حركات راسها مهربة عليه وجهها وداتها كاملة كاتترعد..تخلطو عليها العرارم وتزاد عليها الزايد، مابقات عارفة ماتقدم ولا ماتوخر وهو تياكل بهدوء وعلى وجهها الخجول كايحل فمو ويندغ باستمتاع..
فين تحط الراس وفين تخشيه غدايدها غدايد وتحشيمتها تحشيمة وقلبها نايضة فيه الزوباعة..حتا من عقلها حبس عن التفكير ومافهماتش كيفاش هو كايبغيها؟ ايمتا هادشي كيفاش والاهم، علاش؟
شافت فيه بنص شوفة لقاتو عليها مركز عينيه وقال كايسرط الدغمة: مالك؟
رمشات: و والو
رد: ايوا كولي ولا ياكما طيابي معجبكش
بسرعة قالت: لا لا خاشة بالعكس زوين "شافت فالشوا قدامها لكن تنغصات ليها المعدة وحس الشهية مابقاش عندها" غير مافياش الجوع
جمع ديك الروينة بوحدو بعدما شافها غير ساهية وتتاكل ضفارها بتوتر ، كل مرة تتنفض وتحنحن وتنش على راسها
بسم ساهي فيها وايديه تايردو الاكل اللي شاط والاطبات للتلاجة الصغيرة حتا سالة وبقا ليه الموس..هزو تايشوف فيه وببسمة طلع فيها عينيه وورك على الحافة تاعو بصبعو السبابة حتا سال الدم مزيان وغوت: اااي..ااااي
ضارت قافزة وغير شافت الدم شهقات ووجهها صفار مشات ليه تتجري: هيييه ماالك ااويلي
مورك عليه تايتوجع: اااي تجرحت اعائشة مشاا بيا صبعي
بلال: نتي عندي ماشي بحال أي وحدة اعائشة..بالنسبة ليا نتي جامعة كلشي..وعليك كنت كانقلب فگاع البنات..سوا بأخلاقك، مبادئك، الحشمة اللي كاتسطيني فيك، لسانك المليط اللي طال الزمان ولا قصار غاناكلو لك، وقلبك البيض، اللي لمست حنيتو بإيديا..تيقي بيا ..نتي فحياتي رجعتي كلشي وأهميتك حاطها فمقام واليدية..انا بصح تربطت معاك بحبل متين..صعيب يفكو شي مخلوق واخا نكون أنا
بسم وزاد للطاولة خلاها غارقة بلاصتها ..كأنو اللي كاتعيشو حلم خيالي وكلامو كايوصلها تقيل كل كلمة اعقد من التانية فالفهم ..
ضارت وراها ولقاتو على ركبتو بارك كايلبسها سباطها وعينيه مصغرين على رجيلاتها الصغار، لاالوقت والا المكان مناسب لسؤالو لكنو قال بتعجب: شحال تتلبسي فرجليك
ببلاهة: ها
ضحك وشاف فيها مطلع راسو: رجليك شحال تتلبسي فيهم
سرطات الريق وبزز خرجات الكلام: س ستة وتلاتين
ضحك مهبط راسو بعدما لبسها، هز البواطة اللي خدا من الطبلة فتحها قدام وجهها المصدوم وقال ببسمة عريضة
بلال: السنفوتة اللي رونات حياتي، پروسيطو تاعي،
شنو بان لك نضربو الكحل فالبيض خلاص وتولي مدامتي..ديك الساعة حتا الى بغيتي تقتليني حلال حلال عليك..والى بغيت نبوسك ونبقا نشوفك ربعة وعشرين ساعة على ربعة وعشرين حلال عليا "غمزها" اش گلتي؟
حلات عينيها: لهلاااا يحيييك ويطول الزماااان على عينييك والا يوصل فمك لودنييه جنااافو وخيخو على فيييك...
قاطعها ساد عينيه: عااائشة ..رجلي ضراتني حق الله هزي الخاتم بحال گاع البنات لبسيه ولا غير گولي اه انا نتكلف
ردت بهلع: ل لا لا شوف انا راه باقة مم..
ناض وسكتات حيد الخاتم من البواطة لبسو ليها وبقا متمعنو فصبعها كيف جا..بابتسامة طلع يها شوفة عاشقة قرب باسها فعيونها بجوج وحدة ورا وحدة وببسمة قال: هاد اللحظة من شحال هادي وانا كانتسناها فخبارك
شافت فالخاتم مترددة وقلبها كايضرب بعنف: و ولكن ابلال...
رد مقاطعها: مكايناش ولكن..ولينا واحد من هاد اللحظة اعائشة "رد شعرها ورا ودنيها هايم بشوفتها" حتا الى مكنتيش كاتبغيني..انا حاس باللي عندي بلاصة هنا "قاس فوق بزولتها بشوية نقزات بين ايديه وبسمتو وساعت" ملهوف عليك اكبيدتي..ملهوف وكون تعرفي شوفتك شمن عافية كاتشعل فيا
بعقل طاير ردت: شمن عافية؟
قرب منيم عينيه على شفايفها وبهمس قال: عافية تتحرق, ونيفاتك بوحدهم اللي تايطفيوها " قاسهم بشفايفو وسد عينيه" ايمتا يجي النهار اللي عمي بوبكر يعطيك ليا ..ايمتا
بهدوء بعدات راسها وبدات تتنهج: شنو گلتي دابة
غوبش: شنو؟
ردت: لا غير عاود
بعدم فهم قال: ايمتا يجي النهار اللي عمي بوبكر يعطيك ليا! علاش
حلات عينيها وعاد تخبطات مع الواقع وتفكرات باللي عندها واحد الاب مامنوش تلاتة وهو اللي تايديها ويجيبها للجامعة
الزوبير زادد خوا اتاي وز مسمنة خرا عمرها زبدة وزيت العود لواها وبعضة وحدة طير ليها النص، زاد عليها بيضة مصلوقة تاتنفخو حناكو بالماكلة وخالد مخسر وجهو ويبرگم
خالد: وكايگولو عليا وكال اودي ياودي كون شافو هادة يصومو على الماكلة عام
وفمو مپلاني بالماككلة قال: گلتي شيححاجة
خالد: لاا اخويا گلت لك كوول راماككليتي والو شو حالتك كي ولات بقاو فك غالعضومة
سرط باتاي وضار ليه كايشكي من نيتو وحتا خالد داير فيه راسو: بالفقصة اخويا خالد مشات ليا عشرة كيلو غالبفقصة
خالد: عشرة گااع على هاد القيبال كتي جاموس
رد: شناهية هاد جاموس؟
خالد: الموس الموس حيدو من حداك لاتجرح وحتا الدم اللي غايقدك كلك ماكاينش
الزوبير: اييه ايييه
خالد دور راسو حاضيه تايشوف فالدروج اللي كايطلعو الفوق وحاضي الزوبير بنص عين، كلا مرة طالع واحد مع وحدة ولا جوج بشكل مريب وحتا لبس البنات فهاد المقهى مريب وغير مبشر بالخير..بسم خالد بعدما شاف فيه وقال: خاي الزوبير
رد كايندغ: هانعام اخاي
خالد: بغيت نطلب منك واحد الطليبة الله يسر عليك
الزوبير: گوول گوول حنا دابة شركنا الطعام
رد: الله يحفظك..شتي دابة انا خليت واحد الامانة لهيه فالفوق عند واحد السيد..وبغيتك تمشي تجيبها ليا عدو الله يسر عليك
شاف فيه وكيغايدير يعرفني كوغا مشيتي تا
خالد: الا اصاحبي ماخاصوش يشوفني انا حيت ممفاهمينش.. غير سيير تا راه غايشوفك غايعرفك معايا
الزوبير: وخا غانزيد واحظ الدغيمة
"شرب اتاي اللي بقا وبدا يخشي ففمو بالزربة"
خالد: واغاسير مغايهربش هاهو مخبيه لك
وفمو عامر ناض: واخا واخا
تم غادي طالع فالدروج وخالد حاضيه مطلع حاجب: ناري على بگر الكلاخ صافي
بوبكر داخل السيارة متكي على الزاج ايدو على حنكو وكايشوف فالزحام قدامو بهدوء..الشمس ضاربة فيه حتا دوخاتو وقوة الهاراج والكلاكصون تاع الطموبيلات صمطوه..ملامحو مهندة جامدة ولكن من لداخل ماعالم بيه غالله وكون ماجاتو السيدة مرت ولد خوه حشومة يبدا يهلل ويقلل الاحترام..كون فرج فيها الضار البيضا والنواحي
هيام حنحنات وقالت بتردد: هاد كازة دييما هاكة اعمي
تمتم فخاطرو: الى ماسمحت لك ابنتي قبرك غايجي شووكة
هيام: گلتي شي حاجة اعمي؟
رد: الضار البيضا بنت الحرااام
..............................
الزوبير طالع مع الدروج كايدور عينيه باحت على الشخص اللي دوا عليه خالد واصوات غريبة من الابواب المغلقة قفقفوه إما غوات البنات ولا التوحويو ولا كترة الضحك..حس بشي حد قاسو من اللور ضار قافز وحل عينيه على وسعهم والبنت بميوعة مصمصات داك العكر الحمر وقالت: هاي الزين
حل فمو فيها والعرق بدا ينزل على جبهتو: ه ه هاو
ردت تاطلع فيه: اوووو على الكلبوش دياالي..اجي معايا اجي
نقز كايسرط الريق: ا الا ا اختي ا ت تانتسنا واحد السيد
..حلات الباب داخلة ودخل وراها غابانت ليه الناموسية بغطا غوز مشعشع وقوة الريش عليها سرط ريقو وزير على ررجبيه فين ضربو الضو ..زاد دخل تايشوف بطرف عينو ، هي تاطلع فيه وتهبط بجرأة وهو بحال الولية يطلع فيها الشوفة ويهبطها بسرعة حتا ضحكات ضحكة مقحب** وقالت: مالك حشمان
رد: م م ماحشمانش
ردت: ششش
.. بدات تقرب وهو كايرجع اللور بحالا غاتعتاصبو قرب يسخف من السكر اللي طاح ليه وكيف غاتقيصو تدق الباب بالجهد وصوت خالد كايدخل عندهم
خالد: وااالصگع حل حل حل
شافت فيه: شكون هادا؟
رمش مفاهم والو: ه ها
مشات حلات عليه وهو وسع عينيه فيها وفالزوبير: تاشكادير هناااا
سرط ريقو ورجع حمر: كنت كات كا بغيت فين نصلي و و
رد مفقوص: تصلي التراويح المسخووط طاالع مع ق**** "شاف فالبنت"سمحي ليااختي "رجع شاف فيه مغوت" طاالع معاها للبيت والبوليس طاالعين فالدرووج كاتقلب على الحبس لمك
صفار ليه الوجه: ل ل البوليس.. هااويلي
خالد: هاالملوي لمك وااش انا مسيفطك عند الراجل تجيب ليا الامانة وتا طالع تزني ..صااااافي مشيتي فيها عشر سنين تاع الحبس اولد الحرااام
بغا يبكي ورجليه قربو يتحشو: و والله تاهي اللي گالت ليااا زيد
شافت فيه بهدوء: اومن بعد انا الزين خدمتي موتقة مسيينية.. نتا اللي عندك المشكيل
زاد خنزر وحنحن واخا ماعجبو حال ولايني دار مع بنتو الصواب وحيت رجل حقاني قال فوق النفس: الله يرحم بيها الوالدين ..كت مع مك شي حاجة تشفرات عدهم ومشيت معاها , ساعة نزلت فنص الطريق باش نجيب عايشة..وفاش وصلت عدهم گالو ليا باللي خرجت
قاست حناكها: م مالهم والو غ غير الشمش "بغا يدوي وقاطعاتو" ه هاداك ولد عمي تاج الدين هو اللي و وصلني للدار ابا " سرطات ريقها " كي شتي دابة كنت تانتسناك وهو جاي و وگالها ليا و وگلت و و واخا
رد: اييه رانا عارف ابنتي..خسرات ليا حفيظة ونزلات عدي مرت تاج الدين..گلت اللهم توصلي هي ساعة تشفرات ليها ديك الجمعية ديالها وبقينا حاصلين فالزحام
بوبكر: غانتغدا ونزيد نصيبها وتگوول واش بااقي ركب مع شي حد
عائشة: اه ابا عندك الحق
بوبكر: كليتي شي حاجة بعدا
بالنفي: لا واالو
بوبكر: وازيدي سخني لينا مناكلو راه مك لقيتها نعساات مارافدة هم
حركات راسها بسرعة وخرجات عندو نازلين لتحت وهي تترد النفس وتنضم دقات قلبها
.........
وحلات لخاالد والقهوة خرجات ليه من نييفو تارجع حمر، بلال مد ليه كلينيكس والتقويصة مجموعة فحجبانو: وااش مهااوش على القهوة شرب بشوية ابناادم
خرج عينيه حمر وقال: الزواااج.. الزواااج اصااحبي. الزوااااااج
رد مخنزر: زيد غوت زيد راباها مازال ماسمعك
بغا ينتف راسو بالفقصة: وااشاوا من نييتك؟ وااتا شكووون دكر لك شي زوااج بعدا انااا فيين دوييت على شي زواااج فيييين
رد: ونتا ماالك انا اللي غانتزوج ولا نتا
رد: الكلب اللي گاالها لك عقل هاداك ولا خرية البغلة
عطاه ودنو ببروك: عاود شنو گلتي
بارتباك رجع شوية اللور: و و واصااحبي نتا اللي كاتقودها شي مراات واش عاررف شنااهوة الزوااج ولا غامدررم
بلال: وشنااهوا هاد الزواج اسي خالد
رد فاتح عينيه وتايشرح: الزواج هو... تخيل معايا البيض مسلووق متلا..تاكلو فالصباح والعشية، الصباح والعشية، الصباح والعشية الصباح والعشية الصباح والعشية الصباح والعشية الصباح والعشية...
قاطعو: وابارااكة المرض سرطتي كارت ميموار
خالد: غييييير بالفم وتگهمتي خلي الى عشتي معاها فسقف وااحد تصبح عليها وتمسي اليوم وغدا وبعدو وبعدو وبعدو..بالله تااطج..ولكن فاش كاتكون سيليبيخير..تقدر تاكل شوية الرفيسة..مرات پتيپانة..پتي غاميسو..مرة ملوياتت ولا بطبوطات..لي كخيپ ولا محمصة بالحليب
رد رافع حاجبو: واديها فرااسك انا عااجبني وبغبتو شكيت عليك
بالعصبية قال: بغيت غيير نعرف شكون هاد الحمااار اللي دكر ليك حس الزواج نمشي نخنقو بيدي والله مانطلقو حتا يخرجو ليه بلابز عينيه
بلال: خالد بدل الموضوع الله يستر علك انا صاافي فكرت
بلال: لا لا اعمي گول اللي عجبك حتا الى ماعجباتكش شي حاجة نصلحوها من هنا
رد: ديك الخططرة اولدي شتك فنصايص الليل تتعنق فالدرية وقدام داركم مازالذ، راه داكشي متيقبلو لاربي والا عبدو آو "بلال تبسيكتو تدريجيا بدات تتمحا" دير هاكة من اللول سير قصد باب دارهم وخطبها حسن لك وليها حتا هي
رد: ل لا لا اعمي ه هتديك راه ما.. ماشي صاحب..بغيت نگول، ماعندي بيها حتا علاقة
قرنهم بعدم تصديق: ايوا انا غير نصحتك لوجهه الله..الحلال زيبن اولدي واللي يعرف ليه مزيان
رد: احم..عندك الحق..اكترية الى كنتي كاتحب
ضحك: اييه هي گول تتحبها الشيطاان ههه فاش فكرتيتي ههه نتا راه من فاميلة العورابي كون رااجل قاد بالزماان ..صونها وكون بيها وكون خير متال لولادك إن شاء الله الى جاو فالطريق والحاجة اللي مخسرة فك صيبها من دابة
باس على راسو وبوبكر قال: الله يرضي عليك..راك عزيز وولد الغالي اللي هو باك..عمري ننسا خيرو فاش عاد بديت كانجي للمدينة واخة كتي صغير وديرهم كبر منك ولايني كنتي عزيز
ضحك وحك راسو: عقل الصغر اوصافي اعمي
بوبكر: مكااين باش اسيدي دابة الكادو المخير فعرسك عليا
رد كايطلع ففوجهو الشوفة مرتابكة: احم مغاتسولنيش شكون
باستغراب: وعلاه كانعرفها
حرك راسو بالايجاب متردد وبوبكر قال: اييه
وشكون هاادي
بعد صمت قليل نطق وقال بجدة: بنتك اعمي.. عائشة.. بنتك هي اللي كانبغي وبغيتها على سنة الله ورسوله
شك واش سمعو مزيان زاد عقد حجبانو بحدة وقال: عاود اولدي شكون هادي
جمع النفس ورجع قال قاصد كل حرف من كلامو: بنتك اعمي.. عائشة
غوت فورما كملها: تااواش بااغين تحمقوووزي..وااش اعبااااد الله تجمعتوو كلكم على بووبكر وبغيتو تسطييوه "بلال نزل راسو تايحك عينيه ويزفر" تقاداو البنات من هاد الدنياا تاماكاتبان لييكم غااااابنتي " الرجال اللي فالمقهى صارو كايشوفة فيه حتا تحرج بلال وقال
بلال: حناا داابة كانتفاهمو اعمي وانا ناوي الحلال
وقف غااضب: واانويه فجييهة خراااا سييير عد هاادووك المسخاات اللي تتعرف وفووت عليك بنتي..شتي راااه واخة تبقا غاااتة فهااد الدنيا بوووحدك لاااديتيها ابوو بناات..افرطووطو .. الله يجعلني نزووجها لولد القااايد الزووبير لاكاانت لك
ناض حتا هو بعصبية: خلينا محتاارمينك اعمي رااه هاادشي دياالك بدا كايطلع الدم..انا كانبغييها وبااغيها للحلال بزز من ااي مخلوووق وعاد داابة كنتي كاتقرا علي طا الزابور تاع الزاااج هاانا جييت وطلبتها منك ماالنا داابة
بوبكر: اسيييدي ماااطلبها ماطلب عطيييها التيساج وشفتي غااديك الدار اللي تتصبح وتمسي على كمارتك من غدا انا خااوي باباها وبنتي مااحدي فالدنيا عمررها تكوون لوااحد بحاالك تتفهم
مشا فحالو بغا يتفرگع كلو كاينهج كي التور الجاعر ووراه خلا بلال مركز عليه شوفة حادة وعلى ايدو مزير..تعكيسة مابعدها تعكيسة دارها بوبكر و لوا ليه بيها ليدين والرجلين..كيغايدير بلا هاديك اللي ربط بيها قلبو ..بلا مايشوفها وبلا مايزيد يغرق فهواها
جر تيليفوون من فوق الطبلة هو والساروت وبغضب زاد لدارهم قارن حجبانو حتا هو وكل خطوة دايرة منها جوج بالاعصاب اللي راكبينو..دخل وداز لمكتب باه نيشان لقاه على مكتبو جالس كايطاپي فالپيسي بهدوء
بعدها على حضنو وهي تتمسح عينيها....شاف فيها مشوش وقال: واش مك اللي گالت لك شي حاجة.. شوفي ابنتي مايكدب علك حد رااه مكاينة تزوييجة وعليا باليمين وربي فوقي شاهد..عمري نبزز عليك شي حاجة تي مبغاهاش وباك ديما حداه رجلو حدا رجلك ماحدي حي
تنخصصات كتر وبحنية جرها لحضنو كايدوز على ضهرها ويتنهد من قلبو وعلى راسها يبوس: الله يرضي عليك انوارتي..واديري ليا خاطري وباراكة.. واش باغة السكر يطلع كتر ماطلعاتو ليا مك "سمع لا عبوش كاتعيط عليه من الاسفل وقال" دخلي ابنتي غسلي وجهك وسيري لبسي شي حاجة زينة اليوم غانخرجو نتعشاو غير انا ويااك صافي
حركات راسها فوق النفس وتتمسح دمووعها
بوبكر: الله يرضي عليه " باس راسها وزااد نازل كايزفر وهي زادو نزلو دموعها ولبيتها زادت
لاعبوش: اااسي بوبكر
رد جاي عندها للصالون: نعام الا عبوش اشحب الخاطر
لا عبوش: اولدي اللباب كايدق وديك المخلوقة مشات كادوي فالتيليفون
أبو عائشة الجزء التاسع
محتوى القصة
التنقل بين الأجزاء