نجلاء هزت راسها بالايجاب وهو شد وجهها بيديه وباسها فراسها...بسمتلو وهي شاكة فيه..كلها أسئلة...وهو يخرج من الدار بزربة..هاز فيديه داك البرا لي مين شافها تبدل 180 درجة...مافكرتش بزااف...هزت صاكها وخرجت موراه..تابعاه باغية تعرف فين غادي ومعامن غيهضر وشكون هادي لي معصباه...
هبط أوس ركب طوموبيلتو وهي تخرج كتجري شيرت للطاكسي وطلباتو يتبعو..الطريق كلها وهي كتفرك يديها...خايفة تعرف ولكن لازم تعرف كلشي...
وصل أوس بسرعة قياسية للدار ديال نسرين..طلع تما ونجلاء كتشوف فالعمارة..خلصت الطاكسي وتبعاتو...لقات الاسونسور وقف حد الطابق الثالث...طلعت فلي حداه وهي متوترة غي وصلت للطابق كان الخوف والتوتر باينين عليها..غادية كتشوق وتقلب فين يقدر يكون دخل أوس ..هادشي الى كان بصااح هو لي طلع للطابق الثالث...بقات غادية بخطوات مترددين تا كتبان ليها باب مردودة قربت من تما بلا ماتمس فوالو...وغي سمعت صوتو تسمرت فبلاصتها...
نسرين ببرود:بغيت نفكرك بليلتنا الزوينة..لا تكون نسيتيها...مادازش وقت طويل عليها تقريبا شي سيمانة ولا عشر ايام؟؟
نجلاء كتسمع ودموعها هابطين بصدمة..
أوس مغزف:نسيتها آه..(ضربها بدوك التصاور لي عندو فوجهها)وماعنديش بدينمك الغراض...كنتي وغتبقاي وحدة كنت كندوز معاها وقتي وصافي...كلبة ديال الزنقة كنجي نخوي فيها كلما رشقاتلي...
جالس على الكرسي مصدوم...بعدما وصاتو الطبيبة مايدخلش عندها...عرف بلي هاد المرة صعيب تسامحو...ماتوقعش أنها دير داك ردة فعل تالداك الدرجة...مسح على وجهو كيتفكر اش دوز معاها...ودبا كلشي ولا على كف عفريت.....
داازت تقريبا شي ساعتاين وهو يشوفهم جايين كيجريو...مافهمش كفاش تا عرفو ولكن توقع نجلاء هي لي قالتها ليهم...
نجلاء بأسف:كذاااب ء مامااا...هاداك أناني وكذاااب..خاني من دبااا..مازال مادوزنا لا عام لا عاماين...وهمني وتفلا عليااا وأنا عمرني غنسمح ليه اهئ اهئ..
مليكة تنهدت:لا حول ولا قوة الا بالله...واش متأكدة هادشي بصااح وقع..
نجلاء خرجت راسها شافت فيها:شفت بعيني أماما(هبطت دمعة سخونة من عينيها)شفت كلشي...وتا واحد ماقالي شي حاجة اهئ اهئ..
مليكة:و ولكن نتي دبا حاملة بولدو ء بنتي !!.
نجلاء:ماشي أنا أول وحدة تطلق وهي حاملة ..نقدر ندير أي حاجة على ود ولدي ولكن باش نعيش مع راجل خاين وكذاب هادي لي ماغاتكونش اهئ...مابقيتش باغية نشوفو ء ماما...حرقني فقلبي اهئ اهئ...حرقني وحرق أي حاجة زوينة بيناتنا اهئ اهئ...
على برا علي كان واقف قبالت أوس لي كيساينو يهضر:خنتيها؟؟
أوس تصدم حيت نجلاء عاودات ليهم..كان عندو أمل تخبي ولكن مين قالت كلشي هدا دليل على أنها ماباغياش ترجعلو..
علي بهدوء واخة معصب:جاوب...
أوس حس بالعرق كيتصبب عليه وتمنى الارض تشق وتبلعو فهاد اللحظة:ك كنت فحالة قبيحة والله..(علي دور وجهو كيشوف مع جنايو مامتقبلش لهضرة)ماحسيتش براسي اش درت وماعاقلش...فالايام لي كنت كنطلب منها ترجع وماكانتش باغية...فقدت الأمل ..حسيت براسي بوحدي...فقدت السيطرة على راسي...سكرت وبعد داكشي مابقيت عاقل على والو...نتا راك راجل وتقدر تفهمني ء عمي...حنا الرجال الرفض كيدمرنااا...
علي شافيه بجدية:الراجل دبصااح ماكيدخلش الحرااام على مرتوو...(أوس عض على شنافتو معصب ونيت عارفو بلي عندو لحق فكل كلمة قالها)..
تعطل الحال..ونجلاء نعست مسكينة بقوة العيى النفسي والبكى...
خرجت مليكة حداهم لقاتهم جالسين بجوج ساكتين..وقفت عند راس أوس..
مليكة:تا قلت بلي وليتي راجل مع بنتي ساعا كنت غالطة(أوس علا عينيه فيها حومر)هي دبا كارهاك...ماباغياش تشوفك...وأي وحدة فبلاصتها غدير هكا...كيفما تلاقينا على خير تفارقو على خير..
علي طلع راسو فيها:مليكة!! صافي بلا مانطولو فهادشي..
مليكة تعصبت:كفاش بلا مانطولو فهادشي...راه هادا نيت هو لي دخل حياتنا وتقبلناه واخة ماعارفينو ولد من(أوس وقف مزنك)ودار زبايل قد راسو وسمحنالو..علااش!! قلنا لبنت تصبر معاه..ودبا جاي داير موصيبة ومازاى جالس هناا....شووف فين وصلتيها(أوس زير على يديه ودارها فالجيب وهي نبرتها تبدلات)..كانت كيالوردة المفتحة..وشو دبا كيف ولات...دموع وبكى وكانت غتخصر...فين مازال باغي توصلها!!! ولكن شنو غنتوقع من ولد سمية...(أوس حس بالحكرة وتقصح فقلبو).
علي بغوات:مليكةةةةة!!
مليكة:يطلع يطلع يشبه مووو..
تحرك أوس بزربة ومشى بلا مايشوف موراه ..عينيه بحال الجمر والدنيا ضياقت بيه..خرج برا السبيطار ومشى جلس على مقعد بوحدو...ساكت ماكيهضرش ولكن فالداخل ديالو غواات وألم وجرح غميق...مليكة زادت مابيه وفتحت دفاتر قدام كان كيحاول ينساهم.....ماقدرش يمشي للدار...خصو يبقى قريب لنجلاء..غمض عينيه وبقى كيشوف السما...
أوس بصوت مجروح:تالايمتا ء سمية غيعايروني الناس بيك وعلى ودك!!
...
أصبحنا وأصبح الملك لله...
نجلاء النهار كامل وهي ناعسة ففراشها..ماجاش كااع أوس لا على برا من لبيت ولا قدامها ..مليكة مين بردت عرفت راسها اش دارت معاه...ولكن الامومة تغلبت عليه فداك اللحظة ونسات انسانيتها....اما علي جالس كيدير أعمالو من تيلي...ويوصي جاد على المصنع..واخة جاد ماكرهش يجي ويكون مع نجلاء فهاد اللحظات...
علي سكت وهي ناضت مشات تا وقفت عند راس أوس...لي غي علا عينيه وقف احتراما ليها..
مليكة:جلس ء ولدي جلس..(أوس جلس حاني الراس وساكت).زدت فيه لبارح..سمحليا ء ولدي ولكن جات هكاك...(أوس كيتصنت وساكت)كنت معصبة...وخايفة على بنتي...دبا تجرب وتحكم..هادشي علاش جيت نعتاذر منك..شنو ماوقع ماسوقيش بيناتكم....ولكن بطبيعة الحال كنتمنى كل واحد فيكم يكون مرتاح بعد القرار لي غتاخدوه بجوج...
أوس شافيها:كيبقات نجلاء!!
مليكة بهدوء:حمدلله التعب النفسي كثر من الجسماني...(شافت فيه مزيان)مابدلتيش حوايجك؟؟ مامشيتيش للدار؟؟؟
أوس:لا مامشيتش(كيشوف قبالتو)..
مليكة تنهدت:لاحول ولا قوة الا بالله...قدر الله وماشاء فعل...كنتو زوينين بجوج...وكنا فرحانين لي تقادات أموركم ولكن دباا...كلشي تعقد...علااش ءولدي خنتيها علااش!!
أوس تنهد:نجلااء أنا كنت فحالة قبيحة بسبابك...تعقلي على الليلة لي صونيتليك وهضرنا وتخاصمنا قبل ماترجعيلي!!(نجلاء هزت راسنا بالايجاب وهي مازالة متكية)تمااا كنت سكرااان..ماعاقل على والو ...وصلت لدرجة عمرني وصلتها...ماتقبلتش أنك تعامليني هكااك...ونحس بيك ماباغيانيش...داكشي علااش داك الليلة غلطت..وو و ماعقلت على والو..
نجلاء بهدوء:جبتيها لداري؟؟
أوس بحدة:لااا...من نهار تزوجتك عمرني جبت شي وحدة لدارنا بجوج...
نحلاء باستهزاء:مشيتي عندها؟؟(أوس كيشوفيها)تفكرتيها فوسط السكرة ديالك(صدماتو)واااو..(عضت شنافتها ودمعة هبطت من عينيها وهي صابرة)عقلتي على دارها...وجات فبالك من دون الناس...ووصلتي تالعندها...السيدة تجاوزت الوعي...دخلت تا فاللاوعي ديالك...يعني خيانة نابعة من الداخل ديالك....
أوس بأسف:ن نجلاء...
نجلاء بابتسامة مجروحة:شتي واخة ماتكون درتي والو معاها...يكفيني أنها شاركتني فيك...فاللحظة لي غضبتي مني طرتي عندها...تداويك وتقوم بيك...يكفي أنك فضلتي تشوفها وتبات فحضنها داك الليلة...
أوس كيحاول يبرر:ن نجلااء أنااا تعصبت منك ومن...
نجلاء ببرود:نتا لي نسيتي اش قلتيلي...وانا ماجيتش وجاوبتك هكاك...نتا لي قلبتي على هضرتي بداك الشكل...
أوس حط يديه على وجهها وقرب عندها:نجلااء أنا والله ماقصدت نغدرك ولا نقلقك مني....نساااي كلشي وحاسبيني على من نهار دخلتي للدار وتصالحنا....حسبي لي داز من قبل كلووو ماضي وعمرو يتكرر...عافاااك ديري هادشي على ودنا...نقولو انا مانستاهلش ولكن ديريه على ود ولدنا...
نجلاء حيداتلو يديه وشافت فيه بحزن:ماغنقدرش...سمحلي...ثيقتي تهرست...ماغاديش نقدر نساهالك...صاافي فاض الكاس وصبرت عليك على الجهد...دبا صافي تقاضا جهدي...عيييت ء أوس اهئ اهئ...يكفيني أنك فكرتي فيها فأصعب لحظات...يكفي أنك تصاورك نتا وياها شفتهم بعيني..داك المنظر ماكيحيدش من بالي اهئ اهئ...ماقادراش نسى بلي عطيتيها شي حاجة من حقي غي أنا اهئ اهئ(أوس تزير وفهمها)..نتا غي مجرد تفكير فجاد واخة ماندير معاه والو كان كيقهرك..شنو نقول أنا لي شفتك نتا وياها فموااقف دبحاااتني😢😢...ديما كنحاول نقطع الصفحة ونبدا معاك من جديد...ولكن دباا لاا تسالا الدفتر...كرامتي تجرحت وقلبي تقهر..مابقيتش باغية مازال نشوفك ولا تقرب من جيهتي...طلقني وكل واحد يمشي بحالو 😭😭...على الاقل نحتارمو بعضياتنا من بعد..
أوس بألم:ولكن أنا كنبغيك...عاد تواعدنا بلي عمرنا نتفارقو...علااش تخليتي عليا من أول غلط...
نجلاء ناعسة على لمخدة وهو مقابلها مألم:مايصلاحش نبقاو بجوج...صاافي كلشي سااالا اهئ اهئ..ودبا صافي سيررر...مابقيتش باغية نشوفك....
دارت عطاتو بالظهر وهي تهبط دمعة من عينو ..ماقدش يصبر خرج بزربة وزدح لباب..غادي ماعارف فين يمشي...لمهم يبعد على تمااا فهاد اللحظة...
صباح جديد...
علي هبط يخلص الفاتورة لقاها ديجا مخلصة...طلع خلاا مليكة تلبس نجلاء وخرجو من لبيت...كانو الواليدين مستغربين أن أوس ماولاش بان ولكن شايفين هدوء على نجلاء مبين أنها عارفاه ماجايش...
هبطو لتحت وركبت الطوموبيل متكية على ماماها...ومقررة أنها ترجع للفيرما...
أوس جالس فطوموبيلتو قبالتهم داير نظاظر الشمس وحاضيهم تا تحركت الطوموبيل وقلب الفولون باتجاه الشركة......
وبعد مدة وصلت نجلاء وعائلتها للدار...أول حاجة دارت طلعت لبيتها بالشوية وتكات طالقة ظهرها..
مشى علي لبيتو ومليكة وجدت لغدا...خرج مشى للخدمة وهو طه عاد رجع هو باه من الترويض. .
مليكة باست يدين أحمد:عمييي ..شوية؟؟
أحمد:ء آاااااه..
مليكة بسمت:تباركلله...وليتي تقول آه...الله يشافيك اعمي الله يشافيك...
طه:آمييين...اختي...كيبقات نجلاء!!
مليكة تنهدت:راه جبناها معانا..
طه بصدمة:بصاااح!!(أحمد كيشوفيهم مافاهمش)..
مليكة:آه...جبتها تبقى قدام عيني...مع دبا مريضة ماغتقد دير والو ..داكشي علااش!!
طه:آه وااخة...
دخل كل واحد لشغالو...
أوس كان فخدمتو كيحاول يدير لخدمة المتأخرة...ساكت وصابر واخة عقلو وقلبو مع نجلاء...كيحاول يقنع راسو أن هادي غمامة وغدوز وغتولي ترجع ليه حبيبتو من جديد...
تجمعو فالفيرما...وجاد هو وعلي جاو للغدا...جاد كان حاس بلي الفيلم كبيرر مادام نجلاء رجعت لدارهم من جديد..واخة علي ماقاليه والو..وهادشي خلاا الأمل يتجدد فيه ويفرح حيت غيولي يشوف نجلاء....
نجلاء:اممم..فهمتك..لمهم تا نهضرو غدا تصبح على خير...
جاد هز راسو بالايجاب:واخة..تصبحي على خير والله يزيد فراحتك...
نجلاء تكات فبلاصتها كتساينو يخرج..عاد رتاحت..مابغاتش تهضر معاه فأمورها..عارفة كلشي غيتفرش فواحد النهار ولكن دبا مابغاتش تقولو شي حاجة...ماكتحملش تحسسو بلي كلامو كان على حق ولا تعطيه الوقت لي يخليه يفرح فيهم...
مع مرور الايام...كان الحال على ماهو عليه...نجلاء ديما فبيتها...تا باش دير شي حاجة باش تنسى ماعندها كيدير...قلة الحركة والخمول زاد أثر عليها نفسيا...خلاها فينما تجي تنعس كتفزك مخدتها بالدموع...
أوس غبر على كلشي...من لخدمة للدار...تا تيلي ماكيجاوبش عليه...تا جا النهار لي تهول بزااف رشيد وداز عندو للدار...كان باغي يسول فيه حيت مابقاش يبان ولا عندو عليه شي معلومة...
تررن...
أوس متكي فالصالون..كيتفرج ويبوخ...قدامو الماكلة والكراطن ديال المطاعم...والظلام محاوطو....تا كيسمع صوت الصوني فلباااب...بقى متكي...ماباغيش يحل...ولكن فاش كثر عليه الصوني..ناض شاف من العين السحرية وعاد فتح وزاد بلا مايهضر...
رشيد باستغراب وخوف:أوس!!(شد لباب وتبعو)مالك غابر؟؟اش وقع؟؟(كيشوف فارجاء الدار لي مرونة)شنو هادشي؟؟..
أوس تزدح على لفوطوي وجبد كارو آخور يكميه...
رشيد كيشوف فالدار كتبان ليه خاوية:واش بوحدك!!(كيقلب بعينيه)..فين نجلاء؟؟
أوس بوخ مزيان وشافيه:مشات..
رشيد جلس كيحاول يستوعب:مشاات!!فين مشات؟؟وشنو طرااا؟؟اش هاد الحالة لي نتا فيها؟؟
أوس بقلة حيلة كيشوف فالتلفزة:مشات هي مشاات..صافي..سمحات فيااا...وماشي هي أول وحدة تسمح فيااا...
إكرام:بيخير بيخير...أوس لي ماشي بيخير...(نجلاء تبدلو ملامحها)..لبارح رشيد مشى شافو حالتو كانت خايبة بزااف والله..
نجلاء تنهدت:دبا يولي بيخير ابخي..
إكرام قربت عند نجلاء وشدتلها يديها بجوج:علااش كتعذبو راسكم!! حاولو تنساو وتبداو من جديد مادام حالتكم بجوج نفس الشي ..حاولو على ود لبيبي لي جااي..وانشاءلله يتقاد كلشي مع الوقت...
نجلاء طولت فيها الشوفة:نتي مقتانعة بهادشي لي كتقولي!!(إكرام شافت فيها)..الظروف والمشاكيل لي بيني وبين أوس مابقاش عندها حل...
إكرام جمعت شنايفها:الله يفكك على خير احبيبة...تهلاي فراسك ودبا نولي نشوفك ابخي واخة..
نجلاء بسمت:غنساينك..وشكرا بزااف على كلشي...
إكرام:مادرت والو...ياله خليت ليك الراحة...
خرجت إكرام كتنهد..ماقدت دير والو وتقبلت قرار نجلاء...من حقها ماتبغيش ترجع لأوس حيت باين فيها تجرحت بزااف وصعيب تداوى من هاد الجرح بسهولة...هبطت لتحت..شربت العصير وخرجت هي ورشيد لي كان مجمع مع علي شوية...وخرجو من الدار بعدما ودعوهم...
رشيد شاف إكرام فهم بلي مادارت والو:أمدراا؟؟
إكرام قادات السمطة وهو حرك الطوموبيل:ماغاديش ترجعلو..
رشيد طلعلو الدم:معصبة بزااف؟..
إكرام:لأ بالعكس...هي هادئة ومتبتة...ولكن مجروحة..قلبي ضرني عليها والله..
رشيد بهدوء:تاهو تزيرت لبارح فاش شفتو هكاك...
إكرام بحدة:هو دارها لراسوو...كاين شي حد كيخون مرتو بداك الطريقة!
رشيد:لاحول ولا قوة الا بالله..دونك صافي مابقاش شي أمل!
إكرام:على لي شفتووو مووحال...
كملو طريقهم فهدوء...
.....
سالا لخدمة ورجع للدار...لحسن الحظ أن خدوج جات ونظفت الدار وجمعت كلشي..للحظة تمنى أن نجلاء تكون جات وهي دارت هادشي ولكن سرعان ماا قنع راسو بلي هادشي مستحيل...دخل دوش ولبس كابيتشو خفيف وسروالو...مع الخريف دخل والهوا فيه قاصح مرة مرة...خرج للكوزينة بغى يوجد ماياكل ولكن كل قنت..كل بلاصة كتفكرو فيها.. تعصب وسمح فكلشي ومشى شعل تيفي...تا صونا ليه التيلي...
أوس شاف الرقم:ألووو..
حسن:أهلااا سي أوس...لاباس عليك؟؟
أوس:حمدلله سي حسن بيخير..ونتا ؟؟
حسن:بيخير بيخير..كيداير مع لخدمة؟؟
أوس:مزيان حمدلله..
حسن:عيطتلك باش نتلاقاو..عندي ليك عرض خدمة زوين بزااف وماكرهتش نتناقشو فيه غدا...
أوس تنهد:غدا عندي لخدمة بزااف..
حسن:تا تسالي على خاطرك..
أوس:اوك..صافي بيناتنا تيلي..
حسن:كنتسناااك..
قطع معاه وناض لبيتو جبد بواط ديال الكارو وبقى كيكمي تا سمع الدقان فلباب..
ناض فتح وهو عارف شكون:دخل..
رشيد تبعو وشد لباب:اوا حمدلله..دبا مزيان..بنادم يعيش فالنقى والريحة دالنظافة..(أوس جلس بلا مايجاوب)..تعشيتي!!
أوس كيكمي قدامو:ياله باش جيت من الخدمة..ماقديت نوجد والو..
رشيد حط يديه على فخدو:نوض انا عارض عليك للعشا على برا..
أوس مسح جبهتو بيديه:غي خليني مافيا لي يخرج..
رشيد صغر عينيه:لاوااه زدتي فيه!
أوس تنهد:مافيا لي يلبس ء صاحبي ونيت ماقادش..
رشيد خرج فيه عينيه:نوض ء صاحبي غي هكاا..قالك شي حد لبس..غناكلو فشي بلاصة على لبحر..
أوس عيى يشوف وفالتالي قال يمشي معاه..لبس سبادري بيضة وهز سوارتو وخرجو من الدار...
رشيد تنهد وشاف بعيد وأوس فهم:أصلا تا واحد ماكيصبر للخيانة ء صاحبي...
أوس غزز شنافتو:انا لي غلطت وانا لي غندفع الثمن ..
رشيد:ماشي غي نتا بوحدك..تاهي راها كتعاني ..الله يكون فعوانها..
أوس جمع الوقفة وحط لفلوس:بغيت نتمشى شوية بوحدي ..
رشيد:جمع فلوسك ء صاحبي...
أوس ماجاوبش...مشى بلا مايدور وجهو...غادي بجنب البحر خاشي يديه فجيابو والهوا كيضرب فيه...هاد المرة لل لفلوس ولا التاحراميات ولا التخطيط يقدرو يخليو نجباء ترجع ليه..حاس براسو مقيد..مكبل بسناسل ماقادر يدير والو من غير يتقبل خسارتها...بقى ماشي الليل كامل..الناس دهلو لديورهم وهو كيتمشى ودماغو فيه غي نجلاء...كفاش غيقدر ينساها بعدما دخلت لقلبو بهاد الطريقة...شنو الحل باش يمحيها من بالو...وكفاش غيكمل حياتو وهي ماشي معاه...بدا ضو الصبح يبان وأوس عاد وصل للعمارة ديالو...طلع للدار..دخل دوش وريحة النعاس مافيهش...لبس حوايجو وهز لبيسي ومشى للخدمة بعدما شرب كاس قهوتو...
كان عندو اجتماع...دخليه وسكت تيلي...
....
فالفيرما كانت الاوضاع مقادة تا صونا تيلي ديال طه وكلهم مجموعين على لفطور...
طه شاف نمرة غريبة:ألووو..
الشخص:ألو..سي طه بن عيااد؟
طه:وي..شكون معايا؟؟
ش:معاك كلينيك $$ (طه عقد حجبانو)بغينا نعلموك ء سيدي أن لالة سمية ولينا بن عياد دارو أكسيدو وهما هنااا دباا فالمستعجلات...
طه وقف مصدوم:ء أكسيدووو!!و وهما لاباس؟؟(كلشي ناضو طافجين مافاهمينش)..قولييي(طه تخلع وقلبو كيزدح)واش ماتو؟؟قووول!!
ش:حالتهم خطر ولكن من الافضل تجي وتشوفهم..
طه بتوتر:و واخة هاناا جاي...
قطع معاهم كيرجف وكلشي كيسولوه بعينيهم:ب بنتي و سمية دارو كسيدة...
علي بصدمة:لاحول ولا قوة الا بالله..(جاد تصدم وكيشوف فكلشي أما مليكة تلفت ومابغاتهالهمش)..ياله نمشيو نشوفوهم ء خوياا...ماتخافش مايكون غي لخير...
جاد:تا انا نمشي معاكم...
علي دار شافيه:لاا ء ولدي..نتا سير للمصنع..ماكاينش من غيرك نعولو عليه...وحنا دبا نعلموكم بكلشي...
مليكة:الله يشوف من الحال..
طه بخوف:آمييين...نمشيو ء خوياا..
علي:اه ياله..وباا بلا مايعرف والو واخة!!
مليكة:كون هاااني...صاافي غي سيرو...
خرجو علي وطه بجوج ركبو الطوموبيل وساقو بسرعة فاتجاه المستشفى...الحمدلله لي مابعيدش بزااف وفنفس المدينة لي كانت ساكنة فيها نجلاء...
علي شاف فطه:نعيطو لأوس!!كنظن خصو يعرف بلي مووو وختو فالخطر!!
طه:م ماعرفتش..
علي:صونيلي عليه وعطيني انا نهضر معاه..
طه هز تيلي وصونالو ولكن أوس ماكيجاوبش:تيييط تيييط..
خرج من الاجتماع وهو يشوف لي ابيل ديال علي تخلع...شك تكون واقعة شي حاجة لنجلاء...ماصبرش دغيا صونا عليه متوتر...
أوس:ألووو...عمي علي لاباس!!
علي كحز على طه:حمدلله ء ولدي ونتا!!
أوس بتوتر:لاباس لاباس ..ياك لاباس..صونيتي ليا!! واش واقع شي حاجة لنجلاء!!
علي:لاا لاا ماتخافش نجلاء بيخير حمدلله..
أوس تنهد:اووف..حمدلله...
علي:انا عيطت عليك لحاجة خراا(أوس كيتصنت)..بغيت نعلمك ونتا دير لي بغيتي...لينا وسمية دارو كسيدة ودبا راهم فالسبيطار...
أوس تلف..ماعرف لا باش يحس ولا شنو يقول..بقى شحال ساكت...واش يحزن على مو وختو ولاا يعتابر بلي ماوقع والو...
علي:لمهم انا قلتلك ودرت لي علياا...
أوس بهدوء:شكرااا ء عمي لي خبرتيني...ولكن داك الناس ماعندي بيهم صلة...
قطع أوس وحط التيلي فوق المكتب وتكى براسو لور فوق الكرسي ومسح على جبهتو مغمض عينيه...ماحاس بلي خصو يدير والو من غير يريح دماغو....تقاد فالجلسة وكمل خدمتو بلا مايفكر فوالو...
....
جالسين فالسبيطار كيساينو يفيقو الام وبنتها...تا خرجت الفرملية وعلمتهم بلي لينا فاقت وغيخرجوها من لبلوك...مشاو سبقوها للشومبر لي غيجلسوها فيه...وبقاو يساينو تا دخلت قدامهم...
طه شافها داخلة قلبها تخطف...وجهها مضروب وعنقها مغلفينو ...حالة عينيها وكتشوف بلا هضرة...هزوها بليزار وحطوها على الفراش..
علي قرب:لينااا..دبا شوية!!
لينا بصوت مبحوح:ح حمدلله...
طه زاد لعندها تكى حدا راسها وباسها فيه:بنتيييي!!لاباس دباا!
لينا شافت فباباها عينيها مدمعين:ف فين ماما؟؟
طه شاف فعلي:راها فبيتها تا هي...غتولي لاباس ء بنتي...
لينا انفاجرت بالبكى وطه تسمر فبلاصتو...اما علي دار صبعانو وسط عينيه مصدوم...بقات فيه بنت كيف الوردة تحرم تمشي على رجليها...
طه عنقها كيحاول يهدنها وعلي تبع الطبيب لي خرج من الشومبر...
علي حبس الطبيب:دكتور واش ماكاينش شي أمل فحالتها!!
الطبيب:فالصراحة كنا شاكين فهادشي ودبا تأكدت...العمود الفقري تضرر خصوصا من المنطقة المسؤولة على حركة الاطراف السفلى..المريضات جاونا فحالة قبيحة حيت دارو أكسيدو خطيرة والطوموبيل تعجنت..وللأسف لبنت كانت عندها نسبة كحول عالية فالدم...الشي لي خلاها طيح فهاد المشكل...
قطع أوس معاه تالقى راسو قدام السبيطار..تنهد كيشوف فالدخلة وخرج متبع قلبو هاد المرة...دخل بخطوات كترجعو لور..ماشي فالاتجاه ولكن فالذكريات...الام لي ولداتو ولي خلاتو ولي ماعمرها فكرت فيه..هنا هي...بين يد الله...وكالبة تشوفو...علااش قرر يجي يشوفها؟؟ واش فضول ولا رابط الدم لي بيناتهم وعمرو حسو تالدبا...كلمة أم صعيب عليه يفهمها..حس بيها شوية من مليكة لي شافها كفاش دافعت على بنتها..من نجلاء لي على ود ولدها صبرت على الذل ديالو ورجعت ليه...هادو الناس لي خلاوه يحس بكلمة أم اش كتعني ولكن سمية مستحيل تكون كتربطها بهاد الكلمة شي حاجة...مابينها وبين الامومة غي الخير والاحسان....
سول فالاستقبال وطلع متقصد الشومبر...غي وصل لليطاج لقاهم واقفين قدامو ومع لينا كانو دقو ليها مهدئ باش تنعس وتخرج من حالة الانهيار النفسي لي جاها...كانو واقفين دبا مع سمية لي محتاجة للدعم هاد اللحظة...
طه طلب الطبيب يخلي لينا تخرج هاد النهار من السبيطار تا تولي ترجع...باش تحضر الجنازة...
خرجو سمية فاسعاف الجنازة..."كل نفس ذائقة الموت"..آية ماكيفهمها ولا كيحس بيها الا لي تشوى بيها...الموت هي أكبر موصيبة كتقيس شي حد وكتاخد منو أعز الناس على قلبوو...
لينا عنقتها وعطاتها للبكى:آههههه اهئ اهئ ء ميمتيييي...اهئ اهئ كون غي داتني معاها..علاش بقيت بلا بيها😭😭..
نجلاء كتهدنها وتمسحلها دموعها:نعلي الشيطان ء ختي اهئ اهئ...لاحول ولا قوة الا بالله...الله يبدل محبتها بالصبر اهئ اهئ..الله يبرد عليك ء ختي...
وفوسط لبكى والالم لي صايب العائلة..دخل لفقيه لبيت سمية يقرا عليها سورة ياسين...
واقفين كيساينوه يسالي حيت الظهر قرب...نجلاء مرة تكي شوية مرة تنوض...
حل لفقيه لباب وشير للرجال باش يجيو يهزوها ويخرجوها...وهو يبان ليهم داخل...لابس شوميز كحلا وسروال كحل...ونظاظر نفس اللون مغطي بيهم عينيه...غي شافوه تقصحو من جيهتو...
علي قرب عندو:ولدي...لباركة فراسك..
أوس بصوت هادئ:مامشى معاك باس ء عمي...
قرب عندو جاد عزاه وطه كذلك...دخلو مجموعين هزوها وخرجو كيرددو"لا الاه الا الله محمد رسول الله"..
نجلاء واقفة كتشوف فتعابير أوس لي خارج هازها فاللول بلا ملامح...تألمت عليه...عارفاه مقصح بزااف...بقاو دموعها هابطين بلا ماتحس...حيت مابغاتش تشوفو بهاد الشكل...
مليكة عنقتها:صاافي ء بنتي...تا نتي هازة جبل فوق كتافك...الله يبرد عليك وخلااص اهئ اهئ...
خرجت مليكة من عند نجلاء بعدما هدنتها شوية..خلاتها حايرة وتالفة ..كتشوف فتيلي وقلبها مجروح...باغية توقف معاه..باغية تكون سندو...عارفة الدقة جاتو صعيبة ولكن...تاهي عندها عذرها....
......
جالس فالبالكون بوحدو بعدما مشى رشيد بزز حيت بغى يبقى غي مع راسو فهاد اللحظة تا صونا ليه تيلي..
أوس شاف لقاه حسن تكره..عاد تفكر بلي كان عاطيه موعد جاوبو فهدوء:ألوو..سمحليا سي حسن مشيتيلي من البال..
حسن:ياك لاباس سي أوس ماموالفش ليك هادشي...
أوس:عندي حالة وفاة فالعائلة وكلشي تخربقلي..
حسن:لا حول ولا قوة الا بالله...الله يصبركم ..
أوس:شكراا..
حسن:لمهم ماغنطولش عليك...مين ماكتابش نتشاوفو غنقولك لي كاين فتيلي...
أوس واخة ماعندو كانة:كنسمعك...
حسن:الاخ ديالي فتح شركة فأمريكا...عندها علاقة بالانشاءات...
أوس:وشنو مطلوب مني أنا!
حسن:هو طلبني نشوفلو شي حد ثقة يكون قادر يطلع الخدمة..وانا نفكر فيك..
أوس بصدمة:م مافهمتش..
حسن:لمهم خويااا راجل بحالي عايش حياتو كلها فالامريكا...ودبا فتح شركة وماكرهتكش نتا تكون المسؤول فيها..
أوس:و واش فأمريكا!!
حسن:آه تمااا..لمهم هادا هو العرض ديالي..مالقيتش حسن منك نفكر فيه لهاد البوسط...هادشي علااش قررت نفاتحك..الى قبلتي فهاد الايام خصك تسافر عندو باش تبداو الخدمة من الديبار....والى ماقبلتيش غنضطر نشوف شي حد من غيرك...
أوس حط صبعانو وسط عينيه:ما عرفتش والله...انا عندي خدمة هنا و...
حسن:ماتجاوبنيش دباا..عندك نهار...فكر ورد عليا فاش تاخد القرار...تافقنا...وفالصراحة ماكرهناكش تكون معانا..الدار والصالير ماضربش ليه الحساب...اما بكفائتك انا متأكد غتوصل لاعلى مراتب خصوصا أنهم تما كيقدرو الخدمة وكيعطيوها حقها...
جحيم في السرير الجزء 11
محتوى القصة
التنقل بين الأجزاء