خماري لا يعكس أخلاقي الجزء الثالث

مع ضربو بيديه لي كانت كتنزف بالدم تخلعات لا هي لا سعيدة ..

سعيدة : اولدي لله يرضي عليك مدابزش معاه شوف يديك كتنزف

يوسف : بحال هاد لماركات خاصهم الإعدام

تقابل مع الشفار وجرو من قرفادته ودو بصوت خافت

يوسف : شوف هانتا ندوزوها بجغيمة د الماء جبد البزطام د مولاته و الضوسي ديالك يولي نقي " غمزه أش بان لييك "

الشفار : نيشان ؟

يوسف : مكنكدبش

الشفار غا سمع اش قال لييه خرج عينيه بفرحة و نيشان جبد البزطام مدو ل سعيدة

الشفار : سمحي لينا الواليدة تقطعت وراه مهزيت ليك حتى ريال دعي معانا ب الهداية

غا كمل كلامه شير لسعيد بالزربة دارو لييه لمينوط ..

الشفار : الضحك د البراهش هادا ...

غادي و كيسب بكلام نابي مسخ حاس بالشمتة من البلان لي دار لييه يوسف ، أما سعيدة غا مشات صطافيط قربات شادة ف يدين يوسف ..

سعيدة : واعدي عندك الجرح غامق ولد الحرام ، ستناني أولدي نتا وبسمة نشري فاصمة ونجي

يوسف : ماشي مشكل أ خ " قبل ميكمل كلامه قطعاته سعيدة مجددا "

سعيدة : متزيد كلمة أنا سباب أنا نصلح غلطي

مشات كتجري فداك السوق تقلب على لفاصمة ..

أما بسمة كتحس بالرجفة شداها من صبعها صغير ..

من باب لإنسانية ، وهاد الوقفة لي وقف معاهم تكلمات بصوت خفيف رقيق ..

بسمة : كتحرقك بزاف ؟

غمض عينيه من نبرة صوتها حسها بحال شي موسيقى كيسمع و يتمتع ب ألحانها و كلماتها

يوسف : غير لغرزة تفتحات وصافي ..

بان ليها الدم رجع كيهبط بغزارة مرة أخرى ، بدون شعور تأفأفات كتجبد منديل من صاكها تشد ليه الدم ..!

شدات يديه بين يديها وحطات لمنديل على جرحة وبعدات كتحنحن ..

من قربها نسا شعور الرفض و اش دوزات علييه البارح نسا كلشي كأنه تفورماطا ما بقا عاقل على والو ..

تبسم بجنب وقرب لحداها و نطق بنبرة خافتة وبصوت رجولي جوهري ..

يوسف : بسمة نسولك ؟!

بسمة : أااا؟؟ سول

يوسف : الا كيذايقك شي حد ولا شي حااجة وريه ليا و رجعي لور

بسمة بخجل : لا لا شكرااا تاا حد مكيزعجني

يوسف : مزيان بالمناسبة طيابك بنين

بسمة غا سمعاات غزلو ليها حشااات بقلبهااا كيذق بزااااف كمل على ما بيها بكلاامو و دغياا خدودها كيتوردو

بسمة : شكرااا ربي يخليك

جااات سعيدة كتجري لي عاااد جااات من الفرمااسيااان جاايبة الفاصمة و الإسعافات الأولية

يوسف : غاا عدبتي راسك الواليدة

سعيدة : اويلي راك بحال ولدي مكاين لا عذاب لا واالو هااكي ا بنتي قاادي ليه الفااصمة راكي عارفااني كنتبورش فااش كنشوف دم

بسمة : و لكن اماما

يوسف : صاافي اخالتي الا مبغاتش بلاش

بسمة : لا لا صافي انا ندااويه ليك

بتاااسم بمكر و عطااها يديه جاالسين فوق طريطواار

و هي بدااات كتكب ليه فبيطادين على الجرحة و هو كيشوووف فييها حراام وااش حدر عينيه و سعييدة غاا كتشوف فييهم و تبسم و دعي الله هداا لي يكون رااجل بنتها و تقبل عليه

بالم مصطنع نطق

يوسف : ايي

بسمة : سمح لبا سمح ليا مكنتش قااصدة نضرك سمح ليا

و بداااات كتسوووط لييه على جرحهاا بفمها و هو حاااضيه ليها هي لي داايراه على شكل بوسة و كتسوط ليه على الجرح

يوسف بدوون وعي منو قزديرة منو مكان : كون عرفت غادي داوي ليا الجرح بحال هاكا كون جرحت اليد لخرى حتى هي

سعيدة : كح كح كح كح

هزات فيه راسها وجهها حمر غيطرطق بالسخونية ، حشمها وبالجهد ..

وقفات كتحاول تشتت النظر ومتركزش ف الهضرة لي قال

أما هو منين شافها بعدات حك على لحيته كيشوف كيفاش يصلحها

يوسف : الوليدة نوصلكم الحال بدا يضلام

سعيدة : اييه اولدي زيد ..

تبسم وزاد غادي لقدام و بسمة شدات ف أمها غادين ، ركبات سعيدة لقدام و بسمة لور

يوسف : اوا اخالتي سعيدة كيف داير السي عبد القادر

سعيدة : اوا كنعديو اولدي مع الزمان وصافي

يوسف : داكشي ..

حل الشرجم لي جنبو وحط يديه عليها وفنفس الوقت حاط يديه على لحيته كيشوف فيها مرة مرة من الزاجة د سيارة

دقائق وقت كانو فالحي وبالضبط ف الدخلة دياله ..

سعيدة : صافي غا هنا اولدي و سمح لينا على ضيعنا ليك وقتك

يوسف : لا لا اش كتقولي ب لعكس على الراس و لعين ..

سعيدة : لله يرضي عليك وسلم بزاف على رجاء و ندى والسي لفقيه

يوسف ب إبتسامة : مرحبا ب سلامك

خرجات سعيدة وسدات لباب أما بسمة غا تحركات كان لخمار تعكل ليها مع الكرسي من لتحت ..

بقات كتنتر فييه مبغاش كاع يتحيد لصق لصقة د لعما

تحنحنات محرجة كتشوف فيه بالنص عين وهو كذلك كان حاظيها ..

بسمة : عفاك شوف هذا مبغاش يتحيد ليا ..

تبسم ودار شاف فيها بهدوء ..

يوسف : اهاه وخا انا نشوف لييك

نزل من السيارة كتبان لييه سعيدة واقفة مع شي جارتها قريبة ليهم شوية ..

فتح الباب فين كالسة هبط عينيه فين كانت مزال كتجر وهبط حط يديه على يديها ب إبتسامة خافتة ...

بسمة : اش تدير يديك !!

يوسف بهدوء : مالك مال يديك ؟

جبدات يديها لعندها بزربة وشافت فييه

بسمة : شوف متبقاش دير معايا هاكا راه حشومة ..

يوسف : اش درت معاك شي حاجة قبيحة ؟

بسمة : حيد ليا هادشي نزل فحالي !

يوسف : لا حتى تقولي ليا اش درت ليييك ونحيد

بسمة : متبقاش تقرب ليا بحال هاكا راه حرام نتا شخص غريب عليا ..

عض على شفته السفلية من ديك " نتا شخص غريب عليا "

يوسف : اهااه غريب عليا سمحي لينا الآلة بسمة ..

بسمة ب إستغراب : منين كتعرف سميتي ؟

شاف فيييها مطول الشوفة فيييها وبالضبط ف لون عينيها و بشرتها ، أما هي تمعنت فييه دقائق و هبطات عينيها وجهها غيطرطق بالسخونية ..!

بسمة : احم واش مغتحيدش ليا هادشي راه ماما غتشوفنا

يوسف : اه كحزب شوية لهيه باش منتحاكش معاك " بطنز " أنا شخص غريييب عليييك ..

هبطات عينيها و بعدات لكرسي شوية أما هو رد الكرسي الأول و حيد ليها الثوب لي لصق ليها تما ..

يوسف : صافي انا حيدتو ليييك تقدري تمشي أ أختي

بسمة : شكرا

وقف كيطرطق ف صباع يديه و كيشوف فيييها وقفات و غادة بالزربة ناحية أمها لي وقفات مع الجارة ونسات راسها بالهضرة معاهااا ..

ركب ف سيارته مرة اخرى ثواني كيشوف فيها و يحقق فيييها ، زفر بضيق وكسيرا دايز من حداها مخلي من وراه الغبرة ..!

شدات على قلبها من السرعة لي كان غادي بيها ..

الجارة : اويلي كان غايدخل فيك ابنتي ا بسمة

بسمة : لا لا ..

قلبات عينيها ناحية السيارة مبانتش ليها الأثر غبر ليها ، شدات على الصاك مزيرة كتعاود لحظات فدماغها كلهم لي دازو بينها وبينو ..

مقدرش يرجع يكمل أعماله نيشان قلب الدورة لدار و لأول مرة كيدخل ف داك الوقت ..!

الكلمات لي قالت ليييه خلات المورال دياله مشقلب

مسح على جبينه وفتح باب الدار كيف لعادة لقاهم مجموعين ف الدار فاطمة و رجاء و ندى ..

رجاء : نهار كبيييير هادا منين رجعتي بكري

يوسف : ههه رجاء ها انا معاك

ندى : اويلي على رجاااااء هادي راااه مك اشمن رجاء راه ماشي ختك ولا صاحب

" شدات على فمها وشافت بنص عين ف ادم لي حاط يديه على راسه ومصغر عينيه ف يوسف "

قرب جلس ف لوسط بعد ما سلم عليهم كلهم ..

يوسف : ا لبرهوشة جيبي ليا نشرب

ندى : نوض نتا مالك داير لحنة ؟

يوسف بعصبية : غتنوضي ولا نجي نلطخك مع الحيط ..

من نبرة صوته المرتفعة ضارو شافو فيييه كلشي ، شاف فييه أدم هاز حاجبه فيييه ونطق بهدوء ..

أدم : ندى جيبي لخوة يشرب ونتا " شير ل يوسف " اجي معايا نتا ..

يوسف : أنا جاي

مسح على وجهه وشاف ناحية الكل و وقف غادي تابع باه

دخل لمكتب و سد لباب وجلس ف لمكان لي اونفاص لييه

شاف فيه ونطق بهدوء ..

يوسف : ها أنا أ لواليد شنو كاين ؟

ادم : مالك ليوم ؟ شفتك شاعل ياكما شي حاجة واقعة

يوسف : لا حتا حاجة مواقعة

ادم : راه كنعرفك كثر من راسي هضر اش تما

يوسف : والو حوايج تافهة متشغلش بالك أ لواليد

ادم : مزيان ندير راسي مفاهم والو ..

تبسم يوسف بخفة وغمز لييه بمزاح

يوسف : مكملتيش ليا على اخر مرة كيف تلاقيتو نتا و لواليدة

أدم : إذن من هنا نفهم السي يوسف داخل ف الحب

قهقه يوسف وشاف فييه بنظرة " منيتك "

يوسف : لله يهديك أ لواليد اجي وحب ولا ربي لكبدة لا لا هههههههههه

من داخل بيتها ناعسة على السرير وطالقة شعرها ومسانداه على الوسادة ،بوحدها ف البيت ..

عقلها بعييييد ماشي معاها مع تصرفاته كيف تعامل معاها المرة الأولى وكيف تعامل معاه المرة الثانية ..!

المرة الأولى تعامل ف بعنف و ماشي معاملة زوينة لكن المرة الثانية بهدوء تام دخل لييييها الشك ولكن متنكرش شي حاجة غريبة تحركات فيييها ما مولفاش تحاك مع الجنس الخشن بصفة نهائيااا ..

تأفأفات كتحس بدماغها مرون وهو زاد رونها بتصرفاته كاع..

ندمات على لي خرجات فيييه و تلقات بيه و عرفاته

وقفات كتجمع شعرها وجلسات هازة كتاب كتلف لوقت ..

هاكاا كمل النهار عندها مرة تقرا كتاب مرة تخرج تعاون مها حتى تسالي هاكا حتى نعسات ..

صباح جديد ☀️

من داخل بيت نومها فاقت كتكسل عادتها هي عادتها شافت بلاصت ادم خاوية و حوايج الدار متنين و محطوطين ف بلاصتهم تبسمات بحب و وقفات غادة ناحية الحمام ..

خرجات كتمسح على راسها ب لفوطة قطرات الماء لي هابطة على جبينها ، لبسات صندالة خارجة حتى سمعات صوت رنين الهاتف ..

هزاته ب إستغراب مكاين لي يصوني عليها دابا وبالضبط فهاد الصباح غا شافت سميته تبسمات بحب وفتحات الخط ..

رجاء : صباح النور ياكما نسيتي شي حاجة ف الدار ا اذم ؟

اذم : لا " بتردد " رجاء ندى واقفة حداك ؟

رجاء : لا انا يالاه خارجة من لبيت نمشي نوجد لفطور

ادم : سمعي اش نقول ليك و ماديري فبالك والو

رجاء بخوف : اش كاين ا ادم ؟

ادم : يوسف دار كسيدة ..!

جلسات على السرير بصدمة يديها كيترعدو نطقات بخفوت ..

رجاء : اش وقع ليييه ا ادم !

ادم : لحمد لله ما وقع ليييه والو جروح خفيف اجي نتي و ندى لكلنيك **** انا نسالي شي خدمة ضرورية و نلحق

تنفسات بعمق واقفة واخا قالها هاد لكلام ممرتاحاش مترتاح حتى تشوفو بعينيها ..

لبسات جلابتها بالزربة و هبطات لقات ندى لابسة تمشي لقرايتها جراتها دغيا لعندها مفاهمة والو ..

دقائق قليلة و كانو أمام كلنيك منصور بن عثمان وقفات ف الإستقبال كتشوف و ندى مزال مفاهمة والو ..

رجاء : عفاك ابنتي رقم غرفة ولدي يوسف قالو ليا دارو كسيدة

: اه الآلة جابوه مع الخمسة د الصباح رقم الغرفة 34

شكراتها و طلعات لغرفة كتجري كتنهج و ندى من وراها شداها عاد فهمات لبلان ..فتحات لباب ديال الغرفة بان ليها جالس متكي و يديه فيها لفاصمة و جبهتو كذلك ..

يوسف : الواليدة ؟

رجاء : اش وقع لييييك اولدي يوسف كيفاش كسيدة !!

يوسف : الوليدة الله يهديك هانتي ما وقع ليا والو

رجاء : كيفااش ما وقع ليييك والو واش باغي تحمقني ا يوسف

تبسم يوسف و قربها لعندها باس جبينها و يديها كذلك

يوسف : غير كنت غادي ومارديتش لبال لسيد لي كان قاطع صافي ..

عنقاته عااد قلبها رتاح الكبدة صعيبة ، تبسمات ليييه كدوز على لحيته بحنية ..

رجاء : الحبيب د ماماها اش نجيب ليييك تاكل

يوسف : اه الواليدة من لبارح من العشاء لي تعشينا

رجاء : واخا نجيب ليك شي حاجة تسد بيها الجوع

تبسم ليها ورجع قبل يديها ، خنزر ف ندى و نطق بخفوت ..

يوسف : تبعي مك لا يجي باك يعرعر علينا راه كيخاف على رزقه

رد راسه لوسادة مسند كيرتاح و فنفس الوقت كيتفكر داكشي لي وقع لييه ..

🔚🔚

جلس مع أدم شادينها بيناتهم ضحك و نشاط خرجو بجوجهم كيضحكو ومنبعد تعشاو مجموعين جلس معاهم شوية ومنبعد خرج ...

ركب ف سيارته غادي نيشان لمكان لي كيرتاح فيييه و هو البار ..

جلس ف مكانه المظلم البعيد على الكل ..

: كيف ديما أسي يوسف ؟

يوسف : ايييه و هااد لمرة بجرعة زائدة الله يخليييك ..

كاس وراء كاس هاكا دازت عنده ليلة عقله غائب مرة يفكر فيييها مرة ف تصرفاته الغريبة معاها و حالته كيييف ولات من بعد !! ..

وقف غادي بحركة بطئا كيتمايل من قوة الشراب لي شربه ، ركب ف سيارته طالق الموسيقى لمفضلة عنده ..

غادي بشوية حتى حبس ف نص الطريق هبط يهز الكارو لي طاح لييه بين رجليه ما حس غير بسيارته تزعزعات !

🔚🔚

سمع صوت الباب كيتفتح ميل راسه يشوف بان لييه سعيد داخل وخلا الباب من ورائك مفتوح ..

سعيد : الشاف كيف بقيتي ؟

يوسف : اسمع نقول لييك والله و يسيق الواليد الخبار أنه درت كسيدة و كنت سكران يا برب حتى نحركم نحييير جمل ..

سعيد : لا لا مقلنا ليييه والو من غير انك درت كسيدة عادية ..

يالاه هز راسه يطرطق عنقه حتى بان لييه ادم واقف قدام الباب مثبت فييه الشوفة بهدوء ..

تزعز من مكانه مخرج فييه عينيه ديك النظرة لي شاف فيييه أدم حس بيها نظرة خدلان .. ألم .. بزاااااف

يوسف : الواليد !!!!!!!!؟؟؟

ادم :ياااك هااادي هي تربيتي ليك ؟؟هاادي هي تقة لي دااير فيك

يوسف :الواليد غا نشرح ليك

ادم :مكااين متشرح ليا خاارج و مخلي موك و ختك مشاادا مع طبيب رضااتو حاالتو بالقميش

يوسف ؛ اشنوووو؟؟

ادم : لا لا و زاايدهاا مفخباارك ميتعااود

🔙

يوسف من بعدما خرج من غرفتو كاانت رجاء و ندى جاايين عندو جاايبين ليه ميااكل و كيزربييو فالمشية يوصلو لعندو

تاا دخلات ندى فوااحد الطبيب و طااح ليها دااكشي لي فيديها و هو طااحو ليه نضاضر د شوف

رجاء بداات كتولول و تجمع داكشي من لارض اما و طبيب نزل يهز نضاضرو

ندى : بشوية عليك ابناادم وااش مكتشوفش خزييت يا لطيف

هز فييها طبيب عينيه و ركز شووفة فييها مبهوض فملاامحهااا البريئة على الرغم من العوبااشة لي رااسمة فوجهها

الطبيب :عفوااا ؟؟

ندى : ليعفوو عليينا و عليك شووف دباا شنو درتي طيحتي لينا هادشي

الطبيب :سمحي ليا مقصدتش هاادشي يوقع و لكن كنضن الغلط ديالنا بجوج تاا نتي كنتي فجهة اليسرى فاش كنتو بعاد مفهمتش شنو جاابك لجهتي

رجاء : زيدي دبا لي عطا الله عطااه سمح لينا ادكتور

ندى : شنو مسمعتييهش قاليك انا لي غاالطة واااش نتا عور و زاايدهاا بالهضرة رااه نتا لي دخلتي فيا

طبيب شاف فيها و بتااسم : ليرحم ليك الوالدين

ندى بحالا ضربتييها بطرشة لا لا وااش قمعها قمعها دبا هدا قمعها من نيتو ؟؟

ندى : نتا تقمعني انا داااخل فيا و زاايدهاا بالهضرة

رجاء : اويلي زيدي راه مقاليك والو

ندى : اوا ليقل حيااك مدوزش سطااج هنا و بااغي تفووح عليينا ليخليها قاعدة

رجاء : اويلي راه مدار ليك والو

بداات دغيا ندى كتبكي : يااك جيتي من جيهتو دبا انا لي غالطة

جااي ادم غا شاافهوم منوضين روينة جاا عندهم

ادم :شنو وااقع هنا

الطبيب ببتسامة :غااا سوء تفااهم ا مسيو كنعتااذر منكم

و نااري ندى شحاال قتلهاا بصوااب ولات غااا تبكي و مع فيها الحمراء كتكون حساسة فهاد الفترة خااصها غا معامن

ادم : سمح لينا ا سي دكتور

الطبيب : مكاينش مشكل بالمناسبة سميتي رضوان لحتاجيتو شي حاجة مرحبا

ندى : و عااودها لراسك لاش كتعاودها لينا ؟

ادم حمر فيها :رجاااااء

🔚🔚🔚🔚🔚🔚🔚

ادم : يااك كنقوليك عمرك تخليهم بوحدهم راه ايديرو شي كريتة جاب الله طبيب طاحو فيه ضريف

يوسف : ديك شنيولة انا لي انتفاهم معاها

ادم : الا مقادش على موك و ختك قولها نحضيهم انا ماشي تخلييهم بوحدهم

يوسف : الوليد يهديك الله راه انا لي مريض مااشي هوما

ادم : لي مريض كيشد لارض

يوسف : نمشي نخدم على راسي مالي مهرس ليعاون الواليد

ادم : تهلا و رد البال فطريق

مشااا ادم عند رجاء و ندى لي حلا فطنوبيل لقااهم كيضااااربو مع الراديو يشعلوه تاا طيرو البوطونة من بلاصتها

شاااف فيييهم و دواو دقة وحدة

ندى رجاء : ماشي انا هي

ادم : ياااا ربي الصبر اللهم لا تحملني ما لا طاقة لي به

رجااء : ياااك ا ادم هي دبااا مبقيتيش كتستحملنا كااع هذااا هو نتا اكثر من متالك....

( اجا ميسكتها دبا )

صبااح صبااح جديد شمسو شرقاااات بمناازل ابطاالنااا

فااايق من نعاااس و اول مرة مبتاااسم لدرجة ماا إن حل عينيه ختافاات بتيسااامتو

هااادشي بزااااف تااااا فاحلااامو ملاااحقاااك خااصو يدير شي حل لهااادشي حيث لا يعقل انه يبقى يفكر فيها هاكا

مشااا كيكب على وجهو الماء و شااف فالمراية

يوسف : هي رفضااتك ا يووسف دخل هااادشي لدمااغك صااافي

لبس حوااايجو من بعدما فطر نيشاان لكوميساارية معصب غا رااسو و كيغوت

يوووسف : اجييييييب واااااحد الكاااس د القهوى ادااك هاااااه

سعيد : هي لولة اشاف

يوسف :اشهاااااااد لميييلفاااات تااااني على صباااح

يوسف :صباااح د نم واااش فييينما نساالي لخدمة بليل نجي فصبااح نلقى كرطونة د الوراق كتسنااني الحبس مع مكوووم

كيقراااا فالوراااق و كيجنتر فيييهم ستييلو كيبرك علييه تااا تقب الورقة

و نااض بزربة كيمشي و يجي محس براااسو غااا كيهز فدوووك الوراااق و يخبطهم مع الارض شدوو سعر غااا هو و رااسي

لي معااه فالمكتب تخلعو تااا غوت عليييهم

يوسف : خرجوووووو عليييياااا خرجوووو منشوف تا واحد قدااامي

سعيد : شا ... شااا ...شاااف

يوسف :يشوي لمك الفم خرج عليا عطيني تيساع دبااا

خرجو خلاااوه بووحدو و هو شااااف تااا عيااا فدووك الورااق المرونيين و مشاااا جلس فكرسييه حااااط راااسو فوووق المكتب و مغمض عييينييه

و مرة مرة كيخبط راااسو مع البيرو

يوسف : خرجي ازمر خرجي صافي خرجي

محس براااسو غااا حاال لبيسي و داااخل لمعلومااتها لقى غاااا صوووورة د التعريف الوطنية ديالها بدا كيشوف فيييها سااااهي بيين عينيها و فمهاا الصغيوور المنفوخ كتبااان زوييينة بزااف تا فبطااقة التعريف ا عبااد الله و طبيعية بلا فيلتر

عيينييه ايختاارقو شاشة و هو حااضيها بقاا هكااك ربع ساااعة

تااا واااحد المش زغبو ربي و دق عليييه

سعيد : شاااااف

دوز على شعرووو بعصبية مرارا و تكراارا

يوسف : يشويني فيه

دخل عندو سعيد لي حط ليه كااسو د القهوى و هو سد البيسي و نزل كيجمع الورااق لي زلع و يعااود يستفهم و يبداا من جدييد عصبيتو نقصاات شوية واااخا بااقي وجهو مكمش و لكن مااشي فحاال لول كيحااول يركز فخدمتو

فمكان اخر

جااالسة فالكوزيينة يااالاه كملااات نصيييب ديااال طاجييين لي داايرة لغداا بدااات كتشوووف فنقطة وحدة و ساااهية كتفكر فااش قاليييها " كون عرفتك اداوي ليا شرح بحال هاكا كون جرحت تا ليد لوخرى "

هااااد الجملة بضبط خلاااتهااا بلا عقل شحااال زوييين يجاااملك شي شخص غرييب و بالخصووص لكان هاااد الشخص كيحرك فييك شي حااجة

سعيدة : بسمة بسمة واااا بسمة

بسمة : أااا؟؟؟! نعاام

سعيدة : ويلي رااه كتكبي القرعة د الماء فالطاجين حتى كيدفق

بسمة : ويلي ويلي سهيييت شوية

سعيدة : اوا مموالفااش لييك شكون خداا ليك عقلك

بسمة : والو والو ا مااما

نخليييك انمشي لداار القرآن دباا وصلات ل 11 مور الظهر نجي

سعيدة : ليعاونك ا بنتي

لبساات خماارها لي كاان متيمز بلون الذهبي بالكامل كتحمااق على الألوان الشيء لي كيباان ليك من خماارااتها لي كل وااحد بلون وااحد ينسيك فلاخر

هزااات قرأنها فيدييها و توجهااات لخاارج يلااه وقفاات قداام الجاامع كتباان لييها سطاافييط وااقفة لا لا شنو هااادشي كتشوف هو بشحمه و لحمه و لكن شنو كيدير هناا و شكوون هاديك لي معاه ؟؟

كتقتااارب و كتوضااح لييها صورة حدراات رااسها و غاادية بشماا تعيقش بلي كتحنزز تا سمعاات سميتها

رجاء : بسمة

بسمة بتاااسماات ليها : سلام لباس

رجاء : اوييييلي مغادييش تجي تسلمي عليا

بسمة :لا حاااشا

قرباات ليها سلماات عليها من الوجه و رجاء عنقااتها

رجاء : ارضي عليك ا بنتي

بسمة : ربي يخليك ا خاالتي

رجاء : بديتي تاني

بسمة : ههههه سمحي ليا رجاء

كااان سااهي فييها و زاااد سهى فااااش شااااف ضحكتهاا لي بيناات سنيناتهاا المساااتفيين كتجيييه كيووت بزاااف و كتسطييه بالحنية و الرفق و المودة لي كيضهرو على وجهها

رجاء : هذاا ولدي يوسف

مد ليييها يوسف يديه ببتسامة كيبين لييهاا شووفاات ديال العااشق الولهاان :سلام

بسمة بقااات كتشوف فيديه حشماات معرفاات متقول لييه ولا شنو دير و هو بااقي مخلي يديه ممدودة

يوسف : مغتسلمييش

حشماات و حساات بيدييها تعرقااات بقوة مكانت ضاغطة علييها مسحااتها فحواايجها لي كانت مزيرة عليها و هزااتها و هو حاااضي يدييها بحال شي طفل صغير كيتسنى هدية بابا نويل فعيد راس السنة

رجااء كااانت حاضياااهم كتحس بداااك الماس ( التجادب ) بيناااتهم و رجعات لور بجوج خطواات

تااا تحطاات يد بسمة على يدي يوسف لي شدها حلف ميطلقها كيتحسس نعومة بشرتهااا

رجااء مولفة بدااكشي د الروماانسية مع الفقبه مبغااتش تقطع عليهم اللقطة

و بسمة كتحس بيديها بحاال مقيدة بالمينووط كتحااول تجبدهاا عندهااا بكل ادب و لكن بدوون جدوى عيااات تتحاول تنترهااا فالاخير نطقاات و يا رييتها منطقاااات

زعزعااات و شرشمااات و شتتات لييه الطبل د ودنييه بصووتها العذب الشبيه بالسمفونية الموسيقية لي كتميز بالصوت المطرب لي كتصدرو على الرغم من كثرة الالات

بسمة : ممكن طلق ليا يدي عفاااك

اخيراا طلق من يدييها و نطق هو الاخر بتمرد و طغياان ممسوقش لمو لي كتفرج عاجبها الحال

يوسف : لي تحسس رطوبية هاد ليدين ميقولش هوما لي طيبو دااك طياب داك نهار

الحرج الحرج الحرج هو لي كتحس بيه فهاااد لحظة و قلبهااا ايسكت مفيهاش شك

نطقاات بكلماات متلعتمة

بسمة : أ ؟؟ ان ... ن ...نخلييكم دبا سمحو ليا

نساحباات من حداااهم مخلياهم مع بعضهم و مشاات دخلات لداار لقرآن كترعد

عند يوسف غااا شاافها مشاات كمش ملامحو

يوسف : نخليك الواليدة

ركب فسيارة و نطاالق كيضرب فالفولون

يوسف : فأخر يامك ا يووسف وليتي عنااب

شاافت فييه رجاء حتى مشا من حداها و دخلات لدار القرآن هي الأخرى

وصلات 12 يلاه خاارجة من قسمهاا تا تلمو عليها البنااات تاني كل وحدة كتهضر من جهة تا ندى طرطقات عينيها فوحدة ضاربة ليك صايا و ليبا موص شبكة مع سوفيطمة و شعر طاالقااه ليك اما الوجه حاالة اخرى

ندى : شفتووها شنو لابسة ؟؟؟

البنااات : البعكاكة لوخرى بحاال هاادو لي خارجيين عليينا

ندى بشر : أنا غنفرجكم فيها

تقدماات عندها بخطواات محسوبة تا وصلات حداها و داارت رجليها قداامها تاا تعكلات البنت و طااحت

ندى : أوبس سمحي ليا مقصدتش كون كنتي لابسة سبيبيط بلا مغايوقعش ليك بحال هااكا اشداك لطالونات

البنت : نتي درتييها بلعاااني

ندى حطات يديها على فمها : أستغفر الله انا درتها بلعااني لا لا شنو هااد ضلم حشومة عليك

ندى : لبنات واش انا درتها بلعاني ؟؟

البناات : درتيها بصح

ندى : ههههه شفتي يالاه عطيني يديك نوضك من الأرض

البنت : مكاين لاش شكراا

نااضت غاادياا فحاالها محساات غا بندى لي شداها من شعرها

ندى : واااش عاجبك شعرك ولا شنو ؟؟

البنت : اي طلقي

دفعااتها ندى تاا جات طايحة لارض مرة اخرى و نطقات

ندى : موسخة

و البناات من مورااها كيضحكو و مشاات هي خارجة فحاالها و ضحك معاهم بحالا دارت شي إنجاز عضيم

من بعدمااا خرجاات من بعد صلااة ظهر توجهاات لداارهم كتوجد فطبلة د الغداء و مهاا حااضيااها

بسمة : غاا قولي شنو باغا تقولي

سعيدة : هههه كتعيقي بيا اوااا ابنتي فيين خليناها فدااك الموضوع

بسمة : انا موضوع ؟؟

سعيدة : يااك قلتي لياا دروك نتلاقا معاه و نشوف ديك ساعة

بسمة : نتي لي قلتي ليا مااشي انا و زيدون وااش غادي نمشي عندو انا نقوليه تلاقا معايا رااه مستحييل نديرها

سعيدة :شنو دبا دااك نهاار غا تبتيني بهضرتك و صافي

بسمة : اهديك الله ا ماما

سعيدة :ماماماكش ترديني كيف دري صغير و تلعبي عليا

بسمة : انا شنو درت ؟؟

سعيدة : حطي حطي الغداء و جيبي لباك يغسل

بسمة :صبرك يا الله

طوول الغدااء و سعيدة غاا عااقدة غوبااشتها على بنتها اما بسمة كتحس بحاالا ضغطاات عليها ولكن رااه هي لي قبلات داك نهاار انها تقابلو عاد تحكم و لكن تاني كفااش اتقاابلو و هو كل مرة كيخلييها داااخلة فحواايجها بقوة الحشمة

بسمة : افففف الله يكتب عليينا مكاتيب الخير

عبد القادر : تومااا ماالكم اهااد العياالات ممولفااش ليكن تغدااو بسكاات مداحسين ولا

سعيدة : كول كول مكلتك رااه غتبرد ممدااحسين مع حد

عبد القادر :و ماال تتنفخي عليا ؟؟

سعيدة :بنااقص من هااد الغداء كااع خليتو ليكم

ناااضت سعيدة و خلااتهم فالطبلة بووحدهم و بسمة غااا كتشوف و ساااكتة

عبد القادر :هاادي ماالها ؟؟؟ (رفع صوتو ) اوااا لهلا يوكلو ليك جبتيها غا فرااسك اتجيبيها فينا حنا

دااز نهااار اخر باحدااثو الروتينية

رجااء شااادة الهااتف فيديها و تمشي و تجي لبساات جلاابتها و لوات عليها شالها تاااا وصلااات لمؤسسة فين كتقرى بنتهاا كاانت نفسها المؤسسة لي ديجا قراات فييها هي غااا وصلاات حدا المدير عقد غوبااشتو

المدير : و كنقوول ماال البنت طالعة هااكا زييغ نتي مها ؟؟

رجااء : اهديك الله ا سي المدير على ماالها بنتي اشداارت

المدير : لا لا غااا شييب لي نوضتي فيا نتي فااش كنت كنقرييك زاادت بيضااتو هي

رجاء : اويلي لا لا بنتي مديرش هاكا رااك غاالط

المدير : ا لالة بنتك ضلعة عوجة على مااشي تشادات مع مولات تربية إسلامية هااديك تقول الحجاب خاصو يدار عن قنااعة و بنتك تقوليها لا مفروض لي مداارتوش خااص والديها يضربوها باش ديرو

رجاء : اويلي ويلي على المصيلة لي عطااني الله دوزها ليها ا سي المدير يعطيك الستر

المدير : إيييه هااادي ندوزوهااا كدخل لفيستيير د البنات و تبيع لييهم أولويز بضوبل د تمااان وااش ولاا عندي الحانوت د المداني هنااا

رجاء : ويلي ويلي دوزها تا هي يعطيك الستر

المدير : ندوزوها كاانو دراري د قسمها لاعبين كورة مشاات لصحااب الفرقة د الودااد قالت ليهم نصبن ليكم التونياات و مشااات كباات علييهم جاافيل و الصبااغة خضرااا لوان د فرقتها د الكورة شنوو تا هاادي ندوزوها ؟؟

رجاء :عاافاك المدير يعطييك الستر

المدير : اوااا و ليني باااش البنااات لي مدااايريينش زييف تكرههوم فعييشتهم تال هاادي و حبس

رجاء : أ ميييمتي على وغبية ليوم نفرس واالديها كون هااني

بااقين تيهضرو تاا جااب الحارس العام ندى من قسمها و دخلها عند مهاا

المدير : ضروري نديروو تقرير على هاادشي الاباء د تلاميد كيتشكااو

رجاء هزااات يدييها تال سماا و نزلاات على ندى بطرشة عاالمية خلاات المدير غا كيشوف

رجاء :وااش انا سيفطك تقراي ولا ديري زباايل غا قولي ليا

المدير :اهديك الله امدام رجااء صافي غا خليها

رجاء :ليوم بيا ولا بيك تلااحت ليها على شعررها بااغا تنتفها تا دخل الحارس العام شد رجااء

الحارس : نعلو شيطاان ا مدام

رجاء :اويلي ويلي على زغبية بغات تخرج عليا اويلي اويلي على الزغبية بغاات تخرج ليا من جنب

ندى كتبكي و تمسح دموعها مراضياش : مدرت والة علاش ضربتيني

رجاء : كنواعد ا سي المدير هادشي مغيتعااودش و غداا ندى اتعتاذر من التلميذة قداام كااع تلاميد

ندى : اااشنوووو ؟؟؟

جمعاات معاها رجاء بوااحد القرصة تاا سدات فمها

المدير : هادشي منبغييهش اتعاود

رجاء : كون هاني ا سي المدير بغيتك عافاك تعطي لبنتي شهاادة طبية بلي مريضة و متقدرش تجي العشية

المدير : علاش ؟؟

رجااء :حييث لعشية انسيفطها لسبيطار

و شنقااات على ندى من قرفاادتها و غاديا بيها

ندى : واا طلقي الواليدة طلقي شوهتينا

واااصليين لداار و هي بااقا كتنتف فيييها

رجاء :هااادي هي تربيتي ليك تعداي على بناات نااس دوي ا شيخة

هااداا هو صواب و الادب لي علمنااك

ندى كتبكي و تهضر :لواليدة زدتي فيه مدرت تااا حااجة غاالطة و نتي كضربي فيا من قبيلة

جمعااتها معاها بطرشة اخرى :باااقا كتقااابحي مخصوصة لموك تاا كتبيعي اولوييز دوي

ندى :واااش حناا منترزقووش الله ولا شنو و زاايدون غاا كنظير فيهم الخير

رجاء : و سحاااب تونيااات شنو داارو ليك هوما

ندى :وااا تااا الحمر لوون يتلبس ؟؟ مكاااين غااا خضراا و بيضا لون

رجاء جلساات لارض صاافي تهداات و بداات كتبكي

رجاء :سري انا لي معرفتش نربييك نااس والدين لبنات و انا والدة عزري و زاايدااها بتخرااج العينين سيري ا بنتي انا بغيبت دنووب دوك البنات لي كتنمري عليهم يخرجو فيك

مهمهااش ضرب مهمهااش وجهها لي مخبووش قدماا كلام رجااء ختااارق ليهاا القلب و خلاااها تحس بنخسة فيه

ندى : يااك ا رجاء كدعي فيا دبا

رجاء : وااا قتلتيني عصبتيني اتقطعي ليا شي عرق من صغرك طاالعة حاامية متحتاارمي حد لساانك خااصو يتقطع بعدي هااا لعاار منشوووفش خلييقك بييتك نيييشااان بييتك متخرجييش اربي اشهاااد البنت ا ربي

ندى مشااات لبيتهااا كتجري و سدااات عليييها كتبكي تااا عينيها نشفو من دموووع كتحس براااسها ماااشي مزيااان نهااائيا

عند رجااااء بااقا جاالسة فالأرض كتبكي و تشهق دوزاات ليه الخط

ادم :الحبيبة ديالي سولات فيا

سمع صوت شهقااتها و كمش ملامحو

رجاء : معصبة

ادم : ماال شنو وااقع ؟؟

رجاء :غاااا مع ندى عنصرية بلا قياس

ادم :انا ساليت الخدمة ليوم بكري تسنااي انا جااي

بعد نصف ساعة

ادم :يااك لبااس شنو وااقع

رجااء عااودااات لييه كوولشي من A حتى ل Z

ادم : ندى زااادت فيه بزاااف و لكن حتى نتي مكاانش علييك ضربيها بهكااك اتزيد غا تشد ضد كاان علييك تحااوري معااها و تفهمييها

رجااء : حرت و الله عصبااتني عارفني مكنحملش ضلم

ادم : صاافي خوي رااسك من هاادشي انا انهضر معاها فينها دبا ؟؟

رجاء :فبييتها

مشاا ادم كيدق علييها تااا مجاااوبوو حد و حل لباب تا كيتصدم مكيلقى حتى وااحد

ادم : ندى ....ندى ..... ندى فينك ؟؟

ملقااهاش و خرج عند رجاء

ادم : مكااينااش

رجاء :اويلي تااعت مكاايناش فين غتكوون مشااات ؟؟

عند ندى غااا سمعاات ملاام مهاا دخلاات لبيتهااا كتبكي و دمووع مبغااوش ينشفو ليها كتخس بالخنقة جمعاات شعرها لي تخبل ليها فاش كانت كتنتفها رجاء و لواات عليها زيفها لي ب لبلو مارين بإهمال

مع جلاابتها الكري لخفيفة لبسات سنداالتها و خرجاات بلاما تحس بيها رجااء

جالسة فجردة لي حدا دربهم و دموووعهااا شلااال من عينيها تاا كتباان ليها قرعة د الماء ممدودة ليها

رضواان : كتبكي بزاااف ؟؟

ندى :مسيناا عالله شنو كدير تاني هناا

رضواان : كنت خارج من لكلينيك قلت نشم شوية الهواء عاد نمشي لداري جديدة و لكن شنو كظيري نتي هنا 2 هادي دنية صااقلة و الشمس حاارة بزااف عليك اتمرضي

ندى ببتسامة : مهمة الطبة داائما إعطااء نصاائح

رضواان : ههههه مرحبا فاي وقت و دبا شنو ضارك؟؟

بحاالا كاانت كتسنى شي حد يسولها نفااجراات بالبكاا كثر

ندى : مدييش عليا غير هههه غير مخنوقة

رضواان و كيشووف قداامو بعينيه زرقين لي ضرباات فيهم شمس ولاو حكاية اخرى

رضوان : الا المشكل مع العائلة سمعي لكلامهم بغااو مصلااحتك الا مشكل مع شي شخص اخر غريب عليك مديريش فباالك حييث ميستااهلش تا حااجة مكتستااحق التقدير من غير عائلتك و لي نتي متاكدة منو باغيك بصح

ندى ببكااء شديد : و لكن هي .... هي لي ولدااتني و تدعي عليا رااه غااا نمشي نرمي رااسي من شي جرف نيت

رضوان : على الأقل عندك ماماك و عارفاها كاينة رااه مغتكونش قصداات كلامها حرفيا و رااه كيكونو سااعات غضب

ندى : نتا عندك ماماك ؟؟

رضوان : لا انا كبرت فالميتم ههه معرفتش شنو سباب لي خلا ماما تنا تخلا عليا و لكن متاكد ايكون عندها شي سبب وجيه معاارفش حتى واش حية ولا ميتة

ندى باسف و كتشوف فملاميحو : و زعما مكتفكرش تقلب عليها

رضوان : لأسف بغيت غا نطمن على احوالها و لكن معندي تا خبار عليها

ندى بدون شعور : اتكوون زويينة بااينة

رضوان :ههههه نعتاابرها مجاملة ليا ؟؟

ندى دغيا وعات على رااسها و قلبات عينيها لجهة لوخرى :مزيينتك

رضواان : ههه شكرااا على مجاملتك ليا للمرة تانية

🤣🤣🤣🤣🤣🤣🤣🤣🤣🤣🤣

ندى : ثقيييل على القلب

رضوان : غااا غمضي عينيك و دوزيني بجغمة د الماء

ندى بدون شعور طلقات ضحكتها : هههه

رضواان :دباا نوضي خااصك ترجعي لدااركم والديك ايتقلقو عليك

ندى شاافت فييه و بتاااسماات :شكراا خليت ليك رااحة

بداات ساابقااه تاا شاافتو تاابعها

ندى :فيين تابعني ؟؟

رضواان :رااه طريقي هاادي

ندى : اوا و انا مالي

حك على رااسو من تصرفااتها صبياانية و هو موول العقل حدر رااس و زااد تااا هو و المشكل تااا وقفاات قداام زنقتهم و هو باقي موراها

ندى وقفات و داارت عندو : لا لا متكدبش عليا هااد المرة رااك بااين تاابعني

رضواان : الدار

ندى : شنووو ؟؟

رضوان :را هي دااري

ندى بصدمة : نتا لي شرييتي داار الكااورية ب 70 مليون

رضوان : اهيااا ناري عاارفة تا ثمن

ندى : تاا حاجة مكتخفى فهاد درب المهم خليت ليك راحة

رضوان :مغتعرضيش عليا نتغدا عندكم ؟؟ راني جديد هنا زعما

ندى : الا جديد راااه طااكوس دااير ليه الحاج تخفيضات فديك الزنقة غا 20 درهم لا غلا على مسكين

زاادت قداامو و خلااتو كيضحك

و مشااا حل بااب داارو

اما هي غااا حلاات لباب سمعات رجااء كتجري تا وصلات عندها عنقااتها

رجاء :فين كنتي تخلعت عليك

ندى :هانا جيت موااقع ليا واالو غا مشيت شميت الهواا شوية

رجاء :و الله و تعااودي تخرجي بلا متعلمي تا نشوييك و ها هي فيين قلتها ليك

ندى : رااني كبرت زعما

رجاء طلعاتها و نزلاتها : من نيتك البرهوشة زيدي زيدي تغدااي اش وحلتيها لينا و زدتي

دخلاات لبيت لقاات بااها جاالس

ادم : ياالاه كنت انخرج نقلب عليك خليتي تليفونك فداار ؟؟ و معلمتيش بلي خارجة

ندى حدرات رااسها : سمح ليا

ادم : دوزي نتغداو بعدا

حطاات رجاء الغداء لي برد و سخنااتو اما واحد يوسف قليل لي كيتغدا معاتهم الاكثرية كيتغدا غا فالخدمة

تغدااو و تجمعات طبلة

ادم : تبعيني

شاافت فيه ندى و تبعااتو تااا وصلو لمكتبة بحال لي كاانت عندهم فداار القديم تاا هي كتحتااوي على مجموعة من الكتب و المجلات

ادم : شنو دااكشي لي سمعت درتي ؟؟

ندى : بابا انا مقصدت والو و لكن رااه دوك البنات لي مكديييروش زييف

ادم :وااخا نتي شكون لي قاليك ديري زييف ؟؟

ندى :درتو رااسي

ادم : يعني قتانعتي بيه عااد درتيه مجبرك تا واحد ؟؟

ندى : لا

ادم : و شنوو درتي نتي ؟؟

محسااات غاا بدمووعهااا هااابطيين شلال من عينيها حساات بكلاامو نزل عليها بحال طرشة بااش يفيقها من شنو كاانت كدير

ندى : سمح ليا

ادم :مااشي انا مناش طلبي سمااحة طلبيها من البنات لي غلطتي فحقهم و عاااد شكون لي خلاك تختااري فريق الرجاء باش تشجعيه

ندى :رااسي

ادم : اذن شكوون نتي باااش تحكميي على شي حد اخر ؟؟ شكوون نتي بااش تفرضي على شي وااحد شي حااجة الله سبحاانه و تعالى و قال فسورة الكهف الأية 29 ( و قل الحق من ربكم فمن شاء فليؤمن و من شاء فليكفر ) إذن شكون نتي بااش تحكمي على بناادم ولا تفرضي عليه شي حاجة

ندى : كنعتارف بالغلض ديالي منبقاش نعااود

ادم : ماما مقلقة منك حيتاش على شنو درتي كنضن خاصك تعتاذري منها و تعتاذري من تلاميذ غداا

ندى : كنوااعدك بهاادشي ا بابا هادي و توبة

راااجع لداااار مهلوووك مداازش كااع عند مالين دااارو حدو دخل لدااار تكاااا فوووق سرييرو يرجع نفس شوية

ناااض بشوية و كتحسي بعضاامو كيطرطقو تااا دخل لدووش خواا علييه المااء باااش يرتاح شوية

خرج لاوي عليه غا فوطة من التحت و شاد لييك الكااس مكاااين غاااا تفكرهاا و شرب علييييهااا

منين عررفهااا و سمع رفضهاااا لييه ولا كيشرب بزاااف

نطق بين سناانو لي مزير عليهم

يوسف : قريييب انتجمعو ا بسمة غااا بلااتي ا تشوفي الا مفديت فييك القديم و جدييد رااني مااشي يوسف

زاااد جغط اخر جغمة بقاات ليه فالقرعة و تلاااح مجبد النموسية شاادهاا بعرضو و طوولو

بزز بزز باااش غمض عيينييه شوية

اصبحنا و اصبح الملك لله

يووسف ليي ناااض مشاا لخدمتو نيشان كيف العاادة

كاانت بسمة فالكوزيينة كتفيض الحلييب و سهااات هضرتهاا مع مهااا هاااد ليام ولااات قلييل هي كتشووف فالحليب لي كيفيض فوق البوطة و مرفوعة

تا جراات سعيدة طفااتو هااد الأخيرة لي حساات برااسها قسات عليها

سعيدة : سمحي ليا ا بنتي ضغطت علييك نتي مااشي مدطرة انك تهضري معاه ولا تلاقايه على رااحتك

بسمة عنقااتها : شكراااا ماما بزاااف عطيني وقت لهاد الموضوع

بتااسمات ليها مهاا و وجدو لفطور بجوج كيحطوه فوق الطبلة

لاابسة صايا بالحمر و قاميجا بالأبيض و زيف بالباج مع طالون نازل شوية بالباج و فيديها اليمنى بزااف د الوردود ويديها اليسرى هاازة طبسيل

يلاه بغاات دق تحل لبااب تاا دقاات ليه فرااسو

رضوان : ندى

ندى : صباح الخير هههه عقلتي على سميتي

رضواان : على نتي كتنسااي ؟؟

ندى : اوا شتي دبااا تعنااب الخاوي

رضوان : هههه شكون تعنب عليك ؟؟

ندى : المهم انا فرحانة مغنديش عليك هاا شي مسمن سيفطاتو ليك ماما حيث جار جديد و قالت ليك لحتاجيتي شي حاجة مرحبا هاا بابا يوريها ليك حيث سمعنام جديد ماشي هادي المدينة فاش كنتي ساكن و اخيرا ( جبدات وردة من دوك الورود و حطاتها ليه فوق الطبسيل د المسمن )

ندى : نهارك مبروك

مشاات و خلاتو غا كيضحك

رضوان :هههه مسطية

وصلات لمدرستها اول حااجة دارت مدات لحارس د الباب وردة

ندى :صبااحو

دخلات لمدرستها و توجهاات الإدارة لقاات المدير مع الحارس العام مجمعين دقات لباب عطاوها الإذن بدخول غا شاافها المدير رجع بلور و خرج عينيه

المدير : اشبغيتي تاني

ندى : صباااح الورد ا سي المدير بغيت غاا نعتااذر منكم على اي حااجة درتو معايا و هااد الورد كعتذاار ليكم

المدير :ياكما كتفلاي تاني

ندى : لا لا بصح سمحو ليا على كاع داكشي لي درت

قدمات ليهم وردة وردة و نسااحباات خلاتهم غا كيشوفو فبعضيااتهم و المدير كيضحك

المدير : شنو بان ليك فهادشي

الحارس العام : ههههه اكيد ماشي رجاء لي رجعاتها هكاك هاديك عمرها توب من زبايل على مشفتيش تزوجات بالفقيه د الجامع بااينة هو لب هضر مع بنتو

المدير : الا كانو رجال غا بحال ادم ليكثر من مثاالو

توجهاات لقسم ديالها هو الأخر و دقااات الباب كاانت الحصة د الإسلاميات

غاا شافتها الأستاذة حدرات رااسها حيث عارفة فعاايلها تا دواات ندى

ندى :أستاذة ممكن تعطيني 5 دقايق من وقتك نتي و تلاميذ

الاستاذة : لاش رااه عندنا درس خااصنا نبدااوه

ندى :دغيا عفااك

الاستاذة :كثر فيه الصواب ابنت الفقيه اشتماا

بتاسماات ليها ندى و هي كتفكر فطريقة لي تاا هو عاملها بيها فااش عايرااتو فسبيطار المعااملة الحسنة داايمن كترجع على صحاابها بالمزيان و الفم لي يقول الزمر يقول التمر

ندى : اول حاجة زملاىي زميلاتي كنبغي نعتااذر من الأستاذة على اي تصرف صدر مني معجبهااش و تاانياا كنعتاااذر من التلاميد و بلخصوص راانيا سمحي ليا حيتاش دفعتك دااك نهار

رانيا : سامحتك

بتاسمات ليها ندى و داارت عند الأستاذة :و باااش نبدااو صفحة جديدة قررت نهدي هاد الورد لاستاذتي العزيزة كإعتذاار

مشات تقدمات عندها و مدات ليها الورد لي بقاا

و ناااضو التلاميذ كيصفقو و عنقااتها الأستاذة لي كانت مبتااسمة

الاستاذة : يلاه دبا نرجعو لدرس ديالنا هااد الحصة انهضرو على تسااامح و العنصرية نيت

احد التلاميذ : استااذة و لكن هاد درس معندناش فالمقرر

الاستاذة : اه حييث الحصة ديالنا ليوم ستثنائية

يتبع...

خماري لا يعكس أخلاقي الجزء الثالث

محتوى القصة

التنقل بين الأجزاء