...فطوش حطاتها فوركو ، و شيفور تيحط لها حوايجها و الخيرات البلاد لي جابتهم معها، دارت تتفتح الساروت بدون جدوى ..
فطوش : احااي ، والله مابغى يتحل ....
..عليها وقفة بنهار امتى يتفتح الباب و دخل الدارها من عينين جيران تاتشوف اسماء جاية هازة سطل و صاك وقفات متفاجأة حاطة يدها على حنكها ...
اسماء: ( بارتجال ) امي على سلامتك ..( دخلت ساروت فالباب و تحل ) نعاونك امي !؟
فطوش ضرباتها اللقوة لفمها ، دخلو الحوايج غير طلعو الدار وهيا بدات تغوت ...
اويلها هيااا بدلت لها ساروت بابهاا !! اويلها هيااا علااش تجي و تلقاها قدامها !؟ اويلها هياااا اش فدااارها و محاالها ..تتويل ودايرة يدها مور ظهرها دخل بيت تخرج صالون و دخل كوزينة دوز بيتها ...منها تويال و مراقبة البيت
اسماء: ( تتغبن ) آمي انا ماشي بنتك !؟ آشنوو فيها الا جيتي لقيتني فدار !؟
فطوش : ابنتيي و لي طلعت منها فالدنيا ، و مووصية هيا الا خليتك فالدار ، بالسلام لقيت الساروت مبدل غدا تهزي دار تحطيها فشي قنت !؟
اسماء: وسارووت تهرس ليااا ، و بدلتو واش نخليه محلول
اسماء : ( مشات بيتها تتخنخن جمعت حوايجها ..وتتسمعها تتعاير ) هو خلاني هيهيهي نمشي انا عندو باش يزيد يبرد فيا جنونو
فطوش : ( تتغسل يدها و تتبدل جلابة ) يعلم الله شكون دخل محالي و نعس فراشي و كلا فماعني ،من صغرها تموت على جميع ...اويلي اويلي خاوية دارها و فراشها ..اويلي فين نرد وجهي
اسماء : ( وقفات قدامها ) آاامي !! ( تتسمع دقان )
فطوش : هاا صحاباتك تابعينك ! نزلي جري عليهم قبل لا نزل نشتف عليهم ...
اسماء : ( هازة صاكها و شال طايح على كتاف بصبعاتها محنين تتمسح دميعات ..فتحت باب وهيا تشوكا ) .....
كان منزل رااسو تاهز فاكثر وجه توحشوو ..كانت مثل طفلة تايهة عوينات مدمعين و شعر طايح عليهم و شنافتها مصروطة ...تترمش فيه هو تيحس بقلبو تيضرب بقوة ..هز صبعو يهز شعرها ، لكن سبقاتو و هزاتو بصبيعاتها ولاحظ حنة فيهم برتقالية و ريحتها فواحة ..قرب لهاا ونطق بصوت رجولي بااح كانه ايام ما تكلم
اسماء: ( دورات وجها دروج شافت مها تتراقبهم سدات الباب و مشات معاه ) ....
..فتح لها طموبيل ركبات ، هو ركب جهة اخرى بصمت ، ديمارا الطموبيل مرة مرة تيخطف نظرة ليها وهيا متكية على الشرجم ...تاشافتو وقف امام الكوميسارية بدات ديماري بالبكاا ..دور وجهو عندها وهز صبعو امام وجها بمعنى :
نبيل: شوووت !! نزلي ، من بعد من بعد آ اسمااء
...نزلت معاه تترعد و تتطلب الله يخرج العاقبة على خير ..دخلو عند كومسير وسلم على نبيل...
ك: ( شد منها لاكارط ) شنو اسمك !؟
اسماء: اسماء لمنوني
ك: امضي هنا ابنتي
...من بعد الامضاء عن المحضر فالكوميسارية ..ركبو السيارة راجعين الدار الوازنة ...طريق كلها و اسماء و خوف تياكل فيها ، ماعرفاتش اش عارف عليها من الكوارث لش مرت بيهم ..
واش نوصير عاود ليه كولشي !؟
فخبارو غير السرقة !؟
لالا هدااا فخبارو كولشي و دايني الدار يسلخني ...
..تحنات تاتشم ريحة الحنة و تتشوف فيها ، تاحبسن طموبيل امام الدار هزات راسها تتشوف فالحومة توحشت السكنة و الوازنة ..
..هاز لها صاك و هيا نازلة تتقاد فشالها فتح الباب طالعين مع الدخلة لقاو زاينة فالكوزينة و الوازنة معاها تسالمو و اسماء عنقت الوازنة بقوة و حب و الوازنة كذالك ..رحبت بيها و زاينة غير تتشوف فالحنة عقلها يخرج معاها ..
الوازنة: اوليدي غبتي عليا يومين !؟ اخبار الخير !؟
نبيل: ( منزل راسو ماتيشوفش فيها ) الخدمة الواليدة وصافي
الوازنة: الله يسر ليكم ..
..جلسو فالصالون و اسماء نسجمت مع زاينة فتوجاد الغدا تا تسمع صوت فاروق و نوصير، حطو لهم الغداا و بنات تغداو فالكوزينة و زاينة كل شوية تسولها شكون حنا لها !؟ فين حنيتي !؟ اري نشمهاا ، و اسماء عاطياها الخااطر ..كملو الغدا و الوازنة دخلت بيتها و دراري بقاو مجموعين
فاروق: ( لاوح نبيل تلفون و خاتم ) هاك !! حطيت على ولد قحبة 600درهم !! عرفو عيالاتكم فين تيحطو رجليهم اش داها لشي الجردة !؟
نبيل: ( تلفون و خاتم و تيخنزر)نسولو الراجل لي وصيناه !
نوصير: ( شاف فيه و رجع شاف فالتلفون ) صونيت عليها جاوبني داك شماتة الشفار ، فهمت القالب ، جريت حتى الداار لقيتهم كانو فالطبيب شعلت فيهم العافية و صاحبتها لي معاها تحرقت فيدها عليها مشاو طبيب ودازو الجردة
نبيل: ( مامصدقش اش تيسمع ) عااافية !!
فاروق: ( تكسل وحط ذراعو على وجهو ) تما طالع طنجة طلعها معاك ! راه عيالات العافية بلا عافية
نوصير: ااه جاو يشيويو شي للحم و شعلت معاهم !! بلا الباب لي هرست فيه الساروث وعاد بدلو القفل !!
نبيل: ( وقف ماتيشعش )ماتعرفش تما تجيبها !؟
نوصير: مابغاتش !! والديها كانو مسافرين وساروت عندها غير هيا و زايدون تتكول انت سمحتي وتزوجتي عليها
فاروق: ( مفقوص مع راسو ) ذبح عليها شي ذبيحة ولا زورها السادات
فاروق: تزورها تا عكاشة و قضاء الاسرة و الجوع و قلة الشي باش ترجع تقاد راسها ..تهزو خلوني نغمض ..
نوصير تنهد تيفكر فالمعكسة لي عطاه الله ، و نبيل اتجه الكوزينة بصوت جوهري نادا عليها
نبيل: اسماااء ...
اسماء: ( خرجات عندو تتجري ) نعام ..
نبيل: زيدي قدااامي ..
..طلعت قدامو تتزرب تدخلات الدار و مشات البيت و هو تابعها تادخل الدار ودار سد الباب بساروت و حط يدو على قلبو لقاه تيضرب بقوووة و انفاسو تتسارع تبعها البيت لقاها حاطة يدها فمها تتغزز ضفرانها غير شافتو بعينين صقر ماناويش على خير بذات تدمع
اسماء: و الله ....
نبيل: ( قرب لها شد يدهاا واتجه الناموسية نعس و جرها عندووو ..) بااغي ارتاااح ...
اسماء: ( تتشوف فيه ..خاصها فيلم تعاودو ليه) جارتنا
نبيل: ( تنهذ تيشوف فيها ، توحشهااا بزااف ، ليالي دازت عليه بلا بيها بلا شغبها و بكاها و احتجاجها ) توحشتك آ أسماء
..دوز يديه على خصرهاا مقربها ليه ويد تانية تيدوزها على شعرها مراقب نظراتها حيرانة و ملامحها خجولة ...هز ليها راسها و قرب فمو باسها بوسة حارة و حنينة ، غمض عينيه من حنين للمستها باشر فتقبيلها هدفو ذوق عسل ثغرها و يراقص لسانها بقبلة فرنسية ...اسماء كانه غاب عليها شهور ، احمرت خجل و نسات على طريقة القبل لكن احساس ماخانهاش ..
نبيل : ( عض شفاتها تحتية تاتآوت ) كنت كل عشية تنجي عندك داركم ! كن عرفتك جالسة بلا بيهم كن كانت هضرة اخرى
اسماء: ( تتبيض فعينيها ) انا...دبااا ! هومااا
نبيل اشتياقها ضعفو ، ماقادرش يسمع لي يعصبو ولا ينوض مرض شكو...قلبها تحتو تيقبل فيها ، باغيها اكثر من اي وقت تكون قريبة ليه و يكونو جسد واحد روح وحدة ..
اسماء: ( زيرها ) حوايجي ...
نبيل : ( هبط عينو فبيجامتها) انا نحيدها ليك ..
..باصابعو رجولية تيفتح صدايف بيجامة لي منها سوتيمات و رائحة عطرة تتعطي منها كل ما ظهر جسها تيقبلها فالمكان تتقفز مع قبلتو ..جردها من ملابسها و هو كدالك ..كما العادة كان حنين و رومانسي فحركاتو ..لكن كلما تينغمس فاحساس تيحس بيها تتزير
اسماء: ( تتحس الولوج و تتغمض عينينا و هو مراقبها) اممممم
نبيل: ( تتبقى فيه لكن شوقو غلبو ) قربنااا ....( انفاس حارة كانت مسحوبة مع علاقة) مزالة مقصحة !؟
اسماء: ( رجعت حمرا ) شوية
نبيل: ماجاوبتينش ( تيقبل وجها كلوو ) !؟
اسماء: اه ..توحشتك
نبيل: ( رموش عينيه تقالو من كلماتها و دقة قلب تسارعات ) بزاف !؟
اسماء: ( زيرها و حشمها ..) امممم
...علاقة حاول يطولها على حسب رغبتها و شهوتهاا ...فااخير حصلو على متعة حلال ...عنقها عندو تيقبل راسها و تيغطيها وهيا مخبعة فيه ...
نبيل: دبا نتفاهمو !؟
اسماء: انا مريضة
نبيل: ياك !؟
اسماء: فيا البرد
نبيل: نسخنك !؟
اسماء: ( غوبشات تتمخشش فيه ) اممم
نبيل: ( تيشوف فيها مخشية فيه ..نعاس ذاعب جفونو ..) بغيت نعس ا اسماء،ماتنوضيش من حدايا
اسماء: ندوش !؟
نبيل : ( لسانو تقال ) لا
اسماء: لبس حوايجي
نبيل: ( زيرها برجليه) نعسي معايا ..
....فالدار الوازنة الجو معتدل نسبيا ، الليل لْيل و العشا تتوذن و فالصالون صغير مجاور فين ناعس فاروق الوازنة تتقيم صلاة العشااء ...فكل صلاتها تتدعي تكون صلاة مقبولة و بالهداية لولادها و موتة مستورة سلمت و ناضت تتجمع الصلاية و تتشوف فاروق تاني ..
الوازنة: احبابي و جاني تاني المعصب و المقلق ..
نوصير: ( داخل من زنقة) الواليدة الله يقبل
الوازنة: اوا الله يهدي الكبير و يصلح الصغير ..
نوصير : ( تيمشط شعرو باصبعانو) فين زاينة !؟
الوازنة: نزلت تحت عند اختها
نوصير: ( دخل البيت جمع صاكو وصاكها و خارج ) الواليدة هو هدا ! هانا مشيت
الوازنة: ( جابدة تلفونها تتقلب على رقم مغيث ) اجلس اوليدي تعشى !!
نوصير: ابلاش الواليدة ..( زاد عند فاروق تيفيقو) فارووق
فاروق: ( حاط يدو على وجهو مخيخ) راه سوارت فجيب جاكيطي و ضبر ليا فشي طموبيل
زاينة: ( تتشوف فيديها و تفكر الحنة و ريحتها تاتشدها بكية ) انا نمشي لا يدخل يغوت تاني ..
نجمة: ( شداتها تتعنق فيها ) وصبري أ يْلي زاينة ، وقولي راجلك و فرحيه راه كن تشوفيه اش داير مع اولاد خوتو و ولاد جيران راه تيتسطى على الدراري صغار
زاينة خارجة تتمسح فدموع لابسة جلابتها لقاتو فطموبيل مديماري ركبت بصمت و هو قلع غادين فالطريق و هيا بالها مع حنة لي شافت عند اسماء، وصلو الشاريع و نوصير وقف بالجنب عند مول ديسير خدا التفاح و ليمون و فريز و رجع ركب مكمل الطريق تا وصلو البرطمة ..
نوصير: ( مع دخلة شد تلفون ) غسلي ليا معاك تفاح
زاينة: ماتعشاش !؟
نوصير: ( بلا مايشوف فيها ) مافياش
..دخلت ديسير كوزينة مشات بيت بدلت حوايجها و رجعت كوزينة شدات داك تفاح غطساتو فالما و دارتو فطبسيل و حطاتو ليه قدامو وشدات تلفون
نوصير: ( حيد تلفون من يدو و هز تفاحة تتقطر وحقق فيها شوفة خيب وجهو) هاد تفااح !؟ غسلتيه ولا زدتي وسختيه !؟
زاينة: ( برود) مالوو !؟
نوصير: ( خنزر فيها بقوة ) مال دلمك !؟ غير كولي ليااااا مالكي !؟ عطيني رااس الخيط نشدو معاك ، نعرف كررري غير فين غادي
زاينة: ( حطت تلفون و هزت داك طبسيل مشات كوزينة عاودات غسلاتو و جابتو ليه) شد !!
نوصير: ( تنهد باعصاب ..هز تفاحة و جاتو تيتقطر ) فين عايشة !؟ اشمن زريبة جاية منها !؟
نوصير: ( هز داك طبسيل ضربو مع الارض تاشقف و تفاح طار)ونتي اعرفي رااسك اش تديري !؟ ( قرب لهاا ماحسش براسو تاجمعها معاها تتصرفيقة تا قلب وجها) تهززي تقاودي من قدامي
زاينة: ( شدت حنكها تتبكي )ماااضربنيش !! ماااعندكش حق ضربني
نوصير : ( وقف دفع داك طبلة تاجات مقلوبة ) اشمن الحق تتهضري عليه !؟ واحدااا آخر بلاصتي راه مقصر مع كروو مع لالياتك و مقاد مزاج عوض جالس هنا نحرق راسي معاك
زاينة: ( وقفت غادة تتبكي ) ماشدييتكش !! سيرررر
نوصير: ( حط يدو على خصرو و يد اخر تيمسح فمو باعصاب) ااااجي هنااااا !! ( بصوت مزلزل) زااااااينة
زاينة: (رجعت تترعد ) شنو بغيتي !؟
نوصير: ( اشار بيت ) جمعي شرراوطك نوصلك داركم..مابقى عندي مااندير بكمارتك ..سيري اختي تزهاي مع كرك و قلبي ليك على زماكرية لي باغة !! اما اولد الواازنة بزااااف عليك ..
...الرجل او الزوج ! عندما يعطي فرصة و الفرص اخرى للزوجة او الحبيبة ليس بالذل او الضعف ..بل هيا حكمة زرعها الله فعقول الرجال و ليس ذكور ..الحكمة تيمتازو بيها ، وكلها فطريقتو فإعطاء الفرص ..نوصير عينو تعجبت بيها و العقل تعشش فيها و القلب ضرب لها، ظروف كانت خاطئة لكن النية تبقى كل شيء ..فاض الكاس او الصبر وصل الحد ....واقف هاز سوارت طموبيل ورجلو تتزعزع تينتظرها تجمع حوايجها تاتمت خارجة تتبكي و خرجو متجهين طموبيل ..انفاسو الغاضبة تاتسمع فالطموبيل و هيا بكاها خافت مسموع ...بسرعة غادي تاحطها فراس الدرب ..
نوصير: نزلي تحركي !! سيري عاودي وراقك
زاينة: ( نزلت زدحت عليه الباب هزت صاكها ) نفس شيء ليك ...
...تدق على نجمة لي يلاه دخلت بلاصتها ...فتحت لها لباب مخلوعة من منظرها
نجمة : أحاااي !! اماالكي
زاينة: ( دخلت تتهرنن و جلست تاتبكي )جراا علياا ، مااادرت ليه والوو
زاينة: ديما معايرني و ديما تيضربني !! حبسني من قرايا و غير تيغوت ماعجبو العجب
نجمة: شكووون فينا مزوجة اباها ولا خوها لي يحن فيها !؟ هانا بحالك صابرة ! راه مرت لوسك مسكينة اسماء تمارة و ضحك و تصرطها و رجعت محالها راه مرت لوسك داك موظف تزووج عليها و راه صبرت و رجعت دارها و رجع لها ..و امككك نتي اش صبرت علينا !؟
زاينة: نووضي ديني عند يّْما !! مابغتيش انمشي راسي ..
..الوحم او عناد او ركوب رأس الشباب !! الله يعلم ، نجمة معتابراها بنتها ماشي اختها ، لبست جلابتها وهزات بزطامها و خرجو من الدار متجهين المحطة ..تسناو حتى عمرو البلايص و اقلع الشيفور للخميسات ...
نجمة: ( بهمس ) شوفي هانا غادة معاك ! لكن والله العظيم و ديري شي حاجة فولدك ولا بنتك تا نضرب عليك ...
زاينة: ( شافت فيها بتوتر) ديري لي بغيني ونا اندير لي بغيت ..
...الوازنة اولادها معزة وحدة وتترضي عليهم الرضى واحد ، لكن كل واحد و معزتو ...نبيل هو رفيق عمرها و ونيس عيشتها الصغير نوصير هو لي لي تيجعل كبدتها ترعد و خوف يتسلل ليها اما مغيث هو تاج راسها بعقلو و مريحها الا لاجودان لي من نهار دخل المخزن هزو ولدها وحطو بلاصتو واحد اخر ..مقلق و معصب و مايعاودش لها لا زينة لا شينة ، قبل قليل اتصلت بمغيث لي خبراتو بوجودو الغير مطمئن ولبى طلبها ..
مغيث : ( هاز امير لي لصق فيه ...طالع هو وياه فالدروج ) بابيتوو
االوازنة: ( بابتسامة جميلة) امرحباا مرحبااا بالغاالي ولد الغاالي ..(باست امير ) زيد اوليدي ..كي بقات عروستي
مغيث: ( جالس براحة) حمد الله الواليدة ، شوف بدا يرجع لها ، غير تبعد من اعصاب
الوازنة: الله يجعلها اخر امراض اوليدي و يهز ربي العفو عندو ..
مغيث: امين الواليدة !! ( بهمس ) فينو !؟
الوازنة: ( هزت يدها باستسلام ) والله مانكذب عليك اوليدي ، واش فالسطح ولا اخرج ..منين جا هو ناعس ماصبت نسولو ولا نقرب ليه
مغيث: ( تيحرك راسو ) يكون الخير الواليدة ! راه هو الكبير فينا وعارف اش تيدير ..
الوازنة: مقلق اولدي فوق القياس !! انا راه الا فارق ليا مع خديجة !؟ الرضايا ماهو فالخير معاه ،المرأة حاملة و الوحم اولدي راك عارفو ! الكرش اول طاحت و يزيدها تانية !؟ دراو بحال القصر و البنت اميرة و كلشي تيشعل و بنت الاصل و المفصل ، اش بغى مزال !؟ يتبعها لبديعة !؟
مغيث: (تيسمعها و حاضي مع امير ) كوني هاانية الواليدة ، غير ارتااحي على جنب الرااحة ..( خرج تلفونو و دوز ليه مكالمة ناسمع صوتو) الوو ! فينك اصاحبي !؟
فاروق : ( بالغضب ) اناا عوااريت !! تنشرح لها عير تسمع والووو الحيط يجاوبك و خديجة ماتسمعك ..
مغيث: القضية اش فيها !؟
فاروق: ( بالقلة حيلة) بديييعة !!
مغيث : اش جابها تاني !؟
فاروق: واش هاديك اتفاك معاك !؟ راه شارك الدم معاها ،من نهار ترحلت من تركيا ، وصلني الاخبار ، صونات و عاودات وماجاوبتش !! كنت ناوي نعاونها و فاتحت خديجة فالموضوع رفضت ..سديت الموضوع ! من مور طيحة المرض وصلني اخبار من دراري فلابريكاد تتسول ..ميكت عليها لانها كن بغاات ابنتها توصلها بطريقة او بأخرى ، لكن بنت القحبة مقصود اناا
مغيث: اوا الامور غادة مزيانة ! اش تغير !؟
فاروق: نهار رجعت من كنترول من الرباط دزت الدار نشد رؤيا من طرونسبور ، خديجة تعطلت فالخدمة ..دخلنا الدار حطيت تلفون دخلت كوزينة نوجد لبنت ماتاكل ، صونا تلفون رؤيا تتطير بسلامتها جاوبات !! كانت امها تتكبي تتكول ليها كولي باباك يجيبك الميمة ماتت ..
بديعة: اناا مزاوكة فيك ، الله يشد ليك فالميمة افاروق !! جيبها ليا دباا العزو راه واقف
فاروق: ( تنهد بشفقة صورة امها جاتو على بالو المراة كانت مزيانة و حدودية) انا انجيبها ...
..اقطع تلفون وعطا رؤيا تاكل واتصل بنوصير يجيب ليه طموبيل ، دخل بدل حوايجو و رؤيا كدالك خرجو تحت امام العمارة حتى وقف عليهم نوصير بطموبيل سلم عليهم و مد ليه السورات ، ركب رؤيا للور و اقلع مع الطريق ..
رؤيا: بابا نمشيو عند ماما بديعة !؟
فاروق: ( مزاج تقلب ليه) وووي
..وصل الشاريع فين ساكنين قرب الدار من بعيد واضح ملامح الجنازة و صوت القرآن ، نزل من طموبيل ورؤيا شادة ليه فيديه مع دخلة درب كانت بديعة و اختها جالسين فالدخلة الخيمة تيشدو العزو !
فاروق: ( وقف عليهم مد ليها يديها) البركة فراسك و الله يرزقكم الصبر ..
رؤيا: ( تخلعت و جنازة اول مرة تتحضرها ) مالكي تتبكي اماما !؟
بديعة: الميمة مشات عند الله ابنتي ..
..وقفو شي الناس يعزيو و فاروق انسحب للطموبيل ارفض يشد العزو معاها لانها لا تمته بصلة و اصلا ماعندوش مع البشر ..بقات رؤيا مع امها هازاها فحضنها حتى خرجو امهم للذفن ..بكاو و نذبو و تحسرو لكن الموت وااحدة ..رؤيا بذات غادة جاية فاروق عطاها تلفونو تفرج فاليوتيب باش تجلس ..
فاروق: رؤيااا !! شدي تلفون تفرجي فلابخانسيس ديالك وبركة من جري ، شوية و نمشيو الحاجة ديالي !
رؤيا: ( حركت ليه راسها) واخة بابا شوية...
تمشى هو طموبيل جالس مراقب الاوضاع ، ورؤيا تتفرج و كل مرة تبوسها شي مراة ولا البنت حتى لمحت صورة خديجة تتطلع مع آبيل وجاوبات و اخبرتها بمكانهم و رجعت تفرج ..
فاروق: ( شاف ساعة لقى المغرب قرب ...حسم امر المشي) خليتك هاد الساعة و الله يصبرك
بديعة: ( تتبوس بنتها ) ماتخليهاش عندي هاد ليلة !؟
فاروق: ( شد تلفون و هز رؤيا) لا مرة اخرى ! دنيا مخلطة و داخل و الخارج ..
بديعة: شكرا بزاف !! مهلي فابنتي و ديما واقف فجنبي الا حتاجيتك لهلا يخطيك على رؤيا ؛ لا سماحة للشيطان وصافي
فاروق: ( تيحك وذنيه بملل ) الشيطان هو بنادم ! شوفي حياتك لي تيكرمك عليها الله راه داها ، ديري راسك شي حل و شدي طريق المعقول ..مهم نخليك ..
..طلع فطموبيل تيسب فخاطرو ، ماتتفلتش اي فرصة وتبدا بتودد ...يلاه شد طريق وقال قضية سلكت تا هضرت رؤيا ..
فاروق: ( هز امير باسو ومدو ليه) تحرك دارك ، نشوف اش ندير فحريرة خدمة وعاد نشوف خديجة ..
مغيث: كمل فالبووسط ديالك اصاحبي ! اللهما اجودان دوشاف شاد لابريكاد دخل و تخرج فين بغيتي ولا طلع ادراة يمرضوك ولا تمشي طرطق داك عرق لي عندك مع تلاميذ !
فاروق: ( جلس تيمسح راسو ) داكشي لي بان ليا ،تانخرج تقاعد ولا الا داز شي موجة ترقيات نطلع كولونيل وصافي ..
مغيث: رجع دارك ، راك تتقنط الواليدة ..
فاروق: ( رجع بلاصتو اتكى مغطي ) ضروي !
....فالنص ليل وصلو لمدينة خمسيات ...نجمة غير تتنهد دايرة خاطر ليها ..حومتهم شعبية ما تينعسو ما تيشوفوه ، من دخلو حومة هما يسلمو ...وصلو الباب دقو جوج دقات تافتح الباب ...
الام: ( لابسة بيجامة و عكسة فدار...حطات يدها على فمها تتساآل ) اواش هادو نتوما ولا !؟
زاينة : ( دفعت الباب داخلة ) الله ياربي ..
نجمة: ( سلمت على امها ) ايااه ! هما حنا هادو ..
..دخلت الام متسائلة مع راسها ، جالسين فالبيت جلاس و سلعة شمال من بيجامات و ملابس داخلية وفولارات و ملايات محطوطين تما ...ناضت توجد لهم براد اتاي ، شلوح حقيقن جلستهم عاجلة و آجلة لازمها براد اتاي...
زاينة: ( غير تتحبس فالبكية و عينيها رجعو حومر ) يّْما ! ديك حناية لي كانت كارية عند خالتي مزالة !؟
للام: ( تتشرب اتاي ) فين عندها اتمشي مسكينة !
زاينة: ( بتوسل و طلب ) أيما ماتنوضيش تجيبيها ليا دبا !؟
الام: ( حققت فيها شوفة مزيان و رجعت شافت فنجمة ...دارت ليها اشارة كرشها و نجمة اكدت لها الجواب : حاملة) اوا الوحم العبيد حتى يزيد
زاينة: ( بدموع) علاش تتكولو الوحم !؟ مالي تسطيت نتوحم على الحنة !؟ انا شفت اسماء محنية و بغيت بحالها ( تتوريها فتلفون يدين اسماء) شوفي كي جاتها حمرا و خط رقيق و تتحمق ..
الام: ( وقفت تتقلب على فواطتها جبدت منها تلفون ) شي بااس ماكان ! جات غير فالحنة !؟ نحنيو ليك ...
..حولت الاتصال الحناية و خبرتها تجي عندها ، وناضت الام تنصب طاجين ودخلت معاها نجمة و عاودات لها مشاكل زاينة و قصوحية راسها...جات حناية رونت الحنة و بدات تحني لها ..
زاينة: بغيت بحال هاادي اخالتي !
حناية : ( بخاطر ) ندير ليك احسن من هاادي ..
زاينة : اوهوو !! بغيييت بحال هاااادي نيت ..
حناية : وراه هاديك غير عريشات ! خليني نزوق شي زوااقة تكون ايغوودة ( زوينة )
زاينة: يلاه زوقي نشوف ! الا ماعجباتني نمسحها
...حناية تتزوق لها بالخاطر و العشا تيوجد ..كملت حنة يديها و سقاتها ليها و دارت لها القطن، عاد زاينة تنفست فخطارها و تجمعو على داك طاجين بالمعاودة .....مشات حناية و جلسو البنات و امهم ..
الام: اوا زاينة !؟ مايتعنيت !؟ ( كيف حال ) عگوزتك و عائلة راجلك !؟
الام: اوا ماهنا خدمة اللا زاينة ! سامْحيِّي ..كذبتي كذبة العرس و دوزتها وكذبتي و كذبتي ( تتسول بيدها) فين غادة بهادشي !؟
زاينة: ماااكذبت بوحدي ! هو قالي نعاونك و صدقنا مزوجين
الام: انا ديت شنعة باغة غير فلوس و ديور ! لكن القلب عالم بيه الله، انا حياتي كلها تمارة ضربتها و مابغيتكم تكونو بحالي ،من صغرك عاطية العين و خطاب غادين جاين،انا بغيتك غير تزوجي فين ترتاحي و نهار طرطقت رمانة !؟ ( باست يدها) حمدت ربي وشكرتو طحتي فعااائلة الكبيرة و الجود و الكرم
نجمة: سكنها بوحدها ! لابسة واكلة شاربة ! هو راه خدام مع خوه فلافيراي تيدخل الفلوس
زاينة: سكني بوحدي يشبع فيا ضرب و تصرفيق و يردني بحال خدامة
الام: ازاينة ابنتي راه مايدوم غير المعقول ! والصبر الصبر الضبر
زاينة: درا معاه امي يقريني ! جلسني فدار و نوضني للشقا و الشغل
الام: اوا ماحنا غير مغاربة ! مانسكنو فوسخ ما ناكلو ماكلة زوفرية ، المراة فينا هيا لي توقف على رزقها و محالها ..راه تنعرفم بللبسة المخزن وفدار لالة و مولاتي
نجمة: راه المحكمة تتعرفيها ! سيري طلقي عنداك تنساي راسك حاملة خوه الكبير بنتو والله ماسمح فيها و جدي راسك تولديه و تعطيه ولد الوازنة يجيب لالاك تربيه راكي شفتي خديجة كي دايرة ربيبتها
زاينة: يجيييب تا عشرة !!
الام: لاحول ولا قوة الا بالله ..
__ لي فراسها ، فراسها نوصير مابغات تشوف فيه ولا تعيش معاه، غطاتها امها و دارت جهة الحيط نعست و الام بقات هيا نجمة تيهضرو حتى اينا وقت و نعسو تما حداها فالسدادر
...ضرباتو الفيقة عطشان بعينيه دو رموش كثيفة بدا يفتحهم شيئا فشيء ...جا يدور هو يحس بيها معنقاه من خصرو و غارقة تحت ، هز غطاا تحرك شوية تيحيد يدها يرجعها بلصتهاا تافاقت ليه
نبيل: ماايهضرش معاك ...غير ارتاحي ...( لبس تريكوه و تم نازل تحت مع دخلة بان ليه مكسل و دخل كوزينة لقى كوطوط قهوة طايحة و خرج عندو) خلعتي البنت اصاحبي
فاروق: ( حول نظرو ليه بشوية) اااه مسكينة خديجة ماهازة
نبيل: هيا الا ماطلعش عليك الصباح هنا ! داير لياااا ارهاب فالدار
..مجاوبوش ، دخل نبيل وجد ليه قهوة ، وجد ليه واسماء سندويش و ديسير وطلع لقاها نعست بالخلعة ..كلا بوحدو وتحشى حداها مكمل على نعاسوو ..
نبيل: ( تيبوسها فحنكها) شكون تتخاف ماتحشم !؟ ( ناعسة معنقة راسها) الله يدير لينا لي فيها الخير و يرزقنا من حيث لا نحتسب ..
اسماء: ( فتحت عينيها فيه شافتو و رجعت غمضت) نبيييل
نبيل: ( حضنها مقبلها بقوة) عوينااات نبيل ...
...اصبح الصباح ..شمس باشعتها الذهبية تتدخل بيوت المغربية...كما العادة السيدة المنزل بإمتياز موجدة فطور ملكي لكن الوحم غالب عليها اكثر مقبلات من الحامض..
الرجل انواع ...كاين حدودي وكاين لي جتماعي ولي غير مبالي لا شكون جا ولا شكون مشا...لكن نوعية مغيث ..راحتو وراحة عائلتو اولاااا...رسل ميساج فاروق وكمل خدمتو عادي ..
..قطعت الخط و مشات بيتها جبدت باليزتها وفتحت بلاكار تتشوف شنو تاخد و شنو تخلي ، حاطة يديها على عنقها تتماصي و تاتفكر ..هزات حوايجات لي تحتاج و لاتخوز دو طواليط و فوطاتها ..تادخلت عندها رؤيا تتشوف بعويناتها
رؤيا: ماما اتمشي !؟
خديجة: ( قطعت لها فقلبها ) لاحبيبة نسافرو
رؤيا: وبابا !؟
خديجة: ( شداتها من يديها دخلو بيتها وبدات تجمع ليها حوايجها و رؤيا قلبها غير مطمن ولو صغيرة الا ذكريات ان امها بديعة كل مرة غضبانة بيها ماتتفارقهاش ..
خديجة: ( حطت لها شانطتها ) كملنا ! دبا نلبسو جوايجنا باش نمشيو !
رؤيا: ( دميعات تيتكركبو ليها كي لؤلؤ) فين نمسيو اماما !؟ مانبقاش نجاوب فتلفون اخر مرة ..
خديجة: ( تنهذت بعمق ) لاحبيبة ! حنا فاكونس و باباك مشغول ..( تتجبد لها حوايجها) تللبسي هادو !؟
رؤيا: ( تتمسح وجها ) اه لبسهم ..
..مشات بيتها لبست حوايجها دجين و شوميز بولو رمات عليها تريكو معقود ودارت ماكياجها و ريحتها هزات نظاظرها وتاكدت من صاكها و حاجاتها و دخلت كوزينة هزات حامض شدات فرؤيا خارجين بالباليزاتهم ..
كونسيج: لالة خديجة مساعدة !؟
خديجة: بارك الله اوفيك !غير هز ليا هاد باكاج طموبيل و بالك عفاك مع برطمة انا مسافرة ..
كونسيج : مرحبا لالة خديجة طريق السلامة ..
خديجة : ( مع خرجة من لباب دات نظاظرها و هزت بيدها كونطاكط فتحت طموبيل ركبت رؤيا للور و هيا قدام ..) شكرا بزاااف ( مدت ليه تدويرة )
كونسيج: الله يقوي للخير ..طريق سلامة ...
..ديمارت تتاكد من مازوط و مؤشرات السيارة وديمارات شادة طريق على ايقاع الموسيقى غربية و رؤيا فرحانة تتحرك رجيلاتها ..
خديجة : (اتصلت بصديقة لها فلاجونس اسفار) الو ! آية
اية : اهلا مدام خديجة ! كي عاملة ؟ الصحيحة ، لافامي والله الا مدة هادي
خديجة: حمدو الله حبيبتي !الله يخليك لي لي و يطولي فعمرك ..وايه مدة هادي مع العمل
اية: اوا كلنا هكاك ! تآمريني امدام خديجة !؟
خديجة: بالخير الحبيبة شد! بون انا شادة طريق مراكش نديفولا شويش ، بغيتك تريزرفي ليا فشي اوطيل الله يخليك و يكون داكشي بيان اوغكانيزي
اية: ( تتسمع و تفس وقت تتبحث ) راكي فلاغوت !؟
خديجة : وي !الا بغا الله
اية: كاين واحد كغوب مع تلاثة العشية يوصل مراكش عندهم طخوا جوغ ! فيها سفاري و سوغتي للنواحي اوريكا مولاي ابراهيم خلاص فليل وقتك حر
..
خديجة: سوبير !! انا و ابنتي عفاك شومبغ ومع كغوب مافيا مانبقى تالفة
اية: انا ارسلك فاميل ديالك ريزفاسيون و معلومات كلهم
خديجة: ميغسي بزاف ..
اية: مرحبا مدام خديجة !بصحتك بون فاكونس ..
..قبل مادخل لوتورت وقفت جنب طريق تتاكد من الحجز و تتقرا اسم اوطيل و كروب..مباشرة دخلت حسابها وحولت ليهم الحساب ..تتيق فخدمتهم ..على بركة الله شدات طريق و تتصوك بشوية شادة ليمن و تتمزك ..حتى رن هاتفها غير شافت معدتها تقلبت ..
خديجة: ووووي
فاروق: ( صااااعر ) بررررب و بااااش تيحلفو الرجال و ماااترجعي حتى نرونها !
خديجة: ( تتقلب عينيها بملل مرادها نالتو و صرف رداتو) ديزولي منوع تلفون فطريق
لاجودان: ( بصوت عالي صارخ)القواد لي حبسك كوليه مدام القباج فاروق لاجودان ..
خديجة: ميغسيي ..(اقطعت )
..من داهل الكوزينة الوازنة تاتوجد الفطور .. اما اسماء حلفت لاتنزل خوفا من لاجودان ، نزل نبيل مدوش و مصحصح سلم على الوازنة و تاترضي عليه ...حتى سمعوه تايغوت و يرعرع
نبيل: ( غير تيشوف فيه ...خرج عندو ) اصااااحبي !! غير بارح هضرنا معاك
فاروق: (دخل البيت هز صاكو وخارج معصب) سير تقاود ! بعد مني
نبيل: (متبعو تيلبس سبرديلتو) فين غادي !؟
فاروق: غادي فاكونس ! تمشي !؟
نبيل: دخل هضر مع الواليدة اصاحبي ..
فاروق: ( دخل حمام طرف و غسل وجهو وخرج عند الوازنة باس راسها) الواليدة بخير !؟
الوازنة: ( بشوفات عتاب) طاعة الله اوليدي اتاج راسي !؟ البكر ديالي و بمقام بوهم !مابغيتي تنقص مع هاد العصبية !؟ (حطات يدها على حنكها بصبعها تتسائل) عاد تلقى بحال ديك بنت الناس الا مشات ؟ واحلة فروحها اولدي
اسماء: ( تتحرك راسها بلا ) غير سير نهبط نسيق الدار
نبيل: لبسي جلابتك انخرجو ..
...بعض الاحيان تيكون تواصل عقيم ، زوجك او حبيبك او صديقك او من اقرب ناس ليك ، للدرجة تتحس بيه غريب او بعيد كل البعد ...نفس شيء طرا مع اسماء لبست جلابتها وزيفها نزلت تابعاه وطلعت طموبيل حداه
اسماء: فين نمشيو !؟
نبيل: غير هنا ورجعو ! ديري صمطة !
...من مجيتو من طنجة سريعة ! قرر انه يعمل تحاليل فالمختبر و يرسلههم للطبيب بطنجة ؛ طريق كلها و صمت سيد موقف و هيا تتدور بعويناتها تاوصل مختبر ..
نبيل: ( هز كونطاكط ) انا جاي !
اسماء: واخة ..
..تبعاتو بعويناتها تا داخل العمارة لي فيها مختبر و جلست جيب يا افكار و دي ..
..مدة و هيا فطموبيل خالقة الجو لراسها ، دورة لي ادور لمحاتو جاي ، مشية رجولية و شعرو اسود رطب كثيف عاطيه حقو من زين لابس للباس عادين ماحسات بيه تافتح الباب ..
نبيل: ( شاف فيها ) ماتعطلتش !؟
اسماء: ( قلبها تيضرب 140 فدقيقة ) شوية
نبيل: ( حرك راسو دار صمطة و خرج من باركينك ...شد طريق طويلة متجه لاحدى مقاهي تاوقف امامها ) تفطري ياك !؟
اسماء: ( غير تتدور فعينيها ) وانت اتفطر !؟
نبيل: نشرب قهوة و صافي ..
..نزل منتظرها تاوصلت عندو ، شد فيديها داخلين القهوة لي كانت العائلية جلسو فلاطيراس فوق و طلب لها فطور كامل جبلي و ليه قهوة كحلة و شد تلفون ..تاجاب ليها طلبها ..
اسماء: ( عجبها تقديم الفطور و بقات تتشوف ) زوين هادشي
نبيل: ( تبث فيها شوفة ) يعني تديري لي مسلكك ولي تيكولها ليك راسك
اسماء: ( خاطرها تيكولها : مابغيتش كسوة العيد غير رجعني الدار) آخر مرة مانعاودش
نبيل: ماتعاوديش !؟ اوا بيني ليا ( حرك راسو يتحدي )كوني المراة و عرفي فين تتحطي رجليك و عرفي راسك اش تتروني ! العصا دووزتي سطاجها ، الغوات و زعاف مابقى ينفع معاك !؟ عطيني نتي الحل ! باغة تخرجي و دوري و ديري صحابات و تعلمي و تخدمي ونتي مرة تتباني ليا مطورة مرة ماتتفرقيش على رؤيا
اسماء: ( تكركبو دموع من عينيها و مسحتهم ..) ماشي خاطري تنطيج فالمشاكل ! الخروج و صحابات حاجة عادية فحياتنا ! ماعنديش اختي ولا خويا ولا العائلة ! جلسوني من المدرسة ونا باغة نقرا !
....جالس فلافيراي تيسربي سلعة لي عندو و دماغ عندو زيرو ! دوز ليل كلو فدارو من بعد ما وصلها عند ختها ، صحابو و صلو ليه الاخبار انها خرجت من حومة فليل و مشاو محطة ، فبلاصة اعرف انها زادت الخميسات..
..ابراهيم اقطع تينتظرو واقف تحت دار خليفة و صوت و تيتسمع و الجيران داخلين خارجين عندهم ...للحظات وصل نوصير بطولتو المميزة لابس توني و دجين و سبادريل ..
نوصير: ( سلم على ابراهيم) مبروك زيادة
ابراهيم : ( تيضحك ) فرحتنا وحدة ..( دور وجهو للدار تيغوت ) خليييييفة
نوصير: ( واقف تيشوف فدرب ) اش واقع !؟
ابراهيم: مراتو ولدت فدار! عليها الحومة تكبت
خليفة نازل عاقدهم لابس كلاكيطة فرجلية و طاوي السروال ...وقف معاهم مخيخ
نوصير: ( ضربو ضهرو) امبروك اباا خليفة العزري
خليفة: ( غير تيسوط ) اصااحبي كنت خدااام ! كنت خدااام ليل كلوو دخلت الصباح يلاه جاي نعس مدو ليا الولد فكاشة قالك ها ولد !! ( تيتكلم بعصبية ) ماتسطاش !؟
خليفة : ( طانيسيون تيشنشن) لاااياااه !! جااادي مات الله يرحمو !! انا انذبح ولدي و نسميه محسن
الاب: ( تيشكي دراري) كولو الحق اولاادي !؟ السمية عمر سمية العزيزة و سمية جدوو الله يرحمو وينزل يجدد عليه رحمات
نوصير: ( تفكر جدو ليلة عرسو لي مات) الله يرحمو !! وتفاهمو وصافي
..خليفة فجهة تيخنزر و اباه هاز معاه ضد ...ام خليفة هازة بيبي مخرجاه ليهم مايصلاحش يدخلو على النافسة ..هزو نوصير باسو تيضحك معاه ..كان وليد ذو شعر كثيف و حميمر وعوينات مجبدين
نوصير: ( بحب ) تبارك الله على ولد صاحبي وخوياا (قبلو فراسو)الله يصلحو
خليفة: ( هز يديه بلامبلاة ) تكول كان يعرق عليه ...ماكاين غير محسن ( شاف نوصير) فين حوايج ولد خوك !؟
نوصير: للعشية نجيبهم ليك ..شنو خاصك
خليفة: ليكوش حليب ...راك عارف قضية مزيرة
ابراهيم: نوصير عندو اولادو يعراق فيهم ..جمع كرك
خليفة: كاااينة ...
النهار وصل آواخرو ! من بعد يوم شاق بالعمل مر فطريقو على طعم خدا العشا للمساء و ديسير و بعض الحلويات لأمير و شكولا المفضلة لزوجتو و رجع قاصد بيتهم ....طلع فسانسور مثقل تاوصل الباب دور ساروت يلاه ادخل هو امير مستقبلو تيجري
امير: داادي دااادي
مغيث: ( حط تقضية و فتح ذرعانو ليه ) بابيتووو ( هزو تيبوسو ) توحشتيني ابابيتو
امير : ( تيحرك راسو و تيشوف فميكات) bonbon
مغيث: ( هزة لي يهز راسو للمح لايدي شابة بشعر طويل اسود ملامحها قريبة من غيثة هازة للعبة امير ) سلام
حفصة: ( بابتسامة ) سلام صافا
بشوفة حارة هاز امير داخل وهيا رجعت بيت امير فين كانت جالسة ..دخل تيبحث على ليالي لقاها ناعسة فالبيت حط امير حداها و رجع ادخل التقضية و كل الحاجة ردها بلاصتها و غسل يديه دخل البيت بدل حوايجو و حط يدو على جبهتها لقاها سخونة شوية ..
ليالي: ( تتجمع شعرها لي رجع طولو طبيعي كما اول ) وي !! ( تبعثرت فالحوار) عندها شي انطخوتيان ادوزو و ووو
مغيث: ( بعينيه عسلين عاقدهم متبعها) وي تنسمع !
ليالي: مشات عند ماما الدار و ماكنتش ولقات غير بابا و اذيب و جوبونس نقصو منها وجات عندي وطلبتها ماتقول لماما والو ولا طاطا
مغيث: ( تنهد مزير على شنايفو ) اه دااكوغ !
ليالي: ( بتودد) راها ظريفة و طخي طخانكيل ! غير ايام وتمشي
مغيث: ( هز امير لي تيشدو من رجليه) انا ماقلت والو !
..خرج سيجور فين مولف تيجلس شاعل تلفزة و امير حداه بالعابو و ليالي خرجت مشات كوزينة توجد كوتي تادخلت عندها بنت خالتها
حفصة: صافا شوية راسك !؟
ليالي: وي صافا ! ميغسي رديتي البال لامير
حفصة: مرحبا حبيبة! راه بحال ولد ختي هداك ؛ نعاونك
ليالي: ( بصواب) نو والله غير ارتاحي غير نحط وصافي ...
حفصة : اوك نحط معاك ...
..وجدت القهوة و حطات للوازم لكوتي و سربت طبلة وهيا تتعاونها و جلسو مجموعين، مغيث ماهزش عينو لا فبنت خالتها لا فاليالي ، كمل ماكلتو و هز بيسي ديالو وادخل بيتو ...بقات ليالي و حفصة تيهضرو فمجال الخدمة و المستقبل وماعلابالهاش بمغيث لي مزير الداخل ...
امير: ( جاه نعاس ) مااما دوودووو
ليالي: ( هزاتو تتبوسو) اووه فيك دودو ..
..هزاتو داتو ييتو تبدل بدليه و حفصة هزات طبلة و غسلت ماعن و فتحت ثلاجة تتشوفها مطرطقة من كل انواع و اصناف و كوزينة اخر موديل و البرطمة تتهضر ، تنهدات و مسحت يديها و دخلت الصالون الكبير فين قدات لها ليالي فراش و جبدت تلفون تتلعب تا وصلها مساج
📨: كي عاملة خالتك !؟ شفتي اذيب !؟
قرات ميساج من عند امها و ميقات وجاوباتها منرفزة
📨: ختك ماكايناش و رشيد وقف ليا فالباب هو اذيب وجيت عند بنت ختك ! الناس لي عايشين الالة و مبرعين ! بحال داك راجل بنتك لي فارعة لينا بيه راسنا ، فالعشا يجيب لينا طاكوس وفاضح دنيا ..
..قرات مساج و مشات تشوف كروبات صحاباتها و قصرت شوية حتى نادات عليها ليالي العشا و خرجت عندهم تاضربت فالطبلة مزوقة التاويل و ديسير على انواع و بساطل الحوت صغار و سوشي مشكل ..
ليالي: مرحبا بيك ..تفضلي
حفصة: الله يكبر بيك ( شافت مغيث لي تياكل و منزل راسو) شكرا للضيافة مسيو مغيث
مغيث: ( حرك لها راسو بقبول ) ....
....كملو العشا و ناضت تتعاونها باصرار و مغيث دخل بيتو مكمل خذمتو و دماغو خدام و تيحسبها من كل جوانب ، تادخلت ليالي وجلست حداه
...قبل اربع ساعات وصلت المدينة الحمراء ، مدينة سبعة الرجال اولى سياحيا ، شكون لي مايبغيش مراكس و الناس مراكش البهجاوة و تقاليد و مراكشين و اكلاتهم و كرمهم ...وصلو اوطيل و شدو غرفة ديالهم خدات دوش هيا رؤيا لي ماتتزيد تطوال و شعر تيشد بزعورية لبسو كسيوات موردين و طلقو شعورات و خديجة ضربت ماكياج للوجه و رشت ريحتها و لبست اكسسوارت ديالها ..نزلو ريسطو فالجهة خلفية من اوطيل فالجردة بمنظر خلاب و نسيم ربيع معطر بورود الجردة ...
..مشات رؤيا تتجري وقفت تتبوزا وخديجة تتصورها و ناضت تتصور معاها و السياح لي داز من حداهم يبتسم ليهم ....ضربو دويرة فداك الجردة وغير تيتصورو وضاحكين ..تارجعو جلسو بلاصتهم و جا ناذل خدا طلبهم
ناذل: اهياااوين اصحابني شي جاكلين ..( فتح ذرعانو مستعدللرقصةمراكشين) امرحباا و الف مرحباا و مرااكش كالو بعيد و مراااكش كالو بعيد ، فيه النخلة و الجريد ايوااا يوااا ...
خديجة: ( عاجبها الجو و نشاط .مد لها موني تتقرا) بغيت طنجية دجاج مخضرة بالحامض و عصير الحامض و جبانة حامض مصير ولابنتي نوكيت شيكن
ناذل: ( نحنى طلبها) كلشي واجد و مرحبا و بالطريق لي جابتكم
....على ايقاع موسيقى بهجاوة كانت بصوت دنيا بطمة بقات تدندن معاها وطالقة انسطا تصورو تحط ...
...على مشموووم خواتااتو
على سواااط عيالاتو
على عشاااق صحااابتووو ..
ناذل : (تيحط العشا بنشاط ) مرحبااا و بصحتكم و هاا الحامض مراكشي ! باش تآمر لالة
خديجة: بارك الله و افيك..(ذاقت طنجية و هزات يديها تتشالي من المذاق) الله
ناذل: هداا هو مطلوووب !! مذاق بهجاوي
...الجلسة العشا ريحت اعصابها و رؤيا اطير بالفرحة و تتاكل بالراحة و تارن هاتف خديجة طلت عليه بان لها رقم فاروق
خديجة : و الله لاجاوبتك ..
رؤيا: بابا ايجي !؟
خديجة: تلا تعطل احبيبة من هنا الصباح
رؤيا: ( تتضحك ) تتاكلي الحامض بزاف اماما
خديجة: ( مطقات فمها) باين العربون الحبيبة الا بغى الله شي حويمض بحال مول الشي ..
فاروق: ( باس رؤيا فراسها بحب) تونس اختها و يكونو عندي تلاتة البلارات مضوين داري
خديجة: ( تتميق) وعلاش جاي !؟ علاش تابعني ؟ باش عرفتني انا هنا ؟
فاروق: ( زير على سنانو قرب عندها و حرك لها راسو باش تقرب تسمع ، عطاتو وذنها و نطق بهمس بالباحة رجولية) تابع رزقي ! على هاد خصلة اتباتي هازة رجليك
خديجة: ( بعدت مزنكة ) احلم ! شومبرة فيها انا و ابنتي
فاروق: ( دور وجهو تيشوف يمين و شمال وشاف الجو) هاد برتكول اوطيلات و قهاوي و تناوي الفين ماعنديش معاه (هز صبعو بامر )تهزي تجمعي قشك و تحركي قدامي ، فاكونس لاجودان عاد يبدا
خديجة : ( تتلعب بسنسلة و تتجننو) باغدووون !نخلي اوطيل و نزاهة و نمشي معاك الخلا !؟
فاروق: ( هز تلفون عاد شاف فيدو تتغني ) انا هو عشاق صحاباتو ...
...طلب راسو العشا طنجية للحم الجو بيناتهم كان مكهرب هو بنظراتو و هيا بتعفارها ، اما رؤيا شبعت غير للعب و تنقاز و ضحك ، فاروق للحظة اسهى بالزمن وراء ، تفكر ايام المشاكل مع طليقتو لي كان تيقول محال يخرج منها ..شحال كان يطلب فيها تهز رؤيا و تخرج تبدل الجو هيا وياها ، اعياد و مناسبات مرو عليه داخل لابريكاد تيأدي الواجب وتيدخل الصداع من الباب...ماخرجو من افكارو غير خديجة لي تتكلم فتلفون و تتضحك ..كلان مصواب و مهدئ و سنينات مستفين و عنق مثل الغوال ممشوق و اصابع مصبوغة تيحمقوه
....سلمت امرها لله وطلعت مع رؤيا شومبرة ....من بعد ما خلص هو العشا وشد الفاكورة تيشوف ثمن زايد واقف تينتظرهم
فاروق: القوووادة هادي ! سرقة عاين باين نص سميك نتعشاو بيه ( جمع فاكتورة رماها) هاعلاش ناكل فالخلا ماناكلش عند هاد ولاد قحاب
..بقى منتظرهم تانزلو عندو، واقف تيشوف تتيز داخل خارج ، عينيه ماتحيديهمش ليه يشوف و يعبر و يهندس ..تا دازت واحد دوزيام طراكس تتلوز و غمزاتو
فاروق: ( حك راسو مدور وجهو جهة اخرى ) نجلسك على زبي ماتنوضي بحال قاعة لنتظار ..
خديجة : ( زادت عليها جاكيطة و رؤيا كدالك جارين بالزهم ) سي بون !
فاروق: ( دار عندهم شد بالز ) اري داك كونطاكط لهنا اري
خديجة: (مداتو ليه) السكنة قريبة !؟
فاروق: (غادين وصلو طموبيل و حط باكاج فطموبيل ) ياك باغة غير مراكش !؟
خديجة: ( ركب القدام ورؤيا للور هو ركب مديماري) ضرب بينا شي دورة !
فاروق: ( اشار لها راسو بموافقة) مراااكش ياا غولة ..
خديجة: طوووب هاد مدينة جولادوغ
فاروق: ( تيشوف فشوارع وهضر باشمئزاز) مدينة شوهوها القحاب بلاد والقاوادين و سماسرية !
خديجة: ( تتحملش تسمع سياسة ) اوا صاافي لا تنكدش عليا
...فضل الصمت و ضرب بيها دورة كما بغات حتى شد الطريق للسكنة خارج سونطر بكيلومترات ...وصل نزل تيتصل بهاتف حتى وقف عندو ولد بالموتور عطاه سوارت و فتح الباب شاف الدار، كانت فيلا صغيرة من السكن الاقتصادي دخل وشعل ضواو و تاكد من كلشي و نزل طلع باكاج و عاود نزل هز رؤيا لي نعست و خديجة معاه بجنبو تتكتشف للمكان ...
فاروق: ( من بعد ماحط رؤيا فبيت ) كي جاتك !؟
خديجة: (تتحيد جاكيط و نظرها مشتت فمكان) صافا ! Pas mal
فاروق: ( تاكد من الابواب و شدها من يدها دخلو بيت نعاس و دور عينيه فمكان ربما تكون شي كاميرا تا تاكد من كلشي وضار عندها) البلارة ! شديتك ولا ماشديتكش
خديجة: ( بتسمت ليه ابتسامة صفرا و فتحت باب بالكون تتشم للهوا تاشدها من خصرها معنقها ) فاروووق
فاروق: ( دخل راسة فشعرها و تيبوس عنقها) تجربي فبالكون ( تتضارب معاه دخل) ديريها من الصباح
خديجة: (تتشوفو تيسد بالكون) شي حاجة من غير سكس ماعندكش !؟
فاروق: (تحيدي قميجة )كاااين الحوا مغربي ! كاين شي احد تيشبع من الحلوة
خديجة: (تتهرب منوو ) مافياااش !عيااانة
فاروق: ( قرب شدها بسيف حط يدها على عنقها و تيمص شفايفها بقوة و للهفة) شنوو ضاارك نداويك
خديجة: (ريحتهو تتلفو ) فااارووووق ...تاغدا بليز
فاروق: ( شد صباعها تيمصهم وحدة وحدة تا بقات ترخى وتعراق) وضروري غدااا وبعد غدااا و بعدووو ..( جر الكسوة تيحيدها) شكون عندو شكلاط بيض ذاايب
خديجة: ( مافهماتش فوقاش عراها هو كدالك مزال واقفين ..) تضحك عليا بجوج كلمات ..سلكوووط مع راسك
فاروق: ( هزها عندو متملكها بحضن ملتهب ) سلكوط وعااجبك و تتموتي عليه و اولادك معاه
خديجة: ( ريق تجمع فمها متشوقة قبلتوو جراتو عندها تتفلورطي معاه هو مبادلها بكل جاورحوو...نطقت تتنهج ) تانت تتموت عليااا
فاروق: ( جر لها سليب و تيحاول يجسلها عليه و هيا تتآوه بجهد) اوبلااا ..( دفعو تا كانت اترد) شكووون جاي مراكش بلا خباري
خديجة: ( بقوة ما ألمها طارت تتعضو فكتفوو تا طلق اح شاعلة) شكون لي مامعتبرنيش
فاروق: ( قلبها تحتو مهاجمها بالإيلاج قوي و قبلات حارين) شكووون لي طلعت كرااد فتقحبين مع راجلها !؟
خديجة: تربيتك ...
فاروق: ( شعل معاها بضربة مؤخرتها زادت نشوتها و دواها نفس الوقت بقبلة جامحة و رجع بوجهو امامها تيلهث) الا خطتيني نتي !؟ نحماااق كثر من الحماق لي فيا ...اخديييجة
...نص نهار كلو مع السخرة و جيب هادي ودي هادي ....اصرت عليهم قابلة يهزوها طبيب يكشفو عن حالة و حالة الرضيع ..وصلهم نوصير بطموبيل و طمنو عليهم ورجعهم ..و خليفة رجع احمر و غير تيعطس البرد ضربوو ..جالسين فالقهوة تيرتاحو ..
ابراهيم: خاصني ندومندي على واحد نص وداد النص لاخر الرجا ..
نوصير: بعتي الماتش اصاط !؟
ابراهيم: حقوق المرأة ...
...جلستهم تتطوال و تطوال ..فرقوه حتى نص ليل ..نوصير دخل دارهم طلع بيتو فالسطح تيحاول ينعس ولكن زاينة مخربقة ليه دماغ ! هز تلفون تيشوف فبروفيلها اخر مرة دخلت بارح ...ضرب فتصاورهم فمراكش و تفكر اليام ...مرات تيقول هادشي مامسلكش و مرات تيقول نزيد نصبر ربما تنزل شوية ...رمى تلفون و تلاح ينعس ...
نوصير: ( عيا يتقلب و يعاود ) يلاااه لا نعاس لا رااحة ..الله ياخد الحق
هز تلفون ودوز الخط مكاشي نمرتو صونا بزاااف ...عاود تصل تا جاوباتو بصوت ناعس
زاينة : الووو
نوصير: ( تيسمع صوتها ناعس هو يقطع) تنعسي ماتنوضي ...
...اصبح الصباح و الحال بدا يدفى و الشمس تتشرق ساطعة ..فاق على صوت تلفون تيرن مرارا و تكرارا مد يديه جاوب مغمض عينيه
حط تلفون و دخل الحمام لي فالسطح مدخل معاه فوطة وخدا دوش يصحصح ..عضلاتو مانتزيد تتقوى مع سنين و مفتولين مع طولة لاطاي مخدومة ..خرج ملوي على خصرو فوطة و لبس حوايجو توني خضر الرجا و رش ريحتو و لبس الباقي...نازل فدروج تيقاد شعرو مع زليج فالحيط تيبان بحال مرايا تا ضرب فيها
..فتحت باكية و شربت حبة و فعقلها فكرة وحدة انها تغلاض ، منظر البنت لي سلمت على نبيل بارح و فرحانة بطايتها شعل فيها عوافي ، منين رجعو و هيا مريضة فعقلها ...باغة تغلاض تاهيا و دير مؤخرة و الصدر و طوال ، نزات تتطيب الغدا و تتوجد شلايض ماكملت نص الساعة مكانة تاراسها تقال و عينيها تيتسدو وحلقها شحف ...طفت بوطة هادشي لي عقلت عليه وطلعت فوق تترمى الخطوة فالفراغ ماحست براسها غير فوق ناموسية تتستعد للنوم و تتفكر حوار نبيل بليل ...
🔙🔙🔙
اسماء: (دخلت بلاصتها ).شكون هاديك سلمت عليك !؟
نبيل: ( عينيه فتلفون) بنت حومة وصافي
اسماء: انت مولف تسلم على بنات !؟
نبيل: ( ضربها لها يتخنزيرة) صمت
..اسماء دارت جهة اخرى تفكر و تعاود ..احساس مؤلم فخاطرها و تيخبرها ان ديك البنت هيا صاحبتو القديمة ولي نجمة كانت تتوصل الاخبار ..نزلت عينيها لجسمها ، لاحظت انها ضعيفة لا مؤهلات لا منحنيات ..هزت تلفونها لي رجعو لها ورسلت مساج سوكينة فنمرتها جديدة
📨: سكينة شنو سمية ديك لعيبة لي غلضت بنت مولات الخبز
أولاد الوازنة الجزء 23
محتوى القصة
التنقل بين الأجزاء