ليالي" : ( ماتقدرش تغوت ..لاكن تتحاول تكلم بفصاحة) ..انت هو اكثر وااحد أذاني ، انت لي يعيشني لي هربت منو حياتي كلهاا، انت هو لي شديتي قلبي و زطمتي عليه انت هو لي لغيتني فحيااتي ...
مغيث: ( كمش عينيه بالم و عض على شناايفوو ) نوضي نشوف ضربة ..
ليالي: (دارت عطاتو بظهر) صمت
..مغيث: ( وقف مشى حمام جاب لاتخوز اسعافات ورجع ..حنى عندهاا حيد شعر ، حتى بانت بيه جرحة صغيرى طويلة ، مسحها بيطادتين و دهنها ببوماضة جرح و دار صبرادلا ..) نهز بلاصتك !؟
.ليالي: ( تتدفع فيه و تتبكي) صاافي غير طلقني ..بعد مني
مغيث: ( بصوت حنين ) جامي دلافي نبعد منك ..
هزهاا حطهاا فبلاصتها و غطاهاا و خرج جمع دااكشي و عصر ليه كاس قهوة ..تاوصلو مساج من مونياا ..قراه و طلع vu ..تسرح مع عقلو تيخمم ، تيحس برااسو غرقان فبحر ومحتاج اليد تجروو ...ماهو من لي مزوجين و متعددين بمعني الكلمة و هاني ولا هو لي شاد طريق مع الوحدة فيهم ..مراتو وام ولدو وصلو للمقترق طرق لاهو تتازل لا هيا عاطياه بريق امل و التانية ماتتبرد ليه لا جوف لا شوف .....ليل كلوو هو تيطل عليهاا و يتحسس تنفسها و يشوف واش كاين شي نزيف ..مرة معاها مرة مع امير و رضاعتوو...تاضربااتو فيقة على اصوااتهم ..
ليالي: ( مهبطهاا راسها تتفطر و امير جالس فكرسي للاكل) مااشي نت لي تقولي شنو ندير !!
مغيث: ( قاد كم قميجتو و تقدم باس امير ) ابيل موا الا حسيتي راسك ماشي بخير ....
..بجو عائلي حميمي و هادئ، نعست فراحتها و تحسن مزاجا قليلا ، توحشت ريحة فطور دارهم و صوت باباها على الصباح هو تيصلي ...الوحدة منا منين تتزوج روتينها فدارهم ما قبل الزواج تيتحول ذكريات عزيزة على القلب ...
الام: ( تتوجد طبلة وشافتها خارجة ) صباح الخير اكبيدة
خديجة: خودي تكشيطتي راها جديدة لبستها مرة و طلعت ليا فراسي ..جلالب و قفطان فصليهم
اخت: خاصني تا عكوزتي و لوستي وخ مايستاهلوش
لام: لواه ابنتي !! ربي يخلصهم ، على وجه رااجللك وراكم فالغربة
اخت: مرضوني اماما، كلما تنديرو زوين تيرجع ليا خايب ..
خديجة : ( وقف) انا نبدل حوايجي ..
اخت: ( شربت جغمة اتاي ) ماما ها امجد معاك ..
الام: سيرو ابنتي ..غير ماتعطلوش ..
...ليست دجين وتريكو صوفة وجاكيط جلد قصيرة مع للاطاي ديالها إديال كلشي تيواتيها لوات شال على عنقها و ختها لبست بحالها نزلو من العمارة...هزات طموبيلتها لي جابها لها بارح نوصير..ركبو غادين المدينة و ختها تتشوف فالدنيا كي رجعت
اخت: مغرب هو مغرب !! تغيبي تا عشرين عام
خديجة: والو ياختي !! تيتزادو غير قهاوي و عمارات ...على سلامتك ..
اخت: ناري يااختي توحشت المدينة ..
..حطو طموبيل يلاه نازلين داخلين تيشوفو هنا و لهيه ..تاوقفو عند واحد مول توب..خديجة تتختار لهاا و تتسول تمن و تاتساوم ، خداو لي بغاو و ضربو دويرة فالمدينة جهة الخياطة وملابس البلدية ..تاتمو خارجين تتايسمعو موتر دايز من حدااهم ماجات دور خديجة تا طيرو ختهاا صاك غوااتات غير غوتة طيحوها بجهد نترة
اخت: ااااه الشففارة شفااارة ..
خديجة" : ( بذات تحمار و تخضار بالخلعة نوضت ختها تتبكي و تغوت بالصدمة) تقصحتي !؟ تقصحتي !؟
..وحدة جالسة تتبكي و خديجة تلفات و ناس مجموعين ...كارثة صاافي...نوضات ختها بسيف واحد المراة معاوناها رشاتها بالما و تتصبرها ....تحركو بطموبيل قاصدين كوميسارية و ختهاا تتبكي ..كومسارية بحال مقاطعة واحد يسفطها واحد. شي اسئلة الاعصاب تقول هيا لي شافرة ماشي هيا المشفرة ..
خديجة: مسطرة !؟ المسطرة رجعية طبق على مجرمين ماشي مع مواطنة مغربية حطاتها طيارة بارح فصباح من بعد غياب عامين ..وتشفرات امام ملاء وسيادتكم باش تاخدو لها حقها تتكروها فيه
ب: ( طلع فيها وهبط وشاف ختها ) وشنو عندك فصاك
اخت" : ( بحرارة ) فيه مستقبلي ...
خديجة : ( تكرهت و خرجت برا دوزات رقم فاروق لي جاوبها بسرعة) فااارووق
فاروق: ( بصوت رجولي ناعس) مالك اخديجة
خديجة: سرقو لختي صاكهاا وحنا فكوميسارية مرضونا
فاروق: ( مسح وجهو ) سونطرال !؟
خديجة" : ااه
فاروق : هانا جاي
...يلاه نعس شي تلاتة سوايع و فيقو تلفون ...من خبارها ناض حمام غسل وجهو ومسح بالما على شعرو ...خرج بالكو شعل كارو تيكميه و مخنزر عااقدهم ..كملو ودخل لبس حوايجو ورش ريحتو boss..تتخلط مع ماربورو تتعطي نجذاب خاص،دار نظاظرو و ركب طموبيلتو مديماري ..وعينيه فشوراع تيشووف ....وصل كوميسارية و هيا تبان ليه واقفة تتمشي و تجي ...تمشى قاصدها تتاشافتو
خديجة" : جيتي !! الله يرحم ليك الوالدين الا مافكناا ..راه صاك مشاو فيه وراقها لا هيا لا ولدها ...
ك: ( سد ملف وضرب بصبعانو عليه) علاش الا !! ولاكن اسي لاجودان سرقة وقت فالمدينة ! لي عليا جيب ليا مول فعلة ..
فاروق: ( فهم من هضرتو ان هضرتو تتلمح على استقلالية سلطة ) وعليه..حنا على تواصل ..
..تم خارج و تابعها خديجة و ختهاا تتبكي ..تخرجو براا ...
فاروق: ( دار نظاظرو ) شوفي ختي !! ماتبكي ماتهلكي صحتك ..صاك ليلة يكون عنددك
اخت: ( تتمسح دموعها) ماانظنش اخوياا فااروق، بلادنا متأخرة بزااف لا كاميرات لا حفظ كرامة مواطن ..نوغمالمون بمجرد حطيت بلاّن فكوميساغيا بوليس يتحركو ..
خديجة: هاد كلام ماناافع بوالو ..مهم نرجعو الورااق
فاروق: يكون خير ..( جر خديجة من ظهرهاا و طلعها و هبطها جات بحال شي كاورية ) هزي ختك و سيري الداركم ..
خديجة" : شووف كي دير الله يسر ليك الامورر..
فاروق: ( حك راسو ) هضرة وحدة كلتها !! نتي بخير !؟
خديج: حمد الله ...
....ركبات هيا و ختها تتبكي ، هو واقف دور وجهو تيشوف فكوميسارية و ركب طموبيلتو قصد المدينة ..وصل جبد سلاح دارو مور ظهرو و نزل متكي على طموبيل شاعل كاارو و تيشوف من لبعيد بوليس خدامين ..
فاروق: حصول بيه !! كلنا ولاد قحاب وصافي ..( وقف عليه بركاك ) اش تم !؟
بركاك: شاف !! واحد فيهم داك برهوش لي تيعيطو ليه عويطة ...هز الوراق وشد طريق طنجة كالك يبيعهم شي حراك ب8مليون
خديجة: ( هزاتهم من صاك هياا تسمع صونيت الباب ) شوف ابابا شكون !
الاب: ( تجه الباب فتحوو هو يبان ليه فاروق) زيد اولدي زيد ..
كلهم شافو جهة الباب هو داخل فيديه انفلوب بيض كبير ...لقى سلام بفمو وقف حدا الاب ..
فاروق: ( مد لاميمة الوراق) هاكي ختي على سلامتك !! مرا جاية وراقك عطيهم لمك تخبعهم و خرجي ..
..مجرد ما كمل كلامو ناضت اميمة شادة الوراق تتعنقهم و تبكي بالفرحة و تتحمد الله ..و االام هازة ولدها تابعها بفرحة و الاب تيشكر فاروق من غير خديجة لي غير تتشوف فختها فرحاانة ومبتسمة ..
الاب: زيد جلس اولدي .
فاروق: ( حك رااسو ) الله يكبر بيك العموم ..تابعاني خدمة
اميمة: ( عاد تفكراتو) شكرااا ارااجل ختي الله يخليك ليناا و يخلي ليك مااعز عليك ..
فاروق: الله يحفظك اختي..
الام: الله يطول ليك فعمر الحاجة اولدي ويخليها ليك كما فكيتينا من هاد المحنة ..
فاروق: ( تيحرك راسو كقبول شكر ) مرحباا ....(خلاهم بخير و دار خارج وغمزت الام خديجة تبعو )غي خليك الا عياانة
خديجة: لا ماشي مشكل ..( هبطو تاتحت وقف مربع يديه متكي على مطموبيل ) شكرا ولهلا يخطيك
فاروق: مابيناتناااش هادشي امدام !! ولو كان عليك اتصلي بيا قبل لا تحطي رجلك فالكوميسارية ، ولا نسيني راجلك راه اجودان !؟
خديج: ( دايرة يديرها فجيب حانية رااسها و شعرها تيديه ريح) غير خلعة وصافي...( هزات فيه عينيه بشوية تتسرق نظر لاكن ماقاوماتش نظراتو نزلتهم ) اتمشي !؟
فاروق: اوا هدا حال الزوفري !! ( حل ليها الباب) طلعي !!
خديجة: ( بغات تراجع ..) نقولها بابا و نجيب صاكي !
فاروق : ( حط يديها على ظهرها تيشوف فطريق) طلقينا امدام شمن باباك ولا ماماك ..
..ركبت على وعدها، طريقة كلامو كلها أمر ، شدوو طريق غااادين وغير مشتتة النظر ..
خديجة: فين شديتو شفار !؟
فاروق : ( يديه على فولون ) شدوه جدارمية طريق كان طالع طنجة ..
خديجة: كانت مشاات على عينها عجاجة ..ربي ونبي
فاروق: الوقت خيابت !! فلوس كتيرة بنادم مايهزهاش معاه كلشي رجع تيتخلص بلاكارط وتلفون ديما يتمسح من تصاور و فيديوات و لي فيه !! راه من غير شفارة كثرو مكبوتين ..
خديجة: الله يحفظ ..( سكتات ....) كي بقات رؤيا !؟
فاروف : ( جاوب عادي ) من نهار وصلتك داركم ، دزت شفتها عند الواليدة ..ارتااحو ليا مع راسكم
خديجة: ( حسات بذنب و تقصير ) الله يشافيهاا ..
..فاروق: امين ..حنا وصلناا ..
..كما العادة ديما خارج على المدينة ، ختار قهوة مطعم فيها مسبح .. جلسو داخل من البرد امامهم منظر طبيعي و طلب فطور كامل...خديجة مسرحة عينيها فالدنياا تاترتاح نفسيا، تااشد فيدهاا وهزهاا باسهاا
فاروق: رجعتي عند طبيبة !؟
خديجة: لاسومين بخوشين..عندي كونتروال
فاروق: ( رجع للور خلا ناذل يحط لهم فطور وقرب لها بلاطو ديالها ..) كولي
نوصير: هااهو غاادي....( طلب ليه كاسكروط لي بغاا وجدو ليه و حطو ليه) ضرب القاصير باش تكبر لياا ..
خليفة: ( هز كاسكروط وبقى هاك بلاك تيهضر فمو عامر ) اناا جوووع تنعقلش على لي ولدني ..
نوصير: ( تياكل بشوية وهز عينيه عند ولد كووزيني جاي عندهم تيزرب ) اسمية مالك !؟
: ( دور وجهو لقى المطعم خاوي..حط يديه على ذراع خليفة ) خاا خليفة !! تايجي عدنا واحد شينوي هنا تايضرب جامبو حلوف !! اوا راك عارف دارها جوان صباح ( حيد ليه كاسكروط من يدو) ان الله غفور رحيم
خليفة: ( تبلووكاا تيشوف كاسكروط ) صمت
نوصير: ( حط كاسكروط ) اصااحبي موكل الولد حلوف تتكوليه ان الله غفور رحيم
: ( هز يديه متاسف) سْهيت بررب تا سهيت
ابراهيم: ( تيحرك خليفة) نووض تقيا الكافر ..نوض
خليفة": ( موت شافهاا ..نااض من فوق كرسي حاشي يديه فحلقوو باغي يتقيى) اععع بواااااع ..اااع
: زيد تقياا اخوياا ..زيدد
نوصير: جهنم القااصير ..
خليفة: ( وقف شاد فراسو ...شوية جلس فكرسي هاز صبعو تيشهد) اشهد ان لا إلاه الا الله و اشهد ان محمدا رسول الله ..
: ( تيهضر و فيديه كاسكروط) غلط اخوياا خليفة ..
خليفة: ( تيشوف داك كاسكروط قلبو يتطلع ليه) اناا بغيت لياا العام جوووع اناا خويا راجل مسلم على اخر اياامي ناكل حلوف ..
...طريق كلهاا هما زفيط و ضرب و ضحك سيد ماخلا شراب ولا قحاب و القبلة ماتيعرفهاش باغي يطيح لهم رووح ..لي شافهم وصلو تلاتينات لاكن شباب فالعقل ...وصلو لافااك فين تتقرا زاينة و جبد نوصير تلفون رسل لها ميساج يخبرها انه براا ..تاتمات خارجة مع نفس الشخص سطوري فواتساب لي باسها
زاينة" : ( شادة فذراع شخص ) زيدي معايا هو جايب صحابو ..
: ( تتشوف فيه و متبثة فيه شوفة ) تتعرفي كابو !؟
زاينة" ( شافت بيها باستعجاب) كفاش كابو !؟
: (شافت فيها عرفاتها جاهلة امر) كابو سكوادرا هداك لي ......( شافتهم قاصدينهم تااوقفو بتلاتة كابو وسط و هما كي كارد كور ) ....صمت
نوصير: اهاا وخ ...( تيطلعها و ينزلهاا وتيعض على شناايفوو..تاتيسمع كاااابوو ...كااابووو..هز يديه حيااهم) يحفظكم
زاينة" : قالي جاد انت كاابو !؟ شنو هاد كابوو
نوصير : ( طول فيها الشوفة ..) دخلي يوتيب و تعرفي ..
وقفات طااكسي وركبو غاادين ، زاينة شعلت تلفون تتقلب على كاابو ، طلعوو لهاا بزااف هيا تشوف واحد فطولتو فلاطاي ديالو ..خدماتو و هيا تحل فمهاا من مشاهد ماتشات و تصاورو و ربورتاجات عليه..
زاينة" : ( هزات فيه راسها متعجبة) عمرني عرفت هااادشي الكرة ..
نوصير: هانتي عرفتيه ...( وقف طاكسي و خلصوو) مهم ماتعطليش علياا
زاينة: انشاء الله ..نشوف مع نجمة و نجااوبك ..
نوصير: انشاء الله ..
بقى حاضيها تادخلات وتم طالع الفوق دارهم ...
...أيام قليلة مراات ، مرت بروتينها و انتظاارها الاحداث ..اولاد الوازنة بَالهم ماهو هااني وخااطر كدالك ..الايام لي مرت على مغيث كانو اسوء ااياامو ، من نهار حادثة ليالي هو ضابظ اعصاابو معاهاا، برودهاا استفزو و مكالاماتها مع عائلتها اكثر ..القطة مغمضة فتحت عينيها و الاتصال مع عائلتها رجعت و الخاسر الكبير هو ..خارج من الخدمة بكري اليوم عندو موعد مع نبيل يشدو طريق طنجة غدا عندهم موعد مع الطبيب ....هز تلفون و حول الاتصال ..
ليالي" : ووي
مغيث: ( مغمض عينيه و تمااصي جبهتو) صافا !؟
لياالي: ( تنتظر خبر مساابقة على احر من جمر ) وووي !!
نجمة: نحضروها العرس فقط ..راك عارف الناس مسك عليهم الله و متواضعين ..تيقى طلق فشروط تاني
زوج: ( عمر كاس ما يشرب) انا راه تعيط عليا تسولني نكولها لي كااين ..ماناقص صداع مع مك ..
نجمة : دعي بتسير اودي !! ( شافتو مشا خرج..دخلت بيت جابت حالة مدنية عطاتها ليها ) سيري و رجعي دغياا ..
زاينة: ( بانزعاج) واشوفي راجلك اش تيكول !؟
نجمة: سيري تحركي !! راجلي خليني مني ليه ..
زاينة: ( لبست ليبوط ) هانا غاادة ..( خارجة من الدار و تتلوز بمؤخرتها لا إراديا مشيتها هكاك هو يقشعها من دورة ..طلع و هبط فيهاا و كلا شناايفوو مزيان بسنانو) سلام
نوصير: ( ديمارا و تيشوف فطريق) بخير !؟
زاينة: حمد الله ..نهبطو خميسات دباا !؟
نوصير : ااه !! باش لقاو المقاطعة مفتوحة !! عندك حالة المدنية !؟
زاينة: ( ضربات فصاك) امم هزيتهاا ...
..شد لوتروت و منير فطريق و تيهضرو حوار العادي كل مرة يسولها واش مرتاحة ..توصلو الخميسات فالمقاطعة ....وقف تيسولها اشمن مقدم عندهم ..
زاينة: ( عارفة مها مسافرة الشمال تجيب سلعة ..ماخايف من احد يشوفها ) نزل معاك !؟
نوصير: ( حل ليها الباب و ضرب على جلابة مزيرة ..شد فيديها داخلين) من هنا نجيبو عقد ازدياد !؟
زاينة: ااه ( تحركت شباك ..طلبت عقد الازديااد هما واقفين هو يبان لها مقدم جااي ..) هداا هو المقدم ..
نوصير: ( طلعو وهبطو تمنى كن كان معاه خليفة يقضي ليه الغرض ..تبعو براا و و تفاهم معاه يسربي ليه شهادة خطوبة) نكون هاني ياك !؟
مغيث: وي ( حل المجر بزربة و جبد عقد زواجو تاني ) نصورو ليك !؟
رجل البنك: سِي بَا اوبليجي !! مهم السيد لي تيرسل فلوس مقيم بإسبانيا و بصدفة طلع عندو حساب فنفس للبنك ديالنا و من مقاولين الصحاح ...ديك شهرية تتدوز مدة تلت سنين هادي و فهاد تلت سنين دوزها لاسوم كبيرة جوج مرات ، مابين 20مليون و 10مليون
مغيث" : ( تيزير على عقد الزواج ) داكووغ !! شكراا بزااف
رجل بنك: افيك بليزيغ اسي القبااج ..
مغيث: ميغسي !! ( اقطع اشد عقد فيديه و جبد اوراق البنكة لي عندو ديال مونياا وتيزير على يديه تاا بدا عروق يتطراساو) نشوفوو !!-
نبيل: ( شاف فيه وقلب نظرو طريق ) مالك اصااحبي !؟
مغيث: مايلة لياا مااايلة تاا الطرف .....( طوا وراق حطهم فجيب جاكيط تيلعب بتلفون و تفكر نص الساعة هادي اش وواقع
🔙🔙🔙
..منين قطع مع نبيل اتجه الدار مونياا يطمن عليهاا طالعة فتلاتة اياام ماشافها غير تيتكلمو فتلفون ..وصل الدار فتحت ليه الخداامة ..
مغيث: ( وقف جابد تلفوون يتصل بيهاا تتيصوني ماتتجاوبش ..حط يديه على صور الصالون مزير بديكورات هو يطيح شي ورااق تماا ..هزهم هيا طيح عينو على اوراق كشف حساب هزاها تيقرا ...هو يفتح فمو من المبالغ تدخلهاا كل شهر ومن شخص راسلهم ليهاا) ******** !!!!!
...واقف تيقرا فدوك اورااق وخدامة تتبيض بيضة هنا و لهيه تتكول فوقاش يخرج بحالو ..تتصوني على مونياا ماتتجاوبش ...هيا تمشي عندو ..
خ: سيدي مغيث نوجد ليك قهوة !!
مغيث: ( جمع دوك الوراق تم خارج و تلفون تيصوني عليه طالعة سمية مونيا..جاوب برود ) الوو صافا !؟
مونيا: ( تتحلون) صافا حبيبي !! فين رااك
مغيث: ( ركب طموبيل حاط وراق فحجرو تيشوف فيهم) جيت عندك الدار نشوفك ، خدامة كالت ليا جاتك خدمة على غفلة !!
اسماء: صافي قطعي.../ حلات صاك تاكدت من حوايجهاا ورمات عليها شال و تمات خارجة / فطووش تمشي الحمام !؟
فطوش: ( نفس وقفة لي تدير اسماء ) اخوويتي راكي تشعلي ..غداا يجي يديك راجلك و يدوزك حمام
اسماء: دبا انا نبقى بشعري متختخ بزيت و اليوم خاصني نتوضى من الدم تااايجي رااجلي !؟
فطوش: ماكالو ماشا حتى مااشاا..راك تجبدي شي صدااع !؟
اسماء: واامي !! يلاه وصليني كااع ..
فطوش: ( زيرات على فواطة و رمات جلابتها عليها ..) زيدي هزي سطل و كرسي
اسماء" عيباتها من للور ..هزات داك سطل و كرسي و هبطو غادين فالدرب و اسماء غادة و تسلم و تضحك ..محبوبة جميع ، وصلاتها حمام تاخلصات الورقة ودخلات بقات شحال فطوش مع طيابة عاد مشات ..ولي فراس جمل فراس جمالة ..دخلات غسلت شعرها و شلات على ماجات تخرج لقات فطوش مشات، لابسة دوبياس وكلون و بودي وجلابة جديدة خلات فوطة فشعرها وتمات خارجة
طيابة: اسمااء !! عاد كنت جاية نحك ليك !! ( مدات لها تلفونها )
اسماء": ( باستها وشدات تلفون) غير شللت اخالتي من غبرة ..بسلامة
...خرجت بصاكها و سطلهاا ..تادخلت عندهم صالون حلاقة....لقات حنان كوافورة و صاحبتهاا
اسماء: ونااري شحال توحشتكم
حنان: ( تتميق) شيري بنت فطوض ضحكي على لي مايعرفك
اسماء: ( عنقااتها و تبوس فيها لحلاحة) اختي غير تمارة و جلسة الدار .
اسماء" : مشاا يطلقني ولا يتزوج علياا كي خوه واميمتي ...قودتهاااا
طريق كلهاا تيخيط و يفصل و تعمد مايقولهاش انه فطنجة تيوقف عليهاا قِطٍّي ، بلا زبابل فلوس لي كونطهاا ، بعد ساعتين المكانة وصلوو طنجة ..مغيث شد فولون على نبيل وشد طريق الدار خالتهاا ..
نبيل: شمن طريق هادي شااد !؟
مغيث: واحد الغرض وصاافي ..( وصل جهة العمارة يلاه ايدور يوقف على باابها هياا تبان ليه مونيا وقفت بطموبيلتهاا شي احد نزل من جهة اخرى حل كوفر هبط باليزة و عنقهاا داخلين العمارة ..مافيقوو غير كلاكصون طموبيلات لي حبس طريق وغوت بلا ماايشعر على طموبيلات) طيرووو نتوووماا طيرووو
نبيل: خوي طريق اصااحبي للناس ! نت زايدها بغوات
..حط طموبيل على جنب و نبيل مافهم فيه والو ..هبط مغيث عند سانديك جلس يسولو عليهم بطريقتو خااصة وفهم لي فهم ..
نبيل: ( تبعو تيشوفو شاد يديه برااسو ) مغيث !؟
مغيث: ( تيمسح على للحيتو و فمو تكرار و مرارا و تيهز رااسو يتنفس) البووليس !!..(جبذ تلفونو ) ماايفكني معاهم غير بوليس تريكة القحاب
نبيل: ( فهم و مااافهم ..ربع يديه تيشوف) صمت
مغيث: ( جبد تلفون و تيحفظ عنوان و دوز الخط بوليس ووتكلم بصفتو رجل من الدولة مبلغ على خيانة زوجية و عطاهم عنوان ) سْررري نستااهل ..
نبيل: ( غير تيشووف) صمت
مغيث: ( غاادي جااي فنفس مكان و تيمسح على وجهوو و حلقو ..ماامصدقش و مصدق و باغي يصدق و مااباغيش يصدق....لحظات وقفت صطافيط موراهم سيارة شرطة ) سي كومسير !!
كومسير: ( تيقاد سروالو هاز سونفيل فيديه) سيادتكم لي بلغتو على جنحة خيانة ياك !؟
كومسير: نشوفو مع سانديك ..( شدو من كتفو و تكلم معاه بتفاهم) خليك فسيارتك امور تمشي ضمن قانون ..انت رجل الدولة مانقصش شوهة ، راه ماتعرف شكون يسجلك بتلفون فشاريع ..
مغيث: ( تيسوط بحرارة) مهم تهبطهم كما ليقيتيهم ..
كومسير حرك ليه راسو وطبطب على كتفوو ..دخل هو اول و البوليس مورااه من بعد ماعطاهم سانديك رقم بارطمة ....دقة البوليس فالباب و صوتهم وقفتهم و نظراتهم تذب الخوف لا إرادياا ولو تكون غير متفرج ....الباب قربو يهرسوه عاد تفتح ..
الشخص: ( فتح الباب لابس شوط خفيف) نعام اسيدي !؟
كومسير: ( خرج ليه ورقة بامر تفتيش) زيد اسيدي معااناا ( تم داخل منعو)
الشخص: ( غواتو علا و كشاكش خارجين من فمو .. لانه كبير فالسن) احتاااارم رااسك اسي !! نتما مخزن ماختالفنااش لاكن حرمة بيتي فوق كل اعتبار !
كومسير" : شريف !؟ ( بأمر و اصرار ) اا تزيد معاياا
الشخص: نزيد معاك هكا !؟ تخرجني من الداري عريان !؟ شمن قانون هداا !؟
..بقاو مني ليك هو تيقول كلام و هما متبعين تبليغ ..نزلوهم من بعد مالبسو حوايجهم و الشخص هاز وراقو و طلعو فالسطاافيط البوليس و الكومسير دار إشارة لمغيث يتبعهم ......على بعد جوج الشوارع كانت كوميسارية دخلو مونيا و الشارف هما اولين ، و مغيث هاز العقد زواج فيديه نبيل تابعوو راسو يطرطق من منظر لي شاف و الحالة لي شاف خوه فيهاا ....من داخل المكتب كومسير دخل مغيث و مونيا شافتو هياا تشدهاا رعاادة من صبعهاا صغير ..
مغيث: ( شاف فالراجل لي معاها لقاه شارف قد ابااه الله يرحمو، اش يضرب فيه و معامن ا يضارب و هيا مخبعة وجهاا تتبكي) هاادي هياا فياقتك !؟ تقحبين مع الشرااف !؟ بغيت نهضر ولاكن هاد المنظر مايستاهلش هضرة ..هزيت يدي
أولاد الوازنة الجزء 15
محتوى القصة
التنقل بين الأجزاء