...راكبين فطموبيل وخليفة حرام واش بغى يسكت من الهضرة ؛ ابراهيم صابح خدام و نوصير وحل فخليفة ، دازو لسطاسيون غسل طموبيل و عمر مازوط ..
خليفة: اصاااحبي تلفت و حق الله
نوصير: ( تيشوف واش غسلو طموبيل و تيضرب روايض برجليه ) مالك اصاحبي تتشكي بالعكر على صباح!؟
خليفة: نهار اسبوع ايجي برمضان !؟
نوصير: ذبح بنهار السمية و ليل دير صدقة و جمع وطوي
خليفة: داكشي لي كاين ! راه مشيت نحطو فحالة مدنية طلبو مني ورقة طبيب
نوصير: راه الولادة فدار فيها خطر ..انا نشوف مع مغيث يدوي مع صاحبو خدام فهاد بوسط
خليفة: الله يرحم الوالدين ..يحط الخياري محسن
نوصير: (ركب ديمارا طموبيل و خليفة حداه ) تكذبان هههههه ..الله يصلح اصاحبي
خليفة: امين و ليل ناخد لها الدوا ! براكة عليا واحد ماتنتخلص عليهم ماوالو
نوصير: ( ضرب دورة واقف امام عمارة مغيث) تسنى هنا
خليفة: (خرج راسو تيطل) ناس سكانين مع رااالسهم
نوصير: قول اعوذ برب الفلق ...( داخل العمارة ركب فسانسور تاخرج فباب برطمة و صونا ..تاتفتح الباب) سلام ختي ليالي صافا !؟
ليالي: ( بلطف) صافا حمد الله ! انت كي عامل مع العمل !؟ زيد ادخل انوصير !
نوصير: ( بامتناع ) الله يحفظك اختي و يكبر بيك ، غير عطيني المسائل لله يجعلها فميزان حسناتكم
ليالي: ( فتحت الباب باصرار) دخل ! حيد من الباب حشومة اخويا ..
نوصير: ( دخل وقف فالدخلة ) فين اللبطل عمو !؟
ليالي: هاهو مع ماكوزين ! ( دخلت بيتو تجيب ليه حوايج ) اميرر ها عمووو جاا
امير كان فالصالون مع حفصة هيا تتقاد شي وراق باغة تخرج هو معاها، غير سمع اسمو خرج تيجري بيجامتو و بانطوفة ، غير شاف نوصير مشى تيجري عندو ولو قليل فين تيشوفو الا تيعقل عليهة
نوصير: ( هزو معنقو ) عمووو !!توحشتك اعمووو ( تيقفزو فوق و امير تيضحك) كبررر امير تبارك الله
ليالي: ( تتحط ليه حوايج ) وي قرب يقفل العام ! هاهما حوايج ( بسؤال) تبغي لابوسيط و مشاية لي جوي !؟
نوصير: ( تيهز حوايج ) لي عندك اريه اختي و شكراا بزاافة
نوصير : (من الباب صواب) ختي ليالي غير ارتاحي انا نوصلها! شكرا بزاااف ولهلا يخطيك
مع الكلمات الصواب من ليالي و بكا امير لي بغى يخرج، نزلز بجوج فسانسور وحفصة غادي تاكل نوصير هو حاس بيها لكن ميك ..خرج للطموبيل حط صيكان ورجع دخل عندها نزل معها ومعاهم سانديك هزو لابوسيط ومشاية و بانيو فين كانو تيغسلو امير هو صغير
نوصير: (مع خرجة صفر خليفة يجي يهز على بنت ) تحرررك ..
خليفة: ( فرحة بحوايج ولدو) ارا اختي عليك ..
.نوصير: ( تيحك حاجبو ) ركبي اختي نوصلك ! فين غادة
حفصة: ( مدات ليه لاكارط فيزيت ) لهاد لادغيس !
نوصير: (قراها ) نتي بنت فاس !؟
حفصة: وي من فاس ..
نوصير: متشرفين اختي ومرحبا بيك ، ركبي ..
..ركبت القدام و خليفة رجع للور مع باكاج ، ريحتها ملأت السيارة و خليفة تيطلع و يهبط فيها وحاضيها تاتشوف فنوصير ، تاوصلها عين مكان و شكراتو مع بتسامة جذابة ..
حفصة: ميغسي بوكو و الله الا نقذتني اول نهار ليا ماعارفة منين نمشي ولا نجي
نوصير: ( بصواب ) مرحبا اي وقت ..تلفتي ولا شي حاجة نعاونك
حفصة: لهلا يخطيك ! الا مافيهاش حرج ممكن رقمك انحتاجو والله
نوصير: ( جبد تلفونو جبد رقمو) هاهو اختي !
حفصة: ( صورت سكرين ) ميغسي ..نخليك دبا ...
خليفة: ( نزل ركب القدام) تاشكون هاد غريبة بلوز !؟
نوصير: ( تيتنهد ) من نساب مغيث
خليفة: اااه فااااسة ! مالها حاضياك ؟
نوصير: ان الله جميل يحب الجمال
خليفة: ( حرك راسو بفهم و رجع شاف فيه متعجب) تافينا هو الجمال !؟
نوصير: ( تيصوك مركز مع طريق) بسيف حمار بحالك اش يفهم فزين ( تتهز عليه) طولة و تجريدة و عضلات
خليفة: ( خرج كرشو تيسوط) اهم شيء للاخلاق ...
كملو طريقهم للحومة نزل مع خليفة حوايج و نزلت امو تتشكر نوصير و ترسل شكرها و امتتنانها لمغيث ، ركب طموبيلتو و رجع لافيراي يفتح الكراج يخدم على رااسو ...
... ليلتهم كانت حمراء بمدينة الحمراء ، فاق فاروق على تخرشيش رؤيا لي فاقت اولى ..لبس حوايجو وخرج عندها مغوبش بنعاس ..
....لبست بينوار و تتوجد حوايجها، خرج هو تيلبس حوايجو ودخلت موراه دوشت لبست حوايجها..
فاروق: جمعي حوايج نزيدو بلاصة اخرى !
خديجة: ( تتقاد ماكياج) يا قلتي ليا نبقاو فمراكش !؟
فاروق: ( خارج تيهضر) راه هضرت معاك ولبسي مزيان نتي رؤيا
...بقات تتشوف قاعدتو هيا هيا ،مايصرحش بالوجهة المقصودة ، لبست دجين وبيل خفيف و جاكيط جلد و لبست رؤيا كدالك جمعو حوايجهم خارجين لقاتو تيهضر مع عساس فيلا و ركبو فطموبيل ..
خديجة: فيا جوع !
فاروق: ( تيمشط شعرو بصبعانو) مرحباا لالة ..
خديجة: بغيت عصير حامض بالفريز ولا فخومبواز ...و حرشة بآملو
فاروق: ( حاضي مع طريق تيسمع لها) كولشي نوجدوه ..
..وصلو القهوة و نزلو يفطرو ، خديجة غير تتطلب و تعاود و فاروق عاطيها الخاطر ، ورؤيا غير لاصقة فخديجة ...كملو فطورهم و شدو طريق .... خارج مراكش نواحي إقليم اوريكة ، طريق بجبال عالية تعانق الطبيعة الخضراء في كل وقت...بمسافة كيلومترات وطريق كلها فيراجات شبه خطيرة وصلو منطقة مسماة #سيتي_فاطمة ، منطقة سياحية بامتياز دخلو المنطقة كلها مناظر و متاجر للبيع الفولكور امازيغي و مطاعم و اصحاب فواكه
خديجة: واااو على مناظر
فاروق: ( تيصوك بشوية و تيتمنظر) احسن منطقة طبيعية فيها شلالات بزاااف ..
فاروق: ( هز يدو سرباي جاي تيجري ) واحد طاجين بالخضرا ودجاج او واحد بدجاج والحامض وزيتون ( شاف رؤيا ) شنو تاكلي ابابا !؟
رؤيا: ( تتفكر ) بغوشيط
فاروق: قضبان شوا ومعاهم الفريت و الما ..
سرباي: مرحبا سيدي ..
..داز الظهر فالعصر فالمغرب لاحق عليه و البنت نعست على جنب واحد ماتحركت ..دخلت الوازنة عيات ماتعيط دون جواب ، ظنت انها خرجت مع نبيل ، كملت الغدا بطياب و رجعت مشات عند جيران تأدي الصواب لي شي جارة خرجت من طبيب ..
المنزل يسوده الهدوء ..وصل الدار بعد نهار متعب من العمل هو الباب و الوازنة الباب
اسماء الكينة كلخاتهااا ، نعست اكثر من ستة سوايع بحال مانعسات والو، تتحس راسها تقيل و المعدة تتدور فالخوا ...هزهاا بشوية حطها فالحمام امام لافابو تيرش وجها و تيغسل وجها ...
نبيل: اسماااء ! شنوو تيضرك !؟ راسك تيضرك !؟
اسماء:( غير تترمي راس ) فياا جووع
نبيل: ( تلف معاها ماعرف مالها خلاها تتطيب فطور جا لقاها مسهطة ) قادرة تنزلي ولا نطلع لك !؟
اسماء: طلع ليااا ..
..يلاه نزل رجعت تكوخت بنعاس ، طلع لها طبسيل فيها اللحم بالجلبانة و القوق و خبز و شلاظة روز ، و الوازنة غير تتشوف مابغات تسول ..طلع بحالو فوق حط لها ورجع تاني يفيقها، غير شافت ماكلة طاحت عورة ماجا يدخل يغسل يديه ويخرج تالقاها مسحت طبسيل ..
نبيل: ( شاد الفوطة متعجب ) مزال فيك جوع !؟
اسماء: ( عينيها ماتتقدش تحلهم ) اااممم
نبيل: ( سلم امرو الله ، ماعرفش مالها ، واش مرض ولا شي عجب تاني دارت بيه ..) انا غادي نجيب ليك ماكلة
....جلس مطولا معاها وفاخير طلع فوق ..طلع عليها لقاها ناعسة تنهد ودخل يدوش ...
... كما العادة خرج من الخدمة وتصل بيها خبرها انه يمر لاصال يديفولا شوية و طمن عليها وعلى ولدو ...دخل لاصال ضرب فيه ساعتين لونطريمون دوش و لبس حوايجو وخرج مع صاحبو مروان يتقهواو و يتعاودو شوية ...الوقت تيمر و الدخلة الدار رجعت تاتجيه تقيلة
مروان: نوض اصاحبي عند ولادك ( تيشوف تلفون مراتو تتصل ) مراتي شوية و تخرج تبعني
مغيث: ( تيشرب عصيرو) اودي فاش ماتتلقاش راحة فمحالك ، تتبقى تلف من هنا لهنا
.....جلستهم طولات و حديثهم على عمل و طموح ..اما ليالي بدلت لامير ليكوش وحوايجو و دخلاتو عند مغيث لي شاد تلفونو تيلعب حداه
مغيث: ( عينيه مع تلفون وعين مع امير ..تاشافو مشى ماكياج ) ليالي جمعي ماكياجك واي حاجة خطر عليه ..
ليالي: (بتعب ) عيت مانجمع ...(جمعت كلشي و حطاتو فبلاكار ) وبقى تسد معاك حمام راه تيدخل ليه
مغيث: ديري بالك معاه ! ماتيعرفش بين مزيانة و خايبة ، وجدتي العشا !؟
ليالي: وي !عاوناتني حفصة ..
مغيث: ( سرطها و دوزها ) سي بيان ...
..تعشاو و غيثة غير تترحب بحفصة و امير مصدعهم ، ناضت حفصة جمعت طبلة و حطات معاعن فلاماشين و مشات صالون بلاصتها وشدات تلفون دخلت تتطير لبروفيل نوصير اتحماق مع صورتو بتوني رجاء ..عجبها بزاف ونهار كلو تتفكر فيه ..تجرأت و رسلت ليه مساج فواتساب
حفصة: 📨: dima raja 💚💚
..كان جالس مع اصحابو فالقهوة تيتفرج فالماتش تارسمع مساج هو يضرب فنمرة بلا سمية ، دخل بروفيل حاطة صورة خطيرة ليها و عرفها ..
نوصير: 📨: Allah ye3zek
....من مدينة خميسات الصغيرة من داخل ازقتها الشعبية و ناسها الكرماء ....من نهار جات عند امها و هيا غير شادة سداري فالصالون و حاطة يديها على حنكها،
تتفكر و تفكر و تفكر ..
الزواج بالنسبة لبنات الوقت بنسبة عالية هما انواع ، نوع تيصبر و تكابر لاخر رمق فالعلاقة زوجية و النوع شعارو يلعن بو الحياة ويكملوها بتعزيز الشعار
ماكان الزواج الا كان الطلاق ....لكن فحالة زاينة لي هازة روح فكرشها و مزالة حتى حنة العروس مانقشاتها و فرحة العرس ماشافتها ، تتفكر و تعاود تتلقى راسها مشاركة فهاد زواج السريع ..
الام: نوضي آيْلي ( صغيرتي ) نخرجو سوق ؟
زاينة: ( هزات فيها عينيها ماتعرفيها ضاحكة ولا العكس) فين ابنتك !؟
نجمة: ( دخلت تتمسح يديها) توحشتني !؟ تكعدي يضربك الهوا
...ماجاوباتش و هزات عباية ختها لبساتها و طلقت شعر وعاودات جمعاتو ولبست صابو ، امها بوقفتها الكادة تتطلع فيها و تهبط جد معجبة بزينها تتفكرها فامها الله يرحمها بزينها و وقفتها ..خرجت هيا وامها من الباب و كل عشر خطوات يحبسو يسلمو بدافع الفضول
اهلا زاينة كي درتي لباس ، اوا قرب شي العرس !؟
واش زاينة هااادي !؟ ضعافيتي و رجعتي صفرا ماجاش معاك جو البحر ..
...اسئلة تتزيد الطين بلة و تتخليك تصيح فوجهم باعلي صوووت : دخلوو سوق رااسكم
زاينة: ( زايدة بغضب) زيدي و الله لاسلمت على شي قحبة ، مالهم تيصرفو عليا !؟
الام: الله يهديك ازاينة ! صحابنا و احبابنا و جيرانا ، نيت تعرفي المراة لي تتخرج من الدار راجلها بلا خاطر ماتلقى لي بغات
زاينة: (تتهز يدها بغضب) سوووقهم !؟ نهار كنت تنترمى نكمل قرايتي مالهم ماجاو يدقو عليك و يسولو اش خاصني !؟ منافقين ( تتهز صبعها بللوم) ها علاش باغة نضرب كرفي و نخرجك من هاد خميسات
الام: ( تتدوز اليد على يد )تسليم الرجال البلاد
زاينة: مسلمين ! خميسات مدارت والو ! هاد منافقين بي يموضو قبيلة ..
الام: (وقفت على مول تمر ) اشحال تمر !؟
مول تمر : ( شاف زاينة تلف على قبلة) باش بيتي الحااجة ( مد زاينة وحدة) ذوقي الحلاوة
زاينة: ( داك العسل تمر و يديه ملحين بيه نوض لها قلبها) صايمة
مول ت: الله يقبل
الام: وشحال اهيا !؟
مول ت : هدا ستمية و هدا سبعمية وهدا الفريال
الام: لله اش هاد الغلا ...دير ليا جوج كيلو ديال ستمية وعبر ليا حاجة مزيانة ..
مول تمر تيعبر و زاينة تتحك من داخل ، تتمنى للحظة لي تعمر بزطامها و تقضى للمها و تهنيها من تمارة بيع و شرا ...تقضات لي خاصها و وقفو عند مول شباكية و هيا تشم ريحة الفول تايطيب شداتها بكية
زاينة: ا يّْما ابااون ( تتكولها بلهفة)
للام: (تتخلص الولد ) نشريوه و نطيبو فدار ( تاتشير لجهة مول فول) راه جديد
زاينة: (تتهضر بهمس ) نموووت الا ماكليتووو ..
الام: ( دارت يد على يد فوق كرشها ) اوا ها الهبال ...
الولد فهم البلان دخل الداخل يعبر لها حلوى و خبر الخدامة عندو على بلان وعمرو لها طاسة وتم خارج تيضحك مد ليها طاسة وامها حلوة وشكروه ودعاوه معاه ..زاينة طريق كلها وهيا تتحسب خطوات فوقاش دخل الدار وحلت ديط طاسة وجابت لها امها الخبز و تااتاكل و تبكي بدموووع
نجمة: ( عيات ماتشوف فاخير تتبكي معها) ومالكي دباا
زاينة: ( تتبكي تااتبكي و تتشهق و تاكل داك الفول وتمسح عينيها لي رجعو حومر ) ماعندي زهر
...بكات وبردات و نعست بعبيااتها ، الام هيا لي تتهز الدقة فالضراء قبل السراء، الام ولو تقوى شخصيتها و لو طريقة الحب و تعامل و تربية تتعامل تابقى الام ام ...دخلت الكوزينة هيا نجمة تيقاضو التقضية ..
نجمة: اوا ايما ! شنو المعمول !؟
الام: (بهمس حبست عن حركة و تبثت شوفة فنجمة) نتبعوها فهبالها !؟راها تتوحم ونص عقلها غايب ،دوزي ليا الوازنة نهضر معاها
نجمة: ( وقفت تتحسبها)شتي الا عيطتي خالتي الوازنة اتلقاي مافراسها والو ، و اولادها ما تيخبعو عليها شنو ماكان حتى طيح الفاس فراس ..
الام: هيا اش !؟ تجلس هنا دمعة وخنونة و حسبتي لها البارح راها بقى لها عشرين اليوم تلت شهور ، اوا !؟ تاتولد ! يكذب عليك الكذاب لي يكول ليك الراجل تيحزر وهيا باغة تخرج ، تيحزر لي لي نيت عارف الا خطاتو يضربوه الحيوط اما هادي راها تهرس عليه الحيوط بنتي و عارفاها ، شوية تبكي و شوية هيا تبكي
نجمة: ( بهمس) عيطي ليه هو ( بغات تهضر و حبساتها) راه ولد الناس و ظريف وباغي بنتك ! هيا لي الله يهديها
الام: ولد الناس عليا بالتقار ! هضري معاه نتي ..
نجمة: ( حطت يدها على حنكها) اوا لاش !
...كملو شغلهم و نهار تيجري ، سيدنا رمضان ايام قليلة و يأتي؛ الصغير و الكبير تيوجد و المسكين حالو عام بيه الله، العين تاتشوف و النفس تتشهى و الجيب تيقرر ولكن الرزق بيدي الله، فاقت من نعاس وطلبت من مها توجد لها الدوش ، وهزات الحنة و شي عشوب وخطاتهم و دخلت تدهن صحتها ، و نجمة نتهزت الفرصة و هزت تلفونها لي بلا كود و هزت رقم نوصير و طلعت السطح ....
نوصير: متافق معاك ! درت لي شفتو لي صالح لينا بجوج ، هيا راسها قاصح و ماتتسمعش ومابغاش تعلم لي ينفعها ، اما كلتش لها و الله لا عتبتي فيها !؟ ولا قطعت عليها الضو و الما ! سكنة و سكنا بوحدنا مايسمع احد غواتنا ، العرس و خدام عليه ، راها حتى انا يلاه بديت فالخدمة ، باش نقريها و نسكنها و نوكلها و للبسها بزاف عليها
نوصير: ( كمدها )الله يدير لي فيه الخير و شكرا اختي بزاف
.....حط تلفون فجيبو و ربع يديه سارح باحسن خبر وصلو ، رجع بيه شريط الذكريات تفكر ايامهم فمراكش و منين رجعو هما فشد و القطع، عمرها كالت ليه اولويز ولا فيا العادة شهرية ..احسب بصبعانو طلعت شهرين ..
نوصير: ( خل تلفون تيشوف تصاورها ) طرررتي تاا طرتي و جبتها ليك فدقيقة تسعين ..خلاوها الجراد لا تقلب الصفحة حتى تقرأ السطر الاخير ..( عض على شنايفو و انشقت ابتسامة ساحرة )
...من بعد ليلة مريحة ليهم فرياض نامو فاحضان بعض و رؤيا وسطهم لان حست بالمكان غريب و اصوات انهار تتسمع فالليل ، فاقو الصباح وافطرو فطور بلدي ...وناضو تاني يدورو
فاروق: ( ركب فطموبيل حاط صبعانو على فمو مركز فتلفون ) ....
خديجة: ( تتفقد صاكها تاشفاتو ساكت) ما الجديد !؟
فاروق: ( دور لسانو فمو تيشوف قدامو) ليلة الا كتاب نكونو فدار، غدا خاصني نكون فالخدمة و مع رمضان نيت الوقت تزاحم
خديجة: ( زفرت بقلة حيلة) بقات ليلة افاروووق !! ليلة
فاروق: ليلة افاروق !؟ صافي راه هضرت ( فتح الباب ) انا نجيب حوايج ..
..دار نظاظرو غادي يجيب بالز و يشوف مع الاستقبال ليلة لي خلص ، تيسوط و تيتفكر سربيس لي يرجع ليه.....فك المشكل وحط البالز فكوفر و ركب مقلع شاد طريق و خديجة تقلقت شوية
فاروق: ( حاضي طريق و تيشوف رؤيا قناطانة)رؤيا مالك ابابا !؟
رؤيا: طابليط خوات ليا ..
فاروق: ( جبد تلفونو مدو لخديجة) صاوبي لها تفرج ..
خديجة: (خدمت لها يوتيب و سماعات و عطاتهم لها) شوية وصافي
فاروق: ( شد طريق الصويرة) الاعصاااب ! خدمة مخزن هيا هادي ، خاصك تكون السبع باش يحترموك صحة، راه فوقي سبعين رايس وكلها منين باغي يركعك ..
خديجة: (تنازلت نسبيا ) حاول على صحتك و ماتعملش فوق مجهودك ! راك مزال فالفترة نقاهة افاروق
فاروق: لي مكتابة اندوزوها ..
..صمت ساد و خديجة عملت نظاظرها مستمتعة باللشعة الشمسو وقت كثير هو تيطحن فالطريق لوتورت تايفوت شي براج تاتشوف السلام تيتعطي ليه ، تاوصلو امام تعاونية اركان جانبها باحة الاستراحة
..كانت تعاونية نسائية من طموحات المنطقة بطريق الصويرة، مكان كان واسع كبير المساحة مع الدخلة تتلقى السيدة فلاستقبال بملامح امازيغية تتعطي ضيافة الخبز منطقة مع آملو
خديجة: ( هزات ذاقت و عطات رؤيا) شكرااا
***: مرحبااا
..اول القاعة كانت مليئة بالنساء بلباس تقليدي تيخص المنطقة تيهرسو الاركان و جهة نفس القاعة تيطحنو املو ..فالباحة تعاونية كانت مثل معرض للمواد تجميل من طرف تعاونية زيوت طبيعية و ماسكات و كريمات و معطرات ، كل بردوي مع تعريف مكوناتو وخصائصو ..مواد تتصرد للخارج و التعاونية تتعرضها شخصيا للزوار ..كانت بنت بمستوى تقافي لانها تتكلم عدة للغات و تتجاوب على اي سؤال ..خديجة خدات مجموعات تجميل ليها و ليالي و اسماء و زاينة و لامها و الوازنة كريماء و مقطر الماء ورد ..و فالخرجة خدات عسل طبيعي و املو واركان لدارها و ليالي او الوازنة و لامها ..
فاروق: ( تيشوفها تتكيل) اهيااااا !
خديجة: ( شداتها ضحكة ) هههه زيد تخلص الكاضو فاكونس
فاروق: ( تيتحاسب مع لاكيس مجموعات تجميل كانت ثمن شويو زايد مع ضوبل مجموعات طلع فورفي عاد العسل الحر ) 3000درهم !؟ درتي المروة اشريف !؟
بائع: ثمن باش تنبيعو هنا جد مناسب بالنسية للخاريج
فاروق: لا نت حسب لينا بالاورو احسن ! هداك الخاريج وحنا اولاد البلاد ..قاد فثمن لله يكثر الخير
بائع: ( ابتسم و اعمل بيه خصومات و خلصو )بصحة و راحة
خديجة: ميغسي (شيرت لبنت )
فاروق: بصحتك انت (حط يدو على ظهرها ) المراة هيا لي تشري لي بغات
خديجة: الراجل هو لي يخلص بنهار و بليل
فاروق: (ركب تيضحك ) هيااا شي سهرة لم يسبق لها مثيل !؟
خديجة: ( غمزاتو ) بيان سيغ مون اجودان
فاروق: ( شاف رؤيا مزالة تتاكل فخبز و عينيها تتسدهم بشمس ) فيك جوع الحاجة !؟
رؤيا: امممم
فاروق: ( ديمارا) نتغداو الحوت فالصويرة
خديجة: ( بفرحة ) جادووووغ ديك المدينة
فاروق: هيا فايت جيتي !؟
خديجة: ووي ...
فاروق: ( بحسرة) ااايه ابنتي ماكنتش عارفك قبل !!
خديجة: بسلامتك ! كن فرقناااه
فاروق: ( شد يديها حطها على فخدو) ماتقدريش ! مرتاحة معايا حياتيا و حوائيا
خديجة: لمسسخ !
فاروق: عندك زهر بنت معانا ! اما نوريك لمسخ شحاال تيطيح ..
خديجة: ( جبدات صاكها تتقلب فطاطواش شراتو على شكل فراشة ) طخي منيون
فاروق: ( شاف طاطو ) بغيت نشوفو ونبوسو تانا
خديجة : ( تيحشمها) نديرو فكتفي !؟
فاروق: كولشي زوين ..خايب بلاش ..
...لاَيدي حفصة بنت فاس اما عن الجدة ، عنوان الاناقة بامتياز ..لكن ليس كل ماهو مثالي هو كذالك ، نص نهارها دوزاتو فالخدمة ،دماغها خدام للاحداث لي تتمر فحياتها و الضغظ امها على زواج ولد خالتها و طمعها فالبرطمة و من جهة اباها لي رافضها تزوج ، باغيها تخدم و تهز كريدي وتكبر ليه مشروع ولا ضغظ اختها لي باغة تزوجها واحد ملعق تهز بالعائلة كلها ، بعض الاحيان العائلة تتكون فقط شكلية تخلو من رباط العاطفة و الود...
حفصة: ( تتوجد خروجها حتى رن هاتفها ) الوو
صديقتها: الو مابيل ! هانا فكافي لي حدا لاگار تنتسناك
...هزت صاكها و عملت نظاظرها ماكياج فيكس مضمون على وجه مايسيح ما يتحيد ، نزلت خارجة من شركة طلعت فسيارتها ديمارات مع دورة وقف حداها طاكسي وتكلمت معاه، فعلا تبعاتو حتى وصلها لمحطة القطار و خلصاتو و نزلت داخلة
صديقتها: ( كانت جالسة فكافي شافتها شيرت لها ) كوكوو
ص: ( بنفس حرارة الحب ) اوسي و الله ( قربت لها قهوة سخونة) ها قهوتك
حفصة: ( باستها فحنكها ) حبيبتي نتي ! الوغ صافا !؟
ص: ( لاتقل عنها جمالا ) صافا ! كي عاملة نتينا مع خدمة !؟
حفصة: ( تتماصي فراسها ) فين ما رديت الراس مسدودة و حمد الله ..ولد الخالة لي عمرو ليا راسي بيه و حمسوني بيه طايح مع بنت عمتو عامين ومنوض الحرب مع طاطا يتزوجها
ص: الحرب !؟ لقينا لي ينوض علينا غير عجاجة !؟ هههه اش هاد زهر اربي
حفصة: ( تاتشرب قهوة و تتحرك فراسها بلا) انا اذيب تكلمت معاه بارح ! هو جونتي مي جاني الصراحة لي لافامي ديالنا رافضين يشوفوها ! هو تعرف على بنت عمتو فواحد كروب خاص بالطلاب مهاجرين و ماعرفهاش انه من لافامي تا دازت مدة ، اوا تزادو تعارفو وتحابو من حقهم
ص: قلتها ليك ميات مرة حفصة ! نتي متبعة لاموغ
حفصة: ( عينيها بغاو يدمعو ) عرفتي البارح تلقيت واحد صدمة ( مسحت دمعة نازلة) والله الا ديفو فيا ولا خاصني شي بسيجولوك
ص: ( مألمة صديقتها) مالنا على هاد زهر !؟ الخدمة !؟ خدامين بنيفو الزين لي دزنا من حداه نهضروه و زهر والو
ص: ( حطات يدها على فمها تتضحك) هدااا النحسسس يااااختي
حفصة: ( بهوس) تكون مراتو احسن مني !؟ تبغيه اكثر مني !؟ تكون امو لي زوجاتو زعما !؟ عرفتي مستعدة نعيش معاه بلا ورقة بلا زوج غير انا وياه
ص: ( صدمتها تتشوف فيها) حاااافصة ( تتحركها من ذراعها) حفصصصصة ! رجوع الله
حفصة: ( هبطت راسها تتمسح دموعها) بغيتوو و الله الا دخل ليا خاطري و قلبي ! ظريييف و حنين وصلني مسكين و عطاني نمرتو تلفون غير تيضحك معايا ! ماتقوليش اخوه مزوج بنت خالتي ! فرق كبير لاخر مكبر و مايشوفش فيك
ص: راها قالت ليك طاكوزين راه مزوج ! جمعي وطوي
حفصة: جااني على الگانة ! ماشفتش نعاس ، ليل كلو تنتفرج فيه فاليوتيب و دخلت صفحتو الخير لي تيدير فالناس و ضحكتو و وقفتو ! مشيتو هدااك هو راجل لي بغيت ( تتحرك يدها بحرقة على صدرها) الرااجل قح ولد الشعب لا فاسي بوكو لعاقة لا وزاني شريف رجلي ماتتوصلش ارض ! بغيت هداك
ص: عااارفة الا ماماك ساقت الخبار !؟ تشوهك ، ولا باباك !؟ تتلعبي بالنار احفصة ..
حفصة: ( بضغظ) ماما ! بابا ! الفلوس ! الدار ! انا فين من هاادشي !؟ مامنحقيش نعيش و نحب !؟
ليالي: داكوغ ! انمشيو عند طاطا الوازنة نباركو لها عواشر مابغيتش نخليك بوحدك
حفصة: جا مغيث !؟ يمشي معانا
ليالي: وي ! يمشي معانا تنتسناه
حفصة: انا جاااية احبيبة ..
...سلمات على صاحبتها وخلاتها بخير و كمالة الحذيث يكملوه فتلفون ! ركبت طموليل خالتها وطالقة اغنية تدندن معاها كانها مراهقة لمست الحب و الاعجاب ، السؤال لي تيطرح فحالات حفصة لايدي متكاملة شنو نقص لي تيخليها تهتم بحاجة الغير ؟ شحال من بيت تهدم من تحت راس مراهقة طايشة او انثى تترفع تحدي مع الزوجة الرسمية ! شحال من زوج تبع شهوات انتى تتحط ليه اصبعها العشر شموع شاعلة ، هو هو تقصير من زوجة !؟ ممكن اه و ممكن لا ..وقفت امام العمارة طالعة فرحانة انها تمشي الدار نوصير فتحات لها ليالي و دخلت ترتاح ..
ليالي: ( هزاتو )وي ! بليز حفصة جمعي طون طخيك راه خبعنا عليه كلشي
حفصة: اوك ماشيغي ( دخلات صالون وبدات تجمع كولشي و حطاتو فباليزة تاسمعت ليالي تتعيط لها ) ووي
ليالي: يلاه ...
..هبطو فسانسور و مغيث راكب فطموبيل تينتظرهم ، مجرد للمح حفصة هازة امير قلب عينيه بملل ، ركبت ليالي قدام وسلمت عليه و امير فكرسيه للور وحفصة حداه ..مع السلام احوال شد طريق الحومة ؛ حفصة طريق كلها مركزة مع طريق
ليالي: تقضيتي ولا مزال !؟
مغيث: سي بب ! دزت سوبير مارشي هو اول ..
ليالي : بقات طخوا جوغ رمضان !
مغيث: الله يدخلو علينا بالصحة و السلامة !
..وصل الحومة لي كانت عامرة نزل مغيث حل كوفر و خبر نوصير قبل لقاه فالباب سلم عليهم و حفصة قلبها تتحس بيه ايخرج طلعو فوق الوازنة رحبت بيهم و نوصير و مغيث تيطلعو تقضية ...
نوصير: ( حرك راسو بلا حول ) جلسي لا تنزليش ! يضحكو عليك وصافي (نازل تيهضر) شعرها طالع لابسة بيجامة مقلوبة ..
..نزل داخل تيفرح بامير و جلس حدا مغيث لي بدورو جالس حدا الوازنة تيداكرو بيناتهم على امور الحياة ....
ليالي: نوصير فين زاينة !؟
نوصير: ( بابتسامة ) عند عائلتها ، ترتاح شوية
ليالي: مزيان ! دوزو عدنا فهاد رمضان
مغيث : كداير مع خدمة !؟ فين نبيل !
نوصير: ( بامتنان ) انشاؤ الله اختي ، ( جاوب مغيث ) تعطل مع شي سلعة عاد وصلت ..
حفصة اسم زاينة طلع لها مرارة فحلقها ؛ عينيها مانزلوش عليه هو لاحظ هادشي ماينكرش فوق ما داوه عينيه فالحوار تيلاحظها ...ناضت الوازنة كوزينة تتبركم
اوا يا اسماء يا بنتي اش طاري ليك !؟ بدلوك ! حرشوك ! عينوك ...
رجعت طلعت مخنزرة و معصبة غير بوحدها ، نعاس هلكها و كمل معاها ..جوج حاجات مرتبطة بيهم ، النعاس وماكلة ..دخلت حمام غسلت سنانها و جها و مشطت شعرها وهزاتو كوتشوفال زادت جبدات دوك عينين علاه مايتسدوش و لبست كيطمة طويلة ورشت ريحتها تمت نازلة مخنزرة تاضربت فيهم اول حاجة شافتها هيا حفصة و شعر مسبسب وجلابة مع جلسة خرجت لها ليهونش ...سلمت عليهم بابتسامة و على مغيث و باست امير ..
..دخلت الكوزينة لقات الوازنة تتمسح كيسان اتاي و براد تيطيب...
الوازنة: اوا ابنيتي مريضة !؟
اسماء: ( تتجبد حلوى من ثلاجة وما تتشوفش فيها) راسي تيضرني ، نعجن ملوي
الوازنة: مابقى حال ابنتي ! ردي غير العشا
اسماء: ( يديها تقال وباغة غير تزاوط تنعس) الدجاج !؟
الوازنة: راه واحد القنارية شهوة منها طرية ! نصبي للحم و ديري شلايض و حريرة
اسماء: ( حنت راسها تتوجد طباسل وحطاتهم لها هيا دخلهم و بدات تنصب تاحست بيها خرجت) اليوم نعس مع قنارية ، تنحملهاش
... فالصالون جالسين على براد اتاي وصوت امير مع ضحكات نوصير تيتسمعو و مغيث شاد الحوار مع الوازنة اما حفصة و ليالي جابدين انستا تيهضرو ..و اسماء نصبت طاجين و تتنقي القنارية حتى دخلت تاني الوازنة عاونتها فيها و نصبت هيا حريرة ...الوقت فالكوزينة ونتي متعبة تيكون اطول وقت واتعب وقت ..
الوازنة: ( سدات على كوكوط ) شفت نبيل تعطل !؟
اسماء: ( راسها يتهرس) لاوعلم اخالتي
الوازنة: ( شافت فيها ماشي على بعضها) ااابنتي ! الا مريضة سيري ارتاحي الحريرة انا ندورها
اسماء: ( مغوبشة وتتهضر فوق نفس) ماعيناش اخالتي ..
الوازنة: بخاطرك ابنتي ! ( جات خارجة هيا ضرب فنبيل داخل ) على سلامة اوليدي
نبيل: ( لمحها فكوزينة عاطياه بظهر ورجع دخل الصالون تا تفاجأ بحفصة...سلم على خوتو و اكتفى بسلام القول على ليالي وحفصة) عموو
لكن اسماء ماسمعاتش الفوطة ولا يمكن سمعاتها وعلى ماحلات ماريو مع نعاس دوخها سمعت جلابتهااا ..هزاتها وغادة عندو بكل تقة دقت قالباب و مدتها ليه شدهاا مع شوفة فيهاا هو يصعر
نبيل: ( شعرو تيقطر ) شنوو هادي !؟ ( غوت تا فيقها) واااا شنوووو هاااادي !؟ بااااغة تهبليني ( شد جلابة دورها على خصرو و خرج ماريو جبد فوطات و تيمسح و يغوت و هيا تكمشت بلاصتها ) تاااضربي الحشيييش گوليها !؟ مبوووقة گوليهااا !؟ رجعتي ضربي الشرااااب !؟
نبيل: ( بامر ) بلاااصتك ! امي قادة بشغلها ، فاااش تفيقي و تصحصحي تما شوفي العشا ولا الغدا ..( خارج معصب) جايبة ليا جلابة ! صاحبتك انااا ..
..نزل اخبر الوازنة انها مريضة و دخل جلس مع خوتو فالصالون مجاور ليهم تيذاكرو وحطت لهم الوازنة العشا و ليالي ناضت تحط معاها تاكملو وجمعو الطبلة و نوصير تم خارج برا و ناضت حفصة تبعاتو دايرة راسها تتكلم فتلفون ...
...بعد نص نهار كامل فالسفر و اخد اجمل الذكريات فالعقل و القلب و صور تاتشهد على سفرهم الوحيد لي جمعهم من بعد العام من زوااج ، كان غدائهم فالصويرة امتع للحظات ، مدينة عالمية معروفة بمكانتها الفنية تغداو فالمطعم على جانب البحر و بصوت النورس البحر و رائحة المرصى ....من بعدها مباشرة شدو طريق رجوع ...
فاروق: ( هاز رؤيا لي ناعسة و حطها بلاصتها ) الحاجة ديالي ..
خديجة: ( طريق كلها وهيا ناعسة دخلت نيشان دوش تصحصح..ولوات فوطتها وخرجت تتنشف ) ادوش !؟
فاروق: ( حيد قميجتو و جلس فوق ناموسية مغمض عينيه ) شي كاس قهوة بعدا !
خديجة: ( لبست دوبياس و رمات بينوار حرير على ذاتها خلات فوطة فوق راسها) اووك ..
مشات كوزينة قسم المگانة كانت قهوة واجدة بفضل كافتير ، وجابتها ليه تيشربها ...
فاروق: ( مغمض عينيه تيشرب هيا تتقاد ليه دماغ) هاد السفر غير تمااارة
خديجة : ( جبدت المجموعة لي شرات تتجرب كريماتها وهيا تفكر تاتواج لي شرات جبداتو وهبطت بينوار جهة كتفها و حلاتو بروية و لصقاتو فكتفها وعينيها فمرايا..نتظرت تواني ورفعت الغطاء تاني هو يبان لها وشم لصق ) وااااو
فاروق: ( وقت كلوو هو متبعهاا بعينين النسر وعاض على شنافتوو) اياااه !! اجي نشوف
خديجة: ( هزت حجبانها بمعنى : لاء ) تتتأ !! ( حيدت فوطة و طلقت شعرهاا وهزت عكر حمر دم الغزال و ضربت تعكيرة ودارت عندو غمزاتو ) كي جيتك !؟
فاروق: ( قيم من حركاتها و ماصى لمعلم وناااض قاصدها بخطوات تقال وهيا تاتراجع بابتسامة اغراء ) فين اتهربيي !؟
خديجة: ( بغنج و دلع ) ولاش جاي عندي !؟
فاروق: ( مد يديه فغفلة شدها تاغوتات...و ودورها ظهرها عند صدرو و باسها بوسة حاارة على وشم ) جيتني حلوى مگردة ..( تيدوز يديه برقة على كرشهاا وتيهبط انوثهاا تاتقفز ) شششش
خديجة: ( فمها سال ملاء بللعاب قربو وللمساتو ) فااروووق
فاروق: ( قابلها معاه متمتع بجمال شفتيها لي واخدين حمرة دم الغزال وعطاتها اضاءة للوجها ) البلاارة ديالي ( عنقاتو هايمة فيه و باستو جنب فموو تا غمض عينيه) عرفتي شنو تديري فيا !؟
خديجة: ( بنبرة هادئة )انت عرفتي اش تتعمل فيا !؟
فاروق: ( محاطها من خصرها و يد وحدة تتلمس وشم ...قربها بقوة تملك و مص عنقهااا بقوة كانه تيمتص دمهااا ) كواااان
خديجة: ( كل مصة كانت تتفقد قدرة على وقوف ...) اااي برااكة
فاروق: ( جر الغطا و باسهاا ) شتي الا ماعيشتك احسن حوية و خليتك طيري ! بلاش منو هاد الكوا ..( لقاها نعست) نعسي نعسي ! روشارج كملت
....على ضو فيوز قشر لها داك وشم و تيسوط نفس يطير بقاياا ، غطاها هو ناض لبس سروال كيطمة و بيل و رجع بلاصتو هو يسمع تلفونها فصاك مشى هزو و طلعو ليه اتصلات باسم امها ...كاليه عقلو فتحو ودخل انسطا هو يلقى مساج جديد فيه صورة الوجه لي جامي ينساه ...
نوصير: اش نگوليك ؟ فين عمرك سمعتي شي سمسار مسگد !؟ مهم واش محتاجة شي حاجة !؟
حفصة: اه ! شي اباخطمون تكون قريبة لخدمتي و نقية و طرانكيل وماكرهتش تكون مفرشة
نوصير: ( حنى راسو تيفكر ) انصحك تمشي تشوفي الوكلات للكرا ديور ! حسن من سماسرية
حفصة: الصباح كلو انا معاهم والوو ! غير برتوكول و قوة مصاريف و الغلا ..عفاك الا مافيها عذاب نصحني بشي سمسار
نوصير : ( هز حواجبو بقلة حيلة) وخ اختي ! الا بانت ليا شي حاجة انتصل بيك
حفصة: ( هزت يدها حطاتها على ذراعو بعفوية ) ميغسيي بوكوو لهلا يخطيك و الله ..
نوصير: ( سحب دراعوو )مرحبا الله اودي ...
..هيا طلعت تتضحك و هو خرج تيسوط عند صحابو القهوة و جلس تيسووط ، حس بيها تدور بيه ونفس الوقت رافض فكرة ، خوفا من سوء ظن ويطيح فالغرور ، سيدة زين ولاطي و فلوس ..
نبيل: لبسي جلابتك و زيفك و جلسي حدا الواليدة ..( شاف فيها مدة قبل جبهتها )ديري عقلك ..
اسماء: ( نغزها قلبها وحسات بقبلتو فشكل ) واخة ..
. نبيل توكل على الله خدمتو وقلب لا يعلم بيه الا الله ، وكل امرو الله و اقتنع بالقضية ان الخلفة الا فيها الخير يآتيها ربي بيها ولو عن اعوام ...اسماء لبست جلابتها و شالها وكما العادة معجون خلاها نوصير شربات حبة؛ اليوم تلتيام محال ينعسها ، و نزلت شادة فالوازنة نازلين فدروج ركبتها القدام واسماء رجعت للور ..
نوصير: ( يلاه قطع مع نجمة اخبرها انه جاين ) مشينا !؟
الوازنة : الا بغى الله ! اوا نتقضاو من هنا ولا لهيه !؟
نوصير: نتما تعرفو الواليدة !
الوازنة: كلشي تما عندهم موجود ...توكل عالله و صافي ..
..نوصير شد الطريق لوتروت للخميسات و اسماء عينيها على طريق و الوازنة مرة مرة تكلم ....
....نفسها تم نفسها تم نفسهاا ..الفرصة لي تعطي راجل يتحسر عليها ولا يكول اش حالة الحالة ماتناولهاش ليه ،وصلت كوافورة معرفتها سلمت عليها و جلست تصاوب لها ، بدات بشعر دارت ليه سوان و غسلاتو ولواتو بالباليز و جمعاتو من فوق ودارت ماكياج ناعم و صبغت ضفران ...تادخلت امها بقات غير تتشوف
للام: اوا يوا !! نوضي زيدي
زاينة: ( واقفة تتعوج تشوف جلابة ) جاو !؟
الام : مزال ..
زاينة : اوا مزال الحال ..
🔙🔙🔙🔙
......منين قرا مساج البارح فانسطا لي اعرف صاحبو من صورتوو ..عوج راسو بعصبية مكتومة و عينين ماردين ،مزير على تلفون بيديه و شاح بنظرو عندها كانت ناعسة من تعب السفر ومتعة رجع نظرو للمساج تيقراه بصوتو باطن داخلو صاعر
📨لؤي : عطلة سعيدة دوجى تستاهلي كل سعادة العالم و شكرا بزاف لاستقبالك ماما، ديما تبقاي هنا ❤
..تيحرك راسوو مع كل حرف وكلمة و اعصابو تتشنجو و ضغظ تيطلع ليه..محتفظ بتلفون بيديه ..واسئلة تتدور فراسو ..
يفيقهاا يهرس فيها شي ضلعة !؟ راها حاملة
ينوضها يقلبها هيا وياها صباط !؟ الصباح قرب يطلع ..
رؤيا: ( عويناتها حومر رعب مركبو فيها ) يضربني باباا
خديجة: ( هزاتها معنقها ) لا حبيبة !
...بعد وصولهم للمدينة خميسات ، مرو على شاريع الرئيسي بحثا عن اسواق ، تقضى كل مايلزم ، الوازنة تتآمر من الخير هو يتتفذ ، طلع مكملين طريق و تيذكر طريق الدار ...وصل الدار حبس بطموبيل وحيد سمطة و نزل فتح الباب للوازنة عاونها تنزل و اسماء نزلت ...دقو فالباب وفتحت نجمة ..
الوازنة : ( هازة جلايل جلابلة و تتحرك بشوية سلمت عليها ) يرحب بيك الخير ابنتي ..( دخلت تتسمي الله) فين ما دخلنا يدخل الخير ..
نجمة: ( سلمت على اسماء) مرحبا و النهار كبير هدا باسماء
اسماء: ( بابتسامة) هانتي تبعتكم تا خميسات ههه
نجمة : يتبعك الربح اودي ياا اسماء ( لمحاتو هو اخير بطولتو وهز راسو فيها مبتسم ) نوصير مرحبا بيييك
نوصير: ( مد يديه سلم عليها ) الله يحفظك اختي نجمة ..نهز شي تقضية خلي الباب محلول
نجمة : ( تابعاه تعانو ) علاش معذبين رااسكم اخوياا
نوصير: ( باالخجل ) نتوما مالين الصواب ( فتح الكوفر و تيحط لها و هيا تدخل هو تابعهاا ..تاكملو و سد طموبيل و دخل جلس داخل وتيدور فعينيه ) الواليدة عيتي !؟
الوازنة : ( تتعبر الدار و فراش و كملت شوفة فاسماء توسدت مخدة ) شوية و صافي اوليدي طريق مابقيت نقد عليهاا
نجمة : ( داخلة بالصينية) النهار كبير هداا !! ( جلست تتكب اتاي ) شوفي اخالتي الوازنة شحااال عرضت عليك او وقتااض كتاب ( مدت لها كاس اتاي)خودي
الوازنة : ( شداتو تتتغم ) اوا ابنتي ماتمشي الا فين مشاك الله ! الله اوا كويس
نوصير : ( هز كاسو تيشرب ..) امور هانية !؟
نجمة: حمد الله اخوياا..(ناضت غادة كوزينة و من خرجة تتصوني على زاينة تاسمعت صونيت فالباب ...و قربت لهم تتعاتبهم) درتي فيها عقلك امي !؟
للام : ( شدات راسها ) الااالة و نهز جلابتي و نزيد ، خليني نعطي صواب
زاينة : ( دخلت كوزينة تشرب و شافت تقضية لي تسد الفم ) شنو قلتي لهم
..الام عطاتهم الصواب و فرحت بيهم و دخلت نجمة حطت حلوى وموراها زاينة بتقالة و مشية الغرام سلمت على اسماء و الوازنة و صلات نوصير ومدات يديها
زاينة : (بتعالي )سلام
نوصير: ( طلعها و هبطها شعر مطلوق و الوجه تيضوي وجلابة حساب ..عض شنايفو تيشوف فيها ) ورحمة الله و بركاته
..تبعها مشات جلست حدام امها و الرجل على الرجل عطاتو جنب بمؤخرتها و تتلعب بخصلة من شعرها ...جلسة طوالت بالحديت العادي و اسماء جوع حركها ساطت فداك طبسيل حلوى ..ناضت نجمة توجد الغدا و تبعاتها زاينة هو يجمع وقفة خارج ...
نوصير: ( شدها من يديها برفق تاحكمها و قربها باسها فراسها وهمس بصوت رجولي حنين و خشن نفس وقت و تحنى كرشها باسها) ماعاش لي يحكر عليك امي كوراسون 💚💚💚
...حلاوة الفراق هو اللقاء و حلاوة اللقاء هيا للهفة الاحبة للبعض ، قبلة نوصير للكرشها عطاتها احساس بالامان و الحب ..وقف معنقها و هيا مستسلمة ليه
نوصير : ( تيلعب فخصلة من شعرها ) نوصلو للدارنا و عدنا الكلام اخر !
زاينة: ( تفكرت برطمة و عقدت حجبانها ) هاااديك الدار بذاات ماارجعش لهاا ...
نوصير: ( بيديه تيتلمس حنكها ) اوا !؟
زاينة: نبقاو فداركم تايحن الله
نوصير: ( حرك راسو بموافقة) على خاطرك ..انا خارج نتقهوى ضروري خاصني قهوة
زاينة: ماتعطلش للغداا ..
نوصير : ( فتح لباب خارج حاني راسو ) لا ارجع بكري ..
....نجمة فالكوزينة تطيح و تنوض مع الغدا و زاينة رجعت جلست حداهم و اسماء بقوة هضرة الوازنة و ام زاينة حتى نعست ..
زاينة : ( تتفيقها بشوية ) اسماااء ..اسماااا
الوازنة: ( نتبهت لها ) خليها ابنتي راها مريضة
زاينة: لباس عليها ! نغطيها اخالتي !؟
الام: غطيها ابنتي غطيها ..
...جبدتها بنعسة ..و الوقت تيمشي حتى وذن الظهر و زاينة عاونات الوازنة توضى و صلات و نوصير رجع مبتسم من دخلة و حطو الغدا مجموعين عليه نجمة حطات جوج اطباق دجاج محمر و سفة شعرية .. ورجعت تجمعو على صينية الاتاي ..تاوقف نوصير
نوصير: اوا سياادنا خلينا لكم الراحة و مبروك عواشركم
الام: و الله ماسخينا بيكم !جلسو قصرو معانا
الوازنة: ( بابتسامة) فالخير و الفرح انشاء الله، راجل اسماء بوحدو و نوصير نيت خدام ..
نوصير شاف زاينة بمعنى زيدي وهيا مترردة ..قبل راس امها و خرج خلاهم تيتسالموو ..طلع طموبيل نوضها ...
الام: (معنقة زاينة تتبكي) الله يرضي عليك ابنتي ، وديري عقلك شوفي عكوزتك المراة مزيانة وفمها تيحط غير العسل ، الرجال هما هادو مرة قطران مرة سمن
زاينة: ( تتمسح دموعها ) وختي نجمة ماتمشيش !؟
نجمة: ( من موراها ) ااسيري اختي ! انا تاغدا و نرجع
..صبروها خداو بخاطرها و نوصير او الوازنة ماجبدو امام العائلتها حتى كلام او عتاب ، كتفو بزيارة و باركو لها حملهاا ..ركبت للور حدا اسماء لان الوازنة ركبت القدام احتراما ليها ...وقلعوو
زاينة : ( رجعت حمرا ، ماشي غشيمة ديك درجة لي ماتفهمهاش طايرة من للحظة لي طلب منها مرافقتو لكن هيا كاي انثى تدلل ) بعيد الشر عليا اخوياا ! مابقياش غادة بناقص
نوصير : (جرها عندو معنقها و هيا تتهرب ) دخول حمام ماشي بحال خروجو
زاينة: واااشعري ازمررر
نوصير: كلشي مقبوول منك زمر ولا زعتر ...
...نهار كلو دوزاتو فالدار ، بعد المشاجرة سوا كان الغلط الزوج او العكس ..زوجة تتمر باوقات عصيبة و متوترة ، تشغلي راسك مرة و جوج لكن العقل تيبقى معلق مع شريك حياتك ، خملت دارها و كوزينة كدالك مع العواشر على ابواب شافت شنو خاصها ..كملتها بتدويشة ودوشت رؤيا وتنفست شوية و الوحم لي ضاربها ضربها على حامض ..
خديجة: ( تتمص فيه و تبنن ) الله تيبرد عليا
رؤيا: ماما سوفي شعري تايكلني !
خديجة: ( بقلق ) اويلي لقمل رجع تاني
رؤيا: ( بدميعات ) مابغيتوش اماما قطعيه ليا خايب شعر
خديجة : زيدي نخرجو منها نشوف تقضية و ندوزو لاكوافوغ ..
...لبست خديجة جلابة و هزات صاكها وسوارت طموبيل و لي كاضو لي جابت لافامي و العسل لي شرا فاروق الوازنة ..خرجو من العمارة ..حطت كلشي فالكوفر و شدت طريق وهزت تلفون متصلة بليالي
خديجة: الو ماشيغي صافا ؟
ليالي: ( جالسة شادة نص عينيها بصداع) الو خديجة ! على سلامة
....بدات بكوافورة هيا اولى واخرت زيارة ، نزلت هيا رؤيا للسونطر و تكلف بيها ولد قطع لها لاكوب و غير تيضحك مع رؤيا وغسل لها شعرها و نشفو لها وصاوبو لها جات مثل اميرات ..
..حطات تلفون فصاك وركبت طموبيل قاصدة الخياطة ..فرق شوراع كانت فالمحل سلمت على ماماها بشوق وحب و رؤيا كدالك ..وشافت خديجة ثوب و الخياطة ، عطاتها القياس و رجعت ختارت لها موديل اخر و هضرة خداتهم مع الخياطة تاتعطلت ..
خديجة : يلاه اماما نوصلك !؟
الام: بابا راه جاي عندي الحبيبة غي سيري و مبروك عواشرك و الله يثبث حملك ..
خديجة: ( خارجين من محل )امين اماما ، لانسى نعطيك كاضو ديالك ..
خديجة : هههه راك الحنان و الحب ( مدات لها الكاضو و سلمت عليهاو ركبت سيارة و هيا تفكر صاكها ..هزت من تلفون ..تا لمحت عدد مكالمات فاروق ) السلامة ياااربي تاني لاش متصل ..( دوزت خط و تترعد ) الو
..بعد خروجو من الدار شاعل و اعصاب تينهشو فيه ، وقف امام العمارة تيتفس و تيتوعد لؤي ..تمشى بخطواتو عند عساس باركينج خدا منو كارو و بريكة شعل كاروو ورجع وقف حدا العمارة تيكمي كاروه بقمة االاعصاب و تخوف متكلمو انها تخرج موراااه ..
فاروق: ( كمل كارو و زطم عليه ...تكلم مع سانديك ) اسمع انت ! المدام تخرج تعلمني ( خرج تلفونو شافو ) نمرتي عندك !؟
سانديك : كاينة اشاف ! كن هاني اشاف ...
فاروق : ( دار نظاظرو و شد طاكسي كبير من محطة لي يوصلو لابريكاد .....مسافة طريق خلصو و نزل داخل ماتيقشعش قداموو ..نيشان مكتب ونادا على جدارمي ) اش فالبلان !؟
ج : ( عطاه سلام ) امور هانية مون اجودان
فاروق: ( واقف تيشوف ضواسة قدامو ) منين هانية اش جاااب عدوو ( سكت ) هادشي كامل على خطافة !؟
ج: ( للمح ملف فين تيلمح ) هادوك صحاب طرنسبونطور
فاروق: فوضى ولاد قحاب ! لي تحتو شي جوح دريال يمشي يشري واحد ويجلس يقتل فبنادم لا ماتيركول لا وراق لا بيرمي ..شينوا يبيعو وحنا نحضيو البكر علال
....تم خارج هو يتفكر توني رجع للبسو و رجع تاني حسن وجهو خروجو على وجه سرعة نساتو اهندام العمل ...شد طريق لاكاديمي عطاهم ملف وكمل شغلوو ..تا اتصل بيه جدارمي عطاه اخبار لؤي ..ماعطلوش شد طريق عندوو ..
فاروق : (وصل شاريع مقصود و تيصوك بشوية تيبحث على قهوة ) تتفطر اولد الواسعة مع كرررك ..( بمجرد عثر على قهوة وقف طموبيل و هز فران امان بقوة) اليوم نتريني فدلمك ..
..دار نظاظرو وقاد قميجتو ..قطع شاريع و هبة تتعطى منو ..بمجرد دخولو قهوة الكل تيشوف فيه ..
فاروق : ( شافو شاد تلفون و قهوة قدامو ) لؤي !؟ .
لؤي: ( هز فيه راسو متفاجأ ) ووي
فاروق: ( دور وجهو تيشوف يمين و شمال تيحرك راسو هو تيلاحد شحال من شاهد كاين ) عندي ليك شي كلام ! نوض معايا
لؤي: ( مستحيل ينساه وحتى الا نساه راه فكروو ..تقاد فجلسة ) هضر اسيدي هنا ! تنسمعك
فاروق: ( بكل قوة هزو من جاكيتو ولؤي تيدافع معاه تاحد ما قدر يدخل ) شششش
لؤي: ( بغوات ) ااش هاد القمع ! مااامنحقكش ولو رجل سلطة ..طللللق مني و تكلم باحترام ..
فاروق: ( وقفو بقوة و دخل فيه بطيط تامشى وجا ) هااد مرة هضرت بفمي !؟ مرة جاية نغرق لمك شقفف تهزز تقااود البرهوش ..
..لؤي تم داخل و الناس تاتشوف ..فاروف مسح يديه وقاد قميجتوو و رجع دخل قهوة جالس برود طلب قهوة و متبع فيلم لؤي تيعاونوه سرباية تامشى هو تيتحلف انه يلتجأ للسلطة .....جلس جهد ساعة هو حيلة انه يشوف الا صورة شي احد او ممكن يكون ديكلارا بيه لؤي ..لكن شاف قضية صامتة ناض خرج رجع لابريكاد كمل خدمتوو تا خرج شد طاكسي هو نازل وسانديك تيخبرو راها خرجت ..بسرعة وصل الدار دخل نيشان بيت نعاس ، حوايجها بلاصتهم وراقها كدالك ..رجع جلس فصالون بقى غادي جاي و الوقت تيمر ..هز تلفون تيتصل بيها ..مرارا و تكرارا تاناض خرج قاصد دارهم هيا تتصل بيه ..
خديجة: انا غادة داركم !
فاروق: ( حلقو شحف) رجععععي الداااار !
خديجة : من امتى تتحكم فيا !؟ قلت لك غادة داركم نبارك العواشر لمك
..دخل دوش يدوش من تمارة خدمة و هاد مرة دخل معاه فوطة و حوايجو تاخرج تيمسح شعرو بالفوطة ..و تكى فناموسية وهاز تلفون طالع نازل تيشوف اخيار دنيا و عقلو مرة غايب مرة حاضر ..
نبيل : ( تيحك راسو ) تبداي مع رمضان انشاء الله ، نديك و نجيبك من 10 لجوج
اسماء : ( بفرحة ...تتشوف فالاسم مدرسة و قاعة خياطة و المبنى ديالها ) غالية هاد مدرسة !؟ فين جات ؟
نبيل : ديبلوم عندها معترف بيه للدولة ! جات فسونطر ( هز صبعو بتحذير ) الجلابة و زيف و خاتمك زواج ! بعدي ليا من صداع و مشاكل و ماتهضريش ليا مع لبنات
اسماء: ( تتحرك راسها بموافقة ) فيهااا دراري ( خنزر فيها ...وهيا دور راسها بلا ) مافيهاااش
نبيل : ماديريش عقلك !؟ شوووفي راه مدخلك مدرسة باش تزيدي تصقلي موهبتك و تلقاي فين دوزي وقتك بالفايدة و تنقصي من افكار كارثية لي عندك راه شي نهار تجيبها فصحتك
اسماء: ( بقوة حشمة قربت تكوليه بناقص ) الله يخلف عليك ! عارفة نزيدك بمصاريف ..
نبيل: ( دوز يدو على رقبتها جرها بقوة عندو وقبلها قبلة جامحة ملتهبة ) رزقك هداااك ! ديري غير عقللك ..
اسماء : ( غلبوها دموع ...حنات راسها و فجأة عنقاتو و نطقت بصوت منغنغ) شكراااا
نبيل: ( بادلها عناق ) على واجب الالة ...
..نزلت فرحانة امام عينيه هو رجع للوحدتو و تفكيرو و عذابو كما مسميه، الخطوة انه يسجلها تقرا و تعلم درسها مرارا و تكرارا و مرة يتشجع ويقرر انه يقريها و يرجع يتراجع مع كوارثها ، لكن مع اخبار الحمل عيالات خوتو قرر يشغلها و يفرحها ..طمعا انها ماتحسش بنقص و يكون عندها انشغالات رغم مخاوف لي تتركبو من ناحيتها ....
اسماء: ( داير ليزيكتور و تتهضر مع سكينة) الو جوعاينة
نوصير: ( بسرعة رد) تنفيذ... لبسي مستور ( هز صبعو تيدوزو على وجها ) وزيف و بربي تانقريك فاحسن مدارس و نخسر معاك خلصتي والمعقول
زاينة : ( بحماس ) بصح !؟
نوصير: ايه ! غير تولدي على خير
زاينة : تتفلى عليا !؟
نوصير: ( شد يديها و حطها على معلم) شفتيه !؟ واقف عصا هبلني ( جرها بقوة منعسها) تووحشتك اناااكلك
زاينة: ( تتركل و تدفع) نوووض الكذااب ..نوووصير
نوصير: ( شد يدها بقوة و غتصب شفايفها بالقيل و عضيضات ودخل لسانو تيروي عطشو ) عيشي احبيبة معايا
زاينة : ( مداعبة لعبت عليها و مع نوصير كملت ) وتتضرني ..اااي
نوصير: ( وقف على كابيه حاكم رجليها و تيضحك معها نزل لها سروال و طلع ديباغدوغ و حيد باقي من حوايجو) وريني فين تيضرك ..( دوز صبعو تحتها حتى قفزت) بشاااخ شحال سخون ! بسيف يضرك
...حكمها مزيان و هيا فاخير استسلمت و كتملت العلاقة فالاخير بمجهود اقل و حرارة اكثر للتعبير عن اشتياقهم ..تا كملو و عنقها عندو مغطين و هو متكي على ناموسية ..
نوصير: عيات الحبيبة ديالي !؟
زاينة : اممم ..نوض ندوش
نوصير: يلاه اول ! فين دوشي !؟ ...( رجع من تاني كرشها ) شحال عندك !؟
خديجة: ( دخلت بيت هو تابعها ) قلت ليك كنت غادة عند خالتي الوازنة
فاروق: ( ضرب الباب برجلو ) ساااعتين ونتي خااارجة ! فين كنتي قبل !؟
خديجة : ( غواتو تيمرضها ) لا صاااافي داكشي لي كان ناقصني !؟ من لغوات و تهراس و سبان و ضرب و المرض نرجع المراقبة ! تما لي وصلو ليك كنت خارجة يزيد يجتهدو ويقولو لك فين كنت
خديجة: ( تتغوت بكل جهدها )كنتت مع مااماا عند الخياااطة ! عيييط لها وسولهااا
فاروق: ماالي نخاف منك ! انعييييط و نسووول و برب لقاك تتكذبي تا ندوز عليك بموس حااافي ...
خديجة : ( تابعها تتنتر بمحاولة بمنعو) قسماااا بالله و تعيط لماما و تسولها تا نخرج معاك فلا يحمد عقباه ! ( باشارة منها ) يلاااه اتصصل ؟
فاروق: ( هز تلفون و ضربو مع تلفزة تاشقاات و قرب لها تيغوت فوجها ) تتهدييينيييي !! انااا ماتتنتهدددش ولا سمييييتك مراة و مزغرتة عليييك مممك ها الباب عتبيييه الا ماحرقت دلمك راني قواد
خديجة: ( اعصاب لعبو عليها و هزات تلفونو ورجعت ضربات بيه ...لكن خوا لها) خررررج علياااا ! تاتسمع خرررج عليااا ...( تتنتف راسها و تتضربو) حمممقتني ة هبلتيني و بغيتي تقتلني ناااقص عمر ...
فاروق: ( خرج على نطاق معقول ...واقف تيلهث مصدوم من حالتها) نتتتي لي تتوصلينا هاااادشي ( صوتو بحاح و النفس ضيقت ليه ) علاااااش داك زااامل مزال تتهضري معاه !؟ ماامعمرش ليك العين انا !؟ ليلة كلها شي عرق قرب يطرطرق ليا فرااااسي ( تيضرب راسو محنى عندها و رجع راقف مستسلم ) اناااا عاااارف كرري مقووود و مانتعااشرش ! ولكن من غيري ماااكاااينش اليوم كنت نطيح روح بغيتي تخرجي عليا هيا فارقيني
خديجة : ( وقفت تتجابد معاه) نخررج فين بغيييت تاتسمع !؟ فين عمرك كان عندك مشكل !؟ هادشي لي دوزنا عاد تشك فيا !؟
فاروق: مااااتنشكش !! ( سكت ) من لاااخر ماتنتيقش ..انااا...
خديجة: ( تتسمع بكا رؤيااا ..وقفت بشوية دفعاتو بكل قوة دخلت بيت رؤيا وسداتو بساروت ..هزاتها تتسكتها) صافي احبيبة مااتبكيش ..
رؤيا: غوت عليا قطعت شعري اماما
خديجة : ( تتهز راسها تنفس ) لاهو شاف شي شعر ! حاضيني غير انا ..
...شدت رؤيا فالبيت تتهدنها و تتستمد منها قوة ، هو برا دخل بالكون واقف بصرامة هاز وجهو للسما .....بعد مدة خرج بيت بدا حوايجو وهز سوارت طموبيل ونزل قلبها فتح كوفر لقى تقضية لي جابو من سفر ، سد داك كوفر و عقلو يخرج ، منين جابو ليه اخبار ان لؤي فطبيب و امو تتهدد بالقضاء ، غيرة منو و خوف تكون خرجات من موراه عندهم ...طلع داخل الدار و مشى بيت رؤيا ..
....المشاكل !! على قول حوساين راجل صافية فحياتهم اليومية هما محاين الحوووساين ..حياتنا الا خلات من الهم و مشاكل اما تتحس بنقص او تتشكل عندك حاسة السادسة للدرجة تترقب مشاكل او تتعيشهم فمخيلتك ، هدا هو تركيبة انسان فعصرنا هدا ، يضحك و يخلي فين يهجرو ...
الايام قليلة تتمر و خديجة من ديك ليلة ما تتهضر فاروق ما تتقربو ، دارت انعزال هيا رؤيا فبيتهم ، تايعيا يغوت و يهضر و مرات تيلتزم الصمت و يقلبها النعاس ،اليوم فالمغرب على تاريخهم اعلنو ان اول رمضان حسب ظهور هلال هو غدااا ، ...رمضان شهر العبادة و المغفرة شهر الاعتكاف و تقرب من الله ، من داخل الدار الوازنة..
الوازنة : ( جالسة تتسبح ) الله يدخلو علينا بالصحة و السلامة و الله يعين المسكين
نبيل : ( جالس حداها تلفون فيديه) صمت
نوصير: ( شاعل بوحدو مع ماتش ) عطيييه اصاااحبي عطيييه الله يعطيك موصيبة
الوازنة: الله يهديك الحبيب ، راه الهوس هدا ماشي رياضة ، رجعتو بحال عبادة القياد صلاتكم عواشر و اعيااد
..رجعت بلاصتها تعشى ، من نهار رجعت الدار الوازنة هيا تتحاول تأقلم ، تقنط تهبط عند اختها و تتحاول تعاون اسماء ، و لو تغسل ماعن ولا تجفف ..كملو العشا ووجمعو طبلة ..
.....كملت زاينة غسيل ماعن و غسلت ديسير و وبدات توجد فلون و نتظرتو تابرد شوية ودخلاتو ثلاجة ...ودخلت بيتها بدلت بيجامة طويلة لوحدة قصيرة و دهنت يديها ،
زاينة: ( تتسمع صوت تلفون) هدا تلفون نوصير !؟
..خرجت من بيت للصالون حيداتو من شارجور و حطاتو حداها ، عاود رن وهيا تهزو طالعة لها مكالمة فواتساب صورة بنت طالعة ...زاينة عقدت غوباشتها و حمورية طلعت مع وجها اسئلة تتدخ راسها ..
شكون هادي !؟
علاش تتصل بيه !؟
تتحقق فصورة وتعاود حتى قطعت ونفس وقت قيدت نمرتها فتلفونها و قيداتها دخلت واتساب طلعت لها فعلا ...اول مرة تتحس هاد احساس ، كانت تتقول نوصير ولو تشوفو مع لبنات ماتسوقش ، لكن مكالمة قلبت كيانها ..دخلت سطوريات حفصة وهيا ضرب فصورة نوصير واقف فملعب امام مشجعين داير عليه قلب ..كابو 💚
....من داخل دوش لي فبيتهم معمرين بينوار بالما و رامين للعب مفضلين للامير ليمنيون ..جالس فوسط الما تيلعب
مغيث: ( محنى على ركابيه و لابس شورط صدر مخدوم وضحيكة خارجة ليه من جنب مبين سنان مستفين) بابيتو براكة !؟
مغيث : ( عطاها ليه و حطو حداه فناموسية ) يلاه دير دودو ابابي
ليالي: مغيث ! تحتاج شي حاجة من لاكوزين !؟
مغيث: نو ! نعمر تلفون نوضو مع جوج نتصحرو !؟
ليالي: ( بتردد ) اوك نقولها حفصة !
مغيث :( بنظرة فارغة ) ورجعي دغياا..
...بانفاسها غير منتظمة تجهت عند حفصة لي علماتها بوقت الصحور ورجعت بسرعة، جلستها عندها فوق جهد مغيث و حاسة بهادشي ،لكن تنتظرها تلقى سكنة و تمشي ، وبغات نفس وقت تجنب مشاكل بين خالتها و امها و رشيد لي احد ان مزال عايش هو اذيب مع غيثة ..
مغيث: ( معنقها بتملك و حب و هيام فعوينات لوز محمقينو) مقبوولة اعمري ..
.
مغيث: ( تيتسقى من قبلاتها ) فريزات هاد شنيفاات
ليالي: ( بخجل ) اااغيييط ..
مغيث: ( تيحرث فيها ) كفاش اغييط ..اوووه ( غطس فعنقها تيمص و يعض )
....كانت علاقة جميلة وهادئة و رومانسية ، تيعشقها و تيعشق تفاصيلها وهدؤها وهيا ليست اقل منه ، هو رجل حياتها و ساكن قلبها ....كملو علاقتهم وبقاو فحضن بعض و ليالي تتطالعو على ديكورات عيد ميلاد من افضل رسوم مفضل للامير ..
ليالي: هدا موديل طووب ! جيم
مغيث: ديروه فرمضان !؟
ليالي: ( حركات راسها بتقلب فكرة ) زعمااا
مغيث: ديروه نهار للعيد الصغير ووتجمعو هنا !! او وجدو ليه قبل ،على خاطركم
ليالي: اوووك !! خديجة لي تعاوني فديكور و كاطو و باتيسغي نعملو ليه لادموند و نشوف مع طخيطوع لانفيغسيغ هو يتكلف
مغيث: ( معنقها بحب ) ديرو لي بغيتووو ! فلوس ماتهمش مهم امير يكون فرحان ونتي اوسي
ليالي: ( عنقاتو تتبوسو) تانكس بب ..
مغيث: نوضو ندوشو !؟ غدا ارتاحي تانرجع بكري نعاونك مهم قابلي امير وخبعي اي حاجة خطر
...دخلت و هيا متيقنة الف فالمية انه خارج على ود حفصة وخوفها لا يدور فيها...فعلا مغيث خرج طل على امير فالغرفة مجاورة ليهم و خرج تيبحث عنها تالقاها جالسة فالكوزينة جابدة كلاص فلابواط و مخدمة تلفون كاميرا واضح انها تتكلم مع شي احد ..
مغيث: احممم !! ماتنعسيش
حفصة: ( تجمعت واقفة ) باغدوون !! صدعتكم وقيلا ..
مغيث طلعها و هبطها و قلب دروة داخل كن ماخاف من ولدو يفيق كن ردخو حتى يتسمع عندها ...
...شاد قرعة موناضا و اقف على خليفة وابراهيم تيذاكرووو ..
زاينة : ( بتاكيد) غداا ديبلوكيها و تهضرو ! راني بنت الوقت وعارفة خصايلكم ..والله ماديرها بياا
نوصير : تتقلبي على جواب من جنب !!
زاينة : اتسحر !؟
نوصير : صايم من دبا غير فوتيني
زاينة: ( قلبت عينيها بغنج) ماكاين للصقة قددك ...
نوصير: ( غمض عينيه تيكبح غضبوو ) ايااااه
...فنفس الوقت قبل ساعات ، كانو طلعو برطتهم لي تيسودها هدوء؛ من غير تحركاتها او كلامها بلاوعي ..طلعت نيشان بلاصتها نن بعد ماعطاها نبيل دوليبران وخلاها ترتاح هو جلس مع وراقو وتلفون تيحسب حساباتو ...كان حداها هو خدام مرة مرة يشوف فيها و يقيس بيدو جبهتها ...
..جمع وراقو و حط تلفون وطلع بلاصتو و عقلو خدام مع خدمة ها اسماء تبدا القراية ها الوازنة تتعاني من المرض .دار جهتهها لقاها تترمش بدوك عوينات لي تيحمقوه ..قرب عندهاا
نبيل: اسمااء !! شوفي فيا !
اسماء: ( بعفوية تتشوف فيه مبتسمة) نعام
نبيل : ( حل ليه ذرعانو و مشات عندو حاضنها) شوية دبا !؟
اسماء: اااه !! حمد الله ..
نبيل: ( وجها صغيور بين يديه و بصبعو تيتحسس حناكها مرورا بشفاها و هيا قاطعة نفس ) تنفسسسي ..
نبيل: ( تيدوز يدو على شعرها حتى خصرهاا ) نتي امراتي و بنتي ،
اسماء: ( تتحس بقلبها يوقف حنت راسها بخجل ) ....
....تحت صوت ماء نسجم مع اصواتهم شبه صامت و انين رومانسيتهم ..كما المعتاد لا تخلو من الام ومشكل معروف عند اسماء ضيق رحمها ..ماتوفقوش فالعلاقة فالحمام وخرجو كملو فالسرير ..شبع رغبتو جامحة الحلال معاها وكل مرة تيطلب منها تعيش معاه و تحتويه بالمثل .
أولاد الوازنة الجزء 24
محتوى القصة
التنقل بين الأجزاء