مغيث: ( عض على لسانو بضحك ) خلاصة كلام !! بنتك دااارهاا و رااجلها اولى بيهاا نتي سيري شوفي ليك سي طبيب راااك خرفتي !!
غيثة: بررررد على رااسك اقبيلة منوالة !! ( تبعات ليالي لقاتها جالسة تتبكي ، هزات صاكها و دازت على ديك حالة مدنية و خربقات فحوايجها تقلب على باسبور لقاتو و وراق بنكة و نوضااتها) زيدي خليه يشبع بشرواط
ليالي: ماامي !! خليني نبرد هاد عافية
غيثة: ماافيك نفسس !! جرا على ماماك و جرا عليك بعلالي و خيل تشالي و مزالة لاصقة ..
.خرجاتها جاراها بالبيجامة و غيثة هزات صاكها و مخرجاها بسيف عليهاا قربو الباب و تسمع صوتو
مغيث: ليااااالي ( سكت تينتظرها تدور ....مادراتش ) حسبيها قبل ماتخرجي داااارك
..قطع معاه جلس تيتفقص على امو !! رجال بصفة عاامة تيحاولو يخبعو مشاكلهم زوجية خصوصا اولاد الواازنة خوفا على امهم عارفينها كبيرة فالعمر و مريضة ماناقصة صدااع .....مرت نصف الساعة بتحديد دخل مغيث
مغيث: سلام
الوازنة: ( دارت يدها على حنكها) طااعة الله اولدي جريتي على نسيبتك و مرااتك
....عيات الوازنة ما تهضر و تقنعو باش ادخل لاكن رفض تماما !! لاانه عارف جنس غيثة مدام تسبات معاه و سبقات اخبار الوازنة غير زادت فيضات كاس ....جالس عافية شاعلة فقلبو و مونس مع نبيل لي صبحت اسماء مريضة عطاها دوا رجعت نعست ..شوية و دخل فاروق و خديجة هازة فيديها كما عادتها شهيوة تتاتصدم بخبار ليالي
خديجة: وقتاش هااادشي ؟؟ يلاه بارح تكلمت معاها
الوازنة: (واقفين فالكوزينة) مانعرفت ابنتي !! الله يهديهم ( لي قلبات عليها مالقاتها) زايداني هاد ماشا تاهيا
..جلست خديجة توجد الغدا لابسة جلابتها و قلبها واكلها على ليالي ، كانت عارفة مشكل من غيثة للكن تصدمت من هول مشكل فين وصل ...دارت تشوف موراها بان لها خوت بثلاتة مجموعين ..راجلها و نبيل و مغيث
مغيث: بنت قحبة غفلاتني وصلاتها الواليدة
نبيل": التييييقاار مزياان اصاحبي
مغيث: واش اناا كرهت !؟ درنا عين ميكة و سلكنا و سكتنا و دوزنا اولى و تانية !! طاحت مريضة كالك تقابلها كلنا ماعليش !! فاش تيطلع ليا زمررر راس تندير رااسي بلاصتها و نحسبها كي الواليدة لاكن تفرعناات
..وصلو الدار غير ساكتة تتفكر شمن طريقة تواصل معاه !؟ هاهو يوم ماخدم ماوالو مع دالك مزاجو معكر، لبست بيجامتها و دهنات كريماتها و رشت ريحتهاا وقطعت ديسير حطاتو فوق طبلة لقاتو جالس تيتفرج فالاخبار مخنزر غير بوحدو لابس سروال كيطمة كحل و تيشورط مزير على كتافو وريحتو رجولية ديما لاصقة فيه جامع رجل و رجل طالقها
خديجة: خود ديسير !؟
فاروق: غير حطيه ..
خديجة: (سكتات تتوزن امور و هضرة ) تصلت بليالي و غيثة تاوحدة ماتتجاوب فيهم !؟ واش مشكل كبير علامن تناقشو !؟
فاروق: ( حط صبعانو بين عينيه مزير عليهم) فنظرك شنو هو الموضوع لي تيخرج راجل على طوعو !؟
خديجة: (بصوت هادئ) اوا هدا عليا كل الرااجل و عقليتو !؟
فاروق: كااين موضوع واحد الراجل ماتيعقلش فيه حتى على امو لي ولداتو ( هز عينيه فيها مركزهم هيا متبعاه) بدااريجة الحواااا
فاروق: مااعرفش تفاصيل ولا امور كي وقعت !؟ لاكن سيد تحرم فحقو الشرعي ونسيبتو قلت عليه الحيا !!
خديجة: اوا الله يهديه يصبر عليها شوية !! راه غيثة مااتتعاشر لاكن تتبقى مها
فاروق: ( هز صبعو بجوج تيشير ليها) الراجل تيصبر على مراتو فجوج حوايج !! هدا الا كان راجل ماشي ذكر ، لان ذكورة عطا الله فين يحويو مايتسوقش مراتو وخ تكون شداها سكرة الموت !! ايصبر الا مراتو نافسة ولا فيها الدم مع دالك كاين البديل ( غمزها ) كاين كي يجيب بليزير ديالو ، فهمتي !؟
خديجة : اوا هدا عليا !! اول مرة تنسمع هادشي
فاروق: ( حك عينيه بتعب و تيتفتوه ) ااااخخخ ....صاحبتك الا عرفتي توصلي ليها كولها تجمع كرها و ترجع الدارها راه الا مشى ولف غيابها ولا قوات هضرة و زكاير راه ماايعقلش عليهاا !! خوتي تنعرفهم كلهم
خديجة: الله ينجيهم !! اش تتسالهم اودي !؟
فاروق: مشكلتكم نتما العيالات حاسبين كركم فاهمين و عارفين ونتما ماتاتقفلو حتى قلوة !؟ وااش نتي صحيحة مافاتحة مامخرية الوقت !؟ تخلي راجلك مزير !؟ راه راجل فديك للحظة تيكون بحال قنبلة الا ماخواش اما يطرطق ولا يخوي تجيه قحبة ديك وقيتة يكولها مرحبا !! يجيب راس و الله يعاون ، تما عاد ترجع على مراتو بنذامة
خديجة: ( تتنهد ماامتيقاش ان مشكل طلع على نعااس ) الله يدير الخير ....جمعات طبلة و دخلت بيها تاسمعات تلفونو تيصوني و طلقت وذنيها سمعاتو تيهضر مع شي احد عرفاتو الخدمة
فاروق: ( دخل حط تلفون واتكي و حاس بيها مقلقة) اش فبلان !؟
خديجة: ( تتنهذ ) والله حتى تلفت !؟ فين داك الحب و تفاهم لي بيناتهم !؟ اخر مرة تصالحو قدامي فريسطو ، كن تشوف حالتها تبقى فيك راها تتحماق عليه
فاروق: ( ضراتو فراسو) آااا مدام !! الحب فجهة و زواج و حوا فجهتين دخليها راااسك !! راجل تقطعي عليه نعاس مايعقلش عليك !؟ لاش تاتبقاو تخلطو بين بضاض و المعقول ..
خديجة: ( بزعل) وجراا عليها و على امها !؟
فاروق: مها من تتفهم تقاود من نهار زوجاتها !! بنادم راه معصب
خديجة: ( قربت عندو ) يلاه معايا رجعوها دارها !؟
فاروق: هاادشي بعيد عليا و عليك رجعي !! دخلي سووق راسك بيناتهم
خديجة: وراها صااحبتي و مرات لوسي
فاروق: ( جرها عندو معنقهاا) عندي ساعة ونوض نمشي خدمة خليني زوين لا نتسيف عليك
خديجة: ( تتشوف فيه ) نباات بوحدي !؟
فاروق: طلعي عساس يبات معاك
خديجة: باااز عليك و الله
فاروق: ونتي تتخراي فالهضرة
خديجة: عيط بنتك غداا و سول فيهاا !! واش وصلات واش مريضة واش ضاحكة
فاروق: ( مغمض عينيه) صافي غدا نخلط عليهم ندوز فاكونس تما جديد ليه جدة ولبالي لا تفرط فيه
....وصلو طبيبة لي نعث ليه مغيث و نزلو داخلين هيا بقوة دوخة شادة فذراعو عطاهم فلاستقبال معلومات و مشاو جلسو تاوصلاتهم نوبة.........وصل دورهم و دخلت طبيبة و هو معاها ، استقبلتهم و مشات هيا اسماء بياص و فحصت لها طونسيون و حلاقم و عينين و لكواط و صدرها عاد عملت لها ايكو على كرشهاا ..
دكتورة: من امتى نتي مزوجة ابنتي !؟
اسماء: تسعة شهور هكاك ااخ ..ادكتورة
د: ( تبسمت لها عرفاتها بغات تكول خالتي) تتعاني من شي حاجة من غير هاد دوخة و سخفة !؟
اسماء: والو
..دكتورة لبست ليكات و طلبت منها تنزل سروالها تقلبها يلاه طبيبة بغات تقلبها غوتات
دكتورة: صبر ابنتي صبر !
اسماء: (تتعض داك ليزار مغطية بيه ) هنننن
نبيل سمع غواتها و عرف المية فالمية تتقلبها طبيبة ، شوية الوقت جات جلسات قدامو ماتقددش تجلس نيشان جالسة على جنب وااحد
دكتورة: ( تتشوف فيها تتوجع ، رجعت شافت نبيل) زوجة ديالك من خلال فحص ماعندها والو ، غالبا تتعاني من بوصفير ( تتشير عينيها ) راه صفورية طالعة عليهم و جسمها كدالك ، ممنوع عليها تشرب اي دوا ولو يكون ديال راس مممنوووع باطيط A و دوا خطر عليهاا
اسماء: بوصفير !!!
نبيل: ( حط يدو على فمو تيشوف فيه بتعجب ورجع شاف فطبيبة)وو مالها تتغوت قبيلة ادكتورة !؟
دكتورة: هداك مشكل اخر !! عندها عنق الرحم جد ضيق لازم فالممارسة جيل للتسهيل و حاليا راها طايبة
دكتورة: كما قلت ليك تستعمل جيل حتى يجيب الله شي الولادة يوسع ليه عنق رحم ولو بنسبة ضئيلة ..وبالنسية للمرض ممنوع مقلي و حار و حامض فقط ديسير تناكد ممنوع الدوااا !!-
نبيل: ( حط جبهتو متوتر هو تيتكلم) دكتورة هاد عنق الرحم ضيق !! عندو مشكل بالولاد !؟ مدة حنا مزوجين مزال ماجاب الله
اسماء: ( تتدور فدوك عينين هادي فهمتهاا) صمت
دكتورة: لا سيدي !! لاعلاقة زوجتك فحصتها ماعندهاش مشكل ابداا !! الوالدة نقية و امور جد عاادية ( مدات ليه بطاقة بروفيسور راجلها) باش تاكد مزيان هدا زوج ديالي مختص فالانجاب ولاكن حالتكم جد عادية ربما القدرة إلاهية وصافي ..
... كتبات ليه جيل الممارسة و استئذنو منها وخرج خلص فلاكيس وركبو فطموبيل و اسماء مسهوتة !! مر فرماسيان و شرا جيل و ركبو غادين الدار هو تالف فين ماكان شي كارتة لاصقة فيها وامراض لي عمرو عرفهم مع اسماء تشرف بيهم و صلو الدار مطلعها عند الوازنة
الوازنة: خبار الخير !؟
نبيل: ( تيشوف فيهل مسهوتة) فيها الواليدة بوصفير !! شنو ندير لها !؟
الوازنة: ( بشفقة) مسكينة و هانت طبيب عرفو انا ماحققتش !! اوا نعيط المراة لي تتكوي عليه ، جلس معاها لبس جلابتي و نجيبهاا
نبيل: نطلعها بيتها !؟
الوازنة : ايااه باش ترتاح فمرة ..
..دا غيثة عمرت من مها و اختها الفاسيات مقعقعات ..جاو يشدو بخاطرها يوقفو معاها ، فبيتها ناعسة من البارح عقلها حبس و استنفذ تفكير ..فيقاتها غيثة و بدلت لها خرجاتها حداهم تفطر و تاخد دواها ..طبلة مزوقة و عند غيثة الخاطر تحط من بغرير و حرشة و ملاوي و دواز اتاي
الجدة: ( لابسة قفطان جوهرة و دريرة حرير خارجة منها كصة) : بنااااءص الالة !! جوووهرة اعبااد الله جووهرة عطيناه
غيثة : و تقووول ياماما واش عمل بوجه النسوبية !! قالها ليا بصريح عبارة : تيدكااج افيك طابخانسيسر
خالة: ويلي ويلي ( حاطة صبع على حنكها ) هيمااجي كي عامل !؟ انا نسيبي مولاي ابو بكر الصواب و اداب ولاكن نتي اختي لي عطيتي بنتك منوالة !! قلتها ليك البنت عليها العين هبطي فاس جوج فراحات الا تعطلتي تخطب ليك الناس شان و مرشان
الجدة: ( تتكلم بتمياق) اواا خلي ديك فئصة فقلبي نهار الممات ، قلب البرمة علة فمها البنت تشبه لمها ! لا امها ماجابتوش عروبي من مراكش
غيثة: ( مارضاش و لوات لسانها فمها و تتشوف ليالي حانية راسها) اواا لهلا يحي زماان تاابنتي انااا تمرمد و الله تناوقفو على حدوو
الخالة: عنداااك ترجعها ليه وياااك !! هادي شافتك هادي رااتك راه يرجعها جفاف ويمسح فيها رجلين
الجدة: لاتزديشاي فيه !! راه بيناتهم تريكة
غيثة: ولدددي هدااك !! نعيشو امير امراء يعطيها غير برااتهاا
جدة: اوا الزهر مالح و السعد نايم و فال بايخ !! اوا وكلنا امرنا للحليم السميع
الخالة : ياااك قولت لك هزيها وديها امريكا تولد !
غيثة: ( شافت فليالي بفقصة) اوا لعب لها بعقلها و قالك الالة يماه بزاف عليهاا ..ماعلينا نولدها هنا و العقيقة مخيرة نعملها ليها
غيثة: لالا أذيب عندو متحانات و زايدون يوصل الخبار اباها
الجدة: لالااا الا داك جنس نائص !! شفاية بعينيها و خواتاتو كلهم يتشفاو
غيثة: لانا ماعارفااعهمش !؟ ولاكن ربي كبير ..
...سمعات على وذنيها و شافت بعينيها ماقدرت تقول تاكلمة!! لحد آن مامقبلاش فراقها مع حب حيااتها ، كي طراا لهم !؟ كي وقع لهم !؟ من نهار عقلات على راسها كبرات ماتتقدرش تخالف ولا طيح كلمة غيثة و كفاش اليوم توقف فوجه غيثة و الجدة و الخالة و تقول لهم لابغيت راجلي !؟ شربات دواها ناضت بيتها خلات حديثهم طويل ..بقات تاتشوف بعويناتها و تتفكر و تعااود ......جا وقت الغداا و ناضت غيثة تنوضها تغدا
غيثة: ليالي نوض الحبيبة تغداا
ليالي": ( بسيف تتهضر) مافياااش
غيثة: غير شوية اكبيدة على حسب بيبي ..
..نوضاتها بشوية و جلسو فالطبلة و نفس الحوار
الخالة: نسبي ابو بكر شهلطر عسلهم تاني دوزوه فالمالديف و يااربي لالة ابنتي غير اضحك ليه
الجدة: اوا لاش بنادم يفوج
غيثة: غير سكتي على شهر عسل ! دوزاتو فاكادير و خاه من ليلتو دخل حبس و اخاه تالت مطلق بالبنيتة و مخبينها
الخالة : اوا سكتي لهم !؟ منك نضرب لهم طر و نفرق هاد زواج
غيثة: ( شافت ليالي بنص عين) اوا لالة غزالة لي فنيت عليها حياتي بغاتو و صبرات ليه
الخالة: شفتي الا ماجاش راكع و ردك بشي مولاتي فيلا و طموبيل و تسافيرة للخارج غير طلقيه و تهنيتي منو
غيثة: مابااغة منو والو !! بغيت بنتي لاغير و حفيذي
ليالي غير تتنقب و تسمع القدرة باش تكلم ماعندهاش ، تتسمع حياتها تتفصل و تتخيط وماعندهاش زعيمة تكلم ..ناضت غادة تغسل يديها يلاه وقفات طاحت
....تخلعو عليها و هيا حالة اغماء رجعت ليها ، وصلت لومبيلونص لان عنوان الحي راقي ساكنين فيه ناس معروفين طلعو هزوها مهبطينها و غيثة هزت صاكها و ركبو طموبيل تابعينها و فطريق تتصل بطبيبة ديالها لقاتها فلكيلينيك ..........وصلو دخلوها و طبيبة كشفت عليها و خرجت عندهم
د: مدام غيثة !! اش هاد حالة وصلت ليها البنت !؟ طونسيون طلع
غيثة: ( تتبكي) عتقي ليا ابنتي انااا مزاوكة فيك هيءهيء الله ياخد حق لي كان سبب
د: لي نقوليك بمجرد يتقاد نولدها
الخالة : مزالة فالسابع !؟
د: حياتها اولا !! سمحولي رجع عندهاا
.غادين جاين فداك كلوار و طبية كل مرة تخرج تقولهم فانتظار ظغظ يتقااد ..مرت ساعة و جوج وتلاتة و ربعة ....غيثة اعصابها تلفو بالاتتظار كلشي تيدعي معاها تاخرجت طبيبة تتجري
د: فين راجلهاا !؟
غيثة: تتطلق !! انا مسؤولة
د: تمضي ليا اوراق تحت مسؤوليتك ان حياة الام اولا ..نولدوها دبا سيزاغيان
الخالة قربات طيح بخلعة والجدة تتبكي ، غيثة طارت مضات وراق و خلصت بشيك مليون واقفة للمستشفى وهبطوها البلووك
ناعسة فبيتها مهدودة بو صفير عطاها علاش تقلب ..ماتتقدراتش تنوض تغدا طلع ليها نبيل لاكن غير نقباات شوية ، جالس حداها تينتظر المراة لي تكويها مع الوازنة توصل ..مرة مرة يشوف فيها يلقاها ناعسة و صفراا حنيكاتها بيووض نقطة دم مافيهمش ...تاسمع الوازنة تتدق ؛ ناض فتح ليهم الباب و سلم على المراة فقط الكلام ، كانت سيدة ستينية و واشمة فجبهتهاا جلس فالصالون و خلاهم دخلو عندهاا ؛ فيقاتها الوازنة و جلساتها ...
م: باسم الله ( تتشوف فاسماء) اواش هاد عروسة قد كميشة
الوازنة: هاادي بنت رضيعتي ...
م: ( جبدت قصبة و تشعل فيها عافية بالبريكة و تشعلت و بدات تحركها فهوا تزند ) باسم الله باسم الله ؛بشفاا بشفاا
شدت يديها و باذات تنفخ فداك قصبة و بذات تكويها من صبعانها و اسماء تتغوت
اسماء: ااااي اخاالتي تتحرقيني
م: بشفااا بشفاا ، ( تتشوف عينيها و نفسها كي تطلع ) بشفاا ( طلعت راسها تكويها )
..جالس فصالون تيمشي و يجي !! ماقدرش يدخل حشم امو و المراة معاها !! تاتيجلس ويسمعها تتغوت وينوض يمشي تا الباب و يرجع ..تاشاف المراة خارجة و الوازنة تتضحك ، جبد من جيبو ميات درهم يعطيها لامو تعطيها ليه ..
م: اولدي بشفاا !! البنية راه ضربها بوصفير بالخلعة
نبيل: ( حاني راسو ) صمت
الوازنة: و الله ما نكذب عليك !! تتقيل تحرك شكون يخلعها !؟
م: الله يشافيها .. كويان مزالها غدا و بعدو وياااك اللاا وازنة دوش !!
الوازنة: لاكوني هانية ..( شدات فلوس من نبيل و نزلت توصلها ...
...دخل عندها لقاها حازمين لها رااسها و متكية علة هيئة جنين تتبكي و شافت فيه زادت فالبكا بحال تتشكي عليه ..قرب لها تيقيس فراسها
نزلت سدات الباب تتجري دخل دارهم هو كمل طريقو و المشهد مر امام نجمة جارتهم
.... مرت عليهم تلاتة ايااام كلها خوف و توتر .. الخالة و الجدة تيبقاو فالمصحة حتى لليل و تيغاذرو ... و البيبي لي تزاد على السابع حطوه فالقرعة ...الولادة كانت خطيرة لان اي تفاوت فالضغظ حياة الام و البيبي تتمشي للخطر ...لهدا نتاظرو حتى اعتدل الضغظ و سارعو بالولادة ....فالصباح طلعوها للشومبرة ديالها من بعد مافاقت من البنج و كلشي كان عادي لاكن مع الآلام رجعو عطاوها مسكن و نعست و غيثة معاها مرعوبة بشكل كبير ....
🌄🌄🌄🌄
غيثة مبدلة مدوشة مشاركة الغرفة مع بنتها فعندها الحق فالدوش ، لابسة كيطمتهاا و تتقرا كتابهاا على مايوصلو عائلتها ...رجعت لها ابتسامة من بعد ماطمنات لا على الام ولا البييبي، اليوم يخرجوه من القرعة منين ولات صحتو مزيانة ....دقايق حتى وصلو عائلتها امها و ختها و بناتها ومعاهم جوج بنات مختصين بتوجاد بوفي البيبي .....قادو الطبلة بغطاء ازرق يشير للمولود ولد و زينو طبلة بليدغاجي و حطو بلاطو بلي سابلي بريستيج و علقو كلمات من منفوخين باسم B O Y ....وجلسو مجمعين و ليالي ناعسة تافاقت على صوتهم
ليالي: ( لو كان يحسو بيها !؟ يحسو بالنار واكلة فقلبها و هيا ولدات بدون راجلها ماعندهاش قدر تكلم ) ميغسي طاطا
الجدة: ( باستها تاهيا) الله على نوراتي ماشي وجه المحاين !! مبغوك عليك االعزري
كثرو تهاني و الامنيات و بنات خالة لابسين و مقادين و هناوها و زرورة بشيك تتحط ...
الخالة: اوا فين نعملو السابع !؟
الجدة: نعملوه فاس!! مع حباابنا و معارفنا الألبة الالة
غيثة: انا غير تبرا ليا بنتي عاد نشوف السابع
الخالة: إنشاء الله وخاصها تكون مراة و قاادة و تحزم لشغالها
غيثة: ( تتشوف فيها و الحزن باين عليها) الثقة فالرجال غير البهلة لي تعملها !! هاهو ماكلف راسو حتى يسول
الجدة: ااايه يبقي الستر !! رجلة اخر زمان ..
الخالة: نوووض فكي ابنتك من هاد خينا مامعاه معشرة
غيثة: ضروري لا تحتااجي وصاية ..
..جاو فرمليات جايبين ليهم البييبي واليوم عاد تشوفو ليالي لانها كانت معظم الوقت غير ناعسة ..قربوه ليهاا فناموسية جارينو و وهيا ناضت تتحاول تجلس ..حتى عاوناتها غيثة ..
ليالي: ( صحتها مزالة مدهورة و سيرو فيديها رقاق مدت يديها تترعد ليه و تتحس بالفتحة تتضرها و دموع سابقينهاا) مووون فيس
فرملية: ( مداتو لها شداتو) مبروك عليك امدام
..حركت لها راسها بشكر و اخيراا شدات كتلة من للحم صغيورة بزاااف بحجم جوج كيلو ونص ..قرباتو لحضنها تتشم ريحتوو و تتبكي دموع حارين مقهورة تتحس بالغربة وكتلة للحم بين يديها هيا منقذها و ونيسها تتبوسو بشوية فحنيكااتو و تتشم ريحتو و نسات وجيعاتتها ..الصمت خيم على الغرفة فقط صوت بكاء ليالي و صوت انين رضيع ....تتقيس بشرتو الرقيقة بشرتها الداافية و تتشوف فعويناتو مجبدين وفمو صغيور فاش تيحلو تيبان لسانو صغيور احمر
ليالي: ( بصوت هامس حنين) اميرووو
غيثة: ( تتمسح دموعها ) صمت
..الخالة ضيفات فرميليات ودورات معاهم و خرجو و بقاو مجمعين وعينيهم على البيبي لي حطاتو ليالي على صدرها مابغاتش تحطو ..داها نعاس هكاكا
الخالة: ( وقفت تتودع بناتها لي خرجو و تبعاتها غيثة) فين ماشية!؟
غيثة: غادي نمشي للدار نبدل عليا و نمشي نحط الولد فالحالة المدنية !! خليك مع ليالي بلا مانوصيك ممنوع تلفون تعطيوه لها لا تمشي تعيط على داك جلاخة
الخالة: كون هانية بالخلا وجلاا ....اوا شنو تسميه
غيثة: ماسمعتيهاش تتقول ليه اميروو !؟
الخالة: اوا سميه نتينا !! زايدون حتى تعمل سابع و ترتاح و خليه هو يطلع و ينزل على السمية
غيثة": الحالة المدنية عندي !! ماغاديش نخلي ليه فرصة وخ يحلم بنهار القهار ..
..اتجهت للاستقبال هزات اوراق من الطبيب لي تيثبتو تاريخ الولادة و الساعة و اسم المصحة ..هزات طموبيلتها غادة للدار ..........وصلت اول حاجة بدلت عليها لبست كلاص و هزات الحالة المدنية و لاكارط ناسيونال ديال ليالي و عقد زواج ديالها لي هزاتو اخر مرة مع اوراق و خرجت قااصدة المقاطعة ...
..وصلت المقاطعة تابعة المصحة التوليد فين زاد بيبي ....دخلت للاستعلام عطاها ورقة تنتظر دورها تتشوف فشاشة صغيرة ارقام تيطلعو ، وصل رقمها ناضت عطات المكلفة الاوراق
: نتي مدام ليالي !؟
غيثة: انا الام ديالها
: (هزات ملف) واحد الدقيقة الالة نسول رئيس القسم ...
..هزت موظفة حالة مدنية و ورقة طبيبة ودقت مستأدنة مدات ليه اوراق و خبراتو ان الجدة لي طالبة تسجيل
: ( هز تيقرا) نشوووفوو !! السيد القباج مغيث و السيدة ليالي ...اهيااا ونا موصيه على الزردة ..( خلا الموظفة غير تتشوف وحول الاتصال لرقم مغيث تاسمع صوتو) آمبرووووك الزياادة اصاااحبي
مغيث: ( يلاه وقف طموبيل قدام دار الوازنة جاوب تلفون) : !!!!!!
..تلاتة اياام على طولهم هو من خدمة الدار و عكس صحيح !! تيدخل الدار تايجبرها باردة فارغة بلا مراتو لي تتنورو بابتسامتها و هدؤوها لي تينسيه فالنهار متعب بسبب عمل .....خرج من الخدمة و قرر يدوز عند الوازنة لي عاملين رونديفو مع خديجة يمشيو عندهم يدخلو ولو على حسب نفسو !!! مابغااش يخلي السبب فراقهم هو نعاس لانه ماشي بداك كبث وديك قلة رجولة ..لاكن كاس فاااض بالسباب نسيبة ودوز لها مرة وجوج ..اما كن جات بينو بين مراتو مستعد ينتظرها شهور غير يحس براسو رجولتو فتقار نع نسيبة !! تاهو ماكرهش تقابلها امها كجميع امهاات لاكن نظراتها و حشيان الهضرة ماشي على اولد #الوازنة ..
مغيث: !!!!! شمن زيااادة اااصاحبي !؟ شاد فياا
: انت لي شااد فيا اولد القباج ههه حالة المدنية مضيتها بيدي موصيك على زردة ، هاا نسيبة جات تسجل اولدك
مغيث: ( تيحس بوذنيه تيسووطوو..غير ذكر غيثة عرف قضية) الله يحفظك حبس لياا خراا كلووو
: ( تيقاد نظاظرو) داوي من نيتك اصااحبي !؟
مغيث: ( جا يديماري هو يشوق فاروق وصل مع خديجة بطموبيلتهم) من جذر نيتي !! ( صوت هرب ليه) خدم المسطرة لي عندك راني فالمشاكل معاهم و خبار زيادة ولدي سمعتها منك و حق من بعث محمد
: (سد ملف بخبطة بيديه) والله اصاااحبي مافخبااريش !! صدمتني والله
مغيث: ( نزل من طموبيل شاعل) ماتكوونش كثر من صدمتي ...
..فاروق: اش فبلاان ؟؟
مغيث: ( هز راسو مغذذ) لاتسولش
خديجة: سلام مغيث صافا !؟
مغيث: سلام ...( سبقهم طلع)
خديجة: مالو !؟
فاروق: ( حط يديه على ظهرها بمعنى طلعي) من لابريكاد هزيتك وجينا !! مانعرفت مالو ..
..طلعو متابعين مغيث داير يدو على خصرو غادي جااي تيسووط تاجات الوازنة هيا و اسماء كانو فالكوزينة و خديجة سلمت عليهم ..
الوزنة: (شافتو ماشي هوو هداك) جلس اولدي !!
مغيث: ( هز رراسو السما تيسوط عذاب ماليه حل) مابقا عندي خاطر الواليدة لا جلاس لا المشي
مغيث: لي فيه !! ( تيهضر مغذد روحو اتخرج ) لي فيه معيط لياا صااحبي من احوال المدنية يكولي رااه ولدك تزااد واااااناااااا ااخر من يعللم ...يلعن عدوو ربهم تريكة بنات حراااام
الوازنة شدات فصدرها بالفقصة و خديجة حطات يدها على فمها تصدمت و اسماء غير تتشوف بعويناتها
خديجة: ( تتهضر و خايفة) كلشي من امهاا اخويا مغيث ..شوية صبر
مغيث: ( تهز من بلاصتو تيعرعر و يشير بذراعو ) من امهاا !؟ مرااتي تولد بلا خبااري من مها !؟ تنوووض تسجل ولدي فالحالة المدنية من مهاا !؟ انا هاد مراة صمكة !؟ زيزووونة ماعندك طاسيلة قحبة مها للسان !؟ ولا امها هو كينطوو
نبيل و نوصير دخلو مع غوات ..
نبيل: سلام
الوازنة: سلام اوليدي ..
نبيل: ( دوز نظرو عليهم كلهم ) مالكم ؟
الوازنة: مايلة لينا اوليدي !! ماشي خوك تزاد عندو ولد النسيبة خبعت عليه
نوصير: ( داير يدو على حنكو تيسمع) ولد !؟
اسماء: ( تتحرك فراسها باه و عينيها تيضحكو غير شافت نبيل شاف فيها هيا تجمع ) ااااه
الوازنة: هيا ااش اولدي !؟
خديجة: لاحول ولا قوة الا بالله ...نمشيو نشوفوهاا و نشوفو داك الوليد ابعداا
مغيث: ( عروق طرطقو فجبهتو) شغللك هداااك اختي خدييجة!! الا مشيتي !! سيري بصفتك صاحبتها ماتمشيش باسم مرات خويا
نوصير: يااه على الهضرة !! ولدك اصااحبي
مغيث: لي تولد بلا خباري و تسمي من مورايا !! تريح بيييه وداك اولد الا دخل الحالة المدنية تجي تعكر لياا تمشي تا لاهاااي
خديجة: اخوياا مغيث نت مول العقل !! يعلم الله انا حالة راها فيها مرااتك وديك زيادة !؟
فاروق: ( تنهد ) دبا تولديهم و رؤيا الا تعطلت كاع اليوم توصل ...
خديجة: سمعتي خوك اش قال !؟
فاروق: اش قلون !؟
خديجة: قالك ماعندو اولد حللف لا شافو
فاروق: تتحكو على ضبرة تابنادم تايخرج خايب فيه و تكولو واش شفتي شنو كال !؟ ( تكى على ضهرو هاز تلفون تيدوز رقم بديعة) انا كن كنت بلاصة خويا اما نطلقها فشهرها اول ولا ديك نسيبة نخليها تلاقاها فالقهوة و لي جهدها ديرووو، خووويااا رررب العكس خاصك تعرفي هادي ( حطو فوذنو مدوز اتصال وخديجة غير تتشوف و تسمع) : الوو
بديعة: امم الوو فاروق
فاروق: فين رؤيا !؟
بديعة: فلابسين مع ختي
فاروق: شمن لابسين فهاد خريف !؟
بديعة: اوا راه مغطي و ماء دافي ..مهم بليل نوصلو
فاروق: انا ماخدامش الله يجعلك توصلي حتي وحدة جبيها ولا نجي نجيبها ...
بديعة: ( تاتميق) ويلي راها مع امها ....
اقطع عليها خلاها تتهضر و شاف خديجة لي مركزة معاه ..
....ناضت تتقي عصبيتو و مشات كوزينة وجدات كيك و رااسها يتقلب بلافكار تتهز تلفون تتصل بغيثة ماتتجاوبش ...دخلت كيك فران ومشات انسطا تتقلب على أذيب تاطلع لها و خلات ليه مساج
📧: salut adib c khadija copine de laylali , svp appel moi urgent (سلام انا صاحبة ليالي تصل بيل عاجلا)
..حطات تلفون و مشات تتصب طاجين العشا و تمسى الحال و دخلت بيتها تجمع هنا و من لهيه على مايوجد العشاا ، كل مرة طل على طاجين و فاروق تتسمع انفاسو هو نااعس ، هزت تلفون اتصات بمها عاودت لها على ليالي و تأسفات تاسمعاتو فاق تيهضر فتلفون وقطعت مع مها و خرجت عندو
خديجة: فقتي !! ...
فاروق: دنمهم لي ضرو كروو يكوليك عاين نسول لاجودان .....
جر رجليه الحمام طرف و صحصح بالما و جلس فالصالون لقاها موجدة العشا رجعت حافظة عاداتو و اواقات اكلة ونعاسو ،هو ماشي ما الناس لي يبقى يشمر فيك ولا يتغزل رومانسيتو قاسية ...اما قلبو راه مرتاح بيها ...تعشاو بجوج فهدوء وغير هيا لي تتهضرو ، جمعات طبلة وغسلا ماعن دخلات بيتها تا تبعاها تيتبسل عليهاا ساعتو وصلات
اميمة: وصاافي دبا اش يطرا !؟ عطيها ليه راه مرات باها تكلف بيها
بديعة؛ الله يخرج هاد تسافيرة على خير
اميمة: ضاربة ملاين باردة ومزال تخافي من لاجودان
بديعة: بيا بنتي !! اما هو ماتيهمنيش
...سكتو فاش شافهوه خارج من عمارة نزلت فتحت ليه باب طموبيل للور باش يهزها راها ناعسة و حطات ليه صاكهاا
بديعة: ( بصوت مايع) تهلا افاروق عفااك
فاروق:( هز بنتو تيبوسها) ربي يتهلا .. ( شاف طموبيل و ختها و ماكياجات و لباس دور وجهو مخيخ و طلع تادخلها بيتها و لقى خديجة تتوجد ليها فراشها عرفها كانت تتطل عليهم ) عيات الحاجة ديالي
خديجة: ( باستها و هيا تشم ريحة ماتماش ..نزلت تتشمشم راسها و سكتت ) صمت
....جاو خارجين هيا تحرك تتمحك كلها و ررجعت نعست ...يلاه دخلو بيتهم و رجع شدهاا بالمداعبات تاسمع تلفونها تيصوني و تجبد بصدرو عريان هز وشاف فشاشة adib johari...هو يشعل تااني
فاروق: شكون هاد زاامل لي تيصوني عليك فنصاص ليل !؟
خديجة: ( مدت يدها تلفون هو تيعليه) خووو ليالي راه عايش فكندا عليها متصل فهاد وقت
فاروق: (تيشوف فتلفون و يشوف فيها فتح خط جاوب بصوت باح معصب) الوو
اذيب: وي بونسواغ ! تلفون خديجة هدا !؟
فاروق: تلفون راجل خديجة !! اش هاد وقت اسي لي معيط !؟
اذيب: تنعتذر منك اخويا !! فرق وقت وصافي تصلت بيها عللى ود اخت ديالي وصافي
فاروق: مرااتي بعيدة عليك !! خير لي دير فراسك تصل بمغيث فكو المشكل / اقطع
خديجة: ( شادة فحنها تتتذب) ااش درتي !؟
فاروق: عااد ندير !! اندير لمك زبي فمممك باش تعلمي تهضري مع رجال ( جات تهضر قاطعها) بلاا تقولي ليا مشكل وعاائلة يعاااودو جهة ضراااهم ..
خديجة تعصبت اذيب بيناتهم احترام جا صغرها قدامو ،سمعت رؤيا تتبكي ناضت عندها هو تابعها....
..دخلت عند رؤيا لقااتها تتبكي وشاد فيها نعاس ، تتفيقها وتعطيها تشرب ..شرباتها وفتحت عويناتها فيهم ..
رؤيا: طاطاا حكي لي ظهري وراسي
خديجة: ( تتحك لها ، تاوقف عليهم) واش رؤيا فيها حساسية !؟
فاروق: ( تيشوف فبنتو لي مدهشرة بنعاس) وماانعرفت ( قرب لهاا تيحك لها بشوية تنعست و خرجو سدو الباب)
خديجة: ( تتلبس بينوراها محيت غير بسوتيمات) اوا ااش عارف ش!؟ دراري صغاار تينوضو بليل الا سخانة ولا حريق هيا تتحك يعلم الله اش كلات !؟
فاروق: ( غوووت تاقفزها) اااايه ماااالناااا !! اااش وااقع فملك الله !؟ نخلي زواامل يعيطو ليك فنص ليل و تهضري معاهم عاادي باش نبان زوين !! راه نحرك قلاووي كلووو و تبريت فيك بعدي لي من وللاااد قحااب ( تينطق حرق بحرف) ب ع د ي لياا من ولاادق قحاااااب ( دار خارج تيسب) مسكين من مغرفة وحدة
خديجة: ( مصبراتش ليه تتهز فيديه و تبكي) ااه مسكين من مغرفة وحدة !؟ اوااا سمع على وذنيك اسي لاجودان !! اناا ماشي مرااتك اولى لي نبقى نتعاير معاك !؟ انا تنقيل نهضر غير على ود رؤيا مااتاتجاوب ماتحرك ساكن!؟
فاروق: ( وقف تيسمع لها مخنزر ومعصب) ااايه ولددددييهم و تحكمي فييهم !! اش باغة نصنع نحيد لمها الحضاانة نحررمها من امهاا !؟
خديج: تتشد لي بغيتي و طلق لي بغيتي!! البنت انا تربيها معاك ، ماشي انا نقاد من جهة ومها تخسر من جهة !!
خديجة: زعما الا جلستي فوق طبلة و ناقشتي يتقص منك كرااد
فاروق جمع معها بتصرفيقة تا طاحت ارض و نزل عندها زادها تانية و تالتة تا دم سال من فمهاا ...ونطق بصوت مجنن
فاروق: صوووتك يعلى !! و توفوتي حدك نْفْنيييك ...
...لبس بيل و هز جاكيتو و سورات و تلفون يلاه يخرج ..وهيا تنوض تتبكي ماقدراتش تسكت لانه ظلمها
خديجة: غدااا نهر نحووايجي و نمشي بحالي ( تتبكي بقهرة و شكوة ) انت وااحد ظاالم
فاروق: ( دار عندها بعينين نار) وقاااودي من دباااا ( شير الباب) الباب يفوووت جمل ( صدرو تيطلع و ينزل خرج زدح الباب )
..خرج تيدردك فالدروج ركب فطموبيل مافهمش ماعرفش كفاس ناض صداع ولا علاش ..صافي عقلو تيتجنن منين يحس ريحة راجل تيهضر معاها قلبو تزير عليه و قلب روايض دار مغيث كما العادة عرفو يكون تما ..تقضى قريعات 🍾 و زاد عندو لقاه تما بادي فقرعة تيهضر فتلفون و تيضحك ..ماتسوقش و جلسو شربو هضرو فكولشي الا العيلاتهم ..
🌄🌄🌄
...نعست تاصباح بالبكا و نواح ..راسها تيضرها !! غير ابارح تتهضر مع امها و طلب منها الصبر و تسلك الامور وتقولها مدام موفر ليك كولشي صبري تاوحدة ما تزوجات خوها ولا اباها ....فيقاتها رؤيا تتبكي و تحك فراسها دخلت دوشات هيا وياها ..خرجات نشفات لها و لبساتها حوايجها ماتتزيد رؤيا تحط ...لبست خديجة دجين وشوميج ..ناوقفت عليها رؤيا هازة مشطة
رؤيا: طاطا مسطي ليا سعري
خديجة شدت مشطة تمشط لهاا ..دوزت مشطة و هيا تتشوف داكشي بيض تيبري تتمشط وتسلك شعر ودكشي تيزيد يوضاح ، ترسمو علامات استعجاب على وجها وتتكذب لي شافت وفتحت يوتيب تتشوف طريقة تاكد ..طبقت داكشي لي شافت ..شقات لها شعرها بالخل و جابت مشطة رقيقة حشات فيها لواط و بذات تمشط ليها تجرت لواط لقات #قمل فيه تيغلي ...
فاروق: ( بقا واقف تيشوف فباليزة و يشوف فالبنت وجبد تلفون تيشوف ساعة ) نديوها طبيب !؟
خديجة: ( شافت فيه مفقوصة) من نيتك !؟ اش يدير طبيب لقمل !؟ بنت خاصها دوا العرب و عناية مشيط كل ساعتين ( تتمشط بقوة تاضراتها) وناا هزيت يدي من بنتك ديها لامها اخووياا
فاروق: اهاا !؟
خديجة : ااه !! شتي الا كنت نولد باش نعذبهم بحال رؤيا بلاش !! خصوصا اب بحالك غير مبالي
فاروق: ( وقف تاهخلعهاا لاكن تحنى فمستوى رؤيا ) الحاجة ديالي جاها قميلات !؟ ههه رزق هادوك
خديجة لي فيها مامهنيهاا ، هزت رؤيا دخلو دوش زادت غرقاتو خل و تتمشط و خلاها فالحمام شوية خرجات تجيب لها حوايجها هو متبعها بالعين ؛ دوشات لها و قرباات تبكي معاها نشفات لها شعرها بسيشوار عااد ماتيزيد يبان داك صيبان لاصق فشعر تيبري كلوو ..لبساتها و بدلت حوايجهاا كاشي فزك و تمات خارجة ..
خديجة: هاا هياا ( تتشير لها ) ديها عند مها ! انا غادة خدمة تعطلت من تما ندوز دارنا تتشوف راسك اش بااغي وااش محتاج نيت المراة ولا غير خدامة و مربية و ( حشمت طيح هضرة) عااد اجي نتفاهمو !!
فاروق: ( وقف لها بقوة لي فيه شد ديك باليزة وهضر مع رؤيا) سيري ابابا بيتك تفرجي فطابليط
رؤيا: نمسي مع طاطا
فاروق: ( شاف خديجة لي دموع تجمعو ليها حنينة بزااف ونطق) وخ الحاجة ديالي غير سيري ( تبعها تادخلت بيتهاا و شد ديك باليزة ضربها جهة صالون تتحلات و نطق بصوت قاصح) راااه نخسر على دنمممك قرطاااسة من سلاااحي وااحد حبس وااحد القبر ( تيتفس فمها) فمهتي !؟
خديجة: ( تتبكي خلعها ) الا مكتاب لياا نموت على يديك مرحبا بيها !! لاكن مانعيش ونا على هاامش ، الغالب الله حنيت فابنتك بحال ولدتها كما نبغي يكونو ولادي مربين و نقين تاهيا تكون بحالهم !! صااابرة ليك و عصبيتك و قايمة بواجبااتي محيت اناا هكاا ( تتاكد بعينيها و شنايفها تيترعدو) فيا فِيسْ مثالي تنبغي كلشي لي دااير بيا يكون مثالي !! لاكن تيبان ليا تنخوي الما فرملة معااك
فاروق: ( تيحس بشي عضمة فحلقو تطلع و تهبط طلق منهاا و قف تيشوف فيها بحدة) الدااار دارك و البنت ابنتتتك ماااعندك فين تخررجي ، اناا لي نخرررج نهار تبغيني هانا موجوود ، عارفك بعقلك ماتخليناش نوصلو الباب مسدود ويلا عليا انا !؟ للسان مافيه عظم
خديجة: لااا اناا نخرج !! مااعندهاا تا معنى نبقى فدااارك
فاروق: ( تيحك فللحيتو) الله يهديك اخديجة مااتزدنيش !! كن تعرفي راس اش فيه تعذريني ...
خديجة: ( وقفت تتفكر نعلت شيطان) انا غادة خدمتي ، خود رؤيا عند مها تتجيبها فالعشية
دخل بيتو هز صاك فيه حوايجو و هو شارجو وتم خارج خلاها واقفة تتشوف فيه ..داز من حداها صتك فيدو و حط يدو على خصرها جرها بقوة و تملك و قبل راسهاا
فاروق: ( تيشوف فعينيها و فمهاا لي مغذد عليه) تربطت بيك قبل من ابنتي ..( خلاها قبل ما تجاوب و خرج )
خديجة قلبها تيضرب بقوة ديما صادمها ..هزات رؤيا و صاكها وخرجو من العمارة ركبو فطموبيل اتجهت خدمتها معها رؤيا ....
....اما فاروق ركب فطموبيل غادي صاايك تيكمي ...مارتاح تاخرج من الدار خلا معاها البنت كضمان، عصببتو اتخرج عليه ، عارف راسو كي مهدن كي معصب هضرتو كي مصيبة كحلة ، لاكن فاش شافها هازة حوايجها حس بضربة مجهدة فالقلب ..ماقدرش يستوعب يدخل دار كايلقاهاش فين عمرو تعشى بشهيوات مخيرين ودارو عاملة بحال لي افلام ولاكن بديعة عورات ليه البنت و على ذكرها خول ليها اتصال
بديعة: الو فاروق هدا !؟
فاروق: لي حواك ابنت قحبة !؟ ااا كوولي ؟ عاطيك بنت كي نقية مرجعها ليا مقملة!؟
بديعة: اويلي !؟ رؤياا جاها القمل !؟
فاروق: بغيتو ليك فزغب فشلوقك خانز !! شبعتي تزلاال مع توراكة جااية تكملي لي خليتي فمرراكش !! عاارف دنمك مابيكش حضانة !؟ بيك ديك فلوسها و مابيكش عطلة رؤيا كولشي تريكة قحووب على فلووس
بديعة: ( تتسمع و تسرط ) اوااا لي فجهدك ديروو !! ويلا تقلت علييك و على مسميمة لي مزوج رجعها لياا
فااروق: ايااه !! ( تيصوك و بشوف فطريق طالق هوت باغلوغ) زيدني !! لي فجهدي بنت قحبة !؟ لي فجهدي راه خرجتو فيك خمس سنين هاادي رجعت معبودة زب من عندي لزلايلية ...ولاكن كن مااخفت على ابنتي لي تشوه ولا ينعثو ليها بصبعان بربي تاباتي فلابريكاد عندي و لصق لمك منتيف ماداايرش ولاكن كلشي بوقتو زوين ..
بديعة: بزاااف عليك !! قحبة بدراعي وحااضية قااعي ...و تفكيت منك من زبلك ماتعاشرك لا جنية لا انسية ..و البنت ابنننتي
فاروق: معاااشرااني لالللك ومرات سيدك ماتوصلي ليها تافظلها ( تتزفر بصوت عالي ) اواا بردي على كررك لي طيبتيه بتزلاق ، قبل مانقطع توريني وجهك هاد شهر نخرج فيك جديد و قديم يلااااه شريه /اقطع ....
....بقى داير بطموبيل تلف و تلافات بيه دنياا ( شاف ساعة لقاها 11نهار ) بانت ليه قهوة حبس فجنب ومشى جلس، طلب قهوة نورمال وجبد كارو تيكمي و تيعاود حساباتو ، مطرقة خدمة !! مطرقة عائلة !! مطرقة مراتو و ابنتو !! باغي يستقر و يدير وليدات مع خديجة و مامرة ما جوج قلب على كينة مالقااش و بقوة مشاغيل مافيه لي يجبد موضوع الولاد لان داك موضوع حساس و تبقى تشغل فالطبة و دوايات ....لاكن هضرتها يوم عصبااتو و تاكد انها مابغاش اولاد هو كاي رجل مغربي ولو يتزوج حتى 4 مرات يبغي الوليد ولا بنية لي تيثبث الاسرة و يدير الساس ......رن هاتفو و شاف رقمو جاوبو
مغيث: فينك !؟
فاروق: شفتي ولدك !؟
مغيث: ( بتنهيذة ) الا !! مهم دوز عندي فليل نذاكرو
فاروق: خدااام صااحبي
مغيث: ياك عندك يومين روبو !؟
فاروق: عندي مصايب و كوارث !! راها كملت مع اصلمكم !! سمع نكوليك جوج كلمات سير شوف ولدك و حط البيضة فطااس !!
مغيث: مااغاديش ! ممساليش !! مساافر مفوج ..
فاروق: تتفقص اصااحبي فالواليدة وصاافي
مغيث: الا الوااليدة ماتمشيش دااك جنس !! طيح منها ولا ترمي ليها شي هضرة بررب تنوصلو مواصل قود من هاادو ..
فاروق: ( شرب كاسو و وحط فلوس قهوة و تحرك طموبيل) نت تعرف !!
مغيث: مهم تهلا !!
فاروق: الله يعاونك ..اقطع
... قطع مع فاروق التلفون و تيقلب فيه على رقم معين ممالقاهش !! فاق صبااح ضربها بتدويشة من سكرة لي ضرب الباارح لي كان عاقل عليه هو تيهضر فتلفون و تيضحك و عاجبو الحال ..
معامن !؟
شكون !؟ مااعقلش ..خرج من دوش تيمسح كما العاادة انااقة واجدة ..ريح جسموو و لبس تيشورط مزير على كتافو مزيرين و لبس دجين و نايك فرجل و رمى جااكيتة و جمع حوايجو فصاك و داز كوزينة يعصر كاس قهوة ، هز كاسو و جلس فالفوطي تيشربها مع ريحة قهوة و جمغمة اولى ذاكرة بذات تفيق ..
🔙🔙🔙
...من بعد ماخرج من دارهم دار يتلاقى مع صاحبو لي خدام فالحالة المدنية فالقهوة قريبة لتما ..سبقو و نتظرو حتى وصل ..
: سي مغيث ( سلم عليه سلام رجولي )
مغيث: ( غير تيسوط ) صافا خويا زين !؟
: ( حط ليه حالة المدنية و اوراق) راه درت شرع اليدي !!
مغيث: ( فهم قصدو و حل الحالة المدنية شاف اسم ولدو و تاريخ ازدياد زااد جعر و حقد تلتيام باش تولد ) كووولي اخوياا اش دير مع هااد قوم !؟ مابقات لا فوعي لا فعلم بقات فالاصل
مغيث: لاتاااتقصرش ...( شاف فيه بشكر) الله يحفظك !! شنو تشرب
: اهواا خاصني نااكل ( رن تلفونو شاف رقم عض شنايفو ) : الوو و الله تاانسيتك
: تنسااك موت اسيدي ! اوا فينك راني فالمقطاعة
: شوووفي ااجي عندي قهوة فلوريدا راني مع مغيث القباج غير ااجي مايكون غير خاطرك
: خاطرك انت اول !! راني تتجري غير فالخير والله ..
: وصاافي دباا اجي !! ( اقطع ) تعقل على مونيا لي قرات معانا فلافاك ديك العبدية !؟
مغيث: سولني اش فطرت مانعقل !! مالها !؟
: نت صااحبي زعما لي مزال جون فينا ولد وقت و زين وحمام هههههه
مغيث: لاهياا جات اصااحبي بزين !؟
جا ناذل حط قهوة صاحبو حتى تادخل ليدي فتلاتينات من العمر شعر كحل توتة مصبوغ وجه تيبري بالمكياج و ضاربة جلابة بصاك و صباك تتبان مثل عارضات مجلات ..وقف صاحبو تيشير لهاا !! توصلت عندهم و مغيث متبعها بالعين تيحاول يذكرهاا
مونيا: اوا هانا نصيفط لك راني دايرا موني كوين ( سلمت عليه ونزلت)
مغيث: دار لها باي باي و قلع
🔚🔚🔚🔚
....هيااا !! هياااا لي شد معاها ليل كلو الحذيث و ضحك مشا انسطا لقى مكالمة مدتها ربعة سواايع ..حط كاس قهوة و هز صاك خارج ......ركب فطموبيل تيبلاني مع رااسو فين يزيد يخوي هاد مدينة ولو مدة نهاار تاطلعت ليه نوتيفكاسيون مونيا دايرة لايف شادة طريق بطومبيل بقى متبع تيتفرج رسل ليها مساج تيسول فين غادة فبلاصة جاوبات و قطعت لايف
📧: mounia: طنجة
📧: moghit: خاصك ونيس !؟
نوصير: الوو اولد كلبة فين توني !؟
خليفة: راه عطيتو خويا برهوش يوصلو دااركم
نوصير: اوا يلعندمك انا لي برهووش داير كرري فيك
خليفة: ابلااا ماتبقى تحمااق فيااا !! كلتي لياا هبط عند خونا جيب ليا توني برهوش هبطت جبتو!! ماكلتي ليا لا لفيراي لا داار
نوصير: اعقل القاااصير عقل دنممك تنجمع ليك
خليفة: مهم عطوهم ليا شقافي من بعد
نوصير: ( وصل الدار سكت طموبيل وطلع فدروج )اقطع من بعد ( اقطع و حط تلفون فجيبو داخل بالحس مسبق راسو تيقلب على الوازنة مالقااهاش قلب دار كولها ، تم طالع فالدروج هو يلقى اسماء جالسة فدروج تتضحك مع توني ) طلقي داك. توني هنا
..طلعت تطير تلتيام ناضت تدردك بحال عمرها مرضت ولو كويان بالعافية كان صعيب و جات فطوش طمنت عليها و مشات ، لبست جلابتها ودارت شال و رشت ريحة اليوم دوشات من سخانة ومرض و نزلت تتطير لقاتو فطموبيل ركبت فرحانة
نوصير: (قلع تيشوف طريق) عندك نمرة خديجة مرات فاروق !؟
اسماء: ( تتكولها بضحك ) لا انا عندي بعدا تلفون !؟
نوصير: ( منير فطريق و عينيه مزلعين ) ندوزو عند خديجة تعطينا عنوان ................وصلو لاجونس دخل نوصير خلا اسماء فطموبيل تحماق تشوف تاهيا ولد مغيث ...
نوصير: ( شاف بنت ستقبال ماحس براسو تفرنس) اهلا
: بونجوغ اسيدي !!
نوصير: (طلق زينو عليها) نوصير !!
: (شادة ضحكة بسيف تتيز جا تاعندها) متشرفين !! اش حب خطر !؟
نوصير: كلمي ليا مدام خديجة كولها خو راجلك و نمرتك تلفون الا كان ممكن
نوصير: وي انمشي !! عطيني غير عنوان ( هضر بجدية) مشاكلهم بيناتهم
خديجة: عندك صح الله يهديهم ...مهم غالبا تكون فكلينيك العلوي لي قرب الاعدادية زايد
نوصير: اوووك !! شكراا ( جا يحط رؤيا لصقات فيه ) تمشي مع عموو !؟
رؤيا: اااه نمسي اعموو
خديجة: ماديريش بتيز !؟
رؤيا: نو طاطاا
..مشات جابت لها صاكها فيه كوتي و طابليط و سلمت على اسماء و رسلاتها معاهم .......قلعو ناشطين فطريقهم اسماء طلبت منو يشري الورد شافت مغيث شراه فخطبة خديجة و شافتو فعرسو دنيا كلها ورد ..وصلو الكلينيك دخلو الاستقبال وجهوهم للغرفة و تمو طالعين دق نوصير تا سمع ادخل ...ودخلو متابعين
نوصير: السلاام عليكم
الجدة و حفيذتها: سلام
..ليالي: ( هزات عينها فيهم مامصدقاش انها قداامها بتسمت لهم ابتساامة حزينة ) نوووصير ( شافت اسماء هازو ورد ) اسماااء
نوصير: ( ابتسم لها و قرب يشوف بيبي كانت منعساه فصدرها) على سلامتك ختي ( هبط قبلو فراسو صغيور. و نطق بهمس ) عمووو
لياالي: ( تتبكي من فرحتها بريحة مغيث) هههه شكراا
اسماء: ( حطت ورد و سلمت عليها و باست وليد فيدو) على سلامتك ختي ليالي يتربى فعزكم
ليالي: شكراا احبيبة .......هز نوصير رؤيا باست امير و فرحانة و نوصير جبد توني حطو ليه على صدرو بحال تبقيسو و تيصورو و يبوس يديه و تيضحكو معاه وجدة و حفيدتها غير تيشوفو و يتغامزو ..جلسو معاه قياس نص ساعة و سلمو عليها و خرجو لا هما قدرو يهضرو لا هياا
...مجرد وصلها مسااج من عند بنت ختها ان عائلة مغيث جاو تهزات من بلاصتها و سربات لي فيديها مع محامية و خرجت هازة طموبيلتها للكلينيك دخلت بمشيتها و رااسها هازاه للسما البشر بالنسبة ليها زايد على كرة ارضية ..دخلت بملامج غاضبة لقات سلام و وقفات تتلقي خطابها
غيثة: باااشمن الحق مااجين تاهنا برجليهم !؟
ليالي: كفاش اماما !؟
غيثة: كماا سمعتي !! يااك جراا عليناا و قلل حيااه و مع دالك خليت ليه الله !! وطحتي وطحت معاك و داازت !؟ ماااكلفش رااسو حتى يسول عليك !! هدا راجل !؟ حتى نضت نسجل ولدك سيد ماامسوقش !؟
الجدة: وراه بنتك لي كعبية و قليلة زهر !!
غيثة: مااعندهاا ما تعمل بيه !! ولدها انا ربيه نكتب ليه املاكي كلهم و نقريه نوصلو ..
الجدة: سجلتي امير !؟
غيثة: سيد حاافص صوراايه و منع الولد يتسجل و رمى ولدو !! لاكن صبحت عند محامية وكلتها ترفع دعوى طلاق عليه !! يخخخ منوو كوشمار و عشنااه
غيثة: mi ouiii ماااشيغي انا نكذب عليك !؟ نتي راك نية مااتفهمي والو فرجال و فعايلهم
..داكشي لي كان ناقصها وصلاتو لها غيثة !! مابقات عاارفة رااسها من رجليهاا !! تتحس بيها مربووطين و
دماغها وااقف .....مرت طبيبة عطاتهم اذن الخروج ، جمعو لها حوايجها و بدلات لبست كيطمة و كاب و ولدها فصدرها ماتتفارقوش !! وركبو فالسيارة، مرو فرمسيان شرات ليهم دوا امير و ليكوش و حليب لان حليب والو ..و شرات دوا و فيتمينات ليالي و اتجهو الدار ....لقات خالتها موجدة ليهم ترحيب بالبيبي ...
خالة: على سلامتك ابنتي !!
ليالي: ميغسي طاطا ..
الجدة: دخلوها بيتها ترتاح ( باسف) كعبية هااد بنية
خالة: اوا شلااا !! طلق منو ترتااح
..دخلت غيثة متقلة تتحط و تلفونها تيصوني من محامية مخلصة فلوس صحيحة للدعوى ترسل ليه ، خبراتها ان امور غادة كما يجب ...ماكانتش من العاكزين هزاات تلفون و تصلت بيه مرارا و تكرارا للاسف تتختار الوقت منااسب لايقاد الناار ..
مغيث: ( فوق نفس ) الو
غيثة: اسمع مايجيك مليح اسيهم !! قووول عاائلتك ماتجينا مانجيهم !! الي مصيفط خوك و مرات خوك يعطفو على ابنتي ، كن كنتي راجل تسجل ولدك هو اول
مغيث: ( صعر) انااا مااعندي عااائلة اشريفة !! سيري شوووفي شكووون هاادوك لي جاوك !! منين نتي ذفنتيني فالحيااة و غاادة تسجلي ولدي ؟؟ كملي على خييرك و سجليه نتي نيت
غيثة: ولد ابنتي ايتسجل بالقانووون !! و بنتي نفكها مننك بالقانون طلقها بسيف عليك
مغيث: ( ضحك بمرارة) ههه نتي هيا غيثة سادس !! ااااسمعي معقوول مني !! ديك بنت لي فارعنة بيها رااسنا برربي لا طلقتها هكاااك تبقى معلقة !! و جررري طووووالك الا نتي غيثة اناا رااه مغيث القباااج رااجل ولد راااجل ولاكن نسوبية عيللات تترجع بضسارة ..ربحي بالبنت و ولد و جرري طوالك ( اقطع)
..خلاها تتغلي و مانتبهتش ليالي لي من موراها تاتسمع و تتحس بخنقة من سمع هضرة غيثة !! ديما تتقولها
..هزوها تيفيقوها بالما و ريحة ..فاقت تتبكي تتنخصص و عطاوها دواها ..فتحت عينيها لقات ولدها تتنعسو الجدة ..هزاتو و هزات معاه تلفون جدتها يتخبية دخلت بيتهاا تتبكي ، حطات ولدها باستو وركبات الرقم لي حافظاه عن ظهر قلب ..
: الوو !!
ليالي: ( بصوت باكي ) الو papa
...تيغوت فتلون كشاكشو خاارجين تيهضر مع نبيل لان فاروق ماتيجااوبش
نبيل: ( تيصوك جايب الوازنة لي كملت بكري مطلع لها غير رقم نبيل تصلت بيه يجيبها) دباا شكون مشى عندهم !؟
مغيث: نووووصير !! شكون من غيرو وتتكولي مرات خوك مامرات خوك ..
...تبعها بالحس تاكد انها نزلت تحت ورجع طلع بيتو ماتنفعو معاها غير دوايبران الف شربها و نعس عالله يمشي حريق الراس ، يعياا يميك و يكول مريضة وصغيرة لاكن فعايلها فعايل جنون ..
الوازنة: لا حول ولا قوة الا باالله ..اوا جلسي اش نكوليك
..اسماء سكتات تتفرج واحد للحظة دارت صبعها فمها تتغزو و تتحك برجليها كالنوع من تركيز ....افكار خيااطة تيضروها فرااسها هاد وقت كلو غير مرض و خوف من نبيل لي شغلهاا ..اما خياطة عندها فالدم ..بلا ماتحس دخلت كوزينة حطت الغدا الوازنة و رؤيا و رجعت كوزينة فين مااكاين شي مرشم كاطو جبداتو تتشوف لي يعجبهاا ، عزلت تلاتة وجبدات زبدة و طحين و بيض زيت عجنات صابلي مافيه لادليك لا والو ، دغيا جمعاتها و حطاتها فالتلاجة و رجعات جمعت طبلة و غسلت ماعن و نعست رؤيا غطاتها ، رجعت داك صابلي طلقو بمدلك ترشم و تحط و دفع فراان قسمين طاب و جبدات كوفتير و شكلاط و جلست تزين تتاحس بذراعها ضروها و غير صاابرة ..خرجات تلاتو بلاطويات ..
نوصير: ( قفزها) غدا عيد ولا !؟
اسماء: مانعرفت !!
نوصير: ( هز كاطو ذاقها ) الله الله ..ماشا تخيطي ليا واحد سروال تفتق
اسماء" : ( تتغسل ماعن) ارااه
..طلع تيجري جابو حطو لها مشا تكسل حد رؤياا و حدااه بلاطو كاطو تيعلف...اما اسما جابت بواطة خياطة مخبعها فالكوزينة و جلسات تتخيط مرفوعة عن عالم ..تا تم نازل نبيل دخل صالون
نبيل: ( نزل باس رؤيا كما عادة يبوسها ناعسة) فين الواليدة !؟
نوصير: فبيتها
نبيل: منين جاك داك كاطو !؟
نوصير" : ( مقصر فالوتساب مع بنت خدامة عند خديجة) اسماء طيباتو
نبيل: ( خنزر فيه و ضرب بلاطو تاتشتت) تاكل فيه السم القرد ...
نوصير: مرررريض حق الرب ..
..جالسة شوكة فمهاا فيها خيط عاد قطعاتو تتعقد خيط فالخيااطة ...
..ناس حومة مولفين بيهم ضحكهم ماكاين لي كاليهم اش تديرو ...خلاوه مشروط تيسووط ..وتحركو طالقين رجليهم هو تابعهم تيسوس حوايجو تاوصل عليهم
خليفة: صحاب لي ماتربحش منهم سيئات ماعشرة ماا تقلاوي
ابراهيم: اااهنييناا اصااحبي
...تمشااو فشاريع غادين تيذاكرو على كرة و تتيز مروج القضية ماكاينش لي دوز من حداهم و تسمعش نكاان ..تادازو من حدا واحد القهوة وبصدفة لقى ديك البنت لي هضر عليهاا جالسة فقهوة مع شي احد تتذاكر و تعبر و دار راسو ماشافهااش و كمل طريقو ..نوصير شخصية لي تتبان للبعض انه ضريف مشجع كرة و ضحك و حياة السعيدة لاكن داخلو احساسيس مبعثرة ، مثلو مثل اي الشاب تيثمنى يلقى لي تفهمو و تحس بيه و تعمر ليه حياتو !! دائما كيتساائل
شكوون هاادي لي تحط فطريقي !!؟
علاش عمر قلبي دق حتى البنت !؟ علاش علاقتو ماتتفوتش اعجاب !؟
نبيل شجعو على زواج تقليدي !! لاكن عندو تخووف كبير
شعور خوف مرافقو غير مرغوب بيه باطنيا من العلاقات لاكن تيرجع اهتمامو الكرة و الحنانة ...
نبيل: حللي فمك !!
اسماء: ( تتهضر بشوية ) انا نشربو رااسي
نبيل: ( مخنزر فيها دوزتها عليه خلعة ماجبدو لها شوكة تا فقصاتو ) شرررربي
..شربات سيرو وجلست تمسد حلقهااا و تتجرب تكح ، لاكن تتجرح ...دخل حمام غسل وجهو و مسح ، خرج جاب وراق محاسبة الخدمة فوق ناموسية باش يجلس حداهاا ..نذماتو حتى جراا عليهاا كن سد عليها على اقل ماتسرطش شوكة، تضروو فرااسو ، مااتتجلسش و مااتتهدااش ..
اسماء: نزل نوجد العشاا !؟
نبيل: لاء
اسماء: ( شافت فيه بملل و تكات عطاتو بظهر ) مااعندكش دوا نعاس !؟
نبيل: صمت
اسماء: ( رجعت جلست و ربعت يديها تاتشوف فيه ) عطيني ورقة بيضة و ستيلو !؟
نبيل: ( عطاها ستيلو و شد ورق متكوبة قلبها من جهة بيضة و عطاها ليها ) صمت ..
..شدت ديك ورق وعينيها تيضحكو بقات تتقلب بعويناتها علامن تحط الورقة باش ماتتقبش ، دارت جهتو هو عينو مع تلفون مركز هزات كلاسور ورقي عندو حطاتو حداه فوق ناموسية و جلست على ركابيها بدات ترسمم ، جا يحط تلفون لقاها جالسة حداه بقاا تيشوف ااش تتدير !!
..مركزة مع الورقة جددد هااادئة ، تيشوف فيها و يشوف فالورقة و صبعناها تيتحركوو ...رجع يكمل حساباتو بفضل هدوؤها قدر يركز .......كمل هو ورجع تيشووف فيهاا غارقة فالرشمة لي تترسم بعينيه سود تعلقو فيها بقوة اعجاب ...بقى متبعهااا عين معها و عين مع تلفون تيقرا اخباار تاسمعهاا بصوت رقيق منخفص بسبب جروح
اسماء: ( هزاها تتوريه) زوينة !؟
نبيل: ( ماتيفهمش فهادشي ، لاكن تركيزها عجبو ) صمت
اسماء: جيب ليا ورااق وملونات نرسم
نبيل: ( شدها من يديهاا و طلعهاا بلاصتها متكيهاا عندو و هيا تزير تااني ) حلي فمك نشوف !؟
اسماء: ( حلات فمهاا ) اااء
نبيل: ( سدو لها و باسها ) ماتتكر فيك لا عصاا لا تهدديد !؟ ماديريش عقلك !؟
نبيل: ( عندو هضرة بزاااف ، بااغي يفهمها و تفهمو ويحيد هااد حاجز ! لاكن متوتر انها ضسر ولا تقلل احتراام ولا تزيد تركب رااسها، تيبقى فيه حال فاش تطلب من خوه هو الا!! عرفها تتخاف منو ! لاكن يحاول) من فوقاش نتي تتخيطي !؟
نبيل رمقها بنظرات ولهاانة محتااجة حب !! ماعطلش رااسو وحط يدو على عنقهاا تياكل فشنايفها صغيورين و يتلمس جسدها نحيل ، حيد لها حوايجهاا و هو كدالك قرب جيل للتسهيل ممارسة ، و ماارس طقوسو عليهاا مزاال ماتروضااتش معاه ..
تلقات بسيف عليهاا و تتستقبل قبلاتو ماتعرف لاتبوس لا تبادلهم ، مسايراه بالنسبة ليها جنس جزء يتجزأ من الاعمال المنزلية ...
نبيل: ( دهن جيل و بدا يدخلو و تيلاحظ ملامحها تتعض شناايفهاا ، تيغفل ايام تيلقاها تزيرات...دفع وهبط راسو حاشيه فعنقهاا مصو بقوة شهوة) اسمااااء ماادفعينيش
اسماء: ( تتزير على نفسها تتحس بالبرودة ، ) مممم برااكة ..
...خدا وقتو كامل هو تيتمتع و يحاول يشاركهاا ، عتمد قاعدة تاأخير شهوتو على شهوتها اولا....
اسماء: ( شافتو ناض و حسات بحرارة ) صااافي !؟
نبيل" ( تكى وجرها عندو) تزيدي !؟
اسماء: ( تاتجر الغطا ) صمت ..
نبيل قبلها فجبهتهاا كنوع من شكر على حلالو و دخل دوش يغسل وهيا بقات مبرقة عويناتها كل مرة فاش تتنعس احساس غريب تيجيها ...
نبيل: ماتهبطيش تحت !! انا نهبط نجيب عشاا و نطلع !
اسماء: ااه واخة ...
...سند الحيااة و الجبل شاامخ !! هو الرب الاسرة و الضهر لي تيحميك و للقب باش وعرق و الاصل باش تيشيرو ليك العالم
بنت فلان !؟
رراجل مزيان !؟
الله يهديه !؟
...مكانة االام ، مكانة عالية جنة تحت اقدامها ، ادنى درجة منها هيا الاب عااد الاخ !! الاب مكانةُ مظلوومة ، معروف الاب بالتسير الاسرة و اخد قرارات مصيرية للحياة الابنااء و حماية و الاسرة ...آباءنا تيختلفو باطبااعهم الحنين و القاسي و المنطوي و قلة الله يهديم اباء بالقول، لان سهل الذكر يكون اب ؛ لا صعيب على اب ان يكون رجلا بكل معنى كلمة فحمابة فلذات كبدو ......
ليالي، من بعد المكالمة مع ابيها ( رشيد ) حكات معاناتها فقط اسمعهاا و طمنهاا انه معاهاا ، هنا ابوة تتكلم ، رغم ليالي بعداتها غيثة عليه و عمرات ليها راسها على عائلة رشيد ماعاتبهاش هيا فامس حاجة ليه !! تتبقى بنتو وحيدتو و مفتخر بيها .....
*** بعد مرور اربعة اياام بالتماام و الكمال
..على صباح تيدق الباب ، فتحت غيثة حتى تصدم بجوج وجووه طالت غيبتهم وفخبارها وااحد فيهم لي جااي فقط
غيثة: ولددي ( عنقاتو) على سلاااامتك اولدي
اذيب: ( عنقها و باس رااسها) الله يسلمك اماماا !! مفاجأة !؟
غيثة: ( ضحمة صفراا) تفضلل اولدي
أذيب: ززيد اباابااا
رشيد: ( مطلع حجبانو فيهاا ماتتغيرااتش نفس الكبر و نظرات مستفزة ) الله يزيد فضلك اولدي
...ماقالت ليه للا على سلامتك ولا تفضل ولو نظرة كاملة ماعطاتهاش ليه ..برك على نفسو و جرو بالزهم ودخلو لقاو العائلة المحترمة تتفطر اذيب سلم على الجدة و الخالة فرحو بيه و غير شافو رشيد كحلو بالعمى يلاه خسر عليهم السلام بقى وااقف
رشيد: اذيب !! شوف ليا ختك اولدي !!
غيثة: على اااقل خود موعد اووخبرناا انك جااي !! اون بليس ليالي ماتفيقش صبااح
اذيب: ( شاف جدة ديالو و خالة لي فهمو رااسهم ماضو بيت اخر) ماامااا علاش خبعتي عليناا !؟
غيثة: شكوون نتوماا !؟ شنوو خبيت عليك
رشيد: ( على اعصاابو مربع اليد و يد شاد فمو ) طاااعة الله !! ماازال مابغيتي الهدااية على نفسك !؟ بنتي ( تيشير لصدرو ) بنتتتي تزااد عندهاا ولد لي هووو حفيذي و مخبعة (هاز يديده متساءل بعصبية ) اناا مااافهمتش !؟ ااش هااد البعض و كررره
غيثة: ( تزيرات و ماارضااتش ) اااه ابنتي اناا !! كن كنتي تسول فيها تعرف اخباارهاا
اذيب: او اناا اي خوها و رااجل الدار !؟ خبعتي عليا ان ختي نتطلق و عندها مشااكل
غيثة: ماابغيتش لاهيك على قرايتك و خدمتك ...انا قادة بيهاا
رشيد: اوااا سمحلي الالة غيثة بنت قااع و البااع و شمعة من ذراااع !! ماغاديش بنتي توقع فنفس غلطك ...الا بغات طلق!؟ اطلق بقراراها هيااا
اذيب: ( جلس داايخ من صغرو هو ليالي شااهدين على مشاجارتهم و غواتهم ) رااه بااباا هدااا و ختي لي اتصلت بيه !! تتقول ليه انك نتي بااغة طلقيها من رااجلهااا
غيثة: كفاااش !؟
رشيد : كماا قااليك !! تنازلت ليك على اولاد و خويت ليك البلااد محيت كنت وااثق فتربيتك وقلت ماعليش اتا تنبقى اب !! نهار يحتاجوني اولادي روحي فداء ليهم حاجتهم بالام !! لاكن كنت غاالط طلعتي عقدك فابنتي و خرجتي عليهاا ...
ليالي: (قاطعهم صووت حنين منخفض باكي لابسة بيجامو سخونة و شعرها طايح ضعاافت بزااف و جها صفر ) باااباااااا
جا اذيب دموع فعينيه من منظر ختو مدها ليه رشيد معنقهاا و تيبوس فراسهاا و يهدنهاا ، دائما كانت متبع لي سطوري تيشوف صورها مع مغيث مرات تكلم معاهم لايف و كان مطمن على ختو و فرحان ليهاا ..تاتيتصدم من مكالمة رشيد تيتعاتبو انه ماخبروش بمشاكل ليالي ..لقاه تاهو مقلوبة عليه القفة تاقرو ينزلو المغرب و يتلاقاو فمطار ...
اذيب: برااكة احبيبة من بكاا ..فين امير
ليالي: ( تتمسح دموعهاا ) هاهو نااعس ..
..دخلو البيت هازين امير تيفرحو بيه ، خالو ، جدو؛ ناقصها فقط مغيث و عائلتو ..
ليالي: اذيب عطيني تلفونك !؟
اذيب: ( مدو لها ) ماما كانت قاطعة عليك تلفون !؟
ليالي: ( تتحرك راسها ، دوزت رقم مغيث لقاتو طافي مرارا و تكرارا هيا دوز الخط لخديجة) الو
خديجة: ( تتفطر رؤياا) الوو وي !!
ليالي: c est ليالي
خديجة: لياالي حبيبة!! شنوو وااقع !؟ حماقيت و مااقدرتش نجي على حسب غيثة
ليالي: بابا و اذيب معاياا ...( عاودت لها على ان كلشي من حيل غيثة انها هيا كانت تظن ان مغيث لي سمع فيهاا ) فهمتي !؟
خديجة: فهمت اووووف !! الله يصبرك
...خديجة جلست تتحسر و تبكي على مشاكل صاحبتها ، ماستغرباتش من غيثة هاد افعال لان كانت تتنقص من خديجة برااسها و تمنع ليالي تخرج معاها ..
رؤيا: طاطا طرونسبور ( مشات تتجري تهز شكارتهاا )
خديجة حلات الباب منزلاها تركبات و رجعت تجمع طبلة و لبست حوايجها ، فاروق من نهار خرج ماعاوداات شاافتو حدو تتيتصل يطمن عليهم و يسول فرؤيا على قمل ، خديجة قابلاتها و بردت طرح ماناقصة مشااكل ...هزت سورااتها و صاكهاا و خرجات تركب فطموبيل و هو تلفونها يرن !!
خديجة: ( ركبت كونطاك ) الله اودي خالتي على راس و العين !
الوازنة: ابنتي فاروق يومين هو تايجي ينعس هنا !! ممتغايرين ابنيتي !؟
خديجة: ( تشوكات؛ كانت تظنو تينعس عند مغيثة) لا خاالتي عاادين !!
الوازنة: يرضي عليك ابنيتي اجي دبه الا عاادين !! مانقدرو نهضرو معاه مايجااوبك كي العباد !!
خديجة: ( حشمات وخ حلفات لا صالحاتو ) انااا خالتي جاية ! نيت بغيت نعاود لك شي حااجة !!
الوازنة: مرحبا ابنتي !! يرضي عليك و يكوون منك ..
...شدات طريق الدار الوازنة وفطريقها تتحاول تتصل بمغيث لاكن تلفونو طافي ..وصلت الدرب و نزلت و جيران تيشوفو طلعت روايح تتعطي منها عندها للمسة خاصة من جمال ...سلمت على الواازنة و اسماء و دخلو الصالون تيتكلمو ..
خديجة: خالتي مغيث فينو !؟ .
الوازنة: بارح تصل بياا و قالي يوم يرجع من السفر !! ( شادة راسها بقلق) مقلقة علييه وبزااف ديك تربية لي مرمية ..
فاروق ناض مخسر غادي حمام شافهم لاسلام ولا كلام دخل حمام غسل وجهو و خرج مشا بيت هز كاروه رمى سلام و طلع السطح ...
الوازنة: اوا على عينيك ابنتي !!
خديجة: ( تنهذت) ريحي عقلك اخالتي !! راكي عارفاه خدمة و تمارة مخزن
الوازنة: انا ظنيت حاجة اخرة ابنيتي ..
اسماء: ( تتسوط ) نااري ياا خالتي تيخلعني
... نزل فاروق حطو ليه الفطور مع 12نهار يفطر معاهم ...وجالسين تيهضرو و اسماء مشات كوزينة تا دخل مغيث ..
مغيث: اهلاا ( اتجه عند الوازنة قبل راسها و يديها ) الواليدة ( سلم على خديجة و فاروق )
الوازنة: على سللامة المغيث !! اوليدي خليتني مقلقة !!
مغيث: ريحي بالك الوااليدة
خديجة: خويا مغيث اتصلت بيك تلفونك طافي !! و تصلت بيك حتى ليالي !!
مغيث: ( هز راسو بتقاتل فيها وجبد تلفونو شعلو و لقى رقم جديد و رقم خديجة) اممم كنت طفيتو ..
خديجة: راه اتصلت بيااا ووو قالت راها كانت تظن انك انت لي سمحتي فيها فولدكم تاتسمعت مها تتهضر فتلفون معاك على طلاق !!
مغيث: ( برود ) اوا دعوة طلاق لي وصلاتني فخدمتي بارح !! كي نديرو ليها !؟
فاروق: ( تيسمع و يحلل برود خوه ماعجبوش ) صمت
خديجة: هااد صبااح جا خوها و ابااها يرجعوها للدارها ، ( تتكلم بحرقة) ديرو على وجه ولدكم اخوياا و امها ربي يخلصهاا ..
الوازنة: اياااه اوليدي !! لي غلب يعفف اولدي ولدك محتااجك
مغيث: ( رن هاتفو و جاوب امامهم ) الوو
رشيد: الو سي مغيث القباج هدا !؟
مغيث: نعاام اسي !! شكون معاايا
رشيد: معااك رشيد جوهري اب لياالي
مغيث: اهلا اسي رشيد !! اش حب الخاطر !؟
رشيد: دير اولدي الا ممكن شي وقيتة نتكلم معاك فيهاا على ود عائلتك
مغيث : مرحباا !! شوف وقت لي يسلكك و اتصل بياا
رشيد: لله ينورك اولدي !! نحدد موعد نتصل بيك ..
..مغيث حط تلفون مستغرب ...
الوازنة: هانت ولدي هاا اباها بنفسو لتصل بيك !! دير اولدي على وجه ولدك و مراتك لي ماعمرها جبدات عيبناا
مغيث: ( وقف تيمسح وجهوو) فاات الفووت الواليدة !! تزوجت ولي عطاه الله عطااه
أولاد الوازنة الجزء العاشر
محتوى القصة
التنقل بين الأجزاء