وصلات العشية كلا واحد من مجموعتنا وفين شاد بلاصت وكل واحد كيخطط لحاجة..أسماء كتخطط تندم أوس وتقريه كيد النسا و كتخطط هي ورجاء حتى كيفاش يخليو زياد يطيح فرجاء وهادشي لمكرهاتوش طول حياتها..
أما أوس فكانو عندو جوج أهداف لول أسماء تولي ليه وتبغيه وتاني ينتاقم من طاهر بن حسين.. أما زياد فهداك غير كيعاون أوس على هدفو تاني وصافي ولكن قريب مسكين يدخل لمخطط جديد..اما العدو ديالهم طاهر فهاداك حالف حتى يدخل المغرب ويدير گاع صفقاتو الغير الشرعية كيف العادة من بيع الماريخوانا و القاصرات والأعضاء المهم كل ماهو خايب فعالم المافيا..أسماء ورجاء كملو مخطاطاتهم وتغداو مع باقي الخدم هاد المرة مع الضحك كل وحدة تتعاود همها مع راجلها ولا خطيبها وكيضحكو كيفاش طيحوهم هالي ملي تخاصم مع راجلها تتشد باكيات تيد وجافيل تتخويهم في طواليط وتتگول ليه سالاو😂هالي ليلة دخلتها مخلاتش راجلها يقيسها تنتفات ليه شعر صدرو كامل بلاسيغ گالت لك كنعيف😂دارو عند مي حبيبة وبدات تتعاود ليهم على يامهم
_مي حبيبة:تسحبونا حنا بحال يامكم كان ضو وهادشي... (نقزات أسماء مخرجة عينيها)
_أسماء :كنتو كتديرو داكشي فضلمة😯
_مي حبيبة:واه في الضلمة..(كلشي تفرگع بالضحك) ..
_أسماء(كتحرك إيديها فالفراغ بحال العميين):خخخ هالعار كيكان كيدير كيبقى يتلمس فك حتى كيجيب إيدو فالبلاصة😂.. (ناضت مي حبيبة وهي كضحك)
_مي حبيبة:الله يقلل حياك أبنتي ههه...
المهم بقاو طالقينها تسرح وضاحكين وصل وقت لگوتي عوتاني كالو مجموعين وجمعو روينة عوناتهم أسماء غسلات معاهم الماعن وطلبات تيلي ديال رجاء باش تلعب وراتها واحد لعبة crazy aa ساهلة وممتعة وخرجات لجردة تكات فوق زعلولة من توب مشبكة فلباج لتتكون طويلة ومشدودة مع جوج شجرات وشدات تيل كتلعب..
أما أوس فكانت عندو الخدمة كان عندو فلعشية حصص فلافاك مشا دوزهم ومشا ورجع لدار مع 7:00 كانت أسماء باقا متكية غير سمعات صوت شي لوطو دورات وجها بان ليها هو غير شافها هكاك تبسم وكمل طريقو لداخل..
_أوس(فبالو) :اححح على المسطية ديالي اش كدير فيا وهو
مهبط راسو غادي داخل لدار حتى كتوقف قدامو ومخنزرة هو هز راسو يالله بغا يهدر قاطعاتو
_أسماء:بغيت نهدر معاك تبعني..
مشات هو هاز حواجبو بزوج مستغرب عمرو سمعها حتى من رجال جات فلخر خلاتو يسمع لعمرو سمع فحياتو ولكن الراجل هو لكيدير لراسو قيمة كلمتو هي لكتمشي(هادشي لكيفكرو فيه الرجال ملي كتهدر معاهم المرة ولكن فالخر كيطرا العكس😂)تنهد وتبعها غادة بخطوات بطيئين وتنفس عميق خاصها متغلطش دخلات لباب وبقات شادة لباب حالاه غير دخل وراها سداتو تنهدت ودارت عندو...
_أوس:احم أش كاين..
_أسماء:سمع أش غنگول لك مزيان داكشي ديال لبارح عمري غنساه لك فحياتي..بصح انا عندك فدارك ولكن راه غي حيكاش شادني نتا..بصح انا معندي لحنين لارحيم ليدافع عليا..وبصح انا مقوياش بحالك وعندي نفود وفلووس ولا أملاك ولا بابا كنيتو العلوي ولا بناني..بصح انا بنت الزنقة والطارو كيف كيعيط ليا كلشي ولكن سمع مزياااان..هادشيييي كامل ميسمحش لك تقرب مني ولا تحاول تغتاصبني كيف درتي تو تو تو نتا غالط أزوين باش كيف نتا كتقتل على قبل لفلوس ولا منعرف انا نقدر نقتل أي واحد إلى قرب ليا ونضحك ونمشي لگنازتو من بعد ومرة خرى الى قربتي ليا غتكون نتا لول في لائحة سمعتيي..
هو كان مربع إيديه ومفيكسي عينيه على عينيها وكيشوف فحراكتها وعصبيتها وجرأتها الزايدة عمر شي شخص تجرأ عليه حتى لهاد الدرجة فلخر بنت 19عام دارتها😊 وقدرات تزعزعو بكلامها وقوتها الكبيرة..
_أوس(بابتسامة..اححح قلبي):ساليتي..
_أسماء(استفزها تعصبات غوتات):واااش..
_أوس(قاطعها قبل متكمل دفعها على لباب لكان ورا ضهرها وميل راسو شوي وحط شفايفو على شفايفها باش يدخلو فقبلة مي حنيينة هاد المرة إيدو ليمنة شاد عنقها باش يتحكم فيها كتر وليدو ليسرة شبكها مع إيدها ليمنة لكانت طايحة وهي مع غفلها كتفات انها تخرج عينيها ومعدتها كتفرفر خدام فيها لقنبول وقلبها كيشطح..ختمها بعضة خفيفة فجنب وبعد شوي راسو وشاف ليها فعينيها هي كانت كتنهج سوفل عندها عيان😂 بتاسم مرة خرى ونطق
_أوس:سمحي ليا..
حل لباب وخرج 😳😳😳😳گال سمحي ليا ههه هي باقا حالا فمها ومصدومة من كلشي كانت باغا تعيرو وتسبو ومنعرف علاش سكتات فلخر وخلاتو يبوسها وزاد گال سمحي ليا لا لا هادا إما حمق إما غير طالعة ليه السخانة لا لا ميمكنش تيق هادشي فكرة ديها فكرة تجيبها حتى كيفقها صوت رجاء..
_رجاء:أسمااااء نتي هنا وأسماااء..
_أسماء (حلات الباب) :هاه اه اه هادي نتي..
_رجاء:نص ساعة ونا كندق فين كنتي..
_أسماء(باقا تحت تأتير الصدمة):هاه انا..
_رجاء(شداتها من كتفها):وتي مالك ألخرية..ياكما دار لك أوس شي حاجة شفتو خارج من هاد جيهة واش كان عندك.. وتي هدرييي ألخرية..
_ أسماء(شافت فيها وهي باقا مخرجة عينيها):گاليا سمحي ليا أساطة ....
_أسماء:گاليا سمحي ليا أساط...
_رجاء:😒من نيتك أبنت العبد..كضحكي عليا أاااوس العمرااااني(دارت بين قوسين)شرشبييل طلب منك سماحة(ضحكات ضحكة استهزاء وفنفس الوقت كدور راسها بلا)لا لا غير ضحكي (عاودت جرتها من كتف تريكوها)واش كتهدري بصح بصح بصح بصح...
(وتمات غادة باتجاه الباب ورجاء تابعاه بخطوات سريعة)
_أسماء: حلفي حلفي...واش كضحكي عليا!!
_أسماء(دارت عندها):ونتي ووجهك أبب هادي غي لبدية _رجاء(تأكدات أنها مكضحكش..تبسمات):نتي كاينة أبب عمري فحياتي كنت متخايلة سي أوووس العمرااااني لكلشي ضارب ليه الحساب من صغيرهم حتى لكبيرهم يجي شي نهار ويطلب السماحة...
_أسماء:داكشي أحيااتي شحااال هادا قبل مندخل أنا لحياتو أما من هنا لقدام غنربيه على إيدي لاهو لا داك زويمل نتاعك... _رجاء(كضحك):😂ألعار فين كنتي مخبية ليا...
_أسماء:أه انا علا مگلتش لك أنا كنت فطارو...
_رجاء:خخ😂صافي أعارت ربي عرفتها عرفتها والله _أسماء:ولاش سولتي...
****في مكتب شاسع كيجمع مابين الأحمر الأسود والرمادي..أثات فرنسي أقل حاجة يمكن تگول عليه واااو..بگلستو الرجولية ونضرتو التاقبة گالس أوس وقدامو في لكرسي لمقابل زياد لي مسرح رجليه على الطبلة الزجاجية الصغيرة..
_زياد:اه فكرتيني نخبرك بلي سي مصطفى مغيجيش غدا لحفلة ولكن غيراقب من بعيد..
_أوس:امم فكرة مزيانة أصلا يقدر يعرفو شي حد بحكم قِدَمو فهاد المجال..اجي واش كلشي معروض..
_زياد:اه كلشي..باقي غير ماكس هداك لكيلقبوه بwolf گال لك عندو شي صفقة في ديب ويب...
(الناس لمكيعرفوش ديب ويب هو عبارة عن سوق لمحير العالم ولحتى حد مكيقدر يدخل ليه بفعل أنه لِمعروف لكيدخل لهاد السوق مكيخرجش..إلا أكبر رؤوس المافيات هو عبارة عن سوق لتجارة الأعضاء البشرية كيگزرو فيه بنادم تما..وتجارة القاصرات..والأسلحة وكل ماهو داخل فهاد الأشياء..ومن الأعضاء ديال هاد السوق كاين أوس ضروري..المغربي لوحيد لداخل تما وداير بلاصتو)..
_أوس:امم صافي..المهم يك غير..ترنتن ترنتن ترنتن(صوت هاتف أوس لقاطعو هزو شاف نيم و جاوب بلا ميتعطل)...
_أوس:ألو سي مصطفى..لا ولكن راه كنضن تما حسن..اه بصح ولكن واش مكينش شي خطر على لعندي..إلى كنتي متأكد أنه أفضل صافي ماشي مشكيل..بسلامة(تقطع الإتصال)
_زياد:أش كاين...
_أوس:الحفلة ديال غدا غتكون عندي فدار...
_زياد:ولكن علاش هاد التغيير المفاجيء...
_أوس:گالك من الأفضل على قبل باش نزيد عدد الحلفاء وفداري غتكون الكرة عندنا وغنقدرو نعرفو المخططات الجديدة... _زياد:امم عندو الحق...
_أوس(هز تيليفونو):غنعيط لرجاء تبدا توجد...
عيط فلفاكس ديال دار..احح بغيت نگول لقصر لمشقلباه أسماء..مضاربة مع رجاء على تلفازة أسماء واقفة وهازة فيديها لفاكس ديال دار و كتغوت
_أسماء:هاديك القحبة غترجعي فتيات القوة ولا نطنطن مك..
_رجاء(معنقة تيليكومند ومكمشة عليها):لا والله ومتفرجت في حب للإيجار لعطيتك..
أسماء يلاك بغات تشير عليها بلفاكس حتى بدا كيڤيڤري فيديها مكانتش عارفاه تيلي هزات الهاتف وهي كضور فيه سكت من سونيط حتى كتسمع ألو..دارتو على ودنها وهي تنوض رجاء باش تاخدو ليها وهي تهرب ليها بيه وهي كتهدر نفس الوقت وكتغوت
_أسماء:آاااالو
(أوس قفز من بلاصتو وبعد تيلي على ودنو صمكاتو زياد بقا كيشوف فيه مستغرب..)
_أسماء(كتجري وتتغوت ورجاء تابعاه وسط دار باش تحط لفيكس):وأاالو شكووون..
(دخلات لبيتها وهي كتنهج وسورتات البيت ورجاء كتدق بجهد برا)
_رجاء : ومتجاااوبيش ألخرية ينعل ديلمك..
_أوس(رجع گلس وهو مبتاسم فهم بلي هي شفراتو):ألو _أسماء(كتنهج):ورااه گلنا لك ألو وألو واش خاسر فلوسك باش تبقى تگول ألو عيط لتيصالات حسن لك يلاك بغات تقطع حتى قاطعها..
_أوس:أسمااء...
_أسماء:هاه وااو كتعرفني أخويا وااو فين كتعرفني..شوف انا راه شريفة بغيتي تخطبني جيب معاك سبعة سبعة من لحاجة وجيب معاك ثور وعجلة وفالصداق سبعة المليون وبارطمة وجي مرحبا بك مبغيتيش صافي نقطع...
_أوس(جابت ليه الضحكة..غير كيسمع وكيتبسم على هضرتها المسطية وزياد كيشوف فيه باستغراااب):اهاه صافي نسيتي شي حاجة...
_أوس(كيضحاك على هبالها ولكن عاااجبو لحال ومسايرها):ههه واخا أحياتي نجيب لك حتى شركة ليكوش انا غير آمري…. _أسماء:هوييييلي يحلگ فيه شتك تيقتي كريرك ياتگول شكون ينقطع..گالك ليكوش ومن هادي لگارو...
_أسماء:أ أ الرقم الدي تطلبونه خااارج تغطية المرجو الإعادة لاحقا(قطعات)..
هو بدا كيضحاااك العلبة الصوتية ديال2018 مع التمتيمة أ أ خخخ😂 سرعان ماجمع ديك الضحكة الزوينة لنضرة رجولية وحادة ووقف وقفتو الرجولية خرج طلع لسيارتو المفضلة لامبرگيني كحلة كانت الوجهة القصر أما أسماء فخرجات من البيت وملقاتش رجاء قدام الباب هاد الأخيرة لعيات من دقان وسلمات أمرها لله ومشات تكمل فراجتها فالصالون لي قريب لباب جات عندها أسماء ومدات ليها لفاكس
_رجاء(هزات حاجب ومنزلة لاخر):لا ترمتك وتي هدري... _أسماء:بفف كتخصري لهدرة حشومة الله غيعدبك..سأخبر الله بكل شيء...
_رجاء:يااااك وبااااز لوجهك كريه ليا ندخل بيه غاحمام رجال راه قاصح..نتي راه إبليس كيتعلم منك تخصار لهدرة وهادرة..ودابا غتگولي شكون ولا نوض لمك...
_أسماء:مالك مالك هاكا دايرة افف شحال فك ديال شك..حتى نتي شكون غيعيط لك مثلا مراد لفيفلم سامحيني..راه غي واحد غالط فنمرة مسكين...
_رجاء:هااااه غال...
كيقاطعها صوت رجولي من وراهم أكيد شكون من غيرو...
_أوس:اممم غالط فنمرة مزيان..
رجاء وقفات وهبطات راسها فهمات دابا شكون كان كيهدر معا أسماء أما أسماء غير طلعاتو وهبطاتو...
_أوس:وجدي لعشا وحطيه فلبالكو وديري بحساب أسماء معايا...
_أسماء(دارت عند رجاء):كاين شي وحدة سميتها أسماء خرى هنا...
_أوس:لا كنهدر علك نتا أمرتي...
_رجاء(خرجات عينيها ومشات باش تخليهم بجوج):هي لولة أسيدي..ومشات
_أسماء(هزات فتجاه وجهو السبابة):شتك تيقتي راه غي كنت كنضحك وكون عرفتك نتا منضحكش انا گاع...
_أوس(بدا كيقرب ليها وهي فنفس لوقت كتقابل خطواتو الأمامية بخطوات لوراء):امم ولكن انا مكنتش كنضحك.. _أسماء(كترجع بلور):أوا نتا مخك..تيق ولا لا بقيتي ليا غا نتا فلحسااا..ااااه..
كانت غطيح مع طبلة زجاجية وراها كون ماهو لشدها من خصرها وهي من كول قاميجتو وهي نصف متأكة ووجهوم جاو فوق بعضياتهم وعينيهم لمفيكسين فبعضهم بحالا كيهدرو كيبوحو..قلب كل واحد منهم نبض بحال دقات ساعة...
_أوس(هبط راسو لعنقها ودورو جيهت شعرها وستنشق ريحتو مع ابتسامة):امم علاش مالي انا أمرتي منستاهلكش... _أسماء(تهزات إثر هاد الحركة وبدات كضرب فيه بيدها لشادا بيها لكول):طلقني..گلت لك طلقني..
_أوس:نطلقك واخا أمرتي..( طلقها حتى جات على ترمتها وغوتات...)
_أسماء:ااااه... مال ديلمك مريض نتا ولا مالك (كتماصي ترمتها)احح..
_رجاء(شدتها من ودنها):لا لا نتي ضساريتي وحق مولانا تضساريني شتك غير گال لك سمحي ليا صافي گلتي ربحتو هداك راه بحال جو المغرب راه لمك كيتقلب فرمشة عين يقدر يضحكك فلحضة ويبكي مك حياتك كاملة وتجمعي وسيري گالاك لا...
_أسماء(حيدات ليها إيدها):إيدو فيه أبب انا راه گاع لطلعت عندو مافات على قبل لفرماج ناخدو ونهبط...
_رجاء:وبعدا أختي انا لي شي نهار غتطرطقي ليا شي عرق..(قاطعهم صوت وحدة من الخدامات)
_ أسماء(خداتو من عندها بنفخة):بففف غاعلى قبل لفرماج مابرب لامشيت..
طلعاتو لفوق وهي تتعفط فجلايلها ومع الصواب حلات لباب بلاااا مدق حلاتو ومبانش ليها دخلات لبالكو وحطات لبلاطو وبدات كضور فلبيت ملقاتوش كتسمع تقربيب في طواليط بدات كتقرب غير حطات ودنها على لباب حتى شهقات كانت غطيح على لرض كون مطاحتش على صدرو الضخم..كان أوس لخرج من دوش وهو عريان من لفوق ولاوي عليه غير فوطة احح ولما نازل ليه مع ليزابدو وشعرو لكيتقطر على عينيه الزرقين احح أقلبي كيدووب ...
طلعاتو ونزلاتو وهي مخرجة عينيها وحمرة أول مرة ديها في فورمتو
_أسماء( مع بالها) :احح هادشي ديالو واااو بحال داكشي ديال گراندايزر وتاورق داكشي مرسوم احح ديال لبوسان هادشي زعما يكون نافخهم ولا دياولو
حتى قاطع أفكارها إيديه ليجروها بقوة لعندو تاضربت فصدرو وشهقات وتنفسها تزادت وتيرتو..
_أوس:امم مكنتش عارف راسي زوين تالهادرجة..
_أسماء(باقا ساهية..بصوت منخافض):مكدبتيش فيها _أوس(ابتاسم):امم وعلاش كتعصبيني ملي كنعجبك _أسماء(عاد عاقت على راسها وخنزرات فيه): جمع جمع ريوگك راه طاحو گالك زوين..خرية ويسحاب راسو شباكية گالك زين
_أوس(مخنزر):راني كنجع لك
_أسماء(دفعاتو بقوة حتى تخبط على لباب):جمع ل..😳😳(شهقات بقوة وغوتات) واااهيااا علااال
..تلفتات وهو هز فوطتو وقادها وهي خرجات كتجري😂أوس تنهد بقوة ومشا يلبس حويجو اما هي فهبطات كتجري لتحت وتولول موقفتها غير شي إيد
هي شهقات وجمعات الضحكة ومنزلة راسها للأرض ومباغاش تهز راسها فيه حيكاش عارفة راسها غير الى شافت فيه مغتقدرش تحكم في ضحكتها اما أسماء فعطاتو بالضهر باتجاه لكوزينة..
حرك راسو بآه ودار لبيتو ورجاء مشات عند أسماء لكانت بدورها مخنزرة
أسماء :لا أجي حويني نتي حسن شتك كتقرري في بلاصتي..
_رجاء: وناري يختي فمك شحال خاسر خاص مو تهراس..شوفي طلعي قبل ميهبط ويخلي دار بوك وأصلا كاين لفرماج لحمر غير عندو..
_أسماء: ومال تلاجة بارزة تامفيهاش لفرماج..
_رجاء:إوا أختي حطيتو كااامل تما عاد زيد كاين سوشي و أحسن مشروب وبزاف الأكلات الصينية
أسماء مفهمات والو ولكن المهم عرفات كاين داكشي لعمرها كلاتو
_أسماء :احم إوا غير على وجهك...
_رجاء:اه على وجهي إوا اش غنگول لك الله ينعل لمايحشم..اوا طلعي دغيا انا تابعاك
طلعات أسماء لقات لبيت خاوي دخلات لبالكو لقاتو گالس وطابلة وااو واخا باقا مكملاتش حلات عينيها وريوگها شوي ويطيحو گلسات بان ليها طبسيل فيه قطع سوشي وحداه لعواد هزاتو بلا متسنا وخشاتها في فمها وغمضات عينيها وهي كتلدد
_أسماء :هممم بنييين...
هو ربع إيديه وغي كيتفرج فحركاتها لمبرهشين هه زعما ديال دراري صغار..حركاتها العفويين..حركاتها لكيخليوه يرجع 7سنين لور من حياتو..حركاتها لبساط ولغير المصطنعين على عكس البنات لكيشوفو شي حد وسيم عاد كيبغيو يديرو فيها العمق والثقافة..حركاتها لعااادين لكيزعزعو مشاعرو..كيهزوه من لداخل..كيثيروه..كيوقفو ليه الهدرة..كيخليوه ينتاقل لعالم آخر وأغلبية كيكون عالم الشهوة والجنس..مكيفقهم بجوج غير حضور رجاء وحطانها لباقي لعشا أسماء بتاسمات بتسامة عريييضة😁
_أسماء :واااو هادشي كامل ليا..
رجاء عفطات على أسماء وخنزرات فيها باش تفيق وتبت ولكن شكون تسوق طبسيل لكيتحط كتفتاتحو شوي عاد نطقات
هز دوك لعصي وبدا كياكل بطريقة راقية وسلسة وكيعرف يتحكم بيهم هي شافتو للحضة وبغات تقلدو حطات إيديها عليهم وخشاتهم تلقائيا بين صباعها غير هبطات إيديها على لماكلة حتى طاحو ليها منبين صباعها هو غير شافها هبط راسو وضحك فنفسو عليها هي منتابهتش ليه وعاودت هزاتهم ومرة خرى طاحو ليها عاود ضحك ولكن هاد لمرة داتها فيه خنزرات فيه ولاحتهم قدامها وقررات تكمل بيديها يلك حطات إيديها على واحد لقطعة حتى كيوقفها
_أوس(بابتسامة خفيفة):نعاونك...
_أسماء(هزات فيه راسها مخنزرة):مكاين لاش كمل غير ضحك
حطات إيديها حتى كيوقفها بيدو لتحطات فوق إيديها وشداتها بقوة، شاف فيها بنضرة مثيرة وكلها إعجاب ناض بلخف جا وراها تحنى حتى وصل وجهو لعند عنقها وهو باقي شاد إيدها هي جرات إيدها من تحت إيديه
_أسماء:احم مكاين لاش..
_أوس:شش
گالها ليها فودنها الشيء لِخلا تبوريشة طلع معاها من صبعها الصغير وشعر لحمها يشوك..خشا ليها العصي بين صباعها بالطريقة الأصح وشد ليها إيديها باش يتحكم فيها هز القطعة لولة بيديها لكانت وسط إيديه وخشاها ليها فيفمها تبسمات وفرحات، قدرات ديرها وبدات كتركل برجليها فلرض بحال دراري صغار
_أسماء:مرة خرى مرة خرى
عاود دارها ليها وهو مبتاسم كيعجبو لحال فاش كتكون معاه وخصوصا ملي كتبتاسم ليه بوحدو ماشي لغيرو أصلا هو كيغير عليها حتى من راسها بقا ليه غير الغير..
_أوس(فودنها):امم هاد المرة غديريها بوحدك..
حركات راسها بآه وهو بعد إيديه وخا مكرهش يبقا حاطهم حياتو كاملة..ولكن بقا محني وحط الدقن ديالو على كتفها هي مكانتش منتابهة ليه التركيز ديالها كامل مع ديك العصي وأنها مخاصهاش تعطيه فرصة خرى يضحك عليها وخاصها تبين ليه قوة البنات، حطات العصي على القطعة وخشاتها وسطهم وهزاتها بصعوبة وتركييز باش متزلقش وحطات نصف القطعة وسط فمها والنصف لاخر بقا خارج وهي شاداها بسنانها ضارت عندو وهي كتهز حوجبها بجوج علامة على نصرها ومع شدة قربهم استغل الفرصة هو وقرب فمو ليها سارق النصف لاخر من فمها من بعد مقاسو شفايفو شفايفها.. صدمها صرطات ديك لقمة بلا نضيغ وضورات راسها وهي حمرة أما هو فكان عااااجبو لحال ابتاسم ورجع لبلاصتو وهو كيتلدد فديك نصف قطعة لكانت ألد وحدة
كملات ماكلتها كما لو أن شيء لم يكن مبغاتش تبين اهتمامها ليه بحالا راه مدار واالو ولكن هو عاق بيها غير من تزنيگة خدودها كلاو فجو من الصمت هي مرة مرة تاكل بيدها فاش مكتصدقش ليها العصي وهو غير حاضيها... فاش كتحط لماكلة واخا يكون حداها يأجوج ومأجوج متسوقش كملات ماكلاتها وكيف العادة مع ناااسيا راسها طلعات راسها على الطبسيل من بعد مخواتهم كااملين.. ضربات صدرها وضربتها بتگريعة ديال نفاحة خلاتو مصدوم مسكين😂 عاد نتابهت ليه ولملامح الصدمة لمرسومين على وجهو😧 ناضت حدرات راسها
_أسماء:احم الله يخلف
مشات من بعد مخلاتو مصدوم خرجات بحالا مواقع واالو ولكن ديك لقطة ديال سرقتو لماكلة من فمها بقات كتردد ليها فبالها وكتبورشها قلبها كيشطح ومعدتها فيها الضو.. نرجعو عندو هو لي كيف سدات الباب عاد فاق من صدمتو وطلق وااحد الضحكة بحال دراري الصغار
_اوس: خخخ😂الله ياربي أش بغيت أنا..
سرعان مجمعها وناض لبس تيشورط أورونج وسروال جينز كحل مقطع عند الركبة وگاط كحل، خرج ركب فوحدة من سياراتو فيراري گري وتاجه المقر..لخدمتو الحقيقية ليباقا على شكل إستفهام بالنسبة للمعظم..اما أسماء فتاجهات لبيتها حتى كتلقا رجاء شادة تيلي ديالها ومتكية فوق سريرها رجاء غير شافتها تربعات
_رجاء:نتي أش كيضور لك فهاد الراس(حطات ليها سبابة جيهة مخها)أه اش كيضور اشمن زبلة عوتاني ناوية عليها
_أسماء:مالك عوتاني علاش كدوي
_رجاء:علاش شرطتي عليه داك شرط همم دوي وعلاش غمزتيني
_أسماء:بب شوفي هاد المرة تيقي فيا راه هضرت معاك ياك باغا غير داك البرهوش ديال زياد يتبعك كيف لكلب ونا باغا نقري هاد الزويمل حروف النسا تبعيني وسكتي
_رجاء:اااه نسكت ونتبعك باش طيحي مي فشي حفرة هاد المرة منخرجش منها گاع ياك...
_أسماء:واش من نيتك أبنت العبد لاش عايشة لماكنتيش غتغامري وتعيشي حياتك كيف بغيتي نتي متكونيش عبدة عند حد ولا عند بالك راك مشدودة بسلاسل بحال بويا عومار وگاع إلا كانو عندك شي قيود هرسيهم جا لوقت باش حتى نتي تحرري وتمشي لبعيد طيري أساطة مديها فحتا عين ولا تفكير شي قمقوم ديها فراسك وليخالقك وصاافي ديري فهاد المخ(ضرباتها لراسها بشوي) بلي راه عندك فرصة وحدة حياة وحدة وغتنتاهي شي نهار داكشي علاش ديري فحالي وخلي شيعارك بحالي "منشوفش لبارح بحكم انه مغيرجعش ومنشوفش غدا حيكاش يقدر ميجيش ولكن نشوف ليوم هو ليبين إيدي دابا ونعيش كل لحضة فليوم كأنها آخر لحضة حيكاش معرفناش سكرات الموت إيمتا تجي تسرق منك ديك اللحضة" اك أبب...
_رجاء(كلامها دخل ليها مع العضام بورشها عطاها إنيرجي بوزيتيف ولكن باقا متخوفة أصلا مدازش عليها الساهل):ولكن أنا مبغيتش نضحك فلحضة ونبكي فلحضااات هوما من ورا ديك الضحكة باش سبحان الله فينما كنضحك منعرف كنهجرو... _أسماء(باستهزاء):بفف معامن داويا أنا(ناضت) أصلا كيبان ليا عاجبك لحال تبقاي بحال لكلبة وراه..جات معاك أحبيبة(تمات غادة باتجاه الباب باش طلعات ليها الدم..حتى كتوقفها إيدها لشداتها من تريكوها لور وضارت عندها)...
_رجاء(بنضرة كلها تحدي وقوة):لا صافي أنا جامي نكون كلبة من ليوم خليه يجرب بلاصتي شوي..غير متعطينيش بضهرك حتى نتي..
أسماء ابتاسمات وعجبها لحال وهبطات عندها وعنقاتها
_أسماء :هادي هي رجاء لِكنعرف صافي من دابا غنبداو حياة خرى وقدر آخر غيتكتب لينا (رجاء تنفست الصعداء وهي مبتاسمة شوي تلقات منها وصفقات رجاء بيديها)
_رجاء:يالله يالله أبب أشنو هي الخطة وفاش كتفكري... _أسماء:اممم أول حاجة بغيت تيليفونك ولا هاداك لي كيكون في سيبير...
_رجاء:بيسي زعما....
_أسماء:اه اه هداك...
_رجاء:وعلاش...
_أسماء:ياك نقدرو نشريو منو حويج زوينين ياك كنت كنشوفهم فالأفلام كيشريوهم غير من تما...
_رجاء:هه اه اه بصح مي علاش غنشريوهم...
_أسماء(بابتسامة شيطانية):حشومة أبب غدا تكون عندنا حفلة وفدااارنا من لفوق ونحضرو مبهدلين....
مشات جرية وحدة هزات بيسي ديالها وجابتو تكاو بجوج على لكادر ديال ناموسية وحطات رجاء لبيسي فوق رجليها وأسماء حداها مسرحة رجليها هي الأخرى.. دخلو ليسيت ديال لكساوي ضاروهم كاملين وأسماء لكانت مكلفة بلعزيل خداو جوج كسوات حتى الحفلة ونعرفو شكلهم😉وگلسو يخططو بغيت نگول أسماء كتخطط ورجاء كتگاد ليها ليديطاي وشدو يوتيوب فيلم مغربي خنيفسة الرماد وشدوها بالضحك وعاجبهم الحال وغير مكيتزادو فتحرميات من فعايل البطلة والبطل بقاو حتى سالاو وهوما كيضحكو وعاجبهم لحال حتى نعسو فحضن بعضهم وهوما ناسين العالم بالكل بانتضار الغد وأحداثو...
أوس كمل خدمتو وكانت أغلبيتها على الحفلة..عندها أهمية بحكم غيتزادو الحلفاء وغيتمكن من ربح صفقات مهمة والإشتراك فعقود غير شرعية جديدة وزيادة على أنه غيتمكن من معرفة الخطط الجديدة بحكم رجال ديالولو لغيدخلو الحفلة على شكل مدعويين وغيتغرسو فمجموعات ديال المافيوزيين ويسمعو حديثهم عن العمل والجديد هادشي لغيكون كامل كيتسجل في مسجل صوت غيكون لاصق فليكوستيم دياول رجالو..سالا خططو ورجع للدار احح بغيت نگول لقصرو دخل بخطوات تابثة وكلها ثقة خطوات لولات من أرضية البيت حافضاهم.. خطوات كافية على أنها تعبر على رجولتو الزايدة على القياس غادي ويديه فجيوبو بغا يطلع فدروج وهو مبزز على راسو باش ميمشيش لبيتها طلع نص فالدروج ومقدرش عض على شفايفو وهبط لبيتها حل الباب ببطء وطل شافهم كيفاش ناعسين مخشيين فبعضهم ابتاسم ابتسامة خفيفة وخرج وهو مكارهش يكون فبلاصة رجاء شوي مبقاش عاجبو لحال مع بالو
أوس(فبالو) :بفف كيفاش تخشا فيها هي ونا كتبعد عليا..هاد البرهوشة أش باغاني ندير فيها علاش تعنقها خاصها تعنقني انا..
بقا طالع وهادر مع راسو..اه أيها السادة هادي هي الغيرة الفايتة للحد هو مكيبغيش يشوفها مع غيرو يابنت ياولد هادا هو مايسمى بالهوس كيغلب الكل باش يتربع هو على عرش گاع الأحاسيس هادا هو الهوس...#هوس شرشبيل#..مشا لبيتو بدل عليه لبس غير شورط وتلاح فوق ناموسيتو و صورتها وسط عينيه كيفكر فيها بوحدها وكيفكر كيفاش يقرب ليها كثر باش تولي مرتو وحلالو.. فكرة ديه فكرة تجيبو حتى جا نعاس داه العالم ديالو في انتضار الغد وأحداثو لغتبدل بزاف الحويج ...
صبح صباح جديد..صباح حامل فطياتو أحداث جديدة وتفاصيل متنوعة..تعابير جديدة.. وأحاسيس متنوعة وجديدة..بداية جديدة لقصة أفضل..قدر جديد لي قرو فيه البنات يكونو فيه هوما المتحكمين والباقي كلو يهون..
أشعة الشمس الدافية واصلة لقاع بيتو فاق دوش بالخف وهبط لقا فطورو موجود في الجردة فطر أوس وهو كيقرا فجورنال و ريكس(كلبو) كيضور حداه حتى هو من بعد مفطر فطورو فطر و دخل لدار عند رجاء لي غير شافتو جات عندو بالخف من بعد مدار ليها إشارة بيدو...
_رجاء:صباح الخير موسيو أوس...
_أوس:امم صباح النور..احم شوي غيجي واحد تريتور مكلف بالحفلة ونتي..غير..احم سيري عند أسماء لبيتها وبقاي معاها هو غيتكلف وبلا منوصيك...
_رجاء:واخا كون هاني أسي أوس..
هو حرك راسو بإيجاب وخرج خدا سيارتو وكسيرا لافاك ممشاش ليها البارح..ورجاء مشات تكمل داكشي لفيديها..فاقت أسماء حتى هي أدات ماعليها من اغتسال وصلاة لبسات وهبطات لكوزينة تقلب على متحنجر بفف همها الماكلة😂..كلات وهي كضحك مع باقي الخدامات دارت بلاصتها وسطهم دغيا واخا كانت المدة قصيرة باش عرفتهم..مدازش بزاف الوقت حتى جا طريطور وعاونوه ليگارد والخدامات على تزيين الجردة وأسماء ورجاء كيف وصاهم أوس گلسو فبيت رجاء وشدو يوتيوب كيتفرجو من سكيتش لاخر هوما ناسين العالم وكيركروووو أما التحت فالجردة فنيضة قربالة وكلشي يتجارا من لهنا لهنا تگولي كاين عرس..
وصل العشية كانت حوالي 8:00 والحفلة غتبدا مع 8:30 أي أن المدعويين قربو يجيو...أوس كان فخدمتو مع زياد غير طل على المگانة تفاجأ ناضو بجوج بالخف قرر زياد يمشي معاه من تما ويلبس من عندو باش المقاس ديالهم تقريبا بحال بحال.. كسيراو بجوج بسرعة الضوء مكاملاش نصف ساعة حتى وصلو القصر دخلو كتبان ليهم الجردة مزينة مزيان..كانو الطبالي العالين لي مدورين من لفوق ومن الزاج كيملؤو الأضية كيبعد مبين طابلة وآخرة مساافة ولكن مطويلاش بزاف باش المدعويين يلقاو راحتهم فالهدرة ومتكونش مسموعة لآخر كان الورد الأبيض كيزين الجردة كاملة كل بلاصة فيها باقة ورد بيضاء وبيسين حتى هو مليوح فيه بعض أوراق الورد والأضواء فكل مكان بحكم الليل و كاين حدا القنت ديال بيسين ديدجي متكلف بنوع الموسيقى..المهم الزينة على حقها وطريقها..
_زياد:امم داكشي هو هداك أصاحبي..
_أوس(تعابير خالية):امم..يالله دغيا نطلعو نبدلو...
طلعو بالخف لبسو..أوس كان بكل أناقتو لبس سروال توب گري سليم مي ماشي بزاف وقاميجة فلكحل خشاها فسروال وخلا العقاد لولين محلولين وهز فيدو ڤيست كحلة مع سباط فنفس اللون... أما زياد فلبس سروال توب حتى هو ماشي سليم بزاف فلبومارين وقاميجة مخشية فيه بيضة وحتى هو مخلي العقادي لولين محلولين كاين الصهد😂 ولتحت لبس موكاسان فنفس لون السروال ورشو الريحة وقادو شعرهم وهبطو الخدامة ليدازو من حداها كيخليوها معنزة جاو أففف كيحمقو رجالة بكل مافي الكلمة من معنى..بداو الضيوف فالمجيء غير الريوس الكبار فالمغرب منهم برلامانيين لي عبارة عن مافيوزيين في الواقع وغير شكون وشكون وأكيد كل واحد جايب معاه عشيقتو ولا إيدو ليمنة الموسيقى بدات والخدامات بداو كيضورو يفرقو فالمشروبات وكيهزو شي طباسل من واحد طابل طويييلة عامرة بالمملحات والحلويات كاينة فليمن ديال الجردة..كما أن عدد الخدامات ضاعفو بأمر من عند أوس...
نرجعو عند أسماء ورجاء لباقين كيكركرو وناسين الوقت حتى كتوقفها...
_رجاء:ششش سمعي سمعي هادا صوت بنادم والموسيقى لتحت لا..
_أسماء:اااااه نسييينا الحفلة الحفلة..
_رجاء:ويلي ويلي بيمن محزمة..
_أسماء (شافت الساعة معلقة قدامها) :اففف متخافيش راها ياللاك 9:00 يعني ياللاك نيت بنادم جا..
_رجاء:وحنا خاصنا ساعة خرى باش ياللله نلبسو غير زيدي وكان..
نخليوهم يلبسو ونهبطو لتحت حديث بالإنجليزية..لوكاس(شاب في 35 من العمر وهو رئيس مافية "كامورا" هي مافية إيطالية مشهورة وهو من حلفاء أوس بالطبع)
_لوكس: مبروك أسي أوس على الصفقة جديدة..
_أوس:شكرا..
_لوكاس:سمعت بلي وسعتي نفودك في البرازيل وقدرتي تحكم السوق السوداء..
_زياد:هادشي مصعيبش علينا خاص غير ناس لكيتعاملو معانا يعرفو بلي موقعنا هو الأقوى...
_لوكاس:هادشي مفيهش الشك..
_أوس: ونتا أ..
كيقاطعو لوكاس ليكان كيشوف فجهة وحدة ورسم على وجهو ابتسامة جانبية
_لوكاس:اووووه...
أوس وزياد تلافتو باش يشوفو حتى هوما كما أن كل الحضور من رجال ونساء كانت عندهم نفس وجهة النضر وكلشي ملافت..أوس وزياد غير لمحوهم حلو عينيهم من أثر الصدمة مكانوش متوقعينها ....
اه كيف كلشي متوقع كانت أسماء ورجاء ليهابطين من دوك ربعة الدرجات من الباب الجردة أميرات وصافي بفف كلشي مبهور فجاملهم الغير الطبيعي حتى حد ممتيق أش كيشوف رجال كلشي حال فمو والنسا حتى هوما كيشوفو فيهم بنضرة غيرة وإعجاب فملابسهم المثيرة..
كانت أسماء لابسة كسوة فلغوج على شكل قلب من لفوق بلا سماطي وحوتة من لتحت كتبين الخصر بطريقة روعة جات حتى للركبة وطلقاااات من لتحت وجات فتحة على شكل معين🔷من جيهة الكرش مع شعر مطلوق مبوكلي دوائر خفاف من لتحت ومنفوخ من لفوق ومايكاب ليلي خفيف عبارة عن عكر حمر ماط زاد بين شفايفها كثر وكثر و ماسكارة و أيلاينر خفيف زاد بين عينيها الزورق المهم..
أما رجاء فكانت لابسة غوب گرونة على شكل حوتة حتى هي وقلب من لفوق بلا سماطي ودارت ليها أسماء واحد سبولة لور مطلوووقة جاتها كتسطي مع خلخال في الرأس دارت عكر گرونة ماط و مسكارة باش متعيقش أصلا عينيها غزالي..
_أسماء(بابتسامة قربات لودن رجاء):احم كنضن هداك هو كلبك لي ريوگو طاحو لأرض...
_رجاء(بابتسامة هي الأخرى):امم عندك الحق أبب هاد المرة..كيبانو ليا عينيهم طاحو..المهم أجي نشوفو ديك الطبلة خاوية..
مشاو لواحد الطبلة جات فلوسط والكل باقي حاضيهم زياد قرب لعند أوس ليكانو عينيه خارجين من أثر الصدمة..ميمكنش هاديك هي حبيبتو بهاد الجمال كامل اه بصح هي زوينة بلا ماكياج ولكن دابا لا كملااااات ابتاسم وهو كيفكر أن هاد الجمال كامل غيكون ليه هو وبكل تأكيد فيقو من أفكارو زياد
_زياد :ساط واش هاديك هي بنت الطارو وهاديك لمعاها هي رجاء احم بغيت نگول الخدامة...
_أوس(ساهي فيها):جاب ليا الله كنحلم...
_زياد(هو الآخر ساهي):حتى أناا..
مكيفيقهم من سهوتهم غير واحد من الشباب لكان غادي باتجاه طابلة البنات وخاشي إيديه فجيابو مع ابتسامة كان على بعد خطوات ويوصل لطابلتهم حتى كتوقفو شي إيد تحطات على كتافو دار كان أوس وهو مخنزر دار ليه إشارة براسو بمعنى قلب الدورة ولا غتموت ليوم الشاب فهم قصدو وغير من تخنزيرتو لكطيح النص قلب الدورة مبغاش يدخل معاه فشي مشكل وهو عارف راسو غيكون هو الخاسر الشاب دار و أوس كمل خطواتو ولكن ماشي لطابلتو وإنما طابلة البنات وفعينيه نظرة تاقبة رجاء غير شافتو جاي خرجات عينيها وبدات كتنغز أسماء لكانت بدورها كتدور عينيها فأرجاء الحفلة..
_أسماء:احح مال مك كتقرصي..
_رجاء (تحت سنانها):شوفي قدامك ألموصيبة..
هي معا الدورة مع الجرة كان وصل لطابلتهم كيف وصل جرها من إيديها بدون سابق إنذار تحت أنضار الكل..رجاء تنفست الصعداء وخدات كاس عصير من واحد النادل داز من حداها باش تبرد على راسها ومتبانش متوترة أما زياد فرجع لطابلتو وهو حاضيها وساهي فيها ميمكنش تكون هادي هي نفسها الخدامة لمكيحملش لا لا ميمكنش هادي هي ديك الجزائرية لا كيفاش قدرات ثير إنتباهو وتخلي عينيه ميشوفوش غيرها كيشرب فكاس ويسكي وحاضيها نفس الوقت رشفة من لكاس وعينيه مفيكسيين عليها وعلى مفاتنها لكانو كيبانو من الطيارة..جسمها منحوت مع الكسوة على شكل حوتة كتبين خصرها وليهونج بوووووم...
نرجعو عند أوس لبقا جار أسماء مي ماشي بعنف بزاف وهي كتحاول تنتر منو ولكن معامن ههه وصلها لور ديال القصر الجردة الخلفية كانت خاوية ودفعها على الحيط ورجع شدها من كتافها العريانين و نفسو كضرب ليها فوجها كانت قريبة لفيه هاد المرة فطول بحكم طالون أوس مخنزر..
_أسماء(كتحاول تقاوم راسها احح ريحتو دوخاتها وعينيه الزورق لمفيكسين فيها اوووف قلبها بقا ليه شوي ويسكت معرفاش اش كيدير فيها بالضبط ومعدتها بحالا فيها لقنابل ورجليها كيترعدو كتحكم فصوتها غير بزز):ونتا أش حرق شطاطتك نلبس ليبغيت..
_أوس:( طلعات ليه الدم سرح إيدو وضربها جنب وجهها في الحيط) :واش باغا تسعري ديلمي كيفاش نتا مالك..
_أسماء(قفزات):اه علاش كدبت نتا مالك..
_أوس:اه مالي ألالة..
ديك لإيد لكانت مسرحة على الحيط شد بيها عنقها وليد لخرة هبطها من كتفها لمؤخرتها وخشا شفايفو فشفايفها كيمص ببطء وفنفس الوقت كيماصي ترمتها ويعصر فيها ببطء وهي حطات إيديها على صدرو ولأول مرة معرفاتش أش وقع ليها غمضات عينيها ومضرباتوش ولاقوماتو بالعكس وإنما استاجبات معاه الشيء لخلاه يفرح ويزيد من وتيرة مصانو دخل لسانو كيضورو على لسانها ببطء حركات دائرية وهي طلعات إيدها ليمنة ورا عنقو وكتلعب ليه بشعرو عاجبها الحال لعابهم تخالط هو بدا كيجعر عاق على راسو ومبغاش يخسر لحضة بعد بسرعة وحط جبهتو على جبهتها وهو كينهج وحتى هي...
_أوس:نتي ديالي..ديالي..ديالي أنا..
كتافا بهاد الكلمات لبقاو كيتردو فودنها وبورشوها هي بقات حاطا إيديها على صدرو معارفاش اش كدير بالضبط نخليوهم ونمشيو لحفلة لنايضة فيها حيحة ...
رجاء واقفة بكل أنوثثها قرب طابلة وشلدة تيل ديالها كتلعب فيه ومرة مرة كترشف رشفة من العصير وهي ممسوقاش لزياد هاد المرة وهادشي لخلاه يغلي من الداخل ديالو حاطة مرفقيها بجوج على ديك الطبلة بحكم علوها ومعوجة شوي الخصر ديالها لجيهة ليمن هي كتلعب فجأة كتوقف قدامها وردة بيضة فوق طابلة هزات راسها على الهاتف من بعد مطفاتو وهبطاتو كان شاب في العشرينيات من العمر شهب وزوين تگولي گاوري مع ابتسامة جانبية جميلة
_الشاب:امم دابا عاد عرفت القمر مكينش فسما هاد ليلة..
_رجاء(توترات ولكن تفكرات كلام أسماء وحاولات تبدل شخصيتها وتقويها كثر.. طلعاتو ونزلاتو بنضرة مثيرة وصوت أنتوي):سير قلب عليه...
_الشاب:علاش غنقلب عليه وهو قدامي..
(هي كتفات بابتسامة ساحرة)
_الشاب(مد إيدو):جاد...
رجاء(مدات ليه إيدها لي بدورو شدها باسها وهو كيشوف فعينيها): رجاء(بابتسامة)..
لوكاس كان جنبو مفهموش أش كيبرگم خلاه ومشا لطابلة خرى كان فيها شريكو وزياد بقا بوحدو كيسب ويشتم ومعاجبو حال وغير راسو وهو معايقش على روحو..ديدجي قلبها أغنية All of me شحال من واحد جر عشيقتو وناضو يشطحو على هاد الأغنية الرائعة والهادئة..
_جاد (مد إيدو لرجاء):واش يقدر القمر يشرفني بهاد الرقصة..
_رجاء:( خافت لاتزيد توحل ضورات وجهها ليمن كتشوف واش جايا أسماء تفكها حتى كتلمح زياد لبقى ليه شوي ويتلاح عليها كيقاطعها صوت)
هو تبسم وجرها من خصرها لوسط كانو قراب بزاااف إيدو ليمنة ورا خصرها وإيدو ليسر مسرحة في الفراغ شاد بيها ليدها ليمنة وإيديها ليسرة حاطاها تحت كتفو بشوي(رقصة طونگو)كيتمايلو مع إيقاع الأغنية بهدوء للقطة حيد إيدو ليمنة من ورا خصرها وبقا شاد ليها إيدها ليمنة بيدو ليسرة وبدا كيضور فيها وهي كضحك الضورة لولة تانية تالتة حتى كتجرها شي إيد...
ولكن ماشي إيد جاد تو تو تو هادي إيد زياد جرها من أيدها ليسرة لكانت متلوقة حتى ضربات فصدرو وخنزززر في جاد لبدورو عاق على راسو وخلا ليه الساحة عارفو أش كيسوا وحتى هو داير بلاصتو وسط المافيات رجاء غير شافتو سرطات ريقها وحطات إيديها بجوج على كتافو وهو حط إيدو ليمنة فأسفل ضهرها صبعو صغير قايس ترمتها وإيدو لاخرة مطلعة شوي فضهرها ومفيكسي عينيه على عينيها الزورق مكيرمش هي ولات كطلع نفس غير بزز هو راسو مبقاش عارفو مبقاش قادر يتحكم فراسو كانت ليه بحال شي مخدر كيفاش مبقاش قادر يتحكم فيديه كيحس براسو بحال دوك الدمى الخشبية وشي حد كيحركو بلخيوط من الفوق كيتمايلو على أنغام الأغنية وكأنهم غير بوحدهم مبقا كيبان ليهم حتى حد أما هي صافي فشلات بقا ليها شوي وطيح من ترعاد بحركة خفيفة دورها حتى شهقات ودار إيدو فوق بطنها وخشا راسو فعنقها كيشمو من لور وهوما فنفس الوقت كيتمايلو ومع عندها الترمة خارجة شوي عمرات ليه داك الفراغ..
غمضات عينيها وكتحس بالسخونية طالعة معاها وكتحاول تبعد ترمتها على المعلم ليبقا ليه شوي ويدخل لترمتها هو حس عليها عاود دورها عندو وإيديه ورا ضهرها شوي بدا كيطلع إيدو مع ضهرها لفوق بطريقة كتبورش هي مع تطليعة إيدو مع تطليعة نفسها وقوسات ضهرها شوي الشيء لخلا ترمتها تخرج كثر والشيء لخلاه هو يهبط إيدو لترمتها ولكن ماشي كيعصرها وإنما بحالا كيمسح إيدو عليها كيتلمسها وهو عاجبو لحال بغيت نگول معايقش على حالو أما هي فكمشات إيديها فلكول ديال قاميجتو وغمضات عينيها بقوة وعضات على شفافتها لتحنانية من قوة النشوة هو وصل ليدو حتى لعنقها لور وبدا كيدير بالسبابة حركات دائرية فلور ديال عنقها هي مقدراتش مزال توقف حطات جبهتها على صدرو وهو خشا راسو فعنقها وإيديه موقفوش...
سالات الأغنية وبدات The day we met خخخ ديدجي حتى هو سبحااان الله جابها لزياد من الجنة والناس..
نخليوهم فالعالم ديالو ونرجعو عند أسماء وأوس لبدورهم كانو فعالم آخر..عالم بعيد على ناس..كان باقي حاط جبهتو على جبهتها وإيدهم مشابكين وكينهج بعد عليها غير بزز مكرهش نبقى بحال هكاك ويشم ريحتها ليل كامل ولكن خسارة الحفلة ضروري يكون فيها..
_أوس(شدها من إيدها):يالله طلعي..
_أسماء(نترات إيدها حتى تلافت عندها وهي حركات راسها بلا):لا مغنطلعش..
_أوس(تنهد حيد لافيست ديالو ولاحها ليها على كتافها وهي غير كتشوف فيه ياللاك بغات تهدر حتى قاطعها):إلا بغيتي تحضري غتبقاي جنبي وشادة فيا تحركي ها ولا ها نطلع مك..
_أسماء:عندي 3سنين أنا..
_أوس:كيبان ليا طلعي حسن لك(جرها)..
_أسماء (وقفاتو):لا لا صافي صافي..
_أوس:يالله زيدي..
شدها من إيديها وهي متنكرش أنه عاجبها لحال كيفاش كيتصرف معاها بحال شي طفلة صغيرة وأخيرا حست بطعم الطفولة..كانت باغا تقريه كيد النسا وشوف أش وقع من أول خطوة ليها معرفتها واش نجحت ولاتقلبت عليها المهم لي عرفت أن كلام رجاء واقلة صح واقلة بصح هو طايح فيها ...
_البنت3:أشمن خطيبتو واش نتي عارفة علامن هادرة هداك راه آخر حاجة يفكر فيها هي الزواج وأنا قدامك نعست معاه حتى عيا وكان هو لول فحياتي وفاش واحد نهار هدرت على موضوع الزواج كركبني ومبقاش باغيني حتى للنعاس..
_البنت2: بعدا نتي نعس معاك أنا راه بغيت غير الشوفة من عندو والله عمرو تسوق ليا..
_البنت1:المهم فرحاتها وصافي كيفاش شاد فيها ومطلقهاش الله يعطيني زهرها معرت أش عجبو فيها..
كان أوس شاد ليها فيدها هي كيف دخلات الحفلة دورات وجهها لجيهة طابلتهم ملقاتش رجاء هو غادي من وسط الحفلة وهي كدور عينيها تتقلب على صحبتها حتى كتلمحها وتبسمات من المنضر كانت رجاء باقا حاطة جبهتها على صدرو وهو باقي محاوط خصرها بيديه وخاشي راسو فعنقها كيشم ريحتو وكيتمايلو على الأغاني الهادئة..
أما أوس وأسماء كانو ليدازو من حداه كيخليوه معنز فيهم حتى كيوقف قدامهم جلال..برلماني مفيوزي عندو 40عام وباقي كيبان شاب وقف هو وعشيقتو جنبو..
_جلال: أوووه سي أوس فين كنتي غابر(مد إيدو)..
_أوس (هو الآخر مد إيدو ليمنة من بعد مطلق من أسماء ولكن تو تو تو مخلاش ليها فرصة كيف طلق إيدو ليمنة شدها بيدو ليسرة وضورها لجنب لاخر بحالا غتهرب هه):غير هنا..
_اسماء:صافي صافي راه غير ضحكت معاك المهم..اجي مال داك صاحبك مكيحملش رجاء..
_أوس:وشكون گالها لك...
_أسماء:باينة غير من تخنزيراتو ليها مالو كيبقى يخنزر فيها هكاك..
_أوس(مخنزر):اهاه ونتي فين شفتيه...
_أسماء:وقف عليا في المنام وفين غنكون شفتو غير هنا في الحفلة ولا الدار وكنشوفو غير كيشوفها كيخنزر ياربي السلامة... _أوس(معاجبوش الحال):شغلو هداك ونتي بقاي دخلي سوق راسك وشوفي جنابك ونتي حاضية ليا الدراري..
_أسماء:بفف غي ليبغا يسولك..
_أوس: المهم مكيحملهاس والسلام يالله هنينا..
_أسماء: بااااينة غير من الشدة..
_أوس:هاه كيفاش..
(أسماء نعتات ليه جيهت رجاء وزياد لكيشطحو...أوس فتح عينيه من أثر الصدمة..)
_أسماء:اوووه شوف شوف شحال مكيحملهاش..
_أوس:احم شغلهم هداك..
_أسماء:شتي نتا وصاحبك والله حتى خاصكم تزورو بويا عومار ولا عبد الرحمان مول المجمر ولا لالة ميرا ولافقير سيدي عمر بن الحسن..ولا سيدي موسى بن قرقور..ولا سيد الفقيه بن عامر المقري المحاضر.. ولا سيدي موحا بن عگوب مول السبوبة مول الغابة..ولا سيدي حميدة رگراگرة الحرار لي مَيهزو عار..ولا بوعبيد الشرقي مولا سبع قبب.. ولا سيد الراضي مسرح المكتفين..ولا بن عگوب المسرح العميين..( أوس غير كيشوف فيها كيفاش حافضة السادات والفقرة)
_أوس:كنتي شوافة...
_أسماء:كنت كنحرك المجمار خاف على راسك...
_أوس(بابتسامة قرب حتى لوجهها):مبقا مناش نخاف دابا أمرتي..
_أسماء(تحت نيفها):ربي أداك الزين المسرار ديالك هو كبر من لبوطة الكبيرة(بصوت مرتفع) دابا غتخليني نمشي ولاباغيني نگفض لك هنا...
_أوس(طلقها وتنهد):سيري قبل منصدق مخلي دار بوك هنا سيري وعندك دقيقة...
أسماء حركات راسها بآه ومشات بخطوات سراع لطابلة مكيبان ليها حتى حاجة من غير الطابلة..اصلا هي فالماكلة مكيبان ليها واالو غادة وكتلافت عندو بغاتو يضرب الضورة ولا شي حاجة باش ميبقاش حاضيها ولكن هو مفيكسي عينيه عليها ولحسن حضها هاد المرة وقق عليه واحد الرجل ولكن هادو ماشي المدعويين هادا من رجالو ليغارس وسط كل مجموعة هي غير شافتو تلافت مشات بسرعة كثر لطابلة وگلسات دور من طبسيل لاخر ممسوقاش تاكل وتغمض عينيها من شدة البنة وكتجمع قطعة مالحة مع قطعة حلوة في فمها باش تشوف المداق بحال دراري الصغار...
نرجعو عند أوس...
_أوس:أش كاين..
_الرجل:سي أوس لقيت واحد الرجل كاين في القنت كيهضر فتيليفون وتسجل داكشي واخا مواضحش بزاف مقربتش بزاف باش ميشوفنيش..
_أوس:صافي حتى لمن بعد ونشوفو..
_الرجل:ولكن أسيدي الأمر مهم بغا يدخل للدار..
(أوس دار ليزي فودنو باش يسمع حسن:أه أسيدي أنا الداخل ولكن الحراسة مشددة..أوامرك أسيدي أنا غنحاول ندخل لبيتو راه ديك الخدامة تلاقيت معاها جات تعاونهم في الحفلة..اه اه غتعاوني...واخا أسيدي انا غنجيب كلشي..طيط طيط طيط(تقطع الخط))
أوس حيد ليزي بابتسامة شريرة
_أوس :امم أش هاد الجرأة..
طلع كيجري عرفو غيكون غير فبيتو دخل ببطء بلا حس لقا واحد خينة تاهو لابس كومبلي على أساس من المدعويين ومعاه خدامة ولكن ماشي من دار لا لا هادي جديدة جات مع هادوك لغيعانو على الحفلة لقاه محني على ركابيه كيقلب في الكوافوز و الخدامة كانت كتقلب في الماريو هو تكا على الباب وهوما مع صوت الموسيقى مسمعوهش حتى كحكح...
_أوس:احم احم نعاونكم..
بجوجهم ضارو بسرعة غير شافوه اللون تخطف من وجههم وقفو وهوما كيتفتفو لاخر بغا يدير فيها كاين خشا إيدو ورا ضهرو باش يجبد سلاحو بالخف كيف طلع سلاحو معرف القرطاسة كيفاش جات ليه فيدو حتى طاح السلاح ولكن مدارش الفردي الصوت بحكم أوس قبل ميطلع ركب ليه واحد لعبة ديال كاتم الصوت..الخدامة شهقات وبغات تهرب ولكن شدها دورها على لباب كانت باقا شابة شوي تكون في العشرينيات شدها نن فكها وحط سلاحو فوق راسها وهي كتبكي وترجا فيه بعينيها ولكن هو متسوقش لدموعها بابتسامة ضرب ليها جوج رصاصات جيهة مخها حتى دمها تلاح ليه على وجهو حيد إيدو وخلاها طايحة الأرض ضار لقا داك خينة كيتماطا لفرديه أوس مشا بخطوات ثقيلة عفس ليه على إيدو قبل ميوصلها للفردي عافس عليهت بقوة وكيضور فرجلو وهو ضاااغط عليها فوق إيد داك خينة لي بدورو كيغوووت أوس ببرودة
_أوس :ضريتيني فودني...
تيرا فيه جاتو جيهة قلبو قرطاسة وحدة كاافية تقتلو..دخل لدوش باش يغسل وجهو ويدو من الدم خرج وهو كيمسح إيديه بفوطة حتى كيسمع تيليفون كيصوني مشا قرب باتجاه داك الرجل هبط لعندو وجبد تيلي من جيبو لقا نمرة مكتوبة عليها "Boss" فتح المكالمة بابتسامة...
_الشخص: أش عملتي..
_أوس(ضحكة استهزاء):أش عندو ميدير تاهو صدق مكلخ كثر من لول..
_الشخص: اوووه سي أوس شرفتي شرفتي...
_أوس:تالهاد الدرجة مزروب على روحك اسي طاهر..غير صبر راه غتموت غتموت ونبشرك أكيد على إيدي..
_طاهر:هههه تو تو نتا غلطان أولدي أوس انا لغنرسلك لعند باك غتكوني توحشتيه(كارز على سنانو)وهاكا غنكون كملت انتقامي لأش عملتو فعائلتي...
قطع الإتصال قبل ميجاوبو وهو جااااعر كيتفكر جثة باه لترسلات ليهم وهي كلها مثقبة بلقرطاس مكيناش بلاصة فلحمو ممتقوباش منضر حقا كيحرق القلب ومن تما خدا وعد على راسو باش ينتاقم وهدا كان أهم هدف عندو خصوصا من بعد موت مو نبع الحنان مقدرش يصبر كثر هز تيلي حتى هزو وردخو مع الأرض حتى ولا فراتت صغاار وهبط وهو كيمسح على راسو باش يتحم فراسو وغير هبط..عينيه كانو محتاجين يشوفوها باش يرجع يبتاسم ولكن غييير شااافها الجنون بداو كيدورو ليه فوق راسو فاش شافها واقفة و واقف معاها شاب شاد ليها فمرفقها....
نرجعو عند أسماء لي كانت كتاااكل حتى معرفت باش تبلات ملي وقف عليها واحد الشاب تكون عندو ديك 26 عام حروفو كحلين وفورمتو زوينة وحتى هو دار بلاصتو فالبيزنس خدام فمجال البناء كيملك مجموعة شركات ولكن غير وارثهم من عند باه....
_الشاب:هاي..
(أسماء تلفتات عندو طلعاتو وهبطاتو ورجعات حدرات راسها على لماكلة..)
_الشاب: واش تقدري تعطيني من وقتك دقيقة غنكون فرحاان..
_أسماء:لا بغيتي تفرح سير تفرج لك في الروسوم متجيش عندي انا حيكاش غير غتجيبها فعضامك..
كانت باغا غير تفك منو مقادة على صداع كثر براكة غير هاد الخطوة ليدارت ونقدات الشرط بقا ليها غير تهدر مع هاد خينة عارفة راسها حتى هي مغتسلمش الا شافهم أوس والدليل آخر مرة فاش كانت مع داك الديدجي عارفاه الى شافهم مغيتحكمش فراسو خصوصا من بعد الهدرة لباقا متنساتش ليها"نتي ديالي" وهو لاتعصب راسو مكيعقلش عليه...
_الشاب(قرب ليها كثر):انا مصر مغنمشي حتى نتعرف علك وترقصي معايا(شدها من مرفقها) يالله أزوينة وبلا متخصري ليا خاطري..
وفهاد اللقطة بالضبط شافهم أوس شافو وهو شاد مرفقها أصلا هو جااااعر وداباااا كملاااات كيفاش قدر يحط إيدو على حبيبتو صااافي اليوم لخر ليه مبقات لا حفلة لا خطة لا تبي صااافي ولا بحال الحمق غادي في اتجاههم لي قدامو كيدفعو ويدوز وهو ممسوقش عينيه خااارجين وعروقتو بارزين وعرقو كيتصبب ونفسو كيطلع ويهبط تلوحي عليه فتيلة يتفرگع...
_أسماء(كتحاول تجر مرفقها وهي مخنزرة): واش مكتفهمش العربية ألخرى..گلنا لك مبغيتش...
الشاب جا ينطق حتى كيقاطعو واحد الكروشي فحنكو ليمن حتى كان غيطيح كون مشد فراسو فآخر لحضة ضار تقاد معاه كان أوس جاااعر وحممممر أسماء غير شافتو شهقات ودارت إيدها على فمها...
_الشاب:أووس..
أوس قبل ميكمل هضرتو رجع عطاه كروشي آخر لحنك لاخر...شنق عليه وتكاه على الطابلة حتى هرس براسو طبسيل تحتو وتكا عليه بالكروشيات وهو كيغليييي وكيغوت...
_أوس :كيفاش تقيييسها أوووولد القحبة كيفااااااش(كيهزو من لكول لقاميجة حتى كيهزو ويعاود يردخو على الطابلة حتى گاع الطباسل هرسهم وراسو ولا كلو دمايات):ااه أولد القحبة علااااش تمسهااا..اليوم نقتل الزااامل بوووك....
كيعطيه فلكروشيات ولاخر قريب يموت بين إيديه وأسماء جات ورواه وكتحاول تجرو من كتفو وكتغوت والدموع فعينيها
_أسماء :وطلقوووو طلقوووو أوس عفاااك لما طلقووو...
بنادم كلو كيتجارا باتجاهم ولكن مقربوش وكاين ليغادر الحفلة كان أوس بحال شي وحش وحتى من رجاء وزياد لكانو غاااارقين رقصة بعد رقصة بلا ميعياو سمعات رجاء صوت لغوات وهاد الصوت مخافيش عليها هادا صوت عشيرتها بعدات على زياد ومشات كتجري وهو التالي تبعها كيجري وهو عارف مغيتجرأ حتى حد ينوض الروينة في الحفلة من غيرو هو وكدلك مغينوضش الروينة إلا على قبلها هي وداكشي لي كان نيت..
زياد كيحاول يجرو من لور خاشي إيديه من ورا كتافو وكيجر فيه
_زياد :باراكة أصاحبي غتقتلو باراكة...
أوس عرقان وحمرر وعينيه حمرييين وعروقتو غيطردگو كيبان بحال شي شيطان ولا وحش في الحمر مبقاش عاقل على راسو كما لو أنه غائب عن الوعي غير كيضرب فيه ولكن ملي جا زياد قدر يحكمو من لور الشيء لي خلاه يضور عندو وهو مخنزر ويعطييه كروشي لوجه حتى قرب يطيح كون متحكمش فتوازنو وعاود دار فنفس اللحضة وهز داك خونا على كتافو حتى هزوو وعاود خبطو على الطابلة بوووم ومع كانت زاج تقسمات من الوسط ومع دلك مبردش وطاح عليه مرة خرى..هاد الحركة خلات أسماء ورجاء يخرجو عينيهم رجاء شدات أسماء من إيدها وهي كتفتف
_رجاء:يالله يالله دخلي دخلي دغيا ..
كانت عارفاه ملي غيكمل من داك خونا غيضور يكمل بيها هي ياللاك غادين هاربين حتى شي إيد كتشد إيدها ....
ولكن لا لا إيد رجاء ماشي أسماء الشيء ليوقفهم وخلاهم يتلافتو بجوج..
_زياد:من الأفضل تمشي بوحدها ونتي گلسي هي بعدا ميقدرش يأديها أما نتي منضمنش لك..
_رجاء(كلامو صح ولكن بينات العكس نترات منو بقوة):ماشي سوقك إلى كانت غتاكل العصا حتى أنا غناكلها معاها..
جرات أسماء باش يكملو جراهم وزياد مخنزززر كيفاش تجرأت عليه واقلة ضسرها وحلف تيردها ليها أما هي صافي وصلات الحد ودابا عرفات قيمتها وغتبدا دير داكشي لكتگول ليها أسماء..أسماء وقفات...
حتى كيقاطعاها ملي كتلمحو ناض على داك خونا كينهج وضار جنبو يشوف أسماء ملقاهاش دار وراه لقاها مخرجة عينيها فيه بخوف غير شافتو نترات بقوة من رجاء وهزات كسوتها وهربات للداخل..
_أوس (غوت) :أسمااااء..
هي تلافتت عندو ملامح الخوف باااادين على وجهها بقا ليها شوي وتبكي شافتو كيفاش جاي في اتجاهها بخطواتو السراع... عينيه الحمرين وجسمو الضخم لضوبل على تلاتة حالتو زعما حاااالة غير شافتو هكاك رجعات ضارت كملات جراها...هو كيغوت ليها دخلات نيشان لبيتها وسورتات عليها...
هو تبعها أما زياد فتكلف بي المدعويين لي بقاو طلب الإعتدار منهم ومشاو اما داك خونا طلب ليه الإسعاف ورجاء دخلات لبيتها..بالتالي الحفلة كاملة تقريبا تحولات لگنازة والكل اي جميع المدعويين ناس المافيات والبيزنس عرفو بلي ديك البنت الزويينة شي حاجة مهمة في حياة أوس هاد الأخير ليبقا ليه شوي ويتفرگع كيدق على أسماء بجهد وكيغوت
_أوس :حلييي هاد الباب ولا برب حتى نفرگع ديلمو على راسك حليييي...
_أسماء(كترعد):هالعار لما سير تالغدا ونهضرو الله يرحم الواليدين...
_أوس:مبغيتيش تحلي واخا..
بعد حتى بعد وضرب لباب برجلو دقة وحدة كانت كافيا تفرعو..أسماء شهقات بصوت مرتافع وبدات كترجع لور هو دخل شاااعلة فيه العافية... كلو عرق وكينهج غادي كيقرب ليها هي راجعة بلور..
_أسماء:واللهما درت شي حاجة والله تيقني...
أوس غير كيقرب ليها براكة غير نضراتو لكطيح الما فركابي..حتى وصلات الحيط وراها وهو وصل عندها..
أوس كان ناوي يخلي دار بوها غير شافها هكاك كترعد كان كيشوف فعينيها الزرقين الكبار لكيدوبوه مغرغرين ملامحو بدات كتخف بشوي بشوي بدا كيشووووف فعينيها لمدة.… حتى هي كتشوف فيه وكتشوف فملامحو لبداو كيبردو للحضة هز إيدو ...
للحظة هز إيدو حتى غمضات عينيها كتسنى الضربة ولكن تو تو تو طرا العكس حتى كتلقا راسها وسط حضنو..كان معنقها بقوة هي بدات كضور فعويناتها ومع بالها
_أسماء (مع بالها) :لا لا هاد والله مفات معاه بوياعومار شي سيمانة يولي بعقلو..هدا خاص بوه سبيطار..
بقا معنقها بقوة خاشي راسو فعنقها العاري كيشم فريحتو بحكم لافيست طاحت ليها فاش كانت كتجري حتى هي بادلاتو العناق وهي كطبطب على ضهرو كان بين إيديها بحال شي ولد صغيير من وحش لولد صغيير واااو..بعد مدة ليست بقليلة بعد عليها وشدها من كتافها مي ماشي بقوة وهو كيضور عينيه فجسمها كيتفحصو..
_أوس(كيهدر بحال شي حمق):واش واش أداك..فين قاصك..واش دار لك شي حاجة هاه..
أسماء غير كتشوف فيه كيفاش كيهدر معاها وحركاتو كل مرة كتزيد تأكد ليها نفس الفكرة..فكرة انه طايح فيها ولكن هدا خخ فااااات ديك المرحلة وصل لسطاج لخر لمكيوصل ليه الواحد إلا بعد مدة ولكن هو وصل ليه فمدة قصيرة والشيء ليساعدو انه عندو اضطراب فشخصيتو وانه وحيييد بزاف هي كتافات انها تحرك راسها بلا وهو عاود عنقها مرة خرى وتنهد ونطق مرة خرى...
_أوس :نتي ديالي...
هاد جوج كلمات خلاوها مرة خرة تبورش ونبضات قلبها يتسااارعو وعضات على شفايفها بقوة... دور راسو لعنقها وبدا كيدوز نيفو عليه وهي كتعوجو وتنهج من أثر النشوة لبدات كطلع معاها والضو لضرب فيها هو شوي بشوي بدا كيبوس فيه ببطء كيحط شفايفو على عنقها وبحالا كيمصو ويعاود يبعدهم بسرعة الشيء لكيخليهم بجوج طلع معاهم السخونية بشوي بشوي هي هزات إيدها وشدات ليه من القنات ديال قاميجتو بقوة هو ابتاسم وهزها بالخف لفوق ناموسيتها وحطها على ضهرها وجا فوقها تكا على عنقها كيبوسو ويمصو ببطء ويهبط لبلاصة العارية من صدرها أي الفوق ويبوسهم وهي مغمضة عينيها وكتكرز على إيديها وتتأوه أما هو مستمتاااع كيبوس ويعض عضيضات خفاف اي بلاصة داز منها كيخلي فيها سوكيوتو(لاطراس ديال المصة ولا لبوسة)عاد كيدوز..بدا هابط ليها من كتفها بلبوسان لدراعها حتى لإيدها شدها وشاف فيها وبتاسم وباسها من صباعها حتى حلت عينيها شافت فيه ومع دلك مقادراش تحبسو معرفاتش علاش كتحس براسها مخدرة فاااشلة كتحس غير بسخونية وصافي رجع طلع لعندها ولكن هاد لمرة إيدو كان خشاها تحت الكسوة فاش هبط باس إيدها غادي مطلع إيدو مع فخادها وهي كتلوا بين إيديه وصل شفايفو لشفايفها وعزل هاد المرة الشفة الفوقانية وبدا كيمص إيدو كتلعب في فوارق فخادها فصباعو هي تهزت وتحطت هزات إيديها ورا عنقو كتلعب ليه فشعرو وتفاعلت معاه الشيء لي خلاه يسخن كثر بدا كيمص بجهد في فمها كامل كيدخل فمو ويعاود يخرجو وكيلعب بلسانها كيدخلو وسط فمو كامل وكيمصو حتى كينشف من لعاب عاد كيتلقو ويدو بدا كيدخل فيها تحت سليب غير خشا صبعو قاس وترها الحساس بحالا زعزعها الضو دفعاتو بقوة حتى ناص خنزر فيها وهي جمعات رجليها عندها وهي كتنهج بدات كتحرك راسها بلا هو تنهد وقرب ليها باسها من على راسها وفي حنكها بوسة خفيفة وخرج عارف راسو إلى بقى شوي مغيقدرش يتحكم فراسو كثر واللهما يخرج قبل لا يصدق خارج على كلشي هو باغيها تكون ليه حلالو ماشي في الحرام داكشي علاش خاصو يصبر خرج مشا لبرا لجردة لقا كلشي مشا والخدامات وليگارد خدامين كيحيدو الزينة مشا آمر واحد جوج ديگارد باش ينقيو بيتو من الجتث وهو مشا لبيت آخر فالجناح ديالو خدا دوش وخرج بفوطتو تكا على ضهرو وهو كيخمم فاليوم وكيفاش قرب من أسماء وهي ممنعاتوش وبدات حتى هي كتقرب ليه يعني عرف راه عندو فرصة وماشي مستحيل تكون ليه أصلا غتكون ليه بالسيف ولا بالخاطر .....
هوس شرشبيل الجزء الثالث
محتوى القصة
التنقل بين الأجزاء