واش ربي غاينتقم مني على كاع المصايب لي درت ويبعدني عليه هااااا؟؟
ليلى . .تنهدت ~ أستغفر الله العظيم عمري ربي ماكان قاسي على عبادو مروى كانتمنى تكوني بصح درتي عقلك ونضجتي جوزيف مزال ماكانعرفوش مي من شي لي عاودتي ليا عليه كايبغيك بزاف ويااااك امروى وياااااك ضيعيه من يدك بسبب طيشك حيت غاتندمي جوزيف تقدري تقولي ربي حطو فطريقك ولا هداه ليك باش ترجعي لطريق صحيحة واحد بحال جوزيف صعيب شي وحدة تطيحو وتخليه ينوي معاها المعقول لكن قدرتي عرفتي علاش حيت شاف فيك شي حوايج انت ماشايفاهمش فراسك
مروى . .~حالة فمها ~ هاااا 🙄 بحالهاش ؟
ليلى . .صفا قلبك وانت واخا كاتباني قاسية ولكن من الداخل ديالك هشيشة وانا لي عارفة هاد شي مزيان عفويتك يمكن حماقك شقاوتك والجرأة ديالك شاف فيك شي حوايج ماشافهمش من قبل ف النسا لي عرف جوزيف غايكون حياتك الجديدة حاضر ومستقبلك بس ادا انت عرفتي تحافضي عليه
توجهو لداخل سمر ومروى مشات لغرفة ضيوف بين ما ليلى دازت لغرفة ليليا طلت عليها غطاتها وتوجهات لبيتها اول مافتحت الباب جات عينيها على هارون مسطح فوق السرير لابس غير البوكسور وحاط يدو تحت راسو كايشوف فيها بنظرات غاضبة نوعا ماااا سدت الباب وراها وتوجهات ليه جلست فحافة السرير وكاتشوف فيه
ليلى . .لا انت غالط عمري ستغليت شي نقطة كنت موحشاها بزاف ومحتاجة تعاود لي شنو وقع ليها فهاد المدة هذا علاش تعطلت
~ حنات راسها هاربة من نظراتو مد يدو هز دقنها بشوية طبع قبلة حنينة على شفاها وتكلم بصوت خافت
هارون . .دموعك أ ليلى دموعك ما مانقدرش عليهم
فتح ليها ازرار البيجامة و...........
#اليوم_الموالي____
فتح عين كايخسر فسيفتو أشعة الشمس سبات ليه ازعاج كبير لاح المانطة وتوجه لحمام بعد ما خدا دوش لبس شورط كحل وخدا الكارو حطو بين شفاهو خدا القداحة شعلو وتوجه لنافدة كايشوف فأبعد نقطة....
#مكان_اخ_____________________ر
فوحدة من وكالات التشغيل جالسة فالكرسي حانية راسها وكاتفرك صباعها من توتر بين ما عين البنات لي تما عليها نقطت وحدة بصوت شبه مسموع وتكلمت .....
1~هممم لابسة ليك داك الكولون عازلة داك نص وداك صدر خارج ماعرفتها جاية تخدم ولا جاية دبر
2 ~عوجت فمها . . جاية دبر ابنتي جاية دبر
3~ماعرفنا هادي هادي واش وكالة ديال تشغيل ولا دار دعارة
~4 باركة حشومة عليكم فرقو عليكم البنت وكل وحدة دخل سوق راسها
~1درباتك نفس عليها فين كاتعرفيها هاا؟ هي جاية هنا باش دبر على مناجات هممم عند بالها بداك تزيار غادبر على كليان
3 ~ضحكت بغنج . .هاها شكون عرف تمشي لشي دار وعوض ماضرب الجفاف تهز رجلين
4~وقفت معصبة . .باركة والله حتى زدتو فيه
وقف رجل فالأربعين من عمرو وقريبا طلعهم ونزلهم وتكلم بنرة قاسية ....
~اش هاد الضجيج اش هاد صداع
وحدة كاتشوف فوحدة حناو رأسهم وماطلعوش فيه العين قبل مايضيف شي كلمة وقف عليه شاب تلاتيني ووراه شاب انيق وفغاية الوسامة تقدم الشاب الأول وتكلم ....
~السي منصور هاد الشباب باغي وحدة من البنات دير المناج
منصور. . ~شاف فيه وتكلم ~ مرحبا اسيدي تفضل معايا
#مكان_اخ_________________ر
أول مافتحت عينيها توجهات لحمام غراضها ورجعت لغرفة لبست حوايجها ونزلت لطابق السفلي جات عين ليلى عليها تبسمات ابتسامة عريضة وتكلمت
ليلى . .صباح الخير
مروى . .صباح النور
ليلى . .شويا ويوجد الفطور اجي نجلسو على مايوجد
مروى . .قادات شعرها بيدها وشافت فيها ~ لا لا غير سمحي ليا اختي ماغانقدرش نفطر معاكم جوزيف غايكون توحشني وحتى انا توحشتو ~جمعات فمها وكادور ف عينيها زعمة حشمات ~ وبيني وبينك بغيت نفطر معاه اكيد غاتعجبو المفاجأة ~عضت شفتها التحتية وابتسامة ساحرة على شفاها
ليلى . .امممم اهاهاااا هذا حب كبير أ لالة مروى
مروى . ."تنهدت ~ ايبيه كبير كبير بزاف
~طبعات قبلة فخدها وتمشات ناحية الباب بخطوات متسارعة وكاتهضر فنفس الوقت ~ نشوفك من بعدددد اه سلمي ليا على سمر من تفيق
كانت حانية راسها حتى قفزات على صوت سي منصور لي وجه كلامو ليها
منصور . .بنتي تبعيني
جيداء . .أ انا ؟~اشارت لنفسها ~
منصور . .ايييه يالا طلقي راسك
جمعات الوقفة وهزات صاكهااا....
جيداء . .و واخا
غير خرجات بداو البنات كايتهامسو والغيض كاينهش قلبهم
1~شوفي ليك بنت الكلب يالا جات اليوم وخدات بلاصتنا
2~علاش هي زيرات ديك الطرماحة غير هاكاك بنت القح*ة ضاربة حسابها
3همممم اش غادير كاع غاضرب غير الجفاف
1~عوجاات فمها ~ ماشي بعيد ضرب حاجة خرى
4~فخباركم كاديو ذنوب بزاف والله
2~سيري نشري ايمانك فجيهة اخرى حسن ليك
#مكان_اخ_______ر
فتحات عينيها على صداع عزيزة لي كانت كاتغوت بصوت عالي وكاتجر ليها فالفراس كاتغمض عين وتحل عين و وحاسة براسها غايتفرق عليها ماقادراش تسمع حس الغواات هزات راسها شافت فيها وهي فقمة غضبهاااا
جوليا . .ماما مالك اش هاد صداااااااع
عزيزة . .تبارك الله اش هاد الحالة هااااا اش هاد العيشة دالويل
ج
جوليا . . "بعصبية " ماما بليييييز فرقيني عليك هاد ساعة خرجي بغيت ننعس وسدي الباب وراك
عزيزة . .~جراتها من دراعها بقوة مزيرة عليها ~ واش باغية تخرجي ليا العقل أااا واش باغية تشوهيني مع معارفي وناس لي ديما كايحتارموني ماكادخلي حتى كايأدن الفجر لا هاد شي ماكفاكش وليتي تباتي مع شمايت واش عند بالك خبارك ماكاتوصلنيش دويييييييي
جوليا. .~دفعاتها وناضت معصبة ~ بعدي منيييي مامنحقكش دخلي ليا فحياتي يكفي سنين لي دخلتي فيهم نعيش كيف بغيت ونباات معامن بغيت حياتي هادي وانا حرة فيها واش كاتسمعيييييي
قبل ماتسكت جاتها صفعة قوية عوجات ليها حناكها مدات يديها جراتها من شعر كاتدي فيها وتجيب ~
عزيزة . .باغية تشوهيني أاااا باغية تشوهيني خليتي مول الڤيلا والأملاك وكاتباتي ففراش شيفور ديالو هذا سهمك عمرك تولي بنادم واش هاد رجال كلهم لي دايرين بيك كلهم همة وشان مابان ليك فيهم حتى واحد من غير داك شيفور لي مايكساب حتى عشا ليلة واش باغية تسكتي ليا القلب بنت عزيزة تبات ففراش شيفور فين هي سمعتنا واش ما هاماكش
جوليا . .~دفعاتها ~ انت لي قلقلك هو شيفور كن بنت مع مول الشي ماكنتش غاديري هاد الحالة كاملة همك الوحيد هو الفلوس وانا اخر همك بعدي مني مادخليش فيا شي لي لقيت فداك شيفور لي محتاقراه مالقيتوش فالغدار دهارون ~طاحت على ركابيها كااتبكي ~ بغيت ننسااااه بغيت ننسااه وكريم هو لي غاينسيني كريم هو الوحيد لي حس بالألم لي فقلبي وحسسني بلي انا مرااا وعندي قيمتي
عزيزة . .جلست فحافة السرير كلها كاترعد من الأعصاب ~ حرام عليك ابنتي حراااام عليك اجوليا عيب عليك هاد شي لي كاديري عيب علييييك جوليا انت الف راجل يتمناك قادرة تجيب احسن راجل فيك يالمغرب همة وشان نساي عليك شيفور خرجيه من حياتك عارفة بلي انت مجروحة ماشي هذا هو العلاج الجرح ماغايبراش بنعاس وتزنديق مع شيفور
جوليا. .مادخليش فيا بليييييز لأخر مرة كانقول ليك ما دخليش فيا انا ماشي هي صونيا جوليا القديمة ماااتت نهار تغدرات جوليا لي كنتي كاتسيطري عليها وتمشيها كيف بغيتي ماتت واش كاتسمعي ماااتت وهارون لي قتلها كانقسم ليك عمري ما غانهنا ولا يرتاح لي بال حتى نشوف هارون كايبكي دممممممم بلاصة الدموع......
مسافة طريق كانت قدام باب العمارة انسطالا لوطو وطلب منها تنزل وتبعو نزلت تبعاتو من لور شادة صاكها قدامها وحانية راسها ثواني وكانوا فالطابق الرابع وقف قدام باب الشقة وبرك على زر قبل مايصوني للمرة الثانية كان الباب تفتح غير فتح ليه لباب عطاه بظهر ورجع دخل لداخل كايتمشا بخطوات تقيلة وعضلات ظهرو كايتحركو مع كل خطوة كايخطي بطريقة كاتسلب العقل واي بنت شافت تفاصيل جسمو وعضلاتو البارزة كانت غاتحل فمها ودوب فبلاصتها دخل وراه علي بين ما جيداء بقات واقفة قدام الباب حانية راسها ....
دخلت لداخل حانية راسها تلفت ناحيتها بالعرض البطيئ طلعها ونزلها ومن بعد تكلم بصوت خشن ممزوج ببحة....
~دار خاصها ميناج شاامل قبل الخمسة تكوني كملتي
جيداء . .تحت امرك سيدي
~تقدري تبداي
أول ما عطاها الأمر توجه لغرفتو ووراه علي غير دخل سد الباب وراه وتلفت ناحية علي لي كان كايشوف فيه وماقادرش يفهمو واخا عيا يحاول
~ ( صغر عينيه وحرك راسو بمعنى شنو عندك ) اش تما ؟
علي . ."تلاح فالكانابي ونشر رجليه كايشوف فيه " والله اصاحبي مابغيتي تفهم ليا واش ماكاتحسش أااا ماعندكش الإحساس ؟
~وضح
علي . .ماجيتش وختاريت هاد البنت غير هاكاك هي لي كاتحمر لوجه فداك الوكالة جبتها على اساس باش دوز وقتك وتلف شوية ساعة ما شفت حتى ردت فعل منك من غير التغوبيش
~_حط الگارو بين شفاهو وتكلم بخشونة ~ بغيت وحدة لميناج لي تنقي ليا هاد لوسخ مابغيتش قح*ة كاتسمع
علي . .اخخخخ أ ياسين خرج من القوقعة لي دفنتي راسك فيها انت شاب وخاص تعيش وتزها انا عارف بلي من الداخل مدمر وموتها كان صدمة كبيرة ليك مي الحياة كاتستمر ا ياسين
ياسين . .~الغصة فقلبو كاتحرقو ~ تلاحيت وسط الماج وصارعت الموت على قبل باش نشوفها عايشة تمرمدت فبلاد ناس وجلست ليالي بجوع كنت كانقول غانستحمل على قبلها درت يدي فاالحرام وفيد ناس ماكايخافوش الله وهاد شي كامل على قبلها وكنت كانقول غاتفرح من تشوف الطنوبيل لي ديما كنت كانحلم بيها وغاتكون هي اول وحدة تركب فيها وجمعت الفلوس على قبلها فالأخر كلشي مشا مشات وخلاتني مشات بلا ماتشوف شنو درت على قبلها كيفاش باغيني نزها ونعيش حياتي وجزء من حياتي مشا
علي . .ماتنساش باقين خوتاتك وخوك وهما محتاجينك
ياسين . .وهذا علاش انا مزال هنا على قبلهم محتاج شوية دالوقت من بعد اكيد غانشوفهم
علي . .~ جلس قدامو جلسة القرفصاء وكايشوف ف عينيه ~ صاحبي حاول تخرج من هاد الكأبة لي انت فيها اكيد ما غاتكونش مك فرحانة وانت بهاد الحالة رضا بقضاء الله وعيش حياتك فعمر الثلاتين وعايش كأنك عندك ثمانين رمي الحزن وراك وعيش حياتك شوف البنت لي عندك وسط دارك قادرة تحرك الجبال ماشي غير رجال دوز وقيتة معاها ونسي الهم
ياسين . .~وقف منرفز~ غير كاتخربق أ علي غير كاتخربق انا ما غانزيدش الحرام فاالحرام باركة غير الحرام لي خدام فيه
علي . .اخخخخ أ ياسين اخخخخ عرفتي شنو خليها ليا انا لي غانعرف كيفاش نستمتع معاها ~عض شفتو التحتية وخرج من الغرفة كايقلب عليها بعينه كانت حيدات حوايجها ولبست زي العمل عبارة عن غوب فالشيبي حد ركبة نص كم ودايرة طابلية فالبيض حازماها على خصرها المنحوت جمعات شعرها بشكل مهمل وبداات فالتنضيف أول ماجات عينو عليها تبسم ابتسامة جانبية وتوجه ناحيتها بخطوات تقيلة....
مروى . .هممم يكون زعمة باقي ناعس ~قوست عينيها وترسمات ابتسامة عريضة على شفاها ~نمشي نفيقو بنفسي غايفرح بشوفتي
رمات الخطوة الأولى فأول درجة وتبعاتها الخطوة الثانية ومع كل خطوة كاتسمع طقطقت كعبها العالي وشعرها المموج كايتحرك ورا ظهرها ثواني وكانت فالطابق الثاني وديريكت لغرفتو حطت يدها ناعمة فوق البواني ودخلت بدون ماطرق الباب اول مادخلت جات عينها على شابة عمرها شافتها قبل لابسة ميني جيب نص شبر فالغوز بارد مع شوميز فالبيض خاشياها فالشوميز ونص صدرها خارج مبندر القدام طلعتها ونزلتها من اخمس قدميها لخصلة شعرها وكلها كاتغزل من الأعصاب قوست عينيها وتكلمت بتعالي ؟
مروى . .شكون انت ؟
حانية راسها كاتمسح ودايرة الكيت فودنها كاتسمع الموسيقى وماجايباش لخبار لشخص لي وراها كايشوف ف سيقانها بشهوة وعاض على شفتو التحتية قبل مايمد يدو لخصرها وقفو صوت ياسين لي كان مخنزررر.....
ياسين . .علي تبعني
تلفتت ناحيتو ومرر سبابتو على دقنو قبل مايرد عليه
علي . .اوك
بدون مايرجع يشوف ف جيداء تبع ياسين لي كان لبس سروال جينز كحل مع بيل گري وصبرديلة كحلة لبس نظارات الشمسية وخرج من الشقة بخطوات متسارعة
#مكان_اخ__________________ر
جارتها من دراعها بقوة كاتدي فيها وتجيب والجنون كايشطحو فوق راسها بصوت عالي .....
مروى . .نطقي شكون انتتتتتتتت ؟؟؟....
~( بألم ) اااااااااه طلقي مني اي يدي اييييييي....
خرج من الحمام كايجري لاوي الفوطة على نصو وكايقول مع راسو اش هاد الهراج قبل ماينطق جات عينو عليها قارمة على البنت كاتدي فيها وتجيب كي جرتيلة كرز على يدو بعصبية حتى العرق تطراسة ف جبينو وتكلم من بين سنانو....
جوزيف. .مروى طلقي منهااااا
دفعاتها على الحيط حتى تهزو ضلوعها وخرجات فيه عينيها كاتغوت ~
مروى . .بعدت عليك ليلة وحدة ليلة وحدة ماقدرتيش تصبر من كلاك حكو مع الحيط علاش تجيب القح*ات لفراشي هااااااا علاااااش بالحق ديل الكلب عمرو يت____ قبل ماتكمل جملتها غوت حتى قلبها تهز ~
جوزيف. .اش كاتخوري ~غمض عينيه بعصبية كايحاول يتمالك نفسو رجع فتحهم وأشار للبنت تخرج اول ماخرجت كاتجري رجع شاف فيها وضاغط على يدو ~
جوزيف . . ماتخرجينيش على طوعي أ مروى ماتخرجينيش على طوعي ولا غاتندمي
مروى . .~هزاات صباعها فوجهو وكاتعلي صوتها ~ انا لي غاندمك كاتسمعععععع ماشي مروى لي تتخان
جوزيف. .~زفر بعصبية ~ اللهم طولك يا روح ~رجع شاف فيها ~ دابا علاش كاتقلبي ؟
مروى . .~صدرها كايطلع وينزل بعصبية ~ على تفسير شكون هاد القح*ة أااا اش هاد ذوق دالويل لي عندك من كلاك كنتي تشوف وحدة حسن ماشي تبدلني بزيللللللل
دخلت الكوزينة كاتشقلب فعينيها جات عينها على البنت شادة واحد القنت وحانية راسها توجهات ناحيتها كاتقرقب يطالون ديالها قرب ياماتقرب وقفت قدامها طلعتها ونزلت وتكلمت.....
مروى . .اوبسسسسس ماغاتقدريش تكلمي معانا
~ ع علاش امدام حرام عليك شنو درت ليك
مروى . .~عوجات فمها ~ ماكانبغيش كترت الهضرة الله يسخر ليك فجيهة أخرى ~مدت يدها لصاكها فتحاتو وخدات منو بعض الأوراق نقدية غير زرقات زرقة تنطح ختها ~ شدي هاد شي كتر من االخلاص لي كنتي غاتشدي ودابا تقدري تتفضلي
~نزلو دموعها ~ الله يخليك اختي ماتجريش عليا انا محتاجة هاد الخدمة وبزز باش لقيتها هئ...هئ...
مروى . .~بنرفزة ~ واانا شنو بغيتي ندير ليها واش انا جمعية خيرية ولاااا سيري اختي الله يعرضك سلامة انا قادرة بداري ورجالي ~رمات شعرها ورا ظهرها وكاتشوف فيها مازادتش معاها البنت الهضرة شدات الفلوس كمشاتهم بيدها بعدم حيلة وحنات راسها خارجة من الكوزينة حسات بتأنيب ضمير وقلبها زير عليها قبل ماتخرج البنت من الكوزينة وقفاتها بصوتها
مروى . .وقفييييييي....
#مكان_اخ_____________________ر
بعد ماصحتو تحسنات عطاه الدكتور االإدن بالخروج كان فنتظارو قصي فالوطو قدام باب المصحة بين ما ياقوت كانت كاتجمع ليه فحوايجو دقائق وخرج من المصحة بخطوات تقيلة وياقوت شادة ليه فيدو وهازة صاك صغير باليد الثانية غير لمحهم قصي مشا ناحيتهم بخطوات متسارعة خدا الصاك من مو وشد يد باه كايعاونو وكايهضر معاه ف نفس الوقت ....
قصي . .بابا على سلامتك
فادي . .الله يسلمك اولدي
كانت صباح جالسة فالوطو غير شافتهم نزلت وتوجهت ناحيتهم وقفت قدام فادي وتكلمت بصوت خافت ....
صباح . .عمي على سلامتك
فادي . .رفع عينو فيها ~ الله يسلمك ابنتي
ياقوت . .قلبت عينيها ~ واش غانبقاو هناا
#بعد_ساعات____
الشقة تقلبات سفاها على علاها صبنت الفراش وشي حوايج ديالو كانو فالسلة ومسحت الغبرة لي كانت معشة فالقنات دبيتو وبدلت ليه فراش السرير وطواات ليه حوايجو ستفاتهم من بعد حكات الحمام خلاتو كايضوي ورتبت كل حاجة فبلاصتها والصالات بزوج وقفاتهم وسيقت الأرض خلاتها كاتشعل نفضت الغبرة ومسحت الحيوط وجبدت بلاكارات الكوزينة كاتمسح وتعاود ودنيا مقلوبة رأسا على عقب وصلت الخمسة دالعشية ومزال دنيا مقلوبة عندها ظهرها تقسم ومسارنها كايغنيو العلوة بكترت الجوع من صبحية ربي ماطاحت النعمة فكرشها والتلاجة كاتصفررررر وتقول واش فيها حس نعمة مابقاتش قادرة تصبر لجوع حسات بالسخفة شاداها من صبعها صغير جرت واحد الكرسي جلست فوق كاتستارح وحاطة يدها على كرشها كأنها كاتقول غير زيدو صبرو امسيرناتي
دقائق وتفتح باب الشقة ودخل كايتمشى بخطوات رزينة عقد حجبانو كايشوف فالصالات قدامو مهزوزين والأرض فازگة مزال مانشفت زاد عقد حجبانو حتى غايتلاقاو وكرز على يدو توجه لداخل بخطوات رزينة وعينيه كايقلبو عليها اول ماوقف قدام الكوزينة جات عينو عليها جالسة فوق الكرسي وهازة رجليها حاطاهم فوق الطبلة والصايا تهزات خلات فخاضها باينين لدرجة سليبها قرب يبان وطرف مشتت فوق الكرسي طلعها من لتحت الفوق بحتقار وتكلم بصوت خشن وعالي نوعا ما خلاها تنوض قافزةةة...
عطاها بالظهر وتوجه لبيتو وكايقول مع راسو الى لقاه حتى هو مقلوب غايقلبها مافيهاش لحسن الحظ كان مجموع نصل البيل لاحو فوق السرير وتبعو سروال ورجع حيد البوكسور بقا صولو زفططططط و توجه لحمام تخشا تمت رشاشة مغمض عينو مزير عليهم وخوتاتو فبالو بين ما خارج الغرفة كانت جيداء رجعاات كاتجمع الدنيا حاسة بالسخفة دجوع والدموع مجموعين ف عينيها بعد ما كانت عايشة فالعز واالخدامات كايخدموها ولات هي كاتخدم الناس وتسمع المعيور من الفوق نزلت راسها حابسة دموعها وكارزة على فمها كاتنخسس...
#فلاش_باااك____
~دق_______دق________
جيداء . .دخلللل
~لالة ميسيو رياض كايتسناك التحت
جيداء . .قلبها رفرف بالفرحة ~ اوككك
ناضت من السرير عضت شفتها التحتية والفرحة مالية قلبها توجهات لحمام ثواني وخرجت منو وشادة الفوطة كاتمسح بيها وجها بعد ماغسلتو من الماسك لي كانت دايرة ليه من بعد توجهت لدرسينغ خدات غوب حد الركبة فالگري لاصقة على لحمها وبارزة مفاتنها صايبات شعرها بالبلاك مع ميك اب خفيف تحنات لبست صندالة فالكحل بالكعب العالي هزات صاكها وخرجت كاتميل بخصرها يمين وشمال وكاتسرع ف خطواتها متلهفة لشوفة حبيبها قبل ماتوصل وقفها صوت سمارة لي طلعتها ونزلتها بغيض ....
سعاد. . اييييه فين غادية كاتعوجي فهاد اليل ؟
جيداء . .~قلبت عينيها بنرفزة وولت شافت فيها ~ مع رياض أ سعاد مع رياض
سعاد. . ~اشارت ليها لبيتها وتكلمت بصيغة الأمر ~ رجعي لبيتك ما كاين لا رياض ولا نممممم كاتسمعي يالا رجعي لبيتك
سعاد . .عقلي اش كاديري ابنت شايطة حتى يجي لي كايعرف ليك وداك رياض بربي لا كنتي ليه مرا كاتسمعييييييييي
#الحاضر
قفزت على صوت طبسيل لي طاح من يدها تحنات بالخف كاتجمع فالزاج وكاتشوف وراها واش جاي خافت يرجع يسمعها الهضرة بزربة جمعات زاج لاحتو فلابوبيل ورجعت كاتكمل شغلها بعد ما مسحت الماعن رجعتهم لبلاصتهم ومسحت ثلاجة وبدأت كاتجفف كاتزرب وتقول مازربت بعد ماكملت الكوزينة خرجت لصالة كاتفرش فيها وترجع كل حاجة بلاصة بين ما داخل الغرفة كان ياسين لاوي الفوطة على نصو وهاز التيلي فيديو كايهضر بخشونة بعد ما كمل المكالمة توجه لبلاكار خدا سروال كيطمة فالگري وتيشورط فالكحل لبسهم ونشف شعرو بالفوطة وخشا صندالة دصبع فرجلو وخرج كايتمختر وعينيه كايقلبو عليها محنية عاطياه بلور كاتجر فواحد الكانابي لي خدا كاع جهدها وطاقة لي عندها قفزها بصوتو وخلاها تقاد فالوقفة وتحني راسها
ياسين . .وجدي ليا قهوة كحلة
بلا ماتنطق حنات راسها بالإجاب وتوجهات لكوزينة كاتغدد الظلام طاح والجوع قتلها ومزال ما بغا يطلقها تمشي فحالها
جيداء . .~بصوت شبه مسموع ~ الله ينعلها خدمة معاكم المراركة بفففف
#مكان_اخ____________________ر
حانية راسها على طبيسل كاتعشا فصمت وعينين جوزيف عليها قوس عينيه وتكلم بصوت رجولي ....
جوزيف . .شنو لي خلاك ترجعي فكلامك وتخلي الخدامة ؟
مروي. .~فمها عامر ~ماناشي بنت الحرام البنت محتاجة تخدم هذا علاش خليتها "صغرت فيه عينيها ~ وانت علاش كاتسول همممم ~رفعت حاجبها ~
جوزيف . .مجرد سؤال ~رجع سولها وناوي يخليها تجن عليه ثاني ~
جوزيف . .بسسس شفتها بدلت الزي لي كانت لابسة صباح فنظري هذاك حسن من ديك القشابة لي لبست ~صغر فيها عينيه ~ولا هادو الأوامر ديالك همممم 😉
مروى . .وصلت معاه لافان ضربت بيدها على طبلة وهزت صبعها كاتحرك فيه قدام وجهو " شفتك بنتي لي ماعندك خدمة ماعندك موضوع مهم تشركو معايا بانت ليك غير قشابة الخدامة دابا علاش ناوي من لخررررررر ~زيرت على فمها ~~
جوزيف. .~قهقه برجولة خلاها تزيد تعصب ~ ششششت كالماااا بيب ماكنتش عارف واش كاتغيري لهاد درجة ~عض شفتو التحتية ~
مروى . .~رمات شعرها ورا ظهرها ورفعت رقبتها بتعالي ~ هممممم قال كانغير قال غير جاب ليك الله ~عوجت فمها 😏
هزات يديها كاتشوف شحال الساعة كانت 21:30 حيدت حوايج الخدمة بالخف ولبست حوايجها وجمعت شعرها على شكل كعكة وتوجهات ليه كان واقف قدام نافدة كبيرة كاطل على الشارع كايشوف فالشتا كاتصب بغزارة وفيديو گارو كايتنشوا عليه وقفت وراه وتكلمت بصوت خافت .....
جيداء . .احم سيدي ساليت
~بدون مايتلفت وراه جبد الفلوس من جيبو ومدهم ليها بلا مايكلف نفسو يشوف فيها مدات يدها خداتهم من عندو وتحنات على صاكها هزاتو وخرجات من الشقة بخطوات متسارعة وكاطلب الله تلقا طاكسي خرجت من العمارة وتوجهات لشانطي حانية راسها مكمشة من البرد وكاتشوف يمين وشمال الدنيا كاتصفررررر لا طائر يطير ولا سائر يسير البرد كايطير والصوت البرق مزعزع المكان
جيداء . .الله ياربي اش هاد زهرررر بففف
بعد دقائق من الإنتظار وبعد ماتسرسطات بالما لمحات طاكسي جاي من بعيد مشات كاتجري وكاتشير بيدها ....
#مكان__اخ____________________ر
بعد ما خدات دوش توجهات لدرسينغ خدات غوب فالنواغ فوق الركبة بصدر مكشوف ودراع عريانين صايبات شعرها بالبلاك حطات الميك اب وتوجهات لمكان الأحدية خدات صباط كعب عالي فالگحل هزات كاب فورور لاحتو على كتافها خدات البوشيط ديالها وخرجات من الڤيلا تحت انظار عزيزة لي كانت كاتكل من الأعصاب
أول مطلعت فلوطو ديالها ديمارات فتجاه أحد الأحياء الشعبية خارج الرباط مسافة طريق كانت قدام حي شعبي زناقيه محفرين انسطالات الوطو ديالها فواحد القنت ونزلت كاتشوف بشمئزاز يالا غاترمي الخطوة جات رجليها وسط ضاية دالما وترش الغيس على الغوب ديالها خلاها تتدمر وتزيد تحتاقر المكان زفرت بعصبية وتوجهات لواحد الزنقة كاتميل بخصرها وكل مرة تلوا ليها رجلها مع الحجر وبين خطوة وخطوة كاتلقا ضاية قدامها الدنيا كاتصفررررر كلشي داخل لدارو مع هاد البر والشتا فكل مرة كاتلفت وراها خايفة لايخرج ليها شي حد ماوصلت لدار لي قاصداها حتى غفر ليها الله كانت دار بسيطة ديال ناس دراوش كاتكون من زوج طوابق الحيوطة ديالها مقشرين وسراجمها من الخشب واكلاهم سوسة ماهتمتش لبشاعة المنظر قد ما كانت مهتمة تشوفو مدت يدها لصاك خدات الفون ديالها تاصلت بيه أول مارد تكلمت ....
جوليا . .انا قدام الدار
#مكان_اخ_____________________ر
بعد عشرين دقيقة تقريبا وصلت لحي شعبي نزلت من طاكسي وتمشات فتجاه الزنقة لي كاتدي لدار فين كاريا كاترمي خطوة هنا وخطوة لهيييييييه شتا ماحبساتش خلاتها كاتقطرررر قبل ماتوصل لدار جبدت ساروت من صاكها غير وصلت فتحت الباب ودخلت لداخل كاتفتح الباب غير تفتح دخلت لداخل ورجعت سداتو عليها ودخلت لداخل كاتلهت كانت دار صغيرة على دخلة كاينا صالة فيها ربعة د سدادر كاتوسطهم طبلة وبلازما صغيرة معلقة فالحيط وعلى ليسر كوزينة متوسطة فيها بوطاجي وبلاكارات على قد الحال وتلاجة صغيرة وفالقنت مربعة دايرين بيها زوج كراسا وجنب الكوزينة حمام صغير مشروك مع طوليط واخيرا بيت دنعاس صغير فيه زوج ناموسيات صغار وبلاكار وطابية فالحمر مفرشة الوسط لاحت صاك فوق الحاف وبدات كاتحيد حوايجها كاتسب وتلعن والدعوة المخيرة كاتصيفطها ليه على العداب واالجوع لي دوز عليها حتى من سليبها فزگ بالشتا توجهات لماريو جبدت منو بيجامة سخونة بسروالها فالمارو والملابس الداخلية لبستهم ونشفت شعرها بالفوطو ورمات دوك الحوايج الفازگين فالسلة وبدات كاتقلب شنو تاكل لقات الثلاجة كاتصفررر فيها غير زوج قراعي داالما خااوين شوية دنعناع ملوي فواحد االميكة وشي خيزويات لاوين فتحت الفريگو فيه ميكة وحدة ددجاج جامدة خاصها نهار باش طلق ردخت الباب دتلاجة وتوجهات لواحد السلة كايكون فيها الخبز حلاتها وكاتقلب واش الخبر باقي لقات غير يديها واالرحمة خرجات عينيها ودموع بداو كايتجمعو فيهم
جيداء. . لا ياربي مايمكنش قبل مانخرج خليت الخبز
جرت الكرسي وحنات راسها كاتبكي مابقاتش قادرة تصبر مسارنها كايغنيو العلوة والسخفة شاداها جمعات الوقفة ومشات كاتجر فرجليها ناحية صاكها فتحاتو وخدات منو تيلي ديالها ودوزت الرقم بعد ثواني تكلمت....
~كاطرطق السمكة ~الوقت لي مولفة نجي فيه ادا بغيتي تصبري صبري مابغيتش نعسي وتصنتي لعظامك
جيداء . .انا غانتسناك.....
طلعت لسطح كاتميل بخصرها وتقرقب بطالونها ثواني وكانت قدام باب بيتو تقدم بزوج خطوات قدامها فتح ليها الباب وابسامة عريضة على شفاهو اول ما دخلت طار على شفاها كايمصمص فيهم ويديه تحت الغوب ديالها كايتحسس فخاضها
~همس~توحشتكككككك
جوليا . .~بعدت عليه وكاتشوف ف ارجاء الغرفة ~ البيت تغيرت فيه شي حاجة
~حك راسو وشاف فيها ~وي صباغة صبغتو وبدلت فراش السرير
لاحت الكاب فوق السرير وحيدت صباطها لايحة كل فردة فجيه ورجعت شافت فيه
كانو كايدرشو وكاتعاود ليه على طفولتها حتى تفتح الباب ودخلت منو ليليا كاتبكي ناض من السرير تجاها هزها لعندو ورجع لسرير مجلسها فوق رجليها وكايسول فيهاا...
هارون . .مال بنتي كاتبكي
ليلى . .~شدات وجها بين يدها ~ بسم الله عليك
ليليا . .هئ....هئ....
هارون . .بنتي مالك علاش كاتبكي
ليليا . .توحشت ماماا هئ...هئ....
شافت فيه ليلى ورجعت شافت فيها بحزن بين ما هارون ضغط على يدو والغصة كاتطلع وتنزل عارف بلي كاتبقا مها ومن حقها تشوف مها واخا جوليا ما كاتستاهلش وما ماكاتقدرش ماعارفش كيفاش يتصرف وكيفاش يشرح لوحدة صغيرة من المستحيل تفهمو حتى لو كانت كبيرة غاتقول كاتبقا جوليا ماما مرر يدو على خصلات شعرها وباس جبينها....
جوزيف . .~بحدةةةة~ مالاحظتيش بلي انت وحدة أنانية أاااا ؟؟ ~بالغوات~ خليت الخرا كلو ورايا ودنيا مقلوبة وجاي وراك باش نرضيك وانت همك غير نفسككككك ~ عقد حجبانو من جديد ورفع صبعو فوجها ~ اسبوع وغانرجعو لجايحة لي جينا منها وما نبغي حتى عتراض
مروى. .~بعصبية ~ولكن ان___ قاطعها بخشونة ~
جوزيف . .هضرت وساليت
~هز الجاكيط ديالو وخرج من الغرفة بخطوات متسارعة طار كيف البرق مخليها وراه حالة فمها ~
تسنات حتى عيات وغفات فوق الحاف مع الوحدة ونص تفتح الباب ودخلت منو شابة عشرينية طاي مانكا بشرة قمحية وشعر مموج ماغو شوكولا واصل لخصرها ولابسة كسوة دالخيط لاصقة على لحمها وبارزة مفاتنها واصلة لركبة فالگري مع لي بوط نواغ ومونطو نواغ وصاك فنفس الون اول مادخلت جات عينيها على جيداء مكمشة فوق الحاف وناعسة رمات صاك فوق الحاف وجلست كاتحيد لي بوط وكاتهضر فنفس الوقت...
~اي هووووو
جيداء . .~ناضت قافزة ~ س سارة جيتي
سارة . . ~حيدات المونطو ~ لا مزال
جيداء . .~تقادات فالجلسة ~عتقيني شنو جبتي
سارة . .~توجهات لبيت نعاس وكاتهضر ~ جبت ليك ساندويش الكفتة عندك زهرررر بااا العربي حال
طارت جيداء على ديك االميكا كاتحل فيها وعينيها خارجين كانو زوج ساندويشات طاحت عليهم كاتاكل تقول ماكلاتش عام خرجت عندها سارة كاتميل بخصرها ولابسة شوميز دونوي نص شبر فالگحل لاحت شعرها ورا ظهرها وجلست فارقة رجليها وكاتشعل لگارو.....
سارة . . بشوية غاتوحل ليك
جيداء . .~فمها عامر ~ عرفتي اليوم الموت المووووت
سارة . .لقيتي خدمة ؟
جيداء. .ايييه الله ينعلها خدمة تصوري من الفطور ديال صباح مادقت نعمة وضربت تامارة حرت عليا ولد الحرام الله يلقيها ليه
سارة . .~نترت من الگارو وخرجت الدخان من بين شفاها ~ وشنو هي هاد الخدمة ؟
جيداء . . ميناج
تبسمت بسخرية وكاطلع فيها وتنزل ~
سارة . .واش من نيتك كاضربي جفاف ؟
جيداء . .ماعنديش البديل الباك ديالي والإجازة الدبلومات بقاو ف روسيا ~تنهدت بحسرة ~ عيت نقلب على شي خدمة مالقيتش
جيداء . .كاتعض ساندويش وكاتهضر ~ ضياع دبصح هو الى ترميت فداك ...~حبست الكلمة من فمها ~ سمحي ليا مي تما ماشي بلاصتي غانصرب الميناج وغانصبر حتى يفرج ربي اكيد غانرجع ل روسيا وغانجيب وراقي وغانشوف خدمة احسن
سارة . .~رفعت حاجبها ~ ياكما ناوية نخلص الكرا بوحدي نوووو أ ماما ماتحلميش نص بنصصصص والما وضو غانتقاسموه بحال شهر لي فات تماما ~قبل مادخل لبيتها ~ اااااه وتقدية خاص نتقداو التلاجة خاوية
جيداء . .`تنهدت ` ان شاء الله مدبرها حكيم
~بعد ما كملت ساندويشات جمعت الطبلة وغسلت سنانها ورجعات تكمشت فالحاف وجلست كاتخمم الفلوس لي عندها ما كافينش باش تخلص نص دالكرا والمصاريف لخرين تنهدت وقالت اكيد غدا غايكون حسن بعد ماتقلبت وتقلبت ففراشها اخيرا ستسلمت لنوم....
#اليوم_الموال_________________ي
شرقات شمس جديدة معلنة على يوم جديد أول ما فاق خدا دوش لبس حوايحو سروال لاطوال مع بيل كاشمير دالكول وفوق منو لاڤيست لبس صباطو ورد شعرو لور ونزل لطابق السفلي كانت ليليا فايقة مبكرة بعد ما جهزتها ليلى جلست ف طاولة الأكل كاتسنى الفطور توجه ناحيتها بخطوات رزينة والإبتسامة على شفاهو ....
هارون . .~بصوت رجولي ~ صباح الخير اميرتي
ليليا. . صباح الخير باباتي ~ شافت فيه ~ غانمشيو عند ماما ياك
هارون . .~جر الكرسي وجلس حنبها كايشوف فيها ~ ااه
اول ما فتحت عينيها توجهات لحمام درات روتينها صباحي ومشطحت شعرها ورجعت لبيت نعاس كاتفتح فالمارويو غير بشوية باش ماتفيقش سارة هزات حوايجها وخرجت لصالة كاتلبس بعد مالبست حطت ميك اب خفيف وجمعت شعرها ديال الحصان وهزات صاكها وخرجت فتجاه المحلبة لي فراس الحومة خدات الرايب والحشرة فطرت توجهت لمحطة الطوبيس وديريكت لوكالة تشغيل .....
#مكان_اخ_____________________ر
~هارون . .~مسح فمو بالمنديل ~ أميرتي يالا نمشيو
ليلى . .~نازلة مع دروج وكاتهضر ~ هارون تسناني
هارون. .~تلفت ناحيتها مستغرب ~ غاتمشي معانا ؟
ليلى . .~ بغيت نمشي لشركة الجلسة فالدار عياتني
هارون . .~بصوت رجولي ~ ليلى تقلتي كايخصك الراحة
ليلى . .شافت فيه شوفة بنوتة بريئة ~ ولكن انا قنطت بزاااف زائد ما غانتعبش راسي ~نفخت شنايفها ~ بلييز خليني نمشي معاك
هارون . .~ترسمت ابتسامة جانبية على شفاهو وقهقه برجولة ~ اوك ~مد يدو شد فيدها ورجع شد فيد ليليا وخرجو من الڤيلا بتلاثة فتجاه لوطو ......
#مكان_اخ______________________ر
فاقت مبركة على غير العادة خدات دوش ولبست غوب جينز حد الركبة نص كم وبالغين فالبيض جمعت شعرها ديل الحصان وكتفت ب ميك اب خفيف من بعد نزلت المطبخ كاتوجد الفوطو قررت توجدو ليه بنفسها وترجع تفتح معاه موضوع رجوع لروسيا بعد عشرين دقيقة تقريبا فاق وتوجه دريكت الحمام خدا دوش وخرج لاوي الفوطة على نصو خدا تيلي تاصل بواحد من رجال كايسولو كيف غادية الأمور من بعد توجه لدرسينغ بخطوات تقيلة وبدا كايلبس حوايحو عبارة عن سروال لاطوال فالگري مع تيشورط فالگحل جات لاصقة عليه وبارزة عضلاتو وبالغين فالگحل لبس ساعتو اليدوية ورد شعرو لور واخير رش زوج رشات من العطر ديالو وخرج من الغرفة بخطوات مخملية كانت وجدت الطبلة لي فالجردة واقفة انفاص لدروج كاتسناه ينزل اول ما لمحاتو عينيها توجهات ناحيتو كاتميل بخصرها وابتسامة ساحرة على شفاها
#مكان_اخ_____________________ر
مسافة طريق كان قدام باب الڤيلا انسطالا لوطو ونزل فتجاه الباب وخلا ليليا وليلى فالوطو حط يدو الخشنة على زر وبرك عليه ثواني وتفتح الباب كانت الخدامة وبما انها جديدة ماقدراتش تعرفو
هارون . ._بصوت رجولي ممزوج ببجة ~ سلام عليكم
~وعليكم السلام اسيدي فاش نقدر نعاونك ؟
هارون . . بغيت نشوف مدام جوليا
~ مدام جوليا ماكايناش اسيدي شكون نقول ليها من تجي
هارون. .~عقد حجبانو شاف فالساعة ورجع شاف فيها ~ هادي 7:30 فين مشات على صباح ؟
جالسة مع البنات فالمكان المخصص ليهم وكل حدة فيهم ما طايقاهاش كايطلعو وينزلو فيها بغلللل لي يشوفها يقول هادي ماشي femme de ménage قوام ممشوق وخصر مشدود وصدر ممتلئ بشكل مغري والمؤخرة بارزة بشرتها قمحية وعيوني مشفرة ولونهم خزي غامق وفيهم لمعة وبريق كايسحر كل من شافهم مع شفاها منفوخة وانف منگاد وشعرها مهلية فيه وغالبا كاتخليه مطلوق نازل على كتافها ديما مسبسب بالمختصر عاطية للعين بشكل كبير حتى من البس لي كاتلبس كايبان ماركة حتى من ظفارها مافلتوش ليهم كايدققو فيهم مبرودين ومقادين بعناية وكاتصبغ بألوان هادية ماكنتش مركزة معاهم حانية راسها وكاتبخشش فالتيلي ديالها....
1~شوفي ليك كيف معرية داك صدر عندها
2~عوجات فمها ~ بان ليك غاالصدر وداك الكرش ماعرفنا جايا ضرب الجفاف على قلبها ولا جاية تهز البوط
1~كاتشوف فيها من التحت لفوق بغللل ~ بغيت غير نعرف وحدة بحال هادي اش كادير هنا لا لبسها ولا شكلها كايقول مكحطة
3~ . .هادي مطورة حاسباها مزيان الميناج غير سبة بيه كادخل لديور وكاتهز رجلين علاش كاتلبس هاكاك وتعري داك صدر عندها باش الرجال يختاروها هي عارفة بلي الأغلبية دالكليان كايكونو رجال بالميناج كاتحيد الشبوهات ابنتي
2~گنس مسخخخخخخخ تفوووو
1~بصوت مسموع ~ اييييييخ ريحة الجنابة ولات فهاد الوكالة ~حطات صباعها على نيفها وكاتشوف فيها بشمئزاز
مع الكلمة رفعات جيداء عينيها وكاتشوف فيهم سادين نيوفهم وكايشوفو فيها بشمئزاز ~
1~كاتشوف ف جيداء ~ واش كاديري الوضو لكبير من كاتسالي الخدمة ~ضحكت بمياعة
جيداء . .بعدم فهم ~ نعام مافهمتش
3~ضحكت بصوت مقحب* ~ او هووووه قال مافهمتش قال انا غانشرح ليك من كاتسالي الكو* كااتغسلي ولا كاتجي لخدمة بجنابتك
كلامها جا فودنيها بحال سممم ولات كلها كاترعد وماقادراش تستوعب شنو سمعت وقفت كاتشوف فيها بغضب كبير وهزت سبابة ديالها كاتنعت فيها والغضب عامي عينيها
جيداء . .بزااااف عليك انا شرف منك ومن قبيلتك كاتسمعي
3~ بمياعة ~ الحقيقة كاتجرح بعض الأحيان حنا غير نصحناك لوجه الله مافيها باس من تسالي غسلي وتوضاي راه الموت كاضور و___ قبل ماتكمل كلامها ترمات عليها جراتها من الشعر كادي فيها وتجيبها ناض الغواات وكلشي كايفك المدير كان جالس فالمكتب حتى كايشوف فالكاميرا المرايشة خرج كايجري جر جيداء بالكشايف هزها من فوق البنت خلات شعرها واقف ووجها كلو مندوب كلاتها وعرفات كيفاش كلاتها
جيداء . .~بصوت مخنوق بالبكى~ ان ان مادرت وا___ قاطعها ~
منصور . .برااااا ~اشار للباب
وحدة من البناات كانت راجعة لور وكاتشوف بلا ماتهضر لكن ماقدرتش تزيد تسكت جمعت الوقفة وتمشات ناحيتهم
~ميسيو الظلم مابغاه لاربي ولا عبدو وانا من ديما كانعرفك راجل حقاني وعمر شي بنت تظلمت عندك هنا البنت دافعت على راسها طعنوها فشرفها واي وحدة شريفة غادير نفس شي لي دارت وكتر گاع
بعد ساعة رجعت لڤيلا انسطالات لوطو فالبارك ودخلت لداخل كاتميل بخصرها قبل ماطلع لطابق الثاني وقفت الخدامة بصوتها .....
~ لالة قبل ساعة جا واحد السيد وسول فيك
جوليا . .~دارت نص دورة وشافت فيها بقموم عينيها ~ شكون هذااا ؟
~قال هارون فجر وقالي دوزي لعندو لشركة
غير سمعت اسم هارون وسعت عينها وكاتقول شنو لي خلاه يجي لعندها على صباح وشنو غايكون بغا أسئلة كتيرة دارت فدماغها طلعت مع دروج كاتجري توجهت لحمام خدات دوش بزربة وتوجهت لدرسينغ كاتلبس حوايجها.....
#مكان_اخ____________________ر
بعد ماوصلو ليليا لإيكول قلب دورة لشركة مسافة طريق كان قدام باب الشركة انسطالا لوطو ونزل فتح ليها الباب شابك صباعها مع صباعو ودخلو لداخل تحت انظار الموظفين مدة ما جات كلهم كانو كايشوفو فيها بلباسها الأنيق وكرشها لي ولات باينة وصلت لشهر السابع والحمل طيح عليها السر وزاد زينها ثواني وكانو فالمكتب حطت صاكها وجلست فالكرسي مقابلة مع هارون
هارون . .~تنهد ~ ماعارفش شنو غاندير ليليا رجعات كاتسول ف جوليا من جديد
ليلى . .من حقها راه مها هاديك هارون ليليا بنت صغيرة ومحتاجة مها اكيد غاتوحشها وتسول فيها
هارون . .~عقد حجبانو وشد الملف بين يدو ~ اش هاد شي ؟ ~زاد عقد حجبانو حتى تلاقاو وزير على يدو كايهضر من بين سنانو~ عرفتي شكون ؟
قيس . .لااا مي خاص نعرفو شكون كايلعب ورانا
هز الأرضي ودوز الخط السكرتيرة اول ماردت تكلم بصوت كايزعزع خلاها تنوض قافزة من المكتب ....
هارون . .~بخشونة ~ من دابا لخمسة دقائق يكونو الموظفين فقاعة لإجتماع___قطع الخط وشاف ف قيس ....
هارون . .كيفاش هاد شي وقع انا هاد المدة راسي عامر وغارق مشاكل لكن انت شنو ~بحدةةة~انت شنوووو اقيس ؟
ليلى . .~بخوف ~ هارون شنو واقع ؟
رد الكاميرا كايشوف ومركز مع كل حركة وطالق ودنيه حتى سمع شنو قالو وكيفاش كانو كايهضرو عليها عقد حجبانو وضرب بيدو على المكتب بقوة قفزو بزوج خصوصا سهام لي كانت كادور ف عينيها يمين وشمال شاف ف سهام بغضب كبير طلعها من لتحت لفوق بتخنزيرة كن كانت قرطاس الله يرحمها بدون ماينوض من بلاصتو أشار ليها لباب مع نظرة قاسية
منصور . .مانشوفش وجهك هنا مرة أخرى برااااااااا
سهام ...~كاتفتف~ س س سمح ليا اسي منصور ا____ قاطعها بصوت عالي
منصور. .برااااااااااااا وحدة بحالك ماعندهاش بلاصة معايا برااااااااااااااااا.....
حنات راسها وخرجات من عندو قبل مانخرج شافت ف جيداء بحقد وغللل كبير عاد مشات كاتجري هزات صاكها وخرجات من الوكالة بخطوات متسارعة وبلا مااتهضر مع البنات
منصور. . شاف فيها بخجل وتكلم ~ ماعارفش شنو نقول ليك ابنتي سمحي ليا وهاد شي ماغايتكررش مرة أخرى
جيداء . .انت ماعندك دخل أ ميسيو الى كان شي حد غايعتذر هي انا ماكانش خاصني ننفاعل ونوض الصداع فبلاصة الخدمة بسس ماقدرتش نتحكم فراسي ظلموني ~نزلت راسها
منصور . .~وقف ~ اجي معاياا
#مكان__اخ____________________ر
بعد مالبست حوايجها وقادات راسها هزات صاكها وخرجات من الڤيلا بخطوات متسارعة فتجاه الوطو مسافة طريق كانت قدام باب الشركة انسطالات لوطو ودخلت لداخل هازة راسها لمسا السابعة كاتشوف بتعالي كيف ديما وخصرها كايميل يمين وشمال والموظفين كايوشوشو بينهم ....
~بصوت شبه مسموع~ شوفي شوفي مدام جوليا
~اووووه واللهيلا هي غابت على الشركة
~ماعرفت اشمن وجه بقا عندها وزايدهاا بالنفخة والتكبر هممم
~وييه هانتي تشوفي جات وحدة ودات ليها راجلها فرمشة عين بسس بيني وبينك غزااات فيها تستاهل
~عندك الحق تستاهل اخخخ شحال مغرورة جاب ليها ربي وحدة كسرات غرورها
~همست ليهم ~ شششششت غاتخرجو على راسكم وعلينا
~حطت يدها على فمها ~هاهي سكتتتت....
دخلت لمصعد وتوجهات لطابق السادس ثواني وكانت فجناحو الخاص وديريكت لمكتب ديالو بدون ماتطرق الباب حطت يدها ناعمة على البواني ودخلت لداخل كانت ليلى جالسة فمكان هارون كاتبخشش فاالتيلي حتى تفتح الباب ودخلت عليها جوليا طلعتها من اخمس قدميها لخصلة شعرها بحتقار وكره كبير
جمعات ليلى الوقفة هزات صاكها فيدها وتوجهات لباب بدون ماترد عليها جرتها من دراعها بقوة ضاغطة عليها وتكلمت من بين سنانها
جوليا. .ورب الكعبة ماغانسكت ليك غاندمك على نهار لي خربتي فيه حياتي اخطافة رجالة
ليلى . .~نترات يدها منها وتكلمت ~ هارون عندو جتماع تقدري تسنايه حتى يسالي
قالت كلمتها وخرجت من المكتب بخطوات رزينة لحقت عليها جوليا بخطوات متسارعة وقفتها حدا دروج رجعت جرتها من دراعها بقوة وتكلمت بغضب.....
جوليا. .شكون انت حتى تقولي ليا نتسناه ولا لا هاااا شكون انت ؟ واش نسيتي راسك ابنت الكاريان ولا نفكرك
ليلى . .دفعاتها~ ماترجعيش تحطي يدك علياا
عطاتها بالظهر يالا جات ترمي لخطوة تنزل حتى حسات بشي يد دفعاتها بقوةةة خلاتها تفقد توزنها وتجي مركبة مع دروج غوتت بصوت عالي وقلبها غايسكت من الخلعة درجة كاترميها لدرجة حتى وصلت لتحت وفقدات الوعي جات عينين بعض الموظفين عليها كلشي ناض كايجري تجاها ويغوتو بين ما جوليا بقات مسمرة فبلاصتها كاتشوف فيها بشرررر
جوليا . .موتي الكلبة موتييييييييييي.....
السكرتيرة . .~حطت يدها على فمها ~ الله ياربي ~مشاات كااتجري لقاعة الإجتماعة مخلية وراها ليلى طايحة على كرشها والدم نازل مع رجليهاااا كتر الغط والقيل والقال كلهم كايشوفو ف جوليا لي كانت مزال مسمرة فبلاصتها وكاتشوف ف ليلى من الفوق بدون مايرف ليها جفن غير شافت السكرتيرة توجهات لقاعة الإجتماع نزلت مع دروج بخطوات متسارعة قبل مايشوفها هارون طلع فلوطو وعفطت عفطة وحدة مخلية العجاج وراها .....
~ ميسيو ميسيوووووو....
هارون. .~شاف فيها بغضب ~ اش هاد صداااع كيفاش دخلي بلا إدن
~كاتلهت ~ ميسيو مدام ليلى مدام ليلى طاحت
ناضت قافز مخرج عينيه لي بدون مايضيف شي كلمة خرج من القاعة كايجري والسكرتيرة وراه تبعهم قيس وكلشي خرج وراهم كايقولو شنو واقع سبقاتو السكرتيرة ونعتت ليه فين طايحة غير شافها دنيا مشات وجات بيه نزل مع دروج كايجري كاينقز من درجة لثلاتة درجات حتى وصل لعندها قلبها على ظهرها وكايضرب على وجها بشوية....
حط راسها على ركابيها كايشوف فيها بخوف مع االغضب كلشي تجمع عليه ف للحظة وحدة جمع يدو على شكل لكمة حتى العرق فجبنو تطراس وغوت بصوت زعزع الحضور ....
هارون . .جوليااا غاندمككككككككككككك
كانت سايقة بسرعة كبيرة ويديها كايترعدو عاد حسات بالخوف وبشنو دارت لكن مع ذلك ما نادماش وما بقاتش فيها خايفة من هارون وردت فعلو فقطط خرجات من الرباط وشدات طريق للمجهول وفراس ألف سؤال وسؤال اش ماتت ؟ وواش نقلوها لمشفى ؟ والى عاشت اكيد البيبي غايموت رفعت رقبتها كايستنشق الهوا وقوست عينيه
جوليا . .اكيد غايموت أكيد عايموتتت......
كانو واقفين حانين راسهم وكايفركو يدهم من توتر بعد مامرمدهم بالكلام ورجع امرهم باش يعتذرو ليها ويطلبو سماحة ماكان قدامهم حتى خيار من غير يحنيو الراس ويطلبو سماح ولا مصيرهم غايكون الطرددددد.....
(البنات بثلاتة ) ~ س سمحي لينا
جيداء. .الصمت
إكرام . .كانواعد أميسيو هاد شي ما غايتكررش
منصور . .بصرامة ~ اكيد ما غايتكررش والى مصيركم هو طرددددد
دار يديه ورا ظهرو ورجع لمكتب ديالو رجعو جلسو فبلايصهم وكل وحدة تكمشات وضربات طمممم توجهات جيداء ناحية سلمى جليت فالكرسي لي جنبها وتكلمت....
جيداء . .ش شكرا بزاف
سلمى . .~بدون ماتشوف فيها ~ هذا واجب
# مكاااان_اخ___________________ر
جلس بنخوة و والفنجان بين صباعو كل شوية كايرتشف منو ويشوف فيها بدون مايتكلم حطت يدها على يدو وتكلمت بصوت حنين
مروى . . حياتي
جوزيف . .~بخشونة ~ وي
مروى. . ~عضت شفتها التحتية ~ مابغيتش عرس كبير مي بغيت حفلة واخا تكون صغيرة مايهمش المهم نكون معاك ويفرحو معايا عائلتي واسبوع ما غايكفينيش ~كاتشوف فيه بترجي ~
دقائق قليلة وكانت الإسعاف داخل الشركة هزوها فالنقالة وتوجهو بيها لإسعاف كايجريو ووراهم هارون كايجري بلا عقل تبعو قيس بالخف وديريكت للمصحة كانت قريبة لشركة فالشارع الثاني ثواني وكانو داخلها دخلو ليلى لبلوك ووراهم الدكاترة وبعض الممرضين بين ما هارون منعوه يدخل دقائق ودقائق بل اكتر من ساعة وهو على اعصابو حتى حد فيهم ماخرج لعندو يطمن قلبو بعد انتظار خرجت االممرضة كاتجر فرجليها غير جات عينو عليها مشا كايجري جرها من دراعها بلا عقل مخرج عينيه وكايسول بلهفة.....
هارون. .كيف بقات ليلى كيف بقات مراتي ؟
~ مبروك تزاد عندك ولد
هارون. .~غوت فوجها بصوت عالي زعزع قلبها وكشاكشو خارجين ~ قلت ليك كيف بقات مرااتييييييييييييييي.....
~كاتميق ف هارون ~ الحمد لله الدكتور قدر ينقدها هي والجنين ووقفو النزيف لي كان حاد صحة البيبي والأم عيانة شوية غاينقلو لبيبي للحضانة والمدام الإنعاش
هارون. .~بلع ريقو ~ ل لإنعاش ؟
~المدام وصلت للمصحة فحالة خطيرة زائد ولادة مبكرة والحمد لله لي مزال عايشة
~تخطاتهم وكملت طريقها بخطوات متسارعة تجمعو دموع ف عينيه والغصة كاطلع وتنزل فحلقو تسند على الحيط وكايمرر يدو على شعرو لحظات وتفتح باب البلوك خرجو ليلى فالبياص فاقدة الوعي وما واعياش بشنو كايدور حداها ووراها وحدة من الممرضات هازة البيبي مݣمط فليزار بيض اول ما جات عينو عليها مشى كايجري ناحيتها شد يدها باسها
قبل مايهضر معاها طلب منو الدكتور يفسح ليهم الطريق مشاو طايرين بيها تجاه المصعد وهو وراهم كايجري..........
#مكان_اخ______________________ر
كانت جالسة كاتبخشش فالتيلي حتى طلب منها المدير تمشي مع واحد السيدة جمعات الوقفة وتبعاتها بخطوات رزينة كانت قدام باب الوكالة رونج روڨر فالأسود قاتم فتحت باب سيارة واشارت ليها تركب معاها ماترددتش طلعت وديمارات بيها بعد ساعة وصلو لحي الرياض وسط الڤيلات انسطالات رونج ونزلت منها وجيداء وارها كانت بتي ڤيلا جات ف لخر دحي االرياض فتحات السيدة الباب وأشارت ليها دخل.....
جيداء. . بس ماغانقدرش ندري هاد شي كامل ف نهار واحد سبق ليا وخملت دار كاملة وجلست من الصباح حتى اليل
~زيرت على شنايفها كاتخمم ~ بس انا قلت ليك غير صالة وحدة وبيوت نعاس لاا ادا خففتي يدك غاتسالي قبل مايطيح الظلام انا غانطلع لبيتي نرتاح تقدري تبداي من دابا
جيداء . .~بعدم حيلة ~ اوك
توجهات لأحد الحمامات حيدت الحوايج لي كانت لابسة وجبدت حوايج الخدمة جمعت شعرها على شكل كعكة ودارت الكيت فودنها كاتسمع لأغنية غربية وتوجهات لكوزينة ماكانتش كبيرة بزاف متوسطة دورت عينيها هنا وهنا وتوكلت على الله بعد ما قالت بسم الله.....
#مكان_اخ______________________ر
أول ما فاق توجه لحمام خدا دوش وخرج لاوي الفوطة على نصو والما نازل مع عنقو وصدرو رد شعرو لور وخدا الفوطة كاينشف فيه من بعد لبست البوكسور وتبعو شورط فالكحل وخرج من الغرفة فتجاه المطبخ بخطوات تابتة وبدا كايوجد القهوة قاصحة وبلا سكر كيف ديما بعد ما وجدت هز طاس وتوجه لبالكو حطو فالحافة ديالو وخدا الكارو كايكمي بعد عشرة دقائق تقريبا رجع لغرفة نومو وبدا كايلبس حوايحو سروال جينز كحل مع بيل ݣري بالغين ݣري وكويرة كحلة لبس ساعتو اليدوية وهز تيلي ديالو والكونطاك دلوطو وخرج من الشقة فتحاه الطابق الأرضي وديريكت لوطو كحلة مااط عفط عفطة وحدة مخلي العجاج وراه ماوقف حتى لدوار كانت العشرة دصباح تقريبا ناس فايقن والحي كاينغل شي واقف عند مول الحانوت شاد نوبة وشي شاد لقنات كايتكيف والعياالات دايرين مجموعات كايهضرو حتى وقفت عليهم لوطو قرطة كاتشعل روايدها تحكو مع الأرض خلات ولاد الحومة حالين فهم حديدة براوية وموديل جديد مع زاج فيفي ما قدروش يشوفو شكون لي سايق ثواني وتفتح لباب ونزل منها ياسين طولة وتجريدة ولابس لبس نايض على قولتهم حتى من كتافو عراضو وزاد صحاح على لي كان العضلات برزو والكتاف عراضو وزاد تبوݣص كتر من الأول اصلا كان زوين لكن البس وتبوديرة زادو زينوه واقف جامد كيف تمتال وعاقد حجبانو حتى تݣرنو ليه بقوة ما مزير عليهم كلشي بدا كايهمس ويوشوش ......
1~ (بصوت مدعدع ) واش هذا ياسين ولد مي جميلة الله يرحمها ولا كدبت ؟
2~( حال فمو فلوطو ) برب المعبود الى هو خيس ليك على الحديدة
3~ وايلي وايلي على حديدة صداع العشيرة وشوف ليك كي تݣلضم تاااا منين جاه هاد الخير
1~ (حيد جوان من فمو ) يالا نمشيو نسلمو عليه ومنها نقلقلو السوق
3~(شدو من يدو ) تشااا ريح اصحبي مالك لحاس الكابة شفتيه حاشاه لينا
2~ وييييه شوف كي معنݣر تقول ما كايعرفناش
1~(نتر يدو منو ومشا قاصد ياسين ) ديها فكر* اصاحبي
بين ما فالجهة االثانية العيالات مخرجين عينيهم فلوطو وفالعضامة لي واقف حداها مامتيقينش بلي لي نزل منها ياسين ولد جميلة البنات طاحو ريوݣهم اصلا من زمان وهما مشعوطين فيه لكن دابا كتر ولا عاطي لعين اكتر من الأول بألف مرة ولي قال الفلوس وسخ الدينا نقول ليه الله يطلينا بوسخها بدا الهمس والغميز وكل وحدة كاتفصل وتخيط بدوقها
1~ تي شوفي ليك ياسين والحديدة لي جاب أخويتي
2~تي شتي غير الحديدة ماشفتيه لبس لي لابس ولا بحال دوك الممتلين المكسكين
3~(حطات يدها على قلبها وتنهدت ) الله يامي كاياخد العقل زاد زيان وحق الله
1~(طلعت معاها معاها بقرصة باش تسكت وولت شافت فالعيالات ~ ايوا لواه خاص نعزيوه فميمتو
4~ اوييييلي ارقية علاه ما فراسكم مايتعاود ماشي قال ليك باه طلع لباس عليه
3~لاااا خالتي ربيعة هاد الحديدة براوية شوفي المطريكيل ديالها ماشي ديال المغرب زايدون قبل ماتموت خالتي جميلة الله يرحمها سمعنا بلي مشى حرݣ
1~(حطت صبعها على فمها وقوست عينيها ) اويلي دار الفلوس ف قل من عام زعمة يكون كايبيع الغبرة ؟
2~بحال الى علمك الله الى ماشي دقة االورت راه دقة الغبرة
بين ما العيالات كايفصلو ويخيطو ولاد الحومة دارو بيه دورة الخاتم كلشي كايعنق ويعزي والدراي صغار كايدور على الوطو ويلعبو عقلو كان مرفوع مامركز مع حتى واحد فيهم كل زاوية من زواية الدوار كايفكروه ف ميمتو لي تحرم من شوفتها
قبل مايوصلو عندو االيعالات تخطا الولاد وتوجه لدارهم بخطوات تقيلة وماكايشوف فحد حتى حد ما حاس بالجرح لي فقلبو وقداش متلهف يدخل لدارهم ويشم ريحة ميمتو بداو فالقيل والقال بسيف مايعطينا وقت الفلوس كايعميو ايوا راه تلعق وشبع عياقة فين غانبانو ليه الداري رجعو تكاو على الحيط كايتكيفو فيهم لي الغل والحسد كلا قلبو وفيهم لي ما حاسدو ما حاقد عليه غير كايقول حتى حنا خاص نحرݣو ونوليو حتى حنا بنادم أول ماوصل لباب دار وقف مسمر كايشوف فيه شوفة مطولة الدموع تجمعو فطرف عينيه وتفاحة ادام كاطلع وتنزل فحلقو
#فلاش_باااااك
شتا خيط السما وخيوط صباح مزال ما بانو اول ماأدن االفجر خرج من براكتهم لابس مونطو دالميكا فالخضر وبوط كحل ومغطي راسو بالقب خرجت وراه هازة فيدها نص خبزة د دار لواتها ف زيف ورجعت لواتها ف الميكا وطيرموس صغيرة فيها اتاي بالويزة سخون مداتهم ليه ورجعت خشات يدها ف صدرها جبدت البزطام خدات منو عشرين درهم مداتها ليه.....
تبسم فوجها ومشى كايجري هارب من قطرات المطر وصل لراس الحومة كانت بيكوب فيها بعض شباب طلع لور وجلس جلسة القرفصاء جبد الخبز عض منو وحل طيرموس كايشرب اتاي وخا ماعندوش مع خبز زرع وحتى من لويزة ما كايحملهاش لكن مايقدرش يرد شي حاجة من يد مو خصوصا انها فاقت مبكرة على قبلو باش توجد ليه فطورو....
#الحاضر________
نزلت دمعة حارة على خدو مسحها بالخف وبدا كايحل الباب واخا ماعندوش ساروت لكن متعود يحلو بطريقتو الخاصة اول ماتفتح دفع الباب ورما الخطوة الأولى
وصلت لدار صغيرة جات فالأخر دبوزنيقة انسطالات لوطو ونزلت فتجاه الباب تفكرت بلي الساروت ما معاهاش ماكانتش عوالة زفرت بنرفزة وخدات التيلي تاصلت ب عزيزة.....
#مكان_اخ_______________________ر
#المصحة 🚑
أول ما نقلوها لإنعاش وقف ورا زاج كايشوف فيها والغصة فحلقو وقف وراه قيس وتكلم ....
قيس . .واش ما غاتشوفش ولدك ؟
هارون . .~تلفت وراه شاف فيه بظرات حادة وتكلم بصوت خشن كارز على يدو حتى عروق رقبتو برزو ~ بغيتك تجبدها ليا من تحت الأرض ما غانرتاح حتى ندمها على حياتها
قيس . .~حط يدو على كتفو ~ هارون ماتهورش وماتخليش الغضب يسيطر عليك خلي القانون يدير خدمتو
هارون . .~بنظرات حادة وصوت غليض ~ انا هو القانون وانا لي غاناخد حقي بيدي ~ أشار بسبابة ديالو فوجه قيس ~ اليوم تكون عندي اليوم قبل غدا ا قيس
قيس . .~بصوت رجولي ~ كون هاني
#مكان_اخ_____________________ر
كانت كاتحك فالماعن بجيكس والكيت فودنها كادندن مع لأغنية بصوت خافت وما راداش لبال لدئب لي وراها كايشوف ف سيقانها بشهوة عاض على شفتو التحتية بدون مقدمات وقف وراها وحط يدو على خصرها كايتلمس فيها وانفاسو الحارة كاضرب فيها قفزة مع لمسة وقلبها كان غايوقف تلفتت ناحيتو بسرعة مخرجة عينيها. ....
جيداء . .~بلعت ريقها ~ ش ش شكون انت بعد لهيه
~ (حط سبابة ديالو على شفاها ) ششششششت.......
جيداء . .~ (دفعاتو بكل قوتها وكلها كاترجف) بعد عليا بعددددددددددددد.....
~رجع جدبها كايحاول يخطف بوسة من شفاها وكايلهت كيف الكلب العطشان باغي لي يروي عطشو ويطفي نارو حكمها بيدو مزيان واخا كان رجل ف سن الخمسين تقريبا الى انو كايمتاز ببنية جسدية قوية زير عليها ما خلاش ليها المجال فين تتحرك وكايقرب شفاهو من شفاها مدات يدها لوجهو كاتبعد فيه بدون ماتعلي صوتها الخوف خلاها تفشلللللل نزلو دموعها على خدها وكاتكلم بصوت كايرجف .....
جيداء . .بعد مني بعدددددد هئ...هئ..
~غير بوسة بوسة وحدة مايكونش راسك قاصح
جيداء . .~دفعاتو بكل جهدها ورجعت ببضع خطوات لوراء ~ والله وتقرب مني حتى نغوت ونخلي المدام تشوف فضيحتك
مع كمل الجملة مع جاتو طرشة لوجه خرج عينيه وحط يدو على خدو كايشوف فيها بغضبببببببببب
جيداء . .حيوااااااااااااان
~هز يدو لفوق ونزل عليها لخد عوجو ليها
جات مراتو بخطوات متسارعة سمعات صوتهم وصل لغرفة نومها وقفت كاتشوف فيهم قراب من بعضهم وجيداء حاطة يدها على خدها ~
~ اش واقع هناااا ( شافت فيه ) الحاج شنو كادير فالكوزينة ؟
الحاج . .(بصوت عالي نوعا ماا ) من امتا وليتي كاتجيبي بنات زنقة لداري هاااااا ؟
~ مخرجة عينيها ) شرح ليا شنو واقع ؟
الحاج . .( أشار ل جيداء ) هاد قليلة الحيا كانت كاتحاول تغريني أعوذ بالله اش هاد قلة الحيا والعفةةةةةةة
جيداء. . ( خرجات فيه عينيها ) ك كداااااااب انت لي تهجمتي عليااااا
~خرجات فيها عينيها ) الله ينعلك المنعولة كيفاش تعلي صوتك على سيدك راجلي وكانعرفو مزيان هاد لي قدامك راجل شريف وحاج ربعة دالمرات وعارف بينو وبين الله خرجي عليا االمسخة كترتو خرجي عليا من داري
ماستحملاتش كلامهم وما بقاتش طايقة تشوف فوجهو مزال ݣدمات فيهم وتوجهات لصاكها هزاتو وخرجات بلا كاتبدل حوايجها ودموع مجموعين فطرف عينيها وقفت فراس شارع وشدات طاكسي لوكالة......
#مكان_اخ_____________________ر
#بعد ثلات ساعات.....
(المكان_ دوار _ جمايكا)
قدام المرايا مشققة ولاصقة فاالحيط داالمرح واقفة شابة عشرينية مربوعة القد وبشرة قمحية مع شعر طويل وكحل كي سواد ليل وعيون واسعة كحلة ومشفرة بعد ماجبدت شفارها بماسكارا من نوع رخيص خدات عكر ربعة وعشرين ساعة عكرت شنايفها ومصمصتهم لاحت شعرها ورا ظهرها وشداتو بمقبط صغير خلات بعض الخصلات نازلين على كتافها وتوجهت لكوزينة كاتميل بخصرها مزيرة ف بيجامة طويلة ولاصقة على لحمها فلون الحمر....
~ مي طاب الغدا ؟
~ (شافت فيها بإعجاب ) صلى ع النبي على بنت كرشي (مدات ليها البلاطو فيه طبسيل داالمرقة االحم بالملوخية وجنبو طبسيل دشلاضة بمطيشة والخص والخيار وكاس دالعصير ونص خبزة متوسطة ) طيري قبل مايسبقوك راه قالي خوك من الصباح ما خرج من دارهم ومزال طنوبيلتو فالدوار
~ واش امي غايشوف فيها زعمة غانعجبو
~معلوم غاتعجبيه علاش غايلقا حسن منك هااااا ؟ يالاا طلقي راسك وماتمشي حتى طيحي ولد جميلة فيك يالا بيني ليا حنت يدك
هزات لبلاطو وخرجات من براكتهم كاتميل بخصرها فتجاه دار ياسين وقلبها كايضرب غايخرج من بلاصتو
هزات لبلاطو وخرجات من براكتهم كاتميل بخصرها فتجاه دار ياسين وقلبها كايضرب غايخرج من بلاصتو أول ماوقفت قدام الباب خدات نفس عميق ومدت يدها كاتقادر شعرها وتقرص خدودها باش يحمارو رجعت جرت البيجامة من جيهة الصدر حتى بان شق صدرها عاد طرقت الباب زوج طرقات كان ناعس فوق الحاف على ظهرو وكايشوف فالسقف حتى سمع دقان عقد حجبانو وناض جمع الوقفة فتحاه الباب بخطوات رزينة مد يدو الخشنة لساقطة وفتحو غير شوية وميل راسو كايشوف شكون جات عينو عليها واقفة كاتشوف فيه وابتسامة عريضة على شفاها....
~ياسين على سلامتك
ياسين . .~بخشونة ~ شكرا
~مدت ليه لبلاطو ~ غايكون جاك الجوع بغينا نقولو ليك تغدا معانا ولكن غاتكون عيان من السفر وباغي ترتاح
~»ماكان فيه لي ياكل لكن ما بغاش يحرجها ويرد ليها لبلاطو مد يدو ياخدو منها بدون مايشوف فيها قربت يدها من يدو تعمدات تقيصو اول ما حس بلمستها خطف لبلاطو عاقد حجبانو وتكلم بصوت خشن ممزوج ببحة رجولية~
ياسين. .شكرا ا صفاء
قبل ماترد سد الباب ودخل لداخل مخليها وراه حاطة يدها على قلبها وكاتنهد.....
صفاء. .الله على صفاء كي خرجت من داك الفيم كيف الشهددد ~عضت شفتها التحتية وقلبت دورة لدارهم صوتو الخشن ماحيدش من مسامعها ورحية برفانو رجولية تغلغلت ف انفاسها غير وصلت لدار ترمات فوق الحاف على ظهرها حاطة يدها على قلبها وكاتشوف فالسقف حتى قفزت على صوت مهااا....
~هازة حاجب ومنزلة لاخر ~ شفتك في ساع جيتي ؟
صفاء . .اححححح امي بنتك غاتحماق ثاني عاد ماقلت غاننساه هاهو رجع فتح الجرح القديم (عتادلت فالجلسة ) عمرو حس بيا حتى الشوفة حتى الشوفة امي ما كايطولهاش فيا (بحرقة) هممم شاف فيا حتى فاش كان على قد الحال بقا غا دابا من تلعق
~طارت عليها بقرصة خلاتها تغوت من حر المها ) واش باغية تخرجي ليا العقل علاش لي مايشوفش فيك هاااا ؟ ناقصاك يد ولا رجل ؟ شوفي فيا اهاد الملعوقة حلي داك دماغ عندك وتوݣضي معايا شوفي شنو ديري وخلي ولد جميلة يطيح لشوشتو معاك قبل لا يديوه لا لياتك
اول ماسمعت من هارون شنو وقع خرجات من الڤيلا كاتجري بلا عقل ودموع مجموعين ف عينيها شافت يمين وشمال لقاات جوزيف مشا ضربت رجليها مع الأرض بعصبية وتوجهات لراس الشارع خدات بتي طاكسي وديريكت للمصحة....
مسافة طريق كانت قدام باب المصحة نزلت من طاكسي ومشات كاتجري وقفت فالإستقبال كاتلهت سولتهم على ليلى وصيفطوها لطابق الخامس توجهات لمصعد بخطوات متسارعة كاترمي خطوة هنا وخطوة لهيه ثواني وكانت فالطابق الخامس جات عينيها على هارون جالس فالممر جلسة القرفصاء وحاني راسو مشات كاتجري ناحيتو وصوت طالون كايتسمع منين ومنين.....
مروى . .( بلهفة ) فين هي ليلى....
وقفت سيارة من نوع ميني كوبر فالكحل قدام باب الدار ثواني ونزلت عزيزة بلباسها الأنيق وكاتشوف فالباب شوفات مطولة ميلت راسها كاتشوف فشجرة البلوط لي جنب دار رجعت علت راسها كاتشوف فالسراجم دالخشب كلاتهم السوسة وصباغتهم تقشرات كتر من 15 عام ما جات لهنا خرجها من سهوتها صوت جوليا واقفة مكمشة فواحد الكاب وماطايقاش راسها....
~مدت عزيزة يدها خدات ساروت من صاك وتوجهات لباب كاتفتح فيه القفل تصدا وحلف داك الباب لا تحل هنا جوليا جن جنونها وبدات تفقد اعصابها خصوصا الشتا بدات كاتجهد والبرد كايطير رجعت لوطو بخطوات متسارعة خدات تيلي وتاصلت ب كريم....
#مكان_اخ_____________________ر
واقفة ورا زاج كاتشوف فيها مسطحة فوق سرير فالبيض وملبسينها بلوزة فالبيض بحال شي ملاك والسيروم معلق نزلت دمعة على خدها ماقادراش تشوف ختها فديك الحالة حطت يدها على فمها كاتمة شهقتها وتكلمت بصوت مخنوق بالبكاا...
مروى . .ختي هئ...هئ.. ليلى فيقي
رجعت حطت يدها على زاج وكاتشوف فيها بعيون دامعة حاسة براسها مكتفة حاسة بالخنقة وبخوف كبير كاينهش قلبها مستحيل تقدر على فراقها الجرح لي خلات مها مزال ماطاب كيفاش غاتقدر على جرح ختها وهي فأمس الحاجة ليها بعد دقائق تلفتت ناحية هارون واقف بحال التمتال بلامح جامدة ووجه شاحب تمشات ناحيتو بخطوات تقيلة وتكلمت....
مروى . .فين هو البيبي بغيت نشوفو
هارون . .~بصوت باح ~ فالحضانة
تخطاتو ومشات كاتقلب على شي ممرضة توريها الحضانة فين جات بين ما هارون رجع كايطلع من زاج كارز على يدو وعينيه حمرين كيف الجمرررررر.....
هارون ...~بنبرة حادة ~غانجيبك اجوليا ورب الكعبة غانجيبك ونسيك حليب مك لي بين ضراسك
_مكان_اخ____________________ر
بعد_ساعة_تقريبااا....
جالسين فالوطو واالشتا خيط السما وغير ماكاتزيد تجهد كل شوية تشوف فالساعة وتزفر بعصبية بين ما عزيزة مزال ماقدرت تعرف شنو لي جاب جوليا لهنا ماقتلاتها ما حياتها حتى انها ماعرفاش بيمن تاصلت عيات تسول ولا بغات ترضي فضولها بعد انتظار لي ماكانش بالهين وقف طاكسي بيض من نوع مرسيدس جنب لوطو ونزل منها شاب ثلاتيني قامة طويلة وكتاف عراض مع شعر كتيف فالمارو ولحية مزينة وجهو وعاطياه هيبة ورجولة لابس سروال كحل مع قبية فالگحل حيد القب من على راسو وكايشوف ف عزيزة كاتميق فيه وكاطلعو من صباط لي فرجليه لخصلة شعرو توجهات ناحيتو جوليا بخطوات متسارعة وشدات فيدو غادية جيهت الباب....
جوليا . .كريم حل الباب خلاص جمدت بالبرد
حنن كاينضف حلقو وتكلم بصوتو الخشين
كريم . . ثواني وغايتفتح (تبسم فوجها ورجع كايتعافر مع االباب وعزيزة وراه مقوسة عينيها كيف البومة وكارزة على فمها )
عزيزة . .(بصوت شبه مسموع ) همممم هذا هو الشيفور ( بشمئزاز ) بففففف على حالة
بعد ما لبسوها بلوزة فالبيض ودارت لكمامة على نيفها دخلت للحضانة وقدامها الممرضة وقفت قدام سرير صغير جا فالقنت وأشارت ليها بيدها ....
~هذا هو البيبي
تمشات ناحيتو بخطوات تقيلة وعينيها عليه وقفت قدامو كاتشوف فيه صغير بزاف وكايحرك فرجيلاتو نزلت دمعة على خدها وتبعاتها ابتسامة عريضة مدات يدها وشدات فيدو كاتحسس وتلمس فيدياتو الصغار ...
~البيبي تزاد قبل وقتو وصحتو عيانة شوية لكن مع العناية غايولي بخير وغايتزاد وزنو مع رضاعة
مروى . . (تحنات كاتشوف فيه ) غاتولي بخير وماماك غاتكون معاك ماتصورش قداش انا فرحانة وليت خالة ههه عرفتي شنو بشوفتك خلتيني نفكر حتى انا نولي ام ونخلي ماما ليلى تولي خالة (ضحكت من بين دموعها )
~بعد دقائق طلبت منها الممرضة تخرج رجعت شدت يدو وكاتشوف فيه بحب من بعد خدات التيلي خدات ليه فوطو وعاد خرجت....
#مكان_اخ_____________________ر
بعد مجهود فتح الباب ودخلت جوليا لداخل كاتميل بخصرها دار مغبرة بزاف وريحة الغمال خلاتها تكح وترجع لور ببضع خطوات سادة نيفها مشمئزة من ريحة والحالة لي فيها الدار كانت دار صغيرة صالة مفتوحة كاتشوف فالباب فيها ربعة دالحوفة وطلامط موضيل قديم والسقف مقشر وشابع غمال وجنبها صالة اخرى صغير فيها ثلاتة د الفطويات جلدهم مقشر فالمارو وقدامهم طبلة صغيرة دزاج شابعة غبرة والمحابق يبسو وفالجهة اليمنى زوج غرف جنب بعضهم بابهم مسدود واخيرا كوزينة صغيرة حالتها حالة وطواليط جات فأخر االممر كانت طوليط بلدية وفيها روبيني لاصق فالحيط مصدي وتحت منو سطيلة دالما حاطة الكاب على نيفها وكاتهضر بنرفزة....
جوليا . .اش هاد الحال واش عمرك فكرتي تجي لهاد الخربة وتنقيها كي الناس ؟
عزيزة . .انا لي بغيت نعرف اش فكرك فيها وعلاش جاية اصلااا هااا؟
جوليا. .(تجاهلاتها وولت شافت ف كريم) كريم خاص تجيب شي وحدة تنقي هنا (فتحت صاكها وجبدت منو شي فلوس ) وبغيت تجيب كاع لي نحتاج غانجلس هنا شي ايام
~دفعها ورجع كايلبس حوايجو وخرج من غرفتو ف تجاه الطابق السفلي.....
#بعد_ساعات____
وقف بلوطو جنب الطريق ونزل كايتمشى ناحية قيس بخطوات مرجلة ورزينة شاف ف عينيه وتكلم بصوت خشين....
هارون ...مزال ما بان ليها لاتر؟
قيس . .تقول الأرض نشقت وبلعتها حتى حد ماشافها هاد نهار كلفت واحد من رجالنا يراقب دارها ماجاتش نهائياااا....
هارون . .(حك دقنو بعصبية ورجع وتكلم بصرامة وشرارة الغضب كاطير من عينيه ) بغيتك تجبدها ليا واخا تكون فسابع ارض كاتسمع ا قيس بغيتك تجبدها ليا وليلة قبل غدااا (تكلم من بين سنانو وورك على الكلمة ) ما غانرتاح حتى ندمها على حياتها...
قيس . .كن هاني واانا ماغانرتاح حتى نلقاهاا
_العشية بدات تتعاشا وشمس بدات تغيب ولالة صفاء مزال ناشرة رجليها على القصرية كاتعجن لمسمن ودندن على اغنية عندو زين عندو لحمام حتى قفزات على صوت مها واقفة عليها تبارك الله طول وعرض دافعة صدر القدام وحاطة يدها على خصرها...
~شفتك سكنتي هنا هذا راه ولا عشا ماشي كاسكروط
صفاء . .(مسحات جبينها بكف يدها وعلات فيها عينيها ) ايوا راه صايبت الكيك والبغرير والمسمن كايشد اليد امي واااه
~بقاي ناشرة ليا رجليك هنا حتى يهز راسو ويغبر
صفاء. .لا لا بان ليا غايبات هنا غايكون توحش دارهم وريحة ميمتو ( تنهدت ) احححح ماكرهتش كن كنت معاه دابا نواسيه ونسيه همو
خرجات لا فاطنة دافعة الصدر القدام والمؤخرة لور هازة ما هاز قلبي تمشات ناحية دار جميلة الله يرحمها وقفت قدام الباب ومدت يدها كادق دقت االمرة للولة والثانية والثالتة حتى بدات تتعصب حنحنت بحكم صوتها كان باح وبدات تعيط بصوت عالي شوية....
فاطنة . .ياسين أااا ياسيييين حل اولدي انا مك فاطنة
طلت مرا فنفس سنها تقريبا طويلة ورقيقة ومكمكة ف بينوار دالموبرة وخاشية فرجليها صابو دالميكة فالكحل خرجات راسها ومن باب دارها وتكلمت...
جاب كريم لمرا تخمل دار وجاب الخضرة ودسير واخا فلوسو قلال مابغاش يبخل عليها او يخليها مخصوصة عزيزة مازال ماقادرة تستوعب شنو وقع شدات واحد القنت وحاطة يدها على خدها كاتخمم شنو دير بين ما جوليا غادية جاية على اعصابها باغية تعرف شنو وقع واش ماتت ولا لا شاف فيها كريم وتكلم....
كريم . .( شد يدها ) جوليا مالك حالك ما عاجبنيش شنو واقع وعلاش جيتي هنا ؟
عزيزة. .لهلا يحيك ويوصل يديك لرجليك حتى نكون بحال مك
كريم. .(زاد كرز على يدو وتكلم من بين سنانو ) جوليا نشوفك من بعد
عطاهم بالظهر وخرج من الدار بخطوات متسارعة مابقاش قادر يزيد يشوف فيها او يسمع لكلامها لمستفز يقدر يفقد اعصابو ويتهور بين ما جوليا رجعت كاتغوت فوجها وتعلي صوتها
#المسااااء......
طاح الظلام وياسين مزال ما بان ليه الأتر خلا لوطو ديالو فالحومة وغبر فص ملح وداب خلا صفاء غاتنفاجر العشية كاملة وهي غادية جاية كاتغزز ف ظفارها وكل شوية تخرج من دارهم وطل على بابو واش تحل ولا مزال وترجع طل فالشق تشوف واش ضو شاعل لداخل ولا مزال الظلام عندو حتى كاتبعها فاطنة تجرها ودخلها والجارات ردو ليها البال وبداو يتهامسو شي كايقول الله يستر فاطنة وبنتها حماقو وشي كايقول خاص حتى حنا نتحركو ونخليو بناتنا يبانو قدامو شكون عرف يقدر يتغرم بشي وحدة وتكون حلالو
#مكان_اخ_____________ر
لبست بيجامة دو بياس بيل وكلون وفوق منهم بينوار حد ركبة جمعات شعرها بشكل عشوائي وتوجهات لكوزينة كاتوجد ليباط بمطيشة ودماغها خدام حتى لين غاتبقا ضرب الجفاف قرات حتى حفاو عينيها وشدات دبلومات صحاح فالتالي ضرب الجفاف عند لي يسوا ولي مايسواش وهي لي كانت عايشة فالخير والخمير وبدل الخدامة زوج وثلاتة تنهدت تنهيدة طلعت من اعماق قلبها وكرزت على يدها فكل ما كاتجي سعاد فبالها كايجن جنونها هي سبابها بلعت ريقها تكلمت بحرقة....
جيداء . .الله ياخد فيك الحق اسعاد الله ينتاقم منك انت وبنتك
سارة. .(وقفت وراها حاطة يدها على نصها ) تشيرتي لاا؟
جيداء . .(شهقت ) قفزتيني حرام عليك (شافت فيها ) جيتي اليوم بكري
سارة . ._بجدية _ ماكايهمنيش شنو وقع ليك قصصك خليهم عندك لي مهم عندي هو الكرا يتخلص انا ما غاديش نخدم عليك ونزيد حتى همك
قبل ماترد عليها عطاتها بالظهر ومشات كاتميل بخصرها وشعرها كايلعب ورا ظهرها جرات جيداء الكرسي وجلست شادة راسها بين يدها كاتخمم منين تجيب فلوس لكرا الى مشات حتى جرات عليها سارة غاتلقا راسها فالزنقة وماكاينش لي يرحمها الغصة فحلقها كاطلع وتنزل ما حست حتى نزلت دمعة على خدها مسحتها بالخف وتكلمت بصوت مخنوق بالبكاا..
جيداء . .اخخخ ياربي شنو غاندير هئ..هئ...
#مكان_اخ____________________ر
وقف قدام سناك شعبي كايبيع ساندويشات دالكفتة حيد القب من على راسو ودخل لداخل بخطوات تقيلة وتخنزيرة ما مفارقاهش لكن اول ما جات عينو على رجل فالخمسن من عمرو ترسمات على شفاهو ابتسامة خفيفة وقف وراه وتكلم بصوت خشين ممزوج ببحة.
ياسين . .با براهيم
صوتو ماخافيش عليه وعمرو ينساه قبل مايتلفت ناحيتو ترسمات ابتسامة عريضة على محياه حرك شفاهو بشوية ونطق بإسمو...
تعانقو عناق رجولي والإبتسامة على شفاهم وكل واحد فيهم فرحان بشوفة الأخر خصوصا با براهيم ياسين بنسبة ليه ماشي غير كليان عادي لاا كايعتابرو بمتابة ولدو لي ماولدش ياما وقف جنبو وعاملو معاملة الأب لي تحرم منو كل واحد فيهم كان كايكمل الأخر با براهيم الأب الحنون وياسين الإبن البار شد يدو وتوجهو لأحد طاولات جات الداخل وجلسو مقابلين مع بعضهم.....
ياسين. .(تكا ظهرو على الكرسي وفرق رجليه ) فالدنيا وهمومها
براهيم . .تسنيتك بالأيام والأسابيع والشهورة وحتى حد ما قدر يعطيني خبارك هنت عليك مشيتي حتى بلا ماتسلم عليا
ياسين. .(بصوت خشين )كنت محتاج نبعد وصلت بيا العظم ماكنتش قادر نشوف ميمتي كاطفا يوم بعد يوم وانا جالس مكتف كان خاصني نخوي هنا (الغصة فحلقو ) ولكن بلا حتى فائدة مشات بلا مانشوفها ونشبع منها (كرز على يدو ودموع تحجروف عينو )
براهيم . .(رجع شد يدو ) الموت علينا حق ومك أمانة الله الله عطاها والله خداها حمد الله انك عشتي طفولتك وشبابك معاها حضناتك وعطاتك حنانها وفين ما كانت دابا غاتكون راضية عليك مرضات الله لعبادو غيرك اولدي تحرم من مو وهو فالݣماط حتى انو ما عارفش ملامحها ولا شام ريحتها (زير على يدو ) عندك خوتك وهما محتاجينك تسخن كتافهم وديرهم تحت جناحك الوقت اولدي غايداوي هاد القلب ( أشار لقلبو ) وغاتأقلم مع الوضع وغاتجي لي تعمرو وتكون الأم والزوجة وكلشي فحياتك
ياسين. .(بصوت خشين ) حتى بنت المرا ما غاتقدر تاخد بلاصت مي وخا مانعرف شكون تكون مي هي مي وبلاصتها محفوظة ومحفورة هنا ( ضرب جيهة قلبو بقوة ) زائد اخر همي تكون فحياتي مرا
براهيم . .(قهقه ) غايجي نهار لي تكون فحياتك مرا وماغاتكونش اي مرا (شاف فيه وتكلم بجدية ) الراجل منا كيف ما كان يكون علا شانو ولا صغر كاتخصو مرا فحياتو تعمر دارو وفراشو وحتى قلبو ومعاها يدير ولادو تكون المسكن السكينة وكل حاجة زوينة فحياتو
ياسين . .~عقد حجبانو حتى تزيرو وتكلم بصوتو الخشين ~كلهم سلعة ناقصة وݣنس غدار حتى الى فكرت ندخل مرا لحياتي غاتكون غير لفراش لا غير عمري ندخلها لقلبي ونهار طلع فراسي غانرميها برا حياتي
براهيم. .عيب اولدي هاد الكلام عمر لمرا ما كانت غير لفراش المرا راها الرحمة الصدر الحنين والقلب الكبير و___ قاطعو ____
ياسين . .با براهيم غانجلسو ليل كامل نهضرو على لمرا (تبسم ابتسامة صغيرة) من صباح ما دقت النعمة بان ليا غاتݣهمني غير بسيرة المرا
براهيم. .(وقف) شوية والعشا يكون عندك وماشي اي عشا اليوم ستتناء ( ضحك فوجهو وتوجه لكوزينة بين ما ياسين جبد لگارو شعلو وكاينتر منو )....
#مكان_اخ_______________________ر
انسطالا لوطو وتوجه لداخل الڤيلا بخطوات تقيلة وديريكت لغرفة نومهم مد يدو شعل الضو وسرح عينيه ف زواياها فكل ما كايدور عينيه كاتجي صورتها قدامو صوتها وضحكتها وحركاتها وكل تفاصيلها دازو قدامو الغرفة مظلمة وباردة بلا بيها حس بالغصة فقلبو كاتحرقو وتفاحة ادم كاطلع وتنزل ف زورو ماكرهش فهاد للحظة تكون جوليا بين يديه يعصرها عصير وخليها تتمنى الموت وماتلقاهش على لي دارت ف محبوبتو حيد الڤيست بالزعف وتبعها الشوميز والسروال بقا غير بالبوكسو توجه ناحية البنوار ديالها كان بينوار حريري فالأسود شدو بين يديه وغمض عينيه مزير عليهم قربو لنيفو كايشم ريحتها والغصة كاطلع وتنزل رماه من يدو وهز الڤاز شير بيه ناحية المرايا حتى تشخشات ولا كايهز ويخبط اي حاجة جات قدامو زير على يدو على شكل لكمة وضرب الأجزاء لي بقاو من المرايا رجعت يدو كلها دم والغرفة تقلبات رأسا على عقب كان اعصار مر بيها مع دلك العافية لي فصدرو ما طفاتش وغليلو ماتشفاش جلس على ركابيه وتكلمت بصوت عالي مبحوح......
هارون . .جولياااااااااااااااا غاندمكككككككك ورب الكعبة غانخليك تتمناي الموت وماتلقايهاش
~ فاقت مفزوعة على صوتو العالي خرجت من غرفتها وتوجهات لغرفتو كاتجري مرعوبة باغية تتخبا فحضانو مدت يدها الصغيرة لبواني وفتحت الباب بلا ماطرق اول ما دخلت جات عينها عليه جالس فالأرض ويدو عامرة دم .....
رفع عينيه فيها وفتح دراعو تخشات فحضنو وكلها كاترعد من الخوف ما خايفاش منو قد ما كانت خايفة عليه مد يدو لي ما مجروحاش مررها على خصلات شعرها وتكلم بصوت شبه مسموع.....
هارون . .شتتتت ماتخافيش اباباا
ليليا. .~يدك مجروحة هئ..هئ....
هزها جلسها فوق الكانابي وتوجه لحمام كايغسل يدو وكايهضر معاها فنفس الوقت واخا ما كانش قادر يهضر حاس براسو مخنوق ومهدود.....
وصلت طناش داليل ومزال ماقدرت تنعس خشات رجليها ف بانطوفة ولاحت عليها الكاب دمها وخرجات من براكتهم كاتسلت على طراف صباعها فتحت الباب بالمهل وخرجت كاتجري فتجاه باب دارو تحنات كاطل فالشق واش الضو مشعول عندو وولت تقادت فالوقفة ...
صفاء . .اخخخ مزال ما جا فين غايكون مشا ؟؟ مررت يدها على شعرها بعصبية وقلبت دورة ناحية التيرا كاتسرع فخطواتها وكاتلفت يمين وشمال خايفة يخرج ليها شي شمكار ولا يفيق بيها شي حد من الجيران اول ماوصلت جات عينيها على لوطو ديالو مزال مبلاصية قدام باب الحانوت دالحومة عاد تنفست الصعداء وتكلمت بصوت شبه مسموع
صفاء. .اححح مزال هنا
قلبت دورة لبراكتهم كاترمي خطوة هنا وخطوة لهيه والفرحة ما سايعاهاش
براهيم . .حتى حاجة ما تغلا على الغالي كول باش تزيد تصحاح والمرا كاتبغي الجهد ( غمزو وقهقه )
ياسين. .~بصوت خشين ~ عاوتاني سيرة المرا
براهيم . .ايييه ثاني وثالت والى بغيتي المرا على حسابي
ياسين. .~صغر فيه عينيه~ شكون هادي همممم ؟
براهيم. . راك كاتعرفها ( كايدكر اسمها ) أاااا مريم بنت الحاج قاسم مول الطاحونة زوينة ومافيها مايتعاب ووصلت لسن زواج
ياسين. .~ضحك حتى بانو الغمازات ديالو وتغمضو عينيه ) لا واش كاتهضر من نيتك انا نتزوج ديك البرهوشة لي عاقل على زيادة ديالها لا ومن الفوق ما فيها مايتشاف
براهيم. . ~عقد حجبانو ~ علاش مافيها مايتشاف زينة ومربية وفوق من هاد شي صغيرة تربيها على يديك البنت كملت 18 عام يعني هذ هو سن زواج وفوق من هاد شي عائلة كاتشرف وعمري سمعت عليها شي حاجة خايبة
ياسين. .واش انا غاندخل ف 32 ناخد بنت يالا كملت 18 قد بنتي وفوق من هاد شي حتى علاقة شعرها ديما واقف وحتى فورما ماعندها ماتعرفها غادية ولا جاية ( هز الكاس داتاي شرب منو ورجع ستأنف كلامو ) راه قلت ليك ما كانفكرش ف زواج وانا ماشي دزواج وحتى الى فكرت غانشوف شي وحدة عندها مؤهلات لي تمتعني ماشي وحدة مزال ما فقصت من البيضة (غمزو )
براهيم . .الله يقلل حياك بلاد نصارة رجعاتك قليلة الحيا مقطررررررر وزيغات عينيك اشمن مؤهلات علاياش كاتهضر رجال كايقلبو على مرا تكون بنت ناس لي تصون العرض ودار وانت كاتقلب على لخوا لخاوي اسيدي الى على الغلض غير غاتزوج وغاتغلاض حتى تولي قد تور انت غير توكل على الله
ياسين . .مافهمتيش شنو بغيت نوصل ليك المؤهلات ماشي الشحمة زايدة نووو حوايج خرين يعني راه تكون ضعيفة ولكن لحوايج لي كايتيرو راجل كاينين بحال ( حبس الكلمة من فمو ) ماعليش ماشي مهم تعرف بحالهاش مابقتيش قد هاد شي ابا براهيم ( قهقه برجولة ورجع تكلم بجدية) بنت با قاسم على راسي من الفوق ولكن ابا الحبيب انا ماشي دزواج حياتي مرونة واخر همي دابا هي المرا نقدر نزها وياربي تسمح ليا ولكن مانقدرش نربط حياتي بمرا
براهيم. .~بغضب ~ تزهاا باغي تغضب الله هااااا استغفر الله العظيم
ياسين . .~جر طاجين قدامو ~ غاتبقا مقابل سيرة نسا حتى نجلس بلا عشا
~شاف فيه با براهيم بقلة حيلة وضرب اخماس ف اسداس عرف الكلام معاه ما غايوصل لحتى نتيجة مقصح قلبو من جبهة نسا وصعيب يقدر يقنعو لكن مع ذلك قال مع نفسو ما غايستسلمش الى شاف بنت قاسم صغيرة غايشوف ليه بنت أخرى المهم هو يزوجو ويتقل كتافو هاكا غايتهنا عليه على قولتو بين ما ياسين حنا راسو كاياكل ويتبنن عام ما ذاق طياب با براهيم بعد ما تعشا جمع الوقفة وجبد من جيبو اوراق نقدية قبل ما يدفع لحساب شد ليه يدو وتكلم.....
براهيم. . اليوم على حسابي
ياسين. .لا ما غانقبلش (مدهم ليه )
براهيم. .من امتا كان بينا هاااا (بصرامة ) قلت ليك اليوم على حسابي
ياسين. .(رجع الفلوس لجيبو ) غير اليوم مرا اخرى ما غانقبلش يالا سد نمشيو عطلتك اليوم
ياسين. .(تنهد وتكلم بصوت خشين) الله يرحمها (شاف فيه ) ماحدي هنا غاتشوفني كل ليلة.....
كلمة ماحدي هنا خلات براهيم يعقد حجبانو ~
براهيم. .كيفاش ماحدك هنا علاه فين ناوي تمشي هااااا؟!!....
ياسين. .بلاصتي مابقاتش هنا ابا براهيم ولكن ما غانغيبش ضروري غانبقا نجي ما غانخليكش ونخلي خوتي اكيد كل مرة غاتلقاني عندكم
براهيم . .~بحزن ~خليك اولدي هنا بين ناسك وهلك خلي عليك بلاد نصارة وخليك فبلادك
ياسين. .اش عطاتني هاد البلاد من غير الهم والغم الغدر والحرمان والفراق والفقر حتى حاجة ما زوينة فيها من غير دكرى الحنانة وخوتي ( شد يدو ) وانت وبسس من غيرك ابا براهيم ومن غير خوتي ماعندي حد ولولاكم ماكنتش نرجع ولا نفكر نضرب فيها ضربةةةةة ( شاف فالساعة ) وصلت 2:00 يالا سد مشا الحال
حنا با براهيم راسو وطلعت تنهيدة من اعماق قلبو وولا عطاه بالظهر كايسد فالسناك بين ما ياسين دار القب على راسو ورجع شعل كارو اخر شاف فيه براهيم وتكلم...
براهيم . .باركة عليك من داك سم من جيتي وانت تبخخخخ....
#مكان_اخ____________________ر
بعد ماغسل يدو ولوا عليها الفاصمة حبس الدم وولا رجع عند ليليا نعسها جنبو خاشيها فحضنو كايلعب فشعرها حتى غفات بقا كايخمم ويخمم حتى داتو عينو وستسلم لنوم عند ياسين بعد ماوصل با براهيم لدارو توجه لوطو ديالو ركب فيها وعفط عفطة وحدة ماوقف حتى لأکدال انسطالا لوطو قدام باب العمارة وتوجه لشقة ديالو فتح الباب غير دخل حيد الجاكيط لي كان لابس وتمشا ناحية البيت ديالو حيد حوايجو وتوجه لحمام خدا دوش خفيف ورجع لبس سروال كيطما وتلاح فوق السرير مستسلم لنوم
قبطت السماء وجها وتلبدت الغيوم فالسما وبدات تسكب دموعها بغزارة لبست الطبيعة معطفها باش ماتجمدش بالبرد وزمجر الرعد بصوت قوي كا زئير الأسد معلن على يوم ممطر
وسط طريق طويلة طويلة بزاف ماقدراتش تحدها غادية وسط الشجر بفستان بيض كايتجرجر وراها وشعرها كايديه الريح ويجيبو تلفتت يمين وشمال ماعارفاش راسها فين غادية وشنو كادير وسط هاد الغابة فجأة سمعات صوت جاي من وراها صوت خلا قلبها يرفرف والإبتسامة تشع على محياها تلفتت بالخف ونطقت بصوت كلو انوثه ....
~قبل ماترد ليلى سمعت صوت البكا كان صوت ضعيف وبدا كايترفع شوية بشوية تلفتت يمين وشمال كاتشوف الصوت منين جاي حتى لمحت رضيع صغير مݣمط فليزار بيض ومحطوط جنب واحد شجرة فوق العشب تمشات ناحيتو بخطوات تقيلة كاتشوف فيه تحنات لمستواه زولات ليزار على وجهو كاتشوف فيه كان زوين بزاف كيف شي ملاك وبيض كابياض الثلج ووحهو داير كيف الݣمرة ف ليلة زاهية فتح فمو صغير وزاد فبكاه خلاها تمد يدها وتهزو حطاتو بين حصانها كاتراري بيه فجأة سكت بين يدها ورجع كايضحك خلاها تلقائيا تبسم مررت ابهامها على شفاهو وتبسمت ابتسامة ساحرة فجأة دكرت مها وولت تلفتت وراها كانت عاطياها بالظهر وغادية....
حركت يدها وشهقت وبدأت كاتفتح عينيها كاتشوف قدامها غير ضبابة ثواني قليلة وبدأت الرؤيه كاتوضح ليها غمضت عينيها ورجعت فتحتهم كاتحاول تشوف مزيان وكاتقول فين هي دقائق وتوضحات الرؤيه بشكل واضح كاتشوف راسها فغرفة كلها بالبيض كي الحيط كي السقف كي الباب وقدامها جدار زجاجي كبيييير فيه طول وعرض كايتسمع غير صوت الآلات والأسلاك ضايرين بيها حاسة براسها فاشلة وراسها عاطيها الحريق وحلقها ناشف بحال الى كانت فالصحرا ثواني وبدات كادكر شنو وقع معاها داز اليوم الحادت بين عينيها نزلو دموعها وهزت يدها بشوية كاتحاول تحطها على كرشها باش طمن على ولدها....
فتح عينيه مع ساعات الأولى من صباح ناض من فوق السرير بالمهل باش مايفيقش اميرتو وتوجه لزاج لي فالارض كايلقط فيه بيدو بعد ماجمعو لاحو فالبوبيل وبدا كايطرف علاش قد من بعد توجه لحمام زول الفاصمة من يدو وتخشا تحت الرشاشة خدا دوش خفيف حيد بيه العيا وخرج لاوي الفوطة على نصو وتوجه لدرسينغ بخطوات تقيلة نشف لحمو وخدا سروال لاطوال فالبيض مع شوميز فالبيض وڤيست فالبلو وصباط مع صباط مارو لبس ساعتو اليدوية ورد شعرو الور رش بارفانو ورجع دار فاصمة اخرى فيديو بعد ما عقم الجرح ونزل لطابق السفلي .....
هارون . .~بصورت مدعدع ~ صباح الخير
~صباح الخير اسيدي
هارون . .~اشار للفوق~ البيت مرون طلعي قديه وهتمي ب ليليا
~تحت امرك سيدي
هارون . .~ بتحدير ~ ماتغفليش عليها
~كن هاني اسيدي ليليا ف عينية....
عطاها بالظهر وتوجه ناحية الباب بخطوات مخملية طلع فلوطو وعفط عفطة وحدة ماوقف حتى لباب المصحة
#مكان_اخ______________________ر
اول مافتحت عينيها خشات رجليها ف البانطوفة ديالها ولاحت عليها الكاب وخرجت كاترمي خطوة هنا وخطوة لهيه مشات تتأكد واش الوطو مزال فالحومة لكن شافت العكس بحححح طار حتى قبل ماتشوفو حسات بالغصة فقلبها كاتحرقها والدموع تحجرو فطرف عينيها
بلعت ريقها وتكلمت بصوت شبه مسموع
صفاء. .مشااا
خدات سروال دالجلد فالكحل مع بيل دصوف فالبيض وفوق منو مونطو كحل لبست لي بوط قصير فكحل جبدت شفارها بالماكسارا وحطت ݣلوس على شفاها وخلات شعرها على راحتو مدت يدها هزات البرفان ديالها كاتشوف فيه بقا فيه غير شوية وماعندها باش تشريه تنهدت ورشت منو زوج رشات خفاف من بعد هزات صاكها وخرجت فتحاه الكوزينة عمرت براد صغير داتاي و خدات الخبز دالبارح سخناتو دارت فيه الزبدة وجلست كاااتفطرر...
اول ما بلاصة لوطو توجه لطابق فين كاينا ليلى وديريكت لإنعاش غير وصل وسع عينيه ماقادرش يصدق شنو كايشوف مسطحة فوق السرير وكاتهضر مع الدكتور كايشوف فيها فايقة وكاتحرك شفاها بدون تردد دفع الباب ودخل طاير عندها شاد فيدها....
الدكتور . .بعد الفحص غانقلوك لغرفة اخرى وان شاء الله غاتشوفيه
ليلى . . إن شاء الله (رجعت شافت ف هارون ) وصفو ليا لمن كايشبه ؟
مد يدو كايحك راسو ماعرف باش يجاوبها شافو مرة وحدة بسس ومن بعيد ماكانش قادر يشوفو ومحبوبتو كاتصارع الموت فرحتو بيه كانت ناقصة رفع عينيه كايشوف فيها وتكلم بصوت رجولي....
مروى. .~بنفاد صبر ~ الله يخليك انت الى مابدل ساعة بخرا
ليلى . .~بصوت شبه مسموع~ مروىى
مروى. .~لاحت شعرها ورا ظهرها ~ ماغانخرج حتى نوريك الخنفوش ( دخلت لݣالغي كاتقلب على الفوطو تحت انظار الدكتور لي ماكرهش يطير عليها بقجة لكن ما عندو مايدير مدام من عائلة هارون لسانو تخرس تمشا هارون ناحيتها باش يشوف البيبي اول ماشافتو ليلى قلبها خفق خداتو من عندها وكاتزومي عليه وحست بقلبها مزير عليها
ليلى. .اشمن ضعيف غير بان ليك مع تصاور وزنو هو هداك عرفتي شنو انت غير مسخرة صافي الخنفوش غير نسبي ماخلا فيه وتقول ( ضحكت بصوت عالي )
هارون. .تبسم) بصح كايشبه ليا
مروى . .(كاتحرك يديها ) فولة مقسومة على زوج
فادي . .( قهقه ) ايوا الولد ديما كايطلع لباه
ليلى. . ~لوات فمها ~ لابد ماشبه ليا فشي حاجة
مروى . .(كاتزومي عليه ) نو ماكانظنش
ليلى . .غير شوفي مزيان هانتي دورة الوجه غير انا هارون وجهو طويل وولدي وجهو داير يعني كايشبه ليا
هارون . .(عقد حجبانو ) وجهي طويل 🤨
فادي . .( قهقه ) هاهاههه....
توجه لزاج كايحاول يشوف انعكاس وجهو فيه وكايمرر يدو على دقنو بين ما ليلى كاتزومي على الفوطو ودقق فملامح وجهو ياقوت جلست فالكانابي حاطة رجل فوق رجل وكاتشوف فيها....
ياقوت. .غالبا الولد كايطلع لباه متلا انا قصي طلع غير باه واخا كنت كانتمنى يطلع ليا حتى انت نفس شيئ يعني بلا ماتحاولي تشبهيه ليك بززز
مروى . .وانت مالك هااااا انت مالك شكون طلب رئي ديالك ؟
عزيزة. .واش عند بالك ساهل أااا ؟ عند بالك هارون ما غايحطش شي حد يراقب تحركاتي وبيا غايوصل ليك وماشي بعيد يكون علم البوليس ودنيا غاتكون مقلوبة عليك اخخخخخخ ماعرفتش لمن كاتشبهي ياهاد الݣنس غبية لأقصى حد
واقف فالكوزينة لابس سروال دالكيطمة فالگري وصدرو عريان كايوجد القهوة ديالو كيف المعتاد كحلة قاصحة وبلا سكر بعد ماوجدت كبها فالطاس وتوجه لصالة جلس فالكانابي كايرتشف منها مد يدو خدا تيلي ودوز رقمهاا رن ورن بدون رد دخل لبلاصة المساجات وسرد ليها ميساج....
💭 Hada Ana Yassine hada num jdid dyali mn tchofi message tasli bia
بعد ماسرد ليها المساج رما التيلي فوق الكانابي ورجع كايرتشف قهوتو....
خارج من المطار بخطوات مخملية رافع راسو لسما وكرشو سابقاه تمشى ناحية الهامر لي كانت ف نتظارو بخطوات تقيلة وسيجار من نوع الفاخر بين صباعو أول مافتح ليه السائق الباب ركب فالمقعد الخلفي وجلس جنبو واحد من رجالو ...
(الحوار بالإطالية) ....
ماركوس . . بغيت الأوتيل لي نزل فيه يكون قريب من المسكن ديالو
~تحت امرك سيدي
ماركوس . .وبغيت عنوانو دابا يكون عندي
~العنوان عندي اسيدي
ماركوس . .~بصوت غليض ~ مزيان بزاف خاص ندير ليه زيارة فهاد اليلة (قهقه برجولة ) ااااه داك الكلب المجراب دصاحبو ااااخ اش سميتو امممم اه علي علي كلبو الوفي بغيتو يكون كلبي ويجيب ليا خبارو اول بأول وانتما غاتعرفو كيفاش تردوه كلبي المطيع
~كن هاني اسيدي عتابر علي خاتم فصباعك
ماركوس . .(نتر من سيجار وخرج دخان من بين شفاهو مع ابتسامة خبيتة ) مزيان بزاف ....
#بعد_دقائق____
اول مانقلوها لغرفة اخرى اصرت تشوف ولدها بعد اصرار كبير جابو ليها الكرسي المتحرك باش تقدر تمشي وتشوفو دفع بيها هارون الكرسي فتجاه الحضانة ووراه مروى كاتميل بخصرها يمين وشمال ثواني قليلة وكانو قدام السرير دالبيبي تجمعو الدموع ف عينيها وتخلطو عليها الأحاسيس الخوف مع الفرحة مدت يدها كاترجف ناحيت يدو صغيرة شداتو وتكلمت بصوت حنين . . .
ليلى. .ولدي هه ولدي
مروى. .شفتي شحال زوين
ليلى . .(ضحكت من بين دموعها ) اه زوين زوين بزاف دابا واش بصح هذا ولدي يعني انا ام هههه
هارون. .(باس راسها ) اه ولدك وولدي قطعة منا بزوج
ليلى. .شوف شحال ضعيف و و واش غايولي لباس ؟
مروى. .ماتخافيش لباس عليه وماتنسايش تزاد قبل وقتو هذا علاش ضعيف شوية بسس اول ماتبقاي ترضعيه وتعتني بيه غايربي صحتو
ليلى . .بصحح غايولي لباس ياك ؟
هارون. .~بصوت رجولي ~ اييييييه.....
#المسا_______________________ء
واقف فالكوزينة لابس شورط كحل مع تيشورطة فنفس الون وخاشي رجليه ف صندالة دصبع كايوجد ف عشاه والكوزينة قلبها سفاها على علاه بينو وبين طياب غير الخير والإحسان مع ذلك لي فيه ماهناه قطع المطيشة رماها فالمقلة وقطع عليها جميع انواع الفلفلة ها الحمرة هاالصفرة هالخضرة والعطرية لي جات قدامو يرميها فوقهم حتى من القرفة مافلتاتش وقبل ماطيب ديك خيلوطة رما عليها نقانق وزاد فوقهم البيض وجلس كايحرك فيهم يمين وشمال عندو بالو داير انجاز نص لصق فالمقلة تحرق ونص الفوقاني بقا شاد راسو شوية طفا البوطة وهز المقلة حطها فوق الطبلة وتوجه لتلاجة فتحها خدا منها كوكا كولا ورجع لطبلة مغمض عينيه كايشمشم زعمة ريحة زوينة خسر سيفتو ماعجباتوش مع ذلك قال الريحة ماشي مهم اكيد المذاق لذيد قطع شوية دالخبز وبدا كايهز اول ماحط لقمة فمو تفها فوق الطبلة مخسر سيفتو وماعاجبو حال النقانق مزال ماطابو والقرفة مداقها لا يطاق مد يدو كايحك راسو كاعي وساخط على الوضعية ....
ياسين . .بففففف اش هاد الحالة
ترن__________ترن___________
رفع عينو ناحية الباب وقال هذا غير علي شكون من غيرو جمع الوقفة وتوجه ناحية الباب بخطوات رزينة واخيرا جا لي يعتقو أول مافتح الباب جات عينو على الخنزير كيف مسميه شافو كحل بالعما ماعرف راسو باش تبلا طلعو ونزلو وتكلم بصوتو الخشين .
ياسين. .ماركوس ........
ماركوس . .(بصوت غليض ) ياسينوووو (قهقه) هاهاههه
ياسين. .شنو كادير هنا ؟وكيفاش غرفتي داري !
ماركوس. .هاكا كاتستقبل ضيوفك همم ؟
ياسين. .(زير على حجبانو حتى تلاقاو وولا فسح ليه الطريق باش يدخل )تفضل
دخل ماركوس كايتمختر ووراه زوج من رجالو قدهم قد السخط طول بعرض ونفس الباس حتى نفس الون سرح عينيه فالدار كايشوف كل زاوية من زواياها وحبس شوف ناحية المطبخ كان مفتوح على الصالة وتقدر تشوف شنو داخلو توجه لطبلة وكايشوف فالمقلة....
ماركوس. .علاش طلبتي العشا انا لي قلتها للول عيب عليك
ياسين. .امكن نسيتي بلي راك ضيفي وفداري ؟
ماركوس. .(كايدور ف عينيه ) بصح هاد الدار زوينة ولكن صغيرة ماشي فمقامك حتى من الحي ماعاجبنيش (اگدال ماعحبوش 😂)
ياسين. .(غمض عينيه بنرفزة ورجع فتحهم ) اكيد هاد زيارة وراها شي حاجة مايمكنش تجي غير هاكاك بسسس كيف ديما غير كاتعدب راسك ديجا قلت ليك ورايا ماغااتصور والو
ماركوس. .عيب عليك ولله الى عيب دير بوجه الملح وطعام لي شركنا انا ديما نيتي حسنة معاك وسبق ليا وقلت ليك من ورايا غاتربح الشهد اياسين الشهد على العموم هذا ماشي مهم انا جيت سياحة لمغرب وقلت مدام انا هنا لازم مانشوفك (توجه لكانابي جلس فيه وحط رجل فوق رجل )
بعد يوم متعب رجعت خدات طاكسي وتوحهت للحي فين كاتسكن كانت التسعود دليل نزلت من طاكسي حانية راسها كاتسرع ف خطواتها هاربة من قطرات المطر لي بدات كاتزاد قبل ماتوصل لزنقة وقف قدامها شاب طويل ورقيق ووجهو كلو مخسر غير شافتو طاح ليها الما فالركابي....
~(لسانو تقيل بالشراب ) التيتيز دالحومة
جيداء. .ب بعددددد
~مد يدو شد خصلة من شعرها وكايهضر بلسان تقيل ) ش شكون يقدر يبعد على زين شكون....
جيداء. .(بداو دموعها كاينزلو ) بعد مني هئ...هئ....
كانت خارجة من دار فتجاه البار فين كاتخدم حتى جات عينيها على جيداء موقفها واحد وسط الظلام مقربها منو تمشات ناحيتهم بخطوات متسارعة وكاتكلم بصوت عالي.
سارة . .بعد من البنت اداك المشموت
~(تلفت ناحيتها ) ختي سارة التيتيز دالحومة
سارة . .(جرات جيداء وراها وحمرت فيه ) يخوي ليك ضراس ان شاء الله والله ونهار تحاديها ولا طوف بساحتها حتى نجبد ليك قلاوي* من جدررررررر
~مقبولة منك الخودرية (كايشوف ف جيداء ) غانرجع نشوفك التيتيز دالحومة وعلى الله تحني فيا ولو شوية
سارة. .يحني ليك بالويل اوجه لويل حيد من قدامي قبل مانوسخ فيك يديااا
ماعاودهاش معاها قلب دورة وشد طريق اخرى غير لي كانت شادة جيداء سارة وكايعرفها مزيان تسوط فيه وتجيب لي يكمل عليه اول ماغبر ولت شافت فيها وتكلمت بنبرة حادة.....
سارة. .وانت توݣضي شوية ما غانبقاش غير مقابلاك
جيداء . .(مزال الخلعة شادها ) ماشفتيهش كي داير ش شفتي وجهو هئ...هئ... كن مانتي كان غايدير فيا شي فضحية
سارة. .(بزعف) الفضيحة هي تخلي شمايت يترجلو عليك ابنتي هنا ماشي ديال تحني راسك كاينين الدياب ودياب من نوع خاص باش تعيشي وسطهم خاص تكوني لبؤة وتكشري على نيابك انا ماشي ديما غانكون معاك وشي مرات ماغانقدرش نوقف فوجه شي حد مانيش خدامة عندك الى باغية تعيشي كشري على نيابك (لاحت ليها هاد الكلام وكملت طريقها كاتقرقب بطالونها ضرباتها جيداء بجرية وحدة ماوقفت حتى وصلت لباب دار فتحاتو. دخلت لداخل كاترجف دورت ساروت ودارت زكروم عاد تنفست الصعداء....
#مكان_اخ____________________ر
رفعت راسها مبعدا على حضنو وتكلمت.
ليلى. .جوليا شنو درتي معاها؟
هارون. . (عتادل فالجلسة وزير على يدو ) الأرض نشقت وبلعتها بسسس ماغانهنا حتى طيح بين يدي وديك ساع غايكون كلام اخر
ليلى . .(شدت يدو ) انا بخير والحمد لله ولدنا معانا صافي خلينا ننساو واعدني ما غادير ليها والو ماشي على قبلها على قبل ليليا
ليلى . .شافت فيه بترجي ) كانترجاء على قبل ليليا على قبلها بسسس ماتخليهاش تكبر وتحقد عليك وعليا كيف ما كانت جوليا مها الى ادتيها غاتكره حتى خوها وانا مابغيتش هاد شي تم جوليا اكيد ماقصداتش يمكن فقدت اعصابها ماعرفتش كيفاش حتى دارت هاكاك وماباغياش نعرف باركة بغينا نعيشو هانين هي منها لي خلقها ربي غايتولاها
هارون. .واش واعية شنو كاتقولي أاا مااغانسمحش ليها من المستحيل ندوز ليها شي لي دارت انت رتاحي وعمر ليليا ما غاتعرف بشي لي وقع
ليلى ...ول____ قاطعهااا____
هارون. .مستحيل أ ليلى مستحيل نسمح ليها (جمع الوقفة. خرج من الغرفة بخطوات متسارعة واالغضب متمكن منو غدا غايكون تلت ايام ومزال اترها ما بان عقلو بدا يفقد عقلو خدا تيلي من جيبو وتاصل ب قيس كايسول فين وصل وشنو اخر المستجدات
#مكان_اخ____________________ر
بعد دقائق وصل العشا علب البيتزا بفواكه البحر ومع سلطات متنوعة وسلاد فخوي والفريت المشروبات الكحولية حط كلشي فصالة مونجي أشار ليهم توجه ماركوس لطبلة دافع كرشو قدامو ترأس الطاولة بين ما رجالو بقاو واقفن ضامين يدهم عندهم ماسوقش ليهم ياسين جلس انفاص معاه جر واحد الكارطونة دالبيتزا قدامو ونوع واحد من السلطة فتح المشروب وجلس كايخشي فوجهو .....
ماركوس. .فالحقيقة المغرب زوين واخا مزال ماشفتوش مزيان يعني يالا اليوم وصلت واكيد ما غانمشي حتى نشوف بزاف دالبلايص
ياسين. .الصمت....
ماركوس . .اممممم هادي سلطة مغربية زوينة بزاف فالحقيقة لا الجو دبلادكم ولا ماكلتكم زوينة ياترى واش حتى نسا ديالكم زوينين هممم (غمزو )
ياسين. .(وصل معاه لافان ) دابا جاي من روما باش تشوف واش نسا فالمغرب زوينين هممم (بنرفزة ) جيني من لخر اماركوس ووفر الوقت ليك ليا وقول ليا شنو بغيتي مني ؟
ماركوس. .(مسح فمو بالمنديل ) لي بغيت منك انت عارفو مزيان دير يدك فيدي وتيق بيا غانخليك تعيش ف نعيم غاتعيش عيشة عمرك حلمتي تعيشها
ياسين . .(بصوت خشين ) العيشة لي عايش فوق سلك غير رتاح وشي لي فبالك عمرو يكون ببساطة هاد الطريق مابقاتش معمرة ليا العين
ماركوس. .كيفاش مابقاتش معمرة ليك العين (قوس عينيه ) يعني نفهم بلي ما غاتبقاش مع ارماندو ؟
ياسين. .(هز القرعة كايشرب منا ورجع شاف فيه ) هاد شي ما كايخصكش اماركوس (وقف كايشوف فالساعة ) وصل وقت نعاسي
ماركوس. .جمع الوقفة ) مقبولة منك الوحش بسسسس الزيارة غاتكرر كن اكيد (غمزو وتوجه لباب بخطوات تقيلة اول ماخرج هو ورجالو سد وراهم الباب وهز قرعة دالمشروب وتوجه لبالكو ...
#اليوم_الموال____ي
دخلت لمصحة بلباس المنقبات غادية كاتشوف يمين وشمال وماشي على بعضها وكاتحاول ما أمكن تكون تابتة ورزينة فتصرفاتها توجهت الإستقبال وسولت عليها....
عزيزة . .بون جوغ
~بون جوغ مدام
عزيزة. .عفاك كانسول على مدام ليلى حرم ميسيو هارون فجر وصلت من تلت ايام لهنا
~كاتأكد من الإسم ) ايييه تماما مدام ليلى وصلت لهنا من تلت ايام هي حاليا فالطابق الخامس
عزيزة . .(عاد تنفست الصعداء من وأكدت بلي صحتها مزيان هاكا الخطر زال على بنتها على قولتها ) و واش ولدت
~تماماا ولدت بالنهار لي وصلت فيه (شافت فيها بشك ) علاش كاتسولي واش انت من عائلتها ؟
عزيزة . .(بلعت ريقها ) تماماا من عائلتها وعاد سمعت الخبار اخخخخ ماتصوريش قداش فرحت كنت خايفة عليها ق قلتي ليا فالطابق الخامس ياك
~تماما والحمد لله على سلامتها
عزيزة . .الله يسلمك والببيبي صحتو مزيان ؟
~ماعنديش فكرة
عزيزة . .ش شكرا
دارت براسها غادية لطابق الخامس كيف قالت ليها باش ماتيرش شكوك ضربت دورة خفيفة فالمصحة وولت خرجت....
#مكان_اخ____________________ر
فاق راسو كايعطيه الحريق كتر من المشروب توجه لحمام خدا دوش خفيف وخرج لاوي الفوطة على نصو خرج من الغرفة بخطوات تقيلة سرح عينه فالصالة مقلوبة وصالة مونجي كاتشطح بالماعن ولا شاف فالكوزينة لقاها كتر من رون فيها البارح ماولا جمعها زفر بنرفزة وخدا تيلي تاصل ب علي .....
علي . .وي العشير
ياسين. .~بصوت مدعدع ~صيفط ليا شي وحدة تجمع ليا الروينة
علي . .(قهقه )بغيتها غير لروينة صافي هاهااهه
ياسين. .(بصوت خشين) قل من نص ساعة تكون شي وحدة عندي هنا وبلا كترت الهضرة (قبل مايرد عليه قطععع...
لاح التيلي فوق الكانابي وتوجه لكوزينة يوجد قهوتو.....
#مكان_اخ____________________ر
#بعد_دقائق____
جالسة فنفس المكان لي كاتجلس فيه ديما وحانية راسها كاتبخشش فالتيلي حتى وقف عليها علي و منصور كايقفقف وراه....
علي . .أشار ليها ) بغيت هاد الأنسة
منصور. .انت تأمر اسي علي (وجه كلامو ل جيداء ) بنتي نوضي مع سي علي
اول مارفعت عينيها جات ف عين علي هاد الوجه مألوف عندها بعد مجهود بسيط قدرت دكرو كيفاش غاتقدر تنساه وهو سبابها داها عند الجيعان على قولتها دوز عليها الدکاكة وجوعها نهار كامل بلعت ريقها شافت ف منصور وكاتشير لنفسها بسبابة ديالها....
جوليا . .(شدات وجهو بين يدها وكاتشوف ف عينيه ) انت غير خليك جنبي وكاتخلنيش
كريم. .(بخوف ) شنو عندك اجوليا هاااا ؟
جوليا . .(كاتفتف ) و والو الو
يلا غايرجع يتكلم حتى تسمع صوت الباب كايتطرق توجهات جوليا ناحية الباب بخطوات سريعة اول مافتحاتو جات عينها على عزيزة حيدات النيقاب فالسيارة باش مايشكش كريم ودخلت كاتميق فيه
#مكان_اخ______________________ر
ماكانش عندها حتى خيار اخر من غير تبرك على نفسها وتمشي معاه واخا ماطايقاش تشوف وجهو كرها فالخدمة كتر ماهي كارهاها طلعت فلوطو مع علي وفطريقهم وقفاتو قدام كارفور شاف فيها رافع حاجب ومنزل لاخر وتكلم...
علي . .علاش وقفتيني هنا ؟
جيداء . .(كاتفكرك صباعها من توتر ) ف ف الحقيقة هداك صاحبك ولا مانعرف شنو كايجيب الخدمة معاه صعيبة بزاف وكن ماكنتش محتاجة ما كنتش غانجي لعندو مرة أخرى تخيل ديك نهار من صبحية ربي ماطاحت نعمة فكرشي او قمة الجوع التلاجة كاتصفر حتى انو ماكلفش نفسو ويجيب ليا واخا غير بيضة ناكلها انا ماغانقدرش نخدم ثاني بجوع (شافت فيه ) غانزل ناخد معايا شي حاجة ونولي نرجع
حس براسو غايتشتت يضحك ومابقاش قادر .... صبر نفسو بزز وحبس ضحكة بالكشايف زير على فمو حابس الضحكة وخزر فيها
علي. .(بصوت خشن ) لي كاتكلمي ليه راه صاحبي انت غير ديري خدمتك وغداك على حسابي (قلب دورة وشد طريق اگدال طول الطريق وهو حابس الضحكة ماقادرش يصدق شنو سمع عمر ياسين ما كان جيعان بالعكس سخي فوق القياس كيفاش حتى خلاها نهار كامل بلا ماكلة ولا شاف فيها وتكلم....
علي . .ياسين ماشي كيف كايسحاب ليك بالعكس انسان سخي غير شوف كيفاش حتى نساك
جيداء. .م معليش سمح ليا ماقصدتش
حرك راسو وكمل طريقو مسافة طريق كان قدام باب العمارة انسطالا لوطو ونزل منها نزلت وراه شادة صاكها قدامها خدات نفس عميق وكملت طريقها وراه وثواني وكانو قدام باب الشقة بعد مابرك على زر فتح ليه لباب وعطاه بالظهر مكمل طريقو دخل علي وأشار ل جيداء تدخل وراه ....
علي . .صباح الخير العشير
ياسين. .~بصوت خشين ~صباح الخير
~تلفت وراه وجات عينو عليها ركز نظراتو صوبها كايشوف فيها بسرعة قدر يدكرها لكن ماعطاهاش أهمية شاف ف علي وتكلم بالإطالية باش ماتفهمش الحوار
(الحوار _ بالإطالية )
ياسين. .الخنزير دماركوس كان البارح هنا
علي . .(وسع عينيه ) ماتقولهاش
ياسين. . (أشار ليها وتكلم معاها بالمغربية ) بداي بالبيت نعاس هو للول من بعد دوزي لصالة
جيداء. .(حنات راسها ) تحت امرك سيدي
ولا شاف ف علي ورجع تكلم بالإطالية ...
ياسين . .ماغايرتاح حتى يخرجني على طوعي انسان ماعندو نفس بفففف مليون مرة قلت ليه مانخدمش معاك ولاصق
علي. .هداك الخنزير انا لي كانعرفو مزيان سولني عليه انسان ماشي ساهل خبيت فوق ماتصور رد بالك منو ا ياسين
ياسين. .شفت ما كفس منو ماشي ماركوس لي يخلعني ا علي
بعد ماغيرو ليها البيجامة توجهات ناحية التيلي ديالها كان جابو ليها هارون قررات تاخدو معاها لحضانة باش تاخد لولدها صورة تار انتباها رقم غريب تاصل بيها فتحت رسالة ووسعت معاها عينيها...
ليلى . .ي ياسين هه خوياااااا
بدون تردد دوزت الخط وتاصلت بيه كان كايهضر مع علي على ماركوس حتى سمع صوت الفون مد يدو وهزو كايشوف شكون ترسمات ابتسامة خفيفة على شافو وبدون تأخير دوز الخط وتكلم بصوتو الخشين
ياسين. .ليلى...
ليلى . .ي ياسين خويا فينك ام___ قاطعها ___
ياسين. .انا هنا ا ليلى انت فينك ؟ بغيت نشوفك
ليلى . .(قلبها كايرفرف ) ب بصح انت هنا (ضحكت من بين دموعها ) انا فالكلنيك
ليلى . .ماتخافش انا بخير (ضحكت ) وليتي خال ياسين انا ولدت ولد
ياسين. .(حل فمو كايشوف ف علي ) واش كاتهضري بصح (تبسم ) عطيني عنوان االمصحة
ليلى . .مصحة ***** ماتعطلش انا غانتسناك
ياسين. .نص ساعة ونكون عندك (طييط)
اول ماقطع معاها تاصلت ب مروى والفرحة ما سايعاهاش طلبت منها تجي باش تشوفو وطلبت منها تجيب معاها سمر من بعد قطعت الإتصال وناضت ف تجاه المرايا كاتشوف راسها والفرحة ما سايعاهاش واخيييرا خوها وحبيب قلبها رحع وجا باش يشوفها دخل هارون لقاها غادية جاية فالغرفة والإبتسامة على شفاها...
ياسين. .أ انا قمة جوع دابا ديك الق(حبس الكلمة من فمو وحرك راسو بعصبية كأنو كايتحلف عليها ) الهضرة ماشي دابا حتى نرجع لزام* بوها ....
هز الكويرة ديالو لبسها بالخف وتحنا لبس سبرديلتو وخرج من البيت بخطوات متسارعة وحجبانو ملاقين داز من قدامها كي طيجيڤي.. قبل مايخرج ميل راسو شوية وشاف ناحيتها بنص عين ورجع كمل طريقو تبعو علي بخطوات متسارعة ومخلين وراهم جيداء خاشية راسها فالماعن...
خرجات من الڤيلا كاتجري خطوة هنا وخطوة لهيه عمرها تفاهمات مع ياسين كان ديما مفرشخها وما كايطيقهاش بسبب تصرفاتها لي كانت زفت وكاتستفزو بشكل كبير لكن اول ماسمعت من ليلى بلي رجع حسات بفرحة كبيرة كايبقا خوها ولد ميمتها وغيابو خلا فراغ ف قلبها فطريقها تاصلت ب سمر وطلبت منها ماتقول ل باهم والو اكيد ياسين ما غايبغيش يشوفو وغاينوض غير صداع مسافة طريق كانت قدام باب المصحة نزلت من طاكسي وتمشات كاتميل بخصرها يمين وشمال وكلها لهفة لشوفتو... بعدها بزوج دقائق تقريبا وقف بلوطو ديالو قدام باب المصحة ونزل فتجاه الباب بخطوات رزينة
وقف فالإستقبال كايسول على غرفتها اول ما قالو ليه فين توجه لمصعد هاز راسو لسما وعاقد دوك الحجبان فكل ما كايدكر شنو قالت عليه كايزيد يعقدهم ويزير على يدو ثواني وكان قدام باب الغرفة حط يدو االخشينة على البواني وطرق زوج طرقات خفاف قبل مايدخل.....
#مكان_اخ____________________ر
#روسيا
( المكان_ موسكو)
داخل غرفة راقية بطابع ملكي محض مساحتها كبيرة والوانها هادئة كاتعبر على صاحبتها جالسة فوق الكانابي مرا فأواخر الستينات من عمرها واخا تقدم السن الى أنها مزال محافظة على رشاقتها ومزال كاتفتن كأنها اميرة طالعة من قصة خيالية راقية وانيقة بشكل كبير شادة فيدها البوم صور كادقق فصورة لي قدامها بتمعن مررت الإبهام ديالها على وجه صاحب الصورة وتكلمت بحزن كبير
~ ولدي الحبيب المدلل ديالي (نزلت دمعة على خدها )
دق_________دق_____________
قفزت على صوت الباب بالخف مسحت دمعتها وتكلم بصوت رقيق
~ . . دخلللل
~(حانية راسها ) لالة فيروز ميسيو اكرم وصل
حركت راسها بمعنى واخا وأشارت ليها تخرج اول ماخرجت الخدامة هزات الألبوم رجعاتو بلاصتو وخدات الكاب لاحتو على كتافها ونزلت لطابق السفلي بخطوات رزينة....
#مكان_اخ_____________________ر
غادية جاية فالغرفة وكاتسناه يوصل وكل مرة تهز عينيها فالباب ووراها مروى كاتنگرررر دارت ليها دوخة اول ماسمعت لباب تطرق وسعت عينيها وكاتقول اكيد هو هذا غير جات عينيها عليه مشات طايرة ناسية الم الفتيح والعيا لي فيها تعلقات فيه ومزيرة عليه بيديها بزوج وكاتبوس مرة خدو مرة جبينو ودموع مجموعين ف عينيها
ليلى. .خويا هئ...هئ....
ياسين . .(خشاها فحضنو مزير عليها كايشم ريحتها رفع راسو طبع قبلة ف جبينها وتكلم) ليلى ختي الحبيبة
ليلى. .(شدات وجهو بين يدها كاتشوف ف عينيه بحب كبير ) توحشتك توحشتك بزاف هئ...هئ... فين مشيتي وخلتينا هاااا...
ياسين . . هاني رجعت
وقفت مروى بعيد عليهم لسانها معقود مخلطة عليها دعوة هز عينيو فيها كايشوف فيها واقفة كيف الجماد ماكاتحركش طلعها ونزلها وتكلم بصوت خشين ~
ياسين. . ماعندك حتى درة احساس كيف ديما
كلامو تقطر فودنيها كيف سمممم وتجمعو دموع ف عينيها مع ذلك قالت هذا ياسين خويا لي شحال تسنيتو وبلا ماتزيد تفكر ترمات فحضنو حاطة راسها على صدرو ومزيرة عليه بيدها ~
مروى. . ~بصوت مخنوق بالبكى~ واخا ما كاتحملنيش وماعندكش معايا لكن توحشتك توحشتك بزاف
حس بالوخز فقلبو كلمة ماكاتحملنيش ترددت فمسامعو للمرة لألف بعدها على حضنو بشوية وشد وجها بين يديه كايشوف ف عينيها ....
ياسين . .كيفاش ما كانحملكش واش كاين شي حد ماكايحملش ختو بنت مو وقطعة من قلبو
(ضمها بقوة حتى حسات براسها مخشية فضلوعو وكاتسمع لدقات قلبو تبسمات من بين دموعها وتكلم بصوت باكي___
مروى . . كانبغيك اخويا
مرر يدو على شعرها وابتسامة خفيفه على شفاهو رجع فتح دراعو ل ليلى وضمهم بزوج مزير عليهم.....
وقبل مايفتح شفاهو ويتكمل تفتح لباب ودخلت منو سمر غير شافتو جلست تنقز وتقول خويا بصوت عالي ناسية راسها واش كاينا ف المصحة بعد ليلى ومروى من حضنو وتلفت ناحيتها فاتح ليها دراعو ترمات عليه وتعلقات فعنقو كاتبوس الخد الأيمن والأيسر وترجع تشوف فيه وتقول والله حتى هذا خويا ضحك على هبالها وبعدها عليه شاد يدها كايدور فيها ويصفرر....
ليلى. .فالحضانة (شدات دراعو وتوجهت ناحية الباب ) اجي تشوفو
ياسين. .(وقف ورجع شاف فيها ) شكون هذا لي تزوجتي واش كانعرفو ؟
ليلى. .لا ماكاتعرفوش حتى هو با___ قبل ماتكمل كلمتها تفتح الباب ودخل منو هارون بهيبتو المعتادة رفع راسو لفوق وكايتمشى بخطوات رزينة شافت فيه ليلى وتبسمت ....
ليلى. .هاهو
#روسيا _____
~ . . اووووف أ جيهان دوختيني بسير واجي تهدني شوية
جيهان . . (شافت فيها بغضب) كيفاش غانتهدن هاااا كيفاش وخالتي مصرةةةة تقلب على ديك القيطة اخخخخ قلبي غايطرطق مابقيتش قادرة نستحمل رزق ولدي غايضيع من بين يدي
~كيف ما حيدتي سمارة وديك الجيفة دمها من طريق غاتحيدي حتى هادي القضية ساهلة غير انت معصبة على والو
جيهان . . هادي غير أ تولين راها البنت الشرعية سمارة ماكانتش بنتو هذا علاش قدرت نحيدها لكن هادي (من تحت سنانها ) صعيب صعيب بزاااااف....
تولين. .(بخبت ) حتى حاجة ماتصعاب عليك خاص غير تخدمي دماغك وكلشي غايتحل
تولين. .بغيت غير نعرف علاش دايرة هاد شي كامل ولدك غايورت اضعاف لي غاتورت هي
جيهان . .(بحقد) هي ما من حقها والو والووووو (بغلل كبير ) انت ماسمعتيش لي سمعت قالت بلي غاتكتب ليها نصف لأملاك يعني هي ولدي نص بنصصصص (زيرت على يدها )
تولين. .اوووووف هاد شارفة حماقت مافيهاش....
جيهان. .( شافت بغللل والشر كايطير من عينها ) الى حماقت دواها عندي
#مكان_اخ__ر
بعد ماشافو البيبي جلسو مجموعين ف الكافي لي ف المصحة ومعاهم ليلى جالسة جنبو وشادة فدراعو بحال الى غايهرب وكل مرة تحط راسها على كتفو وتبسم ....
ياسين . .مشيت لدار ومالقيت حتى وحدة فيكم واش مزال جالسين مع ليلى ( وجه كلامو ل مروى وسمر )
مروى . .(بلعت ريقها وكادور ف عينيها ) ل لا
ياسين. .~ عقد حجبانو ~ ادا فين جالسين ؟
سمر . .~بلا ماتفكر ~انا مع بابا ومروى مع خطيبها جوزيف
الدنيا مشات وجات بمروى والما طاح ليها فاالركابي ياسين وكاتعرفو مزيان من سابع المستحيلات يقبل تعيش مع راجل بلا شرع بلا قانون كلمة بابا وخطيبها كايرتددو ف مسامعو للمرة لميلون كيفاش باب وشكون هذا لي عايشة معاه مروى عقد حجبانو حتى تلاقاو وزير على يدو حتى عروق رقبتو برزو بشكل واضح....
ياسين .. ~بصوت خشين ~ ك كيفاش ب باباك ؟ (تفاحة ادام كاطلع وتنزل فحلقو~ من امتا كان عندك باك هااااك ولا داك المشموت رجع وداير فيها اب (بصوت عالي ) وانت شكون هذاك لي ساكنة معاه اش هاد روينةةةةةةةة
ليلى. .~بصوت شبه مسموع ~ ياسين بشوية ناس كايشوفو فينا
هارون. .تهدن اصاحبي كلشي غايتحل بالعقل
ياسين. .~من تحت سنانو~ بغيت تفسير لهاد شي ~ جمع الوقفة ووجه كلامو لمروى ~ تبعيني ...
قلب دورة وخرج من الكافي بخطوات متسارعة ووراه مروى كاتحيض وتبيض وكل شوية تلفت ناحية ليلى وترجع تخنزر ف سمر وتحلف عليها غير بعينيها فتح لوطو من بعيد وطلع فيها كايتسناها ماوصلت عندو حتى طاح منها نص غير ركبت جنبو كسيرا حتى تحكو الرويض مع الأرض ومخلي العجاج وراه....
ليلى. .عجبك هاد شي ءءء اخخخ اسمر ديما مبلوزة
سمر. .~كاتفرك صباعها وحانية راسها ~ م حسيت حتى قلتها
هارون. .فجميع الحالات غايعرف وماتنسايش ء ليلى بلي عندو الحق فأي حاجة غايديرها خصوصا ف موضوع مروى ~شد يدها ~ كلشي غايتصلح كيف ما تصلحو بزاف دالحوايج
#مكان_اخ_____________________ر
كانت كاتجمع حوايجو وترتبهم حتى جات عينها على تيركو دالصوف جلست فحافة السرير شاداه بين يدها وكاتشوف فيه بتمعن تجمعو دموع ف طرف عينيها زادت زيرت عليه وقرباتو من نيفها كاتشم ريحتو نزلو دموعها دمعة ورا دمعة ورجعت رماتو من يدها كاتشهق ....
جلست فالأرض حاطة راسها على السرير ورجعت خدات التريكو ضماتو لصدرها وكاتحاول تشم فيه ريحة حبيبها
رجعت بيها داكرة قبل عام ورجع تفتح الجرح من جديد....
#فلاش_با____ك
وقفت قدام المرايا كاتوضع المسات الأخيرة وابستامة عريضة على شفاها بعد ما كملت وقفت كاتشوف فالفستان لي لابسة وكل شوية دور يمين وشمال كا تأكد واش جاها زوين ولا لا... حتى سمعت الباب كايتطرق رفعات راسها وتكلمت بصوت كلو أنوثة....
جيداء . .دخللل
~تفتح الباب ودخلت منو شابة فنفس سنها طويلة ورقيقة بشرتها سمرة وعينيها كبار وكحلين مع انف منݣاد وفم منفوخ بطريقة مثيرة لابسة لباس بسيط وانيق فنفس الوقت شافت فيها وتبسمت
جيداء. .~ من تحت سنانها ~ سعاااااااد حتارمي نفسكككككك
سعاد . .ماشي انت لي غاتعلميني الإحترام اقليلة الترابي وماتحاوليش دخلي بيني وبين الخدم كاتسمعيييييي
جيداء. .كنزة ماشي خدامة ماشي خدامة صاحبتي واخر مرة غاطفلي وتقللي حترامك على صحاباتي ومعارفي
سعاد . .كاتعرفي غير الويل بحالك نيت بنت الخدامة من سهمك
كنزة. .~غرغرو عينيها ~ بنت الخدامة ومفتاخرة بيها
سعاد . .~ الحمد لله لي عارفة راسك بنت الخدامة عند بالي واش نسيتي وبما انك بنت الخدامة بلاصتك ماشي هنا رجعي لكوخ ديالك ومانبقاش نشوفك كادوري ليا بجناني
طلعتها كنزة بحتقار وخرجات من الڤيلا بخطوات متسارعة فتجاه الجردة تما كاينا دار صغيرة ساكنة فيها مع مها لالة شامة كيف كايقولو ليها باقي الخدم بما انها رئيسة عليهم بين ما جيداء توجهات ناحية سعاد ورفعت صبعها فوجها كاتكلم من بين سنانها....
جيداء. .شي لي درتي ما غاندوزوش ليك ا سعاد واخررررر مرة كاتسمعي اخرررر مرة تهضري مع كنزة بديك طريقة هاد دار ماشي غير انت لي كاينا فيها ماحدني انا هنا ماتفوتيش حدودك معايا
سعاد ...انت لي غاترعدي مابقا ليك والو وايامك معدودة فهاد الدار الغزالة .....
غمضت عينيها بعصبية وخرجات من الڤيلا بخطوات متسارعة فتجاه لوطو ديالها ركبت فيها وعفطت عفطة وحدة ماوقفت حتى وصلت لريسطو جا وسط موسكو وفمكان راقي انسطالات لوطو وتوجهت لداخل بخطوات تابتة خدات نفس وحاولت تنسى سعاد وصداعها ترسمت ابتسامة خفيفة على تغرها وكملت طريقها فتجاه رياض كان جالس فطاولة جات فالشرفة لابس لباس كلاسيكي وارد شعرو لور شاب وسيم وانيق بشكل كبير قربت منو وطبعت قبلة جنب فمو ....
جيداء . .مسا الخير حياتي
رياض . .مساالنور
~جر ليها الكرسي حتى جلست عاد رجع جلس فمكانو كان كايشوف فيها بملامح جامدة خالية من أي تعبير حسات بالبرود وبنظراتو ليها مختالفة عكس قبل كان كايشوف فيها بحب شافت ف عينيه وتكلمت ....
رياض . .باك هو الموضوع كلو ماكنتش باغي نقول ليك مي انت لي اصريتي تعرفي الالة باك سي سمير المحترم هدد بابا بلي غايشوه سمعتو فالسوق واغايخلي شريكو يتقلب عليه الى مشيت حتى تزوجتك انت عارفة بلي باك يدو واصلة وحنا يالا بادين ما غانقدروش عليه هذا علاش با خيرني بين الرضا ديالو وبينك وانا ختاريت بااا اجيداء كانتمنى تفهميني (جبد خاتم الخطوبة رماه من الشرفة ووقف كايشوف فيها ودنيها تصمكو وعينيها خرجو فالخاتم لي رما ماقدراتش تيق شنو شافت وشنو سمعت علت عينيها فيه ودموعها شلال كتفت بشوفة فقط لسان لي ينطق تقال شاف فيها شوفة مطولة وخرج من الريسطو بخطوات متسارعة ومخليها وراه منهارة وقفت ورجليها كايرجفو خرجات من الريسطو كاتجر فرجليها طلعت فلوطو وديمارات ف تجاه دارهم ودنيها كايصفر طونسيو طلع ليها زادت فالسرعة ودموعها نازلين مسافة طريق كانت قدام باب الڤيلا نزلت من لوطو بلا حتى ما تبلاصيها ودخلت لداخل والغضب عامي عينيها كانو مجموعين على العشا سعاد وسمارة وباها مترأس الطاولة مشات قاصداه نيشان وقفت قدامو وغوتت بصوت عالي .....
جيداء . .بغيت غير نعرف واش انا بنتك ولا عدوتك ءء علاش كاتكرهني لهاد درجة شنو درت ليككككككككك
سمير. .~خزر فيها ~ اش هاد قلة الأدب كيفاش ترفعي صوتك فوجهي
جيداء . .باشمن حق دخل بيني وبين رياض حرام عليك هئ....هئ.... شنو درت ليك حتى توقف فوجه سعادتي
سمير. . هي الكلب قال ليك ايوا مزيان هاد الموضوع سديناه وفمرةةةة ونهار تفكري تشوفيه ولا تكلميه غايكون اخر يوم فحياتك
جيداء . .كانكرهك هئ...هئ.... كانكرهككككككككككك عمري نسمح ليك ~طلعت مع دروج كاتجري ودموعها شلال جمع الوقفة وتبعها بخطوات متسارعة ووراه سعاد وسمارة كايتغامزو والضحكة واصلة ليهم لودن دفع لباب برجلو ودخل لداخل صاعر جدبها من دراعها بقوة ونزل عليها لوجه حتى تلفها على القبلة رجع هز يدو لفوق ونزل عليها بالكف خلا الدم شاق طريقو جنب فمها...
سمير . .هادي باش تعلمي ترفعي صوتك فوجه باك اقليلة الأصل من اليوم الفشوش بحححح وكلامي غايتسمع ويتنفد بالحرفففف كاتسمعييييييي......
جيداء . .~رجعت غوتت فوجهو~ فين عمرك فششتيني ولا حسستيني بلي عندي اب ءء من نهار عقلت على راسي وانت كارهني وقامعني من ديما مفرق بيني وبين بنتك هئ....هئ.... معلوم انا بنت ايمان ماشي بنت سعاد باش تبغيني....
سعاد ...شوف شوف الباطل قالت ليك مفرق بينها وبين ختها شكون لي كبرك وردك مرا ءءء ؟ قريتي ف احسن المدارس وسافرتي لأجمل بلدان لبستي من اشهر الماركات واغلاها وركبتي ف سيارات اشكال والوان وكايسواس لملاين هاد شي كلو ومفرق بينكم ~كاتمسكن قدامو ~ عيب عليك ابنتي عيب عليك
سمير . .~هز يدو غايضربها وحبس فأخر لحظة ~ تعاودي تهزي صوتك عليا نهرس ليك وجهك اييييه مك غدارة غدرتني وانا لي سمحت ف با ومي على قبلها بالحق ربي جزاها على غدرها سمعيني مزيان اش غانقول ليك الدسارة زايدة ساليناها داك خيطي زيطي بلا قانون بحححح حيت راجلك المستقبلي ما باغيكش تخرجي مزال حتى لنهار لي يديك فيه
كلمة راجلك المستقبلي خلاتها تحل فمها للأخر وتخرج عينيها فيه ....
جيداء . .ك ك كيفاااش كيفاش راجلي اش كاتخرف..
سعاد . . ايييه ابنتي سي عدنان طلب يدك منا وباباك وافق وعطاه الكلمة وغدا باليل غايجيو يطلبو يدك بشكل رسمي
جيداء . .ك كيفاااااااااااااااااش.....
#الحاضر______
طلعت تنهيدة من اعماق قلبها المكلوم ورفعت راسها كاتحاول تاخد نفسها
جيداء . .~كاتمسح دموعها ~ الله ينتقم منكم كلكم ....
~هزات داك تريكو لاحتو بعيد عليها ووقفت كاتحاول تنسى او تتناسااا
#مكان_اخ_____________________ر
وقف بلوطو جنب البحر ونزل منها كايتسناها تنزل لعندو خدات نفس ونزلت كاتمشى ناحيتو وعينيها فالأرض ركز نظراتو صوبها وتكلم بصوتو الخشين
ياسين . .ماغانسولكش على باك داك... ~ حبس الكلمة من فمو~ أستغفر الله العظيم بغيت نعرف شكون هذا لي ساكنة معاه وفين كاتعرفيه ~رفع حاجبو كايستنا الإجابة ~
مروى . .~كاتفرك صباعها من توتر ونطقت كاتمتم ~ ج ج جو جوزيف سميتو جوزيف ~هزت عينها فيه لقاتو مخنزر ورجعت نزلت عينيها الأرض هاربة من شوفاتوو دوك شوفات لي ديما كانو مركبين فيها الرعب ~
مروى. . و والله اخويا مانزلت براسك ولا لعبت وراك كنت مزوجة على سنة الله ورسوله ( احياني عليك النمرودة ) وداك ولد الحرام ماصدقش كان كايتعدا عليا هئ...هئ... وجوزيف حن فيا وعتقني منو وداني لإطاليا خدامة عندو لا غير عمرو قلل عليا االحيا ولا ستغلني مؤخرا صارحني وقال بلي باغي يتزوجني على سنة الله ورسوله وكان ناوي يهضر مع بابا هاد الأيام ولكن من ولدت ليلى أجل الفكرة وانا معاه فدار بصيفتي خدامة لاغير ~شافت فيه لقاتو مصغر فيها عينيه ~ والله القسام ما كانكدب عليك تيق بيا هئ...هئ...
ياسين. .واخا الالة حسبيني تقت بيك واخا هاد الفيلم ديالك مادخلش ليا لراسي شوفي فيا ابنت ميمتي كلامي ما غانعاودوش زوج مرات غاتجمعي حوايجك وغاتجي لعندي بلا كلمة بلا زوج حتى لنهار لي يعقد عليك فيه ديك ساعة سيري معاه فين بغيتي
ياسين. .من تشوفي ليلى سيري جمعي حوايجك وغير تسالي تاصلي بيا ~رفع سبابة ديالو فوجها بتهديد~ والله وتكسري كلامي حتى نحيك
حنات راسها وكاتسب فيه فخاطرها فلحظة تمنات كن مارجعش لكن سرعان ما قالت استغفر الله العظيم ورجعت شافت فيه ~
مروى . .واخا اخويا مايكون غير خاطرك
مسافة طريق كان قدام باب المصحة هزت صاكها ونزلت بلا تشوف فيه اول مانزلت قلب دورة وشد طريق أݣدال... دقائق قليلة وكان قدام باب العمارة انسطالا لوطو فالبارك وتوجه لمصعد بخطوات تابتة غير وصل لشقة دكر جيداء مشات من بالو زاد عقد حجبانو وجبد المفتاح من جيبو فتح الباب ودخل لداخل كايتمشى بخطوات تقيلة وعينيه كايقلبو عليها ....
#مكان_اخ_____________ر
#روسيا
جلست فالكانابي جالسة جلسة راقية بحالها ظهر مستقيم وجامعة رجليها جنب رفعت عينها فيه وتكلم ....
اكرم . .لالة فيروز حفيدتك خرجات من روسيا من مدة من تلت شهور تقريبا والوجهة ديالها كانت المغرب لكن مزال ماقدرت نعرف ف اينا مدينة مستقرة حاليا
فيروز . .~بحزن~ بغيتك دير االمستحيل ا اكرم المستحيل باش تلقاها ليا مابغيتش نموت بلا مانشوفها ونضمن ليها حقها
اكرم . .كوني هانية أ لالة فيروز ما غانهنا ولا يرتاح ليا البال حتى نلقاها واخا تكون تحت سابع ارض
فيروز . .مابغيت حتى مخلوق يعرف بلي كاتقلب عليها حتى تلقاها وتجيبها ليا
اكرم. .تحت امرك لالة فيروز
فيروز. .~تنهدت ~مزيان...
#مكان_اخ____________________ر
جات عينو عليها واقفة كاتمسح السراجم من الغبرة والكيت فودنها كيف العادة تمشى ناحيتها بخطوات تقيلة وقف وراها قريب منها لدرجة حست بأنفاسو كاضرب فرقبتها قلبها تهز والخلعة شداتها من صبعها صغير قبل ماتلفت ناحيتو وتشوف فيه ألفت مية سناريو وسناريو اكيد الشفار دخل ولا شي جن غايلبسها اكيد دار مسكونة مارتاح قلبها وطمن حتى شافت فيه عاد تنفست صعداء
~تقلبو نظراتو من نظرات ساخرة لنظرات كلها غضب خلاها تخاف خصوصا من بدا كايقرب منها ~
رمقها بنظرات حادة عاقد حجبانو حتى تلاقاو وصغر عينيه كايدقق فيها من الفوق التحت فكل ما كان كايقرب منها بخطوة كاتبعد هي بزوج خطوات وركابيها كايترعدو من الخلعة خطوة ورا خطوة حتى لقات راسها لاصقة على الحيط وقف قدامها محاصرها بيديه من زوج جيهات وانفاسو الحارة كاضرب فوجها قربو منها وترها وخلاها تزيد تخاف عينيو الفحمية صوب عينيها وصدرو العريض لاصق مع صدرها المغري بلعت ريقها وفتحت فمها كاتمتم ب كلمات متقطعة....
ياسين. .اش كايسحاب ليك راسك ءءء فين كاتعرفيني حتى تقولي عليا جيعان؟ ~خزر فيها ~
جيداء. .~حطت يدها على صدرو كاتحاول تبعدو عليها ~ ع عفاك بعد شوية
ياسين. .~حط يدو على خصرها مزير عليها وزاد لصقها عليه كايشوف ف عينيها بتحدي ~ والى ما بعدتش شنو غاديري امممم ~رفع حاجبو ~
قربو منها وحتى الشدة لي شادها من خصرها خلاها تبكي ودكر ديك اليلة االمشؤومة خافت يوقع معاه نفس لي وقع من قبل حطات يدها على صدرو العريض كادفع فيه بقوة وتبكي ....
عض شفتو التحتية كايشوف ف عينيها وهز يدو خشاها تحت الكسوة مطلعها مع فخضها كايتلمس فيه وصل البكيني شدو بيدو وغمزها ولات كلها كاترجف ورجليها مابقاوش هازينها حطت يدها على يدو كاتحاول تبعدو عليها وصوتها كايرجف...
جيداء . .ع عفاك بعد مني هئ...هئ...
شفاها لي كايترعدو تاروه مابقاش مركز مع شنو كاتقول قد ما مركز مع شفاها وكيفاش كايتحركو بدون مقدمات نقد عليهم كايمص ويجر قلبها غايخرج من صدرها من كترت الخوف دفعات ودفعات بكل جهدها مع دلك مع قدرتش تحركو ولو شوية واقف كيف التور وياجبل مايهزك ريح ماطلق منها حتى دار شق على شفاها وقطع فيها نفس بعدت عليه كاتحاول تلتقط انفاسها وداتها كاترعد....
شحال بغيتي طاحت فودنها بحال السم وكرهات فيها راسها عمرها ماتخيلت يجي شي نهار يساومها شي راجل ويقول ليها شحال بغيتي رفعت فيه عينيها وشرارت الغضب كاطير منهم هزت يدها لفوق ونزلت عليه لوجه بكل جهدنا..
جيداء . . بزاف عليك المشموت باش تساومني بزاااف عليك كاتسمع كانضرب الجفاف عند لي يسوا ولي مايسواش غير باش ما نسمعش هاد الكلمة ~نزلو دموعها ~الله ياخد فيك الحق
مشات فتجاه صاكها بخطوات متسارعة هزااتو وخرجت كاتجري ودموعها على خدها كان واقف كيف تمتال جامد بلا حتى حركة حس بتأنيب ضمير وقداش ماكايسواش ما وعا براسو حتى خرجت خرج كايجري وراها وكايعيط وماعارفش حتى سميتها قبل مايوصل لعندها كانت شدت طاكسي وفص ملح وداب غبرت من قدامو جمع يدو على شكل لكمة وضرب شجرة لي قدامو بقوة ماحسش بألم الدقة قد ماحس بالألم لي فقلبو .....
طلبت من سائق يديها لبحر قل من ربع ساعة كانت قدامو خلصاتو ونزلت كاتمشى ودموعها شلال ماتصرطاتش ليها كلمة شحال بغيتي جلست فوق واحد الصخرة وكاتشوف فالماج كاضرب بقوة فوق الصخر كأن البحر حاس بيها وساخط على الكلمة لي تقالت فحقها زادت فبكها ودفنت راسها بين يديها كادكر ....
#فلاش_باك___
غادية جاية فالغرفة كااتعض ظفارها والغضب كاينهش قلبها تطرق الباب ودخلت منو كنزة كاتشوف فيها بحزن وتحسر عليها...
جيداء. .كنزة هئ..هئ.... ~ترمات فحضنها كاتبكي ~
كنزة . .شششششت ماتبكيش
جيداء . .شفتي شنو دار فيا هئ..هئ.. حرمني من الراجل لي كانبغي وباغي يزوجني يداك والكلب دكريم هئ..هئ..
جيداء . .~بعدت عليها ~ وليت كانكرهو ا كنزة مابقيتش طايقة نشوف فيه ولا نسمع صوتو هئ ..هئ ..
كنزة. .~شدت وجها بين يدها ~ دابا ماعندك ماديري من غير تحني راس ناس وصلو والى تعكستي غاتجبهيا فراسك قولي موافقة و فترة الخطوبة غانفكرو فشي تصريفة مستحيل نخلي داك الكلب يتزوج بيك اكيد غانلقاو شي حل...
جيداء . .~مسحت دموعها وتكلمت من بين سنانها ~ مستحيل نقبل مستيحيل أ كنزة هئ.. هئ..
~تفتح الباب ودخلت منو سمارة لابسة كسوة نص شبر وطالون فيه زوج ميترو زاد طولها كتر ما هي طويلة طلعتها ونزلتها وتكلمت ب صوت كلو أنوثة وابتسامة ساخرة على شفاها ...
سمارة . .لالة العروس مولاي سلطان وصل وكايتسناك هاااء شفتك مزال ماوجدتي راسك ~ضحكت بصوت مقحب*
كنزة. . طلعتها ونزلتها بحتقار وتكلمت ~
وانت مالك ءء ؟؟؟
سمارة . .من امتا الخدمات كايهضرو بقلة احترام مع سيادهم بالحق غانربيك غير صبري عليا
جيداء . .سمارةةةةةةة براااااااااااااااااا....
سمارة . .~لاحت شعرها ورا ظهرها وتكلمت بتعالي ~ اوووف واخيرا غانتهناو منك وفمرةةةة بصح كريم غايدير فينا خير كبير ~خرجت من الغرفة كاتميل بخصرها يمين وشمال مخلية وراها جيداء غاتنفاجر جمعت شعرها على شكل كعكة وخرجت من البيت بخطوات متسارعة لابسة بيجامة فالغوز بسروالها غادية حفيانة كاتمري خطوة هنا وخطوة لهيه وكنزة كاتجري وراها ماوقفت حتى وصلت لصالة فين كان جالس باها بلباسو الكلاسيكي الأنيق وجنبو سعاد لابسة غوب حد الركبة فالباج مع صباط طاالو وشعرها مصفف بعناية وفالجهة الأخرى جالس شخص فالأربعين من عمرو طويل وبنية قوية جسمو مخدمو مزيان وواقف على صححح لابس سروال لاطوال فالنواغ مع شوميز فالبيض والڤيست وصباط كحل كايلمع نظرات حادة وانف منݣاد وجنبو جالسة مرا كبيرة أنيقة بشكل كبير ونظراتها كلهم غرور واخيرا سمارة جالسة فالكانابي بوحدها حاطة رجل فوق رجل وفخاضها عريانين كانت كاتشوف ف جيداء بشماتة وابتسامة خبيتة على شفاها اول ماوقفت كلهم شافو فيها كيفاش نازلة بحوايج نعاس وحفيانة من الفوق ....
سعاد . .بنتي ~دايرة براسها حشمانة من شوفتها بداك الشكل ~ علاش نزلتي بالبيجامة
جيداء . .~غوتت فوجها ~ انا ماشي بنتك عندي ام وحدة والله يرحمها
جيداء. .~عتدلت فالجلسة ~ رياض رياض لي غايعتقني منو رياض لي غايلقا ليا حل ~وقفت كاتقلب على تيلي ديالها
كنزة. .وقفت وراها ~واش غاتعيطي على رياض ؟
هزت تيلي ودوزت الخط بدون ماترد عليها جلست فحافة السرير كاتسناه يرد لكن بدون جدوى رجعت تاصلت وهاد المرة قطع الخط فوجها وخلاها حالة فمها
جيداء . .ق قطع قطع عليااا....
#الحاضر____
مسحت دموعها ووقفت كاتمشى فوق الرملة بين ما هي كاتمشى جات عينيها على كوبل كايتمشاو ومشابكين يدهم بدون ماتحس نزلت دمعة على خدها ورجعت بيها داكرة لور ....
غابت شمس اليوم ودات معاها اوجاع نهارها وجات بلاصتها الݣمرة منورة ومضوية ووسط سماها زاهية الشتا صحات كان غير الريح لي محرك كاع الناس مخشية فدارها ومكمشة ففراشها كاتصنت لعظامها الى هو وقف جنب البحر متكي على لوطو ديالو ومخنزر صورتها ما غابتش من بالو وماقادرش يسمح لراسو على لي دار ماعرفش كيفاش حتى تصرف بداك شكل واخا كاره نسا ولي دارت فيه حبيبتو القديمة مايتنساش لكن مع دلك قال هي ماليها ذنب وشي لي درت ما كانش خاصو يدار حتى انا عندي خوتاتي وما نقدرش نتخيل شي حد يدير فيهم هاكاك ندبحو وهو واقف مرر يدو على شعرو بعصبية وجبد الكار دارو بين شفاهو شعلو وكاينتر منو بعد دقائق جبد التيلي وتاصل ب علي ....
ياسين ..بغيت عنوان ديك الوكالة
علي . .اشمن وكالة ؟
ياسين . .لي جبتي منها ديك البنت ~سكت ورجع ستأنف كلامو ~ البنت لي حبتي ليا صباح
زواج المتعة الجزء العاشر
محتوى القصة
التنقل بين الأجزاء