سيدها الجزء 11

دخل جواد على هاجر لقاها يلاه تكات فبلاصتها..غير شافتو وهيا تنوض يزربة وقفات..

هاجر(بتساؤل) :

- كاين شيحاجة أخويا؟؟

جواد : غير خليك كالسة بغيت نهضر معاك فواحد الموضوع..رجعات كلسات هاجر كتشوف فيه حتى جا حداها وكلس على عينيه فيها كيتفحصها بنظراتو وهيا مخلوعة عند بالها ياكما دارت شيحاجة..

جواد : أنا عارف بلي خايفة مني غير من شوفات ديالك وعارف بلي انا لي زرعت فيك هاد الخوف ولكن انا مابغيتكش تخافي مني باغي الإحترام بوحدو منكرش بلي الغربة لي كنت فيها دارت واحد السور بيناتنا وحتى تربية الواليدة الله يرحمها ولكن هادشي مكيمنعش بلي راك ختي لي كنبغيها وكنخاف عليها وإلى مشا حتى أداك شي واحد ندفنو حي...هاجر غير كتشوف بعينيها حيت عمرو هضر معاها بحال هكا..

جواد : لي بغيت نكوليك بلي أي قرار تاخدناه فراهو لمصلاحتك أنت باش تكوني فراحة فحياتك المهم هشام ولد عمي نيفان تقدم ليك لزواج...مع سمعاتها هاجر قلشات ودنيها او وسعات عينيها..

هاجر : زواج؟!!

جواد : أه سيد جا قاصد الباب ومن هضرتو باين بلي كيبغيك وكيحتارمك ويقدرك أنا مغاديش نضغط عليك ولا نبزز عليك انت خودي وقتك فتفكير إنسان قاري واعي وراجل يتعول عليه وأهم حاجة ايخليك فرحانة وحتى من قرايتك أيخليك تكمليها..

هاجر(حدرات راسها) :

- ولكن أخويا أنا مكنعرفوش معارفاش كراكتير ديالو كيداير وزواج مسؤولية ماشي لعب..

جواد(حط إيديه على راسها كيمسد شعرها) :

- أنا ميمكنش نعطيك لمن والا كونما عرفتو كاpابل مغاديش نوافق عليه وقريت فعينيه قداش كيبغيك وشاريك..وزايدون لاش ناس دارو فترة الخطوبة غير باش طرفين يتعرفو على بعضياتهم دابا ديرو الخطوبة تعرفي عليه مزياان بينما ساليتي قرايتك وكوني أكيدة إلما عجبكش ومابغيتيش أنا بنفسي انفسخ ديك الخطبة عطيه فرصة وعطي راسك فرصة..

هاجر(تنهدات تنهيدة طويلة) :

- واخا أخويا انت عارف مصلاحتي كتر مني

جواد : أنا عنري مغادي نخلي شي واحد يقلقك ولا ينزل دمعة وحدة من عينيك..هاجر حسات بإحساس فشكل حيت أول مرة يهضر معاها جواد بهاد الطريقة تبسمات ليه وعنقاتو هو بدورو عنقها وطبعة بوسة على جبينها وناض..

جواد : يلاه رتاحي دابا وماتفكري فوالو واخا؟..

هاجر : واخا..تسناها حتى تخشات فراشها عاد خرج وخلاها لتفكيرها فهاد الخبر لي نزل على راسها ماعرفاتو مفرحها ولالا المهم عندها هو تنعس وترتاح حيت عيات وبزاااف...

****

🍃ﺍﻟﻬُﺪﻭﺀ ﺍﻟﺬِﻱ ﻳُﻼ‌ﺯِﻣﻨﺎ ﻓﻲ ﺑﻌﺾ ﺍﻷ‌ﺣﻴﺎﻥ ،

ﻫُﻮ ﺭِﺣﻠﺔٌ ﻗﺼِﻴﺮَﺓ ﻧﺒﺤﺚُ ﻓِﻴﻬﺎ ﻋﻦ ﺑﻌﺾِ ﺍﻟﺤﻠُﻮﻝ ﻟِﻤﻮﺍﺟﻌُﻨﺎ

ﺃﻭ ﺭُﺑّﻤﺎ ﻟﺼﺪﻣﺎﺗِﻨﺎ ﻣﻦ ﻭﺍﻗﻊٍ ﻧَﻌﻴﺸُﻪ !!...

****

من بعد ما خرج العربي وهشام من دار دجواد قررات ماريا تمشي تزور باها طلعات لبيتها فطريقها تلاقات أونفاص مع جواد جاي من جيهت بيتو عند بالها بلي أيوقفها ويغوت عليها على تصرف لي دارت وعلى خرجتها من البيت ولكن كان البرود من جيهتو سيد الموقف ضرب فيها وهبط مانطقش بكلمة وحدة حسات بواحد الإحساس فشكل كانت باغياه يهضرها باغية يتلاجو ويدابزو تاني على الأقل كيهضرو ماشي كيف دابا شي مكيشوف فشي...

ماريا(صغرات عينيها بستغربة فراسها) :

- واش انت لاباس سيد مزوج بيك بزز وبلاما تعرفي وباغياه يهضر معاك لالا أنت باينة ماشي طبيعية خاصك شي طبيب يعالجك مافيها شك..نفضات الأفكار من راسها ودخلات لبيتها هزات مونطو ديالها وساك فيه تيليفونها وفلوس..وهبطات لتحت طان الحاج وجواد كالسين كيهضرو على الإنتخابات..

ماريا(موجهة هضرتها لحاج) :

- عمي انا غادية عند بابا مغاديش نتعطل..

الحاج : خودي راحتك أبنتي وسلمي عليه..أشرات ليه براسها وخرجات..

لا جواد عبرها ماوالو مكال ليها حتى خودي شيفور معاك وهيا مع كبرياءها محاشتهاش لشيفور خرجات من الباب بعدات شوية عاد شدات طاكسي نيشان لدار عندهم..دقاات فتحات ليها حليمة الباب شافتها فرحات..

حليمة : مرحبا أبنتي مرحبا دخلي..

ماريا : خالتي حليمة كاين بابا فدار ولا خارج؟؟..جاوبها صوتو من الداخل..

أحمد : هاني هنا..دخلات نيشان لعندو ترمات فالحضن ديالو..معنقاه تعجب أحمد وحس بلي شيحاجة واقعة شاف فمليكة وبدورها شافت فيه..

مليكة(نبات حليمة) :

- حليمة سيري وجدي بريق ديال الحليب بلويزة عفاك

حليمة : واخا..مشات حليمة وبقاو غير هوما بتلاتة..أحمد مذا بماريا لفوق لكرسي كلسها وكلس حداها وهيا مزال شادة فيه بحال شي بنت صغيرة ضربوها فالمدرسة وكتحامى فباها..خلاها على راحتها ماسولها ماوالو حتى تنهدات وبعدات عليه كتقاد فشعرها وحادرة راسها..

أحمد : شنو واقع أبنتي مالك عاودي ليا؟؟

ماريا(شافت فيه) :

- باينة فيا لهاد درجة..

أحمد : حتى مانكون والدك ومربيك..

ماريا : وقع بزااف ابابا ديال المشاكيل والله..

أحمد : كولي أبنتي؟؟..بدات كتعاود ليه من اللول حتى الآخر..

أحمد لي منطق بكلمة بقا ساكت لا هو لا مليكة لي كتفضل تسكت حيت أحمد هو لي خاص يهضر بحكم باها..

ماريا : شفتك ابابا ساكت ماكلتي والو

أحمد(شاف فيها) :

- واش بغيتي المعقول ولا بغيتي خوه؟؟

ماريا : أنا معاودت ليك حتى بغيتك تنصحني وتكوليا شنو ندير..

أحمد : شوفي أبنتي انا عارف فيك واحد ديفو خايب ومع المدة خاصك تبدليه فيك وهو تسرع انا متافق معاك بلي هادشي لي دار مخاصوش يدار ومكايديروهش ولاد الناس كان عليه يكوليك لي كاين ويخلي ليك شورة واش تقبلي ولا ترفضي أما باش يكدب عليك فهادي مدار فيها مايتصلح ومن بعد انا انهضر معاه باش يعرف بلي راه عندك باك لي يدافع عليك ومعاك ماشي غير طلقنا ليه لعب صافي يدير مابغا لا انا نهار قبلت خليت ليك انت القرار وكلت هذي غير لعبة على قبل ديك البنيتة وكلت انو القرار ليك انت حيت عارفك مكديريش حاجة خايبة ولكن باش يرضنا ضحكة ويدير مابغا فلا هادي انهضر معاه فيها..

ماريا : هادشي لي كلتي ابابا كاملو معقول ولكن حاسة بيك مزاال عندك متكول ليا ياك؟

أحمد : أه بصح الغلط تاني هو منك انت

ماريا(هزات حجبانها متعجبة) :

- مني أنا؟علاش شنو درت أنا؟

أحمد : انت وياه اتناقشو وشفتي عائلتو نسكت حتى نكون انا وهو ماشي نفضح كولشي قدام ناس والبراني حشومة هادو فعايل دراري صغار وزيد عليها واش الالة تافقتي انت وهو اتفضيو هادشي نهار ينجح فالإنتخابات ماشي غير صاف جات صاحبتك نخرج ليه من جنب ونكوليه الله يعاون ويتحشم قدام ناس مهما كان شاركتو طعام والحاج كيعاملك كثر من بنتو لا هو لا هاجر وحتى من عمو او مرات عمو عمرهم دارو فيك العار غير واحد من تيساع وكديري فيه الخير انا مربيتكش على هادشي بحال داك دري صغير لي كتعطيه لعبة وتحيديها ليه حشومة هادو فعايل دراري صغار..

ماريا(حسات بذنبها) :

- ولكن أبابا راه فاض بيا عييت من هادشي بزاااف داك نهار حبسني فلبيت لي فجردة بحال شي بهيمة جوج مرات طرشني وماكلتها لحد واش انا عبدة عندو يدير معايا هكا واش نهار لول تافقنا صافي مايحادينيش ماشي ديما كانبان ليه أنا فالبلان..

أحمد : ضرب انا انهضر معاه ونقي ليه ودنيه متافق معاك انا لي باك وعمري حطيت إيدي عليك هادي لا ولكن كيف كتليك ديما خدمي هذا(أشر لراسو) راه لسان سليط مكيدي من الواحد لا حق لا باطل كوني حكيمة فقراراتك فهمتيني ونخدم عقلي مانبقاش غير نتسرع..

ماريا : عرفت راسي غلطت ولكن ماحسيتش والله ماحسيت تغمضو ليا عينيا تجمع عليا كولشي..

- هنا هضرات مليكة..

مليكة : كتوقع أبنتي كتوقع الإنسان منين كتجمع عليه من كل جهة مكيصيب مايدير كيتلف كيولي غير يخربق الله يدير ليك لي فيها الخير ياربي..

ماريا : أمين أماما أمين..جابت حليمة تيرموسة ديال الحليب والكيسان خوات الحليب وخلاتهم ورجعات لكوزينة خدات ماريا كاس كانت محتاجاه..شافت فباها..

ماريا : بابا بغيت نبات عندكم هاد الليلة منين تبغي تهضر معاه كوليه مغانجيش هاد الليلة واخا؟

أحمد : هو فدار دابا؟

ماريا : أه كاين فدار..

أحمد(وقف) :

- انا اندوز عندو دابا نهضر معاه وانعلمهم بلي أتكلسي عندنا شي يامات ترتاحي وترجعي مزيان تبدلي الجو ونفسيتك تبدل يكما نجيب ليك معايا شيحاجة من حوايجك؟

ماريا : جيب ليا غير ساك كبير ديالي لي فيه الكتوبة ديال الموسيقى على قبل المدرسة صافي..هز أحمد سوارت طوموبيل وتجااكيط ديالو وخرج..

- حيدات ماريا صباطها وتكات فوق الفوتوي حسات بواحد الراحة كبيرة تدكرات كاع داكشي لي داز فاش كانت هنا البال كان خاوي وهاني كانت ضاحكة لاعبة سبحان مبدل الأحوال...حسات بيد على كتفها...علات راسها فمليكة...

مليكة : وياااك تبدلي وياااك اليام والمشاكل يمسحو ضحكة من وجهك وتكبري بلا وقتك واخا يطرا لي يطرا قابلي للمشاكيل بضحك ولعب وتغلبي عليها خليك ديما كيف عرفتك نهار اللول متستسلميش واياااك...

تبسمات ليها ماريا وحطات إيدها على إيديها...

****

انهَضي مِن قوقَعة الضُعف ,اجعَلي مِن انكِسَاركِ قُوة ..قِفِي على قدميكِ .. انتِ قَوية وجَميلة ..لَا تنتنظِري مُساعدة احَد ..

ستحتَاجينَ وقتاً وجُهداً ..اتعَبي .. لَكِن اياكِ ان تنهَزِمي .. 💙

#عند_حورية

سومية : ماما الله يهديك راه الدرس ماعندنا حتى لغدا فالعشية غدا وغادي نشوفها دابا راه تالت مرة سونيت ليها والو

حورية : يكما تكون مريضة؟

سومية(شافت فيها) :

- ماما بعد المرات كنشك فيها واش بنتك وراه الهبال هذا والله..حورية سكتات وشافت فبنتها بستسلام مابغاتش تزيد تحكر على الموضوع..

****

وقف أحمد بطوموبيل ونزل منها ملامح جدية باينة على وجهو مغوبش غادي جيهت الباب وقف قدامو سونا من بعد مدة فتحات رابحة الباب لي تبسمات ليه وخلاتو يدخل كان الحاج وجواد مزال كالسين فصالون كيهضرو على الإنتخابات حتى وقف عليهم..

الحاج(بدهشة) :

- أهلا أهلا سي أحمد زارتنا البركة..

أحمد : الله يكبر بيك الحاج ربي يخليك..

الحاج : كلسي تفضل

أحمد : لا الحاج بغيت نهضر مع جواد شوية...الحاج عرف بلي أحمد ساق الخبار لكلشي..

جواد(برودة) :

- واخا أسي أحمد اجي ندخلو انا وياك لمكتب..وقف جواد وسبق أحمد بخطوات دخل لمكتب حتى دخل أحمد عاد سد الباب..

جواد : سي أحمد كلس..

أحمد : مجايش باش نكلس جاي نكوليك جوج كلمات وكنتمنى تسمعني وغادي نمشي سمع أجواد نهار الأول فاش بنتي شاوراتني على زواجكم المزور انا عطيتها الضو الأخضر باش دير لي يريحها حيت تايق فيها وعارفها مكديرش شيحاجة لي غلط بلعكس ربيتها على تحاون وتسامح ومساعدة الغير ولكن انت لي درتيه ميدارش لأنو عيب وعار تزوج بإنسانة زواج حقيقي وهيا مافخبارهاش..

جواد : أنا عارف هادشي ولكن..

أحمد(وقفو بيدو) :

- خليني عفاك اولدي نكمل انا عندي صح صح والغلط غلط هيا غلطات فاش هضرات قدام عائلتك او وبختها ولكن حتى انت غلطتي بزاااف عند بالك بنتي معندها لي يدافع عليها ولا يكون معاها راه عندها باها الله يرضي عليك ماشي حيط قصير لي جا ينقزو باها مزال بالحياة ونفديها بدمي وبروحي حيت هادي جوهرة غالية عندي وباش تحط عليها إيديك أو تحبسها منقبلهاش حيت مجايانيش من الخلى ولا لقيتها فكرطونة قدام باب دار راه نعدبت وتمحنت عليها وكنظن انت فراسك القصة كاملة بلاما نحتاج نعاود ليك واخا هيا كتسمى مراتك دابا شرعا وقانونا ولكن راها بنتي أنا مجايش دابا نكوليك طلقها ولا نهددك ولا والو ماشي خوف منك ولا من مكانتك لا حيت الخوف من الله وحدو وهادشي لي زرعتو فبنتي تخاف من لي خلقها كيف كتليك انا مجايش باش نهدد حيت حنا الى عطينا الكلمة كنوفيو بيها هادشي لي بغيت نكوليك..جا داير ورجع لعندو..

أحمد : بغيت نكوليك بلي ماريا اتبقى عندي سي يامات بينما ترتاح نفسيتها شوية وديك ساع اترجع سلامو عليكم...خرج أحمد وخلا جواد غير كيشوف زاد حتارم هاد السيد هذا لي كلو مبادئ وقيم والأخلاق كأنو كيشوف ماريا واقفة قدامو فكرة أنو اتكلس عند باها شي أيام معجباتوش ولكن ممكن تكون مزيانة باش يرتاح لا هو ولا هيا...

****

#بعد_مرور_أسبوع..

داز أسبوع كامل وماريا فدار باها كتسوني ليها وردة وتلح إيمتا اتجي وهيا ولفات دار ورتاحت نفسيتها واخا الإشتياق ديال جواد عياها او وراها بلي فات لفوت على تراجع فالمشاعر ديالها ليه..كانت من المدرسة لدار لنعاس حتى من سومية كتجمع معاها غير شوية صافي..فهاد النهار لي كان هو نهار الجمعة قررات ترجع لدار...

مليكة : والله ماسخينا بيك ابنتي

ماريا : حتى انا ولكن عرس وردة وإقبال قرب وخاصني نكون معاهم حشومة صحاباتي ومنكونش حاضرة..

مليكة : معرفت كيجاك حتى ديك العقربة ولات صاحبتك

ماريا : حرام عليك اماما مليكة والله حتى ضريفة واخا هكاك راه غير بنادم كيكون غالط وصاف..جات حليمة عندها جايبة بواطة فيها كورات دشكلاط..

حليمة : هاكي هاني صايب ليك لي بول باش تحيدي منهم شهوتك..

ماريا(عنقاتها) :

- لهلا يخطيك عليا أخالتي..دخل أحمد..

أحمد : ويلاه خلاص نوصلك راه خاصني مزال ندوز حتى لفيرما..

ماريا(كتسالم مع مليكة) :

- يلاه بسلامة عليكم وجيو جيو حتى انتوما وجيبو معاكم خالتي حليمة..

مليكة : إن شاء الله أبنتي تهلاي فراسك ومتنسايش علاش وصيتك ديها فراسك وصحتك وضحكي

ماريا : واخا ماما ربي يخليك ليا يلاه بسلامة..أشرات ليهم بيديها وخرجات ركبات حدا باها لي دار ليها ساك صغير لور وهيا شدات بواطة ديال لي بول فوق رجليها غير تحرك باها بطوموبيل ولقمات منها أول كورة وبدات كتاكول فيها...

مَازَالتّ الحَياةّ مُستَمِرة ،

وَ قِطارَاتّ الحَياةّ لآ تَتوقَف ،

العَابرُونْ لآ يَتكرَرُونْ ، الرَاحِلُون لآ يَعُودُونْ ؛

وَالقَادم أجمَل بإذن اللّه"..... 💙

****

- سلات الحصة الولة قررات تخرج يضرب فيها الهوى أغلب الأوقات كتبقى بوحديتها بينها وبين طلبة غير سلام ولا الى أتسول على شي درس او شي حصة إضافية..خرجات من باب لافاك ومع باقي على الحصة تانية نص ساعة كالت تكلس شوية فجردة تصفي دهن ديالها...قطعات شانطي وختارت كرسي حدا شجرة..كلسات جبدات قرعة فيها العصير ديالها شربات منو ورداتو لسكادو ديالها..دروات وجها كتشوف فطلبة لي معاها كلهم دايرين كليكات حتى ليها هيا طلعات مع نيفها ريحة رجولية قوية خلاتها دور بان ليها قدامها واقف بطول ديالو والإبتسامة المرسومة على وجهو كيشوف فيها...مدارت حتى ردة فعل من غير بقات كتشوف فيه..

هشام : واخا نكلس؟؟...كحازت وخلات ليه بلاصة كلس حداها وهيا مزال ساكتة..

هشام : كنت دايز من هنا حتى بنتي ليا قاطعة شانطي واش مقارياش؟؟

هاجر : لا قارية غير عندي نص ساعة خاوية وكلت نكلس نرتاح بينما وصل الوقت

هشام : اه bon مزيان الالة..رجع سكت شوية على عينو وشاف فيها...

هشام : هضر معاك خوك فوموضوع ديال الخطوبة ياك؟

هاجر : اه هضر

هشام : شفتك بحال الى معجبكش الحال؟!

هاجر : هشام انا مكنعرفكش مزيان أغلب الأوقات لي دوزناهم داك نهار فالفيرما غير فالمدابزة ومشاورتينيش انا ما والو..

هشام : هاجر سمعيني مزياان انا مافياش لف ودوران كيف كتكولو عندي نيشان كيف كيكولو شلوح لي معايا في فرنسا أغاراس أغاراس مكنمشي هك هك ومافياش زيك زاك..من اول نهار شفتك عجبتيني بنتي ليا بريئة وفشكل كان كيعجبني ندابز معاك بلعاني باش نعصبك هاديك كانت بداية ديال حبي ليك نهار كونا فالفيرما وداك خينا بغا يبسل عليك كنت انقتلو وفاش شوفتك مع هذاك كريم عاود حسيت بنار شاعلة فقلبي كون صبت نقجك انت وهو..

هاجر(بستغراب) :

- ولكن راه قلت ليك شنو كاين

هشام : عارف هادشي كلو داكشي باش جيت قاصد دار حيت فعلا أهاجر كنبغيك كنبغيك من كل قلبي بعصبيتك برائتك بحماقك بكلشي كنبغيك وبجهد والله العظيم انا راه شوية سطل فرومانسية ولكن قبلي على ماوجد المهم هو انو احساسي من قلبي صافي بحال لحليب والله...هاجر جاب ليها ضحكة بلكنة ديال هضرتو ونفس الوقت شيحاجة فقلبها تحركات حسات بالفرحة وتبوريشة طلعات معاها من كلامو لي من عينيه باين قداش صادق...سكاتها لي صرفو هو بلغلط وطرح سؤال كان كيدور فبالو شحال هذااا..

هشام : واش هو سبب؟؟

هاجر(مستغربة) :

- شكون هذا؟؟

هشام : لي بسل عليك نهار الفيرما شكون هو هذاك.؟؟

هاجر : قصة قديمة كانت كنبغيه ولا يمكن كول كان غير اعجاب وعند بالي حب

هشام : واش هو لي مخليك متقبليش؟

هاجر : شنو هذاااك نونو مابقيتش كنفكر فيه نهائيا غير تجربة وفالأنترنت حيت كان غير ولد سيد لي خدام فالفيرما ديال ماريا تعرفنا نهار الاول فالفيرما بحال الخوت وطورات العلاقة فالانترنت ولكن مصدقش مزيان وسديت(عاودات ليه بتفصيل خاص الي يجبدها)..

هشام(عجبو تصرفها) :

- مزيان هكاك نبغيك وعلاش خايفة مني ومباغاش؟؟

هاجر : ماشي مباغاش

هشام(قاطعها بغمزة) :

- إذا باغا😉

هاجر(حشمها) :

- ههههه زعمة بغيت نكول☺..سكتات ماقداتش تهضر حدرات راسها والحمورية علات وجها..

هشام : ويلي على لحنيكات تزنكو حبيبي أنا كيحشم...غير قال حبيبي وقفات بزربة حتات على سكادوها وضرباتها بجرية لافاك خلاتو ميت عليها بضحك..

****

#بني_ملال..

- لوزين داليمون خارجين صنادق كلهم بعبئين بكراطن ديال العصير دالليمون من لوزين لكاميونات لب كيفرقو سلعة..

جلال..داخل من باب لوزين مغوبش نيشان لبيرو دجواد لي كان حادر راسو على شي ملفات كيراجع فيهم..

جلال : واش فخبارك لي وقع ولالا.؟ هز جواد راسو برودة فجلال كيشوف فيه..

جواد(رجع راسو لملفات) :

- وي فخباري

جلال(بتعجب) مدرتي والو؟

جواد : علاش انا فين عمري درت وكلت غير صبر اجلال مالك كتسرع دابا تسمع الخبار..

جلال( كلس) :

- مكنت متوقع من المختاري ينزل لهاد المستوى يتلقا لسلعة ديالنا ويوقف شوافرية ويبدل السلعة بنفس لومبلاج ولكن المحتوى مغشوش وفاسد باش سميتنا تضرب فسوق كون صبتو فدامي كون غززتو..

جواد(بصرامة) :

- مكيعرفش معامن كيلعب عند بالو غير هو كبير فالعمر خاصو يكون أولى بالمنصب ديالنا ومسمي علينا غير دراري صغار ونسا بلي لعب مع دراري صغار كيصبح فاطر..

جلال(بإعجاب) :

- باش كتعجبني كضرب تحت دف بغيت غير نتعلم منك شوية من دكاء ديالك مقديتش..

جواد(كيضحك) :

- ههههه إيوا شفتي ماشديتي والو تال شحال اندوم ليك..

جلال : وشنو أدير دابا؟

جواد : اندوز لوزين درمان نشوف شحنة ديال أنطونيو واش قربات تسالي ولالا خاصها هاد العشية تشد طريق لإيطاليا ومن تم اندوز لمعمل ديال زيتون نكمل الإجراءات ونرجع لإفران..

جلال : والمختاري؟

جواد : أيكون دابا مسكين فدارو حازم راسو بزيف مراتو وطرونشات ديال الحامض..هز تيليفون ديالو

تيليفون ديالو وسوارت طوموبيل رما سلام لجلال وخرج...

****

مع وصلها باها لباب الدار سلم عليها ومشا دخلات يلاه اتفتح الباب وهو يتجر تفتح كانت وردة عينيها كيبريو جراتها وعنقاتها وتبةس فيها..

وردة : ناري شحال تسميتك باش تجي

ماريا(كطنز عليها) :

- شحال تسنيتك ماجيتي تيرارا😂😂

وردة : وباااز أنا قلبي محروق وانت كضحكي حشومة عليك خليتيني بوحديتي هادي هيا أنوقف معاك وانا عرسي بقات ليه 22 يوم محشوماش..

ماريا : ياك الالة رجعت وصافي ضحكي شوية مالنا منخافوش..

وردة(جراها لداخل) :

- دخلي عندي بزااف منكوليك..نباتها إقبال من داخل..

إقبال : وخليها بعدا غير دخل وتكلس دغية هجمتي عليها

وردة : واشنو نبقى نتسنى أنا راني تسنيت سيمانة كاملة هههه صبري قليل كيف كيكولو..

ماريا(كلسات) :

- توحشتكم البعلوكات والله أش درتو بلا بيا شي جديد؟

وردة : انا نكوليك

إقبال : لا انا نكول حيت الفكرة ديالي

وردة : ولكن انا نكول حيت انا لي عيطت

إقبال : وردة انا

وردة : اوووف إقبال أنا..

ماريا(بالغوات) :

- سكااااااات صافي واه تاعط الله انتونا اتزوجو انتوما واتهزو المسؤولية موحااال انتوما راه يلاه خاصكم يديوكم لروض وشوف وشوف..

إقبال : ولكن راه انا لي فكرة فهاد القضية

ماريا : واخا الالة كولي انت يللاه

إقبال : مهم سمعيني بيما أنو انا او وردة عرسنا أيكون فنفس لاسومين قررت أنو علاش لا منعيطوش على شي مجلة هيا تحيي العرس ديالنا شنو بان ليك؟؟

ماريا(مبحلقة عينيها) :

- كيفاش مجلة واش مجلة ديال الأعراس؟

إقبال : ولاااا سمعي كاينة واحد المجلة معروفة فكازا أسميتها " Lady " معروفة بالأزياء والموضة والجمال كاع لي كيخص المرأة فديك المجلة كلت علاش لا متغطيش العرس ديالنا ونفس الوقت هيا تكلف بشنو انلبسو فالعرس شنو بان ليك؟

ماريا : وياك نكافة هيا لي كتكلف بالباس ديال العروسات أش جاب شكلي لعكلي؟

وردة(موجهة هضرتها لإقبال) :

- باش كتليك خليني نهضر انا لولة حيت عارفة هاد راس طارو دماريا واخا تهضري بالخشيبات ماتفهم..

ماريا(قرصاتها) :

- يااااك لحسك واخا..

وردة : هانتي سمعيني دابا هادي ماشي مجلة عادية فهمتيني يعني مدير المجلة فنفس الوقت مصمم كيصمم كساوي تكاشط أي حاجة عندها علاقة بالموضة ومن غير ديك المجلة عندو علامة تجارية ديال مكياج ديالو "wisso" يعني انضربو عصفورين بحجر واحد منها المجلة اتاخود تصاور عرسنا ونبانو حتى حنا فالمجلة ومنها انلبسو حوايج نقيبن وزوينين وغيرنا مالبسوهوم فهمتي دابا..

ماريا : كولوها من الأول واخا انا ضد هاد تخربيق كاملو يام زمان كانت انكافة صافي..

إقبال : راه نكافة اتكون هيا غير اتلبسنا وتهتم بالبرزة والبقية.

ماريا : إيوا راه خاصكم تهضرو مع المجلة البوم قبل غدا راه مابقا والوو..إقبال شافت فوردة وضحكو..

إقبال : علاش حنا انتسناو هضرنا معاهم وحددنا الموعد معاهم وغظا ايكونو هنا..

ماريا : راه العرس بقا ليه 22 يوم ماشي غدا..

وردة : ياربي صبر من عندك راه باش ياخدو القياس ولألوان وزيد وزيد خاصهم يجيو من غدا يلاه يلاه فهمتي..

ماريا : وكولو يبقاو معانا وصاف..تجمعو عليها بجوج بغاو يعضوها وهيا ميتة بضحك..

ماريا😂😂 : صاف صاف راه غير شادة فيكم وصاف ههههه..كملو الضحك ديالهم من بعد كل وحدة هزات مذكرة فيديها وكتقيد شنو ايخص من حوايج ومن تقدية ومن كلشي مستلزمات الحمام ومستلزمات الحنا كاع لي ايخص كل وحدة فيهم كيقيدوه عاد دازو لناس لي ايعرضو غير فبلان بن فلان ايت فلان اشخصيات معروفة وأغلبية معرفة قديمة أما صحابات فلا إقبال أو وردة عندهم شي صاحبة من غير ماريا لي حتى هيا مغوبشة وخاشية وجها فالكناش وتندغ فالمسكة وتشدها تنفخها حتى تولي قد نفاخة وطرطقها..دازت ديك العشية كلها وهوما سادين عليهم فالبيت جات هاجر من لافاك وخلطات عليهم وكملات جماعة وحدة فوق نموسية او وحدة كالسة على كوافوز وتالثة على كرسي كل وحدة وباش ملهية حتى سلاو عاد كل وحدة مشات لبيتها..

- كان الحال ظلام وصل وقت العشا من بعد ماريا مخدات دوش ونشفات شعرها قدات وجها لبسات كسوة بحال جلد لفعى مع تجاكيط فالكحل دارت حلقات كبار فودنها ورشات ريحتها خرجات من بيتها غادية هازة تيليفون فيديها(تخيلوها بالعرض البطيئ) جات دور ونفس الوقت هو غادي يدور جات نيشان فوسط الحضن ديالو ترما تيليفون من إيديها متسوقاتش ليه قدما تاهت فوسط عينيه وفوجهو لي مدة سيمانة مشافتو أو سمعات عليه شي خبار دقات قلبو المتسارعة تحت إيديها ورعشة ديالها لي تحت إيديه خرق فبحر عينيها وفتفاصيل وجها لي عرف دابا قداش توحشهم...

لو أن صوتكِ قابل للعناق ..

ل احتويتكِ بين أحبالي الصوتيه ..

وإنجبت منكِ ألف قصيدة في كل حرف منها أحبكِ❤..

- توقف زمن بيهم لوهلة بحال الى غير هوما لي كاينين فهاد الدنيا كل واحد فيهم عند شوق كبير فالداخل ديالو كيعبر بيه بعينيه ونظراتو لتاني...

جواد(فهاد اللحظة معرفتيش شنو درتي بيا مكرهتش ناخدك بين إيديا نعنقك نشم ريحتك لي كتأسرني وتلعب بالأحاسيس ديالي منين شفتك دابا عاد عرفت قداش توحشتك معرفتش واش حتى انت كتبادليني نفس الشعور ولالا)..

ماريا(عينيك بحر ومكرهتش نزيد نغرق فيهم علاش علاش لقاتنا ظروف بحال هكا علاش مكناش بحال أي جوج يتلاقاو عادي ويتعرفو عادي ويبغيو بعضياتهم بحال أي جوج زعمة أنا وانت ممكتابينش لبعضياتنا معرفتش شنو هادشي لي كيوقع ليا فاش كنشوفك معرفتش واش حاس بلي كنحس ولا غير انا بوحدي لي عايشة هاد شعور والأحاسيس)..

جواد(تنهد تنهيدة من الأعماق ديالو : اخخخ شنو درتي فيا أماريا سلبتي قلبي وعقلي وروحي وكون مت وحييت ومت وحييت انختارك انت فكل مرة انحيا فيها ونسلمك قلبي)..

ماريا(معمري كنت متوقعة بلي قلبي أيديه إنسان بحالك انا منادماش انك سكنتي قلبي بالعكس أنا فرحانة ولكن للأسف هاد الشعور هدا ايبقى ليا أنا بوحدي)..من بعد هاد الحوار لي كان مع داخل ديالهم كيعبرو فيه على أحاسيسهم..رجع جواد بخطوة لور ملامح الدفئ تحولو لملامح البرودة شي لي خلى ماريا تجمع شتات نفسها رجعات خطوة لور حدرات راسها هزات تيليفون ديالها مع علات راسها لقات راسها بوحدها دورات راسها لور بان ليها غادي بخطواتو لي كلها عزة نفس وشموخ..تنهدات تنهيدة طويلة وكملات طريقها لطابق الأرضي...

****

مليكة : علاش مكلتي ليها والو سيمانة وهيا هنا علاش خبيتي عليها؟؟

أحمد(كالس على الكرسي سارح وداير صباعو على حنكو) :

- شنو انكول ليها أجي راه ماماك كاينة هنا من بعد 25سنة ديال الفراق أجي ماماك رجعات كتقلب عليك بهاد سهولة أمليكة..

مليكة : ولكن راه من حقها ولالا؟

أحمد : من حقها أه عارف من حقي نكوليها مها عايشة ومن حقها تواجها وتعرف أسباب لي خلاتها تمشي ومتلفتش وراها ولكن ماشي دابا واش شفتي حالتها كيف كانت شفتيها كيف جات نزيد نكمل عليها باش تكمل لي خاص وتضيع بنتي من إيدي يكفي غير لي فيها خليها دابا فرحانة بعرس صاحبتها فاش يسالي العرس ويسالي هادشي غادي نكوليها بلي مها رجعات وهيا قريبة منها وديك ساع القرار يرجع ليها تهضر معاها ولالا...

****

- على طبلة دالعشا العرسان فرحانين وماريا شاردة فطبسيلها..حتى نغزاتها هاجر..

هاجر : ماريا انا وانت انتكلفو بوسيم انعاونوه فأي حاجة يحتاجها بنسبة لدوق سيدات القصر هههه..

ماريا(بتعجب) :

- شكون هاد وسيم أختي؟؟

إقبال : وسيم هو مدير المجلة لي كلنا ليك..هنا هضر جواد وعينيه عليهم..

جواد (بحزم) :

- منبغيش داك الضحك الباسل والمياعة كل وحدة فيكم راها مسؤولة ومرات راجل..خنزر فماريا ودور وجهو بحال الى كيكوليها إيوا نحصلك كتكركري وتشوفي..

الحاج : غير بغيتو ديرو معماعة وصافي..

جواد : بالعكس هادي مسألة مزيانة حتى بنسبة للعائلة مكاينش شي فرح فعائلة الإبراهيمي معرفوه لكبير وصغير..

الحاج : أشمن وقت بعدا غادي يوصلو غدا؟

إقبال : من ورا العصر أيكونو هنا إن شاء الله

الحاج : مزيان وصي رابحة باش توجد بيوت ضياف..

إقبال : متخممش أعمي وصيتها..شاف جواد فطارق وجه ليه الهضرة

جواد : وانت اطارق عائلتك إيمتا أتوصل؟

طارق : بالكتير سيمانة جاية مهم تبقى ديك 10يام لعرس هكداك حتى هوما جاهم هادشي على غفلة راك عارف الواليدة الما خيطات الحاجة عند الخياط متلبسهاش..

جواد (ضحك) :

- عارف عارف اتعرض على صحابك الأساتذة؟

طارق : ضروري هوما كيتسناو هاد زردة بفارغ الصبر

جواد : مزيان مرحبا الدار واسعة وعريضة ودار الإبراهيمي معروفة بالكرم ديالها ومحلول فوجه الجميع..

ماريا(شحال ديال طفنطيز زعمة يازعمة باااز)..على جواد راسو شاف فيها بنص عين عندو إحساس بلي كالت عليه شيحاجة مع راسها وإحساسو مكيخيبش...

تطفى الضو فالقصر وكل واحد فبيتو موسد وسادتو وفاش كيفكر لي فرحان حيت أخيرا أيتجمع مع حبيبو ولي فرحان حيت وأخيرا لقا حبيبو ولي مهموم حيت الحب طرق بابو فوقت وفشخص غير مناسب ولا ممكن هو كيظن بلي ماشي مناسب ولا ممكن الكبرياء وعزت نفس خلاتو ماشي مناسب وهادشي كلشي سبب ديالو القدر هو لي جمعهم فوقت بنسبة ليهم هوما غير مناسب...

- مع ضربات ديك 3 ديال ليل سرجم خلاتو محلول وضو ديال القمر لي كان مضوي بجهد ديك الليلة داخل كانت كتحلم كيبان ليها غير راسها كتضحك فوسط طبيعة خضرا لابسة بوط كحل طويل وصوت جري ديال العود لي ميزاتو بين الالاف العودان بلونو لكحل وشعرو طويل والعلامة البيضة لي فجبين ديالو " نيفان " كيبانو ليها رجلين شخص راكب عليه وكيجري بيه ويدور حداها هيا كضحك وفرحانة كتشوف فراسها كتشوف فداك الشخص بحب ولكن مميزاتش ملاميحو حيت وجهو مباينش تبسمات وسط الحلم دارت على جنبها ليسر وتحطات إيديها على إيد باردة فعز نعاسها حلات عينيها بتثاقل بان ليها كالس حداها كيدوز إيديه فشعرها تبسمات ليه وشدات فيديه معنقاهم..تمتمات بإسم شبه بالهمس.. " نيفان " ورجعات غمضات عينيها وهيا عند بالها غير كتحلم ورجعات دخلات فسبات عميييييق...

****

أحبّوا أيامكم الهادئة، ليس بالضرورة أن تكون سعيدة ومليئة بالتفاصيل ، يكفي الهدوء والسلام والبال المرتاح دون قلق .

صباح الخير ... 💙

- صباح جديد كيفاش ميكونش جديد واليوم صبحات شميسة زوينة سخونة مدخلة البهجة والفرحة معاها فاقت ماريا كتشبح ناضت من فراشها طواتو ممالفاش ليها خدات دوش خفيف خرجات لبسات سروال دجين مزوق مع سبرديلة فالبيض وتريكو خفيف فالموطارد مشطات شعرها ورشات من ريحتها لي كانت بنكهة مسك الليل هزات تيليفون دارتو فجيبها وخرجات هيا هابطة وفنفس الةقت جواد هابط عرفاتو وراها من ريحتو رجولية لي كتأسر الحواس ديالها..سبقها بضع خطوات المنظر ديالو خلاها تحبس المشية وتوقف كان فقمة الرجولة وقمة الأناقة شعرو فازك كيبين بلي حتى هو عاد خدا دوش لابس تريكو زرق لاصق عليه برز جسمو المنحوت بحال شي تمتال سروال فنفس اللون كيبين فخاض طوال باين بلي مولاهم رياضي زائد ساعة كحلة رياضية فيديه لأول مرة أتشوفو بهاد شكل مالفة كتشوفو غير بالكلاص..حس بيها وقفات وقف حتى هو ودار شاف فيها من رجليها لراسها بنظراتو لي كيدوخو الواحد وبإبتسامة جانبية هز حاجبو ونطق..

- صباح الخير..خلاها جامدة وهابط كيصفر فرحان...حسات ماريا بسخونية طلعات معاها محملاتش راسها يشوفها وهيا مسحورة بيه..

ماريا(مغدة) :

- اويلي ياويلي عليك كتشوفي فيه باغية تاكليه لالا كولي سيد انت كاع وتهناي بقاي غير تكولي ليه شبيك لبيك ماريا بين إيديك واش بغيت ليك اماريا ادل لمدلدل يامولات شعر لمكمل...عيرات راسها حتى شبعات عاد هبطات..كان غير الحاج لي كيقرا فجورنال ديالو مزال لوخربن مهبطوش..

ماريا : صباح نور أعمي

الحاج : صباح الورد أبنتي لحبيبة لغالية على قلبي

ماريا(مصغرة عينيها) :

- شفتك فرحان اليوم ماهو سر ياكما باغي تزوج غير كول كول هههههه..

الحاج (ميت بضحك) :

- وحق الله الى انت هيا دوا ديال القلب نصبح أعليك انت مابقيتش ناخد دوا مزال

ماريا : وهيا يوليو يبيعوني فصيداليات وصافي..😂😂

الحاج : زواج لي بقا ليا

ماريا : ومالك أعمي اغير تركي محطوط منصوط بحال دوك الأغوات الكبار أغير أشر انا نزوجك بزينت العيالات..

الحاج : الله يعطيك عقل وصافي😄

ماريا : أمييييين ياربي😁...تم خارج جواد من المكتب وهيا تهمس ماريا لحاج..

ماريا : ششش ميستر تخنزيرة جاي سميط اللميط حتى نكون انا وياك ونتعاودو

الحاج(قتلاتو بضحك) :

- صافي واخا واكواك ياسيدي ياربي😂😂..كلس جواد دار رجل على رجل وشاف فباه

جواد : الواليد ناشط هاد الصباح ضحكنا معاك..

الحاج : لالا والو اغير شيحاجة انا وبنتي ماريا وصاف..

شاف جواد فماريا..

جواد : ممم انت معندكش حصة اليوم؟؟

ماريا : انا سميتي ماريا بنت أحمد وأه عندي حصة فالعشية...

جواد : اممم مزيااان الالة..بدا جواد كيدور فراسو وكيصفر ويشوف فسقف شوية سكت وشاف فالحاج..

جواد : الواليد كنت باغي نهضر معاك فواحد الموضوع مهم..

الحاج(شاف فيه بهتمام) :

- ياك لاباس اولدي؟

جواد : لالا بالاما تخلع حاحة كتفرح وزوينة

الحاج : ايوا مدام هكاك مزيان حنا بغينا غير الخبار الزينة..

جواد : كنفكر بلي جا الوقت لي نتزوج فيه كلت علاش لا منين يساليو هاد الإنتخابات وهاد هيلالة لي هنا حتى انا انتزوج..ماريا ماسمعاتش باقي الهضرة وقفات غير عند باغي نتزوج هيا لي كدور ليها فودنيها وكتعاود..باغي نتزوج باغي نتزوج باغي نتزوج..الحاج شاف فماريا بنص عين وشاف فولدو لي بدورو حاضي ماريا وملامح وجها بطرف عينو..

جواد : شفتك سكتي الواليد؟

الحاج(بلع ريقو):

- أحم شنو أنكوليك ولكن بغيت نكول أنت مزوج وناس عارفين هادشي

جواد : و أي واحد كيخطب ويفسخ ويتزوج ويطلق عادي جدا فكرت حتى انا خاص ندير وليدات علاش لا..شاف فماريا..

جواد : ولالا أختي؟..

ماريا وحلات ليها عينيها خرجو دقات قلبها تسارعو زغب إيديها شد ريزو كناوة طلعو كيغنيو فوق راسها إبليس كيكوليها هالعار امار مار سكتي وياااك تهضري...

ماريا : ختك أنا ختك يا شيبة العاصية يارجلين بلارج يا نيف اللقلاق يخوي ليك ضراس وترجع ضحكة ومفرم وماتشوف فيك لا موحمة لا لي شادة فحبل انا بغيت داك شعر لي فرحان بيه يطيح وترجع ضحكة بين ناس ويكولي ليك اللوبة لوبة يالقرع يابو قلقولة..

جواد(بستفزاز) :

- ماريا شفتك سكتي؟..

ماريا(فاقت من حوار ديالها مع راسها تبسمات بتسامة عريضة) :

- أه أه أخويا من حقك دنيا وزمان هذا والواحد غادي فالكبر خاص يولد ولادو يكبرو معاه وانت غادي فالكبر ماشي فصغر خاصك تزوج أه بصح...دار الحاج شاف فيها مطلع حجبانو مستغرب من جوابها...

ماريا(كملات كلامها) :

- عرفتي شنو عندي ليك فكرة واااعرة

جواد : شنو هيا؟؟

ماريا : علاش ماتخليش ليا هاد الموضوع انا انلقا ليك بنت لي توالمك كي شتي دابا انا وانت عشنا تحت سقف واحد عارفاك متسواش

جواد(غوبش) :

- شنو؟؟

ماريا(كضحك) :

- بغيت نكول كنعرفك شنو كتسوى زعمة طبيعتك داكشي باش مكاينش ماحسن مني لي أيلقا ليك عروسة واعرة انت دابا ملهي مع الإنتخابات يلاه يلاه تكافا معاهم ومع خدمتك انا معندي ميدار انا انتكلف شنو بان ليك ومنها تفكرني بحاجة زوينة قبل منتفارقو..

جواد(ضيق عينيه) :

- عرفتي شنو عجباتني هاد الفكرة هادي مزيانة صافي الالة انت انتزوجيني كنتمنى غير تعرفي تختاري..

ماريا : الله أودي عتابرني صاحبتك بحال وديع زعمة وصحاب وقت الحزة ولا لا أعمي(شتفت فالحاج)..

الحاج(داخ مافاهم والو) :

- بيناتكم ابيضاوة انتوما تعرفو انا مابقيت عارف راسي من ساسي..

جواد : صافي الالة انا عطيتك ضو الخضر أهم حاجة تكون المرة طويلة شوية حيت انا كتعجبني كولة وتكون بيضة ومتكونش خدامة حسن نبغيها تقابلني وتقابل راسها فقط..

ماريا(راسمة ضحكة على وجها وكتعاير) :

- خود شي تلاجة خاسرة من لافيراي وهني الوقت الما جبت ليك شي شارفة عوراجة مركبة لفم منتسماش ماريا أنا ختك انا غير بيا ولا بيك اعوراج ديال بصح)

ماريا : كون هاني انت غير خرج هاد السوق..تمات هالطة وردة ومعاها أمين هاز ليليا شاف فيهم جواد وناض فرحان..

جواد : اوووه حبيبت عمها فاقت ارالي هاد الكتكوتة أجي لهنا أجي...هزها من عند أمين فهاد الأثناء جر الحاج ماريا لعندو..

الحاج : واش من نيتك هادشي لي كتكولي فيه..؟

ماريا (بضحكة شريرة) :

- شنو بان ليك؟ 😉

الحاج(فهم وضحك) :

- عرفتي شنو انا معاك عتابريني شريكك فهاد الخطة..

ماريا : انا شارشابيلة وانت شارشابيل😂😂 وقفات عليهم وردة كتشوف فيهم بشك..

وردة : علاياش كتوشوشو؟؟

ماريا (متصنعة البراءة) :

- حنا والو غير عمي كاليا فرحان حيت شافكم انت وأمين وليليا هاديك لمشيشة لي نساتني..

وردة : أحيانة اختي هاد سيمانة لي غبتي شيباتني ليل كولو كتبكي ولفات تنعس حداك..

ماريا : موضي من القوالب عقت بيك باغية تكولي هكا باش تلصقيها فيا..

وردة : ناري مسمومة...جات رابحة خبراتهم بلي لفطةر واجد يلاه كلسو على صالة مونجي حتى هبطات إقبال وطارق فرحانين وكيهضرو اما هاجر فاقت قبل منهم مشات لافاك وعصام خرج لخدمتو من غير زينب لي هيا الأخيرة نضمات ليهم...على طبلة كان الجو كلو سعادة وفرحة وتحريميات وخطط جهنمية من قبل ماريا ولكن طبعا غير مع راسها ومرة مرة تشوف فجواد لخبث حالفة حتى تخرج منو ديك كلمة ختي بتالي والمتلي..

- دخل بوبكر عليهم..

بوبكر : سمحوليا سي جواد دري لي وصيتيه على تصاور كيتسناك برا باش يوريكم شونتيو..

جواد : واخا سير كوليه أنا جاي..دفع جواد الكرسي وخرج عند دري لي كلفو بتصاور ديالو لي عليهم علامة الحصان..

ماريا : عمي اشمن تصاور؟؟

الحاج : ديال الإنتخابات

ماريا : ااااه واخ..رجع جواد لعندهم... قبل مايسالي الفطور تسمع أصوات برات دار..سونا الباب جات رابحة كتجري...فتحات الباب..

جواد (مغوبش) :شنو هاد الصداع هذا؟

تسمع صوت نباح كلب وصوت ديال صباط بحال ديال كوبوي وصوت عجلات كاع لي على طبلة دارو بانت ليهم حديدة طويلة كلها تواب أشكال الوان مجرورة جارينها بنات وقفوها او وقفو معاها شوية تم داخل واحد بحال مهرج فلباسو هاز كلب تشيواوا فيديه وقف ودار دورة بحال ديال عارضي الأزياء طلع إيديه بشوية وزول الكصة من على عينو تبسم وبثقة فنفس نطق..

- هاااي انا وسيم وسيم منيب مدير مجلة lady أكيد عرفتوني😍☺...

ماريا(همسات لإقبال) :

- واش ضروري زعمة نعرفوه انا بعدا عمري شفتو كصتو دايرة بحال ديك شطابة لي كيشطبو بيها نوالة فلبلاد..إقبال تبسمات او وقفات..

إقبال : الله أودي وشكون مايعرف سي وسيم منيب إفران نورات والقصر نور بيك..

وسيم(تبسم) :

- اوووه ربي يخليك فرحتيني انت هيا العروسة ياك؟

إقبال : أه انا وديك البنت لي لهيه انا نعرفك على العائلة..bon هادي وردة العروسة لولة هذا أمين ولد عمي العريس طارق خطيبي هادي ماما او هادا ولد عمي رئيس ديال العائلة جواد..

وسيم : اوووه سي جواد ومن لا يعرفه طبيعت الحال غني عن التعريف..جواد كتفى غير بإبتسامة باردة..

إقبال : هذا الحاج عمي او هادي ماريا مرات ولد عمي..

وسيم : همممم لأول مرة انشوف بشرة ناعمة بحال كريمة الحليب المخفوقة بالفراولة بدون مكياج واخا هكاك خاصك شوية دريجيم تنقصي بعض الكيلويات..

ماريا(خرجات عينيها فيه) :

- شنووو(شافت فإقبال) مال هذا..

إقبال(كتغمز فيها) :

- وسيم كنتي كلتي اتجي ورا العصر؟

وسيم : انا ديما هكا الحبيبة ديالي الى قلت 4 كنجي مع 2 توقعي مني أي حاجة عفاك فين هو بيتي بغيت ناخود دوش حسيت براسي توسخت وممكن توري البيت فين ايكون الفريق ديال العمل ديالي عفااك..جواد وقف حيت حس براسو الى زاد دقيقة هنا ايشد هاد نص بلاصة ويخنقو بيديه...شاف فساعتو ورجع شاف فماريا مع إبتسامة..

جواد : متنسايش علاش تافقنا..

ماريا😆 : ولا عليك كون هاني..خلاهم وخرج سمعات ماريا صوت طوموبيلتو عرفاتو مشا..

وسيم(مغوبش كيقلب فجنابو) :

- اووه فين فين هيا

إقبال : شكون؟؟

وسيم : نو غير واحد العود ديال شطابة كنجيبو معايا...جمع فمو وعينيه على شكل واحد مسموم...وبأعلى صوتو نطق..

- سييييييييهااااااااااااااام...تمات داخلة بنت كلها شنط من راسها لرجليها تعطرات جات على راسها...وقف عند راسها كيغوت..

وسيم : أمون ديوه نوضي تكعدي نوضي يالمشعكة يالمقملة نوضي أشعر رتيلة هزي باليزتي واش عرفتي باش مشرية ولالا نوضي...وقفات سهام كتقاد فراسها وهزات شنط حطاتهم مقادين..

إقبال : غير بشوية عليك دابا تجي الخدامة تهزهم لبيوت ديالكم انا انطلع معاكم نوريكم فين البيوت ديالكم...رجع شاف فإقبال وتبسم..

وسيم : ميغسي ماشيغي مشينا..تنهدات إقبال وتمشات قدامو اوهو وراها هو وسهام هازة شنطة ديالو والبقية خلاتهم حتى يجي بوبكر ورابحة ويطلعوهم تبعهم طاقم ديال وسيم وراتهم إقبال البيوت كل واحد بيتو وطبعا وسيم واخد أكبر بيت وأحسن بيت كيطل على البحيرة وعلى منظر زوين بزاااف...خلاتهم إقبال وهبطات لتحت..وقفات ليها ماريا قدام وجها شادة فجنابها..

ماريا : قسما بالله أعلى وجهك أما كون حسنت ليه دوك زغيبات لي عاجبينو بلا ما نوريه ريجيم..

إقبال : هو راه هكاك داير معروف عليه ولكن والله حتى كيعاودو عليه ضريف وقلبو بيض وحنين بزاااف غير لفشوش لي تزاد فيه خلاه هكاك..نطقات وردة :

- صراحة كيبان ليا بحال شي واحد مخنت

ماريا : حتى انا بان ليا هكاك😂😂

إقبال : الله يعطيكم ستر غير سايروه شوف اش داير لبنت لي معاه ولكن راه خطير بزاااف عفاكم بلا شوهة..

ماريا : أنا بعدا منضمنش ليك راسي الى زاد فيه انا علمتك..خلاتها وطلعات لبيتها..

مشات لبلاكار جبدات بزطام فيه كارت كيشي ديالها هزات ساكها دارتو على جنب دارت فيه تيليفون ديالها والبزطام وخرجات هيا هابطة وهاجر داخلة..

ماريا : شفتك دغية رجعتي؟

هاجر : عندي غير حصة هاد الصباح صافي فين غادية؟

ماريا : حطي كارتابل ديالك ويلاه معايا..

هاجر : واخا انا جايا..حطات هاجر لكارتابل ديالها غير تماك ورجعات عند ماريا سدو لباب وراهم وخرجو شيرات ماريا لأول طاكسي وقف ليهم ركبو عاد كالت ماريا لهاجر فين غاديين..

هاجر : ياك عند بيسي انت اش بغيتي واحد؟

ماريا : هداك خليتو فدار كتبغيه ماما مليكة هذا بغيتو انا اناخدو صغير ومحيدق باش فينما كنت نهزو معايا انسول على شي واحد كيبيع الإلكترونيات تكون عندو داكشي نقي وزوين..

هاجر : عقلتي على مول لمكياج لي كنا مشينا عندو لمرة لي فات واحد فنفس الصف عندو داكشي زوين كيشكروه ناس هو من عندمن خديت بيسي ديالي انا وراه عندي سينين عمرو خسر ليا..

ماريا : صافي نمشيو عندو..

وصلو هاجر وماريا عند مول الإلكترونية من بعد ما عطاوه طلب ديالهم جبد ليهم بزااف ديال البيسيات من بعد الأخد ورد خدات ماريا بيسي موايان فالكرونة خلصاتو وخرجو من عندو خدات معاها شي تخربيق بيمويات كلها غير جينوفا وسناك باش تخطط خاصها باش تعمر كرشها...فطريق سولاتها هاجر

هاجر : أجي علاش هادشي كامل؟

ماريا : والو غير على قبل الخدمة وصافي شحال من حاجة كنبغي نخبيها فشي دوسيي ومكنلقاش كيف ندير..

هاجر : أممم زعمة؟

ماريا : كنكدب عليك أنا حشومة عليك..

هاجر : إيوا كولشي حتى لراسك مكنعرف شنو كيدور فيه..

ماريا : أجي انت اتولي نسيبتي انا عاوتاني..

هاجر : امم امم بدلي ليا فالهضرة أه هضر معايا هشام فاش خرجت من لافاك كاليا بلي خوه ربيع هز لي فاليز ديالو ورجع لإمارات فخبارك؟

ماريا : لا وبيني وبينك أحسن حاجة دارها الما وشطابة حتى لقاع البحر..سلات هضرتهم على هاد النحو هذا حتى وصلو لدار غير فتحو الباب طارت عليهم سومية من حيت لايدرون..

هاجر : بسم الله الرحمان الرحيم أختي منين خرجتي؟

سومية : حقيرة مسمومة كولي غير سلام توحشناك باااز..

هاجر : سلام توحشناك باااز هاني كلتهم..

ماريا(كضحك) :

- شنيولة أش جيتي ديري؟

سومية : والو توحشتكم جيت نشوفكم ومنها لعشية نمشيو مجموعين لمدرسة سيتو..

ماريا : إيوا يلاه نطلعو لبيتي أصلا 2 قربات يلاه نبدل حوايجي..

سومية : واعرفتي شنو سيري بدلي وخليني مع هاجر حتى وكان تسالي ونمشيو اوك..

ماريا : يلاه انا طلعت...هيا طالعة او وسيم هابط..علات فيه ماريا راسها كتخنزر فيه..

وسيم(مبسم) :

- عارف راسي أحبيبة كنفتن بزين مقدرتيش تقاومي جمال وسيم منيب ياك؟؟..

ماريا : هاد ساعة كنشوف غير جمال أما شي وسيم مبان ليا...خلاتو وطلعات بقا واقف قلبو كيضرب شداتو الرعدة وسخفة..

وسيم : لالا واش واش عايراتني غير دابا ديك شينوية لمزورة عايراتني غير دابا لالا جيبو ليا الما وسكار سييييييييييهاااااااااام الما وسكاااااااار....تمات جايا سهام كتجري بسروال كحل وسمطة فالقهوي مع قميجة كطيفة فالكرونة تصادفات مع ماريا..

ماريا(تبسمات ليها وهمسات ليها) :

- انا فبلاصتك نعطيه الما والملحة يلاه نطلع ليه طونسيو ونسيفطو كومة لسبيطار..

سهام (كضحك) :

- ههههههههه بحال والو نديرها...جاها صوتو من التحت كيغوت..

سهام : انا سهام سمحيليا الما مشيت اليوم انبات على برا...خلاتها وهبطات كتجري لعندو..أما ماريا طلعات بجرا سدات عليها فالبيت بساروت حطات البيسي قداتو وشعلاتو دخلات المودباس دالويفي وبدات فيه حيت برمج ليها مولاه كولشي..شافت فساعتها كانت الوحدة..

ماريا : ماريا عندك 45دقيقة باش تكملي..كلسات على نموسيتها وحطات بيسي قدامها دخلات لكوكل وكتبات..

" مواقع زواج "

- خرجو ليها بزاااف ديال المواقع كطلع وتهبط وقرات تدخل ل3 أولهم موقع :

- إن شاء الله بوان كوم..دخلات الإيميل وجميع المعلومات :

- جواد الإبراهيمي

- رجل أعمال معروف بوكو لعاقة..

- رجل شرس

- السن 34سنة أبحث عن إمرأة شرسة السن مابين 50سنة و60سنة تكون شرسة مثلي وتحب اللعب الأهم ان تكون راقية للمزيد من المعلومات المرجو الإتصال بهادا الرقم 0661..وبقات هكاك كتكتب فجميع المواقع دخلات لكوكل وهزات صورة من صور جواد المنشورة على الصفحات دخلاتها لكاع المواقع وعمرات جميع المعلومات اللباس مواصفات الأكلات المفضلة الموسيقى كولشي كولشي وفالأخير كتخلي ليهم النمرة ديالها ديال تيليفون..سلات شافت فساعتها بقات ليها 15دقيقة ناضت بالخف فرحانة بدلات عليها هزات المحفظة ديالها وخرجات هابطة فدروج ناشطة حتى تلاقات معاه فاص أفاص..حط رحليه فأول درجة ودار إيديه فجيابو شاف فيها مبسم وهاز حاجبو..

جواد : همم كتبان ليا فرحانة شنو سر.؟؟

ماريا(مبسمة ليه) :

- السر هو ممكن تكول طحت على أول طريق باش نلقى ليك عروسة

جواد(عوج فمو) :

- هممم بهاد االزربة وراكي خدامة مع راسك هادي هيا صحبة ولا فالة..

ماريا : وعلاه عندي غلى منك شحال عندي من جواد غير واحد يلاه نشوفك من بعد..دارت من حداه ومشات عند هاجر وسومية..دار متبعها بالعين تبسم إبتسامة خبيثة وطلع لبيتو إيد كيلعب بيها بسوارت وفمو كيصفر ويدندن...

" خذِي من صدري ما شئتِ حتى يضيء وجهك ،

خذي قلبي لو أردتِ حتى تشعلي فتيل الفرح السريع ،

خذي كل شيء بي ومني ، وكوني سعيدة .

فقد فُضّلت على سائر الناس مثلما

فُضلت ليلة القدرِ على ألف شهر..." ،،،

- دازت الحصة ديال الموسيقى كيف العادة فرقات ماريا أوراق على تلاميد ديالها..

ماريا : اتكون عندنا أمسية نهار 26 فهاد الشهر يعني راه مابقى والو خاصكم تجتاهدو وراه طلبت من المدير يخلي لينا القاعة ديال المسرح باس ندربو فيها خصوصا الأمسية أيجي ليها المندوب والمدير ديال دار الثقافة والفنون نبغيكم تكونو طوب تافقنا..

الكل : كوني هاني أستاذة ماريا..سلات الحصة وبداو تلاميد كل واحد كيهز الكتب ديالو وخارج بقات أسومية..

ماريا : انمشي معاك لدار بغيت نعرض على ماماك وعلى باباك لعرس وردة وإقبال..

سومية : ويااك باقي الحال..؟؟

ماريا : أشمن باقي سد عينك حلها على لعرس وصل ماعرفتي ماماك تبغي تخيك شي قفطان ولا شيحاجة وكيكوليك المعروض فنهارو يبقى فدارو يلاه باش نمشي معاك ونرجع دغية عندي بزااف مايدار..خرجو بجوج خداو طاكسي نيسان لدار سومية طلعو سونات سومية فالباب شوية تفتح الباب وكان ياسين..شاف فماريا وتصدم..

ياسين : ماريا مرحبا..

سومية : مكايناش سلام أختي توحشتك شحال هادي ماشتك..

ياسين(جرها من شعرها) :

- انت ادخلي وتسكتي..شاف فماريا وكمل هضرتو..

- ماريا دخلي..خرجات حورية من الكوزينة غير بانت ليها ماريا شوية وطيح تبصيل المسمن لي فيديها توترات..

حورية : بنتي ماريا مرحبا وألف مرحبا..

ماريا(باستها) :

- خالتي حورية كيدايرة لباس عليك سمحيليا جيت ومكلتهاش

حورية : انتقلق منك الى عاودتيها مزال انت وسومية واحد دخلي كلسي..كلسات ماريا...بدات حورية كتحط فكاسكروط وهيا تالفة..

ماريا : خالتي كنت غير بغيت نكوليك شيحاحة ونمشي مابغيتش نتعطل..

حورية : اةيلي على تمشي لا حتى تعكباي معانا(تعكباي هيا ديري كسكروط) :

- ماريا لا والله أخالتي بغيت غير نكوليك إن شاء الله نهار 28 او 29 مرحبا بيك لا انت لا عمي محمد..شوية وهو يدخل..

محمد : شكون جبدني(كيضحك) بنتي ماريا مرحبا نهار كبير هذا من داك نهار ماشفناك..نزلات على إيديه باستها ليه..

محمد : الله يرضي عليك..

ماريا : والله أعمي مكنسالي..المهم انا جيت باش نعرض عليكم انت وخالتي حورية وحتى انت اياسين مرحبا بيك ايكون عرس صاحبتي وردة او عرس بنت خو الحاج..

ياسين : وردة رجعات؟

ماريا : اه رجعات ورجع معاها حتى أمين..

ياسين : مزيان مبروك عليها انا على حساب الخدمة ساليت نجي مساليت مبروك مسبقا..

حورية(خايفة) :

- إن شاء الله ابنتي نشوفو واخا جات حشومة ناس مكيعرفونا..

ماريا : متكوليش هكاك اخالتي بالعكس انا كنعرفكم وسومية كاع لي فدار كيعرفها ولات وحدة منا..

حورية : الله يحفظك ابنتي ويربحك ياربي..

ماريا(وقفات) :

- أمين ياربي يلاه نخليكم خاصني نمشي..

حورية : اويلي ابنتي ماشربتي حتى كاس دتاي

ماريا : المرة جايا إن شاء الله والله اخالتي ممسالية مزال عندنا شلا ميدار..مشات جيهت الباب تبعاتها حورية وسومية هتزة طرف دالمسمن فيديها..

ماريا : يلاه بسلامة عليكم وعنداكم ماتجيو..

حورية : يكون خير أبنتي تهلاي فراسك وبشوية عليك..

ماريا : واخا أخالتي بسلامة عليكم..خلاتهم ومشات...حورية أسدات الباب ومشات لسرجم كطل عليها حتى شافتها شدات طاكسي وغبرات عاد رتاحت ودخلات..

****

غير رجعات ماريا لدار دخلات مكان حتى واحد فدار لتحت خرجات على برا من جهة لوخرا كيبان ليها وسيم او إقبال وهاجر او وردة مستفين فبلاصة وحدة وطاليين شيحاجة خضرا لوجهم..خرجات عندهم او وقفات عليهم..نباتها وردة..

وردة : ماريا جيتي اجي حتى انت ديري مايك وتكاي حدانا..

نقز وسيم..

- سلحفاة مكديرش ماسك ديال طحالب سلحفاة كتعرف غير تاكلو..ماريا خنزرات فيه يلاه جات تجاوبو سونا ليها تيليفون..

ماريا : مغاديش نجاوبك دابا ادودة القز حتى من بعد..خلاتها فبه تاني ودخلات..

ماريا(فتحات الخط) :

- ألو شكون معايا..(تبسمات بشر) وييييييي..شكون أنا انا هيا خت العريس ولكن دابا أول حاجة خاصك تسيفطيلي تصويرتك وعنوانك ومدينتك شحال عند فالعمر بعدا ممممم مزيااااااان 66سنة أحسن عمر هو أصلا كيحماق على الميمات لالا العرس علينا الله أودي المهم تسناي مني إتصال انا انكوليك الوقت والبلاصة فين انتلاقاو يلاه باي باي..جمعات فمها وضحكات حتى بانت ليها ضرسة العقل..

ماريا : باش نوريك ارجلين نعامة تعلم تكول ختي الما شيبتك مانتسماش انا ماريا هي بلاتي يابيا ياليك😆😆😂..

ﺍﻟﻬُﺪﻭﺀ ﺍﻟﺬِﻱ ﻳُﻼ‌ﺯِﻣﻨﺎ ﻓﻲ ﺑﻌﺾ ﺍﻷ‌ﺣﻴﺎﻥ ،

ﻫُﻮ ﺭِﺣﻠﺔٌ ﻗﺼِﻴﺮَﺓ ﻧﺒﺤﺚُ ﻓِﻴﻬﺎ ﻋﻦ ﺑﻌﺾِ ﺍﻟﺤﻠُﻮﻝ ﻟِﻤﻮﺍﺟﻌُﻨﺎ

ﺃﻭ ﺭُﺑّﻤﺎ ﻟﺼﺪﻣﺎﺗِﻨﺎ ﻣﻦ ﻭﺍﻗﻊٍ ﻧَﻌﻴﺸُﻪ !!...

- سلات ماريا المكالمة ديالها طلعات لبيتها أول مادخلات مسحات وجها بماء ورد بدلات حوايجها عاد هزات واعد البواطة فيها أوراق السد مطحونين وهبطات..دخلات لكوزينة اشافتها رابحة وتبسمات..

رابحة : ختي ماريا جابك الله كولي ليا كيف جاك وجهي تنقى ياك؟

ماريا : ولا غزاال شفتي كتليك الى تبعتي الماسك راه زوين..نقزات هنية..

هنية : راه تخلي حتى ليل اتسالي تلطخ داك الوجه وتبقى متكية نهضر معاها مكتبغيش تجاوبني حتى تسالي تكوليك ختي ماريا كاتليا الى هضرت وجهي أيتكمش..

ماريا : معندي مانسالها حفضات مزيان وأري ليا واحد البطاطا لهنا..مدات ليها رابحة بطاطا شداتها ماريا قشراتها وحكاتها وخلطات مع داك اوراق سدر مطحونين ودارتها لوجها..

ماريا : هانتي هاني خليت ليك شوية منين تسالي وديريه وديري داك لكريم لي عطيتكديال الوجه..

رابحة(فرحانة) :

- لهلا يخطيك عليا أختي ماريا حاسة بميموني أيبان فهاد العراسيات..نقزات هنية..

- شي سرباي ولا شي كوامانجي...خنزرات فيها رابحة..

رابحة : ومالو سرباي والكوامانجي ماشي راجل المهم كيجيبو خبزتهم معاهم باااز..

ماريا : شوفي كل واحد ورزقو متعرفي هيا يكون رزقها حسن منا وحسن من لي فظار كاملين طلب رزقها بنادم غير قلبو ونيتو زوينة راه طيحو فميمون زوين..

رابحة : شفتي لي كيعرف يهضر..

هنية : زعمة واحد لاباس عليه يبغي خدامة ومقارياش من الفوق أحيانة..

ماريا : لي كيبغي شي حد يبغيه بخنونتو متكوليش هكاك يقدر هذا لي ايبغيها يقريها ويوعيها تولي حسن مني ومنك..

رابحة : سيري اختي ماريا بغيت ليك ستر لي مايبلا مايخسر..

ماريا(كضحك) :

- ههههه يلاه وسيري كملي شغالك باش تسالي دغية..خرجات ماريا كتفكر فواحد المفاجأة ديرها لرابحة ولكن حتى من بعد..مشات ماريا عند لوخرين لي كانو مزال مجبدين دازت من حداهم وتكات حدا وردة حتى هيا..نقز وسيم..

وسيم : اوووه حتى سلحفاة كتعرف دير الماسك عند بالي كتعرف غير تاكلو 😂

ماريا : شوف انت ابو كصة تسكت ماتسكت انجي نخشي ليك راسك وسط دراسك..

وسيم : اووه همجية مغانجاوبكش ايخسر ليا الماسك..تنهدات ماريا تنهيدة طويلة وسكتات مغمضة عينيها..

- دخل جواد مع الباب كيعيط على رابحة..جات عندو كتجري..

رابحة(وجها فالأرض) :

- نعام أسيدي..

جواد(بصرامة) :

- منين تبغي تهضري معايا شوفي فيا ماشي فالأرض ديجا كلتها فين ماريا؟؟

رابحة : ختي ماريا راها على برا حدا لابيسين هيا وإقبال وهاجر او وردة ومعاهم حتى داك زعر لي جا..

جواد : داكوغ اه اليوم ديرو الحوت لعشا صافي

رابحة : واخا سي جواد..

جواد : هاكي دي هادو لبيت عندي

- عطاها شي ساشيات..وخرج على برا غادي حتى كيبانو ليه دايرين صف واحد..

جواد : تبارك الله تبارك الله عندي شرم شيخ هنا دايرين ليا إستجمام مع راسكم...حيد وسيم جوج دواور ديال الخيار كان دايرهم على عينيه..

وسيم : سي جواد انت هنا علاش متنضمش لينا كيبان ليا العيا على وجهك خاصك شي جلسة ديال تدليك وشي ماسك يرجع الإنتعاشة لوجهك..

جواد(هاز حاجب ومهبط تاني) :

- الرجال مكيحتاجوش لبحال داك تخربيق داكشي خليه ليك انت..غوبش وسيم حيت مفهمش معنى كلامو دار راسو مسمع والو ورجع الخيار لعينيه..بقا جواد واقف وهو عينيه غير على ماريا لي متحركاتش مغمضة عينيها وعقلها سارح لبعيد تخطط وتفصل غير بوحدها...شوية سونا تيليفون جواد فيقو من سرحان ديالو هز تيليفون بانت ليه نمرة جلال..

جواد(بنفاد صبر) :

- ماشي وقتك اجلال ماشي وقتك..خرج على برا فتح تيليفون..

جواد : كنسمعك..

جلال : سمحليا كنت بغيت نكوليك بلي جميع شحنات وصلو ولكليان فرحان بزاااف بسلعة جديدة..

جواد(لامبالاة) :

- ومن بعد..

جلال : سي المختاري كالو ليا بلي خدا فترة راحة ممكن نكولو تقاعد ومشا لعروبية هادشي لي سمعت من مصادر موثوقة..

جواد : واش بغيتيني نمشي نلعب معاه ضامة..

جلال : لا انا غير كلت نكوليك الأخبار جديدة..

جواد : وانا سمعتك..

جلال : كيبان ليا مشغول وقيلة؟

جواد : شنو بان ليك انت؟

جلال : اوبس سمحليا اه خويا جواد بغيت غير نكوليك الحملة الإنتخابية اتبدا غدا وبلي الأعضاء لوخرين كلشي محرك جيبو..

جواد : انا ماشي بحالهم مكنتعاملش برشاوي قد فمي قد دراعي وغانديها بلا هاك وارا..قبل ميزيد جلال يكمل هضرتو كان جواد واقطع عليه تيليفون...يلاه ايرجع..لعندهم وهو يوقفو عمو لي كان عاد داخل..

عصام : اووه جواد جواد جابك الله بغيتك فواحد الموضوع الله يرضي عليك..

جواد(طلع ليه دم شاف فسقف وتنهد تنهيدة طويلة) :

- وكواك وانهار هذا حتى شوفة خسرتوها فينا...

عصام(بستغراب) :

- كيفاش اولدي؟

جواد(بنفاد صبر) :

- والو اعمي مكاين والو يلاه المكتب نهضرو على راحتنا حسن...

أنت لم تحبها هي أنت أحببت جزءاً من روحك

وضعه الله فيها فهي مخلوقة من ضلعك ،

أقرب مكان إلى قلبك ..

لذلك منتهى الحب أن تناديها يا ( أنا )..

- من بعد الجلسة ديال الماسك والإسترخاء تجمعو فواحد الصالون كبير فجهة لورانية لقصر هكا ياخدو راحتهم كانت كالسة وردة وإقبال وهاجر وماريا لي شادة ليليا فيديها...وفجهة لوخرا كان مكتب فالبيض وراه كالس وسيم وجنبو سهام واقفة هاز الكلب ديالو عاد طاقم لي فيه لي ايهتم بليكسيسوارات وأي حاجة ايحتاجها القفطان المغربي العصري..كان محطوط واحد طابلو بحال صبورة...مقابلة معاه شاشة ديال العرض...

وسيم : أحم أول حاجة كاع العراسات مالفين تايدخلو بتكشيطة البيضة وكاين لي كيدخل بالعمارية...انا بطبعي كنبغي الإختلاف شيحاجة لي يشوفها يدوخ وردة اللون لي كيعجبها هو البلو غوا وإقبال كيعجبها الحمر...داكشي باش اتكون دخلة ديالهم بهاد جوج ديال اللوان اما العرسان ديالنا الغزلان انختار ليهم شوميز فالبيض مع جيلي فالكري وبابيون ديال الخشب..هزات ماريا فيه عينيها..

ماريا(بالهمس) :

- كون ادرتيها دالحديد باش يلاه يوليو بحال الرجل الآلي...شافيها وسيم مخنزر جامع فمو..

وسيم : سمعتك اديك أم اربعة وأربعين هادي سميتها لامود ولكن معامن كنهضر الفكرون كيبقا غير فوسط دارو ولا غارو...

ماريا : قسما بالله مكاين ماحسن من الأعراس ديال شحال هادي اشمن بابيون بالخشب ولا دنحاس وانت اداك سليحفان تبقا تكول ليا فكرونة قسما بالله حتى نتفك زغبة زغبة انا كلتها ليك...

وسيم(صغر فيها عينيه وجمع فمو على عينيه فسهام) :

- المشعكة جيبي ليا إيطرو ديال الما وديري فيه كيلو ديال سكر وجيبيه كانحس بطانسيو ايطيح ليا...

ماريا(كضحك) :

- كون غير زداي شوية دتاي والقرنفل مع الحامض وصايبتي العسل حسن ليك من هاد الخدمة هادي....

وسيم(بالغوات) :

- سهااااااااااااام الألة ديال ضغط حاس بالفار طالع ليا من راسي...

ماريا : الأخ كسكاس...😂😂😂😂...نغزاتها وردة باش تسكت..

وردة : شششت اصاحبتي انت مالك معاه بحال المش والفار..

ماريا : هو لي منين جا وهو دايرني فراسو..صافي هاني سكت ولكن متنسايش بلي انا الوزيرة ديالكم لي معجباتنيش انبدلها..جات سهام كتحري جابت ليك كاس فيه الما وسكار شربو دقة وحدة هز إيديه قاد الكصة ديالو ورجع لشرح..

- المهم نكملو البرزة اتكون فدوغي حسن انا كيعجبني على النقري...فالأول انتلقاو لناس بواحد العصير خاص مع حلوة كلاصي...ولي ماكرو اوك ومن بعد انحطة لونتغي لي اتكون عبارة على لينيم بفغوي دوميغ(بريوات) عاد البساطل...وردة انديرو ديال دجاج حيت هيا مابغاتش دالحوت وإقبال بغات دالحوت...عاد اللحم مشوي مع الخضرة سوطي...وديسير لي كيبقا حاجة ضرورية فأعراسنا المغربية...وحاجة إضافية هيا انجيبو راقصة مايا هادي حاحة جديدة ولات...هزات ماريا فيه عينيها..

ماريا : انا عارفة فمي كياكلني تكول افيا طيكوك ولكن لي شاف المنكر خاص يهضر لالا تاعت الله من نيتك العرس مخلط ورحال كبار فالعمر هاعمي الحاج ها بابا وزيد وزيد وبغيتي تجيب ديك خيتي العرس لالا داكشي لي بقا جيب انت فيفي عبدو كاع حسن ورقصني ياكاااادع...

وسيم(قلب عينيه بغا يسخف) :

- لالا سي طغو والله الالة باكيزة هادشي لي ولا اونبليس شكون سمح ليك دخلي فخدمتي؟😠

ماريا : دخلني جيبي سمع اسي زغلول انا لوزيرة ديال العرايسات وانا لي نكول شنو يكون وشنو لي لا اوكي؟😠

- وقفات هاجر..

هاجر : صافي صافي انديرو حل جيب هاد مايا تشطح فالحنا ولكن ماشي داكشي ديال الشرقي وداكشي لا شعبي شعبي...حيت لا تقاليدنا ولا عادتنا كايسمحو بهادشي..

ماريا (تبسمات بنتصار) :

- ودابا موافقة..

وسيم(كيخنزر فيها) :

- مسمومة سامة عقروشة بكيزة..

ماريا(كتقلي ليه سم) :

- زغلول...

وسيم : بكيزة..

ماريا : زغلول..

قاطعاتهم سهام حيت تعصبات وعيات بالوقيف...

سهام : أباكيزة وزغلول انباتو هنا كملو خلاص راني عييت..هز وسيم عينيه بشوية جهت سهام ضيق عينيه وشتف فيها شوفة طويلة...

وسيم(برودة) :

- بحال الى سمعت شي كرادة كتهضر حتى انت كتهضري إيوا عرفتي شنو امز شعر مقمل عندك عقوبة اتوقفي وتهزي رجل وتحطي رجل عرفتي ونحصلك هبطيها هههههههه بلاما نكوليك يلاه يلاه..

سهام(كتغبن) :

- موسيو وسيم عفاااك أنا...

وسيم(قاطعها) :

- واحد..شافت حتى عيات مسكينة وهزات رجل وحطات تانية عطاها عقوبة شاف فيها بإبتسامة ورجع كيكمل المخطط ديالو...

داز العشية بحال كل نهار تجمعو وعلى طبلة ديال العشا لي كانت عامرة من القنت حتى لقنت...من ورا العشا تمنات ليهم ماريا ليلة سعيدة وطلعات لبيتها باش تنعس فتحات الباب ودخلات كتبان ليها واحد الكارطونة بيضة فيها بزااف ديال دواور ديال شكلاط ومكتوبة فيها bonne annee هزاتها كتقلب فيها..

ماريا(بستغراب) :

- شكون جاب هادي؟؟..تدق الباب وتفتح وهو يطل جواد براسو...شافت فيه وشافيها وفالكارطونة...

جواد : كلت اتعجبك حيت اي بنت كتبغي شكلاط..

ماريا : انت لي جبتيها؟

جواد : شفتك داخلك الشك

ماريا : حيت أول مرة ديرها

جواد : حشومة منشكرش صديقة ديالي وهيا اتعاوني وتلقى ليا عروسة هذا أقل واجب..ماريا كون صابت تهز هادي الكرطونة تخبطو بيها لراس..

ماريا(تبسمات) :

- لالا هانية هو فصراحة المسألة ديال زواج حتى انا طاحت ليا فبالي وصل الوقت لي حتى انا نحب ونتحب ونتزوج وندير وليدات ولالا...

جواد(قبل مديريها أنقتلك ونشرب من دمك لا انت ولا هذا لي أيفكر يشوف فيك..) :

- اهاه علاش لا قلبي اتلقاي والى كانت اي مساعدة انا هنا..يلاه تصبحي على خير..

ماريا : تلقى لخير وشكرا على الشكلاط..وما ليها براسو وخرج...خبطات ديك الكرطونة مع نموسية وكلسات تنتف فشعرها وتعاير..رجعات كلسات وهزات الكرطونة فتحاتها وبدات تهز بجوج كورات تلاتة وتاكل بالأعصاب لي شدوها حلفات حتى تكمل ديك الكرطونة هاد الليلة...تخشات تحت المانطة وهيا مزال كتاكول حتى داها نعاس والكرطونة فيدها او وجها كلو شكلاط...

- بحال كل ليلة ولات عندو عادة ينوض فنصاصات الليل بلا حس يدور البوانيي ديال بيتها ويدخل يطل عليها ويطبع بوسة على جبهتها ويخرج هاد المرة ضحكو المنظر ديالها وجها وجيهت فمها كلو شكلاط وشعرها مخربق أسراتو بوضعية لي فيها عفوية كتخطف القلب كلس على طرف النموسية كيدوز إيديه على شعرها هبط بصباعو لوجها كيحيد الآثار شكلاط..تفكر شيحاجة هز تيليفون ديالو وخدا ليها صورة رجع تيليفون لجيبو ابسم وناض حيد الكرطونة من حداها غطاها مزيان وهو يخرج..

****

قبل أن تنام إفرح لأنك بخير

ولأنك كنت طيب ولأنك تندم على بعض سوء تصرفك..

ولأنك تحاسب نفسك وتتجدّد

أنت تغسل قلبك دومًا وهذا جيد..

لكن إياك أن تندم على فعل خير أو حديث خير أو نظرة خير

الخير دومًا يغذّي روحك ويعود إليك.. 🌹

- ضربات 8 كانت ماريا فايقة لابسة سروال دجين سبرديلة فالبيض مع تيشورت رياضي فالحمر ودارت عليه تجاكيط مشطات شعرها ودار كصة على جبهتها دارت حلاقاتها لي كانو دايرين وكبار بحال شي روايض هزات الكارطابل ديالها ونزلات زربانة حيت عندها حصة فصباح مع دراري صغار والعشية عندها حصة ديال تدريب مع سومية وباقي طلاب...فاش نزلات مكان حتى واحد..مع حلات الباب كيبان ليها جواد واقف لابس سروال كلاص فالكحل مع جيلي فنفس اللون وشوميز بيضة داير نظارات وهاز فيست فيديه بقات ماريا واقفة كتشوف فيه مصدومة ماشي منو هو من الموطور لي كان راكبو لأول مرة اتشوفو فوق موطور وموطور فشكل أول مرة اتشوف بحالو فالمغرب بقات واقفة كتشوف فيه وترمش بعدم تصديق..

جواد : لهاد الدرجة المنظر ديالي كيفتن؟

ماريا : ها كيفاش زعمة؟؟

جواد : صباح النور مالك منبرة؟

ماريا : أ؟ عندي حصة اليوم بكري داكشي باش

جواد : اوك يلاه انا انوصلك

ماريا(بستغراب) :

- بهاذا؟

جواد : أه علاش مالو كيجاك؟

ماريا : زوين غير غير هو مغايقدناش

جواد(تبسم) :

- مغايقدناش ولا خايفة تركبي معايا فيه؟

ماريا : شنو اش كتخربق مناش انخاف؟

جواد : تعنقيني مثلا😉

ماريا : أشمن أشمن..تمات جايا جيهتو طلعات وراه شادة فالكارطابل ديالها..جواد تبسم بشر..يلاه أيديماري حتى حس بيها شدات فيه من لور بلا هواها..وهادشي لي كان باغي غير تشبت بيه كتر وكتر..خرجو من القصر غاديين بتجاه المدرسة لي كتقري فيها ماريا...جواد كان عاجبو الحال ومستمتع أما هيا كون دار ايلقى وجها ولا حمر كثر من مطيشة ريحتو كلما ضرب فيها البرد كتزيد تستنشقها كتر وكتر ماوصل بيها المدرسة حتى كان قلبها أيسكت مع وقف هبطات بزربة..

ماريا : شكرا صافي أسير انا انمشي..

جواد : مالك كدخلي وتهرجي فالهضرة أجي اترجعي لدار وقت الغدا؟

ماريا : لا عندي خصة مغايقدنيش الوقت انخرج ناخود حاجة خفيفة ناكلها ونرجع..

جواد : اوك اندوز وراك تنغداو بجوج ونرجعك..

ماريا : لالا مكاين لاش😄

جواد : صافي نافقنا 12 انلقاك هنا اوك يلاه بون جوغني...دار نظاظرو ديمارا وزاد خلاها واقفة غير كتبرقق فعينيها وتشوف...

حدرات راسها ودخلات لمدرسة بدات الحصة ديالها مع الوليدات الصغار لي كتنسى راسها وهيا معاهم البنات ودراري لي كانو كيحماقو على ماريا وتعامل ديالها معاهم فالمستقبل أتكون أم رائعة...شافت فساعة لقات قربات 12 دغية دغية...

ماريا : نهار تنين ايكون عندكم إمتحان باش وراها اتاخدو العطلة الصغيرة جيو واجدين وخدمو فدار على دروس لي تعلمنا أوكي؟؟

الكل : داااكوووغ...جمعو أدواتهم وخرجو وبقات هيا فالقسم غادية جايا غادية جايا..معرفات تنقز من سرجم ولا منين اتخرج وتهرب غير متغداش معاه الراس فراس وصافي..

ماريا : فكري فكري أماريا هممم خدمي داك سطل لي متقلة بيه..

- نباها صوتو من لور..

جواد(داير رجل على رجل ومقابلها) :

- لأول مرة انتافقو على واحد الحاجة فعلا متقلة بيه...دارت لقاتو واقف كيدير فيها شوفات ديال الإستهزاء.

ماريا : شنو كدير هنا؟

جواد : هممم حتى هذا سؤال...شاف فساعتو ودار إيديه فجيابو..

جواد : 12 وخمسة دقايق هادي وانا ديحا حجزت فواحد الريسطو بلاما نتسناو واخا..انا سبقتك متعطليش..دار عطاها بظهر ورجع بحال الى نسا شيحاجة..

جواد(مع إبتسامة خبيثة) :

- بلاما تفكري بزااف حيت أصلا معندك فين تهربي(غمزها😉)...

خلاها وخرج...

ماريا : لالا هذا بزااف شتو ولا حاكرني بغا يظيرني تحت صباط ايوا كلس تما تسنا حتى لغدا انا انبات هنا يلاه...كلسات على الكرسي ودارت إيديها على لبيرو..حتى دخل عليها العساس..

- أستاذة ماريا الى سمحتي عفاك بغيت نسد الأقسام حيت تعطلت...

ماريا : ياك كاينين حصص مع 2؟

هو : اه كاينين ولكن كنسدو الأقسام حتى ل 1 ونص عاد كنفتحو حتى حنا كنبغيو نرتاحو ونتغداو مع وليداتنا...

ماريا(وقفات) :

- أه بصح سمحليا..هزات كارطابل ديالها وخرجات..كتبغم وضرب بزنطرات...كيبان ليها واقف هاد المرة بطوموبيلتو مشات نيشان فتحات الباب طلعات وضربات باالباب دارت سمطة ودارت جبهت السرجم...مقابلها عوج فمو مهضرش معاها ديمارا طوموبيل وزاد..

- غادي كيصفر ويغني ويضرب صباعو مع الفلون ممسوقش ولا ناوي يطرطق ليها مرارتها بهاد البرود ديالو...

ماريا(دارت شافت فيه) :

- عفاك واخا تسكت شوية راسي كيضرني..

جواد : يكما نديك لطبيب؟

ماريا : أحريق وغادي يدوز مديرش فبالك...بدا تيليفونها كيسوني هزاتو بانت ليها نمرة فشكل..فتحات الخط كتهضر بشوية..

ماريا : وي لالا هيا هادي النمرة انا انا لي مكلفة أه(كتحاول تهضر بالألغاز).. لالا ولكن فالعشية انسيفط ليك العنوان وجميع المعلومات الله أودي المعلومات وكاع لي قريتي حقيقيين 100فالمية واش حنا كنلعبو هنا..يلاه صافي بسلامة...سدات تيليفون دارتو فساكها ودارت جيهت زاج..

جواد(برودة) :

- شكون؟؟

ماريا : فكرون..

جواد(بصرامة) :

- سولتك شكون لي هضر

ماريا : والو شيحاجة كتخص الخدمة أجي شفتك كتستجوبني

جواد : من حقي ولالا؟

ماريا(كتستفزو) :

- أه بصح من حقك راه حنا خوت وصحاب ولالا😆...مجاوبهاش ورك على الفران حتى وقف بطوموبيل قدام ريسطو فين غادي يتغداو..هبط كيقاد فالكوستيم ديالو خلاها ودخل...

ماريا : الله يستر هاد السيد عندو إنفصام فشخصية مرة حنين مرة ياكل من العينين...خلاوها شلوح أيgربي سلامت...هبطات من طوموبيل سدات الباب وراها ودهلات تبعاتو..المطعم من الداخل كان كلو بالياجور الأحمر معلقين فيه طابلويات مرسوم فيهم الحوت والبقر دجاج كيبين شنو كيتقدم عندهم..ختار جواد طبلة بعيدة على الأنظار شوية..

قلبات عليه لقاتو واكلس مشات خلطات عليه حيدات تجاكيط ديالها حيت كاينة لكلبمة وكلسات..

جواد : انا طلبت قبل مانجيو كنتمنى يعجبك دوقي..

ماريا : نشوفو..شوية جا سرباي جايب جوج طباسل فيهم طرف طرف ديال الحوت وطرونشات الحامض..تمنا ليهم شهية طيبة ومشا..هزات ماريا راسها فيه بشوية ورجعاتز لطبسيل..

جواد(كيشوف فيها) :

- شنو مالك؟

ماريا : واش هذا هو الغدا؟؟

جواد : وي علاش؟

ماريا : لا دابا انا مافطراش وجايبني لهنا باش ناكول هاد طريف هذا شتي هاد جوج طروفة ديالي وديالك نديهم لدار وندير عليهم طاجين بالبطاطا وزيتون وأرى ماناكول...زوينة هادي كون اخليتيني ناكول واحد الخبزة عامرة صوصيت وبصلة نشبع بعدا وغير ب10 دراهم جوج خبزات فايتيني لهيه..جواد شد فراسو تنهد تنهيدة طويلة وسلم أمرو لله مابغاش هاد نهار يدابز معاها..

جواد : واخا الالة انا نعيط ليك لسرباي وطلبي لي بغيتي بغيتي حتى رفيسة بدجاج البلدي يجيبها ليك صافي😤..

ماريا(تبسمات إبتسامة عريضة وكاترمش بعينيها وتلعب بحجبانها) :

- ودابا هضرتي وها المعقول...😁

فبيتها معزولة كالسة على طرف نموسيتها هازة تصويرة ديال ماريا لي هزاتها من تيليفون بنتها وخرجاتها ودارت ليها كادر كدوز بيديها على وجها وتشوف تفاصيل ملامحها البريئة الزوينة عطاها الله جمال طبيعي بلا تجميل ولا مساحق التجميل الفم خدا حقو من الحمورية ومن العمورية خدودها الناعمين ضحكتها لي كتفتن عينيها الضاحكين حجبانها المقادين كلها زوينة ماشاء الله فكراتها فراسها فاش كانت فتقادة ديالها تنهدات تنهيدة عميقة وعنقات تصويرة بنتها تفتح الباب ودخل محمد كلس حداها كيشوف فيها دار إيدو على ظهرها كيطبطب عليها..

محمد : فكرتي فالعراضة لي عرضات عليك؟

حورية(تنهدات) :

فكااارت بغيت نمشي وخفت والله..

محمد : علاش مناش خفتي؟

حورية : راه أيكون أحمد تم ماشتيهاش هادي الى شافتي والى وقع شيحاجة تم مابغيتش بنتي تعرف بديك الطريقة هاديك بغيت حتى نكسبها لعندي وديك ساعات نكولها ليها وخفت لاما نمشي وتقلق عليا معرفت مندير وحق الله..

محمد : أنا معاك معندك مناش تخافي وعلاما عاودتي ليا على أحمد ماشي من داك النوع لي يغوت ويجبد الصداع وبنتو كيبغيها أيخاف عليها انت أتوكلي على الله ويكون خير إن شاء الله ومزيان يعرف بلي ماريا كتعرفك وجات زارتك راه مزيان..

حورية : الله بدير تاويل ديال الخير لهلا يحاشمنا وصافي..

محمد : هالي تكولي يلاه نوضي حطي لينا نتغداو راني ميت بجوع..

حورية : تبسمات ليه) واخا انا نطرف تصويرة وغادي نحط...

****

وتمُر عليك أيام تقدّس فيها الصمت عن كل شيء حاصل، وتنعدم رغبتك بالكلام أو العتاب حتى.. وترضى بكُل شيء يحصل ولو كان سيئًا...

- من بعد ما سلات الغدا ديالها لي كان حوت مقلي مع شلايض والموناضة تقادات فالكلسة ورتاحت...هو مقابلها مستغرب فيها تموت على كرشها...

هزات عينها فيه كيشوف فيها..

ماريا : مالك؟

جواد : لا والو ممالي والو وليت كنخاف شي نهاى تاكليني

ماريا : انت انت تخاف ياسبحان الله معرفت شنو جرا ليك اليوم حتى ضرافيتي؟!!

جواد(هز حاجب وهبط تاني) :

- مرة مرة كنبغي ندير الخير فناس ونعطيهم ساعة من وقتي ومن اللطافة الصغيرة لي فيا بلاما تفرحي..

ماريا : لا أنا عارفاك لي فيك فيك مكتبدلش..

جواد(وقف) :

- مزيان منين عرفتيها انا كنتسناك على برا...ركب نظاظرو خلى بوفوار لسرباية وخرج..وقف قدام طوموبيلتو كيتسناها وتصاورو معمرة لمدينة..خرجات ماريا وقفات حداه كتشوف فتصاورو..

ماريا : شفتك كاعما حضرتي لحملة ديالك؟؟

جواد : مزال ليها نص الساعة

ماريا : كيف كتحس؟

جواد : الثقة فنفس سلاح كبير يلاه مشينا..طلع لطوموبيلتو طلعات حداه وصلها لمدرسة هبطات ودخلات بقا حتى شافها دخلات جيهت الإدارة عاد ديمارا ومشا..

- ماريا من بعد الوجبة ديال الحوت لي كلات جاها الموت دنعاس مكرهاتش إيمتا توصل لدار وتنعس فوسط تدريبات كالسة وكتاوب كتعطي الملاحظات ديالها غير بزز...غير ضربات 4:30 وهيا تهز سكادو ديالها وخرجات أشرات لطاكسي وصلها لدار مع دخلات أول حاجة دارت طلعات لبيتها تلاحت نعسات ماعقلاتش على راسها حتى بدات وردة تفيق فيها..

وردة : ماريا نوضي خلاص أجي تشوفي الموديلات يلاه..

ماريا(شادها نعاس) :

- 10دقايق وانا معااك..

وردة : ولالا نوضي ويلاه..مناضت ليها غير بزز غسلات وجها باش توكض ومشات مع وردة لصالة فين كيوجدو..مع دخلات عوج وسيم سيفتو فيها..

- سبحنا على الله ونبي رسول الله..

ماريا : المغرب هذا ماشي صباح..

وسيم : سهام خدمي لكليمة الحو سخن وغادي يخسر ليا الجمال الفتان ديالي..

ماريا(كضحك) :

- مزييينك.. ياااا بووزغييبات... يااا لي النهاار ومطاال..وهو ينقز كيف المعزة الهجاالة... تووتووز و قشوور اللوز.. وجه المعدنوس..حتاا هو باغي يشد لبووز 😂😂

وسيم (كيضحك ويستفزها) :

- هههه ضحكييتني..أوجه الفولة...داايرة كييف الغوولة...صوتك كايخلعني في قلبي...ناااري انااا مت شدووني...سهااام السكاااااااارر...يلاه اتهضر ماريا حتى دخلات رابحة لعندهم..

رابحة : ختي ماريا واحد الدري كيسول عليك

ماريا(بستغراب) :

- دري مكالش ليك شكون هو؟

رابحة : لا مكالش..

ماريا : واخا انا جايا..خرجات رابحة وشافت ماريا فوسيم..

ماريا : انت ازغيبات الفار حتى نرجع...خرجات من صالة هابطة وكتسول فرلسها شكون هاد الدري لي باغي يشوفها...هبطات كيبان ليها دري واقف عاكي بظهر وكيشوف فطابليوات لي معلقين أحس بيها جايا دار غير شافها رسم بتسامة عريضة على وجهو..

- هيا غير شافتو وساعو عينيها وغرغرو بدمووع..

ماريا(الفرحة والبكية مخلطة عليها) :

- خويا آدم؟😍

ضحك حتى تغمضو عينيه وعنقها..

آدم : توحشتك أنوفايخة...

ماريا(ضرباتو ضربة خفيفة لظهرو) :

- واخا عليك اراس طارو مكاينش تيليفون عندكم زعمة متسول موالو نسيتي ختك..بعد عليها شوية وشد ليها حناكها كيجبدهم ليها..

أدم : كاين شي واحد كاينسى الحب ديالو..عنقها من كتفها غادي بيها كلسو فوق الفوتوي..

ماريا : إيمتا جيتي؟

أدم : غير هاد الصباح وصلت من عند الواليدة لعندك هنا

ماريا : واش ماما مليكة فخبارها بلي غادي تجي؟

ادم : لا مافراس حتى واحد هضرت معاها سيمانة لي فاتت سولاتني إيمتا غادي نجي كتليها راه الخدمة أيسيفطوني لتركيا على قبل واحد المشروع جديد وراه مابقيتش جاي ايوا بقا فيها الحال انا ديك ساع راه مقاااطع البيي ديال المغرب😂..

ماريا(كضحك) :

- هههههه عفريت فعايلك هوما فعايلك..

أدم : وانت أشنو هيا قضيتك مع هاد تخربيقة تزربيقة لي أنت فيها؟

ماريا : من بعد ونعاود ليك الهضرة ماشي هنا..شوف أتبقى معايا ياك

ادم : حماقيتي بغيتي الواليدة تسطا راه وجدات ليا بيتي وكولشي

ماريا : ماشغليش أتولي تجي عندي كل صباح وماتمشي حتى لعشية عرفتي شحال توحشتك ولا

أدم : واخا الالة غير هنينة صافي إيوا زعمة مكاينش شي اتاي شي عصير انت وجهك ماشي وجه ترحاب الله يستر..

ماريا(ضرباتو لراسو) :

- باااز ليك عصير ديال الحامض يكون حلو مع وريقات ديال نعناع ياك..

أدم : العز الخوادرية😆..

ماريا : راابحة رابحة...تمات جايا رابحة دايرة طابلية او واحد الزيف ماحمر ماليموني فيه شي موزونات فدهبي مبسمة...

رابحة : نعاام أختي

ماريا : واحد الكاس ديال عصير الحامض مع وريقات نعناع ومديريهش مسوس..

رابحة : واخا أختي...مشات رابحة وبقات ماريا هيا وأدم كيهضرو ويتفكرو أيامهم..دار ساروت فالباب تفتح ريحتو تضربات فنيفها قبل مايدخل...مع سد الباب كيسمع فصوتها لي كيميزو بين ألف صوت...ماحسات بيه حتى وقف عليهم..علات عينيها فيه تلاقات مع نظراتو لي كلهم ستفهام بحال الى كيكول ليها شكون هذا..

ماريا : سلام أدم هذا جواد لي عاودت ليك عليه..

أدم : سيي سلام مشرفين..

ماريا : جواد هذا خويا أدم..

جواد(بستغراب) :

- خوك؟

ماريا : أه خويا هو ولد ماما مليكة..

جواد(هاز حجبانو) :

- اه وي لي فسبانيا ياك؟

ماريا : أه هو

جواد : حتى هو أيكلس عندنا شي يامات كيف العادة ياك..

ماريا(عرفاتو كيحشي ليها الهضرة) :

- لا أدم ايكلس مع بابا وماما مليكة واخا شديتو مابغاش ولكن كون هاني ايولي يقيل معانا...

جواد : أممم مزيان مرحبا بيه الله أودي(كيكولها وهو كيطنز)..مكلتيش ليا فين وصلتي فموضوعنا؟

ماريا : لالا اخرج من الموضوع انت ديها غير فالإنتخابات ديالك...

جواد : ههمم واخا الالة..شاف فأدم لي واقف مافاهم والو دار وطلع لبيت ديالو..

- أدم لي شافو يكول واش خو ماريا من لحمها ودمها لشبهو بيها شعرو لكحل الرطب والبيوضة ديالو صحابو كيعيطو ليه غير شينوي حيت كيشبه لكوريين..فارق سن بينو وبين ماريا 4 سنين دابا عندو 23 سنة واخا مبيناش عليه تبارك الله خدام فالهندسة خدام مع شركة اي مشروع جديد مباني تجارية مولات شركات ناجح تبارك الله واخا لصغر السن ديالو..

- جات رابحة بالعصير حطاتو او شافت فماريا..

رابحة : بغيتي شيحاجة أختي ماريا؟؟

ماريا : لا رابحة هذا خويا أدم ولد ماما مليكة ..

رابحة(شافت فيه وتبسمات بخجل) :

- مشرفين أخويا..

ماريا : رابحة أحسن بنت هنا..

رابحة : ربي يخليك أختي..حدرات راسها من الحشمة خلاتهم ورجعات لكوزينة..

ادم : واش مزال كاينات بنات كيحشمو؟

ماريا : وشنو يحسابليك غير انت عشتي فديك أوروبا عند بالك كلشي بنات مقزدرات كاينات الحشوميات..

أدم : شفتيها كيفاش ولات حمرة مسكينة..

ماريا : هيا هكاك دايرة جوج كلمات كتغرق فحوايجها ههه..

آدم (شاف فساعتو) :

- أنا خاصني نمشي يلاه ندوش ونستف حوايجي ونرتاح راه منين جيت وانا حتى سبرديلتي ماحيدتها..

ماريا : والعصير؟؟

أدم(هز كاس دالعصير نزل عليه دقة وحدة سلاه) :

- هاهو الالة العصير يلاه انا مشيت..

ماريا : وعنداك ماتجيش غدا نعرفك على باقي العائلة..

أدم : واخا الالة صافي كوني هانية غدا إن شاء الله أنا عندك يلاه..مشات معاه حتى لباب سلمات عليه من الوجه وبقات واقفة حتى هرج من الباب الكبير عاد سدات الباب ورجعات...

طلعات مع دروج نيشان غادية دافعة راسها بحال داك الثور الهايج فتحات باب البيت ديالو ودخلات مدرمة...دارت إيديها على جنابها وكضرب برجليها...

ماريا : جواد فينك بغيتك دابا دابا قدامي بلاما تخبا فينك..نباها من اللور..

جواد(بستهزاء) :

- شبيك لبيك شنو حب الخاطر أمراتي العزيزة..دارت مغوبشة...طلعاتو من رجليه لراسو خرجات عينيها الحمورية طلعات ليها مع رجليها وجها ولا كيفور وقلبها كيضرب..نقزات طارت ورا الخامية تخبات وراها..كتسمع فيه كيضحك عليها..

ماريا(كتغوت) :

- واش تسطيتي عريان مكتحشمش هءاك وجهك ولا مسلفو عاجبينك بادرك مكتعرفش راه مع ناس..

جواد(برودة) :

- واش أنا لي كلت ليك دخلي عليا لبيتي مدقيتي حتى الباب وزايداها بتخراج العينين وازوينة هادي..

ماريا(كتشير بيديها ورا الخامية) :

- والبس لبس راه راه بغيت نهضر معاك..

جواد : مافيا لي يلبس عاجبني الحال هكا..

ماريا : وجواد براكة من البسالة راه الما لبستي والله لا خرجت من هنا..

جواد : حتى انا أصلا داكشي لي بغيت خليك تم باش تعلمي تولي دقي الباب قبل مدخلي..سدات عينيها وكتلعب برجليها جاتها صورتو دابا غير بالبوكسور لاصق عليه رجليه طواال كيبريو منحوتين صدرو العريض كيبري منحوت عضلات إيديه وعضلات كتافو وعنقو العراض شبيه لعود نفس طولت عنق العود بحال تماما ماشاء الله تبارك الله...رعدات راسها كتخاول تنفض الصورة من بالها سمعات سقيل..بشوية كتجر الخمية غير يشوية باش طل عليه غير خرجات راسها بان ليها متكي ومزال عريان..شير ليها بيديه وغمزها..دغية دغية خطفات راسها ورجعات تخبات..

ماريا(بزعاف) :

- راه هاد الفعايل كيديروهم غير البراهش وحق الله..

جواد : حتى واحد مكاليك هجمي عليا فبيتي انت بغيتي تشوفي حوايج ماشي قدك تعلمي..

ماريا : وصافي دابا انولي ندق فاش ندخل ماتليتش نعاود مزال..

جواد : لالا غير عاودي انا عندي نهار فسيمانة كنبقى ندور فبيتي عريان وانت جيتي فهداك نهار معندي مندير ليك صبري واحد الساعتين..

ماريا(خرجات عينيها) :

- أشنو ساعتين واش انا نبقى واقفة ساعتين كاملة هبلتي لا..

جواد : وإلى بغيتي..هيا من الداخل كتغدد وهو على برا ميت عليها بضحك خدا سروال لبسو وتريكو..هز طابليت ديالو كيشوف شي خدمة عندو وكيدندن أغنية فرنسية..

ماريا : والله حتى انت لي صدقات ليك..هانتا شوف راه ممزيانش تبقى مسفح راه اتشدك البرودة فنبولة ومتبقاش تولد أصكع..

جواد(ضحااك) :

- لالا من ديك النحية متخافيش عليا خوك عود واخا نتعرا حتى معيا نولد حتى 100 معنديش موشكيل..

ماريا(صافي عيات بالوقيف) :

- راه والله حتى نخرج ولي ليها ليها..

جواد : ولي ليها ليها وليلة باغية رونها ولي ليها ليها...أشبان ليك.نجيبو فيجتا فعرس وردة وأمين..

ماريا : واش انت دابا كتكول ليا طلع جيب الفول نزل شكون كالها ليك راه انخرج..

جواد : خرجي أصلا دابا حيدت كولشي كاع خرجي..

ماريا(بصدمة) :

- شنو واش واش هرب ليك الفريخ ولا شنو😲😲..

جواد : ممكن مرة مرة فيزيبلات عقلي كيتفلاشاو أحبيبة معندك مديري راجلك خاصو طبيب نفساني

ماريا : راه انا لي خاصني طبيب نفساني لي مقابلاك وجايا عندك..عرفتي شنو انخرج وغادي نغمض عينيا انت وريني غير الباب صافي؟..

جواد : أهاه واخا..زولات ماريا الخمية ودايرة يديها على عينيها..

ماريا : وجهني فين أنمشي

جواد : هممم دوري لقدامك هكاك يلاه تمش غادية لقدام لقدام..ماريا متبعاه...يلاه دابا دوري على جنب ليسر..هكاك مزيان..

ماريا : واش قربت حدا الباب؟

جواد : أه اه قربتي بقا ليك أشوية دابا سيري نيشان اتلقاي الباب قدامك..تمات غادية غادية حتى حسات راسها دخلات فشيحاجة..

ماريا : أشنو هذا هذا ماشي باب..هبط عند ودنيها وهمس..

جواد : أه بصح ماشي باب...طلع أيدو وحطها على إيدها لي مغمضة بيها عينيها وزولها ليها...بشوية حلات عينيها كترمش كيبان ليها وجهو على بعد سنتيميترات قلال بينها وبين وجها..عينيه لونهم بحال لون اوز رموشو مشبكين مع بعضياتهم فيه واحد الوسامة خطيرة خليط بين الجمال والخشونة الرجولية..نزلات عينيها لعنقو ولصدرو لي لقات راسها حاطة إيدها عليه..شوية بان نتابهات ليه لابس حوايجو...هزات حجبانها وصغرات فيه عينيها دغية بعدات..

ماريا : كنتي كضحك عليا يااك..؟؟

جواد(جرها من إيدها وحبسها بين دراعو) :

- معنديش الحق نضحك مع صاحبتي أمم..

ماريا(متهضرش بهاد الطريقة عفاااك) :

- وو وو المهم انا بغيت نهضر معاك فواحد الحاجة...توترات ماعرفات ماتكول ولات دخل وتخرج فالهضرة..

جواد(كيزيد يزير عليها وبصوت مثير) :

- كولي كنسمعك.

ماريا : وو واطلقني باش نعرف نهضر..

جواد(ضحك وغمزها) :

- علاش دابا مقاداش تهضري أممم..؟

جمعات ماريا القوة ديالها ودفعاتو..كتخنزر فيه..

جواد(بستهزاء) :

- وقوية مع راسك..

ماريا : ماتبقاش تصرف معايا بحال هاد تصرفات متندمنيش حيت بغيت نعاونك ونكون ختك وصديقتك..

جواد(لوى شفايفو) :

- علاش الأصدقاء مكيعنقوش بعضياتهم كتعنقي غير كريم او آدم ياك؟.

ماريا : أدم خويا هداك أما كريم راه عشرت العمر ودابا واش نهضر ولا نمشي فحالي؟

جواد(كلس على واحد الكرسي هزاز دار رجل على رجل وتقابل معاها) :

- كنسمعك..

ماريا : مزيان هانتا انا أندير واحد النهار انجمع فيه كاع البنات لي ختاريت ليك باش أنت تعزل وتخير وحدة فيهم شنو بان ليك؟

جواد : هممم فكرة مزيانة صافي بديتي كتنفدي الخطط ديالك؟

ماريا(بستغراب) :

- أشمن خطط؟

جواد : زعمة بديتي كتجمعي البنات لي غادي توريني

ماريا(تبسمات) :

- أااااه ااه بديت كنجمع انت متخممش ومترفد الهم لحتى حاجة مدامني أنا هنا..غير هو معجباتنيش طريقة باش هضرتي مع خويا كبيبة هداك راه خويا وعزيز عليا وغالي..

جواد : علاش كتكولي ليه خويا؟

ماريا : مدام هو ولد ماما مليكة فراه خويا..

جواد : اممم واخا الالة سمحيليا مابقيتش انعاود امراتي العزيزة أه بغيت نكول أختي لعزيزة(وقف)انا انهبط حيت كيتسناونا لعشا مشينا😉..داز من حداها وخرج من البيت مخليها جامدة بحال شي وحدة ضربها ضو مسكينة فكل مرة كتبغي تحكو كيصدق هو لي حاكها...تنهدات تنهيدة طويلة دوزات إيدها فشعرها وخرجات من البيت لحقات عليه باش يتعشاو..

****

بين الذين أهدروا ماضينا ، والذين يصرون على إهدار مستقبلنا،

بين الذين أفرغوا أرصدتنا ، وأولئك الذين سطوا على أحلامنا ،

نظل نحن أثرياء الحب أشرف من غيرنا ♥

****

- فبيت ماريا فوق نموسيتها متكية دايرة ورا ظهرها جوج مخاد وفوق رجليها حاطة مخدة فوق من البيسي ديالها مسرحة شعرها يلاه مدوشة ودايرة نظارات ديال الحماية فعينيها وكتكونيكتا على أساس أنها "جواد" ميتة بضحك على العيالات لي شعر راسهم شاب ومزال طامعين فشاب خلاتها مولاتها حتى شاب عاد دارو ليه حجاب هيا هادي بدات تهضر مع هادي ومع هادي وكل وحدة فيهم كتعطيها تاريخ النهار لي أتجمعهم فيه كاملات نهار قبل من العرس بيوماين أيكون اللقاء وهكا تعطل جواد على زواج وتشغل ليه وقتو وتنتاقم منو على كلمة ختي لي خرجها من فمو...بقات على داك الحال الليل كلو حتى حسات براسها اتنعس فوق الكلافيي من بعد ماختارت 15 وحدة بحال الى اتختارهم لعرض الأزياء سدات البيسي ديالها حطاتو جنبها طفات لفايوز لي حدا راسها وستسلمات لنعاس...

****

خلق الله الناس ورداً وشوكاً

الشوك يحاور الورد بلغتِه .. وخزاً

والورد يحاور الشوك بلغتِه .. عطراً

صباح الخير 🌹

- فاقت ماريا بكري حيت عندها حصة صباح والعشية خاوي خدات تريكو موطارد من ماريوها مع سروال دجين وسبرديلة بيضة مشطات شعرها ودارت الكصة هزات سكادو ديالها وهبطات كدور فعينيها يمين وشمال عند بابها غادي تشوف جواد ساعة مكان حد..دخلات لكوزينة لقات هنية بوحدها..

ماريا : صباح نور

هنية : صباح الخير لالة ماريا نوجد ليك الفطور؟

ماريا : لا بغيت اطرف ديال الكيكة وداك العصير ديال الليمون..

هنية : و ولكن هاداك الكاس ديال سي جواد..

ماريا : علاش فين مشا؟

هنية : والله معرفت الالة صايب داك العصير راسو وحطو تم شفتو معصب وخرج..

ماريا : عطيني داك الكاس يجي ويصايب غيرو الى كاليك شيحاجة كوليه ماريا لي شرباتو..مدات ليها هنية كاس دالعصير والكيكة كلاتها ودوزات لداك الكاس لي كان بنين وبارد على القلب..

ماريا(مع إبتسامة) :

- الله يهنيك ويعاونك أنا مشيت...خرجات لقات شيفور كيتسناها ركبات وهيا فرحانة حيت تافقات مع آدم يجي عندها عطاتو العنوان وشنو يكول لمول طاكسي بحكم مامخالطش..وصلها شيفور لمدرسة دخلات ودوزات الحصة مزيان وبيخير دارت إعادة لدروس على قبل نهار تنين عندهم إمتحان ضربات ل11 وهيا خرجو تلاميذ لديورهم كيتسناوهم والديهم وهيا بقات واقفة كتسنى حتى بان ليها طاكسي وقف وهبط منو آدم...لابس تيشورت بيضة فوقها شوميز حمرا محلولة وسروال دجين مع سبرديلة تويشية فيديه او وحدة فعنقو..ضحكات فوجهو فرحانة بحال شي بنت صغيرة..

ماريا : صباح نور تبوكيصتي

آدم : ربي شنو كتساليني عرفتي مقدرتش نوض وحق الله..

ماريا : أشمن زيد زيد نفطرو وغادي تنوض توكض بلهلا يتبتو ليك وجاي بهاد القويميجة راه البرد راه إفران هادي.

أدم : صابح الجو مشمس مافياش البرد دابا اتدينا نفطرو ولا اندوزوها ملاغية..

ماريا(خشات إيدها فدراعو وجراتو) :

- سبحان الله مضروب على كرشك..

أدم : الحاجة لي متشبه مولاها حرام..

دخلات ماريا هيا وآدم لواحد الكافي قريبة لمدرسة فين كتقري نيت طلبو الفطور ماريا براد أتاي مشحر مع الخبز او مقلة ديال البيض بالخليع بحال العادة هادشي لي كيعجبها تفطر بيه فالقهوة هادشي غير شربات العصير وكلات الكيكة اما آدم خدا قهوة وكرواصة..وهوما كيفطرو سولها آدم..

- واش بصح داكشي لي عاودات ليا الواليدة..؟؟

ماريا(كتاكول) :

- اه بصح..

آدم(غوبش) :

- واش انت لطاسيلتك غير محلولة لي جا يضحك عليك نكولو وردة صاحبتك وكانت فغيبوبة ومنين فاقت الالة تشد بنتها عندها واش انت مربية؟

ماريا(علات فيه عينيها) :

- آدم راه انخبطك انت عارف وردة كثر من ختي وشكون ايشد البنت وهيا صغيرة ماحيلتها تقلب على راجلها ماحيلتها لبنت..

ادم : كان على خوه يقلب عليه ويرجعو لدار دارت فيها فيلم هندي هيا لي خاص تقلب عليه انوضي من لgلبة شوية وانت لي جا يستغلك..

ماريا : متمولش هكاك وزايدون ليليا بحال بنتي وربيت عليها الكبدة كنحماق عليها وحق الله وحتى وردة ماتبدلاتش فاش سمعاتها كاتليا ماما كون شي وحدة كون غارت ومايعجبهاش الحال..

آدم : من نيتك مايعجبهاش الحال وراه ضروري تكوليك ماما راه انت لي ربيتيها حتى ولا عندها عام حلات عينيها فيك انت مسألة وردة ندوزوها نكولو صاحبتك وبحال ختك وهداك جواد لي ضحك عليك ضحكة دايزها الكلام مزوج بيك بصح وانت مفراسكش على أساس الى طلقتو دابا اتبقى بصمة فحياتك مزوجة ومطلقة غير هكاك بحال الى كنتي كتمتلي

ماريا : معنديش سوق واشفيها الى تزوجت وطلقت العالم كامل كيتزوج ويطلق وقفات عليا أنا وزايدون هذا لي أيبغيني الما كانش تايق فيا وكيبغيني معندي مندير بيه..

آدم : وباس كتقتليني مكتقدايش كتبقاي تجاوبي..

ماريا : دابا واش جايين نفوجو ولا ندابزو لي عطا الله عطاه دابا سي تروطار دابا كول كول..

آدم(بستسلام) :

- شنو أنكوليك أنت تعرفي المهم يغلط فيك شي واحد هك ولا هك والله حتى نقسمو..

ماريا : هاي هاي على بوراس كبرتي وليتي دافع عليا..

آدم : واشنو متحكرينيش...قلبوها ضحك بيناتهم..سلاو الفطور وخرجو كيتمشاو فجردة بين شجر خالقين سعادة بيناتهم خداو تصاور مرة معنقاه مرة جراه مرا مخرجة عينيها ولسانها بحال الحمقة المهم خالقين جو وشغب لي كيكون بين أغلب الخوت..من بعد إصرار ديال ماريا باش آدم يمشي معاهت لدار ستسلم مسكين خداوها على رجل غاديين كيهضرو مجمعين فلحظة هزات ماريا راسها بانت ليها طوموبيل بحال ديال جواد دايزة بزربة ملمحاتوش هو لمحات غير نص ديال بنت راكبة هدا جيهت شيفور..دارت بزربة قلعات لبلاكة وكانت فعلا طوموبيلت جواد..ثغرات عينيها كتفكر..

آدم(كيدوز إيدو قدام عينيها) :

- الالة أفين سرحتي معاك كنهضر فين كتشوفي؟..

ماريا(فاقت من سرحان ديالها) :

- أ؟؟ لا والو واقيلة غير شبهت طوموبيل ديال جواد..

آدم : على أساس زعمة غير طموبيلتو لي كاينة فهاد إفران الله يهديك وكاع الى كان هو مالك شنو واقع؟

ماريا : مواقع والو يلاه زيد زيد نشدو طاكسي ضروني رجليا..وقفو شيرو لطاكسي ماريا طريق كلها وراسها كيدي ويجيب مأكدة بلي طوموبيلت جواد هاديك شكون اتكون كانت حداه بان ليها غير شعر زعر ونظاظر فالكحل فقط هادشي لي قدرات تميز فالبنت لي كانت راكبة زعمة تكون وحدة من البنات ولكن لا إقبال ولا هاجر دايرين داك لون مشا عقلها لليلى ولكن حتى ليلى شعرهت مازعرش طردات الفكرة من راسها وعطات الإنتباه ديالها لآدم لي كان كيهضر...

- وصلو لدار خلص آدم طاكسي ودخلو...لقات الكل مجموع معاهم حتى وسيم..

هاجر : على سلامة أصاحبتي من صباح وحنى كنتسناو فيك..

ماريا : من المدرسة فطرت مع خويا وجينا..

هاجر(بستغراب) :

- خوك؟؟

ماريا : أه هداك خويا آدم ولد ماما مليكة حا لبارح من سبانيا أدم هادي هاجر بنت خالت وردة وهادي إقبال...بدات كتعرفهم عليه واحد بواحد..

الحاج : مرحبا بيك أولدي..

آدم : ربي يخليك أعمي..نقز وسيم..

وسيم : اوووه فيك خليك كوري..

ماريا : حيت عندنا زين سلالة من العمة لخالة..

وسيم(ضحك) :

- شكون هضر معاك انت اوجه الكبالة انا كنهضر مع داك زوين لي حداك مول الخالة وانت كتنقزي بحال دبانة الهجالة..😂😂😂

ماريا : سبحان الله لحاجة لي متشبه مولاها حرام زيغ انت من فاصيلات الحشرات داكشي باش كتعرف دبانة لهجالة من دبانة لعزبة كان خاصك تكون طبيب ديال الحيوانات والحشرات ادودة القز..

إقبال(همسات لهاجر) :

- هاهوما بداو تاني أش جا ماسكتهم..

وسيم : شفتي أنا أحبيبة بزااااف عليك ولهلا يحييك ولا يطول زمان عليك شح والمح والبطاطا تشطح..

ماريا دارت إيديها على جنابها..

- حتى قشور البطاطا ولاو عندهم قيمة كانو غير كيجمعوهم ويعطيوهم لبهيمة جوووخ موووخ(دارت حركة بيديها ديال إيحي فيك)..يلاه أيجاوبها حتى نباهم صوتو لي بحال زلزال..

جواد(بعصبية كيغوت) :

- واش عندي حمام العيالات هنا ولا هادي راه دار ماشي زريبة لي بغا يدابز يخرج على برا لتيران وأرا مايغوت وانتوما دايرين بحال الثور كل واحد باغي ينطح لاخور مانبقاش نسمع حسكم مزاال هنا مفهوم...دار شوية رجع..

جواد(شاف فماريا) :

- نتفاهمو على العصير دصباح..خلاهم كيبقلو فعينيهم ودخل لمكتب ضرب بالباب حتى نقزو من بلاصتهم..

وسيم(كيتغبن خايف) :

- هذا مالو علاش كيغوت علينا..

ماريا : شفتيه بقا ليه غير يصوتنا..

وسيم : حين عوانك أختي كيفاش صابرة عليه..

ماريا : شفتي علاش صابرة أحيانة..

وسيم : بقيتي فيا أزوغبية عينيك تنفخو وشعرك طاح كون انا بلاصتك كوراه خرجو ليا الكرون..

ماريا(تنهدات) :

- إيوا شنو عند الميت ميدير قدام غسالو..

وسيم(كيطبطب عليها) :

- حاس بيك أحبيبة والله حتى حاس بيك قلبي كيتقطع من جيهتك والله مايبقاش فيك الحال مدام وسيم منيب معاك هنا عمر دموع ميعرفو ليك طريق..وقف الحاج كيشوف فيهم بنفاد صبر..

الحاج : لاحول ولا قوة إلا بالله حاس براسي كالس فعزو ديال العيالات نمشي نشرب دوايا حسن..خلاهم ومشا لبيتو..

إقبال : واش انتوما مهابيل ولا كتهبالو علينا واش انبقاو مقابلينكم وها ضحك نايض..وسيم هاز حجبانو وداير فيه درويش شوية تمات هابطة وردة مع دروج غير شافت أدم غوتات وتمات كتجري..

وردة : آدم هذا انت😍😍..

آدم : مبسم) هو هذا...عنقاتو وسلمات عليه من الحناك..

وردة(بحماس) :

- إيمتا جيتي؟

آدم : لبارح فصباح..

وردة : مزيان باش تحضر لعرس ديالي نيت والله حتى توحشتك..

آدم : حتى انا فين هو أمين؟

وردة : أمين عندو حصة اليوم مع طبيب كنت انمشي معاه ولكن ليليا مخلاتنيش صباح كامل وهيا تبكي يلاه نعسات ليا..

ماريا(مشوشة) :

- مالها؟؟

وردة : معرفتش ياختي غير درت ليها ليكوش ديال بامبيرس وهيا تبكي..

ماريا : أصاحبتي هيا راه موالفة مولفيكس كتاخد راحتها فيه ومكيطيبهاش بامبيرس راه غير إشهار صافي خاوي من القطن ومزير وكيطيب..

وردة : مكانش فبالي انا اتقادة ليها سيفط بوبكر جاب ليا هذا دابا نسيفطو يجيب ليا مولفيكس..هبط طارق عندهم من بعد سلام همس لإقبال بلي أيخرج يقضي واحد الغراض ويجي..من بعد خرجات رابحة من الكوزينة تجمع طبلة لي كان محطوط عليها العصير والحلوة..

غير شافتها ماريا وهيا تشوف فوسيم..

ماريا : بيما أنو ولينا سمن على عسل وصحاب بغيت نطلبك طليبة..

وسيم(كيسبل عينيه) :

- طلبي وأمري أحبيبة ديالي

ماريا(قربات ليه وهمسات فودنيه هو كيسمع ليها ويعوج حجبانو) :

- شنو ظهر ليك..

وسيم : عرفتي شنو ضربيه على حسابي كوني هانية...ماريا شافت فرابحة..

ماريا : رابحة نص ساعة طلعي عندنا لبيت فين كاين دوزان ولبسي شيحاجة متكونش واسعة واخا..

رابحة (بستغراب) :

- واخا أختي ماريا...دات البلاطو مستغربة مافهمة والو...

وسيم : يلاه احبيباتي يلاه انبداو الخدمة...شاف يمين وشمال غوبش ودار إيديه على جنابو...

وسيم(كيغوت) :

- سهاااااام..تمات جايا كتجري

وسيم(جامع فمو وكيخنزر فيها) :

- بغيت نعرف واش انا جايبك تخدمي ولا دوري المعزة دواحة يلاه يلاااااه زيدي تبعيني يلاه غبري غبري..سبقاتو كتجري بلا هضرة بلا جوج مسكينة..مسلمة أمرها لله معندها مدير مهما كان خدمة بصالير مزيان كيفما كالت ليها جمانة فين اتلقاي بحال هاد الخدمة واخا وسيم فيه الغوات ولكن حنين وقلبو بيض..وهتدشي لي مخليها تكمل الخدمة معاه.

طلعو كاملين ومعاهم ادم لي هز كرسي وكلس فالقنت مقابلهم بداو بختيار الموضيلات ديال تكاشط وديكور ديال القاعة لي ايجهزو واخا عيا جاهزة ولكن بغاو يجهزوها هوما على دوقهم لي بغا المصميمين خدتمين على تصاميم لي بغاو البنات حتى من المختصين فالإكسيسوارات جبدو ألبوم باس العرايسات يختارو والوزيرة ديالهم لي هيا ماريا بطبيعة الحال..تدق الباب وتفتح طلات رابحة براسها دارت ماريا وأشرات ليها تدخل بيديها..

ماريا : دخلي ارابحة..تمات جايا حشانة وحادرة راسها..وقفات قبالت وسيم لي كيشوف فيها..

وسيم : عرفتي كونما هاد الكريشة اتكوني أجمل عارضة أزياء دو وجه بريئ..

ماريا(بصرامة) :

- زغلول😑

وسيم : صافي أباكيزة هاني ساكت..جبد الميترو وبدا كيعبر لرابحة فالمقاسات وهيا زي الأطرش في زفة مافهمة والو..من بعيد آدم داير رجل على رجل وحاضيها كيفاش غير حط وسيم إيدو عليها تزنكات وحشمات عجباتو الحسمة لي فيها خصوصا فاش كتغمض عينيها وتعض على شفايفها فعلا كيفما كال وسيم وجه ملائكي كيأسر القلب والحواس..

#فالمكتب..

جواد معصب هاز كارو فيدو حتى سونا ليه تيليفون..

جواد : وي أمضرا..

جلال : صافي اخويا جواد كولشي هو هداك..

جواد : فنفس الأوطيل لي وصيتك..؟

جلال : وفأحسن شونبر وراه وصيت عليه كاع لي تما لي أتحتاجو اتلقاه..

جواد(برضى):

-مزياان..

جلال : وراه وصيت عليها كاع لي تما لي أتحتاجو أتلقاه..

جواد : مزياااان...

****

في الحياة ؛ ستدرك أنّ هناك دور لكل شخص تقـابله .. البعض سيختبرك ، والبعض سيحبّك ، والبعض سيعلمك درسا لن تنساه مدى الحياة .. !!

- بداو الإجراءات ديال تحضيرات العرس على قدم وساق المصميمين خدامين على لبيسات ديال للعريسات ماريا مابقاتش كتحك راسها ولا كتسالي ديما على برا مع إقبال او وردة مرة هاهوما عند بوتيكات ديال الحوايج مرة عند دهايبي مع طارق وأمين كل مرة فين مرات كان خاصهم يهبطو حتى لفاس باش يتقداو عاد يرجعو جواد مابقاتش كتشوفو منين كتجي كطيح دودة تنعس حتى من المدرسة مابقاتش كتمشي ليها مع العطلة من غير نهار تنين لي مشات دارت الإمتحان لتلاميذ ورجعات سومية حتى هيا معاوناهم وحتى آدم دخلوه فالمعماعة مسكين..

- قبل العرس ب10يام كالسين مجمعين حتى نطقات ماريا موجهة هضرتها لوردة..

ماريا : أجي مالحضتيش أمين جاني غير ساكت وساهي يكما مريض؟

وردة : لا ممريضش مكاليا والو حتى انا لاحظتها ولكن فاش كنسولو كيكوليا والو غير ستريس ديال العرس..

هاجر : حتى انا لاحظتها كيبقى يشوف فينا وغير ساكت..

إقبال : عنداك يكون تزاد عليه الحال؟

وردة : آخر مرة كان عند طبيب كاليه كلشي مزيان وكاين تحسن فالحالة ديالو انا كلت غير حيت قرب العرس داكشي باش..جا عندهم وسيم هاز شيواوا ديالو وحداه سهام لي بحال ضلو..

وسيم(بدلع) :

- هاااي حبايبي عرفتو شنو الخدمة غادية غزالة ولكن قولولي شكون ايعمليكم الميكاب..؟؟

إقبال : ماريا راه خطيرة فالميكاب ارتيست..

وسيم(هز حاجبو) :

- هاي هاي على بكيزة والميكاب إيوا هادي جديدة العفريتة ولكن متكونيش بحالي انا كنخرج دهب من يديا عرفتي داك جواد قنانة تعلم على إيدي هو غير جا او ولا طوب..

ماريا : وبااااز ليك مالي كيجيتك معجبتكش ولا؟

وسيم : انت راه الحب ديالي انت..

سهام : سبحان الله كنتو مكتشاموش دابا وليتو محابين..طلع فيها عينيه وسيم كيشوف فيها مصغر عينيه..

وسيم : انت هنا العقربة سامة حضينا الله يستر ويجعل سلامة خمسة ولخمامس والحرمل فالكمامس كيفما شفتينا تخلينا ياختي يييخ على بنادم لواحد خاصو يعلق قرطاسة عامرة بشبة والحرمل والفاسوخ باش متشدش فيه العين معاك...

سهام : ومالي كدبت ديما كتقمعني

وسيم : وزيد ليك هاد سوحليفة حتى هيا كتهضر إينيوي فين كنا...اجيو حقا شنو درتو فالأوركستر؟؟

ماريا : عثمان مولين يفاريها فالعرسات بجوج..

وسيم : ويليييي زين ماختاريتو كيحمي طرح غزاال داك سيد خوااار ظرافات منعاودش ليك..

إقبال : أيجي حتى الحاج عبد المغيث غير هو أيغني ساعة ويمشي والباقي دالعرس ايبقى اعثمان..

وسيم : ماشي مشكيل وراه هضرت ليكم مع نقاشة سعاد العلوي راها غزالة ومعرفة اظير معاكم مزيان..

ماريا : انا صراحة داكشي لي كدير مكيقنعنيش اويلي نظير صبع ونتسمى حنيت الحنة عيا تعمار ليد ومكاين ماحسن من الحنة الصحراوية غزاالة ومسرارة خصوصا كتعمري صبيعات او وسط ليد كيكون خفيف ويلي ويلي ومع صباغة فالكرونة كتجي فنة انا بعدا نهار عرسي هيا لي غادي ندير إن شاء الله..

وردة : كتبقى مسألة أدواق عاوتاني المهم على حساب..

- بقاو مجمعين على العادات وتقاليد ونهار الحنة مني منك مني منك تفتح الباب ودخل جواد نيشان من الباب لمكتب ديالو...ماريا تبعاتو بالعين مافهمات فيه والو أصلا مابقاوش كيتلاقاو ودابا زادو كملو..ناضت من حداهم ومشات لعندو دقات فالباب غير سمعات صوتو أذن ليها بدخول ودخلات...كان واقف وكطل من سرجم هاز كارو فيديه...دار حتى شافها هيا لي دخلات ورجع كيف كان..

ماريا : أه أه أه كتبان جدي بزااف ياك لاباس؟

جواد (برودة) :

- علاش كتسولي ؟

ماريا : غير بغيت نشوف العريس ديالنا مالو يكما مهلوع حيت قرب نهار لي أتشوف فيه عريساتك وتعزل وتختار(كطنز عليه وضحك)..دار شاف فيها هاز حاجبو وداير إبتسامة جانبية على طرف فمو..

جواد : لالا عريسات هوما مولات 60 و66 تبارك الله عليك وخلاص...

ماريا(جمعات الضحكة وغوبشات) :

- كاقلب ليا فالبيسي ديالي ياك؟؟

جواد : نونونو غير صدفة وصافي غير بغيت نعلمك بلي ديك صفحة ديزاكتيفيتها كاع صفحات لي دخلتي ليهم حيدتهم..

ماريا(تجنات) :

- وباشمن حق؟

جواد : عندك زهر لي مدرت فيك شرع إيدي واش عارفة شكون أنا ولالا واش عارفة بلي المغرب كلو كيعرفني هازة صورتي وديراها فمةاقع تافهة لي يمكن لأي واحد معندو لاشغل لا مشغلة يدخل ليها بغيتي تشوهيني😡..

ماريا(توترات) :

- أنا مكانتش نيتي هكاك...قاطعها.

جواد : مكايهمش شنو فنيتك داك الموضوع اخرجي منو أنا قاد بيه..

ماريا : كيفاش زعمة؟

جواد(بغموض) :

- مكايهمش كيفاش المهم غير خرجي سوقو أصاحبتي العزيزة..

يتبع...

سيدها الجزء 11

محتوى القصة

التنقل بين الأجزاء