قصة خماري لا يعكس أخلاقي

2020قصة كاملة بدون سفالة

محتوى القصة

رواية خماري لا يعكس أخلاقي

شاااءت الاقدااار و شفناا رااسنا بااقي عندنا منعطيو فهااد القصة و حييث عجباااتكم 😘 هاااحنا جيناااكم بالجزء تاااني

قصة : زوجوني فقيه الجامع 2
بعنوانها الفرعي : خماري لا يعكس أخلاقي

بقلم : فرح حدادي & رجاء جاكار

لعاااشقااااات الكومييديااااا و الضحك🤣

عاااشقاات الحب و الرومنسية # الإثارة ... # التشويق ..# المغامراات # الكوارث لي كااينة بزااف ....# و الزباايل لي غيكونو زاايدين نغزة ... # ...

كنقوليكم مرحباا بييكم فالجزء تااني مغيكووونش شي ارتباااط وثيق بالجزء لول يعني لي قرى الجزء تاني ايفهمو 😘

إييه الياام تاا رجاء كبرااات و دارت لولاد مع سي الفقيه ادم و من يعرفه

اه هدااك لي تغرمتو بيه فالجزء لول بأخلاقو و تعااملو

بطل الجزء تاني 🔥 :

كنقوليكم بلي ولدو خرج لا علاااقة بباه 😂 اجي تكتاااشفو معاانا سي الكوميسير لي ورث الزباايل من عند مو تاابعينو من كل جهة و قال لرجاء متعرفييش

اوا شنو نتوقعو من الكوميسير غاا هو رااه وااحد العصبي ممنوش جوج 😂 ولا ربعة شخصيتو اتجننكووم تاني متاكدة عااد مكيبغييش لي يطيح كلمتو لارض

اوا لبطلة :

بنت من اطيب خلق الله كتميز بشخصيتها الهادئة بنت ضحوكية و عاارفة بينها و بين الله و عمرها عرفاات رجال و ميجي منهم كتعرف غا والديها و قرايتها و قرآنها شي لاخر لا

شنوو الا تلاقااو هااد جوج شخصياات رعد ⚡ مع 
السما صافية زعماا اشغيوقع ؟؟



زماااان دغياااا كيدوووز و سبحاان الله العام ولا كيدوز بحاال نهاار هااكااا دااازو يامات و داازو شهور و عوااام 

و فمنزل فمدينة الدار البيضاء المعروفة على الصعيد الدولي عااصمة الإقتصاد المغربية و من لا يعرفها و فهاد الأخير المعروف بسخاائو الداااخل منو مهموم و الخارج منو فرحاان الداار لي معروفة بكثرة الصدقاات لي كيخرجو منها و لي كيكونو داخلها من عزاائم للجيران و الاحباب و الاصحاب الدار لي بيبانها محلولين لكبير و الصغير علاش ميكونش هكاا و هو منزل سي الفقيه ادم و من لا يعرفه 

الدار كاانت كتباان كبيرة من برى و اشخباارك من لدااخل مزينة بصباغة الكريفي الاصيلة لي باللون الذهبي و الرمادي هااد المزيج لي عاطي لداار ديكور من نوع اخر 

هاد المنزل لي عبارة عن طابق فوق طابق اخر مع الدخلة لطابق السفلي كيبانو ليك جوج صالونات كباار و عرااض مغربيين اصيلين كيتميزو بثوب تقليدي مئة فالمئة مغطي صدادرهم عااد البيوت الأخرى الخاصة بضياف و الخاصة بمالين الدار لي كانو خمسة عاد الكوزينة و الحماام

كاانت وااقفة لالاهم رجااء الزماان مدى منها واالو كتباان باقا شباب قد بنتها فالعمر 

لي شافها ميعطيهاش 40 عام فعمرها ، هازة فيديها جوج حديدات و كطلع بيهم و تنزل كدير سكواتش و مقابلة معاها بنتها لي هازة شعرها كوتشوفال خارجة لباها ملامحها سودااء و عينين سودااء كبار و مجبدين و بشرة رطبة و سمراء فاتحة كاانو بلبااسهم رياضي و العرق كيقطر من جبينهم تاا ترماات رجاء فوق النموسية 

رجاء : واا عييت اربي 

ندى : تي نوضي بركة من العكز الواليدة يالاه يالاه بااش تزيدي تزياني و يطيح فيه سي ادم 

رجاء : و طاايح فيا خلوق 

ندى : واااه غااا تبقاي تهملي راسك فلخر يجيب عليك ضرة و تشوفي ديك ساعة 

رجاء غا سمعاتها قفزات : يا ختي مالنا على هااد الفال ويلي زيدي زيدي نمارسو واحد جوج تلاثة 

ندى : هههه كملي غا الجملة بعدا 

رجاء : ليمسخك الماسخة زيدي و نتي كتفرجي فيا 

بعد صلاة الظهر كيف العادة جاي لدارو و على وجهو ابتسامة بشوشة الإبتسامة لي مكتفاارقوش كتنشر السعادة فقلب كل وااحد 

يالاه قرب لدارو كيشم ريحة الحرييق حل لباب و هي تجهد رييحة و شااف داار كاملها دخاخن 

ادم: و رجاااااااااء 


مشاا كيجري لكوزينة لقى الكوكوت شااعلة و الريحة عااطية على الجهد مباشرة هزها و حطهاا فلابابو طلق عليها الماء 

ادم : رجاااء واا رجاء 

و شكوون سمعو ولا داها فيه سيداات مشغولين و طالقيين موسيقى رياضية فالبيت كيحرقو دهون و يربيو طرماحة 

مشااا حل علييهم لباب ضرب نيشاان فرجاء لي كدير الحركاات و تحنات غا شاافت لباب تحل زادت نزلات راسها كطل عليه مبين رجليها 

ادم غا شافها وسع عينيه و ضرب على وجهو : استغفر الله 

رجاء ناضت : جيتي إييخ اشهااد رييحة جبتي معااك 

ندى : ريحة الحرااق وااقلة الوليد مرحبا بيك فدارك 

جراات باست ليه يديه و رجعات لور 

ادم : دباا غا قولو ليا بااش غنتغداااو 

ندى و رجاء صفاارو و خضارو و نطقو فنفس الوقت : متقولهاااااش 

مشااو كيتجااراااو لكوزيينة تاا كتباان ليهم الكوكوط مبقاا فييها ميتشااف كولشي تحرق فيها 

رجاء شداات فقلبها : الله الله على الخضيرة مسلوقة 

ندى قربات تبكي تموت فلحم : الله الله على لحيمة معسلة 

محسو غا بيدين شادينهم من قرافضهم 

ادم : دبااااا شنو ندير فييكم 

رجاء كتبلق فعينيها هي و ندى شافو فبعضياتهم و نطقو دقة وحدة كل وحدة كتسبيها فلوخرى 

ندى رجاء : هي سباب 


زداا لييهم ريوس بجوج و مشااا كيحل فشرااجم 

ادم : فراااش داار كاامل بغييتو يطلع لسطح يتشمس تحيد منو ريحة و داار اتسيقووها كااملة من لفوقي لسفلي 

رجاء بصدمة : ياك تحرقات غا لكوكوط و فسفلي 

ادم : بااز ليك مزاال عندك لوجه بااش تهضري تحركو دبا يالاه يالاه

ندى : ياا حليلي بابا ايقااد ليينا لغداا 

ادم : سيري بعدي مني من تلحليح ديالك اجييو بعداا صلييتو ؟؟

شاافت ندى فمها و مها شافت فيها 

هوما كيشوفو فبعضيااتهم و ادم كيحيد فسنطا د سروال 

غا شاافوه داارو هربة وحدة لبيت و سدو عليهم 

ادم : ا عقلو اجنيات 

رجاء : اصلا نتي سباب كولشي منك 

ندى : نتي سباب 

رجاء : على انا لي قلت ليك يالاه نديرو رياضة 

ندى : على انا لي بغيت نعجب راجلي و نعمر ليه العين باشما يجيبش عليا ضرة 

رجاء : تجيك فرااس زيدي زيدي تابعانا لخدمة ليوم منتغدااو تال تلاثة باينة 

ندى : نصليو بعدا 

رجاء : زيدي زيدي نااس كيولدو لبنات يشقاو ليهم و انا والداهم نشقى معاهم 

ندى : يااء على مفرااسكش الواليدة بتضامن نجتاز المحن

رجاء : زيدي زيدي مخارج عليك حد قد دوك الإنمي ضلي تفرجي فيهم 

ندى : يااك تا نتي كتفرجي معايا ؟؟


فمكاان أخر هاز سيجاار بين صعابو و كيشووف فالملف لي قداامو بتخنزيرااتو المعتادة شدي ادم و حطي وااحد العكس دياالو تماما لابس قاميجة بالأبيض مع دجاكيط بالأسود د الكوير و سروال أسود مع بروطكان كولشي كحل بحالا كيقول لدنيا ليعمييها كااع عينيه عسليين بحال ديال رجاء و ملامحو طبق الاصل على ملامحها لا من لون الشعر لا من الحجبان لا كولشي شابه لباه غا فشكل الفم و الفورمة كيباانو ليك عينيه ايدخلو فداك الملف و شي اعصااب بدااو كيشدووه 

خبط الملف بجهد فوق البيرو و شااف فالبوليسي لي واقف عند راسو 

يوسف بعصبية مفرطة : النقاب النقاب النقاب واااش أنا انبقى مقاابل غااا هااد صحاابات الخمار كل مرة جاايبين ليا عشرة من جنب البحر 

البوليسي ( سعيد ) : اه و عرياانين تصدمنا غا فوحدة كانت دايرة قناة فاليوتيوب و كتنصح البنات زعما يديرو الخمار ولا نقاب و يتبعو طريق الله ديما كانت متبعاها المدام . و عاد لقيناها مع داك البرلماني لي غا كيقربو لانتخابات كيربي لحية 

يوسف بحقد : الدين بريء منهم و من مثالهم بحال هااد نااس لي كيستااغلو فالدين خاص مهم الإعدام 

يوسف : زييد نشوفو هاااد ضياف لي زغبهم الله و بانو فطريقي 

البوليسي : واخا نعام اشاف 

يالاه نااض يوسف من كرسيه بغا يمشي ضرب رجليه مع المكتب 

غمض عينيه و شي عصبية شدااتو من الدااخل كون كان المكتب بنادم كون تيرا فيه

هز رجليه على جهد و نزل على دييك الخشبة لي فجنب المكتب برجليه تاا تشققات 

يوسف : واااش هااد المكتب دينمو ضربني لرجلي كيقلب تا هو على مي نزاوطو من شرجم 

( و اجا ميفهم دبا لهذا بلي هو لي دخل فالمكتب ماشي المكتب لي دخل فيه ) 

توجه لبلاصة السجن لي فيها الحديدات و باانو ليه غا هوما نيت مجمعين على تقرقيب ناب غا شافوه وقفو بلا هواهم الهيبة كتعطي منو من بعيد لي شااف غوبااشتو يقول هنا نباات عاااد فورمتو لي مفتولة بقوة ممارسة الرياضة كيبان بحال شي مودل 

يوسف : تبارك الله تبارك الله اللهم بارك و زيد في تقواكم 

نطقو صحابات النقاب كاملين دقة وحدة و هوما ساهيين فيه : أمييييين 

يوسف بجهد : اقطع الحس لا لا مجمعين و واخدين راحتكم عندي خيرية هنا 

ضربوها بسمطة معاودوش تكلمو 

يوسف تكلم مع سعيد : خرجهم 

خرجهم سعيد و دارهم وحدة مور وحدة بحال باط سردين 

شاف يوسف فلولة و هز يديه تال سما نزل عليها بتصرفيقة 

يوسف : دوز لهيه 

بقا هكاك تا كمل الصف كامل كل وحدة كلات من عندو تصرفيقة على الأقل 

يوسف : عيط على عماد و رجعوهم لبنيقة و تهلاااو فيهم 

سعيد بتحية : هي لولة اشاف 

تاا نقزات وحدة من ماليات النقاب :شااف عفاااك اشاف زيد غاا تصرفييقة من يديك حلوة و الله 


الأجواااء هاادية و صاافية كصفااء و نقاااء قلبهاا و رووحها فبيت من البيوت 
جا فشارع لي مور الحي فين ساكنة عائلة الفقيه
صوووت تلااااوة القرآن كيتسمع بجهد فاحد البيوت بصوت عذب و رقييق حسااس كيبورش القلب و كيدخل السكيينة لقلوب المؤمنيين و كيجيب الدمووع للكافريين و الناسيين عن ذكر الله 

فتاااة اقل ماايقاال فحقهاا اية فالجمااال و ما جمال وجهها الى جماال روحهاا لي معكووس على وجهها شحااال من بنت سودااء الوجه و لكن اخلاقها كيعطيوها جمال من نوع خاص و شحال من بنت زوينة و لكن انانيتها و روحها السيئة كيبينوها فصورة خاايبة 

لحاصول مكدبوش لي قاالو الجمال جمال لقلب و روح 

بعينييها الكحلين كتشووف فكتااب الله بتااسماات و هي كتسد فالكتااب و باستو بشفتيها الورديتين 
مبقى ليها واالو و تختمو للمرة سادسة على التواالي بدون ملل كل مرة كتكتااشف فييه حواايج خريين كاانت غافلة علييهم و كتزييد تشبت بحبهاا لربها و بإيماانها سمعاات صوت الباب كيتحل و نااضت من بلاصتها قافزة ضااهر باها و مها جااو من سفر بعدما كانو فالعروبية عند احبابهم 

مشااات كتجري و ترماات على مها 

بسمة : ماما الحبيبة توحشتك بزااف بزااف 

بدى كيشوف فييها تا باها لي كان مورااهم بفتخاار توحش كبدتو بزااف 

سعيدة : اهيا ناااري خنقتيني هههه كاع هذا وحش توحشتيني 

بسمة : بزااااااااف 

سي عبد القادر :و انا متوحشني حد 

شاافت فباها بخجل و حناات رااسها 

بسمة :حاشا ا با نتا لول 

جراات بااست ليه يديه و رااسو 

عبد القادر :ليرضي عليك ا بنتي سيفطات ليك عمتك البيض البلدي 

بسمة : يكثر خيرها

سعيدة :عيااو معايا قااليك علاش مجبتيهاش معاك 

بسمة و هي حادرة راس : ماما نتي عارفاني 

بتااسم عبد القادر و دخل سبقهم عاارف بنتو مكتحملش الإختلاط مع الرجال دااكشي بااش ممشاتش مخافتا يشوفها شي ولد عمها بلا خمارها ولا و هي كتبغيي تااخد راحتها فلباس فداارهم شوية و زييف لبقاات بييه بزااف كتحس براسها ممرتاحااش بزااف 


بتااسم عبد القادر و دخل سبقهم عاارف بنتو مكتحملش الإختلاط مع الرجال دااكشي بااش ممشاتش مخافتا يشوفها شي ولد عمها بلا خمارها و هي مكترتاحش بزيف فدار 

دخلات هي و باها و أمها لصالون ، كان صالون تقليدي بسيط جلسات هي الأولى كانت لابسة بيجامة طويلة عريضة و شال ديالها خفيف 
..
بسمة : قولي ليا أ يمْا كيف دايرة عمتي و بناتها ؟
سعيدة : بيخير و على خير أ بنوتي الغزالة ونتي ياك بعداا جلستي مرتاحة 
بسمة : الحمد لله الصلاة و قرأة القرآن و قصص الأنبياء وصلت فقصة نوح عليه السلام
سعيدة : وهكاك ابنتي انا مفرشاك و مغطياك برضا المرضية 
بسمة ب إبتسامة : امين لله يخليك ليا ، نمسد ليك رجليك غتكوني عيانة ب ماشي لا ؟
سعيدة : اييه ابنيتي ولله رجلي كنحس بسهم بحال الرغوة من لتحت بكثرة الوقوف ..

تبسمات ليهاا بسمة بلا مترد عليها و مشات بخطوات بطيئة و ثابتة ناحية بيتها المتواضع بسيط جداا ، هزات فازلين بنكهة الورد وخرجات لعند الأم ديالها لصالون جلسات جنب رجل الأم ديالهاا وبدات كتمسد ليهاا بطريقة كتجيب الراحة ..

سعيدة : اوا بسمة بنتي مزال قلبك ما حن على ولد عمتك ؟
بسمة : يمْا عفاك هاد الموضوع سديناه شحال هادي انا مقابلاش بيييه واحد مكيعرفش بينو و بين لله اش ندير بيه ؟
سعيدة : وباش عرفتي نتي ابنتي لله يهديك بسمة بحدة : نهار كان هناا كيكمي جزاكم بلا حشمة بلا حيا يمْا السكات خير ، نبدلو الموضوع عفاك ..

تنهدات بغضب الموضوع الوحيد لي داير ليها عقدة فحياتها كلهاا هو هذاا ، عمتها بغاها لولدها لكن هي مبغاهش فمرة !!
بانت ليها لآلة سعيدة نعسات من فرط التعب جابت كاشة خفيفة غطاتهاا ودخلات لييها رغم أنه فيه حوايج بسيطة إلا أنه زوين و كتحس بالراحة منين كدخلي ليه ..

توجهات لجهة الصلاة لي دايراها فبيتهاا مخصصة جزء من البيت فقط لصلاة و القران و الأحاديث ..
جلسات على السجادة وهزات المصحف ديالها تكمل سيرة الأنبياء ..

شافت فالساعة لي كانت معلقة ف الحيط كانت الخمسة د لعشية، سدات الكتاب و وقفات غادة ناحية الكوزينة دير كاسكروط هذا هو الوقت دياله ..
كانت الكوزينة منظمة متولة على حقها و طريقها كل حاجة ف مكانهاا ، وجدات الصينية ديال أتاي هي الأولى و دازت هزات مقادير الحرشة بتشيشة كتعجب مها و الأب ديالها السي عبد القادر ..
زادت معاها الزعتر كذلك و كرساتها على لمقلة كطيب ..
فتحات الثلاجة جبدات الزبدة و العسل البلدية ديال البلاد والزيت البلدية و الزيتون كذلك 
عمرات أتاي حتى هو و وقفات حداه لا يفيض ..

دقائق قليلة و كانت الحرشة واجدة خرجات كلشي لطبلة ، كانت سعيدة فاقت وجالسة على السداري كتفرج ف تلفازة قناة خاصة بالدين و الأحاديث النبوية ..
تبسمات سعيدة برضى ونطقات ب إبتسامة بشوشة 
سعيدة : وياا وشحال توحشت على الحريشة من يديك يا الغالية ديال هاد الدار سعدات الراجل لي غيديك سعداتو بيك ..
تبسمات لها بسمة ونطقات بهدوء 
بسمة : ان شاء لله فين با ؟
سعيدة : كيتوضا دابا وهو جاا خوي أتاي باش يبرد على مايجي السي عبد القادر ..

نفذات اش قالت ليها مهاا ، حتى دخل السي عبد القادر كيقرا بخفوت أدعية بين لسانه 

" استغفر لله العلي العضيم "
"إني أنتظر، فبشّرني يالله وأنت خيرُ المبشرين ".
"اللهُم الجَنة وسّلامٰ علىٰ الدُنياَ ومافِيها "
"اللهُم الراحةّ من ضيقةّ النفِس ."

وقفات بسمة ب إبتسامة بشوشة ومشات قبلات جبينه برضى وقالت ..
بسمة : للهم امين ، لله يتقبل مسبقاا 
جلسو على الطابلة وبداو كياكلو بهدوء و مرة مرة يناقشو موضوع محدد ..


هبطات من السطح كتنهج و من وراها ندى حتى هي كتنهج شادة على راسهاا لي كيحرقها بقوة الشمس لي كانت ضاربة فيها ، شافت ف رجاء لي جلسات على السداري وشعرها الأسود لي فييه شيبات قليلة مكيبانوش مزالة محافضة على جمالها و رشاقة ديالها كل يوم تمرين هي و بنتها ندى ..

رجاء : نوضي سيري شوفي داك باك فين راه غاطس يجي يحط الغداء 
ندى : عيطي ليه نتي أ لواليدة انا يمشي يقلب ليا ..
هزات رجاء يديها و قرصاته بالجهد لذراعها ..
ندى : اي اي وا ماماااا واش تصطيتي ولا مالك جهلتي ؟
رجاء : مكتسمعيش لهضرة سيري شوفي باك 

وقفات ندى مخنزرة غادة كتقلب على ادم دخلات عليه لبيت لقاته واقف وكيهضر ف التلفون برزانة و كل هدوء ..

خرجات كتجري غادة ناحية رجاء ، غير قربات لعندها غوتات بجهد ..

ندى : وا بابا كيخونك لقيتو كيدوي ف التلفون مع شي حد ولا معرفت 
رجاء : الا لقيت والديك تتكدبي ليوم يا بيك يا بيا ابنت كرشي 
ندى : ولله حتى كيدوي ف التلفون مي معرفت معامن ..
خرجات فيها عينيها ومشات ناحية بيت النوم ديالهاا بان ليها عاطيها بالضهر دياله باقي بنفس الرشاقة دياله تبدل شوية وصافي ..
حطات يديها على خصرها و وقفات قرب وجهه 
رجاء : معامن تتدوي اهاد الراجل ؟
شير ليها ادم بيديه بمعنى سكتي لكن لي فيها مكافيها 
رجاء : واااا معامن كتهضر ادوووي 

كمل كلامه مع الأم دياله بلا ما يرد عليها 

ادم : الواليدة نخليك دابا غدا ان شاء لله دابا ندوز عندك لعند حنان نجيبك 
فاطمة : وما سخيت اولدي 
ادم : الواليدة الدار بلا بيك خاوية كلستي سيمانة لله يجعل الباركة غدا ترجعي لدارك بلا نقاش 
فاطمة : اوا صافي اولدي لله يرضي عليك 
ادم : بسلامة الواليدة و سلمي على حنان معاك واخا ..
فاطمة : واخا اولدي مع سلامة 
قطع الحديث مع الأم دياله وشاف فيها عاقد حواجبه ..
ادم : اش خاصك مالك 
رجاء : والو غير جيت نشوفك فين غابر درتي شي غداء ؟
ادم : مادرت والو انا ، اه راه من هنا ليوماين كاينة صداقة 
رجاء : ولاش بالسلامة ؟

ادم : ذكرى وفاة سميرة لله يرحمها انا مشيت منها نييت نتقدى شي حاجة 
رجاء : وداك لولد فين دايع عندك ؟
ادم : لولد راه كبير فين غايكون فخدمته 

جلسات على السرير و ندى بعيدة عليها ..
رجاء : ايييه سوسن مشات شحال ضحكنا حتى نزلو الدموع لله يرحمها خلات فراغ كبير ف حياتنا ..
ندى : لله يرحم جدة سوسن 
رجاء : سميرة اشمن سوسن ماشي عاودنا ليك تعصبيني ثاني ولله يسمعك باك راك عارفاه ..


ليل غطا الارض بالكاامل و بداو اضوااء الشواارع كيضوييو العتمة معاونين نجووم السمااء فنشر النور و التفااءل فكل القلوووب و شحااال زوين داااك الشاارع لي قداام بيبانو عاامر بنااس هاا لي شااد تقرقيب ناب على الخوا الخاوي هاا لي كتشكي على زوااجها ها لي كتسنى ولدهاا يجيب ليها سخرة بااش توجد عشااها

و بنتنا بنت النااس دين و الأخلااق متبغي ملااغة متجمع مع جيرااان حدهااا داارها ولا يلا خرجاات يضرب فييها الهوا شوية هي و مها و دخلاات اما تا صحابات مداايرااهومش كفااش ديرهم و هي بنت حدودية متدوي متكلم غا بزز و الكلمة لخرجااتها من فمها متخرجهاا حتى دورها عشرين مرة فدماغها العقل و الزين و التباتة و الأخلاق كدير اخر لمساات لعشاائها هي و عائلتها الصغيرة شعرها المسرسب ناازل تاال حد طرمتها و داايرة زيف حياتي غا من الفوق كتباان لكصيصة من الجنب لابسة بيجامة طويلة فايتة ركبة احترااما لبااها ببتساامة شاافت فأطبااقها و ريحة الحوت طاايب فالفران مع الخضرة رييحتو عاااطية كتشمييها من بعييد 

بسمة ببتسامة : و دبا سالينا باينة ايعجب بابا تاني

خرجاات تحط فالطبلة و مها و بااها مفرشيينها برضاا و مغطينها برضاا مكااين غا ليرضي عليك و ليحن فييك و ليجيب ليك 

سي عبد القادر يتفرج فالتلفاازة غا شمشم ريحة الحوت توكض و جرااا لطبلة 

غاا شاافتو سعيدة حطاات يديها على حنكهاا و تبرق فيه عويناتها 

سعيدة : اويلي على سيد تقول قااتليينو بالجوع 

عبد القادر : رااه رزقي لي كناكل مالي شافر ولا خاون 

سعيدة :يااك عااد ضربتي برااد اتاي و 5 البيضات مع المغرب 

عبد القادر : لوااه بلااطو اشمن 5 لبيضات 

سعيدة : على مالك زعما عمرك درتيها عقلتي فاش ضربتي بلاطو فنهاارو 

عبد القادر : اييه حييث طيابك زيين دااكشي بااش دزت لبيض انا مكااينش لي يعرف يطيب قد نوارت عيني المشيشة ديالي 

بسمة شاافت فيه ببتسامة و حدرات راس كضحك و مها ساقت فرااجلها بصدمة 

سعيدة : حقلك كتاكل ماكلتي بيديك و برجليك 

عبد القادر : نوضي على سلامتك راك مكتعرفيش طيبي غدا ولا بعدو نجيب عليك ضرة غا صبري عليا 


سعيدة : يااااك ا قديدير 

بسمة : هههه غا كيضحك معاك اماما 

عبد القادر : ههه وانا نقدر نخلي عماارت دااري 
يالاه بسم الله العشاء ايبرد 

فمكاان أخر

كااانت وااقفة فالكوزينة و مها فوق راااسها 

رجاء : ياالاه دوزي دبا حطي لينا نتعشااو خلااص رااه مشا الحال 

ندى : اويلي ا ماما تي رااه باقي الحال نتسناو خويا 

رجاء : زيدي زيدي اشمن حطي فطبلة بعدا يبرد شوية ها هو شوية يحل لباب ياك كنقوولييك متبقاايش تلبسي ليا هااد جوج شرااوط فداار 

ندى : واا ماما مالكي مشاافني حد يااك غا فداارنا رااه انا براسي مغنبغيش البراني يشوفني 

رجاء : كيشوفك خوك الحماارة و نتي غا ضوري بهاد شورطات عندك 

ندى : وراااه صهد امي رااه شهر سبعة هدا زعما 

مزاال كيهضرو تاا تسمع صووت ادم لي خارج من بيتو هاز شورط 

ادم : ندى هاك هااد شورط ولا كيجيني مزير تغرباي فيه فهاااد البرد 

رجاء خرجات فيه عينيها : أااادااااام 

ادم : و مالها ياك غا فداار باااها 

رجاء : كبرتي و نتا تحماق مفيهاش 

ندى : و لاهيلا كان خاصني ابا نيت اكثر خيرك ايجيني هو هداك 

ادم : بصحتك ابنتي 

مشاات تدي طبسيل د الخبز و هو دغيا زرب على رجااء جرهاا من يديها و داها لبيت زدحها مع الحيط 

ادم : انا حمق دوي ؟؟

رجاء : اويلي حيد عليا دروك تجي تشوفنا ندى 

ادم : حصلتي و وليتي تبرقي فعويناتك دبا راه مكااينش لي مسطيني قدك 

دغيا رجااء حنات راسها و كتشوف فيه بنص عين زعما حشمانة : اوييييلييي أ ادم حشمتيني ليقزبك 

ندى : و ماما و جيبي معاك الماء 

شافت فادم بغات تهرب ليه شدها من يديها بداات كتنتر ليه تا طلقهاا ضربااتها بجرية وحدة لكوزينة يالاه وصلات بغات تهز لكااس د الماء جااا مشخشخ فالارض 

سمع ادم صوت و حك على راسو : ههههه اوا اشغنديير فالموصيبة لي عطااني الله 


داااااخل لداااارهم كيف العجاااجة رااابط الغوباااشة كيف العادة كيبااان لييك خاااصو غا معااامن من بعيييد من داااك نووع لي كيقوليك راااني معول ليلة نعمييها من لباااب كيغوت صوتو تيتسمع تال عند جيراااان 

يوسف : وااااااااا ندى 

ندى : انعاااام 

تعرضاات ليه فدروج 

يوسف : تيي مااال مووك مخلية سطل د زبل قدااام الباب جعرتي 

ندى :اويلي رااه مشيت خويتو فالبركاصة و نسيت مطلعتو 

يوسف :ياالاه نزلي طلعيه 

ندى بقات كتشوف فيه و دور فعويناتها : غااا طلع نتا بعداا 

يوسف :تنزلي ولا نطلع لموك 

بداات ناازلة فدروج تخطي لخطوة و تحبس تا قربات ليه و ضربااتها بتدرديكة وحدة واااخا هكاك مفلتااتش جااتها دقة لمور راااسها 

يوسف :هاادي باشما تبقاايش تنسااي لمك 

ندى : و تفوووو على حكاااى كيداااير 

يوسف :شنااااهوااااا ؟؟؟؟

ندى :أحلى خووويااا فالعااالم وجدت ليك واحد طاجين من داااكشي 

يوسف : على طيابك زين تعلمي فيا انا 

ندى : واااا زوين اشمن ادوقو بعدا و شوف 

يوسف : طلعي طلعي نتي و داك سطل كتشابهو نيت 

ندى : ايييخ زيييت تفو كيداااير 

طلع ادم لي سلم على مو و بااه و جلس قارنهم جاات ندى من بعدما غسلات يديها و كلسو فطبلة غا كلسو شاف يووسف طاجين ناض من تماااك 

يوسف : داايرة ليا لابيسين هنااا مخااصنييش كاع 

شاف فيه ادم مخنزر : لهلا يوكلو ليك كااع 

رجاء : صافي صافي موقع واالو 

ادم : الا كاان غاا يبقى يتشرط عليينا هناا يطيب لراسو ولا راه ماكلة زنقة كنس قصيف مكيعرف تا يهضر 

كاانت ندى كتااكل و دمووع نازلين ليها من عينيها عزيز عليها بزااف مكتستحملش يغوت عليها تا حد ما كيحدهم ليها لا فدار لا فزنقة كتجي تا ليه و كيتقاداو ليها قدما كانت قوية و ناضية كتبقى انثى حساسة متحملش لي يعلي عليها صوتو

ادم :كولي كولي والله ابنتي لا زوين دااك المعفر تلقى ضارب شي دجاجة فطريق و جااي يغوت ليا عليك يهضر معاه هاد لمرة نهزو من رجليه و نعلقو فضواية 

غاا سمعات ندى كلامو ضحكات بلهلا يطريه ليها : ههههههه 

رجاء شافت فيهم و دورات عينيها : اواا ليجيب ليا تنا لي يضحكني 

ادم : عاااودي شنو قلتي 

ندى : هههههه وااا الواليدة و الواليد كيغيرو 

رجاء : ههههه تي سكتي اشوهة 

ادم : ههههه رااه زوينااات دياولي نتوماا 

دغيااا قلبوهاا ضحك ممسوقيينش لهادااك لي خرج من داار و طلع لداار لفوقانية حيث دار فوق داار كل واحد و باابو 


بعد العشاااء مجمعيين ليك على صينية د اتاي كيهضموو بييها و مجمعيين 

رجاء : لا لا هاااد دري غاما زاايد فيه فالعصبية خااصناا نزوجوه 

ادم :نعلي شيطاان اهاد لمرة واااش هو قاالييك بااغي نتزوج 

رجااء : و علاااه هووو كره 

ندى : اه عااافااك امي زوجيبه نتهنى من نكيرو شوية 

رجاء : تي سكتي ليمسخك رااه خووك هدااك انا كيباان ليا البلان فبنت سعيدة ليعمرهاا دار داك نهار تلاقيت معاها فالجردة هي و مها مكتهزش راس و عااد كدير لخمار هي لي بغا قلبي ليه 

ادم : شووفي ا رجاء لبغيتي تزوجيه شوفيه هو وااش عينيه فشي وحدة بعداا تا الا قاليك تقلبي ليه نتي عاد ديك ساعة تصرفي اما دبا مكاين مديري 

رجاء : اوااا انا نطلع نسولو دبا نيت 

ادم : واااش تي سيد هاارب منا و طالع لفوق و غاديا عندو خلي سيد يرتاح عاد جاي عيان من الخدمة خليه ينعس تال غدا 

رجاء : صافي غدا نهضر معاه 

لفووق عند يوسف كاان جاالس فبيتو و حااط ليك قرعة د الويسكي و كيجغم منها و ينتر من لكاارو مهوووش فهاد العالم تا صونا ليه تليفون غااا هزو لقى ابيل من الخدمة تااني 

يوسف : وااااش بنااادم ميرتاااحش معاااكم ميرتااحش شنو بااغي تاني


سعيد : سيدي رااه جااو عندنااا جووج بناات قاليك شفرهم شي رااجل ملط حس زغبة مفييهش قاليك و لابس حوايج لعيالات زيف و جلابة بالكحل و تا من صوتو مبنت 

يوسف غااا سمع كلامو جغط داكشي لي بقا فالقرعة د الويسكي كااملة و غووت بجهد 

يوسف : زيييف تاااني ا سعيييد لا لا بقا ليا غا لوبيا نشدهم تا هوما 

سعيد : لا راه كان بغا يغتاصبها راه راجل 

يوسف بالأعصاااب غوت على حر جهدو : ساااااعييييييييد 

سعيد ضربهاا بصقلة اما مسيو الكوميسير نااض بزربة لبس علييه ترييكو ديالو و سرواال و غااادي كيتعنكر و يديه مزير علييهم بالأعصااب تااا باانو عروقهااا العينين حمرين بشرااب و العصااب لي شااادو غاا هو و رااسو من نهاار حط رجلييه فالكوميسارية و هو كيسمع غا شديينا مولات الخيمار بنت فلان دايرة زيف شدوها فدار دعارة و دبا فلان مرجع رااسو بنت و كيشفر لعيالات بزيف زييد ليه مع هااادو ولا كيسمع الهضرة على صحابات الخمار و زيف كثر من قضايا الطلاق لي ولاو هاد الايام 

بعد نصف ساعة كان قداام الكوميساارية دااخل بعجااجتو تا كيشوف جووج بناات جاالسين فالكرااسة لي حداا المكتب و كيبكيو طاااليين وجههم كيي طعااارج و الدموع كيهبطو ليهم مخلطين مع دموع لومنا وحدة فييهم داايرة زيف 

غااا هزو عينيهم فييه تبلووكاااو و بقااو سااهيين 

يوسف : وحدة فيهم تخرج نستجوبكم وحدة بوحدة 

بقاو ساهيين فيه و تا وحدة متحركات تاا قفزهوم من بلاصتهم 

يوسف بالغواات : واااش كندوي مع الحيط 

دغيا قفزو بجوجات دقة وحدة بغاو يخرجو تا عااود قفزهم 

يوسف : راني قلت وحدة 

رجعو و رجعو ليه تااني بجوجات تااا خبط فوووق المكتب 

يوسف :واااااااش باااغيييت تهبلوووني 

بسيف بااش نفاارد بوحدة فيهم لي دايرة زيف و سعيد حدااه كيقيد فالمعلومات بداا كيسولها فالأسئلة العادية بعدا سميتك و فااش كتسكني و فاش و فاش عااد دازو ليها المعقول 

يوسف : فين كنتي فااش تشفرتي 

البنت : كنت كنتمشا جنب البحر 

يوسف : وصفي لينا هذا لي شفرك 

البنت : مطويل مقصير فلول يحساب ليا غا داايزة من حدا بنت فااش نتر ليا ساكي كرمت عليه بيدي مبغيتش نطلقو تا حيدت ليه زيف و لقيتو راجل ماشي بنت هزيت يدي طرشتو 

يوسف : تبارك الله دايرة راسك وااعرة زعما زيد كمل 

البنت : هو مرضااش و عاود طرشني 

يوسف : زيد 

البنت : و عاودت طرشتو 

يوسف : زيد 

البنت : و عااودت طرشتو 

يوسف : وااااش كتغني شعبي ؟؟ تي طلقينا خلاص 


البنت : جبد جنوي من تحت يديه تصدمت و قالبا انا غنوريك شنو كنسواا حيد عليا جلابيتو و بدا كيحيد فحواايجو انا بقيت مبهوضة كنشوف فبه تا باان ليا عرياان غا شفتو و هربت 

يوسف : و بقيتي تاا شفتيه بعدا عاد هربتي 
البنت : اه اشااف بغيت نتاكد وااش هو رااجل ولا مرة 

يوسف : ليعطينا من قزديرتك المهم دباا سيري لضاركم فااش نلقاوه انعاودو نعيطو ليك 

البنت : غااا هو اشااف زعماااكين 

يوسف مشربن : شنو ؟؟؟

البنت :و هاادشي مكيتقاالش قداام من ما كاان

يوسف : هضري لبغييتي تهضري بركة متنضغي عليا فالهضرة 

البنت : غاا بغيت نقوليك لممكن تعطيني نمرتك زعما لتعرض ليا مرة أخرى نعيط ليك 

يوسف : واااش بنت ليك مكتوبة فجبهتي صوبيرماان ولا صاحب المهام صعبة نووضي تهزي عليا فهاااد ليل و نيت بسيف ميشفرك و نتي ضوري ليا فنصاصات ليل قاتلاها غا بزييف 

البنت : لا غا هوا 

يوسف : و سيري فحاالك او 

جااات لبنت لخرى ستجوبهااا تاا هي قاالت لييهم لابس جلابة فالكحل .. 

3.00 د ليل اخيييراااااا ايمشي يحط رااسو فالوسادة 

ياالااه خااارج تااا بااانو ليه جاااريين وااااحد سكراان جاايب الكااو و كيغوت و يبكي 

شمكاار : وااا عتيييقة واااااا جيييبو ليا عتييقة و كنبغييها و زوجوني ليييها 

يوسف : ماالو تاني 

لبوليسي :لقيناه مخلي جيراان بلا نعااس قاليك مبغاااوش والدين عتيقة يزوجوها ليه 

يوسف : دخلوه و تهلاو فيه انا ممساليش ليه دبا 

يالاه غاادي تا كيسمعو كيعيط ليه و يدخل و يخرج فالهضرة 

شمكاار: شاااف وااا شاااف عااافاااك قوليييهم راااني ناااوي لحلاال قولييهم يزوجوني عتيقة انمووووت لمزوجونييش لييها
بغاو ايزوجوها بولد عمها لا لا كانت ليهم قااالوها ولااااا تيييقة فعااتيييقة و انااا بغيييت عاااتيييقااا هي هي عااتسقة لي ندي عااتييقا 

دوز يديه على وجهو كيحس بشي عرق كيضرب لييه فرااس بجهد و هو كيسمع لشمكاار لي بداا كيغني 

الشمكار : واانا وااانا كنحب و انا مزااال كنحب قاالو ليا متحب و انا مزاال كنحب و عاااااتييييقااا كنحب 


يوم جدييد بأحداااث جدييدة 

كتحس بالقنط بزااااف و نفسهاا ضاايقة علييها مشاات عند مهااا عياات معاها بااش تخرج معاها و ليني مبغااتش تعكساات لييها فالأخير قررات تخرج بووحدهاا 

لبساات خماارها لي كان عبارة عن زيف بالغوز بيبي مع جلابة بالأسود مغطياها حتى لأخر جزء من اصابع قدميها 
بعد مساافة من طرييق كااانت قدااام لبحر كتشم الهوااء النقي بقااات كتشوووف فالبحر سااهية فاموااجو لي كضرب و كل ضربة أكثر من الأخرى مستمتعها بقطراات الماء لي كتقييس تيااابهاا و كتبللها و فنفس الوقت مستمتعة بغرووب الشمس شااافت أيبداا يضلاام لحاال و نااضت وااخا مكرهااتش تبقا تشوف فالسماء كتى يطفااو انواارها 

بقاات كتمشى بخطواات بطيئة حتى كتسمع صوت سطاافيط فارجاء المكاان دورات وجهها باانت ليها وااقفة بعييد عليها شوية و نزلو البوليس كيجرييو بداات كتسرع فخطوااتها حيث من عادتها مكتحملش الاختلاط ولا يهضر معاها شي حد تااا سمعاات صوووتهم 

سعييد ( البوليسي ): احباااااااااااس 

سمعااتو و داارت رااسها بحاالا مسمعاتوش كتسرع فخطاويها كثر تاا بداا كيجري هي غا شاافتو كيجري من مورااها قفضاات جلابتها و طلقاات رجلييها لجرااا مكااين غا ليعطييك صحيحتك 

و ليني شحاال قدهااا تجري تابعيينها تابعيينهاا 

تا قرب يشدهاا سعيد محس برااسو غااا طااايح غا على قزيبتو بسباب حاامضة خاامجة كانت مرمية تمااك بإهماال و لي حااجة عاادية تكون حييث شااطئ كيكون عاامر بالنااس فصبااح لي دايرين نزهات يبدلو لجو 

نااض سعيد كيشوف اش لي معكلو و هو يغوت 

سعيد : هو هو و الله تا هو باينة لاش هارب 

و ناااض تابعها تاني تيجري و جوج من لبوليس خريين تاابعيينو 


شدها سعيد من يديها بالجهد بعد ما تهدات بقوة الجرا ، كتحس بوجهها حمر وسخون الدموع تحجروا فعينيها أول مرة فحياتها يطرا ليها هاد لبلان قلبات عينيها كتشوف ف سعيد لي شدها و شير لفريق العمل دياله ..

سعيد : باغي تهرب ابن ليهودي لاخر ولله لابقات فيك زيد تحرك لكوميسارية 
تفعفعات منين نطق وقال لكوميسارية شهقات وشافت فيييه واخة غير عينيها لي كيبانو ..

بسمة : اخي في لله طلق مني اش وصلني لشي كوميسارية 

شاف سعيد ف لبوليس لي حداه وشير ليه بمعنى اش بان ليك ؟

سعيد : سكت ابن الكافر لاخر داير راسك مرة و عندك الوجه تدوي رااني كنشوفكم فالانسطا كيكااترجعو رااسكم بالمكياج كضحكو علينا 

سعيد شاف فالشرطي لي حداه : عيط لكوميسير قوليه شديناه 

بسمة : اخويا اش بغيتو من عندي انا ولله ما دايرة شي حاجة 

سعيد : صبر نعيطو الكوميسير ونشوفو اش نديرو معاك لابس ليا حواايج لعيالات لمك دباا راجل نتا ؟؟ و الله اباباك تا تعفن فالحبس 

بسمة شدات على فمها كتحبس شهقاتها ندمات لاش خرجات ولاش فكرات ف لخروج نييت 
الرعب و الخوف هوما لي كتحس بيهم دابا 

و الشرطة محاصرة المكان ب أكمله 

الشرطي : سعيد يالاه ركبوه فسطافيط نديوه لكوميسارية 

بسمة : ا خويا و الله تاا بنت مالك كتهضر معايا على اساس راجل نزلوني فين غتديوني 

الشرطي : سكت لوبيا لي حطاااتك 

ركبوها فسطافيط غادين بيها لكوميسارية طريق كامل الأدعية مخطاتش لسانها كاع ..
مهبطة راسها كتشوف غير ف الأرض و الدموع فعينيها شلال ..

بسمة : ياربي وقف معاياا مدايرة والو ياربي 

مساافة د طريق كانو فالكوميسارية 

سعيد كيهضر مع زميلو فالخدمة : واااا داك كحل لعفطة وااش كااين الكوميسير 

الشرطي : لقيتيه يالاه خرج رااه عيطناا عليه ايجي دبا 

سعيد : دخلووه لبنييقة و متقييصوه تاا يجي الكوميسير 

بسمة : واا خوويا و الله تا بنت 

سعيد : سكت لوبيا لي حطاتك 


فمكااان اخر كاان دااايز من جردة كيشم الهواا و كيرجع فييه رووح تخنق بأجوااء الكوميسارية كيف ديما خااصهم يصونيو عليه و ينكدوها علييه راجع بأدرااجو لكوميسارية تااا كتباان ليه بتااسم بسخرية لا لا مستحيل تكون هي سهيلة كديير زيف و هاادي مداايرااهش 

بداا كيقرب ليهاا بشوية بشوية و ملااامحو غاااديين و كيتبدلو لغضب علاش لا و هو كيشوف حبيبتو و صحييبتو معااانقة مع وااحد فالجردة و ليل بداا كيطيح و المشكل ماشي فاي بلاصة فالجردة بل مور الشجرة بدااا كيقرب بشوية بشوية ممصدقش شنو كيشووف تاا تصدم و هو كيشوف فدااك خونا لي قرب و باسها من حنكها و غادي لبلايص خرين بقا كيزيد يسرع فخطوااتو و دفعهم من على بعضياتهم تا جاا دري مخبوط فالأرض 

سهيلة : ي... ي ..ي ...يوسف 

يوسف : لا خياالو هدا 

نااض دااك دري من الارض بغا يدير فيها وااعر قدام البنت 

الدري : شكون نتا حتى دفعني ياك لباس 

سهيلة : يوسف غا نشرح ليك 

الدري : اشتشرحي ليه نتي الا كنتي باغيني اتلقااني مدفعنيش ابناادم 

يوسف ضحك و شاف فيه شوفة د الاستهزاء : بصااااح ؟!

الدري كيدفع عليه بصدرو : بصح 

محس غا بيووسف نااازل عليه بكرووشي تقب لييه لعين 

يوسف : كتعنكر عليا انا البرهوش

نزل عليه بركل و البونيات خلطو و دري متلا قد يهز رااس اما وااحد سهيلة ولات غا تويل 

سهيلة : ويلي ويلي ويلي طلق منو ا يوسف عافاك بركة عليه ويلي ويلي ويلي 

هز راسو فيها و جمع مع هاداك بركلة لكرش لأخر مرة غاا شااف فييها دابت فبلاصتها و بداات غا ترمش فعويناتها 

سهيلة : يوووسف 

هز يدييه تاال سمااء و نزل عليها بطرشة حساات بحنكها دار لجهة لوخرى 

يوسف : تعااودي دوري بسااحتي نقتل موك كتفهمي مزيان نيت فاش معاودتش لواليدة عليك 

دفل عليها و زااد مخلييها جامدة بدون حرااك كيحس بشمتة كتااكلو من لدااخل مااشي حبااا فييها إنماا احساس تكون غادي مع شي حد من نيتك و يغدرك صعيب بزااف و عاد كان كيشوف فيها الزوجة المثاالية قداامو ديما زيف و الأخلاق باش يلقااها دبا فديك الوضعية و داك شعر مطلوق شمتة صعيبة شوية كان ايقول لرجاء عليها تخطبها ليه و لكن حمد الاه فاش مقالهاش 

ضرب حجرة مع الأرض بجهد و نطق : كلكم بحال بحال 

و غااادي لكوميسارية بااينة اعصابو ايفرغهوم فلي قداامو و لي موراه 


توجه نييشااان لكوميساارية مع دخلة باادي بالغواات 

يوسف : سعييييييييد فييين هااااااد الشفااااار لي سخن على مو رااسو 

سعيد : سيدي رااه شدينااه 

يوسف مشا نيشان لبلاصة المحبوسين كيقلب 
دااز من حدااا بسمة لي كاانت منزلة رااسها تخطاها و دااز كيقلب 

يوسف : فيينهوااااا ا سعييد 

سعيد : هااا هوااا ا شااف 

هز يووسف عيينييها فييها و تا هي هزاات فيه عينيها الكووحل لي الابيض ديالهم ولا حمر بقوة الدموع 

عينيها كانو ليه بحاال السهم لي ختاارق قلبو بدون إستأدان 
و خلاااااه ساااهي فييها هو كيشوف فييها و هي كتشووف فييه و كترعد حدراات رااسها بحشمة و دموعها شلال مسكتاتش كااع و كتقرا اية الكرسي فنفسها 

غا حدرات راسها وعى على رااسو و ضار عند سعيد 

يوسف : انا حماار انا ياك انا حماار ؟؟ 

سعيد : لا حاجة شكون كالها لييك 

بالاعصااب لي فييه هز يديه تال سما و نزل علييه بطرشة 

يوسف : واااش كتباان لييك دباا هاادي رااجل مكتشوفش عور لمك شنو اكد ليك بلي هي رااجل 

سعيد : سيدي رااه ديك البنت قاالت بلي لي شفرها كاان لابس جلابة كحلة فضفاضة و تا هاادي لابسااها وااسعة بزاااف و عاااد قاالت بلي عينيه كحليين شوف عينيها قدااش كحليين تيق بيا الا حيدنا ليها داك الخمار لي فراسها اتشوف ديك ساعة بلي رااجل مغيضحكوش عليا راني كنشوفهم فانسطا كي كيرجعو وجههم بالماكياج 

يوسف : يااااك ؟؟ 

سعيد : اه اشاف حيد لييه زييف و تشوف 

هي لي كاانت كترعد و كتسمع حواارهم : لااا لااااا الا خمااري مغن مغنخليييكمش عافاكم خليوني نمشي 

بقااا يووسف ساااهي فييها و شااايفها كيف خاايفة و كيف كتصرف طلعهااا من صبعها صغير 
تااا حااجة مبااينة فييها الحااجة لي دخلاات الفضوول فراااسو زعما كيداايرة صورتهااا كااملة ؟؟ فورمتها وااش هي رقيقة ولا غليضة واااش شعرها قصير ولا طوييل كااع هااادشي خلاا شيطااان يلعب ليييه فراااسو و بتاااسم بخبث و نطق ما بين شفاايفو 

يوسف ببتسااامة ماكرة : إذن نتأكدو نشووفو وااش مرة نيت ولا رااجل 

بسمة : مستحييل خليوني نمشي كنطلبكم 


بسمة : شوووف عااافاك نقدر نعيط لبابا و يجيب كارط نااسيونال و تأكدو ديك ساعة انا مدرت واالو 

يوسف زاادت وسااعت ابتساامتو : علااش نتسنااو الكارد ناسيوناال د باباك و حنا قاادرين نعرفوك براسنا حيدي زيف 

بسمة : عااافاااك شوووف منقدرش نحيدو عافاك

يوسف : سعيد خرج 

سعيد : نعاااام 

يوسف : خرج 

خرج يووسف و بقاااو غااا بجوج فديك الزنزانة تا من الحباسة لوخرين كولشي كانو نقلوه لسجن فصباح مكاين تا وااحد ماعرت وااش من زهر بسمة ولا من سوء زهرها 

يوسف ببتساامة : حشمتي من صااحبي مااشي مشكيل دبا غا انا ويااك وريني شعرك 

فتح زنزانة دااخل عندها و هي كترجع بلوور و كترعد : ل لااااا متقربش ليا 

يوسف : شنو كتمثلي عليا الشفيفة العفيفية ولا شنو ؟؟؟ دااك الثمتيل ديالك خليه عندك مديريهش عليا انا حيث عاارفكم سلعة وحدة كتمتلو قدام عائلاتكم الشفيفات العفيفات و فالبحر و مور الشجر و فجناان كتكونو غا سااقطاات 

كلاامو بحاال سهم ختاارق قلبها و مزقو لاشلااء صغاار و الدمووع محبسوووش ليها كاع كيتزدااو ليها عند حنكها 


بكل تمرد حط يديه على خمارها تااا شداات ليه يديه 

بسمة : متقيصنيش 

نطر ليها يديها و خبطها مع الحيط : تعاااودي تشدي ليا يدي ندفنك هناا و ميسيق ليك حد الخبار 

بسمة بكل تحدي شاافت فيه معرفاتش منين جابت هاد الشجاعة كاملة و لكن مغتحنيش ليه رااس 

بسمة : قتلني حييث خماري لي مغنحيدش 

يوسف هو الاخر بتحدي اكبر : ياااك ؟؟ 

سكتاات و حدراات عينيها محساات بييه غااا شاااد خماارها بين يديه مقطعو على جوج 

يوسف : و دبااا خوي عليك ليصانص و شعلي فيك العافية 


غا شروطو ليها نزل شعرهااا لي وااصل حتى لخصرها كحل بحال لون عينيها و قوي و رطب بقاا سااهي فيييها و حرك يدييه واااحد شوق تولدو باقي يتحسسو بين يديه ممنعش رااسو بداا كيقرب يديه لشعرها 

معرفااتش منين جااابت ديك القوة كااملة و لكن تال هنااا و حبس هزاااات يدييها بالجهد لي عطاااها الله و جمعااات معااه بتصرفييقة فيقاااتو من شروودو 

التصرفيقة لي فيقاااتو من سباتو العميق 
شنو كيدير ؟؟ علاااااش داااير هااد الحالة كااملة ؟؟ و علااش حيد ليها خماارها و علااش مبغاتش يتأكد بلاكارط ناسيونال ديالها ولا راه عندو لبيسي غا تقوليه سميتها و كنيتها ايجبدهاا و يخرجو ليه معلوماتها علااش مداارش كااع هااادشي علااش عطاا فرصة لوحدة فحاالها طرشوو و تحط عليه يديها فالاخير كتبقى وحدة فحالهم تا هي مزوق من برى اشخبارك من لداخل و لكن تكون شكون ماا تكون ماشي من حقو يحط عليها يديه ولا يقيسها افكاار كثيرة كدور فدمااغو فلمح البصر 
محس براااسو تااا خبط يديه مع الحييط و بدااا دم كينزل منهاااا شلااال هي غا شاافت دم زااد خووفها كثر 

بدات كتجمع فشعرها بالبانضة لي طاحت ليها و كتلوي فخمارها المقطع و كتخبي تقطييعتو تااا غوت فوجهها 

يوسف : خرجي 

بقاات مصدومة و كتشوف فييه تا عاود غوت 

يوسف : رااه قلت لمك خرجي عليا خرجي 

غا عطااها الإدن تبشرو ملامحها علاش لا و هي اتخرج من هاد الحبس بداات كتبكي و ضحك فوقت وااحد و مشاات كتجري لي شاافها سعيد تصدم بغاا يوقفها تا كيباان ليه خاارج من تمااك كيتعنكر كيف عاادتو و خنزر فيه كيما العادة اصلا فين عمرو ضحك 

يوسف : اخر مرة تجيب ليا معلومات خاطئة ولا ودع هااد الخدمة من دبا 

سعيد : سمح ليا هربات داكشي باش تبعت

قاطعو : مبغيييت نسمع حتى حااجة 

و خرج من لكوميسارية كااع 


دخلات لدرب بزربة بااقا مخلوعة عينيها كتمسح فيهم و تعااود جاها الرعب من هادشي جاب ليها لله بحال شي كابوس عايشة فيه دايمن المجتمع كينتاقدها على لباسها منقولوش كولشي مي واحد الفئة منو ، لكن دائما كتحيد الأفكار السلبية من بالها هي دارته عن قناعة و راضية بيه كل الرضى .. 

هادشي لي وقع ليها ليوم مكتمناه لتا شي وحدة 

كانت الأم ديالها جالسة ف لباب كيضرب فيها الغربي ديال النهار سلمات عليها و حادرة عينيها حيث اتعرفها كانت كتبكي و هي عينيها باقين حمرين 
دخلات لبيتها نيشان ، كانت عندها قريعة ديال الماء فالبيت كتكون ديما عندها ..

جلسات على البيرو ديالها لي عندها فبيتها و تنهدات بعمق شادة على قلبها ونطقات بخفوت ..

بسمة : انمحي هاادشي من بالي بحالا عمرو كان ..

حلات ماريوها 
كانو أشكال و أنواع د الخمار عشقها هي ، حيدات خمارها المشروط و خشاتو وسطهم باشما تشوفوش ماماها لبسات بيجامتهاا ومشات ناحية المراية كتمسح الزينة البسيطة لي على وجهها كحول حر فقط جاب الله مكيتحيدش دغيا و مال كون طلا ليها وجهها و هي من صباح و هي تبكي ..

هزات مذكرتها اليومية تقريبا منين دارت الخمار وهي كتعاود فييه على تجاريبها مع الناس ! تعاملهم ! ردة فعلهم كلشي ..
هزات قلم جاف وبدات كتسرد داكشي لي جاها ف دماغها فهاد لحظة بالضبط ..

** الخمار شعار التقوى و الإسلام ، الخمار برهان الحياء و الإحتشام و الإحترام ، الخمار ......**

كملات كلماتها بكل حب ف الأخير هزات ملونات الرسم وبدات ترسم الرسمة لي طاحت فبالها و لي تجي مع هاد الكلام بالضبط ..
عندها موهبة الرسم من صغرها وهي مولوعة به وموهوبة به كذلك بدات كترسم فتاة عينيها مغمضين و الورد فوق راسها كيبانو فقط عينيها لي مسدودين ..
سالات و تبسمات برضى على عملهااا تاا بداااو دموع من عينيها كينزلو و شهقااتها مسموعين كااع ديك رسمة ولات حالتها بدمووع 
مسحاات عينيها و مشااات توضاات صلاة صلاااتها 
و كدعي الله ياخد ليها الحق فلي كاان سبابها 
فضلات متقول لواليديها والو غا فااش خرجاات سالمة 

فمكان اخر 

كاان خارج من داارو يفرق شلعة على ناااس كيف العادة تاا خرجو ليه جوج من البوليسي قداامو 

بدااا راااجع بلور و تزدح مع يوسف لي كاان كيشوف فييه ببتساامة ستهزاء 

يوسف : الحنش خرج من غارو و كلاوه المشاش ولا شنو ؟؟

الحنش : المش لي بغا ياكلني انطلق عليه سمي 

شدو يوسف من عنقو شاانق عليه : شنو باان ليك نرجعك لغار حشن من الخربة فاش عايش ؟؟

هز داك الحنش جنوية من كرشو و ضربو ليديو 
و هرب شوية عاد وقف

الحنش : مسمااونيييش البزنااز الحنش غا هكاااك 

يوسف : بربي تا نحرك 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.