا كيشوف فالأخير ركب سكوترو و تبعها مرفوع و معارفش علاش
شدى كتسوگ غا هزات عينيها بان ليها تابعها زفرات و قلبات الدورة جنب الطريق عاد وقفات كتنهج .. شوية حسات بالدقان على لباب تلافتت مهبطة الزاج بعصبية : ياك لبااس ؟؟؟ شنو باغيي منيي !!
رياض : خرجيي نهدروو
شدى : لا معندنا فاش نهدرو
رياض بعصبية : شوووفي ياا غتخرجي نهدرو يا اندير شي موصيبة ختاري وحدة من الجوج و فينما بغات توصل توصل
شدى بجنون هبطات من الطموبيل : فااش انهدرو ؟؟ شنو باغي تقول هاا !!
رياض كيمسح على راسو : اشمن كدوب قلتي ؟؟ شنو بغيتي تقصدي !
شدى : شوف انا هادشي نسياه و مبغاش نهدر فييه .. سوو بلييز عطيني شبر دالتيقار الله اخليك
يله بغات تركب حسات بيه زدحها بالجهد مع صدرو حتى تأوهات بصوت مسموع : شنو باغي .. راك كتجاوز حدودك معايا
رياض عاض على سنانو : قوليلي اشمن كدوب بلاما نصعر اشدى
شدى بسخرية : قلتي ليا مبيناتكم والو ياك .. علاش كدبتي اصلا مكاين حتى عذر باش تكدب .. مكيهمنيش تكون بيناتكم شي حاجة ولا لا باش تألف قصة مكيناش
رياض هز حاجبو : شكاتخربقيي
شدى : داك النهار دقيت فالباب حلات عليا نفس لبنت لي كانت معاك فوق السكوتر .. و فاش سداتو قالت ليك حبيبي انوجد لفطور .. هادشي كيعني حاجة وحدة هو نتوما على علاقة .. عرفتيي طلق مني باغا نمشي نتا حر فحياتك دير لي بغيتي .. غا كنخربق نسا دير مسمعتي والو و دابا طلق حيت راك ناسي راسك معامن متخلينيش نتعامل معاك بوجهي لخايب
قاطعها رياض بقبلة حارة على شفايفها حتى وسعات عينيها مرفوعة مجات فين تقبل الصدمة حتى حسات بيه زدحها على الطموبيل كيعصر فيها بعصبية و شوق و حنين .. عيات التنتر و لكن قوة منها مطلق شفايفها حتى حسات بالنفس تقطعات فيها عاد بعد كينهج و هي كتر منو
رياض مسح على راسو : و علاااش مجيتيش عندي انا نفهمككك ؟؟؟ علااش من رااسك مشيتي
شدى بعصبية : شكوون عطااك لحق تبوسني ؟؟؟
رياض كينهج : شدى داك ختنا ما بيني و بينها والو .. حق الرب و أصلا هاد لجملة ديال حبيبي و لا لخراا مسمعتهااش
شدى بصوت غيور : و شنوو كاانت كديير عندك فداارك ؟؟؟
رياض تنهد : فراسك انا هاد النهار بالضبط معاقلش عليه بالمرة .. و لكن لي عارف هو أنه اتكون شي حاجة مهمة لي خليتها تكون عندي فالدار .. معقلتش شنو كان و لكن برب اشدى مبيني و بينها شي حاجة
شدى بميوعة : و باش انتيق دابا
رياض : راه حلفت ليك بلاما تصعريني دابا كين شي حاجة كتر من لحلوف
شدى : صافي ساليتي دابا ؟
خرج عينيه فيها : من نيتك اشدى
شدى تنهدات : مفيا ميهدر دابا .. نخليك
زربات عليه و ركبات طموبيلتها مجا فين استوعب حتى لقاها طارت من قدامو مخليا لعجاج موراها .. بقا غا كيشوف و ايدو على راسو كيمسح عليه و اسوط
داز النهار و جا الليل ..
جالسة ساهية كتشرب فكاس دلويزة اهدن أعصابها حتى كتسمع صوتو تلافتت بعفوية : بابا
لحاج حط قدامها تيليفون جديد : هاهو باش تخدمي .. نتي هرسي و انا نشري
شافت فيه ثلوج كتضحك : الله اسمح ليا منك
دازو يوماين ..
كسيرات بوليداتها لمدراسة بعدما كانت فداك الدوامة لي غارقة فيها .. حطاتهم قدامها و بقات معاهم حتى دخلو عاد رجعات بخطواتها لطموبيل .. غا هزات عينيها قشعاتو واقف كيمسح على راسو تنهدات و مشات لعندو : عصام
عصام : اش خبارك .. بغيت نسول عليك و ملقيت باش حتى ليوم بقيت عاس عليك تجيبي التوينز لليكول .. سمحي ليا ولكن مكانش عندي حل آخر
ثلوج تنهدات : عصام خاصني لوقت نفكر حاليا أفكاري مشوشة
عصام وسع عينيه : ياك قلتي قابلة !
ثلوج : اش بان ليك نمشيو لشي كافي نهدرو على راحتنا
هز راسو باه : فكرة زوينة .. نمشيو فطموبيلتك ولا ديالي
ثلوج : بحال بحال
ركبات طموبيلتها عاد ركب و كسيرات نيشان لكافي قريبة لليكول
فالجيهة لخرى ..
يله داخل بخطواتو لمستشفى لعند ياقوت اتطمأن على حالتها حتى كيجيه اتصال جاوب فالحين عاقد حواجبو و هو كيسمع ليه فالأخير نطق بهدوء : تضبر راسها تشوف شكون بغات .. آخر مرة تجيبلي معلوماتها
و قطع عليه كيسوط عاد رجع التليفون لجيبو و كمل طريقو عادي .. وصل لعند لباب بغا يحلو حتى كيزفر محسش على راسو فاش خرج لقبضة لي كان مزير عليها فالحيط لي قدامو حتى مشا و جا فبلاصتو .. بملامح جهنمية قلب الدورة خارج من لمستشفى لبرة كينهج .. و عقلو مرفوع فكرة أنها جالسة هي و عصام على نفس الطبلة كتهيجو و كتخليه اخرج على طوعو
ثلوج كترشف من لعصير لي خدات : عصام إلا قبلتي بالشروط ديالي انا موافقة نبداو حياة جديدة
عصام حط فنجان لقهوة لي هاز : تفضلي كنسمع ليك
ثلوج : متبززش عليا شي حاجة مباغاهاش و متفرضش عليا الآوامر تحت مصطلح الزواج .. هانتا كتشوفني كيف أنا بغيتك تقبل عليا كيفما دابا متقلبش من بعد
بتاسم عصام.. شوية بدا كيضحك عاد سكت و هدر بتبات : راه داكشي علاش نتي كتجيني فشكل فيك شي حاجة معند حتى وحدة .. ديما كنصادف الزين فحياتي و لكن لجادبية لي فيك غير
ثلوج بتاسمات : شكرا لرفع لمعنويات هه
عصام : كنقول لحقيقة و بالنسبة لشروط انا قابل كنتسنا غا لموافقة ديالك باش نجيب واليديا .. حيت الطيارة ديالهم من بعد يومين
ثلوج بتحدي : صافي جيبهم باش نتعرف عليهم
عصام وسع عينيه : يعني قابلة ؟
هزات راسها باه كتنهد و خايفة تكون ظلمات راسها : فرصة جديدة و حياة جديدة بغيت نجربها
عصام : كنواعدك مغاديش تندمي
بتاسمات إبتسامة بشوشة : كنتمنى
عصام شاف فساعتو ليدوية : ثلوج تابعني شي شغال على لخدمة
ثلوج : حنا انتزوجو و مزال معرفاش خدمتك
عصام : مممم اش بان ليك نهار التعارف نخصصو لينا لوقت و نجلسو مع بعضياتنا ؟
ثلوج : اوكاي .. انشالله
عصام تبسم و جمع لوقفة ودعها بلطافة مباغيش ازعم عليها حتى تصدق نافرة منو و هو حاس بيها تالفة و تقدر ترفض فأي لحظة
ثلوج بقات متبعة ليه لعين حتى غبر على نضرها عاد تنهدات و رجعات كتشوف فكاس دلعصير .. يله بغات تهز تشربو حسات بخبطة تلاتية الأبعاد على الطبلة و لكاس تزلع فالأرض مدفق قدام عينيها .. تخلعات كترعد عاد شافت لعند لخيال لي فوق راسها حتى كتجي عينيها فعينيه مخنزر و عاقدهم على الآخر شوية و اطرطق فيه شي عرق
جمعات لوقفة داك الساعة مخرجة عينيها فيه و كتدور فراسها على الناس لي كيشوفو فيهم : شهاادشيي ؟؟؟
خنزرات فيه مزادتش معاه دقيقة من غير أنها هزات ساكها و خرجات بخطوات سريعة معصبة و لقرودة كيلعبو فوق راسها .. يله بغات تركب حسات بيه نترها من دراعها بعصبية : علااااش كنتيي جااالسة معااه
تنترات منو بحقد .. بسرعة هزات ايدها و نزلات عليه بتصرفيقة كتجنن و كلها كترعد : سوووووقككككك
أمجاد شدها من دراعها مزير عليه : شنو كتحاولي ديري هااا ؟؟؟
ثلوج كتنهج دفعاتو غادي تحماق باغي اسطيها : شكوون نتا ؟؟ علااااش مباغيش تعطيني التيقار .. سير عند مراااتك و ولدو بب آخر شكاتسناا .. عطيني شبر دالتيسااااع بلاما نخليك تندم لحد الآن و انا ساكتة ليك .. حتى تعماو عينيك .. من ليوم قلب عليا مكتعرفني مكنعرفك .. من بعد يومين انتخطب مبغيتش تجبد ليا الصداع مع راجلي
طول فيها الشوفة مخنزر شوية ضحك بسخرية : شكون كدب عليك و قاليك اتزوجي
عاودت صرفقاتو بجنون : وااحد بحالك ميستاهلش نخسر عليه هدرتي
أمجاد شدها بالسيف عليها زدحها مع صدرو لعريض حتى أنفاسهم تخالطات مع بعضياتها .. تبسم بمكر و هبط لعندها مطول الشوفة حاس بيها كترجف و كلها كترعد .. تنهد بعمق عاد نطق : نتي معرفاش شنو ممكن ندير مبقا عندي منخسر .. جربي تزوجي و شوفي شغاندير
ثلوج موسعة عينيها فعينيه كيفاش كيهدر هاكة و شكون هو باش كيهدر بهاد التسلط .. كرهات حياتها و شنو عايشة بسبابو
أمجاد بتحدي : يلله سيري دابا لدارك متلافتي لا هنا لا هنا .. انشوف واش اتحدايني و تفكري مزيان إلا تزوجتي اجي دفلي عليا .. تقدر تمشي دابا
ثلوج رجعات خطوة باللور موسعة عينيها و مصدومة .. عقلها مبقاش كيفهم بغات تفسير لهاد لحماق ديالو ملقات ليه حتى جواب .. طلعات و هبطات فيه بإشمئزاز عاد ركبات طموبيلتها و زادت كتضحك بسخرية عارفة راسها متحتاجش تضيع وقتها و تخسر طاقتها فالهدرة معاه كيف كيقولو مخاصش دير راسك فحمق و مقطع لوراق
تنهدات مركزة مع الطريق : من نيتو سحابلو انخاف منو .. انورييك ثلوج الناجي علاش قادة اسي آل عمران كيبانلي نسيتي راسك معامن .. شماتة و ايبقا حياتو كلها شماتة
وصلات لفيلة بحماس عاد عجباتها فكرة دالزواج و تشبتات بيها كتر .. قررات متبقاش تحمق راسها و تخلي قلبها كيتقطع و بعد لمرات كتوصل بيها لإيدها لي كتعواج بالأعصاب .. هادشي كامل قررات تعالجو بهدوءها و بإدخال لفرحة لحياتها .. أول حاجة دارتها من مخططاتها هي أنه قنعات واليديها بزواجها من عصام واخة مكيعرفوهش مزيان و لكن فرحو على الأقل بنتهم اتولي مستقلة و تعيش حياتها حتى هي .. مبقاو باغين والو من دنيا غا يشوفو ضحكتها و يحميوها من الشخص لي دمر حياتها .. هاكة كيفكرو مع بعضياتهم
داز لوقت فالتوجاد بمساعدة سناء لي راسمة الإبتسامة لمصطنعة على محياها و معندها متقول أصلا ميمكنش تجبر شي واحد اتزوج بيها إلا كان هو أصلا محسبهاش كاينة فهاد الدنيا .. خصصات هاد ليومين غا فالتوجاد ناسية راسها بيمن اتزوج ولا شنو كاين لي عارفة هو مستعدة تخطي خطوة لقدام .. حياة زوينة و بداية زوينة مافيها لا ماضيها مع أمجاد ولا حاضرها .. فيها فقط مستقبلها لي كيبان ليها مشرق فاش كتسهى فيه
دازو هاد ليومين بسرعة خيالية محساتش بيهم خصوصا أنها عمرات وقتها باش تنسا جرحها لي كتحاول تعالج فيه شوية بشوية ..
هبطات لتحت لقات سناء لابسة و واجدة تمشي لخدمتها : سناء ياك تافقنا تبقاي معايا ليوم
سناء بلعات ريقها : انحاول نرجع بكري .. إلا مرجعتش ماشي مشكيل نعوضها معاك مرة أخرى
ثلوج بتشكيك حاسة ببنت عمها ماشي هي هاديك : سناء ممخبية عليا والو ياك ؟
سناء بتوتر : لا والو .. انحاول نرجع بكري كوني هانية
بتاسمات ليها عاد خرجات تحت نضرها خلاتها تالفة خايفة تكون ضلمات بنت عمها و داك الشاب لي كتعاود ليها عليه مؤخرا غا كدوب و ممنو والو
تنهدات فاش بقات كتفكر عاد مشات لعند مها لي طايرة من لفرحة كتوجد و تعاود مقادها والو
ثلوج : غا بالشوية عليك اماما راه جايين غا يشوفوني مزال لوقت دلخطبة
حفصة فرحانة : سيري فركي راسك و ضربيها بشي تدويشة ديال لغدايد و تهلاي فراسك يله سيري من قدامي
ثلوج بتاسمات فاش شافت لفرحة فعينين مها : هاني مشيت
دازو ساعات ..
لتحت لحاج و حفصة واقفين عند لباب كيستقبلو واليدين عصام بفرحة كبيرة .. دخلوهم بالإبتسامة و التاويل حتى لصالون عاد جلسو مجموعين دايرين الصواب و عصام عينيه كيدورو باغي اشوفها
حفصة فرحانة بنسابها الجداد و لي زاد عجبها هو تواضع واليدين عصام و الأدب فكلامهم و رزانتهم مبيناش فيهم كانو عايشين فأمريكا لي شافهم كيقول متواضعين و ناس محبوبين ... بقاو جالسين معاهم حتى دخلو لخدم كيقدمو الضيافة و قايمين بالواجب على أكمل وجه .. جابهم لحاج باش ميتحنسروش فهاد لمناسبة و هما بالفرحات عليهم اشوفو بنتهم فرحانة و عايشة بيخير
الأم بابتسامة : بغينا نشوفو عروستنا إلا كتاب .. قالينا ولدنا مشالله كتحمق و حنى بالفرحات علينا ادير دارو و استاقر حتى هو
حفصة جمعات لوقفة : انمشي نشوفها .. مغاديش نتعطل
خرجات من الصالون كتويل حتى لعندها عاد بدات كتدق فالباب : ثلوج خرجي الناس جاو و بغاو اشوفوك .. تعطلتي ابنتي
ثلوج مقابلة مع لمرايا كتشوف فاللبيسة كيف جاتها : هاني جاية اماما مغاديش نتعطل
حفصة : هاني مشيت متعطليش
ثلوج هزات راسها باه بحاليلا كتشوفها عاد رجعات ركزات مع لمرايا كتقاد مكياجها و شعرها لي طوال مسرحاه على راحتو مغطي ضهرها كامل .. مجرد معلات عينيها بعدما كانت كتقاد الإسوارة على ايدها .. بلعات ريقها مصدومة و فحالة دهشة .. زادت خرجات عينيها ملي حسات بيه جاي كيقرب لعندها و على ملامحو إبتسامة ماكرة .. مجات فين تستوعب لموقف حتى طاحت مغمى عليها بين ايديه فاش دوخها بالكلينيكس لي حط على نيفها
لتحت ..
رجعات جلسات حداهم حفصة كتدور فعينيها ملقات حتى كلمة تقولها من غير : كولو مرحبا بيكم نورتونا
الأم فرحانة : لهلا يخطيك .. انا شبعانة باغا غا نشوف شكون هادي لي سرقات قلب ولدي .. أمنيتي نشوفو داير دارو و مستاقر .. فاش سمعناه ناوي اتزوج متخايليش على فرحة فرحنا
وسكتات كتشوف فولدها مفتاخرة بيه
بتاسم ليها عصام فرحان حيت واليديه فرحانين بييه .. شوية بشوية بدا كيعراق فاش مبانش ليه حس ثلوج .. ولا كيتبسم غا بزز و حفصة كتر منو كتويل فخاطرها
لحاج : نوضي شوفي بنتك
حفصة بتوتر جمعات لوقفة عوتاني : أحم اتكون فالكوزينة كتهز الضيافة انمشي نجيبها
تبسمات ليهم و خرجات تحت أنضار عصام لي بدا كيدخلو لوسواس .. شوية جمع لوقفة حتى هو و خرج داير السبة بالحمام .. غا قرب لدروج بانت ليه حفصة هابطة و وجها مخطوف منو اللون
عصام هز حاجبو : مكيناش ؟
حفصة حطات ايديها على راسها : معرفتش مكاينش حسها فالقصر .. معرفتش فين اتكون مشات
فهاد الأثناء جاه ميساج فتيليفونو جبدو و دخل كيقرا فيه
🗨️" آخر مرة تحاول تحط ايدك على شي حاجة ماشي ديالك .. متخلينيش نسا معرفتك الز*** ثلوج ديالي فرقها عليك حسن منتسيف و راك عارفني "
تنهد كيقرا و اعاود حتى سمع شي صوت كيقرب لعندهم تلافت بعفوية : مالكم واقفين هنا
حفصة : ثلوج معرت فين مشات
سناء هزات حاجبها : مايمكنش اتكون غا فالحمام امكن
عصام تنهد عاد شاف فيها جرها غادي بيها لصالون : اجي متلي معايا دابا مخطوبين
سناء بلعات ريقها : كك ... كيفاش !!؟
فالجيهة لخرة ..
مكسيري على حد السرعة و عينو عليها من لمرايا . .. طول الشوفة مزيان عاد نطق : من نيتك باغا تزوجي
جرها موراه نيشان لصالون و هي تبعاه مفاهمة والو .. متسوقش لصاكها لي هازة على كتفها و لا لشعرها لي تشعكك بسباب لبرد لي على برى .. خصوصا كانت مبوكلياه و مع لبرد زاد وقف و تنفخ
سناء : فين غادي بيا .. هييه راه كنهدر معاك
موقف بيها عصام حتى لقدام واليديه عاد حيد ليها الساك لاحو على لكنباي و رجع شاف فيهم : هاهيا مرات ولدكم
سناء بلعات ريقها . حسات بودنيها صماكو و مبقاتش كتسمع مزيان : كتضحك ياك
عصام بهمس : ششش متشوهينااش
جمعات الأم لوقفة فرحانة و مقاداها فرحة .. قصدات سناء نيشان هاد الأخيرة لي طاح عليها السر و لحشمة معرفاتها منين نزلات عليها
الأم : مشالله شحال زوينة .. كتعرف تختار اولديي
عصام كيسوط و الضحكة الصفرة على وجهو : كيف جاتك
الأم : كتحمق .. انا رتاحيت ليها .. اجي ابنتي تجلسي
سناء علات عينيها فعصام و رجعات شافت فمو لي جراتها معاها و جلساتها حداها بينها و بين راجلها غادي اياكلوها بعينيهم
عصام مسح على راسو ... شاف حتى عيا عاد مشا جلس كيتنهد كان فخطبة دبصح صدق فخطبة بلعاني .. محاملش راسو و لكن معندوش حل آخر خصوصاً شاف لفرحة فعينين واليديه مبغاش اخسر ليهم خاطرهم
فهاد الأثناء دخلات حفصة بإبتسامة كتدور فعينيها و تشوف فالحاج لي مصمر بحال شي ديكور مفاهم والو .. تنهدات كتغمز فيه عاد مشات جلسات حداه كتويل فخاطرها
لحاج بخفوت : ياك قلتي جايين اشوفو ثلوج ! و دابا سناء واش مبقيتوش كتفهمو و تطيحو فالباطل
حفصة تنهدات : راه فعلا كانو جايين اشوفو بنتنا ساعة لآلة ثلوج قلبت عليها فالفيلة مكاينش حسها بالمرة .. معرفتش فين زادت و فديك اللحظة جات سناء و لولد مبغاش اتحشم مع واليديه امكن ايخطب سناء .. فيها خير لي شاطني هو بنتك فين زادت
لحاج خرج عينيه : ميكونوش لولاد وقعات ليهم شي حاجة فليكول ؟
حفصة تخطف منها اللون : زعما ؟ بغيتي تقول سمعت شي حاجة ماشي حتى لهيه و مشات ؟
لحاج : معرفتش .. حتى يسالي هادشي و نقلبو فين غبرات ملي مباغاش تزوج لاش مخلياه اجيب واليديه تأ.. ففف
الأب : لبنت عجباتنا اسي لحاج .. و هي لي تليق لولدنا بنت حشومية و زوينة
عصام بسخرية كيسوط : حشومية !
الأب : قلتي شي حاجة اولدي ؟
عصام تنهد : لا والو الواليد
سناء كانت حادرة راسها حشمانة زعما غا سمعاتو هزات عينيها فعينيه كتخنزر شوية قلبوها كيهدرو بعينيهم هي كتستافز فيه و هو كيترجاها تسكت غا بينما مشاو
الأم خاطبت حفصة : بنتك تبركالله باينة فيها مربية مزيان
حفصة بمجاملة : سناء وحدة من بناتي حتى هي .. معزتها معزت حنان و ثلوج و غادي نبغي ليها غا لخير
الأم باستغراب : ماشي بنتك ؟
حفصة : انا مرات عمها و لحاج عمها .. واليديها حاليا مكينينش هنا .. بما أنكم جيتو مبغيناش نخسرو ليكم و قلنا نقومو بالواجب فبلاصة واليديها
الأب : اهاه مافيها عيب .. تبركالله عليكم اسي لحاج هادشي كيدل على حب لعائلة و التضامن ديالها
حول نضرو لسناء : شنو كتقراي ابنتي ؟
سناء بإرتباك : أحم التمريض .. و حاليا يله بديت لخدمة فواحد لوبيطال
عصام ضحك : غا غلطو فاش عطاوك داك الشهادة
عاق على راسو كيشوفو فيه و هو يتبسم ليهم : تبركالله كتعرف تضرب لبرة .. ياك اسناء
سناء بميوعة : مشفتي والو
الأم : بما أنكم فمرتبة واليديها اش بان ليكم نحددو موعد لخطبة ؟
لحاج بجدية : نهدر مع باها فالموضوع و راه سناء اتعلم ولدكم بالنهار لي اتدار فيه خطبتهم
عصام كيمسح على راسو : حتى هادا نضر
كملو كلامهم فجو زوين و واليدين عصام فرحانين و كلا شوية اشوفو فسناء لي كتبادل نضرات جهنمية مع عصام .. كلاما يشوف فيها تقلب عينيها بميوعة كتفشش عليه
داز لوقت ..
جمعو لوقفة كيتسالمو بعدما شبعوهم ضيافة داكشي بالتاويل و الصواب .. كلشي كان على حقو و كبرو بيهم على أكمل وجه
عصام ودع لحاج و حفصة بتبات عاد خرج مع واليديه حتى لبرة : غا ركبو الطموبيل ... انهدر مع سناء و نرجع
الأم و الأب شافو فبعضياتهم كيضحكو عاد نفدو شقال ليهم
عصام ساط من مناخرو و قلب الدورة يله ايدخل لفيلة قشعها واقفة كتطلع و تهبط فيه و ايديها على خصرها بحاليلا باغا تضارب
سناء : فاش توصل فهم واليديك هادشي ممنو والو
عصام مخنزر مراضيش كيهدر و هو عاقدهم : اش بان ليك فتفاق ؟
سناء بميوعة : لا مبقيتش باغا ندير معاك شي تفاق .. أصلا أنا انتخطب ديال بصح من الشخص لي كيستاهلني .. نتا سير متل مع شي وحدة اخرى
عصام مسح على راسو : شوفي اسناء .. صبري معايا هاد الأيام نهدر مع الدار و داك الساعة تخطبي لهادا لي باغا
سناء بلعات ريقها حابسة لبكية : اوكي بقيتي فيا
شافت فيه بميوعة عاد دخلات لفيلة سادة لباب فوجهو
فالجيهة لخرى ..
وقف قدام وحدة من لعمارات لي كاينة فداك الإقامة .. باينة التجزئة جديدة و عاد الناس كتسكن من جديد .. حل لباب دالطموبيل عاد دار للور حل عليها لباب و هزها بين ايديه عاد رجع سدو و دخل مع لباب لتحتاني دلعمارة
لكونسياج غا شافو جمع لوقفة : سي آل عمران .. لبرطمة رآه نقية مولات لميناج دارت خدمتها كون هاني
أمجاد هز راسو باه : مزيان .. حلاوتك اتجيك
تبسم لكونسياج فرحان .. شكون بحالو اتعامل مع واحد فلوسو غا كتشتت من هنا و هنا
طلع بيها فالمصعد لطابق لي فيه لبرطمة .. ماشي بزاف حتى حل لباب عاد سدو برجلو و تقدم بخطواتو نيشان لكنباي لي مقابل معاه حطها كيسوط و لعروق فجبينو كتوضاح شوية بشوية .. طول فيها الشوفة كيغزز فسنانو عاد دخل لبيت كيقلب على شي حاجة تلبسها .. حيت لبقا كيشوف فيها بهاد اللبسة لي كانت ناوية تجمع بيها مع عصام و واليديه كيجيب ليه الله ايشد شي وقيضة ازفها عليها حتى تشوط هي و ياها
دازو ساعات ..
كمشات عينيها بإنزعاج من الصداع لي نايض فراسها .. شوية بشوية بدات كتحل فعينيها و الضبابة مقابلة معاها حتى وضاحت ليها الصورة .. كيبان ليها طلاء لحيط بالأبيض و لمرايا كبيرة مقابلة معاها .. منقوشة من الجناب بالحجر كيبري .. وسعات عينيها متفاجأة
جلسات كتدور فعينيها مخلوعة : فين انا ؟ هادا ماشي بيتي .. اويليي فين أنا
كمشات عينيها من الصداع لي كيراودها شوية بشوية بدات كتستعقل و عينيها كيوساعو مصدومة .. محساتش على راسها امتى جمعات لوقفة كترعد و شعرها كتقرع فيه بكترت لمسيح .. بقات هاكاك كتدور فعينيها على لبيت و وجها كيصفار و إخضار حتى كتجي عينيها على لمرايا .. رجعات خطوة باللور كتشوف فلباسها .. عريانة بدون ملابس داخلية من غير قاميجتو لي كبيرة عليها هي لي فوق لحمها و الصدافي ممعقودينش مزيان .. و شعرها مخبل بحاليلا كانت فحرب و حس لميكاب مكيدورش فوجها .. هبطات عينيها كتطلع و تهبط فيها فحالة من الدهول حتى كتعقدهم معصبة و لعافية شاعلة فيها اتطج ..
داك الساعة خرجات من لبيت كترعد : فييينك البشااار .. شكووون عطااك لحق تخرجني من داري المجرم الله اعطيك لهرس فدااك ليدين ياربيي
تجننات كتدور فعينيها على لبرطمة مكينش حس شي واحد حتى كتسمع لباب تحل مشات بجرية لعندو .. كتشوفو داخل و فإيديه الساشيات واخد راحتو و مقدي
ثلوج كترجف : علااااش جبتيينييي هنااا ؟؟؟
سد لباب عاقدهم عاد مشا حط الساشيات فوق الطبلة لي بكراساها : ولادنا راه وصيت عليهم أزار اخرجهم من ليكول
ثلوج بجنون : ولاااادييي كتسسممممع ولااديي هادوووك .. بوحدي انا لي نقول لييهممم ولادييي
أمجاد هز حاجبو كيشوف فيها و لگارو فإيدو كيشعل فيه : وجدي ليا راسك .. نطفا شوية و نجي نتفاهمو
رمقها بنضرة حادة عاد قلب الدورة قاصد بيت آخر من غير لي فيه هي .. باينة باغي اكمي تماك باش متشمش الريحة
بقات غادة جاية كتسوط و جسمها كامل كيترعد مخلوعة و معرفاش شنو واقع فدارها .. كتفكر فواليديها ايكونو مخلوعين عليها و بالهم مشوش بزاف
مسحات على شعرها من جديد كترجف : شهااد لموصيبة
تلافتت لعند لباب بجنون ناوية تحلو و معندهاش الساروت .. دورات عينيها فجميع الإتجاهات ملقات والو بغات تحماق .. عرفاه ماشي مكلخ باش احبسها و احط السوارت قدامها
قفزات من سهوتها على صوتو لحرش : اجيي نتفاهموو
يله بغات تلافت لعندو لقاتو شدها من دراعها بالسيف عليها للبيت لي كانت فيه .. محبس حتى خبطها على الناموسية عاد رجع للور كيخنزر و حجبانو معقودين
ثلوج تأوهات من حر الطيحة لي طيحها بحقد علات عينيها كتشوف فيه : الله اعطيك لعذااب بغيت ليك لموت يلله
و جلسات كتبكي و تنخصص كتشوف فيه مشا جلس مقابل معاها فوق لكنباي كيسوط
أمجاد جبد تيليفونو كيشوف فيه مخنزر : أول حاجة انبدا بيها هي نحلو هاد الأنسطا عندك نشوفو شنو فييه .. تشوقت نعرف علاش لآلة ثلوج دايرة حالة
غا هز عينو بسخرية قشعها مغطية بليزار مخبية فيه لحمها لي كيبان .. قلب عينيه مع ابتسامة استهزاء : قدامي كتغطي فلحمك و قدام الزو*** كتعري ليهم ترمتك ! لعجب هادشي فشكااال عندك
عض فمو من لداخل كياكل فيه مبرد أعصابو قبل مينوض اخلطها : تبركالله تبركالله على لعراا .. علاش كتعدبي رااسك و تلبسي لحوايج كترهقي نفسك على والو
ثلوج بكره : عطيني حوايجيي لي كنت لابسة .. خاص نمشي تعطلت على ولادي
هز واحد الديكور كان حداه شير بيه عليها مخرج عينيه : فااااااش نكووون كنهدر فشييي خريةةة متنقزييش ليااا لحااجة خرااا .. كتفهميي ولا نووض نفهمككك ؟؟؟
ثلوج دورات وجها كتنخصص فصمت و فمها مكمش كتدعي فيه بعصبية : الله اعطيك الجيفة ياربي
أمجاد خنزر فيها : الله اعميها لييك
و هبط عينو كيشوف فالأنسطا ديالها لأول مرة بعد خمس سنوات ... هز حاجبو كيشوف فتشكيلة التصاور لي حاطة ها وحدة بكسيوة حد لفخاد موردة بالورد ها تصويرة بشعرها بوكلي و بدوبياس فالبحر مع ولادها
خسر سيفتو مصدوم و رجع شاف فيها : كتلبسي دوبياس قدام ولادك ؟ و قدام لعلام ياك ؟ و انا مغمضة قدامي خايفة نغتاصب مككك هناا !! .. سولتك جاوبي ؟
ثلوج بتحدي :ااااه نلبس لي بغييت دخل سوووق راااسك سير شوف مراتك اتكون حاملة بواحد اخر دابا
و دورات راسها بميوعة حتى كتحس بيه جلس حداها يله اتلافت لعندو عطاها لفم مدلقمها بعصبية كيسوط
أمجاد : هادي ديال دوبياس قدام الزوا*** و قدام ولادك
خلاها ملاهية مع فمها كتبكي بجنون و هو كيكمل فالتصاور جامع ايدو غا بالسيف باش ميضربهاش .. كلما داز لشي تصويرة كيوسع عينيه ها تصويرة بلكريشة باينة و شورط قصير ها تصويرة مع التوينز فخرجة كيضحكو .. لغرق ديال التصاور و لفيديوات و داكشي غا لمستور تبركالله و كلا مرة مصورة مع أحمد ولا مراد فشي مطعم
ضحك بسخرية كيشوف فالتصويرة : حاط ايدو على شعرك ياك ؟؟؟
تلافت لعندها شدها من شعرها حتى تأوهات بصوت مسموع : شعرك طوال حتى ولاو اشدو فيه الزوا*** سوو خاص اتقطع من الجدر حشومة ابقا
جمع لوقفة تحت نضراتها مخلوعة : تسنااي هانا جايب لمقص
جمعات لوقفة بالخف كترعد : شنوو ناااوييي دييير ؟؟؟
غا تلافت لعندها جرها من دراعها بعنف زدحها مع صدرو لي كيطلع و اهبط بعصبية .. مقدرش اتحكم فراسو باغي ابرد جنونو فيها و فينما بغات توصل توصل .. جرها من ضهرها لصقها معاه بجنون و هبط لشفايفها كياكل فيهم أكل .. فتانية طيبهم من لعضان و لجر لي كيجر شفايفها و هي كتنتر بالجهد و تبكي بحقد حتى عصباتو و خرجاتو على طوعو عاد خبطها على الناموسية و جا فوقها كيقطع فالقاميجة على لحمها و عروقو بارزين
نطق بصوتو لحرش مكشكش : غا ترحميي على راسك ليوم ... كااع داكشي اتخلصييه
ثلوج كتدفع فيه بجنون بحال لحمقة مخلوعة و مرعودة و هو فوقها خاشي راسو فعنقها كيفتارس فيها بعنف و شراسة .. بالسيف باش ستجمعات قوتها و دفعاتو من فوقها كتلهت و عنقها حمر كيوزوز
أمجاد بسخرية : شنو ضريتك ؟ مشفتي والو هادي غا لبدية
ثلوج بقات مفيكسية نضرها عليه بحقد و ملامحها جامدين ممتيقاش راسها بأنها تعلقات بواحد بحال هادا .. مريض ماشي طبيعي .. داك الساعة جمعات لوقفة كترجف و ايديها كيخبيو فلحمها لي بان من تحت لقاميجة فاش بدا كيقطع ليها فيها
أمجاد هز حاجبو و جمع لوقفة كيسوط : علااااش كتعصبيني علاااش ؟؟؟؟
قطعاتو بتصرفيقة تلاتية الأبعاد مخنزرة فيه : وااااش عاااجبككك لحاااال تستقوة على بنت معندها صحةةة ؟؟؟ وااش عند باالك هادي هي الرجولة ؟؟ و شكوون نتا أصلا باااش تحاسبنيي واااش كنعرفك ؟؟واااش بيناتنا شي عققدد ؟؟
أمجاد بعصبية بقا غا كيشوف معندو ميقول حتى كيحس بيها كتضرب فصدرو بجهالة و حقد كتلهت : رجعنييي منين جبتينيي .. يللله رجعنيي و سيير عند مراااتك ديها فيهااا و عطيني تيقار انا و ولادي .. كتفهممم ؟؟؟
شد ايديها بعصبية : ثلوج هداااي بلاما نضربك
ثلوج كتبكي : يلله ضرب شكااتسناا .. هادشي فاش حادگ شي حاجة خرا لا ... حلللل لياااا لباااب باغااا نمشييي
أمجاد عاد على سنانو : لااا مغادي تمشييي حتى لشيي بلاصة ... هاااد لفكرة غاا نساايها و غدا انمشيو نتزوجو
طولات فيه الشوفة موسعة عينيها : كك كيفاش ..!! من نيتك ؟ هههه لا وااش بصح كتهدر زعما
أمجاد عاقد حواجبو : لا كنعنييها اثلوج .. مغاديش نخلييك تزوجيي كاااين أناا فقط شي حاجة خرااا نساايهاا حسسن لييك
رجعات خطوة باللور مصدومة معرفاش واش تخسر طاقتها فالمجاوبة معاه و لا تخليه كيحماق غا بوحدو .. صبرات و صبرات فالأخير هزات لفاز لي حداها شيرات بيه عليه نيشان كتنهج : هااااهي لي اتزوج بيييك ... من نيتك كتهدر .. مستحييل تحلممم بهاادشيي كتفهممم مستحييل نكون على سيمتككك .. نسيييتككك من بالييي بقيتي من لمااضيي و لحااضر فييه غا انا بوحدي كتسسسمع غاا انا بوحدييي
أمجاد شاد راسو كيحاول اتكالما فالأخير قصدها غبرة شدها متحكم فيها و هي كتنتر : دابا اتجلسيي نهدرو بالعقل ولا لا ؟؟ .. كونيي تسمعيي وااش كتمشي غا بالعصاا؟؟؟ كنت حنين معاك موصيبة جعرت علييك موصيبة أخرى ... ديري عقلك اثلوج
ثلوج كتنتر : طلللق منيي معندكش لحق تمسنيي سييير عند مراااتك
أمجاد بنفاد صبر : ااااشششمن مرااتييي ... مممزوجش شكوون قالييك مزوج ؟؟؟
خرجات عينيها فيه بجنون : و كتكدب ؟؟؟ زااايدها بالكدوووب حتى همااا ؟؟؟ وااش معيتييش !
أمجاد كمش عينيه كيسوط : دابا اتجلسيي نهدرو ولا لا ؟؟
جرها بالسيف عليها جلسها فوق الناموسية عاد جلس مقابل معاها كيتنهد : ياقوت ماشي مراتيي
بلعات ريقها كتشوف فيه مفاهمة والو : علاش كتكدب ؟؟ داك لمرة بفمك قلتي مراتي و دابا كتقول ماشي مراتي كيف درتي ليها .. اصلا انا مكيهمنيش تكون مراتك ولا ختك انا مسوقيش هاديك حيااتك دير لي بغيتي و نتا حر فيهاا .. كيف عشتيها حتى انا بغيت نعيشها مع لي...
قاطعها بجنون فاش شدها من شعرها مقربها لعندو حتى تخالطات أنفاسهم لحارة .. كانت مكمشة عينيها و ايدها على ايدو باش متقصحش كتر
أمجاد عاض على سنانو : اخر مرة تخرجي هاد لهدرة من فمككك .. حيااتك اتعيشيها معايا انا و صافيي .. كاين انا بوحدي و هادشي دخليه لدماغك مزياان و فهمييه حيت هو لي ايكون من هنا لقدام سوا بالخاطر سوا بالسيف مبقاش كيهمني الطريقة لمهم عندي هو النتيجة
ثلوج مكمشة عينيها كتأوه بألم : طللق من شعريي الله اعطيك لهرس
أمجاد كيترعد : بصح كنتي كتخليهم اقيسو شعرك ؟
ثلوج بنفاد صبر : لا مكنتش كنخليهم يلله طلق
خلاتو ارخف عليها غا بالسياسة عاد رجعات لوضعيتها كتسوط معرفات راسها كتحاور مع واحد بعقلو ولا مع ولد صغير
أمجاد عقد حواجبو : علاش كنتي كتصوري و تلوحي داكشي هاكاك
ثلوج غادي اركب فيها لفقصة : واااش سوووقككك ابناادم .. ديهااا فراسك و فعائلتككك أناا مكنعرفكش
أمجاد : لا انا كنعرفكك .. مكيهمش تعرفيني نتي
ثلوج بميوعة دورات عينيها لجيهة لخرى كتفقص غا بوحدها و لبكية خنقاها سكتات شحال عاد نطقات مرضياش : مجوبتينيش علاش كتكدب فاش الأمر كيتعلق بزواجك .. مرة مزوج مرة ممزوجش تالف غا بوحدك
أمجاد ضحك على صوتها لغيور عاد جرها لعندو و هي كتنتر بالسيف عليها جلسها بينات رجليه حاكمها و نيفو على شعرها كيشم فيه بحنان : و الله ممزوج مكتيقيش بالله ؟
ثلوج كتسوط : يلله طللق منيي الكدااب .. طللق و هدر بعيد عليا متقيسني منقيسك
أمجاد داير معاها لخاطر : ياقوت مرات صاحبي فالخدمة .. مات و خلا ليا عائلتو أمانة هادشي لي كاين
ثلوج كتقلب فعينيها بميوعة : واخة مكيهمنيش نسمع قصتك و نتا كامل مكتهمنيش ولكن هاد لكدبة لي قلتي دابا مقنعاتنيش .. شووف شي وحدة أخرى ولا عرفتيي شنوو طللق منيي نمشي بحاليي طلللق وااخة تبقاا تهدر حتى لصباح مغاديش نتيق بكدوبك
عصرها وسط ايديه كيبوس فعنقها و هي كتفركل بدون جدوى : كنحلف ليك حتى مرات صاحبيي .. و سمير ولدو و حتى لولد لي حاملة بيه ولدو و أصلا حنا ممزوجينش ميمكنش وحدة يله ميت راجلها و مكملاتش لعدة نتزوج بيها .. لوجيك اتفهميي
ثلوج خرجات عينيها و تلافتت لعندو محاساش على وجهم لي قريب من بعضياتهم و أنفاسهم مخالطة : كك كيفاش !! .... يعنيي نتا فااش قلتيي لمرة لولا مراتيي كنتي كتكدب
أمجاد زير عليها بإيديه كيخطف قبلات من هنا و هنا و خصوصا حنيكاتها أما فمها شادة معاه الزكير كتطير ليه مقدرش احكمها مزيان : علاش غرتي ؟؟ هممم
ثلوج طولات فيه الشوفة : كنت عرفاك مسطي ولكن مكانش كيسحاب ليا مبرهش
أمجاد حمر فيها حتى جمعات راسها كتسوط عاد نطق بجدية : سمعيي سمعي نقولييك .. فااش عرفت بموت جدي كان ضروري خاص نجي لمغرب و ميمكنش نخلي لمرا بوحدها هي و ولدها داكشي علاش جبتها معايا على أساس مراتي و سمير ولدي هادشي لي كاين
ثلوج بسخرية : كلامك مقنعنيش و مدخلش لراسي و عمرو ايدخل لراسي .. ممكن تطلق مني تعطلت خااص نمشي
تقلب بحال الزمان فاش صعر عليها : راااه قلللت ليييك معندككك فيين تمشيي اثلوج
ثلوج بعصبية : مبيني و بينك واالو بااش تهز صوتك علياا .. و هاد لهدرة كاملة لي قلتيها واخة معرفتش واش صحيحة ولا لا و فكلتا لحالتين مكتهمنيش مغاديش نتيق بيك و عمري نسمح لييك على اشنو دااز علياا .. إلا كنتي نتا فرحان و ناسي ولادك و كدير لخير فالناس و عائلتك ممسوقش ليها .. هاد لهدرة خليها عندك معندها باش تفيدك معايا .. و بلييز إلا ساليتي محاضرتك رخف عليا و عطيني حوايجي نلبسهم
أمجاد زيرها لعندو كتر و جبينو على جبينها : و الله ممزوج بييها راني قلت لييك شنو كااين .. داك صاحبي كان عندي عزيز مقدرتش نخسر لييه .. كان ضروري نحافظ على أمانتو
ثلوج بسخرية كتحاول تفك ايديه من عليها : عرفتي شنو قالت ليا حبيبتك لمصونة ياقوت ؟؟
أمجاد باستغراب : شنو قالت ؟؟
ثلوج طولات فيه الشوفة عاد نطقات : مزال لدابا حافظة هدرتها حرف بحرف قالت ليا
" بلييز بعدي علييه و عطينا الثيقاار ... فالليل فبلاصة ميقول سميتي كيقول سميتك .. سوو بلييز وقرينا علييك و متدمريش ليا زواجي و متنكديهش عليا "
أمجاد علا حاجبو كيسمع ليها : متأكدة ياقوت قالت هادشيي ؟؟
ثلوج بسخرية : ااه هادشي كيعني أنكم كنتو كتشاركو فراش واحد و نفس وااحد .. السيدة قالت ليا متدمريش ليا زواجي يعني زواجكم كان زواج حقيقي .. سوو علاش كتكدب ؟؟ مفهمتش لاياش باغي توصل ؟!
شد ايديها وسط ايديه كيبوس فيهم : كنقسم ليك مقصت شي وحدة من بعدك اثلوج .. تيقي بالله
ثلوج بصوت باكي : مبغيتكش فحياتي نتا عذبتيني .. كنعنيها ا أمجاد فعلا مبقيتش باغااك فحياتيي
أمجاد زيرها لعندو كتر و كتر : و انا ؟؟ نعييش بوحدي عوتاني !! منبقااش فييك
ثلوج : هاد لهدرة مغاديش تأثر فياا لي عشتو كتر و كتر من هادشي لي كتقول
أمجاد بنبرة فشكل : علاش مكنتيش باغا تحملي منيي ؟؟ علااش مبغيتيهمش ! حتى لهاد الدرجة كتكرهينيي
ثلوج بصوت باكي : نتا كرهتيني فحياتيي وااش عارف شنو عشت فااش عطيتيني بالضهر و مشيتي .. فلحظة تسيفتي و كلمة طلاق ولات كتجيك عادي
قاطعها بإنفعال : يااك نتي لي كنتي باغا الطلاق ؟
ثلوج دورات وجها لجيهة لخرى مرضياش بسباب دموعها لي بداو كيطيحو بغزارة حتى حسات بيه كيمسح ليها بنعومة خدودها لحومر نتيجة لبكاا
أمجاد بهدوء : جاوبيني واش ظلمتك ؟ ياك نتي لي كنتي باغا الطلاق !
ثلوج هبطات راسها كتنخصص : ياك قلتي ليا كتبغيني و بكيتي على قبلي .. داك التصرف لي درتي بينتي ليا غا كدبتي فمشاعرك و كلشي كان كدوب من لول
أمجاد تنهد بعمق عاد نطق : سولتك جاوبيني باش نعرف نجاوبك حتى انا
ثلوج مرضياش : ااه كنت باغا الطلاق و فرحت فاش تطلقنا
عقد حواجبو عاد هبط لفمها عضها فيه بلذة كيتبنن .. طول فالحركة عاد رجع لوضعيتو : مالك فييك لكذووب هممم ؟؟؟ شكوون كان كيغيير فااش كيشوفني مع ياقوت
ثلوج بميوعة : قلتي مقصت حتى وحدة من غيرك .. علاش كتكدب حتى نتا ؟؟؟ دااك لمرة بعيني شفتك معنق ياقوت و هي مخشيا فييك و النهار الأول شبكتي ايدك مع ايدها ؟؟؟ اوكي مزيان حتى انا فاش انرجع لداري و نتزوج نشبك ايدي و ناخد راحتي
عقد حواجبو كيترعد : كتموتي فالعصا يااك ؟؟ بغيتي نعصييك جيني نيشان لاش كتبقااي تعوجي عليا من هنا و هنا
ثلوج بميوعة : رخف مني خاص نمشي و هاد لهدرة لي قلتي ممتيقاهاش و مدخلاش لراسي يلله رخف
أمجاد طول الشوفة كيتنهد : النهار اللول فاش شديت فإيدها و شبكت صباعي معاها بغيت نبين لييك رااه عايش حياتيي و أنا بيخير .. و لمرة الأخرى كانت ياقوت كتبكيي فاش تفكرات لمأسات لي عاشت و عنقاتني ملقيت مندير مجاتش ندفعها
خرجات عينيها كتسوط داك الساعة دفعاتو و جمعات لوقفة كترعد : ااه مسكيين بقيتي فياا حنين .. مجااتش ندفعها !!!
أمجاد حابس الضحكة : ميمشيش بالك بعيد و الله مكينا شي حاجة
ثلوج كتفور : تكون ولا متكونش حياااتك هااديكك ديير لي بغيتي مسوقيش فييك
جمع لوقفة كيمسح على راسو : يلله اجيي نكملو هدرتنا .. اجي بلاما نجرك
خنزرات فيه و خرجات من لبيت كترجف : قالك مجاتش ندفعها من نيتو كيهدر
أمجاد شدها من دراعها متحكم فيها : فيين غادة مزال مسالينا
جرها لصالون جلسها بالسيف عليها بحال لمش مع لفار هي كتنتر و تفرعن و هو حاكمها و شاد لخاطر باش ميهزش عليها ايدو بحال ديما
أمجاد : ساليتيي ؟؟ ... ممكن نهدرو دابا ؟
ثلوج : انسد ودنيي مغادي نسمع والو .. هدر حتى تفرگع انا مكنسمعكش
شد ايديها زير عليهم عاد بدا كيهدر بهدوء : فالأول فاش تطلقنا كنت كنشوف فعينيك غا لكره و لكن ملي رجعت تلاقيتك شفت شي حاجة مبدلة فعينيك ماشي نفس الشوفة لي كنتي كتشوفيني بيها .. و لي زاد أكد ليا شكوكي هو فاش لاحظت لغيرة لي كنتي كتحسي بيها ملي كنكون حدا ياقوت
ثلوج مقدراتش تحبس دموعها حتى بدات كتبكي : هادشي علااش ؟؟؟
جرها معنقها كيمسح على شعرها : و الله مبيني و بينها شي حاجة .. لواليد فراسو كلشي كنت عاودت لييه على لبلان فاش شفتك نتي و داك الزا*** فاللوبيطال .. فهاد النهار و ضحت لواليد بلان زواجي داكشي علاش رجع باللور و خوا ليا الطريق
ثلوج بعصبية دفعاتو و جمعات لوقفة : وااش من نيتك كتهدر هااكة ؟؟؟ فرااسك هادشي كاامل لي قلتي مكيبرر ولو شوية من داكشي لي عشت
أمجاد عرف راسو خاصو اشرح بزاف و كان موجد راسو لهاد الليلة داكشي علاش جمع لوقفة كيشوف فيها و هي كتهدر بدموعها و صوتها لمخنوق
ثلوج : وااش عاارف شنوو دااز علياا ملي مشيتي و عطيتيني بالضهر ؟!! اااه انا كنت باغا الطلاق و لكن هادشي مكيعنيش خااص ديير رااسك فياا و تطلق يااك كنتي كتقول عمرني نحلم بالطلاق شوية قلتي كتبغيني و فلحظة صافي طلقتيني بحاليلا عمرك عرفتيني ولا جيت فطريقك
أمجاد بإنفعال : شنووو منتاااضرة منيي نديير اثلوج ؟! واااش كتقولي لياا كنكرهككك و فعاايلك حتى وحدة مكتغفر لييك و فااش حملتي بولادنا و بثمرة زواجنا مبغيتيهمش و فوق هادشي كاامل قلتي لطبيبة تجهضي و تخبي عليا متقول والو .. شنووو كتسنااي منيي نركع عند رجلييك و نبوسهم بااش تقبلي بييهم و تبقااي معايا ؟؟؟ راااه كيما كنت كنبغييك متنسااايش عندي كراامة و كرامتي دعست عليها بزااف حتى صافي مبقا عندي فين نزيد
ثلوج موسعة عينيها من هدرتو كاملة شدات غا كلمة وحدة : كنننت كنبغييك !! يعني صافي مبقيتيش كتبغيني ؟ اذن علااااش خاااطفنيي من خطبتيي هدر ؟؟؟
أمجاد اياكل جنابو : بانت ليك غا هاد لكلمة لهدرة لخرا مسمعتيهااش !
ثلوج بعصبية تلافتت باغا تمشي : حل علياا لباب نتا مكتبغينيش و انا مكنبغيكش و مكنحملكش .. مزياان ملي قلتيها بمفكك بااش نعرف لحقيقة حسن من لكدوب
أمجاد شد راسو حابس الضحكة كتبان ليه كترعد و لهدرة داخلة خارجة فيها و نفسها شوية و اتقطع .. شافها غادة قصدها معنقها و هي كتنتر : كنبغييك الحمقة .. والله حتى كنبغييك
ثلوج كتبكي بهستيرية : متهدرش معايا ... انا مكنبغيكش أصلا لي كيبغي كااع مكيعذب الطرف لآخر و كاع مكيضربو و اشبع فييه عصاا
أمجاد كيبوس فراسها : خاصي لعصا انا لي خاصي لعصاا
ثلوج بجنون : سيير عند يااقوت ولا زمرد عنقها حشومة تقمعها و سير عند ولادها ربييهم .. نتا ربي ولاد الناس كاملين و ولادك دير رااسك مكتعرفهمش .. طللق هاديك كنبغيك زيدها فيك بعد مني انا مكنحملكش يلله سير
أمجاد : ثلوووج كوني تسمعيي و جلسيي بلاما نصعر .. مبغيتش نخسر دابا
ثلوج بعصبية : خسسر شكااتسناا يللله خسر
هزها بين ايديه كتركل حتى هبطها بإنفعال : وااش منويااش تهدااي بااش نهدرو ؟؟؟ عاااجبك هااد لغواات وهاد لحااالة ؟؟؟!
ثلوج بهستيرية :علاش انهدرو ؟؟ فااش انهدرو انا ويااك ! معندنا فااش نهدرو انا لدابا مزال كنتفكر شنو داااز علياا
حبسات كلامها كتنخصص مقدراش تحكم فدموعها شوية رجعات كتهدر بصوت مخنوق بالبكا : عرفتيي فااش مشيتي شنو وقع لياا ؟؟؟ مورااك بست شهوور و انا فلوبيطاال عاايشة غا بالدوايات و السيرومات ... عرفتي على نوبات الأعصاب لي كانت كتجيني ؟!! واااش عرفتيي شحال من لتر ديال الدموع لي كنت كنبكي فالنهار !! .. تخلطاات عليا من كااع الجواايه وحم و هم و زيد و زيد ..
انا لدابا مزال مصدومة و معرفااش راسي كيفاش حتى مزاال حية و طبيعية بحالي بحال الناس حتى كنتعصب عاد كيعواجو صباعي شي نهاار اتقطع ايدي بسبابك .. إلا مفرقتينيش علييك نتا لي اتكون السبب فإيدي لي اتشلل ... جاااي من بعد هااد السنين كاملة خاسر عليا كلمة مزوج و هي غا كدووب علااش ؟؟؟ باااش تغيرني زعما ! ااااه كنت كنموووت بالغييرة و لقهرةةة و كنت كنحسس براسيي أكبر مدلولة على وجه الأرض .. نتا عشتي حيااتك بطولها و عرضها و انا بحال لحمقة كندوز نهاري مع ولادي و فالليل كنفزگ لمخدة بالدموع .. وااش عرفتي شحال عانيت ولا لا !! و فالأخير خاصر عليا لا راه كنبغيك واش بالنسبة ليك هادا هو لحب ؟ إلا كان هادا هو لحب فأنا كنكرهووو من أعمااااق قلبييي
أمجاد مسح على راسو كيسمع لكلامها : ثلوج
قطعاتو بإنفعال و وجها كامل حمر كيقطر بالدموع : متقووولش ليااا ثلوووج قووول آنسة نتاا بنفسك رجعتيني آنسة بعدما كنت مداام .. داباا معندكش لحق تعيط بسميتيي كتفهممم لي كيبغيي مكيعطيكش بالضهر و امشي بلاما اتلافت مورااه لي كيبغيك مغاديش اجرحك نهار ولادتك أنه مكيعرفكش و مكيعرفش ولادك ..
شنوو جااي تقولي دابا بأشمن وجه جاااي لعندي .. اااه فعلا انا درت شي حواايج خايبين بزااف و مكنتش عارفة بحق زواجنا و آذيتك ولكن هادشي مكيعنيش أنك تنتاقم مني فاش تعطيني بالضهر .. نتاا معارفش شنو عشت و باش حسيت قلبي كان كيضرني بزااف نتا دمرتيني دعيتك الله .. فالأول كنت عايشة بيخير حتى صدقت معاك تحت سقف واحد شوية بشوية لقيت راسي مزوجة بييك .. سلمتك رااسي و شرفني معرفتش أصلا امتى تعلقت بييك و بغيتك
هبطات راسها كتبكي بحرقة و قلبها كيتقطع : عرفتي انا راه بغيتك بزااف حتى لآخر عرق .. هاد لحب لمدلول رااه دمرني فاش مشيتي و فالأخير دارت ليك فالخوا جااي لعندي ااه حگا كنبغيك و زواجي مكين منو والو
أمجاد جلس فبلاصتو كيشوف فنقطة وحدة شاد راسو كيسوط و مكمش عينيه
ثلوج كتبكي : ولادك كانو محتاجين لييك بزااف .. عرفتي شنو كانو كيقولو ليا ؟؟ كيقولو بابا و ماما فنفس لوقت .. انا لي خاص نلعب دور الأم صدقت لعباهم بجوج .. متخايلش شحال تعدبت و بالسيف باش تسجمعت قوتي و وصلت لهادشي لي أنا فييه
أمجاد زير على راسو مهزش فيها لعين عكسها هي لي بقات كتهدر .. و أخيرا جاتها لفرصة تخرج كاع داكشي لي فقلبها بقاات كتعبر على شنو داز عليها و شنو هما لمآسي لي واجهتهم .. و كيفاش حتى تغلبات عليهم و شنو عانات بالضبط
بقات كتهدر و تهدر حتى تهدات عاد مشات جلسات مقابلة معاه فاشلة .. كتحس براسها رتاحت فاش خوات قلبها و شنو كانت مخبية فالداخل ديالو .. اخيب شعور هو تسد على أحاسيسك بينك وبين نفسك و لكن فاش كتفرغ دوك لمشاعر على برة كتحيد جبل كبير كنتي هازو و مخبيه على الناس تحت جدار لقوة و التصنع
طال السكات بيناتهم حتى واحد مهدر بقاو جالسين فبلاصيهم قاطعين لحس
أمجاد علا عينو لعندها : عند بالك انا كنت فرحان ؟؟ إلا كنتي نتي حالتك حالة انا راه كنت كفس منكك .. مكنتش كنعس بالليل إلا مشربتش حتى جبت لكااو .. فطريقك وليت كنكمي باش نطفا و نتحاور معاك .. حتى بنتي فحياتي عاد لتجأت لشراب باش نسي بييه لجرح لي خليتي فياا .. واش عند بالك غا نتي لي قاصيتي ؟! ملي كنتي اتعيشي هادشي كامل فاش نمشي علاش مقلتيش ليا مباغاش نطلق حيت باغاك تكمل معايا حياتك ؟ ولا كبريااءك مكيسمحش ليك .... غا نتي لي عندك كرامة و كبريااء و سي أمجاد اسطح راسو مع لحيط .. نسمعك باغا تطيحي ولادي و نسكت بحاليلا مواقع والو ..واش عارفة بااش كنت كنحس بفعايلك إلا نتي تعذبتي غا هاد خمس سنوات أنا رآه من نهار شفتك و انا كنتعذب .. واش باغا تقارني السنوات لي تعذبت فيهم مقارنة معاك ! لا مجال للمقارنة ا ثلوج .. غا بالعقل اتلقاي كيفما قاصيتي حتى انا قاصيت .. بجوجنا تعذبنا
ثلوج مدورة وجها كتسوط : واش انا لي كنت خطفتك و حملتك بلا خبارك ؟؟ و خشيتك فالحبس و زيد و زيد ؟؟ واش من نيتك كتقارن هاد لعذاب مع لعذاب ديالك !!
أمجاد بسخرية : معمرك اتنسااي لماضي هادشي لي كنشوف .. ياك هدرنا فهادشي قبل منطلقو و وضحنا وجهة نضرنا أولا !
ثلوج ميلات شفايفها مطولا فيه الشوفة : علااش كنتي كتسمعني كنقول ليك لمجرم و كتسكت !! علاش مقلتيش ليا خدام فالمخابرات ؟ علاش كنتي كتخبي عليا فزواجنا ؟ وااش حتى لهاد الدرجة مكنتيش كثيق فيا ؟
أمجاد تنهد كيمسح على راسو : هادي هي خدمتي خااص حتى واحد ميعرف .. لي كيعرفو حاليا هو خويا و شدى حيت نفس الدومين و ياقوت حيت راجلها أصلا كان معايا
ثلوج هزات حاجبها : ياقوت عارفة داكشي لي أنا مكنتش عارفة !
مسح على كيسوط : ثلوج اهديك الله
ثلوج بنبرة حادة : و علاش كنتي كتقتل ؟؟
أمجاد : هادشي بعييد علييك غا ولفيي خدمتي و أسرارها .. لي خاص تعرفي هما هادوك كاملين لي قتلت ولا لي خليتهم انتاحرو كين اسباب موراهم
ثلوج هزات حاجبها : علاش مخاصش نعرفهم ؟
أمجاد : دابا اجي لوقت و نفهمكك
جمع لوقفة : نوضي تعشااي
ثلوج بإنفعال : لا اسيدي خااص نمشي لداري ولادي ايكونو خايفيين .. داك لولاد لي نتا ممعتارفش بيهم انا مسؤولة عليهم كتفهممم
طول فيها الشوفة كيعض على فمو شوية جرها بعجرفة و هي كتنتر حتى لبيت .. موقف بيها حتى لقدام الطبلة لي فوقها لبيسي .. حلو مزير على دراعها و هي كتسوط
أمجاد : شوفي هناا
تلافت لعندها لقاها كتشوف فالجيهة لخرى تنهد و شد فكها بزز منها دورها لجيهة لبيسي تشوف فييه .. غا جات عينيها على التصاور تدهشرات
ثلوج : كك كيفاش !! ... شنو هادشي
أمجاد : هادو فاش كانت عندهم عامين
حلات فمها مصدومة كتشوف فالتصاور مدهشرة .. وليداتها فوق الناموسية ديالهم ناعسين و هو جنبهم مصور معاهم .. بقا كيدوز ليها التصاور وحدة مور وحدة و ملامح الصدمة كتوضاح على وجها .. كلا صورة لوليداتها معاه فسن معين .. مرة فاش كانو يلله كملو عامين مرة فاش يلله كملو عامين و نص و زيد و زيد .. جميع الصور بالليل فاش كيكونو ناعسين و مجايبين خبار
ثلوج مزال تحت تأثير الصدمة : كنتي كتدخل لفيلة فالليل ؟؟
أمجاد : بلاما امشي بالك بعييد مكنتش كنقرب ليك بالمرة
بغا اطفي لبيسي زلقات ليه ايدو حتى دازو التصاور لاخرين .. وسعات عينيها من جديد كتشوف فيهم عاد فهمات علاش داك الليلة لي بات فيها صبحات عريانة مجردة من حوايجها
تلافتت لعندو بالعرض لبطييء مخرجة عينيها : شششهاااادشييي !!!
رجعات كتشوف فالتصاور فحالة من الدهول لي شافهم ايقول كانو ناعسين بجوج على فراش واحد .. حطات ايدها على فمها بكره محملاش راسها
أمجاد سد لبيسي كيسوط : كنت داير ليهم بلانهم ساعة دابا ممحتاجهمش
غا كمل كلامو نزلات عليه بتصرفيقة تلاتية الأبعاد كترعد : شكووون نتااا باااش تحيد ليااا حوايجييي و تااخد هاد التصاور بلا موافقتيي ؟؟؟
بقا كيشوف فيها مطول و ايدو جامعها على شكل قبضة خايف افوت فيها شي دقة .. زفر بعصبية و خرج من لبيت كااع خلاها بوحدها كتنفخ و تغوت حتى فرعات ليه راسو مجوبهاش حيت عارف راسو إلا جاوبها ايضربها و اصدق عاطبها من شي قنت
ثلوج شدات راسها بجنون غادي تحماق خصوصاا ملقاتش التجاوب معاه .. خرجات من لبيت كتسوط و وقفات عليه كيحط فالماكلة على الطبلة
أمجاد ببرودة : جلسي تاكليي
بقات كتشوف فالماكلة بتكبر شوية تفكرات راسها ميتة بالجوع مقدراتش تقاوم و هي تجلس كتنقب دايرة فيها عزتي نفسي .. حتى نسات راسها و دخلات طول و عرض فالماكلة تاكل بعدا و من بعد احن الله
أمجاد غا كينقب و عينو عليها كيف كتاكل بحاليلا طيحة من شي جبل مهزاتش راسها حتى شبعات عاد حسات على نضراتو لي اياكلوها . .. شافت فيه مخنزرة عاد ناضت لكوزينة كتغسل فإيديها يله جات التلافت خرجات فيه
ثلوج : ااي حييد من قداميي .. حيييد يللله
حاوط خصرها بعنف حتى تأوهات عاد هبط لشفايفها لي حضاهم ملي كانت كتاكل مبقاش قادر اصبر مزال .. حس بيها كتركل بعصبية حكمها مزيان عاد خدا راحتو فشفايفها كياكل فيهم بحنين و شوق ديال سنين .. غطس فيهم ناسي راسو كيمص و اجر بعنف و مرة بحنية و هي كتدور فراسها يمين شمال باش متخليهش اشدها ساعة معامن مكيتحركش بحال شي صخرة جامدة .. شوية حسات بيه هزها بين ايديه حاكمها مزيان و هي كتفركل و غواتها كاسر الدنيا
موقف بيها حتى لعند لبيت سطحها على الناموسية و جا فوقها كيحل فالقاميجة حتى زولها ليها تحت أصوات بكاها باغا تجهل و هو مرفوع كتبان ليه غا هي خاص اشبع منها ناسي لعلام كاامل كل همو ثلوج فقط
ثلوج كتنتر : نوووض من فوقيي الحيواان نوووض إلا قستيني انقتل راسي كنحلف لييك اندير شي حاجة فراسيي
أمجاد مزير على ايديها : ششش غدا انتزوجو
ثلوج بعصبية كتنهج : حللمممم والله منتزوج بييك انا ماشي حماارة بااش نساا شنو داز علياا .. اااي رااك كتوعتنيي
أمجاد بعصبية فيضات كاسو حتى هبط كيلتاهم فعنقها و شفايفها ممصوقش لبكاها و تنخصيصها أولا تفركيلها باش انوض من فوق منها .. هادشي كامل مبقاش هامو .. بقا واخد راحتو حاكمها و فمو كيدوز على وجها كامل طبعو بالقبل الشرسة و عنقها تورم من كترت لعضان و لمصان بجنون .. شوية هبط لصدرها كيعطيه حقو حتى حس بيها ترخات كتأوه ناسية التفركيل لي كانت مصرة عليه .. بتاسم بإنتصار عاد رجع لفمها كيبوس فيه حتى نسات راسها و تجاوبات معاه بلاما تعيق .. كيف كان كياخد حقو منهم حتى هي مقصراتش من جيهتها .. شوية هبط بقبلاتو مرورا بعنقها لجداب و صدرها لمنفوخ عاد كرشها لمنحوتة حتى لفخادها كيفرق عليهم فالقبلات و هي مرفوعة كتأوه و دموعها دايزين مخلطين عليها الأحاسيس باغا ترفض و فنفس لوقت مقدراش .. كتأوه كلاما جهلها مبقاتش قادرة حتى حسات بيه كيلعب فمنطقتها لحساسة واخد راحتو .. كمشات عينيها كترجف ملقات غا ليزار زيرات عليه كتبرد فيه الجنون من بداية لعلاقة لحميمية حتى لنهايتها
أمجاد عرفها مزيرة داكشي علاش دار معاها لخاطر بالشوية بالشوية عليها حتى ترخات و مشات معاه فالخط أثناء لممارسة .. كتبان ليه مستسلمة كليا و معقلاش على اشنو داير بيها حتى جابو فيها عاد خرجو و تلاح حداها كيلهت هو الآخر .. حس براسو فدا فيها الجديد و لقديم باللوحة لفنية لي رسم فجسمها كامل و تحتها لي طاب بحاليلا خدا حقوق خمس سنوات فليلة وحدة .. تنهد ملي بانت ليه مغمضة عينيها و ناعسة مجايبة لدنيا خبار
بقا كيشوف فيها بحب حتى جرها خاشيها فيه كيبوس فيها مزال مشبع منها : اشنو درتي فيا
رجع باسها بعنف فعنقها عاد بعد : كنبغييك
تبسم متكي حداها حتى داه النعاس مستسلم ليه هو الآخر
صبح الصباح بنهار جديد ..
ضرياتها لفيقة حتى ناضت قافزة شوية تأوهات من حر الألم لي نايض تحتها .. حتى كتخرج عينيها لي غرغرو فلحضتهم داك الساعة تلافتت جيهتو لقاتو ناعس حداها على كرشو غا بالبوكسور .. بقات كتشوف فييه و دموعها كيطيحو شوية جمعات لوقفة ملوية عليها ليزار و شعرها مخبل و جسمها كامل كيرجف .. بتدمر خرجات من لبيت كترجف مقدراتش تزيد مزال و هي تجلس على الأرض مخرجة عينيها و فمها كيفيبري
نطقات بسهوة : سملتو راسي !! بلا حتى عقد سلمتو راسي ؟؟ شنووو درت انا ؟؟؟ اويليي شنو درت
هبطات راسها كتبكي عاضة ايديها بعنف حشمانة من راسها و حشمانة من واليديها ... كتلوم فعقلها و تعاود و تأنيب الضمير كياكل فيها كيفاش حتى خلاتو انعس معاها و اياخد لي بغا .. مكرهاتش تموت فهاد اللحظة بأشمن وجه اتقابل الله و واليديها .. واخة عندها ذنوب كتيرة و لكن لممارسة خارج إطار الزواج معندهاش فقاموسها بالمرة و بالنسبة ليها لعنة خايبة
دازت ربع ساعة..
حل عينيه كيتكسل و وجهو مبشور فرحان .. تلافت لجيهتها مكيناش ستغرب عاد جمع لوقفة و خرج من لبيت كيقلب عليها بعينيه .. قصد لكوزينة قال مع راسو ربما تكون تماك غا دخل مبانتش ليه .. يله ايخرج بان ليه الشرجم مسدود مشا لعندو ناوي افوهو حتى كيخرج عينيه من الزاج و قلبو كيضرب فالمية .. عينو نيشان مشات لسطح لعمارة و هي واقفة لفوق على لحافة بليزار و شعرها مشكك ناوية تلوح راسها
مخلاش ليه لفرصة فين اتقبل الصدمة داك الساعة طار لبيت لبس عليه شورط و لبس فرجلو بسرعة عاد خرج كيجري بحال لحماق مخلي لباب مفروع ..قصد لمصعد كيلهت لقاه عامر سخط كيفور و معندوش لوقت افكر .. خاصو اطلع فالدروج هادا هو لحل و داكشي لي كان تم طالع عليه كينقز جوج درجات حتى لتلاتة .. الضبابة معمية ليه عينيه كتبان ليه غا صورتها من فوق السطح .. بقا هاكاك كيلهت و نفسو علاين اتقطع و هو طالع كيجري حتى دخل لسطح كينهج و صدرو كيطلع و اهبط
مسح على راسو و لعرق كيهبط منو بغزارة : علااايااااش ناااوية اثلووووج واااش حماقيتيي ؟؟؟ هبطييي من تماااك بلا تسطية
ثلوج واقفة على لحافة كتبكي و ايديها مزيرين على ليزار : بعدد منيي مغاديش نخلييك تعتقني هاد لمرة .. مبقاش عندي لوجه لي نشوف بييه كلشيي بسبابك
أمجاد موسع عينيه فقلة حيلة مفاهم والو من كلامها كل همو تنزل من تماك حيت كتبان ليه كتمشي و تجي شوية و تلوح راسها : ثلوووج هبطيي من تمااك و اجيي نهدرووو .. كلششيي لييه لحل الإنتحاار ماشيي حل اثلوج
ثلوج بعصبية كترعد : علاااش قربتيي ليااا لباااارح علااااش ؟؟؟؟ علاااش مسر أنك توسخنيي علااااش !!
خرج عينيه فيها مصدوم و لحرقة كتقتل فالداخل ديالو : وسختك ؟؟ انا صدقت مسخك اثلوج ! عارفة شنو كتقولي ولا لا
ثلوج تلافتت لعندو كترعد : واااش قللت لييك باغا النعس معااك ؟؟؟ علااش قربتي ليااا مفهمتشش
بقا كيشوف فيها جامد و مصدوم : ثلوج !
قطعاتو بإنفعال : متبقاش تقولي ثلوج متذكرش سميتي على فمككك ... هاد الليلة وسخاتني و ممعترفااش بيها علاااش قصتيني و حنا مبيناتنا والو وااش بنت لييك عااهرة و بنت الزنقة ؟؟! علااااش بغييت نفهممم علاااش
أمجاد مسح على راسو كينهج : ثلوج هبطي من تماك عاد نهدرو .. الناس اتجمع علينا هبطي و فكري فزياد و يزيد وااش مديراش ليهم إعتبار و واليديك فين خليتيهم و باش اتقابلي الله عند بالك الإنتحار حل
عاق بيها كترطاب ستغل لفرصة أنها حادرة راسها و ساهية كتبكي .. بدا كيقرب لعندها خطوة بخطوة قاطع لحس حتى تلاح عليها شدها حكمها بين درعاتو و هبطها كتنتر وسط ليزار و شعرها مخبل
ثلوج بجنون : ااااعععع طلللق طللللق .. باااش انشوف فواليديا دابا قووول خمس سنوات و انا محافظة على شرفي بااش تجي نتا مبيني و بينك والو تستاغل ضعفي و تخليني النعس معااك .. ببعععددد متقرببش متخلينيش نعيف راسيي كتر من هااكة
رخف منها مصدوم و هدرتها بحال لموس كتختارق قلبو : مبيناتنا والو !! هادشي كامل و مبيناتنا والو
تلافتت لعندو كترعد : اه حنا مبيناتنا والو و عمر اتكون بيناتنا شي حاجة .. كيف قلتي قبل خمس سنوات حنا ممفاهمينش و عمرنا انتفاهمو سوو فهم هادشي و دخلو لراسك
أمجاد جمع ايدو على شكل قبضة بقا كيشوف فيها شحال عاد نطق : هادشي علاش بغيتي تلوحي راسك ؟ يلله سيري لوحي راسك و يتمي ولادك و خلي واليديك احماقو موراك شكاتسنااي ديري اش باغا مغاديش نمنعك حيت كيف قلتي حنا مبيناتنا والو
ثلوج هبطات راسها كتنخصص : علاش قصتيني و حنا ممزوجينش .. مبغيتش هادشي انا أصلا مبغيتش نتزوج بيك
أمجاد تلافت لجيهة لخرى مقصح من هدرتها لمسمومة بقا ساكت شحال حتى بتاسم بسخرية على حالتو و رجع شاف فيها : شنو بغيتي نحققو ليك ؟
ثلوج : مبغيت والو بغيت نهنا فحياتي بعيد على صداع .. مع ولادي فقط
أمجاد : يعني مبغيتينيش فحياتك لدرجة هنتي رجولتي فاش بغيتي تنتاحري و عايفة ليلتنا بجوج ! .. اوكي ماشي مشكيل خاص نتقبل قرارك و نحتارمو .. لي بغيتي عمري انولي نقرب لييك و لكن ولادي ..
قطعاتو مخرجة عينيها : مالهم ؟ ويااك تفكر تاخدهم ليا ...
قطعها كيسوط : غادي نقيدهم على سميتي مناخدهم ليك متاخديهم ليا .. و انوضعو بروگرام زوين باش نبقا نشوفهم و نرجعهم ليك و لا حتى كمارتي مبقيتيش اتشوفيها ايكون بيناتنا الشيفور .. ياك هادشي لي باغا نتي ؟
بقات مهبطة راسها كتكمش فليزار على لحمها
أمجاد تنهد ببرودة : سولتك جاوبي؟ .. باش منبقاوش غا كنخربقو مزيان نوضعو النقط على لحروف
ثلوج نطقات بصوت منغنغ بالبكا : بغيت نمشي لداري
طول فيها الشوفة عاد نطق : واخة .. يله نهبطو لبسي حوايجك باش نوصلك و آخر مرة نقرب ليك
سبقها هو اللول جامع ايدو على شكل قبضة كيبرد فيها سمو و عينيه حمرين بحاليلا مغرغرين بالدموع .. باين من ملامحو تصرفها و إهانتها لرجولتو جرحوه بزااف زيد عليها طالعة لسطح بليزار ممسوقة لحتى واحد أنه ممكن اشوفها هاكة
فالجيهة لخرى ..
على طبلة دلفطور كانت جالسة كلثوم ساهية فالكرسي لي كان كيجلس فيه راجلها .. بملامح حزينة هبطات راسها كتبكي غا سمعات لحس موراها مسحات دموعها بسرعة كتمتل لقوة و الصبر .. علات عينيها لقات عيالات ولادها آريا و رهاف جلسو كيسولو على صحتها و حالها و أحوالها
كلثوم : مرات ولدك مزال مخرجات من لمستشفى ؟ هدري مع أمجاد سوليه على حالتها
آريا تنهدات ساهية عاد نطقات : أمجاد و باه دايرين حالة و مخبيين عليا ولاو بيناتهم الأسرار
كلثوم بإستغراب : ياك لباس !
آريا : ياقوت داك لولد لي كانت حاملة بيه و جهداتو ماشي ولد أمجاد و إنما ولد راجلها السابق يلله مات بتلات أشهر .. و راجلها كان صديق قريب لأمجاد و للأسف مات و وصى على عائلتو باش ولدي احميهم و داكشي لي كان أمجاد قالي تزوجتها باش نحميها هي وسمير
كلثوم هزات حاجبها مفاهمة والو : اشمن زواج الله اهديك ! واش متأكدة قاليك مزوجين ؟
آريا كترشف من فنجانها : اه هو بنفسو قالها ليا
كلثوم : ميمكنش اكون مزوج بيها .. الدين الإسلامي كيقول حتى تسالا لعدة ديال لمرأة لحامل عاد ممكن تزوج .. قرصي ولدك شي حاجة فكلامو ناقصة
آريا خرجات عينيها : بغيتي تقولي ممزوجش بيها كاع ؟
كلثوم : حيت ميمكنش اتزوجو راه لحماق هادا هو شنو قال ليك بالضبط
آريا كتحلف على أمجاد فخاطرها : قالي مزوجين على لوراق
كلثوم : مكاين لا وراق لا والو حيت ميمكنش .. رآه داك لمرة شرحت ليك هادشي على الدين الإسلامي غا نسيتي
آريا كتفكر : ااه معرفتش كيفاش مشات من بالي هاد لقضية ..واخة عليه والله متبقا فييه ولا كيكدب عليا عاين باين .. حتى تبان ليا اسي أمجاد
فالبرطمة ..
خرج من لبيت كيلبس فجاكيطو غا هز عينو لقاها لابسة السورفيط لي كان شاريها ليها و داير بحساب هاد النهار .. بانت ليه واقفة متلبكة كارزة على صاكها و كتعض فشفايفها بحاليلا كتزيد تأكد ليها ندمها على ليلتهم.. تنهد كيسوط عاد هز لكاشكول و قصدها بلا كلمة بلا جوج لواه ليها على عنقها باش اتخباو طبعات لملكية لي خلا فيها ليلة لبارح
تلافت هز السوارت : جمعي شعرك
دورات وجها مرضياش شوية بلاما تحس جمعات شعرها كعكة مهملة كيف طلب منها عاد نطقات بصوت جاف : تعطلت خاص نمشي دابا
هز راسو باه عاد خرج سابقها هو اللول و هي تبعاه من للور شاداها لبكية من ليلة لبارح و تأنيب الضمير كينهش فيها .. محساتش بالطريق و هي كتفكر حتى لعند الطموبيل عاد وعات على راسها فاش فتح ليها لباب ركبات عاد دار لجيهة لخرى ركب حتى هو و كسيرا بلا كلمة بلا جوج
طول الطريق و السكات بيناتهم حتى واحد مكيهدر
أمجاد عيا ساكت كيعض على سنانو و صدرو كيطلع و اهبط محسش على راسو حتى نطق بعصبية كيخبط على الديريكسون : كيفاااش خرجتييي من الدااار و انا ساد لباااب
ثلوج كتشوف فالزاج مقدراش تشوف فيه : لقيت السوارت
أمجاد زفر و رجع كيشوف قدامو سكت عوتاني شحال عاد نطق بنفاد صبر مقادرش اخبي داكشي فالداخل ديالو : ملي باااغااا تنتاااحريي لبسيي شيي حاااجة لي تسترككك مااااشي طااالعة ليااا لسمااا بشروييطة ايطيرهااا لبرد فأي لحظة .. اااه نسييت نتي مولفا بلعرا منتصدمش
و رجع كيشوف قدامو و صدرو كيطلع و اهبط مزال لدابا هدرتها لمسمومة كتضرو فقلبو .. كيعيا امتل لبرود حتى كينفذ صبرو و انطق بشي كلمة مقفزاها من بلاصتها
وقف بيها قدام لفيلة كيتسناها تنزل بلا كلمة بلا جوج
ثلوج حلات لباب باغا تنزل حتى كتسمع صوتو : فالعشية ايجي الشيفور اجيب ليا الدراري
بقات ساكتة شحال عاد نطقات : على حساب واش ايشدو لعطلة ليوم
أمجاد : اتلقايهم فالدار لبارح شدو لعطلة
هزات راسها باه بلاما تلافت لعندو و هبطات داخلة مع لباب لخرجاني حتى لباب دلفيلة دقات فالباب كتنهج حابسة لبكية حتى حسات بيه تحل تلافتت لقاتها سناء
سناء مصدومة : ثلوج ! دخلي دخليي فيين غبرتيي لباارح ؟؟
دخلات ثلوج بلا كلمة بلا جوج .. تفادات تلاقا واليديها ولا ولادها موقفات بخطواتها حتى لعند بيتها عاد دخلات و سدات عليها مخربقة و كتحس براسها تالفة و الدنيا كدور بيها و تأنيب الضمير كيقتل فيها .. حتى هي كتبقا انثى و مقدراتش تقاوم رغبتها خصوصاً أنه هو الشخص لي كيعرف ليها و لكن خارج إطار الزواج ! هادي متقبلتهاش حساتو خدا منها اش بغا بحال شي عاهرة .. بعد سنين طويلة رجعها عجينة بين ايديه و ففراش واحد بلا زواج بلا حتى شي عقد .. حيت هاد لمسألة عندها قطعية خصوصا أنه تزادت فالقرية و الشرف عندهم شي حاجة كبيرة و بقيمتها أما فاش نعسات معاه حسات براسها تذلات و مرضاتش تحط فداك لموقف .. تمنات كون قوماتو و مخلاتوش و لكن لي عطا الله عطاه
داز لوقت..
خرجات من لحمام مدوشة و مخشية فبينوار حتى كتحس بالباب تحل و دخلات سناء : ولادك شدو لعطلة لبارح
هزات ثلوج راسها باه : مزيان على سلامتهم
سدات سناء لباب عاد مشات لعندها : مال وجهك ؟ شنو عندك اثلوج
ثلوج جلسات على طرف دالناموسية كتبكي : وليت عاهرة و ليت مسخة اسنااء خدا مني كلشي و انا بحال لحمارة مقدراش نقاومو
سناء جلسات حداها بهدوء مستغربة : واش أمجاد ؟
ثلوج : و شكون من غيرو
سناء تنهدات : و لكن حيت كتبغيه داكشي علاش مقدرتيش تقاومييه .. متبقايش غا كتبكي عطي لراسك فرصة
ثلوج : هو حتاقرني علاش اقيصني و حنا مبيناتنا حتى عقد و زيد عليها انا عمري نسمح ليه على شنو داز عليا كلما كنتفكر كنحس براسي داكشي عشتو غا لبارح ماشي بهاد لغباء انسمح ليه .. لحب فجييه و لعقل فجييه انا وليت باغا غانعيش هانية فراسي و مرتاحة هادشي لي باغا
تنهدات سناء و بقات ساكتة ملقات متقول و معندها متقول أصلا .. علاقتهم من الأول فشكل و ديما هاكة هو كيغرب و هي كتشرق مكين حتى جديد كيفاش حتى بغاو بعضياتهم و هما خطان متوازيان عمرهم ايتلاقاو كتبقا من لمعجزات
فالمستشفى ..
تحل لباب و دخل شاد فإيدو سمير كيشوف فيها واش حالة عينيها
ياقوت تقادت فالجلسة فاش شافتهم مع ابتسامة : ولدي حبيبي .. اجي عند ماماك
بتاسمات فاش مشا حداها سمير و هي كتضحك معاه
أمجاد تنهد كيسوط : ياقوت خاصنا نهدرو
ياقوت بلعات ريقها : ممم هدر
أمجاد شاف فسمير و رجع شاف فيها : ماشي قدام لولد
ياقوت كتشوف فسمير ملاهي كيلعب : غا هدر راه ملاهي
أمجاد مسح على راسو : شنو داكشي قلتي لثلوج !؟؟ .. انسولك و جاوبيني حيت لا كدبتي انقلعها طيرة فالسماا .. ياقوت واش كتحسي بشي حاجة من جهتي قبل ميموت راجلك ؟
خرجات عينيها من سؤالو : كك .. كيفاش !
أمجاد حنحن بجدية : جاوبي بلا كيفاش ولا علاش
ياقوت هبطات راسها حشمانة : معرفتش
بتاسم بسخرية مدور وجهو لجيهة لخرى فاش تأكد من جواب السؤال لي دار فراسو علاش تصرفات بداك التعجرف مع ثلوج : شوية اتجي لممرضة تعاونك تبدلي ليوم اتخرجي على سلامتك
و خرج كيسوط بلاما اسمع لنداءاتها موقف حتى لعند الطبيب اتطمأن على حالتها و احيد اللومة عليه .. كيف ما كان لحال كتبقا أمانة عندو و خاص اقوم بالواجب غا هو هاد لمرة قرر مع راسو ايخليها بعيدة عليه تجنبا لهادشي لي وقع .. مكانش كيظن اتعلق بيه فالأول كان عند بالو غا لباقة و صواب و لكن مع ملاحظة تصرفاتها استنتج و فهم حاجة أخرى و هادشي لي مباغيش .. بالنسبة ليه أمانة فقط
جالس فالشرفة خدام على لبيسي ديالو و فمو مكمش باينة فيه معصب و صاعر باغي غا معامن .. من آخر حوار دار بيناتهم مبقا شافها ملي سول لقاها سافرت لأمريكا عند ختها ندى بلاما تشوف موراها أولا تحضر لربعينية ديال موت جدها .. تنهد كيسوط مرجع راسو للور شوية جمع لوقفة كيطل من الشرفة و عقلو سارح لبعيد حتى كيسمع لهدرة فالحديقة و بالضبط قدام لقصر .. هبط عينو هاز حاجبو كتبان ليه جارة لفاليز ديالها بعدما هبطها ليها الشيفور من لكوفر .. باينة فيها فرحانة و كتضحك و هي كتعنق فمها و تعاود
ميل شفايفو مغوبش ناوي ليوم افاريها معاها يا بيه يا بيها وفينما بغات توصل توصل .. دار داك الساعة لبس فرجليه و خرج كيجر فيهم حتى كيقشعها غادة لبيتها جارة لفاليز حتى دخلات و سدات لباب .. بقا واقف شوية ولا غادي جاي تالف معارفش واش امشي لعندها ولا بلاش حتى تستاراح من السفر و الإرهاق .. يله قرر أنه امشي لعندها بانت ليه خارجة من بيتها كتهدر فالتيليفون .. خرج عينيه و تخبا مراضيش تشوفو مراقبها
تغريد كتضحك : نييت توحشت لحفلات .. مزيان غادي نشطو و نحيحو ... اوكي غادي نجي كاين داكشي لي مواعدني بيه بعدا ؟ مزيان انمشي دابا مغاديش نتعطل اوكي بااي بيزو
و قطعات كتنفس بهدوء عاد ركبات لمصعد و هبطات تحت نضراتو واقف جامد كيسمع لكلامها مصدوم ..واش هادي نفسها تغريد داك لبنت لبريئة و الزوينة و لي بغاها و ولا كيحماق عليها واش بصح نفسها تغريد ولا غا ولا كيتخايل !!.. بغا يحماق مفاهم والو و عقلو كيمشي و يجي بالأفكار حتى نفد صبرو و هبط تابعها ناوي اوضع حد لهادشي واخة بانت ليه نسياه اصلا و مديراش بحسابو بحاليلا مكاينش فحياتها بالمرة و عمرها عرفاتو
هبط لتحت بسرعة حتى لبرة شافها ركبات طموبيلتها و قلعات .. عقد حواجبو معصب و ركب حتى هو عاد تبعها ممعيقش باش متحسش عليه .. بقا هاكاك حتى بانت ليه وقفات قدام وحدة من لعمارات لي كينين وسط لمدينة شوية نزلات و دخلات ليها .. سطاسيونا حتى هو ساهي قدامو واش اتبعها ولا لا .. بقا هاكاك جامع ايدو على شكل قبضة و مكمش عينيه كيتنفس بصعوبة حتى نزل بنفاد صبر داخل لعمارة كيقلب بعينيه و معارفش فين ممكن تكون مشات و انا دار بالضبط دخلات ليها
بقا غادي جاي حتى كيسمع صوت الضحك تلافت بعفوية كيشوف كيبانولو بنات بلباس قصير و الدراري شادين فيهم كيضحكو و كلا واحد زاعم على وحدة و مرة مرة كيقيص ليها صدرها و هي كتضحك دايخة .. بقا مراقبهم بقرف حتى بانولو دخلو لمصعد شوية طلعات ليه اشمن طبقة طلعو .. هز حاجبو خايف من داكشي لي فبالو و باش اتأكد طلع فالدروج كيجري و الهت حتى وصل قد قد مع لولاد و لبنات لي شاف قدام عينيه من شوية عاد
جمع ايدو على شكل قبضة كيشوف فيهم و متبعهم حتى دخلو لواحد لبرطمة لي كاسرة الدنيا بصوت لموسيقى و الغوات و لحيحة .. هبط راسو كينهج و صدرو كيطلع و اهبط خايف ادخل ليها و اشوف شي حاجة مغاديش تعجبو .. خايف اتصدم صدمة عمرو و لكن معندوش حل و باش احيد هاد الشك خاص ضروري ادخل لهاد لبرطمة و داكشي لي كان قرب حتى لعند لباب دق لمرة لولا لمرة التانية .. التالتة تفتح لباب كيشوف فواحد بشورط قصير و صدرو عريان و لكارو فإيدو
_ واقيلة غالط فالعنوان العشير
بدرالدين طول فيه الشوفة كيغلي مقدرش اصبر داكشي علاش دفعو بعجرفة و دخل لداخل كيغوت : تغرييد تغرييييد فييينككك
دور عينيه كيشوف غا لمناكر و شي كيبوس فشي و لكارو و الشيشة فكاع لبلايص و شي هابط ليه سروالو شي جايب لكاو .. جاه لغثيان من لمشهد .. حس بالأرض دارت ييه و هو كيدور فعينيه عليها .. مكينش حسها و باش اقطع الشك دفع داك الشاب لي فتح ليه لباب بعجرفة من جديد و كمل لبحث ديالو كيفتح فالبيبان و اقلب و على فمو سميتها كيغوت بيها صاعر .. حتى فتح آخر باب و تصدم من لمشهد مخرج عينيه .. داك الساعة تلاح على لولد لي جالس كيحيد فحوايجو و هي مرخية فوق الناموسية مجايبة لدنيا خبار .. نزل عليه بالضرب و الركيل كينهج و صدرو كيطلع و اهبط لحرقة شاعلة فيه ولاو فيه عشرة كاع فكك الدري هرسو و مضغو ليه بالكروشيات أما الدمايات لي هبطو منو لي شايفو ايقول غايموت دابا .. حتى شبع شوية من غليلو عاد زدحو مع لحيط كيسب غا بالهدرة لخاسرة و سيفتو عاقدها ناوي على لقتيلة
رجع دور عينو لعند تغريد لي مرخية غوت بأعلى صوتو كيترعد بالأعصاب عاد تحنى لعندها هزها بين ايديه مرخية و خرج بخطوات سريعة و مبعثرة حتى كان باغي يخرج و هو يرجع لعند الشاب لي فتح ليه لباب مكشكش .. داك الساعة ضربها ليه بركلة كينهج بحال شي ثور و وجهو حمر بالأعصاب : بربيييي حتتتى غااادي نددمممم طواااسلككك الزا*** لبوليييس دااابا ايجيو يقلعو مككك من هنااا .. خلييوكم كملو تقح****
دفل عليه و رجع خرج كينهج مصدوم بحاليلا خويتي عليه شي سطل دلما .. معرفش راسو امتى هبط لتحت و حطها فالطموبيل عاد كسيرا .. بكترة ماترفع معرفش كيفاش حتى داز هادشي .. طول الطريق و عينو عليها من لمرايا كيشوف فإنعكاسها مرخية و ناعسة
بدرالدين بالغوات : علاااااااش اتغرييييد ... علااااااااش الكلبةةةةة علاااااااش
كان غادي لقصر شوية قلب لوجهة لدار لي عندو .. خاص حتى تفيق من هادشي لي مدوخها عاد ارجعها لدارهم .. موقف حتى لعند الدار لي عندو حدا لبحر .. نزل كيترعد حل عليها لباب و هزها داخل بيها لدارو كيسوط و عقلو غا مع ديك اللحظة لي كان اينعس معاها الدري و هي كااو
قصد الصالون حطها عايفها و رجع خطوة باللور كيشوف فيها بإشمزاز ناوي غا تحل عينيها ايتفرگع عليها و اقلب الصفحة بحاليلا عمرها دخلت لعقلو
عيا واقف كيشوف فيها فالأخير مشا لكوزينة كيوجد ليها فقهوة قاصحة تفيقها .. ماشي بزاف حتى كانت واجدة عاد رجع لعندها كيضرب على حنكها مرة بعنف مرة بشوية باش تحل عينيها .. كيحس براسو شاد ايدو غا بزز باش ميمرمقهاش معاها .. حتى بانت ليه كترمش بتتاقل عاد گعدها كيشرب فيها و اسب شوية بانت ليه باغا تستفرغ زفر و هزها طير لحمام مخليها محنية على لشاس كتستفرغ و تكحب و كلها كترعد
بدرالدين واقف عليها : اخر أيامك وليتي قح** برافو اتغرييد مزيان
و خرج كيسوط معصب على الآخر حتى كتبان ليه خارجة كتجر فرجليها شادة كرشها و كتبكي
تلافت لعندها هاز حاجبو : علاااااااش وليتييي هاااكةةةة من امتىى وليتيي هاااكة اتغريييد
تغريد شادة راسها كتبكي : معاقلة على والو .. علاش كتهدر راسي كيضرني بزااف
و سكتات كتبكي حتى زفر و هزها مرجعها فوق لكنباي عاد وقف عليها كينهج و ايدو مجموعة على شكل قبضة : حتى لهااد الدرجة مبقااتش كتهمككك تيقة واليديك لي دايرينها فيك ؟؟؟ حتى لهاد الدرجة ! هما عاطينك حريتك و مخلينك على راحتك بااش فالأخير تولي بحال لمسخات لي كنلقا فالزنقة
تغريد كتسمع لهدرة بزاف و لغوات و ممفرزا والو حتى غفات مغمضة عينيها من جديد و مخلياه كيكشكش حداها حتى عيا عاد سكت مربوط مقادر ادير والو
دازو ساعات ..
دوزات اغلب النهار فبيتها سادة عليها مبغات تشوف حتى واحد حتى سمعات الدقان فالباب : ثلوج نزلي ديري كسكروط
عضات على شفايفها فاش سمعات صوت مها. . داك الساعة جمعات لوقفة حشمانة تشوف فيهم تنهدات شحال عاد لبسات فرجلها و هبطات لعندهم غا شافوها ولادها جاو كيتجاراو لعندها كيعنقو و اعاودو
زياد : مامي فين كنتي توحسنااك
يزيد : توحستك اماميي
باستهم كتعنق فيهم مع ابتسامة شاحبة : شديتو لعطلة ؟ مبروك هه
زياد : جدي قال انمسيو لقرية
هزات ثلوج حاجبها عاد شدات فيهم حتى لعند الطبلة كتشوف فواليديها قالبين وجهم و غا سناء لي كتدور فعينيها
ثلوج : السلام عليكم
لحاج بعصبية : شنو كنتي كديري مع داك ل...
سكت كينعل الشيطان عاد رجع نطق : شفتك فاش هبطتي من طموبيلتو
حفصة تنهدات : ششش متهدرش قدام لولاد
سكت لحاج مكشكش و نافر مكرهش اتفرگع و معندو جهد : جلسيي اتبقااي واقفة
جلسات حداهم مهبطة راسها حتى سمعات باها نطق بجدية : غدا انمشيو لقرية .. لعطلة كاملة ديال الدراري ندوزوها تماك
ثلوج بإستغراب : و خدمتي ؟
لحاج بعصبية : خدمتك كون كنتي مركزة فيها مغاديش تمشي مع داك ولد لحرام .. واش نسيتي شنو داز عليه و السهير لي سهرنا معاك فالسبيطارات و لعداب لي دوزنا معاك كل ليلة سخفانة ليناا
نغزاتو حفصة كتويل : دراري اويليي
زياد عقد حواجبو : علامن كتهدر اجدي
لحاج : والو اولدي كول باش نمشيو و نوريك لعودان لي عندي و نركبك عليهم يلله كول
ثلوج مهبطة راسها حابسة لبكية خلات داكشي فخاطرها منطقات بوالو حتى يبرد باها عاد تشوف شنو تدير فخدمتها ولا تاخد كونجي هادشي فاش بدات كتفكر
طال السكات بيناتهم حتى سالاو لماكلة عاد جمعات لوقفة كتهز لماعن هي و مها نيشان لكوزينة بلاما تنطق بشي حرف
حفصة شافتها خارجة من لكوزينة : اجي لهنا
تلافتت لعندها : نعام
حفصة معصبة : يكما ناوية تسمحي ليه ؟
ثلوج بنفاد صبر : رانيي بعقلي اماما و كنفكر و انا عاارفة شنو دوزت و داز عليا متحتاجيش تهدري معايا بهاد الطريقة .. كنفرز لي صحيح ولي غاالط و لبارح هدر معايا غا على ولادو معنديش لحق نحرم يزيد و زياد منو .. قبل منتصرف بأنانية خاص نفكر لمصلحة ولادي
قاطعها لحاج بعجاجتو : من لبارح ليوم فالصباح و نتوما كتهدرو غا على ولادكم !! فشكل هادشي سبحان الله أول مرة كنسمع بييه .. شوفي نقولييك إلا فعلا خليتيه كلا ليك عقلك ما أنا بااك مانتي بنتيي يا سخط يا رضا ختاري
ثلوج كترعد : واااش أناا قلت باغا نرجع لييه ؟؟؟ وااش باغين تحمقوني اويليي
لحاج دور وجهو كيسوط : لمهم هاني علمتك بغيتي سخطي رجعي لييه خليه اضحك عليك و ارجعك لسبيطارات عوتاني
ثلوج بدات كتبكي : رااه عارفة هادشي متحتاجوش تفكروني فيه كلا شوية .. راني بعقلي ماشي حمقة
غا كملات كلامها خرجات كتنخصص مخلياهم كيشوفو فبعضياتهم
حفصة بأسى : واقيلة ضلمناها
لحاج بسخرية : بايتة معاه و ظلمناها ؟؟ كنتمنى داكشي لي فراسي ميكونش أما نقتلها هي و يااه غا صبري عليا
يله بغات تطلع فالدروج سمعات الصونيط فالباب مسحات دموعها بسرعة و مشات لعندو حلاتو كتشوف فالعساس : وي عمي
لعساس : واحد الشيفور ابنتي قالك جا يدي الدراري
ثلوج هزات راسها باه : واخة تسناا
و تلافتت كتعيط لولادها : زياااد يزييد اجييو اماما
خرجو من الصالون نيشان لعندها كيتجاراو : وي ماميي
تحنات لعندهم كتبوس فيهم و تعاود : من ديما كتقولو ليا كون كان بابانا معانا كون ديما نخرجو معاه و ندورو ياك ؟
هزو راسهم بحماس عاجبهم لحال : ااااه اااه
ثلوج تنهدات : ايعجبكم لحال تشوفوه و تلعبو معاه ؟
عاودو هزو راسهم عاد نطقات : و لكن عنداكم متبقاوش تبغيوني و تنساوني نموت بلا بييكم هادشي انديرو على مصلاحتكم فقط .. حيت من حقكم مخاصش نحرمكم نتوما بعاد على هادشي
بقاو كيشوفو فيها مفاهمين والو حتى ضحكات على راسها : والو نسااو .. تسنااو نجيب ليكم تجاكيطاتكم اوكي ؟
عاودت باستهم بحنان عاد طلعات جابت ليهم أغراضهم و لبساتهم كتبوس فيهم و تعاود مسخياش بيهم و الأفكار الشيطانية كتدور فراسها خايفة ميبقاوش ولادها متعلقين بيها و اتعلقو بباهم .. خرجات معاهم حتى لعند الشيفور و ركباتهم كتودع و توصي فيهم و تعاود
ثلوج : مديروش لبسالة و ستمتعو مزيان اوكي ؟
هزو راسهم فرحانين
زياد : يلله معانا اماما
ثلوج : لا احبيبي مرة أخرى اوكي غا سيرو نتوما و خودو راحتكم غا متنساونيش
و دعاتهم بزز و عينيها مغرغرين خايفة تخسرهم عاد رجعات دخلات لداخل لقات باها واقف مستغرب تنفسات كتسوط : غادي يسجلهم على سميتو .. هادشي على قبل لولاد ماشي عليا
لحاج بميوعة : ميستاهلهمش
بقات ساكتة لي فيها يكفيها مقداش تبقا تناقش .. لي فبالها هو سعادة ولادها بعيدا على علاقتهم لي نتهات و عمرها اترجع كيف راسمة فبالها
داز لوقت و جا الليل ..
غادة جاية فبلاصتها مقابلة مع لباب كتخلع غا بوحدها و خايفة اكون دا ليها ولادها .. شوية بدات كتبكي مرعودة
لحاج جالس فالدروج كيشوف فيها : كوراه سفرهم لبرا و نتي بقاي تبكيي
حفصة غادي تاكل جنابها : وااش لبنت مخلوعة و نتا مقابل معاها بحال لعگوزة ؟؟ نوض ستغفر مولاك نووض
لحاج بميوعة دور وجهو كيسوط : قلت ليك داك ولد لحرام متيقيش بيه ولكن مكتسمعيش مني
ثلوج كترعد : واااش ممكن تسكتو شوية ؟؟ وااش بغيتو ندير شي حاجة فراسي قولوها دابا متبقااوش كتنبحو عليا
لحاج خرج عينيه : كنبح ؟؟ انا كنبح ! وليت كلب .. صافي غا تلاقاك و عمر ليك راسك و ليتي دوري فواليديك و تقولي كلب
شدات ثلوج راسها كترجف غادي اطرطقو فيها شي عرق شوية و تطيح ليهم تماك جاب الله سمعات الصونيط فالباب مشات بجرية حلاتو كتشوف فيهم واقفين محملين بالكادوات .. تحنات لعندهم كتعنق و تبوس ملهوفة و فرحانة بالسيف باش طلقات منهم و دخلاتهم كتفرنس و عينيها مغرغرين
يزيد : ماما ماما .. عرفتي قال لينا بابانا مبقاتش كنيتنا ناجي
لحاج هز حاجبو كيسوط : و شنو قال ؟؟
زياد بتكبر : قال لينا ولات كنيتكم آل عمران
لحاج بميوعة : شلاا
حفصة جراتو : زيد زيد نتا تسوطيتي مافيهاش
ثلوج بحنان كتشوف فيهم : اجيو نطلعو لبيت اجيو .. ناري شحال توحشتكمم اوليداتي .. غادي ندوش لييكم تدويشة زوينة كيف كنت كندير ليكم فاش كنتو صغيورين هههه
زياد : قال لينا بابا ايدينا لبيسين اماما
ثلوج عقدات حواجبها : لا انمشيو لقرية مكاين لا بيسين لا والو
زياد و يزيد : ولكن حنا باغين نمسيو لبيسين
ثلوج شداتها لبكية : شنو ايولي هو لي عزيز عليكم ولا شنو ؟؟ صافي نسيتو ماماكم بهاد السهولة
زياد وسع عينيه : هااا .. نو مامي نووو نتي مامانا مغاديس نسااوك و لكن عزيز علينا بابانا
يزيد هبط راسو بإحباط : واس هو ديما اتبقا عندو لخدمة اماما
تنهدات ثلوج كتبدل فالموضوع : يلله الأبطال نطلعو ندوش ليكم و وريوني شداكشي هازين صافيي ؟
شدات فيهم طلعاتهم لبيتهم عاد حيدات ليهم حوايجهم خلاتهم غا بالكالسو و هما كينقزو عاجبهم لحال .. بتاسمات كتحط ليهم لحوايج لي ايلبسو بعدما تدوش ليهم حتى قادتهم عاد هزات راسها لعندهم بعفوية شوية عقدات حواجبها كتشوف فداكشي
نطقات بإستغراب : شنو داكشي ؟؟
زياد و يزيد شافو فبعضياتهم : سنو ؟
جراتهم لعندها عاقدة حواجبها كتقلب فحناكهم : مطبوع عليكم لعكر فين كنتو و شكون سلم عليكم ؟؟؟؟؟
يزيد : واحد التيتيزة اماما والله زوينة ياك ازياد
زياد : عرفتي اماما و تسوفيها كتحمق وااعرة واعرة .. فاس غادي نكبر انتزوج بوحدة بحالها
خرجات عينيها مصدومة : كك .. كيفااش !! بلاتي عاودو ليا بالشوية باش نفهم بلاما نتعصب اوكي ؟ يله عاودو
زياد : دابا اماما ياك
شدات راسها بعصبية : اه شنو من بعد ياك كمل
يزيد : واحد لغزالة اماما جات سلمات على بابانا
قطعاتو كترعد : أحم سلمات ؟ منين سلمات عليه ؟
زياد : من وجهو اماما و عنقاتو والله و سلمات علينا و بقات كتبوس فينا
خرجات عينيها مصدومة : و نتوما عاجبكم لحال يااك ؟؟ مزيان تبركالله
جمعات لوقفة كترجف : باغي اخرج على ولادي ايعلمهم لمسخ
داك الساعة قصدات تيليفونها كتقلب على النمرة لي كانت كتصوني ليها شحال هادي و ممقيداهاش فالكونطاك .. دخلات ليه كتصوني متأكدة غيكون غا هو .. بقا شحال كيصوني حتى جاوب بهدوء و تبات : وي شكون معايا
هزات حاجبها شوية تفرگعات : اخوووياااا انااا درت فيييك التيقة و عطييتك الدراري باااش منكونش اناانية و كنفكر لمصلاحتهم أما نتا متستاهلش و لكن باش اخويااا اجيو عندك الشيخات اسلمو عليك و اطليو ولادي عكككر هااديي منقبلهاااش و عمري نقبلها ... باغيي الزهو زها بعييد على ولادي كتفهممم ؟؟؟
أمجاد ببرودة : مشا الريزو مسمعت والو عاودي شنو كنتي باغا تقولي
خرجات عينيها كترعد بالأعصاب غادي اقتلها حية : اااااعععععع كنكرررهكككك كنكررهككك
سكتات كتلهت عاد نطقات و صدرها كيطلع و اهبط : شكون هادي لي سلمات عليك ..أ ا كنقصد لي سلمات على الدراري شكوووون ؟؟؟؟
يتبع...
التنقل بين الأجزاء