قصة درامية بمتياز كاتكلم على فتاة حالمة حكمت عليها الأقدرا ترمي نفسها لشخص قاسي مافقلبو لا رحمة لا شفقة قصة كاتحمل من كل فن طرب
دراما.. تضحية.. خضوع.. طموح..
اماني.. شغف.. غيرة.. معانات.. مؤامرات..
هجرة سرية.. دعارة راقية وبزاف من بزاف
المكان_____
اكبر دور صفيح بتمارة دوار جمايكاا لي كايضم كاع شرائح ونمادج لبشرية فيه ناس قاطعة يدها من يد رحمان وناس ماشية جنب الحيط وهمها الوحيد طرف دالخبز واقصى طموحاتها برطمة فيه البزناس لي بلا كاع الشبان والبطالي لي قرا حتى حفاو عينيه فالاخر لقا كروسة دالخضرة هي مصدر رزقو فيه ديك البنت لي قهرتها عيشة الكاريان وقلة الشي وختارت تبيع لحمها باش تحسن وضعها المادي وفيه القواد* لي طمعات بنات الحومة بالعيشة لي كاتقول كريمة وفيه البنت لي مستعدة ضحي بروحها باش عائلتها يكونو بخير وفيه داك الشاب لي جفر من هاد لبلاد وختار يصارع الماج فهاد الدوار كاتعيش بطلتنا ** ليلى **
الساعة كاتشير لسادسة صباحااا
خرجات من براكتهم كاتلوح خطوة هنا وخطوة لهيه كاتزرب وتقول مازربت وفنفس الوقت حانية راسها هربااا من لسعات البرد القارص ثواني وكانت فالمحطة وناس قلال واقفين جنبها بدات طيح شتاا كانت شتاا قوية والبرد كايطير ومن زهرها العوج الطوبيس مزال مابان ليه الاتر بعد دقائق من الإنتظار وصل طوبيس غير شافتو كرزات على صاكها ومشات كاتجري تشد بلاصة من حسن حظها كان خاوي لكن سرعان ماعمر وتبلوكا جبدات تيلي ديالها شافت ساعة ورجعاتو لصاك سااعة زمن تقريبا كانت قدام ريسطو كبير وفحي فخم فيه غير صحاب شكارة ودقة صحيحة دخلت كاتجري للمطبخ . . . . .
ليلى . . صباح الخير
الكل / صباح النور
ليلى . . "توجهات لمكان تغير الملابس وكاتهضر فنفس الوقت " شتا مجهدة تسرسطت بالما
سهام . .كنت شتي انا
عزوز . .ايوا الله يرحمنا راه وقتها هذا
سكينة . .انا وصلني خطيبي حتى لباب ريسطو كاع ماتعدبت
سهام . . " قلبات عينيها " فاش ف سونطروا ديالو
سكينة. .علاه احبيبة ما فخباركش ماشي خطيبي عاد خرج لوطو من لاميزو دوبل ڤي كاتشعل شعيل "حركات يدها " هااااه هااااه
سهام . .",بستهزاء " احيييييه لوطو گاع
سكينة . .ايييه وخمسة فعين لي مايصلي ع االنبي
سهام . ."زمجرات " لقيتو حتى فين تسكنو بقات لبوكم غير لوطو
سكينة . ."دارت يدها على نصها" قلتي شي حاجة
ليلى. ."دخلت بسرعة" قالت ليك مبروك عليكم يالا البنات شوية غايبداو يدخلو ناس لريسطو كل وحدة تشوف شغلها
عزوز . .داك شي لي لقتيني غانقول دابا قبل ماتجي فضيلة وتسمعكم لهضرة ثاني . . . .
أول ما قال هاد لجملة كل وحدة مشات لشغلها بين ما ليلى بدات تلبس الزي الخاص بالخدمة عبارة عن ميني جيب فالبوردو مع شوميز بيضة جمعات شعرها على شكل كعكة وتوجهات لمطبخ تعاونهم على ما جاو باقي الخدم والزبناء . . . . . .
داخل اكبر واقوى شركة لصناعة الموضة والأزياء فى شمال افريقيا شركة h_f تصغير لإسم صاحب شركة هارون فجر البارزة فعالم الموضة تأنسطالات سيارة من نوع مايباخ اس كلاس فالأسود ماااط اول ماتوقفت سيارة نزل سائق بلاباس رسمي كايجري فتجاه الباب الخلفي فتح الباب وحنا راسو بحترام وضام يديه عندو ثواني ونزل شاب فالثلاتين من عمرو قامة طويلة وعضلات سداسية بارزة بشكل مثير وملامح حادة مع وسامة طاغية ولي زادو جادبية نظراتو الحادة كالصقر بالإضافة للأناقة زول نظرات شمسية وتمشى لداخل بخطوات مخملية وبدخ اول ماشافوه الموظفين عم الصمت والكل حاني راسو بحترام ورهبة داز كيف البرق وخلى ريحة برفانو كاتسكر الحاضرين دخل لمصعد الخاص بيه وتوجه لطابق الأخير جناحو الخاص اول ماشافتو السكرتيرة وقفات بالخف وحنات راسها ماطلعاتش فيه العين توجه لمكتبو الخاص وجلس فوق الكرسي حاط رجل فوق رجل اول حاجة بدأ بيها طلب قهوتو الصباحية قاصحة وناقصة سكر كيف المعتاد اول ما جابتها ليه خدا القداحة شعل سيجارة نتر منو نترة ورتشف من الفنجان
مكان اخر
هزات طبق وتوجهات لطاولة لي قالو ليها من بعد رجعات لمطبخ وبدات كاتهز الاطباق وتديهم الزبناء وبالها كلو مع مها
سهام . .افففف عيت هذا الله "شافت فيها " مالك قالبة ستة تسعود !!
سهام . ."مسحت ليها دمعتها" كاتقطعي ليا قلبي وماعندي ليك جهد "عنقاتها" ربي كبير وغايفاجيها هانتي عقلي على كلامي يالا نشوفو خدمتنا قبل لاتجي ديك فليفلة وتفهم علينا ثاني يلااا......
__مكان__اخ___________________ر
قدام باب شركة h__f تأنسطلات سيارة من نوع رونج روڤر فالأسود قاتم نزلت منها شابة عشرينية قوامها ممشوق مع شعر طويل فالأسود اقل مايقال عنها جميلة لابسة غوب فالنواغ مع مونطو وهازة صاك من شانيل فالأحمر مع كعب عالي فالأسود توجهات لداخل بخطوات مخملية ورافعة راسها لسما ونظرات الموظفين ملاحقينها غير من لتحت لتحت حتى حد ماقدر يرفع راسو ويشوف فيها مباشرة طبعا هي مرات البوص شكون يقدر يشوف او ينفنف قدامها توجهات لمصعد ومشات ديريكت لجناحو الخاص وخصرها كايميل يمين وشمال ويا أرض اتهدي ماعليكي قدي
ثواني وكانت فالطابق لأخير توجهات لمكتب تحت انظار السكرتيرة لي غير شافتها وقفت وحنات راسها حطات يدها ناعمة فوق البواني وفتحت لباب ودخلت لداخل وابتسامة عريضة على شفاها كان عاطيها بالظهر وكايهضر ف تيلي حطات حقيبتها اليدوية فوق المكتب وتوجهات ليه ضماتو من لور وطبعات قبلة فرقبتو . . .
جوليا . ."بصوت ناعم 'روحي
مكان___اخ___________________ر
تلفت ناحيتها بعد ماقطع الخط وطبع قبلة على شفاها وجر الكرسي وجلس
جوليا . .كيف جاتك المفاجأة
هارون. . "بصوت رجولي" زوينة
جوليا . ."جلسات فوق حجرو وفتحات صاكها" جيت باش نوريك تصاميم لي جهزت
بدون مايتكلم جبد شيك وكتب فيه مبلغ بقيمة عشرين مليون سنتيم ومدو ليها
جوليا . ."شافت ف شيك " بس شيك بوحدو ما كافيش
هارون . ."بصوت رجولي " ماطلبيش مني نحضر غير نساي
جوليا . .ولات جلست فوق حجرو" بلييييز هارون
هارون . ."بحسم" جولياااااا
جوليا. ."ناضت" اوك اوك بس الحفل الخاص دجمعيتي غاتحضر وبدون اعتراض انت عارف غايكونو الصحافة وراجلي خاص يكون معايا ضروري ومأكد
هارون . .ان شاء الله
جوليا . ."هزات صاكها " انا غانمشي ندير شوبينغ من بعد غاناخد ليليا من الإيكول "لاحت ليه قبلة فالهوى" باااااااااي😘
المساااااااااااااااااااااااء_______ 🌆
الساعة كاتشير للحادية عشر ونصف ليلا ومزال ريسطو عامر بناس كل ساعة تجبد تيلي ديالها من جيب وتشوف ساعة ومرة مرة تتاصل بختها صغيرة وتسولها على مها وكيف بقات بعد نصف ساعة تقريبا بدات ريسطو كاتخوا واخيرا تنفست صعداء تلفتت ناحية صديقتها وتكلمت . .
ليلى . .اففف واخيرا بداو يخرجو
سهام . .اخخخ عيت رجلي كايزدحو عليا
ليلى . ."جرات الكرسي وجلست" اففف امتى نمشي لدار
سهام . .مابقى والو غير صبري
دازت ربع ساعة وخوات دنيا فمرة توجهات لمكان تغير الملابس وبدات كاتبدل حوايجها كاتزرب وتقول مازربت واخيرا سالات هزات صاكها وتوجهات لطاكسي لي كايديرو معاه يوصلهم بليل ثواني ولتحقو بيها لبنات وديمارا ساعة زمن وكانت وسط الدوار فين ساكنة نزلت من طاكسي لقات خوها لي صغر منها ولد ثالتة والعشرين واقف كايتسناها لابس سروال جينز ديلاڤي وقبية فالكحل غير قشعها جاية توجه ليها . . . .
جميلة ... كح...كح... لااا ابنتي الله يرضي عليها ماخلاتني ندير والو سخني ابنتي عشاك
ليلى . ."كاتحيد حوايجها" لا تعشيت فالخدمة اخخ عيت
جميلة . .نعسي ابنتي رتاحي
ليلى . ."غانلبس بيحامتي وننعس
__مكان___اخ__________________ر
وقف ولبس البوكسور ديالو بين ما جوليا تلوات فليزار وكاتشوف فيه عطاها بالظهر وشعل سيجار كايكمي وكايشوف ناحية الشرفة بنظرات حادة وعروق رقبتو ودراعو بارزين نفس السيناريو كايتكرر فكل ماكايكون معاها فالفراش وكايعاشرها كايلقى البرود من ناحيتها البرود الجنسي رغم الترف والبذخ لي عايش فيه إلى أن هاد البرود منغص عليه حياتو ومخليه ماشي اليز مع الإنسانة لي ختار تكون ليه مرا ماخلا فين داها واشهر الاطباء شرفو على حالتها وبدون جدوى عتدلت فالجلسة وتكلمت بصوت مخنوق. . . .
وقف وتوجه لحمام بخطوات ثابتة تحت انظارها تخشى تحت الرشاشة حط يدو على الحيط والما كاينزل على ظهرو ودماغو مرفوع رجع كايفكر فالوضع لي غير ما كايزيد يأزمو تزوج عن قناعة وختارها من بين كاع النسا لكن ماشي بيدو حتى هو ماليه ذنب وكايبقى راجل وكيف قالو سيادنا للوالا الراجل عقلو بين فخاضو باغي يحس بالمرا لي كايعاشر وتحس بيه وتحس بأدق تفاصيل واصغرها لكن شي لي بغى مالقاهش ف جوليا وفنفس الوقت ماباغيش يفرط فيها او يجرحها كاتبقى ام بنتو ورفيقة دربو لكن هذا مايمنعش انو يطبق لي فبالو ويتمتع بحقو الشرعي ويعيش المتعة الجنسية لكن ماشي مع اي وحدة مع حلالو وتكون تحت جناحو وملكو فكرررر وفكرررر وفكرررر وفالأخر رصا على بر لبس بينوار دالحمام فالأبيض ومطروزة فيه h__f ناحية صدر وهز فوطة صغيرة نشف بيها شعرو وخرج من الحمام كانت جوليا لبسات دو بياس فالأسود وجالسة فطرف السرير توجه لاطيراس بخطوات تقال خدا سيجار والقداحة شعلو ونتر منو زوج نترات وخرج دخان من شفاهو بعد ماكمل سيجارة تلفت ناحية جوليا لي كانت مزال فمكانها توجه ليها بخطوات رزينة وجلس جنبها وتكلم بصوت رجولي . . . . . .
هارون . ."بعصبية" هاد شي كامل وهامينك غير ناس ومكانتك من ديما وانا اخر همكككك هذا شرع الله اجوليا شرع الله وانا ماغانضرك فوالو ومكانتك غاتبقى كيف هي "كتم غضبو " فكري من هنا لغدا وحطي شروطك تصبحي على خير
توجه لسرير تلاح فيه وخلاها وراه لونها تخطف هزات بينوار دساطا لبساتو وتوجهاات لاطيراس كاتخمم فهاد المشكل لي ماكان لا غالخاطر ولا عالبال ليل بطولو وهي كاتخمم وتزيد تخمم مانعست حتى لبزوغ الفجر
___اليوم__الموالي______________🌄
فاقت ليلى مع ادان الفجر توضات وصلت ووجدت الفطور وبدأت كاتلبس حوايجها
من بعد طمنات على مها وخرجات من دار بعد ما رضات عليها حانية راسها وكاتزرب فخطواتها الشمس مزال ماشرقات وريح قوية كايتسمع غير صوت القزدير كايديه الريح ويجيبو يالا غاتخرج من زنقتهم وهو يوقف قدامها شاب فالتلاتين من عمرو لابس سروال جينز مع تريكو دصوف وطاگية على راسو
ووجهو فيه سكاطريس جبهة خدو الأيمن هاز فيديه جوان كل مرة ينتر منو ويشوف فيها . .. . .. . ..
سعد . .(اللقب ستيكا) تكلم بصوت خشن بعد ما لاح جوان وعفط عليه برجلو" يسعد صباح
ليلى . .ماشكتش عليك اخويا "وقفت " الله يخليك الى ماوقرني عليك ماشي معقول كل مرة واقف ليا فطريق جيران كلاو وجهي بالهضرة وهاد شي كلو بسببك "كتمت غضبها من جديد" انت عارف ياسين دمو حامي والى مشى حتى ساق لخبار غاطيح شي روح
سعد . ."بخشونة" ونطيح مية روح وروح على قبلك الكبد بد شفتي نتي كاتمشي فعروقي "أشار لدراعو " ومستحيل نقدر نخليك او نبعد عليك خليها فبالك ابنت جميلة طرتي نزلتي راك ديالي وغاتكوني حلالي
يالا بغات ترد وهي تسكت عارفة لكلام معاه ماغايجيب حتى نتيجة من ديما وهو ملاحقها من طفولة ومن اول مامعالم الانوثه بانو فيها وهي عينو ونبضات قلبو على قولتو عمرو كل او مل من ملاحقتها وياما رونها على قبلها وضرب هذا وهرس هدا لي شاف فيها ولو بالغلط حياتو عداب معاه كملت طريقها كاترمي خطوة هنا وخطوة لهيه وهو وراها ماتهنت منو حتى ركبت ف طوبيس دارت الكيت فودنها وستغفرت مولاها
فاق مع ساعات الاولى من صباح لبس سورڤيط فالأسود وصبادري فالبيض وخرج كايجري كانت فاتحة عينيها ودمعتها على وشك نزول اول ماسمعت باب الغرفة تسد ناضت جلست لاحت شعرها ورا ظهرها حاسة بالخنقة وماطايقاش راسها لبست بينوار فوق شوميز وتوجهات لاطيراس كاتخمم وتزيد تخمم عارفه كيف داير صارم لأبعد حد والحاجة لي قالها كايطبقها قررت تخلي العواطف جنب وتشوف مصلحتها وتخرج بأقل الخسائر خدات نفس عميق وتنهدت تنهيدة طلعلت من اعماق قلبها المجروح تفتح باب الغرفة ودخلت منو طفلة فالخامسة من عمرها لابسة بيجامة بسروالها فالغوز وشعرها مطلوق على طولتو ووراها المربية كاتجري . . . .
خرجات ليليا كاتجري ودموعها على خدها ووراها المربية كاتحسر عليها من نهار جات لهاد لقصر عمرها شافت جوليا عاملت بنتها كا ام ديما كاتنهر فيها وتجرحها واول ماتشوف هارون كاتمتل دور الأم الحنون هادي هي جوليا خاطرها ضيق وماعندهاش مع العواطف
بعد ساعة تقريبا رجع هارون لقصر طلع ديريكت لغرفة لقاها جالسة انفاص مع المرايا وكاتحط الميك اب قال صباح الخير وتوجه لحمام خدا دوش وخرج لابس البنوار كانت واقفة وكاترش برفانها من كوكو شانيل ونظراتها ما كاتفسرش توجه ليها وطبع قبلة فخدها . . .
فضيلة . ."وقفت عليهم" تبارك الله تبارك الله لالياتي مجمعين ليا ومخلين الخدمة
سهام . .فضيلة بنا ليك مخلين لكليان ومجمعين !!
فضيلة . .لاا هاد شي لي خاص نيت
يالااا فرقو عليا المجمع وكل وحدة تشوف شغلهااا
ليلى . ."بنفاد صبر " واخا افضيلة واخاااا
__مكان__اخ____________________ر
لبس سروال لاطوال فالكحل مع شوميز فالبيض وڤيست فالكحل مع بالغين فالبيض ومونطو كحل رد شعرو لور ولبس ساعتو اليدوية من روليكس ورش بارفانو كلايف كريستيان خرج من دريسينغ بخطوات مخملية ونظراتو للولبية صوبها كانت جالسة فوق الكانابي لابسة سروال كلاسيك بوفو فالبيض مع ڤيست قصيرة فاالبيض وصباط بالكعب فالكحل ولايحة شعرها ورا ظهرها مع رجل فوق رجل جر الكرسي وجلس انفاص معاها مشابك صباعو. . .
وغاتكون تحت عيني ومستحيل نقبل تحط راسها من راسي واخيراا مابغيت حتى مخلوق يعرف بزواجك ..................
سكت ثواني وتكلم بصوت رجولي بمتياز
هارون . . شروط ديجا مفكر فيهم واخر حاجة نفكر فيها هي نعلن زواجي سبق ليا وقلت ليك غايكون فقط زواج... "حبس من بعد ستأنف كلامو " جوليا تيقي فيا ماكنتش باغي ندير هاد الخطوة وخليها فبالك مكانتك غاتبقى هي هي وحتى حاجة ماغاتغير وحتى مخلوق ماغايعرف بهاد زواج "باس جبينها ووقف "ليليا كاتسنانا يالا"
__بعد ساعات___
كانت منهامكة فالخدمة وكاتنقل بين طاولات هذا يتبسل عليها بكلمة وهذا يغمزها ولاخر ينهض فيها ولأخر يبتسم فوجها ويقول كلمة حسنة هاكا كايدوز نهارها تتجاهل هذا وهذا وتتبسم فوجه لآخرين بين هاد الفوضة وصلها تصال من ختها صغيرة بدون تفكير ردات . . . .
ليلى. .وي سمر
سمر . .هءهءهء ليلى مامااااا
ليلى . ."بخوف كبير" ماما مالهااااااااااااااا
__مكان_اخ_____________________ر
بعد مافطرو مجموعين وصل بنتو لإكول وكمل طريقو لشركة بين ما جوليا هزات صاكها ولاحت عليها الكاب وتوجهات لمقر جمعيتها كاتوقع شي وتائق والغضب مسيطر عليها
مسافة طريق كان قدام باب شركة نزل السائق كايجري فتح ليه الباب الخلفي وحنا راسو بحترام نزل من سيارة وتوجه لداخل الشركة بخطوات مخملية وراسو فالسما ماكايشوف فحد كيف المعتاد والموظفين حانين راسهم وكايشوفو غير من لتحت لتحت مشى ديريكت لمصعد الخاص بيه وتوجه لطابق العلوي
__مكان__اخ____________________ر
خرجات من ريسطو كاتجري ودموعها على خدها وقفات طاكسي وتوجهات لسويسي وقلبها كايخبط خبيط ساعة زمن كانت قدام باب المشفى نزلت من طاكسي وتوجهات المستعجلات ماكاتشوفش قدامها جات عينيها على سمر وخوها ياسين واقفين مشات كاتجري لعندهم . . . .
ليلى . .ياسين هءهءهءهء م ماماا غيبات ثاني
ياسين . . سخفات ثاني اخخخ اليلى شنو غانديرو الحنانة كاضيع من يديناا
سمر . .هءهءهءهء
ليلى . . فين هي دابا
ياسين. .كايديرو ليها تخطيط
ليلى. .الله ياربي شنو غانديرو منين غانجيبو فلوس العملية
طوات الورقة وخشاتها فجيبها وتوجهات لغرفة الفحص حبسها سكريتي وناس لي شادين نوبة كايغوتو مادخلت حتى غفر ليها الله كان كايفحص واحد المريض اول ما سالا توجهات ليه. .
ليلى . .دكتور المريضة جميلة كمال "مدات ليه الورقة "عاد كشفتي عليها وخرجتي ليها هاد دوا
الدكتور . . خدا الورقة قراها ورجع شاف فيها" اه مدام جميلة كمال واش نتي بنتها !
ليلى . .وي بغيت نسولك على حالتها
الدكتور . ."أشار ليها تجلس " الأم ديالك لازمها عملية فأقرب وقت نهار على نهار حالتها كاتأزم والدوا بحدو ماكافيش....
ليلى . .غرغرو عينيها" ماعندناش المبلغ لي طلبتو ليها ماخليت فين مشيت كاع الجمعيات درت فيهم هءهءهء الله يخليك ادكتور ويشد ليك فولادك الى ماوقف معانا وشوف من حالنا انا مستعدة نسني على اي عقد لي غايضمن حقكم توسط لينا باش دير العملية وانا غاندفع المبلغ بتقسيط
دكتور . ."تأسف لحالها" ماعندي ماندير ليك ابنتي هاد شي لي كاتقولي مستحيل والمشفى ماشي ديالي باش ندير معاك تسهيلات شوفي شي جمعية ولا شي حد كاتعرفيه "وقف " الله معاك
وقفات واالغصة فحلقها وركابيها فاشلين عليها كل نهار كايتسد باب فوجها خرجات من غرفة الفحص مكسورة الخاطر . . . . .
__مكان__اخ______________________ر
كان جالس فمكتبو الخاص عاقد حجبانو وكايراجع بعض الاوراق بعد دقائق دخلت عندو سكرتيرة الخاصة هازة دوسي فيدها وحانية راسها. . .
كان حاني راسو كايقرا فالدوسي لي حطات قدامو بتأني وروية ومرة مرة كاينتر نترة من سيجارة ويخرج دخانها من انفو
بعد نص ساعة توجه لقاعات الإجتماع بخطوات مخملية حط يدو الخشنة فوق البواني وفتح لباب كانت القاعة ممتلئة ببعض الموظفين غير شافوه ضربو طممم وحناو راس . . .
هارون . ."بصوت رجولي" بون جوغ
الكل / بون جوغ ميسيو
ترأس الطاولة وجلس فوق الكرسي بمخملية وبدخ ونظراتو الحادة صوبهم
__مكان__اخ____________________ر
خرجو من المشفى وتوجهو لدار غير وصلو داتها لغرفتها وجلست جنبها. . .
ليلى . . ماما انا غانمشي ناخد هاد دوا وغاناخد واحد اليومين من الخدمة نجلس معاك
جميلة . .لاا ابنتي الله يرضي عليك ماتخرجيش على خدمتك بسبابي
ليلى . .ماتخافيش انتي رتاحي انا غانخرج شوية ونولي
جميلة . . واخا ابنتي
باست جبينها وخرجت من دارهم قاصدة البنك الشعبي مشات تسول واش ممكن تاخد القرض غادية حانية راسها وكاتزرب فخطواتها جات عين ستيكا عليها مد جوان لصاحبو وتبعها . . . .
عينيه ولاو حمرين كيف جمر عمر شي حد تجرأ يرفع صوتو عليه فما بالك يضربو وشكون المرا لي كايبغي هانتو وسط حومتو وقدام عشرانو كشر على نيابو وخرج عينيه هز يدو لفوق بغى يجمعها معاها وهو يحبس جرها من دراعها بقوة كايدي فيها ويجيبها وكشاكشو كاطيرررر.
سعد . .كيفاااااااااااااش تهزي ديك هااااااااا برب العالي كن دارها شي شماتة نقطع لمو لعصب درجليه بالحق جيتني وليا وماشي اي وحدة لمرا لي بغى قلبي
تجمعو ناس شي كايهدنو وشي كايشمت وهي وسطهم ماراضياش بشوهة جات عين ياسين عليه شادها من دراعها مشى كايجري بلاعقل ودمو كايفور جرو من قرفادتو ودورو عندو . . . .
سعد جعر ومابقاش كايقشع قدامو باغي يضربو ويبرد جنونو لكن ماقادرش كايبقى خوها وماباغيش يخسر علاقتو معاه وفنفس الوقت ماراضيش بالشدة لي شادو ياسين كارف عليه كي الخروف بين عشرانو لي دمهم سخن وكايتسناو غير الإشارة من ستيكا باش يصفيو ياسين ستجمع قواه ودفعو بعيد عليه وعرعر بصوت عالي خلا ليلى تكمش وتدخل سوق راسها . . .
سعد . .برب العالي الى باقي صابر معاك العشير خليك بعيد انا ماغانأديش ختك كاتبقى م___ رد الكلمة من فمو " ماتصعرش دين مي القلا** خليني مقدرك
دخلو الجيران وفرقو المجمع جر ياسين ختو وتوجه لدار كايغوت اول ماوصل دفعها على الحيط حتى تهزو ضلوعها
شداتها الهستيرية ولات تضرب حناكها وتنتف شعرها وتبكي طاحت عليها جميلة كاتعنق فيها باش تسكت ووالو جرا ياسين على خوه وتحنا هزها بين دراعو وحطها فوق الحاف وكايسكت فيها
"باست جبينها وخرجات من جديد تحت انظار الجيران لي بداو يتهامسو بينهم خرجات من الحومة المشؤومة ووقفات فالمحطة كاتسنى طوبيس. . .
مكان__اخ____________________ر
هارون . .وجه كلامو لموظفين " اش هاد لخدمة دالويل هااااااا "ضرب يدو بقوة فوق طبلة" اش هاد زفتتتتتتتتتت مدور بيا غير رعاوين
الموظف 1 . .م م ميسيو حن__قاطعو بحدة"
هارون . ."بخشونة" انت اخر واحد يهضر "شاف فوحدة من الموظفات" وانت الالة سارة شنو هو دور ديالك هنا بغيت تفسير لهاد الفوضة "شاف فيها بنظرات حادة وكايتسنى الإجابة .....
هارون . . "لاح دوسي على وجها"هاد دوسي لي رونتي لقاي ليه حل ولا مانوليش نشوف وجهك هنا _______خرج من غرفة الإجتماع صاعر وماكايشوفش قدامو وخلا وراه الموظفين كايقفقفو من مدة طويلة ماشافوه بهاد لحالة اول ماخرج فرتكو المجمع وكل واحد مشى لبيرو ديالو. . . .
بعد ماخدات يومين راااحة خرجات من الريسطو وتوجهات للبنك باش تطلب قرض لكن لقات رفض خرجات حانية راسها ومتقلة بالهموم تمشاات وتمشااات لقات غير لحديقة عمومية قدام عينيها بكات حتى فرغات قلبها عاد رجعات لدارهم طرفات دنيا ووجدت الغدا بعد ماوجد لغدا وصلت ختها سمر ومروى
مروى . ."طلت على الكوكوط" ثاني الهرديس بفففف
ليلى . .ناس ماكايقولوش على نعمة الله بففف الالة مروى
مروى . .قلبت عينيها" انا هاد لبطاطة ولخيزو ديالكم ماكايدوزش ليها من هنا "اشارت لحلقها
جميلة . ."وقفت بتعب " لي عجبو ياكل ولي ماعجبوش لهلا يوكلو ليه
سمر . .حطو ليا ناكل راني داخلة مع زوج
ليلى . .غسلو يديكم انا غانحط
__مكان__اخ____________________ر
داخل مطعم فخم كانت جالسة جوليا وقدامها كل مالذ وطاب ومع دلك مامسوقاش لا لماكلة ولا لغيرها بالها غير مع المشكل لي ماعرفت من بعت شافت فيها ختها وتكلمت ....
صونيا . . فقصتيني ويعلم الله ماما اش غايوقع ليها من تسمع لخبار
جوليا. .هممم على اساس ماكاتعرفيش هارون فرمشت عين غايلوحني لتوش وغانولي ضحكة للي يسوى ولي مايسواش هاد شي لي بغيتي انا عارفة اش غاندير ديك الكلبة لي غايجيب ليا غاندوز عليها سراط ونخليها طجج ليل قبل نهار
صونيا . .هاااااء قالت ليك طج واش لي غاتشوف القصر والخدم وشركات غاتفكر طج راك غير كاتروني خاص نلقاو حل لهاد المشكل قبل مايتزفت ويتزوج
جوليا . .ايوا وشنو غانديرو !!
مكان_اخ______________________ر
بعد ماتغداو غسلت الماعن وجبدت الوراق ديالها والقلم وجلست كاتصمم هادي هي هوايتها وحلمها والحاجة االوحيدة لي كاتخليها تهرب من التفكير وترتاح على يمينها كانت جالسة مروى حاطة قدامها لمرايا وكاتماكي
مروى . ."تلفتت" لولي
ليلى . .وي
مروى . .الخطبة ديال صاحبتي فهاد سيمانة بغيتك تفصلي ليا شي غوب تكون شي حاجة طوووب
هزات طبسيل وضرباتو مع الأرض حتى تشتت وخلات بنتها تقفز من الخوف وتبكي
جوليا . .ياك همك الوحيد هو المتعةةةةةة هااااااااااا
ليليا . ."عنقاتو" هءهءهءهءهءهءهء....
هارون . ."كرز على يدو حتى برزو عروق عضلاتو" جولياااااااا اش هاد لوقاحةةةةة
ندا المربية طلعت ليليا لغرفتها وتلفت ليها والغضب عامي عينيه
هارون . .اش هاد شي درتي همممم ياك سبق لينا وتكلمنا فهاد الموضوع وحطيتي شروطك ءءءء علاش كاتحكي على دبرةةة علااااش ثم كيفاش تتصفري هاد تصرف قدام ليلياااا "خرج عينيه"
جوليا . . انت واحد اناني واخر همك هو بنتك على قبل متعتك باغي تكسرني وتبهدلني قدام ناس
هارون . ."ضاغط على اعصابو"جولياااااااا "من بين سنانو"ماتخرجيش على طوعي "زفر بعصبية" سبق لينا وتكلمنا فهاد الموضوع وصدقيني حركاتك حافظهم عن ظهر قلب وماغايغيرو والو"ضرب الكرسي برجلو وطلع لغرفة ليليا هزات طبسيل ثاني ضرباتو مع الأرض ولاحت شعرها ورا ظهرها بعصبية .......
مروى . ."قلبت عينيها" بفففف بزاف على جوع الالة ماخصنيش بناقص من شي عشا
ليلى . .انتي راك زدتي فيه اش بغيتي نوكلك لکروڤيط راك عارفة البير وغطاه حمدي الله من لقيتي البيض غيرك مالقيش حتى لخبز
مروى . .غانتما جيعانين يسحاب ليكم كاع ناس
جميلة . .اديك الزرگة جيتي ثاني
عري على كتافك وجيبي گفتك من ماكلتنا ما عمراتش ليك العين
مروى . .ماعرفناك مريضة ولا صحيحة
ليلى. ."بنرفزة" مروىىىىىى
مروى . .هاهي نايضة بناقص . .
طلعت لغرفتها وتوجهات نيشان لحمام خدات دوش ولبست شوميز دو نوي ديالها وجلست كاتسناه يجي داخل غرفة ليليا كان مسطح فوق سرير وخاشي ليليا فحضنو غارقة فسبات عميق بين ماهارون كان داير يدو تحت راسو وكايخمم حتى داتو عينو ونعس تسناات وتسنااات وطال انتظارها هزت بينوار دالحرير فالكحل لاحتو على شوميز وتوجهات لغرفة ليليا فتحات لباب ودخلت جات عينيها عليه ناعس وخاشي ليليا فحضنو ضربات رجليها مع الأرض بعصبية وخرجات من الغرفة ودمها كايغلي نزلت لمطبخ جهزت ليها القهوة كحلة شربتها وطلعت لبيتها كاتمشي تجي وكاتغزز ظفارها من الأعصاب . . . .
_مكان_اخ_____________________ر
حسات بقلبها كاينغزها وسخفة شاداها تسلات ودخلت لبيتها باش ماتخوفش بناتها من جديد بين ما ليلى كانت حانية راسها على لوراق كاتصمم وسمر شادة واحد الكوان وكاتحفظ اما مروى مربعة فوق الحاف كاتبرد ظفارها ومكونكطيا بعد ماكملت جمعت لوراق خباتهم فواحد الملف وتوجهات لغرفة مها هزات الخامية ودخلت . .
ليلى . .مامااااا مامااااا "كاتحرك فيها"
جميلة . ."لسانها تقيلة" ءءءءء
ليلى . ."بخوف" مامااااا واش نتي لاباس
جميلة . .كاتحاول تتوگض " ل لاباس
مشات كاتجري لكوزينة هزات الكاس دارت فيه الما وسكر ورجعت عندها بدات كاتسخف ثاني شرباتها وهزات دواها كاتعطيه ليها والخوف شادها من صبعها صغير مررت يدها على شعرها . . .
ليلى. .م مامااااا
جميلة . .ن نع نعام ابنتي
ليلى . .واش سخفة شاداك بزاف!
جميلة . ."بدات تتوگض" ماتخافيش ابنتي
سمر . ."دخلت كاتجري ومروى وراها واش ماما سخفت ثاني
ليلى. .ماتخافيش هي لاباس
سمر . .ماكاتاخديش دواك ب نتظام
ليلى . ."تنهدت" واش نجيب ليك الحليب يوگضك !
جميلة . ."حاولت تجلس" لا لا مابغيتش
ليلى . ."جبدات البزطام من صدرها" سمر طيري الحانوت قبل لايسد وجيبي ليها لحليب
سمر . . واخاااا
مشات سمر جابت الحليب عطاوه ليها باش توگض شوية وبقاو معاها حتى رخفتها سخفة مشات مروى نعسات وسمر كذلك بين ما ليلى بقات جالسة مع مها حتى نعست جميلة وخرجت من البيت وصل ياسين صايبات ليه اومليط وسخنت ليه اتاي تعشا ونعس وصلت طناش ومزال مروان مادخل وحسو ما كاينش لبست جلابة ولاحت عليها شال وخرجت تقلب عليه فالحومة دنيا كاتصفر وكلشي داخل لدارو وساد بابو وشتا بدات تصب كملت طريقها كاتزرب فخطواتها وصلت لبيار لي فالحومة وكاطل واش كاين كان عامر بالدراري ها لي كايتحشش ها لي كايسكر غير شافوها وقفو . . . .
الشاب 1 . .ختي ليلى
الشاب . .2 اش خرجك ابنت ميمتي فهاد ليل
ليلى . .ماشفتوش مروان
الشاب 1 . . راه لداخل"نعت ليها" ريحي انا غانكلمو ليك
ليلى . .واخا شكرا
دخل الشاب لداخل وعيط على مروان لي كان مبوق بالحشيش وعينيه مقلوبين غير شافها كشرررررر ...
مروان . .اش جابك هنا هاااا اش خرجك فهاد ليل
ليلى . ."جاراتو من دراعو " ماباغيش تحشم ياهاد االبرهوش شوف حالتك كيف دايرة كي الكلب
ماحس براسو حتى تجر من قرفادتو وتزدح مع الحيط . . .
سعد . .(ستيكا) اش كادير اولد ميمتي ءء
مروان. ."دفعو" وانت اش دخل مك بينا الشماتة
جمع يدو على شكل لكمة بغى يعطيه لوجه وهي تجي بينهم ليلى وخزرت ف ستيكا . . .
ليلى. . الله يخليك ماداخلش فلي ماليكش فيه
ستيكا . ."خزر فيها" ليا ونصصصصصص
مروان . ."دفعها" اجي لعندي الزام*
ستيكا . .الديب كبر وكشر على نيابو
ليلى كاتجر فمروان وكاتشوف ف ستيكا بترجي باش يبدل ساعة بخرا غمزها وكمل طريقو بين ما مروان دفعها توجه لدار ودمو كايغلي
اليوم__الموالي_______________🏜️
شرقات شميسة وتسللت اشعتها لداخل لغرفة هز المخدة وحطها فوق راسو هارب من اشعتها لي داعب وجهو
بعد دقائق قليلة فتح عينيه وناض من سرير بعد ماطبع قبلة فجبين صغيرتو المدللة خرج من الغرفة وتوجه لغرفتو حط يدو الخشنة فوق البواني ودخل لداخل جات عينو عليها ناعس وشعرها المموج مليوح فوق المخدة عطاها بالظهر وتوجه لحمام خدا دوش خفيف وخرج لاوي الفوطة على نصو والفوطة صغيرة كاينشف بيها شعرو من بعد توجه ديريكت لدرسينغ لبس شوميز فالكحل مخططة بالبيض مع سروال جينز فالكحل وكويرة فالكحل وبالغين فالبيض لبس ساعتو اليدوية ورش برفانو واخيرا هز تيلي ديالو ونظراتو شمسية وخرج من الغرفة
مكان_اخ______________________ر
عند ليلى كانت فايقة مبكرة توضات وصلت ووجدت لفطور فطر ياسين وتوجه لمارشي يخدم من بعد فاقت سمر فطرت ومشات لمدرستها عاد فاقت جميلة ومروى لي لبست حوايجها وهزت صاكها وخرجت لافاك بدون ماتفطر جلست ليلى جنب جميلة وبزت عليها تفطر وبدات كاتعطيها دواها . . .
ليلى . .ماما انا غانخرج نقلب على ثوب والاحجار لي غايخصوني ف تزين ماغانخرج حتى نجمع دار وغير نجي غانسبق الغدا هو للول عاد غانبدا نفصل
جميلة . . واخا ابنتي الله يرضي عليك
ناضت غسلت لماعن وجمعت دار عاد لبست جلابة ودارت الشال وخرجت فتجاه السوق ماخلات حتى محل ما دخلتش ليه تشوف هاد ثوب وثوب لاخر وتشطر فهذا وهذا ماخدات الثوب حتى شحفاتهم من بعد خدات الخيط و الأحجار لي غايخصوها ودازت لعند سيد لي كايصايب لي ماشين دلخياطة وداتو معاها لدار فطريق تلقى ليها ستيكا ثاني وكايخزر ف شخص لي معاها
كملت طريقها والشاب ورها وستيكا متبعهم العين وكايعرعر
ستيكا ..قريب نهار لي تكوني فيه حلالي وديك ساعة لينا كلام ابنت عروب ....
دخلت لدار ووراتو المكينا صلحها وخلاصتو اول ماخرج بدات كاتوجد لغدا عاد بدات فالفصالة بما انها ديجا مفصلة ليها المقاسات عندها مالقاتش مشكل فصلتها وبدات كاتخيط وحاطة كل تركيزها عليها
كان ثوب ساتان دو شيز فطوب والأحجار من نوع رخيص لكن كيبانو انيقين وعاطين لعين بعد ساعات كملت الخياطة وبدات كاتركب الأحجار بعناية
جميلة . .تبارك الله عليك ابنتي
ليلى . .الله يبارك فيك اماما
بعد ماكملت هزاتو وكاتوريه ليها جا طويل مجرجر بالكم طخو كار فيه دونتيل من جيهة صدر ومن ظهر منبت بالأحجار على شكل زخرفة راقية وقفات كادور بيه وفرحانة بالخدمة لي خدمت . .
ليلى . .ماما كيف جاك !
جميلة . ."تبسمت" غزااااال ماشاء الله عليك
ليلى . .ومزال شيطت ليها صرف
جميلة . .الله يرضي عليك....
بعد ساعتين تقريبا جات مروى غير شافت الفستان خرجو عينيها
مروى . .واااااو طوب دطوب
جميلة . .ايوا قولي ابنتي لختك شكرا نهار كامل وهي خدامة عليه
مروى . .هازة الفستان " شكرا غانجربو دابا
ليلى . .اه لبسيه نشوفو عليك
_مكان_اخ____________________ر
الموظف . .ميسيو الزبون غاينزل للمغرب غدا فالصباح
هارون . ."بخشونة" اوكي "شاف فالسكرتيرة " غاتحجزي فشي مطعم غايكون الإجتماع خارج شركة
السكرتيرة . .تحت امرك ميسيو
بس واش لعشا ولا لغدا !!
هارون . ."بصوت رجولي" لعشااا...
بعد دقائق خرج من الشركة وتوجه لقصر
_مكان__اخ_____________________ر
وسط المارشي مجموعين ثلاتة دالشبان ومعاهم مروان جالسين فوق صنادق دالخضرة وكايهضرو
عبيقة . .وصلتني لخبار رموك دالحوت غايخرج ليلة اليلة ربحة ولا دبحة بغينا نخويو هاد لبلاد لكحلة ونمشيو ورا البحر نضبرو على كر*
ياسين . .انا من زمان وانا واخد قرار هاد لبلاد ولات كاتبان كحلة ف عيني اليوم ربحة ولا دبحة مي كاتموت ماغانبقاش مربع يدي وكانشوف غانخوي دين مها هاد لبلاد لي من نهار خلاقيت وهي عاطياني بقاعها غانمشي لبرا نجمع لعاقة ونرجع ندير لمي لعملية ونهزهم من داك دوار
ايوب . .صافي تافقنا ليلة مع زوج دليل نتلقاو فطنجة غانشدو تران دابا يالا نفرقو المجمع
ياسين . .وهو كذلك
خرج من المارشي وتوجه لدارهم وخدا شي فلوس كان مطرفهم وهز لكارط ناسيونال ديالو و الإجازة وشي وراق لواهم فواحد الميكة وخشاهم تحت جاكيط ديالو وتوجه لصالة فين كايجلسو
جميلة . . فين غادي اولدي !!
ياسين . .قرر مايصارحهاش باش ماتمنعوش "الوليدة جاتني واحد الخدمة ف طنجة غانمشي نجرب حظي
ياسين. .ماكاين لاش الحوايج عطاهم الله مابغيتش نتقل بصاك يالا تهلاو فراسكم وغير غانوصل غانتاصل بيكم
جميلة . ."ضماتو" الله يوصلك على خير اولدي . . . . .
مكان__اخ_____________________ر
بعد ماخدا دوش لبس بينوار دالحمام وخرج كاينشف شعرو بالفوطة من بعد خدا القداحة وشعل سيجار رفع رراسو لفوق وخرج دخان من بين شفاهو توجه لاطيراس بخطوات مخملية ونظراتو حادة كيف المعتاد والعروق لي فرقبتو ويدو زادوه جادبية جلس فوق الكرسي ودار رجل فوق رجل كايتنشوا بسيجارة لي بين صباعو ودماغو خدام كايفكر تفتح باب الغرفة ودخلت جوليا لابسة شوميز دونوي فالحمر من الحرير ولايحة فوقو بينوار ديالو ومخلياه مفتوح وصدرها نصو مكشوف وجامعة شعرها بشكل مهمل توجهات ناحيتو كاتميل بخصرها المنحوت يمين وشمال وهازة فيدها بلاطو صغير فيه زوج فناجين دالقهوة .حطاتهم فوق طبلة زجاجية وجلست انفاص معاه . .
هارون . ."شد يدها وتكلم بصوت رجولي" جوليا انت عارفة بلي كانبغيك وبلي هاد زواج ما غايغير والو حبي ليك ما غايتغيرش هو زواج المتعة وبسسسس مابغيتش هاد زواج يأتر على علاقتنا ويخلق لمشاكيل انت حطيتي شروطك وانا وافقت عليها وسبق وتكلمنا فهاد الموضوع "مرر يدو على شعرها" انت عارفة قداش انا صريح معاك مابغيتش كل ليلة مع بنت من بنات ليل جيتك نيشان وقلت ليك شنو ناوي ندير ماطعنتكش فالظهر ولأخر مرة اجوليا غانقول ليك مكانتك ماغاتغيرش بالمرةةةةة حيدي الأفكار الخايبة من راسك "باس جبينها ووهز الفنجان رتشف منو
جميلة. .شكون تاصل بيك !!
ليلى . .الخدمة قالك غدا نجي الخدمة مزيرة
جميلة . .سيري ابنتي لخدمتك ماتزديش تبطلي "تنهدت" اخخخ ماكانت لا على الخاطر ولا عالبال مانعرف منين خرج لينا بهاد سفر
ليلى . .ياسين راجل اماما ومايتخافش عليه انت ريحي بالك
جميلة. .ماطالبة من هاد دنيا والو من غير تكونو كلكم اولادي بخير وديما جنبي ومعمرين عليا
ليلى . ."ضماتها" اميين اماما ويخليك لينا
__مكان__اخ____________________ر
بعد ماكلمها طبعات قبلة على شفاهو وجراتو من يدو وراها وقفات مقدامو كاتحيد ليه البنوار ديالو وعينيها فعينه باغية دير مافجهدها ومتشبتة بيه لأبعد حد ومستعدة دير المستحيل وتتحدا برودها والعالم بأسرو دفعاتو بلطف فوق السرير وتحنات فوقو كاداعب فيه و......🔞🔞🔞🔞🔞
لكن سرعان ماتحكم هو فالمعاشرة ورجعات لبرودها من جديد مهما حاولت تتقن دور الى ان برودها كايفرض وجودو فأقوى لحظات ناض من فوقها ماراضيش بالمرة لكن ماقال حتى كلمة خدا سيجارة ديال ورجع كايدخن بين ما جوليا تلوات فليزار وكاتشوف ف فراغ........
__اليوم__الموال_________________ي
فتحات عينيها مع ادان الفجر توضات وصلت وجمعت فراشها وتوجهات لكوزينة كاتوجد الفطور بعد مافطرت رجعات لبيت فين كاينعسو وبدات كاتلبس حوايجها . .
عبارة عن تريكو دصوف فالباج وسروال جينز دروا مع شال فيه فالطوب ومونطو فالكحل وخلات شعرها على راحتو ولبست سبرديلة فالبيض هزات صاكها دارت فيه تلفون وتوجه لبيت مها طمن عليها لقاتها ناعسة باست جبينها وخرجات من دارهم فتجاه المحطة يالا غاتخرج من زنقتهم وهي تجي عينها على ستيكا واقف فراس درب كايكمي جوان على صباح كيف المعتادة قلبات عينيها بنرفزة وتجاهلات وجودو غير لمحها طفى جوان وتبعها . .
ستيكا . ."بصوت خشن " صباح الخير
ليلى. .الصمت
ستيكا . .شتي هاد نفخة ديالك هي لي مخلياني طايح لشوشتي معاك
ليلى . ."دفعات يدو" حدك تما "حاولت تتمالك نفسها" سعد الله يخليك الى مافرقني عليك انا وياك عمرنا نكونو لبعضنا انا عندي هم دنيا ودين ماشي دزواج ولا غيرو ماتزيديش ضيع وقتك معايا ماشي معقول كل مرة تفيق مع الفجر توقف ليا فطريق الجيران كلاو وجهي اسعد الله يخليك الى ماشوف غيري
سعد . ."بنرفزة " ماغاتفرقني عليك غير الموت ابنت عروب "ضرب صدرو بقوى" انت ماعارفاش شنو نتي بنسبة ليا طال زمان ولا قصار غايجي نهار لي غايحن فيه قلبك عليا وتكوني ليا
ليلى . ."بإصرار" هاد نهار عمرو غايجي انت فواد وانا فواد فوق من هاد شي انا اخر همي هو زواج انت عارف ظروفي ولمطارق لي كايضربو فراسي ل__قاطعها___
سعد . .ظروفك غايكونو هما ظروفي عطيني يدك وتيقي فيا انت غير قولي موافقة وانا غاندير المستحيل باش نسعدك ونخليك راضية عليا "تنهدت" ليلى انت عارفاني انا گود وماعنديش مع تزواق لهضرة نيتي صافية وغرضي شريف ابنت الناس حني فيا باركة
ليلى . ."شافت فيه" لاخر مرة غانقول ليك طريقك ماشي هي طريقي ماتزيديش تفتح معايا هاد الموضوع مرة خرى شوف انا ماشي دزواج عندي مسؤولية وهم كبير مانتاش قدو الله يخليك ماتزيديش توقف فطريقي مرة أخرى خلينا خووت
سعد . ."بصوت عالي نوعاً ما" انا ماشي خوك كاتسمعي ماشي خوووووووك
عطاتو بظهر وكملات طريقها بين ما هو جمع يدو على شكل لكمة وضرب الحيط بقوة وزمجر بعصبية "
سعد . .غاتكوني ليا بغيتي ولا كرهتي
مكان_اخ_______________________ر
بعد ماخدا دوش خرج لابس بينوار دالحمام وفوطة صغيرة فيديو كاينشف بيها شعرو توجه فتجاه درسينغ يلبس حوايجو بعدو بثواني فاقت جوليا تلفتت وراها لقات مكانو فارغ حيدات عليها ليزار وتوجهات لحمام خدات دوش خفيف وخرجت لاوية عليها الفوطة وتوجهات لدرسينغ بخطوات تقيلة جات عينها عليه كايلبس ساعتو اليدوية طبعات قبلة فرقبتو وتكلمت بصوت ناعم . .
"باس جبينها وخرج من الغرفة تبعاتو بالعين حتى غبر وهزات فاز صغير ضرباتو مع الحيط حتى تشتت وقفت وحاسة براسها غاتنفجر ردت شعرها لور بنرفزت وتكلمت . ..
جوليا . .جولياا كااااالمااااا كالمااااااااا....
كانت كاتنقل بين طاولات وكاتسجل طلبات الزبناء والإبتسامة على شفاها بعد ماخدات طلبات رجعات لمطبخ . . .
سهام . .زين مدي ليا داك لبلاطو
ليلى . ."مداتو ليها" خودي
سهام . ."خداتو منها" عندي ليك شي خبار
ليلى . ."بإصغاء" خبار الخير
سهام . .دري لي كنت عاودت ليك عليه
ليلى . . مالو !
سهام . .غايجيب عائلتو هاد سيمانة
ليلى . ."عنقاتها" مبرووووووووك فرحت ليك والله
سهام . ."بادلتها لعناق" العقبة ليك
ليلى . . تبسمت" اخخخ اش بيني وبين شي زواج على الله نهز خوتي وندير لعملية لمي
سهام . .مادفنيش راسك اليلى انت الف واحد يتمناك ماضيعيش شبابك عطي لنفسك فرصة خوتك غايجي واحد الوقت وكل واحد يدير حياتو وانت اش غاتربحي هاااا ! أما خالتي جميلة دابا ربي يشافيها ويطول عمرها
ليلى . ."جرت الكرسي وجلست" انت غير كاتهضري اسهام عملية مي مطيرة نوم من عيني خايفة يجي شي نهار نفيق ومانلقاهاش فاش غاينفعني راجل ساعتها !! "بستهزاء" على اساس غير شادين دابا صف ههه
سهام . ."دقات فالخشب" بعد شرررررر خالتي جميلة غايطول ليها ربي فالعمر وكاينين بزاف لي كايتمناوك نتي غير حلي عينيك غاتشوفيهم
ليلى . ."ضحكت " شكون ستيكا ههه
سهام . .وكاين عشرة من ستيكا "غمزتها تشوف وراها تلفتت ليلى وجات عينيها على عادل ولد مول ريسطو جالس وكايشوف فيها من بعيد
ليلى . ."قلبات وجها " شكون عادل !
سهام . .ايييه عادل بشحمو ولحمو وهو لي قالي نهضر معاك
عادل . .ماكايهمنيش المهم هو نتي تخليها تعطيه أهمية وراك بحلاوتك
سهام . .باغي دوز ليلة وتقلب ولا لدوام
عادل . .بستهزاء . .من نيتك لدوام"خزر فيها"انت ديري شغلك وماتعرفي غير حسابك غايكون عندك وبزيادة
تلفتت ناحيتهم ليلى وكاتشوف بستغراب ف سهام لي كانت عاطياها بالظهر . . .
ليلى . .اش كايقولو هادو " طردات الفضول من راسها وكملت خدمتها بعد دقائق توجهات لمطبخ ولحقت عليها سهام . .
ليلى . .اش كان كايقول ليك داك راس طارو قبيلة !
سهام . .والو غير خديت منو الأدن باش غدا مانجيش
ليلى . .اااه
داخل ريسيطو كانو واقفين على قدم وساق وفضيلة كاتعطيهم الأوامر ومخلياهم على اعصابهم . .
سهام . ."همست ليها " اييييخ على عقروشة ماكاتكل ماكاتمل
ليلى . .بغيت غير نعرف شكون لي جاي لريسيطو حتى كايطيحو وينوضو
سهام . .ياكما غايجي شي شخص مهم !
ليلى . .هاااء وراه باينا فين ما تشوفي فضيلة كاتحيض وتبيض عرفي القضية فيها الفلوس
سهام . ."طنشات ودنيها" هي خاص نضور بالحالة ربما نطيح فشي دجاجة بكامونها
ليلى . ."حلت فمها" وخطيبك !!
__مكااان_اخ_____________________ر
بعد مافطرو خرجو من القصر برفقت بنتهم وصلوها لإيكول وكملو طريقهم لشركة مسافة طريق كانو قدام باب الشركة تأنسطالات سيارة ونزل سائق بسرعة فتح ليهم الباب وحنا راسو . . . . . . .
نزلو من سيارة وتوجهو لداخل شركة بخطوات مخملية اول ماشافت الموظفين شدات فدراعو ورفعات رقبتها بكبرياء وابتسامة خفيفة على محياها بين ماهو كان كايتمشى ببذخ ونظرات فخمة لباسو كان انيق كلاسيكي كايعكس شخصيتو الهادئة وحولو هالة محيطة بيه كاتخليك تحس بعظمة شخص لي قدامك مع خوف ورهبة واشارة عدم الأقتراب او نظر وفمو سيجارة من نوع الفخم كاتبين قوة اخرى وفكل ماكايسوط دخان كايصدر صوت خافت كافحيح الأفعى بخطوات مخملية توجه لمصعد وجوليا حاطة يدها فدراعو برك على زر وطلعو لطابق الأخير تحت انظار الموظفين لي كانو كايشوفو غير بطرف عينيهم والغيرة كاتنهش قلب الموظفات خصوصا من حطات يدها فدراعو ثواني وكانو فالطابق الأخير لي كان بطابع ملكي محض فخامة فوق الوصف توجه لكرسي ديالو لي كان كأنو عرش ملكي جلس برقي وسيجارة مزال بين الأنامل ديالو جلست فالكرسي لي انفاص معاه وتكلمت . .
جوليا. .تصاميم بغيت نضيف ليهم شي تعديلات وبغيتك تكون معايا باش تعطيني رئيك
هارون . ."بخشونة" اوك
خدات التصاميم كاتعدل وكاضيف ليهم شي تفاصيل وهو مراقبها بنظراتو للولبية وحاط يدو على ذقنو بين ماجوليا كانت منغامسة فتعديل وكل مرة تهز تصميم وتوريه ليه .......
بعد ساعات خرجات جوليا من شركة فتجاه كلوب طلاڤوغم كادير سبور بين ماهارون كان كايوقع شي وراق وبقى فشركة حتى بدا يطيح ظلام. . . .
__مكان_اخ_______________________ر
سهام . .حتى نتي الى كان شي حد ملعق فين غايبقى يبان قدامي شي خطيبي ولا غيرو
حلت ليلى فمها للأخر كاتشوف ف صحبتها كيف كاتكلم سدت فمها وتنهدت بين ماهي كاتخدم وقفت عليها فاضيلة كيف القدر المستعجل
فضيلة . .اجيو ورايا
."حطت لي فيدها وتبعتها كاتساءل شنو غاتكون باغية منها جات عينها على البنات والولاد لي خدامين معاها واقفين وقفت بينهم وكاتشوف ف فضيلة واقفة وقفة عسكري ومربعة يدها عندها
فضيلة . .جمعتكم هنا باش نخبركم بلي من دابا لساعة تقريبا غايجيو ناس مهمين شخصيات بارزة فعالم المال والأعمال ماشي كليان عادي ولي مولفين تشوفو غالبا .... هادو ناس مختلفين كايبغيو الهدوء وتفاني فالعمل يعني الخدمة بزاف والكلام قليل اللباقة والإبتسامة وراس محني من قلت الإبتسامة ماشي معناها تبقاو حالين فمكم كي ضبوعة بما ان المطعم غايكونو فيه ناس اخرين جيت نقسمكم انت ا معاد ورضوان وامنية وسهام غاتكلفو بزبناء لي مولفين يجيو لمطعم اما نتي ا ليلى غاتكلفي برجال الأعمال ولي عددهم ثلاتة يعني ماشي كتار غاتكلفي بتلبية طلباتهم ختاريتك اليلى حيت عارفة مافيكش الهضرة بزاف وخدمتك متقونة "شافت فالاخرين " وانتما ادا ماختاريتكمش ماشي معناه غاديرو ما بغيتو لاااااا مابغيتش ضجيج فالمطعم وكترت تجمعات ولوك لوك لوك بغيت الهدوء والإنضباط يالا كل واحد يشوف شغلو
فرتكو المجمع وكل واحد شاف شغلو بين ما أمنية وسهام وقفو
سهام . ."بغيض " علاش ختارتها هي وحنا لااا
أمنية . .حتى نتي غايكونو غير شي شراف كرشهم سابقاهم وراس شايب هذا الى ماكانوش صلعين وليلى كاتعرف تحني راس لهاد نمادج "ضحكت بمياعة" هاهاههه
سهام . .علاش قلت العكس غير بغيت نكون معاها هذا ماكان "قلبات عينيها
أمينة. ."عوجات فمها " امممم ايوا انا بعدا ماعنديش مشكل ليلى تساهل على الله غير تجمع بروڤوار صحيح تعاون بيه راسها يالا خليت ليك راحة "توجهات لخدمتها بين ما سهام كانت واقفة كاتشوف فالساعة والغيرة ناهشة قلبها
__بعد ساااااااع__________________ة
بين ما ليلى كانت مركزة فخدمتها تأنسطالات قدام باب ريسطو سيارة من نوع كاط كاط فالأسود تفتح باب سيارة ونزل منها رجل خمسيني قامة طويلة وعامر شوية مع شعر بلون الأسود ممزوج بخصلات بيضاء ملامحو كانت هادئة ثواني وتأنسطالات ورا سيارتو سيارة من نوع مرسيدس مايباخ إس كلاس فالأسود قاتم وزاجها فيمي نزل سائق فتح لباب الخلفي وحنا راسو بحترام بعد ثواني قليلة نزل بهيبتو المعتاد وكاريزما فوق الوصف بلباس كلاسيكي راقي وحولو هالة من الخوف كاتخليك تحس برهبة شاف فيه بنظرات فخمة وتوجه ليه بخطوات مخملية جبد يدو الخشنة من جيبو ومدها صافحو بلاباقة وتكلم بصوت خشن ورجولي بمتياز . . .
هارون . .مسا الخير ميسيو العلامي
العلامي. ."بابتسامة عريضة" مساا النور ميسيو هارون
على يمين هارون كان واقف شاب ثلاتيني قامة طويلة وعضلات مفتولة مع ملامح هادئة كان وسيم وانيق مد يدو وصافح ميسيو العلامي
قيس . .مسااا الخير ميسيو العلامي
العلامي . .مساا الخير ميسيو قيس
حرك قيس راسو بلاباقة تقدم هارون فتجاه باب المطعم بخطوات مخملية وبدخ وجنبو قيس وفالجهة الثانية العلامي دخلو داخل المطعم هيبتو ووسامتو خلاتو تحت انظار لجنس الطيف اول مادخل لمطعم تصادفات عيونو الفحمية مع زمردتين لي سواد ليل زادهم لمعان ركز فيها نظرتو للولبية شي لي خلاها تنتبه وتحني راسها بسرعة وتعليمات فضيلة مزال كايترددو فدهنها توجه لطاولة لي حجزات سكرتيرة وفضيلة قدامهم كاتحيض وتبيض جات طاولة على شرفة المطعم وكاطل على البحر جلس بفخامة وكايقلب على صاحبة العيون زرقاء لي اسراتو من اول نظرة من بعيد غمزاتها فضيلة وعطاتها الامر غير بالعينين حنات راسها وتوجهات لطاولة بين ما فالجهة ثانية كانو لبنات كايتهامسو . . .
أمينة . .شديني غانطيح
سهام . .طحت قبل منك ومالقيت لي يشدني
أمنية . . "كاتشوف فتجاه هارون والقلوبة كايخرجو من عينيها ودور عينها وتشوف ف قيس وكيف جالسين وكيف دخلو دماغها غايتلاشى كانو عاطين لعين اكترية هارون بهيبتو وكارزمتو بين ما سهام كانت كاتشوف ف ليلى بغيض
كانت ليلى واقفة كاتشوف فيهم والإبتسامة على شفاها وكاتسجل طلبات قيس كان كايملي عليها بين ما هارون كان حاط رجل فوق رجل وسيجار بين صباعو كاينتر منو ويخرج دخان بشوية وعينيه عليها توترات من نظراتو لي ختارقوها. حاولت ماتركزش معاه بعد ماسجلت طلبات رحبت بيهم مرة أخرى بلاباقة ونساحبات للمطبخ غير دخلت جرتها وامنية وسهام . .
أمينة . .اجي ياعفريتها اش كان كايقول ليك داك البگوص
عند هارون ترسمات ابتسامة خفيفة على شفاهو شاف فيه قيس وتكلم
قيس . .هارون
هارون . ."بصوت رجولي" وي
قيس. ."همس ليه" ماتقولش ليا حتى انت عجباتك
هارون . ."عقد حجبانو" علامن كاتهضر !
قيس . .على زمردة لي كانت هنااا
كرز على يدو حتى برزو عروق رقبتو شي لي زادو جادبية وتكلم بصوت خافت كافحيح الأفعى. .
هارون . .هاديك ديالي "خزر فيه " كانتمنى تكون ستوعبتي كلامي
قيس. ."قهقه برجولة" هاها جاتك
_قاطعهم ميسيو العلامي ___
العلامي . . نبداو الإجتماع قبل مانتعشاو
هارون . . على بركة الله
بداو الإجتماع كان كايهضر بهدوء وشفايفو كايتحركو بشوية وبشكل مثير وعاقد حجبانو كل مرة ينتر من سيجار ويخرج دخان من نيفو ومرة من بين شفاهو وكل شوية يهز عينيه ويقلب عليها اول ما كملو اجتماعهم جات وفيدها الأطباق بدات كاتنزل لعشا وراسها محني بين ما هارون كان كايتفحص جسدها بشكل وقح نظراتو ختارقوها وخلاوها مخربقة وماشي على راحتها نتر نترة من سيجار. وخرج دخان من نيفو اول ما كملت تمنات ليهم شهية طيبة ونصارفات كانت طابلة عامرة بكل ما لذة وطاب بداو عشاهم بلاباقة كتفة بعصير ليمون كل مرة يرتشف منو ويشوف فيها من بعيد وابتسامة شيطانية كلها خبث على شفاهو _________
بعد__ساااااع_____________________ة
بعد ما كمل الإجتماع ووقعو العقد وقف
ميسيو العلامي ومد يدو لهارون باش يصافحو وتكلم.
العلامي . .أمسية سعيدة حصل ليا شرف ميسيو هارون
هارون . ."صافحو" الشرف ليا
العلامي . ."صافح قيس" أمسية سعيدة ميسيو قيس وان شاء معرفة خير
قيس . .ان شاء الله
خرج ميسيو العلامي وخلا وراه قيس وهارون شاف فيه قيس وتكلم . . .
هزات عينيها ف فضيلة لي كانت مراقباهم من بعيد وحركات ليها راسها بالإجاب تلفتت ليه ليلى وجرات الكرسي وجلست . شاف فيها بعيونو الفحمية وحايطة بيه هالة من الرهبة نتر نترة من سيجارة وخرج دخان من بين شفاهو بشوية
هارون. ."بصوت رجولي خشن " غاندخل فصلب الموضوع عندي ليك عرض مغري "تبسم بخبث" زواج المتعة مقابل المبلغ لي طلبتي
دنيا مشات وجات بيها ماضنااتش بلي وقح لهاد درجة خزرات فيها ويالا غاترد عليه وهو يقاطعها . .
هارون . . غانعطيك مهلة لربعة وعشرين ساعة فكري مزيان قبل ماتردي «« جبد من المحفظة مبلغ مالي بقيمة الفين درهم حطهم فوق طبلة مع كارط فيزيت ديالو ووقف
خرج من المطعم بخطوات ثابتة وخلاها وراه حالة فمها من وقاحتو جات عينها على فاضيلة جاية تجاها بالخف هزات الفلوس والكارط ڤيست خباتها ماعرفاتش شنو لي خلاها تهزهم وتوتر لديك درجة
فضيلة . .اش قال ليك سيد !!
ليلى . ."بثلعتم" و والو
فضيلة . ."بعدم تصديق ' اممممممم
"كاتشوف فيديها" هانتي شكون بحالك ضبرتي على بروڤوار صحيح
كانت فضيلة كاتهضر ودماغ ليلى مرفوع توجهات لمطبخ وضارو بيها لبنات كايسولو شنو قال ليها ماقتلاتهم ما حياتهم فلسانها غير والو اصلا هاد شي لي قال ليها اش فيه مايتقال اول ماوصل وقت الخروج هزات صاكها وتوجهات لطاكسي لي كايديها هي ولبنات كل ليلة ساعة زمن وكانت فالحومة ديالهم توجهات لدارهم بخطوات متسارعة وخوها مروان وراها شافها ستيكا من بعيد وتبعها بالعين حتى غبرات اول ما دخلت تلقات ليها سمر ولونها مخطوف
ليلى . ."بخوف " مالك
سمر . ."شافت ف مروان بخوف" ما ما سخفات هاد لعشية
خرج مروان يتكيف مع صحابو وخلا وراه ليلى مشات كاتجري لبيت مها لي كانت مسطحة فوق ناموسية . .
ليلى . ."بخوف " ماما اش واقع
جميلة . .ماتخافيش ابنتي انا لاباس
سمر. . كاتكدب عليك قلت ليك راه سخفات لينا وداك شمكار دمروان هو سبب دابز مع دوك رباعة شماكرية لي كايعمر معاهم ومن سمعات لخبار خافت وطاحت على وقفتها
توجهات سمر وليلى لصالة فين كاينعسو تخشات سمر ففراشها بين ما ليلى لبست بيجامتها وصلت لي فاتها وتخشات ففراشها كاتخمم فشي لي قال لي وفوضع مها. .
ليلى . . ياك من ديما كاتمناي تلقاي فلوس العملية وماخليتي حتى باب مادقيتي فيه هاااا !! هاهما الفلوس جابهم ليك الله حتى لعندك وبسهولة بلا ماتشقاي فيهم انت اليلى البليدة ماغاديري حتى حاجة تعصا الله وهو ماقالش نزني قال زواج "عوجات فمها" هممم قالك زواج المتعة " حطات يدها على راسها " كايبقى زواج زواج اهم حاجة فالحلال وفوق من هاد شي غانشد لفلوس باش نقد ماما "بسخرية" هي غاتبيعي راسك اليلى " "عقدت حجبانها " ونبيع دنيا على قبل ماما صافي اليلى بلا كترت لكلام لخاوي تاصلي بسيد وقولي ليه موافقة
ولكن الى تاصلت دابا غايقول طماعة وماخداتش الوقت فاش تفكر "زفرت بعصبية" يقول لي يقول "لاااا لاااا اليلى تقلي حتى يصبح ويفتح نعسي دابا ومن تشرق شمس تاصلي بيه
حطات راسها على الوساده باش تنعس لكن النوم جفاها طول ليل وهي كاتقلب ففراشها ودماغها خدام كي شي ماكينا ماغمضت عينيها حتى قرب يطلع الفجر
اليوم _المواااال_______________ي ❤️
فتحات عينيها مع سااعات الأولى من صباح توجهات لطوليط توضات ورجعات لصالة صلت الصبح وصلت الإستخارة وطلبت ربي يسهل عليها ما صعب وبدات كاتلبس حوايجها وتوجهات لكوزينة وجدات الفطور من بعد توجهات لبيت مها لي كانت جالسة فزربية كاتصلي تسناتها حتى تسالات وباست جبينها
ليلى . .الله يقبل
جميلة . .أمين ابنتي
ليلى . .انا وجدت لفطور فطري وشربي دواك
جميلة . ."وقفت " واخا ابنتي الله يرضي عليك
ليلة . ."مدات ليها الفلوس لي عطاها هارون" هاد لفلوس تقضاي بيهم اش خاص
جميلة . ."شداتهم من عندها" سيري ابنتي الله يرضي عليك وينور طريقك
ليلى . ."باست جبينها " اميييين يالا رجعي تكاي باقي الحال
جميلة . .واخا ابنتي
رجعات جميلة تكات بين ما ليلى هزات صاكها وخرجات من دارهم فالحومة كان واقف ستيكا كيف العادة كايتسناها تخرج من دارهم باش يوصلها غير شافتو قلبات عينيها وتجاهلاتو غادي وراها وكايهضر
ستيكا. .حاضي رزقي ماشي من حقي "قهقه برجولة " هاها من زمان قلت ليك ماتفرقني عليك غير الموت
كملت طريقها وخلاتو كايهضر وراها. . .
أول ماطلعت ف طوبيس رجع بأدراجو للحي وشعل جوان كايتكيف وابتسامة عريضة على شفاهو مسافة طريق كاانت داخل المطعم لبست زي العمل وهزات الكارط ڤيزيت كاتشوف ف رقمو ومترددة تتاصل الخوف تملكها من جديد جات عين سهام عليها وتوجهات ليها بخطوات بطيئة وعينيها على يديها . .
سهام. ."رفعت حاجبها "اش هازة
ليلى . ."قفزت على صوتها وتكلمت بثلعتم " و والو
سهام . ."بشك " شفتك من البارح وانتي جالسة علينا والو والو اش تم " كاتشوف فيدها
ليلى . ."كمشات الكارت ڤزيت فيدها" احم عندي دابا واحد الإتصال وشافت فيها " نسالي ونعاود ليك واخا
قصة زواج المتعة
محتوى القصة
التنقل بين الأجزاء