شرقات شمس جديدة على دوار حد السوالم ..نورات الدنيا بنور سيدي ربي وتجمعو العيالات على الواد الكبير يصبنو وفامهم محلولة،مخلاو فاش دواو وختموها بسيرة عيشة اللي زمطاتهم، كلا مرة تهضر وحدة وتفش گلبها بالتحاشيمة اللي حكات ليهم الضبرة وزادو كرهوها كتر كاهي واحلة ليهم فالحلق
.. اما ولاد الدوار عاداو بعضياتهم عداوة كابعدها عداوة..رجع اللي داز من حدا لاخر كايبدا فالتخنزير والسلام ديال ربي هو اللخر مايگولوهش وواخا هاكاك والشوهة اللي دار ليهم بوبكر باقين طامعين فعويشة كزوجة المستقبل وباقي حاطين عليها العين
.. هاد الاخيرة اللي ففراشها مخشية وعلى احلامها الوردية باقل عاسة.. تاتحل الباب وتم داخل سي بوبكر بفوقية زرقة مخططة وطربوش گري شافها ناعسة وبدا يعيط
عائشة: هههه "طارت عنقاتو هو كايضحك ويدوز على ضهرها" ربي يخليك ليا ابابا شكرا بزااف عهه
بوبكر: وحتا نتي انواارتي.. دابا رانا وجدت كلشي وشريت شي قوامات من السوق ..غاهو عدي واحد الشرط لابغيتي نخليك تمشي
بسرعة بعدات من حظنو وردت: انااا قاابلة على كللشي اباابااا قاابلة على كللشي غير كون ليا على خااطرك
بوبكر: ههه ايوا مزياان داكشي اللي بغييت..انا غانوض ندوي مع مك ونسايس معاها على الله مديرش لينا العصا فالرويضة
عائشة: هههه وااخا..واش نجمع حوايجي؟
بوبكر: ايوا الى سربيتي يكون حسن ههه
خرج وهي تنوض فوق الفراش تتنقز وشعرها كايتحرك معاها ..الفرحة شداتها من صبعها الصغير ومقدات تتحكم فالضحكة اللي تتفلت ليها ولا فحماسها الشديد..هزات الطيلي بسرعة وربطات اتصال مع صديقتها كريمة اللي جاوباتها فالحين: الو
قندش تاني: دكرنااا السمن والعسللل شكوون جبد حس هااد البااكور تااني شكوون..اناا كت كاندوي لك على قراايت الدرية
هنية : وااانا كنت قااصدة الزواااج
بوبكر: هنية..شحاال هادي وحنا مزوجين ؟
هزات عينيها الفوق تتحسب وقالت مخنزرة: تلاتين عاام
بوبكر: بغيتي هااد تلاتين عام ضرب فالخلاا..عااودي جبدي ليا حس الزوااج ..مزيان تبارك الله
ضار ويديه ورا ضهرو نازل لتحت وهي جرات حناكها بالفقصة ومراارتها مابقا ليها والو وطرطق.. مابانو ليها غالمانط اللي فالسطح مشات ليهم كاتشتف وتخرج فيهم العصبية اللي ركب فيها
………….
ضارت لا عبوش فاش شافتو نازل مع الدروج وبدات تعيط ليه: بووبكر..ااجي ولدي ندوي معاك اجي
بوبكر: نعام الا عبوش باغة شي حاجة
..زاد گلس قبالتها وهي حطات داك الكاس وشافت فيه بهدوء
لا عبوش: داكشي اولدي اللي سمعت بصح؟
جمع حواجبو: وشنوو سمعتي الا عبوش؟
لا عبوش: باللي ناوي تزوج بنتك عويشة..فين هي نوارتي مايستاهلها حد وعمر ولد المرا يديها ليا وانا بنتي غاتكبر وتبدا تسوگ بباها وتهز ليه راسو وتولي بدارها وخدمتها ..فين مشات هاد الهضرة ولا صافي تاتا تلحس لك دماغك؟
تنهد واستغفر الله عاد قال: هنية الله يهديها راك عارفاها كي دايرة..هامها غير تزوج البنت باش يهنا عليها خاطرها وتخلي خاطري يانا مشطون ..هاد الكلام الا عبوش عمرو يكون وبنتي غاتمشي للمدينة تقرا وتتعلم وتخدم الخدمة اللي عاجباها..اما الزواج فهاد زمان قلة الرجال ماكاينش
حطات يدها على صدرها: وااولدي ريحتي بالي..هاد الزمان راه ماااشي هو زمانكم..وفهاد الجيل قلييل فين تلقا هاد ولد الناس
زير حجبانو بجدية: ولد المرا اللي يستاهل بنتي انا مكاينش الا عبوش..والوقت خيابت كي گلتي، كترو الدياب وزادوهم تاالتعالب..انا ربيتها وعلمتها وفقهتها باش تعرف باللي بنادم عندو شلا وجوه..باش بنتي تكون راجل لراسها گبل مايكونو ليها شي ولد المرا..باش تهز راسها براسها ومتحتاج تمد يدها لولد المرا..باش تعرف دوي وتگول اش بغات بلا متحتاج ولد المرا يدوي بلاصتها..بنتي الا عبوش راجل لراسها وممخصوصة من تابلاصة باش تحتاج شي واحد ومن غير بوها ماطلب والا تحني الراس
لا عبوش: الله يرضي عليك اولدي..والله يكون معاها تاتعلي ليك الراس كيفما متمني
تنهد وناض واقف: امين..غانقضي شي شغالات فالسوق محتاجة شي حاجة تم
لا عبوش: لاا اولدي الله يرضي عليك خيرك سابق
باس على راسها وخرج وهي بدات دور داك الكاس ساهية قبالتها ومصغرة عينيها المكمشين
سدات الباليزة اللي دكسات وهزات راسها حاطة يديها على جنابها وتتشوف فيها بابتسامة..ضحكات وحلات الباب خارجة وتقلب على مها مأكدة مليون فالمية باللي معاجبها حال وهازة شوكتها للسما، ساعة لقات لا عبوش خارجة من الكوزينة بعكازها
عائشة: ههه خالتي عائشة
لا عبوش: لاعبووش ياهاد البنت ههه
قربات سلمات عليها ههه خسروك لك سميتك عائشة حسن من عبوش
لا عبوش: هههه..أحياانا علك القنية ديالي غاتمشي وتخلينا
طاح عليها الضيم وبحزن عنقاتها سادة عينيها: غانتوحشكم بزاف االميمة..كنت باغا نيت ندوز علك ساعة مزيان اللي لقيتك عندنا
لا عبوش: حتا انا ابنيتي غانتوحشك..نتي بوحدك اللي فيك الضو فهاد الدوار ماتابقا غالمجلجة على ختها
هنية: هاادي هي دويرتي اسيدي ومنها ممحرركة ودييرها فين تجيك ابووبكر عقل على هاادي
بوبكر: هنيااا..هنيااا
خلاتو ومشات عند عائشة عنقاتها تتسالم معاها وهو شاف تاشاف ودار ايديه ورا ضهرو غادي يركب: يالله ابنتي راباقا تابعانا الطريق
تنهدات وضارت ركبات جنبو كاترجع شعرها الطويل الاسود قدامها..دور الساروت وهي دورات راسها اللور بملامح حزينة تتشوف فيهم هازين يدهم وتايشيرو ليها..دمعة يتيمة نزلات على خدها وماحد السيارة كاتبعد وهو تايصغارو ويبعدو حتا دورات وجهها تاني مزيرة شفايفها متبكيش..وبوبكر لا يقل عليها..مزير ايدو وضارب الطم تايدوز على ناس الڤيلاج وواخا كايهزو ليه ايديهم ممجاوب حد وممديهاش فيهم
بدات الشمس تغرب..ورحلة الوصول مكانتش قصيرة..رحلة ودعات فيها عائشة مكتوب وقدر حتمو عليها الله، وماحد الطريق كادوز والشانطيات كاتملأ بسيارات أول مرة تشوفهم كاتحس براسها قريبة لهدفها ولمكتوب من نوع اخر
جبدات تيليفونها من الساكادو ديالها بعدما وصلها ميساج من عند صاحبتها. حلات ولقاتها مسيفطة
كريمة: وصلتي ولا مازال؟
عوجات فمها وتنهدات قبل متكتب: عاد كيف دخلنا لكازا..ولكن مجاياش بحدي
كريمة: بصح؟ جامعاك باباك
عائشة: ممم
كريمة: باش يوصلك ياك؟
عائشة: لا..گالك غايبقا معايا فكازا طول ماأنا فيها
كريمة: واايلي هههه
عائشة: ضحكي ضحكي اصاحبتي انا اللي غانتخنق بالفقصة
كريمة: سمحي ليا ولكن هاد باباك هههه دابا شنو واش غاتقدري تجي ولا لا؟
رمشات كتقراه وضارت لبوبكر اللي كان فالطريق ساهي وتخمامو غير تخمامها
بصوت هادئ قالت: بابا
فاق من سهوتو وضار عندها: همم.. نعام ابنتي
عائشة: ء ء كنت عاودت لك على صاحبتي كريمة؟ هاديك اللي ساكنة فكازا عقلتي عليها
كمش حواجبو: اييه عقلت عليها..مالها؟
عائشة: ء دابة انا قبل منجي دويت معاها وعرضات عليا نسكن معاها..هي ساكنة غير مع مها وعمهم ساكن فوقهم مع عائلتو.. يعني الدار عندهم واسعة ووجدات ليا بيتي بوحدي
نفا براسو ورد: لا لا ابنتي حشومة نمشيو نتقلو على الناس..انا حليت هاد المشكيل غير تهناي نتي
حلات عينيها: لقيت فين غانسكنو؟ ايمتا هادشي
بوبكر: كلفت ولد خويا الله يرحمو هو يقلب ليا على شي دويرة على قدنا
ردت باستغراب: ولد خوك؟
بوبكر: اييه هههه اللي كاندوز عدو فاش تنكون غادي للمدينة..دويت معاه وگاليا لقا دار مفرشة ومجهزة غانكريوها..الى عجباتنا هي هاديك معجباتناش نديپانيو حتا نبدلوها بما حسن
زفرات بقلة حيلة وقالت: اللي عجبك " هزات الطيلي وكتبات" زدق متافق مع ولد خوه يدبر لينا على دار
كريمة: ولد خوه؟ ياك باك معندو عائلة
عائشة: هانتي تشوفي..و اصلا هاد ولد خوه شفتو مرة وحدة فاش كانت عندي ست سنين من تما مابقيت شفتو غير تنسمع عليه من با
كريمة: ههه وفإينا حي بعدا يااربي تكونو قراب ليا
شافت فيه: فاينا حي ابابا؟
طلع حاجب: وتي عمرك تا جيتي لكازا باش تعرفي سميت الدروبة
طفات الطيلي وطلعات راسها موسعة عينيها فالمباني العالية واضواء المدينة اللي تايضربو فوجهها..السيارات من كل جيهة اشكال والوان والناس صغار وكبار غادين جايين ولبسهم لفت انتباهها بشدة
بوبكر حك جبهتو معصب مع قوة الطموبيلات اللي دايرين بيه.. مموالفش بهاد الزحامات وقوة الضجيج وهادا واحد من اسباب بغضو للمدينة وكرهو ليها..حنحن وبصوتو الحرش وقال فاش تفكات الطريق شوية: عايشة..سمعيني وعطيني ودنك نگولك واحد جوج كلمات ماحد باقي موصلنا
ضارت مشغولة التفكير ورمشات فيه: ها ..نعام
بوبكر: ديك المدرسة نهار التنين الى رسينا امورك غانديك نقيدك فيها..وان شاء الله كتوباتك كلهم نجيبهم ليك
هز صبعو وعينيه مركزين قدامو: وهااه ردي باالك..را دوك الناس ابنتي ماااشي بحال ناس الدوار را ميسواو ميصلاحو باغين مصلاحتهم فوق كلشي
حركات راسها بآه وعينها تابعة واحد البنت لابسة غوب حمرة فوق الركبة مع طالون اسود وشاپو داير على راسها ..جات قمة الاناقة والبرستيج واضح فحركاتها وهي تتكلم فتيليفونها
بوبكر: سووليني ياانا عليهم .. ولاد الكلاب خزييت.. واخا تاادوك ولاد الدوار مايسواو مايصلاحو هادو گالو لهم متعرفوش..نتي ماتيقي فحد ماجمعي مع حد ماتشوفي حد..ياك ابنيتي
ضار شاف فيها: وااعايشة
شافت فيه: ها..اه ابابا عندك الحق
بوبكر: الله يرضي عليك..يخخخ هالزحام تاني يقطع لبوهم الجدر..خااصنا نگعدو وااقفين ساعة عااد نتحركوو تاني
مسمعاتوش ومن كلامو مقشعات والو.. عينيها فكل بلاصة كاضور تشوف والعالم المدهل اللي كانت حاضية فالتيليفون رجع حقيقي ولقاتو فكازا بلانكا..المدينة التي لا تنام ومدينة احلام الشباب
..حطات يدها على حافة السرجم وبؤبؤ عينيها كايدور من هنا لهنا مخليا الهواء البارد يطير شعرها
..حتا شافت بنت مخرجة يدها من سرجم السيارة وشادة گارو تتكميه وتبخ لبرا.. خرجات عائشة عينيها مدهولة ودوراتهم تترمش لوليدات صغار تايبيعو كلينيكس والمسكة والشكلاط واخا الوقت بدا يظلام وخطر عليهم..تنهدات بحزن ولسقو عينيها هاد المرة فواحد داز بموطورو على سيارتهم ووقف مغطي وجهو بكاسك عينيه فقط اللي تيبانو، لابس جاكيط كحلة مع ليگات كحلين ومركب بنت وراه معرية شعرها الأشقر وملابسها مزيرين بشدة..
مابقات عرفات فين تشوف بالظبط وكل مرة تحرك عينيها لجيهة وتردهم للكوپل قدامها ..منظر اول مرة تشوفو فاحنززات مزيات فالبنت اللي كادور يديها على كرشو وتهمس فودنو بكلام محلون وهو يدو مرة على فخدها مرة على يدها اللي مدورة عليه..دار يدوي معاها وقشع عايشة اللي كاتحنزز فيهم غير شافت عينيه عليها قلباتهم بالزربة ووجهها رجع حمر بالحشمة والفرشة اللي تفرشات خلاتها تبان صغيرة بحال البرهوشة
..سرطات ريقها تتشتت النظر فالجنب وفباها اللي فخاطرو تايبرگم ويسب
جاها الفضول تشوف فيهم تاني وبلا هواها ضارت جيهتهم ولقاتو باقي معلق عليها عينيه وشوية طلع حاجبو بحدة ..خنزرات وحركات راسها بمعنى مالك .. بقا مدة جامد قبل مايغمزها بخفة محترفة حتا شهقات حالة عينيها وفمها: غمزززززني!!؟؟
نزلو وقال كايسد باب الطوموبيل بالساروت: غاناكلو بعدا بيما جا ول... قبل مايكملها شاف سيارتو الرباعية الدفع مفارية على بعد اميال منهم..سيارة بنية كاتبري وموطورها مجهد خلا عينين عائشة يضورو جيهتها بلا حساب ..تحل الباب ونزل منها رجل فبداية الخمسين بلحية محددة وشعر كتيف اسود مختلينو شعيرات بيضين بحال لحيتو زايدين ليه وقار على حدية رجولتو وفحولة وسامتو ..شوميز سوداء بارزة جسمو العضلي و سروال توب اسود مع مونطو اسود وشال موديغن مدورو على عنقو ..نضاضر فعينيه وسوارت اللوطو فيديه كايقلب عليهم بالمهل وعائشة بصدمة حالة فيه عينيها وتحنات شوية عند باها: هادا هو ولد خوك
رد حال فمو مبسم من الودن للودن: اييه هههه اااسي تااج الديين..ااهانا ااولدي هاانا
انتابه ليهم حيد نظاراتو ولعندهم توجه بابتسامة عريضة خلات خطوط خفاف يبانو على جناب عينيه مازاده وسامة وماخلا عايشة تحل فمها ببسمة بلهاء وبهمس قالت: احح على الزين الكزاوي
بوبكر: ولاات وحدة من الفاميلة ااولدي شحاال دوزات معايا مسكيينة هههه
ضحك تاج الدين مطلع راسو وقال: زيد زييد اعمي نتا هو نتا ههه
بوبكر: كون سعفتيني اولدي يالله غير وريني الدار بعدا نرتاحو شوي من الطريق راك عارف متانوصل حتا راسي تايتقلب
تاج الدين: لا وااالو المدام اصرت عليا بااش تجيو ترتاحو عندنا وراه موجدة العشا على قبلكم
عائشة حلات عينيها: المدام!!
شاف فيها ببشاشة ولعب بشعرها: ااه ابنتي خالتك هيام عقلتي عليها؟ جيتو عندنا واحد المرة نسيتي كلشي واقلة ههه
ضحكت بارتباك: ء ء ههه م ماعقلتش مزيان
تاج الدين: هههه هانتي غاتتفكري..يالله اعمي مشينا
بوبكر: واا اش غانگولك اللي بغيتي اولدي ههه
تاج الدين: الطوموبيل غير خليها هنا حتا نسيفط اللي يجيبها ليك، انا غانوصلكم
رد بخوف: و وزعما ماتخاف والو؟
تاج الدين: لا كون هاني
سبقهم ركب فسيارتو وبوبكر حداه ركب.. عائشة حلات الباب اللوراني تتشوف فاللوطو من داكشي الفخم والغالي.. كيف ديمارا علقات عينيها كاتشوف تاتي برا وبسمة خفيفة على شفايفها حتا نطق تاج الدين ضاحك
تاج الدين: ايوا الالة عائشة عجباتك المدينة
حركات راسها حشمانة منو وهو ضحك وشاف فبوبكر: الله يصلح اسي بوبكر ههه
بوبكر: اامين هههه
وسط درب سلطان ..الحي الشعبي اللي سمعتو ماشاء الله ديما سابقاه ،فرانات سيارتو قدام احد البيوت اللي منظرها كايختالف على اللي حداها ووراها وقدامها..لا من الفينيسيو والا السباغة او البيبان والسراجم، كلشي متقون على اكمل وجه وخلاهت تتبهر فالمنظر وتأسر وكدلك عائشة اللي فالاول استغربات باللي راجل بحالو كايبان غني ساكن فحي شعبي كهدا
نزلو مجموعين وتاج الدين جبد سوارتو فتح الباب وقال بابتسامة فرح: بسم الله اسيادنا مرحبا بيكم هههه
سي بوبكر بحياء نزل راسو وحيد الطربوش كايرد خصلات شعرو الخفاف اللور: الله يبارك فيك اولدي..زيدي ابنتي
دخلات محيدة سباطها عند الباب بحال باخا وعينيها بانبهار تتشوف فالدار..الحيوط مجلجين تال السقف والارض..السفلي كلو مكون من تلاتة الصالونات كباار واحد مقابل مع الباب وجوج مفتوحين على بعضهم..الكبير فيهم تقليدي بالاحمر وزربية زرقة مزوقة بالاحمر ..والجوج لخرين عصريين باللون الازرق ملكي وخديدات حمرين موزعين عليه مع طاپيات فالارض باللون الباج ..جوج بيبان مباعدين على باب الدار كانو الحمام والدروج ديال الطاج الفوقي جا فالقنت كلهم خشبيين بحال ارضية المنزل
تاج الدين: مرحبا دخلوو
فاقت من سهوتها ودخلات للصالون لكبير مع بوبكر فحين هو طلع الفوق..ضارت ليه عايشة حالة فمها وقال تتشوف فنقوش السقف: هادشي واعر ابا
منزل راسو بوقار: كولي تبارك الله
عائشة: تباارك الله..واش نتا عمو حقيقي
شاف فيها: لا ابنتي غاديال بلعامي. ااش هاد الكلام دوخاتك ولا مالك
ضحكات بارتباك: ل لا هههه حتا هو مبايناش فيه كبير بزاف
بوبكر: ارا عندو ديك تسعود وربعين خمسين
عائشة: بصح ؟
بوبكر: اييه ووالد تلاتة الولاد وبنت تبااارك الله الله يصلح
عائشة: تباارك الله..هي مابيناتكمش بزاف ياك
بوبكر: ايوا ديك سبع سنين هوكاك..خويا الله يرحمو كان كبر مني ببزاف وتاهو تزوج صغير
حركات راسها: الله يرحمو..ولكن باينة فيه عندو الفلوس علاش ساكن فحي شعبي؟
بوبكر: ماشي سوقنا ابنتي واش نبدا نداخل مع السيد فهادشي
بخفوت قالت: غ غير فضول ابابا
نزل تاج الدين من الدروج مقاطع حديتهم ومبدل حوايجو بتياب بيتية: اامرحبا بعمي ههه نطلعو الفوق شبان ليكم
مشات هيام وتبعاتها عائشة للكوزينة كادور فيها عينيها مبهورة من شكلها العصري والآلات الحديتة فكل بلاصة، حتا قالت بدون شعور: كوزينتك زوينة
ردت وهي تتحط الكؤوس فالپلاطو: ههه بحال مولاتها
عائشة: هههه هادي عندك..حتا نتي زوينة
هيام: عويينااتك الفنين..دي ليا هادو فوق الطبلة وكل واحد حطي كاسو حداه
عطاتها پلاطو تاع الكيسان وداتهم للطببة فرقات لكل واحد كاسو ورجعات عندها تهز الما ولمعالق..داتهم وخرجات هيام هازة طبيسلات حطاتهم قدام كل واحد وگلسات جنب تاج الدين ..تحنا عندها بهمس وقال بتساؤل: دويتي مع بلال؟
هيام: سي..گاليا غايبات مع صحابو
خدا نفس كايبرد وحرك راسو: بسم الله اسيادنا
بداو تياكلو ومنعم مسكتش من الهضرة شاد فكل واحد.. قشايبي وطالق البشرة مع رساتو عكس ختو اللي عينها فالطيلي ويد معاهم كاتنقب وساكتة
منعم: داابا هادا اول عام ليك
عائشة: ههه ااه..نتا فاش كتقرا
منعم: طالع للتامنة ههه الإعدادي حدا لافاك غانبقا نديك ونجيبك..غير كون هاني اعمي ابوبكر انا نگابلها لك
بوبكر حرك ليه راسو و فمو خدام تياكل ممساليش للهضرة
منعم رجع شاف بنص عين فهيام وقال شاد الضحكة: البسطيلة ديال الواليدة كي جااتك اعمي بوبكر زوينة يااك
غمز هيام اللي خنزرات فيه وتاج زير فمو شاد الضحكة
بوبكر رد وفمو عامر: الله يعطيك الصحة ابنتي دقت قالبسطيلة حتا عييت بحال ديالك مكايناش
منعم: واايه طياب الحنانة مبحالو طياب هههههههههه
عائشة: ههه وعلاش كاضحك
منعم: واالو ههههه
خنزرت فيه هيام: كوول امنعم وسكت
منعم: كانطلعو ليك لي سونتيمو زعما
عائشة: ههه بصحتك اخالتي غزالة
بسمات ليها كاتحك رقبتها فحرج وسكتو تاتي.. سالاو داك الطبسيل نيت وماتبقا لعقو بوبكر وكمل بصباعو.. خلا ملامح حسناء تشمأز وتنوض بنفس تقيل: تصبحو على خير
منعم: حتا انا غاادي ننعس تصبحو على خير..تهلا العميم ههه عويشة تصبحي على خير
حلات ليها هيام غرفة نوم كبيرة برائحة رجولية تتفوح من الباب وقالت: دخلي احبيبة هادي بيتك لهاد الليلة هههه
دخلات وهيام شعالات الضو..غرفة لونها ابيض سريرها دائري بايزار احمر حريري ناعم..جنبها جوج كوافوز دايرين حتا هوما فوقهم فيوز جميل ولي فاليمين محطوط عليه صورة هيام معنقة شاب عشريني ضاحك ضحكة من القلب وشوفتو دغيا كادخل للقلب ..مشات هزاتها بابتسامة وشافت فهيام اللي كاتحط ليها اللكوفر فوق السرير
عائشة:: هادي بيت ولدك؟
هيام: وي ههه ولدي بلال، ولكن مغايجيش هاد الليلة "شافت فالسرير" هو كايبغي الغطا يكون خفيف داكشي لاح مفرش غير ايزار ولكن نتي تغطاي بهادا.. راه كايكون البرد فالليل
حركات راسها بامتناع: لا بلا منعدبك حتا انا كتيعجنيش الغطا بزاف
هيام: اللي بغيتي مهم هاهو حداك الى حتاجيتيه هزيه..وهادي پيجامة بدلي بيها كسوتك
خداتها منها كاتتبسم: سمحي ليا عدبتك معايا ههه
هيام: يااختي على الحلااوا ههه الى حتاجيتي شي حاجة غير عيططي ليا واخا؟
عائشة: شكرا بزاف ههه تصبحي على خير
هيام: ونتي من اهلو الزين
خرجات وخلاتها كاتزيد دور عينيها فالبيت ..طابي طويلة مريشة دايرة على السرير وبلاكار قد السخط قدامها..حطات البيجامة ومشات بفضولها المعتاد حلاتو..لقات قدامها ملابس رجالية السبورتيف على السلورتيف حس لي كوستيم مكاايدورش وحتا السبابط والو من غير السبرديلات ولا لي سبادري خفاف.. سداتو وضارت بخطوات بطيئة للسرير تتحك شعرها وتتنهد تنهيدات خفاف..خدات البيجامة حلاتها، سروال حريري بيج والفوقي ديالو بالصدايف ناعمين فالملمس ومريحين..حيدات الكسوة وبقات بدوني وشورط عاد لبساتها جاتها شهوة منها هي هاديك وشمات ريحتها الجميلة كاتتبسم بوحدها: كلشي عندهم فن حتا البيجامات هههه احح اعائشة فين وليتي
ضحكات وتخشات فالفراش حاطة راسها على مخدة الريش كيف حسات بالدغدغة فراسها تنهدات براحة: اححح الله على فراش..
بداو عينيها تايرمشو فالسقف ومرة مرة يتسدو ودور بلاصتها..حسات بالنعاس والبرد وناضت لداك الكوفر جابتو وفرشاتو على السرير مغطية بيه .. عاد قفلات عينيها فخطرة ودارت على جنبها حالة شوية فمها ولعالم الاحلام مشات
..تحت الدار وقدام الباب الخارجي، فرانا موطور مزنزن الدنيا بصوتو القوي..نزل منو شاب قوي البنية، حيد الكاسك قاد شوية شعرو الكتيف وحطو بلاصتو.. حيد الليگات وسد الموطور خاشي السوارت فجيبو وجابد ديال الدار، فتح بيهم وحيد سبرديلتو عند الباب عاد تم طالع بالحفا للطاج الفوقي كايحيد الجاكيط..حل باب بيتو وبلا مايشعل الضو دخل سادو وراه..تكسل مزياان غادي للسرير جبد الطيلي طفاه وحطو على الكوافوز..نصل التيشورت وبقات السلسلة النقرية فعنقو هي اللي كاتبري فداك الضلام..هز الغطا تحسسو وغير شافو كوفر كمش حواجبو وحيدو لايحو للارض عاد تخشا تحت ليزار ناعس على كرشو وكايتنهد بتعب.. سرعانما تحولو لتنهيدات خفاف اتر نومو اللي غرق فيه ..
عائشة تكمشات فراسها من البرد وضارت دايخة بالنعاس طالعة فوق ضهرو العريض الدافي وحنكها عليه كايتمخشش..برزطاتو وعيا ميتحرك باش تبعد فالاخيررضار على ضهرو جر عليهم ليزار وخشاها فيه كتر حتا مابقاتش كاتبات وسطو، عاد نعس مخلي انفاسها فعنقو كايضربو، وهو كايتنفس حدا عنقها وخصلات خفاف بانفاسو تايحركهم ..
صباح جديد مشمش..
صبحات فيه هيام تتقلب فالكوزينة هنا ولهيه..صيبات القهوة وكراطن الحلوة والمسمن وكرواصة حداها مفتوحين تتهز وتحط فالطبسيل
..قادات الكيسان فپلاطو زجاجي وتمات خارجة تفيقهم وفالطريق تصادفات بالسي بوبكر خارج من البيت لابس حوايجو وشاد طربوشو فيدو شافها وبسم منزل راسو: صباح الخير ابنتي
ردت بابتسامة: ههه صباح النور اسي بوبكر ..نعستي مزيان؟
بوبكر: اييه الله يفكرنا فالشهادة نسيت راعدكم داك شوفو هه
هيام: هههه..انا غانفيق البنات شوية ونحط الفطور
بوبكر: واخا ابنتي الله يرضي علييك
هبط وهيطلعات لبيت حسناء هو اللول حلاتو ودخلات تتفيقها: حسناء..حسنااء
قلبات وجهها: مممم
هيام: نوضي احبيبة راتابعاك مدراستك..يالله نوضي
ردت بصوت نايم: واخا
هيام: عنداك ترجعي تنعسي راه باباك هو اللي غايطلع لك
ضارت خرجات ومشات للبيت فين باتت عائشة..بغات تحط يدها على البواني دخل لكن تراجعات ودقات بخفة: عائشة..فقتي ابنتي؟ عاائشة
على اتر ندائها رمش بانزعاج من اشعة الشمس ومن صوتها..هيام ضارت نزلات للكوزينة وهو حيد يدو من كرشها وبعد شعرها اللي على نيفو لاسق ..ناعسة براحة عاطياه بضهرها وهو مزيرها من اللور بيد ويد كايحك بيها عينو من اتر النوم..رمش كاايتفوه..عاود رمش وركش، حل عينيه ببطء ووسعهم ومدورهم جيهتها وغير شعرها اللي كايبان ليه وجهها داير للجيهة لخرا..ضور وجهو وتأكد باللي راه فبيتو، حل فمو وناض برك كايحك عنقو وحجبانو بحيرة مجموعين..مكانش سكران ولا واكل شي حاجة لدرجة يجيب معاه وحدة للدار ؟ مجات معاه حتا وحدة وبقا عاقل على ليلة الامس مللي دخل وتزاوط على السرير ..ادن هادي من نزلاتت عليه؟
عض على شفايفو بعصبية موصيبة لساق ليه تاج الخبار نهارو نهار ديك الساعة..نزل من السرير بالحس وقف وشاف فالارض هنا هنا حتا قشع التيشورت تاعو ومشا ليه بشوية كايحاول ميديرش الحس..تحنا يهزو وتململات فبلاصتها خلات عينيه يتزيرو ويعض على شفتو..حتا تقادات فنومها ونعسات على كرشها مغطيها شعرها و كاتنفس بهدوء عاد شاف فيها مخرج النفس..هز التيشورت دغيا غادي للباب بالحفا ،حلو ورجع سدو بشوياا لبس تيشورت تاعو ورد شعرو اللور هي تخرج حسناء كاتسد طابليتها..شافت فيه وشاف فيها، صغر عينيه بتفكير وهي حركات كتافها
..فحين هو كمل خطواتو البطيئة للتحت حتال للمطبخ ووقف..طل بانت ليه مو عاطياه بالضهر عض شفايفو وداز بالزربة باش متشوفوف، توجه للباب الدار حلو يخرج ولقا تاج الدين قدامو عاد ناوي يدخل وو هاز الپاريزيان فيدو .. تبسم من زهرو الجميل كجمال هادا اليوم وفتح ايديه يعنقو: الواليييد ههه
داز من حداه مڤنڤن طار طيرة وحدة بصوت قوي اللي داز من حداه كايتبع ليه العين..شاب ملامحو رجولية حرشة، من عينيه الكحلين وشعرو الاسود القاتم للحيتو الخفيفة وحجبانو العراض واحد فيهم مقيوس بسيكاتريس جات فحال الخط نتيجة ضربة فالصغر ومازادتو الا كريزمة على جادبية ومنينما داز فدربهم كايهزو ليه السلام وهو ضاحك معاهم سوا ولاد ولا بنات اللي محمقهم ولا عيالات او رجال كبار اللي ديما واقف معاهم
..شاب زاهي زهوازي ضارب الدنيا بركلة وديما ضاحك طالق البشرة وطالقها تسرح كيبغات ومولاها ربي ..القراية على حسب الگانة والخدمة كدلك حتا دارهم هو وگانتو واش يبات فيها ولا لا.. وهادي من أهم صفاتو ..الالتزام ممحي من قاموسو
طلع الپارزيان للفوق لقا هيام حاطة فوق الطبلة مالد وطاب فطور بلدي من داكشي.. باسها فراسها ودخل للحمام اللي فبيت النعاس غسل ايديه وخرج كايزفر ضارو راسو ، لقا بوبكر گالس بابتسامة وحسناء نازلة مع منعم من الدروج
منعم: صبااح الخير امالين الدار
هيام: صباح النور
تاج الدين جلس مكانو حدا عمو هاد الاخير اللي بقاو عينيه فالدروج معلقين وقال ببسمة خفيفة موجه كلامو لحسناء: بنيتي حاسنا سيري الله يرضي عليك عيطي على عايشة
نفخات تحت نيفها و ناضت طالعة فالدروج وتتقاد شعرها اللي قاداتو للمرة التانية
..دقات وبعد شوية تحل الباب وخرجات منو عائشة مبدلة بيجامتها بالحوايج باش جاات ومدوشة صابحة اون فوغم
كمشات حجبانها ورد بوبكر بلاصتها: شكون غااتشوف ابنيتي؟
رمشات فيه: خويا بلال..حيت البيت فين نعستي نتا اعمي كان ديال عز الدين وهو اصلا مسافر برا البلاد..واللي نعسات فيه عائشة هو ديال بلال ..فاكنظن البارح فاش دخل غايكون....
أبو عائشة الجزء الثاني
محتوى القصة
التنقل بين الأجزاء