هوس شرشبيل الجزء الثاني

مشات رجاء وأسماء تنشفات بواحد لفوطة وخرجات بانو ليها الحويج وهي تبدا تقلب فيهم..داكشي جاها فشكل جاها وااعر بحال داكشي ديال الأفلام لكانت كتفرج فيهم مع رشيدة وهرهور تفكراتهم وهي تهبط شفايفها ولبكية شدتها ولكن هي متفائلة بلي ليوم غتمشي لعندهم مخاصهاش ضعاف..

هزات لحويج ولبساتهم كانو عبارة عن قبية گري واصلة لفخاد و ميني شورط دجين جاوها بووم وبقات كدور تشوف راسها في لمراية من لقدام ولور وهي فرحانة.. لوات عليها إيزار صلات الصبح لاحتو وخرجات و هي مشرعة فمها حتى لخر و بغات دير فيها الأنثوية بدات تتمشى بخطوات ثقال وتابتين وهازا راسها لسما حتى لمسخوطة كتجي في فاز تتهرسو..ديك ساعة عاد هبطت راسها وعينيها خارجين غوتات...

_أسماء: وااهيا بوعبييد الشرقي..

صوت لفاز كان عالي لدرجة رجاء جات تجري وهي ووحدة خرى..

_رجاء:نتي لاباس..

_أسماء:شوفي هانتي راه كرامتي هن(دارت صبعها عند نيفها) راه (بغات تگول نخلصو عاد تفكرات فلوس ليعندها معرت فين مشاو)هالعار لما سمحي ليا واللهتا هي ليطاحت دابا أنا دزت من حداها واقلة لبرد..

_رجاء:هه لبرد واخا واخا أزيدي..ماشي مشكيل..

_أسماء(رتاحت ومع فيها تخراج لعينين شوي): ومعرت بنادم يسحبني طيحتها راه طاحت بوحدها أنا رامنبغي حد يشوف فيا شوفة ناقصة وگااع إلى بغيتو نخلصها راه..

_رجاء(بانت ليها غتبقى غا داوية وتخرج فعينيها وهي تقاطعها جرتها من إيدها): صافي صافي أزيدي هالعار تاحد مگال لك شي حاجة...

هه واخا هكاك أسماء بقات تتخرج فعينيها..هاد خيتي بزاف😂طريق كاملة وهي داوية.. وصلو لكوزينة طلعات فوق البوطاجي ودلات رجليها.. رجاء عطاتها لبلاطو غير شافت لماكلة وهي تسقل وطاحت فداكشي عمية..

نخليوها تاكل ونمشيو عند أوس لي كمل لحصة ديالو وبدا كيجمع فوراقو حتى كدخل عليه واحد 

_لأستاذة: أهلا..لاباس..

المهم سلام وداكشي وأصلا حتى هي مزعوطة فيه..

_أوس:سمحي ليا خاصني نمشي دابا بسلامة..

_الأستاذة:اه شوف راه سي زاهيري بغاك..

_أوس:اه صافي.. (وعطاها بضهرو ومشى لمكتب لمدير دخل):سلام سي زاهيري.. 

_المدير(وقف):مكاين لا سلام لا والو أش هاد الفوضى درتي ليا هنا أسي العمراني..

_أوس: علاش أسي زاهيري أش وقع.. 

_المدير(كيغوت معصب):كيفاش أش وقع.. نتا كتجي وقت گالها لك راسك وطافي تيليفونك..راه مخدمة ما والو هادي أسيدي..راه بنادم خاسر فلوسو هنا

_أوس(قرب عندو وبلطافة من لفوق غير الله يستر):تهدن أسي زاهيري..صافي صافي سمح ليا أسيدي آخر مرة تعاود

_المدير(رجع گلس وباقي مخنزر):آخر مرة نسمح بهاد الفوضى هنا ولا الله يعاونك...

_أوس:يكون غاخاطرك سمح ليا...

_المدير:يله تفضل دابا تقدر تمشي...

_أوس(شاف فيه بابتسامة شريرة):الله يعاونك.. 

خرج من لبيرو لخطوة الأولة هز التيل عيط لواحد الشخص مخسر واااالو گال حاجة وحدة:" حميد الزاهيري"..وقطع الإتصال بنضرة تاقبة وشريرة من الأكيد أن المدير مغيكملش نهارو واخا راجل كبير....

أوس تاجه لوطو ديالو ومشى الخدمة الحقيقية ديالو..

نخليوه ونرجعو عند أسماء ليكملت ماكلتها وجرت رجاء لبيتها دخلات وسدات لباب 

_رجاء:واااهيا ناري مالك أش عندك😕 

_أسماء(شداتها من كتافها وبجدية هاد لمرة): دابا جا لوقت باش نمشي ونتي غتعاونيني...

_رجاء(هازا حواجبها بزوج):واش نتي باغا سي أوس يدفني حية...

_أسماء:مغيعرفش والله..عفاك عاونيني واش باغاني نموت هنا حية خليني نموت فالزنقة حسن... 

_رجاء(بدات كدور فعينيها..لمسخوطة حنينة): وبقاي معايا أصحبتي عفاك..تاقلت لقيت لتفهمني...

_أسماء:شوفي أساطة..وبرب حتى نبقى نجي عندك واللهما نساك نجي انا وهرهور..غير عاونيني دابا دغيا قبل ميجي داك شرشبيل...

_رجاء(تنهدت😩):أمري لله..تسنايني..

( مشات واحد جوج دقايق رجعات ليها بلبسة ديال لخدامات ومداتها ليها)..هاكي لبسي هادو غيضنو أنك غير خدامة...

_أسماء: وااااو أساطة كتفكري واااو دابا نتي غتكوني بحال دوك لعُلاما ياك(مع هي مكلخة عند بالها الكوكب كامل بحالها😂) 

_رجاء(ضحكات وضورت راسها):دابا وقت هادشي لبسي دغيا😄..اه راه لواليد كان عالم... 

_أسماء(محنية كطلع في صاية..هزات راسها دغيا):هويلي حلفي..بنت الحرام حَوْلْكْ امم... 

_رجاء:أودي انا معامن..گالت لك بغات تهرب.. تلقينا تلقينا...

أسماء لبسات حويج لخدامات وجمعات شعرها عنقات رجاء وطلبات منها سماحة على صداع لي دارت ليها وحتى رجاء بدورها طلبات منها سماحة وهي كتمسح دموعها باش متشوفهمش أسماء غير يومين حسات بحالا كتعرفها سنين كل وحدة دارت بلاصتها فقلب لخرى

خرجات حادرة راسها باش ميشوفها حد..قلبها كيضرب ف90 فاتت لباب لول مهدر معاها حد تمات غادة فجردة بخطوات سريعة باقي ليها باب واحد قدامو 4 ليكارد ووراه 4 بحكم أوس شدد الحراسة يلاك بغات تخرج حتى شدها واحد من دوك ليكارد أسماء تنفسات صعداء ولكن مبغاتش تبين هي خايفة..

_لكارد: فين غادة نتي..

_أسماء:أنا..غير مسخرة لرجاء..

_ لگارد:أنا نتسخر..

_أسماء(توثرت):لا لا شي حاجة ديال لبنات..

_لگارد:أمم واخا سيري..

أسماء بابتسامة خفيفة رتاحت نوعا ما وأخيرااا الفرج جا..خرجات خطوات خفاف وسراع حسات بالحرية بحالا خارجة من عكاشة حتى بووم💢 كتجي فحيط أحم ماشي حيط ولكن فحالو😉...

أسماء هزات راسها لفووق هه بحكم ان السيد طووويل وسرطات ريقها وتنهدت غير لگارد ولكن ماشي أي واحد هادا نفسو لدخل عندها أول مرة جابوها..(عمي) ههه

_لگارد:فين غادة نتي.. 

_أسماء:هاا أنا غير مسخرة...

_لگارد(نبرة قاصحة): مسخرة..واش كضحكي علينا..

جرها من إيدها ودخلها لدار وعاود خرج وهي تتفركل وتغوت...

_أسماء:وطلقني..طلقنييي أجيتيني قد عمي ماولهتاا سروالك نحيدو ياوتا طلقني وطلقنيييي خلينا نطيحو دراع ولا خايف هههه😂 

هو راه تصرفيقة منو تنسيها على جنسها راه غي خايف من أوس باش الأوامر هاكا تتگول..جارها بلا ميهدر وصلها دخلها لدار وسد لباب وهي باقا مسكتاتش..كتغوت..ولا كنتي رااااجل رجع يالله ينعل طبون طبابين مك أه تالهربة ممخليناش نهربو فخاطرنا..جات عندها رجاء كتجري..

_رجاء:بفف صافي شدوك ياك شتي گلتها لك...

_أسماء:داك ولد البغل شدني ينعل ديلمو ملقيتوش راجل مبغاش يطيح معايا دراع..

_رجاء(فيها ضحكة وحابساها) صافي راه غير خايف منك..

_أسماء:واش كنت تنگول لك من صباح راه غي خايف..

_رجاء:صافي صافي سيري لبيتك الله يحفضك دابا يجي سي أوس..

أسماء مشات لبيتها بدلات حويجها ليكانت لابسة وبقات تمشي وتجي..

نخليوها ونمشيو لبلاصة خرى 12:30 يلك فايق سيهم زياد بسبب إتصال من أوس..

_زياد(صوت غالب عليه نعاس):هممم آلو...

_أوس:نوض الله ينعل طبون مك هدا وقت نعاس... _زياد(بصوت خافت): صبحاتو لله مصبحين على صوتك صباح هدا...

_أوس(بنبرة حادة):عاود أش گلتي مسمعتكش..

. _زياد(يلك فاق):هاه..أنا..گلت لك صباح نور الله ياودي صباح غيدوز عندي زوين...

_أوس:ومعرت..عندك 30 دقيقة تكون عندي في المقر...

_زياد:أَوْ أصاحبي على 30..(طيط..طيط..قطع عليه الإتصال😂)..مال ديلمك بحالا خدام عندو.. 

رجع تكا يلك حط راسو وهو ينوض قافز وناري ناري راني خدام عندو گالك 30 دقيقة ناض دخل لدوش رجع لاوي عليه فوطة لاحها وبدا كيلبس سروالو بسرعة وهي تنوض ديك الخانزة

_الخانزة: صباحو حياتي..

_زياد (خنزر فيها): شتك تيقتي كرك(ركلها حتى طاحت)نوضي قودي عليا (بضحكة إستهزاء)حياتي😒

خرج وديمارا بسرعة فائقة حتى وصل لتما ومرة مرة كيطل على ساعة الحمد لله وصل مع الوقت أما كون راه نهارو نهار..بقاو خدامين حتى لوقت متأخر من ليل من بعد واحد الإجتماع فيه عدة شخصيات ليعندهم مكانة مهمة فلبلاد من أهمهم أوس ومترأس طبلة راجل تكون عندو ديك 62 عام ولكن شاد فراسو لحية بيضة بشرة بيضة مع شعر كحل مخلط بشيب وكان مقابل معاه فالرأس لاخر گالس أوس..الحديث كامل كان كيدور على طاهر بن حسين ..المهم من بعد وكلشي يوضاح...

خرج أوس مع 9:30 دليل ركب فسيارتو وكسيرا لديريكت لدار أأ لڤيلا زعما.. مديوش عليا😂..كانت أسماء گالسة فبيتها نهار كامل كالت تما وطالع ليها دم ماشي على عادتها حتى رجاء خلاتها براحتها مبغاتش تزيد عليها لفيها يكفيها..كانت گالسة خاشية راسها وسط رجليها وكتفكر فشي حل..وصل أوس ودخل لدار مع 10:00..الحمد لله داك لگارد لِحصل أسماء مكانش باش دايرين ديكيب ليل ونهار دخل تما غادي في تجاه لبيتو طالع جوج درجات ونزل هه تنادم معاه لحال مغيجيهش نعاس إلا مطلش عليها وباسها ولفها مسكين😂ولكن هاد المرة مغتصدقش ليه طرى مالم يكن في الحسبان..أسماء باقا فايقة غير تحل لباب هزات راسها..معرف أش يدير أول حاجة تصدم مكانش عند بالو غتكون فايقة تاني حاجة شوفتها معصبة بدوك لعينين كملو لبقية وتاااالت حاجة هي كيف شافتو ناضت ساعرة صافي عيات منهادشي لكيوقع ليها...

_أسماء(واقفة معصبة):جيتي على سلامتك نيت كنت كنتسنا سيادتكم تجي..(هزات سبابة)شوف نتا أش بيني وبينك..خليني نمشي بحالي وعباااد الله بغيت نمشي بحااالي(بلغوات) خراك ياك خديتيه وعطيني شبر تيساع(هزات لقبية) ها حجر لعافية لما طلقني نمشي بحالي..بغيت نمشي تخنقت واش كتفهم(مقدراتش تحبس دموعها)..اهيء اهيء..صافي عيت منهادشي ..عيت منك..انا مكنخافش من بنادم كنخاف من ليخالقو..اهيء..الله يرحم باك خليني نمشي بحالي..أصلا راك ساليتي مني معندك لاش تشدني هنا..اهيء اهيء.. صافي عيت(بصوت خافت) 

_أوس(بقا غي كيشوف فيها كتبكي مداهاش فهدرتها مزيان أما كون خلا دار بوها..تنهد):واخا باغا تمشي بحالك

_أسماء(بلهفة):اه..اه..صافي بغيت نمشي

_أوس:واخا غدا سيري فحالك..

مشى طلع لبيتو وخلاها مصدومة من كلامو ليدخل ليها مع العضام بورشها..مشات تكات فبلاصتها لا لا زعما گلت غتبدا تفكر فهادشي وغتفرح وغتبدا تشوف سقف وتفكر كلامو وتبتاسم ولكن هادشي كامل موقعش غير حطات راسها على لوسادة المسخوطة غابت😂..أما هو فطلع لبيتو وصورتها فبالو لبستها..وقفتها..عينيها كيبكيو..وغواتها..كون زاد شوي..كون راها حاملة دابا..واخا گال ليها سيري ولكن هو مرتاح عارفها غترجع باش هو مخطط لكلشي...

صبح صباح وأصبح الملك لله..صباح لغيبدل نضرة أسماء للقدر ديالها..صباح لغيخلي أوس يزيد الخطوة القدام فعلاقة لهو أصلا مفاهم فيها تالعبة شي حاجة كتسيرو معارفهاش..ديك الحاجة كتسمى القدرة الإلهية..سبحانه فهو القدير المقتدر..القادر على كلشي وكيف كيگولو سبحان ليصبحها فشان ويمسيها فشان..

أوس كان أول واحد يفيق لبس سورفيط فلكحل مع سبادري بيضة لباسو سبور 💯 ودار كاسك بلوتوت وخرج لسبور من نهار جات أسماء مخرج جرى في داك الوقت فاقت رجاء ولقات الخدامات موجودات كيتسناوها..بداو فتوجاد الفطور وفهاد الأثناء وصل أوس طلع دوش وفطر فطورو المعتاد وخرج في بورش كحلة الوجهة كانت لافاك هه هاد الأخيرة كان فيها حداد على السيد المدير ليمات مشى يعزي مسكين مصواب

فاقت أسماء هاد المرة بكري شوي وناضت توضات صلات الصبح وشكرات الله على كلشي نعم ونقم في الأخير كلشي كيبقى قدرو هو "عسى أن تكرهوا شيء وهو خير لكم"😊داكشي علاش لِكان مهموم فاش توصل لهاد الجزء عرف بلي داك الهم ماهو إلا اختبار كيفما كان..عرف بلي هو قدر..صفحة من كتابك وغدا غطوى..غي آمن بالله وقدره وخليها فيد الله..خرجات من بيتها وهي فوق السلك فرحانة طوب ومشات لكوزينة وغوتات هربووووو الخدامات بلا ميتلفتو على نيتهم تلقو لفي إيدهم ياكاس يابراد وبداو درك درك درك كيجربو عند بالهم قنبولة ولا شي حاجة وهي قدامهم كتغوت... 

_أسماء:جريو جريو جريو..هربو هربو هربو.. وميمتي وميمتي ميمتي..

خرجتهم لجردة وهوما أتابعينها تامن مي حبيبة الطباخة هازا قشابتها ومدردكة وليگارد أكيشوفو مفاهمين والو حتى وصلاتهم عند الباب لخرجاني وهي توقف ودارت عندهم وبدات كدور في الورك ديالها حركات دائرية بحالا كتلوز فيها(حركة رياضية) الخدامات كلهم وقفو كينهجو وكيشوفو فيها مفاهمين والو وهي تبدا تصفق يالله يالله رياضة رياضة الشحمة كدير القلب😂😂الخدامات بداو كيخنزرو فيها وكيعيرو وهي باقا كتلوزها وليگارد حالين فامهم مفاهمين والو..

_ مي حبيبة:الله يبنتي أش باغا عندي بغيت لك الما فركابي ومشات😂..

وهي تبدا تنقز الفوق وتصفق يالله ديرو هك ديرو هك..طلعات ليهم الدم مشاو وخلاوها..جات عندها رجاء وضربتها لراسها

_رجاء:كتفرفري ياختي واللهما كتحشمي هه حشومة علك من ميمة حبيبة خليتها تجري...

_أسماء:وتي الغلظ خايب للصحة توما مالكم ألاجر ألاجر ههه..(جراتها رجاء لداخل)

_رجاء:زيدي تفطري زيدي..شتك فرحانة أش وقع 

_أسماء:ليوم غنمشي فحالي...

_رجاء:فين الحبس!😕

_أسماء(ضارت عندها مخنزرة):لا المقبرة نزورك _رجاء:أضحكت معاك أمالك...

_أسماء:مالك كيحوي لبعالك بحالك ياااالله(هي تعض فشنوفتها لتحتانية وكترمش بزربة بحال لبراهش صغار)😂

_رجاء:خخ أيما أنا معامن😂

_أسماء:مع ليكواك ياااالله 1_0...

_رجاء:ههه صافي دابا بصح فين غتمشي...

_أسماء:في ترمتك(بدات كضرب إيد على إيد وكتكركر) أاااهههههه ياااالله...

_رجاء(تمات غادة):حتى أنا حمقة ليدايرة فك راسي..

_أسماء(شدتها من إيدها):صافي أنا غنگولك والله... 

_رجاء:واخا يالله كنسمع..

_أسماء:غنمشي بحالي والله وأخييييرااا.. _رجاء:واش من نيتك المرة ليفاتت فلتي كتضني غتفلتي منها ديما غير باقي معرفش داك ليكتگولي عليه المفيگعص داكشي أما كون راه أنا لغنزور قبرك ليوم..

_أسماء:أشناهوا أشناوا أشناوا..وحررربش يقرب ليا لما نعاود خويا فطهارتو واللهتا بيضاتو نصلقهم وندير عليهم الملحة ونعطيهم لك...

_رجاء(هازا حواجبها مصدومة):😟

_أسماء:هاكيلييي..ونزيدك ألحب كون مكانش خايف ميگولش ليا غترجعي بحالك ليوم(كتهز حواجبها بزوج وتهبطهم بسرعة)

_رجاء:أشنووو..بصح هادشي ليگلتي..

_أسماء:واش بان لك أبب واللهتشا تشنهدر معاك.. _رجاء:كيفاش حتى خلاك تمشي هدشي ميمكنش(بدات كتفكر فاش كان كيبوسها) _أسماء:أييه وعلاش أبب ميمكنش...

_رجاء:لا لا والو..غير جاتني غريبة...

_أسماء:أودي بنادم كاموني كنبان ليه ضريفة بغا ياكلني..

_رجاء:ااااه أختي ضريفة فوت القياس..

داز نهار هاكاك وأسماء قرت أنها تعاون رجاء باش هي فرحانة وتقضي الوقت لبقى معاها هنا بقاو كيجمعو فدار وهوما ناشطين وتالقين المزيكا على لخر وأسماء تالقة حلقها وتيشطحو سالاو وخرجو لجردة گلسو فواحد زعلولة كبيرة بجوجهم رجاء گالسة وأسماء متكية ليها على رجلها وليحة رجليها فوق لحاشية ديال زعلولة ورجاء كتلعب ليها فشعرها..

داز الوقت هاكاك في الماكلة واللعب وجات العشية دغية وصلات 6:30 وقررات أسماء أنها تمشي واخا طلبتها رجاء تبقى ولكن خاصها تقوى وترجع وواعدتها أنها غترجع عندها ديما بحكم انها هي التالية ولفتها تفارقو والدموع فعينيهم خرجات أسماء من القصر ليكان بنسبة ليها غير متحان ودازت منو وقبل متمشي بدلات داك ميني شورط بي سروال بحكم انها عارفة الناس ديال درب سلطان كيفاش غيشوفو فيها الى مشات بداك ميني شورط..خرجات من داك الباب الحديدي الضخم وحتى گارد مهدر معاها خرجات وللحضة تلفتات فيه شافت فيه مبتاسمة...

_أسماء( تبسمات مع بالها):صفحة وطويتها الحمد لله.. 

معارفاش مسكينة أن ديك الصفحة غتبقى مفتوحة حياتها كاملة..ضربها نسيم قوي وسبحان الخالق من جو مشمس لجو مغَمم هادا هو الموغريب جَوُو بحالو الجو كيتنبأ بالشتا خرجات و هي فرحانة غترجع لهرهور ودارها زعما طاروها و لرشيدة وناس الدرب كاملين كانت كتمشى وهي تتحنقز بحالا عندها 3 سنين وكتسول ناس على طريق باش معارفاش فين هي..كانت دار أوس فخرجة كازا بقات كتمشى ومعياتش وكتغني طريق كاملة مكانتش عارفة بلي شي أعين وراها مراقبينها وبغاو ياكلوها خصوصا ملي كتسول شي ولد ولا حتى رجل كبير..

بعد مدة وصلات وتبسمات وهي عاضة على شفايفها أول حاجة دارت هي أنها مشات كتقلب على هرهور وطاروها المفاجأة بغيت نگول الصاعقة..مكاين لا طارو لا هرهور في بلايصهم الشيء ليخلاها مصدومة مدة ولكيدوز من قدامها كيطلعها وكيهبطها..بان ليها عمي دريس قدام حانوتو وهي تمشي تجري عندو

_أسماء: عمي دريس عمي دريس فين فين هو الطارو و هرهور فينهو..

غير شافها عمي دريس طلعها وهبطها خنزر ودور وجهو دخل لمحالو..الشيء ليزاد كمل عليها..ديك البسمة تحولات لدموع مجموعين لقلب مخنوق لصدمة كبيرة رجعات كتجري لدار رشيدة هي لغتفهمها كلشي هي الوحيدة لمغتخليهاش باعتبارها بحال ختها وكثر..من المستحيل تخلي يديها من المستحيل تسد الباب فوجهها..دقات عليها الباب ودموع فعينيها رشيدة حلات عليها الباب غير شافتها أسماء وهي ترمى عليها

_أسماء:رشيييدة..

للأسف وقع مالم يكن في الحسبان

_رشيدة(دفعتها وصرفقتها وهي مخنزرة):لاش جيتي...

_أسماء(دورات وجهها بزربة وعينيها مفتوحين من أثر الصدمة و دموع بداو كينزلو على خدها بحال شتا..بثثاقل):خختتي...

_رشيدة(هزات سبابة ودموع فعينيها):آخر مرة تگولي ليا ختي أنا معنديش خواتاتي قحبات...

_أسماء(بحالا عاودت صرفقتها ولكن هاد المرة كثر):رشيدة..أناأنا ختك(دارت إيدها على صدرها)أنا أسماء..أسماء ختك...

_رشيدة:أسماء ختي ماتت من نهار ختارت داك طريق..طريق العاهرات(شدتها من كتف قبيتها وداتها وجابتها)..واش كتسحبي راسك هاكا غطلعي لفوق لا لا نتي راك غير مزدتي هبطتي عاد فهمت علاش الله خلاك يتيمة باش متحشميش بواليدك الله دار فيهم خير...

_أسماء(شدات ليها إيديها بجوج):أش كتگولي لا لا(كتحرك راسها بلا ودموعها نازلين)..لا اهيء.. اهيء متگوليش هكاك..انا مدرت والو..اهيء انا أسماء..ختك حبيبتك..انا هي ديك بنت الطارو لكضحك فاش كتشوفك..اهيء..اهيء انا انا هي نفس البنت لكتشد فيدك بحال بنتك الصغيرة اهيء..اهيء متگوليش هكاك..عفاك متخلينيش.. عفاك لا متخلينيش(كتشهق بلبكا)..اهيء..اهيء اهيء..اهيء..لا..لا😰😥

_رشيدة(بقات فيها أسماء هي بحال ختها الصغيرة ولكن بعد داكشي ليگالو ليها لبوليس وتصاور مقدرتش تبقى معاها..نترات إيديها منها):آخر مرة دقي بابي...

سدات الباب فوجهها دخلات وبقات كتبكي بقات فيها أسماء ولكن معندها مدير التهمة تابتة بتصاور..أسماء كدق عليها الباب وتغوت بلبكا..

_أسماء:رشييييدة حلي حلي انا ختك..اهيء..اهيء حلي..حلييي..حليي..اهيء انا ختك..مدرت والو..مدرت والو..اهيء(طاحت الأرض على ركابيها بلبكا مقدراتش تحمل كثر) مدرت واالو..اهيء..اهيء مدرت والو..والله...

لكيدوز كيبقى يشوف فيها ولكن حتى واحد من مبقى بغا يشوف فيها... بعد مدة جات مي باركة لكتبيع لبطبوط مفخبارها والو هزاتها من كتافها...

_مي باركة:نوضي أبنتي من الأرض...

هزاتها نوضاتها وشافتها ومعرفتهاش باش مولفاها غير بزبل.. أسماء ناضت وهي مخدرة وصلتها لراس درب ومشات لبلاصتها فين كتبيع وأسماء كملات طريقها بخطوات ثقال وهي بحالا غايبة عن الوعي غير كتشوف القدام ودموعها على خدها وإيديها فاشلين بقات غادة مسافة شحال من واحد كتجي فيه وغير غادة فينما داوها رجليها وصلات لواحد زنقة خاوية و گلسات عنقات رجليها وكملات بكاها كانت 10:00 دليل كتنخصص بلبكا

_أسماء:علاش أربي..علاش..علاش..أش درت أنا..أش دنبي انا تزاديت وسط طارو وواخا هكاك..تنگول قضاء الله وقدره..اهيء اهيء اهيء..مدخلتش..مدخ لت ش المدرسة كنت ديما كنشوف دراري صغار هازين شكايرهم ونا كنبقى فطارو..اهيء وو ا خا هكاك عوتاني قضاء الله وقدر قدره..اهيء..اهيء..علاش أسيدي ربي..علاش هاكا..علاااااش..فالشتا كيبان ليا ناس مغطين ولابسي..ين مزيان اهيء..اهيء باش ميمرضوش..وانا كنت تنبقا ليل كامل معنقة رجليا باش..باش اهيء..منبردش..وكنت تنشوف لمروات كيغوتو على ولادهم باش يدخلو من زنقا فشتى باش ميمرضوش ولا مرضو كيبقاو سهرانين عليهم..وانا كنت الى مرضت حتى حد مكيعرف كنبقا نبكي..نبكي بوحدي بحال..بحال دابا..اهيء..اهيء وواخا هكاك كنت تنگول قضاء الله وقدره..تنگول ربي كيشوف فيا وغيبدل كلشي..ولكن أش وقع اهيء..اش وقع..اش وقع اهيء اهيء..والو..والو مرة خرى بقيت بوحدي..مرة خرى كلشي مشى وخلاني..كلشي..كل لشي مشاو..سدو فوجهي الباب علاش أسيدي ربي علاش..اهيء اهيء

فجأء حتى كتحس بقطرات مطر كتلامسها هزات راسها لسما كتشوف خيوط شتا كيطحو سبحان الخالق كما لو أن الغيوم حتى هي كتبكي معاها..خشات راسها وسط رجليها وبقات كتبكي وتشهق على حالها كرهات كلمة قضاء وقدر..من ديما كانت كتحبس البكية وكتبدلها بضحكة نسبة إلى أن گاع داكشي لكيوقع ماهو إلا قضاء وقدر ولكن صافي عيات تهرسات صبرها تقادا حتى الصبر بزاف كيضبر..اه بصح أنها كضحك ولكن غير حيكاش كتآمن بقضاء الله وقدره هاد الكلمة كانت كتخليها قوية..دابا ملي هاد لكلمة مشات من حياتها صافي حياتها تلاشات هي تگردات..الضربة لمتقتلكش تقويك.. هاد الضربة كانت قوية بزاف..صعيب أن الواحد يكون كابر بوحدو راه لكلمة كتبان عادية ولكن التجربة قاصحة مغيحس بيها غي لي مو ولا باه مغطي بتراب😔😔صعيب تعيش ونتا كتشوف أم كتقيس على ولدها حويج العيد..صعيب تعيش ونتا كتشوف أب هاز على كتافو ولدو..راه بصح صعيبة..صعيبة بزااف😞😥أصعب حاجة هي نتا كتألم وحتا حد مكيشوفك..أصعب حاجة هي فاش كتسنا كلمة مالك ولكن عمرك تسمعها.. أصعب حاجة هي ملي تكون محتاج ليعنقك وتلقى راسك بووحدك..ديك ساعة غتحس بمكانة ناس ضايرين بك وعايشين روتين عاادي ونتا محاملش راسك..ملي غتجي هاديك لكتسما الموت داك الروتين الممل غيمشي وغتمنى لو للحضة يرجع😞..

عنقات أسماء رجليها وهي كتبكي على قدرها المر..قدر لِخلاها تعيش طفولة ماشي بحال كل دراري صغار بينما تلعب كانت كطلب الناس باش تاكل..خلاها تعيش مراهقة ماشي كيف عادتها بينما تلبس وضور تخشات فعالم سماتو قدري الطارو كتسنى لقمة عيش من عند ناس..دابا بقات وحيدة تماما😥😥..

لمبرگيني كحلة كانت مراقبها..ضمير لأول مرة فاق من بعد وقت طويل... نظرة شفقة بقا فيه الحال على داكشي ليدار.. ولكن كان باغي غير يحميها مكانش باغيها تمشي من بين إيديه هي مدارت والو خصوصا دابا مستحيل أنه يسمح بشي حد يأديها مهما كان ثمن... واخا يعرف يقتل دنيا كاملة ويبقى غير هو وياها..مقدرش يبقى يشوف فيها هكاك..

أسماء بقات مدة كتبكي تحت قطرات المطر الساخنة..حتى فجأة دوك قطرات المطر مبقاتش كتحس بيهم ولكن باقا كتسمعهم هزات راسها وعينيها حمرين بالدموع حتى كتلقى شخص واقف شاد فوق راسها مظلة...

كان هو "شرشبيل" مبقاش بغا يشوفها كتعدب.. مبغاهاش تمرض تحت الشتا..مبغاش يبقى يشوفها بوحدها كتبكي..حيكاش هي كتبكي تم وهو كيتعدب لهيه..شي حاجة فيه كضرو..هداك قلبو لنبض ليها..قلبو لي فاق من بعد مدة طويلة..قلبو لِكيتعدب فاش كيشوفها كتألم..هداك الحب دخل حياتو وطرى داكشي لگالت ليه مو الله يرحمها..

أسماء غير شافتو ناضت وضربات ليه المضلة من إيدو حتى طاحت هو ضور راسو فجهة طيحة المظلة.. كانت معصبة خاصها فين تفرغ عصابها كانت حاقدة على كلشي على قدرها لي لَقاها بيه وبالأخص حاقدة عليه هو..

_أسماء:(كتغوت)لاش جيتي ااه لااااااش جيتي(ضرباتو لصدرو بقوة بيديها بجوج ليكانو على شكل قبضة)اهيء اهيء باغي تشوفني كنبكي..كنتعدب اهيء اهيء.. هادشي لِباغي(كضربو لصدرو)..ياك هادشي ليباغي (كتعاود ضربو هو غير كيتململ فاش كضربو كيشوف فيا بلا رد فعل عارفها مخنوقة)..تهنى راك وصلتي ليه..اهيء..اهيء..صافي هانا كنبكي مكنضحكش..ااه صافي تهنيتي واش تهنيتي (ضرباتو)ربحتي نن تتا ربحتي..اهيء اهيء😞 صافي واش فرحان دابا فرحاااان😭..هاد هادشي كامل بسبابك..(غوتات وعاودت ضرباتو)..بسبااااااابك نتاا..بسبا بسبابك نتا اهيء اهيء..(هبطات راسها لأرض وشناينفها ودموعها محبسوش كثر من الشتا لمطفاتش نارها)..بسبابك..بسبابك..دابا كلشي خلاني حتى من الطارو مشى..وهرهور حتى هو خلاني بوحدي..اهيء..اهيء عرفتي أشنو فهاد الوقيتة كنا غنكونو خارجين للشتا باش ندوشو انا وياه ومن بعد ندخلو نبدل ونعسو..كنت كنبقى نسمع صوت شتا كضرب فطارو بحال الموسيقى وكنبقى نغني باش منخافش..اهيء اهيء..نتا مغتعرفش علاش داوية أنا حيكاش حيكاش نتا فديك الوقيتة كتكون ناعس ففراشك ومغطي ولابس حويج البرد..اهيء..اهيء..ورشيدة ختي حتا هي مشات صافي الدرب كامل جرى عليا😔..مرة خرى بقيت بوحدي فهاد الدنيا بلا عائلة(هزات راسها عندو كانو عينيه مغرغرين شفق عليها بزاف عمرو تخايل أنه غيصادف شي إنسان عايش هاكا..دورات راسها بلا)أنا مدرت والو والله(شداتو من كتافو وعينيها معميين بالدموع)..عفاك گول ليهم أنا مدرت والو عفاك اهيء اهيء اهيء..عفاك..وهي تعاود ضربو لصدرو..ولكن نتا السباب نتاااا..نتا لخطفتيني انا مدرت والو نتااا...

كضرب فيه ضربات متتالية سريعة وكتكرر نتا السباب حتى كيجرها لصدرو وكيعنقها حتا كتخشي راسها فصدرو وهي باقا شادة إيديها على شكل قبضة فوق صدرو وكضربو بشوي..هو كتافى أنه يبقى خاشي ليها راسها فصدرو في صمت وباس ليها راسها بحنان تحت صوت المطر لي شهد ليهم على هاد لحضة هي بقات كتكرر نتا سباب ببطء وإيديها بداو كيعياو وستسلمات ليه...

بقات كتبكي على صدرو..كان المنضر بصح مختلف بزاف كان زوين واخا حزين.."عسى أن تكرهوا شيء وهو خير لكم"😊..كانت زنقة خااوية والضلااام كان القمر الوحيد لمنور الطريق وهو كيدوز إيدو على شعرها الفازك..

_أوس:أنا كنواعدك غنرجع كلشي كيف كان.. 

هي كتفات أنها تحرك راسها بأه على صدرو..صافي عيات فشلات.. طلقها وتحنى هزها بين أيديه بحال شي بنت صغيرة حتى هي مگالت والو كانت فاشلة دورات إيدها على عنقو وحطات راسها على صدرو في صمت داها دخلها لطونوبيل حطات راسها على الزاج هو ضار ركب في بلاصتو ديمارا ومشى في صمت..من غير صوت المطر..هو مرة مرة كيضور يشوفها وكيتألم على حالها...

نخليهم هوما غادين واجي نعرفو اش طرا بينما وصلو..

فلاش باك🔙🔙

فاش تلاقا أوس وزياد في لبار و گال ليه زياد راه لبوليس كيقلبو على بنت الطارو... أوس گال ليه سير عند واحد من رجالنا وگوليه *****..

المهم داك واحد من رجالهم كان حتى هو من البوليس المكلفين باش يقلبو على أسماء.. رجع داك لبوليسي عند رشيدة صاحبة الشكاية وتجمعو عليه شي ناس من الدرب بحال عمي دريس وشي جيران باش تاهوما كانو كيقلبو على أسماء.. 

_البوليسي:بالنسبة لشكاية لي قدمتي لينا مكين منها والو...ملي قلبنا عليها عرفنا انها ممخطوفة ما موضرة ما والو... ولي عرفنا انها ولات خدامة فدار الدعارة... 

_رشيدة(مصدومة بحالها بحال ناس الدرب) ميمكنش هادشي لي كتقول... أسماء ختي مديرش شي حاجا فحال هادي.. اصلا معندها لاش دير هاكدا هيا كانت فرحانة وخا عيشة فطارو... 

_البوليسي :معرفتش... هادشي لي عرفنا... يمكن ملات وعيات من هاد العيشة ومشات لديك طريق.. حتى واحد ميقبل يبقا صابر هاكدا...

_رشيدة(ممتيقاش) :لا... لا... لا ميمكنش هادشي لي كتقول.. أسماء ماشي من هاد النوع... 

_البوليسي:(عطاها ضرف) لاما تيقتوش شوفو هادليل هنا... 

ناس الدرب كاملين مصدومين وخصوصا رشيدة لِمتاقتش بيه إلا من بعد التصاور دياولها لكانو ساهلين فاش كانت كتلعب وتشطح فقصر أوس باعتبارو عامر كميرات مراقبة..وأغلب تصاور فوطوشوب معرية وكدا وكدا..داكشي علاش حقدو عليها وحتا من الطارو داتو رشيدة لدرب آخر باش متبقاش تشوف فيه وهرهور تبع الطارو بينما عشيرتو مشات وهكا خطة أوس نجحات و أسماء رجعات عندو بلا عداب وهكا غيقدر يحميها إلا لكانت شي حاجة مخبية..

نهاية الفلاش باك🔜🔜

المهم وصلو ضار حل ليها الباب وعاود هزها ودخل للدارو أأ قصرو كانو الخدامات مشاو ينعسو كانت 12:00دليل..دخلها هازها ولكن مداهاش لبيتها لا لا وإنما طلع لبيتو كانو بجوجهم كيقطرو بلما وحتى هي كانت فاشلة مهدراتش دخلها لبيتو حطها فوق الناموسية على ضهرها مع الحطة كانو وجهو قريب لوجها بزاف شافت فيه بعينيها زورق لكبار لِكيغرقوه وحتى هو كيشوف فيها بدوك العينين لكيفتنو بقاو شي جوج دقايق وهما كيشوفو فبعضياتهم وهي سنانها كيتقرقبو مع بعضياتهم بسبب البرد الشيء لخلاه ينتابه لشفايفها الكبار لمكيخليوهش يعرف راسو من رجليه وجه نضرتو ليهم وهبط ببطء وحط شفايفو على شفايفها وهو مغمض عينيه أما هي حلات عينيها بقوة من أثر الصدمة ولكن مبعداتوش بالنسبة ليها هادي أول مرة فحياتها جاتها غريبة بزاف قلبها غيخرج من بلاصتو معدتها كتفرفر بقا حاط شفايفو 2 دقايق غير كيس عادية ولكن كانت أحسن كيس فحياتو باش هاد المرة هي فايقة وحتى هي متنكرش داكشي غريب واخا حاقدة عليه ولكن عجبتها التجربة ضار حداها تكا ضورها عندو باس ليها راسها وخشاها فصدرو.. 

_أوس :نعسي دابا (بصوت حنين)..

هز واحد تيليكوموند وطفا منها الضو ديال البيت هي شدات ليه فتريكوه ونعسات..كانت أول مرة تنعس فحضن شي حد عجبها لحال شوي ونسات للحضة أش وقع ريحتو أففف كدوخ بقا كيدوز إيدو على شعرها حتى نعسات وحتى هو نعس..بحويجهم الساردين..وهكا زادو خطوة القدام في علاقة غريبة بديتها..الله الوحيد ليعارف كيفاش غتكون كيفاش غتولي أهم علاقة فحياتهم كيفاش غتبدلهم بجوج وبالأخص أوس من شرشبيل لولد صغير بين إيديها..وهي كيفاش غترجع تآمن بقضاء الله وقدره؟وهو كيفاش غيوفي بوعدو؟..واش غيقدر يحميها؟..المهم بزاف الأسئلة كلها غنعرفو جوابها مع القراية ...

صبح الصباح..صباح جديد فقصتنا حنا وأبطالنا صباح لغيبدل بزاف الحويج فحياتهم..كيف العادة أول واحد يفيق رجاء وهي طالع ليها الدم بحكم ان عشيرتها مشات عليها حتا هي بدات كتحس راسها بوحدها..أصلا كانت بوحدها ولكن بعد المجيء ديال أسماء عمرات عليها داك الفراغ ديال العائلة..

خلات الخدامات يوجدو الفطور وهي مشات الجردة گلسات في ديك الزعلولة وكتفكر أسماء وكلامها الحمق(وااهيا بوعبيد الشرقي..وفاش كضرب صدرها وتگرع.. وملي كتبدى تغني الشعبي..وملي كتبدا تعاير مع شي واحد وكدير فيها كاينة😂..وملي كتبدا تهدر على أوس وتتسميه بلمفيگعص😂..وملي كتبدا تخرج فعينيها على شي قضية..وفاش كيسولها شي حد فين كنتي ولا منين جيني وتتگول ليه: اه أنا الطارو😂..هادشي كامل كان كيعجبها).. 

ناض أوس لقا أسماء لايحة عليه رجلها وحاطة صباع إيدها ليمنة على عنقو وفمها محلول شوي ومجموع بحال لولاد الصغار بسبب وجها مدلي على لوسادة😀..هو تبسم تلقائيا..اححح أقلبي إنني أدوب😌 قرب شفايفو وحطهم على راسها وناض بشوي باش متفيقش دوش وبدل حويجو وهبط فرحااان وضاحك لأول مرة..مشات خدامة عند رجاء باش تعلمها أن أوس فاق.. دخلات وهي حادرة راسها في اتجاه لكوزينة حتى شي إيد كتشدها..

_أوس:رجاء مالك..لاباس؟

_رجاء(شافت فيه بنضرة أستغراب):هاه..اه اه لاباس أسيدي...

_أوس:ماشي كيف عادتك...

_رجاء:لا..لا عادي أسيدي...

_اوس(طلقها):واخا بلا متحطو ليا لفطور انا فاطر برا..ويمكن ليكم تخرجو إلا بغيتو(بتاسم فوجها وخرج)

رجاء بقات واقفة مصدومة شوي بدات كتقيس فوجهها..لا لا واقلة كنحلم ضورات راسها إيمين وشمال ونعلات شيطان ودخلات لكوزينة وهي ممتيقاش أش وقع فطرات هي وباقي الخدامات وگالت ليهم لِبغات تخرج تاخد شي حاجة تخرج..وهي قررات غير تجمع لبيت ديال أوس وتمشي تنعس لَتكون مريضة😂..

طلعات لبيتو حلات البيت حتى عينيها كيخرجو ملي كتقرب لناموسية..بسبب شوفتها لأسماء متكية على جنبها إيدها ليسرة تحت وجهها وليد ليمنة مليوحة على ناموسية ورجليها على شكل v الشيء لخلاها تنقز من الفرحة وتغوت حتى قفزات

_أسماء:واااهيا بوعبيد الشرقي😂..)رجاء تلاحت عليها عنقتها وهي كتكركر)

_رجاء:رجعتي رجعتي رجعتي..اووه توحشتك بزاااف(وكديها وكتجيبها)..

_أسماء:حتا أناااا..رجاء(طلقتها وشدتها من كتافها):أش هاد الحالة..وكيفاش رجعتي..وأش كديري هنا!؟

_أسماء:واهيا ناري أبشوي عليا خليني نوض بعدا غير أاااتشي😫(عطست..دوزت كم إيدها على نيفها)نغسل وجهي...

_رجاء(هازا حاجب ومنزلَ آخر):اممم يعني انا مكنتش كنحلم قبيلا..دابا عاااد فهمت...

_أسماء: أش فهمتي😕

_رجاء:أش ديري دخلي دوشي بينما انا جبت لك حويج جداد وفطورك وشي دوا..ونخرجو وتعاودي ليا كلشي(ناضت)دوشي أهنا راه بلفرحات عليه(وغمزتها😉)....

_أسماء:وأجي ٱجي كيفاش أنخرجو...

_رجاء(بابتسامة شريرة):راه أنا لخاصني نسولك أبب كيف درتي ليها😁..

مشات رجاء وأسماء عاد بان ليها البيت وحلات فمها

_أسماء:واااه ولد الحرااام هادا كامل بيتو..ولد الميسخ نص فدربنا هدا...

وبدات كتقلب في لكوافوز بانو ليها المگانات وروايح و شي وراق وهي تهز واحد ريحة ديالو وبدات كدور فيها عجبها الشكل وناضت وقفات وبدات كتلوح فيها وتصفق وتشقمها حتى كيتحل عليها الباب..

بووم المسخوطة كَطَيِّحْ ريحة..رجاء شهقات وأسماء كيف العادة غوتات... 

_أسماء:واااهيا بوعبيد الشرقي... 

_رجاء:ويلي ويلي ويلي ألمسخوطة مشيتي فيها نتي وهاد بوعبيد الشرقي... 

_أسماء:وتي راه غي أنا لمشيت فيها ما لاخر راه تَيْتْگلْب فقبرو..الله يغبر ليه الشقف أميمتي على زهر... 

_رجاء:إوا أختي اليوم تبعيه تگلبي معاه... 

_أسماء(تبسمات وضربات إيديها مع بعضهم): أففف حتا نتي مالك خايفة أبب راه أسماء وأجرك عالله(وهبطات راسها لتحت كانت قرعة الريحة غير مشقة وهي تباكيها برجلها تتخبطت مع الحيط وتشرشمات)... 

_رجاء(شهقات وخرجات عينيها وخبطات فخادها):أااش درتييي ألمسخوطة😱

_أسماء:وتي مالك خايفة أرخفي على نفسك دابا تموتي ليا هنا(شرعات فمها)راه كاينة ريحة خرى..داكشي علاش هاديك غنلوحوها فطارو ومغيعيق بوااالو(حطات سبابة فوق عقلها وبدات كتهز حواجبها بزوج)شتي الدكاء أبب

_رجاء(بدات كتندب وتخبط جانبها):ويلي ويلي ويلي على الدكاء ويلي ويلي على رخفي راسك... 

_أسماء:وماالك عوتاني..معجبكش لحال حيكاش صدقت دكا منك... 

_رجاء:واش نتي واكلة الخرى هاديك لخرى راها ريحة كلبو ألحمارة... 

_أسماء(خرجات عينيها):هااااه تاكلبو عندو ريحة😰

_رجاء:دابا هادشي ليهامك..وتي راه ليوم غتموتي.. _أسماء:شوفي صافي صافي لقيت حل هو كيجي تالعشية..انا غنبدل حويجي ونفطر ونخرجو نرجعو نعسو..مغيشوفنا منشوفوه حتا الى جا قبل منا غيلقانا خارجين ولا جا من بعد غيلقانا ناعسين.. 

_رجاء:واااو ياختي بقا لجدك غالخروج..هاكي بدلي دغيا بينما جمعت انا هاد الحالة غير الله يستر ليوم وصافي..

(أسماء دخلات لدوش وبدات كدور فيه حالا فمها كتر...) 

_أسماء:شوفلك هاد المفيكَعص حتي هوا على بيت شاد... وغامق عليا انا بداك لبويت... حتى يجي ونتبادل معاه... 

كملات تدواشها وخرجات لقات رجاء موجدا ليها حويجها... لبسات وهبطات عندها لصقتها باش يخرجو... خرجو مشادين كيضحكو... 

_رجاء:فين باغا تمشي... 

_أسماء:اممم... ديني لهاداك لي كيعطيو فيه لفريت فكريطينة... وخبز فيه فوقو جنجلان ووسطو الخص و... 

_رجاء:(قاطعتها) صافي صافي عرفتو.. داويا على ماكدو... 

_أسماء:(بلهفة) اه.. اه.. هاداك... 

_رجاء:(تبسمات) وخا الالة يلله... 

مشاو عند الشيفور يوصلهم...وقت قليل كانو قدام ماكدو...أسماء نزلت هيا الأولى عاجبها الحال وكتضحك... تبعتها رجاء كتشوفها كطفا فرحانة دخلو جلسو فواحد الطابلة كيضحكو بجوج.. وأسماء حاضيا هادا وداك حتى وقف عليهم سيرفور... 

_سيرفور:مرحبا.. نورتو... 

_أسماء(هزات راسها فيه) نورنا تريات حنا... 

_رجاء(مخرجا عينيها) احمم... 

_سيرفور:(بقا مصدوم) شنو هوا الطلب ديالكم... 

_أسماء:واحد طجين... 

_سيرفور:احم سمحي لينا الالة معدناش... 

_أسماء:كيف.. 

_رجاء:(قاطعتها) احم جيب لينا جوج بوركَر... وجوج مناضة

مشا سيرفور يجيب ليهم الطلبية ديالوهم...ورجاء شافت فأسماء حابسة ضحكة... 

_رجاء:هالعار لما هنينا😂..وشرحي ليا كيفاش جيتي..وأش كنتي كديري فبيت شرشبيل.. 

_أسماء(تنهدت)😖:متنكديهاش عليا خليني غير تناكلو بعدا😞 _رجاء(شدات ليها إيدها):أش عندك واش نتي ساڤا!؟علاش تقلقتي... 

_أسماء(هزات راسها فيها):ناكلو ونعاود لك واخا... 

_رجاء: هممم اك حبيبة..

جا سيرفور عطاهم الطلبية...كالو وأسماء كتفكر فداكشي لوقع ليها وتتگول مع بالها..

_أسماء:(مع بالها) علاش گالت ليا هكاك علاش گالت ليا قحبة أش درت بفف علاااااش خاصني نفهم..

كملات ماكلتها وهي باقا ساهية ورجاء قررات انها تفيقها من سهوتها..طرااق حكات الإبهام والوسطى(عارفين داك الحركة لكيديرو لدراري الصغار)

_رجاء:فين مشيتي.. 

_أسماء:هاه.. أناا

_رجاء(عاودت شدتها من إيدها):أسماء أش وقع.. 

_أسماء:وقع بزاااف أرجاء وقع بزاف أختي.. 

_رجاء:كنسمع لك أختي خوي عليا.. 

_أسماء:عاودت ليها من A حتى لZ والدموع فعينيها..

رجاء مهتمت لحتا حد وناضت عندها وقفتها عنقتها وهي كطبطب ليها على ضهرها وتبكي معاها

_رجاء:ششش أحبيبة شش صافي😥 

وناس كاملين ملفتين فيهم ولكن هوما نيبالا خلصو وخرجو وهوما شادين فبعضياتهم مشاو لبحر عين دياب وگلسو على واحد الصخرة تقابلو مع الماج احح على ريحة كتريح النفس ومنضر غزال سبحان الخالق بقاو كيشوفو لمدة وأسماء دموعها دايزين بلا متحس بلا صوت مازالين كلمات رشيدة كتردد ليها فودنها..دوك لكلمات كيدبحوها ألف مرة ألف سؤال كيدور ليها فبالها وأهمهم علاش وقع هادشي علااش حتى كتهدر 

_رجاء:أسماء ختي شوفي كيف تتگولي هادشي كامل قضاء وقدر ونتي گلتي ليا بلي سي أوس واعدك غيصلح هادشي صافي كوني متأكدة بلي غيصلح هادشي كامل..

_أسماء: اهيء اهيء صافي معندو ميصلح😭كلشي مشا وخلاني عند بالهم انا قحبة اهيء اهيء.. 

_رجاء: حبيبة شوفي بلا بكا هادشي كامل ليداز علينا راه منو مغزى وهدف وباش نفوتوه خاصنا نضحكو فوجهو افف بغيت نبقا نشوف الضحكة لفك أختي نتي أقوى بنت شفت وهادشي كيف والو..وراه غيدوز انشاء الله وضروري تشرق الشمس شي نهار..

_اسماء(كتسحي خنونتها):اه بصح(عنقتها)نتي مغتخلينيش ياك😭..

_رجاء:لا أحبيبة نتي راك دابا هي عائلتي وجامي نسمح فك انا معاك حتى نموت غير بقاي شادة فيدي.. 

_أسماء:اهيء انا انا غنبقى ديما معاك كنواعدك نتي لبقيتي عندي فهاد دنيا😥..رجاء بغيت نگول لك واحد لحاجة..

_رجاء:وي حبيبتي كنسمعك..

_أسماء:لبارح داك خونا باسني😕..

رجاء طلقتها وشدتها من كتافها وهي مخرجة عينيها😦

_رجاء :هااااه أش گلتي شكون كيفاش باسك.. 

_أسماء(هبطات شنانفها)ملي جابني لبيتو لبارح حطني وهو يبوسني..

_رجاء:أووومااايگوود باسك حلفي بالله ونتي أش درتي..

_أسماء:وأش بغيتيني ندير..تصدمت راه أول مرة ليا مالي بنت لك فايت فيا نكيح..

_رجاء:خخخ نكيح😂 ابلاتي قريب تاهو..ونا نگول مال سيد فايق فرحاان اممم صدق طايح فك..

_أسماء:من نيتك راه غي معرت كيفاش..غتكون أزملة راه تلاتة لحويج مكتعلمش لولة الموت تانية لحزقة تالتة زملة وهادي راه موقع عليها من طرف الوزارة.. 

_رجاء:😂خخخ زعمة ليشافك يگول ملاك ونتي هدرتك بحال شي شمكار..

_أسماء:دابا نتي مكتخصريش لهدرة..

_رجاء:اممم غي ملي كنتعصب..

بقاو على لحتة تما والضحك والغنى المهم نساو شوي حتى رجاء مبغاتش تگول لأسماء بلي أوس فايت ليه بايسها وهي ناعسة خلاتها تتعرف بوحدها جا ليل وهوما ناسين ريوسهم..

_أسماء:رجاء أجي نمشيو لهادوك لكتگولو ليهم لبار عمري شتهم..

_رجاء:تبااارك الله على لبار وضساريت أمسخوطة..

_أسماء:وعفاك راني غير كنسمع عليهم باغا حتى انا نشوفهم شي نهار ولا ماشي من حقي..

_رجاء(مبغاتش تخصر ليها خاطرها وحتى أسماء كتعرف تأتر): افف زيدي قدامي..

مشاو وهوما ناسين الوقت وصلو لواحد من ليكازينو لكبار ديال كازا دخلو كانت الموسيقى مجهدة وأكيد غربي الأضواء في كل قنت روائح مختلفة ولبنات ودراري كيشطحو لوسط دخلو لبنات وأسماء غير كضور راسها وتتفرنس داكشي جاها عجب مشاو گلسو فواحد لكراسى طوال قدام داك لكونطوار لي بحال لبوطاجي وكان لداخل ديالو جوج ولاد كيكبو المشروبات على حسب طلب..

_أسماء (كتغوت):واااو هادشي واااعر أساطة..

_رجاء:خخ صافي مرتاحة دابا ولكن غير شوي غنمشيو راه تعطلنا..

_أسماء😄:صااافي اجي ناخدو نشربو شي حاجة..

المهم خداو مشروب بدون كحول ليهم بجوج بقاو تما كيتحتو وأسماء باغا تنوض تشطح ولكن رجاء منعتها مَقادة على مضاربة..

_ رجاء:أسماء هانتي انا غنمشي لطواليط نجي نمشيو..

_أسماء:افف واخا..

مشات رجاء لطواليط وأسماء بقات تما كمل ليها مشروبها وطلبات واحد آخر كان حداها واحد آخر وحتى هو طلب مشروب حط جوج وهي بلا مترد البال هزات المشروب الغلط وكان قاصح عليها غير شرباتو انتاقلت لعالم آخر دنيا كضور بيها وبدات كضحك بهستيرية جات رجاء وملقاتش أسماء كضور عينيها تتقلب عليها تتلقاها طالعة عند ديدجي واخدة لكاسك من عندو ولميكرو وحاطة إيدها عليه وكتجدب بشعرها وتتشطح بطريقة مثيرة وهو كيتهز معاها وداير عندها ومرة مرة يقيس ترمتها وتتغني ديسباسيتو وكلشي كيشوف فيها ويغني معاها طلعات رجاء كتجر عندها فدروج حتى صوت كيوقفها وكيوقف كلشي:أسماااااااااااااء ..

كلشي كيتلافت المصدر ورجاء كتشهق وكتخرج عينيها من أثر الصدمة اه كيف كلشي متوقع كان أوس لطلع بسرعة فائقة لعند أسماء كينقز جوج درجات ويطلع..من كثرت ماهو معمي مداهاش حتى فرجاء لكانت متكية على الحيط ديال دروج لِكان من زاج طلع وهو كيتنفس بسرعة عينيه فلون الدم عروقتو بارزين و فورمتو ضوبلات على تلاتة وحش وصافي طلع كان ديدجي وقف كيترعد وأسماء كتمايل مع مشقلبة على الواقع وكدور عينيها كتفكر شكون هاد خينة وگاع الأنضار موجهة ليهم وكيفاش متكونش موجهة ليهم وهداك سيهم أوس لِدخل ماشي أي واحد طلع كيف وصل عندهم أسماء جبدات إيدها ليمنا وهزات السبابة

_أسماء :هييي نتا ما..

ولكن هو مداهاش فيها مشا هز ديدجي حتى لفوق وردخو على ديك الآلة ديالو لدرجة لموسيقى وقفات وعاود هزو وهو شانق عليه حتى تكاه على لحيط وگلس عليه بلكروشيات لوجه تاخلاه يرعف و الدم يدوز من فمو بسبب ضراسو طاحو كين ليسرطهم كاين ليطاحو فلرض وأسماء غير مخرجة عينيها مصدومة رجاء ستغلات الفرصة وجات جراتها وخرجتها وهي كتجري..

_أسماء(سكرانة:وهااا بشوييي..وتي وتي شكون خاطفني..

_رجاء(دارت عندها مخنزرة):غتزيدي وتسدي فمك ولانضرب لقحبة تاعت مك مع الحيط..صافي ليوم لخر لينا ألقحبة..

_أسماء(خرجات عينيها😵):واااو كتخصري الهدرة..

_رجاء(جاراها وكتحاول تشد طاكسي):زيدي ينعل ديلمك زيدي..

خدات طاكسي ديريكت لدار دخلو وهي جاراها بجرى دخلتها لبيتها لول ودخلاتها تحت الما بارد بحويجها وأسماء واخا مباغاش ومصدعة ليها راسها

أسماء:وااالاا اححح وبارد بارد وشتاتاتا..وااهيا علاااال وخليني نشطح..

رجاء دوشات ليها بزز وخرجاتها حيدات ليها لحويج ساردين لاحتهم فطواليط ولبستها غير ميني شورط وديباردور وجابت ليها قهوى كحلة قاصحة باش تفيق خلاتها تشربها بزز وكتزرب لايجي أوس من بعد تكاتها فبلاصتها وغطاتها وآمرتها باش تنعس..

_أسماء:ولاااأأح مبغيتش نعس..

_رجاء: شوفي غتنعسي ولانفرشخ لقحبة تاعت مك وزربي غتخرجي علينا😡..

_أسماء(مهبطة شنانفها😔):لاااأأح يااالله..

_رجاء(غوتات):اوووه الصبر ياربي من عندك الصبر..شوفي إلى نعستي غنجيب لك لفرماج لحمر غدا صافي..

_أسماء: حلفي..

_رجاء:وااله يالله يالله نعسي نعسي 

دغيا أسماء غمضات عينيها وتخشات ففراشها وداكشي لِكانت باغا رجاء قبل ميجي ويقتلهم بجوج بعدا يلقاهم ناعسين حسن وحتى هي مشات كتجري لبيتها حتى كتسمع لباب ماشي تحل وإنما تفرگع دخلات لفراشها بحويجها باش معندهاش لوقت ودارت راسها ناعسة وهي كترجف..

.. أوس من بعد مخصر وجه داك ديدجي حتى قرب يسخف بين يديه شد ليه إيدو وهو جااااعر بلبيان 

_أوس:أااه أزااامل هااادي ليحطيتيها على حاجتي أنا غنوري لقحبة تاعت مك😡😡

شد ليه إيدو باش كان كيقيس أسماء وتناها ليه وديدجي كيغووووت ربي ليخلقو وكيبكي بحال الولية لعلى وعسى حن فيه شي حد.. ولكن حتى حد مقدر يعتقو وشكون يقدر يقرب من أوس خصوصا هو بحال شي وحش جاااعر إلا لسخات عليه حياتو تنا ليه إيدو حتى تسمعات طرااق عاد طلقها بمعنى طردگ ليه داك لإيد حتى طاح لأرض 

دار بوجهو الحمر الساعر كيقلب عليها وسط الوجوه المرعوبة والاجسام المختلة.. مبانتش ليه الشيء لغير كمل عليه تما غادي جاهل مخلي لاخر مليوح وراه.. ثور هائج كان كيخوف أكثر من أي وقت آخر زاد جوج خطوات ورجع لديدجي لِكان مزال طايح فبلاصتو ودمو ضاير بيه وخدا سلاحو وصوبو ليه بووم.. تيرا لقرطاسة لولة فجبهتو الشيء لخلاه مات ودمياتو كتشرشر وكلشي هرب من تما وحتا من ليگارد حتى حد مكان قادر يقرب واخا تيرا فيه وقتلو مبردتش عافيتو كيفاش تجرأ حط إيدو عليها.. ولا بحال شي مسطي كثر ماهو مسطي فالأصل.. زاد كمل جوج رصاصات فوسط صدرو ووحدة فلمعلم نيشان باش مرة خرى يتعلم يزها ليه على ملكو على حاجتو خلاه كلو متقب، وتاجه ديريكت لدار بسرعة خيالية، خلا ليداز من حداه معنز ومَحترم حتا شي إشارة مرور.. وحتا لبوليس معندهم أش يتبعو.. الريح، كان عارفها غتكون غير تما دخل و ردخ الباب بقوة وغوت وسط الدار وهو جاعر

_اوس:أسمااااااااااء..

وكيف لعادة لمعندو زهر معندو زهر عاود غوت:أسمااااء😡 ورجاء كترعد فبلاصتها وكدعي أسماء تكون ناعسة ولكن خساااارة أسماء سمعات سميتها وناضت وهي نص صاحية باقا شوي تحت تأتير الشراب 

_أسماء(جاية عندو وكتمايل شوي):هييه مال مالنا على هاد لغوات

..هو قرب ليها ولعافية شاعلة فيه وعينيه غيخرجو من بلاصتهم وكلو كيقطر بحالا كان لاعب ماراطون وكيتنفس بسرعة وكينهج وعروقتو باااارزين المهم ثور هائج..شيطان معصب..وحش ضخم..أو بالأصح شرشبيـــــــل 💀 قرب ليها وشدها من شعرها وهي محاساش اشمن فعلة دايرا.. بدات كتغوت وشادة ليه من إيدو ليشاد بيها شعرها

_أسماء:أح أي طلق منييي طلللق

_أوس(كارز على سنانو):أه ألقحبة على آااخر أيامي نشوف فزوامل كيتلمسو فك أه ألقحبة عاجب ديلمك لحااال😡 

_أسماء:وطلق وطلللق من شعري أزامل..جرها أوس من شعرها وهي كتغوت ورجاء غير كدعي وهي فبيتها دوز هاد ليلة على خير 

_أوس(جارها من شعرها ومطلعها لبيتو):أنا غنوري لقحبة تاعت مك زامل..

_أسماء(مخنزرة ولسانها الخاسر ثقيل عليها) :وطلقني أتبي سوق مك..

لسانها المسخ وكلماتها المنحرفين.. شجعوه باش يزيد يتسطى كثر ويوصل لمراحل قصوى في الجنون والسعرة بامتياز.. وتبرهيشها ايخليها دوز اكفس ساعة فحياتها.. ســــاعة فــي الجحـــيم💀

دفع باب لبيت بليد لخرى و عاود شدها من فكها السفلي وهي لاسقة على الحيط

_أوس: عاودي أش گلتي ألقحبة..

_أسماء(كتهدر بزز باقا ديخة وهي شادة ليه فيديه ليشاد بيها فكها):طلق طلق مني أشماتة ماشي ماشي سوقك(وكتركل)

..أوس غير مكملات ليه لباقية وزاد جعر كثر صافي وصل طوب دو ططوب(كارز على سنانو):أنا غنوري لزامل تاع بوك شماتة وماشي سوقك..أنا شماتة هاااه

_أسماء(كضحك بزز باستهزاء):هه يالك غتعرفها 

أوس صافي بقا ليه غير يقتلها..كيفاش قدرات، كيفاش تجرأت وتنعتو بالشماتة..جرها من فكها ولاحها فوق ناموسية بقوة حتى طلعات وهبطات فوقها وغوتات

_أسماء:اااي.. اااححح

هو قطع قاميجتو ماشي حلها وتلاح عليها بكل ثقلو والنار كتفوح من عينيه وكيردد انا غنوريك الشماتة، هي غير شافتو خرجات عينيها واخا مصاحياش بزاف.. تلاح عليها وشد ليها إيديها بجوج باش يتحكم فيها كثر وأصلا مع داك لبس لي لابسة أمكملات عليه هبط لشفايفها بقوة خدا شفاه لتحتانية وخشاها كاملة وسط فمو وبدا كيمص ببطء شوي بدا كيجبدها حتى لعندو وكيعض وهي غير كتأمأم

_أسماء:أممم أممم 

كان كيوعتها بقا كيمص ويعض بقوة لمدة طويلة حتا نفوسهم تقطعت طلع راسو وهو كينهج وهي دموعها نازلين من شدة الألم ولكن ديك ساعة كان صافي معمي ومشااا لعالم آخر عالم لميقدرش يتحكم فراسو وهو فيه كيف طلع راسو وهي تغوت

_أسماء:ااااه اااح حبببس 

طلعات نفسها مع الدموع على خدودها ولكن هو باقي مشبعش كان كينهج وكينفث فنار الشمتة وهو عرقاان ووجهو حمر عاود رجع خشا فمو كامل فِفُمها وبدا كيجر ليها لسانها بقوة وسط فمو وكيعض فيه وهي كتحاول تركل ولكن معندها كيف دير بحكم ان رجليه موركين على رجليها الصغار وإيديها فقبضتو غير كتبكي وصافي حيكاش صافي فمها مبقاتش حاسة بيه ولسانها كيتحرق... أصلا غير إلا عضيتي لسانك بلغلط تتبقا تنقز اما هي راه لسانها كيتعض ماشي مرة وحدة ولكن بزاف وفكل مرة كتشعل فيها لعافية.. بعد من فمها خاتمها بعضة خلاه كيوُزْوُزْ وكلو دم هبط إيديه وقطع ليها ديباردور وهي كتغوت.. هزات إيدها بزز لِكانو زرقين دارتهم فوق ضهرو كتقمشو ولكن هو مكيحس بوااالو من غير لعافية شاعلة تحتو ولمعلم بقا ليه شوي وغيخرج شي حاجة بحال لقلب كضرب تحتو في عضوو هاديك هي ماتسمى بدودة أو زملة وهي معدتها كضرب وقلبها كيزدح ورجليها فشلو عليها غير شاف صدرها زادت ديك لعيبة كضرب كثر وريوگو طاحو هبط ليهم جر سوتيان بقوة حتى تحلو وطلع إيد شد ليها إيديها بجوج وليد لخرة شد بيها بزولة كيلحس فيها بشوي بحالا كيلحس فلگلاس وغادي وكيزيد فوتيرة لحيس وكيوصل لحَلَمَة ديالها تيبقى يدور بيها لسانو وهو صدرو كيطلع ويهبط أما هي فكتغوت من شدة الألم

_أسماء : ااااه أححح طلققق طللقق عفاااك اهيء اهيء طلقني طلقني احححح.😭😭

.هو غير كتگول احح كيجهل اما بكاها مكانش مسوق ليه هي ولات شادة غا فلفراش وكتزير عليه وهو كيزيد يزمل.. بدا كيمص بقوة وكيعصر فبزازلها بيدو وكيعض بوحشية خلاهم زرقين بعد شي نص ساعة من لعب بصدرها وهي صوتها بح بلغوات..هبط لكرشها وخشا لسانو فبوطها كيدورو وهي كتأوه وتغوووت

_أسماء:اااااه لا لا لا أحح اهيء لاااا اهيء اححح لااا اهيء اهيء..

ضار بكرشها كاملة لحسها وعضها وهبط لتحت جار معاه الشورط، حل ليها رجليها بيدو احح بغيت نگول فرعهم وبدا كيبوس حدا طوطو ديالها فدوك لفوارق ديال لفخاد وهي كتأووه وكطلع وتنزل

_أسماء(كتغااااوووت) :اااه احححح لاااا اهيئ 😭

كضرب فناموسية بيديها المقبوطين.. اما هو فمكانش هنا.. بقا هابط وكيبوس ويعض ففخادها ولبلاصة ليداز منها كيبقا يدور فيها إيدو وصل ليها حتى لرجليها لتحت باسهم وعاود رجع طلع وهو على ركابيه حط إيدو على سليب ديالها باش يحيدو وهي تجمع رجليها وكرزتهم.. حسات بحالا ضربها الضو ملي قاس تما..هز راسو يشوف فيها وهو منخزززر..هي مهبطة شفايفها لِكيدوزو بالدم وكدور راسها بلا وهي كترجاه بعينيها الزورق لِنشفو من الدموع..هو فشل صافي رغبتو ماتت فاش شافها هكاك ضربو الضو وهي كتحاول تجر ليزار على صدرها هبطات راسها وكتنخصص كاملة وكتشهق

_أسماء:اهيء اهيء عفاااااك لااا😭😭

..سرط ريقو وحيد إيدو عليها ومسح على وجهو، ناض بسرعة غير خرج لقا رجاء لِكانت كتبكي وكدق فلباب بحر جهدها ولكن هو كان فعالم آخر خنزر فيها عارف راسو الا جا يتحاسب معاها دابا غير غيقتلها 

_أوس(مخنزززر) :هبطي بحالك نتي تال غدا ونتفاهم مع ديلمك😡

هبطات كتنخصص لاتزيد مجعراه وحتى هو هبط لجردة وبقا غادي جاي كيتفكر اش وقع وأش دار ليها وديك شووفة لِمبغاتش تفارقو وهي كتبكي بغا يتسطى شوفتها حرقاتو بحال شي خنجر قوي ختارق قلبو حس بلعااافية مي هاد لمرة فقلبو.. مشا لحيط هو ليبان ليه هاد الوقت والحمد لله مبانش ليه بنادم.. بدا كيضرب راسو وإيدو وكيغوت بحال شي مسطي صافي أسماء ولات هوس ليه هو متحملش حتى فكرة تبعد عليه كيفاش يقدر يتحمل يشوفها مع غيرو فينما كيتفكر كيجعر مشا لاسال سبور وبقا كيجري فوق طابي غولو بأقصى حدو أما أسماء فكانت صحات بالكل وبقات كتبكي وتنخصص يلك ناضت كتحاول تهبط من على ناموسية وهي لواية عليها ليزار حتى كطيح لأرض بحكم ان رجليها كيترعدو و فاشلين لأنه ببساطة هو فرعهم ليها 🤦‍♀️

طاحت لأرض بيزارها وبقات فوق لأرض كتبكي بحرقة وراسها كيحرقها وملي كتفكر أش وقع ليها غير من دابا شوي أمكتزيد في بكاها وشهقاتها حتى السوفل ديالها سالا ونعلات هاد الحظ المكوز عندها ليعمرو خلا فرحتها تكمل.. واخا كتحاول تنسى وتجاوز شي موشكيل كيجي مشكل ماكباااار هدي ماعيشة ماوالو لِمرة خرى كرهات قدرها ليديما كيبغيها تبكي واخا هي كيعجبها تبقى غير ضحك رغم كلشي ولكن كيف كيگولو المكتوب مَمْنو هرووب ومعندك مدير قدام مكتابك من غير أنك دعي الله يصلحو لك ويدير فيه الخير ويبعد علك الشر.. وأسماء معندها مدير قدام جلادها إلا أنها تحنى ليه وتسمع كلامو ولا تجيبها فراسها..أسماء بقات كتبكي حتى نعسات فلأرض على وضعية الجنين أما أوس فبقا كيجري لمدة طوييلة حتى ولا كلووو عرق وحمر وفينما كيتفكر شوفتها ليه أماكيزيد يجعر..مكيحملش راسو فاش كيأديها كيفضل يموت ولا أنه يشوفها كتبكي ولا مهوس بيها بضحكتها العفوية..كلامهالمسطي..و معيورها..صداعها..وغناها..المهم كلشي زوين فيها..الشيء لكيخليه متعلق بيها كثر وكثر صافي خاصو غير يعتارف راه ولا كيبغيها 

مكيحملش راسو فاش كيأديها كيفضل يموت ولا أنه يشوفها كتبكي ولا مهوس بيها بضحكتها العفوية..كلامهالمسطي..و معيورها..صداعها..وغناها..المهم كلشي زوين فيها..الشيء لكيخليه متعلق بيها كثر وكثر صافي خاصو غير يعتارف راه ولا كيبغيها لا لا كثر أوس كيجري بسرعة وهو نفسو غتقطع:أش وقع ليا..تفووو أش كدير فيا هاد بنت الطارو.. لا لا ميمكنش نبغي شي وحدة..لا لاااااا ميمكنش.. اه انا كنبغيها اه انا بصح كنبغيها وهي لياا بووحدي بدا كيضحك بحال لمسطي:ههه اه هي غتكون ليا بوحدي بوحدي جمع قبضتو مع ضحكتو بسرعة وهز إيد ضرب الشاشة ديال طابي غولو حتى وقفت

_أوس(بحال شي مسطي) :بوووووحدييي😡

ولا حمق..مسطي أصلا هو بحالا عندو انفصام في الشخصية ودابا كمل تسطااا وسطاتو غير بنت صغيرة لمكتعرفش اشنو هو الهم حتى تلاقات بيه..بنت لِراس مالها طاروها ومشها..وشعارها القضاء والقدر لله..أما بالنسبة لرجاء فمشات لبيتها توضات وصلات وهي كدعي مع أسماء وكتبكي مقدراتش تعرف أش وقع وكانت خايفة ليكون أوس مغتصبها كتبكي بحرقة وهي هازا كفوفها لسما وكدعي مع صحبتها لِدابا ولات أكثر حاجة مهمة فحياتها..تشاركات معاها الضحكة.. وتقاسمت معاها الهم..نساتها فقضية زياد شوي وعطاتها قوة كثر..نرجعو عند أوس لي طاح گلس على الأرض وهو كينهج وكيقطر وشاد من راسو ندمان على أش دار وخايف من ردة فعلها واااو بعد مدة طوييلة سيهم شرشبيل لي قاموسو مفيهش كلمة الخوف..عاودت دخلت ليه شعر بالندم على أش وقع..ولكن خطط أنه غيخليها فيد الله ومغيخليهاش ضيع من يدو ورسم فبالو هدف جديد..أسمى هدف فحياتو وأصعبها..هدف لكيتجلى فحب أسماء ليه وحتى حد من غير الله معارف واش غينجح ولا لا.. ناض وقف وتنهد وطلع لبيتو لقاها متكية على الأرض بنفس الوضعية سد عينيه بقوة من شدة الألم لفي نفسو هبط حتا لعندها وهزها بين إيديه وطلعها فوق سريرو غطاها مزيان وباس ليها راسها ودخل لدوش دوش خرج لبس غير شورط ومن لفوق عريان أصلا كاين الصهد ليوم وتكى حداها.. هي كانت تانية رجليها وعاطياه بضهرها وغارقة فعالم آخر عالم لمفيهش الهم..حتى هو دار نفس وضعيتها باش يتقاد معاها ولاح إيدو فوقها وشد إيديها.. باس ليها مرة خرى راسها و بقا كيردد كلمة سمحي ليا سمحي ليا..حتى نعس وهي فحضنو..اه للمرة الأولى فحياتو كيطلب السماحة من شي حد ومن قلبو من الفوق لمكانش عندو حتى دخلت ديك بنت الطارو لحياتو..حياة لفيها العمل أهم شيء..هاكا داز نهار أبطالنا بتلاتة نهار لنصو بكا نصو ضحك أما بطلنا لاخر زياد..فهداك معلابالوش كيعرف غير الخدمة والزهى صااافي ولكن غيتبدل هااادشي كامل وحياتو غتقلب رأسا على عقل ولكن إيمتا الله وعلم وكل واحد منهم معارف فين غادي ولا أش كيدير وكيفاش غيدوز الغد ليه من غير القادر المقتدر..عالم الغيب..الله سبحانه

بينما صبح الصباح اجي نشرح ليكم كيفاش أوس حتى عرف أسماء فيديسكو..

فلاااش باااك 🔙🔙

مع ليل جا أوس من خدمتو وهو فرحان غيشوف حبيبتو أسماء وغيقرب منها مرة خرى طلع لبيتو باش يبدل كيشم ريحتو عاطية فلبيت تنهد ومشا لكوافوز ملقاش ريحتو..مسح على راسو

_أوس:ياااربي الصبر مع هاد البنت..

هبط وهو كيقلب عليها ملقاهاش فبيتها دخل لكوزينة ملقاهاش لا هي لا رجاء سول لخدامات گالو ليه بلي خرجو من الصباح وباقين مرجعوش..خرج من لكوزينة وعيط لگارد لِحاضي أسماء بحكم انه خايف عليها ليعرفوها ويأديوْها..

_أوس:ألو..

_ لگارد:سي أوس سلام عليكم..

_أوس:بلا هاد المقدمات فين هوما..

_لگارد:سيدي دابا هوما داخلين لواحد لبواط****

_أوس( قطع من تعابير عادية لتعابير عصبية):تبي هااالي مبغيتش..

خرج بسرعة لوطو ديالو باش يجيبهم..ضور عينيه مبانتش ليه..حتى كيسمع بحال صوتها لكيغني..صوتها لي ولا داخل ليه مع عضامو.. صوتها ليولا هو داك النشيد الصباحي بالنسبة ليه وهو ديك الترانيم ليلة.. هز راسو حتى كيتصدم كيجعر كيهيج..الباقي عارفينو..

صبح صباح جديد على أبطالنا صباح لغيبدل بزاااف لحويج فحياة أبطالنا..كيف لعادة رجاء هي لولة لكتفيق ومحاملاش راسها لأنه مقدراتش تحمي عشيرتها وتخرجها من قبضة شرشبيل آمرت لخدامات أش غيديرو في لفطور ورجعات لبيتها سدات عليها مبغاتش تلاقا مع أوس عارفاه غيقتلها وآمرت وحدة من الخدامات ملي يخرج أوس لخدمتو تجي تعلمها 

فاق أوس لقا أسماء باقا ناعسة بدا كيلعب ليها فشعرها وكيحيدو ليها على وجهها الملائكي لكيزعوعو باسها من جبتها وناض لبس سروال جينز گرونة وتيشورط بيض وسوبر ستار بيضة هبط ودخل لكوزينة

_أوس(بحدة) :فين هي رجاء.. 

كلشي تلافت وهوما حادرين ريوسهم

_أوس(مخنزر):واش خاصني نعاود السؤال جوج المرات _وحدة من الخدامات:عيانة أسيدي 

_أوس(هاز حاجب ومنزل لاخر):مگلتش ليك مالها..(بلغوات)گلللت لك فييين هييي 

_الخدامة:فبيتها أسيدي

..مشا أوس باتجاه بيتها وهو مخنزر ياربي السلامة كيف ديما..كانت رجاء كتمشي وتجي فبيتها وكطرطق صباعها وكتسنى ديك الخدامة تجي تعلمها بخروج أوس باش تقدر هي تمشي عند أسماء حتى فجأء كيتحل عليها الباب بدون إستئدان دارت بسرعة لوجهة الباب عند بالها لخدامة حتى كتلقاه أوس خرجات عينيها من كثرت الصدمة و قلبها بقا ليه شوي ويسكت..عمرها ضنت أنه غيجي شي نهار و يدخل لبيتها..رجاء غير كتحرك شفايفها لهدرة مبغاتش تخرج ليها

_رجاء:سسس..

هو ردخ لباب حتى قفزات

_رجاء :أهاه ألالهم رجاء أش ديك الحالة لبارح 

_رجاء(أصلا حساسة بزاف):هبطات راسها لتحت والدموع محصورين فعينيها..الصمت 

_أوس(غوت حتى شهقات مسكينة):كنتسنااااك _رجاء(سرطات ريقها وكتعض على شفافتها لتحتانية غير باش تحبس البكية):الصمت 

_أوس:مغتجاااوبيش غنبقى معا ديلمك هناا 

رجاء 😣مبغاتش تهدر عارفة راسها غير غتحل فمها غيطيحو دموعها..أوس صافي طلع ليه ددم..قرب ليها وشدها من كتافها وهي تكمشات وهزات راسها فيه غير شافت تخنزيرتو وهي طلق دموعها مقدراتش تصبر كثر..رجاء كتبكي من كترث الخوف

_رجاء 😭😭اهيء اهيء اهيء 

حتى كيتسمع صوت من وراهم..أوسسس

أووس..طلقها وتلافت يشوف شكون وحتى رجاء هزات راسها وهي كتنخصص حتى كتصدم

_زياد:أووس..

.أوس عاود ضار عند رجاء وهو باقي شاد كتافها وهي كتبكي وتنخصص هبطات راسها

_رجاء:سسمم حح لي أسيد😭 اهيء اهيء

..أوس طلقها وتنهد

_اوس:مرة خرى منبغيش يتعاود هادشي.

.رجاء مبقاتش قادرة تهدر حركات راسها بأه وخرجات وهي دموع فعينيها معرفات ضحك باش زياد حوبينو نتاعها جا عتقها من أوس ولا تكمل بكاها باش هو شافها كتبكي وزيد حتى صحبتها معرفاتها ميتة ولا حية مشات لبيت أسماء وكتسناهم يخرجو **عند أوس وزياد 

_أوس:أش جيتي دير هنا

_زياد:وصاحبي راه باغيك ضروري دخلت لدار ملقيتكش وتبعت غواتك

_أوس:زيد خرج 

خرجو بجوج من دار ومشاو ركبو بجوج في رونج كحلة ديال زياد ومشاو لوجهة كانت العمل

_اوس: اشنو الجديد ؟ 

_زياد:غي شدينا واحد من رجال سيهم طاهر بن حسين _أوس(بابتسامة جانبية):امم مزيان 

_زياد(سايگ):احم احم مالك مع ديك خيتي.. علاش كانت كتبكي؟

_أوس:ديها فسوق كرك ياك مكتحملهاش حيكاش جزائرية _زياد😏:أسولْناك 

_أوس:الصمت.

.زياد ضرو راسو..ديك نضرة فاش هزات راسها وهي كتبكي معرفش علاش خلات خاطرو يضيق..قلبو يتقبض عليه..ياك هو مكيحملهاش..ولكن علاش شافها بحالا مضلومة وبقات فيه..علاش مخلاش أوس يغوت عليها.. وهو كيكرهها بسبب عرقها الجزائري..سبب تافه.. دابا أش تبدل كيفاش دموعها فرقو معاه وهو بزاف لبنات تيبكيو قدامو وعمرو تسوق..واخا هكاك حتى هو قريب من فصيلة أوس..مكيحنش والخدمة لزرعات فيهم هاد القيمة..ولكن قريب غتبدل غير بلاتي..بعد نصف ساعة تقريبا وصلو لخدمتهم نخليهم هوما فالخدمة ونرجعو عند رجاء وأسماء..

بعد نصف ساعة تقريبا وصلو لخدمتهم نخليهم هوما فالخدمة ونرجعو عند رجاء وأسماء..رجاء كيف خرجو أوس وزياد تاجهت بالجرى لبيت أوس باش تطمأن على عشيرتها دخلات لقاتها باقة ناعسة وغي شافتها فديك الحالة دموع نزلو ليها تلقائيا..صافي تما فكرة الإغتصاب تأكدات ليها مشات گلست فجنبها وهي كتنخصص وكتلعب ليها بشعرها أسماء حسات بشي إيدين فوق شعرها وصوت بكا ناضت قافزة وهي باقا عريانة غير شافتها رجاء وهي تعنقها وكطبطب ليها على ضهرها العريان

_رجاء:اهيء اهيء حنووونا😭.

_.أسماء:أي راسي أح كيحرقني..

_رجاء(طلقتها وشدات ليها وجها وسط إيديها وهي كتبكي):اهيء اهيء مقدرتش نعتقك منو اهيء سمحي ليا😭..

_أسماء(عاودت عنقتها وهي كتبكي):اهيء اهيء الزامل لاخر واللهما تبقا فيه..

_رجاء:اهيء اهيء انا السباب حتى غتاصبك😭..

_أسماء(خرجات راسها من حضنها وهبطات راسها):لا لا هو مكملش مغتاصبنيش انا باقا بنت..

_رجاء(مسحات دموعها):يعني مغتاصبكش..

_أسماء(حركت راسها بلا)..

_رجاء(تنفسات الصعداء وعاودت عنقتها): افففف الحمد لله..

_أسماء:ولكن هو قاصني كان بحال شي وحش الله ينعل ديلمو..اهيء واللهلا بقات فيه..

_رجاء:أسماااء واش مكتسوليش راسك علاش غير نتي لِدار لك هاكا.

_.أسماء:مكيهمنييش انا مكنحملش حباب مو كنكرهوو..راسي كيحرقني اش وقع بالضبط قبل منجي لدار..

_ رجاء:من حقك تنساي أبب صدقتي خارجة عليا حتى أنا شوي وكان غيقتلني على قبلك كون معتقنيش زياد(هبطات شنانفها لتحت)..

_أسماء: بلاتي بلاتي أش كتخربقي.

_.رجاء(مسحات دموعها):أجي نعاونك دوشي ونهبطو لبيتي ونهدرو على خاطرنا..

_أسماء:احح أختي رجليا فاشلين..ولد القحبة فرعهم ولكن واللهلا دوزتها ليه انا غنوري لزامل بوه تبرهيش..

_رجاء(سدات ليها فمها بيديها):ششش(قربت ليها لودنها)يقدر يكون كيسمعك دابا شش..

_أسماء(حيدات ليها إيدها هزات راسها لفوق وبلغوات):إوا إلى كنتيي كتسمعني أداااك الزاامل بغيت نگول لك (رجاء عاودت بغات تحط ايديها على فمها وهي تشدهم ليها أسماء)الله ينعل طبابيين مك ألمكبوت غير بلاتي..

_رجاء ناضت كتحاول تنوضها:لا لا نتي باغا تقتلي راسك وتكملي بيا زيدي(بدات كتجر فيها)يالله نوضي نمشيو.

. أسماء كتحاول تنوض غابزز مبين فخاضها كيضرها بحكم انه هو طرطق ليها العصبات ولحمها كلو زرق وكيضرها..لوات عليها ليزار وعاونتها رجاء دخلاتها لدوش دوشات ليها وهبطات جابت ليها حويج جداد لبساتها وعاونتها باش تهبط داتها لبيتها ومشات تجيب ليها لفطور گلسو بجوج فلبيت مربعين رجليهم فطرو بجوجهم ومن بعد أسماء شدات لبلاطو وحطاتو لتحت:عاودي ليا أش وقع لبارح بالضبط..رجاء (تنهدت)وعاودت ليها كلشي من طقطق حتى لسلام عليكم حتى ملي جا زياد..

_أسماء(مع تعابير مخربقة واللهلا بقات فيه غير بلاتي انا يزمل عليا وزيد نتي يعيرك انا غندمو 

_رجاء:والله ياختي مكتحشمي واش باغا دفنينا عاد تهناي..

_أسماء:شوفي إلى مكانش عندك النفس سوقك هاداك أما أنا فلا مزال متزاد ليحط إيدو عليا ولا صافي غير بنت ليه مفحاليش ومعندي حد بغا ياكلني إلى سكت هاد المرة لمرة جاية غير بحويني حسن ويعطيني 20درهم ونسكت راه هكا باش دوك لبنات كيتختاصبو كون كانو لمرة لولة مسكتوش كون راه مكايناش مرة خرى😠..

_رجاء(هزات إيدها على شكل إستسلام):انا معاك أبب... _أسماء(بابتسامة شيطانية):باغي يدير فيها راجل أحنا غنقريوه الرجلة فسوق النسا 

_رجاء(غمزتها):إن كيدكن عظيم..ولكن بلاتي دابا غي بلعقل واش بصح مكتفكريش علاش دار داكشي

_أسماء:واشنو فنضرك أبب من غير الزملة

_رجاء:وااااناااري باااز وراه ألف وحدة تحضر قدام رجلو بحركة منو واش نتي صاڤا با 

_أسماء: اهاااه سبحان الله كان باغي يحويني من شدة إيمانو بالله ولا أشنو كان كيدير تجربة مثلا.

_.رجاء:أوعلاش أبب متخميش أنه طايح فك مثلا وكيتسطى علك وداكشي كامل غير غيرة عليك...وهادي أول مرة أصلا هو عمرو جاب شي وحدة لدار ولا داها فيها هانتي ألخدامات كاملين كيضورو عليه مكرهوش يدير ليهم داكشي لِدار لك وبلفرحات عليييهم

_أسماء(خرجات عينيها):طايح فيا خخخخ..من نيتك أبنت العبد إوا مزيان أبب..گاع إلا كان كلامك صحيح غيكون كلام آخر واخا ممنو أساس باش لكيبغي مكيأديش.

_.رجاء:فاش كتفكري نتي..

_أسماء:أنا غنعلمو أصول الحب أبب غير صبري عليا😉 _رجاء:ناااري أختي أنا راه وليت نخاف منك

_أسماء:اممم أبب بصح انا مكلخة فلعلم ولكن تحرمياات مليعبش معايا غير غيخسر..ونتي غتعاونيني 

_رجاء(خرجات عينيها):فااااش😧

_أسماء:فأي حاجة بغيت نديرها..أش گلتي عاد زيدي داك خونا لطايحة فيه تاهو حسابو على ضهري أبب غير صبري _رجاء:كيفاش..ومال زياد أش دار لك تاهو

_أسماء:ياكما أبب ناوية تبقاي تابعاه بحال لكلبة أبب دابا جا لوقت لهو يكون كلكلب

_رجاء:ولكن هو أصلا مكيحملنييش

_أسماء:اهااه وعلاش مكيحملكش مالو أش كيسحب راسو لكاروش لاخر

_رجاء:معرت أختي والله فينما يشوفني يخنزر تگولي قاتلة ليه باه 

_أسماء:على باه ميت باللسلامة

_رجاء:وغير زعما..أما راه باه بصح ميت على مسمعت _أسماء:ااه مسكين الله يرحمو

..المهم نخليو البنات يتحتو ويخطو ونمشيو عند أوس وزياد ***في بلاصة كبييرة في غرفة سرية تحت الأرض معرفتو صععيبة باش جا فآخر واحد النفق جا غي فلخلا من أكثر الأماكن سرا فالمغرب وسط ديك الغرفة السرية رجل في تلاتينيات من عمرو مربوط في كرسي خشبي و عينيه عليهم ضماضة كحلة..وصلو أوس وزياد تما من بعد مامشاو المقر وخبروهم بلي داوه تما دخلو من ديك النفق لكان كلو حراس وأغلبيتهم من إفريقيا..أوس جاب كرسي وقابلو معاه وگلس عليه وهو داير رجل على رجل وشاد الفردي كيلعب بيه كيدور فيه وسط السبابة وزياد حيد لداك الشخص ضماضة على عينيه لكان بدورو كيحاول يحل عينيه مع لبولة فوق راسو.

_.أوس:(بابتسامة جانبية):مرحبا 

_الشخص:سيد أوس😨

_أوس(بابتسامة استفزاز):وأش بان لك أنجلينا جولي _الشخص:لاش جبتوني هنا

_زياد(كيضحك):جبناك دوگ كعب غزال ودور فالمغرب _الشخص:نترجاكم انا مدنبي والو انا محبيتش من لول نكون معاه ولكن الضروف..نترجاك أسيد أوس متقتلنيش ونكون تحت طاعتك وكلبك لبغيتي 

_أوس: شوف بلا متبقا داوي خاوي أنا غنسولك ولبغيتي تبقى حي جاوب وبلاااا كدوب حسن لك ولا نتا عارف(كيشوف فلفردي ليمزال كيلعب بيه)

_الشخص(كيتمتم):اه اه اه صص اا في

_أوس(قرب ليه وجهو كثر وهو مخنزر فيه..ببطء وكيورك عليها):فيين هو طااهر بن حسين

_الشخص:أ أنا مكنن تش معااه فهاد المدة كنت هناا مراقبك وكنوصل خبارك ليه 

_أوس(حط ليه لفردي على راسو وهو مخنزر): هادشي أنااا عااارفو..بغيت حاجة خرى ولا ودع

_الشخص(كيتمتم):اه اه أنا غنتكلم(أوس حيد فرديه من على راسو)..باقي باقي دو سومين و غيدخل لمغرب

_أوس(وقف وبدا كيضرب ليه الفردي على وجهو بحالا كيصرفقو بيه بشوي):امم دابا مزيان

_الشخص:نترجاك دابا مغتقتلنيش انا جاوبتك.. انا غنكون كلبك ونوفي لك حياتي كاملة أمتقتلنيش

..أوس ناض غادي باتجاه الباب حتى زياد وصلو لباب بغا أوس يحل لباب حتى نطق 

_زياد:مغ..

أوس قاطعو دار وتيرا فيه جاتو وسط عينيه تاطاح هو وكرسيه ودار عند زياد لكان هاز حواجبو بجوج باش تاهو فاجؤو..بابتسامة جانبية:منخصرش لصاحبي خاطرو..أصلا عندي ريكس(كلبو)وهو مغيار...

_زياد:لا أتبي نتا بزاف..

خرجو من تما ركبو فلوطو وأوس ليساگ هاد المرة..

زياد(ضارعندو):صاحبي بقاو جوج سيمانات وغيدخل دابا أش غدير..

_أوس:مزيان خليه يدخل باش يالله نصفي حسابي معاه..سنين هادي ونا كنتسنى هاد الفرصة لندمو فيها(كيهدر وفعينيه حقد كبييير).

_.زياد:أصلا أنا معنديش مع گاع الجزائر ديلمهم ولاد القحاب..

_أوس:أصاحبي نتا أباقي مبغيتيش تنسى أتبي وتبدا من جديد _زياد:عمري غنسى..دابا نسى هاد الموضوع أجي أش درتي مع ديك بنت الطارو..

_أوس دار عندو مخنزر:شحال من كرة تنگول لديلمك جمع كرك ومتجبدهاش..

_زياد:لا لا أصاحبي نتا فتي طيحة..أوس فرانا بجهد حتى زياد مشا وجا فبلاصتو:زياااااد😡..

_زياد:صافي صافي هاهو ساكت..غير حضيها هاد المدة مزيااان نتا عارف أش كاين أوس ضار وكسيرا:مغيقرب ليها حتى واحد حتى واحد من حدي أنا حي حتى واحد (كان كيبان أنه صافي راه وصل لمستوى غاارق فحبها وزياد عرف هادشي من غيرتو)

****نخليوهم ونمشيو لبلاصة خرى ولكن تو تو تو ماشي فالمغرب مي بلجوار ديالو..الجزائر.. بلد لحتا هو لايقل عن المغرب روعة مدنو كبار وزوينين دو طبيعة خلابة وموقع زوين مع لكنة زوينة كلمة عربية وجوج فرنسيين بحكم الإستعمار وتقاليد قرااب بزاف للمغرب أصلا تگولو هو المغرب 2 مي فرق بينهم مشكل بسييط لهو الصحراء الشيء لخلا بيناتنا دوك الحدود...ناسو حتى هوما الله يعمرها دار ولكن كيف أي بلاصة كيف كاينين ناس مزيانين كاينين ناس الله يخليها سلعة في مكتب شاسع في كرسي من جلد كبير فلون بني رجل في أواخر الخمسينيات من العمر ولكن شاد فراسو شعرو مخلط ما بين الاسود والابيض بسبب الشيب گالس ووراه واقفة بنت احح ديزولي بغيت نگول قحبة لابسة كسوة مزيرة فلحمر حد ترمتها لبقى ليها شوي وتخرج ومعرية جيهت الصدر كيطل كيسلم على البشرية ووجها ملطخ وكتنضغ المسكة وكدير ليه ماساج فكتافو وعنقو واخا كبير ولكن باقي زامل أصلا أغلبية رجال كيشرفو كتجيهم دودة😏 حتى كيدخل عليه واحد الشخص فيدو جوا من بعد الإستأدان

_الشخص:دق دق دق✊✊ 

_الشارف:دخل

_الشخص(دخل وهو خايف):موسيو راه راه داك 

_الشارف(مع كان متكي راسو لور طلعو):تكلم

_الشخص:أوس وصل لخالد _الشارف(ضرب الطبلة):مكلخ..اممم غير الصبر أموسيو أوس حتى نوصل لك بنفسي(شاف فداك الشخص)..وقبل ميقبضوه مكان راسل والو 

_الشخص(مد ليه داك جوا):لا أسيدي كان راسل هادو _الشارف(خدا منو جوى وبدا كيشوف فتصاور وكيتمعععن): اممم شاابة (زوينة بالدزايرية) 

(بتسامة شريرة) غنلعبوو مزيان أولدي أوس ...

يتبع..