عزيزة : اممم مزيان برافو عليك قليل مكنلقاو أساتذة ديال الموسيقى عيالات الأغلبية كيكونو رجال..
ماريا : أه بصح هاد دومين أغلبية ديالو رجال ولكن فدومين ديالكم كاين توازن بين رجال والعيالات..
عزيزة : المشكيل ديالنا حنا دابا فالمجال ديال تصميم هو ولاو العيالات كيدخلو شي أشكال على القفطان المغربي كتلقاي قفطان عندو ريش ولا عندو جناوح فتحة ديال رجل واصلة حتى لخصر يعني مابقاتش عندو ديك اللمسة البلدية ديالو فهمتيني عكس رجال رجال مصميمين ولاو كيتشبتو بديك لمسة بلدية..
ماريا : أه لاحظت هاد القضية هادي كنشوف أشكال ديال قفاطن لاحول ولا قوة إلا بالله مكتعرفيه واش قفطان ولا عباية ولا كسوة ولا شي لبسة مسرحية والله..
مصطفى : لالا أنا مراتي عزيزة مأصلة متشبتة مزال بالقفطان المغربي تقليدي..
- دخلو الخدامات طباسل مغطيين ديال البسطيلة بالحوت..كان العشا فخم وززين ودايز فجو زوين ماريا عند بالها أيكون البروتوكول وتبعكيك والعشا أيكون ممل ولكن بالعكس الجو زوين والوقت غادي مزيان هضرة كتجبد هضرة مرة على سياسة مرة على الخدمة مرة على الحياة الخاصة كل مرة وشنو...من بعد العشا جا وقت ياخدو قهوة والحلوة فصالون البلدي صغير..
عزيزة نفاردات شوية بماريا ورجال سبقوهم لصالون..
عزيزة : صراحة كان يحسابلي جواد أياخود شي وحدة معفرة من دوك خياتي ديال طبقة العليا لي مكنكولش هادي لا هادي صراحة رتاحيت بزااف إنسانة واعية وضحوكية فنفس الوقت زين مختار..
ماريا : ههههه حتى أنا فاش كاليا عندو عشا مع العامل الإقليمي لمدينة إفران قلت ناري ياربي باين العربون ولكن الحمد لله طلعتو عكس توقعاتي
عزيزة : مصطفى قبل مايكون عامل كان إنسان عادي بحالو بحال أي واحد وحتى انا هكاك غير هو بالعزيمة لقوية راه أتوصلي لكلشي سمعيني أماريا نصيحة من أخت كبيرة ديما تكون عزيمة ديالك قوية ولحاجة لي بغيتيها ديريها قدام عينيك أيجي نهار توصلي ليها متكوليش لا موحال لا معنديش إمكانيات سبب أعبدي وأنا نعاونك مدامك مدايراش حاجة لي هيا خايبة متخافي من والو ديما خليك قوية وأي حاجة نخدمها بالعقل عمر تسرع مكان حل تفاهمنا..
ماريا : تفاهمنا..وقف مصطفى قدام باب صالون..
مصطفى : أسيداتي واش أتبقاو تما وتخليونا هنا أنا بعدا شدني الملل مع هاد الراجل هذا مكيتقاداش من الهضرة على الخدمة هههه لالة ماريا أجي نقديني عفاك..
عزيزة(شدات فدراع ماريا) :
- ههههه يلاه نمشيو حسن راجلي أنا راه مصبارش...خلطو عليهم لصالون كلسو خداو حقهم من الحلوة وكاس ديال القهوة بالأعشاب العطرية..
مصطفى : هاد الليلة مغاتسحاش شتا كيبان ليا أتبانو هنا أسي جواد..
جواد : معندي مشكيل فشتا من الأحسن نمشيو
مصطفى : الله أودي فهاد الجو مجاتشاي
جواد : متشغلش بالك أسي مصطفى موالف نسوك فهاد الجو وماكتر منو..
عزيزة : الله أودي خليلي نمرتك دتيليفون حتى الى كنت عاملة شي ديفيلي نعرضك تجي تحضري
ماريا : أهاه مرحبا..خدات من عندها تيليفون سجلات ليها نمرة..وقف جواد حط طاس دالقهوة من إيديه وشاف فمصطفى..
جواد : كانت أمسية زوينة صراحة شكرا على العراضة
مصطفى : الله أودي أسي جواد انا لي فرحان حيت غادي نطمن على المدينة مع راجل بحالك مسيرة موفقة ومزيد من تألق..
جواد : شكراا :-)
عزيزة(عنقات ماريا) :
- والله حتى فرحانة حيت تعرفت عليك(شافت فجواد) سي حواد تهالة فيها
جواد كتفى بإبتسامة ليها..
ماريا : شكرا بزااف على العشا خاصك تعطيني المقادير هههه
عزيزة : على الراس والعين الحبيبة ديالي تهلاي فراسك..
ماريا : حتى انت تهلاي فراسك..خرجو جواد وماريا ومعاهم مصطفى ومراتو..
مصطفى : طريق السلامة توصلو على خير..شير ليهم جواد وماريا ركبو فطوموبيل ديمارا جواد وشد طريق رجعة..
#فدار
- ليلى لي غادية جايا معجبهاش الحال كل مرة كتشوف فساعة لي محطوطة على الكوافوز كتقرب من سرجم كاتهز رواق ودور فراسها يمين وشمال دنيا خاوية كولشي داخل لدارو وساد عليه بابو شكون لي حمق يخرج فهاد شتياني والبرد..هزات تيليفون ديالها دوزات نمرة جواد ولا مجيب الخط خارج الخدمة..
ليلى : اووف اووف ميمكنش هادشي ظعمة زعمة يكون بصح كيبغيها يكونو مزوجين بصح ولكن ولكن داك بوراس ديال ربيع كاليا بلي يمكن يكونو مزوجين زواج مصلحة مكانش خاصني نديرها فيه انا حمارة دايرة فيه راسي ولكن عطاني أمال ورجع حيا الحب ديال جواد فقلبي شنو أندير شنو..لفت إنتباه ديالها ضو خفيف داز من تحت بابها..
ليلى : ميمكنش عاوتاني..نقزات على نموسيتها وتغطات مقابلة الباب ضو غادي جاي مقادت لا تحرك ولا تململ غطات راسها وكتفكر أيات قرآنية حافضاهم بقات على داك الحال حتى داها نعاس..
****
- كتشوف فيه مقابلاه بعينيها وهو بدورو كيشوف فيه شي كيشوف فشي شوية ضحكات ليه ونطقات :
ماريا : كضحك معايا شوف بلاما ضحك معايا حيت ماشي وقت الضحك هذا
جواد : بان ليك فيا كنضحك..
ماريا(بعصبية) :
- ياك طوموبيلاتك كلهم خدامين إلكتريك
جواد(بصرامة) :
- متغوتيش عليا ولا أنقطع ليك لسانك هادي مخداماش إليكتريك..
ماريا : ياربي صبر من عنك واش أعباد الله كاين شي واحد مسافر ومدايرش المازوط فطوموبيلتو أغير كوليا وكتكول عليا مكلخة
جواد : ماشي أنا لي لغلط مني وصيت بوبكر يدير فيها المزوط عند بالي راه دارو وآخر مرة تهزي علي صوتك ولا غادي نخبطك مع داك سرجم لي حداك لي فيا كافيني..
ماريا(كتولول) :
- اويلي ستغفرت الله وموقفات غير فالخلا والقيفار اويلي ساهلة نتكريساو اليوم اليوم يقطعونا أنا وياك طراف طراف..
جواد : جرادة أنا حداك أيقطعونا تجمعي شوية..
ماريا(كتغبن) :
- شنو أنديرو ديال المشكيل بعدنا على المدينة ومحدانا حتى سطاسيون أعباد الله..
جواد : معندنا حتى حل غير نباتو فطوموبيل..
ماريا(دارت كتشوف فيه) :
- من نيتك نباتو هنا نتكردو بالبرد حتى لكليمة دابا مغاديش تخدم شتي أنا كنت عارفاها شتي كاع لي كيبدا بضحك كيسالي بالعب الباسل ولا كنهجروه فالخر وهاحنا هجرناه..
جواد(بنفاد صبر) :
- تسكتي شوية لا..خنزرات فيه وسكتات..فتح السمطة وبغا يفتح الباب ما حس بيها حتى جراتو من دراعو..دار شاف فيها..
ماريا(كتشير ليه بحجبانها) :
- ففين غادي؟
جواد : غادي نخرج تحت شتا كيعجبني نشطح تحت منها بحال شاروخان تهبطي تجربي غادي نقلب على لي عاونا ولا نسول على شي سطاسيون..
ماريا : واش انت مسطي ولا خارج ليك العقل ولا ضاربك المعطي مول دجاج بحجرتو غير كوليا واش شتا خيط من سما والبرد كيطير وعند بالك أتلقا شي واحد فهاد الليل خارج على زينك وكحل عينك عارفينك اتوقف اونبان هنا أيخرجو عندك...
جواد : قسما بالله المعبود حتى نهرس لجدك داك الفم إلما صلحتيه(خرج فيها عينيه)..رجع لبلاصتو وضرب الباب بجهد حتى قفزات من بلاصتها..
جواد : أنشعل الضو مرابانا نبانو لشي واحد يجي يعاونا..شعل ضو ديال طوموبيل ورجع بالكرسي لور شوية حتى هيا نفس شي دارت..لحظة ديال الصمت من غير صوت شتا لي كان كيتسمع وصوت البرق..
ماريا : كون غير جبدنا شوية من الماكلة لش شاطت حتى إلى صرنا جوع نصيبو مناكلو..
جواد : واش انت معندك حتى حاجة خرى من غير كرشك.؟؟
ماريا : لا كاينين مصيرناتي ومعدتي مساكن الله يخليهم ليا..
جواد : معك انت ولا إيماني قوي أستغفر الله العظيم ياربي صبر من عندك راه ماباغيش نغلط ونمد عليك إيدي وانت كتخليني نمدها الخير لي أديري فيا وفيك هيا تسكتي شوية هالعار..شافت فيه ورجعات تكمشات وسكتات..هز فيها عينيه هز حاجبو غوبش بحال إلى تفكر شيحاجة
جواد : أجي شكون هو المعطي مول دجاج..هزات عينيها فيه تبسمات بتسامة لي تحولات لضحك وحتى هو بدورو شاركها ضحك..
جواد : ههههه كنهضر بصح شكون هاد المعطي؟؟
ماريا : المعطي أسيدي هو واحد السيد كانت كتعاود ليا عمتي خديجة عليه شحال هذا كاتليك كان عندهم فالبلاد بنهار كيبيع دجاج وبليل كان كاهز واحد الحجرة ويدور لي بان ليه كيفلقو لراس ويقتلو وناس ولاو خايفين معارفينش شكون كيقتل كل صباح كيصبح واحد ميت حتى واحد معاق بلي المعطي هو لي كان كيقتل جتى حصلو عندو الحجرة فقلب المحال هادي هيا خبيرة مول دجاج..وهوما فهاد الجو الحميمي تسمع دقان فزاج ديال سرجم..ماريا طلات بعينيها قبل من جواد بالخلعة نقزات من بلاصتها غوتات..
جواد : ششش متخافيش ششش..شد ليها فيديها عند سرجم كاتبان ليه مرا كبيرة فالعمر هازة لامبا..
جواد : متخافيش راه غير مرة كبيرة..
ماريا(كرزات على يديه خايفة كاترعد) :
- متحلش معرفتيها تكون ببب بحااال د دد ديك لي متلات مم مع رشيد لل الوالي..
جواد : من نيتك انا معاك مدام أنا معاك عمرك تحافي واخا..أشرات ليه ماريا براسها بواخا..نزل جواد سرجم..
جواد : نعام الالة؟؟..
- ولدي أش كديرو فهاد الليل وهاد الخلى راه واعر الحال..
جواد لي كانت ماريا مقلقاه بشدة لي شادة فيه بحال إلى غادي يهرب..شاف فيها مخنزر
جواد : ماريا طلقي مني شوية خليني نهضر مع المرة..
ماريا(كترعد) :
- سمي الله بعدا حتى الى كانت من الإنس تبان..
جواد : ياربي ترحمني بسم الله الرحمان الرحيم..رجع عند المرا لي كضحك فوجهو..
جواد : أنا ومراتي كنا راجعين من فاس او وقفات بينا طوموبيل الالة..واش كتعرفي شي سطاسيون قريب..
المرة : واهلي أولدي سطاسينو خليتيه فطريق لوخرا لي لور ودابا بعيد عليك ومعندك كيف دير علاش منين نتوما؟
جواد(عاطي لخاطر لمرة لكبيرة) :
- من إفران الالة
المرة : إيوا عرفتي مايجيك مليح اتدوزو عندي لدار تباتو هاد الليلة وديك ساعات يصبح ويفتح.
جواد : لا مكاين لاش أنباتو فطوموبيل أنعيط على شي واحد لي يجي يعا...سكت حيت سمع حس باب طوموبيل تحل دار بانت ليه ماريا هزات ساكها وخرجات لعند سيدها جات طلات عليه دايرة إيدها على راسها..
شدات فسيدة وتمو راجعين..جواد كيهز وراقو ومسائلو من طوموبيل وكيبغم خرج وسد طوموبيل مزيان وتبعهم..غادية ماريا مع المرا واحد المسافة غير لامبا لي مضوية طريق ختى بان ليهم ضو جاي من واحد الدار مبنية بالمرطوب حمر ومسقفة بالخشب والسيمة البيضا..فتحات المرا الباب ودخلات..عاد بانو ملامحها مزيان وجها مورد وعلامات زين باين عليهم..
المرة : مرحبا بيكم دخلو..دخلات ماريا هيا لولة عاد تبعها جواد لي حتى حدر راسو عاد فدر يدخل بطول ديالو..
المرة : أنا نجيب لبكم الفوطة تمسحو حالتكم باش مايضربكمش البرد..دخلات المرا لواحد سطوان صغير وبقاة هوما بجوج..قرب جواد من ماريا..
جواد : ياك عاد دابا كنتي خايفة وشادة فيا بحال ديك القملة ديال البحر ودابا عاجبك الحال..دخول المرا قاطعهم..
المرة : بسم الله مسحو ريوسكم واجيو حدا شوميني تسخنو ريوسكم..شدات ماريا من عند المرا الفوطة وجواد هكاك مسحو ريوسهم ومشاو كلسو قربو من العافية باش يسخنو داتهم لي بردات..
ماريا : سمحليا أخالتي..؟؟
المرة : عائشة
ماريا : أخالتي عائشة سمحيليا كبيلات مع الخلا ودنيا خاوية بنادم كيخاف ولكن اشنو كديري فهاد الوقت وشتا.؟
عائشة : رجالي مشا لمدينة لفاس كيتقدا وكيرجع ولكن هاد المرة تعطل داكشي باش تخلعت عليه وخرجت نشوف واش جاي ولا مزال..بغيتو شويو ديال الحسوة فيكم جوع؟
جواد : انا لا براك الله فيك هاد الغولة لي حداك اتبغي وجيبيليها معاه شي طرف دالخبز..ماريا دارت عندو بشوية مخرجة عينيها فيه كتخنزر..
ماريا : أناااا أاانااا غولة؟😡
جواد : كرشك كتهمك قبل كولشي مالي كدبت..بدات كضحك عائشة
عائشة : هههههه ضحكتوني كتفكروني أنا وسي عمر بحال هكا كنا فاش عاد تزوجنا كي المش مع الفار هو عزيز عليه يشد فيا وانا كيعصبني هو راه غير بلعاني كيدير ليا هكاك..تسمح حس ديال طوموبيل وقفات وهيا تجمع الوقفة عائشة..
- ميكون غير هو لي وصل..مع كملات هضرتها دار ساروت فالباب وتفتح دخل راجل قصير شوية عندو صلعة غير فالوسط باقي شعرو شايب مزال شاد فراسو داير موسطاج ولحية هاز شي خناشي فيديه..
عائشة : على سلامتك خلعتيني عليك..دار بانو ليه ضياف جداد..
عمر : شداتني شتا مابغيتش نتحرك حتى تسحا شوية عاد شديت طريق..
عائشة(شدات عندو تقضية) :
- كلتها ليك كتليك بلاش من هاد المشية كون بقيتي حتى لغدا شنو غادي يوقع راسك قاصح أهاد راجل بااز ليك مكتسعش..
عمر : الالة صافي مايبقاش فيك الحال هاني جيت الحمد لله متقلقي شاي عليا..وخلينا بعدا أنعرفو شكون هاد الناس..
عائشة : أنا مزال معرفت سمياتهم غير لقيت مقطع بيهم الحبل مساكن طوموبيلتهم خسرات وعرضتهم..تقدم سي عمر منهم وعلى وجهو بتسامة بشوشة..
عمر : مرحبا بضيف الله..
جواد(بصوت رجولي) :
- سمحلينا أسيدي هجمنا عليكم..
عمر : الله أودي لاتكولش هكاك أنا عمر..
جواد(مد ليه إيديه) :
- أنا جواد وهادي مراتي ماريا.
عمر(تبسم لماريا) :
- مرحبا بيكم هاد الليلة أنتوما ضياف عندنا حتى يصبح الحال إن شاء الله..
جواد : الله يكبر بيك..تمات جايا عائشة هازة بلاطة فيديها فيه زلايف ديال الحريرة وطبسيل ديال تمر والبيض مسلوق..
عائشة : يابسم الله..شافت فراجلها طارت عليه كتحيد ليه فتجاكيط..
عائشة : مزال محيدتي عليك هاد تجاكيط وهيا راغنة(فازكة)واش بغيتي تمرض عاوتاني..دخلات لنفس الكولوار ورجعات فيديها اريكو ديال صوف لبساتو ليه عاد كلسات..ماريا لي كانت غير حاضياهم وكتشوف هاد الحب والإهتمام لي بينهم رغم كبر سن ديالهم إلا ومزال فعينيهم حب ديال لي مزال عاد باديين سبحان الله...
عائشة(موجهة هضرتها لماريا) :
- يا بسم الله أبنتي شربي الحريرة باش تسخن عضامك على البرد..هزات ماريا زلافتها كتشرب منها..
عمر : ولدي شرب متحشمش
جواد : لا والله مافيا
عمر : هيا بغيتي عيشة تقلق منك راه كدير واحد الحريرة مضايراش فدنيا كلها تسارا العالم كلها مدوقش بحالها غير دوق دوق..جواد حشم من هاد الناس لي فتحو دارهم ليه هز زلافة جغم منها وفعلا كانت بنينة بواحد الشكل عجيب..حسوة ديال تشيشة بالحليب ولكن معاها أعشاب منسمة عريبة منها زعتر ومنها حوايج خرين مقرداتش ماريا تعرف حليهم بنينة بزاااف..جواد لي فلول مابغاش ولا طامع فتانية وتالتة..وهوما مجموعين على العشا نقزات ماريا لفضولية..
ماريا : واش ساكنين بوحدكم هنا؟؟
عائشة : أه أبنتي غير انا وعمر.
جواد : معندكمش لولاد؟.
عمر(تبسم) :
- منعمش علينا بالولاد داكشي باش بعدنا وسكنا هنا
ماريا : مافهمتش؟
عمر : فاش تزوجنا من بعد عامنا الثاني بداو الناس علاش مولدتوش علاش هادي راكم عارفين هضرت الناس ولقيل ولقال كضر فراس إيوا ناضو العائلة شوفو طبيب وكدا نضنا شفنا طبيب أنا كان عندي كولشي طبيعي ولكن عائشة كان عندها مشكل ديال الحمالة مايمكنش ليها عندها نسبة ديال 1/100 باش تواد ماخلات دوايا مجابش الله هادشي مكلناه لحتى واحد عائلتي فاش كيسولوني كنكول ليهم مني أنا لافوت عياو معايا نتزوج واخا انا كانت خدمتي مزيانة مع الحكومة وكنتخلص مزيان ونقدر نفتح جوج ديور ولكن...شاف فعائشة لي حادرة راسها شوفة لي كتحمل معاني كتيرة عينيها كيبريو بالحب..
عمر(تنهد) :
- حبي لعائشة كان قوي بزاااف كيف كتليكم سبيتها فراسي بلي أنا لي فيا المشكل ماشي هيا..قاطعاتو عائشة..
- عائلتي كالو ليا طلقي منو الى فيه المشكيل واكلة ولادك فكرشك معارفينش بلي انا لي فيا لافوت هنا عمر قتارح عليا نمشيو لشي قنت مايعرفنا فيه حتى واحد غير أنا وهو وداكشي لدرنا ليومنا هذا..شاف فيه عيونها فيهم خجل وإحترام وحب...
ماريا عينيها دمعو وتأترات بهاد المشاعر الحقيقية لي قدامها..
ماريا : الله يطول فعمركم ويخليكم لبعضياتكم..
عائشة : أمييين ياربي وانتوما معندكمش وليدات..
ماريا : لا حنايا يلاه تزوجنا مزال جداد..
عائشة : ولدي وليداتك يكبرو معاك شحال من وحدة كتكول لا نعيش حياتي عيشي حياتك مع وليداتك يكبرو معاك ضحكي ولعبي معاهم كاع لي أتعيشيه بوحدك عيشيه معاهم هوما اتحسي بطعم دنيا زوين كتر مانتي اتحسيه بوحدك..ماريا حدرات راسها وبلعات ريقها..
ماريا : صافي صافي مافيا لي يتجادل معاك عاوتاني فيا نعاس والبرد بغيت نتسنط غير لعظامي
جواد : حتى واحد ماشدك انا نعس على سداري وانت على نموسية
ماريا(بستغراب) :
- وعلاش زعمة؟
جواد : هكاك رشقات ليا بغيت..
ماريا(بمكر) :
- هممم متكونش زعمة خايف لا يضروني عظامي مممم😉
جواد : لا من نيتك دابا وعلى هاد الهضرة بدلت رأيي انعس على نموسية وانت على سداري
ماريا(جمعات فمها على شكل وردة) :
- صاف صاف غير لي بغا يضحك معاك زعمة وخلاص..سبقاتو لنموسية تخشات تحت المانطة كتبرق فعينيها حاضياه حيد صباطو وتخشا تحت المانطة فوق سداري حاط إيدو ليمنية تحت راسو وليسرية على كرشو وكيشوف فسقف..الهدوء فالبيت من غير صوت الشتا ورعد واخا كان فيها العيا نعاس مجاهاش تقدات فالكلسة كطل عليه..
جواد : شنو كاين تاني؟
ماريا : والو كيجاوك هاد الناس عجبوني صراحة بيناتهم واحد العلاقة فشكل لاحظتيها؟
جواد(شاف فيها) :
- بحال هاد العلاقات لي مبنية على الصح قلالت مشات مع يام زمان.
ماريا : علاش كتكول هكاك لي كيقلب على شيحاجة راه كيلقاها خاص غير يعرف يختار وصافي..
جواد : أنتوما البنات كتعيشو فلخيال بزااف مأترين عليكم الأفلام التركية
ماريا : أشمن انا كنكول الصح بحال هاد العلاقات مزال كاينين غير الواحد خاص يعرف فين يحط راسو وصافي..
جواد : هاد ساعة انا باغي نحط راسي غير على المخدة ونعس نعسي نعسي حسن..
ماريا : علاش بعد المرات كيجيني بحال إلى كتهرب من شيحاجة؟
جواد : واش وليتي مخبرة وانا مفراسيش انا مكنهرب من والو هاد ساعة نعسي حسن..
ماريا : تصبح على خير..
جواد : وانت من أهل الخير..علات الغطا عليها طفات اللامبة لي حداها وسدات عينيها..أما هو فحلف نعاس لاجاه هاد الليلة ماريا كانت محور العشا وزاد هاد ناس كملو لي خاص علاش كيحس بلي شيحاجة تبدلات فيه علاش خصوصا فاش كتكون معاه هيا زعمة يكون(دار لجهة لوخرا وهو كيأنب فراسو) لالا ميمكنش اجواد غير كتخربق انت وماريا بيناتكم حاجة وقربات تسالي بلاما تبقا تخلط وقيلة حيت شحال هادي مخرجت مع شي وحدة داكشي باش تخلط عليا هادشي..غمض عينيه وهو كيأنب فراسو حتى غفا وداه نعاس..
****
🌝 خلق الله الناس ورداً وشوكاً
الشوك يحاور الورد بلغتِه .. وخزاً
والورد يحاور الشوك بلغتِه .. عطراً
صباح الخير 🌹
- دخلات شميسة دافية كانت مخبية بين الغيوم ولكن دفئ ديالها كافي باش يفيق جواد ويخليو عينيه يصبحو على وجه ملائكي معنقو..بقى مدة جوج دقايق كيستوعب بحال إلى ضربو الضو شنو جابها لحداه ومعنقاه من الفوق تعنيقة ديال شدة العما فظلمة..كيشوف فجنابو ويرجع يشوف فيها مافهم والو..كانت ناعسة ماحسة بوالو من غير أنو موسدة صدرو ومخشة فيه بلع ريقو معارف ميدير يحركها يفيقها هز عينيها لوجها رموشها طوالو حناكهت لحمرين ولبيضين فنفس الوقت شفايفها لي بحال حبات الرمان سد عينيه كيتبت فراسو هز صبعو ونغزها كيحاول يفيقها..ماريا لي حركاتو مداو منها لا حق لا باطل من غير كتزيد تململ وتشد فيه..خلاتو يفقد أعصابو حيت غير مكتزيد تعقد الأمور بهادشي لي كدير فيه وهيا معيقاش بيه...هاد المرة حط إيدو كلها عليها كيحرك فيها بجهد حتى قفزات من بلاصتها..
ماريا(صوتها تقيل بنعاس) :
- مالنا شنو واقع لاش مفيقني لاش؟
جواد (بحزم) معرفتي كاع لاش نوضي وانت اتعرفي..ماريا وعات على صوتو لي جاها قريب منها بحال إلى ناعس حداها..دورات راسها لجيهتو وشافت فراسها كتشوف فيه وتشوف فراسها..توكضات قلاشات ودنيها وخرجات عينيها حطات إيدها على فمها وشهقات :
- اتسكتي شوية لا كتهضري وتحلي فمك الالة نوضي تكعدي وشوفي بلاصت من بعدا هادي وانت فالحة غير تحلي فداك الفم..
قفزات ماريا من بلاصتها دايرة إيديها على جنابها..
ماريا : بلاصت من اتكون بلاص..سكتات كتشوف نموسية فين كانت خاوية هيا لي غلطات ونعسات فبلاصتو..حشمات وجها حمر وحسات بسخونية طلعات معاها..
جواد(كيشوف فيها بمكر) :
- مالك شفتك سكتي يلاه كنتي كتغوتي..
ماريا : أحم سبحان الله راه يمكن بليل مشيت لطواليط وفرجعة غلط عادي سبحان لي ميغلط..
جواد : غير هاد المرة تأكدي وعاد هضري ودابا يلاه خلاص راه تابعانا طريق..
ماريا : وطوموبيل لي مسالي ليها المازوط..
جواد : انمشي انا وسي عمر لواحد سطاسيون غير هنا ونرجعو..ناض جواد لبس مونطو ديالو وصباطو دار سوارت فجيبو وتيليفون وخرج من لبيت نيشان لطواليط..أما ماريا لي ماخرجات من البيت حتى جمعاتو وطرفاتو كيف لقاوه..ريحة القهوة كتعطي فهاد الصباح لي مغيم بغيومو الشتا ديال البارد خلات غير ضايات ديال الما ديالها وثلج مخلي الآثر ديالو قدام ديور وفطرقان من بعدما خرج جواد وسي عمر لسطاسيون بقات ماريا وعائشة..
عائشة : شحال وانتوما مزوجين؟
ماريا(كتلعب فواحد الكروشي محطوط) :
- تقريبا دابا شي شهر..
عائشة : اه وراه مزال جداد نوصيك أبنتي على صبر صبر صبر راجلك ديريه فعينيك ضروري من المشاكل ولكن راجلك راه فيه خوك وباك وكولشي خصوصا إلى عائلتك كتكون بعيدة هو بيت أسرارك تعاملتي زوين يتعامل زوين تعاملتي خايب ايتعامل حتى هو خايب خاصك غير تعرفي ليه وصافي الى لقيتي جوج مفاهمين عرفي درك على واحد..
ماريا : علاش حنا ديما لي كاتوجه لينا هاد الهضرة علاش الرجال لا.؟؟
عائشة(تبسمات) :
- الرجال ابنتي بحال دراري صغار حال وعقل وكيما عاملتي راجلك أيعاملك خايب راه خايب زين راه زين خاص كل أم توصي ولدها على بنت ناس حيت بحال بنتها وحتى ام لبنت توصي بنتها تصون راجلها المهم هو تعامل بالحسنى وبما يرضي الله..
ماريا : داكشي باش كيكوليك كل دار خاص يكون فيها شي واحد كبير فالعمر تلجأ ليه لضرورة هو اينصحك ويرشدك لطريق صحيح لهلا يخطيك أخالتي..تفتح الباب ودخل سي عمر او جواد..
جواد(أشر براسو لماريا) :
- يلاه خاصنا نمشيو.
عائشة : والاه ماسخينا بيكم
ماريا : نتلاقاو فساعة الله أخالتي زورينا شي نهار مرحبا بيك لادريسة راه عندك..
عائشة : إن شاء الله نهار عرسكم انجيو انا وسي عمر كونو هانيين..
جواد(مد إيديه لسي عمر):
- سي عمر شكرا بزااف على ضيافة..
عمر : الله أودي مرحبا فأي وقت..تسيفطو معاهم خرجات عائشة وراجلها مع جواد وماريا بقاو واقفين حتى ركبو فطوموبيل وهوما كيشيرو ليهم بيديهم حتى غبرو..عنق عمر مراتو ضحك ليها فوجها ودخلو لمملكة ديالهم الصغيرة...
- ماريا حاطة راسها على زاج وساكتة حتى فيقها جواد بسؤال لي ربكها..
جواد : علاش كنت كتسولي الواليد على نيفان؟
ماريا(شافت فيه) :
- نيفان شكون عمي إيمتا سولتو عليه؟؟
جواد(بصرامة) :
- ماريا بلاما ديري عليا ديك تابهلة ديالك
ماريا : راه مافهمتش علاش كتهضر
جواد : نهار سولتي الحاج على العود ديالي نيفان تفكرتي دابا؟
ماريا : ااااه والو غير كان عجبني وسولتو عليه
جواد : دوك تحريميات ماشي عليا عند بالك مفراسي والو
- شفتك وليتي تجاوبي معايا ماشي غير طلقت ليك الحبل تركبي على ظهري جمعي راسك شوية
ماريا(تعصبات) :
- لالا أجي ضربني انت كاع وتهنا شنو بان ليك عرفتي شنو كيبان ليا هادشي خاصو يوقف وكل واحد فينا يمشي بحالو..
شاف فيها جواد وعينيه كيطلقو رصاص..
جواد : نهار توصلي ودنك وتعضيها هو نهار لي تحلمي بيه لي بيناتنا يسالي عمرك تحلمي بيها أمراتي لعزيزة أمدام الإبراهيمي
ماريا : كيفاش كيفاش يكما يحسابك مزوجين بصح ولا فيق شوية نسالي هادشي ولالا انا لي كنقرر واخا وعلى هاد الهضرة أنمشي بحالي وغير حتى نوصلو لدار وتشوف..جواد متحملش هاد الهضرة كيتلاج هو ويااها مني منك
ماريا(كتشوف قدامها مصدومة حطات إسدها على فمها وغوتات) :
- جواااااااد عندااااااك..جواد وقف فالوقت لمناسب كونما وقف كان غادي يخرج فكلب جاب الله هو حرايفي فسوكان..لحظة دصمت ساكتين ماريا شعر على وجها لونها مخطوف جواد كيشوف قدامو منطقش بكلمة وحدة حدو ديمارا وكمل طريقو وحتى ماريا سكتات مزادتش هضرات بالخلعة هزات قرعة دالما شربات منها ورجعاتها لبلاصتها حطات راسها على زاج ديال سرجم كتشوف على برا وساهية وقلبها كيضرب من الخلعة فراسها حاجة وحدة تمشي فحالها فأقرب وقت ممكن..
****
إفرح .. وكأن الفرح لا يعرف أحدًا غيرك
وأحزَن .. وكأنّ الحزن مرّ بك قاصدًا سواك ..
وأحمد الله في الحالين ...💜
مليكة : هانتا جيب معاك الخس يكون خضر المرة لي فاتت جبتيه صفر وجيب ليا معاك الباربا والليمون ماتنساش..
أحمد : واخا الالة شنو عاود؟
مليكة : بلاتي نتفكر بلاتي أيااااه جاب الله تفكرت جيب معاك شيفرون باش نديرو مع البيض والبطاطا فالفران وختارها تكون بيضة متكونش فيها داك الكحال..
مليكة : واخا أسيدي على خاطرك..لبس أحمد كبوط ديالو هز سوارت طوموبيل وخرج..وصل لسوق لأسبوعي فين مالف كيتقدا يمشي عند الخضارة يتاوا معاهم كانت الحاجة ب60 يعبرها ب50 شطايري بحال العيالات يهز البانيو ويعزل ويتخير فالخضرة الحاجة زينة والمليحة يوزنها ومايديرها بيه شيحد..تقدا كاع الخضرة لي خصاه من بطاطا خيزو لفت كرعة بصلة مطيشة كولشي حتى ربيع شيبة وتخليطة ديال أتاي ومنساش ديسير وعلاش وصاتو مليكة بقا ليه دابا غير لبيض يدوز عند مولاه وياخد واحد البلاطو ولا جوج الى لقاه رخيص..وقف عند مول البيض..
أحمد : سلامو عليكم أشريف
البياع : وعليكم السلام
أحمد : شحال البيض؟
البياع : درهم لوحدة
أحمد : واه واه كان غير 12 ريال سيمانة لي فاتت
البياع : إيوا كل سيمانة وسومها
أحمد : واخا عطيني كرطونة نختار..عطاه البياع كرطونة باش يختار ويعزل بلاطو على دوقو..وهو كيعزل ويقلب وقفات عليهم مرا..لي حتى هيا مورادها تاخود بلاطو ديال البيض..وهيا كتعزل حطات إيدها على نفس البيضة لي حطا عليها أحمد إيديه..
- سمحليا أسيدي..وقفات ليه الهضرة وتخطف اللون من وجهو أما هيا لون وجها رجع صفر وفمها رجع بيض ماعرفات باش تبلات سنين طتبدل كيف كان أحمد وكيف ولا وحتى أحمد هندزها كيف كانت وكيف ولات باينة عليها مرضات مهضرش معاها ولا نطق خلاها كتشوف فيه خلص مول البيض وهز البلاطو ديالو وزاد..
أحمد(كيهضر مع راسو) :
- أشنو كدير حورية هنا علاش رجعات أش جابها لهنا كيفاش هادشي..غادي بزربة بخطوات واسعة لطوموبيل فتح الباب لوراني دخل تقدية ديالو حطها مع سد الباب لقاها ورا الباب واقفة طلعها وهبطها بغا يتخطاها شدات ليه فيديه ورجعاتو مغوبشة..
حورية : بغيت نهضر معاك
أحمد(نطر إيديه) :
- فاش غادي نهضرو معندنا فاش
حورية : عندنا كلاك معندناش عندنا بنت أحمد..
أحمد(ضحك بستهزاء) :
- بنت أشمن بنت علاش انت مزال عاقلة عندك بنت بنتك الالة راه خليتيها صغيرة وهربتي خليك عليك بنتي فتيساع حسن ليك أحورية.
حورية : علم الله شنو عاودتي ليها عليا حتى رداتني ميتة..شاف فيها بشك
أحمد : باش عرفتيها رداتك ميتة حورية فين شفتي بنتي؟
حورية : القدر كيلعب دور كبير وماريا أستاذة ديال بنتي سومية لي مشات معاكم لفيرما عقلتي؟..أحمد تصدم وشاف فيها مخرج عينيه..
أحمد : شومية ديك البنت زوينة الكأدبة بنتك انت العجب لي مخرجاتش انانية بحال مها..
حورية : أحمد عفاك بلا تجريح الله يرحم والديك يكفي لي داز عليا راني مريضة مرضت بسكر طانسيو ليل كامل ودموعي مكينشفوش تقا فيا وجه الله هالعار..
أحمد : أول حاجة انا عمري هضرت عليك قدام بنتي بالخايب ختي خديجة الله يرحمها هيا لي عاودات ليها كولشي وزايدون دابا عاد جايا باغا بنتك فين كنتي هذا شحال ولا صافي حتى تزوجتي ودرتي ولاد خرين عاد بانت ليك بنتك..
حورية : انا مشيت قلبت عليكم كالو ليا رحلتو مشيت لدار خديجة مالقيتهاش اناانا عارفة راسي غالطة(بدات تبكي😢😢) ولكن ربي كبير وكيغفر خلي حنا البشار عفاك أحمد دير ابوجه العشرة وملحة وطعام لي شركنا بغيت نعنق بنتي نكوليها أنا مك واخا واخا تغوت عليا ميهمش عفاااك أحمد الميمة نبوس ليك رجليك..
أحمد(بأسى) :
- مالك على حالتك عجبك الحال دابا شنو كان فيها كون عطيتي لبنتك شوية ديال الحنان شنو كان فيها لوكان تفارقنا حيبيا وتجي تزوريها مرة مرة وتعطيها الحب ديالك سبت والأحد والعطل دوزهم عندك وتكبر مع ختها شنو فيها كون درتي هادشي ومختاريتيش تبعدي ومدوريش من وراك فات الفوت الحورية من الأحسن الأمور تبقى هكا حسن تبقاي انت بنسبة ليها مامات صاحبتها وتلميذة ديالها بلاما تخسريها من جديد..خلاها واقفة وطلع لطوموبيلتو ديمارا وزاد كاتبان ليه من المرايا بقات واقفة وحانية راسها..قسا عليها أه ولكن قاسح حسن من كذاب حيت لي قصاه ولي قصاتو بنتو صعييب يتنسى بهاد السهولة هادي..
جواد : عذابك راحة أسيدي انا نوصي شيفور يوصلك..تبسم ليه كريم رجع عند ماريا عنثها بجهد وهز إيديه لعب ليها فشعرها حركة كان كيديرها ليها فيامات القراية..دار عند جواد لي كان كيشوف فيهم وعلى فمو شبه بتسامة إستفزازية..دار عندو كريم عنقو مافنيتو والو وكعايقش بنار الباردة لي كدور بين هاد جوج مشاو معاه جيهت الباب عيط جواد على شيفور جا عندو كيجري وصاه باش يوصل كريم حتى لمحطة..شير ليهم كريم فاش ركب بطوموبيل بيديه بمعنى مع سلامة بقا يشير حتى غبرات طوموبيل على الأنظار..غير هوومشا سد جواد الباب وشاف لجيهتها..
جواد(كيطنز عليها) :
- بقا فيك على شوبة كنتي اتبداي تبكي عليه
ماريا : جواد قيلني عليك راه لي فيا كافيني راه عيقتي عليا بزاااف وزايدون نبكي ولا منبكيش وانت شغلك؟
جواد(عينيه فيهم جمر شاعل العافية شاعلة فيه وصورتخا فأحضان كريم بين عينيه مار الغير كتاكل فيه جوج خطوات كان عندها لاوي ليها دراعها) :
- أه شغلي الالة راكي مرات راجل طوال لمك رجليك وليتي تلاحي بين يدين من والى
ماريا(كتنطر منو) :
- واش انت لاباس حيد يديك بعد مني انا ماشي مراتك ماشي مراتك انا انمشي فحالي عيقتي عليا بزااف رادني عبدة عندك ديري هادي مديري هادي بزاااف واش هذا حبس ولا جحيم ساجني فيه انت هو سجان ديالي..
جواد(كيغوت) :
- متخلينيش نمد إيدي عليك مرة خرى جمعي راسك(كيديها ويجيبها) انت ديالي فهمتي ولالا انت ملك جواد الإبراهيمي ديريها فبالك..
ماريا(بدات كتغوت) :
- ملكك مالك شاريني بفلوسك وبعد مني انت مريض خاصك طبيب تمشي داوا حسن ليكيحيد منك هاد نرجسية لي فيك..لي فدار سمعو لغوات بدا كل واحد هابط فيهم كيشوفو فيهم كيتغاوتو..
ماريا : انا انمشي فحالي من هاد دار وعتابر الإتفاق لي بيناتنا سالة فهمتي..إقبال مافهمات والو لا هيا لا مها لا طارق لا عصام لا ليلى لي عاجبها الحال..
إقبال : أشمن إتفاق مالكم ياك لاباس؟
جواد(خنزر فإقبال) :
- انت دخلي سوق راسك..
ماريا(نطرات منو) :
- علاش دخل سوق راسها علاش خلي كولشي يعرف الحقيقة صافي براكة مدرق شمس بالغربال كولشي خاص يعرف بلي انا وانت ممزوجينش وبلي هاديك غير تمثيلية درناها انا وانت حيت كنتي باغي تديري ليليا وحيت بغيتي ناس ينتاخبوك وتنجح ويتيقو بيك..إقبال تصدمات زينب شهقات ودارت إيدها على فمها..
الحاج(غير كيشوف وساكت مابغاش يدخل) اما ليلى كتفرج من بعيد فرحانة تمات هابطة وردة شادة بنتها وأمين..
وردة : أشنو واقع مالكم.؟؟
ماريا(دارت شافت فصاحبتها) :
- انا هادشي درتو على قبلك تحملت ظلم تحملت ضرب لي عمر حد ضربني حتى ضربني هو سد عليا فبيت فجردة وسكت ماهضرتش كنت انموت فالفيرما كولشي على قبلك اوردة تحملت جحيم جيت لهاد دار عروسة عروسة جايبينها لجحيم ديال سجان وانت عارفاني عشت حرة وتحملت على قبلك وعلى ود أمين دابا اختي جيتي الله يعاونك مع بنتك انا هادشي مغانكملش فيه براكة عليا فاض الكاس هاد لعشية انخرج من هاد الدار..شافت فيهم وعينيها عامرين دموع
ماريا : سمحوليا كدبت ولكن لضرورة أحكام كلكم فرحتو بيا وانت الحاج كنتي با تاني ولكن براكة حتى واحد مكيبغي يعيش عبد عند شي حد..سلات هضرتها جات تطلع حتى وقفاتها هضرتو
جواد(بصرامة) :
- ساليتي هضرتك ودابا سمعيني مزيان هاد دار مغاتخرجيش منها حتى يسالي الإتفاق ديالنا وديك ساعات مغاديش نشدك واخا نعرف نحبسك كيف كلتي انا سجان..
دارت عندو كتخنزر فيه
ماريا : وشنو ايخليني نكلس اتربطني مثلا؟
جواد(تبسم ليها بستفزاز) :
- لا من مفروض تكلسي فدار راجلك
ماريا : واش كضحك عليا
جواد : شكون أما حشومة عليك امراتي تكولي عليا هكاك..هاد الورقة فيها بلي انا وانت مزوجين هاكي قرايها..جبد ورقها من جيبو تمشا عندها مدها ليها نطراتها منو قراتها مغوبشة وشافت فيه
ماريا : كلنا عارفين هذا عقد مزور..
جواد(ضحك) :
- لا أحبيبة لي معارفاهش انت بلي هاد العقد ديال زواج حقيقي 100/100 هادشي كيعني بلي انت مراتي شرعا وقانونا...
لحظة توقف زمان فيه كولشي سقل الحاج لي كان واقف كلس وشد راسو ليلى معجبهاش الحال غوبشات أما وردة ملامح دهشة على وجها أمين أصلا معارف راسو من رجليه عاد يعرف شنو واقع إقبال ومها وباها كلسو فوق الفوتوي مالقاو ميديرو غير يكلسو ويتفرجو فشنو واقع خصوصا لقمعة لي قمع جواد إقبال عارفين بلي حتى واحد مايقدر يدخل فيهم ولا فيه..
ماريا(لتواني غير ساكتة مبهوضة عاد وعات بشنو كال) :
- علاش أنا غير أنغوت انا اندير فيك شرع إيديا أنا..طارت عليه بقجة قجاتو معرف باش تبلا لي تم وقفو تصدمو إيديها ماتو على عنقو بالأعصاب..
ماريا(كتغوت):
- تقت فيك وقبلت نلعب معاك فالأخر ديرني ضحكة يا شماتة درتيني ضحكة قدام ناس نهار نطلقو تسما عليا مطلقة قدام ناس وانا مدرت لا بيدي لا برجلي شنو درت ليك أشمن عيب صرفت فيك أشمن عيب عمري أديتك عمري..دموعها بداو هابطين وسنانها كزو عليها..جواد حتى هو عروقو خارجين حيت فاتت حدودها معاه...نطر ليها إيديها دفعها يلاه أيهز إيدو عليها حتى تسمع صوت الحاج..
الحاج(غوت) :
- جواااد نزل إيديك حدك تم مغاديش نخليك تهز إيديك عليها مدامني حي هاديك بنتي فهمتي..دار شاف فيه جواد لقاه مخنزر فيه نزل إيديه ونار البركان شاعل لداخل ديالو..
ماريا(كتبكي) :
- داكشي لي كتعرف غير تهز إيديك سي سيد جواد سيهم جواد ولفتي ناس يعيطو ليك سيدي كلتي شنو ندير ندير ماريا تحت سباط ونكون سيدها ياااك يااك هادشي ماريا كولشي كيستغلها لي جا يركب ليها على ضهرها..وردة كتسمع حدرات راسها حسات بحال الى كتمعني عليها..
ماريا( قربات من وجهو وبتحدي كملات هضرتها) :
- ولكن سمعني مزياااان الى أنت كنتي انت جواد الإبراهيمي لي كولشي كيدير ليه حساب انا ماريا المنصوري بنت أحمد المنصوري راجل لي رباني منحنيش راسي غير لله سبحانه وتعالى ومنضعفش ونيفي مرفوع ديما لسما راجل لي علمني ناخد حقي بيدي وعلمني نكول لا وعلمني نحتارم لكبير وصغير وندير قيمة لي يحتارمني أما لي يبغي يهرسني مغانخليهش الى عند بالك بديك الورقة غادي تهددني وتهرس ليا جناحي انكوليك ديك الورقة ديرها فالما حتى دوب وشربها معاش لي يهرسني اسيهم جواد..(ضحكات على راسها ورجعات شافت فيه)
ماريا : انا انا بحال الحمارة بديت كنكول انت ماشي كيف شفتك فلول لدرجة لدرجة شيحاجة ولات كتحرك عندي فقلبي هنا(أشرات لقلبها) وليت كنشوف فيك رجل المثالي كلت انو تخلق إعجاب بيناتنا ويمكن يمكن تكون صداقة ولا شيحاجة تزرع بيناتنا ولكن لاااا انا كنت غالطة لهاد درجة كنت مكلخة ومعمية انت هو انت عمرك مغادي تبدل وعرفتي بهاد الفعلة ديالك شنو ربيتي فهاذا❤الكره صافي قدامهم كاملين حيت كلنا هنا عائلة وحدة حتى واحد مغريب ومنها حتى جارتك لقديمة تسمع نهار تنجح فالإنتخابات بساعة انغبر من هاد الدار ومن هنا حتى لداك الوقت بغيتك تبدا فالوراق ديال طلاق نهار تنجح نبغي ورقتي توصل لدارنا..مخلاتلوش فرصة يهضر ضربات فيه وطلعات كتجري لبيتها..الحاج خنزر فيه ودخل لبيتو أما إقبال وطارق لي كانو ناويين يخرجو حدرو راسهم وخرجو مع الباب عصام وزينب طلعو لفوق..بقات غير ليلى لي واقفة وكتلعب فسنسلة ديالها ومبسمة هبطات بشوية مع دروج كتنشوى حتى وقفات وراه رجعات ملامح الحزن لوجها بلعاني وحطات إيدها على كتفو..
ليلى(كتحلون) :
- حبيبي جواد كيفاش خليتيها تهضر معاك بديك طريقة عمرك خليتي شي واحد يهضر معاك هكاك كان خاصك توقفها عند حدها أصلا متستاهلش هادشي كولشي وزادت فيه هيا طول تكون مراتك أي وحدة كتحلم تكون مرتك إلى بغيتي احبيبي انا نقوم بدور لطول عمري معاك احبيبي..دار بالخف شاف فيها بشوفات كلهم شر هز إيديه لعنقها لصقها مع الحيط..
جواد(كشاكشو خارجين وسنانو مغزين) :
- هاديك لي كتهضري عليها شرف منك متوصلي ليها حتى لوسخ درجليها دوك لبنات لي كتهضري عليهم ومنهم انت زغبة من شعرها غلى منكم بغيتك دابا عندك نص ساعة أطلعي وتجمعي حوايجك وتخرجي عليا برا منشوفش وجهك مزال فهمتي ولا نفهمك بطريقتي(كل كلمة كينطقها كيزيد يورك على عنقها ويقجها) طلقها شدات عنقها كتكح..يلاه أيعطيها بظهر..
عطيني غير فرصة فرصة وحدة غير فرصة وحدة أكيد مزال كتحس بشيحاجة من جيهتي انت كنتي كتبغيني دغية داك الحب مات ميمكنش ميمكنش نتيق..
جواد(دار عندها) :
- غير تيقي حيت قلبي مرة وحدة لي ساكناه وهيا مراتي..ودابا منشوفش وجهك مزال عندك نص ساعة لالا عندك 10 دقايق متليتش باغي نشوف وجهك..عطاها بظهر ورجع خرج..بقات واقفة بلاصتها حاضياه حتى غبر صدرها كيطلع وكيهبط تعصبات وحسات براسها شحال رخيصة هبطات راسها وطلعات بخطوات تقال لبيتها تجمع حوايجها وتجمع لي بقا من كرامتها وتخرج من هاد دار..
****
" تخلصوا من كل العلاقات التي تؤذيكم
نفسيًا وصحيًا ، وأختموها بلا تردد
فالعلاقات تتعوض ولكن الصحة لا تعوض .!
- كالية على نموسية ديالها كلها كترعد بالأعصاب كتشوف فالفراغ وكتهضر مع راسها..
- كون كانت عندي أم بحالي بحال ناس كون حطيت عليها راس ملقى صدر حنين علامن نسند راسي ونشكي همومي تمسح ليا دموعي بكفوف إيديها وتكول ليا معاش أبنتي لي يبكيك ولا يقلقك طول مانا عايشة كون عندي أم منلقاش ناس يستغلوني ويستغلو طيبتي باش يخدمو مصالحهم كون عندي أم منوصلش لبزااف دالحوايج كون عندي أم كون مزالني فدارنا لقديمة كملت قرايتي وكلست حدا ميمتي منتغربش ونقطع البحور بين رجال البيض ولكحل العربي ونصراني لمسلم ولمسيحي كون عندي أم منخدمش كنجفف صالون منتعرفش على وردة ومندوقش طعم تضحية وانا صغيرة وطعم الأمومة وانا ماشي أم مكنتش غادي نوصل لهاد البلاد السعيدة ومكنتش غادي نحط مصيري بين سجان لي حكم عليا بالإعدام إيه اميمتي أجي طلي على بنتك لي خليتيها وهيا صغيرة وشوفب ماجاري ليها كون بكيتي دم بدل دموع😢😢..تنهدات تنهيدة طويلة ومسحات دمعها هابطة من عينيها وقفات وتقابلات مع المرايا
ماريا : علاش كتبكي متبكيش متبانيش ضعيفة طول عمرك وانت قوية درتي لي مايدروهش الرجال نسيتي أش علمك باك هكاك رفعي راسك ودافعي على حقك كوني مرا كوني مرا مقرصة متكونيش مبهلة..شافت جيهت كوافوز هزات بونضو ديالها دارتو حيدات عليها ديك جلابة بدلات عليها بحوايج دار مسحات وجها من مكياج لي نصو مشا بشتا ودارت جيهت دريسينغ فتحات بيبانو كلهم مشات جيهت قنت الباب هزات بالزها وبدات كتجمع حوايجها كلهم..سمعات دقان فالباب..
- شش عمرك تكولي هكا انا عمري دقت طعم صداقة حتى تلاقيتك نسيتي كيف جيت لسبانيا وكيفاش وقفتي معايا وفاش سكنت معاه وكنتي كترفضي نخلص معاك الكرا شحال وقفتي معايا هادشي مدنبي مدنبك كولشي مقدر ومكتاب لي خاص يتلام راه باين وبلاما نجبدوه دابا..خدات ماريا ليليا وحطاتها على نموسية وكلسات تبعاتها وردة وكلسات حداها..
وردة : شنو ناوية ديري؟
ماريا : ديار ديال الله معندي مندير لي اندير راه كلتو كبيلة انكلس حتى يسالي انتخاباتو المهم هو انبداو فمعاملات ديال الطلاق كنتسنى غير إيمتا يسالي هادشي بحال إلى كنحلم والله..
- وردة حدرات راسها وسكتات بحال إلى كتفكر فسؤال لي بغات طرحو على ماريا علات فيها راسها وشافت فعينيها..
وردة : بغيت نسولك واحد سؤال وعفاك بلاما تعصبي ولا تقلقي
ماريا : سولي كنسمعك
وردة : واش بصح داكشي لي كلتي لجواد بلي كنتي بديتي كتحسي بشيحاجة من جيهتو؟
ماريا(بلعات ريقها وشافت فوردة) :
- اه بصح معرفتش ولكن بديت كنتيق فيه يعني كنحس براجل معايا ومساندني خصوصا فاش كنا فالفيرما وكيفاش نقد ليا حياتي لي أكد ليا هادشي هو نهار لقيتو مع ديك خيتي تما شعلات فيا العافية عمري منتفت شي وحدة حتى ليها هيا..
وردة : يعني وليتي كابغيه؟
ماريا : معرفتش معرفتش أوردة ومابغياش نعرف واخا نكون وليت كنبغيه هاد الحب هذا غلط وميمكنش ليه يعيش
وردة : وعلاش اماريا متكوليش هكاك بالعكس الحب زوين وبزااف
ماريا : اه متافقة معاك زوين ولكن مع الإنسان صح ماشي الإنسان الغلط الحب هو شعور زوين ونقي بزااف مافيهش المساومة نعطيك ونتسناك تعطيني نعطيك وانا مكنتسنا منك والو غير نشوفك فرحان وكافي الحب منأديكش ومنأديش مشاعرك الحب أسمى شعور فهاد دنيا بحالك انت وأمين أما باش تبغي سجان ديالك لا تبغي إنسان مزال عايش فعصر العبودية لا واحد بغا يديرك تحت صباط ويتأمر عليك وتحني راس وتكولي نعام أسيدي لا سمحيليا بزربة داكشي باش من أحسن هاد المشاعر نخزنهم راسي ومع الوقت راه غادي يموتو بوحدهم غير تهناي..
وردة : معرفتش شنو نكوليك والله..
ماريا : متكولي والو أنا لي عارفة غير انتهنى من هادشي انشوف مستقبالي وراسي ونكون راسي براسي جا الإنسان لي مقدر ليا ولي أنعيش معاه الحب الحقيقي مرحبا مجاش حتى هيا مرحبا ماشي نهاية العالم.. مهم خلينا من هادشي فخبارك الالة بلي زواجك بقا ليه 28 يوم ولالا وخاصك تهلاي فراسك بالماسكات والراحة تامة وتخرجي تقداي مرة مرة حاجة ولا نسيتي؟
وردة(تبسمات) :
- لا منسيتش غير مزال شانطني أمين وصافي
ماريا : مالو أمين صحة سلام هاهو عقل عليا أنا شوية شوية أيبدا يستعقل اتهناي..شدات وردة لماريا فيديها
ربيع : سمعيني مزيااان انا لي كنقرر واش نهضر ولالا أنت ماعليك غير تنفدي شنو الجديد.؟؟
ليلى : والو غير زواج ماريا وجواد كان إتفاق من الأول وكان غير مزور..
ربيع(ضحك) :
- وكتكولي مكاين جديد هذا أحسن خبر سمعتو فحياتي عرفتي شنو دابا ممكن ليا بهاذ الخبر نضرب عصفورين بحجر واحد أول حاجة جواد ايوافق على شراكة لي طلبت منو تاني حاجة انخد ماريا بسهولة واو magnifique هادشي لي كننت باغي..
ليلى : انوض من القلبة نوض ماريا تخاصمات مع جواد اليوم وفاش كاتليه اتمشي من هنا كاليها بلي الورقة لي سناو ديال زواج حقيقية وبلي راه ضحك عليها او وهمها بلي زواجهم مزور..
ربيع : كيفاش مييييغد وهيا شنو كالت؟
ليلى : والو ممكن نكول بلي نقات ليه ودنيه مزيان وطلبات طلاق منو ولكن لي معصبني هو جواد جرا عليا من دار صافي يعني الخطة لي كنت انمشي عليها مشات..
ربيع : حيت متسنطيش ليا ودرتي غير لي كاليك راسك وهانتي دابا كتخلصي
ليلى : وشنو غادي ندير دابا؟؟
ربيع : معندي مندير ليك عومي بحرك يلاه باي..قطع عليها خلاها كتركل بالغدايد كملات جميع شانطة ديالها شافت فالبيت لأخر مرة حدرات راسها جرات باليزتها وخرجات مع الباب سداتو وراها..
****
فواحد القهوة صغيرة كلها خشب ضو ديالها من شمع موسيقى هادئة على كلمات أغنية(quand je t'aime) كالس حاط مونطو ديالو على ظهر الكرسي قدام كاس عامر بشراب..أصوات وشوشات خافتة لناس مغاربة وأجانب شادين كل واحد طبلة منعازل على العالم الخارجي أما هو لي عقلو كيدي وكيجيب وكيفكر مليون مرة وكلامها كيدور فعقلو..
" كنت غالطة حتى بديت كنحس بشيحاجة من جيهتك وكنكول انت رجل المثالي..
- هز داك الكاس شربو كامل دقة وحدة ورجع عمر الكاس من أول وجديد..كيحس بنار قوية شاعلة فقلبو معارفش كيفاش يطفيها ولا يبرد نارها..بان ليه خيال واقف عند راسو على عينيه وملامح البرودة على وجهو رجع هز من كاسو كيشرب..تجر لكرسي لي مقابل معاه ونطق..
- شنو واقع شحال هادي ماشفتك فهاد الحالة؟؟
جواد : جلال علاش جيتي؟؟
جلال : تاصل بيا الحاج شافك من سرجم خارج صاعر وراكب فطوموبيلتك مكسيري بزربة هضر معايا..
جواد : أحسن حاجة تخرج لي فقلبك لإنسان مفاهم والو فداكشي لي كتعاود ليه(تنهد تنهيدة طويلة بزاااااااف) أاااااااااااااخ أقلبي أااااااااااااخ..هز كاسو شربو دقة وحدة ورجع عمرو من جديد..جلال بقا قدامو كيشوف بعينيه فيه معارف مايكول ليه عمرو شافو...
فهاد الحالة حتى من شراب قطعو مدة طويلة جواد لي بنسبة ليه شاف ديالو وخوه وصاحبو وكولشي فيه هو لي عاونو فاش كان غير كيتوسد زنقة دخلو من شتا وعطاه دار فبن يكون أمن ليه خدمة وتاق فقدراتو مقالش هذا من زنقة راه مابيدوش بالعكس تاق فيه وفقرايتو وفديبلوم لي فيديه او ولا هو إيدو اليمنى خارج المغرب وحتى داخل المغرب جلال لي يجيب المعلومة من كرش الحوت عمرو نسى خير جواد معاه ولا عمرو أينسى ضرو خاطرو بزاااف أول مرة ايعرف بلي جواد عندو قلب وبلي ممكن حتى هو يحب ويدخل لقلبو شيحاجة غير خدمتو وقصوحية قلبو ولكن راه كل عندو قلب كيدق وجواد وراء ديك الهيبة وسلطوية كاين قلب كبير قلب لي دق ودق بجهد ولكن واش هاد الحب أيخليه يعيش ايخرج الوجود ايفرح بيه ولا أيدير كيما دارت ماريا وكتمات مشاعر ديالها لي بدات كتحس بيها وسط قلبها ويقرر كيما قررات أنو يدفن هاد المشاعر قبل ماتخرج لوجود...
****
"عرفت مؤخرًا ومتأخرًا ماذا يعني أن تترك الأشخاص طوعًا لتحفظ آخر ما تبقى من كبريائك، وأن تُغادر مكان لإنك تملك اليقين بأنه لم يعد لك."
- ظلام الحال والشمس غربات وبلاصاها القمر بنورو البيض الساطع كاين لي واقف كيتأمل فيه ويتفكر حاجة زوينة دازت فنهارو كاين لي كيتفكر فلاش وقع ليه وكاين لي كيتفكر لحظة رومانسية مع حبيبو أما هيا فكانت واقفة كتلعب بسنسلة لي فعنقها ومعليا عينيها فنورو سارحة بخيالها فلي وقع كتسول راسها واش كانت دفاعية فاش حطات جواد بوجهو قدام عائلتو واش تسرعات ولا منحقها رجعات سينتة لور وتفكرات أنو أي حاجة كان كيكولها كتنفدها حتى من ولاد عمها قطعات الإتصال بيناتهم غير تفاديا لمشاكل وصداع كريم لي عرضاتو لدار غير بدافع الغيرة لي تحركات فقلبها واش يستاهل العناق الأخوي مع كريم هادشي لدرجة أنو يجرحها ويرضها بحال إلى من زنقة وبلي من راجل لراجل هادشي لي خلاها فاضت فيضة وحدة وقرات تمشي من هنا عمرها كانت أتمشي حتى يوصل لي بغا هو وينجح حيت عندها المرا هيا لكلمة واخا وردة رجعات كانت اتكمل فالخطة حتى ينجح ولكن لي دار معاها على كريم وكلمة انت ملك جواد الإبراهيمي فيضات الكاس حسات براسها بحال عبدة عندو ولا شاريها بفلوسو..عنقات إيديها وتنهدات تنهيدة طويلة رجعات راسها كطل جيهت الباركينك مزال طوموبيلتو مكايناش ومزال مدخلش فين أيكون مشا زعمة يكون مشا عند شي وحدة لا ميمكنش وحتى ديك لفعة مشات يكونو تافقو..
ماريا : اوووف وأنا مالي ماريا واش انت كاع لي دار ليك وكتفكري وتخمي ليه مزوجك بلا خبارك ممعبرك ممسوقك جوج مرات ضاربك وزيد وزيد ودابا كتفكري ليه والله مافيك نفس بالله..دارت جيهت البلاطو ديال العشا..لي محطوط حداها طلعاتو ليها رابحة فاش رفضات تهبط تفطر...
- كلسات وبدات كتنقب منو وتاكول...مرة مرة يمشي بالها لجواد وترجع تمحيه من بالها وتاكول دفعات البلاطو او وقفات كطل تاني والو حتى واحد مكاين غابر ليه الآثر مشات بخطوات تقال حيدات الكوفرلي من على النموسية وتخشات تحتو دايرة إيديها تحت راسها وكتفكر..
****
""جاءت تبوح تنهدت مابال قدرتها اختفت؟ كادت بأن تودي على ثقل الفؤاد ببوحها ماذا جرى فتوقفت؟
- خارج رجليه مهازينوش داير دراعو على كتف جلال لي فتح طوموبيل ودخلو ليها دار ليه سمطة وسد الباب عليه مشا بزربة لجيهة الكرسي لي حداه ركب وشاف فيه عينيه حمرين بكترة شراب لي شرب
جلال : خويا جواد واش نديك لدار؟؟
جواد(راسو كيحركو بصعوبة تقيل وبصوت تقيل شبه معروف شنو كيكول) :
- لا ديني لعندك..دور جلال سوارت وديمارا جيهت دارو غادي وبالو مع جواد كل خطرة يدور يشوف فيه.. حتى وصلو لواحد الدار صغيرة شوية حط طوموبيل ونزل بزربة فتح على جواد بشوية هبطو وكيحاول ما أمكن ميطيحش ليه من إيديه مع تبارك الله طويل عليه وقلدة عليه سد طوموبيل بساروت وبقا غادي بجواد حتى لقدام لباب جبد سوارت بيد وحدة وفتح الباب بنفس الإيد دخلو لدار وسد الباب برجلو حاول ما أمكن يطلعو مع دروج كيمشي حتى يبغي يطيح ليه وكيشد فيه جلال مزيان حتى وصلو لطابق العلوي فتح واحد البيت ودخل بيه حطو على نموسية زول ليه المونطو وتكاه حيد ليه صباط وغطاه..
جلال : انا راجع انصايب ليك كاس دالقهوة ونجي..
جواد(كايهضر بكلامات غير مفهومة وشبه مسموعة)..
هبط جلال لتحت صايب لجواد كاس دالقهوة قاسح ورحع لعندو لبيت يلاه ايقرب يكلسو كيبان ليه وا نعااااااس وصعيب تفيقو..شاف حتى عيا حط ليه الكاس حدا راسو طفى ضو وخرج من البيت ساد الباب وراه...
" للذين يزرعون الورد
على شرفات قلوبنا
الذين تركوا أثرا معطر بالسلام
على الدرب أثناء العبور
للذين لهم بصمة مميزة
على أوتار الحياه
ولوحة مزينة
على جدار الذكريات
لهم الف دعاء وامنيات بالخير
صباح الخيرات
#أمابعد
" هنيئاً لمن وجد قلباً يخلص له فالسر والعلن "
" دعائي أن لا تحزن عيناه، فكل ما يؤذيه يؤذيني "
🌹🌹🌹🌹
- أصبح الجو أكثر غيما وأكثر مطرا...بحال إلى الغيوم هيا المشاكل والهموم والمطر هو ديك اللمسة لي كدوز وتمسح دوك الهموم...على غير العادة ماريا صبحات ناعسة مالفة ديما كتفيق بكري هاد المرة غير ختارت أنو تبقى تحت الفراش خصوصا ضو المظلم ديال السحاب داخل وصوت شتا خيط من سما زادها عكز فعكز جرات مانطة عليها وكملات نعاس ديالها..
جلال : انا وجدت ليك دوش وحوايج من لي خليتي هنا وهادي قهوتك عارف سيستيم ديال الفطور ديالك ولكن غير صبر هاد المرة..تبسم ليه جواد بتسامة باهتة شد عندو الكاس دالقهوة خلاه جلال بوحدو وهبط شرب جواد نص من القهوة وحطها خرج لحمام دخل دوش تحت رشاشة مخلي الما دايز على أنحاء الجسد ديالو المنحوت داير بحال شي تمثال الإغريقي جاي من اليونان حس براسو بيخير شوية لوى عليه الفوطة وخرج لبس حوايجو تجاكيط كوير سروال دجين كحل وكاط ديالو هبط عند جلال
جواد : فين سوارتي؟
جلال : بلاتي تفطر بعدا
جواد : لا عندي ميدار اليوم خاصني ندوز لوزين مشوف فين وصلات طلبية ديال ميستر جاك
جلال : نمشي معاك؟
جواد : لا انت غير خليك..مد ليه جلال سوارت شاف فيه جواد وخبط على كتفو بإمتنان..وخرج..
****
دخلات وردة على ماريا كتفيق فيها..
وردة : ماريا ماريا براكة عليك من نعاس راه فطرنا وسالينا...
ماريا(بصوت تقيل) :
- مافياش لي يفطر بغيت نبقى غير ناعسة
وردة : وافيقي راه عمك لتحت جا يشوفك حيت أيرجع لفرنسا..حيدات ماريا الغطا كتحك فراسها
ماريا : لي كيبغيه يطوال كيشد العكس ولي مكيحملوش كيطوال ليه فيساع دابا نكرج بوه تاني ابلات
وردة : لالا اخليه كايجيك طويل وااعر..ناضت ماريا كتجر فرجليها دخلات الحمام من بعد خرجات لبسات شوميز بايضة مع كولون كحل وبوت طالع حتى لفخاض عالي فالكحل مشطات شعرها ودارت فيليلات فدوغي على شكل فراشة دوزات عكر حمر على فمها ودارت عند وردة لي مقابلاها..
- انا فوق سلك كيف كيكولو الحمد لله..نطرات إيديها منو وكلسات حدا الحاج لي كان هاز ليليا كتلعب بمونيكتها
الحاج : واش سمعتي آخر الأخبار عمك صافي سخا بينا
العربي : وبااااز ليك أخويا تكول غير جاي غادي عندي مسألة سيمانة وانا راجع ومنها نرجع أنا والمدام راه إلما رجعت أنا معاها تما تسحلاها وغادي تبقى
ماريا : ياك اعمي كنتي كلتي ليا جات؟
العربي : جات ورجعات تاني بلاما تكولها ليا عارفاني مغاديش نبغي ولكن هاذ المرة أنرجعها فيدي..
الحاج : إيوا هيا اتكلسو تغداو معانا..
ماريا : أه أعمي اتغداو معانا وممنوع تكول لا أنا علمتك والله حتى نتقلق
العربي : صافي الالة واخا اغير بقاي ليا على خاطرك..شاف فوردة) هادي صاحبتك يااك؟
ماريا : هيا هادي وردة
العربي : مشرفين أبنتي
وردة : ربي يخليك أعمي..
الحاج : أمين خلى ليا وردة وراه خرج..شافت فيه وردة والخلعة فعينيها
وردة : اويلي اعمي فين مشا؟
الحاج : متخافيش راهو غير فالبيت لي فجردة..وقفات وردة
وردة : انا نمشيو نشوفو سمحوليا..خرجات وردة وبقاو هوما بتلاتة ستاغل ربيع الفرصة ديال الحاج وباه كيهضرو وشاف فماريا..
ربيع : ماريا عفااك واخا نهضرو شوية..ماريا لي محملاتوش مكرهاتش تشدو تقجو..
ماريا : اهاه واخا..وقفات وتمشات جيهت مكتب جواد دورات البوانيي بلاما تفكر ودخلات تبعها ربيع ورد الباب وراه دارت وشافت فيه برودة..
ماريا : وي خويا فاش بغيتينا نهضرو..؟؟
****
- فلوزين الخاص ديال جواد واقف هاز واحد الملف فيه دفعات لي خرجو ولي مزال مخرجوش العمال غاديين جايين بطبلياتهم لي فالبيستاج عليهم شعار ديال A.I الإبراهيمي دايرين بونييات على راسهم فيهم بنات ورجال لي مختص فغسيل الفواكه ولي مختص فتستاف وفتغلاف كل واحد وباش مختص جواد واقف فواحد القنت ولوزين خدام على قدم وساق الكاميونات واقفين على برة كيتسناو الشحنة جديدة من سلعة باش يوصلو طلبيات..جا المشرف على السلعة لعند جواد..
جواد(بحزم) :
- سي عبد اللطيف نبغي سلعة توصل فالوقت الله يرضي عليك منبغيش يوقع نفس الغلط ولا هاد المرة غير كلس فدارك ونقي جلبانة مع مراتك مفهوم؟
عبد اللطيف : كنواعدك اسي جواد الغلط ديال المرة لي فات عمرو مزال مغادي يتعاود
جواد(مد ليه الملف) :
- دابا نشوفو..عطاه بظهر وخرج ركب فالهامر ديالو وشد طريق لوزين تاني لي متخصص فالحليب..مع وقف تم كولشي جاي عندو لي كيدير خدمتو مزيانة راه جاي بثقة فنفس وكيستعرض عضلاتو أما لي كيضرب هنا وهنا كيتفافا فخدمتو..كيف عادتو مداها فحتى واحد طلع نيشان لبيرو ديالو دخل..كلس ورا الكرسي ديالو وهو يدخل المشرف..
جواد(بلاما يشوف فيه) :
- بغيت سعيد وناجي تعطيهم حسابهم ومابقيتش نشوفهم هنا
- أحم ولكن علاش أسي جواد..جواد على راسو بشوية وشاف فيه مخنزر وهاز حجبانو..
جواد : يكما توحشتي الكلسة فدار أسي وليد؟
وليد : لا حاشا أسي جواد غير بغيت نعرف باش يعرفو علاش أيتم طرد ديالهم
جواد : لي كيخدم مع عائلة الإبراهيمي بالغش بلاصتو ماشي هنا مفهوم اه كوليهم بلي انا مناعسش على ودني والخبار كتوصلني فينما كنت ودابا سير شوف شغالك وجيب ليا الملف ديال السلعة..
وليد : واخا سي جواد..من بعد ما جواد طالع على الملف ولقا كلشي مزيان هز سوارتو وخرج من لوزين عاد رجعات راحة لأفراد لوزين لي غير كايجي مول شي كلشي كيولي يترعد منو..طلع جواد فطوموبيلتو وهاد المرة كانت الوجهة ديالو هيا الدار...
أخبروا قلوبكم أنه في يوم ما .. وفي مكان ما ..
سيأتي الفرح إلى قلوبكم، وسيحتضنكم كثيراً .. أخبروا أحزانكم أنها ضيوف وستمضي ..
أخبروا قلوبكم أن الحياة لحظات عابرة....
****
ربيع : انت صافا شفت حالتك معجبانيش؟؟
ماريا : دابا واش جايبني لهنا باش تكول ليا واش انت صافا ربيع الله يرحم باك اخويا جيني نيشان شنو كاين؟
ربيع : مافهمتش علاش مكتحملينيش واش درت ليك شيحاجة كل مكنحاول نتقرب منك كتبعدي علاش حنا عائلة وحدة
ماريا(ربعات إيديها وشافت فيه) :
- هانتا كلتيها عائلة انت ولد عمي اه واجب عليا نحتارمك وحتى انت هكاك شيحاجة زايدة مكايناش وزايدون أخويا انا إنسانة مزوجة وراجلب مكيبغينيش نشد جماعة مع رجال واخا يكون ولد عمي
ربيع : ماريا براكة متمتلي دور ديال زوجة المطيعة راه فخباري كلشي
ماريا(علات فيه عينيها) :
- مافهمتش شنو لي فخبارك؟
ربيع : بلي تزوجتي جواد زواج غير حقيقي ومزور هداك سيد أناني كيبغي غير راسو مكيسواش شوفي تيقي بيا وديري إيدك فيديا أنا عارفك كتكرهيه ومكتحملي فيه شعرة على لفعلة لي دار معاك وشونطاج لي دخلك فيه انا نعاونك غير عاونيني وحطي إيدك فيدي انا وانت أندمروه وندمرو داك الغرور ديالو..
ماريا(هزات حجبانها وطلقاتها بضحكة) :
- ولايني طلعتي خبيت مع راساتك ينخاف منك مساهلش هاد الهضرة تكالت غير بين العائلة الغريب الوحيد هيا ليلى يكما كانت صاحبتك او وصلات ليك تبركيكة مهم معليناش توصلها هيا ليك ولا غيرها أيكون وصل ليك بلي جواد زواجي منو حقيقي ولا هادي مكالهاش ليك..
ربيع(كيستحفى) :
- فخباري ولكن مكيمنعش بلي حابسك بزز وضربك ومخلا مدار ولالا؟؟
ماريا : سمعني مزيااااان هذاااك راجلي يضربني ومايخليش لي يضربني انا ويااه مزوجين بشرع وبالقانون وحتى واحد مغادي يدخل فينا واخا والى غوت معاه ولا دابزنا كتوقع فأي عائلة وبين اي زوجين وأضف لمعلوماتك انا كنبغيييه ومغانخلي حتى واحد يأديه وانت اتجمع راسك وتخرج من هاد دار ومنبقاش نشوف كمارتك مزال كدور بيا ولا انخرج دابا عند عمي ونكوليه هادشي كامل عرفتي شنو رأيي فيك واحد بلا ضمير بلا كرامة بلا مبادئ مكتسواش وخسارة انك من لحمي ودمي خسارة عمي والد واحد بحالك ودابا مغاديش نضيع وقتي مع واحد بحالك نمشي نشوف عمي...جات دايرة قبطها من دراعها مع شدها مع تفتح باب المكتب دورات وجها فالأول فربيع ورجعات شافت فالباب كيبان ليها واقف واصل بطولو عند الباب واخا وقع لي وقع غير الوقفة ديالو كتحسسها بالأمان وبلي حتى واحد مغادي يفكر يأديها غير نظرة ديالو لي كتبعت القشعريرة للجسم ريحتو رجولية لي كتخلق فيها متاهات كتخليها طايرة وعايشة فعالم ديالها بوحدو...تقدم منهم بخطوات تقيلة مهضرش كااع..كيشوف فيها ويشوف فربيع وشدة ديالو لي باينة من الوقفة ومن ملامحهم انهم كانو كيتناقشو من وجها وقف عند وجهو هو..
جواد(برودة) :
- ممكن نعرف شنو كدير هنا؟؟
ربيع : جبت نهضر مع بنت عمي
جواد : بنت عمك لهيه ماشي فالبيرو ديالي وبنت عمك مراتي وممن حق حتى مخلوق يحط إيديه على مرات جواد الإبراهيمي ولا إيديه كطير من بلاصتها..نطرات ماريا دراعها من إيديه وخرجات بقاو غير بجوج
ربيع : عند بالك مافخباري والو فخباري زواجك المزور كولشي فخباري
جواد(ضحك ضحكة إستفزاز) :
- اوووش دغية وصلاتها ليك مارلين مونرو ديالك لا صراحة معندي منسالها كون غير خدمات فالبريد أقل حاجة توصل لبريات قبل الوقت ومنها دير خدمة منفعة ليها..
ربيع : سمع عندي ليك واحد العرض وحسن ليك أنك تقبلو
جواد : اوووه وليتي تعطي العروض تقدم ملحوض وتايق فراسك مسكين كول كول نسمع حيت صابح على القهوة انت وزهرك
ربيع : غادي طلق ماريا وتعطيها براتها ولا غادي نفضحك فالبرلمان ونكول بلي تزوجتي زواج مزور غير باش تنجح وديك ساع حتى واحد مغادي يصوت ليك شنو كلتي(ضحك بنصر)..
جواد(عوج فمو) :
- هممم وصراحة عرض واعر هذا راه كتليك بديتي كتفكر مزيان كيبان ليا وليتي كتاكول لكركاع بزااف وزبيب فصباح حيت كينشط داكرة والواحد كتزيد نسبة دكاء ديالو زيد وشنو أخور😃
ربيع : مكنضحك كلت لي عندي وانت وشطارتك اسي جواد..جواد متحركش واقف وداير إبتسامة ديال طنز على وجهو مدة ديال 3 دقايق متحركش...بخفة الفهد نقز على ربيع شدو من عنقو ورجعو بلور ضربو برجلو فقدو توازن ديالو وكلسو على الكرسي قاجو من عنقو..
جواد(بصرامة مكزز على سنانو) :
- أنت أميخي تهددني انا واش عارف معامن كتلعب ولالا واش بغيتي نجبد ليك دوسي ديالك الخانز اتسمعني مزياااان أخر مرة دور بساحت سيادك ولا الملف ديالك الخانز لقديم ديال نورة العسري عقلتي عليها ولانفكر سيدة لي ضحكتي عليها وديتي ليها رزقها ايتفتح من جديد ويوصل عند البوليس وديك ساعات ادوز حياتك كلها فالحباسات..
ربيع(عينيه دمعو ولون وجهو تخطف) :
- الصمت..
جواد(بحزم) :
-مفهوم ولالا؟؟
ربيع حرك راسو بأه
جواد(بالغوات)هضر نسمعك
ربيع(كيترعد) :
- أه أه..
جواد(طلقو) :
- ودابا عجبتيني...
بعد جواد على ربيع دار ضحكة على وجهو وبدا كيقاد لربيع فحوايجو..
جواد : دابا يمكن ليك تخرج..بعد ربيع بزربة وهو لونو مخطوف فتح الباب وخرج دغية...وقف على باه والحاج علات فيه ماريا عينيها ونظرات الكره على وجها..
ربيع : أنا أنا جاتني شي خدمة ضرورية خاصني نمشي..
الحاج : حتى تغدا بعدا...نباه جواد من اللور..
جواد : يمكن تكون خدمتو مهمة غير خليوه يمشي..العربي شاف فجواد وعينيه مشات لماريت لي شوفاتها فاضحينها..مزادش مع ولدو كلمة عرفو داير شي زبلة وهادشي ديالو زاد على حدو...ربيع منين شاف سكات رجع خطوات لور وخرج من الباب فطريقو كان جاي هشام خوه مهضروش ضربو بكتفو ومضارش وراه دار هشام كيشوف فيه مستغرب...طلع دروج كيجري برشاقة حتى دخل عليهم..
هشام : سلام شفت ربيع خارج زربان ضرب فيا ومشافش فيا..
جواد(مبسم برود) :
- غير خليه مسكين راه عندو شغال قد جبل..كلس فوق كرسي بوحدو دار رجل على رجل بشموخ وغطرسة مشافش جيهت ماريا نهائيا أما هيا تفاداتو بتاتا..دخلات وردة او أمين..وقفو عليهم..أمين ملامح الفرحة على وجهو كيشوف فالعربي..
أمين : عمي نيفان توحشناك..تحنا عليه عنقو..الكل متفاجئ مافهمو والو..
الحاج : واش عقلتي على نيفان؟
أمين : المهم انا جاتني فبالي بلي هذا عمي نيفان وصافي حاجة خرى مزال معقلتش عليها..
العربي : الحمد لله أولدي هادي راهة حاجة مزيانة ولالا..
وردة : أه بصح هو عقل عليك انت وعلى ماريا الحمد لله راه غادي فتحسن..نضمو ليهم لكلسة..مجمعين فشلا مواضيع حتى نقز هشام
- أهاه وباش عرفتي هاجر لايقة ليك فايت هضرتي معاها؟(سؤالو كان فيه سؤال وتهديد فنفس الوقت
هشام : نوو انا وهاجر عمرنا هضرنا بوحدنا من غير يمات فيرما كونا نتجمعو كلنا حنا ماريا و les autres سي تو on plus الحاج معرفة قديمة وكيعرفني من صغر وكيعرف لوليديعني عارف أخلاقي..وكراكتير ديالي..
جواد(بإصرار) :
- مزال مجاوبتينيش باش عرفتي ختي لايقة ليك؟
الحاج : جواد بشوية على الولظ
جواد(بصرامة) :
- الحاج هذا زواج ماشي لعب واخا يكون هاد سيد كيما بغا يكون واخا يكون حتى ولد عمي انسولو نفس سؤال حيت هاديك راها ختي وحتى واحد مغادي يخاف عليها قدي..
هشام(بعناد) :
- نونو جواد راك غالط انا كنخاف عليها كثر منك
جواد(هز حجبانو متفاجئ من جرأة ديال هشام) :
- اوووه قلب أسد سمحليا ولكن هذا ماشي مسلسل تركي كتمتل فيه هادا راه زواج وبختي واش عارف شكون ختي ولالا..
هشام : وي عارف انا كنحتارم هاجر وكنبغيها من قلبي ولا انت ضد لاموغ..؟؟
العربي(شاف فولدو بحزم) :
- هشام Arrêteهنا ماشي اوروبا..
هشام(عاقد غوباشتو) :
- علاش قلت شي حاجة عيب شنو فيها الحب زوين حاجة زوينة شعور زوين ماشي بيدي ولا بيد حتى واحد وانا جيت قاصد الباب ياك هكا كتقولو ماجيتش من سرجم انا كنبغي هاجر وبغيتها لزواج وانخليها فرحانة طول حياتي انكون ليها باباها و ماماها وحتى خوها شنو قلتو؟؟...كولشي بقا ساكت ماريا كون بيديها تعطيها ليه مالهم على هادشي كامل فعلا ولد عمها صدمها ولكن راجل حيت هاد تصرف مايديروه غير رجال وهشام من عينيه والجرأة لي ميقدرش يهضر بيها شي واحد بلي كيبغي هاجر من كل قلبو...
هضر جواد وكلو تقة فهضرتو..
جواد : وإلى كتليك أنا لا..العربي شاف فجواد واخا هكاك معجبوش الحال مهما كان راه ولدو هذا ومربي أحسن تربية ويستاهل..
هشام(شاف شوفة طويلة فجواد) :
- أنا كنبغي هاجر أه ولكن كولشي برضى الأهل واخا انا عشت فرنسا وتزاديت تماك ولكن تربيتي مغربية كنعرف فالأصول وتقاليد إلما كانوش الأهل والوالدين موافقين معندي مندير ولكن كون أكيد جامي انتزوج إلما خديت هاجر معندي مندير بزواج...رسم جواد إبتسامة على وجهو دار رجل لوخرا على تانية وتقابل مزيااان مع هشام..
الحاج : بصراحة كلامك معقول هذاك هو نهار لكبير لي نتناسب فيه مع خويا وصاحبي...هنا العربي رتاح وعرف بلي جواد كان غير كيمتاحن فهشام...هشام لي نفارج الوجه ديالو وتبسم بتسامة عريضة حتى بانو سنانو..
الحاج : الحمد لله أنا فرحان والله ولادي تقريبا كاملين بديت كنفرح بيهم بقا ليا غير يوسف لي مشيبني..
ماريا : دابا شينهار يصدمك أعمي غير صبر..هز جواد عينو فماريا وعضمت الفك ديالو كتحرك سرعان ما زول عينو عليها منين بغات تشوف فيه..وصل وقت الغدا تجمعو على طبلة حتى تفتح الباب وتمات داخلة إقبال وطارق مشادين ليدين والفرحة على وجهم..
طارق : بصحة والراحة شفت الحباب كاع مجموعين..
الحاج : الحمد لله الله يجعلها جمعة دايمة ياربي
طارق : أمين صراحة يلاه تغدينا ولكن هاد شهيوات لي قدامي زادو فتحو شاهييتي..جاوباتو نسيبتو..
زينب : زيد اولدي تاكول حتى واحد ماشدك..
طارق : هيا لي متعاود..كلس حدا جواد..
طارق(كيهمس فودنيه) :
- الخطة نجحات وأخيرا ممكن نكوليك لقيت إقبال لي كنت كنبغي
جواد : إيزا على سلامتك أسيدي..ماريا بلا تحس كالت لحاج :
- عمي كيكولو بلي الهضرة فوسط طعام ممزياناش معقلتش شكون كان كالها ليا ولكن فايتلي سمعتها حتى انت سمعتيها ياك..
الحاج(دار يديه على فمو كيضحك بصمت...جواد مشافش جيهتها بحال إلى ماهضراتش كيحاول يخليه بعيد مابغاش يتحرق بنارها كتر ماهو محروق..
زينب(موجهة هضرتها لإقبال) :
- كلسي تغداي ابنتي
إقبال : لا أماما كليت شبعت انطلع لبيتي سمحوليا..طلعات إقبال لبيتها وبقاو هوما مجمعين على طبلة ديال الغدا أغلب هضرتهم غير على عرس وردة او إقبال لي مابقا ليهم والو..
وردة : صراحة انا مابغيتش شيحاجة شارجي براكة عليا غير 3 ديال لبسات والله انا ماشي من نوع لي كيبغي المبالغة بزااف.
جواد : ولكن هذا عرس كنتو كتسناوه سينين خاصو يبقا تدكاري بنسبة ليكم أمور العرس خليوها عليا انكلف واحد السيد كنعرفو بكلشي انتوما متعرفو راسكم غير تكونو واجدين حتى من شهر العسل مفاجأة ماضربو حسبة..
ماريا(بالهمس : كلشي كيدير ليه الحل لعفو سلامة أقل حاجة أيتشاور معاهم)..
ماريا : ههههه عقلت كانت كل مرة تكون خارجة لشي سهرة تجي عندي بولفابور ماريا بولفابور ههههههه ولكن منصحكش اختي نهار عرسك نصدق دايرة ليك شي لوحة فنية ديال شعيبية طلال اللهم بلاش..هنا هضر جواد..
جواد(برودة) :
- نهار عرسك خاصك تكوني انت أجمل وحدة داكشي باش من الأحسن ماتغمريش من هاد الجهة...دارت ماريا برودة خنزرات فيه..جات تهضر وهو ينقز أمين موجه هضرتو لخوه..
أمين : بالعكس ماريا فنانة والى كانت وردة اتبان غزالة مكاينش لي ايبينها قد ماريا..حسات ماريا بنصر فاش دافع عليها أمين على الأقل هو عقل على أنامل ديالها المبدعة..
الحاج : واشفتي هاهو أمين فاقد داكرة وعقل على إبداعات ماريا...
وردة : ماريا مبدعة فبزاااف ديال الحوايج غير لي معرفها..حسات ماريا بالفخر وبالإعتبار ديالها رجع ليها..
- دار ساروت فالباب تفتح ودخلات هاجر مهلوكة صباح كلو داز فإمتحانات مجاتش لدار كاع من لمكتبة لكلاص...دخلات عليهم حناكها حمرين بسخونية ديال لكلاص..
وقفات عليهم على الحاج فيها عينو وهشام لي عينيه وقفو عند وجها ولقمة واقفة عند حلقو..
هاجر : سلام..
الحاج : سلام بنتي كلسي تغداي..
هاجر : لا بابا مقديتش سمحوليا ولكن مع الإمتحانات بغيت نطلع غير نعس ونرتاح..
الحاج : واخا بنتي سيري..عطاتهم بظهر وطلعات لبيتها..جواد مسح إيديه دفع الكرسي لور او وقف..
- فبناية عالية ناس غاديين جايين أغلبية ديالهم بنات كلشي كيجري وخايف ومخلوع لي هاز ملفات ولي هاز تصاور كل واحد والخدمة باش مكلف تمات داخلة بنت شعرها عسلي لابسة تريكو حمر وسروال دجيت مع بوت على جنبها الأيمن بادج بدهبي مكتوب فيه سميتها " سهام "
- غادية بزربة جبهت واحد البيرو لي كانت كالسة وراه بنت وحدة أخرى..عندها نفس البادج فيه إسم جمانة..
جمانة(شافتها وقفات) :
- كاعي وبجهد وهاد المرة غير كل المرات من صباح وهو كيسول عليك..
سهام(نتفات شعرها) :
- ندمت على نهار فاش خدمة عندو فهاد المجلة ديال الزفت يااااخ شي نهار ايركب فيا طانسيو وسكر...سمعات سميتها من داخل البيرو بصوت مارجولي ما أنتوي ولكن صوت كيغوت وباين معصب :
- سهاااااااااااااااااااااااااااااااااااام...
سهام : كترعد أما جايا جايا(شافت فجمانة)دعي معايا دعي ليوم الأخر ليا..وقفات ورا الباب لب لونو مصبوغ بالبيض دقاتو بطرف صبعها دورات البوانيي ودخلات...البيرو كان واسع وكبيير كلو مصبوغ بالبيض وعليه لوحات كلهم لماركات معروفة إيطالية فرنسية جميع أنواع الماركات وكلهم لعارضات معروفين طابليوت لبارفانات ولحوايج وكذلك لمكياج..كيتوسط المكتب طابلة طويلة بيضا وكراسة بلون دهبي وراهم كاين مكتب طويل قدامو سرجم كلو زاج كان واقف مغاديش نكول بطولتو لا حيت هو مطويلش بسروال توب لاصق عند رجلين هابط من سناسل قميجة مفتحوة جيهت الصدر وكشكول على شكل كلافاط..دار لعدنها مخنزر عاد بانو الملامح ديالو وجهو خالي من شعر أبيض البشرة ولون شعرو صفر طبعا بصباغة هاز فيديه كلب تشيواوة معنقو..
هو : بغيت غير نفهم فين كانو عينيا حتى وضفتك عندي ياكنت حول يا كنت سكران واحد فجوج أش هاد ستيل هذا البلدي اش هاد اريكو المخزز باينة شارياه فجوطيا ولا فسوق دلاس مافيهاش "إيني وي"...سكت ورجع خنزر فيها وبصوت عالي..
وسيم : ومدامني كلتها علاش خليتيها لبارح تاكول علاش واش شفتي العدد الجديد ولا مشفتيهش لالا نسيت انت عورة وحولة أصلا مكتشوفيش..انا أنوريك اطط..حط تشيواوا ديالو..وفتح واحد الشاشة قدامو كان عليها صورة واحد البنت طويلة ورقيقة دايرة عكر فالموف وكتعض فالعنب..
وسيم : شوفي الالة سهام الكرش شفتيها ولالا😠
سهام كتقرب جيهت الشاشة مابنت ليها حتى كرش...بقا كيشوف فيها وسيم وكيضرب الأرض بصباطو إيطالي الصنع..
وسيم(بنفاد صبر) :
- أنت أصلا عورة مكتشوفيش..جرها من شعرها دخل ليها راسها وسط شاشة
جمانة : أحيانة فين أتلقاي بحال هاد الخدمة أصاحبتي أقل حاجة راه كيخلص مزيان وبعدا بعدا كيدينا معاه إلى سافر كاينة شي خدمة تخرجي من المغرب على حساب شركة مكاينش غير ديري عين ميكة وتكلماي..
سهام : غير كولي ليا واش لمياء غليضة كاليك غلاضت وسيدة من غير دانون وعصير الحامض مكتشرب دايرة بحال عود الند واتقابحي انت معاه..وزادها كاليك بغاني غدا نجيبها ليه وهيا ناقصة كيلو والكرش مكايناش
جمانة : ساهلة ديه على قد عقلو وديري ليها سمطة لكرشها وجيبيها ليه مايدي مايجيب😂
سهام : إلى حصلني ايلوحني من سطح ديال العمارة..وكالس يعاير فلبسي جاف لبسو هو داير بحال الى معروض لمهرجان ديال الهلوين..
سيدها الجزء العاشر
محتوى القصة
التنقل بين الأجزاء