هزو سيكانهم البنات كانت رجاء موصية على كلشي اصلا.. ومشات معاها رجاء وزينب ومي حبيبة واكيد اكيد رجاء مشاو اول حاجة دازو لمول تقضات شي طالونات وبلاغي وشي لعيبات ورجاء گلسات هي ورشيدة يختارو ليها غافي ليشوميز وصافي بقاو شي ساعة ونص مفكراتهم غير رجاء ليتصدمات فاش شافت1:30مشاو بالسرعة بسيارتهم عند لكوافور ليكان محلها محجوز على قبلهم وكانت تانگافة تما دخلو ودارو مع عمي دريس ملي يعيطو ليه يجي...
_النگافة:تعطلتو اختي اويلي راه فات لحال...
_رجاء:اه راه عارفين غير زربي دابا...
_النگافة:واخا ألالة...
مشاو لبسوها لبسة لولة لغدخل بيها كانت عبارة عن تكشيطة كتجمع لبيض ولباج والذهبي من جوج قطع لتحتانية ذهبية ولفوقاني بيض بالصم ذهبي وطراز باج مع شي حجيرات فلبيض جا ثقيل وعريض من لتحت مع مضمة ذهبية كبيرة لوسط..دارو ليها ماكياج ثقييل ديال العرايس ركزو على عينيها مع غوج ماط..دارت ليها لكوافورة مشطة لعرايس لور مع واحد لفيليل لور مرصع بيض ودارت ليها فوق راسها الطرحة مشبكة بالذهبي.. جات فوق وااااو...
اما رجاء فلبسات قفطان من جوج قطع بتوب ذان بلون أزرق ملكي ومطرز بالبيض المرصع..مع مضمة تاهي من القفطان جات أميرة..خلات شعرها مطلوق حريري على كتافها ومايكاب خفيف بينات عينيها الزورق فيه..
خرجو على صلاة وسلام على رسول الله لقاو ليموزين بيضة قدها قد لخلا مزينة كتسناهم وعمي دريس لابس كومبلي واقف..حلو ليهم الباب ودخلو وتاجهو للقاعة ليكانت في المحمدية جيهت البحر كانو معطلين شوي كانت وصلات 5 دخلو البنات للقاعة وخرجو يرحبو بيهم العريس وزياد والمعروضين بالدقايقية..
اححح أوس كان لابس كومبلي من قاميجة بيضة حال عقاديها لولين وڤيست كحلة توب دان وسروال كحل مع سباط كحل وشعرو بالجنب مع ابتسامة عرييضة...
أما سيهم زياد فكان لابس كومبلي ديال ثلاثة القطع قاميجة بيضة عاقدها تافوق فوقها جيلي كحل عاد فيست كحلة وسروال كحل وسباط كحل وراد شعرو لور اححح..أوس باس ليها على جبهتها وهمس فودنها...
زياد بقا صابر صابر كل مرة يشوفها يقلب وجهو وهي مگلسااااتش عاجبها لحال وكلشي خاضي ليها طرماحتها ديال طرامواي😂كتڤيڤري بيها بحال تيلي وكتلوزها بحال المسكة بان ليه واحد آخر باينة مشرمل ومن صحاب سيطي ناض جرها من ايدها بلا هواه صبرو تقادا...
_زياد(مخنزر):غتريحي لا ونتي من صباح ونتي كتلوزي(جرها وگلسها فطابلتو)...
_رجاء(ممتيقاش انه زعما غار ولا شنو..حمارت وگلسات حداه حادرة راسها) ...
جالوقت أسماء تلبس لبسة ثانية ناضت تحت صلاه وسلام غير شافتها رجاء تاهي ناضت وقفات...
_زياد(شدها من ايدها):فين غادا...
_رجاء(كتفتف):غغ ير نن بدل معاها...
_زياد(طلقها وتلافت لجيهة لخرى)..
هي مشات بسرعة طلعو في الدروج لبيت لكتبدل فيه ولبسات تكشيطة من جوج قطع بلموڤ بااارد لفوقاني مشبك عاااامر طرازي وأحجار فلموڤ ولغوز بارد..جا صدرها بارز شوي مع مضمة رقيقة مرصعة بالاحجار لموڤ لوسط ومطلوووووقة لتحت مع طالون فلبيض شعرها خلاتو مطلوق مبوكلي مع تاج فلبيض مرصع بالاحجار جات قرطااااسة..
اما رجاء فلبسات قفطان فلبونواغ غاادي لكحل بسفيفة ذهبية وبالصم الذهبي جا مطرز من الصدر حتى لركابي ومكروز على اردافها بحال الحوتة ومضمة الوسط فنفس اللون مع واحد المعين وسطو كيزينو من نحاس ولاسق مع المضمة توب آخر مشبك فنفس لون مطلووووق لور وبقات لابسة طالونها لكحل وجمعو ليها شعرها مشطة بالجنب مع خصلات لقدام مع سموكي خلا عينيها فلون كيحمق...
_رجاء(هزات تيل تصورات هي وأسماء):احح ياختي ليوم أوس يتسطى...
دخلو وبقاو على ليبوز ديال النگافة حط ايدك على ايدها عنقها من لور دير هاكا دير هادي..تاجابو لعمارية اشمنك يا عمارية ابارطومو هاديك😂بلبيض كبيييرة بالمقبة لفوق ومفرشة بلموڤ گلسات وجاو ستتة رجال لابسين جلابادورات نفس الشكل هزوها..
زياد مقادرش يحيد عينيه عليها ليوم غتسالي معاه صافي مبقاش عارف راسو من رجليه..بداو الناس يلوحو عليها بلورد وداكشي والگروب يغني(العروسة فوق العمارية )بقات اسماء مهزوزة وضحك ودير باي باي وتغمز وتفرنس وتشطح بترمتها فبلاصتها😂..هبطوها وجا أوس باس على راسها كيف گالت ليه النگافة
_أسماء:اه ولكن راه لا تلائم الجمهور الناشئ بلا ماتبدا تگوليا ديك غنهرس لك فمك غنقطع لسانك غنفصل لك حنكك😂 _أوس(تنهد):سسيري عالله...
_أسماء:گالك هادي واحد السيدة زوجات ولدها باش تشوفو ليلة الدخلة اش غيدير وتمشي دير داكشي مع راجلها باش عياو وبغات تشوف تقنيات هاد الجيل..(أوس غير حادر راسو وكيتسنط من لبدية يبان لعربون حابس الضحكة بزز)..إوا أسيدي داز العرس ومشات تطل على ولدها ومرتو من واحد الشقة اش كيديرو بان ليها ولدها گالس مفرگ رجليه ومولاي شيخ واقف ومرتو واقفة قدامو كتحيد فدبالجها وكتحاول تجيبهم وسطو ههه..اوا هي الشارفة مشات عند راجلها بغات دير ليه داكشي ليشافت عيات معاه واااالو وداك مولاي سلطان ليعندو مبغا ينوض مع شرف هه وهي تگول ليه الحاااج دور دور نلعبو حفيرة...
خخخخ بدات كضحك بالدموع وتاهو مقدرش يصبر كيضحك من نيتو وكلشي مراقبهم وكيضحكو معاهم بلا ميعرفو كيبانو مسطيين😂
_أسماء(تحت نيفها):لتصحر مع لبراهش يصبح فاطر ضحكناه صدق ناوي يردنا نكتة ..
عاود عوتاني ناضت ومشات لبسات لبسة الفاسي ودخلات بالدقايقية والاندلسي..وفلبسة ثالتة مشات هي اوأوس هاد المرة لبسات هي تكشيطة جوج قطع لتحتاني توب بيض حرير ولفوقاني بلبيض كيبري بحال لباج مرصع كلو مع طرز بلباج جية الصدر ومضمة لوسط رقيقة ذهبية نحاس جمعات ليها شعرها مشطة لعروسة بيها وريدات الياسمين لور مع تاج ذهبي مرصع وكولي تقيل وطالون بيض وهو لبس جبادور بيضة اححح بان كيحمق..
هبطو وطلعو لعامارية هو عماريتو وهي عماريتها احح شكل آخر كتحمق ذهبية نحاس كلها كتبري بقبتها...طلعو بجوج كيتغامزو ويضحكو وناس حاسدينهم...
كلاو من بعد دارو بسطيلة بالدجاج ونص حوالا مشويين كلشي مبهور عرفوه مرفح فلوس..أسماء گالسة فطابلة روايال هي وأوس ورجاء وزياد وسي مصطفى ورشيدة أسماء أول حاجة دارت همسات فودن أوس...
احح لبسات ساري هندي جوج قطع صاية كبيييييرة من الذهبي والحمر وكلها مطرزة وعاد لفوقاني بحال ميني فونطر فنفس اللون وشال حمر وشعرها دارتو ليها بجنب مع خلخال على راسها كي خرجات أوس طلعها وهبطها ...
دارو لعلوة ورجاء وااالو ناضت تجدب ولكن تازياد ممفاكش ناض معاها شاد فيديها تجدب وهي شادا فيديه وتاأسماء بقا فيها لحال وعيطات لنگافة وگالت ليها بغيت تانا نشطح الشعبي..
نوضاتهم بجوج يشطحو وأوس غير شاد فيديها وهي تشطح مي مع صاية مبانتش ترمتها ....
اححح وصلات 8 وصل الختام ديال العرس وجا لوقيتة ديال لكسوة البيضة حلم أي فتاة توب بيض تمنى تكون فيه ويكون لونو فال خير عليها وشكون هادي لمبغاتوش من غيري انا طبعا😂لعقوبة لأي وحدة فيكم..
طلعات أسماء ورجاء يلك ناضت شدها زياد...
_زياد(مطلع حاجبو):فين غادا عوتاني معيتيش من الشطيح... _رجاء:لا لا غنمشي نبدل...
_زياد:واش نتي لعروسة ونا مفخابيرش ولا شنو دايرا ليا عرض الازياء هنا...
طلعات أسماء ورجاء لنفس الغرفة التبدال ولبسوها كسوة بيضة جات سماطي ولاصقة من لفوق سااامبل عاد لتحت جات طبقة شبكة بيضة فوق الثوب لبيض على شكل حورية البحر كانت من الوراء مفتوحة من ضهر كامل عاري وجات لخصر توي وعاد مطلوووق ديال دياال حورية البحر في الارض بديك الشبكة..شعرها طلقوه ليها باش يضرك ضهرها شوي ولافخونش على جبهتها وعاد تاج كبيير ضاير فوق راسها..
أما رجاء فلبسات غوب حوتة فالحمر بارزة ليها الأرداف جات سميطات رقااق وشكل هندسي من جيهة الكتف الأيمن.. طلقات شعرها على راحتو كتبان سيكسي وفنفس بملامحها بريييئة.. الطايح كثر من النيض
_رجاء(شافت فيها وعنقتها بقوة):كتباني بحال الحورية... _أسماء:ونتي أميرة..احم لعقبة لك مع داك المخنن ههه... _رجاء:نتي حسن عائلتي عنداك تخليني شي نهار... _أسماء(شدات فوجهها):نخلي راسي ومنخليكش...
أسماء كتشوفيهم كيقربو باتجاههم لداخل وهي ممرتاحش كل خطوة كيخطيوها لقدام وقلبها كيرجع ألف خطوة لور..ضاق بيها الحال وتغمات عليها الدنيا فجأة..قربو ليهم وجا وراهم على اساس يهزو شي حاجة من تحت لاطابل ديال لمراية وهوما بعدو ماشي بعدو بخطواتهم وإنما بعدو بواقعهم ومشاو لعالم آخر عينيهم تسدو باش يغرقو فنوم عميق..نوم لماشي بحال نومات لخرين..ماشي بالاحلام وداكشي لا لا وانما بالسواد لغينوضو فيه من بعد وغيتجلى فحياتهم ويتغرس فمذكراتهم الى آخر الزمن...
***نهبطو لتحت فين نايضة الحيحة بالطبط في ديك لگليسة ليدايرين جنب البحر للعرسان راه وصفتها ليكم..كان أوس گالس فبرزتو القمة الروعة ليعبارة عن اعمدة خشبية وسطهم بخال كرسي لملوك بلبيض كان دايرا بجناب ولور بخاميات بيضين وفيها قبة لفوق ولقدام كتشوف فلكراسى ديال المدعويين..كان كيتصور أوس وزياد للدكرى حتى فجأة أوس حس بالضيقة..بروحو غتخرج..بقلبو تكمش..بدا كيجر فلكرافاطة وهو حمر...
_زياد:مالك اصاحبي شتك ماشي هو هداك...
_أوس:معرت كنحس بالصهد...
_زياد:غير سخونية هاديك مكاين لاصهد لا والو راه زعما لبحر هدا😂
_أوس:تبي دور تقود تاعرسي حضيني فيه.. اجي راه من گبيلا ونا حاضيك شتك مگلس رجاء حداك وممخليهاش تزعزع اش واقع بلا خباري...
_زياد(سرط ريقو):اش كتخربق من نيتك والو والو...
_أوس(حط ايدو على كتف زياد):شوف أول مرة نهضر معاك بصيفتي صاحبك شتي رجاء أحسن بنت انا شتها ضريفة بزاف وكتحشم وكتخاف وبريييئة كون من لول محسبتهاش بحال ختي انا نتزعط فيها..ونتا راه خاصك تنسا اصلا هي معندها تادنب ماشي هي ليختارت تكون دزايرية..وتانتا نسا ليفات اصاحبي..وبيني بينك كتبان راها كتبغيك وتانتا متكدبش على راسك..وتقدر تنسى شي نهار بسبابها...
النگافة جاية كتجري وتعتر فجلايلها وصلات وهي كتنهج...
_أوس(قلبو تهز):مالك اش واقع ياكما اسماء وقعات ليها شي حاجة...
_النگافة(كتنهج)...
_أوس(شدها من عنقها شانق عليها..كارز على سنانو):كنسولك ألقحبة تجاوبيني فلحين...
_زياد(حط ايدو على كتفو):تهدن اصاحبي الناس كيشوفو فك راك غتقتلها...
اوس طلقها جات طايحة لأرض مشا كيجري تحت أنضار الكل المستغربيين وتا زياد تبعو طلعو ديريكت لغرفة التبديل ملقاو والو..أوس كيدور راسو بحال الحمق من هنا للهيه وكيقلب وهو كينهج..زياد بحكم تهدنو شوي قدر ينتابه على واحد لورقة معلقة فالمراية مشا هزها وقراها..قلبو تهز إثر قراءتها ونبض بقوة عملو لحضها تافيموت باه..لحمو تبورش وكيانو تهز بحال هزة زلزلة للأرض..وهاكا تحققات دعوة أسماء ياربي قلبو غدا ينبض لك..
زياد ضرب لمراية بيدو تاتفرتات والشقافي دخلو ليه فقبضتو ولكن محسش حتى بخدش مقارنة مع داكشي لكيحس بيه دابا..كلس فكرسي وهو كينهج بحال شي ثور خرج من معركة الثيران قلبو فيه الجنواى تغرسو..عروقتو برزو.. وحقدو فاق وتحول من زياد الضريف المرح لزياد جدييد متعهدش قبل في القصة..زياد الوحش الماكر..
أوس مشا بجهالة خداه ليه قراها وهو مع كل حرف كيقراه رجليه كيفشلو وثيرة انفاسو كضاعف..ايديه كيترعد والعافية كتوهج داخلو البحور ميطفيوهاش..عينيه توهجو وتغللغلو كثر من اللهيب..كان فنفس المنظر ديال هادي 7 سنين للوراء وكثر..دابا غنعرفكم على مفهوم الهوس مفهوم شرشبيل..ومفهووووم المختل🔥..
نمشيو لبلاصة خرى فغرفة مضلمة مضوياها واحد جوج شمعات فلقنت..ناعسين على لأرض بدون شعور..مكانش دايز على حضورهم بزاف الوقت غير شي ساعة وربع هكاك بحكم الطريق دارو شي نص ساعة..على سيارة من بعد مجاو من وراهم كل واحد تكلف بوحدة و دارو ليهم منوم فمشوار على نيفهم وغابو عن الواقع..وهاكا قدرو يهزوهم ويخرجوهم خارج من الجهة لورانية وبحكم كلشي ملاهي برا حدا لبحر حتا واحد مقدر يشوفهم وقدرو يسلتو بأمان..في التالي خطة طاهر نجحت بلا حتا عدااب..
وفي مخيلت أوس وزياد ليشك فلول ولكن متشبتش فشكو اما كون راه فهمو وقدر يحميهم وهادشي لاش ندم...
زياد ناض كيجري خرج وعارف فين غادي..أما أوس فوقف وهو عينيه دم وجسمو ولا بحال ديال شي ملاكم في أوج المعركة..شيطان مختل..هز تيليفونو...
_أوس:بغييتكم دابا تجيبو ليا طاهر ولابرب غير دبحو ريوسكم قبل منجي نديرها انا دااااااابا..
خرج من الغرفة كيتعتر وهو خااااقد تلاقا مع سي مصطفى فلباب وشدو...
_سي مصطفى(شافو فديك الحالة كيخوف):اش واقع أولدي
أوس كيحتااااارمو ولكن دابا معاقلش حتى على راسو ضرب فيه وداز وسي مصطفى عرف واقعة شي حاجة لأسماء تكلف بالمعروضين ورشيدة بقات كتسول وتمشي وتجي من هنا لهنا...
_سي مصطفى:هانتي ابنتي راه غير مشكل بسيط سيري نتي لدارك هانمرتك عندي ملي توقع اي جديد نعيط لك... _رشيدة(خايفة):لا اسيدي واقعة شي حاجة لختي خاصني نكون هنا...
_سي مصطفى:واش لابقيتي غتزيدي ولا تنقصي شي حاجة سيري دابا لدارك بنتك راه فيها نعاس وراجلك يكون جا غاسيري ابنتي ...
داكشي ليوقع مشات تارشيدة مع المعروضين وخاطرها ممهنيهاش..أما زياد فتاجه لمقر وهو كيجري وايدو كتقطر دمايات طلع لبيروه وجبد ديك الصفقة ليفيها 50طن ديال المخدرات تقلبات الوجهة ديالها من الجزائر..هزو وبقا كيبحث وفهم في لخر بلي ديك الرموك تقلب وجهتو للمغرب من الجزائر بالتالي طاهر من شحال هدا وهو هنا وفهم مخطط ديالو..بدا كيشتت گاع لوراق ليعلى البيرو ويضرب فلكرسي ويهز ويهرس بحال شي حمق تاهو وكيغوت...
_زياد:لاااااا لااااااا 😡😡 ...
اما أوس فمشا كيدور من لبلاصة لخرى من مستودع لأخر بوحدو وليلقاه فطريقو كيقتلو مكيزيدش كلمة باغي غايبرد نار ليفيه...
***نرجعو عند البنات..فبلاصة فراس الجبل كاين واحد المستودع صغير خالي رجال طاهر ضايرين بيه..طاهر يلك وصل فرحان تلاقا بيدو ليمنة كيتسناه سميتو نادر...
_طاهر(بابتسامة خبيثة):جبتوهم أنادر ياك...
_نادر:اه اسيدي راه كينين لداخل ..
دخل عندهم لبيتهم لقاهم باقين ناعسين تبسم وهو كيشوف فيهم قدامو صافي وصل الهدفو دابا غينتاقم من عائلة العمراني ليدمراتو ودمرات فاميلتو..قلب أسماء على وجهها برجلو وهبط لمستواها...
_طاهر:اححح مليحة..
ودار لرجاء ليكانت كسوتها طالعة على سيقانها تلمسهم..
_طاهر:اححح...
_نادر:سيدي لافاقو اش نديرو...
_طاهر:ضايفوهم مزيان تانرجع..
ناض بغا يخرج حتا شدو نادر حادر راسو...
_طاهر:اش واقع...
_نادر:سيدي ديك لبنت ليلابسة كسوة ليمونية نقد زعمااا.. _طاهر(بابتسامة حط ايدو على كتفو وطبطب): ولكن لخرى متمسهاش..ومشا ...
نادر تبسم ابتسامة شيطانية وبدورو خرج تاهو مشا كيشرب الخمر مع البقية ..
البنات بدا كيزول تأثير المنوم عليهم رجاء فاقت وهي كتحس بلحريق فراسها..شدات راسها وكتحل عينيها وتسدهم بقوة باش تفيق وتفهم اش واقع آخر حاجة عاقلة عليها هي ملي كانت هي وأسماء في الغرفة وجاو دوك جوج سرباية ومن بعد معقلات على والو كيبان ليها غي ضلام قلبها بدا كيخفق هي عندها فوبية من لبلايص لمضلمين تلافتت شمالها شافت دوك شمع تلافتت يمينها كتبان ليها أسماء مرمرية حداها..وكسوتها مبقاتش بيضة..مشات كتحبو عندها...
_رجاء(كتلمس ليها فوجهها):أسماء أسماء فيقي فيقي حنونة مالك فيقي يعيشك فيقي(كتزعزعها ودموعها على خدها)... _أسماء(بدات كتحل فعينيها ببطء كتبان ليها رجاء بصورة مغمة) ...
_رجاء(عنقتها):اهيء اهيء خفت لتكون واقعة لك شي حاجة اهيء😭
_أسماء(بدات كتحك عينها وتاهي عاقلة غاعلى دخول سربايا صافي):اش وقع أرجاء...
_رجاء(شافت فيها بعينيها الدامعين):معرت اختي معرت اش وقع اهيء انا خايفة ...
_أسماء(كدور راسها فأرجاء المكان وقفات وتارجاء وقفات معاها شادة فيدها)
_أسماء(خااايفة ومعصبة وممتيقاش هادشي ليواقع نهار عرسها يوقع هادشي احسن نهار فحياتها واش فرحتها مغتكملش شي نهار ولا اشنو..حايرة وخايفة معارفة اش دير ولكن معندها حتى حل مخاصهاش ضعاف قدام رجاء باش متزيدش عليها):شش صافي من لبكا انا انا متأكدة أوس وزياد مغيخليوناش هنا ولكن بغيت نعرف شكون هاد الزامل ليتجرأ ودار ليا هاكا نهار عرسي...
_رجاء(كتنخصص):كنضن كنضن أ أنا عارفة...
_أسماء(شدتها من كتافها):اشنو هضري...
_رجاء:وا قلة شي عدو ديال أوس بغا يخرب عليه نهار فرحتو... _أسماء:دابا هاد لخرى فاش خدام تاعندو هاد الاعداء فحال هاكا كون كان كيبيع غاماطيشة وبيخير علينا من هاد الافلام تفووو ولاد القحاب خليوني غير تانكمل عرسي..
_رجاء:تانا معارفاش خدمتو واقلة واقلة مع المافيات... _أسماء:ولديلمك لاش گايلاها دابا تزيدي الخل علخلول راه ليعطا الله عطااااه راه تزووووجت بيه يكون تاولد هتلر...
صافي رجاء قررات انها دير داكشي ليبغات بدات كتغوت هي وياها ويدقو لباب قربو يفرعوه ...خارج الغرفة رجال طاهر مجموعين في مجلس ديال الشراب ولكارطة ضايرين بواحد طابلة كان نادر جاتو شي مكالمة وخرج يقلب على ريزو فشي قنت...
مشا عندهم يلك بدا كيحل لباب هوما مشاو وقفو وراه دخل أسماء خرجات من ورا لباب نقزات وعطاتو بلحيدة لگرفادة تاجا طايح وعوداتو باش مينووضش..قلبات جيابو لقات عندو فردي ورا ضهرو خداتو ليه وتفكرات أوس كيفاش كيجر ديك لعيبة لفوقانية وداكشي ليدارت وبالتالي ولات مستعدة تيري...
_رجاء(مخرجة عينيها):واش..
_أسماء:ششش سكتي وتبعيني.. (مع بالها: الخوف مكنعرفوش رتاحي أ أسماء دوزتي ماكرف من هاكا كنتي تباتي لجوع ربع يام كنتي تشوفي الموت فعينين حبيبك لاهادشي كيف والو انا قوية وانا غنرجع لراجلي مغنبقاش فيدين الشمايت)..
خرجو وهوما كيتسلتو أسماء بيدها ليمنة شادة لفردي وليسرة شادة فايد رجاء وغادة على صباع رجليها حفيانة..واحد من ليگارد داخل كيتمايل باغي يشوف صاحبو غير شافهم...
_لگارد(هز فرديه):هييي..
أسماء مخلاتش ليه الفرصة تيرات فيه وغوتات هي ورجاء..لخرين سمعو القرطاس جاو يتجاراو أسماء جرات رجاء وتخباو من ورا واحد لبلاكار..دخلو 4 اسماء طلات وقدرات مع الدقة لولة تيري فجوج منهم...
خرجات وتواجهات مع واحد نيشان هو هاز فرديه وهي هازا فرديها...
_لگارد:حطي..
_أسماء(قاطعاتو وتيرات):شش مكيعجبنيش لكيقاطعني..(غوتات)واااع شحال كنت متمنية نگولها...
_رجاء(غوتات):عنداااااك
تحنات لتحت بزربة وخدات سلاح طايح لأول گارد طاح كان حدا رجليها وهزاتو ودارت بسرعة تيرات فجنب أسماء ليبدورها تلافتت كيبان ليها واحد كان هاز فرديه من جنب أسماء وباغي يتيري فيها الحمد لله رجاء عتقات الموقف وتيرات فيه بزربة جابتها ليه وسط عينيه طااح بطولتو بووم...
_أسماء(ضارت عندها):اممم مصدقتيش ساهلة..
_رجاء(طلاقت لفردي من ايدها وغوتات):واااع اهيء اهيء... _أسماء(شدتها):يالله جري خاصنا نهربو من هنا ضغيا..
بداو كيجريو حلو لباب الخرجاني أسماء طلقات رجاء وهزات جلايلها وعطات رجليها للريح ورجاء كدلك من وراها يلك خرجو بمسافة قصيرة حتى كتسمع أسماء من وراها
_بصوت رجولي بورشها:تزيدي خطوة خرى نتيري فيها... _أسماء(تلافتت بثقالة كيبان ليها شخص معنق رجاء من لور وحاط فردي على مخها) ...
_أسماء(تلافتت بثقالة كيبان ليها شخص معنق رجاء من لور وحاط فردي على مخها) ...
نادر كان كيتكلم فتيليفونو حتى سمع صوت الرصاص عرف غتكون واقعة شي حاجة وبحكم هو كان ورا لمستودع وهابط بشي مسافة قصيرة يلك قدر يوصل ولقاهم هربو ورجالهم مرمين ميتين تبعهم وبحكم كيجريو وكينهجو في ربيع وخرششات الاوراق مقدروش ينتابهو ليه حتى جا شد رجاء من لور وهو موجه سلاحو فوق راسها...
_أسماء(خدات نفس):بعد منها سلاحك ولاتموت قدام عينيك...
_رجاء:اهيء لا لا متسمعييش ليه هربيييي سيرييي أسماء غاهربي متخافيش اهيء...
_أسماء(شافت فيها ودموع فعينيها ايدها مربوطين دابا ومتقدر دير حتى حركة باش هاديك ليعندو رجاء ماشي أي وحدة هاديك راها ختها متقدرش تخليها وسط ايديهم وتمشي هي واعدتها مغطلقش من ايدها متقدرش تخلف بوعدها واخا تعرف تموت.. طيحات السلاح من ايدها وهزاتهم لفوق):بعد منها دابا.. _رجاء(حدرات راسها وهي كتبكي وتنخصص): اهيء علاش اهيء غير خليني...
نادر جا شد رجاء من لور وأومأ براسو لدوك رجالو باش يديو اسماء...
_رجاء(كركل وتبكي بين ايديه):اهيء اهيء طلقوووها طلقوووها😭😭
_أسماء(غادين بيها قربو يضورو بيها من داك للمر):رجااااااءطلقووووني ...
اختافات عن انضار رجاء وداوها لغرفة كبيرة وهزوها من رجليها هوما وشي جوج آخرين وخي كتفركككل وتغوووت ربي ليخلقها..وعلقوها من رجليها وراسها لتحت وايديها مربوطين ورا ضهرها..مشاو لواحد لبلاكار عاامر أسلحة مختلفة وجبدو من لتحت واحد ربعة الأسواط(سوط) ...
أما رجاء فبقات كتبكي وتنخصص وهي طايحة على ركابيها هزها نادر من شعرها...
_نادر:نوضي براكة عليا من الافلام...
_رجاء:اهيء طلقني ألحيوان طلقني تفووو على ديلمك(دفلات عليه جابتها ليه وسط وجهو)...
_نادر(غمض عينيه بقوة ومسح على وجهو وحل عينيه ساااااعر):انا غنوري لقحبة تاعت مك دفيل..
جرها من شعرها بقوة وداها لبيت ليكانت فيه.. ...
جرها من شعرها بقوة وداها لبيت ليكانت فيه ولاحها لأرض حتى جات على وجهها وغمضات عينيها بقوة..هبط لمستواها وجرها من شعرها وصرفقها دا ايدو ورجعها مقلوبة تاتصورو صباعو فحناكها هي مغمضة عينيها وعاضة على شفايفها فصمت هي اصلا خوافة..شدها من فكها السفلي بقوة تاصباعو قاسو ضراسها وشافها بنضرة شريرة وحادة بعينيه لكوحل...
_نادر:غنوري لزامل بوك دفلي على سيادك...
_رجاء(بحالا مشلة معرت اش وقع ليها غير كتشوف بحالا مخدرة هي من ديما ضعيفة) ..
نادر دفعها بديك ليد ليشاد بيها فكها تاضربات راسها مع لحيط وراها وتجرح وهي محاسة بوالو غير جسد بلا روح..جرها من رجليها تاسرحات فلأرض وبدا كيبوس ويمص فعنقها بشراهة ونفس الوقت كيقطع ليها حويجها...
رجاء متكية ساااهية فسما جسد بلا روح.. فين هي فين كتفكر..كيفاش خلاتو يمسها..كيفاش استسلمات ليه هاكا..انا غنگول ليكم كيفاش كتفكر..كتفكر بلي هي ضعييفة هي اصلا خوافة من ديما خوافة من اقل حاجة خوافة..ماشي اصطناع ماشي مرض ولكن عادة..عادة اعتادها من موت صاحب الامان. باها محمد سالم الله يرحمو..هي مبقاش عندها ملجأ ولى ليجا يمسح فيها رجليه..ليجا يحط ايدو عليها..كتفكر كيفاش جسدها كيرتاجف كتفكر كيفاش قلبها كينبض بهاد الطريقة المخيفة..كيفاش هاد الاحساس هو الوحيد لكيتمكن منها..كتفكر كيفاش فأي فرصة عينيها كيدمعو..كيفاش على أقل حاجة كتشهق وترعد..كيفاش كتهبط مستواها لأي واحد كيفاش كتحدر راسها لأي واحد وكتخلي أي واحد يضلمها..
بقات كتشوف..ونادر خايد راحتو كيمص فعنقها ويزوقو قطع عليها لكسوة من لفوق وهبط لصدرها..هي بدووون احساس تلافتت لجنب كتبان ليها واحد شمعة قريبة ليها كتبان ليها كيفاش غادا وكدوب ولكن مزالا مضوية..هي من نار آه ولكن تقدر تشدها غير بصباعك وطفا شافت فيها راسها اه هي كتحرق وكضوي على بزاف كتألم وكضحك فوجه بزاف..اي واحد جا يقدر يقتلها غير بصباعو يقدر يطفي ديك نار عندها ولكن لاتطفات غضلم دنيا وفنفس الوقت تقدر تحرقك ديك الشمعة..
وسط ديك لهب شافت مشهد صغير
#فلاااش_باااك🔙
..بنت في عمر 5 سنين كتجري من بيتها حفيانة ودموع فعينيها دخلات لبيتهم بسرعة وغوتات بااااابا وتلاحت عليه..هو فاق بسرعة وهو مها وشعل ضو لمصباح لي جنبو..وعنقها وهي كترجف وتبكي...
_محمد سالم:اش واقع أبنتي...
_رجاء(كتشهق وتبكي وكلامها مقطع):بابا بابا كنت ناعسة اهيء اهيء وجا واحد لوحش وبدا كياكلني وكيضربني اهيء اهيء انا خايفة😭
_محمد سالم(ابتاسم على براءتها وهو كيطبطب على ضهرها..فهم بلي غير كابوس وصافي): متخافيش ابنتي انا معاك...
_رجاء(شافت فيه بدموعها):ولكن أبابا فاش كان كياكلني مكنتيش معايا...
_محمد سالم(بابتسامة شد وجهها):مكنتش معاك باش عارفك بوحدك غتقدري تغلبيه نتي راك قوية...
_رجاء:اهيء اهيء ولكن انا خوافة ومعنديش لعضلات بحالك... _محمد سالم:بنتي العضلات كتكون ملي كنهزو ثقل ملي الدنيا ثقاال علك هزي راسك وطلعي نفسك ووقفي معتادلة وسميه تمرين ماشي ثقل ونتي قوية اه قوية(أشار بسبابتو لجيهة قلبها) هنا كاينة وحدة قوية خاصها غير تفيق ومتنعسش ومتخباش..هنا كاينة عافية تقدر تحرق لكل..متخافيش ابنتي حتا لمكنتش معاك طلعي نفسك ولوحي ديك لغول لبعيييد ووقفي فوجهو ومتبينيش خوفك هو لغيخاف ديك ساعة..رجاء تصرفي ابنتي على أساس نتي قوية متخاافيش نتي قوية أبنتي..
نهاية الفلاش باك..
فنفس الوقت شافت من بعد وجه زياد فاش كيشد ايدها وكيعتقها فكل موقف وكيفاش قرب ليها داك نهار..مخاص حتى حد يقرب ليها من غيرو تفكرات كلام أسماء واخا يبقى فيا عرق واحد يضرب منخلي حتى زامل يقيسني..
شهقات شهقة قوية أقوى من مامضى باش ماشي شهقة خوف وإنما شهقة قوة..بحالا ماتت وعاودت فاقت وتلافتت ودفعاتو بكل قوتها تتلاح من فوقها ووقفات وهي كتنهج ومخنزر...
_رجاء(واقفة بكل عصبيتها كتنهج بحال شي وحش وشادا لكسوة لمدلية على صدرها دفلات عليه بكل قوتها):تفووووو الله ينعل طبونمك أشماتة...
_نادر(وقف عريان من لفوق يلك غيشدها هربات لحدا لباب وهزات نفس الحديدة ليخلاو)...
_رجاء(كتنهج):تقرب خطوة وحدة نقتلك...
_نادر(من بكاها لول وتصرفاتها عرفها خوافة ومغدير والو قرب باتجاهها ولكن صدق غالط):ألقحبة راه..
_رجاء(بدون تردد دوزات راس لحديدة على صدرو تاترسمات ندبة كبيرة بحكم كانت حادة): يالله قرب ااااه قرب(كتغوت ودموعها فعينيها) قررررررب قررررب(نادر غير كيشوف فيها كيفاش كتغوت بهستيرية)...
_رجاء(كتبكي بحرقة وكضرب فصدرها بيدها لخرى):انا بنت انا بنت انا ماشي ماكلة انا بنت بنت واش كتفهم ماشي ليشافني باغي ياكلني وينتاهش لحمي بحال ذياب انا بنت واش عارف اش معنى بنت..البنت هي ليخلاتك توصل هنا وتولي راجل حتا تولي تزمل على لخرين..البنت هي ليقراتك تاخدمتي وجيتي تحط ايدك عليا واش غالكنت بنت صافي تاكلوني واش لاكنت ساكتة تنهشوني ألكلاااااااب😡..انا بنت اهيء اهيء انا بنت نقدر نكون فيها ختك مك ولا بنتك لاش لاش كديرو هاكا لااااش زعما نتوما رجال نتوما تفووووو عليكم أشمايت كلمة الرجلة صعيبة عليكم..تفووو عليكم أزوامل لاكنتو رجلة كتحسبوها بداك التب والزملة لحمار سيدكم ياعيفت الرجالة..اهيء اهيء لا لا متشوفنيش هاكا تبغي تاكلني انا راه نقتلك أزامل نقتتتتتتلك..اهيء واش معيتوش واش دابا لاختاصبتيني غتربح شي حاجة ااااه غتربح شي حاجة واش ختك كون كانت فبلاصتي غيعجبك لحال..گول ليا معنديش ختي گوووولها ولكن متگولش ليا معنديش مي..واش مكتفهموش لبنت راه ماشي مخلوقة غير باش تمسحو فيها زبلكم وتمشيو لا لا البنت راها شرف من أي زامل على وجه لأرض واخا تكون قحبة كتبقى شرف من أي راجل باش عندها رحم هي ليخرجات منو داك راجل وداااابا خرررج قود علياااا خرررررج ....
_رجاء(كتقرب ليه بحديدتها وكتغوووت):گلت لك خررررج خرررج ألقواااد خررج😡😡
_نادر(هز ايديه):صافي تهدني انا خارج..
وخرج هي سدات لباب وتكات عليه وطاحت لأرض وهي فاشلة ومطيحة لحديدة حداها كتبكيييي بحرقة..وكتنخصص..صافي رجعات حيات رجعات حيات ديك لبنت ليوسطها فاقت..فاقت إثر موقف بسيييط ولا موقف لمنتمناه لحتى وحدة..بكات وبكات شحاااال وفي الأخير تنهدات وطلعات راسها لفوق وصرخات صرخة لترددات ماشي فلمكان وبس وإنما ترددات فوسط لغاااابة ووسط قلبو هو
_رجاء :اااااااااااااااااه😭 ...
من بعد مقلب مزيان وملقا وااالو رجع لدارو كيحس بالفشل وبالضعف دخل ضمد جرحتو لفيدو ودوش بما باااارد وخرج گلس في بيت خاااوي مضلم على الأرض حافي القدمين رجل متنية محطوطة على الارض ورجل لخرة متنية واقفة واحد عليها ايدو وراسو لأرض كيفكر فيها غير هي كيفاش كيضلمها فكل فرصة كتاح ليه كيفاش كيسبها وكيجرحها كيفاش كيكرهها بسبب عرقها وأصلها..وكيفاش كيبغي يهرب من حبها وغير مكيزيد يغرق فيه كثر وكثر..كل مرة كان كيعتقها دابا اش وقع تشمت كيحس بروجولتو مسااوية والو..مقادرش يعتقها ومعارفش حالها..
للقطة حس بخنجر تغرس فقلبو وتجبد وهز راسو وحط ايدو على صدرو وهي نفس لحضة ليغوتات فيها رجاء غوتة الحرية..بدا كينهج وقلبو كيضرب بقوة وهو مفاهم والو..هز لوطو ديالو وخرج ...
أوس كيضور من بلاصة لخرى بحال شي حمق وصل المنتصف ليالي وباقي ملقا وااالو ميقدرش يخلي مرتو وحبيبتو وهواه بين ايدين شي حد من غيرو..غادي بسرعة مفرطة عينيه مضببات..للحظة بانت ليه قدامو واقفة وسط الطريق بكسوتها لبيضة دور لفولون بقووة باش ميجيش فيها لدرجة انحارف على طريق وضرب فشجرة خارج الطريق وراسو تضرب مع لفولون والدم فجبهتو عينيه بداو كيتسدو ببطء حتى مبقا بان ليه والو ...
كانت مزااالة معلقة ووالحمد لله لكسوى مكروزة عليها من الارداف اما كون هبطات معاها ولكن داك ديل الحورية هابط وسيقانها عريانين...
_أسماء(كتمشي وتجي وهي كتلافت وتشوفهم اش كيجبدو):طلقوووني طلقوووني أزوامل المخير في ديلمكم أكبر شماتة طلقوووني خايفين من بنت ورابطييني تفووو عليكم برب تاغتموتو على ايديه غير تفكرو..
كيبانو ليها جاين جيهتها وكل بغل فيهم هاز سوط/مشحيطة..
هوما متسوقوش ليها جاو لكل واحد من جهة وبداو كيضربو فيها كتحس بلحمها كيتختارق بدات كتغووووت ربي لخلقها كيضربو فيها بقوة بداك سوط..صوت ديالو فاش كيتخبط على لحمها كيتسمع من بعيد..سوط كيختارق حتى لكسوة ويوصل لحمها وهي تمشي وتجي بيناتهم بحكم معلقة...
خرجو وخلاوها من ضحكتها بدات كتبكي واش هي مسخوطة ولكن شكون غيسخط عليها تاهادوك لغيسخطو عليها معندهاش ولكن علاش مخاصهاش تفرح فحياتها علاااش اعيباد الله واش هي كافرة واش هي دايرة شي ذنب كبييير واش حتى أحسن نهار فحياتها رجع كلو بكا..بكات وبكااات على سعدها لمعكس..معاشت طفولة معاشت مراهقة كيف كلشي..
بدات كتسمع صوت الشتا والرعد برا تفكرات رجاء لخلاتها بوحدها مع داك المكبوت ربي ليعالم بيها تاهي وتفكرات هي شحال كتخاف من ضلمة وعاد زيد الرعد لبدات دابا غتكون خايفة منها..واخا هي حالتها متشافش راسها لفوق ورجليها لتحت لحمها مات ورجليها وايديها زرقيين بحكم الدم محبوس فيهم بسبب دوك الحبال...
أسماء بدات كتغني بصوت مرتاااافع باش تغطي على صوت الرعد لتاهي كتخاف منو ولكن هاد الرعد كيدل عليهم هاد العاصفة هي نفسها لجات لحياتهم من بعد ديك الشميسة المضوية..ولكن متنساوش مع الرعد كاينة شتا قطرات مطر كتحيي الارض نعمة كبيييرة ضروري كاين فرج😊..صوتها بحكم السقيل بدا كيتردد فلمكان ووصل لكلشي.. دموعها حارين
( Crashing,hit a wall Right now i need a miracle Harry up now, i need a miracle Stranded, Reaching out I call your name but you're not around I say your name but you're not around I need ya, i need ya, i need right now So don't let me,don't let me, don't let me down I think i'm losing my mind now That you'll be here, when i need you the most So don't let me, don't let me, dont let me down) .
كلمات الاغنية كيمعنيو حالتها هي محتاجة ليه دابا بزاااف وكتعيط بسميتو ولكن هو مسمعهاش ولكن المهم غيجي داك الوقت لغيرجع فيه المهم غير ميخدلهاش Don't let me down😔..
رجاء سمعات كلمات الاغنية تنهدات وتكات على الارض على وضعية الجنين وهي معنقة رجليها عندها ابتاسمات ابتسامة حزينة لهادشي ليواقع وحاولات تنعس مع صوت أسماء الحنييين..عينيها بداو كيتغمضو ببطء حتى انتاقلات لعالم الهدوء والاحلام ...
اما أسماء مبداو عينيها كيتسدو بشوي بشوي راسها غينفاجر مع لتحت وصعيييب تبقا معلق وراسك لتحت..معدتها كتحرقها بحكم مقلوبة وعروقتها باينين..لحمها مات بالعصا وريقها ناشف..ابتاسمات هي الاخرى ابتسامة ملي جات واحد نسيم باااااردة دخلات دات معاها شعرها لور..ومشاااات تاهي غابت عن الواقع...
***ملي خرج من الدار كان هاز فيدو بيسي ديالو لفيه مجموعة لابليكاسيو ديال الهاكرز الوااااعرين ولغاااااليين بطبيعة الحال..ركب وديمارا..وصل كانت ديك 3 دليل..كان حي مهمش حي لديور صفيح كاريان سكويلة..دخل لبلوك ديالهم من بعد مخلا سيارتو برا عند واحد لعساس كان البلوك خااااوي وغير الحشايشية والسكايرية فراس الحومة..والقطاط والكلاب يتجاراو..
دخل لدار كان عندو ساروت وشعل الضو دور عينيه على المكان ليدوز فيه طفولتو وأحلى أيامو مع فاميلتو تنهد ودخل لبيت حط بيسيه على رجليه وبرونشا شي لعيبات وبدا خدام كيقلب على آخر الديور لتسكنو من هادي ثلث يام فكازا كااملة كيقلب كيقلب لقا بزاااف ولكن وحدة لقاها بسمية شخص وهوية جزائرية واخا ماشي سميت طاهر شك فيها يلك دار حفظ لديك لڤيلا ومعلوماتها وبغا يقلب فيها كثر حتى صونا تيليفونو...
هزو وجاوب بلا ميشوف نيم...
_زياد:ألو...
_الفتاة:ألو سيدي حنا كنعيطو علك من مستشفى الضحى... _زياد(بثوثر):اش واااقع...
_الفتاة:تهدن ماشي شي حاجة غير مول هاد تيليفون سي أوس العمراني دار حادث صغير وهو عندنا دابا...
_زياد(طلق لبيسي ووقف):واش وقعات ليه شي حاجة...
_الفتاة:لا اسيدي متخافش اصابة خفيفة غير دارو ليه مسكن دابا باش ينعس ولكن حالتو النفسية صعيبة كيف فاق بدا كيغوت وكيضرب فكلشي بسميت شي بنت واقلة أ أ أسماء...
_زياد(تنهد):واخا انا جاي..
سد لابطوب ومشا خرج مشا لسيارتو حط لابطوب فلكرسي ليحداه ديمارا بسرعة ومشا عارفو مغيتحكمش فراسو عارفو دابا غيرجع المختل غير الله يستر..
دخل المستشفى خدا رقم الغرفة وتيل ووراق أوس ودخل لقاه ناعس فسرير باقي بنفس الحويج تنهد ومشا تكا فواحد لفوتوي جنبو تاهو كان مرهق وكيحاول يغمض جفونو واخا غير بزز رغم ان صورتها قدامو ....
ليلتنا دازت..تبصمات بآهاتها وصورها فمخيلتهم وفمخيلتنا في انتضار الغد بأحداثو الصادمة والمشوقة ولغتقلب كلشييييي رأسا على عقل كثر ماهو مقلوب وكيف ديما (عسى أن تكرهوا شيء وهو خير لكم😊)....
صبح صباح جديد علينا وعليهم🌞..شمس ساطعة داخلة من نوافد مختلفة لبيوت مختالفين وبلايص مختالفين..ولكن جامعاهم قصة وحدة❌..
فاقت كتشبر وأشعة الشمس ضاربة فوجهها لبريء..كانت حالتها حالة حويجها مقطعين ومسخين وكلهم بقع..دارت كفها على حنكها ومرفقها على ركبتها وتقابلات مع اشعة الشمس كتشوف فيهم كيفاش واصلين تالعندها وكتگول مع بالها دابا هادي شمس وحدة لفوق في السما ولكن خيوطها رقاق واصلين عند كلشي فقير وغني..جيعان وشبعان ملك و عبيد..قاضي وطاغي..يعني كيف هي كتمس جسمها دابا غتكون كتمس حتى جسد زياد وأسماء وأوس لكل واحد فقنت دابا سبحان الخالق❤..
داكشي ليكان زياد فاق إثر صوت شي حاجة طاحت لأرض ناض قافز شاف فأوس ليواقف كيحيد فديك ليبرة ليمغروسة فيدو وكيلوح فداكشي...
_زياد(مشا عندو حط ايدو على كتفو):أووس أصاحبي رولاكس...
_أوس(حيد كتفو وتما خارج بلا حتى كلمة وهو فحالة خااااايبة)...
_زياد(شدو من ايدو بصوت مرتافع):واش هاكا غتعتقها اصااااحبي كااااالم😠...
_أوس(طلقو منو وهو كينهج عطاه كروشي تاداز الدم من فمو..من تحت سنانك):اه اه اه غنعتقها عنعتقها اه غنعتقها لا لا هي مغتبقاش هي غترجع ليا ولا نحرق كلشي كلشي سمعتي غنحرق كلشي(كيهضر بهسيرية بحال شي مسطي)..خرج
زياد كيمسح الدم بكمام..تنهد وتبعو تاهو خرج أوس غادي خارج بخطوات سريعة وليكان قدامو واخا يكون بكروستو كيقلبو ويدوز بحال شي وحش محن فحتا واحد واخا مريض زياد تابعو من لور..خرج من المستشفى زاد بضع خطوات حتى وقف عليه زياد بلوطو...
_زياد:أوس ركب...
_أوس(حل لباب وركب معاه)...
_زياد(عطاه قنينة ماء صغيرة):هاكا غتكون عطشان.. _أوس(خداها فصمت وشربها وبدا كيترخا وأنفاسو كيهداو بشوي بشوي باش سيهم زياد داير ليه دواه فلقرعة باش يتكالما شوي ويرجع لحالتو الطبيعية)...
_زياد:بيخير دابا...
_أوس:لقيتي شي حاجة...
_زياد:اه قدرت نلقا واحد الفيلا كاينة فلخرجة ديال المدينة تقدر تكون ديال طاهر...
خداه وبدا كيطابي بسرعة والحمد لله لقاه المعلومات ديال ديك لڤيلا مدخلهم خدا العنوان وتاجهوو بجوج لمقر أول حاجة من بعد معطا زياد لأوس وراقو وتيلي ديالو لكانو بقاو فريسيبسيو..دخلو زياد مشا لواحد لغرفة خاصة وأوس بقا كيدير شي اتصال...
_أوس:******نلقاكم كلكم هنا حاصرو لبلاصة بينما جيت حركة وحدة غالطة نقتل زامل بوكم واحد بواحد...
قطع الاتصال ومشا لنفس الغرفة لفيها زياد..كانت غرفة خاصة بمختلف الاسلحة هالبازوگات هالقنابل اليدوية هاليبيستولي بأشكالهم المتنوعة..هزو ليبغاو وهزو كمية الرصاص لبغاو ومشاو بسرعة لمكان وأوس فبالو حاجة وحدة وهدف واحد هي أسماء غترجع ليه مهما كان الثمن وطاهر جثثو غيتفنن فيها مزيان وانتقامو غيضاعف ...
****كانت باقا معلقة من رجليها وغايبة على الوعي..خطوات سباط طاهر كتسمع في الغرفة غادي باتجاهها كيقرب ليها وهو مبتااسم وعاجبو لحال على انتقامو ليغادي مزيان ونادر واقف وراه ورجالو مستفين ورا أسماء شافها كيفاش معلقة ولحمها المرقع وكسوتها ليولات حمرة...
_طاهر:هممم مليح(ابتسامة جانبية)وجدوها ليا دابا ساعة نلقاها عندي شابة...
مشا خرج وخرج من وراه نادر من بعد مآمرهم ورجالو بداو كيفكو ليها فرجليها من لفوق وكيهبطو فلحبل بشوي حتى طاحة لأرض جثة هاااامدة..سخفانة وكتشفي لقلب..كبو عليها سطل ديال لما باااارد مخرجينو من لكونجيلاطوغ حتى شهقات وهي كتنهج وتشوف غيهم فمها مجرح وداك لكحل ولبينو هااابط مع خدها لمكياج مجغلط ابتاسمات ابتسامة جاااافة مستهزأة...
_أسماء:شحال زوين لحال نصبح على الشمايت ونا غاكنسمع عليهم😏
_الرجل1(ركلها من لور تاطاحت على وجهها): سكتي ألقحبة ودابا غتشوفي اش غيطرا لك...
_أسماء(هزات راسها من لأرض بزز وشافت فيه مخنزرة وسنانها كيتقرقبو عليه وبنبرة حاااادة): لكلاب لكتنبح مكتعضش😡 _الرجل1(يلك غايعاودها تاشدو صاحبو)..
_الرجل 2:تبي هادي راها مرييضة مكتحسش يالله نطلقو زمر ولا سي طاهر مغيعجبوش لحال لاتعطلنا..
هزوها من الارض وهي راسها هابط من كثرة معنقها معنز والألم وداوها لبيت آخر كانو فيه شي 3 لبنات أشمنك يابنات كل وحدة گد سيتيرنة ضوبل راجل عادي على 3 تگولي كانو حباسات دخلوها ولاحوها ليهم أسماء غاشافت شوفاتهم عرفات بلي تاهما مكيحنوش من عينيهم...
هوما مقدرو يديرو والو باش الاوامر فوق كلشي..طاحو عليها وعراوها وكبو عليها لما وجهها بعدا يلك بان وملامحها لعياااانة بانت وجسمها لمزوق مقادرش يصبر غاگلسات كتركل بين ايديهم بكل قوتها وصراخها مالي لمكان بحكم لحمها محفور وكيقيسها الصابون كتشوووط 😢..
كتغوووت ربي لخلقها ولكن مكطلبهمش..تموت ومتدلش راسها لشي كلب فيهم سالاو لبسوها واحد ديباردور فلخزي صدرو هابط واحد لكولون كحل وخلاو شعرها مطلوق من بعد منشفوه ليها وخرجوها لرجال طاهر ليتكلفو بيها وداوها لعندو لبيتو كان بيت مقاد شوي وفيه واحد ناموسية صغيرة وهو واقف كيكب فلويسكي فواحد طابلة عالية غير دخلوها وهي كتركل لاحوها تاجات طايحة على ركابيها لأرض وراسها محني هو شافها ابتاسم ابتسامة شيطانية...
_طاهر:اااه مرحبا مرحبا بكتكوتنا لباهية...
_أسماء(طلعات شوفة فيه بقات كتشوووف فعينيه للحضااات حتى دفلات بقوة):تفووو كثرثو أزوامل..بحالك راه شادين بلايصهم فلقبر...
_طاهر(تنهد وتعصب ولاح لكاس لاخر من ايدو وشدها من شعرها جرها)...
****من بعد متسلحو مزيان كسيراو بسيارة زياد بسرعة لبرق..وصلو بشوي وعطا أوس اشارة لرجالو يداهمو لمكان هو دخل هو وزياد وبدا كيتيريو..كانو رجال قلال مي عندهم اهمية فحماية طاهر خصوصا من بعد مأسماء ورجاء قتلو دوك ل5 ونادر جاب 17 يحضيهم فمبقاوش عندو بزاف رجال يحميوه..
أوس ساااعر كيتيري وهو داخل غادي وبدون ميشوف وراه كيتحسس الصوت وكيرجع غير ايديه ويتيري كان جد محترف بحالا كيلعب كيتيري ويعاود..طاحو بزاااف الأنفس وهو دخل لداخل كيجري قلب غرفة بغرفة لقا واحد لمرة كبيرة شوي تكون ديك 50 عام ...
_أوس(شدها قجها):فييين هو طااهر...
_المرة(كتكحب وعينيها غيخرجو أوس طلقها لاتموت)... _أوس(مصوب لفردي على راسها):هدريييي...
_المرة:كح كح معرفتش أولدي انا راه غير لبعت هاد لفيلا جيت ناخد واحد لوحة بقات هنا...
_أوس(عينيييه حاقدين وقلبو مات تيرا فيها): مكنتيش ضيعي ليا وقتي...
طاحت لأرض زياد شافها جا كيجري هز عينو فأوس وخنزر وعاود وقف ولكن معندو ميگول قدامو عارفو هو براسو مغيرحموش الموضوع كيخص أسماء ليولات غلى من حياتو..قلب وقلب ملقااا واااالو بدا كيتيري لفوق ويغوت بحال الحمق...
_زياد(شدو):يالله اصاحبي صافي راه مبقا والو ويطيح بين ايدينا ...
أوس خرج ولكن قبل ميركب فسيارتو مشا لدوك سيارات دياول رجالو وجبد من كل كوفر بوديزة ديال المازوط لكتكون للإحتياط ومشا بنفسو دورها على لفيلا كاااملة زياد كتافا بتنهيدة ودخل لسيارتو عارفو مغيقدرش يحبسو واللهما يخليه لعلى وعسى يبرد غليلو شوي...دورها كاااملة بلمازوط وشعل لعافية وبعد وهو كيشوف فداك لهب ليطااااالع كان وسط عينيه الزورق ووسط قلبو ليتحرق نطق وهو مورك على مخارج الحروف
_أوس :"غندمك"😡...
مشا ركب مع زياد وخلا لڤيلا كتحرق بيما فيها...
_زياد:لقاعة ليدنا فيها لعرس مكانوش فيها كاميرات مراقبة... _أوس:لاش...
_زياد:يقدرو يوصلونا لشي حاجة...
_أوس:مكنضنش...
_زياد:نشوفو عالله...
_أوس(غير كيشوف القدام):الصمت ...
مشاو لقاعة وعيطو على مولاتها كانت إمرأة فعقدها رابع باقا شادة فراسها ومودرن...
اما زياد فمقدرش يبقى يشوف كثر غمض عينيه مقدرش يشوف ديك الاميرة وكيفاش مضيعها من ايدو ماباغيش يغرق فحبها كثر وهي من الاصل لدمر حياتو ولكن لغالب اللله القدر كيلعب بيهم كيف بغا وكيشبك خيوط حكايتهم كيف بغا..قدر الله وماشاء فعل..
للحضة كيبانو ليهم دوك جوج سربايا فاش دخلو وكيفاش دارو ليهم المنوم أوس خبط طابلة بيدو مجموعة وهو عينيه قطرة دم وزياد هو التالي ساعر..كيفاش داروهم فخناشي كبار وهزوهم على كتافهم..تجرأو وحطو ايديهم على حاجتهم اكيييد مغيغفرش ليهم..خرجوهم من الغرفة..وسالا تسجيل...
_أوس:ضغيا ضغيا جبد تسجيلات خرين اكيد غيكونو خرجوهم من لور...
_زياد(بدا كيطابي بسرعة وكيقلب حتى جبد تسجيل الاخير لكيبين خروجهم من القاعة وكيف گال أوس من الخلف)...
أوس مركز مع الطريق واخا عيان والنعمة باقي مداقها ولكن ميقدرش ياكل ومرتو جيعانة..للحضة أوس فرانا بقووووة تاريوسهم مشاو وجاو الحمد لله كانو دايرين حزام السلامة وأوس بدا كيعرق..قلبو تقبط وحس بشي حاجة دخلات ليه فروحو الخبيثة اه بالسيف وهو كيحس بيها وبأصعب لحضة كدوز منها...
***طاهر شدها بقوة من شعرها وجرها لاحها فوق ناموسية الصغيرة وتلاح فوقها وهي كتركل وضرب بيديها وتقمش ولكن قوتها ضعاااافت مواكلة مشاربة وجسمها بايت معلق وزيد العصا بزز كتهزهم هو كيصرفقها...
_طاهر(معصب):واخا ألقحبة انا انفرجك..
كيصرفقها ويعاود تلاح على وجهها وعنقها بلبوسان وكيجر فديباور ونفس الوقت كيبوس هي كتهز وتحط وتغوت ربي ليخلقها لاح قاميجتو كان صدرو عامر بشعر شايب يعع ورجع يبوس ويدور راسو من هنا لهنا معاقلش على راسو المهم غاينتاقم من أوس هي كضرب ليه فصدرو بقبضاتها الصغار ولكن واالو مبقاتش قادرة تحمل كثر يلك قطع ليها ديباردو حتى كيصوني تيل ديالو....
_طاهر:اش كاين لاش مصدعني أنادر...
_نادر(كيتمتم):سس يدي دار تحرقات وأوس قتل گاع رجالنا... _طاهر:اشنووووو..هانا جاي(وقطع)..
تلافت باش تفاجأ من سكونها لديك لحضة حتى كيلمحها سخفااانة بغا ينوض ولكن للأسف رجع بقوة تخبط عليها بسسب سنسلتو لي علقات قگورميطتها...كان داير سلسلة من تقرة سنسلة كتهز صور كانت هدية ديال مرتو وفيها صورة بنتو ومرتو الله يرحمها..توقف وهو كيتمعععععن .....
توقف وهو كيتمعععععن فديك لگورميطة.. حلها من ايدها ووقف ونفسو كتزاد وهو كينهج وقلبو فتسعين ودموعو محبوسين فعينيه ايييه داك الشارف الوحش عينيه مغرغرين وكيتمنى ميكونش داكشي ليفبالو ولا غيكون تقضى عليه والموت أهون ليه..
لگروميطة مغريباش عليه ولكن گال عادي گاع لگرميطات تايتشابهو ولكن گورميطة بنتو خاصة هو ليناحت عليها واحد جوج حروف لور معارفهم تاواحد..ضور لگروميط بثثاقل كيف شافها طاحت من ايدو من أثر الصدمة ودموعوو نزلو تلقائيا حاااارين على خدو لا ميمكنش ميمكنش هاديك نفسها گورميطة بنتو أسماء كان لور ديالها في لمسافة مبين حرف "س" و "م" فداك لخط__ محفورة لور T+G..بمعنى طاهر سميتوو وغزالي سميت مرتو وبيدو هو لكان مصايبها..
ممتيقش واش هادي بنتو لضاعت منو هادي سنين واش هادي بنتو ليولا وحش على ودها واش بنتو لگالو ليه ماتت ميمكنش طاح على رجليه حداها كانت سخفانة ولحمها زرق وكانت غير بسوتيان وسروال غطاها وضورها بشوي على جنبها ليمن باش يتأكد وبصح كيف كلشي متوقع لقا توحيمة لفيه ورا كتفها وكانت فبنتو الصغيرة دات 7 شهر..
شد ايدها بيدو لكترعد ممتيقش اش طاري دابا..واش بصح هادشي بنتو فلدة كبدتو ماماتتش كيف گالو ليه..واش لبنت لخطفوها ليه هادي 19 عام تقدر تكون هي هادي..اش هاد القدر كيفاش لعب بيه هاكا..لا كانت بنتو بصح غير يموت حسن ليه هو محاماش عليها وكان وفي ليها وغطاها بجنحيه لا هو تعدى عليها وعطاها العصا وخرب افضل نهار فحياتها وزيد كان غيتعدى عليها لا لا ميمكنش..
كيبكي وهو كيتنخصص طايح على ركابيه..مبكاش من هادي 19 عام..قلبو مات من مدة كبييييرة وموفاش بعهدو لمرتو هو گاليها غيلقلها وغيحميها وغيرجعها عليهت ولكن اش وقع دابا هو كان غيتعدى علييها..باقي ممتيقش بعد مدة طويلة من البكاء والحرقة خدا جوج شعرات من راسها وباسها على جبهتها وخرج فيديه لگورميطة..شاف فدوك الرجال....
_طاهر:ديك البنت لفي الغرفة لخرى ديوها لغرفة لكبيرة وجيبو ليها لماكلة وتاكلب منك ميقرب جيهتهم ولا نقتلكم على يدي(وخرج كيجري وهو ممتيقش اش كاين ولكن تحاليل هي لغتأكد كلشي)...
رجع ركب فسيارتو ومشا لوجهة لكيرتاح فيها اي انسان ...
رجع ركب فسيارتو ومشا لوجهة لكيرتاح فيها اي انسان..مينساش راسو راه تاهو انسان تاهو من عظم ولحم ودم..تاهو مصنوع من طين أوبالاحرى هو من أبناء آدم هو بإحساس..قلبو مات ولكن فاش جات حياتو..روحو انهارت ولكن فاش جات هي فاقت..ابتسامتو تلاشات ولكن فاش جات هي تحفرات من جديد عاود حيا من جديد زرعات فيه الحب فبلاصة الكره.. الخير فبلاصة الشر..والطبيعة في بلاصة الاختلال..وأكثر خرجاتو من الضلمة للنور..هدا هو مااايسمى بالحب..كلمة متكونة من جوج الحروف حارو فيها قراء وكتاب..علماء وباحثون..كلشي من سقراط لنزار القباني..من قيس لعالم ديني..من يهودي لمسلم كلشي حار احساس كيبدل حياة الشخص لا أختي متگوليش ليا غير تراهات وأكاذيب وخرافات القصص..لا اختي فاش تعيشيه وتحسي بيه عاد هدري عليه اما دابا بلاش..رغم ان الحب تدنس بانتسابو للجنس ولكن كيف كل عصر كاين روميو وجولييت..قيس وليلى..شهريار وشهرزاد.. كاين أوس وأسماء..
وصل لوجهتو المطلوبة.. وصل الامواج المتلاطمة..وصل لزرقة السماء وصل لمانهاية..وصل لذفتر الذكريات مشا لبلاصة خاوية وبقا گالس..شوي تكا على ضهرو وايدو ورا عنقو رجل مسرحها ورجل حاطها تانيها..كيشوف فالسما وهو ميل وجهو كان باقي بحويجو..كيتفكر لحضة بلحضة من أول لحضة جات وكلها زبل وخانزة فاش عيراتو وگالت ليه بزاف عليك ألكلب الخنز منك😂وركلها تاغابت عن الوعي..كيتفكر كيفاش كتعصبو وكيسبها.. كيفاش كتخصر الهدرة بحال شماكرية..وكيفاش كيبوسها فكل ليلة بلا متحس..وزيد فاش كيجبد السلاح وكتبدا تقلب لمواضيع رجلك زوينة😂.. وفاش كتبحلس عليه..وفاش كتهدر معاه بالامثال باش ميفهمش..وكيفاش كتبقا ضحك كل مرة..كلشي مصور فراسو..صوتها.. غناها.. معيورها..قوافيها..غواتها..سبانها..همساتها..وضحكتها..كلشي كلشي..
خدا وعد على راسو حتى غيخلي طاهر يتمنى الموت وميلقاهاش أول حاجة بسبابو خسر باه ومو ليكانو كلشي فحياتو وتحول من أوس المراهق للمختل ودابا دا ليه مرتو وخلاه يرجع يتحول..بقا شحااال دازو ساعات حتى جاه اتصال...
_أوس:لقيتو العنوان..كيفاش تالغدا واش باغيني نقتل زامل بوك..صافي هاد الوقت ولكن برب وغدا مكان حتى ودع هاد الدنيا نتا ودوك لكتاكت ديال وليداتك وراك عارفني...
قطع وناض مشا رجع لدار زياد ليكان گالس فصالون متكي وكيفكر هو التالي..دخل ديريكت طلع لبيت زياد ودوش لبس من حويجو ومشا تكا نعس راه باقي مشافش النعاس...
***كانت گالسة في الارض مدخلة راسها وسط رجليها ومغمضة عينيها وكتفكر فذكرياتها وكتخايل راسها مرت زياد وكتبتاسم الخيال كيبقا افضل من الواقع..ولكن سرعان مفيقوها من خيالها دخلو عندها واحد جوج رجال...
_الرجل1:تهزي...
_رجاء:فين غنتهز...
_الرجل2:شتك كتغوتي...
_رجاء:مال ديلمك خدامة عند باك راك غاكلب من الكلاب... _الرجل2(غادي غيضربها)..
_الرجل1(شدو وهمس فودنو):ريح اصاحبي نسيتي اش گال واش باغي تموت..شوفي نوضي غتبدلي من هاد لبيت.... _رجاء:مرتاحة هنا غااخرجو قودو عليا...
_الرجل 1:تقعدي راه لاخر حسن من هدا..
جاو بغاو يهزوها تنترات منهم وخنزرات ومشات معاهم بيديها مطلوقين..مبقاتش ساهلة صافي مبقاتش ضعيفة..داوها لبيت كبيير شوي وفيه ناموسية دخلات وهي مفاهمة والو وسدو لباب كان فيه الضو..گلسات ولقات بلاطو فيه الما والماكلة طاحت فيه عمية...
***كتحس بالحريق فراسها وجسمها مهدود.. حلقها ناااشف ناضت بصعوبة وهي شادا من راسها غير شافتو گالس جنبها شهقات ورجعات لور وهي كترعد...
_طاهر:عادرك ابنتي من حقك تخاصمي وتعصبي اه انا نستاهل لموت ولكن قبل منموت بغيتك تعرفي الحقيقة بعدا اهيء اهيء انا مكنتش عارف هوما خداوك ليا هادي سنين انا نحسبك متي ابنتي اهيء والله القسم مكنت عارف اهيء سمحيلي... _أسماء(سرطات ريقها قلبها كينبض 90 ميمكنش كلامو يكون صحيح لا لا غير كيمثل لا لا غير كيخربق هاد الشارف هو يلك كان كيتعدى عليها ودابا كيبكي وكيطلب السماحة اش كيخربق ولكن علاش كنحس بشي حاجة قوية مانعاني):اش اش كتخربق نتا نتا خاصك سبيطار لا لا انا ماشي بنت بنت ك...
_طاهر:اهيء اهيء فبالي صعيييبة علك ابنتي اهيء اهيء ولكن انا مكنتش نعرف انا انعاود لك ابنتي اش طرا من هادي 19 عوام...انا وغزالي لي هي ماماك كنا فرحااانين انا كنت نتاجر بالمخذرات وكنت من لمافيا ولكن منآدي حد ومنقيس حد غير لا أداني..واحد نهار مك جات تفرحني...
#فلاااش_باك🔙...
كان فبيروه گالس كيخدم شي وراق دخلات عليه حبيبتو ومرتو كان باقي صغير شوي وشاد فراسو ولكن الله معطاهش لولاد الا من بعد مدة وبزاف الاطبة....
_طاهر:لا راه غي(وقف بزربة)وااااااش تگولي... _غزالي(بابتسامة):اه كيف تسمع انا حبلة ويتزاد عندنا بيبي انشاء الله....
طاهر جا عنقها بقوة وفرح فرحة قد الدنيا كان كيبغيها بصدق وكان كيتمنى تربطهم شي حاجة قوى وتخلي سميتهم من بعد..
وقت الحمل مخدمش وبقا معاها ومكيخليهاش تحرك غير الخدامات لضايرين بيها كانت اية من الجمال كانو عينيها زورق بحال اسماء ونفس ملامحها وكانت غاكضحك..
ولادت غزالي بنت وسماوها أسماء كانت ملاك محطوط وكانت اهم من الدنيا ومافيها..باها شرا ليها ديك لگورميط وهو لنحتها وخلاها ليها فيدها..المشكل الوحيد ان فكل سعادة كاين عائق والعائق لكان فحياة طاهر هي عداوتو مع سي ناصر بات أوس كانت عداوة كبيرة وكان خائن من طرفين لهو خو ناصر كان مكيحملش خوه باش ديما حسن منو وهو المفضل وكان كينافقو وفنفس الوقت كيتافق مع أعداؤو..
من بعد 7 شهر بالضبط كان طاهر قرر يخرج من عالم المافيا ويكمل حياتو مع مرتو وبنتو هانين ولكن طرا مالم يكن في الحسبان مكلامة كتجيه من عند عدوه ناصر ....
_طاهر:غيبة طويييلة هادي سي ناصر...
_ناصر:ههه اه الخدمة شغلاتني ولكن دابا انا مسااالي وبغيت نجي نبارك لك...
_طاهر:ايييه اسيدي مرحبا بك هاحنا في الانتضار وتانا باغي نخبرك واحد الخبر ومنها عداوتنا تسالي ومتعرف تولي صحبة ولا قرابة گاع...
_ناصر:واخا بعد غدا غنجي عندك...
داكشي ليوقع غير هي بأحداث متغايرة ناصر بينما يجي بعد غدا جا غدا لدزاير وهجم على طاهر كان عارف الحراسة مغتكونش مشددة ديك ليلة وقتل بزاف من رجالو ودا معاه أسماء من بعد مضربو غزالي على راسها...
نهاية الفلاش باك...
_طاهر:قلبي تحرق علك ابنتي ومك كانت غتحماق موقفاتش بكا دازو اعوام ونا كنقلب تاجاتني خبار بلي ناصر مات وكلشي ضن بلي انا اتاقمت ولكن مكنتش انا..ناصر كان غداار وكان خببيبث كان طماع وكيبغي مصلاحتو ولكن خوه تاهو صدق بحالو وهو ليقتلو باش كان عارف غيلصقو لي التهمة انا.. قلبت على خوه باش نقتلو ولكن لقيت أوس سبقني وقتل عمو في سن صغييير باش بغا ياخد ليه حقو..ونتي ملي قلبت علك جاتني خبار بلي ناصر كيف داك قتلك..انا فقدت الامل ملي عرفتك متي ووليت فهاد لحالة سامحيني ابنتي اهيء اهيء....
أسماء مصدومة كل كلمة كانت عبارة عن موس تيتغرس فيها راه ميمكنش تيق لا لا امبوسيبل يكون باها وكان من هادي مدة كيبوس فيها بديك الوحشية وزيد لدمر حياتها صدق بات راجلها..هادي اخيب لعبة لعبها بيها القدر..ميمكنش اه هي كتآمن بشي حاجة سميتها قضاء وقدر وبزااااف گاع ولكن هادشي فات القياس وفات الايمان..دموعها دايزين....
_طاهر:لا لا ابنتي وهانتي توحيمة ليفك فورا كتفك هي ليفيا انا كانت فك فصغر حل سنسلتو هاهي نتي وهاهي غزالي اهيء اهيء راك بنتي وها تحليلة ليبغيتي(خدا واحد لوراق من فوق لكوافوز ليجنبو ومدهم ليها)...
_أسماء(خداتهم):اهيء اهيء واش كتكدب ياك لا لا ميمكنش تكون نتا لوالدني لا لا راك حيوااان...
_طاهر:اهيء سامحيني ابنتي سامحيني اهيء راه كنت نحسبك ميتة ابنتي يرضي علك ربي سامحيني اهيء اهيء(باس ليها ايدها بجوج) نتي اغلى معندي لاخليتيني نموت ابنتي متخلينيش ونا لقيتك على شحااال اهيء انا انعوضك وعد مني ابنتي انعوضك على ليفات ولبغيتي نديرو انا جاهز اهيء رحمي باك وسامحيه قبل لايموت اهيء😭
_أسماء(هزات نفس قوية):مغنقدرش دابا صعيب عليا..خلي ليا الوقت نفكر عفاك خليني بوحدي...
_طاهر(ناض وقف وباس ليها على راسها بوسة طويييلة):الله يضري علك سامحيني(تلافت باش يخرج تاوقفاتو بيدها الزرقة لكترعد شداتو من ايدو)...
_أسماء(كتمتم):ف فين هي فين هي ما ما ماما...
_طاهر(حدر راسو):الصمت...
_أسماء(طلقاتو):واش واش ماتت اهيء...
_طاهر:من بعد خبار موتك ابنتي مقداتش تصبر ..
خرج وهو دموع فعينيه هادشي لكيوقع دابا مكيستوعبوش العقل كما انه من الخيال.. خرج هو وأسماء بقات فأكبر صدمة فحياتها عائلتها ضمرات بسبب بات راجلها وحبيبها وزيد شكون باها أكبر عدو لأوس يعني هي اصلها دزايري دابا..والام لحلمها تشم ريحتها تحت التراب دابا هادشي بزاااف على صدمة لهاد ليلة كانت اطول ليلة فحياتها دازت وأكثرهم تعب وصدمة عمرها تخايلت تكون فهاد الموقف كتفضل تبقى نكرة وبنت الطارو ولتكون فهاد الحالة دابا..
_أسماء(عنقتها وصفرات باش مكتعرفش تزغرت مزيان):افففف على سلامتك دااابا نتي كاينة حاضرة هاديك صافي انعلمك واحد لمعيورة لمودباس ديالي...
_رجاء(تاهي باغا غاتفوج عيات من لبكا وحالتها ولات حالة):اشناهي...
_أسماء:الله ينعل طبون طبابين الفشلوقة نتاع الخشاية نتاع الهزازة نتاع القحبة نتاع الهاربة الساقطة الشايطة نتاع مك فسبيل الشعب وحسب توقيت رباط وسلا وماجاورهما... _رجاء(هازا حواجبها بزوج ومصدومة واخا مبقاتش كيف كانت ولكن هاد المرتبة باقي مواصلاش ليها خخ):اويلي تسطيتي ومال مو مسكينة...
_أسماء:هي لمعلماتوش من لول يجمع تبو عندو ويكمشو من البرد ويحتارم النسا كون من لول مهزش عينو فك مغتسبيش ليه مو هي ليمرباتوش على هادشي ابب وگلسات عليه ولدي سيد رجالة لاواه لقلاوي ولدها ديلمو يكون هو سيد شمايت وفلخر تلقايه جايب قحيبة دايز عليها لموطور وتراكتور ويكركب مو...
_رجاء:اختي نتي بزااااااف انا منوصل لك فتحرمياتك وكلامك تانشد بلاصتي تحت التراب..معلينا ونتي عاودي ليا خوي همك...
_أسماء(هي الاخرى تعاود ليها وتبكي وتا رجاء كتشوفها تتبكي وتبكي معاها):دابا مبقيتش عارفة اش ندير دابا لاكان بابا بصح واش نسامحو على ليدار اهيء والمشكل راه عدو أوس وهو لمن شحاااال هدا كيقلب عليه وقتل بزااف ناس باش يلقاه كيف شفت فلفيديويات يعني للقاه غيقتلو اهيء نتي عارفة أوس دابا اش غندير انا معامن غنبقا اهيء اهيء انا حايرة عاونيني😭😭..ولكن هاكي هاد لورقة بعدا وگولي ليا واش بصح بابا... _رجاء(خدات لورقة قراتها وطواتها وشافت فيها بعينين دامعين هزات راسها فقط):الصمت ...
_رجاء:اهيء لا لا اختي دابا يفرجها ربي ياك نتي لتتگولي ليا متشوفيش لبارح باش مغيرجعش ومتشوفيش غدا يقدر ميجيش وشوفي ليوم ولقطة لفيها نتي واخا تكون عامرة حزن ضحكي فيها باش گاع لامتي تموتي ونتي ضاحكة..اهيء اهيء وزيدي ديك عسى أن تكرهوا شيء وهو خير لكم.. لاش تتگوليها ليا ملي ممقتانعاش بيها😥
_أسماء:عييييت أختي عيييت اهيء راه انهديت أرجاء انهديت واش واش انا كابرة بلا اصل بلا فصل اهيء واش عمرييي شميت ريحة مي ولا عمري حسيت بكتاف با واش مكنت عارفة راسي بنت زنقة ولا بنت حلال اهيء واش عارفة اشنو اهيء فاش كانت عندي 4سنين اهيء فاش ماتت مي فاطنة كيفاش سكنت فطارو..كانت ليلة شتا ومع مي فاطنة كانت عاگرة اهيء مكتولدش عرفتي عرفتي اشنو اهيء ليلة موتها الغد ليه كنت ناعسة بوووحدي مولفة كتجي مي فاطنة تحك ليا راسي وتبقا تلعب ليا بودني اهيء عاد كنعس..ديك ليلة بقبت تنتقلب مجانيس نعاس حتا كيجيني راجل مي فاطنة كانت عندو ديك 70 عام وبدا يهبط ليا سروالي ويبوس فيا وحيد ليا سليب مكنت عارفة والو اهيء ولكن كنت قافزة شوي ملي بدا كيلعب بيدو لتحت عرفتو اش كيقصد بزز باش تفكيت منو وهربت خرجت وتبعني ومع ليل والشتا بان ليا غاطارو تلحت فيه اهيء اهيء وملقانيش وبقيت تما ومعرفنيش فين كاينة اهيء اهيء ومبقاش قرب ليا ولكن مات غير بعدها بمدة قصيرة..واش دابا كون كان عندي بابا ولا ماما😭😭 كان غيوقع لي هاكا اااه كان غيقرب لي شي واحد ااه كون كان بابا عندي مكان تاواحد غيهز عينو فيا كون كانت عندي ماما مغتلاش بيا دنيا ونتلاوح فزناقي اهيء ااه ولا شنو يلك جاو تالقيت راجل بغاني وحماني وغار عليا من راسي اهيء..كنت تنسمع لامات لبو توسد ركبة ولا ماتت الام توسد العتبة انا كانو بجووج ميتين عندي كنت تنتوسد الارض كنت تنتوسد الزبل أرجاء اهيء اهيء واش انا بنت انا بنادم دابا لناكل شياطة لمليوحة كنت تنشوف لمشة تتهز ولادها بسنااانها ماشي غضرهم ولكن غتحميهم من الخطر ونا اااه انا اعيباد الله😭تاواحد معقل عليا تاااااواااحد كيفاش غنسامحو دابا...
_رجاء(لسانها تربط..عنقاتها وبقاو تيتبكاو بجوج على كتف بعضياتهم)
*****من بعد مخرج من عندها وعاود ليها كلشي هبط لمدينة ومشا من بعيد شاف لفيلا لتحرگات كان عارف أوس مغيرحموش عارفو راه مسطي وكثر من باه حقد يعني يقدر يضمرو واخا صغير ولكن ميستاهنش بيه غير فضرف نهار جاب عنوانو اكيد غيلقا أسماء وياخدها ليه من بين ايديه وهادشي ليعمرو غيوقع بالنسبة ليه..
مغيخليهاش بين ايديه خصوصا من بعد هاد الزمن طويييل عاد لقاها هو غيوفي بوعدو هاديك راه قطعة منو بنتو مبقاش غيسمح فيها من غير لفرقاتو عليها الموت...
ولكن الخصم ديالو ماشي أي واحد الخصم ديالو أوس العمراني لي مستحيل يخسر قدام شي حد بقا ليه غير هاد المسألة لكتعلق بحبو وحياتو ومرتو..ولكن شكون غيربح الله وعلم؟ ...
هوس شرشبيل الجزء الثامن
محتوى القصة
التنقل بين الأجزاء