..غيثة بنفسها شرفت عليها ..بنت الوحدة و فرحة وحدة ، دات لها افخم فطور و هدايا مع ناسها و حبابها ...وصلو بسياراتهم لابسين ومقادين و تاويل تعطي الفاسة وراتة ...كلها واش مطلع فيديه و الكونسيج معاونهم فالبالز لي عامرين بحوايجها و صيكانها ..و مطلعين بلاطو مدور مزين بفواكه الجافة و طباسل الحلوى مغربية و جداتها هازة ذهبها صبوحي .....دقو استقبلهم مغيث بجابدور جديد و خرج يشوف الا مزال شي فاش يعااون ..
..غيثة طارت على بنتها تتسلم و تعنق و ليالي غير تبتسم لماماها كانها تطمنهاا ..سلمات عليهم و ناضو بنات خلاتاها يوجدو لي جابو باش يحطوه ....للحظات و جات الوازنة وماشا و رؤيا سلمو على ناس و ندمجو فالحوار على تعب العرس و ماجوارهما ...
...حطو البنات الفطور و تيرحبو بالوازنة لي مجمعة مع جدة ليالي و فطوش متفكرين الزمن الجميل ..تاتصلت خديجة بغيتة تطلب عنوان و عطاتها نعث ..
...امام باب العماارة واقف مغيث و فاروق لي تيكمي خلاو عيالات على خاطرهم و جابدين حواار نبيل على اسمااء ..
مغيث: بنت ظريفة !! و امها رضيعة امي ولاكن خووك ماتيتفااهم تامع حوايجو اصااحبي !!
فاروق: (مخنزر و تتيحك راسو تيحس شيب يطرطق ليه بقلة نعاس و تعب) اوودي راه نواور علياا اناا !! مهم طرق المسمار مع الواليدة ..بنت ديالنا و معرفة و صغيرة و عزيزة على الواليدة يعمرو عليها الدار ، نبيل راه يتهلا فيهاا
مغيث: اللهم يسر ولا تعسر ..وانت !؟..
..يلاه جا يجااوب هو تبان ليه نفس طموبيلة فالعرس تتبلاصي ومغيث شافو فاش تيشوف ..
مغيث: اسبحاان الله
فاروق: (رمى كارو و حرك ليه راسو بمعنى راني معاك ) شكون هاد ختنا !؟
مغيث: صاحبة لمدام و مخطوبة ...
...خلاه باغي يضحك على زهر مقود هو تيشوفها جاية لابسة جلابة سوسدي الفوق شفاف بللون رمادي وتحت اصفر بثوب حريري و صباط كلاص حات متل عارضات مجلات و هازة فيديها بواط مغلفة بابي كاضو ...
خديجة حركات راسها كتحية لفاروق لي طيرها بنظراتو و تقدمات قدام مغيث لي سابقهم و فاروق موراهم ..ركبو فساانسور و هيا حانية راسها و مغيث حاضي خوه لي عاض على لسانو و مثبت فيها شوفة تتحل الباب امام باب برطمة و فتح لها الباب دخلات تسلم عليهم هو فاروق دخلو صالون صغير ...
للحظة لي طاح على وقفتو وتمينط ماعرف باش تبلااا ..خمسة متحاامين عليه كلها منين شااد ..شدو المجرمين السفااحين و طيااحين رووح !! قلبو تيضررررب تيضررررب مصدوووم تشوووكا عينيه غمامة كحلة عليهم !! تبلج من صدمة و غوات ابرااهيم فوذنيه
نوووووصييير و خويااااا نووووصيرر و طلقووووه وااانووووصيرر
ابراهيم غادي يتسطى و درااري جاين تيتجاارااو تيغوتو ....طلعو نوصير صطاافيط و داارااري تيجريو لي وصل اول تيضرب فصطاافيط و يعااود و غوات و سباان و عقولهم تخررج..سؤال واحد فبالهم اش دار دار ..
..ترونات فداك طبيب مع مشجعين التراس و كرين بويز و المكانة..قلوب تشعلت فيها عاافية ..كابوو سكوادراا دريالهم #شدوه ...اش من ذنب داار !؟ طول عمرو مشجع للرجا شغلوو الوحيد هو نتظار مباراة الرجاء البيضااوي ..معروف عليه عاشق رجا و كابو ذو قلب حنين دائم فعل خير و محارب للفساد و تيدافع عن حقوق الرجاء و باافعالو و اقوالو كسب قلوب مشجعين ....تقلب داك طبيب شي تبع نوصير للكوميسارية و شي دخل يقلب على خليفة و تاكد من موتو منهم ابراهيم عارف راسو مايقدرش يشوف فنوصير بلا خبار صاحبهم.
..من دخلة لايغجونس اوا شوفة تقول قايمة فالبلاد حرب سورياا ...كاشي بدمااياات و تونيااتهم اغلب للون الدم على اللون خضراا ..ها لي مهرس هاا لي مشات ليه عينيه هاا مبليسي هاا تيغوت و يصرصر من حق ضربة واش عند طبيب المخزن اش يدير قدام هاد مئات مشجعين ...
داراي تيقلبو علة خليفة للاستقبال فطبيب مخزن شي حاجة مستحيلة شكون يقيد ولا يكتب اسماء المرضى تيعرفو من دخلة يكول ليك خلص صنوق عاد دوز ..دراري يحمااقو بتقلاب لي سولو فداري لي مضروبين تيخسر عليك ماشفتوش !! كان معانا !! لا تقااص لا ماتقاصش حقيقة ملموسة ماكااينااش ...
..دخلو جهة الاموات ...هجمو على سيد لي تماا تيرغبو يشوف لهم واش خليفة تماا ووراه براهيم صورتو فتلفون و تبعوو حل ليه جوج تلاجات الموتى اول مااشي هوو و تااني ماااشي هووو ..
: هاد جوج لي ماتو اخويا من مطايقة رجاا
ابراهيم خرج دموع فعينيه منظر داراري لي ميتين شباان فعمر زهور !! ددذنبهم لبسو توني اخضرا و هتفو انهم رجااوين تاتلاقاو مشجعين ( بعض مشجعين دو روح خبيثة) ضربوهم تازهقت رووحهم ..اش تكون حالة امههااتهم ..شمن كرة هاادي تفقدك حيااتك و ضيع والديك فيه مع خررجة جاين داراري تيجريو ..
: رااه فووق مهرس من ظهرو تيتسنى طبيب .
ابراهيم : (تيمسح دمووعوو) نشووفووو
..طلعو تيتجرااو والكلوار مطرطق بالناس وكلشي تيحتج على غياب ممرضين و اطبة ..دخل عندو لقاه ناعس بلامخدة وجهو مجروج و تنين بالااام
ابراهيم : (حنى عليه شااد فرجلية تيبكي بدمووع) ااعشيريي وااا عشيري خليتك ساعة جااني خبااارك
خليفة: (مغمض عينيه تيبكي تقهر عمرو كان من صحاب شغب بلعكس تيتحكم فعصبيتو فتيران ) هانا مزاال حي ..جيب ليا الوليدة
ابراهيم: تهرسوونيش اعشيري ..شد فرااسك (تتبرك على رجليه ويهبط يمسح دموعو فسروالو و يشوف فيه) عشيري اناا غاادي تابع ككاابوو
خليفة: ربي معاكم و معاناا ..الله ياخد حق ..
...لي بقى بقى تماا ..لاكن اغلبية هبطوو لكوميسارية خبار بدات ذيع و الشبكات الاكترونية تداول اخباار ..نبيل كان اول من سااق خبار تيتصل بتلفونو طافي خرج من سربيس طفاه و مغيث تلفونو فلبيت ...تيهس بعرق تيهبط مع ظهرو و نفس تتطلع بسيف هااا لي كاان خاايف منووو هاا لي كانوو ينهيوه علييه .....ديمارا ديريكت دار مغيث ، وصل صونا فلانترفون جاوبو مغيث خبرو ينزل هو فاروق بلا مايخبر للوازنة ..هبطو تيتجراو غير شافوه من وجهو مزير نطق مغيث عرفو قضية تتخص واحد منهم مدام هما بثلاثة كاينين وصلو عندو فين واقف حدا طموبيل
مغيث: خووك دارك كسيدة !؟
نبيل: شدوه صحاب الوقت
فاروق ماحس براسو تاضرب راسو مع طموبيل ...بااط ..نطق مغزززف عروقو تنفخات و
تيضرب فرااسو مع طموبيل نبيل مشوكي و مغيث غااادي جاي تيستوعب لي جرراا ...
الميمة حنينة هياا لي فبال نووصير هو جالس فكرسي تحقيق امام احد ممحقيقن لابس قميجة و سرال توب و جالس قداامو تيبخ فكارو !! من جلسة التحقيق لي غريية نوعا ما عن مغربي لي تيتقدم اولا عند وكيل الملك كما معروف ..هنا نوصير دخل معاه القااصح وعرف ان القضية قااصحة ...ابتسم ابتسامة حزن و خيبة امل على نهاية كابو ...
: نوصير قبااج 28عام
نوصير: نعم
: اش تتكول فالتهم منسوبة ليك !؟
نوصير: شمن التهم اشااف !؟
: تحريض عن الشغب و غسيل دماغ المشجعين
نوصير : اناا شاف كابو سكوادرا !! اناا مشجع رجاء بيضاوي و تنآطر الاف مجشعين فتيران و تنكونو منظبظين و منظمين للتفوات خاطينا شغب اشااف ..
: فبلادي ظلموني ! السبت الاسود !! تيفوات تتهز امن البلاد !! اليوم جوج الرواح طاحت، و نت متهم وحيد !!
نوصير وذنيه تصمكوو من قوة ضغظ "التهم متوجهة ليك) يعني اماا المااتش تبااع اماا هو كبش فدااء امااا تبااع ..تاني مرة تيبتسم ابتسامة ربي لعالم بيهاا ..و نطق بحسرة ...
..نوصير: اشااف !! عاد مات قومان الناس بسبب فيضان كانو تيتفرجو فماتش ان لي غرقتهم !! يومياا البحر تيلووح بنادم هارب من فقر اناا لي تنحكرهم !؟ عاد ولد حرق راسو فتكوين مهني بسبب 40درهم انا لي حرقتو !!؟ ...انا شجعت فرقة ديالي قبل
ماننزل تيران تنتوضى و نتوادع مع ميمتي و حبابي !! انا لي تنرفع راية رجاء البيضاوي فاعمال الخير..
: (سمعو و طفى كارو و شااف فيه مطول) فخبارك اناا ودادي !؟ تنعشق حمراا للجنون تحية من إلترا وينز لكرين بويز ...فبيتي قبل هاادي 7سنين كنت تنعس انا خويا لي رجاوي حتى نخااع وديما مخارين انا وياه و شد فيا نشد فيك وكلاشات ولاكن تنبقاو خووت وجهين للعملة واحدة ..نهار تتكون رجا فشي مدينة نضبر ليه فلوس هو كدلك علاش !؟ محيت تنتفسو عشق كرة ..وعشق تشجيع ..كنا يد الوحدة تا جاني خباارو و دفنتو بيدي و مدفون معاه راية رجاا ..بسبب شغب نهار ديربي دافعو مات مخنوق ..ماكرهتش الكرة ولا الرجا ولا الوداد ربي بغاه و داه و ساعة وصلات ..لاكن نصيحتي ليك قلب على نقطة ضايعة فحيااتك و صلحهاا ....خليكم اليد ومغاربة تاالموت ...سطر على مغااربة ...
..ناض محقق خرج و نوصير نهاااار تيبكي !! جاامي يكررره رجااا ولا ينذم على وقفتو شي نهاار فتيران ولو يعطيها عمرووو لاكن شي ضربات فالحياة تيوكضوك للعمرك لي غاادي ..هو مستعد يتخلا على كابو فحالة دوك 80الف مشجع وقفو ضدو ..اما حتى قانون فالبلاد يغير عشق الرجاا 💚💚
...فاروق تحرك من جهة معارفو خبار من هنا خبار من لهيه و لي كاان خايف يسمعو هو لي سمعو ..
خوك اشاف ! بيعوه عجل كان متبوع من شمشامة المخزن ...
..اتصل بمغيث لي لغى سفرو و خلا ليالي فدار بلا خبار و تحرك من جهتو و عيط محامين صحابو و القضاة لي تيعرف اما نبيل هز مو داها الدارها و تيحس عرق فجبهتو تيزدح ..عارف يلقى حومة مقلوبة و فالباب يكولوها ليهاا ..داكشي لي كان لقات درب عامر جرها نبيل مطلعهاا و جلسها و اسماء هازة رؤياا و فطوش حاسة شي حاجة ماشي واقعة ..خبرهاا الخير طاح عليها كصااعقة ...المرأة مومنة ماضربات فخادها ما ويلات هزات يديها للسما تتدعي و دموع حارين تينزلو و فطوش حداها تتبكي و اسماء لي تتبكي معنقة رؤيا ..عزيز عليها نوصير .....
..دار عمرات وجيران تيواسيو ..لي داز الدار عند خليفة يدوز دار عند نوصير ....ليلة صبااحية و درب عااامر ..لانعاس شافوه لا ماكلة كلاوها ..دراري من بعيد جاو ...تفكيرهم فالخطوة جااية ...
...لليلة صبااحية ..الوازنة بايتة تدعي و طلب الله يحمي لها ولدهاا ..وفطوش و اسماء لي مقابلة رؤيا ...اما نبيل داخل خارج و تلف ماعرف مايسبق ولا يوخر !! ديمااا ينهيه و ويصيفط ليه فاروق ينقي ليه وذنيه لاكن هوس الكرة خرج عليه ..فاروق من البارح مادخل ومغيث تا جوج ليل عاد مشا دارو متجاتش يخلي مراتو فول ليلة ليها بوحدهاا ..
🌄🌄
..فاقت صبااح تتحرك فناموسية حلات عرويناتها لقات بلاصتو خاوية ، دخلات حمام غسلات وجها و حكات سنانها خرجات من بيت مالقااتو لا فالكوزينة ولا فالصالون ولا فالبيوت اخرين ....بقات تدور فعويناتها تفكرت بليل فاش دخل و فيقهاا ..
🔙🔙🔙
داتها عينها و بالها مشغول من بعد ما اتصل بيها قالها ايتعطل ! ماعجبهاش الحال لاكن ماكبراتش موضوع تايجي و تفهم منو الموضوع يلاه بذات تديها عينيها تاتحس بيديه على خصرهاا و تيقبل كتفهاا
مغيث جرهاا عندوو معنقهاا فحاجة ليها تكون سند ليه ، دوزات يديها على عنقو و طلعات شعر تتماصي ليه راسو و عينيها غير عليه و هو تيتنفس بقوة و راسو حاطو على صدرها تيفرغ طاقة سلبية ...تاارتاح و عرف طريق كلام قبلها فمها تيشوف عويناتها لي تيحمقوه و جرها للحضنو
مغيث: تلغى سفر ديالنا نعوضوها ابخي
ليالي: سي بكغااف !! ماقلتي لياا والو !؟
مغيث: خويا نوصير صغير !! تشد فالكوميسارية
ليالي؛ (حطات يدها على فمها مخلوعة) مي بوغكوا !؟ اش دار !؟
مغيث: سِي سَالوبخوبليم !! مدار والو من غير انه تيشجع كرة سيتوو
ليالي: اووووه لوبوفغ !! ربي معااه و الله يفك سرااحو
.وماماك كي بقات !؟
مغيث : ( تفكر الوازنة دوز يدو على وجه حابس دمعة) كي غادي تكون !؟ كبدتها تتشوا و كلنا تنتشواو ...
عنقااتو تتزير عليه و تواسيه ، خبار صعيبة على اي واحد ..اول مرة تشوف مغيث على هاد جانب ، اثر فيها بزاف و بقات فيها عائلتو ..ماحساتش براسها امتى نعسات و قبل راسها و قادها فبلاصتها و غطاها و ناض دوش و بدل حوايجو حط لها كارط كيشي حدا راسهاا و سوارت الدار دوبل و خرج مع اذان الفجر ...
🔚🔚🔚🔚
رجعات بيتها عاد شافت كارط كيشي و هوت تلفون تصلت بيه !!
مغيث: موا اوسي ، بيزو ......قطع الخط معاها بان ليه فاروق خارج من الباب لابريكاد جاي عندو ..
مغيث: اااشنوو ..
فاروق: (حالتو حالة يومين ماشاف نعاس غير كارو و خدمة للحية ناضت ليه و تحت عينيه رمادين ) من البارح انا تنطربخ مع هاد ولاد قحااب بوليس !! الا شدوه و ركبو لي فراسهم ! قضية تحول الرأي عام و ندخل فيها صحافة و الجامعة و لي بان ليا فطريق ..
مغيث: هضرت مع الرئيس الجامعة و اتصل بيا العامل ..كالك خليو امور تاخد الامور العادية ضروري يدخلو ..
فاروق: (تيحرك راسو بلا) المخزن اكبر حيواان ونااا واحد منهم !! نهار تنشدو بنادم ماترحموهش ، من اعوام الحرب دون رصاص (عهد حسن تاني) و الانقلاب لي فشل ، من تما مخزن مابقاش يرحم ..البوليسي مع جدارمي مع مخزني تيتحط فبلاصة وحدة كلها حسابو فراسو ..الا خلينا امور تاخد مسطرة يطلع معانا اكبر قالب ...(قاطعو تلفون )
فاروق: اش تم !؟
: شاااف خوادري هبطوه المحكمة !!
فاروق: (قطع تلفون طلع راسو تيقلب على تنفس) داااوه
مغيث: زيد نتحركوو ...
....بالمينوط فيديه وبلويس جارينو معاملة مجرم ..معاه 6 بلويس منهم صحاب للبسة و سيفيل مشهد خروج من كوميسارية غير باش يطلعوه للصطافيط تذكرنا بمشهد اصطحاب مجرم للتمتيل الجريمة ...حاني راسو و قلبو تيحس بيه ايخرج
خاايف !؟
نااذم !؟
مصدوووم !؟
..تاحاجة من هاادشي !! نهار عشق رجا دمها تخالط مع دموو و تيتنفس الرجااء البيضاووي للكن خوفو لااا هياا تخلا عليه ..اول ما ضرب فيه ضو النهار قبل ما يفتح عينيه ، فتح وذنيه لااصواات لي تتناديه ..
..عشرات هما !؟ مئات هما !!؟بل آلاااف هم !! رجاوين من داخل وخارج كازا الكل يصيح
La liberteeee noussir (الحرية لي نوصير)
Nooo capoo no partyy ( لا كابو لا حفلة)
...بخطوات اتجاه الصطافيط فتح عينيه فالرجاوي متجمهرين امام الكوميسارية و ابتسم بابتسامة ليهم و رفع يديه لي فيهم مينوط بعلامة ✌ (الحياة او الموت ) طلعوه الصطافيط ومعاه بوحدو للور و سدو عليه الباب و قلعو ....
...فالباب المحكمة جمهور اااخر جاين ..نبيل مغيثة فاروق و اقفين وقفة الوحدة بملامحهم رجولية و عيون الحزينة كل واحد فيهم مكمدها و سااكت ....تحرك مغيث عند المحامي لي يترافع على خوه لي صباح كلو هو فالكوميسارية تيطلع على ملفو ....
مغيث: هاد جلسة زعما !؟ اش تتكول فيها !؟
المحامي: سي القباج !! ماكاين مانخبع عليك فكرة تخرجو معاك فيديك اليوم مستحيييل ..غادي يتقدم و يدوز الحبس و غالبا يدوزوه الجنائيات
مغيث: شحال ضحايا مذكورين فالبلان ؟؟
المحامي : جوج ...
..فاروق: (دخل فالحوار من بعد ما سمع جواب اخير ) عطيني عقدة لي شادين !؟
المحامي : سي لاجودان راك رجل الامن !؟ عارف خدمة مقدمين !!
فاروق: ويلا جبت هاد ولاد زنى لي قتلو هاد داراري!؟
المحامي: تخاف تزيد تغرقو !؟ راه يوقفو قدام وكيل يديروها فيها مكدمين
فاروق و مغيث غادي يتسطاو تاشافو نبيل جاي تيجري جهة طريق ..دورو وجهم بانت لهم صطافيط داخلة و الدراري تيغوتو بسميتو و يهزو فشعارات الرجا ...حلو الباب و نزلووه للمح خوتو هبط راسو ماقدرش يشوف فيهم ..دخلوه بزربة هما تابعينو مع محامي و دخلو قاعة فانتظار المحاكمة ...دوز وحدين هما علة الكرة بتهمة شغب و ضرب و جرح ..
جات نوبة كابو سكوادرا لابس توني خضرا ومزال بالمينوط وقف قدام القاضي و خوتو واقفين حلقهم شااحف و حاجين يديهم فجياابهم و تيدعيو معاه ..القاضي شافو مينط طلب من بوليسي يفكوو ..
القاضي وجه ليا التهم المنسوية عليه ..و نوصير نكر كلشي و هضر متبث بالآراء المقتنع بيها لاكن مجعات سرية لي كان تيمشي ليها تزادت ضدو و اخرها نهار عرس خوه ...نتهت محاكمة بتأجيل للموعد اخر يعني الحبس ...مينطوه و فااروق خرج هو اول و مغيث تبع محامي ماتبعو غير نبيل تيهضرو بغوات ..
نبيل: نوووصير كووون رااجل ماتخاافش
نوصير: (بدموع و ابتساامة ) خووويا امي اخووويا و سمحووولي
خطفوه قبل ما يسمع جواب خوه و هبطوه تحت امضى على المحضر ..و ركبووه تاني الصطاافيط وطرريق للسجن ....الله ينجيك من جايات !! خبار ذاعت كابو دخل الحبس ! لي بكا لي غوت لي سب البلاد لي تشفى لي ماممسوقش !! ...قضية #نوصير تختصرت فالجملة #البلاد_الظلم_بالقانون ..
..تيسمع على حبس ، و تيعرف دراري دخلو ليه و تيطلب الله يعفو عليهم و مرات تيضحك هو عشرانو بمقولة #الحبس _للرجال ..لاكن واقع شيء ااخر ..الحبس لهلا يدي ليه شي المسلم المظلووووم ..تفتح الباب الحديدي الكبير و دحلت صطافيط لاامام الباب داخلي نزلوه شادينو من ذاعو ..سلم الامرو لله الحبس هاهو جا ليه ...فالدخلة تقلب و حيدو ليه مينوط سيور سبرديلة و الخاتم و سنسلة وبوليسي حط ليهم ساشي ميكا فيه تلفونو و بزطامو و شي صريف ....شدو مخزني من ذراعو و نوصير تيحس بالبرد فعظامو من رغم الجو الساخن تيتسمع صوت مفاتيح الكتيرة و صوت صواقط كل رواق معاه الباب تيستد و كل الباب تفتح و تسد قلب نوصير تيتزير ...دخلو دخلو الزنازانة منفردة فيها درجة من الحيط الحيط و كاشة كحلة و قف تيشوف في زنازانة صغيرة شديدة بروودة تا سمع صوت انغلاق الباب و ضربة سوووارت
طاااااااااق
..الوازنة وصلاتها خبارو بكات و بردات و من دعاويها ماخصاتو ...
انااا رااااضية علييك اولدي دنياا واخرة
الله يااارب الكون يااا شايف و العاالم راه ماقاتل ما ذابح ما ساارق مااا متطيح بياا ..رااااضية عليه
تسبيحها فيديهااا و كفوفها للسماا ..ليه دمعة العين و ليه تكسرت القلوب للمظلوم المغدور ..دخل عليها نبيل قبل راسها و يديها و طلع بيت خوه يجلس فيه ...اما دار عامرة مطرطقة ناس ماتتعرفهم الوازنة تافوجهم جاو يساندوها و يديعيو معاه ....
🏙🏙🏙 مساءااا ..
..فاروق يلاه داخل الدار و فجيبو ورقة من عند نوصير من بعد ما دخل شافو بعد عدة اتصالات الوسااطة ..خلاه تيبكي ووصيتو الوحيدة هيا #الوازنة وفاروق خرج من عندو بحر هاايج اعصاار مدمر كاره البلاد و زاد كرهاا ..نذم النهار لي ادخل السرفيس لي كلو #افوزغدغ (تحت امرك )
...طلع نيشان بيت نوصير لقى نبيل جالس هاز تيشورط ديالو و تيشوف فسقف ..
نبيل: شفتيه
فاروق: (جر كرسي و جلس جبد كارو شعلو وخدا نفس طويل وخرجو متبع دخان ) ولاد قحااب حاطينو بوحدو ! صبر عليا يصبح صبااح
نبيل: (قهقه مستهزء) لي نطق على حقو يردوه دوزيام زفزافي !!
فاروق: (صاعر و تيهضر تحت سنانو) عااااد شديتو هنا مقنتو !! عييت نفهمو و نوعيه ، ماااتحضرش تجمعاات ضرب و قيييس ..حضر ماتش ولا جوج براكة عليك و ميك على ديربي ، ماتخرج على بلاد مااتبعش رجاا فين مااكانت خليها هيا تبعك ..
نبيل: دبا هاد مونتيف لي ملصقين ليه !؟ نساو حملات تبرع و الدم لي تيعطيو و تيفوات لي تيصنعو من جيبهم و ماتشات لي تخسرو فيهم زبالة فلوووس ..
فاروق: صحااب الحال مانعسينيش على وذنيهم سياسة جديدة فالبلاد !! هااد طوندونس زبي لي يومياا طالع صاروخ ؟؟ بناادم حال فمو و كرو متبعين ليا زوامل و قحاب و مغنين و ممتلين دجدريال و ها لي محيد سليبو علنا ها لي مطلع مرتو تتلوز !! قواو ذويتين محمقين معاهم شعب غاافل عن دولة هيا تتخد قرارات جديدة و تصادق عليهم بالفور اشيفور و و ملاير تتهرب خارج البلاد وشعب متبع ليا رجا و الوداد
نبيل: (ضيم طاح عليه و خوه بين عينيه فللحظة لي منزلينو) اناا خويااا مظلوم !! ماقتل ما هز مانكوات و هبط زعيم يشندخ ليا فالبشر ..
فاروق: خوك رفض محامي من الاتحاد تابع رجا !! مابغى تا سنتيم منهم ولا معاونة ،
نبيل: وعلااش اصااحبي !؟
فاروق: خووك مااشي ضبع !؟ خوووك سبع عاارف فيلم علامن داير !؟ فهمتي ؟؟؟ كرة لي هيا غير للعبة عند فاهمين و الواعين !! العرب رجعوها تابعة للوبيات هما محكمين فيها من بعيد شي يربح ملاير وشي يشد حبس بحال خوووك ..
نبيل: بيعوه عجل !! بوليس شمايت ..
فاروق: البلبلة قوات و رجا وصلات عالمية وكلاشاتهم كثرت باش يركنوهم شوية خاصهم هُوتة ، خوك هو هوتة لي يقدوموها قربان لي للفوق منهم و يتسماو راهم خدامين و اللجام فيديهم ..
....حوار لا نتهي ..متاهة دخلك فالاخرى ....مر يوم و يومين و تلات و اسبوع و شهر ...الوازنة ولادها حالتهم ماتكون الكافر بالله مغيث يخفر فجهة و مخدم فلوس صحيحة و فاروق فين ماكاين شي صحفي و جريدة الكترونية صيفط ليهم اتباعو يشرويهم بسبق صحفي عن اخبار لا اساس لها من صحة عن نوصير
نوصير فالزنزانة الفردية (هو بقى فيها يومين التحق بسجناء عادي)
..ادعى انه داير اضراب عن الطعام و حالة صحية مزرية و تيتعرض مضايقات و عنصرية....روبل ليهم الدعوة بالاخبار و دخل حتى الحالة الصحية الوازنة بسبب سجن الولدها المظلوم ...بمعارفو خرج تلفون خوه لي قلبو وفلاه حتى طاح فرقم احد اشخاص سرين تابع رجاء ..صور ليه فقط رسالة خوه نوصير على جملة مفيدة..مع لايام القضية تنشرت فالتلفزة و اذاعة
..رسالة قصيرة كانت تخلل معاني و معاناة ..الحال ضاق بيه فالسجن واشتاق الحنانة و تظلم اشد الظلم .....رسالة و صلات الايدي امينة و تلفون رجع بلاصتو للسجن ..اليوم مان موعد مباراة الرجااء البيضاوي مع فرق منافس .....لاكن صحاب الحال فاخر مطاف غيرو مكاان مباراة من ملعب للآخر بسبب #دوافع امنية ..
لاكن السب مزاد الا اصرار رجااوين ..الملعب بلان بالمشجعين من اول درج فاللارض الا آخر صور الملعب فوق ..كل هادئ و مبرد اعصابو ..الامن منتشر بقوة فالملعب ...لاتيفو لا شعار الكل هاااديء فاانتظار بدء المبارة للنقل مباشر ..بين المشجعين نبيل لي لابس توني خوه (رغم نتماء للفريق اخر ) ومغيث لي فالمحكمة تيجري و يجاري و فاروق لي خدا بلاصة خوه نوصير كابو من بعيد ..
مع بدء صافرة الحكم ..الملعب هتز بالمشجعين و نفس جملة تقال
Nooo capoo no partyy ..
..تهزو شعاارات تندد بالظلم و تطلب اطلاق سراح للكابو ..مدة 94 دقيقة و ملعب تيهتز لدرجة مشجعين متافسين ايدوهم ...المدذيع ماعرف واش يعلق على المبارااة او المشجعين ..جمهور اخر خارج تيران منهم ابراهيم و خليفة لي فللكرسي متحرك ..مع نتهاء مباراة..انطلقت مظااهر للتطالب بإطلاق سراح كابو ..شورايع عمرت و تهتف بشعارات رجاا ...مسيرة مهيبة تقشعر ليها الابدان ..لليدين قوين كلها عروق تتهتز بسما بعلامة بيس ✌ و حنااجر قوية صوتها زلزل الشوارع ...تجمهرو فاكبر الساحة فالمدينة ..و بوليس داخ مع الشعب ..ساعات يهتفون و يننددون بالظلم ...
فاروق : (مربع يديه متبعهم و تيحس نار شاعلة فيه ..يوميا تيتهربو من شوفة الوازنة لا خدمة مقابلينها لا اكل لا شرب ..خوه لي مزال عريس طال نهار طاج بين محامين و محكمة ...للحظات رن هاتف ديالو و جاوب ..
: آشااف ..خوادري جاه العفو ...
....خبر سمعو فاروق حس بارض تتدور بيه ..سمح فكلشي تحرك ضرب طوالة لطموبيلتو حاطها بعيد ..ركب و ديمارا بسرعة متجه السجن و اتصل بمغيث لقى الخبر فراسو سابقو ...قلبهم تيضرب بشك كايرتاحو حتى يشوفوه قدامهم .....وصل لقى مغيث مربع يديه واقف على طموبيل مكروازي رجليه فانتظار نزل عندو فاروق بلا مايهضر شعل كارو وبقى غاادي جااي و مغيث كل مرة يجاوب نبيل لي آمروه يجلس فالدار خوفا على الوازنة لي ولات مقابلة تلفزة و تفرج متبعة اخبار شي تفهمو شي مدوزاه ..
..ضربت 12 ليل زادت الوحدة وصلات جوج ليل و انفس اخوين تتحبس و تتضايق فاروق فيه لي يحيح تا الصباح لاكن لعبها مطور يكمل تا التالي القانون بالقانون ...
مغيث: هااد ولاد قحااب !؟ مافقلبهم رحمة لي مسجون ساكن فتلث خالي كي يدير !؟
فاروق: يخرج يكرسي باش يرجع دارهم ولا يطيح روح فالدورة شانطي و هاهما ناشطين ..الحبس رجع مدرسة للمحابسية لي دخل شفار يخرج اكبر نصاب و لي دخل اكبر نصاب يخرج قتال و هي غادة تا قلب تيموت و كبدة و تتحجر و ضمير تيموت ..وناا بربي خووك نتحروو بيدي وماايرجعش ليه ...وخ نعرف نحبسو عندي فلابريكااد
مغيث: ااودي الواليد الله يرحمو كان تيعاود ليا على الحبس فعهد الحسن تاني بنادم تيدخل الحبس تيخرج استاذ ولا معلم ولا حرايفي تايخرج مدمج فالمجتمع ...حاليا تكوين مهنى كثر من مدارس شعب تيتكلخ وشواهد تتباع عندو مول زريعة ..
فاروق: اااودي ...محتاجين هتلر و شوف تشوف مع مغاربة ..
..فخضم حوارهم تسمع صوت الباب تفتح و دورو وجهم لمحو خارج بطولتو هاز فيديه ضرابو الرجا بمجرد ماخطي الخطوة الاولى نزل سجد الارض تيحمد الله على الحرية ..هزة لي هز راسو رجع للور من ضربة من فاروق لي جمع معاه لفم ...
...قلعو و نوصير تنفس بالراحة مشتاق للحرية ، ما تنحسو بقيمة الحاجة حتى تتنفقدوها ! شوارع و الهواء طليق و نجوم لليل و الناس ....مرورا بالشارع تيسمع هتفاات بالفرحة خبارهم وصلات مع خروجو و مرو من حدا الساحة و طلب منو مغيث ينزل راسو لان الا شافوه مايخرجوج من تماا..تيحس بقلبو تيضرب لقوة بالفرحة قلبو تيضرب فقط الحنانة و الرجا ..لسانو تربط و هو هاز راسو تيشوفهم من وراء هو غاادي ..هز ضرابو بااسو و تيشم ريحتتو ...
..لامغيث ولا خوتو عارفينو هو رجا حتى الموت لاكن يتمناو تكون هاد شهر حبس قرصة اذن ليه. يجمع راسو اما رجاا راها فعروقو تتمشى ...وصلو الدرب لي كان مطرطق لمحوه شي داراري ناضو يغوتوو و تابعين طموبيل ..بمجرد ماحبسات طموبيل نزل تيشير ليهم ولقى الباب المفتوحة طلع فالدروج تيلهث و عينيه مدمعين تادخل من الباب لقاها جالسة فالصالون مقابلة مع الباب كانها تنتظر دخولو لانهم ماخبروهاش ..
تيتمشى بخطواات تقيلة و هيا مجرد ما لمحاتو نطقت بللهفة
الوازنة: وولددددي ولددددي
..جرا عندها راكع على رجليه تيبوسهم ليها ..و تيطلب منها السمااح و هيا تترضي عليه ، طلع مقبل يديها وراسها
نوصير: سمحيلي اميمتي سميحلي اميمتي مااشي خااطري
الوازنة: (معنقاه تتشم ريحتو ) على سلااامتك اوليدي ..وكي تحلا ليا دنيا بلا بيك المصرانة تالية وكي ناكل بلا بيك اوليدي انووصير ..
..تهدنات القلوب و دموع الفرحة نزلت ، تواحد فخوتو ماالقى قدامو سلم على فطوش لي لازمت الوازنة و اسماء بقات مع باها ....جلس حدا ميمتو تا جاو جيران فداك ليل يباركو هو هبط الدرب يدير الواجب ..سلم على صغير و كبير ، باركو ليه على سلامتو و شكرهم واحد واحد ..عينيه تالفين على عشرانو تاوقفات طاكسي صغير و نزل ابراهيم تيهبط كرسي متحرك معاه شيفور تيهبطو خليفة جلسوه هو بقى غير مصدوم من المنظر ....تاقرب ليهم خطوة خطوة ..
ابراهيم: (عنق عناق رجولي) على سلاامتك اعشيري ...
نوصير: (طبط على ضهرو و عينيه على خليفة لي تيمسح دموعو) يحفظك اعشيري
نزل مستواه عنينه تالفين على رجليه اخر ماسمع عليه انه حي بخير فقط ..
جرو عندو معنقوو تايواسيه و بتلاتة تيبكيو و كلشي تيبكي معاهم مأثر، تلاتي رجاء ومن لايعرفهم مجموعين فالخير فالشر فالضحك و حاليا جات وقت المحنة لله الحمد مجموعين ..
نوصير: منين بقيتي بالحياة اعشيري كلشي يهووون
خليفة: حمد الله على سلامتك اصااحبي خلتينا بحال حنش مقطوع راسو
نوصير: (بمزح) ماكين تتيز ماكاين رعدات !؟
ابراهيم: ههههههه الامام اول هو تاني
خليفة: نوضو زوجوني ...
..ليلة كانت الصبااحية ..فالدرب الكل لي كان فالمظاهرة نزل الدرب يسلم و يتصور مع #كابو ..تاتفرقو و الحياة تستمر...
فطووش: (عرفاتها تتهضر علة موضوع الخطبة خبراتها قبل وبقات بيناتهم حتى اسماء مافخبارهش) نكولها ابااها و مرحبا بيكم ارضيعتي مالقى حسن منك للنسوبية و البنت راها بنتك انتي الرّري نتي الشوار !!
الوازنة: الله يكبر بيك ارضيعتي !! هو انتي عارفة الولد عندي ماااااعندو ما هنطقة و ضواو و اسمحيلي ارضيعتي نتي ماشي برانية !! ندوزو خطبة و عقد و تروح و لي عليا ماتنقصها معايا تاحاجة ولي مادرتو اولادي بتلاتة نديرو نبيل فالجهاز ..
فطوش: اختي الواازنة انا عاطيااك البنت بلي اقسم الله تقبلي عليا و نقبل عليك ، و ياويلها و سود ليلها تهز العين و لا تقلل تربية ...الا وافق اباها جي ديها ..
الوازنة عنقاتها و شكراتها و تفاهمو بيناتهم تلفون وهبطات معاها حتى الباب موصلاها عاد رجعت طلعت لقات نبيل عاد فايق
نبيل: سلام ..فين كنتي !؟
الوازنة: (تتلهث من دروج) الله اربيي ..وصلت فطوش ..
..نبيل: (تيخوي قهوة) كن فيقتني نوصلها !
الوازنة: طاعة الله ماسلمتى على خوك !؟ درب مزال عامر بالعزارة انتما لي خوتو خويتو !؟
نبيل: ( تيمسح عينيه من تعب نوم) صمت
الوازنة: اواا وجد رااسك الخطبة !!
نبيل: تكلفي الواليدة !!
الوازنة: كاتتعاود غير صلاة على نبي !! انت لي بااغي تزوج ؟ يكما شكاو عليك كالو ليك باغة خدامة !؟
نبيل: (ماتيشوفش فيها قاعدتو يهضر بلا مايشوف فيك) قبلت !؟
..فخصم حوارهم خرج باها لي ماتطلعش نفس قدامو صاح بصوت رجولي قوي
الاب: تي لاش هاد غواات !؟ بغينا نقتلوك راه بغينا نزوجوك ...
اسماء: (تتغبن و تتبكي) اباا هيءهيءهيء
الاب: بغيتي تكوتي ابنتي المرضية ديري عقلك و تزوجي ..
..حركت راسها بااه دخلات بيتها تتبكي و تويل ..نذمات تا زطمات تما ....اخر واحد كانت ظن يخطبها هو نبيل ! ماتتحملووش تتخاف منوو ..
اسماء": زهررري يهودي جاب ليا عريس كي استدعاء محكمة ....و الله تنهرب ..(دورات دورة فبيتها و تنهدات) خرراا الخرااا ..
...شهر لي مر عليها فبداية زواجها كان شبه كئيب لازمت زوجها هاد المدة كلها و تتمشي طل على عكوزتها !! حاجة الوحيدة لي هدأت الجو بيناتهم هو خدمتها رجعات لها ..لان فهاد المدة شافت مغيث الحزين و متقلب المزاج و هيا بطبعها هادئة تتخاف لا تقربو هو معصب الا ماعطهاش اشارة تجي عندو او هو يبادر تتجلس مع بيسي ديالها تتخدم و واتساب مع غيثة لي تتشوفها يوميا اما تجيها خدمة او تجي عندها و لا تمشي ليالي.....هاد صباح فاقت لقاتو ناعس فالصالون تلفون فوق صدرو واضح عليه تعب ..مرت الكوزينة وجدات فطور وحطاتو فصالة مونجي ورجعات بيتها تلبس و ساهية مع افكارها لبسات قميجة مزخرفة و حطات ميكاب ..قدات فراشها و هوات بالكو يتهوا البيت ..تاويل غيثة و جابتو معاها ليالي دراها لي ديما مجموعة و نقية وغيرات فيها شلا حوايج وضافت ديكورات و اثات بمساعدة خديجة ...فطرت و غطات فطور وهزات مسائلها و خرجت ..مع سدة الباب ضرباتو الفيقة ...
..منين دخل البارح هو تيتكلم فتلفون خاف يفيقها جلس فصالون مكمل مكلاماتو حتى نعس ...ناض دخل دوش يصحصحو ..وخرج لبس حوايجو و جلس فطر و نزل متجه خدمتو .....طلع نيشان الادارة حط طلب لاجازة و رجع خرج غادي خدمة ليالي ...
..ليالي: (سمعات دقان فلباب) ووووي
: مدام ليالي سي مغيث برا !؟
ليالي: (وقفات ) دخليه ..
..خرجت البنت هو مابغاش يدخل لا تكون فجتماع او مشغولة كما تحترم خصوصيتو تيعاملها بالمثل ..دخل عليها مدوش و مقاد مبتسم
ليالي: (توترت بزاف) بونجوغ
مغيث: (حس بيها و كره راسو لجفاء لي رجع فيه مؤخرا بسبب مشاكل) ااجي عندي ااجي .
..تجهت عندو فاتح ليه ذرعانو ، ترمات فحضنو كانت جد مشتااقة ليه هو اكثر ..
مغيث: tu me manques (توحشتك)
ليالي: تانااا بزاااااف
مغيث: (بتسم ليها تاتجبدو عينيه عسلين وحك حنكو مع حنكهاا و تكلم بهمس ) جيت نخطفك و نديك بعيد..
ليالي: (اطير بالفرحة) جاااكصيبط (موافقة)
مغيث: يخليك لي لي اغزاالي ..اوك انا تنسناك برا انسافرو دباا
ليالي: ووفين !؟
مغيث: (شد لها حنكها باسها) اكادير اعمري..يلاه ديبيشطوا (سربي)
... خلاها تتضحك جمعات صاكها و خرجت و هيا تتصل بخديجة تخبرها بسفرها و نفس وقت اتصلت بغيثة لي طريق كلها وهيا شداها بالهضرة تادخلو الدار ..
مغيث جرهاا من خصرهاا ..بدون سابق انذار نزل عليها بقبلات جامحة نتلخص مدى شوق لي هازو من جهتها ..و هيا تتبادلو نفس شعور بمذاعبتهم وصلو ناموسية لاتمام توحيد جسمهم و روحهم تا تتزير فيدو و وتعصر
مغيث : رخي رااسك ..ليلة اولى ومادرتيش هكا !؟-
ليالي: هنننن هيءهيء
مغيث: ششش بب طلقي راسك ...
..رجع مكمل شغلو تا طلقات معاه و قضية لقها مزيرة ...تادوشو بجوج و لبسو مشابهين دجين و بيلات بيوض ..جمعو حوايجهم ناشطين ضاحكين ..هز مغيث باليزات مقربهم الباب على ما تكمل جميع صاكهاا و شارجورات ..دار يهز سوارت هو يسمع مساج فتلفونها ، تراجع يهزو لاكن فضول كلاه و هزو عارفين كود تلفونات بعضيتهم ورغم دالك محترمين خصوصيتهم هو خدام و هيا خداام طبيعي يتلاقاو رسائل ..جا فتحو رجع سدو تاوقفات قدامو هازو صاكها مد ليها تلفون ..
مغيث ضربها ليها بتخنزيرة جمداتها بلاصتها و جر تلفون من يديها وفتح مساج غير شافو سنانو تكزو ..صورة ليها مع ولد عمها مبتسمين
.....كأي رجل مغربي مغيار على مراتو تعصب و عقد تخنزيرة هو تيشوف فصورة ، فالرواية فعقلو تيقول ليه ضرب دنمو داك تلفون مع ارض و كمل بيها و فين مابغاات تخرج تخرج !! لاكن رواية اخرى تتقول تهدن هاد بنت ناس عاد قلتو باسم الله و شهر هيا مغبونة معاك تا فتحتي مشاكلك و كي نسمة عليلة فالبيت ماتحسش بيها ..دوز يدو وجهو بقلة صبر نطق بعصبية
مغيث: شوووفي من آااخر مانعرف لاااا ولد عمي لااا ولد خالتي !؟
ليالي: اوووك !! مي و الله و االله ديك لافوطو كانت اونطخ فامي والله
مغيث: (من خوفها و توترها بقات فيه للمس صدق فكلامها عارف مراتو اش تتسوى) اووك تنسمعك
ليالي: فوالا ! دخل كالوغي تلقى ضوسي باسم papa فيه دوك لي فطوطو ديال لانفيسيغ ديالي كان بابا و هو و عميتو .
مغيث مزال محتفط بنفس صرامة عمل داكشي لي قالت ليه و فعلا خرج فصور عيد ميلاد هيا و باباها و شي مراة و هاد خينا صور عاديين محتفلين ...سد تلفون و عطاه لها ..
مغيث: (هز يدو دخلو فشعرها تيماصيه و هيا غمضت غينيها من للمساتو) نمشيو !؟
ليالي: (فتحت عينيها مبتسمين ) وووي ..
...هزو بالزهم و خرجو ....شدو طريق لوتوروت مبتسمين ولو مغيث قلبو ناغزو لاكن فوتها ليها ..طالقين موسيقتهم مفضلة لي رقصو عليها فالعرس و تفكرو عرسهم لاسطوري و مرة شاد فيديها مرة متكية عليها و قبلات حارة .....بعد ساعات دخلو مدينة اكاادير جميلة ..مغيث ملاهي مع طريق و هيا تتكلم مع غيثة فتلفون توقف امام اوتيل خمس نجوم ...بمجرد ما نزل تلقاو ليه هزو بالز و بلاصو ليه طموبيل شد ليها فيديها قاصدين استقبال و هيا مزالة تتكلم و تعاود لها بتفاصيل خدا ليهم سويت ملكي طلعو متجهين ليه و خادم معاهم ...فتح الباب بلاكارط دور مع السيد و دخلو يستكشفو سويت لي كان رائع
..ليالي: اووك نخليك اماما /قطعت
مغيث: (جرها من خصرها عندو) طفي تلفون !!
ليالي: مي بوغكوا !؟
مغيث: بغيت !!
ليالي: اوك نطفيه (سكتات) او مامي !؟
مغيث: كاين غير مغيث ..ابخي هضري معاها من تلفوني اوك ¿
ليالي: ههههه سي بون
مغيث: نزلو نتغداو باش فليل نخرجو ¿
ليالي: ههههه اووه جاادوووغ صااا
مغيث ضحك للضحكتها وعنقها عندو فرحان بيها مغيث من نوع الرجال لي تيحس برجولتو هو تيدلع شريكة حياتو ماديا و معنويا وقدر محنتو قدر عصبيتو و ليالي لمساتها مرارا و تتحاول تفداه ...نزلو ريسطورا الاوتيل طلبو حوت بأنواعو و شبق فعلاقتهم انهم من كوبل لي تيناقشو و يهضرو كلما تعمقو فنقاش تيلاقاو افكارهم و احلامهم و ختيارتهم متشابهة ...
..طلعو سويت ديالهم يرتاحو لان المساء قرب يحل ....دوشو بجوج و خرجات ليالي اولى توجد راسها لانه خبرها ينزلو ملهى ليلي ..سرحات شعرها و رجعات جمعاتو رشاتو بملمع و خدمات عينيها بالموف و رموش تاتقلبو و ليبستيك موف بارد جات متغيرة ولبسات كسوتها فضي مزخرفة يلاه تتفوت ركبة مع صباط كلاص فنواغ رشات ريحتها..خرجات عندو تتقلب عليه بعويناتها لقاتو لابس تيشورط نواغ وشورط دجين جسم رياضي بامتياز شعر اسود قاتم مع للحية مطراسية و ذرعان مفتولين ابتسم ليه بعويناتو مجبدين
مغيث: طخوو بيل ما بيل (باسها فخدها)
ليالي: سي بوغطوا (من اجلك)
مغيث خرجو يديه على خصرها هالة من الحب و الرومانسية تتحول بيهم كوبل رائع مكملين بعضياتهم ..ملهى كان فاوتيل .شي حاجة كلاص و راقية من دخلة رجال لامن مشتتين مقربة ليه اول مرة تتشوف هاد اجواء ..دنيا مظلمة نسبيا غير بعض اضواء ملونة تتضرب مرة مرة و صوت بيانو تتسمع فارجاء ..شدو بلاصة vip بعيدة عن الناس طلب ليه نبيذ فاخر و ليها كوكتيل ..حطو طلبهم و زوقو لهم طبلة بالمملحات و الناس تما اخر شياكة ليالي تتشوف بعويناتها و طربها الجو مع اغاني و موسيقة غربية و كلمات الحب و رومنس مع مغيث لي محشية فيه ..تانوضها يرقصو فبلاصتهم رقصة slow ...
..مرت ليلة كي ليلة حلم رائع ختموها فوق ناموسية بحب جارف و كلمات غزل و اهات عالية ..
...من بارح مابغات تعشى ولا تاكل ولا تخرج عندهم ...جالسة فبيتها مرة مرة طل من شرجم ونعاس تقلب عليه ليل كلو تا فجر عاد نعسات ، ضرباتها فيقة صباح حلات عويناتها تتكسل و تتكول ياربي نكون تنحلم من خبر البارح ..تنهدات خارجة عند فطوش لي لقاتها فالكوزينة تتوجد و تعاود .مشات غسلات وجها وشافت ساعة لقاتها جوج نهار ..
فطوش : فقتي احبيبة ؟!
اسماء" (تتشوف فيها منفخة) علاش خليتني ناعسة !؟
فطوش: لا ويلي حشومة احبيبة !! راه الحالة مدنية هزيها و كعطي بلدية جيبي عقد لازدياد بغاهم باك غدا يدفع ليك وراقيك ..جيبي ربعة
اسماء: (برود تلوي فمها و عينيها هزات حالة مدنية ) فطوش عطيني شبر تساع ..خليني نجمع وراقي نتزوج ..
فطوش : راه كالوها جدودنا !!
اسماء: اش كالو !؟
فطوش: دااابااا يطووووال و يعجبك
اسماء: ولاو عندك دبا جدود !؟ عمري كلو فيه نتي و ابا لا جدي لا حنيني !! تتخرجيهم فاش تتبغي ..خلاتها تتنكر و خرجت دازت عند جارتها مكات ماكياج خفيف تموت عليه و شداتها بلدية فدخلة هضرها امن
: اش حب خاطر
اسماء: شي مليار و فيزا سويد
: تستاهلي اموعوينات ...
اسماء: عطيني نمرة ابو سنادر ..
..مد لها نمرة جلسات تتشوف فالبشر لي دازت من حداها لابسة شي جلابة تجلس تفلي فيها ...توصلاتها نوبة ناضت تتمختر مولفة تجيب عقد زدياد من هنا و موظفة لي تعطي عقد زياد صمكة موظفة من طرف جمعية محمد سادس للمعاقين كإدماجهم القطاع توظيف...وقفت اسماء قدامها و فتحت حالة مدنية فجهتها و عملت ليها اشارة بيديها
اسماء: تتشير بيديها ورقتها واشارت لها بربعة 🖖
: (تتكلم بجهد) ربعاااااا
اسماء: ايه صمكيني ..اربعة ااه ااه
: لااااش بااااغياااااهم ؟!
اسماء: انتزوج انتزوج (تتشير صبعها فيديها)
موظفة مزالة عازبة وقيلا شدات ديك حالة مدنية تتنتر خرجات لها عقود ازدياد و تتسمع داك كاشي باط باط و اسماء تتغمض عينيها من عصبيتها ..رمات لها دوك اوراق فوق بيرو ..هزاتهم اسماء ومادرتش راسها فيهاا ..خرجت نيشان مشات شاريع تدور تاتلاقات صديقتها فالحومة
اسماء: اااه ختي واحد كريم يدين عندكم فن تيحمقني بريحة لوز
ب: يلاه معايا و الله تنعطيه ليه غير ونسيني
اسماء: الله يعطيك ختي ماتمناي دنيا و اخرة ..
ب: امين يسهل عليا ختي بشي كونطرا ..
...تشادو ذراعان زادو خلفة واسماء اخر همها فطوش ..جات فرصة ماتزكلهاش ..وصلو بوسطة دخلات ديك بنت تتسول كالو لها شوية توصل ..شوية مغاربة تتجلى من ساعة حتى ساعتين ..ماخلاو ماتعاودو ولا كالو ..وصلاتها سلعة و فتحاتها تتاكد منها و #ماشا عينيها حمقاو مع روايح و ماكياج عطاتها كريم تمو راجعين غادي يوقفو هادي بنت هادي كوافورة هادي معلمة هادي مزوجة ....وصلت درب جاية شال طايح عليها تتقرب و تشوف فيه و تكول فين شفتو ...تتقرب تتقرب تا شافتو مزيان واقف على طموبيل مكروازي رجليه و مخنزر عاقدهم ...
نبيل : فين كنتي !؟
اسماء: تتهضر معايا !؟
نبيل: طلعي طلعي ...
..طلعات تتجري خرجو من بالها خطاب منين خارجة مع جوج ودن عصر فالمغرب ..مع دخلة دار جراتها فطوش بواااحد نتفة ماقدرات تغوت غير تتننين
فطوش : دخلي سلمي !!كلت المراة راها عاد خرجت تجيب عقد زدياد من عمها جابهم لها للحانوت حدانا
اسماء : (بنهضة) مابغيتش نتزوج ..(رمات دوك عقد ازدياد)
..تسمعو صوت اباها تيهضر معاه نبيل خرجت فطوش تترحب بيه ..وهيا بقااات فالكوزينة تاتشوف اش جابو ..نيشان مشات بواط حلوى لاكريم حلاتها و هزات لي عجباتها خطاتها فطبسيل و دخلت بيتها تبنن تبرد نتفة من فطوش ..
🍰🍰🍰🍰🍰
...فطوش رحبات بيهم ماخلات ماحطات و فرحانة من قلبها لهاد نسوبية ...اتكلمت الوازنة و خطبت اسماء و و الاب عطاها ، ماتشرطو ما طلبو صداق ولا جهاز ولا هدية ..دارو النية و طلبو التيسير ..اما نبيل مربع يديه و مخنزر كي عادتو تيتنظر امو تنوض ..
الاب: هو دبا كي شتي بنت خاصها دوز فالمحكمة !؟
نبيل: (حاني راسو تيتكلم) وجد ليا وراقها انا غادي نتكلف
الاب: الله يعاونكم اولدي !! الله ينور طريقكم ..
....صونا ليه تلفون و لقاها سبة ناض خرج هبط برا طلع طموبيل تيهضر..
فاروق: مايلة لجدمي ، خاصني نخدم اصاحبي رؤيا عاد جات من مدرسة ،واش نديها معايا !؟
نبيل: كن غيبتي لها جبناها !؟عرفتي اش دير جيبها هنا راك قريب
فاروق: اش درتو نتما !؟
نبيل: صاافي قضينا غرض!!
فاروق: يلاه تلاح انا جاي ..
...بقا جالس تما تلفون فيدو دخل ضرب دورة فالفيس بوك طالع نازل تاضرب فخولة حاطة صورتها طالقة شعر ولابسة مقادة حاطة سطاتيو * نموت فيا انا*...مر مرور كرام الرجل فاش تيخرج انثى من دماغو ماتيبقى يهمو لا جمالها ولا ارائها ولا جديدها بلعكس تيتمنى لها هداية من عند الله .....مرت تلث ساعة و فاروق حط ليه رؤيا و مشى و طلعها عندهم ورجع نزل ..تاطاب بلانتظار عاد نزلت الوازنة بوحدها ..
نبيل: فين البنت !؟
الوازنة: مابغات تمشي !! خليها مع اسماء
نبيل: طلعي اامي جيبي البنت مانقصين صدااع مع ولدك !؟
الوازنة: يااودي راها فاالامان ..مع بنت و فطوش راها رضيعتي و دمي ..بنت لصقت فاسماء تتبكي
...ماتحرك من تما تاطلعات الوازنة جابتها بالحيلة و رغيب و هيا تتبكي حتى نهض فيها نبيل هيا تجمعهم ...ركبو مقلع معصب ...
الوازنة: الله يرحم لي رباك لا تعصبش عليا!؟ واش نت عايش فغابة !؟ ماتشوف ناس ماتهضر مع ناس اوا بزاااف
نبيل: (تيصوك تيهضر) انا هضرت على بنت ماتبقاش تما ...
الوازنة: اناا هضرت على جلستك فطموبيل برا و مخلي الناس !!
نبيل: ورااك فيك كفااية الواليدة !! صافي عطاونا بنت الله يسخر ، قوة مطارق فراس !!
الوازنة: اوا ماجلستي مع بنت ؟ مع هضرتو !؟ ما تافقتو !؟ اولدي طلق البشرة و رسم البسمة ..
نبيل: الا تافقو كبار صغار ينفذو ...راها رزقها يوصلها و تعيش معززة مكرمة و حاجة وحدة تسجلها فدماغها عايش معاك تا نذفنك ولا تذفنيني !! ماشي غدا ولا بعد غدا تكولي نفرق ؟
الوازنة: كالك مايتهنى زوفري من همو حتى يلقى البايرة لي تلمو !! نت زوفري ماختلفناش لاكن بنت الناس عمرها كانت بايرة اولدي كلها ورزقو ، دينا نصح المودة و التبسيمة مع حلالك واش نقريك اولدي !؟
نبيل: صمت ..
..كملو طريقهم تاوصلو الدار ..نزل هز رؤيا لي نعسات من البكا طالع بيها فالدروج تيبوسها فراسها ..حطها فبيت امو و تم خارج .
الوازنة: اافين غااادي!؟
نبيل: وصيت واحد السيد على شي بيوت نعاس طاليان نمشي نشوف !
الوازنة: بيت يتصبغ اولدي ودوش يتعاود بغيتو عصري ! ياك ماباغي دير دراك ؟ اوا صلح لبنت الناس فين تجي و حمر ليا وجهي ..
...غير حاني راسو مايشوف ما يجاوب ، فاش تيعرف راسو زاد فيه تحني راس ويخرج ..
..فحومة كما عادة تجمع شباب ...خو خليفة صغير مروع دنيا تماا بالبكا وجايب خوه ضوسيه طبي..خالط عند خليفة لي جالس مع نوصير و ابراهيم
اخ: (مد ليه ضوسي) وااخليفة و كلبي ماات 😭😭
خليفة: (شد من ضوسي) شمن كلب !؟
اخ: جااك 😭😭😭😭
نوصير: (طبطب عليه ) الله يرحمو ..تا راه بنادم تيموت مااعليش
ابراهيم: كااااينة ..واخر اخبار ! كالك لي تتحوا باسم الحب !! غير قحبة اما لي تتحوا بالفلوس تتسمى سيدة اعمال قحبة
خليفة: اياه ! نت انا وحدة فيهم ؟؟
نوصير: ههههههههههههههههه هو مريم عذراء
ابراهيم : ههههههههه
....تلاتي تجمع من جديد ، على ضحك و نشاط رغم ان القلب يعلم بيه غير الله لاكن صداقة تخلقت للوقت ضيق ...حركو خليفة فالكرسي وجارين طريق طالعين صبيطار يعاود يشوفو حالتو...هاد مرة تجهو مستشفى للعسكري لان اب خليفة عسكري سابقا ، فالدخلة شدو منهم بطاقات الوطنية عاد دخلو للاستقبال سولو على طبيب اعظام و المفاصل جاوبهم انهم ينتظرو ...
...انتظار فالمغرب حاجة عادية ..نتظر ساعة !! ساعتين تلاتة كااع !! شيء عاادي فانتظار الادارات و المستشفيات و بلديات و المقاطعات ..خلي ولادك بلا غدا ولا جلس نت تيت بلا الغدا ولا فوت قرايتك ولا غيب خدمتك كااع شيء عاادي ...سول المواطن مغربي عن احلامه يقول ليك
الادارات
الصحة
التعليم
القانون
...احلامهم !! طموحهم !! امتى يوعى و يثقف هاد المواطن و يعرف ان مطلابه هيا حقوقة لدى الدولة !!دولة لي برلمانها تيتسمى حكومة تناوب !! تناوب تيعني انه فقط تغير احزاب للرئاسة مع حتفاظ بنفس الوجوه !! اش تنتظر فمسؤول لاصق فكرسي الرئاسة عوض مايحقق برنامجو لي عرض على مواطن نهار اول لانتخاب !! الا اكبر الدول العظمى رئيسهم مجرد مابنتهي عقدة حكمه يغادر ...دولتنا نفس حكومة تتناوب مدة عقود فقط على نهب و سرقة ....
..وصل طبيب كشف على خليفة ، انتظارهم مامشاش هباءا لان الطبة العسكرين معروفين بالحترافية ..طلب ليه عملية على مستوى العمود فقري لان بساطة طلع عندو خطاء طبي فالتجبيرة لي دارو ليه ،عليها تعطل فالمشي ..خلصو و خرجو ساخطين ..
نوصير: اصااااحبي تاتشوف بنادم خاوي عليه ليصانص و حارق راسو !! تتكول مالو
خليفة: لا اخاا مانحرقش كرري!! انا لي شفت موت ، واامنين نجيب اصاحبي هاد فلوس عملية !؟
ابراهيم: تخمشش اصاط نجمعوها ..(شاف نوصير) فين لي كلاهم حوت حاركين !! تيكوليك و اللهما حوت ولا بلاد كحلة ...
..دقيقتهم قلبوها ضحك و نشااط ورجعو موضوع عشق ، رجاء بيضاوي ..لي نوصير غير جبدها ليه ورجع للور ..غادين يوقفو يسلمو ..خليفة لي فيه مامهنيه !! ينك على طويلة و قصيرة و ابراهيم معاونو ..
...فسويت العروسين ، ستيقظو مأخرين واخدين راحتهم على ااخر ..تناولو فطور فسويت مصحوب برومانسية و حب وغرام ..تا سمع مغيث تلفونو تيصوني ..حط ليالي لي كانت فحجرو و ناض يجاوب ..
مغيث: الو !!
فاروق: (بصوت خشن غالب عليه تعب) اوا الا عطاك العاطي لا تحرث لا تواطي !! اش فبلان
مغيث: (خرج بالكون تيضحك) هههه نت اصاحبي بحال هداك سكايري لي تيشرب شراب بار كلو و مايسكرش ههههه اش بغيتي !؟
فاروق: مابقى يكر لا شراب لا حشيش !! هضرنا مع مراتك اسي مغيث !!
مغيث: افااروق !! بنت راها خدامة وماشي بحال ديك نمرة لي دوزتي ضربة فيك ضربة فالحيط ..نت جبل مايهدكش خويا تنعرفك !! بنت درويشة كثر من هادي لي عندي ..
فاروق: (رجل على رجل فكاطكاط جدارمية موقفها فالبراج و جدارمية مراقبين طريق شاعل كارو) الا خوك روندي ليا سيرفيس !! بلا قوة هضرة ..
مغيث : اش دار نبيل ابعدا !؟
فاروق: ماصادقة غير لداك بوعاري مع كروو ..هو يآمر و الواليدة تنفذ ..ما شقى ما طلع ما هبط ؛ المراة جاتو برجليها تا عندو ..
...دخل مبتسم ..لقاها جالسة ساهية طار تيهرها تتسخفات ليه بالضحك ..يعنق و يبوس و يتلمس هيا عاجبها حال، راجلها و حبيبها و رفيق عمرها فظرف وزيج كسب قلبها و روحها ...بدلو حوايجهم ديما تيحرسو يلبسو بحال بحال ..تاجاهم الاتصال منتظر ..هز ليها صاكها وشادة من يديها لابسين نظارتهم شمسية خلاو لاكارط فالاستقبال ...
..سيارة شركة فالانتظارهم لاصطحابهم ممارسو كواد فصحارى .....مسافة طريق وصلو للمنطقة انزكان امام كارج كبير فيها سكواد ماطر و سيارات ..الفوج كان اغلبهم سياح اجانب و مغيث فغينيه غبر ليالي مدلعها اخر دلع وهيا غير تترسل ليه نظرات حب و هيام ..لبسو لي كاسك للحماية ..لبسو بوني غليض و نظارات خاصة كبيرة زاجها ملون عاد ماسك كبير عاونها مغيث و لبس راسو و عطاها صاك لي كان تيتهز فالخصر و نطلقت مسيرة للنزهة مناظر صحرا ..كان اماهم لkيد ..هو لي كواد تابعينو بنظام ..قطعو شاريع دخلو فلابيست رملية هما داخلين و تيمرو بجبال رملية هيا روعة سكواد طلوع ونزول ..مرة يتوقفو يتصور او للشرب كملو طريقهم حتر وصلو خيمة كبيرة مستقبلينهم تما بالخبز سوسي و املو و اركان و اتاي..تذوقو الاكل و ارتاحو ليالي اول مرة تتجرب هاد مغمارات .....
مغيث: (تعنثث) اها مرحبا...تفيق تصل بيك الا هيا بنتك انا راها مراتي...
..قطع خط مخنزر زادت فيه !! دار داخل سويت لمحها نعست بقوة العيا و الخروج .. هز لاكارط تلفونو وتلفونها و خرج ....
...بعد مرور ساعة تقهوى وصفى دمااغ ...ومكالمة تدور ليه فراس، عااارف متعلقة بأمها و العكس صحيح لاكن محتاج خصوصية لاكن طريقة لي تكلمات معاه بيها عمر شي احد خاطبو بها !! تيحترمها تحترمو بنتها فشهل عسل راها هازها على رموش عينيه، نعل شيطان ورجع طلع سويت لقاها مزالة ناعسة بتسم نعستها كلشي عندها هادئ لانعاسها لا فياقها لا تحركاتهاا ..مشى تيبوس فيها و يحك ليها فروة شعرهاا تفاقت مبتسمة
ليالي: ههه نعست
مغيث: بصحة وراحة ، ماماك تصلت بيك تاتكلمي معاها
ليالي: سي لابخوميغ فوا نبعد عليها هههه توحشتها
مغيث: هدا حال البنت فاش تتزوج (شاف فيها بتساؤل) ولا الا !؟
مغيث: (سكت مابغى يقولها لاخويا مطلق والا والو ) يلااه بدلي نخرجو ..
..هكدا مر ايام عسلهم ..حب و غرام و مساريات، قرر يعطيها حق تكلم مع مها حاول يتجاهل ولو تلفون ماتيتحطش من وذنها..داها بحر و سوق الاحد معروف باكادير و نواحيها الخلابة ...تااكملو اسبوعهم و تصلت بيه الوازنة ان عرس خوه قرب ...
🏠🏠🏠
اسماء: (زيف على راسها ولابسة بيجامة واقفة على فطوش) علااااش تكولي لهااا غير تقضاي لي بغيتي !!
اسماء حطات يدها على فمها تتفقص شي مرات تتكول واللهما زواج ولا عيشة قهرة كلشي عندها حشومة و عيب ..و تقمع فيها و ترخص فيهاا ...تااتصل اباها خبرها توجد راسها تمشي العدول ..نزل عليها خبر كي صاعقة !! ولو مرت خطوبة و مشات محكمة و نطقت قبولها بزواج شخصيا لاكن ماشي بحال دبااا
فطوش: لبسي جلابتك وديري زيفك
اسماء: مااغاادااااش ممزوجاااش !! عطووني اتسااع ..
فطوش: (تتسد فشراجم تتهضر بشوية) بااغة طرطقي ليا عرق فراسي !؟ و تحشميني مع رضيعتي !؟ مالك جاك راجل كامل مكمول .
اسماء:( تتشهق بالبكا) شفتيه نتي هااد راجل !؟ انااا ماشفت رااجل هيءهيء ..عرس الا هادي الا جالس يصفط فمو شوفي بيت نعاس شوفي فراش ..مابغيتوش
فطوش: (بهداوة) دااابااا يعجبك و تعجبيه !! انا باك شفتو تا روحوني عروسة و ماشفت وجهو حتى سبعياام..زواج الوالدين فيه تسير
اسماء تتمسح فدموعها ..و تنخصص ، اسماء بنوتة صغيورة وحيدة والديها ماكينش لي يعاشرها و مادخل قلبو ولا خاطرو ..بطبعها تتفوج بهضوراتها وبذراعها ..ابسط احلامها كانت تزوج ولد بكوص ظريف و ميسور حال لي يدخلها تعلم صنعة و تعاونو و يكونو عائلة حتى القدر و نصيب تيفاجأها بنبيل ولد الوازنة ..لبست جلابتها و هزات وراقها ولاكارط لي خرجات لها جديدة ...وسمعات باها تيصوني نزلت تتضرب فيه جالس فطموبيل جالس حدا نبيل لي صايك تيشوف قدامو ..ركبت نطقت سلام ردها عليها و اقلعوو ..
...من امام العدول نوصير واقف تينتظرهم ..تاوصل نزل هو باها و هيا تابعاهم سلم عليهم نوصير و دخلو عند العدول لي كلشي عندو واجد ...مرت مراحل الاسئلة و اجوبة و هيا قلبها تتحس بيه يوقف مربعة يديها مزير بصبعانها توقف نبيل مضى و تبعاتو هيا و تباركو بعضياتهم ...
الاب: ( سلم عليه باليد) مبرووك اولدي الله يسعدكم ..
نبيل: الله يكبر بيك اعمي
.
نوصير: (واقف مبتسم) الخوادري هههه مبروك
نبيل حرك ليه راسو فقط و دار خلص العدول و سلم عليهم ....تمو خارجين و نوصير فرحان خوه ....
نبيل: اعمي تمشيو معانا الواليدة تنتسناكم !؟
الاب: اها مرحباا اولدي ..
اسماء ماتتهضر ما تتكلم بغاات طج و تهرب مصدومة كلشي جا بزربة ...تتشوف فيه بنص عين مخنزر و تيتهضر بسيف ..ركبت هيا باها للور و نوصير قدام حدا خوووه ....طريق كلها نوصير لي تيهضر و اباها حتى وصلو ...لقاو طموبيل مغيث امام الباب ، طلعو مجوعين استقبلتهم الوازنة بالتمر و حليب ..دخل الاب هو الاول
..حطات لهم الوازنة غدا ...على طلب نبيل رجال بوحدهم و الوازنة و ليالي و اسماء و رؤيا بوحدهم ..الوازنة فرحانة بعرايساتها الغزالة لختها و دارها بدات تعمر اولادها ايديرو تريكة ..رؤيا منين شافت اسماء جلسات ممشاتش مدرسة و اسماء تتحن فيهاا تموت على دراري صغار كبرات وحدانية لا اخت لا اخ ..وذن العصر و الاب اسماء خرج جامع ..بقاو دراري مجسلين فالصالون ....
مغيث: هههههه طلقها تسرح اصااحبي مالك
نبيل: (عينيه فتلفون ) صمت
نوصير: ههههه مزوجينو بسيف مسكين
نبيل: خليتي كمال فلافيراي ولا خرجتي قبل منو !؟
نوصير: خرج قبل مني ..
مغيث: منين رجع خوك معاونك فك شراكة اصااحبي !!
نبيل: ماشي دباا !! عندو معارف مع شركات نافعنا بزااف وخ باغي يخلط
نوصير: دباا نحاس لي ممنوع !؟
نبيل: نحاس كي والو !! تتشوف حديد (سيارة) ااخر موديل تدخل بياس و تتمونطا و تباع بملاين
مغيث: (عصبو) ماتتخرااش على وقت بزااف ، راه نت لي خاصك تخرج مرتك تقضى لها !! راها بحال ختي
نبيل: (تعصب نطق بامر ) شدد
..شد مغيث لاكارط كلهم فيهم ديك نفخة الصرف و فلوس ...حتى من نوصير شمور الا ماعطاوه خوتو ولا الوازنة ما يطلبش ...نزل تحت ركب فطموبيل و ديمارا و تيتمازح مع اسماء لي خاطرها مزير ...طالق ليهم موسيقى توصلهم نفس محل ملابس تقليدة و اسماء ركباتها #ماشا ..طلقات تغوبيشة و بتسامة بانت و ليالي معاونها فلاختيار و تتحاول درج معاها هضرة و تبسط شرات تكشيطة و قفطان و جوج جلابات آخر موديل و توابات رفيع ...خلص بلاكارط خوه و اتجهو محل ملابس نساء ، حطهم ليالي تختار لها وصاتها الوازنة شنو تشري لها ، لان الوازنة تقضات لها ذهب و و باليزة و فوطات و بينوارات وبيجامات .....كملو تقضيتهم داتها لياي ايفغوشي تقضى ماكياج روايح...و اسماء كن لقات يعطيوها غير هادشي يوصلوها دارهم بلا ما يفكروها ب 111 ..
بحكم من الوازنة لي تهرب من خروج معاهم ، امراتو يطلعها تشوف بيتهم...جات داخلة جرها من يديها بجهد و مطلعها من مورااه وهياا تتحاول تجر يديها و ماقدرات تتغوت ماوقف تا فتح الباب برطمة مرو من كلوار و فتح الباب و نترها دخلهاا
نبيل: (صاعر ورجع حمر تيهز فيديه)شووفيه هااا بيت
اسماء: (شافت بيت وعجبها) شفتوو مااعجبنيش هااد للون ولا هاد فرااش
..مرت يومان من اخر للقاء بين عروسين جداد ..لاتصال لا تواصل ..فطوش تتوجد عندها الوازنة ماامقصراش عند جهدها لان غداا الخميس ...
نبيل ملهي مغ الخدمة و تيحاول يدخل نوصير فالصغيرة و كبيرة ناوي يفضى الشراكة مع شريكو كمال ، باغي يخدم براحتو بلا قوة حسااب و حضيان جناب ...اما مغيث رجع خدمتو هو ليالي كدالك عايشين حياتهم و داير لها خاطرها بالنسبة لمها كل نهار دايها عندها جايبها او هياا تاتجي عندهم ...
ليالي سهات تتفكر ورسلت مساج مغيت تقوليه شكون فخوتو تا ارسل لها مساج فيه سمية فاروق ..تكمشات و سكتت نذمات علاش فتحت موضوع مع خديجة .الاكان فارق راه مزوج و عندو بنت ..(حسباتها هيا تفكر جاامي شافت مراتو ) ممممممم
خديجة: (تتشوف بيسي) اش تمااا ابنت غيثة !؟
ليالي: الا جاك راجل ديفوغسي و عندو بنت صغيرة توافقي عليه !؟
خديجة: (تنهدات) وااس خوه مطلق عندو بنت !؟
ليالي: انا مقاليش راه خوه مطلق !! تنعرفهم بسمية ، مي فاش سولتو دبا قالي فاروق
خديجة: مطلق !! عندو بنت !!؟ ....و الله ماعرفت
ليالي: مهم نتي تعرفي !! اما مغيث قالي خوه تصل بيه جوج مرات تيسول عليك بغى يخطبك
خديجة: اودي اليالي ندوزو مطلق او البنت !؟
ليالي: وااحد بنية تتحمق و الله راها كانت فعرس
خديجة: (تترد سينتاا ..دقة دقة تتفكرات رؤيا و اسماء لاكن شكون فيهم فاروق ماعرفاتش و ماعقلاتش شافت وجوه ولاكن اسماء ماعرفاتش) وي بنت الله يحجبها !! ولاكن راه مسؤولية ..عرفتي قوليه الله يسهل عليه
ليالي: عرفتي خداام اجودان دوشااف جونداغموغي
خديجة: (بدهشة) ااااه جداارمي !؟، لاااا لاااااا ختي ..تنكره بوليس و ماجاورهما ..لاختي ضاسرين و واعرين اوو الله يسهل عليه ..
ليالي: هههه غير شوفيه و جلسي معاااه و تفاهمو ...بغيتك تزوجي خو راجلي هكا نكونو صحابات و نفس وقت فامي .
مغيث: (معنق ليالي ماعطيهاش فرصة تهضر مع صاحبتها يخلي جو خوه) يلاه الله يعااااون ..
ليالي جارها دايرة تتدير صاحبتها باي باي..خديجة تبلوكات دارت تاتشوف يمين و شمال بللبستها كحلة بودي حك كتاف و سروال جاد مزيناه بصمطة GG لاطاي ايديال مانكان ..هبطها و طلعهاا و ركز فعينيهاا ..
فاروق: معاك طموبيلتك !؟
خديجة: لا !!
فاروق حط يدو على ظهرها و زيدها قدامو تافتح ليها باب طموبيل و ركبات و تتشوف فيه داير يركب، طلاميس دار لهاا ، لي قالها تتنفذها جاها خوف و توتر للسانها ترطب ماقدرات ترفض ونفس مموافقش ....داب صمطة و قلع ، تسرق نظرت ليديها عامرين عرووق هو تيصوك باحترافية دورات وجها مزيرة على صاكها ....وقف امام قهوة و بلاصة طموبيل و نزلو عاطيها طريق قدامو ، دخلو قهوة راقية مع دخلة تضرب فيك ريحة القهوة عربية و صوت كيسان و سرابية بمشيتهم ..طلعو طاج فوق كان هادئ ..جلسو و خديجة تتحس براسها تشللت عاد كانت تتضحك و ترفضو رفض قااطع ...جا ناذل خدا طلبهم ؛ طلبت هيا كافي كريم هو كافي نوغ ..دقايق ولبى طلبهم
فاروق: اناا طللبك زواج !! ماغادي نكوليك خطوبة ولا تعارف ولا تماطل ..انا باغي نتزوج
خديجة : (تتكح نفس تخربقات لهاا، جمعات شجاعتها نطقت) ولكن ! ماشي سلم عليه سرف عليه!؟ ااش تتععرف عليا ولا اناا اش تنعرف ليك !؟
فاروق: (تيتمعن فطريقة هضرتها هادئة و عينيها قهوين فيهم للمعة خطيرة) هاادي علاش طلبت نتكلمو !! اش بااغة تعرفي !؟
خديجة : (شافت فيه بتعجب ) انت لي خااصك تقولي !؟
فاروق: خدمتي تنظن راك عارفها من ليلة عرس مغيث انا لي فكيتك من بوليس
خديجة: اااه نت بوليسي !؟
فاروق: اجودان شاف فجدارمية...(نطق بحنق) مطلق و عندي بنية عندها خمس سنين
خديجة: ( رمشات تتفكر ، تاهيا خارجة من علاقة فاشلة و اكتر شيء كانت مراهنة عليها ..تفهمت ديك مطلق) الله يخليها ليك !! عايشة معاك !؟
فاروق: اامين ، حاليا ااه !! لان حضانة عند امها
خديجة: (تتلعب بصبعانها و تنهدات) شوف !! انا مغاديش نقولك لا علاش طلقتي ولا سبب ! لان هاديك حياتك شخصية و على نياتكم ترزقون !! انا لي هامني فهادشي هيا ابنتك ، وااش تقبلني و اش تبغيني !؟ نت قلتي حضانة عند امها يعني فاي للحظة تجي تاخدها و تبقى نت معلق و بنت تقلب علياا ...
أولاد الوازنة الجزء الخامس
محتوى القصة
التنقل بين الأجزاء