لوجين بدااات تتغسل وجها تتحاول تستوعب هدشي لي وقع بيناتهم حطاات صبعها فوق شفايفها وتتدوز عليهم غير بشوية وتتشوف راسها فالمريا كلشي مخلط عليها فديك اللحضة معرفات وااش تفرح ولا تقلق حينت ستسلمات ليه بهاد سهولة يلاه بدااات تتجمع شعرها تتقلب على زيف لي كان فوق راسها خرجات بغاااات تجيبو باش تمشي حتا تتسمع صوت أريج قدام الباب بقات واقفة مبلوكية مفهمات والو كان خليل معصب عليها معرفاتش أشنو لي خلاها تبقا واقفة أو تسمع الحوار لي داير بينهم
خليل منين شااافها وسمع كلمة حاملة من فمها ملامح وجهو تقلبو زفر بقوة.. و لعن و سب فخاطرو..
عاض فشنايفو بطريقة جنوونية... و بطريقة كتبين شحال هو متوثر وكاااااره راسو فهاد اللحضة ..
أريج *دفعاتو* علاش غدي نكدب عليك *رمات لوراق فجهو* شد قرااااا انا يلاه جيت من عند طبيبة انااااا حاااملة فالأسابيع ديال الأولى ويلا ممصدقنيش يلاه رجعو عند طبيب. باش تأكد وفيك تخدني عند أي طبيبة الا كانت مكدبني
خليل تيقرااا أو تيحرك راسو ممصدقش أش تتشوف عينيه فعلا أريج حاملة فهاد اللحضة لوجين حطات راااسها على الحيط وبلاما تشعر لقات دموع نااازلين من عينيها تتبكي فصمت
أريج : خليل انا معندي ما ندير هدشي لي عطا الله دباااا هاد الولد مسؤولية ديالنا بزوج هدااا هو تمرة ديال حبنا جاااا فوقتو
قربات ليه وتدوز يديها بزوج على وجهو يلاه بغاااات تبوسو دفعها كان معصب ومحاملش راااسو لوجين هزات الفولار حطاتو على راسها وخرجات عليهم وهي تتحاول تقوي راسها
خليل : لوجين رجعي مزال مكملناش كلامنا
لوجين *بالغوات* بعد مني متبقاش تحط يديك عليااااا ولا غدي تندم وصاااافي كلام لي عندي رااني گلتو حتا حتااا حاجة من دكشي لي فرااااسك مكاين وحسن تبدااا فالإجراءات ديال طلاق فأقرب وقت
خرجات تتزرب تبعها تيعيط عليها مشااات تتجري أريج مربعة يديها وتضحك عااجبها الحال رجع خليل بحال العجاجة دغية جمعات ضحكة
أريج : فين غاااادي
خليل *دفعها* يااااك گلتي دكشي لي عند دبا صااافي سيري
أريج *شداتو* كيفاش نمشي فين بغيتي نمشي انت خصك تلقا شي حل معايا ا خليل راااني حاملة واش عاااارف أشناهيا حاملة غدا ولا بعدو كرشي غدي تكبر أشنو غدي نگول العائلتي انا مستحيل نربي ولد بلا أب انت خصك ضروري تكون معاانا دباااا خصك تلقا شي حل لنا بزوج أو لولدنا لي جاااي *شدات يديه حطاتها على كرشها* حياتي قطعة مني ومنك تتكبر يوم بعد يوم أنا عارفة بالي راااك مقلق مني بزاااف ولكن ولدنا معندو حتا دنب عفاااك سمح ليا وعطيني فرصة خرى
خليل *نتر يديه بجهد* صافي سيري أ أرييييج من هنااا سيري بغيت نبقااااا بوحدي هاد ساعة. *دفعها وردخ الباب بجهد *
أريج *ضربات رجليها مع الأرض* دباااا تشوف غدي تندم أخليل غدي تندم وترجع تتجري العندي طلبيني نرجع ليك غير بلاتي
خليل حس بلحراارة.. طالعة معاااه فديك اللحضة عنقوو.. معرق بالاعصااب لي بارزين حتى فيديه .... عينيييه ولات حمرة..فحال الجمره و العرق هابط من جبييينو بقااا غاااادي جاااي حاط يدو اليمنية على شنايفو.. عقلو خدام تيفكر فشي حل الهاد المشكلة
مشا الكوزينة هز قنينات ديال خمر حطهم فوق طبلة وباكية. الگارو يلاه حل قرعة غدي يشرب بحال الا شواحد صرفقو دغية نااااض هو تيحاول يتحكم فراسو هو قطع عهد على راسو باش ميبقاش يشرب بغااا يتغير ولكن منين تيتعصب اول حاجة تتبان بين عينيه هو دكشي لي حرمو الله شاف راااسو مغديش يقدر يصبر هز تليفون وخرج وخلا كلشي
موراه...
سابين : يااااس بابا خالتي لوجين جااات جات
عصمان*تيقلب بعينيه* فينها
سابين : رااااهي خالتي لوجين
هزاتها لوجين وعنقاتها وتتبوس فيها
لوجين : ايه جيت احبيبت خالتها لوجين ولكن فين كنتو بغيتو تمشيو بلا بيا
سابين دغية طلعات ولصقات فباباها باش تخلي بلاصة فين تركب لوجين حتا هي
لوجين لصقات ورااا سابين عفط جوج عفطات مجهدين ناض الموطور ومشا مكسيري غادي بأقصى سرعة و هما محاوطينو بيديهم .هو حس بخوفهم نقص من السرعة.. كملو طريقهم كان الجو زوين دنيا خضرة وتيضرب فوجهم داك البرد ديال شجر الكاليبتوس تتحس لوجين بطمأنينة والفرحة حسااات بواحد رااااحة وهي معهم معمرها حسات بحالها سابين وسطهم تتنقز وعجبها الحال تدور رااسها هنا وهناااا وأي بلاصة وصلو لها ضروري خصها تعرف بها لوجين وتشرح لها دكشي لي شرحو لها عصمان اول مرة جابها التم عصمان تيسمع فيها أو تيضحك تتعاود نفس هضرتوو بقاو هكاك حتا وصلو نزلات سابين تتجري وطاالقة يديها هبطات الواحد البحيرة تتلعب فيها وتتعيط على لوجين تلعب معها
عصمان : غير سيري عندها انا غدي نهزو
مشات لوجين عند سابين بدات تتلعب معها بالماااا أو عصمان بدااا تيهز من فوق الموطور وتيحط تحت واحد شجرة قاااد واحد لجليسة أو دور بها مخدات أو حط فالوسط طبيلة صغيرة حط فيها جميع شهيوات لي وجد مع سابين غير كمل بداااا تيعيط عليهم إجيو يتغداو....
سابين : بابا عفاك خليني لعبو هو لول
عصمان وقف وغطاااا ديك الماكلة ومشااا عندهم بخطوات ثابتة تيشوف لوجين بحال شي بنية صغيورة كثر من سابين بنتوو وتعامل ديالها مع بنتو هدشي زاد خلاها تكبر فعينيه
سابين: بابا اجااا قرب لعب معنا
عصمان : غير لعبو بزوج هاااني تنشوف فيكم
سابين *جراتوو* لا لا لعب معنا
بداو تيلعبو بالماااا كان تيرش غير على بنتو حتا ولا تيرش حتا على لوجين وحتا هي تترش عليه لوجين گاع حوايجها فزگو بالما وعصمان تيضحك عليها حينت هو ولا نقطة الما جات فيه مشا جاب لهم الفوطات لا يضربهم البرد رجعو بحال داك دجاج رومي
عصمان لوااا بنتو فوطة ومشااا عند لوجين حتا هي حط فوطة على كثفها
لوجين : شكرا
عصمان : شكر ليك نتي الوجين معاملة لي تتعملي بها بنتي فرحاتني ومكرهتش تبقاي ديما معها الا مكان عندك حتا مانع بطبيعة الحال
لوجين : شكر لله بنتك تدخول القلب ونا رتاحيت لها وربي لي عاالم واكيد وقتما لقيت الفرصة غدي نجي نشوفها وحتا هي وقتما بغات تجي تشوفني جيبها
عصمان : ان شاء الله
لوجين : وخااا نسولك ولكن الا مبغيتيش تجاوب ماشي مشكل
عصمان : سولي
لوجين : علاش كدبتي على بنتك وگلتي لها بالي امها مات وهي مزال عايشة
عصمان *شاف فيها* حينت هي ميتا كون كانت عايشة مغديش تلوحها سابين معمرها شافتها ولا عرفتها حتال دبا هي بغات ديك طريق ساهلة حتا البنت كبرات عاااد تتبان لها
وناا هو اكثر واحد عاارف بالقيمة ديال والدين حينت عشت يتيم الأب ديالي مات ونا مزال فكرش أمي معمرني شفتو أو تكفحات الواليدة مع زمان حتا كبراتني ولكن مقدراااتش تبقا حتا نعوضها على داك العداب لي شافتو مات ونا فعمري 14 سنة تما عاااد عرفت اشناهيا المعانات حرمان وتشرد وعرفت بالي رااسك هو لي دااايم ليك بديت نتقلفت من هنا لهنا مرة عند عمي خالي خالتي ولكن كل واحد غير تطول عندو كثر من سيمانة يبقا اشوف فيك ديك شوفة ديال دردب مع الباب راااك طولتي تما خرجت التمارا الكحلة جميع الخدامي دوزتهم گباص نجار بناي خياط فينما جابتني الوقت نحفر بحال فاس غير باش منبقاش ماااد يدي مزال لشمايت انا عولت على راسي من لول الحاجة الخايبة لي كانت فيا هو تبليت بااااش نسي الهم تاابع دراري زنقة مكنتش تنخاف منها حينت زنقة بنسبة ليا خير الف مرة من سعاية وبنادم يبقا يحل فيك كبينتو
لوجين قلبها طايب خلوق تتبكي بلا قانون أما القصة ديالي مع إيليف وكيفاش تعرفت عليها
كانت خدام عندهم فدار هما من عائلة غنية أو كلمتهم تقيلة فالبلاد كان باها تايق فيا كنت بوديگارد فالفيلا تقضري تگولي شيفور ديالها وكلب ديال باها أي حاجة طلبها هو ولادو خصها تحضر نهار على نهار بديت نتعلق بها وحتا هي بدات تتعلق بيا الحاجة لي زوينة فيها هو ديك بساطة ديالها كانت علاقة بنا غير شرعية ولكن ديما تنگول لها بغيت نتزوج بيك ومعنديش مشكل نهضر مع باها وخا كانت متأكد هو مستحيل يعطيها ليا ولكن هي ديما تتهرب من زواج معرفتش علاش بقينا هكاك حتا لقات راسها حاملة غوتات بكات دخلات فإكتاب حاد الدرجة ولات بغاتو إطيح بأي حاجة مبغاتوش ولكن أنا بقيت تنضغط عليها باش تخليه انا بغيت لولاد ودكشي لي كان قنعتها حتا بعدات ديك الفكرة الإجهاض من راسها بدااات كرشها تتكبر ومبقاتش قادرة تعيش مع دارهم كانت خايفة من باها يعرف تقاتلت حتا شريت داري وفرشاتها على. دوقها كان كلشي مزيان بنا وكنا بزوج تنتسناو غير امتى تجي سابين الدنيا باش تحلي حياتنا بعدت من الحرام على قبل عائلتي قطعت اي حاجة خايبة أو حتا خرجت من الخدمة مع باها وخا كاينة الفلوس ولكن خدمتوو كانت مشبوهة مفيوزي كبير تيتاجر فالمخدرات وغسيل الأموال إيليف دخلات فشهورة ديالها الأخيرة سيدة تبدلات ولات غير على سبا وبغات غير منين دوز ليا ونا صابر تنگول وقلة غير الحمل هداك لي داير فيها هكاك بقيت صابر حتا ولدات غير ولداتها البارح صبااح مبقاش بان لها الأثار مشات وخلات ليا البنت بين يديا ومشات الألمانيا مع عائلتها وخطيبها بلاما تفكر لا فيا ولا فبنتها جميع احلامي لي بنيتهم تبخرو فسما البنت تتبكي متنعرف ما ندير لها ديتها تنجري بها واحد الليلة السبيطار مخلوع حتا لقيت واحد سيدة الله يدكرها بالخير هي لي طمناتني عليها ونا عاودت لها اش واقع معايا تعطفات معايا قلبات لها ليكوش لقاتو عااامر هو لي مقلقها حيداتو لها وعلماتني كيفاش نتعامل مع بيبي صغير والأوقات ديال رضاعة ديالو وعطاتني ورقة مكتوب فيها گاع دكشي لي غدي نحتاج من حفاضات و حكاااك ديال الحليب من فرمسيان بقيت غادي متبع تعليمات لي گالت ليا حتا كبرات ..
خليل : راني وصلت البلاصة لي گلتي ليا اصحبي معرفتش الدار كاينين بزاف ديور هنااا
راكان : ونا باااش بغيتي نعرف دار انا عرفت غير لبلاصة فين ساكن سول عليه ناااس راااه تيگول واحد المثال لي عندو فمو ما يتلف ولا عرفتي اشنو دير انت گاع ضرب عصفورين بحجرة وحدة دير راااسك رومانسي وفنفس الوقت غدي تكون تتقلب عليها وغدي تلقاها بدااا تغوت بأعلى صوت وگول لوووووجين حبيبااااتي ياااا لووووجين وهي فين ما كانت غدي تخرج رآه البنات تيحماقو على بحال هاد تويشيات
خليل *قطع عليه* لمگندز لاااخور ولكن انا لي نيت داير فيك راسي وتنسمع ليك....
بقاااا تيدور تماااا ولي بان ليه تيمشي إسولو على عصمان لي عندو بنية وساكن بوحدو بقا هكاك حتا طاح على داااار دق حتا خلا يديه فالباب والو مكاين لي إحل شاف حتا عياا رجع لطوموبيل وبقا تيتسنااا وعينيه على دار حاالف حتا إشوفها.....
من بعد ما تغداو بدات لوجين تتعاود قصتها عصمان حتا بداااا تيطيح ضلام و سابين نعسات فحجر عصمان ...
عصمان : حيواااان هدااا ماشي بنادم وحتا داك خليل طلع كلب بحالو احسن حاجة غدي ديريها ا لوجين هي تبعدي عليه حينت هاااد الحيوان متيستهلكش فكر غير فختو حمار عصبني معرفتش انااا هااااد بنادم كيفاش تيفكر
لوجين : انا معمرني مهزيت فقلبي من جهة شواحد حينت ربي كبير ديما تلقاه فجنبي وديما ربي تيفتحها فوجهي ومعمرو خيبني
لوجين ناضت وبدات تتجمع الماعن أو تتسوس فداك الفراش من تراب أو عصمان هاااز بنتو مبغاتش مزال تفيق ليه داها لديك بحيرة تيغسل لها وجها رجعااات بحال سكران خصر فيها نعاس جمعو دوزانهم أو شدو طريق الدااار خليل مزال شاد العسااا عيااا يلاه غدي إديماري طوموبيل حتا تيشوف الموطور وقف ونزلات لوجين مع سابين أو شابعين ضحك بداو تيدخلو دكشي الدار خرج من طوموبيل وغدي العندهم غير شافو عصمان صعر وتيحاول يتحكم فراسو ..وخلا لوجين تصرف مبغااش يزرب ويفرگع لمو راسو
خليل : لووووجين واحد دقيقة بغيت نهضر معااااك الا سمحتي
خليل مشااا شدها بز منها يلاه دور وجهو جا مع الكروشي ملبس فوجهو لوجين خرجات عينيها
عصمان شنق عليه .. شدو من تريكو ديالو مطيحو لرض.. وتيجندخ فيه مع خليل مزال يديه متيقدرش إحركها بزاف ستسلم ليه وخلاه إدير لي بغااا فيه لوجين تتغوات وتتجر فيه حينت تتشوف جرح تحل وبداااا تينزف
عصمان : اخير مرة تقرب لها هاني حدرتك الكلب ودباااا غدي طلقها بالخاطر ولا والله
خليل *غوات* ولااااا ااااش هضر الكلب تحل ليك الفم وعلى مبان ليا توحشتي الحبس
عقل مزيان على هدشي لي درتي و الحساب مزال مسالاش مزال غدي نتفاهمو عليه
خليل مبرداتش ليه ومرضاش قدام لوجين اتصعصع عليه حاول يوقف بالكشيفة كانت غدي تعاونو لوجين ولكن وقفها بيديه ..
دكشي لي جيت على قبلو مغديش نمشي حتا نگولو لوجين خلينا نهضرو مغديش ناخود من وقتك بزاف
لوجين : گول. دكشي لي بغيتي تگول وسير حينت انا متنخبي والو على عصمان
عصمان عجبو الحال وهكاا بغا لوجين تصرف
خليل دوز يديه على لحيتو بعصبية وتيحاول يكالمي راسو أو يهضر وخا كان عارف جوابها
خليل : عرفت بالي ضلمتك ونا تنحس بدنب وبغيت نصلح الغلاط ديالي انا محتاجك تكوني فجنبي ومكرهتش تعطي لزواجنا فرصة خرى ويلا كانت هازة الهم الولد تنواعدك بالي مغدي إخصو حتا حاجة غدي نتحمل مسؤولية ديالو كلها أشنو گلتي
لوجين شافت فعصمان ورجعات شافت فيه
لوجين : جوابي راك عااارفو ولكن ما فيها باس نعاودو صافي طلقني أخليل وسير تهلا فولدك وفسيدة لي حاملة منك انا مبغيتش نبقا معاااك صااافي انا لقيت راااحتي مع هاد ناس لقيت فيهم الحوايج لي ملقيتهوم حتا فعائلتي كرهت كدوبكم ونيفاق والأنانية لي عايشين فيها خليوني عليكم وحسن تستعجل بطلاق حينت مبقيتش بغيت نشوفك تدور بجهتي
دخلات تتجري خلاتو وااقف مبلوكي شوية تبعها عصمان من بعد ما ستفزو بدوك نضرااات ديال شمتة وردخ الباب فوجهو ...
لوجين : متخافش انا مبقيتش غدي نهبط راسي مزال لحتا واحد عفاك ممكن توصلني الدارنا انا ضروري خصني نشوفهم باش نهضر معهم على طلاق وحتا على داك الكلب ديال يوسف
عصمان : تبغي ندخول معاك
لوجين : لا انا غدي نهضر معهم بوحدي انا متندير حتا حاجة خايبة ...
كان خليل معصب الأخير درجة طلع فطوموبيل ومشااااا السبيطار نيشان حينت يديه تتنزف أو تتعطيه الحريق ... لوجين ركبات فالموطور ومشاااات الدارهم
لوجين : صافي وقف غير هنااا وصلنا
عصمان : ادا هدي هي داركم ولكن ديك الدار الخرى لي حطيتك قدامها فالمرة الأولى ديالمن
لوجين : ديال مي راضية حتا هديك دارنا هديك دار خليل أمو الله اعمرها دار من أطيب خلق الله وبصارحة هي عندها فضل كبير عليا معمرني نساه يلاه نخليك دبا خصك ترجع العند سابين متعطلش عليها
عصمان : انت متأكدة غدي دخلي بوحدك
لوجين *حركات راسها* ااااه غير سير
مشا عصمان وبقات لوجين قدام الباب تنهدااات تنهيدة طويلة خارجة من الداخل تتحاول تقوي راااسها حينت عارفة عائلتها صعيب بنادم يقنعهم بدااات تتگول دعاء تيسير تتحس براسها داخلة تجاهد ...
..... اللهم يسر ولا تعسر وسهل على كل معسر يارب العالمين....
دقات فالباب وتتسناهم إحلو ..
فاطمة: بنتي لوجين الله وعلى سلامتك منين تفكرتيني وجيتي طلي علينا دخلي ابنتي
لوجين عنقاتها وباست راسها ودخلات فاطمة مزال مخرجة راسها وتتقلب على طوموبيل ديال خليل
فاطمة: فينو راجلك ابنتي واش مجاش معاك
عزيز: فااااطمة شكووووون فالباب
فاطمة: والو غير لوجين هدي لي جااات فينو خليل واش مجاش معاك
لوجين *بالغوات* ااااه أ أمي جيب بوحدي
دخلات تتزرب الداخل لقات باها وخوتها مجموعين تيتفرجو فواحد الماتش ومجهدين التلفازة تحنات على يد باها باستها...
لوجين: أبي كيف داير لباس عليك
عزيز : الحمد لله وشكر لله ابنتي فينو سي خليل واش مجاش معاااك *تيقلب بعينيه*
لوجين *گعدات* لا مجاش وهدشي علاش جيت العندكم باش نگول لكم غااادي نطلق منو
كلهم شااافو فيها شوفة وحدة
عزيز *بالغوات* أشنووووو عااااودي أش گلتي
فؤاد : واااااش انت ضااارب بوووك الله ولا مالكي شفتك زغتي وليتي تديري غير لي عجبك مقابلة ليا هنا غير زوج طلق مبقا عندك شغل ....
فاطمة: بنتي اش هاد الهضرة تتگولي علاش بغيتي طلقي راجلك مزيناتوو راااجل بوليسي وأي بنت تتمناه ساكنة بوحدك كون غير مع عگوزتك نگولو مكرفصة عليك وخا ماشي ديالها سيدة الله اعمرها دار علاش تتقلبي
عزيز : على لي يخلي داااار عشتها معرفتيهاش گاااع علاش تتقلب *ناض* بنتك ولا يحساب لها راااسها الملكة اليزابيث مكاااين مااا حسن منها وااااا حمدي الله وشكريه ياااا بنت الحرااام لقيتي لي يقبل بيك ومزاااال جااااية تتحلي عليا كبينتك ولكن مطلعش راااجل اهرس لبوك دوك ضلووووع باش ديري بحسابو أو متجيش تحلي فمك علينا هنا
لوجين عينيها مبقاوش بغاو احبسو من دموع وحتا الهضرة حصلات بحال شي گرگاعة واااقفة فحلقها مبقات بغات تنزل ولا طلع
لوجين *بصوت مبحوح* دبا رجعتوني انا لي غالطة يااااك مكلفتوش راااسكم حتا تسولوني علاش غدي نطلق منو واش داار ليا شحاجة واش هاد سيد تكرفص عليا ولكن كيف العادة انا متنهمكومش و أي حاجة واااقعة ليا راني أنا سباب فيها أنا لي خايبة أو هما مزيانين اوا الله يخلف عليكم
عزيز : هداك لول گلنا ضلمك وتعداات عليك وهداااا مالو هااااه هضري سيد قااابل بيك كيفما انت ومزاال مكثرة على راااسك انت لي مبغيتيش تكمشي وتحمدي الله وديك طريق لي تتنبشي عليها رااااه غدي توصلي لها غيرر صبري على خبيزتك ابنتي راااه بحالك لي معمرينها وشفتي إلا غير طلاق هو لي عمرك تحلمي بيها....
لوجين *وقفات* غدي نطلق منو واااش تتسمعو غدي نطلق ومغديش مزال نخلي حتا واااحد يدخل فحياتي بغيت ندير لي عجبني
يلاه بغااات تحل الباب تخرج جااي خوها بجراااا جرها من شعرها ونزلها الأرض تيضرب فيها ويسب حتا فكها باها من بين يدو
عزيز*بالغوات* برااااكة شكون لي گاليك ضربها عندها رااجلها اضبر معها انت معندكش الحق تحط عليها يديك ا فؤاد هدي هاهي دازت ليك مرة خرى نتفاااهم معااااك
فؤاد : وااااش مسمعتيهاش كيفاش ولات تتهضر مبقات تتحترم حتا واحد فينا كيفاش بغيتي نسكوت لها هااااد الكلبة خاص لي إربيها
فاطمة: براااكة متبقاي دعي فخوك حتا انت مبقيتيش تتحشمي ألوجين لا من باك ولا من خووووك هدي ماشي هي لوجين لي تنعرف ديك البنت لي حتا راسها متتقدر تهزو من الأرض عساك ترفع صوتها على. أبيها وخوها
لوجين : ااااااه واش تتهضري على ديك الحمقة الهبيلة ياااااااك هديك لي مرمدو بها الأرض وخلاوها بحال شي جفاف هديك لي تكرفصات هديك لي كانت نية بلا قياس هديك أ أمي يااااك هديك البنت لي كانت ضحية وتعقبات على شحاجة معندها حتا دنب فيها انااااا عييت عييييت ما نبقا نصبر ونشوف أو منهضرش معنديش الحق نعبر مقموعة حياتي كلها حتاااا واحد متيحس بيا كل واحد تيهمو غير راسو راني عايشة. فجحيم معاه انا عدفت زوااااج أو ما إجي منو صافي ييييخ كرهتو بغيت نعيش حياتي كيف بغيت انا مبغيت مزال حد يتحكم فيا عندي عقلي وعااارفة أشنو تندير انا ماشي باقي صغيرة ويلا طلقت ماشي هدي نهاية العالم راااه بزاف لي مطلقين أو مكملين حياتهم ومرتاحين وماشي بضرورة غدي نخرج الطريق عطا الله الخدامي وفين ما دار راسو بنادم يلقاه أمي زمان هو لي بدلني هاد الوقت هكااا تتبغي بنادم اكون حااااار ونا لي داز عليا ماشي قليل والحياة مدراسة لي تعلمت منها بزاف ديال حوايج...كانت غافلة عليهم
فاطمة تتبكي وشااادة فراسها لوجين عارفة مها مريضة أو متتقد على صداع ومشاكيل دغية تتزير وتتشدها لكريز حسات بها بدا اللون تيهرب من وجها دغية مسحات دموعها وعنقات مها وتتحاول تهدنها باش متبقاش معصبة وهازة همها
لوجين : شششش صافي أ أمي انت معندك علاش تهزي همي تهلاي غير فراسك أو تبعي غير دواك ويلا تقادة ليك گولها نشريه ليك اهم حاجة عندي هي نشوفك بصحة مزيانة
فاطمة: انا راااه تنتعدب منين تنشوفك هكاااا معندك زهر حتا تهنيت عليك وگلت صافي بنتي لقات لي يبغيها ويعوضها على ما فات هانتي تاني راااجعة يد لور ويد القدام قلبي ممرتاحش ابنتي عليك الله يهديك غير. شدي فراجلك أنا عارفة بالي سباب مشاكيل ديالكم هو عشيقتو ياك ولكن رآه خالتك راضية گالتها ليك من لول گالت ليك غير تلقاي مشاكيل ولكن خصك تصبري هو يمشي حتا يعيا وغدي يرجع للأصل بنتي بقاي معاااه وشدي فراجلك الله يرضي عليك
🍂🍂🍂🍂🍂
فؤاد : امضرااا جاوبك
عزيز : والو تليفون تيصوني مكاين لي بغااا إجاوب ...
🌞نهار جديد .....
مروى : شكووون خليل
خليل : صباااح النور مروى كاينة أريج
مروى : كاينة بلاتي بلاتي نفيقها
مجااتش فين تمشي تفيقها حتا كان دخل عليها خليل حل الباب لقاها غااااارقة فنعااس كانت لابسة بيجامااا قصيرة حريرية تتسد من القدام فالغوز بيبي وشعرها مغطي وجها بقااا وااقف تيشوف فيها ومربع يديه سد الباب وقرب عندها طاحت عينيه على جهة الكوافوز لي عامر بينتات الگارو وقرااعي الويسكي 🍻مشااا لها نيشان جر عليها الغطااا تخلعات تخلط عليها الحلم مع الحقيقة وممصدقاش اش تتشوف عينيها كان معصب ..لأخير درجة
أريج : كانت البارح معصبة ونت سباب أي المرااا تتبغي رجلها اكون فجنبها فهاد الفترة ولكن انت عقلك كامل غير عند ديك المعقدة
خليل : لي سمعك تتهضري بحال هكا إگول غير ضالمك كيفاش كانت متوقعة نعاااملك من بعد دكشي كااامل لي درتي ولي مستحيل نسمح ليك عليه هاااد العلاقة نتي لي دمرتيها بيديك
أريج *وقفات* عفااااك احياتي سمح ليا أخير مرة منبقاش نعااود عفااك عطيني فرصة خرى تنواعدك غدي نتبدل
يلاه غدي تبوسو فمو شدها بعدها عليه وجلسها وجلس فجنبها وهو مزال شاااد فيديها بزوج
خليل : انا غدي نعاااود نعطيك فرصة وحدة خرى على قبل ولدي
حط يدو على كرشها أريج فرحات وحطات يديها فوق يديه وتدوز على كرشها بشوية وهي مزال عينيها فعينيه
أريج : شكرا بزاف احياتي نتا غدي تكون ليه احسن أب أنا متأكدة
*بغات تبوسو بعد وجهو* مالك علاش تتهرب مني أخليل اش كاااين
خليل : مزال مكملتش كلامي أ أريج انا عندي شروط
أريج *متفاجئة* شروووط اوك گولهم نشوف
خليل *بعد.يديه * بغيتك ديري الحجاب بحال لوجين
أريج *شرعات عينيها* كيفاااااش مفهمتش
خليل : كلامي راااه باين أ أريج بغيتك تبداي تصلي بحالي أو حوايجك لمقزدرين مغديش مزال تلبسيهم غدي نشوف ليك شي خياط يصاوب ليك حوايج مستورين عراااض وطوال هاد الويل لي شربتيه اخير مرة اطيح فمك
أريج : خليل ههههه لا لا انت وقلة حماقتي كيفاش زعمة نوالي ليك بحالها مفهمتش انا مستحيل نلبس داك الباس انا حياتي كلها ونا هدا هو لباسي ومرتاحة فيه علاش غدي نبدلو ونت كااان عااجبك ستايل ديالي ومكانش عندك حتا شي مشكل دبا عاد ولا تيبان ليك مقزدر خصك تعرف بالي انا راااه أريج وماشي لوجين كل وعقليتوو بلاما متبقااا تخلط الأمور
خليل : هدو هما شروط ديالي انا بديت الصلاة من اليوم أو حتا شراب حيدتو من داري وغدي نداابز مع الگارو داااري دخلت لها القران وهو لي غدي تبقاي تسمعي من اليوم يعني غير بداي تولفيه بغيتي تمشي فطريق لي قررت نشدها مرحبا رآه غير غدي نطلقها رااه غدي نتزوج بيك ونكبرو ولدنا بنا مبغيتيش شروط ديالي الله اعاونك انا مغديش نبزز عليك شحاجة كلشي غير بالخاطر ويلا كان غير ولولد.راااه غدي نتحمل المسؤولية بلاما تهزي الهم لشحاجة دبا فكري مزيان فهدشي لي گلت ليك غدي نتسنا الجواب ديالك
أريج : خليل خليل ....اوووف اوووف هدشي لي بقاااا خاصني غدي نتغوفل بحال ديك المعقدة ديالك
مروى *تتجري * مالكي اصحبتي تتغوتي
أريج : مكلخة كان عليك تعلميني بالي خليل كاين هنا خليتيه حتا دخل وشااف هاد الحالة
مروى : رآه دخل بحال لعجاج علاه هو خلا ليا فرصة دبا مالو أش گال
أريج : اجي تسمع اخير الأخبار شيخ خليل أصلحه الله بغاني لبس بحال ديك دعشوشية ديال مراتوو گاليك غدي إخيط ليا حوايج عراااض وطوال أو نغطي شعري ونصلي هدشي كامل ملزوم عليا نديرو بز مني إلا بغيت نتزوج بيه
مروى: ههههه وشكون بحالك سيد بغااا اردك لطريق ياااا شيطانة
أريج : هداااك راااه حماق ديك لوجين خرجات ليه العقل فمرة ولا گاليك تيصلي وبغا يقطع شراب ولا تيتكلم بحالها هداا يجوز وهداااا لا يجوز هههه جاب ليا غير ضحك معو هاد صباح ديك الملعونة خرجات عليه خليل تبدل بزاف اصحبتي أو دبا انا تالفة بغيت نتزوج بيه ولكن منكدبش عليك مبغيتش ندير زيف على راسي تيخنقني وعاااد دوك جراااتل لي بغاااا إلبسهم ليا غدي نبااان فيهم بحال شي بهلولة گاع هدوك لي تيعرفوني يبداو يضحكو عليا إردوني ضحكة وعاااد بابا وماما مغديش يبغيو إشوفوني لبسااا دكشي ناري مشكلة هدي ا مروى عفاك شي حل
مروى : مكاين اصحبتي حتا حل عندك من غير هدااا راكي حاملة اصحبتي واش بغيتي تبقاي تدوري بقنبولتك بلا راااجل وزايدون خليل هو حبك أو مستحيل تعيشي بعيدة عليه هدي فرصة خرى عطاها ليك وخصك ضروري تستغليها ديري شوية المجهود على قبلو وعلى قبل دكشي لي فكرشك وتغيري دكشي راااه تيبغي غير شوية صبر أو مع الوقت غدي تولفيه انا والله مكرهت لي ياخود بيدي الطريق جنة والله ما نگول ليه لا
أريج : على زينو مجرد متنتفكر بالي غدي لبسو تتشدني ضيقة اوووووف على خر يامي غدي نتبهدل ولفقصة لكبيرة يلاه خديت حوايج جداد اخير مكاين فالموضة انا ضعت اصحبتي ضعت وكلت عليك الله ياااا المعقدة
تلاحت فوق ناموسية وتتفكر بغات تحماق
✴️وجهة الأخرى✴️
لوجين : صباح النور أمي
فاطمة: صباح النور بنتي فين غادية
لوجين : ااااه نسيت مگلت ليك رااني اليوم غدي نبداااا الخدمة عند واحد سيد عندو بنية غدي نكون مربية ديالها وفنفس الوقت خدامة فدار نطيب لهم و نصبن لهم حوايجهم ناس الله اعمرها دار
عادل : مربية لبنتو ولا مربية ليه هو
لوجين *بعصبية* حترم راااسك شوية
عادل *وقف* لا اجي ضربيني نيت انت گاع والله مااا نزلتي دوك عينين حتا نخشي لموك رااسك فديك البرمة *الحريرة*هااا ني تنگوليك
عادل ضرب برجليه خرج ولوجين حطات يديها على كثف امها تتصبر فيها مشات تتجري جاابت دواها عطاتو لها
عزيز : فينا جايحة غااادية انت معندك فين تخرجي سي خليل تصلت بيه وهاهو جاااي
باش نشوفو هاد الحريرة ديالك ...
عزيز : اهلا اهلا بسي خليل مرحبا بيك
خليل سد طوموبيل وتسالم معااه ومع فؤاد
خليل : ياااك كلشي مزيان الحاج
عزيز : منين أولدي منين والله نعااس مطااح فعيني منين جاات ديك الموصيبة ديال لوجين تتگول بغااات طلاق اش وااقع اولدي انت غير گول ليا أشنو دارت ليك ورجع اللور حنا نتفاهمو معها خليها عندنا غير يومين ترجع الطريق راااه منحوسة بحالها بحال أمها ضلعة عوجة غدين غير بالعصااا بحال الحمير
دخلات لوجين فديك الكلمة الأخيرة حتا صينية ديال أتاي مبقاات قااادرة تحكم فيها تتحس بها مشات وجات كانت غدي طيح مرضااتش تسمع هكاك قدامو
خليل : هي مدااارت واااالو المشكل فيااا انا يعني الا كان شواحد خاصو العصا هو انا ماشي هي *كلهم شافو فيه دقة وحدة*
ونزيدكم حاجة خرى بديك تربية لي مربية بنتك الحاج هاني بها تنتربى وفضل تيرجع الله لي حطها فطريقي وكانت هي سباب فالهداية ديالي الله اجازيها بالخير *شاف فيها* بنتك متحتاج تربية محتاجة العطف والحنان باش متبقاش تقلب عليهم فجوايه خرين
شافت فيه شوفة قاصحة حينت فهمات اش بغااا إوصل
عزيز : الحمد لله هدا من فضل الله اسي خليل خليل : بغات طلق خليوها على خاطرها هي لي عارفة مصلاحتها فين كاينة وحاجة خرى دااك الحمار لي غتصبها منين كانت صغيرة راااه تشد *كلهم شافو فيه*
عزيز : شكوووون هدااا اولدي گول
خليل : طلع الكلب ديال يوسف رجل ختي أو ولد جيراانكم *شدو رااسهم مصدومين *
خليل : دبا لي وقع وقع أو هاد الكلب غدي يتعاااقب على فعلتو المطلوب منكم دبا هو تجيو معايا الكوميسارية باش تدليو بالاقوال ديالكم راكان هاد صباح راااه مشا الدوار فين كنتو باش يهضر مع جيران لي كانو حداكم شهادة ديالهم حاجة مهمة بزاااف إلا غير ربعة ناس شهدو بالي البنت كانت تدخول عندهم غدي يمشي فيها هو مشا حتا عند رشيدة *أم يوسف* ولكن مبغات تگول والو وحاجة عادية مغديش تقدر تشهد فولدها والحاجة لي زوينة فهدشي كامل هو انا ديجا عندي تسجيل ديالو وهو تيعترف بالي غتصبها غير هاد تسجيل بوحدو راااه كافي
شدات لوجين فاطمة حينت تحشو لها رجلين مبقاتش قادرة تزيد من بعد ماااا عرفات هاد الخبر نزل عليها كيف صاااعقة معمرها كانت تتوقع اكون يوسف لي كان بحال وااحد من ولادها يلعب بنتها حتا مجرد فكرة مكانتش تتفكر فيها صدمها .....
خرج خليل مع عزيز طلعو فطوموبيل أو تيتسناو فاطمة ولوجين غير جاو طلعو فطوموبيل ومشااااو ..
غير وصلو لقاو جيران ديالهم كاينين مع راكان سلمو عليهم ودخلو كاااملين الكوميسارية كل واااحد تيدخول بوحدو أو تيعطي الأقوال ديالو حتا وصلات نوبة ديال لوجين دغية دخل خليل وجرااا على المحقق وجلس فبلاصتو لوجين غير تتشوف كان تيسولها أسئلة قاصحين أو مستفزين لي خلاوها تعصب ولكن صبرات ليه
عصمان شافها تعطلات بدااا تيصوني عليها غير هزاات تليفون بغااات تجاوبوو دغية خليل نتر من يديها تليفون
خليل : ويلا مبغيتش نبعد ألوجين أشنو غدي ديري هضري *زاد زيرها* عرفتي الحاجة لي خلاتني نتعلق بيك أشناهيا هي أخلاقك وتربية ديالك طيبة قلبك وداااك صبر لي عندك هدشي كامل خلاك تكبري فعيني وتضرب بيك المثل
لوجين : صااافي بعد مني أخليل
خليل : مزال مكملتش هضرتي خصك تعرفي بالي راااك تتغلطي وبزاااااف بلاما تصرفي تصروفات ديال العاهرات ألوجين باش تباني وحدة عندها شخصية قوية وتوقفي فوجه المشاعر لي تتحسي بيهم من جهتي
وجودك مع واااحد فدار وحدة هداا بحد داتو غلاط كبير الآلة ألوجين أشنو اكون هداااك لي گعدة معااه مااا هو خوك مااا هو رااجلك ولا بااك تيبقى واااحد غريب وراااكي زعمة تتعرفي فدين منحتاج نگولو ليك
لوجين *دفعاتو* ونت ماااالك بنا حق جاااي تتحاسب فياااا انت راااك تعديتي الحدود ديالك ونا مغديش نسمح لأي واحد يدخل فحياتي مزال و بلأخص الا كان هاااد شخص انت بضبط ظبا عطيني تليفون بغيت نمشي فحالي يلاااه
رجع شدها وزيرها مع الحيط ..
خليل : دخلت حينت حاااس بالي تتحسي بشحاجة من جهتي ألوجين عينيك تيگولو بالي راااك تتبغيني معرفتش علاش مزال تتعاندي وتتخلي حدود بنا دوز يدو على ضهرها و ..هز راسها لعندو شوية تيشوف فملامح وجهها لي توحشهم لوجين كانت تتحارب بين قلبها وعقلها مقدراتش تحكم فراسها مغمضة عينيها ودموع نازلين مع عينيها مد يدو مسحهم ليها و قرب ليها .. حط جبهتو على ديالها و نيفو على نيفها .. بقى مدة و هو على ديك الحال ..
خليل .. .. علاش ألوجين تتوقفي فوجه هاااد الحب لي عااااد بدااا تينمو عفاك خلينا نساو الماضي أو نبداو صفحة جديدة انا تبدلت بسبابك أو بغيت مرااا لي بحالك تاخود بيدي الطريق جنة ونعيش معها ونا مرتاح
خليل ستغل الفرصة ونزل حط شفايفو على ديالها و بقى مستقر عليهم مدة و هو كيستنشق النفس لي تيخرج من نيفها و تيبوسها بوسات خفاف على شفايفها خدرها بسحر ديالو عااارف نقطة ضعفها دفعاااتو يلاه غدي تخرج وقفها ...ورجع البيرو جلس فوق الكرسي وبقااا تيلعب بستيلو بين يديه بكل ثقة وهو هااز راسو الفوق حينت ولا متأكد من حبها ليه
خليل : هدي هي الورقة ديال طلاق ألوجين وعليها توقيع ديالي بقاااا غير توقيع ديالك دبا كلشي بين يديك ونا صافي وليت متأكد بالي راااك تتبغيني وعااارف بالي مغديش تقدري توقعي انا مرتاح من هاد نحية وبغيت غير. إمتى نسمع منك كلمة تنبغيك أخليل وغدي نعطيك فرصة خرى باااش نقطعها بحال هكا
يلاه غدي إقطعها جااات تتجري لوجين خطفاتها ليه من بين صباعو أو شدات ستيلو و حطات توقيع ديالها عليها أو لاحت الورقة على وجهو وخرجات تتجري من المكتب خلاتوو مبلوكي ...
راكان دخل عند خليل تيغني أو يضحك فرحان
راكان :صحبي كيف الأجواء عندك طلع دكشي لي گلت ليك لاااصق هو هداااك هههه ياااك انا شعور ديااالي والله معمرو خيبني كونت متأكد 💯 ف 💯 انا لوجين تتحس من جهتك بشحاجة اصحبي 😂😂 انا معلم
مجاش فين اكمل كلامو حتا زف عليه خليل بكاس ديال قهوة تفااوت عليه بشوية راكان خرج عينيه مصدوم
راكان : مااالك اصحبي جهلتي كانت غدي تخصر ليا جمالي
خليل غادي جااي فداك المكتب وتيدوز يديه على شفايفو بطريقة متوترة...
خليل : حتا صدقت رااسي وگلت صافي سيدة تتبغيني وغير مقصحة راسها غير حينت مزال مقدراتش تسمح ليا على دكشي لي درت لها ولكن طلعت غير تنضحك على راسي حتا حاجة من هدشي مكاينة
راكان :غير گول ليا اصحبي أش لي خلاك متأكد حتال هاد درجة بالي هي متتبغيكش
خليل *بعصبية* عطيتها الورقة على أساس ورقة طلاق مكلفاتش رااسها حتا تقراها سيدة زربانة دغية حطات توقيع ديالها عليها بغات غير تفك مني هدشي كامل ومزال باغيني نبقا نحلم بحالك انا غدي نبدا فالإجراءات ديال طلاق وأخير مرة غدي تشوف وجهي صاااافي كل يمشي فطريق الا كان يحساب لها غدي نبقا تاابعها حياتي كاملة راااه غالطة ويلا هي عنيدة انااا رااني كثاااار منها مشااافت والو
راكان : واااصحبي الله يهديك راااه هدشي تيبغي صبر خصك ضروري دير المستحيل على قبلها باش تحس هي بالي رااك تتستهل حبها البنات راااه خارجين عليهم الأفلام
خليل دخل فيه كيف ترااان لاحو الجهة الخرى وخرج معصب .....
لوجين خرجات من كوميسارية تتجري ودموع مبغاوش إنشفو من عينيها ماعرفاش علاش كتبكي ولكن كلام خليل لي مكانش المتوقع ألمها ، خلاها تمنى الموت ميات مرة على أنه يهينها فكرامتها وشرفها ، كتحس بقلبها كيتحرق كتبغيه و كلمة كتبغيه ولات قليلة على هادشي لي كتحس بيه، عقلها ماقادرش إنساه ، سكنو بواحد الطريقة رهيبة
غير تفكرات القبلة دغية تبسمات
لوجين :باسني باسني هههههه افففققق ناااري أنااا غاانحماااق (كتحس براسها غدي طير بالفرحة حطات صباعها على شفايفها ) هادي كانت أحسن قبلة فحيااااااتي هههه ولكن هدشي مخصنيش نحس بيه انا وخليل صااافي كلشي سااالا هو غدي يتزاااد عندو وليد وغدي يرجع لحبيبتو هو غير تيستغلك ألوجين فيقي من گلبة هدشي لي تديري هو صح متخليهش يلعب بيك ا لوجين نسااايه وخرجيه من عقلك وقلبك انت مخصكش تستسلمي ليه دبا صافي طلقتي منو ياك هدشي لي كانت باغية انت دبا إنسانة حرة دبا يمكن ليك تعيشي حياتك كيف بغيتي *تيصوني تليفون * الو عصمان صباح الخير
عصمان : صباح النور لوجين علاش مبغيتيش تجاوبي على مكالمات ديالي شوشتيني عليك امضراا يكما وقع شي مشكل مع داركم
لوجين : لا لا انا عاودت لهم كلشي هما تعصبو عليا فالأول ونا كانت متوقعة يتصرفو هكااا ولكن دبا بز منهم تقبلو الوضع حينت هدي تتبقا حياتي ونا غدي نتحمل مسؤولية ونهز راسي بوحدي فاش تصلتي بيا وقطعت عليك كانت فالكوميسارية تنعطي الاقوال ديالي على القضية ديال داك الكلب لي غتصبني دكشي باش مقدرتش نجاوبك
عصمان : ماشي مشكل اهم حاجة عندي هو تكوني مزيانة فكرتي فالخدمة لي گلت ليك
لوجين : ااااه ونا موافقة نكون مربية لسابين ويلا بغيتي معنديش مشكل نبدا من اليوم نلاهي راسي
عصمان :،ايه مرحبا انا يلاه وصلت سابين المدرسة ومشيت الخدمة غير سيري الدار غدي تلقاي سوارت مخليهم ليك تحت الباب
لوجين : اااااه واااخ شكرا ...
دخلات لوجين الدار لقاتها مقربلة شداتها دوخة معرفات منين تبدا جميع مشات ديريكت الكوزينة غسلات دوك الماعن لي فلاڤابو عاااد عجناااات أو حلات الثلاجة جبداات اللحم مع شوية الخضرة متنوعة حطاتهم فوق بوطاجي وبدات تقطع فيها باش ديرها فطاجين وعينيها مع المگانة خاص تضرب 12:30 اكون الغدا واجد باش سابين تجي تغدا وترجع المدرسة غير ردات الطاجين فوق البوطة بداات تتقاد فشلايض حطات الخيار الخص الليمون تتقطع بزربة وعينيها معلقة فساعة غير كملات دخلاتهم الثلاجة إبردو ضربات تجفيفة الكوزينة خلاتها تتشعل بنقاوة أو ديك رويحة ديال المساحيق تنضيف لي معطرة برائحة الورد طلعات تتجمع بيت لقطيطة من الباب وهي تتجمع لها فالألعاب ديالها كانو مشتتين وكل حاجة رجعاتها بلاصتها وجمعات لها الفراش وهزات ستائر باش البيت يتهوى جمعات الحوايجها الموسخين فشبكة وخرجاتهم جات عينيها على بيت عصمان حطات يديها على البواني ودخلات وتتشوف كان البيت ديالو غالب عليه اللون اسود تيعكس شخصية ديالو كان كلو مشقلب كثر من مشاغبة بنتو مسحات الغبرا وبدلات الفراش ديال السرير باش يتصبن طرفت دنيا ودخلت لدوش لي كان بتصميم اوروبي غير كملات طلعات حوايج الصابون وخدمات الماكينة وخلاتهم تيدورو نزلات تتجري الكوزينة طل على طاجين جات معاه قد قد هزات غطا ديال طاجين لقاتو طاب غير حل الباب عصمان دخلات تتجري سابين عنقااات لوجين من اللور
غير حطتها طلعات تتجري سابين البيتها شوية وتبعها عصمان غااادي بخطوات تابتة طالع مع دروج دخل البيت ديالو تفاجئ اول مرة اكون مرتب بهاااد شكل دخل الحمام گفط كمامو وبدااا تيغسل فيديه أو وجهو كمل هز الفوطة تيمسح بها وجهو وغااادي خاااارج عند بنتو عيط لها ونزلو بزوج لقاو طبلة متشكلة بشلايض عاد داك طاجين لي متوسط الطبلة كان مزال تيبربر عراتوو باش يبرد قطعات الخبز وتجمعو كااملين كانت سابين فرحانة
سابين قطعات شوية الخبز وغير حطات صبيعاتها فطاجين بدات تتغوات تحرقات عصمان وقف وتيغوات عليها لوجين دغية هزاتها ومشاااات بها روبيني وتتصوت على صبيعاتها وهي تتبكي مبقاتش بغات تسكوت ولا صبعها حمر
بقااا تيحط لها بوماضة غير بشوية وهي فرحانة وعاجبها الحال حينت لوجين هزاها أو عصمان شاااد يديها هدشي لي كانت تتمنى غير تكون عندها عائلة مكتاملة بحال أي طفلة فعمرها
غير كمل لها هزها وحطها فوق الكرسي بيناتهم وبداو تيبردو لها وي إوكلوها مرة عصمان مرة لوجين وهي فرحانة حتا شبعات طلعات تتجري باش توجد راسها المدرسة وبقا عصمان مع لوجين بدات تتجمع طبلة أو بدا إعاونها
لوجين : عصمان غير خلي دكشي من يديك غدي نجمعو راسي انت غير سير غدي يمشي عليكم الحال
عصمان *رجع اللور* لوجين انت مزيانة
لوجين *هزات راسها* ااااه الحمد لله انا بخير
عصمان : يكما مقلقة مني على قبال البارح كانت معصب مكانش عليا نتسرع أو نفاعل بديك طريقة او نضربو
لوجين : لا بلاما تشغل بالك خليل كان محتاج ديك الهلكة ديال العصا باش يرجع ليه عقلو وعلى مبان ليا رااه عقلو رجع اليوم وقعت على ورقة طلاق صافي سالينا كل واحد غدي إشد طريقو
خرجات تتجري سابين فرحانة تعلقات فالموطور ديال باباها عصمان هز تجاكيط ديالو أو تبعها خرجات لوجين قدام الباب بقات تتشير لهم بيديها حتا غبرو عاااد دخلات..
مروى : انت خطيرة وليت تنخاق منك اصحبتي
أريج : هههه هدااا هو الحل لي تيبان ليا انا مستحيل نخلي خليل لديك المعقدة أو بصارحة بغيت نفرگع المرارة لديك شارفة ديال مو خصني غير نتزوج بيه والله حتا ندوزها من سراااط المستقيم الا مخليتش ولدها يبعد عليها ونكرهو فيها منتسماش غير بلاتي
مروى : الله يهديك هديك راااه مو وحتا انت غدااا غدي تكوني أم غير حاولي تهلاي فيها وتكسبيها باش تبغيك واش انت تبغي شواحدة تكرفص ليك على ماماك
أريج : بزاف عليها ماما فين توصلها هديك شارفة العقروشة شر منبع منها متتحملنيش وباااغية ديك دعشوشية هي تكون عروستها ولكن غير بلاتي والله لا كانت لها على ضدهم انا غدي نلبس دوك جرااتل لي بغااا وقدامو نبان زوجة صااالحة ههه زعمة نمثل دور مالو غدي اكون معايا 24/24 ساعة غير هو يخرج من هنا ديك ساعة ندير انا مااا عجبني المهم نبين ليه بالي انا حسن منها وبااالي رااني شادة طريق الله هههه ياك هدشي لي بغااا
مروى : معرفتش ضبري رااسك
أريج : مروى فراسك ديك سفريطة ديال نرجس عندها هاد الليلة عيد ميلاد شفت واحد سطوري حطاه اليوم فصباح مصورة فيه القاعة فين غدي ديرو ناري الهبال أو غير المغني لي جاي إغني فعيد ميلادها بزبابل ديال الفلوس منكدبش عليك حستها هدو هما ناس لي عايشين الحياة ولي مزوجين برجااال إفرحو وهازين بيهم ماشي بحالي أنا طاح حبي على حجرة واااحد بغا يدفني بالحية أشنو واش باغية تمشي معايا
مروى : اصلا انا مكرهتش لي إزعمني بحالك والله كون كان عندي رجل بحال خليل وفرض عليا هدشي لي فرضو عليك حتا لبسو ولكن دوماج ولكن غدي ندير فيه راسي عرفتي علاش حيت غير الله بوحدو لي عارف كل واحد فينا ونهار الأجل ديالو . ونا بصارحة مبغيتش نمشي العندو بلاما نكون تنصلي بغيت نكون نقية وبغيت نبعد على دنوب ومكرهتش نهضر مع ديك البنت لوجين تعلمني شوية فدين و نستفد منها
أريج *تعصبات* لا صااافي بقاااات غير صحبتي حتا هي تاااخدها مني ديك المعقدة أش جاااكم على هاد لوجين كلشي سلباااتو واش انتما جهلتوو لا لا هدشي بزاف
مروى : أرييج باااركة متبقاي تغوتي هدي تتبقا وجهة نضري وهدي حياتي ونا قررت نتبدل حينت منين توصل ساعتي راااه مغديش تكوني معايا من لخر شوفي غير خليل تبدل وهي كانت سباب باش رجع الطريق وحنا كلنا كنا عاارفين خليل كيف كان عااايش غير فالبيران گااع مااا تيسحااا وشحال من مرة سكرنا حتا مبقيناش عاااقلين على رااسنا كنا غارقين فالحراااام مخلينا ما جربنا انا غيت من هاد الحياة الموسخة انا ،درت بزاف ديال لحوايج خيبين وكنت كنحس بالفرحة وانا كنديرهم ، ولكن غير كنحط راسي على المخدة كيبدا ضميري تيعدبني وتنحس براسي مخنوقة تنطلب الله يسمح ليا ويزيدني يوم واحد فحياتي باش نتوب ورجع الطريق حينت عارفة الله غدي اكون غاضب عليا ومعمرو غادي إشوف فيا مزال ولكن غير تطلع شمس تنرجع نغلط كثر وكثر ولكن صافي انا غنبدا نصلي .ورجع الطريق الله انا كرهت هاد الحياة لي عاارفة غدي اكون من بعدها غير جهنم أريج محدنا مزال فدنيا خلينا نرجعو الطريق الله راااه غير شيطان لي تيصعبها علينا بغا إخلينا ندخلو الجهنام معاه أري يديك زعميني ونزعمك وخلينا نتقربو من الله ومتگوليش ليا واليديك مغديش يبغيو إشوفوك لابسة المستور حينت منين تموتي رااااه حتا واحد مغدي إنفعك من غير أعمالك ...
أريج *شدات راسها * جهنم ههههه وراه جهنام هي لي فيها انت دبا سيري بعدي مني انا مزال صغيرة بغيت نعيش حياتي وحتااا الموت راااه مزال بعيدة حتا نقرب نبغي نموت وديك ساعة نديرر هدشي لي تتگولي ولكن محدني انا مزال صغيرة وبهاد جمال لي عندي خليني نتمتع بدنيا ونت سيري دفني راااسك وقتلي راااسك بلا وقت وتركني فواحد ركنة وشدي تسبيح وتسناي ساااعتك توصلك بهلولة لخرى
دفعاتها وخرجات ...
راضية: ولدي على سلامتك
خليل *باس راسها* الله اسلمك الحاجة فين غااادية اجي
خليل *شد يديها باسهم* بلاما تشغلي باالك هاني تندمق وغااادي مع الوقت أجي بغيت نهضر معااااك شوية *تكلم فودنها* فينها اليلى واش مكيناش
راضية : يلاه لقيتي داك الهبيل ديال راكان جاا وخرجها تبدل الجو راااه شحال هداا مبقات خرجات غير سادة عليها داك الباب الحاجة لي زوينة هو ولات تتصلي الله يقبل لها هدشي لي خلاني نكون مهنيا أما مشات حتا خلعاتني مبقات لا تتأكول ولا تتشرب خفت غير دير شحاجة خايبة فراسها حالتها تتقطع القلب والله يخود فيه الحق هداااك الكلب ..
خليل : غير كوني هانيا من جيهتوو رااه تيخلص دبا ملقااا لي إفكو منها
راضية : ااااه الحمد لله ربي كبير
خليل : لواليدة جيت نهضر معاك فشي موضوع تيتعلق ب أريج
راضية : إنا موضوع هدااا وملقيتي مااا تجبد ليا غير ديك الحمقة
خليل : عفااك الواليدة سمعيني بعد أش بغيت نگول
راضية: هاااني تنسمع دوي ..
خليل بدااا تيعاود لها وراااضية غير ساكتة وتتسمع ليه
✴️وجهة أخرى✴️
أريج تالفة معرفات ماا تلبس فهاد الحفل لي خااصها تبان فيه واااعرة وحسن من گاااع البنات لي معزومين هزات كسوة في الأحمر طويلة لاصقة عليها وسماطي صدرها مكشوف مع طالون عالي فالكحل وطلقات شعرها خلاتوو على رااااحتو وعمراات وجها بكيلوات ديال المكيااج وتتشوف رااسها فالمرايا عااجبها راااسها
أريج : مروى شوفيني كيف جيتك زوينة ياك *مروى قالبة عليها وجها* صافي نسااي اصحبتي اوا صافي انت عارفة قدااش انت عزيزة عليا ومتنبغيش نشوفك مقلقة مني الآلة سمح ليا *باستها* هههه هاهو گاااع العكر لي من صباااح ونا نصاوب فيه لصق فيك
مروى: ههههه وخا عصبتيني ولكن ماشي مشكل الله اسامح ورااه طلعتي زوينة حاولي ترجعي بكري حينت الا مشااا حتا شافك خليل مغديش إعجبو الحال
أريج : لا لا مغديش إشوفني .يلاه بسلامة خرجات أريج تتجري فرحانة طلعات فطوموبيل وجهدات الموسيقى وغاااادية وتتغني وتتلعب بشعرها
✴️وجهة أخرى✴️
عصمان : لوجين علاش متبقايش هنااا
سابين : عفاااك عفاك ألوجين بلاما تقلقيني نعسي معايا وخاااا غير اليوم الله اخليك
لوجين : لا لا غير بقا مع سابين بلاما نبرزطك راني تصلت بطاكسي هاهو جاي
هزات صاكها باست سابين وخرجاتخ
🍂🍂🍂🍂
خليل : هضري الواليدة مالكي ساكتة
راضية : اش غدي نگول هدشي مفيه مااا يتگال حرااام هدشي لي درتو بقا فيا غير داك الولد لي جاي على طريق زنة هدشي مغدي يبغيه لا الله لا عبدو
خليل : دبا معندي حتا حل من غير نتزوج بها ونا راني حطيت لها دوك شروط انا غدي نحاول معها باش تغير شوية من جهتي وشوية من جهتك ونا متأكد بالي أريج غدي تشد الطريق
راضية : دبا أشنو المطلوب مني انا
خليل : تسمح لها الحاجة ونساي الماضي خلينا نبداو صفحة جديدة انا مبغيتش المشاكيل من بعد زواج بغيت تطفى هاد العافية ونت مولات العقل والقلب الكبير
راضية : ولكن أنا بغيت لوجين هي تكون عروستي انا معرفتش علاش بغيتي طلقها غير خليني نهضر معها بعد انا غدي نقنعها هي تتسمع ليا الله يرضي عليك أما ديك أريج راااه والله ما تصلاح ليك غير تبعني اولدي والله حتا تربح
خليل : صافي الحاجة الله يهديك شفتي لوجين غير محيها من عقلك سيدة رآه ولات مجهدة ديك لوجين لي تتعرفي مبقاتش ولات وحدة خرى
ميلات فمها الجنب وضربات يد فيد معجبهاش الحال
راضية : اوا أش غدي نگول ليك لي بان ديرو
خليل *باس راسها* لهلا يخطيك عليا الحاجة هاني غااادي نجيبها العند غدي تفرح منين تعرف بالي سمحتي لها
راضية : أودي بلاما تجيبها الله اسامح علينا وعليها مبغيت نشوف حد هاد ساعة
خليل: لا انا غدي نجيبها حتال عندك غير صبري دغية غدي رجع
خرج تيجري يلاه غدي يطلع فطوموبيل لقا لوجين فوجهو دار بحال الا مشفهاش طلع فطوموبيل ومشااااا
أريج شااادة طريق الحفل فرحااانة وتتمزك أو تتطبل بيديها على فولون ... فنفس طريق لي كانت غاااديااا فيها كااان شخص خارج من واااحد لوطيل هو وحدة لابسة لباس مفضوح *كاسيات عاريات* من بعد مااا غرقو فالحرااام ...وعينيهم تيتسدو مثقلين فشراااب شادين طريق الملهى ليلي . غدين اكملو سهرة مزال ليل طويل كانو زاهين وناشطين ..غادين على واحد فيراري نحيلة غدي بسرعة كبيرة الموسيقى مجهدة على حدها صداااع تيضرب فراسو ...وعينيه بداو تيتسدو....مشافش اشارت المرور الحمراء وكمل الطريق زاااد
ضرب على الفرااااان 🚘 باش يوصل دغية ولكن الله لي كان عااالم بالبلاصة لي غادي لها برجليه كان غيدير كسيدة كولشي بدااا كيكلاكصوني عليه و كيسبو فيه و هو مرفوع... شوية و هو يكحاز من الطريق هااارب منهم هما ساااع خرج نيشان فطوموبيل ديال أرييييج لي كاااانت تتغوااات وتكلاكصوني ليه باااش يعطيها طريق دوز ساااع لا حياة لمن تنادي القدر قاال كلمتو وساعة لي كانت تتبعد فيها راااه كانت قريبة وباب توبة كان مفتوح فوجها باش ترااجع راااسها قبل ما يفوت الفوت ...
الموت حق على كل مسلم و مسلمة إلى الجميع دون استثناء ؛ خلقنا من تراب وسنعود التراب
قال الله عزَّ وجلَّ (كُلُّ نَفْسٍ ذَائِقَةُ الْمَوْتِ ۗ وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ).
الموت لا يستأذن من احد... الموت لا يقدر ظروف احد
الموت يأتي بغته... والقبر صندوق العمل
اللهم انا نعوذ بك من موت الفجأه في ساعه الغفله. في كُل مرة يتجاوزنا الموت إلى غيرنا، لكن .. سَيأتي اليوم الذي لن يتجاوز إلّا بنا .. حينها سنعرف أن الرسائل التي يرسلها الله لنا في كل مرة .. كم كانت أكبر من معنى (الغفلة)
الفيراري أريج تقلبات جوج مرات عاد وقفات💔....مقلوبة وسط الطريق مهرسة كاملة الا كاان الحديد ورجع فديك الحاالة كيف غدي اكون بنادم لي وسطها...
لوجين تتجبد فبلاصتها وتتنخض روحها تطلع عند مولاها ومن مات على شيئ بعث عليه وناااس تيشوفو فيها من زاااجة تااالفين بغاااو إسااعدوها تليفونات لي خداااامين فديك اللحضة ....*الإسعاف*
فإن كان كافراً كانت سكرات الموت عليه شديدةً ومُوجعةً، وإن كان العبد مُؤمناً كانت سكراتُ الموت عليه سهلةً ويسيرةً،
مجااتش فين توصل سبيطار حتا كانت فاارقة الحياة ....
لوجين : والله مكرهت نبقا ولكن بيني وبينك محملاش نشوف وجه ديك أريج ولا خليل اللهم نمشي محدهم مزال مجاااو
يلاه بغات تنوض شداتها راضية
راضية : والله مااااا تمشي وبالحلوف گاااع ولي ستغفرت الله العالي العضيم على قبلها غدي تمشي معندك فين تمشي الا جات حدها صالون تگول دكشي لي بغااات وتمشي الله اعرضها سلامة
ليلى : اوا شفتي دبا انا غدي نبداااا نغير أمي راضية عطيني غير شوية من داك الحنان لي تتعطيها
راكان : اجي نعطيه ليك انا ازين
كلشي تصدم فلول ولكن دغية تفرشخو عليه بضحك فتالي حينت عارفين راكان هبيل وكلشي عندو ضحك معرفوش بالي سيد واااكل العصا ومقصح من جهتها سنين هدي حتا هو قلبها ضحك معهم بحال الا حتا حاجة موقعة ...
خليل غادي بسرعة خيالية أو كلمة وحدة تردد فودنيه دارت كسيدة من بعد مسافة الطريييق لقاتو قدام مستشفى سطاسيونا فلباركينغ ونزل تيجري واتجه داخل للمستشفى مشا ديريكت للممرضة فليغجونس
خليل* تيرجف * واحد البنت يلاه دخلات غير شوية هدا الله اخليك
الممرضة : الاسم ديالها اسيدي
خليل : أريج القاديري
هززات راسها تتطاابي فالبيسي
الممرضة : فليتاج الثالث الغرفة 116
مشاا ناحية سانسوغ لقااه عاامر طلع بجرااا فدروووج تيسرع فخطاويييه وتيضور عينيه شاف الجناح دخل ليه مسح على دقنوو تلف وهو تايضور عينيه فدك تروتوار حتى شاف الغرفة مشا ناحيتها تايزرب غير حل الباب تفاجئ لقااا ممرضااات دايرين بها كانت ناااعسة ومغطين وجها بيزار بيض شرع عينيه وتيحرك راااسو مصدوم جااو الممرضات تيجريو باش اخرجوه سااع دفعهم بجهد جاات وحدة طايحة على الخرى موراه وقرب هز ليزار على وجها ممصدقش تكون أريج مات غير حيدو شاف شوية فوجها عرفها غوااات وطااح من على وقفتو كانو مضوورين على راسها الفاصمة
دخلات مروى تتجري وتتنهج غير شافت خليل طاايح على ركابيه وحااط رااسو جنب رااسها فشلات وغوتات جااااااااية تتجري شدها خليل وزيرها بين يديه وتتبكي فوق كثااافو مقدرااتش تصبر على صحبتها.. تتبكي حتا سخفاات هزها بين يديه وخرج تيعيط عليهم جاو دافعين نقاالة هزوها ودخلوها الغرفة خرى علقو لها الأكسجين
✴️وجهة أخرى ✴️
ليلى : ههه الله اخرج هاد ضحك على خير اوا خليوني نمشي نصلي العشااا الا تبعتكم هكا بقيت
لوجين : سيري الصلاة هي الأولى حتا انا غدي نوض نصلي جوج ركعات لله ونعس فيا موت نعاس غدي نوض بكري الخدمة
راضية : وخاا ابنتي حتا انا نيت فيا نعاس شفت هاااد خليل تعطل يكما مبغاتش تجي ليه المدام ومضارب معها *كلهم ضحكو* هاهو عمرو طويل يلاه غدي نتصل بيه
الوووو اولدي فينكم مالك تعطلتي أشنووو الله واكبر الله واكبر مسكينة انا لله وانا اليه راجعون داااايم الله فينك انت دبا اااه صافي هاني جاية لا لا هاني جاية غدي إجيبني راكان صافي اولدي الله اصبرك اولدي والله يرحمها ويتبثها على سؤال ...
لوجين : خالتي ماااالكي اش واقع شكون مات
راكان' هضري اخالتي
راضية: أريج دارت كسيدة خايبة وتوفات
كلهم شدو راااسهم مصدومين ديك ساعة لبسو جلالبهم ومشاو شادين طريق المستشفى دنيا عاامرة بالعائلة ديالها شي تيگولها شي بنادم تيبكي أو يتناطح مصاابرينش عليها أو جاتهم موتها قاصحة غفلاتهم خليل وااقف غير بزز مزال لحد هاد ساعة ممصدقش بالي أريج مشات ومعمرو مزال مغدي اشوفها عاااد صدمة ديال ولدهم لي مزال حتا مجاش الهاد دنيا خرج تصريح بدفن لي غدي اكون غدااا مع 12 عاد اخرجوها ومشااا واقف مع البوليس بغااا يعرف كيفاش حتا وقعات هاد الكسيدة وشكون لي كان منو الغالط واش هي ولا طرف الآخر من خلال الكاميرات عرفو بالي طرف تانية هو لي محترمش القانون أو قطع عليها
راضية : فينو خليل اولدي
راكان : هاهو جاي كان مع الشرطة دبا معندكم مااا ديرو هنااا يلاه خليونا نمشيو
راضية: خليني شوية حتا نشوف ولدي وحتا نصبر هاد ناس لي مشوين على كبدتهم الله اكون فالعوان صعيبة هكااا غير تيحرقو فيها يبكيو عليها بكااا رحمة الموت لازم منها
راكان شافهم تيتمرمدو فالأرض ويخبطو فخاضهم محروقين مشهد تيقطع القلب
راكان : أمي راضية راااه مكاين لي اسمع ليك دبا شوفي هاهو خليل جاااا
راضية مشات تتجري العندو شدات وجهو بين يديها وتتصبر فيه
خليل : الحمد لله الواليدة على كل حال معند بنادم ما ادير هدشي لي جاها فعمرها *مسح عينيه* شفت دبا الكاميرات هي كانت شادة طريقها طوموبيل تانية لي مخالفة القوانين
ليلى: برك فرااسك اخويا
عنقاااتو حتا هو عنقها شحال هداا مبقات قربات ليه بحال هكاااا كان محتاج لها وبضبط فهاد لوقيتة لي تيحس بدنب حينت مكانش مع أريج ولدو كون مكانش غدي يوقع هكا معاها...
لوجين : بارك فراسك والله يرحمها ويغفر لها ويسكنها فسيح جناته ..
خليل *حرك راسو * امين شكرا
بعد عليهم ومشااا تيصبر الأب ديالها لي كان تيبان عليه مصبرش على بنتو أما امها خلاص كانت حالتهم تتقطع القلب خليل تكلف بجميع المصاريف ديال جنازة ديالها وبقى وااقف معهم حتا دفنوها وصلوها المكان ديالها ..
🗯️بعد مرور أسبوعين 💭
رجع خليل وراكان الخدمة وكل وااحد رجع المكتب ديالو خليل كان غارق فالخدمة تيجمع شي المعطيات والدلائل على واحد القضية كبيرة والوقت كان محاصرو وعرف بحق المكانة لي فيها هو خصو ازيد يجتاهد باش ترجع ثقة ديال العميد علي فيه مرة خرى كان جالس على اعصابو وقهوة كحلة قدامو وكيحاول يصارع الوقت باش يقدم داكشي لي عندو ويتعطالو الاذن بالتفتيش في اقرب وقت وقبل ما يدوز عليه الحال ...كان مركز في خدمتو حتى قاطعو راكان لي دخل على غفلة عليه وجمع گاع داكشي لي قدامو مباغيهش يعرفو شنو كيدييير ...
راكان : هههه أشنو زعمة مبقيتيش تايق فيا
خليل : راسي مبقيت تنتيق فيه ونت عارف هاد العملية لي خدامين فيها سرية أو اي غلاط بسيط غدي نخرج على راسي
راكان : عارف عارف نوض رااه العميد بغانا غير الله احضر سلامة
خليل جمع دكشي دخلو الكوفر وسد عليه بساروت أو ناض
خليل : تحرك خلينا نمشيو نشوفو اش بغااا
راكان : صبر امتى المحاكمة ديال داك الكلب
خليل *شاف فساعة* مع 2:30 باقي الحال
راكان : صافي مزياااان يلاه زيد
خرجو بزوج مشاااو نيشان المكتب ديال العميد علي دقو فالباب ستادن لهم بدخول
خليل : سيادة العميد بغيتينا فشحاجة
العميد *هز راسو* اااه تفضلو انتما عااارفين بالي هاد المهمة لي مكلفين بها مهمة جيد حساسة وسرية وخطيرة ونا معطيتها لكم حتا كانت متأكد بالي راااكم غدي تنجحو فيها
خليل : أن شاء الله حنا غدي نديرو لي فجهدنا باش نلقيو القبض على هااااد المجرمين لي تيدمرو البشرية
العميد *وقف * ونا عندي فيك ثقة الكاملة عليها قررت يمشي واحد فيكم يكمل هاد المهمة خارج البلاد غدي يمشي لألمانيا تما غدي يلقا مساعدة من طرف رجال الشرطة الالمانين
راكان *تفاجئ* ولكن أنا مستحيل تمشي عندي الواليدة عيانة اسيادة العميد غدي يبقا عقلي معها عفاك خلينا غير هنا وغدي نبقاو على تواصل معهم مكاين لاش نمشيو حتال عندهم
العميد : رااااكان هدي تتسمى خدمة الواليدة مريضة ولا صحيحة هدشي حناااا ماتنعرفوهش خدمتك هي لولا شوف لي يقبلها ليك حتا ترجع ولا تزوج شكون منعك المهم الخدمة خصها تمشي *راكان شاف فخليل * المهم مزال عندكم الوقت تفكرو فشكون غدي يمشي من بيناتكم أو المدة لي غدي تبقاو تما من عام حتال عامين ولا كثر گاااع على حساب الإجتهاد ديالكم
خليل : اناااا غدي تمشي اسيادة العميد
العميد : مزيان الله اعاونك *ضرب على كثفو* ونا رااني مرتاح من جهتك حينت عااارف القدرات ديالك تمشي وترجع لنا بسلامة
دار العندو عنقوو بجهد خليل ضرب ليه تحية عسكارية وخرج
خليل : وماااال الموت الا جات مرحبا بها نموت شهيد هههه الحمد لله متندير حتا حاجة خايبة الواجب ديالي مع الله تنأديه كيف خاصو اكون انا مرتاح من هاد جهة وحاجة خرى جمع فمك شوية اوا سير بداا تبلبل على الواليدة تركب فيها رعب غدي مسافر على قبال شي خدمة وصافي بحال گاااع الخدامي
راكان : منين جاها بحال الخدامي ههههه
خليل : برااكة من كثرت الهضرة وسير قابل خدمتك هنينا
راكان : هاهو غدي غير عندك تنساااا المحكمة
خرج راكان وبقا خليل خدام على دوك ملفات
✴️وجهة أخرى ✴️
تيلي ديال لوجين كيصوني هزاتو ولقات عصمان .. ربطات الخط
لوجين : الوو
عصمان : هاني جاي .. تعطلت عليك بزاف..
لوجين : نن ماشي موشكيل خود راحتك
عصمان : واخا انا شوية نكون عندك .مع يلاه ساليت الخدمة دكشي باش ..
وصل عصمان دخل الدار كيحس براسو توحشها بزاااف هاد شي لي بدا تيوقع ليه هو براسو مبقاش فااهمو ومعارفش ايمتا ولا كيفااش وقع بيه هااكة يمكن كان إعجاب من اول نظرة والحاجة لي تتخليه متأكد منها هو أنه باغيها ليه فقط باغيها تبقا معاه وينسيها فكااع المشاكيل لي دازت منهم فهاد الأسبوعين لي دازو خلاوه يزيد يتشبت بيها اكتر وأكتر ولا شوفة ديالها ليه ادمان
دخل كيقلب بعينيه مبانتش ليه دخل الكوزينة والو طلع تيجري فدروج كينقز 4 درجات حتا وصل البيت ديالها بدااا تيعيط بسميتها مكاينش لي إجاوب حط يديه على البواني بعد تردد طويل حل ودخل رااسو حتا تيشوف الملاك ديالو متوجها القبلة تتصلي بكل تدبر وخشوع هازة كفوفها السمااا تدعي أو تتبكي بقا وااقف متكي على الباب ومربع يديه تيشوف فيها حتا كملات جمعاات الصلاية وتتمسح دموعها ...
عصمان: الله يتقبل
لوجين *بصوت مخنوق* اللهم امين شكرا
عصمان *قرب لها * لوجين يكما خايفة
لوجين *بصوت باكي* انا كانت تنتسنا هاااد نهار بفاااارغ صبر نهار لي يرجع ليا فيه حقي وهاهو هاد اليوم وصل ا عصمان وصل وأخيراً غدي يتعااقب داااك المجرم لي غتاصب طفولتي
عصمان : تنواعدك ا لوجين حياتك من هاااد ساعة غدي تبدل ضحكة ديالك غدي ترجع تنور وجهك انا مستحيل نتخلا عليك
يلاه غدي يلمس وجها دغية بعدات
لوجين : شكرا بزااف بصارحة انا تنحمد الله وتنشكرو حينت تيوقف فطريقي غير ناس المزيانين يلاه خلينا نمشيو بلاما نتعطلو
عصمان : اااه سمحي ليا يلاه هاني نزلت حتا تبعيني
حركات راااسها ليه هو خرج وهي مشاات هزات تليفون شدات الخط
لوجين : ههه بصحتكم عندكم تنساو اليوم المحكمة ما تعطلوش عليا
فاطمة: ويلي على نساو حنا نعاس مطاح فعينينا تنتسناو هاد نهار بفارغ صبر وبغيتي نساو غير نتغداااو ان شاء الله غدي نخرجو خالتك راضية وليلى بزوج تيسلمو عليك وتيگولو ليك بلاما تهزي الهم ولا تخافي كلشي غدي ادوز بخير وعلى خير
لوجين : ان شاء الله يلاه نخليكم تغداااو
نزلات لوجين تتجري سدات الباب أو ركبات مورا عصمان أو مشااااو المحكمة كانت دنيا عامرة أو رشيدة *ام يوسف* كانت واقفة مع المحامين لي واقفين على القضية ديال ولدها كانت تتخنزر فيها شوية جاية العندها تتزرب
رشيدة : سيري بغيت ربي ينتاقم منك بغيتي طيحي الباطل على ولدي يعلم الله معامن ضيعتيه يالخانزة ولكن دبا تشوفي ولدي غدي يخرج بريئ منها ونت هااااا لي غدي تشدي شتي سوااااك الكلبة
يلاه بغات ضربها دفعها عصمان وجر لوجين
عصمان: هدي حمقة مزال تدافع على موسخ ديال ولدها ...
لوجين غير ساكتة مگالت والو گعدات فوق الكرسي أو تتلعب بصبعان يديها بتوتر شوية وقف طاكسي نزلات منو فاطمة وليلى ورااضية جاو وقفو فجنب لوجين غير شوية بداو تيدخلو النااس اشدو بلاصتهم فالقاعة لوجين تتقلب بعينيها على خليل مبانش لها شوية دخل راكان تيجري فرحات صحابها غدي اكون معاه خليل ساااع مكاينش نزلات راسها
ليلى : راكان انت مالك تعطلتي
راكان : وراااه عندنا الخدمة بزاف بالكشيفة باش خرجت وجيت تنجري *تينهج*
راضية: فينو خليل اولدي علاش مجاش معاك واش مفراسوش المحكمة اليوم
راكان : معرفتش انا صحبني كاين هناااا
شوية دخل شاوش تيسكت فناااس تحل الباب ديال المسجونين دخلو البوليس فالمقدمة ومدخلين سجناء واحد واحد أو من بينهم يوسف لي غير شافتو لوجين بدات تتبكي عصمان تيشوف فيه بكل كره ليلى تتبلع فريقها وتتحاول تقوي راسها منين شافتوو بلاما تشعر نزلو دموع من عينيها راكان رد لها البال حط يديه على يديها باش يهدنها
تفتح الباب ودخل منو القاضي جلس فالكرسي وفتح المحضر كثر من ساعتين و همااا تيسمعو المشاكيل ديال ناس بقضية بقضية تدوز من قدامهم حتا وصلو القضية ديال لوجين ناضت قدااام القاضي وناااض يوسف وقف فجنبها وبدااات اصوات المحامين فجنبهم ترتافع كل واحد تيحاول يبين خدمتوو كملات لوجين ودخل خليل حتا هو بسباب دعوة لي رافعها عليه
من بعد ساعات طويلة رجع القاضي باش انزل الحكم ....فحق المتهمين...
حكمة المحكمة حضوريا ..
على المتهم يوسف الوراق بسجن 20 سنة نافذا و غرامة مالية قدرها 15 الف درهم
رفعة الجلسة ⚖️
بداااو يتسالمو ويتعانقو كلشي كان فرحان بقا خليل تيشوف فيهم غير من بعيد كان فرحان لوجين قرب لها ولكن غير شافو عصمان وقف فجنبها وتيشوف فيه شوفات حارين
خليل *تبسم *مبروووك ...
لوجين : الله ابارك فيك
خليل : بغيت غير نگول ليك بالي المحامي ديالي هو لي غدي يتكلف بالقضية ديال طلاق حينت مغديش نكون انا فهاد الفترة
لوجين *شافت فيه * ااه وااخا
خليل : المهم تنتمنى تسمح ليا على گاااع دكشي لي درت ليك وتنتمنى ليك حياة سعيدة من هنا القدام أ لوجين حينت تتستهلي
شاف فيها ورجع شاف عصمان وخرج من المحكمة ...
💭💭💭 بالضبط فنيويورك 💭💭💭
صوت المنبه كان مالي الغرفة بصياحو...مدات ايدها من تحت غطاها وطفات المنبه...بعدات الغطى وتجبدات فبلاصتها عاد ناضت ولبسات بانطوفتها الي على شكل دب فالغوووز بدااات تتكسل ..وقفات وتاجهات للبالكون بخطوات رشيقة...حلات الباب وستنشقات الهواء النقي الي داعب احاسيسها ولعب بخصلات شعرها البني الحريري....دخلاات البالكون وبداات تتستمتع بدااك الجو صباحي كان الشارع خاوي من ناااس ....بتاسمات برقة ملي ستنشقات ريحة الارض المبلولة إثر تساقط امطار فالليلة الماضية.....
خرجات من البالكون وسدااات الباب مع كان البرد تيدخول من البالكون بدات تتدفي رااسها بيديها مشاات دخلات لدوش كان جاكوزي كبير فجنب ولمرايات من قنت حتى القنت كلو جاج مشات الواحد بلاكار من جاج كان عاامر بليبرودوي كتهز وتشم وضحك كانت فرحانة وأخيراااا احلامها بدااو يتحققو أو مجهودها ممشااش هبئا منتورة عمرات جاكوزي بما سخوون خوات البرودوي فالما حتى عمرات الدنيا برغوة حيدات حواايجها كاملين وطلقاات شعرها وتخشات فيييه حساات بالراحة وعضامها ترخااو سداات عينيها برتيااح....
نعرفكم على شخصية جديدة ديالنا
🍀 سجود بنشكير فعمرها 29 سنة
بنت زوينة..لون بشرتها بيض لون عينيها لون سماوي رموشها كبار وفنين نيفها صغيور ومقاد شفايفها غوز وجذابين😍...شعرها طولو متوسط واصل لخصرها لونو بني وحريري طايتها زوينة وكل حاجة فبلاصتها العمل ديالها نقيبة فسلك الشرطة جنائية وضابطة ممتازة مستقرة حاليا فنيويورك كملات دوش ديالها وخرجات لاوية عليها فوطة ومقابلة مع المرايا تتنشف شعرها لبسات الملابس دخلانين و لبسات عباية وشال ودقاشر وقادات السجادة لموضع القبلة وصلات صلاتها...بقات جالسة تتدعي ربها يعاونها فحياتها ويسر ليها اعمالها...ناضت جمعات الصلاية وحيدات عبايتها وشالها ومشات حلات لبلاكار لبسات سروال دجين فالأزرق مع قبية بالأبيض عريضة...لبسات تقاشرها ولبسات سبرديلة فالأسود ...جمعات شعرها كعكة رشات رشيشة خفيفة من بارفانها قااصح وهزات صاكها فيه تليفونها وفلوسها وشي وراق ديالها وخرجات...هي مكديرش مكياج اصلا زوينة بلا بيه
سدات باب شقتها بالساروت وهبطات فالدروج حلات باب العمارة وخرجات متاجهة الكافي لي تتمشي ليه تجهات نحو الكافي لي موالفة ديما تتفطر فيه غير دخلات حطو لها فطورها معهود يلاه گاالت بسم الله بغااات دخل دغمة فمها حتا صونا تليفون ...رجعات راسها اللور
سجود : ياااااربي شي طياااااارة باش نتهنااا واااش حتا فطوري منفطروش بخاطري بحال الناس
خرجات تليفون من جيبها تفاجئات دغية وقفات ليه بحال الا رااه هو قدااامها من كثرت الإحترام والمواضبة فخدمتها قربات دير تحية دغية دوزات الخط
سجور : احتراماتي سيادة العميد...
العميد علي *وقف وتيضحك* مبروك ترقية
سجور : الله ابارك فيك متصورش شحال انا فرحانة وعاااد اليوم سيادتكم تتصلو بيا باش تهنأوني هدااا بحد داتو ترقية عندي
العميد : إن شاء الله تنضن بالي راااك عارفة علاش انا تصلت بيك بعيدا على تهنئة
سجود : لا معرفاش
عميد : اوكي القضية جاية غدي تكون كتالي عندنا الرئيس العصابة معروف لي هو رجل الاعمال عمر اليوسفي ولكن لحد ساعة هو ممخلي حتا دليل موراه المطلوب منك تخدي اول طيارة وتجي المغرب باش تخرجي فمهمة سرية الألمانيا ا سجود
سجود : ولكن انااااا
العميد *قطعها* ممنوع رفض غدي ترجعي المغرب هي غدي ترجعي *قطع فوجها*
دمعة لوجين الجزء الرابع
محتوى القصة
التنقل بين الأجزاء