سيدها الجزء 14

ماريا شافت فالبنت لي ساكتة وحادرة راسها

- حطي ديك القفة وأجي معايا أنا انلقا ليك خدمة حين من هاد الخدمة ديال الذل..

السيدة : الالة ش..

ماريا(سكتاتها) :

- الى على حوايجها خليهم عندك مرابانة ينفعوك شي نهار حيت من هنا لغدا متعرفي تولي كثر منها وتحتاجي ماتلبسي وفلوسها زيديهم فيك اتحتاجيهم شي نهار...خلاتها واقفة نطرات لبنت ديك القفة وشداتها من إيديها جراتها داتها...حتى واحد محاول يهضر بداو ناس كيتفرقو وكيشوفو فسيدة نظرة ديال استحقار..خرجات ماريا تابعاها أروى فتحات الباب اللور ركبات البنت وطلعات لقدام مع أروى..

أروى : وداكشي لي شرينا؟

ماريا : خليه تم مابقيتش حاملة نرجع تعصبت ديماري حتى لشي سوبير مارشي وهبطي خودي لي خاص..

أروى : واخا ديمارات أروى طوموبيل مشات حتى لسوبير مارسي أخور تقدات لي خاص ورجعات..رجعو لدار دخلو..بقات واقفة البنت لي سميتها ثورية..

ماريا : دخلي أثورية مرحبا بيك كلسي...كلست ثورية وكليات حداها ماريا

ماريا : شوفي غدا إن شاء الله أتبداي الخدمة معانا فالمجلة كولي ليا كتعرفي تصايبي كرواصة والكيك؟

ثورية : أه كنصرعهم

ماريا : داكوغ شحال كانت دايرة ليك ديك خيتي فشهر؟

ثورية : كانت كتخلصني لسيمانة 550درهم

ماريا(شهقات) :

- أويلي على 550درهم كتجيك 2200درهم لشهر هكاك ولا 2300 وشنو كنتي كديري؟

ثورية : كولشي الميناج وطياب وكنقابل حتى دراري كولشي مني

ماريا : علاش معندهاش مولات الكوزينة لي خاصة؟

ثورية : كانت عندها ولكن كانت حاكرة عليها بزااف داكشي باش مشات فحالها ومع انا كنبات دايرة ليا بيت فلاكاف كندير كولشي

ماريا : بنت الحرام من فعلها شوفي حنا هاد الأيام خاصنا شي وحدة لي تقاد لينا القهوة وتصايب لينا ليكيك وكرواصة وشنيك دراري وبنات المجلة عياو من ماكلة الزنقة ماغادي تجفي ماتمسحي ماوالو مولات الميناج كاينة انت اتكلفي غير بالفطور والكوتي كيكون مع 4 وحنا كنخرجو مع 5 يا أتاي يا قهوة يا كيك يا كرواصة صافي اتاخدي 4000درهم لشهر شوية تسيفطيه لداركم والباقي انقلبو ليك على شي بيت يكون قريب لخدمة بيت وكوزينة وطواليط جهد ديك 1200درهم سيفطي لداركم ديك 1500درهم وبين الما وضو والكرا اتشيط ليك ديك 1200درهم تكساي بيها وخبي لي خبيتي لدواير زمان صافي...ثورية دمعو عينيها ناضت تلاحت عليها عنقاتها..

ثورية : شكرا أختي ماريا الله يجازيك بيخير الله يفرحك ويفتحها فوجهك وينولك لي فبالك

ماريا : امين ياربي بلاما تشكريني والى حتاجيتي أي حاجة كوليها ليا وعتابريني بحال ختك...يلاه نوضي نوريك البيت فين ترتاحي وانعطيك ماتلبسي انا عندي العصري معنديش البلدي نشوف شيحاجة نعطيها ليك بينما خرجنا نسوفو شيحاجة تشريها وإن شاء الله نبداو نقلبة ليك على خدمة...ناضت ماريا تبعاتها ثورية داتها لواحد البيت خلاتها فيه ومشات لبيتها جابت ليها ماتلبس ورجعات عندها..

ماريا : هاهوما عاد الحوايج لبسيهم وهاد دوش دخلي بعدا دوشي عاد خرجي لبسي حوايجك وهاد جلابو لوحيها فزبل..

ثورية(ضحكات) :

- واخا أختي ماريا..خرجات من عندها ماريا وهبطات عند أروى لكوزينة لقاتها كتوجد فالعشا يلاه يلاه تصايبو بيتزا مع ليبات..

أروى : ناري ويجي وسيم ايحيح 

ماريا : مايحيح والو انا كنعرف كيفاش نسكتو غير تهناي...شفتي مسكينة حالتها حتى لعومان معايماش وديك جلالبة عصريها كدام باب الكلب يتقيا زعمة هاد الناس موحال واش بشر والله ليهود قسما بالله مافيهم لا رحمة لا شفقة

أروى : كيكوليك ياويلك من المشتاق إلى داق الله يهدي ماخلق وصافي..

ماريا : أنا انبدل ونجي نعاونك

اروى : اوك...

- طلعات ماريا بدلات وهبطات عاونات أروى حتى سلاو حطو لعشا على طبلة شوية هبطات ثورية تكول غير وحدة أخرى فنة فنة غزااالة وجها طبيعي خالي من المكياج بيبضة شعرها لونو بحال لون الشمس برتقالي عينيها خضرين داكشي باش كانت مدوزة عليها دكاكة لي كانت خدامة عندها..

ماريا(كتصفر) :

-

اووووه جيتي فنة أجي تعشاي أيكون فيك جوع ولكن بلاتي بينما جا وسيم اه وسيم هو مول المجلة ونتعشاو..مجات فين تكمل هضرتها حتى تفتح الباب ودخل وسيم بعجاجتو..

وسيم : هالو حبيباتي اممم أش هاد الرويحة هادي عرفتو فيا الموت ديال...سكت منين شاف ثورية..هز حاجب كيشوف فيها..

وسيم(كيأشر ليها) :

- سيكي؟

ماريا : هادي ثورية

وسيم : ماقلتش ليك سميتها وشكون هيا...جراتو ماريا لكوزينة...

ثورية(مخلوعة) :

- ناري راجل ختي ماريا مغاديش يبغينس نبقى هنا حسن نمشي فحالي

أروى(كضحك) :

- هداك خويا وسيم ماشي راجل ماريا هو صديق ديالها وخدامة معاه..ثزرية كتعض فظفارها والخوف باين فعينيها..

وسيم : اويلي حاي اويلي حاي وليتي تجيبي ليا من والة لدار ومخدماها 4000درهم ياختي زوينة فتحي ياختي جمعية او ولي تفرقي لفلوس على الناس راكي مليارديرة

ماريا(غوبشات فيه) :

- وسيم براكة من الضحك السيدة ماشتيش حالتها كيف كانت مسكينة..

بدات كتعاود ليه شنو وقع..

وسيم(شد راسو) :

- لاحةل ولاقوة إلا بالله ياربي صبر من عندك واش انت مكتحشميش شي نهار تجيبيها فعظامك

ماريا : انا مكنحملش الظلم والحكرة أنت عارفني وزايدون ياك كلتي ليا خاصنا وحدا لي توجد لينا لي كيك والقهوة؟

وسيم : أه قلتها وكنت انجيبها من وكالة ديال توظيف

ماريا : بلاش البنت حادكة وظريفة وبلاما تخرج عليها نيابك راني كنعرفك لي فيها كافيها والى جاك صالير غالي انا نعطيها النص

وسيم : كابقاتش فالفلوس راه بقات فثقة راه هاد الزمان صعيب انت معرفاش أشنو واقع

ماريا : انا حاسة بالبنت مافيهاش دغل حيت لوكان فيها تحريميات كون دارتهم مع ديك الغولة لي كانت خدامة عندها هيا مسكينة كانت رداها بحال تراسة دابا شنو كلنا؟

وسيم(تنهد) :

- ديري لي عجبك وتحملي مسؤوليتها أنا ماشي شغلي

ماريا(عنقاتو) :

- أنا عارفاك قلبك كبير يخليك ليلي

وسيم : أممم صبغيني ويلاه يلاه خلينا نمشيو نتعشاو راه مواكل والو من صباح..رجعو لصالون شاف وسيم فثورية لي حادرة راسها ومخلوعة..

ماريا : يلاه بسم الله زيدو تعشاو ثورية يلاه أجي تعشاي

ثورية(خايفة) :

- لا غير غير تعشاو أختي أنا شبعانة

ماريا : زيدي أشمن دار دارك متحشميش..قربات ثورية لطبلة حادرة راسها حتى عطاتها ماريا طبسيلها فيه ليباط والبيتزا..هوما كيهضرو وهيا مقاداش طلع حتى شوفة شداها الحشمة والخلعة كلشي تجمع عليها..نقزات ماريا :

- ثورية أنت من أشمن مدينة كلتي ليا؟

ثورية : مكناس

ماريا : أه مزيان دخلتي لمدرسة ولا عمرك دخلتي؟

ثورية : لا دخلت

ماريا : اه إيوا مزيان حتى لاش قريتي؟..قاطعها وسيم :

- واش خدامة فالحالة المدنية وشؤون الأسرة وبااز

ماريا : وخويا باز ليك أنت كنسولها أنت مالك

ثورية(علات عينيها فيها):

- أنا قريت حتى لباك..ماريا دارت شافت فيها بصدمة

ماريا : قريتي حتى لباك؟واش كتهضري بصح؟

ثورية : أه اختي حتى لباك قريت فاش كنت كنقرا كنا مخاصنا والو الحمد لله الواليد ديالي كان خدام فتجارة عندو حانوت ديال المواد الغدائية وكان الحمد لله كيخدل الفلوس وعزيز على ناس بزااف على تعامل ديالو ناض واحد السيد جا عندو كاليه ندخل معاك شريك وتفتح سوبير مارشي كبير ماتبقاش غير فالحانوت بابا مع نية بزااف مسكين تاق فيه دخلو شريك معاه وعطاه بزااف ديال الفلوس باش يقلبو على المحل الكبير لي أيعمرو هداك السيد كل مرة كيكوليه زيدني فلوس راه لقيت لبلاصة خاصها أتصلح وفاش كاليه بابا وريني فين داه لواحد المحال كبير كاليه هاهو وهو راه غير دصاحبو صافي حيد من بابا فلوس صحاح حتى من شي بركة كان مخبيها فالبنكة عطاها ليه إيوا بات ماصبح شحال بابا قلب وقلب وديكلارا او والو حيت معندو حتى معلومة عليه كاع معلومات لي كان عطاه مزورين بابا مسكين مرض وركبو سكر وطانسيو من تما حالتنا رجعات اللور لور حتى واحد مرحمنا حتى من العائلة لي كانو ياكلو فدارنا ومايخرجوش من عندنا ودارنا كانت بحال زاوية داخل كثر من الخارج كولشي دار علينا وعطانا بظهر مابقاوش يعرفونا وسدو علينا لبيبان فوجهنا بابا مسكين خسر كولشي حتى لمحل ليكان يكساب مشا ليه حيت مابقا عندو باش يخلص السلعة وتسد وبقا فدار خاصو دوا دسكر وطانسيو الحاجة لي فزنا بيها هيا دويرة لي عندنا ضطريت نخرج من القرايا ونخدم كان عندي داك العام الباك غير نجحت وقعات الأزمة وخرجت ماخليتش ماما تخدم وعندي خويا صغر مني كيقرا فسادس صافي هاديك هيا خرجتي لخدمة.

ماريا(تنهدات):

- معرفت منكوليك وحق الله ولكن علاش مدرتيش شيحاجة خرا انت عندك الباك تخدمي فسونتر دابيل مثلا ولا شيحاجة بحال هكا

ثورية : فمكناس الخدمة قليلة كنم هنا ونخرج إيوا تعرفت بواحد البنت هنا فكازا وعيطات ليا نخدم هنا كضبر فالخدامي بزز باش نزلت لكازا عييت نقلب والو لي تخدمي عندو كيبغي يستغلك وانا بنت بوحدي ضبرات ليا الخدمة عند هاد السيدة واخا كتعدبني ولكن كنكول راه ضامنة المبيت عندها وحتى حد مياكل ليا لحمي..

كولشي بقا ساكت وكيشوف فيها

ماريا(طبطبات على ظهرها):

- هادي اسحابة ودايزة دابا ربي يفرجها من عندو ويرجع باباك كيف كان وحسن كاع

ثورية : أنا مابغيت والو بغيت ابابا يرجع كيف كان وترجع ليه الضحكة ديالو كنحاول نجمع غير باش نعطيه ويرجع اداك المحال صغير لي كان داير ولكن سيدة لي كنت عندها الله ياخود فيها الحق كانت مكتعطينيش النص ديال مانضتي وهاناي شفتي اش وقع كبيلة

ماريا : اتخدمي دابا وتسيفطي ليهم وتعاونيهم داركم عارفينك فاش خدامة؟

ثورية : لا كتليهم راه خدامة فواحد المحال الى عرف بابا ايطلع ليه سكر ويزيد يمرض اللهم بلاش..قاطعهم وسيم لي باينة فيه تأثر

وسيم : وصافي سدو هاد كتاب الأحزان وتعشاو 

ماريا : وسيم عندو الحق تعشاي ونساي لي وقع..أشرات ثورية براسها بواخا تعشاو ومرة مرة ثورية تجاوب على شيحاجة سلاو العشا دخلو ماعن لكوزينة دارهم فالماكينة ثورية عتادرات منهم تمنات ليهم ليلة سعيدة وطلعات لبيت فين بدلات تكات على نموسية وتغطات لأةل مرة أتحس براحة كبيرة

شحال هادي محسات بيها...

- ماريا موجها هضرتها لوسيم :

- شفتي مسكينة شحال داز عليها بقات فيا بزااف

أروى : وياااه وباقي بنت صغيرة 26 سنة وخرجات من القرايا بكري 6سنين دازت ديال تمارة الله يحسن العوان وصافي

وسيم : ويلاه انت وهيا سيرو تنعسو..كل واحد مشا لبيتو طفاو ضو أو نعسو..

****

تحية إلى كل امرأة استجمعت أسباب قوة الشخصية ولم تستسلم لمجتمع الذئاب وجمعت بين صدق الايمان و جمال الخلق و صلابة الادارة وتجاوزت الضعف و الاستسلام لرق العادات الفاسدة و الثقافة البائسة التي تعطلها عن صناعة المجد و الشرف الحقيقي

تحية لكل أم اضطرتها الظروف أن تكون أم وأب في آن.. تحية لكل امرأة وحيدة تكافح من أجل تربية أبناءها، في مجتمع يعتبر كل مطلقة أو أرملة فريسة

تحيه لكل إمرأه آمنت أن عقلها قد يغير الكون بأسره و أن شخصيتها قد تصنع ألف رجل متجاهله كل الحمقى الذين يرددون نقصانها

تحية لكل إمرأة تعمل جاهدةً لتوفّق بين عملها والاهتمام بأسرتها، إن قدّر زوجها وأبناؤها ذلك أم لم يفعلوا،للمرأة التي ما زالت تنتظر إلى اليوم عودة ابنها المفقود، المخطوف أو الأسير، لتلك الصابرة ألف تحية…

****

صباح الخير لمن لايجدها , 

لمن أستيقظ يبحثُ عنها , 

لمن يكتبها الآن , لمن يقرأها ,

لمن ينتظرها من نائِم , 

ولمن يتأملها من غائِب 💙

- مع صباح بكري فطر أحمد وشد طريق لكازا طول طريق كيفكر شنو غادي يكول لماريا وكيفاش يفاتحها فالموضوع فكرة تديه وفكرة تجيبو معارف مايقدم ومايوخر ألف فكرة فراسو معرفش ردة فعل ماريا كيف غتكون واش اترضى ترجع معاه ولالا كولشي هادشي أيعرفو فاش غادي يوصل..

#عند_ماريا

- على طبلة ديال الفطور كالسين بربعة بيهم كيفطرو..

وسيم : انا مغاديش نمشي هاد صباح حتى نسوف عمي أحمد

ماريا : عمك أحمد راه ايبات معانا غير سير العشية أتلقاه

وسيم : أمم إيوا إلى كان هكا واخا يلاه انا خاص نمشي شاف فثورية..

- وانت يلاه خلاص باش نوريك خدمتك

ماريا(بحزم) :

- وسيييييم

وسيم : اووف وانت عارفاني(شاف فثورية)شوفي انا راه هكا داير واخا انا ظريف طبعا الحمد لله او وسيم حبت انا وسيم منيب الغني على تعريف ولكن لساني مبري مني

ماريا(كضحك) :

- ثورية مديش عليه راه فعلا ظريف وقلبو بيض ولكن لسانو مبري منو غير صبري ليه

ثورية(كضحك) :

- مشا مشكيل هانية☺

وسيم : ويلاه انا كنتسناك على برا وقف باس أروى او ماريا

وسيم : باي أميراتي شيرو ليه بيديهم خرج تبعاتو ثورية كتجري مسكينة مابغاتش تبدا خدمتها بتعطال وتبين بلي هيا أهل لثقة لي دارت فيها ماريا..بقات غير أروى او ماريا

أورى : معاش ايوصل عمي؟

ماريا : من هنا لواحد الساعتين ديال المكانة بينما جمعنا طبلة نيت وديك ساعة نخرجو باش نتلقاو ليه فلاكار

أروى(بإبتسامة) :

- أوكي☺

****

وصل أحمد لكازا هبط من تران دخل لاgار وقف على برا كيتسنى حتى بانت ليه طوموبيل gولف صغيرة فالكحل وقفات هبطات ماريا هيا لولة راسمة ضحكة على وجها غير شافها ضحك وحس براسو شحال توحشها...

ماريا(ترمات عليه) :

- بابا حبيبي توحشتك بزاااف

أحمد : حتى انا أبنتي توحشتك...عنقها بجهد وباس ليها راسها بعدها عليه شوية كيشوف فيها

أحمد : بحال إلى ضعافيتي شوية😕

ماريا : غير جاب ليك الله بالعكس كول غلاضيت...وقفات أروى وراهم لاحظاتها ماريا شدات ليه فيديه ودارت

ماريا : بابا هادي أروى خت وسيم..

أحمد(مد ليها إيديه) :

- مشرفين أبنتي

أروى : مرحبا بيك أعمي..

ماريا : يلاه نمشيو..شدات من عندو ساك صغير كان معاه دارتو فالكوفر ركب لور ورجعات لبلاصتها ديمارات أروى ومشاو نيشان لدار...

****

هيا وياه الراس فراس حادرة راسها وساهية وجامعة غوباشتها..

أحمد : شفتك ماكلتي والو أبنتي؟

ماريا(علات عينيها فيه) :

- شنو أنكوليك ابابا نكوليك بلي عمتي عندها صح بلي عمتي دارت هكاك على قبلي وقبلك حتى فاتت 4سنين وتحركات الأمومة فكرشها عاد رجعات سمحليا أبابا شلا ناس داز عليهم الويل مع والديهم وتزوجو بزز منهم ولكن مارماوش ولادهم يقدر مايبغيوش ديك الكرش ويمكن مرات يكرهو داك البيبي ولكن باش تخلي الأم كبدتها مكايناش المشة كتهز ولادها بين سنانها ومتخليهمش وانت كتكول ليا بلي الغلط من عمتي بالعكس عمتي مدارت والو عمتي العافية لي كانت شاعلة فيها من جيهتنا خلاتها دير هكاك شافت راجل مسكين لاحول ليه ولاقوة مع بنت صغيرة ماحيلتو لتربيتها ماحيلتو لخدمتو وبغيتيها تفتح ليها دارها تكوليها اجي هاهيا بنتك هنا وتعطيني ليها انت بسهولة سمحتي ليها ولكن أنا صعيب صعيب وبزاااف..

أحمد : أنا عارف القضية صعيبة عليك وبزااف ولكن لي فات مات واش اتبقاي حاقدة بحال هكا طول حياتك وكارهاها طول حياتك ضروري تصالحي مع نفسك ومع ناس لي دايرين بيك باش تقدري تعيشي مرتاحة..

ماريا : انا مرتاحة الحمدلله دور عليها هيا واش مرتاحة ولالا

أحمد : هيا ممرتاحاش حورية تشلات من إيديها..شافت فيه ماريا وطولات فيه شوفة ورجعات حدرات راسها

أحمد : مابغاتش تعالج وكل نهار كتزيد ضيع بين إيديهم..

شافت فيه ماريا او وقفات..

ماريا : وشنو المطلوب مني أنا دابا؟

أحمد : تمشي معايا تشوفيها الموت والحيا هادي تسامحي انت وماماك

ماريا(ضحكات بستهزاء) :

- ماما إيه هاد الكلمة كبيرة بزااف ابابا ماما معندها حتى مبرر على لي دارت أعذار تافهة وممنها والو راه يكدب عليك الكذاب لي يكوليك نتسامحو ونكونو بحال أي أم وبنتها راه هادشي مايتقبلوش العقل ابابا

أحمد(شد ليها فيديها) :

- انا ربيتك على تسامح ويكون قلبك بيض راه الله سبحانه لي خلقنا وخلق هاد دنيا كلها كيسامح ويغفر لإنسان واخا كيرتاكب معاصي قد زبد البحر كيغفرها ليه وانت إنسانة منقدريش تسامحي انا مكنطلبش منك ترجعي علاقتك بحال الى ماوقع والو ولكن أقل حاجة تسامحي أنت وياها عطيها فرصة صغيرة تقرب منك..

ماريا : معرفتش ابابا والله ماعرفت..شوية تفتح الباب وطل وسيم براسو راسم إبتسامة على وجهو..

وسيم : سلام سمحوليا إلى قاطعتكم..

أحمد : لالا اولدي انت ماشي براني دخل..شاف وسيم فماريا لي كان وجها مبدل اللون ديالو متغيرة بزاااف..

وسيم(كلس) :

- سمحوليا كنت دايز وسمعتكم كتهضرو واخا نكول شيحاجة؟

ماريا(تنهدات) :

- ممحتاجش تشاور غير هضر شنو بان ليك فهادشي وانت عارف القصة من لول راه فخبارك كولشي بابا كيكوليك نسمح ليها

وسيم : باباك عندو الصح أماريا 

ماريا : حتى انت اوسيم؟😲

وسيم : سمعيني مزيان انا عمري مكلت ليك هادشي انا الواليدة ديالي الله يرحمها مكانت كتبغي الواليد هو نهار الأول كان بغا ختها لي تزوج بيها دابا ولكن جدي زوجو بالكبيرة فدار نهار تزاديت انا كاع الحقد كتفشو فيا انا حيت بابا مكانش كيبغيها او واخا هكاك مكرهتهاش حيت كتبقى أم ديالي دير لي دارت تلوحني حتى فزنقة "وقضى ربك الا تعبدوا إلا اياه وبالوالدين إحسانا اما يبلغن عندك الكبر أحدهما او كلاهما فلا تقل لهما أف ولا تنهرهما وقل لهما قولا كريما واخفض لهما جناح الذل من الرحمة وقل ربي ارحمهما كما ربياني صغيرا" (صدق الله العظيم)..انا عارف هادشي صعيب عليك وبزاااف ولكن سمحي ليها انا دابا واخا لي طرا ليا فصغري نهار مي كانت على فراش الموت طلبات مني سماحة وغير ديك سمح ليا اولدي على لي درت فيك مسحات كاع لي عشتو فصغري ودابا كل ليلة كنبكي والله علاش حيت مكرهتهاش تكون حدايا ونعوض سنوات الحرمان لي عشتهم فصغري ستغلي الفرصة قبل مايفوت الفوت حيت نهار يدي مول الأمانة أمانتو اتكولي ياريت كون سمحت ليها وعنقتها غير تعنيقة وحدة تبقى ذكرى عندي..سيري وتسامحي معاها باش تعرفي تعيشي حياتك انا مكنكولش ليك عيشي معاها بحال مطرا والو أقل حاجة تسامحو انت وياها..ماريا بقات ساكتة وحادرة راسها..طبطب باها على كتفها..

ماريا(تنهدات) :

- أنا غدا انمشي معاك ولكن ابابا متوقعش مني شيحاجة كثر فهمني هادشي ايحكم عليه الوقت لي كيداوي الجروح انمشي فنهاري ونجي فنهاري انت عارف مغانقدش نكلس..

أحمد(حرك راسو) :

- عارف ابنتي عارف..

وسيم : إيوا يلاه نتغداو راه دومونديت عليه من برا..

ماريا : واخا سبقوني انا جايا..خرج أحمد او وسيم..وبقات هيا تنهدات تنهيدة طويلة..طاحت دمعة سخونة من عينيها دغية دغية مسحاتها..رجعات بداكرتها لور غير جا باها وكلامو رجع ليها كاع دكريات لي عند بالها نساتهم وهوما مزال مزروعين فداكرة ديالها..

****

يمر وقت طويل على فقدك لشخص حتى يظن الجميع أنك تجاوزت ذلك, لا أحد يعرف أنك مازلت عالق في ذلك اليوم وتلك الساعة تحديدًا, الساعة التي شعرت حينها أن كل شيءٍ حلم لا يصدّق.

****

#قصر_الإبراهيمي

- كالس الحاج هو او العربي..

العربي(كيحرك راسو يمين وشمال) :

- والله ممتيق هادشي لي وقع انا ميحسابليش هادشي كولشي طرا وانا غايب

الحاج : كون جيتي قبل كون حضرتي لكولشي

العربي : كنت انرجع ورا سيمانة ولكن شي شغال شدوني وبينما سالة هشام شي خدمة تما باش يرجع زعمة ونديرو خطوبة ولكن انا رجعت لقيت كولشي تفرتك الله يحفظ مكنتش متوقع من جواد هادشي خيب ظني بزااف والله..

الحاج : مشكلة ديال جواد مكيعاودش هو كان كيخطط يطيح ديك اللفعة ويعرف شنو وراها كون كالها لماريا واخا هكاك مكانش غادي يوقع هادشي ولكن هو فضل يسكت..

العربي : وشنو وقع بضبط؟

الحاج : داك نهار كان كاليا بلي غادي يخطب ديك فاتن فديك الليلة وصا الخدم يوجدو كولشي وهيا كدور هنا بحال إلى دار دارها فرحانة مقاداها فرحة بطبيعة الحال خوه او وردة محضروش حيت جاهم غير كيرون..كنت غير انا وزينب وعصام حتى هاجر تحججات بالإمتحانات..كنا كالسين كاملين باش يديرو تركاب الخاتم حتى دخل علينا جلال راك عارفو هو او واحد سيد غير شافتو هيا تلون وجها وصفارت انا مافهمت والو حتى عنقها وكيكول شيهضرة في غبرتي قلبت عليك حتى عييت كيداير ولدنا واش لاباس عليه

العربي : إيوا؟

الحاج : هيا بدات تغوت اشمن ولد وتعصبات صدق هداك هو بابات الولد لي فكرشها وكانت اتلصقو لجواد وجواد كان ساكت على قبل الإنتخابات باش سومعتو ماتخسرش..

#فلاش_باك..

فمكتب جواد هاز شي وراق فيديه كيقرا فيهم عاقد غوباشتو..

جلال : الملف لي قدامك فيه كاع المعلومات على فاتن ومعتمن كانت هاديك المدة كلها هيا عرفات تلعبها مزيان فالوقت لي كنت انت وهيا فلوطيل هتداك الوقت كانت حاملة فيه بأسبوع وكانت على خلاف مع البودي كارد ديالها راك عارف هيا ممثلة وبنسبة ليها هاديك غير نزوة وغلطة وكانت ناوية طيحو ولكن فاش بنتي انت فصورة عرفات كيفاش تستغل القضية وتخدمها لصالح ديالها..

جواد(وقف) :

- وخلات حتى داز شهر عاد بانت فصورة باش القضية تكون محبوكة مزيان هممم قدما عند بالها راها مطورة مكلخة بزاااف

جلال : وشنو غادي دير؟

جواد : غادي نقتلها بالبارد

جلال(بصدمة) :

- شاف واش كتهضر بصح؟

جواد(تبسم) :

- فين عمري ضحكت هيا كتحماق على خدمتها والى دمرات ليها خدمتها بحال الى قتلتيها بالبارد

جلال : اااه فهمتك أشاف..

جواد : نهار الخميس غادي يكون نهار الخطبة ديالي بغيتك تجيب هاد الكارد هدا وتعطيه قدما بغا ديال الفلوس وتحفظو مزيان شنو غادي نكوليك وبغيتك تكون حاضر وتسجل كاع لي غادي يوقع بغيت الفيديو يتلونصا فجميع مواقع تواصل الإجتماعي

جلال : واش مغاديش يشكل مشكيل بنسبة ليك؟

جواد : بالعكس حيت كاع ناس ايكونو فصفي ايكولو كنت انتعرض لمحاولة نصب وإحتيال فهمتيني

جلال(تبسم) :

- فهمتك مزيااان أشاف..

جواد : مهداكش الله تحيد عليا ديك كلمة أشاف واش حنا فكوميسارية

جلال : واخا اخويا جواد

جواد : يلاه سير ودير لي كتليك..

#الحاضر

الحاج : تشوهات ديال بصح ومابقاش عندها الوجه لي تشوف فناس وعلما سمعت بلي حتى واحد مابقى كيعيط ليها حتى من الكارد لي كانت محتاقراه سمح فيها لاهيا لا لي فكرشها

العربي : طمع طاعون حاجة وحدة لي خسر فيها جواد هو ماريا صراحة جوهرة غالية وضيعها من إيديه

الحاج : واحد المقطع شعري كيكول " أطلق سراح من تحب فإن عاد فهو لك إلى الأبد وإن لم يعد لك فهو لم يكن لك من البداية" إلى جيتي تشوف العربي جواد وماريا تلاقاو فظروف مازويناش خايبة وتزوجو زواج انا مكنسميهش زواج زواج هو لي يكون مبني على تفاهم والإحترام وثقة والحب اما زواج تهديد هداك حبس ماشي زواج

العربي(تنهد) :

- عندك الصح وعندك شيخبار عليها؟

الحاج : لا والو حتى نمرتها بدلاتها وردة عيات مطلب فباها مابغاش يعطيها نمرتها رغبة منها مابغات حتى حاجة تفكرها بلي فات

العربي : حتى انا هضرت مع أحمد او والو مخديت منو لا حق لا باطل وجواد كيف ولا فين مشا؟

الحاج : ولا معمر الفيرما بزااف كاع خدمتو داها لتما مغرق راسو فالخدمة لا من نحية الشركة ولا من نحية الرئاسة

العربي : معرفت منكول والله المهم خاص يكون حاضر باش ندو الوقت ديال الخطبة دهشام وهاجر

الحاج : انا انعيط ليه ونعلمو يكون خير..

****

دخل وسيم فالعشية من الخدمة فرحان ماقداه فرحة دخل نيشان عند ماريا او أروى ومعاهم ثورية أحمد كان فالبيت كيرتاح..

ماريا : شفتك فرحان ياك لاباس؟

وسيم : كيفاش منكونش فرحان وانا لخدمة كتصب عليا بحال شتا

ماريا : إبوا الحمد لله تبارك الله مضربش راسك بالعين

وسيم(عوج فمو) :

- سكتي عليا وسمعيني عندنا جوج عروض الأول ديال شركة جديدة ديال سفريات الشركة هيا كورية الأصل والإشهار أيكون عبارة على "

#love_korea travel fiesta 

- والعرض الثاني جاي من شركة كبيرة إيطالية مصدرة للفواكه لأوروبا والمغرب أسميتها fruit modena group بمناسبة إخراج عصير جديد بسميتهم وسميت j.i.b شركة مشاركة فنفس المنتوج بغاو مجلة هيا لي تنضم ليهم هاد الإشهار..😍

ماريا : واخا انا مافهمت والو حيت دخلتي ليا شكلي فالعكلي ولكن مبروك أسيدي هادي خبيرة زينة

وسيم : وراه مبروك عليك حتى انت ابكيزتي

ماريا : ومالي أنا شوف عنداك تكوليا عاوتاني انا داك نهار راه غير عاونتك انا مابيني وبين شي عرض غير الخير والإحسان

وسيم : بزز من طاسيلتك علاش شكون عندي من غير وزايدون انت الشخص لمناسب لهاد جوج عروض خصوصا طالبين وحدة بنفس المواصفات ديالك طبيعية وماعندها كرام ديال تجميل

ماريا(صغرات عينيها فيه) :

- صبغني يالكديديب

وسيم(كيتبحلس) :

- علاش فين عمري كدبت عليك المهم انا سيفط ليهم تصاورك فالجلسة ديال "moto" وراه عجبتي شركة كوريا بقات غير الشركة الإيطالية إوافقو دابا خاص غير ترجعي نبداو فالخدمة..رجعات ماريا راسها لور ممتيقاش

أروى(كضحك) :

- معندك ماديري خويا راسو قسح من الحجرة

ماريا : كولي شيحاجة معرفاهاش إيوا نرجع بعدا ويحن الله..

نحن لا نحتاج لمن يحبنا بقدر مانحتاج من يفهمنا لمن لا يدفعنا للتبرير حتى بكثر دواعي الظنون لمن يشد على أيدينا حين نرخي و يدافع عنا حين تنكسر صورنا أمام أنفسنا لمن يزرع فينا الثقة حتى عندما نتخلى عن أعمق المبادىء اتخذناها يوما ما نحتاج لمن يمكننا الصمت معه دون خشية الشعور بالملل أو أننا نستخف به أو نتكبر عليه نحتاج لمن يمكننا الوقوف أمامه و الاعتراف بالهزيمة دون الشعور بالخجل و قول أن هذه الدنيا منهكة وأننا تعبنا الاعتراف أننا أخطأنا و الافشاء بأشياء بوسعها أن تتكفل بإنهاء علاقتنا مع أي شخص أخر افصاحنا بها دون مخافة أن تمس مكانتنا لديه ولا ذرة شخص يفهم نية قبل العمل يفهم الدافع قبل الواقع الباطن قبل الظاهر شخصا مغايرا لكل أشباه الأصدقاء و أشباه الاحبة الذين قابلناهم مسبقا شخص واحد كهذا في حياة كل منا يجعل الحياة أكثر أريحية و أقل ضيقا و ضغطا على أرواحنا واحد بهئية الواحة في هذا العالم المتقشف الباهت..

****

- طريق كلها وماريا حاطة راسها على زاج سرجم وعينيها سارحين هاد طريق فكراتها فلي فات لي حاولات تنساه شحال من مرة...من نهار آخر مكالمة ليها معاه عمرها سمعات صوتو مكلفش راسو حتى يسول واخا هيا طلبات منو يبعد عليها ولكن أقل حاجة كان يهضر منساتش مهار نزلات فالأنترنت صورتو مع صورة فاتن والفضيحة لي وقعات تفكرات كلام فاتن ليها واخا كلامها كان كذوب ولكن جواد قلبو قاصح قلبو بحال جبل مكيهزو ريح تفكرات واحد المقولة قراتها واحد النهار وديك المقولة كتنطابق عليه :

- ثِمة مَشاعر كان يجب ألاَّ تذهب لأحدهم ، ثِمة أحاديث ليْتها ما قِيلت ، تضحيات ليتنا لم نقُم بِها ،أعذَارًا ليتنا لم نلتمسها ،حقًا ثِمة جوَاهر خرَجت لِمَنْ لا يستحق من اراد قُربك ، اقترَب ..

من اراد رؤيتك ، أتى ..

من اراد سماع صوتك ،

سيتصل بك.. هي أشياءٌ لا تمنعها الظروف بل تمنعها الارادة💙

تنهدات تنهيدة طويلة غمضات عينيها وحلاتهم وحاولات تمسح هاد ذكريات لي مرة مرة كيجيو لبالها ولكن كتحاول ما أمكن مايأتروش عليها...إذا أردت أن تكون إنسانا سعيداً ، لا تقف كثيراً عند ذكريات ماضيك المؤلمة..!

- دارت عند باها..

ماريا : بابا مابغيتش شيواحد يعرفني جيت عفاك

أحمد : كوني هانية أبنتي حتى واحد مغادي يعرفها من لاكار انمشيو نيشان لعند حورية وديك ساع الى بغيتي ترجعي ترتاحي فدار شوية وتباتي ولغد رجعي

ماريا : واخا أبابا نشوف..

#بعد_بضع_ساعات

- وصلو لإفران غير حطات ماريا رجلها على الأرض رجعو ذكرياتها كاملين شير أحمد لطاكسي وقف عطاه العنوان عاد ركبو..ماريا قلبها كيضرب وشاداها واحد الخلعة وتبوريشة جاها واحد البرد غريب واخا الجو دافي مارس هذا أبواب ربيع ولكن حسات براسها بحال إلى فعز يامات البرد وشتا من كترت البرد وتبوريشة لي شاداها..غير وقف طاكسي قدام باب دار حورية كملات لي خاص..نزلات من طاكسي وبقات واقفة شحال حتى حسات بيد باها على ظهرها أشر ليها براسو حدرات راسها وتمشات بضع خطوات قدام الباب تنهدات تنهيدة طوييييلة بحال إلى هازة حمل كبير فوق ظهرها..سونا أحمد فالباب...ماكملاش دقيقة حتى تفتح الباب كانت سومية هيا لي فتحات لابسة بيجامة وجامعة شعرها وتحتوعينيها كحل..غير شافت ماريا شهقات وغرغرو عينيها بدموع...ماريا علات راسها فيها ورجعات نزلات راسها كتلعب برجليها بتوتر..سومية محساتش كيفاش ولا إيمتا حتى ترمات فحضن ختها هاد الأخت لي عزيزة عليها من أول نهار شافتها دخلات لقلبها ورتاحت ليها كانت معتابراها ختها وصاحبتها دوزات معاها أجمل أيام حياتها كانت كتحس بيها قريبة ليها بزااف واخا مكانتش عارفاها ختها ولكن كانت كتحس بشيحاجة غريبة جامعة بيناتهم..

سومية كانت معنقاها وكتبكي بدموع دموعها بحال شتا كتشهق..ماريا عينيها عمرو بدموع طاحو بحال تبرزري من عينيها هزات إيديها لي كانت طالقاهم وعنقات ختها مهما كان سومية معندها حتى شي دنب فلي دارت مها وكانت صاحبتها وعزيزة عليها...لقاء الخواتات كان مؤثر بزاااف خلى دموع أحمد ينزلو بلاما يحس..

سومية(كتشهق) :

- ختي ماريا جيتي أختي جيتي توحشتك أختي توحشتك بزاااف😢😭😭😭😣😣

ماريا(كدوز إيدها على ظهرها) :

- حتى انا توحشتك صافي شششش صافي..بعدات عليها سومية شوية جراتها من إيديها ودخلات بيها لدار..

سومية : ماما غادي تفرح فاش غادي تشوفك ماما ندمات اختي وحق الله أختي ماما مرضات ماما كضيع من إيدينا خفت أختي غير تموت وتخليني انا انا انموت بلابيها أختي والله حتى غادي نموت😭😭

ماريا(كتبكي ودموعها بحال شتا) 😭 :

- ششت ماتبكيش متكوليش هكاك مغادي يوقع ليها والو

سومية(كتشهق) :

- مابقاتش كتاكول ولا تشرب تشللات من إيديها ولسانها تقال وكل نهار طالع ليها طانسيو وسكر..خرج محمد لي كان كيصلي غير شافها تحلو عينيه تبهض

محمد : بنتي ماريا مرحبا أبنتي مرحبا

ماريا(مكانتش اتسلم عليه حيت بسبابو مها خلاتها) :

- شكرا :-) عفاك بغيت نشوف(مقدراتش تخرج كلمة ماما من فمها)بغيت نشوفها..

محمد(تنهد حيت قبل كانت كاتكول ليه عمي دابا لا تفهمها وتبسم) 😊:

- واخا انا أنشوفها واش فايقة...دخل البيت عندها حدرات ماريا راسها كتلعب بصباعها أحمد كلس شاد إيديه حتى بدا كيعيط محمد على سومية بجهد ويغوت..

محمد(كيغوت) :

- سومية عيطي على ياسين سربي...مشات سومية عندو بجري أحمد وقف ماريا مافهمات والو مشات دخلات كتجري كتبان ليها سيدة لي ستقبلاتها أول نهار فدارها بإبتسامة زوينة كيفاش مجبدة فالفراش وتحت عينيها كحل كيفاش دبالت او صفارت وضعافت بزاااف إيد حاطاها فجنب وإيد مهزوزة فوق من كلشها..لسانها خرج من فمها وسنانها مكزين عليه وكشكوشة خارجة من جنب فمها...فلحظة وحدة كاع لكره مشا واخا يكون قلبك من حجر واخا يدوز عليك لي داز واخا هاد الأم دارت لي دارت قلب ماريا الحنين والبيض بحال الحليب تحرك وحن بقات فيها وتفكرات كيفاش كانت كتعنقها نهار جات عندها دمعة سخونة نزلات من عينيها لي تحولات لدموع بقات واقفة مبلوكية كتشوف فمحمد كيحرك فيها وهيا لا من مجيب عينيها محلولين ونازلين منهم دموع...الله ينعل هاد الدنيا الغدارة لي دير فبنادم بحال هكا لاش الكره لاش الحقد فلحظة خافت لاتموت قبل متسامح معاها قبل متسمع كلمة بنتي واخا تجي معطلة ولكن داوي جروح لي فات جاها كلام وسيم فاش كاليها مهار تموت اتبغيها ترجع بريق ناشف وماتلقايهاش جاتها بحال شي صدمة غير واقفة وكتشوف راجعة بلور...وكتشوف فختها كيفاش كتجدب وطير وتنزل...مكاملاش 5دقايق جا وسيم بحكم السبيطار قريب لدار ديال محمد...فتحات ليه سومية كتبكي وضرب فراسها وتنحط وتغوت...دخل بانت ليه ماريا واقفة جامدة مشا نيشان عند حورية كيقلب فيها..

ياسين : خاصنا نهزوها لسبيطار طونسيو طالع ليها بزااف عاونوني...هزها أحمد ومحمد وياسين رمات عليها سومية كاب وفولارا وتبعاتهم ماريا من وراهم بحال شي جثة كتمشى..هبطوها وداروها لور فطوموبيل طلعات حداها سومية تكاتها على ركابيها..ومحمد طلع مع ياسين اقدام..شير أحمد لطاكسي وقف جر ماريا لي مزال حالة فمها..وركبو لحقو على ياسين لسبيطار..

أحمد : غادي تولي بيخير إن شاء الله

ماريا(بلا عقل) :

- ماتت وماتسامحتش معاها

أحمد(كيحرك فيها): 

- نعلي شيطان راه مازال حية غادي تسامحي معاها ويشيط الخير دابا تشوفي مكاين لاش تهزي فقلبك أبنتي مغاينفع الكره فوالو والحقد فوالو لي فات مات وحنا ولاد اليوم سامحي باش ربي يسامح راه شفتي حالتها..شافت فيه ماريا وعنقاتو حاطة راسها على كتفو ودموع سخان هابطين من عينيها..وصلو قدام سبيطار نزلات ماريا تبعات ياسين لي غير شافوه الفراملية جابو باياص داروها عليه ودخلوها لغرفة المستعجلات..لحقات عليهم ماريا سومية غير شافتها جات كتجري عندها عنقاتها كتبكي..

سومية : ياك ماما مغاديش تموت ياك مزال اتعيش ومزال اتوجد لعراساتنا وتشوف وليداتنا ياك أختي ياك😭😭

ماريا(كتشهق) :

- أه أختي اه غير تهناي مغاديش تخلينا ومغاديش تخليني مزال خاصها تعوضني على مداز وتعوضني على ليام لي خلاتني فيهم مزال كنتيالها بزااف ديال الحوايج خاصها تعوضني عليهم منسمحش ليها الى مشات وخلاتني😭😭..أحمد هو ومحمد كلسو محمد شاد راسو دموعو نازلين حب حياتو ورفيقة دربو بين الحياة والموت معارف ميدير مايقدم ولا مايوخر..داير راسو بين إيديه وكيستغفر ويقرا فالقرآن...دازت 15دقيقة خرج ياسين غير شافو محمد وقف جا عندو بجرا من وراه سومية وماريا معنقاها وأحمد

محمد(بلهفة) :

- أمضرا أولدي؟😟

ياسين : طونسيو طلع بزااف هو وسكر دكينا ليها جوج براوات من بعد 10 دقايق انرجع نعبر طانسيو واش هبط دابا راها ناعسة مزال مغاتفيق

محمد : واخا ندخل عندها؟

ياسين : من الأحسن بلاش خليها حتى تفيق ونشوف واش نزل طونسيو وديك ساعات يمكن ليك تدخل عندها غير رتاحو دابا..شاف فماريا تبسم ليها ومشا يكمل خدمتو..

- كانو كالسين فوق فوحد الكرسي كل واحد سارح وساقل وكيفكر ويتسنى غير إيمتا تفيق وتحل عينيها..تم جاي ياسين دخل عندها لشومبر لقاها حالة عينيها شافت فيه وتبسمات ليه بشوية..

ياسين : خالتي حورية خلعتينا عليك حشومة عليك..

حورية(لسانها تقيل بزاااف مكتقدش تهضر) :

- سسمح ليا أولدي

ياسين : ششش متهضريش انعبرو طانسيو..عبر ليها طانسيو لقاه بعدا هبط شوية مابقاش كيف كان وحتى سكر نزل شيوية...

ياسين : الحمد لله غادي نخرج ليك فانيد ديال طونسيو واحد أخور هاداك لول ماتبقايش تشربيه وتبعي دواك وماتبقايش تفكري بزااف صافي...أشرات ليه براسها بمعنى واخا..باس ليها راسها وخرج عندهم..

غير شافو باه والبقية وقفو جاو عندو..

محمد : أمضرا؟😟

ياسين : الحمد لله راه فاقت واخا راه مكتقدش تهضر لسانها مزال تقيل طونييو كيتقل لسان وكيشلل داكشي باش لقيتوها لديك الحالة وحتى سكر الحمد لله نزل انعطيك واحد الفانيد ديال طونسيو تولي تشربو فبلاصة لاخور الماكلة مسوسة لا من نحية سكر ولا الملح وخليوها بعيدة من توتر والأعصاب كترت تفكير هو لي خلاها فهاد الحالة..

محمد : واخا أولدي الله يرضي عليك ندخلو نشوفوها؟

ياسين : واخا غير متعطلوش بزااف عندها..سبق محمد وسومية وتلات ماريا مع ياسين..

ياسين : على سلامتك 

ماريا : الله يسلمك كيبقات شوية؟

ياسين : الحمد لله تخطات مرحلة الخطر..(حط إيديه على كتفها)نساي لي فات الإنسان خطاء والإعتراف بالخطأ فضيلة عطي راسك فرصة منين كتسامحي كتحسي بواحد الراحة كبيرة مع ناس ومع راسك..أشرات ليه ماريا براسها تخطاتو ومشات جيهت شومبر فين كاينة مها..

سومية(كتبكي وتبوس ليها فيديها):

- ماما خلعتيني عليك ياك شوية ياك؟

حورية(لسانها تقيل) :

- شش شو وية ا ا ل لحم مد لله

أحمد : على سلامتك أحورية

حورية : الله ي ي يسل لمك...ماريا بقات واقفة على برا وكتسمع فيها رجل كتقدمها ورجل كتوخرها طلعات معاها تبوريشة او حلقها نشف بلعات ريقها وحدرات راسها وبخطوات تقيلة تمات داخلة...حورية لي كانت كتشوف فسومية مشات عينيها نيشان منين طلات ماريا براسها المفاصل ديال داتها كلهم كيترعدو متيقاتش شنو كتشوف عينيها خصوصا منين وقفات عليها بلعات ريقها وصغرات عينيها وبصوت أنين أنين لي تحول لبكاء حيت مقداتش تهضر لسانها تقيل كيتسمع غي نينان ديالها والبكا..

حورية(😭😭) :

- ببب نتي ااااااح أكبي دتي بنتي لل ل لحبيبة..ماريا الغصة وقفات ليها فحلقها ودموعها بحال شتا واقفة فبلاصتها...حورية بمشقة هوات إيدها سليمة كتماطيها ليها معطلاتهاش ماريا شدات ليها فيديها وعنقاتها..

ماريا(الصمت من غير البكا)

حورية : اااا اااح أ قل بي أ اااه يا سيدي ربي ح حمدتك يا يا ربي وش شكرتك ب ب بنتي بنتي سمح سمحيليا سمح سمحيليا أبنتي على ما مادرت فيك أكبي بيدتي

ماريا : صافي صافي شششت أنا مسامحة ليك دنيا وأخيرة المسامحة المسامحة😭

حورية(بفمها كيترعد باست ليها راسها) :

- حتى حتى الى مت دابا ان ان انموو ت م مرتاحة

ماريا(دموهها غير كيهبطو):

- متكوليش هكاك مزال خاصك تعوضيني على شحال من حاجة مزال نمشيو لحمام بجوج ومزال تمشطي ليا شعري وتعاودي ليا حجايات ديال زمان حتى نعس مزال كنتسالك بزااف ديال الحوايج خاصك تصحي وتبراي باش تعوضيني على لي فات كاع لي مدوزتو فصغري اتعوضيه ليا فكبري من حقي هادشي راه من حقي😭😭

حورية : طلبي ع عيني ن نعطيهم ليك على قب قبلك أبن ابنتي ندي ندير أي ح حاجة غي غير تسمح تسمحي ليا واخا ن نكون خ خدامة ت تحت رجليك

ماريا : أستغفر الله العظيم انا الحمد لله قلبي بيض وهادشي رباه فيا بابا مكنشدش فقلبي واخا يوقع لي يوقع كتبقاي مي لي ولداتني وعمر قلبي مكان قاصح ولا كحل واخا يقصاح حتى يعيا كيلين

حورية : الله يحف يحفظك ا ابنتي وي ويسترك يا ياربي..سومية عنقات باها وكتبكي تأترات بزاااف...دخل عليهم ياسين.

ياسين(مع إبتسامة) :

- يلاه خليوها ترتاح راه يلاه ناضت

حورية : أ أب بلا تي ش شوية

ياسين : مزال أخالتي تكلسي معاهم وتشبعي منها دابا خاصك راحة هاد الليلة اتباتي هنا ولغد تخرج إن شاء الله ياك دابا اتبعي دواك؟

حورية : ا اه

ياسين : وديري ترويض ليدك؟

حورية(حركات راسها بأه)

ياسين : هكاك نبغيك يلاه انا مشيت..خرج ياسين من عندهم..بعدات ماريا عليها كتشوف فملامح ديالها..

ماريا : رتاحي دابا حتى لغدا إن شاء الله

حورية : ي يااك ما ماغتم شيش؟

ماريا : لا انبقى هاد ليلة حتى ترجعي غدا..أشرات ليها حورية براسها بأه باستها ماريا فجبهتها وسومية حتى هيا وخرجو خلاوها ترتاح..

****

لا بأس فاليوم قد أتى النور ليعتذر لي عما فعله ظلامه💙..

ورا المكتب كالس وقدامو نزار واقف كيتسنى فيه..كيقلب فمجموعة ديال تصاور هز صورتها وإبتسامة بريئة على وجها كيتمعن فملامح ديالها نظراتها وإبتسامة ديالها صغر عينيه كيفكر تنهد تنهيدة طويلة هز حاجب وهبط الثاني..على راسو فنزار وبنظرة رجولية..

أنور : سني العقد مع مجلة وسيم منيب بشرط تكون ماريا المنصوري هيا الوجه الإعلامي للمنتوج ديالنا..

أنت لا تنسىٰ أنت تتناسىٰ، أنت لا ترد الإساءة بالإساءة بل باللُطف، أنت لا تكره وتحملُ الحقد في قلبك أنت فقط تُغادر بكُل هدوء دون أدنىٰ أذىٰ، كُل ما تُريده هو أن تترك خلفك بُستاناً جميلاً لا يُشوهَهُ الجفاف أبداً...

"أخبروا قلوبكم أن يوماً ما وفي مكان ما ..

‏سيأتي الفرح إلى قلوبكم، وسيحتضنكم كثيراً .. 

أخبروا أحزانكم أنها ضيوف وستمضي ..

‏أخبروا قلوبكم أن الحياة لحظات عابرة."

****

كانو خارجين من سبيطار حتى كالت سومية لمحمد

سومية : بابا بغيت نبات مع ماريا

محمد : واخا أبنتي لي بغيتي...مشات سومية شدات فماريا بحال الى غادي تهرب أحمد وقف مع محمد كيهضر معاه وماريا واقفة هيا وسومية كيهضرو..

سومية : واش غادي تبقاي هنا معانا؟

ماريا : صراحة لا مابقاش عندي مستقبل انا خدمتي كلها فكازا ودابا عايشة تم او ولفت تم

سومية : ناري على هاد القبل خاصنا جبدة باش نشوفوك

ماريا : دابا الحديد يوصلك فينما بغيتي مابقاتش ديك القضية وزايدون كاين واتساب تشوفيني صوت وصورة

سومية : اه عندك الحق😊...محمد خدا طاكسي وأحمد شير لطاكسي ركبو بتلاتة وشدو طريق لدار..

أحمد(سونا لمليكة فتيليفون) :

- وجدي شي غدا دايزو الكلام ماريا وسومية جايين معايا أياااه الالة الحمد لله الحمد لله يلاه الله يعاون..قطع مع مليكة تيليفون وأخيرا وصلو فتح محمد الباب دخلات سومية وراها ماريا أغير شافتها حليمة كتزغرت وتعنق فيها وتبوس...هبطات مليكة كتجري خداتها فصدرها كتعنق فيها وتقلب وتبوس تقول بنتها من لحمها ودمها..

- وهوما كالسين فصالون مجمعين كتسول مليكة فماريا على حالها وأحوالها..

مليكة : وردة شحال من مرة جات لدار كتسول عليك كتجيب لينا ليليا نشوفوها لا لبنت لا مها كيهترو بسميتك ليليا غير مامي ماييا ماييا كتعلمها وردة تكول ماما ماريا كتشد تصويرتك كتكوليها شكون هادي؟كتكوليها مامي ماييا

ماريا(كضحك):

- توحشتها والله

مليكة : كون اهضرتي معاها أبنتي

ماريا : ماشي دابا أماما مليكة انا بلعاني خليتها هكاك باش تقرب من بنتها ويتعطا وقت ليهم بجوج يكفي الوقت لي ضيعات وهيا بعيدة عليها

مليكة(تنهدات) :

- بصح ابنتي ولكن ماهما يكون راه صاحبتك

ماريا : أه صاحبتي او راجلها خو جواد ومايخزن عليه والو وانا مابغيت حد فالعائلة يعرف خباري براكة لي دوزت فديك دار والله

مليكة : عندك الصح ايوا بحال والو تجي اليوم كل تلات كتجي..حتى عمك العربي راه جا باش يديرو الخطوبة لهاجر وهشام

ماريا : إيوا مزيان مبروك عليهم

سومية : مغاديش تحضري؟

ماريا(شافت فيها) :

- أنا لالا مغاديش نحضر اصلا عندي خدمة حتى لراسي وكتليك ديك دار منرجعش نحط رجلي فيها ولا نشوف لي فيها عمي الحاج مدار ليا والو مكرهتش نشوفو توحشتو ولكن راكي عارفة بلاما نكوليك

سومية : عارفة بصح عندك الحق..سدو الموضوع وبداو كيهضرو فبزااف ديال الحوايج حتى سونا تيليفون ديال ماريا هزاتو كان وسيم..ناضت من حداهم فتحات الباب وخرجات على برا كتهضر معاه عاودات ليه كاعلي وقع

وسيم(مأتر):

- بكيتيني الويلة يااخ مهم جبت ليك خبار غزالة المجموعة الإيطالية جاوباتنا وغادي نسنيو معاها العقد حنا لي انشدو ديك الخدمة غير وجدي راسك

ماريا : غير الله يحفظ مع هاد الخدمة وصافي انا بعدا شداتني الخلعة من دابا

وسيم : معندك مناش تخلعي مهم ايمتا اتجي؟

ماريا : غدا غادي تخرج ماما من سبيطار خاص ندوز معاها ذوية ديال الوقت مهم بعد غدا غادي نرجع إن شاء الله..كانت غادية معاه فالهضرة حتى سمعات سميتها..دارت كتبان ليها وردة جارة لبوسيت فيها ليليا واقفة وراها كتشوف فيها مصدومة وعينيها مغرغرين بدموع

ماريا : وسيم من بعد ونهضر معاك واخا..قطعات تيليفون كتشوف فصاحبتها كيفاش غلاضت وزادت زيانت جا معاها زواج وكتشوف فليليا كتماطا ليها بغاتها تهزها..مشات كتجري عندها عنقاتها..

وردة(كتبكي) :

- حشومة عليك أختي والله حتى حشومة عليك شنو درت ليك انا الى كان عندك معاه مشكيل وانا علاش اختي علاش خليتيني ومعندي حد فهاد الدنيا علاش

ماريا : شش صافي صافي غير سكتي عفاك ناس كيشوفو فينا ندخلو ونعاود ليك كولشي..بعدات منها شوية تحدرات وهزات ليليا كتعنق فيها وتبوس شبعاتها بوسان..

ليليا(كتشير لوجها) :

- م م ما مي ما ماييا..

ماريا(كلاتها بلبوسان) :

- ياقلبي وعلى ماما ماريا خارجة بحال لعسل من هاد الفيم

وردة : علاش مشيتي اختي حتى نمرتك مابغيتي تعطيها ليا هادي هيا صحبة وانا أشنو درت؟

ماريا : دخلي وانعاود ليك كولشي..

وصلات طوموبيل جيب قدام باب الفيرما نزل جلال لابس سروال كحل مع تريكو فالبيج وكاط فالقهوي هاز واحد الملف فالحمر فيديه وقف قدام الباب سونا شاف فساعتو شوية تفتح الباب خلاتو الخدامة يدخل..

جلال : فين سي جواد؟

- اتلقاه ورا دار..دخل جلال لواحد الكولوار فتح واحد الباب ديال زاج كايبان ليه جواد لابس سروال دجين كحل والفوق عريان كيقاد شعر نيفان ويمشط ليه..

جلال : بحال ديما هادي هيا بلاصتك..على فيه جواد عينيه ورجع لشنو كيدير

جواد : مكاين ماحسن من هاد البلاصة شنو جابك؟

جلال : جبت ليك غير العقود بينا وبين شركة رمزي

جواد : ياك انت تكلفتي بكولشي شنو باقي مزال

جلال : خويا براكة براكة من هاد العزلة هادي وليتي بعيد على ناسك وعلى حبابك حتى ليمتا اتبقا بعيد على خدمتك راه إلما وقفتي عليها بيدك كاع هاد الإمبراطورية لي بنيتي اتهدمها وحق الله...خنزر فيه جواد ورجع تبسم بطرف فمو

جواد : وليتي كتهضر أبوراس تحل ليك الفم

جلال(حدر راسو) :

- ماشي هكاك اخويا مكنبغيش نشوفك فهاد الحالة ديما كتكون قوي عمري شفتك هكا مدام كتبغيها علاش مقلبتيش عليها علاش قدمتي وراق طلاق المحكمة كان بإمكانك متسنيش وترجعها علاش مافهمتش؟؟شاف فيه جواد حط لي فيديه وكلس حط رجل على رجل كيشوف بعيد..

جواد : الكرامة أجلال كولشي حتى لكرامة مابغيتش نزيد نبزز عليها تبقا معايا بزز ولي درتو قبل مابغيتش نعاودو وزايدون هاد الموضوع سديناه وقيلة كتليك أخر مرة تجبدو معايا مفهوم 

جلال : واخا شاف سمح ليا أنا غير مابغيت نشوفك هكا وصاف

جواد(بصرامة) :

- أنا هنا حيت انا باغي نكون هنا ومرتاح هنا إلى بغيت نرجع من دابا نرجع حتى حاجة مكنخليها تأتر عليا تكون كيفما بغات تكون المهم..هز داك الملف قلبو مد إيدسه لجلال بلاما يهضر عطاه ستيلو سنا دوك الوراق لقا ورقة عبارة عن كارت فآخر الملف كارت فالبيج ومنقوشة بذهبي..تبسم بطرف فمو

جواد : هاد أنور مكيضيعش الوقت ديالو حفلة من الفوق

جلال : أه من هنا ل 15يوم أينزل لكازا يبقى شي يامات بينما سلات الصفقة وعلاما سمعت أيكون إعلان كبير لعصير pahamas وداير حفلة على شرفك

جواد : مجايش

جلال : علاش ايعتابرها إهانة ليه ومتنساش بلي أنت شريك الأكبر فهاد لافير هادي ضروري تكون حاضر

جواد : معرفتش المهم خلينا من هادشي انا غدا غادي نرجع بغيتك توجد ليا تقارير ديال هاد الشهر الآخر

جلال(ضحك) :

- أحسن مادرتي كون هاني أشاف أتلقاهم كولهم عندك

جواد(تبسم) :

- بغيت غير نكوليك راه مدايرين غدا باش تكون على بال

جلال(وقف) :

- غير كول ليا سير فحالك بكل شفافية

جواد(غمزو) :

- إيوا الفاهم يفهم..رما ليه سلام جلال وخرج ركب فطوموبيلتو ومشا...

****

فوق طبلة محطوطة صينية فيها العصير والحلوى ليليا كتلعب ولي لقاتو تعضو..

وردة : واش عند بالك زعمة الى عاودتي ليا أنمشي نكولها لأمين زعمة غير حيت هو راجلي أنكولها ليه من نيتك أماريا واش مكتعرفينيش؟

ماريا : ماشي مكنعرفكش ولكن هداك راجلك مغاتخبي عليه والو وهو مغايخبي والو على خوه فهمتيني

وردة : قضية أنك مشيتي ومكلتيها ليا بسبب مابغيتيش تخسري ليا شهر عسل ديالي وفهمناها ولكن نمرتك ماتعطيهاش ليا مادخلاتش ليا لبالي

ماريا : حتى هيا نفس السبب أمين غادي يعرف نمرتي أنا بصريح العبارة بغيت نبعد أوردة كان خاص نعطي فرصة راسي داكشي باش بعدت على كولشي عليك على دارنا على كولشي خلصك تفهميني وتعدريني حيت انت مدزتيش من داكشي لي دزت منو أنا فهمتي..

سومية : صراحة ماريا عندها الحق انا درت راسي فبلاصتها راه مدوزاتش قليل من نهار حطات رجلها فالمغرب وهيا من هادي لهادي تحملات مسؤولية كبيرة بزاااف ودخلات فشي حوايج لي مايقدرش شي حد يدخل فيهم او يتحملهم شوفي غير فاش كيجيك شي واحد يخطبك وداركم يبزو عليك كيفاش تحسي خلي شي واحد يهددك وانت عاطية عهد بلي داك شخص لي هددك بيه ماتفرطيش فيه وزيد عليها الصدمة ديال ماما راه بزااف حسن عوانها والله خاصنا نفهموها ماشي نلوموها..تنهدات وردة وتبسمات ليها

وردة : انا غير وحشي ليها هو لي هضر انا عادراها والله وعارفة بلي ضحات بزااف سمحيليا..وقفات ماريا عنقاتها وباستها ورجعات لبلاصتها

ماريا : إيوا كيدايرة انت مع زواج؟

وردة(ضحكات) :

- ههه مزيان انا غادة هههه

ماريا : إيوا الله يكمل عليكم بالخير ياربي

وردة : أميين حتى هاجر راه قربات دير الخطوبة مغاتحضريش ايبقى فيها الحال توحشاتك بزااف والله

ماريا : مغاديش نقدر نحضر صراحة ماسي على قبل شيحاجة ولكن عندي خدمة بزاااف

وردة : أجي شفت واحد الإعلان ديال طوموبيلات مابقيتيش ساهلة

ماريا(كضحك) :

- وياااه وسيم دهلني فمعماعة كبيرة من أستاذة لوجه إعلاني شفتي

وردة : كولشي زين..

دوزو لعشية مع بعضياتهم تغداو مجموعين حتى وصلات العشية شدات وردة نمرة ماريا والعنوان ديالها ومتفرقات مع ماريا غير بالكشايف لا هيا لا ليليا ولكن كان خاصها ضروري باش تمشي...أما ليل دوزوه الخواتات جنب بعضياتهم ونعسو معانقين بحال بنات 5سنين...

****

"النفس لا تفقد شيئًا من مضمونها، لا يوجد شيءٌ اسمه نسيان. ..

كل إحساس وكل تجربة وكل خبرة وكل عاطفة مهما بلغت من الهوان والتفاهة لا تفنى ولا تستحدث، ..

وكل أسرار قلوبنا ووجداننا غير قابلة للاندثار، ...

كل ما في الأمر أنها تنطمس تحت سطح الوعي وتتراكم في عقلنا الباطن، لتظهر مرة أخرى في أشكال جديدة، في زلّة لسان أو نوبة غضب أو حلم غريب ذات ليلة"...

- الصباح غير فطرو خرجات ماريا وأحمد ومليكة وسومية شدو طريق لسبيطار باش يخرجو حورية...لي صبح وجها منور تزرعات فيها الروح من أول وجديد كولشي كيسول فيها كيف بقات وهيا كتجاوب بوجه مبسم وعينيها فيكس على ماريا..

حورية : الحمد لله اللهم لك الحمد...فينما دور ماريا تلقاها حاضياها وكتشوف فيها بحال شي واحد خايفو لا يهرب وممحيدش عينيك عليه...من بعد الإجراءات خرجات حورية من سبيطار داوها لدار...لقات بلاصتها مفرشة ومقادة..

مليكة(موجها هضرتها لسومية) :

- ويلاها علي على كتافك وتبعيني لكوزينة

سومية : هيا لي متعاود...مشات مليكة وسومية لكوزينة يوجدو لغدا أحمد ومحمد خرجو لصالون..بقات ماريا وحورية بجوج..

حورية : سدي داك الباب وأجي أبنتي حدايا..مشات ماريا سدات الباب وجات حدا حورية واخا تسامحات معاها ولكن مزال ماولفاتهاش مزال كتحس بواحد الإحساس فشكل..شدات ليها حورية فيديها..

حورية(تنهدات) :

- أنا عارفة قلبك واخا هكاك مزال مصافيش من جيهتي ولكن غير كلستك معايا بدنيا ومافيها غلطت أبنتي غلطت معاك وبزااف

ماريا : بلاما نهضرو فهادشي انت عاد خرجتي من سبيطار

حورية : لالا انا مزيانة الحمد لله مابيا والو حتى انا بغيت نعاود ليك ونرتاح شوية..أشرات ليها ماريا براسها..

حورية : مناش نبدا ليك كنت انا الوحيدة عند والديا بحكم مكانش فحالنا مقدروش يزيدو عليا وحدة ويلاه يلاه مكافيين معاها من نهار عقلت على راسي ومي مكانتش كتحملني فمها كلمة وحدة انت سباب البلة انت سباب البلة نهار تزاديتي باك جراو عليه من الخدمة انت منحوسة كون غير متي الحنان ديال الأم مكنتش كنعرفو نهائيا الواليد الله يرحمو هو لي كان فيه شوية ديال الضو او واخا هكاك كتغلب عليه وتعمر ليه راسو بعد المرات كنكول موحال واش هاديك مي وفعلا صدقات ماشي مي..ماريا كانت ساهية طلعات راسها بوربة شافت فيها بصدمة

حورية(تبسمات):

- تعجبتي انا متعجبتش القراية قريت غير بزز وكنت غير نرجع لدار نلقاها موجدة ليا طون ديال الخدمة مكتساليش حتى باش نبدل ونمسط شعري لدرجة ولا فيا القمل والبنات فالمدرسة كيضحكو عليا كانت كتغير مني ومن شعري واحد المرا تقطع الضو وكنت كنحفض وشاعلة شمعة باش ضوي ليا جاتني من لور ودفعاتني على شمعة حتى تحرق شعري وضطريت نحسنو كانت كتحرقني بالموس وتكوليا تكوليها لباك انقتلك وكنت كنسكت وبقات هكاك مرات نعس فكوزينة كل مرة وهيا دوزت العذاب الشديد حتى نهار لي تعرفت فيه على محمد تما تبدلات حياتي 180درجة كان فيه خويا وبا ومي عمري مجربت الحنان حتى حن عليا ولا جربت الحب حتى بغاني كان يخاف عليا من نسمة ديال الهوى إلى ضرباتني كان خاصني غير نكول أي يجي كيجري كان هو صدر الحنين لي كنبكي عليه كان كيبغيني حب كبير بزااف وحتى انا أول حب وآخر حب مكنتش كنتصور حياتي بلابيه حبنا كان حب أسطوري كيف كانت كتكول واحد صاحبتي عشت معاه أحسن أيام حياتي...قاطعاتها ماريا :

- ولكن علاش متزوجتوش وتزوجتي بابا؟

حورية(تنهدات) :

- محمد دارهم كانو لاباس عليهم عندهم محالات ديال ذهب نهار مو عرفات بلي كيبغيني وبغاني لزواج وشكون أنا نوضات الحرب وخيراتو بيني وبينها وسخطات عليه كاتليه ها سخط ها رضى الى ديتيها أما باه منع عليه كاع المصاريف حيد ليه كولشي وكان غادي يحيدو حتى من الحالة المدنية ويتبرا منو..محمد كان مرضي بزااف وعزيز عليه باه كيحتارمو لواحد الدرجة كبيرة بزااف مقدرش يعصاه قرر باش يخليهم كاملين وانا معاهم ويمشي يقرا على برا ولكن مخلاوهش بقاو عليه حتى زوجوه واحد بنت صاحبهم...نهار سقت الخبار تشويت بالعافية بكيت وجدبت مشا صدر الحنين لي يبغيني ويخاف عليا ضعت ديال بصح وفاش ساقت مرات با الخبار عطاتني قتلة دالعصا وماحسيتش جا با عمرات ليه راسو بلي كاين ولي مكاين وكاتليه بلي أول واحد يدق بابهم يزوجوني ليه حتى نهار لي جا با وفيديه عريس ليا كان هو أحمد زوجوني ليه بلا عرس بلا والو بحال شي جرتيلة وتهناو منها حسيت بدنيا كحالت فوجهي قلبي عمر بواحد الكره لبا ولمي لي كنت نحسبها مي وحتى لأحمد لي كنت كنشوف فيه حتى هو عدويا عمرها تنسا ليا نهار جا يديني او وقفاتني مي وكاتليا بلي مي ماتت نهار ولداتني وبلي هيا غير رباتني تصدمت وزدت حقدت كتر وكتر حقدت على كولشي مرضت نفسيا

مرضت نفسيا وليت مكتآبة وليت بحال الوحش كاع داكشي لي لداخل ديالي كنت كنخرجو فأحمد لي لقيتها نهرسها نضرب راسي المهم وليت بحال شي ثور هايج مابقيتش مسؤولة على أفعالي حتى نهار حملت بيك مكنتش بغيت نحمل كنت كنكول علاش نحمل ونولد وهادشي لي أيتزاد يطرا ليه بحال لي طرا ليا...وفاش تزاديتي كنت كنخليك بلا حليب مرات كنت كنبكي بلاما يشوفني باك على راسي وعليك...وليت بحال الحمقة مرات نحن ومرات لا مرات نخليك بجوع ونبغي نخرج ونرجع بوربة نهزك ونوكلك شوية نحطك ونهرب نخرج وفينما جا أحمد نتخاصم معاه ونوضوها حتى قررت ندير حل لحياتي ونمشي ونخليك لا انت ولا أحمد كنت كنشوف فراسي غير أنعدبك معايا كيفاش وحدة عانات المر والويل ومداقتش الحنان فحياتها كلها ودازت من لي دزت تكون عندها الكبدة وتكون حنينة وليت كنكول انعدبك كيف تعدبت اللهم نمشي ونسمح فيك على الأقل باك ايحن ويربيك تربية حسنة انا شنو انعطيك نعطيك العصا لي كانت مرات با تعطيني ولا ضرب لي كنت نشد ولا المعيور ولا ولا هادشي لي كان كيكوليا راسي ديك ساع بصدفة واحد المرة تلاقيت بمحمد أه شفتو وعرفت بلي قلب عليا ومرات با جرات عليه وكاتليه بلي تزوجت ربي شاهد عمري ختن باك حتى من محمد ضرت فيه وكتليه يعطيني تيساع انا مزوجة ومشيت فحالي زادو المشاكل وكل نهار ندير مشكيل مع احمد ونحاول نجرحو غير باش يكرهني ويطلقني كنت الأغلبية نرصعك من البيبرو وهادشي كان كيعصبو حتى نهار فاش خرجت من دار...صاف هزيت ساكي ومشيت فحالي...هزيت راسي وخدمت عند شي ناس ومن فلوس خدمتي كنت كنجمع حتى كريت واحد البيت وبديت كنخيط لناس بحال هكا وراها خدمت فمعمل ديال الخياطة دازت مدة ورجعت تلاقيت بمحمد ورجعنا تزوجنا كان عندو ولد ياسين من مراتو لولة سكنا فدار وحدة تما لاحظ محمد بلي تصرفاتي ماشي عادية بليل كنوض كنغوت وكنطيح وكيجيني إنهيار عصبي مرات كنطلع لبيت فسطح ونسد عليا كيقلب حتى يلقاني نبقى نبكي ونضرب راسي...هنا قرر يديني لعند طبيب نفساني وفعلا وليت دائما عند طبيب كندير معاه حصص فينما ندير حصة كنحس براحة كثر كونما بطر بيا محمد كنت غادي نفقد العقل ديالي وأيطرو يدخلوني لسبيطار الأمراض العقلية وهادشي كلو بسبب الضغوطات من مرات با وصدمة فاش تزوج محمد وصدمة ديال بلي مي ماتت وحتى لي كنت كندير ليك كولشي تجمع عليا مدة عام وانا كنتعالج عاد رجعت كيف كنت وحتى محمد عاوني بزااف كان كيعاملني بحال بنتو ماشي مرتو..دوزتها عليه ولكن وقف معايا راجل صراحة بهبالي تحملني وعصبيتي بعد المرات كنت نهز اي حاجة ونلوحها عليه قبل منتعالج...حتى نهار عرفت راسي حاملة كنت مزال فالفترة ديال العلاج منين بديت كنبرا رجع ليا عقلي وعرفت شنو درت وانا ماشي فوعيي تما درت صبع تحت لعين لمحمد باش نرجع لأسفي حيت كنا سكنا فاس ونجي نقلب عليك..

ماريا(تنهدات) :

- هيا فاش عمتي كدبات عليك؟

حورية : أه كاع لحنان ديالك عطيتو لسومية نتفكرك ونشري لسومية فبلاصة لبسة كنت نشري جوج وحدة نلبسها ليها وتانية نخبيها حتى من سبابط او لمونيكات نجمع ونخبي وعمر لا محمد لا حتى واحد شافهم..ناضت من الفراش بشوية عليها شادة فللحيط حتى لماريو جبدات واحد الصندوق صغير خدات منو واحد ساروت وفتحات داك الباب وبدات كتجلد فالكسيوات صغار وسبابط والمونيكات..

حورية : هادو كاملين دياولك حتى فعيد ميلادك كنت نسري الكادو ليك ونخبيه مكيشوفو حتى واحد كنخلي حتى ميكون حد ونجبدهم نشمهم ونعنقهم بحال الى كان عنقك انت أنا عارفة هادشي كولشي لي عاودت ليك مكيبررش الفعلة ديالي ولكن والله أبنتي مكنت فالوعي ديالي واخا عمتك كدبات عليا مكنتش كنيأس ديما كنفكر محمد يسول ليا ولكن كانو كيكولو ليه مكاين حتى خبار حتى يأست هادي هيا الحكاية أبنتي حاجة وحدة بغيتك تسمحي ليا انا انا والله حتى تبدلت او بريت ومابقيتش كيف كنت أديتك وأديت أحمد بزااف حتى هو معندو دنب دنب دنب با الله يرحمو ومراتو الله يرحمها واخا هكاك مسامحاهم دنيا وآخرة...ماريا سكتات كتشوف فدوك الحوايج والمونيكات غرغرو عينيها بدموع ودغية مسحاتهم..ناضت شدات فحورية وكلساتها

ماريا : دابا لي فات مات نساي عليك الماضي حنا ولاد اليوم وانا مسامحاك دنيا وأخرة وبقلب صافي ومهازة من جبهتك حتى حاجة حتى انت داز عليك كثر مني أنا(ضحكات) بحال الى الأم والبنت مكتاب يدوز عليهم شلا حوايج ولكن الحمد لله هادشي كولشي مزيان ولي من عند الله مرحبا بيها

حورية : دابا انت مسامحاني ياك؟

ماريا : مسامحاك أماما دنيا وأخرة..حورية أسمعات كلمة ماما نزلو دموعها جراتها بيد وحدة وعنقاتها كدوز إيديها على ظهرها وشعرها بعدات عليها شوية باستها فوجها وجبهتها وشعرها رجعات جراتها وعنقاتها من جديد كتشم فريحتها كدخلها وسط ضلوعها...تفتح الباب وطلات عليهم سومية

سومية : وبراكة اماما من البوسان اتكملي ليا ختي وانا مزال كاعما شبعت منها..جات كتجري عندهم عنقاتهم بجوج

حورية : الله يحفظكم ويستركم ويرزقكم كل مكتمناو ويخليكم مجموعين...

ويخليكم مجموعين ونفرح بيكم وبوليداتكم ياربي😍

سومية وماريا : أمين ياربي ويطول لينا فعمرك

حورية : أمين ياربي..

- دازت العشية من أحسن ميكون كولشي فرحان وناشط ماريا ضحكة مفارقاتش وجها أحمد مقابلها كيشوف عينيها كيبريو فرحان لفرحة بنتو لي أخيرا لقات مها ولقات الفرحة لقلبها بعد المرات الظروف كتحكم علينا نعيشو شي حوايج خايبين وكل واحد عندو دور فهاد الظرف وأحمد حتى هو كان عندو دور حيت مافهمش حورية محاولش يتقرب منها ويحن عليها ويبغيها بنسبة ليه زواج تقليدي فقط من واجب المرة طيب وتشقا فقط مافهمش تصرف حورية حتى عاود ليه محمد على الفترة لي دوزاتها عند طبيب نفساني وشنو قاسات بسبب خبر بلي مها لي كانت تكول ليها مي هيا غير مرات باها ولعذاب شديد لي داز عليها زلداد لمس ليها العذر على مدارت..حيت حتى هو وعا ودارو عقلو ومن بعد سنين لقا حب حياتو لي هيا مليكة شحال من حاجة كتجي معطلة ولكن كولشي فوقتو زوين وضروري ندوزو الخايب ولكن كون أكيد ورا اي حاجة خايبة وأي ظلام راه جاي بريق ديال النور أيمحي كاع الظلام لي عشتيه..

حورية : متقديش تزيدي شي أيام مزال ماشبعت منك

ماريا : منقدرش والله مكرهت ولكن عندي خدمة بزااف وخاصني نبظا من غدا ولكن راه كاين تيليفون نبقاو نتشاوفو ديما

حورية(عنقاتها بجهد) :

- تهلاي فراسك بزااف أبنتي الله ينقي طريقك من شوك ياربي ويبعد عليك ولاد الحرام

ماريا : أمين أماما تهلاي فراسك وخودي دوا فالوقت وترويض انتقلق منك الما رديتيش البال لراسك

حورية : كوني هانية أبنتي

ماريا : عمي محمد سمحليا الى قلقتك مديش عليا

محمد : انت وسومية واحد والأب عمرو يتقلق من بنتو(عنقها)..عنقات ماريا سومية وعطاتها نمرة والعنوان رجعات عنقات مها وخرجات كتسنى فباها

أحمد : الله يخلف ونتلاقاو فساعة مباركة

حورية : أحمد سمحليا على أي حاجة وقعات

أحمد : المسامحة احورية كلنا كنغلطو ماشي غير انت ديها فصحتك يلاه الله يعاونكم..خرج أحمد هو وماريا شيرو ليهم بيديهم ركبو فطوموبيل وشدو طريق لدار..تنهدات ماريا تنهيدة كبيرة وحسات بدنيا غادية وكتزيان ليها حسات براحة وبحال شي هم تحيد من فوق قلبها ولا كولشي كيبان ليها زوين فعينيها..

****

عند النوم توسدوا رضاكم عن أنفسكم

وعند أستيقاظكم صافحوا أرواحكم بحرارة وتصالحوا معها ..

الحمدلله على طهارة قلوبنا ..

- واقفة ماريا هازة شانطة ديالها كتشوف فساعة كتسنا باها..حتى تم جاي كيدير ساعتو فيديه..

ماريا : بابا راه انتعطلو راه خاص نمشي حتى لقنيطرة نقضي واحد الغراض لوسيم وعاد نشد طريق لكازا

أحمد : صافي أنا جيت..تبعاتو مليكة من لور هازة بواطة فيديها فيها حلوة الرخامة وحلوة ديال كاوكاو

مليكة : عارفاك كتموتي على هاد الحلوة هاكي ديها معاك ضرك جوع نقبي منها كيفما موالفة

ماريا(عنقاتها) :

- لهلا يخطيك عليا أماما مليكة..شيرات ليها بيديها وركبات فطوموبيل حدا باها حطات ساك لور دارت سمطة ديما أحمد طوموبيل وشد طريق فاس..مكملاش دقائق فنفس لبلاصة وقفات طوموبيل جواد نزل جاج وطول شوفة فدار ماريا شي 5دقايق وهو واقف رجع نظاظرو طلع زاج ديمارا وزاد..

- وصلات ماريا لفاس قطعات ورقة لقنيطرة بقا معاها أحمد حتى ركبات عاد مشا من فاس لقنيطرة قدات الغراض لوسيم وشدات تران نيشان لكازا ونيشان لعند وسيم لخدمة حتى دخلات عليه..

ماريا(خلاعاتو) :

- هاو..

وسيم : بسم الله الرحمان الرحيم تي إيمتا جيتي ياختي

ماريا : غير دابا هاك اسيدي هافلوس سيد واجي بعدا انسلم عليك..عنقاتو وكلسات فالكرسي ترتاح

وسيم : إيوا كيدازو الأمور هم كنشوفك فرحانة

ماريا : الحمد لله كان عندك الصح والله حتى ماما دازت عليها صراحة وكيف كلتي الله غفور رحيم مهم انا متحمسة لخدمة وعندي واحد الطاقة كبيرة😎

وسيم(صفق) :

- هادي هيا بكيزتي ولا فالة من غدا مكاين غير لخدمة وتصاور تصاور تصاور💪يلاه نمشيو لدار كتسنانا أروى خليتيها قنطانة كونماشي ديك شعر لكرعة لحمرا لي خليتي

ماريا : حرام عليك حتى ندير ونقلب معاها فين تكري

وسيم : لالا ماشي مشكيل اخليها دار زاسعة وعريضة

ماريا(علات حاجب وهبطات تاني ودورات راسها) :

- لالا لالا وسيم هذا ولاكدبت شيحاجة تما امم احياني عليك البانضي

وسيم(جرها وهز ليها ساك) :

- زيدي زيدي شحال فيك دالقوافي مكتقدايش الله يستر..خرجو كيضحكو بجوج ربو فطوموبيل وسيم ومشاو لدار..

- صباح بدات الخدمة كلها حيوية ونشاط ماريا وجدات راسها وكانو أول تصاور هوما تصاور شركة أنور لبسات شوميز بيج بارد مع سروال فضفاض فالأخضر كلو وريدات محلول من جناب طلقات شعرها على جنب وكتفات بمكياج بسيط

خدا ليها وسيم 3تصاور بنفس لبسة عاد جات لبسة تانية بصايا وتريكو مع بيرية مصورة مع المنتوج ديالها وكتردد الحوار لي خاصها تكول..وسيم مالقاش مع مشكيل نهائيا لدرجة مكتعاود اللقطة جوج مرات او كثر صورة من ورا صورة وضحكة مافرقاتش وجها نهائيا عاد ختموها بصور بكسوة طويلة وتاج لصالح شركة السياحة الكوريا وإشهار وهيا كتكول الحوار الترويجي لشركة كاع تصاور جاوها فانين ومتمكنة منهم بحال شي وحدة قديمة فداك المجال...دازت سيمانة كلها وهيا غير فالستوديو من صورة لإعلان لصورة لإعلان...مع سلاو جا عندها وسيم وفيديه كارت..

وسيم : تراتاتا

ماريا : شنو هدا تاني؟

وسيم : الالة صاحب المجموعة الإيطالية أينزل فكازا سيمانة جايا وداير حفلة وهادي كارت دعوة

ماريا : وانا معنديش مع هاد الحفلات راك عارف

وسيم : ياربي صبر وراه ضروري اتحضري حيت انت الوجه الإعلامي لمنتوج ديالهم واتكوني انت من بين ضيوف الشرف وانا معاك همم😍😎

ماريا(كتشوف فيه) :

- انت فرحان حيت كيعجبك بحال هادشي

وسيم : بااز تفتحي شوية وباني وتعرفي على ناس جداد ودفني راسك المهم اتمشي اتمشي وحتى الكسوة باش أتحضري حاضرة ناضرة فير ضربيها ليا بشي تحميمة مغربية قحة على حقها وطريقها وخلي الباقي ليا وخلي الباقي ليا..مداهاش فيها غادي وكيغني..

ماريا : انا عارفة راسي واخا نطير ولا نزل هاد الحفلة انمشي ليها واخا تعرف تكتفني وتربطني فالكوفر وتديني..رجع طل عليها براسو كيضحك..

وسيم : وعلى سلامتك أحبيبة منين عرفتيها يلاه سربي خلاص انا كنتسناك لتحت بيزووو بكيزتي😉😘...

بدات حملة الإعلانات فجميع الفضائيات وفكاع لبلاكات ديال الإعلانات فالمغرب وبرات المغرب ومع وجه ماريا جديد الشركة عليهم الوفد بزااف..وحتى من تيليفون وسيم مابغاش يسكت من طلبات ديال الشركات الأخرى يربطو معاه عقود عمل ولكن شرط تكون ماريا هيا الوجه الإعلاني ليهم ولات تدوز من شي بلاصة ناس كيتعرفو عليها ولا كيبقاو يشوفو فيها ولات معروفة من عند الناس..

****

#إفران

جلال دخل عند جواد للبيرو

جلال : وي شاف بغيتيني...دار عندو جواد مغوبش حط قدامو مجلة وأشر ليها بصبعو

جواد(بصرامة) :

- كان فخبارك هادشي؟

جلال : شنو هادشي؟

جواد : بلاما تمرض ملتي على صباح تصاور معمر دنيا وتلفازة وكترت الإعلانات بلاما دير راسك هبيل وماشتي والو

جلال : هانتا غير تكالما شفت كولشي ولكن مافهمتش علاش معصب

جواد(كيغوت) :

- واش كضحك عليا ولا على راسك ولا بغيتي تاكول شي دقة على صباح علاش بدات هيا واش أنت عارف سيهم رمزي ولا معارفوش اممم

جلال : عارفو كثر من راسي ولكن لي عطا الله عطاه مغادي تبدل والو اجواد

جواد : عارف مغادي نبدل والو أسي زفت ولكن لي فراس جمل فراس جمال وداك سيهم زبليوي داكشي لي كيفكر فيه عمرو لاوصل ليه

جلال : ولكن باش عرفتي انت أنور داير شيحاجة فراسو يمكن غير ضالمو ومكاين والو 

جواد : منين كانو كيتفرقو العقولة انت كنت فغيبوبة يمكن وكتكول عارف أنور كثر من راسك أنور أيختار مودل عاد بدات الما كانت شيحاجة وهو معروف عليه كيختار غير العارضات المعروفات للماركة ديالو ومنتوجاتو

جلال : انسولك واحد سؤال واخا عارف نقدر ناكول عليه دقة ولكن ماشي مشكيل

جواد : منين عارف راسك سول

جلال : وفرضنا كاع أنور دارها فراسو ولا عجباتو كاع وانت شنو دخلك فهادشي ياك طلقتو وكل واحد مشا من طريق من حقها تبدا حياتها من جديد ودير لي بغات ومعامن مابغات شكون عرف يبغيها أنور ديال بصح كيقولو زير النساء كيدوز بزااف فحياتو حتى كتجي وحدة فلمح البصر وكتخطف قلبو...خنزر فيه جواد تخنزيرة جمدات ليه الما فركابي 

جواد : كتقلب على خلى دار عشتك سير حيد من قدامي قبل مندير فيك شرع يدي(ضرب إيديه مع طبلة)كتليك حيد من قدامي..طار جلال من قدامو خاف على عظامو فهاد الصباح هذا...جواد بقا حادر راسو عارف كلام جلال صح ولكن محملوش يكول هكاك معرفش علاش حس بلي مزال هيا ملكو وديالو حس بغيرة قاتلة قبل مايوقع والو هو كيعرف أنور عز المغرفة وعارفو بو العيالات كيعجبو الجمال خصوصا الطبيعي غير كتجيه هاد الفكرة لراسو كيفور دم ديالو...هز تيليفون ديالو ورجع عيط لجلال..

جلال : ألو

جواد : رجع عندي دابا

جلال : بغيتي تخلي دار عشتي

جواد : إلى بقيتي كتجاوب معايا أنخليها ديال بصح...قطع عليه تيليفون..شوية حتى كان عندو

جواد : اتنفد هادشي لي أنكوليك بالحرف الواحد...اتعيط على نزار وتحدد معاه الإقامة ديال أنور

جلال : كيفاش؟

جواد(خنزر فيه) :

- عمرك تبقا تقاطعني غادي نهبطو لكازا لداري اتوصي نزار باش بلاما يشدو اوطيل حشومة حنا هنا ويشدو أوطيل أينزل عندي فدار

جلال(تبسم) :

- اممم بغيتي تخليه تحت عينيك فهمتك

جواد : كان يحسابلي عقلك داب ساعة الحمد لله لي مزال فيه واحد الشوية المهم شوف لي تقاد دار غدا غادي نمشيو ليها

جلال : اوك شاف...

****

بعض الرحيل نختاره 

وبعض الرحيل نُجبر عليه !

فيأتي بثقل الجبال

نمارسه بخُطى متثاقلة !

وكأنّنا نجرّ العالم بأكمله خلفنا !

فنمضي قليلاً.. ونلتفت للوراء قليلاً !

لأنّ في الخلف أشياء . أحلام . أرواح معلّقةٌ قلوبنا بها !

****

دخلات ماريا على وسيم لبيرو ديالو حطات ساكها وكلسات على لكرسي مرجعة راسها لور ومغمضة عينيها

وسيم(كيشوف فيها بنص عين) :

- مالكي ياك لاباس؟

ماريا(تنهدات) :

- ممالي والو غير هاد القضية ديال الإشهارات وهادشي معنديش معاها نكون غادية فزنقة بنادم كيبقى يشوف فيك جاني فشكل وانا عمري كنت انختار هاد دومين اصلا انا غير أستاذة ديال الموسيقى براكة عليا أش داني لشي قرع نمشط ليه راسو وزيد عليها كملتي عليا بهاد الحفلة وانا معنديش مع هاد تخربيق..

وقف وسيم وجا عندها كيدلك ليها كتافها

وسيم : هادشي غير البدية مع الوقت غادي تولفي عرفتي شحال من وحدة باغية تكون بلاصتك واو بلا عدد غير صبري كولشي أيدوز

ماريا : غير يجيو بلاصتي نعطيها ليهم فبور منكدبش عليك أوسيم هاد الإشهارات ايكونو أخر حاجة أندير وهاد الحفلة آخر وحدة أنحضر ليها نبقى خدامة معاك هنا أه على عيني وراسي ولكن قضية العروض وهادشي غير حيدو عليا ماهو ليا ما أنا ليه والله مكنبغيش ندير حاجة أنا ممرتاحاش فيها انا درتها غير على قبلك صاف أما كون شي حد أخور والله منديرها

وسيم : واخا بيبي كنواعدك هادي أتكون آخر حاجة ومن هنا لقدام أنكولهم عتازلات صافي المهم عندي ليك مفاجأة😎

ماريا : شنو تاني ياربي سلامة من مفاجآتك

وسيم(تم غادي لواحد الباب فتحو وجبد منو واحد الكسوة فلون الكريم بلا إيدين طويلة حتى لعند ركبة منبتة بالحجيرات دايرة بحال ديال شي عروسة فنة..

وسيم(بحماس) :

- تراااا كيجاتك؟

ماريا : ممم واعرة 

وسيم : هادي هيا لي أتلبسي نهار الحفلة والميكاب عليا أنا

ماريا(ضحكات) :

- معرفتش علاش انا ممتحمساش لهاد الحفلة بحالك حاسة بحال الى أتوقع فيها شي كارثة الله يستر

وسيم : وناؤي مالك متشأمة الله يحفظ ضحكي شوية ضحكي ونشطي وانت الله يستر كتنويها عوجة..

ماريا(وقفات) :

- مهم واخا نمشي هاد صباح لدار محتاجني فشي حاجة بغيت غير نعس شوية

وسيم : 10ونص هادي مزال شي نعاس؟

ماريا : عندي أنا أه مزال..هزات ساكها وتمات غادية جيهت الباب حلاتو وشيرات لوسيم وخرجات..

****

فمطار محمد الخامس نازل بخطوات تابتة وبكل غرور هاز الأوراق ديالو معاه نزار جار البالز ديالو وديال الباطرون ديالو خرجو على برا لقاو طوموبيل بشيفور كتسناهم خرج شيفور منين شافهم فتح لأنور الباب ركب وطلع مع نزار البالز لي حتى هو بدورو نضم لأنور وركب حداه ديمارا شيفور والوجهة كانت دار جواد..

****

فبتيت فيلا عصرية عكس القصر لي فإفران كانت ماصغيرة ماكبيرة فيها بيسين فجردة كيطل عليه منظر خلاب كراسة دايرين مع طبلة طويلة اما الداخل كتسبق فصالة عصرية مفرشة بالبيج وشيبي عاد جهة ليمنة فيها صالة مونجي جنبها صالون أخور كبير..وكولوار كيدي لكوزينة وبين الخدامة او باب كبير ثاني فالوسط ديال زاج كيدي لجردة من جهة أخرى عاد الطبقة الفوقانية فيها بزاف ديال البيوت كل بيت بالحمام ديالو..

- وصلات طوموبيلت أنور فتح ليه شيفور نزل تفتح باب الفيلا وطل جلال بإبتسامة على وجهو.

جلال : أهلا وسهلا بسي أنور شرفتينا

أنور(بإبتسامة) :

- شكرا جلال...سلم عليه ودخل دور عينو فدار وكلس على واحد الكرسي فتح العقاد ديال لافيست ودار رجل على رجل..نضم ليه جلال ونزار لي دهل البالز مع الشيفور..

جلال : كي كانت الرحلة ديالك؟

أنور : مزيانة مبانش ليا جواد

جلال : شوية وغادي يكون هنا كنتمنى دوزو وقت زوين هنا

أنور : كنتمنى 😊...تسمع صوت عجلات طوموبيل وقفات دار جلال براسو جيهت الباب او وقف

جلال : وقيلة سي جواد وصل...مشا بخطوات سريعة جيهت الباب فتحو وفعلا كان جواد خارج من طوموبيل فالحمر لابس سروال دجين مع كاط فالقهوي تيشورت داير ساعة فيدو مع نظارات ديال شمس..خرج بكل ثقة الجادبية كتشع منو ريحتو سابقاه عضلاتو البارزة والمنحوتة مخلياه كيسلب العقل سد الباب وتم جاي جهة جلال لي تلقا ليه يلم عليه

جواد : جا؟

جلال : اممم كاين لداخل

جواد : مزيان..

حيد جواد نظاظرو رسم إبتسامة على وجهو وتم داخل..غير شافو أنور وقف وتبسم ليه بدورو

أنور : شريكي نهار كبير هذا

جواد : اووه لهاد درجة توحشتيني😃(عنقو وسلم عليه من لوجه ضرب ليه فظهرو)

أنور : شحال هادي من عام ماشفناك كنشوفو غير جلال وبيني وبينك بدا كيطلع فراس..نباه جلال من اللور :

- اوووه كلام كيقطع فالقلب

أنور(غمزو) :

- خلينا نمدحو البوس ديالك شوية...كلسو كاملين

أنور : صراحة كرم منك تستقبلنا فدارك

جواد : بالعكس هذا واجب ديالي مجاتش تسخسخ فلوطيلات وداري كاينة أو لا؟

أنور : معقولة مكلتيش ليا كيجاك الإعلان ديال المنتوج ديالنا بجوج

جواد(حرك راسو) :

- هو مزيان ولكن من الأحسن وكون خديتي رأيي كون ختارينا وجه إعلاني معروف باش ضيف لمنتوج جمالية كثر

أنور : لااا بالعكس الوجه جديد ضاف بزااف كثر من لي معروف كان خاصك تشوف تصاور لي شفت باش ختاريتها شيحاجة جديدة بزاااف شنو ممكن نكوليك شيخاجة فخيش...هز جواد حاجب وهبط تاني ونار كتاكل فيه شاد إيديه غير بزز لاينوض يخلي دار عشتو ويرجعو منين جا بلع ريقو رجع راسو لور غمض عينيه ورجع شاف فيه

جواد(برود) :

- أنا بعدا معحباتنيش ومزال عند رأيي كون ختارينا وجه معروف أحسن

أنور : غادي تبدل نظرية ديالك منين تشزفها غدا فالحفلة

جواد : اهاه مضيعتيش وقتك حتى هيا معروضة(قلبو كيضرب بجهد)

أنور : بطبيعة الحال وأتكون انت وياها ضيوف شرف

جواد(شاف فجلال) :

- اممم مزيان مزيان يلاه دابا طلعو ترتاحو من سفر أتكونو عييتو جلال وريهم البيوت ديالهم

جلال : واخا شاف تفضلو معايا الله يخليكم..

داخلة ماريا هيا او وسيم لبيت فين كيديرو ماساج وماريا تنكر :

- مافهمتش انا هادشي كاملو لاش زعمة هالمساج هاليماسك تكول أغدا عرسي وانا مافخباري

وسيم(كيندب) :

- ياربي صبر مع هاد المخلوقة لي نازلة من كوكب زحل واش البنات كلهم كيحماقو على هادشي وكيكون فيهم بالفطرة وانت الله يستر معرفتكش مناش مصنوعة اونبليس ماتعرفي تلقاي ميمونك فهاد الحفلة😉

ماريا : وليتي كتهضر بحال دوك العيالات الخطابات😑

وسيم : دابا صفي هنينة سيدة جايا...كل واحد تكلفات بيه وحدة فعلا المساج كيريح ويرخي الأعصاب كانت محتاجة ماريا لهاد المساج ريح أعصابها وفكهم كاع ستريس لي تعرضات ليه الأيام لي فاتو أثر عليها دابا كتحس بواحد الراحة كبيرة..من المساج جا دور الوجه دارو ليها سوان لوجها نقاوها بالإضافة لماسكات ومرطبات...خرجات هيا او وسيم كيشعلو..ركبو فطوموبيل ورجعو لدار...

وسيم : شفتي كنت عارفو ايعجبك حسيتي براحة

ماريا : اه والله كنت كانحس بعنقي كيضرني ومشنج بالأعصاب دابا لا كانحس براحة

وسيم : شفتي باش هاد المرة متبقايش تناقشي معايا أجي عندك شي صباط فالبيج ولا فالنقري؟

ماريا : لا معنديش

وسيم : اوك اندوزو ناخدوه على قبل الكسوة...دازو لبوتيك خدات ماريا سباط فلون الكسوة وخرجو دازو لخدمة هيا لولة سالة وسيم شي شغال عندو عاد تاجهو لدار..

#على_العشا

ثورية : ختي ماريا مابقيناش خرجنا باش نشوف الكرا

ماريا : صافي سخيتي بينا؟

ثورية : لا بالعكس غير كيكوليك ضيافة النبي 3يام وانا راه كثر من 3يام وانا هنا..نقز وسيم كيشوف فطبسيلو ويهضر :

- مالنا هازينك على كتافنا وكنراريو بيك ولا كنبدلو ليك ليكوش ونوجدو ليك رضاعة الدار كدها كداش والبيوت غير خاويين والماكلة كناكلو جميع دوك جوج ريال باش اتكري زيديهم فراسك ولا داركم وديري تحتك علاش ترجعي والوقت خايبة على بنت بوحدها هنا بعدا راك معانا نردو ليك البال...هزات ماريا حاجبها فيه بستغراب ضحكات شافت فأروى وغمزاتها..على عينو فيهم كيشوف فيهم

وسيم : مالكم كتغامزو بحال القرودة لي فجامع الفنا كلت شيحاجة غلط؟

ماريا : لا حاشا ثورية وسيم عندو الصح حنا موانسين بعضياتنا وانت تحت عينينا كتجي معانا من الخدمة وكنمشيو جميع غير حيدي فكرة ديال الكرا من راسك او وسيم راه اقصح من راسو مكاين الى كال لكبمة بلاما تناقشيه

ثورية(تبسمات) :

- واخا اختي لهلا يخطيكم..كملو العشا ديالهم من وراها كل واحد طلع لبيتو ينعس..

****

لا تتمسك بمن لا يتمسك بك ؛ بل أفسح له الطريق ولا تقف أمامه..وتمنى له رحلة طيبة أحياناً..فراقك لأحدهم يكون أول خطوات نجاحك!!

- بدات تحضيرات فقاعة خاصة بالحفلات على قدم وساق تعليمات من نزار لي نسق كلشي مع تريتور ومع صحاب القاعة مخاصش يكون حتى غلط فهاد الليلة ترتيبات خاصهم يكونو كيف بغاو وكيف وصا نزار بأسبوع..

- ماريا كالسة فوق الكرسي دايرة واحد الفوطة على راسها من بعدما صبغو ليها وسيم وبدل ليها لون ديالو فتحو شوية...رجع عندها من بعد مانشفو بسيشوار زاد ليها خصلات طوال ديال الشعر بنفس لون باش صبغ ليها عاد سرحو دقة وحدة مع تموجات من التحت داز لمكياج لي كتفة بيه بكريم أساس أيلاينر مع شفار ولمسة من المسكارا ولمسة خفيفة من عكر زهري فاتح اللون...قاد ليها ظفارها وصبغ ليها بصباغة بلون الأسود مع ظفر واحد مختلف بلون نقري بحال الحجيرات باش منبتة الكسوة مع 7 ونص كانت واجدة بالكسوة ديالها المنظر ديالها بحال شي أميرة أما وسيم بالبدلة الرسمية ديالو غير كل البدلات سروال كحل شوميز بيضة وفيست بالألوان بسنيسلات نازلين من جيب وصباط فالكحل كيبري

وسيم : انا متأكد بلي اليوم انت هيا نجمة الحفة اوووه اجي نعنقك..عنقها وهيا كضحك

ماريا : الفضل طبعا لوسيمي زغلولي..

وسيم : يلاه براكة من الهضرة مابغيناش نتعطلو

ماريا : غير خلينا نتعطلو باش انا نختم الحفلة😂

وسيم : اممم أحيانة عليك العفيريتة...هبطات هيا وسيم ونظرات الإعجاب من أروى وثورية تمناو ليهم سهرة ممتعة وخرجو..

#فالقاعة

واقف أنور على طبلة شاد كاس فيديه ديال المشروب..معاه جواد بكامل الأناقة ديالو داير إيديه فجيابو معاهم نزار وجلال...جواد كل دقيقة كيشوف جهة الباب همس ليه جلال

جلال : زعمة تكون مجاياش؟

جواد : شكون هادي؟

جلال : لي من صباح وانت مقابل الباب واش جايا

جواد : جلال مابغيتينيش نخسر ليك وجهك فهاد الليلة لا..نطق انور

أنور : لعجب لجواد لي مابقاش كيشرب شنو طرا؟

جواد(ضحك) :

- كنبغي فبحال هاد المناسبات نكون فكامل الوعي ديالي..تبسم أنور دور وجهو جهة الباب وقف الكاس عند فمو صغر عينيه نباهر من ضوء القمر لي داخل وساطع من عند الباب..همس جلال لجواد :

- كيبان ليا داكشي لي كلتي عندك فيه الصح شوف أنور..شاف جواد فأنور ودور وجهو لجهة فين كيشوف وقف زمن بيه كيشوف فيها غير هيا لي داخلة وكيفاش كتبان شحال هذا مشافها كانت كتبان بحال البدر منور ظلمة ديالو الضحكة لي على وجها وخدودها لحومر خطفات قلبو ودقاتو وأنفاسو كل ماهيا غادية وكتقرب

حط انور كاسو وبخطوات سريعة كان واقف قدامها تحت أنظار جواد النارية طبع قبلة خفيفة على إيدها رحب بيها وتم جاي بيها لطبلة فين كاين جواد الإبتسامة لي كانت على وجها تمسحات فاش قدمها أنور لجواد هو أول واحد كشريك أكبر ليه

أنور : أنسة ماريا نقدم ليك جواد الإبراهيمي الشريك الرسمي ولا نكول الراعي الرسمي لشركة ديالنا...فلحظة وقف زمن وجمدات إيديها فوسط إيديه نظراتو نارية لي غادي تاكولها فلحظة كانت غير هيا وهو بحال حتى واحد أخور ممعاهمش هو هاز حاجبو وكيتمعن فيها بنظرات غريبة وغامضة وهيا كثر منو كيحس بيها كترعد فيديه إيديها ولات بحال صقيع ديال الثلج ورجليها مابقاوش هازينها مزال مكرهاتش تهرب من هنا تهرب من الناس تهرب من هاد الجو تهرب من جواد بدات..

يتبع...