خليل طلع فطوموبيل كسيرااا بجهد مخلي ورااه غير العجااج و قلبو تيضرب بأقصى سرعة وكيكلاكصوني باش يعطيوه طريق دموع لوجين وبكاها مزال فودنيه كانت تتبكي وتشهق من تليفون باش يجي العندها كانت مخلوعة من بعد ربوع ساعة وصل حل الباب لقااا لوجين جلسة حدااا راس راضية لي يلاه بدات تتفيق من ديك دقة لي شدات فراسها مع الحيط لوجين غير شافت خليل جااات تتجري طارت عليه وتتبكي زير عليها بين يدو وبااااس راسها بعدها ومشااا تيزرب عند مو يطمأن عليها داير يديه على راسو بقلة حييلة دمو كيغلي وكيحس بنفسو مزيرة دخل المكتب وسد الباب تيشوف المكتب مقربل وجميع ضواسا ديالو موزعة باهمال فوق لبيرو و حدا رجليه مشااا و نيشان حيد واحد طابية أو بدااا تيقلع فشي رخام فالأرض كان غير حاطهم غير قلعهم كااااملين باان ليه لكوفرفور ركب رمز سري وحل وبدااا تيجبد دووك لوراق تيتاكد واش كلشي هو هداك ولا شحاجة ناقصة فيهم حينت هدوك همااا كلشي الا ضاااعو مشات خدمتو كاملة عنقو معرق بالاعصااب وتيزفر بنفس سخونة ما رجعات فيه روح حتا لقااا لوراق كااااملين حتا حاجة ما ناقصة
لوجين : معرفتش منين مشات توصل سابين المدرسة مبقات رجعات
دغية خليل خرج تليفون من جيبو ودوز لابيل كيمشي و يجي فالمكتب .. و هو تيدوز يديه على جبهتو بتركيز
خليل *غوااات * جاااااوبي اليلى جاااوبي
لوجين *متوثرة* وااقلة فصاااك ومسمعتوش أخليل غير تهدن
خليل *مخرج عينيه* كيفااااااااش مسمعتوش ولاااااااش ناس تيهزو تليفون
لوجين دغية قطعات طم عرفاتو معصب شوية
دغية دوز لابيل راكان لي يلاه وقف حيد تجاكيط ديالو وگعد فالبيرو
راكان : هههه صباح النور نسيبي
خليل *بصوت قوي* وااااش كاينة معااك ليلى
راكان : كانت معااايا گبيلة راااه غدي تكون جاية الدار دباااا علاش ياك لباس
خليل تيدوز يديه على شعرو
خليل : شحال هدي باش تفرقتي معها
راكان :شي نص ساعة بحال هكااااك خليل مالك اصحبي راااك خلعتيني
خليل *بالغوات* جي دباااا العندي الدار هاااني تنتسناك *قطع *
لوجين : واش ليلى كاينة معااه
خليل : كانت معاااه ودبا جاية فطريق انا غدي نمشي دبااا نتعرض لها باش نجيبها
لوجين *شداتو * خليل رد البال راااسك عفاااك
خليل جرها العندو وباااس بين عينيها وخرج تيجري
راضية : خليييل خليل فين مشااا هاد الولد تاني غدي يخرج ليا العقل
لوجين : مشااا يجيب غير ليلى وغدي يرجع غير رتاحي اخالتي رااك عيانة
راضية : منين غدي تجيني راااحة ونا قلبي غدي يسكوت بالخلعة ابنتي مزال صورة ديال دوك لوحوش بين عينية الله ياخد فيهم الحق والله يغلب وليدي خليل عليهم وينصرو يارب
لوجين : لن يصيبنا شيء بإدن الله
★مكان اخر ★
ليلى يلاه خلصاات مول طااكسي هزااات صااكها وخااارجة مجااتش تجيب دورة حتااا وقفااات واااحد طوموبيل كحلة قدامها زاجها فيمي مجااتش تحقق شكون لي قطع عليها طريق حتاااا خرجو شي رجااال قد الباب مسلحين وملتمين دكشي كان فرمشة عين جروها وسدو لها فمها ودفعوها الداخل وطلعو ومشاااو زافين كانو جوج جالسين فجنبها شادينها مخلاوهاش تنفس تتبكي وتغوات ربي لي خلقها حتا واحد ما تسوق لها واحد من رجااال دوز لابيل
هارون مقصر مع يوسف فرحااانين أو خدااامين غير بتليفونات تمااااا غير شاف تليفون تيصوني هزو وتيهضر وهو فمو عااامر مكانش نسالي
يوسف *رجع راسو اللور* هههه مزيان مزيان دبا خليونا نشوفو داك الكلب ديال خليل اش غدي يدير ههههه عرفتي والله مكرهت نشوف وجهو فهاد اللحضة
★ عند خليل ★
كثر من ربوع ساعة وهو منشور جنب طريق اي طاكسي وقف تيگول ديال ختو أو تيصوني لها والو مكاين لي يجاااوب هدشي هو لي خربق ليه عقلو كثر ما هو مخربق ....
رجااال مزال غااادين ب ليلى غير فالخلا مكااين لا سائر يسير ولا طائر يطير
الشخص : تليفون من هداااا
الشخص ٢: ديالها هي هاهو
دغية شدو غير شاف خويا خليل ضحك و حلو كامل طرطق الكارط وزف بيه وكملو طريقهم ...
خليل صبر حتا عياااا يلاه دخل الطوموبيل بغاا يديماري حتا تيصوني تليفون فرح يحساب ليه ليلى لي تتصل بيه حتا تتبان ليه نمرة غريبة دوز الخط حتا تيسمع ضحك مجهد زير على يديه ...
البوص : جينا اليومة نطلو عليك لوجه الله سااااع مكنتيش ولكن لقينا الواليدة والمداااام راااه قاامو بالواجب معانا هههههههه
خليل*, زير على سنيه* كلب مزااال غدي ندمك على هدشي غير بلاتي
البوص : غير سمح ليا غدي نقاطعك حينت معنديش مع الهضرة بزااف دبا بلا هاد القصوحية راس سلمنا دوك الوراق حينت لعب معايا خايب وبزااف و اول وحدين غدي يدفعو ثمن ديال اغلاطك هما عائلتك
خليل : بلاما تعدب رااسك حينت دوك لوراق علاش تتقلب هما لي معمرك غدي تحلم تشوفهم بين يديك وهاااد القضية مغديش نساااحب منها وغدي نبقاااا تابعكم تابعكم حتااا نردم زاامل ديال بوكم الكلب كاملين وعقل على كلامي مزيان
البوص : اوا منين تايق فرااااسك حتال هاد درجة غدي نگوليك ختك راااه كاينة عندنا بلاما تبقا تسناها تجي يعني حياتها بين يديك ا البطال دبا خصك تخطار بينها وبين لوراق وما متأكد بالي حياتها غالية عليك مستحيل تفضل لوراق وتخليها هي مسكينة تتعدب ههه
خليل تزير وسخونية بداات تطلع معاه..
خليل : غدي نقتلللللك كتسمع الا مسيتي شعرة وحدة من ختي الكلب
البوص : هههههه مغديش تواريني خدمتي القرار بين يديك دبا ويلا مزال مقصح راااسك ختك غدي تكون عشااااا ديال رجالي هاد ليلة راااهم جيعاانين ههههههههه *قطع *
خلا خليل كلو تيترعد بالفقصة غوات وضرب فلفولون طوموبيل وبلاما يشعر لقااا دموع عينيه نااازلين هدشي هو لي مكانش ضاارب ليه الحساب ليلى هي كلشي عندو فيها ختو بنتو وصديقة ديالو مجرد ما تيتفكر بالي كاااينة دبااا بين يدين شماايت تيبغي يحمااااق ديمارا طوموبيل ومشااااا بسرعة خيالية وعقلو مرفوع
راكان *تيشوف فدنيا مقربلة* لا لا انا مشفت حد مال هاااد دنيا مقربلة هكاااا
لوجين *سدات الباب * دخول انا غدي نعاود ليك اش واااقع
★عند عصمان ★
إيليف دخلات البيت على غفلة لقات عصمان تيبدل حوايجو غير شافها جمع الشوفة وجاي لها مخرج فيها عينو وتيسد فصدايف ديال قميجة
عصمان *بالغوت* اااش هاااد قلة الأداب شكون لي سمح ليك بدخول سمعي مزيااان مدام انت فداري خصك تحترمي راااسك بيتي معندك ما ديري فيه
إيليف: غير بشوية عليك لي سمعك يگول انا غير تنموت باش نشوفك انا دقيت فالباب انت لي مجاوبتيش اش ندير ليك جيت غير نگول ليك بالي لوجين مغديش تمشي تجيب سابين من المدرسة وگالت ليا نجيبها انا وگلت نگولها ليك قبل ما نمشي
عصمان *شدها من دراعها* وقفي كيفاش واش مگالتش ليك علاش
إيليف : مااا نعرف هدشي لي گالت گلتو ليك
خرجات إيليف ومشا عصمان هز تليفون تيصوني لها باش يفهم اش واقع
★عند خليل ★
دخل خليل عليهم لونو مخطوف وعينيه حمرين بالبكاااا دخل نيشان المكتب كلهم تخلعو عليه لوجين تليفون فيديها تيصوني ومقدراش تجاوب من بعد ما شافت الحالة لي كان فيها خليل عرفات شي موصيبة وااقعة و بالأخص منين رجع بلا ليلى يلاه غدي تدخول تبعو دغية شدها راكان ودخل عندو هو وسد الباب....
تتغوات ربي لي خلقها وتضرب فخادها كانت حاسة شحاجة واقعة لبنتها ..
خليل تيزرب حط قدامو شانطة وتيجمع فيها گااع الوراق راكان تيهضر معاه عقلو مرفوع حتا شد.فيه وتيزعزع فين عااد نطق
خليل *دفعو * الكلاب خطفوها خطفو ليلى
راكان : أشنووو لا لا لا أخليل كيفااااش وقع هدشي غدي نحماق *راكان غادي جاااي* دباااا أشنو غدي نديرو أخليل مستحيل نخليو ليلى بين يديهم حنا مخصناااش نغامرو بحياتها حنااا خصنا ضروري نساااحبو من هااااد القضية ونعطيوهم دكشي لي بغاو اصلا هاااد.ناااس مامعهم العب ونا سبق و حذرتك گلت ليك مدخلش راااسك فهدشي حينت شحال من بوليسي تيلقا مشاكيل وتيهرب ولكن انت سبحان الله راسك قاسح و عزيز عليك تلعب دور ديال البطل فكلشي
خليل *شنق عليه * ماااااشي واااقت هااد الهضرة دباااااا مااااشي وقتها اراكان
دفعو بجهد حتا تزدح مع الحيط وهز شانطة وخرج تيجري يلاه غدي تمشي عندو لوجين ردخ الباب بجهد ومشااااا
لوجين : رااااكان گول شحاجة أشنو واقع مع ليلى تكلم الله يخليك هءهءه
راكان *تيمسح عينيه* بلاما تخافو كلشي غدي يكون مزيان خليل راااه مشااا يحل هاد المشكل وغدي ترجع ليلى معاه
راضية *بنبرة متقطعة وباكية * الله على بنتي الله اهئ اهئءهءهء صافي بنتي طااحت بين يدين مجرمين هدوك لي ما فقلبهم لا رحمة ولا شفقة ومااا يخافو الله صااافي بنتي مشاااات هءهءه مشاااااات ضو عينية مشات
راكان : خالتي تنواعدك ليلى غدي ترجع خليل مغديش يخليها دبااا خصكم تجمعو حوايجكم باش نمشيو من هنااا
لوجين : فين غادي نمشيو
راكان : معرفتش لأي بلاصة تكون أمنة باش ما يقدروش يوصلو لكم حتا غيرتهدن الأوضاع
العميد علي: اشنوووووو واش هداااا مريض فعقلو سنين هدي وهو خدااام حتا لقا دليل فالأخير غدي يمشي يعطيه لهم وغدي يضرب لنا كلشي فزيرو انااا غدي نهضر معااه دبا خصني نوقفو ااا قبل ما يضمر كلشي
راكان : سيادة العميد راااه ختو فخطاار واش عااارف اشناهيا تكون ختك بين يدين الكلاب فكر فيه وفحالتو بلاما تفكر غير فخدمتك
العميد علي*معجباتوش هضرتو* قطع دبا انا غدي نهضر مع خليل وختو غدي لقاااوها فكرو بعقلكم ماشي بقلبكم *يلاه غدي يقطع*
راكان : بلاااااتي اسيادة العميد....
العميد : نعاااام اش كاين ...
راكان : خليل العائلة ديالو كلها معرضة الخطار ونت عاارف ضغط لي غدي يضغطو عليه هما خصهم شي بلاصة آمنة يبقاو فيها هاد مدة
العميد علي: فهمتك مكاينة حتا بلاصة من غير الفيلا عندي ديهم تماااا حتا نلقاااو شي حل
راكان : وخااا اسيادة العميد ...
★عند ليلى ★
وقفات طوموبيل قدام ديبو تحل البااب ديال طوموبيل و نزلو رجاال وجروها هي كتغوت لربي لي خلقهاا..كانو سااادين لها عينيها وفمها دفعوها بجهد جات طايحة لرض كالات بيديهاا بزوج....ودموع فعينيها شدوها من شعرها وجروها دخلوها الداااخل واحد فيهم خدم الكاميرة وضارو بها وبدااااو تيوجهو لها لكماااات من كل جهة وهي تتغوات ربي لي خلقها وتطلب فيهم يخليوها وبقااااو عليها بضرب وهي تتغوات وتتعيط على خليل يفكها مرحموهاش بقات تتغوات حتا قطعو لها الحس هزوها هكاااك شرويطة وحدة و.. جلسوها على كرسي وهي غااارقة فدماياتها و سدو ليها فمها بسكوتش .... و دورو عليهاا الحبل من يديها لرجليها... وخرجو وخلاوها فحالة يرثى لها
★وجهة اخرى★
راكان تيتسناااا فلوجين تكمل جميع جاية وجاارة الثلاثة لباليزات فيديها
لوجين *حركات راسها* أمي رااضية نوضي انت خصك تبقااااي قوية على قبل ليلى وخليل هما مغديش يستحملو يشوفوك هكاااا
راضية مابقاتش قادة توقف على رجيلها مابقاتش حاسة بيهم فمرة جاتها بحال صدمة بكثر ما تترجع لقلبها الداااخل رماات ثقلها على لوجين حتى قربو يطيحو بزوج للأرض .. غي تعاونات معاها وبقاااو غاادين وغير تتجر فرجليها حتا وصلات الطوموبيل طلعات وطلعات لوجين جنبها وحطاتها فحضنها كاتدوز يديها على كتافها و تواسيها ودموع بحال شلال نازلين من عينيهم بزوج..
تحل الباب ودخل خليل أو هاااز لوراق فيدو غير شافو العميد جااااي تيجري العندو
العميد علي: الحمد لله الحمد لله متصرعتيش
خليل : ختي خصهاااااا ترجع يوم قبل غدااا
العميد علي: غدي ترجع تنواااعدك أخليل انت غير تهدن دباااا وغير تبعني
حيد ليه لوراق من يديه أو جر ليه الكرسي باش يجلس
خليل : انا مجيتش بااااش نضااايف بغيت شي حل كيفاااااش غدي لقااااوها راااه عقلي مبلوكي فهااااااد اللحضة مقدرش نفكر
العميد.: هما هدشي لي بغاااااو غير يشوفوك ضعيف أو مستسلم بحال أي واااحد تيتكلف بهاد القضية ديالهم دغية تيخليوه يخااف أو يرجع اللور يتكمش ونا تنعرفك أخليل رجل لي قوي راه رجااال كلهم تيقلبو على ختك مغدي نرتاحو حتا لقاوها غير تهنا
خليل غوااااااااااات و ضرب برجلو..البيرو و هو تيردد كلمة وحدة فمو
خليل :كلااااااااااب كلااااااااااااااب
جرو العميد علي وعنقووو بجهد وتيصبر فيه
خليل : الا وقعااااات شحاجة ليلى معمرني نساامح راااسي.....
★ فيلا العميد علي★
وقف طاكسي قدام الفيلا ....
السعدية : اوا طلقي راااسك نزلي خلاص
سجود : اووووف اماما كون غير دخلتي وهضرتي مع سيدة غير بوحدك واش ضروري نكون انا
السعدية *دفعاتها * تحركي قدااامي مالي انا لي زبلتها معهم بنادم لي بغا حاجتو خاصو ينزل خنافرو لرض يبكي أو يتبوحط ماشي يتكبر اوا منين گااع هكا الآلة فيك نفس لاش خليتي خدمتك ضيع من يديك
السعدية : اوا اش نگول ليك اختي زهرة على قبل سجود حنا جينا عندك واش الحاج مگال ليك والو
السعدية : الله يسمعنا خبار الخير لا مگال ليا والو. *شافو فبعضياتهم *
السعدية : الحاج ستبعد سجود من الخدمة
زهرة : كيفاااااش و علاش دار هكاااا سجود عزيزة عليه بحال بنتو ديما تيشكر فيها وفخدمتها
سجود : خالتي حتا انا تنحسبو بحال بابا غير شياطين هو لي دخلو بنا انت تتعرفي بنادم لي تيبغي يوقف فطريقك والله حتا غير مضلومة اخالتي زهرة هءهءهء عفاااك اخالتي لما هضري ليا معاااه انت عاارفة شحال خدمتي عزيزة عليا
زهرة : عارفة ابنتي عاارفة الله يدير شي تاويل ديال خير انا غدي نهضر مع الحاج ضروري والحاج وخا هكاك قلبو بيض دغية غدي يسامحك ويرجعك الخدمة
السعدية : على الله ياختي زهرة غير يحن قلبو
زهرة *حطات يديها على كثفها* يكون خير مريم وااا مريم يلاه طلقي راسك جيبي شحاجة الناس يشربوها
السعدية : لا لا الله يعطيك الخير والله مااا عندو منين يدوز بغينا غير نشوفوك و نهضرو معااك الله يجازيك بخير
زهرة : يشوفك الخير يا بنتي يا سعدية غير كويس ديال أتاي هاني جاية نشوف دوك الخدمات اش تيديرو ههههه هدا هو حالهم
غير ناضت وبداو متبعينها بعينيهم حتا غبرات وعينيهم معلقة فسقف وفالحيوط أو فالفراش لي مفرشة بيه ديك الفيلا لي متخرجك منها غير سكرة الموت
السعدية : شفتي ناااس كون تشوفي هاد زهرة كيف كانت غير وحدة موسخة ما دخليها من شتا جاب لها الله الحاج لباس عليك ولد عائلة مرموقة فالبلاد كان تيحماق عليها خداها بزز من عائلتو اوا غير تزوجات بيه ترقعات حتا هي ولات تتهز راااس نساااات راسها كيف كانت بحال ضبعة أودي تيگولو بالي الفلوس تدير الواحد قيمة
الخدمة : شي ناس الآلة زهرة جااااو مع سي راااكان راااهم قدام الباب بغااااو يدخلو
زهرة : شكووون هاد الناس واش عرفتيهم
الخدامة : لا الآلة زهرة اول مرة نشوفهم
زهرة : المهم حطو الناس ما ياكلو انا غدي نشوف شكون هدو ...
لوجين *شدات فيه * راكان وقف بلاتي....
راكان : مالكي الوجين اش كاين ...؟؟
لوجين *تدور بعينيها* واش مجاتش حشومة نطيحو على ناس كون غير مشيت انا وخالتي الدارنا أنا متأكدة مغديش يلقاونا تما
راكان : لوجين هادو عصاابة واش عرفتي اشناهيا عصابة حتا حاجة مغدي تكون صعيبة عليهم يلقاوك يلقاوك وخااا تكوني تحت الأرض وهكا غدي توالي معرضة حتا حياة عائلتك للخطار هما راه تيطيحو على نقط حساسة لشخص باش يخضع ليهوم وهكاا دارو مع خليل خطفو ليه ختو وهو ممستعدش يفقد شواحد اخر من عائلتو الله يخليك صبري شوية أو عاااونيه باش يبقى مركز غير مع ليلى خليل غدي يكون مرتاح من جهتكم إلا كانتو هنا حينت كيف تتشوفي الفيلا كلها محاصرة برجال أمن * لوجين حركات راسها *
زهرة : راااااااااكان ......
راكان ضار حتا تيشوف زهرة واااقفة قدام الباب وتتشوف فيهم جاي تيزرب العندها
راكان *تحنى على يديها* سلام مرات عمي
زهرة : سلام ولدي شكون دوك الناس لي معاك
راكان : واش الحاج مگال ليك والو
زهرة *تنهدات * لا مگال ليا والو على هاد الحساب الحاج مبقا تيگولي والو اش كااااااين
راكان : هدو العائلة ديال خليل امرات عمي هديك مو وهديك مراتو
زهرة تتشوف فيهم من بعيد كانو واقفين وحاااطين لا فاليز قدامهم وراااضية مسندة على لوجين تيتسناو راكان يرجع العندهم
راكان : مرات عمي صبري نكمل ليك باش تكون واضحة صورة حينت انا خصني رجع الكوميسارية المهم حاليا خليل مكلف بواحد القضية صعيبة ديال واحد عصابة إجرامية خطيرة اوا منين شدهم ودخلهم الحبس بداااو تيضغطو عليه وهاد صباح خطفو ليه ختو *حطات يديها على فمها مصدومة *
زهرة : ولاد الحرااااام الله على ولدي خليل اوا
راكان : رااك تتشوفي الحالة ديال المو راضية
زهرة : الله يكون لها فالعوان ماشي ساهلة مغدي يحس بها غير لي عارف بحق الكبدة
راكان : العقيد گالي نجيبهم هنا حينت هاد لبلاصة هي لي أمنة حتا تيتشدو هاد المجرمين إلا بغيتي بطبيعة الحال
زهرة : كيفاش الا بغيت اكيد بغيت خليل ولدي وناااا نهزهم فرموش عيني حيد بالاك من قدامي
مشااات تتزرب العندهم وراكان تبعها من اللور
زهرة: زيدو زيدو مرحبا بكم ونهااار كبير هدااا *عنقات راضية * غير كوني هانيا بنتك غدي ترجع ليك خليل مغدي يتهنا حتا يرجعها بإذن الله تعالى خليل رااااه كااان واااقف فقضاية كبر من هدي ونجح فيهم *رمات شوفة فلوجين * تبارك الله على مرات ولدي خليل وشحال زوينة أجيو معايا ترتاحو ومغدي يكون ان شاء الله غير خير لااا اراكان غير سير انت دبا إجيو الخدامة يدخلهم
راكان : وخااا امرات عمي المهم هاني مشيت
زهرة : وخاااا اولدي سير الله يغلبكم عليهم جااات من جهة الخرى وشدات فيد راضية ودخلو الداااخل ...
سعدية *بعدات يديها وتتأكول* لاش حطوه باش نتصورو معااااه مثلا خليني الا مبغيتيش نتي سوقك هداااك انا بغيييت الله اممم شحال هدشي بنين
سجود راجعة اللور حاطة رجل على رجل وسعدية خارجين عينيها تتنقب من هنا ولهيه وتمص صباااعها وتبنن سجود غير تتشوف وهازة قنانفها السما غير سمعات حس الهضرة طولات عنقها تطل حتا تصدمات
زهرة : مريم فييييينك
مريم *الخدامة* نعام الآلة
زهرة : طلعي الناس البيوت ضيافة وأي حاجة بغاااوها جيبيها لهم وهضري مع العساس يطلع لهم حوايجهم يلاه طلقي راااسك
سجود *بلعات ريقها* اااه اه تنعرفهم الله يعمرها دار غير منين شفتهم طاح ليا العجب
زهرة : ااااه ابنتي انا اول مرة نشوفهم مساكن محروقين على بنتهم خت خليل تخطفات
سجود شرعات عينيها ومثلات بالي هي متألمة من هاد الخبار ...مسكينة ومعرفتيش اخالتي زهرة شكون هدو لي خطفوها ..
خليل دخل الحمام لي فالمكتب تقاابل مع المراية بقاا كيشوووف فراسو مطول ودار راسو تحت روبيني كيتخوا عليه الما بااارد كيفكر ويفكر فهااد الخطة لي رسم بغااا يلعب بأخير ورقة فيدو يااا ربحة يااا دبحة ولكن ضارب الف حساب وحساب لكل خطوة حينت ختو بين يديهم وأي غلاط بسيط غدي يكلفو ثمن حياة ليلى .هز رااسو وهو كيرجع شعرو لور بيديه وقطرات الما كينزلو ليه على كتافو شي لي خلا تيشوورت يسرد بالما هز الفوطة دوزها على وجهو وشعرو وخرج القاهم كاملين واااقفين مصافين ومعهم راكان قدام البيسيات كبار ربعة ملاصقين مع بعضياتهم عامرين غير كودات شعل العميد البيسيات ورجع اللور
العميد علي : خليل انت متأكد من هدشي لي تدير فيه واش هاد شخص لي كلفتيه يحط الكاميرة فشومبر ديالهم زعمة اهل لثقة
★فلاش بااااك ★
العميد معنق خليل يواسي فيه حتا وصلو مساج دغية بعد وجبد تليفون من جيبو حتا تيشوف الفيديو لي تيعدبو فيه ختو وتتغوات بسميتو خليل مزير على تليفون بين يدو وتيبكي منين تيسمع ختو تتغوات تيتعدب مقااادر يدير لها والو تيشوف فتليفون ويغوااات عليهم باش يبعدو على ختو بحال الا هما قدامو كانت حالتوو تتقطع القلب والعميد علي واااقف على راسو تيصبر فيه ولكن فديك اللحضة خليل رجع وحش حتاااا واااحد مبقاااا قااااادر عليه ولا قادر يوقف فوجهو دفع العميد بجهد حتا تهزو ليه رجليه وجاااا مفطوخ فالأرض وخرج زاااااعف العميد علي ناااض بزربة خلط عليه يشدو لقاه ديمارا طوموبيل ومشااااا زاف رجع البيرو تيقلب على لوراق لقاهم مزال فوق البيرو هدشي الوحيد لي خلا العميد يرتاح ديك ساعة هز دوك لوراق وخبااااهم على خليل وعلى أي وااااحد خليل غدي بسرعة خيالية شحال من مرة تيبغي يخرج فشواحد حتا تيبدا يكلاكصوني عليه عاااااد تيرجع الطريق صوت خوتو وغواتها مزال فودنيه موقف حتى لقدام السجن حلو ليه الباب هاااز لبادج فيديه غير تيشوفوه تيخويو ليه طريق بلاما يتكلم خرج من طوموبيل ودخل الإدارة وبضبط عند مدير سجن . حتى تلقا ليه المسؤوول تماااا...
المسؤول : سمح ليا ولكن المدير راااه مزال مجااا خليل متسوقش ليه دفعو من طريقو ودخل المكتب مشااا تيجري تاابعو وقف فالباب وتيشوف فخليل لي كان تيقلب بحال شي مجنون يهز ويلوح حتا خلا ليه المكتب مرون غوات خليل حتا قفز المسؤول
خليل : تحرك جبد ليا جميع تقارير ديال نزلاء عندكم هنا
جااي تيجري كولو تيترعد مشااا لايبتوب وطلع ليه لاليست جر خليل الكرسي وگعد تيقلب على دوك المجرمين واش مزال فالحبس ولا خرجو جاااهم على غفلة مع تفتيشية ديال سجون تتكون بسيمانة وهي فخبارهم حتا تيقادو شغلهم على راااحتهم يتخبى لي خاصو يتخبى ويبان لي خاصو يبان
خلاهم كيتهزو ويتحطو كلشي خايف على بلاصتو و خليل عندو كامل صلاحية بتفتيش والحاجة لي طلبها كلشي مجبور يعطيها ليه فساعتها غير اسمو والمقامو حاجة كافية تخليهم يترعدو بالخلعة
خليل *دفع الكرسي اللور وناض* بغيت ندير جولة فسجون ومابغيت حتا واحد يعرف
المسؤول: ولكن سيادتكم هدشي مكانش فخبارنا وحاجة خرى تفتشية كانت غير هاد سيمانة معرفتش فين كاين المشكل
خليل *تيقرب ولاخور تيبعد* يكما بغيتي نشد.الإدن منك باش نخرج بتفتيش
المسؤول(بغا يبول فسروالو بالخلعة) لا حاشة
خليل (دفعو قدامو) اوا هي لا تحركتي وسديتي عليا كبينتك زيييييد
معاودوش معاه ا لهضرة ..سبقو وهو وراه غادي بنفس الغوباشة محلهاش...غادي وكلشي تيخلي ليه طريق وتيضرب ليه تحية تحل الباب ديال جناح رجال ودخل كيكتاشف فيه. بشومبر بشومبر تيدخلو البوليس همااا لولين حتا تيجمعو سجناء كاملين فقنت واااحد باش هو يدخول كانت عينيه تدوز عليهم واحد بواحد كانو كثر من 70 واحد فشومبر بنادم مدكس بحال حك سردين تيخرج من شومبر أو يدخول لاخور والو دكشي لي تيقلب عليه ملقاااه ..
خليل *غواااات * فينهم هااااد الكلاب *جبد ليه صورة ديالهم* علاش مكاينينش مع الحباسة تكلم
المسؤول: الله يخليك انا معندي حتا دخل فهدشي كامل انا راااني غير خدام او تنفد. دكشي لي مطلوب مني رآه المدير السجن هو لي مكلف
خليل : وااااخ فينهم گولي دكشي لي تتعرف وبلاما تخبي عليا حينت هدشي من مصلاحتك رااااك عارف العقوبة ديال هدشي تتسمى متستر على وسخهم غدي تعاااقب بحالهم
المسؤول: لا لا عفاك انا معندي حتا دخل بيهم عفاك بلاما تعاقبني انا نعاود ليك كلشي هاد ناس لي تتقلب عليهم عندهم جناح ديالهم خاص مااا تيكونوش مع سجناء العادين المدير تيكون عاااطيهم القيمة كبيرة أو أي حاجة بغاوها تتوصل لهم منين تيحطو رجليهم حتااا تيخرجو المهم ناس لي عندهم الفلوس كيف تتعرف الفلوس تدير ليك طريق تحت البحر الا بغيتي نمشي انا ويااااك دبااا حتا تشوفهم بعينيك نمشي
خليل *شدو * لا غدي تسمع اش غدي نگوليك وغدي تنفد دكشي بالحرف عرفتي ونشم ريحة الغدر ولا كدوب اش غدي ندير فيك
المسؤول*تيترعد* لا لا لا وو الله مغدي نغلط لي گلتي ليا نديرو غير عفااااك خليني بعيد
من هدشي عندي وليدات صغااااار مبغيتش حياتي كلها ضيع فالحبس
خليل *حط يدو على كثفو* مزيان دبا عجبتيني اوا حل ودنيك وسمع اش بغيت نگول ....
★العودة للحاضر ★
خليل : غير كون هاااني عتابر الكاميرات تحطو اسيادة العميد
العميد علي حط يديه على كثف خليل وربع يديه وتيشوفو كاملين فدوك لبيسيات أو تيتسناو غير صورة تباااان باش الخطة تنحج كيف مخطط لها خليل ....غير بانت صورة كلشي نقز بالفرحة
خليل : تأكد لنا من جودة صوت الله يخليك
البوليسي: لا لا مزياااانة حتا البلايص فين محطوطين الكاميرات الله يعطيه صحة جاو من دكشي رفيع كلشي واضح لنا
العميد علي : تبارك الله عليك أخليل
خليل : شوووف الكلاب كيف عااايشين رآه انااا لي فالحبس ماشي هما *غير شاف يوسف وقف* واااش هدااا الكلب ديال يوسف لي معهم ولا غير تيتهيئ ليا
راكان *خرج عينيه* هو هو دايرين علينا عصابة ولاد الكلاب دبا عاااد عرفت منين جاتهم الفكرة باش يخطفو ليلى ما يكون غيرر هو لي نزل عليهم هاد فكرة حينت عااارف قلبك غدي يتحرق عليها وهكا يلويو يديك بسهولة
خليل وقف قداام لبيسيات وعينيه مفيكسين عليهم بداو رجااال خدامين على جودة صوت وصورة كانو بيفااان كباااااار فوق راااسهم تيتسمع صووووت مجهد تيزعزع المكااان
★في السجن ★
هارون گعد. فوق الفوطوي ومسرح رجليه على طبلة وحاط قدامو بيسي تيشوف فديك العملية بحال الا كاين معهم والبوص واقف على راسو تيشوف كانو الراجل ديالهم كاينقلو بضاعة من شاحنة لشاحنة كبيرة
البوص :هاد البضاعة اهارون ..شنو فيها؟!
هارون ببرود:كوكايين و سلاح
البوص بصدمة: سلااح ولكن يااااك متافقين نأجلو هاد العملية حتا نخرجو من هنا ؟!
هارون : متخافش رجااال قاايمين بالواجب وهدااا هو الوقت مناسب محد البوليس رتاحو من جهتنا ومغديش يشكو فينا
البوص :( جغم جغمة من الكاس ويسكي) مزيان غير مرة خرى عود تشااور معايا متبقاش تخدم منك راسك
هارون :( حنا راسو بإحراج)واخا أسيدي
وبقاو تيشوفو فتسليم البضاعة كان تيبان كلشي غااادي مزيان ومرتاحين رجاال خداامين بشوية عليهم خليل منين شاااف لبلاصة لي تيسلمو فيها البضاعة دغية عرفها وخلا العميد وشي رجال هما يبقاو مراقبين تسجيلات ديال الكاميرة باش يبقاو يخبروهم بأي جديد وهو جمع رجاااالو ومشااااو ...
سعدية: مالكي ابنتي أش عندك
سجود.: ماما سيري نتي الدار انا عندي شي خدمة خصني ضروري نمشي نقضيها
سعدية : انا خدمة هدي ابنتي
سجود : اوووف اماما واش ضروري خصك تعرفي كلشي المهم انا غااادية العند الكوميسير ضروري يكون محتاااجني فشحاجة هدي هي الفرصة لي خصني نوقف معهم دبا غدي تلقااهم تاالفين ههههه بلا بيا معرفين رااسهم من رجليهم ولكن أنا غدي نسااعدهم أو نوقف معهم وهكااااا غدي نرجع الخدمتي
الرجل:_سي هارون گالي غير كرمها عصااا مگاليش قتلهااا
الرجل1: اوا الا كانت غدي تموت غدي تموت كون غير طلقها لنا نستافدو منها بعد حتا يوصل أجلها هههه البنت راااه زوينة عاااطيااا العين اصحبي غدي دير فينا خير
الرجل 4: ههههه والله حتا انا مكرهت نيت
الرجل: وا ترجلو معانا الخوت البنت مغدي يوصلها حد حتا نهضرو مع سي هارون الا عطاني الأوكي باش نقتلها ديك ساعة بصحتكم دبا خليوني نعطيها ما تحنجر
ليلى مزال مربوطة أو شعرها مغطي وجها أو غير أنينها لي تيتسمع تحل لباب ودخول شوية ديال ضو تمااا وتتسمع غير الخطوات ديال رجلين تتقرب لها شد يديها فكها وحط لها الماكلة فوق حجرها
هارون *بعدو * كيف تتسمع انا لحديت هااااد ساعة مزال ممستوعبش اش وااااقع رجاااال ديالنا كاملين تشدو اشاااااف والمشكلة ماشي غير رجالنا حتاااا المافيا B.k حتا هي گاااع رجالها تشدو وماشي بعيد يكون تشد رئيس ديالهم حتا هو صافي كلشي ضاااااع منا كلشي ضااااع *ضرب راسو مع حيط بعصبية* شي خائن وسط مناااا اشااااف هدا ما يكون غير شي جاااااسوس هو لي خرج الهضرة أنا متأكد مستحيل البوليس يعرفو هاد العملية حينت كلشي كان بسرية تامة ونا لي كنت واقف عليها بنفسي الأمور كانت غااادية مزيانة
كلهم شافو فيوسف دقة وحدة يوسف بقااا غير حال فمو وتيحرك لهم راسو وصبعو
مخلاوش ليه حتا الفرصة يدااافع على راسو بلا كلمة بلا جوج هز البوص سلاحو وتيرا فيوسف بلاما يرف ليه جفن جابها ليه بين عينيه طااااح كاو غاااااارق فدمو
من بعد مااا تم القبض على ديك العصابة الإجرامية همااا لي دلوهم على المكان لي مخبين فيه ليلى خليل خلا رجاااالو ومشا سبقهم حتا يكملو ويخلطو عليه ...
كان مكسيري بين عينيه غير ليلى من بعد دقائق قليلة كان وصل وهبط بقا غادي غير بين شجر الزيتوون وصفصاف و هاز سلاح فيديه وكيزرب شوية وقف تيشوف فيهم من بعيد.كانو واااقفين رجال ملثمين طلعو فطوموبيل وحاطين سلاح على راس ليلى و كيدفعوو فيها الطلع وهي تتغوات
ليلى : خويااااااااا عتقني عاااافااااك عتقني
مشاا.كيجري خليل دازت طموبيل قداااام عينه كيجري كانت ليلى كتشوف فيه من الزااج وتتبكي فهاد اللحضة لحقو عليه رجالو يلاه بغاااو يضربوو بسلاااح حبسهووم خليل بيديه خايف لاتقلب طموبيل بيهوم وتصدق واقع لختو شحاجة كلهم طلعوا فطوموبيلات أو مشاو تابعينهم بسرعة خيالية
خليل تيسوگ وكينهج عنيه ولاو حمريين
بقاااا تابعهم حتى لقاهوووم فالنص الطرييق
كسيرااا باش يوصل ليهووم
راكان :صافي غير نقص سرعة أخليل رااه شديناهم حنا مابغيناهومش يحسو بنا تابعينهم
خليل نقص سرعة شوية ولكن عينيه مفيكسين عليهم مبغااااش يضيعهم من بعد هاد العداب كامل
صورتها وهي كتقاوم فيهوم وصوتها مبغاوش يفارقو عينيه
خليل : ليلى كااانت قريبة مني بزاااف اراكان ومقدرتش نعتقها كانت حدايا مقدرتش
راكان : خليل غير تهدن دوزنا الكثير مبقا غير القليل ونطويو هاااد الصفحة وتكون ليلى معانا *حط يديه على كثفو *
✴️في السجن ✴️
دغية تخلصو من الجثة ديال يوسف بحال حتا حاجة مااا واقعة وغير تليفونات لي خدامين فهاد اللحضة البوص گااعد فوق الكرسي أو سيگااار فيديه كان معصب الأخير درجة أو هارون غااادي جااي على راسو
هارون : رد الباااال البنت مخصهاااش ضييع من يديكم وااااش تتفهم ولا لا
الشخص: غير كون هاني اشاااف البنت كاينة معانا أو دباااااااا حنا غااادين بها البلاصة لي گلتي لنا
هارون : ردو البال لا يكون شواحد تابعكم
الشخص : لا حتا واحد مااا تااابعنا
هارون : مزيان مزياااان يلاه تنسنا الإتصال ديالي ...*قطع * شاااف البنت مزال كاينة معهم وهااااد ليلة غتسالي هاد المسرحية كلها ياااا يعطينا لوراق ياااا نقتلوها ليه مبقاش عندنا الوقت بزاااف حنا خصنا نخرجو من هنا فأقرب وقت ممكن * البوص حرك ليه راسو *
وقفات الطوموبيل حداااا واحد الديبوو كبير هبط رئيس ديالهم مخنزر شار لواحد من رجالو يهبطوها كانت فاقدة الوعي دوخوهاا حيت قاومات بزااف
خرج واحد من رجال هازها بين يديه دخل بيها لداك الديبو غير حطوها فواحد الغرفة وسدو عليها وخرجو كاملين مجمعين قدام الديبو ورجال الأمن كااانو واقفين تيشوفو فيهم تيتسنااااو غير يتلقاو الأوامر من عند خليل باش يهجمو عليهم غير عطاااهم الأوكي دغية كتاسحو المكان هماااا بقاااو مدابزين معهم ورااكان ستغل الفرصة محد رجااال ملاهين مع الشرطة و دخل الداخل تيقلب
بدااا كيتمشى وسلاحو فيديه تيقلب بعينيه
بان ليه واحد الباب دفعو برجليه وطل لداخل كيبان ليه مكاين حد داز لباب لاخر نفس الشيئ بقااا غادي حتا كتبان ليه مرمية فالأرض ومربوطة فرح منين شافها وقرب ليهاا تيدوز يدو على شعرها بدات كتوعى غير حلات عنيها بان ليها راكان قدامها دموعهاا هبطوو وعنقاتوو مزيرة علييه
بدا مدابز تيحل رجليها وهي فرحانة تتبوس فيه ومعنقاه سادة على عنيها غير حلاتهم وهي توسعهم على حدهم وغوتااااات ...
غوتات ليلى منين شاافت واحد من دوك رجال الملثمين واقف أو موجه سلاحو تجااه راااكان تسمعاات طلقة ناااارية حتااا طوش دم دياالو على وجهم بقات ليلى حاطة يديها على ودنيها وسادة عينيها وتتغوات بغاات تحماااق خليل دغية ضااار وجه سلاحو فجهة الخرى تيقلب على شكون هداااك لي تيييرا فيه حينت هو متأكد القرطاسة مخرجاتش من المسدس ديالو حتا تمااات جااية سجود بخطوات ثابتة ورااسها هزاه السمااا وتتلعب بشعرها خليل غير شاافها جمع شوفة ورجع سلاحو ورا ضهرو ومشااا عند ختو خباااا وجها بين صدرو باش متشوفش ديك الجثة هامدة راااكان وقف وتيشوف فهداك لي مرمي قدام الباب وسجود لي جاية العندهم
خليل جر ختو وخاااارج بها تتشوف بنادم طاايح كيف دباااان غارق فدمو هو تيحاول يخبي لها وجها باش ماتشوف والو من ديك المگزرة لي واقعة تما جااات الإسعاااف تتهز فيهم واحد واحد
🏡 فالفيلا الكوميسير
راضية غادية جاية على اعصابها
راضية (دموعها نازلين )لله على بنتي الله وشنو واقع فيها دبا واش واكلة ولا شاربة عايشة ولا ميتة
زهرة :قوي إيمانك بلاه راه غتكون بخيير انا يلاه هضرت مع علي گالي بالي لقاااو هاد العصابة وغدي يجيبوها انت غير دعي معهم كلشي يدوز بيخير
عصمان واقف هو و إيليف وتيشوفو فبنتهم لي سرحات السجادة وتوجهات القبلة وكبرااات وبداات تتصلي الصلاة العشاء بكل تدبر وخشوع بنفس طريقة لي تتصلي بها سجود علماتها بالي معمرها تخلي صلاتها وخا يكون لي بغا يكون حسو بواحد الإحساس غريب كيفاش بنتهم فهاد السن تتصلي وهماااا لا غير كملات صلاتها هزات كفوفها السما وتدعي بدكشي لي بغاات وتتمنى الله يحققو لها حينت تتگول لها لوجين طلبي لي بغيتي وربي تيستاجب لدعواتنا سابين ديما تدعي بنفس دعاء هو لوجين تكون ماماها وتزوج بعصمان وتولد لها ختها باش تلعب معها
كانو واقفين تيشوفو فيها حتا كملات وجمعات الصلاية تتطوي فيها
بقاو غير حالين فمهم فيها دغية تخشات بلاصتها وتتقراااا القران وتتجود بنفس طريقة لي كانت تتجود لها لوجين بها عصمان فرحاااان منين تيشوف بنتو هكااا هضر مع إيليف باش تخرج وتخليها بوحدها
خرجات إيليف طافجة معجبهاش الحال ومعرفاتش كيفاش غدي تقدر تقرب من بنتها وهي تتشوف راسها فديك دار غريبة أي حاجة لوجين لوجين هدشي تيزيد يعصبها
إيليف *شداتو * بغيت نهضر معااااك اعصمااان
عصمان *بعد يديها * تبعيني
مشااا عصمان وإيليف من موراااه دخل البيتو وحط العكاكز وتلاح فوق الفوطوي وسرح رجليه وتيصااادع متيقدرش يطول فالوقفة بزاف ...
عصمان : اش عندك تنسمع
إيليف : واااش عجباتك هاد الحالة لي فيها سابين اعصمان البنت مزال صغيرة على هدشي لوجين تتعاملها بحال الا هي وحدة كبيرة بغااات دخلها الدين حتا ترجعها وحدة متشددة انا تنشوف بالي لوجين تتأثر عليها بهاد العقلية ونا بنتي بغيتها تعيش حياتها بحال الا طفلة فسنها دير لي عجبها وتعيش حياتها ماشي دفن راااسها انا ماشي ضد الصلاة ولا القرآن ولكن ضد تلبس حواااايج الحجاااب فهاااد سن ونااا راااني تنشوف فيها غاااادية بها بشوي بشوي حتا توالي دخل حتا فالباسها غدي توالي تلبس على دوقها ونا هدشي هو لي مغديش نتقبلو هدي بنتي انا ماشي بنتها تمشي حتااا تولدهم وتحكم فيهم كيف بغات بقا عصمان غير تيشوف فيها گالت دوك جوج كلمات وخرجات زاعفة ...
لوجين متوجهة القبلة وتتصلي الصلاة عشاء غير كملات بدات تتدعي وهازة كفوفها السما تدعي مع خليل وليلى
اللهم كن لهم وليا و نصيرا و عونا و معينا اللهم غلبهم على اعدائهم اللهم ارنا في اعداء دينك عجائب قدرتك يا ارحم الراحمين 🤲
تليفون تيصوني جمعات الصلاية ومزال دعااء فمها حتا تتشوف نمرة ديال إيليف دغية دوزات الخط خافت تكون سابين وقعة لها شحاجة اول ليلة تكون ناعسة بعيدة عليها
لوجين : السلام عليكم سابين
إيليف : مكاين لا سلام ولا كلام شوفي نهضر معااااك ديريكت انت عااارفاني عندي غير گود حسن تبعدي على بنتي وتخرجي من حياتهم
لوجين *مصدومة من كلامها* ولكن انا أشنو درت ليك اختي علاش تتهضري معايا بهاد طريقة
إيليف *معصبة* واااش انت حمقة ولا مالكي باغية تخلي بنتي تكون معقدة من صغرها بقات معاك غير سيمانة دغية لعبتي لها بعقلها وخليتيها مجنونة بيك وتتصرف تصروفات كبر منها هدي راااه بنتي انا ماشي بنتك أو فهميها وخصها تمشي على تربية ديالي انا ماشي تربية ديالك سيري احبيبة حتا تولديهم من كرشك عااااد ربيهم على طبعك
مزال مكملاتش هضرتها حتااا طار تليفون من ودنيها وضرب الحيط وطاح فالأرض گل شقفة فجهة بقات غير تتشوف فديك الكمية ديال غضاااب لي قدااامها فديك اللحضة تيصوت وعينيه حمرين ومزير على يديه
عصمان *بصوت قوي * هدي الآلة دااااااري انا مااااشي دارك لي جاااية تتحلي كبينتك وتتگولي لسيدة متبقاش تجي شكون لي عطاااك الحق تهضري بسميتي اخير مرة نسمعك تدخلي فشحاجة بعيدة عليك عجبك الحااال مرحبا معجبك راااا الباب تتعرفيه سيري الله يعااونك اصلا حنا عااايشين بيك ولا بلا بيك *تغرغرو عينيها*
لوجين وحدة من هااااد العائلة ومااااشي انت لي غدي تمنعيها معرفتش انا نوووع من الأمهات نتيا فبلاصت مااا تشكري سيدة حينت علمات حوااايج زوينة ولها قمة كبيرة البنتك جاااية تتعايري فيها واش انت عندك غرام ديال العقل ولا ما تكسبيهش واش عيب بنتك تصلي وااااش عيب بنتك تلبس الحجاب وااااش عيب بنتك تهز كتاب الله عطيني غير شي سبب مقنع لي مخليك ترفضي
إيليف : انا تنشوف بنتي مزال صغيرة حتا تكبر وديك ساعة دير لي عجبها أما فهاد سن هدا رآه استغلال حينت البنت معرفاااش وهي ستغلات الفرصة
عصمان : هههههه صافي دبا عااد فهمتك اوك انا نجاوبك عرفتي علاش جااااك هدشي فشكل وجاااتك لوجين إنسانية استغلالية حينت انت مكبراااش فهاد الجو كاابرة غير فوسط الحرااااام زنة شربااات القتيلة أي حاجة محرمها الله معمر شواحد مااا گاليك نوضي تصلي معمر شواحد گاليك هزي كتاااب الله ولاو غير مرة وحدة فحياتك وتمعني فدوك الكليمات لي فيه حينت معمر شوااااحد مااا حل ليك عينيك وفيقك من دااااك سوباااات لي عايشة فيه دكشي علاش تتبان ليك لوجين وحدة متشددة فدين وغدي تعقدها ليك لا راااك انت لي معقدة انت لي وحدة مكلخة وجاااهلة هاااد سن لي كاينة فيه بنتك هو سن المناسب باش تبدااا تصلي وتهز القران خصها تكبر فهاااد الجو باش تكون متعودة عليه ماشي حتا تشرف ومايبقااا فيها لي يهز ولا يحط عااااد تبدااا تصلي سمعي نگوليك هاد جوج كلمات و دخليهم مزياااان هنااااا *ضرب بيديه لجبهتها* بنتي #خط_احمر خليها دير الحاجة لي هي بغاتها ولي قلبها رتاح لها ويلا كانت تربية عندك هي تلبس المقزب وشطيح والأغاني والكلام طايح باش تكون تتمتع بديك الحرية شخصية زايدة ديالك لي من بعدها غدي توالي تفرض علينا كلامها ومصاحبة ليا غير مع شمكارات وغارقة ليا فالبيران أو فقهاوي شيشة بناااقص من بوها تربية ...
خرج وخلا إيليف غير تتبلع فريقها ودموع محجرين فعينيهاااا وتضرب برجليها
نزلات تتجري لوجين لقاتهم يلاه دخلو مع الباب راضية معنقة فبنتها وتتبوس وتتبكي حينت شافت بنتها فديك الحالة گااع وجها عااامر فاصمة مقدراتش تصبر تخلطات عليها الفرحة مع صدمة وطاااحت فاقدة الواعي كلشي تخلع عليها وبداااو تيتجرااو تاني نساااو ليلى ولا عقلهم غير مع راضية زهرة جابت ريحة تتشمها لها البصلة سوارت مخلات مدااارت عاااد بدات تتحل عينيها لقاتهم كاملين مجوقين عليها طيراتها منهم خلعة سجود غير وقفة بعيد وتتشوف فيهم حتا جات ليلى جنب مها تتبوس فراااسها وتتخليها تعمر عينيها بها ولوجين گعدة جنب ليلى أو تتعاود لهم دكشي لي وقع بتفاصيل أما خليل وركان والعميد كاااينين فجهة الخرى لا هضرة غير على البوص وهارون لي خصهم يكونو فسجن إنفرادي غير هما بزوج و يكونو تحت المراقبة المستمرة 24/24 من طرف ناس اهل لثقة أو المدير السجن خاصو يتعاااقب خليل تيهضر والعميد تيسمع ليه أو سجود عينيها غير على خليل مبقاتش عااارفة اش واقع معها واش تتكرهو ولا تتبغيه تالفة ولكن حاجة وحدة لي متأكدة منها هي شوفة فيه تتخلي قلبها يفرفر بالفرحة ...زهرة غااارقة مع الخدمات فالكوزينة تيوجدو طبلة ديال العشااا بحال الا مركبة فيهم البريز ديال الضو كلشي خداااام فوق من جهدو غير كملو بداااو تيدفعو الماكلة الجردة تما فين غدي يتعشاو يلاه خارجة زهرة تعيط عليهم حتا تتشوف سجود خارجة بقات حتا عمرات قلبها بالفقصة متسوق لها حد ولا عبرها وگالت تمشي فحالها
زهرة : حتا سجود تبارك الله عليها جات فالوقت مناسب عاااود ليا راكان على دكشي لي دارت براڤو ابنتي
الخليل زير على الكأس لي فيديه دغية عااقت بيه لوجين وحطات يديها على يديه
العميد : سجود تتخدم هدشي مختلفناش عليه غير هي خصها تبداااا تخدم عقلها
سجود مهبطة راسها عرفات العميد مزال مقلق منها وماشي بهاد سهولة غدي يرجع يتيق فيها ولكن هي وحدة طموحة أو صبورة ومغدي تهنا حتا ترجع كلشي كيف مااا كان وماشي بعيد تخلي خليل يوالي تيبغيها عااااجبها بزاااف وتتشوف العلاقة ديالو مع مرتو علاقة باااردة حينت من معاملة ديالو معها فهاد دقيقة لي تيتعشاو قدامها قدرات تفسر طبيعة علاقتهم على مفهومها هدي الحاجة الواحيدة لي خلات عندها بصيص أمل انها تكون فحياتو وتتبان لها علاقتهم مغديش تستمر لمدة طويلة حينت كل وااااحد مختالف على الأخر بقااات تخمم وسارحة بعقلها وتتلعب بالمعلقة حتا تتشوف طبلة خوات كلشي كمل وناض و بقات غير هي والخدامات لي فوق راسها دغية وقفات ومشات العندهم
زهرة : اجيكم الخير ورحمة كون غير بتو معانا هاد الليلة عطا الله البيوت مالكم على هاد زربة
راضية : الله يجعل شي البركة اختي زهرة والله اجازيك بخير عمرني مغدي نسااا خيرك والوقفة لي وقفتي معانا وقتما بغيتي تجي عندنا مرحبا والف مرحبا
زهرة : ما تگوليش هكااا خليل وراكان رااااه ولادي
راضية : الله يستر العيب
بداو تيسلمو عليها واحد واحد وهي واقفة لهم فالباب
زهرة : خليل عفاااا ولدي وصل معاااك سجود فطريقك مع طاكسيات مغديش يكونو دباااا
خليل مزال مگالش لها زيدي دغية سبقات وحلات الباب ديال القدام وخلات لوجين اللور
خليل *حل الباب* نوضي الآلة تهزي وبااركة من هاد قلة الحية لي فيك طلعي اللور
سجود *علقات عينيها فيه* بحال بحال كيف هنا كيف لهيه اصلا انا غدي نزل غير فطريق
يلاه غدي يجرها دغية شدات يديه لوجين باش يخليها وهي طلعات اللور مع مو وختو مبغات مشاكيل هي لي خصها تفهم راسها ساع لا حياة لمن تنادي
ديمارا خليل ومشاو أو سجود هازة راسها فرحانة ومرة مرة تترمي شوفة فيه خليل كان غدي يتفرگع معرفش كيفاش دااار لديك طريق دغية كورها قدااام دارهم على حساب نعت لي عطاتو ومشااااا زااااف
راضية : يخخخخ على ماركة كيف دايرة شحال ثقيلة على قلب وضاسرة
ليلى : ماما واش شفتيها رآه دخلات لديك دار واش ماشي ديك دار هي دار سعدية خالت يوسف
راضية : اااااه وتنگول نيت هااااد لبلاصة ما غريباش عليا سبق وجيت لها
خليل غاااادي گاااع ممسوق لهضرتهم كانو عينيه حمرين فيه الموت ديال نعااااس...
سجود غاااادية فرحانة وعاااضة فشفايفها عجبها الحال وعرفااات بالي لوجين ماشي شواحدة قافزة وحربية لي غدي تلقا معها المشكل جاتها ساهلة تبعدها من طريقها وطلع لها براااجل وهي حاالة عينيها تتبرق دغية سجود حطاتها فراسها وشربات عليها جغيمة الماااا بااااااردة غير دخلات لدربهم تتشوف جووقة قدام دارهم وطوموبيل ديال نقل الأموات وقفة قدام دار مشااات تتجري وتدفع فناااس بالكشيفة باش دخلات حتا تصدمات من خالتها لي طايحة فالأرض تتغواااات ربي لي خلقها وشااادينها ناااس تيصبرو فيها ورجااال مخرجين نعش ديال يوسف جااابوه حتا شاافتو مو وخاارجين بيه يدفنوه ....
رشيدة : "ولدي ولدي يوسف مات اهئ اهئ صافي مات وخلاني اهئ اهئ الله يااااوليدي وشويتيني الله اهئ هئ هئ
سعدية : علاش ماااا تتجاوبيش على تليفونك من صباح ونا نتصل بيك هءهءهءهء ولد ختي ماااااات هءهءهء يوسف ماااات اسجود مات
رشيدة *تتشهق * علاش ايوسف مشيتي وخليتيني علاش اهئ اهئ ياك نتا واعدتيني تبقا ديما معايا وفجنبي الله ياسيدي ربي علاش اهئ هماااااا لي قتلووو ولدي هماااا سيري يااااا لوجين كيف حرقتي قلبي على ولدي سيري الله يحرق قلبك هءهءهء ولدي ولدي مشااااااا اختي سعدية مشااااااا وترزيت فيه وفشبابو وكيف رزاوني فيه بغيت ربي يرزيها فصحتها وشبابها
رشيدة تضرب فخادها وتنزل وجها بضفارها تبكي وتعدي أو سعدية ترد عليها دار تتخوا وتعمر عليهم بالعزاية أو مكااااين غير دخول أو جيب الكساكس فيديك مكاااين غير لگصاري تتشاير تماا ولوجين هي وعائلتها شبعو دعاااوي من رشيدة وسعدية حينت تتسمى لوجين هي لي طيحات عليه الباطل وغرقاتو فالحبس وكون مااا هي يوسف مغديش يموت فالحبس مقتول و الموت ديالو مجهول حتا واحد معااارف علاش تقتل ولا شكون لي قتلو
سجود عنقات خالتها وتتبكي بحرقة
★عند لوجين ★
خرج خليل من دوش لاوي الفوطة والماا نااازل من شعرو و عينيه حمرين باين عليهم تعب حل الماريو لبس حوايجو وخلا الفوق عريان وطاااح فوق ناموسية كااااو...
لوجين دخلات من بعدو لحماام عرفاتو غدي يخليه مقربل كيف العادة ستغلات الفرصة محدو سخون نيت و حيدات حوايجها وخلات تحت رشاشة خلات المااا هابط علييها دوشاات وغسلااات شعرهااا
خرجاات لاوية عليهااا فوطة وفوطة صغيرة فشعرهااا
وقفاات قدام لمراية شافت راسهاا حيداات لفوطة من على شعرهاا نشفاتوو حيدااتها وخلات شعرها نااازل فوق كثافها دخلات لدرسينغ جبدات دوبيااس فالكحل مشبكين لبسات عليهم سوميج دونوي طويل فالبيض حريري دهنات لحمها بكريم الشوكولا ومشطات شعرها ودهناتو محدو فازگ يستفد من ديك المجموعة الزيوت طبيعية رشات البرفان ديالها ومشات لبلاصتها حتا تتشوف مولاي سلطان مليوح مجايب لدنيا خبار رجل فالشرق واخراا فالغرب كان باين عليه تعب مبغاتش تقطع نعااسو تخشااات فيه وصاافي وخااا تتحس براسها غدي طيح سيد غير شم رويحة ديالها بداااا تيفيق بحال سلوگي دغية خشاها تحتو وعتالاها وتيشم فشعرها وعنقها وعينيه مسدودين ويديه تتسارا لوجين جاب لها ضحك مستحيل يفلتها وخااا تكون شداااه الموت ماااشي غير العيااا يلاه غدي تهضر
قاطع كلامها بقبلة جامحة قبلة كاتعبر على مدى حبو لها و شوقو كايتعمق فالقبلة عضها فجنب شنوفتها حتى تأوهات وحلات فمها ولقا فرصة دخل لسانو يكتاشف أغوار ثغرها
حركات راسها بأه وبقات دور فعينيها باغا تنوض وماقادراش كان كاامل تقلو عليها .
لوجين √ حياتي نوض بغيت ندوش قبل ما يأدن علينا أدان الفجر وحنا مزال هكااا.
دغية تكركب الجهة الخرى باااش يخليها تنوض وتيشوف فيها وهي حشمانة دغية تلوات فليزار وتتحاول تخبي صدرها بيديها
خليل √اااش تتخبي رااااه كلشي شااايفو *عض على شفايفو وغمزها *
لوجين : خليييل (بغنج )
خليل : صبري ندوشو بزوج ..
لوجين √ ها لا لا بلاش نخرج انا دخول انت
غير شافتو نايض مشات كتجري دخلات للحمام بزربة بغااات تسد الباب حتا دفعو بلا مجهود تحل ليه شدها وردخ الباب برجليه
جرها دخلها تحت الرشاشة وطلق الما نازل معا لحمها شد القرعة ديال شاامباان گاااع خواها على طول شعرها وخلاها تتغوات بلحريق فعينيها مبقاااا تيبان لها والو من غير ضباب سيد. عااجبو الحال شاد.المشطة وتيمشط لها فداك سااالف شبع فيها نتيف وهي تتغوات مخلاهاش دوش على خاااطرها حيدات ليه المشطة من يديه وبدات تتغسل شعرها بوحدها غير تفرق من شعرها مشااااو عينيه لجوايه خرين سيد عااااد سخن عليه راسو وبغااااها ندمها على نهاااار لي فكرات تخليه يدخول الدوش كان يحساب لها باااغي نيت يدوش كيف ناس ساع طلع باااسل
خليل دغية توجه لدريسينغ جبد حوايجو بدااا كيلبس فيهم بزربة صلا صلاتو أو طااال فدعاء كيدعي في سرو كلشي يدوز كلشي مزيااان فخدمتو .. غير كمل جمع الصلاية .و توجه للكوافوز كيشوف في المراية باش يقاد السمطة ديال الفردي حتا خارجة لوجين وجها بحال بندورة حمر كاانت غااادية حتا حساااات بدوخة والبيت كامل تيدور بها دغية شدها خليل قبل ما طيح
خليل شد فيديها وگعدها جنب ناموسية وتيضحك خرج تيزرب يجيب لها كاس الما
لوجين جامعة الفوطة بيديها أو صدرها تيطلع أو تينزل دغية خليل مد لها الكااااس مااااات معااااه متنفسااات حتا قلباتو فكرشها كامل ومزال تتنهج حطو خليل وبقااا تيشوف فيها
خليل : شوية دبااا احياتي
لوجين *هزات عينيها * الحمد لله معرفتش مالي ولكن فعلا الحمام كان سخووون خصك تنقص من الحرارة مبقيتش تنقدر عليه
خليل :هديك غير الحرارة ديالي احبيبة لي دارت فيك هكااااا
لوجين تعصبات و ناضت دفعاااتو ومشات تلبس حوايجها خليل مزال شااااد فيها عااارفها مقلقة غير شااف ساعة دغية هز سوارت طوموبيل أو تليفون وخرج بزربة لقااا مو يلاه كملات صلاتها وتتسلم
خليل : الله يتقبل الحاجة
راضية : امين اولدي لنا ولك ولجميع المؤمنين اجمعين واااش غااادي الخدمة دبااا اوليدي
خليل : اه الواليدة يكما خاااصك شحاجة
راضية: لا ياااا وليدي كلشي كاان الله يرضي عليك غير واش غدي تمشي هكا بلا فطور
خليل : معنديش الوقت ماشي مشكل غدي ناخود شحاجة فطريق يلاه سلام عليكم
راضية : وعليكم السلام ورحمة الله وبركاته سير الله يسهل عليك أولدي وينقي طريقك من شوك ..
سجود : صبااااح الخير اخالتي كيف بقيتي
رشيدة : حاالتي حااالة الموت كيف بغيتيني نكون
سعدية : خليك أختي قوية يوسف مغديش يبغي يشوفك فهاد الحالة البكاااا مغديش يرجعو راااك غير تتهلكي راسك
رشيدة : ماعمرني غدي رتااااح محد هدوووك المجرمين لي ضمرو ولدي عايشين و فرحانين غدي نخليهم يدفعو ثمن غااالي بلأخص ديك الكلبة ديال لوجين لي دايرة ليا فيها ملتزمة وعارفة بينها وبين الله هي راااه غير شيطانة ومنافقة دين متبري منها ومن أمثالها كان يحساب ليا هي بنادم طحت على رجليها تنزاااوگ ونطلب ونبكي والله مااا رحماتني بنت الكلبة مامشات حتا غرقات ولدي بعشرين سنة ديال حبس ناضو تاافقو عليه همااا بثلاثة مراتو أو خوها وهي وغرقوه ولدي كااان محااامي قد دنياااا كلشي تيعرفو رجل مزياااان ومعمر شواااحد عگرو ولا خصر خاااطرو درويش بغاااا غير سلة بلا عنب غااادي جنااااب الحيط ولكن هاااد الكفارة بالله مبغاااوش يخليوه يعيش بقااااو تاابعينو تااابعينو حتااا ضمروه أو ماشي غير هدشي ناضو تبعوه حتااال وسط الحبس أو متهناااو حتااا صيفطو ليه لي يقتلو الله ياربي على حبيبي وحرقو قلبي على وليدي عوينة وحدة لي تنشوف بها رزاوني فيها ولكن مغدي نرتاااح حتااا نتبعهم ليه واحد واحد باش ولدي يرتاح فقبرو حقوو انا لي غدي نشدو بيدي بزوج
سعدية : هناااااك الله اختي رشيدة خلي بنادم الله هو لي قااااد بيه هو يتولاهم
رشيدة *تتحرك صبعهاا* لا لا لا اناااا غدي نعدبهم هناااا عاااااد.خلي العداااب ديال الهيه خلاص ربي غااضب عليهم ومغدي يشوف فيهم شوفة
رشيدة : انت غير سكتي انت رااااك محساااش بياااا رااااه ولدي هدااااك لي ماااات واااش عااارفة اشناهيا ولدك تتسنايه وتمناااي وتحسبي سوايع ودقايق غير امتى يخرج من داك الجحيم لي غرقوه فالخر يدخلوه ليك مهزوه فنعش
سعدية : اش نگوليك اختي الله يعطيك صبر ماشي ساهلة
ناضت سعدية وبقات سجود حدااا خالتها ...
سجود.: عندك صح اخالتي ديك الكلبة سجود خصها تربى باش تعلم طيح الباطل على ولاد ناس هي سباب فهدشي لي وقع لخويا يوسف ونا معااااك اخالتي ومغدي نتهنى ولا يرتاح ليا البال حتا نشوفها بحال كلبة مرمية
رشيدة : هي نتي متافقة مع خالتك ابنتي متتشوفيش حمقة وغير تنخربق
سعدية : شوفي نگوليك من هنااا بعدي على صدااااع خالتك رااااه تتبان ليا بداااات تتحماق وبقاي تبعاها حتا تخرج على بوك الكلب مرة وحدة
سجود : وصافي اماما طلقي واش انت حمقة انا نتبعها فهبالها انا غير شديت لها الخاطر وصافي وتنگول وخااا وخاااا
سعدية: اوا مزيان يحساب مشيتي فالخط ديالها
سجود : يلاه خليني نوجد راااسي باش نمشي الخدمتي * مشااات تتجري والإبتسامة على وجها دكشي لي فراسها فرااااسها هي نيت بغات طير لوجين من طريقها وهدي هي الفرصة جات حتال بين يديها * ...
مشا معاه خليل وهو متعجب معرف اش واااقع دخلو القاعة اجتماعات الكبيرة عامرة بصحافيين او منصة بقا غير كيشوف شوية طلع العميد المنصة قدام الجيش كبير ديال البوليس اوصحافيين بداو فتصوير بقا خليل واقف جنب راكان حتا واحد.مفهم شحاجة فهاد اللحضة وصلات سجود يلاه غدي تمشي المكتبها حتاااا گالو لها بالي كلشي كاين فالقاعة الإجتماعات مشات تتجري تشوف اش واقع تماااا
العميد ؛احم احم🎤اليوم كلنا تجمعنا لواحد الخبر السار ولي كلشي متشوق انه يعرفو الخبر ....لي هو (شاف فخليل) اليوم غدي نتكلم على واحد شخص لي من نهار دخل الهاد المهنة وهو داااير ما فجهدو باش يمتلها احسن تمتيل واااقف فوجه الفساد ماااا كينعسش حتى تيحل جميع القضاية لي مكلف بها ...حل بزاف ديال القضاية كبار لي مقدوش عليهم اكبر ضباط فالمغرب باش يحلوها .....اليوم جيت باش نعرفكم على هااااد شخص لي غدي يااااخود بلاصتي حينت كلكم عااارفين بالي هدي هي أخير سنة عندي باش نشد تقااعد ونمشي نرتاح من بعد 60 سنة ديال الكفاااح دبا وصل الوقت لي غدي نسلم المنصب الإنسان اخر يكمل المسيرة ولي هو تيستاهل هاد المنصب بكل جدارة و استحقاق.....من فضلك تقدم المنصة
كلشي دار يشوف شكون سجود كانت فرحانة كانت حاسة غدي تكون هي من بعد ما دخلات فهاد المهمة فأخير اللحضة ولعبات دور البطلة حتاااا نطق بإسم
العميد : خلييييييل الف مبروك ترقية 💙
خليل غاااادي وممصدقش اش تيسمعو ودنيه وقلة غير تيحلم مكانش متوقع نهائيا يستاالم هاد المنصب كااامل غير طلع وسلم على العميد لي علق ليه لوسام و عطاااه لبسة خاصة لهاد المنصب لي ولا فيه بدااا كلشي كيصفق عليه والأغلبية تماا غير حاسدينو بداو صحافة تتصور اوالجيش على قدو كيصفق ليه غير نزل بداااو تهاني من الفريق لي تيخرج معااه فالمهمات صعبة
خليل *تيشوف فيهم * وااخ ولكن ماشي حتال صباااح غدي نبقاااا معكم غير شوية ونمشي فحالي
فرحوووو وتحماااو عليه كلهم هزوووه وبقاااو تيطيرو فيه وهو تيضحك ...
لوجين غير لبسات حوايجها توجهات القبلة غير صلات غير كملات نااضت باش تقضي روتينها اليومي وتعااون راضية حتا حساات بدوخة والبيت كدوور بيها حتى وقفت ومقدرتش تزيد خطوة للقدام ...بقات شحااال وهي في مكانها كتستجمع نفسها عاد
هبطت للتحت توجد الفطور لقات راضية وجداتو أو محطوط فوق طبلة أو خدامة تتقطع فالخضرة وتتستف فطاحين تتصاوب الغدااا دخلت عندها لوجين حشمانة وهي اول مرة تعطل بحال هكااا موالفة تتنزل بكري يديها بيديها فكولشي
لوجين : ( سلمت عليها ) صباح الخير اخالتي ... غير سمحي ليا اخالتي اليوم معاونتك فوالو...
راضية : ماشي مشكل ابنتي لي قديت عليها هاني تندير فيها ولي ما قديت عليها هاهي باقية لكم حتا تنوضو لها راااه حتا ليلى مزال ناعسة غير خلي دكشي ابنتي وسيري حتا تفطري بين ما تنوض ليلى أو تعاااونك فيه دار كاملة مقربلة غير الله يعطيكم صحيحتكم ويعاونكم عليها مشات لوجين هزات الفطور تتسخن فيه حتاااا خرجات ليلى تتجري فرحانة وتتزغرت لو لو ى ى ى ى ى ى
راضية : الله على زغروتة على هاد صباااح خباااااار الخير ابنتي أش كاين
ليلى *شادة فقلبها* خوياااااا اماما خويا
*كلهم خرجو عينيهم فيها *
راضية : ماااالو هضري ابنتي
ليلى : اللهم سي العميد عطاااه ترقية وسلمو المنصب ديالو خوياااا ولا عميييد. اماااما
راضية : الله الله على ولدي ويستااااهل وليدي
مسكين الله وشحااال فرحتيني دبا فرحتي بيه قد حقي فهااااد دنياااا *تتبكي * شكون لي گالها ليك ابنتي شكون
ليلى : گالها ليا راكان اماما يلاه خرجو من القاعة الإجتماعات عرفتي اماما خصنا نديرو راااسنا مفراسنا والو حتا يگولها لنا خليل بنفسو مع راكان گالي سكتي ديري راسك مگلت ليك والو حتا يگولها لكم هو
راضية : يعني بلاما نتصل بيه دبا
ليلى *حيدات لها تليفون* لا لا اماما صبري حتا يرجع حنا خصنا نديرو ليه مفاجئة ياااك ا لوجين
لوجين * تضحك * ااااه خصنا فكرو فشحاجة ولكن دبا خلينا نجمعو هااااد الحالة من بعد نوجدو شي عشيوة دااايزها الكلام شي أكلة أمي راااضية هي تتعجبو نديروها ليه
راضية : هههه ولدي تيحمااااق على
بسطيلة الحوت الكلمار + كروفيط + هبرة حوت فرخ او لا لوط او الروكان تتجي عشاااقة وتكون مرافقة مع مقبلات المهم وخااا عيانة ولكن من بعد هاااد الخبااااار لي تتفرح راني وليت صحيحة غير رد الطاجين فوق البوطة نهز شاااريو ديالي ونمشي نتقداااا گاااع دكشي لي خاااصني لهاد العشيوة المهم انتما جمعو دنيا ابنتي والحاجة لي مهرسة لوحوها خليل رااااه وصاااا على تلفازة جديدة وشي ديكورات راااه گالي هضر معهم غدي يجيبوهم ردو البال الزاااج غير بشوية عليكم
لوجين : صافي اخالتي غير كوني هانيا
خرجات راضية تتجري السوق وبقات ليلى هي ولوجين مدابزين مع ديك روينة لي تماااا حتا تيسمعو دقااان فالباب دغية تخبات لوجين حتا لبسات عليها شحاجة مستورة عاااد خرجات حتا تتسمع صوت ديال عصمان
ليلى : دخول وخااا مقربلة دنيا
عصمان *تيضحك* لا ماشي مشكل الله يعاونكم عليها واش كاينة لوجين
عصمان : لا لا بحال بحال غير خليني هنا جيت غير باش نگوليك سمح لنا على ديك الهضرة لي سمعتي مديريش فبالك هديك داري انا وقتما بغيتي تجي جي الباب ديما مفتوح فوجهك الوجين حينت انت وحدة منا
لوجين : لا لا متگولش هكاك انا مستحيل نتقلق من إيليف هي بحال ختي ومكاين حتا شواحد غدي يقدر يمنعني نشوف سابين حينت تنعتبرها بنتي أو ولفتها بزاف أو حاجة خرى انا مكرهتش ا عصمان تشجعوها باش تبقااا تتصلي وتتقراا القران عندها صوت رااائع مشاء الله فتجويد القران واش سمعتيها اعصمان
عصمان *حرك راسو * ااااه تبارك الله صوتها زوين اول مرة نعرف بنتي عندها هاد الموهبة حتا كتشفتيها نتي شكرا بزاااف ليك ا لوجين انا مكرهتش تبقااااي ديما معااها حينت منين تتكون معاااه تنكون انا مرتاح من جهتها بغيتها طبع على طبيعة ديالك وتكون تتشبهك فاخلاقك وتربيتك وقلبك طيب صافي نقي
لوجين : الحمد لله وانا متأكدة سابين غدي تكون إن شاء الله من أهل القران الكريم
عصمان : ان شاء الله *تيدور بعينيه* لوجين أشنو مزال تديري هنا يلاه معايا اصلا هدي تتبقا دار واليديه...
لوجين*مفهمتش* اعصمان راني رجعت راجلي
عصمان *تصدم * كيفاش واش نتي رجعتي ليه من بعد دكشي كامل لي دار فيك...
لوجين *تتبلع ريقها* معندي ما ندير اعصمان تنبغيه ولي تيبغي تيسااامح
عصمان: ولكن دكشي لي داااار فيك ماشي قليل كان عليك على الأقل تشاااوري معايا باش حتا نغسل ليه ودنيه مزيان عاااد نعطيك ليه باش مرة خرى يفكر الف مرة الا بغااا يغلط معاك
لوجين *ضحكات* اوا صافي اعصمان راااه فعلا ندم أو حتا المعاملة ديالو معايا تغيرااات على كيف كانت قبل رجع تيصلي أو قطع شرااب وأي حاجة خايبة كان تيديرها ونا فرحانة بزااف بهاد تغير
عصمان : دكشي لي بغيت غير نشوفك فرحانة حينت تتستهلي ا لوجين هاد الفرحة لي تنشوفها فعويناتك
لوجين : ولكن حتا نتا خصك تعطي فرصة خرى ل إيليف هي تتبغيك بزااااف علاش مااا تسمحش لها إيليف دااارت هدشي كامل غير باش تعيش انت و بنتك
عصمان : مااا بغيتش ا لوجين نهضر فهاد الموضوع دبا حينت انا صعيب نسااامح بهاد سهولة العلاقة لي بيني وبينها مختالفة تماما على علاقتك نتي مع خليل إيليف ضمرااات هاد العلاقة بالغباء والأنانية ديالها سمحاات فقطعة منها ومشاات بحجة أنها خايفة علينا ويلا گاااع حاولت نسااا غدي نبقا ديما مريض بمرض شك غدي يبقا عقلي ديما مهول نخاااف تمشي وتخليني تااااني ديك ثقة لي مبقااااتش انا حاليا مرتاح هكاا و كلشي مخليه على الوقت هو لي غدي يحدد المصير ديالنا بزوج ونا مغديش نحرمها من بنتها هي دباااا مستقرة معنا أو تتحاول تقرب من بنتها وتكسبها ويلا بنتي بغاااتها وتقبلاتها ديك ساااعة عاد نفكر رجعها ...
لوجين : ان شاء الله كلشي غدي يكون مزيان
عصمان : ان شاء الله يلاه نخليك دبا الوجين
لوجين : واااخ اخويا و بوس ليا سااابين وكولها بالي توحشتها بزاااف وغير لقا فرصة غدي نجي نشوفها
حرك لها راااسو وتبسم ومشاااا يلاه غدي تسد الباب لقات ليلى وراها
ليلى *مقلقة* هدااا أشنو تيحساب ليه راسو ا لوجين كيفاش يتكلم بديك طريقة على خويا وهو اصلا اش دخل حمارو فزحام نتي وخويا وهو مااالو
لوجين : صااافي ا ليلى عفاااك بلاما تزيدي فيه هو غير مشطون عليا حينت فاش كانت مفارقة مع خوك كنت تنعاود ليه على كلشي وهو كان متعاطف معايا بزاف
ليلى *منفوخة* وخااا يكون لي بغاا يكون هو معندوش الحق انا حسيت بحال الا تيبغيك وتيغير من خوياااا عليك
لوجين : هههه بركة ا ليلى من هاد لحماق هو تيبغي مامات بنتو هما قصة حبهم قصة زوينة عرفتي كون سمعتيها مستحيل تفكري هكاا
لوجين : وخاااا الآلة واش كملتي اوا تحركي خلينا نكملو هاااد روينة قبل ما ترجع خالتي تلقانا مزال حاصلين فين خلاتنا
ليلى : ههههه يلااه زيدي زيدي دغية
مشااااو بجراااا تيضحكو طاااحو فدوك لمراااجي ديال المااا وحدة تتشطب أو لخرى تبعاها بتجفاف ....
★مكان اخر ★
غير وصل عصمان الدار حط سوارت ودخل تيشم ريحة شيااط خارجة من الكوزينة دخل تيجري مبانتش ليه إيليف طفااا البوطة و هز الكوكوط بزربة وحطها فلافابو وحيد صفاارة وتيخااااصم
عصمان *بالغوات* فيييينك ابنااااادم تنعرف لي بغاااااا يدير شحااااجة يقااابلها ولا يعطيها تيسااااع .....واااش باااغية تشعلي فديلمنا
العافية فهاااااد دااار وحدة مستهترة حتا حاجة متتعرف ديريها طالع فدروج كيجري زاااعف كينقز 5 درجات وصل الطابق الثاني
يلاه حط يدو على بواني ديال البيت ديالو حتا تيبان ليه الباب ديال بيتها محلول أو المااااا مطلووووق على جهدو زفر نفس سخونة زااااعف من تصروفاتها ومشااااا العندها يلاه دفع الباب حتااا تيشوف فيها خااارجة من دوش ملوية فالفوطة أو تتمسح شعرها تتغني وتلوز قداااام المرايا گاااع ماا جايبة راسها الخبار..
ما بقااا عارف واش يتعصب علييها ويبرد فيها سمو ولا يلتهمها من هااد المنضر لي تيشوفها فيه خلاتو مسحور بقاا وااقف شحاال قداام الباب كيشوف فيها بكل حب وغريزتو تحركاات محسش براسو حتا لقااا رجليه مشاااو بيه العندها إيليف كانت حاسة بوجود ديالو وتتصرف عادي بحال الا مكاينش باش تزيد تجعرو كثر ما هو جاااعر أو راسمة خطة وحدة فعقلها وحاالفة حتا تحققها هي تحمل منو مرة خرى هاد البيبي هو لي غدي يخلي عصمان يرجع لها
قرب خشا وجهو فعنقها و استنشق عبير عطرهااا لي تتخليه فعاالم ثاااني فيه غير عصمان وهي .تخلطااات انفاااسهم ..فقبلة رومانسية فرنسية قوية ..تتعبر على مادة حبهم وعشقهم لبعضياتهم كانت تترجم ديك الرغبة كل وااحد فيهم للاااخر .
هدشي لي خلا عصمان يفيق من سباااتو يلاه غدي يبعد عليها دغية شداتو وحطات يديها على صدرو وتتشوف فيه بعيون تيلمعو بريق شووق وحنين ليه
إيليف :.عاافاك .. ماتمشيش ..
قبل مااا يتكلم زربات عليه وحطات شفايفها. على ديالو و ضغطات عليهم مزياااان باش يتجاوب معااهااا و دورات ايديها على عنقوو وبدات تبوس فيه ... حتى لقات راسها تهزات من الأرض ودورات رجليها على ظهروو وهما كيزيدو يتعمقوو فقبلاتهم الهائمة .. حطها على الناموسية وهنا بدات رحلة الملذات ... تعابير بالأنفاس واللمسات كتيبن مدى حبهم لبعضهم
★وجهة أخرى ★
لوجين : اوا صافي اخالتي الله يخليك
راضية : بقاي ابنتي ناعسة مرتاحة ويلا كانت حاملة بصح ربي لي عاالم
لوجين : انا راني متأكدة محملاش راااه غير ديك المصرفقة ديال ليلى لي تتخيط وتفصل غير بوحدها حتا دخلات ليك هاد الفكرة فراسك واش لي حس بدوخة وسخفة راااه صافي ٪ لحمل هداك الله يهديك رااني خايفة غير تصدمي
راضية : لا لا مغدي نتصدم والو ان شاء الله كاينة شحاجة تما ونا قلبي معمرو يخيبني
ليلى جاااية تتنهج وهازة فيديها بوشيطة ديال فرمسيان فيها تيست
لوجين *وقفات* والله حتا غدي تصدمو وغدي تمشيو فيها بزوج خالتي بلاما ديري فراسك شحاجة ليلى باااركة من هدشي ديالك شوفي خالتي كلها تترعد واااش انت حماقيتي ولا مالك راااه مكاين لا حمل لا والو الله يعطيني غير صبر معاااااك
ليلى : ونت غير جربيه راااك غدي تقتلينا غير بشك دخلي هنينا
دفعاتها الداخل وسدات عليها الباب
بقااات لوجين واااقفة وهازة داااك تيست فيديها وكلها تترعد بقات كتقرا طريقة الإستعمال و تعليمات لي فيه وهي كلها تترعد بالخوف غير قضاات الغرااد بقاات حطاه قدامها وتتشوف فيه وتتمنى تخرج بخبااار زوين تفرحهم وفنفس الوقت تفرح رااسها هدااا حلم أي وحدة فهاد الدنيااا غير يرزقها الله بوليدات وتسمع كلمة ماما بقا طاالع وقلبها كيطلع وينزل معاااه حتى بان الخط وااحد ملامح الحزن بانو على وجها دكشي لي كااانت تتسنااه وتمناااه مكاااانش بلاما تشعر هبطو دموع من عينيها دغية مسحاااتهم أو تتحاول تقوي رااسها وتخرج العندهم تگول لهم الخبر وخاااا عرفاتهم تيتسناو البشارة غير حلات الباب بزوج جاااو بجرااا العندها وهي مصدومة وتتبلع ريقها مقدراااش حتااا تگولها
دمعة لوجين الجزء السابع
محتوى القصة
التنقل بين الأجزاء