حس بالبرودة طالعة ليه مع رجليه دم جمد فعروقو لا ميمكنش ميمكنش هادشي تخربيق شاف فمو
أمين :الوليدة أش هاد تخربيق
الحاجة :كتبكي 10 لدم) أولدي هضرات شي وحدة من برا وكاتلينا بلي دارت كسيدة وماتت وردة ماتت اولدي ماتت...أمين خطواتو تقالو حاس بمخو أيتلحس جاتو هيستيرية ديال الضحك هاد الأيام كلها مهضرش معاها موجد موجد القاعة فين أيكتبو كتابهم موجد الحلوة موجد شعر لي أيكول ليها تكشيطة لي فلون الخضر فاتح والغوز لوان لي كيعجبوها شرا دار فكندا لي أيستقر هو وياها فيها أتتها وفرشها فرش بيت نعاس كيف كانت كتحلم وتكوليه بغاتها وجد كولشي أعباد الله كولشي وجدو... الحاجة كتشوف فيه بنص عين عينيها لي بحال زلمومية كدور فيه وتشوف فيه شنو باغي يدير
أمين :ههههه لا هيا هيا راه ميمكنش تخليني وأنا منخليها كنموت عليها وانتزوجو أه أنتزوجو....أمين ولا يدخل ويخرج فالهضرة...بقى ساكت مدة وكلمة وحدا لي كيكول قبل مايخرج ويرعد براسو
أمين :ولااا ميمكن ولا وردة ميمكن ولا ميمكن تخليني وردة ميمكن...من بعد هاد الكلام خرج ....
الحاجة :كتمسح فدموع تماسيح)دابا يفوت كولشي وتنسا....نباتها هاجر من الفوق
هاجر : أنت معرفتش فين أتحطي جنابك واش مكتحسيش أنت حاشة واش تكوني أم انت الأمومة بزااف عليك تفهميها حسبي الله ونعم الوكيل فيك أيجي نهار وأتحاسبي على كل حاجة درتي فولدك غير صبري وتفرجي الله يمهل ولا يهمل دابا تخلصي...
****
الشمس لي كتكون مخلطة مع ضبابة كتكون زوينة كتعطيك واحد الإحساس فشيشكل ولكن هاد شمس ماشي هيا لي فيقات ماريا لولي لي فيقاتها هكا كانت كتعيط عليها ماريا لي فاقت كتشبح مسكينة
ماريا :كتشوف فيها عويناتها لي عنرو بدميعات وإيدياتها صغيورين لي جامعاهم
ماريا :شنو بغات بنتي لحبيبة أم محشوماش تخلي طاطاك تنعس بلاتي نشم البوالة ديالي...خشات نيفها كتشم فيها
ماريا :عوجات نيفها)أم أم أم خاصنا نغسلو حالتنا ونديرو حليب جونسون ياك ونبدلو هاد الحالة ولكن بلاتي نشربو حليبة هيا لول...ناضت ماريا من بلاصتها دارت ليليا سكاتة وخرجات باش توجد ليها الحليب ديالها يلاه غادية لكوزينة سمعات دقان فالباب شكون أيكون جاي مشات جيهت الباب حلات بساروت فتحات لباب كتبان ليها واحد المرة كبيرة فالعمر تكون فالخمسينات هكاك عازة ساك على كتفها لابسة جلابة بحال شكل مونطو فرمادي فولار نفس اللون وصابو وتقاشر
ماريا :نعام الالة..
- سلام انت بنت خوها لالة خديجة ياك؟
ماريا :أه هيا أنا
- انا حليمة أنا كنت خدامة عند لالة خديجة انا لي كنوجد الماكلة ونقابل شغال الدار كاليا سي سعيد بلي مالين دار جاو وبلي أتحتاجيني
ماريا :دخلي أخالتي مرحبا...حيدت ليها من طريق ودخلات سديت الباب ودرت عندها
حليمة :لالة خديجة كانت الله يعمرها دار مسكينة كانت كتحسبني بحال وحدة من العائلة والله الله يرحمها ياربي
ماريا :دار دارك أخالتي حلبمة وحتى حنا حسبينا بحال عائلتك أنا نيت مزال متخالطة مع دار ومزال مدخلت لكوزينة بيني وبينك يلاه كنعرف لسباكيتي والبيتزا صافي
حليمة :أنا نجي معاك راه منين كاليا سي سعيد اتجيو جيت وقاديت دار انجي باش نوريك كل حاجة فين كاينة...دخلت لكوظينة وتبعاتني خالتي حليمة جابها ليا ربي بحال الميمون الكوزينة كبيرة فيها فران وتلاجة كبيرة شوميني منين يخرج دخان دالماكلة طبلة ديال الحديد وكراسة ديالها 4 مديكورية بحال شكر لي كنبغي
ماريا :خالتي حليمة بغيت نسولك شفت مكاينة حتى تصويرة لخالتي من غير تصاور لي عندنا لهيه فدار
حليمة :شنو انكوليك أبنتي المرحوم الله يرحمو ويوسع عليه مكانش كيحمل تصاور كيكوليك حرام وحرام حتى يتعلقو من غير طابلويات ديال الشجر هادوك كيكوليك عادي داكشي باش مغاتلقاي حتى تصويرة لا لمرحوم لا لالة خديجة
ماريا :وكيف كان كيتعامل معاها؟
حليمة :هو واخا كان شديد شوية راه هو فدار الحق وانا فدار الباطل ولكن مع لالة خديجة كان ظريف بزااف كان كيبغيها سمحيليا الالة ماريا أاكولي انا بركاكة ولا شيحاجة
ماريا :نتفاهمو فواحد الحاجة انا راه كونما ورث خالتي راني غير بنت باب الله غير على قد الحال اخالتي حليمة ديك كلمة لالة حيديها عيطي ليا بنتي ماريا وانا نعيط ليك خالتي بحالك بحال عمتي خديجة
حليمة :مرحبا أبنتي..هزيت الحليب لي وجد لولي قطرت على إيدي لايكون سخون ومشيت عندها لبيت هزيتها بين إيديا وعطيتها ترضع وانا كنهضر معاها...
ماريا :خالتي اتخليها نيت عندك انا خاصني نخرج راه جات واحد سيدة كانت خدامة عند عمتي هيا تبقى تعاون فدار نخرج انا وياها نتقداو الخضرة ولي خاص لدار ونشري شي حوايح راه كولشي تسرق ليا حتى من حوايج وردة مشاو
مليكة :بغيت ليهم موصيبة تصيبهم تريكة حتى البالز مقالوهمش الله يستر يااخ هادشي مكاينش فأسفي وحتى مراكش مافيهاش سنين وأنا فيها
ماريا : واااخالتي وااش أسفي ولا مراكش هيا كازاا الله يهديك
مليكة :والمهم تكوني جايا شوفي شي عطار كوليه يعطيك لميعة وشوية دالعرعار وشبة والحرمل يجمعهم ليك وشوفي شي واحد كايبيع هادشي ديال دراري صغار جيبي الكماط باش نكمطو البنت ومتنسايش قرآن صغير باش تبقاي ديريه عند راسها راها غير ملايكة
ماريا :واخا أخالتي...نضت البيت عزيت بزطامي وكارت كيشي ديالي درتهم فساك لابست تجاكيط ديالي وسبرديلتي وخرجت عند خالتي حليمة
حليمة :واخا ابنتي بلات نلبس اجلابتي ونجي ...خرجت على برا كنتسناها حتى جات شديت فيها وتمينا غاديين ديور ديال إفران كلهم مشابهين نفس البني مختالفين افلحجم هادشي فاش الأرض عامرة ورق ديال شجر يابس
ماريا :إيوا خالتي حليمة عاودي ليا على إفران انت من هنا؟
حليمة :لاواه أبنتي أنا من صفرو وتزوجت هنا عندي جوج وليدات البنت تزوجات والولد راه يقرا وأنا والفت نخدم من نهار خدمت عند سي عبد الله مخدمت فبلاصة خرى وبيني وبينك إفران ولافة والجو ديالها زوين بزااف وكولشي قريب ليها وسياحية ها ضاية عوا ها عين فيتال هالقرودة وفيها واحد شجرة قديمة ديال روز ولا معرفت اسميتو هو كاع؟؟
ماريا : هههه الأرز اخالتي
حليمة :هداك شي نهار تمشي تشوفيها جات احدانا هنا فأكماس وكاين حتى واد تيزكيت تما كايني دوك الكهوفة دنمر أما أكبر معالمة هنايا هيا سبع وهادي راه عارفها كولشي المدينة ديما هانية والكالم متسمعي لا قج لا بج وديما خضرا الحمد لله من غير الخريف لي تلقاي دنيا عامرة بالورك وشتا كتلقاي دنيا بايضة بثلج أصلا إفران علاما كيكولو كان أسميتها أورتي هادي زمان
ماريا : بتعجب)أورتي عمري سمعتها!!
حليمة :واتي سمعي وحلي ودنيك سميت إفران راه سمية ديال شلوح أمازيغية وأورتي ناس ديال بكري الأصليين كانو مسميينها عليها أورتي هيا زعمة جردة فهمتي حيت ديما خضرا ومعروفة بجبالها العالية وكاع الطيورة والحيوانات لي قلال فالمغرب كتلقايها عندنا حنا ايياه تسحابين ساهلين ولا أيه
ماريا :هههه أيااه اخالتي وكتعرفي إيموزار؟
حليمة :واشتي أنا كنعرف كولشي تماكين راه كاينة دار المرحوم تاتية وتماك فين كيدوزو داك سميت باباه لويناكد ولا لورك داند
حليمة :واتي راني عارفة ابغيت نضحك معاك وصافي كنمشيو لتم نديو شي(شوى) إيوا أشمنك ياخيورات تماك معروف بتفاح بزاااف راه هيا لي كتعطي تفاح لمغرب كاملو وحتى برات المغرب أياااه طبيعة زينة بزااف والجو بحالها بحال هنا وكل عام كان كيدينا سي عبد الله الله يرحمو لموسم ديال تفاح كيدار كل عام..
ماريا :إيوا مزيان ودابا دينا لسوق ديال الحوايج بغيت نشري شي حوايج ليا راه سرقوني فاش كنت جايا
حليمة :أويلي على سرقوك انا نديك عند واحد سيد كيبيع بيجامات والحوايج كاملين...مشينا تقديت لي أيخصني كاناخد ليا ولوردة منين اتفيق أيخصها متلبس تقديت شومبوان وصابون عاد مشينا لهري نتقداو سلعة ديال دار من تم دزنا لخضارة
سعيد :سلام مدموزيل ماريا الفرملية لي وصيتيني عليها جبتها راه فالبيت ديال الأنسة وردة وجبت....
وجبت ليك معايا الملفات فيهم شحال عندك فالبنك وكل حاجة كتعلق بالأملاك ديالك خاصك غير تسني ليا عفاك بلي الإرث ديالك تسلمتيه أه بالمناسبة هادو سوارت ديال طوموبيل ديال سي عبد الله راه محطوطة فالكاراج يمكن ليك تخدميها وقتما بغيتي هيا لي كان كيتنقل بيها من الفيرمة لدار
سعيد :الله أودي هدا واجب وأقل حاجة نديروها يلاه دوزو بخير
ماريا :خليك تغدا معانا حشومة ضارب طريق
سعيد :لا منقدرش عندي ميدار يلاه بسلامة عليكم...خرج المحامي وتلفت عند خالتي مليكة
ماريا :كيجيني هاد المحامي بحال داك المحامي لي مثل فمقطوع من شجرة ناري شحال ديال البخ وشويكيات كاليك أ هدا واجب واوجهو صحيح كونما عرف راسو ايشدهم صحاح والله لا ضرب طريق
مليكة :وكاين شي بلا شي وكوليه يوقف معا شي واحد معندوش والله لا عبرو
ماريا :فين بابا؟
مليكة :وتي باك بحال الى عاد ولد منين خرجتي وهبط وهو هاز ليليا ويدور بيها هههه
ماريا :مامشاش يجيب حوايجكم؟
مليكة :كان غادي شية كاليك حتى تجي ويمشي...عمرو طويل كنا نهضرو عليه حتى خرج
احمد :انا كنت غادي غير كنتسنى فيك بغيت نسولك واش نجيب ليك معايا شيحاجة من حوايجك القدام
أحمد :وها لبسالة هاي هاي على البنت اورتات وبغات تبان علينا(كيضحك)
ماريا :حاشا ابابا يلاه سير وجيب ليا نعاك فاش تكون جاي واحد كوميرة فيها طون والحرور من عند عمي محمد وسلم عليه....مشا بابا خرج يلاه يشد طريق انا دخلت ستفت الحوايج لي جبت فالماريو ديالي ومشيت لبيت وردة لقيت الفرملية كالسة على أمانتها
ماريا :سلام أنا ماريا سي سعيد فهمك كولشي؟
-أه الالة فهمني أنا منة
ماريا :مشرفين منة المهم بيتك راه الفوق راه توريه ليك خالتي حليمة اتاكلي معانا على كبلة وحدة دار دارك انا بحال ختك عيطي ليا غير ماريا راه مقادين فالعمر بلا ديك لالة صافي
منة :واخا ههههه...منة كانت كربوزة قصيرة بشرتها بيضا وشعرها زعر ومبوكل زوينة وكدخل الخاطر بزاااف....نهار على نهار كنولف دار كل نهار كنكول غدا نهز ليليا ونمسي ولكن هاصني تسول بعدا رجع بابا من أسفي وجاب حوايجو وحوايج خالتي مليكة معاه حسيت براسي فرحانة واخا الحالة ديال وردة ولكن المهم أنو مجموعين الحمد لله جا نهار سبت فقت كيف العادة وروتين اليومي كنصبح على وردة بحال إلى فايقة كنمشط ليها شعرها نمسح ليها وجها بالحليب نريحها ونخرج فطرت ليليا نعستها ودرتها فالكونة لي خديت ليها أو وصيت عليها خالتي حليمة ترد ليها البال هزيت ساكي لبست حوايجي وخرجت منين أنسول ياربي منين أنبدا شكون لي أيكون كايعرف ناس ديال هنا يالبوليس يا المقدم دالحومة يا مالين الحوانت كلت اندير وجه قزدير ونبدا مع اول واحد نسولو وقفت واحد راجل
ماريا :سلامو عليكم عفاك نسولك؟
- اه الالة أش حب الخاطر؟
ماريا :الحاج عبد الرحمان الإبراهيمي
- الإبراهيمي مول الفيرمات واش لي كيعملو سميتو على تفاح وليمون؟(سيد طلع شمالي)
- واش كضحك عليا العايلة واش عرفتي سي الإبراهيمي الريفي ولالا شكون فدنيا مكيعرفشي دارو من غيري أنا حيت انا جديد هنا فإفران سولك شي واحيد من المنطقة هو يقولك انتينا سول وقولهم سي الإبراهيمي الريفي وهوما أيوريوه لك....خلاني ومشا هادشي كامل عارفو ودارو معارفهاش لا حول.... بقيت غادية فنفس شارع وقلت نوقف شي واحد أخور
ماريا :خويا عفاك نسولك يعطيك ستر
-ايااه أختي مرحبا هدا شرف ليا تسولني تفاحة بحالك
ماريا :مع راسها(وها ضسارة بدات)ربي يخليك عفاك بغيت نعرف فين جات دار سي الإبراهيمي الريفي...عقد غوباشتو وجمع ضحكتو وسرط ريقو
- دارو أحم أختي لي كيكولو ناس بلي دارو جات فحي الرياض اتقبطي طاكسي أيديك لتم فداك شارع كولو اتبقاي غادية أتخلي ديور وراك اتسولي تماك ايوريوك أختي...خلاني ومشا مالو هذا
ماريا :الله يستر أنا شنو خاسرة ياربحة يادبحة شيرت لطاكسي عطيتو العنوان فين عطاني سيد وقلت نسولو مالين طاكسيات كيعرفو البلايص علاش مطاحت عليا من الأول
ماريا :عفاك بغيت نسولك
طاكسي :أيااه أبنتي مرحبا
ماريا :عفاك كنسول على دار سي الإبراهيمي كالو ليا جات فهاد لادريسة لي عطيتك كالو ليا غير نوصل ونسول
ماريا :أااه أسيدي هداك سي عبد الرحمان الإبراهيمي هادي هيا سمية لي كالو ليا الريفي يلاه واحد السيد بي كالها ليا
طاكسي :هنا معروف أبنتي بريفي حيت هوما أصلهم روافة غير بات باه جا لهنا بكري كان باقي صغير ولكن واخا كبر باه وهو هنا ولكن معروفين بريفي بزاااف ولكن أبنتي راه موحال يخليوك دخلي merhba bikom f 9esa.com
ماريا :علاش أعمي؟
طاكسي :وانا غير كلت حيت مكيخليوش شي واحد بدخل كاينين جوج عساسة على برا شوفي معاهم أنت شوفي حضك...
حضك جربي معرفتي المهم انا لي عليا انوصلك حتى لفين وخلي عندك نمرتي سجليها حيت راه مغاتلقايش طاكسيات تماك قليل فين كيوصلو لتم
ماريا :واخا امي الله يعطيك الخير...شديت من عندو نمرة وبديت كندعي قلبي كيضرب 180 درجة ورعدة فيا دخلنا لواحد الحي فيه غير ديور من صنف أخور دنيا نقية بزاااف إفران كلها نقية ولكن هاد البلاصة غير متميزة بزااف بعدنا على ديور ودخلنا فواحد البلاصة غير شجر أو واحد البحيرة كبيرة قدها قداش فيها كراسة واحد البني كيبان وراها كلما قربنا ليه كيكبر شوية بشوية حتى وضاحت الصورة ديالو نفس البني ونفس اللون ولكن بحال إلى جمعتي مجموعة ديال الديور وزديتيهم كيعطيوك قصر على قدو وقف طاكسي على بعد خطوات بساط شاف فيا مول طاكسي :
طاكسي :بنتي هاداك هو قصر سي الإبراهيمي بغيتيني نتسناك هنا مرحبا الما اتعطلي كنتي أتعطلي نمشي حتى تسوني ليا
ماريا :عرفتي شنو دير أعمي غير تسناني الله يعطيك ستر نخاف ميدخلونيش ونوحل
طاكسي :واخا أبنتي سيري ربي معاك...حليت الباب ضربني واحد البرد كثر من البرد لي كاين حدانا البلاصة فين جا القصر زوين ونفس الوقت فشكال شانطي طويل قدامهم بحيرة داير بحال شي معلمة أثرية مشهورة بالعلو ديالو وتضاريس ديالو الهندسية الله يرحم الإيد لي بناتو وقداتو سديت الباب وتميت غادية شادة فساكي وغادية قكعت شانطي عاد وضاحت صورتو ليا كيخليك تبقاي غير تشوفي فيه وتأمليه واقفين جوج رجال على برة واحد كالس على كورسي راجل كبير شوية وتاني لابس الكحل وداير واحد الخيط فودنيه هزيت نيفي لسما ودفعت جبهتي وقصدت الباب مع وقفت وقف الراجل لكبير رديت البال لواحد البلاكة مدهبة عند الباب منقوشة مكتوب فيها :
قصر سي عبد الرحمان الإبراهيمي...نباني العساس
- شنو تما الالة كتقلبي على شيحاجة؟؟
ماريا :الله يخليك بغيت نشوف أمين
- كيفاش امين حرفية مكالوش ليك قصر من هدا يمكن؟
ماريا :بلعات ريقها والاعصاب لي أيشظوها ودارت راسها مكلخة المهم دخل وربي كبير) بغيت نكول سي امين
- سي أمين مكاينش غايب
ماريا :الى كان هكاك بغيت نشوف الحاجة..على فيها راسو من رجليها راسها
ماريا :كةلي ليها غير جيت من طرف وردة بنت ختها وعندي منكوليها وكوليها بلي مغانتحرك من هنا حتى نشوفها ونهضر معاها
-هو :وجهك صحيح معارفاش لفين جايا أبنتي تسناي هنا(بالغوات) دخل أو وصى لاخور يكابلها غاب مدة 10 دقايق ورجع خرج عندها
-هو : زيدي تبعيني... دخل وتبعتو مع مديت رجليا شهقت من الجمال ديال المنظر لي سفت هادي هادي ماشي دار وماشي حتى قصر هادي راه معلامة أثرية البني كيف داير خلي جردة كيدايرة وشجر ديالها اما الغرس والورد مخلاو لساقية لي فالوسط متكول كونما كمت جايا على غراضي كون خديت تصاور محدي هنا ولكن زهر زهر ماحكل وردة كاتليك خالتها عندها زهر وزهر وكيهرس الحجر نباني العساس
ماريا :خرجات فيه عينيها)هرسو ليا حتى با لي ولدني تجي انت العساس دلاروب تهرسو ليا ءجيتيني كبير وقد با ومنا ندير فيك شرع إيدي...قبل ميجاوب نباهم صوت باح :
الحاجة : جايا تنوضي صداع هنا ولا واش عارفة راسك فين انت؟
ماريا :عارفة راسي فين أنا وكونماشي هو لي قلل لاداب مغاديش نهضر
الحاجة :خلاص عليا شنو بغيتي وشكون أنت
ماريا :حتى انا مجاياش باش نضايف ولا نشد تقرقيب ناب جايا ندير لي عليا ونمشي بحالي غير تهناي.... هبطات فيها الحاجة شوفة من راسها رجليها تمشات قدامها لواحد الكلسة فيها طبلة وكراسها فالبيض كلسات ودارت رجل على رجل ومدات إيديها وكتشوف فيها
الحاجة :كنسمعك... جات قدامها ماريا بقات واقفة
ماريا :أنا صاحبت وردة وكولي بحال ختها وردة بنت ختك
الحاجة :لا موبالات ومن بعد
ماريا : وردة دارت كسيدة فاش كانت جايا هنا باش تزوج هيا أو ولدك
الحاجة :كضحك)هههههه ولدي ههههه بزااف عليك ولدي تجبديه على فمك وسير قول لديك لملقطة تعطي تيساع لولدي ولا ميعجبها حال
ماريا :خرجات فيها طول وعرض) واش عند بالك داكشي لي فيه انت كاع ناس فيه واش تسحابي غير طيحتي انت راجل ناس كمل هكاك ولا وردة عندها بنت وهاد البنت قربات تقفل شهر إلى فخبارك وهاد البنت من ولدك أمين كةليه يتحمل مسؤوليتو فهمتي يكون راجل ولو مرة فحياتو...هنا وقفات سعدية وعقدات غوباشتها
الحاجة :كيفاس بنت؟
ماريا : أه بنت ولدك كان كايجي عند وردة لسبانيا يضل يقيل عندها الى فخبارك وكانو ناويين يتزوجو وقيلة مزال مافهمتي انت عندك حفيدة من بنت ختك لي ناكراها فهمتيها دابا....
الحاجة :أسيري دي بلاك لجيهة خرا متجيبيهاش لعندي هنا وكولي لديك لي مسيفطاك سيري شوفي منين جابت ديك البنت سبانيا كاملة حرتاتها وتجي تلوح باطلها على ولد الإبراهيمي فهمتي ولالا وزايدون أمين مسافر دابا مع خطيبتو بنت القاع والباع وشمعة من دراه بنت الأصل والمفصل يلاه مابقيتش نشوف وجهك هنا..
ماريا :وراه ديب مكايعاود غير لي جرالو بحالك انت لي جمعتي لسيد حب وتبن عند بالك ناس بحالك سمعي أديك شارفة العقروشة بزااف عليك وردة ومتلحكيها حتى فتراب لي كتمشى عليه وديك البنت قسما بربي المعبود ولي قسم دنيا ودين عمركم تحلمو تشوفوها ولا تحلمو تمسو ظفر منها ولي حاول يقرب(كتغزز سنانها) ليها ولا لوردة قسما بالله حتى ندفنو حي والله لا عقلت عليه ولي عندو سبدو عندو لالاه وعقلي على هاد الكمارة مزيان أشطابة جهنم...خلاتها كطلع فيها وتهبط وخرجات كلها كترعد والبرودة طالعة معاها غادية وكتزبل وتعاير
ماريا :كضرب برجليها فالأرض)الله ينعل جد بوهم هاد الرجال ولد الحرام اااااع انغوت بغيت ندك شي واحد جايبها من حد دنيا ومشا خطب بغاها تكون شاهدة على زواجو يمكن وأنا بغيت ليك يا أمين مصيبة تصيبك فعضامك كيفما ضحكتي على هاد البنت وانت سبابها فما جاري ليها بغيت ليك دقتها مسكينة...كتعاير ومزال مابردات لقات مول طاكسي كيتسناها طلعات وديمارا مول طاكسي غادية وكتعاير وتزبل..
طاكسي :مالك ابنتي ياك لاباس؟؟ ماريا كانت باغية أتخوي ومالقات غير مول طاكسي تعاود ليها جاها فمقام باها وكبر من باها عاودات ليه كولسي باش تفضح هاد العائلة لي دايرين ليها ألف حساب والله حتى ضرب ليهم طر..
طاكسي :واش أنت بنت خو لالة خديجة؟؟
ماريا :أه كتعرفها؟
طاكسي :أنا راجل حليمة المرة الخدامة عندكم
ماريا :والله اعمي مافراسي صدفة زوينة هادي
طاكسي :انا عمك سماعيل شوفي ابنتي أنا كون كلتيها ليا كون كتليك متمشيش هاديك لالاهم سعدية شيطان كيخاف منها غير جات وتلوات على سي عبد الرحمان واخا حتى هو كان زهواني فياماتو ولكن راجل حقاني صراحة تكال ولكن هيا ناري العافية لكحلة
ماريا :عمي واش ولد واحد لي عندها؟
أسماعيل :هداي عليا أبنتي الله أعلم حيت كنشوف ولد واحد زعر يمكن هدا لي كلتي او واحد البنت كنسمع ناس كيكولو هادو ولاد الريفي واخا هكاك انا مكندي خبار منجيب خبار الخدمة دار وجامع شاد تيقاري أبنتي فهاد زمان حسن تشد تيقارك لا فم دوا لا ودن سمعات وهانتا هاني ودابا شنو أديري أبنتي؟؟
ماريا :هاديك البنت اعمي أنهزها فسناني أنديرها بنتي وهاديك صاحبتي وختي مندوزهاش وهوما قسما بالله لا عمرهم يشوفو ولا يحلمو يمسو شعرة من ديك البنت واخا يقتلوني ويدوزو عليا لا شدوها ولا شافوها ياك كاتليك حريمية إيوا صافي نوريها أنا الله يلكيها ليها فهاد نهار حاشة واش تكون خالة هاديك حاشة... وصلني عمي سماعيل لدار هبطت خلصتو ودخلت لدار نفسية ديالي بغيت نهز ليليا ونديرها بين إيديا دخلت نيشان لبيت لقيتها فالكونة ديالها مكمطو وكتوش فعويناتها هزيتها وبستها فجبهتها واحد الإحساس زوين توهب الروح ديالك وحياتك لروح بريئة معندها حتى دنب دنبها هو عندها جدة رحمة مافقلبهاش وأب عندو يلعب بحياة بنات ناس بحال شريب الما
حطيت ليليا فبلاصتها مع خرجت فالبيت تلكات ليا خالتي حليمة
حليمة : بنتي واش تبغيو تاكلو شيحاجة بغيتوها فالغدا ولا لي درت؟
ماريا : لي درتيه من إيديك سمن وعسل... تسمع دقان فالباب
حليمة :أنا نشوف شكون
ماريا :غير خليك انا انشوف شكون...حليت الباب كانت بنت واقفة إبتسامة على وجها شعرها كحل رطب بوكلي عينيها كبار مشفرين وعندها غمازات على خدودها
ماريا : سلام(كتساءل بعينيها)
- هي :سلام يمكن ليا ندخل الى جات على خاطرك بغيت نهضر معاك فموضوع مهم
ماريا :سمحيليا ولكن انا مكنعرفكش؟!!
-هي : اتعرفيني غير عفاك منبقاوش على برا خفت شي واحد يشوفني...سكتات ماريا وخلاتها تدخل سدات الباب وراها وتبعاتها لصالون
-هي :سمحيليا الى جيت فشي وقت ماهواش ولكن مكنتش قادرة نصبر
ماريا :لا مكاين مشكيل ولكن معرفتكش شكون
- هي : مغاتعرفينيش ولكن أنا لي جاةبتك فتيليفون
ماريا :كيفاش؟
هي :بغيت تكون أنا هاجر خت أمين لي جاوبتك على تيليفون
ماريا :كحلات بالعما)أهاه ولاش جايا تكملي لي خلات مك
هاجر :لا اختي متفهمينيش غلط عفاك انا سمعت الهضرة لي دازت بيناتكم الصباح داكشي باش جيت نهضر معاك ونكوليك راه كدبات عليك
ماريا : كيفاش كدبات عليا ؟
هاجر : كيفما كدبات على خويا أمين كدبات عليك حتى انت غير كلسي وأنا نشرح ليك كولشي...كلسات ماريا وهيا حالة ودنيها لهاجر ولكل كلمة كتكولها ليها كتزيد تصدم كيفاش كاينين أمهات بهاد شكل الواحد يبقى بلا أم وميعطيهش ربي ام بحال هادي الحجر رطب من قلبها...
ماريا :سمحيليا اختي ولكن مك رجلها اتخرج من القبر ياربي تسمح ليا على هاد الكلمة واش محشوماش عليها واش شر عايش فيها لهاد درجة
هاجر :ماما كيهموها غير المظاهر وراسها صافي خاصها تكون حسن من كولشي..
ماريا :وفين هو دابا أمين؟..
هاجر : منين كاتليه ديك الهضرة خرج من دار كيهضر بوحدو بحال الهبيل من تم معرفنا عليه والو هادي سيمانة دابا تيليفونو مطفي وحتى واحد معارف عليه شيحاجة
هاجر :عرفتي كون كلتها قسما بالله حتى تقتلني وانا حية والجامعة لي بغيت ندخل ليها والله لا حلمت عتبت باباها وهيا المتنفس الوحيد باش نهرب من داك الحبس معندي مندير أختي الله ياخد الحق فظالم
ماريا :وفين هو باباك؟
هاجر :بابا مشا لبني ملال عندنا فيرما تماك يلاه كيف فتح على القلب وعطاه الطبيب الراحة تامة مخاصوش يتعصب داكشي باش مشا يرتاح تماك هو ماشي بحال ماما وكون كان مغانوصلوش لهادشي فاش مكيكون كدير مابغات بغيت نسولك واش واش بصح وردة ولدات وعندها بنية (تبسمات وغرغرو عينيها بدموع) واش أنا وليت عمة؟؟
ماريا :تبغي تشوفيها؟
هاجر :أه عفاك...
ماريا :أجي معايا...ناضت ماريا لبيت وتبعاتها هاجر خلاتها ماريا تقرب لكونها غير شافت وجها الملائكي دارو عينيها سررر بدموع
هاجر :واخا نهزها؟
ماريا :راكي عمتها...مدات ليها إيديها وهزاتها تحنات على راسها باستها
هاجر :كتشبه لوردة شنو سميتها؟
ماريا :ليليا
هاجر :سميتها زوينة بحالها الله يحجبها ياربي...حطاتها وشدات ليها فصبيعاتها باستهم وقفات وشافت فماريا..
هاجر : ودابا وردة فين هيا؟
ماريا :عندي هنا فدار اجي معايا...تبعاتها هاجر وداتها لبيت وردة لي غير دخلات ليها هاجر وبانت ليها دموعها هابطين شتا تبكي وتنخصص عند راسها وهضرتها مقطعة
هاجر : كاكانت ببحال ختي ععزيزة عععليا بببزاااف أهيييييء أهيييييء و ولكن ماما كاتليها عععمرك تتتتوصلي ههههاد الددددار وووحرمااات ععععلينا عمممرنا نننشوفوهاااا مززززال...خناينها جايين بحال إلى كانت محتاجة تخوي لي فقلبها بكات حتى بردات وباست وردة فجبهتها وخرجات ماريا لقات أساكتة شافت فناس حتى عيات ولكن بحال هاد العقروشة عمرها شافت... خرجت تبعت هاجر لي لقاتها كتمسح فدموعها وهازة ساكها
ماريا :كلسي تغداي معانا
هاجر :لا ربي يخليك خاصني نمشي إلما رجعت دابا اتعيق بيا وتسيفط لي يقلب عليا بغيت انطلبك واخا مرة مرة نجي نشوف ليليا أو وردة كنواعدك منكولها لحتى واحد
داز على سكنة ديالي فإفران 5شهور كاملة خالطت المدينة او والفتها حتى من الفيرمة مشيت ليها وتعرفت على ناسها وعلى الخدامة لي تما ناس الله يعمرها دار تبدلو بزااف ديال الحوايج أولهم ليليا مشيشة ديالي لي ولات دبيبيزة وشعر غير مكيطوال ويغطي ليها عويناتها وليت ضروري خاص ندير ليها بانضة باش زغيبات ميعميو ليها عيني تبات مسهراني ليل كامل بسخانة حيت حبيبتي بداو ينوضو ليها سنينات كتشدي إيدي وتبغي تعضها كيكاها لحم سنانها بابا الله يطول ليا فعنرو هو لي شاد الأمور ديال الفيرما انا مهنية من جبهتها حتى سوارت طوموبيل عطيتهم ليه باش يبقى يجي ويمشي الحاجة لي متبدلات هيا وردة كل نهار كنتمنى نفيق نلقاها فاقت ولكن والو صابرة حتى يحن الله...
ماريا :ألو هاجر صافا وي كولشي مزيان الحمد لله بغيت غير نكوليه بلي بغينا ندير واحد الحفلة ليليا بحال سبوع مع داكشي لي وقع شحال هادي مساليناش وكلت نكولها ليك باش تحضري اه لا لا كوني هانية نهار الخميس إن شاء الله اجي أمضرا شي خبار على أمين إيوا الله يسمعنا ويسمعكم عليه خبار الخير أختي يلاه بسلامة...
مليكة :كانت كالسة حداها)أمضرا شنو كالت ليك؟
ماريا :والو أماما مليكة حتى خبار...خالتي مليكة وليت قريبة منها بزاااف ولات هيا بئر أسراري ومابقيتش كنكوليها خالتي كنعيط ليها ماما مليكة وهادشي طلب منها هيا...
ماريا :كولي ليه لي كاين غير متجبديش حس بلي ممزوجينش راكي عارفة بابا واخا هو متفتح شوية ولكن حتى لهاد الأمور وخط أحمر
مليكة :إيوا بلاما نبقاو نضيعو الوقت فالهضرة نوضي يلاه نمشيو نجيبو تقدية باش نوجدو راه بقات غير يوماين
تابع جديد القصص على موقع قصة بالدارجة.. ماريا :عرفتي وحق الله كيكوليك الأمومة مكتحس بيها غير لي والدة ءنا راه حاسة بالامومة وقيلة كتر من لي والدة(كضحك)
مليكة :أبنتي فعلا الام هي لي كتولد ولكن راه الام حتى لي كتربي وتكبر وبطبيعة الحال متحسي بالأمومة علاش شكون لي ميبغيش هاديك شكلاطة البيضة
ماريا :والله مكدبتي كنكون خارجة كيطيب عليا غير إمتى نرجع كنتوحشها كل دقيقة الله ينوض وردة على خير وبيخير ياربي باش مضيعش هاد اللحظات من عمرها يلاه انا نمشي نجيب ساكي ونخرجو...
داكشي لي كان خرجنا أنا وماما مليكة وصينا على دجاج يجيبوه لينا عطيناهم لادريسة تقدينا العطرية والحلوة من الباتسري ضوموندينا عليها حتى هيا المونادا اللحم كاع لي أنحتاجو حيت حنا قلال ومكاينش الغريب حتى من جيران مكاين حتى واحد كل واحد شاد تيقارو وصافي أيجي غير عمي سالم هدا هو لي مكلف بالخدامة فالفيرما راجل الله يعمر ليها دار ولا هو وبابا صحاب ومرتو أو واحد بنتو مزوجة صافي....دزت لفين كيتباعو الحوايج ديال دراري صغار خديت لبنتي كسيوات جداد تقيشرات ديت ليها شي لعب ورجعنا لدار...
****
فبلاصة أخرى دنيا مقلوبة سفاها على علاها كولشي كيجري الخدامة كيجريو مفافيين والعرق هابط معاهم كل واحد كيوشوش لتاني ويتهامسو :
الخدامة2 : الله ياربي الله عاد ماكلنا تهنينا هاد 6سنين رجع صافي رجع الرعب لدار رجع الفيلم ديال الخليع.... وقف عليهم الخدام الكبير لي مسؤول على الخدامة تماك كان سميتو بوبكر
بوبكر :واش أتديوها فخدمتكم وتحضيو كال كلتي ولالا؟
رابحة :كتبلع فريقها) بوبكر واش واش بصح سيدي جاي؟
بوبكر :أه جاي ومن بعد يكما أتجري عليه من دارو وديها فسوق راسك
رابحة : كتغبن) وراه حيت أنا لي كناكل شحط خاصني دابا ندير بروكرام جديد على صباح نقطع تفاح ونرش عليه قطرات الحامض ونحط معاه كاس كبير ديال الما فيه ورقات ديال نعناع وطرونشات ديال الحامض ومعاه دنون مسوس وسطها طروفة دالخوخ مقطعين تاعط الله اعيباد الله كاين لي كيفطر هكا
بوبكر :وانت شغلك يفطر حتى بلفكارن كاع ياك هو لي كيخلصك وهو لي مخدمك هنا واخا يكوليك طيبي ليه الحمام طيبي وسكتي
رابحة :وبليل قبل نعاس خاصو صلاد خاصة فيها بصلة مقطعة طرونشات الخس مطيشة حبات العدس وحبات ديال الرمان وصدر دجاج مصوطي إهيء إهيء ياربي نتزوج ونتهنا من هاد الجحيم الأسود
بوبكر :قسما بالله ومتمشي تقابلي شغلك وتوجدي ليه الجناح ديالو كيف كيبغيه مغاديش يعجبك حال
رابحة :غادية وكتنكر) وانا غير دويت حتى لهضرة حرام
بوبكر : موجه عضرتو لخدامة لخرا لي سميتها هنية) هنية ديها فشغالاتك ومديهاش فرابحة راه ريح سايط ليها
هنية : بيني وبينك حتى انا كنخاف منو
بوبكر :تنهد ) ماشي انتي راه ناس كلهم كيخافو منو ولكن لي فيه دغل وتخرشيش حيت عارفينو كيشد بنادم شدة صحيحة وكيدوزو من العين البرا يلاه كماي خدمتك دوزي بخاير....
*****
وصل نهار الخميس دار مزوقة بالورد وبنفاخات لبست لحبيبة ديالي كسيوة فالغوز وصفر فيها وريدات درت ليها بانضة فالغوز وهزيتها خرجت بيها من البيت..
ماريا :نمشيو نشوفو ماما نتصورو مع ماما.... دخلت بيها لبيت وردة حطيتها حداها جنبها وبديت كنصور فيها معاها مدات إيديها ليها كتلعب ليها فشعرها أو فوجها خديت كاع تصاور باش نخرجهم ونديرهم فألبوم جنب تصاور لوخرين باش غير تفيق وردة نوريهم ليها هزيت ليليا وخرجت بيها من البيت ريحة طياب كتعطي فدار بداو ناس كايجيو غير سالم ومرتو وبنتو لي جاو بقات هاجر لي متعطلاتش بزاااف حتى جات..
هاجر :ويتي ياختي على كبيدة ديالي انا الوريدة اجي عند عميتو أجي أوبلا(هزاتها)
ماريا :راه طلعات واحد سنة ههههه ولات لي شافتو تبغي تعضو
ماريا :واخا عطي ليليا لماما مليكة...مدات هاجر ليليا لمليكة ومشات مع ماريا لبيت سدو عليهم
ماريا :كتشوف فهاجر بشك)ياك لاباس خلعتيني؟؟
هاجر : دنوب وردة وخويا أمين وقيلة خرجو فماما
ماريا :هاديك حتى دنوب مايخرجو فيها ياربي تسمح ليا (ربعات إيديها وكلسات على الكرسي)
هاجر : لا كنهضر بصح ماما هادي سيمانة وهيا غير طايحة فالفراش ضعافت بزاااف اوو اوو طبيب كاليها أحم
ماريا :شنو كال؟
هاجر :سرطان فدم
ماريا :😲😲 شكون كالها ليك؟
هاجر :طبيب ديالها لي كالها لينا حيت طاحت لينا فدار
ماريا :تقدر داوا؟
هاجر :لا اختي فات الفوت
ماريا :شنو انكوليك المرض مايبغيه حتى واحد لخوه المسلم مغانكولش ليك تستاهل حيت كتبقى ماماك واخا يوقع لي يوقع واخا تكون كيفما كانت يكفي انها هزاتك فكرشها 9 شهور وجابتك لهاد دنيا أقل حاجة بعدا هيا بقات معاك ماشي خلاتك بنت عماين وهربات وعمرك شفتي وجها خليك جنبها واخا هيا دارت معاك قبيح ديري انت مزيان وبيني ليها بلي كاع لي دارت معاك انت مزال البنت المخلقة المأدبة المربية هيا أتكون محتاجاك وضروري أتكون حسات بالغلط لي دارت معاك ومع امين
هاجر :داكشي لي كاين كل نهار كتهتت غير بسميت أمين دابا راه ناعسة افلفراش مكتنوضش كاع صباح امين وليل أمين داكشي باش بابا رجع من الفيرما وأيدخل هاد الليلة لا هو لا خويا...شافت فيها ماريا
ماريا :علاش أمين رجع ياك كلتي مزال مارجع
هاجر : ولا ماشي خويا أمين أحيانة كون رجع أمين لاباس لهلا يوريك هاد خويا لي جاي كون كان متلقاينيش هنا هدا هويا الكبير كاع
ماريا :عند بالي غير خو واحد لي عندك هو امين
هاجر :لا عندي جوج بلا أمين خويا صغير يوسف كيقرا فرنسا وعاد خويا الكبير جواد جواد لي منوض رعب فينا وفدار وفناس كلها....(هيا كتعاود من جيه وهو هابط من طيارة ديالو من جيه
هاجر : جواد شورة شورتو هو الحاكم هو ناهي...كيبان فير صباطو الكحل كيبري وصوت عكازو لي هاز فيدو كيتسمع(طاق طاق) عكااز طويل منقوش حتى لعند راس وتحول لشكل راس حصان كحل...
ماريا :اويلي اهاجر زدتي فيه واش مزال فالعصر ديالنا شي واحد بحال هكا؟؟
هاجر :أه كاين اختي خويا جواد غير شوفة من عينيه تخلي دم ديالك يجمد.... عينيه لي كانو بحال صقر حادين نيفو طويل الارستقراطي فمو صغير وشفايفو رقاق لي كانو مسدودين عظام الفك ديالو البارزين كيطرطق فيهم لحية خفيفة بزااااف نزولا مع هنقو لي كان أشبه بعنق حصان قميجتو شيبية لمفتوحة لي كتبين على صدر عريض بحال صدر الحصان تماما نزولا بيديه لي عروقهم بارزة وصباعو طوال لي كيتدلى منهم تسبيح من اللؤلؤ الكحل....
هاجر : كولشي كيعيط عليه غير سيدي
ماريا :وعلاش زعمة؟
هاجر :فاش كنت صغيرة كنت كنسمعهم كيكولو بلي جدي الله يرحمو كان من الأسياد وهاد القضية توارتات أبا عند جد وبقات هكا غادية داكشي باش بتداءا من غدا مابقيتيش اتشوفيني انبقى نزهق مرة مرة فاش نكون جاية من الجامعة
ماريا :وانوضي ياختي راه ريحة دجاج محمر جابت لي الهيمري راه سبوع بنت خوك زعمة نوضي نشطي وضحكي ونساي عليا الهم خرجنا لبرا خدمنا الموسيقى شعبي خالقين جاو زوين بزاااف فرحانين ننعوضو على مدزنا منو من بكا وحزن تمنيت كون كانت معانا وردة كون كانت فايقة ونلبسها قفطان جوهارة بيدي ولكن إن شاء غير تنوض مواعدة راسي بيها اندير ليها سبوع جديد بطبالة والغياطة ونطلعها فوق العمارية خاصها غير تفيق إن شاء الله وانا حاسة بلي غادي تفيق وقريب مزال...
ماريا :وانا بنتي نقية دارت غير بيبي صغيرة صافي ...خشات راسها بين رجليها كتبوسها وليليا كتضحك
ماريا :مممممواااااح الله على الحلاوة الله على شكلاط...دارت ليها البوربو ديالها لبساتها بيجامة ديال نعاس جابت البيبرون عطاتو ليها شاداه بيدياتها وكتلعب برجيلاتها تكات حداها كتشوف فيها بدات كترضع وعويناتها شوية بشوية كيتعسلو حتى نعسات مسيكينة.... تنهدات ماريا غطاتها بإيزار خفيف وخرجات سدات الباب وراها....
****
"فالقصر"
داخلة هاجر هازة ساكها دخلات مع الباب يلاه بغات طلع مع دروج كتسمع دقان فالأرض وقفات شحال وهيا واقفة هاد الصوت عارفاه وحافضاه ما سرطات ريقها ودورات راسها غير بشوية كيبان ليها كالس وشاد العكاز ديالو لي ممخليش عليه هادي 6 سنين من نهار وقع ليه لي وقع بلعات هاجر ريقها وتبسمات
هاجر :خخويا جيتي على سلامتك...هبطات عندو كتجري تحنات عليه عنقاتو وباستو ورجعات وقفات
هاجر : إيمتى جيتي حيت... قاطعها بصوت رجولي قوي
جواد :فين كنتي؟
هاجر :خويا كنت غير فلافاك... جاوبها وهو جامع رجل ورجل مسرحها
جواد : لافاك كيبقى حتى ل6 ونص
هاجر : ممممم....ضربة من عكازو فالأرض خلاتها تنقز من بلاصتها وقلبها كيضرب
جواد :بصرامة ) دوي
هاجر :خويا راااه غغير خرجنا من من الحصة وطركت المكتبة جبت معايا كتاب هذا مكان
جواد : هادي أول مرة وأخر مرة ومن هنا لقدام الشيفور أيديك ويجيبك حتى نرجعو
هاجر :ععلاش فين غاديين؟
جواد : أنديو الحاجة لفرنسا متفرحيش بزاااف عينيا فدار ودابا طلعي لبيتك ... طلعات كتجري بحال إلى كانت فحبس غير دخلات لبيتها سدات عليها قلبها كيطلع ويهبط عاد تنفسات...
خرج الحاج عبد الرحمان من المكتب ديالو سي عبد الرحمان لي كان حتى هو هيبتو واضحة وباين كيف كان فصغرو شعرو رطب لي ولا كولو بيض والموسطاج طويل حتى هو غطاه شيب وشوفاتو تابتة ورزينة
الحاج : ولدي رخف على ختك شوية ماشي هكا كيهضرو ناس مع ختهم الصغيرة وانت زعمة غايب مدة هادي...وقف جواد وتقابل مع سرجم
جواد : الحاج ممساليش دابا لهادشي كيفاش نتعامل مع هذا ولا هذا لي كيهم ولي عليه جيت هو الحاجة
الحاج :حتى خوك أميين معرفتو فين زاد وزايدها طافي تيليفون
جواد :نشوفو بعدا الحاجة وديك ساعة نشوفو أمين حنا ممسالينش ليه دابا انا أنطلع نرتاح فبيتي غدا كونو واجدين... خلى باه وطلع لبيتو لي كان الفوق وهو غادي لبيتو كيسمع فصوت مو كتهتهت بسميت أمين وقف عند بابها وكيشوف فيها من الفتحة ديال الباب جبروتها والقسوة ديالها لي رداتو هو بحال هكا قسوتها لي خلاتو يولي قلبو بحال الحجر وتصروفاتو بحال ثلج مقابلها بعينيه تخنزيرتو كانت بحال تخنزيرة ديال الصقر كيشوف فيها هاز حاجب ومهبط تاني رجع كمل طريقو لبيتو الحاجة لي رداتو هو الواجب ديالو كا الإبن الأكبر تجاه الأم ديالو دور القبضة ديال الباب ديالو ودخل ريحة ديال خشب العرعار وخشب الصندل عطات بيتو كان نسخة طبق الأصل عليه سقف عالي كدلى منو ثرية كريسطالية نص فالحيط كان فالقهوي ونصف الثاني كان فلون الكريمي النموسية كبييييرة أو واسعة مدلي منها كبالات فلون الدهبي مرايا قدها قداش عاد ماريو كبير منقوش فاللون القهوي الداكن خاص بحوايجو عاد ماريو أخور حداه كان مقسوم جيهة فيها مجورة بزاااف وجيهة فيها بلاكارات كلهم سبابط أما الجهة الأخرى كانت عبارة على حائط فيه بلازما كبيييييرة فالكحل...مشا نيشان لنموسية ديالو كلس بكل هدوء حط العكاز ديالو حداه وداك تسبيح لي عندو معزة ودكرى خاصة فقلبو داكشي باش هو ديما معاه جبد تيليفون
وحط تيليفون نص حطة على ودنيه..
جواد : أمضرا كي بقى
الخط الأخر : سي جواد الأمور كلها مزيان الحمد لله غير كون هاني رجع كيف اللول وحسن كااع وكثر متصور
جواد : مزيان خلي عينك عليه... قطع الإتصال وشاف فجيهة لي مقابلة مع سرجم ناض لديك جهة أو وقف كيشوف فواحد الصورة بالكحل والبيض هادي 6 سنين قبل كيف كيبان فصورة وهو عريان كيبان ضعيف شوية وشعرو طالع لفوق عاد خارج من لما ومعنق عود كحل لي كان خاشي راسو بين إيديه تخدات ليه هاد صورة قبل ميطيح من على ظهر العود بساعتين شي لي خلاه يدير الحديد فركبة ديالو ويعتامد على العكاز لي قريب يتخلى عليه ويرجع كيف كان ولكن بقى عندو هاد العكاز مميز ولفو وموحال يحطو طلع بعينو وهو كيتأمل طابلو لكبير لي كان فوق صورة لي كان هاد المرة كيحمل غير صورة العود بوحديتو ولكن مرسوم بلون ديالو الحقيقي القهوي لمايل لكحولة والبصمة لي فالبيض لي كانت ليه فراسو وشعرو طاير مع البرد هز جواد إيديه كيتلمس فطابلو وسرح بخيالو بعيد وتمتم :
جواد :نيفان (nivan)...
****
صبحات شمس زوينة ودافية والجو زوين الجو ديال الربيع فاقو الكل فطرو أما ماريا غير فطرات ودخلات هزات ليليا عوماتها لبساتها كولون فالبيج وديباردور فنفس لون جمعات ليها واحد جوج زغيبات بمقيبط غوز أما هيا كتافات غير بسروال دجين تيشورت وسبرديلة مريحة جبدات البوسيت لي كانت مطوية حلاتها حطات فيها ليليا دارت ليها الحزام ديالها هزات ساك دارتو على جنب دارت فيه البيبرون ديالها وبيبرون فيه الما وفوطة خرجات من البيت جارة البوسيت شافتها مليكة وقالت :
مليكة :تخرجو غير بوحدكم زعمة أمم؟؟
ماريا :يلاه معانا الجو زوين...نباها أحمد
أحمد :سيري معاها اتبقاي أبوحدك فدار أنا غادي لفيرما عندي ميدار
ماريا :عرفتي شنو أبابا دينا كاملين معاك لفيرما شحال هادي مامشيت بغيت انفوجو شوية القصة متوفرة على قصة بالدارجة..
أحمد :يلاه أنا نتسناكم على برا متعطلوش
ماريا :أنا ساليت
مليكة :أنا نلوح عليا غير جلابتي وهاني معاكم...فتح أحمد الباب لقا هاجر يلاه أدق كتلهت لي شافها يكول كانت كدير العدو الريفي
هاجر :يعطيك الستر أعمي بحال إلى عرفتيني جايا... نباتها ماريا من الداخل عند الباب
ماريا :باااز دايرة فيها مقلقة زعما أش كاين أقنانف سوسيطة
هاجر :هانية أعايري كولشي منك عسل
ماريا : ياك كلتي خوك جا ومابقيتي اتقدي تخرجي؟
هاجر :غير هوما شدو طيارة من هنا تنا شديت صور دار من هنا
ماريا :ناري ياختي على طرزان علاش فين مشاو؟
هاجر :داو ماما لفرنسا تعالج شوف إيمتا يرجعو شهر جاي ولا لي بعدو ولا رابع أو لخامس على حساب
ماريا :وخلاوك بوحدك؟
هاجر :كاينين الخدامة بزااف فدار معندي مناش نخاف بحال والو أيكلسو تماك حتى يرجعو معاهم خويا يوسف
ماريا :ياك كلتي ماماك موحال تعالج؟
هاجر :إيوا هادشي لي كالو طبة ديال هنا جواد كال نجربو فرنسا ممكن يكون شي أمل
ماريا :كتهضري عليها بحال إلى ماشي ماماك
هاجر :حيت هيا رباتني بحال آلى ماشي مي من صغير وأنا كنكول فالعصى بلخلعة ديما مفزكة حوايجي وكتزيدني قتلة خرى على الفزوكية ديال الحوايج وديال فراشي كيف بغيتيني نكون حنينة كتبقى مي وصافي ضروري يبقى فيا الحال الى جرا ليها شيحاجة ولكن قلبي من جيهتها ميت المهم فين غاديين؟
ماريا :الفيرما تمشي معانا؟
هاجر :ياحليلي يلاه...هبطات مليكة سلمات على هاجر طلعات مليكة حدا أحمد وهاجر وماريا طلعو لور منهم لسما وخا كانت البلاصة اللور حيت طوموبيل كانت على شكل بيكوم كبيرة موديرن فالكحل والكري ولكن هوما ختارو يكلسو اللور بحال الغنم دارت ماريا ليليا قدامها فالحمال لي هزاتو معاها وحطات البوسيت حداها وهاجر من جيهة ليمنية قبل ماتخرج ماريا وصات منى على وردة باش ترد ليها البال مزيان حتى يجيو طريق كلها وهوما قالبينها غنى وزغاريت لي داز حداهم يكول غير شي طوموبيل غادية بالهدية طبيعة والخضورية محاوطاهم من كل جنب الورد فصفر وفالحمر وليموني واحد المنظر جنة فوق الأرض تقول غير شي مدينة أوروبية مع وصلو لإيموزار لي بعيد على إفران ب 28 كيلومتر ماريا عاونها باها حتى نزلات لا هيا ولا هاجر غير شافهم سالم جا كيجري كيشير ليهم
سالم :وااااا سي حمد وااا سي حمد واتا كيداير أصحايبي وتوحشناك هاي هاي واتا جات معاك حتى مريم اووو (سي سالم هو من العروبية ديال القنيطرة تزوج وبصدفة تعرف على عبد الله الله يرحمو وجابز عندو لفيرما يقابلها ليه وبقى تم ولد ولادو تم وكيعيط على ماريا مريم)
أحمد :وناري ياخويا شحال بوحاطي وانت كنتي معايا البارح
سالم :وابااز ليك أصحيبي وبغينا أنبسطو معاك وراه ديما كنتوحشوك ولفيرما توحشاتك شحال هادي مجيتي لا تا لبتي مريم وتي كيدايرة أمريم
ماريا : وانت ليكيداير أعمي سالم صحيحة لباس واحد نزهة قربات تولد ولا مزال(كتجاوبو بهضرتو حتى هيا)
سالم : مزال راه غادية وكتقل حتى هيا راه قربات
ماريا :الله يفوك وحايلها على خير...
سالم : واليوم تغداو معانا
أحمد :بلاش اسي سالم حنى اجينا نفوجو شوية ونمشيو...وقف سالم غوبش وشاف فيه
سالم :واتا سمع وأقوسيمو لك يمينا يا وباش كيحافو الرجال يتا والله لا تخوطرتو من هن(مامشيتو من هنا) ي إلا متغديتو معانا سالم إلى كال الكلمة فلا رجعت فيها وأنا كتلك تا واش بغيتي بديعة دبحني ياويلي وتسيق الخبار ماشديتكمش لغدا يا والله حتى تبيتني فالكوري انا نكولك....همسات هاجر فودن ماريا
هاجر :العار كولي لعمي أحمد يقبل بغيت ناكول دجاج بلدي والعسل وسمن وزبدة البلدية....شافت فيها ماريا وطولات شوفة
ماريا :واختي أش غادي نكوليك وجهك مصندل والله لي ضاربك ضاربك على كرشك
هاجر : وراه قليل فين كنمشي لفيرما عندنا مكيخليونيش خليها جابتها الفرصة أصاحبتي مالكي ناري شحال فيك
ماريا :فيا قنطار صافي أسكتي...نبات باها
ماريا :بابا بلاما تحنت عمي سالم صافي أعمي سالم الغدا ليوم على حسابك
سالم :واشتي بتي مريم الله يرضي عليك ويجيب ليك شي نقرة فاش يغبر نحاسك ويلاه يلاه حيدو من شموشات يلاه...تبعو سي سالم غادي بيهم لدارو فطريق كتسمي غير صوت البكر (موووووو) وصوت الماعز( مااااع) وصوت الحوالة( باااااااع) وصوت الدجاج (ققققققق أااا قققققق) وصوت كريكر فوق شجر (هو هوهو هو هوهو) واحد الجو ياسلااااااام وصلنا لدارة كانت مكبيرة ماصغيرة واقف تراكتور ديال سي سالم قريب من دار كانو سراجم محلولين مصبزغين فالقهوي ودار مصبوغة بالبيج واحد المطور محطوط على الحيط بدا سي سالم كيعيط قبل ميدخل :
سالم : واااا بديعة وااا بديعة وتي فينك ياهاد المرة... نباتو من الداخل
مليكة لهلا يخطيك اختي بديعة.... رجعات بديعة لكوزينة.... شوية تسمع صوت رجولي كيعيط وا الوالدة الوالدة تم داخل مدرم لصالة حتى وقف ماعرف باش تبلى جمد فبلاصتو نباتو ختو
نزهة :ياويلي ياخويا كول غير سلام مالك هادي غير لالة مليكة مرات سي أحمد وبنتو وفاميلتهم... شافت فيهم وضحكات وهي تكمل كلامها..
- هدا خويا محسن... كال سلامو عليكم حدر راسو ومشا...كاع كملو هضرتهم حتى لهاجر لي تشيرات وبقا راسها مفيكسي على الباب لاحظاتها ماريا ودارت عندها كتشوف فيها قربات لودنيها وكالت :
ماريا :أسبحان الله مالك أبنيتي
هاجر :بلا وعي( و زويييييييين)
ماريا :وايااااااه
هاجر : وزوين بزااااااااف
ماريا : وبنيييييييين
هاجر : وكيحل العينييييييين...شوية رجعات الواقع وشافت فيها
هاجر :شكون هو لي بنين؟؟
ماريا : هزات إيديها فيها نص بطبوطة) البطبوط بالعسل وزبدة زوييين وبنيين
هاجر :ناس فناس والقرع فمشيط الراس انا فين وانت فين
ماريا :يبان ليك الفرق يامسكين خلاها عبد الهادي بالخياط
بديعة :اهاه اهاه ديوها ديو بنيتي مسيكينة...ناضت هاجر وماريا خرجو وخلاو مليكة مع الناس وهوما فطريق نقزات هاجر
هاجر :ياختي لي شافو مايكولش كاين فالعروبية شفتي لباس شفتي طولة وتجريدة وتبودييييرة ناري ياختي شحال غزااال غير هو كيبان بحال إلى معقد شوية... شافت فيها ماريا
ماريا : دغية حللتيه مسكين سيد مكمل حتى دقيقة كال سلام ومشا بان ليك هادشي فيه وكيف بغيتيه يكون من صحاب سهرات بحال هادو راه كيكونو مرزنين همهم القراية ويوصلو شيحاجة فحياتهم
هاجر :وغير سكتي راه واقف كيشوف جيهتنا
ماريا : انا ساكتة وانا مالي ياختي أنا نصور أبنتي حبيبتي فطبيعة وصافي...هزات ليليا حيداتها من الحمال وكلساتها وسط ربيع كاصور فيها والأخيرة عاجبها الحال كتلعب بصبيعاتها بربيع أما هاجر غير كتهز راسها كتجي عينها فعين محسن وتحدر راسها دايرة فيها الحشمة زعمة شوية هزات ليليا وطلبات من ماريا تصورها يلاه تبسمات شوية غوبشات وجمعات ضحكة وبداات تمتم
هاجر :مممم ماريا وو وراااك جججااااي
ماريا :شكون؟
هاجر :كككك كلب...بالخف مدات لماريا البنت وتمات راجعة باللور وطلقات رجليها لريح أشافها الكلب هكاك وهو يطلق رجليه حتى هو لريح وتبعها هيا تجري وتغوت ربي لي خلقها وحتى هو غير مكيزيد يزرب ويتبعها ماريا تعيط أو والو تبعها محسن كيطلب منها توقف وكيصفر على الكلب لي بدا شوية بشوية كيوقف حتى وقف وكلس هي وقفات كتلهت وكلها كترعد وجها ولا بارد وصفر بالخلعة حسات بيد تحطات على كتفها حتى نقزات..
محسن : بصوت رجولي وفنفس لوقت حنين ورزين)
- غير بشوية عليك راه مغايدير ليك والو
هاجر : كتلهت) راه راه كانت تابعني
محسن : وراه بطبيعة الحال أيتبعك كون بقيتي واقفة مغاديش يوصل ليك ولكن منين شافك كتجري عند بالو بغيتي تلعبي معاه داكشي باش تبعك حتى هو كيجري
هاجر : واش انا كنفهم فالكلاب مايحسابليش وانا عندي فوبية منهم... تبسم محسن ضحكتو لي كانت زوينة ودافية
محسن :معندك مناش تخافي لكلاب ديال هنا كلهم مربيين ولاد ديورهم (ضحك وكمل ) يلاه خليت ليك الراحة ومرحبا بيكم عندنا.... شاف ليها فوجها وحدر راسو ومشا... هاجر بقات واقفة فبلاصتها قلبها كيضرب ماشي من جرا لا كيضرب من ضحكتو وشوفة لي شاف فيها تنهدات وشافت فسما وكالت :
هاجر :ياربي ترحمني...جاوباتها ماريا من اللور
ماريا :واش متي؟
هاجر :دارت عندها) كيفاش مت؟
ماريا :حيت سمعتك كلتي الله يرحمني عند بالي متي( كتضحك)
ماريا : راه انا لي شي نهار أنقتلك ياربي كانت عندي وحدة زدايني بنت خالتها واش درت شي دنب فحياتي
هاجر : درتي خير لي ربي دارنا فطريقك ودابا زيدي حيت هادشي لي كنحس بيه جاب ليا جوع زعمة ايكون معانا فطبلة وحدة ايتغدا معانا ناري أنحشم أجي يكون شي واحد فحياتو دعي دعي معرفت شحال فعمرو.... دارت تشوف فماريا لقات غير الفراغ شافت فجيهتها بانت ليها ماريا وصلات نص طريق.. القصة منسوخة من قصص مدرب..
هاجر : كتعيط وتشير) ماريااااا مااارياااا وتسناااي أصاحبتي تسنااااي....
مليكة : مرحبا والله إلى أحسن حاجة يديرها.... خرج سالم فرش فواحد البلاصة زربية وبونجات والمخاد كلسة من داكشي خرجنا كاملين كلسنا حطيت ليليا تلعب قدامي وتكينا أما رجال كانو بعاد علينا..
هاجر : هاهيا سكتات.... دازت العشية زوينة وصل العصر ناضو رجال يصليو تمات خارجة بديعة جايبة صينية ديال القهوة وطرح دالمسمن سخون والملوي والعسل وزبدة والحلوة
مليكة : وبديعة أختي عدبتي راسك
بديعة : متكوليش هكاك اخيتي عدابكم راحة أويلي....درنا معاهم كاصكروط وجا وقت رجوعنا لدار هاجر تغبن وجاتها البكية مع كنسلمو عليهم خرج محسن وجا لعندنا يسلم علينا وصل عند هاجر
محسن : مرحبا بيكم مرة خرى عندنا وهاد المرة متخافيش من الكلاب غير حاولي تشوفيه تبقاي متبتة
هاجر :هاجر
محسن :كيفاش؟
هاجر :بدون وعي) سميتي هاجر
محسن :ضحك ) أه ههههه وأنا محسن
هاجر : مشرفين
ماريا :كتعيط )هاجر يلاه...
هاجر : أحمم سمحليا بسلامة وشكرا
محسن : العفو مرحبا فأي وقت.... هاجر تفرقات على محسن وحسات بقلبها بقى فإيموزار مع طلعو لطوموبيل شبعات فماريا معيور
هاجر : اغير كالسة هاجر هاجر مالك مجاك لعياط حتى جا يسلم عليا ييييخ مفسدة الأوقات الجميلة انت
ماريا :يااااك أختي وكون غير خليت طاسيلتك تم ورجعنا ونشوفو كيفاش أتجي
هاجر :يجيبني محسن
ماريا : هاي هاي على محسن تسرح ليك لسانك أختي وبااااز والله حتى باااز ليك وليا معاك دابا ششش راه ليليا نعسات اتفيقيها....طريق كلها وحنا ساكتين حيت عيينا واخا ماجرينا ماوالو ولكن سبحان الله فاش كتكون عند ناس غير ديك جماعة وكترت الهضرة كتخليك مهدود بحال إلى دردكتي حطينا هاجر فطريق وكملنا حنا لدار مع دخلنا دخلت ليليا حطيتها فبلاصتها ومشيت لبيت وردة لقيت منى شادة كتاب ومتكية فبلاصتها
ماريا : واخا انا مشيت... رجعت لبيت هزيت حوايجي ودخلت ندوش من بعد ما خرجت هزيت كرسي وخرجت لجردة نكلس فيها عطيت وجهي لسما كنخمم ياربي إمتا أتنوض وردة هويت مسؤولية كبر مني من كل جوايه ومعرفت مزال شنو مخبي ليا الله من هنا لقدام كنتمنى تكون حاجة مزيانة ياربي.... الأيام غاديين وكيدوزو نهار تابع نهار الحاجة لي كتبدل هيا ليليا لي غادية وكتكبر وشعري لي حتى هو غادي وكيطوال....
كنت ناعسة حتى سمعت دقات فالباب نضت لحت عليا تجاكيط ومشيت نحل الباب لقيتها هاجر
هاجر :سمحيليا كنت بغيت معامن نهضر
ماريا : دخلي ،،،دخلات هاجر شافت فيا وتبسمات واخا عينيها فيهم حزن
هاجر : فخبارك جا معاك شعر طويل
ماريا : انرجع نقطعو أتهناي ولكن موحال واش جيتي لهنا باش تكولي ليا على شعري
هاجر : من نهار مشاو وهوما فالعلاجات وصور الإشعاعية دابا دازت 5 شهور وهوما تم كلما كيبغيو يجيو كيعطيهم الدكتور أمل جديد وكيكلسو على قبل هاد الأمل شي لي خلاهم طولو لكلسة تماك ولكن تقرير لي خرج البارح كايبين ليهم بلي مابقا ليها والو وسرطان نتاشر فدمها كلو مالقيت عندمن نجي كنت محتاجة معامن نهضر جوج دناس لي كنبغي وكنرتاح معاهم أنت ومحسن..
ماريا : عمرك تلاقيتي معاه؟
هاجر : لا من ورا نهار دالفيرما تلاقيتو صدفة فالمدينة سلام سلام صافي وزيد عليها الحراسة لي ولات عليا من نهار ديال الفيرما راك شتي مابقيتش كنقدر نخرج كزنما تيليفون لي بيناتنا كنت أنحماق
ماريا : وكيفاش جيتي لهنا ؟؟
هربت من الباب اللوراني داكشي باش خاصني نمشي دغية ولكن بغيت نشوف وردة
هاجر : أدينا بزاااف ماما بعداتك علينا وبعداتك على خويا كدبات عليه او وهماتو بلي متي خلاتو يطج....
دابا قربات لعام وعمرنا شفنا وجهو وحتى خبار عليه معرفناه حي ولا ميت
ماريا :مزال مكاين والو عليه؟ زعمة فين يمكن يكون مشا؟
هاجر : معرفتش والله واش رجع لكندا واش مشا لسبانيا فين عتارف لوردة بالحب ديالو ولالالا والله معرفت شخص لوحيد لي كان كيعرف المخبأ ديالو وفين كيمشي فاش كيكون مهموم هيا وردة ودابا هاهيا حتى هيا ناعسة مجايبة لدنيا خبار... المهم أنا خاصني نمشي بسلامة من بعد ونتاصل بيك واخا؟
ماريا : واخا وعلميني بالجديد....خرجات هاجر وبقيت غير كنشوف سبحان الله لي كيدعي بالقوة كيموت بضعف فين هو الجاه والمال وسلطة والقوة وداك شر كلو قدام صحة الواحد باش مزيان لواحد يدير الخير سعداتك يافاعل الخير الواحد هو لي يبغي الخير لخوه المسلم ويتعامل مزيان معرف ديك الحسنة لي دار توقف ليه شي نهار فطريقو وتنجيه من شي مصيبة فحياتو الحمد لله على كل حال...داز الربيع بالأفراح ديالو وراه صيف بسياحو وأجوائو زوينة ودابا جا الخريف جاب معاه واحد الجو واحد الإحساس فشكل من نهار جات هاجر مابقات رجعات وعلاما سمعت من خالتي حليمة بلي مالين القصر جاو وبلي الحاجة مرات سي عبد الرحمان فالفراش ومرته بزاااف... كنا كالسين أنا وماما مليكة وبابا كنهضر حتى حات عندي منى
مليكة : طريق سلامة أبنتي.... مع خرجات كاتلينا مليكة :
- هاد البنت ضريفة معرفت شحال فعمرها؟
ماريا : 21 عام اماما كبيرة على أدم
مليكة :باش عرفتيني كنهضر عليه؟
ماريا : كضحك) وراني عايقة بيك من شحال هادي
مليكة : ودابا راه قفل 19 رعام بشحال فايتاه عامين عادين كاين لي واخدينهم فايتينهم ب10 ينين وكتر شوفي أديك العقروشة مرات داك رئيس ديال فرنسا هيا كداش وهو كداش
ماريا : وراه كيبغيها منين كان كيقرا عندها
مليكة : وحتى أدم نهار يجي ايشوف منى أيبغيها أصلا مباينش عليها 21 نقز أحمد
أحمد: غير كتخطو وتفصلو ومعرفتي دابا واش عندو شي وحدة فحياتو ولالا الله أعلم...
مليكة : وهدا عليا الله أعلم... كملنا الفيلم لي كنا كنتفرجو فيه وصل وقت العشا تعشينا مجموعين من بعدها كل واحد مشا ينعس طليت على وردة هو اللول بستها حنيكاتها حومر تمنيت ليها ليلة سعيدة طفيت ضو عليها وخرجت دخلت البيت سديت عليا طليت على ليليا الكبيدة ديالي بنتي بدات كتكبر وقربات تقفل العام بستها وغطيتها يلاه انتخشى فبلاصتي جاني ميساج هزيت تيليفون طلعات ليا نمرت هاجر حليت الميساج كنتصدم بشنو مكتوب فيه :
- ماتت اماريا ماتت صافي ماتت ومشات 😢😢
ماريا : الله أكبر... بقات فيا هاجر بزاااف الموت هادي الله يرحمها ويخفف عليها ضيقت القبور ويسمح ليها علاما دارت ياربي.... رجعت ميساج لهاجر
هاجر : أميييين أختي ممشا معاك باس...هكا ختمناها حطيت تيليفون وتخشيت فبلاصتي....قريت القرآن والفاتحة ترحما على روحها ونعست...
❄❄هناك مواسم للبكاء الذي لا دموع له هناك مواسم للكلام الذي لا صوت له هناك مواسم للحزن الذي لا سبب له هناك مواسم للمفكرات الفارغة هناك أسابيع لترقب وليال للأرق وساعات طويلة للضجر هناك مواسم للرسائل لن تكتب الهاتف الذي لن يرن للاعترافات التي لن تقال هناك نهايات أسبوع أطول من كل الأسابيع هناك صباحات رمادية لأيام لا علاقة لها بالخريف هناك عواصف عشقية لا تترك لنا من جدار و ذاكرة مفروشة لا تصلح للايجار هناك في أعماقنا ركن لا يتوقف فيه المطر و هناك أمطار لا تسقي سوى الورق هناك أنت وهناك أنا هناك دائما مستحيل ما يولد مع كل حب... هناك مواسم لا علاقة لها بالفصول❄
- صبح نهار جديد بحال عادتي كل صباح كفطر ليليا هو لول نلبسها ونديها لعند وردة نحطها حداها على نموسية تلعب شوية معاها...
ماريا : انت راه ولفتي الهزان انحط والديك وتمشاي على رجيلاتك يلاه....وقفاتها غادية كتكركب وتلاغي مرة تكول ماه مرة تكول لأحمد باه كل مرة واشنو لي فدار كولشي كيحماق عليها وكيهبال عليها
ماريا : وأجي لهنا هنا ماشي لهيه فين غادية لكوزينة فين... نباتني خالتي حليمة لي كتجي بكري مع 8
حليمة : كالو حتى ولدها صغير جا من فرانسا داك الةلد مسكين أمين لي غبر ليها الأثر علم الله بحالو حياتو ضايعة بنتو كتكبر بلا بيه وها مو ماتت ولا إله إلا الله
ماريا : الله يدير لي فيها الخير وصافي...هزيت ليليا نديها تشوف وردة دخلت..
دنيا مقلوبة العزاية ناس جايين من كل مدينة من العروبية من كاع المدون باش يعزيو ريحة البخور وريحة وصداقة حاطينها على طبلة لي دخل يهز يشرب الحليب وياخود تمر العيلات فصالون الكبير ورجال مشاو يديوها باش يغسلوها ويصليو عليها صلاة الظهر ويدفنوها هاجر لابسة جلابة وفولار وكالسة هازة كلينيكس حداها مرة عمها لي صغر من عبد الرحمان عصام زينب وبنتها إقبال
زينب : بنتي مديريش فخاطرك انا وعمك من اليوم أنبقاو معاك ميمكنش نخليوك بوحدك
هاجر :بصوت حزين ) لهلا يخطيك أخالتي زينب...زينب مرة ظريفة الله يعمرها دار لاهيا لا راجلها منين سمعو بلي وقع وجاو طلب منهم عبد الرحمان يبقاو فللقصر دار واسعة وعريضة تكد لعايلة كلها وكثر... إقبال نغزات مها
إقبال : ماما كاعما شفت جواد
قصة من موقع قصص مدرب.. زينب : خنزرات فيها) قسما بالله ومتكلسي الأرض حتى نعطي لبنتي علاش تقلب وزايدون خطيبك راه مع رجال ومع جواد وكلسي وتبتي ولا مايعجبك حال
إقبال : اوووف حنا غير سولنا يلاطيف لوطف
زينب : وبقاي بوغمي حتى نهري ليك داك الفم....ناضت هاجر
هاجر :سمحوليا أنا جايا... تخطاتهم وطلعات لبيتها كتجري سداتو من وراها هزات تيليفون كدوز فنمرت ماريا والو حتى واحد مكيجاوبها كتقكع وترجع تصوني أو والو حتى واحد مكيجاوبها
هاجر :كلسات على نموسيتها) فينك اماريا فينك جاوبي....
****
معانقين فوق نموسية وكيتبكاو
ماريا :كنت أنحماق بلا بيك على سلامتك أختي
وردة : انت والله حتى ملاك فصفة ديال إنسان عمري نسا فحياتي مدرتي معايا والله
وردة : من نهار بدات بنتي كتجبد ليا فشعري وانا بديت كنحس وكنسمع ولكن مكنتش قادرة نتحرك ولكن المجية ديال هاجر لبارح وداكشي لي كالت خلاني دماغي يخدم ماريا أنا خاصني نمشي من هنا
ماريا :اويلي فين اتمشي؟
وردة : نقلب على أمين أمين إلما رجعتو أنا اماريا راه يدير حاجة فراسو كدما طال زمان ولا قصار ودابا هاد الساعة ومعارفينو حي ولا مات مابغيتش نفكر فشي حاجة خايبة حيت إلى طرات ليه أنموت اماريا أنموت
وردة : الله يرحمها أنا مسامحاها دنيا وأخيرة داكشي باش اماريا خاص نقلب على أمين وأنا عارفاه فين أيكون
ماريا : زعمة يكون رجع لكندا؟؟
وردة : لا كون رجع اطلع ليهم فرحلات سميتو أمين مخرجش من المغرب جوج بلايص كيمشي ليهم يا جبال يا صحرا واحد فجوج داكشي باش أتكملي على خيرك وتقابلي بنتنا بجوج أنا وياك مابغيتش نخلي بنتي يتيمة بلا أم بلا بو يكفي ماداز من عمري وانا ناعسة على هاد نموسبة وبنتي كتكبر وأنا ممعاهاش ولكن صراحة أنا لي غلط كان عليا من نهار لول نكوليه بلي حاملة ولكن فيها خير
ماريا:دابا أول حاجة هو نمشيو نشوفو طبيب ضروري من ترويض
ماريا :أنعيط على عمي سماعيل يجيب طاكسي ونديك لسبيطار نشوفو طبيب ترويض موضوع ديال أمين أجليه دابا واخا؟
وردة : حركات راسها بشوية) واخا...ماريا طايرة من الفرحة أخيرا صاحبتها فاقت ورجعات ليها نوضات كاع لي فدار كتكوليهم الخبار جديدة كولشي تجمع عند راس وردة كيكوليها على سلامتك أما هيا كتكفي غير بإبتسامة فقط وعينيها مفارقوش بنتها...جا سماعيل كينسناهم على برا تعاونات هيا ومليكة لبسوها وهزوها من إيديها حيت طرافها كلهم فاشلين بشوية حتى خرجوها طلعوها فطاكسي نيشان لوبيتال غير وصلو دخلات ماريا طلباتهم كرسي عطاوه ليها تعاونات هي وسماعيل داروها عليه ودخلاتها..
ماريا :موجهة كلامها لفرملية) عفاك ختي كانت فغيبوبة وعاد فاقت بغيت نشوف طبيب
فرملية :تسناي...هزات تيليفون(دكتور ياسين مطلوب دكتور ياسين قسم 1..
فرملية : دكتور ياسين دكتور ترويض ايكون عندكم شوية دابا..بقينا كنتيناو أنا او وردة حتى جا دكتور ياسين
ياسين : وي لمياء
الفرملية :دكتوغ هاد سيدة الأخت ديالها كانت فغيبوبة وعاد فاقت
ياسين :حاجة طبيعية دابا قربات تقفل عام وهيا فغيبوبة مغاتقدش ترجع توقف بسهولة ضروري من حصص ترويضية
ماريا : وإمتا ممكن نبداو؟
ياسين : من اليوم إلى بغيتي؟
ماريا : وي دكتور وانا أنتكلف بالإجراءات
ياسين :داكوغ أنا اندي المريضة ديالنا والأجراءات أتكلفي بيهم مع لمياء لفرملية اي كنتو عندها
ماريا : شكرا دكتور...خلات وردة مع ياسين ومشات تكمل الإجراءات مع الفرملية من بعد ساعتين ديال المكانة خرج ياسين وردة لي كانت ماريا كتسناها غير شافتها تمت جايا عندها
ماريا :كيف كتحسي؟
وردة : بحال الى مشيت لصحرا وجيت هههه
ياسين : غادي تولفي ايكون عندك ترويض كل نهار من غير سبت والأحد وساعتين فنهار
ماريا : بديتي تاني يلاه يلاه...خرجاتها ماريا لي كان سماعيل كيتسناهم مسكين تعاونات هيا وياه حتى دخلوها لطاكسي ورجعات ماريا لكورسي لوبيتال...رجعو لدار غير دخلو هزات ماريا تيليفون وتاصلات بهاجر
هاجر :ماريا كنسوني عليك او والو فين غابرة؟
ماريا :وردة فاقت
هاجر :اواااه إيوا....عاودات ليها ماريا كولشي من طاق طاق لسالامو عليكم
هاجر :وأخيرا خبر كيفرح الحمد لله لعكوبة لأمين
ماريا : وردة ناوية اتبرا تمشي تقلب عليه
هاجر : من حقها اماريا راه حب حياتها مساهلش حب صغر وشحال داز عليهم راه من حقها أختي وراه بابات بنتها ومكاينش من غيرها لي ايعرفو فين كاين ويرجعو لدارو ولبنتو
ماريا : أهم حاجة تصح وترجع كيف كانت وحسن وديك ساعات معنديش مشكيل إلى بغاتني حتى نمشي معاها نمشي وردة غالية عليا وبزاااف اهاجر
هاجر : الله يخليكم لبعضياتكم ويخليكم ليا حيت حسيت بلي ولات عندي ختي والله
ماريا : حتى انت ربي شاهد
هاجر : بغيت نجي ولكن دار عامرة عزاية والفاميلة جاو وجواد كاين وبابا منقدش
ماريا : ماشي مشكيل خلي حتى يفوتو هاد اليام واجي
هاجر : شنو كدير وردة دابا؟؟
ماريا : مكتفرقش على بنتها غير حاضياها فينما ندور معنقاها
هاجر : كتنوض ولالا؟
ماريا : لا متنسايش يلاه ناضت من الغيبوبة ويلاه بدات ترويض غير هاد العشية طبيب قلبها معندها والو الحمد لله من غير طرافها لي مشلين حيت عام وهيا ناعسة
هاجر : أنا خاصني نمشي دابا تهلاي فراسك وفيها وسلمي عليها بزااف كوليها أنشوف كيفاش نجي نشوفها توحشتها والله
ماريا : هههه واخا أنكولها ليها يلاه باي باي بيبي
هاجر : بسلامة...
حطيت تيليفون ومشيت حليت الماريو ديالي جبدت منو الألبوم ديال تصاور هزيتو وخرجت من البيت لبيت ديال وردة لقيتها متكية او ليليا حداها من جنب الحيط كتلعب
ماريا : رتاحيتي شوية؟؟
وردة : عرفتي على الإحساس أناك تكوني غايبة على الوعي شحال وانت ناعسة نهار خليت ليك ليليا كي كانت ودابا تبارك الله قداش ولات أجي شفت شعرك طوال هههه جاك زوين واخا هكاك
ماريا : كلسات حداها) ههههه واش تافقتو حتى هاجر كالت ليا نفس الهضرة أنا منخليهش يطوال خاصني انشوف شي كوافورة مزيانة لي تقطعو ليا
ماريا :ديلاش أيكون فيه تصاو كل مرة كنصور ليليا عارفاني مهووسة بسيلفي ههه فينما مشينا كنصورها وفينما دوزنا شي عيد نصورها بغيتك تشوفيها فرمضان كتخشي إيديها فزلافة ديال الحريرة وتكبها كامل وتموت على شباكية مع فيها العسل وحلوة كتعجبها
وردة : كدور فصفحات وتضحك) ههههه بنتي لحبيبة هادي أنا
ماريا :أه كنت كنجيبها ونصورها معاك باش فاش تكبر تلقى تصاورك وانت معاها...شافت فيها وردة
وردة : أنت أحسن أخت فهاد دنيا والله
ماريا : هضرات هاجر وسلمات عليك وراه بغات تجي تشوفك غير كتسنى كيفاش دير تجي عرفتي اليوم موجدة ليك خالتي حليمة واححد طاجين منكولش ليك اللحم بالمشماش واللوز
وردة : الله يربي الله جبتي ليا جوع من دابا
ماريا : شدات لوردة فيديها) واخا مابغيتش نفكرك ولكن نهار لكسيدة كيفاش وقع ليك؟
وردة : صراحة كولشي مني انت عارفة مالفة فسبانيا شارع مكيكونش بنفس زحام ديت على سيستيم لقديم فاش كنت كنحاول نقاد الكارط محسيت براسي حتى تهزيت هادشي علاش عقلت
ماريا : الحمد لله على سلامتك صافي نساي انا نجيب الكوش نبدل لديك لخوينزة لي حداك...خرجات ماريا جابت لانجيت ولكوش كتبدل لوردة او الأخيرة حاضياها
وردة : هههه تعلمتي
ماريا : واشنو ضروري دينا تجربة فيدينا انا نمشي نشوف خالتي واش وجدات العشا ونرجع....هاديك ليلة مانضتش ماريا من حدا وردة غير حاضياها بحال شي ام رجعات ليها بنتها من الموت بحال هكاك صداقة عجيبة غريبة بيناتهم وهادي هيا صداقة الحقيقية لي خاصها تكون الصحبة هيا تكوني معايا فالفرح والقرح فالبكا وضحكة الصحبة هيا منين نبغيك نلقاك فجنبي منين نحتاجك تكوني عندي متحجيش بحجج فارغة معندهم معنى منين نبكي نلقى كتفك فين نحط راسي ونبكي حتى نفش قلبي منين نبغي نغامر تكولي ليا بسم الله باش أنبداو واخا تكون شيحاجة هبيلة تهبالي معايا نهار نتزوجو ونولدو نعلمو لولادنا صحبة لي بيناتنا ونخليوهم حتى هوكا يعيشوها بيناتهم نكون صحاب على الحسنة ماشي سيئة ونميمة وشد ليا نقطع ليك وتبركيك وتقطاع فناس هادي هي صداقة الحقيقة تبغي ليا الخير وتنصحيني ومتخلينيش نوقع فالغلط تغوتي عليا وتأنبيني إلى غلط وترجعي ليا عقلي هادي هيا صحبة طيبة لي مافيها لاغدر لا خيانة لا بغض لا حسد...ماريا بحال عادتها مكتخليش وردة بةحدها طبيب من جبهة فسبيطار وهيا من جيهة فدار كل ليلة كتعري لوردة رجليها وكتافها وكتبقا دير ليها مساج لكتافها ورجليها وضهرها خصوصا منطقة العمود الفقري...
"فالحمام"
وردة : وراه كنحرك إيدي ماشي كيف كنت أخلبني نحك راه حردتيني وهيا ناري اختي عندك حكان لكسالة
ماريا : نازلة عليها بالكيس كطلع وتهبط) ششش سكتينى هزي إيديك شوف تحت بيطانك كيف موسخ اه اه اه سباكيتي هادي ماشي شعرية
وردة : ولاواه زدتي فيه أصلا وسخي بيض ماشي كحل
ماريا : وسكتي وهزي إيديك راه سخفتيني...جات عندها لكسالة
كسالة : ختي يكما نعاونك؟
ماريا : والله مكرهتش تشدي ليا فمها منسمع صوتها مخلاتني نحك على خاطري
كثر من خمسمية حكاية على قصة بالدارجة رجعو لدار لقاو حليمة دايرة الحريرة وصالقة البيض وتمر
وردة : الله أخالتي أنولي اندوك حتى الباب مايخرجني
حليمة : كولي أبنتي باش ترجعي كيف كنتي يلاه دم بدا يتزرع فيك
ماريا : عندها صح
وردة : فين ليليا
حليمة : نعسات بنتي كبيدتي
وردة : أنمشي نشوفها
ماريا : نعاونك؟
وردة : لا أنحاول نتمشى بوحدي...شدات وردة فالحيط شوية بشوية حتى دخلات عند بنتها... نقزات مليكة
مليكة : ولاواه الحمد لله فين كنا وفين ولينا
ماريا : ترويض نفعها بزااف داك طبيب الله يعمرها دار الحمد لله شوية بشوية كترجع ليها صحتها...شوية سونات هاجر
ماريا : وي البجغوطة
هاجر : اوووف توحشتكم وحق الله مليت اووف مقاداش نخرج شيفور يديني ويجيبني لافاك الحصااار اعباد الله أما واحد بنت عمي تفووو على كنس قسيف
ماريا : كضحك) مالها؟
هاجر : كدور بيا وتقلق فيا باش تدي الخبارات مطالعة لا لمها لا لعمي...
فين كنتو كنت كنسوني عليك مجاوبتيش؟
ماريا : كنا فالحمام أنا او وردة
هاجر : سعداتكم والله أختي معنديش زهر والله عرفتي توحشت محسن والله معرفت واش ايكون عندي شي زهر معاه ولالا عنري ماشت وجهو قلبت عليه فالفيس مالقيتوش وعندي اسميتو لولة حتى كنيتو معندي
ماريا : عمي سالم كنيتو بوروان ولكن تخافي مايكونش داخل بكنيتو
هاجر : رجعات فيها الروح) أختي يعطيك الستر أنا انمشي دابا نقلب عليه سلمي على وردة وبوسي ليا لولو وسلمي على دار بااااي... قطعات على ماريا بالخف خلاتها أكتشوف
ماريا : الله يرد بيك أبنتي...
** الْعُمَرُ ماضٍ بَيْنَ عُقْمِ الْحُلْمِ و بَيْنَ كَذِبِ الْوَهْمِ...
ماريا : أهاه يلاه...خشات إيديها فدراعها خرجو من سبيطار وخداو واحد طريق كلو شجر غاديين وكيتمشاو
وردة : ماريا أنحتاج فلوس
ماريا : علاش؟
وردة : غير اندوز الحصص لي بقاو ليا ايخصني نمشي نقلب على أمين هادي 15 ريوم باش فقت والحمد لله كندير كثر من جهدي باش نولي بيخير ونرجع كيف كنت باش نقلب عليه ونرجعو ليا ولبنتو..
ماريا : ولكن صعيب الحال أنا عند بالي هاد الفكرة حيدتيها من بالك
وردة : ماريا هاد الفكرة عمري نحيدها من بالي انت معارفاش أمين أشمو دار على قبلي حارب مو ودارهم باش يكون معايا كان يقطع طريق طويلة باش يشوفني حب ديال صغر أماريا الحب صعيب بزاااف واخا تكوني كتموتي تسمعي حبيبك واقعة ليه أحاجة بسيطة كتنوضي بلهلا يكزيه ليك الحمد لله كلست مع بنتي وعطيتها وقتي وبردت فيها شوق هاد المدة كلها ولكن عارفاها فإيد أمينة دابا دور على أمين ألما لقيتو أنا مغايلقاه حد واخا عائلتو واصلة ويقدرو يوصلو ليه فنهار ولكن أمين من صغرو عندو ميزة انو كيعرف يتخبع من ناس لي مابغيهومش يعرفوه فين هو ولكن انا توام روح ديالو عارفة فين أنقلب وفين ممكن نلقاه وهادشي أنديرو بوحدي
ماريا : نمشي معاك انا نعاونك
وردة : الا أماريا حماقيتي وليليا بنتي أتبقى معاك اصلا راه بنتنا بجوج ماشي أبنتي أنا انت درتي دورك كفيتي او وفيتي دابا جات نوبتي انا خاصني نقلب على حبيبي الراسي أنا راه منقدش نتخيل راسي بلا أمين اماريا راه نتسطى علم الله كيف دايرة حالو دابا اوووف فينك أأ أمين فينك...
****
لا أحد يمتلك حياة كاملة ، ولا قلباً خالياً ، ولا رأساً خفيفاً من الأعباء
ولكن هناك من يدعو الله ثم يتوكلُ ويبتسم ..
- فوسط جبال من رملة غير صحرا رملنها دهبية كتلئلئ بنور شمس وفواحد المنطقة لي معروفة فصحرا بسميت الريصاني... خيمة كبيرة قدها قداش خاصة برحال لي كيمشيو من بلاصة لبلاصة سارحين بهايمهم العيالات كيطيبو فالغدا اما مول الخيمة داير فوقية زرقا وعمامة على راسو وكالس معاه واحد أخور لحيتو طويلة بزااف وشعرو طويل ومن لباسو كايبان بحال شي هداوي نقز مول الخيمة لي كان سميتو "ما لعينين"
مالعينين : واش لاهي نكولك أولدي انت معانا من نهار هزينا رحالنا وحتى دابا مرحبا بيك لهي كولي ياوليدي واش مزااال ماعقلتي حتى على إسمك
- لا أعمي مزاال معرفت لا شطون انا لا منين لافين جيت كونما نتوما لي ضايفتوني الله يكتر خيركم
مالعينين : واش لاهي نكولك لي انا عارفو هو انت ماناك صحراوي غير من لهجتك ولكن أحنا كلنا مغاربة اوليدي اتبقى معانا واكل شارب حتى يبان ليك طريق هادشي لي أنكولك اوليدي شرب شرب أتاي راه تعدلو البتول زين موالي....
شفتيها أعمي ولالا بحال إلى أنا يلاه انسافر بوحدي وراني مشيت لسبانيا وجيت شحال من مرة بوحدي وديما كنت بوحدي حتى جيتي انت ابلوتي ههههه
احمد : معندك مديري ابنتي ماريا هكا دايرة
ماريا : تحاميتو واخاااا
وردة : يلاه أنتعطل يلاه نوصل لفاس ونسد طريق من تما
ماريا : منين اتبداي دابا؟
وردة : من شمال وانا هابطة...شدات ليليا كتعنق وتبوس فيها كانت اتاكولها مداتها لماريا لي هزاتها تسيفطات مع حليمة مليكة وأحمد هزات ساكها وخرجات هيا وماريا
ماريا : راه الكارط بونكير فيه شي فلوس إلى مقدك هادوك هزي من لكونط اوك
وردة : عنقاتها) لهلا يخطيك عليا ياربي... وهيا كتعنق فيها كيسمعو غوات جاي من بعيد مع دارو كتبان ليهم هاجر جايا كتجري وصلات عندهم شدات فركابيها كتنهج
هاجر : كتنهج) كنت..خايفة..لا..تمشي..وما..نشوفك..اوووف..جيت..بتخبية..
ماريا :أبشوي عليك وانت قلبك ايسكت..شدات على قلبها وعلات راسها فوردة تلاحت عليها بتعنيقة كبيرة مطلقاتش منها
ماريا : وتي طلقي البنت ايمشي عليها الحال
هاجر : لقايه اختي ورجعي ليا خويا يعطيك الستر راه هو بلا بيك ميسوا والو
وردة : كوني هانية احبيزانة هههه تهلاو فبعضياتكم واخا تيليفون بيناتنا...ركبات فطاكسي طلعات وسدات الباب ديمارا طاكسي بيها خرجات راسها من سرجم كتشير لينا حتى غبرات...
ماريا : الله يوقف معاها ياربي
هاجر : أمين انا خاصني نمشي
ماريا : يلاه وقفتي دخلي
هاجر : لا خاص نمشي سمعت خويا كيهضر مع شي واحد فتيليفون وكيكوليه بغيت تجيب ليا كاع المعلومات عليها وتبعها مقدوش الحراسة لي داير ليا بغى يزيدني حتى هدا
ماريا : وباش عرفتيه كيسول عليك؟
هاجر :باينة لعمى أصاحبتي شكون كاين من غيري انا هو معندو حتى وحدة فحياتو شكون ايكون يلاه باي باي...باست ليليا بالخف ومشات كتجري تشد طاكسي باش ترجع لدار
مليكة : معرفت اش خبار منى من نهار فاقت وردة وعطيتيها حساب مبانت مسيكينة
ماريا : كضحك) ماما حتى نهار يجي أدم ونعيطو عليها نديرو سبة بشيحاجة أتهناي الالة انا انخرج ليليا شوية نتمشاو شوية ونرجعو...دارت الكشكول ديالها ودارت ليليا فبوسيت وخرجو غادية بيها كتهضر معاها بحال إلى كتهضر مع شي واحد كبير بعقلو كان الجو بارد وضبابة مرة مرة كيهبطو شي قطيرات ديال شتا ويتقطعو فصل شتا مابقا ليه والو...حسيت بإحساس فشكل معرفت واحد الإحساس بحال فاش كتكون غادي بوحدك وشي واحد غادي وراك ولا مراقبك بحال هكاك والمشكل كندور مكنلقى حتى واحد شدني الوسواس واخا كانو ناس وبنهار يعني ماسي ليل ولكن كيجيك بحال الوسواس دورت بوسيت ليليا وتميت راجعة لدار وكنزرب فالخطوات ديالي وصلت لدار ونفس الإحساس تابعني حليت الباب بساروت ودخلت طلات عليا خالتي حليمة من كوزينة
حليمة : دغيا رجعتي
ماريا : البرد خفت على ليليا لا تمرض ولا شيحاجة...حيدت الكشكول وبروطكاني حليت رواق شرجم كنطل مبان ليا والو
حليمة : ماريا مالك أبنتي؟
ماريا : أ لا والو اخالتي مامالي والو...هاد الأحساس وشك ولا تتبعني فينما خرجت كنحس بشي حد تابعني واس الوسواس واش انا كنتهيئ ولا شي واحد فعلا تابعني ولا الله أعلم مابقيت عارفة والو...
- داك نهار صبحت مريضة ليغيكل مرتاني رجليا فاشلين والراس معصبة وفيا الردة بحال لي كتوحم دارت ليا خالتي حليمة سالمية هيا لي موالفة كنشرب حيت دقة بطلة وكالو بلي الشعب الفلسطيني كيشربوها بزااف باش تحيد ليهم البرودة ويخرجو يولدو يلاه شربت داك الكاس لبست تقاشري وقبية ديالي وتخشيت تحت المانطة يلاه اللوجع كيهمد شوية بشوية وعيني بداو يتغمضو كنيمع سونيت ديال الباب مديتهاش فيه يدق لي بغا انا بغيت أنعس باركة عليا...شوية تفتح الباب ودخلات حليمة
حليمة : ماريا وا ماريا بنتي نوضي
ماريا : اااامممم شنو وااقع خليني اخالتي عاد لقيت راحتي
ماريا : واخا دخليه لصالون أنا جايا..خرجات خالتي حليمة ونضت على سعدي او وعدي لبست بانطوفة فرجلي مافيا لي يوقف غير جارة رجليا يلاه خارجة من البيت تيليفوني كيسوني هزيت لقيت هاجر
ماريا : من بعد ونجاوبك ماشي دابا حطيت تيليفون وانا ندخل لصالون كان واقف عاطيني بظهر
ماريا : سلام...مع هضرت دار كان راجل فالأربعينات من عمرو
- وعليكم سلام (مد ليا إيديه)مصطفى العلوي محامي عائلة سي الإبراهيمي...
سيدها الجزء الثاني
محتوى القصة
التنقل بين الأجزاء