تاشي ايد كتجرها من حيث لا يحتسب..لصقها مع لقنت ديال لحيط وهو قدامها شاد ايديها فوق راسها مع لحيط..كانت كتنهج وصدرها كيطلع وينزل مع الرقص كانت باقا سخونة وعرقانة وزيد ديك الجرة صدمتها..اما هو غير كيشوف فيها نظرة مثيرة وابتسامة جانبية
كيقاطعها كيطلق ايدها وكيهبط ايدو لضهرها لعاري كيجرها منو حتى كضرب ليه فصدرو وراسها كيمشي ويجي كانت قريبة ليه بزااااف..انفاسها السخونة كضرب ليه فوجهو قرب ليها لودنها وهمس بصوت خفيف وكيبورش البدن
_أوس:كنبغييك(وعضها عضة خفيفة من ودنها)
غمضات عينيها اثر هاد لحركة وطلعات معاها نفس قلبها خفق ومعدتها خدمو فيها لقنابل لحمها تبورش عليها..هبط لعنقها وبدا كيدوز راس نيفو عليه..كيطلعو وكيهبطو وهو كبستنشق ريحتها طبيعية..وايدو كتسارا فضهرها لعاري..الابهام ديالو كيدوز على سلسولها الداخل..وبحكم لميني واسع سهل عليه يطلع ايدو تالفوق ويهبطها..اما ليدو لخرة فكانت شادة نصف من ترمتها تيلعب فيه
_اوس(خرج راسو وشاف فيها وشفايفو على بعد 2mm من شفايفها):سمعتيني دابا
اسماء كتنهج كتافات انها تهز راسها بآه وهي كتشوف فعينيه الماكرتين.. شدها من عنقها وحول نضرتو لشفايفها وميل راسو شوي باش يدخل معاها فقبلة وهو محنى شوي لمستواها
تعلات على طراف صباعها وهي التالية ميلات راسها شوي للجهة المعاكسة الشيء ليخلاه مبتاسم..قربات لشفايفو كثر مبقا وااالو..غمض عينيه..ولكن فآخر لحظة بدلات الاتجاه من شفايفو لودنو ونطقات بصوت مستفز وخافت
_أسماء:ديرها في الرجال وترجاها وديرها في النسا ولا تنساها
شافت فيه غمزاتو ودفعاتو من صدرو وزادت وخلاتو هاز حاجب ومنزل لاخر
جرات دخلات لقصر دخلات عند رجاء لصالون ليبدورها عاودت هزات لبيسي وكملات فراجتها حتى عاودت قاطعتها اسماء
_اسماء:هاهو جبتو
_رجاء(وقفات):شوفي راك كتلعبي بلعافية
_أسماء:هو ليشعلها انا انطفيها ساااهلة ونتي
_خدامة(كتقاطعها):رجاء سي زياد جاي لهنا وگالينا سي اوس نوجدو ليهم لقهوى كيفاش كيبغيها سي زياد
_رجاء(تلافتت عند اسماء وحركات راسها بلا وعاودت تلافتت عند الخدامة):غير سيري انا جاية نديرها..
مشات لخدامة ورجاء شدات اسماء من مرفقها
_رجاء:شوفي راه جاي عندو سيد متگوليش ليا باقا باغا ديريها
_أسماء:وهادشي ليباغا نيت
_رجاء:واش تسطيتي
_أسماء:شوفي..حتى كيتسمع دقان فلباب مشات خدامة تحل كان زياد لي دخل وهاز فيدو شي ملف
_زياد:احم فينهو اوس
_رجاء:هاه سي أوس فبيتو
حرك راسو بآه وتاجه لقدام باش يطلع عندو تاوقفاتو أسماء
_أسماء:لا لا انا غنمشي نكلمو لك راه باغي يجمع معاك هنا
_زياد(طلعها وهبطها):ونتي اش..
قبل ميكمل هضرتو مشات كتجري طلعات ومن زهرها لقاتو داخل للدوش وحاط حويجو فوق الناموسية..قلبها كيخفق وايدها كترعد ولكن مخاصهاش توقف هنا..حلات لقرعة ديال دوا كانت عبارة على غبرة وشدات لبوكسر ديالو وخوات فيه شويا من لداخل ديالو
🆕...اجي نگول ليكم لاش كيصلح داك دوا..هداك دوا كيصلح للحكة المفرطة..يعني كيدير لحكة وكيبدا يعطي لمفعول من بعد ديك 10 دقائق.. 🆕
..صافي خوات علاش قدات ورجعاتو قاداتو يلك بغات تخرج حتى خرج هو من دوش لاوي عليه فوطة
لاوي عليه فوطة ولما نازل ليه مع ليزابدو
_أوس(كيقرب):توحشتيني
_أسماء(دارت ايدها وراهت وبقات غير كطلعو وتهبطو واقفة مخرجة عينيها):الصمت
_أوس(قرب ليها وجرها من خصرها):اشنو جابك احياتي..وگولي ليا كنضلمك
_أسماء:لا لا لا لبزيزيلة شوف شوف اجي نگول لك نتا راك روجولة عرفتي اشنو ناااري نتا زوين وعينيك بحال هرهورة وفن عندك لبادر
_أوس:كنبان لك كنرضع باغا ضحكي عليا بهاد جوج كلمات
_أسماء(كتمتم):وراه وراه گلت كلشي اش باقي
واخا هكاك ممعصبش بزاف) انه عرفها غترجع حقها واخا زادت فيه ولكن ماشي فمصلاحتو يضربها مرة خرى
أوس(بابتسامة خبث) :بوسيني
_اسماء:غاتيري فيا حسن نموت ومنبوسكش
_أوس:واخا ليبغيتي
_أسماء:لا لا زعما كيبغيتيها طويلة قصيرة متوسطة لاطاي زعما..حوتة مثلا اجي نتفاهمو
_أوس(تنهد):شحال فك دياال الهدرة
..يلك بغات تهدر قاطعها اوس نزل سلاحو وتلاح على شفايفها بقبلة عنيفة كيمص فشفايفها ومدخل لسانو كيحركو وسط فمها حركات دائرية.. كيدورو على لسانها وهي شادا ليه فتريكوه بقوة ومغمضة عينيها.. كيمص فشفايفها بطريقة شهوانية كل وحدة على حدى كيمص وحدة ويرجع لاخرة وفنفس لوقت لسانو كيلعب على لسانها..ايدو فعنقها باش يتحكم كثر وليد لخرة على ترمتها..لعابهم تخالطو هكا كان كيبرد غضايضو من جيهتها.. تاقطع ليها نفس وبدات كضرب فصدرو عاد بعد ولكن قبل عضها فجنب الشفاه لتحتانية تاتجرحات
_أسماء(كتنهج معصبة):مبقاتش دودة ولا حنش هدا
_أوس:تزميه ولا نزمو بطريقتي
_أسماء(تنهدت وضارت باش تمشي حتى شدها من ايدها وتلافتت عندو):اشنو عوتاني
_أسماء:مالها مجدامة بزاااااف عليه..ردينا بالهم مردا بينا درناه عند راسنا صبح عند رجلينا لمخنن لاخر
_أوس:راه مكيحملش لجزائر كاملين
_أسماء:وعلاااش
_أوس:ماشي شغلك..داكشي ديالو
_أسماء:لمييييمة لماعاود ليا مالو مع دزاير
_أوس(تنهد):واخاولكن زعما نسمعك..
_أسماء(قاطعاتو):بليييمين مندوي
_أوس:مو جزائرية وباه مغربي..عائلة مو لاباس عليهم..المهم باه كان في الجزائر على قبل شي خدمة وشاف مو وبغاو بعضياتهم ولكن عائلة مو مبغاتش علاقتهم ومرضاتش بيها..هربو لمغرب وتزوجو ولدو زياد هو لول عاد واحد لبنت اخرة من وراه بعامين..باه كان على قد لحال..مو بحالا عيات من عيشة لفقر مقداتش عليها ولامنعرف..هربات وخلات ليه دراري ورجعات لدزاير خدات ليه شي فلوس وباعت دهبها ومشات وخلاتهم..من بعد هو خدم خدمة مستقرة وقرر يمشي جيبها ولكن مكانوش عندو لفلوس ديك ساعة..دا معاه غي بنتو صغيرة زياد كانت عندو ديك 12 عام..وختو عندها 10 سنين..داها معاه ومشاو حاولو يقطعو لحدود ليدارو بين دزاير والمغرب على قبل الصحراء ولكن مكتابش هادوك لبوليس ديال الحدود تيراو فيهم وقتلوهم قبل مايحاولو
كانو جوج شهقات شهقة لولة ديال أسماء وشهقة تانية ديال رجاء لدخلات لبيت وسمعت كلشي..دارت ايدها على فمها باش تكتم صوتها وتخبات ورا لحيط مع كانت لداخل وهوما عاطينها بضهرهم للحظ مسمعها حد
_أسماء:اححح ياربي مسكين اهاه ومو
_أوس:عرف من بعد بلي تاهي ماتت بلمرض لخايب تما..وهو كبر عند جدو..صافي دابا
_أسماء:فحيط..ياك كنگول لك متبقايش تگولي فين..المهم خارجين ومعانا دوك لقْوُونْع
_رجاء:اشناهيا هادي
_أسماء:كتعني لكلااااب لكلاااب واش مكتفهميس لعربية
_رجاء:واش حتا زياد
_أسماء:ااااه حتى هو
_رجاء(دخلات لكوزينة):اوا الله يستر من هاد لخرجة
دازت ديك ليلة من حياتهم..بفعايلها وضحكها وأحداثها الشاقة..كلشي ناعس في انتضار الغد انشاء الله بأحداثو وكيفاش القدر غيسيرو ويلعب بيهم مرة خرى..كانو غارقين في سابع نومة في احلام ليل بحال گاع ناس العاديين
***في بلاصة خرى بينما هوما ناعسين كاين شخص ليفايق هاز فيدو كاس ويسكي ومعاه عاهرتو بكل تأكيد..كيخطط وكيرتب افكارو للإنتقام..في بيروه لي في بلاصة ماشي بعيدة بزاف تو تو تو ماشي الجزائر لا وإنما المغرب.. نعم يا سادة المغرب..ليوم قدر يدخل المغرب دابا هو على بعد خطوات منهم..وعارف اش كيدير..دابا نقطة ضعف أوس ولات واضحة بحال شمس الصباح..دخل واحد من رجالو لعندو من بعد الاستأذان
_الشخص:سيدي
_طاهر(ببرودة هز راسو):أش درتو
_الشخص:صافي اسيدي راه رجالنا حيطين بكل قنت وكيتسناو اشارة منك
_طاهر:لا غير خليهم مراقبين..بغيت ماكلتو نعرفها..بلاتي خليهم يفكرو بلي حنا مزال في دزاير(دار ليه اشارة بيدو باش يمشي)
_الشخص:تصبح على خير اسيدي(خرج)
_طاهر(رسم ابتسامة شيطانية):احنا غنلعبو اسي أوس
***صبح صباح جديد على ابطالنا وأصبح الملك لله..هاد لمرة أوس ليفاق بكري وخرج يجري شوي..اما رجاء وأسماء بحكم السهر فبقاو ناعسين..اصلا اسماء مولفة النعاس..وزياد ماشي وقيتو هادي..رجع أوس لقا لخدامات وجدو ليه فطورو وحاطينو فالجردة..شرب قهوتو وكلا وطرف توست ديالو وخرج مشا لافاك أول حاجة دوز واحد ساعتين ديالو وتاجه للمقر..داز عند زياد هو لول ليكان مركز فواحد لملف وهو شاد واحد لكارو بين صباعو كان حاط المؤخرة ديالو فوق جبينو وهو كيفكر
_أوس:زياد دوز عندي دابا
وقف وهو هاز لملف وتبعو دخلو للبيرو ديال اوس گلس اوس فكرسيه وگلس زياد مقابل معاه..لاح ليه لملف فوق المكتب
..گلس اوس يخدم شوي على واحد الملف وزياد مشا يكمل بحثو على لملف لاخر..اوس شي حاجة ناقصاه هز تيلفونو ودوز نمرتها ..كانت ناعسة على كرشها لايحة رجل هنا ورجل لهيه لقبية طالعة تالوجهها ريوگها طايحين على لمخدة وفمها محلول..وايديها وحدة مدلية من على ناموسية ولخرة مسرحة فلجهة لخرة..اما رجاء فكانت فاقت وكتفطر..اتصال كيفيقها من احلامها..فرحات حيكاش سمعات تيل ديالها كيصوني مع كيعجبها لحال تسمع سونيط.. خلاتو يصوني شوي عاد هزاتو حطاتو على ودنها وهي فيها نعاس
_أسماء(بصوت نائم):هممم ألووو
_أوس:صباح الخير حياتي
_أسماء:صباح الزفت المزفت المزفزفت صباح المرض اش باغي عندي اخويا لاش مفيقني
_أوس:نتي خاصني نعاود نربيك ونهرس لديلمك داك لفم
_أسماء:اووه ياحياتي على المربي(گلسات تربعات فاقت ليه)المدبوحة كضحك على المسلوخة..جات مقطوعة الراس گالت الله يهنينا من هاد الناس
گلسو كيتفرجو ورجاء كطرجم ليها..وصلو الدراري ومع الدخلة كيسمع شي وحدة كتغوت كيتلافت كيلمح رجاء واسماء گالسين في الجردة وهي كتگلس وتنوض وتتغوت
_أسماء:هربي هربي هربي
..ورجاء غي كتشوف فيها وكضحك صدعتها لقطة ليجات تتعلق عليها..راه راه ورااك وتي هربي..اوس ضار عند زياد لبدورو هز حواجبو..مشاو باتجاههم
_أوس:احم احم
_أسماء:واااااع غياكلها
_رجاء(تلافتت شافتهم سدات لابطوب):سلام اسي اوس
_أسماء:لاش طفييييتيه
هزات راسها شافتم ووقفات وهي رجاء نفس الوقت
_أوس(شافها وهو مطلع حاجب ومنزل لاخر)
_أسماء(فهمات شوفاتو..مع بالها:واهيا ناري زعما يكويني هنا لا لا ميقدرش ليدوا ياكل دوا): غنمشيو دابا ياك
_أوس:اه منمشيوش لشي بلاصة خرى قبل (غمزها)
_أسماء:اه نمشيو نتفرجو فواحد لفيلم يلك خرج لبارح(رداتلو الغمزة)
يلك جا يتهدد عليها جرات رجاء وطلعو..كتافا بتنهيدة ودخل هو وزياد طلعو لبيت اوس وبدلو ونزلو ولقاو لبنات باقين
_زياد:صاحبي واش غنبقاو هنا
_أوس:صبر(دار اشارة لوحدة من الخدامات كانت حداهم جات كتجري)
_الخدامة(حادرة راسها):نعام اسيدي
_أوس:سيري عيطي على اسماء ورجاء
حتى كيتسمع من وراهم هاحنا تلافتو بجوج وهوما كيطلعو ويهبطو اسماء كانت لابسة تيشورط بيض واسع وكانو فيه لكتبة فكل بلاصة خاشياه فسروال جينز كحل طاي هوت مقطع من جيهة ركبة وكونفيرس بيضة طالعة ومخلية شعرها على راحتو مع شي لويات خفاف لتحت مع مايكاب خفيف..ورجاء لابسة ديبارور في لبيض مبين نص صدرها خاشياه فسروال جينز مقطع جيهة الركبة ولايحة على كتافها كويرة كحلة وصبادري كحلة ومخلية شعرها منسدل على كتافها وهازا صاك كحل..بانو طبيعين وزوينين اوس ابتاسم ليها وزياد عينيه مجاو غاعلى صدر رجاء لمدفگ خنزر فيها وضار..خرجو من الدار وأسماء مشات عند أوس وشداتو من دراعو وجراتو
_ رجاء:عنداااااااك..
دور لفولون بقوة وخرج على طريق كان غيجي فواحد لبوطو كون مشدش لفران فآخر لحضة تاراسهم مشا وجا.. مي الحمد لله مدخلش فيه داك رموك وغوتات رجاء..هي كتنهج وشادة قلبها هو تنفس الصعداء وتلافت عندها
_زياد:نتي لاباس
_رجاء(هزات راسها بآه)..
عاود كسيرا ومشاو وبطبيعة الحال بدل الاغنية كانت ديال كيكي دويولافمي تحكمات فراسها باش مترقصش عليها ولكن للحضة نسات راسها راسها وهزات ايديها وهي فلكرسي وبدات معاها..كيكي ديو لافمي أيو رايدينگ..كتشطح غي بيديها ومتبعة رقصة المشهورة ديالها هو بقا غير كيشوف فيها وهو مبتاسم.. للحضة حسات بيه وهي تجمع ايدها ودورات راسها لزاج وضربات جبهتها بلخف على سرجم
_أوس:واخا ولكن ليلة غتعشاي معايا فبيتي وتغني ليا من ورا لعشى
_أسماء:لا صافي نغني دابا
_أوس:لا تاليل ولا نرجع لدار
_أسماء:بفف شحال فك
..فرانا وهبطو بزوج دقة وحدة وتا زياد وقف من وراهم فنفس الوقت دخلو مجموعين من بعد الترحيب اكيد وطلعو للفوق وختارو واحد طابلة فلقنت گلسات اسماء وحداها رجاء وگلسو دراري مقابلين معاهم جا النادل كيجري.. ريسطو وفنفس الوقت داخل في ماكدو
_النادل:نورتو اسيدي..اش طلبو
_أسماء(نقزات):تامالك ديما نورتو باقين مغتبدلهاش واش كنبانو لك بولات
_أوس(دار مخنزر..من تحت سنانو):أسمااء
_رجاء(استدركات الموقف):عفاك جوج تشيز برگر لينا وجوج بيبسي..وزياد طلب ليه غير ريد بول هو وأوس صافي
_أوس(شاف فأسماء):نتي فين كتعرفيه باش تهضري معاه..مكتزميش فمك
_أسماء:غتموت ونتا حاضيني بفف راك غتربح نبگ
_أوس(عصباتو..ضرب طبلة بيديه بجوج تاتزعزو لبنات هدر مخنزر):غتزميه لا
رجاء غير كتنغز فأسماء وتاهي شافتو كتافات بابتسامة استهزاء وتلافتات للزاج..استفزاتو ولكن مبغاش يغلط فيها قدام ناس تنهد ورجع ضهرو تكاه على لكرسي وزياد غاحاضيهم جبد تيليفونو وگلس يخربش فيه من بعد دقائق وصلات الطلبية
_رجاء(بابتسامة):ميرسي..
زياد بضورور خنزر فيها بلا متنتابه ليه بقا لديلمك غاميرسي وزايداها مفرنسة ليه
_النادل:مرحبا ألالة
_زياد(بنبرة رجولية):تقدر تمشي
..مشا النادل والبنات بداو كياكلو رجاء بشوي ولكن اسماء لاحياة لمن تنادي ممسوقاااش كتعض وتهدر
_أسماء:هممم بنين گولي ليه يرجع يزيدني واحد
_رجاء(بهمس):اويلي غير بشوي فضحتينا وكملي هداك بعدا..
زياد غير كيتفرج كيفاش كتاكل مستغرب وأوس مولفها هكاك تنهد وبقا حاضيها ومرة مرة كيرشف من لكانيطة كانت كتاكل وتشرب من عندها ومرة مرة تخطف لفريت من عند رجاء ومخلية لفريت ديالها.. رجاء غاحادرة راسها هزات اسماء راسها كتجيها غمزة كانو واحد ربعة دراري مقابلين معاهم في الطبلة لخرى وكيف دخلو نتابهو ليهم وبدلو طابلة تقابلو معاهم وبحكم زياد وأوس عاطينهم بضهرهم فمشافوهمش كانو حاضين لبنات وكيتغامزو عليهم ويعضو على شفايفهم وملي هزات اسماء راسها غمزها واحد فيهم بابتسامة جانبية.. وفنفس الوقت جبد أوس تيل ديالو من بعد متلقى واحد لمبساج مهم ابتاسم وعجبو لحال ولكن سرعان مقلبها ملي هز راسو وشاف اسماء دارت واحد تطليعة الحاجب وعوجات فمها بمعنى ايدكم فيه كرد فعل على الغمزة مبغاتش تغوت ولا تنوض تسب باش متجبدش الصداع..تلافت يشوف وراه وتا زياد ملي شافو تلافت تاهو تلافت معاه شافو فيهم كانو كيضحكو وكيشوفو فلبنات اوس ضور راسو على الطبقة كاملة شاف واش كاينين دراري صغار من الزهر مبانوش ليه..حيد مگانتو وحيد لافيست وحل عقاد لكمام وناض مخنزر وتبعو زياد تحت انضار لبنات ليكانو ساكتين اسماء كضرب فلفريت ورجاء كطرطق صباعها اما دراري فكانو قنبلة موقوتة😉
وقفو على طابلتهم اوس كيف وصل حط ايدو على كتف الدري لفيجنب وهو نفسو لغمز اسماء
_أوس(ببرودة):سبيطار ولا مقبرة
_الدري(هز راسو فيه باستغراب وداير فيها كان):اشناهوا...
اوس معاودهاش معاه دربو بكروشي تاطاح على صاحبو..ناض واحد آخر باغي يدير فيها تاهو كاين باش جاي باش ضاير يلك وقف عطاه زياد تصرفيقة بيدو مقلوبة صداها تردد فلمكان
_أسماء:اوووووه...
رجاء غير مخرجة عينيها وكطرطق صباعها
_زياد(نطق بكل برودة):متقاطعوش
..عاود تلافت عندو لاخر مع وجهو دار وعطاه كروشي شهقات رجاء ودارت ايدها على فمها
زياد ميل راسو لجنب فاش شهقات رجاء شافها خايفة مسح جنب فمو بلسانو وطاح على داك خونا بلكروشيات هرس ليه فمو جا واحد اخر باش يضربو من لور شركهم بجوج وأوس جمع جوج لاخر كانو شادين شي قراعي ديال مونادا هرسهم عليهم كيضرب ويسب
_أوس:ياولد القحبة باقي تشوف شي وحدة انا انوري لزامل بوك هاك..
كتشجع وضحك وتصفر وتصفق بحالا في حلبة ورجاء مسكينة اكترعد
..خلاهم كلهم دمايات هو وزياد..ناس هبطو بحالهم..ناضو عليهم غابزز اوس جر اسماء وزياد مشا شد من رجاء كانو ايديه عامرين دم
_زياد:يالله..
رجاء سرطات ريقها وتمشات اما اسماء فوقفاتو مشات هزات كانيطة ديالها متسمحش فيها وتمات غادة وقبل مدوز عليهم ركلات هداك ليغمزها
_أسماء :يالله وغمز لمرة لماجية
_أوس(شدها من دراعها بابتسامة عالم بيها غالله):غمزك
_أسماء:هاه
دار عند هداك خدا واحد لفورشيط من فوق واحد طابلة ناسها هربو وهبط عند داك خاينة وخشاه ليه فعينو..من تحت سنانو ووببرووودة قاتلة
_أوس:متيعجبنيش لكيشوف فحاجتي..
أسماء غوتات اما رجاء فخشات راسها فصدر زياد اوس وقف وجر اسماء المصدومة اما زياد فدار ايدو على كتف رجاء وداها خرجو تحت انضار لكل.. اوس حل لأسماء لباب وركبها مع كانت باقا تحت تأثير الصدمة وزياد كدلك..كسيراو بجوج أسماء كتحل فمها وتعاود تسدو غير كتشوف قدامها شوي عادت فاقت
..وقفو السيارات بجوج عند ضو الحمر حدا بعضهم..كانت طريق خاوية طلو دراري على بعضهم من سرجم بابتسامة وغمزو بعضياتهم كيف طلع ضو لخضر كسيراو بجوج بسرعة خيالة..
رجاء شدات فسمطة وغمضات عينيها اما اسماء فعطاتها للغوات
...بعد مدة وصلو بيهم لكوميسارية لكبيرة وهبطوهم ولكن بلا مينوط بلا شدان وزياد هابط عريان من لفوق ولايح على كتفو تيشورط بحالا نازل لبحر اسماء جارها اوس وهي غادا وتغبن وتلالي اما رجاء مسكينة غادا وضور فراسها..هبطوهم لتحت وگلسوهم فزلزانة وحدة ومشاو
داكشي ليكان طلب كارطة..بعد مدة ماشي طويلة جابو ليهم داكشي ماكلة وكارطة دخلها واحد خاينة وخرج من بعد موقف اوس خدا التقدية وخشا ليه لبقشيش فجيبو.. حط داكشي
_أوس:اجي ناكلو
_أسماء:اتاكلو معايا
_زياد:اه علاش
_أسماء:زعمااا مغيقدكمش
_أوس:لا غيقدنا ويشيط امرتي لاتكايستي
..مبغاتش تبقا داوية بزاف صافي تحطات لماكلة هبطات تربعات لارض هي والبقية هزات جوج ملويات وحدة فيدها ليمنة ولخرة فليد ليسرة كتنضغ من هادي مرة ومن هاديك مرة ونضغة كدير فيها تلاتة زياد غامستغرب وأوس ورجاء فيهم الضحكة مولفينها
_أوس(حابس الضحكة):دابا لاش هازا جوج دقة وحدة
_أسماء(كتنضغ فمها عامر) :هنن كندوق المالحة فيهم سوقك
_زياد:شي واحد يكب اتاي قبل متشربو
يلك رجاء بغات تجر لبراد تكب حتى جراتو أسماء خلات لملوية ففمها وجرات لبراد بديك ليد وحركات راسها بآه وهي مغمضة عينيها زعما رتاحي انا انكبو خدات لكيسان كبات لكل واحد فيهم نص كاس وجرات لبراد
_أوس:دابا لاش جارا تالبراد
_أسماء(حيدات لملوية من فمها):كيعجبني نشرب من فم لبراد سوقك
_زياد(قرب لودن اوس):متأكد هادي هي لمنوض عليها حالة _أوس(تلافت عندو ولكن مضارش فيه هز كتافو وتنهد بمعنى هانتا تشوف)
..سالاو ماكلتهم وكيف العادة أسماء ضربات صدرها وضرباتها بواحد تگريعة صداها بقا كيتكرر..زياد خرج عينيه من هول المنضر..رجاء وأوس حدرو راسهم كيضحكو بشوي
_أسماء:اويلي مكلتيش صافي راه فيه هدااك هداك اش سميتو لكوسترول لكوستيرول لكوساترول المهم هداك
_رجاء:صافي عرفناه عرفناه
_زياد(عاود قرب لأوس):هه منين جبتيها الله يحفضك
_أوس:وعيقتي اتبي تبقى تهدر عليها منضمنكش وقلب
_أسماء:أرا ديك لكارطة
_أوس:انا غنفرق
_أسماء:غتبقا واحل تما عام أرا نعلمك
_زياد(مد ليها كارطة):هاهي
..خداتها من عندو تيكاتها ودارت ليها الضمصة بالجنب كتبان ياشوافة ياقمارة الضميص بالزربة كدورها بين ايدها بخفة وبدات كتفرق..
_أسماء(شافت فيهم) جبن گرع(احدى لعباك الكارطة)
_رجاء:معرفتهاش
_أسماء:هاديك ليعلمتك
_رجاء:اااه
_زياد(تحت نيفو):شلا معلمتيها
_أسماء:حل عينيك أ الأخ ولامشات علك
_زياد(هاز حجبانو بتعجب) :غتعلميني الكارطة
_أسماء:نلعبو ونشوفو..المهم عنداك شي واحد في الحكيم يبدا يترعض
_أوس:اه داكشي(غمزها)وأصلا لعب لبنات معروف
_زياد(باستهزاء):واااييه تكايس عليهم غنضحكو معاهم شوي
_أسماء:الهدرة متشري خضرة بينو ليا
..بدا لعب وطرح لول ربحاتو هي.. أكيد أسماء.. مع لبدية صدماتهم على بالهم هي بنت وزيد مكلخة مغتكونش في لكارطة دكية ولكن غلطو هي توصل لتحراميات والتقصار وتخدم..زياد مرضاااش وكلشي كيتسنى حكيمها العكري
..ورجاء كتمايل بطرماحتها وجسمها كامل بحال المسكة..أوس حال فمو من الصدمة وزياد حماااار من المنضر وبدا كينهج وأسماء مشرعة فمها مبتاسمة وتغني زعما محيحييينها عصابة وصافي.. حتى گلست رجاء وهي كتنهج ومع سخنات لاحت من عليها لكويرة وبقات بديباردور.. زياد عض على شفايفو وحدر راسو معععصب
_أسماء:دير حكمتي وانساحب دابا بلا مدير داكشي ديال لبعالك ودير حكمتي
_زياد(كيتهدد):غندمك
_اسماء:ايييه اييه فهمتها غافرجنا
رجاء يلاك حلات فمها باش تهدر حتى تخنقات بواحد لقبلة فشفايفها.. زياد تلافت ليها فالحين شد عنقها وهو ميل راسو ودخل شفايفو فشفايفها كان باغي غير يحطهم ويبعد ولكن مقدرش بدا كيمص فيهم ويجر.. رجاء مصدومة وأسماء حدرات راسها واوس دور راسو.. بقا مدة كيمص فيهم بطريقة شهوانية وختمها بعضة فشفاه لتحتانية تاتجرحات خلاها كتنهج
_أسماء(ببراءة):گلت لك غابوسها ماشي كولها
_زياد(حرك راسو):انا غنوريك الحكيم
_زياد:انا غنوريك الحكيم
..لعبو الطرح ثاني وربح زياد حيكاش كان مركز على الفوز..أسماء عضات على شفايفها
_أسماء(كتمتم) :اناا انا انمشي لطواليط
_زياد:مكاينش هنا ريحي..المهم نبدا بك اسي اوس
..اوس غمزو وزياد فهمو
_زياد(قلدها):واخا بوسها منوريكش كيفاش
_اوس(ابتاسم):اهاه واخا
_أسماء:كيفاش واخا شتك طالب عليها وتاريح اشمن بوسها..اعترض
_زياد:مسوقيش تانا دير حكمتي
_أوس:اه نديرها كيف گالت حنا ماشي بعالك..
تلافت لأسماء وشدها من عنقها
_أسماء(كتحاول تبعد راسها ليوسط ايديه):ولااا لااا اعترض ولااا اممم
متسوقش ليها طاح عليها بواحد لفلورطاج زعما اشمنك يامصان وعضان مخلاش ليها لفرصة حتى تهز النفس وهي كدفع فيه متلقها تاخلا فمها يوزوز
_أسماء(معصبة كتمسح فمها):تفووو على جاهل تقرب ليا نفگسك
..زياد عند بالو صوتها خيب تبورش وتصدم فيها فهاد لعب لحكيم تكشفو بزاف لحويج وتبدلو بزاف لحويج كانت غي ضحك غير خطة من عند اوس ولكن رجعات لكلشي لطفولتو كلشي نسا شخصيتو هنا ولاو بحال اسماء كلشي بعقلية دراري صغار..كلشي صفق ليها حتا من زياد
_أسماء:صافي احم دابا نوبت رجاء
_زياد:امم(شاف فيها)لبسي تجاكيطتك(وعاود ضار)
.خخخ مكانش باغي يبقا يشوف صدرها لعريان خصوصا كاين حتا أوس معرفش اش واقع المهم غامجا على فمو..كملو دراري لعبهم ولكن مبقاوش باغين حكيم لعبو كانتكوبي (هي لعبة ثنائية هاص ضروري فيها كوبل كيلعبو خاص واخد فيهم يجمع 4 الاوراق متشابهين فالرقم مثلا 4 أوراق من رقم 7..وليجمعهم كيغمز صديقو لمعاه فالفريق بشي طريقة متافقين عليها وهداك ليتغمز خاصو يقول كانتكوبي ويربحو)
وأسماء ملي جات مع أوس مرضاتو فلغمزة تتگول ليه غمزتنا هي دير ديك لحكة ديال لبارح ونا نحك راسي..المهم جعراتو بقاو ضاحكين ناشطين..وباتو تما من بعد مطلبو كواشة والعشا..بقاو محيحين فلكوميسارية بلقصاير والضحك وتازياد نسا حقدو للجزائر وتقرب من رجاء وأوس نفس الشيء نعسو مستفين بربعة وأسماء كتحاول تجيب رجاء حدا زياد وأوس كان باغي يجي حدا اسماء داكشي ليكان نعسات رجاء وأسماء لوسط وزياد جا من جنب رجاء وأوس جا في الجنب لاخر حدا أسماء..نعسو على النكات والضحك كانت ليلة متنساش من حياتهم.. قربو فيها بزاااف كانت ليلة عامرة بالمغمارات والتبرهيش والمراهقة أو بالأصح ليلة عامرة بالأحاسيس وفين كتابت في عكاشة تحية للحبوسات المغربية كلشي ناعس وفي احضان بعض في انتضار الغد وأحداثو لغتبدل مجرى القصة😉
صبح صباح جدييد على ابطالنا ودازت ليلة من حياتهم لتحفرات فطيات ماضيهم ليلة لمكرهوش دوم ومتساليش..نهار جديد من قصتنا لكنحسو بريوسنا عايشين وسطها كنضحكو ونبكيو معاها..زياد ضربتو لفيقة هو لول فاق على وجهها لبريء والناعم.. بشرتها بحال ليبيبي وشفايفها ورديين بحال لورود.. ريحتها خفيفة وجدابة قرب وجهو لوجهها وبقا كيتمعن فيه بحالا كيحفظ ملامحها ..عقلو وقلبو مضاربين واحد كيگول لاخر بعد راها من دزاير الدولة والناس ليحرموك من حياتك وعيشوك في العذاب ووالوحدة ولاخر كيجاوبو لا لا هي معندها دنب هي بريئة تاهي معندها حد تاهي لعب بيها القدر بحالو متخليهاش ضيع من ايدك بقا في صراع ..وهو في خضم هاد الصراع اسماء ضرباتها الفيقة وقربات لأوس لكان ملافت عندها ورجليها وسط رجليه وايدها شادين ليه فلكول ديال القاميجة.. كانت انفاسو وهو نائم كضرب فوجهها ريحتو غزااااللة نعستو ملائكية.. وجهو كيبان بريء اشمن بسيوكوبات اشمن قتال كيبان ولد صغير بين ايديها..دابا كتساؤلو كيفاش كان استتناء وطرا لعكس وزياد وأسماء النعاسين هوما ليفاقو بينما رجاء وأوس لكيفيقو بكري باقين نعاسين..لأن هادشي لكيديروه زياد من شوفان وتحقيق في الملامح داروه لبارح اوس وزياد فليل فاش نعسو لخرين😁أسماء هزات ايدها وبدات كدوز طراف صباعها على شفارو وكتهدر مع بالها
_أسماء:واااو عندو زويينين (كتقيس ليه فلحيتو) :احح ديال تكراط😂 شي نهار نحسن لبوك بلا ما
..اما زياد فحبس داك الصراع فاش هز ايدو وحطها على خدها وهو مبتاسم ولكن سرعان محيدها فاش سمع صوت اوس لفيقو من گلبتو
_اوس(حل عينيه فجأة فاش كانت اسماء شادة سبابتها وكتلعب ليه فشفاتو لتحتانية بحال كيف كنديرو لدراري صغار كانت شفاتو كتمشي وتجي مع صبعها):علاش كتقلبي احياتي فهاد الصباح
_أسماء(خلعها بعدات ايدها):ااا اا فقتي
_أوس:فيقتيني أحياتي(جرها من خصرها)امم علاش كتقلبي
_أسماء(كتبعد):راه غاكنت كنحيد واحد لبقة
_أوس(عطاها كيس خفيفة ففمها وبعد):بقة😑
_اسماء(مسحتها وناضت..تحت نيفها):الدودة على الصباح أتفوو
_أوس:گلتي شي حاجة
_زياد(وقف):مكتساليوش نتوما
..هدرتهم خلات حتى رجاء تفيق
_رجاء(كتشبح):صباح الخير
_زياد(تحنى وهز كويرتها ولاحها عليها):تستري
_رجاء(شافت فيه ولبستها حادرة راسها)
_أسماء(شافت فيه):الله الله على ماهر المعقيلي اللهم زدنا ايمانا
..بقاو مشادين في الهدرة كل واحد من جيه وغا أسماء ليفمها حارگها تسالي مع اوس تنوض مع زياد..أوس جاه اتصال جاوب بسرعة
_أوس:وي اش كاين..لا خايوه تما..هدرت انا جاي
_زياد:اش كاين
_أوس(غمزو):عندنا الضياف خاصنا نمشيو
_رجاء:اش نوجدو ليهم اسيدي
_أوس(ضحك هو وزياد على برائتها):لا لا ماشي في الدار
_أسماء(فهماتهم غالط):اييه الضياف بففف صبحاتو لله وقدامنا دايرين فيها فقهة نتوما راه بورنو تاتاخد منكم
_أوس:صباح هدا خلينا هانين قبل منزم لمك داك لفم
_زياد(مخرج عينيه) :كتعرفي بورنو
_اسماء:ايييه ومالي منعرفو
_اوس(غوت سااعر تاقفزهم) :زيااااد..ونتي حسابي معاك هو لخر ..
اوس دار اتصال جاو حلو عليهم الباب وتحت طلب من اسماء عاودو ركبو فسطافيط ووصلوهم تالدار..اسماء ورجاء دخلو للقصر وزياد وأس خداو اوطو ومشاو للمقر باش يدخلو فخيوط خطة محبكة
مشاو للمقر وهبطو لتحت الارض المكان لفيه غرف التعديب بشتى الانواع دخل لوحدة من الغرف لقاه مربوط وواخد حقو من الضيافة.. قرب باتجاهو بخطواتو الثقيلة وبنظراتو الشيطانية من أوس لكان منذ ثوني خالقها ضحك لأوس الصارم الوحش لمكيرحمش أو بالمفهوم الأصح رجع "للمختل" هز رجلو وحطها على جنب كتفو فلكرسي الخشبي وبدا كيهزهز بيه لكرسي برجليه.. الشخص هز راسو فيه كان وجهو ملطخ دم
_الشخص:اسيدي يلك خدمني واحد السيد لبارح والله كنت محتاج للخدمة وعطاني لفلوس وگاليا نحضي دار ولكن شدوني رجالك سمح ليا اسيدي عفاك واللهما نعاود
_أوس:اش سميت لمخدمك
_الشخص:سميتو عثمان
_أوس:ااااش سميت شاف ديالك
_الشخص:اسيدي انا كنعرف غاهدا والله وگاليا هو ليد ليمنة ديال واحد سيد لاااباس عليه سميتو طاهر ولا حضيتك مزيان غيلاقيني بيه فاش يدخل المغرب
_أوس:وايمتا غيدخل
_الشخص:اهيء اهيء اسيدي معرفتش گاليا كان غيدخل هاد السيمانة ولكن خرجات ليه شي خدمة وأجلها تالسيمانة الماجية والله اسيدي على رقبتي هادشي ليعارف رحمني رحمني
_أوس(تنهد..ودفع لكرسي برجلو المحطوطة على كتفو تاطاح بكرسيه وجه سلاحو ليه ولكن في آخر لحضة تراجع):طلقووه..
تلافت باش يمشي وتازياد مهضرش حدو راقبو فضل ميدخلش..خرجو من تما
_أوس:اشمن خدمة غتكون عندو
_زياد:معرت المهم انا هادشي متفهمش ليا
_أوس:كيفاش
_زياد:كيفاش خدمو غالبارح وعاود ليه هادشي مع لبدية
_أوس:كان مكيكدبش باينة فيه
_زياد:اه يمكن ولكن انا متأكد كاينة شي لعيبة تما
_أوس:نعرفو مع الوقت يالله نشوفو اش كاين من جديد ونعرفو اش نديرو من حدو باقي مدخلش لهنا
..طلعو لمكاتبهم يخدمو وزياد خاطرو ممهنيهش..وهاكا خطة سي طاهر نجحات كانت هادي خطتو ختار شخص عشوائيا من المغرب وگاال لايدو ليمنة وهمو بلي حنا غنخدموه معانا وبلي انا باقي في دزاير وخليه يحضي اوس ورجال اوس مغيفلتوهش وبالتالي غيگول ليهم غالهدرة لبغا طاهر وغيضنو بلي هو باقي في الدزاير فحين هو في المغرب وغيقدر يلعب لعبثو الخبيثة على خاطرو وبدون مراقبة ..نرجعو عند اسماء ورجاء في القصر دخلو كلاو شوية
_مي حبيبة:بنتي خاصنا التقدية
_رجاء:واخا امي حبيبة انا انوض نقيد اش خاص ونجيبو
_مي حبيبة:سيفطي غاشيفور
_رجاء:لا نيت انا خاصاني شي تقدية
_مي حبيبة:واخا ابنتي(مشات)
_أسماء:انمشي معاك
_رجاء:ريحي لرض
_أسماء:لا لا انا غنعيط نطلبو ونتي سيري شوفي اش خاص بينما طلبتو
_أسماء:لا حياتي واللهتا بصح كون كنتي حدايا كون طرشتك باش تيق
_أوس:تقدري من لخر احياتي تجي تگولي اش باغا بلا دوران
_أسماء:احم باغا نخرج مع رجاء نتقدى وعفاك بلا متخصر ليا خاطري(بغنج)
_أوس:لا غي گلسي ياك يلك دخلتي من الدوران
_أسماء:وعااااافاك حشومة والله تخصر ليا بخاطري وزيد فليل نتعشى معاك ونغني لك
_أوس:صافي لا راه هدرت
_أسماء:عندهم لحق شكون انا باش نطلبك سمح ليا خدت من وقتك اسيدي(قطعات)
_أوس(غمض عينيه معصب) :اوووه المرض(فكر مزيان معندو مناش يخاف طاهر وفي دزاير واصلا تاحد مغيتجرأ ويقرب ليها براكة من خوفو الزايد..هادشي باش قنع راسو..عاود عيط)
_أسماء(جاوباتو):نسيتي شي معيورة
_أوس:متعطلوش وخلي ليگارد يمشيو معاكم
_أسماء(بفرحة):صااافي غنخرجو
_أوس:تعطلي نقطع لمك رجلين وفليل نتعشاو بجوج
_أسماء:ماااااح نتا رجولة العز شكرا حبيبي
گالتها بلا متحس وقطعات وهي فرحانة وهو كدلك خلاتو فرحان من هاد لكلمة مشات كتجري گالتها لرجاء لبسات كونفيرستها وهزات رجاء صاكها وخرجو مع عمي دريس ووراهم سيارة ليگارد
_رجاء(خرجات عينيها إثر هاد لكلمة باش فهمات قصدها بمعنى عندنا الشعر لتحت وغاكنبولو عليه..جراتها اما الخضار فحدر راسو من كثرث الحشمة وغادا مجرورة ومحاشماش بوحدها محشمة سوق):اويلي زيدي زيدي يعطيك موصيبة زيدي فضحتينا الله يعطيك السخانة..(خرجتها غابزز وبجران).. _أسماء:مال مك على نفس عندك...
_رجاء:واش نتي مسطية كتعيري فسيد مدار لك والو... _أسماء(كتخرج عينيها):وراه تاهو عيرني...
_رجاء:زعما ياختي كون مكنتش نتيقك على هاد تخراج لعينين...
_أسماء:إوا ايدك في أكبر تب ابب...
_رجاء(سدات ليها فمها):صافي لعار لما غاسكتي..
اسماء حيدات ليها ايدها وسبقتها رجاء تاهي جات حداها غادا منفخة وتتسوط تحت نيفها وليگارد وراهم وصلات أسماء لحدا واحد لمحال حطات ايدها على الزاج لخرجاني عجبها الاشكال لكاينين الداخل والاضواء ديالو دخلات بدون سابق انذار وتبعتها رجاء بدات كتقلب فواحد الزينة وضارت عند رجاء بحاال لبنت الصغيرة...
_أسماء:عفاك شريها ليا...
_رجاء:ولاش باغاها راه ديال عيد ميلاد اصلا المحل كامل غير ديال الاعياد ميلاد اش باغا فيه..
_أسماء:احم ماشي سوقي بغيتو...
_رجاء:تايكون عندك عيد ميلاد ونشريوه...
_أسماء:اشناهو عيد ميلاد...
_رجاء:هو احتفال كنحتافلو بالشخص مرة فكل عام في نهار تزاد بالضبط كنحتافلو بميلادو...
هوس شرشبيل الجزء السادس
محتوى القصة
التنقل بين الأجزاء