فاقت ماريا متحمسة عندها واحد الطاقة كبيرة دخلات خدات دوش سخون صيف خرج والخريف دخل...لبسات سروال دجين سبرديلة بلو غوا مع تيشورت فنفس اللون جمعات شعرها على شكل سفنجة مدارت والو لوجها من غير عكر فالغوز..هزات تجاكيط ديال دجين لبساتها وساك ديالها تيليفونها وخرجات من البيت..
مليكة : صباح النور ابنتي مالك فايقة بكري؟
ماريا : اليوم انمشي لقهوة خاصني نشوف البنات لي ايجيو على قبل الخدمة غير فطرو بصحة وراحة
وردة : راه كتليك مدامك لاصقة فجنابو والله لا طلب منك الزواج ولا طلبو اديريها فبالك دفعي كبير أصاحبتي وديري بكلامي كاتبقايش الاصقة فيه لي كاليك كولي لا سمح ليا باش يزرب فهمتيني؟
وردة : لا انا فجردة ماتخافيش مكاين حتى واحد المهم راه امين جاي لعندك انا انقطع حتى من بعد ونشوفك
ماريا : يلاه بسلامة..
مليكة : علامن كتهضرو؟
ماريا : على جواد(شربات قهوتها) حتى من بعد ونكوليك الى هبط بابا كوليه راه مشيت...باستها هزات ساكها وتيليفونها وخرجات..وقفات على برا كتشوف فساعتها حتى وقف عليها أمين فتح ليها طوموبيل طلعات..
ماريا : صباح الخير
أمين : صباح النور مبروك القهوة هاكي ها سوارت...خدات السوارت دوراتهم فيديها فيهم بورتكلي فيه سميتها وسميت القهوة عجبها الشكل ديالو بزاااف..
ماريا : صافي انا انمشي
أمين : نوصلك فطريقي صبري...ديمارا طومةبيل وشد طريق نيشان لقهوة حطها وكمل طريقو...فتحات باب القهوة وهيا فرحانة بزاااف كتحس براسها ادخل لمملكة ديالها الخاصة خدمة ديالها مشروعها ماخدامة عند حتى واحد...فتحات بيبان القهوة ودخلات حطات ساكها وتيليفونها وسوارت وبدات كدور بلاصة بلاصة تنهدات تنهبدة طويلة ديال الفرحة وراحة رجعات لفوق وكلسات كتسنى فالبنات لي أيجيو.
- لا صراحة عمري خدمت قريت حتى لباك درت لافاك علم إجتماع ماكملتش ومن وراها درت تكوين خديت ديبلوم ديال كونتابيليتي وعاودت تاني درت انفورماتيك وخديتو وعاودت تاني درت طبخ والحلويات وخديتو..عندي 3 ديال لي ديبلوم..
ماريا : برافو ماعندي مانسالك هيا اتنفعينا حتى فلاكويزين؟
فرح : مرحبا...شوية بان لماريا ظل فالباب دورات راسها بان ليها دياب داخل..
ماريا : هذا يمكن حتى قرا الاعلان ولكن انا طالبة البنات..
فرح : لا لا هذا راه خويا
ماريا(بستغراب) :
- خوك؟
فرح : اه خويا وصلني وبغا يتيقن واش فري قهوة خاصة العيالات ولالا..تم داخل دياب وعينيه على ماريا حتى وقف عندهم مد ليها يديه :
- بونجوغ
ماريا : بونجوغ..
دياب : سمحيليا الى قاطعتكم
ماريا : لالا ماشي مشكيل...رجعات شافت فرح.. :
- صراحة فرح عجبتيني واها عمرك خدمتي ولكن ماشي مشكيل كاع ناس كيتعلمو هنا انتعاونو ماشي تحسبيني باطرونة لا اه انا سميتي ماريا عيطي ليا ماريا كاع لبنات لي ايكونو هنا كلنا عائلة وحدة واتجي حتى مرات بابا تعاونا كتصايب القهوة من نوع الرفيع بنسبة لصالير 3500درهم ولي بوفوار مغاديش ندخل فيهم لي عطاتك شي حاجة حلال عليك..
نقز دياب حيت ستغرب منها...
- سمحيليا ولكن انت شنو ايشيط ليك؟شافت فيه ماريا وتبسمات :
- انا مافتحاش هاد القهوة على قبل الفلوس لا حيت هيا حلم بنسبة ليا وبغيت نعطي لعيالات متنفس فين يلقاو راحتهم اه خاصك تكون فرحان حيت هادي اول مرة ادخل هنا واخر مرة مرة جايا ممنوع..
دياب(كيضحك) :
- هيا نهار كبير هذا عندي شكرا..ضحكات ماريا رجعات عند فرح..شوية سكتات ورجعات هزات فدياب راسها كاتشوف فيه بشك..
ماريا(بستغراب) :
- ماعرفتش فين شفتك؟
دياب(صغر عينيه بمرح) :
- صراحة انا عرفتك غير خفتك نكوليك وتجري عليا..
ماريا(كضحك) :
- لالا حاشا غير كول
دياب : انا لي خرجت فيك فطيارة فاش كنا راجعين من البرازيل لسبانيا..
ماريا(شهقات) :
- ايااااااه وانا كنكول فين هذا انت سبحان الله..
دياب : هو هذا وسمحيليا بزااف والله ماشفتك
ماريا : بالعكس انت لي سمح ليا راه انا لي خرجت فيك انت ساكن هنا صدفة زوينة
دياب : هادي شهرين باش جينا لإفران مدينة زوينة نقية ماشي بحال مدن الكبار كان فرباط وتحولنا لهنا..
ماريا : وشنو كنتي كدير فبرازيل سمحليا انا فضولية
دياب : لا بالعكس البرازيل من صغر كنت كنحلم نمشي ليها منين نجحت فخدمتي وجمعت واحد الحصيصة ههههه كلت والله حتى نمشي ولي ليها ليها طرقت الفلوس ف3يام ورجعت بحالي
ماريا : حتى انا تشرفت بمعرفتك إن شاء الله ضروري...خرج دياب وبقات ماريا وفرح..
ماريا : خوك غزال تبارك الله
فرح : هههه ربي يخليك كاع البنات كيحماقو عليه ولكن هو مامعمر بالو وعقلو بحتى وحدة اجي يكما عجبك؟ههههه
ماريا : هههههه ويلي لا باينة فيه ظريف ومصواب ودغية كيدخل لخاطر
فرح : بصح هو احسن أخ فهاد الدنيا وعلاش زعمة ماعجبكش واش مزوجة؟
ماريا : لا مامزوجاش
فرح : هيا كاين شي حد؟
ماريا : بصراحة اه كاين وهو حب حياتي وكولشي فهاد الدنيا وهادشي لي كتشوفي كلو كادو من عندو..
فرح(تنهدات) :
- الله كاين مزال بحال هاد الحب؟
ماريا : كااااين غير خاصك تعرفي معامن وصافي...شوية تفتح الباب وبداو البنات كيدخلو..كلسات فرح فطبلة فالقنت مخلية ماريا تهضر مع كل وحدة وتجمع عليها معلومات جاو بزااف ديال البنات كتر ماتصورات ماريا ولكن ختارت غير 9 ديال البنات حيت وردة ومليكة ايجيو يخدمو معاها داكشي باش خلات 9 ديال البنات كل 3 فبلاصة التحت والبلاصة العائلية وداخل وعلى برا...
ماريا : انعرفكم على بعضياتكم بعدا هادي فرح ندى هادي غيثة ملاك وهادي جميلة غفران كريمة سارة او ليلى..لبنات كيف كلت لكل وحدة فيكم هنا حنا عائلة وحدة حتى وحدة ماتنقص من تانية تعاونو مابيناتنا لي ضرك اجي كوليها ليا ومزال اتجي ماما مليكة وصاحبتي وؤدة اتعرفو عليهم بغينو نخليو هاد القهوة الرقم واحد فالمغرب كلو وعلاش لا أفريقيا كلها...وانسميو راسها والحزب ديالنا " les femmes d'abord السيدات أولا "...مدات يديها ومل وحدة حطات يديها على يد ماريا..
- 123 لي فام دابوغ...
ماريا : شنو بان ليكم نبداو دابا ؟
فرح : انا ماعندي مشكيل..
ندى : حتى انا ماعنديش مشكيل..البنات ملشي تافقو وبداو..
ماريا : لبنات انا انحاول هاد العشية ندوز لخياط يخيط ليكم طابليا يناسبوكوم ويكونو شيك مع طريبشات غير كولو ليا اش من لون تبغيوو..
وردة : هاجر راه دور وتلبق لوجها ولحمها كاتليك بغات تولي كتشعل بغات هشام يطفي ضو وتضوي هيا بلاصة البولة..
ماريا(تكرشخات بضحك) :
- باااز ليك ياختي
وردة : السبع ماعيطش؟
ماريا : جواد؟ لا أبدا
وردة : دافع كبير زعمة
ماريا : داير فيها مقلق بقا فيا كون اتاصلت بسه مسكين شوف هو شنو داير على قبلي
وردة : والله وتسوني حتى نقرصك من جدر صبري مالك على زربة...شوفي شي واحد عند باب القهوة يمكن لا بغا شيحاجة..ضارت ماريا بان ليا واحد لابس لباس بحال الفاكتور..عكات ليليا لوردة ومشات عندو فتحات الباب..
ماريا : وي سيدي؟
- ماريا المنصوري؟
ماريا : أه هيا أنا
- لالة عندي ليك واحد الرسالة ومعاهم هادا..مد ليها جوا بيض مكتوب بدهبي سميتها وجبد كرتونة صغيرة غير شافتها ماريا عرفاتها هادي نفس الكرتونة لي لقاو قدام فيلا ديال وسيم..مدهم ليها عطاها ستيلو سنات ومشا..عاد رجع ليها عقلها باش تسولو شكون سيفطهم ولكن كان ركب فوق لموطور ومشا..دخلات كتقلب فديك البرية فتحاتها وقفات كاتقراها..
" أتمنى ان تقبلي مني هذه الهدية من أجل إفتتاح مشروعك الجديد سيكون بمثابة وشاح جميل يتوج عنقك اللؤلؤي "...وقفات عليها وردة كتشوف فيها وتشوف فالكادو لي فيديها..
- ماشي جواد أوردة هاذي هيا الكرتونة لي كتليك لقينا كدام باب دار وسيم وحواد شك وفعلا شكو فمحلو عند بالي غير عشابه فلﻹسماء وجا لجارت وسيم ولكن الكادو وصل حتى لهنا.
وردة(حتى هيا تعجبات) :
- فتحيه...حطات ماريا البرية من يديها وفتحات ديك الكركونة نفس الوشاح لي شافت داك نهار..
وردة : زوين بزااااف وهءا لي ختارو عندو الدوق وباينة فيه غالي بزااف.
ماريا : غالي وسكتي ولكن انا راه مافهمتش شكون لي كيدير معايا هاد تحريميات تخربيق والله تصرفات ديال المراهقين
وردة : تلقايه شي معجب
ماريا : عمرها وقعات ليا من نهار خدمة مع وسيم ماوقعاتش كاين لي كيطلب مني نتعشا معاه ولا نخرجو كنرفض بالأداب وكيتقبلوها حتى هوما عادي
وردة : يكما يكون داك جلاخة لي كنتي عاودتي لينا عليه؟
ماريا(شافت فيها) :
- شكون أنور لالا كلى قتلة ديال العصا من عند جواد فينما يسمع سميتي ايتفكرها ضرني راسي والله وقراي بعدا أش كاتب ليا...شداتها وردة قراتها..
وردة : السيد كيتغزل فيك عرفتي هادشي جاني بحال دوك الافلام منين شي واحد كيكون كيبغي البطلة وكيبقى اتابعها بحال ظلها بحال هذا جاب خبارك حتى على لمشروع لي درتي..
ماريا : شحال تعطي يكون هو مول النفاخة لي شفت فالكوزينة مافيهاش شك دابا زدت كاع تأكدت
وردة(بستغراب) :
- وايلي والى كان هكا راه بزااف نعلمو البوليس
ماريا : واش انت تسطيتي اش انكولو لهاد البوليس جاني كشكول من جلد ديال تعلب ورسالة فيها الغزل ايكوليك ضبر راسك هذا معجب ونصدق جابدة عليا المشاكيل والهضرة ماعندها معنى..
وردة : اتكوليها لجواد ؟
ماريا : اويلي أبدا مالي هبيلة هو بلا هكا الغيرة اتخرج ليه من ودنيه كاليك اياخد ليا طوموبيل ويدير ليا شيفورة ماشي شيفور هكا ايكون مرتاح هاد الكادو انحرقز انغرب ليه الأثر لا هو لا هاد البرية بحال الى حتى حاحة ماوقعات
وردة : ناري ياختي على مزيناتو
ماريا : وردة واش نخليه نجبد لراسي صداع مع جواد وانا يلاه تصالحت معاه ولكن اختي هادشي دارليا الوسواس شكون هذا لي كيلعب معايا هاد اللعب الباسل اووووف..؟؟
*****
- قدام شاشة كبيرة كالس فوق كرسي داير رجليها على بيرو كحل وكيدور إبتسامة خفيفة على شفايفو كيلعب يدو لي كل صبع فيها فيه خاتم...اليد لوخرا شاد بيها تيليكومند حطو ودار يديه ورا راسو وعاجبو الحال وهو مراقب ماريا وكيسمع صوتها وكل كلمة كالتها هيا او وردة...حتى يلات هضرتها كلها ضحكة ضحكة طويلة وبالخف وقف..
- مافهمتش أنا هاد البنات كلهم بحال بحال زربانات أي حاجة كيشدهم عليها الفضول وكيبغيو يعرفوها ماعندهمش كرام ديال الصبر...زاد 3 خطوات او وقف مقابل مع الشاشة..
- بغيتي غير تعرفي شكون الالة مغاديش نعطلك حشومة نخليو الفضول ايقتلك قريييب تعرفي شكون غير شوية ديال صبر ونكون قدامك وديك ساع اتكون بيناتنا هضرة خرا... تبسم وعض على شفايفو سنانو بوحدهم لي بياسنين بالبيوضية ديالهم..عطا لشاشة بظهر وطفات بوحدها..طرطق صباعو مرة وحدة تفتح الباب كان واقف نفس الراجل لي هضر معاه المرة لولة وهو دراعو ليمن هبط معاه لاكاف لتحت فتح ليه باب طوموبيل حتى دخل ديمارات طوموبيل بجهد خلات غير بلاصت الروياض وراها...
****
خرجو لبنات فرح خدات طاكسي مابغات تعيك على خوها تبرزطو اما ماريا وصلها امين او وردة معاهم..
وردة : غدا اندوز عندك على قبل باش ناخدو داكشي لي خاص لعيد ميلاد ليليا..
أمين : علاش ماتجيبوش تريتور ونتهناو...
وردة(شافت فيه) :
- الفكرة ديال مريم هادي ياك باينة..
أمين(زعف وتعصب عليها) :
- مريم مريم مريم راه انت لي داك العقل عندك فيه الوسواس انا مداير والو فبالي وانت اكتحكري رخفي عليا شوية راه لي قدامك راجل بعقلو ماشي برهوش مراهق...خرج وضرب بالبا ديال طوموبيل..
ماريا : انت مالك واش شوية لاباس؟
وردة : انا لي عارفة مالي المرا مكتعرفها غير الما ضل تلوى عليه وتحيلون
ماريا : تحلون ولا تكلس المهم راجلك كيبغيك انت ومكيشوف فحتى وحدة من غيرك شحال داز عليكم كون بغا يشوف على برا يديرها فاش كتتي مليوحة فسبيطار وهو عند بالو راه ميتة ديري عقلك شوية لا تجري على راجل وديك ساع نيت ايشوف على برا انتوما غير كتزوجو الله يستر وديرو الولاد كيولي يبان ليكم بلانات خاوية وعاي شوية وتيقي فراسك تمشي لدار تسامحي معاه ونزيدك راه شحال من وحدة كتخدم بنيتها وتبغي تعاون وتبين حداكتها غير باش يزيدوها فالخلصة ماشي بضرورة راه عينها فراجل انتوما الى شفتو الوحدة بحال هكا كتكولو كدور عليه حتى تسمعي شي هضرة منها ليه وهضري راه الوسواس لي معشش ليك فداك المخ عندك
وردة(حدرات راسها) :
- ماعرفتش أش واقع ليا وحق الله وليت أمعصبة وعلى سبة كنحس براسي مخنوقة
ماريا : واخا تاخدي حتى تعياي اتكوني غلطاي ولا نسيتي ماشربتيها..
انا عارفاك مع دوا كتنساي ماتشربيه شوفي شي فارماسيان بيرمانوص الى لقيتيها خودي منها تيست وديريه تأكدي(هزات ساكها)..يلاه تهلاي فراسك حتى لغدا إن شاء الله..
ماريا : حتى ينعس كولشي ونحرقو يلاه..أنا مشيت...خرجات ماريا سدات الباب وراها شيرات لأمين بيديها ودخلات لدار...بقات واقفة حتى شافت أمين رجع لطوموبيل وديمارا عاد دخلات...لقات مليكة وأحمد كالسين كيتفرحو باستهم وكلسات..
أحمد : كي كان نهار لول فالخدمة؟
ماريا : زوين بزااف وحتى لبنات ضريفات بزاااف كيدخلو لخاطر
أحمد : تافقتو على كولشي؟
ماريا : اه درت ليهم 3500درهم لشهر هوما 9
أحمد : مجاتكش بزاف ابنتي؟
ماريا : لا ماشي بزااف الحمد لله ابابا حنا بخيرنا دار دارنا مكاريين ما والو وعندنا دار فإيموزار وجوج فيرمات الحمد لله والمعمل خدام مزيان والخدامة كيتخلصو خلاصهم فالوقت الله يخلي ليك صحيحتك لي واقف عليهم واحد بواحد القهوة غير حلم ديالي بغيت نحققو وفرحانة بزاااف بيه مدايرهاش على قبل الفلوس داكشي باش مزيان البنات يتنفعو كاينة لي كارية كاينة لي غير هيا عند والديها خاصها تعاونهم ومزيان بحال هكا..
ماريا : أمين ياربي انا اندخل نبدل حوايجي ونجي نكلس معاكم...هزات ساكها وديك الكارطونة لي دايراها فساشية ودخلات لبيتها سدات عليها...حطات ديك الكرطونة كتشوف فيها...بدلات حوايجها بحوايج دار وهزات تيليفون راس كيكوليها تسوني راس كيكول ليها لا...كالت والله حتى تسوني ولي ليها ليها..جبدات نمرة جواد ودورات ليه من لول عطاها بلي تيليفون مسدود..
- مسدود عمرو دارها يكون خوا ليه من شارج تكون وردة وصلات لدار انسوني ليها نسولها..سونات لوردة لقاتهم يلاه أيدخلو لدار..
وردة : وكتليك متسونيش شوفي بلاتي ونعاود نتاصل بيك واخا..قطعات معاها ماريا...وبقات كتسنى كل شوية كتشوف فتيليفون واخا هيا راه دايرة ليه السونيت تشوشات وقلبها كتحس بيه كيضرب وتبوريشة شداتها خايفة عليه مناش الله اعلم..
بدا تيليفونها كيسوني جاوبات بزربة..
ماريا : أمضرا؟
وردة (بستغراب) :
- مافهمت والو والله جينا لقينا طبيب عند عمي كالينا بلي جواد سونا ليه يجي يشوف عمي
ماريا(ملهوفة) :
- إيوا من بعد ؟
وردة : امورو مزيان اشوية ديال طونسيو لي كالع كاليه خاصك راحة وماتبقاش تفكر بزااف فاش خرج كالينا عمي بلي جواد لي عيط لطبيب لبارح ولكن كانت عندو عملية ماقدش يجي وجا اليوم فاش سالة
- كيفاش سافر لفين وإيمتى وكاعما كالها ليا ولا سونا ليا وزادها بتيليفون طافي
وردة : ماعرفتش والله كالينا عمي عندو شي خدمة
ماريا : ماعرفتيش لفين سافر؟
وردة : يمكن لبرا هادشي لي كال عمي وهادشي لي عارف حتى أمين مافخبارو والو..
ماريا(تعصبات) :
- شفتي اوردة الفعايل وانا كيف الحمقة مخليني منشورة مكالش هاديك زبلة غادي تشوش ولا اتسوني ليا ولا والو زايد ناقص عندو شفتيه ياااك الرجال كامل بحال بحال
وردة : شوفي الغايب حجتو معاه ماتعرفي شنو وقع وشنو جاه على غفلة اصاحبتي راه ماعندوش أشركة وحدة راه شركات هوما والى ماوقف عليهم بيديه مكاين والو راه جواد الابراهيمي أماريا هذا نابغة فعالم الأعمال وتجارة صبري احبيبتي
ماريا : دابا عاد كدافعي عليه انا مكلتش العكس عارفة ولكن غير يعلمني باش مانبقاش مشوشة ولكن والله ونعبرو ولا نهضرو مانتسماش ماريا
وردة : غير يوماين وهاهو هنا أصاحبتي
ماريا : يكلس حتى شهر صافي دابا يدير لي بغا يلاه اوردة حتى لغدا بسلامة...قطعات على وردة بلاما تسناها تجاوب خبطات تيليفون ولات كلها كاترعد جاتها البكية حسات براسها لا شيء بنسبة ليه علاش ماعلمهاش أذا ماعندوش سوق...عارفاه دار المستحيل على قبلها وهيا مقدرة هادشي ولكن هاد تصرف مجاش كون هيا علم الله أش دار ليها ينخلها بحال هكا ويخليها يخسر عليها اميساج ويتفكرها بيه ولكن هو لا سي سيد حسومة يعلم ولا يتشاور مع شي واحد...هزات ديك الكرطونة وديك البرية فتحات باب بيتها ودارت لباب لوراني كاين مرسي وطبلة او واحد البرميل ديال الحديد كيشعلو فيه العافية فالبرد وكيكلسو يدفاو تماك لاحت فيه الكارطونة وشعلات العافية بالبريكة فديك البرية ولاحتها على الكارطونة دغية شدات فيها العافية وشدات فداك الكشكول العافية غادية وكطلع وكتحرق كولشي...بقات واقفة ساهية فديك العافية حتى رجع كولشي حموم..ودخلات..مشات حدا مليكة وباها وكلسات..
مليكة(كتشمشم) :
- ريحة الدخان شيحاجة كتحرق؟
ماريا : غير انا لي شدني البرد شوية وشعلت شوية ديال العافية كنت كالسة على برا وجاني البرد
مليكة : نوض نحط العشا
ماريا : شنو دايرة لينا؟
مليكة : الحريرة😉
ماريا : الله هيا لي بغات الوقت...
ماريا لي كالسة الجسد حاضر والعقل مكاينش كتفكر فجواد وهاد تصرف لي دار معاهت زعمة يكون وقعات شيحاحة خلاتو يسافر ياكما وقعات شيحاحة فطريق حيدات الافكار الخايبة من راسها وخلات حاجة وحدة هو جواد مشا ومكالهاش ليها غير حيت مقلق منها...حطات زلافة من يديها او وقفات..
مليكة : نزيدك؟
ماريا : لا صافي حسيت براسي عييت بغيت غير نعس
أحمد : سيري أبنتي راه باين فيك نيت العيا اجي ماهضرتيش مع ماماك؟
ماريا : لا غدا إن شاء الله غادي ندوز عندهم انا وردة بحال والو نتغدا نيت عندهم..
ماريا : ألو عقل فيها كضحك عليا ولا أش كاليك راسك أ اليوم جاي أ لا حتى لغدا كتفلى
وسيم : انت مالك ياختي شاعلة كنتي تحلمي بيا راه جاتني واحد الخدمة حتى لحظة الأخيرة إن شاء الله تنين انا معاكم ماتقلقيش
ماريا : كلمة وحدة والله أوسيم وماتجي نهار تنين لا هضرت معاك مزال
وسيم : وصافي هضرنا ثنين انا معاكم إن شاء الله أتهناي..
ماريا : يلاه خليني نعس راه عينيا كيتسدو
وسيم : سيري انت لي ضاربك ضاربك على نعاس والماكلة صافي
ماريا : هوما أحسن حاجة يلاه سلم على لبنات بون نوي
وسيم : بون نوي..قطعات تيليفون حطاتو حداها تنهدات تنهيدة طويلة ونعسات فبلاصتها كتفكر وتشوف فسقف حتى بداو عينيها كيتسدو ونعسات...
****
إلى الذين لم يجدوا من يشاركهم صباحهم
لكم من قهوتي ...
بعض الكلمات تخرج من القلب ..
صباحكم سعادة وإن لم تجدوها إصنعوها ،،
فلا شىء أجمل من أن نسعد أنفسنا بأبسط الأشياء ،
گ أن تقدم لنفسك وردة مع فنجان قهوة
صباحنا يحتاج إلى قهوة أو ربما حب 💕
وماذا لو كان الاثنان معآ💙..
- سونات ليها الساعة بكري فاقت غسلات حالتها هزات تيليفونها هو هو..
- اوووف..حطاتو بزعاف حلات ماريو ديالها جبدات سروال دجين تريكو موطارد...صباط بلا بسيور فالكحل مشطات شعرها دارتو متموج اما وجها خلاتو هكاك مارشقات ليها على والو...خرجات ماشافها حتى واحد مافكراتش كاع...خرجات لشارع باش تشد طاكسي حتى وقفات عليها رونج فالبيض..
دياب : صباح الخير
ماريا : صباح النور
دياب : شفتك نايضة بكري فرح مزال خامرة هههه
ماريا : اخليها أصلا درت معاهم حتى ل9 ونص العيالات ماشي بحال الرجال كيكلسو بكري فالقهوة هههه
دياب : نوصلك معايا موحال واش يدوز شي طاكسي من هنا
ماريا : بلاما نعدبك اتكون زربان
دياب : الله يهديك طلعي براكة من الهضرة..ستسلمات ماريا وطلعات...ديمارا وشد طريق..
ماريا : واش ساكنين أهنا؟
دياب : فحي الرياض
ماريا(بصدمة) :
- لا متكولهاش حدانا على صدفة اجي انتوما هوما جيران لي سكنو جداد كالتها ليا ماما مليكة..
دياب(كيضحك) :
- ماعرفتش شكون هاد ماماك مليكة ولكن أه هوما حنا ايوا يلالة شفتي على صدفة شحال زوينة
ماريا : ويااااه زوينة
دياب : شحال فعمرك أماريا واش انت بنت هنا ولالا عاودي ليا خوك فضولي
ماريا(كضحك) :
- ههههه لالا حتى انا فضولية فعمري 28سنة وانا من أسفي
ماريا : مبايناش عليك 32 كتبان صغر واقيلة مع لباسك داكشي باش ههههه
دياب : يمكن كيكولوها ليا وحتى مع سبور مكيعطيونيش السن ديالي..يلاه الالة ماريا هاحنا وصلنا..
ماريا : شكرا بزاااف أدياب تهلا فراسك
دياب : حتى انت تهلاي فراسك ألي بون جوغني
ماريا : شكرا نهارك مبروك...نزلات من طوموبيل شيرات ليه بيديها عطاتو بظهر كتقلب على سوارت فساكها سمعات حس طوموبيلتو ضارت لقاتو مشا..هزات سوارت فتحات القهوة دخلات حطات ساكها وهزات الشطابة شطبات وراها دخلات لكوزينة صايبات لراسها كاس ديال القهوة تقاد بيه راسها وكلسات كتشرب وتسنى..مجات فين تكمل كاسها شافت فياعة لقاتها 9 دغية الوقت كيدوز...شوية بداو لبنات كيجيو وحدة بوحدة كيصبحو عليها ويدخلو...اخر وحدة كانت فرح..
- صباح الخير ختي ماريا
ماريا : صباح الخير فرح...هانتوما البنات كل وحدة عارفة شنو أدير القهوة مزال مغاديش نفتاتحوها حتى لغدا إن شاء الله انخرج دابا ايخصني نزل لسوق نتقدا وانرجع باش نصايبو كاع لي انحتاجو غدا ايكون عيد ميلاد بنت صاحبتي وبنتي انا لي مربياها وكلنا نديرو ليها عيد ميلاد هنا فالكافي كإفتتاح هاهوما السوارت انا خاصني نمشي صافي..
غفران : كوني هانية اختي ماريا..
ماريا : يلاه الله يعاونكم..هزات الساك ديالها وخرجات...يلاه اتسوني على وردة حتى وقفات عليها...مشات عندها لطوموبيل ركبات سلمات على أمين وعلى وردة..
ماريا : الله ناعسة لحبيبة ديالي
وردة : وياااه كلت ندوزو عندكم لدار نخليوها لخالتي مليكة باش نتقداو على خاطرنا
ماريا : فكرة مزيانة يلاه..وصلهم امين حتى لدار نزلات وردة هازة ليليا سبقاتها ماريا فتحات الباب وخلاتها دوز عاد تبعاتها..لقاو مليكة كتحط فالفطور..
مليكة : فين مشيتي بلا فطور وردة بنتي...
وردة بنتي دخلي
وردة(باستها) :
- خالتي انخلي عندك ليليا ها ساك ديالها فيه ليكوش حليب ديالها كولشي لي خاص فيه مابغيتش نفيقها أصلا مانعساتش ليا لبارح بكري خفت نفيقها وظل نهار ومطال كتبكي..(شداتها عندها مليكة)..
- انا اندخلها لبيت ماريا باش تبقى قريبة ليا كلسو تفطرو بعدا
ماريا : لا اماما انفطرو على برا انتعطلو ومزال ايخصنا نهار كامل لتوجاد راكي عارفة أش تابعنا غدا إن شاء الله..
أمين : واختي انت بعدا عتارفتي بيها شي ناس حتى شكرا مكالوها..
وردة : بااز راه شكرتك لبارح ولا نسيتي😉
أمين(تزنك) :
- أحم كلتي أسمهان واخا...ديمارا طوموبيل ماريا قرصات وردة غير بشوية لسانها فيه ميترو مكتحشمش...وصلهم أمين غير حطهم ومشا..
ماريا : والله ماعندك علاياش تحشمي وجهك ياختي صحيح
وردة : وهو لي كالس كيكوليا ماشكرتينيش دغية مسح سما بليكة..
ماريا : اجي اختي ندخلو راه هلكني جوع...دخلو لقهوة دومونداو الفطور...فطرو خلصات وردة هاد المرة وخرجو لسوق ماخلاو ماتقداو كاع لي ايخص تقداوه دوموندات وردة على طارت ليليا ديال عيد ميلاد خدات ليها كسوة فالبلو ماغين وصباطها وباندات ديالها تقداو كةلشي نفاخات الشمع كولشي لي ايخص تقلو بجوج بيهم..خلصات ماريا السيد لي خداو من عندو السلعة ديال الحلويات يوصلهم ليهم لقهوة...شدو طاكسي نيشان لكافي..باش يبداو الإستعدادات ديالهم..
- ماريا : درت مع ماما نتغداو عندها
وردة : مغايقدناش الوقت حتى تكوني غادية لدار ودوزي عندهم باش تعلميهم على قبل غدا
ماريا : صافي واخا أجي شفت هشام وعني مزال مجاو؟
وردة : مغايجيو حتى لغدا حيت هشام تعطل مع شي ورقة كيصايبها وعمي العربي كيتسناه مغايوصلوش بكري ولكن غدا ايكونو هنا...تعاونو كاملين ماريا وردة البنات كولشي تعاونو قادو القهوة علقو تصاور ونفاخات ديكوراوها مزيااان بحال تريتورات..الحلويات الأغلبية وجدة بقى غير تزيين ديالهم قادو الطبالي باش كولشي يكون واجد...ماسلاو حتى ظلام الحال..
ماريا(تلاحت على لكرسي) :
- الله ياختي تقسم ليا ظهري
وردة : وتشوفي أنا العذاب والله..
ماريا(كتهضر مع البنات) :
- لبنات غير سيرو وغدا ميعادنا مع 5 ديال العشية واخا فرح انت غير بقاي انوصلوك فطريقنا
فرح : واخا أختي ماريا شكرا...مشاو لبنات ناضت ماريا او وردة وفرح طلو على طبالي واش كلشي واجد بقات غير طارط لي اتوصل غدا...سدو القهوة وقفو كيتسناو فأمين لي جا ديك ساع داهم عند مامات ماريا طلعات دغية سلمات عليهم وعلماتهم على قبل غدا عاد وصلو فرح هيا لولة عاد ماريا..دخلات وردة تدي ليليا وأكدات على أحمد ومليكة على قبل غدا خرجات معاها ماريا حتى لبرا..
ماريا : متأكدة غدا ايجي جواد؟
وردة : هداي عليا والله ماعرفت كال عمي ايجي والله أعلم يلاه نخليك انخلي أمين كيتسنى تصبحي على خير ميعادنا غدا
ماريا : تصبحي على خير حتى لغدا إن شاء الله...
****
"وﻷنّي لا أجد يدك ، أسلّم عليك بقلبي"
هل وصلك السلام ؟؟💞
- قبل الخمسة ب10 دقايق وصلات طارطة ديال ليليا كبيرة فيها لولو كاتي بالغوز...حطوها الوسط هيا الرئيسية...بداو الضياف كيوصلو واحد بواحد عبد الرحمان يوسف أمين وردة هاحر ليليا أميرة الحفلة دايرة كرينات ولابسة كسوة زرقة بحال الأميرات كتحمق ماشاء الله وصلات حورية وسومية محمد حتى من ياسين جا بقات غير ماريا ومليكة..
- أحمد : ماريا وسربي خلاص أبنتي...نباتو من داخل (واخا بابا أنا جايا)...خرجات كتقاد فتجاكيط ديالها كتبان بحال الاميرات بكسوة فالبيض بالخويطات فيها حجيرات عند الصدر منفوخة من التحت هابطة تحت الركبة مع صندالة فالكري عالية وساك كري وتجيك دجين لون باهت...أما شعرها مصايبها متموج دايرة لمسة خفيفة من المكياج مع طوينكات منبتين بالحجر كتبان زوينة بزاااف..
ماريا : انا واجدة مشينا؟
مليكة : صلاة على النبي(عليه الصلاة والسلام)قراي القرآن أبنتي الله يحجبك من العين
ماريا : أمين ياربي
أحمد : يلاه ؤاه انتعطلو خرجات ماريا ومليكة سبقو وتلى أحمد سد الباب..طلعو فطوموبيل جا أحمد طلع ديمارا وشد الطريق لقهوة.. وصلو لقهوة صوت الموسيقى مجهد جاي من الداخل..خرجات ماريا وتسنات باباها ومليكة حتى خلطو عليها ودخلو مجموعين...القهوة عمرات بالحباب والصحاب كولشي جا..وقفات طوموبيل وسيم قدام القهوة خرج هو وثورية وأروى..هازين الكادو...مع دخلو بان لماريا طارت مشات عندو كتجري تلاحت عليه عنقاتو.. وسيم(كيضحك) :
- ياهاد البنت غير بشوية خنقتيني
ماريا : نااري والله حتى توحشتك بزاااف...حيدات منو وعنقات ثورية وأروى بجوج دقة وحدة كل وحدة من جهة..
ماريا : الغد ليه السيد مسيفط ليا سوارت مع أمين وهو مشا سافر حتى ميساج ماخسرو عليا كنسوني تيليفون مسدود شوف ليك الفعايل ماعندوش سوق يمكن لا طلعت ليه فراس يكول بزااف عليا درت ليها قهوة ديتها لبرازيل واخا نكون انا هيا الأميرة ديانا
وسيم : ياربي صبر انتف جنابي كتبقاي تحللي وتناقشي غير لراسك صافي الغايب حجتو معاه ماتعرفي شنو كاين تبتي شوية وديري عقلك كون تنادم معاه الحال كون كالها ليك فوجهك وجواد ماشي من داك النوع انا عرفتو مزيان اش كيسوى..
ماريا : إيوا وفين مشا كوليا؟؟قاطعاتهم فرح :
- سمحوليا ختي ماريا واحد السيد كاليا نكوليك بلي الكادو ديال ليليا سيفطو ليها واحد السيد وبغاك تخرجي انت وضياف باش تشوفوه
- عقلتي فاش كنا فصخور الكلسية حدا كرسي الملك تحديتيني واش نقدر نعتارف بالحب ديالي ليك قدام الناس الحب عمرو مكان عيب ولا حشومة أنا اليوم ودابا قدام الناس كلها انا جواد الأبراهيمي لي عمرو ماطلب شي إنسان على وجه الكرة الأرضية كنكوليك بلي كنبغيييييييييييك وعمري مابغيت ولا غادي نبغي شي وحدة فحياتي من غيرك اليوم قدام الناس كامل كنكوليك ماريا واش تقبلي تزوجي بيا تكوني شريكة حياتي لحتى أخر نفس فالفرح والقرح فصحة والمرض تكوني ليا ومعايا روح وحدة وجسد واحد وقلب واحد؟؟..ماريا مالقات ماتكول هبطات راسها لقات كولشي كيشوف فيها كيتسناها شنو اتكول قلبها كيضرب بجهد كولشي تخلط عليها الفرحة دهشة كولشي...نباها جواد :
- مانصحكش تكولي لا حيت قبلتي الرهان واي حاجة كلتها اتكولي أه😉...
الكل : كولي أه حشومة عليك تخليه يتسنى كولي أه..يلاه كولي أه كولشي كيأشر ليها براسو تكول أه...خدودها حمارو بالحشمة كلها كترعد..هزات راسها كيبان ليها البراشيد غادي وكيهبط حتى تحط فالأرض نزل جواد منو وتم جاي بكامل رجولتو الطاغية وأناقتو كوستار فالكحل قميجة فالبيض كتبرز صدرو العريض وكتافو ساعة كلاسيكية فالكحل ماخلات حتى بلاصة فيه ماحطاتش عليها العين قلبها ايخرج من صدرها مكرهاتش تجري تلاح تعنقو..وقف قدامها وأجمل إبتسانة على شفايفو..
جبد من جيبو بواطة فلون الأبيض على شكل نجمة هزها قدام عينيها وفتحها تحت أنظار الكل...هزات ماريا إيدها حطاتها على فمها وشهقات من دهشة عمرها فحياتها مشافت بحال هاد الخاتم فالجمال ديالو الخاتم اللول ضاير كلو بالكوارتز الحجر الكريم وكيتسمى بحجر الحب أما الخاتم التاني مصنوع من ذهب الخالص على شكل حبة قهوة...عمرها حسات بالفرحة حتى لهاد النهار نزلو دموعها بلاما تحس..
جواد(مسح دمعة نازلة من عينيها) :
- جاي من المطار لهنا واش اتخليني كنتسنى بزااف..هزات ماريا رسها فيه وحركات راسها بالإيجاب...كولشي كيصفق وكيصفر فرحانين ليها..حيد الخاتم من البواط ديالو وركبو ليها باس يديها بجوج وباس ليها راسها..همس ليها فودتيها بشوية(كون كنا بوحدنا مغاديش نقنع غير بهاد البوسة)غمزها..😉
أحدهم يحفظ كلماتك التي تظن أنها ليست مهمة ..
ويُحب صوتك الذي لا تحبه .. أحدهم يُحبك...
****
بعيد على ناس واقفة ماريا او وراها جواد داير يديه فجيابو ولاصق معاها..زاد قرب وهمس ليها فودنيها خلى تبوريشة طلع معاها..
- كتباني بحال نجمة مضوية فسما مكرهتش نخطفك ونديك من هنا نكون غير انا وانت بوحدنا..
ماريا(كدور الخاتم فيديها وساهية مرفوعة واحد البرود طاح عليها كتحس بدقات قلبها كيضربو بجهد باغية تهرب بافية تفيق من هاد الكابوس لي يمكن غير ناعسة وكتحلم وغادي تفيق منو...جواد لاحظ بلي مامعاهش قرب لعندها او وقف قدامها..
جواد (بشك) :
- حبيبي مالك كنهضر معاك وانت كاعما كاينة فهاد العالم..ماريا عاد وعات علات عينيها فيه سرحات فشوفاتو رموشو طوال نيفو لي بحال صقر منحوت شفايفو ولحية لي يلاه نايضة ليه شعرو وسموريتو صدرو لي باين من شوميز لي لابس..
جواد : كدوري ليا سمطة دابا ياك الالة والله ماعرفت شكون لي كيدير لفعايل انا ولا انت
ماريا : علاش شكون سافر ومكالهاش وساد تيليفون اممم
جواد : سديت تيليفون بلعاني باش ديري عقلك شوية وماتبقايش تسنطي لنصائح ديال الكروبات والفيس بوك 10 نصائح للإرتباط بي حبيبك مافهمتش انا داكشي هو لي ايخرج عليكم..
ماريا(بستغراب) :
- علاياش كتهضر انا بعدا قليل فاش كندخل لفيسبوك ومكنتسنط لحتى واحد
جواد(قرب وجهو لوجها كيشوف ليها فعينيها) :
- اهاههه ولكن كتينطي لوردة دفعي عليه كبير ماتجاوبيهش باش يطلب منك الزواج الما درتي هكا عمرو مايديك وهاد النصائح ديالاش هممم كولي ليا أحبيبي ديالاش؟..ماريا حمارت وصفارت..مالقات متكول هزات يدها كتحط فشعرها متوترة ماقدراتش تشوف ليه فعينيه...حسات بيديه على وجها هز ليها راسها حتى تقابلات عينيها مع عينيه..
جواد(بصوت رجولي) :
- حبيبي خاصك تعرفي واحد الحاجة حنا الرجال واخا ديري لي درتي الى بغا شيحاجة ايوصل ليها مابغاش راه مابغاش فعلا خاص البنت تعطي قيمة لراسها ولكرامتها وتكون تايقة فراسها ولكن ماشي على قبل لي معاها لا على قبلها هيا تبغي راسها باش ناس يبغيوها وكوني أكيدة داك الإنسان الى كان فعلا كيبغيك راه ايبغيك تكوني معاه حياتو كاملة بلا خطط بلا تحريميات فهمتي😉..
- عفااااك مديرش ليا هكاك عفااك صافي براكة...نباهم صوت من لور...
- أنتوما هنا وحنا كنقلبو عليكم...نقزات ماريا ورجعات بلور...ضارت باين ليها العربي ..
ماريا(فرحانة عنقاتو) :
- عمييي توحشتك بزاااف
العربي : حتى انا توحشتك ماتهزيش تيليفون وتكولي نسول فداك شيباني اممم ولا صافي القيتي الحب نسيتي حبابك..
ماريا : متكولش هكاك أعمي والله حتى ديما كنسول بابا عليك سولو وتشوف ناري شحال توحشتك..(حطات راسها على صدرو معنقاه)..شاف فجواد ضرب ليه كتفو وغمزو..
العربي : هذا هو ولدي لي كنعرف الى دار الحاجة فراسو مكايمشي حتى يوصل ليها برافو عليك..
جواد(كيضحك) :
- تربيتك أعمي..بعدات ماريا على عمها كتشوف فيهم.. :
- وانا كنكول جواد لمن كيشبه هو راه ليك كون اكان ولدك ومكانش ولد عمي عبد الرحمان...نباها هو من لور :
- هانتي كتشوفي ابنتي تكول هو لي والدو انا ماشبه ليا فوالو..
جواد : انت هو كولشي الله يطول لينا فعمركم..
- أمين اولدي أمين..
ماريا : فين هشام مجاش معاك؟
العربي : راه مع خطيبتو على هو حمق مايجيش
ماريا : ناااري ومجاش حتى يسلم عليا والله لا سلمت عليه غير بلاتي...بقاو مجمعين وجا الوقت لي يطفيو شمع ليليا تجمعو كاملين على الكبلة لكبيرة وردة لوسط هازة ليليا وامين حداهم ماريا وجواد والبقية...طفاو ضو وغناو ليها سنة حلوة طفات الشمع موراها كل واحد عطاها الكادو ديالها..
- بنتي عمي توحشناك...جمعات ماريا ضحكة وخنزرات فيه :
- انت بعدا انا حالفة مانهضر معاك مانسلم عليك
هشام : بستغراب) علاش؟
هاجر : علاش أش دار ليك مسكين
ماريا(كتعيب فيها) :
- أش دار ليك مسكين بقى فيك دبحناه حنا منين دخل مجاش سلم عليا ومشافنيش هذا شحال صواب هذا..عمي عمي...جا العربي لعندهم..
ماريا : كول صراحة أعمي واش صواب هذا ولد عمك مشافك هدا شحال ومجلش يسلم عليك مخلي حتى لدابا عاد جاي سمحليا ماشي صواب..
العربي : ماريا عندها الصح انت اشفتي خطيبتك نسيتي كولشي..هشام عرفها فراسو حق فعلا مع دخل بانت ليه غير هاجر بقا معاها شوقو ليها خلاه مايبان ليه حتى واحد..
هاجر : وراه توحشني داكشي باش
ماريا : مزال ايبقى معاك وتكوني معاه ويشبع منك اما حنا فين وفين الى تلاقينا مزال من صواب يجي يسلم..
هشام : عند الصح سمحيليا بزاااف اري داك الراس نبوسو..
جواد : احممم طلب سماحة ابفمك مكاين لاش تبوس ريوس..ماريا جابليها ضحكة حتى من ولد عمها ولي ايولي نسيبو غاير منو..
ماريا : صافي ماشي مشكيل واخا بقا فيا الحال ولكن ماشي مشكيل..
هشام(عنقها) :
- مايبقاش فيك الحال عمري مزال نعاودها..
جواد(بصرامة منها حشية ومنها داير راسو كيضحك) :
- عندك هيا وهاد تعنيقة حسن ماتبقاش تعاودهم(غمزو)..
وردة : أتبقاو تهضرو دوزو دوقو الحلوة لي صايبنا اتبقى غير ضيع...
- شكون هاد دياب ولا زمر عاوتاني كل مرة طالع ليا واحد من جنب
ماريا : فير بشوية عليك انت مالك اشوية كتشعل راه فير خو البنت لي خدامة هنا جا معاها نهار لول باش يتأكد واش ختو فعلا اتخدم فكافي ديال لعيالات ولالا هذا مكان ناري غير شوية كتعصب
جواد(بصرامة) :
- ماريا انا اي حاجة كتعلق بيك كتعصبني ديريها فبالك ونشوف شي واحد كيدور بيه كنحلف ليك بالله حتى نقسمو انا كلتها ليك..
فرح : ختي ماريا...ضارت ماريا بان ليها دياب ومعاه واحد البنت زوينة بزااف سمرة شعرها بوكلي فالعسلي طويل لابسة سروال دجين وشوميز فالبيض وسبردسلة فنفس اللون..
- علاش حرقتي الكادو لي سيفط ليك عرفتي شحال خدا ليا ديال الوقت باش نختارو كنت بغيت نكون انا أول واحد نهديه ليك ولكن ضيعتيه ماشي مشكيل مزال ليام جاية نجيب ليك غيرو.. ماريا طلع ليها دم وتعصبات ماعرفاتش شكون هذا لي كيلعب ليها على أعصابها وعارف كولشي حتى شنو لابسة وزيد عليها هو مول الكادو...توترات لعب ليها على أعصابها قاطع تفكيرها :
- ماتبقايش تفكري بزااف تفكير راه كيضر فراس انت طلبتي تعرفي شكون أنا وأنا حققت ليك أمنيتك
- غير صبري كولشي فوقتو زوين انت مكتعرفينيش ولكن أنا كنعرفك مزيااان كتر مكتعرفي أنت راسك عجبني الخاتم لي دايرة فيديك ولكن خسارة مغاديش يطول فيديك بزاااف
ماريا(تنيرفات صافي) :
- أش كتخربق شوف الله يرحم باك يا تكوليا شكون انت يا قطع وعمرك مزال ماتسوني فهاد نمرة ولا قسما بالله حتى نوصلها لكوميسارية
- كوميسارية كاع هههههههه ههههههههه ضحكتيني هذا لي كيهضر معاك مكيقد عليه لا بوليس لا كوميسارية ها وحدة تاني حاجة معاش لي يرفع عليا صوتو ولكن انسمح ليك بطبيعة الحال انت بنسبة ليا خط أحمر أه قبل مانسى سلمي ليا على جواد بزاااف وكوليه مايفرحش بيك بزااف أخرتها عمرك مغادي تكوني ليه ديريها فبالك اه حاجة خرى من الأحسن متكولي ليه والو الى مشا حتى عرف ديري فبالك بلي حفرتي قبر حبيبك بيديك يلاه نخليك تمتعي بالحفلة ديالك حتى من بعد ونهضرو أه حتى انا انتوحشك بزاااف سي يو...(تقطع الخط)...نزلات ماريا تيليفون من يديها كتشوف فيه مخرجة عينيها قلبها كيضرب كيتردد فودنيها كلمة حفرتي قبر حبيبك بيدك...نزل عليها سطل ديال الما بارد من بعدما كانت فسابع سما طاحت لسابع أرض...تحطات يد على كتفها خلاها تقفز من بلاصتها وتشهق..
جواد(جمع غوباشتو) :
- مالك ياك لاباس ؟ شنو كديري هنا بوحدك؟..
ماريا(كدوز لسانها على شفايفها لي نشفو) :
- لا والو غير كنت بغيت نسوني عليك نكوليك فين تعطلتي وخليتيني بوحدي..عنقها لصدرو ودخلها لحضنو حتى غبر راسها :
- الصبر الصبر أجواد صبر يلاه الالة حسابك هو لاخر ديريها فبالك..ضحكات امن فوق خاطرها شدات ليه فيديه وتلحقو بلوخرين...
⬅#الحاضر...شدات راسها بين يديها كتفكر وقفات دايرة يد على لخصر ديالها ويد شادة فشعرها..
- شكون غادي يكون شكون كيلعب معايا هاد اللعب الباسل وانا لي كنميز صوت ديال كل واحد وكنعقل على كل صوت هاذ صوت عمري سمعتو شكون أيكون...أنور لا لا مايمكنش اصلا هذاك واحد الخواف وزايدون ماشي صوتو وعلاما كاليا جواد راه غارق مشاكيل...يكون زعمة شي واحد شاد فيا ولكن لدرجة يعرف شنو لابسة بلاتي بلاتي كيفاش شاف الخاتم لي فيدي مايمكنش يكون مراقبني ياكما يكون داير كاميرا فالكافي ياااربي انحماق والله حتى غادي نحماق...بدا تيليفونها كيسوني نقزات من بلاصتها مابقاتش حملات تهز تيليفون وتجاوب..ولكن هاد المرة نمرة جواد..
ماريا : ألو حبيبي(خبعات توتر ديالها)
جواد : وصلتي فينك شنو كديري؟
ماريا : يلاه انبدل حوايجي..
جواد : لبسي عليك شيحاجة وخرجي عندي أنا على برا وبلاما تكولي ليا بابا ودوك الحجج ديالو والو راه ندخل ونجيبك قدامهم..
ماريا : واخا واخا صبر انا جايا..قطعات تيليفون دارت عليها تجاكيط ديالها لبسات بانطوفتها وخرجات.. جاب الله أحمد ومليكة طلعو لفوق...هزات سوارت من العلاقة فتحات الباب بشوية وخرجات سداتو بشوية..ضارت لقاتو قدامها..
جواد : فاذ نبغيك انا ترجعي غادي ترجعي...فتح الباب ديال طوموبيل دخلها وسد الباب دار من جهة لوخرا وركب حداها..دار ليها سمطة...ديمارا وزاد...
ماريا(كتشوف فيه) :
- فين غاديين؟
جواد(يد سايك ليها ويد شاد ليها فيديها) :
- دابا تعرفي فين غاديين...سكتات مابقاتش جاوباتو دورات راسها لزاج ومرة مرة كدور تشوف فيها ويشوف فيها...ماوقف حتى لواحد طلعة بحال جبل فيها جوج كراسة ديال الخشب..محطوطين نزل هو لول فتحات سمطة مجات فين تفتح الباب حتى فتحو ليها هو وخرجها...شد ليها فيديها تم غادي كيتمشى بيها حتى لعند دوك الكراسة او وقفو المدينة كلها كتبان ضواو شاعلين واحد المنظر زوين بزاااف..
جواد : أجي نكلسو...كلسات هيا وياه مقاربين من بعضياتهم عنقها وخشاها وسط من صدرو...بقات ساكتة كتشوف بعينيها وساهية...دار عندها كيشوف فيها :
- شفتك ساكتة فاش ساهية؟
ماريا(تنهدات) :
- كنحس براسي بحال الى أنا فحلم ماكرهتش تفيق منو مابغيتش يجي شي واحد ويفيقني منو مكرهتش نبقى انا وياك هنا منرجعوش مكرهتش نهربو لشي بلاصة بعيدة غير انا وانت
جواد(زير عليها) :
- انا ديما معاك وغادي نبقى معاك ماعندنا لاش نهربو كولشي عارف بلي انت ليا وانا ليك وخلي شي واحد يسخن عليه راسو ويتجرأ يكول غير هاد الكلام..سكتات ماريا ومجاوباتوش..شوية حيدات راسها عليه وتقابلات معاه..
ماريا : كيفاش انتيقك وانت كنتي كتكرهني كره العما فظلمة عمرها تنسا ليا نهار سديتي عليا فلبيت ديال جردة وتصرفات لي كنتي كتعامل معايا كانو جحيم بنسبة ليا بعد المرات كنبغي نقتلك ونشرب من دمك...شاف فيها بستغراب معلي حاجب ومهبط تاني..
- تقتليني كاااع حتى انت كنتي كديري علاش ولا نفكرك كتنساي..
ماريا : انت لي كنتي كتجبدني داكشي باش كنتي كتجيني عاجبك راسك كولشي كيخاف منك سيدي سيدي سي جواد سيدي جاني راسي بحال الى كاينين فعهد العبودية..
جواد : غير إحترام ماشي عبودية
ماريا : انا كانت كتجيني هكاك
جواد : الاحترام مفروض على كل واحد وانا مكنقبلش شي واحد يقلل مني كولشي كيحتارمني كبير وصغير وكيديرو ليا ألف حساب هلد الجانب مايمكنش ليا نبدلو فعلا تبدلو بزااف ديال الحوايج ولكن هاد الجانب عمرو مغادي يتبدل خاصنا نتافهمو عليها من دابا
ماريا : عارفة هادشي مايمكنش ليك تخلى على سلطة ديالك وهيبتك
جواد : ماشي سلطة كيف كلت إحترام خلينا من هادشي دابا انت من إيمتا وليتي كتبغيني وكتموتي عليا
ماريا : ناري هاد الراجل شحال عاجبو راسو جاوبتي على سؤالي أنا بعدا
جواد : واخا الالة فالأول عجبني الحال نعصبك عمر شي واحد ماوقف فوجهي حتى جيتي انت شعرك قصير وانت قصيرة بحالو بدوك الحوايج بحال شي بنت صغيرة كتصرف بلا عقل لي كالها ليها راسها كديرو بيني وبينك كان ساهل عليا ندخل الانتخابات كنت عارف بلي الواليد دارها حيلة باش يخليني نتزوج كون بغيت انقنع المجلس وناس ونجح فللانتخابات بلا زواج بلا والو هنا جاتني الفكرة ديال نتزوج بيك وندير ليك شونطاج ونزيدك كان يمكن ليا نطلقك من نهار لول ومريضنا ماعندو باس ولكن عجبني الحال خصوصا فاش نعسنا بجوج فبيت واحد😉..شافت فيه ماريا بشر او وقفات..
- ولكن كنت كنبغيك نهار على نهار كنت كنحاول نخليك تبغيني ولكن انت فكل وقيتة كتلوحي ليا فوجهي الهضرة بحال السم كل مرة كتفكريني بلي زواجنا كان غير إتفاق وبلي مابقى والو وغادي نطلقو حتى انا كنت كنتصرف معاك برود..
ماريا : وكملتيها وجملتيها فاش جبتي الحبيبة ديالك القديمة وزيد عليها حاملة..وكتكول ليا فوجهي بلي غادي تزوجو..
جواد : درت هكاك بلعاني باش نخليها حدايا ونقلب وراها وفعلا لقيتها غير كدابة وجايا تلصقها فيا كنت محتاج تيقيني ولا تكدبيني وتكدبيها ولكن انت هزيتي حوايجك ومشيتي شنو بغيتيني ندير نتبعك نطلبك ماشي من فعايلي ورجولتي مكتسمحش ليا ندير هكاك...حتى نهار شفتك فالإعلانات وصدمة لكبيرة فاش انعرف بلي انت الوجه الإعلامي للمنتوج ديالنا..
ماريا : حتى انا تصدمت فاش شفتك ماتيقتش كنت كنكول صافي راه نسيتك ولكن كنت غالطة بزاااف عمري مانسيتك نهائيا ولكن كنت بغيتك تنازل شوية على الغرور ديالك وتعرف تفاهم بالعقل انت جوج كلمات كتعرف غير تعصب وضرب وتحكم هادشي لي مكانش عاجبني..
ماريا : عمري فحياتي كنت كنتخيل ولا كنظن انبغي شي واحد لهاد الدرجة يتخلط ليا مع دمي وروحي(قربات لوجهو) الى طلبو ليا روحي نعطيها على قبلك ندير أي حاجة باش نخليك فرحان ومنخلي حتى حاجة تأديك جواد(شدات ليه فيديه)بغيتك دير واحد الحاجة فبالك وتأكد منها انا راه عمري مابغيت ولا غادي نبغي شي واحد من غيرك ودير واحد الحاجة فبالك عمرك مغاظي تلقا لي تبغيك بحالي نقدر ندير اي حاجة اي حاجة ممكن توقعها فبالك غير باش نشوفك مرتاح نتأدى انا ومتأداش انت أنا أنا كنبغيييك بزااااف أنت هو العالم ديالي أنت أحلامي انت كلشي بنسبة ليا(هبطات ليها دمعة من عينيها)...جواد سكت كيشوف فيها حط صبعو تحت عينها مسح ليها دموعها..
جواد : مغاديش نخلي حتى حاجة تأديك ديريها فبالك انت راه روحي عرفتي شنووهيا روحي والجسد بلا روح أيموت والجسد بلى قلب أيموت وانا بلا بيك نموت(جبدها عندو عنقها بجهد) ماحدي فهاد الدنيا وعايش حتى حاحة مغادي تأديك ديريها فبالك ولي حاول يمس شعرة منك قسما بالله المعبود نسلخ جلدو وندفنو حي كنقسم ليك بالله منخليهش عايش..حسات براحة واحد تنهيدة خرجات منها طويلة بقاو هكاك معانقين 10 دقايق...بعدات عليه شوية..
ماريا : خاصنا نمشيو مشا الحال الى هبط بابا وقلب عليا ايتخلع خصوصا خليت تيليفوني فدار..
جواد : واخا الالة واخا إيمتا يجي هاد النهار لي مابقيتش انسمع فيه هاد الهضرة ولكن اخلي يدوز عرس هاجر بعدا ونتفاهمو..
ماريا(كضحك) :
- واخا حتى يزيد ونسميوه سعيد..نمشيو..
جواد : يلاه...حل ليها الباب طلعات ...عاد ركب هو ديمارا وشد الطريق...وصلها حتى لباب قبل لا تفتح الباب جرها لعندو بجهد حتى جا فمها فمو...باسها بوسة طويلة كلها شوق وحب...مدات يديها لشعرو كتلعب فيه خلاتو يزيد فالبوسة زاد لصقها معاه كيدوز يديه على ظهرها وشعرها كيتسمع غير صوت أنفاسو وقلبو كيضرب بجهد...مابقاوش حاسين فين هوما ولا شنو كيديرو غارقين فعالم ديالهم الخاص غير هيا وهو..قاطعهم صوت أحمد لي كيتسمع صوتو وهو كيعيط ليها..
- ماريااا مااارياااا...نقزااات ورجعات بلور كتلهت او وجها حمر...وسخوون :
ماريا : واخا...يلاه فتحات الباب اتخرج جرها لعندو وباسها بجهد حتى عضها من شفايفها..
جواد(قلبو كيضرب بجهد) :
- صافي سيري دغية لا نرجع فكلامي ونديك والله لا رجعتك..جاتها ضحكة ...نزلات بزربة وسدات الباب...وقفات دارت ليه باي باي بيديها عطاتو بظهر...ومشات كتجري مع ديمارا ومشا تفتح الباب وخرج أحمد كيشوف فيها بستغراب :
- كنت غير هنا مع فرح البنت لي خدامة معانا صدقات جارتنا جيرانا جداد لي سكنو هنا كانت بغات تسولني واش غدا نجيو نيت مع 9 ولالا كتليها لا حتى ل10 ونص بينما جمعو العيالات لي انسيفط القهوة..
أحمد : ديك ساع ابنتي كوليها دخل ماتبقاوش على برا وليل هذا يلاه دخلي راه تحرك البرد..
جواد : تصبحي على خير عذراء الجليد..قطعات تيليفون عنقاتو وخشاتو فصدرها عاضة شفايفها بالفرحة...ناضت زولات دوك الحوايج ولبسات ديال دار تخشات فبلاصتها كتفكر...تفكرا المكالمة لي جاتها ماعرفات مادير بغات تكولها لجواد خاصو يعرف تافقو على الحقيقة وتافقو مايكدبوش على بعضياتهم ولكن أول حاجة خاصها تعرف شكون هذا لي كيهضر معاها باش ماتقلقوش على والو داكشي لي دارت فبالها ضروري تعرف شكون هذا لي كيلعب معاها هاد اللعب الباسل وديك سااع اتعاود لجواد كولشي...
****
#فدار_فرح
رشيدة : كيداز عيد ميلاد؟
فرح(هازة شلاضة كتاكول فيها) :
- واااعر أماما وكون تشوفي ماريا مولات الكافي تخطبات عرفتي خطيبها كيداير كيحمق طويل وقلدة تبارك الله سمر وشعرو رطب فن فن وكيدار حتى خطبها جا بالبراشيد وعتارف ليها بالحب ديالو قدام الناس كاملين واحد الخاتم ياماما وتشوفيه غزااال..
- فخبارك اشنو دار دياب؟ فاش جا يديني جاب معاه ديك خيتي
رشيدة(مفاهمة والو) :
- شكون هادي؟
فرح : حنان
رشيدة : اويلي أستغفر الله على حنان واش جابها لهنا ياك كانت فرباط جايا تابعاه حتى لهنا؟
فرح : انا راه صدمني فاش شفتها معاه مابغيتش نفتح فمي خفت يدور فيا جايا شادة ليه فليد تكول ضارب بيها الكاغط وباش كملها وجملها كاليهم خاطيبتو عصبني قسما بالله انا كنت كلت لباطرونة بلي كاع لبنات كيعحبهم وهو مكيديها فحتى وحدة حتى صدق محشمني وهيا فرحانة وعاجبها الحال..
رشيدة : أش غادي نكوليك انا عييت معاه أبنتي خليه شغلو هذاك راه كبير وبعقلو وهو عارف اش ينفعو ولا ماينفعوش من ديك خيتي لي كان معاها فاش كان كيقرا مابقيت قدرت نكوليه والو..
فرح(سهاات) :
- إييييه على أميمة عمرها كانت كتصور ليا ولا تجيني على بالي يخرج منها داك العجب.
رشيدة(تنهدات) :
- ولدي مسكين مشا يحماق فيها يظل نعار ومكال وهو يجبدها طلعات أميمة نزلات أميمة يقرا ونفس الوقت الفلوس لي سيفط ليه باباك يشري ليها بيها لي حلات عليها فمها ويوجد لي شافها يكول هادي قطة مغمضة كولنا كنا كنحماقو عليها مانسمح ليها لا دنيا لا أخرة مسات تهبلو خطبها مسكين وخدا الخاتم وخدا دهاز وخدا كولشي وحددو نهار العرس ختارت معاه كولشي ختارتو معاه وفاش بقات سيمانة لعرسهم سيدة بارزة مع السعودي..
فرح : حيتاش ماما خاااانز مااال ماعقلتيش قبل مانجيو لهنا الهامر لي جات راكبة ولفيبا لي شرات والمول لي حل ليها وبلا حشمة بلا حيا حس الندم مكايناش مجات حتى طلب سماحة..
رشيدة : الله ياخود فيها الحق الحمد لله لي ولدي رجع ليا اما شوية يضيع ليا من يدي خرجات عليه مسكين
فرح : الحمد لله ماخرجات عليه والو شوفي دابا ضاحك ناشط فرحان بيخير بفلوسو بكولشي ليه دابا ربي يجيب ليه بنت الناس من غير ديك حنان اووف مكنحملهاش
رشيدة : ايوا ابنتي الى كان باغيها هو اشنو انديرو ليه سمعتيه كاليك داك نهار حتى واحد مايدخل فيا كاليك انا باغيها وانت داك نهار كالسة عليه نزوجك اخويا نعرفك على صاحبتي راه غير مكايبغيش يدير فيك راسو وكيقلبها معاك ضحك
فرح : اودي مابقيت نكوليه والو حياتو هاديك انا غير مابغيتش شي وحدة تستاغلو مرة خرا هذا مكان انولي نسد فمي..
نسد فمي هو يعرف..يلاه ماما انطلع نعس عييت
رشيدة(حطات واحد تريكو كتخدم فيه ديال صوف) :
- حتى انا أبنتي انوض نعس هاد تريكو حتى لغدا ونكملو عييت وظهري ضرني..
فرح : براكة عليك وتكايسي على دوك العوينات(باستها) :
- الله يبيتك فراحة
رشيدة : أمين أبنتي حنا وانت...طلعات فرح لبيتها تنعس أما رشيدة ماطلعات حتى سدات البوطة كيف العادة وطفات الضواو..
****
طرف أحمق
وطرف آخر صبور
ولايحتاج الحب أكثر من ذلك
طرف يرتگب الغياب
وطرف آخر يجيد الإنتظار
ولايحتاج الشوق أكثر من ذلك
طرف يمتلك أنانيه عاليه
وطرف آخر بعزه تساويها
ولايحتاج الفراق أكثر من ذلگ..
****
علات الشمس وسطعات وبنورها ضوات...صوت ديال الساعة مابغاش يسكت كتحل عين وترجع تزيد 10 دقايق وترجع تنعس...تسوني ساعة وترحع تزيد 10 دقايق خرى وتنعس...حتى فات الوقت لي خاصها تفيق فيه...فتحات مليكة الباب وحات كتحركها..
- ماريا ماريا يلاه أبنتي نوضي خلاص راه مشا الحال...حلات واحد العين شافت فيها مزيان وبصوت تقيل :
- صباح الخير
مليكة : صباح الخير أبنتي راه مشا عليك الحال ياك خاصك تكوني فالقهوة؟
ماريا : علاش شحال الساعة؟
مليكة : ل11 هادي...نقزاات ماريا طارت من بلاصتها كتجري.. :
- ناااري القهوة مزال مامجموعة ماعيطت على لي يجمعها ولبنات درت معاهم ل10 ل10 ونص كوراه جاو وبقاو مشوجرين تما اويلي ويلي على شوهتي هادي إمرأة أعمال انا راه يصلح ليا ندير كروصة ديال الهندي ماشي قهوة..
مليكة(كضحك) :
- غير بشوية عليك أبنتي
ماريا : اويلي أماما مليكة على بشوية عليا عرفتي القهوة كيدايرة سفاها على علاها..
مليكة : وخليني انكمل ليك بعدا مالك زربانة جواد سيفط جلال السيد لي خدام معاه عطيتو السوارت وراه تكلف بكلشي
ماريا(عاد رتاحت) :
- الله أكبار كوليها ليا اوووف
مليكة : وانت فاش كتبداي الهضرة أجا مايسكتك مكتخليني حتى نهضر ويلاه باش تفطري..
- راه هضرت مانعاودش هضرتي جوج ديال المرات الالة فداركم لبسي لي عجبك ولكن فزنقة الا راه غير لكلاب لي كاينين حالين فمهم خاصهم غير فيمن يتفرجو مابغيتش نخصر كمارت شي حمار الله يرضي عليك
ماريا : خاصني نقطع بغيت نفطر ونمشي لخدمتي واخا
جواد : انسيفط ليك جلال يجي يديك
ماريا(راسها قصح منو) :
- لا مكاين لاش يجي يديني طاكسي راه يديني يلاه خليت ليك الراحة ...قطعات عليه..
ماريا(كتغوت وتخاصم بوحدها) :
- اووف اووف واااه هادشي بزاااف على لقانون حتى من لباسي لي سمعو يكول كنخرج فدوبياس هذا مزال مدرنا فطاجين مايتحرك وداير هاد الحالة ولاواه انتخنق هكا هذا هو الحبس...ديرني أخويا فقفص انت وسد عليا حسن...ولاواه عاوتاني...جبدات سروال ديال دجين مع شوميز بلا كمايم فلبلو غوا وتجاكيط دجين مشطات شعرها خلات على راحتو لبسات صباط على شكل سبادري فزرق هزات ساكها وتيليفونها رشات من ريحتها وخرجات..
ماريا : ماما مليكة فين بابا؟
مليكة(كتكب ليها أتاي) :
- ناض بكري مشا لفيرما اليوم ايخصو يخلص الخدامة..
ماريا(كدهن الفرماج) :
- أه نسييت..سونيت فالباب ناضت مليكة تشوف شكون شوية رجعات فيديها كارطونة عليها علامة شومبزان Head & shoulders..
ماريا : اااياااااه نهار يلاه مشيت من هنا أنا كاعما كنغسل بيه شعري مكايجيش معايا
مليكة(كضحك) :
- مكايجيش معاك ودرتي ليه إشهار
ماريا : وعند بالك دابا كاع هادو لي كليديرو الاشهارات لماركات راه كيستعملو ديك الماركة هههههه كاسنة لي مكتحملش عصير الليمون وكدير ليه الاشهار هادي هيا خدمة العارضة والوجه الاعلامي بزز منك ضحكي وتبيني راسك راه عاجباك ديك الحاجة وعطاتك نتيحة واخا من بعد تقدر دير ليك إسهال ولا تكحل ليك وجهك او طيح ليك شعرك المهم تبيني راسك بلي جربتيها وعجباتك بزااف باش الناس تيق وتولي تقدة فهمتي دابا😉...
مليكة : كولي ليا هاد العالم ديال الاعلانات وهادشي فيه هكا
ماريا(ناضت) :
- اااه فيه هكا وكتاار من هكا غير جيت انا وحيدت منو واخا فيه الفلوس ولكن ماشي حتى لهيه انا ماعجبنيش ولكن كاين لي ايعجبو...ماما مليكة خاصني نمشي تعطلت صافي.
مليكة : اتجي لغدا؟
ماريا : لا هانتي تسالي واجي كيف تافقنا الما لقيتيني اتلقاي لبنات صافي؟
ماريا : ناري ياربي لي فراسو فراسو...صباح الخير خويا جلال صافا كي صبحتي؟
جلال : بيخير وعلى خير سيفطني جواد باش نوصلك واي بلاصة بغيتي تمشي ليها نديك..
ماريا(بتصميم) :
- جلال انخليك توصلني ياك ولكن باش تديني لاي بلاصة لا وايدير ليا كارد حسن..
جلال : غير خايف عليك
ماريا : بزااف يخاف عليا واش حنا فالمكسيك راه غير إفران هادي عمرك سمعتي شي حالة سرقة فتلفازة ولا جريمة دكرو فيها إفران لا وزايدون عام وانا فيها كندخل ونخرج بوحدي الحمد لله عمر شي حاجة وقعات ليا..
ماريا : مزال ماخرجات ليه الورقة باش يقدر يصايب لوراق ديال رابحة ويديها معاه خصو شي ورقة من خدمتو ومزال ماكملش 6 شهور باش يعطيوه ديك الورقة دابا باقي ليه شهر ونص عاد يعطيوها ليه عاد يقدر يصايب لوراق ويدي رابحة معاه
حورية : ايوا كل توخيرة فيها خيرة
ماريا : داكشي لي كاين كنواعدك غير يسالي عرس هاجر تحيد من طريق ههههه انجي ونكلس عندكم حتى 10يام كاع
حورية : ابنتي والله مكنشبع منك ماكرهت تكلسي معايا على دوام
- فرح انا خاص نخرج هانتي حسبي القهوة قهوتك يااك مانوصيكش كولشي يكون ناضي اتجي ماما مليكة وتعاونك صافي وحتى انتوما البنات والى وقعات شيحاجة راه نمرتي عندكم يلاه بسلامة...
خرجو من الكافي مجموعين نيشان القيساريات دخلو لشحال من محل ومزال ومزال هاجر محتارة فلباسي..
وردة : ماريا ماشي جواد هداك لي جاي...دارت ماريا لفين نعتات ليها وردة بان ليها قاطع طريق بطولتو كيخلي لي داز حداه متبعو بالعين سهات فيه حتى وقف قدامها..
جواد : دزت عندك لكافي كالو لي خرجتي
ماريا : اه جيت مع هاجر باش تختار لباسي..شدها من يديها وخرجها وسطهم..
ماريا : فين غاديين؟
جواد : بغيت نهضر معاك ولا حتى هادي مامنحقيش؟
ماريا : ماكلت ليك والو غير سولتك وصافي انت كتعصب على أقل حاجة..دخلها لطوموبيل بلاما يهضر..طلع حداها وسد عليهم..حيد نظاظرو وشاف فيها..
جواد : علاش قطعتي تيليفون صباح انت عارفاني عدويا شي واحد يقطع ليا فوجهي كنكولها ليك ولكن انت كديري غير لي فراسك
ماريا : حتى انت راه زدتي فيها واش مالحضتيهاش فراسك كتلاحضني غير انا لا ماتلبسيش لا جلال يديك ويجيبك راه بزااف خاصك ترخف عليا وتكون الثقة المتبادلة بيناتنا...
جواد : ماريا أنا كنتيق فيك ولكن ماشي مسألة تقة انا هكا قبل ميكون بيناتنا رابط قوي وكنت كندور فيك على حوايجك خلي دابا من حقي نغير عليك ومانبغي واحد يشوف فيك تفاهمنا ماشي الى درت هكاك راه قاصد شيحاجة خاصك تفهميها ودخليها لراسك والى سيفط ليك جلال ماشي باش نقيد حريتك لا باش نوفر ليك الراحة وحتى هادي زيديها لراسك..هانتي حتى دابا خرجتي وماخسرتي عليا حتى ميساج وعلمتيني..
ماريا : مادرت فيها والو واصلا مكنتش معولة دخلت لقهوة جاو على غفلة وديجا كتليك انوقف مع هاجر..
جواد : مافيها باس وحتى انا مامنعتكش غير الله يرضي عليك حاولي تفهميني انا مابغيش نحبسك انت ديالي ولحاحة لي ديالي مكنبغي حتى شي قموقوم يحط عليها العين تفاهمنا؟..حدرات راسها وأشرات بأه..
ماريا : واخا أنتوحشك بزااف طريق سلامة سوك ابشوية..
جواد : ضروري أحبيبي(باس ليها إيديها)..وخرج من القهوة كيشير ليها بيديها بقات واقفة متبعاه حتى ركب فطوموبيلتو ومشى تنهدات تنهيدة طويلة معنقة يديها وكلسات على أقرب كرسي..كتخمم خلى عليها فراغ كبير ماعرفاتش علاش..ناضت ومشات لعند مليكة..
- ماما مليكة انا انمشي عند الخياط ونرجع واخا؟
مليكة : اتمشي بوحدك؟
ماريا(غمزاتها) :
- سمعتينا هههه اه راه اقريب بلاما نعدب وسيم وهو غارق حتى لراسو مع هاجر 20 دقيقة وغادي نجي واخا..
مليكة : واخا ابنتي سيري ومتعطليش
ماريا : دابا دابا أنجي..هزات ساكها وتيليفونها تجاكيط ديالها وخرجات..كانت اتشد طاكسي كالت بلاش تمشا على رجليها تسرحهم حسن..غادية وكتمنضر ولي دازت حداه تبسم ليه واخا مكتعرفوش..بانت ليها واحد البنية صغيرة فنة جايا كتجري جيهتها هازة فيديها وردة حمرا..وصلات عندها ومداتها ليها..
ماريا : وينو ياختي على زين شكرا أحبيبة(باستها)..ضحكات ليها البنت ومشات كتجري..ضارت ماريا عندها شافتها غادية كتلعب وتجري ضحكات من لوجيست ديال هاد البنية الصغيرة...ورجعات كملات طريقها..عجباتها الوردة وشكل ديالها قرباتها لنيفها وشماتها..جاتها ريحتها فشيشكل رجعات قرباتها لنيفها وكتشم فيها وتبعدها وترجع تشم من جديد...وهيا كتفكر فهاد الريحة لغريبة بدات كتبان ليها ضبابة على عينيها ودنيا كدور بيها ماحساتش براسها حتى طاحت لأرض... وسخفات..
عندما يتراكم عليك كل شيء وتصل إلي نُقطة لا تتحمل بعدها أي شيء، إحذر أن تستسلم ،
ففي هذه النُقطة سيتم تغيير قدرك إلي الأبد...
****
دخلات سومية لكافي هازة ساكها او واحد ساشي كبيرة...
سومية : سلام لبنات سلام خالتي مليكة.
مليكة : اهلا ابنتي كيدايرة ماماك باباك؟
سومية : كولشي بيخير الحمد لله فينا هيا ماريا بغيتها ضروري سيفطاتني هاجر عندها بغاتها على شيحاجة واحد مشبك يمكن ديال الشعر كانت دوموندات عليه وبغات تجيبو ليها ماريا فاش تكون جايا
مليكة : ماريا خرجات كبيلة شي ساعة يمكن كانت كاتليا اتمشي عند الخياط على قبل تكشيطة ديالها..
سومية : وانا جبت ليها هاهو واش نسات راه كتليها غادي ندوز عند الخياط ونجيبو معايا فاش نكون جايا عندهم وسونات ليا هاجر كالت ليا ندوز عندها ونكوليها على لمشبك ونتسناها ونجيو بجوج..
سومية : واخا..جبدات تيليفون ديالها دوزات نمرة(هاتف مخاطبكم غير مشغل او خارج التغطية)..
سومية : تيليفونها مسدود لعجب
مليكة : هاديك البنت لا حول ولاقوة الا بالله ايكون ديشارجا ليها دابا علم الله فيناهيا تلقايها كدور فالقيساريات راكي عارفاها غير كتشوف الحوانت والحوايج وروايح والمكياج كتنيى راسها كلسي انعطيك واحد الكاس دالقهوة والكيك عاد صايبتو..جات فرح هازة ج ج طاس دالقهوة وطبسيل خاويين..
فرح : خالتي مليكة جوج كابوتشينو ومورسو واحد ديال الكيك..
ريحة القهوة عاطية ريحتها هيا أول حاجة شمات قبل ماتبدا تفتح عينيها حسات براسها كيضرها كترمش بشوية تحيد الغشاوة لي على عينيها كتبان ليها قاعة كبيرة مضلمة واحد الشوية بحال قاعة السينما تماما كراسة فالحمر وشاشة كبيرة فالكحل وقفات ولكن جاتها دوخة ورجعات كلسات...مافهمات والو كتحاول تفكر أش وقع ليها أخر حاجة عقلات عليها هيا البنت لي عطاتها الوردة وريحة لي غريبة بحال لانكول لي شمات فلوردة من بعد هادشي مابقات عقلات على والو...رجعات توقف تاني ولكن صوت وقفها... :
- مزال مامشاش منك تأتير المخدر اترجعي دوخي وتسخفي عاوتاني حسن تشربي هاد الكاس ديال القهوة باش تفيقي..
- شفتي كنكوليك بلب انتوما البنات ماعندكومش كرام ديال صبر كولشي كتبغيو تعرفوه دقة وحدة..تشعلات الشاشة لي فالحيط وبان فيها واحد صلع فتلاتينات من عمرو عنرها شافت وجهو فحياتها كلها..
- ماريا علاش راسك قاصح وكديري غير لي كالها ليك راسك كتليك شربي داك الكاس ديال القهوة لي حداك باش نعرفو نهضرو ونتفاهمو..وقفات كتشوف فشاشة وتغوت :
- انت شكون أساسا لي نهضر معاك ولا نتسنط ليك واش كتعرفني كنعرفك انا عمري شفت حتى كمارتك...بعد مني اسيدي وانت فينما مشيت تابعني بحال ضلي اي حاجة عارفها عليا واش داير رجال ورايا مراقبيني..
- ههههههه تقدري تكولي انا هو ظلك انت مكتعرفينيش ولكن انا كنعرفك مزيان كولشي فوقتو زوين أحبيبة ديالي شربي قهوتك ومن بعد نهضرو يلاه كوني تسنطي وديري ليا خاطري انا راه تقليقة ديالي خايبة..
ماريا : تكون خايبة ولا مزفتة مكايهمنيش وكون راجل وأجي وقف قدامي ماشي مخبي ورا كاميرا وكتبان ليا فشاشة ديال تلفازة...سمعاتو كيضحك..
- ههههههههه حبيبة ديالي فخبارك كتعجبيني فاش كتعصبي بغيت غير نصحح ليك واحد المعلومة ديريها فبالك انا مكنتخباش كيحسابليك انا هو لي فشاشة لالا هاداك غير ليد ليمنة ديالي وصافي انا معاك وحداك ولكن شربي قهوتك باش نتفاهمو سي نو اتبقاي هنا حتى لغدا ختاري واش بغيتي تمشي لظاركم ولا تبقاي..امم أشنو كلتي؟؟...كرزات على إيديها تعصبات فالداخل ديالها كتلوم راسها أش داها حتى تخرج بوحدها عند بالها داكشي غير لعب حتى صدق كولشي بصح...دورات راسها ليمن ديالها كيبان ليها طاس ديال القهوة...هزاتو بشوية كاشوف فيه بشك..
- ماتخافيش مافيه والو غير شربي..خنزرات فالخوا...وجغمات من القهوة جاتها بنينة بزاااف عجباتها كون كانت فشي وضع أخور اتستمتع بيها ولكن دابا مكرهاتش تخويها على وجهو...حسات براسها مزيانة رجعات الطاس لبلاصتو او وقفات..
ماريا : واش اتبقى لاعب معايا كاش كاش اتبقى مخبع بزااف كوليا الله يرحم جدك شكون انت وخليني نمشي بحالي هاد اللعب ديال دراري صغار مكيعجبنيش ولا قسما بالله حتى اندير صباعي فودنية ونغوت ونجمع عليك أمة لا إله إﻻ الله..
- (كيضحك) :
- غير جربي حنا بعاد على الناس مغايسمعك حتى واحد اكوني هانية اتخسري اصوتك على الخوا الخاوي..
شحال ديال الهضرة والهضرة بزااف كضر فراس وكدير الضغط رخفي شوية على راسك همم..
ماريا(غمضات عينيها مابقاتش كتشوف قدامها حاسة فهاد اللحظة تقدر دير جريمة ومتندمش عليها).. :
- دابا جيني مالخر وكوليا شكون انت وشنو بغيتي عندي ومنين كتعرفني أساسا بعدا؟...مجاوبهاش بقى ساكت..نقزات من بلاصتها منين تشعل الضو لي فوق راسها...حكات عينيها حيت كان مجهد وعينيها ماولفوش على الظلام...دورات راسها ليسر ديالها مابان ليها والو دورات على ليمن كيبان ليها سباط كيبري فالكحل إيد محطوطة على جنب الكرسي فيها تلاتة ديال الخواتم...غوبشات وبقات واقفة فبلاصتها مبلوكية وقف وقرب منها قدامها مباشرة زول نظارت لي كان لابس فالكحل وشاف ليها نيشان فعينيها وعلى شفايفو شبه إبتسامة :
- سوربرايز😉..مافهمات والو بقات واقفة فبلاصتها كتحس بصباع رجليها جمدو بحال الى خويتي عليها سطل ديال الما باارد بحال التلج...اللسان لي يهضر كتحس بيه تقيل بزاااف جاتها الضحكة مع الصدمة تخلطو عليها كاملين..كتحس بحال شيحاجة واحلة ليها فالحلق ديالها مامخلياهاش تسرط الفقصة وشمتة كولشي تجمع عليها دقة وحدة...بدات كتحس شوية بشوية بلي تقدر تهضر :
- كضحك عليا ياااك كتفلى عليا لا هادشي راه مايمكنش راه من سابع المستحيلات مايتقبلوش لعقل لا أنت كضحك عليا براكة من الملاغة..
- بان ليك شي ضحك حنا جايين هنا نضحكو لا حبيبة ديالي..قاطعاتو كتغوت :
- ماتبقاش تكول ليا الحبيبة ديالي شكون أنت واش هادي شي مسرحية ولا كيفاش واش انا يلاه تعرفت عليك غير مدة صغيرة بزاااف...نلقاك دابا قدامي راه لهبال هدا راه مايمكنش واش انت مريض نفساني ولا شنو..
- وقفي مزال ماساليت هضرتي...راه ماعندك حتى حل ختاري
ماريا : واش فجهدك مدير؟..جبد ريمود كونترول من جيبو وشعل الشاشة دورات راسها كيبان ليها جواد قدام واحد لوطيل كبير كيهضر مع شي ناس مكتسمعش صوتو غير كتشوف وجهو قلبها كيضرب حسات براسها توحشاتو حسات براسها كداش هيا كتبغيه وكتموت عليه...تخطفات الصورة وطفات الشاشة
دياب : واشتي دابا شنو ممكن ندير هذا غير شوية من بزااف بلاما نوريك الفيديو ديالك انت وهو فاش كنتو كتافقو على داك الزواج انت تبقى معاك بنت صاحبتك وهو ينجح فلانتخابات عرفتي هاد الفيديو الى وصل لصحافة ولناس اول حاجة كاع لي داخلين شراكة مع حبيب القلب أيهزو يديهم من المشاريع ديالهم معاه أما ناس مغاديش يبقاو يحملو شعرة لا فيه لا فعائلتو...شحال خايبة حتى لتعاويدة..والكبيرة لكبيرة الى لقاو السلعة لي كيصدر المغرب فيها بزاااف ديال الممنوعات بحال الكواكيين الحشيش ودوايات كي كتعرفي بلي تجارة ديال الادوية فيها بزااف ديال الفلوس لقليلة لقليلة ياخد فيها واحد 25 عام ديال الحبس والى بغيت نزيد نقصح قلبي كااع نسيفطت ليه شي واحد يصفيها ليه فلحبس إيوا الله يرحمو مسكين شنو بان ليك؟😉...ماريا طاحت على لكرسي حسات برجليها فشلو عليها ودنيا ضارت بيها غير كدور فعينيها مابقات كتسمع والو غير تصفار كتحس بوجها ولا سخون ويديها عرقو ولاو باردين وقلبها ايخرج من بلاصتو الما خرجات من هاد البلاصة اتحماق كتحس براسها فحلمة خايبة وخاصها تفيق منها..
هزات عينها فيه كتشوف فيه بواحد الكره ماكرهاتش تنوض وتقجو..
- بغيت نعرف غير علاش هادشي كامل واش كتعرفني انا عمري شفتك فحياتي..
ذياب : مرة وحدة مرة وحدة شفتك فيها قررت تكوني ديالي وقررت باش نحمي كاع الرجال منك..
ماريا : ماما غولة انا كناكول الرجال نظيرهم فالخنشة وكنشويهم واش من نيتك كتهضر..
ذياب : نفس الملامح ونفس البراءة وضحكة وتباتة ورزانة وانا مكيهمنيش الفلوس كنبغيك انت ناكول معاك غير الخبز والما ونبداو غير بشوية بشوية شوية كيلقاكم مزوجين بواحد لاباس عليه يكون كيفما بغا يكون نوعو نصراني خليجي كوري إفريقي المهم يكون جيبو عامر ويحقق ليكم كاع لي كتمناو وداك لي تسناكم وبغاكم من كل قلبو طارو ديال زبل ياااك؟
ماريا : انت وقيلة راه مريض واش انت كتعرفني لي تهضر عليا بحال هكا؟
ذياب : اه كنعرفك ومزيان لأول مرة كانت هادي 3 سنين سبانيا برشلونة عند عائلة خوسيه عقلتي كانت عندهم واحد البنيتة او واحد الوليد كنتي كتجي تعلميهم الكيتار...شافت فيه مصدومة حيت فعلا كانت عند هاد الناس كتعلم بنتهم او ولدهم الكيتار ونفس الوقت مربية ديالهم...هاد السيد خطير كيعرف عليها كولشي..
- جيت عندهم زيارة خفيفة ليهم حيت خوسيه كان خدام عندي ومرض وجيت زرتو واخا هكاك قلبي ماكحلش حتى لديك درجة كنتهلى فلي كيخدمو عندي تما شفتك شعرك لي بتسامتك تصرفاتك الطفولية عجبتيني دخلتي لهنا(أشر لراسو) تسنيتك حتى خرجتي وتبعتك جمعت عليك كاع لمعلومات من نهار تزاديتي وكيفاش جيتي لإسبانيا كبرتي فعيني صراحة جريئة مع راسك وشجاعة...ولكن كان عندي واحد المشكيل لي خلاني نساك واحد المدة ورجعت قلبت عليك ولقيتك مشيتي لمغرب تما تبعتك فتحركاتك فكولشي كولشي والكمالة انت كتعرفيها..
ماريا : علاش مابنتيش ديك ساع خليتي حتى لدابا؟
ذياب : ديك ساع مكنتي لحتى واحد مكان حتى واحد فحياتك كنت كنحس براسي انا الوحيد لي فحياتك وحتى فاش تزوجتي بجواد كان زواج غير على لوراق كنت عارف بلي ايجي نهار وغادي طلقو اما دابا هضرة خرى...
ماريا : وحق الله الى مريض وخاصك تمشي داوا حيت هادشي راه بزاااف..
ذياب(كيضحك) :
- كولي لي بغيتي الحبيبة ديالي انت ختاري كتليك لي عندي شوفي لي يسلكك..
ماريا : مغاديش نتفارق على جواد كنبغيه وكنموت عليه وشتي واخا تبقى انت هو اخر واحد فهاد الكرة الأرضية مغاديش نكون ليك..
ذياب : غادي تكوني ليا وتكوني معايا وبشورط ديالي وغادي تبعدي على جواد وغادي تفرقيه وانت ختاري الى بغيتي تجربي جربي أكسيدون بسيطة فاش يكون جاي اتوريك شكون أنا..شنو بان ليك اممم انت فكري وردي عليا...أه ومنصحكش هادشي يوصل لشي واحد انت تحت عيني 24 ساعة على 24 لا انت لا هو كيبقى فيا جواد كيخدم معاه ناس ماشي ثقة بسهولة يبيعوه بشوية ديال الفلوس معارفش بلي انا لي زرعتهم وسطو...انا ماشي خايب حتى لديك درجة داكشي باش انعطيك مهلة تفكري فيها ومن هنا لساعتين انسوني عليك ونعرف جوابك الاخير..
ماريا : كيفاش بغيتيني نخليه ونتفرق عليه واش انت صافا با او كوى؟؟
ذياب(كيستفزها) :
- اه انا صافا با بسبابك ماعليناش الاسباب كثيرة باش تخليه كيما كدير اي وحدة لقيت ماحسن منك ساهلة ماهلة خليه مايبقاش يحملك وينساك وعمرو يفكر فشي مرة مرة خرى تافقنا يلاه احبيبة اتكوني تعطلتي عليهم اصلا ختك كتسناك ومنصحكش ديري فيها دكية وديري هكا ولا هكا اما فرح مسكينة بلاما دخليها فالموضوع كتبقى غير خويويفة لا هيا لا عائلتها وحتى خوها ذياب لي بغيت نساه ونسا واس هو انا تفاهمنا يلاه دابا يمكن ليك تمشي..وقفات ماريا راجعة بلور كتشوف فيه مصدومة مافهمة والو عطاتو بظهر وتمت خارجة من واحد الباب بحال كاراج كتجري وقفها واحد الكارد عطاها ساك ديالها ودار ليها منديل على عينيها وركبها فطوموبيل...سمعات غير لحس ديالها بلي ديمارات وصقيل..شوية سمعات صوت ديال راجل كيكوليها تحيد المنديل من عينيها...زولاتو كيبان ليها راسها وسط طاكسي..كتشوف فجنابها وطل مكاين حتى واحد رجعات راسها لور وغمضات عينيها كانت فكابوس كتحس براسها غير كتحلم وهادشي ماشي بصح...فتحات ساكها جبدات تيليفونها...لقاتو طافي...شعلاتو دخلو ليها ليزابيل ديال سومية خلاتهم وسونات لجواد...والو مكايجاوبش تشوشات عليه بزااف قلبها كيضرب وفيها البرد بالخوف عليه..
- مدموزيل راه وصلنا...هزات راسها كتبان ليها القهوة...نزلات وسدات الباب وراها ماحملاتش دخل بغات تمشي لشي بلاصة بوحدهت وتغوت على حر جهدها...ولكن ماعندها مدير تنهدات تنهيدة كبيرة حدرات راسها ودخلات اشافتها سومية جات كتجري عندها...
التنهيدة هي أن تُحاول إطفاء مدينة كاملة تحترق داخل قلبك .
لولا وجود التنهيدة لمات المرء خنقاً بالكلمات التي لم يقلها .
فليس كل مافي القلب يقال لذلك خلق الله التنهيدة...
****
- فين كنتي أختي عرفتي شحال وانا كنتسناك..؟
ماريا(حاولات تبين بلي مكاين والو) :
- كنت غير كنضور فالمحالات كنقلب على شي ماسكات جداد وداني الوقت..نباتها مليكة.. :
- كنت عارفاها ياك كلتها ليك شفتي..
ماريا : فينا هيا فرح؟...طلات عليها فرح بالابتسامة ديالها :
- هاني بغيتيني؟
ماريا : اه بغيت انهضر معاك شوية..سومية تسنايني واخا؟..مشات هيا وفرح شوية جاها ميساج.. فتحاتو كان عبارة على " تكولي ليها شكون خوها متلومي غير راسك اه نسيت الى بغيتي تسوني على حبيب القلب سوني عليه راه غادي يجاوبك "...مداتهاش فالميساج وكلسات هيا وفرح..
- شكون حنان مخاطيبتو ما والو هو كيكول بلي باغيها وباغي يخطبها ولكن انا وماما مابغيناش ماتليقش ليه استغلالية لأقصى درجة مكتسواش متستاهلوش...ولكن مابغيناش نقجرو عليه من بعد لي داز عليه..
ماريا(بهتمام) :
- علاش شنو داز عليه؟؟..فرح بدات كتعاود ماسكتاتش عاودات لماريا من لول لأخر...ماريا دورات فراسها وتفكرات كلامو فاش كاليها غير كيبان ليكم واحد لاباس عليه كتسمحو فالانسان لي بغاكم...واش شبهات ليه لبنت لي كان كيبغيها..
ماريا : وكيفاش كانت هاد أميمة زعمة ماعرفتوهاش من الأول بلي طماعة؟
فرح : لا كانت بريئة بزااف وعفوية لي فقلبها على لسانها وغير كضحك...نهار عتارف ليها ذياب بلي كيبغيها كنعقل كتبها فنفاخات وطيرهم فشارع كولشي ناس شافوهم..
ماريا : بحال كيف دار ليا جواد؟
فرح : ماشي بحال ولكن قريب كل نفاخة كتب ليها بلي كيبغيها ومع هيا كان كيعجبها لكحل قلب على نفاخات مميزة فالكحل وكتب عليهم باون حمر بلي كيبغيها وباغيها لزواج بقى فيا خويا بزااف هو حنين ولي بغيناها كنلقاوها عمر شيحاجة خصاتني ومجابهاش ليا متصوريش قداش كنبغيه ولكن الله يسمح ليها بسبابو كان كيداوا بدة ديال الأعصاب والمهدئات عاد رجع كيف كان أصعب حاجة تبقى سيمانة على عرسك وتكون مقدي وجاي وتشوف عروستك مع عريس أخور ومكاين ولا غير شوية ديال الحشمة ولا تأنيب الضمير على وجها..كاريا سهات كتفكر واش ذياب يكون مزال متعالج ورجع كيف كان اصلا لاش كتبرر لواحد بحالو مافقلبو لا رحمة لا شفقة مريض..
فرح : ختي ماريا بغيتيني؟
ماريا : ارحعي لخدمتك صافي...جات عندها سومية :
- هاجر وصاتني على شي مشبك ديال شعر تجيبيه ليها معاك..
مليكة : واخا أبنتي سيري راه وجهك نيت صفر سيري رتاحي...حطات ليها سوارت وخرجات..شيرات لطاكسي...وصلها حتى لباب دار..دخلات واول حاجة دارتها سونات لجواد...بقى شحال عاد جاوب..
ماريا(منفاعلة) :
- فين كنتي وعلاش مكتجاوبش الناس لاش دايرين تيليفون غير باش يجاوبو كون كنت انا علم الله اش درتي ليا نتعرفو الواحد يتشوش ماعندكمش سوق نهائيا...قلبها كيطلع ويهبط كلها كاترعد..
جواد(برودة) :
- غير بشوية عليك مالك ياك لاباس
ماريا(عرفات راسها زادت فيه) :
- سمحليا تشوشت عليك بزااف هادشي باش
جواد :حبيبي مكنتش قاد نجاوبك فاش كنا راجعين وقعات لينا واحد لاكسيدون صغيرة..ماريا(قاطعاتو):
جواد : حبيبي حبيبي غير بشوية عليك ماوقع والو ماعرفتش واش شي واحد لعب بطوموبيل مافهمتش الشيفور ماقدش يتحكم فطوموبيل ولكن جات افيها مجاتش فينا غدا ايكولو لينا شنو سبب مديريش فبالك انا بيخير وعلى خير وغدا انكون مع حبيبي.
ماريا(الخوف راكبها):
- تهلا فراسك ورد البال لراسك عفااك😢
جواد : مالك خايفة حتى لهاد درجة ماوقع والو صافي نساي شنو درتي ليوم...(كتعاود ليه غير الحوايج العادية مقاداش حتى تهضر كتحس براسها اتسخف فأي لحظة)...
كتحس براسها فهاد الساعة بلي أكبر منحوسة على وجه الأرض ماتقدر تكولها لحتى واحد اللسان مافيه عظم ويقدر اي واحد تزلق ليه مابغاتش تكولها لجواد وتخاطر بحياتو وهيا معارفاش ذياب علاش قاد..رجعات وقفات كتحك فراسها شوية تفكرات شيحاجة..
سيدها الجزء 21
محتوى القصة
التنقل بين الأجزاء