اول يوم من رمضان، صدف بيوم الاثنين فاق من نعاس على منبه تلفون...جلس عاطيها بظهر تيمسح فوجه و حط صبعانو بين عينيه تيحاول يصحصح ....دار جنب عندها تيفيقها
نبيل: اسماااااء ( وقف تيتكسل ) نوضي راها تسعود ونص
اسماء: ( سخانة رجعت لها ..وتتحس بصحتها مدكدكة ) امممم
نبيل: ( غادي حمام ) وانوووضي ..
..دخل الحمام طرف و غسل وجهو ...وخرج لقاها مزالة ناعسة ..لبس حوايجو وكل مرة ينادي عليهاا تاناضت وتتحس براسها مريضة ....وقفت قدامو حيدت بيجامة لي كانت لابساها منها سوتيمات هو يحقق فيها شوفة
نبيل : ( نترها منها خنزر فيه وشاف فيها قرا سميتها و هز تلفونو تيقلب عليهاا ...هيا تتلبس وهو واقف تيقرا ..ماحدو تيقرا هو تيزيد يعقدهم و يزفر ) اجي هناااا
اسماء: ( قربت بحذر ) نعم
نبيل: ( تابغا يضربها وتراجع و هضر بين سنانو) عاااارفة هاد لعجب لمن تيصلاح !؟
اسماء: ( دموع نازلين و تتحرك راسها بلا ) ااه
نبيل: اااه !؟ ( ضربها بيها تاخبعت وجها ) هدااا للناس لي عندهم كتآب ولا فصبيطار حماق بداااريجة ، للناس لي تيكالميوهم بنعاس و ماكلة ..
اسماء: ( تتنخصص و تتمسع دموعها كم جلابتها فزك ) ماكنتش عاررررفة
نبيل: ( شد فراسو لي يتفركع) صبحنا عالله و ملائكة الرحمان ...
هز سوارتو ورواقو و هيا تابعااه ...خرجو من الباب الدرب ساهت خاوي ..نوض طموبيل و ركبت حداه و مع البكا و سخانة راسها تيزدح لهاا ..شد طريق وحدة للنفس طبيب و فطريق اتصل بالعيادة .....وصلو للعيادة ودخلو وعطى للمساعدة معلومات و جلسو ينتظرو طبيبة ..مرة مرة تيشوف فيها تيلاحظ حبوب تيخرج تافوجها تزير على يديه بقوة محاولة يسيطر على اعصابو لاينوض يعصيها فبلاصتها ...للحظات حتى وصلت طبيبة ودخلو عندها ..
طبيبة : ( بابتسامة) بونجوغ ورمضان مبارك سعيد
نبيل: ( حرك لها راسو بتحية) علينا و عليك ادكتورة ..
طبيبة: رخيصة عليك ابنتي صحتك لهاد الدرجة تناولي سموم تقدر تركب فيك امراض نتي فغنى عنها !؟
اسماء: ( حركت راسها بلا ) ...
طبيبة: شوف ابنتي نتكلم معك بكل صراحة و نحاول نبسط كلامي نتمنى تستوعبيه ! (فتحت بيسي و جبدت صفحة فيها عدة ادويات مشابهة لدواها و تحتها تحاميل او قويلبات سوداء) اولا المشكل لي رجعنا تنعانيو منو فعصرنا هدا هو الهوس بالجمالية ، و غض النظر او قتل الضمير على الصحة ، بحيث تشوف وحدة بقوام ممشوق او زايدة الوزن ونقول نشوف اسرع نتيجة للزيادة الوزن و هيا فالحقيقة راها اسرع طريقة للاستقبال امرض ..( هزات صبعها مرة تشوف فنبيل مرة فاسماء ) هاد الادوية من خطوة اولة لي تتمشي تشريها من صيدلية دون فحص او استشارة طبيب هيا خطوة ظالمة فحق نفسك و الله يهدي صحاب الصيدليات على بيعهم ، هاد الادوية ابنتي حنا كأطبة تحتوي على مواد خطيرة الإرتزون و انتيكويد ..تتستعمل تحت اشراف طبي للاصحاب الامراض المزمنة و الحساسية المفرطة او امراض نفسية الحادة
نبيل: ( جبينو عرق من اعصاب ) صمت
طبيبة: ( تتشرح لها فصورة اخرة صور مرضى) هاد الادوية راه تتاخدو فقط عوارضها جانبية!!
نبيل: كفاش ادكتورة
طبيبة : نشرح ليك ! هاد الدوا فاش تنوصفو للمرضى امراض مزمنة تنقوليه راه تيفتح للشهية او تيزيد فالوزن او تينعس ...يعني الانسان خالي من مرض مزمن راه ماتيستاافد والو من غير الاعراض جانبية ، هنا البنات تطيحو فخ انه تيغلض و يفتح شهية ..
نبيل: ( تيسرط ريقو بالفقصة) شنو تابعاتو !؟
طبيبة : ( تنهدت تاتشوف فاسماء ) شحال مدة خدتيه !؟
اسماء: ربعة حبات !!
طبيبة: للحسن حظك !! تابعاتو انه عندما تتدمن تناولو بعد اشهر ، من غير العصبية لي تتكون ليك الا قطعتيه غالبا تتصابي بآنفيكسيون (ميكروبات) حبوب فالوجه يمكن يفقد ليك الكالسيوم فالعظام و توقف المفاجى يحدث حتمال اصابة بالغدة الذرقية او السكري الارق لي هيا قلة نعاس و ضعف المناعة لي نتي أ اسماء فغنى عنها ..ومضاعفات اخرى على مستوى جلد ( تتوضح لها فصورة ) امم للحم تيتشقق بخطوط حمراء تترك تشوهات فالجسم ليس لها دواء ..
نبيل: ( غير تزير على يديه ) شنو معمول الدكتورة
طبيبة: انه تناولت اربع حبات شيء ممكن تجاوزو !! نعمل فحوصات نشوف سبب فقدان شهية ! از ممكن تكون تتعاني القولون العصبي او نقص بعض الفيتامينات ..تما ممكن نعطيها فاتح شهية بيو تيتباع فصيدلية بمواد طبيعية بدون اضرار
نبيل: هاد الحبوب !؟
طبيبة: ( حيدت نظارظرها و قربت بها تتتعاينها ) .....لالا ماتخافش هاد غير بوشويكة
نبيل: ( طلع حجبانو بتفاجى) بوشويكة !؟
طبيبة: نعام !! كن واحد امتى تتيدوزو...ماتشرب حتى دوا حتى يفوت راسو ..تاكل مزيان فقط وراحة وتحاول ماتحكش لانه تيترك الاثر ..الا عندكم شي دراري صغار راه ممكن تعاديهم كدالك حوامل تفاداهم ..(هزت صبعها للبياص)نوض ابنتي نعمل ليك فحص
نبيل: (وقف تيتغدد) شكرا ادكتورة ..
طبيبة: مرحبا اسيدي !تعمل الفحص نسائي و تخرج عندك ..
.....مع أذان عصر خارج من لابريكاد ، تلتيام وخديجة موقراه هو قرب يهضر مع حوايجو ! ....داز لمارشي حوت بللبسة مخنزر داير نظاظرو يد فجيب و يد تتمشي معاه ، سرح نظرو تيشوف خيرات الحوت و تقدم عند واحد ..
فارروق: شحال داك صول !؟
مول حوت : ( هو حوتة تيعرضها قدامو) هانا شاف حاجة طرية ..ستين درهم
فاروق: ( هز نظارو مخنزر) ستين درهم !؟ تتعاونو مع زمان ، دير واحد كيلو و صاوبو ..
..دار دورة فسوق الحوت خاصة ، وعينيه مشهين كل انواعو ، من صول صدق فكرفيط و سردين و لفيف و كيل منو و حطو فالكوفر و ركب طموبيل راجع الدار ...مع اليوم اول الحركة بطيئة لا من ناحية السير ولا راجلين ..وصل العمارة وطلع داروو ..
فاروق: ( دخل ..تيبحث عليها للمحها فصالون جالسة خدامة على بيسي ودخل كوزينة ) نحطو حوت فثلااجة ..
..غسل يديه و دخل بيت غير ملابسو ..وخرج جالس حداها تجبد شد تليكمنذ ..
فاروق: رؤياااااا
رؤيا: ( تترسم فبيتها )آباباااا
فاروق: آجي ..
رؤيا: (خرجت من مدرسة قبل لابسة بيجامة ) نعام ابابا ..
فاروق: كولي ماماك تنوض طيب حوت
خديجة: ( يدها فوق حنكها تاتشوف فيه ورجعت خدمتها) لاحول ولا قوة الا بالله
خديجة: ( كانت فيدها حوتة ضربتها فبانيو) اوا لاااا ! ماشي انت و شغل علياا ..لاجودان فلابريكاد ماشي فداري
فاروق: ( مبررد ) ماناايضش
خديجة: ( بردت و نعلت شيطان و دارت تكمل شغلها ..غسلت حوت و دارتو يتقطر و تتوجد كلها و شرملتو و تتكلم بهمس ) توومة خااصني
فاروق: خرجي جيبيها ..
خديجة: ( غير تتبرد ..جبدتها من بلاصتها ..) اللهم لا تحاسبنا
فاروق: دبا فوقاش يوجد هاد حوت !؟
خديجة : رجوع الله افاروووق !!
فاروق: مالي كلت ليك طيبيه ناكلو دبا !؟ (وقف تيشوف حوت ) مااعجبنيش هاد حوت نطلع سوق فيه احسن ..
خديجة: لاواش بالمعقول !؟ هدا !؟
فاروق: تاهو طيبيه ..نمشي نجيب سردين جديد من سويقة احسن ..
خديجة ...هبط لها نقطة ، من نهاروو و بان هوسو هو حوت ...غسلت يديها وخلت بيتها دارت زيف عاقداه على راسها و عينيها تيدمعوو ..فعلا مامرت ربع ساعة تادخل بميكة فيها سردين ..
فاروق: خدييييييجة ..
خديجة: ( خرجت عندو ) غير حطو وخرج !!
فاروق: انا داخل نعس ..
خديجة: ( شافت فالحوت باسف) ضياع اسيدي ربي ...
....من الدار الوازنة.....بعد ماخبرهم نبيل وخرج خدمة جاتو طارئة بمرض اسماء ، الوازنة تتدعي معاها و الخبر وصل لزاينة لي بقت فيها ..
زاينة: ( لابسو بيجامة طويلة )خالتي نصب حريرة !؟
الوازنة: نصبي ابنتي !! راها دارك تانتي لي قديتي عليه ديريه
زاينة: لهلا يخطيك اخالتي ! غير قولي ليا شنو تتبغيو على فطور نوجدو
الوازنة: براد اتاي ضروري الله يرضي عليك لنبيل بيه تيبدا الفطور وسلو اما نوصير هداك لي كان يشربو !! و الخيار فاش كان الحبيب كبيرهم هنا راه من حوت يخلاق و سيد المغيث كويس حليب و تميرات عاد يبدا فطورو
اسماء: ( تتخبع فالوازنة لي غير تتشوف فيهم ) خويا نوصير
الوازنة : اوا يعطيه توفيس ..
نبيل: ( تيحرك راسو بتاكيد ) نوووصير !! ( ماحس براسو تا وصل لها جرها من وذنها ) شنو كلت ليك على نوصيررر !؟
الوازنة : ( تجر يديه و اسماء تتوجع) الله اوليدي الله ...طلق انبيل ..
نبيل: ( طلقها و هز صبعو بتحذير فوجها) شتي هاد صالون هنااااا تقردي !! والله تم و الله لا خطيتي خطوة برا الباب و نعاود لك تربية من جدييد ...جلدك مالح و راسك قاصح انا رطبو ليك ..
الوازنة : ( عنقاتها ) سير الله يرضي عليك الحبيب امول العقل بدل ساعة بختها ..
نبيل: ( هز يديه ) لادماغ للخدمة لا حالة خروووج ..هنا جالس مقابلها !!
..دخل بيت سد عليه و هيا بقات معاها الوازنة تتهدنها و تنصحها و نتبهها ..حيدات حوايجها بقات غير بسليب و الوازنة تتفزك قطن و تعمرو بدوا احمر و تدهن لها حبوب ..ورجعت لبساتها بيجاما طويلة ناضت دخلت جابتها لها من ماريوو و خلاتها تحيد سليبها و تدواي راسهاا و منها ترتااح ..دموع حلفو لا حبسوو ، ناضت هزت تلقونها و تصلت بفطوش ..
فطوش : الو ..
اسماء: الو امي !! فيا بشويكة
فطوش : الله ابنيتي رمضان مبارك مسعود عليك ..نذمت لي ماخليتك مع بنت جيران فصغرك فاش كان فيها تعاديك، كن دوزتيه و تهنيتي
اسماء: ( تتبكي و تشكي و هو واقف تيسمعها ) شتي امي شتي ! بقيتي سادة عليا و خايفة عليا تا خرجت هبيلة و قليلة صحة و زهر
فطوش : ( هضرتها ذبحاتها ) ربي كبير ابنتي ، راك مع ناسك باغينك و مهلين فيك ..( بتشكيك )ياك مهلين فيك !؟
اسماء: امي اجي وجيبي معاك سكينة عفاك امي راه نطرطق ، كنت يوم نبدا نقرا و مرضت ..
فطوش : ويجي باك ونشاورو ...
قطعت عليها اسماء تتبكي و تشهق ..جات تنعس صحتها تتعكرها هو واقف طونسيون يطيح ليه ..هضرتها قصحاتو بزاااف ..رجع بلاصتو لا يطيح واقف ..هيا تتبكي دموع من عينيهة هو تبكي دم من قلبووو ..
....نهار اول رمضان عندها صابحة بكري مع ولدها ..عطاتو يفطر و بدلت ليه و مشاو بيتو تلعب معاه شوية على ما يفيق مغيث على خاطرو .....هكدا مر نهار بعد مغادرة مغيث هو تيوصيها عللى امير و ماتجهدش رااسها .....
امير : ( قرب من ليالي باسها فراسها ) اناغادي سبور نديفولا شوية مع مروان، حظي ولدك ورتاحي
ليالي: اووك بيبي بصحة ..
...لياالي مع صيام و العين وحريق راس عيات و دخلت بيتها ترتاح و امير بقى مع حفصة فصالون ونبهاتها عليه ترد عليه بال على مايفوتها حريق الراس ...
حفصة: وي مامااا !!
الام: شويني فيك مالك على تتجاهلي مكالماتي الا انا لا ختك !؟ ياكماا صحابك راني فدار غفلون !؟ خالتك قالت كولشي لجدتك
حفصة: ( حيدت سنسلة طويلة فيها عقيقات على طبلة و جلست شادة فراسها )اوا االالة منين عارفة علاش تاتسولي !؟بقى ليا غير نرمي الباطل على اذيب
الام: هادوك لالياتك لي مقرصين و مطرقين انا نتينا راك محلولة ، خالتك لي خاالتك جريناها عدنا ونتينا حرتي فاذيب باش حسن منك هاد ريم!؟
حفصة: (تتسوط )ماما راك صايمة ! اذيب الله يسهل عليه وانا راني خدامة اخر همي راجل و زواج ..
الام: شايلاه اخدااامة!؟ هاد خدامة تشري ليا برطمة فاحسن حي فكازا !؟ ولا تيجيبي ليا راجل بحال ولد خالتك !! شوفي غير ابنتها و زهررر لي عندها!؟دجااجة بكامونهاا
حفصة : ( تتربح معاها وقت ) وخ ماما !مايكون غير خاطرك نعاود ندور باذيب ..
.حفصة قطعت الخط جلست تتفكر فمصيبتها و رجعت فتحت تلفون تتدخل واتساب تاكد وتعاود تتلقاه مبلوكيها ..خبعت نمرتها و جربت تاداز خط و رن ..تاكدت انه بلوكاها من واتساب فقط ..
دخلاتو عند ليالي و حطاتو حداها و خرجت تتجمع فداك روينة وتكت تنعس شوية و هيا تاتسمع امير تيبكي ...
امير : ددد ماااامي بوبوو
ليالي: (دايخة) فيان ڤي دودو
امير: ( بقى يتحك و يتحك تاانعس ..) ....
ليالي: ( جراتو تتبوسو وهزاتو تقادة فبلاصتو ...ونزلت تبوسو تاشافت شي حاجة تتبري فنيفو ) سي كواصا !؟
...الساعة وزيادة باقية على اذان المغرب ...اول يوم من رمضان عند المغاربة لازم مايمر بظرائفو او كوارثو ..لكن كارثة فاش تتمسك فالاطفال تتبلوكيك ..
ليالي: ( تتهز ليه راسو بشوية و تتدوز صبعها علي نيفو تتحسس حجم شيء لي تيربي) شنوو هادشي اسيدي ربيى!؟
دارت نظاظرها تتشوف و تعاود و دموع تيضبو عليها شوووفة ، طارت جلبت كوطزنتيج و نتاف الحجبان و بدات تحاول دخلهم لكن كبدتها طغات عليها و خافت ..بقات تترعد و تتغوت باعلى صوووت
ليالي: حااااافصة ...حااااافصة عتقيني
حفصة: ( كانت تتسمع موسيقى و تخيلت صوتها ..بقات تاتسمع حتى تكرر نداء ناضت تتجري عندها) ماالكي !؟
ليالي: ( حاطة يديها على وجها تتبكي ) امير دخلت ليه شي حاجة فنيفووو ..
..للحظات كات تيدوز ساروت فالباب ودخل حط صاكو و بخطوات محسوبين تيسمع بكا و هضرة ..تادخل عليهم
مغيث: ( عاقد غوباشة ) اش واقع هنا !؟
امير: ( غير سمع صوتو زاد فوتيرة بكار و تيقيس فوذنوو ) دااااادددي
ليالي: ( تاتبكي و تترعد منوو ..مداتو ليه) شي عقيقة دخلت فنيفوو ..
مغيث : ( مامصدقش اش تيسمع ) كفااااش !؟ ( وجه نظرو امير تيشوف نيفو هو تيبكي و يتاألم ...) ااااش كنتيييي تاااديرييي !؟ ( صوتو تايزلزل بيت)كفااااش غفلتي عليه ...
ليالي: ( تاتبكي و حفصة حاطة يدها على فمها ميتة من خووف) ماااعرفتش !! ميم با !!! ( شافتو خارج بيه )
مغيث: ( معنقو خارج بيه لباب هي تابعاه تاتبكي تادار عندها صاعر) برررربي وباااااش تيحلفوووو الرجاااال او ولدي يمشي فيهااا تا نحرق فيكم اتريكة فااااسة الاخضر و الياابس
ليالي: تاناااا ولدي !! مادرتهاش بلعااني
مغيث: ( تيسرط ريق و معنق ولدو ) ولدددك !؟ منين جاااه هاد الخرااا !! تنوصيك و تنطلب فيك تقابليه !! شغل و تنعاونك تربيتو و هازها معااااك !! شرحي ليااا هاد عقيق فنيفوو منين جاه !؟ ياك وصييتك تجمعي زبلك !؟
ليالي: ( تتبكي بحرقة و تتنفي براسها) مااعرفتش !! مقابلاااه و ماعرفتش منين جابووو ..
مغيث: ( تيبوس ولدو و دور عينيه جهة يمين تيتفكر ...هو يهز نظرو فحفصة ) نشوف ولدي ونعرف منين جاابوو
ليالي: ( تتجري موراه ) نمشي معاااه ..
مغيث: ( عنق ولدو و شد الباب موجد يردخو) لا حشومة طاكوزين تبقى بوحدهااا ..( زدح الباب فوجها )
...هز سوارتو وبزطامو و نزل تيجري للطموبيل وامير غي تبكي و يتألم و يحط مرة صبعو فنيفو مرة فوذنوو ..مغيث قسيه فعينيه و ماتقسيهش فلولدو من صغرو هو تيربي فيه؟ يدوش ليه و يلبسو حتى من الحفضات يغيرهم ليه، يفيق معاه ليل ونهار ..وصل لاكلينيك وهازو فيديه هو تبكي و مغيث قلبو تيتقطع طراف ..طريق كلها هو تيتصل بطبيب ديال امير حتى جاوبو و شرح ليه وضع امير و عطاه عنوان كلينيك لان العيادات هاد الساعة سدو
فرملية : تفضل اسيدي الغرفة الفحص خاصة بطبيب ديالك ..
..هاز تيبكي و امير غير دخلو غرفة طبيب حماها غوات حفظها مع التلقيح ...تعب معاه هو تيسكتو و فرملية عيات تلهيه بالعاب و حلوى لكن غير تيبكي ..
.... بعد اذان مغرب دقائق ! كل بيوت مغربية متجمعة على طبلتها لا قليل القلة ..مغيث مزال تيعاني مع امير فانتظار طبيب لي تأخر، و الوازنة راها جالسة مع نوصير ومراتو و وجدت بلاطو فطور لنبيل و اسماء لي عاملة اعتصام...العائلة الوحيدة لي مجموعة فوق طبلة هيا عائلة لاجودان ..
فاروق: ( بورشاتو بل زعزت كيانو و هيا نهار على نهار تتسلبو قلبا و قالبا...قبلها فمها نازل عنقها نزولا كرشها وصرتها و رجع شاف فيها بتركيز و تقة ) و حق الرب المعبوووود تانتي لي هنا ( هز يديها حطها على قلبوو )
..نساو انهم فالكوزينة ونساو سي بنية بريئة اسمها رؤيا فالخارج ....عقلهم فقط مع همساتهم وعلاقتهم الحميمة ..كانت ناار ولهيبها حرقهم ..كانت لسعة حب تجرعوها لاثنين ..
فاروق: ( سد الباب وخرج ، خارج تيسب) تاكلنا نهار اول منع !
..نزل شاريع شد طاكسي وخبرو بالوجهة ، طريق كلها مو يتمنى الخير ، فاروق قاهم دقة اولاد وحاس بيها، الا تقاسو ولادك كبدتك تتشوا...تم داخل كلينيك توجه الاستقبال عطاوه رقم غرفة و طلع ايطاج اول دق ودخل ، حتى للمح امير ناعس فبياص فيديه براسلي طبي و مغيث واقف عليه مربع يدوو
فاروق: (بصوت متخفض ) اش وااقع !؟
مغيث: ( شاف فيه متنهذ ) هانت تتشوف !! ماكاملة حتى ساعة خرجت سبور و هااادشي خارج و تنوصيها على الولد حتى دخلت لقيتو حاشي عقيقة فنيفو ..
مغيث: ( خط يدو على عنقو تيجرو بتوتر مانع دموعو على ولدو ) داازت عليه !! بكى بزاااف ...
🔙🔙🔙
طبيب : ( من بعد ماعقم يديه و عمل ليكات معاه فرملية ) اميررر ( شاد بيل ضو فيديه ) شوووف هناا
امير : ( تزير عليه تنفس و حريق فوذنوو و تنتف رااسو و تيتجبد بالبكاا ) اننننن دااادي ممماامم
مغيث: ( قلبو يسكت معاه ) اميرر ! شوف ابابا شووف
طبيب : ( عرق معاه ماخلاه تايقيسو ..) الحل واحد هو نبنجو ! راه عقيقة حسن حظ مزالة فاقصى انف ..
مغيث: بنج !؟ كلوو !
طبيب: لا ماشي كلو ..( وقف اتجه محفظتو طبيبة جاب معاه بومبة مثل سبراي ..) هادي رشها فنيفو فوذنو ، مجرد مايبقى يحس بوالو نكمل خدمتي !! مي اتزير معايا اسي القباج باش نشدوه ، تبارك الله لوليد حركي ...
مغيث : ( تيهز يد امير يبوسها) توكل عالله ..
طبيب : ( حرك لامومب ..و رشها فوذنهااا وكما نيفووو مع انها باردة هدأت امير و بقى تيشوف وحبس عن حركة وبقى غير كيشوف فيهم ..و طبيب تيراقب وقت ) آلي ! على بركة الله ..( جبد لقاط طويل رقيق ..وشد راسوو و مغيث يديه و فرملية رجليه ..رجع يبكي تاني و طبيب مخدم خدمتوو تابدا مغيث يشوف دم تيسيل من نيفو و خااف) سي قباااج شوف عينيه ! دم عاادي جدااا وراه ماتيحس بوالو راه مبنج
طبيب : ( كمل ليه سوان و قطر بيه فنيفو و فمو و وذنو ..) بسلامتهم فلاج تخنديش ..ماتيفرقوش بين للصح و غلط ..
مغيث : ( سلم عليه باليد ) شكراا بزااف
طبيب: ( شاف امير تيغمض ) واجبنا سي القباج ! خليه يرتاح ماكسيمون ساعتين خودو الدار ..ونت خود لك شي تمر تقوى وفطر ..
مغيث: ( تيحرك راسو بشكر ...وخلاوهم بوحدهم ...
🔚🔚🔚🔚
مغيث: هادشي لي وقع !!
فاروق: حمد الله على سلامتو !! داراري هما هادو ، فين امو !؟
مغيث: ( غمض عينيه مفكرها ) فدار مع بنت خالتها !
فاروق: عطيني من لاخر اصاحبي !؟
مغيث: وااحد بنت طيط دارت ليا مسمار جحا فالدار ، كلنا نصبرو على وجه نسيبة تجلس واحد تلتيام على ماتنآنسطالا ساااعة ...كمل من راسك
فاروق: هيا لي عطات ولد العقيقة !؟
مغيث : ( هز يديه بالاستسلام ) فاش رجعت سينتا للور !! قبل مانخرج دخلت علينا كوزينة انا ليالي هازة امير و معلقة فعنقها شي حاجة تتبري يمكن هيا !
فاروق: جري على الخرا من ساعتها ! ماعندها عائلة !؟ الا كانت هيا السبب دور فدلمهم كاملين
مغيث: معيط لك اصاحبي تبردني ولا نشعلني !!
فاروق : ( جبد تلفونو تيتصل بخديجة ) تما هز مراتك وجري على االقلاوي !! وتصل بنسيبك تشكى منو ، لي حشم على لي ضرو الشيطان غروو ..( سمع صوتها ) فين راكي !؟
خديجة: طااعة الله داك خوك مابغى يدير عقلو !؟ هاز ولد مخلي امو هنا سخفانة بوحدها اتسطى بالبكا !؟
فاروق: فين ديك ضيفة لي تما !؟
خديجة : ماالقيت ضيفة !!
...***بعد خروج مغيث ..
ليالي: ( تتبكي و تويل ) مغييييييث مااايرش فيااا هكاااا
حفصة: ( واقفة موراها تتبكي) ليالي مايكون غير الخير
ليالي: ( شافت فيها تاتبكي بصوت جريح مكسوور و تتهز يديها جهة صدرها ) علاااش !؟ علاااش كل ماادرت مزيان تيرجع ليا بالخااايب ..( هزت صبعها ليها بعتاب) حسبت ختي و خليتك فدااري خايفة عليك من المشاكل صدقت طحت فيهم
حفصة: ( تتبكي و تترفض تهمها) ماادرت انا والو ..
ليالي: سي فغي ! ماشي غلطك ، غلطي انااا !! والعقيق منين جا لولدي !؟ انا ماااتلبسش شي حاجة اسمها عقيق
حفصة: ( تزيرت تتبكي ) ماااقصدتش و الله ماقصدت
ليالي: ( شدات راسها تتبكي ) خرجتي عليااا احفصة و غادي نضيع فولدي !! خير لي ديري فراسك هو مايشوفكش مغيث ، راكم عارفينو اش تيسواا ..
..دخلت ليالي بيتها تتبكي تتحاول اتصال بمغيث و رغم دالك ماعندهاش قدرة تصل باالواليديها ، خوفا من مشاكل و رد اللوم للبعضيتهم ..سمعت للباب تسد هزات راسها للسما تتبكي حرقة للزهر لي عندهااا ..
..بقات غادة جاية تتبكي و تعاود و خافت اتصل بشي باي كان من غير مغيث، لافطور فطراتو ولا حتى كاس ما شرباتو ، صوت بكاء امير تايجيها فبالها و تتشد راسها تتقرب ضربومع الحيط ...تافجأة سمعت صونيت فالباب ناضت تتجري فتحت لباب غير للمحت خديجة انهارت من جديد
..خرجت باليزتها طويلة سامحة فسوات طموبيل غيثة ..تتبكي و تعاود، وقفت تترد نفس الشاريع مزال خاوي دخلت قهوة طلبت كاس عصير و الما ، تتفكر فالواقعة و تتاكل راسها ، كيف ما بغى يكون الحال مابغاتش الضرر لامير و لا قصدت ضرو ، لكن لي حزها فنفسها انها كانت مهملة و ليالي دائما تتوصيها تخبع مسائلها..
حففصة : ( تتنخصص ) مااقصدتش اسيدي ربي ..
....جلست تتخمم و تعاود ..فين تمشي !؟ عند من اتجلس ؟ هزت تلفون طالعة نازلة حتى دوزت رقموو و تتطلب من الله يجاوبها ..رنت مرة و جوج و تالتة جاوب بصوت رجولي
....جالس متكي فناموسية مور فطور شرب واحد دوليبران و تينتظر حريق الراس يفوتو ! نهار داز طويل و عامر ..ناض تيحك فعينيه و خرج يطل عليها لقاها ناعسة و بلاطو اكل حقها ماكلاتوش ، هز دوك سدادر رجعهم بلاصتهم و قرب تيفيقها
نبيل: اسمااااء !! ( تيراقب لها حرارة) اسمااء ..
اسماء: ( تسخسيخة سخانة شداها) شنووو
نبيل: نوضي فطري !! خاصك تاكلي
اسماء: ( تتمحكك مع فراشها ) مافيااش ..حك ليا ظهري
نبيل: ( حط يديه و بدا يمسح لها ) نوضي كولي هاد حلوى لي هنا طلعاتها ليك الواليدة باش تبراي
فطوش : ( تيهضر الاب فوذنها ) اياااه هو هدااك ! او خبري رااجلك راه اباك يدوز عليك
اسماء: ( بقلق) آمي !؟ اباا واقعة ليه شي حاجة !؟
فطوش : بعيد الباس ابنتي !! ( بهمس ) بوحدك !؟
اسماء: اااه
فطوش : ابنيتي اباك مسكين راه ماعندو من غيرك ، وكل مرة راك طايحة مريضة مااعندك الصحة وماااعرفنا الوقت اش جايبة ، گال! (تيدير لها حركة بصبعو انا و نتي ) گلناا ، نكتبو ليك هاد الدويرة فسميتك
اسماء: ( بملامح فارغة) تكتبو ليا الدار !؟
فطوش : اياااه ابنيتي ! متنا راه حقك محفوظ حتاجتيها راه رزقك محفوظ انا اباك شحال قدنا نعيشو
اسماء: ( بقلق) مانعرفت امي !! انا نتسناك امي غدا
فطوش : انشاعلاه ! وديري عقلك و اسمعي كلام راجلك و تكعدي شوية ماشي تشدي الفراش راه مرض مايلقيش ليه نعاس ..
اسماء: ( غادة لها فالهيت) ونصبن و نحك بجيكس و نسيق زنقة ..بسلامة امي ..
نبيل: ( عاقد غوباشة وتيسمع ) اباك باغي يكتب ليك الدار !؟
اسماء: مانعرفت ..
نبيل: غدا انشاء الله !! ضايفيهم وكما جاو كما يرجعو مايكتب ليك حتى حاجة !!
اسماء: هوااا بغااا !!
نبيل: علاش ماكتبش ليك قبل !؟ انا ماشي راجل لي قاد بيك !؟ شفتي قوة الشكوة و تلفونات لمك ها فين وصلاتك
اسماء: ( رجعت تكات ) دبا نطرطق انا ..
نبيل: لا طرطقيني انا بمشاكلك ..شوفي غير هاد شهر اش دوزتي !؟ ماخليتي صبيطارات ولا كوميساريات ولا شفارة ولا عافية ..
اسماء: المكتاب هداااك ..
نبيل: ( هز تلفون وسوارت ) مهم هضرتي كلتها .. ( سد الباب وخرج ) غدا تبيعها و تكول ليا الله يعاون اشاون ولا كل خطرة غادة داري ..
...من بعد نتهاؤو من صلاة العشااا ، ناض جاوب على تلفونو لي رن مرات عديدة و كان المتصل مغيث اخبرو بالحادثة و اطلب مجيئهم ، خرج من الصالون شافهم جالسين تيتحدثو و تيضحكو ...
رشيد: ( برنة صوت مجهدة ) لالة غيثة وصلتي على كلامي !؟
رشيد: ( تيستعد للخروج و تيشير لها بللوم) بنت اختها ! العائلة المحترمة لي ماوصلنا منهم غير الصداع و المشاكل ! سوؤال واحد تيروج فدماغي سنوات هاادي ! وااش عمرك سولتي نفسك شنو عملت اختك على ودك !؟
غيثة: ( وقفت مواجهاه) تتبقى عاااائلتي و مااامنحقكش تكلم عليهم بالناقص !
رشيد: ( بصوت مرتفع) عندك الحق عااائلتك ! لكن فاش الامر تيمس اولادي من حقي نتكلم ، نهار اول جريت على بنت اختك لاني عارف نواياهم ، واش عملتي انتي ؟ هزيتيها و سكنتيها عند ابنتك
غيثة: لياالي لي وافقت عليها وقلت تونسها شويش و تساعدها ..
رشيد: الله يكثر من امثااكم ! عاوناتها و ونساتها ! اليوم لي حنا جالسين فيه تنفطرو فراحة الله !؟ ابنتك بكات الدم على ولدها لي دخلت ليه عقيقة فانفو بسباب بنت اختك
اذيب : ( شد راسو متصور منظر ) فاااك
غيثة: ( كريز بغر يشدها ) هما فعااار لله !! الحفيدي ربي حفظو ليا الله !! وفينهم دبااا
رشيد: مااكاينش لي يخرج على ابنتك قدك و قد عائلتك ! نفس سيناريو تيتعاود الزمان
غيثة: برااا و الباااس عليها ! انا ابنتي نفذيها بحياااتي
رشيد: ( هز صبعو بامر ) الا تمشي توقف مع الحق و تجري على بنت اختها تزيد ! الا تبقى تمجد و تزيد تغرق السفينة بلاش ! ياك اذيب نهار مشا كندا انااا خليت خدمتي و طلعت معاه ! ياك نتي مع ليالي خويتي فاس و استقريتي هنا ! ولا حنا نتعذبو على اولادنا واختك تجي تلقاها واجدة ! بغات اذيب لهاديك الشاارفة ابنتها و ضرب برطمة واجدة يلاه سلامات
غيثة: ( فقصها و غددها لانها مؤخرا فتحت عينيها) كلها يخلصو الله على قد نيتو
رشيد: شوف الالة غيثة ! انا فهاد وقت حياتي وهبتها لولاادي و حفايدي واي تهديد ليهم مانعقلش على بنادم كما بغى يكون ، ابنتك دوزت عذاب بسباب انانيتك و تريكتك ( اشار ولدو) ولدك راهناك معاه و تتقيميه بالسخط الا تزوج ..
..خرجو نازلين من عمارة رشيد اعصابو نار ، شدو طاكسي لان سيارة غيثة عطاتها لحفصة ..مسافة طريق وصلو العمارة ، هما الباب و مغيث الباب هاز ولدو ناعس و فاروق معاه ، تسالمو وطلعو مجموعين فسانسور حتى تفتحو الباب دخلو ساكتين ..
خديجة : ( كانت جالسة فسيجور و حداها ليالي تتبكي ) عللى سلامتكم ..
لياالي: ( بقوة حرارة و ذعر وخوف ..شافتهم مجموعين جاتها ضبابة على عينها ...نطقت امير و طاحت ) .....
نوصير : اها واخة !! ( اقطع معاه نفس وقت وصلو مساج من حفصة ..) هاد خيتنا اتمرضني
خليفة: ( طل علي تلفون تيتهجي مساج ) ش و كرا ن بزااف دار عجباتني
نوصير : ( جمع تلفون) ديها فكرك شوية !!
ابراهيم: وايلي الكابو هههه من ورانا !؟
نوصير: ( وقف تيتكسل تيحك وراء راسو ) دخلو شوفو الخبز دخلوو ..
....قلبو الهضرة و مدة جابو الخبز و طلعو راجعين للحومة لي مروجة و الدار خليفة من انوار بيتهم واضح ان عندهم الفرح، نوصير بقى واقف متكي على طموبيل بالو مشغول ، مابغاش يخبر الوازنة ان امير دخلت ليه عقيقة فانفو ولا يتصل باخوه ، لان اول سؤال تيطرحو عليه منين عرفتي !؟
حسبها فراسو و خلا الامور تاخد امورها و متمني من الله هاد المشكل يمر على الخير، لحد الان تيتفكر موقف لي طاح فيه ..
🔙🔙🔙
نزلو من طموبيل امام العمارة ؛ طالعو بجوج هازة شنطتها و تابعاه من الوراء، تاوصل الباب العمارة حل بالسوارت ..
نوصير: ( هز يديه تيشرح لها ) مهم بالنسبة للشهر انا مخلصو ! انتكلم مع صاحبي لي هو مول برطمة الا بغى يدوزها ليك راها حلال عليك
حفصة: ( جلست تتترد النفس ) الا اقبل ! ايوفر عليا تمارة و الله ، واش كنتي ساكن فيها !؟
نوصير: وي شديتها انا ومراتي ! كانت مسافرة فاش رجعت ماجاتهاش عل كانة ..مهم نخليك اختي و من هنا الغدا نجاوبك و الله يدير الخير ..
...خرج نازل ، متاكد مليون فالمية ان تسيق الخبار زاينة دير ليه طيارة، لكن هو فداخلو نية الحسنة وقف معاها من جانب الانساانية ، دخلت دارهم و نسيبة خوه، دار صواب وصافي ...
ابراهيم : هداك جابو اباه من لاكريي صباح ، اما تاهو ينساه ..
..يلاه خارجين هو يشوف الوازنة وزاينة خارجين من الدار ، طلعها و هبطها لابسة عباية فبيج و مطرزة ورامية شال على راسها و شادة فالوازنة لي بدروها لابسة جلابة الحطور ..ابتسم جنب ، هادي هيا المراة لي بغى و مشهد لي تيطمح يشوفو ، ماينكرش اول مالفتو ليها جمالها لكن وهيا مستورة و مهدنة اسراتو كاملا..
...رؤيا هازة العاب امير تتلعب بيهم حدا فاروق لي جالس فصالون مع مغيث هاز ولدو فحضنو ناعس و اذيب و رشيد تيذاكرو ..اما فسيجرو جالسو غيثة حدا ليالي شادة فيديها و خديجة حداهم ...سخفة لي سخفت سببها اطانسيون لكن غير هزوها و شمو لها لالكول و شربو لها الما فاقت شوية تتنفس و رجعت تكات ...
غيثة: ( تتبوس يديها ) ماشيغي ! نوض احبيبة نوض ! امير راه على الخير
ليالي : ( تتحاول تجلس ) هزو ليا اماما خداه !!
غيثة: من حرقتو عليه ! والرجال ابنتي هما هادو ، طرا الولاد شي حاجة اصبع الاتهام تيتوجهو للام
خديجة : نوضي احبيبة شربي هاد كاي حليب ..نوضي مزال يعاودهم ليك غير هما ..
ليالي: ( فظل حرقتها تتحاول تبتاسم) شفتي اماما ا حفصة غير قلت لها سيري مشات ! خلاتني طايحة
غيثة: غلطي ابنتي هدا ( عنقاها و باستها ) انا لي ماخدمتش عقلي وخليتها معاك
مغيث : ( تنهد بحرارة ) لي وقع وقع ! االالة غيثة ! لبكا ايضرها وصافي ..
..فخصم حوارهم خرج فاروق تيسلم عليهم و خديجة استودعتهم و هزت رؤيا و خرجو و بقاو غير هما ..
رشيد : ( جلس حدا ليالي تيمسح على ظهرها) براكة من للبكا ابنتي ! لي دازت على راس مزيانة ، الانسان تيتعلم من الدرس
ليالي: ( تتعنق ولدها ) انا بابا كنت مراقباه وقت كلووو ..
مغيث: ( ميق بصوت ) اليالي ماتشديش موضوع من ردة فعلي ! سي نوغمال نغوت ، خليتو ماكامل ساعة رجعت لقيت كارثة !؟
غيثة: اولدي الغلط تيوقع ! الولد شوية حركي !
مغيث: متاااافق معاك الالة غيثة، حركي و غير تينبش ، مي حاظين معاه وعاملين احتياطتنا وحتى من الطياب تنقولها حتى نجي ونوجدوه ، اولا لانها مريضة تانية لانها تخاف على امير تشغل عليه، هادي اسبوع وحنا تنقلبو على مربية مالقناش
رشيد: وحتى منين تيدخل شي فيروس لبرنامج ديالك راه كارثة تتوقع
مغيث: الله يجيب لي يقول الحق ..
اذيب: مهم دبا امير بخير !! من هنا الفوق ماكاين لا بنت خالتي لا خالتي ..بناقص من شي ضياف ..
غيثة: ( عوجا فمها تتشوف فيه ) تحرم مثلا من ضياف ..
مغيث: حاشا لالة غيثة! الا معلومين و من الخيرة الناس مرحبا بيهم !! ( حط يدو على صدرو) شخصيا نهار توظفت اول ما عملن شريت هاد برطمة طمعا نشري راحتي ، ماعنديش مع زايد ، وتانيا من طبعنا و تقاليدنا ضياف مع الوليدة مامولفينش بنات يدخلو دارنا لاننا عزارة ، انا فخاطري بنت عزبة دخل داري تجلس ضدها، ( اشار لوجه غيثة ) عمل بوجهك و بخاطر مراتي لكن تكون سبب فمرض ولدي مانعقلش عليها ،عندها زهر لي هربت اما نقي لها وذنيها ، على عقيقها لي دخل فانف ولدي
رشيد: من حقك اولدي !! غير دبا هو الله يرضي عليكم !العواشر هادي صفيو الخواطر و درس وتعلمتو منو
غيثة: ( تزمتت مارضاتش ) الله يصاوب ..عن نفسي ليالي تجيب ليا امير ونتعاونو عليه
رشيد: ( باس ليالي فراسها) الله يرضي عليك ابنتي ، خدم عقلك شوية ماشي دائما عاطفة تحم فينا ، نفسك او عائلتك اولا ..
ليالي: ( غير تاسمع وتشوف) اوك papa
مغيث: ( صوتها حزين و حركتها ضراتو ) الخير فيما اختاره الله ..
....مشاو والديها خلاهم بخير ...دخل هو بيت خدا دوش يريح اعصاابو و هيا حطت امير تاني يلعب ، الطفل طفل، فقط تيعرف يلعب و ياكل و يبكي و يضحك و يتمرد ..امير من اطفال لي كابرين بمحبة كبيرة ؛ الفشوش و خناث لكن امير بدافع الحب و تينتظر يكبر شوية و يحس بيه بدا يستوعب الكلام تما تكون للغة حوار ..متمني ولدو يكون احسن منو و افضل بكثير ، نشف راسو و للبس بيل و شورط ورش عطرو و خرج عندهم ..لمحها مقابلة معاه مراقباه هو تيلعب ..
مغيث: شششش ممنوع البكا !! ( مسح وجها و تيتكلم برنة صوت رجولية حنينة نفس وقت) اناا عاارفك ماتبغيش الاذى للولدنا مي فهميني !
ليالي: جوسي !! غلطت ، ميي ...
مغيث: ليالي نتي مراتي و من نظرتك ولا هضرتك تنفهمك ..اقلبك الابيض و ظرافتك تنفع معايا مع ولدك مع الانسان لي باغي ليك الخير ماشي مع بنادم نتي عارفاه تيبروفيطي فيك ..
ليالي: وي طا غيزون
مغيث: اطون آفي علاش عجبها جلسة معاك !؟ واكلة شاربة تنعس فوق مابغات تخرج فوق ما بغات ، نبصم عليها مع ديك خالتك و ماتاخدش راحتها هكا، اعرفتي فكرة ان امها مصيفطاها لخوك تساومو هادي كرهاتني فيها
ليالي: ( شافت فيه بتفاجئ) ماشي هكاك ..
مغيث: ( مربع يديه على ركابيه و تياكد بصبعو) سييي ! هكا راني تنفهمها طايرة اليالي ! ونهار قلت ليك واش اصلتي بماماك كذبتي عليا ، ( تشوكات ) شوف اليالي انا راجلك و حبيبك دوزنا اكفس امور و رجعنا اقوى من اول ، ماعنديش قناعة ولو 1% اني نخليك ولو يوقع بيناتنا لي وقع ! مي صارحيني راه نفعك مانضرك
لياالي: ( تتمسح فجبهتها بخجل ) ديزولي
مغيث: اعتذراك لامحل له، لاننا بجوج مطالبين راعتذار ..راقبي ولدك و حاجة لي طير عليك نعاس و تنغص حياتك بناقص منها ..
ليالي: ( هزت امير حا عندها ) الله يهدينا على انفسناا ( قربت منو و باستو فموو) حوطيم ..
مغيث: ( نيم عينيه يلاه جا يرد بها بوسة هو يدفعو امير ) ههههه ياك ! يلاه نوض دير دودو ..
امير : ليمنيوون ..
ليالي: ( هزت لعبة عطاتها ليه) قلتيها طاطا الوازنة !؟
مغيث: ( معنقها ) نو !! نشغلها وليل هدا ..غدا و نهضر مع خويا نبيل ..
ليالي: انشاء الله ..انا نوض نعس شوية راسي مهرس علياا..
نبيل: بحالي بحالك ..مهم دوز عند واليدة وكولها لها لايبقى فيها الحال ..
مغيث: ضروري ..تهلا /اقطع
نبيل: (تنهد بعمق و شاف فدجاج ) خاصنا تهديد باش تعشى تاني ..
... ثاني يوم من رمضان، قرار انهم يكتبو بنتهم الملك الوحيد لي ماشي بجديد عليهم ؛ او بالاحرى ماشي بجديد على الام ، لي تتشوف بنتها قليلة الصحة او زهر ماعندهاش او الولاد ولو، خافت تزاد عليها ضرة و تلاح من موراهم ، خافت تموت تخليها مع اباها و تجي لي تخرجها من دار اباها ، خافت و خافت و خافت ..نازلين هيا وراجلها هازين ملف فيديهم ..
فطوش : اوا انا غير نمشي الدار ، نبقى متقلة بقفتي !؟
فطوش : ( جوج زيوفة فراس وجلابة) اوا الاا، ندزو اول و تخرج معاك قدام راجلها ..
الاب: زيدي الالة الفاهيمية ..
..هو القدام و هيا تابعاه ، ثاني يوم رمضان دنيا مزالة خاوية ، دخلو الحومة و قربو الدار عاد وقت ينتظرها مقاتلة مع قفة ..
الاب: اوا طلقي راسك ..
فطوش : ( تتسوط ) هدا الله ، تتعبر طريق انت ماشي تتخطو ..( دقت و صونات ...تاتفتح الباب ) السلام
نبيل: ( مد يديه سلم ) سلام خالتي ..
الاب: ( ببشاشة) السلام اولدي ! صحيحة بخير
نبيل: حمد الله اعمي ..زيد تفضل ..
....الوازنة كانت فاستقبالهم و فطوش ديما جاية بقفتها عامرة ، لبن ..زبدة..حليبظ.بيض..دجاج بلدي..تسالمو و تباركو العواشر ..تاطلعت الوازنة فوق مع فطوش يطمنو على اسماء و نبيل جلس مع الاب ..
الاب: كداير اولدي مع تمارة !؟
نبيل: ( جامع يديه عندو حاني راسو ) حمد الله اعمي !!
الاب: ( حط ملف و تنحنح فالكلام ) اوا الوليدي الا اكتاب بغينا نملكو ديك دويرة لاسماء ..للدويار الزمان
الاب: ( تفكر اسماء و مسح وجهو) رزق امها و رزقها ، اوليدي انا فواحد الوقت بمرض ظهر سنين ماخدمت غير المراة لي خدمت ا واحد خويا فريف مسگ الله عاوني ..
نبيل: اسماء اعمي انشاء الله ماينقصها الخير، تفوت غير من الصحة و تجي فين بغات
الاب: هدا اوليدي الاساس الصحة ، اما الفلوس راك ولد الدار الكبيرة و معدن صافي ، نهار عطيتها ليك !؟ عطيتها ليك بالنية
نبيل: ( حنى راسو مفكر نهار خطوبة ، ماتشرطو ما طلبو صداق ) اعمي انا من وجهة نظري ! بلاش هاد كتابة ، بلعكس الله يعطينا منين نعاونكم
الاب: الله يصلحكم اولدي !! وصية امها نفذها فالحياة ..
..الحديث جاب نهايتو و اسماء لبست جلابتها بمساعدة امها الحبوب انتشر كلوو و غير تتحك ..هزت صاكها و نزلو تحت ، ودعو الوازنة لي اكدت عليهم يرجعو الفطور ..
نبيل: ( تينتظرهم فطموبيل ...شافهم نزلو و فتح الباب للداخل اب اسماء) طلع اعمي طلع
الاب: باسم الله ! اوليدي سمحنا الا معطلينك على خدمتك
نبيل: ( شاف طريق خارج ودوز عينيه اسماء لي مغمضة عينيه) مرحبا اعمي ! خدمة ملحوقة .
....نبيل صايك و الاب تينعث ليه الطريق ، وقفو امام العدول و نزل الاب و نبيل دخلو و فطوش بقات فطموبيل مع اسماء، سلمو على عدول و حط ليه الوثائق و خبرو بطلبو ..
العدول: ( قرا الو ثائق و شاف الحالة المدنية ) على بركة الله ، و الصلاة و السلام على رسول الله صلى الله عليه وسلم...الشريف عندك بنتيتة وحدة ة باغي توهب لها هاد دويرة!؟
الاب : اياه اسيدي ..
العدول: الأمور الدينية واضحة الشريف فهاد مسائل ! ة خير هبات هي الإرث ، يعني نصحك انك تترك الامور على نصابها الا ان ياتيكم المنية طول اللع عمركم ..الزمن و الاقدار لا ترحم ، بما انها وحيدتك فهبتها جائزة و صحيح بشرط ان لاتقصد بهاده الهبة الاضرار بباقي الورثة ..
الاب: انا سيدي ! عندي بنت وحدة، و الاخ واحد هو لي فضلو عليا فهاد دويرة ..ماعنديش من غيرهم ..
العدول : الله يسر الامور..حنا تنوضحو الامور ..اما الا بغيتي تحلل الهبة و تزول عليك الشك فامور دينية حولها لللبيع وشرا ..
الاب: اياه تهاد القضية مزيانة ..
العدول: الدار داخلة فالمحافظة !؟
الاب: نعم اسيدي
العدول: ( تيكتب ليه ) تجيب ليا هاد وثائق منهم شهادة الملكية ة و شهادة تصفية من الضريبة و نبداو اجرائتنا ..انا نكتب المقال و ناخد امضائكم ..( شاف فيه ) الابنة معاك هنا !؟
الاب: ايه نعام اسي !
العدول: احضرها ..
..خرج نبيل جابها شاد فيها و جلسها هو واقف عليها ، فداخلو مموافقش على هاد الكتابة ولا هاد بيع لكن اصرار والديها اخضع ليه، الامر حتاج بعض الوقت و خرجو من تما تتبوس لاباها راسها و امها ..طلعو راجعين الدار الا الاب لي رجع بحالو ..
فطوش : دبا اوليدي يدوزها راه جبت لها العسل حرة ة كبريت ، سيمانا يمشي
نبيل: ( حرك لها راسو ..وصلهم امام دار ..نزلت فطوش هيا اولى) الا سخفتي فطري ! راك مريضة ..
اسماء : ( تتستعد نزول ) اتردو معايا ..
...النهار يمر باوقت بطئ، صبحت ناعسة تافيقها اتصالو واخبرها على موعدهم للطبيبة ..ناضت طرفت و لبست جلابة و رمات شال موقرة شهر حرام ، خرجت سلمت على الوازنة و ام اسماء و على مسامع كلاكصون نزلت ..
نوصير: ( عين مع طريق و عين مع تلفون) تزيريش لينا على لعزري الله يخليك ..فين سادينها دبا !؟
زاينة: ( فتحت تلفونها و تتقرا عليها عنوان ) فشاريع ***** راه طبيبة مزيانة
نوصير: ( شد طريق ) الا كانت عامرة انحطك ورجع نوقف على واحد سلعة عاد رجع عندك
زاينة: خلي غير الفلوس بزايد ، الا تزيرتي فالخدمة غير جلس ..
...مركز مع سياقة كل مرة يحك راسو مبرظ مع الخدمة توصلو العين مكان، نزلو بجوج طلعو العيادة ، فعلا كانت عامرة ، سجلت سميتها و رجعت نزلت معاه تحت فطموبيل عطاها فلوس ..
نوصير: كافياك !؟
زاينة: ( حطاتها فالبزطام ) كاينة لي تيقول براكة من الفلوس ...( نازلة) يلاه تاترجع عندي
نوصير: سوليها مزيااان و كولها تخرج دوا اعصاب راك مطلعة لادوز ..
زاينة: ( تتميق فيه) كمااارة ..
...قلع تيضك معاها و هيا طلعت جالسة ..تتنتظر دورها، هزت تلفونها تتدوز الوقت و هيا دخل واتساب تتشوف لي سطاتي تاطلع لها statut حفصة، مصورة فنفس بيت نعاس لي كان ديالها ...و كاتبة بخط عريض
: مكان الحب الله يخليه ليا وديما خضراا 💚
...الوجع داز فكرشها، تتزومي وتعاود و تتعاود تغمض عينيها و تفكر بيت نعاس البرطمة و تتهز راسها تتسوط ..
_ماااايمكنش !!
_اوا لااا نفس كادر و الحيط و صبااغة ،
_( تتغزف بسنانها) راه تندوز غير ليلة فاوطيل و ماتنساش ديكورها بقى غير الدار لي جلست فيها كثر من سيمانا و بيت نعاس لي نعست فيه وعاودت ......جمعت وقفة خارجة شدات طاكسي للعنوان ..طريق كلها وهيا تتشد جناب كرشهاا ..وصلت العمارة خلصت طاكسي و نزلت ..وقفت من جهة اخرة مقابلة ليها ماكاليها راسها حدا مول حانوت..حاضية و مراقبة شافت ساعة لقاتها جوج ..بقت تهضر مع راسها ..وهيا تتدخل statut و تشوف فصورتها
_هيااا لي صونات عليه !! شنو ندير نطلع ندق !؟
_اويلي وحدي دار خويتها باتلتيام عمرها !؟
_ يكونو تزاكلو ليا نوامر !؟ لالا هو هداااك بيت نعاااس ..
_ لالا انعل شيطان ! وحم و اعصاب و شكي بداك رعواني ايحمقني ..هيا متقدمة شاريع تشد طاكسي هيا تشاهد سيارة نوصير واقفة نزل منها ز معاه واحد الولد لابس كموبيليزون واضح عليه عامل ..قلبها تيضرب ..تيضررب
تيضررب
زاينة : ( عينيها خرجو متبعاه طالع) شووفي القواااد ، شوووفي كاميون السلعة !؟ بغيت غير نعرف ! شكون فين ضرة ولا شكون فينا لي مطلعة صبع !؟
...عساس : ( ..لاحظ انها واقفة فهاد شمس وصيام) اختي واش تتسولي على شي احد !؟
زاينة: ( طلعاتو و هبطاتو) اخويا اش نكوليك !؟ ( اشارت برطمة) هادي لي تتشوف فيها فوق داري كارياها وراجل رجعني نسكن مع امو ودبا كالو ليا فيها شي امراة !!
زاينة : ( فتحت بزطام مدت ليه تدويرة ) الله يسهل عليك ..
..تهربت تتمسح دموعها قاصدة العمارة ، هيا تتقطع شاريع هو من حسن صدف حفصة حطاتها طاكسي ...
....انفاسها مظضربة غير منتظمة ، تشوف للانسانة لي تتشوفها فصور و متهمها بالخيانة مع راجلك ..وقفت تاخلاتها سابقاها ، عطرها الآخاد وراها لابسة شوميز بيضة و سورال دجين و شعر كحل توتة مصاوب وعاملة نظاظر شمس و هازة صاك شانيل ....انها لآيدي ! زاينة تطلعها و تهبطها هيا بنت الوقت و تتعرف بنت انا وانا من بنت زنقة و من بنت عادية ؛ هادي خلات تشكك فراسها...هاادي هيا حلم زاينة لي باغة توصل ليه ...طلعت معاها طاج اول و تكذب راسها انها صدفة ؛ و تاني و ثالت و رااابع الخااامس و امام رقم 12 نزلت دمعة حارة تختم مغامرتها ...
نوصير: ( جرها هازهاا دخلها دار ) زااااينة ...( سخفاتو) غادي نجمع مع دلمك ..( شاف جيران ) لي عندو شي داااار يتوكل عالله ..
زاينة: ( دخلت نيشان بيت نعاس لقات باليزتها و ماكياجها و هزاتهم و بدات ترمي من بالكوو ) الموووووسخة ...( تتهز سليباتها و غير لامارك ) يعطيك سيدااا ...
عساس طلع تيجري اخبر نوصير حوايج تيترماو من برطمتو فزنقة هو دخل عندها و حفصة نزلت تتجري ليهم تحت ولقات ناس تيهزهم ..
حفصة: حواااايجي ..حطو حوااايجي ..
زاينة : ( تتغوت باعلى صوت و تتدفل)تفوووو عليك الماارجة ، اتريكة القحاااب ..
نوصير: ( شدها بسيف و سد بالكو ) براااكة !! براااكة ..( جمع معها بتصرفيقة) هنيناااا
زاينة : ( بحال ضربها بريشة) مدخل علياا القحااااب !! تقى غير لي فكرشي !! تقى عير رمضان يااا رعواني يااا زهوواني يا بو بناات ولكن بررربي لابقات فيييك الا ماوقفكتش عند حدددك راني ماشي شلحة ..
خارجة تتقلب على بزطامها هو تابعها دايخ متفاجأ ..صاعر...نازلة تتجري هو تابعهاا ..شافت اخرى تتجمع فحوايجها و تتحشي فصاكها و ماتهز غير حجرة و تشير عليها جاتها فراس ..
نوصير: ( شاف اخرى طاحت ) اااش درتي !! اااش درتي
زاينة : ( شافتو غادي لها هيا طير عليه تتقمش ) والعدااااو و عبااااد الله و الناااس ..تيضربني باااغي يقتلني ...
..نوصير : ( شد لها يديها و تيحاول يجرها طموبيل و هيا حامياها بغوات ..تاسمع صوت بوليس غمض عينيه بغضب ) علااااش ازااااينة علاااااش
أولاد الوازنة الجزء 25
محتوى القصة
التنقل بين الأجزاء