كاظم ما فهمهاش شنو كتحاول تقول و لكن حاول يسايس معاها حتى يعرف شنو مشكلتها على الصباح و علاش هاد البكا الذي لا أساس له من صحة ...
كاظم : مالك واش كتضرك شي حاجة ؟؟ واش مقلقة من شي حاجة ؟؟ واش انا درتلك شي حاجة و انا ما عارفش ؟؟ناقشيني هدري معايا ما تبقايش غير كتبكي شحال من مرة قلتلك ما تبقايش تبكي انا ما كنحملش الدموع
قبط وجهها بين يدو و قال بصوت حنون
كاظم : vas-y قولي شنو عندك كنسمعك اراحة قلبي
هنادي دلات شنيفاتها و ما قدراتش تهدر فقط غير كتشوف فيه بعيون حومر و وجهها فازك دموع ...
كاظم قال محاولا تلطيف الجو
كاظم: واش ما لقيتي ما ديري بغيتي تسيقي وجهك و لا كيفاش ؟؟؟
هنادي ضهرات على وجهها ابتاسمة خفيفة و حركات راسها بنفي و قربات ليه حتى لصقات على صدرو و حطات يد على خدو و كتشوف فيه بعوينات مسبلين بحال شي قطيطة و قالت بصوت حزين ...
هنادي: نتا مزال ما نسيتيها [نزلات دمعة سريعة من عينيها ] أخيب حاجة هي تكون عندك ضرة وهي ميتة ما عندك لا حول و لا قوة كنحس بيها مزال شاركاني فيك روحها مزال ساكناك تيقني ما ساهلاش عليا بالمرة نسمع فأول ليلة ليا معاك كتناديني بسمية ملاك ..
تحشات فيه كتبكي و تشهق أما كاظم بحال كبيتي عليه سطل د الما بارد بقا جامد فبلاصتو ما صدقش أنو ناداها بإسم ملاك فين كان عقلو...
هو ما عاقلش و لكن بما أنها قالتها راه قالها حقيقية و هو ما حاسش جرحها بلا ما يقصد ... حس بقلبو كيضرو و ما حدو كيسمع شهقاتها كتعلى و تزيد كيحس بقلبو كيتقطع الى أشلاء و قطع صغيرة الحجم أصعب حاجة هو الموقف اللي تحط فيه صرط ريقو بصعوبة و تنهد و بقا ساكت كيخمم فشنو يقول و فالأخير ما لقا ما يقول كيشوف فهنادي كتبكي فحضنو حس بيها عارفها قاصحة عليها عرفتي شنو هي تنادي بإسم مرأة أخرى لزوجتك اللي كتحماق عليك و فأول ليلة ليها معاك راه ما ساهلاش كرامتها كتدعس و كتحطم كأن قلبك مزال مع الإنسانة لوخرى و لكن هو براسو ما قصدش هو براسو ما عرفش شنو وقع ليه باش يدير خطأ بحال هدا فأول ليلة لهنادي معاه شنو يقول باش يهدنها شنو يقول باش تغفر ليه حط راسو فبلاصتها و عرفها باش غاتكون كتحس كره راسو فهاد اللحظة هو عارف هنادي شحال كتبغيه و شحال متعلقة بيه و حتى هو متعلق بيها و كيبغيها و لكن كيفاش حتى زهقات كلمة ملاك من فمو ما فهمش ربما حيت دماغو تعود يكون فعلاقة حميمية مع ملاك و فاش كان مع هنادي خرجات من فمو تلقائيا شكون عرف ؟؟...
مرر يدو بحنان على شعرها الحريري بغا يتكلم و هي تبعد عليه و حطات صبعها على فمو بمعنى شووت و حطات جبهتها على جبينو و قالت و عينيها فعينو بصوت مكسور ...
هنادي: ما بغيت نسمع من فمك حتى كلمة ماشي حيت مقلقة منك و لكن عارفة بلي ملاك مراتك الاولى الله يرحمها كانت و مزال كتعني ليك بزااف و كنت متوقعة حاجة بحال هاكا تخرج من فمك فايت قلتلك بلي انا كنبغيك نتا و ما كيهمنيش ماضيك مع ملاك بصح قلبي شاعلة فيه العافية و لكن كنصبر راسي و نقول انا من اللول خديت مجازفة فاش تزوجت براجل بقا خمس سنين و هو وفي لمراتو و ما ساهلاش راجل يبقى بلا زواج هاد المدة كاملة غير الا كان كيموت و كيحماق على مراتو و انا بغيت ناخد هاد المغامرة عرفتي علاش [ سكتات مدة فاش شافت عينو تغرغرو بدموع صرطات ريقها و كملات كلامها ] باش نسيك فيها باش نعاونك تخرج من الماضي داكشي علاش انا هنا بجنبك أنا إنسانة واعية و عارفة بلي تجرحت فكرامتي و كن كانت شي وحدة اخرى تسمح فيك و تقولك بعد مني و علاش و كيفاش و لكن انا مستعدة نتحمل عرفتي علاش ...حيت نتا كاظم أمير راجلي و حبيبي نتا راجل اللي شفت فيه نور نتا راجل اللي ما وقفش فطريقي باش نكمل احلامي نتا راجل اللي وفيتي بوعدك و ما تفليتيش عليا و تزوجتيني و حيت نتا راجل اللي حسيت معاه بالحنان اللي كنت مفتاقده و الفشوش اللي ما عمري شفتو و القيمة اللي عطيتيها ليا كبيرة كيف ندير ما نبغيكش كيف ندير ما نتحرقش على ودك كيف ندير ؟؟ تيقني لو يقولو ليا تمشاي فنار على قبل كاظم نديرها ما عرفتش واش هدا هو الحب و لا العشق و لا شنو هو ما عرفتش و لكن اللي عارفة ان كلشي يهون على قبلك عارفاك رجل وفي و انا سلمتك قلبي بين يديك عفاك حافظ عليه دموع اللي كينزلو من عيني ماشي لخاطري و لكن انا مسامحاك واخا قلبي كيتحرق ملاك مشات من الحياة و لكن مزال فعقلك و لكن انا غانسيك فيها كنواعدك ....
مع كل كلمة كيحس بدم كيدفق بوتيرة سريعة فجسدو كأن كلماتها كتضاعف نبضات قلبو ... زادت أثرات فيه بكلماتها زاد أنبو ضميرو عرف بلي هنادي عاطياه قيمة كبيرة وكبييرة بزاااف وهو باش جازاها ؟؟؟ دكر سمية ملاك فأول ليلة ليها معاه شنو كيدير ؟؟ واش ملاك غاتبقا ساكناه العمر كامل ؟؟؟ هنادي إنسانة مميزة ومتفهمة وواعية واللي ربما عاطياه قيمة اكثر من ملاك ولكن حتى هو ماشي لخاطرو خطأ بلا ما يقصد ونطق بسميتها بلا ما يشعر ؟؟ ...
إحساس دنب كياكل فيه من لداخل ماحس حتى لقا دموع شاقين طريق وجهو الشيئ اللي انتابهت ليه هنادي اللي كانت حاطة جبهتها على جبهتو كتسناه يهضر ولكن تشوكات منين شافت دموعو ...
هزات يديها باش تمسحهم وهو ينوض بسرعة للحمام ما خلاهاش تشوف ضعف ديالو زدح الباب ديال الحمام حتى قفزات من بلاصتها مافهمتش شنو وقع ليه بغات تنوض وهي تحس بحريق فالمهبل ديالها ورجعات جلسات وربعات يديها وعينيها كيشوفو جيهة لحمام وبدات كتناديه بصوت عالي باش يخرج ..
هنادي: كااظم كاااااظم
لا من مجيب فقط غير صوت الما مطلوق اللي كيتسمع من الحمام ...
كيشوف راسو فالمراية وصورة هنادي وهي كتبكي ماقادرش يحيدها من بالو ضرب يدو بجهد مع لافابو وهو كيتدكر كلامها وكيفاش كتقدرو وكيفاش هنادي إنسانة رحيمة ومتفهمة وأي حاجة كيديرها كتعطيه عدر وقلال البنات بحالها كيحس بيها حقا الزوجة الصالحة اللي كانت خاصه من زمان عض على شنايفو بقوة وغسل وجهو مزيان وقال بصوت رجولي ...
حل الباب بشوية لمحها مزال جالسة فمكانها وعاطياه بضهر ومربعة يديها وساهية فالفراغ تحت عينيها كحل ووجهها أصفر اما عينيها راه حومر بالبكا كتبان كيف شي وردة داابلة ضرو خاطرو بزااف وهو كيشوف فراحة قلبو بهاد الشكل فبلاصة ماتكون مفتحتة بحال شي وريدة ففصل ربيع حيت مضاو اول ليلة ليهم اونسومبل كلشي ضيعو بمجرد مادكر كلمة ملاك وكيقول فنفسو بلي هاد الحالة اللي وصلات ليها هنادي هو سباب فيها ما تقدروش تصورو مقدار الألم اللي كيحس بيه فقلبو صعيب تجرح شي حد بلا ما تقصد والأصعب من هدا يكون كايعنيلك بزااف وكتحماق عليه ومع دلك كله كتجرحو ونتا ما عارفش كتآديه بلا ما تشعر ...
خطا خطوات بإتجاهها حتى وقف على راسها ...
هنادي كانت ساهية غير حسات بظلو واقف عليها وهي تهز راسها شافت فيه وقالت بفرحة
هنادي: كيمو
كاظم صرط ريقو بصعوبة وما شعر براسو حتى جلس بجوارها وهي متبعة ليه العين كتشوفو شنو باغي يدير وكتسناه يهضر يقول شي حاجة على الاقل يقدم ليها غير إعتدار صغير على داكشي اللي دار ولا على الأقل يدير شي ردة فعل ...
كاظم قرب ليها حتى قرب يدخل فوجهها شد خدودها بين يدو وقال أخيرا بصوت حنون
كاظم: كنقسم ليك بلي خلقني وخلقك بلي ما عرفتش كيفاش حتى خرجات من فمي سميتها كنقسم ليك بلي عمري بغيت نجرحك ولا نآديك حتى بالكلام ربما حيت كنت مولف أنني نكون فداك الوضعية مع ملاك هادي خمس سنين ربما خرجات تلقائيا ولكن كوني أكيدة انها هادي هي آخر مرة تسمعيها من فمي انا كنبغيك أهناادي كنبغيك بزااف كنبغيك حيت نتي إنسانة مختلفة على الآخرين لا فعقلك لا فتعاملك غير قولي ليا شنو الحاجة اللي فيك ما كتعشقكش ؟؟ ما كايناش كلك زوينة
مرر يدو على ضهرها وقربها ليه حتى تزدحات على صدرو وكمل كلامو
كاظم: كنشكر الله مليون مرة حيت تزوجت بيك ورزقني بإنسانة بحالك كنظن اني قلتلك ألف مرة من قبل أن ضحكتك كترد فيا الروح [ شبك يدو مع يديها ] يديك الدافية والعروق البارزين فيهم كيسطيوني ريحة شعرك كتدوبني اما ريحة جسمك كتخدرني كيفاش كتحركي يديك فاش كتكوني كتكلمي فموضوع مهم عينيك اللي كتحنيهم وخدودك اللي كيحمارو فاش كتحشمي كنبغيك بأدق التفاصيل فيك دوك التفاصيل اللي ما كينتابه ليهم حد انا كنبغيهم وما باغي حتى واحد يشوفهم باش مايتغرموش بيك نتي أمانة عطاها ليا الله وأنا عمري ما نخون الأمانة نتي تخلاقيتي لكاظم و من بين الحاجات اللي خلاتني نبغيك هي انني لقيت فيك بزاف د الحاجات ما كانوش فملاك نتي حنونة بزااف طريقة كلامك و كيفاش كتفهميني وكيفاش كتديريلي أعدار وكيفاش كتعبري على حبك ليا بطريقة مباشرة او بطريقة غير مباشرة كنحس بيك ورقة بيضة بريئة و انا بحال داك القلم اللي كيخط عليها عمرك ما رديتي عليا الهضرة دايرة ليا إعتبار كبير عمر نبرة صوتك ما علات عليا علاقتك زوينة بالحنانة نتي إنسانة طيبة و انا حقا ما نسواش حيت آديتك بهاد الشكل سمحيلي بزاف ...
سكت كاظم و عم الصمت بيناتهم فقط صوت أنفاسهم المتسارعة اللي كتسمع فالغرفة عينو مشاو ديريكت لشنيفاتها اللي ولاو حومر بقوة العضان ...كيقرب ليهم ببطئ حتى وقع التحام بين شفايفو و شفايفها كيمص فيهم بطريقة حنونة كأنه كيقدم ليها إعتدار على شنو دار .... دورات هنادي يديها على شعرو من اللور و كتمررها عليه بحنان كأنها قابلة إعتدارو و متفهماه بلي ماشي لخاطرو حقا الإناث بحال هنادي قلال وهو محظوظ اللي حظا بوحدة بحالها ....
بعد عليها بشوية وإبتاسم وغمزها غميزة خفيفة خلات قلبها ينبض بسرعة وقال بصوت حنون ويدو كيمررها على دراعها ...
كاظم: شنو نديرلك دابا ناكلك امم
هنادي ابتاسمت وقالت بصوت حنون
هنادي: ونسخا عليك تاكلني امم مانبقاش فيك
كاظم قرب لشنيفاتها وخطف منهم قبلة خفيفة ورجع لور و قال
كاظم: كاين شي واحد تسخى عليه بنتو ومرتو
هنادي حركات راسها بنفي وقالت بصوت دلوع
هنادي: هاد ساعة مزال ماكاينة بنتك كاينة غير مرتك اللي هي أنا
كاظم : نتي جامعاهم بجوج
هنادي دارت يديها بجوج تحت خدها وميلات عليهم راسها وقالت بصوت دلوع جا شكلها كيوت
كاظم دور راسو جنب وضحك و رجع شاف فيها وقال بإنكسار
كاظم : مزيان باش نموت قبل منك حيت الا مشيتي و خليتيني نحماق مافيهاش شك
هنادي صدمها بكلامو شوف هي فين كتهدر وهو فين كيرد الهدرة قلب الموضوع سفاه على علاه هي كتهدر فالشرق وهو كيهدر فالغرب حسات بغصة فقلبها ومرار كيهبط فحلقها بمجرد ماقال هاد الكلمات اللي طاحو على مساميعها كقطرات سم ...
هنادي: كيمو أش هاد الهضرة انا كنهضر فالشمال و نتا كتهضر فالجنوب أحبيبي علاش كتقول هاد الهدرة [حطات يديها بجوج على خدو ] الله يطول ليا فعمرك أ الكبيدة ديالي ما تكونش متشائم حتى لهاد الدرجة ..
كاظم حل عينو على وسعهم فاش سمعها قالت ليه {كبيدة ديالي } نااري سيدة طااحت على زنافرها و صافي تطلقات معاه بصفة نهائية كيحس بقلبو كيرقص على إيقاع سامبا فهاد اللحظة ...
كاظم: بصح انا كبيدة ديالك ؟؟
هنادي مررات يديها على وجهها و قالت
هنادي: و نتا راك قلبي و كبيدة و عمري و روحي نتا راك سكنتيني صافي هاد الأسئلة ما تعاودش تطرحهم عليا
كاظم عض على شنايفو بفرح من كلماتها لوا يدو على خصرها و هزها حطها على حجرو و هي تغوت و قبحات ملامح وجهها حيت تقصحات السيدة راه مجروحة من ليلة البارح ...
هنادي: اااااح اووو اممم
غمضات عينيها و كتحس بتحتها كيزدح عضات على شنيفاتها كتبرد فيهم الحر ..كاظم إستغرب بعض الشيئ من ردة فعلها و لكن سرعان ما تدكر ليلة البارح و كيف دازت و بما انها اول ليلة ليها أكيد غاتكون تقصحات ...حط يدو على حجرها و هي تلتافت بسرعة شافت فيه و وجها ولا أحمر و قال
كاظم:كيضرك أبنتي
هنادي صرطات ريقها بصعوبة و حركات راسها بالإيجاب و حنات راسها كتلعب بصبيعاتها لأنها حشمات منو ..
حشا راسو فعنقها و قال بهمس حتى تبورشات كاملة
كاظم:شكون هاد المجرم اللي دار فبنتي هاد الحالة امم
هنادي ابتاسمت و قالت بهمس
هنادي: كتعرفو نتا مزيان
كاظم هز راسو من عنقها و شاف فيها و ضحك
كاظم: سمحيلي انا ما كنعرفش المجرمين
هنادي : و شكون من غيرك اللي دار فيا هادشي امم
كاظم:[عض على شنيفاتو ] تطياح الباطل هدا انا ما كنآديش راحة قلبي
هنادي : امم و شكون على هاد الحساب
كاظم دور وجهو جنب و ابتاسم و مد ليها يدو و قال
كاظم : عطيني يديك نوريك شكون
هنادي على نيتها حطات يديها على يدو و بسرعة حطو على مركز رجولتو الشيئ اللي خلاها تحل عينيها على وسعهم ما توقعتهاش منو ....
كاظم: هدا هو المجرم أما أنا ضريف والله
هنادي حيدات يديها بسرعة من داك المكان و كاظم تزدح على ضهرو كيموت عليها بضحك و على تعابير وجهها اللي ولا حمر بقوة اللي تحرجات من تصرف اللي دار ...
بقات غير كترمش فيه وهو كيموت عليها بضحك ضحيكة ديالو زوينة بقات غير مسمرة حاضياه بعويناتها سهات فيه حتى مرر يدو على ضهرها و قال مع ضحيكة خطيرة مرسومة على شنيفاتو
كاظم : مزال كتحشمي مني نورمالمون خاصك تكوني ولفتي
هنادي إكتافات أنها تبتاسم و حنات راسها كتلعب فصبيعات يديداتها و كمل كاظم كلامو و يدو كيمررها على ضهرها بحنان
كاظم: علايش إتفقنا ؟؟
هنادي دورات و جهها و شافت فيه و ابتاسمت و دارت حركة اللي صدماتو بعض الشيئ... تزدحات فوق منو حتى لصق صدرها على صدرو و قالت
هنادي: بغيتيني نكون مقزدرة معاك او بمعنى أصح مطيرة لبلايك كيفما كنقولولها حنا
كاظم هز راسو كيضحك بطريقة هيستيرية و هز يدو كيمررها على شعرها من اللور و قال بإبتسامة
كاظم: برااافو على بنتي و راحة قلبي هاكا نبغيك ما تحشميش مني أصلن شايف كلشي و عارف كلشي فلدلك ديك الحشمة زايدة ما عندها معنى معايا
هنادي : ياك باغي تخرج ليا على أخلاقي عقت بيك
كاظم عض على شنايفو و حرك راسو بنفي و قال بابتسامة
كاظم: بالعكس بغيتك تاخدي راحتك معايا ابنتي
هنادي بقات ساكتة مدة و هزات يديداتها حطاتهم على شنيفاتو و هو باسهم ليها و قالت بصوت طفولي
هنادي: بغيت نقولك واحد الحاجة أ حبيبة
كاظم: خودي راحتك
هنادي : ما تبقاش تقوليا بنتي
كاظم: علاش ؟؟
هنادي : حيت انا ماشي بنتك أنا مرتك
كاظم : أنا كتعجبني نعيطلك بنتي حيت كنحس بهاد الكلمة زوينة بزاف و مكانتها كبيرة فقلبي ما تحرمينيش ناديك بيها حيت انا كنت باغي تكون عندي بنت و لكن [سكت مدة و عاد كمل كلامو ] قدر الله و مشاء فعل
هنادي صرطات ريقها بصعوبة و قالت بابتسامة
هنادي: مكتاب أحبيبة داكشي اللي وقع دابا كن ما ماتتش ملاك واش كنتي غاتزوج بيا ؟؟
كاظم حرك راسو بنفي و قال
كاظم: ما عرفتش ولكن الله يرحمها هي و بنتي اللي ماتت فكرشها قبل ما نشوفها
هنادي : كلشي من الخير أ كيمو باينة كانت علاقتك معاها زوينة
كاظم بلا ما يحس قال
كاظم: زوينة بزااف
هنادي طلعات نفس بصعوبة و حنات راسها كتحاول تلاهى فشي حاجة باش ما يطيحوش دموعها الشيئ اللي انتابه ليه كاظم و نعل راسو للمرة الثانية حيت كيجرحها بكلامو بلا ما يقصد ...
هز ليها راسها حتى تلاقات عينيها مع عينيه و قال بإبتسامة ..
كاظم: و لكن ما توصلش لعلاقتي انا و ياك قلتلك نتي فيك شي حاجات كنت مفتاقدهم فملاك ما باغيش ندير المقارنة بينك و بينها و لكن انا كنقولك غير الحقيقية
هنادي : عادي حتى انا متصالحة مع داتي و ثايق فيك داكشي علاش كنسولك عليها نتمنى ما نكونش كنوض عليك مواجيع
كاظم : عادي كلشي من الماضي و نتي هي الحاضر
هنادي ضهرات على ثغرها إبتسامة كدليل على إعجابها بكلماتو ..
هنادي: امم كيف درتي حتى تلاقيتي بيها ؟؟
كاظم بقا ساكت و لكن دماغو غايب رجعات بيه داكرتو لسنوات للوراء ... سها فهنادي و لكن راه عقلو مشا لأول لقاء كان ليه مع ملاك ...هنادي مررات يديها حدا عينو و قالت
هنادي: كيمو جاوبني ياكما ما باغيش تهدر فهاد المواضيع ؟؟؟
كاظم تنهد و قال بصوت حزين ...
كاظم: ملاك كانت كتقرا معايا ففرنسا و تماك بدات علاقتنا كان حب فالأول من طرف واحد كنت انا اللي كنبغيها و لكن هي ما كانتش مسوقة ما كانتش عارفاني أصلن واش كاين ولا ما كاينش أنا كنت من الأوائل ديال الدفعة ديالي و كان صاحبي كيعرفها و هي كانت شوية كسولة و واحد نهار عطانا البروف نخدمو على واحد البروجي و رغبات صاحبي يدخلها معانا فالغروب باش تجيب نقطة زوينة باش تنجح حيت كنت معروف انا ديما كنجيب نقطة الأولى فليبروجي و عرفات الا دخلات معانا غاتجيب نقطة زوينة و بدينا كنخدمو اونسومبل صافي تماك بدينا كنتلاقاو فليكافي و شي بعض المرات كانو كيجيو عندي لدار هي و صاحبي و كنخدمو حتى لواحد النهار مرض صاحبي و جات غير هي عندي تشجعت و قلتلها بلي انا كنبغيها و بلي كتعجبني و فاجئاتني بلي حتى هي كتبغيني و كنعجبها و صافي ...
هنادي : نتا و ياها فدار بوحدكم إذن شيطان غايكون ثالثكم أكيد درتو شي حاجة ..
كاظم ابتاسم و قال
كاظم: si درنا حاجات فشكل كان داك نهار أول ليلة ليها معايا
هنادي طرطقات فيه عينيها و قالت بصوت مرتفع
هنادي: بلا زوااج بلا واااالو
كاظم حرك راسو بنفي
كاظم: أحاسيسنا كانو متحكمين فينا ديك ليلة ..
هنادي بقات غير حالة فيه فمها و قالت
هنادي : و زوينة هادي عاود سلام عليكم و عليكم السلام كنبغيك حتى انا كنبغيك اوا صافي نضتو و درتو شكلي فالعكلي اويلي صدمتيني بالله
كاظم ضحك على كلماتها العفوية و جاوبها
كاظم : داكشي جا spontané ما قدرناش نقاومو بعضياتنا شي حاجة كانت كتجرني ليها و حتى هي ما منعاتنيش حيت حتى هي كانت كتبغيني
هنادي : تا اشمن كتبغيك اويلي صدمتيني و لكن الا كانت كابرة ففرنسا راه داكشي هوما عندهم عادي و لكن واخا هاكاك ماشي حتى لديك درجة زعما راه كانت مسلمة و نتا بعدا أزوين اللي غير قالتلك كتبغيك صافي جريتيها معاك و طحتي معاها اوا بعدا اللي شافك نهار خطبتيني يا خويا جالس عليهم انا كنصلي كنقرا القرآن عارف لي ليا و اللي عليا ساعة حتى نتاا ضاربها من سطاش
كاظم : كلشي كيغلط أحبيبة و لكن راه تزوجت بيها حيت بكل بساطة كنت كنبغيها و سواء نعست معاها و لالا راه غانتزوجها
هنادي : امم مزيان عرفناك تزوجتي بيها و لكن غير طاحت فيك ولد ناس اما حنا فالمغرب شحاال من وحدة مسكينة كيبقا عليها كنبغيك كنتسطا عليك أغير كاياخد منها شنو بغا ما كتبقاش تشوف كمارتو كيغبر كيدير من هنا دازو و كيقولها من لفوق كيفما درتي معايا ديري مع غيري هادشي الا ما شوهاش بتصاور و ما هددهاش اما الا قدر الله و حملات منو أ كاينكرها فخطرة الله يستر
كاظم : و الله يهدي ما خلق حتى البنات ما خاصهمش يبقاو يثيقو اللي بغاك كيجي لدار
هنادي : داكشي اللي كانت كتقولي ختي كانت كاتوعيني و من ديما كتقولي ردي البال لراسك و ما ثيقي فحد
كاظم مرر يدو على ضهرها بحنان حتى تبورشات و قال بإبتسامة
كاظم: حتى نتي كان عندك ماضي على هاد الحساب هي حتى نتي كنتي مصاحبة امم
هنادي : اوييلي على انا نتصاحب واش من نيتك خوتي اولا كانو صعااااب ودايرين ليا الحضية فالمدرسة وفلافاك وفأي بلاصة مشيت ليها وثانيا انا عندي مبادئ ماعمري بغيت نتصاحب وما عمر شي ولد تجرأ وطلبها مني سواء فالمدرسة ولا فلافاك اصلن أنا داخلة سوق راسي وما كيزعم عليا حد
كاظم : ماكان كيعجبك حتى واحد فاش كنتي كتقراي ؟؟
هنادي : وهو صراحة الإعجاب كان كيعجبني زعما غير من البعيد راك عارف البنات ...
كاظم :عاودي ليا على أول حب فحياتك
هنادي : وهو ماشي اول حب غير فقط إعجاب اما الحب الأول و الأخير هو نتا أحبيبي ...
كاظم عض على شنايفو بمجرد مانطقات بآخر جملة وما حس براسو حتى سرق من شفايفها قبلة خفيفية خلات وجهها يحماار ورجع لبلاصتو وقال
كاظم :كملي كلامك دابا
هنادي : كنت كنقرا فالروض
كاظم حل عينو على وسعهم وقال
كاظم : مزال عاقلة على الحب ديال الروض وكاتقوليلي غير إعجاب
هنادي: لاا ما تفهمش غلط كان كيقرا معايا وكان عندو القصيصة هابطة على عويناتو كان شعرو رطب من شعكاكتي وكان بيوض وعويناتو زريرقين كان كيف شي أجنبي وكان ضرييف بزاااف وكان ديما كيجيب معاه ليسندويتش وكان كيدوقني كانت سميتو كريم ماهر
كاظم : عاقلة عليه بسمية بالكنية بوجهو كامل وكتقوليلي ما كنتش كنبغيه
هنادي:وا غير إعجاب طفولي برييئ صافي وبقا كيقرا معانا وأنا تيعجبني نجلس حداه ونهضر معاه ولكن ما كملش العام وخرج وشحال بكينا عليه داك نهار اوف كنتفكرها كتشدني سخفة ديال الضحك
كاظم:بكيتو عليه ؟؟ يعني قولي سي كريم مطيح القسم كامل
هنادي : هههه وييه ماشي غير أنا البنات ديال القسم كلهم طايحين فيه ولكن حب طفولي برييئ ونهار بغا يمشي سلم علينا بالوجه وحنا كنبكيو وجاب ليا بوحدي وريدة حيت انا كنت صديقة المفضلة عندو
كاظم : حب طفولي بريئ؟؟ وجايب ليك وريدة مزيان
هنادي : وي سي نورمال حيت من ديما كنصاوب ليه les devoirs ديالو
كاظم: يعني قولي سيد كسول وكان كيستغلك
هنادي حركات راسها بالإيجاب وقالت
هنادي: exactement ولكن حتى انا كنت كنستاغلو ما نكدبوش على الله كان كيشري ليا بيمويات زوينين حيت ماما ماكانتش كتشريليا سقاطة بزاف وانا لقيتيها من الجنة والناس
كاظم : وا فشي شكل عندك هاد الحب طفولي البريئ عمري شفت بحالو
هنادي بقات ساكتة مدة وإبتاسمت وقالت
هنادي: شنو دابا نفهم من هضرتك بلي كتغير عليا ؟؟
كاظم: نو عادي أصلن سي كريم كان مطيح القسم كامل ماشي بعيد حتى الأستادة كانت كتبغيه
هنادي : وي كان عندها عزيز بزااف بحال والو تكون حتى هي كانت طايحة فيه ههه
كاظم: ها ما قالت الشوافة
هنادي شداتها الهيستيرية ديال الضحك على كلماتو كتضحك بصوت مرتفع وهو ساهي فيها وكيمرر يدو على خصلات شعرها من اللور وكيحس بداتو كترتعد وقلبو كينبض بقوة أما عينو ماكيبقاوش قادرين يشوفو غيرها إبتسامتها إستثنائية بحالها كيكتفي أنو يتنهد ويشوف فيها ...
كاظم: معاك كنبغي نهدر وما نحبسش من الكلام كنبغي نعاود ليك أي حاجة وقعات ليا واخا تكون تافهة حتى دوك تفاصيل صغيرة البسيطة و انا معاك ماكنبغي دوز حتى ثانية و انا ما هادرش معاك فيها شنو قيمة الوقت الا ماكانش عامر براحة قلبي أمم
هنادي حنات راسها بخجل كتبتاسم حتى سمعاتو قال
كاظم : ندوش لبنتي غاتكوني عيانة ياك
هنادي شافت فيه ووجهها ولا أحمر وناضت بسرعة من عليه ووقفات وقالت ...
هنادي: شكرا قادرة ندوش راسي
مرر يدو على وجهو كيبتاسم وقال
كاظم: مزال عاوتاني ديك الحشمة زايدة
هنادي : ماشي كنحشم غير انا هاكا دايرة
كاظم : كيف دايرة ؟؟
ناض من فوق السرير .. وقف كيقرب ليها وهي كتبعد و كترجع بخطوات للوراء حتى تزدحات على الحيط وقبحات ملامح وجهها كدليل على أنها تقصحات ...بلا ما يحس ضهرات على ثغرو إبتسامة ومرر يدو بخفة على خدها وقال بصوت حنون ..
كاظم: كنظن ماعنديش الغرون باش تخلعي مني حتى لهاد الدرجة
هنادي حنحنات وقالت بصوت أنثوي رقيق ..
هنادي : نتا عندك أكثر من الغرون
كاظم عض على شنايفو وحشا يدو فجياب سروالو وقال
كاظم: بحالاش؟؟ مثلا
هنادي صرطات ريقها بصعوبة وشافت جيهة مركز رجولتو وقالت ...
هنادي: نتا بفمك قلتي عندك مجرم خطير احم
كاظم هز راسو كيشوف فسقف وكيموت بضحك على كلماتها العفوية اللي كتخرج من فمها وكتسرق الابتسامة من شفايفو ....
هبط راسو وشاف فيها وطول النظرة وعينو كيلمعو كأنهم قطعة من الألماس و قرب ليها حتى دخل فمساحة خاصة ما كتعداش بضع سنتيمرات مسافة خلات أنفاسهم يتخالطو من جديد وصوت أنفاسهم يعلا ويزيد ...
قال بصوت همس وعينو كيشوفو فعينيها وكيتنفس من انفاسها وجهو داخل فوجهها ...
كاظم : لاشوميز ديالي عفاك
هنادي توترات حركات راسها بالإيجاب بغات تحيدها و لكن قبل ماتحط يديها على لحمها حسات بيدو كيفسخو أزرار شوميز ديالو اللي كانت مرتادية تشلات الحركة ديالها وبقات حاضياه بعينيها حتى حلهم كاملين وحيدها ليها وحطها على نيفو كيستنشق ريحة عطرها اللي لصقات فيها بقا مغمض عينو وهي حاضياه حتى حل عينو وقال بهمس فودنيها بصوت خطير خلا قلبها يرجف ..
كاظم: كنظن حوايجي قبل مانلبسهم خاصك تلبسيهم نتي لولة عرفتي علاش [سكت مدة وكمل كلامو ] باش تلصق فيهم ريحتك اللي كتشبه لريحة الجنة
خلا قلبها كيدق بقوة وهو وقف أونفاص ليها كيلبس لاشوميز ديالو وهي كتشوف فيه بإعجاب بريق جميل فعينيها اي واحد شاف فيها يقدر يعرف شحال كتبغي كاظم وشحال كتعزو هادشي كامل واضح على ملامح وجهها الأسمر اللون كلون العسل البريئ كبراءة الطفل ...
لمحها بعينيه كتشوف فيه إبتسام ليها وبادلاتو الإبتسامة وغمزها و حتى هي رداتلو الغميزة وحنات راسها بحال ما دارت والو ...
كاظم وقف حدا المراية وقاد لاشوميز ديالو وخطا خطوات لضفة الأخرى من البيت وهز لافيسط ديال الكوستيم ورجع وقف حدا المراية وهنادي غير متبعاه بعينيها...
لبسها وقاد شعرو بيدو رجع أنيق ووسيم كيفما العادة خلا هنادي اللي كانت لاصقة على الحيط غير كتشوف فيه وحالة فمها فيه حتى ريوكها قربو يسيلو من ثغرها ....
حول نظراتو لجيهتها لقا سيدة غايبة وكتبتاسم ليه غير هي وعظامها بحالة مسكونة وفعلا راه رجعات مسكونة بكاظم اول واحد عرفات معاه الحب والعشق والغرام وخلا قلبها يدق بقوة كيف دير ما تعشقوش وكيف دير ماتسكنش بيه وهو فيه صفات الرجل المثالي ...
كاظم : هنادي أسبحان الله ابنتي فين مشيتي
هنادي : أ.. هانا معاك شنو كنا كنقولو
كاظم : انا ماكنت كنقول والو شوف نتي شنو قلتي
هنادي: اه كنا كنهضرو على سرقة
كاظم كيلبس ساعتو اليدوية فيدو وكيتكلم ...
كاظم: فخبارك بلي نتي درتي أكبر عملية سرقة فالتاريخ
هنادي : لهلا ينزل علينا باطل
كاظم : هي انا وليت كنكدب وكنزل الباطل
هنادي : لا حاشا انا ماقلتش هاكاك ..
كاظم ابتاسم وخطا خطوات لجيهتها وحط يدو تحت دقنها هز ليها راسها حتى تقابلو عينيهم وقال...
كاظم : أكثر حاجة كتعجبني فيك هي فاش كنقول شي حاجة وكتهدري بعفوية وكتحاولي تبرري ليا الموقف ديالك كنحس بيك بحال ديك طفلة صغيرة اللي قالت ليها ماماها علاش كليتي les bonbons وهي كتحاول تقنعها بأي طريقة بلي كتعجبها وبلي ما كضرش سنانها ماكدبتش فاش قلتلك بنتي اكثر لقب كتستحقيه عن جدارة وإستحقاق .
كاظم سكت و شاف فيها وقرب ليها وحط نيفو على عنقها خلاها مبلوكية فبلاصتها وقال بصوت قريب الى الهمس خلا لحمها يتشوك عليها ...
كاظم: نتي فريزة بشوكولا أبنتي
بعد عليها كيضحك وخطا خطوات بإتجاه الباب وحلو و شاف فيها وقال ..
كاظم : كنبغيك أراحة قلبي
كانت آخر جملة سمعاتها من فمو قبل مايخرج من الغرفة و ماأروعها من جملة كتحس براسها طايرة من فوق السحاب كأن الأرض مابقاتش كافياها ...دارت صبيعاتها ففمها وغززات ضفارها كل كلمة قالها كتفكرها و كتضحك كتعقل على كلماتو بالحرف الواحد ماحسات براسها حتى خطات خطوات لأمام ووقفات حدا المراية و كتشوف فجمالها و تبتاسم بالفرحة بدات كتحرك خصلات شعرها يمين شمال كأنها كتجدب على السواكن ...
تحل الباب وهي مزال على نفس وضعيتها كتجدب من جدر عقلها فجأة توقفات فاش حسات بخطوات كيقربو ليها و ضحكة رجولية ثقيلة فالغرفة عرفاتها ديالمن توقفات كأنها تشلات عن الحركة وشعرها طايح على وجهها جا شكلها مضحك و مرعب فنفس الوقت..
حسات بيدو كيحيدو خصلات شعرها من وجهها حتى حيدو ليها كامل و بان وجهها الطفولي تلاقات عينيها مع عينيه و الابتسامة ما فارقاتش وجهو ...حط يدو على خدودها بجوج و هي كتصرط ريقها بصعوبة و كتشوف فيه كيف شي قطيطة ..
هنادي:ع..ع. علاش رجعتي؟؟ ي.. ياك مشيتي بحالك
كاظم سكت مدة و قرب ليها و طبع قبلة على خدها بوسة د الغدايد بقا بارك على خدها بشفايفو و هي خلاص غير كتشوف بعد عليها و قال
كاظم : برهوشتي
عطاها بضهر و خطا خطوات لضفة لوخرى من البيت و هز تيليفونو فوق الطبلة ..
هنادي: نسيتي تيليفونك مشيتي بلا بيه داكشي علاش رجعتي
كاظم حرك ليها راسو بالإيجاب و قال بإبتسامة
كاظم: العقل ما بقاليش
هنادي: عادي كلشي كينسى
كاظم : نتي ديتي ليا العقل ابنتي على العموم تهلاي فراسك ما غانتعطلش
هنادي :واخا طريق سلامة
كاظم : غانتوحشك
هنادي جاوباتو بابتسامة
هنادي:حتى أنا
خطا خطوات بإتجاه الباب و حلو بغا يخرج و شاف فيها و قال بابتسامة . .
كاظم : ما تبقايش تحركي راسك بزاف غايضرك
خرج كيضحك عليها و هي تمنات الارض تشق و تبلعها أكيد كيحشي فيها الهدرة حيت شافها كتجدب بشكل مضحك ضربات راسها كدليل على غباءها و مشات دخلات للحمام و طلقات الما دافي فالبينوار و حيدات حوايجها ببطئ و تحشات فيه بعد ما جمعات شعرها باش ما يفزكش ليها ...ما دافي غزااال غمضات عينيها كتشوف فسقف و تضحك غير هي و عظامها كلما تدكرات ليلة الأمس و كيف مضاتها مع حبيبها كيمو ...
انطالق بسيارة ديالو من الأوطيل حتى للفيلا ديال ماماه شاف فساعة لقاها ثمنية د صباح حل باب سيارة و خرج و جبد سوارت من جيبو و فتح الباب لقا سهااات كلشي مزال ناعس العيا ديال العرس و السهير كلشي عظامو مدكدكين باغين غير يحطو راسهم ...سد الباب بشوية باش ما يديرش صداع دخل للكوزينة لقا فريدة الخدامة راه واقفة كدير الفطور ...سمعات خطوات كيقربو ليها و دارت بسرعة فاش شافتو كاظم ابتاسمت و قالت ..
كاظم: حمد الله أ الحاجة من بعد الله الفضل كيرجع ليك
فريدة:لا اولدي ما تقولش ديك الهدرة انا درت غير لي عليا و راه اولدي اللي فالمكتاب توصلك توصلك انا كنت غير سبب
كاظم : و نعم بالله
كانت هادي هي آخر جملة قالها و انصارف لطابق العلوي دخل لبيتو و لبس كيطمة فالرمادي و دار الكاسكيطة ديالو فالأسود جا شكلو شبابي كيوت حل الباب و اتاجه لبيت ديال زبيدة دق الباب ثلاثة دقات منين ما سمعش صوتها دخل بشوية لقاها ناعسة ففراشها و حازمة راسها بزيف تأسف على حالة ميمتو سد الباب و خطا خطوات فإتجاه سرير حتى وصل لحدا ماماه و جلس حداها و حط يدو دافية على خدها و قال بهمس ...
كاظم : الحنانة
كيحركها بشوية باش تفيق و داكشي اللي وقع فتحات عينيها بتثاقل فاش لمحات ولدها كاظم تقادات فالجلسة و إبتاسمت و قالت بصوت ثقيل باينة فيها عيانة
زبيدة : ولدي
هز يديها باسها و حطها تحت خدو و قال بصوت حنون
كاظم : عيانة أميمتي واقيلة
زبيدة حركات راسها بالايجاب و قبطات راسها باليد لوخرى و قالت
زبيدة : كي بقات هنادي لابس عليها ؟؟
كاظم : الحمد لله نتي اللي بنتيلي عيانة
زبيدة : راك عارفني ما كنقدش على صداع فقت شربت دوليبران و رجعت تكيت على الله يفوتني الحريق راسي كيزدح
كاظم : جيت غير نشوفك صافي رجعي نعسي باش ترتاحي
زبيدة : أودي ما بقا نعاس راه خاصنا نيت نوضو نفطرو فين هي هنادي ما جاتش معاك ؟؟
كاظم حرك راسو بنفي
كاظم: ما جاتش بقات فالاوطيل جيت غير باش نبدل حوايجي و نديلها حوايجها باش نمشيو
زبيدة : نتا ولدي ياك و انا ميمتك العار لا ما تهلا فديك اليتيمة وياك تقهرها و لا تخسر ليها الخاطر حتى الا دارت ليك شي حاجة لا تديشاي عليها راه باقة صغيرة سلك و دير عين ميكة الله يرضي عليك واخا انا عارفاك حنين اولدي و ما تلقاش معاك المشكل و لكن الوصية لابد منها هنادي أمانة فرقبتك و عارفاك رجل و غاتقد على الأمانة
كاظم جاوبها بابتسامة
كاظم: فاش تزوجت ملاك ما وصيتينيش عليها بحال هاكا بنتيلي بحال كديري تمييز بين عيالات ولادك أ الحنانة
زبيدة متقات و جاوباتو
زبيدة : دابا اش جاب ملاك الله يرحمها لموضوع هاديك شكل و هنادي شكل أخور ملاك نتاا اللي جبتيها و بما انك جبتيها كنت متيقنة بلي غاتهلا فيها و اصلن هاديك كانت بااينة فيك من شوفة العين كتسطا عليها اما هنادي مسكينة غير دريويشة و انا اللي جبتها ليك ما بغيتش غدا من غدا تجي عندي و تقولي نتي سبابي فهاد الزواج و ما بغيتش ندي دنوب ديك ليتيمة
كاظم : كنتسطا عليها أ الحنانة واش ما باينش ليا فعيني فاش كنشوف فيها ؟؟؟ كيفاش غانقدر نآديها و هي خدات روحي مني ما تحتاجيش توصي أ الحنانة هنادي فالقلب
زبيدة جاوباتو بابتسامة
زبيدة : ايييه عارفين أولدي راه باينة لعما بلي كتبغيها و دخلات لخاطرك و تفاهمتي معاها الله يواتيكم و لكن واخا هاكاك خاصني نتأكد واش مزال عندك ديك نظرة لولة ديال انك تعاملها بحال بنتك ؟؟
كاظم حرك راسو بالايجاب
كاظم : كنعاملها بحال بنتي و لكن كنبغيها بحال مرتي
زبيدة دارت يديها بجوج على راسها 🙆♀️🙆♀️ وقالت
زبيدة : أ حبيبي عارف ميمتك ما قارياش و ما عنديش مع الفلسفة د والو كيفاش كنعاملها بحال بنتي و كنبغيها بحال مرتي
كاظم : واش أ الحنانة عيب الا عاملتها بحال بنتي واش عيب الا فششتها واش عيب الا قلتلها بنتي واش عيب الا حميتها شنو هو دور الأب فحياة البنت من غير انو يفششها و يحميها و يبغيها أكثر من راسو كنظن بلي خاصك تفرحي أو لالا هدا جانب زوين و حتى ملاك كنت كناديها بنتي انا هاكا داير فاش كانقولها بنتي كنحس فغيمون بإحساس زوين إحساس ما تيتوصفش ربما كنحس بحال أنني أب و زوج فنفس الوقت انا من ديما كنقول بلي مراتي غانحسبها بنتي و غانعتبرها بنتي الاولى و حبيبتي و كنظن بلي حاجة عادية ما فيها حتى عيب انا هاكا داير ما مريض نفسي ما مسطي ما احمق هادشي اللي دار فيا الله اللي عجبتو عجبتو و اللي ما عجبتوش ما هامنيش اصلن المهم هو انا نكون فرحان بشنو كندير و الحياة هي حياتي و ما سوق حتى واحد فيها و حتى واحد ما غايفهمني فاش كنقول بنتي كنقصد بأن هنادي شخص قريب ليا بزااف و خصوصا انها مزال صغيرة عليا و كنحس بلي خاصني نعلمها شحال من حاجة و هادشي ماشي عيب بالعكس انا كنفتاخر براسي لانني هاكا داير هدا هو طبعي ربما فيا المحنة مبالغ فيها و لكن هاكا شي حاجة تزاديت بيها ما يمكن لحتى واحد يزولها مني ..
زبيدة تنهدات و حسات بكلامو منطقي بعض الشيئ و قالت
زبيدة : الحاجة اللي تأكدت منها انك عمرك تأديها حيت الاب ما كيآديش بنتو
كاظم جاوبها بابتسامة
كاظم: هدا هو المهم أ الحنانة
كانت آخر جملة قالها و ناض من حدا ماماه و قال
كاظم: غانمشي عند هنادي أ الحنانة بغيتي نجيبلك شي حاجة قبل ما نمشي
زبيدة حركات راسها بنفي
زبيدة : ما بغيت والو بغيت غير راحة بالك و تكون مرتاح فحياتك أ ولدي
كاظم باس راسها بحنان و قال
كاظم : الله يخليك ليا أ الحنانة نتي هي كلشي فحياتي
زبيدة : الله يرضي عليك و تهلا أولدي
خطا خطوات فإتجاه الباب حط يدو على البوانيي وتفكر الحوايج اللي وصاتو عليهم هنادي و التافت شاف فيها
كاظم: ميمتي الحوايج ديال هنادي فين كاينين ؟؟
زبيدة : راه كاين واحد الشانطة فالوردي فبيتك هاديك هي شنطتها ديها ليها فيديك
كاظم : داكوغ
زبيدة : قلتيلها على المفاجأة و لا مزال
كاظم :مزال أ الحنانة هي يصحابلها بلي غانمشيو لفرنسا و لكن الفيزا ما خرجاتش ليها
زبيدة : اوا هنا فين كاينة المفاجأة ههه
كاظم : تركيا ما كنتش عوال عليها و لكن منين ما خرجاتش الفيزا و خرج ليها غير الباسبور ماشي مشكل نمشيو ليها ندوزو فيها شهر العسل
زبيدة :إوا أسيدي بصحتكم و راحتكم
كاظم جاوبها بابتسامة
كاظم: الله يعطيك صحة
حل الباب و خرج و اتاجه لبيتو هز الشانطة ديال هنادي و هبطها فدروج و هو يتلقا بمعتز لابس شورط ديال نايك فالاسود و عاري من الفوق و عينو معمشين و باينة فيه عاد فايق من نعاس و هاز كاس د الما فيدو كيشرب ..
معتز :أهللن أهلللن بسي العريس
كاظم شافو و هو يكحل بالعما ابتاسم ليه و قال
كاظم: صباح الخير
معتز :أ وجهك منور أساط واتتك الحلوة
كاظم :معتز صباحاتو لله بديتي عاود
معتز : و مالك أصاحبي كون كووول فدماغك مالك معقد بحال إحساس
كاظم باستغراب
كاظم:شكون هاد إحساس؟؟
معتز :أودي من الأحسن ما تعرفوش فين واحد لالا هنادي
كاظم :غادي عندها بقات فالاوطيل
معتز :خفتينا نعينوها ليك كن غير جبتيها نسولوها كي دوزت ليلتها خايف تكون كنتي معاها وحس بحال إحساس
كاظم : معتز تحرك من قدامي الله يرحم باك ماطيحليش المورال على صباح ما فيا ما نخرج كشاكشي معاك
معتز : كالما كالما اسي العريس بديتي تعصب من دابا
تسمع سرسار قوي فالباب خلاهم بجوج يستغربو و يشوفو فبعضياتهم
معتز :شكون ؟؟؟
كاظم : je sais pas بحالي بحالك
حط كاظم شانطة و خطا خطوات فإتجاه الباب رئيسي حلو وإذا به يتفاجئ بشخص ماكانش متوقع منو أنو يحضر الشيئ اللي خلا علامات الاستغراب ضهر بشكل كبير على ملامح وجهو ...
كاظم :جوديا ؟!
بابتسامة شريرة واضحة على ملامح وجهها قالت
جوديا : oui c'est moi جودياااا نسيتيني ؟؟
خطات خطوات لامام بكعبها العالي و فستانها الاسود الاصق على جسدها باستو فخدو و قالت
جوديا: البارح كان le mariage ديالك و ما عرضتيش عليا عيب و الله حتى عيب
على إثر كلماتها تسمعو خطوات لالا زبيدة فدروج و قالت بصوت مرتفع
زبيدة : شكون جااا ؟؟ مالنا على هاد السرسار كامل ..
ما جات فين تكمل كلامها حتى لمحات جوديا واقفة حدا ولدها قبحات ملامح وجهها و قالت
زبيدة :صبحنا على الله
معتز بقا حال فمو فجوديا و قال
معتز :ما تعيريش تيتيز أخالتي
جوديا طلات على زبيدة حيت سمعات صوتها
جوديا : صباح الخير طاتي زبيدة ما تخافيش ما غانطولش بزاف [حولات نظراتها لكاظم ] جيت غير نعطي لكادو لكاظم و نمشي بحالي بغيت ندير صواب و نمشي حشومة كاع كاظم كامل و ما نجيبوش ليه الكادو
كاظم مرر يدو على لحيتو و قال بصوت رجولي ثقيل
كاظم: شكرا
جوديا :حتى نعطيك الكادو و شكرني
حلات صاكها و جبدات منو واحد الظرف فلون الأبيض و مداتو ليه و قالت بشر
جوديا : أحسن كادو ممكن يوصلك فحياتك كاملة
كاظم استغرب بعض الشيئ و الشيئ اللي شغل بالو فهاد اللحظة هو علاش عطاتو هاد الظرف ؟؟شنو غايكون فيه؟؟وشنو كتحاول تدير جوديا ؟؟؟ أسئلة كثيرة طاحو فبالو و هو كيفتح الظرف...
بالحلة باش حل الظرف و شاف شنو فيه ضهرات علامة الصدمة على وجهو بل تجمد فبلاصتو فيا ترى شنو غايكون محتوى الظرف ؟؟؟ ...
عم الصمت لثواني تعداها لدقائق و يد كاظم كيترعدو ما حدو كيشوف الصور ديال ملاك مع رجل آخر صور فإحدى الملاهي الليلية صور فيهم ملاك كتبوس راجل غيرو حس بالأرض كتزعزع بيه أشنو هادشي كيشوف ما فهمش بل ما تقبلش شنو كيشوف لدرجة العرق كيتصبب منو و عروق يدو و جبهتو برزو يدو كترعد و حلقو نشف و عقلو ما قادرش يستوعب أما قلبو كينزف كأن سهام إخترقاتو ...ألم فظييع كيقطع فكل خلايا جسدو عينو كترمش بصعوبة و هو كيشوف دوك الصور تزيزن فقط بقا مركز على صور و عيون جوديا كتشوف فدوك نظرات ديالو اللي عامرين حزن الألم باين على ملامح وجهو و هي هادشي اللي كانت باغا تشوف فيه كيتألم قدامها باش تحس براسها إنتاصرت عليه و ترد ليها دقة دقتين هي ماشي غير إنتقامت منو بل هزماتو و خلات عقلو غايحماق ...
خطات زبيدة خطوات ناحية كاظم ...هي و معتز باش يشوفو مالو تجمد فبلاصتو زبيدة حسات بلي كاين شي حاجة ماشي هي هاديك قربو ليه و ادا بزبيدة كتشهق شهقة وحدة و هي كتشوف داك صور اللي فيدو أربي الحبيب على نهار باين من صباحو ضربات على حنكها بقوة و قالت بصوت مرتفع ...
زبيدة :أويييلي اش هادشي كنشوف أربي ملاك هاديك ولا كدبت
كاظم لاح دوك الصور على وجه جوديا و ما حس براسو حتى حط يدو على عنقها و زير عليه عروق عينو خداو فالبلاصة لون أحمر قاتم و قال بصوت رجولي خشن ثقييل
كاظم:هادشي كدووووب كدووووووب
ما حد نبرة صوتو كترتفع و يدو كيزيرها على عنقها حتى رجع وجهها احمر و تخنقات و بدات كتكح و كتضرب على يدو باش يطلق والو حتى معتز جرو بقوة و طلق من عنقها و زبيدة خلاص رجليها فشلو ما بقاوش هازينها ...
معتز :تهدددن اصاااحبي واش باغي تقتلها
كاظم مرر يدو على شعرو بعصبية و قال و نبرة صوتو مرتافعة و كينهج...
كاظم :مااااا شفتيهاش شنو جااايبة كتكدب على ختها اللي ماااتت [ حول نظراتو النارية جهة جوديا
اللي كن كانت قرطاس كن قتلها و كمل كلامو ]تحرررررركي من قدامي تحررررركي ولا غانقتل ديييلمك تحرررررررررركي
جوديا شادة على عنقها اللي ولا أحمر و كتكح و نضراتها الشيطانية كتفحص ملامح وجهو الغاضب قالت بصوت مبحبح بفعل الاختناق اللي كتحس بيه ...
جوديا : كح ...كنت عاارفك ما غاثيقنيش داكشي علاش جبت ليك دليل القاااااطع اللي غايأكد صحة كلامي
كاظم سكت كيشوف فيها شنو باغا تصنع عم الصمت لثواني و تعداها لدقائق و كاظم كيحس براسو كايتخنق و كيحاول يقنع راسو بلي داكشي اللي شاف كدوب و كيقول داكشي كان قبل ما يتعرف عليها و لكن خاطرو ما مهنيهش ما قادرش يشك فمفششة قلبو ملاك اللي كان كيبغيها أكثر من راسو كان قادر يضحي بروحو على جالها كان يحيد الحاجة من لحمو و يعطيها ليها ما يمكنش دير فيه هاد الحالة و تصدق كاتخونو ما يمكنش آخر حاجة كانت طيح فبالو هي هادي ما يمكنش ....
جبدات جوديا الهاتف المحمول ديالها اللي كان من نوع ايفون و قربات بتثاقل حدا كاظم وقفات اونفاص ليه و قالت بصوت باين فيه البحة ديال الشر اللي مخبياه فقلبها ...
جوديا : أكييد غاتكون عاقل على صوت مفششة قلبك ملاك
جوديا : أكييد غاتكون عاقل على صوت مفششة قلبك ملاك
طلقات أوديو بصوت مرتفع و هنا كانت صدمة ثلاثية الأبعاد منين سمع صوت ملاك صوتها و الله حتى صوتها و لكن علاش بدا الأوديو بصوتها كتبكي كاظم بقا مركز مع صوت و معتز شادو باش ما يتلاحش على جوديا اما زبيدة حطات راسها على الحيط كتحس براسها غايتشق عليها ...
تطلق الأوديو اللي فيه ملاك كتكلم بدا بصوت بكاءها اللي غير سمعو كاظم حس بعضلات يدو تزيرو عليها و قلبو كيدق بقوة ....
ملاك: أهئ اهئ جوديااا سيلطوبلي لقاي ليا شي حل كنحس براسي مخنوقة معاه و ما قدراش نسا ما قداراش je ne peux pas شي حاجة فوق طاقتي ما كنبغيهش واخا تزوجت بيه انا ما كنبغيش كاظم و ما عمري ما بغيتو تزوجت بيه غير باش نسا le passé ولكن ما قدرتش واخا هو ما يستاهلش هادشي اللي كندير فيه و لكن انا خنتو خنتو حيت رجع بان فحياتي شخص اللي بغيتو من قلبي خنتو فاش سافر كاظم و البيبي اللي فكرشي ماشي منو بغيت نطلق منو غدا غانمشيو نشوفو جنس البيبي حاسة براسي مخنوقة أ جوديا كنظلمو معايا هو ما يستاهلش هادشي انا عارفة راسي غالطة و لكن كلشي مسموح فالحب غدا غانطلب منو طلاق أ جوديا و نمشي نعيش مع شخص اللي كنبغي انا ما نستاهلش كاظم علاقتي بيه كانت لعبة حتى تحولات لحقيقة و تزوجت بيه و لكن عمري بغيتو اجوديا غدا غانجي عندكم لفرنسا و نرفع عليه دعوة الطلاق باش نتزوح بشخص اللي كان خاصني نكون معاه من اللول
كلااامها كيسقط على قلبو كقطرات سم أو كقطرات الالكول على جرح عميق ألم فظيييييييييييييع كيقطع كل خلية فجسدو وكيمزقها الى أشلاء صغيرة قلبو ما بقاش كينبض توقف بقوة الصدمة رجليه فشلو وكل حرف سمعو كيتكر فودنو كانه لحن حزين كيكمل على ما بيه دنيا كتدوخ بيه فهاد اللحظة حس براسو غايطيح أصعب إحساس تكون الشخص اللي حاطو فواحد المرتبة وتكون كتحمااااااق عليه يصدق كيخوونك من مور ضهرك إحساس الخيانة إحساس الشمتة إحساس الالم كلشي تجمع عليه فهاد اللحظة شنو غايدير حتى الا بغا يحاسبها ما كاينااش راها تحت تراب .. طاح لأرض وبقا ساهي فنقطة وحدة وزبيدة كبدتها ففمها خايفة على ولدها يدير شي حاجة فراسو من مور ما سمع هادشي على ملاك شهقات فاش شافتو طاح لارض اما معتز بقا بدورو مصدوم من هادشي اللي كيسمع شفق على حالة كاظم واخا يكون قلبك حجر الا شفتي حالتو فهاد اللحظة تنزل دمعة من عينيك ...
شنو دار ليها من غير أنو كان كيبغيها أكثر من نفسو ؟؟؟ شنو دار باش يستحق هادشي منها ؟؟؟ علاااش خانتو ؟؟؟ علاش غدراتو من مور ضهرو لدرجة انها تحمل بجنين من رجل غيرو ؟؟ ...
تفكر نهار قالت ليه بلي أنا حاملة تفكر فرحتو لانو غايكون عندو بيبي من أكثر مراة عشقها و حبها أكثر من نفسو إحساس زوين كان حاس بيه ما كيتوصفش اما نهار اللي عرف بلي عندو بنيتة منها تضاعفت فرحتو حيت غاتكون عندو بنت نسخة منها ولكن كلشي تحول لكدووووب فسرعة البرق ...
شحال صعيبة يكون كيصحاب ليك بلي دنيا ضاحكة ليك وكتصدق غير ضاحكة عليك شحال صعيبة يكون ألم عندك لداااخل كيحرق روحك ماعندو دوا اااخ شنو دار ليها باش تجازيه بهاد الطريقة كن غير صارحتو من اللول و قالت ليه بلي كنكرهك وما خلاتوش يتعلق بيها حتى لهاد الدرجة حياتو معاها طلعات أكبر كدبة واكبر وهم شحال صعيبة يصدق كلشي مزور فحيااتك ....
دمعة هبطات من عينو بسرعة شنو غايدير أسئلة فبالو كثيرة ما لقا ليها جواب كان باغي يعرف غير واش غلط معاها فشي حاجة باش تخونو بهاد طريقة لدرجة انو كان كيظن بلي البيبي اللي فكرشها منو وصدق من راجل اخور ....
هو مرض ودخل فإكتئات حيت ماتت خمس سنين وهو وفي ليها بعد موتها و قرر انو ما يتزوجش غير باش ما يخونهاش و هي صدقات كتخونو و هي على قيد الحياة إحساس خايب بزاااف كان كيبغيها لدرجة انو بقا وفي ليها حتى بعد موتها باش فالتالي يلقاها كانت لاعبة عليه dix من مور ضهرو ...
وقف بتثاقل من الارض وزبيدة ومعتز حاضيين تصرفاتو كيتسناوه يدير شي ردة فعل أما جوديا كتشوف فيه بإنتصار كأنها وصلات لداكشي اللي بغات ونتاقمت منو .... ماشاف فحتى واحد كيشوف غير قدامو و دماغو مرفوع اما قلبو ماات فهاد اللحظة رغم أنه كيبان واقف ولكن الداخل ما عالم بيه غير الله مهزوم ومجروح ما كرهش يموت فهاد اللحظة غير باش يرتاح من هاد الالم اللي كيقطع فقلبو ...
زبيدة بغات تمشي لعندو ولكن خرج وزدح الباب بمعنى ما يتبعني حد زبيدة قلبها كيتقطع على حالة ولدها آخر مرة شافتو فهاد الحالة هي فاش فاق من الكومة وما لقاش ملاك ....
زبيدة ضربات على فخدها و قالت بصوت مرتفع ...
زبيدة : أويييلي على ولدي ما عمرو فرح فحياااتو دعيتها لله الله ياخد فيها الحق الله ياخد فيها الحق الله ياخد فيها .....
كانت هادي هي آخر جملة قالتها وطاحت لارض مغمى عليها ...جوديا شافت فيها بإستهزاء و حلات الباب و خرجات خلات معتز كيفيق فيها هزها من الارض وجلسها من فوق الفوتوي وكيضرب فحنكها باش تفيق ...
معتز : خاالتي ...
خرجات هنادي من الدوش وقاست واحد الديكور ديال الزاج طاح لارض و تجرحات فرجلها غوتات بألم و فنفس الأثناء حسات بقلبها كيضرب بقوة ما عرفاتش علاش حسات بغمة نزلات عليها وحسات بالخنقة و بغات غير تبكي ماعرفاتش شنو وقع ليها و لكن قالت ربما فراق واليديها و بلادها اللي غاترحل منها و جرحة اللي فرجليها زادت كملات على ما بيها ...
جلسات من فوق السرير و كنحس براسها كيزدح و قلبها كيخفق بقوة ...حطات يديها على قلبها و قالت بهمس ...
ناضت تصلي الصبح و منها نيت تدعي ربي يزول ليها هاد الغمة اللي طاحت عليها ....
لبسات العباية ديالها و خدات إتجاه القبلة و بدات كتصلي كتحاول ما امكن تخشع حتى كملات و سلمات و هزات كفوفها كأنها كتناجي رحمان و كتدعي بواحد دعاء مزيون كانت حفضاتو كيفرج الهم و الغم ...
هنادي :أدعوك يا إلهي دعاء من اشتدت به فاقته، وضعفت قوته، وقلت حيلته، دعاء الملهوف المكروب الذي لا يجد كشف ما نزل به إلا منك، فرج عني ما أهمني، وتولى أمري بلُطفك، وتداركني برحمتك وكرمك، إنك على كل شيء قدير
مرات ساعات عديدة و هو مزال ماجا ... بدا كيدخلها شك و كتفكر فكاظم و قلبها ما مهنيهاش كتحس بقلبها كيخفق بسرعة بحال شي كارثة واقعة و لكن هي من عادتها ما كتبغيش تشائم كتبغي ديما تبقى متفائلة ... ساعات كيمرو بسرعة البرق و هو ما زال ما جا ما بان عليه خبار ياك قالها ما غانتعطلش فعلاش بقا هاد المدة كاملة شافت فساعة الهاتف ديالها لقات و صلات طناش ديال نهار عيات و تسخسخات و ملات من الانتظار وهو مزال ما جا ... ناضت و وقفات فالبالكون كتشوف فالسيارت اللي غاديين جايين فالشارع الكبير اللي حدا الفندق و كتنتاظر شي خبار يوصلها على كاظم و مرة مرة كتلتافت تشوف فالباب على الله يدخل والو ما بان عليه أثر ..تنهدات و قالت
هنادي: ما نعرف مالو تعطل أوووف
سمعات تيليفون ديالها كيصوني دخلات بسرعة تشوف شكون طلعات ليها { أوكسيجيني💓} فرحات و أخيرا عيط ليها و غاتسمع صوتو اللي كيرد فيها روح بلا ما تفكر جوج مرات دوزات الخط و حطاتو فودنيها و قالت ..
هنادي: ألو كيمو فين راك من قبيلة و انا كنتسناك تعطلتي عليا ياك ما واقع شي مشكل ...
سكتات و كتنتاضر منو أنو يجاوبها و لكن كان غير صمت و كاظم ما ردش عليها دخلها شك و قالت
هنادي:ألو ..كاظم
و أخيرا سمعات تنهيدات من وراء شاشة الهاتف سمعات تنهيداتو اللي باين من خلالهم انو هاز جبااال على قلبو...
كاظم : عفاك ما تكسريش قلبي بحالها عفاك أنا كنبغيك ما تحطمينيش كيفما دارت ليا هي نتي هي الأمل الوحيد اللي بقا ليا من موراها
قطع الخط و تسمعاات طيط طيط ...بقات مصدومة من كلامو و مستغربة كيفاش ما تكسريش قلبي بحالها واش كيقصد ملاك ؟؟ جلسات من فوق سرير الغرفة و كتشوف فالفراغ حتى سمعات دقان فالباب خطات خطوات ناحيتو و فتحات و إدا بها تنصدم من شخص اللي كتشوف واقف قدامها قالت ..
هنادي:ل..لقمان خويا
لقمان : صباح الخير هنادي جيت نديك لدار ما تبقايش كتسايني بوحدك هنا
هنادي باستغراب
هنادي:كيفاش بوحدي ؟؟ علاش فين هو كاظم ؟؟ قالي غايجي يديني ؟؟ و عاد دابا عيط ليا قالي كلام ما مفهومش و قطع واش اخويا واقعة شي حاجة عفاك جاوبني واش كاظم واقعة ليه شي حاجة ياكما مريض ؟؟
لقمان صرط ريقو بصعوبة و جاوبها و قال
لقمان : ما عرفتش اختي الحاجة اللي عارفها هو كاظم عيط ليا و قالي نجي نديك لدار حتى واحد ما عارف فين كاين عاودت عيطت ليه لقيت تيليفونو طافي
هنادي : و علااش هو فين كاين ؟؟
لقمان حرك راسو بنفي و قال
لقمان : لا اختي ما كاينش فدار خرج فصباح ما عاودش رجع المهم نتي لبسي حوايجك باش نمشيو
هنادي تغرغرو عينيها بدموع و حاسة بقلبها كيضرها و خاطرها ما مهنيهاش قبطات فدراعو و قالت بصوت ترجي
هنادي: عفاك اخويا لقمان قولي شنو واقع من قبيلة قلبي ضارني كاظم خرج من قبيلة مع ثمنية د صباح و قالي ما غانتعطلش و كان عادي ما كيحس لا بحريق لا بوالو يعني ما واقعة ليه حتى حاجة و لكن علاش ما جاش هو واعدني غايرجع و باش زاد خربق ليا دماغي عاد دابا صونا عليا و قالي ما تكسريش قلبي بحالها ؟؟ واش كاظم عرف شي حاجة على ملاك ما فهمتش الا كنتي فاهمة فهمني معاك راه حاسة براسي غايطرطق فاي لحظة ..
لقمان بقا ساكت و كيمرر يدو على دقنو بقا متردد ما بين واش يقولها الحقيقة و لا يسكت فالأخير تنهد و شاف فيها مطولا عرف بلي كتسناه ينطق و لكن حتى هو ما عارفش شنو غايقول ليها ...
لقمان :كاظم ما كاينش فالمغرب
هنادي بقات غير كترمش فيه و كتقول واش سمعات الهضرة اللي قال مزيان ولا ودنيها بداو كيثقالو ...
هنادي:ك..كيفاش ما كاينش فالمغرب ؟؟؟
لقمان :كاظم مشا لفرنسا
هنادي : و علاش مشا ؟؟ واش خدمتو فيها شي مشكل
و لكن علاش ما قالهاش ليا ؟؟
لقمان حرك راسو بنفي
لقمان : ماشي الخدمة اللي داتو و لكن...
هنادي: كمل هضرتك جاوبني عفاك شوف كولي كيف كنرعد عطيني شي تفسير راه ما بقيت فاهمة والو
لقمان : غايطول الغيبة غالبا
هنادي باستغراب
هنادي:علاش غايطول الغيبة ؟؟؟ ها العار الا ما قولي شنو كاين راني غانحماق
لقمان :كاظم عرف بلي ملاك فاش كانت عايشة كانت كتخونو أ ختي و هو ما تقبلش الفكرة و مشا بحالو لفرنسا فالصباح ...
هنادي صدمها بكلامو اولا على ود الخيانة ديال ملاك لكاظم و ثانيا على قبل مشا و ما تشاور معاها ما والو بحال ما عندها قيمة فحياتو ما بقات فاهمة والو ...
هنادي:ك..كيفاش كانت كتخونو ؟؟ شكون اللي قالو هاد الهدرة و هو علاش ما قالي والو علاش مشا بحال انا ما كايناش فحياتو
لقمان : هاد صباح جات جوديا خت ملاك قالت ليه بلي ملاك كانت كتخونو و جابت دليل كاظم ما تقبلش الفكرة تصوري معايا ملاك شحال كان كيبغيها و شحال كان كيعزها لدرجة بقا بلا زواج من مور ما ماتت و دازت عليه ديال بصح دخل فإكتئاب باش فالتالي يلقاها كانت كتخونو راه ما ساهلاش اختي هنادي بغيتك غير تعدريه خليه غير على ما يبرد و يرجع و هدرو
هنادي حطات يديها على فمها و علامات صدمة بانت بشكل كبير على ملامح وجهها و قالت بصوت مكسور
هنادي: كاظم ما كيستاهلش هادشي اكيد غايكون مصدوم أ الله يا ربي على نهار اووف
لقمان : عدريه أ ختي غير على ما يبرد و ديك ساعة هدري معاه راه قد ما غبر غايرجع غايرجع دابا غير مصدوم شوية
هنادي مررات يديها على وجهها و دموعها هبطو تأسفات على حالتو هي عارفة ملاك شحال كانت كتعني ليه عارفة بلي كان كيحماق عليها عارفة كلشي هي براسها ما عمرها توقعات بلي غاتكون ملاك كاتخونو فما بالك هو كيف غاتكون حالتو تفكرات كلامو اللي قال ليها فالهاتف أكيد غايكون مجروح تفكرات تنهيدة اللي خرجات من اعماقو قبل ما يتكلم بغات غير طمن على حالتو و لكن مع الاسف عرفات غايكون طافي تيليفونو الله يا ربي على نهار ...
لقمان : و الحاجة اللي زادت جرحاتو البيبي اللي كانت حاملة بيه ملاك ماشي ولدو
هنادي شهقت شهقة وحدة و شافت فيه و قالت
هنادي:اوييلي هاد ملاك طلعات يهودية حتى لهاد درجة
لقمان :كلنا تصدمنا اختي فما بالك هو
هنادي :و لكن غير علاش مشا لفرنسا كن غير بقا هنا حراام عليه
هنادي : يا ربي على نهار الله يفاجيها و صافي انا بغيت غير نهدر معاه اخويا غير نطمن على حالتو عفاك
لقمان : طافي تيليفون ديالو واخا تعيطي ليه ما غايجاوبش خويا و انا عارفو
هنادي جلسات من فوق السرير و شدات على راسها و بقات كتخمم ...
لقمان :هنادي خاصنا نمشيو ا ختي
هنادي تنهدات و شافت فيه و قالت
هنادي: كاظم اخويا ما كيستاهلش
لقمان : المؤمن مصاب ما عندك ما دير هاهي حتى هي ماتت و الله سبحانه و تعالى يتولاه تلقاها كتشوا بلاصتها حدا ابو لهب
هنادي : الله يسمح ليها
ناضت هنادي جمعات دوك الحوايج كاملين و عاونها لقمان فيهم حتى سالاو و خرجو من الاوطيل و هنادي خرجات بعبايتها و درتها اللي جاب ليها كاظم ما لقات ما تلبس من غيرها ...
ديمارا لقمان و قلع و هنادي دماغها غايب كيفصل و يخيط و قلبها خلاص باغي غير يعرف كيف بقا كاظم واخا بقا فيها الحال اللي مشا و لكن عدراتو و قالت بلي مجروح و اي واحد فبلاصتو غايبغي يبقا بوحدو و لكن كاظم ما يستاهلش علاش أداتو ملاك بهاد الشكل ؟؟ هدا هو السؤال اللي كيطرح نفسو ...
شعل لقمان راديو باش يكسر هاد الجو الكئيب ..
🎵🎵🎵🎵
شي وقات كنگول واقيلا الدنيا ضاحكة ليا و كيجيو شي وقات كنعرف بللي الدنيا غضاحكة عليا شي وقات كنگول واقيلا الدنيا ضاحكة ليا و كيجيو شي وقات كنعرف بللي الدنيا غضاحكة عليا شي وقات ، نجلس وحدي و نسد عليا نتفكر الايام ليمشات ليا ، صحابي لخواو بيا و شي وقات كية ورا كية انا و راسي و مداز عليا ميمتي لحاسة بيا ملي كتشوف الضحكة فوجوه الناس ، عرف بلي مساكن قاساو بزاف ماشي ساهل تبقى ديما لباس حيت كيدوزو عليا شي وقات كنگول واقيلا الدنيا ضاحكة ليا و كيجيو شي وقات كنعرف بللي الدنيا غضاحكة عليا شي وقات كنگول واقيلا الدنيا ضاحكة ليا و كيجيو شي وقات كنعرف بللي الدنيا غضاحكة عليا وهيا راسي مداز عليك او باقي وهيا راسي. كيف ندير انا و هيا راسي مداز عليك او باقي وهيا راسي غوحدي انا وهيا راسي مداز عليك او باقي وهيا راسي. كيف ندير انا و هيا راسي مداز عليك او باقي وهيا راسي غوحدي انا كيجيوني شي وقات مللي با مشى عليا ، الكلمة اللخرة بين عنيا كمل فطريقك غير بشوية و شي وقات ، بغاو يلعبو بيا يطفيو النار لشاعلة فيا معايا رضاة والديا ملي كتشوف الناس عايشين بلا كدوب عرف بللي مساكن راضيين بالمكتوب ماشي ساهل ديما تخبي العيوب حيت كيدوزو عليا شي وقات كنگول واقيلا الدنيا ضاحكة ليا و كيجيو شي وقات كنعرف بللي الدنيا غضاحكة عليا
شي وقات _جايلان
وصلو لدار ديال زبيدة وقف لقمان طوموبيل وخرجات هنادي من لوطو و تبعها لقمان لقات دار مقربلة جالسة فصالون زبيدة و حازمة راسها و دايرة الحامض لنواضرها و حداها خوتها كريمة و فخيتة و معتز و حتى فضيلة ام هنادي و سعاد اللي جاو باش يشوفو العروسة حتى كيتصدمو بأن كاظم سافر لفرنسا و عرف بلي مرتو لولة كتخونو ...
هنادي دخلات لعندهم لصالون لقات كلشي مجموع ..
هنادي:ماما زبيدة
كلشي التافت و شاف فيها...فضيلة ناضت عندها و سلمات عليها و عنقاتها و بعدات كتشوف فبنتها بأسف
فضيلة : كي بقيتي ابنتي ؟؟
هنادي قالت بابتسامة حزينة
هنادي : كيف غادي نبقا و كاظم ما كاينش مشا لفرنسا بلا ما يتشاور معايا ما نكدبش عليك انا ماشي بخير و انا ما عارفش كاظم كيف دايرة حالتو واش مزيان و لا عيان بغيتو غير يكون بخير ما بغيت والو [طاحو دموعها مع آخر كلمة قالتها ] انا مسامحاه غير بغيت نشوفو
زبيدة : اجي ابنتي حدايا اجي
جلسات هنادي حدا زبيدة و عنقاتها جنب و قالت
زبيدة : كاظم بخير ابنتي راه ما ساهلاش المراة اللي كان كيبغيها و كيتسطا على تراب رجليها يعرف فالتالي من بعد هاد المدة كاملة بلي كاتخونو هو ما عمرو مشا قبل ما يشاور و لكن راه غير بغا يبقا بوحدو ولدي راه كيتعدب ما كيبغي حتى حد يشوفو عيان غير مشا يرتاح و يجي ..
هنادي : عارفة اخالتي ما ساهلاش و لكن حتى انا يراعي ليا شوية اهئ اهئ
فضيلة : راه ماشي لخاطرو ابنتي هادي غير شي عوينة و صابتكم
سعاد : الله يشوف من حالو مسكين و حتى هي طلعات ما تسواش الله ياخد فيها الحق
زبيدة : عمر ولدي ما خرج فيها العيب كان داير ليها كي الما القليل و لكن راه اللي ولد الحرام راه ولد الحرام الله يهدي ما خلق ...
تعاشات العشية و طاح الظلام عياو يعيطو عياو يصونيو والو ما كاين حتى خبار عليه بحال سرطاتو الأرض هنادي غير كاتبكي و تقول شي ما بكاتو لا هي لا زبيدة كلشي طايح عليه ضيم باغيين غير يعرفو كيف بقات حالتو ...
طوموبيل من نوع jeep غادة بسرعة و طالق موسيقى بجهد باغي غير ينسا باغي غير يهرب من داكشي اللي عرف على ملاك إحساس الالم و الخدلان إحساس ما نتمناه لحتى واحد عينو حومر و عروق يدو بارزين لدرجة اللي داز من حداه كيبقى غير كيشوف فيه حيت سرعة اللي كان غادي بيها ماشي عادية هو براسو ما عارفاش شنو هادشي كيدير كيتصرف بجنون كان العقل ما بقالوش باغي غير علامن يحط راس باغي غير شي حد يواسيه و يخفف عليه و ما غايلقا ما احسن من هنادي حبيبتو هو ما مشاش لفرنسا تراجع فآخر لحظة فاش تفكر هنادي ما بغاش يمشي و يخليها حبس طوموبيل حدا الفيلا ديال زبيدة حتى تسمعات كغغغغط الروايض ديال طوموبيل تحكو مع الارض ...
لداخل كلشي قفز من مكانو و بقاو كيشوفو فبعضياتهم مدة تحل الباب بجهد التافتو كلهم لجيهتو بانلهم كاظم فواحد الحالة يرثى لها حالتو حالة باينة فيه وااااصلة ليه العظم عينو حومر شعرو مخربق وجهو صفر اما رجليه فشلانين هادشي اللي باين من برا اما داخل بعلم بيه الله ...هنادي و زبيدة شهقو منين شافو حالتو بغاو ينوضو عندو و هوما يسمعو صوت ثقيل صادر من فمو ...
كاظم: شوووت ما يقرب ليا حتى حد
رجليه كيلعبو باينة فيه بحال ماشي فوعيو معقول يكون سكران بقاو كلهم كيشوفو فيه شنو باغي يصنع لقمان و معتز قربو ليه و هما يشمو ريحة شراب كتنبعث منو لقمان كرز على يدو و ضربو لوجهو ضربات خفاف و قال
لقمان : كااظم واش سكرتي ا صاحبي ؟؟
معتز : راه باينة فيه بيلة ناري طحتي ليا من عيني
لقمان : واش ما مشيتيش لفرنسا ؟؟
معتز : لا راه كيهضر معاك دابا من باريس واش مسطي اش هاد سؤال نتا كتشوفو قبالتك و كتطرح عليه هاد الأسئلة الغبية بحال كمارتك
كاظم ما كانش كيسمع ليهم كيشوف غير فهنادي اللي كتشوف فيه و تبكي و دموع من عينيها شلال خطا خطوات ثقال اتاجهها قرب ليها و مسح دموعها من وجهها و قال بهمس
كاظم:شوووت ما تبكيش اراحة قلبي
شاف فماماه اللي شادة على فمها و مصدومة قرب ليها و باس على راسها و قال بصوت ثقيل بفعل شراب
قبط فيد هنادي هي غير كتشوف فيه و تبكي فرحات حيت شافتو و حزنات على حالتو فنفس الوقت جرها من موراه حتى وصل لباب و هو يوقف ليه لقمان فطريقو ....
لقمان : فين غادي بالبنت اصاحبي
كاظم : حيييد من طريقي ما بغيش نغلط فيك
لقمان : شوف على حالة نتا فيها و داي البنت معاك واش حماقيتي
كاظم: مااسوقكش فيا سمعتي و ماااسوق حتى واحد مرتي نديها فين بغيت حتى واحد ما عندو الحق يدخل فيا
زبيدة مشات كطير لعندو و قالت بصوت منغنغ بالبكا ..
زبيدة : ها العار اولدي خلي لقمان يديك فين ما بغيتي غير ما تمشيش و نتا فهاد الحالة
كاظم ابتاسم و قال بصوت ثقيييل ..
كاظم: على وجهك أ الحنانة و على وجه هنودتي
حول نظراتو و شاف فلقمان
كاظم : تبعني نتا نقولك فين غانمشيو
حل لقمان الباب وخرج كاظم ورجليه كيلعبو وجار من موراه هنادي اللي مسكينة كترعد وكتبكي أول مرة كتشوف كاظم فهاد الحالة وزيد عليها سكران بيلة ...
خدا لقمان سوارت من عند كاظم وحل ليهم الباب الخلفي ديال سيارة وزبيدة واقفة من بعيد كتشوف فولدها وكبدتها كتقطع عليه عارفاه مجروح بزااف وواصلة ليه للعظم كيفما كنقولو صعيب الشخص اللي كنتي كتبغيه بين ليلة ونهار تولي حاقد عليه وتكرهو حيت عرفتي بلي خانك و الأصعب من هدا تحت تراب حتى باش تعاتبو أوتحاسب معاه او تعرف غير علاش خانك ما كتلقاهش اصلن هو حقا فموقف لا يحسد عليه ....
لقمان :طلع اصاحبي
هنادي بغات تعاونو يطلع لطوموبيل ولكن بقا واقف كيشوف فيها كيطلعها ويهبطها بعينيه و قال بصوت ثقيل بفعل الخمر
كاظم : راحة قلبي
هنادي شافت فيه ودموع من عينيها شلال مابغاوش يحبسو وجاوباتو ...
هنادي:نعام
كاظم دار صبعو على شفايفو بمعنى شووت 🤫🤫
كاظم : ماتبكيش دموعك كيزيدو يضروني فقلبي مابقيتش فيك امم مانقدرش نطلع ونتي كاتبكي حتى نشوف ضحكتك على الاقل بغيت نشوف شي حاجة زوينة اليوم عفاااك ماترديهاش ليا فوجهي سيلطوبلي [ قرب ليها و حط يدو على خدودها بجوج و زاد قرب حتى تخالطات انفاسهم ابتاسم و باس عويناتها بجوج بعد عليها و كمل كلامو ] دموع كيطيحو من عينك وأنا اللي كنتحرق لداخل على قبلي حبسي دموعك ...
مع كل كلمة كيقولها كتحس بنبضات قلبها كيرتافعو دقاتهم رغم أنه فعز آلامو كيخمم ليها وماباغيش يشوف دموعها كيف دير تقلق منو كيف دير تنزل دمعة من مور الكلام اللي سمعات من ثغرو ....
مرر صبعو على خدها كيمسح قطرات الدموع اللي بللو وجهها وابتسامة إنكسار على وجهو ..
كاظم : على الأقل نتي خاصك تبقاي فرحانة حيت انا معاك
هنادي حركات راسها بالإيجاب كأنها كتأكد كلامو ...
التافت وشاف فلقمان اللي باين على ملاميحو الحزن على حالة خوه قرب ليه وعنقو عناق رجولي تصدم لقمان بقا غير راخي يدو كيقول هادا مالو ؟؟ و لكن عارف سكرة لاعبة على عقلو ....
سمعو همس فودنو وقال ..
كاظم :ديني لداري اللي خارجة على المدينة بغيت نرتاح تماك
قال هاد الجملة وبعد على خوه وبدا كيضحك بشكل هيستيري كأنه مجنون ...
لقمان : واخا أخويا
هنادي غير كتشوف فيه بلا حول ولا قوة وكتدعي فنفسها ربي يديرلو شي مسلك د الخير واعدت نفسها بلي غاتنسيه فيها واخا يوقع اللي يوقع بأي طريقة كانت
كتحس بقلبها كيضرها على حالتو ماتكرهش فهاد اللحظة كن كانت عندها شي قوة خارقة باش تسحب داك الألم كامل اللي كيحس بيه وتردو ليها كيف تدير تستحمل هاد الحالة اللي هو فيها وهي من ديما كتشوفو قوي والاابتسامة على وجهو دماغها ماقادرش يستوعب وقلبها خلاص كينزف دم ....
طلع لطوموبيل وتبعاتو هنادي وسدات الباب وطلع لقمان لمكان شيفور وديمارا وقلع و كيشوف فزاجة اللي كاينة فالوسط باش يطمن على حالة خوه باغي غير يشوف خوه مزيان ما باغي والو صعيب عليهم يشوفو كاظم واصل لهاد الحالة و هوما المتعودين على قوتو و ابتسامتو ما كيستحقش كلهم قلبهم كيتقطع ولكن ما عندهم ما يديرو ليه ...
تكا راسو لور وغمض عينو وهنادي غير حاضياه كتشوف فيه وكتصرط ريقها وكتحاول تقوي راسها باش ما تبكيش ماباغاتوش يشوف دموعها مابغاتش تزيد على مابيه...
فتح عينو بتثاقل وميل راسو لجيهتها حتى تلاقت عينيها مع عينو العامرة حزن وألم و إنكسار و خدلان ...
هز يديها و حطها على صدرو وبضبط جيهة قلبو وطلع نفس بصعوبة وقال بحزن ..
كاظم : عارفة الألم اللي كنحسو بيه فاش كتضرنا ضرسة
هنادي حركات راسها بالايجاب وجاوباتو
هنادي : كايكون حريق صعيب بزاف ما كنقدروش نستحملوه
كاظم سكت مدة و قال بصوت مكسور
كاظم : نفس الالم كنحس بيه و لكن ماشي فضرسة كنحس بيه هنااا فقلبي
هنادي هزات راسها شافت فيه و حركات راسها بالايجاب و قالت محاولة تخفيف آلامو ...
هنادي: نموت وما نخونكش عمري نديرها [قربات ليه وحطات يديها على خدو ومرراتها بحب و كملات كلامها ] أنا إكتفيت بيك نتا هو الماضي اللي كنت كنتسناه ونتا الحاضر اللي بدات قصتي معاه والمستقبل اللي غانتشبت بيه أنت الوطن ديالي اللي ما غانلقا الامان فحتى شي بلاصة من غيرو كيف ندير نخونك ونتا تجمعو فيك رجال دنيا كاملة من الغباء تكون عندي جوهرة غالية فيدي ونشوف فجالوق ههه ياك ... نتا ولدي اللي ماولداتوش كرشي ربما يجيك كلامي غريب و لكن انا كنقولك الحقيقية كن كانو عندي جوج قلوبة نعشقك جوج مرات حيت نتا كتستحق وسمعني مزيان ما تخليش هادشي يؤثر عليك أحبيبي
كلماتها النورانية خرجات من فمها كالبلسم لجروح قلبو كلماتها هزاتو من لداخل وزعزعات كيانو كرجل
كان محتاج يسمع لهاد الكلام اللي خفف على مابيه ماغلطش فاش جا لعند هنادي حقا تأثير كلماتها خطير على قلبو فكل مرة كيتأكد بلي هنادي هي اكثر إنسانة قادرة تخرجو من مستنقع الحزن اللي غراق فيه
♤♤♤♤♤
وبعض الكلمات تجعل النفس تشرق من جديد
تداوي كل الجروح
تجعلنا نشعر أننا لم نمر بألم من قبل
♤♤♤♤
كاظم: واش تقدري تبقاي معايا واخا روحي تذبل واخا نولي شخص لامبالي بارد لدرجة انكي تظني انني مابقيتش كنبغيك ولكن انا غانكون غير عييت من لداخل ومن برا واش تقدري تقبلي على راجل بحالي مجروح وعيان من كلشي من الحب من الحياة عيان من راسي فاقد ثقة فناس واش تقبلي تبقاي معايا ؟؟
هنادي تنهدات وشافت فيه بحب عارفاه كيقول هادشي غير حيت مزال تحت تأثير الصدمة ديال الخيانة كتحاول تنتاقي كلماتها بعناية قبل ماتنطقها باش تداوي روحو المكسورة عارفاه فهاد اللحظة باغي غير شي حد اللي يقولو انا معاك وفمثل هاد الوضعية خاصها تلعب دور الزوجة الصالحة اللي تنسيه همو ودور الطبيبة اللي تشافي روحو لذلك قالت بعد تفكير وبعد مدة صمت ...
هنادي : واش انا كن وصلت لهاد الحالة واش كنتي غاتخلى عليا ؟؟
كاظم شاف فيها مدة قبل ما يجاوبها ويقول ...
كاظم :ما عمرك ماغاتوصلي لهاد الحالة اللي انا فيها
هنادي :كاظم سولتك سؤال مباشر عطيني جواب مباشر
كاظم حرك راسو بنفي وهز يديها اللي كان حاطها على قلبو وباسها مطولا وقال
كاظم : نتخلى على راسي و نتي مانتخلاش عليك اراحة قلبي
هنادي ابتاسمت وجاوباتو
هنادي: ما بغيتكش تخلا على راسك أحبيبي راسك هو اغلى ما كتملك عفاك ما تبقاش تحرق روحك على شي حاجة اللي ماتستاهلش
كاظم سكت مدة وفالاخير تنهد وهز يدو على شكل خمسة 🖐 و قال
كاظم : خمس سنين أ هنادي دخلت فإكتئاب مرضت تعقدت خمس سنين وانا في حداد على قبل إنسانة ما كتستاهلش حطو راسكم فبلاصتي ديك سيدة ماعمري توقعتها منها كانت روحي أ هنادي كنت الحاجة نحيدها من لحمي ونعطيها ليها غير باش نشوف الضحكة على وجهها كنت كنشوف فيه الجنة ديالي وفالأخير طلعات جهنم ماساهلاش على عقلي وعلى روحي واخا نبان لكم من برا مهدن و لكن كلشي فيا لداخل كيبكي حقا دموع ماكيسيلوش من عيني و لكن قلبي محرووق
بغات تهدر وهي تسمع صوت لقمان كيجاوبو ...
لقمان : كاظم باركة اخويا الله يعطيك ستر هو حقا صعيبة ماساهلاش حنا كلنا عارفين بلي ملاك كانت كتعني ليك بزااف وكنتي كتبغيها ولكن شوف الأمور بإيجابية ربي كيبغيلك الخير اللي عرفتي حقيقتها اما احسن تعرف ولا تبقى مخدوع فيها عمرك كامل ونتا عند بالك بلي هي إنسانة شريفة عفيفة وهي اكبر شيطان على وجه الارض وباش نجيو لصراحة حبك ليها كان باين حب من طرف واحد ملاك عمرها مابينات إهتمامها بيك من ديما نتا اللي دايرة ليها شان و المرشان شحال من مرة رفعات صوتها عليك قدامنا شحال من مرة كانت كدابز معاك على أتفه الأسباب كان همها كلو غير دوران وخسران الفلوس ونتا شاد ليها الخاطر حتى صدقات سيدة كتعرف واحد اخور من مور ضهرك ماشي نتا هو اللول ولا لخر اللي كيوقع ليك هادشي تصور معايا كن كانت مزال عايشة ولقيتيها مع شخص أخور كنبصم ليك كنتي غاتخوطر اكثر من هاكا على الاقل دابا كاينة هنادي تخفف عليك وزيد عليها الالم ناقص راه ما يمكنش نتا غاتبقا تبغيها هاد المدة كاملة راه الحب كيموت مع مرور الوقت وكيضعاف ربي ما عطاناش نعمة النسيان غير هاكاك الطبيب نفسي ديالك هدرت معاه وقال ليا بلي نتا هاد المدة كاملة اللي كنتي داخل فيها فحالة إكتئاب حيت عند بالك بلي بسبابك ماتو وضاعو منك بنتك ومرتك فالوقت نفسو و لكن نورمالمون دابا خاصك تفيق من النعاس وتعرف بلي هادوك اللي كنتي داير عليهم هاد الحالة كاملة ماكيستاهلوش حيت أولا ملاك صدقات كتخونك والبنت اللي كانت فكرشها ماشي بنتك أصلن فعلاش غاتبقا حابس راسك فالماضي صافي طلقها تسرح وزايدون دابا هنادي معاك بنت مرزنة بعقلها جميلة قلبا وقالبا بنت ناس شوف غير الهدرة اللي كتخرج من فمها سمن على عسل ديك ملاك مانعرف شحال وهي عايشة معانا عمري سمعتها قالت ليك ثلث ديال ربع اللي سمعت دابا هنادي كتقولو ليك وا حل عينيك شوية سكرتي تدمرتي طلقتي شاب حسني والله يجعل شي باركة اللي فات مات بدا صفحة جديدة ملاك حسبها بحال شي لبسة شريتها وماجاتش قدك ولحتيها شوف هنادي تبارك الله عليها ونعم الزوجة دايرة ليك قيمة سيدة كاتبغيك أكثر من راسها زوينة مثقفة مخلقة ربي راه جزاك منين صيفطلك هاد بنت ناس الله يعطيني شي مراة بحالها يا ربي ...
هنادي حابسة ضحكة غير بزز وفرحات حيت لقمان عبر على كلشي كانت باغا تقولو بطريقة مرحة وزوينة فنفس الوقت وأضاف شي حويجات زوينين وكيشكرها قدام خوه وبالإضافة انو كيتمنى شي مرأة بحالها إحمر وجهها خجلا وحنات راسها كتبتاسم حتى حسات بكاظم تقاد فالجلسة وهز يدو حتى لسما ونزل على لقمان لقرفادتو ..هنادي بقات غير مصدومة من تصرف اللي دار حلات عينيها على وسعهم وشهقات ...
كاظم :كتغزل بمراتي حدايا واش باغي تموت ؟؟؟
كاظم التافت وشاف فهنادي ورجع راسو لور وقال بصوت ثقيل وحنين فنفس الوقت كيبورش ...
كاظم : هنادي تخلقات منها نسخة وحدة وانا اللي فزت بيها
رخا يدو من مور عنقها وجرها ليه حتى تزدحات مع جنبو وحط صبعو تحت دقنها وقرب ليها حلات عينيها على وسعهم وهي كتشوف فكاظم كيقرب من جدر عقلو باغي يسرق قبلة من شفايفها حدا لقمان ...
هنادي بغات تبعد وهو يحكمها مزيان وقال بهمس حدا وجهها ..
هنادي:فين هاربة ؟؟
لقمان كان حاضيهم من زاجة الوسطانية قال بعدما حنحن ...
لقمان : حتارمو مشاعر سيليباطير هااا العار
كاظم التافت و شاف فلقمان و ضحك على كلماتو اما هنادي حنات راسها كتبتاسم و قالت بصوت خجول
هنادي: الله يجيبلك شي بنت ناس
لقمان :أمييين أختي و تكون بحالك دريويشة و حنينة
كاظم :لقمااااان
لقمان : مالك أصاحبي ؟؟ وا سكران و حاضي حوايجك
كاظم : عظامك كاياكلوك لا توحشتي تاكل العصا من عندي يصحابلك كبرتي عليها
لقمان : وا بعدا دافع جبهة نتا غير نصوط عليك تطيح مصاب تشد غير توازن ديالك أصاحبي بقا غير ضربني اش عندك ما ضرب راك مضروب من عند الله
كاظم تقاد فالجلسة و ربت على كتف لقمان و قال
كاظم : عقل على هدرتك غير نسحا برب الجليل ما نتفاك معاك
لقمان : و مصاب توااكض ما جاتش معاك سكرة أصاحبي زعما نتا بعقلك ماشي ديال هادشي
كاظم رد راسو اللور و قال بصوت ثقيل كل حرف كيبرك عليه
كاظم : فاش تدوز من هادشي اللي دزت منو و الله حتى تنتاحر ماشي غير تسكر كاتبغي غير ترفع
لقمان : وا زدتي فيه انا بعدا عمري ندوز من هادشي اللي كدوز منو انا ماشي مسطي نبقا خمس سنين بلا زواج واخا تكون المراة كانتسطا عليها فثلثيام نجيب المراة من العزايات كاينة اختي هنادي و لا ما كايناش ؟؟
هنادي : غير كتقول نهار غايكتب لك الله و تزوج مراة أخرى و تكون كاتبغيها ما غاتقولش هاد الكلام
لقمان :الحب صعييب و ربطة زغبية ياك أبا كاظم
كاظم تنهد و التافت شاف فهنادي و قال
كاظم :الحب زوين أ لقمان غير خاصك طيح فشخص صحيح
لقمان : و الا كتاب حتى حنا بغينا نكملو دينا
هنادي قالت بفرحة
هنادي: اوو شكون هاد سعيدة الحظ
لقمان :إلهام
هنادي على إثر هاد الكلمات بقات مصدومة كتشوف امامها ما توقعتش أن لقمان غايطيح فإلهام آخر وحدة كانت كتظن انو يتزوج بيها سبحان الله بقات غير ساكتة و كتخمم. و فالأخير قالت ...
هنادي: واش كتقصد إلهام بنت دربنا صاحبتي؟؟
لقمان :اه إلهام صاحبتك بنت دربكم زينها سطااني ما نكدبش عليك عجباتني بزاااف و حطيت عليها العين و باغي نمرتها
هنادي: تبغي نهضر ليك معاها ؟؟
لقمان :نتي جيبي ليا غير نمرتها و انا نتكلف كنت باغي نهضر معاك فهاد الموضوع و هاهي جات الوقيتة
هنادي : و انا صراحة كنت مخاصمة معاها و لكن المسامح كريم كنت كانفكر نرجع نتصالح معاها و هاهي جات الوقيتة صافي ما تهزش الهم انا نتكلف
لقمان : شفتي اختي هنادي نتي حلوة سعدات كاظم بيك غاديري فيا خير كبير
كاظم جاوبو و قال
كاظم : جمع راسك شفتك غير جالس و تشكر فيها هنادي حلوة هنادي بنت ناس هنادي ما كاينش بحالها مالنا شنو واقع ؟؟
لقمان حبس الطوموبيل و أخيرا حدا الفيلا ديال كاظم و التافت شاف فيه و ضحك
لقمان : كتغير ؟؟
كاظم حط يدو بتثاقل على خد هنادي اللي ولا حمر بفعل الخجل و قال
كاظم : اه كنغير ما كرهتش نهدر معاها غير بوحدي ما كرهتش نخبيها على عينيكم كاملين تسطيت
قال هاد الكلمات و ضحك بشكل هيستيري حتى تغمضو عويناتو السكرة لااعب على عقلو مزيان ...هنادي سهات فيه و فضحكتو و كلامو كيتكرر فودنيها ما كتبغيهش يتوقف عن كلام الغزل اللي كيطرب ودنيها ما حسات حتى شقات الابتسامة طريق شفايفها ...ما فيقها من سهوتها غير صوت لقمان اللي قال
لقمان : الله يرد بيك أ خويا
نزل من الطوموبيل و زدح الباب و حل لخوه الباب و عاونو ينزل حتى نزل لارض و هنادي خرجات من جيهة لوخرى سدات الباب بدورة باش كدور كتشوف كاظم عطا لكمة قوية لوجه لقمان بقات غير مصدومة و حاط يديها على فمها ...
هنادي: كااااظم اش كادير
لقمان شد على حنكو و كيموت بضحك ... كاظم التافت و شاف فهنادي و عينيه نايمين و رجليه فشلانين ما شادش توازن ديالو
كاظم : باش يتعلم يعااود يهدر معاك بديك طريقة
لقمان سندو لعندو و حاس براسو غايتفركع بضحك ناشط على خوه
كاظم :S'il te plait ne me quitte pas [عفاك ما تخلينيش ]
هنادي ابتاسمت ليه و قربات و شدات فيدو و باستها مطولا هزات عويناتها و شافت فيه قالت بصوت حنون
هنادي : Je serai toujours avec toi [ غانكون ديما معاك ]
دق لقمان فالباب دقات متتالية وتحل الباب من طرف إمراة قصيرة وبيوضة كبيرة فالعمر شافتهم وضحكات وفنفس الوقت شافت حالة كاظم وشهقات وقالت
- مال سيدي كاظم
لقمان داز فيها ودخل خوه وهنادي من موراهم والخدامة بقات غير كتشوف ما فهماتش كاع اش واقع ..
دخلو لسيجور وتزدح كاظم من فوق الفوطوي ديال الجلد الأسود اللي كان تماك ..فيلا كبييرة يجري فيها الخيل ستيل ديالها غربي بعض الشيئ ماهو مصمم ديكورها كاظم ديكورات و أثاث راقي لوحات لأشهر الفنانين معلقين فالحيوط اللي كان ستيل ديالهم بحال مصوب بالحجر فيلا راااقية لدرجة ان هنادي حلات فمها على وسعو فيها ولكن سرعان ما تلاشات دهشتها فاش حولات عينيها لجيهة كاظم اللي باينة فيه عيان ماعرفات مادير معاه حالتها أكثر منو ...
لقمان : كاظم نسااا اصاااحبي نساااا صافي بلا ماتبقا داير فراسك هاد الحالة
كاظم هز عويناتو بتثاقل وكيشوف فيه بشكل خطييير
كاظم : انا ناسي اصلن
لقمان :حالتك كتقول العكس
كاظم هبط عينو وسها فالفراغ وجاوبو
كاظم :قول لعائشة تصاوب ليا كافي نوار باش نفيق
خطا خطوات باتجاه الباب وربت على كتف هنادي اللي كانت واقفة وقال ...
لقمان : نتي الوحيدة اللي تقدري تخرجيه من هاد الحالة أختي
قال هاد الجملة وانصارف وخلا هنادي كتخمم وتنهد خطات خطوات ناحيتو حتى وقفات على راسو هز عينو شاف فيها وطلق ليها يدو بحال كيقولها اجي حدايا داكشي اللي دارت جلسات حداه دور يدو من مور عنقها وفلمحة بصر حيد ليها الزيف اللي كانت دايرة من فوق شعرها ولاحو الارض تصدمات من تصرفو و لكن بقات ثابتة ما دارت حتى ردة فعل ...
هز خصلات من شعرها وحطهم على نيفو غمض عينو كيستنشق ريحتو حتى قال بصوت حنون
كاظم :ريحتو زوينة
هنادي ابتاسمت وقالت
هنادي : زوينة بحالك
طلق خصلات شعرها وشاف فيها مطولا وقال
كاظم : سمحيلي حيت كنعدبك معايا
هنادي: ماكاين عداب اش بانلك دوش باش ترتاح وتواكض باش تولي كاظم زوين اللي كنحماق عليه
كاظم ابتاسم باستهزاء وقال
كاظم :علاش دابا ماعجبتكش؟؟
هنادي حركات راسها بنفي وقالت
هنادي: واش نتا راضي على راسك ونتا فهاد الحالة ؟؟ واش الا بقيتي كتحرق فدمك و كتفكر شنو دارت فيك واش هادشي غايغير شي حاجة ملاك ماتت و راه ربي قاد بيها هو غا يتولاها هي كانت كتخونك و البنت اللي كانت حاملة بيها ماشي بنتك بالعكس خاصك تفرح اللي عرفتي حقيقتها دابا خاصك تنسى الماضي [حطات يديها على دقنو كتلعب فلحيتو ] خاصك تفكر فينا حنا و فعلاقتنا خاصك تفكر فالمستقبل ديالنا كيف غايكون اللي فات مات أحبيبي عارفة بلي ما ساهلاش قاصحة عليك و لكن حتى انا كنتعدب فاش كنشوفك فهاد الحالة على قبلي باراكة ملاك ما تستاهلش هادشي اللي داير عليها ...
كاظم كيشوف فيها بواحد طريقة كيووت بزاف و مع شعر هابط ليه على عويناتو قال
كاظم : بصح خاصني ندوش باش نرتاح
هنادي حركات راسها بالايجاب واخا استغربات من جوابو
هنادي :اه خاصك دوش باش تواكض و ترجع لوعيك
كاظم قرب حتى دخل لوجهها و قال بصوت طفولي كيجيب ضحكة ..
كاظم:دوشي ليا
هنادي صرطات ريقها بصعوبة بغات تجاوبو وهي تشوف المراة اللي حلات ليهم الباب جايبة فيديها القهوة و حطاتها من فوق الطبلة و قالت
~سيدي كاظم باش كتحس
دور وجهو و شاف فيها و قال
كاظم:انا مزيان شكرا
إنصارفت عائشة الخدامة و ناضت هنادي عطاتو داك الكاس د القهوة هبط عليه و رجع ليها الكاس وقف بتثاقل و كيحس براسو كيزدح ...
كاظم : غانمشي ندوش و فاش نخرج نهدرو
عاوناتو هنادي باش يطلع لطابق الافقي حل الباب ديال بيتو اللي كان كبير و غالب عليه اللون الابيض و الرمادي ألوان هادئة عطات لبيت منظر خاص بيه بقا واقف قدام الباب و رجعات بيه داكرتو لأيام اللي كان كيجي فيهم مع ملاك لهاد الدار ساس دوك الذكريات من راسو و دخل لداخل و شاف فهنادي و قال بعدما طلع فيها و هبط كانت لابسة نفس العباية اللي جاب ليها قال بصوت آمر ..
كاظم:فاش نخرج ما نبغيش نشوفك بهاد العباية شريتها ليك تصلي بيها ماشي باش تلبسيها فاش نكون معاك
هنادي:ولكن ما عنديش حوايج
كاظم ضحك بشكل هيستيري و قال
كاظم: مزيان نيت ما تلبسي والو داكشي اللي بغيت انا
انصارف كيضحك و دخل لدوش و خلا هنادي كتبتاسم على كلماتو السافلة 🙈 ...
حيدات داك العباية .. كانت لابسة تحت منها غير صوفيطمة ديال السماطي مع شويرط قصيور فلون الاحمر .. جلسات من فوق الناموسية هزات التيليفون ديالو اللي كان من فوق الطبلة بانتلها صورتها على شاشة حسات بقلبها كيرقص بقوة الفرحة دخلات ليوتيب بانتلها واحد الأغنية ديال مسلم كليكات عليها و تطلقات الموسيقى
🎵🎵🎵🎵
قولو نلّي سهران الليل
حالو كيف حالي ولّى خيالو الخليل
جاوبني القمر و دموعو كتسيل
بلّي محبوبي سكر بغرامي كيميل
ولا مجنون ليلى ولا عنتر عبلة
أنا رجل مدمن على امرأة عشقها مزمن
حارو الشعراء أشعارهم ولاو فقراء
ملي سمعو قصايدي عليك (my lady)
أنا غير واحد مجروح
فالقلب و فالروح
أنا واحد كان مات و عزًّاني
حتى جيتيني من بعيد
حييتيني من جديد
ولّيت أنا معاك واحد تاني
You are my lady
My only lady
Oh senorita Nti my lady
You are my lady
My only lady
Oh senorita Nti my lady
كنت عارف أنا بلي فهاد الكون مرأة
خلقت غير ليلي
وأنا بين الزناقي تالف نقلّب عليها بين نجوم ليلي
أنا ماعلى بالي بلي كيلومو و ما ذاقو حلاوة عذابي
قالو بلي مجنون و ما تاقو بلي أنا شربت سرابي
غيرو مني و جهلو فنّي
اللي بينها و بيني روحاني سرّو ربّاني
غيرو مني و جهلو فني
اللي بينها و بيني عشرة ما عمرها تسالي
أنا غير واحد مجروح فالقلب و فالرّوح
أنا واحد كان مات و عزّاني
حتى جيتيني من بعيد
حييتيني من جديد وليت أنا معاك واحد تاني
You are my lady
My only lady
Oh senorita Nti my lady
🎵🎵🎵🎵
تكات و بدات كتدندن مع كلمات الاغنية كتسناه يخرج لعندها باغا تلف الوقت و منها تنسا شوية الهم اللي داز عليها ....
فنفس الاثناء خرج كاظم من دوش شاف هنادي متكية و عاطياه بضهر و مجهدة لموسيقى اللي كتعجبو يتصنت ليها و كتغني معاها من جدر عقلها عض على شنايفو فاش شافها عاطياه بضهر و لابسة غير شويرط و مع سويفيطمة و لون داتها الاسمر اللون كالكراميل مثير لاقصى درجة ما حس براسو حتى خطا خطوات ناحيتها و قال بهمس فقلب ودنيها ....
كاظم : You are my lady *أنتي سيدتي (زوجتي )*
دارت لناحيتو و ابتاسمت منين سمعات صوتو حبسات الموسيقى و قالت
هنادي :بصحتك نتمنى تكون رتاحيتي
كاظم حنا لعندها حتى تخالطو انفاسهم و قال
كاظم:من نهار دخلتي لحياتي و انا مرتاح غير ما تخلينيش
قال هاد الجملة و حول نظراتو لشفايفها ما حس براسو حتى باسها من ثغرها بوسة حنينة طويلة خلاتها تنسى شكون هي بين يديها كتدوب و تسيح ...بعد بشوية و قال بهمس بصوت حنون
كاظم: كن عرف نحل مداق شفايفك كن خلا العسل و جا لعندك كنبغيك اراحة قلبي
ابتاسمت ليه بحب و تكا حداها و هي تحشات فيه و تكات على صدرو العاري هزات عويناتها شافت فيه و قالت
هنادي :شوية دابا احبيبة
كاظم :حسن من قبل كنحس براحة
هنادي : مابقيتيش دايخ بسكرة ياك
كاظم ضحك و حرك راسو بنفي و قال
كاظم:أكيد لا حسيت بيك قبيلة بحال كنتي خايفة مني
هنادي : ضروري ما ولفتش نشوفك بداك الحالة
كاظم مرر يدو على وجهو و قال بأسف
كاظم:ما عرفتش شنو وقع ليا
هنادي : عادي كلشي كايغلط لحظة غضب فاتت
كاظم : المهم هو أنني عرفت الحقيقة
هنادي: جوديا هي اللي فرشات ختها ياك
كاظم حرك راسو بالايجاب و يدو كيمررها بحنان على دراعها ...
كاظم: وي هي
هنادي :و شنو إستافدت ؟؟
كاظم: كانت باغا تنتاقم مني و كان أشر إنتقام
هنادي :علاش غاتنتاقم منك ؟؟ مالك واكل ليها الورث
كاظم تنهد و جاوبها بصوت هادئ
كاظم: مؤخرا كانت قللات علينا الاحترام و عطيتها تصرفيقة و من تماك وهي حاقدة كانت باغا تشوفني مهزوم و ما لقات ما احسن من انها تكشف السر د ختها و حقا شافتني مدمر و هي هادشي اللي كانت باغا
هنادي: المهم هو انك دابا نتا بخير و انا معاك و نتا غاتخطى ديك المرحلة ياك أزين ديالي
كاظم ابتاسم و كيحس بقلبو كينبض بسرعة كانه في سباق منين كتقولو ليه كلام حلو بحال هذا ...
كاظم :إنشاء الله أراحة قلبي الله يحفظك ليا أبنتي [قبل راسها بحنان ]
هنادي هزات تيليفون ديالو و عطاتو ليه و قالت
هنادي: هاك هدر مع ماما زبيدة غاتكون مشوشة عليك
كاظم خدا من عندها تيليفون و قال
كاظم: الحنانة فكرتيني فيها
دوز الخط ديال دار و نيت هي اللي جاوبات فالخط ...
كاظم:الو الحنانة
زبيدة صوتها فيه البحة د البكا ...
زبيدة : ألو حبيبي كااظم ولدي كي بقيتي
كاظم:انا بخير ا الحنانة بلا ما تشوشي عليا عفاك باركة من البكا و شربي الدوا ديالك انا مزيان بلا ما تشغلي بالك بيا
زبيدة :كيف بغيتيني نرتاح و انا شفتك خارج بديك الحالة خلعتينا عليك ا حبيبي صافي نساها أ الحنين ديالي الله يرضي عليك و الله ما تستاهل دير عليها هادشي كامل
كاظم : صافي أ الحنانة نتي غير رتاحي .. معايا هنادي كيف بغيتيني ما نكونش مزيان الا كنت عزيز عليك مسحي دموعك و شربي دواك و نعسي مزيان باش ترتاحي غدا غانجي عندك انا و هنادي
زبيدة : الله يا وليدي و ديك البنيتة ما تستاهلش حتى هي ما زال حتى ما فرحت براسها كيف البنات و هوما يتعرمو المشاكل الله يفاجيها و خلاص كيف بقات هي ؟؟
كاظم :مزيانة ا الحنانة هانا ندوزها ليك هدري معاها
عطا الفون لهنادي ...
هنادي:الو ماما زبيدة كيف بقيتي
زبيدة :ها حنا أبنيتي كنعديو حتى يفاجيها مولانا و نتي اللي كي بقيتي مع المشاكل و يا بنيتي مزال ما فرحنا حتى بصباحك الله يا بنيتي و عوينة و صابتنا
هنادي :اوا الله يدير شي تاويل د الخير العين صعيبة و لكن كيبقا المكاتيب و اللي دارها الله هي اللي تكون الواحد ما عندو لاش يفقص راسو
زبيدة :هداكشي نيت ابنتي غير هو نوصيك عليه ابنتي ردي ليه البال الله يرضي عليك
هنادي: ما تحتاجيش توصي ا ماما زبيدة كاظم ماشي اي واحد نحطو فعويناتي و ربي شاهد
زبيدة :الله يرضي عليك ها باش كاتعجبني لله يتاويكم الخير الله ينقي طريقكم من شوك و يبعد عليكم ولاد الحرام غدا نعطيكم الما ديال رقية شربوه ها باش الواحد خاصو يرقي راسو غير من هاد المصايب الله يدير شي تاويل د الخير نخليك ابنتي تصبحي بخير الله يعاون
هنادي : الله يعاون اماما زبيدة تصبحي بخير ..
قطعات و حطات تيليفون حداها بالهزة باش كتهز راسها تشوف فيه كتلقاه ساهي فيها عضات على شنيفاتها و قالت
هنادي:مالك ؟؟
كاظم: علاقتك بالحنانة زوينة كاتعجبني
هنادي: كنعتابرها ميمتي و عزيزة عليا بزاف كنحترمها و كنتسطا عليها عرفتي علاش ؟؟
كاظم ابتاسم و حرك راسو بنفي و قال
كاظم:علاش؟؟
هنادي قربات و طبعات على خدو بوسة حنينة خلاتو مصدوم و همسات فودنو بصوت بورشو ...
هنادي :حيت ولدات ليا كاظم حبيبي زين د العالم اللي ما كاينش بحالو غير هاد السبب غايخليني ممتنة ليها العمر كامل
أنا لست إبنتك أنا زوجتك الجزء الثامن
محتوى القصة
التنقل بين الأجزاء