جحيم في السرير الجزء العاشر

غمضت عينيها والدموع هابطين مع خدها المزنك...حست بلي تخدعت فيه عاوتاني ..انسان أناني كيفكر غي فراسو..ديما كيديرلها بحال هكاا...ولكن دبا ماغاديش تضعف...غتبقى على ود ولدها وغتحاول تصبر...

شافت فالبيت كان مجهز ومقاد ..حلت لبلاكار..لقات حوايجها تمااا..تنهدت وحطت كااع لحوايج لي جابت..بدلت عليها...لبست بيجامة سروال وفوقاني تيشورط وتكات..

أوس باقي على برااا حيد لفيست دماغو غيتفركع..مادخلتش ليه للدماغ بلي نجلاء حاملة بولدو...جا يهز لفيست وهي تخرج من لبيت قدامو...مشات باتجاه الطواليط..حيت لبيت لي عطاها مافيهش حمام...دخلت قضات حاجتها وتمت راجعة وهو يشدها من يديها...

أوس بصوت هادئ:واش بصااح نتي حاملة؟؟

نجلاء شافت فيه:ساين نجيبلك تأكد...

طلق منها وهي دخلت للبيت جبدت التحاليل ديال الدم..وهو دخل موراها للبيت كيساينها تالف..جبدت من الصاك الوراق وعطاتهم ليه...

شد التحاليل وقرااهم مصدوم..على عينيه فيها:شحال عندك؟؟

نجلاء جلست على لفراش حانية راسها:مازال ماكملت شهر..

أوس عض شنافتو:فوقاش عرفتي؟؟

نجلاء:هادي يوماين..(أوس قرب حداها وهي تحبسو)ماتقربش جيهتي..(شافيها)هضر معايا غي من بعيد..

أوس بهدوء:صافي تهدني...ماغاديش نقرب...غي تكالماي..

نجلاء حدرت راسها:تأكدتي دباا!!

أوس:مافهمتش!

نجلاء ببرود ونظرة فيها خيبة أمل:عافااك بغيت نعس...

أوس حك راسو:نجلااء أنا ما كنت...

نجلاء تخشات فبلاصتها:بونوي...

دارت للحيط ونعست كتساينو يخرج...وأوس تزير شافيها شحال وعاد خرج...معصب من راسو...ماقدرش تا يفرح بأبوتو...لو كان عاملها مزيان مين رجعت كان ممكن تسمح ليه ويفرح بهاد الخبر ولكن تالدبا مازال ماحاملش راسو..دخل بدل حوايجو وتلاح فوق الفراش معصب...

نجلاء حلت عينيها حيت طارلها النعاس...تنهدت وحست بقلبها مزير عليها...حطت يديها على كرشها..

نجلاء بهدوء:كلشي غيكون بيخير انشاءلله..

أصبحنا وأصبح الملك لله...

فاق بكري على صوت الجرى فالدار ..ناض معنكش..جالس فوق الناموسية وعريان ملفوق ..كيحاول يفهم...لاح لغطا وناض كيطلل على برا من لبيت تا كيسمع صوتها فالحمام...داوه رجليه لتما وهو يعرفها كتقيى..بقى واقف كيساينها تخرج وهي غي ماكتزيد تقيى...تا شوية غسلت وجهها وفمها وخرجت صفراا والسخفة شاداها ..

أوس باستفسار:نتي لاباس؟؟

نجلاء هزت راسها بهدوء وتمت غادية...

أوس بخوف عليها:واش نديك للطبيب؟؟

نجلاء دارت شادة فكرشها:ل لاا عادي...دبا يفوتني لحال...غي الوحم كيدير هادشي...

أوس بهدوء:اوا رتاحي...أنا غنعيط لخدوج تبقى توجدلك..نتي ماديري والو..غي رتاحي...

نجلاء مابغاتش ثيق ظرافتو:ماشي أنا أول وحدة تحمل...عادي غنخدم شغالي بحال ديما...

دخلت للبيت ديالها وشدت لباب...وهو واقف ساكت كيشوفيها...

حنى راسو ودخل دوش وخرج لقى مازال لحال...لبس حوايجو..وخرج كيطلع لكمام..دخل للكوزينة...وبدا كيوجد لفطور...كيقاد العصير فالعصارة اوطوماتيك..ويطيب القهوة والحليب...جبد البيض كيقليه وحط الطوسط والكونفيتير...الكاطو والجبن ولي لقاها قدامو كيحطها...جبد قرعة نيوتيلا حلها ودار معلقة ففمو وحطها...لمهم زوق الطبلة ومشى دق عليها...

دخل كتبان ليه ناعسة:نجلااء!!..نجلااء...

نجلاء حلت عينيها بزز فيه:شنو..

أوس قرب حداها:نوضي تفطري...هانا وجدت كلشي...

نجلاء دورت وجهها منو:ماخصنيش..

أوس غزز شنايفو:نووضي راه خصك تاكلي مزياان دبااا..

نجلاء دارت شافت فيه:ماتخافش تا انا كنخاف على ولدي وعارفة شنو خصو وشنو ماخصوش..غي هني راسك...

أوس جلس على لفراش قبالتها:خصك تاكلي وحقى خصنا نشوفو شي طبيبة تبعي معاها..تعطيك فيتامينات..باش تولي بيخير...

نجلاء ماكتشوفش فيه:مازال لحال على هادشي!!.

أوس قصح صوتو:لمهم أنا كنساينك...راه داكشي غيبرد...ماتعطليش...

نجلاء دورت وجهها وغطات راسها...زعما ماغناكلش...أوس تعصب خنزر وخرج...هز لبلاطو وعمرو مزيان...ومشى باتجاه بيتها ..

دفع لباب وتم داخل..هي سمعت الصوت..دارت لقاتو هاز داكشي..

نجلاء بعصبية:اوووف...وا قلتلك ماخصنيش...

أوس بحدة:نوضي فطري ورجعي نعسي...أنا غنمشي للخدمة...الى مشيت عارفك ماغاتاكليش...

نجلاء خنزرت فيه:واش بالسيف؟؟.

أوس:آه...

نجلاء طلعت راسها وتكات على لكادر دالناموسية عاقدة حجبانها...وهو حط لبلاطو وعطاها كاس العصير..

أوس:هاكي شربي هاداا غيفيدك...

نجلاء شدت من عندو كتشرب..ساكتة وهو كيدهن ليها الطوسط ويعطيها..

نجلاء عافت:ماخصنيش داكشي ..نشرب لعصير وصافي..

أوس علا حاجبو:لااا خصك تاكلي..تا الى مافكرتيش فراسك فكري فلبيبي...خصو يلقى ماياكل..

نجلاء شدت من عندو كدور الهضرة فدماغها وبدات تمضغ بزز..وهو كيشرب قهوتو ويشوفيها...

نجلاء:بغيت القهوة...

أوس بهدوء:فيها الكافيين...صعيبة عليك..

نجلاء خنزرت فيه:وليتي أخصائي فالتغذية وانا مافخباريش!!

أوس عطاها كااسو مبتسم:هاكي شربي..

نجلاء شدتها شربت منها وهو كيشوفيها ورجعت عطاتها ليه...

أوس هز لبيض بالفورشيط:ياله هاكي هادي..

نجلاء خيبت وجهها:البيض لاا..

أوس قربو ليها:البيض فيه البروتين كولي...

نجلاء غي شمت ريحتو عافت وتقلبت معدتها شدت على فمها وبقات تدفع البلاطو وهو تلف..جر لبلاطو وتبعها وهي غادية كتجري للحمام ..تعصب وندم لي بزز عليها...مشى حدا الحمام كيسمعها كتقيى ..حل لباب كتبان ليه حانية على لافابو...شد فيها كيجمعلها شعرها ويفزك ليها عنقها وهي السخفة شاداها...

غسلت فمها وطلعت راسها:اوووف...

أوس بقات فيه:س سمحيلي أنا غي بغي...

نجلاء بغضبة:قولتلك البيض لااا...خااانز ماكنحملوووش...

أوس:صاافي صاافي آخر مرة نطيبوه كااع...(شافيها)دبا لاباس؟؟

نجلاء خنزرت فيه:بلا ماتبقى تبين بلي كنهمك هكاا...انا قادة ندير لراسي كلشي...سير خدمتك وخليني عليك....

دازت فيه ومشات وهو ماحملش راسو ضرب لباب بقبضة يدو تا سالت الدم...

فالفيرما كانت مليكة كتقاد الكوزينة وهي تفكر بنتها صونات ليها..

نجلاء كانت متكية كترتاح هزت تيلي:ألووو ماما..صباح لخير...

مليكة:صباح النور احبيبة..لاباس عليك؟؟كيصبحتي؟؟

نجلاء بهدوء:حمدلله ء ماما ..راني مازالة متكية فبلاصتي..

مليكة:اوا رتاحي شوية...أوس كيبقى!!

نجلاء ببرود:حمدلله..

مليكة:بعدا لاباس عليكم؟؟

نجلاء تقادت فالنعسة:ماتعمريش راسك بينا...نتوما كيبقيتو؟؟

مليكة:حنا بيخير ء بنتي...

نجلاء:وبابا!!كيداير مع الخدمة والروينة ديال داك الشرط؟؟

مليكة تفكرت هضرة أوس:مابقى لا شرط لا والو...أوس تنازل على حقو فداكشي!!

نجلاء جلست مصدومة:أوس تنازل!! فوقااش؟؟

مليكة بسمت:فالصراحة هو نهار جا يطلبك أول مرة قال لباباك بلي راه غيلغي داك الشرط الجزائي...

نجلاء بصدمة:و وعلااش ماقولتوهاش لياا!!

مليكة:هو طلب من باباك تبقى بيناتنا...باش يعرف واش غترجعي ليه غي هكاك..ولا حيت باغية ترديلو الجميل...

نجلاء حطت يديها على وجهها غطرطق:اممم...فهمت...لمهم نخليك دبااا ء ماما...تهلاو فراسكم تا نهضرو من بعد ..

مليكة:واخة ابنتي...تهلااي فراسك بزااف...

قطعت نجلاء مع ماماها وناضت حلت لباب كيبان ليها أوس كيجمع الفطور فالكوزينة ويقاد شنو خربق...

نجلاء مشات عندو بلا ملامح وهو وقف كيشوفيها مافاهمش..

نجلاء بتخنزيرة:شنو وقع فالشرط الجزائي؟؟(صدماتو وعرفها عرفت شنو مخبي)لغيتيه ولا مازااال؟؟(بسمت باستهزاء)..

أوس مسح على لحيتو:لغيتو..

نجلاء ربعت يديها:فوقاااش؟؟(أوس بقى ساكت كيشوفيها)هادي مدة يااك!!(تعصبت)كلما كنقول تقاديتي كلقى بلي كنت غالطة(كيشوفيها ساكت)كتصدمني فيك كل مرة كثر من لي قبل منها...

تمت غادية وهو ينطق:وعلاش ماتقوليش بلي كنت كنحاول نرجعك للدار بأي طريقة!!

نجلاء دارت عندو:بالتهديد!!

أوس تم غادي حداها:ماقصدتش نهدد..نتي رفضك خلاني نمشي فكااع الطرق باش ترجعي...

نجلاء بألم:بزز!!نرجعك بزز مني زعمااا؟؟غي حيت نتا بااغي!!أنا ماشي مهمة يااك..(كيشوفيها ويتصنت كيكره راسو فكل كلمة كتقولها)باش كنحس..شنو باغية...كفاش باغية نكمل حياتي....شتيي أنا والله مارجعت على ود تهديدك...ولكن (تنهدت وهبطت دمعة من عينيها)الظروف ديما كتجي من جيهتك..وكتجي ضدي أنااا..

أوس شاف فالفراغ..ماحملش اش كيسمع منها...ولا يشوفها فداك الحالة..

نجلاء بغات ترجع لبيتها وهو يشدها:نجلاااء أنااا ...غلطت...اه عارف غلطت فحقك بززاااف و ولكن...

نجلاء ببرود:ولكن مازااال غتغلط فحقي..وأنا متأكدة من هادشي...

نثرت يديها منو ومشات للبيت وهو بقى يمسح جبهتو...هز لفيست ديالو وسوارتو وخرج معصب ماكيشوفش قدامو ...

نجلاء عرفاتو خرج بقات تبكي وتلعن الساعة لي تلاقااتو فيها..كرهاتو وكيزيد غي يكرهها فيه بتصرفاتو...أناني كيهمو غي نفسو وعمرو ماكيفكر الا فمصلاحتو وصاافي ..

أوس لقى راسو فالخدمة دصاحبو رشيد:سلاام..

رشيد شافو بسم:أهلاا بمولاي السلطان..لاباس؟؟

أوس مشى جلس على الكرسي باين فيه معصب..

رشيد مشى عندو:ء مالك عاوتاني؟؟ياك رجعتي لمدام!!

أوس تنهد:أنا ماكنسوااش ء رشيد...خصني غي شي قرطاسة نتهنى ونهني كااع الناس...😕😞

رشيد جلس حداه مهول عليه:وحد الله ء صاحبي..مالك ياك لاباس؟؟

أوس خرج النفس من الاعماق:نجلاء حاملة...

رشيد خرج عينيه بصدمة وفرحة:حاملة!!غتولي أب؟؟(أوس هز راسو وهو يعنقو)مبرووووك ء خويااا مبروووك...الله على خبر شحال زوين...دبا أنا غنولي عم..الله هههه...

أوس بسم بهدوء:آيييه..

رشيد عقد غوباشتو:وهادشي علاياش مقلق(أوس شافيه)خصك تفرح جاي أويس للعائلة هههه..يمكن هو لي يجمع شملكم نتا ونجلاء..

أوس تنهد:نجلاء كتكرهني ء صاحبي...(رشيد شافيه)ماخليت مادرت فيها من حقها مانلومهاش...

رشيد:اوا هي بغات ترجع عندك دونك باغيااك...(أوس بقى يدور فعينيه)ولاا تكون درتي شي موصيبة ثاني!!(أوس عاودليه كلشي ورشيد مخنزر فيه ومربع يديه...)...

رشيد بعد صمت طويل:لا حول ولا قوة الا بالله...(حدر راسو ورشيد حاط عليه العين)علااش كتكرهها فيك؟ماكانش خصك ديرلها هكاك..عيب عليك...

أوس مسح على وجهو:ماتزيدش تكمل عليا..أصلا راها من لبارح وهي كتعطيني العصير..

رشيد بعفوية:خي فيك...تستاهل..

أوس شافيه:ماتعيقش...كنعاودلك ماتكملش علياا...أصلا هي جاوبتني وقالت بلي راجعة على ود ولدها...هي فاش صدمتني..

رشيد بسم:ماشي غي على ود ولدها...(أوس طلع راسو فيه)

أوس:وشنو!!(رشيد طول فيه الشوفة)..لااا ماكنظنش ..مابقاتش كتحملني...

رشيد:الكره جزء من الاهتمام..دونك خصك تفرح...

أوس فرح من الداخل ديالو:علااش غنفرح مثلااا...

رشيد بسم:شوف نتا!!لمهم انا بعدا فرحان...غيجيني كتكوت لعب بيه..

أوس بسم بعفوية:لعب بيك قالا تلعب بيه..مونيكا هو...

رشيد ضحك وضربو فكتفو:يتربى فعزك...غي دير عقلك ومايكون غي لخير...

أوس عض شنافتو:مازال مامثيقش بلي غنولي أب..والله...احساس زوين بزاااف..نشاءلله تا نتا تحس بيه...

رشيد كيشوفيه فرحان:الله يسهل أموركم..وتا مرتك مع لوقت غادي تقاد معاك ..غي صبر وحاول..

أوس كيفكر:كتعرف شي طبيبة توليد؟؟

رشيد علا حواجبو:عاودولك عليا ولدت من قبل هههه..

أوس ضحك:هههههههه...امم زعما سولينا مالك!!

رشيد ناض لبلاصتو:انا نسولك إكرام...كماعلله تكون عارفة..مزيان تبعو الحمل على بكري...

أوس جمع الوقفة:اممم ضروري...ياله أنا غنمشي نخدم شوية ونرجع عندي ولادي ههه...

رشيد:ولادك صاافي!!

أوس بسم جنب:تهلااا...

رشيد بقى يضحك عليه عرفو وحل وحلة كبيررة ولاح رجليه فالحب واخة مازال ماباغيش يعتارف...

...

فاقت على صوت كيناديها...حلت عينيها وهي تلقى خدوج قبالتها..

خدوج:بنتي الزوينة...لاباس؟؟

نجلاء مدوخة:خ خالتي خدوج!!

خدوج:اه ابنتي...جيت حيت سي أوس طلب مني نجي نقابلك...الله يكملك الحبالة على خير...

نجلاء تنهدت وبسمت فوجهها:شكراا..ء خالتي...

خدوج:انا فيقتك باش نسولك شنو تبغي نوجدلك فالفطور؟؟

نجلاء بهدوء:لي كان..أصلا موحاال نقد ناكل...

خدوج:خصك تاكلي..انا غنوجدلك طاجين ونوضك تاكلي...

نجلاء هزت راسها بالايجاب:واخة..هبطي الريدو عافااك..

خدوج:واخة..بنتي...

...

غادي فطوموبيلتو مبتسم..كيشوف فالارجاء..تا بان ليه محال ديال حوايج الدراري الصغار...حبس الطوموبيل بلا مايحس...وقف حدا المحال وهو يتذكر موقف من الماضي..."كان فعمرو تقريبا عشر سنين...واقف قبالت المحال كيشوف كبيبط حمر فيه ميكي ماوس..حال فمووو وعاجبو بزاااف ولكن ماعندوش باش يشريه...الأم ديالو ماكاينااش...خلاتو وعمرها سولت فيه...بااه ميت ...وشكون غيجي ويشريليه آش بغى...حدر راسو بألم ومشى فطريقو..."......تنفس أوس بالجهد..وطلع راسو للسمااا حاول يمحي الذكريات القبيحة من بالو ودخل يشري حوايج لولدو لي جاي فالطريق...

جاا لغدا ناضت نجلاء من بلاصتها..مامولفاش تنعس هادشي كلو...دخلت غسلت وجهها وخرجت للطبلة..حاسة بالجوع ولكن ماقاداش تاكل....حطت ليها خدوج تاكل ولكن غي شمت الريحة وشافت الشكل بقى فمها للقادوس..غادية جاية ماجلستش كااع وندمت لي ناضت...خدوج بقات كتوقف معاها وكتعاونها فاش كتشوفها سخفانة...حطتها بلاصتها مخلوعة عليها وهي تهز تيلي صونات لأوس وقطعت...

أوس كان غيركب طوموبيلتو غي شافها صونات وقطعت صونا ليها:ألووو..خدوج..

خدوج:سلام سي أوس...را لمدام عيانة شوية..

أوس خرج عينيه بصدمة:ع علاااش مالها؟؟

خدوج كتهضر على برا:ماكلات والو وكل ساعة كتقيى ماحبستش..

أوس دهل بزربة للطوموبيل:وا واخة هانا جاي....

ساق بسرعة قياسية..غادي خصو غي فوقاش يوصل...

ةصل دغيا للدار...حل لباب ودخل لقى خدوج فالكوزينة. .

أوس بقلة صبر:راها فلبيت؟؟

خدوج:آه ا سيدي...متكية مسكينة من قبايلا وهي حالتها حالة..

مشى أوس باتجاه باب بيتها..حلو فهدوء ودخل بالشوية كتبان ليه متكية على ظهرها وحاطة يديها على كرشها ولونها صفر..مغمضة عينيها..قرب حداها وجلس على طرف لفراش...

أوس حط يديه على وجهها بلا مايحس..وهي تحل عينيها...حيدتلو يديه وهو تنهد...

أوس:قالتلي خدوج بلي عيانة!!

نجلاء كتفزك شنايفها:د دبا يفوتني لحال ..

أوس بصوت هادئ:نديك للطبيب؟

نجلاء دارت على جنبها:لأ...

أوس بقى يشوفيها شحال:اوك رتاحي...أنا غي هنا الى حتاجيتي شي حاجة قوليهالي...(نجلاء ماجاوباتوش وهو غطاها وناض طالع ليه الدم...ماعحبوش يشوفها فهاد الحالة..خرج ومشى عند خدوج عطاها لوطوريزاسيون تمشي وهو دخل بدل عليه وخرج متكي فالصالون باش الى احتاجت شي حاجة يسمعها...

.....

خرجت من الحمام..لابسة بينوار وملوية راسها فالفوطة...شافت قبالتها كتبان ليها ماماها واقفة مقابلة السرجم...

لينا قربت عندها:مازال مابديتي تلبسي!!

سمية كتشوف بعيد:مازال لحال...

لينا حيدت الفوطة وكتنشف شعرها:لبسي راه تابعنا الصالون نمشيو ليه...ليوم عارض علياا أيمن..لي تلاقيناه فلبار داك المرة...

سمية تنهدت:صافي سيري غي نتي...أنا مافيا لي يخرج...

لينا عوجت فمها:لي بغيتي...أنا قلت ندوزو شي سهرة زوينة..ولكن نتي عزيز عليك النكد...هادي هي تدبريلي على شي عريس خامج فلوس!!كتقولي وصافي ماكتعرفيش طبقي...

سمية:ماشي غي اجي ودبري على راسك...راه خصك العقل والتخطيط ولوقت...

لينا:اوا هي دباا...ياله معايا ونشوفو...

سمية:صافي سيري ليوم..وغدا نخرجو كاملين..

لينا نفخت ومشات تلبس باش تخرج فالليل...

...

واقف فالكوزينة...كيوجد شوربة خفيفة بالخضر...ويشوف فاليوتوب واش غادي هو هاداك...خلاها تا طابت مزيان...طفى عليها وعمر زلافة...دار طريفات صغار دالخبز و حط كولشي فالبلاطو ودخل عندها...كتبان ليه ناعسة أخيرا...لعشية كلها وهي مرة مرة تمشي للحمام تا قطعتلو قلبو...حط لبلاطو ومشى كينوضها بالشوية...في جا يحط يديه عليها بقى كيشوفيها شحال..بقى يلعب فشعرها ويبسم...جات زوينة واخة لمرض باين فيها...حنى باسليها راسها ورجع ناض ..فيقها وهي تحل عينيها حومر...

أوس:نوضي تاكلي...وجدتلك سوب زوينة...غتفيدك...

نجلاء بصوت عيان:ماقاداش..

أوس بدا كيشجعها:خصك تاكلي...واخة تقياي بعدا تكوني واكلة شي حاجة...

ناضت بالشوية وتكات على لكادر وهو يهز لبلاطو عطاها لمعلقة كانو يديها كيرجفو ماكتحمكش فيهم..وهو ياخد من عندها...وبدا كيعمر لمعلقة ويمدليها...نجلاء بقات كتشوفيه..

أوس:كولي وعاد ندابزووو...

وكلها وهي كتشوفيه...سكتها مابقى عندها ماتقول..وفنفس الوقت كانت جاعت بزااف والجهد والو.. وتا الشوربة لذيذة بزااف...كتاكل وتلحس شنايفها وهو كيمسح ليها بالبابيي...تا سالات الزلافة وهي مازالة باغية تزيد...

أوس شافيها بابتسامة مخبية:نزيدك؟؟

نجلاء هزت راسها بالايجاب باغية تاكل..واخة ماراضياش الجوع قهرها...أوس بسم وناض يزيدها عاجبو لحال بعدا قدر يوكلها...رجع عندها هاز فيديه لقاها مغمضة عينيها وناعسة وهي جالسة...مشى حط لبلاطو وقرب حداها..

أوس:نجلااء!!

نجلاء حلت عينيها مدوخة:اممم..

أوس رجعلها شعرها لور:كملي ماكلتك عاد نعسي ..

نجلاء:فيا النعاس!!

أوس جاب لبلاطو:هانتي دغياا ونعسي..غي حلي فمك دغيا...يااله..

نجلاء طولت فيه الشوفة وعاد بدات تاكل...كملت حد النص وشبعت...

حبساتلو يديه وهو تراجع:شبعتي!!

نجلاء هزت راسها:آه..باراكة..بغيت نعس..

ناض أوس وفهم بلي كتقولو يمشي بحالو..صافي غي ناض تقادات فبلاصتها وتغطات..دار يشد لباب لقاها عاطياه بالظهر...تنهد وخرج...حط لبلاطو فالكوزينة وكب لراسو...كلااا فالصالون وشعل تيفي مونساه...مالقى مايدار...حس بالقنط وهي ناعسة..الدار هادئة بزااف...جاو فبالو اللحظات لي دوز معاها..خصوصا فاش كانو كيتعاندو ويدابزوو..بسم بوحدو ورجع شاف جيهة بيتها....

...

لابسة ومقادة عاجبها راسها...وواقفة فباب الاوتيل لي جالسين فيه هادا مدة ..كتساينو يجي..تا كتبان ليها طوموبيلتو جاية ..بسمت وقربت عندو حلت لباب ودخلت وهو يقرب..باسها فخدها..

أيمن:الزين دالعالم...

لينا بسمت بهدوء:ميغسي..

أيمن بسم:كيبان ليااا سهرتنا طويلة ليوم..

لينا بهدوء:كفاش مافهمتش!!

أيمن:كيبان لياا نمشيو نتعشاو فشي بلاصة ونسهرو فالدار ..

لينا ببرود:ياااك!!

أيمن غياكلها بعينيه:اممم..

لينا عضت شنافتها معصبة ودارت كتشةف لهيه:لمهم دباا نخرجو نتعشاو وأبخي نشوفو...

أسمن بسم عاجبو لحال ومشى لأحسن ريسطو فالمنطقة...

...

ناض ماقدش يصبر...حل لباب ودخل عندها ...قرب حدا بلاصتها وجلس على ركابيه كيشوفيها ناعسة...

أوس حط يديه على شعرها وطراف صبعانو على خدها:علاااش ولفتيني بيك!!(كيهضر بصوت خافت)...علااش درتيلي هكاا!! كنت هاني مولف نعيش بوحدي...كنت باغي نبقى هكاك..علااش قلبتيلي حياتي هكااا..وليت مانقدرش مانشوفكش...كلمة منك ضحكني وكلمة تعصبني...الدار مابقيتش نحمل نجي ليها ونتي مافيهاش...وغي تكوني فيها نجي ليها طاير....توحشتك بزااف..فوقاش غتفيقي؟؟بغيت نشوف عويناتك..تهضري معايا..قولي لي بغيتي لمهم نسمع صوتك لي كيذوبني...ماعرفتش علااش تربطت بيك...ولكن لي كيهمني دباا هو نكون ديما قدامك...(تنفس بالجهد)ضريتك يااك؟؟قلقتك وعذبتك وماخليت مادرت فيك!! و ولكن...ماغيجيش الاهتمام والمعاملة الحسنة والحنان من شخص عمرو ماحس بيهم ..(بان بريق فعينيه)تا أنا ء حبيبة تعذبت بزااف فحيااتي...عارف اه والله حتى عارف بلي ماعندك ذنب فهادشي كلوو..ولكن العافية لي كانت فيااا كنت باغي نشعلها فكااع الناس لي سحابلي هما سبب عذابي..وجيتيني نتي فالطريق...وقفتيلي عقبة فالطريق..صعبتي عليااا شنو كنت باغي ندير ..هادشي علااش جمعتك بيهم ...سمحيليي..راه تا أنا قلبي وروحي كانو مجروحين...وفبلاصت مانداويهم..زدت جرحتهم بيك..اه بيك نتي...(حنى عندها باسها جنب فمها تا تحركت وحلت عينيها مخنزرة فيه بحال شي بنت صغيرة)..

نجلاء بصدمة وصوت ناعس:ش شنو كدير؟؟

كيشوفيها بابتسامة:والو..غي جيت نشوف واش محتاجة شي حاجة؟؟

نجلاء بغوباشة:واش ماغتخليونيش نعس...راه كل ساعة تنوضوني..لا نتا لا خالتي خدوج اوووف...

أوس ضحك:ههههه...من قبايلا ونتي ناعسة ..ماعييتيش؟؟

نجلاء خنزرت فيه:ونتا مالك؟؟نشرك تا الليل مع النهار..سوقي هاداك..(أوس علا حاجبو فيها وهي تلف)خليني نعس..

أوس ناض:الى بغيتي نخرجو نتمشاو شوية!منها تا يجيك النعاس بلاتي..

نجلاء بتفاجئ:دبااا!!

أوس:اممم..ضرب فيها الهوا..حسن من الجلاس فالدار..

نجلاء تفكرت اش دوز عليها:خرج غي نتا أناا باغية رتااح..

أوس:بغيت نخرج معاك نتي...مابفيتش نمشي بوحدي ..

نجلاء عوجت فمها ودارت على الجنب لاخور تكمل نعاسها..أما أوس فقد فيها الأمل وخرج براا حيت كان متوقع ماتبغيش...هز لبيسي ومشى يخدم فيه...وفهاد الاثناء ناضت نجلاء وجلست فبلاصتها كدور الهضرة فدماغها...مشى ليها النعاس...ناضت بلا عجز عليها...لبست كيطما تيشورط وسروال قصير...مع صبادري وجمعت شعرها...حلت لباب وهو يدور تا تشوكاا..

أوس كيشوفيها وهي تقرب:ياله نمشيو ..

أوس عقد غوباشتو:غتمشي هكاا؟؟

نجلاء شافت فراسها:اه...

أوس علا حواجبو:سيري ديري عليك شي كاب عاد نمشيو...

نجلاء غوبشت:الى غلبس أنا تا نتا لبس...

أوس شاف فراسو:أنا لابس تيشورط وشورط شنو غنبدل؟؟

نجلاء خنزرت فيه:ماعجبونيش ياااله..(شافت فيه)شنو نبدلو بجوج ولا نجلسو بجوج ؟؟

أوس بسم جنب:نبدلو..علااش مانبدلوش؟؟

نجلات طلعاتو وهبطاتو ودخلت هزت كاب دارتو عليها..وخرجت لقاتو كيبدل..بانليها لبيسي محلول ومشروعو مرسوم فيه..شافا جيهة لبيت كان مازال ماخرج..مشات دارت الاكس لقات بلي موديفيا فالدوسيي..ما خبعتش الدوكيمو طفات لبيسي فمرة وشداتو وناضت...

أوس خرج شافيها:مشينا؟؟

نجلاء هزت راسها وهي كتشوفيه لابس كيطما أديداس جاتو واعرة...بسمليها وهز سوارتو وخرجو...هبطو فالدروج وخرجو على برا...كان لجو زوين ومبرد...الهوااا كترد الروح...تمشاو على رجليهم غاديين الجنب للجنب...هي ماكتشوفش فيه وهو حاضيها..دخلو للشارع الرئيسي كانو الناس جالسين فكافييات..والاضواء دالمدينة مشعولين ..غاديين والهدوء مسيطر عليهم..

أوس:نجلسو تشربي شي حاجة؟؟

نجلاء هزت كتفانها:مابغيتش...

أوس:لمهم الى بغيتي علميني..مابغيتش ناخد الذنوب..

نجلاء شافت فيه:مافهمتش...

أوس بسم:حيت كيقولك لمرا الحاملة الى تشهات وماكلاتش داكشي صعيب بزااف...

نجلاء دورت وجهها كتشوف بعيد...كملو طريقهم تا شافت مقعد مشات تجلس فيه وهو يتبعها...جلس قدامها..

أوس:عييتي!!(نجلاء كتشوف قبالتها وهو يكمل)الى عييتي رجعو...

نجلاء بهدوء:مامضطرش تعطيني هاد الاهتمام على ود لبيبي لي جاي..(أوس كيشوفيها)عادي تعامل عادي بلا ماديرلي هكا...حيت أنا ماشي بنت صفيرة..ضحك عليا بجوج كلمات...

أوس عض شنافتو التحتانية كيشوفيها:كنبانليك كنتفلا؟؟(نجلاء حنات راسها وهو ينطق)شوفي فياا وغتعرفي واش كنككذب ولا بصااح(شافت فيه وهو عينيه فعينيها حست باحساس غريب)شنو بالك؟؟

لينا تعشات..وجلست فأحسن بلاصة مع أيمن..والسيد عوال على القصارة..

أيمن بابتسامة:شنو نمشيو نكملو السهرة!!

لينا شافت فيه بابتسامة وهي كتشرب كاسها:نووو...جي با لونفي..(ماعنديش لكانة) ..

أيمن تبدلو ملامحو:اهاه...على خاطرك..

لينا وقفت:توصلني ولا نمشي بوحدي؟؟.

أيمن حط لفلوس وناض:لاا نوصلك...

خرجو بجوج باتجاه الطوموبيل ..

...

نجلاء قلبت وجهها منو:بغيت نوض نمشي(وقفت وهو يشدها)أوس...طلق مني..

أوس وقف وشدها:جاوبيني!! باش كتحسي ونتي معايااا؟؟(كيشوفيها وهي مشوكية)..ماشي صعيبة قولي باش حاسة دبااا(قرب منها)فاش كنقربلك واش كيعجبك لحال؟؟(نجلاء كتبعد عينيها منو ماقاداش تشوف فعينيه)فاش كنغيب عليك...كتوحشيني؟؟كتحسي بلي ناقصااك شي حاجة؟؟

نجلاء دفعاتو بيديها:مابغيتش نهضر معاك...بعد مني...اوووف..

أوس:شوووت...صافي ماتقلقييش...وماتعصبيش...هادشي ماشي مزيان ليك...

نجلاء تعصبت:باراكة ماتبقاش تهضر معاياا هكاا!!شنوو سحابلك؟؟دغيا غنسى فعايلك؟(أوس كيشوفيها)صافي جيب كوماا واجي مسح داك الايام لكحلا لي دوزتي علياا!!ولا بلاتي...اجي نمسحو تا لعائلتي داكشي لي درتيه فالسبيطار...(أوس مسح على وجهو ميشوف مع الجناب معصب وهي كتغوت وتخرج لي عندها)..واش من نيتك...سحابلك انا هي نجلاء لولاا...لا سمحلي..تبدلت..نتا بدلتيني..نتا قتلتي شي حاجة سميتها ثقة...الزهووو وزهواني..النص دللبنات داير معاهم علاقة..والتخطيط نتا مولاه..اي حاجة كتفكر توصلها كدير المستحيل..واخة تسحق لي قدامك بلا رحمة بلا شفقة لمهم دير داكشي لي فبالك...طيحتي مني ومن قيمتي حدا عائلتي...وماخليتي مادرتي فيهم...بلاتي بلاتييي...ياله أصلا باش زداي هددتيني بيهم باش نرجع للحفرة ديالك...ومازال باغي تضحك عليااا...كنبانلك مغفلة تالهاد الدرجة!! لااا سمحلييي..ماغاديش نثيق فيك..حيت نتا ماتستاهل ثقتي نهائياا..والى سحابلك رجعت لعندك للدار على ودك ولا باش نكون قد يديك ولا خايفة منك راك غاالط..(أوس تزير)ولدييي..ولدي هو لي خلاني نرجع لداك الحياة لي كارهاها..(أوس تزنك كيمسح على لحيتو معصب وهسطي قربت عندو)أنا ونتا مابقات تا حاجة كتجمعنا من غير هادا(شيرت لكرشها)..هادا لي دبااا حابسة راسي بزز فدارك(حس بخنجر فقلبو)هادل لي مخليني صابرة وكنشوفيك كل نهار...كنصبر راسي ونقول غيجي لي ينسيني اش دوزت معاك...داكشي علااش بغيتك تنسى بلي حنا مزوجين...نسى بلي عايشين فدار وحدة...وأصلا أحسن حاجة درتي هي فرقنا لبيوت...باش نيت كل واحد يجلس على راحتو.....ودباا صافي بغيت نمشي...مابقيتش حاملة مازال نهضرو كثر..حيت كلما هضرت كنتفكر خصايلك وكنزيد نكرهك نهار على نهار...

سمحت فيه وبقات غادية وهو غمض عينيه غيطرطق..وتبعها دغيااا غادي موراها وهي مزروبة كتسوط بالجهد...كانت متمنية تخرج شنو فقلبها..ومين قالت عاد رتاحت...

تعطل لوقت...ماجاهش النعاس...كان يسحابلو بوحدو ولكن تاهي النعاس طارليها..تفكرت الهم لي دوزت معاه..دموعها واقفين على طرف عينيها...عاطية للباب بالظهر وحالة عينيها فالحيط لي قبالتها وضو الفيوز خافت...دخل للبيت وهي تحس بيه..غمضت عينيها دايرة راسها ناعسة وهو يقرب تا جلس مور ظهرها كيشوفيها شحال عاد نطق...

أوس بهدوء:عارف غلطت بزااف..(قلبها كيضرب وكتصنت ليه)عارف جرحتك ودرت فيك أي حاجة تخليك تكرهيني...و ولكن(تنفس بصوت عميق)كفاش باغية الحنان والمودة تخرج من واحد عمرو حس بيهم...(تزيرت مع كلامو)أنا ء نجلاء واحد تحرم من موو وهو فأمس الحاجة ليها...ظنيت بلي ماتت فلول..ولكن بااا قبل مايموت بالفقصة ديالها صارحني ..وياريتو ماقالي والوو...(نجلاء كتصنت)عاقل على كل كلمة خرجها على فمو "ولدي...أنا عارف راسي غادي ومخليك...غنخليك بزز مني...ماشي بحال مك..لي خلاتني أنا ويااك ومشات لناس خرين...مك ماماتتش(صدمني)..مك فضلت

ت علينا حياة خرا...لاحتنا بجوج بلش تبدا حياة جديدة"..فداك اللحظة حسيت بخنجر فقلبي...طفل عندو تسع سنين..يعرف بلي مو خلاتو باش تعيش مع راجل آخور ومافكرتش فيه..سولتو ببرائة"علااش ء بابا؟؟"...جاوبني كيتنهد "حيت ماعندها غرض بينا...لقات دبا معامن تكمل حياتها ومابقاتش باغياانا..." هبطو دموعي..بكيت وحسيت بحكرة كبيرة..أنا منبوذ من عند مييي..مابغاتنيش وماهمهاش تخليني وتمشي..ولا عمرها سولت فياا...وهو يكمل"شووف أولدي...انا ماقلتش هادشي باش تبكي...أنا بغيت نشرحلك باش ماتحن لا فيها ولا فالناس لي خداوها منك...واخة ترجع ماتغفرش ليها...مابغيتكش تكون غشيم..فكر بلي بصااح مك ماتت..وعيش حياتك بعد منا كأي يتيم ماتو باه ومووو..."..كنعقل عنقتو وطحت عليه"باابااا ماتخلينيش تا نتااا اهئ اهئ..ماغاديش نسمح ليهم على شنو دارو فينا غي بقى معاياا.."...جاوبني بدمعة فعينيه"أنا غنخلي راجل مورااياا..داداك هنية غتعيش معاك...غتكون فجنبك...دير بحسابها وحسبها مك..وفاش تكبر غتلقى الرزق لي يعيشك طول حياتك...لمهم تقرا وتوصل..تفاهمنااا...وااعدني"...أوس هز راسو بالايجاب.."وواعدتووو...كيفما بغى وداكشي لي درت"...ماكانش ممكن نصبر على شنو عانيت...فغياب دداك المرااا..بزز مني وليت هكااا..

نجلاء هبطو دموعها حيت بقى فيها...دارت عندو وهو يتزير بقى كيشوفيها وهي تنوض قبالتو..

نجلاء:هنية لي ربااتك؟؟

أوس بسم بجرح كبير:ماتت بعد عام مسكينة...(نجلاء تصدمت كتمسح دموعها)..اضطريت ندخل دار الايتام(خرجت عينيها)عشت تمااا ثمن سنين...دوزت لي عمرك تخيليه..كان الوحيد لي كيجي يشوفني هو رشيد صاحبي...حيت كان صاحبي فالمدرسة ماتخلااش علياا..مي ديما كنت كنحس باليتم...تماا عرفت احساس الناس الوحيدين فالدنيا..فالمعاناة والألم لي كيحسو بيه الاطفال بلا واليدين(شافيها بهدوء)تخلي واحد مووو عايشة وعاش يتيم وفدار الايتام...كفاش بغيتيه يكون انسان مزيان وقلبو كبير!! ماكنهضرش هكاا باش ندافع على نفسي...كنحاول نوصلك فكرة وصاافي...

نجلاء بصوت مبحوح:كنتي فدار الايتام لي مشينالها بجوج؟؟

أوس هز راسو بالايجاب:آه..عشت تمااا..(نجلاء😢😢)

نجلاء حنات راسها وبقات تبكي ماقدتش تعنقو ولا تواسيه..مازال قلبها ماصفاش من جيهتو ولكن بقى فيها...تجمعو عليها الهموم والمشاكيل...وهو بقى كيشوفيها...مابغاش يشوفها فهاد الحالة...

أوس قرب عندها:شووت..صافي ماتبكيش..ماتبكيش ء نجلاء مامزيانش ✋🏾ليك تبكي هكااا دباا!!

مابغاتش تسكت بقات تشهق قدامو حيت شافت داك الاطفال كفاش عايشين وتخيلاتو عايش هكاك..جا يقربلها وهي تحبسووو..تراجع وتبت..هز كلينيكس وعطاه ليها..خداتو وبقات تمسح دموعها...

أوس:نوضي غسلي وجهك..

نجلاء ماتأخرتش..خرجت من لبيت ومشات للحمام..شافت عينيها كانو منفوخين غسلاتو ورجعت لبلاصتها وهو يسولها..

أوس:دبا شوية؟؟

نجلاء هزت راسها:آه..(تنهدت وشافت فيه)واخة هكاك هادشي مايعطيكش لحق دير فينا هكااا..

أوس بسم ودور وجهو:صافي دبا عرفت بلي وليتي بيخير...

نجلاء بهدوء:كان ممكن تنتاقم من مك ولا تا من عمي...أما أنا علااش؟؟(عينيها عمرو دموع وهو تشوكاا)أنا شنو ذنبي!..ماظلمتك ماعرفتك مادرت فيك شي عيب..

أوس سكت شحال وشافيها:أنا كنت كنظن الى حرقت قلبكم كلكم غرتااح(كتشوفيه)حقدت عليك نتي حيت كنت باغي ندخل للعائلة بأي طريقة ونتي رفضتيني...(نجلاء مسحت دمعة هبطت من عينيها)داكشي علااش عاملتك بداك السوء...

نجلاء حنات راسها:ياريت كون بقيت رافضاك ديما...

أوس جمع فمو مقصح:ياااك!!(ناض جمع الوقفة)يااله تصبحي على خير...

نجلاء علات راسها كتشوفيه وهو خرج وشد لباب موراه بهدوء...

مشى نيشان لبيتو وشد عليه لبيت...تخشى فبلاصتو ..هضرتها القاصحة ولات تطيح من رجولتو..ولكن ماقادرش يدير معاها رد فعل..غي على ود ولدو لي جااي..لي غينور حياتو وغيخليه يحس باحساس هو بنفسو تحرم منو.....

تكات فبلاصتها..ماقاداش تسمحلو واخة سمعت كلشي..ضيعلها فرحتها شحال من مرة ..قهرها وعنفها واغتاصبها وطيح منها..الأكيد أنه بقى فيها وعذراتو ولكن ماشي لدرجة تعطيه عذر على شنو دار فيها...

أصبحنا وأصبح الملك لله...

حلت عينيها مع نسيم الصباح...شافت فالساعة كان مازال لحال ولكن شابعة نعاس...ناضت حيت شحاال مابعدت على لمخدة..فكرت توجد لفطور بالشوية عليها...خرجت من لبيت غادية تغسل وجهها وهي تلقاه جالس مزير على لحيتو وكيشوف فلبيسي..غي شافها خارجة وقف...

نجلاء غادية للحمام وهو يحبسها:لبارح قصتي فلبيسي ديالي؟؟(نجلاء وقفت عاطياه بالظهر عاضة شنافتها وهو يقرب عندها)جاوبييي!!

نجلاء دارت بتوتر:ش شفتوو شاعل ومشيت طفيتو فاش كنا خارجين...

أوس تعصب وزير على فمو ماباغيش يغوت..خرج فيها عينيه ومشى للبيسي...

نجلاء ببرود:ع علااش!!واش وقعات شي حاجة؟؟

أوس كيخدم فلبيسي:لا والووو..غي مشالي لبروجي لي خدام فيه هادي يوماين...

نجلاء صغرت عينيها:اوبس...سمحلي ماكانش خصني نطفيه يمكن!!

أوس دار معصب غياكلها ورجع كمل خدمتووو..نجلاء غضبت ماجاوبهاش..حست بلي زادت فيه..دورت وجهها ومشات للحمام..غسلت وجهها ومشات للكوزينة توجد شنو تاكل...وهو غي صاقر كيخدم وباين عليه مايهضر معاه حد فهاد اللحظة...حطت لفطور وبقات تساينو يجي...ماجاش..

نجلاء:اجي تفطر...

أوس بحدة:فطري غي نتي!!

نجلاء غوبشت:ماتغوتش عليااا!!

أوس دار مخنزر فيها:ديريها قد راسك وزيديها بالفشوش...واش كاين شي حد يدير هاد الفعايل دياالك!!(ناض وحط لبيسي كيغوت)واش هكاا زعما كتبردي أعصابك فياا!!خصك تفرقي بين حياتنا الشخصية والخدمة...راك عارفة لخدمة مافيهاش اللعب...وهاد التبرهيش ماغينفع تاواحد فيناا..

نجلاء زيرت على شنايفها كتشوفيه والدموع وقفولها فعينيها:سمحلي...ماعرفت كيدرت هكااا...والله..

بمجرد مانطقت هاد الكلمات برد وهي تنوض خلات فطورها وتمت غادية لبيتها...

أوس شدها مبرد:كملي فطورك...

نجلاء شافت فيه:أصلا مافياش الجوع...

أوس شدها بيديه بجوج كيشوفيها:اجي ناكلو بجوج..صافي..

نجلاء علات راسها فيه:الله يسامح..والله ما...

قاطعها:صافي صافي نساااي..دبا نقاد واحد حسن منوو هاد النهار...

نجلاء هزت راسها بآه كتشجيع ومدت يديها حيدتلو يديه...

مص شنايفو وشاف فالماكلة:نفطرووو؟؟

نجلاء بصوت متوتر وحشمان:واخة...

خلاها سبقاتو وهو بسم بوحدو وتبعها كيحك شعروو..عصباتو و دارتلو الخصايل ولكن ماقادرش يتقلق منها...

الصباح كلو داز ونجلاء حاسة بالذنب...كتشوفو جالس خدام على لبيسي ومرة مرة يسرح عنقو ويديه...بقات جالسة قبالتو حاضياه وكارهة راسها...ولكن شي مرات كتقول يستاهل كثر من هكااا...جات خدوج جمعت الدار ووجدت لغدا وهي خرجت للبالكون هربانة من الريحة..تا خرج عندها أوس كيرتاح..

أوس:صافا!!

نجلاء قلبها مروع:ش شوية ..(شافت فيديه لقاتو هاز الكارو)غتكمي؟؟(أوس شاف فالكارو وهي تكمل)الى غتكمي خرج من الدار..ماحاملاش نشم شي ريحة فالدار..

أوس طول فيها الشوفة:كتجري علياا!!

نجلاء كتشوف قبالتها:خصك تعوذ ..حيت فاش نولد رله ممنوع عليك لكارو فالدار..غيضر لبيبي...

أوس بسم ونطق:ماغثيقيش قداش كنساين داك اللحظة..(شافت فيه)ماكرهتش نشوفو دبا ونهزو بين يدي...

نجلاء فرحت ملداخل ديالها:تا أناا(بسم فوجهها)دغيا ولفتو..وحاسة بلي مازال لوقت طويل باش نشوفوو بففف..

أوس هزلها يديها شاد فيها وهي توتر:الله يجيبو على خير...لمهم يحي فوقتو وبصحة مزيانة...

نجلاء بهدوء:فرحان حيت غتولي أب؟؟

أوس شافيها عينيه ضاحكين:آش بان ليك؟؟

نجلاء جات تجاوبو وهو يصوني تيلي ديالو عقد.حجبانو ومشى يجاوب وهي متبعاه باغية تعرف شكون كيصوني عليه...

أوس شاف تيلي وجاوب:ألووو بااا رشيد...

رشيد بابتسامة:أهااا...السيد ناشط ههه اوا هادشي لي بغينا...

أوس بسم:فين غابر؟؟

رشيد:نتا لي غابر...

أوس قرب حدا لبالكون ونجلاء حداه:عرفتي شنوو..اجي نتا وإكرام قصرو معاناا...من شحال هادي ماتجمعناا..

غمز نجلاء وهي شافت فيه بابتسامة قبول..

رشيد:اهاه..نقولهالها ونرد عليك...

أوس:كتحكم فيك ههههههه...

نجلاء ضحكت ورشيد يجاوبو:الله يعطينا وجهك...زعما غي نعرف لبروكرام ديالها...

أوس:قلتلك اجيو هي اجيوو..كنساينوكم..

رشيد:اوك..انشاءلله..بسلامة...

قطع معاه وشاف فنجلاء:ياك ماشي مشكيل يجيو!!

نجلاء:فالصراحة أنا فحالة يرثى لها ولكن مرحباا بيهم..

أوس دار كيشوفيها:مالها حالتك!!(كتشوفيه)زوينة وكتحمقي كيف ديمااا...

صدمها بهاد الاطراء وهو براسو تصدم فراسو...حنات راسها ودخلت لداخل وهو دار يديه على جبهتو كيحكها تالف...مابقاش يقدر يكونطرولي راسو...وكلامو ولا يخرج من قلبو بلا مايحس...

دخلت نجلاء لبيتها كتشوف فالمراية...شعرها جامعاه ووجهها باهت لابسة بيجامة خفيفة..كتشوف فملامحها..بلا ماتحس ضحكت للمراية كتفكر كلاامو لي حسسها بجمالها وأنوثها بعد مدة طويلة..شوية وهي تفيق وخنزرت فراسها...

نجلاء معصبة:صافي دغيا ضحك عليه بجوج كلمات ء لمكلخة...تفووو على جنس على سبة الله يستر ..

هزت بينوارها ودخلت للدوش..باش تخفاف وتنشف شعرها من هنا لليل...

سالات خدوج الطياب وشغالها...مشات عند أوس وهو عطاها لوطوريزاسيون تمشي بحالها...ولكن ارجع فالعشية توجد العشاء...بقى جالس كيخدم...شاف نجلاء غبرت وهو جاه الجوع...مشى دق على نجلاء...

أوس(دق دق):نجلااء...(دق دق)نجلااء ..

استغرب ماجاوباتوش..بقى يدق شحال عاد حل لباب مخلوع...خاف تكون واقعة ليها شي حاجة....دخل مابانتش ليه..توقع تكون فالطواليط..تم خارج وهي تدخل لبيتها جاو قد قد...

أوس طول فيها الشوفة كتبان ليه ملوية لفوطة على شعرها والبينوار عليها طول فيها الشوفة شحال..

نجلاء تشوكات مين لقاتو قدامها:أ أوس..شنو كدير هنااا؟؟

أوس توتر:ج جيت نسولك واش تغداي معايااا...ماسحابليش راك فالدوش حيت ماشفتكش دايزة..

نجلاء دخلت للبيت وحلت لفوطة كتنشف شعرها:آه قلت ندوش قبل الليل..

بسم وهو كيشوفها كتنشف شعرها:شعرك زوين...(نجلاء علات راسها فيه)كيعجبني لونو وطولتوو..(تم غادي كيقرب عندها ومد يديه يقيس شعرها)..ريحتو زوينة...

نجلاء تا بدات تدوخ وهي تبعد عليه:عاافاك خرج من بيتي خليني لبس(فيقاتو بهاد الهضرة)..

أوس رجع باللور:مازال ماقادة تنساي؟؟

نجلاء زيرت على فمها معصبة:أوس...خرج من لبيت..

أوس قرب عندها:أنا وياك مازال مزوجين...(نجلاء كتبعد)ماكرهتش تعطينا فرصة ..

نجلاء لصقت مع الحيط:أوس..عافااك سير(بدات ترجف)ماتقربش كثررر..

أوس لصق فيها:غ غي فرصة..فرصة وحدة..ماغادي تخسري والو..

قرب ليها وهي نافراه...ماحاملاش يديرلها هكاك...وهو يخشي راسو فعنقها...

أوس بصوت خارج من الاعماق:توحشتك...توحشتك بزااف والله...

نجلاء بصوت كيترعد:بعدددد..بعددد د...أوسسس بعددد..(غادية وكطلع فالفوليم)بعددددد(دفعاتو تا تصدم)ماتقربش ليااا...أنا ماباغياكش تقرب لياا..فهمتييي!!

أوس تزنك وهضر تحت سنانو:تالهاد الدرجة كتكرهيني!!

نجلاء التوتر لعب عليها قلبها وكلشي فيها كيضرب...خوفها منو وغضبها وضعفها واحاسيس خرا مخليينها كارهة يقرب منها...تخلطو عليها..مابغاتش تخليه يلعب بيها كيف اللول...رافضة فكرة أنها تعطيه راسها واخة عارفة بلي كتبغيه...معدتها تقلبت...شدت على فمها ومشات كتجري للحمام..وهو عينيه حمارو...

أوس بصدمة وألم:ماشي غي كارهاني...عايفاااني كاااع...

نجلاء دخلت للحمام..بقات كتقيى وتغسل وجهها...السخفة شاداها والدموع هابطين ليها...شافت فالمراية وبقات تبكي بوحدها...

....

أوس هز سوارتو وخرج من الدار...كان صعيب عليه يحس بيها نافراه وماحاملاهش يقرب ليها...حرك طوموبيلتو وقرر يبعد...

نجلاء خرجت من الدوش سخفانة..مشات لبيتها عرفاتو خرج حيت سمعت صوت لباب تزدح...دخلت لبيتها ..تكات على الفراش...غمضت عينيها معنقة راسها وحاولت تنعس كماعلله ترتاح شوية....

دخلت خدوج للدار...كيبان ليها السهات...مشات للكوزينة...وبدات توجد العشااا...تا كيحل أوس لباب باين فيه صافا بااا ولكن هادئ بطريقة غريبة...

أوس:سلاام..

خدوج:سلام سي أوس...

أوس شاف جيهة لبيت:فين نجلاء؟؟

خدوج:مين جيت ماشفتها...

أوس:أنا غندخل ندوش..سيري فيقيها معاك...

خدوج هزت راسها بابتسامة:واخة سي أوس...

مشات للبيت..دقت ودخلت..كتبان ليها ناعسة..شعلت الضو حيت بدا يظلام الحال...وقربت حداها...

خدوج:بنتي نجلااء!!

نجلاء بهدوء:اممم...

خدوج:نوضي راه الضياف قربو يجيو...

نجلاء حلت عينيها:شحال فالساعة؟؟

خدوج:هادي السبعة..

نجلاء غوبشت:اوووف...نعست بزااف...صافي سيري ء خالتي هانا نايضة...

خرجت خدوج من عندها وهي ناضت مشات غسلت وجهها ورجعت لبست عباية بيضة بالسقلي..بدات تقاد شعرها ووجهها واخة ماعندها كانة...عاد خرجت برااا...

أوس كان لابس حوايجو فلبيت عبارة عن شوميز كحلاا وسروال بيض...مشط شعرو وتعطر وخرج من بيتو...هز عينيه كيشوفها واقفة فالكوزينة مع خدوج...بحال شي عروسة...حنى راسو ومشى كيقلب فموسيقى هادئة يطلقها..علات راسها شافت فيه..عجبها بزااف واقف مرزن ومكالمي...طولت فيه الشوفة ..وعاد كملت شغالها...طلق موسيقى أوبرا بحال عوايدو وجلس فالصالون عاطيها بالظهر...مشات هي وخدوج زوقو الطبلة وقادوها وهما يسمعو الصوني...

خدوج:انا نحل...

نجلاء شافت أوس وقف حبستها:صافي كملي معايااا هاهو أوس غيحل...

أوس فتح لباب ورسم ابتسامة على وجهو:مرحبااا...دخلووو..

نجلاء تبعاتو وهما كيتسالمو:مرحبا بيكم...إكرام لاباس عليك؟؟"موااح" ..خويا رشيد لاباس؟؟

أوس غي متبت ورشيد جاوبها:حمدلله اختي نجلااء...

إكرام بابتسامة:توحشتك...فين غابرة!!غبرتي علينا..

نجلاء بسمت:اوا ها أنا رجعت..دخلو...زيدووو..

أوس شد لباب وهما دخلو..

رشيد:اوا كيداير ء بابا أوس!!هههه...

أوس بهدوء:حمدلله ونتا؟؟

رشيد استغرب:مالك !

أوس دور وجهو بمعنى عادي...رشيد فهم وسكت...مشاو جلسو فالصالون..

إكرام بابتسامة:اوا مبروك عليكم...رشيد قالي بلي جايكم بيبي صغير ..

نجلاء شافت فأوس وهو جالس مبسم كيشوف فإكرام:الله يبارك فيك ء حبيبة...عقبالكم...

إكرام بسمت:انشاءلله ء حبيبة...

بقاو جالسين كيتهاودو تا جات خدوج وعلمتهم بلي العشاء واجد..ناضو للطبلة...جلسو كياكلو ويهضرو تا تسالا لعشاء ..ناضت نجلاء وإكرام للصالون والرجال خرجو للبالكون...أما خدوج جمعت داكشي فالكوزينة وتعشات تاهي ..

إكرام:أوس تبدل بزااف..

نجلاء بهدوء:بصااح!!من اينا ناحية زعما؟؟

إكرام بسمت:أثرت فيه الأبوة من دبااا..تبت وترزن وحاسة بيه فرحان بالبيبي(نجلاء بسمت)كلما كنهضرو عليه كيبان بريق خاص فعينيه...

نجلاء:امم تا انا حسيت بيه..

إكرام:اوا ونتوماا..كيدايرين؟؟

نجلاء توترت..دارت الشعر مور وذنيها:مزياان..شوية الامور بدات تقاد ..

إكرام قربت عندها:نجلااء..أوس فاش كنتي بعيدة عليه كان مبدل..كان تالف وصافا بااا...دبا عاد حسيتو سطابل وأليز...دونك خصك تستاغلي هاد النقطة..وانشاءلله مايكون غي لخير..

نجلاء تنهدت:ماعرفت..هو فشكل مازال ماعرفنا بعضياتنا مزيان و...

إكرام:لااا ماتفكريش هكاا..الى بغيتي تكسبيه غتقدي..أصلا باين بلي كيبغيك...

نجلاء شافت فيها مشوكيا:بصااح باينة فيه؟؟

إكرام ضحكت بالجهد:هههه مازال مانتابهتي زعما...شوفاتو وهضرتو(نجلاء كتصنت بفرحة)وتصرفاتوو...كلشي فيه كيبين بلي كيبغيك ء صاحبتي...

نجلاء عضت شنافتها وحنات راسها حشمانة....

...

فالبالكون...كان هاز الكارو كيكميه معصب...

رشيد كيشوف فيه:مالكم؟؟حسيت بيكم ماكتشركوش الهضرة ...

أوس ببرود:والو..غي مخليها على خاطرها...

رشيد تنهد:مازال ماتصافيتو؟؟بففف..قباليلا جابلي الله بحالا تقادات الامور فرحت ليكم..

أوس بسم باستهزاء:أوديي....

نجلاء ناضت:غنشوفهم الى بغاو شي براد د أتاي ههه..

إكرام:اوك بب..

دخلت نجلاء عندهم لقات أوس كيبوخ وهي تنطق بلا ماتحس شادة نيفها:اوووف...علااش كتكمي فالدار؟..قلتلك ماتبقاش دير هكاا الريحة كتخرج للدار مجهدة اوووف...

رشيد شاف فأوس وحك راسو وأوس مارضاش هضرت معاه هكاك حدا صاحبو:ونتي اش جابك هناا أصلااا؟؟(صدمها)نكمي ولا مانكميش سوقي هاداك...ياك عاطيك التيقار ومبعد عليك ..اوا تا نتي ماتقلبيش عليااا!!

نجلاء تزيرت وشافت فرشيد محشمة وصوتها كيرجف:ج جيت ن نسولكم واش تشربو أتاي؟؟

رشيد غمض عينيه وحلهم:أنا نشرب..وسمحيلنا غنشقيوك..

أوس دار كيشوف بعيد عرف راسو زبلها من جديد...

نجلاء بهدوء:عذابكم راحة...مرحبااا..هاهو شوية ويوجد...

دخلت حانية الراس..طيح بيها من جديد...مشات نيشان للكوزينة مبسمة لإكرام ابتسامة كذابة...

خدوج:انا نقادو عليك ء بنتي...

نجلاء ماقاداش تهضر:ل لاا تعشاي على خاطرك...انا نقادو...

رشيد شاف جيهة أوس:ماكانش عليك تهضر معاها هكاك...حشمتيها قدامي...

أوس معصب:وهي ماشي مشكيل تحكم فيا وتهضر معايا هكاك؟؟

رشيد كيحاول يبردو:ء صاحبي راها كتوحم..وقالتلك الصح..الريحة غضرها ماقالت عيب...زايدون عادي..صبر عليها وماتحكرش...(أوس كيغزز شنايفو ويبوخ بالجهد)الى بقيتي هكاا عمرك غتكسبها لعندك...

أوس طفى الكارو فحيط البالكون ولاحو معصب:ياله ندخلو لداخل!!..

حطت البراد د أتاي وجلست كتكب ليهم حادرة راسها...وهو حاضيها ندمان على كلامو واخة تاهي قصحاتو شحال من مرة مابقاش باغي يقصحها...مدت ليهم الكيسان وعطاتو...

أوس:شكرا..

نجلاء مشات جلست بلا ماتشوفيه ولا تجاوبو...

إكرام بهدوء:اوا..شنو باغيين يجيكم...بنيتة ولا وليد؟.

نجلاء بسمت فوجهها:مافكرتش فالصراحة...

أوس:لي جابو الله..ولد ولا بنت لمهم تكون كمالت الصورة...

رشيد:اه..الى جاتك بنيتة كتشبه لماماها غيكون مزيان هههه...

إكرام بسمت ونجلاء ضحكت فوجهو..

أوس بابتسامة:وانا كرهت...(ماشافت جيهتو)واخة غيحمقوني بجوج هههه..

إكرام ورشيد:ههههههه...

نجلاء حكت مور وذنيها وشافت فإكرام:كيدايرة مع الخدمة!!

رشيد شاف فأوس لقاه حاضيها وعرفوها بغات تبدل الموضوع...ماعلقتش على هضرتهم حيت ماباغياش تفتح معاه نقاش....دازت الليلة مزيانة...ناضت إكرام ورشيد يمشيو...تسالمو وواعداتها تشوفلها شي طبيبة مزيانة للولادة...واقفين فلباب كيودعوهم...

نجلاء وأوس:تصبحو على خير...

أوس شد لباب ونجلاء دخلت لقات خدوج خارجة من الكوزينة...

نجلاء:الله يسمحلينا من شقاك ء خالتي...

خدوج بسمت:هادي خدمتي ابنتي...

أوس:صافي ساليتي باش نوصلك؟؟

خدوج:غي خليك...انا نشد شي طاكسي...

أوس هز راسو:واخة..انا نهبط معاك تا تشدي طاكسي...

نجلاء كبر فعينيها بهاد التصرف..سلمت عليها ودخلت لبيتها وهما هبطو..بدلت عليها ولبست حوايج النعاس...حطت راسها بعدما مسحت الميك اب ديالها...وبغات تنعس تا سمعاتو حل لباب على براا..حلت عينيها...كتفكر هضرتو...شافت فالضو تحت لباب كيبان ليها بحالا واقف شي حد...عرفاتو هو...تخلعت وخافت يدخل عندها...حيت فهاد اللحظة ماعارفاش شنو ممكن يطراا..بقات حاضياه وهو واقف تا شافتو مشى وطفى الضو وسمعاتو دخل لبيتو....

أوس دخل للدار كان السهات..قرب باتجاه بيتها...ماكانش باغيها تبات مقلقة عليه...فكر يدخل ولكن خاف الامور تزيد تعقد...تابغى يحل بابها وتراجع ومشى لبيتو مصبر راسو...

حلف النعاس لاجاها...بقات تلعب فتيلي والو...ناضت قبالت السرجم...والو...خرجت من لبيت شعلت الضو ومشات للصالون...دارت قناة أفلام ونقصت الصوت وبقات تفرج...شحال عاد داتها عينيها...

أوس فاق بالليل..بغى يشرب الما...ناض من بلاصتو لابس غي شورط...لبس صندالتو وخرج معنكش...هز راسو كيشوف تيفي مشعول...غوبش..قرب تما بانت ليه نجلاء ناعسة معذبة..ضرب الدورة ومشى حداها...كيشوفيها ناعسة..بسم باعجاب وحط يديه على ذراعها كيفيقها...

أوس:نجلااء...نجلاااء!

نجلاء مافاقتش ..كانت ياله نعست..تنهد وهزها بين يديه..وهي تعنقو تا ضحك وبانو سنانو...دفع لباب د بيتها برجليه ودخلها وهي حاطة راسها على عنقو...مشى لفراشها...حطها بالشوية وهي بقات شاداه...بدا كيحيدليها يديها...

نجلاء بصوت خافت:أوس....

أوس طلعت معاه السخانة...كيشوفيها وهي فنوم عميق وذكرت سميتو...فرح من قلبو وقادها فبلاصتها..كيقادلها خصلات شعرها..حنى عليها بلا مايحس وباسها بالشوية فشنايفهاا...ماقدرش يقاوم بقى كيبوس فيها بحب...عاد طلع راسو شوية قريب منها وبصوت حنين قال:كنبغييييييك...

ناض من حداها ماساخيش وقف قبالت لباب مبتسم..شد لباب عليها ومشى لبيتو...

حلت عينيها كتكسل...وجهها فرحان والابتسامة باينة فعينيها...تقادات فبلاصتها وهي تستغرب..

نجلاء:هاااء..انا كنت فالصالون..كيدرت وصلت هنا!!ل لااا زعمااا الحلم كان بصااح...لا مايمكنشش....ناضت من بلاصتها..خرجت على برا كيبانليها كيشرب قهوتو..شافها تفكر لبارح..فرح ملداخل ودور وجهو باش مايبانش عليه...

نجلاء شافتو دار خنزرت فيه وبقات تهضر مع راسها"لااا مايمكنش يكون قالي كنبغيك هاد بنادم...شو كفاش داير...تفووو"..جرت رجليها ومشات للحمام..غسلت وجهها وخرجت..شافها غضبانة بغى يستافزها..

أوس شايفها غادية:صبااااح لخير..

نجلاء دارت عاقداهم:صباح لخير...

زدحت لباب تا ضحك عليها ودخلت تمسح وجهها وتقاد بيتها...

أوس وجد ليها الفطور..وحط كلشي مقاد...مشى دق عليها فلباب..

أوس:نجلااء..اجي تفطري..

نجلاء جلست على لفراش مقلقة:ماخصنيش دباا...

أوس حل لباب بزربة:خصك تاكلي(تفاجئت فيه كفاش كيهضر)الماكلة ضرورية...

نجلاء باستفسار:على ودي ولا على ود لبيبي؟؟

أوس بجدية وهو مربع يديه:أكيد على ود لبيبي...(نجلاء خنزرت فيه وحدرت راسها وهو بسم بالخف)يااله نووضي ..

نجلاء وقفت وجاوباتو بحدة:مانايضاااش ..خليني عليك ياك انا عاطياك التيقار!! اوا قلب عليااا...

أوس بسم جنب عارفاها كتعاود هضرتو لي قالها ليها لبارح:كترديلي الصرف!

نجلاء جلست كتسوط وهو يقرب حداها:اه هضرت معاك هضرة ناقصة حدا صاحبي(ماكتشوفش فيه)و ولكن تا نتي عصبتيني...(هضر بهدوء)ص صافي الله يسامح..(نجلاء علات عينيها فيه بدون ملامح)و صااافي...مابغيتكش تبقاي مقلقة علياا...

ناض وتم خارج وهي تسولو:أنا لبارح كنت ناعسة فالصالون..شكون جابني هنا؟.

دار عندها مبسم وهي كتشوفيه...شير لراسو وغمزها وخرج خلاها مصدومة عضت شنافتها دايخة"ل لاا كنت كنحلم يمكن..لااا مايمكنش يكون(حطت يديها على شنايفها)اوووف وباش غنعرف دباا انا ؟(غوبشت)اوووف...

ناضت تابعاه..جلست قبالتو عطاها عصير وزيدلها كلشي...وهي غي شافت الطبلة مزوقة حست بالجوع...بقات تاكل...وهو حاضيها..جاها داكشي لذيذ...مابقات عاقلة على راسها...علات راسها غفلة لقاتو حاضيها كيضحك..

نجلاء سرطت وهضرت بصوت غليض:شنوو؟؟

أوس حرك راسو ب لاا:لا والووو!😊..

نجلاء عوجت فمها:راه كناكل على جوج نفوس..

أوس قرب حدا الطبلة:بصحتك نتي وياه ههه...

نجلاء شافت فيه وبسمت ورجعت كملت ماكلتها...

ناض عاجبو لحال..هز لفيست وشافيها:أنا غنمشي للخدمة..

نجلاء:اوك الله يعاونك..

أوس داز من حداها قرب وباسلها راسها على غفلة..ومشى تا دارت تشوفيه..وهو ماعطاهاش فرصة دغيا خرج...

نجلاء بتخنزيرة:مك أنا تبوسلي راسي...غي فالحلم بوسني فشنايفي وفالحقيقة بوسني فسنطيحتي...ييخ....😠😠

بقات جالسة ماعندها كانة...جات خدوج وجدت ليها ماتاكل..وهي دخلت عاطياها غي للنعاس والراحة....جات لعشية ناضت بلا عجز عليها..لبست كبيبط خفيف فالموطاغد السرة عريانة..مع جيب جيب قصيرة...وطلقت شعرها..قادات وجهها ولبست صندالة خفيفة طخوسباغون..

عيطت ليها خدوج:بنتي نجلاء هانا ساليت شغالي...

نجلاء ملداخل:اوك..صافي سيري..شكرا بزااف..

خدوج جمعت راسها وخرجت من الدار...

نجلاء تعطرت وبقات فبلاصتها جالسة..تا سمعاتو كيحل لباب عاد ناضت وخرجت...

أوس شد لباب غي دار كيلقااها قبالتو..علا حاجبو فيها...

نجلاء بهدوء:تعطلتي!!

أوس قرب عندها مافاهمش:علاش كنتي كتساينيني؟؟

نجلاء بينت ليه الصاك:لااا...غي حيت خارجة وصافي...

أوس وقف كيطلعها ويهبطها:فين بالسلامة؟؟

نجلاء كتقلب على كذبة:اممم..غندوز عند إكرام..بغيت نخرج نفوج شوية قنطت..

تمت دايزة فيه وهو يشدها مزير عليها بلا مايشوف جيهتها:رجعي لبيتك وجلسي للأرض...

نجلاء دارت كتشوفيه:طلق مني ..بغيت نخرج..ماشي سوقك فياا..نتا تخرج وتسارا وأنا نبقى محبوسة..

أوس مسح على وجهو وقربها عندو:واش واقيلا طلقتلك بزااف يااك!!(شوفاتو خلعوها)دوزي لبيتك وخلينا هانيين بلا صداع..

نجلاء بتحدي:غتمنعني بزز..

أوس عض شنافتو مغزز:الى بغيتي دوز ليلتك على خير دوزي تجلسي..بغيتي تشوفي أوس لقديم مرحبااا...

نجلاء بلا شك خافت ولكن مازالة باغية تخرج منو الحامض...لي جايها جايها عليه..باغية طرطقلو المرارة..

نجلاء خنزرت فيه:غنخرج هي غنخرج...

بقات كدافع معاه وتحاول تبعد وهو يهزها دارها كلها على كتفو تا تشقلب شعرها لتحت ودخل بيها للبيت..قلبها وحطها فبلاصتها تا طارت فالسما..وشداتها الدوخة...

أوس بغوات وهو واقف قبالتها:مين نهضر ونقول كلمة ماتبقايش تعاندي معايا حسن ليك...فهمتييي!!!

نجلاء شادة راسها بزز معدتها تقلبت بداك الهزة..شدت فمها ومشات كتجري للحمام وهو بقى كيسوط...وتبعها فالحين...واقف على برا من الحمام معصب وكيسمعها كتقيى...دغيا شعلت العوافي وهاهو دباا ماحاملش فين وصلو ..

خرجت عينيها حومر والدوخة شاداها وهو يقرب عندها...

نجلاء كتبعدو بيديه ولكن هو هزها بين يديه كيشوف فوجهها لي قريب منو شوفات خوف وندم وأعصاب منها ..نجلاء فهاد اللحظة سكتات...بحالا هاد اللقطة شايفاها من قبل...دخلها للبيت حطها على فراشها وهي كتشوفيه..حنى معاها قريب منها ومادارت تا ردة فعل..تلفت هادشي كلو كيتعاود..ومع قربو منها بلا استأذان...قرب ليها وباسها بهدوء فشايفها تا غمضت عينيها...وخطف شنايفو بزربة كيشوفيها كيفاش دايرة فهاد اللحظة...

نجلاء حلت عينيها فيه ماعارفة لا شنو تقول ولا شنو دير..مزيرها عندو بحالا خايفها تهرب...

نجلاء ببرائة وبلا ماتحس:مازالة شي حاجة ناقصة!!

أوس بسم بحب ونطق من الجوارح ديالو وبصوت رجولي خافت:كنبغيييك...(عينيها دمعو والفرحة بانت عليها)كنبغيييك بزاااف ء نجلااء والله...

نجلاء بفرحة وهدوء:يعني ماكانش حلم!!

أوس دور وجهو بالسلب وهو مبسم:لأ كان حقيقة..وها أنا أكدت ليك..لمهم يكون باانسبة ليك حلم زوين...

نجلاء بلا ماتحس لوات يديها على عنقو:أحسن حلم فحياتي كلهااا...😍..

قرب ليها بزااف وكيهضر بصوت حنين:قوليها...مشهي نسمعها منك...

نجلاء بسمت باغراء:شنو هي؟؟

أوس علا حاجبو فيها:كتبغيني!!

نجلاء دورت عينيها كدور فيهم زعما كتفكر وفالتالي عاد شافت فيه وهو كيساين على أحر من الجمر:اممم...كنبغيك..(أوس طار بالفرحة باسها بشوق وحنان غي بعد عليه حطت يديها على وجهو)كنبغييك وكنحمااق عليك...حياتي بلا بيك والو ء أوس والله ..

أوس عنقها عندو...خشاها فحضو:وأنا عمرني نخليك ء حبيبة...كنواعدك من دبا لفوق مانخسرلكش الخاطر...غنخليك أسعد وحدة فالوجود...ونشاءلله كلشي غيتقاد...

نجلاء بفرحة:ياربي آميين ء الحبيب ديالي..ء بابات ولدي...

أوس حط يديه على كرشها العريانة:الله يخليكم ليااا...

نجلاء:ولياا بب..

أوس قرب عندها دايخ:ياله عيطي لإكرام..قولها راك ماجاياش ..باش ماتبقى تساينك..

نجلاء طلقتها بضحكة من الأعماق:ههههههههههههههه...

أوس استغرب:مالك!

نجلاء عضت شنافتها:ماكاين لا إكرام لا خروج لا والو...

أوس صغر عينيه فيها:اممم كنتي كتفلاي علياا!!

نجلاء بابتسامة:ماعرفت...جاتني عليك بغيت نعصبك ونعذبك ههه والله ماعرفت علاش!

أوس ضحك بطريقة ساحرة:ماكاين لي غيتعذب دبا قدك ء حبيبة...

نجلاء بحشمة:عذابك راحة..

أوس عضها من وذنيها بالخف ونطق:توحشتك بزاااف..

نجلاء ذاتها تشوكت عليها تا حست بالسخونية:تا أناا..

أوس ماعطلهاش...حيد لفيست ديالو وطلع التيشورط وهي جالسة قبالتو..حنى على رجليها حيد ليها الصندالة وهي مفششة مع راسها..متكية كتشوفيه وتساينو يجي عندها...سالا قرب عندها وبقى يبوس فيها بحال شي حد عطشان...غرق فشنايفها وعنقها..تا لقاو راسهم عريانين بجوج...جر الغطا عليهم وشافيها بفرحة...

أوس بصوت سخون:كنبغيك..كنبغيييك ء لكبيدة ديالي...

نجلاء تخشات فيه حشمانة:تا أنا...

حيد البوكسر وعنقها عندو وبدا يداعبها..تا داخت والسخونية بانت عليها..نجلاء كانت مرتاحة وعاجبها الحال..وهو كيعاملها أحسن معاملة فالفراش...عنقها وبدا عملية الايلاج وهي كتوحوح عليه ومازال باغياه..ماشبعتش منو...وهو كذلك كأنو سنين ماقرب ليها...بقاو شحال تا تلاح فوق منها كينهج...

نجلاء شحفت..حلت عينيها فيه كيبانليها مقابل وجهها وكيردلها شعرها لور...

أوس:فرحانة!!

نجلاء هزت راسها:اممم..بزااف كااع..

أوس عنقها ودورها عندو حاط يديه على كرشها:هانا عطيتك شوية دالفيتامين أولدي هههه..

نجلاء ضحكت عليه:ههههه لاواه لاواه...

أوس كيلعب فشعرها:جاك الجوع!!

نجلاء:امم ولكن شهوتي ناكل هنا!

أوس علا حواجبو:اييه..تفشي علياا..تولدي ونردلك الصرف هههه..

نجلاء غوبشت:هي كدير هادشي على ود ولدك وصافي!!

أوس بسم:ولدي مازال ماشفتو..ولكن نتي شفتك وعارفك وكنبغيك...الى درت شي حاجة راه علا ودك أ لحمقة ..كتغيري من ولدك؟؟

نجلاء جمعت شنايفها:مابغيتش نحس بحبك قل فيوم من الأيام...

أوس دورها عندو وقابلها معاه:شووفي...ماحدك دخلتي لهنا(هز يديها حطها على قلبو)ماعمرك غتخرجي منو..(حست بكلامو من القلب..بسمت بلا ماتحس)الى قلبي بغاك راه مستحيل يقدر ينساك شي يوم...حيت لقيت فيك لي بغيت وداكشي لي كنت كنتمنى..بدلتيني وغيرتي نظرتي للنساء كاملين...هادشي علاش صعيب وحدة خرا تاخد بلاصتك...فهمتي!!

نجلاء هزت راسها بالايجاب:فهمتك ء حبيبي فهمت...

ناض من بلاصتو بعدما باسلها راسها ومشى لبس الشورط ديالو وداز للكوزينة كيسخن لعشا..وهو كيغني ويدندن...نجلاء طلت عليه من لبيت مع كان محلول..بقات تضحك بوحدها...هز داكشي فبلاطو ودخل للبيت مبتسم..

أوس:هانا جبت للحبيبة ديالي العشا للفراش...(قرصها بصبيعاتو فخدها)هانا فششتك عقلي ههه..

نجلاء متكية على لكادر راخية شنايفها:علاش مانستاهلش تفششني!!.

أوس بسم:والله لمك وتبقاي ديما مفشة هكااا تا ن...

نجلاء شافت فيه باغراء:آش غدير!!

أوس قرب عندها تالف:غنبوسك(عضت شنايفها وهو جا يقرب بعداتو)..

نجلاء:خلينا ناكلو راه جعت ههه..

أوس قربلها الماكلة وبدا يوكلها:واخة بب..

وكلها وكلا معاها...غي سالاو مشى حط داكشي ورجع لعندها...عنقها وخلاو ضو الفيوز خافت...

نجلاء علات راسها فيه:أوس..

أوس شافيها كيلعب بشعرها:شنو ء حبيبة!

نجلاء بهدوء:كفاش تا دخلتي لدار الايتام؟؟

أوس تزير ورجع بالذكريات لور..واخة ماكيبغيش يهضر فهاد الموضوع كان محتاج يعاود لشي حد ويخوي قلبو...

أوس بعد تنهيدة طويلة:بعدما دادا هنية جاتها سكتة قلبية على غفلة..كنعقل كنت فالمدرسة ورجعت..لقيتها ماشي هي هاديك..واقفة بزز منها...سولتها ولكن ماجاوباتنيش بوالو..ضحكت فوجهي وطمناتني...طلعت لبيتي حطيت الشانطة ديالي وهبطت فيا الجوع خصني ناكل...ولكن تما فاش تصدمت...لقيتها مرمية فالأرض مسكينة بحال شي جثة هامدة..قربت منها كنفيقها مخلوع...مابغاتش تفيق..فاللول سحابلي كتلعب معايا ولكن فالتالي خفت بزااف ..مشيت كنغوت على برااا وكنعيط بالغوات"شي حد يعتقنا"..(كيتخيل طفل صغير كيجري ويغوت)..وفلحظة...تجمعو عليا الناس ماعرفت مانقولهم...تمو تابعيني..دخلو لقاوها فالأرض ..بقيت نسمع غي "لا حول ولا قوة الا بالله...انا لله وان اليه راجعون...الله يرحمها مسكينة"...تلفت..مع هاد الهضرة سمعتها فاش مات لواليد..صافي..عرفت بلي تيتمت فمرة...مابقى عندي حد...(نجلاء تأزمت كتسمعلو وهرموناتها بداو خدامين..الدموع هابطين مع خدها وساكتة)..من داك النهار..جاو البوليس..وقررو بلي ندخل دار الايتام حيت تا واحد مابقى يعتاني بيا...ودخلت تماا ...تبدلت حياتي بزاااف وشفت بزاااف...غي كنقولو كلمة دار الايتام كتربط بكلمة لقيط...كلشي كيشوفك على أنك ولد الحرام...مع العلم أن فئة كبيرة تمااا يتامى ..ولكن هادا هو الواقع...لمهم حاولت نقصاح باش نقدر نساير العيشة تما...وقدرت..ولكن ماشي غي قصااحيت...قباحيت...طبعي..تعاملي...قلبي...كلشي ولا كحل...حاقد على كلشي..وماباغي يقربلي حد ولا نتعلق بحد ..كنت مكتفي براسي وكنساين ايمتا نخرج ونكبر..نأسس حياتي ومن بعد نقلب على داك المرا لي جابتني للدنيا وندماتني...بغيت نعرف كيدايرة وهلاش دارت هكااا ونقلب حياتها سفاها على علاها..ولكن المشكل فاش لقيتها عرفت بلي ماسمحتش غي فيااا...سمحت فضميرها وفقلبها وطيبتها...وتحولت للشر بعينه...خرجت على عمك وعلى حياتو واستغفلاتو...وزرعت فبنتها الغدر ديالها...تالدبا مازال مافهمت طينتها والله...

نجلاء علات راسها فيه:شكون قالك قباحيتي!! وقلبك كحاال؟.(شافيها) نتا ماشي هكاك والله ..غي ماحاسش براسك...هادشي شفتو فيك واخة كتبغي تخبيه...نهار ديتيني لدار الايتام...نهار ندمتي على تصرفك معانا واعتاذرتي...نهار حاولتي تطلب من السماحة...الانسان كيخاف يبان قلبو مزيان لايمشيو الناس يزطمو عليه بالصباط ..هادشي علااش نتا ديما كتخبي...ولكن المهم أني شفت فيك دام الجانب..وفرحانة حيت شفتو والله...

أوس عنقها مزيان وخشاها فيه:كنبغيك ء نجلااء..والله حتى كنبغيك فوق ماتصوري...ونتمنى الله يكمل علينا وتبقاي فحياتي...حيت الى شي يوم خرجتي منها غ....

نجلاء شدتلو فمو بصبعها:ماغنتفارقوش انشاءلله...عمرنا غنتفارقو ء حبيب قلبي غي رتااح...

أوس بهدوء:هادي أكثر حاجة تمنيتها وماكرهتهاش تحقق...

أصبحنا وأصبح الملك لله..

فاق أوس بقى مستمتع بالمنظر لي كيشوف...ناعسة قدامو ماحاسة بوالو...خشاها فعنقو باغي الزمن يتوقف فهاد اللحظة...تا حلت عينيها مدوخة هزت يديها حطها على صدرو العريان ..وهو يعرفها فاقت ..

أوس:فقتي!

نجلاء بسمت:نتا كليتيني وباغيني نبقى ناعسة ههه..

أوس باسها فخدها:ياله نوضي ء بب ..عندي ليك مفاجئة ..

نجلاء ناضت بزربة مخرجة عينيها:ش شنو شنووو!!.قولي!!

أوس دور وجهو:لأ..الى قلت ماغتبقى لا مفاجئة لا والو...

نجلاء ناضت بزربة فرحانة:واخة ..واخة!!

مشات للحمام وهو حك راسو وتبعها..حل عليها لباب...

نجلاء بصدمة:اويلي شنو كدير هنا!!

أوس شاد فالباب:ندوش أنا ومرااتي هااء..

زدح لباب عليهم تا بدا يتسمع صوت ضحكهم وضربهم لبعضياتهم...داز شوية ديال الوقت..خرج هازها بفوطتها..حطها على الناموسية وهي كضحك..

أوس:رتاحي شوية انا لبس ونوضي تا نتي لبسي...باش نخرجو..

نجلاء بفشوش:فين غنمشيووو!!

أوس غمزها:ماغاديش نقولك هههه...

نجلاء تنهدت وبقات متكية تا لبس وسالا عاد ناضت تا هي لبست كبيبط طويل شوية بيض خشاتو من القدام فالسروال.. مع سروال جينز واسع وصباط ماعاليش بزااف مارو مفتوح وكاب خفيف نفس اللون..دارت الصاك وطلقت شعرها مع ميك اب بسيط وخرجت عندو ..

أوس كان كيقاد لفطور شافها بسم:هكا نبغيك ا حبي..شتي السترة شحال مزيانة...

نجلاء بسمت:راه غي الصيف كيودع أما كون لبست كسيوة ههه..

أوس:نقزب لمك رجليك...انا راه مانقدرش نشوف شي حد حاضيك...ولا كيشوفيك...

نجلاء جلست كضحك:كتغير علياا..

أوس دار للجيهة لوخرا:شنو تشربي!!اتاي ولا قهوة؟؟

نجلاء بسمت:لي جا من يديك..

أوس حطلها قهوة والفطور ديالها وجلسو كلاو اونسومبل...غي سالاو حيدو داكشي وتشادو باليدين...خرجو من الدار وهبطو لتحت..ركبها الطوموبيل وهو ناشط وعاد مشى ركب فبلاصتو ...حرك الطوموبيل بزربة تا اختافات على الانظار...

جالسة فطوموبيلتها مفقوصة غطرطق..شافت داك المنظر وهو يركبها الصرع....دورت الطوموبيل ورجعت لدارها كتحلف فيه...

نجلاء الطريق كلها وهي تسولو باغية تعرف فين غاديين تا حمقاتو بالاسئلة...ولكن غي شافتو خارج على لمدينة وشاد الطريق عرفاتو فين غادي...

نجلاء بتفاجئ:غ غنمشيو لدارناا؟؟

أوس شافيها وبسم:آه...بغيت ندوزو معاهم هاد النهار...(فرحت بزااف)منها تا نطمنو باباك وماماك على حالتك ونعلموهم بالحمل ديالك كأي جوج مزجين..

نجلاء تكات على كتفو وباستو فرحانة:الله يخليك ليا ء أوس ..نتا ماعارفش شحال فرحتيني بهاد الجيست...

أوس هز يديه دارها عليها معنقها:تا انا توحشت جو العائلة..ومتأكد غيتقبلوني الى شافو بلي نتي فرحانة معايا ياااك!!

نجلاء بفرحة:آه أكيد....

وقفو فباب الدار...خرجو من الطوموبيل ضاحكين...شدها من يديها ووقفو فلباب كيدقو...

مليكة مشات باتجاه لباب تحل تالقاتهم قبالتها...

نجلاء:هاحنا جيناااا...

مليكة بفرحة:مرحبااا وألف مرحبااا..

أوس بابتسامة:ترحب بيك الجنة ء خالتي...(عنقها وباسلها راسها)..

مليكة بسمت:الله يرضي عليكم..

نجلاء باستها فرحانة:توحشتك ء ماما بزاااف..

مليكة غي من الشوفة بانت ليها بنتها فرحانة ومرتاحة...تا هي ارتاحت من جيهتها...دخلو للصالون....جلسو يهضرو وأوس كيشوف فنجلاء ناشطة والضحكة عريضة بسم بوحدو...بقو جالسين تا شوية..دخل طه جار باه فالكرسي...

نجلاء غي شافتو مشات كتجري عنقاتو:باسيييدي ..توحشتك...لابلس عليك؟؟

أحمد فرح مين شافها:أاااااء...أاااااء..

طه بسم:مرحبا بيك ابنتي...

نجلاء علات راسها وعنقت عمها:الله يبارك فيك ء عمي..نتا لاباس؟؟

طه:حمدلله ء بنتي...

دخلو للصالون وهي نجلاء كتسول على أحوال جدها...

وهو أوس وقف فاش شافهم...

طه تنهد وقرب حداه:أهلااا ولدي..

أوس بهدوء:أهلااا عمي..

نجلاء كتشوفيهم بجوج...وهو أوس يهبط سلم على أحمد:لحاج أحمد...شوية دباا؟؟

أحمد فمو عوج وكيحاول يهز راسو:امم...

جلسو مجموعين شي كيشوف فشي.. وهو يدخل جاد وعلي...

علي داخل مبسم وجاد عاقد حجبانو حيت شاف الطوموبيل على برااا..

علي:السلام عليكم...

أوس وقف:وعليكم السلام..

نجلاء مشات كتجري وطارت عليه بتعنيقة:بابااا...توحشتك...

علي بفرحة:بنتي الزوينة ..تا أنا توحشتك...(خرجلها راسها وباسو)كيدايرة لاباس؟؟

نجلاء بابتسامة:حمدلله..ربي يخليك لياا ونتا..

علي عنقها ودخلو حداهم:مين شفتك راني مت بيخير ههه..

نجلاء فرحانة وهو اوس يقرب سلم على علي:عمييي..كيداير لاباس؟؟

علي:حمدلله ء ولدي..مرحباا بيييك...

أوس:الله يبارك فيك...

جلسو شي حدا شيي..وجاد داز سلم عليهم بهدوء...وأوس متبت راسو ماباغي يدير عيب...

مليكة:أنا نوض نحطليكم تغداو...

نجلاء:أنا نعاونك ء ماما...

ناضو بجوج كيقادو فالكوزينة والرجال بقاو فالصالون..

مليكة بسمت لبنتها:شنو دبا مزياان يااك؟؟

نجلاء بهدوء وبريق فعينيها:حمدلله ء ماما..

مليكة:اوا الله يتاويكم...

نجلاء:آمييين..

مليكة:اوا مين جيتو غي خلي راجلك يقول على لحبالة ديالك...

نجلاء تزنكت:مازال مافخبارهمش؟؟

مليكة:انا ماشي سوقي ..مابغيتش نتدخل...ودبا فيديكم كلشي...

نجلاء بهدوء:صافي...واخة...

حطو لغدا وجلسو فالطبلة مجموعين...وفوسط ماكلتهم نطق طه...

طه:الطبيب ليوم طمني حمدلله...قال بلي الحاج فتقدم والى بقى هكااا غيولي بيخير مع لوقت..

علي:اوااا خبار زوين هادااا حمدلله...الله يشافيه...

كلشي:ياربي آمييين..

أوس شد يد نجلاء وهي تشوفيه:تا حنا عندنا ليكم خبر زوين..(كلشي شافيهم ونجلاء تزنكت)غيزاد ولد ولا بنيتة فالعائلة عما قريب...

جاد تصدم حنى راسو ماطلعو اما علي طار بالفرحة:ء الله...مبروووك ء وليداااتي هي غنولي جد ههههه...

أوس بسم:آه انشاءلله ههه...الله يبارك فياا ء عمي..(باس راس مراتو حداهم وكلهم كيباركو ليهم...اما نجلاء مع الحشمة والفرحة تزنكت وحدرت راسها)..

سالاو لغدا فجو زوين...كيحاولو يتأقلمو مع الاوضاع الجديدة..دارو لكوطي وناض أوس...

أوس:ياله نمشيو...

نجلاء وقفت:واخة..

مليكة:خليكم...باتو معانا ليوم...

نجلاء شافت فأوس وهو علي ينطق:خليكم..غدا عاد سيرو..

أوس شاف فمرتو:شنو باغية تبقاي؟؟

نجلاء هزت راسها بالايجاب:اممم..

أوس بهدوء:صافي نبقاو..واخة ماموالفش نبات فدار من غير داري..

نجلاء بسمت:شكرا...

علي كبر فعينيه دايرلها الخاطر...ومليكة عجبها لحال...بنتها غتبقى معاها فالدار...دخلز للكوزينة كيوجدو لعشا وكيتهاودو...

مليكة:اوا كيدرتو تصالحتو!!

نجلاء تنهدت:أوس تظلم فحياتو بزااف...عاودلي وحسيت بكااع لي داز عليه...

مليكة:اوا الله يصلح بيناتكم...ونيت جايكم وليد ولا بنيتة..بعدا تستاقرو شوية..

نجلاء بسمت:انشاءلله...

وجد العشا..وخرجت نجلاء مشات لقات راجلها جالس مع الجنب جلست حداه...

أوس كان كيخبش فالتيلي..شافها بسم:طيبتيلي شي عشيوة زوينة...

نجلاء بفشوش:هربت من الريحة...ماما لي كطيب...

أوس ضحك عليها:ههههه اوا مافيها باس...شنو بعدا بيتك يكفينا بجوج؟؟

نجلاء علات حاجبها فيه:لااا...بحرااا كندخل رجل ورجل كتبقى على برا...

أوس بقى كيضحك من نيتو وهي كتشوفيه عجبها فاش ضحك من قلبو بقات ساهية فيه حالة فمها...

أوس علا راسو فيها استغرب من الشوفة:مالك!!

نجلاء ببرائة:ضحكتك زوينة بزاااف..

أوس عجبو لحال:بصااح...

نجلاء هزت راسها:آه...

أوس قرب عندها:يخليك ليلي ء حبيبة...

نجلاء بعدت:اويلي يشوفنا شي حد...

أوس:مرتي...هاااء..

نجلاء:فدارنا ماشي هنااا...

أوس هز يديها باسها بالجهد:فوقاش نطلعو لبيتنا؟؟

نجلاء تزنكت ودورت وجهها وهو حاضيها وفرحان ..

علي دخل وهي تقاد فالجلسة:سمحلي ء ولدي خليتك!!

أوس:لااا خود راحتك ء عمي ..

نجلاء:نصوبلكم كويس د اتاي...

علي:لااا..غي اجي قدامي...توحشتك ء لقطيطة ديالي...

نجلاء ناضت مشات جلست عنقاتو وباها فرحان بيها..اما أوس ساكت مبسم...

علي باسلها راسها:هانتي كتشوف ء ولدي...تولد لبنت وتربيها وتهلا فيها ويجي راجل ويديها منك يخليك بحال الحنش لي مطير راسو ههه..

أوس بسم:اوا هادي سنة الحياة...ماتخافش عليها معايا بحال معاك...

نجلاء عاجبها لحال فحضن باباها...

علي بسم:ايييه..بردني..دباا تا نتا تحس بحالي ونشوفوك اش دير هههه...

ضحكو كاملين وبقاو يهضرو تا تجمعو من جديد على الطبلة...تعشاو وطلعو لبيتهم ينعسو...

أوس دخل لبيتها كيشوف كيداير...بسم وشافيها:بيتك زوين..

نجلاء كتغزلو:بزز منك..

أوس قرب عندها:ياااك!!

نجلاء غي لصق فيها تلفت:سييير...ونعل الشيطان...راه ح حشومة هناا...

أوس زيرها مع الحيط:ماشي مشكيل نديروها سيلونس ههه...

عنقاتو وتخشات فصدرو كتهضر وعينيها مشدودين:كنبغيك بزاااف أوس...الى بعدتي عليا نقدر نموت...

أوس حاط لحيتو على راسها وكيحرك يديه فشعرها:ماتقوليش هكااا انا عمرني غنخليك...حيت تا انا كنبغيك بزاااف...

طلعت راسها فيه وباستو وهو بسم وهزها حطها على الفراش...نصليها حوايجها بهدوء...وناض حيد حوايجو وطفى الضو...جرها وطلعها فوق منو...هبط راسها عندو وباسها بوسة طويلة وحنينة وهي كتلعب فشعرو...زير على خصرها وقلبها تحت منو...هبط لعنقها كيمص فيه بهدوء وهي كتأوه بالشوية ..حاسة بلذة غريبة معاه حيت خايفة يسمعوهم...هبط مع صدرها كيعض فيه بالشوية ويبوسو..زيرت على راسو وغمضت عينيها مستمتعة...هبط مع كرشها بيديه...تا وصل للمركز ديالها...حط صبعانو تما وبقى يحاول يثيرها...وهي بدات ترفع معاه والسخونية طالعة معاها...طلع باسها وهو كيداعب الفرج ديالها باش ماتغوتش...عنقها وفرق رجليها دغيا فاش حس بالافرازات ديالها...حط شنايفو على عنقها وهي مغنضة عينيها...تا دخل العضو ديالو وحط بزربة يديه على فمها وهي تبدا تنين بالجهد...بقى كيمارس معاها وهو شادليها فمها..بقى شحال معاها تا حس براسو جابو ..كمل معاها حيت شافها مازال مارتاحت...وغي شافها طلعت يديه وظفرانها غرزتهم فظهرو عرفها وطلت للطوب...حيد يديه وهي تحل عينيها فيه وتلاح فوق منها حاط جبهتو على جبهتها كينهج...

أوس:شنو رتاحت لحبيبة ديالي!!

نجلاء بسمت عيانة:امممم...ونتا؟؟

أوس تقلب على ظهرو شادلها يديها وعلاها لفمو باسها:تا أنا ء حبيبة...

تنهد بالجهد وبدا يهضر:عمري يسحاب ليا بلي غنبغي شي وحدة تالهاد الدرجة...قلبتيني وقلبتي حياتي للأحسن...الله يخليك ليا وخلاص...

دار شافيها لقاها نعسات...بسم ببرائة فيها ودار على جنبو..جر الغطاء عليها وبقى كيمسح على شعرها تا داه النعاس بلا مايحس...

أصبحنا وأصبح الملك لله...

فاقت مليكة ناشطة...وجدت فطور زوين وحطاتو فوق الطبلة كتساين ايمتا يهبطو يفطرو..

علي داز للكوزينة لقاها حايرة:اش هادشي كامل!!

مليكة بفرحة:اوا شنو...بنتي وراجلها عندي أهم ناس ههه...

علي بسم:ايييه...اوا سعداتهم...

شوية وكيشوفوهم هابطين بجوج متشادين..

نجلاء باست باباها:صباحو بابا...

علي شدها عندو عنقها:صباح النور بنتي...صباح لخير ولدي..

أوس بابتسامة:صباح لخير عليكم...

مليكة:اجيو تفطرو راه وجدتو على ودكم..

نجلاء خرجت عينيها:اوووه هادشي زوين بزااف..

علي جلسها عل الطبلة:هي بداي من دباا..

أوس بسم وعلي شافيه:شووف ماحد بنتي حدايا غنسرقها منك ههه..

أوس بضحكة:خود راحتك ء عمي ههه..

جلسو على الطبلة...كلاو وشيعو كرشهم ومن بعد تسالمو وناضو شدو الطريق لدارهم...الطريق كلها ونجلاء شادة راسها..جاتها الدوخة وقلبها مروع...تكى ليها الكوسان وغمضت عينيها مرة مرة تشرب الما...

اخيرا وصلو للدار...طلع شاديها وخايف عليها...متكية راسها عليه تا حل لباب وغي تمت داخلة معدتها تهزت ومشات كتجري للحمام تقيى...تنهد وشد لباب باش يتبعها وهو يزطم على شي حاجة هبط عينيه كيلقى اونفولوب هزو قرا مكتوب فيه "لزوجة أوس"..استغرب وحلها دغيا وجبد اش فيها وهو يتصدم أكبر صدمة..خرجت نجلاء قبالتو وهو يتوتر ورجع داكشي لبلاصتو تالف...

نجلاء:أوووف...عييت لي كليتو نحطو...

أوس عض شنافتو معصب:د دبا شوية!!

يتبع...